मंगेशकर यांच्याविरोधातील अवमान याचिका मागे

July 28, 2017, 2:30 pm

≫ Next: १९ टपाल कार्यालयांत‍ मिळणार पासपोर्ट

≪ Previous: चेअरमन,संचालकांवर फसवणूकप्रकरणी गुन्हा

$

0

0

म. टा. प्रतिनिधी, कोल्हापूर

दिवाणी न्यायालयाचा आदेश डावलून गायिका लता मंगेशकर यांनी जयप्रभा स्टुडिओतील चित्रपट निर्मितीचे साहित्य इतरत्र हलवले होते. याबाबत अखिल भारतीय चित्रपट महामंडळाने लता मंगेशकर यांच्याविरोधात जिल्हा न्यायालयात अवमान याचिका दाखल केली होती. वर्षभराची मुदत देऊनही महामंडळाने पुरावे सादर न केल्याने अखेर न्यायाधीश व्ही. एस. देशमुख यांनी याचिका काढून टाकण्याचे आदेश दिले. यानुसार याचिका मागे घेण्यात आली आहे.

याबाबत अधिक माहिती अशी की, जयप्रभा स्टुडिओच्या वापरावरून गायिका लता मंगेशकर आणि अखिल भारतीय चित्रपट महामंडळात वाद होता. महामंडळाने दिवाणी न्यायालयात धाव घेतल्यानंतर जयप्रभा स्टुडिओत जैसे थे परिस्थिती ठेवण्याचे आदेश न्यायालयाने दिले होते. मंगेशकर यांनी जयप्रभा स्टुडिओतील चित्रपट निर्मितीचे साहित्य इतरत्र हलवल्याने न्यायालयाच्या निर्णयाचा अवमान झाल्याची याचिका महामंडळाने दाखल केली होती. जयप्रभा स्टुडिओची मिळकत जप्त करावी, अशी मागणीही महामंडळाने केली होती. याबाबत न्यायालयाने पुरावे सादर करण्यासाठी महामंडळाला वर्षभराची मुदत दिली, मात्र गेल्या वर्षभरात महामंडळाने पुरावेच सादर केले नाहीत, त्यामुळे २५ जुलैला झालेल्या सुनावणीत न्यायाधीश व्ही. एस. देशमुख यांनी ही याचिका काढून टाकण्याचे आदेश दिले. यानुसार अवमान याचिका मागे घेण्यात आल्याची माहिती जयप्रभा स्टुडिओचे व्यवस्थापक विलास बाबुराव उर्फ मेजर यादव यांनी प्रसिद्धीपत्रकाद्वारे दिली आहे.

मोबाइल अॅप डाउनलोड करा आणि राहा अपडेट

---

१९ टपाल कार्यालयांत‍ मिळणार पासपोर्ट

July 29, 2017, 10:38 am

≫ Next: ​ कोयनेतून दोन हजार क्युसेक विसर्गसहा वक्र दरवाज्यातून आज पाणी सोडणार

≪ Previous: मंगेशकर यांच्याविरोधातील अवमान याचिका मागे

$

0

0

म. टा. वृत्तसेवा, सोलापूर
‘देशभरात एकूण २३६ टपाल कार्यालयांमध्ये पासपोर्ट सेवा केंद्र सुरू होणार आहे. त्यापैकी पहिल्या टप्यात महाराष्ट्रातील १९ टपाल कार्यालयांत ही सुविधा उपलब्ध होणार आहे,’ अशी घोषणा परराष्ट्र राज्यमंत्री व्ही. के. सिंह यांनी दिली.
सोलापुरातील हेरिटेज इमारतीमधील रिपन हॉलच्या जागेत सुमारे ३ कोटी ६५ लाख रुपये खर्चून सुरू करण्यात आलेल्या सोलापूर पासपोर्ट लघु सेवा केंद्राचे लोकार्पण शनिवारी सिंह यांच्या हस्ते व्हिडिओ कॉन्फरन्सद्वारे पार पडला. या वेळी सिंह बोलत होते.
पालकमंत्री विजयकुमार देशमुख, खासदार शरद बनसोडे, विजयसिंह मोहिते-पाटील, आमदार प्रणिती शिंदे, महापौर शोभा बनशेट्टी, सोलापूर पासपोर्ट कार्यालयाचे प्रमुख अतुल गोतसुर्वे, विदेश मंत्रालयाचे सचिव डॉ. मुळे आदी उपस्थित होते.
सोलापुरात सुरू होणारे हे आठवे पासपोर्ट केंद्र आहे. ही सेवा सुरू करण्यासाठी खूप उशीर लागला. पोस्ट कार्यालयांतही पासपोर्ट कार्यालय सुरू करण्यात येणार आहे. पहिल्या टप्यात ८६ ठिकाणी केंद्र सुरू करण्यात येणार असून, त्यापैकी महाराष्ट्रमध्ये १९ टपाल कार्यालयांचा समावेश असल्याचे सिंह यांनी सांगितले. सोलापूरच्या केंद्रातून दररोज १०० पासपोर्ट देण्यात येणार आहेत.

मोबाइल अॅप डाउनलोड करा आणि राहा अपडेट

​ कोयनेतून दोन हजार क्युसेक विसर्गसहा वक्र दरवाज्यातून आज पाणी सोडणार

July 29, 2017, 10:41 am

≫ Next: ​ भारताने प्रथम अध्यात्मिक महासत्ता बनावेफादर फ्रान्सिस दिब्रिटो यांनी व्यक्त केली अपेक्षानिर्मलकुमार फडकुले पुरस्काराचे वितरण

≪ Previous: १९ टपाल कार्यालयांत‍ मिळणार पासपोर्ट

$

0

0

म. टा. वृत्तसेवा, कराड
कोयना धरणातील पाणीपातळी नियंत्रित करण्यासाठी शनिवारी सकाळी अकरा वाजता पायथा वीजगृहातून २१११ क्युसेक पाण्याचा विसर्ग सुरू करण्यात आला आहे. रविवारी सकाळी अकरा वाजता धरणाचे सहाही वक्र दरवाजे दोन फुटांनी उचलून कोयना नदीपात्रात १०२७५ क्युसेक पाण्याचा विसर्ग सुरू करण्यात येणार असल्याची माहिती कोयना प्रकल्पाचे कार्यकारी अभियंता ज्ञानेश्वर बागडे यांनी दिली.
कोयना धरण पाणलोट क्षेत्रातून धरणात सध्या १८ हजार ४६८ क्युसेक पाण्याची आवक होत आहे. धरणातील पाणीसाठा ८२.३१ टीएमसी इतका झाला आहे. मात्र, तरीही पावसाचे अद्याप दोन महिने शिल्लक आहेत. पुढील कालावधीत वाढत्या पावसाचे प्रमाण लक्षात घेऊन पाणीपातळी नियंत्रित करण्यासाठी विसर्ग करण्यात येत आहे. कोयना नदीकाठच्या गावांना सतर्कतेचा इशारा देण्यात आला आहे.

मोबाइल अॅप डाउनलोड करा आणि राहा अपडेट

​ भारताने प्रथम अध्यात्मिक महासत्ता बनावेफादर फ्रान्सिस दिब्रिटो यांनी व्यक्त केली अपेक्षानिर्मलकुमार फडकुले पुरस्काराचे वितरण

July 29, 2017, 10:44 am

≫ Next: ‘युनिटी’ला ब्लॅकलिस्ट करा

≪ Previous: ​ कोयनेतून दोन हजार क्युसेक विसर्गसहा वक्र दरवाज्यातून आज पाणी सोडणार

$

0

0

म. टा. वृत्तसेवा, सोलापूर
‘आज जगभरात सर्वत्र हिंसाचार सुरू आहे. हा हिंसाचार पहिला तर भारताने आर्थिक महासत्ता होण्यापेक्षा प्रथम अध्यात्मिक महासत्ता बनावे,’ अशी अपेक्षा साहित्यिक फादर फ्रान्सिस दिब्रिटो यांनी व्यक्त केली. डॉ. निर्मलकुमार फडकुले यांच्या स्मृतिदिनानिमित्त फडकुले प्रतिष्ठानच्या वतीने फादर दिब्रिटो यांना साहित्यसेवा आणि जलसंधारण चळवळ राबविणारे डॉ. अविनाश पोळ यांना माजी केंद्रीय मंत्री सुशीलकुमार शिंदे यांच्या हस्ते समाजसेवा पुरस्काराने गौरविण्यात आले. या वेळी दिब्रिटो बोलत होते.
भारत महासत्ता व्हावे, असे आम्हाला वाटते परंतु, अनेकांना चिरडणारी महासत्ता आम्हाला नको आहे, असे सांगत दिब्रिटो यांनी जगभरातील हिंसेबाबत नाराजी व्यक्त केली. सत्तापालट झाल्यानंतर जे बदल होतात त्यामध्ये होणाऱ्या चुका सांगण्यासाठी समाजामध्ये फादर दिब्रिटो यांच्यासारखे चिंतक असावे लागतात. दिब्रिटो यांनी केलेले समाजाचे चिंतन योग्य दिशा देणारे आहे. डॉ. पोळ समाजात विकासाची क्रांती करीत आहे, असे गौरवोद्गार सुशीलकुमार शिंदे यांनी काढले. या वेळी व्यासपीठावर प्रतिष्ठानचे अध्यक्ष वात्रटिकाकार रामदास फुटाणे, सचिव बिपीनभाई पटेल, दत्ता गायकवाड, प्रा. विलास बेत, रविकिरण पोरे, बाबुराव मैदर्गीकर, सुरेश पांढरे उपस्थित होते. शुक्रवारी सायंकाळी फडकुले सभागृहात कार्यक्रम पार पडला.

मोबाइल अॅप डाउनलोड करा आणि राहा अपडेट

‘युनिटी’ला ब्लॅकलिस्ट करा

July 29, 2017, 2:30 pm

≫ Next: ​ कोयनेतून अकरा हजार क्युसेक विसर्ग

≪ Previous: ​ भारताने प्रथम अध्यात्मिक महासत्ता बनावेफादर फ्रान्सिस दिब्रिटो यांनी व्यक्त केली अपेक्षानिर्मलकुमार फडकुले पुरस्काराचे वितरण

$

0

0

म. टा. प्रतिनिधी, कोल्हापूर

थेट पाइपलाइन योजनेत चुकीच्या पद्धतीने बिलांची आकारणी करण्याचा प्रकार गंभीर आहे. या प्रकाराला सल्लागार युनिटी कन्सल्टंट कंपनीच जबाबदार आहे. २५ लाखांच्या पुलासाठी अडीच कोटींची बिले काढण्याचा प्रकार सरकारी निधीवर डल्ला मारण्याचाच उद्योग आहे. त्यामुळे युनिटीला ब्लॅकलिस्ट करावे आणि ठेकेदार जीकेसी कंपनीसह बिले मंजूर करणाऱ्या अधिकाऱ्यांचीही चौकशी करण्यात यावी, अशी मागणी विधानसभेत करणार असल्याचा इशारा आमदार राजेश क्षीरसागर यांनी शनिवारी दिला.

क्षीरसागर यांनी आयुक्त अभिजित चौधरी व इतर अधिकाऱ्यांच्या उपस्थितीत थेट पाइपलाइनच्या कामाबाबत महापालिकेत आढावा बैठक घेतली. पाइपलाइन योजना नागरिकांच्या जिव्हाळ्याची योजना आहे. योजनेच्या मंजुरीसाठी लोकांनी संघर्ष केला आहे, याची जाणीव त्यांनी अधिकाऱ्यांना करुन दिली. आमदारांनी लोखंडी पुलाच्या वाढीव बिलावरुन युनिटीच्या प्रतिनिधींना जाब विचारला. दरम्यान, आयुक्तांनी लोखंडी पुलाच्या बिलावरुन तत्कालीन उपायुक्त विजयकुमार खोराटे, जलअभियंता सुरेश कुलकर्णी, मुख्य लेखापाल धनंजय आंधळे यांच्यासह चार अधिकाऱ्यांना नोटिसा काढल्या होत्या.

कारवाईची माहिती देताना चुकीच्या बिलावरुन कन्सल्टंट युनिटी व ठेकेदार जीकेसी कंपनीला नोटीस काढली आहे. कंपनीच्या बिलातून संबंधित रकमेची वजावट केली आहे. योजना मुदतीत पूर्ण केली नाही म्हणून ठेकेदार कंपनीला रोज पाच हजाराचा दंड सुरु असल्याचे आयुक्त अभिजित चौधरी यांनी सांगितले.

सोळांकूर येथे शाळेसमोरुन पाइपलाइन मार्ग प्रस्तावित आहे. त्याला ग्रामस्थांनी विरोध केला आहे. या संदर्भात जिल्हाध्यक्ष ए. वाय. पाटील यांच्याशी चर्चा करणार असल्याचे आयुक्तांनी सांगितले. तसेच आमदार क्षीरसागर यांनीही पाटील यांच्याशी चर्चा करु, असे बैठकीत स्पष्ट केले.

यावेळी अतिरिक्त आयुक्त श्रीधर पाटणकर, शाखा अभियंता हेमंग गोंगाणे, बी.एम.कुंभार, जीकेसी कंपनीचे प्रतिनिधी राजेंद्र माळी, युनिटीचे प्रतिनिधी राजेंद्र हसबे, मेहरजाद दुबाश, व्ही.बी.मोहिते, दिलीप पिसाळ, आर.बी.गायकवाड आदी उपस्थित होते.


खराब रस्त्याबाबत चुकीची उत्तरे

नगरोत्थानमधून शहरात कोट्यवधी खर्चून रस्ते तयार केले. त्यापैकी अनेक रस्ते खराब झाले आहेत. ते पुन्हा करण्यात आल्याची माहिती अधिकाऱ्यांनी मुख्यमंत्र्यांना दिली आहे. मात्र मुदतीत खराब झालेल्या रस्त्यांची पुनर्बांधणी झालेलीच नाही. याप्रश्नी अधिवेशनात प्रश्न मांडणार असल्याचेही क्षीरसागरांनी सांगितले.

मोबाइल अॅप डाउनलोड करा आणि राहा अपडेट

​ कोयनेतून अकरा हजार क्युसेक विसर्ग

July 30, 2017, 11:01 am

≫ Next: चांदोलीतून आज विसर्ग

≪ Previous: ‘युनिटी’ला ब्लॅकलिस्ट करा

$

0

0

म. टा. वृत्तसेवा, कराड
कोयना धरणातील पाणीपातळी नियंत्रित ठेवण्यासाठी रविवारी सकाळी अकरा वाजता कोयना धरणाचे सहा वक्र दरवाजे दोन फुटाने उचलून कोयना नदीपात्रात ९ हजार ६२६ क्युसेक आणि पायथा वीजगृहातून २ हजार १६६ क्युसेक, असे एकूण ११ हजार ७९२ क्युसेक प्रतिसेकंद पाण्याचा विसर्ग कोयना नदीपात्रात होत आहे. त्यामुळे पाटणमधील केरा, कराडपर्यंत कोयना तर कराडच्या पुढे कृष्णा नदीला पूर आला असून कृष्णा, कोयना व करा नदी काठांवरील गावांना प्रशासनाकडून सतर्कतेचा इशारा देण्यात आला आहे.
पाटण तालुक्यातील कोयना धरणाच्या पाणलोट क्षेत्रात पावसाचा जोर ओसरला असल्यामुळे शिवसागर जलाशयातील पाण्याची आवकही कमी आहे. तरीही रिमझिम पावसामुळे सध्या शिवसागर जलाशयात १८ हजार ९७ क्युसेक पाण्याची आवक होत असून, ८३.२० टीएमसी इतका पाणीसाठा झाला आहे.
सध्या पावसाने पूर्णपणे उघडीप दिली असली तरी पावसाचे अद्याप ऑगस्ट व सप्टेंबर असे दोन महिने शिल्लक आहेत. पुढील कालावधीतील वाढत्या पावसाचे प्रमाण लक्षात घेता १०५.२६ टीएमसी पाणीसाठवण क्षमता असणाऱ्या धरणातील पाणीपातळी नियंत्रित करण्यासाठी शनिवारी सकाळी अकरा वाजता १८ मेगावॅट क्षमतेच्या दोन जनित्रांच्या माध्यमातून १६ मेगावॅट वीजनिर्मिती करून कोयना धरणाच्या पायथा वीजगृहातून २ हजार १६६ क्युसेक पाणी कोयना नदीपात्रात सोडण्यास प्रारंभ केला होता. तरीही पाणी पातळी व भविष्यातील पूरस्थिती नियंत्रित करणेसाठी रविवारी धरणाचे सहा वक्र दरवाजे दोन फुटाने उचलून शिवसागर जलाशयातून ९ हजार ६२६ क्युसेक पाण्याचा विसर्ग करण्याचा निर्णय कोयना धरण व्यवस्थापनाने घेतला.
कोयना परिसरात एक जूनपासून आजपर्यंत पाणलोट क्षेत्रात सरासरी ३२९० मिलीमीटर पाऊस झाला आहे, तो सरासरीच्या २७ टक्के अधिक आहे. शनिवारी सायंकाळी पाच ते रविवारी सायंकाळी पाचपर्यंतच्या चोवीस तासांत कोयनानगर येथे ४१ (३२५९), नवजा ८२ (३५८०), महाबळेश्वर ५१ (३०४९) मिलीमीटर पावसाची नोंद झाली आहे.
लहान पूल पाण्याखाली
कोयना नदीपात्रात वाढले असल्याने संगमनगर (धक्का) येथील जुना पूल व निसरे येथील जुना पूल पाण्याखाली गेला आहे. तसेच मूळगाव पुलावरून पाणी लागून वाहू लागले आहे. पाटण येथील केरा, कराडपर्यंत कोयना तर पुढे कराडपासून कृष्णा नदीच्या पात्रांमध्ये मोठ्या प्रमाणावर पाण्याची पातळी वाढली आहे. त्यामुळे प्रशासनाने पूररेषेत असणाऱ्या नदीकाठच्या गावांना सावधानतेचा इशारा देण्यात आला आहे. कोयना नदीकाठच्या काही शिवारातील पिके पाण्याखाली गेली असून, या पिकांचे नुकसान होण्याची भीती शेतकरी वर्गातून व्यक्त केली जात आहे. कोयना धरणातून मोठ्या प्रमाणावर पाण्याचा विसर्ग करण्यात येत असल्याने महसूल व पोलिस विभागाकडून नदीकाठावरील गावांना सतर्कतेचा इशारा देण्यात आला.

मोबाइल अॅप डाउनलोड करा आणि राहा अपडेट

चांदोलीतून आज विसर्ग

July 30, 2017, 11:04 am

≫ Next: ‘माझी कन्या भाग्यश्री’ पोरकी

≪ Previous: ​ कोयनेतून अकरा हजार क्युसेक विसर्ग

$

0

0

म. टा. वृत्तसेवा, शिराळा
शिराळा तालुक्यातील चांदोली धरण परिसरात सुरू असलेल्या संततधार पावसामुळे धरण ८८.५० टक्के भरले आहे. त्यामुळे सोमवारी सकाळी धरणाच्या वीजनिर्मिती केंद्रातून १६०० क्युसेक पाण्याचा विसर्ग वारणा नदीत सोडण्याचा निर्णय धरण प्रशासनाने घेतला आहे.
तालुक्यात इतरत्र पावसाचा जोर कमी असला तरी चांदोली धरण पाणलोट क्षेत्रात पावसाची संततधार सुरूच आहे. धरण पाणलोट क्षेत्रातून पाण्याचा प्रवाह धरणात येत आहे, त्यामुळे धरणाची पाण्याची पातळी वाढत आहे. धरण परिसरात गेल्या चोवीस तासांत १६ मिमी पाऊस पडला आहे. धरण ८८.५० टक्के भरले आहे. धरणात ३०.४५ टीएमसी पाणीसाठा झाला आहे. धरणाची पाणी पातळी ६२३.२० मीटरवर गेली आहे. धरण परिसरात आतापर्यंत १५८३ मिमी पाऊस झाला आहे. धरण परिसरात पावसाची रिपरिप सुरू असली तरी तालुक्यात इतरत्र शनिवारी उघडझाप सुरू होती, रविवारी पूर्ण दिवस पावसाने सुट्टी घेतली होती.

मोबाइल अॅप डाउनलोड करा आणि राहा अपडेट

‘माझी कन्या भाग्यश्री’ पोरकी

July 30, 2017, 2:30 pm

≫ Next: स्वाइन फ्लूने महिलेचा मृत्यू

≪ Previous: चांदोलीतून आज विसर्ग

$

0

0

Bhimgonda.Desai@timesgroup.com

Tweet : @bhimgondaMT

कोल्हापूर : ‘माझी कन्या भाग्यश्री’च्या सुधारित योजनेचा गाजावाचा झाला असला तरी त्याची अंमलबजावणी अद्याप सुरू झालेली नाही. या योजनेसाठी इच्छुकांनी प्रशासनाशी संपर्क साधला असता सरकारकडून निधीची तरतूद केली नसल्याचे सांगण्यात येत आहे. त्यामुळे लेक वाचण्यासाठीची आखलेली ही योजना अंमलबजावणीपूर्वीच पोरकी झाली आहे.

सरकारने प्रचार, व्यापक प्रसिद्धी केल्याने पालक अर्ज दाखल करण्यासाठी जिल्हा, तालुका पातळीवरील महिला व बालकल्याण अधिकाऱ्यांकडे विचारणा करीत आहेत. योजनेचा लाभ घेण्यासाठी मुलगी जन्मल्यानंतर एका वर्षात अर्ज करणे बंधनकारक आहे. त्यामुळे अर्ज दाखल करण्यासाठी पालक हेलपाटे मारीत आहेत. सरकारी अनास्थेमुळे कार्यवाही सुरू होण्यापूर्वीच उदासीनतेमुळे योजनेचा बोजवारा उडाला आहे.

ही योजना याआधी केवळ दारिद्ररेषेखालील कुटुंबांसाठी होती. मुलींच्या जन्मदरात सुधारणा होण्यासाठी योजनेची व्याप्ती वाढविण्यात आली. १३ फेब्रुवारी, २०१४ च्या सरकारी आदेशाप्रमाणे दारिद्र्य रेषेखालील दाम्पत्यास मुलगी झाल्यास तिच्या नावावर १८ वर्षानंतर एक लाख रुपये जमा करण्याची योजना आहे. त्यामध्ये सुधारणा करून दारिद्र्य रेषेवरील कुटुंबातही मुलीचा जन्म झाल्यास योजनेचा लाभ देण्याचा‌ निर्णय सहा महिन्यापूर्वी झाला. १ एप्रिल, २०१६ नंतर जन्मलेल्या दारिद्र्यरेषेवरील पात्र कुटुंबांतीलही मुलीच्या खात्यावर ही १८ वर्षानंतर १ लाख रूपये जमा करण्यात येणार आहेत.

नव्या आदेशानुसार आवश्यक कागदपत्रासह अर्ज भरून दिल्यास त्या मुलीच्या नावे आयुर्विमा महामंडळ २१ हजार २०० रुपये भरेल. त्यासाठी पालकांना पैसे भरण्याची गरज नाही. परंतु, हे पैसे भरण्यासाठी महामंडळाला सरकारचे आदेश नाहीत. सरकारने महामंडळाकडे पैसे वर्ग केले नाही, असे सांगण्यात येते. यामुळे अर्ज घेणे नाकारले जात आहे. महिला व बाल कल्याण अधिकाऱ्यास विचारणा केल्यानंतर सरकारकडून निधी आला नाही, अंमलबजावणीचे आदेश आले नाहीत, असे थेट न सांगता तुम्ही दोन मुलींवर शस्त्रक्रिया करून घेतलेल्याचे प्रमाणपत्र आणा, अशी विविध कारणे सांगितली जात आहेत.

लेक वाचवण्यासाठी सरकार योजनेचा गाजावाजा केला. सोशल मीडियातून योजनेचा लाभ घेण्याचे आवाहन केले. मात्र सहा महिने झाले तरी प्रत्यक्षात अंमलबजावणी सुरू झाली नाही. सरकारच्या उदासीनतेमुळे लाभ मिळत नसल्याचे चित्र आहे. ‌अशीच परिस्थिती राहिल्यास मुलगी जन्मल्यानंतर एक वर्षाच्या आत अर्ज करण्याच्या अटीत अनेक इच्छुक पालक बसणार नाहीत.

सोन्याची नाणी पण…

योजनेतून पात्र कुटुंबास मुलगी जन्मोत्सवावा आनंद साजरा करण्यासाठी पाच हजार रुपये, तिच्या आजी, आजोबांना सोन्याची नाणी भेट देण्यासाठी पाच हजार, ती मुलगी पाच वर्षाची होईपर्यंत प्रत्येक वर्षी पोषणासाठी दोन हजार, शाळेत गेल्यानंतर पहिली ते पाचवीपर्यंत प्रत्येक वर्षाला शिक्षणासाठी अडीच हजार मिळणार आहे. मुलीस सहावी ते बारावीपर्यंतच्या शिक्षणासाठी प्रत्येक वर्षाला तीन हजार दिले जातील. परंतु, योजनेची अंमलबजावणीच नसल्याने पात्र कुटुंबास वंचित राहावे लागेल.

योजनेतून लाभ घेण्यासाठी दोन मुलींवर कुटुंबनियोजन शस्त्रक्रिया केल्याचे प्रमाणपत्र असणे आवश्यक आहे. दरम्यान, योजनेच्या अंमलबजावणीचे सुधारित आदेश आले नाहीत. निधीची तरतूदही नाही. त्यामुळे अर्ज स्वीकारण्यास अडचणी येत आहेत.

एस. डी. मोहिते, प्रभारी महिला व बाल कल्याण अधिकारी



माझी कन्या भाग्यश्री योजनेचा लाभ घेण्यासाठी महिला व बालकल्याण कार्यालयाकडे अनेककदा हेलपाटे मारले. प्रत्येकवेळी वेगवेगळी कारणे सांगण्यात येत आहेत. नविन आदेश आले नाहीत, सरकारने निधीची तरतूद केली नाही, असे अधिकारी सांगत आहेत. योजनेचा लाभ मिळालेला नाही.

प्रल्हाद बरगाले, इच्छुक पालक

मोबाइल अॅप डाउनलोड करा आणि राहा अपडेट

---

स्वाइन फ्लूने महिलेचा मृत्यू

July 30, 2017, 2:30 pm

≫ Next: आजपासून काम बंद आंदोलन

≪ Previous: ‘माझी कन्या भाग्यश्री’ पोरकी

$

0

0

म. टा. प्रतिनिधी, कोल्हापूर

स्वाइन फ्लूने पार्वती कृष्णा खामकर (वय ६७, रा. पद्मावती कॉलनी, देवकर पाणंद) या महिलेचा शनिवारी संध्याकाळी मृत्यू झाल्याने जिल्ह्यात स्वाइन फ्लूने दगावलेल्या रुग्णांची संख्या १७ वर पोहोचली. रविवारी स्वाइन फ्लूचे आणखी पाच रुग्ण उपचारासाठी सीपीआरसह खासगी रुग्णालयात दाखल झाले आहेत. जिल्ह्यातील विविध रुग्णालयात स्वाइन फ्लूचे २७ रुग्ण उपचार घेत असून, १९ रुग्णांचे अहवाल पॉझिटिव्ह आले आहेत.

ग्रामीण परिसरासह शहरातही स्वाइन फ्लूचा प्रभाव वाढला आहे. शनिवारी संध्याकाळी देवकर पाणंद येथील पार्वती खामकर या वृद्धेचा उपचारांदरम्यान मृत्यू झाला. आठवड्यात सात रुग्णांचा मृत्यू झाल्याने सीपीआरमधील स्वतंत्र स्वाइन फ्लू उपचार कक्षासह जिल्ह्यातील सर्व उपजिल्हा रुग्णालये आणि प्राथमिक रुग्णालयांना विशेष दक्षता घेण्याच्या सूचना दिल्या आहेत. जिल्हा आरोग्य विभागाने सर्व रुग्णालयात टॅमी फ्लूच्या गोळ्यांसह आवश्यक औषधांची उपलब्धता कली आहे. संशयित रुग्णांचा शोध घेऊन त्यांना वेळेत उपचार मिळावेत यासाठी स्वतंत्र पथके तयार आहेत. प्रत्येक गावात जाऊन संशयित रुग्णांची तपासणी केली जात आहे.

प्रथमोपचाराची सोय सर्व प्राथमिक आरोग्य केंद्रांमध्ये केली असून, गंभीर रुग्णांसाठी सीपीआरमध्ये २० बेडचा स्वतंत्र कक्ष सुरू आहे. रविवारी गीता बाबू गोसावी (वय १२, रा. कोडोली, ता. पन्हाळा) या शालेय मुलीस उपचारासाठी दाखल करण्यात आले. कोडोलीतील रुग्णांच्या संखेत वाढली आहे. आरोग्य विभागाकडून कोडोलीत विशेष दक्षता घेतली जात आहे.

मोबाइल अॅप डाउनलोड करा आणि राहा अपडेट

आजपासून काम बंद आंदोलन

July 30, 2017, 2:30 pm

≫ Next: लिपिकाचा आत्महत्येचा प्रयत्न

≪ Previous: स्वाइन फ्लूने महिलेचा मृत्यू

$

0

0

म. टा. प्रतिनिधी, कोल्हापूर

करवीर पंचायत समितीमधील कर्मचारी बाळकृष्ण गुरव यांनी आत्महत्तेचा प्रयत्न केल्यानंतर जिल्हा परिषदेतील कर्मचारी संघटना आक्रमक झाल्या. त्यांनी करवीर पंचायत समितीच्या आवारात सामान्य प्रशासन विभागचे उपमुख्य कार्यकारी अधिकारी चंद्रकांत वाघमारे यांच्या‌‌विरोधात जोरदार घोषणाबाजी करत त्यांच्या कामकाजावर शेलक्या शब्दात टीका केली. अभिलेख वर्गीकरणाच्या नावाखाली वाघमारे कर्मचाऱ्यांचा छळ करीत आहेत. त्या छळास कंटाळून गुरव यांनी टोकाचे पाऊल उचलले. त्यांच्यावर मनुष्यवधाचा गुन्हा दाखल करून निलंबित करावे, या मागणीसाठी सोमवारपासून जिल्हा परिषद, पंचायत समित्यांमधील कर्मचारी बेमुदत काम बंदचा निर्णय घेतला.

दोन आठवड्यांपासून जिल्हा परिषद, पंचायत समितीमधील कार्यालय अभिलेख वर्गीकरणाचे काम सुरू आहे. त्यासाठी शनिवार, रविवारीही कर्मचारी काम करीत आहेत. कामाच्या ताणामुळेच गुरव यांनी आत्महत्या केल्याचा आरोप जिल्हा परिषदेतील लेखा कर्मचारी, ‌ल‌िपिक, आरोग्य कर्मचारी संघटना, कर्मचारी युनियन, महासंघाच्या पदाधिकाऱ्यांनी केला. करवीर पंचायत समितीच्या आवारात कर्मचारी संघटनांचे पदाधिकारी, कर्मचारी एकत्र आले. त्यांनी गटविकास अधिकारी सचिन घाडगे यांच्याकडे मोर्चा वळविला. ‌घाडगे यांनी समाधानकारक उत्तर न दिल्याने त्यांना घेराओ घालून प्रश्नांचा भडिमार केला. त्यानंतर पंचायत समितीच्या आवारातच ठिय्या मारला. त्यामुळे वातावरण तणापूर्ण बनले.

उपमुख्य कार्यकारी अधिकारी वाघमारे यांचा निषेध करत ‘कर्मचारी एकजुटीचा विजय असो’ अशा घोषणांनी परिसर दणाणून सोडला. कर्मचारी संघटने पदाधिकारी अजय शिंदे म्हणाले, ‘अभिलेख वर्गीकरणाच्या नावाखाली कर्मऱ्यांना त्रास दिला जात आहे. आपली पाठ ‌थोपटून घेण्यासाठी कर्मचाऱ्यांना वेठीस धरले जात आहे. निलंबनाची धमकी दिली जात आहे. वाघमारे कर्मचाऱ्यांना सौजन्याची वागणूक देत नाहीत.’

सचिन मगर म्हणाले, ‘वाघमारे कर्मचाऱ्यांना जाणीवपूर्वक त्रास देतात. महिलांना असंसदीय भाषेत बोलतात. त्यामुळे कर्मचारी तणावात आहेत.’

यावेळी अनिल मगदूम, सचिन जाधव, विजय मोहिते, राजू घोटणे, बी. डी. पाटील, प्रतिमा पाटील, सुनिल ‌मिसाळ, राजू धनवडे, गौतम कांबळे उत्तम वावरे, अजिंक्य गायकवाड यांची भाषणे झाली.

सर्वच पदाधिकाऱ्यांनी आपल्या भाषणात वाघमारे यांच्या कार्यपद्धतीवर हुकूमशाही, मोगलाई अशा शब्दात टीका केली. वाघमारे यांचे निलंबन करा, झिरो पेंन्डसीसाठी मुदत वाढवा या मागणीसाठी काम बंद आंदोलन करण्याचा निर्णय घेतला. दरम्यान, शिक्षण सभापती अंबरिश घाटगे, विजय भोजे, उपमुख्य कार्यकारी अधिकारी राजेंद्र भालेराव यांनी कर्मचारी संघटना पदाधिकाऱ्यांना भेटून काम बंद आंदोलनाचा निर्णय मागे घेण्याची विनंती केली. मात्र विनंती धुडकावून लावून निर्णयावर ठाम राहिले.



गुरव यांनी आत्मह‌त्येचा केलेला प्रयत्न दुदैवी आहे. आम्ही रुग्णालयास भेट देऊन त्यांच्या आरोग्याची विचारपूस केली. कुटुंबीयांशी चर्चा करून आवश्यक ती सर्व मदत करण्याची ग्वाही दिली. या घटनेचा संदर्भ घेत जिल्हा परिषद कर्मचारी संघटनेने काम बंद आंदोलन करून सामान्य जनतेला वेठीस धरू नये. घटना घडल्यानंतर वाघमारे यांच्यावर आरोप करणे चुकीचे आहे. यापुर्वी एकाही संघटनेने त्यांच्या‌विरोधात लेखी तक्रार केली नाही. आता असा मुद्दा उपस्थित करणे बरोबर नाही. अधिकाऱ्यांनी त्रास दिल्याने गुरव यांनी आत्महत्तेचा प्रयत्न केल्याचे पुराव्यानिशी तक्रार केल्यास त्याची गंभीर दखल घेऊन चौकशी केली जाईल. सोमवारी सर्व कर्मचारी संघटनांच्या पद‌ाधिकाऱ्यांची बैठक घेऊन तोडगा काढू.

डॉ. कुणाल खेमनार, मुख्य कार्यकारी अधिकारी

मोबाइल अॅप डाउनलोड करा आणि राहा अपडेट

लिपिकाचा आत्महत्येचा प्रयत्न

July 30, 2017, 2:30 pm

≫ Next: अहवाल पाठविण्याची जिल्हाधिकाऱ्यांना सूचना

≪ Previous: आजपासून काम बंद आंदोलन

$

0

0

म. टा. प्रतिनिधी, कोल्हापूर

करवीर पंचायत समितीच्या आरोग्य विभागातील लिपिक बाळकृष्ण शंकर गुरव (वय ४८ रा. कुर्डू ता. करवीर) यांनी किटकनाशक प्राशन करून तुळशी नदीवरील बाचणी बंधाऱ्यावरून उडी मारली. रविवारी सकाळी दहाच्या सुमारास ही घटना घडली. कामाच्या अतिताणामुळे गुरव यांनी आत्महत्येचा प्रयत्न केल्याचा आरोप त्यांच्या नातेवाईकांसह जिल्हा परिषद कर्मचारी संघटनांच्या पदाधिकाऱ्यांनी केला. त्यामुळे प्रकरणाला गंभीर वळण लागले.

दरम्यान, रस्त्यावरून जाणाऱ्या दोन तरूणांनी गुरव यांना नदीतून बाहेर काढले. बेशुद्ध अवस्थेत असलेल्या गुरव यांना तातडीने सीपीआरमध्ये उपचारासाठी दाखल केले. प्रकृती गंभीर असल्याने त्यांना खासगी रुग्णालयात दाखल करण्यात आले. तेथे रात्री उशिरापर्यंत जिल्हा परिषद कर्मचारी संघटनेचे पदाधिकारी, कुटुंबीय, नातेवाईकांनी गर्दी केली होती.

बाळकृष्ण गुरव हे यापूर्वी शाहूवाडी पंचायत समितीत होते. काही महिन्यांपूर्वी त्यांची बदली करवीर पंचायत समितीच्या आरोग्य विभागात झाली. तालुका आरोग्य कार्यालयात लिपिक पदावर ते कार्यरत होते. दोन आठवड्यांपासून कार्यालयीन अभिलेख वर्गीकरणाचे काम सुरू आहे. याचा निपटारा करण्यासाठी सकाळी लवकर येऊन ते रात्री उशिरापर्यंत थांबत. सुट्टीदिवशी शनिवार, रविवारीही कार्यालय सुरू होते. दोन दिवसांपासून ते कामाच्या ताणामुळे अस्वस्थ होते, असे कुटुंबियाचे म्हणणे आहे.

रविवारी सकाळी ९ वाजता ते घरातून दुचाकी घेऊन बाहेर पडले. माळ्याच्या शिरोली येथील सासरवाडीला गेले. तेथून कोल्हापुरला येण्यासाठी निघाले. वाटेत बाचणी येथील बंधाऱ्याजवळ थांबून विष प्राशन केले. प्रचंड वेदना होऊ लागल्याने त्यांनी नदीत उडी मारली. आरडाओरडा केल्यामुळे रस्त्यावरून जाणाऱ्या दोन तरुणांनी त्यांना बाहेर काढले. नातेवाईक अजय निळकंठ यांच्यासह तरुणांनी गुरव यांना तातडीने सीपीआर रुग्णालयात दाखल केले. त्यानंतर त्यांना दुपारी खासगी रुग्णालयात दाखल केले. याची माहिती समजल्यानंतर करवीर पोलिस रुग्णालयात आले. ‘पंधरा दिवसांपासून ते तणावाखाली होते. वरिष्ठांकडून वारंवार त्रास दिला जात असल्याचे ते सांगायचे. या त्रासाने ते खचले होते. त्यातून त्यांनी आत्महत्येचा प्रयत्न केला असावा’ असे त्यांची पत्नी छाया व मुलगा ऋषिकेश यांनी पोलिसांना दिलेल्या जबाबात म्हटले आहे.

मोबाइल अॅप डाउनलोड करा आणि राहा अपडेट

अहवाल पाठविण्याची जिल्हाधिकाऱ्यांना सूचना

July 30, 2017, 2:30 pm

≫ Next: तर आक्रमक व्हावे लागेल

≪ Previous: लिपिकाचा आत्महत्येचा प्रयत्न

$

0

0

म. टा. प्रतिनिधी, कोल्हापूर

‘राज्य सरकार, पालकमंत्री आणि जिल्हाधिकारी यांना कोणत्याही विषयावर समिती प्राधिकृत करण्याचा अधिकार असतो. त्या अधिकारांन्वयेच अंबाबाई मंदिरातील पुजाऱ्यांप्रश्नी जिल्हाधिकाऱ्यांना सुनावणी घेण्याची सूचना केली आहे. सुनावणीनंतर अहवाल विधी व न्याय विभागाकडून मंत्रिमंडळासमोर येईल. त्यानंतर विधीमंडळाच्या दोन्ही सभागृहात मंजुरी मिळाल्यावर त्याचे कायद्यात रुपांतर होईल. त्यासाठी जिल्हाधिकाऱ्यांना त्वरीत अहवाल सादर करण्याची सूचना करू’, असे पालकमंत्री चंद्रकांत पाटील यांनी सांगितले. अंबाबाई मंदिर पुजारी हटाव संघर्ष समितीच्या शिष्टमंडळाने पालकमंत्री पाटील यांची रविवारी शासकीय विश्रामगृहावर भेट घेतली. त्यावेळी ते बोलत होते.

करवीरनिवासिनी अंबाबाईच्या मूर्तीला घागरा-चोली पोषाख नेसवल्यानंतर भाविकांमध्ये तीव्र असंतोष निर्माण झाला. त्यानंतर अंबाबाई मंदिरातील पुजारी हटाव आंदोलनाला सुरुवात झाली. आंदोलनानंतर पालकमंत्री पाटील यांनी जिल्हाधिकाऱ्यांना सुनावणी घेण्याचे अधिकार दिले. दरम्यान पुजाऱ्यांच्यावतीने कोर्टात दावा दाखल करुन पालकमंत्र्यांना वैधानिक अधिकार नसल्याचा युक्तीवाद केला. सुनावणीदरम्यान पालकमंत्र्यांचा एकेरी उल्लेख केल्याचे शिष्टमंडळाने निदर्शनास आणून दिले.

यावेळी पालकमंत्री पाटील म्हणाले, ‘अंबाबाई मंदिर पुजारी हटाव प्रश्नानंतर देशातील दहा कोटी मंदिरांचा अभ्यास एका खासगी कंपनीने केला आहे. त्यानुसार हक्क परंपरागत की सरकारचे याबाबतचा कायदा करावा लागेल. त्याला कोर्टात आव्हानही मिळू शकते. मात्र असे आ‍व्हान मिळू नये यासाठीच जिल्हाधिकाऱ्यांना सुनावणी घेण्यास सांगितले. जिल्हाधिकाऱ्यांपुढे झालेल्या सुनावणीचा अहवाल विधी व न्याय विभागाला सादर करावा लागेल. विधी व न्याय विभागाकडून आलेला अहवाल मंत्रिमंडळासमोर ठेवून नंतर विधीमंडळाच्या दोन्ही सभागृहात मंजुरीसाठी ठेवावा लागेल. त्यानंतरच त्याचे कायद्यात रुपांतर होईल. त्यापूर्वीच जर निर्णय घेतला असता, तर पुन्हा कोर्टात आव्हान दिले असते.’ दरम्यान, पुजाऱ्यांनी सुनावणीबाबत आक्षेप घेतला असला तरी याबाबत कोर्टाने सुनावणीला स्थगिती दिला नसल्याचे पालकमंत्र्यांनी सांगितले.

दरम्यान, पालकमंत्री पाटील यांच्याशी चर्चेनतंर सुनावणीचा अहवाल राज्याच्या विधी व न्याय विभागाकडे त्वरीत सादर करण्यासाठी सोमवारी (ता. ३१ जुलै) जिल्हाधिकाऱ्यांना निवेदन देण्याचा निर्णय संघर्ष समितीच्यावतीने घेण्यात आला. यावेळी दिलीप देसाई, आर. के. पोवार, इंद्रजित सावंत यांनी विविध मुद्दे पालकमंत्री पाटील यांच्यासमोर मांडले. बैठकीस माजी आमदार सुरेश साळोखे, राजू लाटकर, संजय पवार, विजय देवणे, वसंतराव मुळीक, शरद तांबट, बाबा पार्टे, सचिन तोडकर आदी संघर्ष समितीचे कार्यकर्ते उपस्थित होते.

देवस्थान समितीला चार दिवसांत अध्यक्ष मिळणार

‘२०११ पासून पश्चिम महाराष्ट्र देवस्थान समितीचे अध्यक्षपद रिक्त आहे. त्यामुळे समितीचा सर्व कारभार जिल्हाधिकाऱ्यांच्या मार्गदर्शनाखाली सुरू आहे. त्यामुळे अनेकवेळा त्यांच्या कामावर मर्यादा येतात. गेल्या काही दिवसांत पंढरपूर व सिद्धीविनायक ट्रस्टच्या अध्यक्षपदी नेमणूक केली आहे. आता येत्या तीन ते चार दिवसांत पश्चिम महाराष्ट्र देवस्थान समितीचे अध्यक्षपद निश्चित होईल’, असे पालकमंत्री पाटील यांनी सांगितले. त्यामुळे गेल्या सहा वर्षापासून अध्यक्षविना सुरू असलेल्या समितीला लवकरच पदसिद्ध अध्यक्ष मिळण्याची शक्यता आहे.

मोबाइल अॅप डाउनलोड करा आणि राहा अपडेट

तर आक्रमक व्हावे लागेल

July 30, 2017, 2:30 pm

≫ Next: गोकुळचं दूध दोन रूपयांनी महागलं

≪ Previous: अहवाल पाठविण्याची जिल्हाधिकाऱ्यांना सूचना

$

0

0

म. टा. प्रतिनिधी, कोल्हापूर

मराठा आरक्षणाच्या न्याय मागणीसाठी राज्यातून मराठा समाजातील नागरिकांनी शांततेत मोर्चे काढले आहेत. मुंबईतही मराठा मोर्चा शांततेत काढला जाईल. पण शांततेत मोर्चे काढूनही मराठा आरक्षणाचा प्रश्न सुटत नसेल, तर मराठा समाजाला आक्रमक व्हावे लागेल, असा इशारा देतानाच शांततेत मोर्चे काढून मराठा समाजाने देशासमोर आदर्श न‌िर्माण केला आहे. त्यामुळे मुंबईतील मोर्चाही शांततेच काढावा असे मतही मुंबईतील मराठा मोर्चा नियोजनाच्या बैठकीत व्यक्त झाले. नऊ ऑगस्ट रोजी काढण्यात येणाऱ्या मराठा क्रांती मोर्चाच्या पार्श्वभूमीवर येथील शिवाजी मंदिरात मराठा समाजाची बैठक आयोजित करण्यात आली होती. यावेळी खासदार संभाजीराजे, आमदार चंद्रदीप नरके, महानगरपालिका उपमहापौर अर्जुन माने, महानगरपालिका पक्षप्रतोद प्रवीण केसरकर यांच्यासह आजी माजी नगरसेवक, उद्योगपती, डॉक्टर, वकील, सामाजिक कार्यकर्ते मोठ्या संख्येने उपस्थित होते.

यावेळी खासदार संभाजीराजे छत्रपती म्हणाले, ‘१९०२ मध्ये राजर्षी शाहू महाराजांनी आरक्षणाचा जाहीरनामा प्रसिद्ध करताना मराठा समाजाला आरक्षण दिले होते. शाहू महाराजांच्या आदेशाप्रमाणे मराठा समाजाला आरक्षण दिले पाहिजे. आजअखेर सर्व मोर्चे शांततेत निघाले आहे. मराठा समाजाने शिस्त व संयमाने मोर्चे काढण्याचा आदर्श देशापुढे ठेवला आहे. पण सध्या सोशल मीडियावर मुंबईत आक्रमक मोर्चा काढण्याचे मेसेज फिरत आहेत. त्यामुळे मुंबईतील मोर्चालाही कोणतेही गालबोट लागू न देण्याची जबाबदारी आहे. मोर्चात जिल्ह्यातील नागरिक मोठ्या संख्येने सहभागी होणार असल्याने कोल्हापूरहून मुंबईला जाणाऱ्या रेल्वेला जादा बोगी जोडण्याची विनंती केंद्रीय रेल्वेमंत्री सुरेश प्रभू यांना केली आहे.’

आमदार राजेश क्षीरसागर म्हणाले, ‘मराठा समाजाने नोकरीत व शिक्षणात आरक्षण मिळावे या मागणीसाठी शांततेत मोर्चे काढले. देश परदेशातून मोर्चाला पाठिंबा मिळाला. मुंबईतील हा मोर्चा शेवटचा असून तो शांततेत काढण्याची सर्वांची जबाबदारी आहे. या मोर्चाने आरक्षणाचा प्रश्न सुटला नाही तर मराठा समाजाला आक्रमक व्हावे लागेल. उत्तर भारतात ज्याप्रमाणे आरक्षणासाठी आंदोलन होतात तशा मार्गाने आंदोलन करण्याची वेळ येऊ नये.’

आमदार चंद्रदीप नरके म्हणाले, ‘मराठा आरक्षणाच्या प्रश्नावर विधानसभेत सातत्याने आवाज उठवला आहे. आरक्षणप्रश्नी सरकारही अनकूल आहे. पण आपल्याला स्वस्थ बसून चालणार नाही. रस्त्यांवरची लढाई सुरू ठेवली पाहिजे. या मोर्चात ग्रामीण भागातील लोक मोठ्या संख्येन सहभागी होतील.’

प्रा. जयंत पाटील म्हणाले, ‘शाहूवाडी, पन्हाळा, आजरा तालुक्यातील मुंबई व ठाणे परिसरात कोल्हापूर जिल्ह्यातील ७५ हजार लोक नोकरीस आहेत. या सर्व लोकांशी संयोजन समितीचा संपर्क झाला असून ते लोक कोल्हापूर जिल्ह्याकडून मोर्चात सहभागी होणार आहेत.’

माजी आमदार सुरेश साळोखे आणि जयेश कदम यांनी मुंबईत दहा स्वयंसेवक नेमून त्यांचे मोबाइल नंबर मोर्चात सहभागी होणाऱ्या नागरिकांना द्यावेत. त्यांना येणाऱ्या अडचणी सोडविण्याचे नियोजन करतील अशी सूचना मांडली. यावेळी विजय देवणे, भगवान काटे, बाबा इंदूलकर, राजू सावंत, सुरेश जरग, हर्षल सुर्वे, जयेश कदम, दिलीप देसाई, सचिन तोडकर, गायत्री राऊत यांच्यासह कार्यकर्त्यांनी सूचना मांडल्या. यावेळी नगरसेवक शारंगधर देशमुख, सत्यजित कदम, स्वप्नील पार्टे, लाला गायकवाड,श्रीकांत भोसले, अॅड चारुलता चव्हाण, माजी नगरसेवक सचिन चव्हाण यांच्यासह कार्यकर्ते मोठ्या संख्येने सहभागी झाले होते.

आमदार पाटील यांच्याकडून ३५० वाहने

मुंबईतील मोर्चासाठी आमदार सतेज पाटील यांच्याकडून ३५० वाहनांची सोय केली जाईल, अशी घोषणा महानगरपालिका पक्षप्रतोद प्रवीण केसरकर यांनी केली. तसेच शहरातील ७७ प्रभागातील सहभागी होणाऱ्या नागरिकांच्या वाहनांची सोय स्थानिक नगरसेवक करतील अशी माहिती केसरकर, नगरसेवक शारंगधर देशमुख, सत्यज‌ित कदम यांनी दिली. महिलांच्या निवासाची सोय करण्याची जबाबदारी आमदार क्षीरसागर यांनी घेतली.

मंगळवारी (१ ऑगस्ट) दुपारी चार वाजता शिवाजी विद्यापीठाच्या कुलगुरूंना निवेदन.

गुरुवारी (ता. ३ ) सकाळी ११ वाजता कार्यकर्त्यांची शिवाजी मंदिर येथे बैठक

रविवारी (ता. ६) सकाळी १० वाजता शिवाजी मंदिरपासून जनजागृतीसाठी मोटार सायकल रॅली

मोबाइल अॅप डाउनलोड करा आणि राहा अपडेट

गोकुळचं दूध दोन रूपयांनी महागलं

July 30, 2017, 8:38 pm

≫ Next: ​ सीमाप्रश्नाच्या खटल्याचीसुनावणी पुढे ढकलली

≪ Previous: तर आक्रमक व्हावे लागेल

$

0

0

मटा ऑनलाइन वृत्त । कोल्हापूर

गोकुळने गायीच्या दुधाच्या दरात दोन रुपयांनी वाढ केली आहे. उद्या १ ऑगस्टपासून हे दर लागू होणार असून ग्राहकांना आता गोकुळचं गायीचं दूध घेण्यासाठी दोन रूपये जास्त मोजावे लागणार आहेत.

गायीच्या दुधाची दरवाढ करण्यात आली असली तरी म्हशीच्या दुधाच्या दरात कोणतीही वाढ करण्यात आलेली नाही. कोल्हापूरमधील गोकुळ दूध महासंघाने ही दरवाढ केली आहे. कोल्हापूरात गायीचं दूध ३८ रूपये प्रतिलीटर विकलं जातं. उद्या १ ऑगस्टपासून ते ४० रूपये प्रतिलीटरनं विकलं जाणार आहे.

गोकुळनं दुधाचे दर वाढविल्याने त्याचा मुंबईतील ग्राहकांनाही फटका बसणार आहे. मुंबईत गोकुळचं टोन्ड दूध सध्या ४० रुपयांना विकलं जातं. ते उद्यापासून ४२ रुपयांना विकलं जाईल. तसंच गोकुळ लाईफ दूध सध्या ४२ रुपयांऐवजी ४४ रुपयांना विकलं जाणार आहे.

मोबाइल अॅप डाउनलोड करा आणि राहा अपडेट

​ सीमाप्रश्नाच्या खटल्याचीसुनावणी पुढे ढकलली

July 31, 2017, 10:48 am

≫ Next: चांदोलीतून १६०० क्युसेक विसर्ग

≪ Previous: गोकुळचं दूध दोन रूपयांनी महागलं

$

0

0

म. टा. वृत्तसेवा, बेळगाव
सुप्रीम कोर्टात सुरू असलेल्या सीमाप्रश्नाच्या दाव्याची सोमवारी होणारी सुनावणी पुढे ढकलण्यात आली आहे. आता नऊ ऑक्टोबरला ही सुनावणी होईल.
या प्रश्नी कर्नाटकचे वकील पी. पी. राव यांनी आजारी असल्याचे पत्र कोर्टाला दिल्याने सोमवारची सुनावणी पुढे ढकलण्यात आली. महाराष्ट्राची बाजू मांडण्यासाठी ज्येष्ठ विधिज्ञ हरीश साळवे दिल्लीत दाखल झाले होते. अॅड. राजू रामचंद्रन आणि अरविंद दातार यांच्यासह महाराष्ट्राचे अन्य वकील हजर होते. कागदपत्रे जमा करताना औपचारिक चर्चेवेळी केंद्र सरकारच्या वकिलांनी पुन्हा एकदा महाराष्ट्रविरोधी भूमिका घेतली. सीमाप्रश्नाची याचिका दाखल करण्यास खूप विलंब झाला असून, महाराष्ट्राची याचिका रद्दबातल ठरवावी, अशी मागणी केंद्र सरकारच्या वकिलांकडून करण्यात येत होती. केंद्राचे वकील रणजित कुमार वारंवार महाराष्ट्रविरोधी भूमिका मांडत होते.
सप्टेंबर २०१४ मध्ये तत्कालीन न्यायाधीश लोढा यांनी दावा सुप्रीम कोर्टात दाखल करून घेण्याजोगा आहे, असे मत व्यक्त करून साक्षी पुरावे नोंदवण्यासाठी एक सदस्यीय समिती नियुक्त केली होती. त्यानंतर पुन्हा कर्नाटकाने आक्षेप घेऊन अंतरिम अर्ज दाखल केला होता.

मोबाइल अॅप डाउनलोड करा आणि राहा अपडेट

---

चांदोलीतून १६०० क्युसेक विसर्ग

July 31, 2017, 10:52 am

≫ Next: वीर धरणातून निरा नदीत पाणी सोडले

≪ Previous: ​ सीमाप्रश्नाच्या खटल्याचीसुनावणी पुढे ढकलली

$

0

0

म. टा. वृत्तसेवा, शिराळा

शिराळा तालुक्यातील चांदोली धरणाच्या वीजनिर्मिती केंद्रातून १६०० क्युसेक विसर्ग वारणा नदीत सोडण्यात येत आहे. धरण परिसरात सुरू असलेल्या संततधार पावसामुळे धरण प्रशासनाने सोमवारी सकाळी पाण्याचा विसर्ग सोडण्याचा निर्णय घेतला. धरण ८९.२० टक्के भरले आहे.
गेल्या चोवीस तासांत चांदोली परिसरासह तालुक्यात पावसाचा जोर कमी होता. धरण परिसरात गेल्या चोवीस तासांत केवळ सहा मिमी पावसाची नोंद झाली आहे. ३४.४० टीएमसी पाणी साठवण क्षमता असणाऱ्या चांदोली धरणात ३०.६९ टीएमसी पाणीसाठा झाला आहे.
धरणाची पाणी पातळी ६२३ .५० मीटरवर गेली आहे. धरण परिसरात आतापर्यंत १५८९ मिमी पाऊस झाला आहे. धरण परिसरात पावसाची रिपरिप सुरू असली तरी तालुक्यात इतरत्र शनिवारी उघडझाप सुरू होती. सोमवारी दिवसभर तालुक्यात ऊन पावसाचा खेळ सुरू होता. धरणातून आज १६०० क्युसेक पाण्याचा विसर्ग वारणा नदीत सोडल्यामुळे पाऊस कमी असल्यामुळे वारणा नदीची कमी झालेली पाण्याची पातळी वाढली आहे. मात्र, पाणी नदीपात्राच्या बाहेर नाही.

मोबाइल अॅप डाउनलोड करा आणि राहा अपडेट

वीर धरणातून निरा नदीत पाणी सोडले

July 31, 2017, 10:54 am

≫ Next: लोकसाहित्याच्या नव मांडणीचे शिलेदार

≪ Previous: चांदोलीतून १६०० क्युसेक विसर्ग

$

0

0

सातारा
वीर धरणाच्या पाणलोट क्षेत्रात असलेल्या भाटघर, नीरा देवघर या धरणांच्या पाणलोट क्षेत्रात झालेल्या पावसामुळे वीर धरण ९४ टक्के भरले असून, वीर धरणातून ४ हजार ५२७ क्युसेक वेगाने निरा नदी पात्रात पाणी सोडण्यात येत आहे.
वीर धरणाच्या पाणलोट क्षेत्रामध्ये असलेल्या भाटघर धरणात आजअखेर एकूण ४३४ मिलीमीटर पावसाची नोंद झाली आहे. रविवारी अकरा मिलिमीटर इतका पाऊस झाला आहे. हे धरण ८९ टक्के भरले आहे. तर, निरा देवघर धरणात आजअखेर ८०.५३ टक्के पाणीसाठा झाला आहे. धरणाच्या पाणलोटक्षेत्रात ३४ मिलिमीटर पाऊस झाला. तर, आजअखेर एकूण १४९४ मिलीमीटर पाऊस झाला आहे.
साताऱ्यात पावसाचा जोर ओसरला
सातारा जिल्ह्यात सोमवारी पहाटे आणि दिवसभरात एकूण २९.५ मिमी पाऊस पडल्याची नोंद झाली आहे. जिल्ह्यात गेल्या २४ तासांत एकूण सरासरी २.७ मिमी पाऊस झाला आहे. दरम्यान, अधून-मधून पडणाऱ्या श्रावण सरीत सातारकर चिंब होत आहेत.

मोबाइल अॅप डाउनलोड करा आणि राहा अपडेट

लोकसाहित्याच्या नव मांडणीचे शिलेदार

July 31, 2017, 2:30 pm

≫ Next: पर्यावरणप्रश्नांतही शिवसेनेची ‘गटबाजी’

≪ Previous: वीर धरणातून निरा नदीत पाणी सोडले

$

0

0

म. टा. प्रतिनिधी, कोल्हापूर

‘ज्यामध्ये समाजाचे, लोकसंस्कृतीचे संदर्भ असतात अशा लोकसाहित्याचा अभ्यास व विवेचन करणे ही सहज जाता जाता करण्याची गोष्ट नाही. लोकसाहित्यामध्ये एक विशिष्ट प्रकारचा सांस्कृतिक संघर्ष प्रतिबिंबित होत असतो. हा संघर्ष ज्या संशोधकाला किंवा अभ्यासकाला कळतो तो नवी मांडणी करतो, ज्यातून ज्ञानाची पेरणी होते’ असे गौरवोदगार ज्येष्ठ विचारवंत, माजी संमेलनाध्यक्ष नागनाथ कोतापल्ले यांनी काढले. लोकसाहित्याचे गाढे अभ्यासक, शिवाजी विद्यापीठाचे माजी मराठी विभागप्रमुख प्रा. डॉ. विश्वनाथ शिंदे यांच्या निवृत्तीनिमित्त गौरव व गौरवग्रंथाचे प्रकाशन समारंभात ते बोलत होते. सोमवारी शाहू स्मारक भवनात झालेल्या कार्यक्रमाच्या अध्यक्षस्थानी शिवाजी विद्यापीठाचे कुलगुरू डॉ. देवानंद शिंदे होते.

कोतापल्ले म्हणाले, ‘जेव्हा माहिती मिळवण्याची गरज असते तेव्हा ज्ञानाची लालसा निर्माण होते. सध्याच्या तांत्रिक आणि तंत्रज्ञानाच्या युगात माहितीचे स्रोत सहज उपलब्ध आहेत. त्यामुळे ज्ञान मिळवून ठेवणे आणि हव्या त्या वेळी त्याचा वापर करणे ही प्रक्रियाच थंडावली आहे. हा तिढा विचारशक्तीला बांध घालणारा आहे. अशा परिस्थितीतही एका संथ पण खोलवर रूजणाऱ्या लोकसाहित्याचे गांभीर्याने संशोधन करणारी पिढी घडवण्यामध्ये ​शिंदे यांचे योगदान मोलाचे आहे. विद्यार्थ्यांमध्ये सातत्याने ज्ञान मिळवण्याची आस निर्माण करणे ही चांगल्या प्राध्यापकाची ओळख आहे. कोणत्याही चांगल्या प्राध्यापकाचे मूल्यमापन त्याचे विद्यार्थीच करत असतात. या निकषानुसार डॉ. ​शिंदे यांनी विद्यार्थ्यांमध्ये ती ओळख जपली आहे. संशोधनामध्ये येणाऱ्या वर्तमानाच्या मर्यादा ओळखून लोकसाहित्य आणि समाजातील काळानुरूप बदलणाऱ्या गोष्टींची सांगड घालणारी विद्यार्थ्यांची नवी पिढी घडवण्यासाठी शिंदे यांच्यातील लोकसा​हित्याचा अभ्यासक सतत सक्रिय असतो.’

अध्यक्षीय भाषणात कुलगुरू डॉ. शिंदे म्हणाले, ‘विश्वनाथ शिंदे यांनी लोकसाहित्यामध्ये केलेल्या संशोधनातील विषय हे आव्हानात्मक होते. लोकसाहित्यातील संशोधन हे समाजावर थेट परिणाम करणारे किंवा समाजातील संस्कृती व परंपरांशी निगडीत असते. त्यामुळे त्याचा अभ्यास संशोधकासाठी समाजाशी जोडणारा असतो. हे समीकरण डॉ. शिंदे यांच्या संशोधनवृत्तीत दिसून येते. संशोधनासाठी आवश्यक असलेला संयम आणि ऊर्मी डॉ. ​शिंदे यांच्यातील अभ्यासकाच्या जमेच्या बाजू आहेत.’

यावेळी कोतापल्ले यांच्या हस्ते डॉ. शिंदे यांचा शाल, श्रीफळ, मानपत्र आणि स्मृतिचिन्ह देऊन गौरव करण्यात आला. ‘लोकसाहित्य: जीवन आणि संस्कृती’ या गौरवग्रंथाचे प्रकाशन हरिश्चंद्र थोरात यांच्या हस्ते करण्यात आले. तर डॉ. ​शिंदे लिखित ‘साहित्य: आकलन आणि आस्वाद’ या ग्रंथाचे प्रकाशन रंगनाथ पठारे यांच्या हस्ते करण्यात आले. व्यासपीठावर प्रकाश खांडगे, उज्ज्वला शिंदे आदी उपस्थित होते.

यावेळी हरिश्चंद्र थोरात, रंगनाथ पठारे यांनी प्रकाशित ग्रंथाविषयी मनोगत व्यक्त केले. उदय संकपाळ, डॉ. माधव देशमुख, डॉ. शिवाजीरावे होडगे, प्रा. जी. सी. कुलकर्णी या डॉ. शिंदे यांच्या विद्यार्थ्यांनी मनोगत व्यक्त केले. डॉ. ​डॉ. महेश खरात, शिवकुमार सोनाळकर, पत्रकार विजय चोरमारे, प्रल्हाद लुलेकर, दत्ता भगत यांनी मनोगत व्यक्त केले. विलास काळे यांनी प्रास्ताविक केले. नीलेश शेळके यांनी सूत्रसंचालन केले. डॉ. धनंजय होनमाने यांनी आभार मानले.

मोबाइल अॅप डाउनलोड करा आणि राहा अपडेट

पर्यावरणप्रश्नांतही शिवसेनेची ‘गटबाजी’

July 31, 2017, 2:30 pm

≫ Next: लिपिक मृत्यूप्रकरणी अहवाल द्या

≪ Previous: लोकसाहित्याच्या नव मांडणीचे शिलेदार

$

0

0

satish.ghatage@timesgroup.com

Twitt:satishgMT

कोल्हापूर : पर्यावरण मंत्री आणि शिवसेना नेते रामदास कदम यांच्या अखत्यारित असलेले प्रदूषण नियंत्रण मंडळ नदीत गणेशमूर्ती विसर्जित करू नका, म्हणून आवाहन करत आहेत. मात्र शिवसेनेचेच आमदार राजेश क्षीरसागर यांनी मात्र नेमकी उलटी भूमिका घेत गणेशमूर्ती पाण्यातच विसर्जित करण्याचे आवाहन करीत फिरत आहेत. दुसरीकडे शिवसेनेचे जिल्हाप्रमुख संजय पवार यांनी प्लास्टिक कॅरीबॅगमुळे होणारे प्रदूषण रोखण्यासाठी एक लाख कापडी पिशव्या मोफत वितरित करण्याचा संकल्प जाहीर केला आहे. शिवसेनेचा एक गट प्रदूषण रोखण्यासाठी प्रयत्न करत असतानाच दुसरा गट नदीचे प्रदूषण करा, असे जाहिरपणे सांगत असल्याने पर्यावरणासारख्या संवेदनशील प्रश्नावर एकाच संघटनेत असणारा विरोधाभास स्पष्ट दिसत आहे. पर्यावरणासारख्या महत्त्वाच्या प्रश्नावरही शिवसेनेत गटबाजी सुरू असल्याने शिवसेना कार्यकर्ता मात्र गोंधळून गेला आहे.

पंचगंगा नदीचे प्रदूषण रोखण्यासाठी पर्यावरण मंत्री कदम यांनी गेल्या आठवड्यात मुंबईत बैठक घेऊन प्रदूषण रोखण्यासाठी बैठक घेऊन महापालिकेला उपाययोजना करण्यासाठी कडक शब्दांत सूचना दिल्या होता. दरवर्षी गणेशोत्सवात प्रदूषण नियंत्रण मंडळाकडून नदीप्रदूषण रोखण्यासाठी निर्माल्य दान आणि गणेशमूर्ती दान करण्यासाठी भाविकांना आवाहन केले जाते. १९९०मध्ये निर्माल्य आणि गणेशमूर्ती दान करण्याच्या संकल्पनेची सुरुवात कोल्हापुरात रंकाळा तलावाचे प्रदूषण रोखण्यासाठी सर्वप्रथम सुरू झाला होती. ही चळवळ राज्याने स्वीकारली. गेल्यावर्षी पंतप्रधान नरेंद्र मोदी यांनी ‘मन की बात’ कार्यक्रमात कोल्हापुरातील नदीप्रदूषण रोखण्यासाठी केलेल्या उपाययोजनांचे कौतुकही केले होते.

महापालिकेच्यावतीने निर्माल्याचे खत तयार केले जाते, तर भाविकांकडून दान केलेल्या गणेशमूर्तींचे खणीत विधिवत विसर्जन केले जाते. मूर्तिदान उपक्रमाबाबत भाविकांचे चांगले प्रबोधन झाले असून, उपक्रमाला लोक चांगला प्रतिसाद देत आहे; पण काही हिंदुत्ववादी संघटनांकडून मूर्ती वाहत्या पाण्यातच विसर्जित करा, असे आवाहन करण्यात येते. या ​संघटनांच्या आवाहनाला आमदार क्षीरसागर यांनी साथ दिली आहे. हिंदू सणांवर कुणाचाही दबाव खपवून घेतला जाणार नाही, असा इशारा त्यांनी दिला आहे. गणेशोत्सवात पुरोगामी व पर्यावरणवादी संघटनांकडून गणेशमूर्ती दान करण्यासाठी दबाव टाकला जातो व त्याला प्रशासनाची साथ असते, असा आरोप त्यांनी केला आहे. आमदार क्षीरसागर यांची भूमिका थेट पर्यावरण मंत्रालयाच्या आवाहनाला विरोध करणारी असल्याने मंत्री कदम यांची कोंडी होणार आहे.

एकीकडे क्षीरसागर प्रदूषण नियंत्रणविरोधी भूमिका घेत असताना जिल्हाप्रमुख संजय पवार यांनी मात्र शिवसेना पक्षप्रमुख उद्धव ठाकरे यांच्या वाढदिनाचे औचित्य साधून वर्षभरात एक लाख कापडी पिशव्या वाटपाचा संकल्प केला आहे. पवार व त्यांच्या सहकाऱ्यांनी ‘प्लास्टिकमुक्त कोल्हापूर करूया, पर्यावरणाचा ऱ्हास थांबवूया’ असा निर्धार केला आहे. गणेशोत्सवात प्लास्टिकचा वापर मोठ्या प्रमाणात होत असल्याने भाविकांनी कापडी पिशव्यांचा वापर करावा, असे आवाहन त्यांनी केले असून, त्याची व्याप्ती जिल्हाभर वाढवण्यात येणार आहे. गणेशोत्सवात महाप्रसादावेळी सार्वजनिक मंडळांनी प्लास्टिक पत्रावळ्या, द्रोणाचा वापर टाळून झाडाच्या पानाच्या पत्रावळ्या वापरण्यासंदर्भात प्रबोधन करण्यात येणार आहेत. एकंदरीत शिवसेनेत एका गटाने प्रदूषणवादी तर दुसऱ्या गटाने प्रदूषण रोखण्यासाठी घेतलेल्या भूमिकेमुळे शिवसैनिक मात्र गोंधळून गेला आहे.

मोबाइल अॅप डाउनलोड करा आणि राहा अपडेट

लिपिक मृत्यूप्रकरणी अहवाल द्या

July 31, 2017, 2:30 pm

≫ Next: मंडळांना डॉल्बीमुक्तीची साद

≪ Previous: पर्यावरणप्रश्नांतही शिवसेनेची ‘गटबाजी’

$

0

0

म. टा. प्रतिनिधी, कोल्हापूर

करवीर पंचायत समिती आरोग्य विभागाचे लिपिक बाळकृष्ण गुरव (रा. कुर्डू, ता. करवीर) यांच्या पार्थिवावर त्यांच्या मूळ गावी अंत्यसंस्कारकरण्यात आले. रविवारी त्यांनी आत्महत्येचा केला होता. उपचार सुरू असताना त्यांचे निधन झाले होते. दरम्यान, त्यांच्या मृत्यूस जबाबदार असल्याचा आरोप असलेले सामान्य प्रशासनचे उपमुख्य कार्यकारी अधिकारी चंद्रकांत वाघमारे यांच्या कामकाजासंबंधीचा अहवाल देण्याचे आदेश ग्रामविकास मंत्री पंकजा मुंडे यांनी मुख्य कार्यकारी अधिकारी डॉ. कुणाल खेमनार यांना दिले आहेत.

गुरव यांच्या निधनानंतर कर्मचारी संघटनांनी दोषी अधिकाऱ्यांवर कारवाईची मागणी करत मृतदेह ताब्यात घेणार नसल्याचा पवित्रा मंगळवारी घेतला. त्यामुळे गुरव यांच्या मृत्यू प्रकरणाचा प्रश्न आमदार सुरेश हाळवणकर, आमदार अमल महाडिक यांनी ‌विधानसभेच्या अधिवेशनात उपस्थित केला. झिरो पेंन्डसीमधील कामाच्या ताणामुळे गुरव यांनी आत्महत्या केली. त्यास जबाबदार असलेले अधिकारी वाघमारे व अन्य दोषी अधिकाऱ्यांची चौकशी करून कारवाई करावी, अशी मागणी त्यांनी केली. त्यावर उत्तर देताना ग्रामविकास मंत्री मुंडे यांनी वाघमारे यांच्या कामकाजाबाबतचा अहवाल सात दिवसांत देण्याचे आदेश सीइओ डॉ. खेमनार यांना दिले आहेत.

डॉ. खेमनार यासंबंधी म्हणाले की, या प्रकरणात वाघमारे यांच्या कामकाजासंबंधी तातडीने माहिती देण्यासाठी अहवाल तयार केला आहे. सविस्तर अहवाल तयार करण्यासाठी अतिरिक्त मुख्य कार्यकारी अधिकारी इंद्रजित देशमुख यांच्या अध्यक्षतेखाली समिती स्थापन करण्यात येईल. संबंधितांनी समितीसमोर तक्रारी कराव्यात. दोन्ही बाजूच्या तक्रारी ऐकून घेऊन ‌विनाविलंब अहवाल दिला जाईल. कुणालाही पाठिशी घातले जाणार नाही. प्रशासकीय कामकाजप्रश्नी गुरव यांना कोणतीही नोटीस दिलेली नाही. त्यांच्यावर कोणताही दबाव टाकला नव्हता. त्यांच्या आत्महत्येप्रकरणी कर्मचारी संघटनांनी माझ्यावर आरोप करणे चुकीचे आहे. कर्मचाऱ्यांनी काम बंद आंदोलन करून जनतेला वेठीस धरू नये. काम बंद करणे बेकायदेशीर आहे. त्यामुळे सर्व कर्मचाऱ्यांनी उद्यापासून कामावर हजर रहावे. अन्यथा विभागप्रमुखांकडून गैरहजर कर्मचाऱ्यांची माहिती मागवली जाईल. नियमानुसार गैरहजर कर्मचाऱ्यांवर कारवाई होईल. कर्मचारी, जनतेसाठीच झिरो पेंन्डसी उपक्रम सुरू आहे. तो सुरूच राहील.

कोट

कोणत्याही अधिकाऱ्यासंबंधी लेखी तक्रार आलेली नाही. गुरव यांच्या मृत्यूप्रकरणी वाघमारे यांच्यावर कर्मचारी संघटनांचा आक्षेप आहे. यामुळे वाघमारे यांना दहा दिवस सक्तीच्या रजेवर पाठवले आहे. ते दोषी आढळल्यास त्यांच्यावर कारवाईची शिफारस करण्यात येईल.

डॉ. कुणाल खेमनार, सीइओ

मोबाइल अॅप डाउनलोड करा आणि राहा अपडेट