मिळाली ऑनलाइन प्रवेशाची किल्ली

June 28, 2017, 2:30 pm

≫ Next: जलतरणपटू वीरधवल खाडेचं उद्या शुभमंगल

≪ Previous: महापालिका शाळा ठरल्या ‘भारी’

$

0

0

म. टा. प्रतिनिधी, कोल्हापूर

शिक्षण उपसंचालक कार्यालय आणि अकरावी केंद्रीय प्रवेश समितीच्यावतीने बुधवारपासून (ता. २८ जून) उदबोधन वर्गांना प्रारंभ झाला. विवेकानंद कॉलेजच्या सभागृहात सकाळी साडेदहा वाजता या वर्गाचे उदघाटन झाले. उदबोधन वर्गात प्रवेश प्रक्रियेशी संबंधित शंकांचे तज्ज्ञांनी निरसन केले. उदबोधन वर्गाला पालक व विद्यार्थ्यांचा उस्फूर्त प्रतिसाद मिळाला.

तीन जुलैपासून सुरू होणाऱ्या अकरावी केंदीय प्रवेशासाठी अर्ज व संकलनाच्या पार्श्वभूमीवर ​विद्यार्थ्यांसह पालकांना मिळालेल्या या माहितीचा उपयोग अर्ज अचूक भरण्यासाठी होणार आहे. प्रवेश प्रक्रियेबाबतची सर्व माहिती व प्रवेश यादीबाबतची माहिती Kolhapur 11th Admission या मोबाइल अॅप्लवर विनामूल्य उपलब्ध आहे, अशी माहिती समितीतर्फे विद्यार्थी व पालकांना देण्यात आली. अकरावीच्या प्रवेशासाठी राबविण्यात येणाऱ्या केंद्रीय प्रवेश प्रक्रियेत शहरात कोणती कॉलेज अनुदानित आणि विनाअनुदानित आहेत, प्रवेशासाठी जातीनिहाय आरक्षण सुविधा कशा आहेत, त्यांचा लाभ घेताना कोणत्या गोष्टींची पूर्तता हवी, प्रवेश अर्ज काळजीपूर्वक कसे भरावेत, प्रवेश घेताना लागणारी कागदपत्रे यांची इत्यंभूत माहिती बुधवारी पालक व विद्यार्थ्यांना मिळाली. प्रवेश प्रक्रियेतील ताण दूर होऊन योग्य मार्गदर्शन मिळाल्याने ही प्रक्रिया सूकर होईल असा विश्वास पालकांसह विद्यार्थ्यांच्या चेहऱ्यावर दिसून आला.

कार्यशाळेत ‘केंद्रीय प्रवेश कार्यप्रणालीची गरज व महत्त्व’ या विषयावर संपतराव गायकवाड यांनी मार्गदर्शन केले. प्रा. अविनाश तळेकर , प्रा. रवींद्र पोर्लेकर, प्रा. टी. के. सरगर, प्रा. डॉ.आर. यू. बडसकर यांनी प्रवेश केंद्रावरील कार्यपद्धतीची माहिती दिली. आर. व्ही. कोळेकर यांनी आरक्षण प्रक्रिया तर विकास माने यांनी क्रीडा प्रमाणापत्रांबाबत माहिती दिली. आर. ए. हिरकुडे यांनी ओएमआर प्रणाली, एम. आर. पाटील यांनी सांकेतिक ​चिन्हांचा वापर याविषयी मार्गदर्शन केले. यावेळी केंद्रीय प्रवेश प्रक्रियेचे अध्यक्ष एम. के. गोंधळी, कार्याध्यक्ष डॉ. एन. व्ही. नलवडे, सचिव एन. डी. पारधी आदी उपस्थित होते.

000

हे लक्षात ठेवा

नाव लिहिण्यासाठी अर्जाच्या डाव्या बाजूला कॅपिटल लेटर्समध्ये एक चौकोनात एक मुळाक्षर या पद्धतीने अर्जदार विद्यार्थ्यांने आपले आडनाव लिहावे. आडनाव लिहिताना बोर्डाच्या गुणपत्रिकेत ज्याप्रकारे नाव आहे तसेच लिहावे. उजव्या बाजूकडील चौकोनात एक याप्रमाणे विद्यार्थ्याने आपले नाव लिहावे. शेवटी पालकांचे नाव कॅपिटल लेटर्समध्ये लिहावे. प्रत्येक चौकोनात एक याप्रमाणे नाव लिहिल्यानंतर त्याखालील वर्तुळ डार्क करावा. विशेष आरक्षणाचे चार मुद्दे अर्जामध्ये नमूद करण्यात आले आहेत. विशेष आरक्षण सवलतींच्या निकषात जे विद्यार्थी पात्र ठरतात त्यांनी आरक्षणाचा सांकेतिक क्रमांक व प्रवर्ग सांकेतांकांच्यासमोरील चौकटीत नमूद करून त्याखालील वर्तुळ डार्क करावे. आरक्षणाच्या निकषात पात्र असलेल्या विद्यार्थ्यांना मिळणाऱ्या शासकीय सवलती आणि फीमाफी सवलतींची माहिती घ्यावी. अर्जातील नमूद केलेल्या ठिकाणी संक्षिप्त पत्ता एका चौकोनात एक मूळाक्षर याप्रकारे लिहावा. दहा अंकी मोबाइल क्रमांक आणि एसटीडी कोडसह दूरध्वनी क्रमांक लिहावा. अर्जामध्ये जातीचा उल्लेख करण्यासाठी ९ प्रवर्ग आहेत. त्यामध्ये पात्र ठरलेल्या रकान्यात सांकेतांक लिहिणे आवश्यक आहे. दहावीच्या गुणपत्रिकेतील गुण चौकानात लिहावे. टक्केवारीही नोंदवावी. रिपीटर विद्यार्थ्यांनी किंवा एटीकेटी सुविधा घेणाऱ्या विद्यार्थ्यांनी केवळ उत्तीर्ण झालेल्या विषयांच्या गुणांची बेरीज करून ती बेरीज व त्याची टक्केवारी लिहावी. तसेच दहावीच्या परीक्षेचा क्रमांकही या अर्जात नमूद करणे आवश्यक आहे.

२१ दिवसांत प्रवेशप्रक्रिया

प्रवेश प्रक्रिया ३ जुलैपासून सुरुवात होणार आहे. ३२ कॉलेजांमध्ये १३ हजार ५०० जागांसाठी ही प्रवेश प्रक्रिया असेल. दोन टप्प्यांत होणारी ही प्रवेश प्रक्रिया २१ दिवसांत विभागली आहे. २४ जुलैपर्यंत ती सुरू राहिल. २५ जुलै रोजी अकरावीचे वर्ग सुरू करण्याच्या सूचना शिक्षण मंडळातर्फे कनिष्ठ महाविद्यालयांना देण्यात आल्या आहेत. आलेल्या अर्जांच्या छाननीनंतर १७ ​जुलै रोजी www.dydekop.org या वेबसाइटवर आणि शहरातील सर्व ३२ कनिष्ठ महाविद्यालयांच्या सूचना फलकावर दुपारी तीन वाजता निवड यादी प्रसिद्ध करण्यात येणार आहे. १८ ते २१ जुलै या कालावधीत निवड यादीतील प्रवेश निश्चित करण्यात येणार आहेत. तर २२ ते २४ जुलै या कालावधीत रिक्त जागांवरील प्रवेश मिळतील. २५ जुलै रोजी अकरावीचे वर्ग सुरू होणार आहेत.


आरक्षणासाठी सांकेतिक क्रमांकाची माहिती

माजी सैनिकांच्या पाल्यांसाठी तसेच बदलीची नोकरी असलेल्या पालकांच्या पाल्यांसाठी सांकेतिक क्रमांक १ लिहावा. तर क्रीडा किंवा सांस्कृतिक स्पर्धा व उपक्रमांमध्ये जिल्हा, राज्य व राष्ट्रीय स्तरावर प्रथम, दवीतीय किंवा तृतीय क्रमांक मिळवला असेल तर सांकेतिक क्रमांक २ लिहावा. ४० टक्के किंवा त्यापेक्षा जास्त अपंगत्व असलेल्या विद्यार्थ्यांनी सांकेतिक क्रमांक ३ लिहावा. वरीलपैकी तिन्ही कक्षेत न बसणाऱ्या विद्यार्थ्यांनी सांकेतिक क्रमांक ४ लिहावा.


कॉलेजांमध्ये आरक्षणानुसार विद्यार्थ्यांना प्रवेश मिळणार आहे. बदलीने आलेले, राज्य तसेच केंद्र सरकारचे कर्मचारी, आजी -माजी सैनिक, स्वातंत्र्यसैनिकांच्या पाल्यांना, क्रीडा व सांस्कृतिक क्षेत्रामध्ये त्या विद्यार्थ्यांनी राष्ट्रीय तसेच राज्य स्पर्धेत सहभागी होऊन चांगले यश मिळविले असेल तर त्या विद्यार्थ्यांसाठी खेळाडू म्हणून आरक्षण आहे. प्रवेश अर्ज भरताना जर एखाद्या विद्यार्थ्याचा जातीचा दाखला मिळाला नसल्यास त्याने कॉलेजला टोकन सादर करून एक महिन्याच्या मुदतीवर दाखला सादर करण्याच्या हमीवर त्याला प्रवेश मिळू शकेल.

डॉ. एन. व्ही. नलवडे, कार्याध्यक्ष, अकरावी केंद्रीय प्रवेश प्रक्रिया समिती

विद्यार्थ्यांना गुणांप्रमाणे योग्य कॉलेजात सहज प्रवेश मिळावा यासाठी कार्यशाळेचे आयोजन केले आहे. प्रवेश अर्ज भरताना पालक व विद्यार्थ्यांमध्ये होणारा गोंधळ कमी व्हावा यासाठी हा एक मार्गदर्शनाचा प्रयत्न आहे. अर्ज व माहिती पुस्तकामध्ये कॉलेजांची माहिती देण्यात आलेली आहे. अर्जातील सर्व माहिती लिहिणे आवश्यक आहे. निवडलेले विषय संबंधित महाविद्यालयात असल्याची खात्री करा. जर चूक झाल्यास पुन्हा हव्या त्या कॉलेजला प्रवेश मिळण्याची शक्यता नाही.

मकरंद गोंधळी, अध्यक्ष, अकरावी केंद्रीय प्रवेश समिती

प्रवेश निश्चित करण्यासाठी पालक व विद्यार्थ्यांसाठी उदबोधन वर्ग महत्त्वाचे आहेत. केंद्रीय प्रवेश प्रक्रियेमुळे प्रवेशाममध्ये पारदर्शकता आली आहे. प्रवेश घेताना मुलांनी चांगल्या कॉलेजमध्ये प्रवेश मिळावा यासाठी अर्ज व्यवस्थित भरणे आवश्यक आहे. केवळ जाण्या-येण्याची सोय होते म्हणून अनेकजण घराजवळील कॉलेजलाच प्राधान्य देतात. पण, अशामुळे करिअरचे नुकसान होण्याची दाट शक्यता आहे. हे टाळण्याचे प्रयत्न हवेत.

एन. डी. पारधी, सचिव, अकरावी केंद्रीय प्रवेश समिती


मिळवा मार्गदर्शनाची संधी

२९ जून स. म. लोहिया हायस्कूल, पेटाळा सकाळी १०.३० ते दुपारी १२.३०

कॉमर्स कॉलेज, बिंदू चौक दुपारी ३.०० ते सायंकाळी ५.००

३० जून गोखले कॉलेज दुपारी ३.०० ते सायंकाळी ५.००

न्यू कॉलेज, शिवाजी पेठ दुपारी ३.०० ते सायंकाळी ५.०० (प्रवेशप्रक्रियेतील कर्मचारी वर्गासाठी)


प्रवेश अर्ज वितरण केंद्रे व दूरध्वनी

कोल्हापूर हायस्कूल व ज्युनि. कॉलेज, खरी कॉर्नर २६२४५०२

स. म. लोहिया हायस्कूल व ज्युनिअर कॉले​ज ६२७०५३

दे. भ. रत्नाप्पा कुंभार कॉलेज ऑफ कॉमर्स २६४१२२४

कमला कॉलेज, राजारामपुरी पहिली गल्ली २५२२२१६

विवेकानंद कॉलेज, ताराबाई पार्क २६५८६१२

महावीर कॉलेज, न्यू पॅलेसजवळ २६५१८३०


वेळापत्रकावर ठेवा लक्ष

प्रवेश अर्ज भरणे ३ ते ८ जुलै

प्रवेश अर्जांची छाननी ९ ते १६ जुलै

निवड यादी प्रसिद्ध १७ जुलै

निवड यादीतील प्रवेशप्रक्रिया १८ ते २१ जुलै

रिक्त जागांवरील प्रवेशप्रक्रिया २२ ते २४ जुलै

अकरावीचे वर्ग सुरू २५ जुलै

मोबाइल अॅप डाउनलोड करा आणि राहा अपडेट

---

जलतरणपटू वीरधवल खाडेचं उद्या शुभमंगल

June 29, 2017, 9:56 am

≫ Next: कर भरण्यासाठी रांगा, यंत्रणा तोकडी

≪ Previous: मिळाली ऑनलाइन प्रवेशाची किल्ली

$

0

0

म.टा. प्रतिनिधी । कोल्हापूर

ऑलिपिंक स्पर्धेसाठी भारताकडून प्रतिनिधित्व करण्याचा मान मिळविणारा पहिला आंतरराष्ट्रीय जलतरणपटू वीरधवल खाडे उद्या शुक्रवारी लग्नाच्या बेडीत अडकणार आहे. प्रसिद्ध आंतरराष्ट्रीय जलतरणपटू ऋजुता भट हिच्याशी त्याचा विवाह होणार आहे.

कोल्हापूरच्या महासैनिक दरबार हॉल येथील सभागृहात आज सायंकाळी या दोघांचा साखरपुडा झाला. यावेळी विविध क्षेत्रातील मान्यवर उपस्थित होते. आता उद्या शुक्रवारी साडेबाराच्या सुमारास वीरधवल आणि ऋजुता हे दोघेही विवाहाच्या पवित्र बंधनात अडकतील. या विवाह सोहळ्यासाठी जलतरणपटू संदीप शेजवाल, भारतीय स्विमिंग असोसिएशनचे कमलेश नानावटी, प्रशिक्षक निहार अमीर, प्रदीप कुमार कोल्हापुरात दाखल झाले आहेत. वीरधवल सिंधुदुर्गातील मालवणचा तहसिलदार आहे. त्यामुळे त्याच्या कामातील वरिष्ठ अधिकारी आणि सहकारीही या विवाह समारंभासाठी उपस्थित राहणार आहेत.

मोबाइल अॅप डाउनलोड करा आणि राहा अपडेट

कर भरण्यासाठी रांगा, यंत्रणा तोकडी

June 29, 2017, 2:30 pm

≫ Next: सामोपचाराने राखा सलोखा

≪ Previous: जलतरणपटू वीरधवल खाडेचं उद्या शुभमंगल

$

0

0

म. टा. प्रतिनिधी, कोल्हापूर

दरवर्षी घरफाळा वसुलीसाठी धावाधाव करणाऱ्या महापालिका प्रशासनाला यंदा मिळकतधारकांकडून ‘छप्पर फाडके’ प्रतिसाद मिळत आहे. तीस जूनपर्यंत घरफाळा भरल्यास ६ टक्के सवलत योजनेचा तब्बल ४० हजारांहून अधिक मिळकतधारकांनी लाभ घेतला. महापालिकेच्या तिजोरीत एप्रिल महिन्यापासून आजअखेर १७ कोटी २३ लाख रुपयांचा घरफाळा जमा झाला आहे. दरम्यान, नागरी सुविधा केंद्रावर गर्दी वाढल्याने यंत्रणा तोकडी असल्याचे चित्र होते.

नागरी सुविधा केंद्रांसमोर रांगा वाढल्याने प्रशासनाने केंद्रात आणखी एक काऊंटर सुरु केले. दरम्यान सहा टक्के योजनेची सवलत शुक्रवारी (ता. ३० जून) संपत असून या दिवशी नागरी सुविधा केंद्र सायंकाळी पाच वाजेपर्यंत सुरू राहतील असे प्रशासनाने कळविले आहे. महापालिकेच्या मुख्य इमारतीतील नागरी सुविधा केंद्र, गांधी मैदान, ताराराणी मार्केट, राजारामपुरी मार्केट आणि शिवाजी मार्केट येथे घरफाळा भरण्याची सुविधा आहे. यासह अॅक्सीस बँक, एचडीएफसी बँक, आयसीआयसीआय बँकेच्या शाखेतही घरफाळा भरता येतो. दरम्यान, पाचही केंद्रांसमोर गुरुवारी रांगा लागल्या. अतिरिक्त आयुक्त श्रीधर पाटणकर यांनी नागरी सुविधा केंद्रातील कर्मचाऱ्यांना सूचना केल्या. शुक्रवारी पाचही केंद्रामध्ये जादा यंत्रणा उपलब्ध करण्यास सांगितले. महापालिकेतर्फे ३० जूनपर्यंत घरफाळा भरल्यास सहा टक्के सवलत आहे तर एक जुलै ते ३० सप्टेंबर २०१७ या कालावधीत घरफाळा भरल्यास ४ टक्के सवलत देण्यात येणार आहे.


महिलेला चक्कर

महापालिकेच्या मुख्य इमारतीतील नागरी सुविधा केंद्रात घरफाळा भरण्यासाठी रांगेत थांबलेल्या एका महिलेला चक्कर आली. त्यानंतर येथील मनुष्यबळ वाढविण्यात आले.

मोबाइल अॅप डाउनलोड करा आणि राहा अपडेट

सामोपचाराने राखा सलोखा

June 29, 2017, 2:30 pm

≫ Next: शाहू अभ्यास केंद्राचे पालटणार रूप

≪ Previous: कर भरण्यासाठी रांगा, यंत्रणा तोकडी

$

0

0

म. टा. प्रतिनिधी, कोल्हापूर

करवीरनिवासिनी श्री अंबाबाई मंदिरातील पुजारी आणि श्रीअंबाबाई मंदिर पुजारी हटाव संघर्ष समिती यांच्यातील संघर्ष वाढून कायदा सुव्यवस्थेचा प्रश्न उद्भवू नये यासाठी पोलिस प्रशासन गुरुवारी दक्ष झाले. विशेष पोलिस महानिरीक्षक विश्वास नांगरे-पाटील यांनी गुरूवारी पोलिस अधीक्षक कार्यालयात दोन्ही गटांची स्वतंत्र बैठक घेतली. ‘मंदिरातील वादावरून शहरातील वातावरण बिघडू नये, दोन्ही गटांनी सामोपचाराने सलोखा राखावा’, असे आवाहन आयजी नांगरे-पाटील यांनी केले आहे.

अंबाबाई मंदिरात देवीच्या मूर्तीला परिधान केलेल्या पोषाखावरून सुरू झालेल्या वादाला व्यापक स्वरूप प्राप्त झाले आहे. आंदोलकांनी पुजारी हटवण्याची मागणी केली आहे. यातच काही आंदोलकांना धमकीचे पत्र आले, तर पुण्यातील काही संघटनांनी अंबाबाई मंदिरातील वादाबाबत जाणीवपूर्वक सोशल मीडियातून आक्षेपार्ह मजकूर प्रसारित केल्याचा आरोप केला जात आहे. या पार्श्वभूमीवर शहरातील कायदा सुव्यवस्था अबाधित ठेवण्यासाठी आयजी नांगरे-पाटील आणि पोलिस अधीक्षक संजय मोहिते यांनी गुरूवारी दोन्ही गटांची स्वतंत्र बैठक घेतली. दुपारी बाराच्या सुमारास झालेल्या बैठकीत श्री अंबाबाई मंदिर पुजारी हटाव संघर्ष समितीचे आर. के. पोवार, दिलीप देसाई, दिलीप पाटील, बाबा पार्टे, विजय देवणे, इंद्रजित सावंत, वसंतराव मुळीक, आदी उपस्थित होते. पोलिस प्रशासनाने आंदोलकांची मते जाणून घेतली.

संध्याकाळी चारच्या सुमारास आयजी नांगरे-पाटील यांनी अंबाबाई मंदिरातील पुजाऱ्यांची बैठक घेतली. या बैठकीसाठी अजित ठाणेकर, बाबूराव ठाणेकर, श्रीकांत मुनीश्वर, शिरिष मुनीश्वर, माधव मुनीश्वर, केदार मुनीश्वर, अनिल गोटखिंडीकर, शरद मुनीश्वर आणि भाजपचे महेश जाधव उपस्थित होते. दोन्ही बैठकांमध्ये आयजी नांगरे-पाटील यांनी उपस्थितांची मते जाणून घेतली. यानंतर कायदा सुव्यवस्था राखण्यासाठी दोन्ही बाजुंनी काळजी घेण्याचे आवाहनही त्यांनी केले.

बैठकांबाबत माहिती देताना आयजी नांगरे-पाटील म्हणाले, ‘मंदिरातील वादाने गंभीर रुप धारण करू नये असे प्रयत्न आहेत. जिल्हाधिकाऱ्यांमार्फत मंदिरातील वस्तुस्थितीचा अहवाल राज्य सरकारला सादर होणार आहे. दरम्यान दोन्ही गटांनी संयम बाळगणे गरजेचे असल्याने दोन्ही गटातील संबंधितांशी पोलिस प्रशासनाने चर्चा केली. दोन्ही गटात तेढ निर्माण होऊन आंदोलनाला हिंसक वळण लागू नये, यासाठी सामंजस्याने सलोखा राखण्याचे आवाहन केले आहे. दोन्ही बाजुंनी याला सकारात्मक प्रतिसाद मिळाल्याने वाद वाढणार नाही.’ या बैठकांमध्ये वादावर कोणताही तोडगा निघाला नाही, हिंसक आंदोलन होणार नाही असे दोन्ही बाजुंनी पोलिस अधिकाऱ्यांना आश्वासन दिले.

पुण्यातील आंदोलनाशी संबंध नाही

पुण्यातील एका संघटनेने कोल्हापुरातील पुजाऱ्यांच्या समर्थनार्थ केलेल्या आंदोलनाशी श्री करवीरनिवासिनी अंबाबाई हक्कदार श्रीपूजक मंडळाचा काही संबंध नाही. त्या आंदोलनाची मंडळास कोणतीही कल्पना नव्हती. असे पुजाऱ्यांनी सांगितले. शिवाय मंदिरातील वादाबाबत सोशल मीडियातून फिरत असलेल्या वादग्रस्त मेसेजबाबतही दक्षता घेण्याचे आवाहन मंडळाने प्रसिद्धी पत्रकाद्वारे केले आहे.

वादग्रस्त मजकुराची चौकशी

‘श्री अंबाबाई मंदिरातील वादाबाबत गेली दोन दिवस एक वादग्रस्त पोस्ट सोशल मीडियात वायरल झाली आहे. पुण्यातील एका संघटनेने ही पोस्ट टाकली असल्याचा आरोप आहे. वादग्रस्त पोस्ट कुणी पाठवल्या आहेत याची सायबर सेलच्या माध्यमातून चौकशी सुरू आहे. मुंबईतील सोशल मीडिया सेलचीही यासाठी मदत घेतली जाणार आहे. आंदोलकांना धमकीचे पत्र पाठवणाऱ्यांचाही स्वतः पोलिस अधीक्षक शोध घेत आहेत. संबंधितांवर तातडीने कारवाई केली जाणार आहे’, अशी माहिती आयजी नांगरे-पाटील यांनी दिली.

देवीचा पोषाख बदलण्याचे कारस्थान पुजाऱ्यांनीच केले आहे, त्यामुळे त्यांना मंदिरातून हटवण्याचा आमचा आग्रह कायम आहे. कायदा हातात घेऊन आंदोलन करणार नाही. मात्र, पंढरपूरच्या धर्तीवर येथेही सरकारी पुजाऱ्यांची नियुक्ती होऊ शकते. याची अंमलबजावणी करावी एवढीच आमची मागणी आहे.

दिलीप देसाई, आंदोलक

मोबाइल अॅप डाउनलोड करा आणि राहा अपडेट

शाहू अभ्यास केंद्राचे पालटणार रूप

June 29, 2017, 2:30 pm

≫ Next: दूध उत्पादक वाऱ्यावर

≪ Previous: सामोपचाराने राखा सलोखा

$

0

0

कोल्हापूर टाइम्स टीम

शिवाजी पेठेत गांधी मैदान येथे महापालिकेच्या वतीने सुरू करण्यात आलेल्या राजर्षी शाहू स्पर्धा परीक्षा केंद्राची नव्याने उभारणी करण्याच्या प्रस्तावाचा विचार करण्याच्या सूचना पालकमंत्री चंद्रकांत पाटील यांनी जिल्हा नियोजन मंडळाला दिल्या आहेत. नावीन्यपूर्ण योजनांच्या अंतर्गत समाविष्ट करण्यात आलेल्या या प्रस्तावाला मंजुरी मिळाल्यास अभ्यास केंद्राचे रूप लाटणार असून, स्पर्धा परीक्षांच्या विद्यार्थ्यांसाठी एक चांगले केंद्र उभे राहणार आहे.

स्पर्धा परीक्षांच्या विद्यार्थ्यांसाठी शहरात अपेक्षित जागा उपलब्ध नाहीत. शिवाजी विद्यापीठातील ग्रंथालयात तेथे शिकणाऱ्या विद्यार्थ्यांना ओळखपत्र दाखवूनच प्रवेश दिला जात असल्याने अनेक विद्यार्थ्यांची गैरसोय होत होती. त्यामुळे गांधी मैदान येथील भास्करराव जाधव वाचनालयाच्या कर्मचाऱ्यांना तेथे स्पर्धा परीक्षा अभ्यास केंद्र सुरू करण्याची कल्पना सूचली. वाचनालयाच्या इमारतीखाली बेसमेंटला असणारे विभागीय कार्यालय शिफ्ट झाल्याने तेथे जागाही उपलब्ध होती. त्या जागेत १५ ऑगस्ट २०१४ रोजी राजर्षी शाहू स्पर्धा परीक्षा केंद्र सुरू झाले. अनपेक्षितपणे या केंद्राला अतिशय चांगला प्रतिसाद मिळाला. या केंद्रासाठी स्पर्धा परीक्षांच्या पुस्तकांचे स्वतंत्र ग्रंथालय सुरू करण्यात आले. दोनशे रुपये वार्षिक शुल्क, ५०० रुपये अनामत शुल्क आणि इतर शुल्कासह ७२० रुपयांत या अभ्यास केंद्राचे सभासदत्व घेता येते. यात अभ्यास केंद्रातील जवळपास दोन हजार पुस्तके विद्यार्थ्यांना उपलब्ध होतात. सकाळी साडेआठ ते सायंकाळी सात यावेळेत हे अभ्यास केंद्र सुरू असते.

जिल्हा नियोजन मंडळाने नव्या अभ्यास केंद्राच्या कामाला थेट मंजुरी दिल्यास या केंद्राचा कायापालट होणार आहे. इमारतीच्या दुसऱ्या मजल्यावर ६३४ स्वेअर मीटर जागेत अत्याधुनिक अभ्यास केंद्र उभारता येणार आहे. या केंद्राच्या उभारणीचा खर्च एक कोटी रुपये असून, फर्निचर, संगणक यंत्रणा यांसह केंद्र उभारणीचा अपेक्षित आकडा एक कोटी ७४ लाख इतका आहे. यामध्ये केंद्रातील कर्मचारी आणि अगदी त्यांच्यासाठीच्या स्वच्छतागृहासह ही अपेक्षित रक्कम निश्चित करण्यात आली आहे.

या सुविधा मिळणार

- विद्यार्थ्यांसाठी रिडिंग हॉल

- वाहनांचा डिस्टर्ब न होणारी बंदिस्त यंत्रणा

- स्पर्धा परिक्षांची आवश्यक सर्व पुस्तके

- तज्ज्ञांच्या व्याख्यानांसाठी लेक्चर हॉल

- हायस्पीड इंटरनेट सुविधा

- स्वच्छतागृह आणि ऑफिस स्टाफ


जिल्हा नियोजन मंडळाकडे शिवाजी पेठेतील राजर्षी शाहू स्पर्धा परीक्षा अभ्यास केंद्रासाठी २९ एप्रिल २०१६ रोजी प्रस्ताव पाठविला होता. त्यानंतर नियोजन मंडळाने पुन्हा पत्रव्यवहार करून फेरप्रस्ताव पाठविण्याची सूचना केली होती. त्यानंतर पाठविलेल्या प्रस्तावाचा पालकमंत्र्यांनी विचार करण्याची सूचना दिली आहे. त्यामुळे या अभ्यास केंद्राचे रूप पालटणार आहे.

- अनुराधा वांडरे, कनिष्ठ अभियंता, महापालिका


स्पर्धा परीक्षांचा अभ्यास करणाऱ्या विद्यार्थ्यांना शिवाजी विद्यापीठाच्या ग्रंथालयात ओळखपत्राशिवाय परवानगी नाही. त्यामुळे ग्रामीण भागातील अनेक विद्यार्थ्यांची गैरसोय होत होती. त्यामुळे अशा विद्यार्थ्यांसाठी एक अभ्यासिका सुरू करण्याचा मानस होता. गेल्या दोन वर्षांत या अभ्यास केंद्राला उत्स्फूर्त प्रतिसाद मिळाला असून, अत्याधुनिक केंद्राची उभारणी झाल्यास विद्यार्थी संख्या निश्चितच वाढेल.

- संजय भोसले, सहायक आयुक्त, महापालिका

मोबाइल अॅप डाउनलोड करा आणि राहा अपडेट

दूध उत्पादक वाऱ्यावर

June 29, 2017, 2:30 pm

≫ Next: ‘त्या’ पुस्तकावर बंदीची मागणी

≪ Previous: शाहू अभ्यास केंद्राचे पालटणार रूप

$

0

0

म. टा. प्रतिनिधी, कोल्हापूर

शेतकऱ्यांच्या संपानंतर मुख्यमंत्री देवेंद्र फडणवीस यांनी गाय आणि म्हैस दूध खरेदीदरात प्रतिलिटर तीन रुपयांची वाढ करण्याचा निर्णय १९ जून रोजी घेतला. या निर्णयानंतर दूग्ध विभागाने २१ जून रोजी दरवाढीचा अध्यादेश लागू करुन त्याबाबतचे परिपत्रक सर्व खासगी व सहाकारी दूध संघांना पाठवले. मुख्यमंत्र्यांच्या घोषणेनंतर जिल्ह्यातील दूध संघांनी दूध दरवाढीची घोषणा केली, मात्र त्याची अद्याप अंमलबजावणी केलेली नाही. त्यामुळे दूध दरवाढीची घोषणा होऊनही उत्पादक शेतकऱ्यांना त्याचा प्रत्यक्षात काहीच फायदा झालेला नाही. दरवाढीचा अध्यादेश अद्याप प्राप्त न झाल्याचे कारण पुढे करत दरवाढीची अंमलबजावणी न केल्यामुळे जिल्ह्यातील दूध उत्पादकांना दररोज २२ लाख रुपयांच्या उत्पन्नावर पाणी सोडावे लागत आहे.

शेतकऱ्यांचे संपूर्ण कर्जमाफीसाठी आंदोलन सुरू असताना त्यांनी दूधाच्या खरेदीदरातही वाढ करण्याची मागणी केली होती. निकषासह कर्जमाफीची घोषणा करण्यापूर्वी मुख्यमंत्री फडणवीस यांनी दूध खरेदीदरात प्रतिलिटर तीन रुपये वाढ करण्याचा निर्णय जाहीर घेतला. त्यानुसार गायीच्या ३.५ फॅट व ८.५ एसएनएफ एक लिटर दुधाचा २७ रुपये तर म्हैस दुधाचा दर ६.० फॅट व ९.० एसएनएफसाठी ३६ रुये प्रतिलिटर निश्चित केला. त्यानंतरच्या प्रत्यके पॉइंटसाठी ३० पैसे वाढ करण्याचा निर्णय जाहीर केला. खरेदी दरात वाढ केल्यानंतर त्वरीत दुग्ध विभागाकडून याबाबतचे परिपत्रकही काढण्यात आले.

२१ जून रोजी काढलेल्या परिपत्रकानुसार दूध दरात वाढ करण्याच्या सूचना संघांना केल्या. सरकारी दूध खरेदीदरापेक्षा केवळ गाईच्या दुधाचा दर कमी असल्याने जिल्ह्यातील सर्व सहकारी व खासगी दूध संघानी गाईच्या दूध दरात वाढ केली. त्यामुळे सरकारचे व संघांचे दूधदर समान पातळीवर आले. सरकारचे परिपत्रक मिळण्यापर्वीच दूध दरवाढीची घोषणा केल्यानंतर उत्पादकांमध्ये आनंदाचे वातावरण होते. मात्र, दूध दरवाढ जाहीर केल्यानंतरचा अध्यादेशच मिळाला नसल्याचे कारण पुढे करत जिल्ह्यातील एकाही संघाने अद्याप वाढीची अंमलबजावणी केलेली नाही. त्यामुळे दरवाढीच्या घोषणेनंतरही उत्पादकांच्या हातात काहीच पडलेले नाही. दरवाढीची अंमलबजावणी अद्याप झालेली नसल्याने रोज उत्पादकांना २२ लाखांचा फटका बसत आहे.

‘सरकराने दूध खरेदीदरात वाढ केल्यानंतर दुधाच्या दरात वाढ करण्याची सूचना सर्व संघांना केली आहे. दरवाढीनंतर अहवाल देण्याची सूचना २१ जून रोजी केली असल्याचे ‘पदुम’ च्या वरिष्ठ अधिकाऱ्यांनी ‘मटा’ला सांगितले.’

सरकारने निर्णय जाहीर केल्यानंतर मंगळवारपर्यंत अध्यादेश मिळालेला नव्हता. पण, घोषणा झाल्यानंतर गायीच्या खरेदी दरात वाढ करण्याचा निर्णय घेतला आहे, पण त्याची अंमलबजावणी केलेली नाही.

- विश्वास पाटील, चेअरमन, गोकुळ दूध संघ

मोबाइल अॅप डाउनलोड करा आणि राहा अपडेट

‘त्या’ पुस्तकावर बंदीची मागणी

June 29, 2017, 2:30 pm

≫ Next: सरकारला शेतकरी सरळ करतील

≪ Previous: दूध उत्पादक वाऱ्यावर

$

0

0

म. टा. प्रतिनिधी, कोल्हापूर

जगप्रसिद्ध इतिहासकार डॉ. इरफान हबीब यांच्या ‘दी अॅग्रेरियन सिस्टिम ऑफ मुघल इंडिया’ या पुस्तकातील छत्रपती शिवाजी महाराज यांच्याविषयीचा आक्षेपार्ह मजकूर जोपर्यंत काढून टाकला जात नाही तोपर्यंत पुस्तकावर बंद घालावी अशी मागणी इतिहास अभ्यासक इंद्रजित सावंत आणि शिवप्रेमींनी गुरुवारी पत्रकार परिषदेत केली. यासंदर्भात छत्रपती शिवाजी महाराज यांच्या नावाने असलेल्या शिवाजी विद्यापीठाची जबाबदारी वाढत असून, त्यांनी या पुस्तकातील दुरुस्तीसाठी आग्रह धरला पाहिजे, असे मतही पत्रकार परिषदेत व्यक्त करण्यात आले. शिवाजी विद्यापीठ आणि जिल्हाधिकारी अविनाश सुभेदार यांना या मागणीचे निवेदन देण्यात आल्याचेही सावंत यांनी सांगितले.

इंद्रजित सावंत म्हणाले, ‘डॉ. इरफान हबीब यांच्यासारख्या जगविख्यात इतिहास संशोधकाने लिहिलेल्या ‘दी अॅग्रेरियन सिस्टिम ऑफ मुघल इंडिया’ या पुस्तकात शिवरायांविषयी आक्षेपार्ह लिखाण आहे. शिवरायांचे राज्य जमीनदारांचे होते, शिवरायांनी शेतसारा दुप्पट केला, ते शिवी देऊन बोलायचे, असा उल्लेख पुस्तकाच्या ४०० ते ४०५ या पानांदरम्यान असलेल्या मराठ्यांच्या प्रकरणात केला आहे. मुळात असे लिखाण करताना त्यांनी कोणतेही ऐतिहासिक संदर्भ दिलेले नाहीत. जॉन फ्रायन आणि भीमसेन सक्सेना यांच्या प्रवास वर्णनाचे दाखले दिलेले आहेत. अर्थात ते अपुरे असून, ठोस संदर्भ नाहीत. शिवरायांनी शेतकऱ्यांसंदर्भात

घेतलेल्या निर्णयांची पाच ते सहा पत्रे आजही उपलब्ध आहेत. त्यांचा संदर्भ का घेण्यात आला नाही? मुळात डॉ. हबीब यांनी हे लिखाण जाणीवपूर्वक केल्याचे दिसत आहे.’

सावंत म्हणाले, ‘पुस्तकाची पहिली आवृत्ती १९६३मध्ये प्रसिद्ध झाली असून, शेवटची आवृत्ती २०१४मध्ये प्रसिद्ध झाली आहे. या पुस्तकातील उल्लेखाबाबत अ. रा. कुलकर्णी यांनी २००० मध्ये ‘महाराष्ट्र टाइम्स’मध्ये लेख लिहून याला वाचा फोडली होती. नंतर पुस्तकात

दुरुस्ती करण्याचीही मागणी केली होती. पण, डॉ. हबीब यांनी दुरुस्ती न केल्याने आता दुरुस्ती होईपर्यंत पुस्तकावर बंदी घालावी.’

पत्रकार परिषदेस किरणसिंह चव्हाण, उत्तम जाधव, शैलजा भोसले, दत्तकुमार खंडागळे, हर्षल सुर्वे, गणी आजरेकर, इंद्रजित माने आदी प्रमुख उपस्थित होते.

मोबाइल अॅप डाउनलोड करा आणि राहा अपडेट

सरकारला शेतकरी सरळ करतील

June 29, 2017, 2:30 pm

≫ Next: धमकीच्या पत्रांची गांभीर्याने दखल

≪ Previous: ‘त्या’ पुस्तकावर बंदीची मागणी

$

0

0

म. टा. प्रतिनिधी, कोल्हापूर

‘शेतमाला चांगला भाव न मिळाल्याने शेतकरी आर्थिक अडचणीत आहे. कर्जबाजारीपणाचा फास आवळू नये, म्हणून शेतकऱ्यांना संप करावा लागला, हे सरकारचे अपयश आहे. सरकारने शेतकरी केंद्रस्थानी ठेऊल धोरणे राबवावीत. अन्यथा शेतकरी सरकारला सरळ करतील’, असे आवाहन कृषीतज्ज्ञ डॉ. बुधाजीराव मुळीक यांनी गुरुवारी केले. शेतकरी सहकारी संघातर्फे सहकारमूर्ती तात्यासाहेब मोहिते यांच्या ५८ व्या पुण्यतिथीनिमित्त आयोजित कार्यक्रमात ते ‘शेती व सहकार’ या विषयावर बोलत होते. दसरा चौकातील शाहू स्मारक भवनात हा कार्यक्रम झाला.

डॉ. मुळीक म्हणाले, ‘शेतकरी कर्जमाफी देताना सरकार कर्जबाजारी असल्याचे सांगत आहे. मात्र सरकारवर कर्ज झाले म्हणून आजअखेर एकाही राजकारण्याने आत्महत्या केली नाही. शेतकऱ्यांसाठी आणखी १ लाख कोटी रुपये कर्ज झाले तरी काहीही बिघडत नाही. शेतकरी अन्नदाता आहे. तो अन्नधान्य पिकवतो म्हणून भाकरी मिळते, याची जाणीव सरकारने ठेवली पाहिजे. भविष्यात ड्रोनद्वारे औषध फवारणी शक्य होईल. हत्ती, गव्यांसारख्या जंगली प्राण्यांचा बंदोबस्त रोबोट करेल. यामुळे शेतकऱ्यांनी आधुनिक तंत्रज्ञान आत्मसात करावे.’

डॉ. मुळीक म्हणाले, ‘राजकारणातील काही अपप्रवृत्तींचा शिरकाव सहकारात झाला. ‌परिणामी सहकार अडचणीत येत आहे. सरकाराला गतवैभव मिळवून देण्यासाठी चुकीच्या गोष्टींना थारा देऊ नये. शेतकरी आणि सहकार एकाच नाण्याच्या दोन बाजू आहेत. शेतकरी जगला तरच सहकार टिकणार आहे. सरकारने सहकार टिकवण्यासाठी प्रयत्न करणे गरजेचे आहे. मात्र, सध्या तसे होताना दिसत नाही. खासगीकरणाला प्रोत्साहन दिले जात आहे. सहकाराला खासगीकरणाची लागण गतीने होत आहे. सुरूवातीला ते उसाला जादा दर देतील आणि साखर कारखाने मोडीत निघाल्यानंतर शेतकऱ्यांची लुबाडणूक करतील.’

व्यंकाप्पा भोसले यांनी स्वागत केले. अध्यक्ष युवराज पाटील यांनी प्रास्ताविक केले. व्यवस्थापक आप्पासाहेब निर्मळ, बाबासाहेब पाटील आदी उपस्थित होते.

मोबाइल अॅप डाउनलोड करा आणि राहा अपडेट

---

धमकीच्या पत्रांची गांभीर्याने दखल

June 29, 2017, 2:30 pm

≫ Next: पंढरपुरात बंदोबस्तासाठी ६ हजार पोलिस

≪ Previous: सरकारला शेतकरी सरळ करतील

$

0

0

म. टा. प्रतिनिधी, कोल्हापूर

श्री अंबाबाई मंदिरात देवीला परिधान केलेल्या पोषाखावरून सुरू झालेल्या वादात पुजाऱ्यांविरोधात भूमिका घेणाऱ्या तीन आंदोलकांना निनावी पत्राने धमकी आली आहे. धमकी पत्राचे गांभीर्य लक्षात घेऊन पोलिसांनी तातडीने तपास सुरू केला. सोशल मीडियातून प्रसारित होणारे वादग्रस्त मेसेज रोखण्यासाठीही सायबर सेलसह मुंबईतील सोशल मीडिया सोलची मदत घेतली जात आहे.

अंबाबाई मंदिरातील पुजारी हटाओ आंदोलनात अग्रभागी असलेले क्षत्रिय मराठा चेंबरचे दिलीप पाटील, प्रजासत्ताक संस्थेचे दिलीप देसाई आणि स्वाभिमान संघटनेचे सचिन तोडकर यांना बुधवारी धमकीचे पत्र आले आहे. ‘तुम्ही शांत राहा, नाहीतर तुमचाही दाभोलकर करू,’ असा इशारा देणारे पत्र बेळगावमधून आल्याचे प्राथमिक तपासात स्पष्ट झाले आहे. पत्राच्या सुरुवातीला आणि शेवटी ‘जय परशुराम’ असा उल्लेख आहे. त्यामुळे प्रतिगामी संस्थांमधील व्यक्तींनी पत्र पाठवल्याचा असा संशय आंदोलकांनी वर्तवला आहे. याची सखोल चौकशी करण्याची मागणी गुरूवारी बैठकीत करण्यात आली.

पत्र स्थानिकानेच लिहिले की शहराबाहेरच्या व्यक्तीने लिहिले याची पोलिसांकडून चौकशी सुरू आहे. पत्रावर बेळगाव पोस्ट ऑफिसचा शिक्का असल्याने एक पथक बेळगावला गेले आहे. परिसरातील सीसीटीव्ही फुटेजमधून संशिताचा शोध सुरू आहे. गेल्या दोन वर्षात डॉ. भारत पाटणकर आणि ज्येष्ठ पत्रकार सुभाष देसाई यांना आलेल्या धमकीपत्रांचाही संदर्भ घेतला जात आहे. लवकरच संशयिताला ताब्यात घेऊन कायदेशीर कारवाई करू असे पोलिस अधीक्षक संजय मोहिते सांगितले.

धमकी देणारे मोकाट

गेल्या दोन वर्षात डॉ. पाटणकर यांना धमकीचे पत्र आले, तर ज्येष्ठ पत्रकार सुभाष देसाई यांना धमकीचा फोन आला होता. धमकीचे पत्र, संबंधित फोन नंबरची माहिती पोलिसांना दिली होती. मात्र धमकी देणारे कोण याचीही माहिती पोलिसांना काढता आली नाही. तेव्हाच संशयिताला अटक करण्यात यश आले असते, तर कदाचित धमकीचे पत्र पाठवण्याच्या घटनांना आळा बसला असता, अशी चर्चा आहे.

पोलिसांचे आवाहन

अंबाबाई मंदिरातील वादानंतर काही समाजकंटकांनी जाणीवपूर्वक वादग्रस्त मेसेज सोशल मीडियात टाकले आहेत. यातून असुरक्षिततेची भावना निर्माण होत असून, कायदा-सुरक्षिततेचाही प्रश्न उपस्थित होत आहे. समाजात तेढ निर्माण करणाऱ्यांवर पोलिसांची नजर असून, त्यांच्यावर ‘कलम १५३ अ’नुसार कठोर कारवाई करू असे आवाहन पोलिसांनी केले आहे.

मोबाइल अॅप डाउनलोड करा आणि राहा अपडेट

पंढरपुरात बंदोबस्तासाठी ६ हजार पोलिस

June 29, 2017, 2:30 pm

≫ Next: ‘जीकेसी’ला रोज पाच हजार दंड

≪ Previous: धमकीच्या पत्रांची गांभीर्याने दखल

$

0

0

कोल्हापूर टाइम्स टीम

‘पंढरपूरच्या आषाढी वारीमध्ये कोणताही अनुचित प्रकार घडू नये यासाठी ६ हजार पोलिसांच्या बंदोबस्ताचे नियोजन केले आहे. यातील २ हजार पोलिस वाहतूक नियमन करणार आहेत. वाहनांमुळे शहर ठप्प होऊ नये, यासाठी शहरात येणाऱ्या सर्वच ९ मार्गांवर स्वतंत्र पार्किंग व्यवस्था करण्यात आली असून, घातपात विरोधी पथकाचीही वारीवर नजर आहे,’ अशी माहिती विशेष पोलिस महानिरीक्षक विश्वास नांगरे-पाटील यांनी दिली. पोलिस अधीक्षक कार्यालयात ते पत्रकारांशी बोलत होते.

पुढे बोलताना ते म्हणाले, ‘पंढरपूरच्या दिशेने निघालेल्या दिंड्या दोन दिवसात पंढरपुरात दाखल होणार आहेत. चार तारखेला आठ ते दहा लाख भाविक पंढरपुरात दाखल होण्याची शक्यता असल्याने या काळात वारीत आणि पंढरपुरात चोख पोलिस बंदोबस्ताचे नियोजन करण्यात आले आहे. कोल्हापूर परिक्षेत्रासह राज्यातून अधिकचा बंदोबस्त मागवला आहे. एकूण ६ हजार पोलिसांची यासाठी नियुक्ती केली असून, यातील २ हजार पोलिस वारीसह पंढरपूर शहरातील वाहतुकीला शिस्त लावण्याचे काम करतील. शहरात येणाऱ्या ९ मार्गांवर पोलिसांनी स्वतंत्र पार्किंग व्यवस्था केली आहे. यात्रा काळात शहरात वाहनांना बंदी असून, पार्किंग ठिकाणांवरच वाहने पार्क करण्याच्या सूचना पोलिसांनी दिल्या आहेत. गर्दीवर नजर ठेवण्यासाठी ६ सीसीटीव्ही सर्व्हिलन्स व्हॅन आहेत. घातपात विरोधी पथकही वारीत सहभागी आहे. याशिवाय साध्या वेशातील पोलिसही वारीत सहभागी आहेत.’

आपत्कालीन यंत्रणा सज्ज

चंद्रभागा नदीत वाळू काढण्यासाठी खोदलेल्या खड्ड्यातील पाण्यात बुडून दोन मुलांचा मृत्यू झाला होता. अशी घटना पुन्हा घडू नये, यासाठी खड्डे बुजवण्याचे काम सुरू आहे. या परिसरात विद्युत प्रकाशझोताचीही व्यवस्था केली आहे. चंद्रभागा नदीच्या पाण्यात वाढ होणार असल्याने खोल भागात जाण्यास मज्जाव केला असून, लाईफ जॅकेट आणि आपत्कालीन यंत्रणाही सज्ज असल्याची माहिती विशेष पोलिस महानिरीक्षक विश्वास नांगरे-पाटील यांनी दिली.

मोबाइल अॅप डाउनलोड करा आणि राहा अपडेट

‘जीकेसी’ला रोज पाच हजार दंड

June 29, 2017, 2:30 pm

≫ Next: आठ लाख वृक्षलागवडीचे टार्गेट

≪ Previous: पंढरपुरात बंदोबस्तासाठी ६ हजार पोलिस

$

0

0

Appasaheb.mali@timesgroup.com

Tweet:@Appasaheb_MT

विविध प्रकारच्या परवानग्या आणि योजनेच्या मार्गातील अडथळ्यांमुळे थेट पाइपलाइन योजनेचे काम मुदतीत पूर्ण केले नाही, या कारणावरुन जीकेसी इन्फ्रास्ट्रक्चर प्रोजेक्टस कंपनीला रोज पाच हजाराचा दंड आकारण्याची कारवाई सुरू झाली आहे. कंपनीला द्यायच्या बिलातून पहिल्या टप्प्यात साडेसहा लाख रुपये इतकी रक्कम वजा केली आहे.

योजनेचे काम करण्यावरुनही महापालिका प्रशासन आणि ठेकेदार कंपनीत एकवाक्यता नाही. २२ नोव्हेंबर २०१६ पर्यंत योजना पूर्ण करण्याची मुदत होती. त्यानंतर तीन महिने चाचणी घेण्यात येणार होती. मात्र मुदतीत योजना पूर्ण करता आली नाही. यामुळे कंपनीने महापालिकेकडे नोव्हेंबर २०१८ पर्यंत योजनेचा कालावधी वाढवून देण्याची मागणी केली होती. मात्र महापालिकेने ही मागणी अमान्य केली. गेल्या तीन वर्षात योजनेचे काम केवळ ४० ते ४५ टक्क्यांपर्यंत झाले आहे.

जॅकवेलचे काम बंद

काळम्मावाडी धरणाच्या उजव्या तिरावर इनटेक वेल, जॅकवेल व पंपहाउसची कामे प्रस्तावित आहेत. जॅकवेलचे काम सुरु केले आहे. मात्र मे महिन्याच्या शेवटच्या आठवड्यात धरण क्षेत्रात जोरदार पाऊस झाल्यामुळे २९ मेपासून काही दिवस काम बंद ठेवले होते. जूनच्या पहिल्या आठवड्यात पुन्हा कामाला सुरुवात झाली. मात्र गेल्या आठवड्यापासून पावसाचा जोर वाढल्यामुळे सध्या जॅकवेलचे काम थांबले आहे. पावसाळ्याच्या कालावधीत धरणक्षेत्रात कसल्याही प्रकारचे काम करता येणार नाही. साधारणपणे नोव्हेंबर २०१७ पर्यंत धरणक्षेत्र परिसरातील काम ठप्प राहणार आहे. यामुळे महापालिकेने कंपनीला मे २०१८ अखेर योजनेचे काम पूर्ण करण्याची अट घातली आहे. मात्र सध्याच्या कामाचा वेग पाहिला असता मे २०१८ अखेर योजना पूर्ण होण्याची शक्यता कमी आहे. काळम्मावाडी ते पुईखडीपर्यंत ५२ किलो मीटर लांबीचा पाइपलाइन मार्ग आहे. दरम्यान पाइपलाइन योजनेला आता सर्व प्रकारच्या मान्यता मिळाल्या आहेत. ४८८ कोटी रुपयांची ही योजना आहे. जीकेसी कंपनीवर डिसेंबर २०१६ पासून रोज पाच हजारांचा दंड आकारण्यात येत आहे.

………. ……..

नोव्हेंबर २०१६ अखेर थेट पाइपलाइन योजनेचे काम पूर्ण करण्याचा कालावधी होता. मात्र मुदतीत काम न झाल्यामुळे कंपनीला रोज पाच हजार दंडाची आकारणी सुरु आहे. शिवाय कंपनीला मे २०१८ पर्यंत योजना पूर्ण करण्याविषयी कळविले आहे.

अभिजित चौधरी, आयुक्त

मोबाइल अॅप डाउनलोड करा आणि राहा अपडेट

आठ लाख वृक्षलागवडीचे टार्गेट

June 29, 2017, 2:30 pm

≫ Next: वीरधवल-ऋजुता लग्नाच्या बेडीत

≪ Previous: ‘जीकेसी’ला रोज पाच हजार दंड

$

0

0

म. टा. प्रतिनिधी, कोल्हापूर

राज्यातील चार कोटी वृक्षलागड मोहिमेंतर्गत, कोल्हापूर जिल्ह्यात आठ लाख १९ हजार ५३० रोपे लावण्यात येणार आहेत. या वृक्षलागवडीची तयारी पूर्ण झाली आहे. एक जुलै रोजी जिल्ह्यातील सर्व सरकारी-निमसरकारी कार्यालयांसह शैक्षणिक आणि सामाजिक संस्था या उपक्रमात सभागी होणार आहेत.

दरवर्षी पाच जून ते १५ ऑगस्ट हा वनमहोत्सवाचा कालखंड असतो. वृक्ष लागवडीच्या या कालावधीवर अधिक भर दिला जात आहे. राज्य सरकारने गेल्यावर्षीपासून वृक्षलागडीसाठी नियोजनबद्ध प्रयत्न केले. गेल्यावर्षी राज्यात दोन कोटी झाडे लावण्यात आली. यावर्षी चार कोटी वृक्षलागवडीचा संकल्प आखला आहे. एक जुलै रोजी राज्यात सरकारच्या २९ विभागांच्या माध्यमातून ७५ लाख तर ग्रामपंचायतींकडून एक कोटी रोपे लावली जाणार आहेत. त्यानंतर टप्प्याटप्प्याने उर्वरीत वृक्षलागवड होईल. कोल्हापूर जिल्ह्यात आठ लाख १९ हजार ५३० रोपे लावण्याचे लक्ष्य आहे. सामाजिक संस्थांनीही या उपक्रमात सहभागासाठी वनविभागाकडे नोंद केली आहे. वनविभागाने ‘रोपे आपल्या दारी’ या योजनेअंतर्गत सवलतीच्या दरात रोपांची विक्री सुरु केली आहे. त्याला नागरिकांचा चांगला प्रतिसाद मिळत आहे. शुक्रवारअखेर दीड लाख रोपांची विक्री होईल असा अंदाज आहे. लागवडीतील अधिकाधिक रोपे उपलब्ध व्हावी असे प्रयत्न वनविभागाने केले आहेत.

या मोहिमेसाठी खड्डे खोदण्याची मोहिम गेले दीड महिने सुरू आहे. जिल्ह्यात ८,१९,५३० रोपे लावण्यात येणार असली तरी ८,८९,६१६ खड्डे खोदण्यात आले आहेत. ७० हजार खड्डे जास्त खोदले आहेत. मोहिमेत सर्वाधइक चार लाख रोपे वनविभागातर्फे लावली जातील. त्यापाठोपाठ ग्रामपंचायत विभागाकडून जिल्ह्यातील १०३४ ग्रामपंचायतींच्या क्षेत्रात १ लाख ७७ हजार वृक्षलागवड केली जाणार आहे. सामाजिक वनीकरण विभागातर्फे ८० हजार तर कृषी विभागातर्फे ४३ हजार व़क्षलागवड केली जाईल. वृक्षलागवडीसाठी जिल्ह्यात ४१०२ ठिकाणे निश्चित केली आहेत.

दरम्यान, रोपांची विक्रीला चांगला प्रति​साद मिळत आहे. ‘रोप आपल्या दारी’ या मोहिमेअंतर्गत जिल्ह्यात १२ वनमहोत्सव केंद्रावर रोप विक्री सुरु आहे. या केंद्रावर रोप विक्रीला नागरिकांकडून चांगला प्रतिसाद मिळत आहे. बिंदू चौक, रंकाळा, शिवाजी विद्यापीठ, ताराबाई पार्क या शहरातील केंद्राकडे रोप विक्रीसाठी विचारणा होत आहे. पण मोगरा, चाफा, पारिजात ही रोपे नसल्याने अनेकांनी नाराजी व्यक्त केली. शहरात छोटी व फुलझाडे असलेली रोपे उपलब्ध करावीत, अशी मागणी होत आहे.

विद्यापीठात मुख्य कार्यक्रम

जिल्ह्यातील वृक्षलागवडीच्या मोहिमेतील मुख्य कार्यक्रम शिवाजी विद्यापीठात शनिवारी सकाळी होईल. पालकमंत्री चंद्रकांत पाटील यांच्या हस्ते रोपे लावली जातील. जिल्हाधिकारी डॉ. अविनाश सुभेदार, विद्यापीठाचे कुलगुरू डॉ. देवानंद शिंदे, जिल्हा परिषदेचे मुख्य कार्यकारी अधिकारी डॉ. कुणाल खेमनार, महानगरपालिकेचे आयुक्त डॉ. अभिजित चौधरी आदींसह अधिकारी उपस्थित राहणार आहेत.

मोबाइल अॅप डाउनलोड करा आणि राहा अपडेट

वीरधवल-ऋजुता लग्नाच्या बेडीत

June 30, 2017, 4:56 am

≫ Next: हस्तांतर प्रक्रिया सुरू

≪ Previous: आठ लाख वृक्षलागवडीचे टार्गेट

$

0

0

म. टा. प्रतिनिधी, कोल्हापूर

आंतरराष्ट्रीय जलतरणपटू, अर्जुन अॅवार्ड विजेता वीरधवल खाडे हा मैत्रीण ऋजुता भट्ट हिच्याशी आज विवाह बंधनात अडकला. कोल्हापुरात वैदीक पद्धतीने हा विवाहसोहळा संपन्न झाला. दोघांना आशीर्वाद देण्यासाठी जलतरण क्षेत्रातील दिग्गज मंडळींबरोबरच नातलग, मित्र परिवार उपस्थित होता.

वीरधवल सध्या मालवण (जि. सिंधुदुर्ग) येथे तहसिलदार म्हणून कार्यरत आहेत. ऋजुता ही आंतरराष्ट्रीय जलतरणपटू असून सहा वर्षापूर्वी मुंबईत जलतरण तलावावर सराव करताना वीरधवलबरोबर तिची ओळख झाली. त्यानंतर दोघांच्यात मैत्री झाली होती. मैत्रीचे रुपांतर प्रेमात झाल्यानंतर दोन वर्षापूर्वी दोघांनी विवाह करण्याचा निर्णय घेतला. खाडे व भट्ट या दोन्ही कुटुंबानी त्यांच्या विवाहास समंती दिली.

ताराबाई पार्क येथील सैनिक भवनाच्या भव्य सभागृहात गुरुवारी सायंकाळी साखरपुड्याचा विधी झाला. त्यानंतर शुक्रवारी दुपारी मराठा वैदिक पद्धतीने विवाह झाला. विवाहासाठी भारताचा आंतरराष्ट्रीय जलतरणपटू संदीप शेजवाल, अखिल भारतीय जलतरण संघटनेचे अध्यक्ष प्रदीप कुमार, सचिव कमलेश नानावटी. वीरधवलचे बेंगळुरु येथील प्रशिक्षक निहार अमीन विवाहासाठी कोल्हापुरात आले होते. कोल्हापुरातील श्रीमंत युवराज मालोजीराजे, प्रविणसिंह घाटगे, जिल्हा क्रीडाधिकारी माणिक वाघमारे, शिवाजी विद्यापीठ क्रीडा विभाग प्रमुख पी. टी. गायकवाड, प्रशिक्षक श्रीकांत जांभळे, अण्णा नालंग, कृषी उत्पन्न बाजार समितीचे अध्यक्ष सर्जेराव पाटील, संचालक सदानंद कोरगांवकर, माजी महापौर नंदकुमार वळंजू, स्वाभिमानी शेतकरी संघटनेचे भगवानराव काटे, जिल्हा परिषद सदस्य राहुल पाटील यांच्यासह मान्यवर उपस्थित होते.

मोबाइल अॅप डाउनलोड करा आणि राहा अपडेट

हस्तांतर प्रक्रिया सुरू

June 30, 2017, 10:25 am

≫ Next: वारणा पात्राबाहेर

≪ Previous: वीरधवल-ऋजुता लग्नाच्या बेडीत

$

0

0

म. टा. वृत्तसेवा, सांगली
सांगलीचे वैभव असलेला वसंतदादा कारखाना भाडेतत्वावर घेणाऱ्या श्री दत्त इंडिया कंपनीच्या स्वाधीन करण्याची प्रक्रिया सुरू झाली आहे. शुक्रवारी कंपनीने कामगारांबरोबर करार पूर्ण केला. थकीत पगारातील ३० रक्कम तत्काळ आणि उर्ववरीत रक्कम प्रती वर्षी १४ टक्के या प्रमाणे देणे, १५ टक्के पगारवाढ, भविष्य निर्वाह निधीचे मार्च अखेरचे पैसे भरणे आदी मागण्या मान्य करून करार नक्की करण्यात आला. हट्ट धरून न बसता कामगारांची रोजी रोटी सन्मानाने वाचवली. अतिशय चांगला करार झाला, अशी माहीती साखर कामगार संघटनेचे सरचिटणीस प्रदीप शिंदे यांनी पत्रकारांशी बोलताना दिली.
सांगली जिल्हा बँकेने ९३ कोटी रुपयांच्या थकीत कर्जासाठी सिक्युरिटायझेशन अॅक्टखाली वसंतदादा साखर कारखाना ताब्यात घेतला होता. त्यानंतर हा कारखाना भाडेतत्त्वाने चालविण्यास देण्याकरिता निविदा प्रक्रिया राबविण्यात आली. कारखाना मुंबईच्या श्री दत्त इंडिया या कंपनीला भाडेतत्त्वावर देण्याचा निर्णय जिल्हा बँकेने घेतला. २६१ रुपये प्रतिटन गाळपाला भाडेदराने त्यांनी हा कारखाना घेतला आहे. वसंतदादा कारखान्याचे अध्यक्ष विशाल पाटील यांनी विशेष सभा घेऊन कंपनीच्या नावे ठरावही केला आहे. करारपत्रात कामगार, शेतकरी, सभासद व अन्य देणी तसेच कामगारांशी करावयाच्या करारांचाही उल्लेख बँकेने केला आहे. त्यामुळे कंपनी प्रतिनिधींनी गुरुवारी तातडीची बैठक घेऊन कामगार युनियनला चर्चेसाठी बोलावले होते. दत्त इंडियाने कामगारांशीही चर्चा करून कामगारांच्या स्वतंत्र करारावर शिक्कामोर्तब केले. शुक्रवारी कराराबाबत पुन्हा चर्चा सुरू झाली. गेल्या अनेक दिवसांपासून कामगारांनी बैठका घेऊन युनियनच्या माध्यमातून कंपनी व कारखान्याला नियम पाळण्याबाबत इशारा दिला होता. त्यानुसार कामगारांशी स्वतंत्रपणे चर्चा कंपनीने केली. वसंतदादा साखर कारखान्याच्या विश्रामगृहावर शुक्रवारी चर्चा सुरू झाली. विविध मुद्यांवर चर्चा झाली. काही मुद्यांवर वादही झाला. कारखान्याने दिलेल्या कामगारांच्या अधिकृत आकडेवारीवरूनही काही वाद निर्माण झाले आहेत. मात्र या बैठकीत तोही मुद्दा फारसा राहिला नाही. कंपनीच्या वतीने प्रमुख अधिकारी धारू, सरव्यवस्थापक मृत्यूंजय शिंदे, सचिव मोरे यांच्यासह वसंतदादा कारखान्याचे अध्यक्ष विशाल पाटील, सर्व संचालक उपस्थित होते.

मोबाइल अॅप डाउनलोड करा आणि राहा अपडेट

वारणा पात्राबाहेर

June 30, 2017, 10:27 am

≫ Next: ​ माउलींचा सोहळा वेळापुरात विसावला

≪ Previous: हस्तांतर प्रक्रिया सुरू

$

0

0

म. टा. वृत्तसेवा, शिराळा
शिराळा तालुक्यातील चांदोली धरण परिसरात पुन्हा अतिवृष्टी झाली. गेल्या चोवीस तासांत ८६ मिलीमीटर पाऊस पडल्याची नोंद वारणावती येथील पर्जन्य मापकावर झाली आहे. पावसाचा जोर वाढल्यामुळे वारणा नदीच्या पाणी पातळीत झपाट्याने वाढ होऊ लागली आहे. वारणा नदीचे पाणी पात्राबाहेर पडले आहे.
धरणातून वारणा नदीत सुरु असलेला ३०० क्युसेक पाण्याचा विसर्ग बंद करण्याचा निर्णय धरण व्यवस्थापणाने गुरुवारी घेतला आहे. धरण पाणलोट क्षेत्रात सोमवारी, १०७ मिलीमीटर पावसाची नोंद झाली होती. त्यानंतर मंगळवारपासून पावसाचा जोर थोडा मंदावला होता. मंगळवारी ४० मिमी, तर बुधवरी ५० मिमी पावसाची नोंद झाली होती. चांदोली धरण पाणलोट क्षेत्रात ४८८ मिमी पावसाची नोंद झाली आहे. धरणाची पाणी पातळी ५९९.४० मीटर इतकी झाली आहे. १२.३० टीएमसी पाणीसाठा झाला आहे. रविवारपासून सुरू झालेल्या पावसाने बळीराजा सुखावला आहे. शिराळा तालुक्याच्या पश्चिम भागातील शेतकरी कोळपणी व भांगलणीच्या कामात व्यस्त आहेत. शिराळा तालुक्याचा पश्चिम भाग सोडला तर इतरत्र मात्र पावसाची उघडझाप सुरू आहे. मोठ्या पावसा अभावी ओढे, नाले भरून वाहलेले नाहीत. शेतातून पाणी अध्याप बाहेर पडलेले नाही.
पूर्व भागात केवळ तुषार
सांगली आणि परिसरात मान्सूनचा जोर वाढू लागला असून शुक्रवारी सायंकाळनंतर पावसाने दखल पात्र हजेरी लावली आहे. केवळ शिराळा तालुका वगळता जिल्ह्यातील नऊ ही तालुक्यांमध्ये वाऱ्याबरोबर येणाऱ्या पावसाच्या तुषारपलिकडे काहीच नव्हते. अद्यापही काही तालुके पावसांपासून वंचितच आहेत. जूनच्या मध्यापर्यंत पावसाची सरासरी अवघी ७.१ इतकीच आहे. परंतु जूनच्या अखेरीस पावसाचा जोर वाढल्याने खरिपातील अंकुरलेल्या पिकांच्याबाबत शेतकऱ्यांच्या अपेक्षा वाढल्या आहेत. जिल्ह्यात गुरुवारपासून शुक्रवारी सकाळच्या आठ वाजेपर्यंतच्या चोवीस तासांत सरासरी चार मिलीमीटर इतका पाऊस नोंदला गेला आहे. जत आणि आटपाडी या तालुक्यात पावसाने उघडीप दिल्याने शेतकऱ्यांची चिंता वाढली आहे.

मोबाइल अॅप डाउनलोड करा आणि राहा अपडेट

---

​ माउलींचा सोहळा वेळापुरात विसावला

June 30, 2017, 10:29 am

≫ Next: माळीनगरमध्ये रंगले तुकोबांचे उभे रिंगण

≪ Previous: वारणा पात्राबाहेर

$

0

0

म. टा. वृत्तसेवा, पंढरपूर
खुडूसच्या शिवारात रंगलेले गोल रिंगण, विठ्ठल भेटीसाठी केलेला धावा व लोकरंजनातून भक्तीमार्ग सोपा करणारे भारूड, असे विविध रंग उधळीत आषाढी वारीने पंढरीस निघालेला विठ्ठल भक्तीचा आनंद मेळा शुक्रवारी वेळापूर नगरीत विसावला. आज, शनिवारी सोहळ्यातील तिसरे गोल रिंगण ठाकूरबुवा येथे झाल्यानंतर सोहळा टप्पा येथे पंढरपूर तालुक्यात प्रवेश करील.
शुक्रवारी सकाळी साडेसहा वाजता माळशिरसहून मार्गस्थ झालेला पालखी सोहळा दुसऱ्या गोल रिंगणासाठी सकाळी साडेआठ वाजता खुडूस शिवारात पोहोचला. ढगाळ वातावरणात चोपदारांनी रिंगण लावून घेतले. परंपरेप्रमाणे रिंगणाला सुरूवात झाली. सकाळी साडेनऊ वाजता माउलींचा अश्‍व रिंगणासाठी सोडण्यात आला. अश्‍व दौडीसाठी सज्ज झाले. वाऱ्याच्या वेगाने बेफाम होत अश्‍व दौडू लागले. अश्‍वांनी खुडूस येथे नेत्रदिपक दौड करून लाखो भाविकांच्या डोळ्याचे पारणे फेडले. माउली...माउली...चा जयघोष केला. रिंगण सोहळा संपल्या नंतर वारकऱ्यांनी पारंपरिक पद्धतीचे खेळ खेळले. झिम्मा, फुगडी, हुतुतू हे मैदानी खेळ रंगले. या रिंगण सोहळ्यानंतर सोहळा वेळापूरकडे मार्गस्थ झाला.
खुडूस ग्रामस्थांचे भक्तीपूर्ण स्वागत स्वीकारून ज्ञानराजांचा पालखी सोहळा निमगाव मगराचे (पाटी) येथे पोहोचला. निमगाव, विझोरी, विजयनगर आदी ग्रामपंचायतीच्या वतीने येथे सोहळ्याचे स्वागत करण्यात आले. शंकरनगर ग्रामपंचायतीच्या वतीने माउलींच्या पादुकांची पूजा करण्यात आली. शंकरराव मोहिते सूतगिरणी, शिवामृत दूध उत्पादक सहकारी संघ, इकोबोर्ड इंडस्ट्रिज, पिसेवाडी ग्रामपंचायतीच्या वतीने सोहळ्याचे स्वागत करण्यात आले.
वेळापूर येथे प. पू. डॉ. भाईनाथ महाराज कारखानीस उर्फ आनंदमूर्ती यांच्या समाधी मठाजवळील स्वागत स्वीकारल्यानंतर पालखी सोहळ्याने वेळापूर हद्दीत प्रवेश केला. त्यावेळी वेळापूर ग्रामपंचायतीच्या वतीने माउलींसह लाखो वैष्णवांचे उत्साही स्वागत करण्यात आले.
जगद्गुरू श्री संत तुकाराम महाराज पंढरीस जात असताना वेळापूरनजीक टेकडीवरून त्यांना विठ्ठलाचे दर्शन झाले. त्यामुळे ते येथूनच पंढरपूरपर्यंत धावत सुटले, अशी आख्यायिका आहे. वारकरी तुकाराम महाराजांचा अभंग म्हणून येथून धावतात. हा विलोभनीय सोहळा पाहण्यासाठी हजारो भाविक येथील टेकडीवर गर्दी करतात. सायंकाळी चोपदारांनी अश्‍वानंतर एक एक दिंडी सोडली. त्यावेळी माउली...माउली...नामाचा जयघोष करीत अबालवृद्ध वैष्णव धावत होते.सायंकाळी सोहळा समाज आरतीनंतर वेळापूर मुक्कामी विसावला.
आज बंधूभेट अन् गोल रिंगण
आज, शनिवारी सकाळी ठाकूरबुवा येथे गोल रिंगण, तोंडले येथे नंदाच्या ओढ्यावर दुपारचा विसावा घेऊन संत ज्ञानदेव, संत सोपानकाका या दोन बंधूंच्या भेटीच्या सोहळ्यानंतर हा सोहळा टप्पा येथे पंढरपूर तालुक्यात प्रवेश करेल व भंडीशेगाव मुक्कामी पोहोचेल.

मोबाइल अॅप डाउनलोड करा आणि राहा अपडेट

माळीनगरमध्ये रंगले तुकोबांचे उभे रिंगण

June 30, 2017, 10:31 am

≫ Next: जिल्ह्यातील १७ बंधारे पाण्याखाली

≪ Previous: ​ माउलींचा सोहळा वेळापुरात विसावला

$

0

0

म. टा. वृत्तसेवा, पंढरपूर
ज्ञानोबा माउली.., तुकाराम...च्या जयघोषात आणि टाळ मृदंगाचा गजरात जगद्गुरु तुकाराम महाराजांच्या पालखी सोहळ्याचे माळीनगरमध्ये पहिले उभे रिंगण मोठ्या उत्साहात पार पडले. सायंकाळी पालखी सोहळा बोरगाव मुक्कामी विसावला.
पालखी सोहळा सकाळी सात वाजता अकलूजमधील मुक्काम हलवून माळीनगरकडे उभ्या रिंगणासाठी व दुपारच्या विसाव्यासाठी येऊ लागला. तुळशी वृंदावने व जलकलश घेतलेल्या महिला, भगवे ध्वज व हाती टाळ मृदंग असलेले वारकरी माळीनगरमध्ये प्रवेशले आणि प्रसन्नतेची अनुभूती भाविकांना सुखावून गेली. तुकोबांचा रथ रिंगण सोहळ्याच्या ठिकाणी येताच वारकऱ्यांनी ज्ञानोबा तुकोबांच्या जयघोषाचा गजर केला. रिंगण सोहळा पाहण्यासाठी पंचक्रोशीतील नागरिकांनी रिंगणाच्या दुतर्फा मोठी गर्दी केली होती. दिंड्यातील वारकरी, टाळ मृदंग वादनात दंग होते. तर महिला फुगड्या खेळणाचा आनंद लुटत होत्या. नऊच्या दरम्यान चोपदारांनी रिंगण लावले. धवलसिंह मोहिते-पाटील यांच्या सरदार या अश्वावर आरूढ झालेल्या बाळासाहेब जाधव यांनी वेगाने दौड मारली. तर स्वारविणा असलेल्या पेटबाभुळगावच्या राजानेही दौड मारली. नेत्रदीपक दोन दौड मारल्या गेल्या. रिंगण सोहळ्या दरम्यान अलिखित शिस्तबद्ध नियमांचे दर्शन घडले. पोलिस व महिला कमांडो पथकाने रिंगणाच्या दोन्ही बाजूला दोरी धरून सुरक्षा भक्कम केली होती. अश्व पुढे जाताच भाविक टापाखालची माती कपाळी लावण्यासाठी दोरी बाजूला सारून रिंगणात उतरत होते.

पालखीच्या स्वागताची व व्यवस्थेची जय्यत तयारी येथील सासवड माळी शुगर फॅक्टरीच्या वतीने करण्यात आली होती. उभे रिंगण सोहळा पार पडल्यानंतर पालखी प्रशालेच्या प्रांगणातील खुल्या नाट्यगृहात विसावली. दुपारी साडेबारा वाजता पालखी सोहळा बोरगाव मुक्कामासाठी मार्गस्थ झाला.

मोबाइल अॅप डाउनलोड करा आणि राहा अपडेट

जिल्ह्यातील १७ बंधारे पाण्याखाली

June 30, 2017, 1:30 pm

≫ Next: लाच घेऊन घरफाळा सर्व्हेत फेरफार

≪ Previous: माळीनगरमध्ये रंगले तुकोबांचे उभे रिंगण

$

0

0

म. टा. प्रतिनिधी, कोल्हापूर

शहर आणि जिल्ह्यात शुक्रवारी दिवसभर जोरदार पाऊस झाला. धरणक्षेत्रांतील पावसामुळे नद्यांच्या पाणीपातळीत वेगाने वाढ होत आहे. दरम्यान, जिल्ह्यातील १७ बंधारे पाण्याखाली गेले आहेत. त्या बंधाऱ्यावरील वाहतूक पर्यायी मार्गाने सुरू आहे. दरम्यान, सर्वत्र दमदार पाऊस झाल्याने बळीराजा सुखावला. पेरणीच्या कामांना वेग आला. पंचगंगा नगीची राजाराम बंधाऱ्यावर पाणीपातळी २२ फूटांवर आली आहे.

गेल्या आठ दिवसांपासून पावसाची रिपरिप सुरू आहे. त्यामुळे हवेत गारवा निर्माण झाला आहे. शुक्रवारी दिवसभर थांबून थांबून पावसाच्या जोरदार सरी कोसळत होत्या. सकाळी आणि दुपारी काहीकाळ पावसाने उघडीपही दिली. सायंकाळनंतर पावसाचा जोर वाढला. त्यामुळे शहरातील सखल भागांत पाणी साठले. दिवसभर सर्वच धरणांच्या क्षेत्रात मुसळधार पाऊस झाला. त्यामुळे जिल्ह्यातील १७ बंधारे पाण्याखाली गेले. शाहुवाडी तालुक्यातील पालेश्वर, कासार्डे तलाव भरल्याने तेथून विसर्ग सुरू झाला आहे. शाहूवाडी, चंदगड, राधानगरी तालुक्यातील अनेक गावांमध्ये घरांची अंशतः झपडझड झाली आहे.

पाण्याखाली गेलेले बंधारे : कासारी नदी - बाजारभोगाव, वाळोली, तिरपण, हिरकल, आकळे, यवलूज. पंचगंगा नदी – शिंगणापूर, राजाराम, सुर्वे, रूई, इचलकरंजी, तेरवाड, शिरोळ. भोगावती नदी - खडक कोगे, हळदी, सरकारी कोगे.

जिल्ह्यात ३२१ मिलीमीटर पाऊस

शुक्रवारी सकाळी ८ वाजेपर्यंत झालेल्या चोवीस तासांत जिल्ह्यात ३२१ मिलीमिटर पाऊस झाला. तालुकानिहाय झालेला पाऊस : हातकणंगले – ७.१२, शिरोळ – ३, पन्हाळा – ३३, शाहूवाडी - ४१.६७, राधानगरी – ३९, गगबावडा – ६७, करवीर – १६, कागल – १६, गडहिंग्लज – ७, भुदरगड – २१, आजरा – ३९.५०, चंदगड – ३१.१६.

मोबाइल अॅप डाउनलोड करा आणि राहा अपडेट

लाच घेऊन घरफाळा सर्व्हेत फेरफार

June 30, 2017, 2:30 pm

≫ Next: महिन्याभरात गोकुळचे दूध महागणार

≪ Previous: जिल्ह्यातील १७ बंधारे पाण्याखाली

$

0

0

म. टा. प्रतिनिधी, कोल्हापूर

खासगी कंपनीद्वारे जीआयएस प्रणालीद्वारे सुरू असलेल्या मिळकतकर सर्व्हेत फेरफार करून घरफाळा कमी करण्यासाठी सहा हजारांची लाच मागण्याचा प्रकार ताराराणी आघाडीचे नगरसेवक सत्यजित कदम यांनी उघड केला. महापालिकेने याचे सायबर टेक कंपनीला सर्व्हेचे कंत्राट दिले आहे. याबाबत सहा हजार रुपयांची लाच मागितल्याचा व्हिडीओ स्टिंग ऑपरेशन करून भ्रष्टाचार उघड करण्यात आला. याप्रकरणी सायबरटेक कंपनीच्या अधिकारी, संबंधित कर्मचाऱ्यावर फौजदारी गुन्हा दाखल करून अटक करण्याची मागणी नगरसेवक कदम यांनी शुक्रवारी पत्रकार परिषदेत ​केली.

घरफाळा कमी करण्यासाठी पंधरा हजार रुपयांची मागणी करण्यात आली होती. मात्र, सहा हजार रुपयांना हा व्यवहार ठरला. शहरातील मिळकतींचे सध्या जीआयएस (ग्लोबल इन्फॉर्मेशन सिस्टीम) प्रणालीद्वारे सर्वेक्षण सुरू आहे. जीआयएसद्वारे मिळकतींचा सर्व्हे केला जातो. त्यानंतर कंपनीचे कर्मचारी संबंधित ठिकाणांची पाहणी करतात. मिळकतीचे क्षेत्र पाहून त्यावर कर आकारणी केली जात आहे. याचा ठेका सायबरटेक कंपनीला देण्यात आला आहे. मात्र कंपनीचे कर्मचारी घरफाळा कमी करण्यासाठी १५ हजार रुपयांची मागणी करत आहेत अशी माहिती नागाळा पार्कातील गौरव शेटके यांनी नगरसेवक कदम यांना दिली. कदम यांनी शेटके यांना या घटनेचे मोबाइलवर व्हिडीओ चित्रीकरण करण्याची सूचना दिली.

गुरुवारी सकाळी सायबरटेक कंपनीचे दोन कर्मचारी नागाळा पार्कातील एव्हरग्रीन अपार्टमेंटमध्ये आले. या कर्मचाऱ्यांनी शेटके यांना, फ्लॅटमध्ये भाडेकरू ठेवल्यास १५ हजार रुपये घरफाळा आकारला जातो असे सांगितले. भाडेकरु ठेवल्यानंतरही जर येथे मालक राहतात असे दाखवल्यास तीन हजार रुपये घरफाळा आकारला जाईल. यासाठी १५ हजार रुपयांची मागणी केली. मात्र, ही रक्कम अधिक असल्याचे शेटके यांनी सांगितले. नंतर हा व्यवहार सहा हजार रुपयांना ठरला. या घटनेचा व्हिडीओ शेटके यांनी नगरसेवक कदम यांना दिला. कदम यांनी व्हिडीओ स्थायी समितीत सादर केला. कर्मचाऱ्यांकडून होत असलेल्या भ्रष्टाचारामुळे महानगरपालिकेचे आर्थिक नुकसान होत आहे. या कंपनीचा ठेका काढून घेण्याची मागणी स्थायी सभेत सदस्यांनी केली. गुरुवारच्या घटनेने कंपनीचा ठेका काढून घ्यावा अशी मागणी नगरसेवक कदम यांनी केली.

दरम्यान, या कंपनीच्या ठेक्याची मुदत संपली आहे. या कामासाठी कंपनीला चार कोटी रुपये देण्यात आले आहेत. कंपनीने फक्त २५ टक्के काम पूर्ण केले आहे. कंपनीच्या बोगसगिरीविरोधात महापालिका प्रशासनाने कंपनीचे अधिकारी आणि पैसे मागणाऱ्या कर्मचाऱ्यांविरोधात फौजदारी गुन्हा दाखल करावा अशी मागणी कदम यांनी केली.

यापूर्वीही तक्रारी

दरम्यान, सायबरटेक कंपनीच्या कर्मचाऱ्यांबाबत यापूर्वीही घरफाळा अनधिकृतपणे कमी केला जात असल्याचा तक्रारी आल्या आहेत. शिवसेनेचे नगरसेवक राहुल चव्हाण यांनी महानगरपालिका सर्वसाधारण सभेत यापूर्वीही आरोप केला होता. त्यानंतर आयुक्तांनी प्रत्यक्ष जागेवर संबंधित प्रकरणाची पाहणी केली. त्यावेळी घरफाळा कमी आकारला गेल्याचे स्पष्ट झाले होते. आयुक्तांनी या प्रकरणाच्या चौकशीनंतर कंपनीला नोटीस पाठवून दंडात्मक कारवाईही केली होती.

मोबाइल अॅप डाउनलोड करा आणि राहा अपडेट

महिन्याभरात गोकुळचे दूध महागणार

July 1, 2017, 2:03 pm

≫ Next: महापालिकेत प्रमुख दहा पदे रिक्त

≪ Previous: लाच घेऊन घरफाळा सर्व्हेत फेरफार

$

0

0

म. टा. प्रतिनिधी, कोल्हापूर

राज्य सरकारने २१ जून २०१७ पासून दूध खरेदी दरात वाढ केली. सरकारप्रमाणे कोल्हापूर जिल्हा सहकारी दूध उत्पादक संघानेही (गोकुळ) गाय दूध खरेदी दरात प्रतिलिटर दोन रुपयांनी वाढ करून उत्पादकांच्या हिताचा निर्णय घेतला. दूध खरेदी दरात वाढ करताना विक्रीदर मात्र जैसे थे होता. विक्री दरात वाढ केली नाही तर गोकुळ दूध संघाला वर्षाला ४० कोटी रुपयांचा तोटा सहन करावा लागणार आहे. हा तोटा भरून काढण्यासाठी विक्रीदरात वाढ अपरिहार्य आहे. इतर दूध संघांशी चर्चा व बाजारपेठेचा अंदाज घेऊन महिनाभरात दूध विक्रीदरात वाढ संभव असल्याचे चेअरमन विश्वास पाटील यांनी पत्रकार बैठकीत दिली.

चेअरमन पाटील म्हणाले, ‘गोकुळ संघ वर्षाला गाईच्या दुधाचे २० कोटी लिटर संकलित करते. सरकारी स्तरावर दूध खरेदी दरासंदर्भातील चर्चेनुसार एक रुपयाच्या उलाढालीवर ७०:३० प्रमाणाचा अवलंब सर्व संघांनी करावा असे सुचविले आहे. परंतु गोकुळचे हे प्रमाण ८१:१९ आहे. म्हणजेच एक रुपयातील ८१ पैसे उत्पादकास देऊन उरलेल्या १९ पैशांमध्ये संघाचा संपूर्ण व्यवस्थापन खर्च भागवावा लागतो. अमूल, नंदिनी व इतर ब्रँडनी दूध विक्री दरामध्ये वाढ केली नाही तरी त्यांना तोटा सहन करावा लागत नाही. कारण त्यातील काही संघांना सरकारकडून खरेदी व विक्री दरातील फरकानुसार अनुदान उपलब्ध होते. कर्नाटकात शेतकऱ्यांच्या खात्यावर थेट अनुदान जमा केले जाते.

सध्याच्या गाय दूध दरवाढीमुळे होणारा तोटा भरून काढण्यासाठी नजीकच्या काळात दूध विक्रीदरात वाढ करण्याचा विचार करावा लागेल. दूध खरेदी दरवाढीमुळे होणारा तोटा गोकुळ सहन करू शकत नाही ही बाब विचारात घेऊन सरकारने इतर राज्यांप्रमाणे अनुदान देणे गरजेचे आहे. गोकुळ दूध संघाने नेहमीच दूध उत्पादकांचे हित डोळ्यासमोर ठेवून कामकाज केले आहे. तोटा सहन करून संस्था चालविणे हे केवळ संस्थेसाठीच धोक्याचे नाही तर त्या संस्थेच्या दूध उत्पादकांच्या दृष्टीनेही अडचणीचे ठरू शकते. यासाठी सरकारने दूध संघांना वाढीव दरापोटी अनुदान देण्याबाबत विचार करावा.’

................................

वार्षिक दूध संकलन : ३८.८२ कोटी लिटर्स

गतवर्षीच्या तुलनेत वाढ : २.८९ कोटी लिटर्स (८.०६ टक्के)

म्हैस दुधात वाढ : ४६ लाख लिटर्स (२.३८ टक्के)

गाय दुधात वाढ : २.४३ कोटी लिटर्स (१२.५५ टक्के )

……………

सध्याचा दुधाचा दर

कोल्हापूर (म्हैस दूध, प्रतिलिटर ५० रुपये), गाय दूध (प्रतिलिटर, ३८ रुपये)

मुंबई (म्हैस दूध, प्रतिलिटर ५३ रुपये), गाय दूध (प्रतिलिटर, ४३ रुपये)

………….

मोबाइल अॅप डाउनलोड करा आणि राहा अपडेट