कर्जनिकषाच्या परिपत्रकाची होळी

June 21, 2017, 2:30 pm

≫ Next: एक्साइजला प्रतीक्षा आदेशाची

≪ Previous: पेट्रोलची चढ्या दरानेच विक्री

$

0

0

कोल्हापूर

शेतकऱ्यांना तातडीची मदत म्हणून देण्यात येणाऱ्या दहा हाजर पीककर्जाच्या जाचक निकषाच्या परिपत्रकाचे शेतकरी संप सुकाणू समिती व रघुनाथ पाटील प्रणीत शेतकरी संघटनेने होळी केली. शेतकऱ्यांच्या मागण्या पूर्ण न करता संपामध्ये फूट पाडून कर्जमाफीचे जाचक निकष लावल्याबद्दल शेतकऱ्यांनी तीव्र शब्दात निषेध व्यक्त केला.

संपूर्ण कर्जमाफी व स्वामीनाथन आयोगाच्या शिफारसी स्वीकारण्यासाठी राज्यभर शेतकऱ्यांनी संप पुकारला होता. यातून तोडगा काढण्यासाठी शेतकरी संघटनांच्या समितीबरोबर झालेल्या चर्चेवेळी शेतकऱ्यांना कर्जमाफी मिळेपर्यंत खरीप हंगामासाठी दहा हजार रुपयांचे पीककर्ज देण्याचे निर्णय जाहीर केला होता. त्यानुसार सहकार विभागाने काढलेल्या परिपत्रकांमध्ये अनेक जाचक अटींचा समावेश असल्याने बहुतांशी शेतकरी वंचित राहणार असल्याने परिपत्रकाची होळी करण्याचा निर्णय राज्यपातळीवर घेतला होता.

त्यानुसार बुधवारी सकाळी जिल्हाधिकारी कार्यालयासमोर शेतकरी संघटनेच्यावतीने परिपत्रकाची होळी करण्यात आली. यावेळी माणिक शिंदे, अजित पाटील, पी. जी. पाटील, गुणाजी शेलार, टी. आर. पाटील यांचा समावेश होता. त्यानंतर शेतकरी संप सुकाणू समितीच्यावतीने बिंदू चौक येथे परिपत्रकाची होळी करण्यात आली. यावेळी नामदेव गावडे, भगवान काटे, चंद्रकांत यादव, उदय नारकर, सुनीलकुमार सरनाईक, सतीशचंद्र कांबळे, अनिल चव्हाण, स्नेहल कांबळे, मीना चव्हाण, सुनीता अमृतसागर आदी उपस्थित होते.

मोबाइल अॅप डाउनलोड करा आणि राहा अपडेट

---

एक्साइजला प्रतीक्षा आदेशाची

June 21, 2017, 2:30 pm

≫ Next: ‘गोकुळ’ची गाय दूध खरेदीदरात वाढ

≪ Previous: कर्जनिकषाच्या परिपत्रकाची होळी

$

0

0

म. टा. प्रतिनिधी, कोल्हापूर

सुप्रिम कोर्टाच्या आदेशानुसार महामार्गांलगत ५०० मीटर अंतरातील दारूविक्री बंद झाल्यानंतर रस्ते हस्तांतरणाचा प्रयत्न महानगरपालिकेकडून सुरू आहे. मंगळवारी महापालिकेच्या सर्वसाधारण सभेत रस्ते हस्तांतरणाचा ठराव मंजूर झाल्यानंतर त्याला राज्य सरकारकडून मंजुरी मिळवण्याची धडपड विक्रेत्यांकडून सुरू आहे. दरम्यान, राज्य उत्पादन शुल्क विभागाचे या घडामोडींवर लक्ष असून वरिष्ठ कार्यालयातून आदेश आल्याशिवाय कोणतीच हालचाल होणार नसल्याचे स्पष्ट करण्यात आले आहे.

शहरातील दारू दुकाने पुन्हा सुरू करण्यासाठी महानगरपालिकेने रस्ते हस्तांतरणाचा ठराव मंजूर करताच दारू विक्रेत्यांना अर्धी लढाई जिंकल्याचा आनंद झाला. विक्रेत्यांनी उघडपणे हा आनंद साजरा केला नसला तरीही विक्रेत्यांच्या वर्तुळात याचे जोरदार स्वागत झाले आहे. महापालिकेचा ठराव राज्य सरकारकडे जाणार असून, वरच्या पातळीवर ठरावाला मंजुरी मिळवण्यासाठी विक्रेत्यांचे प्रयत्न सुरू आहेत. महापालिकेत मंजूर ठराव होताच काही विक्रेत्यांनी राज्य उत्पादन शुल्क विभागातील अधिकाऱ्यांकडे धाव घेऊन पुढील घडामोडींची माहिती घेण्याचा प्रयत्न केला. याबाबत राज्य उत्पादन शुल्कच्या अधिकाऱ्यांनी मात्र तटस्थता बाळगली आहे.

‘रस्ते हस्तांतरणाला राज्य सरकारची परवानगी मिळाल्यानंतर उत्पादन शुल्क विभागाकडून अधिकृत आदेश आल्याशिवाय याची कार्यवाही सुरू होणार नाही. घडामोडींवर आमचे लक्ष असून, अवैध विक्री रोखण्याचे प्रयत्न सुरू आहेत.’ अशी माहिती अधिकाऱ्यांनी दिली आहे.

शहरातील १५० दुकाने
स्थलांतराच्या प्रतीक्षेत

दरम्यान, शहरातील २१० दारू दुकानांपैकी १६१ दुकाने बंद आहेत. केवळ ४ दुकानांच्या स्थलांतराला परवानगी मिळाली आहे. १५० हून अधिक प्रस्ताव स्थलांतराला मंजुरी मिळण्याच्या प्रतीक्षेत आहेत.

मोबाइल अॅप डाउनलोड करा आणि राहा अपडेट

‘गोकुळ’ची गाय दूध खरेदीदरात वाढ

June 21, 2017, 2:30 pm

≫ Next: आरोग्य ‘योग’

≪ Previous: एक्साइजला प्रतीक्षा आदेशाची

$

0

0

कोल्हापूर

कर्जामध्ये अडकलेल्या शेतकऱ्यांना दुग्ध व्यवसायांतून उभारी देण्यासाठी राज्य सरकारने गाय व म्हैस दूध खरेदीदरांमध्ये वाढ करण्याचा निर्णय घेतला आहे. याबाबतचे परिपत्रक अद्याप दूध संघाना प्राप्त झालेले नसले, तरी कोल्हापूर दूध उत्पादक सहकारी संघाने (गोकुळ) गाय दूध खरेदीदरांत दोन रुपये वाढ करण्याचा निर्णय घेतला आहे. पण सरकारच्या खरेदीदरांपेक्षा म्हैस दुधाचा दर जास्त असल्याने म्हैस दुधाच्या खरेदीदरांमध्ये वाढ केलेली नाही. खरेदीदरात वाढ केल्यानंतर विक्री दरात वाढ करण्याचा नेहमीचा अनुभव ग्राहकांना असला, तरी गोकुळपुढे अमूल व नंदिनी सारख्या ब्रँडचे आव्हान असल्याने विक्रीदरांमध्ये तुर्तास वाढ होणार नसल्याचे ग्राहकांना काहीसा दिलासा मिळणार आहे.

संपूर्ण कर्जमाफीचे राज्यात आंदोलन सुरू असताना दूध खरेदीदरांमध्ये वाढ करण्याची मागणी शेतकऱ्यांनी केली होती. संघटनांच्या प्रतिनिधींशी चर्चा करताना मुख्यमंत्री देवेंद्र फडणवीस यांनी २० जूनपूर्वी दूध दरवाढीचा निर्णय घेण्याचे आश्वासन दिले होते. त्यानुसार नेमलेल्या समितीची १५ जून रोजी बैठक होऊन गाय व म्हैस दूध खरेदीदरांमध्ये तीन रुपये वाढीची सूचना केली होती. त्यानुसार राज्याच्या दुग्ध विभागाने दरवाढीचे आदेश दिले आहेत.

नवीन आदेशानुसार उत्पादकांना ३.५ फॅट व ८.५ एसएनएफ प्रतिच्या गायीच्या दूध खरेदीदरात तीन रुपयांची वाढ केली असल्याने गाईच्या दुधाचा दर २४ रुपयांवरुन २७ रुपये झाला आहे. तसेच त्यानंतरच्या प्रत्येक पॉइंटसाठी ३० वाढ करण्याचा निर्णय घेतला आहे. म्हशीच्या ६.० फॅट व ९.० एसएनएफ प्रतिच्या दूध खरेदीदरांतही तीन रुपयांची वाढ झाली आहे. त्यामुळे म्हैस दुधाचा दर ३३ रुपयांवरुन ३६ रुपये प्रतिलिटर झाला आहे. गायीच्या दुधाप्रमाणे म्हशीच्या प्रत्येक पॉइंटसाठी ३० पैसाची वाढ केली आहे. पण गोकुळ संघाचा म्हैस दूध खरेदीदर सरकारच्या दूध खरेदीदरांपेक्षा तीन रुपये ४० पैसे जास्त होता. त्यामुळे ही वाढ न करताही ४० पैसे जास्त होत असल्याने म्हैस दूध खरेदीदरांमध्ये वाढ केलेली नाही.

मोबाइल अॅप डाउनलोड करा आणि राहा अपडेट

आरोग्य ‘योग’

June 21, 2017, 2:30 pm

≫ Next: शेतकरी संघ चौकशीस तयार

≪ Previous: ‘गोकुळ’ची गाय दूध खरेदीदरात वाढ

$

0

0

कोल्हापूर टाइम्स टीम
विद्यापीठाचा शांत, सुंदर आणि हिरवागार परिसर, सकाळची निरव शांतता, पक्ष्यांचा हळूवार ‌किलबिलाट नुकताच सुरू झालेला. विद्यापीठ कॅम्पसमधील हे शांत आणि आल्हाददायक वातावरण योगसाधकांचा उत्साह वाढवत होते. वातावरणातील शांतता भंग पावणार नाही, याची दक्षता घेत तितक्याच हळूवार आणि सहजपणे येणाऱ्या योगसाधकांनी हळूहळू लोककला केंद्राचे सभागृह फुलून गेले आणि बुधवारचा अनोखा ‘योग’ जुळून आला. निमित्त होते महाराष्ट्र टाइम्सने आयोजित केलेल्या आंतरराष्ट्रीय योग दिनाचे...! सुमारे दोन तास अत्यंत शिस्तबद्ध पद्धतीने सहभागींनी योगाची अनुभूती घेतली.

महाराष्ट्र टाइम्स, शिवाजी विद्यापीठ, सिद्ध्गिरी मठातर्फे हा उपक्रम आयोजित केला होता. शिबिरात योगगुरू दत्ता पाटील यांनी सहज आणि सुलभ पद्धतीने योग प्रात्यक्षिकांबरोबरच सहभागींना योगाचे धडे दिले. प्रशिक्षणादरम्यान चपखल उदाहरणे देत अत्यंत मिश्कील पद्धतीने वातावरण हलके फुलके ठेवत पाटील यांनी योगाचे दैनंदिन जीवनातील महत्त्व पटवून दिले. योगसाधकांनीही पाटील यांना अत्यंत चांगला प्रतिसाद देत योग अंगिकारण्याचा प्रयत्न केला. उपक्रमात सहभागी युवक, युवतींपासून यंग ‌सीनिअर्सपर्यंतच्या सर्वांनीच आजपासून नियमीत योग साधण्याचा संकल्प केला.

या उपक्रमाला हेल्थ पार्टनर म्हणून अॅस्टर आधार हॉस्पिटलचे सहकार्य लाभले. कुलगुरू डॉ. देवानंद शिंदे, सिद्धगिरी मठाचे मुख्य कार्यकारी अधिकारी आर. डी. शिंदे, अॅस्टर आधारचे सरव्यवस्थापक आर. आर. देशपांडे, डॉ. संदीप पाटील, योगगुरू दत्ता पाटील, सूरज पाटील, माजी आमदार बजरंग देसाई यांच्या उपस्थितीत रोपाला पाणी घालून शिबिराचे उद्‍घाटन करण्यात आले.

अध्यात्मिक संगीतात योग प्रात्यक्षिकास सुरूवात झाली. योगगुरू पाटील यांनी दोन तास योगाची शास्त्रीय माहिती देत प्रात्यक्षिकेही करून दाखवली. शरीर, मन, आत्मा यांना एकत्र आणून योगाभ्यास किती महत्त्वाचा आहे, हे त्यांनी स्पष्ट केले.

भद्रासन, त्रिकोणासन, अर्धचक्रासन, पादहस्तासन, निद्रा आणि बैठ्या स्थितीतील ताडासन, शशांकासन, वक्रासन, भुजंगासन, शलभासन, मक्रासन, शवासन, कपालभाती, अनुलोम-विलोम, भ्रामरी, ध्यान आदी योगासनांचे प्रकार यावेळी सादर करण्यात आले.

शिबिर नियमीत सुरू राहणार

उद्‍घाटन कार्यक्रमात बोलताना कुलगुरू शिंदे म्हणाले, ‘विद्यापीठात शिबिराचे आयोजन करून मोफत योगाचे धडे दिले जातात. योगामुळेच श्वास आहे. तो श्वास चांगला राहण्यासाठी योग गरजेचा आहे. म्हणूनच योग शिक्षणाचा हा उपक्रम चळवळ बनून गावा-गावांत प्रशिक्षक तयार झाले पाहिजे. यापुढील काळातही शिवाजी विद्यापीठातर्फे मोफत योग शिबिर सुरू राहील.’

मुख्य कार्यकारी अधिकारी शिंदे म्हणाले, ‘भारताने योगाची जगाला मिळालेली देणगी बहुमोल आहे. शरीर, मनाच्या स्वास्थ्यासाठी योग महत्त्वाचा आहे. जनतेशी संपर्क वाढण्यासाठी शिवाजी विद्यापीठाने योग शिबिर आयो‌जित केले. नियमित योगसाधना केल्यास आजार होत नाही.’

विद्यार्थी कल्याण मंडळाचे संचालक डॉ. आर. व्ही. गुरव यांनी स्वागत केले. डॉ. संदीप पाटील यांनी प्रास्ताविकात योगाचे महत्व सांगितले. राजेंद्र मकोटे यांनी सूत्रसंचालन केले. शिरीष देसाई यांनी आभार मानले. दरम्यान, शिबिरात कॉलेज युवक, युवती, ज्येष्ठ महिला, पुरूषांसह १५०० योगसाधक सहभागी झाले.

शिबिरात प्र- कुलगुरू डॉ. डी. टी. शिर्के, कुलसचिव डॉ. विलास नांदवडेकर, डॉ. पी. टी. गायकवाड, माणिक पाटील- चुयेकर आदींनी सहभाग घेतला.


हृदयरूग्णांत वाढ

दिवसेंदिवस हृदयविकाराचे प्रमाण वाढत आहे. हा वेग असाच राहिल्यास २०२५ पर्यंत जगात सर्वाधिक हृदयविकाराचे रूग्ण भारतात असतील, अशी भीती हृदयरोगतज्ज्ञ डॉ. सचिन पाटील यांनी व्यक्त केली. ‘योगाभ्यासामुळे शारीरिक आणि मानसिक विकास होतो. आरोग्य चांगले राहते. हृदय विकार, डायबेटिस, लठ्ठपणा टाळता येतो. तणावमुक्त जीवन जगता येते. आजार होऊ नये म्हणून आणि झाल्यानंतरही योग उपयोगी आहे. त्यामुळे योग नियमित शास्त्रशुध्दपणे करावा. योग उपक्रमाचे चळवळीत रूपांतर व्हावे,’ अशी अपेक्षा त्यांनी व्यक्त केली.

मोबाइल अॅप डाउनलोड करा आणि राहा अपडेट

शेतकरी संघ चौकशीस तयार

June 21, 2017, 2:30 pm

≫ Next: कारवाईआधीच खबऱ्यांकडून ‘ट‌िप्स’

≪ Previous: आरोग्य ‘योग’

$

0

0

म. टा. प्रतिनिधी, कोल्हापूर

आशिया खंडात अग्रगण्य राहिलेल्या शेतकरी सहकारी संघावर आजी-माजी संचालक राजकीय द्वेषापोटी बदनामीचे आणि बिनबुडाचे आरोप करत आहेत. सर्व संचालकांना बरोबर घेऊन संघ नफ्यात आणाला असून काहींना संघाची प्रगती पाहवत नसल्याने आरोप करत आहेत. संघाला बदनाम करणारे आरोप खपवून घेतले जाणार नसून कोणत्याही चौकशीस संचालक मंडळ तयार असल्याचे प्रसिद्धी पत्रक संघाच्या संचालक मंडळाने प्रसिद्धीस दिले आहे.

पत्रकांत म्हटले आहे, ‘गेल्या १५ दिवसांपासून संघावर बदनामीसाठी पत्रकबाजी करून बिनबुडाचे आरोप करण्याचा खटाटोप काही आजी-माजी संचालकांकडून सुरू आहे. गेल्यावर्षी संघाच्या अमृतमहोत्सवी वर्षांमध्ये सुमारे एक कोटी रुपयांचा नफा झाला. कर्मचाऱ्यांना भविष्य निर्वाह निधी व ग्रॅच्युईटीचे असे अडीच कोटी आणि एक पगार बक्षिस म्हणून दिला आहे. संस्थेच्या व्यवस्थापकीय पदासाठी रितसर जाहिरात दिली होती. त्यामध्ये पात्र उमेदवार मिळाले नसल्याने आप्पासाहेब निर्मळ यांची बहुमताने निवड केली. त्यांच्यावर यापूर्वी कोणतेही भ्रष्टाचारांचे आरोप झालेले नाहीत. त्यांना निलंबितही केलेले नाही.’

संघाचे अध्यक्ष युवराज पाटील, उपाध्यक्ष बाबासाहेब पाटील-भुयेकर यांच्यासह संचालक जी. डी. पाटील, विजयकुमार चौगले, व्यंकाप्पा भोसले, अमरसिंह माने, आण्णासाहेब चौगले, यशवंतराव पाटील-टाकवडेकर, शशिकांत पाटील-चुयेकर, विनोद पाटील, बाळकृष्ण भोपळे, सुमित्रादेवी शिंदे यांनी हे पत्रक प्रसिद्धीस दिले आहे.

आरोप निराशेपोटी

मानसिंगराव जाधव यांच्या व्यवस्थापकीय संचालकपदाच्या कालावधीत संघाला पाच लाख रुपयांचा तोटा झाला होता. जाधव यांची नेमणूक बेकायदेशीर असल्याने त्यांना राजीनामा द्यावा लागला. त्याचबरोबर संचालिका शोभना नेसरीकर यांचे अध्यक्ष होण्याचे स्वप्न उदध्वस्त आणि संघातील कर्मचाऱ्यांचा राबता बंद झाल्याने हे दोन्ही संचालक केवळ निराशेपोटी आरोप करत असल्याचे पत्रकात म्हटले आहे.

मोबाइल अॅप डाउनलोड करा आणि राहा अपडेट

कारवाईआधीच खबऱ्यांकडून ‘ट‌िप्स’

June 21, 2017, 2:30 pm

≫ Next: बडव्यांप्रमाणे अंबाबाईच्या पुजाऱ्यांनाही हटवा

≪ Previous: शेतकरी संघ चौकशीस तयार

$

0

0

म. टा. प्रतिनिधी, कोल्हापूर

एखाद्या ग्राहकाने तक्रार केल्यास संबधित पंपावर अधिकारी पोहोचेपर्यंत पंपचालक ग्राहकांची समजूत काढून सोडून देतात. ग्राहक संघटनांनी तक्रार केल्यास पंपचालकांना कारवाईआधीच खबऱ्यांकडून ‘टीप्स’ मिळतात. त्यामुळे अनेकदा कारवाई कागदावरच राहते, अशा तक्रारी आहेत.

वैधमापनशास्त्र विभाग केवळ स्टॅंपिंग आणि प्रमाणानुसार इंधन दिले जात असल्याची तपासणी करतो. विभागाकडेही ग्राहकांनी आणि ग्राहक संघटनांची लेखी तक्रार नसल्याचे सांगितले जाते. मात्र कार्यालयातही तक्रार रजिस्टर उपलब्ध नाही. पेट्रोलियम कंपन्याच्या काही अधिकाऱ्यांना मराठी भाषा येत नाही.

ग्राहक संरक्षण परिषदेच्या सदस्यांनी केलेली ऑन दि स्पॉट कारवाईची मागणी धुडकावून लावली गेली आहे. यंत्रणेकडून कारवाईला बगल देण्याचा प्रयत्न केला जात असल्याची शक्यता आहे.

ग्राहकांचे मीटरकडे लक्ष नसताना इंधन टाकणाऱ्या नोझलमध्ये हातचलाखी करून ‘मापात पाप’ केले जात असल्याच्या तक्रारी आहेत. शिवाय, ‘०’ रिंडिग न करताचा बाइकमध्ये पेट्रोल सोडले जाते अशाही तक्रारी अधिक आहेत. आता तर दररोज पेट्रोल-डिझेलचे दर बदलत असताना त्या दरानुसार पेट्रोल विक्री विक्री होत नसल्याच्या तक्रारी येत आहेत.पंपाची पुनर्पडताळणी व मुद्रांकन दर महिन्याला होणे गरजेचे आहे. त्याकडेही दुर्लक्षाची स्थिती आहे.

मोबाइल अॅप डाउनलोड करा आणि राहा अपडेट

बडव्यांप्रमाणे अंबाबाईच्या पुजाऱ्यांनाही हटवा

June 22, 2017, 2:18 am

≫ Next: अंबाबाईच्या पुजाऱ्याला कपडे फाटेपर्यंत चोपले

≪ Previous: कारवाईआधीच खबऱ्यांकडून ‘ट‌िप्स’

$

0

0

म. टा. प्रतिनिधी, कोल्हापूर

पंढरपुरातील विठ्ठलाच्या पुजाऱ्यांप्रमाणेच (बडवे) करवीर निवासिनी श्री अंबाबाईच्या मंदिरातील पुजाऱ्यांनाही हटवून तेथे लेखी परीक्षा आणि मुलाखतीद्वारे सरकारी नोकरांची नेमणूक करावी आणि देवीचे स्नान, वस्त्रालंकार हे विधी बहुजन समाजातील स्त्रियांनीच करावेत, या प्रमुख मागण्यांसह अन्य मागण्यांचे निवेदन बुधवारी कोल्हापूरचे जिल्हाधिकारी अविनाश सुभेदार यांना देण्यात आले. श्री अंबाबाई मंदिर पुजारी हटाव संघर्ष समितीने हे निवेदन दिले. समितीने निवेदनातून केलेल्या मागण्या सरकारकडे पाठवू, अशी ग्वाही जिल्हाधिकाऱ्यांनी दिली. दरम्यान, या विषयावर पालकमंत्री चंद्रकांत पाटील यांनी आज (२२ जून) जिल्हाधिकारी कार्यालयात दुपारी चार वाजता बैठक बोलावली आहे.

दुपारी बाराच्या सुमारास समितीचे सर्वपक्षीय कार्यकर्ते जिल्हाधिकारी कार्यालयाबाहेर जमले होते. कार्यकर्त्यांची संख्या लक्षात घेऊन जिल्हाधिकारी कार्यालयाच्या ताराराणी सभागृहात जिल्हाधिकाऱ्यांना निवेदन देण्याचा निर्णय घेण्यात आला. निवेदन देण्यासाठी आलेल्या कार्यकर्त्यांनी सभागृह भरून गेले होते. सभागृहात त्याला बैठकीचेच स्वरूप आले. व्यासपीठावर जिल्हाधिकारी अविनाश सुभेदार, निवासी उपजिल्हाधिकारी संजय शिंदे, उपमहापौर अर्जुन माने, स्थायी समिती सभापती डॉ. संदीप नेजदार आणि माजी आमदार सुरेश साळोखे होते. एकापाठोपाठ एक नेत्यांनी पुजाऱ्यांविषयी आपल्या भावना आणि आंदोलनाची भूमिका स्पष्ट करण्यास सुरुवात केली.

‘पुजाऱ्यांनी राजर्षी शाहू महाराजांचा केलेला अवमान कोल्हापूरकर कदापि खपवून घेणार नाहीत, त्यामुळे पुजाऱ्यांना हटवावे, अशी आमची प्रमुख मागणी आहे,’ असे शिवसेनेचे विजय देवणे यांनी स्पष्ट केले. मूर्तीला कानसने घासल्यामुळे पडलेला चुरा जुना राजवाडा पोलिसांनी जप्त केला होता. ‘देवस्थानने सरकारी पुजारी नेमण्याचा ठराव केला होता. त्याचे काय झाले?’, असा प्रश्न दिलीप देसाई यांनी उपस्थित केला.
‘बारा दिवसांत बैठक का नाही?’

गेले बारा दिवस अंबाबाई मंदिरातील पुजाऱ्यांविषयी वाद सुरू आहे. या संदर्भात देवस्थान समिती आणि प्रशासनाने याची दखल का घेतली नाही, असा सवाल ज्येष्ठ नेते आर. के. पोवार यांनी जिल्हाधिकारी अविनाश सुभेदार यांना केला. पोवार म्हणाले, ‘गेल्या बारा दिवसांत बैठक का बोलावली नाही?, या विषयाचे गांभीर्य प्रशासनाला नाही का? आम्ही आंदोलन करायची वाट पाहायची होती का? या संपूर्ण विषयावर काहीतरी मधला मार्ग निघाला असता.’ त्यावर जिल्हाधिकारी निरुत्तर झाले. पोवार यांनी ‘तुमच्यावर कोणाचा राजकीय दबाव आहे का?, असा प्रश्न केल्यावर ‘मी कोणाच्याही दबावाखाली काम करत नाही’, असे जिल्हाधिकारी सुभेदार यांनी स्पष्ट केले. दरम्यान, श्री अंबाबाई मंदिरातील पुजाऱ्यांना हटविले पाहिजे, देवीला घागरा-चोली घालणे चुकीचेच आहे, पण हा प्रश्न राजकीय किंवा जातीयवादाचा आखाडा बनवू नका,’ अशी मागणी श्री अंबाबाई भक्त
समितीने केली.

मोबाइल अॅप डाउनलोड करा आणि राहा अपडेट

अंबाबाईच्या पुजाऱ्याला कपडे फाटेपर्यंत चोपले

June 22, 2017, 7:44 am

≫ Next: जीएसटीचे आव्हान... !

≪ Previous: बडव्यांप्रमाणे अंबाबाईच्या पुजाऱ्यांनाही हटवा

$

0

0

म. टा. प्रतिनिधी, कोल्हापूर

अंबाबाईचे पुजारी आणि भाजपचे नगरसेवक अजित ठाणेकर यांना गुरुवारी जिल्हाधिकारी कार्यालयातील जिल्ह्याचे पालकमंत्री चंद्रकांत पाटील यांच्या उपस्थितीत बैठकीवेळी संतप्त भाविकांनी मारहाण केली. अंबाबाईला पारंपरिक साडीऐवजी घागरा-चोळी नेसविण्याच्या प्रकरणी पालकमंत्री ठाणेकर यांना शिक्षेचा पर्याय सुचवित असताना ठाणेकर यांनी उपस्थितांकडे पहात अश्लील हावभाव केल्याचा आरोप महिलांसह भाविकांनी केला. त्यानंतर भाविकांच्या रागाचा उद्रेक झाला आणि त्याचे पर्यवसान त्यांना मारहाणीत झाले.

अंबाबाईला घागरा-चोळी नेसविण्याच्या प्रकारानंतर संतप्त भाविकांनी मंदिरातील पुजारी हटाओची मागणी केली. आंदोलनांचा जोर वाढल्यानंतर पालकमंत्री पाटील यांनी गुरुवारी भाविकांची बैठक बोलविली होती. त्यात बाजू मांडण्यासाठी पुजारी अजित ठाणेकर आणि त्यांचे वडील बाबूराव ठाणेकरही उपस्थित होते. बैठकीत दोन्ही बाजू ऐकून घेतल्यानंतर पालकमंत्र्यांनी अजित ठाणेकर यांना आत्मक्लेश शिक्षेचा पर्याय सुचविला. यावेळी ठाणेकर यांनी उपस्थितांकडे पाहत अश्लील हावभाव केल्याचा आरोप करण्यात आला. त्यानंतर भाविकांनी ठाणेकर यांना मारहाण केली. अखेर पोलिसांनी गाडीत बसवून ठाणेकर पिता-पुत्रांना तेथून बाहेर नेले.

दरम्यान, पुजारी हटवण्याच्या मागणीप्रकरणी पंढरपूरप्रमाणे अंबाबाईच्या मंदिरात कार्यपद्धती राबविण्यासाठी जिल्हाधिकारी अविनाश सुभेदार यांच्या अध्यक्षतेखाली समिती स्थापन करण्याचे पालकमंत्र्यांनी जाहीर केले. त्यात इतिहास संशोधक, पुजारी हटाव संघर्ष समितीतील सदस्य आणि दोन महिलांचा समावेश करावा. आगामी तीन महिन्यांत ही समिती विधी आणि न्याय विभागाकडे अहवाल देईल. हे खाते मुख्यमंत्र्यांकडे असल्याने ते यावर निर्णय घेतील, असे पाटील यांनी स्पष्ट केले.

मोबाइल अॅप डाउनलोड करा आणि राहा अपडेट

---

जीएसटीचे आव्हान... !

June 22, 2017, 2:30 pm

≫ Next: श्रीपूजक ठाणेकरांना मारहाण

≪ Previous: अंबाबाईच्या पुजाऱ्याला कपडे फाटेपर्यंत चोपले

$

0

0

कोल्हापूर टाइम्स टीम

एक जुलै पासूनवस्तू व सेवा कराची (जीएसटी) अंमलबजावणी केली जाणार आहे. यासाठी जीएसटी परिषदेने सुचवलेले दर गृहीत धरले जाणार आहेत. याचा बांधकाम, वाहन विक्री, औषधे, धान्य बाजार, सोने व्यापार, इलेक्टॉनिक वस्तू, किरकोळ धान्य व्यापारातील वस्तूंवर याचा परिणाम होणार आहे. स्टेट जीएसटीमधील व्हॅट, ऊसखरेदी कर, वाहन प्रवेश कर, केंद्रीय विक्रीकर, जकात व एलबीटीसारखे अप्रत्यक्ष कर यात विलीन होतील. मात्र जीएसटीच्या दरांचा कोल्हापूरच्या बाजारपेठेतील विविध घटकांना फटका बसणार आहे. हे कर ग्राहकांच्या खिशातूनच प्रत्यक्ष- अप्रत्यक्षपणे आकारले जाणार आहे. काही क्षेत्रात व्हॅट आणि अबकारी कर एकत्र जीएसटीत आकारले जाणार असल्याने दिलाशाची स्थिती आहे. जीएसटीनंतर ज्या वस्तू महाग होतील, अशांकडून आताच सवलतींचा वर्षाव सुरू झाला आहे.



कार्सचा बोनांन्झा

‘जीएसटीनंतर दर वाढणार आहेत. त्यामुळे तुमची कार आजच शोरूममध्ये नोंदणी करा’, असे एसएमएस वाहन विक्री कंपन्याकडून ग्राहकांना येऊ लागले आहे. काही नामवंत कंपन्यानी दरात मोठी सवलतही जाहीर केली आहे. वाहनांच्या प्रकारांनुसार ३० हजार रुपये ते अडीच लाखांपर्यंत या सवलती आहेत. मोटरसायकलींवर २८ टक्के कर लागणार असल्याने त्यांच्या किंमती जुलैपासून वाढतील. मोटारींसाठी जीएसटीसह १ ते १५ टक्के उपकरही लागेल. त्यामुळे किंमतवाढ होईल. मारुती सुझुकी, ह्युंदाई, होंडा, निस्सान, महिंद्र अँड महिंद्र व फोर्ड इंडिया अशा सर्वच कंपन्यानी सवलती जाहीर केल्या आहेत. मारुती सुझुकीने २५ हजार ते ३५ हजार रुपये सवलत देऊ केली आहे. सर्वाधिक सवलत हॅचबॅक प्रकारातील अल्टो कारवर मिळत आहे. महिंद्र अँड महिंद्रने स्कॉर्पिओ कारवर २७ हजार रुपये, एक्सयूव्ही-५०० वर ९० हजार रुपये सवलत दिली आहे. ह्युंदाई मोटर इंडियाने एलिट आय २० कारवर २५ हजार रुपये व नव्या अॅक्सेंटवर २.५ लाख रुपये सवलत दिली आहे. कंपनीने इऑन वर ४५ हजार रुपये, ग्रँड आय१० वर ७३ हजार रुपये तसेच वेर्नावर ९० हजार रुपये सूट आहे. अन्य कंपन्यांनीही दरात भरपूर सवलत दिली आहे.


इलेक्ट्रॉनिक उपकरणे

इलेक्ट्रॉनिक सेगमेंटमधील वॉशिंग मशिन्स, रेफ्रिजरेटर, व्हॅक्यूम क्लिनर, डीश वॉशर, वॉटर हिटर, मिक्सर, टोस्टर, तराजू आदी उपकरणांवर २८ टक्के जीएसटी लागणार आहे. त्यामुळे या सर्व वस्तू महागतील. सध्या स्मार्टफोनवर एकूण १३.५ टक्के कर लागतो. जीएसटी लागू झाल्यावर तो १२ टक्क्यांवर येईल असे सांगितले जाते. त्यामुळे स्मार्टफोनचे दर काही प्रमाणात कमी होतील. तर दर तुलनेने वाढतील असे काही उत्पादकांचे म्हणणे आहे.


मालवाहतुकीत मोठा अडथळा

जीएसटी लागू झाल्यानंतर ट्रक वाहतूकदारांना व्यापाऱ्यांची पावती असल्याशिवाय मालवाहतूक करता येणार नाही. ट्रकधारकांना रजिस्ट्रेशन करणे आवश्यक नाही. मात्र ट्रान्स्पोर्टधारकांना नोंदणी बंधनकारक आहे. मालवाहतुकीची ‘बिल्टी’ सोबत असल्याशिवाय वाहतूक करता येणार नाही. ५० हजारांपेक्षा अधिक माल असल्यास ई-बिल आवश्यक आहे. व्यापाऱ्याकडे बिल असल्याशिवाय वाहतूक करताच येणार नाही. पूर्वीसारखी साध्या चिठ्ठीवर माल वाहतूक होणार नाही. वाळू वाहतूक करणाऱ्या ट्रकधारकांना वाळूची खरेदी-विक्रीसाठीही जीएसटीची नोंदणी करावी लागेल.

सोने महागणार

यापूर्वी सोन्यावर १.२ टक्के व्हॅट आकारला जात होता. यामध्ये १.८ टक्के वाढ झाली आहे. जीएसटी कौन्सिलच्या बैठकीत सोन्यावर तीन टक्के कर आकारणी निश्चित करण्यात आली. त्यामुळे कोल्हापूरच्या सराफ व्यापारी पेठेत २४ कॅरेट सोन्याचा दर २९ हजार ३५० रुपये आहे. यामध्ये तीन टक्के जीएसटी आकारल्यास सोन्याचा दर २९ हजार ८५० रुपये प्रती दहा ग्रॅम असेल. याशिवाय कारागिरांची मजुरी वेगळी राहणार आहे.

बाजारपेठ धास्तावली

जीएसटी अंमलबजावणीनंतर विक्रीवर परिणाम होणार असल्याचे किरकोळ बाजारातील विक्रेत्यांचे म्हणणे आहे. व्यापारावर मोठा परिणाम होणार असल्याची भीती जिल्हा किरकोळ दुकानदार असोसिएशनचे व्यक्त केली आहे. मॉलमधील वस्तूंची किंमतीं वेगळ्या आणि किरकोळ बाजारातील वस्तूंच्या किंमती वेगळ्या अशी स्थिती असेल. ब्रँडेड वस्तू जीएसटीच्या यादीत आल्यास त्याचा फटका बसणार आहे. उत्पादकांनी वस्तूंच्या किंमती बदलल्यानंतर विक्रेत्यांचा नफा ठरतो. उत्पादनाच्या किंमती बदलल्या, तर त्याचा भार थेट ग्राहकांवर टाकला जाईल, असे किरकोळ दुकानदार असोसिएशनचे संदीप वीर यांनी सांगितले. दरम्यान मॉलमध्ये अनेक वस्तूंच्या किंमती १ जुलै पासून कमी होण्याची शक्यता आहे.

वस्त्रोद्योग आणि धान्य व्यापार वगळता जीएसटीचा फारसा परिणाम अन्य क्षेत्रांवर होणार नाही. सेवाकरात वाढ झाल्याने तीन टक्क्यांचा फरक पडेल. सध्या १५ टक्के सेवा कर आहे. तो जीएसटीनंतर १८ टक्के आकारला जाईल. अबकारी आणि व्हॅट हे दोन्ही कर जाणार असल्याने एकच कराचा फायदा होईल.

- ललित गांधी,
अध्यक्ष चेंबर ऑफ कॉमर्स

जीएसटीचा बांधकाम क्षेत्रावर फारसा परिणाम होणार नाही. जीएसटीमुळे दरवाढीची शक्यता आहे. मात्र, दर काही प्रमाणात वाढू शकेल. सेवा करात वाढ शक्य आहे. घरे खरेदी करण्याकडे ग्राहकांची पसंती अजूनही आहे. त्यांना राज्य सरकारकडे भरण्यात येणाऱ्या परतफेड क्रेडीटमधून होणार आहे.

- महेश यादव, अध्यक्ष, क्रेडाई

जीएसटीमधून धान्य वगळण्याचे आश्वासन दिले होते. मात्र, धान्याला पाच टक्के कर लावला आहे. ब्रँडेड वस्तूंवर कर आकारला जाणार आहे. त्याचा फटका सर्वसामान्य ग्राहकांना बसणार आहे. जीवनापयोगी वस्तूचे वाढलेले दर कमी करण्यासाठी ग्राहकांनी आणि ग्राहक संघटनांनी जागृत होण्याची गरज आहे.

- किशोर तांदळे,
अध्यक्ष दि ग्रेन मर्चंटस् असोसिएशन

जीएसटी पूर्वीच ग्राहकांनी सोने खरेदी केल्यास फायदेशीर आहे. लग्न सराई असल्याने ग्राहकांच्या कडून जादा सोने खरेदीला पसंती दिली जाते. जीएसटीची अंमलबजावणी सुरू झाल्यास सोने दरात ५०० रुपयांची वाढ होणार आहे. त्यामुळे सोने खरेदी करण्याची ग्राहकांना सुवर्णसंधी आहे.

- भरत ओसवाल,
अध्यक्ष, जिल्हा सराफ संघ

मोबाइल अॅप डाउनलोड करा आणि राहा अपडेट

श्रीपूजक ठाणेकरांना मारहाण

June 22, 2017, 2:30 pm

≫ Next: ​ पालकमंत्र्यांचा निर्णयाचा फॉर्म्युला

≪ Previous: जीएसटीचे आव्हान... !

$

0

0

म. टा. प्रतिनिधी, कोल्हापूर

अंबाबाई पुजारी हटावो मागणीच्या पार्श्वभूमीवर गुरुवारी झालेल्या बैठकीत अंबाबाईचे पुजारी आणि भाजपचे नगरसेवक अजित ठाणेकर यांना संतप्त भाविकांनी मारहाण केली. सुरुवातीपासूनच गोंधळ, आरोप-प्रत्यारोपांच्या फैरींमध्ये झालेल्या बैठकीत ठाणेकर यांना शिक्षेसंदर्भात पर्याय सुचविले जात असताना, ठाणेकर अश्लील हावभाव करीत पर्याय हसण्यावारी नेल्याचा आरोप उपस्थित महिला आणि कार्यकर्त्यांनी केला. त्यानंतर उपस्थित भाविकांच्या रागाचा उद्रेक झाला. त्याचे पर्यावसन ठाणेकर यांना मारहाणीत झाले.

राज्याचे महसूलमंत्री आणि जिल्ह्याचे पालकमंत्री चंद्रकांत पाटील, जिल्हाधिकारी अविनाश सुभेदार, जिल्हा पोलिसप्रमुख संजय मोहिते यांच्या प्रमुख उपस्थितीत सुरू असलेल्या बैठकीतच हा प्रकार घडल्याने वादावर तोडगा काढण्यासाठी आयोजित संपूर्ण बैठकीत वातावरण तणावपूर्ण बनले. पोलिसांनी बंदोबस्तात ठाणेकर यांना जिल्हाधिकारी कार्यालयाबाहेर नेले. दरम्यान, कोणत्याही परिस्थितीत मंदिरातील पुजारी हटविल्याशिवाय हे आंदोलन थांबवायचे नाही, अशी भूमिका श्री अंबाबाई मंदिर पुजारी हटाव संघर्ष समितीच्या सदस्यांनी व्यक्त केली.

अंबाबाईला ड्रेस नेसविण्याच्या प्रकारानंतर गेले १३ दिवस संतप्त भाविकांनी विविध मार्गांनी आंदोलन सुरू केले होते. यामुळे पालकमंत्री पाटील यांनी आज, भाविकांची बैठक बोलविली होती. जिल्हाधिकारी कार्यालयातील ताराराणी सभागृहात ही बैठक सुरू होती. पुजारी, ठाणेकर यांच्या विरोधातील घोषणा, शिविगाळ करत वाहत भाविकांनी ठाणेकर यांना लक्ष्य केले. पुजाऱ्यांसंदर्भात निर्णय होऊपर्यंत ठाणेकर यांना मंदिरात पाय ठेवू देऊ नये, अशी मागणी भाविकांनी केली. त्यावर जिल्हाधिकारी अविनाश सुभेदार यांच्या उपस्थितीत निर्णय होईल.

बैठकीत बाजू मांडण्यासाठीच पुजारी अजित ठाणेकर आणि त्यांचे वडील बाबूराव ठाणेकरही उपस्थित होते. श्री अंबाबाई मंदिर पुजारी हटाव संघर्ष समिती आणि पुजाऱ्यांची बाजू ऐकून घेतल्यानंतर पालकमंत्री पाटील ठाणेकर यांना घागरा-चोली प्रकरणी आत्मक्लेश शिक्षेचा पर्याय सुचविला. पालकमंत्री पाटील म्हणाले, ‘घागरा चोली नेसविलेल्या दिवशी मंदिरात अजित ठाणेकर यांचा वार होता. त्यामुळे आत्मक्लेश म्हणून त्यांनी मंदिरात दोन दिवस पाण्याचा थेंबही न घेता उपोषण करावे.’

शिक्षेचा हा पर्याय पुजारी हटाव संघर्ष समितीच्या नेते व कार्यकर्त्यांना मान्य नव्हता. याचवेळी ठाणेकर यांनी हसल्याचा आरोप झाला. पोलिसांनी परिस्थितीचा अंदाज घेत ठाणेकर यांना संरक्षण दिले. पोलिस कॉन्स्टेबल आणि शीघ्र कृती दलाच्या जवानांनी ठाणेकर यांना बाहेर नेम्यासाठी सुरक्षेचे कडे केले. सभागृहाच्या मागच्या दारातून ठाणेकर यांना बाहेर काढण्याचा प्रयत्न होता. मात्र ते दार बंद असल्याने ठाणेकर यांना पुढच्या दारातूनच बाहेर काढण्याचा प्रयत्न झाला. त्यावेळी, त्यांना मारहाणीपासून वाचविण्यात पोलिसांना अपयश आले. दरम्यान, पालकमंत्री चंद्रकांत पाटील यांनी याबाबत जिल्हाधिकारी अविनाश सुभेदार यांच्या अध्यक्षतेखाली समिती तयार करण्याचे जाहीर केले.


आणि वातावरण तापले...

चर्चा सुरू असताना ठाणेकरांनी उपस्थित महिला आणि समितीच्या कार्यकर्त्यांकडे अश्लील हावभाव केल्याचा आरोप करण्यात आला. यानंतर उपस्थितांनी अतिशय संतप्त प्रतिक्रिया देत ठाणेकर यांना सभागृहातून बाहेर जाण्यास सांगितले. त्यावेळी सुरवातीच्या रांगांमध्ये बसलेल्या महिलांनी ठाणेकरांच्या दिशेने चपला फेकल्या, तसेच हातातील पर्सने मारहाण केली. कार्यकर्त्यांनीही ठाणेकरांना मारहाण केली. यात त्यांचे कपडे फाटले. अखेर पोलिसांनी जिल्हाधिकारी कार्यालयाच्या प्रवेशद्वाराशी उभ्या असलेल्या गाडीत बसवून ठाणेकर पितापुत्रांना तेथून बाहेर नेले.


फिर्याद घेण्यास टाळाटाळ

जिल्हाधिकारी कार्यालयातील महिलांसमोर अश्लील वर्तन केल्याचा आरोप करीत जिजाऊ ब्रिगेडच्या महिलांनी सायंकाळी ७ वाजता श्रीपूजक अजित ठाणेकर यांच्या विरोधात फिर्याद दाखल करण्यासाठी शाहूपुरी पोलिस ठाण्यात धाव घेतली, मात्र पोलिसांनी तक्रार दाखल करून घेण्यास टाळाटाळ केली. जिजाऊ ब्रिगेडच्या महिलांनी पोलिसांचा निषेध करून शुक्रवारी पोलिस अधीक्षकांकडे तक्रार दाखल करण्याचा निर्णय घेतला आहे. दरम्यान, मारहाणप्रकरणी ठाणेकर देखील नगरसेवकांसह राजारामपुरी पोलिस ठाण्यात गेले, मात्र तक्रार दाखल न करताच ते परतले.

मोबाइल अॅप डाउनलोड करा आणि राहा अपडेट

​ पालकमंत्र्यांचा निर्णयाचा फॉर्म्युला

June 22, 2017, 2:30 pm

≫ Next: कन्नड चित्रपट निर्मात्यास चोप

≪ Previous: श्रीपूजक ठाणेकरांना मारहाण

$

0

0

म. टा. प्रतिनिधी, कोल्हापूर

पालकमंत्री चंद्रकांत पाटील यांनी अंबाबाईला घागरा-चोलीचा ड्रेस नेसवणे आणि मंदिरात पुजाऱ्यांना हटवून पंढरपूरप्रमाणे सरकारी कर्मचारी नेमणे हे दोन स्वतंत्र आहेत. मंदिराची कार्यपद्धती राबविण्यासाठी जिल्हाधिकारी अविनाश सुभेदार यांच्या अध्यक्षतेखाली दहा सदस्यीय समिती स्थापन करावी असे आदेश पालकमंत्री चंद्रकांत पाटील यांनी गुरुवारी जिल्हाधिकारी कार्यालयात झालेल्या बैठकीत दिले.

पालकमंत्री पाटील म्हणाले, ‘अंबाबाई मंदिरातील पुजारी आणि देवीला नेसविण्यात आलेला घागरा चोली ड्रेस हे दोन्ही मुद्दे वेगवेगळे असल्याने त्यावर तसा वेगवेगळे निर्णय घेण्यात येतील. पंढरपूर आणि देशातील इतर देवस्थानांप्रमाणे अंबाबाईच्या मंदिरात कार्यपद्धती राबविण्यासाठी जिल्हाधिकारी अविनाश सुभेदार यांच्या अध्यक्षतेखाली समिती स्थापन करावी.

त्यात इतिहास संशोधक म्हणून काम करणाऱ्यांचा आणि श्री अंबाबाई मंदिर पुजारी हटाव संघर्ष समितीतील काही सदस्यांचा तसेच दोन महिलांचाही समावेश करावा आणि तीन महिन्यांत ही समिती राज्याच्या विधी आणि न्याय विभागाकडे आपले अहवाला देईल. हे खाते मुख्यमंत्र्यांकडे असल्याने मी त्यांना सांगून यावर लवकरात लवकर निर्णय घेण्यास सांगतो.’

या तोडग्यावर कार्यकर्ते समाधानी नव्हते. त्यामुळे मंत्री पाटील यांनी यासंदर्भातही जिल्हाधिकाऱ्यांच्या अध्यक्षतेखाली उद्या (२३ जून) बैठक घेऊन िर्णय घ्यावा, असे स्पष्ट केले.

मोबाइल अॅप डाउनलोड करा आणि राहा अपडेट

कन्नड चित्रपट निर्मात्यास चोप

June 22, 2017, 2:30 pm

≫ Next: औषधांचा तुटवडा

≪ Previous: ​ पालकमंत्र्यांचा निर्णयाचा फॉर्म्युला

$

0

0

म. टा. प्रतिनिधी, कोल्हापूर

चित्रपटांमध्ये काम देण्याचे आमिष दाखवून तरुणींचा गैरफायदा घेणाऱ्या कन्नड चित्रपटांच्या निर्मात्यास अखिल भारतीय मराठी चित्रपट महामंडळाच्या कार्यकर्त्यांनी बेदम चोप दिला. मंजूनाथ व्यंकटेश मूर्ती (वय ४७, रा. बेंगळुरू) असे संशयिताचे नाव असून, कार्यकर्त्यांनी ऑडिशनही उधळून लावली. मध्यवर्ती बसस्थानक परिसरातील एका नामांकित हॉटेलमध्ये गुरुवारी (ता. २२) दुपारी हा प्रकार घडला. याबाबत शाहूपुरी पोलिस ठाण्यात फिर्याद दाखल झाली आहे.

निर्माता मंजूनाथ मूर्ती हा शनिवारपासून कोल्हापुरातील मध्यवर्ती बसस्थानक परिसरातील एका हॉटेलमध्ये उतरला होता. त्याने शहरातील काही डान्सक्लासशी संपर्क साधून चित्रपटासाठी तरुणींच्या ऑडिशन घेणार असल्याचे सांगितले. गंगावेश येथील डान्स क्लासमधील मार्गदर्शक अविनाश गायकवाड यांना मूर्तीची शंका आल्याने त्यांनी त्याच्यावर पाळत ठेवली. गायकवाड यांनी याची माहिती अखिल भारतीय मराठी चित्रपट महामंडळाला दिल्यानंतर महामंडळाच्या पदाधिकाऱ्यांनी मूर्तीचा पर्दाफाश करण्याचे ठरवले. मूर्ती याने काही तरुणींना गुरूवारी दुपारी ऑडिशनसाठी हॉटेलमध्ये बोलवले होते. महामंडळाच्या पदाधिकाऱ्यांनी हॉटेलमध्ये चौकशी केली असता, मूर्ती हा काही तरुणींकडून पैसे घेऊन ऑडिशन घेत असल्याचे लक्षात आले. याबाबत चौकशी केल्यानंतर तो उडवाउडवीची उत्तरे देऊ लागला. ऑडिशनसाठी आलेल्या तरुणींनीही मूर्तीबीबत तक्रार केल्याने महामंडळाच्या पदाधिकाऱ्यांनी हॉटेलमध्येच मूर्तीला चोप देत ऑडिशन उधळून लावली.

याबाबत महामंडळाच्या पदाधिकाऱ्यांनी शाहूपुरी पोलिस ठाण्यात मूर्तीच्या विरोधात फिर्याद दाखल केली आहे. मूर्ती हा चित्रपटात काम देण्याचे आमिष दाखवून तरुणींची सौदी अरेबिया आणि दुबईमध्ये विक्री करीत असल्याचा आरोप मंडळाने केला आहे. बेकायदेशीर ऑडिशन घेऊन मूर्तीने तरुणींची फसवणूक केल्याने पोलिसांनी त्याच्यावर कारवाईची मागणी महामंडळाच्या पदाधिकाऱ्यांनी केली आहे.

मोबाइल अॅप डाउनलोड करा आणि राहा अपडेट

औषधांचा तुटवडा

June 22, 2017, 2:30 pm

≫ Next: पावसाळ्यातच कचरा सरवळीत

≪ Previous: कन्नड चित्रपट निर्मात्यास चोप

$

0

0

कोल्हापूर टाइम्स टीम

वस्तू व सेवा कर (जीएसटी) लागू झाल्यावर शिल्लक साठ्यावरील टॅक्सचा फरक देणार न देण्याची भूमिका औषधनिर्मिती कंपन्यांनी घेतल्याने होलसेल औषध दुकानदारांनी सध्या औषध खरेदीत कपात केली आहे. परिणामी रिटेल औषध दुकानांमध्ये आतापासूनच औषधांचा तुटवडा जाणवू लागला आहे.

तर २५ जून ते ५ जुलैपर्यंत गोडाऊन्स बंद ठेवण्यात येणार असल्याने जुलैच्या पहिल्या आठवड्यात औषधांचा प्रचंड तुटवडा होण्याची शक्यता आहे.

जीएसटीची अंमलबजावणी १ जुलैपासून होते. या कररचनेत जीवनावश्यक औषधांच्या किंमती २.२९ टक्क्यांनी वाढणार आहेत. बहुतांश जीवनावश्यक औषधांवर सध्या असलेला ९ टक्के कर सरकारने जीएसटीत १२ टक्क्यांवर नेला आहे. जीएसटी लागू झाल्यावर शिल्लक औषध साठ्यावर टॅक्सचा फरक देण्याची मागणी होलसेल औषध डिलर्सनी केली होती.

मात्र काही कंपन्यांनी टॅक्सचा असा फरक देण्यास नकार दिल्यामुळे होलसेल व्यापाऱ्यांनी औषध खरेदीत कपात केली आहे. त्यामुळे औषधांचा तुटवडा जाणवू लागला आहे.

शहरात रक्तदाब, हृदयविकार, मधुमेह, किडनीचे रुग्ण अधिक आहेत. त्यांना नियमित औषध घेणे आवश्यक आहे. मात्र जीएसटी लागू झाल्यावर औषधांच्या कमी उपलब्धतेमुळे रुग्णांचे हाल होण्याची शक्यता आहे. जीएसटीत इन्शूलीनसह काही निवड जीवनावश्यक औषधांवरील कर १२ टक्क्यांवरून ५ टक्क्यांवर आणण्याच्या प्रस्तावाला मंजुरी देण्यात आली.

मात्र, हेपॅरीन, वॉरफॅरीन, डिलटायझम, डायझेपाम, आयब्युप्रोफेन, प्रोप्रॅनोलोल, इमॅटिनीब यांसारख्या जीवनावश्यक औधषांवर १२ टक्के कर लावला जाणार आहे. त्यामुळे औषधांच्या किंमतीची दरवाढ होणार आहे. औशध खरेदी कमी झाल्याने सध्या कोल्हापुरात अनेक रिटेल दुकांनामध्ये औषधे कमी प्रमाणात उपलब्ध असल्याचे दिसून येत आहे.


सध्या काही कंपन्यांनी होलसेल दुकानदारांना जीएसटीनंतरच्या टॅक्सबाबत फरक न देण्याचे धोरण निश्चित केले आहे. त्यामुळे दुकानदारांनी काही औषधांची खरेदी करणे थांबविली आहे. त्यामुळे सध्या रिटेल दुकानांमध्येही काही औषधांचा तुटवडा आहे.

- विकास पाटील, औषध विक्रेते

जीएसटीच्या अमंलबजावणीसाठी आवश्यक त्या कार्यवाहीबाबत कंपन्यांना काही काळ लागणार आहे. त्यासाठी पुणे तसेच भिवंडी परिसरातील औषधांची गोडावून्स २५ जून ते ५ जुलैपर्यंत बंद राहणार आहेत. त्यामुळे जुलैच्या पहिल्या आठवड्यात औषधांचा तुटवडा होण्याची शक्यता आहे. कंपन्या नियमांप्रमाणे केवळ १५ दिवसांचा औषध पुरवठा करु शकतात. त्यामुळे जर एखाद्या औषध दुकानदारांने महिन्याची ऑर्डर दिली तर ती मिळू शकत नाही.

- मदन पाटील, अध्यक्ष,कोल्हापूर जिल्हा केमिस्ट असोसिएशन

मोबाइल अॅप डाउनलोड करा आणि राहा अपडेट

पावसाळ्यातच कचरा सरवळीत

June 22, 2017, 2:30 pm

≫ Next: जिजाऊ ब्रिगेडची तक्रार

≪ Previous: औषधांचा तुटवडा

$

0

0

राहुल मगदूम, कसबा बावडा

येथील झूम प्रक्रिया प्रकल्पावरील कचऱ्याची कोंडी फोडण्यासाठी महापालिकेने इनर्ट मटेरियल कसबा बावड्यातील सरवळीत टाकण्यात येणार असल्याचे जाहीर केले आहे. ऐन पावसाळ्यात कचरा सरवळीत टाकण्याच्या या निर्णयामुळे पंचगंगा नदीचे प्रदूषण गतीने वाढण्याची शक्यता आहे. महापालिकेच्या या अजब कारभाराबद्दल आश्चर्य व्यक्त होत आहे.

पावसाळ्याच्या तोंडावर झूम प्रकल्पातील कचरा उचलून दुसऱ्या ठिकाणी टाकला जाणार आहे. कचरा टाकण्यासाठी सरकारी विभागांची परवानगी मिळाल्याचे सांगितले जाते. काही विभागांनी जागा बघून, प्रदूषण नियंत्रण मंडळाच्या अटींच्या अधीन राहून कचरा टाकण्याची परवानगी दिली आहे. तर बावड्यातील शेतकऱ्यांनी बेकायदेशीररित्या कचरा टाकण्यात येत असल्याचा आरोप करून प्रदूषण नियंत्रण मंडळाला निवेदन दिले आहे. महापालिकेने कचरा टाकण्याची निविदा कागलचे शशिकांत भालबर यांची मंजूर केली आहे.कोल्हापूर शुगरमिल परिसरात सरवळीचा भाग म्हणून ओळखण्यात येणाऱ्या सर्व्हे नंबर २२१ व २२५ या पंधरा एकर जागेतील सात एकरमध्ये झूम कचरा प्रकल्पातील इनर्ट मटेरियल टाकण्यात येणार आहे. त्यासाठी वेगवेगळ्या विभागाच्या परवानगी घेण्यात आल्या आहेत.

वरिष्ठ भूवैज्ञानिक भूजल सर्वेक्षण आणि विकास यंत्रणा आणि जिल्हा पशुसंवर्धन उप-आयुक्त कार्यालयाने २५ मे २०१६ रोजी शुगरमिल व टाकाळा येथील जागेमध्ये १०० टक्के इनर्ट मटेरियल जमिनीच्या खालील किमान वीस फूट खोलीमध्ये भूमीभरण करण्यात येऊन प्रदूषण नियंत्रण मंडळाच्या नियमानुसार इनर्ट मटेरियल टाकून मातीचा भराव टाकण्यात येणार आहे. त्यामुळे याचा पक्ष्यांना उपद्रव वाटत नसल्याने परवानगी दिली असल्याचे पशु संवर्धन कार्यालयाने स्पष्ट केले आहे. वेगवेगळ्या दोन ठिकाणची २०१६ मध्ये संयुक्त पाहणी करण्यात आली होती.

झूम कचरा प्रकल्पातील जाळून माती झालेला व प्लास्टिक मिक्स असलेला कचरा कोल्हापूर शुगरमिलच्या सरवळीचा जागेत टाकण्यासंदर्भात १२ मे २०१७ च्या स्थायी समितीच्या सभेत ठराव करण्यात आला. मात्र नगरसेवक निलोफर आजरेकर यांचा या ठरावाला विरोध केला आहे. त्यावेळी नगरसेवक आशिष ढवळे, राहुल माने यांच्या उपसूचनेसह ठराव मंजूर करण्यात आला. या कामासाठी आतापर्यंत तीन वेळेला मुदतवाढ देण्यात आली.

आयुक्तांनी दोन वेळेला दरासंदर्भात ठरावाची सविस्तर माहिती घेतली.
मात्र सार्वजनिक बांधकाम विभाग आणि महाराष्ट्र जीवन प्राधिकरण विभागाने माहिती उपलब्ध नसल्याचे कळवल्यानंतर एक खाजगी अभियांत्रिकी कॉलेज काढून अहवाल घेऊन सादर केला. तो अहवाल मान्य करून दर ठरवण्यात आला आहे.

खड्यात होणार भूमीभरण

ज्या सरवळीच्या जागेत कचरा टाकण्यात येणार आहे, त्या खड्डयाची उंची साधारण आठ फुटांच्या आसपास आहे. परंतु पशुसंवर्धन उपायुक्त कार्यालयाने परवानगी देताना, वीस ते तीस फूट खोलीमध्ये कचऱ्याचे भूमीभरण करण्यात येऊन प्रदूषण नियंत्रण मंडळाच्या अटींच्या अधीन राहून काम करावे असे म्हटले आहे. प्रदूषण मंडळाचे प्रादेशिक अधिकारी डी. के. खेडकर यांनी सोमवारी शुगरमिलच्या अधिकाऱ्यांच्या उपस्थितीत कचरा टाकण्यात येणाऱ्या सरवळीच्या जागेची पाहणी केली. नागरिकांनी विरोध असल्याचे निवेदन दिल्यानंतरही त्यांनी पाहणी केली. त्यामुळे काय होणार असा प्रश्न नागरिकांना पडला आहे.

सरवळीच्या परिसरात तीस हजार चौरसमीटर जागा आहे. या सरवळीच्या ठिकाणी कचरा टाकण्यासाठी जिल्हा घनकचरा समितीने मान्यता दिली आहे. या खड्ड्याची उंची जमिनीपासून पंधरा फूट आहे. तेथे कचरा टाकला जाईल.

- डॉ. विजय पाटील, आरोग्य अधिकारी, महापालिका

मोबाइल अॅप डाउनलोड करा आणि राहा अपडेट

जिजाऊ ब्रिगेडची तक्रार

June 23, 2017, 2:30 pm

≫ Next: मूर्ती संवर्धनाबाबत स्थानिक तज्ज्ञांची मते घेणार

≪ Previous: पावसाळ्यातच कचरा सरवळीत

$

0

0

म. टा. प्रतिनिधी, कोल्हापूर

जिल्हाधिकारी कार्यालयात काल पालकमंत्री चंद्रकांत पाटील यांच्या अध्यक्षतेखालील बैठकीत पुजारी व नगरसेवक अजित ठाणेकर यांनी अश्लील हावभाव करून महिलांचा विनयभंग केल्याचा तक्रारअर्ज शुक्रवारी जिजाऊ ब्रिगेडच्या कार्यकर्त्यांनी शाहूपुरी पोलिस ठाण्यात दिला. पुजारी ठाणेकर यांच्याविरोधात गुन्हा दाखल करावा असा आग्रह जिजाऊ ब्रिगेडने पोलिसांकडे धरला. मात्र, अपर पोलिस अधीक्षक सुहेल शर्मा यांच्याशी चर्चा केल्यानंतर तक्रार अर्ज दाखल करून ठाणेकर यांच्या अटकेची मागणी केली. तक्रारीच्या चौकशीनंतर पुढील कारवाईचे आश्वासन पोलिस निरीक्षक प्रवीण चौगुले यांनी दिले.

अंबाबाई मंदिरात देवीला घागरा-चोलीचा पोषाख परिधान केल्याच्या वादावर तोडगा काढण्यासाठी गुरूवारी जिल्हाधिकारी कार्यालयात बैठक झाली. पंढरपूरच्या धर्तीवर अंबाबाई मंदिरातील पुजाऱ्यांना हटवण्याचा आग्रह उपस्थित आंदोलकांनी धरला होता. यावेळी बैठकीला उपस्थित पुजाऱ्यांचे वर्तन गंभीर नसल्याचा आरोप करून ठाणेकर यांना सभागृहाबाहेर काढण्याचा आग्रह आंदोलकांनी धरला. पोलिस त्यांना बंदोबस्तात बाहेर घेऊन जात असताना ठाणेकर यांनी अश्लील आणि लज्जा उत्पन्न होईल असे वर्तन केल्याचा आरोप जिजाऊ ब्रिगेडने केला. याबाबत पोलिसांनी ठाणेकर यांच्यावर विनयभंगाचा गुन्हा दाखल करावा यासाठी जिजाऊ ब्रिगेड आग्रही होती. गुरूवारी रात्री शाहूपुरी पोलिस ठाण्यात गुन्हा दाखल करून घेण्यास टाळाटाळ झाल्याने महिला पदाधिकाऱ्यांनी शुक्रवारी दुपारी पोलिस अधीक्षक कार्यालयात, अप्पर पोलिस अधीक्षक सुहेल शर्मा यांची भेट घेतली. शर्मा यांनी तक्रार अर्ज देण्याची विनंती केल्यानंतर महिलांनी शाहूपुरी पोलिस ठाण्यात जाऊन तसा अर्ज दिला.

‘ठाणेकर यांनी बैठकीदरम्यान जाणीवपूर्वक महिलांसमोर अश्लील वर्तन केले. या कृतीची चौकशी करून ठाणेकर यांच्यावर तत्काळ गुन्हा दाखल करून अटक करावी’, अशी मागणी तक्रारदार डॉ. जयश्री चव्हाण यांनी केली आहे. ‘तक्रारीची चौकशी केल्यानंतर पुढील कारवाई केली जाईल’, अशी माहिती पोलिस निरीक्षक प्रवीण चौगुले यांनी आंदोलकांना दिली. यावेळी चारुशीला पाटील, आयेशा खान, सुवर्णा मिठारी, वैशाली जाधव, लता जगताप, सुनीता पाटील, सुनंदा चव्हाण, यांच्यासह दिलीप देसाई, चंद्रकांत पाटील, फिरोजखान उस्ताद आदी उपस्थित होते.

मोबाइल अॅप डाउनलोड करा आणि राहा अपडेट

---

मूर्ती संवर्धनाबाबत स्थानिक तज्ज्ञांची मते घेणार

June 23, 2017, 2:30 pm

≫ Next: पुजारी ठाणेकरांवर कायमची बंदी घाला

≪ Previous: जिजाऊ ब्रिगेडची तक्रार

$

0

0

म. टा. प्रतिनिधी, कोल्हापूर

करवीरनिवासिनी श्री अंबाबाई मूर्तीवर पांढरे डाग असल्याचे स्पष्ट झाल्यानंतर पुन्हा संवर्धन प्रक्रिया करण्याबाबत पुरातत्त्व खात्याच्या औरंगाबाद विभागाचे उपाधीक्षक श्रीकांत मिश्रा यांनी सांगितले होते. शुक्रवारी झालेल्या देवस्थान समितीच्या बैठकीत रासायनिक संवर्धनाबाबत मिश्रा यांनी दिलेला अहवाल सादर करण्यात आला. मात्र आता स्थानिक तज्ज्ञांची मते घेण्याचा निर्णय घेण्यात आला.

दोन वर्षांपूर्वी श्री अंबाबाईच्या मूर्तीवर रासायनिक संवर्धन प्रक्रिया करण्यात आली होती. त्यानंतर गेल्यावर्षी १३ मे २०१६ रोजी पुरातत्त्व अधिकारी डॉ. एम. आर. सिंह यांना बोलावून कोणतीही पूर्वकल्पना आणि धार्मिक विधी न करता गोपनीय पद्धतीने मूर्तीवर प्रक्रिया करण्यात आली. २६ मे २०१७ रोजी अभिषेकानंतर मूर्तीवर पांढरे डाग असल्याचे अनेक भाविकांच्या लक्षात आले. याबाबत चर्चा सुरू झाल्यानंतर जिल्हाधिकाऱ्यांनी तातडीने पाहणी करून पुरातत्त्व खात्याच्या औरंगाबाद विभागाचे उपअधीक्षक मिश्रा यांना कोल्हापुरात बोलावून मूर्तीची पाहणी करून अहवाल देण्याच्या सूचना दिल्या होत्या.

मिश्रा यांनी दिलेला अहवाल शुक्रवारी मांडण्यात आला. अहवालात मिश्रा यांनी, पुन्हा सहा दिवस मंदिर बंद ठेवून रासायनिक संवर्धन करण्यास सुचविले आहे. मात्र, याबाबत तज्ज्ञांची मते घेऊन कायमस्वरुपी काय उपाययोजना करता येईल याचा विचार केला जाणार आहे.


देवस्थान समितीच्या बैठकीत झालेल्या चर्चेत पुन्हा संवर्धन करण्याआधी तज्ज्ञांची मते घेऊन कायमस्वरुपी उपाययोजना काय करता येईल, याचा विचार केला जाणार आहे. पुजाऱ्यांना मूर्ती संवर्धनासाठी काही सूचना देण्यात येणार आहे. त्याचे पालन न केल्यास कारवाईची नोटीस पाठविण्यात येणार आहे.

अविनाश सुभेदार, जिल्हाधिकारी

मोबाइल अॅप डाउनलोड करा आणि राहा अपडेट

पुजारी ठाणेकरांवर कायमची बंदी घाला

June 23, 2017, 2:30 pm

≫ Next: शहीद मानेंवर आज अंत्यसस्कार

≪ Previous: मूर्ती संवर्धनाबाबत स्थानिक तज्ज्ञांची मते घेणार

$

0

0

म. टा. प्रतिनिधी, कोल्हापूर

करवीरनिवासिनी श्री. अंबाबाईला घागरा-चोली नेसविल्याप्रकरणी पुजारी आणि नगरसेवक अजित ठाणेकर यांच्यावर कायमस्वरूपी मंदिर बंदी घालावी, अशी मागणी श्री अंबाबाई मंदिर पुजारी हटाव संघर्ष समितीने शुक्रवारी जिल्हाधिकारी अविनाश सुभेदार यांच्याकडे केली. ठाणेकर यांना याप्रकरणी कोणती शिक्षा करावी यासंदर्भात बैठक घेऊन निर्णय घेण्याचे आदेश गुरुवारी पालकमंत्री चंद्रकांत पाटील यांनी दिले होते. त्यानुसार जिल्हाधिकारी कार्यालयात ही बैठक झाली. यावेळी जिल्हाधिकारी सुभेदार यांनी कायदा सुव्यवस्थेचा प्रश्न लक्षात घेऊन, ठाणेकर यांना वाद मिटेपर्यंत मंदिर परिसरात येऊ न देण्याचे आदेश दिले. यासंदर्भात पोलिस प्रशासन काळजी घेईल, असेही त्यांनी बैठकीत स्पष्ट केले.

जिल्हाधिकारी सुभेदार यांच्या अध्यक्षस्थतेखाली जिल्हाधिकाऱ्यांच्या दालनाशेजारील हॉलमध्ये दुपारी चार वाजता बैठक झाली. काल जिल्हाधिकारी कार्यालय परिसरात ठाणेकर यांना झालेल्या मारहाणीची पार्श्वभूमी बैठकीला होती. जिल्हा पोलिसप्रमुख संजय मोहिते यांच्यासह आमदार राजेश क्षीरसागर आणि श्री अंबाबाई मंदिर पुजारी हटाव संघर्ष समितीचे प्रमुख सदस्य उपस्थित होते. दोन तास चाललेल्या बैठकीत ठाणेकर यांच्यावर कायदेशीर कारवाई करावी आणि कायमस्वरूपी मंदिर बंदी घालावी यावर पुजारी हटाओ संघर्ष समितीचे सदस्य ठाम होते.

संघर्ष समितीच्या सदस्यांना कालच्या ठाणेकर यांच्या आक्षेपार्ह वर्तनासह घागरा चोली नेसविण्याचा प्रकार तसेच पुजाऱ्यांनी मूर्तीवर केलेले प्रयोग आणि पुजारी हे गाभाऱ्याचे हक्कदार नसल्याविषयी कायदेशीर मुद्दे मांडले. सदस्यांपैकी प्रत्येकाने वेगवेगळ्या आणि कायदेशीर बाबींची मुद्देसूद मांडणी केली. ‘समाजातील काही अपप्रवृत्ती या प्रकाराला जातीय रंग देण्याचा प्रयत्न करत आहेत. पण, हा लढा कोणत्या जातीविरुद्ध नाही. तो अंबाबाई मंदिरातील पुजाऱ्यांच्या प्रवृत्ती विरोधात आहे’ असे संघर्ष समितीच्या सदस्यांनी स्पष्ट केल्याचे शिवसेनेचे जिल्हाप्रमुख संजय पवार यांनी सांगितले.

संजय पवार म्हणाले, ‘मंदिरात आणि गाभाऱ्यात पुरातत्व विभागाच्या सूचनेनुसार आर्द्रता वाढू नये म्हणून पुजाऱ्यांकडून सर्व नियम पाळले जातात का? हे जिल्हाधिकारी सीसीटीव्हीतून पाहणार आहेत. त्यानंतर चौकशी करून संबंधितांवर कारवाई करण्यात येणार असल्याचे जिल्हाधिकाऱ्यांनी सांगितले आहे.’

मूर्तीला एमसील लावण्यापासून सळ्या आणि पत्र्यांचा आधार दिल्याप्रकरणी गाभाऱ्यातील पुजारी जबाबदारी झटकत आहेत. मग, ही जबाबदारी नेमकी कोणाची? असा प्रश्न संघर्ष समितीच्या सदस्यांनी उपस्थित केला. देवस्थान समितीचे अध्यक्ष यानात्याने जिल्हाधिकाऱ्यांना यासाठी जबाबदार धरावे का?, असा प्रश्न बैठकीत उपस्थित केल्याची माहिती सुभाष देसाई यांनी ‘महाराष्ट्र टाइम्स’शी बोलताना दिली.


पुढची बैठक लवकरच

मंदिरातील प्रश्नांसंदर्भात अंबाबाई मंदिर समन्वय समिती स्थापन करण्यात आल्याची माहिती श्री अंबाबाई मंदिर पुजारी हटाओ संघर्ष समितीच्या सदस्यांनी दिली. यात प्रजासत्ताक सामाजिक संस्थेचे दिलीप देसाई, माजी आमदार सुरेश साळोखे, शिवसेना जिल्हापमुख संजय पवार, क्षत्रिय मराठा चेंबर्सचे दिलिप पाटील, शिवसेना जिल्हाप्रमुख विजय देवणे, डॉ. सुभाष देसाई, माजी महापौर आर. के. पोवार, राजू लाटकर, मराठा महासंघाचे जिल्हाध्यक्ष वसंतराव मुळीक, इतिहास संशोधक इंद्रजित सावंत, जिजाऊ ब्रिगेडच्या जयश्री चव्हाण, अॅड. चारूशिला चव्हाण, सचिन तोडकर, बाबा पार्टे, अनंत माने, शरद तांबट यांचा समावेश आहे. पंढरपूरच्या बडव्यांसंदर्भात निर्णयप्रक्रियेत असलेले माजी न्यायाधीश के. डी. पाटील यांचाही या समन्वय समितीत समावेश असावा, अशी मागणी सदस्यांनी जिल्हाधिकाऱ्यांकडे केली. समन्वय समितीसोबत लवकरच पुढील बैठक होईल असे जिल्हाधिकाऱ्यांनी स्पष्ट केल्याचे दिलिप देसाई यांनी पत्रकारांशी बोलताना दिली.


गाभाऱ्यात गाद्या कशा?

काही दिवसांपूर्वी शिवाजी विद्यापीठातील कार्यक्रमाच्या निमित्ताने राज्यपाल सी. विद्यासागर राव कोल्हापुरात येणार होते. त्यावेळी त्यांनी अंबाबाईचे दर्शन घेतले. त्यांच्या दौऱ्याच्या पार्श्वभूमीवर मंदिरातील गाभाऱ्यात गाद्या नेऊन ठेवण्यात आल्या होत्या. काहीजण गाभाऱ्यात गाद्या घेऊन जात असतानाचे फोटो उपलब्ध असल्याची माहिती दिलीप देसाई यांनी बैठकीत दिली. दिवंगत पंतप्रधान इंदिरा गांधी यांनी अंबाबाईचे दर्शन घेतले होते. तेव्हाही अशी व्यवस्था करण्यात आली नव्हती. पण, आता हा प्रकार कोणी आणि कोणाच्या परवानगीने केला? असा प्रश्न बैठकीत उपस्थित करण्यात आला.


आठ दिवसांचे शेड्युल द्या

मंदिरात अंबाबाईला रोज कोणते वस्त्र नेसविण्यात येणार आहे, याचे पुढील आठ दिवसांचे शेड्युल पुजाऱ्यांनी देवस्थान समिती अध्यक्ष या नात्याने जिल्हाधिकाऱ्यांना द्यावे, अशी मागणी संघर्ष समितीने केल्याचे दिलीप देसाई यांनी सांगितले. दर आठ दिवसांनी पुढील आठवड्याचे वस्त्रांचे शेड्युल मिळाल्यास देवीला कोणते वस्त्र आणि का नेसविले, याचा वाद होणारच नाही, अशी भूमिका समितीने मांडल्याचे देसाई यांनी सांगितले.


मंदिरातून पुजाऱ्यांना हटवून तेथे पंढरपूरप्रमाणे सरकारी पुजारी नेमण्यासंदर्भात समिती स्थापन करण्याचे आदेश पालकमंत्र्यांनी दिले आहेत. त्यासंदर्भातील सुनावणी आणि बैठकांचे स्वरूप ठरवले जाईल. येत्या दहा ते पंधरा दिवसांत त्याला सुरुवात होईल. यात पुजाऱ्यांनी यापूर्वीच भेट घेऊन आमचीही बाजू ऐकावी, अशी मागणी केली आहे. आज, शुक्रवारी पुजारी अजित ठाणेकर यांना शिक्षा ठरविण्यासंदर्भात बैठक झाली. त्यात संघर्ष समितीने त्यांच्या सूचना मांडल्या.

- अविनाश सुभेदार, जिल्हाधिकारी

मोबाइल अॅप डाउनलोड करा आणि राहा अपडेट

शहीद मानेंवर आज अंत्यसस्कार

June 23, 2017, 2:30 pm

≫ Next: ​ ​ श्री अंबाबाई मंदिर परिसर शांत-शांत

≪ Previous: पुजारी ठाणेकरांवर कायमची बंदी घाला

$

0

0

शाहूवाडी

भारतीय हद्दीत घुसखोरी करून पाकिस्तानी सीमा सुरक्षा रक्षकांनी दहशतवाद्यांच्या सहकार्याने गुरुवारी केलेल्या भ्याड हल्ल्यात भारतीय सैन्य दलातील दोन जवान शहीद झाले. यामध्ये गोगवे (ता. शाहूवाडी) येथील जवान सावन बाळकू माने (वय २४) हे काश्मीरमधील पूंछ क्षेत्रात पाकिस्तानच्या बेछूट गोळीबारात शहीद झाल्याने गोगवे गावासह शाहूवाडी तालुका शोकसागरात बुडाला आहे. कोल्हापूर-रत्नागिरी महामार्गावरील हे गाव बांबवडे बाजारपेठेपासून पश्चिमेला अवघ्या तीन किलोमीटर अंतरावर आहे.

जवान सावन माने हे सैनिकी पार्श्वभूमी असलेल्या आपल्या घराचा वारसा पुढे नेताना २८ मार्च २०१३ रोजी भारतीय सैन्य दलाच्या सेवेत (१५ मराठा बटालियन युनिट) दाखल झाले. बेळगाव येथील सैनिक प्रशिक्षण केंद्रातील एक वर्षाचा प्रशिक्षण काळ संपवून गुजरातच्या (अहमदाबाद) भारतीय सीमेवर ते नियमित सैनिकी सेवेत रुजू झाले. येथे त्यांनी तीन वर्षांचा कार्यकाळ पूर्ण केल्यानंतर पुढे त्यांची बदली सहा महिन्यांपूर्वी काश्मीरमधील पूँछ क्षेत्रात झाली होती. दरम्यानच्या काळात तीन-चार महिन्यांपूर्वी ते आपल्या गोगवे गावी आले होते. यावेळी त्यांच्या आई शोभाताई व वडील बाळकू माने यांनी त्यांच्यासमोर विवाहाच्या तयारीचा बेत बोलून दाखविला होता. नुकतेच बदलीच्या ठिकाणी हजर झालेल्या या निडर जवानाने लग्नासाठी घरी सकारात्मकता दर्शवून पुढील महिन्यात सुटी घेऊन पुन्हा गावी येत असल्याचे सांगून देशसेवेत हजर होणे पसंत केले होते.

गुरुवारी दुपारी पाकिस्तानने काश्मीरच्या नियंत्रण रेषेवर केलेल्या हल्ल्यामध्ये शिपाई सावन माने (गोगवे, ता. शाहूवाडी) व नायक संदीप जाधव (औरंगाबाद) हे दोन जवान धारातिर्थी पडले. सावन यांच्या बरोबर सेवेत असणाऱ्या तालुक्यातील अन्य एका जवानाने गोगवे येथे संपर्क साधून घटनेची माहिती दिली. परंतु सावन यांच्या घरी या घटनेचा धक्का बसू नये म्हणून या माहितीची फारशी वाच्यता न करता ग्रामस्थांनी संयमाने परिस्थिती हाताळण्याचा निर्णय घेतला. त्यामुळे शहीद जवान सावन यांची बातमी तालुक्यात रात्री उशिरा समजली. त्याआधी काही ग्रामस्थांनी सावन यांच्या वडीलांना विश्वासात घेऊन घटनेची माहिती दिली. अशावेळी न डगमगता वडील बाळकू माने यांनी लष्करी सेवेतच असणाऱ्या आपल्या जावयाशी संपर्क करून खात्री करण्याचा प्रयत्न केला असता समोरून जावयांच्या रडण्याचा आवाज त्यांनी ऐकला. तरीही लष्करी सेवेत धीरोदात्तपणा अंगी भिनलेल्या सावन यांच्या वडीलांनी जावयाला धीर दिला आणि काही क्षण स्तब्धता पाळून ओढवलेल्या प्रसंगाला धैर्याने सामोरे जाण्याचा निश्चय केला. आई शोभाताई यांना मात्र शुक्रवारी दुसऱ्या दिवशीही मुलगा शहीद झाल्याची बातमी कळू दिली नव्हती. शहीद जवान सावन माने यांच्या पश्चात वडील बाळकू माने, आई शोभाताई यांच्यासह भाऊ, वहीणी, पुतण्या, विवाहित बहीण असा परिवार आहे.

सैनिकी पार्श्वभूमी

गोगवे या छोट्याशा गावात चाळीसच्यावर आजी-माजी सैनिक आहेत. त्यापैकीच एक बाळकू माने हे लष्करी सेवेतून २००१साली निवृत्त झाले आहेत. आपल्या वडीलांच्या पावलावर पाऊल ठेवून त्यांचा मोठा मुलगा सागर माने हा सात वर्षांपूर्वी सैन्यात भरती झाला. आज तो सिग्नल रेजिमेंट युनिट मधून आसाम येथे देशसेवेत आहे. पाठोपाठ बारावी उत्तीर्ण झालेला त्यांचा दुसरा मुलगा सावन माने १५ मराठा बटालियन युनिटमधून लष्करात भरती झाला होता. एवढेच नव्हे तर माने यांचे जावईदेखील सैन्यात आहेत. त्याचबरोबर व्याहीदेखील लष्करी सेवेतून निवृत्त झाले आहेत.

आज शासकीय इतमामात अंत्यसंस्कार

शहीद जवान सावन माने यांचे पार्थव शुक्रवारी सकाळी गोगवे येथे आणले जाणार असून गावातील मुख्य मार्गावरून त्यांची अंत्ययात्रा निघणार आहे. त्यानंतर गोकुळ दूध शीतकरण केंद्रासमोरील गायरानात ग्रामस्थांनी उभारलेल्या तात्पुरत्या चबुतऱ्यावर शासकीय इतमामात अंत्यसंस्कार करण्यात येणार आहेत.

‘देशसेवेत माझा छावा धारातीर्थी पडला याचे मला अजिबात दु:ख नाही. उलट त्याचा मला अभिमानच आहे. हा अभिमान पुढेही कायम राहील. कारण लहानपणापासूनच देशाभिमानी असलेला सावन अमर जवान ठरला आहे. जे अनेकांच्या भाग्यात नाही.’

बाळकू माने, शहीद सावन माने यांचे वडील

मोबाइल अॅप डाउनलोड करा आणि राहा अपडेट

​ ​ श्री अंबाबाई मंदिर परिसर शांत-शांत

June 23, 2017, 2:30 pm

≫ Next: ठाणेकरांना मंदिर बंदी

≪ Previous: शहीद मानेंवर आज अंत्यसस्कार

$

0

0

कोल्हापूर टाइम्स टीम
श्री अंबाबाई मंदिरातील ‘पुजारी हटाओ’च्या मागणीसाठी गुरुवारी झालेल्या बैठकीवेळी तीव्र प्रतिक्रिया उमटल्या होत्या. या पार्श्वभूमीवर शुक्रवारी मंदिर परिसरात एकदम शांतता होती. ‘पुजारी हटाओ’ आणि घागरा-चोली रुपात देवीची पूजा बांधणाऱ्यांवर कारवाई करण्याच्या मागणीसाठी पालकमंत्री चंद्रकांत पाटील यांच्या उपस्थितीत गुरुवारी आयोजित संयुक्त बैठकीवेळी जोरदार वादावादी झाली होती. तसेच श्री अंबाबाईच्या पारंपरिक पूजेला छेद देण्याचा प्रयत्न केल्याबद्दल संतप्त भाविकांनी पुजारी अजित ठाणेकर यांना मारहाणही केली होती. या वादाचे पडसाद आज मंदिर परिसरात जाणवत होते.
घागरा-चोली प्रकरणानंतर श्री अंबाबाई मंदिरातील ‘पुजारी हटाओ’ मोहीम तीव्र झाली आहे. या संवेदनशील प्रश्नात प्रशासनाने तातडीने लक्ष घालण्याची मागणी ‘श्री अंबाबाई मंदिर पुजारी हटाओ संघर्ष समिती’ने केली होती. त्यानंतर गुरुवारी पालकमंत्र्यांच्या उपस्थितीत बैठक झाली. तीत समिती सदस्यांनी भाविकांच्यावतीने तीव्र भावना व्यक्त केल्या होत्या. या पार्श्वभूमीवर मंदिर परिसरातील शांतता तीव्रपणे जाणवत होती.
देवीच्या दर्शनासाठी शुक्रवारी प्रचंड गर्दी असते, भाविकांच्या लांबच्या लांब रांगा लागलेल्या असतात. मात्र आज मंदिर परिसरात प्रचंड शुकशुकाट जाणवला. दर्शनासाठी आलेल्या भाविकांची संख्या खूपच कमी होती. त्यातही बाहेरगावचेच भाविक होते. एरवी शुक्रवार असल्यास रांगेतून दर्शन घेऊन बाहेर पडण्यासाठी किमान दोन ते अडीच तासांचा कालावधी लागत असे. आज मात्र गर्दीच नसल्यामुळे केवळ पंधरा मिनिटांतच दर्शन मिळत होते. मंदिराच्या पूर्वेकडील गेटजवळ पोलिसांचा मोठा फौजफाटा तैनात करण्यात आला आहे.
एका भक्ताने दिलेला घागरा-चोली अंबाबाई देवीला परिधान करण्याचा प्रकार १० जूनला घडला होता. त्यानंतर भाविकांत प्रचंड संतापाची लाट उसळली असून, आजही त्याचे पडसाद कायम होते. ‘पुजारी हटाओ,’ अंबाबाईला साकडे आंदोलन, जिल्हाधिकाऱ्यांना निवेदन आणि पालकमंत्र्यांसोबत संयुक्त बैठक, या टप्प्यावर आत्तापर्यंत संघर्ष समितीच्यावतीने आंदोलन करण्यात आले आहे.

सीसीटीव्ही कॅमेराच नाही
पश्चिम महाराष्ट्र देवस्थान व्यवस्थापन समितीने मंदिर परिसर तसेच मंदिरात सीसीटीव्ही कॅमेरे बसविले आहेत. मात्र देवीच्या गाभाऱ्यात एकही कॅमेरा पुजाऱ्यांनी बसवू दिलेला नाही. त्यामुळे गाभाऱ्यात किती पुजारी आहेत, नेमकी परिस्थिती कशी असते, ते कुणालाच समजत नाही. गाभाऱ्यात म्हणजेच गर्भकुडीमध्ये पुजाऱ्यांकडून कॅमेरा बसविण्यास विरोध का केला जातो, हे मात्र अद्याप स्पष्ट करण्यात आलेले नाही.

पुजाऱ्यांच्या वारात बदल
दरम्यान, आजपासून पुजाऱ्यांचा वार बदलला असून या आठवड्यात सारंग मुनीश्वर यांचा वार आहे. आजही गाभाऱ्यात सात ते दहा पुजारी असल्याचे निदर्शनास आले. त्यामुळे पुजाऱ्यांनी नियमांचे उल्लंघन न करता मंदिराचे पावित्र्य राखावे, अशी मागणी भाविकांच्यावतीने करण्यात येत आहे.

चारही दरवाजांवर पोलिस तैनात
अंबाबाई मंदिरात गेल्या काही दिवसांपासून सुरु असलेले आंदोलन आणि जिजाऊ ब्रिगेडच्या महिला गाभाऱ्यात घुसणार असल्याची माहिती समजल्यामुळे शुक्रवारी सकाळी ११ पासूनच मंदिर परिसरात पोलिसांचा कडेकोट बंदोबस्त ठेवण्यात आला होता. शुक्रवारी सकाळपासूनच राखीव पोलिस दलाची एक तुकडी मंदिरात तैनात केली आहे. शिवाय मंदिराच्या चारही दरवाजांवर पोलिसांची संख्या वाढवली आहे. एकूण ५० पोलिस मंदिरात तैनात केले आहेत. मंदिरात जाणाऱ्या भाविकांची कसून तपासणी करूनच त्यांना आत सोडले जात आहे. गरजेनुसार बंदोबस्त वाढवला जाणार आहे, असे जुना राजवाडा पोलिस ठाण्याचे निरीक्षक निशिकांत भुजबळ यांनी सांगितले.

पूजा सहा घराण्यांकडे, विस्तार ५४ पुजाऱ्यांपर्यंत
पश्चिम महाराष्ट्र देवस्थान व्यवस्थान समितीकडे पूर्वीपासून रजिस्टर असलेल्या पुजाऱ्यांमध्ये ठाणेकर, मुनीश्वर, चौधरी, गोटखिंडकर, लाटकर आणि कुलकर्णी या सहा घराण्याकडे सात दिवसाची पूजा असते. मात्र सध्या या घराण्यातील वार वाटून दिले आहेत. त्यामुळे एका घराण्यात वडील, त्यांची दोन-तीन मुलांचा वार, मुलीचा वार असे नियोजन असते. त्यामुळे ही संख्या ५४ पुजाऱ्यांपर्यंत जाते. प्रत्येक घराण्याला किमान एक ते दीड महिन्याने वार येत असतो.


देवस्थानच्या तीन साड्यांची प्रथा मागे

पूर्वी देवस्थान समितीकडून श्री अंबाबाई, सरस्वती आणि महाकाली देवीला साडी नेसविली जात होती. गेल्या अनेक वर्षांची ही प्रथा मोडीत काढत पुजाऱ्यांनी त्यांच्याकडे येणाऱ्या साड्या नेसविण्याची प्रथा सुरु केली आहे. त्यामुळे हळूहळू देवस्थानच्या साड्या नेसविण्याची परंपरा मागे पडत गेली.


पूजेचे साहित्यही देवस्थानकडूनच
अंबाबाई मंदिरात देवीच्या मूर्तीजवळ लावले जाणारे नंदादीप, त्यासाठी आठवड्याला लागणारे ३ ते ४ किलो तूप, वाती आणि पूजेचे अन्य साहित्य देवस्थान समितीकडूनच पुरवले जाते. त्यामुळे पुजाऱ्यांवर देवीच्या पूजेचा भारही पडत नाही.

मोबाइल अॅप डाउनलोड करा आणि राहा अपडेट

ठाणेकरांना मंदिर बंदी

June 23, 2017, 2:30 pm

≫ Next: सामंजस्यामुळे टळला संघर्ष

≪ Previous: ​ ​ श्री अंबाबाई मंदिर परिसर शांत-शांत

$

0

0

म. टा. प्रतिनिधी, कोल्हापूर
अंबाबाईचे पुजारी अजित ठाणेकर यांना अनिश्चित काळासाठी अंबाबाई मंदिरात येऊ न देण्याचा निर्णय शुक्रवारी जिल्हाधिकारी अविनाश सुभेदार यांच्या उपस्थितीत झालेल्या बैठकीत घेण्यात आला. यापुढे ठाणेकर मंदिरात येणार नाहीत, याची काळजी घेण्याची जबाबदारी पोलिस प्रशासनावर सोपविण्यात आली आहे.

अंबाबाईला घागरा-चोली नेसविल्याच्या प्रकारानंतर सुरू झाल्याच्या वादाच्या पार्श्वभूमीवर पुजारी अजित ठाणेकर यांच्यावर कोणती कारवाई करावी, यासंदर्भात बैठक घेण्याचे आदेश पालकमंत्री चंद्रकांत पाटील यांनी काल (गुरुवारी) झालेल्या बैठकीत दिले होते. त्यांच्या आदेशानुसार आज, शुक्रवारी जिल्हाधिकारी कार्यालयात बैठक झाली.

जिल्हाधिकारी सुभेदार यांच्या दालनाशेजारील मिटिंग हॉलमध्ये दुपारी चार ते सायंकाळी सहादरम्यान ही बैठक झाली. त्याला जिल्हा पोलिस अधीक्षक संजय मोहिते यांच्यासह श्री अंबाबाई मंदिर पुजारी हटाओ संघर्ष समितीचे सदस्य उपस्थित होते. समितीच्या सदस्यांनी ठाणेकर यांच्यावर
कायमस्वरूपी मंदिर बंदी घालावी, अशी मागणी लावून धरली. त्यावर जिल्हाधिकाऱ्यांनी हा वादग्रस्त विषय मिटेपर्यंत कायदा सुव्यवस्थेचा प्रश्न निर्माण होऊ नये, यासाठी ठाणेकर यांना मंदिर परिसरात येऊ न देण्याचा निर्णय दिला. या संदर्भात योग्य ती काळजी घेण्याचे आदेश जिल्हा पोलिस प्रशासनाला या बैठकीतच देण्यात आले. पोलिस अधीक्षक संजय मोहिते यांनीही कायदा सुव्यवस्था राखण्यासाठी पोलिस प्रशासन योग्य ती कारवाई करेल, असे स्पष्ट केले.
नियोजन आधी द्या’

मंदिरात अंबाबाईला रोज कोणते वस्त्र नेसविण्यात येणार आहे, याचे पुढील आठ दिवसांचे नियोजन पुजाऱ्यांनी जिल्हाधिकाऱ्यांना द्यावे, अशी मागणी संघर्ष समिती सदस्यांनी केली. दोन तास चाललेल्या बैठकीत ठाणेकर यांच्यावर कायदेशीर कारवाईबरोबरच कायमस्वरूपी मंदिर बंदी घालण्याच्या मागणीवर सदस्य ठाम राहिले.

ठाणेकरांना तोंडी सूचना
जनभावनेचा विचार करून आणि कायदा सुव्यवस्था टिकवण्यासाठी पुजारी अजित ठाणेकर यांनी काही काळासाठी मंदिरात जाऊ नये, अशा सूचना जिल्हाधिकाऱ्यांनी दिल्या आहेत. याची अंमलबजावणी करण्याची जबाबादारी पोलिसांकडे आहे. वादावर तोडगा निघेपर्यंत मंदिरात येऊ नये, अशा तोंडी सूचना ठाणेकरांना दिल्याचे एका वरिष्ठ पोलिस अधिकाऱ्याने सांगितले.
०००००००००

श्री अंबाबाई भाविकांचा पुजारी अजित ठाणेकर यांच्याविषयी आक्षेप आहे. त्यामुळे कायदा सुव्यवस्थेसाठी त्यांना मंदिर परिसरात येऊ न देण्याची काळजी घेण्याचे आदेश पोलिस प्रशासनाला दिले आहेत. भाविकांनी कोणत्याही अफवांवर विश्वास न ठेवता अंबाबाई देवस्थान आणि मंदिराचे पावित्र्य जपावे.
- अविनाश सुभेदार, जिल्हाधिकारी

मोबाइल अॅप डाउनलोड करा आणि राहा अपडेट