सामंजस्यामुळे टळला संघर्ष

June 23, 2017, 2:30 pm

≫ Next: बाजार ठेक्यावरून खडाजंगी

≪ Previous: ठाणेकरांना मंदिर बंदी

$

0

0

म. टा. प्रतिनिधी, कोल्हापूर

करवीरनिवासिनी श्री अंबाबाई देवीला घागरा-चोलीचा पोषाख परिधान केल्याचा वाद निषेध आणि निदर्शनांवरून थेट गुद्द्यांवर गेला. गुरुवारी पालकमंत्र्यांसह जिल्हा प्रशासनासमोर पुजारी आणि भाजपचे नगरसेवक अजित ठाणेकर यांना बेदम मारहाण झाली. हा उद्रेक हिंसक होता. तरीही आंदोलकांसह उपस्थितांनी संयम बाळगला. शिवाय पोलिस ठाण्यात गुन्हे दाखल करण्याबाबत दोन्ही घटकांकडून सामंजस्याची भूमिका घेण्यात आल्याने संघर्ष टळला आहे.

पुजारी अजित ठाणेकर यांनी देवीला पारंपरिक पोषाखाऐवजी घागरा-चोलीचा पोषाख परिधान केल्यानंतर भाविकांच्या भावना दुखावल्या आहेत. याबाबत विविध पक्ष-संघटनांनी जोरदार निदर्शने करून पुजाऱ्यांना मंदिरातून हटविण्याची मागणी लावून धरली. पालकमंत्री चंद्रकांत पाटील यांनी याबाबत तोडगा काढण्यासाठी गुरुवारी आयोजित बैठकीत पुन्हा पुजाऱ्यांच्या विरोधातील राग उफाळून आला. पालकमंत्र्यांनी काढलेला प्रायश्चित्ताचा तोडगा उपस्थित आंदोलकांना पसंत पडला नाही. या गदारोळातच ठाणेकर यांना सभागृहाबाहेर काढावे या मागणीने जोर धरला. पोलिस त्यांना संरक्षणात बाहेर घेऊन जात असतानाच जिजाऊ ब्रिगेडच्या महिलांनी ठाणेकर यांना मारहाण सुरू केली. अश्लील हावभाव केल्याचा आरोप त्यांच्यावर आहे. या घटनेने संतापलेल्या काही आंदोलकांनी त्यांच्यावर चाल केली. मात्र पोलिसांनी वेळीच हस्तक्षेप करून आंदोलकांना आवरले. पालकमंत्री चंद्रकांत पाटील आणि आमदार राजेश क्षीरसागर यांनीही आंदोलकांना शांततेचे आवाहन केले.

समयसूचकता दाखवून काहीजणांनी सभागृहातील अन्य श्रीपूजकांना बाहेर काढून थेट घरी पाठवले. यानंतर दोन्ही घटकांकडून पोलिस ठाण्यात गुन्हे दाखल करण्यासाठी प्रयत्न सुरू झाल्याची चर्चा होती. मात्र श्रीपूजकांनी झालेल्या प्रकारावर प्रतिक्रिया देणे टाळले. पुजारी आणि जिजाऊ ब्रिगेडचे कार्यकर्ते एकाचवेळी शाहूपुरी पोलिस ठाण्यात आमने - सामने आल्यास पुन्हा गोंधळ होऊ नये, यासाठी पोलिसांनीही दक्षता घेतली होती. मात्र पुजारी शाहूपुरी पोलिस ठाण्याकडे फिरकलेच नाहीत. राजारामपुरी पोलिस ठाण्याबाहेर काही नगरसेवकांसोबत थांबलेल्या अजित ठाणेकर यांनी तक्रार देणार नसल्याचे स्पष्ट केले. जिजाऊ ब्रिगेड वगळता इतर आंदोलकांनीही गुन्हा दाखल करण्याची घाई दाखवली नाही. दोन्ही बाजुंनी दाखवलेल्या सामंजस्यामुळे गुरुवारी रात्री संघर्ष वाढला नाही. उद्रेकाचे स्वरूप पाहता हा वाद हिंसक होण्याची शक्यता होती. मात्र संयमी भूमिकांमुळेच वादाला हिंसेची किनार लागली नाही.

जिजाऊ ब्रिगेड आक्रमक

बैठकीतील गोंधळानंतर जिजाऊ ब्रिगेडच्या कार्यकर्त्या महिलांनी थेट शाहूपुरी पोलिस ठाण्यात धाव घेऊन पुजारी आणि नगरसेवक अजित ठाणेकर यांच्या विरोधात विनयभंगाचा गुन्हा दाखल करण्याचा आग्रह धरला. अर्ज देण्याची विनंती पोलिसांनी केल्यानंतर गुन्हाच दाखल करण्यावर ठाम असलेल्या ब्रिगेडच्या महिलांनी काही काळ पोलिसांचा निषेध केला. मात्र अखेर जिल्हा पोलिस अधीक्षकांकडे तक्रार देण्याचे ठरल्याने तणाव निवळला.

मोबाइल अॅप डाउनलोड करा आणि राहा अपडेट

---

बाजार ठेक्यावरून खडाजंगी

June 23, 2017, 2:30 pm

≫ Next: शहीद जवान सावन मानेंवर अंत्यसंस्कार

≪ Previous: सामंजस्यामुळे टळला संघर्ष

$

0

0

इचलकरंजी

बहुमताच्या बळावर सत्तारुढ गटाने बाजार कर वसुली खासगी ठेकेदारामार्फत करण्याचा विषय मंजूर केला. वादग्रस्त भुयारी गटर योजनेच्या सुधारीत अंदाजपत्रकास एकमताने मंजुरी देण्यात आली. तर आयजीएम हॉस्पिटलकडील अनियमित कर्मचाऱ्यांच्या संदर्भात नव्याने ठराव करुन तो नगरविकास विभागाकडे पाठविण्याचा निर्णय एकमताने घेण्यात आला. बाजार कर वसुली, भुयारी गटर योजना यावर सत्तारुढ व विरोधी गटात जोरदार खडाजंगी झाली. शिवाय दोघांनीही प्रशासनाला धारेवर धरले.

तीव्र विरोध असतानाही बाजार कर वसुलीचा विषय सभेसमोर आल्याने लालबावटा भाजीपाला, फळविक्रेते संघटनेच्यावतीने मोर्चा काढून जोरदार शंखध्वनी करत ठिय्या आंदोलन करण्यात आले. खासगी ठेकेदारामार्फत कराची वसुली करण्यावर शिक्कामोर्तब झाल्याने संघटनेने तीव्र आंदोलन छेडण्याचा इशारा दिला आहे. त्यानुसार शनिवारपासून बाजार कराची पावती न करण्याचा आणि पुढील आठवड्यातील मंगळवार आणि शुक्रवारचा बाजार भरु न देण्याचा इशारा दिला आहे.

रेणुका झोपडपट्टी क्षेत्र घोषित होणे, अमृत अभियानअंतर्गत वृक्षारोपण, नगराध्यक्षांच्या हुकूमाच्या कामांना मंजुरी, विविध कामांची अंतिम देयके, पाणी पुरवठा विभागाच्या विविध निविदा, अंध-अपंगांसाठीचा निधी खर्च आदी विषयांवर चर्चा करुन निर्णय घेण्यासाठी नगराध्यक्षा अलका स्वामी यांनी नगरपरिषदेची सर्वसाधारण सभा बोलविली होती.

सभेच्या सुरुवातीला नगरसेवक शशांक बावचकर यांनी नगररचना विभागातील बोगस बांधकाम परवान्याचा विषय उपस्थित केला. मुख्याधिकारी व नगररचना यांच्या बोगस सह्यांचा परवाना कोणी दिला असा प्रश्न करत नगरपरिषदेच्या विविध विभागात अशाप्रकारची कागदपत्रे तयार केली जात असल्याची धक्कादायक माहिती दिली. यावर मुख्याधिकाऱ्यांनी या प्रकरणाची चौकशी करुन दोषींवर फौजदारी गुन्हा दाखल केला जाईल असे सांगितले. नगरपरिषद हद्दीतील भाजीपाला, फळे, किरकोळ साहित्य, हातागाडीवरील खाद्यपदार्थ आदीची दैनंदिन बाजार फी व स्टॉल भाडे वसुलीचा ठेका अभिजित ठाणेकर या ठेकेदाराला लिलावाद्वारे ७० लाख तीन हजार रुपयांना मंजूर झाला आहे. २९ एप्रिलच्या सभेत हा विषय मंजुरीसाठी ठेवण्यात आला होता. मात्र भाजीपाला, फळविक्रेते व फेरीवाल्यांनी त्याला ठाम विरोध दर्शविल्याने हा विषय त्यावेळी सभागृहाने स्थगित ठेवला होता. त्यानंतर शुकवारच्या सभेत हा विषय पुन्हा मंजुरीसाठी आला. या विषयाला काँग्रेस-शाहू आघाडीच्या सदस्यांनी तीव्र विरोध दर्शविला. पण तो मतदानाला घेत सत्तेच्या बळावर तो मंजूर करण्यात आला.

प्रभारी आरोग्य अधिकारी डॉ. सुनिलदत्त संगेवार यांची नगरपरिषदेकडे कायमस्वरुपी नेमणूक करण्याचा विषय सत्तारुढ आणि विरोधकांनी केलेल्या विरोधाने स्थगित ठेवण्यात आला. तत्कालीन नगराध्यक्षा शुभांगी बिरंजे यांनी वेळोवेळी दिलेल्या विविध कामांच्या हुकूमांना कार्योत्तर मंजुरीच्या विषयाला सत्तारुढ व विरोधी दोन्हीकडून आक्षेप नोंदविण्यात आला. त्यामुळे हा विषय नामंजूर करण्यात आला.

११० किलोमीटर अंतराच्या बहुचर्चित भुयारी गटर योजनेच्या ९७.५२ कोटीच्या सुधारीत अंदाजपत्रकास मंजुरी देण्याच्या विषयावर सत्तारुढ व विरोधी सदस्य आक्रमक झाले. सध्या ६७.५० किलोमीटरचे काम पूर्ण झाले असून अद्याप ४३ किलोमीटरचे काम बाकी आहे. या योजनेचा डीपीआर करताना कबनूर, शहापूर, चंदूर या वाढीव भागाचा समावेश करण्यात आला होता. प्रत्यक्षात शहापूर व कबनूर येथील अनेक प्रभाग वगळण्यात आले आहेत. ९७ कोटी रुपये खर्च करुनही या योजनेचा लाभ जनतेला होत नसल्यास ती योजना काय कामाची, असा सवाल माजी आमदार अशोकराव जांभळे यांनी केला.त्यावर जलअभियंता सुरेश कमळे यांनी संदीप गुरव यांच्याकडून डीपीआर करताना त्रुटी राहिल्याचे कबूल करताना भविष्यात या योजनेचा लाभ संपूर्ण शहराला होण्यासाठी नियोजनबध्द आराखडा राबविला जाईल असे सांगितले.

...........

चौकट

पोवार बावचकर यांच्यात वाद

इचलकरंजीत डिजिटल फलक लावण्यास बंदी करण्यात आली आहे. असे असताना जिल्ह्यातील दोन लोकप्रतिनिधींच्या प्रतिमा असलेले फलक मुख्य चौकासह काही ठिकाणी लावण्यात आले होते. मुळात सरकारने कर्जमाफी केली नसताना अशा आशयाचे फलक कोणाच्या परवानगी लावले गेले असा प्रश्न बावचकर यांनी उपस्थित करुन या संदर्भात कोणावर कारवाई केली, अशी विचारणा केली. यावेळी भाजपाचे पक्षप्रतोद तानाजी पोवार व शशांक बावचकर यांमयात शाब्दिक वाद झडला.

मोबाइल अॅप डाउनलोड करा आणि राहा अपडेट

शहीद जवान सावन मानेंवर अंत्यसंस्कार

June 24, 2017, 4:49 am

≫ Next: शहीद मानेंना अखेरचा निरोप

≪ Previous: बाजार ठेक्यावरून खडाजंगी

$

0

0

म. टा. वृत्तसेवा, शाहूवाडी, कोल्हापूर

जम्मू काश्मीरच्या पुँछमध्ये नियंत्रण रेषेवर गुरुवारी पाकिस्तानने केलेल्या भ्याड हल्ल्यात वीरमरण आलेल्या सावन बाळकू माने यांच्या पार्थिवावर त्यांच्या गोगवे (ता. शाहूवाडी) या मूळगावी आज दुपारी १ वाजता लष्करी इतमामात अंत्यसंस्कार करण्यात आले. यावेळी माने यांच्या अंत्यदर्शनासाठी तालुक्याच्या कानाकोपऱ्यातून जनसागर लोटला होता.

जनसागराच्या साक्षीने राज्यमंत्री दिलीप कांबळे यांनी राज्य सरकारच्यावतीने तर जिल्हा प्रशासनाच्यावतीने जिल्हाधिकारी अविनाश सुभेदार यांनी तसंच जिल्हा पोल‌ीस प्रमुख संजय मोहिते यांनी शहीद सावनकुमार यांच्या पार्थिवावर पुष्पचक्र अर्पण करून श्रद्धांजली वाहिली. लष्करी पथक आणि पोलीस दलाच्यावतीने हवेत बंदुकीच्या तीन फैरी झाडून अखेरची मानवंदना देण्यात आली.

मोबाइल अॅप डाउनलोड करा आणि राहा अपडेट

शहीद मानेंना अखेरचा निरोप

June 24, 2017, 2:30 pm

≫ Next: ‘ई’ पासपोर्टचा मुहूर्त दीड वर्षानंतरच!

≪ Previous: शहीद जवान सावन मानेंवर अंत्यसंस्कार

$

0

0

चंद्रकांत मुदुगडे, शाहूवाडी

नियंत्रणरेषेवर पाकिस्तानी सैन्यासोबत लढताना शहीद झालेले जवान सावन बाळकू माने यांच्यावर त्यांच्या मूळगावी गोगवे (ता. शाहूवाडी) येथे शनिवारी (ता. २४) दुपारी १ वाजता लष्करी इतमामात अंत्यसंस्कार करण्यात आले. या वीर जवानाच्या अंत्यदर्शनासाठी कोल्हापूर जिल्ह्याच्या कानाकोपऱ्यातून नागर‌िकांनी गर्दी केली होती. गुरुवारी (ता. २२) पाकिस्तानी सैन्यासोबत झालेल्या चकमकीत माने यांना वीरमरण आले होते.

अलोट जनसागराच्या साक्षीने, राज्यमंत्री दिलीप कांबळे यांनी राज्य सरकारच्यावतीने सावन यांच्या पार्थिवावर पुष्पचक्र अर्पण करून श्रद्धांजली वाहिली. गावातील गोकुळ शितकरण केंद्रासमोरील गायरानात उभारलेल्या चबुतऱ्यावर पार्थिव ठेवण्यात आल्यानंतर जिल्हा पोलिस दलाच्यावतीने आणि लष्कराच्या वतीने हवेत तीन फैरी झाडून जवान सावन यांना मानवंदना दिली. वडील बंधू सागर माने यांनी चितेस भडाग्नी दिला.

सावन यांचे पार्थिव शुक्रवारी सायंकाळी पुण्यात आले. शनिवारी सकाळी पुण्यातून लष्करी हेलिकॉप्टरने पार्थिव कोल्हापूर विमानतळावर आले. तेथून टी. ए. बटालियन कँप येथे शहीद सावन यांच्या पार्थिवास बटालियनने मानवंदना दिली. सकाळी ११ वाजता गोगवे येथील माने यांच्या घरी सावनकुमार यांचे पार्थिव आणण्यात आले. पार्थिव अंगणात येताच आई शोभाताई, बहीण रेश्मा, भाऊ सागर यांनी फोडलेला टाहो हृदय पिळवटून टाकणारा होता. यावेळी जिल्हाधिकारी अविनाश सुभेदार, जिल्हा पोलिसप्रमुख संजय मोहिते यांनी पुष्पचक्र वाहिले. विशेष पोलिस महानिरीक्षक विश्वास नांगरे-पाटील, आमदार सत्यजित पाटील-सरुडकर, चंद्रदीप नरके, अमल महाडिक आदी उपस्थित होते.


परिसरातील बाजारपेठा बंद

सावन यांच्या अंत्यसंस्काराला तालुक्यातून जनसागर लोटला होता. नजीकची बांबवडे बाजारपेठ बंद ठेवण्यात आली. मध्यवर्ती चौकात नागरिकांनी सकाळ पासूनच गर्दी केली होती. सावन यांचे पार्थिव येथे आल्यानंतर माजी सैनिक संघटनेने आदरांजली वाहिली. पाकिस्तानविरोधी घोषणांनी परिसर दुमदुमून गेला.

मोबाइल अॅप डाउनलोड करा आणि राहा अपडेट

‘ई’ पासपोर्टचा मुहूर्त दीड वर्षानंतरच!

June 24, 2017, 2:30 pm

≫ Next: जिल्ह्यात ५४ हजार शेतकऱ्यांना लाभ

≪ Previous: शहीद मानेंना अखेरचा निरोप

$

0

0

Gurubal.mali@timesgroup.com
Tweet : @gurubalmaliMT

कोल्हापूर : गेली चार वर्षे केवळ चर्चेत असलेल्या ‘ई पासपोर्ट’ ही आधुनिक सेवा दीड वर्षानंतर म्हणजे जानेवारी २०१९ मध्ये सुरू होणार आहे. त्यादृष्टीने सर्व प्रकिया केंद्रीय परराष्ट्र मंत्रालयाने पूर्ण केली आहे. या आधुनिक सेवेमुळे पोसपोर्टमधील बनावटगिरीला पूर्णपणे आळा बसणार आहे. दीड वर्षानंतर पासपोर्ट काढणाऱ्यांना ही ई पासपोर्ट सुविधा मिळणार असून मुदत संपल्यानंतर नूतणीकरण करणाऱ्यांनाही याचा लाभ होणार आहे.

भारतात सध्या साडेसात कोटी नागरिकांकडे पासपोर्ट आहेत. अन्य प्रगत देशांच्या तुलनेत भारतात पासपोर्ट काढणाऱ्यांची संख्या कमी आहे. पासपोर्ट काढण्याची क्लिष्ट प्रक्रिया आणि सुविधा केंद्रांची कमतरता यामुळे पासपोर्ट काढण्यात अडचणी येत आहेत. मात्र, गेल्या वर्षभरात पासपोर्ट काढण्यासाठी केंद्रांची संख्या वाढविण्याची प्रक्रिया सुरू आहे. देशातील सर्व जिल्हा पोस्टांत ही सुविधा उपलब्ध करून देण्यात येणार आहे. आगामी सहा महिन्यांत २५१ पासपोर्ट कार्यालये स्थापन करण्याचा निर्धार करण्यात आला असून त्या प्रक्रियेला वेग आला आहे.

पासपोर्टधारकांची संख्या वाढवण्याबरोबरची त्याची प्रक्रिया अधिक सुलभ करण्याच्या दृष्टीने प्रयत्न सुरू आहेत. त्याचाच एक भाग म्हणून ई पासपोर्ट सेवा सुरू करण्याचा निर्णय घेण्यात आला. मात्र गेल्या चार वर्षांत व्यापक पातळीवर ही सुविधा सुरू होऊ शकली नाही. प्रायोगिक तत्वावर राष्ट्रपती आणि काही ठराविक अधिकऱ्यांचे ई पासपोर्ट काढण्यात आले. मात्र, हे पासपोर्ट तपासण्याची यंत्रणा नसल्याने तो केवळ फार्स ठरला.

त्यामुळे गेल्या चार वर्षांच्या प्रयत्नांनी ई पासपोर्ट सुविधा जानेवारी २०१९पासून प्रत्यक्षात सुरू होईल. त्यासाठी टेंडर प्रकियादेखील पूर्ण करण्यात आली आहे. या नव्या पासपोर्टमुळे बनावटगिरीला आळा बसणार आहे. नव्या पद्धतीत पासपोर्टच्या इलेक्ट्रॉनिक चीपमध्ये संपूर्ण माहिती साठवल्याने त्यात कोणताही बदल करता येणार नाही. मशीनमध्ये पासपोर्ट स्वाइप केल्यानंतर सर्व माहिती दिसेल. यात काही बदल अथवा बनावटगिरी केल्यास ते त्याक्षणी उघडकीस येईल. त्यामुळे सुरक्षेच्या दृष्टीने ही यंत्रणा अतिशय महत्वाची ठरणार आहे. शिवाय, इमिग्रेशन काऊंटरवरील गर्दी कमी होणार आहे.

केंद्र सरकारने ई पासपोर्ट सेवा सुरू करण्याचा निर्णय चार वर्षापूर्वी घेतला. मात्र त्याविषयीची टेक्नॉलॉजी उपलब्ध नसल्याने ही सेवा व्यापक पातळीवर सुरू करण्यात अडचणी येत होत्या. आता या अडचणी दूर झाल्या आहेत. २०१९ पासून दिले जाणारे प्रत्येक पासपोर्ट नव्या तंत्रज्ञानाने तयार केलेले असतील.

- ज्ञानेश्वर मुळे, सचिव, परराष्ट्र मंत्रालय

मोबाइल अॅप डाउनलोड करा आणि राहा अपडेट

जिल्ह्यात ५४ हजार शेतकऱ्यांना लाभ

June 24, 2017, 2:30 pm

≫ Next: कासव चौकातून ओटी स्वीकारणे बंद

≪ Previous: ‘ई’ पासपोर्टचा मुहूर्त दीड वर्षानंतरच!

$

0

0

म. टा. प्रतिनिधी, कोल्हापूर

राज्य सरकारने घेतलेल्या कर्जमाफीच्या निर्णयामुळे कोल्हापूर जिल्ह्यातील तब्बल ५४ हजारांपेक्षा अधिक शेतकऱ्यांचा सात-बारा कोरा होणार आहे. जिल्ह्यात दीड लाखांपेक्षा अधिक कर्ज असलेले ३७०० शेतकरी आहेत. त्यांना उर्वरित कर्ज भरावे लागेल तर १ लाख ८६ हजार नियमित शेतकऱ्यांना २५ टक्के प्रोत्साहन अनुदान मिळेल.

राज्य सरकारने शनिवारी दुपारी कर्जमाफीचा निर्णय जाहीर केल्यानंतर जिल्ह्यातील शेतकरी वर्गात संमिश्र प्रतिक्रिया उमटल्या. सत्ताधारी भाजप, शिवसेनेने या निर्णयाचे स्वागत केले, तर सरकारने घुमजाव केल्याचा आरोप विरोधी पक्षांनी केला. यापूर्वी कर्जमाफीच्या घोषणेनंतर सहकार विभागाने कर्जाची आकडेवारी संकलित केली होती. त्यानुसार विभागातील तीन जिल्ह्यांत जिल्हा मध्यवर्ती सहकारी बॅँकांच्या १ लाख ७४ हजार शेतकऱ्यांकडे पीककर्ज व मध्यम मुदतीचे असे ९४२ कोटींचे कर्ज थकीत आहे. यात सांगली जिल्हा ४४७ कोटी तर सातारा जिल्ह्यातील शेतकऱ्यांकडे ३०३ कोटींची थकबाकी आहे.

भाजपचे सर्व मंत्री एक महिन्याचे वेतन कर्जमाफी मिळणाऱ्या शेतकऱ्यांसाठी देणार आहेत. सर्वपक्षीय लोकांशी चर्चा करून ३४ हजार कोटी रुपयांची कर्जमाफी आम्ही दिली आहे. हा देशातील ऐतिहासिक निर्णय आहे. सरकार नेहमी शेतकऱ्यांच्या पाठीशी आहे.

- चंद्रकांत पाटील, पालकमंत्री

सरकारने जाहीर केलेल्या ३४ हजार कोटींच्या कर्जमाफीतील आकडेवारी संशयास्पद आहे. या आकडेवारीबाबत खुलासा केलेला नाही. जर कोणतेही निकष न लावता देशातील कर्जमाफी ७२ हजार कोटींची असेल तर मग राज्याची कर्जमाफी ३४ हजार कोटींची कशी असू शकते?

- राजू शेट्टी, खासदार

मोबाइल अॅप डाउनलोड करा आणि राहा अपडेट

कासव चौकातून ओटी स्वीकारणे बंद

June 24, 2017, 2:30 pm

≫ Next: पोलिसांची सायकल गस्त ठप्प

≪ Previous: जिल्ह्यात ५४ हजार शेतकऱ्यांना लाभ

$

0

0

कोल्हापूर ः पश्चिम महाराष्ट्र देवस्थान समितीचा नियम डावलून करवीरनिवासिनी श्री अंबाबाई मंदिरातील कासव चौकात, देवीसाठी ओटी स्वीकारणे पुजाऱ्यांनी शनिवारपासून बंद केले. देवस्थान समितीच्या शुक्रवारी झालेल्या बैठकीत ओटी स्वीकारण्यास पुजाऱ्यांना मनाई करण्याचा निर्णय घेण्यात आला. दरम्यान, समितीकडून अंमलबजावणीच्या सूचना येण्यापूर्वीच पुजाऱ्यांनी स्वत:हूनच हे पाऊल उचलले.

करवीरनिवासिनी श्री अंबाबाई मंदिरातील देवीला घागरा-चोलीचा पेहराव केल्यावरून पुजारी विरुद्ध भाविक हा वाद अंबाबाई मंदिर पुजारी हटाओ आंदोलनापर्यंत पोहोचला. पालकमंत्र्यांनी जिल्हाधिकाऱ्यांच्या अध्यक्षतेखाली सुनावणी करून तीन महिन्यांत अहवाल द्यावा असा आदेश गुरुवारी दिला. शुक्रवारी पश्चिम महाराष्ट्र देवस्थान समितीची मासिक बैठक बलभीम बँकेतील कार्यालयात झाली. समितीने पुजाऱ्यांना कासव चौकात येऊन भाविकांकडून ओटीचे साहित्य स्वीकारण्यास मनाई करण्याचा ठराव केला. समितीकडून या निर्णयाची अंमलबजावणी करण्याची सूचना देण्यात येणार होती. तत्पूर्वीच सध्या पूजेची साप्ताहिक जबाबदारी असलेले पुजारी सारंग मुनिश्वर यांनी कासव चौकातून ओटीचे साहित्य स्वीकारणे बंद करीत असल्याचे सांगितले.

मोबाइल अॅप डाउनलोड करा आणि राहा अपडेट

पोलिसांची सायकल गस्त ठप्प

June 25, 2017, 2:30 pm

≫ Next: करूळ घाटात दरड कोसळली

≪ Previous: कासव चौकातून ओटी स्वीकारणे बंद

$

0

0

म. टा. प्रतिनिधी, कोल्हापूर

पोलिसांचा नागरिकांशी संपर्क वाढावा आणि शहराच्या गल्लीबोळात गस्त घालता यावी यासाठी वरिष्ठ पोलिस अधिकाऱ्यांनी शहरासह आसपासच्या पोलिस ठाण्यांच्या कार्यक्षेत्रात सायकल गस्त सुरू केली. हा उपक्रम सुरू करून पंधरा दिवस उलटले. मात्र, सायकलवरून फिरणारे पोलिस नागिरकांना दिसलेच नाहीत. सक्तीच्या वेळेतही सायकल पोलिस ठाण्यांच्या दारातच उभी असते, त्यामुळे सायकल गस्त उपक्रमाच्या उपयुक्ततेबाबत उलटसुलट चर्चा सुरू झाली आहे.

मे महिन्यात शहरात चोरट्यांनी धुमाकूळ घालून पोलिसांच्या कार्यपद्धतीवरच प्रश्नचिन्ह उपस्थित केले होते. पोलिस रस्त्यावर फिरतात की नाही? असा प्रश्न नागरिकांनीच वरिष्ठ पोलिस अधिकाऱ्यांना विचारला. यानंतर मुंबईच्या धर्तीवर कोल्हापुरातही वरिष्ठ अधिकाऱ्यांनी सायकल गस्तीचा निर्णय घेतला. शहरातील शाहूपुरी, राजारामपुरी, लक्ष्मीपुरी, जुना राजवाडा यांसह गोकुळ शिरगाव, गांधीनगर आणि शिरोली एमआयडीसी या सात पोलिस ठाण्यांसाठी सायकल गस्तीचा उपक्रम सुरू करण्यात आला. पोलिस अधिकाऱ्यांच्या उपस्थितीत दसरा चौकातून याची सुरुवात झाली. उद्घाटनाला पोलिसांनी शहरातून सायकलवरून फेरी मारली. यानंतर मात्र अपवादानेच सायकल पोलिस ठाण्यांच्या बाहेर पडली. सुरुवातीला उत्सुकता म्हणून काही पोलिसांनी सायकल चालवण्याचा प्रयत्न जरूर केला, मात्र मोटारसायकलची सवय झालेल्या पोलिसांना सायकल चालवणे शिक्षेपेक्षा कमी वाटले नाही. हळूहळू या सायकल्स पोलिस ठाण्याच्या कोपऱ्यात गेल्या आहेत.

पोलिस ठाण्यांमध्ये सायकलचे मुव्हमेंट रजिस्टर नाही. दिवसात कोणी कोणत्या परिसरात सायकलवरून गस्त घातली याचीही माहिती कुणाकडे नाही. रोज काही काळ शहराच्या गल्लीबोळात सायकल गस्त घालून पोलिस लोकांपर्यंत पोहचतील, असे वरिष्ठ अधिकाऱ्यांनी सुरुवातीलाच स्पष्ट केले होते, मात्र प्रत्यक्षात सायकलवाले पोलिस गल्लीबोळात आल्याचे नागरिकांना तर आठवत नाही. सात पोलिस ठाण्यातील ३५ सायकलींच्या खरेदीसाठी सुमारे दीड लाख रपयांचा खर्च सायकल खरेदीसाठी झाला, मात्र सायकलचा वापर होत नसल्याने हा खर्च वाया जात असल्याची तक्रार नागरिकांमधूनच ऐकायला मिळते.

०००००००००


रोजच सायकलवरून गस्त घालावी असे नाही. आठवड्यातून दोन-तीन वेळा सरप्राईज व्हिजिट केली जात आहे. सायंकाळी ४ ते ८ या वेळेत गस्त घातली जात आहे. या उपक्रमाची सुरुवात झाली आहे. कालांतराने हा उपक्रम अधिक उपयुक्त ठरणार आहे.

डॉ. प्रशांत अमृतकर

शहर पोलिस उपअधीक्षक.

मोबाइल अॅप डाउनलोड करा आणि राहा अपडेट

---

करूळ घाटात दरड कोसळली

June 25, 2017, 2:30 pm

≫ Next: कर्जमाफीचे कागलच्या सेनापतींना मोठे दु:ख

≪ Previous: पोलिसांची सायकल गस्त ठप्प

$

0

0

म. टा. प्रतिनिधी, कोल्हापूर

सुमारे दोन आठवड्यांच्या विश्रांतीनंतर शहर आणि जिल्ह्याच्या काही भागातही दमदार पावसाने हजेरी लावली. शहरात अधूनमधून पावसाच्या जोरदार सरी कोसळल्या. पन्हाळा, राधानगरी, भुदरगड, चंदगड तालुक्यात पाऊस झाला. सर्वाधिक पाऊस गगनबावडा तालुक्यात झाला. गगनबावड्याजवळ करुळ घाटात मुसळधार पावसामुळे रविवारी सायंकाळी दरड कोसळली. त्यामुळे वाहतूक ठप्प झाली. या मार्गाने जाणारी वाहतूक फोंडा घाटमार्गे वळवण्यात आली आहे.

गेल्या दोन दिवसांत पावसाने जोर धरला आहे. गगनबावडा तालुक्यात गेल्या चोवीस तासांत ६१.०५ मिलीमीटर पावसाची नोंद झाली आहे. रविवारीही पावसाचा जोर कायम होता. मुसळधार पावसाने सायंकाळी करुळ घाटात दरड कोसळली. घाटातून प्रवास करणाऱ्या हलक्या वाहनचालकांनी ही माहिती गगनबावडा पोलिसांना दिली. त्यानंतर गगनबावडा आणि वैभववाडी पोलिस ठाण्याचे कर्मचारी घटनास्थळी पोहोचले. मोठी दरड कोसळल्याने पोलिसांनी करुळ घाट वाहतुकीसाठी बंद ठेवण्याचा निर्णय घेतला. रात्री आठनंतर दोन्ही बाजूची वाहतूकही फोंडा घाटमार्गे वळवण्यात आली.

करुळ घाटात दरवर्षी दरडी कोसळतात. या दरडी रस्त्यावर येऊ नयेत, याची दक्षता सार्वजनिक बांधकाम विभागाने घ्यावी, तसेच त्यासाठी उपाययोजना करावी, अशी मागणी वाहनचालकांतून होत असते. कोकण व गोव्याकडे जाण्यासाठी करूळ घाटातून वाहतूक होत असते. ही वाहतूक बंद झाल्याने वाहनधारकांना फेरा पडणार आहे. बांधकाम विभागाकडून दरडी हटवण्याचे काम सोमवारी करण्यात येणार असल्याचे गगनबावडा पोलिसांनी सांगितले.

मोबाइल अॅप डाउनलोड करा आणि राहा अपडेट

कर्जमाफीचे कागलच्या सेनापतींना मोठे दु:ख

June 25, 2017, 2:30 pm

≫ Next: मोटारीचा रॉडतुटून दोघे गंभीर

≪ Previous: करूळ घाटात दरड कोसळली

$

0

0

कुडित्रे

‘कॉंग्रेस - राष्ट्रवादीच्या चुकीच्या धोरणामुळेच देशातील शेतकरी अपंग बनला. जलयुक्त शिवार हे भाजप सरकारची महत्त्वाकांक्षी अभियान आहे. भाजपने खऱ्या अर्थाने शेतकऱ्यांना कर्जमुक्त करण्याच्या दृष्टीने पावले उचलली आहेत. शेतकऱ्यांना अडचणीतून बाहेर काढण्यासाठीच सरसकट दीड लाखांपर्यंतचे कर्ज माफ केले आहे. त्यामुळे सर्वसामान्य शेतकऱ्यांना याचा लाभ मिळणार आहे, मात्र कागलचे राष्ट्रवादीचे सेनापती हे या मर्यादेबाहेरचे कर्जदार असल्यामुळे भाजप सरकारच्या कर्जमाफी निर्णयाचे त्यांना मोठे दु:ख झाल्याचा टोला म्हाडा पुणेचे अध्यक्ष समरजितसिंह घाटगे यांनी लगावला.

वाकरे (ता. करवीर) येथे कोल्हापूर जिल्हा भाजपा युवा मोर्च्याच्या वतीने आयोजित ' सबका साथ सबका विकास संमेलन ' कार्यक्रमाच्या अध्यक्षीय भाषणात ते बोलत होते. प्रारंभी शहीद जवान सावन माने व संदीप जाधव यांना श्रध्दांजली वाहण्यात आली. मोदी सरकारच्या तीन वर्षांच्या काळातील विविध विकासकामांचा, योजनांचा आढावा घेणारी चित्रफीत यावेळी सर्वांना दाखविण्यात आली.

भाजपा युवा मोर्चाचे प्रदेश अध्यक्ष आमदार योगेश टिळेकर म्हणाले, ‘देशाला नरेंद्र मोदींच्या रूपाने सक्षम नेतृत्व लाभले आहे. देशहिताच्या मुद्रा लोन, उज्ज्वला योजना, जनधन, कॅशलेस अशा अनेक योजना सरकार राबवत आहे. एक रुपयाची तरतूद नसताना ' स्वच्छ भारत अभियान ' योजना सर्वांत जास्त यशस्वी झाली. महाराष्ट्र सरकारने इबीसी सवलत २ लाखांवरून ६ लाख रुपयांपर्यंत वाढवून मराठा समाजातील विद्यार्थ्यांना लाभ देण्याचा प्रयत्न केला आहे. भाजपच्या सर्व युवक कार्यकर्त्यांनी जास्तीतजास्त लोकांपर्यंत या योजना पोहचविण्यासाठी प्रयत्नशील रहावे.’

आमदार सुरेश हाळवणकर म्हणाले, ‘सरकारने ३४ हजार कोटींची कर्जमाफी देण्याचा एतिहासिक निर्णय घेतला. या निर्णयामुळे ४० लाख शेतकऱ्यांचा सात बारा कोरा होणार आहे. कॉंग्रेसच्या काळात त्यांच्याच बगलबच्यांना फायदा झाला. कोल्हापूर जिल्हा बॅंकेत नोटाबंदीच्या काळात अडकलेले पैसे हे भ्रष्टाचाराला खतपाणी घातलेलेच आहेत. सर्वांत मोठी कर्जमाफी देणारे महाराष्ट्र हे देशातील पहिले राज्य आहे. सरकारने स्वामीनाथन आयोगाच्या ७५ टक्के शिफारशी मान्य केल्या आहेत.’

कार्यक्रमास यंत्रमाग महामंडळाचे अध्यक्ष हिंदुराव शेळके, गोकुळचे संचालक बाबा देसाई, डॉ. के. एस.चौगले, केडीसीसी बॅंक संचालक पी.जी. शिंदे, युवा मोर्चाचे प्रदेश उपाध्यक्ष अनिल डाळ्या , राजाराम शिपुगडे , भिकाजी जाधव यांच्यासह करवीर , पन्हाळा व गगनबावडा तालुक्यातील कार्यकर्ते मोठ्या संख्येने उपस्थित होते. प्रास्ताविक जिल्हा भाजपा युवा मोर्चाचे जिल्हा अध्यक्ष डॉ. अजय चौगले यांनी केले. आभार सरदार खाडे यांनी मानले.

मोबाइल अॅप डाउनलोड करा आणि राहा अपडेट

मोटारीचा रॉडतुटून दोघे गंभीर

June 25, 2017, 2:30 pm

≫ Next: पुजारी अजित ठाणेकर यांची जाहीर माफी

≪ Previous: कर्जमाफीचे कागलच्या सेनापतींना मोठे दु:ख

$

0

0

हातकणंगले

अतिग्रे (ता.हातकणंगले) येथील सांगली - कोल्हापूर महामार्गावरील घोडावत इन्स्टिट्यूटसमोर मोटारीचा रॉड तुटून झालेल्या अपघातात दोघेजण गंभीर जखमी झाले. हा अपघात सायंकाळी पाच वाजण्याच्या सुमारास घडला. याबाबत अधिक माहिती अशी, कोल्हापूरहून सांगलीच्या दिशेने निघालेल्या ( एमएच-०४- बी क्यू-१६४९ ) या मोटारीचा पुढच्या चाकाचा रॉड तुटल्यामुळे गाडी पलटी झाली. यामुळे मोटारीतील रमेश भिमराव जावळे (वय५०) व गणेश रामचंद्र सोनुले ( वय ४५, दोघे रा.इचलकरंजी) हे दोघे गंभीर झाले. तर मागून भरधाव वेगाने येणारी दुसरी मोटार अचानक ब्रेक मारल्याने पलटी झाली, मात्र सुदैवाने कोणीही जखमी नाही. जखमींवर इचलकरंजीतील खासगी दवाखान्यात उपचार सुरु आहेत. या घटनेची नोंद हातकणंगले पोलिसांत झाली आहे.

मोबाइल अॅप डाउनलोड करा आणि राहा अपडेट

पुजारी अजित ठाणेकर यांची जाहीर माफी

June 25, 2017, 2:30 pm

≫ Next: शेतकरी वळला उसाकडे

≪ Previous: मोटारीचा रॉडतुटून दोघे गंभीर

$

0

0

म. टा. प्रतिनिधी, कोल्हापूर

करवीर निवासिनी श्री अंबाबाई मंदिरातील पुजारी अजित ठाणेकर यांनी रविवारी जाहीर माफी मागितली. याबाबतचे पत्रक त्यांनी प्रसिद्धीस दिले आहे. मूर्तीला पारंपरिक साडीऐवजी घागरा-चोळी परिधान केल्याने भाविकांच्या भावना दुखावल्या. या प्रकाराबाबत मी समस्त भाविकांची जाहीर माफी मागत असल्याचे ठाणेकर यांनी या पत्रकात म्हटले आहे.

१० जून रोजी ठाणेकर यांनी भाविकांकडून देणगीदाखल आलेला घागरा अंबाबाईला नेसवला होता. त्यानंतर कोल्हापुरातील भाविकांनी तीव्र संताप व्यक्त केला होता. या संवेदनशील प्रश्नात प्रशासनाने तातडीने लक्ष घालून ठाणेकर यांना कायमची मंदिर बंदी करण्याची मागणी ‘श्री अंबाबाई मंदिर पुजारी हटाओ संघर्ष समिती’ने केली होती. या पार्श्वभूमीवर जिल्हाधिकाऱ्यांच्या उपस्थितीत शुक्रवारी झालेल्या बैठकीवेळी कायदा व सुव्यवस्था राखण्यासाठी ठाणेकर यांना अनिश्चित काळासाठी मंदिर परिसरात प्रवेश नाकारण्याचा निर्णयही घेण्यात आला होता.

गेल्या दोन आठवड्यापासून सुरू असलेल्या आंदोलन काळात पुजारी ठाणेकर यांनी अंबाबाई मूर्तीला परिधान केलेल्या घागरा-चोळी पेहरावाबाबत चूक झाल्याचे मान्य केले नव्हते. त्यामुळे ठाणेकरांविरोधात आंदोलनाची धार वाढली होती. तसेच अंबाबाई मंदिरात पंढरपूरच्या धर्तीवर सरकारी नोकर पुजाऱ्यांची नेमणूक करण्याची मागणीही आंदोलकांकडून करण्यात आली होती.

या घटनेच्या पार्श्वभूमीवर अजित ठाणेकर यांनी लिखित माफीनामा प्रसिद्धीस दिला आहे. या माफीनाम्यात, जनभावनेचा सन्मान करण्यासाठी पालकमंत्री चंद्रकांत पाटील यांच्या सूचनेनुसार कायदा व सुव्यवस्थेसाठी परिस्थिती सामान्य होईपर्यंत मंदिरापासून अलिप्त राहीन, असे स्पष्ट केले आहे. तसेच घागरा चोळी पेहारावामुळे भाविकांच्या भावना दुखावल्याबद्दल न्यायालय जो निर्णय देईल तो मला मान्य असेल असेही म्हटले आहे.

मोबाइल अॅप डाउनलोड करा आणि राहा अपडेट

शेतकरी वळला उसाकडे

June 25, 2017, 2:30 pm

≫ Next: ​ फलटणमध्ये विसावला माउलींचा सोहळा

≪ Previous: पुजारी अजित ठाणेकर यांची जाहीर माफी

$

0

0

कोल्हापूर

मागील गळीत हंगामात इतर पिकांच्या तुलनेत मिळालेला चांगला दर, यंदाच्या एफआरपीत प्रतिटन २५० रूपयांची झालेली वाढ या महत्वाच्या कारणांमुळे शेतकरी ऊस पिकांकडे वळला आहे. परिणामी उसाचे खरीपातील विविध पिकांवर अतिक्रमण वाढणार आहे. आडसाली उसाची लागवड पंधरा दिवसात १३३ हेक्टरवर झाली आहे. आडसाली ऊस लागण ऑगस्टअखेरपर्यंत होते. यामुळे ऊस क्षेत्र वाढणार आहे, असा कृषी विभागाचा प्राथमिक अंदाज आहे. उसाचे क्षेत्र वाढल्यानंतर सोयाबीन, भात, ज्वारी पिकांचे क्षेत्र घटणार आहे.

खरीप हंगामाच्या पिकांसाठी जिल्ह्यात ४ लाख ५ हजार ७०० हेक्टर क्षेत्र आहे. त्यातील ४ लाख ८४ हजार हेक्टरवर खरीप पिकांच्या पेरणीचे उद्दिष्ट आहे. आतापर्यंत ५० हजार ८२ हेक्टर क्षेत्रावर पेरणी झाली आहे. दोन आठवडे पावसाने विश्रांती घेतल्याने पेरण्या लांबल्या आहेत .जून महिना संपत आला तरी केवळ १९ टक्के पेरण्या झाल्या, असून पावसाला दमदार सुरूवात झाल्याने पेरणीला वेग येणार आहे. १ लाख ८६ हजार ५२ क्षेत्रावर भात पिकांचे पेरणीचे ‌‌‌उद्दिष्ट आहे. त्यापैकी ३५ हजार १५ ह‌ेक्टरवर पेरणी झाली. आजरा, राधानगरी, चंदगड, गडहिंग्लज, शाहूवाडी तालुक्यात भाताची धूळवाफ पेरणी पूर्ण झाली. पिकांची उगवण झाली. आतंरमशागत सुरू झाली. रोप लागणीला वेग आला आहे.

ज्वारीचे ७ हजार १८४ हेक्टरवर पेरणीचे ‌उद्दिष्ट ठेवले. त्यातील १५६ हेक्टरवर पेरणी झाली. तूर मूग, उडीद, चवळी, घेवडा या पिकांचे ७९६ हेक्टरवर पेरणी झाली. सोयाबीनचे ५१ हजार ६६६ हेक्टरवर पेरणीचे नियोजन आहे. त्यापैकी ६ हजार १४७ हेक्टरवर पेरणी झाली. २०१६-१७ मध्ये १ लाख ४२ हजार ३३६ हेक्टरवर ऊस होता. त्यातील पुन्हा राखलेला खोडवा, डिसेंबर ते फेब्रुवारीअखेरच्या सुरू हंगामात झालेली लागवड असा एकूण यावर्षी १ लाख ४३ हजार ९०५ हेक्टरवर ऊस आहे. १५६९ हेक्टरनी क्षेत्र यावर्षी आतापर्यंत वाढले. त्यामध्ये पुन्हा आडसाली लागवड झालेल्या उसाचे क्षेत्र वाढणार आहे.

जून ते ऑगस्टपर्यंत ९ हजार १७१ हेक्टरवर आडसाली उसाची लागण अपेक्षित आहे. एकट्या हातकणंगले तालुक्यामध्ये १३३ हेक्टर उस पिकाची लागण झाली आहे. यावर्षी प्रतीटन एफआरपीत २५० रूपयांची वाढ झाल्याने कोल्हापूर जिल्ह्यात साडेनऊते दहा ‌रिकव्हरीच्या उसाला २५०० ते २६०० पर्यंतचा दर मिळेल. दोन वर्षांच्या तुलनेत इतर पिकांचे दर कोसळले. मे अखेरपर्यंत सोयाबीनचा प्रति क्विंटलचा दर ३००० हजार ओलांडला नव्हता. सोयाबीनचा दर २६०० ते २८०० या दरम्यान राहिला. त्यामुळे सोयाबीन, भात लागवड करणारा शेतकरी उसाकडे वळत आहे. साहजिकच आडसाली उसाचे क्षेत्र वाढणार आहे.

.............................

चौकट

खरीप हंगामातील पेरक्षेत्राचे उद्दिष्ट

तृणधान्य – १०८३५२ हेक्टर

कडधान्य- २५०४ हे.

गळीत धान्य – ५२०९५ हे.

चारा, भाजीपाला – १५३९ हे.

मोबाइल अॅप डाउनलोड करा आणि राहा अपडेट

​ फलटणमध्ये विसावला माउलींचा सोहळा

June 26, 2017, 10:33 am

≫ Next: ​ दोन तरुणांचे अनोख्या वारीचे लिम्का रेकॉर्ड५८ तासांत पार केले आळंदी-पंढरपूर २४५ किलोमीटरचे अंतर

≪ Previous: शेतकरी वळला उसाकडे

$

0

0

म. टा. वृत्तसेवा, सातारा

विठ्ठल दर्शनाच्या ओढीने ज्ञानोबा माउली तुकाराम...च्या जयघोषात व टाळ मृदुंगाच्या गजरात पंढरपुराकडे वाटचाल करणारा लाखो वैष्णवांचा मेळा सोमवारी महानुभाव पंथ आणि जैन धर्माची काशी समजल्या जाणाऱ्या ऐतिहासिक फलटण नगरीत मुक्कामासाठी विसावला. दरम्यान, आज, मंगळवारी पालखी सोहळा जिल्ह्यातील शेवटच्या मुक्कामासाठी बरड येथे विसावणार आहे.

तरडगाव येथून प्रस्थानानंतर पालखी मार्गावरील गावोगावी झालेल्या स्वागताचा स्वीकार करून श्री संतश्रेष्ठ ज्ञानेश्वर महाराजांचा पालखी सोहळा लाखो विठ्ठल भक्तांसमवेत संध्याकाळी साडेपाच वाजता फलटण शहरात दाखल झाला. टाळ मृदुंगाच्या गजरात व हरी नामाच्या जयघोषात विठू दर्शनाची आस घेऊन निघालेल्या या सोहळ्याचे शहराच्या प्रवेशद्वारावर नगराध्यक्षा नीता नेवसे, उपाध्यक्ष नंदकुमार भोईटे, मुख्याधिकारी धैर्यशील जाधव, पोलिस उपअधीक्षक रमेश चोपडे, प्रांत संतोष जाधव. प्रकाश धस, तहसीलदार विजय पाटील आदी मान्यवरांनी स्वागत केले.

माउलींचा हा सोहळा शहरात दाखल झाल्यानंतर तो मलठण, सद्गुरु हरीबुवा मंदिर, पाचबत्ती चौक या मार्गे ऐतिहासीक राम मंदिराजवळ आला. या वेळी नाईक निंबाळकर देवस्थान ट्रस्टच्या वतीने सातारा जिल्हा परिषदेचे अध्यक्ष श्रीमंत संजीवराजे नाईक निंबाळकर व श्रीमंत यशोधरा राजे नाईक निंबाळकर यांनी पालखीचे स्वागत केले. या वेळी माउलींच्या पादुकांना पुष्पहार घालून दर्शन घेतले. त्यानंतर पालखी सोहळा गजानन चौक, महात्मा फुले चौक, गिरवी नाका मार्गे फलटण येथील विमान तळावर मुक्कामासाठी विसावला. वारीत चालणाऱ्या लाखो वारकऱ्यांपासून शहर व तालुक्यातील गावकऱ्यांच्या उपस्थितीत समाज आरती करण्यात आली. समाज आरतीनंतर माउलींच्या दर्शनासाठी फलटणकरांनी मोठ्या रांगा लावल्या.

मागील वर्षीच्या तुलनेत यंदा वारीत सहभागी झालेल्या वारकऱ्यांची संख्या दुप्पट आहे. पालखी सोहळ्याच्या आगमनामुळे शहरात सर्वत्र आनंदाचे वातावरण होते.

दरम्यान, वारकऱ्यांना अडचणी येऊ नये, या करिता नीरा उजवा कालव्यात पाणी सोडण्यात आले होते, त्यामुळे आंघोळ व कपडे धुण्याची उत्तम सोय झाली. वारकऱ्यांसाठी पिण्यास पाणी टँकरद्वारे पुरविण्यात आले. पालखी तळावर तात्पुरत्या स्वरुपात शौचालये व स्वच्छता गृहे उभारण्यात आली होती. पुरवठा विभागाच्या वतीने पालखी तळावर गँस सिलेंडर व रॉकेल उपलब्ध करून देण्यात आले होते. आरोग्य विभागाच्या वतीने आरोग्य तपासणी व औषधांचे वाटप करण्यात येत होते. वीज वितरण कंपनीच्या वतीने वीज पुरवठा खंडित होणार नाही याची व्यवस्था केली होती. वारकऱ्यांच्या समस्यांचे व तक्रारींचे निवारण करण्यासाठी पालखी तळावर नगर पालिकेच्या वतीने मदत केंद्र कक्ष उभारण्यात आले होते.

पालखी सोहळ्याचा आजचा कार्यक्रम

आज, मंगळवारी फलटण येथून सकाळी सहा वाजता पालखी सोहळ्याचे प्रस्थान होणार आहे. सकाळी विडणी येथे न्याहरी, पिंपरद येथे दुपारचे भोजन, वाजेगाव येथे विसावा घेऊन हा सोहळा सातारा जिल्ह्यातील शेवटच्या मुक्कामाला बरड येथे संध्याकाळी दाखल होणार आहे. बुधवारी, २८ जून रोजी हा वैष्णवांचा मेळा दुपारी सोलापूर जिल्ह्यात प्रवेश करणार आहे.

मोबाइल अॅप डाउनलोड करा आणि राहा अपडेट

​ दोन तरुणांचे अनोख्या वारीचे लिम्का रेकॉर्ड५८ तासांत पार केले आळंदी-पंढरपूर २४५ किलोमीटरचे अंतर

June 26, 2017, 10:35 am

≫ Next: विजेच्या धक्क्याने सात वारकरी गंभीर

≪ Previous: ​ फलटणमध्ये विसावला माउलींचा सोहळा

$

0

0

म. टा. वृत्तसेवा, पंढरपूर

विठुरायाच्या भेटीसाठी लाखो वारकरी पंढरपूरमध्ये वर्षांनुवर्षे वारी करीत असतात मात्र, आपली वारी अनोखी व्हावी आणि याची रेकॉर्डमध्ये नोंद व्हावी, या ध्यासातून आळंदी येथून निघालेल्या दोन तरुण वारकऱ्यांनी केवळ ५८ तासांत २४५ किलोमीटरचे अंतर पार करीत लिम्का रेकॉर्ड बनविले आहे.

या पूर्वी पुणे-पंढरपूर २१० किलोमीटरचे अंतर ७१ तासांत पूर्ण करण्याचा विक्रम होता. आयुष्यात साहसी वारी करण्याचा संकल्प करून २३जून रोजी आळंदी येथून प्रजीत परदेशी (लोणंद), धनाजी पन्हाळे (उस्मानाबाद), पारस पांचाळ (गुजरात) आणि जयप्रकाश गुप्ता (यवतमाळ) यांनी माउलींच्या दर्शनाने या अनोख्या वरील सुरुवात केली. या वेळी सोबत लिम्का रेकॉर्डसाठी निरीक्षक जयंत डोफ हे यांच्या प्रत्येक गोष्टींच्या नोंदी ठेवत येत होते. पहिल्या उत्साहाच्या भरात हे चारही वारकरी पुणे पार करून सासवडच्या घाटात पोचले. जवळपास ६१ किलोमीटरचे अंतर पार केल्यावर त्यांना शाररिक यातना जाणवायला लागल्या. याही परिस्थितीत त्यांनी दिवसरात्र चालायचा संकल्प सुरू ठेवण्याचा प्रयत्न केला. मात्र, सासवडच्या घाटात त्यांना शरीराने साथ देण्यास नकार दिल्याने पहिला विश्रांतीचा थांबा केला. या वेळी सोबत आलेल्या इतर दोघांना खूप त्रास जाणवू लागल्याने लोणंदजवळ पारस आणि जयप्रकाश या दोन जोडीदारांनी ११० किलोमीटर नंतर माघार घेतली. मात्र, कोणत्याही परिस्थितीत ही वारी आणि हा संकल्प पूर्ण करण्याच्या ध्यासाने प्रजीत आणि धनाजी यांनी पुढे चालणे सुरूच ठेवले. आता पायाला फोड येऊ लागल्याने प्रत्येक पाऊल टाकताना वेदना जाणवत होत्या. मांड्या आणि पोटरीत गोळे येऊ लागले होते, मात्र सोबतचे निरीक्षक जयंत डोफ यांनी त्यांना योग्य पद्धतीने मार्गदर्शन केल्याने या दोन वीरांचा उत्साह कायम राहिला आणि सोमवारी दुपारी ते वाखरी येथे पोचले. पंढरपूर समोर दिसू लागल्यावर मात्र, या दोघांनाही भरून आले होते. वाटेत जेंव्हा शरीर अजिबात साथ देईना तेंव्हा माउलीचा धाव सुरू केला आणि त्यातून मिळालेल्या ऊर्जेतून ही वारी आणि हा विक्रम शक्य झाल्याचे प्रजीत आणि धनाजी यांनी ‘मटा’शी बोलताना सांगितले.

मोबाइल अॅप डाउनलोड करा आणि राहा अपडेट

---

विजेच्या धक्क्याने सात वारकरी गंभीर

June 26, 2017, 10:38 am

≫ Next: ‘मुख्यमंत्र्‍यांची विठ्ठल पूजा उधळणार’

≪ Previous: ​ दोन तरुणांचे अनोख्या वारीचे लिम्का रेकॉर्ड५८ तासांत पार केले आळंदी-पंढरपूर २४५ किलोमीटरचे अंतर

$

0

0

विजेच्या धक्क्याने सात वारकरी गंभीर

कराड :

पंढरपूरकडे निघालेल्या दिंडीतील रथाच्या कळसाचा वीज वाहक तारांना स्पर्श झाल्यामुळे शॉक बसून दोन महिलांसह सात वारकरी गंभीर जखमी झाले. या मधील दोघांची प्रकृती चिंताजनक आहे. कराड-पुसेसावळी मार्गावरील शामगाव (ता. कराड) येथे रविवारी ही दुर्घटना घडली. जखमींवर कराडच्या खासगी रूग्णालयात उपचार सुरू आहेत. सुरज शिंदे (वय २३), हणमंत शिंदे (वय ६०), सुदर्शन शिंदे (वय २०, तिघेही रा. अंतवडी, ता. कराड) सर्जेराव कृष्णत जगदाळे (वय ५०), उत्तम पांडुरंग बोराटे (वय ३०), मोहन जगदाळे (वय ६०, तिघेही रा. शिरवडे, ता. कराड) व अनुसया जाधव (वय ३६, रा. तासवडे, ता. कराड) अशी जखमींची नावे आहेत. या घटनेनंतर काहीकाळ गोंधळाचे वातावरण निर्माण झाले होत

येथील शिरवडे, यशवंतनगर येथील दिंडीही शनिवारी सकाळी पंढरपूरकडे रवाना झाली. दिंडी शामगावच्या अलीकडे पुलावर आली असताना रथाचा कळसाचा वीज वाहक तारांना स्पर्श झाल्यामुळे रथाला हात देऊन चाललेल्या सात जणांना जोराचा धक्का बसला. त्यामुळे ते रथापासून काही अंतरावर फेकले गेले. अचानक घडलेल्या या घटनेमुळे वारकऱ्यंची धावपळ उडाली.

मोबाइल अॅप डाउनलोड करा आणि राहा अपडेट

‘मुख्यमंत्र्‍यांची विठ्ठल पूजा उधळणार’

June 26, 2017, 10:40 am

≫ Next: ​ बरडमध्ये विठूनामाचा जागरमाउलींची पालखी आज सकाळी सोलापूर जिल्ह्यात प्रवेश करणार

≪ Previous: विजेच्या धक्क्याने सात वारकरी गंभीर

$

0

0

कराड :

राज्य सरकारने शेतकऱ्यांसाठी ३४ हजार कोटी रुपयांची कर्जमाफी जाहीर केली आहे. मात्र, ही कर्जमाफी फसवी व अपुरी आहे, त्यामुळे सुकाणू समितीसह बळीराजा शेतकरी संघटनेला ही कर्जमाफी अजिबात मान्य नाही. सरकारने येत्या ३० जूनपर्यंत नियमित व थकीत कर्जदाराला सरसकट कर्जमाफी देऊन त्यांचा सात-बारा कोरा करावा, अन्यथा मुख्यमंत्र्‍यांच्या हस्ते सपत्नीक होणारी विठ्ठल पूजा उधळून लावणार, असा इशारा बळीराजा शेतकरी संघटनेने दिला आहे.

वारकरी, शेतकऱ्यांना बरोबर घेऊन तीव्र ताकदीने पूजा उधळून लावू, असा इशाराही संघटनेचे प्रदेश अध्यक्ष संजय पाटील-घाटणेकर यांनी दिला आहे.सरकारी विश्रामगृहात संघटनेच्या प्रदेश कार्यकारणीची बैठक झाली. यामध्ये संबंधित कर्जमाफीबाबत विचार विनिमय करण्यात आला. त्यानंतर बैठकीत घेतलेल्या निर्णयांची माहिती देण्यासाठी आयोजित पत्रकार बैठकीत ते सोमवारी बोलत होते. या वेळी संघटनेचे संस्थापक बी. जी. पाटील, केंद्रीय अध्यक्ष पंजाबराव पाटील-टाळगावकर, होते.

मोबाइल अॅप डाउनलोड करा आणि राहा अपडेट

​ बरडमध्ये विठूनामाचा जागरमाउलींची पालखी आज सकाळी सोलापूर जिल्ह्यात प्रवेश करणार

June 27, 2017, 9:35 am

≫ Next: ​ बोअरवेलमध्ये पडलेल्याचिमुकल्याचा अखेर मृत्यू

≪ Previous: ‘मुख्यमंत्र्‍यांची विठ्ठल पूजा उधळणार’

$

0

0

म. टा. वृत्तसेवा, सातारा

विठ्ठलाच्या ओढीने पंढरीस निघालेला श्री संत ज्ञानेश्वर माउलींचा पालखी सोहळा आज, बुधवारी (२८ जून) सातारा जिल्ह्याचा निरोप घेऊन सकाळी अकरा वाजता सोलापूर जिल्ह्यात प्रवेश करणार आहे. जेष्ठ वद्य अष्टमीला हजारो वैष्णवासंगे पंढरीस निघालेला सोहळा मंगळवारी सातारा जिल्ह्यातील शेवटच्या बरड मुक्कामी मंगळवारी सायंकाळी दाखल झाला. टाळ, मृदुंगाच्या गजरात व हरीनामाच्या जयघोषात अखंडपणे वाटचाल करीत वारकरी पंढरीच्या ओढीने निघाले आहेत. पहाटेच्या नगाऱ्याने वारकऱ्यांना जाग आली आणि वारकऱ्यांनी स्नानादि कर्मे उरकून घेतली. पहाटे पालखी सोहळा प्रमुख डॉ. अजित कुलकर्णी यांच्या हस्ते माउलींची पूजा झाली. या वेळी दर्शनासाठी भाविकांनी गर्दी केली होती. एक दिवसाच्या विश्रांतीनंतर सकाळी साडेसहा वाजता हा सोहळा बरड मुक्कामासाठी मार्गस्थ झाला. पहाटेपासूनच माउलींचे दर्शन घेऊन वारकऱ्यांनी पंढरीची वाट धरली. ज्ञानेश्वर मंदिर येथे नाईक-निंबाळकर देवस्थान ट्रस्टतर्फे सोहळ्याचे स्वागत करण्यात आले. त्यानंतर बसस्थानक, श्रीराम साखर कारखाना, श्रीराम बझार, श्रीराम एज्‍युकेशन संस्था यांनी पालखीचे स्वागत केले.

सकाळच्या कोवळ्या उन्हात निघालेला हा सोहळा आठ वाजता श्रीराम सहकारी साखर कारखाना पार करून गोविंद डेअरीजवळ वटवृक्षामया गर्द छायेत सकाळच्या न्याहरीसाठी विडणीकडे मार्गस्थ झाला. फलटणचा ओढा ओलांडून सोहळा पुढे आला. त्या वेळी रस्त्याच्या दुतर्फा असलेली वटवृक्षाची गर्द झाडी वारकऱ्यांना सावली देत होती. फलटण ते विडणी हा प्रवास अत्यंत सुखकर वाटत होता.

सकाळी सव्वा नऊ वाजता सोहळा विडणी हद्दीत पोहोचला. येथे ग्रामस्थांनी माउलींसह सोहळ्याचे उत्साही स्वागत केले. दुपारी १२ वाजता पिंपरद येथे पोहोचल्यानंतर सोहळ्याने दुपारचे भोजन व विश्रांती घेतली. पिंपरद येथे श्री ज्ञानेश्वर महाराजांचे सेवेकरी, पुजारी व कर्मचारी यांच्यातर्फे पुरणपोळीचा नैवेद्य दाखवून मोठ्या प्रमाणात अन्नदान करण्यात आले.

दुपारचे भोजनानंतर हा सोहळा दुपारी दोन वाजता निंबळक फाटाकडे मार्गस्थ झाला. पिंपरद ते निंबळक फाटा या वाटचालीत आकाशात ढग जमा होऊ लागले. यामुळे कधी ऊन तर कधी ढगाळ वातावरण हा लपंडाव सुरू होता. मध्येच येणारी एखादी वाऱ्याची झुळुक वारकऱ्यांना सुखावून जात होती. निंबळक फाटा येथील विसाव्यानंतर सोहळा सायंकाळी साडे पाच वाजता बरड येथील पालखी तळावर पोहोचला. समाजआरतीनंतर हा सोहळा बरड येथे विसावला.

आज सोलापूर जिल्ह्यात प्रवेश

आळंदीहून निघालेला संतश्रेष्ठ श्री ज्ञानेश्वर महाराजांचा पालखी सोहळा आज, बुधवारी सोलापूर जिल्ह्यात प्रवेश करेल. गेले चार दिवस पाडेगावपासून धर्मपुरीपर्यंत हा सोहळा सातारा जिल्ह्यातून पुढे येत होता. यासाठी सातारा प्रशासनाने व्यवस्था अतिशय उत्तमपणे केली. आता सोलापूर जिल्हा प्रशासनाने या सोहळ्याच्या स्वागताची जय्यत तयारी केली केली असून, आरोग्य, पाणीपुरवठा, सुरक्षा, वाहतूक व्यवस्था चोख ठेवली आहे. बुधवारी पालखी सोहळा मुक्कामासाठी नातेपुते येथे विसावणार आहे.

मोबाइल अॅप डाउनलोड करा आणि राहा अपडेट

​ बोअरवेलमध्ये पडलेल्याचिमुकल्याचा अखेर मृत्यू

June 27, 2017, 9:37 am

≫ Next: साताऱ्यात पावसाची दमदार हजेरी

≪ Previous: ​ बरडमध्ये विठूनामाचा जागरमाउलींची पालखी आज सकाळी सोलापूर जिल्ह्यात प्रवेश करणार

$

0

0

सातारा

माण तालुक्यातील विरळी येथे बोअरवेलमध्ये पडलेल्या सहा वर्षांच्या मंगेशचा अखेर मृत्यू झाला. रात्री उशीरा त्याचा मृतदेह बाहेर काढण्यात आला. त्याला वाचवण्यासाठी आपत्कालीन विभागाचे जवान आणि कर्मचाऱ्यांनी शर्थीचे प्रयत्न केले, पण मंगेशला वाचवण्यात त्यांना यश आले नाही.

सोमवारी दुपारी मंगेशची आई त्याला घेऊन शेळ्या राखण्यासाठी माळरानावर गेली होती. खेळता-खेळता मंगेश उघड्यावर असलेल्या बोरवेलमध्ये पडला. आईसमोरच घडलेल्या घटनेमुळे तिने मोठ्याने मुलाला वाचवण्यासाठी आरडाओरडा केली. त्यामुळे गावातील लोक घटनास्थळी धावत आले. या नंतर स्थानिक नागरिकांनी त्याला वाचविण्यासाठी आपत्कालीन विभागाला याची माहिती दिली. संध्याकाळी उशीरा आपत्कालिन विभागाचे जवान आणि कर्मचारी घटनास्थळी दाखल झाले. मंगेश दुपारी बोअरवेलमध्ये पडला त्यावेळी तो दहा फुटांवर अडकल्याचा जवानांचा अंदाज होता. मात्र, जेसीबीने खोदकाम सुरू केल्यावर त्याच्या हादऱ्याने तो १७ फूट खाली गेला. तरीही त्याला वाचवण्यासाठी आपत्कालीन विभागाच्या जवानांनी शर्थीचे प्रयत्न केले. मात्र, मंगेशला वाचवण्यात यश आले नाही. रात्री दोन वाजता त्याचा मृतदेह बाहेर काढण्यात आला.

मोबाइल अॅप डाउनलोड करा आणि राहा अपडेट

साताऱ्यात पावसाची दमदार हजेरी

June 27, 2017, 9:39 am

≫ Next: चांदोलीत धुवॉंधार

≪ Previous: ​ बोअरवेलमध्ये पडलेल्याचिमुकल्याचा अखेर मृत्यू

$

0

0

सातारा

सातारा शहर व परिसरात गेल्या काही दिवसांपासून दडी मारलेल्या पावसाची समाधानकारक हजेरी लावली. माण व फलटण वगळता सर्वच तालुक्यांत पावसाच्या जोरदार ते मध्यम स्वरूपाच्या सरी कोसळल्या. महाबळेश्वरला सर्वाधिक १५०.१ मि.मी. पावसाची नोंद झाली. जिल्ह्याच्या पश्चिम भागात पावसाचा जोर कायम आहे.
गेल्या दोन दिवसांपासून जिल्ह्यातील फलटण, माण तालुके वगळता अन्यत्र ठिकाणी चांगली हजेरी लावली आहे. विविध तालुक्यांमध्ये हलका ते मध्यम स्वरुपाचा पाऊस होत आहे. सोमवारी व मंगळवारी सकाळपासूनच पावसाने चांगलीच हजेरी लावली. दिवसभर पावसाची उघडझाप होती. पश्चिम भागात पावसाच्या जोरदार सरी कोसळल्या त्यामुळे धुळवाफेवर पेरणी केलेल्या पिकांना दिलासा मिळाला आहे. आणखी काही दिवस असाच भिज पाऊस झाला तर त्याचा जमिनीतील पाणीपातळी वाढण्यास फायदा होणार आहे.

कासच्या पाणीसाठ्यात सात फुटांनी वाढ

सातारा शहराला पाणीपुरवठा करणाऱ्या कास तलावातील पाणी पातळीत दोन दिवसांच्या मुसळधार पावसामुळे झपाट्याने वाढ होत आहे. तीन दिवसांमध्ये सात फूट पाणी वाढले आहे. कास परिसरात पडत असलेल्या दमदार पावसामुळे तलावात बारा फूट पाणीसाठा झाला. कास तलावाचे दोन्ही व्हॉल्व्हच्यावर पाणी आले असून, पाणी पातळीत वाढ होत आहे. कास तलाव परिसरात मुसळधार पाऊस सुरू आहे. त्यामुळे अवघ्या तीन दिवसांत सात फुटांनी पाणी वाढले आहे. त्यामुळे ही उंची आता बारा फुटांवर आली आहे.

मोबाइल अॅप डाउनलोड करा आणि राहा अपडेट