पानसरे हत्या: आरोपी समीर गायकवाडला जामीन

June 17, 2017, 1:01 am

≫ Next: बोगस कर्जमाफी होणार नाही

≪ Previous: गोविंद पानसरेंवर चौघांकडून हल्ला

$

0

0

मटा ऑनलाइन वृत्त । कोल्हापूर

महाराष्ट्राला हादरवून सोडणाऱ्या कॉ. गोविंद पानसरे हत्या प्रकरणातील संशयित आरोपी समीर गायकवाड याला कोल्हापूरच्या स्थानिक न्यायालयानं सशर्त जामीन मंजूर केला आहे. सुमारे दीड वर्षांहून अधिक काळ पोलिसांच्या ताब्यात असलेल्या गायकवाड याच्या जामीनामुळं या प्रकरणाला कलाटणी मिळण्याची शक्यता आहे.

गोव्यातील 'सनातन संस्थे'चा साधक असलेल्या समीर गायकवाडला पानसरे यांच्या हत्येप्रकरणी सप्टेंबर २०१५ साली अटक करण्यात आली होती. तेव्हापासून त्याची सतत चौकशी सुरू होती. या काळात त्यानं अनेकदा जामिनासाठी अर्जही केला होता. मात्र, प्रत्येक वेळी तो फेटाळण्यात आला. यावेळी मात्र बचाव पक्षानं समीर गायकवाडच्या बाजूनं जोरदार युक्तिवाद केला. सुमारे दोन वर्षांच्या चौकशीनंतरही समीरचा हत्येत थेट सहभाग असल्याचे कोणतेही पुरावे पोलिसांकडं नाहीत. गुन्ह्यातील इतर आरोपींना पकडण्यातही पोलिसांना अपयश आलं आहे, हे बचाव पक्षानं न्यायालयाच्या निदर्शनास आणलं. तपासातील या त्रुटींची गंभीर दखल घेत न्यायालायनं २५ हजार रुपयांच्या वैयक्तिक जातमुचलक्यावर समीर गायकवाडची सुटका केली.

अशा आहेत अटी-शर्ती

>> जामीन काळातील निवासाचा पत्ता देणं बंधनकारक
>> महाराष्ट्र सोडून जाता येणार नाही.
>> दर रविवारी तपास यंत्रणांकडे हजेरी
>> पासपोर्ट पोलिसांकडं जमा करावा लागेल
>> तपासयंत्रणांना सहकार्य करावं लागेल
>> साक्षीदारावर दबाव आणता येणार नाही.

मोबाइल अॅप डाउनलोड करा आणि राहा अपडेट

---

बोगस कर्जमाफी होणार नाही

June 17, 2017, 11:09 am

≫ Next: घाटात अतिवृष्टी; दगड, मुरमाचे लोट

≪ Previous: पानसरे हत्या: आरोपी समीर गायकवाडला जामीन

$

0

0

म. टा. वृत्तसेवा, सातारा

‘राज्यातील शेतकऱ्यांना कर्जमाफी देण्याचा क्रांतिकारक निर्णय सरकारने घेतला असून, त्यासाठी दोन समित्यांची नियुक्ती केली आहे. या समित्यांकडून राज्यातील शेतकऱ्यांच्या कर्जाचा आढावा घेणार आहेत. मगच कर्जमाफीचे निकष ठरविले जातील. या वेळी कोणालाही बोगस कर्जमाफी होणार नाही. असा प्रकार पुढे आल्यास संबंधित बँकेवर आणि अधिकाऱ्यांवर फौजदारी गुन्हे दाखल केले जातील,’ असा इशारा कृषी व पणन राज्यमंत्री सदाभाऊ खोत यांनी दिला.

सदाभाऊ खोत यांच्या अध्यक्षतेखाली जिल्हाधिकारी कार्यालयात खरीप, रब्बी पीक कर्ज वाटप आढावा बैठकीचे आयोजन करण्यात आले होते. या वेळी जिल्हाधिकारी श्वेता सिंघल, निवासी उफजिल्हाधिकारी भारत वाघमारे यांच्यासह जिल्ह्यातील ३३ बँकाचे अधिकारी व विविध खात्याच्या खातेप्रमुखांची उपस्थिती होती.

‘या वर्षी शेतकऱ्यांना रब्बी हंगामातील पिकांना ११०० कोटी तर खरीप पिकांसाठी १६५० कोटी रुपयांच्या कर्जवाटपाचे उद्दिष्ट ठेवण्यात आले आहे. त्यापैकी ३९९ कोटींचे कर्ज वाटप केले आहे. उर्वरीत कर्ज वाटपाची जबाबदारी बँकावर देण्यात आली आहे. बँकानी शेतकऱ्यांना कर्ज देताना कोणतीही अडवणूक करू नये. शेतकऱ्यांच्या तक्रारी आल्यास संबंधित बँकेत जाऊन बसेन. शासनाने कर्जमाफीचा निर्णय घेतला आहे. त्याबाबतचे निकष लवकरच जाहीर होती. तोपर्यंत शेतकऱ्यांचे खाते काढून बँकांनी त्यांच्या नावावर दहा हजार रुपये तत्काळ जमा करावेत, अशा सूचना बँक अधिकाऱ्यांना दिल्या आहेत,’ असे खोत यांनी सांगितले.

मोबाइल अॅप डाउनलोड करा आणि राहा अपडेट

घाटात अतिवृष्टी; दगड, मुरमाचे लोट

June 17, 2017, 12:33 pm

≫ Next: पोलीस मारहाणीच्या भीतीने शेतकऱ्याचा मृत्यू

≪ Previous: बोगस कर्जमाफी होणार नाही

$

0

0

मटा ऑनालाइन वृत्त । सातारा

खंडाळा व परिसरात मुसळधार पाऊस झाल्यामुळे नागरिकांची तारांबळ उडाली. खंबाटकी घाटात दरड कोसळल्यामुळे वाहतूक ठप्प झाली. घाटरस्त्यावरील दगड, मुरूम पाच जेसीबीच्या सहाय्याने बाजूला करण्यात आला. एका तासात ८९ मि. मी. एवढी पावसाची नोंद झाली आहे. दरम्यान, मुसळधार पावसामुळे महाबळेश्वर-पोलादपूर रस्त्यावरील आंबेनळी घाटातही शुक्रवारी पहाटे सहाच्या सुमारास दरडी कोसळल्या. त्यामुळे वाहतूक काहीकाळ बंद होती.

शुक्रवारी सकाळपासून ढगाळ वातावरण, उकाडा जाणवत होता. दुपारी तीन वाजण्याच्या सुमारास अचानक पावसाने हजेरी लावली. या मुसळधार पावसाने शेतातील कामांचा खोळंबा झाला; तर शाळकरी मुलांबरोबर नागरिकांची तारांबळ उडाली. पावसाचे प्रमाण अधिक असल्याने तहसीलदार कार्यालयात पाणी घुसल्याने सर्वत्र पाणी झाल्याने कर्मचारी, अधिकारी यांनी सरकारी कागदपत्र भिजू नये, म्हणून पळापळ करुन पाणी कार्यालयाबाहेर काढण्याचे प्रयत्न केले. तसेच महामार्गावर खंबाटकी घाटात दरड कोसळली. त्यामुळे दगड, मुरमाचा राडारोडा रस्त्यावर पडल्याने वाहतूक ठप्प झाली होती. घाट रस्त्यावरील राडारोडा पाच जेसीबी लावून बाजूला करण्यात आला. भर पावसात पोलिसांनी वाहतूक पूर्ववत केली.

मोबाइल अॅप डाउनलोड करा आणि राहा अपडेट

पोलीस मारहाणीच्या भीतीने शेतकऱ्याचा मृत्यू

June 17, 2017, 2:27 pm

≫ Next: घरफोड्या करणारी टोळी जेरबंद

≪ Previous: घाटात अतिवृष्टी; दगड, मुरमाचे लोट

$

0

0

म. टा. वृत्तसेवा, मिरज

मिरज तालुक्यातील बेडग येथे तूर चोरीप्रकरणाच्या तपासादरम्यान आपल्या जोडीदारांना पोलिसांकडून मारहाण होत असल्याचे पाहून श्रीहरी विश्वंभर पाटील (वय ५०, रा. बेडग) या शेतकऱ्याचा हृदयविकाराने मृत्यू झाला. पाटील यांच्या मृत्यूनंतर संतप्त ग्रामस्थांनी मारहाण करणाऱ्या पोलिसांवर कारवाईची मागणी केली. तसेच, या घटनेचा निषेध करीत शनिवारी बेडग गाव बंद ठेवण्यात आले होते.

बेडग येथील दिलीप शंकर कुलकर्णी यांच्या शेतातील १२ पोती तूर व तीन पोती हरभऱ्याची चार महिन्यांपूर्वी चोरी झाली होती. कुलकर्णी यांना शेतात काम करणाऱ्यांवरच चोरीचा संशय होता. त्यांनी त्यांच्याविरोधात ग्रामीण पोलिसांत तक्रारही दाखल केली होती. पोलिसांनी किरकोळ चोरी असल्याने याकडे दुर्लक्ष केले. मात्र, कुलकर्णी यांनी कारवाईसाठी तगादा लावला होता. त्यामुळे अखेर पोलिसांनी शुक्रवारी दुपारी संशयितांना तपासासाठी बोलावून घेतले. चौकशीदरम्यान पोलिसांनी प्रकाश कणसे, संजय कणसे, अरुण गायकवाड, हणमंत घोरपडे यांना मारहाण केली. आपल्या जोडीदारांना होत असलेली मारहाण पाहून श्रीहरी पाटील हे पोलिस ठाण्यातच चक्कर येऊन पडल्याने पोलिसांची तारांबळ उडाली. पाटील यांना बेशुद्धावस्थेतच पोलिस व्हॅनमधून शासकीय रुग्णालयात उपचारासाठी दाखल करण्यात आले. डॉक्टरांनी पाटील यांना हृदयविकाराचा झटका आल्याचे सांगितले. पाटील यांना तत्काळ अतिदक्षता विभागात हलविण्यात आले. मात्र, रात्री उशिरा उपचारादरम्यान त्यांचा मृत्यू झाला. मयत श्रीहरी पाटील यांच्यामागे पत्नी, आई - वडील आहेत. परिस्थिती हलाखीची असल्याने व घरातील कर्त्या पुरुषाचा मृत्यू झाल्याने सारेच हळहळ व्यक्त करीत आहेत.

या घटनेनंतर संतप्त ग्रामस्थांनी पोलिस ठाण्यात धाव घेत चौकशीदरम्यान बेकायदा मारहाण करणाऱ्या पोलिसांवर आणि तक्रारदार दिलीप कुलकर्णी यांच्यावर कारवाईची मागणी केली. पोलिस ठाण्यात मोठ्या संख्येने ग्रामस्थ जमा झाल्याने पोलिसांची तारांबळ उडाली. अतिरिक्त पोलिस अधीक्षक शशिकांत बोराटे, पोलिस उपअधीक्षक धीरज पाटील, महात्मा गांधी चौकी पोलिस ठाण्याचे पोलिस निरीक्षक श्रीकांत पिंगळे यांच्यासह फौजफाटा दाखल झाला. धीरज पाटील यांनी ग्रामस्थांची समजूत काढत दोषींवर कारवाई करण्याचे आश्वासन दिल्याने वातावरण शांत झाले.

दरम्यान, तूर चोरीप्रकरणी तक्रारदार दिलीप कुलकर्णी यांनीच या सर्व शेतकऱ्यांना मोटारीत घालून मिरज ग्रामीण पोलिस ठाण्यात आणले व पोलिसांत सोपवल्याचे सांगण्यात येत आहे. कुलकर्णी यांच्यासमोरच पोलिसांनी शेतकऱ्यांना मारहाण केल्याचे समजताच काही ग्रामस्थ रुग्णालय आवारात कुलकर्णी यांच्या अंगावर धावून गेले. मात्र, परिस्थितीचे गांभीर्य ओळखून कुलकर्णी यांनी तेथून पळ काढला.

दरम्यान, चौकशीसाठी आणलेल्यांना चौकशीनंतर सोडून देण्यात आले होते. ते सर्वजण खाली थांबल्यानंतर त्यातील श्रीहरी पाटील यांना अचानक घाम व चक्कर आल्याने जमिनीवर पडले. चोरीप्रकरणी केवळ तोंडी चौकशी करण्यात आली असून, कोणाला मारहाण झाली नाही. तरीही ग्रामस्थांची तक्रार असेल, तर या प्रकरणाची चौकशी करून दोषींवर कारवाई करण्यात येईल, असे मिरज ग्रामीण पोलिस ठाण्याचे पोलिस निरीक्षक मोहन जाधव म्हणाले.

मोबाइल अॅप डाउनलोड करा आणि राहा अपडेट

घरफोड्या करणारी टोळी जेरबंद

June 17, 2017, 2:30 pm

≫ Next: मुश्रीफ - घाटगे संघर्षाची नांदी

≪ Previous: पोलीस मारहाणीच्या भीतीने शेतकऱ्याचा मृत्यू

$

0

0

म. टा. प्रतिनिधी, कोल्हापूर

मे महिन्यात बंद घरे लक्ष्य करून घरफोड्या केलेल्या चोरट्यांच्या टोळीला अटक करण्यात पोलिसांना अखेर यश आले आहे. स्थानिक गुन्हे अन्वेषण शाखेने उस्मानाबाद जिल्ह्यातील चोरट्यांची टोळी पकडली असून, या टोळीतील चौघांना अटक केले. दत्ता आत्माराम काळे (वय २६), रामेश्वर छना शिंदे (३९), राजेंद्र आबा काळे (२४) आणि अनिल भगवान काळे (४५, सर्व रा. इटकूर, ता. कळंब, जि. उस्मानाबाद) अशी अटकेतील चौघांची नावे आहेत, तर या टोळीचा म्होरक्या विलास छना शिंदे आणि त्याचा साथीदार सिकंदर काळे हे दोघे फरार आहेत. पोलिसांनी चोरट्यांकडून लाखाचा मुद्देमाल हस्तगत केला असून, चोरट्यांनी गेल्या आठ महिन्यात जिल्ह्यात ६० चोऱ्या केल्याची कबुली दिली आहे.

मेच्या सुटीत शहरासह जिल्ह्यात चोरट्यांनी घरफोड्या करून धुमाकूळ घातला होता. रात्रीत दहा ते बारा घरे फोडून लाखोंचा मुद्देमाल लंपास झाल्याने नागरिकांत भीती पसरली होती. पोलिसही हैराण झाले होते. चोरट्यांना पकडण्यासाठी पोलिसांनी रात्र गस्तही वाढवली होती. चोरीच्या पद्धतीवरून चोरटे उस्मानाबाद जिल्ह्यातील असल्याचा संशय बळावला होता. यानुसार पोलिसांच्या पथकाने उस्मानाबाद जिल्ह्यात जाऊन माहिती काढली असता, एक टोळी कोल्हापूरसह परिसरात चोऱ्या करून लुटीतील मुद्देमाल उस्मानाबादेतील सराफांना विकत असल्याची माहिती मिळाली. स्थानिक गुन्हे अन्वेषण शाखेच्या पोलिसांनी इटकूर येथे संशयितांच्या घरांवर छापे टाकून झडती घेतली असता, चोरीतील वस्तू मिळाल्याने संशयितांना ताब्यात घेतले. त्यांच्याकडून अमेरिका, सिंगापूर, भूतान, चिन आणि थायलंड या देशांच्या चलनी नोटा, ३० ग्रॅम वजनाचे सोन्याचे दागिने, २११ ग्रॅम वजनाचे चांदीचे दागिने, तीन मोबाइल असा सुमारे एक लाखाचा मुद्देमाल हस्तगत केला. चोरट्यांच्या या टोळीत ८ ते १०जण असून, विलास काळे हा टोळीचा प्रमुख आहे, तर सिकंदर काळे हा चोळीचा उपप्रमुख आहे. हे दोघेही पोलिसांच्या हाती लागले नाहीत.

टोळीने गेल्या आठ महिन्यात कोल्हापूरसह जयसिंगपूर, शिरोळ, हातकणंगले, इचलकरंजी, करवीर आदी ठिकाणी ६० घरफोड्या केल्याची कबुली दिली आहे.

मोबाइल अॅप डाउनलोड करा आणि राहा अपडेट

मुश्रीफ - घाटगे संघर्षाची नांदी

June 17, 2017, 2:30 pm

≫ Next: अब्दुललाटला गायरान जमिनीचे परस्पर वाटप

≪ Previous: घरफोड्या करणारी टोळी जेरबंद

$

0

0

प्रकाश कारंडे,कागल

कोल्हापूर जिल्हा मध्यवर्ती सहकारी बँकेच्या कारभारावरुन दिवंगत खासदार सदाशिवराव मंडलिक आणि आमदार हसन मुश्रीफ या गुरु-शिष्यांमधील टोकाचा संघर्ष जिल्ह्यासह राज्याने अनुभवला. आता त्याच जिल्हा मध्यवर्ती बँकेत बसून, आमदार हसन मुश्रीफ यांनी मंडलिक साखर कारखान्याची निवडणूक लढवणार नसल्याचे स्पष्ट करीत मतभेद संपवण्याचा निर्णय जाहीर केला. त्यामुळे मंडलिक - मुश्रीफ यांच्यातला संघर्ष संपल्याचे स्पष्ट झाले आहे. या मिटलेल्या संघर्षाचा परिणाम बिद्री कारखान्याच्या निवडणुकीसह कागलच्या राजकारणावरही होईल. याचवेळी पुन्हा एकदा पारंपरिक मंडलिक-मुश्रीफ विरुद्ध घाटगे गट अशा संघर्षाची ही नांदी असल्याचे कागल तालुक्यातील जाणकारांचे मत आहे.

कागल तालुक्याच्या वर्चस्ववादाच्या राजकारणातून दिवंगत मंडलिक आणि मुश्रीफ यांच्यात ९ डिसेंबर २००६ रोजी संघर्षाची ठिणगी पडली. त्यातून तालुक्यासह जिल्ह्याचे राजकारणच पूर्णपणे बदलले. हमिदवाडा सहकारी साखर कारखान्याच्या निवडणुकीपासून या दोन नेत्यांमधील संघर्ष वाढतच गेला. ग्रामपंचायतींपासून ते लोकसभा निवडणुकीपर्यंत सर्व ठिकाणी दोन्ही गटाच्या कार्यकर्त्यांनी संघर्ष केला. त्याला दोन्ही नेत्यांनी प्रोत्साहनच दिले. लोकसभा निवडणुकीत प्रा. संजय मंडलिक यांना पराभूत करण्यासाठी आमदार हसन मुश्रीफ यांनी कंबर कसली. तर विधानसभा निवडणुकीत मुश्रीफांना पराभूत करण्यासाठी प्रा. संजय मंडलिकांसह दिवंगत सदाशिवराव मंडलिकांनी मतदारसंघ पिंजून काढला होता. इतकेच काय तर माजी खासदार मंडलिकांच्या पश्चात ‘गोकुळ’च्या निवडणुकीतही त्यांनी एकमेकांच्या विरोधात भूमिका घेतली.

मात्र जिल्हा बँकेच्याच राजकारणाने प्रा. मंडलिक आणि आमदार मुश्रीफांना एकत्र आणले. प्रक्रिया सहकारी संस्था गटातून संजय मंडलिक यांच्यासाठी आमदार मुश्रीफ यांनी माघार घेतली. मंडलिक यांनी विकास संस्था गटातून केवळ मुश्रीफ यांना ‘बाय’ दिला. इथूनच मनोमिलनाची एक्स्प्रेस धावू लागली. त्यानंतर काही कार्यक्रमांमधूनही मनोमिलनाचे गोडवे गाण्यात आले.

आजच्या कागल तालुक्याच्या राजकारणाचा विचार करता प्रा. संजय मंडलिक आणि माजी आमदार संजय घाटगे हे शिवसेनेच्या माध्यमातून एकत्र आहेत. मात्र मंडलिकांबरोबरचे वाद मिटवण्यासाठी आमदार मुश्रीफ यांना या दोन्ही नेत्यांनी आपापल्या फायद्यासाठी घेतलेल्या राजकीय निर्णयाचाही मोठा फायदा झाला. मुळातच माजी आमदार संजय घाटगे यांना आमदार सतेज पाटील आणि मुश्रीफ यांचे वावडे आहे. मुश्रीफ ज्या बाजूला आहेत, त्याउलट बाजूला संजय घाटगे राहतात. ज्या महाडिक कुटुंबाचे आणि मंडलिकांचे जुळत नाही, त्यांच्याबरोबर घाटगे जुळवून घेतात. याचाच परिणाम म्हणून प्रा. मंडलिक यांनी आतापर्यंत जिल्हा बँक, मार्केट कमिटी, तालुका संघ, विधानपरिषद, कागल नगरपालिका आणि अलिकडेच पंचायत समितीत मुश्रीफ ज्या बाजूला आहेत, त्या बाजूला जाऊन सत्ता मिळवली. तर संजय घाटगे यांनी गोकुळ दूध संघ, विधानपरिषद, जिल्हा परिषदेत महाडिक यांचीच बाजू उघडपणे धरली. लोकसभा निवडणुकीत धनंजय महाडिक हे घाटगेंच्या घरी स्नेहभोजनास होते. या आणि अशा अनेक बाबींमधून मंडलिक-घाटगेंनी आपली आणि आपल्या कुटुंबाचीच सोय बघितली. ज्याबद्दल उघड एकमेकांनी तक्रारही केली नाही. मात्र आता दोन्ही गटातील कार्यकर्त्यांनाच या बाबी असह्य झाल्याचे चित्र आहे.

हमिदवाडा कारखान्याच्या निवडणुकीत आमदार मुश्रीफांनी घेतलेल्या पाठिंब्याच्या निर्णयाला अनेक कंगोरे आहेत. एकतर कारखाना प्रशासनाने मुश्रीफांसह त्यांचे शिलेदार अर्जही भरु शकणार नाहीत अशी जय्यत तयारी केली होती. १० हजारावर सभासद वाढवल्याने लढून मुश्रीफांचे नुकसानच होणार होते. त्यामुळे एकमेकांना पेढा भरवून संघर्ष संपल्याचे आमदार मुश्रीफांनी जाहीर केले. मात्र यातून गटाच्या राजकारणाला निश्चितच सुरुंग लागला आहे. कोणताही नेता कारखान्याची निवडणूक बिनविरोध व्हावी यासाठी प्रयत्न करतो. मात्र त्याचे अंतिम ध्येय असलेली विधानसभा आणि लोकसभा निवडणूक आणखी दोन वर्षांनी होईल. तोपर्यंत पुलाखालून बरेच पाणी वाहून जाईल. आतापर्यंत मंडलिक अथवा घाटगे यापैकी एकाला घेऊन मुश्रीफांनी राजकीय यशस्वी घडी बसवली आहे. आता पुन्हा एकदा प्रा. मंडलिकांच्या रुपाने त्यांनी हा पुन्हा एकदा टेकूच शोधला असल्याचे म्हणावे लागेल.

संजय घाटगेंची अडचण...

जिल्हा परिषद आणि पंचायत समितीची सत्ता गेल्यानंतर माजी आमदार संजय घाटगेंची अडचण झाली आहे. ते पक्ष शिवसेना सांगतात. पक्षाच सहसंपर्क प्रमुख मुश्रीफ यांच्याशी वाद मिटवून मनोमिलन करून त्यांच्यासोबत गेले आहेत. घाटगेंना आता असाही शिवसेनेचा काहीच फायदा नाही. दुसरीकडे विचार केल्यास म्हाडाचे अध्यक्ष समरजितसिंह घाटगे यांनी भाजपचे ब्रँडिंग तळागाळापर्यंत करीत विविध योजनांचा सपाटा लावून आपले ‘२०१९’च्या निवडणुकीच्या दृष्टीने चांगलेच बस्तान बसवले आहे. त्यामुळे संजय घाटगे पुन्हा अडचणीत आले आहे.

मोबाइल अॅप डाउनलोड करा आणि राहा अपडेट

अब्दुललाटला गायरान जमिनीचे परस्पर वाटप

June 17, 2017, 2:30 pm

≫ Next: समीर गायकवाडला सशर्त जामीन मंजूर

≪ Previous: मुश्रीफ - घाटगे संघर्षाची नांदी

$

0

0

म. टा. प्रतिनिधी, कोल्हापूर

अब्दुललाट व लाटवाडी (ता. शिरोळ) येथील ग्रामपंचायत पदाधिकाऱ्यांना हाताशी धरुन ग्रामसेवक डी. आर. कांबळे यांनी गायरान जमिनीची परस्पर विल्हेवाट लावली आहे. अधिकाराचा गैरवापर करुन गायरान जमीन वाटप केली असून त्यातून ग्रामस्थांकडून हजारो रुपये उकळले आहेत. निर्मलाग्राम योजनेचे निकष डावलून शौचालयासाठी आलेला लाखो रुपयांचा निधी हडप केला असल्याचा आरोप जिल्हा परिषदेचे प्रक्षप्रतोद विजय भोजे यांनी पत्रकार परिषदेत केला. ग्रामसेवक कांबळे यांच्या मालमत्तेची चौकशी करावी अशी मागणी जिल्ही परिषद सीईओ डॉ. कुणाल खेमनार यांच्याकडे केली असल्याचे त्यांनी सांगितले.

भोजे म्हणाले, ‘अब्दुललाट व लाटवाडीसाठी सुमारे १२ एकर गायरान जमीन आहे. गावच्या विकासासाठी हे क्षेत्र राखीव आहे. १९९५ पूर्वी काही जागांवर अतिक्रमण झाले. अतिक्रमण केलेल्या जागा नावावर करुन घरफाळा लागू करावा अशी मागणी होती. मात्र, गावसभेने हा विषय फेटाळून लावला. २०१६ मध्ये राज्य सरकारने काढलेल्या अध्यादेशानुसार १९९५ पूर्वी गायरान व गावठाण जमिनीमध्ये अतिक्रमण केलेल्या अतिक्रमणधारकांना घरफाळा लागू करुन वेगळे रजिस्टर ठेवण्याच्या सूचना दिल्या होत्या. पण या अध्यादेशाचा चुकिचा अर्थ काढून ग्रामसेवक व पदाधिकाऱ्यांनी नागरिकांना अतिक्रमण करण्यास भाग पाडून घरफाळा आकारणी केली आहे. त्यासाठी वेगळे रजिस्टर ठेवलेले नाही. असे कृत्य करण्यास भाग पाडत असताना त्यांनी प्लॉटधारकांकडून दहा ते १५ हजार रुपये उकळले. यात लाखो रुपयांचा भ्रष्टाचार झाला आहे. शौचालयाच्या अनुदानावरही अशाच पद्धतीने डल्ला मारला गेला.’

भोजे यांनी जिल्हा परिषद सीईओ आणि आमदार सुरेश हाळवणकर यांच्याकडे तक्रार केली असून तक्रारींमध्ये ग्रामसेवक कांबळे यांच्या मालमत्तेची चौकशी करण्याचे मागणी केली आहे.

पत्रकार परिषदेस जिल्हा परिषद सदस्य अशोकराव माने, ग्रामपंचायत सदस्य मल्लू खोत, विजय कांबुरे आदी उपस्थित होते.

मोबाइल अॅप डाउनलोड करा आणि राहा अपडेट

समीर गायकवाडला सशर्त जामीन मंजूर

June 17, 2017, 2:30 pm

≫ Next: रेश्माची वडिलांना ब्राँझची भेट

≪ Previous: अब्दुललाटला गायरान जमिनीचे परस्पर वाटप

$

0

0

म. टा. प्रतिनिधी, कोल्हापूर

कॉम्रेड गोविंद पानसरे यांच्या हत्येतील संशयित आरोपी समीर गायकवाड याला जिल्हा व सत्र न्यायाधीश एल. डी. बिले यांनी शनिवारी (ता.१७) सशर्त जामीन मंजूर केला. २५ हजाराच्या वैयक्तिक जातमुचलक्यासह प्रत्येक रविवारी एसआयटीकडे हजेरी लावण्याच्या अटींवर हा जामीन मंजूर करण्यात आला आहे. या निर्णयावर पानसरे कुटुंबीयांनी हायकोर्टात दाद मागण्याचा निर्णय घेतला आहे. दरम्यान, शनिवारी जामिनाची प्रक्रिया पूर्ण न झाल्याने समीरची सोमवारी सुटका होणार आहे.

कॉम्रेड गोविंद पानसरे यांच्यावर १६ फेब्रुवारी २०१५ मध्ये हल्ला झाल्यानंतर २० फेब्रुवारी २०१५ मध्ये त्यांचा उपचारादरम्यान मृत्यू झाला. यानंतर पोलिसांनी १६ सप्टेंबर २०१५ मध्ये संशयित समीर गायकवाड याला सांगलीतून अटक केले होते. २१ महिने समीर कोठडीत होता. दरम्यानच्या काळात दोन वेळा जिल्हा सत्र न्यायाधीश आणि एकदा हायकोर्टानेही समीरचा जामीन फेटाळला होता. या गुन्ह्यातील पुरवणी आरोपपत्र दाखल झाल्यानंतर संशयिताचे वकील समीर पटवर्धन यांनी पुन्हा जिल्हा व सत्र न्यायालयात जामीनासाठी अर्ज दाखल केला होता. पुरवणी आरोपपत्रात समीरविरोधात सबळ पुरावे नाहीत. गुन्ह्यातील शस्त्र आणि इतर फरार आरोपी पकडण्यात पोलिसांना यश येत नसल्याने समीरला कोठडीत ठेवणे त्याच्या अधिकारांवर गदा आणणारे आहे, त्यामुळे समीरला जामीन मंजूर करावा, अशी विनंती अॅड. पटवर्धन यांनी केली होती. हा युक्तिवाद ग्राह्य धरून न्यायधीश एल. डी. बिले यांनी शनिवारी संशयित समीरला सशर्त जामीन मंजूर केला.

न्यायाधीश एल. डी. बिले यांनी जामीन मंजूर करताच कोर्टात उपस्थित असलेल्या सनातन संस्थेच्या साधक आणि हिंदुत्ववादी कार्यकर्त्यांनी जामिनाची प्रक्रिया पूर्ण केली. दरम्यान, शनिवारी जामिनाची प्रक्रिया वेळेत पूर्ण होऊ न शकल्याने सोमवारी प्रक्रिया पूर्ण करून समीरची मुक्तता केली जाणार आहे.

यावेळी कोर्टात मेघा पानसरे, दिलीप पोवार आदी उपस्थित होते, तर संशयित आरोपी समीर गायकवाड याला सकाळी ११ वाजताच पोलिसांनी बंदोबस्तात कोर्टात हजर केले होते.

दर रविवारी हजेरी

२५ हजार रुपयांच्या वैयक्तिक जातमुचलक्यासह दर रविवारी ११ ते १ या वेळेत एसआयटीकडे हजेरी लावणे, राज्याबाहेर जाऊ नये, पासपोर्ट असेल तर तो कोर्टाकडे जमा करावा, साक्षीदारांवर कोणत्याही प्रकारचा दबाव आणू नये, कोल्हापूर जिल्ह्यात राहायचे नाही, कुठे राहणार याची माहिती कोर्टाला देऊन कोर्टाच्या परवानगीशिवाय राहण्याचे ठिकाण बदलायचे नाही, तपास यंत्रणांना सहकार्य करावे या अटी कोर्टाने घातल्या असून, याचे काटेकोर पालन करण्याचे आदेश दिले आहेत.

मोबाइल अॅप डाउनलोड करा आणि राहा अपडेट

---

रेश्माची वडिलांना ब्राँझची भेट

June 17, 2017, 2:30 pm

≫ Next: सुक्या मेव्याची मागणी वाढली

≪ Previous: समीर गायकवाडला सशर्त जामीन मंजूर

$

0

0

Satish.ghatage@timesgroup.com

Twitt:@satishgMT

कोल्हापूर ः कुस्तीपटू रेश्मा माने हिने आशियाची कनिष्ठ कुस्ती स्पर्धेत ब्राँझ पदक मिळविल्याची बातमी समजताच तिच्या वडणगे येथील घरात दिवाळी साजरी करण्यात आली. ‘फादर्स डे’च्या पूर्वसंध्येलाच रेश्माने यश खेचून आणत वडिलांना जणू ही गोड भेटच दिली. तैपईमधील तैचुंग येथे स्पर्धा सुरू आहेत. रेश्माने ६३ किलो गटात भारताला ब्राँझपदक मिळवून दिले.

मुलगी कुस्तीपटू व्हावी, असे स्वप्न उराशी बाळगून गेली पंधरा वर्षे तिच्यासाठी परिश्रम घेण्याऱ्या वडील अनिल यांचे सकाळपासून स्पर्धेतील निकालाकडे लक्ष होते. ६३ किलो गटात रेश्माने शनिवारी उप उपांत्य फेरी गाठली. तिने मंगोलियाच्या सारानिया बेअरबॅटरला ५-० असे हरवत उपांत्य फेरीत दिमाखात प्रवेश केला. उपांत्य फेरीत तिची लढत कझाकिस्तानच्या अॅना तोमीरसोव्हाबरोबर होती. अॅनाने रेश्माला १४-५ असे हरवल्याने तिचे अंतिम फेरीत प्रवेश करण्याचे स्वप्न भंगले. रेश्माला पराभूत करणाऱ्या अॅनाने सुवर्णपदक जिंकताना जपनाच्या मिरझु इनाकोटाला हरवले.

उपांत्य फेरीची लढत हरली असली तरी रेश्माला ब्राँझ पदक जिंकण्याची संधी होती. उपांत्य फेरीतील पराभव विसरुन ती कोरियाच्या सेऊन चोलबरोबर लढायला मॅटवर उतरली. या लढतीकडे अनिल मानेंचे लक्ष होते. इंटरनेटवर ते सतत कुस्तीचे अपडेट घेत होते. पहिल्या सेटमध्ये रेश्माने सेऊनवर ४-१ अशी आघाडी घेत दमदार सुरुवात केली. दुसऱ्या सेटमध्ये सेऊनने सुरवातीपासून आक्रमक खेळ केला. तरीही रेश्माने ७-४ आघाडी कायम ठेवली आणि शेवटच्या मिनिटाला रेश्माने सेऊनला सपशेल चितपट करत ब्राँझ पदकावर नाव कोरले. वेबसाइटवर ब्राँझ पदक जिंकल्याचा निकाल जाहीर झाल्यावर अनिल माने यांच्या आनंदाला पारावार उरला नाही. वडणगेत माने कुटुंबाने जल्लोष केला.

वयाच्या पाचव्या वर्षापासून रेश्मा कुस्तीचे प्रशिक्षण घेत आहे. तिचे वडील वडणगेतून कोल्हापुरात सकाळी व सायंकाळी दोन सत्रात सरावासाठी घेऊन येत. रेश्माचा नियमित सराव व्हावा म्हणून त्यांनी घरात ५० हजार रुपये खर्चून तालीमही बांधली आहे. तिच्यासाठी खास लालमातीचा आखाडा तयार केला आहे. सुरुवातीला रेश्मा भावंडांसोबत सराव करत असे. चांगले प्रशिक्षक, खुराकासाठी माने यांनी पदरमोड केली. रेश्माने महाराष्ट्राला वीस वर्षांनी सुवर्णपदक मिळवून दिले. २०१३ मध्ये उत्तर प्रदेश येथे राष्ट्रीय शालेय स्पर्धेत सुवर्णपदक मिळवल्यानंतर तत्कालीन मुख्यमंत्री अखिलेश यादव यांनी तिला सायकल भेट दिली होती. २०१२ मध्ये अझरबैजान येथे झालेल्या सब ज्युनिअर स्पर्धेतही रेश्माने ब्राँझ पदक पटकावले आहे. मुलगी कुस्तीपटू व्हावी यासाठी परिश्रम घेणाऱ्या माने यांना रेश्माने फादर्स डेच्या पूर्वसंध्येला ब्राँझ पदकाची भेट दिली. तिच्या यशात प्रशिक्षक विश्वास हारुगले, तानाजी नरके, हिंद केसरी दिनानाथ सिंह यांचा मोठा वाटा असल्याची कृतज्ञताही अनिल माने यांनी व्यक्त केली.


रेश्माच्या या यशाचा आनंद तर आहेच. आता तिने ऑलिम्पिक स्पर्धेत भारताला पदक मिळवून द्यावे, यासाठी तिच्या मागे खंबीरपणे राहणार आहे.

अनिल माने, रेश्माचे वडील

मोबाइल अॅप डाउनलोड करा आणि राहा अपडेट

सुक्या मेव्याची मागणी वाढली

June 17, 2017, 2:30 pm

≫ Next: अहवालाअभावी अडला निधी

≪ Previous: रेश्माची वडिलांना ब्राँझची भेट

$

0

0

म. टा. प्रतिनिधी, कोल्हापूर

मुस्लिम बांधवाच्या पवित्र रमजान महिना सुरू असल्याने सुक्या मेव्याच्या मागणीमध्ये चांगलीच वाढ झाली आहे. पहाटेच्या अल्पोहारानंतर सायंकाळी जेवण घेतले जात असल्याने दिवसभरासाठी प्रोटिन्सयुक्त पदार्थांना अधिक पसंती दिली जात आहे. त्यामुळे खजूर, बदाम, पिस्ता, आकरुड, काजू आदी सुका मेवा खरेदी करण्यासाठी बाजारपेठेत गर्दी होत आहे. मागणीत वाढ झाल्याने सुक्या मेव्याच्या दरातही वाढ झाली आहे. यातून मोठी उलाढाल होत आहे.

मुस्लिम बांधवाच्या पवित्र रमजान महिन्याला २८ मेपासून सुरुवात झाली. चंद्रदर्शनानंतर साधारणत: २६ जून रोजी रमजान महिन्याची सांगता होणार आहे. दररोजच्या उपवासामध्ये मुस्लिम बांधव सूर्योदयापूर्वी अल्पोहार घेतात. यामध्ये खासकरून फळे व सुक्या मेव्याला प्राधान्य देतात. त्यामुळे फळे व सुका मेवा खरेदीसाठी चांगलीच गर्दी होत आहे. खजूर, बदाम, काजू यांपैकी खजूर खरेदीकडे जास्त कल अधिक दिसून येतो. जायदी खजूर व काळा खजूर अशा दोन प्रकारचे खजूर ग्राहकांच्या पसंतीस उतरत आहेत.

किराणा मालाचे दर स्थिर

गेल्या दोन आठवड्यापासून हरभरा डाळीच्या दरात घसरण सुरू होती. मात्र या आठवड्यात हरभरा डाळीचे दर ७५ किलोवर स्थिर राहिले आहे. इतर किराणा मालांच्या साहित्यांमध्ये फारसा चढउतार झालेला नाही. मात्र, भाजीपाल्याची आवक कमी होऊ लागल्याने कडधान्यांच्या मागणीमध्ये वाढ झाली आहे. सरकारने खरेदी केलेली तूरडाळ अद्याप बाजारात आलेली नसली तरी, ही तूरडाळ बाजारात आल्यास तुरडाळीच्या दरात घसरण होणार असल्याची शक्यता विक्रेत्यांकडून व्यक्त केली जात आहे.

मोबाइल अॅप डाउनलोड करा आणि राहा अपडेट

अहवालाअभावी अडला निधी

June 18, 2017, 2:30 pm

≫ Next: जिल्हा बँक सीईओंविरोधात मोर्चा

≪ Previous: सुक्या मेव्याची मागणी वाढली

$

0

0

Gurubal.mali@timesgroup.com
Tweet : @gurubalmaliMT

कोल्हापूर ः ‘वॉटर ऑडिट आणि ‘हाइड्रोलिक मॉडलिंग’चा अहवाल द्या आणि ८३ कोटी अनुदान घेऊन जा,’ अशी सूचना केंद्र सरकारने महापालिकेला वर्षापूर्वी केली होती. मात्र महापालिका अधिकाऱ्यांची अकार्यक्षमता आणि कन्सल्टंटकडून होणाऱ्या ​दिरंगाईने हा निधी अद्याप दिल्लीतच अडकून पडला आहे. अनेक कारणांनी थेट पाइपलाइन योजना वादग्रस्त ठरल्याने त्याचे तीनतेरा वाजले आहेत. त्यातच आता अंतर्गत जलवाहिन्यांसाठी मिळालेले अनुदान घ्यायलाही महापालिका कार्यक्षमता दाखवत नसल्याने पाण्याचा प्रश्न कायमच राहण्याची भीती आहे.

कोल्हापूरचा स्मार्ट सिटी योजनेत सहभाग झाला नाही. त्यानंतर अमृत योजनेत शहराचा समावेश करण्यात आला. शहरात अजूनही बऱ्याच भागात ड्रेनेज लाइन नाही. दहा वर्षांपूर्वी मिळालेल्या निधीतून उपनगरात ड्रेनेज लाइन टाकण्यात आली. शहराच्या मध्यवर्ती भागातील लाइन किमान चाळीस ते पन्नास वर्षांपूर्वीची आहे. अनेक ठिकाणी ती फुटली आहे. त्यामुळे घुशींचा उपद्रव वाढला आहे, ड्रेनेज तुंबण्याचे प्रकार सातत्याने घडत आहेत. जुन्या लाइनचा आकार कमी आहे, अनेकांनी त्याला गटारीचे पाणी जोडल्याने तुंबलेल्या ड्रेनेजचे पाणी रस्त्यावर येत आहे. या पार्श्वभूमीवर ड्रेनेज व पाणी पुरवठा योजनेत अंतर्गत पाइपलाइन बदलण्याबरोबरच काही ठिकाणी नवीन टाक्या बांधण्यासाठी १६८ कोटींचे अनुदान देण्याचा निर्णय केंद्राने घेतला. अमृत योजनेतून हा निधी मिळणार आहे. याचा महापालिकेवर भार पडणार नाही.

केंद्राच्या योजनेनुसार ड्रेनेजसाठी ८५ कोटींचा निधी महापालिकेस प्राप्त झाला. त्यानुसार निविदा निघाल्या. पण, त्याला कंत्राटदाराकडून प्रतिसाद मिळालेला नाही. त्यामुळे रक्कम पडून आहे. तर महापालिका वॉटर ऑडिटचा अहवाल देत नसल्याने मंजूर निधी देण्यास केंद्र सरकार हात आखडता घेत आहे. पाण्याच्या लाइनसाठी ८३ कोटीचा निधी मंजूर करण्यात आला आहे. पण, वॉटर ऑडिट आणि हाइड्रोलिक मॉडलिंगच्या अहवालाशिवाय हा निधी देऊ नका, असा निर्णय घेतल्याने तो केंद्रात अडकला आहे.

महापालिकेनेही याबाबत तत्परता दाखवलेली नाही. वर्ष झाले तरी अजूनही वॉटर ऑडीट सुरूच आहे. त्यासाठी कन्सल्टंट नेमला आहे, मे महिन्याच्या आत कोणत्याही परिस्थितीत हा अहवाल दिला जाईल असे एजीएल कन्सल्टंटने सांगितले, पण अजूनही त्याचा पत्ता नाही. त्याचा फटका मात्र शहरवासीयांना बसणार आहे. जुन्या वाहिन्यांना गळती असल्याने पाणी वाया जाण्याचे प्रमाण वाढत राहणार आहे.

शहरातील अंतर्गत जलवाहिन्या फार जुन्या आहेत. त्यामुळे सतत गळती लागत आहे. त्या बदलण्यासाठी केंद्राने एवढा मोठा निधी मंजूर करूनही महापालिका अधिकाऱ्यांच्या अकार्यक्षमतेमुळे तो मिळण्यास विलंब होत आहे. अधिकाऱ्यांनी यापुढे तरी तातडीने ऑडिट रिपोर्ट देवून निधी मिळवण्यासाठी कार्यक्षमता दाखवणे आवश्यक आहे.

- विजय सूर्यवंशी, गटनेता भाजप

मोबाइल अॅप डाउनलोड करा आणि राहा अपडेट

जिल्हा बँक सीईओंविरोधात मोर्चा

June 18, 2017, 2:30 pm

≫ Next: बिंदू चौक पार्किंगमध्ये लूट

≪ Previous: अहवालाअभावी अडला निधी

$

0

0

म. टा. प्रतिनिधी, कोल्हापूर

अनुकंपातत्वावरील कर्मचाऱ्यांना सेवेत घ्या, दैनिक वेतनावर काम करणाऱ्या कर्मचाऱ्यांना कायम करा आणि बँकेचे सीईओ यांना पदमुक्त करा या मागण्यांसाठी रविवारी कोल्हापूर डिस्ट्रिक्ट बँक एम्प्लॉइज युनियनने कोल्हापूर जिल्हा मध्यवर्ती सहकारी बँकेवर मोर्चा काढला.

मोर्चानंतर झालेल्या सभेत अनेक वक्त्यांनी सीईओ प्रतापसिंह चव्हाण यांच्या हकालपट्टीची मागणी करत त्यांच्या कारभाराचे वाभाडे काढले. युनियनच्या मागण्यांसाठी १५ दिवसांचा अल्टीमेट देत, मागण्या पूर्ण न झाल्यास तीव्र आंदोलन करण्याचा निर्धार करण्यात आला. चव्हाण यांची हकालपट्टी केल्याशिवाय आंदोलन न थांबवण्याचा निर्णय घेण्यात आला.

मोर्चाला टाउन हॉल बागेतून सुरुवात झाली. रविवारची सुटी असतानाही कर्मचारी मोठ्या संख्येने आले होते. मोर्चा टाउन हॉलमार्गे लक्ष्मीपुरी, शाहूपुरीमार्गे बँकेच्या प्रधान कार्यालयासमोर आल्यानंतर मुख्य प्रवेशद्वाराजवळ सभा झाली. युनियनचे अध्यक्ष भगवान पाटील म्हणाले, ‘बँकेवर प्रशासक म्हणून चव्हाण रुजू झाल्यानंतर कर्मचाऱ्यांनी स्वत:च्या बळावर ३७६ कोटींची कर्जवसुली केली. काहीवेळी कर्मचाऱ्यांना मारही सहन करावा लागला. त्यावेळी चव्हाण एसीची हवा घेत होते. नांदेड, औरंगाबाद व राज्य बँकेतून हाकलून दिलेल्या चव्हाण यांना येथे पायघड्या घालल्या गेल्या. ते अनुकंपावरील कर्मचाऱ्यांची नियुक्ती आणि दैनिक पगारावर काम करणाऱ्या कर्मचाऱ्यांबाबत संचालक मंडळाची दिशाभूल करुन नियुक्ती करण्यास टाळाटाळ करत आहेत. कर्मचारी काम करत नसतील तर बँकेचा संचित तोटा कसा कमी झाला ते सांगा. बँकेच्या प्रगतीची आकडेवारी प्रसिद्ध करताना चेअरमन मुश्रीफ यांना कर्मचाऱ्यांचे काम दिसत नाही का?’ अशी विचारणा करत मुश्रीफ आता बदलले आहेत असा टोला त्यांनी लगावला.

कॉम्रेड अतुल दिघे म्हणाले, ‘प्रशासकांच्या काळात बँक तोट्यात होती. मात्र दीड वर्षापासून अस्तित्वात आलेल्या संचालक मंडळाने घेतलेल्या निर्णयांमुळे बँकेचा तोटा कमी झाला आहे. चव्हाण यांनी बँक चांगली चालू नये, अशी भूमिका नेहमी घेतली आहे. सीईओंवर संचालकांचे नियंत्रण नसल्यानेच ते कर्मचारीविरोधी धोरण राबवत आहेत. शेतकरी, कर्मचाऱ्यांचा वापर करुन भांडवदारांचे भले करण्यात सीईओ अधिक रस दाखवत आहेत.’

शिरसे येथील बळी पाटील म्हणाले, ‘संचालक मंडळ आणि कर्मचाऱ्यांमध्ये वाद निर्माण करण्याचे कृत्य सीईओ करत आहेत. बँक खड्ड्यात घालणाऱ्या या प्रवृत्तीला हाकलून लावल्याशिवाय आंदोलन थांबवायचे नाही. बँक नफ्यात असताना नाबार्ड तपासणीचा बागलबुवा करू नका.’

बँकेच्यावतीने संचालक बाबासाहेब पाटील-आसुर्लेकर, विलास गाताडे, आसिफ फरास, लवाद विभागाचे व्यवस्थापक डॉ. ए. बी. माने, प्रशासन विभागाचे व्यवस्थापक आर. जे. पाटील, आयटी विभागाचे व्यवस्थापक जी. जी. शिंदे यांनी निवेदन स्वीकारले.

संचालक बाबासाहेब पाटील म्हणाले, ‘नाबार्डची तपासणी सुरू आहे, तपासणीनंतर सीसीआर ९ टक्क्यांवर गेल्यानंतर दैनिक कर्मचाऱ्यांचा प्रश्न निकालात निघेल. अनुकंपावरील कर्मचाऱ्यांबाबत लवकरच तिढा सुटेल. सीईओ पदाची जबाबदारी घेण्यास लायक व्यक्ती मिळत नसल्याचे अनेकवेळा चर्चेतून स्पष्ट झाले आहे.

चेअरमन नसले, तरी फरक पडत नाही

कर्मचाऱ्यांच्या मागण्या आणि मोर्चांबाबत युनियनने प्रशासनाला यापूर्वीच कळवले होते. त्यामुळे निवेदन स्वीकारण्यास कोण येणार याबाबत मोर्चातील कर्मचाऱ्यांमध्ये उत्सुकता होती. निवेदन स्वीकारण्यास चेअरमन हसन मुश्रीफ येणार नसल्याचे कळल्यानंतर चेअरमन नसले, तरी काही फरक पडत नाही अशीही टीका झाली. कर्मचारी संतप्त झाल्याचे दिसत होते.

मोबाइल अॅप डाउनलोड करा आणि राहा अपडेट

बिंदू चौक पार्किंगमध्ये लूट

June 18, 2017, 2:30 pm

≫ Next: ‘स्वयंसिध्दा’ने घडवल्या ४५० उद्योजिका

≪ Previous: जिल्हा बँक सीईओंविरोधात मोर्चा

$

0

0

म. टा. प्रतिनिधी, कोल्हापूर

बिंदू चौक येथील पे अँड पार्किंगमध्ये ठेकेदारांकडून नियमापेक्षा जास्त वसुली केली जात आहे. त्यातून भाविकांची लूट सुरू आहे. वाहनधारकांकडून पार्किंग शुल्क वसूल करताना तेथील कर्मचारी दादागिरी करत असल्याचा आरोप नरेंद्र मोदी विचार मंचचे सुनील सामंत यांनी रविवारी पत्रकार परिषदेत केला.

दरम्यान, महापालिकेने हा ठेका काढून घ्यावा अशी मागणी करण्यात येणार आहे. त्याशिवाय चुकीच्या ठेक्याबाबत केंद्रीय मंत्री नितीन गडकरी यांच्याकडे तक्रार करणार असल्याचेही त्यांनी सांगितले.

सुनील सामंत म्हणाले, ‘शहरातील वाहतुकीला शिस्त लावण्यासाठी व वाहतूक कोंडी रोखण्यासाठी महापालिकेने पे अँड पार्किंगचे ठेके दिले आहेत. पण ठेकेदारांच्या मनमानी वसुलीमुळे वाहनधारकांची डोकेदुखी बनले आहेत. बिंदू चौक येथील पार्किंग ठेका तर येथील कर्मचाऱ्यांच्या दादागिरी आणि जादाच्या वसुलीमुळे सातत्याने गाजत आहेत. मार्च २०१७ ते मार्च २०१८ कालावधीसाठी भारती तानाजीराव माने यांनी वार्षिक ४८ लाख २५ हजार रकमेने घेतला आहे. याबाबत माहिती अधिकारान्वये घेतलेल्या माहितीत धक्कादायक माहिती उघड झाली आहे. चार व सहाचाकी वाहनधारकांना प्रतितास २५ व ३० रुपये आकरणी आहे. येथे त्यापेक्षा अधिक रक्कम घेऊन भाविकांची लूट केली जाते. ज्याप्रमाणात पार्किंग शुल्क घेतले जात आहे, त्याप्रमाणात सुविधा दिल्या जात नाहीत. बिंदू चौकातील हा पार्किंगचा ठेका महापालिकेने स्वत: चालवावा अशी मागणी आहे.’

पत्रकार परिषदेस एम. डी. पाटील, दत्तात्रय भारती, हेमंत वाघमारे, नितीन पाटील, सुशांत गवळी, स्नेहा घोडके, कल्याणी जाधव, पूजा राजापूरकर, हेमा कुलकर्णी, फिरोज शेख, विजय पाटील आदी मंचचे कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

‘स्वयंसिध्दा’ने घडवल्या ४५० उद्योजिका

June 18, 2017, 2:30 pm

≫ Next: समीर गायकवाडची आज सुटका

≪ Previous: बिंदू चौक पार्किंगमध्ये लूट

$

0

0

Bhimgonda.Desai@timesgroup.com

Tweet : @bhimgondaMT

कोल्हापूर ः येथील स्वयंसिद्धा संस्था गेल्या पंचवीस वर्षांपासून महिला सक्षमीकरणासाठी काम करीत आहेत. संस्थेच्या विश्वस्त, संचालिका कांचन परूळेकर यांचा पुढाकाराने आत्तापर्यंत महिला स्वावलंबनाचे विविध उपक्रम राबवण्यात आले असून, या माध्यमातून ४५० उद्योजिका ‌उभ्या राहिल्या आहेत. सरकारची पै चीही मदत न घेता संस्थेने एवढी मोठी प्रगती केली आहे. प्रबोधन, प्रशिक्षण, स्वयंनिर्भरता या त्रिसूत्रीवर महिलांना स्वावलंबनाचे धडे दिले जात आहेत. आतापर्यंत संस्थेने ९ हजार शहरी, ३० हजार ग्रामीण महिलांना संघटित केले. दीडशे उत्तम कार्यकर्त्या तयार केल्या. रौप्यमहोत्सवी वर्षात पदार्पण केलेल्या संस्थेची कामगिरी आदर्शवत आहे.

स्वयंसिद्धाची स्थापना १९९२ साली झाली. महिलांचे आर्थिक स्वावलंबन, सर्वांगीण विकास, क्षमता संवर्धनासाठी उपक्रम राबवण्यात येत आहे. आई उद्योजिका बनली तर पुढची ‌पिढी उद्योजक बनेल, हा मंत्र घेऊन महिला संघटनाचे काम सुरू केले. यासाठी कुटुंबातील प्रमुख महिलेला, आईला छोटे, मोठे व्यवसाय सुरू करण्यास प्रोत्साहन, मार्गदर्शन दिले. त्यांनी बनवलेल्या मालाला बाजारपेठ मिळवून देण्यासाठी स्वयंप्रेरिका महिला सहकारी औद्योगिक संस्था तर ग्रामीण जनतेला पत, प्रतिष्ठा, पैसा प्राप्त करून देण्यासाठी कांचन परूळेकर यांनी डॉ. व्ही. टी. पाटील फाउंडेशनची सुरूवात केली.

संस्थेच्यावतीने आरोग्य, शिक्षणाबरोबरच विविध वस्तू तयार करण्याचे धडेही महिलांना दिले जातात. त्यामुळे गरजू महिलांना स्वयंसिध्दा हे माहेरघर वाटते. छोट्या, मोठ्या उद्योगांची प्रात्यक्षिके, व्याख्याने, यशकथा, अभ्यासभेटी, चित्रफिती, चर्चासत्रे असे उपक्रम सातत्याने राबवण्यात येतात. नाममात्र देणगीमूल्य घेत तीस प्रकारचे व्यवसाय प्र‌शि‌क्षण संस्था देते. संगणक, पर्सेस, विविध हस्तकला, पाककला शिकवली जाते. महाराष्ट्र, कर्नाटक, गोवा येथे जाऊन बचत गटांची स्थापना, उद्योजकीय प्रेरणा देणारे कार्यक्रमही संस्था राबवत असते.

संस्थेतर्फे दरवर्षी ताराराणी विद्यापीठातील गरीब १५० मुलींना आर्थिक मदत, गणवेश दिले जातात. कॉलेजच्या मुलींना ‘कमवा व‌ शिका’ योजनेत सहभागी केले जाते. दहावी नापासासाठी स्वयंसिध्दा स्कूल आहे. तेथे ३० मुलींना व्यवसाय, वर्तणूक शास्त्र शिकवले जाते. ग्रामीण युवतींना स्वावलंबी बनवण्यासाठी खेडोपाडी प्रशिक्षक पाठवून व्यवसाय शिक्षण वर्ग चालवले जातात. माणिकमोती प्रकल्पांतर्गत उद्योग सुरू करू इच्छिणाऱ्यांना यंत्रसामग्री, कच्चामाल पुरवठा केला जातो. आरोग्यम धनसंपदा उपक्रमातून शहरी, ग्रामीण महिला, शालेय विद्यार्थी, भाजीपाला, रिक्षाचालक, हमालांची मोफत आरोग्य तपासणी करण्यात येते.

आजपर्यंत महिलांच्या लैंगिक आरोग्याची काळजी, पौगंडावस्थेतील मुलींसाठी कार्यक्रम घेतले. ९ हजार महिलांना मोफत स्वसंरक्षणाचे धडे दिले. ‘सावित्री, दामिनी की कामिनी’ हे स्वसंरक्षणावर आधारित व्यावसायिक नाटक राज्यभरात सादर केले. ग्रामीण महिलांना सामुदायिक शेती, कंत्राटी शेती, गांडूळ खत निर्मिती, फळबाग व भाजीपाला लागवड, बियाणे बदल, कुक्कुटपालन, शेळीपालन, ससेपालन, शेती अवजारांविषयी संस्थेतर्फे प्रशिक्षण दिले.


शहराच्या विविध भागात प्रदर्शने

महिलांनी उत्पादित मालाला बाजारपेठ मिळवून देण्यासाठी बुधवारी दुपारी १२ ते ३ या वेळेत शहराच्या विविध भागात दरमहा छोटी प्रदर्शने, ‌फिरती बाजारपेठ, वर्षातून चार मोठी प्रदर्शने भरवली जातात. या माध्यमातून बारजापेठ मिळत असल्याने लाखोंची उलाढाल होते.


महिलांच्या सर्वांगीण विकासासाठी २५ वर्षांपासून स्वयंसिद्धा संस्था काम करीत आहे. संस्थेतर्फे अनेक महिलांना विकासाच्या मुख्य प्रवाहात आणले. साडेचारशेजणींना उद्योजिका बनवून स्वावलंबी, आत्मनिर्भर बनवले. सरकारी मदतीशिवाय संस्थेने ही प्रगती साधली.

कांचन परूळेकर, विश्वस्त व संचालिका, स्वयंसिद्धा

मोबाइल अॅप डाउनलोड करा आणि राहा अपडेट

समीर गायकवाडची आज सुटका

June 18, 2017, 2:30 pm

≫ Next: वह्या व पुस्तकांच्या किंमतीत सहा ते दहा टक्के वाढ

≪ Previous: ‘स्वयंसिध्दा’ने घडवल्या ४५० उद्योजिका

$

0

0

म. टा. प्रतिनिधी, कोल्हापूर

ज्येष्ठ नेते, कॉम्रेड गोविंदराव पानसरे हत्येतील मुख्य संशयित, सनानत संस्थेचा मुख्य साधक समीर गायकवाड याला जिल्हा कोर्टाने सशर्त जामीन मंजूर केला आहे. शनिवारी कोर्टाने त्याला सशर्त जामीन मंजूर केला होता. आता आज (सोमवारी) सकाळी जामीन मंजुरीची प्रक्रिया पूर्ण झाल्यानंतर कळंबा मध्यवर्ती कारागृहातून त्याची सुटका होणार आहे.

गोविंदराव पानसरे यांची १६ फेब्रुवारी २०१५ रोजी बंदूकीच्या गोळ्या झाडून हत्त्या झाली होती. या गुन्ह्याचा तपास करण्यासाठी एसआयटीची स्थापना करण्यात आली होती. एसआयटीने १६ सप्टेंबर २०१६ रोजी सनातन संस्थेचा साधक, समीर गायकवाड याला सांगली येथील त्याच्या घरातून अटक करण्यात आली होती. या हत्येचा तपास करताना पोलिसांनी, हिंदू जनजागरण समितीचे डॉ. विरेंद्रसिंह तावडे यालाही अटक केली होती. या गुन्ह्यातील सारंग अकोलकर व विनय पवार हे दोन संशयित आरोपी फरारी आहेत.

समीर गायकवाडला जामीन मिळावा यासाठी त्याच्यावतीने अॅड. समीर पटवर्धन यांनी जिल्हा सत्र न्यायाधीश एल. डी. बिले यांच्या कोर्टात दुसऱ्यांदा अर्ज दाखल केला होता. समीरतर्फे अॅड. पटवर्धन आणि विशेष सरकारी वकील हर्षद निंबाळकर यांनी युक्तीवाद केला. दोन्ही बाजूंकडील युक्तीवादानंतर शनिवारी न्यायाधीश बिले यांनी समीरला जामीन मंजूर केला.

सोमवारी जामीनाबाबतचा आदेश प्राप्त होईल असे समीरचे वकील अॅड. पटवर्धन यांनी सांगितले. ऑर्डर मिळाल्यानंतर कोर्टात दोन जामीनदारांना हजर केले जाईल. या प्रक्रियेच्या पूर्ततेनंतर कोर्टाकडून समीरची मुक्तता होईल. समीरला कोर्टाने कोल्हापूर जिल्ह्यात वास्तव्य करण्यास बंदी घातली असल्याने त्याला कोर्टातून थेट सांगलीला नेण्यात येईल. सांगलीमध्ये समीरचे घर असून तिथे आई आणि दोन भाऊ राहतात.

मोबाइल अॅप डाउनलोड करा आणि राहा अपडेट

---

वह्या व पुस्तकांच्या किंमतीत सहा ते दहा टक्के वाढ

June 18, 2017, 2:30 pm

≫ Next: मंदिर पुजारीमुक्तीसाठी साकडे

≪ Previous: समीर गायकवाडची आज सुटका

$

0

0

कोल्हापूर टाइम्स टीम

शालेय साहित्य खरेदीचा महिना म्हणून ओळखल्या जाणाऱ्या जून महिन्यात पालकांच्या खिशावर यावर्षी वह्या व शालेय साहित्य खरेदीमुळे सहा ते दहा टक्क्यांचा भार पडला आहे. अनुदानित शाळांमध्ये पहिली ते आठवीपर्यंत क्रमिक पुस्तके मोफत मिळत असली तरी वर्षाकाठी किमान दीड ते दोन डझन वह्यांची खरेदी गरजेची आहे. तर नववी आणि दहावीच्या क्रमिक पुस्तकांच्या किंमतीत यावर्षी दहा टक्क्यांपर्यंत वाढ झाली आहे.

कंपास, प्रोजेक्टपेपर, फाइल या सारख्या शैक्षणिक साहित्याच्या किंमतीही वाढल्यामुळे प्राथमिक आणि माध्यमिक शाळेत जाणाऱ्या एका पाल्यासासाठी आर्थिक नियोजनात दीड हजार रूपयांचा खर्च सध्या कुटुंबात होत आहे. १५ जूनपासून प्राथमिक व माध्यमिक शाळा सुरू झाल्या असल्या तरी शाळेच्या पहिल्या आठवड्यातही शालेय साहित्य खरेदीचा माहोल आहे. वह्या, पाठ्यपुस्तकांसह पेन्सिल, कंपास, शालेय प्रोजेक्टसाठी लागणारे कागद, फाइल, कलरपेपर या खरेदीसाठी अजूनही बाजारात गर्दी आहे.

वह्या दरवाढीचे मूळ दुष्काळात

गेल्या दोन वर्षापासून लांबणारा पाऊस, दुष्काळ परिस्थिती याचा परिणाम वृक्षलागवड, संवर्धन आणि पर्यायाने कागदाच्या ​​निर्मितीवर झाला आहे. त्यामुळे कागदाच्या उत्पादनात घट झाल्यामुळे गेल्यावर्षीही वह्यांचे निर्मिती मूल्य सहा टक्क्यांनी वाढले होते. यावर्षीही पाऊस जेमतेम झाल्यामुळे वह्यांच्या निर्मितीमूल्यावर परिणाम झाला आहे. यावर्षी प्रती डझनमध्ये किमतीत दहा टक्क्यांपर्यंत वाढ झाली आहे. यामध्येही शंभरपानी ते दोनशे पानी वह्यांची गरज विद्यार्थ्यांना असते. काही शाळांमध्ये ए फोर या आकारातील वह्यांचा वापर करण्याच्या सूचना विद्यार्थ्यांना देण्यात आल्या आहेत. सध्या वह्यांचे दर किमान २० ते ४० आणि कमाल १६० रूपयांपर्यंत आहेत.

मोफत योजनेमुळे पाठ्यपुस्तकांना मागणी नाही

राज्य सरकारच्या शिक्षण मंडळातर्फे सर्व शिक्षा ​अभियानांतर्गत पहिली ते आठवी इयत्तेसाठी क्रमिक पुस्तके मोफत देण्यात येतात. त्यामुळे पुस्तकांच्या दुकानात पाठ्यपुस्तकांना मागणी नसल्याचे दिसून येत आहे. मात्र नववी व दहावीसाठी मोफत पुस्तके नसल्याने सध्या याच इयत्तांसाठीच्या पाठ्यपुस्तकांच्या खरेदीसाठी गर्दी होत आहे. नववीचा अभ्यासक्रम यावर्षी बदलण्यात आला आहे. इंग्रजी माध्यमांच्या शाळा सुरू होऊन तीन आठवडे तर मराठी माध्यमाच्या शाळा सुरू होऊन पहिला आठवडा उलटत आला तरी अद्याप नववीच्या भाषा विषयाची पुस्तके बाजारात उपलब्ध नाहीत. गेल्यावर्षी नववीच्या सर्व विषयांच्या पुस्तकांचा सेट सहाशे तर सातशे रूपयांपर्यंत होता. यावर्षी यामध्ये दहा टक्क्यांनी वाढ झाली आहे. साडेआठशे रूपयांपर्यंत नववी व दहावीच्या केवळ क्रमिक व अन्य शैक्षणिक उपक्रमांच्या पुस्तकांचा खर्च आहे.


पुस्तकांच्या किमती बालभारतीतर्फे नि​श्चित केल्या जातात. दरवर्षी या किमतीत वाढ होत असली तरी ती दहा टक्क्यांपेक्षा अधिक नसते. शिवाय कागद उत्पादनात घट झाल्यामुळे यावर्षी कागदाच्या निर्मिती मूल्यात वाढ झाली आहे. वह्यांच्या किमती जरी वाढल्या असल्या तरी प्रतीडझन १०० रूपयांपासून ५०० रूपयांपर्यत दरामध्ये पर्याय आहेत. तसेच होलसेलमध्ये वह्या खरेदी करणाऱ्या पालकांना कमी किमतीत मिळू शकतात.

वैशाली लिमये, वितरक

जून महिन्यात शालेय साहित्याचा भार पडतो. अनुदानित शाळांमध्ये क्रमिक पुस्तके सरकारकडून मिळत असल्याने पुस्तकांचा खर्च नसला तरी सध्या अनेक शाळांमध्ये विविध शैक्षणिक उपक्रम राबवले जातात. त्यासाठी काही प्रोजेक्ट मुलांना देतात. यासाठी कागद, फाइल्स यांची खरेदी करावीच लागते. तर वह्यांमध्येही फुलस्केप वह्या आणण्याची सक्ती काही शाळांमध्ये केली जाते. उजळणीच्या तासासाठी वेगळ्या वह्या घ्याव्या लागतात. प्रत्येक पाल्यासाठी दीड ते दोन हजार रूपये खर्च केवळ शालेय साहित्यावर होत आहे.

नीलम कुलकर्णी, पालक

पुस्तके मोफत मिळत असली तरी फुलस्केप वह्यांमुळे वह्यांवर होणारा खर्च वाढला आहे. शाळेत ज्या वस्तू आणायला सांगितल्या जातात त्या पालकांना सांगणे आवश्यक असते. शिवाय काही विषयांवर प्रोजेक्ट करावे लागत असल्यामुळे वह्यांच्या व्यतिरिक्त प्रोजेक्टपेपर, मार्कर, मोजपट्टी, फाइल्स या साहित्याचीही गरज लागते. त्यामुळे गरजेचे असलेल्या शैक्षणिक सा​हित्याची मागणी पालकांकडे करावी लागते.

गौरी निकम, विद्यार्थिनी

मोबाइल अॅप डाउनलोड करा आणि राहा अपडेट

मंदिर पुजारीमुक्तीसाठी साकडे

June 18, 2017, 2:30 pm

≫ Next: पेट्रोल-डिझेल दराचा घोळ सुरू

≪ Previous: वह्या व पुस्तकांच्या किंमतीत सहा ते दहा टक्के वाढ

$

0

0

म. टा. प्र‌तिनिधी, कोल्हापूर

श्री अंबाबाई मंदिर पुजारीमुक्त झालेच पाहिजे, अशी मागणी करत भाविक व सर्वपक्षीय कार्यकर्त्यांनी रविवारी मंदिराचा परिसर दणाणून सोडला. तसेच गाभाऱ्यात गर्दी केलेल्या पुजाऱ्यांपैकी काहींना बाहेर काढण्यास पोलिसांना भाग पाडले. यावेळी पुजारी आणि कार्यकर्त्यांमध्ये किरकोळ बाचाबाची झाली. मंदिर पुजारीमुक्त करण्याच्या मागणीसाठी हे आंदोलन सुरू करण्यात आले असून, त्यासाठी श्रीपूजकांनाच सुबुद्धी दे, असे साकडे त्यांनी घातले.

गर्भकुडीमध्ये दहा पुजारी असल्यामुळे संतप्त भक्तांनी पुजाऱ्यांना बाहेर काढण्याची मागणी केली. त्यानंतर पोलिसांनी कायदा आणि सुव्यवस्थेचा विचार करत त्यांपैकी पाच ते सहा पुजाऱ्यांना बाहेर काढले. यावेळी स्वाभिमान संघटनेचे सचिन तोडकर व सचिन खांडेकर यांनी मंदिरात घुसण्याचा प्रयत्न केला. जोपर्यंत अंबाबाई मंदिर पुजारीमुक्त होत नाही तोपर्यंत न्यायालयीन तसेच रस्त्यावरची लढाई सुरुच ठेवण्याचा निर्धार यावेळी करण्यात आला. रविवारी सकाळी १० च्या सुमारास जुना राजवाडा पोलिस ठाण्यात भक्त व कार्यकर्ते जमा झाले. ‘छत्रपती शाहू महाराज की जय’, ‘अंबाबाईच्या नावानं चांगभलं’, ‘जय जिजाऊ, जय शिवराज’ अशा जयघोषात सर्वांनी गाभाऱ्यात प्रवेश केला. छत्रपती शाहू महाराज यांचा अवमान केल्याप्रकरणी सुरुवातीलाच पुजाऱ्यांचा निषेध करण्यात आला.

समाजिक कार्यकर्ते दिलीप देसाई यांनी राजर्षी शाहू महाराजांचा वटहुकूम आणि ठराव ‘तथाकथित’ करुन अवमान केला आहे. पुजाऱ्यांपासून मंदिर मुक्त कर, त्यासाठी पुजाऱ्यांनाच सुबुद्धी दे, असे गाऱ्हाणे घातले.

शिवसेनेचे विजय देवणे म्हणाले, ‘अंबाबाई मंदिर पुजारीमुक्त होण्यासाठी रस्त्यावरची आणि न्यायालयीन अशा दोन्ही पातळ्यांवर संघर्ष सुरु ठेवायचा आहे. राजर्षी छत्रपती शाहू महाराज यांच्या वटहुकूमाची अंमलबजावणी अंबाबाई भक्त करुन दाखवतील. त्यासाठी बुधवारी जिल्हाधिकाऱ्यांना निवेदन देण्यात येईल.’

आंदोलनाच्या पार्श्वभूमीवर कडक बंदोबस्त ठेवण्यात आला होता. अंबाबाईला साकडे घालण्यासाठी आलेल्या महिलांची संख्याही लक्षणीय होती. मराठा महासंघाचे अध्यक्ष वसंतराव मुळीक, ज्येष्ठ अभ्यासक डॉ. सुभाष देसाई, अवधूत साळोखे, राष्ट्रवादीचे शहरप्रमुख राजू लाटकर, माजी आमदार सुरेश साळोखे, पद्माकर कापसे, दुर्गेश लिंग्रस, शिवसेनेचे शहर प्रमुख विजय देवणे, बाबा पार्टे, आर. के. पोवार, शिल्पकार अशोक सुतार, सुहास साळोखे, फिरोज उस्ताद, साताप्पा शिंगे, शुभांगी पोवार, सुजाता सोहनी, रिया पाटील, दीपाली शिंदे, नेहा मुळीक, जहिदा मुजावर, मंजिरी वालावलकर, सुजाता चव्हाण, सुमन वाडेकर आदी उपस्थित होते.

मोबाइल अॅप डाउनलोड करा आणि राहा अपडेट

पेट्रोल-डिझेल दराचा घोळ सुरू

June 18, 2017, 2:30 pm

≫ Next: डल्ला मारलेल्या घरातच करायचा नाश्ता

≪ Previous: मंदिर पुजारीमुक्तीसाठी साकडे

$

0

0

म. टा. प्रतिनिधी, कोल्हापूर

पेट्रोल आणि डिझेलचे दर आता दररोज सकाळी सहा वाजता बदलण्याच्या निर्णयामुळे अनेक पंपांवर घोळ सुरू झाला आहे. दररोज किंमत बदलामुळे शिल्लक स्टॉकच्या किमतीचा लाखोंचा फटका पंपचालकांना बसण्याबरोबरच पंपांवर इंधनाचे दर वेगवेगळे राहिल्याने ग्राहकांमध्ये संभ्रमावस्था कायम आहे. शहरात दिवसभरात २७ पैकी केवळ १० पंपांवर इंधन दर बदलाचे फलक लावले. त्यामुळे ग्राहकांना पंपावर प्रतिलिटर दराबाबत विचारणा करावी लागली. इंडियन ऑईल कॉर्पोरेशन, भारत पेट्रोलियम आणि हिंदुस्थान पेट्रोलियमचे पेट्रोल आणि डिझेलचे दर वेगवेगळे राहिले.

दरातील बदलांमुळे भारतीय इंधन बाजाराला आंतरराष्ट्रीय दर्जा प्राप्त होईल. त्याचा ग्राहक आणि व्यापारी या दोघांनाही खरेदी व्यवस्थापनात मदत होईल. पेट्रोल आणि डिझेलच्या दरात १५ दिवसांनी अचानक मोठा बदल झाल्यास त्याचा फटका ग्राहकांना बसतो. त्यासाठी दररोज दर बदलल्यास त्याचा अधिक फायदा ग्राहकांना होईल, असा अंदाज व्यक्त करून सरकारी तेल कंपन्यांनी आंतरराष्ट्रीय बाजारभावानुसार दररोज पेट्रोल-डिझेलच्या दरात बदल करण्याच्या निर्णय घेतला. जिल्ह्यात २६३ पेट्रोल आणि डिझेल पंप आहेत. पैकी शहरात २७ पंप आहेत. पैकी काही पंप शहराच्या हद्दीजवळ आहेत. जिल्ह्यातील काही पंपांवर अॅटोमेशन, डिजिटल तंत्रज्ञानाची उपलब्धता नसल्याने इंधन दराची माहिती पेट्रोल पंपमालकांनी फलक लावून ग्राहकांना दिली. सोशल नेटवर्कच्या माध्यमातून दररोज रात्री सात वाजता नवीन बदललेल्या दराची माहिती पेट्रोल पंपचालकांना दिली जात आहे.

तीन प्रमुख कंपन्यांसह जिल्ह्यात काही कंपन्यांचे पेट्रोल आणि डिझेल पंप आहेत. या ठिकाणी इंधन दर कमी असल्याने पंपचालकांत स्पर्धा सुरू होणार आहे. कमी दरात इंधन मिळणाऱ्या पंपावर ग्राहकांची गर्दी होण्याची शक्यता नाकारता येत नाही. पेट्रोलियम कंपन्यांतर्फे अद्याप जिल्ह्यातील पंपांवर डिजिटल बोर्ड दिलेले नाही. त्यामुळे काही पंपांवर असले तरी नादुरुस्त आहे. त्यामुळे ग्राहक डिजिटल बोर्डावरील दरफलक पाहून पेट्रोलियम कंपनीची निवड करण्याची शक्यता आहे.

मोबाइल अॅप डाउनलोड करा आणि राहा अपडेट

डल्ला मारलेल्या घरातच करायचा नाश्ता

June 18, 2017, 2:30 pm

≫ Next: डासांच्या उपद्रवामुळे नागरिकांना त्वचेचे विकार

≪ Previous: पेट्रोल-डिझेल दराचा घोळ सुरू

$

0

0

म. टा. प्रतिनिधी, कोल्हापूर

चोरी केलेल्या घरात नाष्टा आणि जेवण करायचे, त्याच घराच्या शौचालयाचा वापर करायचा अशा चोरट्यांच्या विचित्र सवयींवरून कोल्हापूर पोलिसांनी उस्मानाबाद पोलिसांच्या मदतीने घरफोड्या करणाऱ्या चड्डी-बनियन गँगचा पर्दाफाश केला. एकूण ६० घरफोड्या या टोळीने केल्या आहेत.

एप्रिल आणि मे महिन्यात कोल्हापूर शहरासह ग्रामीण भागात चोरट्यांनी धुमाकूळ माजवल्याने नागरिकांत घबराट पसरली होती. कोल्हापूर शहरासह उपनगरात दर आठवड्याला सरासरी सहा ते दहा बंगले, फ्लॅट फोडून चोऱ्या झाल्या. वाढत्या चोरीच्या प्रकारांनी पोलिसांच्या कार्यक्षमतेवर प्रश्नचिन्ह निर्माण झाले होते. स्थानिक गुन्हे अन्वेषण विभागाने, चोरी झालेल्या ठिकाणांची पाहणी करुन तपासास सुरुवात केली होती. या चोरट्यांनी अनेक घरांत खाद्यपदार्थांचे डबे उघडून ताव मारला होता. काही घरात चोरी केल्यानंतर भाजी, भाकरी, भात-आमटी असे जेवण त्यांनी घेतल्याचे निदर्शनास आले होते. तर काही ठिकाणी घरातील शौचालयाचा वापर त्यांनी केल्याचे आढळले होते. चोरट्यांच्या या सवयी लक्षात घेऊन हे चोरटे स्थानिक नसून परजिल्ह्यातील असल्याचा पोलिसांनी अंदाज बांधला. जेवण, नाष्टा अशा सवयी नोंदवलेल्या राज्यातील चोरट्यांचा माग काढण्यास पोलिसांनी सुरूवात केली.

पोलिसांनी दुसरीकडे चोरी झालेल्या ठिकाणी मोबाइल क्रमांकांचा तपास केला. यावेळी काही क्रमांकावरून त्या दिवशी सकाळी कॉल झाल्याचे लक्षात आले. एकाच मोबाइलवर हे कॉल झाल्याचे लक्षात आले. पोलिसांनी हे मोबाइल क्रमांक तपासल्यावर तो मोबाइल उस्मानाबाद जिल्ह्यातील असल्याचे लक्षात आले. त्यानंतर स्थानिक गुन्हे अन्वेषण विभागाच्या दोन उपनिरीक्षकांसमवेत एक टीम सात दिवस उस्मानाबाद जिल्ह्यात तपासासाठी पाठवली. त्यांना कळंब पोलिसांची मदत मिळाली. या परिसरातील एक टोळी स्थानिक सराफांना चोरीचे दागिने विकत असल्याचे माहिती मिळाल्यावर त्यादृष्टीने पोलिसांनी लक्ष केंद्रीत केले. त्यानंतर दत्ता आत्माराम काळे (वय २६), रामेश्वर छना शिंदे (३९), राजेंद्र आबा काळे (२४), अनिल भगवान काळे (२४) या चौघांना कळंब पोलिसांच्या मदतीने ताब्यात घेतले. त्यांच्याकडे चौकशी केली असता, त्यांनी कोल्हापुरात घरफोड्या, चोऱ्या केल्याची कबुली दिली.

कळंबहून या चोरट्यांना कोल्हापुरात आणल्यावर स्थानिक गुन्हे अन्वेषण विभागाचे निरीक्षक दिनकर मोहिते यांनी त्यांच्याकडे चौकशी केली. यावेळी कोल्हापूर जिल्ह्यात ६० चोऱ्या केल्याची कबुली त्यांनी दिली. ही टोळी मिळेल त्या वाहनाने, कोल्हापुरात येत असे. दिवसभर बागेत आणि अन्य ठिकाणी राहायचे, बंद असलेले फ्लॅट, बंगले हेरायचे अशी त्यांची पद्धती होती. त्यानंतर रात्री शर्ट आणि पँट काढून ही टोळी चोऱ्या करायची. हे सर्वजण ग्रामीण भागात चोऱ्या करताना दिवसभर ऊसात अथवा डोंगरात विश्रांती घ्यायचे अशी माहिती पुढे आली. एकाच दिवशी आठ ते दहा ठिकाणी चोरी अशाप्रकारे सलग तीन दिवस चोऱ्या करुन ही टोळी पुन्हा गावाकडे जायची. टोळी रेकॉर्डवर नसल्याने त्यांचा धंदा बिनबोभाट सुरू होता. आता या टोळीतील आणखी चार जणांचा शोध सुरू आहे. या टोळीने ५०० चोऱ्या केल्याचे माहिती प्राथमिक तपासात पुढे आली आहे.

मोबाइल अॅप डाउनलोड करा आणि राहा अपडेट

डासांच्या उपद्रवामुळे नागरिकांना त्वचेचे विकार

June 18, 2017, 2:30 pm

≫ Next: तरू विक्रीने फुलले रस्ते

≪ Previous: डल्ला मारलेल्या घरातच करायचा नाश्ता

$

0

0

राहुल मगदूम, कसबा बावडा

कसबा बावडा ते कदमवाडी रस्त्यावरील असणारा झूम कचरा प्रकल्प गेली अनेक वर्षे बंद असूनही संपूर्ण शहरातील कचरा येथे टाकल्यामुळे येथील आजूबाजूच्या परिसरात लांबपर्यत कचऱ्याची दुर्गंधी पसरलेली असते. भटकी कुत्री, माश्या डास यांचा प्रचंड त्रास होत असून, डासामुळे जखमा होत आहेत. पेटलेल्या कचऱ्यामुळे हवेचे प्रदूषण होते. पावसाळ्यात तर येथील परिसरातील नागरिकांचे आरोग्य धोक्यात येते. देवर्डे मळा येथील नागरिक तर मरणयातना भोगत असल्याच्या अवस्थेत आहोत, असे सांगतात. या ठिकाणी जवळपास आठ ते दहा लाख मेट्रिक टन प्रक्रिया न केलेला कचरा पडून आहे.

शिवसेनेने कचरा प्रकल्पाविरुद्ध आंदोलन सुरू केले आहे. आंदोलनाचे हे लोन लवकरच लाइन बाजार, कदमवाडी, भोसलेवाडी, जाधववाडी या परिसरात पसरेल, अशी चिन्हे आहेत. या परिसरातील कार्यकर्ते पुन्हा कचरा प्रकल्पाच्या विरुद्ध आंदोलनाच्या तयारीत आहेत.

झूम प्रकल्पाला विरोध म्हणून २००४ साली निवृत्ती चौगले यांनी जनहित याचिका दाखल केली. परंतु झूम बायोफर्टिलायझरच्या व्यवस्थापनाने न्यायालयात हा प्रकल्प शहरापासून पाच किलोमीटर लांब व नागरी वस्तीपासून दूर असल्याचे सांगितले आणि परवानगी घेतली. परंतु, त्यानंतर काही वर्षांत प्रकल्प बंद पडला. त्यावेळी तेथे बारा हजार मेट्रिक टन कचरा होता. नंतरच्या काळात उदासीन लोकप्रतिनिधी व अधिकाऱ्यांमुळे प्रकल्पावर आठ ते दहा टन प्रक्रिया न झालेला कचरा पडून आहे. महापालिकेवर तर प्रदूषण नियंत्रण मंडळाने कित्येकदा फौजदारी दाखल केली. परंतु महापालिकेने हा विषय अद्याप गांभीर्याने घेतलेला नाही. कायम खोटी आश्वासने देत अधिकाऱ्यांनी वेळ मारून नेली.


अधिकारीच दोषी

टोप खणीचा ताबा महापालिकेस मिळाला होता परंतु ग्रामस्थांनी उच्च न्यायालयातून स्थगिती मिळवली. कारण महापालिकेच्या जबाबदार अधिकाऱ्यांनी या प्रकल्पाच्या पूर्ततेसाठी लागणारी कागदपत्रे जमवली नव्हती. न्यायालयात विचारणा केल्यानंतर अधिकाऱ्यांची धावपळ उडाली होती.


गेल्या सहा महिन्यांपासून कचरा मोठ्या प्रमाणात पेटवला जात आहे. तो विझवण्याची दिखावेगिरी केली जाते. कचरा आणि त्यातील प्लास्टिकच्या धुरामुळे नागरिकांचे जगणे मुश्किल झाले आहे. अधिकारी थापाबाजी करत आहेत. या महिन्यात चारवेळा मोठा पाऊस पडूनही कचऱ्याचे ढीग विझलेले नाहीत.

निवृत्ती तुकाराम चौगुले, जनहित याचिकाकर्ते

मोबाइल अॅप डाउनलोड करा आणि राहा अपडेट