सुवर्ण पालखी सोमवारी अर्पण

April 28, 2017, 2:30 pm

≫ Next: दारू दुकाने अधांतरी

≪ Previous: विजेच्या धक्क्याने वायरमनचा मृत्यू

$

0

0

म. टा. प्रतिनिधी, कोल्हापूर

अंबाबाई देवीसाठी तयार करण्यात आलेली साडे बावीस किलोची सुवर्णपालखी सोमवारी (दि. १ मे) देवीला अर्पण करण्यात येणार असल्याची माहिती श्री करवीरनिवासिनी महालक्ष्मी सुवर्ण पालखी ट्रस्टचे अध्यक्ष खासदार धनंजय महाडिक यांनी पत्रकार परिषदेत दिली. मूर्तीच्या पुनर्प्रतिष्ठापनेला ३०० वर्षे पूर्ण झाल्यानिमित्त दोन वर्षांपूर्वी सुवर्णपालखीचा संकल्प करण्यात आला होता.

पालखी हस्तांतरण सोहळा भवानी मंडपात सायंकाळी साडेपाच वाजता तमिळनाडू कांचीपुरममधील श्री कांची कामकोटी पीठाचे पीठाधिपती जयेंद्र सरस्वती स्वामी, आंध्र प्रदेश राघवेंद्र स्वामी मठाचे सुबूधेंद्रतीर्थ स्वामी व करवीर पीठाचे विद्यानृसिंह स्वामी या तीन शंकराचार्यांच्या उपस्थितीत होणार आहे. अध्यक्षस्थान शाहू छत्रपती महाराज भूषविणार आहेत. पालकमंत्री चंद्रकांत पाटील यांच्या हस्ते पालखीची कागदपत्रे देवस्थान समितीचे अध्यक्ष तथा जिल्हाधिकारी अविनाश सुभेदार यांच्याकडे सुपूर्द करण्यात येणार आहेत. यावेळी महापौर हसीना फरास यांच्या हस्ते स्मरणिकेचे प्रकाशन होणार आहे.

यावेळी माहिती देताना खासदार महाडिक म्हणाले, ‘पालखीसाठी १९ हजार भाविकांकडून २६ किलो सोने देणगी स्वरुपात ट्रस्टकडे जमा झाले. त्यापैकी प्रभावळ, मोर्चेल आणि चवऱ्या तयार करण्यासाठी साडेतीन किलो सोन्याचा वापर करण्यात आला. पालखीसाठी आठ कोटी रुपयांचा खर्च झाला आहे. कारागीर गणेश चव्हाण यांनी वेदमूर्ती सुहास जोशी यांच्या सूचनेनुसार पालखी तयार केली आहे. अंबाबाईच्या भक्तांमुळे सुवर्णपालखीचा संकल्प अवघ्या दोन वर्षांमध्ये पूर्णत्वास आला. या सुवर्णपालखीमुळे कोल्हापूरचे पर्यटनही वाढेल, असा विश्वासही त्यांनी व्यक्त केला.

कार्याध्यक्ष भरत ओसवाल म्हणाले, ‘पालखीसाठी समाजाच्या सर्वच स्तरांतून भरभरून मदत मिळाली. व्यवहारात अत्यंत पारदर्शीपणा जपला आहे. पालखीसाठी जमलेल्या सोन्याचे हॉलमार्किंग करण्यात आले आहे.’

यावेळी जितेंद्र पाटील, दिगंबर इंगवले, समीर शेठ, आर. डी. पाटील, के. रामाराव, नंदकुमार मराठे यांच्यासह ट्रस्टचे पदाधिकारी उपस्थित होते.

एक हजार सुवासिनींकडून महाआरती

पालखी हस्तांतरण सोहळ्यानिमित्त अंबाबाई मंदिराला आकर्षक फुलांची सजावट करण्यात येणार आहे. सजावटीसाठी परदेशी फुलांचाही वापर होणार आहे. अहमदाबाद येथील आकर्षक विद्युत्दीपांनी मंदिर परिसर उजळून निघणार आहे. सोहळ्यादरम्यान पारंपरिक वाद्यांचा गजर होणार आहे. हा सोहळा झाल्यावर रात्री आठ वाजता एक हजार सुवासिनी हातात दीप घेऊन देवीची महाआरती करणार आहेत.

मोबाइल अॅप डाउनलोड करा आणि राहा अपडेट

---

दारू दुकाने अधांतरी

April 28, 2017, 2:30 pm

≫ Next: स्थायीत प्रशासन धारेवर

≪ Previous: सुवर्ण पालखी सोमवारी अर्पण

$

0

0

म. टा. प्रतिनिधी, कोल्हापूर

दारु दुकानांच्या प्रश्नाच्या पार्श्वभूमीवर रस्ते हस्तांतरणाचा निर्णय दूरगामी परिणाम करणारा असल्याने हा विषय महासभेसमोर जाणे योग्य राहील, असे मत आयुक्त डॉ. अभिजीत चौधरी यांनी मांडले. तसेच सरकार अथवा सभागृहाकडून काही निर्देश येत नाही, तोपर्यंत महापालिका प्रशासनाकडून स्वतःहून प्रस्ताव मांडला जाणार नसल्याचेही स्पष्ट करीत हा विषय टोलवून लावला. त्यामुळे पालकमंत्री चंद्रकांत पाटील यांनी ‘रस्ते हस्तांतरणासाठी महासभेच्या ठरावाची आवश्यकता नाही,’ असे सांगितले असले तरी महापालिका प्रशासन स्वतःहून याबाबतचा निर्णय घेणार नाही हे स्पष्ट झाले.

महामार्ग तसेच राज्य मार्गाच्या ५०० मीटरच्या अंतरातील दारु दुकाने बंद करण्याच्या सुप्रीम कोर्टाच्या आदेशाप्रमाणे शहरातील १६१ दुकाने, बार बंद झाले. पण, शहरातील रस्ते महापालिकडे हस्तांतरण करुन ही दुकाने, बार पूर्ववत सुरु करण्याच्या हालचाली सुरु झाल्या आहेत. अनेक शहरांमध्ये त्यानुसार ठराव करण्यात आले. त्या ठरावांनुसार सरकारने रस्ते हस्तांतरित केल्याने दुकाने पूर्ववत सुरु झाली. त्यानुसार शहरातील रस्तेही महापालिकेकडे हस्तांतरीत करण्याचा ठराव मांडण्यासाठी नगरसेवकांमध्ये चर्चा सुरु झाली आहे. मात्र हा ठराव कसा व कोणत्या आधारे करायचा याबाबत गेल्या महिन्यापासून माहिती घेतली जात आहे. याबाबत प्रशासनाकडून थेट ठराव मांडण्याची शक्यता कमी होती. सरकारकडून काही आदेश आल्याशिवाय प्रशासनाकडून महासभेसमोर ठराव मांडला जाणार नव्हता. या पार्श्वभूमीवर पालकमंत्री पाटील यांनी महासभेच्या ठरावाची आवश्यकता नाही. आयुक्तांच्या एका पत्रावर रस्ते हस्तांतरीत केले जाऊ शकतात, असे सांगितले होते.

याबाबत आयुक्त डॉ. चौधरी यांच्याशी चर्चा केली असता ते म्हणाले, ‘सरकारचा आदेश अथवा पदाधिकाऱ्यांकडून मागणी केली जात नाही तोपर्यंत प्रशासन यात स्वतःहून ठराव मांडणार नाही. हा विषय संवेदनशील असल्याने व दूरगामी परिणाम करणारा असल्याने निर्णयासाठी महासभेसमोर जाणेच योग्य राहणार आहे.’ आयुक्तांच्या स्पष्ट भूमिकेमुळे शहरातील रस्ते हस्तांतरणाचा विषय सरकारच्या अथवा नगरसेवकांच्या पुढाकाराशिवाय पुढे सरकरणार नाही.

थेट पाइपलाइनच्या मुळाशी जाणार

दरम्यान, थेट पाइपलाइनचे काम निम्मेही झालेले नसताना घोटाळ्याचे प्रकरण उघडकीस आल्याने योजनेच्या कामावर परिणाम होऊ नये, यासाठी आयुक्त चौधरी यांनी प्रकरणाच्या मुळापर्यंत जाण्याचे ठरवले आहे. त्यासाठी शुक्रवारी सकाळी तातडीने उपायुक्तांसह पाणीपुरवठा विभागातील अधिकाऱ्यांची बैठक घेऊन योजनेच्या कामावर बारकाईने लक्ष देण्याचे व बैठक होईपर्यंत बिले न देण्याचे आदेश त्यांनी दिले. तसेच पुढील आठवड्यात ​कन्सल्टंट, महाराष्ट्र जीवन प्राधिकरण, महापालिका लेखापरीक्षकांची बैठक घेऊन टेंडरमधील अटी-शर्थींचा विचार करुन धोरण निश्चित करणार आहेत. दरम्यान, टेंडरमध्येच ढोबळ रकमेच्या प्रकाराची तरतूद असल्याने या प्रकाराला घोटाळा म्हणता येणार नाही, असे मत आयुक्त डॉ. चौधरी यांनी पत्रकारांशी बोलताना व्यक्त केले.

मोबाइल अॅप डाउनलोड करा आणि राहा अपडेट

स्थायीत प्रशासन धारेवर

April 28, 2017, 2:30 pm

≫ Next: भारतीय शुगरशी विद्यापीठाचा एमओयू

≪ Previous: दारू दुकाने अधांतरी

$

0

0

म. टा. प्रतिनिधी, कोल्हापूर

थेट पाइपलाइनमधील साडेचार किलोमीटर लांबीची लाइन कुठे टाकायची याबाबत निर्णय दिलेला नाही, त्यामुळे कामात अडचणी आहेत. पावसाळा तोंडावर आला तरी अजून अनेक कामांना मंजुरी मिळालेली नाही. हजेरी नोंदवण्याच्या मशिनमध्ये त्रुटी असल्याने कर्मचाऱ्यांना पगार मिळत नाही. आरोग्य कर्मचाऱ्यांच्या गैरहजेरीचे प्रमाण जास्त असल्याने नागरिकांना कचऱ्याचा त्रास सहन करावा लागत आहे. अनेक अधिकाऱ्यांची गरज असून त्याबाबत काही हालचाली होत नाहीत. प्रशासनातील अनेक कामाबाबत निर्णय प्रलंबित असून त्याबाबत अधिकाऱ्यांच्या दुर्लक्षाचा फटका नगरसेवकांपासून ठोक मानधनावरील कर्मचाऱ्यांना बसत आहे. यावरुन स्थायी समितीच्या बैठकीत प्रशासनाला धारेवर धरले. दरम्यान, आयुक्त डॉ. अभिजित चौधरी स्थायी समितीच्या बैठकीस उपस्थित नव्हते. त्यामुळे त्यांना बोलवून घेतल्यानंतर बैठक सुरू करण्यात आली.

थेट पाइपलाइनच्या कामाची मुदत संपली तरी अजूनही ३५ टक्क्यावर काम गेलेले नाही. अशा परिस्थितीत कामातील घोटाळ्यामुळे ही योजना पुर्ण चर्चेत आली आहे. शुक्रवारी झालेल्या स्थायी समितीच्या बैठकीत योजनेच्या कामावरच जास्त चर्चा झाली. सत्यजित कदम यांनी जवळपास साडेचार किलोमीटर लांबीची लाइन कुठे टाकायची याचा निर्णय दिलेला नाही. कन्सल्टंट व कंत्राटदार महापालिकेत येत नाहीत. त्यांना येणाऱ्या अडचणी निदर्शनास आणल्या जात नाहीत. अधिकारी परस्पर बैठकींना जात असतात. कामाला मुदतवाढ देण्याबरोबरच विजेचे खांब हलवणे, तोडलेल्या झाडांची लाकडे जमा होत नाहीत, अशा अनेक बाबींकडे लक्ष दिले जात नसल्याचा आरोप केला.

अनेक भागात कर्मचारी कमी असल्याने कचरा उठाव होत नाही. त्याचा फटका नागरिकांना बसत आहे. राजारामपुरीसारख्या मोठ्या भागात कचऱ्याचे प्रमाण जास्त असताना तिथे कर्मचाऱ्यांच्या गैरहजेरीचे प्रमाण जास्त आहे असे प्रतिज्ञा निल्ले यांनी निदर्शनास आणून दिले. तर नवीन घंटागाड्या अजून पुर्ण क्षमतेने सुरू होण्यापूर्वीच खराब होत असल्याचे उमा इंगळे यांनी सांगितले. कर्मचाऱ्यांकडून केल्या जाणाऱ्या कामाबाबत दुर्लक्ष होत आहे, तसेच कर्मचाऱ्यांच्या पगाराबाबतही प्रशासनाचे लक्ष नाही. ठोक मानधनावरील असलेल्या कर्मचाऱ्यांना पगार वाढवून देण्याचे तसेच सावित्रीबाई फुले रुग्णालयातील आयसीयू रुम व डॉक्टर भरतीबाबतही दुर्लक्ष होत असल्याचे जयश्री चव्हाण यांनी विषय मांडला. कळंबा फिल्टर हाऊसवरील बायोमेट्रिक मशिनचे काम व्यवस्थित होत नसल्याच्या वारंवार तक्रारी आहेत. त्यामुळे अनेक कर्मचाऱ्यांना पगार मिळत नाही. त्यातून कर्मचाऱ्यांमध्ये असंतोष असताना त्याबाबतही दोन ते तीन महिन्यात काहीच उपाय करण्यात आले नसल्याची वस्तुस्थिती राहुल माने, कविता माने यांनी मांडली.

बजेट मिळणार कधी?

थेट लाइनपाठोपाठ प्रभागातील थांबलेल्या विकास कामांचा मुद्दा सदस्यांनी प्रकर्षाने उपस्थित केला. बजेट सादर होऊन महिना झाला तरी अजून कामे मंजूर होत नाहीत. नवीन सभागृहाचे कामकाज सुरू झाल्यापासून अनेक नगरसेवकांना व्यवस्थित निधी मिळालेला नाही. त्यामुळे नगरसेवकांमध्ये अस्वस्थता आहे. सध्या पावसाळा तोंडावर आला असताना त्यापूर्वी काही कामे झाली नाही तर ऑक्टोबरपर्यंत कामे होणार नाही. त्यामुळे कामांच्या मंजुरीसाठी वेळ वाया जात असल्याने विकास कामे केंव्हा करायची असा सवाल पिरजादे व कदम यांनी उपस्थित केला.

मोबाइल अॅप डाउनलोड करा आणि राहा अपडेट

भारतीय शुगरशी विद्यापीठाचा एमओयू

April 28, 2017, 2:30 pm

≫ Next: दहा हजार टवाळखोरांना दणका

≪ Previous: स्थायीत प्रशासन धारेवर

$

0

0

म. टा. प्रतिनिधी, कोल्हापूर

‘पश्चिम महाराष्ट्रासह देशातील साखर उद्योगासमोर अनेक आव्हाने उभी आहेत. त्यांचा ऊहापोह करून या उद्योगाला दिशा देण्याचे काम भारतीय शुगरसमवेत झालेल्या सामंजस्य कराराच्या माध्यमातून व्हावे’, अशी अपेक्षा प्र-कुलगुरू डॉ. डी.टी. शिर्के यांनी व्यक्त केली. विद्यापीठाच्या अर्थशास्त्र अधिविभागाच्या पुढाकाराने पुणे येथील भारतीय शुगर आणि शिवाजी विद्यापीठ यांच्या दरम्यान सहकार्यवृद्धीबाबत सामंजस्य करार करण्यात आला. त्यावेळी ते बोलत होते.

डॉ. शिर्के म्हणाले, ‘साखर उद्योग सध्या विविध अडचणींतून वाटचाल करीत आहे, हे खरे असले तरी या उद्योगातील व्यवस्थापन आणि गुंतलेल्या अर्थकारणाला योग्य दिशा दिल्यास या उद्योगाचे आणि त्याच्याशी संबंधित शेतकऱ्यांचेही भवितव्य उज्ज्वल आहे. त्यामुळे विद्यापीठ पातळीवर आंतरविद्याशाखीय सहकार्यातून या उद्योगात गुंतलेल्या विविध प्रवाहांचा वेध घेण्यात यावा आणि त्यातून या उद्योगास योग्य दिशा दर्शविण्याचे काम साध्य व्हावे. त्यासाठी भविष्यात विविध उपक्रमांचे वेळापत्रक तयार करून त्या अनुषंगाने कार्यवाही करावी.’

भारतीय शुगर संस्थेविषयी संस्थापक अध्यक्ष विक्रमसिंह शिंदे यांनी माहिती दिली. १९७५ साली स्थापन झालेली ही संस्था साखर उद्योगास आवश्यक प्रशिक्षणार्थ उपक्रम राबवते. भारतीय शुगर हा पुरस्कारही संस्थेमार्फत देण्यात येतो. २०१२-१३ पासूनच शिवाजी विद्यापीठाच्या सहकार्याने साखर उद्योगाविषयी चर्चासत्र व कार्यशाळा आयोजित करण्यात येत असल्याची माहितीही त्यांनी दिली.

सामंजस्य करारावर कुलसचिव डॉ. विलास नांदवडेकर यांनी तर भारतीय शुगरच्यावतीने विक्रमसिंह शिंदे यांनी स्वाक्षरी केली. सामंजस्य कराराच्या माध्यमातून साखर उद्योगाशी संबंधित विविध प्रशिक्षण कार्यशाळा, राष्ट्रीय, आंतरराष्ट्रीय चर्चासत्रे, व्याख्याने, मार्दर्शन शिबिरे आदींचे आयोजन करण्यात येणार आहे. अर्थशास्त्र अधिविभागाचे डॉ. विजय ककडे यांनी स्वागत केले. वित्त व लेखाधिकारी अजित चौगुले, अधिष्ठाता डॉ. पी. डी. राऊत, डॉ. ए. एम. गुरव, रसायनशास्त्र अधिविभागप्रमुख डॉ. पी.एन. भोसले, डॉ. एम.एस. देशमुख, एस. टी. कोंबडे उपस्थित होते.

मोबाइल अॅप डाउनलोड करा आणि राहा अपडेट

दहा हजार टवाळखोरांना दणका

April 28, 2017, 2:30 pm

≫ Next: अक्षय्य तृतीयेला सुवर्णझळाळी

≪ Previous: भारतीय शुगरशी विद्यापीठाचा एमओयू

$

0

0

Anuradha.kadam@timesgroup.com

Tweet:@anuradhakadamMt

कोल्हापूर ः मुली व महिलांची छेडछाड करणाऱ्यांना चाप बसविण्यासाठी कार्यरत असलेल्या पोलिसांच्या निर्भया पथकाने गेल्या पाच महिन्यांत कोल्हापूर परिक्षेत्रातील पाच जिल्ह्यांमधील दहा हजार टवाळखोरांना पोलिसी दणका दिला आहे. यामध्ये सहा हजारांहून अधिक सडकसख्याहरी अल्पवयीन असून, समुपदेशन करून त्यांना पालकांकडे स्वाधीन केले. छेडछाड करणाऱ्यांमध्ये विवाहित पुरुषांची संख्याही दीड हजाराच्या घरात आहे. परिक्षेत्रातील जिल्ह्यांमध्ये सातत्याने मुलींची छेडछाड होणारे साडेपाचशे स्पॉट पोलिसांच्या रडारवर ठेवण्यात आले होते. यानुसार ही कारवाई केल्याने सडकसख्याहरींच्या मुसक्या आवळल्या आहेत.

गेल्या दोन वर्षांत कोल्हापूर, सांगली, सातारा, पुणे ग्रामीण व सोलापूर ग्रामीण या भागात युवती व महिलांच्या छेडछाडीचे प्रमाण वाढले होते. याबाबत काही युवतींनी पोलिस ठाण्यांत तक्रार केली होती, तर काही शहरांमध्ये छेडछाड असह्य झाल्याने मुलींनी आत्महत्या केल्याच्या घटनाही घडल्या होत्या. शालेय, कॉलेजवयीन आणि विवाहित महिलांची छेडछाड करण्यासाठी शहरातील गजबजणारे चौक, बसस्टॉप, मार्केट परिसर, शैक्षणिक खासगी क्लास असे परिसर टवाळखोर मुलांचे अड्डे बनले होते. तसेच अश्लील मेसेज पाठवणे, कामाच्या ठिकाणी महिलांना त्रास देण्याचे प्रकारही सुरू होते. छेडछाडीविरोधात प्रत्यक्ष तक्रार करणाऱ्या मुलींची संख्या कमी आहे. छेडछाडीचा त्रास होत असेल तर शाळा-कॉलेजला पाठवणे बंद होईल या भीतीने मुली पालकांना सांगत नाहीत, तर वैवाहिक नात्यात गैरसमज होईल म्हणून विवाहित महिलाही याकडे दुर्लक्ष करतात. यामुळे मुली व महिलांची घुसमट होते. छेडछाडीचे वाढते प्रकार रोखण्यासाठी कोल्हापूर पोलिस पथकाने निर्भया पथक स्थापन केले होते. या पथकाने गेल्या पाच महिन्यांत परिक्षेत्रातील दहा हजार टवाळखोरांना छेडछाड करताना पडकले आहे.

निर्भया पथकातर्फे राबविलेल्या या मोहिमेत मुलींना होणाऱ्या छेडछाडीच्या त्रासाबद्दल त्यांनी धाडसाने पोलिसांशी बोलावे यासाठी स्वयंसेवी संस्थांमधील १२८ महिला कार्यकर्त्यांची मदत घेतली जात आहे. यामुळे मुली तक्रार करण्यासाठी पुढे आल्यामुळे टवाळखोरांवर कारवाई करण्याची प्रक्रिया सुलभ झाली आहे, तर परिक्षेत्रातील १५ हजार विद्यार्थिनींनी या मोहिमेत छेडछाड होत असल्यास कशी तक्रार करावी, प्रतिसाद अॅपचा वापर कसा करावा, न घाबरता टवाळखोर मुलांना कसे पकडून द्यावे याबाबत भाषणातून जागृती केली.

शालेय मुलांची संख्या गंभीर

छेडछाड व टवाळखोरी करणाऱ्या दहा हजार तरुणांमध्ये शालेय मुलांची संख्या सुमारे सहा हजारांच्या घरात आहे. शालेय वयातच मुलींची छेड काढणे, त्यांना टोमणे मारणे, त्यांच्याकडे पाहून अश्लील हावभाव करणे यांसारखे प्रकार शालेय विद्यार्थ्यांकडून होत असल्याचे निर्भया पथकातील पोलिसांच्या निदर्शनास आले आहे. १५ ते १७ वर्षे वयोगटातील या मुलांकडून मुलींना त्रास होत असल्याच्या तक्रारी वाढल्या आहेत. निर्भया पथकाच्या कारवाईत अशा अल्पवयीन सडकसख्याहरींना समुपदेशनाच्या माध्यमातून सुधारण्याची संधी दिली असून, पालकांशीही पोलिसांनी संवाद साधला आहे.

विवाहित पुरुषांना पत्नीसमोर समज

ज्याप्रमाणे छेडछाड करणाऱ्यांच्या यादीत अल्पवयीन मुलांची वाढती संख्या गंभीर आहे, त्याचप्रमाणे वयाची चाळिशी ओलांडलेले विवाहित पुरुषही टवाळखोरी करताना ​‘निर्भया’च्या वॉचमध्ये सापडले आहेत. अशा विवाहित पुरुषांना त्यांच्या पत्नीसमोर कडक शब्दांत समज देण्यात आली आहे. पत्नीसमोरच टवाळखोरीचे बिंग फुटल्याने विवाहित सडकसख्याहरींना चांगलाच चाप बसला आहे.



निर्भया पथकाचे काम अत्यंत रचनात्मक पद्धतीने सुरू आहे. पथकामुळे महिला व मुलींना सुरक्षितता आणि टवाळखोरी करणाऱ्यांना वचक बसला आहे. कोल्हापूर जिल्ह्यात सातत्याने छेडछाड होणाऱ्या ३७ स्पॉटवर नजर ठेवली असून जिल्ह्यात दहा निर्भया पथके तैनात केली आहेत. पथकाचे फेसबुक पेज व प्रतिसाद अॅप उपलब्ध आहे; जेणेकरून मुलींना तक्रार करणे सोपे होईल.

विश्वास नांगरे-पाटील, विशेष पोलिस महानिरीक्षक, कोल्हापूर परिक्षेत्र

मोबाइल अॅप डाउनलोड करा आणि राहा अपडेट

अक्षय्य तृतीयेला सुवर्णझळाळी

April 28, 2017, 2:30 pm

≫ Next: उद्योगांना ‘शॉक’

≪ Previous: दहा हजार टवाळखोरांना दणका

$

0

0

म. टा. प्रतिनिधी, कोल्हापूर

साडेतीन मूर्हूतापैकी एक मुहूर्त मानल्या जाणाऱ्या अक्षय्य तृतीचा योग साधून विविध इलेक्ट्रॉनिक वस्तू, होम अॅप्लायन्सेससह सोने खरेदीसाठी ग्राहकांची बाजारपेठेत मोठी गर्दी झाली. गुजरीत सोने खरेदीसाठी शोरूम फुलल्या होत्या. अनेकांनी सहकुटूंब खरेदीचा योग साधला.

साडेतीन मुहूर्तापैकी एक असलेल्या अक्षय्य तृतीयेच्या मुहूर्तावर सोन्या-चांदीचे दागिने खरेदी करण्यासाठी सराफ बाजारपेठ गजबजून गेली. गेल्या वर्षी सोन्याचा प्रति दहा ग्रॅमचा दर २९ हजार ८५० रुपये होता. यंदा हा दर त्यापेक्षा कमी, २९ हजार ४०० रुपये दर राहिला. दर कमी असल्याने बाजारपेठेत ग्राहकांनी गर्दी केली. उन्हाचा तडाखा असल्याने काही ग्राहकांनी दुपारऐवजी सायंकाळी खरेदीस पसंती दिली. त्यामुळे सायंकाळी गुजरीची बाजारपेठ फुलून गेली. सोने -चांदीच्या दागिन्यांसह वाहन आणि इलेक्ट्रॉनिक वस्तू खरेदीसाठीही गर्दी झाली. इलेक्ट्रॉनिक वस्तुंमध्ये फ्रिज, मायक्रोवेव्ह, एलइडी, वॉशिंग मशीन घेण्याकडे ग्राहकांचा कल राहिला. दुचाकी, तीनचाकी आणि चारचाकी वाहनांच्या शोरूममध्ये ग्राहकांनी मुहूर्तावर नवीन वाहने हाती घेतली. वाहनांच्या किल्ली प्रदान, लकी ड्रॉ आणि पूजा सुरू असल्याचे चित्र शोरूम्समध्ये दिसत होते. अक्षय्य तृतीयेचा मुहूर्त साधत अनेकांनी शुक्रवारी नव्या घराचा ताबा घेतला. त्याचे दस्त या मुहूर्तावर करण्यासाठी नोंदणी कार्यालयात मोठी गर्दी झाली. नवीन अपार्टमेंट, नवीन वास्तूंचे पूजनही मुहूर्तावर करण्यात आले. करवीर तहसीलदार कार्यालयात दस्त नोंदणी करण्यासाठी गर्दी राहिली. गृहप्रवेश, नवीन बांधकामांना सुरवात झाली. वाहने आणि इलेक्‍ट्रॉनिक वस्तू खरेदीसाठीही आज गर्दी होती. ट्रॅक्‍टरसारख्या मोठ्या वाहनांबरोबरच दुचाकी खरेदीसाठीही गर्दी झाली होती. महिलांसाठीच्या दुचाकींची मोठ्या प्रमाणावर विक्री झाल्याचे सांगण्यात आले. नोकरदार, शेतकऱ्यांनीही सोने खरेदीसाठी गर्दी केली. लग्नाचे मुहूर्त मे महिन्यांत आहेत. त्यामुळे दागिने खरेदीसाठी गर्दी राहिली. ग्राहकांच्या गर्दीने सराफ बाजार शुक्रवारी दिवसभर हाउसफुल्ल राहिला.


नोटबंदीनंतर प्रथमच आता गुजरीत सोने-चांदी खरेदीसाठी गर्दी झाली. आठवडाभरापूर्वी सोन्याचा प्रति दहा ग्रॅमचा दर २९ हजार ९०० रुपये इतका होता. अक्षय्य तृतीये दिवशी हाच दर २९ हजार ४०० रुपये झाला. त्यामुळे गुजरीत सोने-चांदी खरेदीसाठी ग्राहकांची गर्दी झाली. खरेदीदारांची संख्या गेल्यावर्षीच्या तुलनेत वाढली आहे.

राजेश राठोड, सराफ व्यापारी

मोबाइल अॅप डाउनलोड करा आणि राहा अपडेट

उद्योगांना ‘शॉक’

April 28, 2017, 5:09 pm

≫ Next: कवठेमहांकाळ, तासगावला गारपीट

≪ Previous: अक्षय्य तृतीयेला सुवर्णझळाळी

$

0

0

म. टा. प्रतिनिधी, कोल्हापूर

महावितरण कंपनीने वीज गळतीचा बोजा उद्योजकांवर टाकला आहे. वहन खर्चाच्या नावाखाली उद्योगाच्या विजेची दरवाढ केली आहे. अन्य राज्यांपेक्षा प्रति युनिट दोन रुपयांची वाढ झाल्याने महिन्याला कोट्यवधी रुपयांचा शॉक उद्योजकांना बसला आहे. विदर्भ, मराठवाड्याप्रमाणेच उर्वरित महाराष्ट्राला वीज दरात सवलत नसल्याने मेक इन महाराष्ट्राच्या स्वप्नपूर्तीसाठी आणखी काही वर्षे वाट पाहावी लागणार आहे. जिल्ह्यातील अडीच हजारांहून अधिक उद्योजक वीजदर सवलतीच्या प्रतिक्षेत आहेत. वीजेचे दर कमी केल्यास त्याची भरपाई महसुलातून करण्याची तयारी उद्योजकांनी दर्शविली आहे.

महावितरणने केलेल्या दरवाढीमुळे शिरोली, गोकुळ शिरगांव एमआयडीसी आणि कागल पंचतारांकित एमआयडीसीसह प्रत्येक तालुक्याच्या ठिकाणी असलेल्या एमआयडीसी, खासगी एमआयडीतील उद्योगांना फटका बसणार आहे. युनिट बिलिंगमध्ये वहन खर्चाच्या नावाखाली वाढ केली आहे. मोठ्या कारखान्यांना १ रुपये २० पैसे जादा दराने वीज दिली जाते. त्यामुळे छोट्या युनिटच्या कारखान्यात दर महिन्याला सरासरी २५ ते ३० हजार युनिट वीज खर्च होते. यामध्ये महिन्याच्या बिलात दहा ते वीस हजार रुपयांनी वाढ झाली आहे. कागल फाइव्ह स्टार एमआयडीसीत २५०, गोकुळ शिरगाव एमआयडीसीमध्ये २५० आणि शिरोली एमआयडीसीत ४०० उद्योग आहेत. या उद्योगांना हा दरवाढीचा फटका बसला आहे. दर वाढल्याने उत्पादनांच्या दरवाढीच्या तयारीत उद्योजक आहेत. त्यांचा फटका ग्राहकांना बसणार आहे. महाराष्ट्रापेक्षा स्वस्त उत्पादन कर्नाटक आणि गुजरातमध्ये मिळत असल्याने काहीजण परराज्यातून उत्पादित माल आणण्याच्या तयारीत आहे. याचा परिणाम राज्याच्या महसूलावर होणार आहे. अन्य राज्यांप्रमाणेच वीजेच्या दरात सवलत दिल्यास कोट्यवधी रुपयांची परतफेड महसुलातून करण्याची तयारी दर्शविली आहे. मात्र अद्याप वीज दर सवलतीचा प्रश्न सरकारकडे लटकला आहे.

विदर्भ, मराठवाड्यात राज्याच्या तुलनेत एक तृतीयांश विजेचा वापर केला जातो. तरीही तेथे सरकारने वीजेच्या दरात सवलत दिली आहे. त्यासाठी १ हजार कोटी रुपये दिले आहे. याउलट कोल्हापूर, सांगली, सातारा, सोलापूरसह उर्वरित महाराष्ट्राला सवलतीची प्रतिक्षा आहे. या जिल्ह्यांतून ८० टक्के महसूल महावितरणला मिळतो. महाराष्ट्राच्या तुलनेत कर्नाटकात वीजेचा दर १ रुपये २० पैसे कमी आहे. गोवा राज्यात २ रुपये ३० पैसे आणि गुजरातमध्ये १ रुपये ३० पैसे दर कमी आहे. त्यासह कर्नाटकात वीज गळतीचे प्रमाण १२ टक्के, गुजरातमध्ये १० टक्के आणि महाराष्ट्रात २० टक्के वीज गळतीचे प्रमाण आहे.

------------------------------------

दरवाढीची टांगती तलवार उद्योजकांवर कायम आहे. त्यासाठी आठवडाभरात मुख्यमंत्री देंवेंद्र फडणवीस यांची भेट घेतली जाणार आहे. जीएसटी लागू केल्यास समान कर प्रणाली अस्तित्वात येईल. त्यासह वीजेचे दरही समान करण्याची मागणी आहे. सरकारने उर्वरित महाराष्ट्रालाही विशेष पॅकेज द्यावे. - संजय जोशी, अध्यक्ष, मॅक

राज्य सरकारने विदर्भ, मराठवाडा आणि उर्वरित महाराष्ट्र असा भेदभाव करू नये. मेक इन महाराष्ट्राची संकल्पना राबविताना पश्चिम महाराष्ट्राला वीज दरात सवलत दिली पाहिजे. महावितरणने वीज गळतीचा बंदोबस्त केला पाहिजे. गळतीच्या नावाखाली गोंडस नावे देऊन त्याची वसुली उद्योगांकडून करू नये. - प्रताप होगाडे, अध्यक्ष, महाराष्ट्र वीज ग्राहक संघटना

मोबाइल अॅप डाउनलोड करा आणि राहा अपडेट

कवठेमहांकाळ, तासगावला गारपीट

April 29, 2017, 2:30 pm

≫ Next: नगराध्यक्षा-उपनगराध्यक्षांत जुंपली

≪ Previous: उद्योगांना ‘शॉक’

$

0

0

टीम मटा, कोल्हापूर, सांगली

सांगली जिल्ह्याच्या तासगाव आणि कवठेमहांकाळ परिसराला शनिवारी अवकाळी पावसाने झोडपून काढले. दुपारी विजांच्या कडकडाटासह वादळी वाऱ्यासह आलेल्या पावसाने भंबेरी उडवून दिली. तासगाव आणि कवठेमहांकाळ तालुक्यांतील अनेक गावांत पावसाने हजेरी लावली. काही ठिकाणी प्रचंड गारपीट झाली. अनेक ठिकाणी गारांसह आलेल्या पावसाने द्राक्षबागायतदारांच्या तोंडचे पाणी पळवले.

दरम्यान, कोल्हापूर परिसरातही पाऊस झाला. संध्याकाळी चारच्या सुमारास हुपरी, पेठ वडगाव, इचलकरंजी, जयसिंगपूर आणि आजरा परिसरात वादळी वाऱ्यासह पावसाने हजेरी लावली.

तासगाव, कवठेमहांकाळ पट्ट्यात द्राक्षबागांची खरडछाटणी झाली आहे. वेलींना कोंब फुटले आहेत. त्यातच गारपीट झाल्याने बागांना फटका बसला आहे. तयार होणाऱ्या काड्या मोडून गेल्याने जबर नुकसान सोसावे लागणार आहे.

शनिवारी दुपारी उन्हाचे प्रचंड चटके बसत होते. दुपारपासून वातावरणात अचानक बदल झाला. ढग दाटून आले. हवेतला गारवा बरा वाटत असतानाच विजांच्या कडकडाटासह वादळी वाऱ्याबरोबर टपोरे थेंब कोसळू लागले. त्यापाठोपाठ गारांचा जबरदस्त माराही सुरू झाला. काही क्षणात पावसाबरोबरच गारा कोसळण्याचा वेग वाढला आणि जिकडे-तिकडे गारांचे अंथरुण झाले. तासगावच्या डोंगरसोनी, सावळज, सिद्धेवाडी, दहिवडी, गव्हाण, अंजनी, वडगाव, जरंडी, वज्रचौंडे या भागात गारांचा जोरदार मारा झाला. सुमारे तासभर पाऊस पडत राहिला. काही ठिकाणी सलग गाराच पडत होत्या. कवठेमहांकाळ तालुक्यातील घाटनांद्रे, तिसंगी, कुची परिसरात सुरुवातीला नुसत्याच गारा पडल्या, काहीवेळाने पावसाला सुरुवात झाली.

द्राक्षबागांचा टापू असलेल्या परिसरावरच गारांचा वर्षाव झाल्याने द्राक्षबागाईतदार हबकला आहे. गेल्यावर्षी पावसाच्या साथीने पुरेसे पाणी उपलब्ध झाल्याने द्राक्ष हंगाम चांगला गेला. बागा अखेरच्या टप्प्यात असताना पाण्याचे दुर्भिक्ष जाणवले. परंतु, यंदा बागेने चांगले उत्पन्न दिल्याने बागाईतदार डगमगला नव्हता. त्यानंतर टँकरने पाणी घालून बागाईतदारांनी खरडछाटणी घेऊन औषधावर खर्च करुन पुढच्या हंगामाच्या दिशेने पावले टाकली होती. परंतु, शनिवारी अनेक बागाईतदारांच्या अपेक्षांना वादळी पाऊस आणि गारपीटीने जोरदार फटका दिला. डोंगरसोनी, सावळज या भागातील सुमारे पंधराशे एकरावरील बागांना गारपीटीचा दणका बसला आहे. खरडछाटणीनंतरचे अंकुरलेले कोंब गारांच्या माराने मोडले आहे. ज्या ठिकाणी काडी तयार होत होती, त्या काडीलाही गारांचा मार बसल्याने त्या तग धरु शकत नाहीत. पुन्हा पक्की काडी तयार होऊन त्यात गर्भधारणा होण्यासाठी किमान ६० ते ७० दिवसांचा कालावधी लागतो. तोपर्यंत मान्सून येतो. त्यामुळे गारपीटीचा तडाखा बसलेल्या बागायतदारांचे भवितव्य अंधकारमय झाले आहे.

मोबाइल अॅप डाउनलोड करा आणि राहा अपडेट

---

नगराध्यक्षा-उपनगराध्यक्षांत जुंपली

April 29, 2017, 2:30 pm

≫ Next: वारणेतील रक्कम सावकारीची?

≪ Previous: कवठेमहांकाळ, तासगावला गारपीट

$

0

0

म. टा. वृत्तसेवा,जयसिंगपूर

सर्वसाधारण सभेसाठी विषयपत्रिकेवर विषय लावताना नगराध्यक्षा सत्ताधारी आघाडीला कोणतीही कल्पना देत नाहीत. शहराच्या प्रश्नांबाबत त्या वैयक्तिक माहिती घेऊन सभेत विषय मंजूर करून घेण्याचा प्रयत्न करीत आहेत. सभागृहातही त्या न्यायाधीशाच्या भूमिकेत वागताना सभागृहावर आपले निर्णय लादत आहेत, असा गंभीर आरोप उपनगराध्यक्ष संजय पाटील-यड्रावकर यांनी जयसिंगपूर पालिकेच्या सर्वसाधारण सभेत केला. शनिवारी सकाळी साडेअकरा वाजता सुरू झालेल्या सभेत तब्बल साडेतीन तास वादळी चर्चा झाली. नगराध्यक्ष-उपनगराध्यक्ष, दोन्ही आघाड्यांचे पक्षप्रतोद यांच्यात सभेमध्ये हमरीतुमरी झाल्याने सभेतील वातावरण अनेक वेळा तणावपूर्ण झाले.

२७ विषयांच्या मंजुरीसाठी पालिकेच्या देशभक्त रत्नाप्पाण्णा कुंभार सभागृहात सर्वसाधारण सभा झाली. अध्यक्षस्थानी नगराध्यक्षा डॉ. नीता माने होत्या. पालिकेच्या विविध विभागांकडे आलेल्या निविदांना मंजुरी, कर्मचाऱ्यांच्या सेवानिवृत्ती वेतनाची विक्री, अधिकारी-कर्मचारी यांना वैद्यकीय प्रतिपूर्तीसाठी विमा कंपनीकडे रक्कम जमा करणे, कर्मचाऱ्यांना भविष्यनिर्वाह निधी देण्याबाबत निविदा मागविणे अशा विषयांना मंजुरी देण्यात आली. मात्र शहरातील विविध प्रभागांत पेव्हिंग ब्लॉक्स बसविणे, नाले बांधणे, खडीकरण-डांबरीकरण करणे, संरक्षक भिंती बांधणे अशी कामांना प्रलंबित ठेवण्यात यावे, अशी मागणी उपनगराध्यक्ष संजय पाटील-यड्रावकर यांनी केली. असे विषय मंजुरीसाठी ठेवताना सत्ताधारी आघाडीला कोणतीही पूर्वकल्पना दिली नसल्याचा आरोप त्यांनी केला. शिवाय या कामांसाठी किती निधी लागेल, तेवढा पालिकेकडे आहे का, नसले, तर ही कामे कोणाच्या निधीतून करणार, हे नमूद नसल्याने विषयांना मंजुरी कशी द्यायची, असा सवाल त्यांनी उपस्थित केला. त्यातच सहा महिन्यांपूर्वी सुरू झालेली कामे अचानक का थांबविण्यात आली, असे शिवाजी कुंभार यांनी विचारले.

शहरात सुरू असलेले नाल्याचे बांधकाम ताराराणी आघाडीचे पक्षप्रतोद बजरंग खामकर यांनी थांबविले. त्याचा आधी खुलासा द्यावा, मगच नवीन कामे मंजुरीसाठी ठेवावीत, असे उपनगराध्यक्ष यड्रावकर यांनी सांगितले. यावर खामकर व यड्रावकर यांच्यात खडाजंगी झाली. त्यातच ताराराणी आघाडीच्या अॅड. सोनाली मगदूम यांनी आधी कामांना मंजुरी देऊया, नंतर त्या-त्या विषय समित्यांमया सभापतींकडे ठराव पाठवू, असा मुद्दा मांडताच माझ्याही प्रभागात तब्बल दोन कोटींची कामे प्रलंबित आहेत. ती मंजुरीसाठी ठेवली, तर पुढील चार वर्षे शहरात दुसरी कामेच होणार नाहीत, मग तुम्ही काय कराल? असा प्रश्न यड्रावकर यांनी केला. अखेर नगराध्यक्षांकडे उपलब्ध असलेल्या निधीची विभागणी करून प्रत्येक नगरसेवकाला समान निधी विकासकामांसाठी देण्यात यावा, असे ठरले.

शहरात साचणाऱ्या ओल्या व सुक्या कचऱ्यावर प्रक्रिया करण्यासाठी जमीन घेण्याच्या विषयावर वादळी चर्चा झाली. प्रक्रिया करण्यासाठी कोणती जागा ठरविली आहे, ती भाड्याने घ्यायची की खरेदी याची माहिती प्रशासनाने द्यावी, अशी मागणी शिवाजी कुंभार यांनी केली. तर, कचऱ्यावर प्रक्रिया करण्यासाठी जागा देण्याचे नऊ प्रस्ताव आले असल्याचे आरोग्य विभाग अधिकारी राजू शहा यांनी सांगितले. मात्र, कचरा उठाव थांबल्याने शहरात सर्वत्र कचऱ्याचे ढीग लागले आहेत, दुर्गंधी पसरली आहे, असे असताना चिपरी येथील जागेवर २८ एप्रिलपर्यंत कचरा टाकण्याची न्यायालयाची मंजुरी असतानाही तेथे दीड महिना कचरा का टाकला नाही, असा सवाल संजय पाटील-यड्रावकर यांनी केला. आम्ही मागील सत्ताधाऱ्याच्या चुकीची जबाबदारी स्वीकारली, त्यांना पाठीशी घातले आणि चिपरी ग्रामस्थांना कचराप्रश्नाबाबत सामोरे गेलो. त्यावेळी उपनगराध्यक्षांसह राजर्षी शाहू आघाडीचा एकही सदस्य आमच्याबरोबर आला नाही. चिपरी ग्रामस्थांच्या आक्रमक पवित्र्याला आम्ही तोंड दिले, असे ताराराणी आघाडीचे पक्षप्रतोद बजरंग खामकर यांनी सांगितले. यावर पालिकेत उपस्थित असूनही आम्हाला कोणतीही कल्पना देण्यात आली नव्हती. नगराध्यक्ष व ताराराणी आघाडीने परस्पर कचराप्रश्नी चिपरीला जाण्याचा निर्णय घेतला होता, असे यड्रावकर यांनी सांगितले. त्यामुळे चिपरी येथील कचरा टाकायच्या जुन्या जागेचे काय झाले, हे कळल्याविना नवीन जागेसाठी मंजुरी देण्याचा प्रश्न उद्भवत नसल्याचे त्यांनी स्पष्ट केले.

शहर डिजिटल फलकमुक्त करण्याच्या विषयावरही प्रदीर्घ चर्चा झाली. शहराला विद्रूप करणाऱ्या फलकांपासून मुक्त करणे, ही नगराध्यक्षांची भूमिका स्तुत्य आहे. मात्र ठराव मंजूर झाल्यानंतरही फलक उभारले गेले, तर त्यावर कारवाई करण्याची जबाबदारी कोणाची हे निश्चित करावे, अशी मागणी यड्रावकर यांनी केली. डिजिटल फलक खासगी मालमत्तेवर लावले गेले तर काय, शैक्षणिक, धार्मिक फलकांबाबत काय करायचे असे मुद्दे शिवाजी कुंभार यांनी मांडले. अखेर प्रशासकीय अधिकाऱ्यांसह सदस्यांची समिती नेमून फलकांबाबतची नियमावली तयार करावी आणि आठ दिवसांत त्याची अंमलबजावणी करावी, असा ठराव मंजूर करण्यात आला.

मोकाट जनावरांचा बंदोबस्त करण्यासाठी निविदा काढावी, अपंगाना व्यवसायासाठी देण्यात येणारा निधी थेट त्यांच्या खात्यावर जमा करण्यात यावा हे विषयही यावेळी मंजूर करण्यात आले.

तू-तू, मै-मै

कचऱ्याच्या विषयावर चर्चा सुरू असताना अनेक वेळा नगराध्यक्षा डॉ. नीता माने व उपनगराध्यक्ष संजय पाटील-यड्रावकर यांच्यात तू-तू, मै-मै झाले. घनकचरा प्रकल्पासाठी जागा मंजूर करण्याचा विषय पत्रिकेवर घेण्यापूर्वी नगराध्यक्षांनी सभागृहाला विश्वासात घ्यायला हवे होते, असा मुद्दा यड्रावकर यांनी मांडला. तर आरोग्य सभापतींना मी कल्पना दिली होती, असे नगराध्यक्षा डॉ. माने यांनी सांगितले. त्या बोलत असतानाच काहीतरी बोलण्याचा प्रयत्न यड्रावकर यांनी करताच, ‘माझे बोलणे झाल्याशिवाय कोणालाही बोलता येणार नाही,’ असे डॉ. माने यांनी खड्या आवाजात सुनावले. यावर संतप्त झालेल्या यड्रावकर यांनी विकासकामांच्या उद्‍घाटनावेळी तुम्हांला सत्ताधाऱ्यांचे समिती सभापती दिसत नाहीत का? असा सवाल करीत नगराध्यक्षा न्यायाधीशांच्या भूमिकेत वागत असून त्या सर्व निर्णय सभागृहावर लादत असल्याचा आरोप केला. यामुळे वातावरण तणावपूर्ण बनले.

मोबाइल अॅप डाउनलोड करा आणि राहा अपडेट

वारणेतील रक्कम सावकारीची?

April 29, 2017, 2:30 pm

≫ Next: कर वसुलीचे खासगीकरण बारगळले

≪ Previous: नगराध्यक्षा-उपनगराध्यक्षांत जुंपली

$

0

0

म. टा. प्रतिनिधी, कोल्हापूर

वारणेत सापडलेली सव्वा चौदा कोटींची रक्कम ही खासगी सावकारी किंवा परदेशातून आली असावी, असा संशय प्राप्तिकर विभागाच्या चौकशीत व्यक्त केला आहे. वरिष्ठ पोलिस अधिकाऱ्यांनीच तशी माहिती पालकमंत्री चंद्रकांत पाटील यांना बैठकीत दिली. या गुन्ह्याचा तपास कोल्हापूर पोलिस, सीआयडी, प्राप्तिकर विभाग करत आहे. यापुढे तपास ‘इडी’कडूनही होऊ शकतो, असे सूतोवाच विशेष पोलिस महानिरीक्षक विश्वास नांगरे पाटील यांनी केले. पालकमंत्री पाटील यांनी गुन्हे तपासाबाबत शनिवारी पोलिस अधीक्षक कार्यालयात बैठक घेतली.

वारणा शिक्षण संस्थेच्या फ्लॅटमध्ये संशयित मैनुद्दिन मुल्लाने तीन कोटी ११ लाखाची चोरी केल्याच्या गुन्ह्याचा छडा सांगली पोलिसांनी लावला होता. कोल्हापुरातील बांधकाम व्यावसायिक झुंजार सरनोबत यांनी याबाबत कोडोली पोलिसात फिर्याद दिली होती. मात्र आणखी नऊ कोटींची चोरी झाल्याची तक्रार सरनोबत यांनी कोल्हापूर पोलिसांकडे केली होती.

या गुन्ह्याचा ९० टक्के तपास हा सुहेल शर्मा यांनी केला असल्याची माहिती नांगरे पाटील यांनी दिली. नऊ कोटी रुपयांवर सांगली पोलिसांनी डल्ला मारल्याचे तपासात उघड झाले आहे.

दरम्यान, वारणेतील तीन कोटी ११ लाखाच्या चोरीबाबत तपास प्राप्तिकर खात्याची टीम करत आहे. प्राप्तिकरने सरनोबत यांचे मागील रेकॉर्ड तपासले आहे. त्यात सरनोबतांची १४ कोटी रक्कम ठेवण्याची ऐपत नसल्याचे पुढे आले आहे. त्यामुळे ही रक्कम दुसऱ्याकडून आलेली असून तो सावकारीचा प्रकार असू शकतो किंवा ही रक्कम परदेशातूनही आली असण्याची शक्यता प्राप्तिकरने वर्तवली आहे. त्यामुळे गुन्हाचा तपास ‘इडी’कडून होऊ शकतो, याकडेही अधिकाऱ्यांनी लक्ष वेधले.

मैनुद्दीन मुंबई अथवा ठाण्यात

प्रकरणातील प्रमुख फरार संशयित मैनुद्दीनचा शोध घेतला जात आहे,, अशी माहिती अतिरिक्त अधीक्षक सुहेल शर्मा यांनी दिली. त्याचे लोकेशन ठाणे व मुंबईत दिसत आहे. त्याची एक किडनी काढलेली असून दुसरीत दोष आहे. तो डायलेसीस घेत असावा, असा संशय आहे.

===

या गुन्ह्याचा तपास सीआयडीकडे ‌दिला आहे. सीआयडी पुरावे गोळा करत असून काही बाबतीत गुप्तताही पाळावी लागत आहे. पण ही रक्कम कुणाची आहे याचा मुळापर्यंत तपास करण्याचे आदेश ‌दिले आहेत.

चंद्रकांत पाटील, पालकमंत्री

मोबाइल अॅप डाउनलोड करा आणि राहा अपडेट

कर वसुलीचे खासगीकरण बारगळले

April 29, 2017, 2:30 pm

≫ Next: शेट्टी सांगतील तेव्हा राजीनामा

≪ Previous: वारणेतील रक्कम सावकारीची?

$

0

0

म. टा. वृत्तसेवा, इचलकरंजी

बाजार कर वसुलीचा ठेका खासगी मक्तेदाराला देण्याचा विषय छोट्या व्यापाऱ्यांच्या विरोधामुळे पुढील सभेत घेण्याचा निर्णय घेण्यात आला. त्याचबरोबर पाणी पुरवठा विभागाकडील जादा दराच्या निविदा, नगराध्यक्षांच्या आदेशाने मंजूर कामे, आरसीसी गटर काम आणि मंगल कार्यालयातील स्क्रॅप मटेरियलसाठीची निविदा हे विषय मतदानाद्वारे सत्तारुढ गटाने बहुमताने मंजूर केले. तर तरु समितीत पर्यावरणप्रेमीची नेमणूक करावी, अशी मागणी करत नगरसेवक शशांक बावचकर यांनी समिती सदस्य पदाचा राजीनामा दिला. सभेत आरोग्य विभागातील भोंगळ कारभाराचे चांगलेच वाभाडे काढण्यात आले.

बाजार कर वसुलीसह विविध ४६ विषयांवर चर्चा करून निर्णय घेण्यासाठी नगराध्यक्षा अलका स्वामी यांनी शनिवारी विशेष सभेचे आयोजन केले होते. सभेच्या प्रारंभी नगरसेवक विठ्ठल चोपडे यांनी नगरपरिषदेच्यावतीने रेन हार्वेस्टिंगसाठी ६५ लाखांची तरतूद करूनही वर्षभरात काहीच कार्यवाही न केल्याचा मुद्दा उपस्थित केला. परंतु या विषयांबाबत प्रशासनाकडे काहीच माहिती उपलब्ध नव्हती. नगरसेवक शशांक बावचकर यांनी नगरपरिषदेच्या तरू समितीत केवळ नगरसेवक व राजकीय कार्यकर्त्यांचा समावेश असल्याचा मुद्दा उपस्थित केला. एकही पर्यावरणप्रेमी यामध्ये नसल्याने त्यांनी या समिती सदस्यपदाचा राजीनामा नगराध्यक्षांकडे दिला.

मक्ता पद्धतीने १० वाहन चालक सेवा पुरविण्याच्या विषयाला विरोध करीत नगरसेवक चोपडे यांनी त्याची काहीच आवश्यकता नसल्याचे सांगत हा विषय रद्द करण्याची मागणी केली. पाणी पुरवठा विभागाकडील ४.९० ते ३७.५० टक्के जादा दराच्या निविदांनाही काँग्रेस-शाहू आघाडीने तीव्र विरोध दर्शविला. त्यावर चर्चा होऊन अखेर हा विषय मतदानाला टाकण्यात आला. त्यामध्ये ३० विरुद्ध २० मतांनी विषयाला मंजुरी देण्यात आली. त्याचबरोबर नगराध्यक्षांच्या हुकुमाच्या कामांना कार्योत्तर मंजुरी देण्याच्या विषयाला विरोध झाल्यानंतर हा विषयही मतदानाला टाकून तो मंजूर करण्यात आला. लायकर गल्लीत आरसीसी गटर कामाची गरज नसल्याने ते मंजूर काम त्याच मक्तेदाराकडून अन्य भागात करून घेण्याच्या विषयावरुन तानाजी पोवार व अमरजित जाधव यांच्यात जोरदार शाब्दिक वाद झडला. अखेर हा विषयसुद्दा मतदानाने मंजूर करण्यात आला. नगरपरिषद मालकीच्या मंगल कार्यालयातील स्क्रॅप मटेरियल लिलाव कामी मंजूर लिलावधारकासह दुसऱ्या क्रमांकाच्या मक्तेदाराने नकार दर्शविल्याने तिसऱ्या क्रमांकावरील बबन गांधी अॅन्ड कंपनी यांची चार लाख ७७ हजार ७७७ रुपयांची निविदा मंजूर करण्याच्या विषयावरही जोरदार चर्चा झाली. यावेळी दोन्ही बाजूचे सदस्य एकाचवेळी बोलू लागल्याने चांगलाच गोंधळ निर्माण झाला. मात्र हा विषयसुद्धा मतदानाद्वारे बहुमताने मंजूर करण्यात आला.

बाजार कर वसुली खाजगी मक्तेदारामार्फत करण्याच्या विषयाला शहरातील छोट्या व्यापाऱ्यांनी तीव्र विरोध दर्शविला असून त्या विरोधात आंदोलन छेडले जात आहे. आज सभेत या विषयाबाबत कोणता निर्णय होणार याकडे लक्ष लागले असताना हा विषय कोणतीही चर्चा न होता पुढील सभेत घेण्याचा निर्णय घेतला गेला. उपनगराध्यक्ष प्रकाश मोरबाळे यांनी दिलीप पोवार यांच्याकडील तसलमात रकमेच्या वसुलीबाबत नगरपरिषदेला काहीच गांभीर्य नसल्याचा प्रश्न उपस्थित केल्यानंतर या संदर्भातील अहवाल पाठविण्यात आला असून सर्व रक्कम वसूल केली जाणार असल्याचे सांगण्यात आले. यावेळी चर्चेत सायली लायकर, संगीता आलासे, संध्या बनसोडे, सारिका धुत्रे, सागर चाळके, संजय कांबळे, लतिफ गैबान, मनोज साळुंखे आदींनी चर्चेत सहभाग घेतला.

‘कटाप्पापेक्षा आरोग्य विभागाची चर्चाच जास्त’

आरोग्य विभागाकडील कर्मचारी दीपक गेजगे यांच्या निलंबनाच्या विषयावर चर्चा सुरू असताना नगरसेवक उदयसिंग पाटील यांनी आरोग्य विभागाच्या कारभाराचा पाढा वाचत आरोग्याधिकारी डॉ. सुनीलदत्त संगेवार यांच्यावर टीकेची झोड उठविली. त्यांनी डॉ. संगेवार हेच सफाई कर्मचाऱ्यांना रजेसाठी आरोग्यविषयक प्रमाणपत्र देतात, असा आरोप करत या विभागातील भ्रष्ट कारभारामुळे शहराचे आरोग्य धोक्यात आल्याचा आरोप केला. कटाप्पाने बाहुबलीला का मारले यापेक्षा इचलकरंजी नगरपरिषदेच्या आरोग्य विभागाच्या भोंगळ कारभाराची चर्चा अधिक असल्याचा उल्लेख पाटील यांनी करताच सभागृहात हास्यकल्लोळ उडाला. बावचकर व अब्राहम आवळे यांनी संगेवार यांच्या मनमानी कारभारामुळे त्यांच्याभोवती संशयाचे वलय निर्माण झाल्याचे सांगत या विभागाचा कारभार सुधारण्याची मागणी केली. यावर मुख्याधिकारी डॉ. प्रशांत रसाळ यांनी प्रत्येक अधिकारी व कर्मचाऱ्यांनी नैतिकता बाळगून काम करण्याची गरज व्यक्त करत कामात हयगय करणाऱ्यांवर प्रसंगी कारवाईचा बडगा उगारण्यात येईल, असे सांगितले.

विरोधामुळे ठेक्याचा विषय बारगळला

बाजार कर वसुलीचे काम खासगी ठेकेदारामार्फत करण्यासाठी लिलाव पद्धतीने हा ठेका देण्यात आला आहे. त्याला मंजुरी देण्यासाठी आजच्या सभेत तो विषय चर्चेला होता. या विषयाला शहरातील सर्वच छोट्या व किरकोळ विक्रेते व्यापाऱ्यांनी विरोध दर्शविला आहे. हा विषय आजच्या सभेत मंजूर होणार असल्याने कॉ. सदा मलाबादे यांच्या नेतृत्त्वाखाली छोटे व्यापारी मोठ्या संख्येने मोर्चाद्वारे नगरपरिषदेत आले होते. सभा सुरु असताना त्यांनी जोरदार घोषणाबाजी सुरू केल्याने सभेच्या कामकाजात व्यत्यय निर्माण होत होता. आंदोलनकर्त्यांच्या आक्रमक भूमिकेमुळे या विषयावर चर्चा न करण्याचा निर्णय सत्तारुढ गटाने घेतला. या विषयाला काँग्रेस आघाडीचाही विरोध होता. त्यामुळे या प्रश्नी उपनगराध्यक्ष मोरबाळे यांनी आंदोलकांशी चर्चा करुन शांतता राखण्याचे आवाहन केले. तर सभागृहात चर्चेवेळी हा विषय कोणतीही चर्चा न होता पुढील सभेत घेण्याचा निर्णय झाला.

मोबाइल अॅप डाउनलोड करा आणि राहा अपडेट

शेट्टी सांगतील तेव्हा राजीनामा

April 29, 2017, 2:30 pm

≫ Next: थेट पाइपलाइन खर्चाच्या चौकशीचे आदेश

≪ Previous: कर वसुलीचे खासगीकरण बारगळले

$

0

0

Gurubal.Mali@timesgroup.com

Tweet :@gurubalmaliMT

कोल्हापूर : शेतकऱ्यांच्या प्रश्नावर आक्रमक झालेल्या खासदार राजू शेट्टी यांच्यामुळे राज्यमंत्री सदाभाऊ खोत यांची कोंडी झाली आहे. शेट्टी सरकारबरोबर सदाभाऊंवरही अप्रत्यक्ष आसूड ओढत आहेत. यामुळे संतप्त झालेल्या सदाभाऊंनी ‘शेट्टी सांगतील तेव्हा मंत्रिपदाचा राजीनामा देऊ,’ अशी भूमिका घेतली आहे. यातून दोन्ही नेत्यांमध्ये जोरदार शीतयुद्ध सुरू आहे. दरम्यान, गेल्या काही महिन्यांपासून दोघांत संवादच बंद झाल्याने स्वाभिमानी फुटीच्या उंबरठ्यावर आहे.

खोत आणि शेट्टी या दोघांच्या आक्रमक आंदोलनाने स्वाभिमानीची ताकद वाढली. याच ताकदीचा वापर करून घेण्यासाठी भाजपने त्यांच्याकडे युतीसाठी हात पुढे केला. राज्यात सरकार आल्यानंतर मात्र स्वाभिमानीला सत्तेत घेण्यात टाळाटाळ होऊ लागली. यामुळे शेट्टी व खोत यांनी भाजपवर टीकेची झोड उठवली. त्यातून सदाभाऊंना कृषी राज्यमंत्रिपद मिळाले. मात्र, या दोघांत दुरावा वाढला. सदाभाऊंना मुख्यमंत्र्यांनी दोन खात्याचा अतिरिक्त कार्यभार दिल्यापासून तर दोघात अबोलाच आहे. जिल्हा परिषद निवडणुकीत सदाभाऊंचा मुलगा उतरल्यानंतर शेट्टींनी उघड विरोध केला. सांगली जिल्हा परिषद अध्यक्षनिवडीच्या हालचालीत त्यांना बाजूला ठेवण्यात शेट्टीच आघाडीवर होते. सदाभाऊंना मंत्री करण्याचे पत्र देणाऱ्या शेट्टींनी नंतर सदाभाऊ आणि सरकारविरोधात सातत्याने आक्रमक टीका सुरू केली. त्यामुळे खोत यांची कोंडी होत आहे.

जयसिंगपुरातील ऊस परिषदेपासून या दोन्ही नेत्यांत दुरावा वाढला आहे. शुक्रवारी तर शेट्टींनी सरकारला सत्तेतील सहभागाबाबतचे उघड आव्हानच दिले. ‘शेतकऱ्यांच्या प्रश्नावर आक्रमक होणारच, आम्हाला सत्तेत ठेवायचे की नाही, हे तुम्हीच ठरवा,’ असा इशाराच त्यांनी दिला आहे. कर्जमुक्तीवरून स्वाभिमानी रस्त्यावर उतरली आहे. चार मे रोजी कोल्हापुरात मोठा मोर्चा काढण्यात येणार आहे. या आंदोलनापासून खोत यांना चार हात लांब ठेवण्यात आले आहे. ‘आम्ही रस्त्यावर, तुम्ही मंत्रालयात’ असे म्हणत सदाभाऊंवर निशाणा साधण्यात येत आहे. यामुळे सदाभाऊ खासदारांवर नाराज असले तरी ते व्यक्त करण्याचे टाळत आहेत. पण, त्यांच्या कार्यकर्त्यांत सुरू असलेली खदखद बाहेर पडण्याची शक्यता दिसत आहे. सदाभाऊंना भाजपची वाट मोकळी आहे. यामुळे मात्र या दोन नेत्यांच्या वादात संघटना फुटीच्या उंबरठ्यावर उभी आहे.

मी चळवळीतून मोठा झालेला कार्यकर्ता आहे. संघटनेमुळेच मिळालेल्या मंत्रिपदाचा त्याग करायला कोणतीही हरकत नाही. यामुळे खासदार सांगतील त्याक्षणी त्यांच्याकडे राजीनामा देऊ.
- सदाभाऊ खोत, कृषी राज्यमंत्री

मोबाइल अॅप डाउनलोड करा आणि राहा अपडेट

थेट पाइपलाइन खर्चाच्या चौकशीचे आदेश

April 29, 2017, 2:30 pm

≫ Next: वादळी वाऱ्यासह पाऊस

≪ Previous: शेट्टी सांगतील तेव्हा राजीनामा

$

0

0

म. टा. प्रतिनिधी, कोल्हापूर

थेट पाइपलाइन योजनेच्या कामात २० कोटींच्या घोटाळ्यातील सत्य बाहेर येण्यासाठी मुख्यमंत्री देवेंद्र फडणवीस यांना सविस्तर अहवाल पाठवण्याचा आदेश पालकमंत्री चंद्रकांत पाटील यांनी आयुक्त डॉ. अभिजित चौधरी यांना दिला. योजनेच्या कामात २० कोटींचा घोटाळा झाल्याचा आरोप महापालिका विरोधी पक्षांनी केला होता. या पार्श्वभूमीवर पत्रकारांनी विचारलेल्या प्र्रश्नाला उत्तर देताना पाटील यांनी ही माहिती दिली.

पाइपलाइन योजनेचे काम सुरू आहे. योजनेतील सहा पुलांचा खर्च काही लाखांत अपेक्षित असताना जादा खर्च दाखवून घोटाळा केल्याचा आरोप भाजप व ताराराणी आघाडीच्यावतीने करण्यात आला. यात वीस कोटींचा ढपला पाडल्याचा आरोप झाल्याने खळबळ उडाली. योजनेतील पुलाच्या कामासाठी प्रत्यक्षात वीस लाख खर्च येत असताना सहा पुलांसाठी वीस कोटींची निविदा काढली असून, अनियमितता असल्याचे कागदोपत्री स्पष्ट केले आहे. सत्ताधारी काँग्रेस व राष्ट्रवादीनेही पुलाच्या कामात गैरव्यवहार झाल्याची कबुली दिली असून, त्यांनी प्रशासनाला दोष दिला आहे. महापालिका प्रशासनानेही गैरव्यवहार झाल्याचे सकृदर्शनी स्पष्ट केले आहे. यामुळे ठेकेदारांची बिले अडवली आली आहेत.

या पार्श्वभूमीवर मुख्यमंत्र्यांच्या समोर निदर्शने करण्याचा इशारा शिवसेनेने दिला आहे. याबाबत पालकमंत्री पाटील यांनी विचारले असता त्यांनी या प्रकरणी चौकशीचे आदेश आयुक्तांना दिल्याचे सांगितले. दोन दिवसांपूर्वी या प्रकरणाच्या खोलात जाऊन चौकशी करण्याची भूमिका आयुक्त डॉ. चौधरी यांनी मांडली होती. पालकमंत्र्यांच्या आदेशामुळे प्रशासनाला यापूर्वी झालेल्या कामाचा अहवाल व ठेकेदाराला दिलेल्या रकमेची माहिती द्यावी लागणार आहे.

मोबाइल अॅप डाउनलोड करा आणि राहा अपडेट

वादळी वाऱ्यासह पाऊस

April 29, 2017, 2:30 pm

≫ Next: वैशाखाच्या झळांचा यशवंतरावांच्या पत्रांना आधार

≪ Previous: थेट पाइपलाइन खर्चाच्या चौकशीचे आदेश

$

0

0

म. टा. प्रतिनिधी, कोल्हापूर

गेले महिनाभर तप्त उन्हाच्या झळांनी हैराण झालेल्या नागरिकांना अवकाळी पावसाने तृप्त केले. पावसामुळे गारवा निर्माण झाला. अनेक ठिकाणी लहान मुले, तरुणांनी पावसात भिजण्याचा आनंद लुटला. काही ठिकाणी सोसाट्याचा वाऱ्यामुळे धुळीचे लोट निर्माण झाले. काही ठिकाणी झाडांच्या फांद्या मोडून पडल्याने वाहतूक खोळंबली, तसेच वीजपुरवठाही खंडित झाला.

इचलकरंजीत अर्धा तास पाऊस

इचलकरंजी: वादळी वारा आणि वीजेच्या कडकडाटासह शहरासह उपनगरात सुमारे अर्धातास अवकाळी पाऊस झाला. सोसाट्याच्या वाऱ्यासह पावसाने हजेरी लावल्याने अनेक ठिकाणी झाडांच्या फांद्या तुटून वीज पुरवठा खंडित झाला होता. रात्री उशिरापर्यंत निम्मे शहर अंधारात होते.

सायंकाळी ढग दाटून आले,अचानक सुटलेल्या वादळी वाऱ्यामुळे मेन रोड, वीरशैव बँक, षटकोन चौक परिसरातील झाडांच्या फांद्या तुटून पडल्या. काही घरांवरील पत्रे, दुकानाचे फलक उडून गेले. अवकाळी पावसाने सुमारे अर्धातास हजेरी लावली होती. पाऊस सुरु असताना सुटलेल्या गार वाऱ्यामुळे असह्य उकाड्यापासून इचलकरंजीकरांची काही वेळ का होईना सुटका झाली.

झाडाच्या फांद्या विद्युत तारांवर पडल्यामुळे रात्री उशीरापर्यंत शहरातील विद्युत पुरवठा खंडित झाला होता. परिणामी तारा दुरुस्त करुन वीज पुरवठा सुरु करण्याचे काम उशिरापर्यंत सुरु होते. गावभाग, सांगली रोड या भागात गारांचा पाऊस झाला. फेरीवाले, विक्रेत्यांची मात्र आवकाळी ने तारांबळ उडाली.

शिरोळ तालुक्यात हलक्या सरी

जयसिंगपूर: शिरोळ तालुक्यात शनिवारी सायंकाळी सोसाट्याच्या वाऱ्यासह पावसाच्या हलक्या सरी कोसळल्या. जयसिंगपूर शहरास मात्र पावसाने हुलकावणी दिली. जयसिंगपूर, शिरोळ परिसरात दुपारपासूनच ढगाळ वातावरण होते. परिणामी हवेतील उष्माही वाढला होता. चार वाजण्याच्या सुमारास सोसाट्याचा वारा सुरू झाला. कुरूंदवाड, नृसिंहवाडी, दत्तवाडसह तालुक्याच्या अन्य काही भागात पावसाच्या सरी कोसळल्या. आकाशात काळे ढग जमल्याने जयसिंगपूर शहरात मुसळधार पाऊस पडेल असे वाटत होते. मात्र येथे पावसाने हुलकावणी दिली.

हातकणंगले: गेल्या अनेक दिवसांपासून हुलकावणी देणाऱ्या पावसाने आज सायकांळी पाच नंतर हुपरी परिसरात मोठ्या प्रमाणात वाऱ्याबरोबर विजेच्या कडकडासह जोरदार हजेरी लावली. उन्हाने त्रस्त झालेल्या नागरिकांनी या अवकाळी पावसाने समाधान व्यक्त केले.

एप्रिल महिन्यांच्या सुरुवातीपासूनच उन्हाने कहर केल्याने पारा ४० ते ४५ अंशांवर गेला होता. वाढत्या उन्हामुळे पिण्याच्या पाण्याबरोबर शेतीच्या पाण्याची गंभीर अवस्था निर्माण झाली आहे. शनिवारी दिवसभर वातावरणामध्ये उकाडा जाणवत असल्यामुळे पाऊस पडेल असे वाटत होते. सायंकाळी पाचनंतर हुपरी परिसरातील हुपरी, रेंदाळ, इंगळी, यळगूड, रांगोळी, पट्टणकोडोली या गावामध्ये जोराच्या वाऱ्यासह विजेच्या कडकडात पावसाने जोरदार आगमन केले. अनेक दिवसांपासून पावसाच्या प्रतीक्षेत असलेला बळीराजा सुखावला. रात्री उशिरापर्यंत पावसाची संततधार सुरू होती.

गडहिंग्लजमध्ये मेघगर्जनेसह हलक्या सरी

गडहिंग्लज: शहर व परिसरात आज सायंकाळी साडेपाचच्या सुमारास मेघगर्जनेसह वळीवाच्या हलक्या सरी कोसळल्या. गेल्या आठवड्यापासून वातावरणात कमालीचा उष्मा निर्माण झाला होता. मशागतीसाठी सुद्धा पावसाची आवश्यकता आहे. त्यामुळे सर्वजण पावसाची आतुरतेने वाट पाहत होते. आज सायंकाळी अचानक वळिवाचे आगमन झाले. अचानक आलेल्या पावसाने फेरीवाल्यांसह अनेकांची भंबेरी उडाली. शनिवार असल्याने बहुतांश नागरीक किरकोळ खरेदीसाठी व फेरफटका मारण्यासाठी बाहेर पडले होते. त्यामुळे नागरिकांचीही तारांबळ उडाली. अर्ध्या तासांच्या हलक्या सरीनंतर पावसाने विश्रांती घेतली. या दरम्यान काही कालावधीसाठी वीज पुरवठा खंडित करण्यात आला होता.

मोबाइल अॅप डाउनलोड करा आणि राहा अपडेट

वैशाखाच्या झळांचा यशवंतरावांच्या पत्रांना आधार

April 30, 2017, 10:59 am

≫ Next: उजनीच्या कालव्यातसख्खे भाऊ बुडाले

≪ Previous: वादळी वाऱ्यासह पाऊस

$

0

0

राम जगताप, कराड

महाराष्ट्राचे पहिले मुख्यमंत्री, जेष्ठ नेते दिवंगत यशवंतराव चव्हाण यांच्या राजकिय, सामाजिक, शैक्षणिक, सांस्कृतिक आणि खाजगी जीवनातील पत्रव्यवहारांचा ठेवा त्यांच्या ‘विरुंगुळा’ या निवासस्थानी यशवंतराव चव्हाण प्रतिष्ठानच्या उपकेंद्रात जपून ठेवण्यात आला आहे. यात ८० हजार ४४२ पत्रांचा समावेश असून ही पत्रे खराब होऊ नयेत यासाठी दरवर्षी वैशाख महिन्यातील (मे) कडक उन्हात वाळविली जातात. यावर्षीही गेल्या दोन दिवसांपासून ही पत्रे वाळविली जात आहे. हा अमूल्य ठेवा सुस्थितीत राहण्यासाठी आधुनिक तंत्रज्ञानाचा वापरही करण्यात येत आहे.

दिवंगत यशवंतराव चव्हाण यांचे शालेस जीवन कराडमध्ये गेले. ब्रिटीश आमदानीत आपल्या सहकाऱ्यांच्या मदतीने देशाच्या स्वातंत्र्यलढ्यासाठीच्या त्यांच्या प्रयत्नांनाही येथूनच सुरूवात झाली. त्यामुळे त्यांचे कराडशी ऋणाणुबंध टिकून राहिले. आपल्या राजकीय कारकिर्दीची सुरूवातही त्यांनी येथूनच केली. कराडसह सातारा जिल्ह्याचे प्रतिनिधित्व करत विधानसभा, नंतर लोकसभेवर ते निवडून गेले. कराडच्या मातीत त्यांचे सर्वाधिक आयुष्य गेल्याने साहित्य, कला व सांस्कृतिक पाठबळही त्यांना येथूनच मिळाले. त्यांच्या साहित्य क्षेत्रातील लेखनासोबतच व्यक्तिगत पत्र लेखनही आगळे होते. त्यांच्या पत्रसंग्रहात सर्वसामान्यांपासून कला, साहित्य, सांस्कतिक, राजकीय, सामाजिक, क्रीडा क्षेत्रातील दिग्गजांचा समावेश आहे. आलेल्या प्रत्येक पत्राला ते उत्तरही देत. १९६२ मध्ये दिल्लीच्या राजकारणात त्यांचा प्रवेश झाल्यानंतर गृह, संरक्षण, परराष्ट्र, अर्थ मंत्रालयाची त्यांनी स्वीकारली. राष्ट्रीय, आंतरराष्ट्रीय पातळीवरील दिग्गजांशी संपर्क होत होता. व्यस्त कामकाजात पत्नी स्व. वेणूताई चव्हाण यांच्याशीही त्यांनी दिल्लीतून पत्राव्दारेच संवाद साधला होता.

यशवंतराव चव्हाण प्रतिष्ठानच्या उपकेंद्रात त्यांची ८० हजार ४४२ पत्रे जतन करून ठेवण्यात आली आहेत. यात १९५४ ते १९८४ पर्यतच्या पत्रांचा समावेश आहे. उपकेंद्राचे व्यवस्थापक मोहनराव डकरे हे दरवर्षी पत्रांना वाळवी, कीड, कसर अथवा ओल लागून ती खराब होऊ नयेत, यासाठी उन्हाळ्यात वैशाख महिन्यातील (मे महिन्यातील) कडक ऊन्हात वाळवतात. पत्रे उपकेंद्रातील चार कपाटांत ठेवलेली असतात. ती कपाटेही वाळवून, र्निजंतुकीकरण केली जातात. त्यानंतर पत्रे क्रमवारीनुसार कपाटांत ठेवली जातात. दरवर्षीच्या या उपक्रमामुळे गेली ३३ वर्षे सर्व पत्रे सुरक्षित राहिली आहेत.

पत्रांमध्ये यशवंतराव चव्हाण यांना सामान्य कार्यकर्त्यापासून ते पंतप्रधान जवाहरलाल नेहरू, इंदिरा गांधी यांनी लिहिलेल्या पत्रांचा समावेश आहे. देशाचे परराष्ट्र व्यवहार आणि संरक्षण मंत्री असताना ते परदेश दौऱ्यावर होते. त्यावेळी त्यांनी पत्नी वेणूताई चव्हाण यांना लंडन, पॅरिस,मास्को, न्यूयॉर्क, वॉशिंग्टनमधून लिहिलेल्या पत्रांचाही यात समावेश आहे. अनेक पत्रांमध्ये देश, परदेशातून भ्रमंती करताना आलेले अनुभव लिहिलेले आहेत. भारत व परदेशातील साम्यस्थळांचे वर्णनही अनेक पत्रांत आहे. आणखी काही महत्वाची, संवेदनशील पत्रे मुंबईत प्रतिष्ठानच्या मुख्य कार्यालयात ठेवण्यात आली आहेत. त्यात गोपाळ गोडसेने यशवंतराव चव्हाण यांना जेलमधून लिहलेल्या पत्रांचा समावेश आहे.


मुंबईतील यशवंतराव चव्हाण प्रतिष्ठानच्या ताब्यात विरुंगुळा हे यशवंतराव चव्हाण यांचे येथील तत्कालीन निवासस्थान असून ते प्रतिष्ठानचे उपकेंद्र आहे. केंद्रामार्फत त्यांच्या वस्तूंची तसेच पत्रांची देखभाल केली जाते. ८३३ फायलींमध्ये ही पत्रे ठेवण्यात आली आहेत. या सर्व मूळ पत्रांचे स्कॅनिंग आणि लॅमिनेशन करण्यात आले आहे. हा सर्व डाटा संगणकावरही संवर्धित करण्यात आला आहे असे उपकेंद्राचे व्यवस्थापक मोहनराव डकरे यांनी मटाशी बोलताना सांगितले.

मोबाइल अॅप डाउनलोड करा आणि राहा अपडेट

---

उजनीच्या कालव्यातसख्खे भाऊ बुडाले

April 30, 2017, 11:22 am

≫ Next: पन्नास घरे आगीत खाकसौंदत्ती तालुक्यातील घटनेत गवताच्या गंज्या, दुचाकी, टॅक्टर भस्मसात पंधरा जनावरांचा होरपळून मृत्यू

≪ Previous: वैशाखाच्या झळांचा यशवंतरावांच्या पत्रांना आधार

$

0

0

म. टा. वृत्तसेवा, पंढरपूर

माळशिरस तालुक्यातील बोरगाव येथील उजनीच्या उजव्या कालव्यात मामासोबत पोहण्यासाठी गेलेली चार शाळकरी मुले वाहून गेली. त्यापैकी दोन मुलांना वाचवण्यात यश आले आहे. तर दोन सख्ख्या भावांचा मृत्यू झाला आहे.

रविवारी दुपारी अडीच वाजण्याच्या सुमारास ही घटना घडली. हे दोघे भाऊ मुंबई येथील रहिवाशी असून, श्रीपूर येथे उन्हाळी सुट्टीसाठी मामाच्या गावाला आले होते.

ओम सतीश लोणी (वय १३) व प्रसन्न सतीश लोणी (वय १०) अशी मृत भावांची नावे आहेत. तर विराज संतोष शिवनगी व विकी संतोष शिवनगी या दोघाना बोरगांव येथील रोहित साठे यांनी कालव्यात उडी टाकून वाचवले. बुडालेल्या दोन्ही सख्ख्या भावांच्या मृतदेहाचा अद्याप शोध सुरू आहे. या घटनेने श्रीपूर व बोरगाव परिसरात हळहळ व्यक्त होत आहे.

मोबाइल अॅप डाउनलोड करा आणि राहा अपडेट

पन्नास घरे आगीत खाकसौंदत्ती तालुक्यातील घटनेत गवताच्या गंज्या, दुचाकी, टॅक्टर भस्मसात पंधरा जनावरांचा होरपळून मृत्यू

April 30, 2017, 11:24 am

≫ Next: ‘प्रत्येक जिल्ह्यात मराठा वसतीगृह’

≪ Previous: उजनीच्या कालव्यातसख्खे भाऊ बुडाले

$

0

0

म. टा. वृत्तसेवा, बेळगाव

सौंदत्ती तालुक्यातील हंचिनाळ गावात लागलेल्या भीषण आगीत पन्नासहून अधिक घरे, शंभरहून अधिक गवतांच्या गंज्या, अनेक दुचाकी गाड्या, ट्रॅकटर आगीत बेचिराख झाल्या. पंधराहून अधिक जनावरे होरपळून मेली आहेत.

सोसाट्याच्या वाऱ्यामुळे गावच्या शिवारात पालापाचोळा जाळण्यासाठी लावलेली आग सगळीकडे पसरली. गावात ठेवण्यात आलेल्या गवतांच्या गंज्यामुळे आगीने रौद्ररूप धारण केले. बघता बघता गावातील घरांनी आणि गवताच्या गंज्यानी पेट घेतला आणि पन्नासहून अधिक संसार रस्त्यावर आले. गवताच्या गंज्यानी पेट घेतल्यामुळे आगीने रौद्ररूप धारण केले. गवताच्या गंज्या पेटल्यामुळे लागून असलेल्या घरांना आग लागली. एका घराला लागलेली आग सोसाट्याच्या वाऱ्यामुळे पसरत गेली आणि बघता बघता पन्नास घरांनी पेट घेतला. घरातील लोकांनी जीव वाचवून बाहेर पळ काढला पण, गोठ्यातील जनावरे बाहेर काढता आली नाहीत. घरातील चीजवस्तू, संसारपयोगी वस्तू, धान्य आदी वस्तू आगीच्या भक्ष्यस्थानी पडल्या.

आयुष्यभर राबून कमावलेले सारे आगीच्या भक्षस्थानी पडताना लोकांना उघड्या डोळ्यांनी पाहावे लागले. अनेक ठिकाणांहून आग विझविण्यासाठी अग्निशामन दलाच्या गाड्या आल्या, पण सहा तासांहून अधिक काळ आग धुमसत होती. आगीमुळे पन्नास कुटुंबे अक्षरशः रस्त्यावर आली आहेत. आगीत नुकसान झालेल्या कुटुंबाना बसव वसती योजने अंतर्गत मदत करण्यात येणार आहे.

मोबाइल अॅप डाउनलोड करा आणि राहा अपडेट

‘प्रत्येक जिल्ह्यात मराठा वसतीगृह’

April 30, 2017, 11:30 am

≫ Next: कामगारांचे ‘कवच’ हरपले

≪ Previous: पन्नास घरे आगीत खाकसौंदत्ती तालुक्यातील घटनेत गवताच्या गंज्या, दुचाकी, टॅक्टर भस्मसात पंधरा जनावरांचा होरपळून मृत्यू

$

0

0

म. टा. प्रतिनिधी, कोल्हापूर

‘मराठा समाजाचे प्रश्न सोडविण्यासाठी राज्य सरकार होईल तेवढे प्रयत्न करत आहे. मराठा समाजासाठी प्रत्येक जिल्ह्यात वसतीगृह सुरू करण्याची घोषणा सरकारने केली आहे. जून महिन्यापासून ही वसतीगृहे सुरू करण्यात येतील. ज्या जिल्ह्यात जागेची अडचण येईल, तेथे भाड्याने जागा घेतली जाईल आणि त्याचे भाडे सरकार भरेल’, अशी घोषणा राज्याचे महसूल आणि सार्वजनिक बांधकाम मंत्री चंद्रकांत पाटील यांनी रविवारी केली. अखिल भारतीय मराठा महासंघाच्यावतीने आयोजित कोल्हापूर जिल्ह्यातील पहिल्या मराठा आमसेभेत ते बोलत होते.

महसूलमंत्री चंद्रकांत पाटील म्हणाले, ‘सद्यःस्थितीत मराठा आरक्षणाचा विषय न्यायालयात अडकला आहे. तो सोडविण्यासाठी सरकारने मोठमोठ्या वकिलांची फळी उभी केली आहे. सरकार समाजासाठी शक्य तेवढे प्रयत्न करत आहे. मुलींकडे पाहण्याचा दृष्टिकोनही बदलायला हवा. त्यांना नोकरीच्या संधी द्यायला हव्यात. त्यासाठी समाजात प्रबोधनाची गरज आहे.’

मोबाइल अॅप डाउनलोड करा आणि राहा अपडेट

कामगारांचे ‘कवच’ हरपले

April 30, 2017, 2:30 pm

≫ Next: उंच उंच ध्वज डौलतो..!

≪ Previous: ‘प्रत्येक जिल्ह्यात मराठा वसतीगृह’

$

0

0

Maruti.Patil@ timesgroup.com

Tweet : @MarutipatilMT

कोल्हापूर : गंवडी, सेट्रिंग, सुतार, फरशी पॉलिश, वायरमन, वेल्डर आणि इतर बांधकाम कामगारांसाठी लागू करण्यात आलेल्या वैद्यकीय विमा गेल्या दोन वर्षांपासून बंद करण्यात आला आहे. त्यामुळे या क्षेत्रात कार्यरत असलेले सुमारे ५७ हजार नोंदणीकृत कामगार वैद्यकीय विमा योजनेपासून वंचित राहिले आहेत. जोखमीच्या कामावर कार्यरत असलेल्या कामगारांचे विमा कवच हरपल्याने अपुऱ्या औषधोपचारांमुळे त्यांच्यासह कुटुंबाचे जीवनमानच धोक्यात आले आहे.

बांधकाम कामगारांसह त्यांच्या कुटुंबांना अर्थसाह्य करण्यासाठी संघटनांच्या रेट्यानंतर बाधकाम कल्याण महामंडळाची स्थापना करण्यात आली. महामंडळाद्वारे कामगारांच्या मुलांना शैक्षणिक खर्च, शिष्यवृत्ती आदी सुविधा देण्यात येतात. महामंडळाकडे जमा झालेल्या रकमेतूनच बांधकाम क्षेत्रातील कामगारांसाठी वर्षाला दोन लाख रुपयांपर्यंत वैद्यकीय विमा योजना सुरू करण्यात आली होती. २०१३-१४ मध्ये या योजनेला सुरुवात झाली. पहिल्या वर्षी जिल्ह्यातील २२ हजार कामगारांनी या योजनेत नोंद केली. त्यासाठी ३४ कोटी रुपयांची तरतूद केली होती. त्यानंतर २०१४-१५ मध्ये या योजनेसाठी २० कोटी रुपयांची तरतूद केली होती. २०१४-१५ मध्ये जिल्ह्यातील २७ हजार बांधकाम कामगारांनी या योजनेमध्ये नोंदणी केली होती. विशेष म्हणजे तरतूद केलेली सर्व रक्कम बांधकाम कामगार व त्यांच्या कुटुंबीयांना वैद्यकीय बिलापोटी खर्ची पडली होती.

केंद्र सरकारने बांधकाम कल्याण महामंडळाची स्थापना केल्यानंतर महाराष्ट्र राज्य इमारत व इतर बांधकाम कामगार कल्याणकारी मंडळाची स्थापना २००५ मध्ये केली. त्यानंतर आठ वर्षानंतर कामगारांना लाभही मिळू लागले. पण पुन्हा यामध्ये खंड पडल्याने कामगारांची अवस्था दयनीय बनली आहे. दहा लाखांपेक्षा अधिक किंमतीच्या कोणत्याही सरकारी कामावरील एक टक्का सेस महाराष्ट्र राज्य इमारत आणि इतर बांधकाम कामगार कल्याण मंडळाकडे जमा होता. विमा योजना बंद झाल्यापासून मंडळाकडे सुमारे सहा हजार कोटी रुपये शिल्लक आहेत. सदरची रक्कम विविध पाच राष्ट्रीयीकृत बँकांमध्ये ठेवली आहे. या रकमेवरील व्याज जरी कामगारांच्या विविध योजनावर खर्ची केल्यास त्याचा फायदा कामगारांना होईल, पण सरकार याकडे गांभीर्याने पाहत नसल्याचा आरोप या क्षेत्रातील संघटनांकडून होत आहे.


महामंडळाचे अध्यक्षपद प्रशासनाकडे

केंद्राने कामगार कल्याण मंडळाची स्थापना केल्यानंतरही अनेक वर्षांनी राज्यात कामगार कल्याण मंडळाची स्थापना केली गेली. मंडळाचे अध्यक्षपद या व्यवसायाशी संबंधित व्यक्तींना न देता, प्रशासकीय अधिकाऱ्यांकडे दिले गेले. त्यामुळे समस्यांची निर्गत होत नाही. यासाठी मंडळावर बांधकाम व्यवसायाशी संबंधीत व्यक्तींची निवड करण्याची अपेक्षा बांधकाम कामगार संघटनांकडून व्यक्त केली जात आहे.

कामगाराना मिळणारे लाभ

मुलांना शैक्षणिक सुविधा

आरोग्य विमा पॉलिसी

अपघाती मृत्यू झाल्यास वारसांना दोन लाख रुपये

नैसर्गिक मृत्यू झाल्यास पाच हजार रुपये अंत्यसंस्कार निधी

वारसाला वर्षाला १२ हजारप्रमाणे पाच वर्षे निवृत्तिवेतन

दोन मुलींनंतर शस्त्रक्रिया केल्यास प्रत्येकी २५ हजारांची ठेव



संघटना आणि तत्कालीन कामगारमंत्री हसन मुश्रीफ यांच्या प्रयत्नामुळे बांधकाम कामगारांना विमा सुरक्षा कवच प्राप्त झाले होते. दोन वर्षांत जिल्हातील कामगारांना १२ कोटी रुपयांचा लाभ झाला होता. पण गेल्या दोन वर्षापासून ही योजना सरकारने बंद केली आहे. त्यामुळे वैद्यकीय लाभापासून कामगारांना वंचित राहावे लागत आहे.

भरमा कांबळे, जिल्हाध्यक्ष, लाल बावटा बांधकाम कामगार संघटना

सुमारे ६००० कोटी

बांधकाम कल्याण महामंडळाकडील एकूण रक्कम

पाच लाख

राज्यातील नोंदणीकृती कामगार

५७ हजार

जिल्हातील नोंदणीकृत कामगार

२७ हजार

जिल्हातील नोंदणीकृत व नुतनीकरण कामगार

२०

जिल्ह्यातील कामगार संघटना

जिल्ह्यातील कामगारांसाठी तरतूद व खर्च रक्कम

वर्ष तरतूद रक्कम प्रत्यक्ष खर्च

२०१३-१४ ३४ कोटी ४ कोटी

२०१४-१५ २० कोटी २० कोटी

मोबाइल अॅप डाउनलोड करा आणि राहा अपडेट

उंच उंच ध्वज डौलतो..!

April 30, 2017, 2:30 pm

≫ Next: कोल्हापुरात भव्य मराठा भवन उभारू

≪ Previous: कामगारांचे ‘कवच’ हरपले

$

0

0

म. टा. प्रतिनिधी, कोल्हापूर

राज्यातील सर्वाधिक उंचीचा ध्वजस्तंभ कोल्हापुरातील पोलिस उद्यानात उभा राहिला असून, त्यावर आज (सोमवारी) राष्ट्रध्वज डौलाने फडकणार आहे. मुख्यमंत्री देवेंद्र फडणवीस, पालकमंत्री चंद्रकांत पाटील, गृहराज्य मंत्री दीपक केसरकर, श्रीमंत छत्रपती शाहू महाराज, पोलिस महासंचालक सतीश माथुर, अभिनेता अक्षयकुमार यांच्या प्रमुख उपस्थितीत हा कार्यक्रम होईल. ऐतिहासिक पन्हाळगड आणि दख्खनचा राजा जोतिबाच्या डोंगरावरूनही स्पष्ट दिसणारा हा ध्वजस्तंभ कोल्हापूरच्या पर्यटन क्षेत्रात आकर्षणाचा केंद्रबिंदू ठरणार आहे.

देशाचा तिरंगा राष्ट्रध्वज नेहमीच नागरिकांच्या मनात स्फुलिंग चेतवतो. देशवासियांतील राष्ट्रप्रेम वृद्धींगत करणारा तिरंगा सर्वाधिक उंचीवर फडकला तर त्याबद्दलचे आश्चर्य, कुतूहल आणि अभिमानही वाटणेही स्वाभाविकच आहे. हाच अभिमानचा क्षण कोल्हापूरकरांना मिळाला आहे. कोल्हापुरात पर्यटन आणि तीर्थाटनासाठी येणाऱ्या नागरिकांच्या मनात देशप्रेम जागृत करणारे आणि जाता-जाता आपल्या जबाबदारीचे भान देणारे नवे डेस्टिनेशन कोल्हापुरात साकारले आहे. कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांच्या मनातील संकल्पनेला पालकमंत्री चंद्रकांत पाटील यांनी पाठबळ दिले, तर कोल्हापूर रस्ते सौंदर्यीकरण प्रकल्पाचे (केएसबीपी) सुजय पित्रे आणि त्यांच्या टीमने संकल्पनेला प्रत्यक्षात आणले.

ऐतिहासिकतेच्या कोल्हापूरच्या समृद्ध परंपरेला साजेशी आणि सर्वाधिक उंचीच्या ध्वजस्तंभाची कल्पना प्रत्यक्षात साकारणे हे मोठे आव्हान होते. केएसबीपीने यासाठी पुणे जिल्ह्यात ध्वजस्तंभ उभारणाऱ्या टीमची मदत घेतली. तंत्रज्ञ सिद्धनाथ ठोकळे, मुकुंद गुरव, दीपक सुतार, अक्षय रेडेकर यांच्यासह सुमारे ५० कर्मचारी आणि तंत्रज्ञांनी हे आव्हान पेलले. पोलिस उद्यानातील जागेच्या पाहणीपासून तेथील माती आणि खडकाचा प्रकार, वाऱ्याची गती, दिशा यांचा काटेकोर अभ्यास करूनच ३०३ फूट उंचीचा ध्वजस्तंभ उभा राहिला. अर्थात यासाठी मुंबईतून मागवलेली ३५० टन वजन क्षमतेची एक क्रेन आणि ५० टन वजन क्षमतेच्या अन्य ३ क्रेनच्य मदतीने सव्वा तास परिश्रम करावे लागले. केएसबीपीच्यावतीने सर्वाधिक उंचीचा ध्वजस्तंभ कोणत्याही अडचणीशिवाय, निर्विघ्नपणे उभा करण्यात आला. या ध्वजस्तंभामुळे कोल्हापूरच्या वैशिष्ट्यांमध्ये आणखी एक भर पडली आहे. अंबाबाईच्या दर्शनासाठी येणाऱ्या भाविकांना तीर्थाटनासोबतच नव्या पर्यटन स्थळाचाही आनंद घेता येणार आहे.

देशातील दुसऱ्या क्रमांकाच्या उंचीच्या राष्ट्रध्वजामुळे कोल्हापुरच्या पर्यटनाला चालना मिळेल. राज्यातील सर्वात उंचीचा हा राष्ट्रध्वज कोल्हापुरची अस्मिता असेल. यामुळे करवीरच्या लौकिकासह सौंदर्यात भर पडणार आहे. त्याच्या सन्मानासाठी सोमवारी सारेजण एकत्र यावे.

चंद्रकांत पाटील, पालकमंत्री

मोबाइल अॅप डाउनलोड करा आणि राहा अपडेट