गुटखा कारखान्यावर छापा; एक कोटींचा मुद्देमाल जप्त

February 7, 2017, 1:38 pm

≫ Next: दोन चिमुरड्यांना मारून आईची आत्महत्या

≪ Previous: कॅश व्यवहारावर बडगा उगारणार?

$

0

0

म. टा. वृत्तसेवा, मिरज

आरग (ता. मिरज) गावात केंद्रीय प्राप्तिकर विभागाने छापा टाकून गुटखा निर्मितीचा बेकायदा कारखाना उघडकीस आणला. कारवाईत सुमार दहा लाख रुपयांच्या तयार गुटखा पुड्या व गुटख्यासाठीचा कच्चा माल, यंत्र सामुग्री, असा सुमारे एक कोटींचा मुद्देमाल पथकाच्या हाती लागला आहे. सोळा परप्रांतीय कामगारांना ताब्यात घेण्यात आले आहे. हा कारखाना कोणाच्या मालकीचा आहे, या बाबतची माहिती प्राप्तिकर विभागाने दिली नाही.

सहा महिन्यांतील गुटखा व सुगंधी सुपारीच्या साठ्याविरोधातील मिरज परिसरातील ही तिसरी मोठी कारवाई आहे. या कारवाईमुळे गुटखा तस्करांबरोबरच बेकायदा व्यवसायिकांचे धाबे दणाणले आहेत. मंगळवारी पहाटे चार वाजण्याच्या सुमारास पुणे येथील पथकाने आरगमधील एका फॉर्म हाउसमध्ये बेकायदा सुरू असलेल्या गुटखा निर्मितीच्या कारखान्यावर छापा टाकला. येथे अडीच एकर क्षेत्रावर कारखाना होता. संबधित व्यवसायिकांने केंद्रीय प्राप्तिकर विभागाचा ६७ कोटी रुपयांचा अबकारी कर बुडविल्याने ही कारवाई करण्यात आल्याची माहिती मिळाली आहे. संबधित जमिनीवर डॉ. अनिल पवार यांच्या नावाचा फलक आहे. अचानक झालेल्या कारवाईत येथील गुटखा निर्मिती करणारे अलगद सापडले. पथकाने कारखान्याची झाडाझडती घेतली. यावेळी त्यांना या ठिकाणी तयार करण्यात आलेल्या गुटख्याच्या सुमारे दहा लाख रुपयांच्या आठ लाख पुड्यांचा साठा आढळून आला आहे. गुटखा निर्मितीसाठीची पाच यंत्रेही पथकाला आढळली. यापैकी चार यंत्रे वापरात आल्याचेही निदर्शनास आले. ही पाचही यंत्रे पथकाने ताब्यात घेतली आहेत. या यंत्र सामुग्रीची अंदाजे किंमत एक कोटी रुपयांच्या जवळपास आहे. या कारखान्यात काम करणाऱ्या सोळा जणांना पोलिसांनी ताब्यात घेतले आहेत. हे कामगार परप्रांतीय आहेत. एक स्थानिक कामगार मात्र, पथकाची चाहूल लागताच पळून जाण्यात यशस्वी झाला.

कारवाईसाठी पथकास पोलिस संरक्षण देण्यात आले होते. मिरज ग्रामीण पोलिस ठाणे व महात्मा गांधी चौक पोलिस ठाण्याचा मोठा फौजफाटा या ठिकाणी तैनात करण्यात आला होता. अतिशय गुप्त पद्धतीने उत्पादन कारवाई केली. कारवाईची माहिती मिळाल्यानंतर सांगली येथील अन्न प्रशासनाचे अधिकारी डी. एच. कोळी व त्यांचे पथक या ठिकाणी दाखल झाले. पोलिस उपअधीक्षक धीरज पाटील, गुन्हे अन्वेशन विभागाचे निरीक्षक बाजीराव पाटील, पोलिस निरीक्षक राजू मोरे, निरीक्षक श्रीकांत पिंगळे यांनी घटनास्थळी भेट दिली. या कारवाईत पुणे येथील प्राप्तिकर विभागाचे अतिरिक्त संचालक अलोक चोप्रा यांच्या मार्गदर्शनाखाली अप्पर महानिरीक्षक विक्रम वाणी, उपनिदेशक वैशाली पतंगे, अप्पर अधीक्षक एस. एस. यादव, निरीक्षक अमजद शेख यांच्या पथकाने ही कारवाई केली.

मोबाइल अॅप डाउनलोड करा आणि राहा अपडेट

---

दोन चिमुरड्यांना मारून आईची आत्महत्या

February 7, 2017, 9:57 pm

≫ Next: ‘चळवळींत युवकांचा पुढाकार गरजेचा’

≪ Previous: गुटखा कारखान्यावर छापा; एक कोटींचा मुद्देमाल जप्त

$

0

0

सुनील दिवाण । पंढरपूर

आजारपणाला कंटाळून ३० वर्षांच्या एका महिलेनं स्वत:च्या दोन मुलांचा गळा दाबून खून करून आत्महत्या केली आहे. पंढरपूर तालुक्यातील मुंढेवाडी येथे ही घटना घडली आहे.

मनीषा घाडगे असं आत्महत्या केलेल्या महिलेचं नाव आहे. मनीषा घाडगे हिचे पती दत्तात्रय घाडगे शेतकरी आहेत. मनीषा ही गेल्या काही महिन्यांपासून आजारी होती. वारंवार उपचार करूनही त्रास कमी होत नसल्यानं तिला नैराश्य आलं होतं. त्यातूनच तिनं हे टोकाचं पाऊल उचललं. घरातील लोक शेतात गेल्यावर एकटी असताना तिनं आपला ४ वर्षाचा मुलगा आप्पासाहेब आणि एक वर्षाची मुलगी रेणुका हिचा गळा दाबून खून केला. त्यानंतर स्वतः गळफास लावून घेऊन आत्महत्या केली.

पोलिसांनी दिलेल्या माहितीनुसार, घाडगे यांच्या घरातून संध्याकाळी धूर निघू लागल्याने शेजाऱ्यांनी दार तोडून घरात प्रवेश केला. तेव्हा मनीषा हिने फास लावून घेतल्याचे व तिच्या शेजारी दोन्ही मुले मृतावस्थेत पडून असल्याचं आढळून आलं. शेजाऱ्यांनी लगेचच या घटनेची माहिती पोलिसांना दिली. काही वेळातच पोलीस घटनास्थळी दाखल झाले. आज पहाटे त्यांच्या मृतदेहाचे शवविच्छेदन करण्यात आलं असून मुलांचा मृतदेह व्हिसेरा तपासणीसाठी पाठवून दिला आहे.

मोबाइल अॅप डाउनलोड करा आणि राहा अपडेट

‘चळवळींत युवकांचा पुढाकार गरजेचा’

February 8, 2017, 1:30 pm

≫ Next: कारवाईत नगरसेवकांचा खोडा

≪ Previous: दोन चिमुरड्यांना मारून आईची आत्महत्या

$

0

0

म. टा. प्रतिनिधी, कोल्हापूर

‘एखादी चळवळ अधिक व्यापकपणे पुढे नेण्यासाठी युवकांची ताकद तितकीच महत्वाची आहे. व्यसनमुक्तीसह सामाजिक प्रश्नांमध्ये युवकांचा पुढाकार गरजेचा आहे’, असे प्रतिपादन ज्येष्ठ सामाजिक कार्यकर्ते सुरेश शिपूरकर यांनी केले. दसरा चौकातील शाहू स्मारक भवनात जनस्वास्थ्य दक्षता समिती, कोल्हापूर जिल्हा मुख्याध्यापक संघाच्यावतीने जिल्ह्यात राबविण्यात आलेल्या जनस्वास्थ्य अभियानातील आदर्श शाळा, शिक्षक तसेच दारूबंदी चळवळ राबविलेल्या गावांना सन्मानपत्र प्रदान सोहळ्यात ते बोलत होते.

कार्यक्रमात पर्यावरणतज्ज्ञ डॉ. मधुकर बाचूळकर यांना जनस्वास्थ्य गौरव पुरस्कार देऊन गौरविण्यात आले. कार्यक्रमात व्यसनमुक्ती पथनाट्य सादर करण्यात आले. सभागृहाबाहेर व्यसनमुक्ती पोस्टर स्पर्धेचे आयोजन करण्यात आले होते.

शिपूरकर म्हणाले, ‘राष्ट्रभक्त युवक, व्यसनमुक्त युवक निर्माण करणे ही आज काळाची गरज आहे. शालेय वयात विद्यार्थ्यांच्या मनात संस्काराची बिजे रुजविली गेली पाहिजे. जनस्वास्थ्य दक्षता समितीतर्फे राबविण्यात येणाऱ्या व्यसनमुक्ती आणि पर्यावरण संवर्धनाचे उपक्रम कौतुकास्पद आहे.’

बाचूळकर म्हणाले, ‘मिळालेल्या जनस्वास्थ्य सन्मानामुळे जबाबदारी वाढली आहे. हा गौरव केवळ माझा नसून या कार्यात सहभागी झालेल्या प्रत्येक व्यक्तीचा आहे.’

कोल्हापूर जिल्हा मुख्याध्यापक संघाचे सेक्रेटरी आर. वाय. पाटील यांनी मनोगत व्यक्त केले. समितीचे कार्यवाह अजय अकोळकर, ओंकार पाटील आदींसह शिक्षक, विद्यार्थी मोठ्या संख्येने उपस्थित होते. एस. आर. कांबळे यांनी स्वागत केले. जनस्वास्थ्य दक्षता समितीचे अध्यक्ष दीपक देवलापूरकर यांनी प्रास्ताविक केले. प्रकाश सुतार यांनी सूत्रसंचालन केले. जनस्वास्थ्य प्रतिज्ञाने कार्यक्रमाची सांगता झाली.

दारुबंदी चळवळीत आदर्श गाव - शांतीनगर -उचगाव, बावणे गल्ली -इचलकरंजी, काळजवडे -पन्हाळा, शिवपुरी -हातकणंगले

आदर्श शाळा पुरस्कार - व्यंकटराव हास्कूल- इचलकरंजी, एरंडोल हायस्कूल -आजरा, महात्मा फुले माध्यमिक विद्यालय -कागल, दादासाहेब मगदूम हायस्कूल, साधना हायस्कूल - गडहिंग्लज, महात्मा फुले विद्यालय - चंदगड, कुमार भवन - भुदरगड

आदर्श शिक्षक पुरस्कार - अरविंद बने, उषाराजे हायस्कूल, एस. एस. कुंभार, परशुराम विद्यामंदिर, गगनबावडा

आदर्श महाविद्यालय - डी. डी. शिंदे सरकार कॉलेज

आदर्श कार्यकर्ता - अक्षय इनामदार, भारती विद्यापीठ कॉलेज, पुष्कराज माने, डी. डी. शिंदे सरकार ज्युनीअर कॉलेज.

मोबाइल अॅप डाउनलोड करा आणि राहा अपडेट

कारवाईत नगरसेवकांचा खोडा

February 8, 2017, 1:30 pm

≫ Next: अतिक्रमण करणाऱ्यांवर गुन्हे दाखल करू

≪ Previous: ‘चळवळींत युवकांचा पुढाकार गरजेचा’

$

0

0

म. टा. प्रतिनिधी, कोल्हापूर

शहरातील फेरीवाल्यांवरील कारवाईवरुन महापालिकेत बुधवारी पुन्हा प्रशासनावर हल्लाबोल करण्यात आला. प्रशासनाकडून बायामेट्रिक कार्डधारक फेरीवाल्यांवर कारवाई करत नसल्याचा खुलासा करण्यात आला. पण कारवाईचे निमित्त साधून अनिधकृत फेरीवाल्यांना पाठीशी घालण्याचा खटाटोप सामोरे आला. संघटनेचे प्रतिनिधी व काही नगरसेवकांनी फेरीवाल्यांचा नव्याने सर्व्हे करायचा असताना आताच कारवाई कशाला? असे मुद्दा मांडत कारवाईला विरोध केला.

अधिकारी अनधिकृत फेरीवाल्यांवर कारवाईसाठी ठाम असताना संघटनेचे प्रतिनिधी आणि काही नगरसेवकांनी कुठल्याच फेरीवाल्यावर कारवाई नको असा उलटा पवित्रा घेतला. महापौर हसीना फरास यांनी महिनाभरात शहरातील फेरीवाल्यांचे पुनर्वसन करण्याचा आदेश दिले. तसेच सर्व्हे पूर्ण होईपर्यंत फेरीवाल्यावर कारवाई करु नका अशा सूचना केल्या.

बैठकीत फेरीवाल्यांवरील कारवाई थांबली नाही तर महापालिकेला घेराव घालण्याचा इशारा सर्वपक्षीय फेरीवाला कृती समितीतर्फे देण्यात आला. अतिरिक्त आयुक्त श्रीधर पाटणकर यांच्या उपस्थितीत बैठक झाली.महापालिकेतर्फे शहरातील फेरीवाल्यांचे फेर सर्व्हेक्षण करण्यात येणार आहे. फेर सर्व्हेक्षण होईपर्यंत फेरीवाल्यांवर कारवाई करु नये अशी फेरीवाले संघटनेची मागणी आहे. दरम्यान शहरात ठिकठिकाणी अनधिकृतपणे स्टॉल, हातगाडी लावून व्यवसाय केला जात आहे. प्रमुख मार्ग आणि चौकातही हातगाड्या लावल्या जात आहेत. महापालिकेचा परवाना न घेता व्यवसाय करणाऱ्या फेरीवाल्यावर प्रशासनाकडून कारवाई सुरु होती.

कारवाईच्या पार्श्वभूमीवर महापालिकेत पदाधिकारी, फेरीवाले संघटना प्रतिनिधी व अधिकाऱ्यांची बैठक झाली. बैठकीत प्रशासनाकडून बायोमेट्रिक कार्डधारक व ज्यांच्याकडे बायामेट्रिकचा अर्ज आहे अशा फेरीवाल्यांवर कारवाई केली जात नाही. मात्र ज्यांच्याकडे परवाना संदर्भातील कसलीच कागदपत्रे नाहीत त्यांच्यावर कारवाई सुरु असल्याचे इस्टेट विभागाचे अधिकारी प्रमोद बराले, अतिक्रमण निर्मूलन पथकाचे अधिकारी पंडीत पोवार यांनी खुलासा केला. अधिकाऱ्यांच्या उत्तराला फेरीवाले संघटना प्रतिनिधी व नगरसेवकांनी आक्षेप घेत प्रशासनाच्या कारवाईला विरोध केला.

माजी महापौर पोवार यांनी महापालिकेकडून बायामेट्रिक कार्डधारक फेरीवाल्यांवरही कारवाई होत आहे. फेरीवाल्यांवरील कारवाई थांबली नाही तर जिल्हा परिषद निवडणूक झाल्यानंतर महापालिकेला घेराव घालण्याचा इशारा दिला. शहर अभियंता नेत्रदीप सरनोबत यांनी आयआरबीच्या रस्त्यावरील केबीनवरील कारवाई आणि अतिक्रमणचा मुद्दा निदर्शनास आणला.

कॉम्रेड दिलीप पोवार यांनी फेरीवाले संरक्षण कायदा असताना प्रशासनाकडून त्याची अंमलबजावणी होत नाही. नियमांना फाटा देऊन अधिकारी कारवाई करत असल्याचे सांगितले.

नगरसेवक शारंगधर देशमुख यांनी फेरीवाल्यांवर कारवाई करु नयेत असा आदेश महापौरांनी देऊनही प्रशासन जाणूनबुजून कारवाई करत असल्याचा आरोप केला. तसेच अतिक्रमण कारवाईवरुन प्रशासनाने नगरसेवकांकडे बोट दाखविण्याचा प्रयत्न करु नये असे सांगितले. चर्चेत स्थायी सभापती संदीप नेजदार, सभागृह नेता प्रविण केसरकर, माजी नगरसेवक आदिल फरास, फेरीवाले संघटनेचे नंदकुमार वळंजू, अशोक भंडारे, रमाकांत उरसाल, समीर नदाफ आदींनी सहभाग घेतला. दरम्यान, नगरसेवक, पदाधिकाऱ्यांनी घेतलेल्या या पवित्र्यामुळे आश्चर्य व्यक्त होत आहे.

मोबाइल अॅप डाउनलोड करा आणि राहा अपडेट

अतिक्रमण करणाऱ्यांवर गुन्हे दाखल करू

February 8, 2017, 1:30 pm

≫ Next: दुचाकी चोरणारे अटकेत

≪ Previous: कारवाईत नगरसेवकांचा खोडा

$

0

0

म. टा. प्रतिनिधी, कोल्हापूर

महानगरपालिकेला वारंवार सूचना देऊनही रस्त्यांवरील अतिक्रमणे हटत नसल्याने आता पोलिसच रस्त्यावर उतरले आहेत. बुधवारी (ता. ८) संध्याकाळी पोलिस उपअधीक्षक बसवराज शिवपुजे यांच्या पथकाने अतिक्रमण धारकांना रस्त्यांवरून हटण्याच्या सूचना दिल्या आहेत. याकडे दुर्लक्ष करणाऱ्यांवर वाहतुकीला अडथळा निर्माण केल्याबद्दल गुन्हे दाखल होणार आहेत. पोलिसांनी सुरू केलेल्या या कारवाईमुळे रस्ते मोकळा श्वास घेण्याची शक्यता निर्माण झाली आहे.

गेल्या काही वर्षात शहरातील वाहनांची संख्या नागरिकांच्या संखेपेक्षाही वाढली आहे. वाहनांच्या तुलनेत शहरातील रस्ते मात्र वाढले नाहीत. अंबाबाई मंदिरापासून एक किलोमीटरच्या अंतरात सर्वच रस्ते अरूंद आहेत. यातच दुकानधारक, फेरीवाले आणि वाहनधारकांचे अतिक्रमण वाढले आहे. वाहतूक कोंडीची गंभीर बाब लक्षात घेऊन पोलिसांनी शहरातील अतिक्रमणे हटवण्यासाठी विशेष मोहीम सुरू केली आहे. या मोहिमेअंतर्गत बुधवारी संध्याकाळी पोलिस अपअधीक्षक बसवराज शिवपुजे यांच्या नेतृत्त्वाखाली वाहतूक निरीक्षक अशोक धुमाळ आणि त्यांच्या पथकाने कारवाई सुरू केली.

पोलिसांनी भाऊसिंगजी रोड, लुगडी ओळ, मटण मार्केट, बिंदू चौक, मिरजकर तिकटी, बिनखांबी गणेश मंदिर परिसर, महाद्वार रोड, पापाची तिकटी या परिसरात धडक मोहीम राबवली. रस्त्यांच्या दुतर्फा असलेल्या पार्किंगच्या जागेवर ठाण मांडून असलेल्या फेरीवाल्यांना पोलिसांनी हटवले. रस्त्यावर अतिक्रमण केलेल्या दुकानधारकांनाही पोलिसांनी समज देऊन अतिक्रमणे काढून घेण्याच्या सूचना दिल्या. मटण मार्केट परिसरात बहुतांश दुकानधारकांनी रस्ता व्यापला आहे. काही ठिकाणी तर अनधिकृत केबिन्स देखील थाटल्या आहेत. यामुळे वाहतुकीची मोठी कोंडी होते.

मोबाइल अॅप डाउनलोड करा आणि राहा अपडेट

दुचाकी चोरणारे अटकेत

February 8, 2017, 1:30 pm

≫ Next: एमबीबीएस विद्यार्थ्यांचा मोर्चा

≪ Previous: अतिक्रमण करणाऱ्यांवर गुन्हे दाखल करू

$

0

0

म. टा. प्रतिनिधी, कोल्हापूर

चैनीसाठी ५० दुचाकी आणि एक तवेरा कारची चोरी करून विकणाऱ्या दोन चोरट्यांनी स्थानिक गुन्हे अन्वेषण शाखेच्या पोलिसांनी अटक केली. प्रमोद उर्फ लखन मधुकर घुले (वय २४) आणि मच्छिंद्र रामचंद्र लाड (२५, दोघेही रा. चरण, ता. शाहूवाडी) अशी अटकेतील दोघांची नावे असून, पोलिसांनी त्यांच्याकडून १६ लाख ५० हजार रुपयांची वाहने जप्त केली आहेत.

घुले याचा सख्खा भाऊ अक्षय हादेखील वाहन चोरीत सहभागी असून, तो अद्याप फरार आहे.

बनावट चावीने दुचाकी चोरून त्यांची सांगली आणि सातारा जिल्ह्यात विक्री करणारी टोळी जेरबंद करण्यात स्थानिक गुन्हे अन्वेषण विभागाला यश आले. गेल्या वर्षभरात वाढलेले वाहन चोरीचे गुन्हे नियंत्रणात आणण्यासाठी स्वतंत्र पथक स्थापन करण्याच्या सूचना अधीक्षक एम. बी. तांबडे यांनी स्थानिक गुन्हे अन्वेषण शाखेला दिल्या होत्या.

डोणोली (ता. शाहूवाडी) येथे एक वाहन चोरटा चोरीतील दुचाकी विक्रीसाठी येणार असल्याची माहिती पोलिसांनी मिळाली होती. पोलिसांनी सापळा रचून प्रमोद उर्फ लखन घुले यास ताब्यात घेतले. अधिक चौकशीत त्याने भाऊ आणि साथीदारासह ५० दुचाकी आणि एक तवेरा कार चोरल्याची कबुली दिली. ही सर्व वाहने कोल्हापूर, सांगली आणि पुणे जिल्ह्यातून चोरली आहे. पोलिसांनी १६ लाख ५० हजार रुपये किमतीच्या ५० दुचाकींसह १ कार जप्त केली. केवळ चैनीसाठी चोऱ्या केल्याची कबुली अटकेतील दोघांनीही दिली.

शहर वाहतूक शाखेचे पोलिस निरीक्षक अशोक धुमाळ यांच्या माहितीच्या आधारे पोलिस निरीक्षक दिनकर मोहिते यांच्या मार्गदर्शनाखाली पोलिस उपनिरीक्षक राजेंद्र सानप, सचिन पंडित यांनी ही कारवाई केली. अट्टल चोरट्यास पकडून एकाचवेळी ५० हून अधिक वाहने जप्त करण्याची ही राज्यातील सर्वात मोठी कारवाई असल्याचा दावा पोलिस अधीक्षक तांबडे यांनी केला. दरम्यान, आगामी काळात आणखी काही चोरीचे प्रकार उघडकीस येण्याची शक्यता पोलिसांनी व्यक्त केली आहे.

मोबाइल अॅप डाउनलोड करा आणि राहा अपडेट

एमबीबीएस विद्यार्थ्यांचा मोर्चा

February 8, 2017, 1:30 pm

≫ Next: कोल्हापुरात चार ठिकाणी ई टॉयलेट

≪ Previous: दुचाकी चोरणारे अटकेत

$

0

0

म. टा. प्रतिनिधी, कोल्हापूर

एमबीबीएस विद्यार्थ्यांसाठी सक्तीची करण्यात आलेली नॅशनल एक्झिट टेस्ट (नेक्स्ट) ही परीक्षा रद्द करावी या मागणीसाठी राजर्षी शाहू सरकारी ​वैद्यकीय महाविद्यालयाच्या विद्यार्थ्यांनी बुधवारी जिल्हाधिकारी कार्यालयावर मूक मोर्चा काढला. विद्यार्थ्यांनी जिल्हाधिकारी डॉ. अमित सैनी यांना निवेदन दिले.

केंद्र सरकारच्या आरोग्य मंत्रालयाने एमबीबीएसचे शिक्षण घेणाऱ्या विद्यार्थ्यासाठी नेक्स्ट ही परीक्षा सक्तीची केली आहे. ही परीक्षा उत्तीर्ण झाल्यावर विद्यार्थ्यांना डॉक्टर पदवी देण्याचे विधेयक प्रस्तावित करण्यात आले आहे. ही परीक्षा विद्यार्थ्यावर अन्यायकारक आहे असल्याचे म्हणणे विद्यार्थ्यांचे आहे.

परीक्षा रद्द करावी या मागणीसाठी सीपीआर परिसरातून मूक मोर्चास सुरुवात झाली. दसरा चौक, जयंती पूल, खानविलकर पेट्रोल पंप, महावीर उद्यान मार्गे मूक मोर्चा जिल्हाधिकारी कार्यालयावर आला. यावेळी विद्यार्थ्यांनी मूक निदर्शने केली. जिल्हाधिकारी डॉ. सैनी यांना विद्यार्थ्यांच्या शिष्टमंडळाने निवेदन दिले.

निवेदनात म्हटले आहे की, एमबीबीएस पदवीचा अभ्यासक्रम चार वर्षाचा आहे. अभ्यासक्रम पूर्ण झाल्यावर पदवी मिळते अशी आतापर्यंत पद्धत सुरु होती. पण केंद्र सरकारच्या आरोग्य मंत्रालयाने मेडिकल कौन्सिल ऑफ इंडियाकडून (एमसीआय) नवीन विधेयक संमत करण्यासाठी संसदेत मंजुरीसाठी ठेवले आहे. साडेचार वर्षाचा अभ्यास पूर्ण झाल्यानंतर नेक्स्ट परीक्षा द्यावी लागणार आहे. ही परीक्षा उत्तीर्ण झाल्यावर एमबीबीएसची पदवी दिली जाणार आहे. जर विद्यार्थी अनुतीर्ण झाला तर संबधित विद्यार्थ्यांला साडेचार वर्षाच्या शिक्षणाला या एका परीक्षेमुळे मुकावे लगणार आहे. हे विधेयक मागे घ्यावी अशी मागणी करण्यात आली. शिष्टमंडळात शाहू स्टुडंट कौन्सिलचे मयुरेश धाने, कृष्णदीप रणनवरे, शर्वरी वांजळे, सुरभी रामटेके, गणेश गांबरे, जय साकोरे यांच्यासह मोठ्या संख्येने विद्यार्थ्यांचा समावेश होता.

मोबाइल अॅप डाउनलोड करा आणि राहा अपडेट

कोल्हापुरात चार ठिकाणी ई टॉयलेट

February 8, 2017, 1:30 pm

≫ Next: अतिक्रमणे हटवण्यासाठी पोलिस रस्त्यावर

≪ Previous: एमबीबीएस विद्यार्थ्यांचा मोर्चा

$

0

0

म. टा. प्रतिनिधी, कोल्हापूर

मेट्रो शहरांच्या धर्तीवर कोल्हापुरातही ई टॉयलेट उभारण्याचा प्रस्ताव महापालिकेने तयार केला आहे. महापालिका महिलांसाठी अत्याधुनिक धर्तीवर स्वच्छतागृहे असावीत यासाठी स्वनिधीतून याची उभारणी करेल. सात जागांच्या पाहणीनंतर चार ठिकाणे निश्चित करण्यात आली आहेत. या इ टॉयलेट्सचा देखभाल खर्चही कमी असेल.

दिल्ली, मुंबई, ठाणे, पुणे, नागपूर अशा मेट्रो सिटीमध्ये ई टॉयलेट्स आहेत. मशिनमध्ये एक रुपया टाकून ही सुविधा तेथे मिळते. ऑटो प्लॅशची सुविधा यात असते. साचणाऱ्या मैल्यावर प्रक्रिया करण्याचा समावेश यंत्रणेत समावेश असतो. विद्युत दिवे, पंखा अशा सोयीही तेथे असतात. यासाठी निविदा मागविण्यात आल्या आहेत. आरोग्य व महिला बालकल्याण विभागातर्फे शहरातील गर्दीच्या ठिकाणांचाचा यासाठी सर्व्हे झाला. यासाठी २४ लाख रुपयांची तरतूद केली आहे. एका ई टॉयलेटसाठी सहा लाखांचा खर्च अपेक्षित आहे.

शौचालयांना स्थानिकांचा विरोध

शहरात भाविक आणि पर्यटकांची संख्या वाढत आहे. त्यामुळे पे अँड यूज तत्वानुसार भवानी मंडप परिसर, रंकाळा तलाव, सदरबाजार येथे स्वच्छतागृह उभारलेली आहेत. महापालिकेने शौचालय, स्वच्छतागृहांसाठी वीस ठिकाणे निश्चित केली होती. या जागांचा सर्व्हे झाला. मात्र २० पैकी सोळा ठिकाणी स्वच्छतागृहांच्या उभारणीस नागरिकांचा विरोध झाला. त्यामुळे हा प्रस्ताव मागे पडला. महापालिका आता अन्य जागांचा शोध घेत आहे. तर महापालिकेच्या ठिकठिकाणच्या शौचालयांची देखभाल, स्वच्छता होत नसल्याच्या तक्रारी आहेत.

मेट्रो सिटीच्या धर्तीवर कोल्हापुरात ई टॉयलेट सुविधा देण्याचा प्रस्ताव आहे. भाविक, पर्यटकांसाठी या सुविधा गरजेच्या आहेत. कमी दरात अथवा मोफत सुविधा देण्याचा प्रयत्न आहे. पहिल्यांदा चार ठिकाणी ई टॉयलेट उभारली जातील. त्यानंतर आढावा घेऊन अन्यत्र अशी सुविधा उपलब्ध केली जाईल.

- डॉ. विजय पाटील, मुख्य आरोग्य निरीक्षक

मोबाइल अॅप डाउनलोड करा आणि राहा अपडेट

---

अतिक्रमणे हटवण्यासाठी पोलिस रस्त्यावर

February 8, 2017, 1:30 pm

≫ Next: गावठाण’ येणार कॅनव्हासवर

≪ Previous: कोल्हापुरात चार ठिकाणी ई टॉयलेट

$

0

0

म. टा. प्रतिनिधी, कोल्हापूर

शहरातील वाहतूक कोंडीसाठी कारणीभूत असलेले फेरीवाले आणि वाहनधारकांचे अतिक्रमण हटवण्यासाठी पोलिस रस्त्यांवर उतरले आहेत. बुधवारी (ता. ८) संध्याकाळी पोलिस उपअधीक्षक बसवराज शिवपुजे यांच्या नेतृत्वाखाली शहर वाहतूक नियंत्रण शाखेच्या पथकाने गर्दीच्या रस्त्यांवर मोठ्या फौजफाट्यासह कारवाई केली. या कारवाईत फेरीवाले, दुकानधारक आणि रस्त्याकडेला लावलेली वाहने हटवण्यात आली.

शहरातील अंतर्गत रस्त्यांवर फेरीवाले, दुकानधारक आणि काही वाहनधारकांकडून मोठ्या प्रमाणात अतिक्रमण झाले आहे. या अतिक्रमणांमुळे वाहतूक कोंडी होत असल्याने अतिक्रमण हटवण्यासाठी पोलिस रस्त्यावर उतरले आहेत. पोलिस उपअधीक्षक शिवपुजे यांच्या नेतृत्वाखाली शहर वाहतूक नियंत्रण शाखेने बुधवारी संध्याकाळी कारवाई केली.

भाऊसिंगजी रोड, लुगडी ओळ, बिंदू चौक, मिरजकर तिकटी, महाद्वार रोड, बिनखांबी गणेश मंदिर, पापाची तिकटी या परिसरातील अतिक्रमणधारकांना पोलिसांनी रस्त्यावरून हटवले. या परिसरात मोठ्या संख्येने फेरीवाल्यांनी रस्त्यांवरच दुकाने थाटली आहेत. फळविक्रेत्यांच्या गाड्याही याच परिसरातील रस्त्यावर असतात. याशिवाय दुकानधारकांनी दुकानाबाहेर रस्त्यावर अतिक्रमण केले आहे. दुकानधारकांची वाहनेही दुकानांसमोर रस्त्यातच पार्क केली आहे. रस्त्यांच्या दुतर्फा अशीच स्थिती असल्याने वाहतुकीला अडथळे निर्माण होत आहेत. ही बाब लक्षात घेऊन पोलिसांनी प्रथमच स्वतंत्रपणे अतिक्रमणे हटवण्यास सुरूवात केली आहे. यासाठी शीघ्रकृती दलाचीही मदत घेण्यात आली.


पोलिसांची धडक कारवाई

शहरातील अतिक्रमणे हटवण्यासाठी पोलिसांनी वारंवार महापालिकेला सूचना दिल्या आहेत. स्मरणपत्रेही पाठवली, मात्र महानगरपालिकेकडून कोणतीच कारवाई होत नसल्याने अखेर पोलिसांनीच अतिक्रमणे हटवण्यास सुरूवात केली. ही कारवाई यापुढेही सुरू राहणार असल्याची माहिती वाहतूक निरीक्षक अशोक धुमाळ यांनी दिली आहे.


शहरातील अरुंद रस्त्यांवर फेरीवाले आणि दुकानधारकांचे अतिक्रमण वाढले आहे. पादचाऱ्यांना चालणेही कठीण बनले आहे. त्यामुळे अतिक्रमणे हटवण्याची मोहीम सुरू केली आहे. अतिक्रमण करणाऱ्यांना सुरुवातीला सूचना देण्यात आल्या आहेत. यापुढे थेट गुन्हे दाखल केले जातील.

बसवराज शिवपुजे, पोलिस उपअधीक्षक

मोबाइल अॅप डाउनलोड करा आणि राहा अपडेट

गावठाण’ येणार कॅनव्हासवर

February 8, 2017, 1:57 pm

≫ Next: पोलिसांना आठ तासांची ड्युटी कधी?

≪ Previous: अतिक्रमणे हटवण्यासाठी पोलिस रस्त्यावर

$

0

0

Anuradha.kadam@timesgroup.com
Tweet : @anuradhakadamMT

कोल्हापूर : रंगाचे फटकारे आणि रेषांच्या कमानींमधून आकाराला येणाऱ्या चित्राची स्वत:ची अशी भाषा असते. शब्द आणि चित्र यांचे हे अनोखे नाते लवकरच एका वेगळ्या उपक्रमातून उलगडणार आहे. ज्येष्ठ लेखक कृष्णात खोत यांच्या ‘गावठाण’ या ग्रामीण संस्कृतीचा गंध असलेल्या कादंबरीतील पात्र आणि त्यांचे विश्व चित्रमालिकेच्या रूपातून साकारणार आहे. दळवीज आर्ट इन्स्टिट्यूटचे विद्यार्थी कलाकार संपूर्ण ‘गावठाण’ कादंबरी चित्रांमधून मांडत या चित्रमालिकेचे प्रदर्शन भरवणार आहेत. विशेष म्हणजे एखाद्या कादंबरीवर चित्रमालिका करण्याचा प्रयोग साहित्य आणि चित्रकृती या क्षेत्रामध्ये प्रथमच होत आहे.

पन्हाळगडाच्या पायथ्याशी असलेल्या निकमवाडी गावात बालपण व्यतीत केलेल्या खोत यांची ‘गावठाण’ पहिलीच कादंबरी. ग्रामीण भागातील स्त्री जीवन आणि तिच्यासमोर असलेल्या संकटांच्या मालिकेतूनही तिचं स्वत्त्व जपत जगणं हे या कादंबरीचे कथाबीज आहे. कादंबरीसाठी निवडलेला ग्रामीण भाग आणि तेथील वातावरण खोत यांनी भाषेच्या लहेजासह गावातील रूढीपरंपराच्या वर्णनातून रेखाटले आहे. या कादंबरीची नायिका आनंदी गरीब कुटुंबातील आहे. संकटांचा सामना करत जगणाऱ्या या मुलीच्या आयुष्यात येणाऱ्या चढउतारांची अनेक वळणे या कादंबरीत येतात. गावातील जनावरांपेक्षाही माणसाचं आयुष्य कशाप्रकारे जखडून टाकलेले आहे याचे अनेक अनुभव आनंदीच्या आयुष्यातील प्रसंगांमधून वाचकांना येतात. म्हैस आणि स्त्री यांच्यावरील लिखित प्रसंगांमधून सूचक अर्थ सांगण्याचा प्रयत्नही कादंबरीतून होतो.

‘गावठाण’मधील हे सारे प्रसंग चित्ररूपाने मालिकेतून रेखाटण्याची जबाबदारी दळवीज इ​न्स्टिट्यूटमधील विद्यार्थी चित्रकारांनी घेतली आहे. सहा महिन्यात ही चित्रमालिका तयार होणार असून प्रदर्शनाच्या माध्यमातून ती रसिकांसमोर मांडली जाणार आहे. त्यासाठी चित्रमालिकेत सहभागी होणाऱ्या चित्रकारांच्या उपस्थितीत कादंबरीचे सामूहिक वाचन करण्यात येणार असून त्यातून चित्रमालिकेसाठी आवश्यक असलेल्या पात्रांसह कादंबरीत वर्णनातून येणाऱ्या दृश्यांची निवड केली जाणार आहे. ग्रामीण निसर्ग, शेतवड, दैनंदिन आयुष्यातील प्रसंग, आनंदीच्या आयुष्यातील चढउतार, संकटं, गावदेवी तांबुजाई यामधून मानवी जीवनातील नात्याच्या भावबंधाची अनेक रूपे ‘गावठाण’च्या पानातून कॅनव्हासवर ​चितारण्यात येणार आहेत.

मोबाइल अॅप डाउनलोड करा आणि राहा अपडेट

पोलिसांना आठ तासांची ड्युटी कधी?

February 8, 2017, 2:04 pm

≫ Next: बायकोला पेटवून आई व मुलाची ठेचून हत्या

≪ Previous: गावठाण’ येणार कॅनव्हासवर

$

0

0

म. टा. प्रतिनिधी, कोल्हापूर

खासगी क्षेत्रात नोकरी करणाऱ्यांना आठ तास ‘ड्युटी’ आणि ‘फाइव्ह डे वीक’ सुरू झाला. पण, राज्यातील पोलिसांना अजूनही १२ ते १४ तास काम करावे लागत आहे. अतिरिक्त कामाचा पोलिसांच्या कार्यक्षमतेवर परिणाम होत आहे. त्यामुळे आता मुंबई पोलिस आयुक्तांनी पोलिस कर्मचाऱ्यांना आठ तास ड्युटीचा निर्णय घेतला आहे. मुंबईनंतर आता उर्वरित राज्यासाठी हा निर्णय कधी घतेला जाणार? असा प्रश्न पोलिसांकडून विचारला जात आहे.

पोलिसांकडून नागरिकांना व्यवस्थित वागणूक मिळत नाही...ते पैसेच खातात...व्यवस्थित तपासच करत नाहीत, अशा विविध कारणांवरून नेहमी पोलिसांवर ओरड होते. पण, सर्वच पोलिस असे नसतात. पोलिस दलात अनेक पोलिस प्रामाणिकपणे काम करून नागरिकांच्या कामांना प्राधान्य देतात. नेहमीच टीकेचा धनी असलेल्या पोलिसांच्या ताणाबद्दल मात्र कुणी बोलायला तयार नसते. नागरिकांच्या सुरक्षिततेला प्राधान्य देऊन सलग १२ ते १४ तास पोलिसांना काम करावे लागते. बऱ्याच वेळा हक्काची साप्ताहिक सुट्टीही मिळत नाही. सण, उत्सव, नवीन वर्ष असे दिवस आले की आंदोलन असेल तर पोलिसांच्या सुट्ट्या रद्द होतात. कायदा सुव्यवस्था राहण्यासाठी त्यांना चोवीस तास बंदोबस्तावर राहावे लागते. कुटुंबीयांसोबत सण साजरा करण्यास त्यांना कधीच मिळत नाही. सतत त्यांच्यावर कामाचा ताण असतो. त्यामुळे त्याचा पोलिसांच्या शारीरिक आणि मानसिक आरोग्यावर विपरीत परिणाम होत आहे.

खासगी क्षेत्रात मोठ-मोठे पगार असतात. तसेच आठ तास ड्युटी आणि पाच दिवसच काम करायचे, अशी सुविधा असते. पण सलग चौदा ते पंधरा तास आणि सात दिवस पोलिसांना काम करावे लागते. पोलिसांच्या कार्यक्षमतेमध्ये वाढ होण्यासाठी आणि त्यांना कुटुंबीयांना वेळ देता यावा यासाठी त्यांनादेखील आठ तास ड्युटी मिळण्याची गरज आहे. मुंबईच्या पोलिस आयुक्तांनी त्यांच्या हद्दीत सध्या आठ तास ड्युटीचा उपक्रम सुरू केला आहे. पुण्यातही मीरा बोरवणकर या पोलिस आयुक्त असताना त्यांनी आठ तास ड्युटीचा उपक्रम राबविला होता. भोसरी व इतर काही ठाण्यात हा प्रयोग यशस्वी झाला होता. पण, मनुष्यबळाच्या कमतरतेमुळे अखेर हा प्रयोग गुंडाळण्यात आला. त्यानंतर पोलिस दलात मोठी भरती झाल्यानंतर हा प्रयोग राज्यात राबविण्याची सूचना राज्य नियोजन मंडळाने केली होती. पण, त्याचे पुढे काही झालेच नाही.
आठ तास ड्युटी राबविण्यासाठी कमी मनुष्यबळाचा मुद्दा समोर केला जातो. मात्र, अनेक युनिटला काहीही गरज नसताना अधिक कमर्चारी नेमलेले आहेत. बरेचसे कर्मचारी नक्की काय काम करतात, याचीदेखील वरिष्ठांना माहिती नसते. तर, काही कर्मचारी फक्त वरिष्ठांचीच कामे करत फिरतात. त्यामुळे अनके ठिकाणचे अनावश्यक कर्मचारी कमी करून त्यांची आवश्यक असलेल्या ठाण्यांना नेमणूक केली तर, आठ तास ड्युटीचा निर्णयाला फायदा संपूर्ण राज्यातील पोलिसांना होऊ शकतो.

मोबाइल अॅप डाउनलोड करा आणि राहा अपडेट

बायकोला पेटवून आई व मुलाची ठेचून हत्या

February 8, 2017, 9:47 pm

≫ Next: ‘विश्वकोश’ संगीत नोंदीचे पालकत्व देवल क्लबकडे

≪ Previous: पोलिसांना आठ तासांची ड्युटी कधी?

$

0

0

मटा ऑनलाइन वृत्त । सोलापूर

सोलापूर जिल्ह्यातील बार्शी येथे अनुरथ बरडे नावाच्या नराधमानं स्वत:ची आई, पत्नी व मुलाची निर्घृण हत्या केली आहे. तिघांना मारल्यानंतर त्यानं स्वत:च्या मुलीवरही हल्ला केला. त्यात ती गंभीर जखमी झाली असून तिच्यावर उपचार सुरू आहेत. पोलिसांनी अनुरथला अटक केली असून दारूच्या नशेत त्यानं हे कृत्य केल्याचं बोललं जात आहे.

काळजाचा थरकाप उडवणारी ही घटना बार्शीतील कोरफळे भागात घडली. आज पहाटेच्या सुमारास अनुरथ यानं त्याची आई सखुबाई बरडे आणि मुलगा सुदर्शन बरडे यांना दगडाने ठेचून मारले. त्यानंतर त्यानं पत्नी रेश्मा बरडे हिलाही पेटवून दिले. पत्नीला पेटवून दिल्यानंतर अनुराथने स्वत:च्या चार वर्षांच्या मुलीवरही वार करून तिला मारण्याचा प्रयत्न केला. मात्र, शेजारी मध्ये पडल्यामुळं मुलीचा जीव वाचला. तिच्यावर बार्शीतील जगदाळे मामा रुग्णाणलयात उपचार सुरू असून तिची प्रकृती चिंताजनक आहे.

या घटनेमुळे संपूर्ण परिसरात हळहळ व्यक्त होत आहे. दारूचं प्रचंड व्यसन असलेल्या अनुरथनं नशेत हे कृत्य केल्याची चर्चा असली तरी पोलिसांनी अधिक चौकशी सुरू केली आहे. हत्येमागचं नेमकं कारण जाणून घेण्याचा प्रयत्न पोलीस करत आहेत.

मोबाइल अॅप डाउनलोड करा आणि राहा अपडेट

‘विश्वकोश’ संगीत नोंदीचे पालकत्व देवल क्लबकडे

February 9, 2017, 1:30 pm

≫ Next: राज्यातील शंभर गडकोटांची स्वच्छता मोहीम

≪ Previous: बायकोला पेटवून आई व मुलाची ठेचून हत्या

$

0

0

म. टा. प्रतिनिधी, कोल्हापूर

महाराष्ट्र राज्य मराठी विश्वकोश निर्मिती मंडळातर्फे विश्वकोशामधील संगीत क्षेत्रातील गायन, वादन आणि नृत्य या विषयातील नोंदींच्या अद्ययावतीकरणाचे पालकत्व कोल्हापुरातील गायन समाज देवल क्लब या संस्थेकडे सोपवण्यात आले आहे. विश्वकोश मंडळाचे अध्यक्ष दिलीप करंबेळकर यांनी गुरुवारी पत्रकार परिषदेत ही माहिती दिली.

महाराष्ट्र राज्य मराठी विश्वकोश निर्मिती मंडळ आणि गायन समाज देवलक्लब यांच्यात यासंदर्भात नुकताच करार करण्यात आला असून नोंदींच्या अद्ययावतीकरण उपक्रमाच्या समन्वयकपदी अखिल भारतीय गांधर्व महाविद्यालय मंडळाचे माजी सचिव, पंडित सुधीर पोटे यांची नियुक्ती करण्यात आल्याची माहितीही करंबेळकर यांनी दिली.

करंबेळकर म्हणाले, वि​विध ज्ञानमंडळाच्या रचनेत व कार्यवाहीत विद्यापीठांचा सहभाग असावा यादृष्टिने राज्यातील बहुतांश विद्यापीठांशी मराठी विश्वकोश मंडळाने करार केला आहे. विश्वकोशामध्ये विविध विषयातील नोंदी करण्याचे काम पूर्ण करण्यासाठी साठ अभ्यास मंडळांची स्थापना करण्यात आली आहे. याअंतर्गत संगीतक्षेत्रातील हिंदुस्थानी, कर्नाटकी, पाश्चिमात्य संगीतासह वादन व नृत्य या विभागातील नोंदी अद्ययावत करण्याची जबाबदारी राज्य सरकारच्यावतीने कोल्हापुरातील गायन समाज देवलक्लबकडे सोपवण्यात आली आहे.

मंडळाचे सदस्य दीपक जेवणे हे संगीत ज्ञानमंडळाचे पालक म्हणून काम पाहणार आहेत. या नोंदींसाठी तज्ज्ञांचे अभ्यासमंडळ नेमण्यात आले असून पोटे यांच्या नेतृत्वाखाली पुणे येथील संवादिनीवादक चैतन्य कुंटे, कथककलाकार रोशन दाते, बंगळुरू येथील पखवाजवादक व कर्नाटक संगीताचे अभ्यासक पंडित ए. अनंतशास्त्री शर्मा, गोवा येथील पाश्चात्य संगीतअभ्यासक व गिटारवादक रॉक लाझारस, कोल्हापुरातील नाट्यसंगीत अभ्यासक डॉ. विनोद ठाकूर देसाई व चित्रकार व कला समीक्षक माधव इमारते आदी तज्ज्ञ काम पाहणार आहेत.

पत्रकार परिषदेला देवल क्लबचे अध्यक्ष व्ही. बी. पाटील, उपाध्यक्ष दिलीप गुणे, अरूण डोंगरे, श्रीकांत डिग्रजकर, उमा नामजोशी आदी उप​स्थित होते.

मोबाइल अॅप डाउनलोड करा आणि राहा अपडेट

राज्यातील शंभर गडकोटांची स्वच्छता मोहीम

February 9, 2017, 1:30 pm

≫ Next: प्राधिकरणाला निवडणुकीनंतर मुहूर्त​

≪ Previous: ‘विश्वकोश’ संगीत नोंदीचे पालकत्व देवल क्लबकडे

$

0

0

म. टा. प्रतिनिधी, कोल्हापूर

अखिल भारतीय शिवराज्याभिषेक महोत्सव समितीच्या पुढाकाराने शिवजयंती उत्सव आणि खासदार युवराज संभाजीराजे छत्रपती यांच्या वाढदिवसान‌िमित्त शनिवारपासून (ता. ११ फेब्रुवारी) राज्यातील १०० ऐतिहासिक किल्यांच्या स्वच्छता मोहिमेला प्रारंभ होईल. ही मोहीम १९ फेब्रुवारीपर्यंत सुरू राहणार आहे. शनिवारी पन्हाळा किल्ल्यावर खासदार संभाजीराजे यांच्या हस्ते मोहिमेला सुरूवात होईल. अखिल भारतीय शिवराज्याभिषेक महोत्सव समितीचे कार्याध्यक्ष फत्तेसिंह सावंत यांनी गुरुवारी पत्रकार परिषदेत ही माहिती दिली.

सावंत म्हणाले, ‘गडकोटांच्या संवर्धनाची जबाबदारी तुमची व माझी अशी संकल्पना समितीने घेतली आहे. खासदार संभाजीराजे यांचा वाढदिवस शनिवारी आहे. त्या दिवशी डिजिटल फलक लावू नयेत, हार-तुरे आणू नये असे आवाहन केले आहे. वाढदिवस विधायकपणे साजरा करण्याचा निर्णय घेतला आहे. स्वच्छता चळवळीला प्रोत्साहन देण्यासाठी गडांच्या स्वच्छतेची मोहीम राबवण्यात येणार आहे. राज्यातील १०० किल्यांच्या स्वच्छतेला एकाच दिवशी सुरूवात होईल. त्यामध्ये सर्व शिवभक्त, पर्यावण प्रेमी, विविध स्वयंसेवी संस्थांचे प्रतिनिधी, कार्यकर्त्यांनी सहभागी व्हावे, असे आवाहन केले आहे.’

याबाबत सोशल मीडियावरून जागृती केली आहे. किल्यांवरील सेवा-सुविधांच्या प्रश्नांची यादी तयार करण्यात येणार आहे. स्वच्छतेनंतर कचऱ्याचे वर्गीकरण केले जाणार आहे. विल्हेवाट लावण्यासाठी जवळपासच्या स्थानिक स्वराज्य संस्थांची मदत घेतली जाणार आहे. गडकोट संवर्धनाचा हा पहिला टप्पा आहे.’

यावेळी समितीचे आर. डी. जाधव, उदय गायकवाड, अमर पाटील, उदय घोरपडे, हॉटेल असोसिएशनचे अध्यक्ष उज्वल नागेशकर, साक्षी पन्हाळकर आदी उपस्थित होते.





मटा भूमिका

पर्यटनाच्या दृष्टीने गडकोटांचे जसे महत्त्व आहे, त्याहून अधिक महत्व त्यांचा ऐतिहासिक वारसा म्हणून होणाऱ्या संवर्धनासाठी आहे. महाराष्ट्रातील अनेक गटकोट छत्रपती शिवाजी महाराजांच्या पराक्रमाची साक्ष देत आजही उभे आहेत. त्यांची दूरवस्था होत आहे. गटकोटांची तटबंदी ढासळण्यापासून ते तेथील ऐतिहासिक वास्तूंच्या विद्रुपीकरणापर्यंतच्या अनेक गोष्टी घडत आहेत. या किल्ल्यांचे संवर्धन व्हावे, इतिहास जिवंत व्हावा, अशा उपाययोजना अंमलात आणल्या पा‌हिजेत. गडकोट संवधर्न समितीने पुढाकार घेऊन संवर्धनाची ब्ल्यू प्रिंट तयार करून उपायांची अंमलबजावणी करावी. केंद्र सरकारने यासाठी अधिकाधिक निधी द्यावा, जाहीर केलेला निधी तातडीने खर्च होणे गरजेचे आहे. संवर्धनाबाबत नियमित आढावा बैठक घेण्यात यावी. खासदार संभाजीराजे छत्रपती यांनी हाती घेतलेली मोहीम कौतुकास्पद आहे. मात्र अशा मोहिमांत सातत्य हवे.

मोबाइल अॅप डाउनलोड करा आणि राहा अपडेट

प्राधिकरणाला निवडणुकीनंतर मुहूर्त​

February 9, 2017, 1:30 pm

≫ Next: शाळांच्या विकासाला हवी गती

≪ Previous: राज्यातील शंभर गडकोटांची स्वच्छता मोहीम

$

0

0

satish.ghatage
@timesgroup.com

Tweet : @satishgMT

कोल्हापूर ः महानगरपालिका, जिल्हा परिषद, पंचायत समितीच्या निवडणुकांची रणधुमाळी संपल्यानंतर कोल्हापूर शहराच्या हद्दवाढीला पर्याय म्हणून पुढे आलेल्या कोल्हापूर क्षेत्र प्राधिकरणाच्या स्थापनेला गती येणार आहे. प्राधिकरणात ४२ गावांचा समावेश करण्याची शिफारस जिल्हाधिकारी डॉ. अमित सैनी यांनी राज्य सरकारच्या नगरविकास खात्याकडे यापूर्वीच अहवालाद्वारे केली आहे.

चार दशकांहून अधिक काळ प्रलंबित असलेल्या कोल्हापूर शहराच्या हद्दवाढीच्या प्रस्तावात १८ गावांचा समावेश करण्यासंदर्भात ऑगस्ट २०१६ मध्ये राज्य सरकारने अनुकूलता दर्शवली होती. पालकमंत्री चंद्रकांत पाटील यांनी यासाठी पुढाकार घेत निर्देश दिले. मात्र १८ गावांनी हद्दवाढीला कडाडून विरोध केला. महापालिकेसह स्थानिक आमदारांनी हद्दवाढीचा आग्रह धरला तर ग्रामीण भागातील आमदार पन्हाळा, हातकणंगले आणि कोल्हापूर दक्षिण मतदारसंघातील आमदारांनी याला विरोध केला. त्यानंतर कोल्हापूर हद्दवाढ कृती समिती आणि हद्दवाढ विरोधी कृती समिती सक्रीय झाली. समर्थक आणि विरोधक हद्दवाढीच्या प्रश्नांवर उभे ठाकल्याने ऑगस्ट २०१६ मध्ये मुख्यमंत्री देवेंद्र फडणवीस यांच्या दालनात समर्थक आणि विरोधकांच्या संयुक्त बैठकीत पालकमंत्री चंद्रकांत पाटील, आमदार राजेश क्षीरसागर, चंद्रदीप नरके, डॉ. सुजित मिणचेकर, आमदार अमल महाडिक यांच्यासह विविध गावांचे लोकप्रतिनिधी, महापालिकेसह विविध संस्थांचे अधिकारी उपस्थित होते. बैठकीत हद्दवाढीला पर्याय म्हणून १८ गावांसाठी प्राधिकरणाचा प्रस्ताव मुख्यमंत्र्यांनी दिला. प्राधिकरणासंदर्भात राज्य सरकारने सूचनाही मागविल्या.

त्यानंतर १८ गावांतील लोकप्रतिनिधी, आर्किटेक, बांधकाम व्यावसायिकांची संघटना क्रेडाई, पर्यावरण अभ्यासक, महानगरपालिकेचे अधिकारी, पदाधिकारी, नगरसेवकांनी हद्दवाढ, प्राधिकारणाबाबत सूचना केल्या. याशिवाय आयुक्त पी. शिवशंकर, नगररचना विभागाच्या सहायक संचालकांनी जिल्हाधिकाऱ्यांकडे स्वतंत्र अहवाल पाठवले. प्राधिकरणात १८ गावांचाच समावेश केल्यास ते सशक्त होणार नसल्याने जादा गावे समाविष्ट व्हावीत यासाठी राज्य सरकार प्रयत्नशील होते. भौगोलिक संलग्ननेचा विचार करून आयुक्त शिवशंकर आणि नगररचना विभागाच्या सहायक संचालकांनी महापालिकेसह, पेठवडगाव, कागल नगरपालिकेसह ४२ गावांचा समावेश करावा असा अहवाल जिल्हाधिकारी डॉ. अमित सैनी यांना पाठवला. लोकप्रतिनिधी, नागरिकांच्या सूचनांसह अहवाल नगरविकास खात्याच्या सचिवांकडे पाठविण्यात आला.

राज्य सरकारकडे ४२ गावांचा अहवाल पाठवला असला तरी पुलाची शिरोली गावाने नगरपालिका स्थापन करण्याची मागणी केली आहे तर शिये गावाने प्राधिकरणात समाविष्ट होण्यास विरोध दर्शवला आहे. नव्या प्रस्तावानंतर प्राधिकरणाची लोकसंख्या साडेनऊ लाख होईल. जिल्हा परिषदेच्या निवडणुकीआधी प्राधिकरण स्थापनेची घोषणा होणार होती. मात्र निवडणुकीत प्राधिकरणाचा मुद्दा सत्ताधारी पक्षाला अडचणीचा ठरण्याची शक्यता लक्षात घेऊन याती घोषणा पुढे ढकलली आहे. जिल्हा परिषद आणि पंचायत समितीच्या निवडणुकीचा निकाल लागल्यानंतर प्राधिकरण स्थापन करण्याच्या प्रक्रिया वेग येणार आहे. ही प्रक्रिया किती वेळ चालेल हे सहभागी गावांच्या मतांवर अवलंबून राहणार आहे.


मुख्यमंत्री फडणवीस यांनी प्राधिकरणाची सूचना मांडली होती. जिल्हाधिकारी डॉ. सैनी यांनी ४२ गावांचा प्रस्ताव नगरविकास खात्याला पाठविला आहे. निवडणुकीची आचारसंहिता संपल्यानंतर प्राधिकरणाचा प्रश्न प्रामुख्याने हाती घेऊ. ४२ गावांच्या हरकतीवर विचार करून प्राधिकरणाचा निर्णय घेतला जाईल.

-चंद्रकांत पाटील, पालकमंत्री

मोबाइल अॅप डाउनलोड करा आणि राहा अपडेट

---

शाळांच्या विकासाला हवी गती

February 9, 2017, 1:30 pm

≫ Next: अचानक पाणी सोडल्याने शेतीचे नुकसान

≪ Previous: प्राधिकरणाला निवडणुकीनंतर मुहूर्त​

$

0

0

Mahesh.Patil
@timesgroup.com

Tweet : @MaheshpMT

कोल्हापूर ः पडझड झालेल्या भिंती, मोडकळीस आलेले वर्ग हे चित्र एकीकडे तर शिक्षकांकडून चाललेले प्रयत्न, त्याला परिसरातून मिळणारी नागरिकांची साथ यातून फुलणारी शाळा हे दुसरीकडे. कोल्हापूर शहरातील प्राथमिक शिक्षणाच्या क्षेत्रात ही दोन्ही टोके महानगरपालिका प्राथमिक शिक्षण मंडळाच्या कार्यक्षेत्रात सहज पहायला मिळतात. स्पर्धात्मक क्षेत्रात जिथे गरज आहे आणि जो सक्षम आहे, तोच टिकणार हे तत्त्व येथेही लागू पडलेले दिसून येते. यातही काही शाळांनी लोकसहभागातून आदर्श निर्माण केल्याचे दिसते. तो विस्तारण्याची गरज आहे.

कोल्हापूर महानगरपालिकेच्या प्राथमिक शिक्षण मंडळाच्या मराठी माध्यमाच्या ५४ तर उर्दू माध्यमाच्या ५ अशा एकूण ५९ शाळांमध्ये एकूण साडेनऊ हजार मुले शिक्षण घेतात. सहा लाख लोकसंख्येच्या शहरात प्राथमिक शिक्षण घेणाऱ्या विद्यार्थ्यांची संख्या ४० हजारांहून अधिक आहे. खासगी खासगी अनुदानित प्राथमिक ६४ शाळांमध्ये साधारणतः २३ हजार १०६ विद्यार्थी शिक्षण घेतात. तर खासगी विनाअनुदानित शाळांमध्ये मराठी व इंग्रजी माध्यमाच्या ४८ शाळा आहेत. त्यापैकी कायम विनाअनुदानित तत्वावर ४० विनाअनुदानित ५ आणि अन्य ३ यांचा समावेश आहे. या सर्व विनाअनुदानित शाळांत सुमारे १८ हजार विद्यार्थी शिकतात. प्राथमिक शिक्षण मंडळाकडे ३३३ शिक्षक कार्यरत आहेत. याशिवाय, कलाशिक्षक आणि बी. एड. शिक्षक कार्यरत आहेत. १६२ शिक्षकेत्तर कर्मचारी कार्यरत आहेत. त्यापैकी काही महापालिकेकडे कार्यरत असल्याचे सांगण्यात येते.

या शाळांसाठी दरवर्षी अर्थसंकल्पात साधारणतः २८ कोटी रुपयांची तरतूद केली जाते. शिक्षक, शिक्षकेत्तर कर्मचाऱ्यांच्या पगारासह तितकीच रक्कम खर्चही होते. मात्र, गेल्या वर्षीच्या अर्थसंकल्पात महापालिकेने स्वतंत्रपणे शिक्षण मंडळाच्या शाळांचा विचारच केला नाही. परिणामी लोकसहभागातून फुललेल्या शाळा वगळता काहीच घडलेले नाही असे म्हणावे लागते. महापालिकेकडून मिळणाऱ्या निधीपैकी साधारणतः २६ ते २७ कोटी रुपये वेतन व अन्य बाबींवर खर्च होते. उर्वरीत निधी मिळेलच याची शाश्वती नसते. परिणामी स्थानिक नगरसेवक, लोकांकडील प्रतिसादातून काही शाळांना बुस्ट मिळते. उर्वरीत ठिकाणी काहीच होत नाही.

आजच्या घडीला शहराच्या मध्यवर्ती ठिकाणांतील, मध्यवस्तीतील शाळा बंद आणि उपनगरांमध्ये जेथे निम्न मध्यमवर्गीय वाढली तेथे शाळांना अधिक मागणी असल्याची स्थिती दिसते. या शाळांच्या विकासासाठी प्रयत्न होण्याची गरज आहे. खासगी मराठी, इंग्रजी माध्यमाच्या शाळांच्या तुलनेत महापालिकेच्या सेमी इंग्रजी शाळांना अधिक प्रतिसाद मिळाला आहे.

काही शाळांनी लोकसहभागातूनच आपले रूप पालटले आहे. त्यामध्ये जरगनगरातील लक्ष्मीबाई जरग विद्यामंदिर, टाकाळा विद्यामंदिर, जाधववाडीतील प्रिन्स शिवाजी विद्यामंदिर, श्री शाहू विद्यालय, फुलेवाडीतील महात्मा फुले विद्यालय, बोंद्रेनगर विद्यालय, पाचगावातील जोतिर्लिंग विद्यामंदिर, राजोपाध्येनगरातील कॉम्रेड गोविंद पानसरे विद्यालय, साळोखेनगरातील राजे छत्रपती संभाजी विद्यालय, नेहरूनगर विद्यामंदिर, कदमवाडीतील कर्मवीर भाऊराव पाटील विद्यामंदिर, राजेंद्रनगर परिसरातील डॉ. सर्वपल्ली राधाकृष्णन विद्यामंदिर आदींचा समावेश आहे. मात्र, या शाळांना, तेथील नागरिकांना, स्थानिक लोकप्रतिनिधींना प्रतिसाद मिळाला. मग, महानगरपालिकेची भूमिका काय असा प्रश्न उपस्थित होतो. महापालिकेने या शाळांसह अन्य शाळांच्या विकासासाठी आराखडा तयार करण्याची गरज आहे. लोकसहभाग मिळेल, मात्र आधी विकासाचा विचार तरी किमान करायला हवा. तरच शहरातील प्राथमिक शिक्षणाला एक चांगली दिशा मिळू शकेल.

मोबाइल अॅप डाउनलोड करा आणि राहा अपडेट

अचानक पाणी सोडल्याने शेतीचे नुकसान

February 9, 2017, 1:30 pm

≫ Next: जोतिबा भक्तांना सुविधांची प्रतीक्षा

≪ Previous: शाळांच्या विकासाला हवी गती

$

0

0

म. टा. वृत्तसेवा, राधानगरी

काळम्मावाडी धरणाच्या गैबी कालव्यावरील पुलाचे काम सुरू असताना अचानक पाणी सोडल्याने परिसरातील जमिनीचे मोठ्या प्रमाणात नुकसान झाले. कुडुत्री ते सोन्याची शिरोली (ता. राधानगरी) दरम्यानची सुमारे दहा गुंठे जमीन आणि फळझाडे वाहून गेली. या घटनेमुळे शेतकऱ्यांचे मोठे नुकसान झाले असून मातीमिश्रित पाण्याच्या प्रवाहामुळे भोगावती नदीत गढूळ पाणी मिसळले आहे. या घटनेमुळे भोगावतीचे पाणी पावसाळ्यातील पुराच्या पाण्याप्रमाणे झाले असून नागरिकांच्या आरोग्याचा प्रश्न निर्माण झाला आहे.

राधानगरी तालुका हा तलावांचा तालुका म्हणून ओळखला जातो. या तालुक्यात राधानगरी, काळम्मावाडी, तुलसी अशी मोठी धरणे आहेत. आंतरराज्य प्रकल्प म्हणून काळम्मावाडी जलाशयाची ओळख आहे. मात्र या जलाशयातून जोडलेले कालवे निकृष्ट दर्जाचे आहेत. डाव्या कालव्याला जोडून गैबी डोंगरातून बोगदा काढून भोगावती नदीत पाण्याचा प्रवाह सोडण्यात आला आहे. या प्रवाहास गैबी कालवा म्हणून ओळखला जातो. कुडूत्री ते सोन्याची शिरोलीदरम्यान या कालव्यावर पुलाचे काम सुरु करण्यात आले आहे. हे काम युद्धपातळीवर सुरु असून नव्या पुलासाठी मोठ्या प्रमाणात जमीन खोदाई करण्यात आली आहे. गेले महिनाभर पुलाच्या वरील बाजूकडील शेतीला पाणी मिळत नाही, याचा विचार करून पाटबंधारे विभागाने अचानक गैबी बोगद्यातून पाचशे क्युसेक्स पाणी सोडल्याने जमीन खोदाई केलेली माती वाहून गेली. शिवाय शेजारील दहा गुंठे जमीन तुटली आहे. त्याचबरोबर या शेतीमधील फळझाडे तुटून पडली आहे. काळम्मावाडी जलाशयास जोडलेले कालवे निकृष्ट दर्जाचे आहेत याची प्रचिती वारंवार अशा घटनांमधून येत आहे. काळम्मावाडी जलाशयास जोडलेल्या गैबी कालव्यास कोणत्याही प्रकारचे अस्तरीकरण केलेले नाही. गैबी कालव्याचे अस्तरीकरण करण्यात यावे, अशी मागणी कुडुत्री आणि सोन्याची शिरोली येथील शेतकऱ्यांनी केली आहे.

===

सोन्याची शिरोली येथे सार्वजनिक बांधकाम विभागाच्यावतीने पुलाचे बांधकाम सुरु आहे. बांधकामाच्या बाजूने नदीचे पाणी जाण्यासाठी बांधकाम विभागाने मोकळी जागा करुन दिली आहे. शेतीसाठी आम्हाला नदीपात्रात ७०० ते ८०० क्युसेक पाणी सोडावे लागते. पण पुलाच्या बांधकामामुळे आम्ही ६०० क्युसेक पाणी राधानगरी व गैबीतून सोडले होते. पाण्याच्या वेगामुळे नदीकाठच्या शेतीचे नुकसान झाले आहे. या घटनेनंतर विसर्ग थांबवला आहे.

विजय पाटील, कार्यकारी अभियंता पाटबंधारे विभाग

मोबाइल अॅप डाउनलोड करा आणि राहा अपडेट

जोतिबा भक्तांना सुविधांची प्रतीक्षा

February 9, 2017, 1:30 pm

≫ Next: दोन वर्षे गैरहजर कर्मचाऱ्यांना बडतर्फ करा

≪ Previous: अचानक पाणी सोडल्याने शेतीचे नुकसान

$

0

0

कोल्हापूर टाइम्स टीम

जोतिबाचे खेटे रविवारपासून (ता. १२ फेब्रुवारी) सुरू होत असून यानिमित्त लाखो भाविक वाडी रत्नागिरी येथे जोतिबा देवाच्या दर्शनासाठी येतात. मात्र, गेल्या अनेक वर्षांपासून भक्तांना जोतिबा डोंगरावर सुविधांचीच प्रतिक्षा करावी लागत आहे. डोंगरावरील विकासकामांसाठी तयार असलेल्या २५ कोटींच्या विकास आराखड्याचा नारळ निवडणुकीनंतरच फुटणार आहे.

महाराष्ट्र, कर्नाटक, आंध्र प्रदेशसह देशभरातील लाखो भक्तांचे श्रद्धास्थान अशी दख्खनच्या जोतिबाची ओळख आहे. डोंगरावर श्रावणषष्ठी, पौर्णिमा, रविवार, चैत्र यात्रा तसेच फेब्रुवारी महिन्यात सुरु होत असलेल्या खेट्यांवेळी भाविकांची संख्या मोठी असते. याकाळात मोठ्या प्रमाणात उलाढाल होते. मात्र भाविकांच्या सोयी-सुविधांकडे सोयीस्कर दुर्लक्ष केले जात आहे. भाविक डोंगरावर पोहचल्यानंतर पार्किंग, स्वच्छतागृह, दर्शन मंडप, सुरक्षा रक्षक आणि शुद्ध पाण्याचा अभाव, व्यवस्थापनाअभावी होणारी चेंगराचेंगरी, भक्तनिवास, प्रसादाची सुविधा, सीसीटीव्हीची कमतरता अशा अनेक अडचणींचा त्यांना सामना करावा लागतो. जोतिबा डोंगरावरील १६० हेक्टरपैकी १३८ हेक्टर जमीन विकास आराखड्यात समाविष्ट करण्यात आली आहे. त्याच्या विकासासाठी तयार आराखड्याबाबत १३ जानेवारी रोजी मुंबईत बैठक बोलविण्यात आली होती. मात्र आचासंहिता लागू झाल्याने बैठकीत निर्णय झाला नाही. निवडणुकीनंतर आराखड्याबाबत अंतिम निर्णय होऊन कामांना गती मिळण्याची शक्यता आहे.

तटबंदी नसल्याने घाटात धोका

केर्लीपासून जोतिबा डोंगराकडे जाणारा एकेरी मार्ग असल्याने आणि घाट रस्ता असल्याने अनेक वेळा यात्रेदरम्यान अपघाताच्या घटना घडल्या आहेत. डोंगरावर येणाऱ्या भाविकांची संख्या लक्षात घेता प्रशासनाने या मार्गावर तटबंदीसह आवश्यक त्या ठिकाणी फलक लावणे गरजेचे आहे.

कोट

विकास आराखड्याबाबत मुंबईत १३ जानेवारी रोजी बैठक झाली. मात्र निवडणुकीची आचारस‌ंहिता लागू झाल्याने याबाबत कोणताही निर्णय झालेला नाही. निवडणुकीनंतर या आराखड्याबाबत पुढील प्रक्रिया होईल.

विजय पोवार, सचिव, पश्चिम महाराष्ट्र देवस्थान व्यवस्थापन समिती

विकास आराखड्यातून हे होणार

भाविकांसाठी दर्शन मंडप

सेंट्रल प्लाझा

स्वच्छतागृहांची सुविधा

सुरक्षारक्षक

०००

ह्या सुविधा हव्यात

गर्दीवर नियंत्रण ठेवण्यासाठी व्यवस्थापन

पाण्याचा गंभीर प्रश्न सोडविणे

मुख्य मंदिरात वातानुकूलित यंत्रणा

कायमस्वरुपी प्रा‌थमिक आरोग केंद्र

अतिक्रमणे हटवून पार्किंग सुविधा

भक्तांना शुद्ध पाणी पुरवठा

परिसरात सीसीटीव्हीची सुविधा

महाप्रसादाची सुविधा, दर्शन मंडप

अग्निशमन यंत्रणा

सेंट्रल प्लाझा

भक्तनिवासाची सोय

स्वच्छतागृहे

मोबाइल अॅप डाउनलोड करा आणि राहा अपडेट

दोन वर्षे गैरहजर कर्मचाऱ्यांना बडतर्फ करा

February 9, 2017, 1:30 pm

≫ Next: भररस्त्यात घोडेसवारी

≪ Previous: जोतिबा भक्तांना सुविधांची प्रतीक्षा

$

0

0

कोल्हापूर टाइम्स टीम

दोन वर्षांपेक्षा गैरहजर राहिलेल्या कर्मचाऱ्यांचे सेवानिवृत्ती वेतनाचे लाभ रोखावेत. प्रसंगी त्यांना बडतर्फ करा. प्राथमिक शिक्षण विभागातील पाच हजार शिक्षकांच्या बिंदूनामावलीचे काम तातडीने पूर्ण करा. जिल्हा परिषदेच्या मालमत्तेची भाडेवाढ करा, अशा आदेशांबरोबरच कर्मचाऱ्यांची अनधिकृत हजेरी तपासण्याच्या सूचना विभागीय आयुक्त एस. चोक्कलिंगम यांनी जिल्हा परिषदेत गुरूवारी झालेल्या आढावा बैठकीत दिल्या.

विभागीय आयु्क्त चोक्कलिंगम यांनी जिल्हा परिषदेत विविध कामांचा आढावा घेतला. मुख्य कार्यकारी अधिकारी डॉ. कुणाल खेमनार यांनी विकासकामांची माहिती दिली. चोक्कलिंगम म्हणाले की, प्राथमिक शिक्षण विभागात ३ हजार कर्मचाऱ्यांचे बिंदूनामावली पूर्ण झाली आहे. उर्वरित आठ हजार कर्मचाऱ्यांची प्रकरणे पूर्ण करावीत. सेवा पुस्तकांची कामेही मार्गी लावावीत. वसुलीची प्रलंबित कामे पूर्ण करावीत. न्यायालयीन प्रकरणांत वकिलांचा सल्ला घेऊन प्रकरणे निकाली काढावीत. जिल्हा परिषदेच्या मालमत्तेची काही प्रकरणे न्यायालयात आहेत. ही प्रकरणे निकालात काढण्यासाठी प्रयत्न करावेत. कर्मचाऱ्यांचा रोस्टर पूर्ण करावा. सरकारकडून आलेले अनुदान परत जाऊ देऊ नका. त्यासाठी अपूर्ण राहिलेली बांधकामे पूर्ण करावीत. येत्या ३१ मार्चपर्यंत प्रलंबित कामे पूर्ण करावेत. त्यासाठी कोणताही निधी वाढवून मिळणार नाही, असे स्पष्ट करून त्यांनी खातेनिहाय चौकशी सुरू असलेल्यांची प्रकरणे तातडीने मार्गी लावण्याचे आदेश दिले.

चोक्कलिंगम यांनी जिल्हा परिषदेच्या वतीने सुरू असलेल्या घनकचरा व्यवस्थापनाचे कौतुक केले. शिरोळ आणि हातकणंगले तालुका विस्ताराधिकाऱ्यांनी घनकचरा व्यवस्थापनाची माहिती सांगितली. सीईओ डॉ. खेमणार म्हणाले, जिल्हा परिषदेकडे जादा काळ गैरहजर राहणारे २० कर्मचारी आहेत. पैकी १० कर्मचाऱ्यांच्यावर कारवाई केली आहे. उर्वरित १० कर्मचाऱ्यांवर नियमावरून कारवाई केली जाईल.

मोबाइल अॅप डाउनलोड करा आणि राहा अपडेट

भररस्त्यात घोडेसवारी

February 9, 2017, 1:30 pm

≫ Next: दहा हजार नवे खातेदार

≪ Previous: दोन वर्षे गैरहजर कर्मचाऱ्यांना बडतर्फ करा

$

0

0

कोल्हापूर टाइम्स टीम

रंकाळा तलावावर अंबाई टँक परिसर आणि महावीर गार्डन या ठिकाणी लहान मुलांचे खेळ अत्यंत धोकादायक पद्धतीने घेतले जात आहेत. भरधाव येणारे ट्रक, बस, एसटी गाड्या यांच्यात लहान मुलांना रिमोटच्या गाड्यांमध्ये बसवून फिरवले जात आहे. त्यातच घोडेसवारीही केली जाते. दुर्दैवाने घोडे आणि या गाड्यांच्या मालकांना आणि विशेषतः या मुलांच्या पालकांना याची भीती वाट नाही. शहर वाहतूक नियंत्रक पोलिसांनी या धोकादायक प्रकाराची दखल घेण्याची गरज व्यक्त होत आहे.

शहरात सायंकाळी किंवा सुटीच्या दिवशी लहान मुलांना फिरायला घेऊन जाण्याची अनेक ठिकाणे आहेत. पण, महावीर गार्डन आणि रंकाळा हा शहरवासियांचा आवडीचा स्पॉट आहे. त्यातही अंबाई टँक परिसरातील बाग थोडी प्रशस्त असल्याने तिथे गर्दी असते. गेल्या काही वर्षांत या गर्दीला बागेतल्या पारंपरिक खेळण्यांबरोबर घोडेसवारी आणि आधुनिक खेळांची जोड मिळाली. त्यात रिमोटवर चालणाऱ्या गाड्यांना मुलांची सर्वाधिक पसंती असते. पण, या गाड्या कोठे आणि कशा फिरवाव्यात, घोडेसवारी सुरक्षित कशी असावी, यावर मात्र कुणाचेही नियंत्रण नसल्याचे दिसते. शनिवार आणि रविवार सुटीचा दिवस असल्याने या दोन्ही ठिकाणी प्रचंड गर्दी असते. एखादी दुर्दैवी घटना घडण्यापूर्वी याचा सर्वांनीच विचार करणे गरजेचे आहे.

महावीर गार्डन परिसराचा विचार करता, कलेक्टर ऑफिस चौकातून खानविलकर पंपाकडे जाणाऱ्या रहदारीच्या रस्त्यावरच घोडेसवारी सुरू असते. दुचाकी, चारचाकी आणि केएमटी बसच्या गर्दीतूनच मुलांना घोड्यावरची रपेट करून दिली जाते. अपघाताचा धोका असून, घोड्यावर बसलेल्या मुलांच्या सुरक्षेची पर्वा त्यांच्या पालकांनाच नसावी, अशी स्थिती आहे. याच रस्त्यावर चौकाच्या सुरुवातीला बसस्टॉप आहे. दुचाकीच्या अवैध पार्किंगमुळे या स्टॉपवर बस थांबवायलाही जागा मिळत नसल्याचे दिसते.

अंबाई टँक परिसरातील परिस्थिती आणखीच भयंकर आहे. रिमोटवर चालणाऱ्या छोट्या गाड्यांमधून लहान मुलांना रहदारीच्या रस्त्यांवरच फिरवले जाते. खराडे कॉलेज ते तांबट कमान रस्ता नूतनीकरणासाठी बंद असल्याने हा रस्ता एसटी आणि अवजड वाहतुकीसाठी पर्यायी म्हणून दिला होता. त्यामुळे मोठमोठे ट्रक, एसटी आणि कार या रस्त्यावर मोकाटपणे धावताना दिसतात. या रहदारीतूनच आपले मूल खेळत असल्याची भीती कोणत्याही पालकाच्या चेहऱ्यावर दिसत नाही. मूल जणू विमानातच बसल्याचा आनंद पालकांच्या चेहऱ्यावर असतो. गाडीतून फिरवणारा तरुण अवघे वीस रुपये भाडे घेत असतो. पण, आपले मूल धोकादायक पद्धतीने आनंद घेते, याचे भान पालकांना नसते.

महावीर गार्डनच्या रस्त्यावरील वाहतुकीला पर्याय नाही. तो रहदारीचा मुख्य रस्ता आहे. पण, खराडे कॉलेज ते तांबट कमान रस्ता पूण्र क्षमतेणे सुरू झाल्यास अंबाई टँक परिसरातील वाहतूक बंद होऊ शकते. त्यासाठी तातडीने रस्त्याचे काम मार्गी लावणे गरजेचे आहे. तत्पूर्वी तेथील रिमोटच्या गाड्यांचा खेळ किमान तात्पुरत्या काळासाठी बंद करण्याची गरज आहे.

पार्किंगवर कारवाईच नाही

महावीर गार्डन परिसरात दोन्ही बाजूंच्या प्रवेशद्वाराजवळ अस्ताव्यस्त पार्किंग असते. उद्योग भवनसमोरील रस्ता प्रशस्त असल्याने त्या प्रवेशद्वारावर पार्किंगचा अडथळा जाणवत नाही. पण, दुसऱ्या प्रवेशद्वाराजवळ मात्र पार्किंगमुळे वाहतुकीस अडथळा होत असल्याचे दिसते. विशेषतः सायंकाळच्या सुमारास सर्वच प्रकारच्या गाड्यांची वाहतूक सुरू असते. पण, बागेत फिरायला येणाऱ्यांच्या गाड्यांमुळे रस्ता अरुंद होतो. वाहनचालकांना त्यातूनच वाट काढत जावे लागते.

कोट

अंबाई टँक परिसरातील रिमोटच्या गाडीचालकांना काही दिवसांपूर्वी हटविण्यात आले होते. पण, पुन्हा त्या गाड्या सुरू झाल्या असतील, तर आम्ही निश्चित कारवाई करू. खराडे कॉलेज ते तांबट कमान हा रस्ता वाहतुकीस पूर्णपणे खुला झालेला नाही. पालिकेकडून त्याचे काम लवकरात लवकर झाले, तर अंबाई टँक परिसरातील अवजड वाहतूक बंद करता येईल. किंबहुना ती अपोआपच बंद होईल.

अशोक धुमाळ, पोलिस निरीक्षक, शहर वाहतूक नियंत्रण शाखा

००००००००००

घोडेवाल्यांची अरेरावी

अंबाई टँक परिसरात घोडे फिरवणारे व्यवसायिक अरेरावी करतात, अशी तक्रार परिसरातील नागरिकांनी केली. नागरिक एकापाठोपाठ एक तक्रारी सांगतात. पण, या सगळ्या व्यवस्थेला राजकीय रंग असल्याने उघडपणे बोलायला कुणी तयार नाही. एकेकाळी शांत परिसर म्हणून येथे घरे घेतलेल्या अनेकांनी घरे विकायला काढल्याचे सोसायट्यांच्या पदाधिकाऱ्यांनी सांगितले. दोन वर्षांपूर्वी ट्रकच्या धडकेत वृद्धाचा जागीच मृत्यू झाला होता. पण, त्यातून धडा घेतलेला नाही. रंकाळा ते तांबट कमान या रस्त्याला पर्याय म्हणून सुरू झालेला हा रस्ता इतका अंगवळणी पडला आहे. आता तो रस्ता सुरळीत सुरू झाल्यानंतर येथील वाहतूक कमी करावी, अशी मागणी नागरिक करत आहेत.

सायलेंट झोनची ऐशी-तैशी

रंकाळा आणि परताळ्यात पक्ष्यांचा अधिवास असल्याने क्रशर चौक ते दत्त मंगल कार्यालयापर्यंत सायलेंट झोन जाहीर करण्यात आला आहे. पण, या रस्त्यावरील अवजड वाहतुकीमुळे सायलेंट झोनचे तीन-तेरा झाले आहेत. याबाबत निसर्गमित्र संस्थेचे अनिल चौगुले म्हणाले, ‘परताळ्यात लव्हाळ्यासारख्या वनस्पती मोठ्या प्रमाणावर आहेत. तेथे पक्ष्यांना अंडी घालणे सुरक्षित असते. गेल्या काही वर्षांत रंकाळा आणि परताळ्यात विदेशी पक्षी येण्याचे प्रमाण कमी झाले आहे. त्याला येथील वाहतूकच जबाबदार आहे. मध्यंतरी गाडीखाली चिरडून एका कासवाचा मृत्यू झाला होता. या संदर्भात काही नियमावली करून वाहतूक दिवसातून काहीकाळच सुरू ठेवावी, असे काही तरी करता येईल. कारण, वाहतूक थांबली नाही, तर इथल्या पक्ष्यांच्या, प्राण्यांच्या जिवाला धोका आहे.’

मोबाइल अॅप डाउनलोड करा आणि राहा अपडेट