टाकवडेत जिल्हा बँक शाखेस टाळे

December 8, 2016, 1:30 pm

≫ Next: सुनावणीवेळी एमजीपीचे अधिकारी निरुत्तर

≪ Previous: व्यापार पद्धती बदलावी लागेल

$

0

0

म. टा. वृत्तसेवा, जयसिंगपूर

चलन तुटवड्यामुळे ग्रामीण भागात आर्थिक व्यवहार ठप्प झाल्याने शेतकरी हवालदिल झाला आहे. ऊस आणि दूध बिले मिळत नसल्याने शिरोळ तालुक्यातील टाकवडे येथे संतप्त शेतकऱ्यांनी जिल्हा बँकेच्या शाखेस टाळे ठोकले. बँकेने त्वरित अर्थपुरवठा सुरळीत करावा, अशी मागणीही यावेळी करण्यात आली.

पाचशे आणि हजार रुपयांच्या नोटाबंदीनंतर चलन तुटवडा निर्माण झाल्याने बँकेतून हवी तेवढी रक्कम मिळेनाशी झाली आहे. जिल्हा बँकेत ऊस आणि दूध बिलांबरोबरच कर्ज मंजुरीची कामे रखडली आहेत. परिणामी शेतकऱ्यांचे अर्थकारण कोलमडले आहे. रिझर्व्ह बँकेने जिल्हा बँक व सहकारी बँकांच्या व्यवहारावर निर्बंध घातल्याने ऊस व दूध उत्पादकांना बिले मिळालेली नाहीत.

टाकवडे परिसरातील दूध संस्थांचे बिल दहा दिवसाला सुमारे दोन लाख रुपये होते. या दूध संस्थांना जिल्हा बँकेकडून दहा दिवसात केवळ दहा हजार रुपये दिले आहे आहेत. परिणामी आर्थिक व्यवहार कोलमडले. पशुखाद्याची खरेदी करायची कशी, असा प्रश्नही निर्माण झाला. बहुतांश शेतकऱ्यांचे खाते जिल्हा बँकेत आहे. उसाची बिलेही बँकेत अडकून पडल्याने शेतकरी हवालदिल झाला आहे.

दरम्यान, संतप्त शेतकरी व दूध संस्थांच्या पदाधिकाऱ्यांनी गुरुवारी सकाळी जिल्हा बँकेच्या टाकवडे शाखेत जाऊन बँकेस टाळे ठोकले. बँकेतून अर्थपुरवठा त्वरित सुरळीत करावा अशी, मागणीही यावेळी केली. यावेळी विश्वास बालिघाटे, सर्जेराव पाटील, विजय खंजिरे, आदिनाथ हाळुरे, रावसाहेब लठ्ठे, धन्यकुमार पाटील, संजय पाटील, शिवगोंडा पाटील, आदींसह शेतकरी उपस्थित होते.

मोबाइल अॅप डाउनलोड करा आणि राहा अपडेट

---

सुनावणीवेळी एमजीपीचे अधिकारी निरुत्तर

December 8, 2016, 1:30 pm

≫ Next: डॉ. तावडेला आज देणार आरोपपत्राची माहिती

≪ Previous: टाकवडेत जिल्हा बँक शाखेस टाळे

$

0

0

म. टा. प्रतिनिधी, कोल्हापूर

रंकाळा तलाव प्रदूषण मुक्त करण्यासाठी तयार करण्यात आलेल्या आराखडयाला सर्वंकष परिस्थितीजन्य बाबी, भौगोलिक स्थितीचा अभ्यास करून मान्यता दिला की तयार अहवालाला असा प्रश्न राष्ट्रीय हरित लवादने महाराष्ट्र जीवन प्राधिकरणच्या (एमजीपी) तांत्रिक समितीच्या अधीक्षक अभियंत्यांना केला. लवादने रंकाळा तलाव विषयक प्रदूषण मुक्तीच्या उपाय योजनांच्या प्रस्तावाच्या तांत्रिक मान्यतेबाबत प्रश्नचिन्ह उपस्थित केल्यानंतर अधिकारी निरुत्तर झाले. रंकाळा तलाव प्रदूषण मुक्तीप्रश्नी शुक्रवारी (ता.९) पुन्हा सुनावणी होणार आहे.

तसेच रंकाळा तलाव परिसरात उभारण्यात येणाऱ्या सांडपाणी प्रक्रिया केंद्राशी एमजीपी सहमत आहे का? या कोर्टानी विचारलेल्या प्रश्नावरही अधिकाऱ्यांना समाधानकारक उत्तरे ​देता आली नाहीत. रंकाळा तलाव प्रदूषणमुक्त करण्यासाठी महापालिका प्रभावी उपाय योजन आखत नाही अशी याचिका सुनील केंबळे यांनी लवादकडे केली आहे. केंबळे यांच्या याचिकेवर सध्या सुनावणी सुरू आहे. लवादने गुरुवारी होणाऱ्या सुनावणीला एमजीपीच्या तांत्रिक विभागातील अधिकाऱ्यांना हजर राहण्याचे आदेश दिले होते.

शहरातील ड्रेनेज लाइन (४०० किलो मीटर लांबीची) व दोन ठिकाणी सांडपाणी प्रक्रिया केंद्र उभारणी प्रस्तावित आहे. १७६ कोटी रुपयांचा हा आराखडा आहे. महापालिकेने सादर केलेल्या या प्रस्तावाला एमजीपी अंतर्गत सेंट्रल फॉर प्लॅनिंग अँड डेव्हलपमेंट मॉनेटरिंगकडून (सीपीडीएम) तांत्रिक मान्यता मिळाली आहे. आराखड्यात रंकाळा तलाव प्रदूषणमुक्त करण्यासाठी करावयाच्या उपाय योजनेबाबत कोर्टाने विचारणा केली आराखड्याला तांत्रिक मंजुरी देताना प्रदूषण नियत्रंणाची नवीन मार्गदर्शक तत्वे विचारात घेतली का? अशी विचारणा केली. दुधाळी परिसरात सध्या १७ एमएलडी क्षमतेचा सांडपाणी प्रक्रिया केंद्राची उभारणी सुरु आहे. नव्या आराखड्यात रंकाळा तलाव परिसर, दुधाळी परिसर, कसबा बावडा किंवा बापट कॅम्प येथे कमी क्षमतेचा एसटीपी प्रकल्प प्रस्तावित आहे. पूर्वी असलेल्या ठिकाणी पुन्हा एसटीपी प्रकल्प उभारणीकरिता सहमत आहे का? या प्रश्नावर अधिकाऱ्यांना उत्तरे देता आली नाहीत.

मोबाइल अॅप डाउनलोड करा आणि राहा अपडेट

डॉ. तावडेला आज देणार आरोपपत्राची माहिती

December 8, 2016, 1:30 pm

≫ Next: निवडणूक बंदीच्या फतव्याला चोख उत्तर

≪ Previous: सुनावणीवेळी एमजीपीचे अधिकारी निरुत्तर

$

0

0

म. टा. प्रतिनिधी, कोल्हापूर

ज्येष्ठ नेते कॉम्रेड गोविंदराव पानसरे हत्या खटल्यातील सं‌शयित आरोपी डॉ. वीरेंद्रसिंह तावडे याला शुक्रवारी (ता. ९) प्रथम वर्ग न्यायदंडाधिकारी व्ही. व्ही. पाटील यांच्यासमोर हजर करण्यात येणार आहे. डॉ. तावडे याला कोर्टात हजर केल्यानंतर आरोपपत्राची माहिती देण्यात येणार आहे. दरम्यान सनातन संस्थेचा प्रमुख साधक समीर गायकवाड याच्या विरोधातील सुनावणी (ता.१९) रोजी होणार आहे.

सत्र न्यायाधीश एल. डी. बिले यांच्या कोर्टात समीर गायकवाड याच्यावर आरोप निश्चित करण्यासाठी गुरुवारी सुनावणी झाली. आरोप निश्चितच्या विरोधात सरकारी पक्षाच्यावतीने मुंबई हायकोर्टात याचिका दाखल केली असून ही सुनावणी १५ डिसेंबर रोजी होणार आहे. त्यामुळे या खटल्याची पुढील सुनावणीची तारीख १९ डिसेंबरला होणार आहे.

या खटल्यातील दुसऱ्या क्रमांकाचा आरोपी डॉ. तावडे याच्याविरुद्ध पुरवणी आरोपपत्र २९ नोव्हेंबर रोजी दाखल केले आहे. पण आरोपाची माहिती डॉ. तावडे यांना दिली नसल्याने पुढील सुनावणीवेळी त्यांना कोर्टात हजर करावे, अशी मागणी आरोपीचे वकील अॅड समीर पटवर्धन यांनी २९ रोजी कोर्टात केली होती. त्यानुसार शुक्रवारी होणाऱ्या सुनावणीवेळी डॉ. तावडेला कोर्टात हजर करावे, असा आदेश कोर्टाने दिला आहे. त्यामुळे त्याला शुक्रवारी हजर करण्याची शक्यता आहे. डॉ. तावडे सध्या पुण्यातील येरवडा कारागृहात आहे. मुंबई हायकोर्टातील १५ डिसेंबरला होणाऱ्या सुनावणीनंतर गायकवाड व डॉ. तावडे यांच्यावरील खटला एकाच वेळी चालवावा, अशी विनंती कोर्टाला करण्यात येणार आहे. असे अॅड समीर पटवर्धन यांनी पत्रकारांशी बोलताना सांगितले. तसेच समीर गायकवाड व डॉ. तावडे यांच्या जामिनासाठी अर्ज करणार असल्याचे त्यांनी सांगितले. यापूर्वी समीर गायकवाड याचा जामिनाचा अर्ज जिल्हा कोर्ट व हायकोर्टाने फेटाळला आहे.

मोबाइल अॅप डाउनलोड करा आणि राहा अपडेट

निवडणूक बंदीच्या फतव्याला चोख उत्तर

December 8, 2016, 1:30 pm

≫ Next: उपनगराध्यक्ष, स्वीकृत निवडी १७ डिसेंबरला

≪ Previous: डॉ. तावडेला आज देणार आरोपपत्राची माहिती

$

0

0

Anuradha.kadam@timesgroup.com

Tweet:@anuradhakadamMT

कोल्हापूर : गेल्या वर्षी कोल्हापूर महापालिका निवडणुकांचे बिगुल वाजले आणि निवडणुकीच्या रिंगणात मुस्लिम महिलांनी उतरू नये या मुस्लिम धर्मगुरूंच्या फतव्याने काही काळ गदारोळ निर्माण झाला. महिला म्हणून अधिकार नाकारणाऱ्या त्या फतव्यामुळे दबलेल्या मुस्लिम महिला आणि आज कोल्हापूरच्या प्रथम नागरिकपदी विराजमान झालेली मुस्लिम महिला हा टप्पा कोल्हापूरच्या वेगळेपणाला ठळक करणारा ठरला आहे. मुस्लिम महिलांना निवडणुकीच्या पर्यायाने मुलभूत अधिकाराच्या रिंगणाबाहेर ठेवण्याच्या तयारीत असलेल्या प्रवृत्तीला हसीना फरास यांच्या निवडीने चोख उत्तर दिले आहे.

गेल्या वर्षी नोव्हेंबरमध्ये कोल्हापूर महापालिकेच्या पंचवार्षिक निवडणुकीसाठी मतदान झाले. निवडणुकीच्या रिंगणात उभ्या असलेल्या १९ मुस्लिम महिलांपैकी पाच महिला सभागृहात पोहोचल्या. त्यामध्ये आज महापौरपदी निवड झालेल्या हसीना फरास, मावळत्या उपमहापौर शमा मुल्लां, निलोफर आजरेकर, वहिदा सौदागर आणि मेहेजबीन सुभेदार यांचा समावेश आहे. ज्यावेळी शहरातील दीडशे मशिदींच्या धर्मगुरूंच्या मज्लिसे शुरा उलेमा ए या संघटनेने मुस्लिम महिलांना निवडणुकीला उमेदवार म्हणून सहभागी होण्यास बंदीहुकूम काढला. तेव्हा कोल्हापुरातील पुरोगामी विचारालाच धक्का दिला. अनेक मुस्लिम महिलांनी रिंगणात उतरण्याची तयारी केली असतानाच धर्मगुरूंनी काढलेल्या या फतव्याने इच्छुक मुस्लिम महिला उमेदवारांनी रिंगणातून पाय मागे घेण्याचाही विचार केला होता. तेव्हा कोल्हापुरातील २० ते २२ प्रभागांमधून मुस्लिम महिला इच्छुक होत्या. थेट धर्मगुरूंच्या फतव्यामुळे मुस्लिम समाजातील पुरुषांनीही महिला उमेदवारांवर रिंगणात न उतरण्यासाठी दबाव टाकायला सुरुवात केली. एकीकडे राजकारणात महिलांना ५० टक्के संधींची कवाडे खुली झालेली असताना कोल्हापूरसारख्या पुरोगामी शहराच्या स्थानिक स्वराज्य संस्थेत मुस्लिम महिलांच्या प्रवेशाला आडकाठी करण्याच्या या बंदी हुकूमाविरोधात संतप्त प्रतिक्रिया उमटल्या. याविरोधात महाराष्ट्र टाइम्समधून वाचा फोडण्यात आली. त्यानंतर अनेकांनी या फतव्याला विरोध केला. त्यामुळे हा फतवा न जुमानता अनेक मुस्लिम महिलांनी निवडणूक रिंगणात उतरल्या. मात्र मुस्लिम धर्मगुरूंनी काढलेला फतवा, त्याची चर्चा, विरोधाचा सूर मुस्लिम महिलांवर आलेला दबाव आणि त्यानंतरही पाच महिलांचा सभागृहातील प्रवेश हा प्रवास निश्चितच कोल्हापुरातील पुरोगामी विचारांच्या दिशेने जाणारा ठरला.

याही मुस्लिम महिला होत्या रिंगणात

शाहीन काझी, अन्वरबी मेहबूब, गुलजारबी बागवान, मिनाज जमादार, परिनाज आसिफ, हसीना शेख, अखरबी बेपारी, सुमय्या मुल्ला, डॉ. अफ्रोजा पटवेगार, कौसर बागवान, रिहाना इचलकरंजीकर, सानिया महात, शबाना पठाण.

​

सभागृहातील कामातही अव्वल

भाजपचा बालेकिल्ला मानल्या जाणाऱ्या महालक्ष्मी मंदिर या प्रभागातून राष्ट्रवादीच्या हसीना फरास निवडून आल्या. या प्रभागात पाचपैकी तीन महिला उमेदवार मुस्लिम होत्या. तर बुद्धगार्डन या प्रभागामध्ये चार मुस्लिम महिला रिंगणात होत्या. तेथून विजयी झालेल्या शमा मुल्ला याच सभागृहात उपमहापौरपदाचा कार्यभार सांभाळला. तर अपक्ष म्हणून निवडून आलेल्या आणि नंतर काँग्रेसमध्ये सहभागी झालेल्या निलोफर आजरेकर यांनी सभागृहात विविध प्रश्नावर आवाज उठवण्यासोबत भागात वर्षभरात अनेक चांगल्या कामाची पावती मिळवली आहे. मेहजबीन सुभेदार यांचा सभागृहातील सहभाग आणि नागरी प्रश्न मांडण्याची जाण वाखाणण्याजोगी आहे.

महाराष्ट्र टाइम्सने उठविला आवाज

मुस्लिम महिलांना निवडणूक लढवण्यास बंदी घालण्याचा फतवा काढला. याबाबत महाराष्ट्र टाइम्स ने वृत्त दिल्यानंतर केवळ राज्यात नव्हे तर देशभर खळबळ माजली. देशातील प्रसारमाध्यमांनी त्याची दखल घेतली. यामुळे वाढलेल्या दबावामुळे अखेर हा धर्मगुरूंनी हा फतवा मागे घेतला. वर्षानंतर याच समाजातील महिलेला कोल्हापुरातील प्रथम नागरिक होण्याचा मान मिळाला. मटा ने आवाज उठवल्यामुळेच हे शक्य झाल्याची प्रतिक्रिया अनेकांनी व्यक्त केली.

मोबाइल अॅप डाउनलोड करा आणि राहा अपडेट

उपनगराध्यक्ष, स्वीकृत निवडी १७ डिसेंबरला

December 8, 2016, 1:30 pm

≫ Next: इचलकरंजीत ‘मी स्वाभिमानी’ची रॅली

≪ Previous: निवडणूक बंदीच्या फतव्याला चोख उत्तर

$

0

0

म. टा. वृत्तसेवा, इचलकरंजी

उपनगराध्यक्षांसह विविध विषय समित्यांच्या निवडीचे अधिकार नगराध्यक्षांना बहाल करण्याच्या हालचाली राज्य सरकारकडून सुरू असतानाच जिल्हाधिकारी डॉ. अमित सैनी यांनी जिल्ह्यातील सर्वच उपनगराध्यक्ष व स्वीकृत सदस्यांच्या निवडीचा कार्यक्रम गुरुवारी जाहीर केला. या निवडी आता १७ डिसेंबरला होणाऱ्या विशेष सभेत केल्या जाणार आहेत. या निवडींकडे राजकीय वर्तुळाचे लक्ष वेधले गेले आहे, तर स्वीकृत सदस्यपदी आपलीच वर्णी लागावी यासाठी इच्छुकांनी फिल्डिंग लावण्यात सुरुवात केली आहे.

इचलकरंजी नगरपरिषदेच्या उपनगराध्यक्ष व स्वीकृत सदस्य निवडीसाठी १७ डिसेंबरला विशेष सभेचे आयोजन केले आहे. नुकत्याच झालेल्या सार्वत्रिक निवडणुकीत थेट जनतेतून नगराध्यक्षपदी भाजपच्या अ‍ॅड. अलका स्वामी यांची निवड झाली आहे, तर नव्या सभागृहासाठी काँग्रेसचे १८, भाजपचे १४, ताराराणी आघाडीचे ११, राजर्षी शाहू विकास आघाडीचे १० व राष्ट्रवादीचे ७ तर अपक्ष १ अशी सदस्य संख्या असणार आहे.

जुन्या सभागृहाची मुदत १६ डिसेंबरला संपत असून, १७ डिसेंबरपासून नवीन सभागृह अस्तित्वात येणार आहे. त्याचदिवशी उपनगराध्यक्ष व ५ स्वीकृत सदस्यांच्या निवडीसाठी कार्यक्रम जाहीर करण्यात आला आहे.

प्रांताधिकारी समीर शिंगटे यांच्या अध्यक्षतेखाली ही विशेष सभा होत आहे. सकाळी १० ते १२ या वेळेत उपनगराध्यक्षपदासाठी अर्ज सादर करणे, १२ ते १२.१५ अर्जाची छाननी, १२.३० पर्यंत माघारीची मुदत राहणार असून आवश्यकता भासल्यास मतदान प्रक्रिया होईल, तर दुपारी १.३० वाजता राजकीय पक्ष व आघाड्यांकडून स्वीकृत सदस्यांची नावे नामनिर्देशित केली जाऊऩ निवडी जाहीर केल्या जातील.

उपनगराध्यक्ष निवडीबाबत जिल्हाधिकाऱ्यांनी निवडणूक कार्यक्रम जाहीर केला असला तरी राज्य सरकारकडून उपनगराध्यक्ष निवडीसह विविध विषय समित्या निवडीचे अधिकार नगराध्यक्षांना बहाल करण्याच्या हालचाली सुरू आहेत. सरकारने सत्तेच्या जोरावर असा निर्णय घेण्याचा प्रयत्न केल्यास या निवडी न्यायप्रविष्ठ होऊ शकतात. सदस्यांची नावे राजपत्रात प्रसिद्ध झाल्यानंतर २५ दिवसांत जिल्हाधिकाऱ्यांनी विशेष सभा बोलावून कायदेशीर सोपस्कार पूर्ण करण्याच्या असतात त्यानुसार हा कार्यक्रम जाहीर झाला असला तरी इच्छुकांसह नूतन सदस्यांमध्येही यामुळे संभ्रम निर्माण झाला आहे.

मोबाइल अॅप डाउनलोड करा आणि राहा अपडेट

इचलकरंजीत ‘मी स्वाभिमानी’ची रॅली

December 8, 2016, 1:30 pm

≫ Next: बोगी जाळपोळप्रकरणी १३ जणांवर गुन्हे

≪ Previous: उपनगराध्यक्ष, स्वीकृत निवडी १७ डिसेंबरला

$

0

0

म. टा. वृत्तसेवा, इचलकरंजी

यंत्रमागाला प्रतियुनिट एक रुपये ६६ पैसे याप्रमाणे बिल आकारण्यात यावे, सुताचे दर १५ दिवस स्थिर ठेवावेत आणि खर्चीवाल्या यंत्रमागधारकांना मजुरीवाढ मिळावी, या प्रमुख मागण्यांसाठी गुरुवारी ‘लढा जगण्यासाठी’ या झेंड्याखाली एकत्र आलेल्या मी स्वाभिमानी कारखानदार संघटनेच्यावतीने शहरातून मोटारसायकल रॅली काढून महावितरण, इचलकरंजी यार्न मर्चंट्स असोसिएशन आणि क्लॉथ अँड यार्न ट्रेडिंग असोसिएशन यांना वेगवेगळी निवेदने देण्यात आली.

गेल्या दोन वर्षांपासून वस्त्रोद्योगात मंदीचे वातावरण पसरले असून यंत्रमाग व्यवसाय मोडकळीस आला आहे. यातून मार्ग काढण्यासाठी ‘लढा जगण्यासाठी’ या झेंड्याखाली एकत्र आलेल्या मी स्वाभिमानी कारखानदार संघटनेतर्फे भागाभागात बैठका घेऊन जनजागृती सुरू केली आहे. त्यातूनच गुरुवारी मोटारसायकल रॅली काढून निवेदन देण्याचा निर्णय घेतला होता. त्यानुसार बाळ महाराज यांच्या नेतृत्त्वाखाली छत्रपती शिवाजी महाराज पुतळ्यापासून रॅलीला सुरुवात झाली. प्रमुख मार्गावरून फिरून रॅली प्रथम महावितरणच्या कार्यालयात गेली. तेथे मुख्य अभियंता शिंदे यांना निवेदन दिले. त्यामध्ये महावितरणच्यावतीने यंत्रमागासाठी एक रुपये ६६ पैसे प्रतियुनिटप्रमाणे वीजबिल मिळावे, तसेच कोणत्याही यंत्रमागधारकांचे वीज कनेक्शन कट करू नये, असे नमूद केले आहे. त्यानंतर रॅली इचलकरंजी यार्न मर्चंट्स असोसिएशनच्या कार्यालयात आली. तेथे दिलेल्या निवेदनात सुताचे दर १५ दिवस स्थिर ठेवावेत, सूत आणि बाचक्यांवर एमआरपी व उत्पादनाची तारीख छापावी, तसेच सूत स्टॉकची माहिती ऑफिस व गोदाम येथे दैनंदिन ठेवावी, आदी मागण्या केल्या आहेत. तेथून ही रॅली क्लॉथ अँड यार्न ट्रेडिंग असोसिएशनच्या कार्यालयात आली. तेथे खर्चीवाल्या यंत्रमागाधारकांना मजुरीवाढ द्यावी यासह विविध मागण्यांचे निवेदन सादर केले.

ना. बा. घोरपडे नाट्यगृह चौकात रॅलीचे सभेत रूपांतर झाले. यावेळी बाळ महाराज यांनी यंत्रमागधारकांना मार्गदर्शन करताना मागण्यांबाबत सरकारने १५ डिसेंबरपर्यंत मार्ग न काढल्या आंदोलनाची तीव्रता वाढवू, असा इशारा दिला. यावेळी विकास चौगुले, प्रकाश म्हेतर, अमोघ म्हेतर, भूपाल उरणे, आदींसह यंत्रमागगधारक मोठ्या संख्येने सहभागी झाले होते.

मोबाइल अॅप डाउनलोड करा आणि राहा अपडेट

बोगी जाळपोळप्रकरणी १३ जणांवर गुन्हे

December 8, 2016, 1:30 pm

≫ Next: आरोग्य केंद्रातील घोटाळेबाज मोकाट

≪ Previous: इचलकरंजीत ‘मी स्वाभिमानी’ची रॅली

$

0

0

म. टा. प्रतिनिधी, कोल्हापूर

मराठा आरक्षणाची मागणी करत बुधवारी सायंकाळी रेल्वेस्थानकावर केलेल्या जाळपोळप्रकरणी रेल्वे पोलिसांनी नितेश राणे यांच्या स्वाभिमान संघटनेच्या १३ कार्यकर्त्यांवर गुन्हे दाखल केले आहेत. रेल्वेचे विद्रुपीकरण, सुरक्षा आणि रेल्वेची प्रतिमा मलीन केल्याचा ठपका त्यांच्यावर ठेवला आहे. मिरज लोहमार्ग पोलिसांना पुणे लोहमार्ग विभागाचे अप्पर पोलिस अधीक्षक तुषार दोशी यांनी संशयितांना तातडीने अटक करण्याचे आदेश दिले आहेत.

छत्रपती राजर्षी शाहू महाराज टर्मिनसवर बुधवारी सायंकाळी सात वाजता कोल्हापूर-गोंदिया (महाराष्ट्र एक्सप्रेस) ची बोगी पेटवून देण्याचा प्रयत्न झाला. बोगीवर रॉकेल आणि कोचवरही रॉकेल ओतण्यात आले. आरसीएफ आणि रेल्वे प्रशासनाला हा प्रकार कळाल्यानंतर आंदोलकांनी धूम ठोकली होती. या घटनेची पाहणी अधीक्षक तुषार दोषी यांनी गुरुवारी सकाळी केली. त्यांनी झालेल्या घटनेचा तातडीने तपास करून अहवाल देण्याचे आदेश दिले आहेत. रेल्वेस्थानकाच्या आवारात येऊन काही आंदोलकांनी हे कृत्य केले आहे. या प्रकारामुळे प्रवाशांत भीती निर्माण झाली आहे. रेल्वेचे विद्रुपीकरण, सुरक्षा आणि रेल्वेची प्रतिमा मलिन केल्याचा आरोप आंदोलकांवर ठेवला आहे. नितेश राणे यांच्या स्वाभिमान संघटनेचे सचिन तोडकर, सचिन खांडेकर, शीतल कोंडेकर, प्रशांत पाटील, कविता कोंडेकर यांच्यासह एकूण १३ जणांच्यावर गुन्हा दाखल झाला. मिरज लोहमार्ग पोलिस अधीक्षक रमेश भिंगारदिवे यांनी गुन्हा दाखल केला आहे. त्यांना अटक करण्यासाठी रेल्वे पोलिसांचे पथक रवाना करण्यात आले.

मोबाइल अॅप डाउनलोड करा आणि राहा अपडेट

आरोग्य केंद्रातील घोटाळेबाज मोकाट

December 8, 2016, 1:30 pm

≫ Next: कोल्हापूर चित्रनगरीला आशेची पालवी

≪ Previous: बोगी जाळपोळप्रकरणी १३ जणांवर गुन्हे

$

0

0

Bhimgonda.Desai@timesgroup.com

Tweet:@bhimgondaMT

कोल्हापूर ः प्रशासकीय व वित्तीय कामकाजात अनियमितता, हलगर्जीपणा आणि शासकीय निधीचा अपहार केल्याचा ठपका असलेले धामोडच्या (ता. राधानगरी) प्राथमिक आरोग्य केंद्रातील तत्कालीन डॉक्टर दाम्पत्य, कनिष्ठ सहायक लिपिक अद्याप मोकाट आहेत. डॉ. अर्षदअली महमदअली बोरगावे, डॉ. रिझवाना अर्षदअली बोरगावे असे ठपका असलेल्या दाम्पत्याचे तर जगदीश नामदेव कांबळे असे‌ लिपिकाचे नाव आहे. ‌

यातील लिपिक कांबळे निलंबित आहे. डॉक्टर दाम्पत्यावर कोणतीही कारवाई झाली नसल्याचे आरोग्य प्रशासनाकडून सांगण्यात आले. केंद्रात सुमारे १ कोटी ९७ लाख २५१ घोटाळा उघड होऊन वर्ष होत आले तरी ठपका असलेले कारवाईविना मोकाट आहेत, याबद्दल आश्चर्य व्यक्त होत आहे. धामोड केंद्रात घोटाळ्यासंबंधीचा प्रश्न गेल्या हिवाळी अधिवेशनात उपस्थित झाला. त्यानंतर जिल्हा परिषद आरोग्य प्रशासनाने समितीची नियुक्ती करून घोटाळ्याची सविस्तर चौकशी केली.

दरम्यान, डॉ. अर्षदअली बोरगावे १ जून २०१३ ते २१ जुलै २०१४ अखेर तर त्यांच्या पत्नी डॉ. रिझवाना २१ जुलै २०१४ ते २८ फेब्रुवारी २०१५ अखेर त्या केंद्रात आरोग्य अधिकारी म्हणून कार्यरत होते. या दोघांच्या काळात केंद्रात निधीचा अपहार व वित्तीय अनिय‌मितता झाल्याचे चौकशीत स्पष्ट झाले आहे. राष्ट्रीय आरोग्य अभियान (एनएचएम) निधी व रूग्ण कल्याण समिती निधीमधून २१ लाख ७६ हजार ८१५ व आरकेएस निधीमधून १ लाख ७५ हजार इत‌के वि‌त्तीय अनियमित्ता आदीसह २,८१३६५ गैरव्यवहार केल्याचा ठपका डॉ. अर्षदअली यांच्यावर ठेवला आहे.

हस्तांतर, अभिकरण, जिल्हा प‌रिषद स्व-निधी योजनेतून २६ लाख १ हजार ७७१ इतक्या रकमेची अनियमितता झाली आहे. ६९ हजार ८०० रूपये बँकेत खर्ची पडले आहेत. त्याची नोंद रोकड नोंदवहीत नाही. अशाप्रकारे एकूण २ लाख ४ हजार ४०८ चा अपहार केला आहे. एनएचएम निधीतून ५ लाख ८८ हजार २७६ रकमेची अनियमिता झाली आहे. त्यातील ३ लाख ६५ हजार ८५ रूपयांचा अपहार केल्याचा ठपका डॉ. रिझवाना यांच्यावर आहे. लिपिक कांबळे याने २२ लाख ९ हजार ९५ इतका अपहार केल्याचे अहवालात म्हटले आहे. (पूर्वार्ध)


अजूनही सेवेत

चौकशी अहवालात अपहारासह अनेक गंभीर आरोप ठेवण्यात येऊनही डॉ. अर्षदअली हातकणगंले तालुक्यातील साजणी तर डॉ. झिझवाना पट्टणकोडाली आरोग्य केंद्रात वैद्यकीय अधिकारी म्हणून सेवेत आहेत. वर्ग एकचे अधिकारी असल्यामुळे त्यांच्यावर कारवाईचा अधिकार जिल्हा परिषद मुख्य कार्यकारी अधिकारी (सीइओ) यांना नाही. म्हणून तत्कालीन सीइओ अविनाश सुभेदार यांनी त्यांची खातेनिहाय चौकशी करून पुढील कारवाई करावी, असा प्रस्ताव सरकारच्या आरोग्य सेवा संचालनालयाकडे ‌‌१४ एप्रिल २०१६ मध्ये पाठवले आहेत.


धामोड आरोग्य केंद्रातील घोटाळ्याची चौकशी तत्कालीन जिल्हा आरोग्य अधिकारी यांच्या मार्गदर्शनाखाली झाली. चौकशीत दोषी असलेल्या लिपिकाचे निलंबन केले आहे. डॉ. बोरगावे दाम्पत्यांवर कारवाईसाठी वरिष्ठांकडे प्रस्ताव गेला आहे.

डॉ. प्रकाश पाटील, जिल्हा आरोग्य अधिकारी

मोबाइल अॅप डाउनलोड करा आणि राहा अपडेट

---

कोल्हापूर चित्रनगरीला आशेची पालवी

December 9, 2016, 1:30 pm

≫ Next: सुटीपूर्वीच पैसे काढण्याची खबरदारी

≪ Previous: आरोग्य केंद्रातील घोटाळेबाज मोकाट

$

0

0

म. टा. प्रतिनिधी, कोल्हापूर

गेल्या तीस वर्षापासून विकासाच्या प्रतीक्षेत असलेल्या कोल्हापूर चित्रनगरीला आशेची पालवी फुटली आहे. पहिल्या टप्प्यात १२ कोटींच्या निधीतून मोरेवाडी येथील चित्रनगरीच्या माळावर लोकेशन्स उभारणीने वेग घेतला आहे. त्यामुळे येत्या एप्रिलनंतर किमान चित्रीकरण सुरू होण्यासाठी आवश्यक असलेले वातावरण निर्माण होण्याचे वेध लागले आहेत. तसेच केशवराव भोसले नाट्यगृहासाठी मिळालेल्या १० कोटींच्या निधीतून नाट्यगृहासह खासबाग मैदानाचे नूतनीकरण झाले आहे. ओसाड पडलेल्या चित्रनगरीसह नव्या लूकमध्ये सजलेल्या केशवराव भोसले नाट्यगृहाच्या नूतनीकरणामुळे कोल्हापूरच्या सांस्कृतिक विकासाला बळ देणाऱ्या निधीचा स्रोत आशादायी ठरत आहे.

कोल्हापूरच्या चित्रपटसृष्टीचे गतवैभव मिळवून चित्रनगरीच्या जागेत पाटलाचा वाडा, न्यायालय, दवाखाना, कारागृह आणि चित्रीकरणासाठीचा मोठा हॉल असे लोकेशन्स साकारले जात आहेत. आजपर्यंत चित्रनगरीसाठी चार वर्षापूर्वी मिळालेल्या सात कोटींपैकी तीन कोटी रुपये खर्च करून चित्रनगरीच्या जागेभोवती कपांऊंड वॉल बांधली. मात्र चित्रनगरीच्या माळावर पडझड झालेल्या वास्तूंची उभारणी करण्याऐवजी तीन कोटी खर्च करून संरक्षित भिंत बांधल्याबाबत संमिश्र प्रतिक्रिया उमटल्या होत्या. गेल्या चार वर्षात एकूण २२ कोटी रुपये निधी मंजूर झाला आहे. त्यापैकी १२ कोटी रूपयांच्या प्रत्यक्ष मिळालेल्या निधीतून चित्रनगरीच्या जागेवर पहिल्या टप्प्यात पाच लोकेशन्सची उभारणी सुरू झाल्यामुळे कोल्हापूरच्या चित्रपटनिर्मितीला मूर्त स्वरूप येण्याचे संकेत दिसत आहेत.

कोल्हापूर चित्रनगरीच्या पुनरुज्जीवनाच्या घोषणेला दहा वर्षे झाली. आजपर्यंत कोल्हापुरात विविध सभा आणि बैठकांसाठी आलेल्या राजकीय नेतृत्वाने चित्रनगरीच्या विकासाच्या घोषणा केल्या. निधी देण्याचे आश्वासन दिले. मिटकॉन या कंपनीने चित्रनगरी विकासाचा आराखडाही तयार केला. मात्र, निधी मंजूर करण्याची प्रक्रिया संथगतीने सुरू राहिल्यामुळे चित्रनगरीच्या ​विकासाबाबत प्रश्नचिन्ह उभे राहिले होते. परंतु १२ कोटी रुपयांच्या निधीतून लोकेशन्स उभारणीमुळे एका भरीव कामाला सुरूवात झाली आहे. राज्य सरकारच्या सांस्कृतिक मंत्रालयाच्यावतीने चित्रनगरीचा विकास केला जात असून चार महिन्यांपूर्वी लोकेशन्स उभारणीच्या प्राथमिक कामांना सुरूवात करण्यत आली आहे. चित्रीकरण सुरू होण्यासाठी रस्ते, पाणी, वीज या मुलभूत सोयींसह पाटलाचा वाडा, दवाखाना, न्यायालय, जेल, पोलीस स्टेशन, मोठा बंगला अशा लोकेशन्सची आवश्यकता होती. त्यानुसार पहिल्या टप्प्यात या लोकेशन्सची बांधणी केली जात आहे.

पहिल्या टप्प्यात १२ कोटी

चित्रनगरीच्या विकासाचा पहिला टप्पा सध्या सुरू असून ७७ एकरांपैकी ३३ एकरांच्या जागेत विकासकामांची मुहूर्तमेढ रोवण्यात आली आहे. त्यासाठी बारा कोटी रूपयांच्या निधीचा विनियोग करण्यात येणार आहे. या माळरानावर लोकेशन्स उभारणीसोबत वेगवेगळ्या प्रकारची झाडे लावण्यात येणार आहेत. त्यासाठी ५५ लाख रूपयांचे टेंडर मंजूर करण्यात आले आहे.

याशिवाय बगीचा, स्विमिंग पूल, हिरवळ (लॅँडस्केप), कलाकारांसह तंत्रज्ञांसाठी अद्ययावत सुविधा असलेले टॉवर बांधण्यात येत आहेत. रस्त्यांवरचे चित्रीकरण करता यावे यासाठी परिसरात अंडाकृती आकारात मोठमोठे रस्ते तयार केले जात आहेत. पहिल्या टप्प्यातील काम एप्रिलअखेर संपल्यानंतर दुसऱ्या टप्प्यातील १६ कोटींच्या विकासकामांना सुरुवात होणार आहे.

२२ कोटी निधींचा प्रवास

माजी उपमुख्यमंत्री अजित पवार यांनी त्यांच्या कार्यकाळातील अर्थसंकल्पात दहा कोटींचा निधी चित्रनगरीसाठी जाहीर केला होता. नंतर आणखी १२ कोटी अशी एकूण २२ कोटींची तरतूद चित्रनगरीसाठी करण्यात आली. त्यातील तीन कोटी रुपये कंपाउंडच्या बांधणीसाठी खर्च झाले. सप्टेंबर २०१४मध्ये सतरा कोटींच्या कामांना मंजुरी दिली. त्यापैकी पाच कोटी चाळीस लाखांचा निधी मिळाला होता. त्यानंतर सात कोटी रूपयांचा निधीही मंजूर झाला. यामधूनच चित्रनगरी विकासाला सुरूवात झाली आहे.

केशवराव, खासबागचा कायापालट

सुमारे दीड वर्षानंतर संगीतसूर्य केशवराव भोसले नाट्यगृहाचे नूतनीकरण पूर्ण झाले आणि एकदाचे हे नाट्यगृह प्रेक्षकांसाठी खुले झाले. एकूण चौदा कोटीच्या या संयुक्त प्रकल्पापैकी नाट्यगृहाच्या पहिल्या टप्प्याच्या नूतनीकरणावर पावणेसहा कोटींचा निधी खर्च झाला आहे. इंटेरिअर, बैठक व्यवस्था, ध्वनी आणि प्रकाश योजनेचे काम अत्यंत उत्तम झाले आहे. मात्र प्रचंड महागडी ध्वनी आणि प्रकाश योजना सांभाळायला पूर्णवेळ तंत्रज्ञच नाही, अशी अवस्था आहे. या क्षेत्राशी संबंधितांकडून मागवलेल्या सूचनांपैकी नाट्यगृहासाठी स्वतंत्र तंत्रज्ञांची नियुक्ती असावी, जेणेकरुन नाटकाच्या सादरीकरणासाठी आवश्यक असलेल्या बाबींपैकी तांत्रिक बाजू अत्यंत महत्त्वाची असते. ज्या यंत्रणेवर सुमारे ८० लाख रुपये खर्च झाले ती सांभाळायलाच स्वतंत्र माणूस नाही, अशी अवस्था आहे.

नाट्यगृहाची देखभाल

नूतनीकरणात नाट्यगृहाच्या सर्व दगडी भिंतींवर अॅसिड ट्रीटमेंट करण्यात आली आहे. या भिंतीवर एकही झुडूप, रोप उगवणार नाही याची काळजी घेण्यात आली आहे. घडीव दगडांचा वापर केल्यामुळे पुढच्या शंभर वर्षापर्यंत नाट्यगृहाला काहीही धोका पोहोचणार नाही याची दक्षता घेण्यात आली आहे. नूतनीकरणाच्या प्रक्रियेत नाट्यगृहाची अंतर्गत डागडुजी, गळती काढणे, दगडी बांधकाम मजबूत करणे, बाल्कनी, वातानुकूलन यंत्रणाही स्टेज, ड्रेपरी रूम, पॅनेलिंग, सिलिंग आणि साऊंड सिस्टीमचे काम पहिल्या टप्प्यात करण्यात आले.

बदलले लॉन

खासबाग मैदानाच्या आत दगडी बांधकाम करण्यात आले असून खास पद्धतीने लॉन तयार करण्यात आले आहे. मैदानाच्या पडझड झालेल्या भिंती पुन्हा उभारण्यात आल्या आहेत. बाहेरच्या भिंतींच्या खाचा भरून त्यांचे मजबूतीकरण करण्याचे कामही आराखड्यातील रचनेनुसार करण्यात आले आहे.


चित्रनगरीचा विकास करण्याचा अजेंडा ​चित्रपट महामंडळाच्या संचालकमंडळात मांडण्यात आला होता. त्यानुसार चित्रनगरीच्या विकासासाठी पाठपुरावा करण्यात आला. आजपर्यंत केवळ चित्रनगरी विकासाच्या घोषणा होत होत्या. मात्र बारा कोटींच्या निधीतून प्रत्यक्ष लोकेशन्स उभारणीला सुरूवात झाल्यामुळे कोल्हापूरच्या सांस्कृतिक विकासाची नव्याने नांदी होणार आहे.

मेघराज राजेभोसले, अध्यक्ष, अ​. भा. मराठी चित्रपट महामंडळ


दहा कोटी खर्च करून केशवराव भोसले नाट्यगृहाचे नूतनीकरण करण्यात आल्यामुळे नाट्यकर्मी आणि रसिक यांच्यासाठी पर्वणी आहे. पावणेदोन वर्षाच्या प्रतीक्षेनंतर मिळालेला निधी मार्गी लागल्याचे समाधान आहे. नाट्यगृहाच्या आवारातील तालीम हॉलच्या प्रस्तावाबाबतही तातडीने निधी मंजूर व्हावा अशी अपेक्षा आहे.

संजय मोहिते, नाट्य रंगकर्मी, अभिनेता

मोबाइल अॅप डाउनलोड करा आणि राहा अपडेट

सुटीपूर्वीच पैसे काढण्याची खबरदारी

December 9, 2016, 1:30 pm

≫ Next: एसटी गँगला पुन्हा पोलिस कोठडी

≪ Previous: कोल्हापूर चित्रनगरीला आशेची पालवी

$

0

0

म. टा. प्रतिनिधी, कोल्हापूर

सलग तीन दिवस बँका बंद राहणार असल्याने पैसे काढण्यासाठी शुक्रवारी नागरिकांनी प्रचंड गर्दी केली. बँक तसेच एटीएमसमोर दिवसभर मोठ्या रांगा होत्या. येत्या आठवड्यातही पैसे येण्याची शक्यता कमी असल्याने सर्वच बँकांनी खबरदारी म्हणून शुक्रवारी दहा हजार रुपयापर्यंतचीच रक्कम दिली. आठवड्यानंतर उर्वरित पैसे काढण्यास या, पैसे जपून वापरा असे सांगितले. पैसे नसल्याने बँकांनी दहा हजारापर्यंत मर्यादा आणल्याचे स्पष्ट झाले. बँक मंगळवारी सुरू होणार असल्याने व एटीएम सुरु राहतील याची शाश्वती नसल्याने तीन दिवस नागरिकांच्या त्रासात भरच पडणार आहे.

महिन्यानंतर जिल्ह्यातील परिस्थिती आणखी वाईट बनत चालली आहे. एकीकडे कॅशलेस व्यवहार करा असे सांगितले जात आहे, पण पुरेशी पीओएस मशिन्स दिली जात नाहीत. काही बँकांच्या एटीएम कार्डवरुन व्यवहार केल्यानंतर शुल्क कापून घेतले जात आहे. ग्रामीण भागात तर शेतकऱ्यांकडे पैसे नसल्याने शेतीची नियमित कामे प्रलंबित रहात आहेत. महिन्यानंतर बँकांकडील पैसे कमी झाले असून वेतन, पेन्शन तसेच खात्यामधील पैसे काढण्याला मर्यादा येत आहे. गेल्या आठवड्यापर्यंत राष्ट्रीयीकृत बँकांनी नवीन पैसे व ग्राहकांकडून येणारे पैसे याचा वापर करत नागरिकांची गरज भागवण्याचा प्रयत्न केला. पण या आठवड्यात बँकाकडील पैसेच संपले असल्याने व आणखी आठवडाभर पैसे येण्याची शक्यता नसल्याने बँकांनी काटकसर सुरू केली आहे.

अनेक बँकांनी एक डिसेंबरला वेतन, पेन्शनसाठी दोन हजार रुपये देण्याचे धोरण अवलंबले. काही राष्ट्रीयीकृत बँकांकडून मात्र २४ हजार मर्यादेपर्यंत पैसे देण्यात येत होते. शुक्रवारी मात्र या बँकांनीही दहा हजार रुपयापर्यंतच पैसे देण्यास सुरुवात केली. अनेक बँकांमध्ये तर दहापासून चार हजारपर्यंतच पैसे दिले जात होते. यावेळी त्यांना आठवड्यानंतर पैसे काढण्यासाठी या असे सांगितले जात होते. बँकांच्या या धोरणामुळे प्रत्येक खातेधारकाला आठवड्याला दहा हजार रुपयेच देण्याची ताकद असल्याचे स्पष्ट झाले.

पुढील तीन दिवस बँक बंद असणार, एटीएममध्ये पैसे शिल्लक राहतील का याची शंका असल्याने नागरिकांनी शुक्रवारीच बँकांमध्ये पैसे काढण्यासाठी गर्दी केली. तसेच अनेक एटीएम बंद असल्याने सुरू असलेल्या एटीएमसमोर सायंकाळपर्यंत मोठ्या रांगा होत्या. दोन आठवड्यापासून बंद असलेली अनेक एटीएम मात्र दिवसभरात सुरू असल्याचे चित्र होते. यापूर्वीचा अनुभव पाहता ही एटीएम केंव्हा बंद पडतील याची खात्री नसल्याने नागरिकांनी ठिकठिकाणी जाऊन पैसे काढण्याचा सपाटा चालवला होता. शनिवारी एटीएममधून कसाबसा पैसा मिळेल, पण रविवार व सोमवारी अवस्था वाईट होण्याची शक्यता आहे. त्यामुळे व्यवहारांवर परिणाम होण्याची शक्यता आहे.

मोबाइल अॅप डाउनलोड करा आणि राहा अपडेट

एसटी गँगला पुन्हा पोलिस कोठडी

December 9, 2016, 1:30 pm

≫ Next: राष्ट्रवादावर हिंदुत्वाचा प्रभाव

≪ Previous: सुटीपूर्वीच पैसे काढण्याची खबरदारी

$

0

0

म. टा. प्रतिनिधी, कोल्हापूर

खून, खुनाचा प्रयत्न, खंडणी, मारामारीचे गुन्हे करून दहशत माजवण्याचा प्रयत्न करणाऱ्या एसटी गँगच्या आठ गुंडांना मोका कोर्टाने पुन्हा १७ डिसेंबरपर्यंत दिवस कोठडी दिली आहे. तसेच गुन्ह्याचा तपास करण्यासाठी कोर्टाने ४५ दिवसांची मुदतवाढ दिली आहे.

विजय उर्फ रॉबर्ट रवींद्र खोडवे (रा. दौलतनगर), प्रसन्न सूर्यकांत आवटे (सहावी गल्ली, राजारामपुरी), अनिकेत आनंदराव सातपुते (रा. सुभाषनगर), सनथ उर्फ सनी प्रताप देशपांडे (रा. पाचवी गल्ली राजारामपुरी), विठ्ठल काशीनाथ सुतार रा. विक्रमनगर), तुषार शिवाजी डवरी (रा. विक्रमनगर), राकेश किरण कारंडे (रा. शास्त्रीनगर) अशी ताब्यात घेतलेल्या गुंडांची नावे आहेत.

राजारामपुरी पोलिसांनी स्वप्निल तहसीलदार गँगच्या १२ गुंडांना मोक्काअंतर्गत (महाराष्ट्र संघटित गुन्हेगारी नियंत्रण अधिनियम) कारवाई केली आहे. या गँगमधील दोन अल्पवयीन संशयितांना वगळून आठ गुंडांना राजारामपुरी पोलिसांनी यापूर्वीच अटक केली आहे. पोलिस कोठडीनंतर त्यांची रवानगी न्यायालयीन कोठडीत करण्यात आली होती. या टोळीचा म्होरक्या गुंड स्वप्निल तहसीलदार फरारी होता. गेल्या आठवड्यात पोलिसांनी त्याच्या मुसक्या आवळून पन्हाळा येथे अटक केली. कोर्टाने त्यांना १४ दिवस पोलिस कोठडी दिली आहे.

या गुन्ह्याचा एकत्रित तपास करण्यासाठी यापूर्वी अटक केलेले एसटी गँगच्या नऊ गुंडांना ताब्यात द्यावे, अशी मागणी राजारामपुरी पोलिसांनी पुणे येथील मोक्का कोर्टाकडे केली. पोलिसांनी मागणी मान्य करत नऊ गुंडांना १७ डिसेंबरपर्यंत पोलिस कोठडी दिली. स्वप्निल तहसीलदारसह आठ गुंडाकडे पुन्हा तपास करण्यात येणार आहे, अशी माहिती राजारामपुरी पोलिस ठाण्याचे निरीक्षक अमृत देशमुख यांनी सांगितले.

मोबाइल अॅप डाउनलोड करा आणि राहा अपडेट

राष्ट्रवादावर हिंदुत्वाचा प्रभाव

December 9, 2016, 1:30 pm

≫ Next: पोलिस-नगरसेवकांत बाचाबाची

≪ Previous: एसटी गँगला पुन्हा पोलिस कोठडी

$

0

0

म. टा. प्रतिनिधी, कोल्हापूर

उजव्या शक्ती प्रभावी आणि डाव्या शक्ती कमजोर झाल्याने महाराष्ट्रात राष्ट्रवादावर हिंदुत्वाचा प्रभाव दिसतो. याउलट पश्चिम बंगाल आणि केरळमध्ये डाव्यांचा प्रभाव असल्याने ते शक्य झाले नाही, असे प्रतिपाद ज्येष्ठ नाट्य समीक्षक मकरंद साठे यांनी व्यक्त केले.

श्रमिक प्रतिष्ठानतर्फे आयोजित अव‌ि पानसरे व्याख्यानमालेत ते बोलत होते. ‘भारतीय राष्ट्रवादापुढील आव्हाने’ या बीज विषयातील ‘राष्ट्रवाद व सांस्कृतिक स्वातंत्र्य’ हा त्यांच्या व्याख्यानाचा विषय होता. येथील शाहू स्मारक भवनात व्याख्यान झाले. जेष्ठ साहित्यि‌क डॉ. राजन गवस अध्यक्षस्थानी होते.

साठे म्हणाले, प्रत्येकांच्या मनात राष्ट्रवाद असतोच. मात्र राज्यकर्ते त्या राष्ट्रवादाचा वापर सोयीनुसार करताना दिसत आहेत. राष्ट्रवाद आणि संस्कृतीचा निकटचा संबंध आहे. संस्कृतीमधील सर्व प्रकारची हत्यारे वापरून आपल्याला हवा तसा राष्ट्रवाद निर्माण करण्याचा प्रयत्न होत आहे. हे घातक आहे. तरीही विविधता, एकात्म‌िकता, समाजवाद या समान आधारावर राष्ट्रवाद असावा, यासाठी यापुर्वीच्या अनेक विचारवंतानी काम केले आहेत. पण आपल्या विचारा विरोधात जाणाऱ्यांची ‌थेट हिंसाही केली जात आहे. यातूनच पानसरे, दाभोलकर, कलबुर्गी यांची हत्या झाली आहे. राष्ट्रवादाचे भावन‌िकीकरण करून मने पेटविण्याचेही काम होत आहे. परंतु, राष्ट्रवाद वसाहतवादाच्या विरोधात आहे, हे सत्यही नाकारता येत नाही. लोकशाहीमध्ये सर्वाधिक मते पडलेले विजयी ठरवतात हे तांत्रिकदृष्या बरोबर आहे. पण प्रत्येकांच्या मताचे रक्षण करणे हीच खरी लोकशाही आहे. तोच लोकशाहीचा आत्मा आहे. समाजातील एक वर्ग लोकशाहीच्या नावाने झुंडशाहीचा वापर करत आहे. परिणामी सांस्कृतिक स्वातंत्र्यावर गदा येत आहे. इंग्रज असताना नाटकावर सेन्सॉरशीप लागू केली होती. कोणतेही सरकार सत्तेवर आले तरी ते अजूनही कायम आहेत.

अध्यक्षीय भाषणात डॉ. गवस म्हणाले, ‘आजची परिस्थिती सामान्य माणसांच्यादृष्टीने गोंधळाची झाली आहे. प्रत्येक दिवस सामान्यांला मृत्यूच्या दिशेन नेतो आहे. अशावेळी दिलासा देण्यासाठी संवेदनशील लेखक, चित्रकार, विचारवंतांवर जबाबदारी मोठी आहे.’

जालंदर मगदूम यांनी पाहुण्याची ओळख करून दिली. यावेळी मेघा पानसरे, उमा पानसरे, प्रा. विलास रणसुभे, दिलीप पोवार आदी उपस्थित होते. निशांत शिंदे यांनी आभार मानले.

आजचे व्याख्यान

वक्ते : उदय नारकर

विषय: राष्ट्रवाद आणि धर्माचे राजकारण

स्थळ: शाहू स्मारक भवन

वेळ: सायंकाळी ६ वा.

मोबाइल अॅप डाउनलोड करा आणि राहा अपडेट

पोलिस-नगरसेवकांत बाचाबाची

December 9, 2016, 1:30 pm

≫ Next: बोगी जाळपोळप्रकरणी ‘स्वाभिमान’ च्या चौघांना अटक

≪ Previous: राष्ट्रवादावर हिंदुत्वाचा प्रभाव

$

0

0

म. टा. प्रतिनिधी, कोल्हापूर

आयुक्तांसह इतर अधिकाऱ्यांच्या कार्यालयांना कुलूप लावण्याच्या प्रकारानंतर शुक्रवारी प्रशासन आ​णि नगरसेवक आमनेसामने उभे ठाकले. त्याचवेळी नगरसेवक आणि पोलिस अधिकाऱ्यांतही खडाजंगी झाली. पोलिसांनी आयुक्त कार्यालयासह इतर अधिकाऱ्यांच्या कार्यालये उघडल्यानंतर नगरसेवक आणि पोलिस अधिकाऱ्यांत शाब्दिक बाचाबाची झाली. आयुक्त आणि ठराविक पदाधिकारी व इतर नगरसेवकांत आव्हाने, प्रतिआव्हाने देण्यात आली. आयुक्त, महापालिकेत पोलिसांना आणून दहशत निर्माण करण्याचा प्रयत्न करत असल्याचा आरोप झाला. त्याला आयुक्तांनी कार्यालयांला कुलूप लावणे बेकायदेशीर असल्याचे ठणकावल्याने तणाव निर्माण झाला.

नगरसेविका दीपा मगदूम यांनी प्रभागातील विजयनगर व सुबल रेसिडेन्सी येथील अपुरा पाणी पुरवठ्याच्या सोडवणुकीसाठी वर्षभर प्रयत्न करत आहेत. प्रशासनाकडे वारंवार पाठपुरावा करूनही प्रश्नाची सोडवणूक होत नाही नसल्याचा आरोप करत त्यांनी शुक्रवारी स्थायी समिती सभागृहाला कूलूप लावण्याचा इशारा दिला. दुपारी बारा वाजता स्थायी समितीची बैठक होती. नगरसेविका जयश्री चव्हाण, निलोफर आजरेकर, सूरमंजिरी लाटकर, जयश्री चव्हाण यांनी त्यांना पाठिंबा दिला. स्थायी समिती सभागृहाच्या दारात त्या खुर्च्या टाकून बसल्या. स्थायी समिती सभापती मुरलीधर जाधव, सुनील पाटील, भाजप, ताराराणी आघाडीचे सदस्य सत्यजित कदम, रुपाराणी निकम, मेहजबीन सुभेदार, मनीषा कुंभार, विरोधी पक्षनेता संभाजी जाधव काही वेळाने दाखल झाले. त्यांनीही अधिकाऱ्यांच्या कामकाजाविरोधात राग व्यक्त करत सत्तारूढ गटाच्या सदस्यांच्या आंदोलनात सहभागी झाले. स्थायी सभागृहाच्या दारात आंदोलन करण्यापेक्षा आयुक्त कार्यालयांना कुलूप लावण्याचा निर्णय सदस्यांनी घेतला. सगळे सदस्य आयुक्त कार्यालय, त्या पाठोपाठ उपायुक्त विजयकुमार खोराटे, ज्ञानेश्वर ढेरे, अतिरिक्त आयुक्त श्रीधर पाटणकर यांच्या कार्यालयातील कर्मचाऱ्यांना बाहेर काढून दाराला कूलूप लावले.

सत्यजित कदम व पोलिस उपनिरीक्षकांत वादावादी

आयुक्त कार्यालयीन कामासाठी महापालिकेच्या बाहेर होते. त्यांनी पोलिस प्रशासनाला या कृत्याची माहिती दिली. थोड्याच वेळात लक्ष्मीपुरी पोलिस ठाण्याचे पोलिस उपनिरीक्षक सुशांत चव्हाण व फौजफाट्यासह महापालिकेत दाखल झाला. त्या पाठोपाठ आयुक्त शिवशंकरही आले. पोलिसांनी, कार्यालये उघडली. यानंतर आयुक्त कार्यालयात स्थायी समिती सदस्य दाखल झाले, आणि विविध प्रश्नावरून आयुक्तांना जाब विचारण्यास सुरुवात केली. पोलिसांना महापालिकेत बोलावण्यावरून आयुक्तांकडे विचारणा केली. इतर नगरसेवकांनी पोलिसांच्या उपस्थितीला आक्षेप घेतला. तेव्हा पोलिस उपनिरीक्षक चव्हाण यांनी नगरसेवक कदम यांना ‘पोलिसांशी सभ्य भाषेत बोला’ असे बजावले. त्यावर ‘महापालिकेत पोलिसांचा काय संबंध? नगरसेवकांनी काय गुन्हा केला?’ अशी विचारणा कदम यांनी केली. चव्हाण हे हात उंचावून बोलत असताना कदम यांनी त्यांना ‘हात खाली करून बोला’ असे म्हटल्यामुळे वातावरण तणावपूर्ण बनले. लक्ष्मीपुरीच्या हद्दीत प्रकार घडल्याने पोलिस आल्याचे उत्तर चव्हाण यांनी दिली. त्यावर कदम यांनी ‘तुमच्या हद्दीत काय काय चालते याची कुंडली आमच्याकडे आहे ’ असे म्हणताच तणावात आणखी भर पडली.

आयुक्तांवर प्रश्नांचा भडिमार

महापालिकेतील गोंधळाची माहिती समजताच महापौर हसीना फरास, प्रा. जयंत पाटील, गटनेते शारंगधर देशमुख महापालिकेत दाखल झाले. त्यानंतर स्थायी समिती सभागृहात आयुक्त व पदाधिकाऱ्यांची संयुक्त बैठक झाली. महापालिकेत पोलिस बोलावण्यावरून महापौर फरास, प्रा. पाटील, देशमुख, नगरसेवक अजित ठाणेकर या साऱ्यांनी आयुक्तांना जाब विचारला. आयुक्त नगरसेवकांची कामे करत नाहीत. वर्षभरात आयुक्तांनी एक तरी काम केले आहे का? प्रत्येकवेळी नगरसेवकांची अडवणूक कशासाठी अशा प्रश्नांचा भडिमार केला. त्यावर आयुक्तांनी ‘कुठलीही कामे थांबवली नाहीत’ असे सांगण्याचा प्रयत्न केला. प्रा. जयंत पाटील व देशमुख म्हणाले, ‘प्रभागातील प्रश्नासाठी नगरसेवकांचा पाठपुरावा सुरू असतो. नगरसेवक बेकायदेशीर कामे सांगत नाहीत. बेकायदेशीर कामे सुचवित असतील तर नगरसेवकांची नावे जाहीर करा. पण प्रभागातील कामाची अडवणूक करू नका,’ अशी सूचना केली. त्यावर आयुक्तांनी येत्या १५ दिवसांत अपुरा पाणी पुरवठा प्रश्न सोडविला जाईल, असे उत्तर दिले.

‘आयुक्तांच्या सुविधा काढा’

प्रभागातील प्रश्नांच्या सोडवणुकीकडे अधिकाऱ्यांनी दुर्लक्ष केल्याने भावनेच्या भरात नगरसेवकांनी कार्यालयाला कूलूप ठोकले. आयुक्तांनी महापालिका पदाधिकारी व इतर ज्येष्ठ नगरसेवकांशी चर्चा करून प्रश्न हाताळण्याऐवजी थेट पोलिसांना महापालिकेत पाचारण केले. हा नगरसेवकांचा तसेच स्थायी समितीचा अपमान आहे. लोकप्रतिनिधींचा अपमान करणाऱ्या आयुक्तांच्या सर्व सुविधा दोन दिवसांत काढून घेण्यात येतील, असे स्थायी समिती सभापती मुरलीधर जाधव यांनी केली. इतर सदस्यांनी त्याला समर्थन दिले. पण महापौरांनी त्यामध्ये हस्तक्षेप करत टोकाचा निर्णय घेण्याची गरज नाही. याप्रश्नी तोडगा काढू ,असे सांगत त्यावर पडदा टाकला.

उपायुक्त खोराटेंवर गंभीर आरोप

थेट पाइपलाइन योजना, एसटीपी प्रकल्प, नगरोत्थान अशा महत्त्वाच्या योजना सुरू आहेत. मात्र अधिकाऱ्यांचे त्याकडे लक्ष नाही. उपायुक्त विजयकुमार खोराटे हे आयुक्तांचे कलेक्टर म्हणून पैसे गोळा करण्याचे काम करत आहेत, असा आरोप ताराराणी आघाडीचे गटनेते सत्यजित कदम यांनी केला. ते म्हणाले, थेट पाइपलाइन योजना, नगररचना विभागातील फायलींना मंजुरीत खोराटे हे पैसे खाण्याचे उद्योग करत आहेत. वास्तविक पाइपलाइन योजना, नगररचना विभागाचे काम स्वतंत्र अधिकाऱ्याकडे सोपवून योजना जलदगतीने कार्यान्वित करण्यासाठी काम करणे गरजेचे आहे. मात्र उपायुक्तांचे योजनेच्या कामाकडे लक्ष नाही असा आरोप ताराराणी आघाडीचे गटनेते सत्यजित कदम यांनी केला.

स्थायी समिती सभा तहकूब

आयुक्त पी. शिवशंकर यांच्यावर प्रश्नांचा भडिमार सुरू असताना सत्यजित कदम यांनी त्यांचा एकेरी उल्लेख करत ‘दगडापुढे कशाला डोके आपटून घेता...’ असे वक्तव्य केले. यावेळी प्रश्नाची निर्गत होणार नसेल तर सभा कशाला घ्यायची? असा सवाल करून सदस्यांनी स्थायी समितीची शुक्रवारची सभा रद्द केली. यावेळी प्रशासनाचा निषेध करण्यात आला.

मोबाइल अॅप डाउनलोड करा आणि राहा अपडेट

बोगी जाळपोळप्रकरणी ‘स्वाभिमान’ च्या चौघांना अटक

December 9, 2016, 1:31 pm

≫ Next: संगनमताने पैशांवर डल्ला

≪ Previous: पोलिस-नगरसेवकांत बाचाबाची

$

0

0

म. टा. प्रतिनिधी, कोल्हापूर

मराठा आरक्षणाच्या मागणीसाठी राजर्षी शाहू रेल्वे स्थानकावर दोन दिवसांपूर्वी बोगी जाळण्याचा प्रयत्न केल्याप्रकरणी लोहमार्ग पोलिसांनी जुना राजवाडा पोलिसांच्या सहकार्याने स्वाभिमान संघटनेच्या चार पदाधिकाऱ्यांना शुक्रवारी अटक केली. स्वाभिमान संघटनेचा अध्यक्ष सचिन दिलीप तोडकर (वय ३२, रा. आझाद चौक), सचिन श्रीकांत खांडेकर (२६, रा. सरस्वती कॉलनी, उचगाव, ता. करवीर), प्रशांत यशवंत पाटील (४३, रा. कसबा गेट, महाद्वार रोड), कविता किरण कोंडेकर (४५, रा. शिवाजी पेठ) अशी अटक केलेल्यांची नावे आहेत.

मराठा आरक्षणाच्या मागणीसाठी बुधवारी सायंकाळी कोल्हापूर-गो​दिंया (महाराष्ट्र एक्सप्रेस) ची बोगी रॉकेल ओतून पेटविण्याचा प्रयत्न केला. रेल्वे पोलिस व कर्मचाऱ्यांनी धाव घेताच आंदोलक पळून गेले होते. त्यानंतर मिरज लोहमार्ग पोलिस अधीक्षक रमेश भिंगारदिवे यांनी स्वाभिमानी संघटनेचे सचिन तोडकर, सचिन खांडेकर, शीतल कोंडेकर, प्रशांत पाटील, कविता कोंडेकर यांच्यासह १३ जणांच्यावर गुन्हा दाखल केला.

बोगी पेटवण्याचा प्रयत्न करणारे स्वाभिमान संघटनेचे कार्यकर्ते जुना राजवाडा पोलिस ठाण्याच्या हद्दीत वास्तव्यास आहेत. लोहमार्ग पोलिसांनी जुना राजवाडा पोलिसांच्या मदतीने सचिन तोडकर, सचिन खांडेकर, प्रशांत पाटील, कविता तोडकर यांना शुक्रवारी दुपारी अटक केली. बोगी जाळण्याचा प्रयत्न करणे, सार्वजनिक मालमत्तेचे विद्रुपीकरण व नुकसान, रेल्वे स्थानकात बेकायदेशीर प्रवेश करणे, जमाव बंदी आदेशाचे उल्लंघन करणे असे आरोप चौघांवर ठेवण्यात आले आहेत. त्यांना ताब्यात घेऊन कोर्टापुढे हजर केले असता त्यांनी जामिनावर मुक्तता केली.

मोबाइल अॅप डाउनलोड करा आणि राहा अपडेट

संगनमताने पैशांवर डल्ला

December 9, 2016, 1:32 pm

≫ Next: नव्या नेतृत्वाला मिळणार संधी

≪ Previous: बोगी जाळपोळप्रकरणी ‘स्वाभिमान’ च्या चौघांना अटक

$

0

0

Bhimgonda.Desai@timesgroup.com

Tweet:@bhimgondaMT

कोल्हापूर: राधानगरी तालुक्यातील धामोड प्राथमिक आरोग्य केंद्र घोटाळ्यात संगनमताने डल्ला मारल्याचे चौकशी अहवाल पाहिल्यानंतर स्पष्ट होते. अहवालात ठपका ठेवल्यानंतरही एकमेकांकडे बोट दाखवण्याचे प्रकार सुरू आहेत. कारवाई होऊच नये, यासाठी फिल्डिंग लावली जात आहे.

आरोग्य केंद्रात डॉ. अर्षदअली बोरगावे आणि त्यांच्या पत्नी डॉ. रिझवाना यांच्या कार्यकालात गैरव्यवहार आणि आर्थिक अनियमता झाली आहे. अपहार लाखांच्या घरात आहे. विशेष म्हणून अर्धा लाखांहून अधिक रकमेचे पैसे चेकने काढले आहेत. त्या चेकच्या मागे प्राथमिक आरोग्य अधिकाऱ्‌यांच्या सह्या असल्याचे पुढे आले आहे. डॉ. अर्षदअली यांची बदली झाल्यानंतर रिक्त झालेल्या त्यांच्याच जागी त्याच दिवसापासून त्यांची पत्नी डॉ. रिझवाना आरोग्य अधिकारी म्हणून हजर झाल्या आहेत. नवऱ्याने केलेला कारभार उघड होऊ नये, म्हणून त्याच जागी त्यांच्या पदाची सूत्रे पत्नीने स्वीकारणे हा मॅनेजल्ड योगायोग आहे का, असाही सवाल उपस्थित होत आहे.

बाह्य रुग्ण फी न भरणे, रोकड नोंदवहीत नोंद न करणे अशा प्रकारे पहिल्यांदा जगदीश कांबळे यांनी केलेला २२ लाख ९ हजार ९५ चा गैरव्यवहार उघड झाला. खोलात जाऊन चौकशी झाल्यानंतर गैरव्यवहारात या डॉक्टर दाम्पत्यांचाही सहभाग असल्याचे स्पष्ट झाले आहे. कांबळे निलंबित आहेत. ते अपहारची रक्कम वसूल होऊ नये म्हणून एका संघटनेच्या माध्यमातून प्रशासनावर नेहमी दबाव टाकत असल्याचे समोर आले आहे. विविध मागण्यांसाठी प्रशासनाच्या विरोधातील आंदोलनात ते आघाडीवर असतानाही दिसतात. म्हणून त्यांच्याकडून गैरव्यवहाराचा एक पैसाही वसूल झालेला नाही, अशी कुजबूज सुरू आहे. डॉक्टर दाम्पत्यांवर कारवाई होण्यासाठी येथील आरोग्य प्रशासनाकडून फारसे प्रयत्न होताना दिसत नाही.

डॉक्टर दाम्पत्याने नियमबाह्यपणे एक हजारांवरील बेअरर धनादेश काढले आहेत. वैयक्तिक लाभ सेल्फ चेकने दिला आहे. २०१३-१४ या आर्थिक वर्षांत २० लाख, २५ हजार, ७० रुपये आणि २०१४-१५ मध्ये २ लाख, ६५ हजार, २५ रुपये ‌इतका खर्च रोजकीर्दमध्ये नोंद आहे. पण या खर्चाचे व्हाउचर्स तपासणीस उपलब्ध नाहीत. अॅब्युलन्स दुरुस्तीसाठी ४४ हजार, २६५ खर्च नोंदवला आहे. पण या खर्चाची कोटेशन प्रक्रिया अपुर्ण असूनसुद्धा देयक अदा केले आहेत. वाहन दुरुस्तीची नोंद हिस्टरी बुकात केली नाही. रुग्ण कल्याण समिती (आरकेएस) निधीतून ३४ हजार ३२० रकमेच्या खरेदीमध्ये त्रुटी, अनिय‌मितता आहेत. ४४ हजार, ४२२ रकमेच्या नोंदी कॅशबुकात आहेत. पण या खर्चाचे व्हाउचर्स उपलब्घ नाहीत. ७८ हजार, ४४२ इतकी रक्कम वेळोवेळी बँकेत खर्च पडले आहेत. हस्तातंर, अभिकरण, जिल्हा परिषद स्वनिधीत २ लाख, ८० हजार, ७१५ रुपयांचा अपहार केला आहे. राष्ट्रीय आरोग्य अभियान (एनएचएम) निधी व रुग्ण कल्याण समिती निधीमधून २१ लाख, ७६ हजार, ८१५ व आरकेएस निधीमधून १ लाख, ७५ हजार इत‌के वि‌त्तीय अनियमित्ता आहे, असे ठपका डॉ. अर्षदअली यांच्यावर ठपका आहे. असाचा ठपका डॉ. रिझवाना यांच्यावरही आहेत. चौकशी अहवालात स्पष्टपणे अपहार केल्याचे नमूद आहे. तरीही कावारईस इतका का विलंब होत आहे, असा प्रश्न उपस्थित होत आहे.

(उत्तरार्ध)


डॉक्टर दात्पत्यावर गंभीर आर्थिक आरोप

कॅशबुकमधील नोंदी धनादेशनिहाय रक्कम व क्रमांक न तपासता स्वाक्षरी केलेल्या आहेत, रेखांकित धनादेशव्दारे रकमा अदा न करता बेअरर धनादेशव्दारे अदा केल्या आहेत, कर्मचारी वेतन देयके बँक खात्यावर जमा करावयाच्या रकमांची यादी तपासून बरोबर असल्याची खात्री केलेले दिसून येत नाही, बाह्यरुग्ण तपासणी रजिस्टरमध्ये स्वाक्षऱ्या केलेल्या नाहीत, कार्यालयाकडील व्हाउचर्स, बँक याद्या, वेतन देयक, अ‌भिलेख अद्ययावत करून वर्गीकरण केलेले नाही, लेखासंहितेचे पालन न करता विविध योजनांत आर्थिक, प्रशासकीय, वित्तीय अनियमितता, हलगर्जीपणा, शासकीय निधीचा अपहार करणे.

मोबाइल अॅप डाउनलोड करा आणि राहा अपडेट

---

नव्या नेतृत्वाला मिळणार संधी

December 9, 2016, 1:30 pm

≫ Next: वाड्या-वस्त्यांवर पोहोचणार वीज

≪ Previous: संगनमताने पैशांवर डल्ला

$

0

0

Maruti.Patil @timesgroup.com

Tweet :@ MarutipatilMT

कोल्हापूर : महाराष्ट्र सार्वजनिक विद्यापीठ विधेयक गुरुवारी विधानसभेच्या दोन्ही सभागृहांमध्ये एकमताने संमत झाल्याने पुढील शैक्षणिक वर्षापासून महाविद्यालयीन निवडणुकांचा मार्ग मोकळा झाला आहे. ही निवडणूक प्रक्रिया मतदानाद्वारे किंवा एसएमएसद्वारे होणार याची स्पष्टता नसली, तरी यामुळे निवडणुकांद्वारे निवडलेल्या विद्यार्थी प्रतिनिधी लोकशाही प्रक्रियेने निवडून जातील असा विश्वास व्यक्त केला जात आहे. या निर्णयामुळे नवे नेतृत्व तयार होण्याबरोबरच विद्यार्थ्यांचे प्रश्न मांडण्यासाठी त्यांना नवीन व्यासपीठ मिळणार आहे. राज्य सरकारने घेतलेल्या निर्णयाचे विद्यार्थ्यांमधून स्वागत केले जात आहे.

महाविद्यालयीन निवडणुकांमध्ये हाणामारीचे प्रसंग उद्भवल्यानंतर या निवडणुकांवर बंदी घातली होती. गेल्या अनेक वर्षांपासून महाविद्यालयीन निवडणुका घेण्याची मागणी जोर धरू लागली होती. मात्र सरकार यावर सकारात्मक नसल्याने निवडणुकांचा निर्णय होऊ शकला नाही. त्यातच नवीन विद्यापीठ कायदा अस्तित्वात येणार असल्याने निवडणुकांबाबतची उत्सुकता निर्माण झाली होती. विद्यापीठ कायद्या अस्तित्वात येण्यापुर्वी विद्यापीठाच्या सिनेटसह सर्व समित्या बरखास्त करून व्यवस्थापन परिषदेला सर्व अधिकार दिले होते. त्यामुळे कुलगुरुंच्या अधिकारांमध्ये वाढ झाली, तरी प्राध्यापक, विद्यार्थीसह अन्य घटकांना आपल्या मागण्याबाबत मत मांडण्यासाठी व्यासपीठ नसल्याने याबाबत अनेकांमध्ये असंतोष होता. सुधारित विधेयकांमुळे हा असंतोष कमी झाला. यामध्ये विद्यार्थी प्रतिनिधींची निवडणुकीची तरतूद असल्याने विद्यार्थ्यांमधून समाधान व्यक्त केले जात आहे.

१९९४ नंतर विद्यार्थी प्रतिनिधींची निवड गुणवत्तेवर होत होती. त्यामुळे नवे नेतृत्व तयार होत नसल्याची तक्रार होती. सुधारित कायद्यांमुळे पुन्हा निवडणुका होणार असल्या तरी, निवडणुकीमध्ये वाद निर्माण होणार नाही, याची खबरदारी घ्यावी लागणार आहे. निवडणुकीच्या माध्यमातून विद्यार्थ्यांना प्रश्न मांडण्याची संधी उपलब्ध होणार आहे. सुधारित कायद्यांमुळे नवे राजकीय नेतृत्व उदयास येऊन राजकीय पक्षांची सोय होणार असली, तरी यामुळे गुणवत्ताधारक विद्यार्थ्यांवर अन्याय होणार असल्याची प्रतिक्रियाही विद्यार्थ्यांमधून उमटत आहेत.

विद्यापीठ, कॉलेजवर विद्यार्थी प्रतिनिधींचा दबाव राहणार

नवीन विद्यापीठ कायद्यानुसार विद्यार्थी प्रतिनिधींना महाविद्यालयीन समिती व विद्यापीठाच्या सिनेटमध्ये स्थान मिळणार आहे. यामुळे विद्यापीठाच्या किंवा महाविद्यालयांच्या निर्णय प्रक्रियेत त्यांना मत नोंदवण्याची संधी मिळणार आहे. तसेच विद्यार्थी हिताचा निर्णय नसल्यास त्याला थेट विरोध करण्याची मुभा मिळणार आहे. त्यामुळे महाविद्यालयीन व सिनेटवर एक प्रकारे विद्यार्थ्यांना दबाव निर्माण करता येईल.


सुधा‌‌‌‌रित विद्यापीठ कायद्याद्वारे महाविद्यालय प्रतिनिधींच्या निवडणुका होणार ही स्वागतार्ह निर्णय आहे. मात्र या निवडी एसएमएसद्वारे न होता, थेट मतदान प्रक्रिया राबवून होण्याची आवश्यकता आहे. या निर्णयामुळे सामाजिक व विद्यार्थ्यांच्या प्रश्नासाठी झगडणाऱ्या विद्यार्थ्याना नेतृत्वाची संधी मिळेल, त्यातून नवे राजकीय नेतृत्व तयार होईल.

अवधूत अपराध, जिल्हाध्यक्ष, राष्ट्रवादी काँग्रेस विद्यार्थी सेल

महाविद्यालयीन निवडणुका बंद झाल्यानंतर नवे नेतृत्व तयार झाले नाही. मात्र निर्णयामुळे नवे नेतृत्व तयार होईल. ज्या कारणामुळे निवडणुका बंद झाल्या होत्या, अशा कारणांची पुनरावृत्ती होणार नाही, याची दक्षता सरकार व कॉलेज प्रशासनाने घेतली पाहिजे. निवडलेल्या प्रतिनिधीमार्फत कॉलेज युवकांचे प्रश्न मांडण्याची संधी मिळणार आहे.

पार्थ मुंडे, शहराध्यक्ष, राष्ट्रीय काँग्रेस विद्यार्थी सेल

गेल्या अनेक वर्षापासून अखिल भारतीय विद्यार्थी परिषदेने महाविद्यालयीन निवडणुकांची मागणी केली होती. या मागणीची पूर्तता झाल्याने निर्णयाचे स्वागत आहे. मात्र या निवडणुका खुल्या व चांगल्या वातावरणामध्ये व्हाव्यात. विद्यापीठ सुधारीत कायद्यानुसार निवडणूका होणार असल्या तरी, निवडणूक राबवण्याच्या पद्धतीबाबत अस्पष्टता दिसते.

श्रीनिवास सूर्यवंशी, शहरमंत्री अभाविप

मोबाइल अॅप डाउनलोड करा आणि राहा अपडेट

वाड्या-वस्त्यांवर पोहोचणार वीज

December 9, 2016, 1:36 pm

≫ Next: करमाळा तुरुंग फोडून तीन आरोपी पळालेपाच आरोपींची प्रयत्न; दोघांना जागीच अटक

≪ Previous: नव्या नेतृत्वाला मिळणार संधी

$

0

0

Raviraj.gaikwad@timesgroup.com

Twitter - @rg_ravirajMT

देशातील ४० कोटी जनता अजूनही अंधारात चाचपडत असून, आठ कोटी घरांमध्ये वीज पोहोचलेली नाही. या घरांना लवकरात लवकर वीज जोडणी देण्याची घोषणा केंद्रीय उर्जामंत्री पियुष गोयल यांनी केली होती. दुर्दैवाने त्या आठ कोटी घरांपैकी काही घरे कोल्हापूर जिल्ह्यातील आहेत. आनंदाची बाब म्हणजे या घरांपर्यंत वीज पोहचविण्याची प्रक्रिया आता वेगाने सुरू झाली आहे. जिल्हा नियोजन मंडळातील १ कोटी ८० लाख रुपयांचा निधी २६ वाड्या वस्त्यांवर वीज पोहोचविण्यासाठी देण्यात आला असून त्याचे काम सुरू झाल्याने लवकरच या ठिकाणी वीज पोहोचणार आहे.

महासत्तेची स्वप्ने पाहणाऱ्या आपल्या देशात स्वातंत्र्यानंतर ६९ वर्षांनंतरही अद्याप अनेक वाड्या वस्त्यांवर वीज पोहोचली नाही. देशात ओडिशा, बिहार, छत्तीसगड, आसामसह पूर्वोत्तर राज्यांमध्ये अनेक गावांत वीज पोहोचलेली नाही. महाराष्ट्रात तुलनेत बरी स्थिती असली, तरी कोल्हापूरसारख्या सधन जिल्ह्यातही २६ वाड्या वस्त्यांमध्ये वीज पोहोचली नसल्याचे स्पष्ट झाले होते. कोल्हापूर जिल्हा १०० टक्के इलेक्ट्रिफाइड मानला जात होता. पण, २०११च्या जनगणनेमध्ये दुर्गम भागातील २६ गावांना वाड्या-वस्त्यांचा दर्जा देण्यात आला. त्यामुळे त्या वस्त्यांपर्यंत वीज पोहचविण्याची प्रक्रिया सुरू झाली.

केंद्रात सत्ता बदल झाल्यानंतर मोदी सरकारने दीनदयाल उपाध्याय ग्राम ज्योती योजना जाहीर केली होती. या योजनेतून कोल्हापूर जिल्ह्यातील २६ वस्त्यांपर्यंत वीज पोहचविण्याचे काम करण्यात येणार होते. पण पालकमंत्री चंद्रकांत पाटील यांनी या योजनेपेक्षा जिल्हा नियोजन विकास समितीच्या निधीतून वीज पोहचविण्याची सूचना केली. जिल्ह्यातील २६ वस्त्यांपैकी सात वस्त्यांवर सध्या वीज पोहोचली आहे. उर्वरित १९ वस्त्यांपर्यंत वीजजोडणीची प्रक्रिया सुरू झाली आहे, असे महावितरणचे कार्यकारी अभियंता एस. बी. मारुलकर यांनी सांगितले.

दीनदयाळ योजनेतून या वस्त्यांवर वीज पोहोविण्यासाठी एक कोटी ८० लाख रुपये तरतूद करण्यात आली होती. तेवढीच तरतूद जिल्हा नियोजन समितीच्या निधीतून या कामासाठी करण्यात आली आहे. सध्या विजेच्या कामांसाठी समितीतून २०१६-१७ साठी चार कोटी रुपये मंजूर आहेत. त्यातीलच एक कोटी ८० लाख रुपये वाड्या वस्त्यांवर वीज पोहोचविण्यासाठी वापरले जाणार आहेत. या एक कोटी ८० लाखमधून तेथील स्ट्रीट लाइटची कामे होणार नाहीत. त्यामुळे ती पुढील वर्षीच्या बजेट मधून करण्यात येतील, अशी माहिती मारुलकर यांनी दिली.


वनविभागीची एनओसी

वाड्या वस्त्यांवर वीज पोहचविण्याच्या प्रक्रियेत वीज महावितरण कंपनीला राज्याच्या वनविभागाकडून एनओसी (ना हरकरत प्रमाणपत्र) मिळणे गरजेचे असते. वीज नसलेल्या वाड्या वस्त्या दुर्गम डोंगराळ रागांमध्ये असतात. वीजेचे खांब उभारणे, विद्युत तारा यांमुळे वनांमधील वृक्षसंपदा आणि प्राण्यांना धोको पोहचू शकतो. त्या पार्श्वभूमीवर संबंधित वस्तीवर कोणत्या मार्गाने वीज पोहोचवावी, याची एनओसी वन विभाग देत असते. सध्याच्या १९ वस्त्यांसाठी महावितरणकडून वन विभागाकडे एनओसीसाठी प्रस्ताव देण्यात आले आहेत.


येथे पोहोचली वीज

अंबाई धनगरवाडा, नाइकोबाचा माळ (शाहूवाडी), लमाणवाडा, धनगरवाडा (इब्राहिमपूर), धनगरवाडा (कनूर खुर्द), भंडारी वस्ती, नागरगाव (सर्व चंदगड तालुका).

येथे पोहोचणार वीज

धनगरवाडा (नांदरी, शाहूवाडी), फये, कोळवण, वसनोली, बेडीव, हिदवाडे, गिरवाग येथील धनगरवाडे, हंड्याचावाडा, पाटीलवाडी (दोन्ही फये), मेघोली एरंडपे येथील धनगरवाडे (सर्व भुदरगड), अणी, हंसनगाव, फराळे, हंसने येथील धनगरवाडे, बुजवडे पाटीलवाडी, कुर्डवाडी येताळवाडी, सोळांकूर रामनगर, आमजाही व्हरवडे लिंधडेवस्ती (सर्व राधानगरी).


वाड्या वस्त्यांवर वीज पोहचविण्यासाठीच्या कामाचे टेंडरींगही झाले आहे. विभागाकडे एनओसीचा प्रस्ताव पाठविण्यात आला आहे. टेंगर भरण्यासाठी मुदतवाढ देण्यात आली असून, काम लवकरात लवकर सुरू होईल, यासाठी महावितरणकडून प्रयत्न सुरू आहेत.

- एस. बी. मारुलकर, कार्यकारी अभियंता, महावितरण

मोबाइल अॅप डाउनलोड करा आणि राहा अपडेट

करमाळा तुरुंग फोडून तीन आरोपी पळालेपाच आरोपींची प्रयत्न; दोघांना जागीच अटक

December 11, 2016, 9:46 am

≫ Next: चिंचणेरमध्ये शांतता ठेवाः न्या. थूल

≪ Previous: वाड्या-वस्त्यांवर पोहोचणार वीज

$

0

0

म. टा. वृत्तसेवा, पंढरपूर

पारधी समाजाच्या पाच आरोपींनी शनिवारी रात्री अडीचच्या सुमारास करमाळ्यातील तुरुंग फोडून पळून जाण्याचा प्रयत्न केला. बंदोबस्तावर असलेल्या गार्डनी दोन आरोपींना पकडले असले मात्र, उरलेले तीन आरोपी पळून जाण्यात यशस्वी झाले. घटनेची माहिती मिळताच पोलिस अधीक्षक विरेश प्रभू आणि इतर अधिकाऱ्यांनी जेलला भेट देऊन पाहणी केली. फरार आरोपींच्या शोधासाठी पोलिसांची पाच पथके रवाना झाली आहेत. स्थानिक पोलिस परिसरातील उसाच्या फडात आरोपींचा शोध घेत आहेत.

तुरुंग तोडून पळून गेलेले तीनही आरोपी चोऱ्या आणि दरोड्याच्या प्रकरणातील असून, पोलिसांनी सर्वत्र सावधानतेचा इशारा दिला आहे. सोलापूर आणि नगर जिल्ह्यात अनेक दरोड्यांचा गुन्ह्यासंदर्भात या आरोपींकडून चौकशी सुरू होती. एक घरफोडी आणि एका दरोड्याच्या गुन्ह्यात हे तीनही आरोपी करमाळा येथील तुरुंगात न्यायालयीन कोठडीत होते. सुनील शिवाजी काळे, राजा आकाश काळे आणि अनिल संभाजी काळे हे दरोडेखोर पळून गेले आहेत.

मोबाइल अॅप डाउनलोड करा आणि राहा अपडेट

चिंचणेरमध्ये शांतता ठेवाः न्या. थूल

December 11, 2016, 9:48 am

≫ Next: कोथळीत सदाभाऊ खोत यांना काळे झेंडे

≪ Previous: करमाळा तुरुंग फोडून तीन आरोपी पळालेपाच आरोपींची प्रयत्न; दोघांना जागीच अटक

$

0

0

सातारा

चिंचणेर वंदनच्या ग्रामस्थांनी गावामध्ये शांतता ठेवून प्रशासनाला सहकार्य करावे, असे आवाहन राज्य अनुसूचित जाती जमाती आयोगाचे सदस्य न्यायमूर्ती सी. एल. थूल यांनी केले.

न्या. थूल यांनी रविवारी चिंचणेर वंदन येथील घटनास्थळास भेट देवून ग्रामस्थांशी चर्चा केली. त्यावेळी ते बोलत होते. यावेळी प्रभारी जिल्हाधिकारी प्रमोद यादव, पोलिस अधीक्षक संदीप पाटील, अपर पोलिस अधीक्षक विजय पवार, प्रांताधिकारी स्वाती देशमुख-पाटील, उपविभागीय पोलिस अधिकारी खंडेराव धरणे, समाज कल्याणचे सहायक आयुक्त रवींद्र कदम-पाटील आदी यावेळी उपस्थित होते.

थूल म्हणाले, ‘झालेल्या घटना अत्यंत दुर्देवी आहेत. नुकसानीचे पंचनामे झालेले आहेत. जुन्या कायद्यानुसार तत्काळ मदत द्या व नवीन कायद्यानुसार नंतर फरक द्या. येथील लोकसंख्या पाहून रेशनिंगचे दुकान व पिठाची चक्की सुरू करावी. तसेच येथे पोलिस चौकीही सुरू करावी. ज्या लोकांच्या गाड्यांचे व घरांचे नुकसान झाले आहे, त्यांना नुकसान भरपाई दिली जाईल. दोषींवर योग्य ती कारवाई होईल. कसलीही भीती बाळगू नये. गावामध्ये शांतता ठेवून प्रशासनाला सहकार्य करावे.’

मोबाइल अॅप डाउनलोड करा आणि राहा अपडेट

कोथळीत सदाभाऊ खोत यांना काळे झेंडे

December 10, 2016, 1:30 pm

≫ Next: कर्जाच्या अमिषाने महिलांची फसवणूक

≪ Previous: चिंचणेरमध्ये शांतता ठेवाः न्या. थूल

$

0

0

म. टा. वृत्तसेवा, जयसिंगपूर

कोथळी (ता. शिरोळ) येथे विविध विकास कामांच्या उद्‍घाटनासाठी आलेल्या कृषी व पणन राज्यमंत्री सदाभाऊ खोत यांना भारतीय कम्युनिष्ट पक्षाच्यावतीने काळे झेंडे दाखविण्यात आले. तसेच नोटाबंदीनंतर आर्थिक कोंडी झाल्याने सरकारचा निषेध नोंदविण्यात आला. यावेळी जयसिंगपूर पोलिसांनी आंदोलकांना ताब्यात घेतले.

केंद्र सरकारच्या नोटाबंदीच्या निर्णयानंतर सहकारी बँका अडचणीत आल्या आहेत. बहुतांशी शेतकऱ्यांचे खाते जिल्हा बँकेत आहे. नोटाबंदीनंतर रिझर्व्ह बँकेने जिल्हा बँकेवर आर्थिक निर्बंध घातले आहेत. परिणामी शेतकऱ्यांची ऊस बिले तसेच दूध उत्पादकांची बिले अडकून पडली आहेत. या परिस्थितीवर मात करण्यासाठी सरकारने कोणताही तोडगा काढला नाही. तसेच स्वाभिमानी शेतकरी संघटनेच्या कार्यकर्त्यांनी शिरोळ तालुक्यात जिल्हा बँकेच्या टाकवडे शाखेलाच टाळे ठोकले यामुळे भाकपचे कार्यकर्ते संतप्त झाले होते.

कोथळी येथील विविध विकास कामांच्या उद्‍घाटनासाठी कृषी राज्यमंत्री सदाभाऊ खोत येणार असल्याची माहिती भाकपच्या कार्यकर्त्यांना मिळाली होती. सायंकाळी सातच्या सुमारास मंत्री खोत कोथळीत आले. यावेळी चलन पुरवठा सुरळीत करा, आर्थिक कोंडी दूर करा अशी मागणी करीत भाकपच्या कार्यकर्त्यांनी मंत्री खोत यांना काळे झेंडे दाखवले. तसेच सरकारचा निषेध करण्यात आला.

दरम्यान कोथळी येथे मंत्री खोत यांचे स्वागत सुरू असताना दुसरीकडे भाकपच्या ३० हून अधिक कार्यकर्त्यांनी आंदोलन सुरू केल्याने काहीकाळ वातावरण तणावपूर्ण बनले. जयसिंगपूर पोलिसांनी कॉ. शिवाजी माळी, अभिषेक मिठारी, बंडू तेरवाडे, संजय कांबळे, समीर मुजावर, निखील धुमाळे, शशिकला कांबळे यांना ताब्यात घेतले.

मोबाइल अॅप डाउनलोड करा आणि राहा अपडेट