कोम्बिंग ऑपरेशनवेळी मिळाला वॉन्टेड संशयित

October 12, 2016, 2:30 pm

≫ Next: परीक्षेसाठी अभ्यासक्रमाची पळवापळवी

≪ Previous: शंभर मुलींना मदत करून लेकीच्या स्मृतींचे जतन

$

0

0

म. टा. प्रतिनिधी, कोल्हापूर

शाहूपुरी पोलिसांनी बुधवारी (ता. १२) सकाळी सहा ठिकाणी कोम्बिंग ऑपरेशन करून रेकॉर्डवरील गुन्हेगारांची शोध मोहीम राबवली. या दरम्यान पोलिसांना रेकॉर्डवरील १४ गुन्हेगार मिळाले, तर कोल्हापूरसह सांगली आणि रत्नागिरीतील विविध गुन्ह्यात वॉन्टेड असलेला आरोपी नागेश रामाप्पा वडर (वय ४६, रा. विचारे माळ) याला पोलिसांनी अटक केली.

कायदा-सुव्यवस्था टिकवण्यासाठी रेकॉर्डवरील गुन्हेगारांना ताब्यात घेऊन त्यांच्यावर प्रतिबंधात्मक कारवाई करण्यासाठी शाहूपुरी पोलिसांनी बुधवारी सहा ठिकाणी कोम्बिंग ऑपरेशन केले. शिवाजी पार्कमधील राजीव गांधी नगर, सदरबाजार, विचारेमाळ, कनाननगर, रमणमळा आणि बावडा या परिसरात कोम्बिंग ऑपरेशन करून गुन्हेगारांचा शोध घेतला. या शोधमोहीमेत रेकॉर्डवरील १४ गुन्हेगार मिळाले. यातील नागेश वडर आणि लखन देवकुळे या दोघांना पोलिसांनी ताब्यात घेतले. वडर याच्यावर शाहूपुरी पोलिस ठाण्यात तीन गुन्हे दाखल आहेत. कोम्बिंग ऑपरेशनमध्ये शाहूपुरीचे निरीक्षक प्रवीण चौगुले यांच्यासह ४० कर्मचारी सहभागी होते.

मोबाइल अॅप डाउनलोड करा आणि राहा अपडेट

---

परीक्षेसाठी अभ्यासक्रमाची पळवापळवी

October 12, 2016, 2:30 pm

≫ Next: महिला कॉन्स्टेबल लाच घेताना जाळ्यात

≪ Previous: कोम्बिंग ऑपरेशनवेळी मिळाला वॉन्टेड संशयित

$

0

0

म. टा. प्रतिनिधी, कोल्हापूर

शिवाजी विद्यापीठाच्यावतीने घेण्यात येणाऱ्या अभियांत्रिकी प्रथम वर्ष परीक्षेच्या वेळपत्रकांमध्ये बदल केलेला असला, तरी विद्यापीठाच्या अधिकार मंडळाच्या ठरावान्वये ९८ दिवसांचे कामकाज अपेक्षीत असले, तरी केवळ ७८ दिवसांचे सत्र पूर्ण झाले आहे. त्यामुळे विद्यार्थ्यांना परीक्षेपूर्वी किमान एक आठवड्याचा तरी वेळ मिळावा यासाठी अभ्यासक्रमांची पळवापळवी अभियांत्रिकी महाविद्यालयामध्ये सुरू झाली आहे. परीक्षा वेळापत्रकांमध्ये बदल केला असल्याचे परीक्षा विभागाने जाहीर केले आहे. मात्र वेबसाइटवर जुनेच वेळापत्रक प्रसिद्ध झालेले असल्याने विद्यार्थ्यांमध्ये संभ्रम निर्माण झाला आहे.

शिवाजी विद्यापीठाच्या सलंग्नीत महाविद्यालयाच्या पहिल्या सत्रातील परीक्षांना १४ ऑक्टोबरपासून सुरुवात होणार होती. मात्र एसआरपीडीबाबत प्राध्यापक व प्राचार्यांनी परीक्षांची तारीख वाढवून देण्याची मागणी केली होती. त्यानंतर परीक्षा विभागाने परीक्षा तारखांमध्ये बदल केला आहे. सुधारीत बदलांनुसार २४ ऑक्टोबरपासून परीक्षांना सुरुवात होणार आहे.

विद्यापीठाने यापूर्वी जाहीर केलेल्या वेळापत्रकानुसार अभियांत्रिकी प्रथम वर्षाच्या परीक्षा सात नोव्हेंबरपासून सुरू होणार होत्या. विद्यापीठाच्या अधिकार मंडळाच्या ठरावान्वये एका सत्रात १४ आठवड्यांचे किंवा ९८ दिवसांचे कामकाज होणे अपेक्षीत आहे. मात्र केवळ ६६ दिवसांचे कामकाज होत असल्याने परीक्षा पुढे ढकल्यांची मागणी काही संघटनांनी केली होती. त्यानुसार विद्यापीठाच्या परीक्षा विभागाने प्रथम वर्षाच्या परीक्षा १९ नोव्हेंबरपासून सुरू होणार असल्याचे जाहीर केले. मात्र सुधारीत वेळापत्रकाऐवजी जुनेच वेळापत्रक संकेतस्थळावर प्रसिद्ध झाल्याने विद्यार्थ्यांमध्ये संभ्रमावस्था निर्माण झाली आहे. पहिल्या सत्रातील नियोजित दिवसापेक्षा कमी दिवस अभ्यासक्रमासाठी मिळत असल्याने सर्वच अभियांत्रिकी महाविद्यालयांमध्ये अभ्यासक्रम पूर्ण करण्यासाठी धावपळ सुरू झाली आहे. अनेक अभियांत्रिकी महाविद्यालयांनी २२ ऑक्टोबरपर्यंत अभ्यासक्रम पूर्ण करण्यासाठी जादा तासांचे नियोजन केले आहे. मात्र त्यामुळे विद्यार्थ्यांमध्ये परीक्षेपूर्वीच निकालाचा धास्ती निर्माण झाली आहे.

मोबाइल अॅप डाउनलोड करा आणि राहा अपडेट

महिला कॉन्स्टेबल लाच घेताना जाळ्यात

October 12, 2016, 2:30 pm

≫ Next: शिवनेरी सेवा चांगली, पण खिशाला परवडेना

≪ Previous: परीक्षेसाठी अभ्यासक्रमाची पळवापळवी

$

0

0

म. टा. वृत्तसेवा, इचलकरंजी

गुन्ह्यात कारवाई न करण्यासाठी एक हजार रुपयांची लाच स्वीकारताना गावभाग पोलिस ठाण्यातील महिला पोलिस नाईक श्रीमती वैशाली आण्णासो कांबळे (वय ३४, सध्या रा. जुनी पोलिस कॉलनी. मूळ रा. अब्दुललाट) हिला लाचलुचपच प्रतिबंधक विभागाने रंगेहाथ पकडले. याप्रकरणी गावभाग पोलिस ठाण्यात गुन्हा दाखल करण्यात आला. अवघ्या पंधरा दिवसांतच पुन्हा पोलिसच लाच स्वीकारताना रंगेहाथ सापडल्याची चर्चा शहरात होती.

याबाबत मिळालेली अधिक माहिती अशी, पोलिस ठाण्याच्या परिसरातील लाखेनगर जाधवमळा भागात राहणाऱ्या श्रीमती रेखा अनिल देसाई यांच्या मुलाच्या विरोधात गावभाग पोलिस ठाण्यात तक्रार दाखल आहे. या तक्रारीमध्ये मुलावर कारवाई न करण्यासाठी पोलिस नाईक कांबळे यांनी एक हजार रुपयांची लाच मागितली होती. या संदर्भात रेखा देसाई यांनी लाचलुचपत प्रतिबंधक विभागाकडे १० ऑक्टोबर रोजी तक्रार दाखल केली होती. या तक्रारीची बुधवारी सकाळी पंच साक्षीदारांच्या समक्ष पडताळणीही करण्यात आली. ठरल्यानुसार गावभाग पोलिस ठाण्याच्या प्रवेशद्वाराजवळच असलेल्या चहाच्या गाड्यावर देसाई यांच्याकडून लाच स्वीकारताना सापळा रचलेल्या पथकाने कांबळे यास रंगेहाथ पकडले.

पंधरा दिवसापूर्वी शिवाजीनगर पोलिस ठाण्याचे निरिक्षक सर्जेराव गायकवाड व पोलिस नाईक विष्णू शिंदे यांना लाच घेताना रंगेहाथ पकडले होते. ही घटना ताजी असतानाच पुन्हा पोलिसच लाचलुचपतच्या जाळ्यात अडकल्याची चर्चा शहरात होती.

ही कारवाई लाचलुचपत प्रतिबंधक विभागाचे पोलि

मोबाइल अॅप डाउनलोड करा आणि राहा अपडेट

शिवनेरी सेवा चांगली, पण खिशाला परवडेना

October 12, 2016, 2:30 pm

≫ Next: आर्थिक मागासलेपणातच प्रश्नाचे मूळ

≪ Previous: महिला कॉन्स्टेबल लाच घेताना जाळ्यात

$

0

0

म. टा. प्रतिनिधी, कोल्हापूर

एक ऑक्टोबर पासून कोल्हापूर ते मुंबई सुरू झालेल्या वातानुकूलित शिवनेरी बस सेवेला अत्यल्प प्रतिसाद आहे. रविवारी फेरीच्या वेळी केवळ एकच प्रवासी मिळाला. दहा दिवसांत १२५ प्रवासी शिवनेरीला मिळाल्याने सेवेचा फज्जा उडाला आहे. खासगी ट्रॅव्हल्स कंपन्यांपेक्षाही अधिक असलेले भाडे कमी केल्यास शिवनेरी सहजपणे हाऊसफुल्ल होईल. खासगी व्होल्वो पाचशे ते सातशे रुपयांत सेवा देत आहे.

कोल्हापूर ते मुंबई आणि मुंबई ते कोल्हापूर अशी शिवनेरीची व्होल्वो सेवा एक ऑक्टोबरपासून सुरू करण्यात आली. कोल्हापूर-पुणे शिवनेरी बंद झाल्यानंतर या बससेवेला प्रतिसाद मिळेल, अशी अपेक्षा एसटी प्रशासनाला होती. शिवनेरीचे तिकीट दर १०४३ रुपये आहे. त्या तुलनेत खासगी आराम बसेस पाचशे रुपयांपासून ते सातशे रुपयांपर्यंत दर घेतला जात असल्याने प्रवाशांचा कल खासगी वाहतुकीकडे आहे.

एसटीने किमान सातशे-आठशे रुपये दर आकारल्यास शिवनेरी नक्कीच हाउसफुल्ल होईल. पुशबॅक सीट, एसी, शुद्ध पिण्याचे पाणी आदी सुविधा शिवनेरीत असल्या तरी वाढीव दरामुळे प्रवाशांची प्रतीक्षा करावी लागत असल्याचे चित्र मध्यवर्ती बसस्थानकात आहे.

रविवारी रात्री अकरा वाजता शिवनेरीत केवळ एकमेव प्रवासी होता. केवळ वाकड पर्यंतच प्रवासी मिळाला. त्यानंतर शिवनेरी मोकळीच धावली. प्रवासी मिळत नसल्याने एसटी प्रशासनासमोर मोठे आव्हान उभे राहिले आहे. कोल्हापूर-मुंबई मार्गांवर धावणाऱ्या एसटीच्या दोन निमआराम बसपैकी एक बस शिवनेरीला प्रतिसाद मिळण्यासाठी बंद करण्यात आली. मात्र प्रवाशांचा प्रतिसाद शिवनेरीला नसल्याने काही दिवसांत पुन्हा ही सेवा बंद करण्याची शक्यता आहे.

एसटीच्या कोल्हापूर मंडळाच्या ताफ्यात दाखल झालेली कोल्हापूर-पुणे शिवनेरी मार्च २०१४ मध्ये याच कारणामुळे बंद करण्यात आली. शिवनेरीचा तिकीट दर कमी झाला नसल्यास त्याचीच पुनरावृत्ती होण्याची शक्यता आहे. मुंबई सेंट्रल मार्गांवरुन सर्वांत उशीरा सुटणारी ही बससेवा असून महालक्ष्मी एक्सप्रेसपेक्षा पाच तास कमी कालावधीत ही मुंबईत पोहोचते. प्रवाशांच्या मागणीनुसार मुंबई सेंट्रलपासून क्रॉफर्ड मार्केट किंवा मंत्रालयापर्यंत वाढविण्याचा विचार सुरू होता. दर कमी केल्यास दर्जेदार सेवा होऊ शकेल. मुंबई सेंट्रल डेपोतून रात्री अकरा वाजता आणि कोल्हापूरातून रात्री अकरा वाजता मुंबईकडे शिवनेरी धावते.

मोबाइल अॅप डाउनलोड करा आणि राहा अपडेट

आर्थिक मागासलेपणातच प्रश्नाचे मूळ

October 13, 2016, 2:30 pm

≫ Next: आम्हीही मोर्चात सहभागी होणार

≪ Previous: शिवनेरी सेवा चांगली, पण खिशाला परवडेना

$

0

0

मराठा क्रांती मूक मोर्चाच्या पार्श्वभूमीवर ज्येष्ठ नेते प्रा. डॉ. एन. डी. पाटील यांच्याशी ‘महाराष्ट्र टाइम्स’ने संवाद साधला. राज्यभर निघालेल्या शांततामय मूक मोर्चांच्या नियोजनाचे त्यांनी कौतुक केले. त्याचबरोबर मोर्चे निघण्यामागची कारणे आणि त्यांचे सामाजिक, आर्थिक परिणाम अशा सर्व विषयांना स्पर्श करत, राजर्षी शाहू महाराजांना अभिप्रेत सर्वसमावेशक मराठा समाज उभा राहण्याची गरज त्यांनी व्यक्त केली. तसेच या प्रश्नावर चर्चा झालीच पाहीजे, असे मतही त्यांनी अधोरेखित केले.

प्रश्न : राज्यात प्रचंड मोठ्या संख्येने मराठा समाज रस्त्यावर उतरत आहे. मोर्चे शांततेत निघत असले, तरी एवढा मोठा जनसमुदाय एकाचवेळी रस्त्यावर उतरण्याची वेळ येण्यामागे काय कारण असावे?

- राज्यात मोठ्या संख्येने असलेल्या मराठा समाजातील बहुसंख्य समाज हा शेतीवर अवलंबून आहे. यातील मोठा टक्का अल्पभूधारक, शेतमजूर आहे. गेल्या काही वर्षांतील त्यांची अवस्था ‘आई जेवू देईना अन् बाप भिक मागू देईना’ अशी झाली आहे. गेल्या अनेक वर्षांत शेतीतील उत्पादकता कमी होत गेली. त्यामुळे या समाजाला दुसरी वाट हवी होती. ती शिक्षणाच्या मार्गातून देणे शक्य होते. तसे झाले असते, तर त्यांना रोजगार मिळाला असता आणि आजच्यासारखी त्यांची दयनीय अवस्था झाली नसती. राज्यात १९९५ ते २०१५ या काळात जवळपास तीन लाखांहून अधिक शेतकऱ्यांनी आत्महत्या केल्या. त्यामुळे या शेतकऱ्यांनाच आत्महत्येचा मार्ग का स्वीकारावा लागला, याचे उत्तर शोधण्याची गरज आहे. यात सर्वच जाती आणि धर्मातील शेतकरी आहेत. या वर्गाची प्रत्येक पातळीवर कोंडी झाल्याने हा समाज रस्त्यावर उतरत आहे.

प्रश्न : अनेक वर्षे सत्तेच्या चाव्या मराठा समाजातील नेत्यांकडे होत्या, याकडे लक्ष वेधले जात आहे. याविषयी काय सांगाल?

- गेली अनेक वर्षे सत्तेत मराठा समाजातील नेते होते हे खरे आहे. मात्र, त्यांची संख्या किंवा टक्केवारी किती याकडेही पाहावे लागेल. कारण, सत्तेची दालने केवळ मूठभर लोकांसाठीच खुली राहिली. यात ८० टक्के गरीब जनतेला क्वचितच संधी मिळाली. या समाजाला सत्तेच्या दालनाच्या उंबरठ्यापर्यंतही पोहोचता आले नाही. समृद्धी आणि सत्तेच्या दालनापासून वंचित असलेल्या समाजाच्याच किंकाळ्या आज आपल्याला ऐकू येत आहेत. या नेत्यांनी शेतकरीवर्गासाठी काहीच केले नाही, याचे एक उदाहरण येथे देता येईल. एम. एस. स्वामिनाथन यांच्या समितीचा शिफारसी लागू करण्याची चर्चा सध्या काही मराठा नेते करत आहेत. मात्र, आधीची पंधरा वर्षे सत्तेत असताना त्यांना या समितीच्या अहवालाची आठवण का झाली नाही? मनमोहन सिंग सरकारने ठरविले असते, तर कापसावरील आयात शुल्क वाढवून स्थानिक शेतकऱ्यांच्या कापसाला चांगला भाव मिळवून देऊ शकले असते. त्यामुळे आत्महत्या थांबल्या असत्या. मोदींच्या पक्षाने स्वामिनाथन समितीच्या शिफारसी लागू करण्याचे आश्वासन दिले होते. सत्तेत आल्यानंतर त्यांनी सर्वोच्च न्यायालयातील प्रतिज्ञापत्रात शिफारशी लागू करणे शक्य नसल्याचे सांगितले. त्यामुळे मोदी सरकारच्या डोळ्यात शेतकऱ्यांसाठी अश्रू नाहीत; पण त्यांच्या आधीच्या सरकारकडेही शेतकऱ्यांच्या प्रश्नांकडे लक्ष देण्यास वेळ नव्हता. दुसऱ्या बाजूला प्रतिष्ठेचा मुद्दा आहे. विदर्भात डॉ. पंजाबराव देशमुखांनी तेथील मराठा समाजातील लोकांना ‘तुमची देशमुखी बाजूला ठेवा’, असा सल्ला दिला होता. त्यांच्या दूरदृष्टीमुळेच तेथील मराठा अर्थात कुणबी समाजाचा ओबीसींमध्ये समावेश झाला. तशी दूरदृष्टी पश्चिम महाराष्ट्रातील कोणत्याही नेत्याने दाखविली नाही. तसेच पश्चिम महाराष्ट्रातील मराठा समाज, देशमुखी आणि पाटीलकीच्या तोऱ्यात राहिला. शेतीचे तुकडे होत गेले. स्वातंत्र्यानंतर शेतीतील एकरी आणि एकूण उत्पादन वाढले, पण शेतकऱ्याचे उत्पन्न वाढले नाही. समाज दुर्दैवाने खोट्या प्रतिष्ठेत अडकला.

प्रश्न : मागण्यांविषयी चर्चेबाबत अद्याप कोंडी फुटलेली नाही. त्यावर तुमचे मत काय आहे?

- मुळात चर्चा झालीच पाहिजे. सरकार लोकशाहीचे काम करत आहे. त्यामुळे आणि विरोधी पक्ष यांच्यात चर्चा झाली नाही, तर सरकार चालणार कसे? हे चर्चेला का बसत नाहीत हे मला माहिती नाही; पण यावर चर्चा झालीच पाहिजे.
प्रश्न : कोपर्डी घटना आणि अॅट्रॉसिटी कायद्यातील बदल, या मागण्यांविषयी तुमचे काय मत आहे?

- कोपर्डीतील घटना अतिशय खेदजनक आहे. त्यातील दोषींना शिक्षा झालीच पाहिजे. पण मोर्चाच्या काळात केवळ कोपर्डीचा उल्लेख होतो, ही दुर्दैवाची बाब आहे. कारण, त्याच नगर जिल्ह्यात गेल्या चार वर्षांत झालेल्या अशा घटनांचा चुकूनही उल्लेख होत नाही. या घटनांचा उल्लेख झाला असता, तर मराठा समाजाची दृष्टी आणखी व्यापक आणि सर्वसमावेशक झाली असती. तसेच अॅट्रॉसिटी कायद्याचा गैरवापर होतो आहे, तर तो कायदा दुरुस्त केला पाहिजे. कारण, आपल्या देशात १२२ वेळा घटना दुरुस्ती झाली आहे, तर हा कायदा दुरुस्ती करणे शक्य आहे. या दोन मुद्द्यांमुळे आरक्षणाच्या मागणीला इजा पोहोचविली आहे. यामुळे नकळतपणे एक समाज आपण बाजूला करत आहोत. हे समाजासाठी निश्चितच चांगले नाही.

प्रश्न : मोर्चामध्ये आरक्षणाची मागणी महत्त्वाची आहे. आरक्षण मिळाल्यानंतर समाजाचे प्रश्न सुटतील असे वाटते का?

- मुळात एखाद्या समाजाला आता आरक्षण देण्याची वेळच येऊ नये, तशी व्यवस्था आपण उभी केली पाहीजे, या मताचा मी आहे. तरच आरक्षणाविषयीचे आकर्षण कमी होईल; पण म्हणून मराठा समाजातील उपेक्षित आणि वंचित घटकाला आता या सुविधांपासून दूर ठेवणे योग्य होणार नाही. या समाजाला आरक्षण दिले, तर ते गरजवंतांपर्यंत पोहोचण्यासाठी आतापासून खबरदारी घेतली पाहिजे. कारण आज प्रत्येक जातीमध्ये एक वर्गव्यवस्था तयारी झाली आहे. अगदी राजघराण्यांपासून सामान्य शेतकऱ्यांपर्यंत वर्गव्यवस्था आहे. त्यामुळे आरक्षण मिळाले, तर त्याचा लाभ तळागाळातील लोकांना व्हायला हवा. क्रिमिलेयरच्या अटीचे अतिशय काटेकोरपणे पालन व्हायला हवे. तसेच समाजाचे प्रश्न केवळ आरक्षण देऊनही सुटणार नाहीत. कारण समाजातील प्रश्नांची व्याप्ती प्रचंड आहे आणि उपाय अतिशय तोकडे आहेत, याचा आजच गांभीर्याने विचार करायला हवा.

मोबाइल अॅप डाउनलोड करा आणि राहा अपडेट

आम्हीही मोर्चात सहभागी होणार

October 13, 2016, 2:30 pm

≫ Next: ६५ पार्किंग स्पॉट निश्चित

≪ Previous: आर्थिक मागासलेपणातच प्रश्नाचे मूळ

$

0

0

म. टा. प्रतिनिधी, कोल्हापूर

मराठा समाजाला आरक्षण मिळावे, अॅट्रॉसिटी कायद्यात दुरुस्ती करावी, यासह अन्य मागण्यांसाठी कोल्हापुरात १५ ऑक्टोबरला सकल मराठा समाजाच्यावतीने मूक क्रांती मोर्चा काढण्यात येणार आहे. या मोर्चाची तयारी पूर्ण झाली असून, मराठा मोर्चास सर्वच स्तरांतून उत्स्फूर्त पाठिंबा मिळत आहे. तालमी, मंडळांबरोबर विविध जाती, धर्म, समाज, संस्थांनी पाठिंबा जाहीर केला आहे.

राजाराम कारखान्यातर्फे सुटी

कसबा बावडा येथील राजाराम साखर कारखान्याच्या झालेल्या सर्वसाधारण सभेत मराठा मूक मोर्चाला पाठिंबा दिला. कारखाना कार्यक्षेत्रातील १२२ गावांतील ऊस उत्पादक सभासदांनी मोर्चात सहभागी होण्याचा निर्णय घेतला आहे. कारखान्याच्या सर्व कर्मचाऱ्यांना मोर्चात सहभागी होता यावे यासाठी कारखान्यास १५ ऑक्टोबरला सुटी जाहीर केली आहे. त्यानुसार कारखान्याचे सर्व कर्मचारी सहभागी होणार आहेत, अशी माहिती कारखान्याचे मार्गदर्शक संचालक महादेवराव महाडिक व अध्यक्ष सर्जेराव माने यांनी दिली.

दळप-कांडप गिरणी मालक संघ

कोल्हापूर जिल्हा दळप-कांडप गिरणी मालक संघाने मराठा क्रांती मूक मोर्चास पाठिंबा दिला आहे. मोर्चाच्यादिवशी गिरणी बंद करून सर्व गिरणीचालक व कामगारांनी मोर्चात सहभागी व्हावे, असे आवाहन संघाचे अध्यक्ष राजेंद्र वराळे यांनी प्रसिद्धीस दिले आहे.

‘सरकार प्रेमी’ केळी वाटप

देवकर पाणंद येथील सरकारप्रेमी सेवाभावी संस्थेच्यावतीने मोर्चाच्यादिवशी दहा हजार केळी वाटपाचा निर्णय घेतला आहे. मोर्चा संपल्यानंतर अल्पोपहार म्हणून दुपारी दोन वाजता देवकर पाणंद परिसरात केळी वाटप केले जाणार आहे, असे पत्रक संस्थेने प्रसिद्धीस दिले आहे.

जि.प.चे कर्मचारी सहभागी होणार

मराठा क्रांती मोर्चासाठी जिल्हा परिषदेच्या १३ हजार कर्मचाऱ्यांनी पाठिंबा दिला असून सर्व कर्मचारी मोर्चात सहभागी होणार आहेत, असे पत्रक महाराष्ट्र राज्य जिल्हा परिषद कर्मचारी युनियनने दिले आहे. मोर्चात लिपिक, आरोग्य कर्मचारी, परिचर, वाहनचालक, अंगणवाडी सेविका, अभियंता, विस्तार अधिकारी, प्राथमिक शिक्षण व पशुवैद्यकीय कर्मचारी सहभागी होणार आहेत.

प्रायव्हेट क्लासेस टीचर्स असोसिएशन

जिल्ह्यातील सर्व प्रायव्हेट क्लासेस बंद ठेवून मोर्चास पाठिंबा देण्याचा निर्णय कोल्हापूर जिल्हा प्रायव्हेट क्लासेस टीचर्स असोसिएशनच्या बैठकीत घेण्यात आला. बैठकीच्या अध्यक्षस्थानी प्रा. सुभाष देसाई होते. यावेळी संघटनेचे अध्यक्ष प्रा. बी. एस. पाटील, संस्थापक प्रशांत कासार, उपाध्यक्ष दीपक खोत, तानाजी चव्हाण, एन. एस. निळपणकर, छाया पाटणकर, वैशाली लाड, संजय यादव यांच्यासह पदाधिकारी उपस्थित होते.

बँक एम्प्लॉईजचे आवाहन

मराठा मोर्चात मोठ्या संख्येने सहभागी व्हावे, असे आवाहन बँक एम्प्लॉईज युनियनचे अध्यक्ष कॉ. अतुल दिघे यांनी केले. युनियनच्या बैठकीत हा निर्णय घेण्यात आला. कोल्हापूर, सांगली, सातारा जिल्ह्यातील ३६ प्रतिनिधी बैठकीला उपस्थित होते. यावेळी दिलीप लोखंडे, मुरलीधर कदम, विक्रमसिंह शितोळे, नारायण मिजकर, प्रकाश जाधव, पी.एच. पाटील, गोपाळ पाटील उपस्थित होते.

किरकोळ दुकानदार दुकाने बंद ठेवणार

मराठा मोर्चास पाठिंबा देण्यासाठी जिल्ह्यातील सर्व दुकाने बंद ठेवून मोर्चात सहभागी होण्याचा निर्णय कोल्हापूर किरकोळ दुकानदार असोसिएशनने घेतला आहे. असोसिएशनच्या बैठकीत निर्णय घेण्यात आला. अध्यक्षस्थानी मधुकर हरेल होते. यावेळी संदीप वीर, भीमराव वास्कर, अमोल कापसे, बबनराव महाजन, राजाराम कुंभार उपस्थित होते.

सर्व माध्यमिक शाळा बंद

कोल्हापूर जिल्हा माध्यमिक व उच्च माध्यमिक शाळा मुख्याध्यापक संघाच्या बैठकीत मराठा क्रांती मूक मोर्चास पाठिंबा देण्यासाठी जिल्ह्यातील सर्व माध्यमिक शाळा बंद ठेवण्याचा निर्णय घेण्यात आला. विद्याभवन येथे झालेल्या बैठकीच्या अध्यक्षस्थानी संघाचे अध्यक्ष व्ही. जी. पोवार होते. मुख्याध्यापक संघाच्या सर्व शिक्षकांनी महाराष्ट्र हायस्कूलच्या मैदानावर जमावे, असे आवाहन केले आहे. बैठकीला उपाध्यक्ष डॉ. ए. एम. पाटील, एन. बी. पाटील, आर. वाय. पाटील, डी. एस. घुगरे, एम. आर. मोहिते-पाटील, सी. आर. देसाई उपस्थित होते.

कैलासगडची स्वामी मंदिर परिसर

घराला कुलूप घालून मोर्चात सहभागी होण्याचा निर्णय कैलासगडची स्वामी मंदिर परिसरातील नागरिकांनी घेतला आहे. मंदिर परिसरात झालेल्या बैठकीच्या अध्यक्षस्थानी बबेराव जाधव होते. शनिवारी सकाळी नऊ वाजता मंदिर परिसरात नागरिक जमा होतील. त्यानंतर मिरजकर तिकटी येथे मोर्चात सहभागी होण्याचा निर्णय घेतला आहे. बैठकीला चंद्रकांत जाधव, पांडुरंग पोवार, अशोक मेस्त्री, गणेश भोसले, विलास गौड उपस्थित होते.

पेट्रोल-डिझेल डीलर्स असोसिएशन

कोल्हापूर डिस्ट्रीक्ट पेट्रोल-डिझेल डीलर्स असोसिएशनने मराठा क्रांती मूक मोर्चास पाठींबा दिला आहे.

‘होमेसा’ सहभागी होणार

मराठा क्रांती मूक मोर्चास होमिओपॅथिक मेडिकल एक्स स्टुडंटस असोसिएशनने (होमेसा) पाठिंबा दिला. शनिवारी सकाळी आठ वाजता मोर्चात असोसिएशनचे सदस्य ताराराणी चौकातून सहभागी होणार आहेत. होमसाच्या बैठकीत हा निर्णय घेतला. यावेळी अध्यक्ष डॉ. राजकुमार पाटील, सचिव डॉ. राजेश कागले, डॉ. हिंमतसिंह पाटील, डॉ. सुहास पाटील, डॉ. मिलिंद गायकवाड यांच्यासह डॉक्टर उपस्थित होते.

टाकाळा, टेंबलाईवाडी परिसर

टेंबलाईनाका व टाकाळा परिसरातील विविध संस्था, क्रीडा मंडळे, महिला संघटना, बचत गटांनी मोर्चास पाठिंबा दिला असून परिसरातील सर्व कुटुंबे सहभागी होणार आहेत. परिसरातील युवकांनी मराठा क्रांती मूक मोर्चाचा फलक लावला असून वाहनांना स्टीकर लावून जनजागरण करण्यात येत आहे, असे पत्रक माजी नगरसेवक अनिल कदम यांनी प्रसिद्धीस दिले आहे.

माजी नगरसेवक संघटना

माजी नगरसेवक संघटनेने मराठा मोर्चा क्रांती मोर्चास पाठिंबा दिला आहे. संघटनेच्या बैठकीला २५ हून अधिक माजी नगरसेवक उपस्थित होते. मोर्चात कार्यकर्त्यांसह उपस्थित राहण्याचा निर्णय घेण्यात आला. बैठकीला माजी नगरसेवक अनिल कदम, किरण दरवान, अनिल चव्हाण, सुजय पोतदार, धनाजी आमते यांच्यासह नगरसेवक उपस्थित होते.

‘कनवा’चा पाठिंबा

शनिवारच्या मराठा क्रांती मूक मोर्चास करवीर नगर वाचन मंदिराने जाहीर पाठिंबा दिला आहे. मंदिराचे कार्यवाह सतीश कुलकर्णी यांनी पत्रक प्रसिद्धीस​ दिले आहे.

जिल्हा सिंधी समाज

जिल्हा सिंधी समाजाच्यावतीने मराठा क्रांती मूक मोर्चास पाठिंबा देण्याचा निर्णय घेतला. मोर्चातील नागरिकांना भडंग पाकिटे वाटण्याचा निर्णय घेण्यात आला. समाजाचे अध्यक्ष ब्रीजलाल लालवाणी, उपाध्यक्ष रमेश तनवाणी, गांधीनगर सेंट्रल पंचायत अध्यक्ष भजनलाल डेंबडा, उपाध्यक्ष अशोक टेहल्यानी, भगतराम छाबडा, प्रदीप पंजवाणी यांनी प्रसिद्धीस दिले आहे.

कंजारभाट समाज

मराठा क्रांती मूक मोर्चास कंजारभाट समाजाने पाठिंबा दिला आहे. इचलकरंजी येथील आरगे हॉलमध्ये झालेल्या सभागृहात महाराष्ट्र राज्य कार्यकारिणीचे अध्यक्ष नरेश नगरकर यांच्या अध्यक्षतेखाली झालेल्या बैठकीत पाठिंब्याचा निर्णय घेण्यात आला. यावेळी उपाध्यक्ष जयराज भाट, अजित मिलेकर, कुमार बागडे, नरेंद्र गागडे, सचिन माछरे, नूतन माछरे, मोहन नवले यांच्यासह कार्यकर्ते उपस्थित होते.

दशमान गोसावी समाज

कोल्हापूर जिल्हा दशमान गोसावी समाज संस्थेने मोर्चास पाठिंबा दिला आहे. संस्थेच्या बैठकीत निर्णय घेण्यात आला. यावेळी अध्यक्ष उत्तम गोसावी, उपाध्यक्ष कृष्णात गिरी, अजित गिरी, सदाशिव गोसावी, राजू पुरी यांच्यासह पदाधिकारी उपस्थित होते.

मोबाइल अॅप डाउनलोड करा आणि राहा अपडेट

६५ पार्किंग स्पॉट निश्चित

October 13, 2016, 2:30 pm

≫ Next: पोलिस-स्वयंसेवकांची आज मुख्यालयात बैठक

≪ Previous: आम्हीही मोर्चात सहभागी होणार

$

0

0

म. टा. प्रतिनिधी, कोल्हापूर

शनिवारी (ता. १५) निघणाऱ्या मराठी क्रांती महामोर्चासाठी पार्किंगच्या ठिकाणांमध्ये वाढ झाली असून, एकूण ६५ ठिकाणी पार्किंग होणार आहे. सर्व पार्किंग स्पॉटची तयारी अंतिम टप्प्यात आली आहे. अर्थ मूव्हर्स आणि क्रीडाई संस्थेकडून पार्किंग स्पॉटच्या डागडुजीचे काम शुक्रवारी संध्याकाळपर्यंत पूर्ण होईल. याशिवाय पार्किंग ठिकाणांपासून सीपीआर रुग्णालयाकडे जाणारे तीन मार्ग अत्यावश्यक सेवेसाठी रिकामे ठेवण्यात येणार आहेत.

महामोर्चासाठी सकल मराठा संघटनांसह पोलिस प्रशासनाने सुरुवातीला शहरासह उपनगरांतील ४५ पार्किंग स्पॉट निश्चित केले होते. मोर्चेकऱ्यांनी पार्किंग ठिकाणापासून ते गांधी मैदान आणि ताराराणी चौकापर्यंत साडेतीन ते चार किलोमीटरपेक्षा अधिक अंतर चालावे लागू नये, यासाठी शहरातील जवळच्या पार्किंग स्पॉटचाही वापर करण्याचे ठरल्याने पार्किंग स्पॉटची संख्या ६५ वर पोहोचली आहे. या सर्व ठिकाणांच्या डागडुजीचे काम अंतिम टप्प्यात आले असून, शेंडा पार्क, तपोवन, राजाराम तलाव, कृषी महाविद्यालय, शिवाजी विद्यापीठ, मार्केट यार्ड, मुस्कान लॉन, रुईकर कॉलनी मैदान, गोळीबार मैदान, बावडा पॅव्हेलियन, सोनतळी या ठिकाणांची तयारी पूर्ण झाली आहे. अर्थ मूव्हर्सच्यावतीने सपाटीकरण आणि खड्डे बुजविण्याचे काम पूर्ण केले आहे. पार्किंग स्पॉटकडे जाणारे रस्ते आणि बाहेर पडण्यासाठीचे रस्ते प्रशस्त करण्याचे काम अजूनही सुरू असून, शुक्रवारी संध्याकाळपर्यंत हे काम पूर्ण होणार आहे. अर्थ मूव्हर्सचे चार जेसीबी, दोन डोजर, दोन रोलर आणि चार ट्रॅक्टर गेल्या चार दिवसांपासून कार्यरत आहेत.

पार्किंगचे स्पॉट सुसज्ज करण्यासाठी क्रीडाई या बांधकाम व्यावसायिकांनीही पुढाकार घेतला आहे. क्रीडाईने दिलेल्या आर्थिक मदतीशिवाय पार्किंग ठिकाणी बांबू, कळक, कात्या, चॉकपीट, रिबन आणि स्टेजसाठी लागणारे साहित्यही पुरवले जात आहे. यासाठी येणाऱ्या किमान दोन लाख रुपये खर्चाची जबाबदारी क्रीडाईने स्वीकारली आहे. विशेष म्हणजे क्रीडाईचे पदाधिकारी त्यांच्या मनुष्यबळासह स्वतःहून पार्किंग स्पॉटवर उपस्थित आहेत. कोअर कमिटीने दिलेल्या नियोजनाप्रमाणे शहराच्या नऊ प्रवेशद्वारांवर आणि शहरातील ६५ ठिकाणी यंत्रणा कार्यरत आहे. पार्किंग स्थळांसह मोर्चा मार्गावर लावण्यासाठी मार्गदर्शक फलकही तयार झाले आहेत. मोर्चावर नजर ठेवण्यासाठी मोर्चा मार्गावर आणि पार्किंग परिसरात तीसहून अधिक टॉवर्स उभारले जाणार आहेत. याची जबाबदारी मंडप डेकोरेटर्स असोसिएशनने घेतली आहे. शुक्रवारी हे काम पूर्ण होणार आहे.

पार्किंग स्पॉटला २०० मेकॅनिक

मोर्चासाठी तीन ते चार लाख वाहने येण्याची अपेक्षा आहे. जिल्ह्याच्या कानाकोपऱ्यातून येणारे वाहन काही कारणाने नादुरुस्त झाल्यास वाहनाच्या दुरुस्तीसाठी मेकॅनिकही सज्ज राहणार आहेत. जिल्हा मेकॅनिक असोसिएशनची नुकतीच कोअर कमिटीशी बैठक झाली असून, जिल्ह्यातील प्रमुख मार्गांसह शहर आणि उपनगरांमधील ६५ पार्किंग स्पॉटवर २०० मेकॅनिक उपस्थित राहणार आहेत. यामुळे नादुरुस्त वाहनांनी रस्त्यांवर वाहतूक कोंडी होणार नाही, त्याचबरोबर मोर्चेकऱ्यांना वेळेत पोहोचण्यास मदत होणार आहे.

शिवाजी विद्यापीठातही पार्किंग

वाढवलेल्या पार्किंग स्पॉटमध्ये शहरातील काही शाळांची मैदाने वापरात येणार आहेत. याशिवाय शिवाजी विद्यापीठातील सर्व रिकाम्या जागा पार्किंगसाठी वापरण्यास परवानगी मिळाली आहे. वर्दळ नसलेले रस्ते पार्किंगसाठी वापरात आणले जातील. याशिवाय विद्यापीठ परिसरातील नवीन रोपांची दक्षता घेऊन मोर्चेकऱ्यांना रिकाम्या जागांमध्येही पार्किंग करता येणार आहे.

अत्यावश्यक सेवेसाठी तीन मार्ग

लाखोंच्या मोर्चामुळे शहरातील बहुतांश मुख्य मार्गांवर मोर्चेकरी असणार आहेत. आपत्कालीन परिस्थितीत सीपीआर रुग्णालयापर्यंत अॅम्ब्युलन्स पोहोचावी यासाठी पोलिस प्रशासनाने तीन मार्ग रिकामे ठेवले आहेत. व्हीनस कॉर्नर ते कोंडा ओळ, महाराणा प्रताप चौक, महानगरपालिका, सीपीआर, भवानी मंडप, शिवाजी पुतळा ते सीपीआर आणि वसंत-बहार टॉकी, महावीर गार्डन, जिल्हाधिकारी कार्यालय, खानविलकर पेट्रोलपंप ते सीपीआर हे तीन मार्ग अत्यावश्यक सेवेसाठी रिकामे राहतील.

मोबाइल अॅप डाउनलोड करा आणि राहा अपडेट

पोलिस-स्वयंसेवकांची आज मुख्यालयात बैठक

October 13, 2016, 2:30 pm

≫ Next: धामणी प्रकल्पास ७२८ कोटींचा निधी

≪ Previous: ६५ पार्किंग स्पॉट निश्चित

$

0

0

म. टा. प्रतिनिधी, कोल्हापूर

मराठा क्रांती महामोर्चासाठी पोलिस प्रशासनाकडून चार हजार पोलिस कर्मचारी बंदोबस्ताला असणार आहेत. प्रत्येक ठाण्यातील वीस टक्के कर्मचारी पोलिस ठाण्यात थांबतील, तर उर्वरित ८० टक्के पोलिस बंदोबस्तासाठी रस्त्यावर असतील. यासाठी बाहेरच्या जिल्ह्यातून मनुष्यबळ मागवले असून, बंदोबस्तावरील पोलिस अधिकारी, कर्मचारी, विविध संस्थांसह सकल मराठा समाजाच्या स्वयंसेवकांची संयुक्त बैठक शुक्रवारी पोलिस मुख्यालयात होणार आहे. या बैठकीत वरिष्ठ अधिकारी पोलिस कर्मचाऱ्यांसह स्वयंसेवकांना मार्गदर्शन करणार आहेत.

दरम्यान, विशेष पोलिस महानिरीक्षक विश्वास नांगरे-पाटील, पोलिस अधीक्षक प्रदीप देशपांडे यांच्यासह कोअर कमिटीच्या सदस्यांनी गुरुवारी मोर्चा मार्ग आणि पार्किंग ठिकाणांची पाहणी केली. मोर्चावर नजर ठेवण्यासाठी संयोजकांसह पोलिसांकडून तीस ठिकाणी टॉवर उभारण्याचे काम सुरू आहे. मंडप डेकोरेटर्स असोसिएशनकडून हे काम सुरू आहे.

मोबाइल अॅप डाउनलोड करा आणि राहा अपडेट

---

धामणी प्रकल्पास ७२८ कोटींचा निधी

October 13, 2016, 2:30 pm

≫ Next: बाजार समिती उपसभापतीपदीआशालता पाटील

≪ Previous: पोलिस-स्वयंसेवकांची आज मुख्यालयात बैठक

$

0

0

म. टा. वृत्तसवा, राधानगरी

निधीअभावी पाच वर्षापासून बंद असलेल्या धामणी प्रकल्पाच्या ७२८ कोटी रुपयांच्या द्वितीय सुधारित प्रशासकीय मान्यतेस मंत्रीमंडळाच्या बैठकीत मंजुरी देण्यात आली. त्यामुळे प्रकल्पाचे काम सुरू होण्याचा मार्ग मोकळा झाला आहे. त्यानंतर डिसेंबरच्या हिवाळी अधिवेशनात पुरवणी अर्थसंकल्पात धामणी प्रकल्पास तत्काळ १०० कोटी रुपयांचा निधी देण्याची मागणी आमदार चंद्रदिप नरके यांनी मुख्यमंत्र्यांकडे निवेदनाद्वारे केली.

या प्रकल्पास १९९५ साली १२० कोटी रुपयांची पहिली प्रशासकीय मान्यता मिळाली होती. २००० साली ३२० कोटी रुपयांची प्रथम सुधारित मान्यता मिळाली. पण वन जमीन संपादन, भूसंपादन, पुनर्वसन अशा कारणांमुळे हा प्रकल्प रखडला. २०१२ सालापर्यंत ३०४ कोटी रुपयापर्यंतचे काम पूर्ण झाल्यानंतर दुसऱ्या सुधारित प्रशासकीय मान्यतेअभावी निधीची उपलब्धता झाली नाही. त्यामुळे प्रकल्पाचे काम बंद पडले. अपूर्ण कामास तत्काळ दुसरी सुधारित प्रशासकीय मान्यता द्यावी, अशी मागणी आमदार नरके व आमदार प्रकाश आबिटकर यांनी मुख्यमंत्री, जलसंपदा मंत्री गिरीश महाजन यांच्याकडे केली होती. शिवसेना पक्षप्रमुख उद्धव ठाकरे यांनीही मुख्यमंत्री फडणवीस यांच्याशी चर्चा केल्याने प्रकल्प मार्गी लागण्यास मदत झाली.

या पार्श्वभूमीवर व्यय अग्रक्रम समितीच्या बैठकीत धामणीसाठी ७२८ कोटी रुपयांची मान्यता देण्याबाबत शिफारस केली होती. या ​शिफारशीस मुख्यमंत्र्यांच्या अध्यक्षतेखाली झालेल्या मंत्री मंडळाच्या बैठकीत मंजुरी देण्यात आली. धामणी प्रकल्पामुळे राधानगरी ,पन्हाळा,गगनबावडा या तीन तालुक्यातील सुमारे दीड हजार हेक्टर क्षेत्र पाण्याखाली येणार आहे.

.....

कोट

सरकारने वेळखाऊ धोरण स्वीकारले, त्यामुळे गेली कित्येक वर्षे या भागातील शेतकरी मातीचे बंधारे बांधून कसेबसे पोट भरत आहेत. बंधारे बांधणीवरून मारामारीसारखे प्रसंग घडत होते. आता निधी मंजुरीमुळे रखडलेला विकास गतिमान होईल अशी आशा वाटते.

महेश आठले, शेतकरी,म्हासुर्ली

.......

‘धामणी नदीवरील जलाशय गेली अनेक वर्षे रखडला आहे . वन विभाग ,अभयारण्य प्रश्न ,अपुरा निधी आदी समस्यांच्या गर्तेत प्रकल्प सापडला होता .हा प्रकल्प दोन वर्षांच्या आत पूर्ण करण्यासाठी प्रयत्न करणार आहे . या प्रकल्पामुळे धामणी खोऱ्यात विकासाला चालना मिळणार आहे.

प्रकाश आबिटकर , आमदार

मोबाइल अॅप डाउनलोड करा आणि राहा अपडेट

बाजार समिती उपसभापतीपदीआशालता पाटील

October 13, 2016, 2:30 pm

≫ Next: एफआरपीपेक्षा जादादर मिळालाच पाहिजे

≪ Previous: धामणी प्रकल्पास ७२८ कोटींचा निधी

$

0

0

म. टा. प्रतिनिधी, कोल्हापूर

कोल्हापूर शेती उत्पन्न बाजार समितीच्या उपसभापतीपदी म्हाकवे येथील आशालता आनंदराव पाटील यांची निवड झाली. बाजार समितीच्या ​इतिहासात प्रथमच महिलेला पदाधिकारी होण्याचा मान मिळाला आहे. पाटील या समरजीतसिंह घाटगे गटाच्या आहेत.

बाजार समितीत असलेल्या आघाडीमध्ये प्रत्येक गटाला संधी देण्याचा निर्णय घेण्यात आला होता. त्यानुसार एक वर्ष पूर्ण होताच सभापती बदलण्यात आले. जनसुराज्यशक्ती पक्षानंतर राष्ट्रवादी काँग्रेसला सभापतीपदाची संधी देण्यात आली. सभापतीनंतर उपसभापती विलास साठे यांनी यांनीही राजीनामा दिला होता. रिक्त उपसभापतीपदावर आता घाटगे गटाला संधी देण्यात येईल, अशी चर्चा होती. त्यानुसार गुरुवारी उपसभापती निवड ठेवण्यात आली होती. दुपारी तीन वाजता प्रांताधिकारी मनीषा कुंभार यांच्या अध्यक्षतेखाली संचालक मंडळाची बैठक झाली. त्यामध्ये संचालक संगिता पाटील यांनी आशालता पाटील यांचे उपसभापतीपदासाठी नाव सुचवले. त्याला शेखर येडगे यांनी अनुमोदन दिले. यानुसार आशालता पाटील यांची बिनविरोध निवड झाली.

त्यानंतर कृष्णात पाटील यांनी मनोगतामध्ये प्रथमच महिलेला पदाधिकारी होण्याचा मान मिळाला असल्याचे सांगितले. तर नंदकुमार वळंजू यांनी उपसभापतींनी महिलांना भेडसावणाऱ्या प्रश्नांची सोडवणूक करण्याचे आवाहन केले. यावेळी नाथाजी पाटील, भगवान काटे, अमित कांबळे, नेताजी पाटील, विलास साठे यांची भाषणे झाली. उपसभापती पाटील यांनी नेत्यांचा विश्वास सार्थ ठरवेन, असा विश्वास व्यक्त केला.

चौकट

कागल विद्यापीठ

निवडीनंतर संचालकांच्या झालेल्या भाषणामधून कागल हे विद्यापीठ असल्याचे या निवडीतून स्पष्ट झाल्याचे सांगितले. त्यावेळी इतर तालुक्यातील संचालकांनी कागल सोडून इतर तालुक्यांनाही न्याय द्या, अशी टिप्पणी केली.

मोबाइल अॅप डाउनलोड करा आणि राहा अपडेट

एफआरपीपेक्षा जादादर मिळालाच पाहिजे

October 13, 2016, 2:30 pm

≫ Next: मराठा मोर्चाचा प्रारंभ चार ठिकाणांवरुन

≪ Previous: बाजार समिती उपसभापतीपदीआशालता पाटील

$

0

0

म. टा. प्रतिनिधी, कोल्हापूर

सध्याचा बाजारपेठेतील साखरेचे दर पाहता यंदा केवळ एफआरपीवर समाधान नसेल. नक्कीच त्यापेक्षा जास्त दर शेतकऱ्यांना मिळाला पाहिजे. त्यासाठी संघटना नेहमीच्या स्टाइलने रस्त्यावर उतरुन कारखाने बंद पाडेल, असा इशारा स्वाभिमानी शेतकरी संघटनेचे राजू शेट्टी यांनी दिल्याने यंदा ऊस दराबाबत आंदोलन होणार हे स्पष्ट झाले. २५ ऑक्टोबरला होणाऱ्या ऊस परिषदेत त्याबाबतचा अंतिम निर्णय घेण्यात येणार आहे.

पहिल्या आठवड्यात जरी हंगाम सुरू करण्यास परवानगी देण्यात आली तरी संघटनेच्या आंदोलनाच्या पवित्र्यामुळे पंधरवड्यापर्यंत हंगाम लांबण्याची चिन्हे आहेत. ‘हंगाम लवकर सुरू करण्याबाबत संघटना जरी कारखानदारांच्याबाजूने असली तरी ऊस दराबाबत शेतकऱ्यांचे जोपर्यंत समाधान होत नाही, तोपर्यंत आंदोलन करणार,’ असेही खासदार शेट्टी यांनी सांगितले. ते म्हणाले, ‘गेली दोन वर्षे साखरेला दर नसल्याने कायद्याने जे मिळाले, ते घ्यावे अशी भूमिका घेतली होती. पण यंदा साखरेचा दर चांगला आहे. त्यामुळे स्वाभाविकच एफआरपीपेक्षा जास्त दर मागणार. गेल्या वर्षी साखरेचा अंतिम दर निश्चित करता आला नव्हता. पण यंदा तशी परिस्थिती नाही. मार्च २१०६ नंतर दर चांगला असून त्याप्रमाणात ऊसाच्या दराची मागणी केली जाणार आहे. ऊस परिषदेमध्ये शेतकरी जे सांगतील, त्यानुसार दराची मागणी केली जाणार आहे.’

कारखाने लवकर सुरू करण्यास सरकारने जरी परवानगी दिली. तरी योग्य दर न मिळाल्यास स्वाभिमानी शेतकरी संघटना नेहमीच्या स्टाईलने रस्त्यावर उतरून साखर कारखाने बंद पाडेल. दर मिळाल्याशिवाय थांबणार नाही, असा इशाराही शेट्टी यांनी दिला आहे. शेतकरी संघटनेचे नेते रघुनाथदादा पाटील यांनी यापूर्वीच ३५०० रुपये दर मिळाला पाहिजे, अशी मागणी केली आहे. यामुळे यंदा साखर कारखानदार किती रुपयांवर राजी होतात हे बैठकीनंतरच स्पष्ट होणार आहे. मात्र यंदाचा हंगाम आंदोलनानेच सुरू होईल, हे स्पष्ट आहे.

मोबाइल अॅप डाउनलोड करा आणि राहा अपडेट

मराठा मोर्चाचा प्रारंभ चार ठिकाणांवरुन

October 13, 2016, 2:30 pm

≫ Next: इचलकरंजीत मराठा क्रांती मोर्चाचा निःशब्द हुंकार

≪ Previous: एफआरपीपेक्षा जादादर मिळालाच पाहिजे

$

0

0

म. टा. प्रतिनिधी, कोल्हापूर

सकल मराठा क्रांती मूक मोर्चाची सर्व तयारी पूर्ण झाली असून, शनिवारी (१५) सकाळी अकरा वाजता शहरातील चार ठिकाणांवरून मोर्चाचा प्रारंभ होईल. गांधी मैदान, सायबर चौक, रूईकर कॉलनीतील संभाजी महाराज पुतळा आणि कसबा बावड्यातील भगवा चौक या चार ठिकाणांवरून एकाचवेळी मोर्चा सुरू होईल, अशी माहिती संयोजकांनी पत्रकार परिषदेत दिली.

मोर्चाचा प्रारंभ झाल्यानंतर युवती, महिला, तरूण, ज्येष्ठ नागरिक, राजकीय व्यक्ती अशी मोर्चाची विभागणी राहणार आहे. दुपारी एक वाजता तरूणींचे शिष्टमंडळ कोपर्डी हत्येचा निषेध व मराठा आरक्षणाच्या मागणीचे निवेदन जिल्हाधिकारी डॉ. अमित सैनी यांना देणार आहे. त्यानंतर दसरा चौकात या पाच युवतींची भाषणे होतील. त्यानंतर राष्ट्रगीत होऊन मोर्चा विसर्जित होणार आहे.

नऊ ठिकाणांवरून शहरात प्रवेश करणाऱ्या वाहनांची पार्किंग व्यवस्था ३८ ठिकाणी करण्यात आली आहे. शिवाजी विद्यापीठ, कृषी महाविद्यालय, राजाराम कॉलेज, शेंडा पार्क, तपोवन अशी पार्किंगची मोठी ठिकाणे असतील. पार्किंगच्या ठिकाणी स्वयंसेवकांची टीम सज्ज ठेवण्यात आली आहे. मोर्चातील सहभागींची संख्या लक्षात घेता पिण्याचे पाणी आणि स्वच्छतागृहांची सोय प्राधान्याने करण्यात आली आहे. महापालिकेने ४०० मोबाइल टॉयलेटची सोय उपलब्ध करून दिली असून मोर्चाचा मार्ग तसेच शहरातील सर्व शाळा, कॉलेज, मंगल कार्यालये, बँका, लॉजिंग आणि बोर्डिंगमध्ये स्वच्छतागृहांची सोय करण्यात आली आहे. पाण्याचे सात लाख पाऊच आणि बाटल्यांचे वाटप करण्यात येणार आहे.

मोबाइल अॅप डाउनलोड करा आणि राहा अपडेट

इचलकरंजीत मराठा क्रांती मोर्चाचा निःशब्द हुंकार

October 13, 2016, 2:30 pm

≫ Next: सोलापूर-पुणे हायवेवर अपघात; चार ठार

≪ Previous: मराठा मोर्चाचा प्रारंभ चार ठिकाणांवरुन

$

0

0

म. टा. वृत्तसेवा, इचलकरंजी

मराठा समाजाला आरक्षण मिळावे, अ‍ॅट्रॉसिटी कायद्यात बदल करावा, कोपर्डी बलात्कारातील दोषींना फाशी द्यावी, या मागण्यांचा एल्गार करत मराठा क्रांती मोर्चाने पेटवलेल्या समाजमनाचे वणव्यात रूपांतर झाल्याचे पहायला मिळाले. वस्त्रनगरीत चारही दिशांनी राजर्षि शाहू पुतळ्याच्या दिशेने लाखोंच्या संख्यने मूक जनसागर ओसंडून वाहत होता. आजपर्यंतचा विक्रमी जनजागरण फेरी म्हणून याची नोंद झाली. पोलिस सूत्रांनी दिलेल्या माहीतीनुसार सव्वा लाखाचा जनसमुदाय यामध्ये सहभागी झाला होता.

शहरात आसपासच्या परिसरासह सीमाभागातून थवेच्या थवे एकवटले होते. हातात भगवे झेंडे, टोप्या, काळे-पांढरे टी शर्ट, महिलांनी परिधान केलेल्या भगव्या फेट्यांमुळे वातावरण भगवेमय झाले होते. आजवर झालेल्या मोर्चांचे सर्व विक्रम मोडीत काढत रेकॉर्डब्रेक अशी गर्दी जनजागृती फेरीसाठी झाली होती. राजाराम स्टेडीयममध्ये फेरी पोहोचली तरी मोर्चाची गर्दी कायम होती. शहरातील रस्ते गर्दीने ओसंडून वाहत होते. शहरवासियांनी आपले व्यवहार बंद ठेवत मोर्चाला पाठिंबा दर्शवत एकीचे दर्शन घडवले.

कोल्हापूर येथे १५ ऑक्टोबर रोजी निघणाऱ्या मराठा क्रांती मोर्चाच्या जनजागृतीसाठी इचलकरंजी येथे गुरुवारी फेरी काढण्यात आली. दोन महिन्यांपासून त्याची जय्यत तयारी सुरू होती. संपूर्ण शहर भगवेमय झाले होते. फेरीच्या दुतर्फा मराठा क्रांती मोर्चाचे भगवे ध्वज फडकत होते. पहाटेपासून संपूर्ण शहराचा ताबा पोलिस आणि स्वयंसेवकांनी घेतला होता. संयोजन समितीनेही शहरातील सर्व मार्गावर आपले स्वयंसेवक पहाटेपासून तैनात केले होते. चारही मार्गांवर ज्याठिकाणी पार्किंगची व्यवस्था करण्यात आली होती, त्याचठिकाणी वाहने लावून सर्वांना शहरात प्रवेश दिला जात होता.

शहराच्या चारही बाजूंनी मराठ्यांच्या लाटा या महासागरात विलीन होत होत्या. लाखो मराठ्यांचा नि:शब्द हुंकार, अन्यायाविरुद्धची चीड या मूक फेरीतून व्यक्त होत होती. मोठ्या संख्येने सहभाग असूनही या फेरीने शिस्तीचे मानदंड कायम राखले. राजर्षी शाहू पुतळा येथे सकाळी आठ वाजल्यापासून गर्दी होण्यास सुरुवात झाली होती. विशेष म्हणजे मोर्चामध्ये अबालवृद्ध मोठ्या संख्येने सहभागी झाले होते. लहान मुले वडिलांच्या खांद्यावर बसून हातात भगवा ध्वज मिरवत मोर्चात सामील झाली होती. मोर्चात सहभागी झालेल्या महिलांनी लक्षवेधी वेशभूषा केली होती. कोपर्डी घटनेच्या निषेधार्थ अनेक महिलांनी काळ्या साड्या परिधान केल्या होत्या. भगव्या साड्या आणि भगवे फेटे सगळ्यांचे लक्ष वेधून घेत होत्या.

सकाळी ११ वाजता फेरीस प्रारंभ करण्यात आला. त्यानंतर छ. शिवाजी पुतळा, म. गांधी पुतळा, झेंडा चौक, नाट्यगृह चौक, व्यंकटराव हायस्कूल, शाहू कॉर्नर, जनता बँक,बंगला रोड मार्गे राजाराम स्टेडीयम येथे झाला. त्यानंतर पाच युवतींकडून मोर्चाचे निवेदन प्रांताधिकारी समीर शिंगटे यांना देण्यात आले. मोर्चामध्ये विविध राजकीय पक्षांचे नेते, लोकप्रतिनिधी, विविध सामाजिक संघटना, समाज बांधव, विद्यार्थी-विद्यार्थीनी, उच्चशिक्षित, कामगार सर्वचजण सहभागी झाले होते.

मोर्चावेळी वैद्यकीय सेवा जलदगतीने मिळावी यासाठी आरोग्य विभागाकडून अ‍ॅम्ब्युलन्स, वैद्यकीय अधिकाऱ्यांचे पथक उपलब्ध होते, अग्निशमन दलाची व्यवस्था केली गेली होती. अनुचित प्रकार टाळण्यासाठी पोलिसांची अतिरिक्त कुमक तैनात केली होती. मोर्चा मार्गावर २००० स्वयंसेवक होते.

मोर्चाच्यावतीने फेटाधारी नऊवारी साडीतील पाच मराठा कन्यांतर्फे मागण्यांचे निवेदन शिष्टमंडळाकडून प्रांताधिकारी समीर शिंगटे यांना देण्यात आले. निवेदनाचे वाचन स्पीकरवरून केले गेले. राष्ट्रगीताने मोर्चाचा समारोप करण्यात आला. मोर्चाची छायाचित्रे दोन ड्रोन कॅमेऱ्यांच्या माध्यमातून टिपण्यात येत होती. अनेक युवक-युवतीनी मागण्यांचे फलक हातात घेऊन खऱ्या अर्थाने ही फेरी मूक असल्याची भावना करून दिली. शहरातील मार्गावरून फेरी जात असताना नागरिकांनी आम्हीही तुमच्यासाबेत आहोत, या भावनेने समाजबांधवांचा उत्साह वाढवला. फेरीनंतर जबाबदारी सोपविलेल्या स्वयंसेवकांनी शहरात कचरा गोळा करत स्वच्छता केली.

अप्पर पोलिस अधिक्षक, पोलिस उपअधिक्षक, प्रांताधिकारी समीर शिंगटे, तहसीलदार वैशाली राजमाने यांच्यासह पोलिस प्रशासन शहरातील परिस्थितीवर लक्ष ठेवून होते.

.......

चौकट

भिक नको, हक्क मागतोय .......

मुलींनो, घाबरु नका, घाबरवायला शिका, भिक नाही हक्क मागतोय, एकच मिशन मराठा आरक्षण, थोर मराठा एक जीवाचा मराठा, एक मराठा लाख मराठा, लई केलं इतरांसाठी, आता केवळ मराठ्यांसाठी, आत्महत्याग्रस्त शेतकऱ्यांच्या कुटुंबांना तत्काळ मदत करा, कोपर्डीतील गुन्हेगारांना फाशी झालीच पाहिजे, ना यांच्यासाठी, ना त्यांच्यासाठी, मी येणार मराठा समाजासाठी असे फलक मोर्चेकऱ्यांच्या हातांमध्ये होते. शेतकऱ्यांच्या शेतीमालास योग्य हमीभाव मिळाला पाहिजे, त्याचबरोबर अ‍ॅट्रॉसिटी कायद्यात तत्काळ दुरुस्ती करा असे फलक लक्ष वेधत होते.

.....

पाण्याच्या बाटल्या अन् अल्पोपहार

मोर्चाच्या जनजागृतीसाठी झालेल्या बैठकांमध्ये विविध सामाजिक संस्था, संघटना, व्यावसायिक असोसिएशनच्यावतीने मोर्चातील नागरिकांसाठी पाण्याच्या बाटल्या, अल्पोपहार देण्याचा निर्णय जाहीर केला होता. त्यानुसार सकल मुस्लिम समाजाच्यावतीने राजाराम स्टेडीयमध्ये फेरीत सहभागी लोकांसाठी पाण्याची व अल्पोपहाराची सोय करण्यात आली होती. वारणा समूह, कल्लाप्पाण्णा आवाडे इचलकरंजी जनता सहकारी बँक, महेश नवयुवक मंडळ, मारवाडी युवा मंच तसेच फेरी मार्गावर विविध सामाजिक संघटनांच्यावतीने पिण्याच्या पाण्याची व्यवस्था करण्यात आली होती. त्याचबरोबर एमबीएस ग्रुपच्यावतीने फेरीमध्ये सहभागी होण्यास येणाऱ्यांसाठी पोहे वाटप करण्यात येत होते. मुस्लिम समाजाच्यावतीने भगव्या टोप्या वाटण्यात येत होत्या.

......

वाहतुकीची प्रचंड कोंडी

शहरात मूक फेरी झाल्यानंतर परतीच्या मार्गावर मोठ्या प्रमाणात वाहतुकीची कोंडी जाणवली. शहराच्या चोहोबाजूंचे रस्त्यावरील वाहतूक पूर्णपणे ठप्प झाली होती. परतीच्या प्रवासाला लागलेल्या कार्यकर्त्यांच्या वाहनांमुळे वाहतुकीवर त्याचा ताण जाणवत होता.

मोबाइल अॅप डाउनलोड करा आणि राहा अपडेट

सोलापूर-पुणे हायवेवर अपघात; चार ठार

October 14, 2016, 12:02 am

≫ Next: जीप-टँकरचा अपघात;चार जण जागीच ठारअक्कलकोटच्या कुटुंबावर काळाचा घाला; सोलापूर-पुणे महामार्गावरील घटना

≪ Previous: इचलकरंजीत मराठा क्रांती मोर्चाचा निःशब्द हुंकार

$

0

0

मटा ऑनलाइन वृत्त । सोलापूर

सोलापूर-पुणे महामार्गावर आज सकाळी झालेल्या भीषण अपघातात एकाच कुटुंबातील चार जणांचा मृत्यू झाला आहे, तर दोघे जखमी झाले आहेत. मृतांमध्ये एका महिलेचाही समावेश आहे.

सोलापूर-पुणे रस्त्यावरील पाकणी गावाजवळ सकाळी नऊ वाजण्याच्या सुमारास ही घटना घडली. अक्कलकोटवरून पुण्याच्या दिशेने निघालेली बोलेरो जीप (क्र. एमएम १३ एन ९१२४) रस्त्यावर उभ्या असलेल्या एका टॅंकरला धडकली. ही धडक इतकी जोरदार होती की बोलेरो गाडीतील चार जण जागीच ठार झाले. मृतांमध्ये नारायण आलोने, गोकुळ आलोने, सुलोचना आलोने, प्रियांका आलोने यांचा समावेश आहे. तर ओंकार आलोने जखमी झाले आहेत. जखमींना उपचारासाठी जवळच्या सरकारी रुग्णालयात दाखल करण्यात आलं आहे. अपघातग्रस्त प्रवासी अक्कलकोटचे असल्याचं समजतं.

मोबाइल अॅप डाउनलोड करा आणि राहा अपडेट

जीप-टँकरचा अपघात;चार जण जागीच ठारअक्कलकोटच्या कुटुंबावर काळाचा घाला; सोलापूर-पुणे महामार्गावरील घटना

October 14, 2016, 9:50 am

≫ Next: रांगेत दोन तास उभारूनजिल्हाधिकाऱ्यांनी घेतले दर्शन

≪ Previous: सोलापूर-पुणे हायवेवर अपघात; चार ठार

$

0

0

म. टा. वृत्तसेवा, सोलापूर

सोलापूरहून पुण्याकडे भरधाव निघालेली बोलेरो जीप टँकरवर आदळून झालेल्या भीषण अपघातात एकाच कुटुंबातील चार जण जागीच ठार झाले, तर गाडी चालक गंभीर जखमी झाला. जखमीवर सोलापूरच्या खासगी हॉस्पिटलमध्ये उपचार सुरू आहेत. जखमीची प्रकृती चिंताजनक असल्याचे वैद्यकीय अधिकाऱ्यांनी सांगितले.

सोलापूर-पुणे महामार्गावरील सोलापूरपासून बारा किलोमीटर अंतरावर असलेल्या पाकणी गावाजवळ शुक्रवारी सकाळी साडेसाठ वाजण्याच्या सुमारास अपघात घडला. मृतांमध्ये नारायण रामचंद्र आलोने (६५), गोकूळ रामचंद्र आलोने (४५), सुलोचना नारायण आलोने (५५) आणि प्रियांका ओंकार आलोने (२२) यांचा जागीच मृत्यू झाला.

अक्कलकोट शहरातील समर्थ नगरात राहणारे आलोने कुटुंबीय पहाटे सहा वाजता एम. एच. १३ एन ९१२४या बोलेरो जीपमधून पुण्याकडे निघाले होते. नारायण रामचंद्र आलोने (वय ७२) यांना पोटाचा त्रास असून, त्यांच्या नियमीत उपचारासाठी चालक ओंकार गोकुळ आलोने याच्यासह पाच जण पुण्याला निघाले होते. पाकणी फट्याजवळ साडेआठ वाजण्याच्या सुमारास भरधाव वेगाने निघालेली बोलेरो गाडी एम. एच. १३ आर २९०१ या डिझेलच्या टँकरवर पाठीमागून आदळली. अपघात इतका भीषण होता की चार जण जागीच ठार झाले. सर्व मृतदेह बोलेरोमध्ये अडकून पडले होते. गाडी चालवत असलेल्या ओंकारला तातडीने बाहेर काढले आणि त्याला उपचारासाठी सोलापुरला हलविले. या अपघातात बोलेरो गाडीचा पूर्णपणे चक्काचूर झाला होता.

सावळेश्वर टोलनाका येथील अ‍ॅम्बुलन्सच्या कर्मचाऱ्यांनी तातडीने मदतकार्य केले आणि गंभीर जखमी असलेला ओंकार याला सोलापूरच्या खासगी रुग्णालयात हलविले. आलोने यांचे अक्कलकोटमध्ये भांडी व इलेक्ट्रीक दुकान असून, जखमी झालेला ओंकार अभियंता आहे.

मोबाइल अॅप डाउनलोड करा आणि राहा अपडेट

---

रांगेत दोन तास उभारूनजिल्हाधिकाऱ्यांनी घेतले दर्शन

October 14, 2016, 9:54 am

≫ Next: ई.बी.सी’चे धनादेश पडून

≪ Previous: जीप-टँकरचा अपघात;चार जण जागीच ठारअक्कलकोटच्या कुटुंबावर काळाचा घाला; सोलापूर-पुणे महामार्गावरील घटना

$

0

0

म. टा. वृत्तसेवा, पंढरपूर

विठ्ठल-रुक्मिणी मंदिर समितीचे अध्यक्षपद भूषविणाऱ्या सोलापूरच्या जिल्हाधिकाऱ्यांनी शुक्रवारी दुपारी कोणालाही न कळविता आपल्या कुटुंबासह दोन तास दर्शन रांगेत उभे राहून दर्शन घेतले. सध्या सुट्ट्या आणि धार्मिक कार्यक्रमामुळे विठ्ठल मंदिरात भरपूर गर्दी असते. विठूरायाच्या दर्शनाला सात मजली संत ज्ञानेश्वर दर्शन मंडपात रांगेस उभे राहावे लागते.

जिल्हाधिकारी रणजितकुमार शुक्रवारी आई, वडील, पत्नी, बहीण आणि भाच्यांसह दर्शनाला आले होते. जिल्हाधिकारी मंदिर समितीचे अध्यक्ष असूनही त्यांनी या बाबत कोणालाही माहिती न देता कुटुंबीयांसह दुपारी एकच्या सुमारास थेट दर्शन रांगेत उभारले. आपला मुलगा जिल्हाधिकारी असल्याने रांगेत उभे राहिल्याने त्यांच्या आई-वडिलांना देखील आश्चर्य वाटले. मात्र, या बाबत कोणतीही प्रतिक्रिया न देता कुटुंबीय देखील रांगेतून चालत राहिले. अखेर दोन तासांनंतर रणजितकुमार विठुरायाच्या गाभाऱ्यात पोचल्यावर मंदिर प्रशासन खडबडून जागे झाले.

या बाबत बोलताना जिल्हाधिकारी म्हणाले, ‘दर्शन व्यवस्थेत सुधारणा करण्यासाठी रांगेत उभे राहून दर्शन घेण्याचा अनुभव गरजेचा होता. दर्शन मंडपातील अस्वच्छता आणि इतर काही व्यवस्थेबाबत सुधारणा करण्याची गरज आहे. देवाच्या दर्शनासाठी रोज शेकडो भाविक दर्शन रांगेत तासंतास उभारून दर्शन घेतात. मी माझ्या घरच्यांना थेट दर्शन का देऊ.’

दरम्यान, विठूरायाच्या झटपट दर्शनासाठी धडपडणारे नेते आणि पुढाऱ्यांसाठी मात्र रणजितकुमार यांची भूमिका जळजळीत अंजन घालणारी ठरणार आहे. या बाबत जिल्हाधिकाऱ्यांच्या पत्नीनेही समाधान व्यक्त केले. ‘कोणत्याही तीर्थक्षेत्राच्या ठिकाणी दर्शनाची एक प्रक्रिया असते, त्यासाठी तेवढे कष्ट घेतल्याशिवाय दर्शनाचा खरा आनंद मिळत नाही,’ असेही त्या म्हणाल्या.

मोबाइल अॅप डाउनलोड करा आणि राहा अपडेट

ई.बी.सी’चे धनादेश पडून

October 14, 2016, 2:30 pm

≫ Next: ईशाच्या धाडसाला मिळाली दाद

≪ Previous: रांगेत दोन तास उभारूनजिल्हाधिकाऱ्यांनी घेतले दर्शन

$

0

0

कोल्हापूर

येथील जिल्हा परिषदेच्या माध्यमिक शिक्षण विभागातील गलथान कारभारामुळे ई.बी.सी सवलतीचे धनादेश पडून आहेत. धनादेश मागण्यासाठी आल्यानंतर चिरीमिरीची अपेक्षा केली जाते, असे यापूर्वी अनेकवेळा आरोप झाले आहेत. यामुळेच संबंधित शैक्षणिक संस्था ई.बी.सीचे धनादेश घेऊन जाण्याकडे पाठ फिरवत आहेत. पारदर्शकपणे ई.बी.सी. रक्कम संस्थांना मिळावी, अशी व्यवस्था निर्माण करण्याकडे वरिष्ठही अनेक दिवसापासून सोयीस्करपणे दुर्लक्ष करत आहेत.

लाखोंच्या संख्यने निघणाऱ्या मराठा मोर्चाच्या पार्श्वभूमीवर सरकारने काही प्रमाणात दिलासा देण्यासाठी ई.बी.सी सवलत मिळण्यासाठी एक लाखांवरून सहा लाख उत्पन्नाची मर्यादी केली आहे. त्याचे विद्यार्थी, पालकांतून समाधान व्यक्त होत आहे. असे एका बाजूला चित्र असताना दुसरीकडे मात्र आता दिली जाणारी ई.बी.सी.ची रक्कम वाटपात पारर्शकता नसल्याची उघड चर्चा होत आहे. सरकारकडून आलेल्या रकमेचे शाळानि‌हाय धनादेश माध्यमिक विभाग काढते. तो धनादेश शाळांना दिले जातात.

विविध कामानिमित्त माध्यमिक विभागाकडे आल्यानंतर मुख्याध्यापक, लिपिकाकडून धनादेशाची मागणी केली जाते. परंतु, धनादेश देताना मलई गोळा करण्याची चटक लागली आहे. मलई दिल्यास त्वरीत धनादेश दिला जातो. न दिल्यास टाळाटाळ केली जाते. किरकोळ रकमेचा धनादेश असल्यास चिरीमिरी देण्याऐवजी धनादेशच न घेवून जाण्याकडे अनेक संस्था चालकांचा कल राहिला आहे. सहा महिन्यांपूर्वी माध्यमिक विभागाच्या प्रशासनाने मुदत संपलेल्या ई.बी.सी. चा धनादेश वितरण केल्याचे उघड झाले होते. त्यावेळी वरिष्ठांनी सारवासारव करून प्रकरणावर पडदा टाकला होता. त्यानंतरही कामकाजात सुधारणा झालेली नाही.

आम्ही संस्था चालकांना धनादेश घेवून जाण्याचे आवाहन करतो, पण ते घेवून जात नाहीत, असे प्रशासनाचे म्हणणे आहे. याउलट धनादेशाची मागणी केल्यानंतर टाळाटाळ होत असते, असा संस्थाचालकांचा आरोप आहे. नेहमी ‘माध्यमिक’च्या प्रशासनाशी कामानि‌मित्त संबंध येत असल्याने यासंबंधी उघडपणे कोणतीही संस्था तक्रार करण्यास पुढे येत नसल्याचे वास्तव आहे. हीच संधी हेरून प्रशासन मनमानी कारभार करत आहे. पारदर्शकतेसाठी ई.बी.सी.चे पैसे थेट बॅंक खात्यावर वर्ग करावेत, अशी मागणी अनेक वर्षांपासूनची आहे. पण याकडे दुर्लक्ष झाले आहे, यावरूनच हात मारण्याची प्रवृत्ती उघड होते.

.................‍‍‍........................................................

चौकट

माहिती देण्यास टाळाटाळ

ई.बी.सी. रकमेच्या धनादेश वितरणाची जबाबदारी असलेले लिपिक नेहमी माहिती देण्यास टाळाटाळ करतात. नंतर देतो, थोडे बसून घ्या, फोन करतो असे त्यांची सरकारी छाप उत्तरे असतात. त्यांचे ‘अर्थपूर्ण’ कामात अधिक लक्ष असते. ढपल्याची प्रकरणे गतीने मार्गी लावण्यात त्यांचा हातखंडा आहे.

...........................................................................

किती रक्कम ?

पूर्वीच्या नियमानुसार खुल्या प्रवर्गातील विद्यार्थ्यांना एक लाखांपेक्षा कमी उत्पन्न असल्यास मिळणारी दरमहा इयत्तानिहाय सरकारकडून मिळणारी ई.बी.सी.ची रक्कम अशीः कंसात विनाअनुदानित संस्थांसाठी – १ ते ४ ः ६ रूपये, ५ ते ७ वी ः १२ रूपये, आठवी ते १० वी ः १८ (९०) , प्रयोगशाळा फी ः २३०, ११ वी आणि १२ वी ः४८(२१६), किमान कौशल्यः१४०(३५८), प्रयोग शाळा फी- ७०. याशिवाय प्राथमिक, माध्यमिक शिक्षकांच्या मुलांनाही पदवी, पदव्युत्तर शिक्षणासाठी ‌फीमध्ये सवलत मिळते.

‘माध्यमिक’ मध्ये चिरीमिरीसाठी अडवणूक, वरिष्ठांचे सोयीस्कर दुर्लक्ष

Bhimgonda.Desai@timesgroup.comTweet:@bhimgondaMT

कोल्हापूर

येथील जिल्हा परिषदेच्या माध्यमिक शिक्षण विभागातील गलथान कारभारामुळे ई.बी.सी सवलतीचे धनादेश पडून आहेत. धनादेश मागण्यासाठी आल्यानंतर चिरीमिरीची अपेक्षा केली जाते, असे यापूर्वी अनेकवेळा आरोप झाले आहेत. यामुळेच संबंधित शैक्षणिक संस्था ई.बी.सीचे धनादेश घेऊन जाण्याकडे पाठ फिरवत आहेत. पारदर्शकपणे ई.बी.सी. रक्कम संस्थांना मिळावी, अशी व्यवस्था निर्माण करण्याकडे वरिष्ठही अनेक दिवसापासून सोयीस्करपणे दुर्लक्ष करत आहेत.

लाखोंच्या संख्यने निघणाऱ्या मराठा मोर्चाच्या पार्श्वभूमीवर सरकारने काही प्रमाणात दिलासा देण्यासाठी ई.बी.सी सवलत मिळण्यासाठी एक लाखांवरून सहा लाख उत्पन्नाची मर्यादी केली आहे. त्याचे विद्यार्थी, पालकांतून समाधान व्यक्त होत आहे. असे एका बाजूला चित्र असताना दुसरीकडे मात्र आता दिली जाणारी ई.बी.सी.ची रक्कम वाटपात पारर्शकता नसल्याची उघड चर्चा होत आहे. सरकारकडून आलेल्या रकमेचे शाळानि‌हाय धनादेश माध्यमिक विभाग काढते. तो धनादेश शाळांना दिले जातात.

विविध कामानिमित्त माध्यमिक विभागाकडे आल्यानंतर मुख्याध्यापक, लिपिकाकडून धनादेशाची मागणी केली जाते. परंतु, धनादेश देताना मलई गोळा करण्याची चटक लागली आहे. मलई दिल्यास त्वरीत धनादेश दिला जातो. न दिल्यास टाळाटाळ केली जाते. किरकोळ रकमेचा धनादेश असल्यास चिरीमिरी देण्याऐवजी धनादेशच न घेवून जाण्याकडे अनेक संस्था चालकांचा कल राहिला आहे. सहा महिन्यांपूर्वी माध्यमिक विभागाच्या प्रशासनाने मुदत संपलेल्या ई.बी.सी. चा धनादेश वितरण केल्याचे उघड झाले होते. त्यावेळी वरिष्ठांनी सारवासारव करून प्रकरणावर पडदा टाकला होता. त्यानंतरही कामकाजात सुधारणा झालेली नाही.

आम्ही संस्था चालकांना धनादेश घेवून जाण्याचे आवाहन करतो, पण ते घेवून जात नाहीत, असे प्रशासनाचे म्हणणे आहे. याउलट धनादेशाची मागणी केल्यानंतर टाळाटाळ होत असते, असा संस्थाचालकांचा आरोप आहे. नेहमी ‘माध्यमिक’च्या प्रशासनाशी कामानि‌मित्त संबंध येत असल्याने यासंबंधी उघडपणे कोणतीही संस्था तक्रार करण्यास पुढे येत नसल्याचे वास्तव आहे. हीच संधी हेरून प्रशासन मनमानी कारभार करत आहे. पारदर्शकतेसाठी ई.बी.सी.चे पैसे थेट बॅंक खात्यावर वर्ग करावेत, अशी मागणी अनेक वर्षांपासूनची आहे. पण याकडे दुर्लक्ष झाले आहे, यावरूनच हात मारण्याची प्रवृत्ती उघड होते.

.................‍‍‍........................................................

चौकट

माहिती देण्यास टाळाटाळ

ई.बी.सी. रकमेच्या धनादेश वितरणाची जबाबदारी असलेले लिपिक नेहमी माहिती देण्यास टाळाटाळ करतात. नंतर देतो, थोडे बसून घ्या, फोन करतो असे त्यांची सरकारी छाप उत्तरे असतात. त्यांचे ‘अर्थपूर्ण’ कामात अधिक लक्ष असते. ढपल्याची प्रकरणे गतीने मार्गी लावण्यात त्यांचा हातखंडा आहे.

...........................................................................

किती रक्कम ?

पूर्वीच्या नियमानुसार खुल्या प्रवर्गातील विद्यार्थ्यांना एक लाखांपेक्षा कमी उत्पन्न असल्यास मिळणारी दरमहा इयत्तानिहाय सरकारकडून मिळणारी ई.बी.सी.ची रक्कम अशीः कंसात विनाअनुदानित संस्थांसाठी – १ ते ४ ः ६ रूपये, ५ ते ७ वी ः १२ रूपये, आठवी ते १० वी ः १८ (९०) , प्रयोगशाळा फी ः २३०, ११ वी आणि १२ वी ः४८(२१६), किमान कौशल्यः१४०(३५८), प्रयोग शाळा फी- ७०. याशिवाय प्राथमिक, माध्यमिक शिक्षकांच्या मुलांनाही पदवी, पदव्युत्तर शिक्षणासाठी ‌फीमध्ये सवलत मिळते. च्या जवानांनी आग आटोक्यात आणली. मात्र पाण्यामुळे अन्य ७० गाठीही खराब झाल्या.

मोबाइल अॅप डाउनलोड करा आणि राहा अपडेट

ईशाच्या धाडसाला मिळाली दाद

October 14, 2016, 2:30 pm

≫ Next: सीपीआरमधील सीटी स्कॅन सुरू

≪ Previous: ई.बी.सी’चे धनादेश पडून

$

0

0

Uddhav.Godase@timesgroup.com

Tweet @UddhavgMT

कोल्हापूर : घरात एकटीच असताना चोरट्याने प्रवेश करून झटापटीचा प्रयत्न केला. जीवावर उठलेल्या चोरट्याला प्रसंगावधान दाखवून घरात जेरबंद केले आणि नागरिकांच्या मदतीने पोलिसांच्या हवाली केले. स्वसंरक्षणाचा मोठा धडा शिकवणारी ही घटना नुकतीच ताराबाई पार्कातील हिम्मत बहाद्दर परिसरात घडली. चोरट्याला जेरबंद करणाऱ्या ईशा तानाजी काटे (वय १६) या शाळकरी मुलीच्या धाडसाने इतर मुलींनाही प्रेरणा मिळाली आहे. मुलींवरील अत्याचाराच्या घटनांच्या पार्श्वभूमीवर इशाच्या धाडसाने पालकांनाही बळ दिले आहे.

महादेववाडी (ता. वाळवा, जि. सांगली) येथील तानाजी काटे १९९१ पासून कोल्हापुरात राहतात. त्यांची पत्नी संगीता, मुलगी केतकी आणि ईशासह ते हिम्मत बहाद्दर परिसरातील मित्रनगरी अपार्टमेंटमध्ये राहतात. तानाजी काटे यांचे शिरोली एमआयडीसीत फाउंड्री युनिट आहे, तर संगीता या गृहिणी आहेत. केतकी आणि इशा या दोन्ही मुलींना काटे कुटुंबीयांनी लहानपणापासूनच मानसिकदृष्ट्या सक्षम बनवले. मोठी मुलगी केआयटी कॉलेजला अभियांत्रिकीचे शिक्षण घेते, तर धाकटी ईशा उषाराजे हायस्कूलला दहावीत शिकते. बुधवारी (ता. १२) सकाळी ईशाची आई आणि बहीण काही कामानिमित्त महादेववाडी या मूळ गावी गेल्या होत्या. मोहरमची सुटी असल्याने ईशा घरीच होती. आई आणि बहीण काम आटोपून रात्री अकराच्या सुमारास मध्यवर्ती बसस्थानकावर पोहोचणार होत्या, त्यामुळे त्यांना घेण्यासाठी वडील घरातून बाहेर पडले. दरवाजा पुढे करून ईशा हॉलमध्येच अभ्यास करीत बसली होती. वाचन करता करता तिचा डोळा लागला. एवढ्यात एक चोरटा ईशाच्या घरात शिरला. दारामागील लोखंडी गज घेऊन तो ईशाच्या दिशेने जाताना त्याच्या चाहुलीने ईशा जागी झाली. चोरट्याशी झटापट करून ती गॅलरीत गेली. गॅलरीतील दार बंद करून ती आरडा ओरडा करू लागली. चोरट्याने तिला रोखण्यासाठी खिडकीतून हात बाहेर काढून पकडण्याचाही प्रयत्न केला.

दरवाजा घट्ट बंद करून ईशाने टेरेसवरून बाहेर पडण्याचा विचार केला. या घटनेने गोंधळ उडाल्याने समोरच्या इमारतीमधील काही लोक धावले. समोरच्या गॅलरीतील दोन मुलांना तिने मित्रनगरी अपार्टमेंटच्या गॅलरीत यायला सांगितले. बाथरुमच्या खिडकीचा आधार घेऊन तिने स्टूलावरून टेरेसवर जाण्याचा प्रयत्न केला. चोरटा दार ठोठावत होता. दाराची कडी तुटली तर त्याच्या तावडीत सापडणार याची भीती होतीच. दरम्यान, दोन मुलांनी टेरेसवरून हात देऊन ईशाला वर खेचले. अपार्टमेंटमधील रहिवाशांनी आधीच फ्लॅटचे दार बाहेरून बंद केले होते, त्यामुळे चोरटा घरातच अडकला होता. या अर्ध्या तासाच्या घडामोडींनंतर ईशाचे वडील, आई आणि बहीण केतकी हे तिघेही पोहोचले. मुलगी सुखरुप असल्याचे पाहून आईचा जीव भांड्यात पडला आणि लेकीच्या धाडसाचे कौतुकही वाटले. तानाजी काटे यांनी शाहूपुरी पोलिसांना घटनेची माहिती दिल्याने तातडीने आठ पोलिस कर्मचारी मित्रनगरी अपार्टमेंटमध्ये पोहोचले. फ्लॅटचा दरवाजा तोडून त्यांनी चोरट्याला बाथरुममधून ताब्यात घेतले. दुसरा चोरटा अपार्टमेंटच्या बाहेर टेहळणी करीत थांबला होता. गोंधळ सुरू होताच त्याने पळ काढल्याचे प्रत्यक्षदर्शींनी पोलिसांना सांगितले. चौकशीनंतर चोरटा मनोरुग्ण असल्याचे लक्षात आले, असे पोलिस निरीक्षक प्रवीण चौगुले यांनी सांगितले.

इशाचा शाळेत सत्कार

ईशाने दाखवलेल्या धाडसामुळे एक चोरटा जेरबंद झाला, त्याचबरोबर अशा कठीण प्रसंगांना मुलींनी कसे धैर्याने सामोरे जावे याचेही उत्तम उदाहरण घालून दिले आहे. ईशाच्या धाडसाचे तिच्या शाळेतही कौतुक झाले. शुक्रवारी उषाराजे हायस्कूलच्या मुख्याध्यापिका एम. व्ही. जाधव यांच्या हस्ते तिचा सत्कार करण्यात आला. नातेवाईकांसह हिम्मत बहाद्दर परिसरातही तिच्या धाडसाचे कौतुक होत आहे.

कुणीतरी अज्ञात घरात शिरल्याचे लक्षात येताच मी खडबडून जागे झाले. त्याच्याशी झटापट करून बाहेर पडण्याचा प्रयत्न करीत होते, पण त्याने आधीच घराचे दार बंद आतून बंद केले होते. गॅलरीत जाऊन मी स्वतःचा बचाव केला. भीती तर होतीच, पण चोरट्याला पकडण्यासाठी प्रयत्न करीत राहिले. या घटनेमुळे माझा स्वतःवरील आत्मविश्वास वाढला.

ईशा काटे

मोबाइल अॅप डाउनलोड करा आणि राहा अपडेट

सीपीआरमधील सीटी स्कॅन सुरू

October 14, 2016, 2:30 pm

≫ Next: वर्कशॉपचे कामकाज रुळावर

≪ Previous: ईशाच्या धाडसाला मिळाली दाद

$

0

0

Janhavi.Sarate@timesgroup.com

Tweet : @ MTjanhavisarate

कोल्हापूर : गरजूंचे आधारवड असलेल्या छत्रपती प्रमिलाराजे रुग्णालयात बंद असलेला सीटी स्कॅन विभाग प्रायोगिक तत्त्वावर सुरू करण्यात आला आहे. हा विभाग २४ तास सुरू राहण्यासाठी तीन टेक्निशियनची आवश्यक आहे. हा विभाग सुरू झाल्याने खासगी डायग्नोस्टिस सेंटरमध्ये सीटी स्कॅनसाठी हजारो रुपये मोजावे लागणाऱ्या रुग्णांना दिलासा मिळाला आहे.

छत्रपती प्रमिलाराजे रुग्णालयात लवकरच पूर्णक्षमतेने सीटी स्कॅनचा विभाग सुरु होणार आहे. याचा लाभ जिल्ह्यासह आसपासच्या जिल्ह्यातील अनेक रुग्णांना होणार आहे. खासगी डायग्नोस्टिक सेंटरमध्ये सीटी ब्रेन स्कॅनसाठी १५०० ते दोन हजार रुपये आकारले जातात. सीपीआरमध्ये केवळ ३०० रुपयांत ही तपासणी केली जाते. जे रुग्ण दारिद्रय रेषेखाली आहेत, त्यांच्यासाठी ही तपासणी मोफत केली जाणार आहे. सध्या विभागासाठी एक प्रोफेसर, प्राध्यापक, सहयोगी प्राध्यापक, लेक्चर्स, मेडिकल ऑफिसर्स, वरिष्ठ निवासी, कनिष्ठ निवासी, टेक्नीशियन असा स्टाफ आहे.

सीटी स्कॅन करताना साधारण ३० ते ९० मिनिटांचा कालावधी लागतो. हे स्कॅन होत असताना वेदना होत नाहीत. साध्या स्कॅनला इंजेक्शनची आवश्यकता नसते मात्र ठराविक स्कॅनिंगला एक डाय (रंगाचे) इंजेक्शन दिले जाते. त्यामुळे प्रतिमेतील विरोधाभास स्पष्ट होते. म्हणून तपासणीपूर्वी चार तास आधी काहीही खाऊ नये, असे सांगितले जाते. मात्र या इंजेक्शनमुळे उष्णता वाढल्यासारखे वाटणे, मळमळणे, डोकेदुखी किंवा उलट्या असा त्रास होऊ शकतो.

सध्या सीपीआरमध्ये प्रायोगिक तत्त्वावर सकाळी ९ ते दुपारी १ पर्यंत ही तपासणी केली जात असून पूर्ण क्षमतेने २४ तास ही सुविधा देण्यासाठी या विभागाला आणखी ३ टेक्न‌िशियनची आवश्यकता असून पूर्णक्षमतेने हा विभाग सुरू होण्यापूर्वीच ही भरती करणे आवश्यक आहे.

६ कोटी ७७ लाखाचे अद्यावत सीटी स्कॅन मशीन सीपीआरमध्ये दाखल

सध्या प्रायोगिक तत्त्वावर सकाळी ९ ते १ पर्यंत सुरू

खासगी डायग्नोस्ट‌िक सेंटरच्या तुलनेत केवळ दहा टक्के खर्च

सीपीअरमधील कुंभी बिल्ड‌िंगमध्ये हा विभाग

२४ तास सुविधेसाठी ३ टेक्निशियनची आवश्यकता



खासगी डायग्नोस्टिक सेंटरच्या तुलनेत अगदी माफक दरात सीटी स्कॅन केले जाते. सध्या प्रायोगिक तत्त्वावर हे सेंटर सुरू असून या विभागाचा अनेक रुग्णांना फायदा होणार आहे.

संजय देसाई, सहयोगी प्राध्यापक, सीपीआर


शरीरातील या अवयवचा होतो सीटी स्कॅन

डोके, मेंदू, नाकाभोवतीचा भाग, श्रवणेंद्रिय असलेली हाडे, मान, सर्व सांधे, सर्व टोकाचे भाग (एक्सट्रीमिटीग), फुप्फुसाची अँजिओग्राफी

मोबाइल अॅप डाउनलोड करा आणि राहा अपडेट

वर्कशॉपचे कामकाज रुळावर

October 14, 2016, 2:30 pm

≫ Next: मराठा मोर्चाचा आज कोल्हापुरात एल्गार

≪ Previous: सीपीआरमधील सीटी स्कॅन सुरू

$

0

0

म. टा. प्रतिनिधी, कोल्हापूर

चहासाठी सुटी झाली की, वर्कशॉपच्या बाहेर पडायचे. अर्धा पाऊण तास कार्यालयाबाहेर घालवायचे. सवडीने पुन्हा कामावर हजर व्हायचे, दुपारच्या भोजनाच्या सुटीच्या कालावधीतही कार्यालयीन बाह्य कामे करण्यातच अनेकांना इंटरेस्ट. दिवसभरातील कामकाजाचा ना हिशोब, ना कर्मचाऱ्यांच्या महिनाभरातील कामाचे रेकॉर्ड, महापालिकेच्या वर्कशॉप विभागात आजवर या पद्धतीने चाललेल्या सावळागोंधळ कामकाजाला आता चाप बसला आहे. प्रशासनाने वर्कशॉप विभागाला शिस्त लावण्यासाठी नवी नियमावली लागू केली आहे. दिवसभरातील कामकाजाची रोज नोंदी तसेच महिन्याभराचे रेकॉर्ड अपडेट ठेवावे लागणार आहे. कामात टाळाटाळ करणाऱ्या कर्मचाऱ्यांवर कारवाईचा बडगा उचलला जाणार आहे. रोलर विभागातील पाच कर्मचाऱ्यांना कारणे दाखवा नोटिस बजावत वर्कशॉपचा कामकाज शिस्तीच्या मार्गावर आणण्यासाठी पाऊल टाकले आहे.

महापालिकेच्या वाहनांची देखभाल आणि दुरूस्तीची जबाबदारी वर्कशॉप विभागावर आहे. महापालिकेच्या मालकीची १५० च्या आसपास वाहने आहेत. पदाधिकारी, अधिकाऱ्यांची वाहने, अग्निशमन विभागाकडील फायर फायटर, कचरा उठाव करणारी आरसी वाहने, डंपर, डाऊजर, जेट मशिन, जेसीबी आणि पाणी पुरवठा विभागाच्या टँकरचा या वाहनांत समावेश आहे. महापालिकेला आवश्यक वाहन खरेदी, स्पेअर पार्टस खरेदीची प्रक्रिया या विभागामार्फत होते.

मात्र गेल्या काही वर्षात वर्कशॉप विभाग हा खिळखिळा झाला. महापालिकेच्या सर्वसाधारण विभागात वर्कशॉप विभागाच्या कामकाजाचा पंचनामा झाला. अधीक्षक एम. डी. सावंत यांची सध्या चौकशी सुरू आहे. अन्य अधिकारी या विभागाचे कामकाज स्वीकारण्यास तयार नसल्याचे चित्र महापालिकेत पाहावयास मिळत होते. खराब वाहनांच्या दुरूस्तीवरून हा विभाग नेहमी लक्ष्य ठरत आहे. आयुक्त पी. शिवशंकर यांनी वर्कशॉप विभागाच्या कामकाजात लक्ष घातले. सुटीच्या दिवशी वर्कशॉप विभागाची पाहणी करत अधिकारी, कर्मचाऱ्यांना सूचना केल्या. कर्मचाऱ्यांची कामकाजाचे रेकॉर्ड ठेवण्याची सूचना केली. या विभागाची जबाबदारी रावसाहेब चव्हाण यांच्याकडे सोपविली आहे.

वर्कशॉप विभागातील कामकाजावची वेळ सकाळी आठ ते सायंकाळी ४.३० अशी आहे. सकाळी ९.४५ ते १० या कालावधीत चहासाठी सुटी असते. मात्र अनेक कर्मचारी चहा घेण्यासाठी बाहेर पडल्यानंतर अर्धा, पाऊणतास वर्कशॉपमध्ये परत येत नसत. दुपारी भोजनासाठी अर्धा तास सुट्टी असताना काही जण तास, दीड तास वर्कशॉप बाहेर घालवायचे. अनेक कर्मचारी कार्यालयीन वेळेत ऑफिसबाह्य काम करत असल्याचे निदर्शनास आले. सहायक आयुक्त सचिन खाडे यांनी यामध्ये लक्ष घालत कर्मचाऱ्यांना कामात सुधारणा करण्याच्या सूचना केल्या. आता वर्कशॉपमध्येच चहा उपलब्ध केला जातो. यामुळे वेळेची बचत झाली आहे. भोजनाच्या सुटीत वर्कशॉप बाहेर पडताना बायामेट्रिकवर वेळ नोंदविण्याची सक्ती केली. कामावर उशीरा येणाऱ्या कर्मचाऱ्यांवर वेतन कपात, रजा खर्ची टाकण्याची कारवाई करण्याची नोटीस काढली. रोलर विभागातील पाच कर्मचाऱ्यांनी कामात टाळाटाळ केल्याने कारवाई का करू नये, अशी नोटीस काढली आहे.


रोजच्या कामाची नोंद

वर्कशॉप विभागातील प्रत्येक कर्मचाऱ्याच्या रोजच्या कामाची नोंद ठेवली जात आहे. सुपरवायझरकडून त्या नोंदीची तपासणी केली जाते. कर्मचाऱ्यांनी दररोजचे काम, महिन्याभराच्या कामकाजाचा अहवाल तयार करायचा आहे. अधिकाऱ्यांकडून या अहवालाची तपासणी होणार आहे. कामात टाळाटाळ करणाऱ्या कर्मचाऱ्यांना पहिल्या टप्प्यात सूचना केल्या जाणार आहेत.

मोबाइल अॅप डाउनलोड करा आणि राहा अपडेट