सीमेवर गुंफणार बंध नात्यांचे !

August 12, 2016, 2:30 pm

≫ Next: हद्दवाढीबाबत चार दिवसांत बैठक

≪ Previous: श्रींच्या मूर्तीस पर्वकाळ स्नान

$

0

0

Bhimgonda.Desai@timesgroup.com

कोल्हापूर : सीमेवर जीव धोक्यात घालून देश रक्षणाचे कर्तव्य बजाविणाऱ्या जवानांना राखी बांधण्यासाठी कोल्हापुरातील १२ बहिणी शुक्रवारी जम्मूमध्ये पोहोचल्या. भाऊ-बहिणीच्या नात्याचे बंध उलगडणारा रक्षाबंधनाचा सण गुरुवारी (ता. १८ ऑगस्ट) साजरा होत आहे. याचदिवशी सीमेवर कर्तव्य बजावित असलेल्या जवानांच्या हाती या ‌बहिणी देश संरक्षणाच्या जबाबदारीची राखी बांधणार आहेत. बहीण म्हणून त्या जवानांप्रती आपल्या भावना व्यक्त करण्याचा हा हृद्य उपक्रम जैन सोशल ग्रुप पुरस्कृत संगीनी फोरमच्यावतीने होणार आहे.

बहिण भावाच्या नात्याची वीण घट्ट करणारा सण म्हणून रक्षाबंधन ओळखले जाते. यादिवशी भाऊ बहिणीच्या घरी जाऊन तिच्याकडून राखी बांधून घेतो. जगाच्या कानाकोपऱ्यात कुठेही असली तरी बहीण भावासाठी नक्की राखी पाठवते. अशा वेळी, सीमेवर देशरक्षणाचे कर्तव्य बजावणाऱ्या जवानांना आपल्या कुटुंबीयांच्या सोबत असणे शक्य होत नाही. त्यामुळे अशा जवानांसाठी कोल्हापूर शहरातील विविध संस्था, संघटना दरवर्षी राख्या संकलित करून लष्कर प्रशासनकडे देतात. जैन सोशल ग्रुप पुरस्कृत संगीनी फोरमने गेल्यावर्षी टेंबलाईवाडीत मराठा बट‌ालियनमध्ये रक्षाबंधनाचा उपक्रम राबवला.

यावेळी सीमेवर तैनात असलेल्या जवानांना प्रत्यक्ष भेटून, राखी बांधण्याची इच्छा त्यांनी बटालियनकडे व्यक्त केली होती. त्यानंतर प्रशासनाने जम्मू काश्मीरमध्ये मराठा बाटलियन प्रशासनाशी पत्रव्यवहार केला. प्रशासनाने १८ ऑगस्ट २०१६ रोजी संगीनी फोरमच्या १२ महिलांना येऊन जवानांना राखी बांधण्यासाठी परवानगी दिली. परवानगी मिळाल्यानंतर फोरमच्या अध्यक्षा प्रतिमा गांधी यांच्या नेतृत्वाखाली १२ जणी जम्मू ‌‌काश्मीरला निघाल्या. कोल्हापुरात छत्रपती राजर्षी शाहू महाराज रेल्वे स्टेशमधून १० ऑगस्ट रोजी त्या रवाना निघाल्या.

शुक्रवारी लष्कराच्या गेस्ट हाउसमध्ये त्या पोहोचल्या. १८ ऑगस्ट रोजी सुरक्षित परिसरात जवनांना राखी बांधण्याचा कार्यक्रम होईल. ४०० जवान रक्षाबंधन कार्यक्रमासाठी उपस्थित राहतील. या उपक्रमाच्या निमित्ताने गृहिणी, नोकरदार, व्यावसायिक असलेल्या महिलांनी पहिल्यांदाच कोणाच्याही साथीविना लांब मजल मारली आहे. त्यातून त्यांचा धाडसी स्वभाव दिसते. राखी बांधणारे हात वाचले, तर देश सुरक्षित राहील अशा विचारांतून हा उपक्रम राबविण्यात येत आहे.

मोबाइल अॅप डाउनलोड करा आणि राहा अपडेट

---

हद्दवाढीबाबत चार दिवसांत बैठक

August 12, 2016, 2:30 pm

≫ Next: साताऱ्यात बोगस डॉक्टरकडून ६ जणांची हत्या

≪ Previous: सीमेवर गुंफणार बंध नात्यांचे !

$

0

0

म. टा. प्रतिनिधी, कोल्हापूर

कोल्हापूर शहराची हद्दवाढ आणि खंडपीठाबाबत चार दिवसात मुंबईत बैठक आयोजित केली जाईल, असे आश्वासन मुख्यमंत्री देवेंद्र फडणवीस यांनी महापालिकेच्या पदाधिकाऱ्यांना शुक्रवारी (ता. १२ ऑगस्ट) दिले. सांगली जिल्ह्यातील कडेगावचा भाजपचा शेतकरी मेळावा आणि पणनमंत्री सदाभाऊ खोत यांच्या मुलाच्या लग्नसमारंभासाठी मुख्यमंत्री फडणवीस कोल्हापूर विमानतळावर आले होते. यावेळी महापालिकेच्या पदाधिकाऱ्यांनी त्यांची भेट घेतली.

कोल्हापूर शहराच्या हद्दवाढीसाठी मुख्यमंत्र्यांनी दोन आठवड्यांपूर्वी मुंबईत बैठक घेतली होती. त्यावेळी मुख्यमंत्र्यांनी आठ ते दहा दिवसात मेरीटवर हद्दवाढीचा निर्णय घेऊ, असे सांगितले होते. त्याल दोन आठवडे उलटून गेल्याने शुक्रवारी महापौर अश्विनी रामाणे यांच्या नेतृत्वाखालील शिष्टमंडळाने मुख्यमंत्र्यांची भेट घेतली. शहराच्या हद्दवाढीबाबत तातडीने निर्णय जाहीर करावा, अशा मागणीचे निवेदनही त्यांना देण्यात आले.

यावर मुख्यमंत्री फडणवीस यांनी, 'चार दिवसात मुंबईत बैठक आयोजित करून निर्णय घेऊ', असे आश्वासन महापालिकेच्या शिष्टमंडळाला दिले. खंडपीठ कृती समितीचे पदाधिकारीही मुख्यमंत्र्यांना भेटणार होते. गेल्या महिन्याभरात मुख्यमंत्र्यांनी याची दोन वेळा बैठक बोलवून ऐनवेळी पुढे ढकलली होती, त्यामुळे खंडपीठाबाबतच निर्णय होऊ शकलेला नाही. याबाबत नव्याने बैठक घेण्याची विनंती करण्यासाठी शुक्रवारी खंडपीठ कृती समितीचे पदाधिकारी मुख्यमंत्र्यांना भेटणार होते. त्याची माहिती मिळताच मुख्यमंत्र्यांनी, 'हद्दवाढ आणि खंडपीठ या दोन्ही प्रश्नांवर चार दिवसात मुंबईत एकत्रित बैठक घेऊ', असा निरोप पालकमंत्री चंद्रकांत पाटील यांच्याकडून दिला. मुख्यमंत्र्यांना निवेदन देताना महापौर अश्विनी रामाणे यांच्यासह उपमहापौर शमा मुल्ला, स्थायी समिती सभापती मुरलीधर जाधव, भाजपचे गटनेते विजय सूर्यवंशी यांच्यासह नगरसेवक उपस्थित होते.

दरम्यान, हद्दवाढ विरोधी कृती समितीने आंदोलनाची दिशा ठरविण्यासाठी शनिवारी (ता. १३) दुपारी वाजता सर्किट हाऊस येथे बैठक होत आहे. आमदार चंद्रदीप नरके, आमदार सुजित मिणचेकर, आमदार अमल महाडिक, माजी आमदार संपतराव पवार पाटील आदी मार्गदर्शन करणार आहेत. बैठकीला १८ गावांतील पदाधिकारी व कार्यकर्त्यांनी उपस्थित राहण्याचे आवाहन समितीचे प्रवक्ते नाथाजी पोवार यांनी केले.

मोबाइल अॅप डाउनलोड करा आणि राहा अपडेट

साताऱ्यात बोगस डॉक्टरकडून ६ जणांची हत्या

August 15, 2016, 4:54 pm

≫ Next: डॉ. शिंदे, कोकाटे यांना राष्ट्रपती पदक

≪ Previous: हद्दवाढीबाबत चार दिवसांत बैठक

$

0

0

म. टा. वृत्तसेवा, सातारा

अंगणवाडी सेविका मंगल जेधे (४९) यांच्या हत्येप्रकरणी अटकेत असलेल्या बनावट डॉक्टर संतोष पोळ याने आणखी पाच जणांची हत्या केल्याचे उघडकीस आले आहे. पोळ याच्या फार्महाऊसवर सोमवारी पोलिसांना चार मृतदेह सापडले असून, आणखी एका मृतदेहाचा शोध सुरू आहे.

सातारा जिल्ह्यातील पूर्व प्राथमिक शिक्षिका संघाच्या अध्यक्ष मंगल जेधे (४९) गेल्या तीन महिन्यांपासून रहस्यमयरित्या बेपत्ता होत्या. त्यांनी बोगस डॉक्टर संतोष पोळ याला शेवटचा कॉल केला होता. स्थानिक पोलिस व वाई पोलिसांनी त्यावरून सूत्रे हलवत पोळ याच्यावरच तपास केंद्रीत केला होता. पोळ याची मैत्रीण ज्योती मांढरे हिने पोलिस तपासात जेधे यांच्या हत्येत पोळ याचे नाव घेतले. त्याने जेधे यांचा मृतदेह घराजवळील पोल्ट्रीच्या बाजूला खड्डा खोदून त्यात पुरला होता. याप्रकरणी पोळ याला अटक झाली होती. बेपत्ता असलेल्या अन्य पाच जणांची हत्याही त्यानेच केल्याचा संशय होता. पोलिस तपासात त्याने तशी कबुली दिली होती.

किडनी रॅकेटची शक्यता

बोगस डॉक्टर संतोष पोळ याने अत्यंत थंड डोक्याने सहा हत्या केल्याचे पोलिस तपासात स्पष्ट झाले आहे. यामागे मोठ्या प्रमाणावर किडनी रॅकेट कार्यरत असल्याची शक्यता पोलिसांनी वर्तवली आहे. सापडलेल्या मृतदेहांची ओळख पटवण्याचे काम सुरू असून पोळ याने आणखी काही जणांची हत्या केली आहे का, याचा तपास पोलिस करत आहेत.

सातारा जिल्ह्यातील पूर्व प्राथमिक शिक्षिका संघाच्या अध्यक्ष मंगल जेधे यांचा मृतदेह सापडला, त्याच्या जवळच आणखी तीन महिला व एका पुरुषाचा मृतदेह आढळून आला, तर अन्य एका महिलेची हत्या करून तिचा मृतदेह धोम जलाशयात टाकल्याची कबुली पोळ याने पोलिसांना दिली. या मृतदेहाचा शोध घेण्याचे काम सुरू आहे. मृतांमध्ये सलमा शेख, जगाबाई पोळ, सुरेखा चिकणे, नथमल भंडारी तसेच वनीता गायकवाड यांचा समावेश आहे. हे सर्व जण सन २००३पासून बेपत्ता होते. त्यापूर्वी ते पोळ याच्या संपर्कात होते. वनीता गायकवाड यांचा मृतदेह धोम जलाशयात टाकून देण्यात आला होता.

मंगल जेधे यांनी संतोष पोळ याला शेवटचा कॉल केला होता. त्यावरून पोलिसांनी पोळ याच्यावरच तपास केंद्रीत केला होता. पोळ याची मैत्रीण ज्योती मांढरे हिला ताब्यात घेऊन पोलिसी खाक्या दाखवताच पोळ यानेच जेधे यांची हत्या केल्याची माहिती तिने दिली.

मोबाइल अॅप डाउनलोड करा आणि राहा अपडेट

डॉ. शिंदे, कोकाटे यांना राष्ट्रपती पदक

August 14, 2016, 2:30 pm

≫ Next: भाड्याची कार प्रवाशांनीच पळविली

≪ Previous: साताऱ्यात बोगस डॉक्टरकडून ६ जणांची हत्या

$

0

0

म. टा. प्रतिनिधी, कोल्हापूर

मूळचे देववाडी (ता. शिराळा, जि. सांगली) आणि सध्या कल्याण -ठाणे विभाग ३ चे पोलिस उपायुक्त डॉ. संजय शिंदे यांना पोलिस दलातील उल्लेखनिय कार्याबद्दल राष्ट्रपती पदक जाहीर करण्यात आले. तर कोल्हापूर पोलिस दलातील सहायक फौजदार प्रकाश दत्तात्रय कोकाटे यांनाही राष्ट्रपती पदक जाहीर झाले.

सोमवारी (ता. १५) जिल्हाधिकारी कार्यालयाच्या प्रांगणात होणाऱ्या ध्वजारोहण समारंभात पालकमंत्री चंद्रकांत पाटील यांच्या हस्ते कोकाटे यांना पदकाचे वितरण होणार आहे. सहायक फौजदार प्रकाश कोकाटे हे सन १९८४ मध्ये राज्य राखीव बल गट क्रं. ७ दौंड येथे पोलिस कॉन्स्टेबल या पदावर भरती झाले. त्यांचे मूळ गाव मौजे तासगाव (ता. हातकणंगले) आहे. ते कोल्हापूर जिल्हा पोलिस दलात १९९६ पासून बदली होऊन आले आहेत. कोकाटे यांनी ३३ वर्षाच्या सेवेत शाहुपूरी, राजवाडा, कोडोली, पोलिस मुख्यालय आणि स्थानिक गुन्हे अन्वेषण शाखा येथे सेवा बजावली आहे. कोकाटे यांना आजअखेर २१० बक्षिसे मिळाली असून, त्यांच्या या कामगिरीची दखल घेऊन राज्याच्या पोलिस महासंचालकांनी सन्मानचिन्ह देऊन गौरविले आहे.

मोबाइल अॅप डाउनलोड करा आणि राहा अपडेट

भाड्याची कार प्रवाशांनीच पळविली

August 14, 2016, 2:30 pm

≫ Next: ग्रामपंचायती पुन्हा ऑनलाइन

≪ Previous: डॉ. शिंदे, कोकाटे यांना राष्ट्रपती पदक

$

0

0

म. टा. प्रतिनिधी, कोल्हापूर

पुण्यातून भाड्याने घेतलेली कार कोल्हापुरात आल्यानंतर संबधित प्रवाशांनीच लंपास केल्याची घटना रविवारी घडली. गुजरी येथील यात्री निवासमध्ये थांबल्यानंतर कार चालक आंघोळीसाठी गेल्याची संधी साधत दोघा संशयितांनी कार लंपास केली. कार चालकाने जुना राजवाडा पोलिसात दोघा संशयितांच्या विरोधात फिर्याद दाखल केली.

अजिंक्य आगतराव वाकुरे (वय ४९, रा. वाकडी, पुणे) हे कार मालक असून, कार भाड्याने देण्याचा व्यवसाय करतात. शनिवारी रात्री आठच्या सुमारास ते स्वारगेट येथे थांबले होते. कोल्हापर येथे भाचीच्या लग्नासाठी तातडीने जायचे आहे, असे सांगून दोघे वाकुरे यांना घेऊन पुण्यातून बाहेर पडले. कोल्हापुरात आल्यानंतर त्यांनी गुजरी परिसरातील एका यात्री निवासमध्ये रुम घेतली. सकाळी आठच्या सुमारास कार मालक वाकुरे हे आंघोळीसाठी बांथरुममध्ये गेल्यानंतर दोघांनी वाकुरे यांचा मोबाइल आणि कारची चावी घेऊन पळ काढला. आंघोळीनंतर बाहेर आलेल्या वाकुरे यांना मोबाइल आणि कारची चावी नसल्याचे लक्षात आले. त्यांनी तातडीने कार पार्किंगमध्ये जाऊन पाहिले असता, कारही दिसली नाही. कार घेऊन पळाल्याचे लक्षात येताच, वाकुरे यांनी जुना राजवाडा पोलिसात गणेश आणि नंदकुमार या दोघांच्या विरोधात फिर्याद दाखल केली. परिसरातील सीसीटीव्ही फुटेजच्या आधारे पोलिस संशयितांचा शोध घेत आहेत.

मोबाइल अॅप डाउनलोड करा आणि राहा अपडेट

ग्रामपंचायती पुन्हा ऑनलाइन

August 14, 2016, 2:30 pm

≫ Next: तिलारीजवळ जंगलात वाघाचे दर्शन

≪ Previous: भाड्याची कार प्रवाशांनीच पळविली

$

0

0

कोल्हापूर

गेल्या सात महिन्यांपासून ऑफलाइन झालेल्या ग्रापंचायतींचे कामकाज पुन्हा पुढील महिन्यापासून ऑनलाइन होणार आहे. ग्रामपंचायतीत 'आपले सरकार सेवा केंद्र' सुरू करून ऑनलाइन कारभार करण्याचा आदेश सरकारच्या ग्रामविकास विभागाने ११ ऑगस्ट रोजी दिला आहे. अंमलबजावणीसाठी सविस्तर मार्गदर्शक नियमावली जिल्हा परिषद प्रशासनास‌ देण्यात आली आहे.

पंचायतराज संस्थाच्या कामकाजात पारदर्शकता, एकसूत्रता आणण्यासाठी ई-पंचायत प्रकल्पातर्गंत सन २०११ मध्ये जिल्ह्यासह राज्यातील सर्व ग्रामपंचायतीमध्ये संग्राम ‌कक्ष महाऑनलाइन कंपनीच्या माध्यमातून सुरू केले. कक्षात ऑपरेटरची नियुक्ती करण्यात आली. विविध प्रकारची दाखले देणे, कामकाज ऑनलाइन करणे अशी कामे कक्षातून चालली. दरम्यान, डिसेंबर २०१५ मध्ये महाऑनलाइन कंपनीची सरकारशी झालेला करार संपल्याने ग्रामपंचायतीमधील संग्राम कक्ष बंद झाले. ग्रामपंचायती ऑफलाइन झाल्या. विविध प्रकारच्या ऑनलाइन सेवा, दाखले देणे बंद झाले.

त्यामुळे पूर्वीप्रमाणे हस्तलिखित दाखले दिले जात आहेत. साहजिकच ग्रामपंचायतींचे मार्च एडिंगचे क्लोजिंग झाले नाही. परिणामी ग्रामपंचायतींच्या कामकाजात निष्क्रियता आली. ग्रामस्थांना सेवेसाठी हेलपाटे मारावे लागत आहेत. त्याची दखल घेवून सरकारने पुन्हा सहा महिन्यानंतर का असेना ऑनलाइन कारभार करण्यासाठी सीएससी, एसपीव्ही गर्व्हनन्स सर्व्हिस कंपनी इंडिया लिमिटेड कंपनीशी करार केला आहे. नव्या करारात अंमलबजावणीच्या कार्यपध्दतीत सुधारणा केल्या आहेत. संग्राम कक्षाप्रमाणे प्रत्येक ग्रामपंचायतीत आता आपले सरकार सेवा केंद्र सुरू होणार नाहीत. पंधरा लाख किंवा त्यापेक्षा अधिक उत्पन्न असलेल्या ग्रामपंचायतीमध्ये सेवा केंद्र सुरू होतील. पंधरा लाखांपेक्षा कमी उत्पन्न असलेल्या ग्रामपंचायतीचे गट करण्यात येईल. गटातील भौगोलिकदृष्ट्या जवळ असलेल्या एका ग्रामपंचायतीची सेवा केंद्रे सुरू करण्यात येणार आहेत.

कोणते दाखले, प्रमाणपत्र मिळणार ?

जन्म व मृत्यू नोंदणी, रहिवास, विवाह, नोकरी व व्यवसायासाठी ना हरकत, मालमत्ता आकारणी, मालमत्ता फेरफार, नवोदय, बेरोजगार, वीज जोडणीसाठी ना हरकत, कोणत्याही योजनांचा फायदा घेत नसल्याचा, शौचालय, जॉब कार्ड, बांधकाम परवानगी, नळजोडणी संमती, चरित्र्य, निराधार योजनेसाठी वय, दारिद्र्यरेषेखालील, हयातीचा दाखला.

नियोजित सेवा

रेल्वे व बस आरक्षण, डीटीएच रिचार्ज, बॅकिंग सेवा, पॅनकार्ड काढणे, आधार नोंदणी, विमा हप्ते भरणे, पासपोर्ट, वीज बील भरणे, पोष्ट विभागाच्या सेवा.

'सरकारच्या नव्या आदेशानुसार १५ लाख किंवा त्यापेक्षा अधिक उत्पन्न असलेल्या ग्रामपंचायतीत आपले सरकार सेवा केंद्र पुढील महिन्यापासून सुरू होतील. सेवा केंद्राच्या माध्यमातून ऑफलाइन ग्रामपंचायतीचे कामकाज पुन्हा ऑनलाइन होईल. पंचायत समिती, जिल्हा परिषदेत असे केंद्र सुरू करण्यासंबंधी अद्याप सरकारकडून सूचना आलेल्या नाहीत.

एम. एस. घुले, उपमुख्य कार्यकारी अधिकारी

मोबाइल अॅप डाउनलोड करा आणि राहा अपडेट

तिलारीजवळ जंगलात वाघाचे दर्शन

August 15, 2016, 10:37 am

≫ Next: कराड-चिपळूण रेल्वेमार्ग करार मार्गस्थ

≪ Previous: ग्रामपंचायती पुन्हा ऑनलाइन

$

0

0

म. टा. वृत्तसेवा चंदगड

तिलारी (ता. चंदगड) येथील जंगलातील रातोबा पाँईट येथे ग्रीन व्हॅलीच्या गाडीतून पर्यटकाला जंगल सफारीसाठी घेवून जात असताना संतोष गावडे (कोदाळी) यांना रविवारी वाघाचे दर्शन झाले. दुपारी तीनच्या दरम्यान ही घटना घडली. वाघाचे दर्शन झाल्यामुळे परिसरात घबराट पसरली आहे. परिसरात वाघाचे दर्शन होण्याची ही दुसरी वेळ आहे.

ग्रीन व्हॅलीपासून रातोबा पाँईट चार किलोमीटर अंतरावर आहे. दुपारी तीनच्या दरम्यान ऊन पडल्यामुळे घनदाट जंगलातील मोकळ्या जागेत वाघ येवून बसला होता. सुमारे पाच मिनिटे तो तसाच बसून होता. पर्यटकांच्या आवाजाची आवाजाची चाहूल लागल्याने परिस्थितीचा अंदाज घेत वाघ इकडे-तिकडे बघत पुन्हा जंगलात निघून गेला. या जंगलात गव्यांचे दर्शन होते. मात्र वाघाचे दर्शन हा दुर्मिळ क्षण आहे. तिलारीच्या जंगलात पट्टेरी वाघाचे अस्तित्व असले तरी ते सहजासहजी दिसत नाहीत. त्यांचा वावर दऱ्यांमध्येच अधिक असतो. वाघाच्या दर्शनाने परिसरात घबराट परसरली आहे.

चौकट

तिलारीच्या जलविद्युत प्रकल्पाजवळ वीज कंपनीच्या कर्मचाऱ्यांना ९ डिसेंबर २०१४ रोजी पहिल्यांदा रात्रीच्या वेळी वाघाचे दर्शन झाले होते. तर सहा फेब्रुवारी २०१५ रोजी वाघोत्रे परिसरात चक्क एसटीसमोर येवून वाघ उभा ठाकला होता. चंदगड तालुक्यात एकून तीनदा वाघाचे दर्शन झाले आहे.

मोबाइल अॅप डाउनलोड करा आणि राहा अपडेट

कराड-चिपळूण रेल्वेमार्ग करार मार्गस्थ

August 14, 2016, 9:48 pm

≫ Next: तरूणास पोलिस कोठडी

≪ Previous: तिलारीजवळ जंगलात वाघाचे दर्शन

$

0

0

म. टा. वृत्तसेवा,कराड

पुणे-कोल्हापूर रेल्वे मार्गावरील कराडपासून कोकणाला जोडणाऱ्या कराड-चिपळूण या नव्या रेल्वे मार्गाच्या कामाच्या ठेकेदारी करारावर रविवारी मुंबईत स्वाक्षरी करण्यात आली. या कार्यक्रमाचे थेट प्रक्षेपण कराड येथे करण्यात आले. स्थानिक आमदार बाळासाहेब पाटील व आनंदराव पाटील यांच्यासह अनेक कराडकरांनी प्रत्यक्ष प्रक्षेपण पाहून या कामकाजात भाग घेतला. या वेळी रेल्वेच्या पुणे विभागाचे व्यवस्थापक बी. के. दादाभोय यांची प्रमुख उपस्थिती होती.

कराड ते चिपळूण या रेल्वे मार्गाच्या कामाला थोड्याच दिवसांत प्रारंभ होत असून, या कामाच्या कॉन्ट्रॅक्टच्या करारावर रविवारी मुंबईतील सह्याद्री अतिथीगृहात स्वाक्षरी करण्यात आली. या वेळी रेल्वे मंत्री सुरेश प्रभू, मुख्यमंत्री देवेंद्र फडणवीस व केंद्रीय अवजड उद्योग तथा सार्वजनिक उद्योगमंत्री अनंत गीते उपस्थित होते. कराडपासून घाटावरील भाग कोकणाला जोडणारा कराड-चिपळूण हा महत्त्वाचा रेल्वे मार्ग प्रत्यक्षात साकारत असून या कामाच्या करारावर रविवारी स्वाक्षरी करण्यात आली.

कोकण रेल्वे व शापुर्जी पालनजी कंपनी प्रायव्हेट लिमिटेड (एसपीसीपीएल) यांच्यादरम्यान हा सामंजस्य करार झाला. या कराराचे स्वागत करण्यासाठी व या कराराच्या कामकाजाचा कार्यक्रम प्रत्यक्ष पाहता यावा, यासाठी येथील कराड रेल्वे स्टेशनवरही एका खास कार्यक्रमाचे आयोजन करण्यात आले होते. यामध्ये या मुख्य कार्यक्रमाचे व्हिडिओ लिंकव्दारे उपस्थितांना पाहता आला तर व्हिडिओ कॉन्फरन्सिंगव्दारे संबंधितांना संवाद साधता आला. कराड येथील या कार्यक्रमास शिराळ्याचे आमदार शिवाजीराव नाईक, कराड उत्तरचे आमदार बाळासाहेब पाटील, विधान परिषदेचे आमदार आनंदराव पाटील उपस्थित होते.

पुणे विभागीय व्यवस्थापक बी. के.दादाभोय म्हणाले, 'कराड-चिपळूण हा रेल्वे मार्ग १०३ कि.मी. लांबीचा असून, याचा प्रस्तावित खर्च ३१९५.६० कोटी रुपये आहे. या मार्गावर कराडपासून खोडशी, सुपने, विहे, मल्हार पेठ, नाडे, पाटण, येराड, कोयना रोड ही ठिकाणे येणार आहेत. पुढे सह्याद्री पर्वतरागांच्या बोगद्यांतून हा मार्ग खेर्डी (चिपळूण) येथे कोकण रेल्वे मार्गाला हा मार्ग मिळणार आहे. या मार्गामुळे कोकण व घाटमाथा रेल्वेने जोडण्यास मदत होणार असून प्रवाशी,व्यापारी किंवा उद्योग व्यावसायिकांना देशाच्या कानाकोपऱ्यातील प्रवासासह मालवाहतूकीसाठीही मोठी मदत होणार आहे.'

असा असेल रेल्वेमार्ग

लांबी १०३ किमी. त्यात रत्नागिरी जिल्ह्यातून ३७ किमी, तर सातारा जिल्ह्यात ६६ किमीचा मार्ग.

कराड, चिपळूण, विहाले, मुंढे, कोयना रोड, पाटण, शेडगेवाडी, खोडशी ही रेल्वेस्थानके.

चिपळूण ते कराड हे आताचे रेल्वेचे अंतर ४२५ किमीने कमी होणार.

पर्यावरणाला हानी न पोहोचवता एकूण ४६ किमी लांबीचे अनेक बोगदे.

मोबाइल अॅप डाउनलोड करा आणि राहा अपडेट

---

तरूणास पोलिस कोठडी

August 14, 2016, 2:30 pm

≫ Next: जलवाहिनी फुटल्याने रुग्णांचे हाल

≪ Previous: कराड-चिपळूण रेल्वेमार्ग करार मार्गस्थ

$

0

0

म.टा.वृत्तसेवा,जयसिंगपूर

येथील आठव्या गल्लीतील मेघराज बलदवा यांच्या घरातील चोरीप्रकरणी पोलिसांनी सांगलीच्या चोरट्यास गजाआड केले. अभिजीत रामचंद्र गायकवाड (वय ३१, रा.झुलेलाल चौक सांगली) असे त्याचे नाव आहे. त्याच्याकडून रोख रक्कम तसेच अल्टो कार जप्त करण्यात आली आहे. त्याला २० ऑगस्टपर्यंत पोलिस कोठडीचे आदेश येथील प्रथमवर्ग न्यायालयाने दिले.

याबाबत पोलिसांतून मिळालेली अधिक माहिती अशी, आठव्या गल्लीतील माणिकचंद प्लाझामध्ये राहणारे माजी उपनगराध्यक्ष मेघराज बलदवा हे कुटूंबियासमवेत आठ ऑगस्ट रोजी शिर्डी येथे देवदर्शनासाठी गेले होते. यानंतर फ्लॅटचे कुलूप बनावट चावीने उघडून चोरट्याने तीन कपाटे फोडून एक लाख एक हजार रूपये लंपास केले होते. यानंतर दहा ऑगस्ट रोजी नारायण बलदवा यांनी चोरीची फिर्याद दिली होती.

यानंतर पोलिसांनी घटनास्थळी पाहणी केली. चोरटा माणिकचंद प्लाझा परिसरातील सी.सी.टिव्ही मध्ये कैद झाला होता. याआधारे तपासाची चक्रे गतीमान करून पथकाने अभिजीत गायकवाड यास सांगली येथे ताब्यात घेतले. तपासात त्याने पोलिसांना बलदवा यांच्या घरफोडीची कबुली दिली. त्याच्याकडून गुन्ह्यात वापरलेले वाहन तसेच रोकड जप्त केली. त्यास प्रथमवर्ग न्यायालयात हजर करण्यात आले. यावेळी २० ऑगस्टपर्यंत पोलिस कोठडीचे आदेश देण्यात आले.

मोबाइल अॅप डाउनलोड करा आणि राहा अपडेट

जलवाहिनी फुटल्याने रुग्णांचे हाल

August 15, 2016, 8:00 pm

≫ Next: दोन दिवसात तोडगा : पालकमंत्र्यांचे आश्वासन

≪ Previous: तरूणास पोलिस कोठडी

$

0

0

म. टा. प्रतिनिधी, कोल्हापूर

सीपीआरला पाणीपुरवठा करणारी जलवाहिनी शनिवारी फुटल्याने रविवारी सीपीआरमधील रुग्णांचे हाल झाले. पिण्याच्या पाण्यासाठी रुग्णांच्या नातेवाईकांना धावाधाव करावी लागली. त्यामुळे सीपीआरने टँकरची व्यवस्था केली होती. महापालिकेने रविवारी सायंकाळपर्यंत युद्धपातळीवर जलवाहिनी दुरुस्त केली.

सीपीआरचा आवार मोठा असल्याने व तेथील विविध विभागांना लागणाऱ्या पाण्यासाठी स्वतंत्र जलवाहिनी टाकण्यात आली आहे. विविध विभागांमध्ये हजारोंच्या संख्येने रुग्ण दाखल होत असतात. त्यांच्याबरोबर त्यांचे नातेवाईक येत असल्याने येथे दररोज मोठ्या प्रमाणावर पाण्याची गरज असते. ही जलवाहिनी रंकाळा स्टँडमार्गे महापालिकेमार्गे सीपीआरला नेण्यात आली आहे. ही जलवाहिनी शनिवारी सायंकाळी अचानक फुटली. या जलवाहिनीतून येणारे पाणी सीपीआरमध्ये साठवले जाते व त्यातून गरज भागवली जाते. आवारातील टाकी भरून ठेवल्या जातात. रात्री पाणीपुरवठा बंद झाल्याने या टाक्यांमध्ये साठवलेले पाणी रात्रभर वापरण्यात आले. पण सकाळपासून दुपारपर्यंतच्या कालावधीत सीपीआरमध्ये पाण्याची टंचाई जाणवली. पिण्याचे पाणीच बंद असल्याने सीपीआरच्या आवारात असणाऱ्या रुग्णांच्या नातेवाईकांना पाण्यासाठी धावाधाव करावी लागली. अनेकांना परिसरातील हॉटेलचा आधार घ्यावा लागला. अनेक विभागांमध्ये पाण्याचा पुरवठा न झाल्याने काही काळ गोंधळ उडाला.

रुग्णांची गैरसोय होऊ नये म्हणून सीपीआरच्यावतीने टँकरची व्यवस्था केली होती. त्यामुळे काही काळ रुग्णांच्या नातेवाईकांना त्रास झाला. पण टँकरमुळे साऱ्यांना पाण्याची सोय झाली. दुसरीकडे महापालिकेने सकाळी आठ वाजल्यापासून या गळतीच्या ठिकाणी दुरुस्ती सुरू केली होती. सीपीआरची जलवाहिनी असल्याने महापालिकेनेही तातडीने दुरुस्ती पुर्ण केली. दुपारी चारच्या सुमारास सर्व दुरुस्ती पुर्ण करण्यात आली. त्यानंतर सहा वाजेपर्यंत सीपीआरचा पाणीपुरवठा सुरळीत सुरू झाला.

मोबाइल अॅप डाउनलोड करा आणि राहा अपडेट

दोन दिवसात तोडगा : पालकमंत्र्यांचे आश्वासन

August 14, 2016, 2:30 pm

≫ Next: शाहू मैदान परिसर ‘डेंजर झोन’

≪ Previous: जलवाहिनी फुटल्याने रुग्णांचे हाल

$

0

0

म. टा. प्रतिनिधी, कोल्हापूर

हद्दवाढीच्या मुद्द्यावरून समर्थक व विरोधक पुन्हा आमने-सामने उभे ठाकले आहेत. सर्वपक्षीय हद्दवाढ कृती समितीने रविवारी केलेल्या धरणे आंदोलनानंतर विरोधकांनी मंगळवारी जिल्हाधिकारी कार्यालयासमोर आंदोलनाची तयारी केली. मात्र पालकमंत्री चंद्रकांत पाटील यांनी सकारात्मक तोडगा काढण्याचे आश्वासन दिले. त्यामुळे या वादावर दोन दिवसांत हद्दवाढ समर्थक आणि विरोधकांची बैठक घेण्याचे नियोजन सरकारच्या पातळीवर सुरू आहे.

सर्वपक्षीय हद्दवाढ कृती समितीने रविवारी महापालिकेसमोर आंदोलन केले. त्यावेळी पालकमंत्री पाटील यांनी आमदार क्षीरसागर यांच्याशी संपर्क साधला. पाटील यांनी मुख्यमंत्र्यासोबत शनिवारी रात्री उशिरा राज्याच्या विकासात्मक धोरणाबाबत बैठक झाल्याचे सांगितले. त्यामध्ये कोल्हापूरच्या हद्दवाढीचा विषय चर्चेला होता. मुख्यंमत्र्यांनी दोन दिवसात हद्दवाढ समर्थक आणि विरोधकांची बैठक घेवून सकारात्मक तोडगा काढण्याचे आश्वासन दिले असल्याचेही पालकमंत्र्यांनी सांगितल्याचे क्षीरसागर यांनी आंदोलकांसमोर सांगितले. तसेच शहर विकासासाठी मोठा निधी देण्याचेही आश्वासन दिले असल्याचे सांगितले.

याप्रसंगी राष्ट्रवादी काँग्रेसचे शहर अध्यक्ष राजेश लाटकर यांनी ग्रामीणच्या आमदारांनी हिरवा आणि पिवळा पट्टयाचा मुद्दा पुढे केला आहे. पण आमदार चंद्रदीप नरके यांचे विवाह कार्यालय कळंबा येथे हिरव्या पट्यात आहे. विरोध करणाऱ्या आमदारांची हॉटेल, लॉज, कार्यालये कोणत्या पट्यात आहेत, त्याचा आम्हाला घेवून सर्व्हे करा असा टोला लगावला. भाजपचे महेश जाधव यांनी हद्दवाढ केवळ दोन, तीन गावांना घेऊन नव्हे तर दोन औद्योगिक वसाहतींसह १८ गावासह हद्दवाढ करावी. हद्दवाढीसाठी पालकमंत्री सकारात्मक आहेत. त्यामुळे दोन दिवसात हद्दवाढीसंबंधी सकारात्क निर्णय घेतील.बेमुदत उपोषण करण्याची वेळ येणार नाही असा विश्वास व्यक्त केला.

हद्दवाढ, विमानसेवा, खंडपीठ या रखडलेल्या प्रश्न सोडवण्यासाठी प्रयत्न करत आहे सरकार सकारात्मक असताना हद्दवाढीचे विरोधक पालकमंत्री पाटील यांचा निषेध करत आहेत. ज्यांनी निषेध केला त्यांचाच मी निषेध करतो', असे भाजपचे महेश जाधव यांनी सांगितले.

मोबाइल अॅप डाउनलोड करा आणि राहा अपडेट

शाहू मैदान परिसर ‘डेंजर झोन’

August 15, 2016, 7:57 pm

≫ Next: …आणि क्रौर्याला वाचा फुटली

≪ Previous: दोन दिवसात तोडगा : पालकमंत्र्यांचे आश्वासन

$

0

0

म. टा. प्रतिनिधी, कोल्हापूर

बस स्टॉप, खाऊ गल्ली, शाळांचा परिसर, नाट्यगृह, व्यापारी संकुल, उपनगरांकडे जाणारा महत्त्वाचा रस्ता अशा सर्व महत्वाच्या बाबींनी गजबजलेल्या शाहू मैदान परिसरात दुचाकींपासून चारचाकींच्या होणाऱ्या पार्किंगमुळे वाहतुकीची कोंडी नित्याची ठरली आहे. अनेकदा केएमटी बसेसही रस्त्यावर उभ्या केल्यानेही वाहतुकीला अडथळा निर्माण होत आहे. शाळा भरण्याच्या व सुटण्याच्या वेळेस तर अल्लादियाँ खाँ यांच्या पुतळ्यापासून मिरजकर तिकटीपर्यंतचा मुख्य रस्ता फारच धोकादायक बनत आहे.

केएमटीचा शाहू मैदानचा बसस्टॉप बालगोपाल तालीमसमोर आहे व दुसरीकडे देवल क्लबच्या इमारतीसमोर आहे. त्यातील बालगोपाल तालीमसमोर असलेल्या जागेमध्ये बसस्टॉपवर बस लावल्यास काहीच अडचण येत नाही, पण अनेकदा या स्टॉपवर बसेसची संख्या जास्त असल्यास मिरजकर तिकटीकडून येणाऱ्या रस्त्याशेजारी बस उभ्या केल्या जातात. हा रस्ता फार मोठा नाही. त्यातच शाहू मैदानच्या भिंतीशेजारी फुटपाथ आहे. समोरून येणारी वाहने व एकीकडे उभ्या असलेल्या बस यामुळे हा रस्ता अडला जातो. अनेकदा व्यापारी संकुलामध्ये येणाऱ्या नागरिकांची दुचाकी, अनेकदा चारचाकीही या रस्त्यावर उभी केलेली असते. त्यामुळे हा रस्ता वाहतुकीसाठी कोंडीचा बनतो.

शाहू मैदानच्या प्रवेशद्वारापासून खाऊ गल्ली सुरू होते. याच सुरुवातीच्या ठिकाणी रिक्षा स्टॉपही आहे. या मुख्य चौकात पादचाऱ्यांना जीव मुठीत धरूनच रस्ता ओलांडावा लागतो. सायंकाळी तर येथे रस्ता ओलांडणे फारच कठीण असते. या ठिकाणी उभ्या करण्यात येणाऱ्या दुचाकी तसेच रिक्षा यांच्यामुळे पादचाऱ्यांना, विद्यार्थ्यांना मुख्य रस्त्यावरच येऊन थांबावे लागते. या प्रकारामुळे तिथे अपघात होण्याची दाट शक्यता असते. मिरजकर तिकटीकडून येणाऱ्या रस्त्याला उतार असल्याने येणाऱ्या वाहनांचा वेग नियंत्रित करण्यासाठी स्पीड ब्रेकर बसवलेला नाही. खाऊ गल्लीपासून खाँसाहेबांच्या पुतळ्यापर्यंतच्या रस्त्यावर देवल क्लबच्या इमारतीच्या बाजूला केएमटीचा स्टॉप आहे, तर त्यासमोरील बाजूला असलेल्या दुकाने, ऑफिसेस, हॉटेलमध्ये येणाऱ्या नागरिकांची वाहने रस्त्यालगत असतात. या ठिकाणी एखादे मोठे वाहन उभे झाले तर कोंडी आणखी त्रासदायक होते. प्रायव्हेट हायस्कूलकडे जाणाऱ्या रस्त्याच्या कोपऱ्यावर रिक्षा उभ्या केल्या जातात. या रिक्षांमुळे मंगळवार पेठेतून येणाऱ्या व जाणाऱ्या वाहनांना, पादचाऱ्यांना त्रास होत असतो.

शाहू मैदान रस्ता प्रचंड वर्दळीचा आहे. त्यामुळे या रस्त्याच्या दुतर्फा वाहने पार्किंग उभी केली जाऊ नयेत हे सामान्य नागरिकांना समजते. त्यानुसार शहर वाहतूक नियंत्रण शाखेच्या पोलिसांकडून का कारवाई होत नाही, हा प्रश्न आहे. येथे अनेकवेळा चारचाकी वाहने, रिक्षा रस्ता अडवलेल्या दिसतात. त्यांच्यावर कारवाई करण्याची गरज आहे. या रस्त्यावरील वाहतूक अन्य कुठून वळवता येणे शक्य आहे का याचा अभ्यास केला पाहिजे. या परिसरात सतर्क वाहतूक पोलिस सायंकाळी तर आवश्यकच आहे.

संकेत पाटील

मोबाइल अॅप डाउनलोड करा आणि राहा अपडेट

…आणि क्रौर्याला वाचा फुटली

August 16, 2016, 2:13 pm

≫ Next: बँकेबाहेर सापडलेले ५० हजार केले परत

≪ Previous: शाहू मैदान परिसर ‘डेंजर झोन’

$

0

0

Prashant.Aher@timesgroup.com

वाई : वाई- धोम परिसराला परिचित असलेला ४९ वर्षीय 'डॉक्टर' संतोष गुलाब पोळ याने घडविलेले क्रौर्याचे दर्शन अनेकांचा थरकाप उडविणारे होते. सातारा जिल्ह्यातील पूर्व प्राथमिक शिक्षिका संघाच्या अध्यक्ष मंगल जेधे यांचा मृतदेह सापडला आणि गेल्या दहा वर्षांहून अधिक काळ दबून राहिलेल्या खुनांना वाचा फुटली. पोळ याच्या शेतातून जेसीबीच्या साह्याने पाच मृतदेह उकरून काढण्यात आले. निराधार महिलांना लक्ष्य करीत त्याने लाखो रुपयांची लूट केल्याचेही उघडकीस आले.

पोळ मूळचा धोम येथील असून सध्या तो वाई येथे पत्नी, दोन मुलांसह राहतो. वाईला पोळ हा 'गुणकारी डॉक्टर' म्हणून परिचित आहे. त्याने पाच महिलांना ठकवल्याचे उघडकीस आले आहे.

माहिती अधिकार कार्यकर्त्याच्या भूमिकेतून पुढे आलेल्या पोळने दहाहून अधिक सरकारी कर्मचारी आणि अधिकाऱ्यांना लाचलुचपत प्रतिबंधक विभागाच्या कारवाईला सामोरे जाण्यास भाग पाडले आहे. त्याच्या दहशतीला पोलिसही बळी पडल्याने त्याचे आतापर्यंत फावल्याची चर्चा आहे. पोळ याने गेल्या १३ वर्षांत सहा खून पचवले होते. चेकबाउन्स प्रकरणी त्याला पुणे कोर्टाने काढलेले अटक वॉरंट बजावण्यासही वाई पोलिस घाबरत होते.

वाई पोलिस स्टेशनचे सध्याचे प्रमुख वेताळ यांच्या बरोबर पोळ याचे वाद झाले होते. पोळ याच्याविरुद्ध अटक वॉरंट असल्याचे वेताळ यांच्या लक्षात आल्यावर त्यांनी त्याचा शोध सुरू केला होता. त्यामुळे पोळ हा वेताळ यांच्या बदलीसाठी प्रयत्न करत होता. त्याने त्याची मैत्रीण ज्योती तसेच आपल्या पत्नीकरवी वेताळ यांच्याविरुद्ध वरिष्ठ अधिकाऱ्यांकडे तक्रारी केल्या होत्या. त्यातच मंगला जेधे हरविल्याच्या प्रकरणाच्या तपासात पोळ याचे नाव समोर आले. त्यानंतर तपासाची चक्रे वेगाने फिरली. अखेर मुंबईमध्ये पोळच्या मुसक्या आवळल्या नंतर खुनांच्या घटनांना वाचा फुटली.

मोबाइल अॅप डाउनलोड करा आणि राहा अपडेट

बँकेबाहेर सापडलेले ५० हजार केले परत

August 16, 2016, 2:39 pm

≫ Next: गणेशोत्सव मंडळांची डॉल्बीविरोधात ‘प्रतिज्ञा’

≪ Previous: …आणि क्रौर्याला वाचा फुटली

$

0

0

सातारा : ५० हजार रुपये सापडल्यानंतर कोणालाही त्याचा मोह होईल, पण एका १५ वर्षांच्या मुलाने प्रामाणिकपणे हे योग्य व्यक्तीकडे जमा केले. सोहम दुर्गेश गवळी, असे या मुलाचे नाव आहे. ही घटना बीड बायपासवरील स्टेट बँक ऑफ हैदराबादमध्ये घडली.

प्रवीण गंगवाल हे कंत्राटदार मंगळवारी दुपारी एक वाजता बँकेत एक लाख २० हजार रुपये भरण्यासाठी आले होते. त्यांचे ५०० रुपयांच्या नोटा असलेले ५० हजार रुपयांचे बंडल बँकेबाहेर खिशातून पडले. ते पैसे भरण्यासाठी काउंटरवर आले असता ५० हजार रुपये कमी असल्याचे लक्षात आले. त्यांनी पत्नीला फोन पैसे कमी दिल्याबद्दल विचारणा केली. यादरम्यान, आईच्या खात्यावर ५०० रुपये जमा करण्यासाठी रेणुकामाता मंदिर परिसरातील रहिवासी सोहम दुर्गेश गवळी हा बँकेत आला. त्याने चप्पल बँकेबाहेर काढली, पण आत सगळ्यांच्या पायात चपला असल्याने तो चप्पल घालण्यासाठी बाहेर आला. त्यावेळी ५०० रुपयांचे बंडल दिसले. हे बंडल त्याने लेखापाल जनार्दन गायके यांच्याकडे जमा केले. गायके यांनी खात्री करून संबंधितांना ते पैसे परत केले. गंगवाल यांनी सोहम याला ५०० रुपये बक्षीस दिले.

मोबाइल अॅप डाउनलोड करा आणि राहा अपडेट

गणेशोत्सव मंडळांची डॉल्बीविरोधात ‘प्रतिज्ञा’

August 16, 2016, 2:30 pm

≫ Next: हद्दवाढीसाठी मुंबईतील बैठकीकडे लक्ष

≪ Previous: बँकेबाहेर सापडलेले ५० हजार केले परत

$

0

0

कोल्हापूर टाइम्स टीम

गणेशोत्सव काळात आवाज मर्यादेचा भंग करणारे डॉल्बी वापरू नयेत, असे आवाहन पोलिस प्रशासनाने केले आहे. या आवाहनाला प्रतिसाद देत शहरातील गणेशोत्सव मंडळांनी डॉल्बी वापरणार नाही, असे प्रतिज्ञापत्र पोलिसांना दिले आहे. सर्वच पोलिस ठाण्यांनी बैठका घेऊन मंडळांची भूमिका जाहीर केली आहे. त्यामुळे पोलिसांना शब्द देऊन ऐनवळी डॉल्बीचा वापर करणाऱ्या मंडळांवर त्याचक्षणी कारवाई करण्याची भूमिका पोलिसांनी घेतली आहे.

आवाज मर्यादेचा भंग करणाऱ्या डॉल्बीमालकांसह संबंधित गणेश मंडळांवर सर्वोच्च न्यायालयाच्या आदेशानुसार कडक कारवाई करण्याची भूमिका पोलिसांनी घेतली आहे. विशेष पोलिस महानिरीक्षक विश्वास नांगरे-पाटील यांनी डॉल्बी लावून नियमांचे उल्लंघन करणाऱ्या मंडळांवर कारवाईचे आदेश दिले आहेत. या पार्श्वभूमीवर जिल्ह्यातील सर्व पोलिस ठाण्यांनी डॉल्बी न वापरण्याचे आवाहन गणेश मंडळांना केले आहे. पोलिसांनी मंडळांच्या पदाधिकाऱ्यांच्या बैठकाही घेतल्या. डॉल्बी मालक आणि विक्रेत्यांनाही सूचना दिल्या आहेत. जुना राजवाडा पोलिसांनी प्रथमच डॉल्बी विक्रेते आणि दुरुस्ती करणाऱ्या दुकानांवरही कारवाई केली. पोलिसांनी वारंवार बैठका घेऊन डॉल्बीमुक्तीचे आवाहन केल्याने शहरातील प्रमुख तीसहून अधिक मंडळांनी डॉल्बीला फाटा देण्याचा निर्णय घेतला आहे. तसे पत्रही पोलिसांना दिले आहे. राजवाडा पोलिस ठाण्याच्या अंतर्गत असलेले वेताळ, बाबुजमाल, खंडोबा, बालगोपाल, दिलबहार, संयुक्त शिवाजी चौक, लेटेस्ट आदी मंडळांनी डॉल्बीविरोधी भूमिका घेतली. राजारामपुरी परिसरातील जय हनुमान, जवाहरनगर आदी मंडळांनी सकारात्मक प्रतिसाद दिला. शाहूपुरीतील तीन मंडळांनी गणेशोत्सव काळात डॉल्बी वापरणार नसल्याचे सांगितले, तर करवीरमधील ४१० मंडळांना पोलिसांनी डॉल्बी न वापरण्याच्या नोटिसा दिल्या आहेत.

गेल्या दोन वर्षांत शहरातील बहुतांश मंडळांनी डॉल्बीविरोधी भूमिका घेतली. मात्र ऐनवेळी गणेश विसर्जन मिरवणुकीत डॉल्बीचा वापर करून त्यांनी स्वतःच्याच निर्णयाला हरताळ फासला. याहीवेळी काही प्रमुख मंडळे डॉल्बीविरोधात पुढे आली आहेत. त्यांनी पुन्हा मागील वर्षाची पुनरावृत्ती करू नये, यासाठी पोलिसांनी मंडळांकडून प्रतिज्ञापत्रे लिहून घेतली आहेत. मंडळांनी दिलेला शब्द फिरवल्यास त्यांच्यावर कडक कारवाईचाही इशारा पोलिसांनी दिला आहे. गेल्या वर्षी शिवाजी पेठ, मंगळवार पेठ, राजारामपुरी या परिसरातील काही प्रमुख मंडळांनी विसर्जन मिरवणुकीत डॉल्बीचा वापर करून धिंगाना घातला होता. पोलिसांनी ६२ मंडळांवर गुन्हे दाखल केले होते. या मंडळातील पदाधिकाऱ्यांसह डॉल्बी मालक आणि वाहनधारकांनाही कोर्टात हेलपाटे घालावे लागत आहेत. मंडळांवर हीच वेळ पुन्हा येऊ नये, यासाठी पोलिसांकडून मंडळातील पदाधिकाऱ्यांचे प्रबोधन केले जात आहे. डॉल्बी वापरणार नाही, असे प्रतिज्ञापत्र देऊन ऐनवेळी डॉल्बी वापरून आवाज मर्यादेचा भंग करणाऱ्या मंडळांना कायदेशीर कारवाईचा सामना करावा लागणार आहे.


गणेश आगमनावरही पोलिसांची नजर

गणेश आगमनाच्या निमित्ताने तीन-चार दिवस मिरवणूक आणि डॉल्बीचा दणदणाट सुरू असतो. यामुळे ध्वनीप्रदूषण होते. त्याचबरोबर वाहतुकीतही मोठा अडथळा निर्माण होतो. यावेळी गणपती आगमनावरही पोलिसांची करडी नजर राहणार आहे. डॉल्बी वापरणाऱ्या मंडळांवर गुन्हे दाखल करून डॉल्बी जप्तीची कारवाईही होणार आहे.

०००

शहरात हजारावर गणेश मंडळे आहेत. यातील चळीत ते पन्नास मंडळे मोठ्या आवाजाच्या डॉल्बीचा वापर करतात. यावेळी संबंधित मंडळांना नोटिसा दिल्या आहेत. अनेक मंडळांनी डॉल्बी वापरणार नाही, असे प्रतिज्ञापत्रही लिहून दिले आहे. त्यामुळे दिलेला शब्द मोडणाऱ्या मंडळांच्या पदाधिकाऱ्यांवर गुन्हे दाखल होतील. त्याचबरोबर डॉल्बी जप्तीची कारवाई केली जाईल.

भरतकुमार राणे

पोलिस उपाधीक्षक, शहर

मोबाइल अॅप डाउनलोड करा आणि राहा अपडेट

---

हद्दवाढीसाठी मुंबईतील बैठकीकडे लक्ष

August 16, 2016, 2:30 pm

≫ Next: भुयारी गटरवरुन प्रशासन कोंडीत

≪ Previous: गणेशोत्सव मंडळांची डॉल्बीविरोधात ‘प्रतिज्ञा’

$

0

0

म. टा. प्रतिनिधी, कोल्हापूर

सध्या आंदोलन, प्रतिआंदोलनामुळे कोल्हापूरच्या हद्दवाढीचा प्रश्न गाजत आहे. पालकमंत्री चंद्रकांत पाटील यांनी समर्थक व विरोधकांना दिलेल्या आश्वासनाप्रमाणे आता मुख्यमंत्र्यांसोबतच्या बैठकीकडे साऱ्यांचे लक्ष लागले आहे. पालकमंत्री पाटील हे बुधवारी मुंबईला जाणार आहेत. त्यानंतरच बैठकीची तारीख निश्चित होण्याची शक्यता आहे. जिल्हा परिषदेच्या निवडणुकीची प्रक्रिया सुरू होण्यापूर्वी याबाबतचा निर्णय अपेक्षित आहे.

अधिवेशनादरम्यान मुख्यमंत्री देवेंद्र फडणवीस यांनी समर्थक व विरोधक अशा दोन्ही बाजूकडील नेत्यांशी चर्चा करण्याचे आश्वासन दिले होते. त्यानुसार बैठक झाली. पण त्यावेळी पुन्हा दोन्ही बाजूकडील मोजक्याच नेत्यांशी चर्चा करुन निर्णय घेतला जाईल, असे मुख्यमंत्र्यांनी सांगितले. त्याबाबत काही नियोजन झाले नसल्याने समर्थकांकडून धरणे आंदोलन करुन हद्दवाढीचा निर्णय न घेतल्यास २२ ऑगस्टपासून बेमुदत उपोषण करण्याचा इशारा दिला. या आंदोलनावेळीच पालकमंत्री चंद्रकांत पाटील यांनी आमदार राजेश क्षीरसागर यांना दोन दिवसात ही बैठक घेण्याचे नियोजन केले जात असल्याचे सांगितले. या बैठकीत सर्वसमावेशक तोडगा काढण्यात येईल असेही सांगितले होते. मुख्यमंत्री हद्दवाढीबाबत सकारात्मक असल्याने कोल्हापूरबाबत होत असलेला विरोध कमी करण्याचे काम करावे लागणार आहे. त्यादृष्टीने या ग्रामीण भागातील विकासाबाबतचा आराखडा मंजूर करण्याचा किंवा प्राधिकरण स्थापन करण्याचा विचार होऊ शकतो. हद्दवाढीबाबत महापालिका आग्रही झाली असून हद्दवाढ झाल्यानंतरच शहराबरोबरच परिसराचा विकास होण्याची आशा आहे. त्यासाठी हद्दवाढीमध्ये समाविष्ट होणाऱ्या गावांसाठी सुविधा देण्याची तयारी ठेवली आहे. हद्दवाढीनंतर ग्रामीण भागातील जनतेला करांमधून सवलत मिळणार आहेच. शिवाय या भागांमध्ये महापालिकेच्यावतीने विशेष फंड देण्यासाठीही तरतूद करण्याची तयारी केली आहे. शहरवासियांवर पडणारा भार कमी करण्याच्यादृष्टीने व परिसराचा विकास साधण्यासाठी हद्दवाढ हा एकमेव पर्याय असल्याने जिल्हा परिषद निवडणुकीची प्रक्रिया सुरू होण्यापूर्वी निर्णय होण्यासाठी हद्दवाढ कृती समितीच्यावतीने प्रयत्न केले जात आहेत.

मटा भूमिका

शहराची गेल्या ४० वर्षाच्या कालावधीत एक इंचही हद्द वाढलेली नाही. यामुळे शहराची वाढ खुंटली आहे. मात्र परिसरातील ग्रामीण भागातून दररोज नोकरी, रोजगाराच्यानिमित्ताने शहरात येत असलेल्या लोकसंख्येमुळे शहरातील पायाभूत सुविधांवर ताण येत आहे. पाणीपुरवठा, आरोग्य सेवांसारख्या अत्यावश्यक सेवांवरही मोठा परिणाम होत आहे. कचऱ्यावर प्रक्रिया करण्यासाठी शहरात जागा नसल्याने दहा वर्षांपासून महापालिका जागा शोधत आहे. अनेक जागांना विरोध केला असल्याने महापालिका हतबल झाली. त्याचा परिणाम शहरात दिसत आहे. अनेक ठिकाणी कचरा मोठ्या प्रमाणावर साठत असून त्यातून आरोग्याचे प्रश्न निर्माण होत आहेत. शहराची लोकसंख्या वाढत असून या लोकसंख्येसाठी सुविधा उपलब्ध करुन देण्यासाठी विक्रेंदीत पद्धतीचा उपयोग करण्याची आवश्यकता आहे. त्यासाठीही जागेची आवश्यकता आहे. या पद्धतीमुळे शहरावर येणारा लोकसंख्येचा भार विभागला जाईल. यापूर्वी राजकीय नेत्यांनी हद्दवाढीबाबत आक्रमक भूमिका घेतली नाही. त्यामुळे सरकारच्या पातळीवर हा विषय कायमच दुर्लक्षित केला गेला. सध्या मात्र हद्दवाढीच्यादृष्टीने शहरातून जोराचा उठाव होत आहे. जिल्ह्याचे केंद्र असलेल्या शहराचा विकास झाला तरच परिसराच्या विकासाला गती येणार आहे, याबाबत गांभीर्याने विचार केला पाहिजे.

मोबाइल अॅप डाउनलोड करा आणि राहा अपडेट

भुयारी गटरवरुन प्रशासन कोंडीत

August 16, 2016, 2:30 pm

≫ Next: ‘खंडपीठासाठी अॅडव्हान्स सुविधा देऊ’

≪ Previous: हद्दवाढीसाठी मुंबईतील बैठकीकडे लक्ष

$

0

0

म. टा. वृत्तसेवा,इचलकरंजी -

वादग्रस्त भुयारी गटार योजना, शहरातील कचरा उठाव आणि सफाई कर्मचाऱ्यांच्या बदल्या या प्रश्नांवरुन सदस्यांनी मंगळवारी नगरपालिका विशेष सभेत मुख्याधिकारी डॉ. प्रशांत रसाळ आणि आरोग्याधिकारी डॉ. सुनीलदत्त संगेवार यांना कोंडीत पकडले. भुयारी गटर योजनेसाठी नगरपालिका हिश्श्याचे दीड कोटी रुपये भरण्यासह या योजनेचा प्रकल्प अहवाल तयार करण्याची जबाबदारी दिलेल्या संदीप गुरव यांनी नगरपालिकेचे कोट्यवधीचे नुकसान केल्याप्रकरणी त्यांच्यासह संबंधित अधिकाऱ्यांवर कारवाई करण्याचा निर्णयही घेण्यात आला. दरम्यान, गत सभेतील निर्णयानुसार नगरपालिका सभेतील कामकाजाचे चित्रीकरण सुरु करण्यात आले.

भुयारी गटर योजना कामासाठी नगरपालिका हिश्श्याच्या रकमेची तरतूद करणे, आरोग्य विभागाकडील बिले अदा करण्यासाठी प्राप्त निधीतून दीड कोटी रुपये वर्ग करणे, शहर हागणदारीमुक्तसह घनकचरा व्यवस्थापन अंतर्गत प्राप्त निधीतून दीड कोटी रुपयांची तरतूद करणे आदी सहा विषयांवर चर्चा करुन निर्णय घेण्यासाठी नगराध्यक्षा शुभांगी बिरंजे यांनी विशेष सभा बोलविली होती.

सभेच्या प्रारंभीच नगरसेवक भाऊसो आवळे, रणजित जाधव, सयाजी चव्हाण यांनी शहापूर व गणेशनगर भागातील भुयारी गटर योजनेच्या कामाबद्दल नाराजी व्यक्त करीत प्रशासनावर ताशेरे ओढले. पाइपलाइनसाठी १२ कोटी चार लाखांची तरतूद असून आतापर्यंत झालेल्या ५० किलोमीटर पाइपलाइन काम झाले असून ठेकेदाराला आठ कोटी रुपये दिले आहेत. परंतु त्याने नियमानुसार रस्त्यांचे काम न केल्याने या कामाची चौकशी करण्याची मागणी केली. शविआचे पक्षप्रतोद अजितमामा जाधव यांनी ५५ टक्के कामासाठी इतकी रक्कम अदा केली असेल तर उर्वरीत कामासाठी आणखीन तरतूद करावयाची काय असा सवाल करुन प्रत्यक्ष कामाची पाहणी करण्याचा मुद्दा उपस्थित केला. तसेच संबंधितांवर कारवाई करुन त्याच्याकडून रस्त्याची कामे पुन्हा करुन घ्या अन्यथा नगराध्यक्षा, मुख्याधिकारी यांच्यावर जबाबदारी राहिल असे सांगितले. अखेर अर्धा तासाच्या चर्चेनंतर भुयारी गटर योजनेसाठी पालिका हिश्श्याची दीड कोटी रुपये भरण्याचा निर्णय घेण्यात आला.

शहरातील कचऱ्याचा प्रश्न गंभीर बनल्याने मुख्याधिकारी डॉ. रसाळ यांनी १८ कर्मचाऱ्यांच्या बदल्यांचा आदेश दिला आहे. त्याला आक्षेप घेत नगरसेवक श्रीरंग खवरे यांनी, कोणाला विचारुन या बदल्या केल्या जातात अशी विचारणा केली. त्यावर रसाळ यांनी मागील सभेमध्ये या प्रश्नात सदस्यांचा हस्तक्षेप नको असे ठरले असतानाही हा गदारोळ कशासाठी असा सवाल करत सांभाळण्याच्या वृत्ती व हितसंबंधामुळे सफाई कर्मचाऱ्यांची मनमानी होत असल्याचे सांगितले. आरोग्य विभागातील १३६ कर्मचारी विविध विभागात सोयीनुसार कामास आहेत. त्यांना आरोग्य विभागात परत बोलविल्यास पाणी पुरवठा व अन्य विभागातील कामाचे नियोजन कोलमडेल. सभागृहाने निर्णय केल्यास सर्वांच्या बदल्या रद्द करण्यात येतील असे सांगितले.

शहरातील कचरा उठावात होत असलेल्या दिरंगाईवरुन सदस्यांनी प्रशासनाला कोंडीत पकडण्याचा प्रयत्न केला. नगरसेवविका सुप्रिया गोंदकर यांनी रसना कॉर्नर परिसरातील परिस्थितीची माहिती देऊनही आरोग्याधिकारी डॉ. संगेवार यांना वारंवार सांगूनही त्याकडे दुर्लक्ष होत असल्याकडे लक्ष वेधले. तर सुनीता मोरबाळे यांनीही डॉ. संगेवार हे बारा बारा तास काम करतात तर स्वच्छता का होत नाही असा सवाल केला..

चौकट

घंटागाडी केवळ नावालाच

कोट्यवधी रुपये खर्च करुन आरोग्य विभागाने शहर स्वच्छतेसाठी खासगी ठेकेदारांची नेमणूक केली आहे. त्यांच्याकडून कचरा एकत्र करण्यासाठी घंटागाडी हा उपक्रम राबविण्यात आला. परंतु कित्येक प्रभागात घंटागाडी केवळ नावालाच असल्याचा आरोप सदस्यांनी यावेळी केला. पैसे खर्च करुनही शहर स्वच्छ होत नसेल तर हा पैसा जातो कोठे असा आरोप करत मुख्याधिकारी व आरोग्याधिकारी यांच्यावर सदस्यांनी प्रश्नांचा भडीमार केला. त्यावर डॉ. संगेवार यांनी ठेकेदारांची बिले काढली नसल्याचा एकच मुद्दा अनेकवळा उपस्थित केला.

मोबाइल अॅप डाउनलोड करा आणि राहा अपडेट

‘खंडपीठासाठी अॅडव्हान्स सुविधा देऊ’

August 16, 2016, 2:30 pm

≫ Next: महसूल कायद्यात लवकरच बदल

≪ Previous: भुयारी गटरवरुन प्रशासन कोंडीत

$

0

0

म. टा. प्रतिनिधी, कोल्हापूर

कोल्हापूर येथे उच्च न्यायालयाचे खंडपीठ सुरू व्हावे यासाठी गेल्या दीड वर्षात पालकमंत्री चंद्रकांत पाटील यांच्याकडून सुरू असलेल्या प्रयत्नांबाबत खंडपीठ कृती समितीने मंगळवारी (ता. १६) मंत्री पाटील यांचा सत्कार केला. न्यायसंकुलाच्या सभागृहात पार पडलेल्या या कार्यक्रमात बोलताना मंत्री पाटील यांनी, 'गरज पडल्यास खंडपीठासाठी अॅडव्हान्स मूलभूत सुविधा निर्माण करू' असे आश्वासन दिले. न्यायाधीशांच्या निवासस्थानांसाठीही सार्वजनिक बांधकाम विभागाकडे प्रस्ताव सादर करण्याच्या सूचना दिल्या.

कोल्हापूरसह सहा जिल्ह्यांसाठी उच्च न्यायालयाचे खंडपीठ सुरू व्हावे यासाठी गेल्या २७ वर्षांपासून सुरू असलेल्या लढ्याला राज्य सरकारने बळ दिले आहे. सरकारच्या ठरावानंतर त्याच्या पूर्ततेसाठी पालकमंत्री चंद्रकांत पाटील यांच्याकडून पाठपुरावा सुरू आहे. त्यामुळे खंडपीठ कृती समितीने मंगळवारी न्यायसंकुलाच्या सभागृहात मंत्री पाटील यांचा सत्कार केला.

यावेळी खंडपीठ कृती समितीचे अध्यक्ष अॅड. प्रकाश मोरे म्हणाले, 'राज्य सरकारने केवळ कोल्हापूरसाठी नव्याने ठराव करावा. उच्च न्यायालयातील न्यायाधीशांच्या रिक्त जागा भराव्यात. कोल्हापुरात किमान आठ न्यायाधीशांना कामकाज पाहता येईल, अशी सुसज्ज इमारत उभारावी. मुख्यमंत्री आणि मुख्य न्यायमूर्तींसोबत संयुक्त बैठक आयोजित करावी, त्याचबरोबर पालकमंत्र्यांनी जिल्हा बार असोसिएशनच्या ग्रंथालयाला जाहीर केलेला २५ लाखांचा निधी द्यावा.'

मंत्री पाटील यांनी सत्काराला उत्तर देताना खंडपीठ मागणीच्या आशा पल्लवित केल्या. ते म्हणाले, 'कोल्हापूरच्या खंडपीठासाठी राज्य सरकार सकारात्मक आहे. त्यामुळे ११०० कोटी रुपयांची तरतूदही केली आहे. ठरावात काही त्रुटी असतील तर, केवळ कोल्हापूरसाठी नव्याने ठराव करू. गरज असेल तर, खंडपीठासाठी अॅडव्हान्स सुविधाही देण्यास सरकार तयार आहे.'

'मुख्यमंत्री, उच्च न्यायलयाचे मुख्य न्यायमूर्ती आणि खंडपीठाच्या संयुक्त बैठकीबाबत प्रोटोकॉल काय आहे ते पाहून निर्णय घ्यावा लागेल', असे पालकमंत्री सांगितले. बार असोसिएशनच्या ग्रंथालयासाठीही २५ लाखांची रक्कम तातडीने देत असल्याचे त्यांनी सांगितले. यावेळी अॅड. प्रकाश मोरे यांच्या हस्ते संविधानाची प्रत देऊन मंत्री चंद्रकांत पाटील यांचा सत्कार करण्यात आला. सातारा जिल्हा बार असोसिएशनचे संभाजीराव मोहिते यांनीही मंत्री पाटील यांचा सत्कार केला.

जिल्हा व सत्र न्यायालयातील मुख्य न्यायाधीश आर. जी. अवचट यांच्यासह सर्व न्यायाधीश, बार असोसिएशनचे पदाधिकारी आणि वकील मोठ्या संखेने उपस्थित होते. अॅड. सर्जेराव खोत यांनी सूत्रसंचलन केले.

न्यायाधीशांसाठी निवासस्थाने

जिल्हा व सत्र न्यायालयातील न्यायाधीशांसाठी नवीन निवासस्थानांची आवश्यकता आहे. याबाबतची माहिती चंद्रकात पाटील यांना मिळताच त्यांनी तातडीने सार्वजनिक बांधकाम विभागातील अधिकाऱ्यांना बोलवून घेतले. निवासस्थानांची सध्यस्थिती पाहून नवीन निवासस्थानांसाठी प्रस्ताव घ्यावा अशा सूचना त्यांनी संबंधितांना दिल्या. यामुळे न्यायाधीशांसाठी नवी निवासस्थाने निर्माण होणार आहेत.

मोबाइल अॅप डाउनलोड करा आणि राहा अपडेट

महसूल कायद्यात लवकरच बदल

August 16, 2016, 2:30 pm

≫ Next: अठरा गावांचा विकास कसा करणार?

≪ Previous: ‘खंडपीठासाठी अॅडव्हान्स सुविधा देऊ’

$

0

0

म. टा. प्रतिनिधी, कोल्हापूर

'महसूल कायद्यात आवश्यकतेनुसार बदल करण्याची कार्यवाही करण्यास राज्य सरकारने प्राधान्य दिले आहे. यासाठी जुन्या कायद्यांचा अभ्यास आणि तज्ज्ञांचे मार्गदर्शन घेतले जाईल. याबरोबरच अकारी पड जमिनी (इनामी आणि बक्षिसी)जमीन मालकांना परत करण्याचा क्रांतिकारी निर्णय राज्य सरकारने नुकताच घेतला आहे. शिवाय पुढील काळात वतनी जमिनी एकदा नजराणा घेऊन नावावर केल्यास पुन्हा विकताना महसूल विभागाच्या परवानगीची गरज भासणार नाही. याबाबतचा निर्णय लवकरच घेतला जाईल, असे पालकमंत्री चंद्रकांत पाटील यांनी स्पष्ट केले.

जिल्हाधिकारी कार्यालयाच्या प्रांगणात आयोजित मुख्य शासकीय ध्वजवंदन कार्यक्रमात प्रमुख पाहुणे म्हणून ते बोलत होते.

सातबारावर पुरुषांबरोबर महिलेचे नाव चढविण्याचे विशेष अभियान महसूल विभागामार्फत हाती घेतल्याचे सांगून पाटील म्हणाले, 'आतापर्यंत लाखावर महिलांचे नाव सातबारावर चढविण्यात आले आहे. या महिलांना शेतीविषयक माहिती आणि मार्गदर्शन करण्यासाठी महसूल सप्ताहाची व्याप्ती वाढवून तो पंधरवडा करण्यात आला. पुढील काळातही पुरुषांबरोबर महिलेचे नाव सातबारावर चढविताना कसलीही फी आकारली जाणार नाही.'

यावेळी महापौर आश्विनी रामाणे, जिल्हा परिषदेचे अध्यक्षा विमल पाटील, श्रीमंत शाहू महाराज छत्रपती, ज्येष्ठ नेते प्रा. डॉ. एन. डी. पाटील, कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील, जिल्हाधिकारी डॉ. अमित सैनी, मुख्य कार्यकारी अधिकारी डॉ. कुणाल खेमणार, महापलिका आयुक्त पी. शिवशंकर, पोलिस अधीक्षक प्रदीप देशपांडे, अप्पर जिल्हाधिकारी नंदकुमार काटकर, निवासी उपजिल्हाधिकारी शंकर बर्गे, उपमहापौर शमा मुल्ला, अप्पर पोलिस अधीक्षक सुहेल शर्मा आदी उपस्थित होते.

पालकमंत्र्यांच्या हस्ते यावेळी राष्ट्रपती पदक जाहीर झालेल्या पोलिस अधिकारी व कर्मचाऱ्यांचा सत्कार करण्यात आला. तसेच नैसर्गिक आपत्तीवेळी, विशेषतः पूर परिस्थितीत महत्त्वाची कामगिरी बजावणाऱ्या विविध सेवाभावी संस्थांचाही प्रशस्तीपत्र देऊन सत्कार करण्यात आला. महिला व बालविकास विभागाकडील 'माझी कन्या भाग्यश्री,' योजनेंतर्गत महिलांना प्रशस्तीपत्र, वृक्ष लागवड मोहिमेंतर्गत उत्कष्ट काम केलेल्या संस्था आणि व्यक्ती तसेच ग्रामपंचायतींचा सत्कार करण्यात आला. कन्यागत महापर्वकाळ सोहळ्यासाठी मदत करणाऱ्या संस्था, व्यक्ती तसेच एनसीसी ग्रुपचाही सत्कार करण्यात आला. उल्लेखनीय कामगिरीबद्दल जिल्हाधिकाऱ्यांसह अन्य अधिकाऱ्यांचा सत्कार श्रीमंत शाहू महाराज छत्रपती यांच्या हस्ते सत्कार करण्यात आला. यामध्ये जिल्हाधिकारी डॉ. अमित सैनी, विशेष पोलिस महानिरीक्षक नांगरे-पाटील, पोलिस अधीक्षक देशपांडे, मुख्य कार्यकारी अधिकारी डॉ. खेमणार, महापालिका आयुक्त पी. शिवशंकर यांचा समावेश होता.

मोबाइल अॅप डाउनलोड करा आणि राहा अपडेट

अठरा गावांचा विकास कसा करणार?

August 16, 2016, 2:30 pm

≫ Next: आता तहसीलदारांकडून ‘एनए’

≪ Previous: महसूल कायद्यात लवकरच बदल

$

0

0

म. टा. प्रतिनिधी, कोल्हापूर

'शहरातील रस्त्यांची चाळण झाली आहे. सावित्रीबाई फुले हॉस्पिटलची दूरवस्था झाली आहे. शाळा बंद पडल्या आहेत. आरक्षणे टाकली जात आहेत, उठवली जात आहेत. उपनगरात सुविधा नाहीत. महापालिकेने शहराला सक्षमपणे सुविधा पुरवाव्यात आणि मग आमच्याकडे अधिकारवाणीने यावे. तत्पुर्वी १८ गावांचा विकास कसा करणार हे सांगावे?' असा सवाल आमदार चंद्रदीप नरके यांनी केला. हद्दवाढीला विरोध करण्यासाठी १८ गावांच्यावतीने जिल्हाधिकारी कार्यालयासमोर धरणे आंदोलन झाले. यावेळी आमदारांवर हद्दवाढ समर्थकांनी केलेल्या टीकेचा समाचारही घेण्यात आला. आंदोलनात भाजपाचे आमदार अमल महाडिक, शिवसेनेचे डॉ. सुजित मिणचेकर, माजी आमदार संपतराव पवार यांच्यासह सर्व राजकीय पक्षाचे कार्यकर्ते सहभागी झाले होते.

आमदार नरके म्हणाले, 'हद्दवाढीला विरोध हा आमच्या राजकीय फायद्यासाठी नाही. १८ गावांतील जनतेने हद्द्वाढीच्या विरोधात जे जनमत व्यक्त केले आहे. महापालिकेने हद्दवाढीतील गावांसाठी दोन कोटींची तरतूद केली आहे, दुसरीकडे १४ व्या वित्त आयोगातून ६७ कोटींच्या कामांचा आराखडा तयार आहे. कोल्हापूर महापालिकेला स्वतःच्या शहरातील समस्या सोडवण्यासाठी सक्षम यंत्रणा नसताना १८ गावांत विकास कसा करणार हे प्रथम सांगावे. ग्रामिण अर्थव्यवस्था व संस्कृती नष्ट करून दबावाने हद्दवाढ करण्याचा प्रयत्न केला तर तो हाणून पाडला जाईल. आम्हाला टोल आंदोलनापेक्षा जादा टोकाचा संघर्ष करावा लागेल.'

आमदार अमल महाडिक म्हणाले, 'शहराची ४४ वर्षे हद्दवाढ का झाली नाही याचे उत्तर सर्व प्रथम जुन्या लोकप्रतिनिधींनी द्यावे. आम्ही शहराच्या विकासाच्या विरोधात नाही. शहराच्या विकासासाठी अमृत योजनेतून १६५ कोटींचा निधी मंजूर झाला. एकीकडे शहराचा विकास करताना दुसरीकडे ग्रामिण भागाचा विकास करताना १४ व्या वित्त आयोगातून चांगला निधी मिळाला आहे. १८ गावांच्या हद्दवाढीच्या समावेशाला आमचा विरोध आहे. दुसरीकडे शहराचा विकासास भरघोस निधी आणण्यास आम्ही कटीबध्द आहोत.'

आमदार सुजित मिणचेकर म्हणाले, 'शहरातील रस्त्यात खड्डा शोधावा लागतो व खड्ड्यात रस्ता शोधावा लागतो. पाण्याची कायम ओरड आहे. १९८५ पासून किती आरक्षणे उठवली आणि किती बसवली हा संशोधनाचा विषय आहे. महानगरपालिका ग्रामिण भागाला सोयीसुविधा पुरवत असले तरी शहरात पाणी, दूध, साखर, भाजीपाला पुरवठा करून शहराची भूक भागवण्याचे काम ग्रामीण जनता करत आहे.'

माजी आमदार संपतराव पवार यांनी, 'हद्दवाढीने ग्रामिण जनतेचे वाटोळे होणार आहे. बळजबरीने हद्दवाढ होत असेल तर त्याला लोकशाही मार्गाने अहिंसक पध्दतीने आंदोलन सुरू केले जाईल', असा इशारा दिला. जिल्हा परिषदेचे उपाध्यक्ष शशिकांत खोत, जिल्हा परिषदेचे सदस्य बाजीराव पाटील, एस. आर. पाटील, नाथाजी पोवार, अजित नरके, जिल्हा परिषदेचे सदस्य महेश चव्हाण यांची भाषणे झाली.

आरक्षणांच्या श्वेतपत्रिकेची खासदार शेट्टीची मागणी

'शहरातील अनेक जागांवर कारभाऱ्यांनी आरक्षणे टाकली आहेत व काढली आहेत. आरक्षण प्रकरणी सरकारने श्वेतपत्रिका काढावी', अशी मागणी खासदार राजू शेट्टी यांनी केली. 'शहरातील जागा संपला असल्याने कारभाऱ्यांचा ग्रामिण भागांवर डोळा आहे. त्यामुळे ग्रामिण व्यवस्था भरडली जाईल. शेतकऱ्यावर होणारा अन्यायाच्याविरोधात संघर्ष केला जाईल. तरीही सरकारने हद्दवाढीचा प्रयत्न केला तर त्याचे उत्तर जिल्हा परिषदेच्या निवडणुकीत मिळेल' असा इशारा त्यांनी दिला.

तर काळा चहा प्यायला लागेल

'हद्दवाढी समर्थकांनी केलेल्या आंदोलनात, ग्रामिण भागातील जनेतच्या सुविधा तोडाव्यात अशी मागणी केली होती. पण आम्ही सबुरीने घेत आहेत. जर आम्ही दूध बंद केले तर तुम्हाला काळा चहा प्यायला लागेल', असा इशारा आमदार नरके यांनी दिला. आम्ही बालिंगा, नागदेवाडी व शिंगणापूरचे पाणी बंद केले तर पाणी प्यायला मिळणार नाही. थेट पाइपलाइनही आमच्या गावातूनच जाते' याकडेही त्यांनी लक्ष वेधले.

मुलगी कोण देईल?

हद्दवाढ विरोधी पदाधिकाऱ्यांनी नेते मंडळींना न जुमानता कडवट टीका केली. शिरोली पुलाची येथील गोविंद घाटगे यांनी 'महापालिकेला एड्स झाला आहे, मग आमची पोरगी कशी द्यायची' अशी टीका केली. यावेळी त्यांना रोखण्याचा प्रयत्न नेत्यांनी केला. 'जर हद्दवाढ करताना शिरोलीकडे बघतले तर डोळे काढले जातील' अशा इशाराही त्यांनी दिला.

मोबाइल अॅप डाउनलोड करा आणि राहा अपडेट