सोलापुरात अवकाळी पाऊस

April 6, 2016, 10:57 am

≫ Next: जिल्ह्यातील तीन हजार संस्थांवर गंडांतर

≪ Previous: उपक्रमांची पायवाट दाखविणारी शाळा

$

0

0

म. टा. वृत्तसेवा, सोलापूर
सोलापूर शहर आणि जिल्ह्यात बुधवारी सायंकाळी तासभरात जोरदार पाऊस झाला. पंढरपूर, सांगोला, मोहोळ तसेच बार्शी तालुक्यातही पावसाच्या जोरदार सरी कोसळल्या.
बार्शी तालुक्यातील वैराग येथे झालेल्या जोराच्या पावसामुळे भाजी मंडई पूर्णपणे जलमय झाली. सांगोला तालुक्यातील कडलास येथे वीज पडून मधुकर गायकवाड या शेतकऱ्याची गाय मरण पावली. शहरात सायंकाळी तासभर पडलेल्या पावसामुळे हवेत गारवा निर्माण झाला असला तरी दिवसभराच्या कडक उन्हामुळे रात्री उखाड्यात प्रचंड भर पडली.
जिल्ह्यात आठवडाभरापासून अवकाळी पावसाने जोर धरला आहे. दोन दिवसांपूर्वी वादळी वारे आणि वीजांच्या कडकडाटांसह शहर आणि परिसरात पाऊस झाला होता. ठिकठिकाणी झाडे उन्मळून पडली होती. इलेकट्रीक वायरी तुटून वीजपुरवठा खंडित झाला होता. शहरवासिय ४२ अंश सेल्सिअस इतक्या तापमानाचा सामना करीत आहेत. कडक उन्हामुळे शहरवासियांना बाहेर पडणेही मुश्किल बनले आहे. दिवसभर रस्ते ओस पडू लागली आहेत. बाजारपेठांवर देखील परिणाम झाला आहे. अंगाची लाही लाही करणाऱ्या या उन्हामध्ये अवकाळी पावसाने जोर धरल्यामुळे सायंकाळी धग आणखी वाढून नागरिकांची झोप उडाली आहे.
दरम्यान, सध्या शेतामध्ये फारशी पिकं नसल्यामुळे या अवकाळीचा फटका पिकांना बसलेला नाही.

मोबाइल अॅप डाउनलोड करा आणि राहा अपडेट

---

जिल्ह्यातील तीन हजार संस्थांवर गंडांतर

April 5, 2016, 2:30 pm

≫ Next: सराफांच्या प्रश्नावर सोमवारी जिल्हा बंदचा इशारा

≪ Previous: सोलापुरात अवकाळी पाऊस

$

0

0

म. टा. प्रतिनिधी, कोल्हापूर

गेल्या आठ महिन्यापासून सहकार विभागाने सुरू केलेल्या सर्व्हेक्षणानंतर जिल्ह्यातील तीन हजारावरील विविध प्रकारच्या सहकारी संस्थांचे अस्तित्व आढळून आलेले नाही. त्यामुळे ​अशा संस्थांच्या नोंदणी रद्द करण्याची कारवाई सुरू करण्यात आली असून काही दिवसांत या संस्था कायमस्वरुपी बंद होणार आहेत. शिवाय पशुसंवर्धन, दुग्धव्यवसाय विकास आणि मत्स्यव्यवसाय (पदुम) विभागातील जवळपास आठशेहून अधिक संस्थांवर ही कारवाई होण्याची शक्यता आहे.

कार्यकर्त्यांसाठी संस्था स्थापन करायची, विविध योजनांमधून अनुदान घ्यायचे व अनुदान आल्यानंतर त्या संस्थेचा कारभार हळूहळू गुंडाळायचा अशा प्रकारे जिल्ह्यात विविध तालुक्यांमध्ये सहकारी संस्थांचे पेव फुटले होते. काही तालुक्यांमधील संस्था केवळ कागदोपत्री असल्याचे सहकार विभागातील साऱ्यांना महिती होती. मात्र त्यावर आतापर्यंत कोणतीही कारवाई केलेली नव्हती. भाजपच्या नेतृत्वाखालील नवीन सरकार आल्यानंतर सहकार मंत्री चंद्रकांत पाटील यांनी अशा कागदावर असलेल्या संस्था बंद करण्याबाबतची पावले उचलण्याचे आदेश दिले. पहिल्या टप्प्यात हातकणंगले तालुक्यातील १०९४ संस्थांची नोंदणी रद्द करण्याची कारवाई केली आहे. यामध्ये औद्योगिक, यंत्रमाग, मागास, सहकारी ग्राहक संस्था, पाणीपुरवठा, हौसिंग अशा प्रकारच्या संस्थांचा समावेश आहे. यापाठोपाठ सर्व तालुक्याचे उपनिबंधक कारवाई करणार आहेत. आता करवीर, शहर, शिरोळ, कागल या तालुक्यांमध्ये मोठ्या प्रमाणावर संस्था आहेत. जिल्ह्यातील तीन हजारावर संस्था आहेत.

गेल्या वर्षी सप्टेंबरपासून सहकार विभागाने जिल्ह्यातील अशा संस्थांचे सर्व्हेक्षण चालवले होते. त्यांच्या कामकाजाची तपासणी करुन अवसायनामध्ये काढण्याचे अंतरिम आदेश दिले होते. त्यातील संस्थांना बाजू मांडण्याची संधी दिली होती. या आठ महिन्याच्या कालावधीत ज्यांनी कागदपत्रे व कामकाजाचे पुरावे दिले त्यांची नावे या कारवाईतून वगळण्यात आली. मात्र ज्यांनी काहीच प्रतिसाद दिला नाही अशा संस्था बंद करण्यासाठी त्यांची नोंदणी रद्द करण्याची कारवाई सहकार विभागाने सुरू केली आहे.

मोबाइल अॅप डाउनलोड करा आणि राहा अपडेट

सराफांच्या प्रश्नावर सोमवारी जिल्हा बंदचा इशारा

April 5, 2016, 2:30 pm

≫ Next: पाचव्या सेमिस्टरला आठव्या सेमिस्टरचा पेपर

≪ Previous: जिल्ह्यातील तीन हजार संस्थांवर गंडांतर

$

0

0

म. टा. प्रतिनिधी, कोल्हापूर

अबकारी करप्रश्नी सकारात्मक निर्णय न घेतल्यास सोमवारी (ता.११) जिल्हा बंद करण्याचा इशारा कोल्हापूर चेंबर ऑफ कॉमर्सच्या बैठकीत देण्यात आला. गेल्या ३३ दिवसांपासून सुरू असलेल्या सराफ व्यावसायिकांच्या बेमुदत बंद आंदोलनाला पाठिंबा देण्यासाठी मंगळवारी चेंबर ऑफ कॉमर्सच्या शिवाजीराव देसाई सभागृहात बैठक झाली. तीत हा निर्णय घेण्यात आला.

अध्यक्ष आनंद माने म्हणाले, 'सराफ व्यावसायिकांना एक टक्का अबकारी कर लावण्याच्या निर्णयामुळे सराफ व्यवसायासमोर मोठे संकट उभा राहिले आहे. भारतीय जनता पक्ष निवडणुकीदरम्यान दिलेल्या आश्वासनापासून फारकत घेत आहे. त्यामुळे सराफ व्यवसायिकांत कमालीची नाराजी आहे. इन्स्पेक्टर राजच्या भीतीने व्यावसायिकांनी गेल्या ३३ दिवसांपासून आंदोलन सुरू केले आहे. तरीही त्यांची दखल घेतलेली नाही. आंदोलनाची व्याप्ती वाढवण्यासाठी कोल्हापूर चेंबर ऑफ कॉमर्स सराफ संघासोबत राहील.' कोल्हापूर जिल्हा सराफ संघाचे अध्यक्ष भरत ओसवाल यांनी आंदोलनामागील भूमिका विषद केली.

दरम्यान, चेंबर्सशी संलग्न टिंबर मर्चंट, प्लायवूड असोसिएशन, स्टोन ट्रेडर्स असोसिएशन, धान्य असोसिएशन, किराणा असोसिएशन, हॉटेल मालक संघटना, केमिस्ट असोसिएशन, फूटवेअर असोसिएशन, व्यापारी असोसिएशन या सर्व संघटनांच्या प्रतिनिधीनी येत्या दोन दिवसांत सरकारने सकारात्मक निर्णय न घेतल्यास बंदमध्ये सहभागी होण्याचे आश्वासन दिले.

कुलदीप गायकवाड, दीपक ओसवाल, राजेश राठोड, सुरेश ओसवाल, सुरेंद्र पुरवंत, जिल्हा सराफ व सुवर्णकार संघाचे अध्यक्ष अमोल ढणाल यांच्यासह सराफ व्यवसायिक उपस्थित होते. सचिव जयेश ओसवाल यांनी स्वागत व आभार मानले.

मोबाइल अॅप डाउनलोड करा आणि राहा अपडेट

पाचव्या सेमिस्टरला आठव्या सेमिस्टरचा पेपर

April 5, 2016, 2:30 pm

≫ Next: मंदिर प्रवेशप्रश्नी बैठकीनंतर निर्णय

≪ Previous: सराफांच्या प्रश्नावर सोमवारी जिल्हा बंदचा इशारा

$

0

0

म. टा. प्रतिनिधी, कोल्हापूर

शिवाजी विद्यापीठाच्या एम. ए. भाग दोनच्या राज्यशास्त्र विषयाच्या पेपरला अभ्यासक्रमाबाहेरील प्रश्न दिल्याने अनेक विद्यार्थ्यांचा गोंधळ उडाला. त्यामुळे काही विद्यार्थ्यांनी थेट परीक्षा केंद्राबाहेरचा रस्ता पकडला. काही विद्यार्थ्यांनी परीक्षा नियंत्रकांकडे तक्रार दाखल केली आहे. अभ्यासक्रमाबाहेरील प्रश्नपत्रिका असल्याने संबंधितांवर कारवाई करण्याची मागणी केली. या प्रकारामुळे परीक्षा विभागाचा गोंधळ पुन्हा एकदा समोर आला आहे. एम. ए. राज्यशास्त्र विषयाच्या पाचव्या सेमिस्टरचा आठवा पेपर २७ मार्चला झाला. गडहिंग्लज येथील घाळी कॉलेजच्या परीक्षा केंद्रावर विद्यार्थ्यांनी पाचव्या सेमिस्टरऐवजी सहाव्या सेमिस्टरमधील १३ क्रमांकाचा पेपर देण्यात आला. केंद्रावर सात ते आठ रिपीटर विद्यार्थ्यांची बैठक व्यवस्था केली होती. अभ्यासक्रमाबाहेरील प्रश्न असल्याने पहिल्या दहा मिनिटांतच चार विद्यार्थ्यांनी केंद्राबाहेर जाण्याचा निर्णय घेतला. अन्य विद्यार्थ्यांनी सुपरवाझरकडे तक्रार केली. यातील एक विद्यार्थी १३ क्रमांकाचा पेपर उत्तीर्ण झाल्याने त्याने थेट दूर शिक्षण विभाग आणि परीक्षा नियंत्रकांकडे तक्रार केली. पेपरसेटकडून झालेल्या या चुकीमुळे विद्यार्थ्यांना मनःस्ताप सहन करावा लागला. डिसेंबरमध्ये झालेल्या अभियांत्रिकी विषयाला अभ्यासक्रमाबाहेरील प्रश्न दिल्याप्रकरणी पेपरसेटरवर कारवाई केली असताना पुन्हा हा प्रकार घडल्याने परीक्षा विभागातील कारभार समोर आला आहे.

मोबाइल अॅप डाउनलोड करा आणि राहा अपडेट

मंदिर प्रवेशप्रश्नी बैठकीनंतर निर्णय

April 5, 2016, 2:30 pm

≫ Next: वीज तयार करून विकताही येणार

≪ Previous: पाचव्या सेमिस्टरला आठव्या सेमिस्टरचा पेपर

$

0

0

म. टा. प्रतिनिधी, कोल्हापूर

मंदिरप्रवेशाबाबत कोर्टाने राज्य सरकारला दिलेल्या निर्देशाची माहिती घेऊन दोन दिवसांत या संदर्भात श्री करवीर निवासिनी अंबाबाई हक्कदार श्रीपूजक मंडळ यांच्याशी बैठक घेऊ. त्यानंतर मंदिर प्रवेश अंमलबजावणीबाबत चर्चा करणार असल्याचे जिल्हाधिकारी अमित सैनी यांनी सांगितले. दरम्यान करवीरनिवासिनी अंबाबाई मंदिरात गर्भकुडीत महिलांना रोखण्यात आलेल्या घटनेची माहिती घेत असल्याचेही त्यांनी सांगितले.

अंबाबाई देवस्थान सर्वसामान्य भक्त महिला कृती समितीच्या शिष्टमंडळाने मंगळवारी जिल्हाधिकारी सैनी यांची भेट घेतली. हायकोर्टाने घेतलेल्या निर्णयाचे स्वागत करण्यासाठी प्रतिकात्मक पूजा करण्याविषयीची पूर्वकल्पना देऊनही महिला भक्तांना फूस लावून आंदोलनास भाग पाडल्याचा आरोप शिष्टमंडळातील महिलांनी केला. हायकोर्टाच्या निर्णयाचा अवमान करणाऱ्या व बघ्याची भूमिका घेणाऱ्या पोलिस अधिकाऱ्यांची चौकशी करावी. धक्काबुक्की करणाऱ्या महिलांविरूद्ध तक्रार नोंद करून कारवाई करावी, अशी मागणी यावेळी ‌जिल्हाधिकाऱ्यांकडे करण्यात आली. अंबाबाई विष्णूपती असल्याचे चुकीचे मत बिंबवणाऱ्या श्रीपूजकांना पंढरपुरातील विठ्ठल मंदिराच्या धर्तीवर पूजा करण्यास बंदी घालावी, अशी मागणीही यावेळी करण्यात आली. शिष्टमंडळात गिरीश फोंडे, मनिषा पोटे, जयश्री कांबळे, सीमा पाटील, वनिता कांबळे, पुष्पा कांबळे, गीता हसूरकर यांचा समावेश होता.

मंदिरातील उपक्रमाची कल्पनाच दिली नाही.

पश्चिम महाराष्ट्र देवस्थान समितीचा अध्यक्ष असल्याने मंदिर प्रवेश उपक्रमाची कल्पना मला देण्याची गरज होती. मंदिरात गोंधळ सुरू झाल्यावर मला माहिती देण्यात आली. मंदिरात महिलांना कुणी रोखले याबाबत माहिती घेतली जाईल. मंदिराच्या सुरक्षेसाठी महिला पोलिस कर्मचारी असताना पश्चिम देवस्थान समितीच्या महिला सुरक्षारक्षक व कर्मचारी तिथे का उपस्थित होत्या, याची चौकशी केली जाईल. हायकोर्टाच्या निर्णयाबाबतची राज्य सरकारकडून माहिती घेऊन दोन दिवसांत श्रीपूजक, पोलिस प्रशासन, पश्चिम देवस्थान व्यवस्थापन समितीच्या पदाधिकाऱ्यांची एकत्रित बैठक घेतली जाईल, असे जिल्हाधिकाऱ्यांनी सांगितले.

मोबाइल अॅप डाउनलोड करा आणि राहा अपडेट

वीज तयार करून विकताही येणार

April 5, 2016, 2:30 pm

≫ Next: शेतकऱ्यांना एक कोटींचीनुकसान भरपाई देण्याचे आदेश

≪ Previous: मंदिर प्रवेशप्रश्नी बैठकीनंतर निर्णय

$

0

0

Udaysing.patil@timesgroup.com

इमारतींच्या छतावर बसवण्यात येणाऱ्या सोलर पॅनेलच्या माध्यमातून मिळालेली वीज ​स्वतः वापरण्याबरोबरच आता महावितरणलाही देता येणार आहे. नागरिकांकडून जास्तीत जास्त सौरउर्जेचा वापर केला जावा यासाठी महावितरण नवे धोरण अवलंबत आहे. त्यासाठी ग्राहकांना विजबिलात सवलतीबरोबरच अतिरिक्त वीज महावितरणला विकताही येणार आहे. या पद्धतीचा औद्योगिक, व्यावसायिक ग्राहकांना मोठा फायदा होऊ शकतो. तसेच मोठ्या गृहप्रकल्पांमध्येही एकत्रित प्रकल्प राबवता येऊ शकतो.

सोलरसारख्या अपारंपरिक उर्जा वापराबाबत सरकारच्यावतीने विविध योजना राबवल्या जात आहेत. त्यासाठी सबसिडीही दिली जात आहे. सोलर पॅनेलमधून तयार होणारी वीज आतापर्यंत बॅटरीमध्ये साठवून त्याचा गरजेप्रमाणे वापर करता येत होता. ही पद्धती खर्चिक असल्याने याकडे नागरिकांचा ओढा कमी होता. ही बाब लक्षात घेऊन आता महावितरणने नवी योजना आखली आहे. नव्या वर्षात महावितरणने ही योजना राबवायला सुरुवात केली आहे.

यामध्ये नेहमीप्रमाणे इमारतीच्या छतांवर अथवा परिसरात सोलर पॅनेल बसवता येऊ शकतात. ही सारी यंत्रणा सरकारने नियुक्त केलेल्या एजन्सीद्वारा करता येते. ही यंत्रणा उभी झाल्यानंतर महावितरणच्या माध्यमातून यातील महत्त्वाचा भाग असलेले नेट मीटर बसवले जाते. नेट मीटरवर महावितरणकडून येणाऱ्या विजेची नोंद ठेवली जाणार आहे. तसेच सोलर पॅनेलच्या माध्यमातून तयार झालेली व ग्राहकाकडे अतिरिक्त ठरणारी वीज महावितरणच्या वाहिन्यांवर सोडलेल्या विजेचीही नोंद ठेवली जाणार आहे.

महावितरणकडून आलेली व महावितरणला दिलेल्या विजेची नोंद करुन वीज ​बिलात त्यानुसार क्रेडीट तयार होणार आहे. अतिरिक्त विजेनुसार विजबिलात कपात होऊ शकते. अशा प्रकारे वर्षभर क्रेडीट साठवता येऊ शकते. वर्षअखेरीला मात्र हे क्रेडीट संपवून त्याचा मोबदला ग्राहकाला दिला जाणार आहे. होणाऱ्या विजेचा मोबदलाही ग्राहकांना घेता येणार आहे. साठणाऱ्या अशा अतिरिक्त विजेचा यामध्ये एक मेगावॅटपर्यंतचे ग्राहक या नव्या योजनेमध्ये सहभागी होऊ शकतात. ग्राहकांना जितका मंजूर भार आहे, तितक्याच भाराची सोलर पॅनेल बसवण्याची परवानगी आहे. ०.५ किलोवॅटपासून सोलर पॅनेल उपलब्ध आहेत. सध्या घरगुती विजेच्या युनिटचा दर ७ रुपयापर्यंत जातो. तर व्यापारी वापरासाठी १६ रुपये दर आहे. महावितरण ६ रुपये २१ पैशाच्या आसपास एक युनिट वीज खरेदी करते. त्यानुसार ग्राहकांना विकलेल्या विजेचा मोबदला वर्षअखेरीस मिळू शकतो. यानुसार एखादी अपार्टमेंट अशा पद्धतीची योजना राबवू शकते. त्यामुळे विजेच्या बचतीबरोबर फायदाही घेता येऊ शकतो.

०००००००००

१ किलोवॅट सोलर पॅनेल

त्यासाठी १३६ चौरस फुटाची छतावर जागा आवश्यक

२ मीटर बाय एक मीटरचे एक पॅनेल

१२० ते १५० युनिट दर महिन्याला तयार

बॅटरीची आवश्यकता नाही

कोणत्याही देखभालीची आवश्यकता नाही

केवळ पॅनेलची स्वच्छता केली पाहिजे

मोबाइल अॅप डाउनलोड करा आणि राहा अपडेट

शेतकऱ्यांना एक कोटींचीनुकसान भरपाई देण्याचे आदेश

April 6, 2016, 10:49 am

≫ Next: सांगलीत अवकाळी पाऊस

≪ Previous: वीज तयार करून विकताही येणार

$

0

0

म. टा. वृत्तसेवा, सांगली
'बोगस कापूस बियाणांमुळे नुकसान झालेल्या ९०५ शेतकऱ्यांना १ कोटी ५१ लाख ३ हजार ४०७ रुपये नुकसानभरपाई देण्याचे आदेश कृषी आयुक्तांनी संबधित कंपनीला दिले आहेत,' अशी माहिती आमदार अनिल बाबर यांनी दिली.
बाबर म्हणाले, कृषीधन सीडस् लि. (जालना) या कंपनीने वितरीत केलेल्या बोगस कापूस बियाणांमुळे शेतकऱ्यांचे नुकसान झाले होते. संबधित शेतकऱ्यांना एका महिन्यांच्या आत पैसे देण्याचे आदेश कृषी आयुक्तांनी दिले आहेत. कंपनीने भरपाई देण्यास विलंब केल्यास २४ टक्के व्याजआकारणी करण्यात येणार आहे. तसेच पुढील आदेशापर्यंत बियाणे विक्री परवाना निलंबित करण्यात आला आहे.
२०११ मध्येही असाच प्रकार घडला होता. लोकप्रतिनिधींनी पाठपुरावा न केल्याने भरपाई मिळाली नव्हती. या वेळी पाठपुरावा झाल्याने प्रथमच अशी भरपाई मिळत आहे. गेल्या वर्षी बोगस बियाणांचा प्रकार उघडकीस आल्यावर जिल्हा परिषदेच्या कृषी सभापती मनीषा पाटील यांनी स्वत: पुढकार घेऊन अधिकारी, शेतकऱ्यांची बाबर यांच्याबरोबर बैठक घेतली. आवश्यक ते पंचनामे केले. वर्षभर पाठपुरावा केला. अखेर यश आले. ऐन दुष्काळात ही भरपाई मिळत असल्याने दुष्काळग्रस्त शेतकऱ्यांना दिलासा मिळाला आहे.
...
कृषीधनच्या केडीसीएचबी ४०७, बीजी-१ या वाणांची शेतकऱ्यांनी लागण केली होती. पण निकृष्ट बियाणांमुळे शेतकऱ्यांचे मोठे नुकसान झाले. कृषी अधिकाऱ्यांचा या बाबतचा सविस्तर अहवाल कृषी आयुक्तांना सादर केला. त्याआधारे कृषी आयुक्तांनी वरील आदेश दिला. आम्ही कोर्टात जाण्याचीही तयारी केली होती.
अनिल बाबर, आमदार, खानापूर

मोबाइल अॅप डाउनलोड करा आणि राहा अपडेट

सांगलीत अवकाळी पाऊस

April 6, 2016, 10:53 am

≫ Next: सांगलीत ७८ हजारांचेसरकी, पामतेल जप्त

≪ Previous: शेतकऱ्यांना एक कोटींचीनुकसान भरपाई देण्याचे आदेश

$

0

0

म. टा. वृत्तसेवा, कुपवाड
सांगली जिल्ह्यात बुधवारी दिवसभराच्या प्रचंड उष्म्यानंतर रिमझीम अवकाळी पावसाने हजेरी लावली. सांगलीसह तासगाव, खानापूर, विटा, आटपाडी, कवठेमहांकाळ, जत या भागात सायंकाळच्या सुमारास पाऊस झाला. काही ठिकाणी जोरदार सरी कोसळल्या तर काही भागात दिर्घकाळ रिमझीम सरी बरसत राहिल्या. सुरुवातीला जोराचा वारा सुटला होता. वीजांचा कडकडाटाबरोबरच मेघगर्जना होऊ लागल्याने जोरदार पाऊस कोसळेल, असे वातावरण होते.
जिल्हाभर बुधवारी सकाळी काहीसे ढगाळलेले वातावरण होते. दिवसभर असेच वातावरण राहिल, असा अंदाज व्यक्त होत असताना उन्हाचे चटके बसायला लागले. झाडाचे पानही हलत नव्हते. त्यामुळे उन्हाच्या चटक्यांची तीव्रता अधिक होती. परंतु दुपारी चार वाजल्यापासून वातावरणात बदल झाला. वाऱ्याचा जोर वाढला. काळोख दाटून आले. जोरदार पाऊस पडेल, असे वाटू लागले. सुरुवातीला मोठाले थेंबही पडू लागले. पण, त्यामध्ये जोर नव्हता. नंतर बराच काळ रिमझीम पाऊस पडत राहिला. जत आणि आजुबाजूच्या पंचवीस गावांमध्ये पावसाने चांगली हजेरी लावली. तासगाव तालुक्यातही पावसाचा अधिक जोर नव्हता. खानापूर, विटा या परिसरात चांगला पाऊस झाला.

मोबाइल अॅप डाउनलोड करा आणि राहा अपडेट

---

सांगलीत ७८ हजारांचेसरकी, पामतेल जप्त

April 6, 2016, 10:54 am

≫ Next: तीन दिवसांनी पाणी

≪ Previous: सांगलीत अवकाळी पाऊस

$

0

0

म. टा. वृत्तसेवा, कुपवाड
अन्न व औषध प्रशासनाने बुधवारी कुपवाड एमआयडीसीतील प्रणव अ‍ॅग्रो इंडस्ट्रीजवर कारवाई करून ७८ हजार रुपये किंमतीचे १ हजार २७५ किलोचे ८५ डब्बे, सरकी तेलाचा साठा जप्त केला. डब्यांचा पुनर्रवापर केल्याचे समोर आले आहे. दुसऱ्या कारवाईत पामतेलाची विक्री सरकी तेल, या नावाने करीत असल्याच्या संशयावरून व पेढीत मोठ्या प्रमाणावर अस्वच्छता, पुनर्रवापर केलेले डबे आढळल्यावरून मार्केट यार्डातील ऋतुराज ट्रेडर्स, या खाद्यतेल वितरण करणाऱ्या पेढीवर छापा टाकून विक्रेता विशाल शंकर जगदाळे यांच्याकडून सरकी तेलाचा २०६ किलोचा साठा जप्त करण्यात आला. ही कारवाई सहाय्यक आयुक्त एस. पी. शिंदे यांच्या मार्गदर्शनाखाली अन्न सुरक्षा अधिकारी डी. एस. शिर्के, अनिल पवार यांच्या पथकाने केली.

मोबाइल अॅप डाउनलोड करा आणि राहा अपडेट

तीन दिवसांनी पाणी

April 7, 2016, 10:13 am

≫ Next: सोलापुरात सराफांनी उभारली काळी गुढी

≪ Previous: सांगलीत ७८ हजारांचेसरकी, पामतेल जप्त

$

0

0

म. टा. वृत्तसेवा, सोलापूर महापालिकेकडून सोलापूर शहरवासीयांना ११ एप्रिलपासून (सोमवार) तीन दिवसाआड पाणीपुरवठा करण्याचे आदेश पालिका पदाधिकाऱ्यांनी अधिकाऱ्यांना दिले. सध्या शहराला पाच दिवसाआड पाणी पुरवठा होतो. शहर पाणीपुरवठ्याबाबत बैठकीत चर्चा झाल्यानंतर हे आदेश देण्यात आले. या बैठकीत शहराला उजनी-सोलापूर जलवाहिनी योजनेतून होणारा पाणीपुरवठा, भीमा (टाकळी) योजनेतून होणारा पाणीपुरवठा, पाणीपुरवठ्यातून होणारी गळती, चिंचोली एमआयडीसीला होणारा पाणीपुरवठा या विषयांवर विस्तृत चर्चा करण्यात आली. उजनी-सोलापूर जलवाहिनी योजना व भीमा (टाकळी) पाणीपुरवठा योजनेतून सध्या शहराला ११० दशलक्ष लिटर पाणी मिळत असल्यामुळे शहराला ११ एप्रिलपासून तीन दिवसाआड पाणीपुरवठा करण्याचे आदेश पालिका पदाधिकाऱ्यांनी प्रभारी सार्वजनिक आरोग्य अभियंता राजशेखर रेड्डी यांना दिले. टाकळी ते सोरेगावदरम्यान चार ठिकाणी जलवाहिनीच्या गळती दुरुस्तीचे काम घेण्यात आल्यामुळे सोमवारी टाकळी पंप गृहातून होणारा पाणीपुरवठा बंद होता. त्यामुळे शहरातील पाणीपुरवठा विस्कळीत झाल्यामुळे तसेच नऊ एप्रिल रोजी जलवाहिनीची पुन्हा दुरुस्ती करण्यासाठी शट डाऊन घेण्यात येणार असल्याने शहरात गुरुवारपासून (७ एप्रिल) चार दिवसाआड व सोमवार ११ एप्रिलपासून तीन दिवसाआड पाणीपुरवठा करण्याचे आदेश देण्यात आले. चिंचोळी एमआयडीसीला पालिकेकडून किती पाणी पुरवठा करण्याचा करार झाला आहे. व प्रत्यक्षात किती पाणी दिले जाते याची पाहणी करण्यासाठी पालिका पदाधिकारी चिंचोली एमआयडीसीला भेट देणार आहेत. टाकळी पंपगृहातील दोन पंप चालू ठेवल्यानंतर ४९.२४ दशलक्ष लिटर, तीन पंप चालू ठेवल्यानंतर ७३.२० दशलक्ष लिटर पाण्याचा उपसा होतो. सोरेगाव केंद्रात शुद्धीकरण झाल्यानंतर जुळे सोलापूर येथील एचएसआर इनलेटमध्ये ६२.७८ दशलक्ष लिटर पाणी येते. टाकळी ते सोरगावदरम्यान पाच दशलक्ष लिटर पाण्याची गळती होत असल्याचे पदाधिकाऱ्यांनी निदर्शनाला आणून दिले.

मोबाइल अॅप डाउनलोड करा आणि राहा अपडेट

सोलापुरात सराफांनी उभारली काळी गुढी

April 8, 2016, 10:52 am

≫ Next: उजनीच्या पाण्यासाठीसोलापूर पालिकेने तीन कोटी भरले

≪ Previous: तीन दिवसांनी पाणी

$

0

0

सोलापूर

शहरातील सराफांनी शुक्रवारी काळी गुढी उभारून केंद्र सरकारचा निषेध केला. सोने खरेदीवर केंद्र सरकारने अर्थसंकल्पात एक टक्के उत्पादन शुल्क लावल्याच्या निषेधार्थ गेल्या ३८ दिवसांपासून सोलापूरच्या सराफ बाजारातील व्यवहार पूर्णपणे बंद आहे. केंद्र सरकारने व्यापाऱ्यांना फसवल्याची भावना व्यक्त होत आहे.

केंद्र सरकारच्या निर्णयाच्या निषेधार्थ सोलापुरातील सराफ बाजारातील सराफ आणि सुवर्णकरांनी शुक्रवारी गुढी पाडव्याचा सण काळा दिवस म्हणून पाळला. बाजारात काळी गुढी उभारुन केंद्र सरकारचा निषेध नोंदविला.

दरम्यान, राष्ट्रवादी युवती कॉँग्रेसच्या वतीने चार हुतात्मा पुतळा येथे शेतकऱ्यांच्या आत्महत्या, पाण्याचा अपव्यय, दुष्काळ आदी प्रश्नाकडे सरकारचे लक्ष वेधत शेतकरी आत्महत्यांमुळे फुटलेल्या बांगड्यांचा हार आणि साखर हाराचे प्रतीक म्हणून नापीक शेती, कर्जाचा डोंगर, पाणी टंचाई,पर्यावरणाची हानी, अन्नधान्यांचा तुटवडा व शेतकऱ्यांची दुर्दशा आदी फलक गुढीला लावून तसेच जलसाक्षरतेचा संदेश देत गुढी उभारण्यात आली होती.

मोबाइल अॅप डाउनलोड करा आणि राहा अपडेट

उजनीच्या पाण्यासाठीसोलापूर पालिकेने तीन कोटी भरले

April 9, 2016, 11:03 am

≫ Next: साताऱ्याजवळ अपघातात एक मृत्युमुखी

≪ Previous: सोलापुरात सराफांनी उभारली काळी गुढी

$

0

0

म. टा. वृत्तसेवा, सोलापूर
सोलापूर महानगर पालिकेने उजनीतून पाणीपुरवठा होण्यासाठी जलसंपदा विभागाकडे तीन कोटी रुपये भरले आहेत. त्यामुळे उजनी धरणातून पाणी घेण्याबाबतच्या अडचणी दूर होणार आहेत.
सुमारे साडेचार कोटी रुपये भरल्याशिवाय उजनीतून पाणी सोडणार नाही, असा इशारा जलसंपदा विभागाने दिला होता. परंतु, आयुक्त विजयकुमार काळम यांनी महानगर पालिकेकडे एवढी मोठी थकबाकी निघतच नसल्याचे सांगत थकबाकी भरण्यास नकार दिला होता. जलसंपदा विभागही आपल्या भूमिकेवर ठाम होते. पण, शहराला पाच दिवस पुरेल इतकेच पाणी औज बंधाऱ्यात शिल्लक असल्यामुळे साडेचार कोटींपैकी तीन कोटी रुपये जलसंपदा विभागाला भरण्यात आले. तर उर्वरित रक्कमही लवकरच भरण्यात येणार आहे.
दरम्यान, शहरावरील जलसंकट दूर करून शहरवासियांना दररोज पाणीपुरवठा करण्यासाठी जिल्हाधिकारी तथा महापालिकचे प्रभारी आयुक्त तुकाराम मुंढे यांनी प्रयत्न सुरू केले आहेत.
एमआयडीसीची पाणीचोरी उघड
पाण्यासाठी नागरीक पायपीट करीत असताना दुसरीकडे मात्र, चिंचोळी एमआयडीसीमध्ये सोलापूर शहराच्या पाण्यावर डल्ला मारल्याचे उघडकीस आले आहे. एमआयडीसीबरोबर पाच एमएलडी पाण्याचा करार केला असताना एमआयडीसीकडून २४ तास पाणी उपसा करण्यात येत आहे. एमआयडीसीने घेतलेली बेकायदा जोड काढून शहराप्रमाणे एमआयडीसीलाही पाच दिवसांआड पाणीपुरवठा करण्याचे आदेश देण्यात आले आहेत. २४ इंची जलवाहिनीद्वारे २४ तास तब्बल २४ एमएलडी पाणी एमआयडीसीने चोरी केल्याचे महापालिका पदाधिकऱ्यांनी उघडकीस आणले आहे.

मोबाइल अॅप डाउनलोड करा आणि राहा अपडेट

साताऱ्याजवळ अपघातात एक मृत्युमुखी

April 7, 2016, 10:09 am

≫ Next: कराडमध्ये खरेदीसाठी झुंबड

≪ Previous: उजनीच्या पाण्यासाठीसोलापूर पालिकेने तीन कोटी भरले

$

0

0

म. टा. वृत्तसेवा, सातारा
मुंबई-बेंगळुरू महामार्गावर वळसे येथे गुरुवारी सकाळी साडेसातच्या सुमारास दोन दुचाकी, माल ट्रक व मोटार असा तिहेरी अपघात झाला. या अपघातात एकाचा मृत्यू झाला आहे.
प्राथमिक माहितीनुसार, माल ट्रक उलट्या दिशेने येऊन समोरून येणाऱ्या वाहनांना धडकला. या अपघातात फत्यापूर येथील रामकृष्ण राजाराम घाडगे (४५) हे जागीच मरण पावले. तसेच त्यांचा मुलगा अनिल (१२) व अमिष हणमंत कदम (२७, रा. कोपर्डे) हे गंभीर जखमी झाले आहेत. त्याचबरोबर कारमधील दाम्पत्य जखमी झाले आहेत. जखमींना उपचारासाठी साताऱ्यातील खासगी हॉस्पिटलमध्ये दाखल करण्यात आले आहे. पोलिसांनी माल ट्रक चालकाला ताब्यात घेतले आहे.

मोबाइल अॅप डाउनलोड करा आणि राहा अपडेट

कराडमध्ये खरेदीसाठी झुंबड

April 8, 2016, 10:49 am

≫ Next: कोयना नदीपात्रातमगरीचा वावर

≪ Previous: साताऱ्याजवळ अपघातात एक मृत्युमुखी

$

0

0

कराड
साडेतीन मुहूर्तांपैकी एक असलेला गुढीपाडवा शुक्रवारी गुढ्या उभारून मोठ्या उत्साहात व

पारंपरिक पद्धतीने साजरा करण्यात आला. मुहूर्तांचा दिवस असल्याने पूजा साहित्यासह

अन्य खरेदीसाठी बाजारपेठेत झुंबड उडाली होती. मात्र, सराफांनी पुकारलेल्या बेमुदत

संपाचा परिणाम म्हणून गुढी पाडव्याचा सण असूनही सराफ बाजार बंदच राहिल्याने

ग्राहकांना सोने खरेदी करता आली नाही. सराफांनी दुकानांच्या दरवाजांवर बंदचे फलक

लावल्याने ग्राहकांना रिकाम्या हाताने परत फिरावे लागत होते.
शुक्रवारी सर्वत्र गुढी पाडव्याच्या पार्श्वभूमीवर बाजारपेठेत विविध वस्तूंच्या खरेदीसाठी

दिवसभर बाजारपेठेत गर्दी होती. येथील चावडी चौक, मेन रोड, आझाद चौक, दत्त

चौक, कन्या शाळा आदी ठिकाणी विविध वस्तू खरेदीसाठी गर्दी झाली होती.
झेंडूचा भाव वधारला
गुढी पाडव्याच्या पूजेसाठी झेंडूच्या फुलांना अधिक मागणी असते. या वर्षी बाजारात

झेंडुंची आवक कमी झाल्याने झेंडूचे दर कडाडले. ७० ते ८० रुपये प्रतिकिलो इतका

चढ्या दराने लोकांना झेंडू खरेदी करावा लागला. पाणी टंचाईमुळे यंदा झेंडू फुलांच्या

उत्पादनावर मर्यादा आली असल्याने मागणीच्या तुलनेत कमी आवक झाली होती.

मोबाइल अॅप डाउनलोड करा आणि राहा अपडेट

कोयना नदीपात्रातमगरीचा वावर

April 8, 2016, 10:50 am

≫ Next: ‘कास’ची पातळीबारा फुटांवर

≪ Previous: कराडमध्ये खरेदीसाठी झुंबड

$

0

0

कोयना नदीपात्रात
मगरीचा वावर
कराड
कोयना नदी पात्रात पापर्डे-सांगवडच्या दरम्यान फोंडागौंडाच्या जवळ सुमारे ५ ते ६ फूट

लांबीच्या मगरीचा वावर असल्याची माहिती नदी काठावरील सूर्यवंशीवाडीच्या रहिवाशांनी

दिली. दरम्यान, कोयना नदीपात्रात मगरीचा वावर असल्याने नदीकाठावर धुणी धुण्यास

गेलेल्या महिला अथवा व जनावरे धुण्यास गेलेले शेतकरी व जनावरे यांच्या जीवितास

धोका निर्माण झाला आहे. मगरीचा बंदोबस्त करण्याची मागणी होत आहे.

मोबाइल अॅप डाउनलोड करा आणि राहा अपडेट

---

‘कास’ची पातळीबारा फुटांवर

April 8, 2016, 10:51 am

≫ Next: गोपाळ समाजाचीजात पंचायत बरखास्तकार्वे येथील यात्रेत सर्व पंचांचा निर्णय

≪ Previous: कोयना नदीपात्रातमगरीचा वावर

$

0

0

सातारा
सातारा शहराला पाणीपुरवठा करणाऱ्या कास तलावामध्ये सध्या बारा फूट पाणी शिल्लक

आहे. वाढत्या उन्हामुळे मोठ्या प्रमाणावर बाष्पीभवन सुरू आहे. त्यामुळे पाणी पातळीत

वेगाने घट होऊ लागली आहे. शहरवासियांना पाणीटंचाई भेडसावू नये म्हणून पालिकेने

आठवड्यातून एक दिवस पाणी कपात सुरू केली आहे.
सातारा शहराचा पश्चिम भाग कास, शहापूर आणि महादरे तलावावर तर पूर्व भाग हा

कृष्णा नदीवरील उपसा योजनेवर अवलंबून आहे. कासची पाणीपातळी ३० फुटांवरून १२

फुटांवर आली आहे. पालिकेच्या अग्निशामक केंद्रातून पालिकेच्या दोन टँकर आणि एका

खासगी टँकरद्वारे दर रोज ३० टँकर पाणी वाटप होते. सातारा उंच-सखल भाग असलेले

शहर आहे. प्रामुख्याने पश्चिमेकडील भागात मंगळवार पेठ, व्यंकटपुरा, माची पेठ,

केसरकर पेठ, बुधवार पेठ, गुरुवार पेठ, दुर्गा पेठ, शनिवार पेठ, चिमणपुरा पेठ या

भागांना उरमोडी नदीवरील शहापूर उपसा व कास तलावातून पाणीपुरवठा केला जातो.

महादरे तलावातून काही भागाला पाणीपुरवठा केला जातो. या तळयाचीही पाणी पातळी

खालावली आहे.

मोबाइल अॅप डाउनलोड करा आणि राहा अपडेट

गोपाळ समाजाचीजात पंचायत बरखास्तकार्वे येथील यात्रेत सर्व पंचांचा निर्णय

April 9, 2016, 11:02 am

≫ Next: बांधकाम कामावधी चार वर्षांचा करा

≪ Previous: ‘कास’ची पातळीबारा फुटांवर

$

0

0

म. टा. वृत्तसेवा, कराड
कार्वे (ता. कराड) येथे गुढी पाडव्यानिमित्त गोपाळ समाजाच्या जात पंचायतीच्या सर्व पंचांनी एकत्र येऊन, आम्ही यापुढे जात पंचायत भरविणार नाही. आम्ही जात पंचायत बरखास्त करीत आहोत, असे जिल्हा व पोलिस प्रशासनाला लेखी लिहून दिले आहे. या वेळी अंधश्रद्धा निर्मूलन समितीचे डॉ. हमीद दाभोलकर, प्रांताधिकारी किशोर पवार, पोलिस उपअधीक्षक राजलक्ष्मी शिवरकर आदी उपस्थित होते.
गोपाळ समाजाची ज्या गावात वस्ती आहे. त्या गावात जात पंचायतीचा पंच असतो. सांगली जिल्ह्यातील किल्ले मच्छिंद्रगड आणि सातारा जिल्ह्यातील उंब्रज गावातील जात पंतायती यापूर्वीच बरखास्त करण्यात आल्या होत्या. त्यामुळे कार्वे येथे एकत्र आलेल्या समाजाच्या सर्वच पंचांनी मूळ जात पंचायत बरखास्त करण्याचा निर्णय घेतला. या बाबत अंधश्रद्धा निर्मूलन समितीने पुढाकार घेतला होता.
....
गेली अनेक वर्षे गोपाळ समाजामध्ये जात पंचायतीच्या माध्यमातून समांतर न्याय व्यवस्था चालविली जात होती. यामध्ये दोषी व्यक्तींना बहिष्कृत करण्यासह दंड आणि अमानुष शिक्षा ठोठावण्याच्या घटना घडल्या होत्या. गोपाळ समाजाने पुढाकार घेऊन समाजाची जात पंचायत बरखास्त केली आहे.
डॉ. हमिद दाभोलकर, सरचिटणीस, अंनिस

मोबाइल अॅप डाउनलोड करा आणि राहा अपडेट

बांधकाम कामावधी चार वर्षांचा करा

April 8, 2016, 2:30 pm

≫ Next: करोडोंच्या खरेदीची गुढी उंच

≪ Previous: गोपाळ समाजाचीजात पंचायत बरखास्तकार्वे येथील यात्रेत सर्व पंचांचा निर्णय

$

0

0

म. टा. प्रतिनिधी, कोल्हापूर

एकदा बांधकाम परवानगी दिल्यानंतर बांधकाम परवानगीसाठी चार वर्षे कालावधी धरण्यात यावा. गृह प्रकल्प सोसायटी योजनेत दोन इमारतीमधील जादा सोडावे लागणारे अंतर कमी करावे अशा मागण्या असोसिएशन ऑफ आर्किटेक्टस अँड इंजिनीअर्स संस्थेने केली आहे. राज्यातील ड वर्ग महापालिकांमधील नियमावली सारखीच असल्याने बांधकाम परवानगीचे शुल्क सर्व ड वर्ग महापालिकेसाठी एकसारखेच असावेत अशी सूचना संस्थेने केली आहे. 'ड'वर्ग महापालिका बांधकाम नियमावली संदर्भात पुणे येथील नगररचना विभाग, सहसंचालक कार्यालयामध्ये सुनावणी झाली. यासुनावणी दरम्यान सस्थेने बांधकाम नियमावलीमध्ये जनहिताच्या दृष्टीने काही बदल करणे आवश्यक असल्याचे मत नोंदविले आहे. संस्थेचे अध्यक्ष राजेंद्र सावंत, आर्किटेक्ट प्रविण पाटील, सुधीर राऊत, संदीप घाटगे, बलराम महाजन आदींचा यामध्ये समावेश होता.

गेल्या ४३ वर्षामध्ये कोल्हापूरची हद्दवाढ झाली नाही. परिणामी शहरामध्ये विकसनासाठी जागा उपलब्ध होवू शकणार नाही. नवीन नियमावलीनुसार पुष्कळ जागांवर टीडीआर व पेड एफएसआयविना विकसन होऊ शकत नसल्यामुळे घरांच्या किंमतीमध्ये बेसुमार वाढ होऊ शकते. याकरिता यापूर्वी महापालिकेने दिलेल्या रेखांकन मंजुरीमधील रस्त्यांना टीडीआर वपेडएफएसआयच्या सवलती मिळणे आवश्यक आहेत. जुन्या आराखड्यानुसार विकसन झालेल्या भागांना नवीन नियम लागू करत असताना जनतेचे नुकसान होणार नाही याची काळजी घ्यावी असे निदर्शनास आणले आहे. चर्चेत इंजिनीअर रवींद्र पाटील, नंदकुमार घाटगे, प्रसाद मुजुमदार यांनी सहभाग घेतला.

तर ६५ टक्के जागा

विकसित होणार नाहीत

'कोल्हापूर शहराचा विकास आराखडा १९८९ ला प्रसिद्ध होणे आवश्यक असताना तो २०००पर्यंत रखडला गेला. नवीन विकास आराखड्यातील बांधकाम नियमावलीनुसार सोळा वर्षामध्ये बहुतांश जागा या विकसित झाल्या आहेत. त्यावेळच्या प्रचलित सहा मीटर व ७.५ मीटर रुंदीच्या रस्त्यांना मंजुरी देण्यात आली आहे. या रस्त्यांना नवीन बांधकाम नियमावलीनुसार टीडीआर व पेड एफएसआय (प्रिमियम भरून जादा एफएसआय वापर) देता येत नसल्याने जवळजवळ ६० ते ६५ टक्के जागा या विकसित होऊ शकणार नाहीत' अशी माहिती आर्किटेक्ट असोसिएशनच्यावतीने देण्यात आली.

साइड मार्जिन कमी करा

'नवीन नियमावलीत साइड मार्जिन हे अवास्तव असल्याने जागेवर योग्य प्रमाणात विकसन होऊ शकत नाही. नवीन नियमावलीत निर्देशित केलेल्या उंच इमारतींचे निर्बंध काढून टाकावेत किंवा ते शिथील करावेत. असे केल्याने उंच इमारती विकसित होऊन आसपास विकसनासाठी जागा उपलब्ध होवू शकतील' असे मत असोसिएशने मांडले आहे.

मोबाइल अॅप डाउनलोड करा आणि राहा अपडेट

करोडोंच्या खरेदीची गुढी उंच

April 8, 2016, 3:02 pm

≫ Next: सराफ बाजारात ऐतिहासिक बंद

≪ Previous: बांधकाम कामावधी चार वर्षांचा करा

$

0

0

म. टा प्रतिनिधी,कोल्हापूर
गुढीपाडवा आणि मुहूर्ताने होणारी महत्त्वाची खरेदी हे समीकरण यंदाही साडेतीन मुहूर्तांपैकी एक असलेल्या पाडव्याच्या निमित्ताने दृढ झाले. कोल्हापुरात बांधकाम व्यवसाय, इलेक्ट्रॉ​निक्स मार्केट, गृहोपयोगी वस्तू बाजारपेठ आणि दुचाकी व चारचाकी वाहनांच्या क्षेत्रात गुढी पाडव्याच्या औचित्याने झालेल्या करोडोंच्या आर्थिक उलाढालीची नोंद झाली. घराघरांतील मांगल्याच्या गुढीसोबत पाडव्यानिमित्त केलेल्या खरेदीची गुढीही उंचच राहिली. व्यापारी, व्यावसायिक आणि वितरकांनी ग्राहकांना दिलेल्या विविध ऑफर्समुळेही खरेदीचा उत्साह अधिक वाढल्याचे चित्र बाजारपेठेत दिसले.
गुढीपाडव्याच्या तयारीची लगबग सुरू झाली ती शुक्रवारी पहाटेपासूनच. काठी स्वच्छ करण्यापासून ते गुढीला सजवण्यापर्यंत घरातील प्रत्येकजण उत्साहाने सहभागी झाला होता. गृहिणींनी अंगणात रांगोळी काढून गुढीच्या पूजनासाठी तयारी केली. बैठ्या घरापासून ते अपार्टमेंटपर्यंत गुढी उभारली होती. तसेच रेडिमेड गुढीचेही दर्शन अनेक ठिकाणी घडले. नव्याजुन्याचा संगम साधत साजऱ्या केलेल्या गुढीपाडव्याच्या सणाने बदलत्या काळाची चाहूल दिली. दुपारी साडेबारानंतर गुढीला पुरणपोळीचा नैवेद्य दाखवण्यात आला.

स्मार्ट गृहिणींची स्मार्ट खरेदी

केवळ नोकरदारच नव्हे तर पूर्णवेळ गृहिणी असलेल्या महिलांनाही स्वयंपाकघरातील वेळ वाचवणे महत्त्वाचे ठरत आहे. त्यामुळे कमीत कमी वेळेत किचनमध्ये स्मार्ट वर्क कसे करता येईल यासाठी मदतनीस ठरणाऱ्या गृहोपयोगी वस्तूंच्या खरेदीसाठी पाडव्यादिवशी गृहिणींनी स्मार्ट खरेदीला पसंती दिली. यामध्ये मायक्रोवेव्ह, ओव्हन, फ्रूड प्रोसेसर, भाज्या कापण्याचे युनिट, ज्यूसर, कणिक मळण्याचे यंत्र, रोटी मेकरचा समावेश होता.

नेटिझन्समध्ये शुभेच्छा अन् शॉपिंग 'क्लिक'

फेसबुक, व्हॉटस्अॅप, टि्वटर, इ मेल या सोशल मिडियाच्या माध्यमांद्वारे एकमेकांवर शुभेच्छांचा ऑनलाइन वर्षाव झाला. चैत्र महिन्यापासून सुरू होणाऱ्या मराठी नववर्षाच्या शुभेच्छा देत गुढीपाडवा सण साजरा करण्यात आला. यामध्ये वेगवेगळे संदेश ईमेल करण्यात नेटिझन्स पाडव्यादिवशी तल्लीन झाले होते. तर इमेजीसच्या माध्यमातून तसेच ग्रीटिंग्जमधून शुभेच्छांची ही ऑनलाइन देवघेव दिवसभर सुरू होती. तसेच एकीकडे बाजारपेठा गजबजलेल्या असताना ऑनलाइन शॉपिंग साइटवरही ऑफर्सचा धमाका सुरू होता. नव्या ट्रेंडचे कपडे, मोबाइल फोन, ज्वेलरी, होम इक्विपमेंटस या वस्तूंची खरेदी ऑनलाइन मार्केटमध्येही पाडव्यानिमित्त जोरात झाली.

खरेदीची धूम

साडेतीन मुहूर्तापैकी एक मानल्या जाणाऱ्या पाडव्याच्या मुहूर्तावर बाजारपेठेत खरेदीची धूम उडाली. सकाळी गुढीचे पूजन झाल्यानंतर दुचाकी, चारचाकी वाहनाच्या खरेदीसाठी सहकुटुंब बाहेर पडण्यास अनेकांनी पसंती दिली. तर गृहोपयोगी इलेक्ट्रॉनिक वस्तूंमध्ये फ्रीज, वॉशिंग मशिन, टीव्हीची खरेदी करण्यात आली. घरखरेदीला पाडव्याचा मुहूर्त साधणाऱ्या ग्राहकांपैकी कुणी आजच्या दिवशी भूमिपूजन केले तर कुणी रेडी पझेशनची निवड करत किल्लीच हातात घेतली. काहीजणांनी घर बुकिंग करणासाठीही पाडव्याचा दिवस निवडला.

शुभारंभाचे तोरण

नव्या कार्यालयाचा, दुकानाचा, व्यवसायाचा श्रीगणेशा करण्यासाठी गुढीपाडव्याचे निमित्त साधल्याने शहरात अनेक ठिकाणी शुक्रवारी शुभारंभाचे तोरण लागले. तसेच अनेकांनी गृहप्रवेशासाठी गुढीपाडव्याचा मुहूर्त निश्चित केल्यामुळे वास्तूशांतीच्या कार्यक्रमांची संख्या जास्त होती. नव्या इमारतींमध्ये यानिमित्ताने लगबग सुरू होती.

कोट

कोल्हापुरात पाडव्याच्या मुहूर्तावर खरेदी करण्याची परंपरा आहेच. त्यामध्येही यंदा घर खरेदीकडे नागरिकांचा ओढा अधिक वाढला आहे. प्लॉट आणि फ्लॅट खरेदी यावर्षी मोठ्या संख्येने झाली. शहरातील हवेशीर भागांमध्ये फ्लॅट, रो हाऊसला मागणी असल्याचे दिसून आले. ​

आनंद शहा, संचालक आनंद ग्रुप


शाळाप्रवेशाची गुढी

गुढीपाडव्या दिवशी अनेकांनी पाल्यांचे प्रवेश निश्चित केले. शैक्षणिक वर्षाची सुरूवात जून महिन्यात होत असली तरी पाडव्याला प्राथमिक शिक्षणाचे प्रवेश निश्चित करण्यात आले. मराठी आणि इंग्रजी माध्यमांच्या शाळांत प्रवेशाची गुढी यानिमित्ताने उभारण्यात आली. मराठी, इंग्रजी आणि सेमी इंग्रजी माध्यमांच्या शाळांत प्रवेशाची लगबग सुरु झाली.

शाळांच्या शैक्षणिक वर्षाची सुरूवात १५ जूनपासून होते. मात्र पाडव्यानिमित्त अनेक पालकांनी पाल्यांचा प्रवेश निश्चित केला. त्यासाठी मराठी आणि इंग्रजी माध्यमांच्या शाळा व्यवस्थापनाने प्रवेश सुरु असल्याचे फलक प्रवेशद्वारातच लावले. महापालिकेच्या प्राथमिक शाळा, खासगी व्यवस्थापनाच्या मराठी आणि इंग्रजी माध्यमांच्या शाळा आणि जिल्हा परिषदेच्या काही शाळांत या दिवशी प्रवेशाची गुढी उभारण्यात आली. काही इंग्रजी माध्यमांच्या शाळांत प्रवेशासाठी गर्दी झाली. पालकांकडून प्रवेशाचा अर्ज भरुन घेण्यात आल्या. त्यासाठी इंग्रजी शाळांनी वार्षिक शुल्कही दर्शनी भागात लावले होते. पैकी काही एक हजार ते दोन हजार रूपयांचे शुल्क भरुन घेण्यात आले. महापालिकेच्या सेमी इंग्रजी शाळांत प्रवेश निश्चित झाले. त्याच शाळेत प्रवेशाचा आग्रह काही पालकांचा असतो. कागदावर एक हजार रुपयांची प्रवेशाचे शुल्क नाममात्र असले तरी काही शाळांनी पालकांकडून डोनेशन घेतले. डोनेशन दिलेल्या पालकांना शंभर टक्के प्रवेश झाल्याची खात्री व्यवस्थापनाकडून देण्यात आली. मराठी माध्यमांच्या अनेक शाळांत विद्यार्थी मिळविण्यासाठी धडपड सुरु आहे. मे महिन्याच्या सुट्टीच्या कालावधीत बहुतांशी शिक्षकांना विद्यार्थी प्रवेशाचे मिशन दिले जाते. त्या पार्श्वभूमीवर गुढीपाडव्याचा मुहूर्त साधून अधिकाधिक प्रवेश निश्चित करण्याचे आदेश शाळा व्यवस्थापनाने मुख्याध्यापक आणि शिक्षकांना दिले होते. वर्षभराचे शैक्षणिक शुल्क दोन ते तीन हफ्त्यात भरण्याची सुविधा देण्यात आली.

मोबाइल अॅप डाउनलोड करा आणि राहा अपडेट

सराफ बाजारात ऐतिहासिक बंद

April 8, 2016, 2:30 pm

≫ Next: महापालिका शाळांतील सुविधा वाढणार

≪ Previous: करोडोंच्या खरेदीची गुढी उंच

$

0

0

म. टा. प्रतिनिधी, कोल्हापूर

कोल्हापूर सराफ व्यापारी संघ आणि जिल्हा सराफ संघाच्यावतीने गुढी पाडव्यादिवशी ऐतिहासिक बंद पाळला. अबकारी कर हटविण्यासाठी गेल्या ३८ दिवसांपासून सुरू असलेल्या बंदमध्ये सराफ व्यवसायिकांनी पाडव्याच्या व्यवसायावरही पाणी सोडले. बंदमुळे कोल्हापुरातील १० कोटींच्या संभाव्य उलाढालीवर परिणाम झाला.

केंद्रीय अर्थसंकल्पात सराफ व्यवसायावर एक टक्का अबकारी कर लावल्याबद्दल व्यावसायिकांतर्फे गेले ३८ दिवस संप सुरू आहे. संपात गुढी पाडव्याच्या निमित्ताने अडथळा येऊन संपात फूट पडण्याची शक्यता होती. मात्र, सराफ व्यावसायिकांनी एकी दाखवत दुकाने सुरू राहणार नाहीत, याची काळजी घेतली. सराफ असोसिएशनने दुकाने सुरू असल्यास संबंधितावर कारवाई करण्याचा निर्णय घेतला होता. यात ११ हजार रुपयांचा दंड आकारण्यात येणार होता. मात्र, किरकोळ अपवाद वगळता सराफ व्यावसायिकांनी संपाला पाठिंबा दिल्याने गुजरी परिसरात शुकशुकाट होता. तत्पूर्वी सकाळी गुजरी कॉर्नर येथील मंडपाजवळ सराफ व्यावसायिकांनी सामूहिक गुढी उभारली.

यावेळी सुरेश गायकवाड, भरत ओसवाल, बाबा महाडिक संपतराव पाटील, विजयकुमार भोसले, माणिक जैन, मनोज राठोड, राजेश राठोड, सुहास जाधव, शीतल पोतदार यांच्यासह व्यावसायिक उपस्थित होते.

मोबाइल अॅप डाउनलोड करा आणि राहा अपडेट