फेरीवाला पुनर्वसनावरून मतभेद, बैठक लांबणीवर

February 8, 2016, 1:30 pm

≫ Next: वाशीच्या पशुपालनाची राज्यभर कनेक्टिव्हिटी

≪ Previous: शिरोळच्या गुलाबाचा परदेशात रूबाब

$

0

0

म. टा. प्रतिनिधी, कोल्हापूर

राष्ट्रीय फेरीवाला धोरणाच्या अंमलबजावणीवरून महापालिका प्रशासन आणि फेरीवाला संघटनेत मतभेद कायम आहेत. 'नो हॉकर्स झोन'मध्ये पुनर्वसनास महापालिका प्रशासन तयार नाही तर व्यवसाय होणाऱ्या ठिकाणीच पुनर्वसन झाले पाहिजे, या मागणीवर फेरीवाला संघटना ठाम आहेत. पर्यायी जागांचा अजूनही शोध सुरू असल्याने सोमवारी होणारी प्रशासन आणि फेरीवाला समितीची बैठक होऊ शकलेली नाही. या आठवड्यात पुन्हा बैठक होणार आहे.

महापालिका प्रशासनाने शहरातील वाहतूक, पार्किंगची समस्या यावर मात करण्यासाठी ७४ ठिकाणे नो हॉकर्स झोन घोषित केली आहेत. यामध्ये महाद्वार रोड, ताराबाई रोड, जोतिबा रोड, सीबीएस परिसर, छत्रपती शिवाजी चौक ते भवानी मंडप, मिरजकर तिकटी, बिंदू चौक अशा रहदारीच्या ठिकाणी फेरीवाल्यांना व्यवसायास मनाई करण्यात येणार आहे. फेरीवाला समितीला प्रशासनाचा हा प्रस्ताव मान्य नाही. रहदारीच्या ठिकाणी रस्त्याकडेला व्यवसायाची संधी मिळावी अशी संघटना प्रतिनिधींची मागणी आहे.

फेरीवाला बैठक आज

महापालिकेचे अधिकारी आणि फेरीवाला संघटनेचे प्रतिनिधी यांच्यामध्ये यापूर्वी दोनदा बैठका झाल्या होत्या. प्रशासनाकडून पर्यायी जागांची निश्चिती, फेरीवाल्यांचा सर्व्ह यासंदर्भात माहिती संकलित करून पुन्हा बैठक घेण्याचे ठरले होते. संघटनेचे कॉम्रेड दिलीप पवार, राजू महाडिक, सुरेंद्र शहा आदी जण महापालिकेत चर्चेसाठी दाखल झाले. पण त्यांना बैठक रद्द झाल्याचे समजले. दरम्यान फेरीवाल्यांच्या पुनर्वसनासाठी संघटनेच्या प्रतिनिधींची मंगळवारी (ता.९) दुपारी चार वाजता बैठक होणार आहे. माजी महापौर आर. के. पोवार यांच्या निवासस्थानी ही बैठक होईल.

.....................

महापालिका प्रशासन फेरीवाला संघटना प्रतिनिधींना विचारात घेत नाही. महापालिकेने केलेला सर्व्हे चुकीचा आहे. फेरीवाला संघटना, शहर समितीचे मत ऐकून न घेताच नो हॉकर्स झोन व हॉकर्स झोन निश्चित केले आहेत.

कॉम्रेड दिलीप पवार

मोबाइल अॅप डाउनलोड करा आणि राहा अपडेट

---

वाशीच्या पशुपालनाची राज्यभर कनेक्टिव्हिटी

February 8, 2016, 1:30 pm

≫ Next: ‘मिर्ची रेडिओ स्टार’ ठरतयं हीट गॅदरिंग

≪ Previous: फेरीवाला पुनर्वसनावरून मतभेद, बैठक लांबणीवर

$

0

0

Sachin.Yadav@timesgroup.com

कोल्हापूर शहरापासून साधारणतः तीन किलोमीटरवर असलेले वाशी (ता. करवीर) ग्रामदैवत श्री बिरदेव देवस्थानामुळे प्रसिद्ध आहे. लाखो भाविकांचे श्रद्धास्थान असलेल्या बिरदेव मंदिरासह शेतीला पूरक शेळी-मेंढीपालन व्यवसायाने गावची ओळख टिकवली आहे. राज्याच्या अर्थव्यवस्थेतील महत्वाचा भाग असलेला पशुपालनाचा व्यवसाय गावातील ९० टक्के रहिवाशांकडून केला जातो. दरमहा वीस हजार बकऱ्यांची गावात उलाढाल होत असून बकऱ्यांना राज्यभरातून मागणी आहे. दारुमुक्ती चळवळ, धनगरी ढोल यांपाठोपाठ वाशीच्या बकऱ्यांची वेगळी ओळख निर्माण झाली आहे.

कोल्हापूर-राधानगरी रोडवरील वाशीमध्ये शेतीपूरक शेळी-मेंढीपालन व्यवसाय किफायतशीर ठरत आहे. गावची लोकसंख्या ६२०० इतकी आहे. गावातील ९० टक्के कुटुंबे शेळी-मेंढीपालन, घोंगडी बनविण्याचा व्यवसाय करतात. परिसरातील गायराने आणि मोठ्या प्रमाणात धनगर समाजाची वस्ती यामुळे व्यवसायाला मोठी चालना मिळाली आहे. जवळपास घरटी शेळी, मेंढीपालन केले जाते. येथील धनगर कुटूंबाकडील एका कळपात सुमारे शंभर ते दीडशे शेळ्या असतात. परिसरात उपलब्ध चारा आणि अन्य खाद्यातून बकऱ्यांची पैदास चांगल्या पद्धतीने केली जाते. त्यामुळे अन्य गावांपेक्षा वाशीतील बकरी निरोगी, सदृढ आहेत. त्यांना बाजारपेठेत अधिक मागणी आहे. जिल्हा खाटिक समाजाकडून वाशीतून दरमहा दहा हजांरावर बकऱ्यांची खरेदी केली जाते. तर मुंबई, पुणे, कराड, सातारा आणि कर्नाटकातील काही भागांतून वाशीच्या बकऱ्यांना मागणी आहे. त्यामुळे स्थानिक धनगर समाजासाठी हा व्यवसाय किफायतशीर बनला आहे. सतत वाढती मागणी असल्याने अनेकदा बकऱ्यांची कमतरताही जाणवते. हा पारंपरिक व्यवसाय आहे. मात्र काही युवक शेती नोकरी सांभाळून या व्यवसायाकडे लक्ष देतात.

सांगली जिल्ह्यातील रांजणी परिसरात शेळी-मेंढी पैदास केंद्र आहेत. त्यानंतर वाशीची ओळख सर्वदूर झाली आहे. बकऱ्यांची किंमत त्याचे वय, आरोग्य आणि मांसानुसार ठरविली जात आहे. सुमारे सात हजार रुपयांपासून पुढे बकऱ्याला दर मिळतो. गेल्या सहा महिन्यांपासून बकरी विक्रीसाठी बाजारात पाठविले जातात. राज्यभरासह स्थानिक विक्रेत्यांकडून बकऱ्यांची सातत्याने मागणी केली जाते. या व्यवसायातून गावची अर्थव्यवस्था भक्कम झाली आहे.

कष्टप्रद व्यवसाय

शेळी-मेंढीपालनाचा व्यवसाय दुष्काळी व निमदुष्काळी भागात मेंढपाळांकडून विशेषत: धनगर समाजाकडून केला जातो. शेळ्यांपासून मांस, दूध, कातडी, लेंडीखत आणि मेंढ्यापासून लोकर उत्पादन मिळते. हा व्यवसाय अत्यंत कष्टप्रद असून मेंढपाळांना ऊन, वारा, पाऊस याचा विचार न करता कळपात रहावे लागते. अतिपाऊस, रोगराई यामुळे अनेकदा हजारो मेंढ्या मृत्युमुखी पडण्याचेही प्रकार घडतात. व्यवसाय परंपरागत पध्दतीने केला जातो. अनेक मेंढपाळ विमा पॉलिसी करीत नाहीत.

मेंढीपालन हा गावचा परंपरागत व्यवसाय आहे. नोकरी आणि अन्य व्यवसाय केले जात असले तरी समाजाने हा व्यवसाय जपला आहे. शेळी आणि मेंढीपालनासाठी राज्य सरकारने विविध प्रकारचे अनुदान आणि उपाययोजना राबविण्याची गरज आहे. तरच समाज निर्धास्तपणे जगू शकेल.

बबनराव रानगे, राज्य प्रमुख मल्हार सेना

कळपात सुमारे १५० बकरी आहेत. रोज सुमारे तीन ते चार किलोमीटरची पायपीट करावी लागते. ज्या ठिकाणी कळप (खांड) थांबतील, त्याच ठिकाणी काही वेळेला मुक्काम केला जातो. व्यवसायासाठी काही वेळेला सहकुटुंब प्रवासाला निघावे लागते.

विठ्ठल पुजारी, कळपप्रमुख

हा व्यवसाय करणाऱ्यांना बकरी चोरीचा त्रास सहन करावा लागत आहे. चोरही हायटेक झाले आहेत. रात्रीच्या वेळी कळपाच्या ठिकाणी टेम्पो घेऊन आणि शस्त्रात्रांचा धाक दाखवून बकऱ्यांची चोरी केली जाते. त्यांचाही बंदोबस्त व्हायला हवा.

सरदार हजारे, वाशी

गावातील सुमारे ९० टक्के कुटुंब या व्यवसायात आहे. समाजाची भटकंती असल्याने काही वेळेला मुलांनाही शिक्षणापासून वंचित रहावे लागते. या व्यवसायाला अधिक चालना देण्यासाठी सरकारच्या अनेक योजनांची माहिती समाजाला नाही. विविध सहाय्य योजनांची गरज आहे.

कृष्णात रानगे, वाशी

मोबाइल अॅप डाउनलोड करा आणि राहा अपडेट

‘मिर्ची रेडिओ स्टार’ ठरतयं हीट गॅदरिंग

February 8, 2016, 1:30 pm

≫ Next: सैन्यभरतीवेळी अनुभवली माणुसकी

≪ Previous: वाशीच्या पशुपालनाची राज्यभर कनेक्टिव्हिटी

$

0

0

म. टा. प्रतिनिधी, कोल्हापूर

प्रत्येक व्यक्तीमध्ये काहीनाकाही कला दडलेली असते आणि दाखवायची संधी हवी असते. अशाच कलाकारांसाठी मिर्ची रेडिओ स्टार हे रेडिओवरचं पहिलं गॅदरींग रेडिओ मिर्चीवर सुरू आहे. गायन, वादन, मिमिक्री, कॉमेडी, शेरोशायरी अशा नानाविध कलांसह कोल्हापूर आणि आसपासच्या परिसरातील अनेकजण रेडिओ मिर्चीवर रोज संध्याकाळी ६ ते ८ या वेळेत कल्टी कट्टावर आरजे मनीषसोबत आपली कलाकारी सादर करीत आहेत.

रेडिओ मिर्ची स्टुडिओ आणि काही कॉलेजमध्ये झालेल्या ऑडीशन्समधून सुमारे शंभर जणांनी आपली कला सादर केली. यातल्या निवडक कलाकारांसोबत चार फेब्रुवारीपासून सुरु झालेलं हे गॅदरींग १२ फेब्रुवारीपर्यंत चालू राहणार आहे. पहिल्याच दिवशी सावनी आणि संतोष जोशी यांच्या गायनाने या गॅदरींगची सुरुवात झाली. त्यानंतर बाहुबली राजमानेच्या मिमिक्रीने माहोल तयार झाला आणि यश कामतच्या बीट बॉक्सिंगने धमाल आणली. यानंतरही एकसेएक सादरीकरणानी रेडिओवरचं हे पहिलं गॅदरींग रंगत जाणार आहे. मिर्ची रेडिओ स्टार विषयी अधिक माहिती Radio Mirchi Kolhapur या फेसबुक पेजवरही मिळु शकेल.

रोजच्या आयुष्यात आपण इतके गुरफटुन गेलेलो असतो, की नवीन काही करायला आपल्याला वेळच मिळत नाही. अभ्यास, कॉलेज किंवा ऑफीसच्या कामात आपण इतके अडकलेले असतो की स्वत:साठी थोडा वेळ काढायलाही आपल्याला जमत नाही. पण कधीतरी जेव्हा मित्रमंडळी जमतात किंवा आपण एखाद्या समारंभात सहभागी होतो तेव्हा आपल्याही नकळत आपण नेहमीचं आयुष्य विसरुन जातो. मग कुणी गाणं म्हणायला लागतात, कुणी एखादं वाद्य वाजवतात, कुणालातरी मिमिक्री करायची लहर येते. तर कुणी कधीतरी केलेली कविता आठवायला लागतात. पण ही संधी कधीतरीच मिळते आणि ती सुद्धा आपल्याच चार माणसांत. ती रेडिओ मिर्चीने दिली आहे.

मोबाइल अॅप डाउनलोड करा आणि राहा अपडेट

सैन्यभरतीवेळी अनुभवली माणुसकी

February 8, 2016, 1:30 pm

≫ Next: महापालिका कर्मचाऱ्यांचा संप मागे

≪ Previous: ‘मिर्ची रेडिओ स्टार’ ठरतयं हीट गॅदरिंग

$

0

0

कोल्हापूर टाइम्स टीम

देशसेवेचे स्वप्न उराशी बाळगलेल्या उमेदवारांना अनेक सामाजिक संस्थांनी सामाजिक बांधिलकी दाखवत सर्व ती मदत केली. कोल्हापुरात सुरू असलेल्या सैन्य भरतीसाठी दररोज तीन हजारांवर उमेदवारांना सकाळचा नाष्टा, अन्नदान आणि रात्री पांघरुण देऊन अनेक संस्था आणि व्यक्तींनी माणुसकीचे दर्शन घडविले. आतापर्यंत सुमारे १५ हजार उमेदवारांनी अन्नदानाचा लाभ घेतला आहे.
शिवाजी विद्यापीठाच्या क्रीडामहर्षी मेघनाथ नागेशकर क्रीडा संकुलावर भरतीची प्रक्रिया सुरू आहे. येत्या २० फेब्रुवारीपर्यंत सैन्यभरतीची प्रक्रिया सुरू राहणार आहे. त्यासाठी महाराष्ट्रातील सहा आणि गोवा राज्यातील दोन जिल्ह्यासाठी भरतीची प्रक्रिया होत आहे. सोल्जर जनरल ड्युटी, सोल्जर क्लार्क, स्टोअर किपर, टेक्निकल, सोल्जर टेक्निकल, सोल्जर ट्रेडसमन या पदांसाठी भरती सुरू आहे. विद्यापीठाच्या संकुलावर रात्री दोन वाजल्यापासून उमेदवारांना भरतीसाठी तयारी करावी लागत आहे. कागदपत्रांची छाननी, बायोमेट्रिक, ग्रुपचे नियोजन केले जात आहे. ही सर्व प्रक्रिया सकाळी नऊ वाजेपर्यंत सुरू राहते. भरतीसाठी आलेल्या या उमेदवारांना भोजनाची व्यवस्था संस्था, संघटनांकडून केली जात आहे. नोकरी संदर्भचे सुहास राजेभोसले यांनीही या सैन्यभरतीच्या उमेदवारांना मदतीचा हात दिला आहे. स. म. लोहिया ज्युनिअर कॉलेजच्या विद्यार्थ्यांनी भरतीसाठी आलेल्यांसाठी सेवा बजविली. प्रसिद्धीची अपेक्षा न करता काही व्यक्तींनी भोजनासाठी तांदूळ दिले. रोटरी क्लबही मदतीसाठी धावली.

सिद्धगिरी मठ, कणेरी

कणेरी येथील सिद्धगिरी मठातर्फे सैन्यभरतीसाठी आलेल्या उमेदवारांसाठी अन्नदानाची सेवा बजाविण्यात आली. उमेदवारांना सकाळचा नाष्टा आणि सायंकाळच्या भोजनाची व्यवस्था करण्यात आली. मठ व्यवस्थापनातर्फे अनेक सामाजिक बांधिलकीचे उपक्रम राबविले जातात. गेल्या वर्षापासून सैन्यभरतीसाठी आलेल्या उमेदवारांना भोजनाची व्यवस्था करण्यात येत आहे. अदृश्य काडसिद्धेश्वर स्वामी आणि मुप्पीन काडसिद्धेश्वर स्वामी यांच्या मार्गदर्शनाखाली हा उपक्रम सुरु आहे. मठ व्यवस्थापन समितीने या उपक्रमासाठी पाच स्वयंसेवकांची नेमणूक केली आहे.

समाजकार्य विभाग (सायबर)

डी. के. ‌शिंदे समाजकार्य विभागाच्यावतीने उमेदवारांना एक दिवस अल्पोपहार दिला. यावेळी परिसराची स्वच्छता करण्यात आली. मुलांशी संवाद साधून त्यांना प्रोत्साहन दिले. यावेळी प्रा. डॉ. डी. एन. भोसले, विभागाचे विद्यार्थी ‌अविनाश, विजयसिंह, ‌अनिरूद्ध, सुयोग, अमोल, किशोर आणि योगेश शिंदे उपस्थित होते.

जीवनमुक्ती सेवा संस्था

जीवनमुक्ती सेवा संस्थेच्या वतीने उमेदवारांना एक वेळच्या भोजनाची व्यवस्था केली आहे. त्यासाठी जीवनमुक्ती सेवा संस्थेचे अध्यक्ष अशोक रोकडे यांच्या मार्गदर्शनाखाली सुमारे ३० हून अधिक स्वयंसेवकांनी सैन्य भरतीसाठी आलेल्या युवकांना मोफत अन्नदान दिले. या उपक्रमाचा सुमारे सात हजारांहून अधिक उमेदवारांनी लाभ घेतला. सैन्य भरतीसाठी आलेल्या उमेदवारांना शिस्त पाळण्याचे आवाहनही जीवनमुक्ती सेवा संस्थेच्या कार्यकर्त्यांनी दिले.

नगरसेविका रुपाराणी निकम यांच्याकडून चपाती भाजी

सायबर चौक येथे नगरसेविका रुपाराणी संग्रामसिंह निकम यांनी सुमारे दीड हजार उमेदवारांना चपाती आणि भाजीचे वाटप केले. डॉल्बी, डिजीटल फलकाला फाटा देऊन भरतीसाठी आलेल्या उमेदवारांना मदतीचे आवाहन राजारामपुरी पोलिसांनी केले होते. सैन्यभरतीसाठी आलेल्या काही उमेदवारांना भोजनाची व्यवस्था करावी, असे आवाहन काही कार्यकर्त्यांनी केले होते. त्याला प्रतिसाद देत नगरसेविका निकम यांनी उमेदवारांना चपाती, भाजीचे वाटप केले. काही उमेदवार रस्त्यावरच झोपतात. या उमेदवारांसाठी रॉयल इंग्लिश मीडियम स्कूलमधील हॉल देण्याची तयारी नगरसेविका कदम यांनी दर्शविली आहे. यावेळी रणवीर निकम, संजय माने, एस. एम. जवाहिरे, नामदेव नागटिळे, पप्पू बलाळ, अशोक पवार आदींनी संयोजन केले.

कोल्हापुरात अनेक सामाजिक संस्था आणि संघटनाकडून सुरू असलेला उपक्रम कौतुकास्पद आहे. कोल्हापुरातील संस्थांनी जोपासलेली सामाजिक बांधिलकी उमेदवारांना प्रेरणा देणारी ठरेल.

मेजर सुभाष सासने, जिल्हा सैनिक कल्याण अधिकारी

सामाजिक बांधिलकी जपण्यात जीवन मुक्ती सेवा संस्था सातत्याने अग्रेसर आहे. देशाची सेवा बजाविणाऱ्या तरुणांना अन्नदानाचा उपक्रम राबविला जात आहे. देशसेवेसाठी सैन्यात दाखल होणाऱ्या तरुणांना दानशूर व्यक्त, संस्था आणि संघटनांनी मदत करावी.

अशोक रोकडे, जीवनमुक्ती सेवा संस्था

मोबाइल अॅप डाउनलोड करा आणि राहा अपडेट

महापालिका कर्मचाऱ्यांचा संप मागे

February 8, 2016, 1:30 pm

≫ Next: मुमताज शेख यांना ‘कुसुम’ पारितोषिक

≪ Previous: सैन्यभरतीवेळी अनुभवली माणुसकी

$

0

0

म. टा. प्रतिनिधी, कोल्हापूर

झाडू व सफाई कामगारांच्या बदल्यावरून निर्माण झालेला वादावर प्रशासन, पदाधिकारी आणि कर्मचारी संघटनेच्या बैठकीत पडदा टाकण्यात आला. लाड कमिटीच्या शिफारशीनुसार कागदपत्रांची पूर्तता केलेल्या १८ झाडू व सफाई कामगारांच्या वारसांची नियुक्ती, प्रलंबित ३४ वारसा नियुक्ती प्रकरणांच्या कागदपत्रांची पूर्तता केल्यानंतर नेमणुका देण्याचे बैठकीत ठरले. कर्मचाऱ्यांच्या अन्य मागण्या संदर्भात सकारात्मक निर्णय झाल्याने सोमवारी मध्यरात्रीपासून संपहावर जाण्याचा निर्णय महापालिका कर्मचारी संघाने मागे घेतला आहे.

महापौर अश्विनी रामाणे, आयुक्त पी. शिवशंकर, महापालिका कर्मचारी संघाचे अध्यक्ष रमेश देसाई यांच्या उपस्थितीत स्थायी समिती सभागृहात बैठक झाली. सामान्य प्रशासन विभाग, आरोग्य विभाग व कर्मचारी संघ यांच्या समवेत वारसा हक्काने नेमणुका देण्याच्या प्रलंबित प्रकरणांच्या कागदपत्रांची पडताळणी करण्याचा निर्णय घेण्यात आला. महापौर रामाणे यांनी कर्मचारी संघाला संप मागे घेण्याचे आवाहन केले. त्याला प्रतिसाद देत कर्मचारी महासंघांनी संप मागे घेत असल्याचे सांगितले.

उपायुक्त-आरोग्य अधिकाऱ्यांत वादावादी

झाडू आणि सफाई कामगारांच्या नियुक्ती, बदली प्रकरणी दुपारी अधिकाऱ्यांची बैठक झाली. याप्रश्नी चर्चा सुरू असताना उपायुक्त विजयकुमार खोराटे, डॉ. दिलीप पाटील यांच्यामध्ये खटके उडाले. उपायुक्त खोराटे यांनी, पाटील यांना उद्देशून तुमच्या वयाचा मान राखत जास्त बोलत नाही असे बजावले. त्यावर पाटील यांनी वयाचा मुद्दा पुढे करून माझ्यावर उपकाराची भाषा नको. कामाविषयी बोला असे प्रत्युत्तर दिले. यावेळी गटनेते शारंगधर देशमुख यांनी पाटील यांना समजविण्याचा प्रयत्न केला. बैठकीला मधुकर रामाणे, आरोग्य निरीक्षक डॉ. विजय पाटील उपस्थित होते.

मोबाइल अॅप डाउनलोड करा आणि राहा अपडेट

मुमताज शेख यांना ‘कुसुम’ पारितोषिक

February 8, 2016, 1:30 pm

≫ Next: आरोग्याची उडाली ‘धूळ’दाण

≪ Previous: महापालिका कर्मचाऱ्यांचा संप मागे

$

0

0

म. टा. प्रतिनिधी, कोल्हापूर

आंतरभारती शिक्षण मंडळ व पाटगावकर कुटुंबीयांमार्फत महिलांच्या उन्नतीसाठी कार्य करणाऱ्या सामाजिक कार्यकर्त्यांना दिला जाणारा पुरस्कार यंदा मुंबईच्या मुमताज शेख यांना जाहीर झाला आहे. शेख यांनी राज्यभरातील महिलांसाठी राईट टू पी चळवळ उभारली आहे. 'बीबीसी'ने जाहीर केलेल्या शंभर प्रेरणादायी महिलांमध्ये शेख यांचा समावेश आहे. साधना साप्ताहिकाचे संपादक विनोद शिरसाठ यांच्या हस्ते आ​णि आंतरभारती शिक्षण मंडळ अध्यक्ष बी. बी. मुळीक यांच्या अध्यक्षतेखाली गुरुवारी (ता.११ ) पुरस्कार वितरण समारंभ होईल.

राजर्षी शाहू स्मारक भवनातील मिनी सभागृहात हा कार्यक्रम होईल. २५००० रुपये, मानचिन्ह असे पुरस्काराचे स्वरूप आहे. संस्थेच्या कार्याध्यक्षा पल्लवी कोरगावकर, उपाध्यक्ष सुचेता कोरगावकर, आ​णि सचिव एम. एस. पाटोळे यांच्या उपस्थितीत कार्यक्रम होईल. यावेळी शिरसाठ यांचे 'लोकशाहीमध्ये लोक चळवळीचे महत्व' या विषयावर व्याख्यान होणार आहे.

दरम्यान, दिवंगत ज्येष्ठ स्वातंत्र्यसैनिक प्रा. चंद्रकांत पाटगावकर यांनी आंतरभारती शिक्षण मंडळ यांच्याकडे तीन लाख रुपये कायम ठेव दिली आहे. त्या ठेवीच्या व्याजामधून हा पुरस्कार दिला जातो. पाटगावकर यांच्या पत्नी कुसुम याही राष्ट्र सेवादलाच्या कार्यकर्त्या होत्या. प्राध्यापक म्हणूनही त्यांनी काम केले आहे. त्यांच्या मृत्यूनंतर नोव्हेंबर २००७ ते नोव्हेंबर २०१३ या कालावधीत प्रा. पाटगावकर यांना मिळालेली त्यांची फॅमिली पेन्शन तीन लाख रुपये बाजूला ठेवली. ही रक्कम आंतरभारती शिक्षण मंडळाकडे सुपूर्द करून 'कुसुम' पारितोषिकाची संकल्पना मांडली होती. महिलांसाठी किमान दहा वर्षे सामाजिक कार्य करणाऱ्या कार्यकर्तीस हा पुरस्कार दिला जातो अशी माहिती विनय पाटगावकर यांनी दिली.

मोबाइल अॅप डाउनलोड करा आणि राहा अपडेट

आरोग्याची उडाली ‘धूळ’दाण

February 8, 2016, 1:30 pm

≫ Next: पाचगावात अनामत रक्कमेचा वाद चिघळणार

≪ Previous: मुमताज शेख यांना ‘कुसुम’ पारितोषिक

$

0

0

म. टा. प्रतिनिधी, कोल्हापूर

शहरातील रस्त्यांची बिकट अवस्था, रस्ते दुरूस्तीसाठी वापरण्यात येणारे मुरूम यासह हवेतील वातावरण बदलामुळे वाढणारे धुलिकण यांचा आरोग्यावर परिणाम होत असून गेल्या महिन्याभरात धुळीच्या त्रासामुळे आरोग्याची धूळदाण उडाली आहे. कामानिमित्त शहर परिसरात दुचाकीवरून प्रवास करणाऱ्यांसह पादचाऱ्यांनाही धुळीचा प्रचंड त्रास होत असून थ्रोट इन्फेक्शन झालेल्या रूग्णांची संख्या लक्षणीय वाढली आहे.

धुळीचे प्रमाण धोकादायक
सस्पेंडेड पर्टिक्यूलेटेड मॅटर (एसपीएम) यात धुके, धूळ व धूर या घटकांचा समावेश होतो. तर रेस्पीरेटेल सस्पेंडेड पर्टिक्यूलेटेड मॅटर (आरएसपीएम) यात दहा मायक्रॉनपेक्षा कमी असलेल्या कणांचा समावेश होतो. राज्य प्रदूषण नियंत्रण महामंडळाच्या अहवालानुसार शहरातील हवेत अन्य घटकांपेक्षा एसपीएम व आरएसपीएमचे प्रमाण जास्त आहे. याचे सामान्य प्रमाण १०० मायक्रोग्रॅम प्रती घनमीटर असते.

महापालिकेने लक्ष द्यावे

शहरात अनेक ठिकाणी रस्ते खुदाई केल्यानंतर त्यावर दगडमाती मुरूम स्वरूपात टाकली जाते. सध्या अनेक ठिकाणी हे चित्र असते. वाऱ्यासोबत मुरूमावरील माती, धुलिकण बनून हवेत पसरतात. श्वासातून ही धूळ थेट फुप्फुसावर परिणाम करते. घशालाही धुळीचा त्रास होत असल्याचे वाढत्या रूग्णसंख्येतून दिसत आहे. त्यामुळे महापालिका प्रशासनानेही रस्ते खुदाईनंतर त्यावर मुरूम टाकण्याऐवजी डांबरीकरणाचे पॅचवर्क केले पाहिजे. स्वच्छतेचे कामही सकाळी लवकर पूर्ण होण्याची गरज आहे.

मोबाइल अॅप डाउनलोड करा आणि राहा अपडेट

पाचगावात अनामत रक्कमेचा वाद चिघळणार

February 8, 2016, 2:44 pm

≫ Next: कोल्हापूर रेल्वे स्टेशनवर शेड उभारणी सुरू

≪ Previous: आरोग्याची उडाली ‘धूळ’दाण

$

0

0

म. टा. प्रतिनिधी, कोल्हापूर

महापालिकेकडे यापुर्वी नळ कनेक्शनसाठी अनामत रक्कम भरलेल्या नागरिकांकडून नव्याने अनामत रक्कम आकारणी करू नये ही पाचगाव उपनगर कृती समितीची मागणी पाचगाव ग्रामपंचायतीने अमान्य केली आहे. त्या नागरिकांकडून ३५०० रुपयाऐवजी ३०५० रुपये आकारणी करण्याचा निर्णय ग्रामपंचायतीने घेतला आहे. यामुळे पाचगाव ग्रामपंचायत आणि उपनगर कृती समिती यांच्यातील संघर्ष आणखी चिघळण्याची शक्यता आहे. महाराष्ट्र जीवन प्राधिकरण योजनेच्या माध्यमातून पाचगावसाठी पाणी पुरवठा योजना राबविण्यात आली आहे.

पाचगाव आणि उपनगरातील पाणी समस्येवर मात करण्यासाठी महाराष्ट्र जीवन प्राधिकरणची योजना राबवली आहे. २६ जानेवारी रोजी पाणी पुरवठा योजनेची चाचणी झाली. दहा दिवस उलटूनही अद्याप पाचगाववासियांना नियमित पाणी पुरवठा होत नाही. दुसरीकडे ग्रामपंचायतीमार्फत नवीन नळ कनेक्शनसाठी अनामत रक्कम भरून घेतली जात आहे. दरम्यान, पाणी पुरवठा योजना राबविण्यात आली असली तरी अजूनही आठ दे दहा दिवस नियमित पाणी पुरवठा होण्याच शक्यता दिसत नाही. ग्रामपंचायतीकडून पाइपलाइन गळती, व्हॉल्व दुरूस्ती सुरू आहे. दुरूस्तीची कामे झाल्यानंतर एक दिवसाआड २५ मिनिटे पाणी पुरवठा करण्याचे नियोजन आहे. सरपंच शोभा भालकर यांच्या अध्यक्षतेखाली ग्रामपंचायत सदस्यांची सोमवारी बैठक झाली. पाणी पुरवठा नियोजन, नळ कनेक्शनसाठी आकारण्यात येणारी रक्कम या संदर्भातील माहिती मंगळवारी अधिकृतपणे जाहीर केली जाणार आहे.

३०५० रुपये मोजावे लागणार, आंदोलन करणार

महापालिकेकडे अनामत रक्कम भरलेल्या नागरिकांना सवलत द्यावी, त्यांच्याकडून १००० रुपये अनामत रक्कम व वार्षिक ३६० रुपये पाणी पट्टी घ्यावी, जीवन प्राधिकरणची योजना महापालिकेकडे वर्ग करावी यासह विविध मागण्या घेऊन पाचगाव उपनगर कृती समितीच्या शिष्टमंडळाने पाचगाव ग्रामपंचायत सदस्यांची भेट घेऊन निवेदन दिले. शिष्टमंडळात आबासाहेब कुलकर्णी, जी. एस. पाटील, विजयसिंह हजारे, राजाराम पाटील आदींचा समावेश होता. मात्र ग्रामपंचायतीने त्या नागरिकांकडून नळ कनेक्शनसाठी ३५०० रुपये ऐवजी ३०५० रुपये आकारणीचा निर्णय घेतला आहे. महापालिकेकडे एकदा अनामत रक्कम भरली असताना पुन्हा नागरिकांना भुर्दंड कशासाठी ? अशी विचारणा शिष्टमंडळाने केली.

मोबाइल अॅप डाउनलोड करा आणि राहा अपडेट

---

कोल्हापूर रेल्वे स्टेशनवर शेड उभारणी सुरू

February 8, 2016, 1:30 pm

≫ Next: अभिवादन, निषेध सभांनी जागवणार पानसरेंच्या स्मृती

≪ Previous: पाचगावात अनामत रक्कमेचा वाद चिघळणार

$

0

0

म. टा. प्रतिनिधी, कोल्हापूर
ऊन, पावसापासून बचाव करण्यासाठी प्लॅटफॉर्म क्रमांक तीनवर अतिशय गरजेच्या असलेल्या शेड उभारणीच्या कामाला सोमवारी खासदार धनंजय महाडिक यांच्या हस्ते प्रारंभ झाला. स्टेशनवर पाच कोटी रुपयाच्या कामांना प्रारंभ झाला असून अजून ५ कोटीच्या निधीची मागणी केली असल्याचे खासदार महाडिक यांनी सांगितले. तसेच या रेल्वे बजेटमध्ये कोल्हापूर कोकण रेल्वेला जोडण्याबरोबरच कराड बेळगाव, व्हाया कोल्हापूर या प्रकल्पांना मंजुरी मिळण्याची आशा असल्याचेही सांगितले. यापुढे प्लॅटफॉर्मची लांबी वाढवण्याचेही काम करण्यात येणार आहे.

'महाराष्ट्र टाइम्स' ने रेल्वे बजेटच्या पार्श्वभूमीवर कोल्हापूर जिल्ह्यातील रेल्वेच्या विविध प्रश्नांची मांडणी 'रेल्वे विकासाला रेड सिग्नल' या मालिकेतून केली होती. यामध्ये कोल्हापूरच्या स्टेशनवरील प्लॅटफॉर्मच्या उंचीबरोबरच तीन क्रमांकाच्या प्लॅटफॉर्मवर शेड उभारणी अत्यंत आवश्यक होती. त्याची गरज मालिकेतून मांडली होती. प्लॅटफॉर्मच्या उंचीबरोबरच शेड तयार करण्याबाबतच्या जवळपास ५ कोटीच्या कामाला पूर्वीच मंजुरी मिळाली होती, पण प्लॅटफॉर्मचे शेड उभारणीचे काम सुरू करण्यात आले नव्हते. या पार्श्वभूमीवर सोमवारी खासदार महाडिक यांच्या हस्ते शेड उभारणीच्या कामाला प्रारंभ करण्यात आला. यावेळी कृष्णराव सोळंकी, शिवनाथ बियाणी, मोहन शेटे, समीर शेठ, स्टेशन अधीक्षक सुग्रीव मीना उपस्थित होते.

खासदार महाडिक म्हणाले, 'यापूर्वी रेल्वेच्या विकासकामांबाबत फारसा निधी मिळाला नव्हता. पण या वर्षभरात सातत्याने प्रयत्न करुन पाच कोटी रुपयांचा निधी आणला. स्टेशनचा कायापालट करण्याचा मानस आहे. त्यासाठी अजूनही पाच कोटीची मागणी केली आहे. प्लॅटफॉर्मची उंची वाढवण्याबरोबरच तीन क्रमांकाच्या प्लॅटफॉर्मवर शेड उभारणीची मागणी प्रवाशांकडून होत होती. त्यानुसार कामाला सुरुवात केली आहे. सोळंकी म्हणाले, 'स्टेशनचा कायापालट करण्यासाठी नवीन आराखडा तयार करण्याची गरज आहे. बीओटीच्या माध्यमातून स्टेशनचा विकास झाल्यास नवीन सुविधा मिळतील. तसेच रिक्षा व टॅक्सी स्टॉपबाबतही व्यवस्थित जागा मिळेल. अजूनही नवीन रेल्वे सुरु करण्यासाठी स्टेशनसाठी दोन ते तीन प्लॅटफॉर्मची गरज आहे.'

महाडिक यांनी संसदेत प्रश्न मांडल्याने निधी मिळाला आहे. त्यामुळेच त्यांचा प्रवाशांच्यावतीने सत्कार करण्यात आल्याचे शेटे यांनी सांगितले. तर स्टेशन अधीक्षक मीना यांनी पाच कोटीच्या कामांना सुरुवात झाली आहे. तर आणखी तीन कोटीच्या कामांना मंजुरी मिळाली आहे. या कामांमुळे स्टेशनचा कायापालट होणार आहे, असे सांगितले.

मोबाइल अॅप डाउनलोड करा आणि राहा अपडेट

अभिवादन, निषेध सभांनी जागवणार पानसरेंच्या स्मृती

February 8, 2016, 1:30 pm

≫ Next: थकीत कर्जवसुलीसाठी आता जप्तीचा बडगा

≪ Previous: कोल्हापूर रेल्वे स्टेशनवर शेड उभारणी सुरू

$

0

0

म. टा. प्रतिनिधी, कोल्हापूर

कॉ. गोविंद पानसरे यांचा ‌पहिला स्मृती दिन २० फेब्रुवारी रोजी आहे. त्यानिमित्ताने १६ ते २१ फेब्रुवारी दरम्यान अभिवादन, निषेध सभा आणि राज्यस्तरीय संमेलनाचे आयोजन करण्यात आले आहे अशी माहिती अंधश्रद्धा निर्मूलन समितीचे राज्य कार्याध्यक्ष, अविनाश पाटील यांनी सोमवारी पत्रकार परिषदेत दिली.

पाटील म्हणाले, 'गोविंद पानसरे संघर्ष समितीच्या पुढाकाराने पानसरे दाम्पत्यावर हल्ला झालेल्या दिवसापासून १६ फेब्रुवारीपासून ते पहिल्या स्मृती दिनापर्यंत म्हणजे २० फेब्रुवारी पर्यंत विविध कार्यक्रम होतील. २० फेब्रुवारीला राज्यभर अ‌भिवादन फेरी व निषेध सभा होईल. १९ व २० फेब्रुवारी रोजी अंनिसच्या राज्य कार्यकारिणीची बैठक होईल. २१ फेब्रुवारी रोजी अंनिसच्या अध्यक्ष, उपाध्यक्षांचे राज्यस्तरीय संमेलनही होणार आहे.'

पाटील म्हणाले, 'डॉ. नरेंद्र दाभोलकर, कॉ. पानसरे व प्रा. डॉ. एम. एस. कलबुर्गीच्या खुनाच्या तपासात होत असलेल्या दिरंगाईबद्दल आणि रोहित वेमूला याच्यासारख्या तरुणांच्या आत्महत्येला कारणीभूत असणाऱ्यांचा निषेध व्यक्त करण्यासाठी १२ फेब्रुवारी रोजी दिल्लीतील जंतर-मंतरवर निदर्शने करण्यात येणार आहेत. शनि शिंगणापूर आणि राज्यातील, देशातील धार्मिक स्थळांत महिलांच्या सहभागाला दिला जाणारा नकार दुरूस्त करण्यासाठी हे सरकार संवैधानिक भूमिका घेऊन कारवाई करण्यास कच खात आहेत. मुंबईतील हाजी अली दर्ग्यातील मुस्लिम महिलांना प्रवेश मागणीविषयी याचिकेच्या पार्श्वभूमीवर तातडीने निर्णय मिळावा, यासाठी महाराष्ट्र अंनिसतर्फे उच्च न्यायालयात विनंती अर्ज सादर केला आहे. अहमदनगर जिल्हा प्रशासनाने कायदेशीर करावी म्हणून निवेदन देण्यात आले आहे.

२१ लाखांचे बक्षिस

'अंधश्रद्धांविरोधात कडक कायदे असताना मुख्यमंत्री देवेंद्र फडणवीस यांच्या पत्नीच अंधश्रद्धेला बळी पडल्याचा प्रकार घडला आहे. या घटनेचा अंधश्रद्धा निर्मूलन समितीने तीव्र शब्दात निषेध केला आहे' असे सांगून पाटील म्हणाले, 'मुख्यमंत्री फडणवीस यांनीच आता या प्रकरणाचा खुलासा करून माफी मागावी अशी मागणी अंनिसने केली आहे. चमत्कार सिद्ध केल्यास २१ लाखाचे बक्षिसही जाहीर केले आहे.'

मोबाइल अॅप डाउनलोड करा आणि राहा अपडेट

थकीत कर्जवसुलीसाठी आता जप्तीचा बडगा

February 9, 2016, 10:07 am

≫ Next: म्हैसाळच्या पाण्यासाठी सांगलीत मोर्चा

≪ Previous: अभिवादन, निषेध सभांनी जागवणार पानसरेंच्या स्मृती

$

0

0

म. टा. वृत्तसेवा, कुपवाड
सांगली जिल्ह्यातील सेवा सोसायट्यांचे कर्ज थकीत ठेवणाऱ्या करणाऱ्या १६५० सभासदांकडील ९ कोटी ५२ लाख ८२ हजारांच्या वसुलीसाठी जप्तीच्या कारवाईची पाउले सांगली जिल्हा मध्यवर्ती सहकारी बँकेने उचलली आहेत. टप्याटप्याने २००९ पासून थकीत असणाऱ्या ३३ हजार ८५० सभासदांवर जप्तीची कारवाई करीत थकीत १६० कोटी ६३ लाख रुपयांची वसुलीसाठी कायदेशीर कारवाई करण्यात येणार असल्याची माहिती बँकेचे अध्यक्ष दिलीप पाटील यांनी सोमवारी पत्रकारांना दिली.

अध्यक्ष पाटील म्हणाले, जिल्हा बँकेचे थकबाकीदार असलेल्या सभासदांच्यावर कर्ज वसुलीसाठी बँकेने आता कायदेशीर बडगा उगारला आहे. जिल्हा बँकेच्या पन्नास हजार सभासदांच्याकडे पीक कर्जापोटी तब्बल २३८ कोटी ७२ लाख ४१ हजार रुपये थकीत आहेत. वारंवार मागणी करुनही हे सभासद बँकेचे कर्ज भरत नसल्याने यातील तेहतीस हजार आठशेपन्नास सभासदांच्यावर महाराष्ट्र सहकारी संस्था कलम १०१ अन्वये कायदेशीर वसूलीसाठी दावे दाखल करण्यात आले आहेत. दरम्यान, यातील १६५० सभासदांच्यावर कायदेशीर कारवाई करून कर्ज वसूल करण्याचे आदेश जिल्हा उपनिबंधकांनी दिले आहेत. या सभासदांना कर्ज वसूलीसाठी जप्तीच्या नोटीसा देण्यात येणार आहेत.

सहकारी सोसायट्यांच्या माध्यमातून जिल्हा बँकेकडून पीक कर्ज घेतलेल्या सुमारे ५० हजार सभासदांनी जिल्हा बँकेचे सुमारे २५० कोटी रुपये थकविले आहेत. सन २००९पासून हे कर्ज थकले आहे. जिल्हा बँकेने वारंवार मागणी करुनही या सभासदांनी कर्जांची परतफेड न केल्याने जिल्हा बँकेने कर्ज वसुलीसाठी वेगळे पाऊल उचलले आहे. ज्या सभासदांनी बँकेचे कर्ज थकविले आहे, अशा सभासदांच्यामध्ये बड्या शेतकऱ्यांचाही समावेश आहे. सरकार पीक कर्ज माफ करेल, या आशेवर बसलेल्या या सभासदांनी बँकेला कर्जापोटी एक पैसाही दिलेला नाही. यामुळे बँकेचे मोठे आर्थिक नुकसान होत असल्याने बँकेने आता या सभासदांच्याकडून कायदेशीर मार्गाने कर्ज वसुली करण्यासाठी हालचाली सुरू केल्या आहेत.

१६० कोटी ०६ लाख ५० हजारांचे कर्ज थकीत
कायदेशीर बडगा उगारण्यात आलेल्या थकीत कर्ज असलेल्या सभासदांची जत व तासगाव तालुक्यात सर्वाधिक संख्या आहे. यामध्ये जत तालुक्यातील १२०६२ सभासदांच्याकडे तब्बल ६८ कोटी ४९ लाख ३२ हजार रुपयांची थकबाकी आहे. तासगाव तालुक्यातील ४१०८ सभासदांच्याकडे २४ कोटी ३७ लाख, मिरज तालुक्यातील ३८८० सभासदांच्याकडे १७ कोटी ६८ लाख ७९ हजार, कवठेमहांकाळ तालुक्यातील ३९४३ सभासदांच्याकडे १२ कोटी ६३ लाख ४१ हजार, वाळवा तालुक्यातील ३७१६ सभासद शेतकऱ्यांकडे १३ कोटी ४६ लाख ६९ हजार, खानापूर तालुक्यातील ८६६ सभासदांच्याकडे २ कोटी ९९ लाख, आटपाडी तालुक्यातील १८५८ सभासदांच्याकडे ६ कोटी ४ लाख, पलूस तालुक्यातील १५७८ सभासदांच्याकडे ७ कोटी ९१ लाख तसेच कडेगाव तालुक्यातील ८७२ सभासदांच्याकडे ३ कोटी ७२ लाख १३ हजार रुपये असे एकूण ३३ हजार ८५० सभासद शेतकऱ्यांकडे १६० कोटी ०६ लाख ५० हजार रुपयांचे कर्ज थकीत आहे.


१६५० थकीत सभासदांचे दावे निकाले
पहिल्या टप्यात १६५० थकीत सभासदांचे दावे निकाली काढण्यात आले आहेत. यामध्ये जत तालुक्यातील ६९४ सभासद (५ कोटी २७ लाख ६ हजार), कवठेमहांकाळ तालुक्यातील ८१५ सभासद (३ कोटी ६० लाख ४६ हजार), शिराळा तालुक्यातील ४२ सभासद (१२ लाख ३७ हजार) व आटपाडी तालुक्यातील १३५ सभासदांचा (५३ लाख ३१ हजार) समावेश आहे.

मोबाइल अॅप डाउनलोड करा आणि राहा अपडेट

म्हैसाळच्या पाण्यासाठी सांगलीत मोर्चा

February 9, 2016, 10:09 am

≫ Next: ‘ज्ञानेश्वर’च्या इमारतींचे १५ रोजी उद्घाटन

≪ Previous: थकीत कर्जवसुलीसाठी आता जप्तीचा बडगा

$

0

0

म. टा. वृत्तसेवा, कुपवाड
सरकारकडे पैसे छापण्याचे मशीन नाही, हे पालकमंत्री चंद्रकांत पाटील यांचे वक्तव्य बेजबाबदारपणाचे आहे. सरकार पालकमंत्र्यांचे नाही तर शेतकऱ्यांचे आहे. पाणी मिळेपर्यंत आमचा संघर्ष सुरुच राहणार असल्याचा इशारा मंगळवारी सांगलीत संविधान मोर्चातून आलेल्या विविध संघटनांनी दिला. शिवराज्य पक्षाचे नेते निवृत्त ब्रिगेडीअर सुधीर सावंत आणि जे. के. जाधव यांच्या नेतृत्वाखाली जिल्हाधिकारी कार्यालयावर मोर्चा काढण्यात आला.
सांगली जिल्ह्याचा पूर्व भाग दुष्काळाने होरपळत आहे. कवठेमहांकाळ, मिरज आणि जत या तालुक्यात भीषण पाणी टंचाई असतानाही म्हैसाळ योजनेतून पाणी सोडले जात नाही. पाण्याअभावी शेती उध्वस्त होण्याच्या मार्गावर असल्याचे म्हैसाळचे पाणी तत्काळ सुरु करावे, या मागणीसाठी मंगळवारी संविधान मोर्चाचे आयोजन करण्यात आले होते. सांगलीतील आमराई उद्यानापासून सुरू झालेल्या मोर्चात मराठा सेवा संघ, संभाजी ब्रिगेड, जिजाऊ ब्रिगेड, भारतीय विद्यार्थी संसद, धर्मनिरपेक्ष जनता दलाचे के. डी. शिंदे, शेतकरी कामगार पक्षाचे अजित सूर्यवंशी, स्वाभिमानी शेतकरी संघटनेचे किशोर देशमुख आणि पाण्यासाठी सतत संघर्ष करणारे सामाजिक कार्यकर्ते मोठ्या संख्येने सहभागी झाले होते. जिल्हाधिकारी कार्यालयासमोरील सभेत बोलताना वक्त्यांनी राज्य सरकारच्या कार्यपद्धतीवर आणि मंत्र्यांच्या विधानांवर जोरदार टीका केली. पाणी मिळेपर्यंत आमचा संघर्ष सुरुच राहणार असून, या मोर्चातील निवडक सदस्यांची समिती मुख्यमंत्र्यांची भेट घेणार असल्याचेही या वेळी जाहीर करण्यात आले.

मोबाइल अॅप डाउनलोड करा आणि राहा अपडेट

‘ज्ञानेश्वर’च्या इमारतींचे १५ रोजी उद्घाटन

February 9, 2016, 10:11 am

≫ Next: ‘मटा बिग रिवॉर्ड’चा बंपर ड्रॉ

≪ Previous: म्हैसाळच्या पाण्यासाठी सांगलीत मोर्चा

$

0

0

इस्लामपूर : आष्टा येथील संत ज्ञानेश्वर शिक्षण संस्थेच्या ‌शिक्षण संकुलातील विविध इमारतींचा उद्घाटन सोहळा व माजी मंत्री आण्णासाहेब डांगे यांच्या 'उमजल का?' या पंधराव्या ग्रंथाचे प्रकाशन सोमवारी, १५फेब्रुवारीला ज्येष्ठ नेते, राष्ट्रवादीचे अध्यक्ष शरद पवार यांच्या अध्यक्षतेखाली होणार आहे. विधानसभेचे अध्यक्ष हरीभाऊ बागडे, केंद्रिय आरोग्य व कुटुंबकल्याण राज्यमंत्री श्रीपाद नाईक, गृहराज्यमंत्री राम ‌‌‌शिंदे, आ. जयंत पाटील उपस्थित राहणार असल्याची माहिती अण्णासाहेब डांगे यांनी दिली.
ते म्हणाले, 'शिक्षण संकुलात प्राथमिक, माध्यमिक, आश्रमशाळा, इंग्लीश मीडियम, पब्लीक स्कूल, नर्सिंग, आय. टी. आय., बी. एड्., एम. एड्., मेडीकल, इंजिनीयरिंग याबरोबरच मुला, मुलींचे वसतिगृह इत्यादी उपक्रम सुरु आहेत. सुमारे साडेपाच हजार विद्यार्थी शिक्षण घेत आहेत. तर दोन हजारहून अधिक विद्यार्थी, विद्यार्थीनी वास्तव्यास आहेत.'
सोमवारी याच परिसरातील ऑ‌िलिम्पिक स्पर्धा खेळवण्यायोग्य जिमखाना इमारत, आयुर्वेद मेडीकल कॉलेजच्या बीएएमएस व एमडी कॉलेज इमारत, सर्व उपकरणांनी सुसज्ज इंजिनीअरिंग कॉलेजच्या विस्तारीत इमारतीचेही उद्घाटन होणार आहे. या संस्थेच्या इंजिनीयरिंग कॉलेजला नॅक अॅक्रीडेशन 'ए' वर्ग मिळाला आहे. 'ए' दर्जा मिळविणारे विद्यापीठातील पहिले महाविद्यालय आहे. तसेच शंभर खोल्याचे मुलांचे व मुलींचे अद्ययावत वसतिगृह, स्वतंत्र भोजनालय व शैक्षणिक साहित्याच्या दुकानासह सुविधा उपलब्ध असलेल्या वसतिगृहाच्या इमारतीचे उद्घाटनही मान्यवरांच्या हस्ते होणार आहे. सांगलीचे जिल्हाधिकारी शेखर गायकवाड यांच्या संकल्पनेतून अण्णासाहेब डांगे कॉलेज ऑफ इंजिनीअरिंग अॅण्ड टेक्नॉलॉजी या महाविद्यालयातील विद्यार्थ्यांनी शेतकऱ्यांचे सर्व दस्तऐवज एकत्रीत, सुरक्षीत व डिजीटल स्वरुपात रहावेत या दृष्टीने 'इ-फार्मर अॅप' तयार केले आहे. त्याचाही प्रारंभ करण्यात येणार आहे.
यावेळी संस्थेचे उपाध्यक्ष अॅड्. संपतराव पाटील, सचिव, अॅड्. चिमण डांगे, एक्झिक्युटीव्ह डायरेक्टर, आर. ए. कनाई, प्राचार्य, डॉ. ए. एम. मुल्ला, वैद्यकीय महाविद्यालयाचे प्राचार्य, डॉ. प्रमोद बुद्रुक, पब्लीक स्कूलचे प्राचार्य सुभाष पाटील उपस्थित होते.

मोबाइल अॅप डाउनलोड करा आणि राहा अपडेट

‘मटा बिग रिवॉर्ड’चा बंपर ड्रॉ

February 9, 2016, 1:30 pm

≫ Next: पाचगावला दोन महिन्यांत पाणी

≪ Previous: ‘ज्ञानेश्वर’च्या इमारतींचे १५ रोजी उद्घाटन

$

0

0

म. टा. प्रतिनिधी, कोल्हापूर

दिवाळीनिमित्त 'महाराष्ट्र टाइम्स'तर्फे आयोजित करण्यात आलेल्या 'मटा बिग रिवॉर्ड्स' योजनेचा बंपर ड्रॉ मंगळवारी 'महाराष्ट्र टाइम्स'च्या कार्यालयात काढण्यात आला. या ड्रॉमधून तब्बल ६७ भाग्यवान विजेते निवडण्यात आले.

या विजेत्यांना मटा बिग रिवॉर्ड्समध्ये सहभागी झालेल्या विविध भागीदारांकडून आकर्षक बक्षीसे जाहीर करण्यात आली होती. योजनेला ग्राहकांचा उस्फूर्त लाभला. त्याद्वारे कोल्हापुरातील नामवंत शोरूममध्ये केलेल्या खरेदीवर बक्षीसे जिंकण्याची संधी ग्राहकांना मिळाली आहे. मंगळवारी लकी ड्रॉवेळी बालाजी कलेक्शनचे प्रशांत पोकळे, प्रतिभा मिल्कचे अशोक पोतनीस, व्यंकटेश्वरा गारमेंटचे सतीश माने, श्राइन अॅटोचे यासर नदाफ यांनी विजेत्यांची निवड केली. प्रिया बासरानी यांनी निवेदन केले. महाराष्ट्र टाइम्सचे निवासी संपादक विजय जाधव यांनी सर्वांचे स्वागत केले.

मटा बिग रिवॉर्ड्सचे बालाजी कलेक्शन हे प्रेझेंटिंग स्पॉन्सर असून पॉवर्ड बाय व्यंकेटेश्वरा गारमेंट्स आहेत. श्री ट्रॅव्हल्स हे ट्रॅव्हल्स पार्टनर असून साई विद्या कन्स्ट्रक्शन्स हे ग्रीन पार्टनर आहेत. वारणा बँक बँकिंग पार्टनर आहे. मॉडर्न होमिओपॅथी हे या फेस्टिव्हलचे हेल्थ पार्टनर आहेत. याबरोबर हेडा इलेक्ट्रॉनिक्स, प्रतिभा मिल्क, सारस इलेक्ट्रॉनिक्स, एलजी रिगल इलेक्ट्रॉन्सिक्स, श्राईन अॅटो, लकी फर्निचर, एके टिव्हीएस, तनिष्क ज्वेलर्स, चिपडे सराफ, कदम बजाज, लक्ष्मी सेल्स, ज्युनियर जंगल, सिद्धी होम अप्लायन्सेस, फिलिप्स अरिना, माई ह्युंदाई, जयनाथ असोसिएट्स, सोनी एक्सल्युझिव्ह, भांबुरे क्रिएशन्स, रॉयल ब्ल्यू मल्टिट्रेड, अमन होम अप्लायन्सेस, भारत डेअरी हे या योजनेत सहभागी आहेत.

मटा बिग रिवाडॅ बम्पर ड्रॉचे विजेते

प्रथम : अनिल जाधव (६६११६)

द्वितीय : एस. के. मिश्रा (७२९९१)

तृतीय : संध्या पवार (१५७२७)

चौथा : विश्वास पाटील (९१३१२)

पाचवा : सविता कोळी (७९४४८)

सहावा : संतोष भोसले (९७३१२)

सातवा : अश्विनी साळुंखे (६८४५१), भिकाजी शिंदे (९०१७८)

आठवा : युसूफ तांबोळी (६९५७२), नंदा गायकवाड (६६१६६), सागर पाटील (१२६१), एन. एस. अपसंगे (८६१२३), कृष्णराज होडगे (७२३६६), आर. बी. पाटील (८६१३०), मनोज कसबेकर (७९३२६), राजकुमार वाईंगडे (८९०५१), श्वेता आचरेकर (१२२११८), सुनीता भोसले (१४५८९), विजय यादव (६२५२३), एस. बी. गावडे (७८४१८), विष्णू पाटील (७९०९७), ज्ञानेश्वर पाटील (९०५३७), उल्हास पाटील (९०५३९)

नववा : डॉ. विजय कोरे (६६१२९), भरमू पाटील (६२३२०), सुखदा परब (६९३६९), प्रिया पाटील (६६४९९), विनया पाटील (११६०), वैशाली नाळे (७२४५३), अतुल काईंगडे (७२७७३), दत्ताजी शिंदे (७८७३३), रजत मुल्ला (६९४७९), शरद भोसले (७०५५७), आशिष कापसे (१४५८७), प्रेम ढवळे (७२४०३), डॉ. सुजाता तांबेरी (८८१९१), संभाजी कुंभार (८७३४१), दीपाली घाडगे (६२१८७)

दहावा : विनय साळोखे (६७५४४), बिना कांबळे (४६००७), विनायक शेलार (६८७६४), वर्षा पाटील (६८८९३), सुवर्णा माळी (७०११९), महेश जाधव (१९१२), सचिन पासन्ना (८४७३७), सीताबाई जाधव (७०६५२), शरणाप्पा मूळवाढ (१४२८३), सुलतान उमराणी (१४२५८), उत्तम सावंत (७९९८५), शबानबी काकीतकर (७०६५६), मिलिंद उलपे (६७०९९), भक्ती जाधव (७२२६५), शीतल सावडे (८८१११)

अकरावा : संग्रामसिंह काशीद (७२५७७), शामराव यादव (६२६१०), भाग्यश्री शेळके (७३३५३), नंदा पाटील (९०५४९), प्रकाश देशमुख (९०७८५), नम्रता बोरवडेकर (१५७०७), राजीव पाटील (८९८०७), ओजस चौगुले (६६७१०), रिषी हेडा (९०६४५), सिंधीया (७२२४३), मोहन हवलदार (७९३११), सुशांत जगताप (६९४४२), सुचित्रा साळोखे (७८६७८), अरुणा पाटील (७२५०१).



गिफ्ट व्हाऊचर नेण्यासाठी

विजेत्यांनी 'महाराष्ट्र टाइम्स' च्या कार्यालयातून सकाळी दहा ते पाच या वेळेत घेऊन गिफ्ट व्हाउचर्स घेऊन जायची आहेत. गिफ्ट व्हाऊचर घेताना ग्राहकांनी कुपनची प्रत आणि आपल्या फोटो ओळखपत्राची झेरॉक्स देणे आवश्यक आहे.

पत्ता - २४९, ई, गुलमोहर रेसिडन्सी, नागाळा पार्क, कोल्हापूर, दूरध्वनी क्रमांक : ०२३१-६६२२३००

मोबाइल अॅप डाउनलोड करा आणि राहा अपडेट

पाचगावला दोन महिन्यांत पाणी

February 9, 2016, 1:30 pm

≫ Next: वसंतदादा कारखाना बंद करण्याचे आदेश

≪ Previous: ‘मटा बिग रिवॉर्ड’चा बंपर ड्रॉ

$

0

0

म. टा. प्रतिनिधी, कोल्हापूर

पाचगाववासियांच्या पिण्याच्या पाण्याच्या प्रश्नाची सोडवणूक करण्यासाठी वेगाने काम सुरू आहे. जीवन प्राधिकरण योजनेच्या माध्यमातून संपूर्ण पाचगाववासाठी पाणी पुरवठा होणार आहे. योजनेचे हस्तांतरण, पाइपलाइन गळतीची दुरूस्ती, नवीन नळ कनेक्शन जोडणी ही कामे पूर्ण केली जात आहेत. दोन महिन्यांत पाचगावचा पाणी प्रश्न निकालात निघेल अशी माहिती सरपंच शोभा भालकर व उपसरपंच सुशांत शेटगे यांनी पत्रकार बैठकीत दिली.

सरपंच भालकर, उपरपंच शेटगे म्हणाले, 'सर्व भागाला समान पाणी मिळेल. त्यासाठी मुख्य पाइपलाइनमधून ज्यांनी कनेक्शन घेतली आहेत, ती खंडीत केली जात आहेत. त्यांना पर्यायी पाइपलाइनवरून कनेक्शन देऊ. अनेकांनी बोगस, डबल कनेक्शन घेतली आहेत. दोन नळ कनेक्शन असतील तर त्यावर कारवाई होणार आहे. यापूर्वी ज्यांनी महापालिकेकडून नळ कनेक्शन घेतली आहेत, त्यांच्याकडून ३०५० रुपये घेतले जात आहेत. यापैकी १८५० रुपये अनामत रक्कम आणि १२०० रुपये सेवाकर असेल. ग्रामपंचायतीची महापालिकेकडे एक कोटी ३५ लाख रुपये थकबाकी आहे. महापालिकेने ही रक्कम परत द्यावी यासाठी पाठपुरावा सुरू आहे.'

पत्रकार परिषदेला दोन्ही गटाचे सदस्य उप​स्थित होते.

मोबाइल अॅप डाउनलोड करा आणि राहा अपडेट

---

वसंतदादा कारखाना बंद करण्याचे आदेश

February 9, 2016, 1:30 pm

≫ Next: कोरियन विद्यापीठासह तीन एमओयूंना मान्यता

≪ Previous: पाचगावला दोन महिन्यांत पाणी

$

0

0

म. टा. वृत्तसेवा, कुपवाड

धुराड्यातून बाहेर पडणाऱ्या राखेवर नियंत्रण ठेवले जात नसल्याचा ठपका ठेवत महाराष्ट्र प्रदूषण नियंत्रण मंडळाने मंगळवारी सांगलीच्या वसंतदादा शेतकरी सहकारी साखर कारखाना बंद करण्याचे आदेश दिले. कारखान्याकडे एकूण आठ बॉयलर असून त्यापैकी तीन बॉयलरमध्ये राखेवर नियंत्रण ठेवणारी यंत्रणा आहे. पण ती कार्यान्वित नाही. अन्य बॉयलरमध्ये तशी यंत्रणाही बसविली नाही. अशा प्रकारचे सात आक्षेप नोंदवत मंडळाचे सहसंचालक डॉ. वाय.बी. सोनटक्के यांनी कारखाना बंद करण्याचा आदेश दिला आहे. जिल्हा सुधार समितीने कारखान्याविरोधात आंदोलन पुकारले होते. या आदेशाबाबत बोलताना समितीचे अ‍ॅड. अमित शिंदे यांनी महाराष्ट्रातील ही पहिलीच कारवाई असल्याचे सांगितले.

दरम्यान, अध्यक्ष विशाल पाटील म्हणाले, 'संबंधित नोटीस अद्याप मिळाली नाही. राजकीय हेतूने केलेले हे कटकारस्थान आहे. ३१ मार्चपर्यंत्त प्रदुषणाबाबत सर्व ती उपाययोजना करणार आहोत. पुढच्या सीझनला नागरिकांना राखेचा अजिबात त्रास होणार नाही.'

मोबाइल अॅप डाउनलोड करा आणि राहा अपडेट

कोरियन विद्यापीठासह तीन एमओयूंना मान्यता

February 9, 2016, 1:30 pm

≫ Next: एमपीएससी परीक्षेची तांत्रिक ‘केमिस्ट्री’

≪ Previous: वसंतदादा कारखाना बंद करण्याचे आदेश

$

0

0

म. टा. प्रतिनिधी, कोल्हापूर

शिवाजी विद्यापीठाच्या व्यवस्थापन परिषदेच्या बैठकीत रिपब्लिक ऑफ कोरियाच्या योंगनाम विद्यापीठाशी सामंजस्य करार करण्यास मान्यता देण्यात आली. एकुण तीन एमओयूस मंगळवारच्या बैठकीत मान्यता देण्यात आली. कमकुवत कॉलेजला अर्थसहाय्य देण्याच्या शिफारशीही मंजूर झाल्या.

विद्यापीठात कुलगुरू डॉ. देवानंद शिंदे यांच्या अध्यक्षतेखाली व्यवस्थापन परिषद आणि विद्या परिषदेचे बैठकीत हा निर्णय झाला. बैठकीच्या सचिवपदी डॉ. व्ही. एन. शिंदे होते. व्यवस्थापन परिषदेत आठ निर्णय घेण्यात आले.

शैक्षणिक वर्ष २०१५-१६ मध्ये कमकुवत कॉलेजला अर्थसहाय्य करण्यासाठी छाननी समितीने शिफारसी केल्या होत्या. त्या बैठकीत मान्य झाल्या. विद्यापरिषदेच्या बैठकीत पाचगणी येथील बहाई अकॅडेमी संस्थेला मान्यताप्राप्त परिसंस्था म्हणून मान्यता देण्यात आली. विविध कॉलेजांकडून काही अभ्यासक्रम बंद आणि प्रवेश क्षमता कमी करण्यासाठी प्रस्ताव होते. ते मंजूरीची शिफारस करण्यात आली. कौशल्य व उद्योजकता विकास केंद्र आणि शासकीत तंत्रनिकेतनची धातूतंत्र प्रबोधिनी यांच्यात सामंजस्य करारास मान्यता देण्यात आली. संगणकशास्त्र अधिविभाग आणि पुणे येथील सीडॅक यांच्या करारास मान्यता दिली.

५२ व्या दीक्षांत समारंभात पदवी, पदविका आणि प्रमाणपत्रे देण्याबाबत विद्यापरिषदेने केलेली शिफारस मान्य करण्यात आली. अंदाजपत्रकाची शिफारस मान्य झाली.

मोबाइल अॅप डाउनलोड करा आणि राहा अपडेट

एमपीएससी परीक्षेची तांत्रिक ‘केमिस्ट्री’

February 9, 2016, 1:30 pm

≫ Next: सातव्या वेतन आयोगासाठी निदर्शने

≪ Previous: कोरियन विद्यापीठासह तीन एमओयूंना मान्यता

$

0

0

म. टा. प्रतिनिधी, कोल्हापूर

महाराष्ट्र लोकसेवा आयोगाने नुकत्याच वनक्षेत्रपाल पदांसाठी दिलेल्या जाहिरातीनुसार परीक्षेसाठी अर्ज दाखल करणाऱ्या परीक्षार्थींचे केवळ रसायनशास्त्र विषयाचेच ऑनलाइन अर्ज स्वीकारले जात आहेत. जाहिरातीत अनेक विषयांचा उल्लेख असतानाही केवळ एकाच विषयाच्या विद्यार्थ्यांचे अर्ज स्वीकारले जात असल्याने परीक्षेसाठी अर्ज भरणाऱ्या विद्यार्थ्यांत अस्वस्थता निर्माण झाली आहे.

वनक्षेत्रपाल पदाच्या ५५ जागांसाठी जाहिरात प्रसिद्ध केली आहे. या पदांसाठी मुंबई, पुणे, नागपूर आणि औरंगाबाद या केंद्रांवर पूर्व परीक्षा होणार असून, यासाठी २३ फेब्रुवारीपर्यंत ऑनलाईन अर्ज भरण्याची मुदत आहे. यासाठी वनशास्त्र, वनस्पतीशास्त्र, रसायनशास्त्र, भूशास्त्र, गणित, भौतिकशास्त्र, साख्यिकी, प्राणिशास्त्र, उद्यानविद्या शास्त्र, कृषी, अभियांत्रिकी, संगणक विज्ञान, पर्यावरण आणि पशुवैद्यकीय विज्ञान ‍विषयांचे पदवीधारक पात्र असल्याचा उल्लेख आहे. प्रत्यक्षात ऑनलाइन अर्ज भरताना केवळ रसायनशास्त्र विषयाचेच अर्ज स्वीकारले जात आहेत.

लोकसेवा आयोगाचे ऑनलाइन अर्ज भरण्याचे काम महा ऑनलाइनकडे आहे, मात्र महाऑनलाइन यंत्रणेला स्पर्धा परीक्षांचे गांभीर्य नसल्याचा आरोप परीक्षार्थी करीत आहेत. महाऑनलाइनचा सर्व्हर कमी क्षमतेचा असल्याने याबाबत आयोगाने लक्ष घालण्याची विनंतीही विद्यार्थ्यांनी आयोगाच्या वेबसाइटवर केली आहे. महाऑनलाइनचा तांत्रिक घोळ वेळेत संपला नाही तर मात्र, अनेक विद्यार्थ्यांना २३ फेब्रुवारीपूर्वी अर्ज भरता येणार नाहीत. याबाबत राज्य लोकसेवा आयोगाच्या दूरध्वनी क्रमांकावर संपर्क साधला असता काहीच उत्तर मिळाले नाही, तर विद्यार्थ्यांनी केलेल्या तक्रारींनतर लवकरच तांत्रिक अडचण दूर होईल, अशी माहिती दिली जात आहे.

माझे शिक्षण बी.एससी. अॅग्री असून मी गेल्या दोन वर्षांपासून स्पर्धा परीक्षांचा अभ्यास करीत आहे. दोन दिवसांपासून मी वनक्षेत्रपाल पदाच्या परीक्षेसाठी अर्ज करीत आहे, मात्र अर्ज स्वीकारला जात नसल्याने माझी चिंता वाढली आहे. वेळेत अर्ज भरला नाही तर माझी परीक्षेची संधी सुटू शकते.

विक्रांती कांबळे, विद्यार्थिनी

वनक्षेत्रपाल पदासाठी दोन दिवसांपासून आम्ही ऑनलाईन अर्ज भरण्याचा प्रयत्न करीत आहे, मात्र रसायनशास्त्र विषय वगळता इतर कुठल्याच विषयाचे अर्ज स्वीकारले जात नसल्याने आमचा वेळ अर्ज भरण्याच्या प्रक्रियेतच जात आहे. आयोगाकडे तक्रार करूनही याचे समाधानकारक उत्तर मिळत नाही.

कविता बेन, विद्यार्थिनी

मोबाइल अॅप डाउनलोड करा आणि राहा अपडेट

सातव्या वेतन आयोगासाठी निदर्शने

February 9, 2016, 1:30 pm

≫ Next: सौंदत्ती यात्रेसाठी गावागावांत बुकिंग

≪ Previous: एमपीएससी परीक्षेची तांत्रिक ‘केमिस्ट्री’

$

0

0

म. टा. प्रतिनिधी, कोल्हापूर

सातवा वेतन आयोग लागू करावा यांसह विविध मागण्यांसाठी राज्य शासकीय कर्मचाऱ्यांनी मंगळवारी (ता. ९) जिल्हाधिकारी कार्यालयासमोर निदर्शने केली. कर्मचारी संघटनेने राज्य सरकारकडे वारंवार मागण्यांची निवेदने देऊनही याकडे दुर्लक्ष होत असल्याने पुन्हा आंदोलन करण्यात आहे.

जिल्हाधिकारी कार्यालयातील कर्मचाऱ्यांनी मंगळवारी (ता. ९) दुपारच्या सुटीत जिल्हाधिकारी कार्यालयाच्या बाहेर येऊन विविध मागण्यांकडे सरकारचे लक्ष वेधण्यासाठी निदर्शने केली. सातवा वेतन आयोग लागू करावा, नवीन पेनेशन योजना बंद करून जुनी पेन्शन योजना लागू करावी, रिक्त पदांची भरती करावी, पाच दिवसांचा आठवडा करावा, अनुकंपा भरती सुरू करावी, निवृत्तीचे वय साठ करावे यांसह इतर मागण्या राज्य सरकारने तातडीने मान्य कराव्यात यासाठी घोषणाबाजी करण्यात आली. केंद्र सरकारप्रमाणेच राज्य सरकारने महागाई भत्त्याची घोषणा केल्याने या निर्णयाचे स्वागतही करण्यात आले. कर्मचारी संघटनेने मागण्यांचे निवेदन तहसीलदार डी. आर. सावंत यांच्याकडे दिले. निदर्शनांसाठी मोठ्या प्रमाणात शासकीय कर्मचारी उपस्थित होते.

मोबाइल अॅप डाउनलोड करा आणि राहा अपडेट

सौंदत्ती यात्रेसाठी गावागावांत बुकिंग

February 9, 2016, 1:30 pm

≫ Next: नगरसेवकांच्या कृपेने फूटपाथवरही केबीन्स

≪ Previous: सातव्या वेतन आयोगासाठी निदर्शने

$

0

0

म. टा. प्रतिनिधी, कोल्हापूर

सौंदत्तीच्या माघी यात्रेसाठी एसटीच्या बसचे जास्तीत जास्त बुकिंग करण्यासाठी महामंडळाने पाच तालुक्यांसाठी तीन पथके नेमली आहेत. आठ दिवसांत १२५ बसचे बुकिंग झाले असून ४०० च्यावर बसेसचे बुकिंग होण्याची शक्यता आहे. कर्नाटकच्या बसची घुसखोरी थांबवण्यासाठी या पद्धतीचा अवलंब करण्यात आला आहे. याशिवाय या महिन्यातील पंढरपूर यात्रा, गडहिंग्लजच्या काळभैरी यात्रेसाठीही एसटी महामंडळाने नियोजन सुरू केले आहे.

कर्नाटकमधील सौंदत्तीच्या माघी यात्रेसाठी जिल्ह्यातून मोठ्या प्रमाणावर भाविक जातात. सीमाभागाजवळ असलेल्या जिल्ह्यातील अनेक तालुक्यांमधून कर्नाटक महामंडळाच्या बस आरक्षित करण्याचे प्रमाण गेल्या काही वर्षांपासून वाढले आहे. त्यामुळे एसटी महामंडळाच्या उत्पन्नावर परिणाम होत होता. त्यासाठी महामंडळाने काही भागात अधिकारी पाठवून बस आर​क्षित करत होते. त्यातून काही प्रमाणात बुकिंगमध्ये वाढही झाली होती. यंदा मात्र कोल्हापूर विभागाच्यावतीने आक्रमक भूमिका घेतली आहे. ​अधिकाऱ्यांची तीन पथके तयार करुन त्यांना स्वतंत्र वाहने दिली आहेत. दिवसभर त्यांना दिलेल्या तालुक्यातील गावागावात जाऊन बस आरक्षित करुन देत आहेत.

नियमित विविध सवलती व बसचा वापर महाराष्ट्राचा करता व यात्रेवेळी कर्नाटक बसचे आरक्षण करणे बरोबर नसल्याचे त्या त्या गावातील ग्रामस्थांना पटवून दिले जात आहे. त्यानुसार आठ दिवसात १२५ हून अधिक बसचे बुकिंग झाले आहे. पी. व्ही. पाऊसकर यांच्या मार्गदर्शनाखाली त्यांचे नियोजन केले जात आहे. पंढरपूर यात्रेचेही नियोजन आहे. यासाठी २०० बसचे आरक्षण होण्याची शक्यता आहे. गडहिंग्लजची काळभैरी यात्रा २४ फेब्रुवारीला आहे. त्यासाठीही जादा बससचे नियोजन केले जात आहे.

मोबाइल अॅप डाउनलोड करा आणि राहा अपडेट