कारखानदारांना ८० : २० फॉर्म्युला मान्य

December 17, 2015, 1:30 pm

≫ Next: शरण संस्कृती शिबिर २४ पासून

≪ Previous: ‘किफ’मधून घडणार आजपासून सिनेमासफर

$

0

0

म. टा. प्रतिनिधी, कोल्हापूर

'राज्य सरकारने ऊस उत्पादक शेतकऱ्यांसाठी जाहीर केलेला एफआरपीचा ८० : २० फॉर्म्युला जिल्ह्यात सर्व साखर कारखान्यांनी मान्य केला आहे. त्यानुसार आता येथून पुढे तशी उचल शेतकऱ्यांना देण्यात येईल', अशी माहिती कोल्हापूर जिल्हा मध्यवर्ती सहकारी बँकेचे अध्यक्ष, आमदार हसन मुश्रीफ यांनी गुरुवारी सायंकाळी पत्रकारांशी बोलताना दिली.

गेल्या काही दिवसांपासून एफआरपीच्या संदर्भात स्वाभीमानी शेतकरी संघटनेने आंदोलन सुरू केले आहे. अन्य संघटनांकडूनही कारखान्यांच्या परिसरात आंदोलने सुरू झाली होती. त्या पार्श्वभूमीवर सायंकाळी केडीसीसीच्या सभागृहात गुरुवारी सायंकाळी जिल्ह्यातील साखर कारखान्याचे अध्यक्ष आणि पदाधिकाऱ्यांची बैठक झाली. बैठकीत सर्वानुमते ८० : २० फॉर्म्युला मान्य करण्यावर शिक्कामोर्तब झाले.

आमदार मुश्रीफ म्हणाले, 'एफआरपीची रिक्कम आणि साखर कारखान्यांकडे उपलब्ध असणारी रक्कम यात तफावत होती. मात्र, त्यातूनही काही कारखान्यांनी ७० टक्क्यांप्रमाणे रक्कम जमा करण्यास सुरुवात केली होती. ११ डिसेंबरला मुख्यमंत्री देवेंद्र फडणवीस आणि सहकारी मंत्री चंद्रकांतदादा पाटील यांनी बैठक घेऊन ८० : २० फॉर्म्युल्याची घोषणा केली होती. त्यावर आजच्या बैठकीत चर्चा झाली आणि आम्ही ८० : २० फॉर्म्युला मान्य केला आहे.'

केंद्राने अनुदान द्यावे

'या फॉर्म्युल्यानुसार आम्ही ८० टक्के रक्कम शेतकऱ्यांच्या खात्यात जामा करू. मात्र, उर्वरीत २० टक्के रक्कम देण्यासाठी कारखान्याकडे आर्थिक ताकद नाही. त्यामुळे साखरेचे दर वाढले किंवा केंद्राने कारखान्यांना अनुदान दिले, तरच आम्हाला ही रक्कम देणे शक्य होणार आहे. त्यामुळे आम्ही सर्वजण मिळून केंद्राकडे अनुदानाची मागणी करणार आहोत', असे मुश्रीफ यांनी स्पष्ट केले.

बैठकीला, डी. वाय. पाटील कारखान्याचे अध्यक्ष सतेज पाटील, संताजी घोरपडे कारखान्याचे अध्यक्ष हसन मुश्रीफ, जवाहर कारखान्याचे अध्यक्ष प्रकाश आवाडे, तात्यासाहेब कोरे कारखान्याचे अध्यक्ष विनय कोरे, शरद कारखान्याचे राजेंद्र पाटील, मंडलिक कारखान्याचे अध्यक्ष प्रा. संजय मंडलिक, माजी आमदार के. पी. पाटील उपस्थित होते.

मोबाइल अॅप डाउनलोड करा आणि राहा अपडेट

---

शरण संस्कृती शिबिर २४ पासून

December 17, 2015, 1:30 pm

≫ Next: आणेवारीनंतर शेतकरी अस्वस्थ

≪ Previous: कारखानदारांना ८० : २० फॉर्म्युला मान्य

$

0

0

म. टा. प्रतिनिधी, कोल्हापूर

येथील बसवदृष्टी केंद्राच्यावतीने २४ व २५ डिसेंबरला नववे शरण संस्कृती अध्ययन शिबिर आयोजित केले आहे. शिबिरात ज्येष्ठ विचारवंत डॉ.एम.एम. कलबुर्गी यांच्या विचार कार्यावर परिसंवाद होणार आहे. ज्येष्ठ साहित्यिक राजा शिरगुप्पे शिबिराच्या अध्यक्षस्थानी असणार आहेत. हिरेमठ संस्थानचे (भालकी) डॉ. बसवलिंग पट्टद्देवरू यांची प्रमुख उपस्थिती असणार आहे. योगभवन, हनुमाननगर, शाहू नाक्यासमोर शिबिर होणार आहे.

मंदाकिनी पाटील व आर. टी. पाटील यांच्याहस्ते सकाळी नऊ वाजता ध्वजारोहण होऊन गुरूवारी (ता.२४) सकाळी नऊ वाजता शिबिराला प्रारंभ होईल. प्रा. प्रतिमा परदेशी यांच्या हस्ते उद्घाटन होणार आहे.

या सत्राचे अध्यक्षस्थान प्रा. मेघा पानसरे भूषविणार आहेत. 'पणती जपून ठेवा, अंधार फार झाला' या विषयावर चर्चासत्र आहे. सकाळी ११ वाजता 'शरणांची वचने-संतांचे अभंग : अभिव्यक्ती स्वातंत्र्याचा महाघोष' या विषयावर परिसंवाद आहे. यात प्राचार्य डॉ. राजेंद्र कुंभार, कॉम्रेड

धनाजी गुरव, राजू जुबरे (भालकी) यांचा सहभाग आहे.

दुपारी तीन वाजता 'डॉ. एम. एम. कलबुर्गी यांच्या विचार साहित्य आणि कार्यावर' आधारित परिसंवाद होणार आहे. बसव समिती बेंगळूरचे अध्यक्ष अरविंद जत्ती, प्रा. भालचंद्र जयशेट्टी (विषय ः डॉ. कलबुर्गी आधुनिक लिंगायत आंदोलनाचा थिंक टँक), प्रा. सिद्धाण्णा लंगोटी (विषय ः डॉ. कलबुर्गी नवसंशोधकासाठी दीपगृह), डॉ. नलिनी वाघमारे (विषय ः डॉ. कलबुर्गींचा सत्यशोधनाचा वारसा जपण्याचे आव्हान), डॉ. बसवलिंग पट्टद्देवरू (विषय ः मी गाईन मज आवडेल तैसे) यांचे व्याख्यान आहे.

सायंकाळी सहा वाजता 'संविधान, विचार स्वातंत्र्य व असहिष्णुता' या विषयावर परिसंवाद असून यामध्ये इतिहास संशोधक डॉ.जयसिंगराव पवार, प्राचार्य टी. एस.

पाटील, प्राचार्य डॉ. नागनाथ पाटील, प्रा. डॉ. कल्याणम्मा लंगोटी यांचा समावेश आहे. यश आंबोळे हा विद्यार्थी या विषयी बोलणार आहे.

मोबाइल अॅप डाउनलोड करा आणि राहा अपडेट

आणेवारीनंतर शेतकरी अस्वस्थ

December 17, 2015, 12:04 pm

≫ Next: ‘दमसा’ संमेलन ९ जानेवारीपासून

≪ Previous: शरण संस्कृती शिबिर २४ पासून

$

0

0

'स्वाभिमानी' उतरणार रस्त्यावर

म. टा. प्रतिनिधी, कोल्हापूर

कोल्हापूर जिल्ह्यात केवळ ४९ टक्के पावसाची नोंद झाली असूनही जिल्हा प्रशासनाच्या अंतिम पीक आणेवारीत एकही गाव टंचाईग्रस्त नसल्याचे नमूद करण्यात आले आहे. केवळ कागदोपत्री काम उरकून महसूल विभाग आणि कृषी विभागाने शेतकऱ्यांच्या जखमेवर मीठ चोळल्याची भावना शेतकऱ्यांमध्ये निर्माण झाली आहे. पीक आणेवारीवर आक्षेप नोंदवून नव्याने पीक आणेवारी करावी अशी शेतकऱ्यांची मागणी आहे, तर महसूल विभागाच्या कारभाराविरोधात आंदोलन करण्याचा इशारा स्वाभिमानी शेतकरी संघटनेने दिला आहे.

जिल्ह्यात महसूल विभागाने केलेल्या तीन पीक आणेवारींमध्ये एकही टंचाईग्रस्त गाव सरकारी अधिकाऱ्यांच्या निदर्शनास आलेले नाही. १२१२ गावांमध्ये पीकस्थिती समाधानकारक असल्याचा दावाच जिल्हा प्रशासनाने पीक आणेवारीतून केला आहे. जिल्ह्यात सरासरीपेक्षा निम्मा पाऊस झाल्याने जलाशयांमधील पाण्याची पातळी घटल्यानेही प्रशासनाला पीक स्थिती समाधानकारक कशी दिसते? असा प्रश्न शेतकरी विचारत आहेत.

जिल्ह्यातील हातकणंगले, शाहूवाडी, गडहिंग्लज, आजरा, भुदरगड आणि गगनबावडा तालुक्यांमधील किमान ५० गावांमध्ये सध्या पिकांची गंभीर स्थिती असून, चिकोत्रा, हिरण्यकेशी नदी आणि काही तलावांमधील पाणी उपसा बंद केल्याने पिके पाण्याविना करपू लागली आहेत. कागल तालुक्यातील काही गावांना उपसाबंदीचा मोठा फटका बसला आहे.

खरीप पिकांचे घटलेले उत्पन्न आणि उपसाबंदीमुळे बागायती शेतीवर संकट ओढवल्याने शेतकरी हवालदिल झाले आहेत. जिल्ह्यात पिकांची स्थिती आलबेल असल्याचा अहवाल तयार करणाऱ्या जिल्हा प्रशासनानेच उपसाबंदी लागू करून पाणीटंचाईवर शिक्कामोर्तब केले आहे. एकीकडे उपसाबंदी आणि दुसरीकडे टंचाईच नाही, असा जिल्हा प्रशासनाचा निष्कर्ष अजब असल्याने शेतकऱ्यांनी याविरोधात प्रचंड नाराजी व्यक्त केली आहे.

बोगस आणेवारीविरोधात संतापलेल्या शेतकऱ्यांनी आक्षेप घेण्याचे ठरवले असून, त्या त्या तालुक्यातील तहसीलदारांकडे तक्रारी नोंदविण्यात येणार आहेत. स्वाभिमानी शेतकरी संघटनेनेही बोगस आणेवारीविरोधात आवाज उठविण्याचे ठरवले असून, नव्याने पीक पाहणी करण्याची मागणी केली आहे.याबाबतचे निवेदन लवकरच जिल्हाधिकाऱ्यांना देऊन प्रशासनाच्या भोंगळ कारभाराविरोधात रस्त्यावर उतरण्याचा इशारा स्वाभिमानी शेतकरी संघटनेच्या पदाधिकाऱ्यांनी दिला आहे. एकीकडे जिल्ह्यात उपसाबंदी लागू होते आणि दुसरीकडे पीकस्थिती समाधानकारक असल्याचे अहवाल तयार केले जातात ही विसंगती आहे. टंचाईग्रस्त गावांतील शेतकऱ्यांनी तहसीलदारांकडे तक्रारी कराव्यात. स्वाभिमानी शेतकरी संघटनेच्यावतीने जिल्हाधिकाऱ्यांकडे नव्याने आणि प्रामाणिकपणे पीकपाहणी करण्याचा आग्रह धरणार आहे.

- सदाभाऊ खोत, प्रदेशाध्यक्ष,

स्वाभिमानी शेतकरी संघटना

मोबाइल अॅप डाउनलोड करा आणि राहा अपडेट

‘दमसा’ संमेलन ९ जानेवारीपासून

December 17, 2015, 11:05 am

≫ Next: ब्रेडमध्ये प्लास्ट‌िकचे तुकडे

≪ Previous: आणेवारीनंतर शेतकरी अस्वस्थ

$

0

0

संमेलनाध्यक्षपदी ज्ञानेश्वर मुळे

म. टा. प्रतिनिधी, कोल्हापूर

दक्षिण महाराष्ट्र साहित्य सभेचे २७ वे साहित्य संमेलन येत्या नऊ आणि दहा जानेवारीला कोल्हापुरात होत आहे. २५ वर्षानंतर कोल्हापुरात संमेलन होत असून ते भव्यतेने साजरे करण्यात येणार आहे. ज्वलंत विषयावर परिसंवाद, प्रकट मुलाखत काव्य संमेलन, कवी कट्टा अशा साहित्यिक कार्यक्रमांची रेलचेल असणार आहे. लेखक आणि भारताचे अमेरिकेतील कौन्सुल जनरल ज्ञानेश्वर मुळे यांची संमेलनाध्यक्षपदी तर उद्योगपती व्ही.बी.पाटील यांची स्वागताध्यक्षपदी निवड करण्यता आली आहे अशी माहिती दक्षिण महाराष्ट्र साहित्य सभेचे संस्थापक आणि साहित्यिक प्रा. चंद्रकुमार नलगे यांनी पत्रकार परिषदेत दिली.

साहित्यिक नलगे म्हणाले, 'राजाराम कॉलेजमधील यशवंतराव चव्हाण सभागृह आणि परिसरात संमेलन होणार आहे. शनिवारी (ता.९) सकाळी नऊ वाजता उद्घाटन समारंभ आहे. उद्घाटन सोहळ्यासाठी महापौर अश्विनी रामाणे, खासदार धनंजय महाडिक, आमदार राजेश क्षीरसागर आणि अमल महाडिक यांना निमंत्रित केले आहे. संमेलनात 'महाराष्ट्र सहिष्णू आहे का ?' या विषयावर ज्येष्ठ पत्रकार अनंत दिक्षीत यांच्या अध्यक्षतेखाली परिसंवाद होणार आहे. यामध्ये पालकमंत्री चंद्रकांत पाटील, माजी मंत्री जयंत पाटील, खासदार रामदास आठवले, आमदार ​नीलम गोऱ्हे, स्वाभिमानी शेतकरी संघटनेचे सदाभाऊ खोत, विचारवंत विद्या बाळ, वात्रटीकाकार रामदास फुटाणे आणि श्रमिक मुक्ती दलाचे संपत देसाई सहभागी होणार आहेत. बिहारचे माजी राज्यपाल डॉ. डी.वाय. पाटील यांच्या हस्ते यांच्या हस्ते महाराष्ट्र भूषण पुरस्काराबद्दल श्रीमती विद्या बाळ यांचा सत्कार करण्यात येणार आहे.

'मराठीचे भवितव्य आणि प्रसारमाध्यमांची भू​मिका' या विषयावर परिसंवाद होणार आहे. यामध्ये 'महाराष्ट्र टाइम्स'चे निवासी संपादक विजय जाधव, ज्येष्ठ पत्रकार वसंत भोसले, अशोक घोरपडे, चारूदत्त जोशी, श्रीराम पचिंद्रे यांचा सहभाग आहे. पत्रकार श्रीराम पवार परिसंवादाच्या अध्यक्षस्थानी आहेत. संमेलनात ख्यातनाम कादंबरीकार श्याम मनोहर यांच्या प्रकट मुलाखतीचा कार्यक्रम आहे. पत्रकार जयसिंग पाटील आणि नाटककार हिमांशू स्मार्त मुलाखत घेतील. संमेलनाच्या समारोपासाठी माजी मंत्री पतंगराव कदम आणि राज्याच्या मराठी भाषा विभागाचे सचिव भूषण गगराणी प्रमुख पाहुणे म्हणून उप​स्थित राहणार आहेत. पत्रकार परिषदेला प्रा. वि. द. कदम, प्रा. दि. बा. पाटील, श्याम कुरळे, प्रा. डॉ. विनोद कांबळे उपस्थित होते.

दोन दिवस कवीकट्टा

नवोदित कवींना संधी मिळावी यासाठी दोन दिवस कवीकट्टा सुरू ठेवण्यात येणार आहे. उद्‍घाटन समारंभानंतर संमेलनाध्यक्ष मुळे यांच्या कवितेने कवीकट्ट्याची सुरूवात होईल. दरम्यान दक्षिण महाराष्ट्र आणि सीमाभागातील कवींचे संमेलन होणार आहे. कवी अशोक भोईटे अध्यक्षस्थानी असतील. शिवाय चित्र, शिल्प, काव्य हा अभिनव कार्यक्रम आहे.

मोबाइल अॅप डाउनलोड करा आणि राहा अपडेट

ब्रेडमध्ये प्लास्ट‌िकचे तुकडे

December 17, 2015, 12:07 pm

≫ Next: भावांकडूनच ‘ऑनर किलिंग’

≪ Previous: ‘दमसा’ संमेलन ९ जानेवारीपासून

$

0

0

इचलकरंजी : चिपरी (ता. शिरोळ) येथील श्री महालक्ष्मी बेकरीच्या मिल्क ब्रेडमध्ये प्लास्टिक कागदाचे तुकडे आढळून आल्या आहेत. याबाबत ऋषिकेश धर्मराज जाधव (रा. लिंबू चौक) यांनी प्रांताधिकारी अश्विनी जिरंगे यांच्याकडे तक्रार दिली आहे. त्यानुसार प्रांताधिकारी जिरंगे यांनी अन्न व भेसळ प्रतिबंधक विभागाला योग्य त्या कारवाईच्या सूचना केल्या आहेत.

लिंबू चौक येथे राहणारे ऋषिकेश जाधव यांनी आज (गुरुवार) सकाळी परिसरातील एका किराणा दुकानातून श्री महालक्ष्मी बेकरीचे उत्पादन असलेला मिल्क ब्रेड आणला होता. त्यातील पहिले दोन स्लाईस व्यवस्थित होते. पण तिसरा स्लाईस काढला असता त्यामध्ये प्लास्टिक कागदाचा तुकडा असल्याचे आढळून आले. त्यामुळे त्यांनी ब्रेड तपासून पाहिला असता आणखीन एका स्लाईसमध्ये हाच प्रकार आढळून आला. जाधव यांनी प्रांताधिकारी जिरंगे यांची भेट घेऊन सदरची बाब त्यांच्या नजरेस आणून दिली. या तक्रारीची तातडीने दखल घेत प्रांताधिकारी जिरंगे यांनी या संदर्भात अन्न व भेसळ प्रतिबंधक विभागाला कळवून संबंधितांवर योग्य ती कारवाई करण्याच्या सूचना केल्या आहेत.

मोबाइल अॅप डाउनलोड करा आणि राहा अपडेट

भावांकडूनच ‘ऑनर किलिंग’

December 17, 2015, 1:30 pm

≫ Next: एसटी फलाटावरच

≪ Previous: ब्रेडमध्ये प्लास्ट‌िकचे तुकडे

$

0

0

म. टा. प्रतिनिधी, कोल्हापूर

बहिणीने पळून जाऊन आंतरजातीय विवाह केल्याच्या रागातून बहिणीसह तिच्या पतीचा खून केल्याप्रकरणी पोलिसांनी ‌दोघा भावांसह आणखी एका तरुणाला बुधवारी रात्री अटक केली. कसबा बावडा येथील गणेश कॉलनी येथे बुधवारी रात्री दहाच्या सुमारास खुनाची घटना घडली होती. पोलिसांनी केवळ तीस तासांत या तिघांना अटक केली.

मेघाचा थोरला भाऊ गणेश म​हेंद्र पाटील (२०) व धाकटा भाऊ जयदीप महेंद्र पाटील (१९, दोघे, रा. थेरगाव, ता. शाहूवाडी) त्यांचा मित्र नितिन रामचंद्र काशीद (२२, रा. सातवे, ता. पन्हाळा) अशी अटक केलेल्यांची नावे आहेत.

इंद्रजित श्रीकांत कुलकर्णी (वय २३, मूळ गाव, बच्चे सावर्डे, ता. पन्हाळा) व मेघा इंद्रजित कुलकर्णी (२०, मूळ गाव थेरगांव, ता. शाहूवाडी) अशी मयतांची नावे आहेत. शाहूपुरी पोलिस ठाण्यात खुनाचा गुन्हा दाखल झाला आहे.

शहर पोलिस उपअधीक्षक भारतकुमार राणे यांनी या घटनेच्या तपासाबाबतची माहिती दिली. इंद्रजित व मेघा यांच्या प्रेमसंबंधाला मेघाच्या घरच्यांकडून विरोध होता. दीड वर्षांपूर्वी दोघांनी पळून जाऊन विवाह केला. मेघाच्या घरच्यांच्या भितीने इंद्रजित व मेघा पुणे येथे राहायला गेले होते.

सहा महिन्यांपूर्वी ते कसबा बावडा येथील गणेश कॉलनीतील प्रभाकर माधव यांच्या घरी भाड्याने राहायला आले होते.

बुधवारी (१६ डिसेंबर) गणेश व जयदीपचा चुलत मामा वैभव जाधव याचा विवाह होता. लग्नाच्या वरातीत नाचण्याच्या निमित्ताने ते घरातून बाहेर पडले. त्यांनी इंद्रजित व मेघाचा खून करण्याचा कट रचला.

दोघा भावांनी मेघाला चहा करायला सांगितले. यावेळी इंद्रजित दूध आणायला गल्लीतील दुकानात गेला. मेघा चहा करत असताना दोघांनी पाठीमागून तिच्यावर चाकूने सपासप वार केले. रक्ताच्या थारोळ्यात पडलेली मेघा ओरडू लागल्यावर तिच्या तोंडात त्यांनी कापडाचा बोळा कोंबला आणि परत वार केले. ती मृत झाल्याची खात्री झाल्यावर तिचा मृतदेह बाथरूममध्ये ठेवला. त्यानंतर दोघे इंद्रजितची वाट पाहत बसले. इंद्रजित खोलीत येताच त्याच्यावरही दोघांनी सपासप वार केले. वर येणाऱ्या घरमालकीणीला धक्का देऊन ते नितिनच्या मोटारसायकलवरून पळून गेले.

मोबाइल अॅप डाउनलोड करा आणि राहा अपडेट

एसटी फलाटावरच

December 17, 2015, 12:09 pm

≫ Next: दहा हजार टन ऊस वाळला

≪ Previous: भावांकडूनच ‘ऑनर किलिंग’

$

0

0

म. टा. प्रतिनिधी, कोल्हापूर

पगारवाढीसाठी इंटकच्या महाराष्ट्र एस. टी. वर्कर्स काँग्रेसच्यावतीने पुकारलेल्या बेमुदत संपामुळे गुरुवारी सकाळी जिल्ह्यातील विविध डेपोंमधील एसटी वाहतूक बंद झाली. मध्यवर्ती बसस्थानकातील वाहतूक सुरळीत करण्यासाठी अखेर पोलिसांनी आंदोलकांना अटक केले. त्यानंतर वाहतूक सुरु झाली. इतर संघटनांमधील कर्मचाऱ्यांनी या संपाला प्रतिसाद न दिल्याने बहुतांशी वाहतूक सुरु राहिली. या संपामुळे जिल्ह्यातील एसटीच्या ७८७ फेऱ्या रद्द कराव्या लागल्याने सुमारे बारा लाखांचा फटका सकाळी दोन तासात झाला.

मान्यताप्राप्त संघटनेकडून झालेल्या पगारवाढीच्या करारामुळे कर्मचाऱ्यांचे नुकसान झाले आहे. त्यातून आमदार जयप्रकाश छाजेड यांनी राज्यभराचा संपाचा इशारा दिला होता. २५ टक्के पगारवाढीची मागणी करत करार रद्द करण्यासाठी बेमुदत संप सुरु केला. मध्यरात्रीपासून संपाला सुरुवात केल्यानंतर काही फेऱ्या बंद पडल्या. रात्रीमुळे फारसे जाणवले नाही. पण गुरुवारी सकाळपासून यासंपाची तीव्रता जाणवू लागली. बंडोपंत वाडकर, आप्पासाहेब साळघेखे, सारिका शिंदे, सयाजीराव घोरपडे, बळीराम पाटील

यांच्यासह कार्यकर्ते मध्यवर्ती बसस्थानकाच्या प्रवेशद्वारात जमले.

संघटनेच्या विजयाच्या घोषणा देण्याबरोबर इतर संघटनेतील कर्मचाऱ्यांना सहभागी होण्याचे आवाहन केले जात होते. तसेच बसस्थानकातून एसटी बाहेर सोडण्यास अटकाव केला. यामुळे जवळपास दोन तास सर्व एसटी बसेस स्टँडमध्येच अडकून पडल्या होत्या. कोल्हापूर डेपोच्या इतर ठिकाणाहून बस आल्यानंतर त्या अडवल्या. इतर डेपो तसेच कर्नाटक राज्याच्या बसही अडवल्यामुळे प्रवाशांना बराच काळ तिष्ठत थांबावे लागले. दोन्ही प्रवेशद्वारावर तासभर आंदोलन झाल्यानंतर पोलिसांनी आंदोलकांना ताब्यात घेतले. त्यानंतर वाहतूक सुरळीत झाली.

मध्यवर्ती बसस्थानकातील काही बस रद्द केल्या. तसेच अनेक फेऱ्या रद्द कराव्या लागल्या.

इतर डेपोमधून येणाऱ्या बसची संख्याही कमी असल्याने प्रवाशांना बसची प्रतीक्षा करावी लागत होती. दररोज नोकरीसाठी बाहेर जाणाऱ्यांना, कॉलेजच्या विद्यार्थ्यांना त्रास झाला.



विभागातील फटका

दुपारी दोनपर्यंत दररोज १५, ०८४ फेऱ्या होतात

गुरुवारी दुपारपर्यंत ७८७ फेऱ्या रद्द कराव्या लागल्या

त्यामुळे ४८ हजार २५२ किलोमीटरची वाहतूक थांबली

सुमारे १२ लाखाचे एसटीला नुकसान

मोबाइल अॅप डाउनलोड करा आणि राहा अपडेट

दहा हजार टन ऊस वाळला

December 17, 2015, 11:11 am

≫ Next: विधानपरिषदेची ‘केडीसीसी’त खलबते

≪ Previous: एसटी फलाटावरच

$

0

0

रांगोळीत ३०० हून अधिक वाहने नजरकैदेत

म. टा. वृत्तसेवा, हुपरी

स्वाभिमानी शेतकरी संघटनेच्या एफआरपीच्या मुद्यावरुन मागील चार दिवसांपासून सुरु असलेल्या आंदोलनामुळे रांगोळी (ता. हातकणंगले) येथे ३०० हून अधिक ऊस वाहने अजूनही उभी आहेत. या वाहनांमधील सुमारे १० हजार टन ऊस वाळत असून त्यामुळे शेतकऱ्यांचे नुकसान होत आहे.

दरम्यान, रांगोळी येथे रोखून धरलेल्या ऊस वाहनांच्या चालकांना शेतकरी संघटनेच्या कार्यकर्त्यांनी चार दिवसांपासून जेवण, नाष्टा याची सोय करुन माणुसकीचे दर्शन घडविले आहे.

यंदाच्या गळीत हंगामातील उसासाठी एफआरपीची रक्कम पहिल्या टप्प्यात ८० टक्के व नंतर २० टक्के द्यावी, असा फॉर्म्युला निश्चित करण्यात आला होता. पण साखर कारखान्यांकडून त्याचे उल्लंघन झाल्याने मंगळवारपासून स्वाभिमानी शेतकरी संघटनेने आंदोलन सुरु केले असून कारखान्यांकडे जाणारी उसाची वाहने रोखून धरली आहेत. यामध्ये जवाहर (हुपरी), दत्त (शिरोळ), शरद (नरंदे) या कारखान्यांच्या वाहनांचा समावेश आहे. गत चार दिवसांपासून वाहने आहेत त्या ठिकाणीच लावण्यात आलेली आहेत. या वाहनांच्या चालकांना रांगोळी येथील संघटनेच्या कार्यकर्त्यांकडून भोजन व नाष्टा दिला जात आहे. परंतु संबंधित वाहनचालकांनी कारखाना व्यवस्थापनाशी संपर्क साधला असता त्यांनी या वाहनधारकांना उडवाउडवीची उत्तरे देत ज्यावेळी आंदोलन थांबेल त्यावेळी ऊस आणावा असे सांगिल्याचे समजते.

दोघांच्या या आडमुठ्या भूमिकांमुळे चार दिवसापूर्वी तोडणी झालेल्या उसाचे वजन घटणार असून त्यामुळे शेतकऱ्याला नुकसान सोसावे लागणार आहे. तसेच एकाच ठिकाणी वाहने थांबल्यामुळे वाहनांचेही नुकसान होणार आहे. त्यामुळे शेतकरी व वाहनधारकांचे सदरचे आंदोलन कधी संपणार याकडे लक्ष लागले आहे.

स्वाभिमानी शेतकरी संघटनेने सुरु केलेल्या आंदोलनाला आमचाही पाठिंबा असून कारखानदार व शेतकरी संघटनेने लवकरात लवकर यामध्ये तोडगा काढून हा प्रश्न संपवावा, अन्यथा वाहनधारकांना मोठ्या नुकसानीला सामोरे जावे लागणार आहे. अशा परिस्थितीत वाहनधारकाला कोणी वाली नसल्याची स्थिती निर्माण झाली आहे.

- प्रवीण शेट्टी, वाहनधारक

मोबाइल अॅप डाउनलोड करा आणि राहा अपडेट

---

विधानपरिषदेची ‘केडीसीसी’त खलबते

December 17, 2015, 1:30 pm

≫ Next: शनिवारी रंगणार सेल्फी नाटकाचा प्रयोग

≪ Previous: दहा हजार टन ऊस वाळला

$

0

0

विधानपरिषदेची 'केडीसीसी'त खलबते

कोल्हापूर : काँग्रेसचे सतेज पाटील यांच्याबरोबर महादेवराव महाडिक गटाच्या मतदारांनाही टप्प्याटप्प्याने सहलीवर पाठवण्यास सुरुवात झाली. गुरुवारी दिवसभर दोघांनीही शहरात थांबून भेटीगाठी घेतल्या. केडीसीतील बैठकीच्यानिमित्ताने केडीसीसीमध्ये सतेज पाटील यांनी माजी आमदार विनय कोरे व शिवसेनेचे प्रा. संजय मंडलिक यांच्याशी पुन्हा चर्चा केली. कोरे यांनी शुक्रवारी दुपारी निर्णय जाहीर करणार असल्याचे सांगितले. शिवसेनेचा निर्णय ​शनिवारी दुपारी बैठकीनंतर होईल.

महापालिकेतील काँग्रेस आघाडीतील महापौरांसह सहा नगरसेवक महापालिकेच्या सभेला उपस्थित होते. राष्ट्रवादीचे सर्व नगरसेवक सहलीवर गेले आहेत. जिल्हा परिषदेतीलही काही सदस्य गुरुवारी सहलीवर पाठवले. महाडिकांच्या गटातील मतदारही सहलीवर जात आहेत.

दरम्यान जिल्हा बँकेतील साखर कारखानदारांच्या बैठकीला माजी गृह राज्यमंत्री आणि विधानपरिषदेचे काँग्रेसचे उमेदवार सतेज पाटील यांचे सगळ्यात शेवटी आगमन झाले. यावेळी विनय कोरे, प्रकाश आवाडे, मुश्रीफ, यड्रावकर सगळेच उपस्थित असल्यामुळे बैठकीत विधानपरिषदेच्या गणिताची चर्चा सुरू असल्याची कुजबुज सभागृहाबाहेर सुरू होती. मुश्रीफ पत्रकारांशी बैठकीची माहिती देत असताना, सतेज पाटील आणि प्रा. संजय मंडलिक मागे एका कोपऱ्यात चर्चा करताना दिसत होते. विशेष म्हणजे, महादेवराव महाडिक यांची सत्ता असलेल्या राजाराम कारखान्याकडून एकही प्रतिनिधी उपस्थित नव्हता.

मोबाइल अॅप डाउनलोड करा आणि राहा अपडेट

शनिवारी रंगणार सेल्फी नाटकाचा प्रयोग

December 17, 2015, 1:13 pm

≫ Next: ‘गॅस’साठी आधार लिंकिंग सक्तीचेच

≪ Previous: विधानपरिषदेची ‘केडीसीसी’त खलबते

$

0

0

म. टा. प्रतिनिधी, कोल्हापूर

दृष्टिकोनात बदल केला तर माणसाचे आयुष्य खूप आनंददायी होऊ शकते हा संदेश देणाऱ्या 'सेल्फी' या नव्या कोऱ्या नाटकाने सध्या मराठी रसिकांच्या पसंतीची पावती मिळवली आहे. या नाटकाचा प्रयोग महाराष्ट्र टाइम्स कल्चर क्लबतर्फे १९ डिसेंबरला आयोजित केला आहे. त्यासाठी तिकीट विक्रीला रसिकांचा उत्स्फूर्त प्रतिसाद मिळाला आहे. राजाराम कॉलेजच्या यशवंतराव चव्हाण सभागृहात सायंकाळी साडेपाच वाजता हे नाटक होणार आहे. तनिष्क ज्वेलर्सतर्फे या नाटकासाठी प्रायोजक म्हणून सहकार्य मिळाले आहे.

कल्चर क्लब सदस्यांसाठी नाटकाचे तिकीट १०० रूपयांना तर इतर वाचकांसाठी २०० रूपयांना उपलब्ध होणार आहे. तिकीट विक्री दुपारी १२ वाजल्यापासून महाराष्ट्र टाइम्सच्या नागाळा पार्क कार्यालयात सुरू आहे.

या नाटकाचे लेखन अभिनेत्री ​शिल्पा नवलकर यांचे असून अजित भुरे यांचे दिग्दर्शन आहे. सुकन्या कुलकर्णी, सोनाली पंडित, ऋजुता देशमुख, पूर्वा गोखले आणि ​शिल्पा नवलकर यांचा अ​भिनय या नाटकात पाहायला मिळणार आहे. चाळीशीतील मैत्रीणींचे अनुभवविश्व शिल्पा नवलकर यांनी या नाटकातून रंगमंचावर उतरवले आहे. विविध क्षेत्रात काम करणाऱ्या समवयस्क महिलांचा स्वताच्या आयुष्याकडे पाहण्याचा दृष्टिकोन या संकल्पनेवर हे नाटक बेतले आहे. संसार, आयुष्य याबाबतच्या विचारांचे तरंग हा नाटकाचा गाभा आहे. मुळात सुकन्या कुलकर्णी, सोनाली पंडित, ऋजुता देशमुख, पूर्वा गोखले आणि ​शिल्पा नवलकर या खरोखरच

मैत्रीणी आहेत. त्यामुळे मंचावरची या सगळ्यांची केमिस्ट्रीही चांगलीच जुळून आली आहे.

आजकाल स्मार्टफोनच्या जगात सेल्फी काढण्याचा ट्रेंड झाला आहे. आपणच आपला फोटो काढायचा आणि तो निरखून पहायचा हा या ट्रेंडचा अर्थ. सेल्फीची हीच संकल्पना स्वतःला अंतरंगातून पारखून घेण्यासाठीही वापरता येईल आ​णि त्यातून आपल्यातील 'स्व'चा शोध घेत स्वतःला आतून बदलण्यासाठी पाऊल उचलण्याची ऊर्मी मिळेल असे हे नाटक सांगतं.



फ्रेंडशिप डे दिवशीच नाटकाची भेट

​अ​भिनेत्री आणि ले​​खिका असलेल्या शिल्पा नवलकर सध्या कलर्स मराठी वाहिनीवरील 'असावा सुंदर चॉकलेटचा बंगला,' या मालिकेत दिसत आहेत. पण अभिनयाच्या क्षेत्रातील मैत्रीणींसोबत एकत्र काम करण्याची शिल्पा यांची इच्छा होती. त्याच इच्छेतून त्यांनी हे नाटक हातात घेतले आणि यंदाच्या फ्रेंडशिप डेच्या निमित्ताने हे नाटक मैत्रीणींना भेट दिले.

मोबाइल अॅप डाउनलोड करा आणि राहा अपडेट

‘गॅस’साठी आधार लिंकिंग सक्तीचेच

December 17, 2015, 1:30 pm

≫ Next: वारणेजवळ दगडफेक

≪ Previous: शनिवारी रंगणार सेल्फी नाटकाचा प्रयोग

$

0

0

Uddhav.Godase

@timesgroup.com

कोल्हापूर : केंद्रीय पेट्रोलियम मंत्रालयाने घरगुती गॅस सिलिंडर ग्राहकांसाठी आधार कार्डाशी लिंकिंग सक्तीचे केले होते. मध्यंतरी सुप्रिम कोर्टाच्या आदेशानंतर थंडावलेली आधार ही लिंकिंग मोहीम आता पेट्रोलियम मंत्रालयाच्या आदेशाने पुन्हा गतिमान झाली आहे. '३१ डिसेंबरपूर्वी आधारशी गॅस कनेक्शन लिंकिंग करा, अन्यथा सबसिडी सोडा', असा आदेश आल्याने गॅस वितरकांसह ग्राहकांमध्ये खळबळ निर्माण झाली आहे.

घरगुती गॅस वितरणातील काळाबाजार बंद व्हावा आणि पारदर्शकता वाढण्यासाठी केंद्र सरकारने बँकेमार्फत सबसिडी देण्याचा निर्णय घेऊन त्याची अंमलबजावणीही सुरू केली. आधार कार्डाशी गॅस सिलिंडर लिकिंगची मोहीम कोल्हापूर जिल्ह्यातील सर्वच गॅस वितरकांनी सुरू केली होती. त्यातून सबसिडीवरील कोट्यवधी रुपयांची बचत होत असून, गॅसच्या वापराबाबतही जागरुकता निर्माण झाली. लिकिंगच्या प्रक्रियेत अनेक ग्राहकांचे बँक खाते आणि आधार क्रमांक जोडला गेला. मात्र, मध्यंतरी हा वाद न्यायालयात गेल्याने सुप्रिम कोर्टाने आधार लिंकिंग सक्तीचे नसल्याचा निर्णय दिला. त्यामुळे लिंकिंगचे काम थंडावले. त्यावर पेट्रोलियम मंत्रायलयाने सुप्रिम कोर्टाकडून विशेष परवानगी घेऊन आधार लिंकिंग सक्तीचे केले आहे.

ज्या घरगुती गॅस ग्राहकांचे आधार लिंकिंग झाले आहे, त्यांनाच गॅस सिलिंडरची सबसिडी मिळेल. जे ग्राहक आधारशी लिंकिंग करणार नाहीत, त्यांच्याकडून सबसिडी सोडण्याचे अर्ज भरून घेण्याच्या सूचना पेट्रोलियम मंत्रालयाने गॅस कंपन्यांना आणि वितरकांना दिल्या आहेत. याबाबतचा आदेश सर्वच गॅस वितरकांना ५ नोव्हेंबरला पाठविला आहे. ३१ डिसेंबरपूर्वी लिंकिंगचे काम पूर्ण करण्याच्या सूचना आहेत.

जिल्ह्यातील ७० वितरकांकडे सात लाखांहून अधिक ग्राहक आहेत. त्यातील साठ टक्के ग्राहकांच्या लिंकिंगचे काम केले आहे. उर्वरित ग्राहक बँक खाते नंबरवरून सबसिडी घेत आहेत. लिंकिंग न झाल्यास ग्राहकांचे खाते सील करण्याचा इशारा गॅस वितरकांनी दिला आहे. अन्यथा, ग्राहकांची गॅस सबसिडी बंद होणार आहे.

मोबाइल अॅप डाउनलोड करा आणि राहा अपडेट

वारणेजवळ दगडफेक

December 17, 2015, 12:15 pm

≫ Next: सहायक फौजदाराला लाचप्रकरणी सक्तमजुरी

≪ Previous: ‘गॅस’साठी आधार लिंकिंग सक्तीचेच

$

0

0

वारणा कारखान्यासमोर निदर्शने; ट्रॅक्टरची तोडफोड

म. टा. वृत्तसेवा, शिराळा

वारणा सहकारी साखर कारखाना परिसरात शेतकरी संघटनेच्या कार्यकर्त्यांनी गुरुवारी उसाने भरलेल्या ट्रॅक्टरची तोडफोड केली. नरंदे, वाठार, पारगाव, अमृतनगर, वारणानगर, कोडोली आणि सावर्डे, सातवे येथील शेतकरी वारणा कारखान्याच्या कार्यालयाजवळ जमले. या वेळी घोषणाबाजी करण्यात आली. दरम्यान, या रॅली मार्गातून ट्रॅक्टरना लक्ष्य करत तोडफोड केली. तसेच, काही वाहनांमधील हवा सोडून दगडफेक केली. रॅली परत जाताना ट्रॅक्टरमालक व कार्यकर्त्यांत हाणामारी झाली.

कुंभोज येथून निघालेल्या शेतकरी संघटनेच्या कार्यकर्त्यांची मोटरसायकल रॅली वारणा कारखान्याकडे येत होती. अमृतनगरच्या पुढे उसाने भरलेल्या ट्रॅक्टरला रॅलीतील कार्यकर्त्यांनी लक्ष्य केले. ट्रॅक्टरची तोडफोड करून कार्यकर्ते वारणानगरच्या बसस्थानकाजवळ आल्यानंतर पोलिसांनी त्यांना अडवले. या वेळी जोरदार घोषणाबाजी करण्यात आली.

वारणा साखर कारखान्याच्या पदाधिकाऱ्यांनी संघटनेच्या शिष्टमंडळाला चर्चेसाठी कार्यालयात बोलावले. या वेळी शेतकरी संघटनेचे जिल्हाध्यक्ष भगवान काटे, शिवाजी माने, वैभव कांबळे, किरण पाटील यांची व कारखान्याचे उपाध्यक्ष प्रतापराव पाटील, सुभाष पाटील, दिलीप पाटील, प्रभारी कार्यकारी संचालक विजयकुमार कोले यांच्यात चर्चा झाली.

कारखान्याच्या संचालकांनी '२२ तारखेच्या बैठकीपर्यंत थांबा. या बैठकीत संचालक मंडळाचा 'एफआरपी' बाबतचा निर्णय होणार आहे,' असे सांगितले. मात्र, संघटनेच्या कार्यकर्त्यांना हा निर्णय मान्य न झाल्याने चर्चा बारगळली. 'दोन दिवसांत कारखान्याने 'एफआरपी' बाबतचा निर्णय केला नाही, तर आम्ही आमच्या स्टाइलने आंदोलन करू,' असा इशारा देत कार्यकर्ते कार्यालयातून बाहेर पडल्यानंतर पुन्हा घोषणाबाजी करण्यात आली. दरम्यान, तोडफोड करण्यात आलेल्या ट्रॅक्टरजवळ ट्रॅक्टरमालकांसह इतर लोक जमा झाले होते. मोटरसायकल रॅली पाठीमागे जाताना शेतकरी संघटनेचे कार्यकर्ते व ट्रॅक्टरजवळ थांबलेल्या लोकांची हाणामारी झाली.

मोबाइल अॅप डाउनलोड करा आणि राहा अपडेट

सहायक फौजदाराला लाचप्रकरणी सक्तमजुरी

December 17, 2015, 1:30 pm

≫ Next: रण विधानपरिषदेचे: आमने-सामने

≪ Previous: वारणेजवळ दगडफेक

$

0

0

म. टा. प्रतिनिधी, कोल्हापूर

अटकपूर्व जामीन अर्ज रद्द करण्याची धमकी देऊन ६० हजार रुपयांची लाच मागणाऱ्या सहाय्यक फौजदार तुकाराम धोंडीराम पोवार (वय ५६, रा. समता कॉलनी, टेंबलाईवाडी) यांना जिल्हा व सत्र न्यायाधीश के. डी. बोचे यांनी एक वर्षाच्या सक्तमजुरीची शिक्षा आणि पाच हजार रुपयाचा दंड ठोठावला.

विशाल पिसे (रा. सर्किट हाऊस, ताराराबाई पार्क) यांचे पन्हाळा येथे मेघदूत हॉटेल आहे. हॉटेलमध्ये व्यवस्थापक सर्जेराव पाटील यांनी गैरव्यवहार केल्याने मालक विशाल पिसे यांचा २९ ऑक्टोबर २०१२ रोजी रात्री साडेदहा वाजता त्यांचा वाद झाला. त्यामुळे पिसे यांनी सर्जेराव पाटील यांच्याविरोधात पन्हाळा पोलिस ठाण्यात तक्रार दिली. पिसे यांनी अटकपूर्व जामिन मिळवला असतानाही पोवार यांनी त्यांच्याकडून ६० हजार रुपये लाचेची मागणी केली होती. लाच न दिल्यास जामीन रद्द करण्यासाठी रिपोर्ट देऊन लॉकअपमध्ये टाकेन अशी धमकी दिली. त्यानंतर विशाल पिसे यांनी १९ नोव्हेंबर २०१२ रोजी लाचलुचपत प्रतिबंधक विभागाकडे तक्रार केली. लाचलुचपत विभागाने त्यांना पोलिस ठाण्यात ५० हजार रुपयांची लाच स्वीकारताना अटक केली होती. सरकारी वकील अल्ताफ पिरजादे यांनी काम पाहिले.

मोबाइल अॅप डाउनलोड करा आणि राहा अपडेट

रण विधानपरिषदेचे: आमने-सामने

December 17, 2015, 12:17 pm

≫ Next: विरोधकांचा घुमला आवाज

≪ Previous: सहायक फौजदाराला लाचप्रकरणी सक्तमजुरी

$

0

0

म. टा. प्रतिनिधी, कोल्हापूर

जिल्ह्यातील राजकीय वैरत्व मिटवण्यासाठी विधानपरिषद निवडणूक बिनविरोध करण्याचा प्रयत्न आमदार हसन मुश्रीफ यांनी केला. लोकसभा निवडणुकीत मुश्रीफ यांनी पुढाकार घेत सतेज पाटील व धनंजय महाडिक यांच्यात समझोता घडवून आणला. वैरत्व विसरून पाटील यांनी महाडिकांना पाठिंबा दिल्याच्या पार्श्वभूमीवर विधानपरिषद निवडणुकीत आमदार महादेवराव महाडिक यांनी पाटील यांना पाठिंबा द्यावा यासाठी मुश्रीफांनी प्रयत्न केला. पण प्रस्ताव काय आहे याची जाणीव झालेल्या आमदार महाडिक यांनी मुश्रीफांची भेट टाळत राजकीय अंगार कायम ठेवण्यातच रस दाखवला. महाडिक आणि पाटील प्रथमच निवडणुकीत थेट एकमेकांशी भिडत आहेत. यामुळे जिल्हयाच्या राजकारणाला या निवडणुकीने नवे वळण मिळणार आहे. या पार्श्वभूमीवर महाडिक व पाटील यांची भू्मिका...

वेळ निघून गेली, तडजोड नाही

मी मैदानातून पळणारा नव्हे तर मैदान मारणारा पैलवान आहे, यामुळे अंतिम क्षणी तडजोडीचे प्रयत्न झाले तर ते कसे शक्य आहे? आमदार हसन मुश्रीफच काय तर काँग्रेसच्या नेत्यांनी वेळेत प्रयत्न केले असते तर कदाचित वेगळे चित्र दिसले असते. आता रणांगणात युद्ध सुरू झाले आहे, निकाल मतदारच ठरवतील.

काँग्रेस पक्षाकडे मी अधिकृत उमेदवारी मागितली होती. पी. एन. पाटील, प्रकाश आवाडे व मी यांच्यात कोणालाही उमेदवारी द्या, निवडून आणण्याची जबाबदारी आमची आहे. असे मी प्रदेशाध्यक्ष अशोक चव्हाण यांच्यासह काँग्रेसच्या अनेक वरिष्ठ नेत्यांना सांगितले होते. तरीही आम्हाला डावलून उमेदवारी दुसऱ्यानाच ती दिली. उमेदवारी दिल्यानंतरही आपल्याशी एकाही नेत्याने संपर्क साधला नाही. चर्चा केली नाही. माघारीचे कोणतेच प्रयत्न पक्षाच्या वतीने झाले नाहीत, मग मी माघार का घेऊ? पक्षाने विद्यमान आमदाराला डावलून माझ्यावर अन्याय केला, हा अन्याय सहन का करू? आमदार हसन मुश्रीफ हे जिल्हयाचे नेते आहेत. या निवडणुकीत त्यांनी मदत करावी यासाठी दोनवेळा कागलला जाऊन त्यांची भेट घेतली, त्यामुळे त्यांची भेट टाळण्याचा प्रश्नच येत नाही. अर्ज माघारीच्या शेवटच्या दिवशी मुश्रीफ भेटायला होणार होते, तसा निरोप त्यांच्याकडून मला आला. पण मला चंदगडला जायचे होते, त्यामुळे मी तिकडे गेलो. मी माघार घ्यावी यासाठी ते भेटणार होते असे मला नंतर कळाले. पण तेव्हा वेळ गेली होती, मी फार पुढे गेलो होतो, शेवटच्या क्षणी कसा निर्णय बदलणार? भेट टाळायला मी पळपुटा नाही, लढणारा पैलवान आहे, आता रणांगणात लढाई सुरू झाली आहे, जनतेच्या पाठबळावर मैदान मी मारणारच.

- महादेवराव महाडिक, आमदार





त्यांना मुश्रीफांची गरज नाही...

लोकसभा निवडणुकीत हसन मुश्रीफ यांनी प्रामाणिकपणे प्रयत्न केल्याने त्यांचे पुतणे धनंजय महाडिक हे खासदार बनले. त्यावेळी मुश्रीफ यांनीच मध्यस्थी करून महाडिक यांना माझ्या घरी आणले. तेथे तडजोड झाली. आणि तडजोडीप्रमाणे मी त्यांना मदत केली. यापूर्वी गोकुळमध्ये महाडिकांना गरज होती, त्यावेळी ते मुश्रीफांना भेटले. केडीसीसीमध्ये गरज होती, त्यावेळी ते मुश्रीफांना भेटले. आता भेटले नाहीत म्हणजे मुश्रीफांची गरज वाटत नाही असेच दिसते. महाडिकांचे राजकारण हे कुटुंबापुरतेच आहे, हे सिद्ध झाले.

अठरा वर्षे ते आमदार आहेत. या वर्षामध्ये त्यांनी काय काम केले हे जगजाहीर आहे. ज्या लोकांनी आपल्या समस्यांच्या सोडवणुकीसाठी त्यांची निवड केली. त्यांच्या समस्या मांडण्याचे मोठे व्यासपीठ असलेल्या अधिवेशनात त्यांची उपस्थितीत लाजवेल अशीच होती. १८ वर्षांमध्ये १८ कामे केलेली नाहीत. त्यामुळे त्यांना पुन्हा त्या मतदारांकडे मत मागण्याचा अधिकार नाही. विविध प्रकारच्या समस्या असताना त्यांनी केवळ स्वार्थाचे राजकारण केले. कुटुंबियांच्या भल्यासाठीच त्यांनी राजकारणाचा वापर केला. त्यांच्या या राजकारणाने सामान्यांना केंव्हाही फायदा झाला असे दिसतच नाही. निवडून आल्यानंतर ज्या मतदारांनी निवडून आणले, त्यांच्यासाठी सन्मान त्यांनी केव्हाच दाखवला नाही. तसेच ते त्यांना नंतर केंव्हा भेटले हाही प्रश्न आहे.

मुश्रीफांनी त्यांना यापूर्वी मदत केली. त्यांच्यामुळे पुतण्या खासदार झाला. मुश्रीफ भेट घेण्यासाठी आल्यानंतर महाडिकांनी या साऱ्यांचे औदार्य दाखवून भेट घ्यायला हवी होती. राजकीयदृष्टीने पाहिली तर ही भेट होणे अपेक्षित होती.

- सतेज पाटील, माजी राज्यमंत्री

मोबाइल अॅप डाउनलोड करा आणि राहा अपडेट

विरोधकांचा घुमला आवाज

December 17, 2015, 11:22 am

≫ Next: यात्री निवास, लॉजिंगची होणार तपासणी

≪ Previous: रण विधानपरिषदेचे: आमने-सामने

$

0

0

म. टा. प्रतिनिधी, कोल्हापूर

महापालिकेच्या नव्या सभागृहाची पहिलीच सर्वसाधारण सभा, बहुतांश नगरसेवक पहिल्यांदाच सभागृहात प्रवेश करणारे, पण कसलाही दबाव न घेता सदस्यांनी विविध विषयांवर मुद्देसूद आणि स्पष्ट मते मांडत चुणूक दाखवली. अतिक्रमण, अस्वच्छता, फेरीवाला झोन, पाण्याच्या प्रश्नी अधिकाऱ्यांना धारेवर धरले. महिला सदस्यांचा सहभाग ही वाखाणण्याजोगा होता. पहिल्या सभेवेळी सत्तारूढ गटाचे अनुपस्थित राहिल्याने सभागृहावर विरोधकांची छाप राहिली. महापौर अश्विनी रामाणे अध्यक्षस्थानी होत्या. सत्तारूढ गटाचे केवळ पाच नगरसेवक सभेला हजर होते.

सभेला सुरुवात होताच नगरसेवक भूपाल शेटे यांनी सफाई विभागातील ७५ कर्मचारी अधिकाऱ्यांच्या घरी कामाला आहेत. मनुष्यबळ कमी असताना अधिकाऱ्यांच्या घरगुती कामासाठी ड्यूटी लावण्याचे कारण काय ? कर्मचारी कमी असल्यामुळे सोयी सुविधावर परिणाम होत आहे. मुकादमापासून आरोग्य अधिकाऱ्यांपर्यंत हप्ते सुरू आहेत असा आरोप केला. त्याला आरोग्य अधिकारी पाटील यांनी 'चुकीचे आरोप होणार असतील तर मी राजीनामा देतो. कर्मचारी कमी असल्यामुळे काही ठिकाणी मनुष्यबळ कमी पडते' असे उत्तर दिले. त्यावर शेटे यांनी नियोजन जमत नसेल तर नोकरी सोडा आम्ही नियोजन करतो, असे प्रत्युत्तर दिले. तेव्हा पाटील यांनी शेटे यांना उद्देशून काल तुम्ही माझ्याकडून माहिती घेऊन मलाच विचारणा करत असल्याचे निदर्शनास आणून देताच नगरसेवक वास्कर हे लोकप्रतिनिधींशी आदराने बोला असे म्हणत आरोग्य अधिकाऱ्यांच्या अंगावर धावून गेले. परिणामी काही वेळ गोंधळाचे वातावरण निर्माण झाले.

लेखापरीक्षणाचा अहवाल, नुकसानीची भरपाई

शेटे यांनी लेखा परीक्षणाच्या अहवालाचा आधार देत महापालिकेत अधिकाऱ्यांकडून लाखो रुपयांचा भ्रष्टाचार झाल्याचा आरोप केला. मुदत ठेवींचे पुनर्वर्गीकरण न केल्याने महापालिकेचे २९ लाख रुपयांचे आर्थिक नुकसान झाले असून मुख्य ल ेखापाल संजय सरनाईक यांच्या पगारातून ही रक्कम वसूल करावी अशी मागणी आयुक्तांकडे केली. यावर संजय सरनाईक यांनी लेखा आक्षेपला दिलेला खुलासा मांडण्याचा प्रयत्न केला. पण शेटे आक्रमकपणे बोलत राहिल्याने आयुक्त व ​विरोधी पक्षनेते जाधव यांनी लेखा परीक्षणाचा अंतिम अहवाल आल्यानंतर त्यावर चर्चा करण्याची भूमिका घेतली.

नव्यांची छाप

नगरसेविका पूजा नाईकनवरे, निलोफर आजरेकर, अभिजित चव्हाण, राजू दिंडोर्ले, नियाज खान, रुपाराणी निकम, संतोष गायकवाड, प्रतिज्ञा उत्तुरे, महेजबीन सुभेदार या नव्या सदस्यांनी आरोग्य, स्वच्छता, कचरा उठाव या विषयांकडे लक्ष वेधले. उद्यमनगरमधील वायुगळती, डेंगीची साथ यावरून आरोग्य विभागाच्या कामकाजाचे वाभाडे काढले. राजू दिंडोर्ले यांनी शहरातील स्वच्छतागृहाची दुरवस्था निदर्शनास आणली. भाविक, पर्यटकांची गैरसोय होत असल्याचे सांगत स्वच्छतागृहाची छायाचित्रे आयुक्तांकडे दिली.

मोबाइल अॅप डाउनलोड करा आणि राहा अपडेट

---

यात्री निवास, लॉजिंगची होणार तपासणी

December 17, 2015, 11:04 am

≫ Next: गायकवाडला आज कोर्टात हजर करणार

≪ Previous: विरोधकांचा घुमला आवाज

$

0

0

म. टा. प्रतिनिधी, कोल्हापूर

कोल्हापुरात दिवसेंदिवस भाविक, पर्यटकांचा ओघ वाढत आहे. भाविकांच्या सोयीसाठी शहरात यात्री निवास, लॉजिंग बोर्डिंग उभी राहत आहेत. ठिकठिकाणी हॉटेल सुरू होत आहेत. अंबाबाई मंदिर परिसरात तर धर्मशाळा, यात्री निवासचे फेव फुटले आहे. त्यांच्यावर कुणाचेही निर्बंध नाहीत. अनेकांकडे व्यवसाय परवाना नाही. काहींना घरफाळा लागू नाही. पार्किंगची सुविधा नाही. अतिक्रमण निर्मूलन विभाग अस्तित्वात आहे का, असा प्रश्न पडण्याइतपत ​रस्ते आणि चौकात अतिक्रमणे वाढली आहेत. या प्रश्नाकडे नगरसेवकांनी लक्ष वेधल्यानंतर आणि सर्व्हे करण्याची मागणी केल्यानंतर प्रशासनाकडून यात्री निवास, धर्मशाळा, हॉटेल, लॉजिंगची तपासणी करण्याचे ठरले. महापौर अश्विनी रामाणे यांच्या अध्यक्षतेखाली सभा झाली.

नगरसेवक अजित ठाणेकर यांनी यात्री निवास, धर्मशाळा, भाविकांच्या सुविधा, याकडे लक्ष वेधत संबंधितांच्या सर्व्हेची मागणी केली. ताराबाई रोडवरील फुटपाथ आणि रस्त्यावरील अतिक्रमणांकडेही त्यांनी प्रशासनाचे लक्ष वेधले. आयुक्त पी. शिवशंकर यांनी मंदिर परिसरातील अ​नधिकृत बांधकामांवर कारवाईच्या सूचना केल्या आहेत. यात्री निवास, धर्मशाळा, लॉजिंग, हॉटेलची व्यवसाय परवाना, पार्किंग यासंदर्भात अधिकाऱ्यांना माहिती संकलित करण्याच्या सूचना केल्या. शहर अभियंता नेत्रदीप सरनोबत यांनी अतिक्रमण हटविण्याच्या कारवाई दरम्यान नगरसेवकांचा हस्तक्षेप होत असल्याने काही वेळेला कारवाई थांबवावी लागत असल्याचे ्रस्पष्ट केले. मात्र, सदस्यांनी अनधिकृत बांधकामावर कारवाईचा बडगा उगारा, सदस्य पाठिंबा देतील अशी ग्वाही दिली.

प्रशासन-नगरसेवक आमने-सामने

शहरातील अनधिकृत १३० धार्मिक स्थळांवरील कारवाईवरून प्रशासन आणि नगरसेवक आमने-सामने उभे ठाकले. नगरसेवक अजित ठाणेकर, संभाजी जाधव यांनी चुकीचा सर्व्हे झाला आहे. प्रशासनाने हा विषय गांभीर्याने हाताळावा, कायदा सुव्यवस्थेचा प्रश्न निर्माण होणार आहे. हॉल असताना मंदिराची नोंद झाल्याचे निदर्शनास आणताच आयुक्तांनी हरकती व सूचना मांडा. प्रत्येक प्रभागात नगरसेवकांना सोबत घेऊन स्थळांची चौकशी केली जाईल असे आयुक्तांनी स्पष्ट केले.

माजी नगरसेविकेकडून अतिक्रमण

विलास वास्कर यांनी राजारामपुरी, दौलतनगर परिसरात एका माजी नगरसेविकेने महापालिकेच्या जागेवर अतिक्रमण करून बांधकाम केले आहे. रस्त्यालगत बेकायदेशीर मटण शॉपी सुरू केली आहे. राजारामपुरी रोडवर एका पोलिस कर्मचाऱ्यानेही बेकायदेशीर बांधकाम केल्याचा आरोप केला.

मोबाइल अॅप डाउनलोड करा आणि राहा अपडेट

गायकवाडला आज कोर्टात हजर करणार

December 17, 2015, 11:06 am

≫ Next: तुटपुंज्या पगारातही सुखी संसार

≪ Previous: यात्री निवास, लॉजिंगची होणार तपासणी

$

0

0

म. टा. प्रतिनिधी, कोल्हापूर

कॉम्रेड गोविंद पानसरे यांच्या हत्येतील संशयित समीर गायकवाड याला शुक्रवारी (ता.१८) कोर्टात हजर करण्यात येणार आहे. कोर्टाने समीरला हजर करण्यासाठी बुधवारी कळंबा मध्यवर्ती कारागृहाच्या अधीक्षकांना समन्स बजावले आहे.

समीरवर पोलिसांनी नुकतेच आरोपपत्र दाखल केले आहे. आरोपपत्राची प्रत देण्यासाठी समीरला शुक्रवारी कोर्टात हजर करण्यात येणार आहे. पोलिसांनी सांगितलेली नावे सांगण्यासाठी पोलिसांकडून आपल्याला २५ लाखांची ऑफर दिली होती, असा आरोप समीरने यापूर्वीच व्हिडीओ कॉन्सरन्सच्या सुनावणीत केला होता. तसेच आपल्याला काही तरी सांगायचे असल्याचे त्याने यापूर्वी सांगितले आहे; पण कोर्टाला अर्ज उपलब्ध नसल्याने त्याला बोलण्याची संधी दिली नव्हती.

मोबाइल अॅप डाउनलोड करा आणि राहा अपडेट

तुटपुंज्या पगारातही सुखी संसार

December 17, 2015, 10:25 am

≫ Next: अर्ध्यावरती डाव मोडला....

≪ Previous: गायकवाडला आज कोर्टात हजर करणार

$

0

0

म. टा. प्रतिनिधी, कोल्हापूर

शाळेत असल्यापासूनचे प्रेमसंबंध आणि पुढे मुलीच्या घरातील लोकांच्या मर्जीविरुद्ध केलेला विवाह इंद्रजित आणि मेघा कुलकर्णीच्या जीवावर बेतला. लग्नानंतर मेघाच्या नातेवाइकांकडून धोका असल्याने भीतीपोटी बच्चे सावर्डे येथून घराबाहेर पडलेले मेघा आणि इंद्रजित दोघेही मिळेल ती नोकरी करून संसारासाठी पै-पै जमा करीत होते. तुटपुंज्या पगाराच्या नोकरीतही त्यांचा सुखी संसार सुरू होता.

इंद्रजित आणि मेघा हे दोघेही शाळेपासून एकत्र. दोघांचेही प्रेमसंबंध जुळले आणि लग्न करायचा निर्णय घेतला. मात्र, मेघाच्या घरच्यांनी लग्नाला तीव्र विरोध केला. मेघाने बीएस्सीपर्यंत शिक्षण पूर्ण केले. दीड वर्षापूर्वीच या दोघांनी मेघाच्या आई-वडिलांच्या मर्जीविरोधात पळून जाऊन लग्न केले होते. वर्षभर पुण्यात राहून मिळेल ते काम केले. सहा महिन्यांपूर्वीच ते कल्हापुरातील कसबा बावडा येथील गणेश कॉलनीत राहायला आले होते. इंद्रजित ताराबाई पार्क येथील एका हॉस्पिटलमध्ये कंपाउंडर म्हणून काम करीत असे. मेघा कोल्हापुरात एका मॉलमध्ये काम करीत होती. दोघांचीही नोकरी तुटपुंज्या पगाराची असली तरी त्यांच्यात कधीच कुरबूर नसायची. आर्थिक कारणावरून वाद झालेत किंवा घराचे भाडे थकले असे कधीच घडले नाही, असे घरमालक वंदना प्रभाकर माधव यांनी सांगितले. तुटपुंज्या पगाराविषयी या दोघांनीही कधीच तक्रारी केल्या नाहीत. याउलट आहे त्या स्थितीत दोघेही आनंदी राहण्याचा प्रयत्न करायचे, अशा आठवणी त्यांचे शेजारी सांगत होते.

मोबाइल अॅप डाउनलोड करा आणि राहा अपडेट

अर्ध्यावरती डाव मोडला....

December 17, 2015, 11:07 am

≫ Next: राखी बांधलेल्या हातांनीच उगवला सूड

≪ Previous: तुटपुंज्या पगारातही सुखी संसार

$

0

0

म. टा. प्रतिनिधी, कोल्हापूर

आयुष्याचा जोडीदार म्हणून आवडलेल्या इंद्रजितशी मेघाने लग्न केले... दीड वर्ष नव्यानवलाईचा संसार मांडला... जेमतेम कमाईतही दोघं आनंदाने राहत होते. सहा महिन्यांपूर्वीच कसबा बावड्यातील गणेश कॉलनीतील एका छोट्याशा खोलीत दोघांचे सहजीवन नुकतेच फुलत होते. आपण भले आणि आपले काम भले असा स्वभाव असलेले इंद्रजित आणि मेघा कॉलनीतील शेजाऱ्यांशीही कामापुरतेच बोलायचे. दोघेही नोकरी करत असल्याने घड्याळाच्या काट्यावरच त्यांचा दिवस सुरू व्हायचा आणि मावळायचाही. बुधवारी रात्री नऊ वाजता घरमालक वंदना माधव यांच्याशी मेघा शेवटचे बोलली, तर इंद्रजितही रात्री दहाच्या सुमारास गल्लीच्या कोपऱ्यावरील मुलांना गुडनाइट म्हणून घरात आला. त्यानंतर काही मिनिटांतच नव्यानवलाईच्या नात्याने उमलणाऱ्या आयुष्याचा डाव अर्ध्यावर मोडला तो कायमचाच.

गुरुवारी सकाळनंतरही गणेश कॉलनीत इंद्रजित आणि मेघाच्या खुनाच्या घटनेचे भेदरलेपण दिसत होते. हसतमुख आणि शांत असलेल्या या दाम्पत्याचा अंत झाल्याचे अद्यापही घरमालक माधव कुटुंबीयांना स्वीकारणे जड झाले आहे. विशेषतः वंदना माधव यांच्यासोबत मेघाचा संवाद जास्त व्हायचा. त्यामुळे मेघा-इंद्रजित यांच्यासोबतच्या आठवणींनी माधव कुटुंबीयही गलबलून गेले आहे.

माधव यांच्या घरात तशी अबोल असलेली ही जोडी; पण दोघांच्या खुनाच्या घटनेचे व्रण अजूनही कॉलनीतील शेजाऱ्यांच्या मनावर खोलवर उमटले आहेत. मेघा शिफ्टनुसार सकाळी किंवा दुपारी मॉलमधील नोकरीसाठी बाहेर पडायची. जाता येता शेजारी महिलांशी मोजकेच बोलायची. घरमालक वंदना माधव यांच्याशी मात्र मेघाचे आपुलकीचे नाते जुळले होते. ती त्यांना काकू अशीच हाक मारायची. सकाळच्या गडबडीत कपडे धुण्यासाठी वेळ मिळाला नाही की हमखास मेघाचे हे काम नऊच्या सुमारास चालायचे. बुधवारीही तिने रात्री कपडे धुतले होते. ते सुकवण्यासाठी ती गॅलरीत असताना शेजारच्या महिलांशी बोलली. आटोपले का...जेवण झाले का... या पलीकडे मात्र मेघाचा शेजारी महिलांशी फारसा संवाद व्हायचा नाही. तीच गोष्ट इंद्रजितची. अतिशय शांत असलेला इंद्रजित गेल्या कंपाउंडरची नोकरी सोडल्यापासून महिन्याभरापासून घरीच होता. घरमालक माधव यांच्या मुलाशीही तो जाता येता मोजकेच बोलायचा. कामावरून आल्यानंतर घरात मेघासोबत वेळ घालवायचा. गेल्या सहा महिन्यांत खोलीतून कधीही भांडण किंवा वादाचा आवाज आला नाही. सुटीदिवशी दोघेही फिरायला जायचे. इंद्रजितच्या कुटुंबीयांनी मेघाला स्वीकारले होते, त्यामुळे सुटीदिवशी सानेगुरुजी वसाहत येथील इंद्रजितच्या आजोळी ते हमखास जायचे. आपण आपल्या मनाने लग्न केले आहे, मग हे नाते निभावण्याची जबाबदारी आपली आहे हा त्यांचा मंत्र असावा असा दोघांचा समजुतीने संसार सुरू होता; पण बहिणीने ​विरोध मोडून लग्न केल्याचा राग मेघाच्या भावांच्या मनात धुमसत होता आणि त्याच वणव्यात सहजीवनाचा डाव मात्र अर्ध्यावरच संपला.



तुळसही कोमेजली...

दीड वर्षापूर्वीच लग्न झालेले इंद्रजित व मेघा सर्वच सण मोठ्या उत्साहाने साजरे करायचे. दिवाळीत लक्ष्मीपूजन केले. मेघा खूप हौशी होती. गेल्याच महिन्यात झालेल्या तुळशी विवाहासाठी दोघांनी एक कुंडी आणली होती. एकत्र मिळून कुंडीत तुळशीचे रोपही लावले. मेघा न चुकता या रोपाला पाणी घालायची. महिन्याभरात तुळस छान फुलली होती. त्यावरून आता या तुळशीसोबत तुमचेही नातेही फुलूदे, अशी शेजारी महिलांनी मेघा आणि इंद्रजितची चेष्टाही केली होती. गुरुवारी हे दोघे राहत असलेली खोली पोलिसांनी सील केली तेव्हा गॅलरीत असलेली ती तुळसही कोमेजल्यासारखी दिसली.

मोबाइल अॅप डाउनलोड करा आणि राहा अपडेट

राखी बांधलेल्या हातांनीच उगवला सूड

December 17, 2015, 11:17 am

≫ Next: खोट्या प्रतिष्ठेपायीच ‘किलिंग’

≪ Previous: अर्ध्यावरती डाव मोडला....

$

0

0

म. टा. प्रतिनिधी, कोल्हापूर

ज्या बहिणीने भावांच्या हातावर राखी बांधून संकटसमयी रक्षण करा असे वचन घेतले, त्याच भावांनी राखी बांधलेल्या हातांनी बहिणीचा व तिच्या पतीचा सपासप वार करून निर्घृण खून केला. ग्रामस्थ, नातेवाइक व मित्रांकडून सतत मारल्या जाणाऱ्या टोमण्यांनी चिडलेल्या भावांनी बहिणीचा काटा काढला. माणुसकीला काळिमा फासलेल्या या घटनेने सामाजिक वातावरण पार ढवळून निघाले आहे.

बच्चे सावर्डे आणि थेरगाव या गावांमध्ये सहा ते सात किलोमीटरचे अंतर. इंद्रजित कुलकर्णी व मेघा पाटील यांचे शालेय जीवनापासून प्रेमसंबध. पाच चुलते असलेल्या मेघाच्या पाटील घराण्याची गावात प्रतिष्ठा आहे. मेघाचे वडील आरोग्यसेवक असून, मलेरियाचे डॉक्टर म्हणून त्यांची ओळख आहे.

मेघाने घरच्यांचा विरोध होणार म्हणून पळून जाऊन इंद्रजितशी विवाह केला. मेघा बेपत्ता झाल्याची तक्रार पाटील कुटुंबीयांनी दिल्यानंतर शाहूपुरी पोलिसांनी मेघाकडे चौकशी केली असता तिने इंद्रजितबरोबर राहणार असल्याचे पोलिसांना सांगितले. मेघाने पळून जाऊन विवाह केल्याने गणेश व जयदीप यांची मित्र व गावकऱ्यांकडून कुचेष्ठाही सहन करावी लागत होती. गावकऱ्यांचा हा मनःस्ताप लक्षात घेऊन दोघा भावांना कॉलेज संपल्यावर घरातून बाहेर न पडण्याची सक्ती घरच्या लोकांनी केली होती. गणेश डिप्लोमा करत होता, तर जयदीप कोल्हापुरातील गोखले कॉलेजमध्ये बीएस्सीचे शिक्षण घेत होता. पै पाहुणे, नातेवाइकांमध्ये मेघाचा विषय कायम निघत असल्याने त्यांचा बहिणीविरोधातील राग बळावू लागला. बुधवारी चरण येथील चुलत मामाच्या विवाह समारंभावेळी मेघाचा विषय निघाल्याने त्यांच्या संतापाचा कडेलोट झाला. मामाच्या वरातीत थोडावेळ नाचून त्यांनी थेट बहीण व तिच्या पतीचा काटा काढायच्या या हेतूने ते चरणमधून कोल्हापुरात आले. त्यांनी मेघा व इंद्रजित घरी कधी येतात याची माहिती काढली होती.

भाऊ प्रथमच घरी आल्याने मेघा त्यांच्यासाठी चहा करायला स्वयंपाकगृहात गेली. मात्र, त्याचवेळी दूध आणण्यासाठी इंद्रजित दुकानात गेला असता त्यांनी बहिणीचा काटा काढला. त्यानंतर इंद्रजित घरी आल्यावर त्याच्यावर नऊ वार करून दोघे भाऊ मित्राच्या दुचाकीवरून पळून गेले. खून करून ते थेट बच्चे सावर्डेत गावी गेले. पोलिसांनीही झटपट निर्णय घेऊन शाहूवाडी पोलिसांशी संपर्क साधला. मेघा बेपत्ता झाल्याची तक्रार असल्याने पहिला संशय पाटील कुटुंबावरच होता. गणेश व जयदीपला ताब्यात घेतल्यावर दोघांनी खुनाची कबुली दिली. रागाच्या भरात कृत्य केल्याने मेघा व इंद्रजितचे जीवन संपलेच, पण गणेश व जयदीप यांचे करिअर संपले. प्रतिष्ठेपायी आततायीपणा केल्याने पाटील कुटुंब संपून गेले आहे.

मोबाइल अॅप डाउनलोड करा आणि राहा अपडेट