केडीसीची सुनावणी पूर्ण

October 14, 2015, 1:32 pm

≫ Next: खर्डेकर ग्रंथालयात ९ हजारांवर हस्तलिखिते

≪ Previous: पाच तोळे दागिने लंपास

$

0

0

अंतिम निकालातून जबाबदारी निश्चित होणार?

म. टा. प्रतिनिधी, कोल्हापूर

कोल्हापूर जिल्हा मध्यवर्ती सहकारी बँकेच्या ४५ आजी - माजी संचालकांसह एका कार्यकारी संचालकांवर आर्थिक जबाबदारी निश्चित करण्यासाठी बुधवारी सहकारमंत्री चंद्रकांत पाटील यांच्यासमोर सुनावणी झाली. दोन्ही बाजूचे युक्तिवाद पूर्ण झाल्यानंतर सहकार मंत्री पाटील यांनी निकाल राखून ठेवला. दरम्यान, महापालिका निवडणुकीदरम्यान जिल्हा बँकेची पुन्हा सुनावणी सुरू करुन काँग्रेस, राष्ट्रवादी काँग्रेसला खिंडीत पकडण्याची भाजपची खेळी असल्याची राजकीय क्षेत्रात चर्चा सुरू आहे.

कर्जवितरणातील अनियमितता आणि अपुऱ्या तारणावर कर्ज दिल्याप्रकरणी जिल्हा बँकेच्या ४५ आजी - माजी संचालकांची चौकशी तत्कालीन जिल्हा उपनिबंधक धनंजय डोईफोडे यांनी केली होती. ही चौकशी अंतिम टप्प्यात आली असताना उर्वरीत चौकशी करण्याची जबाबदारी सचिन रावळ यांच्याकडे सोपवली होती. साडेपाच वर्षाच्या कालावधीनंतर राज्यातील सरकार बदल्यानंतर रावळ यांनी घाईगडबडीत अहवाल सादर केला होता. यामध्ये संचालक व एका कार्यकारी संचालकांवर बँकेचे १४५ कोटी रुपये नुकसान केल्याचा ठपका ठेवला होता. उच्च न्यायालयात याबाबत सुनावणी झाली होती. उच्च न्यायालयाने पुन्हा सहकारमंत्र्यांना सुनावणीचे आदेश दिले होते.

३० सप्टेंबर रोजी झालेल्या सुनावणीमध्ये १२ संचालकांनी म्हणणे मांडले होते. त्यावेळी पुन्हा सुनावणी होणार होती. यानुसार सहकार मंत्री पाटील यांच्यासमोर सुनावणी झाली. आमदार महादेवराव महाडिक, पी. एन. पाटील, सतेज पाटील यांच्यासह बारा संचालकांच्यावतीने अॅड. लुईस शहा यांनी बाजू मांडली. ज्या २८ कर्जांना संचालकांना जबाबदार धरले आहे, त्यावर संस्था व बँकेमध्ये न्यायालयीन दावा सुरू आहे. लवादाने ३१ जुलै २०१४ मध्ये ६० दिवसांत अहवाल सादर करणे अपेक्षित होते. मात्र त्यांनी १५ जानेवारी २०१५ रोजी अहवाल सादर केला. तसेच संचालकांनी लवादासमोर बाजू मांडल्यानंतर लवादाने अहवाल सादर केल्यानंतर पुन्हा पुरावे गोळा केले आहेत. तसेच लेखापरिक्षकांचा जबाबही घेतला नसल्याचे निदर्शनास आणून दिले. लाभांश वाटपाचा निर्णय वार्षिक सर्वसाधारण सभेमध्ये घेतला जातो, यामुळे अशीलांना दोषी धरता येत नसल्याचे सांगितले.

अॅड. दत्ता राणे यांनी विनय कोरे व प्रा. जयंत पाटील यांची बाजू मांडताना कार्यकारी मंडळात आमच्या अशीलाचा समावेश नसल्याने त्यांना जबाबदार धरता येणार नसल्याचे सांगितले. तर अध्यक्ष मुश्रीफ यांच्यावतीने अॅड. शिवाजीराव चव्हाण यांनी युक्तीवाद न करता कागदपत्रे सादर केली. जिल्हा बँकेची सुनावणी पूर्ण झाल्याने आता निकालाकडे लक्ष लागले आहे.

मोबाइल अॅप डाउनलोड करा आणि राहा अपडेट

---

खर्डेकर ग्रंथालयात ९ हजारांवर हस्तलिखिते

October 14, 2015, 1:34 pm

≫ Next: हत्तीच्या हल्ल्यात तरुण जखमी

≪ Previous: केडीसीची सुनावणी पूर्ण

$

0

0

Sachin.Yadav@timesgroup.com

कोल्हापूर : शिवाजी विद्यापीठाने हस्तलिखितांच्या तालिकीकरणात पुढचे पाऊल टाकले आहे. विद्यापीठाच्या बॅरिस्टर बाळासाहेब खर्डेकर ग्रंथालयाकडे ११ संग्रहातून ९६१८ हस्तलिखितांच्या नोंदी झाल्या आहेत. त्याचा लाभ जगभगरातील संशोधकांना होणार आहे. या विषयाशी संबंधित संशोधकांना यानिमित्ताने एक मोठे भांडारच उपलब्ध केले आहे.

मॅन्यूस्क्रिप्ट रिसोर्स सेंटर हस्तलिखित संग्रह व प्रलेखनाचे काम ग्रंथालयाच्यावतीने सुरू आहे. केंद्र सरकारच्या नॅशनल मिशन फॉर मॅन्यूस्क्रिप्ट प्रकल्पांतर्गत हा उपक्रम सुरू आहे. पश्चिम भारतात नऊ मॅन्यूस्क्रिप्ट सेंटरमध्ये खर्डेकर ग्रंथालयाचा समावेश आहे. २०११ पासून हे सेंटर कार्यरत आहे. सेंटरमधील संस्कृत सर्व्हेअर, मोडी लिपी सर्व्हेअर, कॅटलॉगर यांनी हस्तलिखितांचे काम पूर्ण केले आहे. पूर्ण झालेली हस्तलिखिते नॅशनल मिशन फॉर मॅन्यूस्क्रिट त्यांच्या संकेतस्थळावर उपलब्ध करुन देणार आहे. त्यामुळे साहजिकच त्याचा फायदा जगभरातील संशोधकांना होणार आहे.

हस्तलिखित विभागात ५० हजारांहून अधिक दुर्मिळ पुस्तके आहेत. १७१६ पासून १९५० कालखंडातील प्रलेख, कागदपत्रे, ५० हून अधिक दुर्मिळ विशेष संग्रह उपलब्ध आहेत. वेदांत धर्मशास्त्र, न्यायशास्त्र, ज्योतिष, वैद्यकशास्त्र, इतिहास, काव्य, नाटक, योग आदी ९२०० हस्तलिखिते संग्रहात आहेत.

मॅन्यूस्क्रिप्ट रिसोर्स सेंटर

नॅशनल मिशन फॉर मॅन्युस्क्रिप्ट देशभरातील ५७ सेंटर आणि ५० मॅन्यूस्क्रिप्ट कंझर्व्हेशन सेंटरमध्ये कार्यरत आहे. यात भारतीय विद्याशास्त्र संस्था, संग्रहालये, लायब्ररी, विद्यापीठ आणि गैरसरकारी संस्था आहेत. या संस्थाकडून सर्वेक्षण आणि हस्तलिखितांच्या दस्ताऐवजाचे काम सुरू आहे.

इतिहास आणि परंपरा यांचा मिलाप घडविणारा हस्तलिखित संग्रह आहे. त्याचा फायदा संशोधकांना होत आहे. प्राचीन शास्त्र, ऐतिहासिक घटना आणि सांस्कृतिक परंपरांचा उलगडाही यानिमित्ताने होईल.

- डॉ. नमिता खोत, समन्वयक, मॅन्यूस्क्रिप्टस रिसोर्स सेंटर

हस्तलिखितांच्या नोंदी

ज्ञानेश्वरांनी रचलेला योगविरंज खेळ, शिवाजी विद्यापीठ

कुरुंदवाड नगरवाचनालयातील शके १०१७ मधील ब्राह्मण ग्रंथ हस्तलिखित

कृष्णदास मुदगल रचित प्राकृत मराठीतील युद्धकाडांचे हस्तलिखित

शके १५७९ मधील शिवपुराणातील इश्वरनंदी संवाद

तोडरमल्लविरचित आयुर्वेद सौख्यनिदानचिकित्स शके १७४१-१८१९

सचित्र गणेशमाहात्म्य शके १७१३ प्राकृत

ज्ञानेश्वरांची शके १४९० मधील प्रतः त्यावरुनच विद्यापीठाकडून ज्ञानेश्वरी प्रकाशित

मोबाइल अॅप डाउनलोड करा आणि राहा अपडेट

हत्तीच्या हल्ल्यात तरुण जखमी

October 14, 2015, 1:36 pm

≫ Next: औषध दुकानदारांचा बंद यशस्वी

≪ Previous: खर्डेकर ग्रंथालयात ९ हजारांवर हस्तलिखिते

$

0

0

म. टा. वृत्तसेवा, आजरा

गेले काही दिवस बेपत्ता असलेल्या हत्तीने बुधवारी देवर्डे येथे एका तरूणाला जबर जखमी केले. सचिन संभाजी गोरूले (वय-३४) असे त्याचे नाव आहे. जनावरे चारण्यासह प्रत्यक्ष हत्ती पाहण्यासाठी सचिन आणि काही युवक गेले होते. त्यावेळी समोरच हत्ती प्रकटला. त्याला सोंडेत धरून जमिनीवर आपटताना प्रयत्न केला. मात्र सचिनने प्रसंगावधान राखून त्याचे सुळे धरले. त्यामुळे त्याचा जीव वाचल्याचे ग्रमस्थांनी सांगितले. मात्र याबाबत वनविभागाने त्रोटक माहितीच्या आधारे बोळवण करण्याचा प्रयत्न केला. जखमींवर गडहिंग्लज उपजिल्हा रूग्णालयात उपचार सुरू आहेत.

मोबाइल अॅप डाउनलोड करा आणि राहा अपडेट

औषध दुकानदारांचा बंद यशस्वी

October 14, 2015, 1:37 pm

≫ Next: ‘पगारात भागवा’ अभियान

≪ Previous: हत्तीच्या हल्ल्यात तरुण जखमी

$

0

0

म. टा. प्रतिनिधी, कोल्हापूर

इ-फार्मसीच्या विरोधात कोल्हापूर डिस्ट्रिक्ट केमिस्ट असोसिएशनने केलेल्या बंदमुळे काही रुग्णांचे हाल झाले. केमिस्ट असोसिएशनच्या कार्यालयात औषधांची पर्यायी व्यवस्था केली असली तरी शहर आणि जिल्ह्यातील औषध दुकाने बंद राहिली. होलसेल आणि रिटेल ७५० विक्रेते आणि जिल्ह्यातील ३२०० विक्रेते सहभागी झाल्याने औषध विक्रीची दुकाने बंद राहिली. औषध विक्रेत्यांचा बंद नियोजित असल्याने दोन दिवसांपूर्वी काही हॉस्पिटलनी औषधांचा साठा करुन ठेवला. मात्र अत्यावश्यक रुग्ण केमिस्ट असोसिएशनच्या कार्यालयापर्यंत पोहोचले नाही.

मोबाइल अॅप डाउनलोड करा आणि राहा अपडेट

‘पगारात भागवा’ अभियान

October 14, 2015, 1:12 pm

≫ Next: अपक्षांची मांडवली लाखांत

≪ Previous: औषध दुकानदारांचा बंद यशस्वी

$

0

0

भ्रष्टाचार मुक्तीसाठी अधिकारी महासंघ सरसावला

म. टा. प्रतिनिधी, कोल्हापूर

सरकारी कार्यालयांमध्ये टेबलाखालून होणाऱ्या व्यवहारांचे प्रमाण वाढल्याने सरकारी अधिकारी आणि कर्मचाऱ्यांबद्दल जनमाणसांत एक प्रकारची नकारात्मक भावना निर्माण झाली आहे. दररोज कुठे ना कुठे अधिकारी वा कर्मचारी लाचलुचपत प्रतिबंधकच्या जाळ्यात सापडतो ही बाब सरकारी कर्मचारी आणि अधिकाऱ्यांची प्रतिमा मलिन करणारी असल्यानेच 'पगारात भागवा' हे अभियान सुरू करण्याची गरज निर्माण झाल्याचे महाराष्ट्र राज्य राजपत्रित अधिकारी महासंघाचे संस्थापक ग. दि. कुलथे यांनी सांगितले. जिल्हाधिकारी कार्यालयात आयोजित केलेल्या बैठकीत ते बोलत होते.

गेल्या तीस वर्षांपासून या क्षेत्रात काम करणाऱ्या महासंघाला अलिकडच्या काळात सरकारी कार्यालयांतील वाढलेल्या भ्रष्टाचाराचे आव्हान निर्माण झाले आहे. नागरिकांकडून उकळले जाणारे पैसे आणि बदली, बढतीसाठी कार्यालयांतर्गत होणारा भ्रष्टाचार या सगळ्याला आळा घालण्याचा प्रयत्न महासंघाकडून सुरू आहे. कुलथे म्हणाले, 'जनतेला न लुबाडता कर्तव्यनिष्ठेने आपण सरकार व प्रशासनाची प्रतिमा जपायला हवी. सहाव्या वेतन आयोगानंतर चांगले जीवन जगण्यासाठी पुरेसे वेतन मिळू लागले आहे. सरकारी सेवेत मोहाचे क्षण पदोपदी येवू शकतात, पण भ्रष्ट आचरणापासून आपण परावृत्त व्हायला हवे. एखादा अधिकारी अथवा कर्मचारी भ्रष्टाचारात अडकून तुरुंगात गेला तर तीन पिढ्यांचे नुकसान होते. त्यामुळे मिळणाऱ्या पगारातच सन्मानाने जीवन जगले पाहिजे.' यावेळी एम. के. पोकळे, अशोक मोहिते, विलास हंडे, चंद्रकांत वाघमारे, रमेश लिधडे आदी पदाधिकारी उपस्थित होते.

मोबाइल अॅप डाउनलोड करा आणि राहा अपडेट

अपक्षांची मांडवली लाखांत

October 14, 2015, 1:20 pm

≫ Next: ‘ऑनलाइन’ला मार्केट

≪ Previous: ‘पगारात भागवा’ अभियान

$

0

0

Udaysing.Patil@timesgroup.com

कोल्हापूर : उमेदवारी मिळाली नाही, ऐनवेळी आयात उमेदवाराला तिकिट दिले यामुळे नाराज झालेल्या इच्छुकांनी उमेदवारी अर्ज भरलेच. पण प्रभागातील तगड्या उमेदवारांची धाकधूक वाढवून त्यांच्याशी मांडवली करण्यासाठी उमेदवारी अर्ज भरलेल्या अपक्षांची चक्रे आता वेगाने फिरु लागली आहेत. कुठे हॉटेल, कुणाच्या गोपनीय ठिकाणी तर कुणाच्या पाहुण्यांच्या ठिकाणी या अपक्षांच्या बैठक जमू लागल्या असून मांडवलीचे आकडे लाखांपर्यंत पोहचत आहेत. अर्ज भरलेल्यांपैकी जवळपास ३० टक्के इच्छुक अपक्ष आहेत.

नाराज इच्छुक तिरीमिरीने अर्ज भरणे स्वाभाविक आहे. पण ज्यांना त्या भागातील पडणारे मतदान शंभर-दिडशेच्या पुढे सरकत नाही अशांची उमेदवारी दाखल करण्याला कुणाला पाडण्यासाठी तर कुणाला मदत करण्यासाठी हेच कारण असते. उमेदवारी अर्ज भरुन तो वैध ठरेपर्यंत या अपक्षांची गणना केवळ एक अपक्ष म्हणूनच केली जाते. पण ज्यावेळी अशा अपक्षाची उमेदवारी कोणत्या भागातील किती मते खाणार हे कार्यकर्त्यांच्या माध्यमातून उमेदवारांच्या कानावर येऊ लागते. तशी उमेदवारांची या अपक्षांशी चर्चेची वेळ ठरु लागते. छाननीनंतर उमेदवार रिंगणात राहणार हे स्पष्ट होते. १६ ऑक्टोबरच्या दुपारी तीन वाजेपर्यंत अर्ज माघारीची मुदत आहे. अशावेळी जर एखादा अपक्ष कायम राहिला तर त्याला पडणारी मते कुणाला तरी त्रासदायक होतात. याचीच भीती विजयाची आशा असलेल्या उमेदवारांना वाटत आहे.

बहुतांश प्रभागात बहुरंगी निवडणूक होत आहे. फार मताधिक्याने उमेदवार विजयी होण्याची शक्यता कमी आहे. अशावेळी दोन अपक्ष जर रिंगणात राहिले तर तगड्या उमेदवाराला पाडण्यासाठी ते कारणीभूत ठरतात. काही पक्षांनी उमेदवारी नाकारल्याने निष्ठावंत कार्यकर्ते नाराज आहेत. त्यांचा फटका कमी करण्यासाठी अपक्षांची उमेदवारी कमी करण्याचे अनेक प्रभागात प्रयत्न करण्यात येत आहेत. काही अपक्ष हे नेहमीचे आहेत. अशांची कोणती इच्छा पूर्ण करायची हे मुरब्बी उमेदवारांना चांगले माहिती असते. त्यामुळे त्यांच्याशी चर्चा सुरु असून जो उमेदवार खरोखरच एखाद्या गल्लीतील शंभरहून अधिक मतदान खाणार आहे. त्याच्याशी मात्र सावधगिरीने चर्चा केली जात आहे. त्यांचे गणित पैशांच्याभोवती असतेच. पण काही ठिकाणी उमेदवाराकडून दुसऱ्या प्रभागातील हक्काची मते आपल्या उमेदवाराला देण्याबाबत राजी करुन घेतले जात आहे. अपक्षांच्या चर्चांना वेग येत आहे. काही हॉटेलमध्ये साग्रसंगीत या बैठक होत असून रोखीचे व्यवहारही ठरत आहेत. फक्त १६ तारखेच्या माघारीच्या पावतीनंतर या व्यवहारांना मूर्त स्वरुप येणार आहे.

स्टार हॉटेलचे औत्सुक्य

निवडणुकांमध्ये जेवणावळींचे औत्सुक्य असते. पण गेल्या काही दिवसांपासून एक वेगळाच ट्रेंड मतदारांमध्ये दिसत आहे. एका प्रभागातील काही निवडक मतदारांनी शहरातील पहिल्या फाइव्ह स्टार हॉटेलमध्ये जेवणाचा आग्रह एका उमेदवाराकडे धरला. बारा मतदार असल्याने त्या उमेदवारानेही त्याला होकार दिला. त्यांची जेवणावळी झाली. पण त्या बाराजणांसाठी बारा हजाराहून अधिक रुपये खर्च झाल्याने या प्रकाराची चर्चा प्रभागात चांगलीच रंगली होती. हा आग्रह म्हणजे उमेदवारांना तोंड दाबून बुक्क्यांचा मार असाच प्रकार आहे.

मोबाइल अॅप डाउनलोड करा आणि राहा अपडेट

‘ऑनलाइन’ला मार्केट

October 14, 2015, 1:23 pm

≫ Next: ‘आर. डी.’, सचिन चव्हाण आउट

≪ Previous: अपक्षांची मांडवली लाखांत

$

0

0

फ्लिपकार्टचे तीन हजार कोटींचे लक्ष्य

म. टा. प्रतिनिधी, कोल्हापूर

दसरा-दिवाळीचा काळ सुरू झाला की बाजारपेठा नव्या वस्तूंनी फुललेल्या दिसू लागतात. त्याचबरोबर ग्राहकांना आकर्षित करण्यासाठी अनेक प्रकारच्या सवलतीही जाहीर करण्यात येतात. यावर्षीही बाजारपेठेचे हे चित्र कायम असले तरी ऑनलाइन शॉपिंग वेबसाइट्सच्या रूपाने बाजारपेठेसमोर नवे आव्हान उभे ठाकले आहे. सणांच्या सुरूवातीच्या काळातच शॉपिंग वेबसाइटनी मोठ्या प्रमाणावर 'सेल' जाहीर करून ग्राहकांचे लक्ष वेधण्यात आघाडी घेतली आहे.

काही वर्षांपूर्वी भारतातील छोट्या शहरांमध्ये मॉलचा प्रसार होऊ लागला, त्यावेळी मॉलमुळे स्थानिक बाजारपेठेसमोर नवे आव्हान निर्माण झाल्याच्या चर्चा रंगल्या होत्या. आता मात्र ऑनलाइन मार्केटमुळे मॉल आणि स्थानिक बाजारपेठ या दोघांसमोर सारखेच आव्हान निर्माण केले आहे. आतापर्यंत केवळ इलेक्ट्रॉनिक वस्तूंसाठी ऑनलाइन शॉपिंगचा मार्ग धरला जात होता. यावर्षी मात्र, ऑनलाइन वेबसाइटनी विस्तार अधिक व्यापक केला आहे. खरेदीसाठी विविध पर्याय उपलब्ध करून दिले आहेत. त्यामुळे चॉकलेट, टूथपेस्ट, बल्ब यांसारख्या किरकोळ गृहपयोगी वस्तूंपासून ते दागिने, फर्निचरपर्यंतच्या सर्व वस्तू ऑनलाइन उपलब्ध आहेत. याहीपुढे जाऊन काही वेबसाइटनी प्लम्बिंग, फर्निचर इन्स्टॉलेशन, पेस्ट कंट्रोल यांसारख्या आवश्यक सेवाही उपलब्ध केल्या आहेत.

गेल्या वर्षी ऑनलाइन वेबसाइटनी सणांच्या दिवशी मोठ्या प्रमाणावर सेल जाहीर केले होते. परिणामी, एकाच वेळी संबंधित वेबसाइट्सवर ग्राहकांची गर्दी होऊन वेबसाइटचे सर्व्हर क्रॅश झाले. त्यामुळे ग्राहकांचा हिरमोड झालाच. शिवाय वेबसाइटनाही ग्राहकांची जाहीर माफी मागावी लागली. यावेळी अशाप्रकारची नामुष्की ओढावू नये, यासाठी प्रमुख वेबसाइटनी सॉफ्टवेअर्स सक्षम करण्याबरोबरच एकावेळीच सर्व उत्पादनांचे सेल जाहीर न करता प्रत्येक दिवसागणिक विशिष्ट उत्पादनांवर सवलती जाहीर केल्या आहेत. त्यामुळे तरुणांप्रमाणेच इतर वयोगटांना आकर्षित करण्याचा ऑनलाइन वेबसाइटचा हेतू आहे.

अॅमेझॉन, स्नॅपडील, फ्लिपकार्ट, ई-बे या वेबसाइटनी नवरात्रीच्या पहिल्या दिवसापासूनच 'सेल' जाहीर केले आहेत. यापैकी प्रत्येक वेबसाइटनी काही बँकांशी भागीदारी केल्याने त्या बँकांच्या डेबिट व क्रेडिट कार्डवर विशेष सवलत मिळत आहे. त्याचप्रमाणे भारतातील महत्त्वाच्या शहरांमध्ये फोर-जी तंत्रज्ञानाचा वापर सुरू झाल्याच्या पार्श्वभूमीवर शॉपिंग वेबसाइटनी अॅपवरून खरेदीसाठीही आकर्षक ऑफर्स दिल्या आहेत.

फ्लिपकार्टचे तीन हजार कोटींचे लक्ष्य

भारतातील सर्वांत मोठी ऑनलाइन शॉपिंग वेबसाइट असलेल्या फ्लिपकार्टने १३ ते १७ ऑक्टोबरदरम्यान सेल जाहीर केला असून या सेलद्वारे ३२५० कोटींचे उत्पन्न मिळवण्याचे उद्दिष्ट ठेवले आहे. काही महिन्यांपूर्वी कंपनीने मायन्त्रा ही कपडेखरेदीची ऑनलाइन वेबसाइट विकत घेतली. त्याचा फायदाही फ्लिपकार्टला होणार आहे. एकूण खरेदीपैकी ७५ टक्के खरेदी मोबाइलद्वारे होईल, असा अंदाज फ्लिपकार्टचे वाणिज्यप्रमुख मुकेश बन्सल यांनी व्यक्त केला.

कपड्यांच्या खरेदीसाठी ग्राहक अद्याप दुकानांनाच प्राधान्य देतात. ऑनलाइन शॉपिंगमध्ये कपड्यांची 'ट्रायल' घेण्याची मुभा नाही. तसेच प्रत्यक्ष हातात येणारी वस्तू रंगरूपात भिन्न असू शकते. कपडे परत करायचे झाल्यास वेबसाइटला न करता संबंधित ब्रँडशी संपर्क साधावा लागतो व ती प्रक्रिया वेळखाऊ आहे. या सर्व सेवा ग्राहकांना दुकानांमध्ये मिळतात. त्यामुळे ऑनलाइन सवलतींचा फारसा परिणाम ग्राहकांवर होत नाही.

- प्रशांत पोकळे, बालाजी कलेक्शन

मोबाइल अॅप डाउनलोड करा आणि राहा अपडेट

‘आर. डी.’, सचिन चव्हाण आउट

October 14, 2015, 1:39 pm

≫ Next: अपहारप्रकरणी संचालकांना कोठडी

≪ Previous: ‘ऑनलाइन’ला मार्केट

$

0

0

म. टा. प्रतिनिधी, कोल्हापूर

भारतीय जनता पक्षाचे नगरसेवक आर. डी. पाटील यांनी मुदतीत उमेदवारी अर्ज सादर न केल्याने व काँग्रेसचे नगरसेवक सचिन चव्हाण यांच्या यापूर्वीच्या जातीचा दाखला अवैध ठरविण्यात आल्याच्या कारणावरून या निवडणुकीसाठीची त्यांची उमेदवारी अवैध ठरविण्यात आली. ताराबाई पार्क येथील भाजप,ताराराणी आघाडीचे उमेदवार निलेश देसाई यांच्या उमेदवारी अर्जावर रात्री आठवाजेपर्यंत निर्णय दिला नव्हता. अखेर त्यांचा अर्ज वैध ठरल्याने त्यांना दिलासा मिळाला आहे. दरम्यान उमेदवारी अर्ज अवैध ठरण्याच्या निकालाविरोधात कोर्टात दाद मागणार असल्याचे नगरसेवक पाटील यांनी सांगितले. माजी नगरसेवक दिलीप पोवार यांचा अर्ज वैध ठरल्याने निवडणूक लढविण्याचा मार्ग सुकर झाला आहे.

नगरसेवक पाटील व चव्हाण यांच्या जागी आता दोन्ही पक्षांना पर्यायी उमेदवार द्यावे लागणार आहेत. दिवसभराच्या छाननीत ८१ प्रभागातील मिळून १९ उमेदवारांचे अर्ज अवैध ठरले. बुधवारी छाननी झाली. हिंदू आघाडीच्या उमेदवाराचा अर्ज अवैध ठरल्याने जयदीप शेळके यांनी सरकारी कामात अडथळ आणल्याच्या कारणावरून पोलिसांनी त्यांना ताब्यात घेतले.

राजारामपुरी जगदाळे हॉल येथील कार्यालयात नगरसेवक आर.डी. पाटील यांच्या अर्जावरील छाननीची प्रक्रिया आणि त्यावरील निर्णयाचा घोळ रात्री आठपर्यंत सुरू होता. पाटील यांना शिवाजी उद्यमनगर प्रभागातून भाजप-ताराराणी आघाडीची उमेदवारी मिळाली होती. नगरसेवक पाटील यांनी मुदत संपल्यानंतर अर्ज आणि त्यासोबतची कागदपत्रे सादर केल्याचा आक्षेप राष्ट्रवादीचे उमेदवार सचिन पाटील, अपक्ष उमेदवार दीपक स्वामी, विशाल शिराळकर यांनी घेतला. त्यात नगरसेवक पाटील यांच्या मूळ प्रभागातील यादीतील नावाच्या समावेशाचा दाखला दुधाळी पॅव्हेलियन कार्यालयातून मंगळवारी दुपारी ३.२० मिनिटांनी काढण्यात आला. पाटील यांनी उशिरा कागदपत्रे सादर केल्याचा आक्षेप होता. तर नगरसेवक चव्हाण यांनी गेल्या निवडणुकीत जातीचा बोगस दाखला सादर केला होता. तो कोर्टाने अवैध ठरविल्याने त्यांची उमेदवारी सुनावणीनंतर अवैध ठरविली. यावेळी चव्हाण आणि अधिकारी बेलदार यांच्यात खडाजंगी झाली. ८१ प्रभागांसाठी ८०६ उमेदवारांनी अर्ज दाखल केले होते. बुधवारच्या छाननीत ७८७ उमेदवारांचे अर्ज वैध ठरले, तर १९ उमेदवारांचे अर्ज अवैध ठरले.

अर्ज वैधतेसाठी उतरवले बांधकाम

कॉमर्स कॉलेज प्रभागातील उमेदवार निलोफर आजरेकर यांनी ताराराणी आघाडीचे उमेदवार समीना सलीम बागवान यांनी बांधकाम परवाना तरतुदीचा भंग तसेच अनधिकृत बांधकामाची तक्रार केली होती. छाननीपूर्वीच बागवान यांनी अनधिकृत बांधकाम पाडून घेतले. त्यामुळे या अनधिकृत बांधकामाचे पुरावे देऊ शकले नसल्याने बागवान यांचा अर्ज वैध ठरवला.

मोबाइल अॅप डाउनलोड करा आणि राहा अपडेट

---

अपहारप्रकरणी संचालकांना कोठडी

October 15, 2015, 12:46 pm

≫ Next: आरग येथील कार्यालय उघडण्यास विरोध

≪ Previous: ‘आर. डी.’, सचिन चव्हाण आउट

$

0

0

सांगली

खणभागातील भाग्यलक्ष्मी नागरी सहकारी पतसंस्थेतील ६१ लाख रुपयांच्या अपहारप्रकरणी गुन्हा दाखल झाला आहे. संस्थेच्या अध्यक्षांसह पाच संचालक बुधवारी न्यायालयाला शरण आले. त्यांना पोलिस कोठडीत ठेवण्याचे आदेश न्यायालयाने दिले.

संस्थेचे अध्यक्ष जयवंत धोंडीराम पाटील, संचालक रंगराव आबाजी पाटील, शिवाजीराव दत्ताजीराव पाटील, विक्रमसिंह जयवंत पाटील, तानाजी बंडू चव्हाण अशी अटक झालेल्यांची नावे आहेत. या पतसंस्थेच्या लेखापरीक्षणात ६१ लाख रुपयांचा अपहार झाल्याचे दिसून आले. लेखापरीक्षकांनी अध्यक्षासह १३ संचालकांविरुद्ध सांगली शहर पोलिसांत गुन्हा दाखल केला आहे. त्यातील पाच संचालकांनी अटकपूर्व जामीन मिळविण्याचा त्यांनी जिल्हा न्यायालय, मुंबई उच्च न्यायालय या ठिकाणी प्रयत्न केला, पण तो अयशस्वी झाला. अखेर ते पोलिसांना शरण आले, त्यांनी स्वत:ला अटक करून घेतली. संगनमताने नातेवाईकांना बोगस कर्जे दिल्याचा प्रामुख्याने त्यांच्यावर ठपका आहे.

मोबाइल अॅप डाउनलोड करा आणि राहा अपडेट

आरग येथील कार्यालय उघडण्यास विरोध

October 15, 2015, 12:35 pm

≫ Next: काळा दिन यंदाही पाळणार

≪ Previous: अपहारप्रकरणी संचालकांना कोठडी

$

0

0

सांगली:

वसंतदादा शेतकरी सहकारी साखर कारखान्याचे आरग येथील कार्यालय उघडण्यास शेतकरी संघटनेच्या कार्यकर्त्यांनी विरोध केला. कार्यालय बंद पाडले. गेल्या गळीत हंगामातील उसाचे पैसे मिळाल्याशिवाय ऊस नोंद घेऊ देणार नाही, अशी भूमिका शेतकऱ्यांनी घेतली.

मोबाइल अॅप डाउनलोड करा आणि राहा अपडेट

काळा दिन यंदाही पाळणार

October 15, 2015, 12:51 pm

≫ Next: राजाराम कारखान्याचा बॉयलर अग्निप्रदीपन

≪ Previous: आरग येथील कार्यालय उघडण्यास विरोध

$

0

0

बेळगावच्या महाराष्ट्र एकीकरण समितीचा निर्णय

म. टा. वृत्तसेवा, बेळगाव

दरवर्षीप्रमाणे यंदाही एक नोव्हेंबरला काळा दिन पाळण्याचा निर्णय येथील मध्यवर्ती महाराष्ट्र एकीकरण समितीने घेतला आहे. एक नोव्हेंबर हा कर्नाटकाचा स्थापना दिवस असून, त्या दिवशी येथील मराठी भाषक काळा दिन पाळतात.

समितीच्या गुरुवारी झालेल्या बैठकीत या बाबत निर्णय झाला. मराठा मंदिर येथे झालेल्या बैठकीच्या अध्यक्षस्थानी मध्यवर्ती महाराष्ट्र एकीकरण समितीचे अध्यक्ष माजी आमदार वसंतराव पाटील होते.

मराठी भाषकांनी या आंदोलनात मोठ्या संख्येने सहभागी होऊन, महाराष्ट्रात जाण्याची इच्छा पुन्हा व्यक्त करावी, असे आवाहन बैठकीत करण्यात आले.

काही दिवसापासून कन्नड भाषक नेते मराठी भाषिकांच्या विरोधात बिनबुडाचे आरोप करून मराठी भाषकांना डिवचत आहेत. जिल्हाधिकारीही त्यांना साथ देत मराठी भाषकांवर अन्याय करत आहेत. जिल्हाधिकारी भाषक अल्पसंख्याकांचे रक्षणकर्ते आहेत; पण ते कन्नड भाषना पाठिंबा देत असल्याचा आरोप करीत बैठकीत जिल्हाधिकाऱ्यांचा निषेध करण्यात आला. मराठी भाषकांच्या अधिकारांबाबत समितीचे पदाधिकारी आणि आमदार जिल्हाधिकारी आणि पोलिस आयुक्त यांची यांनी भेट घेऊन चर्चा करतील, असा निर्णयही बैठकीत घेण्यात आला.
महाराष्ट्रातील नेत्यांना भेटणार

सुप्रीम कोर्टातील खटल्याच्या कामकाजाला गती येण्यासाठी महाराष्ट्रातील नेत्यांची भेट घेण्याचा निर्णयही बैठकीत घेण्यात आला. बैठकीला सरचिटणीस मालोजी अष्टेकर, आमदार अरविंद पाटील, माजी आमदार मनोहर किणेकर, माजी आमदार दिगंबर पाटील, प्रकाश मरगाळे, दीपक दळवी, निन्गोजी हुद्दार, नगरसेवक विजय पाटील, रावजी पाटील, राजू मरवे आदी उपस्थित होते.

मोबाइल अॅप डाउनलोड करा आणि राहा अपडेट

राजाराम कारखान्याचा बॉयलर अग्निप्रदीपन

October 15, 2015, 12:42 pm

≫ Next: माजी सैनिकांच्या पाल्यांसाठी प्रधानमंत्री शिष्यवृत्ती योजना

≪ Previous: काळा दिन यंदाही पाळणार

$

0

0

म. टा. प्रतिनिधी, कोल्हापूर

कसबा बावडा येथील छत्रपती राजाराम सहकारी साखर कारखान्याचा बॉयलर अग्निप्रदीपन सोहळा पार पडला. चेअरमन सर्जेराव माने व त्यांच्या पत्नी यांच्या हस्ते अग्निप्रदीपन करण्यात आला. अध्यक्षस्थानी संचालक आमदार अमल महाडिक होते.

यावेळी चेअरमन माने म्हणाले, 'साखरेच्या दराबरोबरच मोलॅसिस, बगॅस आदी उपपदार्थांचे दर राष्ट्रीय व आंतरराष्ट्रीय पातळीवर कमी झाले आहेत. तरीही कारखान्याने २०१५-१६ हंगामात चार लाख ७५ हजार मेट्रीक टन ऊस गाळपाचे उद्दीष्ट ठेवले आहे. यातून सहा लाख साखर पोत्यांचे उत्पादन होईल, अशी अपेक्षा आहे.'

यावेळी व्हाइस चेअरमन यशवंतराव जाधव, संचालक वसंतराव बेनाडे, आनंदा तोडकर, प्रशांत तेलवेकर, पंडित पाटील, हरिष चौगले, दिलीप उलपे, कुंडलिक चरापले, मुख्य सल्लागार पी. जी. मेढे आदी उपस्थित होते. कार्यकारी संचालक आर. के. चौगुले यांनी स्वागत केले. संचालक दिलीप पाटील यांनी आभार मानले.

मोबाइल अॅप डाउनलोड करा आणि राहा अपडेट

माजी सैनिकांच्या पाल्यांसाठी प्रधानमंत्री शिष्यवृत्ती योजना

October 15, 2015, 12:43 pm

≫ Next: क्वीझमध्ये संतोष पाटील प्रथम

≪ Previous: राजाराम कारखान्याचा बॉयलर अग्निप्रदीपन

$

0

0

म. टा. प्रतिनिधी, कोल्हापूर

जिल्ह्यातील माजी सैनिकांच्या मुलांना शैक्षणिक शिष्यवृत्तीची योजना जिल्हा सैनिक कल्याण कार्यालयामार्फत जाहीर करण्यात आली आहे. विहीत नमुन्यातील अर्ज १५ नोव्हेंबरपर्यंत कार्यालयाकडे सादर करण्याचे आवाहन जिल्हा सैनिक कल्याण कार्यालयाच्या वतीने करण्यात आले आहे.

इयत्ता १२ वी मध्ये कमीतकमी ६० टक्के गुणांनी उत्तीर्ण होवून सन २०१५-१६ या शैक्षणिक वर्षात व्यावसायिक पदवी अभ्यासक्रमासाठी बी.ई., बी.टेक., बी.डी.एस, एम.बी.बी.एस, बी.एड, बी.बी.ए., बी.सी.ए., बी फार्मसी, बी.व्ही.एस ऍ़ड एच.बी.एस सी नर्सिंग, बी आर्कीटेक्चर, बी.बी.एम., बी.एस.सी बायोटेक, एल.एल.बी., बी.पी.एड., बॅचलर ऑफ फिशरी सायन्स, बीएस्सी ऍ़ग्री, एमबीए व एमसीए मध्ये प्रवेश घेतलेल्या पाल्यांना या शिष्यवृत्तीचा लाभ घेता येणार आहे. स्कॉलरशीपसाठी पाल्याचे स्टेट बँक ऑफ इंडिया किंवा पंजाब नॅशनल बँकेत खाते असून ते आधारकार्डशी संलग्न असणे आवश्यक आहे.

मोबाइल अॅप डाउनलोड करा आणि राहा अपडेट

क्वीझमध्ये संतोष पाटील प्रथम

October 15, 2015, 12:45 pm

≫ Next: आर्मीप्रमाणे सुविधा द्या

≪ Previous: माजी सैनिकांच्या पाल्यांसाठी प्रधानमंत्री शिष्यवृत्ती योजना

$

0

0

'कलाम ते बच्चन' ऑनलाइन क्वीझ

म. टा. प्रतिनिधी, कोल्हापूर

'बच्चन वेडे कोल्हापुरी' ग्रुपने वॉटसअप माध्यमातून घेतलेल्या 'कलाम ते बच्चन' या ऑन लाईन क्वीझ स्पर्धेत संतोष पाटील हे विजयी ठरले तर प्रिया पावसकर या उपविजेत्या ठरल्या. वॉटसअप ग्रुपच्या माध्यमातून ही आगळीवेगळी स्पर्धा घेण्यात आली.

स्पर्धेसाठी आठवडाभर वॉटसअप मेसेजद्वारे नाव नोंदणी केली होती. त्याला कोल्हापूरसह सांगली, सातारा, पुणे, मुंबई, बेळगाव, सोलापूर, बीड, लातूर, ठाणे, नवी मुंबई आदी ठिकाणांहून प्रतिसाद मिळाला. एकूण १२५ जणांनी नाव नोंदणी केली. त्यातून स्पर्धेसाठी १०० जण पात्र ठरले. क्वीझ मास्टर विजय राओत यांनी बेळगावहून प्रश्न विचारले. चार राउंड घेऊन अनुक्रमे ४८, २४, १२, ६ विजेते घोषित केले. क्वीझचे स्टडी मटेरीयल क्वीझ मास्टरनी तयार केले व त्यांना कुवेतस्थित अनिस काझी व शिराळा येथील विश्वनाथ पवार यांनी मदत केली. व्यापारी, डॉक्टर, वकील, इंजिनीयर्स व सरकारी अधिकारी सुद्धा क्वीझमध्ये सहभागी झाले होते. एक १३ वर्षीय शाळकरी मुलगाही सहभागी झाला. स्पर्धेचा फायनल राउंड हॉटेल पर्ल येथे झाला. फायनलमध्ये पोहोचलेल्या सहा स्पर्धकांपैकी तीन हजर होते, तर तीन ऑनलाईनवर होते. क्वीझ मास्टर विजय राओत हेदखील बेळगावहून ऑनलाईन होते. विजेते, उपविजेत्यांव्यतिरिक्त सुशांत पाटील, सचिन पाटील, पराग जोशी, आशिष शर्मा हे अंतिम फेरीतील स्पर्धक होते.

फायनल राउंड हा फास्टेस्ट फिंगर फर्स्ट या पद्धतीने घेतला गेला. जो सर्वात उशिरा उत्तर देईल तो बाद होत गेला. विचारले जाणारे प्रश्न हे ग्रुपमध्ये शेअर केले जात होते. स्पर्धक ग्रुप मध्येच उत्तर देत होते. त्यामुळे प्रत्यक्ष हजर ग्रुप सदस्यांना त्याचा आनंद घेता आला. विजेते व उपविजेत्यांना आमदार डॉ. सुजीत मिणचेकर यांच्या हस्ते व फायटो फार्माचे गुणे यांच्या उपस्थितीत बक्षीसे देण्यात आली. चार, पाच, सहा च्या विजेत्यांना 'अॅडफाईन'चे अमरदीप पाटील , अॅड. इंद्रजीत चव्हाण व सचिन लिंग्रस यांच्या हस्ते बक्षीसे देण्यात आली. विजेत्यांना ट्रॉफी, भेट वस्तू व रोख रक्कम बक्षीस म्हणून देण्यात आली. सूत्रसंचालन सुधर्म वाझे यांनी केले.

मोबाइल अॅप डाउनलोड करा आणि राहा अपडेट

आर्मीप्रमाणे सुविधा द्या

October 15, 2015, 12:46 pm

≫ Next: जाहीरनामे गुलदस्त्यातच

≪ Previous: क्वीझमध्ये संतोष पाटील प्रथम

$

0

0

बीएसएफ माजी सैनिकांचा जिल्हाधिकारी कार्यालयावर मोर्चा

म. टा. प्रतिनिधी, कोल्हापूर

'देशाच्या सीमेचे पहिले रक्षक' म्हणून जबाबदारी सांभाळणाऱ्या, शत्रूची पहिली गोळी झेलणाऱ्या आणि दिवसरात्र दक्ष राहून देशवासीयांना सुरकक्षित ठेवणाऱ्या बीएसएफच्या माजी सैनिकांनाही आर्मीप्रमाणे सुविधा देण्यात याव्यात, यासह विविध मागण्यांसाठी बीएसएफ एक्स स‌र्व्हिसमन वेलफेअर असोसिएशनतर्फे जिल्हाधिकारी कार्यालयावर मोर्चा काढण्यात आला. मागण्यांचे निवेदन निवासी उपजिल्हाधिकाऱ्यांना देण्यात आले.

देश स्वातंत्र्यापासून बीएसएफच्या सैनिकांकडे दुर्लक्ष झालेले आहे. पन्नास वर्षे उलटली तरी अनेक प्रश्न प्रलंबित आहेत. या मागण्या तातडीने मान्य करून प्रलंबित प्रश्न सोडविण्यात यावेत या मागणीसाठी शुक्रवारी मोर्चाचे आयोजन करण्यात आले. दसरा चौकातील राजर्षी शाहू महाराज पुतळ्यापासून मोर्चाची सुरुवात झाली. गांधी टोपी परिधान केलेले माजी सैनिक, त्यांचे कुटुंबिय मोर्चात सहभागी झाल्या होत्या.

'प्रत्येक क्षण देशाच्या सीमेचे रक्षण करणाऱ्या बीएसएफ जवानांना न्याय द्या', यासह विविध फलक घेवून माजी सैनिक मोर्चात सहभागी झाले. संजय खैरमोडे, नामदेव शिंदे, एकनाथ कांबळे, आनंदराव कुंभार, बी. एन. मोरे, बाळासो जाधव यांच्या मार्गदर्शनाखाली मोर्चा काढण्यात आला.



विविध मागण्या अशा...

सेवा व पेन्शन नियम आर्मीप्रमाणे लागू करावेत, वन रॅंक वन पेन्शन लागू करावी, मोफत आरोग्य सुविधा देण्यात याव्यात, आर्मीच्या माजी सैनिकांप्रमाणे अधिकृत दर्जा मिळावा, बीएसएफ माजी सैनिक कल्याण बोर्ड स्थापन करावे, स्वतंत्र कॅंटीनची व्यवस्था करण्यात यावी, १० वर्षानंतर सेवानिवृत्तांना पेन्शन मिळावी, कॉंट्रीब्युटरी पेन्शनमधून सूट मिळावी, शहिदांच्या कुटुंबियांना राज्य सरकारची नोकरी मिळावी, मुलांना मोफत शिक्षण मिळावे, मुलींच्या विवाहासाठी अर्थसहाय्य मिळावे, निवृत्त अपंग व वृध्द जवानांना उद्योगासाठी अर्थसहाय्य मिळावे, शेतजमीन व घरकुल योजनेचा लाभ मिळावा.

मोबाइल अॅप डाउनलोड करा आणि राहा अपडेट

---

जाहीरनामे गुलदस्त्यातच

October 15, 2015, 12:50 pm

≫ Next: जि.प.च्या अंगणी ‘लक्ष्मीचे पाऊल’

≪ Previous: आर्मीप्रमाणे सुविधा द्या

$

0

0

एकाही पक्षाचा जाहीरनामा नाही;

मतदानाला १५ दिवसांचा अवधी

म. टा. प्रतिनिधी, कोल्हापूर

एरव्ही ज्या ठिकाणी भाषणाची संधी मिळेल, त्या ठिकाणी हे करु, ते करु असे आश्वासन देणाऱ्या राजकीय पक्षांनी प्रचाराचे केवळ पंधरा दिवस उरले तरी जनतेसमोर अजून जाहीरनामे मांडलेले नाहीत. आगामी आठ दिवसात ते गडबडीने मांडतील व त्याच्या पुढील आठवड्यात त्यावर प्रचाराचा धुरळाही उडवतील. पण भविष्यात 'ये रे माझ्या मागल्या....' हेच करायचे असल्याने राजकीय पक्षांकडून जाहीरनाम्याला केवळ प्रचाराच्या औपचारिकतापुरतेच स्थान दिले जात असल्याच्या तिखट भावना नागरिक व्यक्त करत आहेत.

महानगरपालिका निवडणूक म्हणजे साडेपाच लाख शहरवासियांच्या नित्याच्या सुविधांना जास्त परिणामकारक बनवणारी किंवा त्या सुविधांना खड्ड्यात घालण्यासाठीचा महत्त्वाचा टप्पा आहे. प्रत्येक मतदाराशी थेट कनेक्ट होणाऱ्या या निवडणुकीसाठी मतदारांना काय देणार हा महत्त्वाचा मुद्दा असतो. सध्या स्मार्ट सिटी, अमृत, हृदय अशा विविध योजनांची नावे ऐकली जात आहेत. पण पाच वर्षापूर्वी अशाच पद्धतीने दाखल झालेल्या एकात्मिक रस्ते प्रकल्पाने साऱ्यांचीच डोकेदुखी वाढवून ठेवली आहे. तर ड्रेनेज लाइनची कामे केली गेली. पण त्याच्या कनेक्शनसाठी होणारा त्रास नागरिकांना नकोसा वाटला. या प्रकारांनी घोषणा केल्या जातात, पण त्या मार्गस्थ करण्याची जबाबदारी असलेल्या महापालिकेत अनागोंदी असल्याने दहा वर्षे नागरिकांना त्रासच होत असल्याची स्थिती आहे. या पार्श्वभूमीवर होत असलेली निवडणूक नागरिकांना नव्या इच्छुकांकडून काही वदवून घेण्याची संधी आली आहे. गल्लीतील गटार, रस्ते हा विषय होतोच. त्याशिवाय भरमसाठ कर भरला जात असताना त्यानुसार सुविधा दिल्या जातात का याचे आत्मचिंतन नागरिकांमधून होत आहे.

या पार्श्वभूमीवर पक्षांकडून कोणत्या घोषणा जाहीरनाम्यामधून होतात याकडे नागरिकांचे लक्ष लागून राहिले आहे. पण पक्षांकडून त्याबाबतची लगबग दिसून येत नाही. नवरात्रीचे दिवस आहेत. त्यामुळे या पुढील आठवड्यात एकापाठोपाठ एक पक्ष त्यांचे जाहीरनामे जाहीर करतील. पुढील आठवड्यात प्रचाराचा कालावधीही संपेल व निवडणूकही होईल. इतक्या कमी कालावधीत त्याचा फक्त प्रचार करण्यातच वेळ जाणार आहे. नागरिकांना त्यादृष्टीने विचार करण्यास वेळही मिळणार नाही की पक्षांनाही त्याची अंमलबजावणी कशी करणार हे मतदारांना पटवून सांगता येणार नाही. यामुळे निवडणूक आहे म्हणजे जाहीरनामा असला पाहिजे इतकीच औपचारिकता उरली आहे, अशाच भावना मतदारांमधूनही व्यक्त होत आहेत. ..................

सध्याचे राजकारण परिसराच्या विकासाचे राजकारण नसून स्वतःची पोळी भाजून घेण्याचे राजकारण सुरु आहे. त्यामधून नागरिकांच्या गरजांचा विचार होत नाही. परिणामी पक्षांचे जाहीरनामे हे केवळ आश्वासने म्हणूनच राहतात. त्यातून काही घडेलच असे नाही. ते पूर्ण करण्यासाठी नसतात असा समज राजकीय पक्षांचा झाला आहे. त्यामुळे या प्रकाराकडे फार गांभीर्याने पाहिले जात नाही. नागरिकांनीही त्यादृष्टीने विचार करायला हवा.

अवधूत कोरे, तरुण व्यावसायिक.

मोबाइल अॅप डाउनलोड करा आणि राहा अपडेट

जि.प.च्या अंगणी ‘लक्ष्मीचे पाऊल’

October 15, 2015, 12:52 pm

≫ Next: जागृतीचा घेतला वसा

≪ Previous: जाहीरनामे गुलदस्त्यातच

$

0

0

बालमृत्यू, मातामृत्यू रोखण्यासाठी विशेष अभियान

म. टा. प्रतिनिधी, कोल्हापूर

गेल्या काही वर्षांत लोकसंख्येत मुलींचा टक्का कमी होत असल्याने सरकार आणि प्रशासनाच्या स्तरावरून जाणीवपूर्वक नियोजनबद्धरीत्या विविध उपक्रम राबविण्यात येत आहेत. सेव्ह द बेबी गर्ल, बेटी बचाओ, बेटी पढाओ या अभियानांना जनजागृतीचे, जनचळवळीचे स्वरूप देण्यात येत आहे. लेक वाचवा अभियानांतर्गत मुलींच्या जन्माचे प्रमाण वाढविण्यासाठी रुग्णालयीन प्रसूतीचे प्रमाण वाढविणे, बालमृत्यू, मातामृत्यूचे प्रमाण कमी करणे यासाठी कोल्हापूर जिल्हा परिषदेतर्फे 'लक्ष्मीचे पाऊल' ही योजना राबविण्यात येत आहे.

या योजनेद्वारे देऊ केलेल्या दर्जेदार व कमी खर्चाच्या आरोग्य सुविधांचा लाभ जास्तीत जास्त घ्यावा, असे आवाहन जिल्हा परिषदेचे मुख्य कार्यकारी अधिकारी अविनाश सुभेदार यांनी केले आहे. डी. वाय. पाटील हॉस्पिटल (कदमवाडी), कै. श्री. आर. एम. निंबाळकर चॅरिटेबल ट्रस्टद्वारे संचलित मोरया मल्टिस्पेशालिटी हॉस्पिटल (कोल्हापूर), सिद्धगिरी हॉस्पिटल अँड रिसर्च सेंटर (कणेरीमठ), यशवंत धर्मार्थ रुग्णालय (कोडोली), रंगनाथ हॉस्पिटल पर्ल हॉटेलमागे (कोल्हापूर), डॉ. जे. जे. मगदूम होमिओपॅथिक मेडिकल कॉलेजचे हॉस्पिटल (जयसिंगपूर) या रुग्णालयांचा समावेश आहे. ऑगस्ट आणि सप्टेंबर महिन्यात या योजनेंतर्गत ७५ प्रसूती झाल्या. 'लक्ष्मीचे पाऊल' या योजनेमध्ये नैसर्गिक प्रसूतीद्वारे मुलगी झाली तर वरील रुग्णालयांमध्ये सर्व सेवा निःशुल्क आहेत. मुलगा झाला तर फक्त एक हजार रुपये शुल्क आकारण्यात येते. सिझेरियन शस्त्रक्रिया झाल्यास केवळ चार हजार ५०० रुपये औषध व सर्व उपचारांसह खर्च येतो. जननी सुरक्षा योजनेतील लाभार्थ्यांना जर वरील रुग्णालयांमध्ये उपचार करण्यात येणार असतील तर प्राथमिक आरोग्य केंद्रांतून संबंधित रुग्णालये व रुग्णालयांपासून लाभार्थ्यांच्या घरापर्यंत मोफत वाहनसेवा देण्यात येते. जोखमीच्या गरोदर मातांना व बालकांना आवश्यकतेनुसार ही संदर्भसेवा उपलब्ध करून देऊन जास्तीत जास्त लाभार्थ्यांना लाभ देण्यासाठी जिल्हा परिषदेचा आरोग्य विभाग प्रयत्नशील असल्याचे मुख्य कार्यकारी अधिकारी अविनाश सुभेदार यांनी सांगितले.

मोबाइल अॅप डाउनलोड करा आणि राहा अपडेट

जागृतीचा घेतला वसा

October 15, 2015, 12:53 pm

≫ Next: मीडिया सेलचा ‘वॉच’

≪ Previous: जि.प.च्या अंगणी ‘लक्ष्मीचे पाऊल’

$

0

0

म. टा. प्रतिनिधी, कोल्हापूर

निवडणुकीच्या प्रचाराला जोर चढू लागला, की उमेदवारांच्या आश्वासनांची संख्याही वाढू लागते. अशावेळी मतदारांनी उमेदवारांकडून दिल्या जाणाऱ्या आश्वासनांना भुलू नये, तसेच प्रलोभनांना बळी पडू नये यासाठी सामाजिक संस्थांची भूमिका महत्त्वाची असते. दुसरीकडे मतदानापासून दूर राहणाऱ्या नागरिकांना आपल्या जबाबदारीची जाणीव करून देण्यासाठीही सामाजिक संस्थांचे प्रयत्न उपयुक्त ठरू शकतात. कोल्हापुरातील आगामी महानगरपालिका निवडणुकांच्या पार्श्वभूमीवर शहरातील काही संस्था या पद्धतीचे प्रयत्न करत आहेत.

कोल्हापुरातील मतदारांना सजग बनवण्यासाठी कोल्हापुरातील विविध क्षेत्रातील लोकांनी एकत्र येऊन २०१४ च्या विधानसभा निवडणुकीवेळी 'कोल्हापूर कॉलिंग' हे अभियान सुरू केले.
महापालिका निवडणुकीमध्येही ही संस्था कार्यरत आहे. मतदारांनी केवळ विकासाचा दृष्टिकोन समोर ठेवूनच मतदान करावे, याबाबत संस्था आग्रही आहे. यासाठी संस्थेने विविध उपक्रम हाती घेतले असून पथनाट्य, देखावे, फलक या माध्यमातून कोल्हापूर कॉलिंगची जनजागृती सुरू आहे. केंद्र सरकारच्या स्मार्ट सिटी योजनेतून कोल्हापूरला वगळण्यात आल्यानंतर शहराच्या विकासाच्या गरजा काय आहेत व त्या कशा पूर्ण करता येऊ शकतील, याबाबतचा एक आराखडाही संस्थेतर्फे तयार करण्यात आला आहे. संस्थेने नुकतीच वेबसाइटही तयार केली असून कोल्हापुरातील महत्त्वाच्या प्रश्नांवर या वेबसाइटच्या माध्यमातून वाचा फोडणार असल्याचे सूतोवाच कोल्हापूर कॉलिंगने केले आहे.

कोल्हापुरातील कॉमन मॅन ही स्वयंसेवी संस्थाही सामान्य माणसाच्या न्याय्य हक्कांवर काम करते. टोलसारख्या महत्त्वाच्या प्रश्नांवर कॉमन मॅनतर्फे सर्वप्रथम आयआरबी कंपनीविरुद्ध लढा उभारण्यात आल्याचे संस्थेचे बाबा इंदुलकर यांनी सांगितले. महापालिका निवडणुकीची व्याप्ती पाहता संस्थेची क्षमता मर्यादित असली, तरी अखेरच्या टप्प्यामध्ये विविध माध्यमांद्वारे संस्थेतर्फे निवडक प्रभागांमध्ये जागृती करण्यात येणार असल्याची माहिती इंदुलकर यांनी दिली. शहराच्या अडचणींसाठी नगरसेवकांपेक्षा मतदार अधिक जबाबदार आहेत. गेल्या काही निवडणुकांमध्ये मतदारांनी जात, प्रलोभने यांच्या आधारे मतदान केले. याची पुनरावृत्ती होऊ नये व मतदारांनी जागरुकपणे मतदान करावे, यासाठी संस्था प्रयत्नशील असल्याचेही ते म्हणाले.

पुढील वीस दिवसांमध्ये संस्थेतर्फे पथनाट्य व माहितीफलकांद्वारे जनजागृती करण्यात येईल. त्याचप्रमाणे २५ हजार घरांमध्ये माहितीपत्रके वाटून सजगपणे मतदान करण्याचा संदेश देण्यात येणार आहे. संस्थेने अद्याप कोणत्याही उमेदवारास पाठिंबा दिला नसला, तरी जो उमेदवार शहराच्या विकासासाठी निश्चित भूमिका घेईल, त्याला संस्थेचा पाठिंबा असेल. पारस ओसवाल, कोल्हापूर कॉलिंग

मोबाइल अॅप डाउनलोड करा आणि राहा अपडेट

मीडिया सेलचा ‘वॉच’

October 15, 2015, 12:56 pm

≫ Next: ध्यास नावीन्याचा, आस शैक्षणिक गुणवत्तेची

≪ Previous: जागृतीचा घेतला वसा

$

0

0

उमेदवारांच्या बातम्यांवर निवडणूक आयोग ठेवणार लक्ष

Uddhav.godase@timesgroup.com

कोल्हापूर महापालिकेच्या निवडणुकीत उमेदवारी अर्ज भरलेल्या सर्वच उमेदवारांवर निवडणूक विभागाच्या मीडिया सेलची करडी नजर आहे. आदर्श आचारसंहितेचे पालन व्हावे आणि उमेदवारांकडून होणाऱ्या खर्चाचा योग्य तपशील मिळावा यासाठी मीडिया सेलने कडक धोरण अवलंबले आहे. जाहिरातींसाठी परवानगी घेण्यापासून ते उमेदवारांच्या सोशल मीडियावरील जाहिरातींवरही मीडिया सेलची नजर आहे, त्यामुळे मतदान होईपर्यंत उमेदवारांना मीडिया सेलची धास्ती असणार आहे.

अतिशय चुरशीने होत असलेल्या कोल्हापूर महापालिका निवडणुकीत आपणच जिंकावे यासाठी उमेदवार प्रयत्न करीत आहेत. प्रतिस्पर्धी उमेदवाराला रोखण्यासाठी मतदारांना आमिष दाखवण्याचा प्रयत्न होत असतो, त्यामुळे आदर्श आचारसंहितेचा भंग होतो, त्याचबरोबर मतदानावरही याचा विपरित परिणाम होतो, त्यामुळे निर्भीड आणि निकोप वातावरणात निवडणूक व्हावी यासाठी निवडणूक विभागाने कंबर कसली आहे. उमेदवारांच्या प्रचार यंत्रणेवर लक्ष ठेवण्यासाठी मीडिया सेल सज्ज झाला असून, ताराबाई पार्क येथील मुख्य निवडणूक कार्यालयात याचे कामकाज सुरू आहे. २२ कर्मचारी दोन शिफ्टमध्ये काम करीत आहेत.
स्थानिक वाहिन्यांसह, वर्तमानपत्रे, साप्ताहिके, मासिके, विशेषांक आणि सोशल मीडियावर विशेष लक्ष ठेवले जात आहे. फेसबूक आणि व्हॉट्स अॅप ही माध्यमे उमेदवारांसाठी अतिशय सोयीची असल्याने यांचा मोठ्या प्रमाणात होणारा वापर लक्षात घेऊन यावरील खर्चाला निवडणूक
आयोगाने परवानगी दिली आहे. वर्तमानपत्रांमध्ये दररोज येणाऱ्या निवडणुकीसंबंधी बातम्यांची कात्रणे काढून ती निरीक्षक समितीकडे पाठवली जातात. काही आक्षेपार्ह मजकूर असेल, तर संबंधित विभागातील निवडणूक निर्णय अधिकारी आणि भरारी पथाकाकडे माहिती पाठवली जाते. वर्तमानपत्र, नियतकालिके आणि सर्व प्रकारच्या जाहिराती मीडिया सेलकडून प्रमाणित करून घेणे उमेदवारांना बंधनकार आहे, त्यामुळे प्रमाणित जाहिरातीच प्रसिद्ध होत आहेत का याचीही तपासणी मीडिया सेलकडून होत आहे. सोशल मीडियावरील जाहिराती तपासण्यासाठीही स्वतंत्र व्यवस्था कार्यरत आहे. जाहिरात स्वरुपात माहिती सोशल मीडियावरून प्रसारित होत असेल, तर त्याचा खर्च संबंधित उमेदवाराच्या निवडणूक खर्चात पकडला जात आहे. निवडणुकीत प्रचार गरजेचा असला तरी आणि अत्याधुनिक साधने हाताशी असली तरी, मीडिया सेलच्या करड्या नजरेमुळे मात्र उमेदवारांना प्रचार आणि खर्चाचे काटेकोर नियोजन करणे भाग पडले आहे.

निवडणूक आयोगाने प्रमाणित केलेले जाहिरातींच्या दरानुसार उमेदवारांना स्थानिक वाहिन्यांसाठी प्रत्येक तीस सेकंदासाठी २० ते ५० रुपये मोजावे लागत आहेत. आकाशवाणीवरील जाहिरातींसाठी प्रति १० सेकंदासाठी ४० ते ६० रुपये दर आकारला आहे. सोशल मीडियासाठी १५ ते २० पैसे प्रति संदेश दराची आकारणी आहे, तर पत्रके, पोस्टर्स आणि बॅनर्ससाठीही पाचशे ते पाच हजार रुपयांपर्यंतचे दर निवडणूक आयोगाने निश्तिच केले आहेत, त्यानुसार मीडिया सेलकडून उमेदवारांना प्रचाराला परवानगी मिळत आहे, त्याचबरोबर मिळालेल्या परवानगीनुसार प्रचार होतोय की नाही यावरही मीडिया सेलचे लक्ष आहे.

२४ तास रेकॉर्डिंग

स्थानिक दोन्ही वाहिन्यांचे चोविस तास रेकॉर्डिंग केले जात आहे. वाहिन्यांवरील बातम्या, जाहिराती यांचा सर्व तपशील उपलब्ध व्हावा यासाठी रेकॉर्डिंगची सोय केली आहे. एखाद्या उमेदवाराच्या विना परवाना जाहिराती किंवा जाहिरात स्वरुपातील बातम्या आल्या तर त्याचा खर्च उमेदवाराच्या नावावर मांडला जाणार आहे.

मोबाइल अॅप डाउनलोड करा आणि राहा अपडेट

ध्यास नावीन्याचा, आस शैक्षणिक गुणवत्तेची

October 15, 2015, 1:00 pm

≫ Next: लक्झरियस नवदुर्गा दर्शन

≪ Previous: मीडिया सेलचा ‘वॉच’

$

0

0

शक्तिरूप: मंजिरी देसाई-मोरे

सामाजिक, शैक्षणिक, राजकीय पार्श्वभूमी कुटुंबाला लाभलेली. विविध क्षेत्रांतील मान्यवर मंडळींची घरी ऊठबस व्हायची. लहानपणापासूनच शैक्षणिक, राजकीय वातावरणात वाढ झाली असली तरी त्या गोष्टीचा त्यांनी कधी टेंभा मिरवला नाही. क​रिअर कुठल्याही क्षेत्रात करायचे असो, जे काही करायचे आहे ते स्वत:च्या मेहनतीवर असा संकल्प करत वेगळी वाट चोखाळली. 'स्वत:ची ओळख घडवा, अस्तित्व निर्माण करा' ही आईच्या शिकवणीची शिदोरी नवे काही तरी घडविण्यासाठी सदैव बळ देणारी. कुटुंबाला लाभलेली शैक्षणिक परंपरा, घरच्यांनी आवडेल त्या क्षेत्रात करिअर घडविण्यासाठी दिलेली मोकळीक, आणि ध्येयपूर्तीसाठी जिद्दी स्वभाव या बळावर प्रत्येक टप्प्यावर स्वत:ला सिद्ध् करत गेल्या सात वर्षांत प्रा.डॉ. मंजिरी देसाई-मोरे यांनी तासिका तत्त्वावरील प्राध्यापिका ते शिक्षण प्रसारक मंडळाच्या प्रशासनाधिकारी अशी झेप घेतली आहे.

नावीन्याचा अंगिकार, सर्वांना सोबत घेऊन काम करण्याची वृत्ती आणि विद्या​र्थी केंद्रीभूत उपक्रम राबविण्याला प्राधान्य ही त्यांच्या कामाची खासियत ठरली आहे. 'आव्हानांना भिडा, त्यामुळे नवे काही करण्यासाठी, कर्तबगार सिद्ध करण्यासाठी बळ मिळते' हा त्यांचा स्वानुभव सहकाऱ्यांना प्रेरणादायी ठरत आहे. शिक्षण प्रसारक मंडळ संस्थेचे गोपाल कृष्ण गोखले कॉलेज हे शहरातील नामांकित आणि जुने कॉलेज म्हणून ओळखले जाते. डॉ. मंजिरी मोरे या शिक्षण प्रसारक मंडळाचे सचिव प्रा. जयकुमार देसाई यांच्या कन्या, पण संस्था घरची आहे म्हणून त्यांना थेट कुठेही संधी दिली नाही. कर्तबगारी सिद्ध केल्यानंतरच संस्थेने जबाबदारी सोपवली.

झूलॉजी विषयातून पदवी, पदव्युत्तर आ​णि पीएचडी झालेल्या डॉ. मोरे यांच्या नोकरीची सुरुवात तासिका तत्त्वावरील प्राध्यापक म्हणून झाली. याविषयी सांगताना त्या म्हणाल्या, 'शिवाजी विद्यापीठातून २००४ मध्ये एमएस्सी झाल्यानंतर गोखले कॉलेजमध्ये मी तासिका तत्त्वावर रूजू झाले. २००० रुपये पगार मिळायचा. कॉलेजमध्ये मी नुकतीच रूजू झाले होते. कॉलेजचे मूल्यांकन करण्यासाठी 'नॅक' टीमचा दौरा ठरलेला. माझ्यावर झूलॉजी विभागाची जबाबदारी सोपविली. स्वतःला सिद्ध करण्याची माझ्यासाठी ही मोठी संधी होती. सहकाऱ्यांच्या सोबतीने विभागाचा पूर्ण कायापालट झाला. विद्यार्थी संख्या वाढीकडे लक्ष दिले. विभाग अपडेट केला. विद्यार्थिनींच्या कलागुणांना वाव देण्यासाठी, त्यांना हक्काचे व्यासपीठ मिळवून देण्यासाठी 'सुशिलादेवी युवती प्रेरणा मंच'ची स्थापना केली.'
वक्त्तृत्व, निबंध, वादविवाद, मेहंदी स्पर्धापासून पाककृती, शिवणकाम प्रशिक्षणाच्या माध्यमातून विद्यार्थिनींमध्ये नवा आत्मविश्वास निर्माण झाला. कॉलेज कॅम्पसमध्ये 'मिस गोखले'सारखा वेगळा कार्यक्रम सुरू केला.

विद्यार्थिनींना कॅम्पस सुरक्षित वाटावा, त्यांच्या कलाकौशल्याला उत्तेजन मिळावे याकरिता शैक्षणिक पूरक उपक्रमांची जोड दिली. २००८ मध्ये कॉलेजमध्ये आंतरराष्ट्रीय परिषद भरवली. यामध्ये देश आणि परदेशातील संशोधक, प्रोफेसर सामील झाले. याची दखल घेत संस्थेचे तत्कालीन चेअरमन व्ही. एल. पाटील, सचिव प्रा. देसाई व कार्यकारिणीने माझी प्रशासनाधिकारी म्हणून निवड केली.

विद्यार्थ्यांना उच्च शिक्षणाच्या संधी, संशोधनाचे आदानप्रदान याकरिता चोन्नम युनिव्हर्सिटी ​दक्षिण कोरियासोबत गोखले कॉलेजचा सामंजस्य करार झाला. शिवाजी विद्यापीठ लीड कॉलेज संकल्पनेंतर्गत गोखले कॉलेजची 'लीड कॉलेज' म्हणून निवड झाली. सतरा कॉलेजचे प्रतिनिधित्व करताना समन्वयकची जबाबदारी उत्तमरित्या पार पाडत कॉलेजचा लौकिक उंचावला. 'आपण मालक नाही, विश्वस्त आहोत' या भूमिकेतून कार्यरत असल्याचे सांगताना विद्यार्थ्यांना उच्च शिक्षण, संशोधनाच्या संधी मिळाल्या पाहिजेत, नवीन अभ्यासक्रम शिकता आले पाहिजेत यासाठी धडपड आहे.

सासर-माहेर पाठीशी

शिक्षण, करिअरसाठी माहेरसोबतच सासरच्या मंडळींनी पाठबळ दिले. वडील प्रा. जयकुमार देसाई, आई अंजली, भाऊ दौलत, पती अजित मोरे, दीर सुनील, सासू सासरे यांच्या पाठबळामुळे कारकिर्दीला आकार मिळाल्याची कृतज्ञतेची भावना त्यांची ठायी आहे.

मोबाइल अॅप डाउनलोड करा आणि राहा अपडेट