१५ रुपयांनी कांदा उतरला

September 1, 2015, 1:40 pm

≫ Next: नागमुद्राप्रश्नी अंबाबाईला साकडे

≪ Previous: शाळा आज बंद

$

0

0

म. टा. प्रतिनिधी, कोल्हापूर

केंद्र सरकारने कांदा निर्यात मूल्यामध्ये केलेली वाढ आणि आयात कांद्यामुळे स्थानिक बाजारपेठेवर हळूहळू परिणाम दिसू लागले आहेत. सोमवार व रविवारी प्रतिक्विंटलमध्ये सातशे ते हजार रुपयांची घसरण झाल्याने किरकोळ बाजारात कांद्याचे दर कमी झाले आहे. यामुळे गेल्या काही दिवसांमध्ये सत्तरी पार केलेल्या कांद्याचे किलोचे दर ४५ ते ५० रुपयांपर्यंत कमी झाले आहे. स्वयंपाकातील महत्त्वाच्या घटक असलेल्या कांद्याच्या दरात घट झाल्याने गृहिणींना काहीसा दिलासा मिळाला आहे.

अपुऱ्या पावसामुळे लांबलेली खरीप कांदा लागण आणि अपुऱ्या उत्पादनामुळे जुलैच्या शेवटच्या आठवड्यापासून कांद्याच्या दरामध्ये वाढ होऊ लागली होती. स्वयंपाक घरातील अविभाज्य घटक असलेल्या कांद्याचे दर सातत्याने वाढत असल्याने ग्राहकांमध्ये निराशेचे आणि संतापाचे वातावरण निर्माण झाले होते.

ग्राहकांची नाराजी कमी करण्यासाठी केंद्र सरकाने कांद्याचे निर्यात मूल्य वाढवण्याचा निर्णय घेतला होता. मात्र साठेबाजीमुळे कांद्याचे दर वाढतच गेले होते. दर शंभरीकडे वाटचाल करत असताना दोन आठवड्यापासून सरकारने कांदा आयात करण्यास सुरुवात केली होती. आयात केलेल्या कांद्यामुळे त्याचे परिणाम बाजारपेठेवर दिसू लागले आहेत. लासलगाव या कांद्याच्या सर्वात मोठ्या बाजारपेठेत सोमवारी प्रतिक्विंटलमागे एक हजार रुपयांची घट झाली होती. याच प्रकारची घट कोल्हापूर शेती उत्पन्न बाजार समितीमध्ये झाली आहे.

हुबळी, बंगळुरूहून कांदा

सोमवारी व मंगळवारी निघालेल्या सौद्यामध्ये प्रतिक्विंटल सातशे त एक हजारपर्यंत घट झाली आहे. घाऊक बाजारात एक हजार रुपयांपर्यंत दर कमी झाल्याने किरकोळ बाजारातही दरामध्ये चांगलीच घट झाली आहे. कोल्हापूर बाजार समितीमध्ये नाशिक, अहमदनगर येथून जुना तर हुबळी व बंगळुरू नवीन कांद्या दाखल झाल्यानेही दर कमी झाले आहेत.

मोबाइल अॅप डाउनलोड करा आणि राहा अपडेट

---

नागमुद्राप्रश्नी अंबाबाईला साकडे

September 1, 2015, 1:41 pm

≫ Next: महापालिका दोन तास बंद

≪ Previous: १५ रुपयांनी कांदा उतरला

$

0

0

मराठा महासंघाच्या महिला आघाडीचे आंदोलन

म. टा. प्रतिनिधी, कोल्हापूर

करवीर निवासिनी श्री अंबाबाई मूर्तीच्या रासायनिक संवर्धनप्रक्रियेतील त्रुटींविरोधात मंगळवारी अखिल भारतीय मराठा महासंघाच्या महिला आघाडीने थेट देवीलाच साकडे घातले. मूर्ती संवर्धनप्रक्रियेत देवीच्या डोक्यावरील नागमुद्रा घडवली न जाणे हे गंभीर असल्याचा मुद्दा उपस्थित करून महिला आघाडीच्या सुमारे साडेतीनशे महिलांनी देवीची ओटी भरून नागमुद्रा घडवण्याची मागणी केली. याप्रश्नी कोल्हापूर बंद करण्याचा इशारा महिलांनी यावेळी दिला. भगव्या रंगाच्या साड्या परिधान करून भवानी मंडप येथे जमलेल्या महिलांनी एकत्रितपणे अंबाबाई मंदिरात प्रवेश केला आणि गाभाऱ्यात देवीची ओटी भरली.

अंबाबाई मूर्तीची झीज झाल्यामुळे मूर्तीवर रासायनिक संवर्धन प्रक्रिया २३ जुलै ते ६ ऑगस्ट या कालावधीत केंद्रीय पुरातत्व विभागातील तज्ज्ञांमार्फत करण्यात आली. मात्र जेव्हा ही प्रक्रिया पूर्ण झाल्याचे संवर्धन समितीने जाहीर केले तेव्हा मूर्तीवरील नागमुद्रा घडवलीच नसल्याचे निदर्शनास आले.

या पार्श्वभूमीवर मराठा महासंघाच्या महिला आघाडीतील महिलांनी अंबाबाईची ओटी भरून ही त्रुटी दूर करण्याची मागणी करण्यासाठी देवीला साकडे घातले. याचबरोबर अंबाबाईच्या चरणी महिलांना मानाचे स्थान मिळावे, शिर्डी देवस्थानाच्या पार्श्वभूमीवर अंबाबाई मंदिराला कमी देणगी मिळते याचा खुलासा करावा, अशी मागणीही यावेळी करण्यात आली. यावेळी अखिल भारतीय मराठा महासंघाचे जिल्हाध्यक्ष वसंतराव मुळीक यांनी महिलांना मार्गदर्शन केले.

पोलिसांशी वाद

ज्यावेळी महिला मंदिरात प्रवेश करण्यासाठी आल्या तेव्हा केवळ पाच महिलांनीच गाभाऱ्यात जावे, असे पोलिसांकडून सांगण्यात आले. प्रवेशद्वारावर पोलिसांनी महिलांची अडवणूक केल्यामुळे काहीकाळ वादावादी झाली, मात्र हे आंदोलन शांततेत करत असल्याचे सांगितल्यावर पोलिसांनी महिलांना मंदिरात प्रवेश दिला.

मोबाइल अॅप डाउनलोड करा आणि राहा अपडेट

महापालिका दोन तास बंद

September 1, 2015, 1:43 pm

≫ Next: गायकवाड टोळीला ‘मोक्का’

≪ Previous: नागमुद्राप्रश्नी अंबाबाईला साकडे

$

0

0

म. टा. प्रतिनिधी, कोल्हापूर

शहरातील अनधिकृत केबिन्सच्या विरोधात कारवाई करताना अतिक्रमण निर्मूलन विभागाचे प्रमुख पंडीत पोवार यांना शिवीगाळ व मारहाण झाल्याच्या वार्तेने मंगळवारी सकाळी महापालिकेच्या कर्मचाऱ्यांनी दोन तास काम बंद आंदोलन केले. विविध विभागाचे कर्मचारी महापालिका चौकात जमल्यामुळे प्रशासकीय कामकाजावरही परिणाम झाला. दोन तासाच्या घटनेनंतर पोवार यांना मारहाण झाली नसल्याचा खुलासा झाल्यानंतर कर्मचारी पुन्हा कामावर परतले. नगरसेवक आदिल फरास यांनी शिवीगाळ व सज्जड दम भरल्याने हा प्रकार घडल्याची चर्चा महापालिका चौकात होती. निवडणुकीच्या तोंडावर शहरात अनेक ठिकाणी बेकायदेशीर केबिन सुरू आहेत. मतदारांना आकर्षित करण्यासाठी नगरसेवक अनधिकृत कामांना पाठीशी घालत असल्याचे यावरून दिसत आहे.

लुगडी ओळ रोडवर अनधिकृत केबिन उभारण्यात आले आहे. कसलीही परवानगी न घेता केबिन थाटण्यात आल्यामुळे वाहतुकीला अडथळा निर्माण होत आहे. उपमहापौर ज्योत्स्ना मेढे पवार यांनी सोमवारी अतिक्रमण निर्मूलन विभागाचे प्रमुख पोवार यांना अनधिकृत केबिन्स हटविण्याची सूचना केली. त्यानुसार पोवार यांनी लुगडी ओळ येथे जाऊन संबंधित केबिनधारकाला केबिन हटविण्यास सांगितले. केबिनधारकाने नगरसेवक आदिल फरास यांना मोबाइलवरून या संदर्भात माहिती दिली. फरास यांनी पोवार यांना मोबाइलवरून संबंधित केबिन न हटविण्याबाबत दम भरला. यावेळी दोघांमध्ये शाब्दिक चकमक उडाली.

पोवार यांनी मंगळवारी सकाळी अकरा वाजण्याच्या सुमारास शहर अभियंता नेत्रदीप सरनोबत यांची भेट घेऊन अनधिकृत केबिन हटविताना येणाऱ्या अडचणी सांगितल्या. कुणी अनधिकृत केबिन हटविण्याच्या सूचना करतात, तर कुणी केबिन हटवू नये असे आदेश देतात. कर्मचाऱ्यांनी ऐकायचे कुणाचे आ​णि काय कारवाई करायची ? अशी विचारणा केली. पोवार हे शहर अभियंत्याशी​ चर्चा करत असतानाच त्यांना नगरसेवकांकडून शिवीगाळ आणि मारहाण झाल्याची वार्ता महापालिकेत पसरली. अतिक्रमण निर्मूलन विभागाच्या कर्मचाऱ्यांसह वेगवेगळ्या विभागाचे कर्मचारी महापालिका चौकात जमू लागले. सकाळी ११.३० वाजण्याच्या सुमारास कर्मचाऱ्यांनी महापालिका चौकात गर्दी केली. मुख्य इमारतीसह अन्य विभागीय कार्यालयातील कर्मचारीही काम बंद ठेवूत चौकात जमले.

खुलाशानंतर कर्मचारी कामावर परतले

कर्मचाऱ्यांनी काम बंद आंदोलन सुरू केल्याचे समजताच नगरसेवक फरास महापालिकेत आले. त्यांनी पोवार यांना शिवीगाळ व मारहाण केली नाही, मात्र प्रशासनाने केबिनधारकांवर कारवाई करताना समान सूत्र ठेवावे, असे आवाहन केले. पोवार यांनीही आपणाला मारहाण व शिवीगाळ झाली नसल्याचे सांगितले. दोन्ही बाजूकडून खुलासा झाल्याने कर्मचारी कामावर परतले.

महापौर, अतिरिक्त आयुक्तांची भेट

अतिक्रमणची कारवाई करताना सक्षम अधिकारी असावा आणि कर्मचाऱ्यांना संरक्षण पुरविण्यात यावे यासंदर्भात महापालिका कर्मचारी संघाच्या पदाधिकाऱ्यांनी महापौर वैशाली डकरे, अतिरिक्त आयुक्त नितीन देसाई यांची भेट घेतली. शिष्टमंडळात कर्मचारी संघाच्या बाबूराव ओतारी, दिनकर आवळे, सुरेश सुर्यवंशी, विजय वणकुद्रे यांचा समावेश होता.

मोबाइल अॅप डाउनलोड करा आणि राहा अपडेट

गायकवाड टोळीला ‘मोक्का’

September 1, 2015, 1:46 pm

≫ Next: पानसरे हत्या तपासाला वेग

≪ Previous: महापालिका दोन तास बंद

$

0

0

म. टा. प्रतिनिधी, कोल्हापूर

संघटित गुन्हेगारी करून दहशत माजवणाऱ्या रमणमळा येथील गायकवाड टोळीवर महाराष्ट्र संघटित गुन्हेगारी नियंत्रण कायदा (मोका) अंतर्गत कारवाई करण्यात आली. त्यात नगरसेवक राजाराम गायकवाड यांच्या मुलासह पुतण्याचा समावेश आहे.

कोल्हापूर विभागाचे विशेष पोलिस महानिरीक्षक संजय वर्मा यांनी हा आदेश बजावला. शशिकांत बाबासाहेब गायकवाड (वय २६), कुणाल राजाराम गायकवाड (२६), निवास दत्तात्रय जाधव (२३, सर्व रा. रमणमळा) सिध्दार्थ राजाराम माने (२२, रा. आंबेडकर नगर, कसबा बावडा), अशी टोळीतील गुन्हेगारांची नावे आहेत. संशयित कुणाल काँग्रेसचे नगरसेवक राजाराम गायकवाड यांचा मुलगा तर शशिकांत हा पुतण्या आहे. खंडणी, अपहरण, दरोडा, दुखापत आणि ठार मारण्याची धमकी देणे असे गुन्हे या टोळीवर आहेत.

गायकवाड टोळीवर शाहूपुरी, राजारामपुरी, भुदरगड पोलिस ठाण्यात १४ गुन्हे दाखल आहेत. रमणमळा येथे टोळीची मोठी दहशत होती. १५ मे २०१५ रोजी शशिकांत व त्याच्या सहकाऱ्यांनी कसबा बावडा शिंदे गल्लीतील विजय उर्फ राजू मोरे यांच्याकडे खंडणी मागितली. खंडणी न दिल्याने त्यांनी मोरे यांना ठार मारण्याचा प्रयत्न केला. पोलिसांनी चौघांना अटक करून गुन्हा दाखल केला. चौघे संशयित बिंदू चौक सबजेलमध्ये आहेत.

आगामी गणेशोत्सव व महापालिका निवडणुकीत या टोळीकडून गुन्हेगारी कृत्य होण्याची शक्यता लक्षात घेऊन जूनमध्ये टोळीवर मोक्कांतर्गत कारवाई करण्याचा प्रस्ताव शाहूपुरी पोलिस ठाण्याचे निरीक्षक अरविंद चौधरी यांनी पोलिस उप अधीक्षक भारतकुमार राणे यांच्याकडे सादर केला होता. तो पोलिस अधीक्षक शर्मा यांच्याकडे पाठवला. त्यानंतर शर्मा यांनी हा प्रस्ताव पोलिस महानिरीक्षक वर्मा यांच्याकडे पाठवला होता.

हेमंत गायकवाड याचा तीन वर्षांपूर्वी खून

गायकवाड टोळीतील हेमंत गायकवाडचा तीन वर्षांपूर्वी रमणमळा चौकात खून झाला होता. सिंधुदुर्ग राज्य उत्पादन शुल्क विभागाचे तत्कालीन अधिकारी राजेंद्र सावंत यांनी पूर्ववैमनस्यातून हा गोळीबार केला होता. गोळीबारात ​शशिकांतही गंभीर जखमी झाला होता. हेमंतच्या खुनानंतर गायकवाड टोळीने मोठी दहशत माजवायला सुरूवात केली होती.

वर्षभर स्थानबद्ध

गायकवाड टोळीवर मोक्काच्या प्रस्तावावर मंगळवारी रात्री विशेष पोलिस महानिरीक्षकांनी सही केली. त्यानंतर हा प्रस्ताव पोलिस महा​संचालकांकडे पाठवण्यात येणार आहे. मोक्का लावल्यानंतर टोळीला एक वर्षे स्थानबध्द करण्यात येणार आहे. तसेच अधिक तपासासाठी ९० दिवसाची पोलिस कोठडी मिळू शकते. सध्या गायकवाड बंधू बिंदू चौक सबजेलमध्ये आहेत.

गुंड टोळ्या रडारवर

महापालिका निवडणुकीच्या पार्श्वभूमीवर गुंड टोळ्या डोके वर काढत आहेत. जवाहरनगर, महाडिक वसाहत, रंकाळा टॉवर, पाचगांव येथील गुंड टोळ्यांवरही मोक्का लावण्यासाठी पोलिसांनी प्रस्ताव तयार केले आहेत. गायकवाड टोळीनंतर आता कुणाचा नंबर लागणार याकडे लक्ष आहे.

मोबाइल अॅप डाउनलोड करा आणि राहा अपडेट

पानसरे हत्या तपासाला वेग

September 1, 2015, 1:44 pm

≫ Next: गाळप बंदी कारखान्यांसाठी डोकेदुखी

≪ Previous: गायकवाड टोळीला ‘मोक्का’

$

0

0

म. टा. प्रतिनिधी, कोल्हापूर

हम्पीच्या कन्नड विद्यापीठाचे माजी कुलगुरु आणि ज्येष्ठ विचारवंत डॉ. एम.एम. कलबुर्गी यांच्या हत्येनंतर ज्येष्ठ नेते गोविंदराव पानसरे यांच्या हत्येच्या तपासाची चक्रे पुन्हा वेगावण्याची शक्यता आहे. हत्येच्या तपासाच्यादृष्टीने कर्नाटक आणि राज्य पोलिसांत आदान-प्रदान वाढणार आहे.

पानसरेंवरील हल्लेखोर मोटारसायकलवरून कर्नाटकात पळाल्याची शंका सुरवातीला व्यक्त झाली होती. येथून अवघ्या ३५ किलोमीटरावर कर्नाटक हद्द असल्याने पानसरे हत्येच्या तपासासाठी पोलिस पथके थेट हुबळी, धारवाडपर्यंत गेली होती. तपासावेळी कर्नाटक पोलिसांकडून सुरुवातीला म्हणावे तसे सहकार्य मिळाले नव्हते, पण तत्कालीन विशेष पोलिस महानिरीक्षक रितेशकुमार यांनी महाराष्ट्र, कर्नाटक व गोव्यातील ११ जिल्ह्यातील पोलिस अधीक्षकांची बैठक घेऊन तपासासाठी पावले उचलली होती, पण गेले काही महिने तीन राज्यातील अधिकाऱ्यांच्या संयुक्त बैठका झाल्या नव्हत्या. गेले दोन महिने तपासात शिथिलता आली होती.

सोमवारी कलबुर्गी यांच्या हत्येची माहिती मिळताच कोल्हापूरची दोन पथके ताबडतोब धारवाडला रवाना झाली. स्थानिक गुन्हे अन्वेषण विभागाचे निरीक्षक डी.एन. मोहिते व एटीएसचे सहाय्यक पोलिस निरीक्षक अभिजित देशमुख यांनी धारवाडमध्ये जाऊन माहिती घेतली. घटनास्थळी पाहणी केली. दोन्ही पथकांनी विशेष पोलिस महानिरीक्षक संजय वर्मा, पोलिस अधीक्षक मनोजकुमार शर्मा यांना माहिती दिली.

दाभोळकर, पानसरे व कलबुर्गी हत्येत साम्य असल्याने हल्लेखोरांकडून घडलेली एकादी चूकही आमच्या तपासात मदत होऊ शकते. कर्नाटकचे अधिकारीही संपर्कात असल्याने पानसरे हत्येच्या तपासात मदत होऊ शकते.

-संजय वर्मा, विशेष पोलिस महानिरीक्षक

मोबाइल अॅप डाउनलोड करा आणि राहा अपडेट

गाळप बंदी कारखान्यांसाठी डोकेदुखी

September 2, 2015, 1:33 pm

≫ Next: चुलत भावाचा नांदणीत खून

≪ Previous: पानसरे हत्या तपासाला वेग

$

0

0

म. टा. वृत्तसेवा, कुपवाड

महसूल मंत्री एकनाथ खडसे यांनी दुष्काळी परिस्थितीच्या पार्श्वभूमीवर दुष्काळी पट्ट्यातील साखर कारखान्यांच्या गाळपावर बंदी घालण्याचा मानस व्यक्त केला आहे. मात्र, सरकारने असा निर्णय तातडीने घेतल्यास अडचणीचे ठरणार आहे. सरकारला केवळ पाण्याचा विचार करून चालणार नाही तर त्याबरोबर कारखान्यांनी हंगामाची तयारी करताना कारखान्यावर केलेला खर्च, वाहतूकदार, तोडणी कामगारांना दिलेल्या उचलीचा विचार करावा लागेल. शिवाय संबधित क्षेत्रातील ऊस चाऱ्यासाठी घेताना त्याला एफआरपी प्रमाणे दर द्यावा लागेल. अशी प्रतिक्रिया सांगली परिसरात उमटू लागली आहे.

महसूल व मदतकार्य आणि पुनर्वसन मंत्री एकनाथ खडसे यांनी दुष्काळाचा सामना करण्याच्या पार्श्वभूमीवर बोलताना साखर कारखान्यांच्या आगामी गाळपावर बंदी आणण्याचा विचार असल्याचे स्पष्ट केले आहे. हा निर्णय विशेषतः दुष्काळी पट्यातील कारखान्यांसाठी असणार आहे. सांगली जिल्ह्यापुरता विचार केला तर जिल्ह्यातील चार सहकारी आणि तीन खासगी साखर कारखान्यांची कोंडी होण्याची शक्यता आहे. यामध्ये राजारामबापू सहकारी साखर कारखान्याचे युनिट म्हणून असलेला जतचा विजयसिंह डफळे, कवठेमहांकाळचा महांकाली सहकारी, केडेगावचा केन अॅग्रो आणि सोनहिरा सहकारी, आटपाडी तालुक्यातील माणगंगा सहकारी, खानापूर तालुक्यातील यशवंत सहकारी नागेवाडी, उदगिरी शुगर (पारे), मिरज तालुक्यातील मोहनराव शिंदे ( आरग) आदी कारखान्यांचा समावेश आहे.

हंगाम गृहीत धरून अनेक कारखान्यांनी काही महिन्यांपासूनच तयारी सुरू केली आहे. कारखान्यांच्या देखभाल, दुरुस्ती, तोडणी वाहतूकदारांना करारापोटी दिलेली आगाऊ रक्कम असा सुमारे आठ ते दहा कोटी रुपयांचा खर्च आतापर्यंत झालेला आहे. त्यामुळे गाळप परवाना मिळाला नाही तर या खर्चाच्या रकमेवर गंडातर येणार आहे.

कारखान्यांच्या गाळपावर बंदी आणल्याने केवळ कारखानाच नाही तर शेतकरीही अडचणीत येणार आहे. कारखान्याच्या कार्यक्षेत्रातील ऊसाचे काय करणार? आस्थापनेवरील कायम कामगारांचे पगार कोण भागवणार? कारखान्यांवरील कर्जाची परतफेड कशी करणार? या प्रश्नांची उत्तरे सरकारला द्यावी लागतील.

- मोहनराव कदम, अध्यक्ष, सोनहिरा कारखाना

चाऱ्यासाठी ऊस हवा म्हणून सरकार थेट गाळपावरच बंदी आणणार असेल तर त्यातून इतरही प्रश्न निर्माण होणार आहेत. त्याचे काय? हंगाम गृहीत धरून आतापर्यंत जो कोट्यवधींचा खर्च झाला आहे, त्या पैशाचे काय करायचे. चाऱ्या व्यतिरिक्त शिल्लक राहणाऱ्या ऊसाची जबाबदारी कोणाची. चाऱ्यासाठी ऊस घेताना सरकारनेही एफआरपी दिली पाहिजे.

- पी. आर. पाटील, अध्यक्ष, राजारामबापू कारखाना, जत

सरकारने कोणताही विचार बोलून दाखविण्यापूर्वी अभ्यास करणे, योग्य ती माहिती घेणे गरजेचे आहे. पश्चिम महाराष्ट्रात सप्टेंबर मध्येच पाऊस पडतो. त्याला परतीचा मान्सून म्हणतात. या बाबतीत आजवरचा अनुभव आमच्या गाठिशी आहे. हा पाऊस पडलाच नाही तर मग गाळप बंदीचा विचार करायला हरकत नाही.

विजय सगरे, अध्यक्ष, महांकाली कारखाना, कवठेमहांकाळ

ऊसाचे क्षेत्र मोठ्या प्रमाणात आहे. तासगाव कारखाना बंद झाला आहे. वसंतदादा कारखाना पूर्ण क्षमतेने चालत नाही. या पार्श्वभूमीवर दुष्काळाचे कारण पुढे करून काही कारखान्यांचे गाळप बंद ठेवले तर शिल्लक ऊसाचा प्रश्न भेडसवणार आहे. गाळपावर बंदी घालून दुष्काळाचा प्रश्न मिटणार नाही. दुष्काळी तालुक्यांत परतीचा पाऊस चांगल्या प्रमाणात हजेरी लावतो.

- राजेंद्रअण्णा देशमुख, अध्यक्ष माणगंगा कारखाना

मोबाइल अॅप डाउनलोड करा आणि राहा अपडेट

चुलत भावाचा नांदणीत खून

September 2, 2015, 1:39 pm

≫ Next: अट्टल घरफोड्यांना चंदगडमध्ये अटक

≪ Previous: गाळप बंदी कारखान्यांसाठी डोकेदुखी

$

0

0

म. टा. वृत्तसेवा, जयसिंगपूर

नांदणी (ता. शिरोळ) येथे माणगावे कोडीत शेतजमिनीच्या वादातून खुनाची घटना घडली. चुलतभावांनी दगड व खुरप्याने केलेल्या हल्ल्यात महावीर देवाप्पा माणगावे (वय ६५) यांचा मृत्यू झाला. बुधवारी दुपारी सव्वाचार वाजण्याच्या सुमारास ही घटना घडली.

याप्रकरणी शिरोळ पोलिसांनी तिघांना ताब्यात घेतले आहे. बापू आप्पा सावळवाडे-माणगावे, राहूल बापू सावळवाडे-माणगावे, रवींद्र राजेंद्र सावळवाडे-माणगावे अशी त्यांची नावे आहेत. या घटनेची नोंद करण्याचे काम रात्री उशिरापर्यंत शिरोळ पोलिसांत सुरू होते. नांदणी येथील गट क्रं. ३२८ मधील आठ एकर शेतजमिनीचा वाद गेल्या १४ वर्षांपासून आहे. सध्या जयसिंगपूर येथील दिवाणी न्यायालयात याबाबतचा खटला सुरू आहे.

मोबाइल अॅप डाउनलोड करा आणि राहा अपडेट

अट्टल घरफोड्यांना चंदगडमध्ये अटक

September 2, 2015, 1:40 pm

≫ Next: मुरगूडमध्ये पाणीसंकट

≪ Previous: चुलत भावाचा नांदणीत खून

$

0

0

म. टा. प्रतिनिधी, कोल्हापूर

चंदगड व गडहिंग्लज तालुक्यात घरफोड्या करून धुमाकुळ घालणाऱ्या प्रकाश विनायक पाटील (वय ३०, रा. झरीचवाडा, सतेरी गोवा) व अजित शिवराई धनगर (२५, रा. हलकर्णी,ता. गडहिंग्लज) या संशयितांना चंदगड पोलिसांनी अटक केली. त्यांच्याकडून चंदगड तालुक्यातील १० व गडहिंग्लज तालुक्यातील ४ असे घरफोडीचे १४ गुन्हे उघडकीस आणले. पोलिसांनी त्यांच्याकडून एक किलो सोन्याचे दागिने, चार किलो चांदीचे दागिने, कार, मोटारसायकल, फर्निचर, रोख रक्कम असा ३६ लाख ४३ हजार रूपयाचा माल जप्त केला.

पोलिस अधीक्षक मनोजकुमार शर्मा, गडहिंग्लज पोलिस उपअधीक्षक डॉ सागर पाटील व पोलिस निरीक्षक अंगद जाधवर यांनी तपासाची माहिती पत्रकार परिषदेत दिली. गेल्या आठ महिन्यात चंदगड, आजरा व गडहिंग्लज तालुक्यात चोरट्यांनी घरफोडी करून चोऱ्या केल्या होत्या. संकेश्वर पोलिसांनी घरफोडीच्या गुन्ह्यात प्रकाश पाटील याला अटक केली होती. चंदगड पोलिसांनी त्याला ताब्यात घेऊन चौकशी केली असता त्याने १४ ठिकाणी घरफोड्या केल्याची कबुली दिली. प्रकाशने अजित धनगर, राजू सलवराज यांच्या मदतीने चोऱ्या केल्या होत्या. अजितला तीन ऑगस्टला अटक केली. राजू हा गोवा कारागृहात आहे. प्रकाश व अजितची गोव्यातील कारागृहात भेट झाली होती. चोरीतील दागिने त्याने बेळगाव येथील रामचंद्र करोजी सोनार याला विकले होते. सध्या हा सोनार फरारी असून त्याला अटक करण्यात येणार आहे, अशी माहिती निरीक्षक जाधवर यांनी दिली. कोल्हापूर पोलिस संघाचे खेळाडू उपनिरीक्षक शरद माळी हे तपासात अग्रेसर होते. त्यांना उपनिरीक्षक प्रशांत यम्मेवार, सहाय्यक फौजदार शिवाजी झुरळे, हणमंत नाईक, हणमंत चौगुले, संग्राम पाटील, अमोल निकम, दीपक कांबळे, सागर चौगुले, तानाजी चौगुले, विठ्ठल कांबळे, सुखदेव गिरी, अविनाश तारळकेर यांची मदत झाली.

शेतातील घरात मागून दाराने चोऱ्या

प्रकाश, अजित व राजू हे चोरटे गावातील शेतातील घर हेरायचे. १४ घरफोड्या त्यांनी दिवसा केल्या आहेत. घरातील सर्व लोक शेतात गेले की ते घराचे मागील दार फोडून आत प्रवेश करत होते. चोरी केल्यानंतर सोने व चांदीचे दागिने ते बेळगावला विकायचे.

पोलिस व शिक्षकांच्या घरी चोरी

चोरट्यांनी शिक्षक व निवृत्त पोलिसांच्या घरी चोरी केल्याचे तपासात उघड झाले आहे. त्यांनी कोवाड, कामेवाडी, मजरे कार्वे, कागणी, तेऊरवाडी, दुंडगे, कागणी, धुमडेवाडी, कुदनूर, यशवंतनगर, सुरूते, शिनोळी खुर्द, मजरे कार्वे (चंदगड), बटकणंगले, नेसरी, दुगुनवाडी (गडहिंग्लज) या ठिकाणी चोऱ्या केल्याचे तपासात निष्पण्ण झाले आहे.

मोबाइल अॅप डाउनलोड करा आणि राहा अपडेट

---

मुरगूडमध्ये पाणीसंकट

September 2, 2015, 1:42 pm

≫ Next: नगरसेवक धावले भावासारखे

≪ Previous: अट्टल घरफोड्यांना चंदगडमध्ये अटक

$

0

0

म. टा. वृत्तसेवा, कागल

मुरगूडसह यमगे,शिंदेवाडी या तीन गावांना पिण्याचा पाणी पुरवठा करणाऱ्या सरपिराजीराव तलावात आतापर्यंत कमी पाऊस झाल्याने पाणीसाठा अपुरा आहे. त्याचबरोबर या तीन गावांच्या वाढत्या लोकसंख्येमुळे या तलावातील पाण्यावर ताण वाढला असल्याने मुरगूडसह यमगे, शिंदेवाडी या तीन गावांनी पिण्याच्या पाण्यासाठी अन्य पर्याय शोधावा व केवळ या पाण्यावर अवलंबून राहू नये, असे पत्र तलाव प्रशासनाने या गावांना दिल्याने एकच खळबळ माजली आहे. या तलावात आता केवळ चार महिने पुरेल इतकाच पाणी साठा उपलब्ध आहे.

मुरगूडसह शिंदेवाडी, यमगे या तीन गावांना पिण्याचा पाणीपुरवठा करणारा सरपिराजीराव तलाव हा संस्थान काळातील असून तो सध्या प्रविणसिंह आणि समरजितसिंह घाटगे यांच्या खासगी मालकीचा आहे. या तलावातील पाणी मुरगूड शहरासह यमगे व शिंदेवाडी या तीन गावांना पिण्यासाठी वापरले जाते. शिंदेवाडी आणि यमगेच्या शेकडो हेक्टर शेतीसाठीही वापरले जाते. दरवर्षी हा सरपिराजीराव तलाव जून जुलै महिन्यात तुडूंब भरायचा. पण यावर्षी पावसाचे प्रमाणच कमी झाल्याने आतापर्यंत हा तलावा कसातरी निम्मा भरला आहे. सध्या मुरगूड शहराची १५ हजार, शिंदेवाडी तीन हजार आणि यमगेची लोकसंख्या पाच हजारापर्यंत आहे. या एकूण सुमारे २३ ते २५ हजार लोकसंख्येला दररोज सरासरी ४७ लाख लिटर पिण्याचे पाणी या तलावातून पुरवावे लागते, अशी माहिती तलाव प्रशासनाने आपल्या पत्रातून देत ही तिन्ही गावे आठवड्यातून एकादा कोरडा दिवस किंवा पाण्याच्या काटकसरीच्या कोणत्याच उपाययोजना राबवत नसल्याचे निदर्शनास आणून दिले आहे.

मुरगूडच्या आठवडा मंगळवारच्या बाजार दिवशी तर पाण्याची मोठ्या प्रमाणात नासधूस केली जाते. यासाठी या तिन्ही गावांनी आठवड्यातून दोन दिवस कोरडा दिवस पाळण्याची तयारी ठेवावी व मंगळवारी बाजार दिवशी कमी दाबाने पाणी पुरवठा करावा. या गोष्टीची तातडीने अमबजावणी करण्यात यावी तसेच पिण्याच्या पाण्यासाठी स्वतंत्र पर्यायी व्यवस्था कुपनलिका किंवा अन्य पर्याय शोधण्याची सूचनाही तलाव प्रशानाने तीन गावांना केली आहे. तलावातील मोफत मिळणाऱ्या पाण्यावर या तिन्ही गावामध्ये नळ कनेक्शन व वार्षिक पाणी पुरवठ्यासाठी जनतेकडून हजारो रुपये जमा केले जातात.

वेळोवेळी या सर्व बाबी या तिन्ही गांवाना तलाव प्रशानाने निदर्शनास आणून दिल्या आहेत. या पत्राच्या प्रती जिल्हाधिकारी, लोकप्रतिनिधी, मुरगूड नगरपालिका, यमगे व शिंदेवाडी ग्रामपंचायतींना पाठविण्यात आल्या आहेत. या पत्रामुळे भविष्यात तिन्ही गावांना भेडसावणाऱ्या पाणी टंचाईसाठी कोणती उपाय योजना केली जाते याकडे सर्वांचे लक्ष लागले आहे. या तिन्हीही गावांनी वेदंगगा नदीवरुन पिण्याच्या पाण्याची योजना मंजूर करुन आणणे गरजेचे असले तरी तिन्ही गावाच्या या योजना या अल्पकाळात मंजूर करुन कार्यान्व‌ित करणे सध्या तरी अशक्य आहे.

१९२३ मध्ये बांधलेल्या या तलावातून तिन्ही गावाना सायफन पद्धतीने मोफत पाणी दिले जाते. १२० एकरातील या तलावात सध्या २३ फुटच पाणी इतके आतापर्यंतचे निच्चांकी पाणी आहे. काटकसर नाही केल्यास व पाऊस नाही पडल्यास पिण्याच्या पाण्याची भीषण परिस्थिती उद्भवणार आहे.

- जी. बी. चौगुले, तलाव निरीक्षक

मोबाइल अॅप डाउनलोड करा आणि राहा अपडेट

नगरसेवक धावले भावासारखे

September 2, 2015, 1:44 pm

≫ Next: हद्दपारी प्रस्तावात ‘करवीर’चा खोडा

≪ Previous: मुरगूडमध्ये पाणीसंकट

$

0

0

म. टा. प्रतिनिधी, कोल्हापूर

झाड कोसळून गंभीर जखमी झालेल्या, गेल दोन महिने हॉसिपटलमध्ये मृत्यूशी झुंज देत असलेल्या विलास पांडव या तरूणाच्या मदतीसाठी नगरसेवक पुढे सरसाव​ले. नगरसेवकांनी एकत्र येत पहिल्या टप्प्यात वैद्यकीय उपचारासाठी पांडव यांना ५० हजार रुपयांची मदत केली. नगरसेवक व अधिकाऱ्यांच्यावतीने आणखी ५० हजार रुपयांची मदत दिली जाणार आहे. संकटाच्या काळात नगरसेवक भावासारखे मदतीला धावले, अशी भावना पांडव यांच्या पत्नी माधवी यांनी व्यक्त केली.

पांडव यांची परिस्थिती हलाखीची आहे. मे महिन्यात त्यांचा विवाह झाला आहे. पत्नी माधवी या लॅबमध्ये नोकरी करतात. तर पांडव हे खासगी सुरक्षा एजन्सीजमध्ये नोकरी करायचे. टेंबलाईवाडी येथे भाड्याच्या खोलीत ते राहत होते. २३ जून रोजी ते पत्नीला नोकरीकरिता लॅबमध्ये सोडून कामावर जात होते. रात्री नऊच्या सुमारास बिंदू चौकातून जात असताना पावसाने झाड त्यांच्या अंगावर कोसळले. अंगावर झाड कोसळल्याने पांडव गंभीररित्या जखमी झाले. त्यांच्या मणक्याला दुखापत झाली. पांडव यांच्यावर सध्या विन्स हॉस्पीटलमध्ये उपचार सुरू आहेत. पांडव यांची घरची परिस्थिती हलाखीची असल्याने हॉस्पीटल व्यवस्थापननेही त्यांना पूर्ण सहकार्य केले आहे. पांडव यांच्यावर गेल्या दोन महिन्याहून अधिक दिवस वैद्यकीय उपचार सुरू आहेत. त्यांच्या उपचारासाठी आर्थिक मदत करण्याचा निर्णय नगरसेवकांनी घेतला. ऑगस्ट महिन्यातील सर्वसाधारण सभेत मदतीचे आवाहन करण्यात आले. त्यानुसार पहिल्या टप्प्यात ५० हजार रुपये जमले.

महापौर वैशाली डकरे, उपमहापौर ज्योत्स्ना मेढे, महिला व बालकल्याण समिती सभापती लीला धुमाळ, सभागृह नेते चंद्रकांत घाटगे, गटनेते राजू लाटकर, शारंगधर देशमुख, मधुकर रामाणे, उत्तम कोराणे, जहाँगीर पंडत, परिक्षीत पन्हाळकर, राजेंद्र पाटील यांनी मंगळवारी संध्याकाळी हॉस्पीटलमध्ये जाऊन पांडव यांच्या पत्नी माधवी यांच्याकडे ५० हजार रुपये सुपूर्द केले. फरास कुटुंबियांतर्फे पांडव यांना मदत करण्यात येईल, असे नगरसेवक आदिल फरास यांनी सांगितले. नगरसेवकांच्या आर्थिक मदतीने पांडव यांच्या पत्नीला अश्रू अनावर झाले. 'संकटाच्या काळात नगरसेवकांनी मदत केली, जणू ते भावासारखे माझ्या पाठीशी उभे राहिले,' अशा भावना त्यांनी व्यक्त केल्या.

सार्वजनिक मंडळांना आवाहन

'गणेश उत्सवाच्या दरम्यान सार्वजनिक मंडळांनी सामाजिक बांधिलकी मानून गरीब रुग्णांना आर्थिक मदत करावी. अनाठायी खर्चाला फाटा द्यावा. वर्गणीतील ठराविक टक्के रक्कम सामाजिक कार्यासाठी खर्च करावा,' असे आवाहन महापौर डकरे यांनी केले.

मोबाइल अॅप डाउनलोड करा आणि राहा अपडेट

हद्दपारी प्रस्तावात ‘करवीर’चा खोडा

September 2, 2015, 1:50 pm

≫ Next: सरकारी कार्यालये ओस

≪ Previous: नगरसेवक धावले भावासारखे

$

0

0

म. टा. प्रतिनिधी, कोल्हापूर

गुंड आणि त्यांच्या टोळ्यांवरील हद्दपारीचे ४२ प्रस्ताव करवीर प्रांताधिकारी कार्यालयात धूळ खात आहेत. एकीकडे गुंडाची दहशत मोडून काढण्यासाठी अन्य प्रांताधिकारी पोलिस प्रशासनाला मदत करत असताना करवीर कार्यालयात प्रस्तावाच्या फायली अडवणारे राजकीय आणि प्रशासकीय असे झारीतले शुक्राचार्य कोण, असा प्रश्न उपस्थित होत आहे.

शहरात गुंडांच्या टोळ्यांची दहशत मोडून काढण्यासाठी पोलिस प्रयत्नशील आहेत. 'मोक्का' कायद्यांअतर्गत कारवाईबरोबर हद्दपारीचे प्रस्ताव यापूर्वीच तयार केले आहेत. प्रत्येक पोलिस ठाण्यातील हद्दपारीचे प्रस्ताव पोलिस निरीक्षकांकडून शहर पोलिस उप अधीक्षकांकडे जातात. ते पोलिस अधीक्षकांकडून पाठवले आहेत. कोल्हापूर शहर व करवीर तालुक्यातील गुंडाच्या टोळ्यांत वैमनस्य आहे. टोळ्यांतर्गत वादातून खुनी हल्ले केले आहेत. पाचगांवसारख्या छोट्या गावात गुडांच्या दोन टोळ्यांतून खूनही पडले. हीच स्थिती जवाहरनगरात झाली. रंकाळा टॉवर परिसरातील गुंडांनी डोके वर काढले आहे. या टोळ्यांना राजकीय वरदहस्त मिळत असल्याने या गुंडांची विभागणी कोल्हापूर दक्षिण विधानसभेच्या राजकारणात दोन गटांत झाली आहे.

गेल्या लोकसभा व विधानसभा निवडणुकीपासून या गुंडांना हद्दपार करण्यासाठी करवीर प्रांताधिकारी कार्यालयात प्रस्ताव पाठवले आहेत. पोलिस प्रशासनाकडून प्रस्तावासाठी पाठपुरावा केला जात असताना प्रांताधिकारी कार्यालयात ४२ प्रस्तावांची फाइल धूळखात आहे. गडहिंग्लज व इचलकरंजीतील गुंडगिरी मोडून काढण्यासाठी प्रांताधिकारी हद्दपारीच्या नोटीसा बजावत असताना करवीर कार्यालयातून फाइल उघडल्या जात नसल्याने आश्चर्य व्यक्त केले जात आहे. काही गुंड, अवैध धंद्यातील मंडळींवर हद्दपारीच्या प्रस्तावात नावे आहेत. गुंड व अवैधधंद्यातील मंडळी महापालिकेच्या निवडणुकीसाठी शड्डू मारत असताना मतदारांवर दहशत माजवत आहेत. त्यांना उमेदवारी देण्यासाठी राजकीय पक्षांनी गालीचे घातले आहेत. पोलिस प्रशासन कायदेशीर मार्गाचा अवलंब करत असताना महसूल खात्याकडून सहकार्य मिळत नसल्यासारखी परिस्थिती आहे.

मोबाइल अॅप डाउनलोड करा आणि राहा अपडेट

सरकारी कार्यालये ओस

September 2, 2015, 1:53 pm

≫ Next: माळवींवर आरोपपत्र दाखल होणार

≪ Previous: हद्दपारी प्रस्तावात ‘करवीर’चा खोडा

$

0

0

म. टा. प्रतिनिधी, कोल्हापूर

कामगारांनी पुकारलेल्या देशव्यापी संपाला कोल्हापुरातील संघटनांचा चांगला प्रतिसाद मिळाला. त्यामुळे राष्ट्रीयीकृत बँका, सहकारी बँका, काही सरकारी कार्यालयातील कामकाज आणि शाळा बंद राहिल्या. दुपारी झालेल्या मोर्चामुळे शहरातील रस्ते ब्लॉक झाले. शहरातील सरकारी कार्यालयात शुकशुकाट राहिला. जिल्हाधिकारी कार्यालय ते विविध सरकारी कार्यालयातील कामकाज थंडावले.

देशव्यापी संपाचा राष्ट्रीयकृत आणि नागरी बँकेच्या ग्राहकांना फटका बसला. कोट्यवधींची उलाढाल थांबली. काही इंग्रजी माध्यमांच्या शाळा मात्र सुरु राहिल्या. मराठी माध्यमांच्या शाळा आणि ज्युनिअर कॉलेज बंद राहिल्याने शुकशुकाट जाणिवला. उद्योग क्षेत्रातील काही संघटना सहभागी झाल्याने कामगारांना सुट्टी मिळाली. जिल्ह्यातील १३०० महसूल कर्मचारी बंदमध्ये सहभागी झाले होते. जिल्हाधिकारी कार्यालयात काही अधिकारी सोडल्यास पोलिस तसेच होमगार्डचाच वावर होता. त्यामुळे अनेक नागरिकांनी हेलपाटेही मारले. एसटीच्या बेळगाव फेऱ्या बंद ठेवल्याने सीमाभागातील प्रवाशांना दिवसभर त्रास सहन करावा लागला.

सरकारी वाहनांवरील चालकही बंदमध्ये सहभागी झाले. त्यामुळे अनेक अधिकाऱ्यांना स्वतःच्या वाहनाने आले. दिवसभर जिल्हाधिकारी कार्यालयात शुकशुकाट होता. यासह अन्य सरकारी कार्यालयेही बंद असल्यासारखीच स्थिती होती. एसटीच्या संघटना बंदमध्ये सहभागी नसल्याने वाहतुकीवर परिणाम झाला नाही. मात्र कर्नाटक राज्यातील एसटी कर्मचारी बंदमध्ये सहभागी असल्याने तेथील एसटी सेवा बंद राहिली.

मोबाइल अॅप डाउनलोड करा आणि राहा अपडेट

माळवींवर आरोपपत्र दाखल होणार

September 2, 2015, 1:48 pm

≫ Next: झुलत्या यंत्रामुळे प्रसुती सुलभ

≪ Previous: सरकारी कार्यालये ओस

$

0

0

कोल्हापूर : सोळा हजाराची लाच स्वीकारल्याप्रकरणी माजी महापौर तृप्ती माळवी यांच्यावरील गुन्ह्याचे आरोपपत्र न्यायालयात दाखल होणार आहे. नगरविकास खात्याने कोल्हापूर लाचलुचपत प्रतिबंधक विभागाला आदेश दिले आहेत. दोन दिवसांत आरोपपत्र दाखल करण्याची प्रक्रिया पूर्ण होणार आहे.

संपादित केलेली जागा मूळ मालकाला परत देण्याचा ठराव महानगरपालिका सर्वसाधारण सभेत मंजूर झाला होता. ठरावावर सही करण्यासाठी महापौरांच्यामार्फत त्यांचा खासगी स्वीय सहाय्यक अश्विनी गडकरी याला १६ हजाराची लाच स्वीकारताना ३० जानेवारी २०१५ ला लाचलुचपत प्रतिबंधक खात्याने कारवाई केली होती. या गुन्ह्यात महापौरांना अटक केल्यानंतर जामीन मंजूर झाला होता.

मोबाइल अॅप डाउनलोड करा आणि राहा अपडेट

झुलत्या यंत्रामुळे प्रसुती सुलभ

September 2, 2015, 1:46 pm

≫ Next: नगररचना अ‌ध‌िकारी जाळ्यात

≪ Previous: माळवींवर आरोपपत्र दाखल होणार

$

0

0

डॉ. मधुकर परदेशी यांचा दावा

म. टा. प्रतिनिधी, कोल्हापूर

पुण्यातील वेल्हे तालुक्यात वैद्यकीय अधीक्षक म्हणून कार्यरत असलेल्या डॉ. मधुकर परदेशी यांनी महिलांच्या प्रसुतीसाठी झुलते प्रसुती यंत्र विकसित केले आहे. याद्वारे प्रसुती जलद व सुलभ होत असल्याच्या दावा त्यांनी केला आहे. आतापर्यंत ४०० महिलांवर या झुलत्या प्रसुती यंत्राची चाचणी करण्यात आली असून यापैकी ९३ टक्के महिलांच्या प्रत्यक्ष प्रसुतीची वेळ ५ ते ६० मिनिटांपर्यंत कमी होत असल्याचे परदेशी यांनी सांगितले.

परदेशी यांनी बुधवारी पत्रकार परिषदेमध्ये याविषयी माहिती दिली. जगभरात आतापर्यंत झालेल्या संशोधनानुसार झोपल्या अवस्थेच्या तुलनेत बसल्या किंवा उभ्या अवस्थेत प्रसुती जलद व सुलभ होत असल्याचे सिद्ध झाले आहे. प्रसुतीच्या तीन अवस्था असून प्रसुतीकळा सुरू झाल्यापासून प्रसुती होईपर्यंत एकूण १८ ते २४ तासांचा अवधी लागतो. प्रसुती जलद यंत्रामुळे हा कालावधी निम्यापर्यंत कमी आल्याचे परदेशी म्हणाले. या यंत्रामुळे गुरुत्व बलाचा वापर होत असून गर्भाशयाचे तोंड लवकर उघडते, तसेच प्रसुतीपश्चात होणारा रक्तस्रावही कमी झाला आहे. प्रसुतीकाळामध्ये वेदना कमी करण्यासाठी महिलांना देण्यात येणाऱ्या पिटोसिन या इंजेक्शनचीही या यंत्रामध्ये गरज भासत नाही. त्यामुळे इतर काही गुंतागुंत नसल्यास हे यंत्र सिझेरियन पद्धतीसाठी पर्याय ठरू शकते, असे परदेशी यांनी नमूद केले.

परदेशी यांनी २५ वर्षांच्या संशोधनानंतर हे यंत्र विकसित केले आहे. २००७ मध्ये परदेशी यांनी या यंत्राचे पेटंट घेतले. या यंत्रासाठी ३० ते ४० हजार इतका खर्च येतो. आतापर्यंत जुन्नर, वेल्हे, जेजुरी येथील आरोग्य केंद्रांत हे यंत्र वापरले आहे. हे यंत्र सर्व सरकारी आरोग्य केंद्रांमध्ये वापरण्यात यावे, यासाठी परदेशी यांचे प्रयत्न सुरू आहेत.

कुपोषित मुलांसाठी चुंबकीय पाळणा

परदेशी यांनी कुपोषित मुलांसाठी चुंबकीय पाळणा विकसित केला आहे. या पाळण्याच्या दोन्ही बाजूला चुंबक लावल्याने त्यावर झुलताना मुलांच्या भोवती चुंबकीय बल निर्माण होते. परिणामी, योग्य आहारासोबत कुपोषित मुलांना दररोज विशिष्ट वेळ या पाळण्यावर झुलवल्यास त्यांची स्थिती सुधारण्यास मदत होते, असे परदेशी यांनी सांगितले. या पाळण्यासाठी १५ ते २० हजार खर्च असून या पाळण्याचे पेटंट घेण्यासाठी सध्या परदेशी प्रयत्नशील आहेत.

मोबाइल अॅप डाउनलोड करा आणि राहा अपडेट

नगररचना अ‌ध‌िकारी जाळ्यात

September 2, 2015, 1:51 pm

≫ Next: पाणीबिल दर महिन्याला

≪ Previous: झुलत्या यंत्रामुळे प्रसुती सुलभ

$

0

0

म. टा. प्रतिनिधी, कोल्हापूर

सातबारावर नाव लावण्यासाठी दोन लाखाची लाच स्वीकारणाऱ्या सहाय्यक नगररचना अधिकाऱ्यांला लाचलुचपत प्रतिबंधक विभागाने बुधवारी रंगेहाथ पकडले. समीर अरविंद जगताप (रा. बेलसर, ता. पुरंदरे) असे या अधिकाऱ्याचे नाव आहे. सेंट्रल बिल्डींगमध्ये ही कारवाई करण्यात आली. तक्रारदार राजेंद्र देसाई यांच्याकडे २५ लाखाची लाच मागितली होती. दहा लाखावर तडजोड झाली होती.

हेमंतकुमार शहा यांच्या कंपनीत यांच्या कार्यालयात राजेंद्र देसाई इंजिनीअर म्हणून नोकरीस आहेत. सर्व सरकारी कामे करण्याचे काम शहा यांनी देसाई यांना दिले आहे. शहा यांनी उजळाईवाडी (ता. करवीर) येथे ४४४२.३८ चौरस मीटर जमीन खरेदी केली आहे. ही जमीन अहस्तांतरणीय स्वरूपाची असल्याने उजळाईवाडीच्या तलाठ्यांनी सातबारावर नोंद लावत येत नसल्याचे सांगितले. त्यानंतर देसाई यांनी कमाल जमीन कायदा अंतर्गत करवीरच्या उपविभागीय अधिकाऱ्यांकडे अर्ज दाखल केला. त्यांनी नगरविकास खात्याकडे अर्ज दाखल करण्यास सांगितले. नगरविकास खात्यात काम न झाल्याने सावंत यांनी २०१४ मध्ये हायकोर्टात अर्ज केला. हायकोर्टाने मार्च २०१५ मध्ये शहा यांचे नाव सातबाऱ्यावर लावण्याचे आदेश दिले. नागरी ​समूह उपजिल्हाधिकाऱ्यांकडे अर्ज दाखल केला. या कार्यालयातील सहाय्यक नगररचना अधिकारी समीर जगताप यांनी २५ लाख मागितले होते.

मोबाइल अॅप डाउनलोड करा आणि राहा अपडेट

---

पाणीबिल दर महिन्याला

September 2, 2015, 1:49 pm

≫ Next: युवा जल्लोष

≪ Previous: नगररचना अ‌ध‌िकारी जाळ्यात

$

0

0

उत्पन्न वाढीसाठी मिळकती शोधून घरफाळा लागू करणार

म. टा. प्रतिनिधी, कोल्हापूर

महापालिकेच्या आर्थिक उत्पन्नात वाढ करण्याच्या इराद्याने प्रशासन तयारी करत असून शहरातील मिळकतींचा शोध घेतला जाणार आहे. जीपीएस सिस्टीमद्वारे मिळकती शोधून त्यावर घरफाळा लागू होणार आहे. दुसरीकडे दर महिन्याला पाणी पट्टीची आकारणी करण्याचा निर्णय प्रशासनाने घेतला आहे. स्पॉट बिलिंगसोबतच बिलाचा भरणाही करून घेतला जाणार आहे.

एलबीटी बंद झाल्यामुळे महापालिकेच्या आर्थिक उत्पन्नावर मर्यादा येत आहेत. उत्पन्नाचे अन्य स्त्रोत नसल्यामुळे पैशाअभावी पायाभूत सुविधांवरही परिणाम होणार आहे. कर्मचाऱ्यांचे पगारही लांबण्याची शक्यता आहे. शहरवासियांच्या पायाभूत सुविधांची पूर्तता करण्यासाठी निधीची उपलब्धता महत्वाची आहे. याकरिता प्रशासन उत्पन्नाचे नवीन मार्ग अनुसरत आहे. त्याचाच एक भाग म्हणून पाणी पट्टी बिल दरमहा आकारणीचा निर्णय प्रशासनाने घेतला आहे. दरमहा बिलाची आकारणी केल्यामुळे महापालिकेला रक्कम उपलब्ध होणार आहे.

याकरिता महापालिकेतील पाणी पुरवठा विभाग व घरफाळा विभागातील कर्मचाऱ्यांचा वापर केला जाणार आहे. पाणी पुरवठाचे ५४ आणि घरफाळा विभागातील ६२ कर्मचाऱ्यांचा याकरिता वापर केला जाणार आहे. सध्या दोन महिन्यातून एकदा पाणी पट्टीची आकारणी केली जाते. घरोघरी जाऊन मीटर रिडींग व बिलाचे वाटप केले जाते. आता कमी मनुष्यबळाचा वापर करून कमी वेळेत महापालिकेच्या उत्पन्न वाढीसाठी प्रयत्न सुरू केले आहेत अशी माहिती आयुक्त पी. शिवशंकर यांनी दिली. पाण्याचे आता स्पॉट बिलिंग होणार असून दरमहा आकारणी केली जाणार आहेत. २००० नळ कनेक्शनधारकासाठी एका कर्मचाऱ्याची नियुक्ती केली जाणार आहे. स्पॉट बिलिंगसोबतच बिलाचा भरणा करून घेण्याची सुविधाही असणार आहे. याकरिता संबंधित कर्मचाऱ्याला मशिन पुरविण्यात येणार आहे. या महिन्यापासून स्पॉट बिलिंगला सुरूवात होणार आहे. शहरातील नळ कनेक्शनधारकांची संख्या १,११,९४५ इतकी आहे.

मिळकतींचाही शोध

गेल्या काही वर्षात शहराचा विस्तार वाढला आहे. अनेक कॉलनी वसल्या आहेत. उपनगरे, कॉलनींची संख्या वाढूनही महापालिकेच्या घरफाळ्यात अपेक्षित वाढ झालेली नाही. याकरिता प्रशासन शहरातील मिळकतींचा शोध घेण्यात येणार आहे. जीपीएस प्रणालीच्या माध्यमातून मिळकतींचा शोध घेऊन घरफाळा लागू केला जाणार आहे.

मोबाइल अॅप डाउनलोड करा आणि राहा अपडेट

युवा जल्लोष

September 3, 2015, 11:32 am

≫ Next: गावठी पिस्तुलासह तिघे ताब्यात

≪ Previous: पाणीबिल दर महिन्याला

$

0

0

कोल्हापूर टाइम्स टीम

स्पर्धेचा उद्‍घाटन समारंभ नियोजित वेळेपेक्षा तब्बल दीड तास विलंबाने सुरू झाला. त्यामुळे सकाळच्या सत्रातील अनेक स्पर्धा वेळेत सुरू होऊ शकल्या नाहीत. मराठी, हिंदी आणि इंग्रजी वक्तृत्व स्पर्धांसाठी सकाळी दहाची नियोजित वेळ होती. काही स्पर्धक ठरलेल्या वेळी उपस्थित होते. मात्र, परीक्षक न आल्याने ताटकळत राहावे लागले. अकरा वाजता स्पर्धा सुरु झाल्या. अपेक्षेप्रमाणे मराठी वक्तृत्व स्पर्धा ऐकण्यासाठी गर्दी झाली होती. त्या तुलनेत हिंदी व इंग्रजी वक्तृत्व स्पर्धांना तुरळक उपस्थिती होती.

मगदूम हायस्कूलच्या क्रिकेट मैदानावरील पथनाट्य स्पर्धा पाहण्यासाठी विद्यार्थ्यांनी रिंगण केले होते. कसबेकर हॉलमध्ये सुरू असलेल्या लघुनाटिका स्पर्धांनाही मोठ्या प्रमाणावर विद्यार्थ्यांचा प्रतिसाद मिळाला. यातील काही लघुनाटिकांनी उपस्थितांचे चांगलेच मनोरंजन केले. ११.३० वाजता उद्‍घाटन समारंभास सुरुवात झाली. तोपर्यंत आचार्य विद्यानंद संस्कृती भवनात विद्यार्थ्यांची गर्दी झाली होती. नियोजित लोकसंगीत स्पर्धा, तसेच ११ वाजता होणाऱ्या एकांकिका स्पर्धांना मात्र दुपारी १२.३० पर्यंत सुरुवात झालेली नव्हती.

दरम्यान, सकाळी दहापूर्वीच येणाऱ्या सर्व स्पर्धकांची नोंदणी करून घेण्यासाठी नोंदणी कक्ष सज्ज झाला होता. नोंदणीसाठी तीन कक्ष होते. पहिल्या कक्षात केवळ कोल्हापूर शहरांतर्गत येणाऱ्या महाविद्यालयांची नोंदणी सुरू होती. कोल्हापूर शहरातील वीस महाविद्यालयांनी नोंदणी केली. दुसऱ्या कक्षात आजरा, चंदगड, कागल, गडहिंग्लज, राधानगरी, करवीर व भुदरगड या तालुक्यांमध्ये मिळून १८ महिविद्यालयांनी नोंदणी केली, तर तिसऱ्या कक्षात पन्हाळा, शाहूवाडी, हातकणंगले, शिरोळ व गगनबावडा या तालुक्यांमधून १७ महाविद्यालयांची नोंदणी झाली. नोंदणी झालेल्या विद्यार्थ्यांना स्पर्धेच्या तयारीसाठी खोल्या देण्यात येत होत्या. या खोल्यांमध्ये विविध स्पर्धांसाठी आवश्यक प्रॉपर्टी, पोशाख व्यवस्था, वाद्य इत्यादी सज्ज ठेवण्यासाठी विद्यार्थ्यांची धावपळ सुरू होती.

उद्‍घाटन समारंभ

'स्पर्धा महत्त्वाची आहे, मात्र केवळ पारितोषिकाच्या अपेक्षेने स्पर्धा करू नका. मला विद्यार्थीदशेत एकही पारितोषिक मिळाले नव्हते. त्यामुळे तुम्हाला पारितोषिक न मिळाल्यास कुलगुरू होण्याची संधी आहे', असे मिश्किल उद्गार नाशिकच्या यशवंतराव चव्हाण महाराष्ट्र मुक्त विद्यापीठाचे कुलगुरू डॉ. माणिकराव साळुंखे यांनी महोत्सवाच्या उद्‍घाटनप्रसंगी काढले. कुलगुरू डॉ. देवानंद शिंदे प्रमुख उपस्थित होते.

आचार्यरत्न देशभूषण शिक्षण प्रसारक मंडळाचे अध्यक्ष के. ए. कापसे यांनी प्रमुख पाहुण्यांचा सत्कार केला. हेमंत पाटील यांनी स्वागत, तर डॉ. अरुण पाटील यांनी प्रास्ताविक केले. डॉ. श्रद्धा पाटील, डॉ. सुजाता पाटील व डॉ. कल्पना गंगातीरकर यांनी सूत्रसंचालन केले. जावेद मिस्त्री यांनी आभार मानले.

सुसज्ज व्यवस्था

महावीर कॉलेजचे एनसीसीचे पथक, स्वयंसेवक व प्राध्यापकांनी युवा महोत्सवात सर्व व्यवस्था योग्य राहण्यासाठी आवश्यक काळजी घेतली होती. कॉलेजच्या प्रवेशद्वारापासून ते आवारात एनसीसी कॅडेट विद्यार्थ्यांना मार्गदर्शन करत होते. त्याचप्रमाणे, प्रत्येक स्पर्धेच्या ठिकाणी स्वयंसेवक स्पर्धकांना आ‍वश्यक माहिती देत होते.

मोबाइल अॅप डाउनलोड करा आणि राहा अपडेट

गावठी पिस्तुलासह तिघे ताब्यात

September 3, 2015, 11:36 am

≫ Next: स्वच्छतागृहांचा प्रश्न ऐरणीवर

≪ Previous: युवा जल्लोष

$

0

0

मटा प्रतिनिधी, इचलकरंजी

खून करण्याच्या उद्देशाने गावठी बनावटीच्या पिस्तुलसह हत्यारे घेऊन फिरणाऱ्या तिघाजणांना स्थानिक गुन्हे अन्वेषण शाखेच्या पथकाने गजाआड केले. संदीप रंगराव पाटील, संतोष धोंडीराम कळगुंदे व संतोष नारायण इंगळे (सर्व रा. गणेशनगर) या तिघांना अटक केली असून त्यांच्याकडून सुमारे ६१ हजाराचा मुद्देमाल जप्त केला आहे. दरम्यान, रात्री उशिरा आणखी एका संशयिताला पोलिसांनी ताब्यात घेतले आहे.

याबाबत अधिक माहिती अशी, जेकेनगर रस्त्यावरील सावली हॉटेलनजीक काही व्यक्ती हत्यारे घेऊन थांबल्याची माहिती स्थानिक गुन्हे अन्वेषणच्या पथकाला मिळाली होती. पोलिसांनी याठिकाणी थांबलेल्या संदीप पाटील, संतोष कळगुंदे व संतोष इंगळे या तिघांनाही ताब्यात घेतले. यावेळी त्यांच्याकडे गावठी बनावटीचे पिस्तुल, संतोष याच्याकडे मोठा व लहान असे दोन कोयते तर इंगळे याच्याकडे दातेरी चक्र व लोखंडी पाइपच्या माध्यमातून राऊडी राठोड फेम नव्याने तयार करण्यात आलेले हत्यार अशी हत्यारे मिळून आली. खून करण्याच्या उद्देशाने ते फिरत असल्याचे पोलिस तपासात निष्पन्न झाले आहे. गणेशनगर परिसरातील एका युवकाच्या मदतीने पाटील यांनी पिस्तुल आणल्याचेही तपासात पुढे आले. तिघाही संशयितांना न्यायालयासमोर उभे केले असता त्यांना दोन दिवसांची पोलिस कोठडी देण्यात आली. कारवाई सपोनि मानसिंग खोचे, महेश कोरे, वैभव दड्डीकर, विजय तळसकर, राजू पट्टणकुडे, ज्ञानेश्वर बांगर, वाजिद मोमीन आदींनी केली.

मोबाइल अॅप डाउनलोड करा आणि राहा अपडेट

स्वच्छतागृहांचा प्रश्न ऐरणीवर

September 3, 2015, 11:56 am

≫ Next: उभ्या पिकांवर नांगर

≪ Previous: गावठी पिस्तुलासह तिघे ताब्यात

$

0

0

दीपक मांगले, गडहिंग्लज

सीमाभागातील सामाजिक, राजकीय, शैक्षणिक, वैद्यकीय सर्वच क्षेत्रात दर्जेदार आणि उत्तम सुविधा देणारे व उपजिल्हा म्हणून ओळख असणारे गडहिंग्लज मात्र महिलांना स्वच्छतागृहे देण्यास कमी पडले आहे.

३५ हजार लोकसंख्येसाठी एकूण २८५ सार्वजनिक शौचालये तर ६१ स्वच्छतागृहे आहेत. उपलब्ध स्वच्छतागृहामध्ये महिलांची गणना अगदीच अल्प आहे. त्यामुळे कामानिमित्त घराबाहेर पडणाऱ्या महिलांना अनेक आरोग्य समस्यांना सामोरे जावे लागते.

हा विषय महिलांच्या आरोग्याशी निगडीत असल्याने याबाबत तातडीने उपाययोजना राबविण्याची गरज आहे.

अतिरिक्त जिल्हा व सत्र न्यायालय, गडहिंग्लज शहर अतिरिक्त जिल्हा पोलिस कार्यालय, उपजिल्हा रुग्णालय, पन्नासवर शैक्षणिक संस्था व बहुतांश शासकीय कार्यालयांनी व्यापलेले आहे. त्यामुळे शिक्षण व नोकरी-व्यवसायामुळे दररोज हजारोंच्या संख्येने नागरिक शहरात येत असतात. पुरुषांच्या बरोबरीने महिलाही सर्व क्षेत्रात काम करतात. पुरुषांप्रमाणेच त्यांनाही या सुविधांची आवश्यकता आहे.

शहरात विविध प्रभागात १५९ पुरुष तर १३० महिलांसाठी अशी एकूण २८५ सार्वजनिक शौचालये उपलब्ध आहेत. पुरुषांसाठी ५० तर महिलांसाठी फक्त ५ स्वच्छतागृहे आहेत. महालक्ष्मी यात्रेच्या पार्श्वभूमीवर येणाऱ्या भाविकांच्या दृष्टीने स्वच्छता गृह व शौचालयांचा प्रश्न ऐरणीवर होता. त्यावेळी काही ठिकाणी मोडकळीस आलेल्यांची बांधकाम दुरुस्ती करून घेण्यात आली. पुरुषांइतकी लोकसंख्या असून देखील तुलनेत स्त्रियांसाठी उपलब्ध सुविधा अतिशय कमी आहेत. तसेच बहुतांश स्वच्छतागृहात पाणी नसल्यामुळे यांची 'असून अडचण नसून खोळंबा' अशी स्थिती आहे.

बहुतांश ठिकाणी स्वच्छतागृह उभारणीत नागरिकांकडून विरोध होत असल्याचे दिसून येते. स्वच्छतागृह हवा पण आपल्या आसपास नको अशी मानसिक वृत्ती नागरिकामध्ये पहावयास मिळते. तर सर्व बाबतीत पन्नास टक्के आरक्षण मिळावे यासाठी लढणाऱ्या महिला आपल्या आरोग्याच्या बाबतीत मात्र उदासीन असल्याचे सार्वत्रिक चित्र आहे. सार्वजनिक ठिकाणासह शासकीय व निमशासकीय कार्यालयातही महिलांसाठी अतिशय तोकडी व्यवस्था आहे. भाजी मंडई ३, सुपर मार्केट १ व महालक्ष्मी मंदिर परिसरात १ अशी महिलांसाठी एकूण ५ स्वच्छतागृह शहरात उपलब्ध आहेत. मात्र भाजी मंडई वगळता उर्वरित ठिकाणी पाण्याआभावी वापरात नाहीत.

दैनदिन कामकाजासाठी घराबाहेर पडणाऱ्या स्त्रियांची यामुळे कुचंबणा होते. सलग दोन-तीन तास घराबाहेर पडणाऱ्या स्त्रियांना पर्याय नसल्यामुळे गरज असूनही स्वच्छतागृहाच वापर करता येत नाही.

स्त्रियांच्या आरोग्याच्या दृष्टीने नेहमीच हेळसांड झालेली आहे. नोकरी व्यवसायामुळे घरातून बाहेर पडणाऱ्या स्त्रियांना सार्वजनिक सुविधा उपलब्ध नसल्यामुळे अनेक समस्यांना तोंड द्यावे लागते. त्यामुळे युरीनला जावे लागू नये यासाठी महिला पाणी पिण्याचे टाळतात. परिणामी युरीन-इन्फेक्शन, पोटदुखीसह अनेक समस्या उद्भवतात त्याचा किडनी व गर्भाशयावर परिणाम होतो. नोकरदार स्त्रियांमध्ये तर अशा आजारांचे प्रमाण मोठ्याप्रमाणात दिसते. - डॉ. मंगल मोरबाळे, केदारी रेडेकर मेडिकल कॉलेज

मोबाइल अॅप डाउनलोड करा आणि राहा अपडेट

उभ्या पिकांवर नांगर

September 3, 2015, 11:59 am

≫ Next: पाणीसंकट भीषण

≪ Previous: स्वच्छतागृहांचा प्रश्न ऐरणीवर

$

0

0

अजय जाधव, जयसिंगपूर

एप्रिल, मे महिन्यात ७० ते १२० रूपये असणारा झेंडू फुलांचा दर आता आठ ते दहा रूपयांवर आला आहे. दर कोसळल्याने शिरोळ तालु्क्यातील झेंडू उत्पादक शेतकरी हवालदिल झाला आहे. फुलांच्या अधिक उत्पादनामुळे दर वाढण्याची शक्यताच नसल्याने काही शेतकऱ्यांनी उभ्या पिकांवर नांगर फिरविला. पिकाचे उत्पादन तर नाहीच पण आता पीक काढून टाकण्यासाठीही खर्च करावा लागणार असल्याने शेतकऱ्यांचे कंबरडे मोडले आहे.

शिरोळ तालुक्यातील कोथळी हे एकेकाळी टोमॅटोचे गाव म्हणून ओळखले जात होते. सन २००५ च्या महापुरानंतर येथील शेतकरी ऊस पिकाकडे वळले. आता शेतकरी पुन्हा भाजीपाला व फुलशेतीकडे वळले आहेत. गेल्यावर्षी ऑगस्ट महिन्यात झेंडू फुलांचा दर ३५ रूपये होता. यंदा मार्च, एप्रिल महिन्यांत हा दर ७० ते १२० रूपयांवर पोहोचला. कोथळी, दानोळी, उमळवाड, कवठेसार परिसरात सुमारे साडेतीनशे एकरहून अधिक क्षेत्रात शेतकऱ्यांनी अॅरोगोल्ड, कलकत्ता, गोल्डन जातीच्या झेंडू फुलांचे उत्पृदन घेतले. खते व औषधे व मशागतीसाठी एकरी सुमारे ५० हजार रूपयांहून अधिक खर्च केला. तोडणीच्यावेळी फुलांचे दर आठ ते दहा रूपयांवर आले आहेत.

शिरोळ तालुक्यातून भाजीपाला, फुले संघाच्या माध्यमातून झेंडू फुले मुंबई व अन्य बाजारपेठेत पाठविण्यात येतात.

मात्र यंदा झेंडूचे उत्पादन अधिक झाल्याने याचा फटका शेतकऱ्यांना बसला आहे. कोथळी येथील अशोक पुजारी, रावसो बोरगांवे यासह काही शेतकऱ्यांनी शेतातील उभी पिके काढून टाकली. तर काहींनी उभ्या पिकावर नांगर फिरविला आहे

भुर्दंड शेतकऱ्यांनाच

भाजीपाला, फुले संघाच्या माध्यमातून झेंडू फुले मुंबई व अन्य बाजारपेठेत पाठविण्यात येतात. वाहतूक भाडे, बकेट भाडे याबरोबरच दलालांना कमिशन व हमाली द्यावी लागते. दर कोसळल्याने तसेच मागणी नसल्याने कोथळी परिसरातून मुंबई येथे पाठविण्यात आलेली फुले समुद्रात ओतण्यात आली. आता हमाली, वाहतूक व बकेट भाडेही शेतकऱ्यांना द्यावे लागणार आहे.

बाजारात झेंडूचे दर कोसळले आहेत. फुलांना उठाव नाही. ३० रूपयांपेक्षा अधिक दर असेल तर शेतकऱ्यांना परवडतो. निचांकी दरामुळे शेतकरी पीक काढून टाकत आहे. - भरतेश खवाटे, भाजीपाला संघ कोथळी

एक रूपया ६० पैसे दराने कलकत्ता तर तीन रूपये, २० पैसे दराने गोल्डन जातीची रोपे आणून लावण केली. मशागतीबरोबरच औषध फवारणीसाठी एकरी ५० हजार रूपयांचा खर्च केला. दर कोसळल्याने हाताशी पिक काढून टाकावे लागले. - अशोक पुजारी, शेतकरी

मोबाइल अॅप डाउनलोड करा आणि राहा अपडेट