म. टा. प्रतिनिधी, कोल्हापूर 'गोकुळ'च्या मल्टिस्टेट विरोधात आमच्याकडे १६०० ठराव आहेत. शनिवारपर्यंत २००० ठराव आमच्या हाती असतील' असा दावा आमदार सतेज पाटील आणि हसन मुश्रीफ यांनी शुक्रवारी पत्रकार परिषदेत केला. सत्ताधाऱ्यांकडे २७८० सभासदांचा ठराव असेल तर मग त्यांनी सर्वसाधारण सभेत मल्टिस्टेटसाठी आवाजी ऐवजी गुप्त पद्धतीने मतदान घ्यावे' असे आव्हान त्यांनी दिले. सहकार कायद्यातील तरतूद आणि उत्पादकांची मागणी पाहता प्रशासनाने शनिवारी तशी यंत्रणा उभारावी, अशी सूचना केली. तर, गोकुळ स्वमालकीचा करण्याचा घाट घालणाऱ्या महाडिकांचे वर्चस्व संपुष्टात आणण्यासाठी पी. एन. पाटील यांच्याकडे नेतृत्व दिले जाईल,' अशी घोषणा आमदार मुश्रीफ यांनी यावेळी केली. आमदार मुश्रीफ म्हणाले, 'आमची गोकुळवर कधीच सत्ता नव्हती. पण दूध उत्पादकांच्या हक्कावर घाला येऊ नये यासाठी आम्ही लढा देत आहोत. गेली २५ वर्षे मल्टिस्टेटविना गोकुळ कर्नाटकासह अन्य राज्यांतून दूध संकलन करत आहे. मुंबई, पुणे, गोवा येथे दूध विक्री सुरू आहे. दुग्धजन्य पदार्थांची विक्री भारतभर केली जाते. दूध संकलन आणि विक्रीला कधीही अडचण आली नाही. मात्र गोकुळ आपल्या ताब्यात रहावा यासाठी मल्टिस्टेटचा घाट घातला आहे.' माजी आमदार सतेज पाटील म्हणाले, 'मल्टिस्टेटसाठी २७८० सभासदांचा पाठिंबा असल्याचा दावा सधाऱ्यांकडून केला जात आहे. मात्र आमच्याकडे १६०० ठराव आहेत. शनिवारपर्यंत दोन हजार ठराव दाखल होतील. सत्ताधाऱ्यांनी संर्पक दौरे सुरू केले आहेत. त्यांना सभासदांचा पाठिंबा मिळत असल्याचे सांगितले जाते. जर दोन तृतीयांश ठराव सोबत असतील तर त्यांनी गुप्त पद्धतीने मतदान घ्यावे. सभा न गुंडाळता अन्य विषयांवरही प्रश्न विचारायला संधी द्यावी. सत्ताधारी जर सभेला वकील उपस्थित ठेवणार असतील तर बचाव समितीच्या वकिलांनाही उपस्थित राहण्याची परवानगी मिळावी.' 'गोकुळ कुणाच्या बापजाद्यांची मालमत्ता नाही' अशी टीका आमदार महादेवराव महाडिक यांनी केली होती. त्याला प्रत्युत्तर देताना आमदार पाटील यांनी, 'गोकुळ महाडिकांच्या बापजाद्यांची मालमत्ता नाही' टोला लगावला. ते म्हणाले, 'कोल्हापूरचे दूध मुंबईला अडवत असल्याने गुंडगिरीत आघाडीवर असलेल्या महाडिकांना टँकर भाड्याने देण्यासाठी आनंदराव पाटील-चुयेकर यांनी आमंत्रित केले. पण टँकर भाड्याने देण्याचे निमित्त करत महाडिकांनी गोकुळवर ताबा मिळवला. आता संघ स्व मालकीचा करण्यासाठी मल्टिस्टेटचा घाट घातला आहे.' सभेला पैलवानाचा वापर 'मल्टिस्टेटचा ठराव मंजूर करण्यासाठी दूध उत्पादकांऐवजी सत्ताधाऱ्यांनी शाहूपुरी तालीम आणि कराडमधील लोकांशी संपर्क साधल्याची चर्चा सुरू आहे,' असा आरोप आमदार सतेज पाटील यांनी केला. 'सभेत बोगस सभासद घुसवले जाऊ नयेत यासाठी शनिवारी रात्री गोकुळ परिसर निर्मनुष्य केला जाणार आहे. सभास्थळी सकाळी आठ वाजल्यापासून सभासदांना सोडण्यात येणार आहे, असे पोलिस अधीक्षकांनी सांगितल्याची माहितीही त्यांनी दिली. दिल्ली बहूत दूर है 'मल्टिस्टेट' ठरावावर गुप्त मतदानाची मागणी आम्ही केली आहे. जर सत्ताधाऱ्यांनी आवाजी मतदान घेतले तर आम्ही कोर्टात जाऊ. त्यामुळे गोकुळ मल्टिस्टेट होणे अशक्य आहे. सत्ताधाऱ्यांना वाटत असेल की गोकुळ मल्टिस्टेट होणार आहे, तर त्यांनी दिल्ली बहूत दूर है हे लक्षात ठेवावे,' असा टोला मुश्रीफ यांनी मारला. गोकुळचे नेतृत्व 'पी. एन.' यांच्याकडे देणार 'गोकुळ स्वमालकीचा करण्याचा घाट घालणाऱ्या महाडिकांचे वर्चस्व संपुष्टात आणण्यासाठी पी. एन. पाटील यांच्याकडे नेतृत्व दिले जाईल,' अशी घोषणा आमदार मुश्रीफ यांनी केली. गोकुळचे ज्येष्ठ संचालक व अध्यक्ष अरुण नरके, अरुण डोंगळे यांच्यासह चंदगड, आजरा, गडहिंग्लजमधील संचालकांना एकत्र केले जाईल. पी. एन व मी एकत्र येणे ही काँग्रेस - राष्ट्रवादी काँग्रेसची आघाडी होण्याचे संकेत आहेत' असेही मुश्रीफ म्हणाले. मंत्री जानकरांचे अभिनंदन जिल्हा सहकारी दूध संघात प्राथमिक दूध उत्पादकांना मतदानाचा अधिकार देण्याची घोषणा करणाऱ्या पशूसंवर्धन, दुग्धविकास मंत्री महादेव जानकर यांचे माजी आमदार के. पी. पाटील यांनी अभिनंदन केले. 'यापूर्वी पालकमंत्री चंद्रकांत पाटील यांनीही अशीच घोषणा केली होती. आता जानकर यांनी या घोषणेची सुरुवात गोकुळपासून करावी' असे माजी आमदार पाटील म्हणाले. तर जिल्हा मध्यवर्ती बँकेत प्राथमिक सदस्यांना मतदानाचा अधिकार देण्याची तयारी आहे असे मुश्रीफ यांनी स्पष्ट केले. ०००००००० (मूळ कॉपी) मल्टिस्टेटसाठी गुप्त मतदान घ्या, बचाव समितीची मागणी म. टा. प्रतिनिधी, कोल्हापूर जिल्हा दूध उत्पादक संघ (गोकुळ) सर्वसाधारण सभेत मल्टिस्टेटचा ठराव आवाजी मतदानाने न घेता गुप्त मतदान पद्धतीने घेण्यात यावे, अशी मागणी आमदार हसन मुश्रीफ आणि आमदार सतेज पाटील यांनी पत्रकार परिषदेत केली. दूध उत्पादकांचा आग्रह आणि सहकार कायद्यातील तरतूद लक्षात घेता शनिवारी (२९) दिवसभर गुप्त मतदानासाठी यंत्रणा प्रशासनाने उभारावी, अशी सूचना केली. आमदार मुश्रीफ म्हणाले, गोकुळ हा जिल्ह्यातील दूध उत्पादकांनी घडवला आहे. गेली २५ वर्षे मल्टिस्टेट न करता गोकुळ कर्नाटकासह अन्य राज्यातून दूध संकलन करत आहे. मुंबई, पुणे, गोवा येथे दूध विक्री करत आहे. दुग्धजन्य पदार्थांची विक्री संपूर्ण भारतभर केली जात आहे. गोकुलला दूध संकलन व विक्रीला कधीही अडचण आली नव्हती. पण गोकुळ आपल्या ताब्यात रहावा यासाठी मल्टिस्टेटचा घाट घातला जात आहे. आमची गोकुळवर कधीच सत्ता नव्हती. पण दूध उत्पादकांच्या हक्कावर घाला येऊ नये यासाठी आम्ही लढा देत आहोत. सतेज पाटील म्हणाले, सत्ताधाऱ्यांकडे मल्टिस्टेटसाठी २७८० सभासदांचा पाठिंबा असल्याचा दावा केला जात आहे. आमच्याकडे १६०० ठराव आहेत. शनिवारपर्यंत आमच्याकडे दोन हजार ठराव दाखल होतील. सत्ताधाऱ्यांचा कारभार चांगला आहे. संर्पक दौरे सुरु आहेत. सभासदांचा पाठिंबा मिळत आहे. दोन तृतीयांश ठराव असतील तर त्यांनी गुप्त मतदान पद्धत अवलंबावी. तसेच गोकुळची सभा न गुंडाळता अन्य विषयावर प्रश्न विचारण्यासाठी संधी द्यावी. सत्ताधाऱ्याकडून सभेस वकील उपस्थित राहणार असतील तर बचाव समितीच्या वकिलांना उपस्थित राहण्याची परवानगी मिळावी. ००००० सभेला सत्ताधाऱ्याकडून पैलवानाचा वापर मल्टिस्टेटचा ठराव मंजूर करण्यासाठी दूध उत्पादकांऐवजी सत्ताधाऱ्यांनी शाहूपुरी तालीम व कराडमधील लोकांशी संपर्क साधल्याची चर्चा सुरु आहे, असे आमदार पाटील यांनी सांगितले. सभेत बोगस सभासद घुसवले जाऊ नयेत यासाठी शनिवारी रात्री गोकुळ परिसर निर्मनुष्य केला जाणार आहे, असे पोलिस अधीक्षकांनी स्पष्ट केले आहे. तसेच सकाळी आठ वाजल्यापासून सभासदांना सोडण्यात येणार आहे. ००००० मल्टिस्टेट होणे अशक्य मल्टिस्टेटच्या ठरावावर गुप्त मतदानाची मागणी आम्ही केली आहे. जर सत्ताधाऱ्यांनी आवाजी मतदान घेतले तर आम्हाला कोर्टात जावे लागेल. त्यामुळे गोकुळ मल्टिस्टेट होणे अशक्य आहे. सत्ताधाऱ्यांना वाटत असेल गोकुळ मल्टिस्टेट होणार आहे, तर त्यांनी "दिल्ली बहूत दूर है" हे लक्षात ठेवावे, असा टोला मुश्रीफ यांनी मारला. ००००० गोकुळही त्यांच्या बापजाद्यांची नाही गोकुळ कुणाच्या बापजाद्यांची मालमत्ता नाही अशी टीका आमदार महादेवराव महाडिक यांनी केली होती. या टीकेला प्रत्युंत्तर देताना आमदार पाटील यांनी गोकुळ महाडिकांच्या बापजाद्यांची मालमत्ता नाही टोला लगावला. कोल्हापूरचे दूध मुंबईला अडवत असल्याने गुंडगिरीत आघाडीवर असलेल्या महाडिकांना टँकर भाड्याने देण्यासाठी आनंदराव पाटील चुयेकर यांनी आमंत्रित केले. पण टँकर भाड्याने देण्याचे निमित्त करत महाडिकांनी गोकुळवर ताबा मिळवला. आता संघ स्वमालकीचा करण्यासाठी मल्टिस्टेटचा घाट घातला जात आहे. ००००० पी.एन पाटील यांना गोकुळचे नेतृत्व देणार गोकुळ स्वमालकीचा करण्याचा घाट घालणाऱ्या महाडिकांचे वर्चस्व संपुष्टात आणण्यासाठी पी.एन. पाटील यांच्याकडे नेतृत्व दिले जाईल्, अशी घोषणा आमदार मुश्रीफ यांनी केली. गोकुळचे ज्येष्ठ संचालक व अध्यक्ष अरुण नरके, अरुण डोंगळे, चंदगड, आजरा, गडहिंग्लजमधील संचालकांना एकत्र केले जाईल. पी.एन व मी एकत्र येणे ही काँग्रेस व राष्ट्रवादीची आघाडी होण्याचे संकेत असल्याचेही मुश्रीफांनी स्पष्ट केले. ०००० के.पी. पाटील यांनी केले जानकरांचे अभिनंदन जिल्हा दूध संघात प्राथमिक दूध उत्पादकांना मतदानाचा अधिकार देण्याची घोषणा करणाऱ्या पशुसंवर्धन, दुग्धविकास मंत्री महादेव जानकर यांचे माजी आमदार के.पी. पाटील यांनी अभिनंदन केले. जानकर यांनी या घोषणेची सुरुवात गोकुळपासून करावी. यापूर्वी पालकमंत्री चंद्रकांत पाटील यांनीही अशीच घोषणा केली होती. जिल्हा मध्यवर्ती बँकेतही प्राथमिक सदस्यांना मतदानाचा अधिकार देण्याची तयारी असल्याचे मुश्रीफांनी स्पष्ट केले.
मोबाइल अॅप डाउनलोड करा आणि राहा अपडेट
