कोल्हापूर टाइम्स टीम

जिल्हा परिषदेच्या सर्वसाधारण सभेस पूर्वकल्पना न देता गैरहजर राहिल्याप्रकरणी माध्यमिक शिक्षणाधिकारी किरण लोहार यांना नोटीस देण्यात आली. प्रभारी मुख्य कार्यकारी अधिकारी डॉ. रवी शिवदास यांनी ही नोटीस बजावली. 'सर्वसाधारण सभेस अनुपस्थित राहिला, जबाबदार प्रतिनिधीसही पाठविले नाही ही खेदाची बाब आहे,' असे नोटिशीत नमूद केले आहे.

सर्वसाधारण सभा १० ऑगस्ट रोजी आयोजित केली होती. त्या सभेत हजर आणि गैरहजर अधिकाऱ्यांची माहिती देण्याची मागणी सदस्य अरुण इंगवले, राजवर्धन निंबाळकर यांनी केली. त्यावेळी लोहार गैरहजर असल्याचे निदर्शनास आले. त्यांना नोटीस देऊन कारवाई करण्याची मागणी निंबाळकर यांनी केली. त्यानुसार लोहार यांना दिलेल्या नोटिशीत म्हटले आहे, जिल्हा परिषद, पंचायत समिती अधिनियमातील तरतुदीनुसार जि. प. सभांना सरकारच्या कोणत्याही अधिकाऱ्यास बोलविण्याचा अधिकार अध्यक्षांना आहे. त्यानुसार विभागाकडील योजनांचा आढावा घेण्यासाठी सभेस उपस्थित राहण्यासंबंधी कळविले होते. मात्र सभेस गैरहजर राहिला. त्याची पूर्वकल्पनाही दिली नाही. परिणामी अध्यक्ष, सदस्यांनी नाराजी व्यक्त करून नोटीस देऊन खुलासा मागण्याची सूचना केली.

दरम्यान, पंचायत राज समितीच्या दौऱ्यावेळी लोहार गैरहजर राहिले. समिती अध्यक्षाच्या परवानगी न घेता ते गैरहजर राहिल्याचा मुद्दा सदस्यांनी उपस्थित केला. काही शिक्षकांसंबंधीही तक्रारी आहेत. त्यामुळे माध्यमिक शिक्षण अधिकाऱ्यांना मंत्रालयात साक्ष देण्यासाठी हजर राहिण्याची सूचना दिल्याचे समितीचे अध्यक्ष सुधीर पारवे यांनी शासकीय विश्रामगृहावर पत्रकारांशी बोलतांना सांगितले.

कोल्हापूर: पन्हाळा तालुक्यातील माले येथील न्यू इंग्लिश स्कूलमध्ये शिक्षक दिन उत्साहात साजरा करण्यात आला. मुख्याध्यापिका एम. व्ही. कदम यांच्या हस्ते डॉ. सर्वपल्ली राधाकृष्णन यांच्या प्रतिमेचे पूजन झाले. शिक्षक दिनाचे औचित्य साधून विद्यालयाचे संपूर्ण कामकाज विद्यार्थ्यांनी पाहिले. मुख्याध्यापक म्हणून विघ्नेश पाटीलने तर उपमुख्याध्यापिका म्हणून साक्षी पाटीलने काम पाहिले. रोहन पाटीलने पर्यवेक्षकपदाची जबाबदारी सांभाळली. कार्यक्रमाचे नियोजन एम. आर. भिसे यांनी केले. ए. बी. पाटील यांनी आभार मानले.

फोटो आहे...

आरोग्यमित्र बंटी सावंत आणि मित्रांचा उपक्रम

कोल्हापूर टाइम्स टीम

वाढदिवस म्हटला की हार तुरे, स्वागत समारंभ असा कार्यक्रम ठरलेला. मात्र या खर्चाला फाटा देत छत्रपती प्रमिलाराजे रुग्णालयाला वस्तू स्वरुपात मदत करण्याचा सामाजिक उपक्रम आरोग्यमित्र बंटी सावंत व त्यांच्या मित्रपरिवारांनी राबविला. सावंत यांच्या वाढदिनाचे औचित्य साधून सीपीआरला एक लाख २२ हजार रुपयांच्या वैद्यकीय साहित्यांची मदत करण्यात आली.

सावंत हे सीपीआरमध्ये आरोग्यमित्र म्हणून कार्यरत आहेत. गेली दोन वर्षे त्यांच्या वाढदिनाचे औचित्य साधून मित्र परिवाराने सामाजिक उपक्रम राबविण्यास सुरुवात केली आहे. गेल्यावर्षी त्यांनी सीपीआरला एक लाख साठ हजार रुपयांच्या किंमतीचे साहित्य वितरित केले. यंदाही वाढदिवसाला होणाऱ्या सर्व खर्चाला फाटा दिला. मित्र परिवाराने रक्कम जमा केली. जवळपास एक लाख २२ हजार रुपये जमा झाले. त्या माध्यमातून सीपीआरमधील मानसोपचार विभागाला चार बेड, मोतीबिंदू शस्त्रक्रियेनंतर वापरण्यात येणारे १५० लेन्स आणि साठ हजार रुपये खर्चून शवविच्छेदानासाठी आवश्यक साहित्य दिले. मधुरिमाराजे छत्रपती, विश्वविजय खानविलकर, बाबा सावंत व आरोग्यमित्र सावंत यांच्या उपस्थितीत मेडिकल कॉलेजचे अधिष्ठाता डॉ. सुधीर नणंदकर, जिल्हा शल्य चिकित्सक डॉ. बी. सी. पाटील यांच्याकडे साहित्य सुपूर्द केले. याप्रसंगी डॉ. दत्ता पावले, डॉ. पवन खोत, डॉ. सुजाता वैराट यांच्यासह अनेकजण उपस्थित होते.

गंगावेश, पापाची तिकटी, चप्पल लाइनवर ड्रर्क ट्रॅक

फोटो आहेत

कोल्हापूर टाइम्स टीम

विघ्नहर्ता बाप्पांचे आगमन अवघ्या पाच दिवसांवर आले असले तरी शहरातील रस्त्यांची अवस्था जैसे थे असून यंदाही बाप्पांचा प्रवास खड्डेमय रस्त्यातूनच होणार आहे. तीन महिन्याच्या संततधार पावसामुळे तयार झालेले खड्डे दोनवेळा मुरूम टाकून भरले असले तरी तकलादू दुरुस्तीनंतर पुन्हा खड्डे पडले आहेत. त्यामुळे आपल्या गणरायाचे स्वागत करण्यासाठी गणेशभक्तांना खड्ड्यांतूनच मार्गक्रमण करावे लागणार आहे.

घरगुती गणपती व सार्वजनिक मंडळाच्या गणपती बाप्पांच्या स्वागतासाठी घरोघरी आणि मंडळांमध्ये तयारी सुरू झाली आहे. कुंभारवाड्यात गणेशमूर्तींवर अखरेचा हात फिरवला जात असताना भाविक मूर्ती बुकिंगसाठी गर्दी करू लागले आहेत. आगमनासाठी पाच दिवसांचा अवधी असला, तरी तयारीला वेग आला आहे. एकीकडे असे वातावरण असताना डागडुजी न केल्यामुळे शहरातील रस्ते खड्डेमयच आहेत.

घरगुती गणपती व सार्वजनिक मंडळांच्या गणेश मूर्तींची पापाची तिकटी व गंगावेश येथून मोठ्या प्रमाणात विक्री होते. तसेच बाजार गेट व पानलाइन येथून सजावटीचे साहित्य भाविक खरेदी करतात. परिणामी गणेश चतुर्थी दिवशी याठिकाणी भाविकांची गर्दी असते. या दोन्ही ठिकाणी येणाऱ्या रस्त्यांची मोठी दुरवस्था झाली आहे. चप्पललाइन ते गंगावेश, गंगावेश ते पानलाइन, तटाकडील तालीम ते रंकाळा स्टँड, गंगावेशीतील घाटाकडे जाणारा रस्ता अशा सर्वच प्रमुख मार्गावर मोठे खड्डे पडले आहेत. मणियार मस्जिद ते लोणार गल्ली रस्त्याचा अपवाद वगळता सर्वच रस्त्यांवर खड्डे असल्याने या खड्ड्यांतून भाविकांना मार्ग काढावा लागणार आहे.

जूनपासून सुरू असलेल्या संततधार पावसामुळे या रस्त्यांची चाळण झाली आहे. रस्त्यावर पडलेले खड्डे महापालिकेने दोनवेळा मुरूम टाकून भरण्याचा प्रयत्न केला. पण हा प्रयत्न तकलादू ठरला. मुरुम पुन्हा पावसामुळे वाहून गेल्याने रस्त्यावरील खड्डे पुन्हा मोठे झाले. पावसाळ्यापूर्वी या रस्त्यांची डागडुजी करणे अपेक्षित होते, पण महापालिका प्रशासनाने याकडे दुलर्क्ष केल्याने रस्त्यांची अवस्था अधिकच दयनीय झाली आहे. प्रमुख रस्त्यांसह या परिसरातील अंतर्गत रस्त्यांची वाताहत झाली असून ठिकठिकाणी पडलेल्या खड्ड्यांमुळे नागरिक हैराण झाले आहेत. वाहनधारकांना तर या मार्गावर वाहन चालवताना ड्रर्क ट्रॅकचा अनुभव येत आहे. ठिकठिकाणी पडलेल्या रस्त्यांवरील खड्डे बुजविण्यात आले, परंतु प्रशासनाचा हा प्रयत्न तकलादू ठरला आहे.

म. टा. प्रतिनिधी, कोल्हापूर

'पालकमंत्री चंद्रकांत पाटील यांनी यापुढे निवडणूक लढवणार नाही अशी घोषणा केली असली तरी पक्षाचा आदेश व कार्यकर्त्यांच्या आग्रहामुळे पालकमंत्री पाटील निवडणुकीत सक्रीय राहतील', असा विश्वास पश्चिम महाराष्ट्र देवस्थान व्यवस्थापन समितीचे अध्यक्ष महेश जाधव यांनी शुक्रवारी पत्रकार परिषदेत व्यक्त केला.

पोलिस दलाच्यावतीने आयोजित गणराया अॅवॉर्ड वितरण कार्यक्रमात पालकमंत्री पाटील यांनी यापुढे लोकसभा, विधानसभा किंवा पदवीधर मतदारसंघाची निवडणूक लढवणार नाही, अशी घोषणा केली. या घोषणेनंतर राज्यात खळबळ उडाली. जिल्ह्यातील भाजप पदाधिकारी व कार्यकर्त्यांना शुक्रवारी सकाळपासून पालकमंत्र्याच्या घोषणेबाबत विचारणा होत होती. त्यानंतर जिल्ह्यातील पदाधिकाऱ्यांची शुक्रवारी सकाळी अकरा वाजता बैठक झाली. बैठकीत पालकमंत्र्यांनी निवडणुकीत सक्रीय राहिले पाहिजे. यासाठी आग्रह धरण्याचा निर्णय घेण्यात आला.

बैठकीतील निर्णयांची माहिती देवस्थान समितीचे अध्यक्ष जाधव यांनी दिली. ते म्हणाले, 'पालकमंत्री पाटील यांनी पश्चिम महाराष्ट्रात भाजप पक्षाचा विस्तार केला आहे. पक्षांकडून त्यांच्यावर विविध जबाबदाऱ्या टाकण्यात आल्या आहेत. आगामी लोकसभा, विधानसभा निवडणुकीत पालकमंत्री पाटील यांची भूमिका महत्वाची आहे. कोणतीही अभिलाषा न ठेवता काम करणारे पालकमंत्री सामाजिक कार्य करत आहेत. अनेकांना मदत करत आहेत. पालकमंत्री पाटील निवडणूक डोळयासमोर ठेऊन सामाजिक काम, उपक्रम, आर्थिक मदत करत आहेत, अशी टीका त्यांच्यावर होत आहे. त्यामुळे पालकमंत्र्यांनी लोकसभा, विधानसभा, विधान परिषद निवडणूक लढवणार नसल्याची भावना व्यक्त केली. पालकमंत्र्यांनी जरी अशी भावना व्यक्त केली असली तरी पक्षादेश पाळणे त्यांना बंधनकारक ठरणार आहे. पक्षाने आदेश दिल्यास पालकमंत्री पाटील यांना लोकसभा, विधानसभा, विधान परिषद निवडणूक लढवावी लागेल. त्यासाठी कार्यकर्ते आग्रही राहणार आहेत.'

पत्रकार परिषदेला महानगर अध्यक्ष संदीप देसाई, सरचिटणीस विजय जाधव, अशोक देसाई, माजी नगरसेवक आर. डी. पाटील, राहुल चिकोडे, हेमंत आराध्ये, अमोल पालोजी यांच्यासह पदाधिकारी, कार्यकर्ते उपस्थित होते.

Uddhav.Godase@timesgroup.com

Tweet@Uddhavg_MT

कोल्हापूर : कोल्हापूर विमानतळावरून मोठ्या विमानांचे उड्डाण आणि नाइट लँडिंग शक्य व्हावे यासाठी विमानतळ प्राधिकरणने 'प्लॅन बी' तयार केला आहे. उड्डाण मार्गातील अडथळे हटवण्याशिवाय मोठ्या विमानांचे उड्डाण शक्य होणार आहे. यासाठी नेर्ली, तामगाव आणि गोकुळ शिरगाव हद्दीतील ६४ एकर जागेची मागणी विमानतळ प्राधिकरणने केली आहे. याचा प्रस्ताव जिल्हाधिकाऱ्यांकडे सादर केला आहे. लवकरच याला मंजुरी मिळण्याची शक्यता आहे.

कोल्हापूर विमानतळावरून सध्या एअर डेक्कन कंपनीकडून आठवड्यातून तीन दिवस मुंबईसाठी विमानसेवा सुरू आहे. या विमानाची क्षमता केवळ १८ सिटची असल्याने मोठ्या प्रवासी क्षमतेची विमानसेवा सुरू करावी, असा आग्रह सुरू आहे. यादृष्टीने विमानतळाच्या धावपट्टीचे विस्तारीकरण करण्यास मंजुरी मिळाली असून, पावसाळ्यानंतर तातडीने कामाला सुरुवात होणार आहे. दरम्यान, मोठी विमाने उतरण्यासह नाईट लँडिंगसाठी उड्डाण मार्गात १३२ अडथळे असल्याचे विमानतळ प्राधिकरणच्या अधिकाऱ्यांनी सांगितले होते. ऑगस्ट महिन्यात जिल्हाधिकारी आणि लोकप्रतिनिधींसोबत झालेल्या बैठकीतही प्राधिकरणच्या अधिकाऱ्यांनी अडथळे हटवण्याचा आग्रह धरला होता. त्याचवेळी खासदार धनंजय महाडिक यांनी अडथळे हटवण्याशिवाय दुसरा पर्याय शोधण्याची सूचना केली होती. यानुसार विमानतळ प्राधिकरणच्या अधिकाऱ्यांनी प्लॅन बी तयार केला.

'विमानतळ प्राधिकरणने तयार केलेल्या प्लॅन बीमध्ये आणखी ६४ एकर जागेची मागणी केली आहे. विमानतळालगत नेर्ली, तामगाव आणि गोकुळ शिरगावच्या हद्दीत ही जागा आहे. जागेच्या उपलब्धतेमुळे विमानतळाची धावपट्टी वाढवणे शक्य होणार आहे. त्याचबरोबर राखीव जागाही मिळणार आहे. प्रस्तावित ६४ एकरातील बहुतांश जागा सरकारी आहे, त्यामुळे भूसंपादनात फारशी अडचणी नाहीत. विमानतळ प्राधिकरणच्या अधिकाऱ्यांनी हा प्रस्ताव जिल्हाधिकारी अविनाश सुभेदार यांच्याकडे नुकताच सादर केला आहे. लवकरच जिल्हाधिकाऱ्यांकडून याला मंजुरी मिळण्याची शक्यता आहे,' अशी माहिती खासदार धनंजय महाडिक यांनी दिली.

अडथळ्यांना मिळ‌णार दिलासा

विमानाच्या उड्डाण मार्गात सध्या १३२ अडथळे आहेत. यात महामार्गालगतचे कॅन्सर हॉस्पिटल, केआयटी कॉलेजची इमारत, कळंबा येथील पॉवर ग्रीड, बीएसएनएलचे टॉवर, चित्रनगरीची इमारत यासह काही खासगी इमारतींचाही समावेश आहे. हे अडथळे सहजासहजी काढणे शक्य नाही. त्यामुळे विमानतळ प्राधिकरणने अन्य पर्याय शोधावेत, असा आग्रह लोकप्रतिनिधींनी धरला होता. ६४ एकराच्या विस्तारानंतर मोठ्या विमानांना विमानतळावर उतरणे आणि उड्डाण करणे शक्य होणार असल्याने इतर अडथळ्यांना दिलासा मिळणार आहे. २० किलोमीटर अंतरातील इमारतींच्या उंचीबाबत अद्याप संभ्रमावस्था आहे.

धावपट्टीच्या कामाला पावसाळ्यानंतर सुरुवात

धावपट्टीची सध्याची लांबी १३२० मीटर आहे. लांबी वाढवण्याला मंजुरी मिळाली असून, यासाठी ७४ कोटी रुपयांचा निधीदेखील मिळाला आहे. हरियाणातील एनएससी कंपनीला कामाचा ठेका मिळाला आहे. कंपनीच्या अधिकाऱ्यांनी धावपट्टीची पाहणी केली. पावसाळ्यानंतर काम सुरू करून तातडीने संपवले जाईल. त्यानंतर येथे मोठ्या विमानांचे उड्डाण शक्य होणार आहे. शिवाय मालवाहतूक करणारी मोठी विमानेदेखील उतरू शकतील. कोल्हापूरसह परिसराच्या विकासासाठी ही बाब पूरक ठरणार आहे.

मटा भूमिका

विस्तारीकरणाला

हवी गती

कोल्हापूरच्या विकासाला गती येण्यासाठी विमानसेवा अत्यावश्यक आहे. गेली पाच-सहा वर्षे रखडलेली विमानसेवा अलिकडेच सुरू झाली. मात्र, आठवड्यातील केवळ तीन दिवस आणि तेही १८ प्रवासी क्षमतेचे विमान येत आहे. नियमित विमानसेवा नसल्याने मोठ्या कंपन्या कोल्हापूरकडे पाठ फिरवतात. उद्योगांना पूरक वातावरण, पाण्याची उपलब्धता, कुशल मनुष्यबळ असूनही केवळ विमानसेवा नसल्याने मोठ्या कंपन्यांची गुंतवणूक होत नाही. यामुळे रोजगार निर्मिती खुंटली असून, पुणे, नाशिक, औरंगाबाद अशा शहरांच्या तुलनेत कोल्हापूर मागे पडत आहे. बेळगाव, हुबळी ही कर्नाटकातील शहरे वेगाने विकसित होत आहेत. कोल्हापुरातील उद्योग कर्नाटकात जाण्याचा धोका आहे. त्यांना रोखण्यासाठी तातडीने नियमित विमानसेवा सुरू होणे गरजेचे आहे. यासाठी राज्य सरकारसह विमानतळ प्राधिकरण, जिल्हा प्रशासन आणि लोकप्रतिनिधींना एकत्रित प्रयत्न करावे लागतील.

ज्वेलरीचा अभ्यसक्रम १५ सप्टेंबरपासून

म. टा. प्रतिनिधी, कोल्हापूर

शासकीय तंत्रनिकेतन येथील सेंटर ऑफ एक्सलन्स इन जेम्स अँड ज्वेलरी या विभागात १५ सप्टेंबरपासून दोन अभ्यासक्रम सुरू होणार आहेत. हँड स्केच डिझाइनर आणि कॅड ऑपरेटर या अभ्यासक्रमांना प्रवेश घेऊन इच्छुकांनी ज्वेलरी क्षेत्रात करिअर करावे, असे आवाहन कोल्हापूर जिल्हा सराफ संघाचे अध्यक्ष भरत ओसवाल यांनी केले आहे.

जिल्हा सराफ संघ आणि शासकीय तंत्रनिकेतन यांच्या संयुक्त विद्यमाने सेंटर ऑफ एक्सलन्स इन जेम्स अँड ज्वेलरी विभाग सुरू केला आहे. या सेंटरच्या माध्यमातून सराफ व्यवसायासाठी कुशल मनुष्यबळ तयार केले जाणार आहे. हँड स्केच डिझायनर आणि कॅड ऑपरेटर हे दोन लघुकालीन अभ्यासक्रम १५ सप्टेंबरपासून सुरू होणार आहेत. यात डिझाइन प्रिन्सिपल, मॅन्युफॅक्चरिंग टेक्निक्स, ज्वेलरीचे विविध प्रकार, सेटिंग प्रकार, विविध सांस्कृतिक वारसा जतन केलेले दागिन्यांचे प्रकार यांचे शिक्षण दिले जाईल. कॅड ऑपरेटर कोर्समध्ये हायनो सॉफ्टवेअर, टू डी कर्व्ह तयार करणे, एडिट करणे, विवध प्रतिमा, पिक्चर फ्रेम यांची माहिती दिली जाणार आहे. प्राचार्य प्रशांत पट्टलवार, मुख्य समन्वयक शशांक मांडरे, सहसमन्वयक कुणाल बोरसे, आदींच्या समितीने अभ्यासक्रम तयार केला आहे. ज्वेलरी उद्योगात करिअर करू पाहणाऱ्या इच्छुकांसाठी हे दोन्ही अभ्यासक्रम अतिशय उपयुक्त आहेत. अभ्यासक्रमासाठी प्रवेश घेणाऱ्यांना कोणतेही शुल्क आकारले जाणार नाही. तज्ज्ञांचे मार्गदर्शन मिळणार असल्याने या क्षेत्रात करिअर करू पाहणाऱ्या इच्छुकांनी प्रवेश घ्यावा. यासाठी शासकीय तंत्रनिकेतन येथे संपर्क साधावा, असे आवाहन ओसवाल यांनी केले आहे.

Maruti.Patil@timesgroup.com

tweet: @MarutipatilMT

कोल्हापूर : दुकानगाळ्यांचे भाडे प्रचलित दराने भरायचे की रेडीरेकनरनुसार द्यायचे, या घोळात महापालिकेच्या दुकानगाळेधारकांनी तब्बल तीन वर्षांचे भाडेच जमा केलेले नाही. अशा मिळकतधारकांवर महापालिकेने कारवाईचा बडगा उगारला आहे. महानगरपालिका अधिनिय १९४९च्या कलम ८१ (ब) नुसार १२०० दुकानधारकांना नोटिसा बजावल्या आहेत. दुकानधारकांनी तीन वर्षांची थकबाकी एक महिन्याच्या आत जमा न केल्यास महापालिकेने दुकानगाळे ताब्यात घेण्याची अंतिम कारवाईचा निर्णय घेतला आहे. दुकानदारांनी गाळाभाडे भरल्यास महापालिकेच्या तिजोरीत २५ कोटी ५० लाख रुपये जमा होतील.

शहरात महापालिकेच्या मालकीची २२ मार्केट आहेत. त्याठिकाणी २०९५ दुकानगाळे आहेत. संबंधीत दुकानगाळे ११ महिने, तीन वर्षे, २० वर्षे व ३० वर्षे अशा कालावधीच्या कराराने भाड्याने दिले आहेत. यापैकी १,५३५ गाळेधारकांची मुदत संपलेली आहे. मुदतवाढीसाठी इस्टेट विभागाकडे अर्ज दाखल केलेले नसतानाही व्यापाऱ्यांकडून भाडे वसुली सुरू होती. त्यानंतर प्रशासनाने दुकानगाळ्यांसंदर्भात सुधारित धोरण ठरवले. त्यानुसार प्रस्ताव तयार करून महासभेसमोर ठेवला. नोव्हेंबर २०१२रोजी झालेल्या सभेत भाडेवाढीचा प्रस्ताव मंजूर झाला. दुकानगाळ्यांना मुदतवाढ देताना मुदतीत अर्ज केलेल्या व्यापाऱ्यांना चालू रेडीरेकनरच्या तीनपट भाडे आकारावे. तसेच ज्यांनी मुदतवाढीसाठी अर्ज केले नाहीत, त्यांना मुदत संपलेल्या तारखेपासून रेडीरेकनरच्या पाचपट भाडे आकारण्याचा ठराव मंजूर करण्यात आला. दरवर्षी भाड्यामध्ये १५ टक्के वाढ करण्याची शिफारस केली. महासभेच्या मंजुरीनंतर भाडेवाढीला व्यापाऱ्यांनी तीव्र विरोध केला, तरीही भाडेवाढीचा प्रस्ताव राज्य सरकारला पाठवण्यात आला.

राज्य सरकारकडून प्रस्तावाला मंजुरी मिळेपर्यंत दुकानधारकांना सुधारीत दराप्रमाणे भाडे भरण्यासाठी इस्टेट विभागाने नोटिसा पाठवल्या. काहीठिकाणी वसुली मोहीम राबवली. महापालिकेच्या कारवाईला काही व्यापाऱ्यांनी प्रतिसाद दिला. तर काही व्यापाऱ्यांनी कोर्टात दाद मागितली. त्याचवेळी महापालिकेच्या प्रस्तावाला राज्य सरकारच्या नगरविकास खात्याने मंजुरी देत रेडीरेकनरप्रमाणे भाडे वसूल करण्याचे आदेश दिले. त्यानुसार महापालिकने एक एप्रिल २०१६ पासून थकीत भाडे वसुलीसाठी अनेकवेळा दुकानधारकांना लेखी कळवले. मात्र, दुकानधारकांनी याला अल्प प्रतिसाद दिल्याने महापालिकेने अंतिम कारवाईस सुरुवात केली आहे.

याचा एक भाग म्हणून थकीत १२०० गाळेधारकांना दुकाने ताब्यात का घेऊ नयेत, अशी नोटीस बजावली आहे. एक महिन्याचा आत थकीत भाडे जमा न केल्यास गाळे ताब्यात घेतले जाणार आहेत.

कारवाईतून सुटका

महापालिकेच्या शहरातील विविध ४० ठिकाणच्या मार्केट्समध्ये गाळे भाडेतत्वावर दिले आहेत. त्याचबरोबर पाच वार्डातील खुल्या जागाही भुईभाड्याने दिल्या. सुधारित भाड्यानुसार खुल्या जागेतील ६० मिळकतधारकांनी रेडीरेकनर दराप्रमाणे भाडे महापालिकेकडे जमा केले. यामध्ये दसरा चौक येथील तिबेटीयन व्यवसायिकांचाही समावेश आहे. खुल्या जागेवरील काही मिळकतधारकांनी भाडे जमा केलेले नाही. त्यांच्यावरही अशाच पद्धतीने महापालिका कारवाई करणार आहे. खुल्या जागेतील मिळतधारकांबरोबर तुळजाभवनी मार्केटमधील गाळेधारकांनी सुधारित दराप्रमाणे महापालिकेकडे भाडे जमा केले आहे. त्यांचीही कारवाईतून सुटका झाली आहे.

कायदा काय सांगतो?

महानगरपालिका अधिनियम १९४९ नुसार महापालिका क्षेत्रातील खुल्या अथवा बंदिस्त जागा विविध मुदतीने भाडेतत्वावर देऊ शकते. भाडेतत्वावर दिलेल्या जागेचे भाडे सलग दोन महिने थकीत राहिल्यास महानगरपालिका अधिनियम १९४९ च्या कलम ८१ 'ब' नुसार ताब्यात घेऊ शकते. अधिनियमातील या कलमाचा आधार घेत महापालिकेने तीन वर्षांपासून थकीत असलेल्या दुकानधारकांना अंतिम नोटीस बजावली आहे.

२२

मार्केट

४०

व्यवसायाची ठिकाणे

२०९५

एकूण गाळे

१५३५

करार संपलेले गाळेधारक

१२००

नोटीस बजावलेले गाळेधारक

२५ कोटी ५० लाख

थकीत रक्कम

Gurubal.mali@timesgroup.com

@gurubalmaliMT

कोल्हापूर : विधानसभेची लढाई अजून दीड वर्षे लांब आहे. तरीही पूर्वतयारी म्हणून विविध राजकीय पक्षांनी उमेदवारांची घोषणा सुरू केली आहे. यामध्ये आघाडी घेताना भाजपने 'कोल्हापूर उत्तर' मतदारसंघातून पश्चिम महाराष्ट्र देवस्थान समितीचे अध्यक्ष महेश जाधव यांच्या हाती उमेदवारीचा नारळ दिला. शिवसेनेचा धणुष्यबाण आमदार राजेक्ष क्षीरसागर यांच्याकडेच राहणार आहे. विरोधी उमेदवारांची लांग ठरली असताना काँग्रेस आणि राष्ट्रवादी काँग्रेस हे दोन पक्ष अद्याप जागा कुणाच्या वाटेला जाणार यावरच संघर्ष करत आहेत.

'कोल्हापूर उत्तर'च्या उमेदवारीसाठी सर्वच पक्षांत राजकीय घडामोडी वाढल्या आहेत. इच्छुकांनी विविध मार्गांनी आपले नाव पुढे दामटण्याचा प्रयत्न सुरू केला आहे. सेनेचे उमेदवार निश्चित आहेत. त्यांच्याविरोधात भाजपचे उमेदवार कोण याबाबत उत्सुकता होती. गेल्यावेळी निवडणूक लढवलेले जाधव यांच्यासह महसूल मंत्री चंद्रकांत पाटील, मधुरिमाराजे छत्रपती, सत्यजित कदम या चौघांबाबत चर्चा सुरू होती. जाधव यांच्या उमेदवारीबाबत महसूलमंत्री पाटील यांनी घोषणा केल्याने तूर्त त्यांचा मार्ग मोकळा झाला आहे.

काँग्रेस-राष्ट्रवादी आघाडीच्या जागा वाटपात ही जागा काँग्रेसकडे आहे. आघाडी झालीच तर ती जागा मिळावी यासाठी राष्ट्रवादीची धडपड सुरू आहे. पण आघाडी होण्याची शक्यता कमी आहे. त्यामुळे काँग्रेसचे उमेदवार म्हणून ऋतुराज पाटील यांचे 'हात' सध्यातरी बळकट आहेत. शिवाय माजी महापौर सागर चव्हाण, युवा नेते दौलत देसाई यांचीही नावे चर्चेत आहेत. देसाईंनी फिल्डींग लावण्यास सुरूवात केली आहे. राष्ट्रवादीचे उमेदवार म्हणून आर. के. पोवार यांच्याच हातात घड्याळ बांधले जाण्याची चिन्हे आहेत. पराभवाचा इतिहास लक्षात घेत युवानेत्यांना संधी देण्याचा निर्णय झाल्यास राजू लाटकर आणि आदिल फरास यांची नावे पुढे येऊ शकतात. दोन्ही काँग्रेसच्या उमेदवारांची केवळ चर्चाच सुरू आहे. महसूलमंत्री पाटील हे निवडणूक लढवणार आहेत. त्यामुळे वेळ आलीच तर ते 'कोल्हापूर उत्तर'ला प्राधान्य देतील. पण, पश्चिम महाराष्ट्रात भाजपला जादा जागा मिळवून देण्यासाठी त्यांना फिरावे लागणार आहे. उमेदवारीची माळ गळ्यात घेतल्यास बंधने येणार आहेत. त्यामुळे सध्यातरी जाधव यांनाच ताकद मिळणार आहे. जाधव आणि क्षीरसागर यांना तयारीसाठी भरपूर वेळ मिळेल. याउलट दोन्ही काँग्रेसचे उमेदवार निश्चित होत नसल्याने त्यांची मोठी अडचण होणार आहे.

मधुरिमाराजेंचा पक्ष कोणता

शिवसेना वगळता सर्वच पक्षांना प्रबळ उमेदवार म्हणून मधुरिमाराजे छत्रपती यांच्या उमेदवारीवर भरवसा आहे. मात्र त्यांचा पक्ष निश्चित होत नसल्याने इतरांना प्रतिक्षा करावी लागत आहे. त्यांच्या उमेदवारीबाबत श्रीमंत शाहू महाराज यांचा शब्द अंतिम ठरणार आहे. सध्यातरी त्यांचा कल भाजपकडे नाही. काँग्रेसने त्यांच्याकडे मधुरिमाराजे यांच्या उमेदवारीचा आग्रह धरला आहे. आघाडी धर्मानुसार जागा राष्ट्रवादीकडे गेली तर तो पक्षदेखील उमेदवारी त्यांनाच देईल. या सर्व मधुरिमाराजे कोणता पक्ष निवडणार याची उत्सुकता आहे.

सत्यजित कदम यांची अडचण

गेल्या निवडणुकीत काँग्रेसच्या चिन्हावर ४५ हजारांवर मते घेतलेल्या सत्यजित कदम यांची विधानसभेच्या साठमारीत मोठी अडचण झाली आहे. ते काँग्रेस सोडून ताराराणी आघाडीत आले आहेत. ही आघाडी भाजपसोबत आहे. तिथे उमेदवार निश्चित आहे. आमदार सतेज पाटील यांच्यामुळे त्यांचे परतीचे दोर कापले आहेत. महाडिक गटाचा शिक्का असल्याने तयारी असूनही पक्ष कोणता या संभ्रमात त्यांचा घोडा अडकला आहे.

कोल्हापूर टाइम्स टीम

जिल्हा परिषदेच्या सर्वसाधारण सभेस पूर्वकल्पना न देता गैरहजर राहिल्याप्रकरणी माध्यमिक शिक्षणाधिकारी किरण लोहार यांना नोटीस देण्यात आली. प्रभारी मुख्य कार्यकारी अधिकारी डॉ. रवी शिवदास यांनी ही नोटीस बजावली. 'सर्वसाधारण सभेस अनुपस्थित राहिला, जबाबदार प्रतिनिधीसही पाठविले नाही ही खेदाची बाब आहे,' असे नोटिशीत नमूद केले आहे.

सर्वसाधारण सभा १० ऑगस्ट रोजी आयोजित केली होती. त्या सभेत हजर आणि गैरहजर अधिकाऱ्यांची माहिती देण्याची मागणी सदस्य अरुण इंगवले, राजवर्धन निंबाळकर यांनी केली. त्यावेळी लोहार गैरहजर असल्याचे निदर्शनास आले. त्यांना नोटीस देऊन कारवाई करण्याची मागणी निंबाळकर यांनी केली. त्यानुसार लोहार यांना दिलेल्या नोटिशीत म्हटले आहे, जिल्हा परिषद, पंचायत समिती अधिनियमातील तरतुदीनुसार जि. प. सभांना सरकारच्या कोणत्याही अधिकाऱ्यास बोलविण्याचा अधिकार अध्यक्षांना आहे. त्यानुसार विभागाकडील योजनांचा आढावा घेण्यासाठी सभेस उपस्थित राहण्यासंबंधी कळविले होते. मात्र सभेस गैरहजर राहिला. त्याची पूर्वकल्पनाही दिली नाही. परिणामी अध्यक्ष, सदस्यांनी नाराजी व्यक्त करून नोटीस देऊन खुलासा मागण्याची सूचना केली.

दरम्यान, पंचायत राज समितीच्या दौऱ्यावेळी लोहार गैरहजर राहिले. समिती अध्यक्षाच्या परवानगी न घेता ते गैरहजर राहिल्याचा मुद्दा सदस्यांनी उपस्थित केला. काही शिक्षकांसंबंधीही तक्रारी आहेत. त्यामुळे माध्यमिक शिक्षण अधिकाऱ्यांना मंत्रालयात साक्ष देण्यासाठी हजर राहिण्याची सूचना दिल्याचे समितीचे अध्यक्ष सुधीर पारवे यांनी शासकीय विश्रामगृहावर पत्रकारांशी बोलतांना सांगितले.

दागिने, मिठाई, पुजेच्या साहित्यामध्ये वैविध्य

कोल्हापूर टाइम्स टीम

गणरायाच्या स्वागतासाठी करवीरनगरीतील बाजारपेठ सज्ज झाली आहे. सजावटीच्या साहित्याबरोबर दागिने, मिठाई, फळे, फुले, पुजेचे साहित्यात वैविध्य असून खरेदी-विक्रीत मोठी उलाढाल सुरू आहे. महाद्वार रोड, पापाची तिकटी, बाजार गेट, लक्ष्मीपुरी, राजारामपुरी येथे खरेदीसाठी ग्राहकांकडून मोठी मागणी असून बाजारपेठेत मोठी गर्दी वाढू लागली आहे.

०००००

यंदा इको फ्रेंडली सजावट

थर्माकोल आणि प्लास्टिक वस्तूंवर बंदी घातल्याने यंदा इको फ्रेंडली सजावटीची मखरे बाजारात आली आहेत. प्लायवूडची टिकाऊ मखर, सिंहासन, मंदिर लक्ष वेधून घेत असून लेसचा वापर करून आकर्षक कलाकुसर केली आहे. बिलोरीद्वारे मखरे आकर्षक केली आहेत. प्लायवूडचे नक्षीकाम केलेल्या मखरांना मोठी मागणी आहे. ५०० रुपयांपासून दीड ते दोन हजार रुपये मखरांची किंमत आहे. पुठ्ठे व कार्डशीटचे फोल्ड असलेल्या इको फ्रेंडली मखरांनाही मागणी आहे. कापड, मणी, लेसचे पडदेही बाजारात आले आहेत. माळा, तोरणांनाही मोठी मागणी आहे.

चांदीच्या केळीचे घड आणि ऊस

गणपतीसाठी पारंपरिक दागिन्यांबरोबर चांदीचे केळीचे घड, उसाला भाविकांकडून पसंती मिळत आहे. गणपतीसाठी दरवर्षी नवीन दागिने खरेदी करतात. त्यामध्ये किरीट, त्रिशूल, परशू, माळा, तोडे, शेला या पारंपरिक दागिन्यासह मोदक, पुजेचे साहित्य दुर्वा, फुले, काजू, बदाम या दागिन्यांना मोठी मागणी आहे. चांदीबरोबर सोन्याचे दागिने तयार करण्याकडे कल वाढला आहे. यंदा मोत्याची चिकमाळही बाजारात असून मीनकाम केलेले चांदीचे केळीचे घड व उसालाही ग्राहकांची पसंती आहे, अशी माहिती सोनाली चिपडे यांनी दिली.

चॉकलेट, अंजीर मोदकाला पसंती

गणेश उत्सवात खवा व मलई मोदकाबरोबर चॉकलेट व अंजीर मोदक बाजारात आले आहेत. खव्याच्या मोदकामध्ये पिस्ता व ऑरेंज तर मलई मध्ये मँगो, अंजीर, चॉकलेट मोदकांना ग्राहकांची पसंती आहे. तळलेले मोदक दहा रुपये नग तर उकडीचे मोदक १५ ते १८ रुपयांना आहेत. म्हैसूरपाक, बुंदी लाडू, बुंदी, खाजा या मिठाईंलाही मागणी वाढत आहे. गौरीसाठी रवा, बेसन लाडूसह बाकरवडी, करंजी, चिवडा, शेव यांना मागणी असते, अशी माहिती मिठाई व्यावसायिक चंद्रकांत वडणगेकर यांनी दिली.

सफरचंदाची मोठी आवक

श्रावण, भाद्रपद महिन्यांत देशी सफरचंद बाजारात येतात. गणेशोत्सवात पुजेला ठेवण्यासाठी सफरचंदाना मागणी असल्याने आवक वाढली आहे. हिमाचल प्रदेशातील गोड सफरचंदाला मोठी मागणी असून परदेशी सफरचंदाची आवक कमी झाली आहे. कर्नाटक, सोलापूर जिल्ह्यातून सीताफळाची आवक झाली आहे. सोलापूर, सांगली जिल्ह्यातून डाळिंब तर जयसिंगपूर, सांगली परिसरातून पेरू, कर्नाटकातून चिकू बाजारात आले आहेत.

पूजा साहित्याला मागणी

उदबत्ती, धूप बत्ती, कापूर या सुगंधी बाजारपेठेत मोठी उलाढाल होणार आहे. गुजरात, कर्नाटक, उत्तर भारतातून ब्रँडेड उदबत्ती बाजारात दाखल झाल्या आहेत. स्थानिक कापऱ्याच्या कंपन्यांनी बाजारपेठ काबीज केली आहे. वाती, अत्तर, सेंट या सुवासिकासह हळद, कुंकू, अष्टगंध, बुक्क्याला मोठी मागणी आहे. किराणा मालाच्या दुकानासह भाजी मंडईत पुजेचे साहित्य उपलब्ध आहे. गणेशोत्सवात अनेक भाविकांच्या घरी, मंडळामध्ये सत्यनारायणाचा पूजांचे आयोजन असल्याने पूजेच्या साहित्याला मोठी मागणी आहे.

०००००

फूल बाजारात सुगीचे दिवस

पावसाने थोडी विश्रांती घेतली असल्याने फुलांना मोठी मागणी आहे. गलाटा, झेंडू, गौरी, गुलाब, जास्वंदी फुलांना मोठी मागणी आहे. डेकोरेशनसाठी गुलाब आणि जरबेरा, कार्निशन, लिलीच्या फुलांचा वापर सजावटीसाठी मोठ्या प्रमाणात केला जातो. हारांना मोठी मागणी असल्याने फूलविक्रेत्यांनी तसे नियोजन केले आहे. निशिगंधाला मोठी मागणी असल्याने भोगावती खोऱ्यातून निशिगंधाची मोठी आवक होते.

म. टा. प्रतिनिधी, कोल्हापूर

येथील भालचंद्र गोविंद पाचलग यांच्या प्रथम स्मृतिदिनानिमित्त रविवारी (ता. ९ सप्टेंबर) ज्येष्ठ अभिनेते व वक्ते राहुल सोलापूरकर यांच्या व्याख्यानाचे आयोजन करण्यात आले आहे. दसरा चौकातील राजर्षी शाहू स्मारक भवनात रविवारी सायंकाळी ६ वाजता हे व्याख्यान होईल. 'एकच धर्म राष्ट्रवाद' हा त्यांच्या व्याख्यानाचा विषय आहे.

राहुल सोलापूरकर यांनी शंभरहून अधिक हिंदी-मराठी सिनेमांमध्ये, विविध मालिका, व्यावसायिक नाटकांमध्ये काम केले आहे. राजर्षी शाहू महाराजांच्या भूमिकेसाठी ते प्रसिद्ध आहेत. याशिवाय गेली २५ वर्षे त्यांनी विविध ऐतिहासिक, महत्वाच्या विषयांवर देश-परदेशात व्याख्याने दिली आहेत. २०१२-१३ मध्ये एकाच वर्षात स्वामी विवेकानंद यांच्यावर जगभरात १०१ व्याख्याने दिली आहेत. रविवारी एकच धर्म राष्ट्रवाद या विषयावर त्यांचे व्याख्यान होईल. या व्याख्यानाला सर्वांनी उपस्थित रहावे असे आवाहन

विनायक पाचलग यांनी केले आहे.

म. टा. प्रतिनिधी, कोल्हापूर

'विविध विकास योजनांची प्रभावीपणे गावपातळीवर अंमलबजावणी होणे आवश्यक आहे. त्यासाठी ग्रामसेवक, शिक्षक, प्राथमिक आरोग्य केंद्रातील वैद्यकीय अधिकारी, कृषी मदतनीस, तलाठ्यांना मुख्यालयातच राहणे बंधनकारक करण्यासाठी सरकारी पातळीवर पाठपुरावा करणार आहे,' अशी माहिती पंचायत राज समितीचे अध्यक्ष सुधीर पारवे यांनी शुक्रवारी पत्रकार परिषदेत दिली.

तीन दिवसांच्या आढाव्यात जिल्हा परिषद, पंचायत समित्यांचे कामकाज समाधानकारक असल्याचेही त्यांनी सांगितले. पारवे म्हणाले, 'समाजातील वंचित, सामान्य, गरजूंना सरकारी योजनांचा लाभ मिळण्यासाठी डीबीटी (बँक खात्यावर पैसे जमा करणे) योजना राबविली जात आहे. त्याच्या काटेकोर अंमलबजावणीसाठी मुख्यालयात सरकारी कर्मचारी राहायला हवे. तसे आदेशही आहेत. मात्र, अंमलबजावणी होत नाही, असे दौऱ्यावेळी दिसून आले. यामुळे नियुक्तीच्या ठिकाणीच कर्मचाऱ्यांनी राहावे यासाठी सरकारी पातळीवर पाठपुरावा करणार आहे. डीबीटीतून लाभ घेताना वस्तू खरेदी करण्यासाठी गरीब लाभार्थीस पैसे उभारणे शक्य होत नाही. त्यावर तोडगा काढण्यासाठी राज्यपातळीवर बैठक घेऊन चर्चा केली जाईल.'

समाधानकारक काम नसलेल्या ग्रामीण पाणीपुरवठा, प्रदूषण नियंत्रण मंडळ, प्राथमिक शिक्षण विभागांच्या अधिकाऱ्यांची साक्ष मंत्रालयस्तरावर लावली आहे. जिल्हा परिषद, पंचायत समितीमधील बहुतांश विभागांचे काम चांगले आहे. काही प्राथमिक शाळांना भेट दिली. त्यावेळी विद्यार्थ्यांत गुणवत्ता असल्याचे दिसले. शिक्षकांसह विविध विभागांत अनेक जागा रिक्त असल्याचे दिसून आले. त्या जागा भरण्यासाठी सरकारकडे शिफारस केली जाईल, असेही त्यांनी सांगितले.

०००

अपहाराची रक्कम वसूल करा

सन १९९६ ते २०१५ पर्यंत जि. प. च्या विविध विभागांत एक कोटी सहा लाख ६५९ हजारांचा अपहार झाला आहे. त्यातील दोषींकडून १० लाख ५८ हजार ११३ रुपये वसूल झाले आहेत. उर्वरित रक्कम वसुलीचा विषय समितीसमोर चर्चेसाठी आला. त्यावेळी अपहाराची सर्व रक्कम त्वरित वसूल करावी, असा आदेश मुख्य कार्यकारी अधिकारी अमन मित्तल यांना दिल्याची माहिती पारवे यांनी दिली. काही ग्रामीण पाणीपुरवठा योजनांमध्ये अनियमितता झाली आहे. त्यास जबाबदार उपअभियंता, ठेकेदारांवर कारवाई करण्याची सूचना दिल्याचे त्यांनी सांगितले.

००००

हातकणंगले : हातकणंगले तालुका राष्ट्रवादी काँग्रेसच्या वतीने इंधन दरवाढीच्या निषेधार्थ हातकणंगले येथे सायकलमध्ये पेट्रोल भरून हातकणंगले तहसील कार्यालयावर मोर्चा काढून तहसीलदार सुधाकर भोसले यांना निवेदन देण्यात आले. निवेदनात असे म्हटले आहे, देशात इंधनाचे दर सारखे वाढत चालल्याने दर गगनाला भिडत आहेत. हे दर सर्वसामान्य नागरिक व शेतकऱ्यांना न परवडण्यासारखे आहेत तसेच कृषी क्षेत्र व औद्योगिक क्षेत्रांला आधोगतीकडे नेणारा आहे. यावेळी माजी खासदार निवेदिता माने, तालुकाध्यक्ष डी. बी. पिस्टे, प्रतापराव देशमुख, प्रा. बी. के. चव्हाण, राम कांबळे आदी उपस्थित होते.

म. टा. प्रतिनिधी, कोल्हापूर

लोकसभा, विधानसभा किंवा पदवीधर मतदारसंघाची निवडणूक लढविणार नाही, अशी घोषणा करून चोवीस तासही उलटले नाही तोच महसूल मंत्री चंद्रकांत पाटील यांनी घूमजाव केले. राजकीय संन्यास घेणार नाही, असे स्पष्ट करतानाच माझ्या वक्तव्याचा चुकीचा अर्थ काढल्याचा खुलासाही पाटील यांनी केला. त्यामुळे जिल्ह्यातील कोणत्या विधानसभा मतदारसंघातून ते निवडणूक लढणार, याबाबतची उत्सुकता आहे.

जिल्हा पोलिस दलातर्फे गुरुवारी गणराया अवॉर्ड वितरण समारंभ पार पडला. यावेळी पाटील यांनी निवडणूक लढणार नसल्याचे जाहीर केले होते. त्यामुळे राजकीय क्षेत्रात खळबळ उडाली, पण घोषणेनंतर दोन तीन तासांतच त्यांच्या कार्यकर्त्यांकडून 'त्यांना असे म्हणायचे नव्हते,' असे स्पष्टीकरण देण्यात येऊ लागले. अखेर शुक्रवारी पाटील यांनी पक्ष देईल तो आदेश मान्य करणार असल्याचे सांगत निवडणुकीचे पत्ते ओपन असल्याचे जाहीर केले.

पाटील म्हणाले, 'कोल्हापुरात गेल्यावर्षी मी उच्च ध्वनी यंत्रणेविरोधात भूमिका घेतली होती. त्यामुळे कोल्हापुरात हा आवाज घुमला नव्हता. त्याचा उल्लेख करताना आमदार राजेश क्षीरसागर यांनी पाटील यांनी गणेश मंडळांचा विरोध पत्करल्याने मंडळांमध्ये नाराजी आहे, असे कालच्या कार्यक्रमात म्हटले होते. त्यावर या आवाजाला विरोध करणे हा माझा पर्सनल अजेंडा नव्हता. त्या मुद्द्यावर मला काही निवडणूक लढवायची नाही. माझी काही सामाजिक भूमिका आहे, त्यामुळेच मी विरोध केला, असे मी म्हणालो होतो. निवडणूक लढवायची नाही, हे वाक्य वेगळ्या संदर्भाने आले होते. मात्र त्याचा विपर्यास करण्यात आला.'

....

कुठून लढणार?

पक्षाने आदेश दिला तर लढण्याची तयारी असावी, म्हणून महसूलमंत्र्यांनी कोल्हापूर उत्तर, चंदगड आणि राधानगरी या तीन मतदारसंघात तयारी सुरू केली आहे. या मतदारसंघातील संपर्कावरही भर दिला आहे. लोकसभेला युती झाली नाही आणि दुसरा प्रबळ उमेदवारच मिळाला नाही तर ऐनवेळी महसूलमंत्र्यांना पक्ष कोणताही आदेश देऊ शकतो.

.. ..

राजकीय संन्यास घेणे आमच्या हातात नसते. भाजपमध्ये वेगळी शिस्त आहे. पक्ष सांगेल तेच करावे लागते. आम्ही निवडणूक लढवायची की नाही हे पक्षाच्या हातात असते. त्यामुळे निवडणूक न लढवण्याचा प्रश्नच येत नाही.

चंद्रकांत पाटील, महसूल मंत्री

म. टा. प्रतिनिधी, कोल्हापूर

खेलो इंडिया उपक्रमांतर्गत येथील जिल्हा क्रीडा संकुलात बहुउद्देशीय हॉल बांधण्यासाठी १० कोटींचा प्रस्ताव केंद्र सरकारकडे पाठविण्यासाठी क्रीडा संकुल कार्यकारी समितीने मान्यता दिली. जिल्हाधिकारी अविनाश सुभेदार यांच्या अध्यक्षतेखालील बैठकीत ही मान्यता देण्यात आली. प्रस्ताव त्वरित केंद्राकडे पाठविण्याची सूचना सुभेदार यांनी दिली.

जिल्हा क्रीडा संकुलात, छत्रपती शिवाजी स्टेडीयमच्या मोकळ्या जागेत व्यायामशाळा बांधकामासाठी ७ लाखांचे अनुदान उपलब्ध आहे. त्यासाठी प्रस्ताव तयार करण्याची सूचना कार्यकारी समितीने दिली. क्रीडांगण विकास योजनेतंर्गत स्वच्छतागृह बांधकाम करणे, जलतरण तलाव, बहूउद्देशीय इमारतीच्या दुरूस्तीचे काम, जलतरण तलावातील प्लंबींग, विद्युतीकरण, स्वच्‍छतागृह दुरूस्तीचीही कामे करण्यात येणार आहे, असेही जिल्हाधिकारी सुभेदार यांनी सांगितले. विभागीय क्रीडा संकुलाच्या पहिल्या टप्प्यात झालेल्या तसेच दुसऱ्या टप्यातील नियोजित कामांवर बैठकीत चर्चा झाली. जिल्हा क्रीडाधिकारी चंद्रशेखर साखरे यांनी स्वागत केले. उप शिक्षणाधिकारी एस. एम. मानकर, शिक्षण विस्तार अधिकारी एम. आय. सुतार यांच्यासह संबंधित खात्याचे अधिकारी उपस्थित होते.

म. टा. प्रतिनिधी, कोल्हापूर

अंबाबाई मंदिर व अन्य ठिकाणी प्लास्टिक पिशव्यांबाबत महापालिकेने केलेली कारवाई चुकीचे असल्याचा आरोप स्थायी समिती सदस्यांनी सभेत केला. मात्र प्रशासनाने शुक्रवारी 'नॉन ओव्हन पॉलीप्रॉपलीन'ची बॅग भरसभेत जाळून दाखवत ती पिशवी प्लास्टिकची असल्याची वस्तूस्थिती सदस्यांच्या निदर्शनास आणून दिली. परिणामी, शहरात महाराष्ट्र प्रदूषण नियंत्रण मंडळ आणि महापालिकेने केलेली संयुक्त कारवाई योग्य असल्याचे स्पष्ट झाले. त्यामुळे प्लास्टिकविरोधात महापालिका प्रशासन कारवाई तीव्र करणार असल्याचे अधोरेखित करत कारवाईवरील आरोपांचे खंडन करण्यात आले.

राज्य सरकारने प्लास्टिक व थर्माकोलवर बंदी घातल्यानंतर महापालिकेने अनेक ठिकाणी कारवाई केली. पण राज्य सरकारने ३० सप्टेंबरपर्यंत याला शिथिलता दिली असल्याचा मुद्दा पुढे करत सदस्य सत्यजित कदम यांनी अंबाबाई मंदिरात प्रशासनाने केलेली प्लास्टिकविरोधी कारवाई चुकीची असल्याचे सांगितले. तसेच प्लास्टिकवर कारवाई करताना नॉन ओवन पॉलीप्रॉपलीन पिशव्या विक्रेत्यांवर कारवाई केली. या पिशव्यांच्या प्रकारांबाबत विक्रेत्यांना माहिती नसल्याने कारवाईतून सूट द्यावी अशी भूमिका मांडत देवस्थान समितीच अशा पिशव्यांतून प्रसाद देत असल्याचे निदर्शनास आणून दिले. शहरातील व्यापारी व नागरिकांनी पिशव्या खरेदी-विक्री करताना कायद्याचे उल्लंघन होणार नाही, याची काळजी घेण्याची सूचना त्यांनी केली. प्रशासनाने यावर खुलासा करताना प्लास्टिक बंदीचा राज्य सरकारने निर्णय घेतल्यानंतर नागरिकांचे व व्यापाऱ्यांचे प्रबोधन केले. संगीतसूर्य केशवराव भोसले नाट्यगृहात व्यापाऱ्यांची बैठक घेऊन दंडाची तरतुद असल्याने उत्पादन, विक्री व साठवणूक न करण्याचे निर्देश दिले होते. परिणामी, महापालिकेने केलेली कारवाई योग्य असल्याचे निदर्शनास आणून देताना प्रशासनाने चक्क सभेत नॉनओव्हन पॉली प्रॉपलीनची पिशवी जाळून दाखवली. त्यामुळे सर्वच सदस्यांना प्लास्टिक कारवाईबाबत नमते घ्यावे लागले.

सदस्य संजय मोहिते यांनी राजारामपुरी विभागीय कार्यालयाशेजारी हातगाड्यांची संख्या वाढल्याने येथे पार्किंगसाठी जागा उपलब्ध होत नसल्याचे निदर्शनास आणून दिले. अनेक ठिकाणी अतिक्रमणे वाढत असल्याने पार्किंगअभावी वाहतुकीचा बोजवारा उडाला आहे. त्यामुळे १५ दिवसांतून एकदा अतिक्रमणविरोधी मोहीम राबवावी अशी सूचना केली. 'फेरीवाल्यांचा नवीन सर्व्हे करून डिजिटल कार्ड देण्यात येणार आहेत. यापूर्वी ३४०० कार्ड दिली असून इतर ठिकाणी झालेले अतिक्रमणे काढण्यात येणार असल्याचे इस्टेट व विभागीय कार्यालयाच्यावतीने स्पष्ट केले. बैठकीत सभापती आशिष ढवळे, गीता गुरव आदींनी बैठकीत विविध मुद्दे उपस्थित केले.

अन्यथा केबिन ताब्यात घेणार

दिव्यांगांना सक्षम करण्यासाठी राज्य सरकारच्या धोरणानुसार अनुदान देऊन केबिन दिल्या. अनेक दिव्यांगांचे अनुदान थकीत असताना, व्यवसायासाठी जागा आणि केबिन दिलेल्या व्यवसायिकांनी स्वत: व्यवसाय न करता केबिन इतरांना दिल्या आहेत. केबिन देताना त्यांच्याकडून प्रतिज्ञापत्र घेतले आहे. जर या अटीचा भंग होत असल्यास त्यांना नोटिसा देऊन स्वत: व्यवसाय करण्याची सूचना करण्यात येणार आहे. तरीही यामध्ये बदल न झाल्यास केबिन ताब्यात घेण्याची कारवाई प्रशासन करणार आहे.

म. टा. प्रतिनिधी, कोल्हापूर

कोल्हापूर जिल्हा सहकारी दूध उत्पादक संघाच्या (गोकुळ) ५६ व्या वार्षिक सर्वसाधारण सभेत दूध संघ मल्टिस्टेट (बहुराज्यीय सहकारी संघ) करण्याचा महत्वाचा ठराव मांडण्यात येणार आहे. ताराबाई पार्कातील गोकुळच्या आवारात २१ सप्टेंबर रोजी सर्वसाधारण सभा होईल. वार्षिक सभेच्या विषयपत्रिकेवर १३ ठराव असून यापैकी १२व्या क्रमांकावर संघाला मल्टिस्टेट करण्याचा प्रस्ताव आहे. या ठरावावरून सभेत सत्ताधारी व विरोधकांत वादंगाची शक्यता आहे.

जिल्ह्याचे सत्ताकेंद्र म्हणून गोकुळकडे पाहिले जाते. 'गोकुळ'वर माजी आमदार महादेवराव महाडिक गटाची सत्ता असून त्यांना सत्तेपासून दूर करण्यासाठी गेल्यावेळी झालेल्या निवडणुकीत आमदार सतेज पाटील यांनी प्रयत्न केले. मात्र, निवडणुकीत पाटील गटाचे अमरिश घाटगे, दिलीप कांबळे आणि चंद्रकांत बोंद्रे हे तीन संचालक निवडून आले. त्यामुळे 'गोकुळ'वर महाडिक व आमदार पी. एन. पाटील यांची सत्ता कायम राहिली. गायीच्या दुधाला दर, नोकरभरती, दूध संघातील आर्थिक व्यवहार या प्रश्नांवर गेली तीन वर्षे आमदार पाटील यांनी गोकुळला लक्ष्य केले आहे. त्यातच भाजप महाआघाडीच्या सरकारकडून संघावर विविध नियमांद्वारे अंकुश ठेवण्याचा प्रयत्न झाला. तर गायीच्या दुधाच्या अतिरिक्त उत्पादनामुळे संघाला ९० कोटी रुपयांचा फटका बसल्याचा आरोप ज्येष्ठ संचालक अरुण नरके यांनी यापूर्वीच केला आहे.

दरम्यान, भविष्यात आमदार पाटील यांच्याकडून होणारी निवडणूकीची व्यूव्हरचना आणि सरकारकडून येणाऱ्या नियमांचा अडथळा लक्षात घेऊन 'गोकुळ' दूध मल्टिस्टेट करण्याचा निर्णय संचालक मंडळाने घेतला आहे. मल्टिस्टेटचा निर्णय मंजूर झाल्यास परराज्यातील दूधसंस्थांना मतदानाचा अधिकार प्राप्त होऊन विद्यमान संचालक मंडळाला फायदा होणार आहे. त्यामुळे 'मल्टिस्टेट'चा ठराव विषयपत्रिकेवर असल्याचा विरोधकांचा आरोप आहे.

संघ मल्टिस्टेटच्या निर्णयाला आमदार सतेज पाटील व हसन मुश्रीफ यांनी विरोध केला आहे. या ठरावाने जिल्ह्यातील दूध संस्थांच्या प्रतिनिधींचे महत्व कमी होणार आहे, असा आरोप मुश्रीफ यांनी केला आहे. सभेत उपस्थित राहून ठरावाला विरोध करणार असल्याचे मुश्रीफ यांनी जाहीर केले आहे. तर सत्ताधारी संचालक मंडळाने बहुमताच्या जोरावर मल्टिस्टेट करण्यासाठी जोरदार तयारी सुरू केली आहे. दरम्यान, या ठरावाविरोधात व्यूहरचनेसाठी आमदार सतेज पाटील यांनी रविवारी (ता. ९) पाटील गटाची बैठक सरकारी विश्रामगृहावर दुपारी साडेबारा वाजता बोलवली आहे. मुश्रीफ व पाटील यांच्या विरोधामुळे सर्वसाधारण सभा चांगलीच गाजण्याची शक्यता आहे.

पशूखाद्य कारखान्याचे विस्तारीकरण

वार्षिक सभेच्या विषयपत्रिकेवर महालक्ष्मी पशुखाद्य कारखाना विस्तारीकरणास मंजूरी देणे, दूग्धशाळेच्या विस्तारीकरण खर्चास मंजुरी देणे आणि दूध संघ मल्टिस्टेट करणे हे महत्त्वाचे विषय आहेत. सध्याची स्थिती पाहता पशूखाद्य कारखान्याचे विस्तारीकरण अत्यावश्यक आहे. त्याची प्रक्रिया सभेत केली जाईल.

०००००

(मूळ कॉपी)

गोकुळ मल्टिस्टेटचा सर्वसाधारण सभेत ठराव

मल्टिस्टेटच्या ठरावाने वाजणार बारा

म. टा. प्रतिनिधी, कोल्हापूर

कोल्हापूर जिल्हा सहकारी दूध उत्पादक संघ गोकुळच्या ५६ व्या सर्वसाधारण सभेत दूध संघ मल्टिस्टेट (बहुराज्यीय सहकारी संघ)करण्याचा महत्वाचा ठराव मांडण्यात येणार आहे. विषय पत्रिकेत १३ ठराव असून १२ व्या क्रमांकाच्या मल्टिस्टेटच्या ठरावावरुन सभेत सत्ताधारी व विरोधकांच्यात 'बारा' वाजण्याची शक्यता व्यक्त केली जात आहे. ताराबाई पार्क येथील गोकुळच्या आवारात २१ सप्टेंबर रोजी सर्वसाधारण सभा होणार आहे.

जिल्ह्याचे सत्ताकेंद्र म्हणून गोकुळकडे पाहिले जाते. गोकुळवर माजी आमदार महादेवराव महाडिक यांची सत्ता असून ही सत्ता खेचून घेण्यासाठी गेल्या पंचवार्षिक निवडणुकीत आमदार सतेज पाटील यांनी कंबर कसली होती. पाटील गटाचे अमरिश घाटगे, दिलीप कांबळे आणि चंद्रकांत बोंद्रे हे तीनच संचालक निवडून आले. त्यामुळे गोकुळवर महाडिक व आमदार पी.एन. पाटील यांची सत्ता कायम राहिली. गायीच्या दुधाला दर, नोकरभरती, दूध संघातील आर्थिक व्यवहार या प्रश्नांवर गेली तीन वर्षे आमदार सतेज पाटील यांनी गोकुळला लक्ष्य केले आहे. त्यातच भाजप महाआघाडी सरकारकडून संघावर विविध नियमाद्वारे अंकुश ठेवण्याचा प्रयत्न केला. गायीच्या दूध दरवाढीवरुन संघाला ९० कोटी रुपयांचा फटका बसल्याचा आरोप यापूर्वीच ज्येष्ठ संचालक माजी अध्यक्ष अरुण नरके यांनी केला आहे. भविष्यात आमदार पाटील यांच्याकडून होणारी निवडणूकीची व्यूव्हरचना व सरकारकडून होणाऱ्या नियमांचा अडथळा लक्षात घेऊन गोकुळ दूध मल्टिस्टेट करण्याचा निर्णय संचालक मंडळाने घेतला आहे. मल्टिस्टेटचा निर्णय मंजूर झाल्यास परराज्यातील दूध संस्थांना मतदानाचा अधिकार प्राप्त होऊन विद्यमान संचालक मंडळाला फायदा होणार आहे. त्यामुळे मल्टिस्टेटचा ठराव विषयपत्रिकेवर ठेवण्यात आला आहे. सभेच्या विषयपत्रिकेवर १३ ठराव असून बाराव्या क्रमांकाचा ठराव संघ मल्टिस्टेट करण्याचा आहे.

मल्टिस्टेटच्या निर्णयाला आमदार सतेज पाटील व आमदार हसन मुश्रीफ यांनी विरोध केला आहे. या ठरावाने जिल्ह्यातील दूध संस्थांच्या प्रतिनिधींचे महत्व कमी होणार आहे, असा आरोप मुश्रीफ यांनी केला आहे. तसेच गोकुळच्या सभेत मल्टिस्टेटचा ठरावाला सभेत उपस्थित राहून विरोध करणार असल्याचे मुश्रीफ यांनी जाहीर केले आहे. तर सत्ताधारी संचालक मंडळाने बहुमताच्या जोरावर मल्टिस्टेट करण्यासाठी जोरदार तयारी सुरु केली आहे. तर या ठरावा विरोध करण्यासाठी आमदार सतेज पाटील यांनी रविवारी (९) पाटील गटाची बैठक सरकारी विश्रामगृहावर दुपारी साडेबारा वाजता बोलवली आहे. मुश्रीफ व पाटील यांच्या विरोधामुळे सर्वसाधारण सभा चांगलीच गाजण्याची शक्यता वर्तवली जात आहे.

अशी आहे विषयपत्रिका

१. सर्वसाधारण सभा नोटिसीचे वाचनॉ

२. अहवालास मंजूरी देणे

३. अर्थिक वर्षाच्या नफा विभागणीस मंजूरी देणे

४. जादा खर्चास मंजूरी देणे

५. अंदाजपत्रकात मंजुरी देणे

६. लेखा परिक्षण अहवालाची नोंद घेणे

७.लेखा परिक्षण अहवालाचे वाचन करणे

८. लेखा परीक्षकांची नियुक्ती करणे

९.कार्यकारी संचालकाच्या नियुक्तीस मंजूर देणे

१०. महालक्ष्मी पशुखाद्य कारखाना विस्तारीकरणास मंजूरी देणे

११. दूग्धशाळेच्या विस्तारीकरण खर्चास मंजुरी देणे

१२. संघ मल्टिस्टेट करणे

१२ ऐनवेळी विषयांचा विचार करणे

'तुम्ही लढाच, जिंकून आणू'

महसूलमंत्री चंद्रकांत पाटील यांनी निवडणुकीच्या राजकारणातून बाहेर पडू नये. कारण पक्षाला त्यांची नितांत गरज असल्याने पक्षाने दिलेला आदेश त्यांनी मान्य करावा. निवडणूक न लढवण्याबाबत पालकमंत्र्यांनी व्यक्त केलेले मत त्यांचे वैयक्तिक आहे. त्यांनी राज्यात पक्ष वाढवला आहे. राज्यातील दोन नंबरचे मंत्री म्हणून जबाबदारी सांभाळत असताना त्यांनी अनेक चांगले निर्णय घेतले आहेत. त्यामुळे ते जनतेत लोकप्रिय झाले आहेत. अशा नेत्यांची निवडणुकीच्या राजकारणात पक्षाला गरज आहे. त्यामुळे त्यांनी राजकीय संन्यास न घेता पक्ष देईल तो आदेश मान्य करत निवडणूक लढवावी. त्यांच्या विजयासाठी सर्व कार्यकर्ते रक्ताचे पाणी करतील. दरम्यान, निवडणुकीत भाजप-शिवसेनेची युती झाली तर काय करणार? अशी विचारणा केली असता जाधव म्हणाले, 'गेल्यावेळी ऐनवेळी उमेदवारी मिळाल्यानंतरही मला ४१ हजार मते मिळाली. त्या निवडणुकीच्या दुसऱ्या दिवसापासून पुढच्या निवडणुकीची तयारी करत आहे. युती झाली आणि पक्षाने मला थांबवण्याचा आदेश दिला तर थांबायला तयार आहे.'

कोल्हापूर : 'जिल्ह्यातील दोन्ही काँग्रेसच्या नेत्यांकडून लोकसभा निवडणुकीबाबत पत्रकबाजी सुरू आहे. त्यातून पक्षांचे नुकसान होईल, त्याऐवजी दोन्ही पक्षांनी स्वतंत्र निवडणूक लढवावी,' अशी मागणी राष्ट्रवादीचे शहर सरचिटणीस किसन कल्याणकर यांनी पत्रकाद्वारे केली आहे. पत्रकात म्हटले आहे, 'नेत्यांच्या पत्रकबाजीमुळे कार्यकर्त्यांमध्ये संभ्रम निर्माण होत आहे. अशीच स्थिती राहिली तर आगामी लोकसभा व विधानसभेच्या निवडणुकीवर परिणाम होऊ शकतो. ऐनवेळी दोन्ही पक्षाची आघाडी झाली तरी जागा वाटपात निश्चितच वाद उद्भवू शकतो. यामुळे राष्ट्रवादी काँग्रेस व काँग्रेस या दोन्ही पक्षांनी लोकसभा निवडणूक स्वतंत्रपणे लढवावी.'