म. टा. प्रतिनिधी, कोल्हापूर

राज्यातील १६ दूध संघांनी गायीच्या दुधाच्या विक्री दरात चार रूपये कपात केली आहे. यामुळे शनिवारपासून ग्राहकांना कमी दरात दूध मिळणार आहे. मुंबईत झालेल्या संघांच्या बैठकीत हा निर्णय घेण्यात आला. खरेदी दरात यापूर्वीच कपात करण्यात आली आहे.

मुंबईसह राज्यातील काही भागात गायीचे दूध प्रति लिटर ४२ ते ४४ रूपये याप्रमाणे विकले जाते. पण नव्या निर्णयानुसार हे दूध ३८ ते ४० रूपये या नव्या दराने विक्री होणार आहे. लिटरला चार रूपये कमी होणार असल्याने ग्राहकांना फायदा होईल. कोल्हापुरात 'गोकुळ' ने यापूर्वीच खरेदी व विक्रीच्या दरात कपात केली आहे.

मुंबईत गुरूवारी १६ संघाची बैठक झाली. त्यामध्ये दर कपातीचा निर्णय झाला. त्यामध्ये सोनाई, ऊर्जा, स्वराज्य, गोविंद, अनंत, संतकृपा, किसान, माऊली, नॅचरल, शांताई, शिवप्रसाद, कन्हैया, थोटे, गोशक्ती या संघाचा समावेश आहे.

म. टा. प्रतिनिधी, कोल्हापूर

दारू पिण्यासाठी पैसे दिले नसल्याच्या रागातून राजारामपुरी चौथ्या गल्लीत सहाजणांनी मंगळवारी एका तरुणास मारहाण केली होती. यात संग्राम विश्वनाथ पावसकर (वय ३१, रा. राजारामपुरी, १३ वी गल्ली) जखमी झाला होता. याप्रकरणी पोलिसांनी सहाजणांना अटक केली. सागर तानाजी चव्हाण (२५), अवधूत दीपक वारे (१९), सादिक माणिक सय्यद (२३), करण गजाजन भांडवले (२१), अभिषेक बाळासाहेब कांबळे (२२, सर्व, रा. टाकाळा), नीलेश संजय देशमुख (२१, रा. राजारामपुरी, चौथी गल्ली) अशी अटकेतील संशयितांची नावे आहेत. संग्राम पावसकर मुंबई येथे सुरक्षारक्षक म्हणून नोकरीस आहे. १२ जूनला दुपारी राजारामपुरी चौथ्या गल्लीतील एका बिअर बारमध्ये तो मद्यप्राशन करत बसला होता. यावेळी सागर चव्हाणने त्याच्याकडे दारूची मागणी केली. त्यास नकार देताच दोघांमध्ये वाद झाला. संशयित चव्हाणने मित्रांना फोन करून बोलावून घेत संग्रामला बेदम मारहाण करून गंभीर जखमी केले. याप्रकरणी राजारामपुरी पोलिस ठाण्याचे सहायक निरीक्षक गजेंद्र लोहार यांनी तपास करून सर्व संशयितांना अटक केली. त्यांना शनिवारी (ता. १६) न्यायालयात हजर केले जाणार आहे.

म. टा. प्रतिनिधी, कोल्हापूर

जळगाव जिल्ह्यातील जामनेर तालुक्यातील वाकडी गावातील दोन दलित मुलांची नग्न धिंड काढून त्यांना बेदम मारहाण केल्याप्रकरणी दोषींना अटक करावी, या मागणीसाठी काँग्रेसच्या अनुसूचित जाती सेलच्यावतीने जिल्हाधिकारी कार्यालयावर मोर्चा काढण्यात आला. या घटनेचा विविध पक्ष आणि संघटनांनीही तीव्र शब्दांत निषेध केला आहे.

नगरसेविका वृषाली कदम, नगरसेवक लाला कदम आणि काँग्रेस अनुसूचित जाती सेलचे शहर चिटणीस दुर्वास कदम यांच्या नेतृत्वाखाली बिंदू चौकातून मोर्चास सुरुवात झाली.

दोषींना कडक शिक्षा करावी, अशी मागणी करत निषेधाच्या घोषणा देत मोर्चा जिल्हाधिकारी कार्यालयासमोर आला. जिल्हाधिकारी कार्यालयासमोर निदर्शने करण्यात आली. निवासी उपजिल्हाधिकारी संजय शिंदे यांना निवेदन देण्यात आले. दोषींवर अॅट्रॉसिटी अॅक्टप्रमाणे गुन्हे दाखल करावेत, अशी मागणी करण्यात आली. राज्यातील दलितांवर होत असलेले अत्याचार तातडीने थांबले पाहिजेत, अशी मागणी यावेळी करण्यात आली. आंदोलनात सुनीता कांबरे, आरती कुऱ्हाडे, आनंदा बेडेकर, राकेश माळवी, वैभव घेवडे, आशीष पिसे, समाधान कांबळे यांच्यासह कार्यकर्ते मोठ्या संख्येने सहभागी झाले होते.

दरम्यान, बहुजन दलित सेनेच्यावतीने समाजकंटकावर कारवाई करावी, संबंधित दोषींवर खटला दाखल करून तो जलदगती कोर्टात चालवण्यात यावा, अशी मागणी जिल्हाध्यक्ष दादासाहेब माने यांनी केली. सेनेच्यावतीने जिल्हाधिकाऱ्यांना निवेदन देण्यात आले. भारिप-बहुजन महासंघाच्यावतीनेही संशयित ईश्वर जोशी, कैलास लोहार यांच्यावर अॅट्रॅासिटी कायद्यांतर्गत कारवाई करावी, अशी मागणी करण्यात आली. यासंबंधीचे निवेदन जिल्हाधिकाऱ्यांना देण्यात आले.

भाजप सरकारच्या काळात मागासवर्गीयांवर अत्याचार वाढत असल्याचा आरोप निवेदनात केला आहे. शिष्टमंडळात शहराध्यक्ष संजय गुदगे, संभाजी लोखंडे, सचिन आडसुळे, संभाजी कागलकर, राजन पिडाळकर यांच्यासह कार्यकर्त्यांचा समावेश होता. बहुजन परिवर्तन पक्षाच्यावतीने दसरा चौकातील राजर्षी शाहू महाराजांच्या पुतळ्यासमोर घटनेचा निषेध करण्यात आला. बंडखोर सेनेच्या बैठकीतही या घटनेचा निषेध करताना आरोपींना कडक शासन करावे, अशी मागणी करण्यात आली. बैठकीला संस्थापक अध्यक्ष शिवाजीराव आवळे, मारुतराव गायकवाड, सुशांत दिगे, राहुल सोनटक्के, विजय लोखंडे, प्रविण फाळके, अकबर सरदार आदी उपस्थित होते.

म. टा. प्रतिनिधी, कोल्हापूर

येत्या शैक्षणिक वर्षात सायन्स आणि इंजिनीअरिंगच्या विद्यार्थ्यांना जात वैधता प्रमाणपत्र (कास्ट व्हॅलिडीटी) दहा दिवसांत देण्याची तयारी जिल्हा जात प्रमाणपत्र पडताळणी समितीने सुरू केली आहे. या दोन्ही शाखांच्या विद्यार्थ्यांना प्रवेश निश्चित झाल्यानंतर प्रमाणपत्र द्यावे लागणार असल्याने समितीची यंत्रणा कामाला लागली आहे. प्रस्ताव दाखल झाल्यापासून दहाव्या दिवशी विद्यार्थ्यांच्या हाती प्रमाणपत्र पडेल अशी तयारी केली आहे. प्रमाणपत्र घेण्यास विद्यार्थी न आल्यास आठवडाभरात घरपोच पत्त्यावर पोहोच केले जात आहे. जूनअखेर पाच हजारांवर प्रमाणपत्रांचे वितरण पूर्ण झाले आहे.

दहावी-बारावीचा निकाल जाहीर झाल्यानंतर प्रवेशाच्या ऐनवेळी विद्यार्थ्यांची धावपळ थांबविण्यासाठी समितीने मे महिन्यात विशेष मार्गदर्शन मेळावा घेतला. विद्यार्थ्यांना काउन्सिलिंगसह प्रक्रियेची माहिती देण्यात आली. अर्ज कसा भरावा, अर्जात नेहमी होणाऱ्या चुका, मोबाइल क्रमांक, ई-मेल, वंशावळ, जातीचा दाखला, त्यासाठी लागणारे पुरावे याची माहिती दिली. निम्म्याहून अधिक विद्यार्थ्यांचे समितीकडे हेलपाटे वाचविण्यासाठी डॉ. बाबासाहेब आंबेडकर संशोधन व प्रशिक्षण परिषदेच्या (बार्टी) संकेतस्थळावर माहिती देण्यात आली. विद्यार्थ्यांना प्रमाणपत्र मिळविण्यासाठी बार्टीच्या संकेतस्थळावर ऑनलाइन अर्ज करावा लागतो. त्याची प्रिंट आणि कॉलेजचा सही-शिक्का, माहितीचे पत्र घेऊन समितीच्या कार्यालयात कागदपत्रांची छाननी केली जाते. १०० रुपये शुल्क आकारून पुढील प्रक्रियेस सुरुवात केली जाते. आवश्यक त्या कागदपत्रांची छाननी करून सदस्य सचिवांची स्वाक्षरी केली जाते. कागदपत्रांत त्रुटी असल्यास संबंधित विद्यार्थ्यांना पत्राद्वारे आणि त्याने नोंदविलेल्या मोबाइलवर एसएमएसद्वारे (आरएफएस) माहिती दिली जाते. परिपूर्ण कागदपत्रे असल्यास दहा दिवसांत विद्यार्थ्यांच्या हाती प्रमाणपत्र दिले जात आहे. सात दिवसांत विद्यार्थी समितीकडे न आल्यास संबंधिताच्या पत्यावर घरपोच प्रमाणपत्र दिले जात आहे. काही आक्षेपार्ह प्रकरण दक्षता पथकाच्या समितीकडे सोपविली जात आहेत. यामध्ये कुणबी आणि काही मुस्लिम समाजातील जातीविषयक प्रकरणे आहेत. मे महिन्यात १२५६ प्रकरणे दाखल झाली. पैकी ७५६ प्रकरणे निकाली काढण्यात आली. अजूनही काही तांत्रिक कारणांमुळे रखडलेले सुमारे दोन हजारांहून अधिक प्रस्ताव येण्याची शक्यता आहे. शैक्षणिक प्रकरणांसाठी स्टेनो, दोन कनिष्ठ लिपिक, शिपाई आणि १३ कंत्राटी कर्मचाऱ्यांची नियुक्ती केली आहे. समाजकल्याण अधिकारी बी. व्ही. कामत यांच्याकडे अतिरिक्त सदस्य सचिवपदाचा कार्यभार सोपविली आहे, तर समितीचे अध्यक्ष प्रमोद यादव आहेत.

०००

कास्ट व्हॅलिडीटी कशासाठी?

राज्य सरकारकडून विविध प्रकारच्या शिष्यवृत्ती आणि परतावा रक्कम मिळविण्यासाठी सायन्स आणि इंजिनीअरिंगच्या विद्यार्थ्यांना कॉलेजकडून कास्ट व्हॅलिडीटी सक्तीची आहे. त्याशिवाय अभ्यासक्रम शुल्काचा परतावा दिला जात नाही. विद्यार्थ्यांचा प्रवेश निश्चित झाल्यानंतर कॉलेज या प्रमाणपत्राची मागणी करते. प्रमाणपत्राशिवाय शुल्क परतावा मिळणार नाही, असे स्पष्ट विद्यार्थ्यांना सुनावले जाते. गेल्या चार वर्षांत अनेकदा प्रमाणपत्र देण्यासाठी मुदतवाढ दिली होती. यावर्षी प्रवेश निश्चित झाल्यानंतर लगेचच अर्जासोबत प्रमाणपत्राची सक्ती केली आहे.

०००००

सुट्टीच्या दिवशाही कार्यालयाचे कामकाज सुरू ठेवले आहे. विद्यार्थ्यांचे शैक्षणिक भवितव्य लक्षात घेऊन निवडणूक आणि सेवा प्रकारातील प्रकरणांचे कामकाज तूर्त थांबविले आहे. प्रवेशापूर्वी प्रमाणपत्र हाती पडेल, अशी समितीने परिपूर्ण तयारी केली आहे.

प्रशांत चव्हाण, सदस्य, जिल्हा जात प्रमाणपत्र पडताळणी

००००

कास्ट व्हॅलिव्हिटीसाठी कागदपत्रे...

जातीचा दाखला

रक्ताच्या नात्यातील नातेवाइकांचे प्राथमिक किंवा माध्यमिक शाळा सोडल्याचे दाखले

जन्म-मृत्यू नोंदी गाव नमुना क्रमांक १४ चा उतारा प्रमाणित प्रत

जात नोंद पुरावे

राज्यातील रहिवास पुरावा...

अनुसूचित जातीसाठी १० ऑगस्ट १९५० पूर्वीचा

विमुक्त जाती, भटक्या जमाती २१ नोंव्हेबर, १९६१ पूर्वीचा

इतर मागास वर्गीय, विशेष मागास प्रवर्ग १३ ऑक्टोबर, १९६७ पूर्वीचा

पुराव्यांच्या साक्षांकित प्रती

वंशावळ

सक्षम अधिकाऱ्यांकडून साक्षांकित केलेले प्रतिज्ञापत्र

महाविद्यालयाचे विद्यार्थी माहितीचे पत्र

०००००००००

मटा कॅम्पस लोगो...

फोटो आहे...

म. टा. प्रतिनिधी, कोल्हापूर

'कोणत्याही परीक्षेची तयारी करताना ध्येय ठरविल्यास यश निश्चित मिळते. स्पर्धा परीक्षा कठीण असल्या तरी क्रमिक व संदर्भ पुस्तकांचे वाचन, सराव परीक्षा व अभ्यासात सातत्य ठेवल्यास यश निश्चित मिळते,' असे मत युनिक अॅकॅडमीचे संचालक शशिकांत बोराळकर यांनी व्यक्त केले. मटा-प्लॅनेट कॅम्पस आणि युनिक अॅकॅडमी यांच्या वतीने 'दहावी-बारावीनंतर स्पर्धा परीक्षेची तयारी' या विषयावर आयोजित व्याख्यानात ते बोलत होते.

बोराळकर म्हणाले, 'स्पर्धा परीक्षेच्या माध्यमातून अधिकारपदावर रुजू झाल्यानंतर त्यांचा दररोज सर्वसामान्य नागरिकांशी संपर्क येतो. त्यामुळे स्पर्धा परीक्षेतील सोशल सायन्समधील इतिहास, राज्यशास्त्र, भूगोल, अर्थशास्त्र विषयांना अधिक महत्त्व असते. स्पर्धा परीक्षेच्या अभ्यासक्रमात बदल होत असला, तरी या विषयांच्या अभ्यासक्रमात फारसा बदल संभवत नाही. त्यामुळे या विषयांची तयारी करताना क्रमिक आणि संदर्भ पुस्तकांना अधिक महत्त्व देण्याची आवश्यकता असून, चालू घडामोडींवर अधिक लक्ष देण्याची गरज आहे. केंद्रीय लोकसेवा आयोगाच्या परीक्षेची तयारी करताना राज्य लोकसेवा आयोगाच्या परीक्षेची तयारी होत असते. राज्य लोकसेवा आयोगाची तयारी करताना राज्याचा भूगोल व इतिहास विषयावर अधिक लक्ष केंद्रित करावे लागते. त्यामुळेच दहावी, बारावी झालेल्या विद्यार्थ्यांनी केंद्रीय लोकसेवा आयोगाच्या वतीने घेण्यात येणाऱ्या स्पर्धा परीक्षांवर अधिक भर द्यावा.'

केंद्र व राज्य लोकसेवा आयोगाच्या परीक्षांच्या वेळापत्रकांमध्ये बदल असला, तरी बहुतांश अभ्यासक्रम सारखाच असतो, हे उदाहरणासह स्पष्ट करताना बोराळकर म्हणाले, 'यूपीएससीची तयारी करताना जीएस पेपर तीन व एमपीएससीच्या पेपर चारची तयारी होते. जीएस एक व दोन पेपरमध्ये ९० टक्के साधर्म्य असते. एमपीएससीमधून यश मिळवलेल्या विद्यार्थ्यांपेक्षा यूपीएससीची विद्यार्थ्यांना लवकर बढतीची संधी मिळते. दोन्ही स्पर्धा परीक्षांची तयारी करताना यश मिळते, पण असे यश मिळवताना स्वप्नांच्या दुनियेत रंगून जाऊ नका, तसेच परीक्षा पद्धतीशी जळवून घ्या. ध्येय निश्चित करून नियोजनबद्ध अभ्यास केल्यास स्पर्धा परीक्षेचा चक्रव्यूह सहज भेदता येतो, त्यासाठी लवकरात लवकर स्पर्धा परीक्षांना सामोरे जा.'

................

महत्त्वाच्या टीप्स

एनसीईआरटी व क्रमिक पुस्तकांचे वाचन

प्रश्नपत्रिकांचे मूल्यमापन आवश्यक

संदर्भ पुस्तकांचे वाचन करा

स्वत:च्या नोट्सवर भर द्या

अभ्यासात सातत्य आवश्यक

सराव परीक्षेला सामोरे जा

..............

स्पर्धा परीक्षेची सर्वसाधारण माहिती होती, पण सेमिनारमधून सर्व माहितीबरोबरच परीक्षेला कसे समोरे जायचे याचे मार्गदर्शन मिळाले. केंद्रीय लोकसेवा आयोगाच्या परीक्षेची तयारी करताना महाराष्ट्र लोकसेवा आयोगाच्या परीक्षेत निश्चित यश मिळते, याचा आत्मविश्वास मिळाला.

श्रेया पाटील, शिवाजी पेठ

म. टा. प्रतिनिधी, कोल्हापूर

'कर्नाटकातील ज्येष्ठ पत्रकार गौरी लंकेश यांच्या हत्येसाठी वापरलेल्या शस्त्रानेच कॉम्रेड गोविंद पानसरे आणि डॉ. एम. एम. कलबुर्गी यांची हत्या झाल्याचा खुलासा कर्नाटक एसआयटीने केला आहे. या खुलाशाने कॉम्रेड पानसरे यांचे मारेकरीही समोर येण्याची शक्यता बळावली आहे. त्यामुळे महाराष्ट्र एसआयटीने संशयित परशुराम अशोक वाघमारे याचा ताबा घेऊन चौकशी करावी,' अशी मागणी पानसरे कुटुंबीयांनी केली आहे.

ज्येष्ठ पत्रकार गौरी लंकेश यांच्या हत्येप्रकरणी कर्नाटक एसआयटीने कर्नाटकसह महाराष्ट्रातून सहाजणांना अटक केली आहे. गेल्या आठवड्यात पुणे परिसरातून अटक केलेला संशयित परशुराम वाघमारे याच्या चौकशीतून महत्त्वाची माहिती कर्नाटक पोलिसांच्या हाती लागली आहे. कॉग्रेड गोविंद पानसरे, डॉ. एम. एम. कलबुर्गी आणि गौरी लंकेश या तिघांच्याही हत्येसाठी एकच शस्त्र वापरल्याचा खुलासा एसआयटीने केला आहे. तिन्ही गुन्ह्यातील गोळ्यांच्या फॉरेन्सिक अहवालानुसार या गोळ्या एकाच शस्त्रातून चालवल्याची माहिती पोलिसांना मिळाली होती. संशयिताच्या चौकशीतून तिन्ही गुन्ह्यात एकच शस्त्र वापरल्याच्या मुद्याला दुजोरा मिळाला आहे. वाघमारेची अटक निर्णायक असल्याचा दावा कर्नाटक एसआयटीने केला आहे. त्यामुळे वाघमारेच्या चौकशीतून कॉम्रेड पानसरे यांच्या हत्येची माहिती समोर येण्याची शक्यता बळावली आहे. वाघमारेचा महाराष्ट्र एसआयटीने ताबा घेऊन चौकशी करावी, अशी मागणी पानसरे कुटुंबीयांनी केली आहे.

याबाबत बोलताना मेघा पानसरे म्हणाल्या, 'महाराष्ट्र एसआयटीने अटक केलेल्या संशयितांना कोर्टाने जामीन मंजूर केला आहे. त्यांच्याकडून गुन्ह्यातील शस्त्रांसह हत्येच्या कटाची पुरेशी माहिती मिळालेली नाही. उलट कर्नाटक एसआयटीने महाराष्ट्रातून संशयितांना अटक करून गुन्ह्याची उकल करण्याच्या दृष्टीने महत्त्वपूर्ण माहिती मिळवली आहे. महाराष्ट्र एसआयटीने संशयित वाघमारेचा तातडीने ताबा घ्यावा. कॉम्रेड पानसरे यांच्या हत्येबाबत महत्त्वाची माहिती त्याच्याकडून मिळू शकते. तपास अधिकाऱ्यांनी याबाबत तातडीने प्रयत्न सुरू करावेत, यासाठी लवकरच पोलिस अधीक्षकांना भेटून निवेदन देणार आहे.'

दरम्यान, कर्नाटक पोलिसांच्या तपासामुळे पानसरे हत्येच्या तपासालाही गती येण्याची शक्यता निर्माण झाली आहे. गौरी लंकेश यांच्या हत्येप्रकरणी कर्नाटक एसआयटीने अटक केलेल्या संशयितांमध्ये महाराष्ट्रातील पाच जणांचा समावेश आहे. काही संस्थांशी संबंधित असलेल्या कार्यकर्त्यांचा एक गट उजव्या विचारसरणीच्या विचारवंतांना मारण्याचा कट रचून त्याची अंमलबजावणी करीत आहे, अशी धक्कादायक माहिती तपासात समोर आली आहे.

...............

खासगी सावकार महिलेसह दोघांवर गुन्हा दाखल

कर्ज वसुलीसाठी सावकाराने ट्रॅक्टर ओढून नेला

म. टा. प्रतिनिधी, कोल्हापूर

पतीच्या आजारपणात उपचारासाठी खासगी सावकार महिलेकडून घेतलेल्या एक लाख रुपयांच्या कर्जाची परतफेड करूनही आणखी अडीच लाखांच्या मागणीसाठी दमदाटी करणाऱ्या खासगी सावकार महिलेच्या विरोधात जुना राजवाडा पोलिस ठाण्यात गुन्हा दाखल झाला. महादेवी बाळेस खडी (रा. सानेगुरुजी वसाहत, कोल्हापूर) असे गुन्हा दाखल झालेल्या खासगी सावकाराचे नाव आहे. तिच्या साथीदारावरही गुन्हा दाखल झाला आहे. बाळाबाई संगाप्पा वडेर (वय ४५, रा. शाहूपुरी) या महिलेने फिर्याद दाखल केली.

पतीच्या आजारपणावरील उपचारासाठी बाळाबाई वडेर या महिलेने दरमहा १० टक्के व्याजाने महादेवी खडी हिच्याकडून दरमहा १० टक्के व्याजाने एक लाख रुपयांचे कर्ज घेतले होते. १२ जून २०१५ पासून जून २०१८ पर्यंत ३ लाख ६० हजार रुपये परत केले होते. तरीही अडीच लाख रुपये देणे लागत असल्याचे सांगून वडेर यांच्या दारातील ट्रॅक्टर आणि ट्रॉली ओढून नेली. याबाबत वडेर यांनी गुरुवारी जुना राजवाडा पोलिस ठाण्यात धाव घेऊन महादेवी खडी या महिलेसह तिच्या साथीदाराच्या विरोधात फिर्याद दाखल केली. पोलिसांकडून अधिक तपास सुरू आहे.

म. टा. प्रतिनिधी, कोल्हापूर

शहराच्या विविध भागात डेंगीची साथ असून, डेंगीमुळे कदमवाडीतील भोसले पार्क येथील संजय आण्णा लोहार (वय ४३)यांचा मृत्यू झाला. ताप आल्यानंतर अवघ्या तीन दिवसांत त्यांचा मृत्यू झाला. लोहार यांच्या मृत्यूमुळे यंदा डेंगीचा पहिला बळी गेला असून महापालिकेच्या यंत्रणेला त्याची माहिती नाही. कदमवाडी परिसरात तापाच्या रुग्णांची संख्या भरपूर असून, खासगी रुग्णालयामध्ये डेंगीसदृश्य म्हणून उपचार सुरु आहेत. लोहार यांच्या मृत्यूमुळे डेंगीचे गांभीर्य वाढले आहे.

लोहार भोसले पार्कमध्ये राहतात. त्यांचे मध्यवर्ती बसस्थानकाजवळील भूविकास बँकेसमोर फुलांचे दुकान आहे. गेल्या आठवड्यात त्यांना ताप आला. खासगी दवाखान्यात त्यांच्यावर उपचार करण्यात आले. पण, ताप कमी झाला नसल्याने संबंधित डॉक्टरने तेथील मोठ्या खासगी रुग्णालयात हलवण्याचा सल्ला दिला. तिथे रक्ताची तपासणी करण्यात आल्यानंतर डेंगीची लागण झाल्याचे स्पष्ट झाले. शुक्रवारी उपचारासाठी दाखल केल्यानंतर दहा जूनला निधन झाले. डेंगीमुळे अन्य अवयवांवर परिणाम झाला. तसेच रक्तदाबही कमी झाला होता, असे दवाखान्यातून सांगण्यात आले. लोहार यांच्या पश्चात्त पत्नी, एक मुलगा, दोन मुली आहेत. लोहार यांचे निधन होऊन चार दिवस झाले तरी महापालिकेच्या यंत्रणेला त्याबाबत काही माहिती नाही. त्यांच्या अहवालात डेंगीमुळे कुणाचा मृत्यू झालेला नाही, असे दिसते. खासगी रुग्णालयातील डॉक्टरांकडे कदमवाडी परिसरातील तापाचे रुग्ण उपचार घेत आहेत. डेंगीमुळे लोहार यांच्या मृत्यूमुळे कदमवाडी परिसरातील नागरिकांमध्ये भीतीचे वातावरण आहे.

....३

म. टा. प्रतिनिधी, कोल्हापूर

पंचगंगा नदीवरील पर्यायी पुलाचा आराखडा बदलण्यासंदर्भात सार्वजनिक बांधकाम विभागाच्या संकल्प चित्र मंडळाचे अधिकारी शनिवारी (ता.१६) दुपारी कोल्हापुरात येणार आहेत, असे राष्ट्रीय महामार्ग विभागाने स्पष्ट केले आहे.

पर्यायी पुलाच्या पिलरसाठी साडेनऊ मीटर खोदाई करूनही पाया लागला नाही. तसेच खोदाई करताना मोठा खड्डा लागल्याने राष्ट्रीय महामार्गाने त्वरित सार्वजनिक बांधकाम विभागाच्या संकल्प चित्र मंडळाच्या कार्यालयाशी संपर्क साधला. राष्ट्रीय महामार्ग विभागाचे कार्यकारी अभियंता विजय कांडगावे यांनी बुधवारी (ता.१३) नवी मुंबई कोकण भवनातील सार्वजनिक बांधकाम विभागाच्या संकल्प चित्र मंडळाच्या कार्यालयाला भेट देऊन पुलाच्या संदर्भात अहवाल दिला. वरिष्ठ अधिकारी उपस्थित नसल्याने त्यांच्याशी दूरध्वनीवरून चर्चा करून पुलाच्या बांधकामाचे गांभीर्य पटवून दिले. पावसाळ्यापूर्वी पुलाच्या बांधकामास गती येण्याच्यादृष्टीने राष्ट्रीय महामार्ग विभागाने अन्य तज्ज्ञांशी संपर्क साधला आहे. कोल्हापूर-रत्नागिरी या मार्गाला जोडणारा पर्यायी पूल महत्त्वाचा असल्याने पुलाच्या बांधकामाबाबतीत घाईगडबड न करता प्रत्येक गोष्टीसाठी काळजी घेतली जात आहे.

सार्वजनिक बांधकाम विभागाच्या संकल्प चित्र मंडळाचे अधिकारी अन्य बैठका रद्द करून शनिवारी कोल्हापुरात येणार आहेत. डिझाइन सर्कलचे अधीक्षक अभियंता भोंगे यांच्यासह अन्य अधिकारी कोल्हापुरात येणार आहेत. अधिकारी परिसराची पाहणी करुन पिलर व स्लॅबचे डिझाइन करणार आहेत. शनिवारी पाहणी केल्यानंतर ते त्वरित नवीन डिझाइनच्या कामाला लागण्याची शक्यता वर्तवली जात आहे.

म. टा. प्रतिनिधी, कोल्हापूर

कोल्हापूर चेस अॅकॅडमीच्यातवीने मंगळवारपासून (१९) भगवान महावीर आंतरराष्ट्रीय गुणांकन बुद्धिबळ स्पर्धा नागाळा पार्क येथील जयलक्ष्मी सभागृहात होणार आहेत. स्पर्धेतील विजेत्यांना सव्वा लाखांची रोख बक्षिसे देण्यात येणार आहेत. दिग्विजय खानविलवकर फाउंडेशनचे विशेष सहकार्य मिळणार आहे, अशी माहिती जिल्हा बुद्धिबळ संघटनेचे अध्यक्ष विश्वविजय खानविलकर यांनी पत्रकार परिषदेत माहिती दिली.

स्वीस लीग पद्धतीने नऊ फेरीत स्पर्धा होणार आहे. जागतिक बुद्धिबळ संघटना, अखिल भारतीय बुद्धिबळ संघटना, अखिल मराठी बुद्धिबळ संघटना यांच्या सहकार्यातून स्पर्धा होणार आहे. अंतिम नववी फेरी २३ जून रोजी होणार आहे. विजेत्याला रोख ३१ हजार रुपये व भगवान महावीर चषक देऊन गौरवण्यात येणार आहेत. सात, नऊ, अकरा, तेरा, पंधरा या वयोगटासह महिला,ज्येष्ठ खेळाडू गटात स्पर्धा होणार आहे. स्पर्धेत कोल्हापूरसह सोलापूर, सातारा, सांगली, रत्नागिरी, हुबळी, गोवा, बेळगाव येथील खेळाडू सहभागी होणार आहे. इच्छुकांनी प्रवेश फीसह शिवाजी स्टेडियम येथील जिल्हा बुद्धिबळ संघटनेच्या कार्यालयात सायंकाळी सहा ते आठ या कालावधीत येथे संपर्क साधावा, असे आवाहन करण्यात आले आहे.

पत्रकार परिषदेला अजितसिंह काटकर, भरत चौगुले, मनीष मारुलकर, उत्कर्ष लोमटे, प्रीतम घोडके उपस्थित होते.

Maruti.Patil

@timesgroup.com

tweet: @MarutipatilMT

कोल्हापूर : रुई (ता. हातकणंगले) येथील लक्ष्मी नागरी सहकारी पतसंस्थेच्या आठ वर्षाच्या लेखापरीक्षण अहवालात अपहार आणि गैरव्यवहारांकडे दुर्लक्ष केल्याबद्दल सरकारी लेखापरीक्षकांवर गुन्हा दाखल करण्याची प्रक्रिया गतिमान झाली आहे. गैरव्यवहारप्रकरणी केवळ संचालकांवर गुन्हा दाखल होणार असल्याने आक्रमक ठेवीदारांनी लेखापरीक्षकांवरही गुन्हा दाखल करण्याची मागणी केली. त्यानंतर जिल्हा उपनिबंधक अरुण काकडे व विशेष जिल्हा लेखापरीक्षक धनंजय पाटील यांनी गुन्हा दाखल करण्याच्या सक्त सूचना केल्या आहेत. शनिवारी संचालक, लेखापरीक्षक अशा २५ व्यक्तींवर फौजदारी गुन्हा दाखल करण्यात येणार असल्याने सहकार विभागात खळबळ उडाली आहे.

गेल्या काही वर्षापासून बंद अवस्थेत असलेल्या लक्ष्मी नागरी सहकारी पतसंस्थेत १३ कोटींच्या ठेवी आहेत. यापैकी साडेसात कोटीच्या ठेवींमध्ये अपहार झाला असून साडेपाच कोटींचा गैरव्यवहार झाला आहे. पतसंस्थेत झालेल्या गैरव्यवहारांमुळे ठेवीदारांच्या ठेवी मिळणे बंद झाले आहे. ठेवी मिळण्यासाठी ठेवीदारांनी अनेकवेळा पतसंस्था, हातकणंगले पोलिस ठाणे, जिल्हा उपनिबंधक कार्यालय तसेच जिल्हा लेखापरीक्षण कार्यालयात पत्रव्यवहार व आंदोलने केली. पतसंस्थेत गेल्या आठ वर्षापासून गैरव्यवहार होत असताना सरकारी लेखापरीक्षकांनी का दुर्लक्ष केले असाही मुद्दा उपस्थित केला. जिल्हा उपनिबंधक काकडे यांच्याशी झालेल्या चर्चेदरम्यान स्पष्ट झाल्यानंतर लेखापरीक्षकांवर गुन्हा दाखल करण्याची काकडे यांनी सूचना केली. त्यानुसार मान्यताप्राप्त लेखापरीक्षक तेली हे आर्थिक गुन्हे अन्वेषण शाखेकडे गुन्हा दाखल करायला गेल्यानंतर केवळ संचालकांवर गुन्हा दाखल करण्याची प्रक्रिया सुरू झाली. त्यामुळे ठेवीदारांनी जिल्हा पोलिस प्रमुखांना निवेदन देण्याचे निश्चित केले.

जिल्हा उपनिबंधक काकडे व लेखापरीक्षक पाटील यांनी सहकार अधिनियम १९६० च्या कलम ८१ '५' (ब) व तत्कालीन सहकार आयुक्त राजगोपाल देवरा यांनी काढलेल्या परिपत्रकांनुसार संचालकांसह लेखापरीक्षकांवर गुन्हा दाखल करण्याची भूमिका घेतली. 'यानुसार ठेवीदारांनी शुक्रवारी जिल्हा पोलिस प्रमुख संजय मोहिते यांना निवेदन दिले. त्यानुसार हातकणंगले पोलिस ठाण्यामध्ये लेखापरीक्षकांसह संचालकांवर गुन्हा नोंद करण्याची सुचना केल्याचे गुन्हे अन्वेषण विभागाचे पोलिस निरीक्षक तानाजी सावंत यांनी सांगितले. शनिवारी गुन्हा नोंद झाल्यास लेखापरीक्षकांवर गुन्हा नोंद होण्याची पहिलीच कारवाई ठरणार आहे. मात्र पतसंस्थेत जेवढ्या ठेवी आहेत, तेवढ्याच रकमेचा गैरव्यवहार झालेला असल्याने ठेवीदारांच्या ठेवी कशा मिळणार असा प्रश्न यानिमित्ताने निर्माण झाला आहे.

ठेवीदारांना ठेवी मिळत नसल्याबद्दलचा प्रश्न डॉ. सुजीत मिणचेकर यांनी विधानसभेत उपस्थित केला होता. यामध्ये त्यांनी लेखापरीक्षण अहवालात गैरव्यवहाराकडे दुर्लक्ष झाल्याचे सभागृहाच्या निदर्शनास आणून दिले होते. त्यानंतर सहकार विभागाने कारवाईला सुरुवात केली. त्यानुसार संचालकांसह लेखापरीक्षकांवर फौजदारी गुन्हा दाखल करण्याची प्रक्रिया गतिमान झाली.

केडीसीसी बॅंक ... लोगो

...............

सोने तारण प्रकरणातील १७ कर्जदार बनावट

जिल्हा बँकेच्या कसबा बावडा शाखेतील १७ प्रकरणावर कर्जदारांच्या स्वाक्षऱ्या नाहीत

म. टा. प्रतिनिधी, कोल्हापूर

कोल्हापूर जिल्हा मध्यवर्ती सहकारी बँकेच्या कसबा बावडा शाखेत सोने तारण योजने ३२ लाखांचा अपहार झाल्याचे उघड झाल्यानंतर या योजनेत कर्ज उचल केलेल्यांमध्ये बनावट कर्जदार असल्याचे चौकशीत निष्पन्न झाले आहे. कसबा बावडा शाखेतील एकूण ३० कर्जप्रकरणापैकी दोन कर्जप्रकरणे खरी असून यातील १७ कर्जप्रकरणावर कर्जदारांच्या स्वाक्षऱ्या नसल्याचे चौकशीत स्पष्ट झाले आहे. त्यामुळे बनावट सोने तारण कर्जप्रकरणाची व्याप्ती वाढण्याची शक्यता आहे.

जिल्हा बँकेच्या कसबा बावडा शाखेत सोने तारण योजनेत कर्जदारांची फसवणूक झाल्याचे उघड झाले. याप्रकरणी शाखाधिकारी संभाजी पाटील, रोखपाल परशुराम नाईक व सराफ सन्मुख ढेरे यांच्यावर शाहूपुरी पोलिस ठाण्यात गुन्हा नोंद केला. यापैकी शाखाधिकारी पाटील व रोखपाल नाईक यांना पोलिसांनी अटक केली. मात्र अद्याप सराफ ढेरे फरार असताना याप्रकरणातील चौकशीमध्ये नवीन माहिती समोर आली आहे.

बनावट सोने दिल्याप्रकरणाची जिल्हा बँकेच्यावतीने चौकशी अधिकारी म्हणून बी. एस. पाटील यांनी शाखेतील सुमारे २०० सोने तारण कर्जप्रकरणाची तपासणी केली. यामध्ये ३० कर्जप्रकरणे बनावट असल्याचे निदर्शनास आले. यापैकी केवळ दोन कर्जप्रकरणे कागदोपत्री बरोबर असून उर्वरीत कर्जप्रकरणामध्ये १७ प्रकरणावर सोने तारण ठेवणाऱ्या कर्जदारांच्या स्वाक्षऱ्या नसल्याचे चौकशीत स्पष्ट झाले आहे. त्यामुळे या प्रकरणातील कर्जदारही बनावट असल्याचा संशय बळावत आहे. सोने तारण प्रकरणात सराफांकडून सोन्याच्या दागिन्याची सत्यता तपासल्यानंतर कर्जदारांसमोरच दागिने सील करुन ठेवले जातात. यावेळी सील करताना शाखाधिकारी, रोखपाल, सराफ व कर्जदारांच्या स्वाक्षऱ्या असणे बंधनकारक आहे. पण कसबा बावडा शाखेत ठेवलेल्या सोने तारण कर्जावर कर्जदारांच्या स्वाक्षऱ्या नसल्याने कर्जदार बनावट असल्याचे स्पष्ट झाले आहे.

..............

चौकट

सराफाला पोलिसांचे अभय

'बँकेच्या बनावट सोने तारण प्रकरणातील शाखाधिकारी, रोखपाल यांना अटक केली, मात्र सराफाला अद्याप अटक झालेली नाही. बनावट सोने प्रकरणातील मुख्य सूत्रधार सराफ सन्मुख ढेरे असून त्याला पोलिसांचे अभय मिळत असून अटकपूर्व जामिनासाठी पोलिस मदत करत असल्याचा आरोप बँकेचे चेअरमन मुश्रीफ यांनी केला. कसबा बावडा शाखेत घडलेल्या अपहारामुळे सर्वांनाच धक्का बसला असून दोषींवर कडक कारवाई करण्यासाठी संचालकांमध्ये एकमत झाले आहे. याचा तपास आर्थिक गुन्हे अन्वेषण शाखेकडे देण्याची मागणी केली. त्यामुळे शाखाधिकारी व रोखपाल यांना अटक झाली, पण सराफ अद्याप पोलिसांना का सापडत नाही, असा प्रश्न उपस्थित करत सराफाला तातडीने अटक करण्याची मागणी चेअरमन मुश्रीफ यांनी केली आहे.

दोन सिंगल फोटो

....................

अनिल यादव, इंगवले

यांची 'गोकुळ'वर वर्णी

म. टा. प्रतिनिधी, कोल्हापूर

जिल्ह्याची अर्थवाहिनी आणि राजकीय क्षेत्रावर वर्चस्व ठेवणाऱ्या कोल्हापूर जिल्हा सहकारी दूध उत्पादक संघांवर (गोकुळ) शिरोळचे भाजपचे नेते अनिल यादव यांच्यासोबत जिल्हा परिषद सदस्य अरुण इंगवले यांची संचालक म्हणून वर्णी लागणार आहे. याबाबतची घोषणा दोन दिवसांत होणार आहे. जिल्हा परिषदेच्या अध्यक्षपदासाठी इच्छुक असलेल्या इंगवले यांची गोकुळचे संचालकपद देवून बोळवण करण्यात येणार असल्याची चर्चा यानिमित्ताने होऊ लागली आहे.

शिरोळ तालुक्यात गेल्या अनेक वर्षापासून अनिल यादव काँग्रेस पक्षासाठी झटत होते. ज्येष्ठ नेते दिवंगत सा. रे. पाटील यांच्यामुळे विधानसभा निवडणुकीवेळी त्यांचा विचार करण्यात आला नाही. विधानसभेसाठी वारंवार बेदखल केले जात असल्यामुळे त्यांनी अखेर भाजपचा झेंडा हाती घेतला. काँग्रेसच्या माध्यमातून केलेल्या कार्यामुळे चांगल्या जनसंपर्काचा फायदा भाजपसाठी करुन त्यांनी आपली ताकद दाखवून दिली . भाजपसाठी केलेल्या कार्याची पोहोच म्हणून त्यांची 'गोकुळ'वर वर्णी लावण्याचा निर्णय घेतला आहे. यादव यांच्याबरोबर आता इंगवले यांनाही 'गोकुळ'वर संधी मिळणार आहे.

जिल्हा परिषदेच्या अध्यक्षपदाची मनिषा बाळगून भाजपमध्ये आलेल्या अरूण इंगवले यांना अध्यक्षपदासाठी डावलण्यात आले. त्यावेळी त्यांना वर्षभरानंतर अध्यक्ष करण्याचे आश्वासन दिले होते. मात्र बदलत्या राजकीय घडामोडींमुळे अध्यक्षपदाचा राजीनामा घेतला जात नसल्याने व्यथित झालेल्या इंगवले यांची 'गोकुळ'वर वर्णी लावून बोळवण करण्याचे प्रयत्न सुरू झाले आहेत. त्याचाच भाग म्हणून यादव यांच्यासोबत इंगवले यांना गोकुळच्या संचालक मंडळावर घेण्याचे प्रयत्न सुरू झाले असून इंगवले यांनीही होकार दिल्याचे खात्रीशीर वृत्त आहे.

गुणवंत विद्यार्थ्यांचा सत्कार

कोल्हापूर

अखिल भारतीय मराठा महासंघाच्यावतीने मराठा समाजातील गुणवंत विद्यार्थ्यांचा सत्कार करण्यात येणार आहे. दहावीच्या परीक्षेत ९० टक्के तर बारावीच्या परीक्षेत ८५ टक्केपेक्षा जादा गुण मिळवलेल्या विद्यार्थ्यांचा सत्कार करण्यात येणार आहे. विद्यार्थ्यांनी आपली नावे मराठा महासंघाच्या मंगळवार पेठ, कळंबा रोड येथील कार्यालयात नावे नोंदवावीत. विद्यार्थ्यांनी गुणपत्रकाची झेरॉक्स प्रत, रंगीत कार्डसाईज फोटो नाव पत्त्यासह महासंघाच्या कार्यालयात सकाळी साडेनऊ ते दुपारी साडेबारा वाजेपर्यंत तर सायंकाळी साडेपाच ते रात्री साडे सात या वेळेत द्यावेत, असे आवाहन जिल्हाध्यक्ष वसंतराव मुळीक यांनी केले आहे.

म. टा. प्रतिनिधी, कोल्हापूर

कोल्हापूर जिल्हा मध्यवर्ती बँकेच्या कसबा बावडा शेखेत बनावट सोने ठेवून ३२ लाखांची फसवणूक करणाऱ्या तीन संशयितांपैकी दोघांना पोलिसांनी गुरुवारी (ता. १४) रात्री उशिरा अटक केली. अटकेतील बँकेचा शाखाधिकारी संभाजी शंकर पाटील (वय ५६, रा. शिये, ता. करवीर) आणि कॅशिअर परशुराम कल्लाप्पा नाईक (रा. साईनाथ कॉलनी, कसबा बावडा) यांना पोलिसांनी शुक्रवारी कोर्टात हजर केले असता, त्यांना आठ दिवसांची पोलिस कोठडी सुनावली. दरम्यान, तिसरा संशयित सराफ सन्मुख आनंदराव ढेरे याचा शोध सुरूच आहे.

कर्जदारांनी तारण ठेवलेल्या सोन्याच्या दागिन्यांमधील सुमारे एक किलो दागिने काढून त्या ठिकाणी बनावट दागिने ठेवून ३२ लाख रुपयांची फसवणूक करणारे शाखाधिकारी, कॅशिअर आणि सराफ गुन्हा दाखल होताच बेपत्ता झाले होते. यातील दोघांना स्थानिक गुन्हे अन्वेषण शाखेच्या पथकाने गुरुवारी रात्री अटक केली. बँकेच्या कसबा बावडा शाखेचा शाखाधिकारी संभाजी पाटील हा शिये येथील घरी आल्याची माहिती पोलिसांना मिळाली होती. यानुसार रात्री उशिरा त्याच्या घरात जाऊन शोध घेतला असता, तो पोलिसांच्या हाती लागला. याचवेळी पोलिसांच्या दुसऱ्या पथकाने कसबा बावड्यातील साईनाथ कॉलनी येथून कॅशिअर परशुराम नाईक यालाही अटक केली. अटकेतील दोघांना पोलिसांनी शुक्रवारी जिल्हा कोर्टात हजर केले. कोर्टाने दोघांनाही आठ दिवसांची पोलिस कोठडी सुनावली. दरम्यान, या गुन्ह्यातील तिसरा संशयित सराफ सन्मुख ढेरे अद्याप पोलिसांच्या हाती लागलेला नाही.

सराफाची भूमिका महत्त्वाची

बँकेत कर्ज तारणासाठी आलेले सोने तपासून त्याचे मूल्यांकन करण्याची जबाबदारी सराफ ढेरे याच्याकडे होती. दागिन्यांचे मूल्यांकन करणारे सराफ कर्ज मंजूर करणाऱ्या पॅनेलवर असतात. मात्र, मूल्यांकन करून दिल्यानंतर सराफांची भूमिका संपते. कसबा बावडा शाखेत मात्र सोनाराचा हस्तक्षेप वाढला होता. तारण कर्जाच्या पिशव्या सीलबंद करून त्या लॉकरमध्ये ठेवण्याची जबाबदारी शाखाधिकारी आणि कॅशिअरची असते. या शाखेत मात्र सराफाची लुडबूड वाढली होती. वरिष्ठ अधिकाऱ्यांच्या दुर्लक्षामुळेच सराफाने तारण कर्जाची प्रक्रिया आपल्या हातात घेतली होती, अशी प्राथमिक माहिती पोलिसांच्या चौकशीत समोर आली आहे. सोने नेमके कोणी काढले आणि त्याचे पुढे काय केले, याची माहिती घेतली जात आहे.

कोल्हापूर : ऑनलाइन सातबारा उतारे देण्यासाठी करवीर तालुक्यातील ३० तलाठ्यांना शुक्रवारी लॅपटॉपचे वाटप करण्यात आले. जिल्ह्यातील ४५३ तलाठ्यांना लॅपटॉपचे वाटप करण्यात येत आहे. जिल्ह्यातील १२२७ गावांतील सातबारा डाटा भरण्याचे काम सध्या सुरू असून हे काम जवळजवळ ८० टक्के पूर्ण झाले आहे.

म. टा. प्रतिनिधी, कोल्हापूर

राज्य परिवहन प्राधिकरणाने सुधारित भाडेवाढीस मंजुरी दिल्याने एसटीच्या प्रवासी भाडेवाढीस मान्यता मिळाली आहे. शनिवार (ता. १६) पासून नवीन दराने भाडेवाढ लागू केली जाणार आहे. कोल्हापूर ते पुणे मार्गावर साधी, जलद एसटीचा दर २४० वरून २९० रुपये आणि कोल्हापूर ते मुंबई मार्गावर ४१७ वरून ४९५ रुपये दर झाला आहे. सर्व प्रकारच्या सेवाप्रकारात १८ टक्के भाडेवाढ केली आहे.

आपोआप भाडेवाढ सूत्रातील डिझेल, चासीस, टायर आणि महागाई भत्त्यात बदल झाल्याने सुधारित प्रवासी भाडेवाढीस मंजुरी मिळाली आहे. सहा किलोमीटरच्या टप्प्यासाठी सेवा प्रकारनिहाय आकारणी आणि किमान भाडे निश्चित केले आहे. साधी, जलद, रात्रसेवा, निमआराम, शिवशाही (वातानुकूलित), शिवशाही स्लिपर (वातानुकूलित), शिवनेरी (वातानुकूलित), शिवनेरी स्लिपर (वातानुकूलित) या प्रकारातील सेवादरांत वाढ झाली आहे. प्रतिटप्प्यानुसार १० ते २० रुपयांपर्यंत भाडेवाढ झाली आहे. लहान मुलांसाठी पाच रुपयांपासून ते १० रुपयांपर्यंत भाडेवाढ केली आहे.

००

सुधारित भाडेवाढ अशी

मार्ग साधी जलद रातराणी निमआराम शिवशाही

पूर्वी नवीन पूर्वी नवीन पूर्वी नवीन पूर्वी नवीन

मुंबई ४१७ ४९५ ४९३ ५८० ५६९ ६७० ६२० ७३०

बोरिवली ४३६ ५१५ ५१५ ६१० ५९४ ७०० ६४८ ७६५

नाशिक ४७४ ५६० ५६० ६६० ६४६ ७६० ७०४ ८३०

स्वारगेट २४० २९० २८४ ३४५ ३२८ ३९५ ३६७ ४१०

सातारा १३३ १५५ १५७ १८५ १८२ २१५ १९८ २३५

रत्नागिरी १४६ १७० १७२ २०५ १९९ २३५ २१७ २५५

कणकवली १२१ १४५ १४३ १७० १६४ १९५ १७९ २१०

बेळगाव १०८ ११३

सांगली ५१ ६० ६१ ७० ७० ८०

इचलकरंजी २९ ३५ ३५ ४० ४० ४५

पंढरपूर १९० २२५ २२५ २६५ २५९ ३०५

सोलापूर २७२ ३२० ३२१ ३८० ३७१ ४३५

मलकापूर ५१ ६० ६१ ७० ७० ८०

गारगोटी ५८ ७० ६८ ८० ७८ ९०

राधानगरी ५८ ७० ६८ ८० ७८ ९०

कुरुंदवाड ५८ ७०

गडहिंग्लज ७३ ८० ७२ ८५

चंदगड १२३ १४० १४५ १५५

आजरा ९८ ११० १०० १२०

फोटो आहेत

.....................

विजय आवडे

कोल्हापूर

शिंगणापूर (ता. करवीर) येथील विजय शंकर आवडे (वय ७६) यांचे निधन झाले. त्यांच्या पश्चात पत्नी, तीन मुलगे, सुना, नातवंडे असा परिवार आहे. जलदान विधी रविवारी (ता. १७) सकाळी दहा वाजता आहे.

......................

नाना बेडेकर

कोल्हापूर

रविवार पेठेतील नाना बेडेकर (वय ७०) यांचे निधन झाले. त्यांच्या पश्चात पत्नी, मुलगी, सूना, नातवंडे असा परिवार आहे. त्यांनी मराठा आणि शाहू बँकेचे वसुली अधिकारी म्हणून काम केले होते.

सुनील पाटील

कोल्हापूर

रविवार पेठेतील हॉटेल बसूचे मालक सुनील सुभाना पाटील ( वय ५५) यांचे निधन झाले. त्यांच्या पश्चात पत्नी, तीन मुलगे, भाऊ असा परिवार आहे. रक्षाविसर्जन रविवारी (ता. १७) सकाळी नऊ वाजता आहे.

....................

सुनंदा गांधी

कोल्हापूर

येथील सुनंदा गांधी (वय ९०) यांचे निधन झाले. मे. ज्योर्तिलिंग ट्रेडर्सचे मालक चंद्रशेखर गांधी आणि नरेंद्र गांधी यांच्या त्या आई होत. रक्षाविसर्जन शनिवारी (ता. १६) सकाळी नऊ वाजता आहे.

सुभाष जावळे

कोल्हापूर

शहाजी वसाहत येथील बांधकाम व्यावसायिक सुभाष दत्तोबा जावळे (वय ५७) यांचे निधन झाले. त्यांच्या पश्चात पत्नी, मुलगा, मुलगी, चार भाऊ असा परिवार आहे.

म. टा. प्रतिनिधी, कोल्हापूर

जिल्हा परिषद अध्यक्षा शौमिका महाडिक यांच्या नेतृत्वाखालील शिष्टमंडळाने जिल्ह्यातील सर्व शाळांत पुरेसे शिक्षक देण्याच्या मागणीसाठी शिक्षण सचिव असीम गुप्ता यांची भेट घेतली. शिक्षकांच्या रिक्त जागेसंबंधी त्यांनी सविस्तर चर्चा केली. चर्चेत कोल्हापूर जिल्ह्यातून बाहेरच्या जिल्ह्यात जाण्यास पात्र शिक्षकांना मुक्त करावे, अशी गुप्ता यांनी केलेली विनंती शिष्टमंडळाने फेटाळली. जोपर्यंत सिंधुदूर्ग, रत्नागिरी जिल्ह्यातून शिक्षक येत नाहीत तोपर्यंत कोल्हापूर जिल्ह्यातील शाहूवाडीसह डोंगराळ तालुक्यातील शिक्षकांना मुक्त करणार नाही, असे शिष्टमंडळाने ठामपणे सांगितले.

जिल्ह्यात एकूण शिक्षकांपेक्षा बारा टक्के जागा रिक्त आहेत. नियमाप्रमाणे दुसऱ्या जिल्ह्यातून येणारे शिक्षक बदलीतून आलेले नाहीत. रिक्त शिक्षकांच्या जागांची संख्या वाढली आहे. परिणामी सर्व शाळांना शिक्षक मिळावेत, या मागणीसाठी अध्यक्षा महाडिक यांनी ग्रामविकास मंत्री पंकजा मुंडे यांची वेळ घेतली. मात्र त्या व्यस्त राहिल्याने सचिव गुप्ता यांची भेट घेतली. यावेळी उपाध्यक्ष सर्जेराव पाटील, शिक्षण सभापती अंबरीश घाटगे, बांधकाम सभापती सर्जेराव पाटील- पेरीडकर, अरूण इंगवले, विजय भोजे, राजवर्धन निंबाळकर उपस्थित होते.