महामानवाला अभिवादन
व्याख्याने, मिरवणुका, रॅलीसह विविध उपक्रमांनी आंबेडकर जयंती उत्साहात
म. टा. प्रतिनिधी, कोल्हापूर
भारतीय राज्य घटनेचे शिल्पकार, भारतरत्न डॉ. बाबासाहेब आंबेडकर यांची जयंती शहरासह जिल्ह्यात विविध उपक्रमांनी उत्साहात साजरी करण्यात आली. यानिमित्त विविध संस्था, संघटनांनी सभा, व्याख्याने, मिरवणुका, रॅलीचे आयोजन केले होते.
बिंदू चौकात पालकमंत्र्यांच्या हस्ते अभिवादन
बिंदू चौकातील आंबेडकर यांच्या पुतळ्यास शुक्रवारी मध्यरात्री बारा वाजता पालकमंत्री चंद्रकांत पाटील यांनी पुष्पहार अर्पण करून अभिवादन केले. अभिवादन करण्यासाठी मध्यरात्रीपासून अनुयायांनी दिवसभर गर्दी केली होती. यावेळी श्रीमंत शाहू छत्रपती, पोलिस अधीक्षक संजय मोहिते, आरपीआय जिल्हाध्यक्ष उत्तम कांबळे, अॅड पंडिततराव सडोलीकर, विकास चोपडे, शाहीर आझाद नाईकवडी यांच्यासह अनेक मान्यवर उपस्थित होते. समता सैनिकांनी शानदार संचलन करुन मानवंदना देण्यात आली.
जिल्हाधिकारी कार्यालय
जिल्हा प्रशासनातर्फे जिल्हाधिकारी कार्यालयात महाराणी ताराबाई सभागृहात जिल्हाधिकारी अविनाश सुभेदार यांनी आंबेडकरांच्या प्रतिमेस पुष्पहार अर्पण करून अभिवादन केले. यावेळी निवासी उपजिल्हाधिकारी संजय शिंदे, जिल्हा पुरवठा अधिकारी विवेक आगवणे, उपजिल्हाधिकारी अरविंद लाटकर, करवीर प्रांताधिकारी सचिन इथापे, तहसीलदार गणेश शिंदे, सविता लष्करे, नायब तहसीलदार अपर्णा मोरे, आदी उपस्थित होते. जिल्हाधिकारी अविनाश सुभेदार म्हणाले, 'भारतरत्न डॉ. आंबेडकरांची जयंती लोकोत्सव म्हणून साजरी करण्यात यावी. आजचा दिवस अभिमानाचा दिवस असून, समाजात एकता, अखंडता आणि बंधुभाव अबाधित राहण्यासाठी आंबेडकरांचे कार्य आणि विचार आचरणात आणणे आवश्यक आहे.' नायब तहसीलदार प्रकाश दगडे यांनी संविधान प्रस्तावनेचे वाचन केले.
बीएसएनएलमध्ये अभिवादन
बीएसएनएल प्रशासन, टेलिफोन रिक्रिएशन क्लब व दूरसंचालक एस.सी. एस.टी. कर्मचारी वेलफेअर असोसिएशन यांच्या संयुक्त विद्यमाने टेलिफोन भवन येथील टीआरसी हॉल येथे आंबेडकर जयंती साजरी झाली. यावेळी डॉ. आंबेडकर, छत्रपती शिवाजी महाराज, छत्रपती शाहू महाराज, महात्मा गांधी, माजी पंतप्रधान लालबहाद्दूर शास्त्री यांच्या प्रतिमेस पुष्पहार अर्पण करण्यात आला. यावेळी उप महाप्रबंधक व्ही.जी. पाटील, बी.एस. पाटील, के.बी. पाटील, एस.पी. कांबळे, वाय.एस. कुलकर्णी उपस्थित होते. सूर्यकांत कदम यांनी प्रास्ताविक केले. सूर्यकांत पाटील यांनी आभार मानले.
बालसंकुलात माहितीपटाचे प्रदर्शन
जिल्हा परीविक्षा व अनुरक्षण संघटना बालसंकुलात डॉ. आंबेडकर यांचा जीवनपट विद्यार्थ्यांना प्रोजेक्टवर दाखविण्यात आला. यावेळी सल्लागार सदस्य एस. एन. पाटील यांच्या हस्ते प्रतिमेचे पूजन करण्यात आले. समतादूत प्रतिभा सावंत व आशा रावणे यांनी आंबेडकरांच्या जीवनकार्याची माहिती दिली. यावेळी अधीक्षक अश्विनी गुजर, सोनाली नूलकर, पद्मजा गारे, नजिरा नदाफ, डी.ए. पाटील, टी.एम. कदम, संगीता तळेकर, आदी उपस्थित होते.
रमणमळ्यात भीमवंदना
रमणमळा येथील आंबेडकर चौकात नगरसेवक राजाराम गायकवाड यांच्या हस्ते प्रतिमेस पुष्पहार अर्पण करण्यात आला. शिवाजी नालबंद यांनी भीमवंदना गायिली. यावेळी विनोद शिराळे, अरुण माळगे, अमोल खाबडे, मसू कांबळे, सदानंद जांभळे, चंद्रकांत माने, प्रशांत जाधव आदि उपस्थित होते.
'विवेकांनद'मध्ये व्याख्यान
'डॉ. आंबेडकरांनी भारताला जातिव्यवस्थेच्या जोखडातून बाहेर काढून सामाजिक परिवर्तनाच्या दिशेने नेण्यासाठी स्वातंत्र्य, समता व बंधुभावाची त्यांनी हाक दिली. त्यांचा हा सामाजिक परिवर्तनाचा मूलमंत्र एक थोर विचारवंत म्हणून समाजातील लोकांनी अंगी बाणवण्याची गरज आहे,' असे मत राज्य विभागाच्या प्रा. समीक्षा फराकटे यांनी व्यक्त केले. विवेकानंद महाविद्यालयात आंबेडकर जयंतीनिमित्त आयोजित व्याख्यानात त्या बोलत होत्या. अध्यक्षस्थानी प्राचार्य डॉ. एस.वाय. होनगेकर होते. डॉ. एस.आर. कट्टीमनी यांनी प्रास्ताविक केले. यू. आर. हिरकुडे यांनी आभार मानले.
समता हायस्कूल
भोसलेवाडी येथील. म. दु. श्रेष्ठी समता हायस्कूलमध्ये नामदेव यादव यांनी प्रतिमापूजन केले. यादव यांनी बाबासाहेबांच्या कार्याची माहिती दिली. भीमराव पवार यांनी बाबासाहेबांच्या आठवणी सांगितल्या. मुख्याध्याक शशिकांत सावंत यांनी प्रास्ताविक केले. सरदार आंबर्डेकर यांनी सूत्रसंचालन केले. सुनीता कलागते यांनी आभार मानले. यावेळी सचिव सुंदरराव देसाई उपस्थित होते.
जिल्हा मध्यवर्ती बँक
जिल्हा बँकेत संचालक माजी महापौर आर. के. पोवार व उदयानीदेवी साळुंखे यांच्या हस्ते प्रतिमेला अभिवादन केले. यावेळी मुख्य कार्यकारी अधिकारी डॉ. ए. बी. माने, व्यवस्थापक आर. जे. पाटील, पंडित चव्हाण, एस. एस. उपाध्ये, रणवीर चव्हाण, डी. एस. कालेकर, उपव्यवस्थापक डी. सी. जाधव, अशोकराव साळोखे, विकास जगताप, स्नेहल करंडे उपस्थित होते.
दलित इंडियन चेंबर ऑफ कॉमर्स
दलित इंडियन चेंबर ऑफ कॉमर्स अँड इंडस्ट्रिज (डिक्की) कोल्हापूर शाखेत समन्वयक संजय वाघ यांच्या हस्ते प्रतिमेला पुष्पहार अर्पण केला. केंद्र व राज्य सरकारच्या सर्व जातीधर्मातील गरीब वर्गाकरिता उद्यम विषय योजना पोहोचवून त्यांचे जीवनमान उंचावण्यासाठी नि:स्वार्थीपणे काम करण्याचा संकल्प करण्यात आला. यावेळी डिक्कीचे सदस्य डॉ. उदय लोखंडे, किशोर कांबळे, रत्नाकर कांबळे, राजेंद्र चौगले, लक्ष्मण कांबळे, विलास पाटोळे, प्रशांत मोरे, अदित्य वाघ, प्रकाश साठे आदि उपस्थित होते.
एसटी कार्यशाळा
ताराबाई पार्क येथील एसटी महामंडळ विभागीय कार्यशाळेत यंत्र अभियंता शिवदत्त कुलकर्णी यांच्या हस्ते प्रतिमा पूजन झाले. यावेळी प्रतापराव तराळ, एस. एस. कुलकर्णी, एस. बी. भातमारे, दत्तात्रय सिंघन, नागेश भोसले, एस. एस. जोशी उपस्थित होते.
सोनावणे हायस्कूल
सुनीतादेवी सोनावणे ज्ञानगंगा हायस्कूलमध्ये मुख्याध्यापक धनाजी बेलेकर यांच्या हस्ते प्रतिमेला पुष्पहार अर्पण करण्यात आला. यावेळी श्रावणी नवाळे, शिया इंगोले, पूजा इंगोले, अंजली धैसे यांनी मनोगत व्यक्त केले. सलोनी आयरेकरने सूत्रसंचालन केले. अदित्य आंधळे यांनी आभार मानले.
कमला कॉलेज
ताराराणी विद्यापीठाचे कार्यकारी अध्यक्ष प्राचार्य डॉ. क्रांतीकुमार पाटील आणि प्राचार्य. जे.बी. पाटील यांच्या उपस्थितीत कमला कॉलेजमध्ये आंबेडकर जयंती साजरी झाली. प्राचार्य पाटील यांच्या हस्ते आंबेडकरांच्या प्रतिमेस पुष्पहार अर्पण करण्यात आला. यावेळी सचिव प्राजक्त पाटील, शिक्षक, कर्मचारी उपस्थित होते.
इंदिरा गांधी विद्यानिकेत
महाद्वार रोड येथील इंदिरा गांधी विद्यानिकेतनमध्ये मुख्याध्यापिका एम. आर. मोहिते-पाटील यांच्या आंबेडकरांना प्रतिमेला पुष्पहार अर्पण करण्यात आला. यावेळी सुजय देसाई, डी. वाय. देसाई, बी. एम. खाडे उपस्थित होते.
