मोबाइल चोरट्याची निवृत्त अधिकाऱ्यास मारहाण

March 13, 2018, 9:30 pm

≫ Next: 'बेवारस आणि नादुरुस्त वाहने काढून घ्या'

≪ Previous: कोयना धरणग्रस्तही चालत मुंबईत धडकणार

$

0

0

म. टा. प्रतिनिधी, कोल्हापूर

मोबाइल चोरट्यास विरोध केल्यामुळे त्याने केलेल्या मारहाणीत पाटबंधारे विभागाचे निवृत्त खानसाब श्रीधर पांडुरंग पोवार (वय ६२, रा. तुळशीधरण रेस्ट हाऊस, ता. राधानगरी, जि. कोल्हापूर) गंभीर जखमी झाले. मध्यवर्ती बसस्थानक परिसरात मंगळवारी (ता. १३) दुपारी ही घटना घडली. पोवार यांच्यावर सीपीआरमध्ये उपचार करण्यात आले. याबाबत पोलिसांनी राहुल रामू गवळी उर्फ गोप्या याला ताब्यात घेतले असून, त्याच्याकडे अधिक चौकशी सुरू आहे.

पोवार हे पाटबंधारे विभागातून निवृत्त झाले आहेत. कामानिमित्त ते मंगळवारी कोल्हापुरात आले होते. मध्यवर्ती बसस्थानक परिसरातून बाहेर पडल्यानंतर परीख पुलाकडे जाणाऱ्या रस्त्याच्या वळणावर राहुल गवळी याने त्यांच्याकडील मोबाइल चोरला. याचवेळी पोवार यांनी ओरडा केला. परिसरातील फेरीवाले संघटनेचे नेते आणि वृत्तपत्र विक्रेते रघुनाथ कांबळे, वाहतूक शाखेचे पोलिस रोहिते खाडे हे यांनी मोबाइल चोरट्याला पकडले. पोवार यांनी चोर-चोर म्हणून आरडाओरडा केल्याच्या रागातून चोरट्याने पोवार यांना बेदम मारहाण केली. यावेळी ते खाली पडल्याने त्यांच्या डोक्याला गंभीर दुखापत झाली. नाकातून आणि कानातून रक्त वाहू लागले. रघुनाथ कांबळे यांनी जखमी पोवार यांना उपचारासाठी सीपीआरमध्ये दाखल केले. रात्री उशिरा याबाबत शाहूपुरी पोलिस ठाण्यात फिर्याद दाखल करण्याचे काम सुरू होते.

मोबाइल अॅप डाउनलोड करा आणि राहा अपडेट

---

'बेवारस आणि नादुरुस्त वाहने काढून घ्या'

March 13, 2018, 9:30 pm

≫ Next: शिक्षण वाचवण्यासाठी पालकांसह विद्यार्थी रस्त्यावर

≪ Previous: मोबाइल चोरट्याची निवृत्त अधिकाऱ्यास मारहाण

$

0

0

कोल्हापूर: शहरातील वाहतुकीच्या प्रमुख मार्गावर उभी करण्यात आलेली नादुरुस्त व बेवारस वाहने २० मार्चपर्यंत काढून घेण्याचे आवाहन महापालिकेने केले आहे. त्यानंतर ही वाहने जप्त केली जाणार असून ती परत केली जाणार नाहीत, असे स्पष्ट केले आहे. स्टेशन रोड, भाऊसिंगजी रोड, लक्ष्मीपुरी, गाडीअड्डा, स्क्रॅप मार्केट, संभाजीनगर रोड, पांजरपोळ रोड अशा महत्त्वांच्या रस्त्यांवर नादुरुस्त वाहने पार्किंग करण्यात आली आहेत. यामुळे रहदारीस अडथळा होऊन वाहतूक खोळंबण्याचे प्रकार वारंवार उद्भवत आहेत. त्यामुळे अशी वाहने वाहनधारकांनी स्वत:हून २० मार्चपर्यंत काढून घ्यावीत, असे आवाहन केले आहे. अन्यथा ही वाहने जप्त केल्यानंतर परत केली जाणार नाहीत असे अतिक्रमण निर्मूलन विभागामार्फत स्पष्ट केले आहे.

मोबाइल अॅप डाउनलोड करा आणि राहा अपडेट

शिक्षण वाचवण्यासाठी पालकांसह विद्यार्थी रस्त्यावर

March 13, 2018, 9:30 pm

≫ Next: आरटीईतील प्रवेशासाठी लॉटरी जाहीर

≪ Previous: 'बेवारस आणि नादुरुस्त वाहने काढून घ्या'

$

0

0

म. टा. प्रतिनिधी कोल्हापूर

राज्य सरकारने शाळांचे खासगी कंपनीकरण करू नये व वाड्यावस्त्यावरच्या शाळा बंद करू नयेत, या मागणीसाठी शिक्षण वाचवा नागरी कृती समितीतर्फे सुरू असलेल्या आंदोलनातंर्गत मंगळवारी शहरातील सर्व शाळांमधील विद्यार्थी व पालकांनी रस्त्यावर येत राष्ट्रगीत गायले. पालकमंत्री चंद्रकांत पाटील यांनी आंदोलनात शालेय मुलांना वेठीस धरू नये, अशी नोटीस बजावण्याचा आदेश जिल्हा शिक्षण प्रशासनाला दिला होता. आंदोलन मोडीत काढण्यात आलेला आदेश धुडकावत कृतीसमितीने पुकारलेल्या आंदोलनात हजारो विद्यार्थी पालकांसमवेत सहभागी झाले.

गेल्या दीड महिन्यापासून कृतीसमितीने सरकारच्या शाळा बंद निर्णयाविरोधात जनआंदोलन पुकारले आहे. याअंतर्गत १३ मार्च रोजी सकाळच्या सत्रात सुरू असलेल्या शाळेची वेळ संपल्यानंतर शाळेसमोरील रस्त्यावर प्रार्थना करण्यासाठी एकत्रित येण्याचे आवाहन केले होते. दरम्यान या आंदोलनासाठी शालेय विद्यार्थ्यांना रस्त्यावर आणणे योग्य नसल्याचे पालकमंत्री पाटील यांनी स्पष्ट केले होते. यामुळे शिक्षणाधिकाऱ्यांनी कृतीसमितीला याबाबत नोटीस बजावली होती. पोलिसांनीही समितीच्या कार्यकर्त्यांना आंदोलन करण्याची परवानगी नाकारली होती. मात्र तरीही मंगळवारी आंदोलन सुरू ठेवून समिती आपल्या भूमिकेवर ठाम राहिल्याने आंदोलनकाळात काहीवेळ वातावरण तणावपूर्ण राहिले.

दरम्यान आंदोलनासाठी सकाळी साडेअकरा वाजता शहरातील सर्व शाळांमधील विद्यार्थी शाळा सुटल्यानंतर रस्त्यावर एकत्र आले. यावेळी त्यांच्यासोबत पालकही उपस्थित होते. राष्ट्रगीत व वंदेमातरम गीत म्हणून शांततेत आंदोलन करण्यात आले. काही शाळेत शाळा बंद न करण्याची प्रार्थना घेण्यात आली. कोणत्याही परिस्थितीत सरकारी शाळा बंद करू नयेत अशी मागणी यावेळी पालकांनी घोषणांच्या माध्यमातून केली. दरम्यान आंदोलनावेळी शाळांच्या आवारात पोलिस बंदोबस्त ठेवण्यात आला होता. शहरातील बहुतांशी रस्त्यावर पालक व विद्यार्थी प्रार्थनेसाठी एकत्र जमल्याने वाहतुकीची कोंडी झाली. राधानगरी रोड, फुलेवाडी, कसबा बावडा, मुक्तसैनिक वसाहत, उचगाव येथील शाळांमधील विद्यार्थ्यांनी संख्या मोठी होती.

कृतीसमितीचे समन्वयक अशोक पोवार, रमेश मोरे, भरत रसाळे, लालासाहेब गायकवाड, महादेव पाटील, शारंगधर देशमुख, किशोर घाटगे, सुनील कुरणे, राजाराम सुतार, दिनकर कांबळे, सी. एम. गायकवाड यांच्यासह कार्यकर्ते यांनी आंदोलनाचे नेतृत्व केले. दरम्यान १४ मार्च रोजी दुपारी साडेबारा वाजता शिक्षण अधिकारी व पोलीस प्रशासनाने काढलेल्या नोटीशीची होळी करण्यात येणार आहे अशी माहिती अशोक पोवार यांनी दिली. आंदोलन करू नये अशी नोटीस देऊनही कृतीसमितीने नियोजित आंदोलन केले. सरकारी आदेशाचा भंग केल्याप्रकरणी या आंदोलनात सहभागी झालेल्या विद्यार्थ्यांच्या शाळा प्रशासनावर गुन्हे दाखल करण्याची प्रक्रिया मंगळवारी रात्री उशीरापर्यंत सुरू होती.

मोबाइल अॅप डाउनलोड करा आणि राहा अपडेट

आरटीईतील प्रवेशासाठी लॉटरी जाहीर

March 13, 2018, 9:30 pm

≫ Next: केंद्रीय राखीव दलाच्या जवानाचा उपचारादरम्यान मृत्यू

≪ Previous: शिक्षण वाचवण्यासाठी पालकांसह विद्यार्थी रस्त्यावर

$

0

0

म. टा. प्रतिनिधी, कोल्हापूर

येथील विवेकानंद कॉलेजमध्ये बालकांचा मोफत व सक्तीच्या शिक्षणाचा अधिकार कायद्याव्दारे (आरटीई) आरक्षित जागेवरील मोफत प्रवेशासाठी ऑनलाइन अर्ज केलेल्यांसाठी मंगळवारी लॉटरी काढण्यात आली. त्यातून प्रवेश मिळालेल्या विद्यार्थ्यांच्या पालकांच्या मोबाइल क्रमांकावर मेसेज पाठवण्यात येणार आहे. जिल्हा परिषद प्राथमिक शिक्षण विभागाने लॉटरीची प्रक्रिया राबवली. लॉटरीतून प्रवेश मिळालेल्या पालकांच्या मोबाइलवर मॅसेज जाणार आहे. मात्र पालकांनी मेसेजवर अवलंबून न राहता आरटीईच्या बेवसाइटवर जाऊन प्रवेशाची खात्री करणे आवश्यक आहे. ज्यांना या लॉटरीमध्ये प्रवेश मिळाला नाही, त्यांना दुसऱ्या फेरीत पुन्हा संधी मिळणार आहे. ज्यांना लॉटरीतून प्रवेश मिळाला आहे, त्यांनी वेबसाईटवर जाऊन आपला भरलेला फॉर्म आणि यूजर आयडी, पासवर्ड टाकून ओपन करावा. त्यामध्ये अॅडमीन कार्ड यावर क्लिक करावे. ज्या शाळा मिळाल्या असतील त्या शाळांच्या नावाची प्रिंट काढावी. पालकांनी सदरची प्रिंट व प्रवेशासंबंधीची सर्व कागदपत्रे घेऊन संबंधित शाळेत जाऊन प्रवेश निश्चित करावा, असे आवाहन शिक्षणाधिकारी सुभाष चौगुले यांनी केले.

मोबाइल अॅप डाउनलोड करा आणि राहा अपडेट

केंद्रीय राखीव दलाच्या जवानाचा उपचारादरम्यान मृत्यू

March 13, 2018, 9:30 pm

≫ Next: खरमाती टाकणाऱ्यावर फौजदारी करा

≪ Previous: आरटीईतील प्रवेशासाठी लॉटरी जाहीर

$

0

0

म. टा. वृत्तसेवा, आजरा

स्वतःच्याच बंदुकीतून चुकून झाडल्या गेलेल्या गोळीमुळे केंद्रीय राखीव पोलिस दलाच्या जवानाचा उपचारादरम्यान मृत्यू झाल्याचे तहसीलदार अनिता देशमुख यांनी सांगितले. आजरा तालुक्यातील कोळींद्रे गावचे विलास मारुती संकपाळ (वय ४५) असे या जवानाचे नाव आहे. यामुळे कोळींद्रे परिसरावर शोककळा पसरली आहे. विलास संकपाळ हे झारखंड राज्यात कार्यरत होते. गोळीमुळे जखमी झालेल्या संकपाळ यांच्यावर नागपूर येथील इस्पितळात उपचार सुरू होते. पण यादरम्यान, मंगळवारी सकाळी त्यांची प्राणज्योत मालवली. संकपाळ यांच्या पश्चात्य आई, वडील, पत्नी, मुलगा, मुलगी असा परिवार आहे. बुधवारी (ता.१४) सकाळी कोळींद्रे येथे त्यांचे पार्थिव आणण्यात येणार आहे.

मोबाइल अॅप डाउनलोड करा आणि राहा अपडेट

खरमाती टाकणाऱ्यावर फौजदारी करा

March 13, 2018, 9:30 pm

≫ Next: गोकुळच्या कर्मचाऱ्यांना पगारवाढ

≪ Previous: केंद्रीय राखीव दलाच्या जवानाचा उपचारादरम्यान मृत्यू

$

0

0

म. टा. प्रतिनिधी, कोल्हापूर

रंकाळा काठावर खरमाती टाकणाऱ्यांच्या विरोधात फौजदारी दाखल करण्याच्या सूचना आयुक्त डॉ. अभिजित चौधरी यांनी महापालिकेच्या जैवविविधता समितीच्या बैठकीत दिली. त्याचबरोबर हुतात्मा गार्डनमध्ये तयार करण्यात आलेला बटरफ्लाय झोन लवकरच नागरिकांसाठी खुला करण्याचा निर्णय घेण्यात आला.

या बैठकीत विद्यार्थी, पर्यटक तसेच वृक्षप्रेमींसाठी शहरातील दुर्मिळ वृक्षांच्या प्रजाती पाहण्यासाठी महापालिकेच्यावतीने दर रविवारी केएमटीची खास बस सुरू करण्याचा निर्णय मंगळवारी झालेल्या घेण्यात आला. २१ मार्च रोजी समितीचे सदस्य, पदाधिकारी व नगरसेवकांच्या उपस्थितीत या बसचा प्रारंभ होईल, असे महापौर स्वाती यवलुजे यांनी सांगितले.

महानगरपालिकेच्या जैवविविधता समितीची बैठक महापौर स्वाती यवलुजे यांच्या अध्यक्षतेखाली तसेच सदस्य सचिव, आयुक्त डॉ.अभिजीत चौधरी यांच्या उपस्थितीत झाली. पर्यावरण अभियंता समीर व्याघ्रांबरे यांनी समितीसाठी पाच लाखांची तरतूद करण्यात येणार आहे. तसेच समितीच्या उपसमित्या स्थापन करण्यात आल्याचे सांगितले.

यावेळी महापौर यवलुजे यांनी विद्यार्थी-विद्यार्थीनींना, वृक्षप्रेमी, पर्यटकांना शहरातील दुर्मिळ प्रजाती पाहण्यासाठी केएमटीमार्फत दर रविवारी खास बस उपलब्ध करुन देण्यात येणार आहे. त्याचा शाळा, कॉलेज, वृक्षप्रेमी, पर्यटक यांनी लाभ घ्यावा असे आवाहन केले.

आयुक्त डॉ.अभिजित चौधरी यांनी पर्यावरण अभियंत्यांना जैवविविधता नोंदवहीत नियमित नोंद करण्याचे आदेश दिले. महापालिकेच्या शाळांमध्ये विद्यार्थ्यांसाठी जैवविविधतेबाबत जागृती होण्यासाठी मार्गदर्शन शिबिराचे आयोजन करण्यात येणार आहे. हुतात्मा गार्डन येथे फुलपाखरांसाठी बटरफ्लाय झोन विकसीत करण्यात आला आहे. लवकरच याठिकाणी बटरफ्लाय उपलब्ध करुन नागरीकांना पाहण्यासाठी खुले केले जाणार आहे. अग्निशमन विभागास अहिसंक पध्दतीने पोळे काढण्यासाठी आवश्यक तो ड्रेस उपलब्ध केला जात असल्याचे सांगितले.

नगरसेविका सूरमंजिरी लाटकर यांनी महावीर गार्डनमध्ये पर्यटकांना आकर्षित करण्यासाठी मत्सालयात विविध जातीचे मासे उपलब्ध करण्यात यावेत. प्रक्रिया केलेल्या सांडपाण्याचा पुनर्वापर हरित पट्यामध्ये करण्यात यावा. गटनेता शारगंधर देशमुख यांनी रंकाळयावर अमृत योजनेअंतर्गत हरीत पट्यामध्ये करण्यात येणारी वृक्ष लागवड थीम पध्दतीने करावी. थीम करताना गावठी आंबा, जांभूळ, इतर दुर्मिळ वृक्षाची लागवड करण्यात यावी असे सुचवले.

केएमटीचे वाहतूक निरीक्षक आर. एस. धूपकर यांनी केएमटीची बस टाऊन हॉल-महावीर गार्डन-विवेकांनद कॉलेज-कृषी महाविद्याल-शिवाजी विद्यापीठ-हुतात्मा पार्क-बेलबाग मार्गे शिवाजी चौक अशी धावणार आहे. प्रति व्यक्ती ७२ रुपये इतके तिकीट आकारले जाणार आहे. किमान २० प्रवाशी आवश्यक आहे, असे सांगितले.

रंकाळा तलाव येथील पक्षी निरीक्षण केंद्राचा आराखडा तयार केला असून यामध्ये पक्षी निरीक्षण केंद्र स्वच्छ करुन थीम बेसवर भिंती रंगवल्या जातील. त्याचे सादरीकरण महापौर व आयुक्त यांना करु असे उदय गायकवाड यांनी सांगितले. सरकारच्या जैवविविधता मंडळाचे सदस्य डॉ.एन.डी.जाधव, अमर जाधव, अनिल चौगुले यांनीही मते मांडली. मत्स विभागाच्या अमिता कोळेकर, पशुधन विकास अधिकारी डॉ.एस. ए. बांदेकर, बागा अधिक्षक प्रभाकर कांबळे, प्राथमिक शिक्षण विभागाचे प्रतिनिधी बाळासाहेब कांबळे, शाखा अभियंता आर.के.पाटील, कनिष्ठ अभियंता अनुराधा वांडरे, सहाय्यक उद्यान अधिक्षक मधुकर डोंगर उपस्थित होते.

मोबाइल अॅप डाउनलोड करा आणि राहा अपडेट

गोकुळच्या कर्मचाऱ्यांना पगारवाढ

March 14, 2018, 9:30 pm

≫ Next: फायर सर्व्हीस फी रद्द करा

≪ Previous: खरमाती टाकणाऱ्यावर फौजदारी करा

$

0

0

म. टा. प्रतिनिधी, कोल्हापूर

कोल्हापूर जिल्हा सहकारी दूध उत्पादक संघ (गोकुळ) आणि कर्मचारी संघटनांत झालेल्या कर्मचारी वेतनवाढ करारावर स्वाक्षऱ्या करण्यात आल्या. करारांनुसार कर्मचाऱ्यांना वाढीव रजा आणि प्रतिमहा ३,७०० रुपयांची पगारवाढ मिळणार आहे. नव्या वेतनवाढीचा लाभ गोकुळकडील कायमस्वरुपी १,५०० कर्मचाऱ्यांना मिळणार आहे. वेतन करारांवर स्वाक्षऱ्या झाल्याने गोकुळमध्ये नव्याने नोकरभरती होण्याची शक्यता वर्तवली जात आहे. गोकुळमध्ये कायमस्वरुपी असलेल्या कर्मचारी व व्यवस्थापनात दर तीन वर्षांनी वेतनवाढ करार होतो. या वेतन कराराची मुदत २०१७ मध्ये संपली होती. गोकुळचे संस्थापक आनंदराव पाटील-चुयेकर यांच्या पुण्यतिथी कार्यक्रमामध्ये चेअरमन विश्वास पाटील यांनी पगारवाढीची घोषणा केली होती, पण प्रत्यक्षात वेतन करारावर स्वाक्षऱ्या झाल्या नव्हत्या. त्यामुळे कर्मचाऱ्यांना वेतनवाढीचा प्रतीक्षा होती. संघ व्यवस्थापनातील कार्यकारी संचालक, कायदा सल्लागार व संघटनेच्या पदाधिकाऱ्यांची बैठक नुकतीच झाली. त्यात करारावर स्वाक्षऱ्या करण्यात आल्या. नव्या करारानुसार कर्मचाऱ्यांना प्रतिमहिना ३,७०० रुपयांची पगारवाढ मिळणार आहे. यासाठी संघाला वर्षाला सहा कोटी ६६ लाख रुपयांची तरतूद करावी लागणार आहे. नवा कराराची २०१७ ते २०१९ पर्यंत अंमलबजावणी करण्यात येणार आहे. यावेळी कार्यकारी संचालक डी. व्ही. घाणेकर, अस्थापना विभागाचे डी. के. पाटील, रामकृष्ण पाटील, कर्मचारी संघटनेचे अध्यक्ष एस. बी. पाटील, संजय सदलगेकर, सदाशिव निकम, शंकर पाटील, बी. आर. पाटील, सचिन पाटील आदी संघटनेचे पदाधिकारी उपस्थित होते. 'गोकुळच्या यशामध्ये उत्पादकांबरोबर कर्मचाऱ्यांचाही मोलाचा वाटा आहे. वाढती महागाई आणि त्यांना आर्थिक स्थैर्य देण्यासाठी वेतनवाढ देण्याचा निर्णय घेतला आहे,' असे संघाचे अध्यक्ष विश्वास पाटील यांनी सांगितले.

मोबाइल अॅप डाउनलोड करा आणि राहा अपडेट

फायर सर्व्हीस फी रद्द करा

March 14, 2018, 9:30 pm

≫ Next: कुरुंदकरचे राष्ट्रपती पदक रद्द होणार

≪ Previous: गोकुळच्या कर्मचाऱ्यांना पगारवाढ

$

0

0

म. टा. प्रतिनिधी, कोल्हापूर

व्यापारी, उद्योजक महापालिकेचा घरफाळा व्यावसायिक दराने भरत असताना त्यातून फायर टॅक्स वसूल केला जातो. पण आता नवीन परवाना घेताना, नुतनीकरण करताना फायर सर्व्हिस फी वसूल केला जात आहे. हे पुर्णत: चुकीचे असल्याने ही फी त्वरित रद्द करण्याची मागणी कोल्हापूर चेंबर ऑफ कॉमर्स अँड इंडस्ट्रीजच्यावतीने महापौर स्वाती यवलुजे यांच्याकडे करण्यात आली.

फायर टॅक्स असताना पुन्हा नवीन फी वसूल करण्याचा प्रकार अन्यायकारक आहे. त्यामुळे चेंबरचे उपाध्यक्ष संजय शेटे यांच्या नेतृत्वाखाली आनंद माने, प्रदीप कापडिया, शिवाजीराव पोवार, धनंजय दुग्गे, राहुल नष्टे, अजित कोठारी, लक्ष्मण पटेल, करसन पटेल, जयंती पटेल यांच्या शिष्टमंडळाने बुधवारी दुपारी महापौर यवलुजे यांची भेट घेतली. त्यावेळी ही फी त्वरित रद्द करण्याची मागणीही केली. याबाबत तातडीने लक्ष घालून तोडगा काढण्याचे आश्वासन महापौर यांनी दिले. यावेळी उपमहापौर सुनील पाटील, परिवहन सभापती राहुल चव्हाण, गटनेते शारंगधर देशमुख, नगरसेवक अर्जुन माने उपस्थित होते.

मोबाइल अॅप डाउनलोड करा आणि राहा अपडेट

---

कुरुंदकरचे राष्ट्रपती पदक रद्द होणार

March 14, 2018, 9:30 pm

≫ Next: पाच हजाराची लाच घेताना तलाठी जाळ्यात

≪ Previous: फायर सर्व्हीस फी रद्द करा

$

0

0

म. टा. प्रतिनिधी, कोल्हापूर

सहायक पोलिस निरीक्षक अश्विनी बिंद्रे यांच्या खूनप्रकरणी अटकेतील संशयित आरोपी निलंबित पोलिस निरीक्षक अभय कुरुंदकर याला दिलेले राष्ट्रपती पदक रद्द केले जाईल. यासाठी केंद्र सरकारकडे शिफारस केली जाणार आहे. या गुन्ह्यात कुरुंदकर दोषी आढळल्यास त्याला सेवेतून बडतर्फही केले जाईल, अशी माहिती मुख्यमंत्री देवेंद्र फडणवीस यांनी विधानपरिषदेत दिली.

वरिष्ठ पोलिस निरीक्षक अभय कुरुंदकर हा वर्दीचा गैरफायदा घेऊन त्याच्याच सहकारी महिला पोलिस अधिकाऱ्याचा खून करीत असेल तर, जनतेच्या सुरक्षेचे काय होणार असा प्रश्न राष्ट्रवादीचे आमदार किरण पावसकर यांनी उपस्थित केला होता. कुरुंदकर याच्यावर गुन्हा दाखल झाल्यानंतरही त्याला राष्ट्रपती पोलिस पदक देण्यात आले. कुरुंदकरने कामात कुचराई केल्याचा अहवाल वरिष्ठ अधिकाऱ्यांनी देऊनही त्याला राष्ट्रपती पदक देण्यात आले. कुरुंदकरला दिलेले राष्ट्रपती पदक काढून घेऊन त्याच्यावर कडक कारवाई करावी,' अशी मागणी पावसकर यांनी केली. याबाबत निवेदन करताना बोलताना मुख्यमंत्र्यांनी केंद्राकडे शिफारस करणार असल्याचे सभागृहात सांगितले.

बिद्रे यांच्या हत्येबाबत माहिती देताना गृहराज्यमंत्री रणजित पाटील म्हणाले, 'या गुन्ह्यासंदर्भात तक्रार दाखल झाल्यानंतर पोलिसांनी शिताफीने तपास केला आहे. कुरुंदकर, राजेश पाटील, कुंदन भंडारी आणि महेश फळणीकर या चौघांना अटक केली आहे. तपासात कुरुंदकर याने अश्विनी बिद्रे यांची हत्या करून मृतदेहाची वसईच्या खाडीत विल्हेवाट लावल्याची माहिती पुढे आली आहे. त्यादृष्टीने तपास करण्यात येत आहे. या प्रकरणात कोणालाही पाठीशी घालणार नाही. ज्यांचा सहभाग असेल त्यांची चौकशी करून कारवाई केली जाईल,' असे पाटील यांनी सांगितले.

मोबाइल अॅप डाउनलोड करा आणि राहा अपडेट

पाच हजाराची लाच घेताना तलाठी जाळ्यात

March 14, 2018, 9:30 pm

≫ Next: कोल्हापूर परिसरात पावसाचा शिडकावा

≪ Previous: कुरुंदकरचे राष्ट्रपती पदक रद्द होणार

$

0

0

म.टा.वृत्तसेवा, गडहिंग्लज

पीककर्ज नूतनीकरणासाठी जमिनीच्या सातबारावर सही करण्यासाठी पाच हजार रुपयांची लाच स्वीकारताना तलाठी भीमराव कृष्णा मगदूम याला रंगेहाथ पकडण्यात आले. पोलिस उपअधीक्षक गिरीश गाडे यांच्या मार्गदर्शनाखाली पोलिस निरीक्षक प्रवीण पाटील यांच्यासह लाचलुचपत प्रतिबंधक विभागाने बुधवारी ही कारवाई केली.

याबाबत अधिक माहिती अशी, तक्रारदाराचे वडील व चुलते यांची जरळी (ता.गडहिंग्लज) येथे वडिलोपार्जित शेतजमीन आहे. त्या शेतजमीनीच्या शेजारी रामू बाबू शिपुरे यांची शेतजमीन आहे. तक्रारदार यांच्या शेतातून रामू शिपुरे यांना त्यांच्या शेतात जाण्याकरिता पर्यायी रस्ता पाहिजे होता. त्यास तक्रारदार यांचे वडील व चुलते यांचा विरोध होता. त्यामुळे शिपुरे यांनी तक्रारदारांच्या शेतातून रस्ता मिळावा यासाठी गडहिंग्लज तहसील कार्यालयात दावा दाखल केला होता. याबाबत १८ सप्टेंबर २०१७ रोजी तहसीलदार यांनी तक्रारदार यांच्या बाजूने निकाल देऊन शिपुरे यांचा दावा अर्ज नामंजूर केला होता. पंधरा दिवसांपूर्वी तक्रारदारांनी पिक कर्ज नूतनीकरण करण्यासाठी जमिनीचा सातबारा उतारा मिळविण्यासाठी जरळी येथे तलाठी मगदूम याची भेट घेतली. त्यावेळी तलाठी मगदूम याने तक्रारदाराला मी तुमचे यापूर्वीच्या दाव्याचे काम तुमच्या बाजूने केले आहे. मला अगोदर त्याचे दहा हजार रुपये द्या, अशी मागणी केली. मगच मी तुमच्या सातबारावर सही करून देतो असे सांगितले.

याबाबत तक्रारदारांनी १३ मार्च २०१८ रोजी लाचलुचपत प्रतिबंधक विभागाकडे तलाठी मगदूम याच्याविरुद्ध तक्रार दिली. तक्रारीनुसार बुधवारी (ता.१४) पडताळणी केली असता मगदूम याने गडहिंग्लज ते संकेश्वर रस्त्यावर ओंकार मोटार ड्रॉयव्हिंग स्कूलसमोर तक्रारदाराकडे जमिनीच्या सातबारावर सही करण्यासाठी तडजोडीअंती पाच हजार रुपयांची लाच मागितल्याचे निष्पन्न झाले. ओंकार मोटार ड्रॉयव्हिंग स्कूलसमोर सापळा रचून पंच व साक्षीदार यांच्या समक्ष मगदूम याला तक्रारदाराकडून पाच हजार रुपयांची रक्कम स्वीकारताना रंगेहाथ पकडण्यात आले. या कारवाईत पोलिस निरीक्षक प्रवीण पाटील, सहाय्यक फौजदार शामसुंदर बुचडे, पोलिस नाईक शरद पोरे, संदीप पावलेकर, रुपेश माने, विष्णू गुरव यांनी सहभाग घेतला.

मोबाइल अॅप डाउनलोड करा आणि राहा अपडेट

कोल्हापूर परिसरात पावसाचा शिडकावा

March 14, 2018, 9:30 pm

≫ Next: वीजतोडणी पथकावर हल्ला; अधिकारी गंभीर

≪ Previous: पाच हजाराची लाच घेताना तलाठी जाळ्यात

$

0

0

कोल्हापूर : शहर परिसरात बुधवारी सायंकाळी सहाच्या सुमारास वळीव पावसाचा शिडकावा झाला. दुपारनंतर ढगाळ वातावरण झाले. तर सायंकाळी पाचनंतर जोरदार वारा सुटला होता. सहाच्या दरम्यान पावसाला सुरुवात झाली. पाऊस येण्याच्या भीतीने शहरातील विक्रेते, दुचाकीस्वार, पादचाऱ्यांची धावाधाव झाली. पन्हाळा, राधानगरी तालुक्यात मात्र, काही ठिकाणी जोरदार पाऊस पडला. वाऱ्यासह पावसाच्या हलक्या सरी झाल्याने गेल्या काही दिवसांपासून हवेतील उष्मा कमी होऊन गारवा निर्माण झाला होता.

मोबाइल अॅप डाउनलोड करा आणि राहा अपडेट

वीजतोडणी पथकावर हल्ला; अधिकारी गंभीर

March 15, 2018, 4:17 am

≫ Next: कोल्हापूर विमानसेवेसाठी पुन्हा हालचाली

≪ Previous: कोल्हापूर परिसरात पावसाचा शिडकावा

$

0

0

पंढरपूर :

उन्हाळ्याच्या झळा वाढू लागल्या असतानाच वीजजोडणी तोडण्याच्या कारवाईमुळे ग्रामीण भागातील वातावरण बिघडू लागले आहे. आज माढा तालुक्यातील उपळाई बुद्रूक येथे वीज जोडण्यांवर कारवाई करण्यासाठी गेलेले महावितरणचे अधिकारी आणि कर्मचाऱ्यांना शेतकऱ्यांच्या जमावाने बेदम मारहाण केल्याची धक्कादायक घटना घडली. या घटनेनंतर कर्मचाऱ्यांनी काम बंद आंदोलन सुरू केले आहे.

वीज थकबाकी वसुली मोहिमेअंतर्गत उपळाई गावात महावितरणचे अधिकारी व कर्मचारी वीज जोडण्या तोडण्याचे काम करीत होते. मात्र या कारवाईने संतप्त झालेल्या शेतकऱ्यांच्या जमावाने अधिकारी आणि कर्मचाऱ्यांवर हल्ला केला. शेतीपंपांचे वीज कनेक्शन तोडल्याच्या रागातून शेतकऱ्यांनी गावातील उपकेंद्राला घेराव घालून तिथे वसुलीसाठी आलेले प्रभारी उप कार्यकारी अभियंता आर. पी. चव्हाण व सहाय्यक अभियंता प्रेम चव्हाण या दोन अधिकारी व ६ कर्मचाऱ्यांना लाथाबुक्क्यांनी व लोखंडी पाइपने जबर मारहाण केली. व्हिडिओग्राफरनाही मारहाण करण्यात आली. जमावाने एन. जे. गावडे व भास्कर सुतार या दोघा वीज कर्मचाऱ्यांना काही वेळ डांबूनही ठेवले. या घटनेत महावितरणचे अधिकारी प्रेम चव्हाण हे गंभीर जखमी झाले असून त्यांना अधिक उपचारांसाठी सोलापुरात हलवण्यात आले आहे. या घटनेबाबत माढा पोलीस ठाण्यात ८ जणांविरोधात सरकारी कामात अडथळा आणल्याचा गुन्हा दाखल करण्यात आला आहे.

अधिकारी-कर्मचाऱ्यांचे काम बंद आंदोलन

महावितरणचे अधिकारी व कर्मचाऱ्यांनी काम बंद ठेऊन घटनेचा निषेध नोंदवला आहे. महावितरणचे जिल्हा अधीक्षक अभियंता ज्ञानेश्वर पडळकर व बार्शीचे कार्यकारी अभियंता नरेंद्र ताडे हे दोन अधिकारी कर्मचाऱ्यांसह माढा पोलीस ठाण्यात ठाण मांडून बसले आहेत. सर्व आरोपींना अटक केल्याशिवाय माघारी न जाण्याचा पवित्रा या सर्वांनी घेतला आहे.

मोबाइल अॅप डाउनलोड करा आणि राहा अपडेट

कोल्हापूर विमानसेवेसाठी पुन्हा हालचाली

March 15, 2018, 5:57 pm

≫ Next: भारतातील विकासाला असमानतेचा अडसर

≪ Previous: वीजतोडणी पथकावर हल्ला; अधिकारी गंभीर

$

0

0

म. टा. प्रतिनिधी, कोल्हापूर

सरकारने केवळ घोषणा केलेली कोल्हापूर-मुंबई प्रवासी विमानसेवेचे स्वप्न पूर्ण करण्यासाठी एअर डेक्कन विमान कंपनीकडून सेवा मिळविण्यासाठी पुन्हा प्रयत्न सुरू झाले आहेत. नाशिक आणि जळगाव येथे एअर डेक्कनला आठवडाभर वेळेचा स्लॉट मिळाल्यानंतर ही कंपनी कोल्हापूरला सेवा देऊ शकेल, असा आशावाद निर्माण झाला आहे. त्यामुळे कोल्हापूर ते मुंबई या प्रस्तावित विमानसेवेसाठी हालचाली सुरू झाल्या आहेत. येत्या आठवड्यात अतिरिक्त कार्यभार असलेले नागरी विमान वाहतुकमंत्री सुरेश प्रभू यांची भेट घेण्यात येणार आहे.

तेलगू देसम पक्षाचे सर्वेसर्वा चंद्राबाबू नायडू यांनी लोकशाही आघाडी सरकारमधील कोणतेही मंत्रिपद न घेण्याचा निर्णय घेतला. त्यानुसार त्यांच्या पक्षाचे नागरी विमान वाहतूक मंत्री अशोक गजपती राजू यांनी राजीनामा दिला. या मंत्रिपदाचा अतिरिक्त कार्यभार वाणिज्यमंत्री सुरेश प्रभू यांच्याकडे सोपविला आहे. खासदार धनंजय महाडिक यांनी दिल्ली येथे त्यांची भेट घेतली. कोल्हापूर ते मुंबई मार्गावरील विमानसेवा तत्काळ सुरू करण्याची मागणी केली. या संदर्भात येत्या आठवड्यात विमानसेवा सुरू करण्या संदर्भात भेट घेतली जाणार आहे. केंद्र सरकारच्या उडान योजनेत पहिल्या टप्प्यात कोल्हापूर-मुंबई विमानसेवा आठवड्यातून तीन दिवस प्रस्तावित आहे. तत्पूर्वी दुसऱ्या टप्प्यातील विमानसेवा हैदराबाद, तिरुपती, बेंगळुरू ते कोल्हापूर मार्गांना मान्यता दिली आहे. पहिल्या टप्प्यातील कोल्हापूर-मुंबई प्रवासी विमानसेवा सुरू करण्यासाठी एअर डेक्कन विमान कंपनी दिरंगाई करीत असल्याने ब्लॅकलिस्टमध्ये टाकण्याची मागणी खासदार महाडिक, खासदार संभाजीराजे छत्रपती यांनी केंद्रीय नागरी विमान वाहतूक राज्यमंत्री जयंत सिन्हा यांच्याकडे फेब्रुवारीत केली होती. वाहतूक मंत्रिपदाचा अतिरिक्त कार्यभार प्रभू यांच्याकडे सोपविला आहे. त्यामुळे घोषणा केलेली कोल्हापूर-मुंबई विमानसेवा सुरू करण्यासाठी प्रयत्न सुरू झाले आहे. त्यासाठी एअर डेक्कन कंपनीसोबत येत्या आठवड्यात चर्चा केली जाणार असल्याचे समजते.

मोबाइल अॅप डाउनलोड करा आणि राहा अपडेट

भारतातील विकासाला असमानतेचा अडसर

March 16, 2018, 2:18 am

≫ Next: गोकुळला ३ कोटी १७ लाखांचा फटका

≪ Previous: कोल्हापूर विमानसेवेसाठी पुन्हा हालचाली

$

0

0

म.टा. वृत्तसेवा, कोल्हापूर: शिवाजी विद्यापीठच्या समाजशास्त्र अधिविभागाच्यावतीने नुकतेच दोन दिवसीय राष्ट्रीय चर्चासत्र झाले. या सत्राचे उद्घाटन आयएसईसी,बेंगलोर या संस्थेचे प्रोफेसर डॉ. आर. एस. देशपांडे यांनी केले. या चर्चासत्रसाठी 'भारतातील दारिद्र्य आणि असमानतेचा प्रश्न' असा विषय होता.

या चर्चासत्राचे बीजभाषण डॉ. आर. एस. देशपांडे यांनी केले. देशपांडे म्हणाले, ' भारतातील दारिद्र्य आणि असमानता ही भारतातील असलेल्या आर्थिक स्त्रोतांची असमानता, जातव्यवस्था, सामाजिक, आर्थिक व राजकीय अधिकार आणि प्रादेशिक असंतुलित विकास यामुळे ही समस्या निर्माण झालेली आहे. त्याचबरोबर भारतातील ऐतिहासिक, सांस्कृतिक व राजकीय व्यवस्था देखील यास कारणीभूत ठरते. भारत सरकारने नियोजन आयोगाच्या माध्यमातून देशामध्ये आर्थिक वृध्दी, सेवा़क्षेत्राचा विकास, औद्योगिक क्रांती, माहिती तंत्रज्ञान विकास आणि परकीय गंगाजळीमध्ये वृध्दी घडवून आणली. पण देशाचा सर्वसमावेशक विकास झाला नाही. त्यामुळे दारिद्रयाचे मोठे दुष्टचक्र निर्माण झाले. तोच प्रश्न भारतासारख्या देशाच्या विकासाच्या दृष्टीने मोठा अडथळा ठरत आहे. याचे कारण म्हणजे नियोजन आयोगाने केलेले चुकीचे विकासाचे प्रतिमान व प्रादेशिक असंतुलित विकास हे दिसून येते. सन १९७३ मध्ये इंदिरा गांधी यांनी 'गरीबी हटाव' चा नारा दिला, तेंव्हापासून ते आजपर्यंत गरीबी म्हणजेच दारिद्रय संपुष्टात आलेले नाही. उलट ते वाढतच चालले आहे. याचे दुष्परिणाम भारताला भविषयात तीव्रतेने भेडसावतील. म्हणूनच आपण देखील नेपाळ, बांगलादेश या देशांनी त्यांचा दारिद्र्याचा दर कमी करण्यासाठी जशी धोरणे राबविली त्या पध्द्तीने आपलाही दारिद्र्याचा दर कमी येवू शकतो. म्हणून नवीन धोरणातून व माहिती तंत्रज्ञानाच्या माध्यमातून विकासापासून अलिप्त असलेल्या सीमांत घटकापर्यंत गुंतवणूक करुन या संरचनात्मक दारिद्रयाला आणि असमानतेला पूर्णत: नष्ट करु शकतो.'

या दोन दिवसीय राष्ट्रीय चर्चासत्रचे अध्यक्ष प्रा. डॉ. आर. बी. पाटील हे होते. प्रास्ताविक समाजशास्त्र अधिविभागाचे विभागप्रमुख प्रा. डॉ. जगन कराडे यांनी केले. चर्चासत्राचे समन्वयक डॉ. प्रल्हाद माने होते. डॉ. प्रतिमा पवार यांनी पाहुण्यांची ओळख करुन दिली.आभार डॉ. प्रतिभा देसाई यांनी मानले.

मोबाइल अॅप डाउनलोड करा आणि राहा अपडेट

गोकुळला ३ कोटी १७ लाखांचा फटका

March 16, 2018, 2:21 am

≫ Next: वेदगंगा नदीत उडी घेवून महिलेची आत्महत्या

≪ Previous: भारतातील विकासाला असमानतेचा अडसर

$

0

0

म. टा. प्रतिनिधी, कोल्हापूर: कर्नाटक मिल्क फेडरेशनच्या तुलनेत गोकुळ दूध संघ खरेदी करीत असलेला पॉलिफिल्म प्रतिकिलो सहा रुपये ८२ पैसे जादा दराने खरेदी करते. दूध विक्रीसाठीच्या पिशव्यांसाठी प्रतिवर्षी गोकुळला ११०० मेट्रिक टन पॉलिफिल्म लागते. यामुळे गोकुळला ३ कोटी १७ लाख १३ हजार रुपयांचा आर्थिक भुर्दंड बसला आहे. त्याची चौकशी करावी, अशी मागणी आमदार सतेज पाटील यांनी गुरुवारी प्रसिद्धीपत्रकातून केली.

पत्रकात म्हटले आहे की, सन २०११ पासून मेट्रो पॉलिथीलीन कंपनीकडून गोकुळ आणि कर्नाटक मिल्क फेडरेशनला सीआय फ्लेक्सो प्रिंटेड पॉलिफिल्म पुरवते. दरम्यान, मेट्रो कंपनीकडून जादा दराची आकारणी केली जात असल्याचे निदर्शनास आल्यानंतर कर्नाटक मिल्क फेडरेशन २०१७ मध्ये निविदा प्रसिध्द केली. त्यामुळे फेडरेशनला १३४ रुपये ३७ पैसे प्रतिकिलो दराने पॉलिफिल्म देण्याची तयारी कंपनीने दर्शवली. या दराने ते खरेदी करू लागले. मात्र, गोकुळकडून त्याच कंपनीकडून जादा दराने पॉलिफिल्म खरेदी केली. फेडरेशनच्या दराने पॉलिफिल्म मिळण्यासाठी गोकुळने प्रयत्न केले नाहीत. त्यामुळे गोकुळकडून कंपनीला प्रतिकिलो पॉलिफिल्म १७१ रुपये ८७ पैसे जादा गेले. हे उत्पादकांचे पैसे आहेत. यामुळे त्याची चौकशी होणे गरजेचे आहे. गोकुळ व्यवस्थापन खर्चात काटकसर न करता उधळपट्टी करते हे यावरून स्पष्ट होत आहे.

गोकुळने पॉलिफिल्म निविदा काढूनच खरेदी केली आहे. इतर संघांच्या तुलनेत गोकुळ वापरत असलेले पॉलिफिल्मची जाडी दुप्पट आहे. त्यामुळे सतेज पाटील यांनी दिशाभूल करण्यासाठी 'गोकुळ'वर आरोप केले आहेत. त्यांचे आरोप चुकीचे आहेत.

विश्वास पाटील, अध्यक्ष, गोकुळ

मोबाइल अॅप डाउनलोड करा आणि राहा अपडेट

---

वेदगंगा नदीत उडी घेवून महिलेची आत्महत्या

March 16, 2018, 2:29 am

≫ Next: पे अँड पार्कमधील अतिक्रमण हटवले

≪ Previous: गोकुळला ३ कोटी १७ लाखांचा फटका

$

0

0

म. टा. वृत्तसेवा, कागल: बानगे सोनगेदरम्यानच्या पुलावरुन वेदगंगा नदीत उडी घेवून एका महिलेने आत्महत्या केली आहे. अर्चना अशोक पाटील वय ४२ रा गारगोटी असे या महिलेचे नाव आहे. माहेराच्यांनी इस्टेटीचा हिस्सा देण्यास नकार दिल्याच्या रागातून या महिलेने आत्महत्या केल्याची चर्चा आहे. याबाबतची वर्दी बानगेचे पोलिस पाटील जिरगे यांनी मुरगूड पोलिसात दिली असून या घटनेने एकच खळबळ उडाली आहे.

दरम्यान, आत्महत्या करतेवेळी पुलावर या महिलेने आपली पर्स, मोबाइल,चप्पल आणि लिहून ठेवलेली चिठ्ठी सापडल्याची माहीती महिलेचा पती अशोक पाटील यांनी दिली असून बानगेचे पोलिस पाटील यांनी ही चिठ्ठी आपल्या ताब्यात घेतली आहे. ते आम्हाला देण्यास टाळाटाळ करीत आहेत. त्यामुळे ही आत्महत्या की घातपात याबाबत आम्ही संभ्रमावस्थेत असून याचा योग्य तो तपास करावा, अशी मागणी मृत महिलेच्या पतीने मुरगूड पोलिसांकडे केली आहे.

अर्चना पाटील या आपल्या बानगे या माहेरगावी गेल्या होत्या. या गावावरुन सासरी गारगोटीकडे जात असताना बानगे सोनगे दरम्यान वेदगंगा नदीवरील पुलावरुन नदीत उडी मारुन त्यांनी आत्महत्या केली .याची माहीती पती अशोक पाटील यांना मिळताच ते घटनास्थळी आले व तरंगणारा मृतदेह आपल्या पत्नीचाच असल्याचे त्यांनी सांगितले.

मोबाइल अॅप डाउनलोड करा आणि राहा अपडेट

पे अँड पार्कमधील अतिक्रमण हटवले

March 16, 2018, 2:40 am

≫ Next: शाळांसह मुख्याध्यापकांवरील नोटिसा मागे

≪ Previous: वेदगंगा नदीत उडी घेवून महिलेची आत्महत्या

$

0

0

कोल्हापूर टाइम्स टीम: हुतात्मा पार्क उद्यानासमोरील महापालिकेच्या खुल्या जागेवर करण्यात आलेले वाळू, खडी, वीट डेपोचे मोठे अतिक्रमण नुकतेच महापालिकेने हटवले. तिथे उभे करण्यात आलेले बारा ट्रक, दहा डंपर वाळू, सहा डंपर खडी, सहा ट्रॅक्टर वीट हटवण्यात आल्या. ही जागा महापालिकेने केएमटीला पे अँड पार्कसाठी दिली आहे.

महापालिकेच्या विभागीय कार्यालय दोनच्यावतीने हुतात्मा पार्क उद्यानासमोरील पार्किंगच्या जागेत अतिक्रमण करण्यात आले होते. अगदी मुख्य रस्त्यालगत असलेल्या जागेवर वाहने उभी केली जात होती. तसेच तिथे वाळू, खडींचे डेपोच तयार करण्यात आले होते. त्यामुळे ही जागा वापरता येत नव्हती. ही जागा महापालिकेने केएमटीला उत्पन्नवाढीसाठी दिली. तिथे केएमटीच्यावतीने पे अँड पार्क करण्यात येणार आहे. त्यामुळे विभागीय कार्यालय व अतिक्रमण विभागाच्यावतीने एक जेसीबी, तीन डंपरच्या सहाय्याने कारवाई करण्यात आली. तेथे उभे करण्यात आलेले १२ ट्रक हटवण्यात आले. बेकायदेशीरपणे सुरू केलेल्या डेपोतील दहा डंपर वाळू, सहा डंपर खडी, सहा ट्रॅक्टर वीट असे साहित्य हटवण्यात आले. या रिकाम्या जागेवर केएमटीच्यावतीने लवकरच पे अँड पार्कची सुविधा सुरु करण्यात येणार आहे. उपशहर अभियंता एस. के. माने, कनिष्ठ अभियंता राजेंद्र वेल्हाळ, सर्व्हेअर तानाजी गेंजगे, अतिक्रमण विभाग प्रमुख पंडीत पोवार यांनी कारवाई केली. कारवाईत पवडी व अग्निशमन विभागाकडील कर्मचारी उपस्थित होते.

मोबाइल अॅप डाउनलोड करा आणि राहा अपडेट

शाळांसह मुख्याध्यापकांवरील नोटिसा मागे

March 16, 2018, 3:00 am

≫ Next: नोटाबंदी, जीएसटीला कंटाळून सराफाची आत्महत्या

≪ Previous: पे अँड पार्कमधील अतिक्रमण हटवले

$

0

0

म. टा. प्रतिनिधी, कोल्हापूर: आंदोलनात विद्यार्थी आणल्यावरुन जिल्ह्यातील २८ शाळांना दिलेल्या कारवाईच्या नोटिसा गुरुवारी शिक्षणाधिकाऱ्यांनी मागे घेतल्या. शाळा बंदबाबत सरकारी निर्णयाविरोधात सुरू असलेल्या आंदोलनांतर्गत शिक्षण वाचवा नागरी कृती समितीच्या नेतृत्वाखाली शहरातील शालेय विद्यार्थ्यांनी रस्त्यावर घेतलेली प्रतिज्ञा हा उपक्रम शाळेच्या वेळेनंतर केला आहे. त्याला विरोध करण्याचा अधिकार शिक्षण प्रशासनाला नाही. परिणामी या प्रतिज्ञा उपक्रमात सहभागी झालेल्या विद्यार्थ्यांच्या शाळा मुख्याध्यापक व संस्थाचालकांना लागू केलेली कारणे दाखवा नोटिस बिनशर्त मागे घेत असल्याचे शिक्षण उपनिरीक्षक डी. ए. पोवार व माध्यमिक शिक्षणाधिकारी किरण लोहार यांनी जाहीर केले.

शिक्षणाधिकाऱ्यांकडून बेकायदेशीर व नियमबाह्यरित्या नोटीस काढण्यात आल्याचा आरोप करत कृती समिती कार्यकर्त्यांनी गुरूवारी दुपारी साडेबारा वाजता शिक्षण उपसंचालक कार्यालयात शिक्षणाधिकारी व प्रशासनाधिकाऱ्यांसमोर जवाब दो आंदोलन करण्यात आले. यावेळी आंदोलकांनी नोटीस प्रकरणावरून अधिकाऱ्यांवर प्रश्नांची सरबत्ती केली. नियमावर बोट ठेवून आंदोलकांनी विचारलेल्या प्रश्नावर अधिकाऱ्यांची बोलतीच बंद झाल्याने आंदोलन दडपण्याची सरकारी हुकूमशाही मोडून काढण्यात समितीला यश आले.

सरकारी शाळा बंद करून त्याचे कंपनीकरण करण्याचा निर्णय राज्य सरकारने घेतला आहे. यामुळे वाडीवस्तींवरील शाळा बंद होण्याचा, पर्यायाने गरीब मुलांचे शिक्षण थांबण्याचा धोका आहे. हा निर्णय सरकारने मागे घ्यावा, या मागणीसाठी गेल्या दीड महिन्यापासून कोल्हापुरात शाळा वाचवा नागरी कृती समितीच्यावतीने आंदोलन सुरू आहे. या आंदोलनात विद्यार्थी व पालकांचाही सहभाग होता. सोमवारी, १२ मार्चला सकाळच्या सत्रातील शाळा सुटल्यानंतर साडेअकरा वाजता शहरातील सर्व शाळांच्या गेटबाहेर विद्यार्थ्यांनी सामूहिक व प्रतिज्ञा म्हणण्याचे ठरवले होते. मात्र या उपक्रमाला विरोध करण्याच्या उद्देशाने व आंदोलन मोडून काढण्याच्या हेतूने पालकमंत्री चंद्रकांत पाटील यांच्या आदेशानुसार आंदोलनात विद्यार्थ्यांचा वापर करता येणार नाही. केल्यास कारवाई करण्यात येईल, असे परिपत्रक महापालिका व जिल्हा परिषद शिक्षण विभागामार्फत समितीला व्हॉटसअॅपद्वारे पाठवण्यात आले. रविवारी सुटी असतानाही अशी नोटीस सोशल मीडियाच्या माध्यमातून देणे नियमबाह्य आहे, या मुद्यावर सरकारी आदेश धुडकावत समितीने सोमवारी सामूहिक प्रतिज्ञा उपक्रम पार पाडला. उपक्रमात सहभागी झालेल्या मुख्याध्यापक, संस्थाचालक, शिक्षक यांच्यावर गुन्हा दाखल करण्याची प्रक्रिया सुरू केल्यामुळे आंदोलन तीव्र करण्यात आले.

शिक्षण विभागाने पाठवलेल्या नोटिसांविरोधात जाब विचारण्यासाठी गुरूवारी दुपारी साडेबारा वाजता कृती समितीचे सर्व सदस्य शिक्षण उपसंचालक कार्यालयात जमले. बैठकीला शिक्षण उपनिरीक्षक डी. एस. पोवार, माध्यमिक शिक्षणाधिकारी किरण लोहार, प्रशासन अधिकारी किरण शिरोळकर, महापालिका शिक्षणाधिकारी विश्वास सुतार व वेतनपथक अधीक्षक शंकर मोरे आदी उपस्थित होते. आंदोलनात कृती समितीचे समन्वयक अशोक पोवार, भरत रसाळे, गणी आजरेकर, वसंत मुळीक, महादेव पाटील, संतोष आयरे, किशोर घाटगे, रमेश मोरे, लालासाहेब गायकवाड, राजाराम सुतार, राजेंद्र कोरे आदी उपस्थित होते.

अहवाल पाठवणार

शिक्षण सनियंत्रक म्हणून जिल्हा परिषदेचे मुख्य कार्यकारी अधिकारी डॉ. कुणाल खेमनार यांना अधिकार देण्यात आले आहेत. शिक्षण उपसंचालक कार्यालयातील वरिष्ठ अधिकाऱ्यांच्या कोणत्याही सूचना नसताना ज्या अधिकाऱ्यांनी शाळा व संस्थाचालकांना नोटीस बजावली आहे, त्याबाबतचा अहवाल डॉ. खेमनार यांना पाठवण्यात येईल, असा खुलासा शिक्षण उपनिरीक्षक डी.एस. पोवार यांनी बैठकीत केला. तसेच शाळेच्या वेळेनंतर विद्यार्थ्यांनी कोणत्याही उपक्रमात सहभाग घेतला तर त्यावर आक्षेप घेण्याचा अधिकार आमच्या कार्यकक्षेत येत नसल्याने याबाबत दिलेल्या नोटिसाही मागे घेण्याबाबत कार्यवाही केली जाईल, असे स्पष्ट केले.

मोबाइल अॅप डाउनलोड करा आणि राहा अपडेट

नोटाबंदी, जीएसटीला कंटाळून सराफाची आत्महत्या

March 16, 2018, 9:00 am

≫ Next: गुढी पाडवा आमरसाविना, आवकही जेमतेमच

≪ Previous: शाळांसह मुख्याध्यापकांवरील नोटिसा मागे

$

0

0

सातारा :

'केंद्रातील मोदी सरकारच्या नोटाबंदी आणि जीएसटीच्या निर्णयामुळे माझा संपूर्ण व्यवसाय अडचणीत आला आहे. माझं जीवन उद्ध्वस्त झालं आहे' अशा आशयाची फेसबुक पोस्ट लिहून कराडमधील राहुल फाळके या सराफाने आज रेल्वेखाली उडी घेऊन आत्महत्या केली. राहुल हे शिवसैनिक होते. आपल्या पोस्टमध्ये त्याचा उल्लेख करताना यापुढे शिवसेनेला निवडून द्या, असे आवाहनही त्यांनी केले आहे. माझ्या कुटुंबाची जबाबदारी शिवसेनेने घ्यावी, अशी विनंतीही या पोस्टच्या शेवटी राहुल यांनी केली आहे.

राहुल फाळके दुकानात जाण्याआधी नेहमी मुलाला शाळेत सोडायचे. आजही त्यांनी सकाळी मुलाला शाळेत सोडले व तिथून ते दुकानात आले. मात्र काही वेळाने दुकान बंद करून ते निघून गेले. दरम्यान, दुपारी १ च्या सुमारास त्यांचा मृतदेह कोपर्डे हवेली गावाजवळ रेल्वे रूळावर आढळला आणि एकच खळबळ उडाली.

मिळालेल्या माहितीनुसार, शहरातील शनिवार पेठेत मारुती मंदीर चौकात राहुल फाळके यांचे मंगलमूर्ती ज्वेलर्स असून वडिलांसोबत ते हा व्यवसाय सांभाळायचे. निष्ठावंत शिवसैनिक अशी ओळख असलेल्या राहुल यांनी व्यवसाय तेजीत असताना अनेक गरजूंना मदत केली मात्र, नोटाबंदी व जीएसटीनंतर त्यांचा व्यवसाय डबघाईला आला असताना या वाईट काळात कुणीही त्यांच्या मदतीला धावून आला नाही. परिणामी व्यवसायात मोठा फटका सहन करत असलेले राहुल गेल्या काही काळापासून निराशेच्या गर्तेत सापडले होते. याच विवंचनेतून त्यांनी आत्महत्येचे टोकाचे पाऊल उचलल्याचे सांगण्यात येत आहे.

राहुल यांनी आत्महत्या करण्यापूर्वी एक फेसबुक पोस्ट लिहिली असून त्यातील मजकूर धक्कादायक आहे. मोदी सरकारच्या नोटाबंदी आणि जीएसटीच्या निर्णयांना त्यांनी आपल्या आत्महत्येस कारणीभूत मानले आहे. मी बाळासाहेब ठाकरे यांच्या विचारांनुसार चालणारा शिवसैनिक आहे. बाळासाहेबांनी आम्हाला ताठ मानेने जगायला शिकवले मात्र आज काही चूक नसताना मला मान खाली घालून जगावे लागत आहे. हे असलं जीवन मी जगू शकत नाही, असं नमूद करत राहुल यांनी या जगाला अलविदा म्हटलं आहे. शिवसेनेला निवडून द्या. उद्धव ठाकरे मोठ्या मनाचे नेते आहेत. महाराष्ट्रावर भगवा फडकेल तीच मला खरी श्रद्धांजली असेल, असे नमूद करताना माझ्या मृत्यूला कुणासही जबाबदार धरू नये, असेही या पोस्टमध्ये राहुल यांनी लिहिले आहे.

<iframe src="https://www.facebook.com/plugins/post.php?href=https%3A%2F%2Fwww.facebook.com%2Fpermalink.php%3Fstory_fbid%3D2123217867925530%26id%3D100007120115519&width=500" width="500" height="256" style="border:none;overflow:hidden" scrolling="no" frameborder="0" allowTransparency="true"></iframe>

मोबाइल अॅप डाउनलोड करा आणि राहा अपडेट

गुढी पाडवा आमरसाविना, आवकही जेमतेमच

March 16, 2018, 4:15 pm

≫ Next: अधिकाऱ्यावर अॅट्रॉसिटीचा गुन्हा

≪ Previous: नोटाबंदी, जीएसटीला कंटाळून सराफाची आत्महत्या

$

0

0

म. टा. प्रतिनिधी, कोल्हापूर

मार्च महिन्याच्या पहिल्या आठवड्यापासून सर्वत्र हापूस आंब्याचा दरवळ पसरत असतो. पण मार्च महिन्याचा तिसरा आठवडा सुरू होऊनही हापूस आंब्याची आवक जेमतेमच राहिली आहे. गेल्या वर्षभरातील विपरीत हवामानाचा आंबा उत्पादनावर परिणाम झाल्याने आवक कमी राहिल्याने दरही चढेच राहिले आहेत. सरासरी डझनाचा दर ६०० ते १,१०० रुपयांपर्यंत असल्याने यावर्षीचा गुढी पाडवा सर्वसामान्य ग्राहकांचा आमरसाविना साजरा करावा लागणार आहे.

जानेवारी महिन्याच्या दुसऱ्याच आठवड्यात फळांचा राजा हापूस आंब्याची कोल्हापूर शेती उत्पन्न बाजार समितीमध्ये आवक सुरू झाली होती. तब्बल एक महिना अगोदर हापूर आंबा बाजारात दाखल झाल्याने आवक वाढत जाईल असा अंदाज व्यापारी वर्गातून वर्तवला जात होता, पण दोन महिन्यांनंतरही हापूस आंब्याची आवक जेमतेम राहिली आहे. सुरुवातीला दोन ते अडीच हजार रुपये डझनाचा दर होता. त्यानंतर ६०० रुपयांपर्यंत दर कमी झाला असला तरी अद्यापही हापूस आंब्याचा दर सर्वसामान्यांच्या आवाक्याबाहेरच आहे.

देवगड हापूस आंब्याचा दर सर्वांत जास्त आहे. देवगड हापूसच्या पाच डझनांच्या पेटीचा दर ३,५०० ते ७,००० रुपये असून डझनाचा दर ६०० ते १,१०० रुपये आहे. रत्नागिरी हापूसच्या पेटीचा दर २,५०० ते पाच हजार रुपये असून, एक डझनाचा दर ४०० ते ८०० रुपये आहे. दरवर्षी गुढी पाडवा सणादरम्यान आंब्याची मोठ्याप्रमाणात आवक होत असते, पण यावर्षी आवक जेमतेम असल्याने सर्वसामान्य ग्राहकांना हापूस आंब्याची प्रतीक्षा करावी लागणार आहे. मराठी नववर्षाचे स्वागत करताना अनेक कुटुंबांमध्ये आंब्याचा वापर केला जातो. सणाच्या पार्श्वभूमीवर आंब्याला जादा मागणी असते. पण आवक कमी आणि दर जास्त असल्याने ग्राहकांमध्ये नाराजी दिसत आहे.


यावर्षी थंडीचे प्रमाण जास्त असल्याने आंबा उत्पादनावर परिणाम झाला. त्यामुळे आंब्याच्या आवकेस विलंब झाला. त्यानंतरही सातत्याने आंबा उत्पादनावर विपरीत हवामानाचा परिणाम झाला आहे. पुन्हा तिसऱ्या मोहोरावेळी ढगाळ वातावरण आणि आंबा उत्पादक क्षेत्रात पाऊस पडत असल्याने हापूस आंब्याची प्रतीक्षा करावी लागणार आहे.

प्रसाद वळंजू, फळ विक्रेते

मोबाइल अॅप डाउनलोड करा आणि राहा अपडेट