बारावीचा पहिला पेपर सुरू होताच व्हायरल!

February 21, 2018, 12:27 am

≫ Next: अखेर २४ शाळांना कुलूपच

≪ Previous: कोल्हापूर ‘पीएनबी’मध्ये व्यवहार सुरळीत

$

0

0

सोलापूर :

बारावीचा आजचा पहिला इंग्रजी विषयाचा पेपर सुरू होताच तासाभराने सोशल मीडियावर व्हायरल झाला. सोलापूर जिल्ह्यातील बार्शी तालुक्यातील तांबेवाडीच्या आश्रमशाळेत ही प्रश्नपत्रिका आढळून आल्याची माहिती आहे. दरम्यान, परीक्षा सुरू झाल्यानंतर खूप वेळाने प्रश्नपत्रिका व्हायरल झाल्याने हा पेपर फुटला असे म्हणता येणार नाही, असे राज्य मंडळाने स्पष्ट केले आहे. त्यामुळे या पेपरच्या पुनर्परीक्षेची शक्यता नसल्याने विद्यार्थ्यांनी घाबरून जाऊ नये, असे आवाहन मंडळाने केले आहे.

राज्यभरात आजपासून बारावीची परीक्षा सुरू झाली. आज इंग्रजी विषयाचा पेपर सकाळी ११ वाजता सुरू झाला. तांबेवाडीच्या आश्रमशाळेत काही जणांच्या मोबाइलमध्ये ही प्रश्नपत्रिका आढळून आली. याबाबत, महाराष्ट्र राज्य माध्यमिक आणि उच्च माध्यमिक मंडळाच्या अध्यक्ष डॉ. शकुंतला काळे यांच्याशी 'मटा ऑनलाइन'ने संपर्क साधला असता त्या म्हणाल्या, 'परीक्षा सुरू झाल्यानंतर प्रश्नपत्रिका व्हायरल झाली असल्याने हा कॉपीचा प्रकार आहे. याबाबतची संपूर्ण माहिती आमच्याकडे आलेली नाही. मात्र बोर्डाने तातडीने अहवाल मागवला आहे. दोषींवर कारवाई केली जाईल. हा पेपर फुटलेला नाही, त्यामुळे अन्य विद्यार्थ्यांनी घाबरून जाऊ नये.'

मोबाइल अॅप डाउनलोड करा आणि राहा अपडेट

---

अखेर २४ शाळांना कुलूपच

February 21, 2018, 8:30 pm

≫ Next: माहिती न दिल्याप्रकरणी पाच हजारांचा दंड

≪ Previous: बारावीचा पहिला पेपर सुरू होताच व्हायरल!

$

0

0

म़ टा़ प्रतिनिधी, कोल्हापूर

सरकारच्या निर्णयानुसार जिल्ह्यातील कमी पटसंख्येच्या २४ शाळा बंद करण्याच्या अंतिम आदेशावर जिल्हा परिषदेचे मुख्य कार्यकारी अधिकारी डॉ़ कुणाल खेमनार यांनी सही केली. त्यामुळे अखेर २४ शाळांना कुलूप लागले़ बंद झालेल्या सर्व शाळांत कमी पटसंख्या आहेत, त्या शाळा बंद झाल्याने संबंधित गावातील विद्यार्थ्यांची गैरसोय होणार नाही, असा दावा शिक्षण प्रशासनाचा आहे़ याउलट अनेक वर्षांपासून सुरू असलेल्या शाळा बंद केल्याने गरीब मुले, मुली शिक्षणाच्या प्रवाहापासून वंचित राहणार आहेत़ शाळा बंदचा निर्णय डोंगरी, दुर्गम खेड्यातील विद्यार्थ्यांच्या शिक्षणाच्या मुळावर उठणारा आहे, असे 'शिक्षण वाचवा' नागरी कृती समितीचे म्हणणे आहे़

प्राथमिक शिक्षण विभागाने दहापेक्षा कमी पटसंख्या असलेल्या शाळा बंद करण्याचा फतवा काढला. त्यानंतर या फतव्याला विविध शिक्षण संघटनांकडून विरोध झाला़ सरकारवर जोरदार टीका होत राहिली़ तरीही सरकारने शाळा बंद निर्णयावर ठाम राहिले़ जिल्ह्यातील १० पटांपेक्षा कमी असलेल्या ३४ शाळांची यादी तयार केली़ त्यातील सर्वाधिक शाळा शाहूवाडी, राधानगरी, चंदगड, आजरा या तालुक्यांतील वाड्या, वस्त्या, धनगरवाड्यांवरील आहेत. या शाळा बंद करू नये, अशी मागणी गेल्या जिल्हा परिषद सर्वसाधारण सभेत अनेक सदस्यांनी केली. त्यामुळे ३४ शाळांची वस्तुस्थितीजन्य पडताळणी केली़ प्रत्येक शाळांची सविस्तर माहिती संकलित केली़ त्यानंतर जवळपास एक किलोमीटर परिसरात दुसरी शाळा नसल्याने, ओढा, नाले असल्याने, रस्ते नसल्याने, जंगल असणे अशा विविध कारणांनी ३४ पैकी १० शाळा बंद न करण्याचा निर्णय झाला. उर्वरित २४ शाळा बंद करून जवळच्या शाळेत समायोजन करण्यात येणार आहे़

-------------------------

चौकट

या शाळा झाल्या बंद

बंद होणाऱ्या शाळांची नावे तालुकानिहाय पुढीलप्रमााणे : कोल्हापूर शहर : जिजामाता महिला विद्यापीठ. पन्हाळा : शेलारवाडी, मुडेकरवाडी, सुर्वेवाडी, चव्हाणवाडी, खोतवाडी़ शाहूवाडी : पाटीलवाडी, रिंगेवाडी, रणवरेवाडी, काळम्मावाडी, मेहत्तरवाडी, जाधववाडी, शिरगाव, कोदे, बाणेकरवाडी. करवीर : कुमार, सिंधी विद्यामंदिर, गांधीनगर. भुदरगड : देसाईवाडी, हनुमाननगर. चंदगड : हुदळेवाडी, चुरणीवाडा, मलगेवाडी खुर्द, नविन वसाहत किटवडे, बामणकीवाडा.

-------

चौकट

समायोजित केलेल्या शाळांची नावे पुढीलप्रमाणे : शिरोळ : कोथळी. भुदरगड : सोनाळी. हातकणंगले : कन्या विद्यामंदिर, शिरोली, कन्या विद्यामंदीर शिरोली क्रमांक दोन, करवीर : विद्यामंदीर कुमार, वाकरे़

-------------

कोट

'कमी पटसंख्या असलेल्या २४ शाळा बंद करण्याचा आदेश काढला आहे़ त्या शाळा बंद झाल्यामुळे संबंधित गावांतील मुला, मुलींची गैरसोय होणार नाही. विद्यार्थ्यांची गैरसोय होणार असल्याचे निदर्शनास आले तर पुन्हा तेथील शाळा सुरू करण्यासंबंधीचा प्रस्ताव शिक्षण संचालकास पाठवला जाईल़

डॉ़ कुणाल खेमनार, मुख्य कार्यकारी अधिकारी

------------------

कोट

'जिल्ह्यातील २४ शाळा बंद करण्याचा निर्णय दुदैवी आहे़ ग्रामीण, बहुजन समाजातील मुले, मुलींना शिक्षणापासून वंचित ठेवणारा हा निर्णय आहे़ हा निर्णय मागे घ्यावा, यासाठी रस्त्यावर उतरून आंदोलन तीव्र करणार आहे. ज्येष्ठ नेते प्रा. एन. डी. पाटील यांच्या नेतृत्वाखाली भव्य मोर्चा काढण्यात येणार आहे़

अशोक पोवार, समन्वयक, शिक्षण वाचवा नागरी कृती समिती

-------------------

मोबाइल अॅप डाउनलोड करा आणि राहा अपडेट

माहिती न दिल्याप्रकरणी पाच हजारांचा दंड

February 21, 2018, 8:30 pm

≫ Next: अपघातातून आदेश बांदेकर बचावले

≪ Previous: अखेर २४ शाळांना कुलूपच

$

0

0

म़ टा़ प्रतिनिधी, कोल्हापूर

माहिती अधिकाराखाली मागितलेली माहिती वेळेत व सत्यप्रत न दिल्याबद्दल पुणे येथील अपंग कल्याण आयुक्तालय (मूकबधिर प्रवर्ग) निरीक्षक सुरेश वामनराव माळोदे यांना पाच हजार रुपयांचा दंड झाला. पुणे खंडपीठाचे राज्य माहिती आयुक्त रवींद्र जाधव यांनी हा दंड सुनावला़ जयसिंगपूर येथील शिवाजी ईश्वर पाटील यांनी मिरज येथील भिडे मूकबधिर विद्यालयासंबंधी माहिती मागितली होती़ त्याना वेळेत, सत्यप्रत दिली नाही़ त्यामुळे माळोदे यांना दंड करण्यात आला. दंडाची रक्कम त्यांच्या पगारातून कापून घ्यावी, असेही आदेशात म्हटले आहे़

शिवाजी पाटील यांनी २०१६ मध्ये भिडे मूकबधिर विद्यालयातील विशेष शिक्षिका राणी हनुमंत यादव यांच्या नियुक्तीचे आदेश, विद्यालय बंद झाले असल्यास त्या शिक्षिकेच्या समायोजनासाठी तयार केलेल्या कागदपत्रांची सत्यप्रत, समायोजनासाठीची प्रतीक्षा यादीची माहिती मागितली़ पुणे येथील अपंग कल्याण आयुक्तालयाच्या निरीक्षकांकडे ही माहिती पोस्टाने मागितली़ नियमाप्रमाणे ३० दिवसांत त्यांनी माहिती दिली नाही़ त्यामुळे पुणे उपायुक्तांकडे (अपंग कल्याण) पाटील यांनी अपील केले़ अपिलातही अपिलीय अधिकाऱ्याने माहिती दिली नाही़ शेवटी त्यांनी पुणे खंडपीठाच्या राज्य माहिती आयुक्तांकडे अर्ज केला. त्याची नुकतीच सुनावणी झाली. सुनावणीत माहिती अधिकाराचा भंग केल्याप्रकरणी निरीक्षक माळोदे यांना पाच हजार रुपये दंड असा निकाल राज्य माहिती आयुक्त जाधव यांनी दिला.

००००००००००

मोबाइल अॅप डाउनलोड करा आणि राहा अपडेट

अपघातातून आदेश बांदेकर बचावले

February 21, 2018, 8:30 pm

≫ Next: टीबीग्रस्तांना पोषण आहार

≪ Previous: माहिती न दिल्याप्रकरणी पाच हजारांचा दंड

$

0

0

म.टा.वृत्तसेवा,कराड

पुणे-बेगळुरू राष्ट्रीय महामार्गावरील कराड तालुक्यातील आटके गावाच्या हद्दीत महाराष्ट्राचे भावोजी आणि मुंबई येथील सिद्धिविनायक ट्रस्टचे अध्यक्ष आदेश बांदेकर यांच्या कारचा बुधवारी दुपारी साडेचार वाजण्याच्या सुमारास अपघात झाला.सुदैवाने यामध्ये बांदेकर यांच्यासह सर्वजण सुखरूप असून अपघातात तीन वाहनांचे मोठे नुकसान झाले.

सिद्धिविनायक ट्रस्टकडून कोल्हापूरचे जिल्हाधिकारी यांना एक कोटी रुपयांची मदत दिली जाणार होती. ही मदत देण्यासाठी आदेश बांदेकर आपल्या कारमधून कोल्हापूरला निघाले होते. कराड तालुक्यातील आटके गावाच्या हद्दीतील महामार्गावरच एक गाडी टायर फुटल्याने महामार्गालगत उभी होती. या वाहनाला वाचवण्याच्या प्रयत्नात कोल्हापूरच्या दिशेने निघालेल्या कारच्या चालकाने अचानक ब्रेक मारला. मात्र याचवेळी पाठीमागून येत असलेल्या आदेश बांदेकर यांच्या कारची त्या कारला धडक बसल्याने हा अपघात झाल्याचे प्रत्यक्षदर्शींनी सांगितले.

दरम्यान, बांदेकर यांच्या संरक्षणासाठी असणाऱ्या सिद्धिविनायक ट्रस्टच्या गाडीचीही बांदेकर यांच्या कारला पाठीमागून धडक बसली. मात्र या अपघातात बांदेकर यांच्यासह सर्वजण सुखरूप असल्याने आदेश बांदेकर हे अन्य खासगी कारमधून कोल्हापूरकडे रवाना झाले. अपघाताची माहिती मिळताच येथील ग्रामीण विभागाच्या पोलिसांसह महामार्ग पोलिसही घटनास्थळी तातडीने दाखल झाल्याने महामार्गावरील वाहतूक पूर्ववत होण्यास मदत झाली. या अपघाताची नोंद ग्रामीण पोलिसांत झाली आहे.

मोबाइल अॅप डाउनलोड करा आणि राहा अपडेट

टीबीग्रस्तांना पोषण आहार

February 21, 2018, 8:30 pm

≫ Next: विल्सनच्या पुतळ्यावर हातोडा

≪ Previous: अपघातातून आदेश बांदेकर बचावले

$

0

0

Bhimgonda.Desai@timesgroup.com

Tweet : @bhimgondaMT

कोल्हापूर : जिल्ह्यातील टीबीग्रस्तांना मोफत पोषण आहाराचे कीट देण्यात येणार आहे. त्यासाठी जिल्हा परिषद आरोग्य विभागातर्फे नावीन्यपूर्ण योजना तयारी केली आहे. पहिल्या टप्प्यात सहा महिन्यांसाठी २३०० गरीब रूग्णांना दरमहा आहार देण्यासाठी ८६ लाख ९४ हजार रूपये लागणार आहेत. हा निधी मिळण्यासाठी आरोग्य प्रशासनाने जिल्हा नियोजन समितीकडे प्रस्ताव पाठवला आहे. या योजनेसाठी नियोजन समितीकडून निधी मंजूर झाल्यास टीबीग्रस्तांना मोफत आहार मिळणार आहे.

दिवसेंदिवस क्षयरुग्णांची (टीबी) संख्या वाढते आहे. ती कमी करण्यासाठी आरोग्य विभाग जनजागृती करीत आहे़ तरीही टीबीग्रस्तांच्या संख्येत भर पडत आहे. सर्व सरकारी रूग्णालयात टीबीचे निदान आणि उपचार मोफत केले जातात. पहिल्या टप्प्यातील टीबी पूर्ण बरा होऊ शकतो. परंतु रुग्णांना चांगला आहार मिळणे गरजेचे आहे.

टीबी रूग्ण अशक्त झालेला असतो. आजाराने त्यांचे मानसिक, शारीरिक खच्चीकरण होते. त्याची क्रयशक्ती कमी झालेली असल्याने तो काम करू शकत नाही. कमाई थांबलेली असते. आजारातून बरे होण्यासाठी शरीराला आवश्यक प्रथिने मिळत नाहीत. अँटीबॉयटिकसह इतर औषधांची परिणामकारकता उच्च असते. अशावेळी चांगला, पोष्टिक आहार न घेतलेल्या रूग्णाला त्रास होतो. तो रूग्ण नैराश्यग्रस्त होत औषधही टाळतो. त्यामुळे आजार बळावतो. त्याची जीवनयात्रा संपते. यामुळे गरीब टीबीग्रस्तांना मोफत पोषण आहार बास्केट योजना तयार केली आहे. या योजनेतून रूग्णाला दर महिन्याला ३० अंडी, एक किलो तूरडाळ, एक लिटर सोयाबीन तेल, प्रोटीन पावडर डबा देण्याचे नियोजन आहे. निधी मिळण्यासाठी प्रशासन पाठपुरावा करीत आहेत. पालकमंत्री चंद्रकांत पाटील यांनी या योजनेसाठी निधी द्यावा, अशी मागणी होत आहे.

शहरासाठी स्वयंसेवी संस्थांशी संपर्क

महापालिका आरोग्य विभागाच्यावतीने शहरातील गरीब रुग्णांना मोफत आहार देण्यासाठी स्वयंसेवी संस्था, काही कंपन्यांशी संपर्क साधत आहेत. प्रत्येक टीबीग्रस्तांपर्यंत औषधे पोहचवण्यासाठी शहरातील सर्व खासगी रूग्णालयांकडे पाठपुरावा केला जात आहे. अशा प्रकारे गरीब रूग्णांना आहार, औषधे मोफत पोहचवण्यासाठी महानगरपालिका आरोग्य प्रशासन धडपडत आहे़ शहरात रोज सरासरी ४० रूग्ण उपचारासाठी येतात़ ते सर्व रूग्ण बरे होण्यासाठी औषध घेण्यात सातत्य राहण्यावर प्रशासनाने लक्ष केंद्रीत केले आहे.

००००००००००

टीबीग्रस्तांची संख्या : वर्षनिहाय : २०१३ : ७६२, २०१४ : १२७३, २०१५ : १४०९, २०१६ :१६४६, २०१७ : १४०९. जिल्ह्यातील संख्या अशी : २०१२ : २९००, २०१३ : २९५८, २०१४ : ३३०९, २०१५ : २९९३, २०१६ : २८०४, २०१७ : २३८७.

०००००००००००

जिल्ह्यात टीबीग्रस्त : १७ हजार ३५१

कोल्हापूर शहर : ६ हजार ४९९

०००००००००

गरीब टीबीग्रस्तांना मदत करण्यासाठी मोफत पोषण आहाराचे कीट देण्याची नावीन्यपूर्ण योजना तयार केली आहे. जिल्ह्यातील टीबीग्रस्त रूग्णांची संख्या कमी होण्यासाठी या योजनेची मदत होईल. पहिल्या टप्प्यात २३०० रूग्णांना कीट देण्यासाठीच्या निधीचा प्रस्ताव जिल्हा नियोजन समितीकडे पाठवला आहे.

यू. जी. कुंभार, जिल्हा क्षयरोग नियंत्रण अधिकारी

--------------

मोबाइल अॅप डाउनलोड करा आणि राहा अपडेट

विल्सनच्या पुतळ्यावर हातोडा

February 21, 2018, 8:30 pm

≫ Next: कॉपी करणारे सहाजण भरारी पथकाच्या जाळ्यात

≪ Previous: टीबीग्रस्तांना पोषण आहार

$

0

0

म. टा. प्रतिनिधी, कोल्हापूर

कोल्हापुरातील छत्रपती शिवाजी चौकातील छत्रपती शिवाजी महाराजांच्या पुतळ्याचे सध्या सुभोभिकरण सुरू आहे. १९४५ मध्ये चित्रतपस्वी भालजी पेंढारकर यांनी शिवाजी महाराजांनी पुतळा तयार केला. मात्र, त्याकाळी या पुतळ्याच्या ठिकाणी तत्कालीन गव्हर्नर विल्सनचा पुतळा होता. हा पुतळा तेव्हा स्वातंत्र्यसैनिकांच्या डोळ्यात खुपत होता. त्यामुळे स्वातंत्र्यसैनिक शामराव लहूजी पाटील यांनी हा पुतळा फोडला. ज्येष्ठ स्वातंत्र्यसैनिक शामराव पाटील यांचा गुरुवारी (ता. २२ फेब्रुवारी) पाचवा स्मृतीदिन. त्यानिमित्त त्यांच्या पराक्रमाला उजाळा देत आहे.

गंगावेशीतील भाऊ नाईक बोळात राहणारे शामराव पाटील यांचे १९४२च्या 'चले जाव'च्या लढ्यात ब्रिटिशांविरोधात बाहू फुरफुरत होते. ब्रिटिशांना सळो की पळो करून सोडण्यासाठी त्यांनी माजी खासदार शंकरराव माने यांच्या नेतृत्वाखाली विल्सनचा पुतळा फोडण्याचे नियोजन केले. १३ सप्टेंबर १९४३ रोजी पहाटे चार वाजता माजी आमदार काका देसाई, शामराव पाटील हे हातात खराटा, बादली घेऊन पुतळा स्वच्छ करण्यासाठी जात असल्याचे दाखवत पुतळ्याजवळ आले. काका देसाई हे रिव्हॉल्वर घेऊन थांबले. वडणगेचे नारायण घोरपडे आणि त्यांचा एक सहकारी पोलिस वेषात माळकर तिकटी येथे पहारा देत होते. शामराव हे झरझर शिडीवरून पुतळ्याजवळ चढले. त्यांनी विल्सनच्या पुतळ्याच्या डोक्यावर हातोडा हाणला. यावेळी पुतळ्याचे तुकडे उडाले. या आवाजाने शेजारच्या पानपट्टीतील आणि हनुमान रेस्टॉरंटमधील चहा पिणारी मंडळी बाहेर आली. शामराव शिडीवरून चार पाच पायऱ्या खाली उतरले. त्यांनी विल्सनच्या पुतळ्याचे हात तोडले. हातोड्याच्या आवाजाने काही लोक, पोलिस पुतळ्याजवळ आले. काका देसाई यांनी त्यांना रिव्हॉलव्हर दाखवत रोखून धरले. शामरावांनी पुतळ्याचे हात तोडल्यावर पुन्हा चेहऱ्याच्यावर घाव घातले. विल्सनच्या पुतळ्याचे कान, नाक ठेचून त्यांनी पुतळा विद्रुप केला. काम फत्ते झाल्यावर ते आणि काका देसाई चप्पल लाइनच्या दिशेने पळाले. त्यांना पकडण्यासाठी पोलिसांच्या वेषातील घोरपडे आणि साथीदार धावले. आणि कोठीशाळेजवळील नियोजित ठिकाणी पाटील पोचले.

घटनेच्या दुसऱ्या दिवशी नागनाथअण्णा, जी. डी. लाड बापू, काही कार्यकर्ते व शामराव पाटील हे एका खोलीत चर्चा करत होते. विल्सनचा पुतळा प्रतिसरकारच्या कार्यकर्त्यांनी फोडल्याची चर्चा होती. पण हे धाडस प्रतिसरकारच्या लोकांनी केलेले नाही. मग ते कुणी केले? असा प्रश्न नागनाथअण्णांनी उपस्थित करताच शामराव पाटील यांनी आपण पुतळा फोडल्याची कबुली दिली. त्यानंतर नागनाथअण्णांनी पाटील यांना प्रतिसरकारच्या लढ्यात सामिल करून घेतले. धुळ्याच्या साडेपाच लाखांच्या खजिन्याची लूट, सांगाव पोलिस ठाण्यातील बंदुका पळवणे या आंदोलनातील घटनांत पाटील हे सहभागी झाले होते. विल्सनचा पुतळा विद्रुप झाल्यावर इंग्रजांनी तेथे नवीन पुतळा बसवला नाही. कालांतराने त्या ठिकाणी भालजी पेंढारकर यांच्या पुढाकाराने शिवरायांचा पुतळा उभारण्यात आला.

मोबाइल अॅप डाउनलोड करा आणि राहा अपडेट

कॉपी करणारे सहाजण भरारी पथकाच्या जाळ्यात

February 21, 2018, 8:30 pm

≫ Next: साखरेच्या मूल्यांकनात १३० रुपयांची वाढ

≪ Previous: विल्सनच्या पुतळ्यावर हातोडा

$

0

0

म. टा. प्रतिनिधी, कोल्हापूर

बारावी परीक्षेच्या पहिल्याच दिवशी बुधवारी इंग्रजीच्या पेपरवेळी सहा विद्यार्थी कॉपी करताना सापडले. यामध्ये कोल्हापूर शहरातील गोपाळ कृष्ण गोखले कॉलेज केंद्रामधील चार, तर पन्हाळा तालुक्यातील कोतोली येथील नेहरू विद्यामंदिर केंद्रातील दोन परीक्षार्थींचा समावेश आहे. त्यांच्यावर शिक्षण मंडळाच्या नियमानुसार कारवाई करण्यात येईल, अशी माहिती शिक्षण मंडळाच्या कोल्हापूर विभागीय सचिव पुष्पलता पवार यांनी दिली.

दरम्यान, कॉपीमुक्त परीक्षा व्हावी यासाठी शिक्षण मंडळाच्या वतीने कोल्हापूर जिल्ह्यासाठी सात भरारीपथके कार्यरत राहणार आहेत. बुधवारी इंग्रजीचा पेपर असल्यामुळे भरारी पथकाने संपूर्ण जिल्ह्यात कॉपीसह अन्य गैरप्रकारावर लक्ष ठेवण्यासाठी मोहीम आखली होती. यामध्ये गोपाळ कृष्ण गोखले कॉलेजमध्ये उत्तरे लिहून आणलेले कागद परीक्षार्थींकडे सापडल्याने त्यांच्याकडून पेपर काढून घेण्यात आला. नेहरू विद्यामंदिर केंद्रातही विद्यार्थ्यांकडे उत्तरे लिहिलेल्या चिठ्ठ्या सापडल्याने त्यांना पेपर लिहिण्यापासून थांबवण्यात आले. पुढील कारवाई करण्यात येईल अशी माहिती यावेळी भरारी पथकाच्यावतीने देण्यात आली.

मोबाइल अॅप डाउनलोड करा आणि राहा अपडेट

साखरेच्या मूल्यांकनात १३० रुपयांची वाढ

February 21, 2018, 8:30 pm

≫ Next: जिल्ह्याला ३३३ कोटी ३३ लाखाची कर्जमाफी

≪ Previous: कॉपी करणारे सहाजण भरारी पथकाच्या जाळ्यात

$

0

0

म. टा. प्रतिनिधी, कोल्हापूर

गेल्या काही दिवसांत साखरेच्या दरातत क्विंटलमागे सरासरी ३५० ते ४०० रुपयांची वाढ झाल्याने राज्य सहकारी बँकेने साखरेच्या मूल्यांकनामध्ये वाढ करण्याचा निर्णय घेतला आहे. मूल्यांकनामध्ये १३० रुपये वाढ केल्याने एकूण मूल्यांकन २,९७० वरुन ३,१०० रुपयांपर्यंत पोहोचले आहे. यामुळे कारखानदारांना पहिली उचल देण्यासाठी काही प्रमाणात दिलासा मिळाला.

घाऊक बाजारात साखर दरात नोव्हेंबरपासून सातत्याने घसरण होत गेल्यानंतर राज्य सहकारी बँकेने साखरेच्या मूल्यांकन तीनवेळा कमी केले. या निर्णयामुळे एकूण मूल्यांकनाच्या ८५ टक्के रक्कम मिळणार होती. त्यातील प्रक्रिया खर्च व कर्जावरील व्याजापोटीची रक्कम वजा जाता कारखानदारांना पहिल्या उचलीपोटी बँकांकडून केवळ १,७७५ रुपये मिळत होते. जिल्ह्यातील बहुतांशी कारखान्यांचा दर पाहता सरासरी १,१०० ते १,२०० रुपयांचे शॉर्ट मार्जिन निर्माण झाले होते. त्यामुळे कारखानदारांनी पहिल्या उचलीत ५०० ची कपात करत प्रतिटन २,५०० रुपये एफआरपी देण्याचा निर्णय घेतला होता. याविरोधात उत्पादक व शेतकरी संघटनांमध्ये असंतोष निर्माण झाला असून पुन्हा संघर्षाचे धुराडे पेटण्याची शक्यता निर्माण झाली आहे.

मात्र बाजारात साखरेच्या दरात ३५० ते ४०० रुपये वाढ झाल्याने साखरेचा प्रतिक्विंटल भाव ३,१०० ते ३,३५० रुपयांपर्यंत पोहोचला आहे. वाढलेला दराचा विचार करुन राज्य बँकेने साखरेच्या मूल्यांकनामध्ये १३० रुपयांची वाढ केली आहे. निर्णयामुळे कारखानदारांना पहिल्या उचलीपोटी कारखानदारांना प्रतिटन १,८८५ रुपये मिळणार आहेत. त्यामुळे कारखानदारांना काही प्रमाणात दिलासा मिळाला असला तरी वाढलेल्या मूल्यांकनाबाबत कारखानदारांत अद्यापही कोणतीही चर्चा झालेली नाही. केंद्र सरकारने आयात शुल्कात केलेली वाढ आणि कारखान्यांच्या साखर विक्रीवर मर्यादा आणल्यामुळे याचा परिणाम थेट बाजारपेठेवर होऊन साखरेच्या दरात हळूहळू वाढ होऊ लागली आहे. वाढलेला दर आणि मूल्यांकन याबाबत कारखानदार कोणता निर्णय घेतात, याकडे उत्पादक व शेतकरी संघटनांचे लक्ष लागले आहे.

आणखी प्रतीक्षाच करावी लागणार...

राज्य बँकेने साखरेचे मूल्यांकन ३,१०० रुपये केले आहे. या रकमेच्या ८५ टक्के म्हणजे २,६३५ रुपये बँकाकडून कारखान्यांना उपलब्ध होतील. तोडणी-वाहतूक, प्रक्रिया खर्च आणि कर्जावरील व्याज असे ७५० रुपये वजा जाता कारखानदारांकडे १,८८५ रुपये पहिल्या उचलीसाठी शिल्लक राहणार आहेत. तरीही सरासरी एक हजाराचे शॉर्ट मार्जिन होणार असून शॉर्ट मार्जिन कमी होण्यासाठी कारखानदारांना पुन्हा साखर दरात वाढ होण्याची प्रतीक्षा करावी लागणार आहे.

एफआरपी निश्चित करताना साखरेचा दर ३,४०० ते ३,५०० रुपये होता. त्यानंतर दरात घसरण झाल्यानंतर मूल्यांकन घटवण्यात आले. त्यामुळे कारखानदारांना पहिल्या उचलीसाठी १,७७५५ रुपये मिळत होते. सध्या मूल्यांकन वाढवल्यामुळे ही रक्कम १,८८५ रुपयांपर्यंत पोहोचल. तरीही सरासरी एक हजाराचे मार्जिन निर्माण होत आहे. साखरेचा दर ३,५०० रुपयांपर्यंत गेल्यानंतरच कारखानदारांना दिलासा मिळेल.

आमदार हसन मुश्रीफ, चेअरमन, जिल्हा बँक

मोबाइल अॅप डाउनलोड करा आणि राहा अपडेट

---

जिल्ह्याला ३३३ कोटी ३३ लाखाची कर्जमाफी

February 21, 2018, 8:30 pm

≫ Next: जिल्हयाच्या विकासासाठी ७० कोटी

≪ Previous: साखरेच्या मूल्यांकनात १३० रुपयांची वाढ

$

0

0

म. टा. प्रतिनिधी, कोल्हापूर

राज्य सरकारने जून २०१६ मध्ये जाहीर झालेल्या छत्रपती शिवाजी महाराज शेतकरी सन्मान कर्जमाफी योजनेंतर्गत कोल्हापूर जिल्हा बँकेच्या एक लाख ७२ हजार ८५७ लाभार्थ्यांना ३३३ कोटी ३३ लाखांची कर्जमाफी झाली आहे. पूर्ण थकबाकीदार १८ हजार ३३६ लाभार्थ्यांना ६३ कोटी सहा लाख, तर एक लाख ७२ हजार ८५७ लाभार्थ्यांना प्रोत्साहनपर अनुदानापोटी २६९ कोटी ७३ लाख रुपयांची रक्कम प्राप्त झाली आहे. कर्जमाफीची मिळालेली बहुतांश रक्कम कर्जदारांच्या खात्यावर वर्ग झाली असून ज्या लाभार्थ्यांच्या अर्जामध्ये त्रुटी आहेत, त्या त्रुटी दूर करण्याचे काम जिल्हा बँकेत अद्यापही सुरू आहे.

कर्जमाफीच्या निकषावरून राज्यात सर्वत्र गोंधळाचे वातावरण असले, तरी जिल्ह्याला प्राप्त झालेल्या कर्जमाफी रकमेवरून समाधानकारक चित्र दिसते.

राज्यातील शेतकऱ्यांनी केलेल्या राज्यव्यापी संपानंतर राज्य सरकारने शेतकऱ्यांना दिलासा देण्यासाठी कर्जमाफी योजना जाहीर केली. योजना जाहीर केल्यानंतर त्यामध्ये अनेक जाचक निकषांचा समावेश असल्याने कर्जमाफीबाबत शेतकऱ्यांमध्ये साशंकता निर्माण झाली होती. ऑनलाइन अर्ज भरण्यापासून सुरू झालेला गोंधळ आणि आयटी विभागाच्या भोंगळ कारभारांमुळे कर्जमाफी नवनवीन कवित्व पुढे येत होते. सुरुवातील एक एप्रिल २००९ पासून मार्च २०१६ पर्यंत थकीत कर्जदारांना दीड लाखाची कर्जमाफी देण्याचा निर्मणय घेतला, तर २०१५-१६ मध्ये उचल केलेले, पण मार्च २०१७ पर्यंत थकीत असलेल्या कर्जदारांना २५ टक्के किंवा जास्तीत जास्त २५ हजार रुपयांचे प्रोत्साहनपर अुनदान देण्याचा निर्णय घेतला.

यानुसार जिल्ह्यातील दोन ७० हजार खातेदारांनी ऑनलाइन अर्ज भरले होते. राज्यासह जिल्ह्यातील पात्र लाभार्थ्यांना दिवाळीपर्यंत कर्जमाफी देण्याची घोषणा सरकारने केली, पण यादीत निर्माण झालेल्या त्रुटीमुळे कर्जमाफी लांबणीवर पडली. यादीतील त्रुटी दूर करुन टप्प्याटप्प्याने कर्जमाफी देण्यास सुरुवात झाली. पहिल्या यादीतील एक हजार लाभार्थ्यांना तीन कोटी ८४ लाखांची कर्जमाफी झाली. मात्र, त्यानंतर किरकोळ प्रमाणातच यादी प्राप्त होऊन कर्जमाफीचा लाभ झाला. दरम्यान, अधिवेशनादरम्यान अर्ज न केलेल्या लाभार्थ्यांना कर्जमाफीची रक्कम जाहीर झाल्याने गोंधळात अधिकच भर पडली. त्यानंतर पुन्हा आयटी विभागाने याद्यांची पडताळणी केल्यानंतर कर्जमाफी मिळण्यास सुरुवात झाली आहे. त्यानुसार तिसऱ्या यादी ८६ हजार तर सहाव्या यादीत ८० हजार लाभार्थ्यांचा समावेश असेलली यादी जिल्हा बँकेस प्राप्त झाली आहे.

कर्जमाफीच्या आतापर्यंत सहा याद्या प्रसिद्ध झाल्या असून, यामध्ये पूर्ण थकबाकीदार १८, ३३६ लाभार्थ्यांना ६३ कोटी सहा लाख तर एक लाख ७२ हजार ८५७ लाभार्थ्यांना प्रोत्साहनपर अनुदानापोटी २६९ कोटी ७३ लाख अशी ३३३ कोटी ३३ लाखांची रक्कम प्राप्त झाली आहे. जिल्ह्याला कर्जमाफीची ५८५ कोटीची अपेक्षित रकमेपैकी ३३३ कोटी ३३ लाख रुपये रक्कम मिळाल्याने जिल्ह्याची स्थिती समाधानकारक असल्याचे स्पष्ट होत आहे.

चौकट

ऑनलाइन अर्ज - २,७०, ५९०

थकबाकीदार - ५३,२६२

थकबाकीदारांची रक्कम - २२३ कोटी १७ लाख

प्रोत्साहनपर अनुदान पात्र शेतकरी - २,०९,२०५

अपेक्षित रक्कम - ३६१ कोटी

एकूण अपेक्षित रक्कम - ५८५ कोटी

....................

सहा ग्रीन याद्यांमध्ये मिळालेली रक्कम व लाभार्थी

थकबाकीदार - १८ हजार ३३६

रक्कम - ६३ कोटी ६ लाख

प्रोत्साहनपर अनुदान शेतकरी - १,७२,८५७

रक्कम - २६९ कोटी ७३ लाख

..........

एकूण लाभार्थी -१,७२, ८५७

एकूण रक्कम - ३३३ कोटी ३३ लाख

.....

मोबाइल अॅप डाउनलोड करा आणि राहा अपडेट

जिल्हयाच्या विकासासाठी ७० कोटी

February 21, 2018, 8:30 pm

≫ Next: शेतकऱ्यांच्या मागण्यांसाठी आज महावितरणवर मोर्चा

≪ Previous: जिल्ह्याला ३३३ कोटी ३३ लाखाची कर्जमाफी

$

0

0

म. टा. प्रतिनिधी, कोल्हापूर

जिल्हा नियोजन समितीने २०१८-१९ आर्थिक वर्षासाठी जिल्ह्याच्या विकास आराखड्यातून कपात झालेला ७० कोटींचा निधी सरकारकडून परत मिळाला आहे. सरकारच्या ३० टक्के निधी कपातीमुळे ज्या विभागातील कामे कमी करण्यात आली होती, त्या विभागांना मिळालेला निधी प्राधान्याने देण्यात येत आहे, अशी माहिती जिल्हाधिकारी अविनाश सुभेदार यांनी बुधवारी पत्रकारांशी बोलताना सांगितले़

सरकारच्या अर्थ विभागाने ३० टक्के महसुली आणि २० टक्के भांडवली कपातीचा निर्णय घेतला. त्याच्या अंमलबजावणीचा आदेश बजावला. त्यानुसार जिल्ह्याचा ३६४ कोटी ८३ लाखांचा केलेल्या विकास आराखड्यासही कात्री लागली होती. परिणामी विकासकामांना मर्यादा आली़ आरोग्य, रस्ते, पाणी, पर्यटन अशी विविध विकासकामे कमी झाली होती. दरम्यान, सरकारने ३० टक्क्यानुसार कपात झालेल्या पहिल्या टप्प्यात ७० कोटी मिळाले आहेत़ तो निधी वितरित करण्याची प्रक्रिया सुरू आहे, असे जिल्हा प्रशासनाने स्पष्ट केले़

मोबाइल अॅप डाउनलोड करा आणि राहा अपडेट

शेतकऱ्यांच्या मागण्यांसाठी आज महावितरणवर मोर्चा

February 21, 2018, 8:30 pm

≫ Next: कोल्हापूरच्या काळभैरव मंदिरात चोरी

≪ Previous: जिल्हयाच्या विकासासाठी ७० कोटी

$

0

0

म. टा. प्रतिनिधी, कोल्हापूर

जिल्ह्यातील सुमारे ५,२९७ शेतीपंपाचा प्रलंबित वीजपुरवठा जोडावा, शेतीपंपासाठी दिवसा १२ तास वीजपुरवठा करावा, घरगुती व औद्योगिक संभाव्य वीज दरवाढ करू नये, शेतीपंपासाठी राज्य सरकारने निधी उपलब्ध करून द्यावा, या व अन्य मागण्यांसाठी काँग्रेसचे आमदार सतेज पाटील यांच्या नेतृत्वाखाली गुरुवारी (ता. २२) ताराबाई पार्क येथील महावितरण कार्यालयावर धडक मोर्चा काढण्यात येणार आहे. मोर्चाला सकाळी १०.३० वाजता दसरा चौक येथून सुरुवात होणार असल्याचे प्रसिद्धपत्रक आमदार पाटील यांनी दिले आहे.

पत्रकात म्हटले आहे की, 'राज्य सरकारने २०१४-१५ पासून शेतीपंपाना नवीन वीजपुरवठा जोडलेला नाही. वीजपुरवठा नसल्यामुळे पाण्याची उपलब्धता असूनही हजारो हेक्टर शेती ओलिताखाली आलेली नाही. त्यामुळे शेतकऱ्यांना अपेक्षित उत्पन्न मिळत नाही. राज्याची एकूण वीजवसुली पाहता जिल्ह्याच्या वसुलीचे प्रमाण ९० टक्के असून, वीज गळतीचे प्रमाण केवळ नऊ ते दहा टक्के आहे. जिल्ह्याची वीज वसुली चांगली असूनही शेतीपंपाना केवळ आठ ते दहा तास वीजपुरवठा रात्रीच्यावेळी होत आहे. त्यामुळे शेतीपंपाना दिवसा १२ तास वीजपुरवठा करण्याची आवश्यकता आहे. अनेक ग्राहकांची मीटर नादुरुस्त असल्याने मीटर रीडिंग योग्यप्रकारे होत नसल्याने ग्राहकांना जादाचा भुर्दंड बसत आहे. तसेच संभाव्य वीजदरवाढीमुळे ग्राहकांचे कंबरडेच मोडणार आहे. राज्य सरकारच्या चुकीच्या धोरणांमुळे शेतकऱ्यांसह ग्राहक हवालदिल झाले असल्याने मोर्चाचे आयोजन केले आहे.'

मोर्चा ताराबाई पार्क येथील महावितरण कार्यालयावर आल्यानंतर शिष्टमंडळाच्या वतीने महावितरणचे अधीक्षक अभियंत्यांना निवेदन देण्यात येणार आहे. दरम्यान, आमदार पाटील यांच्या नेतृत्वाखाली काढण्यात येणाऱ्या या मोर्चाला करवीर तालुका सहकारी धरण व पाणी पुरवठा संस्थांचा सहकारी संघाच्यावतीने पाठिंबा दिला असून, मोर्चात सहभागी होण्याचे आवाहन आर. के. पाटील यांनी केले आहे.

मोबाइल अॅप डाउनलोड करा आणि राहा अपडेट

कोल्हापूरच्या काळभैरव मंदिरात चोरी

February 22, 2018, 10:41 pm

≫ Next: तावडे हॉटेल चौक अतिक्रमणग्रस्त

≪ Previous: शेतकऱ्यांच्या मागण्यांसाठी आज महावितरणवर मोर्चा

$

0

0

कोल्हापूर :

गडहिंग्लज येथील प्रसिद्ध श्री काळभैरव मंदिरात गुरुवारी रात्री चोरी झाली. मध्यरात्री दीडच्या सुमारास तीन चोरट्यांनी दानपेट्या पळवल्या आणि मूर्तीवरील दागिनेही चोरून नेले. चोरट्यांनी चेहरे झाकलेले होते.

गडहिंग्लज पोलिसांनी तातडीने कोल्हापूर येथील श्वान पथकाला पाचारण केले. डोंगरावरील मंदिरापासून कोल्हापूर रस्त्यापर्यंत श्वानाने मार्ग काढला. सुमारे दहा ते पंधरा लाखांचे दागिने, रोख रक्कमेची चोरी झाल्याचे सांगण्यात येत आहे. यामध्ये सोन्याचे मणी, मंगळसूत्र आणि चांदीच्या दागिन्यांचा समावेश आहे.

मोबाइल अॅप डाउनलोड करा आणि राहा अपडेट

तावडे हॉटेल चौक अतिक्रमणग्रस्त

February 22, 2018, 8:30 pm

≫ Next: मोपेडच्या डिकीतून रोकड लंपास

≪ Previous: कोल्हापूरच्या काळभैरव मंदिरात चोरी

$

0

0

कोल्हापूर टाइम्स टीम

मुंबई, पुण्याकडून तसेच बेंगळुरूकडून शहरात आणि गांधीनगरसारख्या व्यापारपेठेत जाण्यासाठी तावडे हॉटेल चौक हे सर्वात मोठी वर्दळ असलेले प्रवेशद्वार आहे. जवळपास २४ तास येथे चारचाकी, एसटी, छोटी मालवाहू वाहने, अवजड वाहतूक असते. पण, त्याला शिस्त लावण्यासाठी कुणीच नसल्याने सातत्याने होणारी कोंडी, त्यातून होणारे छोटे अपघात, वाहनचालकच स्वत: वाहतूक कोंडीतून मार्ग काढतात. परिसर मोठा असला तरी तिथे स्पीड ब्रेकर, ब्लिंकर, दिशादर्शक फलक काहीच नसल्याने बाहेरुन येणारे वाहनचालक गोंधळतात व त्यातून वाहतूक कोंडी आणखी वाढत असल्याची परिस्थिती आहे. तिथून शहरात येणाऱ्या रस्त्यावर संरक्षक बॅरिकेड्स अपुरे असल्याने शिवाजी पुलासारखा मोठा अपघात येथे होऊ शकतो.

पूर्वीपासून शहराचे मुख्य प्रवेशद्वार म्हणून तावडे हॉटेल चौकाची ओळख आहे. जवळपास राष्ट्रीय महामार्गावरच हा चौक असल्याने येथे दिवस-रात्र वर्दळ होती. नंतर महामार्गाचा उड्डाणपूल झाला. त्यामुळे महामार्गाचा थेट संपर्क होत नसला तरी येथून शहरात येणाऱ्या आणि बाहेर जाणाऱ्या वाहनांची वर्दळ कायम आहे. महापालिकेच्या स्वागत कमानीपासून उड्डाणपुलापर्यंत मोठा परिसर आहे. पुण्याकडे जाणाऱ्या रस्त्यावर केएमटी, एसटीचा स्टॉप आहे. तिथेच वडापच्या रिक्षा व चारचाकी वाहनेही थांबलेली असतात. त्यामुळे अनेकवेळा वडापची वाहने स्टॉपजवळ व केएमटी, एसटी रस्त्याच्या मध्यभागी असा प्रकार होतो. त्यामुळे वाहतूक तर खोळंबतेच. पण नागरिकांना जीव मुठीत धरुनच जावे लागते.

बाहेर जाणाऱ्या रस्त्याबरोबर उचगावकडून गांधीनगरकडे व शहरात जाणारा रस्ताही या चौकात येतो. मध्यंतरी तिथे महापालिकेने अतिक्रमण निर्मूलन मोहीम राबवल्याने सध्या टपऱ्यांची संख्या कमी झाली. पण तिथे रिक्षा थांबत असल्याचे चित्र आहे. या दोन्ही रस्त्यावर तसेच उड्डाणपुलाखालून गांधीनगरकडे जाणाऱ्या रस्त्यावरही रिक्षा स्टॉप आहे. त्यांचा अडथळा होत असल्याने नागरिकांना रस्त्यावरुनच ये जा करावी लागते. शहरात जाणारी व बाहेर पडणारी वाहने या चौकात वेगात येत असतात. त्यामुळे नागरिकांना जीव मुठीत धरुनच रस्ता ओलांडावा लागतो. तिथे लाईटही नाहीत. रात्री त्यामुळे या परिसरात रस्ता ओलांडणे दिव्यच असते.

उड्डाणपुलाच्या गांधीनगरकडील चौक तर यापेक्षाही धोकादायक आहे. पुण्याकडून येणारी वाहने उतारामुळे वेगाने येत असतात. हा रस्ता अरुंद असताना त्या रस्त्यावरच अवजड वाहने, मालवाहू छोटी वाहने उभी असतात. या रस्त्यावरुन तसेच गांधीनगरकडून शहरात जाणाऱ्या दुचाकी, रिक्षा, चारचाकी वाहनांची संख्या मोठी असते. त्यातच मालवाहू ट्रकची संख्याही जास्त असते. शहराकडे जाणारी व शहरातून गांधीनगरकडे जाणाऱ्या वाहनांमुळे या चौकात दर दहा मिनिटांनी कोंडी होत असते. त्यातूनच दुचाकीस्वार, पादचारी मार्ग काढत असतात. अशा वेळी वाहनांचे छोटे अपघात वारंवार होत असतात.

चौकात दोन्ही रस्त्यावर रिक्षा थांबलेल्या असतात. त्या रिक्षामध्ये बसण्यासाठी नागरिकांना रस्त्यावरच उभे रहावे लागते. मालवाहू वाहने, एसटी, केएमटी बस तिथून जात असल्याने या नागरिकांच्या जिवाला धोका होऊ शकतो. अगदी रस्त्यावरच खासगी वाहने व रिक्षा उभ्या केल्या जातात. त्यामुळे मोठ्या वाहनांना पुरेशी जागा मिळत नसल्याने वाहतूक कोंडी होत असते. एकही दिशादर्शक फलक नसल्याने एखादा नवीन वाहनधारकाला पुण्याकडे, बेळगावकडे जायचे असेल तर चौकात आल्यानंतर थांबून विचारणा केल्याशिवाय पुढे जाऊच शकत नाही. त्यामुळे थांबलेल्या वाहनांमुळे अनेकदा वाहतुकीला अडथळा होता.

शहरात येणारा व जाणारा मार्गही गजबजलेला असतो. हा रस्ता उंच असून दोन्हीबाजूला जवळपास ५० फुटांचा उतार आहे. पण दोन्हीबाजूला संरक्षक बॅरिकेड्स नाहीत. अनेक ठिकाणी रेडियमचे लोखंडी खांब लावलेले आहेत. पण, ते झाडांआड लपल्याने रस्ता पुढे नाही हे रात्री समजतच नाही. काही ठिकाणी असलेले लोखंडी तसेच काँक्रीटचे बॅरिकेड्स तुटले आहे. त्याची दुरुस्ती केलेली नाही. या रस्त्यावरुन एखादे वेगात असलेले वाहन खाली कोसळून मोठी हानी होऊ शकते.

स्पीडब्रेकर नाहीत

या चौकात थांबल्यास येथे येणाऱ्या वाहनांचा वेग मोठा असल्याचे जाणवते. त्यातही पुण्याकडून शहरात जाणाऱ्या व शहरातून पुण्याकडे जाणाऱ्या रस्त्यावरील वाहनांचा वेग मोठा असतो. या रस्त्यावर स्पीडब्रेकर नसल्याने ही वाहने त्याच वेगाने पुढे जाण्याचा प्रयत्न करत असतात. त्यामुळे अनेकदा दुचाकीस्वार, पादचाऱ्यांना थांबून दोन्हीबाजूने वाहने पाहून ये जा करावी लागते. अनेकवेळा एसटी, खासगी आरामबस यांचा वेग जास्त असतो. त्यासाठी स्पीडब्रेकर आवश्यक आहेत.

वाहतूक पोलिस कुठे आहेत?

तावडे हॉटेल चौक प्रचंड वर्दळीचा आहे. सकाळी गांधीनगरहून शहरात जाणारे व सायंकाळी शहरातून गांधीनगरकडे जाणाऱ्यांची संख्या मोठी असते. यावेळेस हमखास वाहतुकीची कोंडी होत असते. ती सोडवण्यसाठी तसेच रस्त्यावर थांबलेल्या रिक्षा व वडापची वाहने दिसत असताना त्यांना हटकण्यासाठी वाहतूक पोलिस हवाच.

शहरातून गांधीनगरकडे दुचाकीवरुन जात असताना पाठीमागून वेगाने येणाऱ्या वाहनांचा मोठी भीती असते. त्यांचा वेग असतो, त्यांना वाहन आवरले नाही तर समोरील दुचाकीस्वारांना उडवले जाऊ शकते. त्यामुळे येथे स्पीडब्रेकर आवश्यक आहेत. तसेच वाहतूक शाखेचे पोलिस नसल्याने हा सारा परिसर सतत वाहतुकीच्या कोंडीत असतो. त्यामुळे हे चित्र पाहून शहरात येत असलेल्या नागरिकांचे शहराबद्दलचे मत वाईट बनत आहे.

- दादासाहेब जाधव, व्यावसायिक,गांधीनगर

मोबाइल अॅप डाउनलोड करा आणि राहा अपडेट

मोपेडच्या डिकीतून रोकड लंपास

February 22, 2018, 8:30 pm

≫ Next: महापालिकेच्या कार्यक्षमतेचे ‘केंद्रीय मॉनेटरिंग’

≪ Previous: तावडे हॉटेल चौक अतिक्रमणग्रस्त

$

0

0

म. टा. प्रतिनिधी, कोल्हापूर

बँकेतून काढलेली रक्कम घेऊन जाताना उमा टॉकीज चौक परिसरात चोरट्यांनी मोपेडच्या डिकीतील ८५ हजार रुपये लंपास केले. बुधवारी (ता. २१) दुपारी दीडच्या सुमारास ही घटना घडली. याबाबत अनिकेत तानाजी परीट (वय २८, रा. सातवे, ता. करवीर) यांनी जुना राजवाडा पोलिस ठाण्यात फिर्याद दाखल केली आहे. पोलिसांनी तपासासाठी परिसरातील सीसीटीव्ही फुटेज मिळवले आहे. दरम्यान, शहरात लुटीच्या घटना वाढत असल्याने पोलिसांना चोरट्यांचे आव्हान निर्माण झाले आहे.

पोलिसांनी दिलेल्या माहितीनुसार, अनिकेत परीट राजारामपुरीतील एका खासगी कंपनीत कॅशिअर आहेत. धनादेश वटवण्यासाठी ते बुधवारी दुपारी एकच्या सुमारास मित्र नाथा पंडित बाटे (रा. शिपेकरवाडी, ता. करवीर) यांना सोबत घेऊन कंपनीच्या कामासाठी उमा टॉकीज चौक परिसरातील फेडरल बँकेत गेले होते. दुपारी दीडच्या सुमारास ८५ हजार रुपयांची रक्कम घेऊन ते बँकेतून बाहेर पडले. हे पैसे त्यांनी कॅरीबॅगमधून मोपेडच्या (एम. एच. ०९ बी. एच. ११२१) डिकीत ठेवले. यानंतर ते दोघे बीएसएनएल कार्यालयासमोर असलेल्या स्टॅम्प विक्री दुकानात गेले. स्टॅम्प घेऊन आले असता, त्यांना डिकी उचकटलेली दिसली. डिकी उघडल्यानंतर त्यांना पैसे ठेवलेली कॅरीबॅग नसल्याचे लक्षात आले. चोरी झाल्याचे लक्षात येताच त्यांनी कंपनीचे मालक राजेंद्र पाटील यांना घटनेची माहिती दिली.

यानंतर परीट यांनी जुना राजवाडा पोलिस ठाण्यात जाऊन चोरीची फिर्याद दिली. त्यानुसार पोलिसांनी अज्ञात चोरट्यावर गुन्हा दाखल केला आहे. पोलिसांनी परिसरातील सीसीटीव्ही फुटेज ताब्यात घेतले असून, त्याआधारे चोरट्यांचा शोध सुरू आहे. संशयितांनी पाळत ठेवून चोरी केली असावी, असा संशय पोलिसांनी व्यक्त केला आहे. दरम्यान, गेल्या दोन महिन्यांत शहरात लुटीच्या घटनांमध्ये मोठ्या प्रमाणात वाढ झाली आहे. यातील काही अपवाद वगळता बहुतांश चोरटे अद्यापही पोलिसांना सापडलेले नाहीत, त्यामुळे नागरिकांत भीतीचे वातावरण आहे. दिवसाढवळ्या रकमा लांबवत असल्याने चोरट्यांचे पोलिसांसमोर आव्हान निर्माण झाले आहे.

मोबाइल अॅप डाउनलोड करा आणि राहा अपडेट

महापालिकेच्या कार्यक्षमतेचे ‘केंद्रीय मॉनेटरिंग’

February 22, 2018, 8:30 pm

≫ Next: सर्व्हिस रोडअभावी हायवेवर गर्दी

≪ Previous: मोपेडच्या डिकीतून रोकड लंपास

$

0

0

Appasaheb.mali@timesgroup.com

Tweet:@Appasaheb_MT

शहर विकासाशी निगडीत प्रकल्पांना केंद्र व राज्य सरकारचे कोटवधी रुपयांचा निधी मिळतो. कामाची निविदा जाहीर करुन वर्कऑर्डर दिली जाते. कालांतराने विकासकामांच्या अंमलबजावणीत टाळाटाळ होते. परिणामी कोटवधींच्या प्रकल्पाची कामे अर्ध्यावर लटकतात. हे प्रकार टाळण्यासाठी सरकारच्या निधीतून होणाऱ्या विकास योजनांची पूर्तता प्रभावीपणे होते की नाही, याची शहानिशा केंद्रीय मॉनेटरिंग कमिटीने सुरु केली आहे. कमिटीच्या सदस्यांनी गेले चार दिवस महापालिकेच्या विविध विभागाच्या योजनांचे ऑडिट सुरू केले आहे. केंद्रीय मॉनेटरिंग कमिटीच्या ऑडिटमुळे योजनांचा लेखाजोखा मांडला जाणार आहे.

विविध योजनेसह अमृत योजनेत समाविष्ट कामे, सादर करण्यात आलेल्या कागदपत्रांची सत्यता तपासून महापालिकेची कार्यक्षमता व लोकांसाठी उपयुक्ततेबाबतच अहवाल केंद्र सरकारला सादर होणार आहे. नजीकच्या काळात केंद्रीय योजनेच्या मंजुरीसाठी या समितीची शिफारस महत्वपूर्ण ठरणार आहे. केंद्राने आयएएस अधिकारी चक्रपाणी यांच्या नेतृत्वाखाली केंद्रीय मॉनेटरिंग कमिटीची स्थापना झाली आहे. चक्रपाणी यांच्या मार्गदर्शनानुसार सतीशकुमार आणि रेड्डी यांनी शनिवार ते गुरुवार या कालावधीत महापालिकेच्या विविध विभागाचा अहवाल तपासला. महापालिकेच्या प्रत्येक विभागाचा अहवाल अभ्यासला. विभागप्रमुखांकडून ज्या त्या विभागाच्या योजना, केंद्र आणि राज्य सरकारकडून उपलब्ध निधीचा विनियोग, त्या योजना लोकांपर्यंत पोहचल्यात की नाही, अशी सर्वंकष माहिती घेतली.

कार्यक्षमता तपासून गुण

केंद्र आणि राज्य सरकारच्या विविध योजनांची महापालिका सक्षमपणे राबविता का हे पाहून कामकाजाचे मूल्यमापन होणार आहे. दोन सदस्यीय समितीकडून कोल्हापूर, सांगली महापालिकेच्या कामकाजाच्या मॉनेटरिंगचे काम होते. शिवाय उस्मानाबाद, सातारा नगरपरिषदेच्या कामकाजाचे ऑडिटही समितीने केले. ज्या त्या स्थानिकक स्वराज्य संस्थेच्या सर्वंकष कामकाजाचे मूल्यांकन करुन रेटिंग ठरविले जाते. त्या गुणांच्या आधारे केंद्राकडे योजना व निधीसाठी शिफारस होते.

मोबाइल अॅप डाउनलोड करा आणि राहा अपडेट

---

सर्व्हिस रोडअभावी हायवेवर गर्दी

February 22, 2018, 8:30 pm

≫ Next: शिक्षणाच्या खासगीकरणाला तीव्र विरोध

≪ Previous: महापालिकेच्या कार्यक्षमतेचे ‘केंद्रीय मॉनेटरिंग’

$

0

0

Uddhav.Godase@timesgroup.com

Tweet:@Uddhavg_MT

कोल्हापूर : पुणे-बेंगळुरू राष्ट्रीय महामार्गावर अनेक ठिकाणी सर्व्हिस रोड नाही. स्थानिक नागरिकांची वर्दळ थेट महामार्गावरूनच सुरू असते. यातच विरुद्ध दिशेने जाणारे वाहनधारक आणि बेशिस्त वाहने चालविणाऱ्यांची संख्या वाढली आहे. त्यातून महामार्गावर अपघातांची संख्या वाढली आहे. महामार्गाचे रुंदीकरण करताना सर्व्हिस रोड तयार करावेत, अशी मागणी वाहनधारकांची आहे. महामार्गालगत सर्वत्र सर्व्हिस रोड सुस्थितीत असते, तर कदाचित सोमवारी पहाटे सांगलीतील कॉलेज तरुणांचा झालेला अपघात टळला असता, अशी चर्चा सध्या सुरू आहे.

पुणे-बेंगळुरू राष्ट्रीय महामार्गाचे बांधकाम होऊन पंधरा वर्षे उलटली. या महामार्गाने वाहतूक गतिमान केली. मात्र, महामार्गावर आवश्यक सुविधा अद्याप दिलेल्या नाहीत. विशेषत: पुणे ते कागल यांदरम्यान महामार्गावरील प्रवास म्हणजे शिक्षा ठरावी इतपत गैरसोयी आहेत. संपूर्ण महामार्गाला दोन्ही बाजुंनी सर्व्हिस रोड असावा असा नियम आहे. प्रत्यक्षात अनेक ठिकाणी सर्व्हिस रोड तयारच केले गेले नाहीत. कराड ते कागल यांदरम्यान कंत्राटदाराने अगदीच कमी ठिकाणी सर्व्हिस रोड तयार केले. काही ठिकाणी सलग चार ते पाच किलोमीटर अंतरातही सर्व्हिस रोड नाहीत. जे आहेत त्यांची दुरवस्था झाली आहे. काही ठिकाणी मध्येच काम थांबलेले सर्व्हिस रोड बंद अवस्थेत आहेत. त्यामुळे स्थानिक नागरिकांची वर्दळ महामार्गावरून सुरू असते.

कागलपासून कोल्हापूरपर्यंत महामार्गाच्या दुतर्फा काही ठिकाणी तुटक स्थितीत सर्व्हिस रोड आहेत. गोकुळ शिरगाव आणि उजळाईवाडी परिसरात भुयारी मार्गांना जोडणारे सर्व्हिस रोड आहेत. मात्र हे रोड वाहतुकीऐवजी वाहनांच्या पार्किंगसाठीच वापरले जातात. महामार्गालगतच्या बहुतांश हॉटेल्सचे पार्किंग सर्व्हिस रोडवर असते. त्यामुळे दुचाकी आणि हलक्या वाहनांना वाहतुकीसाठी जागाच मिळत नाही.

पसरिचानगर ते उजळाईवाडीदरम्यान सर्व्हिस रोड नसल्याने महामार्गावर मोठी वर्दळ असते. विशेष म्हणजे या परिसरात उलट्या दिशेने होणारी वाहतूकही मोठी आहे. उचगाव नाका ते रेल्वे लाइन परिसरात सर्व्हिस रोड असूनही पार्किंगमुळे तो वापरात येत नाही. सांगली फाटा ते शिये फाटा या परिसरात दोन्ही बाजुला सर्व्हिस रोड आहेत, परंतु एमआयडीसीमुळे सर्व्हिस रोडवर वाहनांची गर्दी असल्याने स्थानिकांची ये-जा महामार्गावरून सुरू असते.

पुढे शिये फाटा ते टोप यांदरम्यान सर्व्हिस रोड नाहीत. टोप ते अंबप फाट्यादरम्यान केवळ महामार्गाच्या पश्चिमेला सर्व्हिस रोड आहे. पूर्वेला सर्व्हिस रोड तयारच केला गेला नाही. वाठार ते कराड यांदरम्यान केवळ भुयारी मार्गांना जोडणारे सर्व्हिस रोड आहेत. विशेष म्हणजे महामार्ग प्राधिकरणाचे याकडे लक्षच नाही. जिथे सर्व्हिस रोड तयारच नाही, तिथेच सर्व्हिस रोडचा वापर करा, असे फलक लावले आहेत. सलग सर्व्हिस रोडचा अभाव असल्याने दुचाकी आणि स्थानिकांची हलकी वाहने महामार्गावरच असतात. सलग आणि दर्जेदार सर्व्हिस रोड तयार केल्यास महामार्गावरील वाहतुकीला अडथळे निर्माण होणार नाहीत. यातून अपघात टाळता येतील, असे मत तज्ज्ञांनी व्यक्त केले आहे. किमान महामार्ग रुंदीकरणात तरी सर्व्हिस रोडचे काम प्राधान्याने करावे, अशी मागणी वाहनधारकांची आहे.

धोकादायक ऊसवाहतूक

कोल्हापूर ते कराड यांदरम्यान महामार्गावरून ऊस वाहतूक मोठ्या प्रमाणात सुरू असते. सर्व्हिस रोड नसल्याने ऊस वाहतूक करणाऱ्या बैलगाड्या आणि ट्रॅक्टर महामार्गावरूनच जातात. कागल परिसरात तर उसाच्या वाहनांची धोकादायक उलटी वाहतूक सुरू असते. कागलजवळ चार वर्षांपूर्वी उलटी वाहतूक करणाऱ्या बैलगाडीला ट्रकने समोरून धडक दिली होती. त्या अपघातात बैलासह ऊसतोड मजूरही ठार झाला होता. सर्व्हिस रोड असते, तर असे धोके टाळका आले असते.

'तो' अपघात सर्व्हिस रोड नसल्यानेच

नागाव फाट्यानजिक सोमवारी (ता. १९ फेब्रुवारी) पहाटे शिवज्योत घेऊन जाणाऱ्या विद्यार्थ्यांच्या ट्रकला भीषण अपघात होऊन सहा विद्यार्थी ठार झाले. सर्व्हिस रोड नसल्यानेच तो अपघात घडल्याचे वास्तव घटनास्थळी दिसते. वाठारपासून सलग सांगली फाट्यापर्यंत सर्व्हिस रोड असता, तर वालचंद कॉलेजच्या मुलांनी सर्व्हिस रोडवरून ज्योत आणली असती. सर्व्हिस रोड नसल्याने सहा मुलांना जीव गमवावा लागला.

मोबाइल अॅप डाउनलोड करा आणि राहा अपडेट

शिक्षणाच्या खासगीकरणाला तीव्र विरोध

February 22, 2018, 8:30 pm

≫ Next: 'भारतानं पाकिस्तानबरोबर खेळायला हवं'

≪ Previous: सर्व्हिस रोडअभावी हायवेवर गर्दी

$

0

0

म़ टा. प्रतिनिधी, कोल्हापूर

येथील शिक्षण वाचवा नागरी कृती समितीतर्फे शहरातील जवाहरनगर, सुभाषनगर, नेहरूनगरातील सरकारी शाळेत जाऊन थेट पालक, शिक्षकांशी संवाद साधत शिक्षणाच्या खासगीकरणाविरोधात प्रबोधन करण्यात आले़ शाळा बंद, खासगीकरणाविरोधात आंदोलन तीव्र करण्याचा इशारा दिला़ खासगी कंपन्यांकडे कोणत्याही परिस्थितीत शाळा बंद केल्या जाणार नाहीत, यासाठी तीव्र आंदोलन करण्यासाठी कृती समितीने वज्रमूठ आवळली आहे. शाळांतील बैठकीत शाळा बंदच्या निर्णयाच्या आदेशाची होळी करण्यात आली.

शहरातील वीर कैकय्या विद्यालय, संत रोहिदास विद्यामंदिर, नेहरू विद्यामंदिर, उर्दू मराठी शाळा येथे समिती पदाधिकाऱ्यांनी प्रबोधन केले़ पालकांशी संवाद साधत शाळा बंदच्या लढ्यात सहभागी होण्याचे आवाहन केले़ प्रत्येक शाळांतील बैठकीत सरकारच्या शाळा बंद करण्याच्या आदेशाची होळी करून निषेध नोंदवण्यात आला़ शाळा बंद करू नये, असे मेसेज मुख्यमंत्री, शिक्षणमंत्र्यांना पाठवावे, असे आवाहनही करण्यात आले़ समितीतर्फे महादेवराव जाधव, गणी आजरेकर, महादेवराव पाटील, बाबा खडस, संभाजी जगदाळे, रमेश मोरे, अशोक पोवार, सुभाष देसाई, गिरीष फोंडे, तानाजी पाटील, संजय पाटील, संजय कडगावे, सूवर्णा सोनाळकर, विनोद भोंग यांनी प्रबोधन केले़ पालक बैठकीस ज्योती कुराडे, रूपाली पाटील, संगीता गायकवाड, जयश्री व्हटकर, आरती पोळ, जस्मिन मोमीन, प्रियंका भोसले, अजय पोळ आदी उपस्थित होते.

मोबाइल अॅप डाउनलोड करा आणि राहा अपडेट

'भारतानं पाकिस्तानबरोबर खेळायला हवं'

February 23, 2018, 12:38 am

≫ Next: ज्येष्ठ साहित्यिक लक्ष्मीनारायण बोल्ली यांचे निधन

≪ Previous: शिक्षणाच्या खासगीकरणाला तीव्र विरोध

$

0

0

म. टा. प्रतिनिधी, कोल्हापूर

'क्रिकेट खेळणं म्हणजे सध्या नोकरी करण्यासारखं झालं आहे. जो फिट राहील तोच या नोकरीत टिकेल, अशी स्थिती आहे, असं परखड मत भारतीय संघाचे माजी कर्णधार अजित वाडेकर यांनी आज मांडलं.

येथील शाहूपुरी जिमखाना मैदानावर दिव्यांगाच्या पश्चिम विभागीय क्रिकेट स्पर्धेच्या उद्घाटन समारंभासाठी वाडेकर कोल्हापुरात आले आहेत. त्यावेळी पत्रकारांशी बोलताना त्यांनी क्रिकेटविषयी मते मांडली. अति क्रिकेटमध्ये खेळाडूंच्यावर ताण पडतो आहे का या प्रश्नाला उत्तर देताना त्यांनी क्रिकेट खेळणे हे सध्या नोकरी आहे. जो फिट राहील तोच संघात टिकेल. तसेच खेळाडूंच्यात स्पर्धा निर्माण झाल्याने खेळाडू स्वत:च्या फिटनेसबरोबर खेळावर लक्ष केंद्रित करत आहेत,' असं ते म्हणाले.


वाडेकर यांनी क्रिकेटमधील व्यावसायिकतेचे समर्थन केले. क्रिकेटमध्ये पैसा आल्याने खेळाडूला आर्थिक चणचण भासत नाहीत. तो क्रिकेटवर लक्ष केंद्रित करू शकतो. टेस्ट, वनडे, टी-२०मध्ये खेळाडूंना चांगली रक्कम मिळतेय. आयपीएलमध्ये भारतीय संघाबरोबर ज्युनिअर खेळाडूंना चांगली संधी मिळत असून पैसे मिळत आहेत. त्यामुळं खेळाडू आर्थिकदृष्ट्या स्थिर आणि सक्षम झाला आहे, असंही ते म्हणाले.

पाकबरोबर खेळायला हवे!

भारताने पाकबरोबर क्रिकेट खेळावे का, असा प्रश्न वाडेकर यांना केला असता त्यांनी भारताने पाकबरोबर क्रिकेट खेळले पाहिजे असे मत व्यक्त केले. भारत पाकिस्तानपेक्षा सर्व बाबतीत वरचढ आहे. भारताने क्रिकेटबरोबर सर्व क्षेत्रात प्रगती केली आहे. हॉकी, कबड्डीसह सर्व खेळांत भारतीय संघ पाकिस्तानपेक्षा वरचढ आहे. क्रिकेटमध्यही भारत अव्वल आहे. क्रिकेटमध्ये भारतीय संघ पाकिस्तानपेक्षा वरचढ आहे हे मैदानावर दाखवण्यासाठी भारताने पाकबरोबर क्रिकेट खेळले पाहिजे. भारतीय मैदानावरच नव्हे तर पाकिस्तानमधील मैदानावरही भारतीय संघ पाकिस्तानवर वरचढ ठरेल, असा विश्वास त्यांनी बोलून दाखवला.

'माझ्या काळातील क्रिकेटमध्ये पाकमध्ये खेळताना खेळाडू नव्हे, पंचही विरुद्ध असायचे. तरीही आम्ही खेळायचो, याकडेही त्यांनी लक्ष वेधले. वाडेकर म्हणाले, ट्वेंटी-२०, वनडे क्रिकेटपेक्षा कसोटी क्रिकेटमध्ये खेळाडूंचा कस लागतो. पाच दिवसांत खेळपट्टी, हवामान बदलत असते. त्यानुसार संघाला डावपेच बदलावे लागतात. या सर्व गोष्टींचा विचार करून प्रतिस्पर्धी संघाबरोबर मुकाबला करत खेळाडूला खरे क्रिकेट दाखवण्याची संधी मिळते, असे मत व्यक्त केले.

सचिन, विराट दोघेही ग्रेट


सचिन, विराट दोघेही ग्रेट आहेत
सचिन तेंडूलकर, विराट कोहली हे दोघेही खेळाडू महान आहेत. ते कोणत्याही खेळपट्टीवर खेळू शकतात. तसेच कोणत्याही वातावरणात ते स्वत:ला जमवून घेत वेगवान, फिरकी गोलंदाजीवर अत्युच्च दर्जाचे फटके मारतात, असं ते म्हणाले.

मोबाइल अॅप डाउनलोड करा आणि राहा अपडेट

ज्येष्ठ साहित्यिक लक्ष्मीनारायण बोल्ली यांचे निधन

February 23, 2018, 7:49 am

≫ Next: कृषीराज्यमंत्री खोत यांच्या ताफ्यावर दगडफेक

≪ Previous: 'भारतानं पाकिस्तानबरोबर खेळायला हवं'

$

0

0

सोलापूर :

ज्येष्ठ कवी, लेखक आणि विचारवंत डॉ. लक्ष्मीनारायण बोल्ली यांचे आज वयाच्या ७५ व्या वर्षी हृदयविकाराच्या तीव्र झटक्याने निधन झाले. आज सायंकाळी घरात लेखन करत असतानाच त्यांना हृदयविकाराचा झटका आला. त्यानंतर तातडीने त्यांना शहरातील मार्कंडेय रुग्णालयात दाखल करण्यात आले. मात्र, तिथे त्यांची प्राणज्योत मालवली.

लक्ष्मीनारायण बोल्ली यांच्यावर शनिवारी सकाळी १० वाजता अंत्यसंस्कार करण्यात येणार आहेत. बोल्ली यांच्या पश्चात दोन मुलगे, एक मुलगी, पत्नी असा परिवार आहे.

तेलुगू भाषिक कुटुंबात जन्म घेऊनही लक्ष्मीनारायण बोल्ली यांचं मराठी भाषेवर विशेष प्रभुत्व होतं. तेलुगू भाषेचे जाणकार, उत्तम कवी आणि समीक्षक म्हणून त्यांनी साहित्य क्षेत्रात मोठे योगदान दिले. 'एका साळियाने' हे त्यांचे आत्मचरित्र फार गाजले. तेलुगू आणि मराठी भाषेत त्यांची जवळपास २४ पुस्तके प्रकाशित झालेली आहेत. एम. ए. च्या अभ्यासक्रमात त्यांच्या साहित्याला स्थान देण्यात आलेलं आहे. आंध्र प्रदेशमधील पोट्टी श्री रामुलू विद्यापीठाने त्यांना मानद डी. लिट पदवी देऊन सन्मानित केले होते.

मोबाइल अॅप डाउनलोड करा आणि राहा अपडेट

कृषीराज्यमंत्री खोत यांच्या ताफ्यावर दगडफेक

February 23, 2018, 11:27 pm

≫ Next: इस्लामपूर: राजू शेट्टींच्या कार्यालयाची तोडफोड

≪ Previous: ज्येष्ठ साहित्यिक लक्ष्मीनारायण बोल्ली यांचे निधन

$

0

0

सुनील दिवाण । पंढरपूर

सोलापूर जिल्ह्याच्या दौऱ्यावर असलेले कृषीराज्यमंत्री सदाभाऊ खोत यांना आज येथील शेतकऱ्यांच्या रोषाला सामोरं जावं लागलं. 'स्वाभिमानी'चे कार्यकर्ते आणि संतप्त शेतकऱ्यांनी सरकारचा निषेध करत खोत यांच्या गाडीवर गाजरे फेकली. तर, रिधोरा इथं संतप्त शेतकऱ्यांनी त्यांच्या ताफ्यावर दगडफेक केली. यात ताफ्यातील एका गाडीचं नुकसान झालं असून पोलिसांनी काही कार्यकर्त्यांना ताब्यात घेतलं आहे.

खोत हे स्वाभिमानी शेतकरी संघटनेच्या कोट्यातून फडणवीस सरकारमध्ये मंत्री बनले होते. मात्र, शेतकऱ्यांच्या प्रश्नावर संघटनेचे नेते राजू शेट्टी व त्यांच्यात मतभेद झाल्यामुळं त्याची स्वाभिमानीतून हकालपट्टी करण्यात आली. तेव्हापासून दोघांमध्ये विस्तव जात नाही. स्वाभिमानी संघटना खोत यांना घेरण्याची सतत संधी शोधत असते. सोलापूरमध्ये झालेली दगडफेक हा यातलाच एक प्रकार असल्याची चर्चा आहे. कुर्डुवाडी इथं कार्यक्रमासाठी जात असताना शहराच्या बायपासजवळ शेतकऱ्यांनी काळे झेंडे दाखवून खोत यांची गाडी अडवण्याचा प्रयत्न केला. तसंच, गाडीवर गाजरे फेकली. तर, रिधोरा इथं थेट गाड्यांच्या ताफ्यावर दगडफेक करण्यात आली. दगडफेकीच्या या घटनेनंतर खोत यांचे जिल्ह्यातील पुढील कार्यक्रम रद्द होण्याची शक्यता आहे.

बोहल्यावरून पळणाऱ्यांनी परमार्थ सांगू नये!

'काही मंडळीना संसार करता येत नाही. जबाबदारीला घाबरून मांडवातल्या बोहल्यावरून पळून जाणाऱ्यांनी परमार्थाच्या वल्गना करू नयेत, असा थेट टोला सदाभाऊ खोत यांनी राजू शेट्टींना हाणला. जबाबदारी झटकून पाळणे सोपे असते, मात्र ती पार पडणे अवघड असते. ज्याला संसारच करता येत नाही, त्यांनी दुसऱ्यांनी समाजाचा संसार कसा करावा हे सांगू नये, असं त्यांनी ठणकावलं. शेट्टी आणि राष्ट्रवादीच्या जवळिकीचा संदर्भ देत त्यांनी शेट्टींना भुताची उपमा दिली. ज्यांनी सहकार मोडीत काढून आंदोलकांचे रक्त सांडले, त्यांच्याशी जवळीक म्हणजे भुताचे पाय उलटे आणि डोळे कपाळावर असतात, ही म्हण खरी असल्याचे द्योतक आहे,' असं ते म्हणाले.

मोबाइल अॅप डाउनलोड करा आणि राहा अपडेट