बंटी-बबलीचा मोबाइल विक्रेत्यांना गंडा

December 8, 2017, 7:19 am

≫ Next: कौस्तुभ डाफळे ठरला 'महापौर केसरी'

≪ Previous: रेल्वेत विसरली साडेपाच लाखांची बॅग

$

0

0

कोल्हापूर

मोबाइलचा बॅलेन्स रिचार्ज करण्यासाठी वितरक म्हणून नेमणूक करण्याच्या बहाण्याने शहरातील गंगावेश आणि रंकाळा बसस्थानक परिसरातील दोन विक्रेत्यांची १ लाख १० हजार रुपयांची फसवणूक झाली. राजेश मेनन आणि अंजली सावळे या दोघांनी ही फसवणूक केल्याची तक्रार सागर विलास साळोखे (रा. रंकाळावेस तालीमजवळ, कोल्हापूर) यांनी गुरुवारी (ता. ७) रात्री जुना राजवाडा पोलिस ठाण्यात केली. गंडा घालणाऱ्या बंटी-बबलीचा पोलिसांकडून शोध सुरू आहे.

जुना राजवाडा पोलिसांकडून मिळालेल्या माहितीनुसारसागर साळोखे यांचे रंकाळा बसस्थानकाजवळ सोहम साई कम्युनिकेशन हे दुकान आहे. चार दिवसांपूर्वी एक तरुण आणि एक तरुणी साळोखे यांच्या दुकानात आले. राजेश मेनन आणि अंजली सावळे अशी त्यांनी स्वतःची नावे सांगितली. कंपनीचे व्हिजिटिंग कार्ड दाखवून त्यांनी मोबाइलचा बॅलेन्स सोडण्याचे अ‍ॅप देत असल्याचे सांगितले. त्यानुसार अ‍ॅप देऊन एक हजार रुपयांचा बॅलेन्स सोडला. एक हजार रुपये घेऊन ते दोघेही निघूनगेले. हा मोबाइल बॅलन्स ग्राहकांना व्यवस्थित मिळतअसल्याने साळोखे यांना रिचार्जची खात्री पटली.

मोबाइल अॅप डाउनलोड करा आणि राहा अपडेट

---

कौस्तुभ डाफळे ठरला 'महापौर केसरी'

December 8, 2017, 8:55 am

≫ Next: राणेंच्या पक्षाच्या झेंड्यात 'मनसे' रंग!

≪ Previous: बंटी-बबलीचा मोबाइल विक्रेत्यांना गंडा

$

0

0

कोल्हापूर:

राजर्षी शाहू खासबाग मैदानाच्या लाल मातीच्या आखाड्यात पुण्याच्या कौस्तुभ डाफळेने एकेरी पट काढून कोल्हापूरच्या सचिन जामदारला आस्मान दाखवत महापौर केसरीचा मान पटकावला. त्याला दोन लाख रुपये रोख बक्षीस आणि महापौर चषकाने गौरवण्यात आले.

निकाली कुस्ती मैदान मुळचा सोलापुरचा आणि कोल्हापूरच्या गंगावेश तालमीचा मल्ल, 'महान भारत केसरी' माऊली जमदाडेने मारले. त्याने दिल्लीचा हिंद केसरी कमलजित सिंहला सपशेल चितपट करत उपस्थित कुस्तीशौकिनांची मने जिंकली.

प्रकाशझोतात झालेल्या लढतीत हलगी, घुमका आणि ताशाच्या गजरात महापौर केसरीसाठी कोपार्डे (करवीर) गावचा आणि गंगावेश तालमीचा सचिन जामदार आणि पुण्याच्या कौतुक डाफळेने दोघांच्यात सलामी झडली. अंगाने मजबूत आणि वजनाने भारी असलेला सचिन सुरुवातीपासून आक्रमक असला तरी कौतुक सावध होता. खडाखडीनंतर दोघांनी सुरुवातीला पटात घुसण्याचा प्रयत्न केला. सचिन पटात घुसण्याचा हूल देत होता तर कौतुक डाव टाकण्याच्या शोधात होता. पाचव्या मिनिटाला सचिनचा एकेरी पट काढण्याचा प्रयत्न फसला. पाच मिनिटानंतर मैदानाच्या लगडकोटाकडे गेलेली कुस्ती पंच बटू जाधव यांनी मध्ये आणली. सातव्या मिनिटाला कौतुक डाफळे आक्रमक झाला. त्याने पटात घुसून एकेरी पट डाव टाकून कौतुकला चितपट करत महापौर केसरी किताबावर शिक्कामोर्तब केले.

निकाली कुस्तीची लढत प्रेक्षणीय झाली. महानभारत केसरी माऊली जमदाडेने सुरुवातीपासून लढतीवर वर्चस्व ठेवले. दहाव्या मिनिटाला माऊलीने दुहेरी पकड करत हिंदकेसरी कमलजित सिंहवर कब्जा घेतला. माऊलीच्या मगरमिठीतून सुटका करण्याचे कमलजितचे पाच प्रयत्न उधळून लावले. शेवटपर्यत कब्जा ठेवणाऱ्या माऊलीने तिसाव्या मिनिटाला हात काढून घिस्सा डावावर कमलजितला आस्मान दाखवत कुस्ती जिंकली.

बक्षीस वितरण श्रीमंत शाहू छत्रपती यांच्या हस्ते व माजी खासदार संजय दिना पाटील यांच्या प्रमुख उपस्थितीत झाले. यावेळी महापौर हसिना फरास, आमदार हसन मुश्रीफ, आमदार सतेज पाटील, आमदार राजेश क्षीरसागर, आयुक्त डॉ. अभिजित चौधरी, उपमहापौर अर्जुन माने, स्थायी समिती सभापती संदीप नेजदार, महान भारत केसरी दादू चौगुले, हिंद केसरी विनोद चौगुले, अॅड. महादेवराव आडगुळे, अदिल फरास उपस्थित होते.

मोबाइल अॅप डाउनलोड करा आणि राहा अपडेट

राणेंच्या पक्षाच्या झेंड्यात 'मनसे' रंग!

December 8, 2017, 9:28 am

≫ Next: महापौरपुत्राकडून आयुक्तांना थेट दम

≪ Previous: कौस्तुभ डाफळे ठरला 'महापौर केसरी'

$

0

0

कोल्हापूर:

माजी मुख्यमंत्री नारायण राणे यांनी आज कोल्हापुरात शक्तिप्रदर्शन करत 'महाराष्ट्र स्वाभिमानी पक्षा'च्या झेंड्याचे अनावरण केले. राणेंच्या नव्या पक्षाच्या झेंड्यात भगवा, निळा आणि हिरवा हे तीन रंग आणि मध्यभागी वज्रमूठ असून हा झेंडा मनसेच्या झेंड्याशी मिळताजुळता आहे.

वज्रमूठ आणि झेंड्यांचा क्रम सोडला तर राणेंच्या पक्षाचा झेंडा म्हणजे मनसेच्या झेंड्याचीच कॉपी असल्याचे बोलले जात आहे. हा झेंडा आता राणे यांना कितपत यश मिळवून देतो याचे उत्तर येणारा काळच देणार आहे.

राणे यांनी काँग्रेसला सोडचिठ्ठी दिल्यानंतर महाराष्ट्र स्वाभिमानी पक्षाची स्थापना केली. महाराष्ट्रात उदयाला आलेल्या या नव्या पक्षाने राणेचं होमपिच असलेल्या सिंधुदुर्गात ग्रामपंचायत निवडणुकीत चांगलं यश मिळवलं. त्यानंतर राणे आपला पक्ष महाराष्ट्रभर नेण्यासाठी पुढचे पाऊल टाकले आहे. राणे यांनी आज कोल्हापूरपासून पक्षबांधणीला सुरुवात केली. राणे यांनी सर्वप्रथम अंबाबाईचरणी माथा टेकला. यावेळी त्यांच्यासोबत पत्नी नीलम राणे, पुत्र निलेश राणे, काँग्रेस आमदार नितेश राणे असं पूर्ण कुटुंब होतं. त्यानंतर राणेंनी पत्रकार परिषदही घेतली. यावेळी राज्याला नव्या पक्षाची व नेतृत्वाची गरज आहे आणि ही गरज मी भरून काढणार, असा विश्वास राणे यांनी बोलून दाखवला. मी केलेली विकासात्मक कामे लोकांना माहीत आहेत.
जनता महाराष्ट्र स्वाभिमान पक्षाकडे आकर्षित होत आहे, असे नमूद करताना मी जिथे जाईन तो जिल्हा माझा बालेकिल्ला, असे उत्तरही राणे यांनी एका प्रश्नावर दिले.

राणे यांनी जाहीर सभा घेऊन जोरदार शक्तिप्रदर्शनही केलं. या सभेत आपल्या पक्षाचा झेंडा राणेंनी जनतेसमोर ठेवला. कोल्हापूरकर माझ्या स्वभावाशी मिळतेजुळते असल्याने मी येथून पक्षाची वाटचाल सुरू केली आहे, असेही राणे म्हणाले.

मोबाइल अॅप डाउनलोड करा आणि राहा अपडेट

महापौरपुत्राकडून आयुक्तांना थेट दम

December 8, 2017, 1:30 pm

≫ Next: स्थायी समिती बैठकीत प्रशासन धारेवर

≪ Previous: राणेंच्या पक्षाच्या झेंड्यात 'मनसे' रंग!

$

0

0

म. टा. प्रतिनिधी, कोल्हापूर

प्रभागातील प्रलंबित कामासाठी तरतूद करुनही शेवटच्या क्षणी आयुक्त नकार देत असल्याचा आरोप करीत महापौर हसीना फरास यांचे पुत्र माजी नगरसेवक आदिल फरास यांनी आयुक्त डॉ. अभिजित चौधरी यांना सर्वांसमक्ष भरला. कामे अडवून ठेवत असल्याचा आरोप त्यांनी केला. महापौर केसरी कुस्ती स्पर्धेच्या बक्षीस वितरणानंतर त्याच व्यासपीठावर आयुक्तांना अडवून फरास यांनी उपस्थितांसमोर प्रश्नांची सरबत्ती केली. हुकूमशाही चालू देणार नाही, उद्यापासून आम्ही रिकामे होत असून दोन चार हजारांचे मोर्चे काढू, असा इशारा देत खडे बोल सुनावले. यावेळी आयुक्तांनीही उत्तरे देण्याचा प्रयत्न केल्याने व्यासपीठावर जोरदार खडाजंगी झाली. त्यानंतर केशवराव भोसले नाट्यगृहातील रेस्ट रुममध्येही दोघांमध्ये खडाजंगी झाली.

महापौरांनी सायंकाळी पेंढारकर कलादालनात होणाऱ्या बैठकीस उपस्थित राहण्याचे आदेश आयुक्तांना दिले होते. त्यानुसार आयुक्त डॉ. चौधरी व इतर सर्व अधिकारी सहा वाजता उपस्थित होते. त्यावेळी कुस्ती स्पर्धा सुरू असल्याने समारोपापर्यंत सर्वजण थांबले. बक्षीस वितरणानंतर सर्व पाहुणे निघून गेले. रात्री नऊच्या सुमारास महापौर व आदिल फरास यांनी आयुक्तांना व्यासपीठावरच कामे अडवत असल्याबाबत जाब विचारण्यास सुरूवात केली.

प्रभाग उंचावर असल्याने पाण्याच्या सोईसाठी भागातील चार विहिरीतील गाळ काढून पंपाद्वारे ते पाणी भागात देण्याच्या २३ लाखाचा प्रस्ताव सर्व तांत्रिक मंजुरी घेऊन केला. त्यासाठी महापौरांनी स्वनिधी दिला, पण नऊ महिन्यापासून कामाला मंजुरी का दिली जात नाही? असा प्रश्न मोठ्या आवाजात आदिल यांनी केला. त्यावेळी आयुक्तांनी त्याबाबतचे स्पष्टीकरण देण्यास सुरुवात केल्यानंतर फरास यांनी आवाज वाढवत आम्ही लोकांसाठी काम करतो, लोकांच्या तक्रारी दूर करण्यासाठी आम्हाला विश्वस्त म्हणून नेमले आहे. त्यांची सोय होत नसेल तर आम्हीही गप्प बसणार नाही, असा इशारा दिला. तांत्रिक अधिकारी प्रस्ताव योग्य असल्याचे सांगत असताना केवळ तुम्हाला वाटते म्हणून प्रस्ताव योग्य नाही, असे सांगता. तुम्ही हुकूमशहाप्रमाणेच वागता. पण आम्हीही उद्यापासून रिकामे होत आहोत, मागण्यांच्या पूर्तततेसाठी दोन-चार हजारांचे मोर्चे काढण्यात येतील, असा इशारा दिला.

त्यावेळी आयुक्तांनी हुकूमशहाप्रमाणे वागण्याचा प्रश्न नाही, मला योग्य वाटत नाही तोपर्यंत मी निर्णय घेणार नाही, असे स्पष्ट केले. यामुळे वातावरण तणावपूर्ण बनले. व्यासपीठाभोवती सर्व नागरिक, महापालिकेचे अधिकार, कर्मचारी उपस्थित होते. तणाव वाढण्याची चिन्हे दिसू लागताच प्रा. जयंत पाटील व उपमहापौर अर्जुन माने यांनी मध्यस्थी करत केबीनमध्ये बसून चर्चा करु, असे सांगत तिथून सर्वांना हलवले. नाट्यगृहातील रेस्ट रुममध्ये महापौर, आयुक्त, उपमहापौर माने, प्रा. पाटील, आदिल फरास, अफजल पिरजादे, वहीदा सौदागर यांची एकत्र चर्चा झाली. फरास यांनी चार विहिरींमधील गाळ काढून त्याची स्वच्छता आवश्यक असताना त्याला मंजुरी का देत नाही? असा थेट सवाल केला. त्यावेळी आयुक्तांनीही नीट समजावून सांगत काम अडवण्याचा प्रश्न नाही, योग्य असेल ते केले जाईल, असे सांगितल्यामुळे पुन्हा तणाव वाढला. महापौरांनीही त्यामध्ये सहभाग घेऊन आयुक्तांची ही पद्धत बरोबर नसल्याचे बोल सुनावले. शेवटी आयुक्तांनी महापौरांच्या प्रभागातील चार विहिरींची स्वच्छता करण्याचे आदेश कुलकर्णी यांना दिले. भागात पाइपलाइनऐवजी बोअर मारावेत, असे सांगितले. त्याला महापौरांनी विरोध केल्यानंतर मी बाहेरगावी जाऊन आल्यानंतर पाहणी करुन ठरवण्यात येईल, असे सांगितले. तसेच ज्यावेळी मला योग्य वाटेल त्यावेळीच इतर नगरसेवकांच्या कामाबाबत निर्णय घेतला जाईल, असे ठामपणे सांगितले.

उपमहापौर अतिरिक्त आयुक्तांच्या अंगावर

रेस्टरुमध्ये चर्चा सुरू असताना अतिरिक्त आयुक्त श्रीधर पाटणकर यांनी या साऱ्या प्रकाराचे मोबाइलवर चित्रीकरण करत असल्याचे समजले. त्यामुळे उपमहापौर अर्जुन माने त्यांच्या अंगावर धावून गेले आणि मोबाइल बंद करण्यास बजावले. आम्ही लोकांच्या प्रश्नासाठी भांडत आहोत, अशा प्रकाराने जे काही भोगायला येईल, ती आमच्यादृष्टीने मेडल आहे, असे फरास यांनी सांगितले.

मोबाइल अॅप डाउनलोड करा आणि राहा अपडेट

स्थायी समिती बैठकीत प्रशासन धारेवर

December 8, 2017, 1:30 pm

≫ Next: प्रलंबित मागण्यांसाठी शिक्षक रस्त्यावर

≪ Previous: महापौरपुत्राकडून आयुक्तांना थेट दम

$

0

0

म. टा. प्रतिनिधी, कोल्हापूर

महापालिकेत फायलींचा प्रवास अतिशय संथ असल्याचा आरोप करत स्थायी समितीच्या बैठकीत सदस्यांनी प्रशासनाला धारेवर धरले. दोन वर्षानंतरही प्रभागात कामे झाली नाहीत, सहा सहा महिने फाइल फिरत असल्याने सरकारचा निधी परत जाईल, त्यामुळे प्रशासनाने आता तरी गतिमान व्हावे अशी मागणी बैठकीत करण्यात आली. अध्यक्षस्थानी सभापती डॉ. संदीप नेजदार होते.

स्ट्रॉम वॉटरचे कामावर अजून सही झालेली नाही. डेंगीचे रूग्ण रोज सापडत आहेत. यामुळे नागरिकांच्या रोषास नगरसेवकांना तोंड द्यावे लागत आहे, असा आरोप करत नगरसेवकांनी प्रशासनावर टीकेची झोड उठाली. फाईल ट्रॅकिंगचे काय झाले ? दोन वर्षे झाली तरी प्रभागात कामे नाहीत. सहा सहा महिने फाईल फिरते, प्रशासन हलणार कधी असा संतप्त सवाल दिलीप पोवार, अफजल पिरजादे, प्रतिज्ञा निल्ले, उमा इंगळे, रिना कांबळे यांनी केला. सर्व फायलींवर लवकरात लवकर निर्णय होवून पुढे प्रस्तावित करणेच्या सूचना संबधित अधिकाऱ्यांना देऊ, असे प्रशासन अधिकाऱ्यांनी सांगितले.

डॉ. कौस्तुभ वाईकर यांच्या कडे एमएस जनरल सर्जनची डिग्री आहे. त्यांना ऑपरेशन करता येत नाही. तरीही ते ऑपरेशन कसे करतात असा सवाल निल्ले व पोवार यांनी केला. याबाबत त्यांना नोटीस काढली आहे. शहरस्तरीय समिती स्थापन केल्याचे उत्तर प्रशासनाने दिले.

टिंबर मार्केट लोळगे लॉन येथील ले आऊटमधील नियोजित डीपीरोडवरील अनाधिकृत प्लॉट विकेले आहेत. प्लॉट अनाधिकृत असल्याचा आरोप जयश्री चव्हाण यांनी केला. सरकारने १९९९ ला विकास आराखड्यात रस्ता मंजूर केला असल्याचे यावेळी सांगण्यात आले. फुलेवाडी रिंगरोड मातंग वसाहत जवळची जागा प्राथमिक शाळेसाठी आरक्षित आहे. ती महापालिकेच्या ताब्यात आहे का? अशी विचारणा रिना कांबळे यांनी केली. याबाबत प्रशासनाला माहिती नसल्याचे बैठकीत निदर्शनात आले. एलिगंट हॉटेल व कोल्हापूर ऑक्स‌िजनजवळ शंभर फुट रस्ता होता. तो अतिक्रमण वाढल्याने आता ६० फुट झाल्याचे उमा इंगळे यांनी निदर्शनास आणून दिले, याबाबत तातडीने कारवाई करण्यात येणार असल्याचे प्र्रशासनाने स्पष्ट केले.

मोबाइल अॅप डाउनलोड करा आणि राहा अपडेट

प्रलंबित मागण्यांसाठी शिक्षक रस्त्यावर

December 8, 2017, 1:30 pm

≫ Next: वादग्रस्त कारकीर्द अखेर गजाआड

≪ Previous: स्थायी समिती बैठकीत प्रशासन धारेवर

$

0

0

म. टा. प्रतिनिधी, कोल्हापूर

​वि​विध प्रलंबित मागण्यांकडे लक्ष वेधून घेण्यासाठी कोल्हापूर जिल्हा कनिष्ठ महाविद्यालयीन शिक्षक संघातर्फे शुक्रवारी करवीर तहसीलदार कार्यालयसमोर धरणे आंदोलन करण्यात आले. यावेळी संघाचे अध्यक्ष प्रा. ए. डी. चौगले, सचिव प्रा. अविनाश तळेकर, प्रा. टी. के. सरगर, प्रा. विजय मेटकरी, एस. जी. कदम यांनी करवीरचे तहसीलदार उत्तम दिघे यांना मागण्यांचे निवेदन दिले.

यावेळी प्रा. चौगले म्हणाले, ‘जवळपास २५ हजार शिक्षक सरकारी मान्यता व वेतनापासून वंचित आहेत. शिक्षकांच्या मागण्या मान्य करण्याबाबत राज्यपातळीवर निर्णय घेण्यात आला आहे. मात्र, या निर्णयाची अंमलबजावणी झालेली नाही. नवीन आदेश काढून अहवाल मागवणे, आढावा घेणे यामुळे दिरंगाई होत आहे. त्यामुळे ​शिक्षकांना मानसिक तणावाखाली काम करावे लागत आहे. या पार्श्वभूमीवर आंदोलन करण्यात आले आहे. यापुढेही तीव्र आंदोलन करण्यात येणार आहे.’

पुढील टप्प्यात १९ डिसेंबरला जिल्हाधिकारी कार्यालयासमोर आंदोलन करण्यात येणार आहे, तर १८ जानेवारीला शिक्षण उपसंचालक कार्यालयावर मोर्चा काढण्यात येणार आहे. २ फेब्रुवारीला कनिष्ठ महाविद्यालये बंद ठेवण्याचा निर्णय घेण्यात आला आहे. सरकारने मागण्या मान्य करून त्याबाबत अंमलबजावणीचे आदेश न दिल्यास बारावी परीक्षेच्या कामकाजासंबंधी काय भूमिका घ्यायची याचा निर्णय घोषित करण्यात येईल, असेही यायावेळी चौगले यांनी सांगितले.

अशा आहेत मागण्या...

नवीन पेन्शन योजना रद्द करून जुनी पेन्शन योजना सुरू करावी

कायम विनाअनुदानित मूल्यांकनपात्र कनिष्ठ महाविद्यालये, शिक्षकांना अनुदान द्यावे

संचमान्यतेतील त्रुटी दूर कराव्यात

२३ ऑक्टोबर २०१७ चा वरिष्ठ निवड वेतनश्रेणी आदेश रद्द करावा

कनिष्ठ महाविद्यालयाचे प्रशासन स्वतंत्र करावे

मोबाइल अॅप डाउनलोड करा आणि राहा अपडेट

वादग्रस्त कारकीर्द अखेर गजाआड

December 8, 2017, 1:30 pm

≫ Next: उद्योगातील लाख कामगारांना मिळणार सुरक्षा कवच

≪ Previous: प्रलंबित मागण्यांसाठी शिक्षक रस्त्यावर

$

0

0

म. टा. प्रतिनिधी, कोल्हापूर

महिला पोलिस अधिकारी अश्विनी राजू गोरे (बिद्रे) यांना बेपत्ता केल्याप्रकरणी अखेर वरिष्ठ पोलिस निरीक्षक अभय कुरुंदकर याला नवी मुंबई पोलिसांनी बेड्या ठोकल्या आहेत. राजकीय वरदहस्तामुळे वरिष्ठ अधिकाऱ्यांच्या आदेशांचे उल्लंघन करून पोलिस खात्याची शिस्त बिघडवणाऱ्या कुरुंदकरची कारकीर्द वादग्रस्त ठरली आहे. बेपत्ता अश्विनी गोरे हिच्यासह कुरुंदकरही मूळचा कोल्हापुरातील असल्याने कुरंदकरच्या कारनाम्यांची सध्या शहरात जोरदार चर्चा सुरू आहे.

अभय कुरुंदकर याची २९ मे, २००६ रोजी सांगली पोलिस अधीक्षक कार्यालयातील नियंत्रण कक्षात सहायक पोलिस निरीक्षक पदावर बदली झाली होती. यानंतर महिन्याभरातच एमआयडीसी कुपवाड पोलिस ठाण्यात त्याची बदली झाली. तेथे त्याने अडीच वर्षे काम केले. याच दरम्यान पोलिस निरीक्षक पदावर बढती मिळाली. पुढे एक वर्ष मिरजेतील वाहतूक शाखेकडे काम केले. आर्थिक गुन्हे शाखेनंतर २ जून, २०१० पासून त्याने स्थानिक गुन्हे अन्वेषण शाखेचा कार्यभार घेतला. २०१३ पर्यंत याच पदावर काम करताना त्याने मनमानी कारभार केल्याचा ठपका तत्कालीन पोलिस अधीक्षक दिलीप सावंत यांनी ठेवला होता. सावंत यांनी ९ मे, २०१३ मध्ये कुरुंदकरच्या चौकशीचा एक अहवाल कोल्हापूर परिक्षेत्राचे तत्कालीन विशेष पोलिस महानिरीक्षक आणि राज्याच्या पोलिस महासंचालकांनाही पाठवला होता.

कुरुंदकर याची बदली सांगलीतून तासगाव येथे केली होती. तत्कालीन गृहमंत्री आर. आर. पाटील यांच्या आदेशाला कुरंदकरने आव्हान दिले. तत्लाकीन विरोधी पक्षनेते एकनाथ खडसे यांच्याकडे जाऊन कुरुंदकरने बदली रद्द करून घेतली होती. सांगलीतील काही राजकीय नेते आणि गुंडांशीही त्याची जवळीक होती, त्यामुळे तपासाच्या दृष्टीने महत्त्वाची असलेली गोपनीय माहिती बाहेर जात होती. याशिवाय कामातही त्याचे लक्ष नव्हते. यावरून पोलिस अधीक्षकांनी वारंवार कुरुंदकरला सुनावले होते. कारणे दाखवा नोटिसाही पाठवल्या होत्या. इतकेच काय तर कामात हयगय केल्याचा अहवालदेखील तत्कालीन पोलिस अधीक्षक दिलीप सावंत यांनी विशेष पोलिस महानिरीक्षक आणि पोलिस महासंचालकांना पाठवला होता. वरिष्ठ अधिकाऱ्यांनी गंभीर आक्षेप नोंदवल्यानंतरही कुरुंदकरला पोलिस महासंचालक पदक मिळाले.

सांगलीत काम करताना २०१० पासून कुरंदकर आणि महिला पोलिस अधिकारी अश्विनी गोरे यांच्यात जवळीक वाढली. अश्विनीने विरोध केल्यानंतरही तो तिच्याशी लगट करीत होता. यावरून अनेकदा दोघांमध्ये वाद झाले. अश्विनीला मारहाण केल्याचे व्हिडिओदेखील नुकतेच व्हायरल झाले आहेत. मोबाइलवरील संभाषणात कुरुंदकरने अश्विनीच्या पतीला गायब करण्याची धमकी दिली होती. दीड वर्षांपूर्वी अश्विनी बेपत्ता झाल्यानंतर कुरुंदकरने या प्रकरणापासून हात झटकण्याचा प्रयत्न केला. पोलिसांची कारवाई टाळण्यासाठी त्याने हायकोर्टातही धाव घेतली होती. कोर्टाच्या दबावाने आणि बदनामीसाठी माझ्यावर आरोप केले आहेत, असा खुलासाही देण्याचा प्रयत्न कुरुंदकर याने केला. अखेर बचावाचे सर्व प्रयत्न फोल ठरल्याने तो पोलिसांच्या हाती लागला आहे.

अधिवेशनात प्रकरण गाजणार

दीड वर्षांपासून बेपत्ता महिला पोलिस अधिकाऱ्याचा शोध घेतला जात नाही, त्यामुळे पोलिसांसह सरकारच्या कार्यपद्धतीवर आक्षेप घेतले जात आहेत. राष्ट्रवादी काँग्रेसचे आमदार जयंत पाटील यांनी अधिवेशनात आवाज उठवण्याचा इशारा दिल्यानंतर सरकारला जाग आली. सांगली पोलिसांच्या कारनाम्यांनी गृह खात्याबद्दल नागरिकांमध्ये प्रचंड चीड आहे. या स्थितीत बेपत्ता महिला पोलिस अधिकारी प्रकरण सरकारच्या अडचणीत भर टाकणारे ठरू शकते, अशी शक्यता वर्तवली जात आहे.

मोबाइल अॅप डाउनलोड करा आणि राहा अपडेट

उद्योगातील लाख कामगारांना मिळणार सुरक्षा कवच

December 8, 2017, 1:30 pm

≫ Next: अॅड. उज्ज्वल निकम यांची नियुक्ती

≪ Previous: वादग्रस्त कारकीर्द अखेर गजाआड

$

0

0

Sachin.Yadav@timesgroup.com
Tweet:@sachinyadavMT

कोल्हापूर : केंद्र सरकारच्या उद्योग विभागाने शहरातील उद्योग, दुकाने आणि विविध संस्थेत कार्यरत असलेल्या कामगारांसाठी कामगार राज्य विमा महामंडळाने (ईएसआय) कक्षा वाढविली आहे. यापूर्वी शहरांपुरती मर्यांदित सुविधांचा लाभ घेत असलेल्या ईएसआयने जिल्ह्यातील उद्योग, व्यवसायातील कामगारांना या कक्षेत आणले आहे. त्याचा फायदा कोल्हापूर जिल्ह्यातील स्मॅक, मॅक आणि गोशिमा या तीन उद्योगातील प्रमुख संस्थासह सुमारे एक लाख कामगारांच्या कुटुंबात फायदा होणार आहे. कोल्हापूर, सांगली, सातारा, सोलापूर जिल्ह्यासाठी राज्य कर्मचारी विमा कायदा लागू केला आहे. या कायद्याची प्रभावी अंमलबजावणी करण्याचे आदेश दिले आहेत.

उद्योग विभागाने कर्मचाऱ्यांच्या पगाराची मर्यांदाही १५ हजारांहून २१ हजारांपर्यंत केली आहे. या विम्यासाठी कर्मचाऱ्याच्या पगारातून एक टक्का आणि व्यवस्थापन तीन टक्के हिस्सा देणार आहे. कामगार राज्य विमा महामंडळाकडून कामगारांना विमा देण्यात येत असलेली सुविधा शहरातील कामगारांपुरती मर्यांदित होती. आता उद्योग, व्यवसाय, दुकाने आणि संस्थात कार्यरत असलेल्या कामगारांना याचा मोठा फायदा होणार आहे. या विम्याची ऑनलाइन नोंदणी केली जाणार आहे. १ ऑगस्ट, २०१६ मध्ये राज्य कर्मचारी विमा कायदा लागू करण्यात आला. मात्र, काही उद्योग आणि संस्थानी या कायद्याची अंमलबजावणी करण्यास नकार दिला होता. ईएसआयने राज्यातील उद्योग, व्यवसाय आणि विविध प्रकारच्या दुकानांत काम करणाऱ्या कर्मचाऱ्यांना या विम्याची सुविधा देण्याचा आदेश काढला आहे. त्याची अंमलबजावणी न केल्यास संबधितावर कारवाईचा इशारा दिला आहे. त्यामुळे कोल्हापूर जिल्ह्यातील अनेक उद्योग क्षेत्रातील व्यवस्थापनाने कामगारांचा विम्याचा लाभ देण्यास सहमती दर्शविली आहे. कोल्हापुरात महामंडळाचे रुग्णालय बांधून तयार आहे. मात्र, अद्याप निधी नसल्याने कामकाजाची सुरुवात झालेली नाही. रुग्णालय सुरू होईपर्यंत कर्मचाऱ्यांना लाभ मिळण्यासाठी जिल्ह्यातील दहाहून अधिक रुग्णालयासोबत सांमजस्य करार केला आहे. त्याचा फायदा कर्मचाऱ्यांच्या कुटुंबाना मिळणार आहे. कर्मचाऱ्यासह आई, वडिल आणि मुलांना या विम्याचा लाभ मिळणार आहे. गंभीर शस्त्रक्रियेसारख्या आजारांचावर उपचाराचा समावेशही या विम्यात केला आहे. काही रुग्णालया सोबत केलेल्या करारात कॅशलेसची सुविधा उपलब्ध करुन दिली आहे.


उद्योगातील कामगार, दुकाने आणि संस्थातील कर्मचाऱ्यांनाही या योजनेचा लाभ होणार आहे. केंद्र सरकारच्या उद्योग विभागाने घेतलेल्या नव्या निर्णयाचा फायदा होणार आहे. लवकरच कोल्हापुरातील ईएसआय रुग्णालय सुरु केले जाणार आहे. या योजनेचा लाभ घेण्यासाठी राज्यभरातील अनेक रुग्णालयासोबत सांमजस्य करार केला आहे.

विलास वाघमारे, सहाय्यक संचालक, कामगार राज्य विमा महामंडळ


उद्योग क्षेत्रातील कामगारांना याचा मोठा फायदा होणार आहे. ईएसआय फायदे कामगारांपर्यंत पोहोचविण्यासाठी स्मॅकतर्फे सातत्याने प्रयत्न सुरु आहेत. या विमा योजनेत व्यवस्थापनाचा ३ टक्के हिस्सा आहे.

राजू पाटील, अध्यक्ष शिरोली मॅन्युफॅक्चरिंग असोसिएशन (स्मॅक)


महिन्यातून तीन वेळा कामगारांना प्रबोधनाची गरज आहे. महागाईच्या काळात कामगारांना वेतन कमी आहे. नव्या निर्णयामुळे कामगारांच्या कुटुंबाचा आरोग्य सेवेचे सुरक्षा कवच मिळाले आहे. संलग्न असलेल्या रुग्णालयात तातडीने अंमलबजावणी करण्याची गरज आहे.

रितेश वर्णे, औद्योगिक कामगार

मोबाइल अॅप डाउनलोड करा आणि राहा अपडेट

---

अॅड. उज्ज्वल निकम यांची नियुक्ती

December 8, 2017, 1:30 pm

≫ Next: माउलीने मैदान मारले

≪ Previous: उद्योगातील लाख कामगारांना मिळणार सुरक्षा कवच

$

0

0

सांगली : अनिकेत कोथळेच्या मृत्यूप्रकरणी शहर पोलिस ठाण्याचे सहायक फौजदार सुभाष कांबळे यांना शुक्रवारी निलंबित करण्यात आले. ५ नोव्हेंबरच्या पहाटे लूटमार झाल्याची फिर्याद देण्यासाठी आलेल्या व्यक्तीची तक्रार ऐकून न घेता गुन्हा दाखल करण्यास टाळाटाळ केल्याचा ठपका कांबळेंवर ठेवण्यात आला आहे. निलंबनाची कारवाई पोलिस अधीक्षक सुहेल शर्मा यांनी केली. दरम्यान, कोथळे मृत्यू प्रकरणात राज्य सरकारने विशेष वकील उज्ज्वल निकम यांनी नियुक्ती करण्यात आली आहे. विधी व न्याय विभागाच्या कक्ष अधिकारी वैशाली बोरूडे यांच्या स्वाक्षरीने हा आदेश काढण्यात आला आहे.

दरम्यान, अनिकेत प्रकरणातील संशयितांच्या संख्येत आणखी दोघांची भर पडेल, अशी चर्चा आहे. अनिकेतला अमानुष मारहाण करुन त्याचा खून करणाऱ्या पाच पोलिसांसह सहाजण सध्या न्यायालयीन कोठडीत आहेत. त्यांना सेवेतून बडतर्फही करण्यात आले आहे. शुक्रवारी कांबळेंवर निलंबनाची कारवाई झाल्याने या प्रकरणात निलंबित झालेल्यांची संख्या आठवर गेली आहे.

लूटमारीची तक्रार द्यायला आलेल्या संतोष गायकवाड यांना फिर्याद न घेता त्यांना माघारी पाठविले. पुन्हा त्यांना बोलवून घेऊन त्यांच्यासमोर अनिकेत कोथळे आणि अमोल भंडारे या दोघांना उभे केले. हेच का ते दोघे?, असे गायकवाडांना विचारुन पोलिसांनी सोमवारी पहाटे त्या दोघांना अटक केली. न्यायालयाने दोघांना पोलिस कोठडी सुनावल्यानंतर सोमवारी रात्री अनिकेतचे खळबळजनक प्रकरण घडले. फिर्यादी प्रथम पोलिस ठाण्यात आला, त्याचवेळी त्याची फिर्याद घेऊन गुन्हा दाखल केला असता तर पुढचा प्रकार टाळता आला असता, असा निष्कर्ष प्राथमिक चौकशीतून पुढे आल्याने तत्कालीन ठाणे अंमलदार कांबळेंवर निलंबनाची कारवाई झाल्याचे सांगण्यात येत आहे.

दरम्यान, कोथळे प्रकरणात सरकारने उज्ज्वल निकम यांची नियुक्ती केली. अनिकेतचा भाऊ आशीष कोथळे यांनीही विशेष पोलिस महानिरिक्षक विश्वास नांगरे पाटील यांच्याकडून अ‍ॅड. निकम यांच्या नियुक्तीची माहिती मिळाल्याचे पत्रकारांना सांगितले.

या प्रकरणात निकम यांची नियुक्ती करण्याचे आश्वासन यापूर्वी गृहराज्यमंत्री दीपक केसरकर यांनी कोथळे कुटुंबीयांच्या भेटीवेळी दिले होते. परंतु निकम यांच्या नियुक्तीचा लेखी अध्यादेश हातात मिळत नसल्याने कोथळे कुटुंबीय समाधानी नव्हते. निकम यांची नियुक्ती करावी, खटला जलदगती न्यायालयात चालवावा आणि कुटुंबातील एका व्यक्तीला सरकारी नोकरीत सामावून घेण्याची मागणी करत कुटुंबाने ११ डिसेंबरपासून बेमुदत उपोषण करण्याचा इशारा दिला होता. त्यांच्या मागण्यांपैकी निकम यांची नियुक्तीची मागणी मार्गी लागली आहे. खटलाही जलदगती न्यायालयात चालविला जाण्याची शक्यता आहे. परंतु कुटुंबातील एका व्यक्तीला सरकारी नोकरीत घेण्याची मागणी अद्याप कायम असल्याने आशीष कोथळे यांनी ११ डिसेंबरला उपोषण करण्याचा निर्णय कायम असल्याचे पत्रकारांना सांगितले.

मोबाइल अॅप डाउनलोड करा आणि राहा अपडेट

माउलीने मैदान मारले

December 8, 2017, 1:30 pm

≫ Next: मंत्रिपदाला सेना, दोन्ही काँग्रेसचा खोडा

≪ Previous: अॅड. उज्ज्वल निकम यांची नियुक्ती

$

0

0

म. टा. प्रतिनिधी, कोल्हापूर

दहा दिवसांपुर्वी महान भारत केसरीचा बहुमान पटकावलेल्या सोलापुरचा बुरुजबंद मल्ल माउली जमदाडेने पंजाबच्या हिंदकेसरी कमलजितसिंहला घिस्सा डावावर चितपट करत राजर्षी शाहू खासबाग मैदानात मानाची बेमुदत कुस्ती जिंकली. तब्बल अर्धा तास श्वास रोखायला धरायला लावलेल्या कुस्तीने शौकिन बेहद खूष झाले. महापौर केसरी कुस्ती स्पर्धेत निकाली कुस्तीने रंगत आणली.

मूळचा सोलापुरचा पण ​विजयी गंगावेश तालमीत कसून सराव करणाऱ्या माऊलीने महान भारत केसरी कुस्ती स्पर्धा जिंकल्याने कुस्तीशौकिनांच्या नजरा त्याच्याकडे लागल्या होत्या. प्रकाशझोताने झळाळून निघालेल्या खासबाग मैदानात उंच व तगड्या असलेल्या माउलीने आखाड्यात प्रवेश करताच कुस्ती शौकिनांची मने जिंकली. पिळदार शरीराच्या कमलजित सिंहच्या आगमनानंतर प्रेक्षकांनी मैदान डोक्यावर घेतले.

पंच संभाजी वरुटे यांनी दोन्ही मल्लांना सूचना देताच शड्डू ठोकत माउलीने कमलजितला आव्हान दिले.माउली सुरवातीपासून पटात घुसण्याचा प्रयत्न करत होता तर कमलजित त्याला हुलकावणी देत होता. उंच असलेल्या माउलीचा टांग लावण्याचा प्रयत्न कमलजितने उधळून लावला. पाचव्या मिनिटाला वेगाने दुहेरी पट काढून माऊलीने कमलजितवर कब्जा मिळवला. माउलीच्या पकडीतून सुटका करण्याचा कमलजित प्रयत्न करत होता पण माउलीची मगरमिठीपुढे त्याचे प्रयत्न अपुरे ठरत होते. माउली घिस्सा डाव टाकण्याचा प्रयत्न करताच कमलजितने डावा पाय मैदानावर आडवा ठेवत बचाव करण्याचा प्रयत्न करत होता. माउलीचा झोळी डाव टाकून चितपट करण्याचा प्रयत्न कमलजितने शिताफीने उधळून लावला तरी पुन्हा पकड करत माउलीने कुस्तीवर वर्चस्व ठेवले.

दहाव्या मिनिटानंतर माऊली घिस्सा डाव टाकण्याची संधी शोधत होता तर कमलजित माऊलीच्या दणकट पडकीत सुटका करण्याचा प्रयत्न करत होता. १५ व्या मिनिटाला माऊलीचा एकेरी पट काढून चितपट करण्याचा प्रयत्नही कमलजितने बचाव करत उधळून लावला. कमलजित खालून सुटका करण्याचा अटोकाट प्रयत्न करत होता पण माऊलीने कब्जा ठेवत त्याला मान वर काढून दिली नाही. विसाव्या मिनिटाला दोघा मल्लांनी पाणी पिऊन पुन्हा डाव सुरू केला. पंच वरुटेंनी कमलजितची पकड करण्याचा डाव माऊलीला दिला. त्यानंतर माऊलीने स्वारी भरत कमलजितच्या भुजा टेकवण्याचा प्रयत्न केला पण चपळ कमलजितने सुखरूप सुटका करून घेतली. दोघे मल्ल दमले असले तरी माऊलीने कमलजितच्या मानेचा कस काढत शेवटचा डाव टाकण्यास सुरुवात केली. तिसाव्या मिनिटाला कमलजितचा हात काढून घिस्सा डावावर आस्मान दाखवत बेमुदत कुस्ती जिंकली. कुस्ती जिंकल्यावर कुस्ती शौकिनांनी आखाड्यात उड्या घेत माऊलीवर कौतुकाचा वर्षाव केला.

मोबाइल अॅप डाउनलोड करा आणि राहा अपडेट

मंत्रिपदाला सेना, दोन्ही काँग्रेसचा खोडा

December 8, 2017, 1:30 pm

≫ Next: मोबाइल विक्रेत्याची एक लाखाची फसवणूक

≪ Previous: माउलीने मैदान मारले

$

0

0

म. टा. प्रतिनिधी, कोल्हापूर

विधानपरिषदेच्या निवडणुकीसाठी मुख्यमंत्री देवेंद्र फडणवीस यांना विनंती करत २२ मते फोडून १५ मतांनी विजयी होण्याची ग्वाही दिली. पण शिवसेना व दोन्ही काँग्रेस एकत्र येणार असल्याने भाजपने उमेदवारी देण्याचे साहस केले नाही. राणेंना मंत्र‌िपद मिळू नये, यासाठी तिन्ही पक्षांनी खोडा घातला. आपल्याला मंत्र‌िपदापासून दूर ठेवण्यासाठी भिन्न विचारसणी असलेल्या पक्षाच्या अभद्र युतीमुळे, आपल्या नैतिक विजय झाला असून शिवसेना हा प्रायव्हेट लिमिटेड पक्ष असल्याची घणाघाती टीका महाराष्ट्र स्वाभिमान पक्षाचे संस्थापक व माजी मुख्यमंत्री नारायण राणे यांनी कोल्हापुरात शुक्रवारी केली.

पक्षाच्या स्थापनेनंतर दसरा चौक येथे झालेल्या जाहीर सभेत माजी मुख्यमंत्री राणे यांनी सेनेचे कार्याध्यक्ष उद्धव ठाकरे यांच्यासह दोन्ही काँग्रेस पक्षाच्या प्रमुख नेत्यांवर प्रहार केला. ते म्हणाले, ‘तत्कालीन मुख्यमंत्री विलासराव देशमुख यांच्यानंतर आमदारांची मते जाणून घेण्यासाठी निरीक्षक समिती आली. समितीसमोर आमदारांनी मला ४८, अशोकराव चव्हाण यांना ३८ तर बाळासाहेब विखे-पाटील यांना चार टक्के आमदारांनी पसंती दिली. त्यामुळे समितीतील दिग्व‌िजयसिंह यांनी अभिनंदनही केले. पण नंतर दिल्लीतून हा निर्णय बदलण्यात आला. अशा प्रकारची तीनवेळा काँग्रेसने फसवणूक केली. स्वाभिमान जागृत झाल्यानेच पक्षातून बाहेर पडण्याचा निर्णय घेतला. हाच स्वाभिमान संपूर्ण राज्याच्या जनतेमध्ये निर्माण करण्यासाठी पक्षाची स्थापना केली असून हा पक्षा सर्वसामान्यांचा असेल. पक्षाचा कोणताही आदेश मातोश्री किंवा दिल्लीवरुन येणार नाही. पक्षाच्या माध्यमातून मराठा, धनगर आरक्षणाबरोबर दीनदलित, उपेक्ष‌ितांना न्याय देण्याचा अहोरात्र प्रयत्न केला जाईल.’

कर्जमाफी दिली नाही तर, सत्तेला लाथ मारीन या उद्धव ठाकरे यांच्या विधानाची खिल्ली उडवताना ‘कधी कानफाड तरी मारली का?’ असा समाचार घेताना राणे म्हणाले, ‘मंदिरातील पुजारांप्रमाणे अर्धे लक्ष देवावर आणि अर्धे लक्ष भक्त देणगी किती टाकतो, यावर अशी स्थिती असलेल्या उद्धव ठाकरेंची दुकानदारी टक्केवारीवर चालते. केवळ टेंडरवर लक्ष असल्याने मुंबईचे सिंगापूरही झाले नाही आणि शांघायही. सेना प्रायव्हेट लिमिटेड पक्ष झाल्यामुळे मुंबईत मराठी माणसांचे प्रचंड नुकासन झाले. २५ वर्षांच्या कालावधीत एकही विकासाचा प्रकल्प राबता आला नाही.’

आमदार नीतेश राणे गच्चीवर

नारायण राणे यांनी काँग्रेस पक्षाचा राजीनामा दिलेला असला, तरी आमदार नीतेश राणे यांनी अद्याप राजीनामा दिलेला नाही. कोल्हापुरात होणाऱ्या पहिल्याच सभेसाठी सकाळपासूनच प्रत्येक कार्यक्रमात उपस्थिती लावली. सभेचे नियोजनही प्रथमचपासून ते करत होते. पण सायंकाळी राणे यांचे आगमन होण्यापूर्वीच आमदार राणे सभास्थळावरून बाजूला गेले. संपूर्ण सभा दसरा चौक येथील एका इमारतीच्या गच्चीवरून ते पाहत होते.

मोबाइल अॅप डाउनलोड करा आणि राहा अपडेट

मोबाइल विक्रेत्याची एक लाखाची फसवणूक

December 8, 2017, 1:30 pm

≫ Next: महिला स्वच्छतागृहातील लूट थांबली

≪ Previous: मंत्रिपदाला सेना, दोन्ही काँग्रेसचा खोडा

$

0

0

म. टा. प्रतिनिधी, कोल्हापूर

मोबाइलचा बॅलेन्स रिचार्ज करण्यासाठी वितरक म्हणून नेमणूक करण्याच्या बहाण्याने शहरातील गंगावेश आणि रंकाळा बसस्थानक परिसरातील दोन विक्रेत्यांची एक लाख १० हजार रुपयांची फसवणूक झाली. राजेश मेनन आणि अंजली सावळे या दोघांनी ही फसवणूक केल्याची तक्रार सागर विलास साळोखे (रा. रंकाळावेस तालीमजवळ, कोल्हापूर) यांनी गुरुवारी (ता. ७) रात्री जुना राजवाडा पोलिस ठाण्यात केली. गंडा घालणाऱ्या बंटी-बबलीचा पोलिसांकडून शोध सुरू आहे.

जुना राजवाडा पोलिसांकडून मिळालेल्या माहितीनुसार सागर साळोखे यांचे रंकाळा बसस्थानकाजवळ सोहम साई कम्युनिकेशन हे दुकान आहे. चार दिवसांपुर्वी एक तरुण आणि एक तरुणी साळोखे यांच्या दुकानात आले. राजेश मेनन आणि अंजली सावळे अशी त्यांनी स्वतःची नावे सांगितली. कंपनीचे व्हिजिटिंग कार्ड दाखवून त्यांनी मोबाइलचा बॅलेन्स सोडण्याचे अ‍ॅप देत असल्याचे सांगितले. त्यानुसार अ‍ॅप देऊन एक हजार रुपयांचा बॅलेन्स सोडला. एक हजार रुपये घेऊन ते दोघेही निघून गेले. हा मोबाइल बॅलन्स ग्राहकांना व्यवस्थित मिळत असल्याने साळोखे यांना रिचार्जची खात्री पटली.

दुसऱ्या दिवशी सकाळी पुन्हा राजेश आणि अंजली साळोखे यांच्या दुकानात गेले. ‘मोबाइलचे बॅलन्स वितरणासाठी शहरात दोन वितरक नेमायचे आहेत, त्यासाठी डिपॉझिट ६० हजार रुपये भरावे लागतील. यातील काही रकमेचा बॅलेन्स मिळेल. उर्वरित रक्कम काही दिवसांनी परत मिळेल,’ असे त्यांनी सांगितले.

सध्या बॅलन्स नसल्याने उद्या या, असे साळोखे यांनी या दोघांना सांगितले. त्यानंतर हे दोघे गंगावेशीतील अजित मोबाइल शॉपीत गेले. त्यांनी दुकानमालकाला रिचार्ज आणि अ‍ॅप्लिेकेशनची माहिती देऊन विश्वास संपादन केला. दुकानमालकाने रिचार्जसाठी ५० हजार रुपये दिले. यातील ३१ हजार २०० रुपयांचा बॅलन्स त्वरित मोबाइलवर मिळाला. उर्वरित बॅलन्स नंतर येईल, असे सांगून राजेश आणि अंजली निघून गेले.

गुरुवारी सकाळी राजेश आणि अंजली पुन्हा साळोखे यांच्या दुकानात गेले. त्यांनी साळोखे यांच्याकडून रिचार्जसाठी ६० हजार रुपये घेतले. यातील ३१ हजार २०० रुपयांचा बॅलन्सचा मेसेज त्यांच्या मोबाइलवर मिळाला. उरलेला बॅलन्स नंतर मिळेल असे सांगून हे दोघे बाहेर पडले. तासाभरात साळोखे यांचा ३१ हजार २०० रुपयांचा बॅलन्स शुन्यावर आला. त्यांनी राजेश आणि अंजली यांच्या मोबाइलवर संपर्क केला, मात्र दोघांचेही मोबाइल बंद होते. दरम्यान, या प्रकाराबाबत साळोखेंनी मित्र अजित यांच्याकडे चौकशी केली असता, त्यांच्याही मोबाइलवरील सर्व बॅलन्स गायब झाल्याचे लक्षात आले. दिवसभर संशयितांचे मोबाइल बंद लागत असल्याने अखेर आपली फसवणूक झाल्याचे त्यांच्या लक्षात आले. सागर साळोखे यांनी गुरुवारी रात्री जुना राजवाडा पोलिस ठाण्यात फिर्याद दाखल केली. संशयित बंटी-बबलीचा पोलिसांकडून शोध सुरू आहे.

मोबाइल अॅप डाउनलोड करा आणि राहा अपडेट

महिला स्वच्छतागृहातील लूट थांबली

December 8, 2017, 1:30 pm

≫ Next: पहिल्या सभागृहात नऊ महिला

≪ Previous: मोबाइल विक्रेत्याची एक लाखाची फसवणूक

$

0

0

म. टा. प्रतिनिधी, कोल्हापूर

कोल्हापूरच्या मध्यवर्ती बसस्थानकातील प्रवाशांसाठी असलेल्या सुलभ स्वच्छतागृहातील आर्थिक लूट आता थांबली आहे. महिलांसाठी असलेल्या स्वच्छतागृहाच्या प्रवेशद्वातील ठेकेदाराची बैठकीची जागा काच लावून बंदिस्त करण्यात आली आहे. त्यामुळे महिलांसाठी शौचालय मोफत झाले आहे. सुलभ स्वच्छतागृहात होत असलेली लुटीवर महाराष्ट्र टाइम्सने २९ ऑक्टोबर २०१७ रोजी ‘स्वच्छतागृहात सुलभ आर्थिक लूट’ या आशयाचे वृत्त प्रसिद्ध झाले होते. त्याची तातडीने दखल राज्य मार्ग परिवहन महामंडळाच्या कोल्हापूर विभागाने घेतली.

दरम्यान, महामंडळाने संबधित ठेकेदाराला नोटीस बजावून भविष्यात सुविधा न दिल्यास ठेका आणि कारवाईचा इशारा दिला आहे. स्तनदा मातांसाठी हिरकणी कक्ष खुला करण्यात आला असून त्याच्या किल्ल्याही उपलब्ध असल्याचा फलक दर्शनी भागात लावला आहे.

महिला आणि बारा वर्षांखालील मुलांना स्वच्छतागृह, अंघोळीची व्यवस्था मोफत आहे. मात्र येथील ठेकेदाराकडून दहा ते वीस रुपये आकारले जात होते. राज्य मार्ग परिवहन महामंडळाच्या सौजन्यानेच सुरू असलेल्या या सुलभ स्वच्छतागृह संकुलात प्रवाशांची ‘सुलभ’ लुटमारच सुरू होती. या स्वच्छतागृहांचा ठेका सुलभ इंटरनॅशनल कंपनीकडे आहे. ‘महाराष्ट्र टाइम्स’ने दिलेल्या वृत्ताची दखल एसटीच्या पुणे विभागीय कार्यालयाने घेत कोल्हापूर आगाराला संबधित ठेकेदारावर कारवाई करण्याचे आदेश दिले. त्यानुसार महिलासाठी मोफत स्वच्छतागृह करण्यात आले. पुरुषांसाठी दोन आणि आंघोळीसाठी तीन रुपये घेतले जात असल्याचा स्पष्ट दिसेल, असा फलक प्रदर्शित केला आहे.

यापू्र्वी सर्वच प्रवाशांकडून स्वच्छतागृहासाठी १० रुपये आणि आंघोळीसाठी २० रुपये आकारले जात होते. मध्यवर्ती बसस्थानकात दररोज सुमारे ४० हजार प्रवाशांची ये-जा सुरू असते. यापैकी सुमारे ८ हजार महिला या स्वच्छतागृहाचा वापर करतात. येथे ठेकेदाराने महिलांसाठी सॅनिटरी नॅपकिन आणि कमोडची सुविधा उपलब्ध करून देण्याचे आदेशही महामंडळाने दिले आहेत.


स्वच्छतागृहाच्या ठेकेदाराला नोटीस बजाविली आहे. यापुढे प्रवाशांची एकही तक्रार आल्यास ठेका काढून घेऊन त्याच्यावर गंभीर कारवाई केली जाणार आहे. कोणत्याही प्रवाशांची आर्थिक लुबाडणूक केल्यास तात्काळ आगार व्यवस्थापकांची संपर्क साधावा.

एस .डी. जाधव, आगार व्यवस्थापक, कोल्हापूर

मोबाइल अॅप डाउनलोड करा आणि राहा अपडेट

पहिल्या सभागृहात नऊ महिला

December 8, 2017, 1:30 pm

≫ Next: महाडिकांनी घेतली राणेंची भेट

≪ Previous: महिला स्वच्छतागृहातील लूट थांबली

$

0

0

म. टा. वृत्तसेवा, आजरा

आजरा नगरपंचायतीच्या आगामी निवडणुकीसाठीचे प्रभागनिहाय आरक्षण व चतु:सीमेनूसार प्रारूप आराखडा जाहीर करण्यात आला. आजच्या प्रभाग आरक्षणानुसार नगरपंचायतीच्या १७ सदस्यांच्या पहिल्या सभागृहामध्ये नऊ महिला नगरसेवक होणार आहेत. नागरिकांच्या मागास प्रवर्गातील ३ व सर्वसाधारण प्रभागातून ६ महिलांसाठी आरक्षण असेल. उपविभागीय अधिकारी डॉ. संपत खिलारी व तहसीलदार अनिता देशमुख यांच्या उपस्थितीत हे आरक्षण चिठ्ठ्यांच्या साहाय्याने काढण्यात आले. आता यावरील हरकतीच्या सुनावणीनंतर यास अंतिम स्वरूप देण्यात येईल.

आजरा नगरपंचायतीच्या प्रभाग आरक्षणाकडे अनेक इच्छुकांचे लक्ष लागले होते. येथील नव्या प्रशासकीय इमारतीमध्ये याबाबतची प्रक्रिया पाहण्यासाठी अनेक कार्यकर्ते जमले होते. प्रथमतः १७ प्रभाग सीमा जाहीर करण्यात आल्या. यासाठी २०११ च्या जनगणनेचा आधार घेण्यात आला असून, उत्तरेकडून दक्षिण-पश्चिमेकडे प्रभाग निश्चित करण्यात आले. त्यानंतर तीन लहान मुलांच्या हस्ते चिठ्ठ्या काढून प्रभागनिहाय आरक्षण ठरविले. यावेळी नागरिकांनी उपस्थित केलेल्या शंकांचे निरसन केले.

अनुसूचित जातीच्या लोकसंख्येनुसार उतरत्या क्रमाने १५.६७ टक्के म्हणजे १६८ लोकसंख्या असलेल्या प्रभाग क्र. ७ अनुसूचित जातीसाठी राखीव झाला, तर प्रभाग क्र. ३, ६, ८, ९ व ११ नागरिकांच्या मागास वर्गासाठी राखीव झाले. त्यातील ३, ८ व ९ प्रभाग ना.मा.व.मधील महिलांसाठी राखीव झाले, तर सर्वसाधारण गटातील प्रभाग क्र. १, ५, १२, १५, १६ व १७ महिलांसाठी राखीव राहिले, तर उर्वरित २, ३, ४, १० व १४ असे ५ प्रभागच सर्वसाधारण गटासाठी राहिले.

गल्लीनिहाय प्रभाग आराखडा

१) आयटीआय, सर्वोदय कॉलनी, भारतनगर, २) नबाबापूर, शिवाजीनगर, जिजामाता कॉलनीचा उत्तरेकडील अर्धा भाग, ३) चर्मकार गल्ली, आमराई गल्ली, ४) हैदरनगर, उर्वरित जिजामाता कॉलनी, आंबोली मार्गावरील उजवीकडील वसाहत, ५) मुल्ला कॉलनी व साई कॉलनी, ६) मदरसा वसाहत व एकता कॉलनी, ७) मराठा नाईक गल्ली, दत्त कॉलनी, तुळजाभवानी कॉलनी व गोठण गल्ली, ८) एसटी स्टँड, नाईक गल्ली परिसर व पेट्रोल पंप, ९) दर्गा गल्ली, १०) रवळनाथ मंदिर, वाडा गल्ली, ११) रामदेव गल्ली, गणपत गल्ली व विद्यासंकुल, १२) लिंगायत गल्ली व महाजन गल्ली, १३) सीड फार्म, ठाकूर हॉस्पिटल व सुतार गल्ली, १४) व्यंकटेश गल्ली व सोमवार पेठ, १५) रवळनाथ कॉलनी, १६) गांधीनगर, १७) आवंडी वसाहत व कर्पेवाडी

मोबाइल अॅप डाउनलोड करा आणि राहा अपडेट

महाडिकांनी घेतली राणेंची भेट

December 8, 2017, 1:30 pm

≫ Next: शिवसेना संपवणार

≪ Previous: पहिल्या सभागृहात नऊ महिला

$

0

0

म. टा. प्रतिनिधी, कोल्हापूर

महाराष्ट्र स्वाभिमान पक्षाच्या पहिल्याच जाहीर सभेसाठी कोल्हापुरात आल्यानंतर पक्षाचे संस्थापक व माजी मुख्यमंत्री नारायण राणे यांनी कसबा बावडा येथील राजर्षी शाहू जन्मस्थळाला भेट देऊन राजर्षी शाहू महाराजांना अभिवादन केले. तत्पूर्वी राणे यांनी करवीर निवासिनी अंबाबाईचे दर्शन घेऊन बिंदू चौकातील महात्मा जोतिबा फुले व डॉ. बाबासाहेब आंबेडकर आणि शिवाजी चौकातील छत्रपती शिवाजी महाराजांच्या पुतळ्यास पुष्पहार अर्पण करून अभिवादन केले.

दरम्यान, राणे कोल्हापूर दौऱ्यावर असताना राष्ट्रवादी काँग्रेसचे खासदार धनंजय महाडिक यांनी हॉटेल पंचशील येथे, तर माजी आमदार महादेवराव महाडिक यांनी शासकीय विश्रामगृह येथे राणेंची भेट घेतली.

काँग्रेसमधून बाहेर पडलेले माजी मुख्यमंत्री नारायण राणे यांच्या पक्षाची पहिलीच सभा शुक्रवारी सायंकाळी कोल्हापुरात झाली. सभेसाठी शुक्रवारी सकाळीच राणेंनी कोल्हापुरात हजेरी लावली. सकाळपासून त्यांच्या भेटीला कोल्हापूर, सांगली व सातारा जिल्ह्यांतील कार्यकर्त्यांनी गर्दी केली होती. सकाळी त्यांनी बिंदू चौकातील महात्मा जोतिबा फुले व डॉ. बाबासाहेब आंबेडकर यांच्या पुतळ्यास अभिवादन केले. शिवाजी चौकातील छत्रपती शिवाजी महाराज यांच्या पुतळ्यास अभिवादन करून त्यांनी करवीर निवासिनी अंबाबाईचे दर्शन घेतले. ‘शिवसेनेचे उद्धव ठाकरे वगळता राज्यातील सर्व पक्षांतील नेत्यांशी माझे मैत्रीपूर्ण संबंध आहेत. आपल्याला सभेच्या माध्यमातून कोणतेही शक्तिप्रदर्शन करायचे नसून अंबाबाईच्या आशीर्वादाने माझ्या पक्षाचा जाहीरनामा व ध्येयधोरणे जाहीर करावयाची आहेत, असे राणे यांनी प्रसारमाध्यमांशी बोलताना सांगितले.

अंबाबाईच्या दर्शनानंतर राणे यांनी कसबा बावडा येथील राजर्षी शाहू जन्मस्थळास भेट दिली. शाहू महाराजांच्या पुतळ्यास पुष्पहार घावून अभिवादन केले. यावेळी आमदार नीतेश राणे, माजी खासदार नीलेश राणे, अखिल भारतीय मराठा महासंघाचे जिल्हाध्य्क्ष वसंतराव मुळीक, इंद्रजित सावंत, आदी उपस्थित होते.

दरम्यान, शाहू जन्मस्थळावरून परतल्यानंतर खासदार महाडिक यांनी राणे यांची भेट घेतली. ‘२००४ च्या लोकसभा निवडणुकीपासून नारायण राणे यांच्याशी महाडिक परिवाराचे संबंध आहेत. राणे कोल्हापूर दौऱ्यावर असल्याने त्यांची भेट घेणे क्रमप्राप्त होते.

भेट कौटुंबिक असल्याने याचा राजकीय अर्थ काढू नये, असे खासदार महाडिक यांनी सांगितले.’

मोबाइल अॅप डाउनलोड करा आणि राहा अपडेट

---

शिवसेना संपवणार

December 8, 2017, 1:30 pm

≫ Next: बाळासाहेबांना कसा त्रास दिला ते उघड करेन!

≪ Previous: महाडिकांनी घेतली राणेंची भेट

$

0

0

म. टा. प्रतिनिधी, कोल्हापूर

‘कोल्हापूर जिल्ह्यात सध्या शिवसेनेचे सहा आमदार असले तरी पुढील विधानसभा निवडणुकीत सेनेचा एकही आमदार निवडून येणार नाही. प्रसंगी शिवसेनेच्या विद्यमान आमदारांना अन्य पक्षातून निवडून आणू, असा इशारा देत घासून घासून नाक गेले तरी शिवसेनेचे पक्षप्रमुख उद्धव ठाकरे सत्तेतून बाहेर पडायला तयार नाहीत,’ असा टोला महाराष्ट्र स्वाभिमान पक्षाचे अध्यक्ष, माजी मुख्यमंत्री नारायण राणे यांनी लगावला. सध्या भाजप सरकारबद्दल जनमत बदलत असले तरी आपला पक्ष जनतेसोबत राहणार असल्याचे राणे यांनी पत्रकार बैठकीत स्पष्ट केले.

उद्धव ठाकरे सत्तेत राहून मुख्यमंत्री आणि पंतप्रधानांवर टीका करीत आहेत, पण ते सत्तेतून बाहेर पडत नाहीत. त्यांच्या टिकेतून केवळ अमेरिकेचे राष्ट्रध्यक्ष डोनॉल्ड ट्रम्पच सुटले, अशी खिल्ली उडवत राणे म्हणाले, ‘आपली दुकानदारी शाबूत ठेवण्यासाठीच ते सत्तेतून बाहेर पडायला तयार नाहीत. भाजपचे खासदार नाना पटोले यांचा ते आदर्श घेणार नाहीत. जिल्ह्यात आगामी विधानसभेवेळी शिवसेनेचा एकही आमदार निवडून येणार नाही, अशी व्यूहरचना केली आहे.’

कोणत्याही कामाची सुरुवात कोल्हापुरातून केल्यानंतर यश मिळते, म्हणून पहिली सभा येथे घेत असल्याचे राणे यांनी स्पष्ट केले. ते म्हणाले, ‘प्रत्येक जिल्ह्यात समर्थक असून यानंतर सांगली, सातारा व औरंगाबादचा दौरा करणार आहे. पक्ष स्थापनेनंतर काँग्रेस, राष्ट्रवादीसह शिवसेनेचे अनेक नेते संपर्कात आहेत, पण या सर्वांना पक्षात घेणार नाही. सर्वच पक्षांच्या नेत्यांना पक्षात घेतले तर अन्य पक्ष आणि आपल्या पक्षात फरक राणार नाही. त्यामुळे कार्यकर्त्यांची स्वतंत्र फळी निर्माण करणार आहे. आगामी लोकसभा व विधानसभा निवडणुकीला पक्ष स्वतंत्रपणे सामोरा जाईल. मराठा, धनगर समाज व अनुसूचित जमातींला आरक्षण मिळवून देण्यासाठी प्रयत्न राहतील.’

पत्रकार बैठकीला सोलापूर जिल्हा काँग्रेसचे माजी अध्यक्ष संतोष पाटील, सिंधुदुर्गचे संदीप कुर्तडकर, सम्राट महाडिक यांच्यासह कोल्हापूर सांगली, सातारा येथील कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

बाळासाहेबांना कसा त्रास दिला ते उघड करेन!

December 9, 2017, 4:14 am

≫ Next: प्रेमविवाह केल्यामुळेनव विवाहितेचा खून

≪ Previous: शिवसेना संपवणार

$

0

0

सांगली:

'शिवसेनेचे पक्षप्रमुख उद्धव ठाकरे यांनी माझ्याविरोधातील कटकारस्थानं थांबवावीत, अन्यथा 'मातोश्री'वर उद्धव यांनी बाळासाहेबांना कसा त्रास दिला ते मी उघड करेन', असा इशारा माजी मुख्यमंत्री आणि महाराष्ट्र स्वाभिमान पक्षाचे सर्वेसर्वा नारायण राणे यांनी आज दिला.

राणे मंत्री होऊ नयेत म्हणून शिवसेनेकडून मुख्यमंत्र्यांवर दबाव टाकला जात आहे. या पार्श्वभूमीवर सांगली येथे पत्रकारांशी बोलताना राणे यांनी उद्धव यांना थेट इशारा दिला. उद्धव यांनी माझ्यावर आरोप करू नयेत. त्यांनी आपलं तोंड बंद ठेवावं नाहीतर 'मातोश्री'वरील सगळ्या घटना आणि गुपितं मला बाहेर काढावी लागतील. उद्धव आणि त्यांच्या कुटुंबातील अन्य सदस्यांनी बाळासाहेबांना कसा त्रास दिला हे मी जाहीर करेन, असे राणे यांनी सांगितले. बाळासाहेब दुखावले जातील असा मी कधीही वागलो नाही. बाळासाहेबांना घरातल्या माणसांनीच त्रास दिला. हे सगळं मी माझ्या डोळ्यांनी पाहिलं आहे, असा दावाही राणे यांनी केला.

२०१७मध्येच मंत्री होणार!

शिवसेनेचा माझ्यावर कोणताही दबाव नाही. मी २०१७ हे वर्ष संपण्याआधीच मंत्री होणार आहे. गुजरातचे निकाल काहीही लागले तरी त्याचा येथे परिणाम होणार नाही. गुजरात निवडणूक आटोपली की माझा शपथविधी होईल, असे मुख्यमंत्र्यांच्या बोलण्यावरून मला वाटते, असा विश्वास राणे यांनी 'एबीपी माझा' या वृत्तवाहिनीशी बोलताना व्यक्त केला. गुजरातची लढाई भाजपसाठी सोपी नसली तरी विजय भाजपचाच होईल, असे मतही राणे यांनी नोंदविले.

मोबाइल अॅप डाउनलोड करा आणि राहा अपडेट

प्रेमविवाह केल्यामुळेनव विवाहितेचा खून

December 9, 2017, 9:27 am

≫ Next: सव्वा कोटींच्या ऑनलाइन फसवणुकीचा छडा

≪ Previous: बाळासाहेबांना कसा त्रास दिला ते उघड करेन!

$

0

0

सोलापूर
प्रेमविवाह मान्य नसल्याच्या कारणावरून १९ वर्षीय नवविवाहितेचा खून झाल्याची घटना सोलापुरात घडली. पुरावा नष्ट करण्याच्या हेतूने तिचा मृतदेह घराच्या मागेच जाळण्यात आल्याचे पोलिस तपासात निष्पन्न झाले आहे. मोहोळ तालुक्यातील येवती गावात शनिवारी पहाटे तीनच्या सुमारास ही घटना घडली. रेखा श्रीकृष्ण लेंडवे (वय १९) असे मृत नवविवाहितेच नाव आहे.
या प्रकरणी सासू, सासरा व दीर यांच्या विरोधात खुनाचा गुन्हा दाखल झाला आहे. मोहोळ पोलिसांनी तिन्ही संशयितांना तत्काळ अटक केली. रेखा व श्रीकृष्ण यांचा विवाह तीन महिन्यांपूर्वी झाला. श्रीकृष्ण रेखाला घरी घेऊन जातो, असे सांगून गेला आणि दोघांनी विवाह केला. विवाह केल्याचे फोटो व्हॉट्स अॅपवरून जमदाडे कुटुंबाला पाठवले. परंतु, हा विवाह लेंडवे कुटुंबाला मान्य नव्हता. त्यामुळे ते रेखावर चिडून होते. शनिवारी पहाटे सासू, सासरे आणि दीराने रेखाचे हात पाय तारेने बांधून तिला गळफास दिला. मृत्यू झाल्यानंतर मृतदेह राहत्या वस्तीच्या मागे जाळून पुरावा नष्ट केला. नंतर रेखाच्या वडिलांना फोन करून तुमच्या पोरीने स्वतः गळफास घेतल्याच सांगितले. रेखाचे वडील रघुनाथ रावसाहेब जमदाडे (वय ५१, रा. येळवी, ता. जत, जि. सांगली) यांनी मोहोळ पोलिसात फिर्याद दिली आहे. त्यावरून तिघांवर खून करून पुरावा नष्ट केल्याचा गुन्हा दाखल केला आहे.

मोबाइल अॅप डाउनलोड करा आणि राहा अपडेट

सव्वा कोटींच्या ऑनलाइन फसवणुकीचा छडा

December 9, 2017, 1:36 pm

≫ Next: 'बाळासाहेबांना उद्धवनी त्रास दिला'

≪ Previous: प्रेमविवाह केल्यामुळेनव विवाहितेचा खून

$

0

0

म. टा. प्रतिनिधी, कोल्हापूर

शहरातील युनिक ऑटोमोबाइल्स इंडिया प्रा. लि. कंपनीच्या बँक खात्यातून सव्वा कोटींची रक्कम परस्पर बारा खात्यांमध्ये वर्ग केली होती. १८ सप्टेंबरला घडलेल्या या गुन्ह्याचा शाहूपुरी पोलिसांनी छडा लावला असून, झारखंडमधून चार संशयितांना ताब्यात घेतले. मोठ्या कंपन्यांची बँक खाती हॅक करून त्यामधील कोट्यवधी रुपये लंपास करणाऱ्या रॅकेटचा मुख्य सूत्रधार नाजेरियन हॅकर असल्याचे तपासात स्पष्ट झाले आहे. ऑनलाइन फसवणूक करणाऱ्या या टोळीकडून देशभरातील मोठे गुन्हे उघडकीस येण्याची शक्यता पोलिसांनी वर्तवली आहे.

राजीव रंजन कुमार (वय ३३, रा. पटणा, बिहार), विकास साव उर्फ विकास कालू (३३, रा. पटणा, बिहार), मातदिनसिंह सिकरवार उर्फ रामबिरसिंह परमार (रा. धौलपूर, राजस्थान) यांच्यासह कहकसा परविन (२८, रा. पटणा) या महिलेला पोलिसांनी अटक केली. फसवणूक करणाऱ्या टोळीचा भारतातील सूत्रधार पश्चिम बंगालमध्ये लपला असून, त्याच्या अटकेसाठी पोलिसांचे प्रयत्न सुरू आहेत.

जुना पुणे-बेंगळुरू हायवेवरील युनिक ऑटोमोबाइल्स इंडिया प्रा. लि. कंपनीच्या बँक खात्यातील १ कोटी २४ लाख ६० हजार रुपयांची रक्कम १८ सप्टेंबरला लंपास झाली होती. हॅकर्सनी कंपनीकडील मोबाइल क्रमांकाचा गैरवापर करून रत्नाकर बँकेतील खात्याचा युजर आयडी आणि पासवर्ड मिळवला होता. याचा वापर करून हॅकर्सनी युनिकच्या बँक खात्यातील रक्कम देशभरातील बारा बँक खात्यांवर वर्ग केली. नवी मुंबई, मुंबई, दिल्ली, जमशेदपूर, गुवाहाटी, पश्चिम बंगाल आदी ठिकाणी असलेल्या खातेदारांच्या खात्यांमध्ये ही रक्कम वर्ग झाली. पोलिसांनी राज्यातील सहा बँकांमध्ये जाऊन संशयित खात्यांची माहिती घेतली. खातेदारांचे पत्ते मिळविले, मात्र संशयितांनी पत्ते बदलले होते.

तपासात संशयित झारखंडमध्ये असल्याची माहिती मिळाली. शाहूपुरी पोलिसांनी झारखंडमधून एका महिलेसह चौघांना ताब्यात घेतले आहे. त्यांच्या बँक खात्यावर ६० लाखांची रक्कम जमा झाली होती. यातील २० टक्के रक्कम या खातेदारांना मिळाली असून, उर्वरित रक्कम पश्चिम बंगाल येथील संशयिताने हडप केली आहे. पोलिसांनी सव्वा लाखांपैकी ३५ लाख रुपये सील केल्याने ते चोरट्यांना काढता आले नाहीत. याच टोळीने झारखंडमधील बिस्तपूर आणि नाशिकमध्येही अशाच पद्धतीने ऑनलाइन रक्कम लंपास केली आहे, अशी माहिती शहर पोलिस उपअधीक्षक डॉ. प्रशांत अमृतकर आणि निरीक्षक संजय मोरे यांनी दिली.

मोबाइल अॅप डाउनलोड करा आणि राहा अपडेट

'बाळासाहेबांना उद्धवनी त्रास दिला'

December 9, 2017, 1:44 pm

≫ Next: पलायन केल्याचा गुन्हासीआयडीकडे वर्ग

≪ Previous: सव्वा कोटींच्या ऑनलाइन फसवणुकीचा छडा

$

0

0

म. टा. वृत्तसेवा, सांगली/कराड

‘बाळासाहेबांनी मला नगरसेवकापासून मुख्यमंत्री पदांपर्यंतची सर्व पदे दिली, भरभरून प्रेम दिले. त्याच बाळासाहेबांना कोणी नव्हे इतका सर्वाधिक त्रास उद्धवनी दिला. हा त्रास काय दिला हे मला आता केव्हा तरी जाहीर करावे लागेल,’ असा इशारा स्वाभिमानी पक्षाचे सर्वेसर्वा, माजी मुख्यमंत्री नारायण राणे यांनी दिला. राणे पक्ष स्थापनेनंतर पश्चिम महाराष्ट्राच्या दौऱ्यावर आहेत. कराडमध्ये पत्रकार परिषदेत ते बोलत होते. त्यांनी प्रीतिसंगमावरील यशवंतराव चव्हाण यांच्या समाधीस्थळाला अभिवादनही केले. या वेळी माजी खासदार निलेश राणे, सम्राट महाडीक आदी उपस्थित होते.

राणे म्हणाले, ‘राज्यात नवीन पक्षाची आवश्यकता होती, ती उणीव भरून काढण्यासाठी मी नवीन पक्ष काढला आहे. लोकांना काम करणारा नेता हवा आहे, त्यामुळे राज्यातून अनेक जण माझ्या महाराष्ट्र स्वाभिमान पक्षात येण्यास इच्छुक आहेत. बाळासाहेबांनी माझे कर्तृत्व व कार्यक्षमता ओळखून मला मुंबईतील नगरसेवक ते थेट मुख्यमंत्र्यांपर्यंतची पदे दिली. यामध्ये मी कोठेही वशिला लावला नाही, केवळ माझ्यातील नेतृत्व गुणांच्या आधारावर मला ते मिळाले. त्यामुळे बाळासाहेबांबाबत मला नितांत आदर आहे. मात्र, सन १९९९पासून मातोश्रीवर बाळासाहेबांपेक्षा उध्द्वजींचेच जास्त प्रस्थ वाढू लागले, त्यातूनच बाळासाहेबांना माझ्यामुळे नव्हे तर उद्धजींच्या हुकुमशाही वृत्तीमुळे सर्वाधिक मानसिक त्रास होत होता. तो त्रास काय दिला हे आता मला जाहीर करावे लागेल आणि तो मी सांगणार. शिवसेना ही साहेबांमुळे वाढली, त्यांच्या मार्गदर्शनाखाली आम्ही ती वाढविली, मात्र त्यानंतर उध्द्वजींच्या रूपाने सेनेच्या बिळात आयता नागोबा घुसला. तेव्हापासून त्यांचा हस्तक्षेप वाढत जाऊन माझे व त्यांचे खटके उडू लागले व मतभेद होत गेल्यानेच मी शिवसेना सोडण्याचा निर्णय घेत काँग्रेस पक्षात दाखल झालो.’ कॉँग्रेसने दिलेली आश्वासने पाळली नाहीत, म्हणून मी काँग्रेस सोडली. पक्षाची आमदारकी सोडली, असेही राणे म्हणाले.

पृथ्वीराज चव्हाणांनी माझा पराभव केला!

माजी मुख्यमंत्री आमदार पृथ्वीराज चव्हाण यांनी बांद्रा विधानसभा निवडणुकीत माझा पराभव केला. त्यावेळी काँग्रेस-राष्ट्रवादी व शिवसेनेला एकत्र आणण्याचे काम त्यांनी केले, असा आरोपही राणेंनी केला. चव्हाण मुख्यमंत्री झाले तेव्हा त्यांना कॅबिनेटची मिटिंगही घेता येत नव्हती. मी त्यांच्या शेजारी बसून मिटिंग घेत होतो. पृथ्वीराज चव्हाण यांचा मुख्यमंत्रिपदाचा कार्यकाल पूर्णपणे निराशाजनक होता, असेही राणे म्हणाले.

सांगलीत राणेंचे जोरदार स्वागत

नारायण राणेंनी सांगली महापालिका निवडणुकीच्या पार्श्वभूमीवर नगरसेवकांसह स्थानिक नेत्यांच्या भेटीगाठी घेतल्याने त्यांच्या सांगली दौऱ्याचे महत्व वाढले आहे. शनिवारी सकाळी राणे यांनी माजी मुख्यमंत्री वसंदादा पाटील यांच्या समाधीला अभिवादन केले. या वेळी कॉँग्रेसचे युवा नेते आणि वसंतदादांचे नातू विशाल पाटील, माजी खासदार नितेश राणे, सम्राट महाडीक आदी उपस्थित होते. राणे यांचे सांगलीत ठिकठिकाणी फटाक्यांच्या आतषबाजीत जल्लोषी स्वागत झाले. त्यांच्या दौऱ्यात वाहनांचा ताफाही लांब लचक होता.

मध्यावधीच्या शक्यतेने पक्ष बांधणी

राज्यात मध्यावधी निवडणुकांची शक्यता आहे. लोकसभा आणि विधानसभेच्या निवडणुका एकाचवेळी होण्याचीही चिन्हे दिसत आहेत. त्यामुळे मध्यावधी निवडणुका होण्याची शक्यता गृहीत धरून कामाला लागलो आहे, असेही राणे म्हणाले. सांगलीसह प्रत्येक जिल्ह्यात अन्य पक्षातील काहीजण प्रवेशासाठी इच्छुक आहेत. परंतु, योग्य पारख, निष्ठा आणि त्यागी, निस्वार्थपणा या निकषांवर त्यांना प्रवेश दिला जाईल. सांगलीत आघाडी करावी लागली तर तसेही करण्याची आमची तयारी आहे. पण हे सर्व त्या त्यावेळच्या परिस्थितीवर अवलंबून आहे, असेही राणे म्हणाले.

मोबाइल अॅप डाउनलोड करा आणि राहा अपडेट