Nag Panchami जिवंत नागाची पूजा बंदच; 'या' गावात आता अशी साजरी झाली नागपंचमी

July 25, 2020, 6:51 am

≫ Next: Kolhapur Crime बापाने कानशिलात लगावले; डोकं भिंतीवर आपटून ६ वर्षीय मुलीचा मृत्यू

≪ Previous: कोल्हापूर: भरचौकात तरुणाची निर्घृण हत्या, डोळ्यांत चटणी टाकून तलवारीने केले १६ वार

$

0

0

कोल्हापूर: उच्च न्यायालयाच्या आदेशानुसार बत्तीस शिराळा येथे पारंपरिक पद्धतीने जिवंत सापांचे पूजन करण्यासाठी जिल्हा प्रशासनाने बंदी आदेश जारी केला होता. जिल्हा प्रशासनाच्या सूचनेनुसार शनिवारी शिराळ्यात पोलिस बंदोबस्तात नागपंचमीचे प्रतिकात्मक पूजन करण्यात आले. मोजक्या लोकांच्या उपस्थितीत अंबाबाई मंदिरात मानाच्या पालखीचे पूजन झाले, तर घरोघरी महिलांनी मातीच्या नागोबाचे प्रतिकात्मक पूजन करून नागपंचमीचा सण साजरा केला. ( Nag Panchami of Battis Shirala )

वाचा: मुख्यमंत्री राज्यात का फिरत नाहीत? पवारांनी सांगितलं नेमकं कारण

नागपंचमीच्या निमित्ताने बत्तीस शिराळा येथे जिवंत नागांचे पूजन आणि स्पर्धांचे आयोजन करण्याची प्रथा होती. मुंबई उच्च न्यायालयाने २०१२ पासून जिवंत नागांचे पूजन करण्यास निर्बंध घातले आहेत. यानुसार यंदाही शिराळ्यात प्रतिकात्मक नागांचे पूजन झाले. कोर्टाच्या निर्देशानुसार कोणीही जिवंत नाग पकडू नयेत, असे आवाहन जिल्हा प्रशासनाने केले होते. छुप्या पद्धतीने जिवंत नागांचे पूजन होऊ नये यासाठी कडेकोट पोलिस बंदोबस्त तैनात करण्यात आला होता. शनिवारी दुपारी मोजक्या लोकांच्या उपस्थितीत मानाच्या पालखीचे अंबाबाई मंदिरात पूजन करण्यात आले. महिलांनी घरी प्रतीकात्मक नागाचे पूजन करून नागपंचमीचा सण साजरा केला. यावेळी बंदोबस्तासाठी गावात शंभराहून अधिक पोलिस तैनात केले होते.

वाचा: लोकांची सटकली! पोलिसांसमोरच उद्ध्वस्त केला कंटेनमेंट झोन

मानाच्या पालखीचे पूजन

प्रशासनाच्या सूचनेनुसार मानाच्या पालखीचे पूजन झाले. महिलांनी दूध, लाह्या, दुर्वा, कापसाचे वस्त्र, आदी साहित्यासह विधिवत पूजा केली. तसेच पालखीतील नागराजाचा मुखवटा आणि मानाचा सराफ यांनी दिलेल्या नागाच्या प्रतिमेचे पूजन करण्यात आले. याचे पौरोहित्य नागेश जोशी आणि संतोष जोशी यांनी केले. त्यानंतर पालखीचे प्रस्थान झले. पालखी मानकऱ्यांच्या उपस्थितत पुलगल्ली, गुरुवार पेठ, कुरणे गल्ली,सोमवारपेठ आदी मार्गावरून फिरून ग्रामदेवता आंबामाता मंदिरात पोहचली. पालखी मंदिरात पोहचल्यानंतर त्या ठिकाणी आंबामाता व नागराजाची आरती करण्यात आली. तेथून पालखी परत महाजन कुटुंबीयांच्या घरात पोहचली. कोणतीही अनुचित घटना घडू नये यासाठी ग्रामदेवता आंबामाता मंदिर, शिराळा शहर परिसरात वन विभाग, पोलिस आणि महसूल प्रशासने चोख बंदोबस्त ठेवला होता. यावेळी प्रांताधिकारी नागेश पाटील, तहसीलदार गणेश शिंदे ,सहायक पोलिस निरीक्षक विशाल पाटील नगरपंचायतीच्या नगराध्यक्षा अर्चना शेटे, उपनगराध्यक्ष कीर्तीकुमार पाटील, आदी उपस्थित होते.

वाचा: अजितदादांनी बजावले होते, तरीही 'या' आमदाराने गर्दी जमवलीच!

मोबाइल अॅप डाउनलोड करा आणि राहा अपडेट

---

Kolhapur Crime बापाने कानशिलात लगावले; डोकं भिंतीवर आपटून ६ वर्षीय मुलीचा मृत्यू

July 25, 2020, 7:31 am

≫ Next: Sangli: लोकांची सटकली! पोलिसांसमोरच उद्ध्वस्त केला कंटेनमेंट झोन

≪ Previous: Nag Panchami जिवंत नागाची पूजा बंदच; 'या' गावात आता अशी साजरी झाली नागपंचमी

$

0

0

कोल्हापूर: जेवणार नाही असा हट्ट करत असलेल्या सहा वर्षाच्या मुलीला रागावलेल्या वडिलांनी जोरात कानशिलात लगावले. यामुळे तिचे डोके भिंतीवर आपटले. जखमी अवस्थेत तिला उपचारासाठी दवाखान्यात दाखल केले. पण उपचारापूर्वीच तिचा मृत्यू झाला. पण मुलीचा हट्ट तिच्यासह तिच्या वडिलांना मात्र फारच महागात पडला. तिचा तर जीव गेलाच, शिवाय मुलीचा खून केला म्हणून तिच्या वडिलांना पोलिसांनी अटक केली. ( Kolhapur Crime )

अनन्या तानाजी मंगे (वय ६ रा. लाड बोळ, जयभवानी गल्ली, कसबा बावडा) असे मृत मुलीचे नाव आहे. ही घटना शुक्रवारी दुपारी घडली. शनिवारी या प्रकरणामागील खरे कारण पुढे आले. त्यामुळे पोलिसांनी या घटनेप्रकरणी मुलीचे वडील तानाजी दिलीप मंगे (वय २९, रा. गुलबर्गा, राज्य कनार्टक) याला अटक केली.

वाचा: मुलाचं अपहरण... चकमकीनंतर पोलिसांनी आरोपींच्या मुसक्या आवळल्या!

कसबा बावडा येथील जयभवानी गल्लीत राहण्यास आलेल्या अनन्या मंगे या सहा वर्षीय मुलीचा शुक्रवारी मृत्यू झाला. मुलगी घरात खेळताना चक्कर येऊन पडून जखमी झाली आणि उपचारापूर्वीच मृत्यूमुखी पडली असे प्राथमिक कारण पोलिसांकडून सांगण्यात आले. पोलिसांनी ही माहिती घरातील आई वडिलांकडून मिळाली होती. मात्र शवविच्छेदन अहवालात मुलीच्या डोक्याला गंभीर दुखापत झाल्याची माहिती आल्यावर पोलिसांनी पुन्हा तपास सुरू केला. तेव्हा खरे कारण उघडकीस आले.

मंगे हा ताराबाई पार्क येथे वॉचमन म्हणून काम करतो. त्याची मुलगी अनन्या ही दोन वर्षापूर्वी खेळताना पडली होती. तेव्हापासून तिला अधून मधून फिट यायच्या. तिचा स्वभाव फार हट्टी होता. दोन दिवस ती जेवण्यास टाळाटाळ करत होती. आग्रह करूनही ती जेवत नसल्याने चिडलेल्या वडिलांनी शुक्रवारी तिच्या कानशिलात लगावली होती. त्यामध्येच तिचा मृत्यू झाला होता. पण खेळताना पडून जखमी झाल्याचे सांगून गुन्हा लपवण्याचा प्रयत्न झाला होता.

वाचा: कोल्हापूर: भरचौकात तरुणाची हत्या; डोळ्यांत चटणी फेकली, तलवारीने केले १६ वार

गल्लीत याबाबत उलटसुलट चर्चा सुरू झाल्यानंतर शहर पोलिस उप अधीक्षक प्रेरणा कट्टे यांच्या मार्गदर्शनाखाली उप निरीक्षक सुमिता पाटील, पोलिस कॉन्स्टेबल तानाजी चौगले आणि राजू वरक यांनी तपासाची दिशा वळवली. पोलिसांनी कसबा बावडा जयभवानी गल्लीत चौकशी केली असता मुलगी जखमी झाल्यानंतर परिसरात वादावादी झाल्याची माहिती मिळाली. पोलिसांनी अनन्याचे वडील तानाजी यांना ताब्यात घेतले. त्यांनी मुलगी खेळताना पडली, अशी माहिती दिली. पण पोलिसांनी खोलवर चौकशी केल्यावर त्यांनी मुलीला जोरात कानशिलात मारल्यावर तिचे डोके भिंतीवर आदळले. त्यामध्ये ती जखमी झाल्याची कबुली दिली. पोलिसांनी वडील तानाजी मंगे यांना अटक केली. त्याला दोन दिवसाची पोलिस कोठडी मिळाली आहे.

वाचा: पुणे: बिर्याणीवरून भांडण; डोक्यात दगड घालून केला मित्राचा खून

मोबाइल अॅप डाउनलोड करा आणि राहा अपडेट

Sangli: लोकांची सटकली! पोलिसांसमोरच उद्ध्वस्त केला कंटेनमेंट झोन

July 25, 2020, 8:26 am

≫ Next: Udayanraje Bhosale: १० ते २ या वेळेत करोना होत नाही का?; उदयनराजेंचा सवाल

≪ Previous: Kolhapur Crime बापाने कानशिलात लगावले; डोकं भिंतीवर आपटून ६ वर्षीय मुलीचा मृत्यू

$

0

0

सांगली: अँटीजेन टेस्टद्वारे तपासणी केलेल्या नागरिकांपैकी २३ जणांचा अहवाल पॉझिटिव्ह आल्याने महानगरपालिका प्रशासनाने शुक्रवारी सायंकाळी शहरातील इंदिरानगर परिसर सील केला होता. मात्र, संपूर्ण इंदिरानगर सील झाल्याने नागरिकांनी याला जोरदार विरोध केला. शनिवारी दुपारी संतप्त नागरिकांनी बॅरिकेट्स आणि पत्रे काढून कंटेनमेंट झोन उद्ध्वस्त केला. याशिवाय वैद्यकीय तपासणीलाही नागरिकांकडून विरोध सुरू आहे. नागरिकांच्या उद्रेकानंतर पोलिसांनी इंदिरानगर परिसरातील बंदोबस्त वाढवला आहे.

हेही वाचा: 'कुणाला कंटाळा आला म्हणून लॉकडाऊन उठवता येणार नाही'

सांगली जिल्ह्यात ग्रामीण भाग वगळता महानगरपालिका, नगरपालिका आणि नगरपंचायत क्षेत्रांमध्ये लॉकडाउन सुरू आहे. करोनाचा संसर्ग वाढू नये, यासाठी जास्तीतजास्त नागरिकांच्या वैद्यकीय तपासण्या केल्या जात आहेत. शुक्रवारी दुपारी अँटिजेन टेस्टद्वारे केलेल्या तपासणीत शहरातील इंदिरानगर परिसरातील २३ व्यक्तींचे अहवाल पॉझिटिव्ह आले. एकाच परिसरात मोठ्या संख्येने रुग्ण आढळल्याने महानगरपालिका प्रशासनाने तातडीने इंदिरानगर सील करण्याचा निर्णय घेतला. यानुसार शुक्रवारी सायंकाळी इंदिरानगरमध्ये जाणाऱ्या सर्व मार्गांवर बॅरिकेट्स आणि पत्रे लावले. या परिसरातील नागरिकांना बाहेर जाण्यासाठी निर्बंध घातले. संपूर्ण इंदिरानगर सील झाल्याने संतप्त नागरिकांनी शनिवारी दुपारी कंटेनमेंट झोन उद्ध्वस्त केला. पोलिसांनी लावलेले बॅरिकेट्स उखडून टाकले. विशेष म्हणजे बंदोबस्तावर असलेल्या पोलिसांसमोरच हे कृत्य सुरू होते. या घटनेनंतर पोलिसांनी परिसरातील बंदोबस्त वाढवला आहे.

77165762

संपूर्ण इंदिरानगर सील करण्याऐवजी ज्या गल्लीत रुग्ण आढळले आहेत तेवढीच गल्ली सील करावी, असा या परिसरातील नागरिकांचा आग्रह आहे. एकाच वेळी २३ रुग्ण आढळल्याने महापालिकेच्या आरोग्य प्रशासनाने परिसरातील नागरिकांची वैद्यकीय तपासणी सुरू केली आहे. मात्र, अनेकांना करोना संसर्गाची कोणतीही लक्षणे नसतानाही अहवाल पॉझिटिव्ह येत असल्याच्या तक्रारी सुरू आहेत. यामुळे नागरिकांकडून वैद्यकीय तपासणीला विरोध सुरू आहे. करोनाचा संसर्ग वाढत असताना नागरिकांकडून कंटेनमेंट झोनला विरोध झाल्याने जिल्हा प्रशासनाने याची गांभीर्याने दखल घेतली आहे. महानगरपालिका प्रशासन आणि पोलिसांनी तातडीने इंदिरानगरमध्ये धाव घेऊन नागरिकांची समजूत घालण्याचा प्रयत्न केला. संसर्ग आणखी वाढू नये यासाठी नागरिकांनी स्वतःहून तपासणी करून घ्यावी, असे आवाहन महानगरपालिका प्रशासनाकडून केले जात आहे.

हेही वाचा: पोटदुखी हे करोनाचं लक्षण असू शकतं; मुख्यमंत्र्यांचा फडणवीसांना टोला

मोबाइल अॅप डाउनलोड करा आणि राहा अपडेट

Udayanraje Bhosale: १० ते २ या वेळेत करोना होत नाही का?; उदयनराजेंचा सवाल

July 25, 2020, 8:31 am

≫ Next: Vishwa Warkari Sena: टाळ घुमला!; नामदेव महाराजांच्या वंशजांवरील गुन्हे मागे घेणार

≪ Previous: Sangli: लोकांची सटकली! पोलिसांसमोरच उद्ध्वस्त केला कंटेनमेंट झोन

$

0

0

सातारा: 'करोनाचा संसर्ग रोखण्यासाठी सातारा जिल्ह्यात २६ जुलैपर्यंत लॉकडाऊन पुकारण्यात आला आहे. लॉकडाऊनच्या काळात अत्यावश्यक बाबींसाठी १० ते २ वाजण्याच्या दरम्यान काही प्रमाणात शिथिलता देण्यात आली आहे. त्यावर भाजपचे राज्यसभा खासदार उदयनराजे यांनी आपल्या खास शैलीत टोलेबाजी केली आहे. '१० ते २ या वेळेत करोना होत नाही का,' असा प्रश्न त्यांनी केलाय.

करोना महामारीवर सामूहिक प्रयत्नांद्वारे करावयाच्या उपाययोजना संदर्भात चर्चा करण्यासाठी उदयनराजे यांनी आज जिल्हाधिकारी शेखर सिंग यांची भेट घेतली. जिल्ह्यातील वैद्यकीय क्षेत्रासह व अन्य तज्ज्ञ मंडळींशी चर्चा केल्यानंतर निदर्शनास आलेल्या काही गोष्टी उदयनराजे यांनी जिल्हाधिकाऱ्यांपुढं मांडल्या. 'लॉकडाऊन हा करोनाची साखळी तोडण्याचा पर्याय नव्हे. तसं असेल तर मग काही तास शिथिलता कशी दिली जाते? त्या काळात करोना होत नाही का?,' असा सवाल त्यांनी केला.

हेही वाचा: करोना संपणार नाही, कारण... भाजप आमदाराने ट्वीट केला तो व्हिडिओ

लॉकडाऊनमुळं अनेक प्रकारचे दुष्परिणाम दिसून येत आहेत. लोकांचे रोजगार गेले आहेत. चोऱ्या वाढल्या आहेत. त्यामुळं लस लवकरात लवकर मिळावी,' अशी प्रार्थनाही त्यांनी जिल्हाधिकाऱ्यांच्या भेटीनंतर पत्रकारांशी बोलताना केली.

उदयनराजे यांनी जिल्हाधिकाऱ्यांना केलेल्या सूचना

१) सातारा जिल्ह्याकरीता टास्क फोर्स स्थापित करणे.

२) एफसीएमआरच्या मार्गदर्शक सूचनांची तातडीने अंमलबजावणी करणे.

३) शासकीय सर्वसाधारण रुग्णालयांची कार्यक्षमता जास्तीत जास्त उपयोगात आणणे.

४) कोणतेही लक्षण नसलेल्या कोविड रुग्णांना घरच्या घरी उपचार घेण्यासाठी प्रोत्साहित करणे

५) शासकीय किंवा खासगी वैद्यकीय महाविद्यालयातील एमडी मेडिसिन असलेल्या फिजीशियन्सची प्रतिनियुक्तीने नियुक्ती करणे.

६) सर्वसाधारण रुग्णालय फक्त कोविड-१९ च्या रुग्णांसाठी समर्पित करणे व अन्य रोगाचे रुग्ण खासगी दवाखान्यात उपचारार्थ पाठविणे.

७) डब्ल्यूयुआययडी टास्क फोर्स समितीने सुचवल्याप्रमाणे रुग्णांना डिस्चार्ज देणेबाबत धोरण ठरवणे.

८) कोविड वगळता इतर रुग्णांसाठी आर्यांग्ल हॉस्पिटलचा पर्याय निर्माण करून तो पर्याय राबविणे.

<iframe src="https://www.facebook.com/plugins/post.php?href=https%3A%2F%2Fwww.facebook.com%2FChh.UdayanrajeBhonsleOfficial%2Fposts%2F1807508629388305&width=500" width="500" height="783" style="border:none;overflow:hidden" scrolling="no" frameborder="0" allowTransparency="true" allow="encrypted-media"></iframe>

मोबाइल अॅप डाउनलोड करा आणि राहा अपडेट

Vishwa Warkari Sena: टाळ घुमला!; नामदेव महाराजांच्या वंशजांवरील गुन्हे मागे घेणार

July 31, 2020, 4:33 am

≫ Next: सांगली: लॉकडाउनचा बळी; आर्थिक विवंचनेमुळे एसटी मेकॅनिकची आत्महत्या

≪ Previous: Udayanraje Bhosale: १० ते २ या वेळेत करोना होत नाही का?; उदयनराजेंचा सवाल

$

0

0

पंढरपूर: राज्यभर वारकरी संप्रदायाला भजन कीर्तनास परवानगी द्यावी, राज्यातील मंदिरे खुली करावीत आणि संत नामदेव महाराजांच्या वंशजावर दाखल केलेले गुन्हे मागे घ्यावेत या मागणीसाठी विश्व वारकरी सेनेसह इतर संघटनांनी पंढरपूरमध्ये गुरुवारपासून सुरू केलेले आमरण उपोषण आज प्रशासनाच्या माध्यस्तीनंतर मागे घेण्यात आले आहे. ( Vishwa Warkari Sena Hunger Strike Ends )

वाचा: काहींना वाटतं मंदिर बांधून करोना जाईल; शरद पवारांचा केंद्र सरकारवर निशाणा

प्रांताधिकारी सचिन ढोले व वारकरी संत यांच्यात चर्चा होऊन मागण्याचे निवेदन शासनाला पाठवण्याचा निर्णय घेण्यात आला. महाद्वार काल्यादिवशी संत नामदेवांचे वंशज व मदन महाराज हरिदास यांचेवर दाखल केलेला गुन्हा देखील मागे घेण्यास प्रशासनाने तयारी दाखवल्यानंतर तोडगा निघाला. वारकरी संप्रदायाच्या भावनांचा विचार होत नसल्याने व तात्काळ मागण्या मान्य होत नसल्याने ३ ऑगस्ट रोजी राज्यातील २९ जिल्ह्यांतून १ लाख वारकरी पंढरपूरमध्ये दाखल होतील, असा इशारा विश्व वारकरी सेनेचे राष्ट्रीय अध्यक्ष जगन्नाथमहाराज देशमुख यांनी दिला होता. या आंदोलनाला राज्यातील अनेक वारकरी संघटनांसह वंचित बहुजन आघाडीचे अध्यक्ष प्रकाश आंबेडकर यांनीही पाठिंबा दिला होता. त्यामुळे सरकार पातळीवरून वेगाने हालचाली होऊन, वारकऱ्यांच्या मागण्यांबाबत सकारात्मक प्रतिसाद देण्यात आला व तूर्त पुढील आंदोलन टळलं आहे.

वाचा: विठुरायालाही करोनाचा विळखा, मंदिर परिसरही 'कंटेन्मेंट झोन'

या होत्या प्रमुख मागण्या...

१) संत नामदेव महाराजांच्या वंशजांवर महाद्वार काल्यादिवशी दाखल झालेले गुन्हे मागे घ्यावेत.
२) गोकुळ अष्टमी पासून नियम अटी लावून ५० वारकऱ्यांना भजन व कीर्तन करण्यास परवानगी द्यावी.
३) महाराष्ट्रातील देवस्थाने अटी व नियम लावून उघडण्यात यावीत.
४) फू बाई फू या कार्यक्रमात कीर्तन सेवेचा अपमान करणाऱ्या कलाकारांवर गुन्हे दाखल करावेत.
५) लाऊड स्पीकरचा नियम मंदिर व मशिदीसाठी एकसारखा असावा
६) इंदोरीकर महाराजांवर दाखल झालेले गुन्हे मागे घेण्यात यावेत.

...म्हणून वारकरी झाले आक्रमक

करोना संसर्गामुळे गेल्या चार महिन्यांपासून राज्यात लॉकडाऊन सुरू आहेत. याचा फटका सर्वांनाच बसल्याचे पाहायला मिळत आहे. राज्यात सध्या अनलॉक प्रक्रिया सुरू आहे. मिशन बिगिन अंतर्गत अनेक निर्बंध शिथील करण्यात आले आहेत. मात्र, धार्मिक स्थळांना आणि सण-उत्सवांना तितकासा दिलासा मिळालेला नाही. यंदा आषाढी वारी प्रतिकात्मकरित्या साजरी करण्यात आली होती. आषाढी यात्रेदिवशी पंढरपुरात वारकऱ्यांना प्रवेशबंदी करण्यात आली होती. त्याशिवाय राज्यातील सर्व मंदिरे आजही बंद आहेत. भजन कीर्तनासही मनाई करण्यात आलेली आहे. या सगळ्याच मुद्द्यांवरून वारकरी संप्रदाय नाराज असून या नाराजीचा आता स्फोट होण्याची शक्यता लक्षात घेऊन सरकारने सकारात्मक पावले टाकली आहेत.

वाचा: ठाकरे सरकार दोन महिन्यांत कोसळेल; आता 'या' मोठ्या नेत्याचा दावा

मोबाइल अॅप डाउनलोड करा आणि राहा अपडेट

सांगली: लॉकडाउनचा बळी; आर्थिक विवंचनेमुळे एसटी मेकॅनिकची आत्महत्या

July 31, 2020, 5:29 am

≫ Next: msrtc: एसटीचे चाक खोलात; लॉकडाऊनमध्ये अडीच हजार कोटींचे नुकसान

≪ Previous: Vishwa Warkari Sena: टाळ घुमला!; नामदेव महाराजांच्या वंशजांवरील गुन्हे मागे घेणार

$

0

0

म. टा. प्रतिनिधी, सांगली: राज्यात करोना संकटानं हाहाकार माजवला आहे. करोनाचा प्रादुर्भाव रोखण्यासाठी प्रतिबंधात्मक उपाय म्हणून लॉकडाउन लागू करण्यात आला आहे. या काळात काम बंद आणि पगार वेळेत मिळत नसल्यानं आलेल्या नैराश्येतून एसटी महामंडळातील मॅकेनिकने गळफास घेऊन आत्महत्या केली. अमोल धोंडिराम माळी (वय ३५, रा. पेठ, ता. वाळवा) असे मृताचे नाव आहे. हा प्रकार गुरुवारी रात्री उशिरा घडला. तो इस्लामपूर आगारात कार्यरत होता.

इस्लामपूर पोलिसांनी दिलेल्या माहितीनुसार, अमोल माळी हे एसटीच्या इस्लामपूर आगारातील मेकॅनिक विभागात कार्यरत होते. करोना संसर्गामुळे लागू करण्यात आलेल्या लॉकडाउनमध्ये एसटीची वाहतूक काही प्रमाणात बंद आहे. या काळात एसटीच्या कर्मचाऱ्यांना पुरेसा पगार मिळाला नाही. काम बंद असल्याने, तसेच नियमित पगार मिळत नसल्याने अमोल अस्वस्थ होते.

हळहळ! डबक्यातील पाण्यात बुडून ३ बालकांचा मृत्यू; उमरग्यावर शोककळा

वेब सिरिजसाठी शूट केले बोल्ड सीन, पॉर्न फिल्म केली रिलीज; मॉडेल तरूणी हादरली

कुटुंबाचा उदरनिर्वाह कसा करायचा असा प्रश्न त्यांच्यासमोर होता. आर्थिक संकट कोसळलं होतं. त्यातून सावरण्यासाठी ते गेल्या दोन महिन्यांपासून मजुरीचीही कामे करत होते. लांबत चाललेला लॉकडाउन आणि एसटीच्या रुतलेल्या चाकांमुळे आर्थिक गाडा हाकणार कसे या विवंचनेत ते होते. त्यांची अस्वस्थता वाढली होती. आर्थिक विवंचना आणि नैराश्यातून त्यांनी अखेर गुरुवारी रात्री उशिरा राहत्या घरी छताच्या हुकाला साडीने गळफास घेऊन आत्महत्या केली. त्यांच्या पश्चात आई, पत्नी, पाच वर्षांचा मुलगा आणि तीन वर्षांची मुलगी असं कुटुंब आहे.

पुणे: भाजप प्रदेशाध्यक्ष चंद्रकांत पाटलांच्या नावानं उकळली खंडणी, तिघे भामटे जेरबंद

पुणे: दारूनं घात केला; गळा आवळून मित्राची केली हत्या

हृदयद्रावक! चॉकलेट घशात अडकले; अडीच महिन्याचे बाळ दगावले

मोबाइल अॅप डाउनलोड करा आणि राहा अपडेट

msrtc: एसटीचे चाक खोलात; लॉकडाऊनमध्ये अडीच हजार कोटींचे नुकसान

July 31, 2020, 5:55 am

≫ Next: Hasan Mushrif: फडणवीसांना झालंय तरी काय, प्रत्येकवेळी चुकीचा मुहूर्त काढताहेत!; मुश्रीफांची टोलेबाजी

≪ Previous: सांगली: लॉकडाउनचा बळी; आर्थिक विवंचनेमुळे एसटी मेकॅनिकची आत्महत्या

$

0

0

कोल्हापूरः करोना संसर्गाच्या पार्श्वभूमीवर लॉकडाऊन जाहीर झाल्याने राज्यातील एसटी महामंडळाच्या बसेसची चाकं थांबली. यामुळे चार महिन्यात महामंडळाला तब्बल अडीच हजार कोटीचा दणका बसला. उत्पन्नाला लागलेल्या ब्रेकमुळे कर्मचाऱ्यांचा जून महिन्याचा पगार अजूनही मिळाला नाही. जिल्हातंर्गत बसवाहतूक सुरू झाली असली तरी त्यातून डिझेलचा खर्चही निघत नसल्याने आता राज्यभर एसटीची गावागावात मालवाहतूक सेवा सुरू करण्याचे नियोजन करण्यात आले आहे.

करोना संसर्ग रोखण्यासाठी २३ मार्चपासून लॉकडाऊनची घोषणा झाली. त्या दिवसापासून एसटी बसेसची वाहतूक बंद करण्यात आली. त्यामुळे राज्यातील अठरा हजारावर बसेस डेपोमध्येच अडकल्या. यातून महामंडळाला रोज सुमारे २३ कोटीं रूपये पेक्षा अधिक उत्पन्नावर पाणी सोडावे लागत आहे. चार महिन्यात हा तोटा सुमारे अडीच हजारा कोटींपर्यंत पोहोचला आहे. तोटा वाढल्याने महामंडळाची आर्थिक अवस्था बिकट झाली. यातून कर्मचाऱ्यांचा पगार थांबवण्यात आला आहे. मार्च महिन्याचा २५ टक्के, मे महिन्याचा पन्नास टक्के पगार दिला नाही.

वाचाः बापरे! 'या' कारागृहातील ६६ कैदी करोनाबाधित

दरमहा १ ते ७ तारखेपर्यंत पगार होतो. जुलै महिना संपला तरी अजूनही कर्मचारी जून महिन्याचा पगार कधी मिळेल याची प्रतीक्षा करत आहे. यामुळे कर्मचाऱ्यांची बिकट अवस्था झाली आहे. यातूनच शुक्रवारी सांगली जिल्ह्यातील एका एसटी कामगाराने आत्महत्या केली. या घटनेतून कामगारांची मानसिक अस्वस्थता पुढे आली आहे.

वाचाः ठाण्यातील लॉकडाऊनमध्ये ३१ ऑगस्टपर्यंत वाढ; मॉल, जिमवर निर्बंध कायम

लॉकडाऊन शिथील झाल्यानंतर राज्यात जिल्हातंर्गत बससेवा सुरू करण्यात आली. मात्र याला फारसा प्रतिसाद मिळत नसल्याचे चित्र आहे. बहुतांशी बसेस रिकाम्याच धावत असल्याने या सेवेतून अनेक ठिकाणी डिझेलचा खर्चही भागत नसल्याचे सांगण्यात येत आहे. याला पर्याय म्हणून उत्पन्न वाढवण्यासाठी मालवाहतूक सेवा सुरू करण्यात आली आहे. सुरूवातीला प्रमुख शहरात ही सेवा दिली जात होती. त्यातून तीन कोटीचे उत्पन्न मिळाले. त्याला मिळणारा प्रतिसाद पाहून आता मात्र गावागावांत ही सेवा देण्याचे नियोजन करण्यात आले आहे. त्यासाठी पाचशेवर ट्रकचा वापर करण्यात येणार आहे.

एस. टी. महामंडळाचे कर्मचारी- १०३०७४
कर्मचाऱ्यांचा दरमहा पगार- २८० कोटी
राज्यातील बसस्थानके - ६०८
पिक अप शेड - ३३७४
सध्या होत असलेला रोजचा तोटा - २३ कोटी
महामंडळाकडील बसेस- १८,५००

मालवाहतूक आढावा

मालवाहतूक ट्रक तयार - ४१८
ट्रक बांधणी सुरू - ७४
एकूण फेऱ्या - ६५१२
एकूण उत्पन्न - ३.१५ कोटी

एसटी बसेसची वाहतूक बंद असल्याने महामंडळाला तोटा होत असल्याचे कारण पुढे करून कर्मचाऱ्यांचा पगार थांबवला आहे. यामुळे कर्मचाऱ्यांच्या अडचणी वाढत असल्याने सरकारने महामंडळाला दरमहा चारशे कोटीची मदत करून या कर्मचाऱ्यांना मदत करावी. असं, एसटी कामगार संघटनेचे सरचिटणीस हनुमंत ताटे यांनी सांगितलं.

मोबाइल अॅप डाउनलोड करा आणि राहा अपडेट

Hasan Mushrif: फडणवीसांना झालंय तरी काय, प्रत्येकवेळी चुकीचा मुहूर्त काढताहेत!; मुश्रीफांची टोलेबाजी

July 31, 2020, 6:39 am

≫ Next: Milk Protest: भाजपसह मित्र पक्षांचा उद्या एल्गार; गरिबांना दूध वाटून आंदोलन करणार

≪ Previous: msrtc: एसटीचे चाक खोलात; लॉकडाऊनमध्ये अडीच हजार कोटींचे नुकसान

$

0

0

कोल्हापूर: 'शनिवारी, एक ऑगस्ट रोजी सरकारी सुट्टी व बकरी ईद असताना भाजपने दूध दरासाठी आंदोलन पुकारले आहे. पण या दिवशी त्यांच्या आंदोलनाकडे कोण लक्ष देणार ?’, अशा शब्दांत ग्रामविकासमंत्री हसन मुश्रीफ यांनी भाजपच्या आंदोलनाची खिल्ली उडविली. माजी मुख्यमंत्री देवेंद्र फडणवीस यांना नेमकं झालंय तरी काय, प्रत्येकवेळी ते चुकीचा मुहूर्त काढत आहेत, असा टोलाही त्यांनी मारला. ( Hasan Mushrif Slams Devendra Fadnavis )

वाचा: महाविकास आघाडीने साधली मंदीत संधी; फडणवीस सरकारची 'ही' योजना बंद

भारतीय जनता पक्षातर्फे शनिवारी, दूध दराच्या मागण्यासाठी राज्यभर आंदोलनाची हाक दिली आहे. माजी मुख्यमंत्री फडणवीस, प्रदेशाध्यक्ष चंद्रकांत पाटील यांच्यासह भाजप आणि मित्र पक्षांचे सगळे नेते आंदोलनात सहभागी होणार आहेत. रयत क्रांती संघटनेचे सदाभाऊ खोत, रासपचे महादेव जानकर यांचाही आंदोलनात सहभाग असणार आहे.

वाचा: भाजप कनेक्शन?; काँग्रेस प्रवक्ते सचिन सावंत यांचे निवडणूक आयोगाला 'हे' गंभीर सवाल

या पार्श्वभूमीवर पत्रकारांशी बोलताना ग्रामविकासमंत्री मुश्रीफ म्हणाले, ‘भाजप नेत्यांनी दूध दर आंदोलनासाठी एक ऑगस्ट रोजी काढलेला मुहूर्त चुकीचा आहे. कारण यादिवशी बकरी ईद आहे, शिवाय सरकारी सुट्टी आहे. यादिवशी त्यांच्या आंदोलनाकडे लक्ष कोण देणार, असा सवाल करून मुश्रीफ यांनी दूध दरासाठी आंदोलन योग्य आहे. दूधाला दर मिळालाच पाहिजे’अशी पुस्तीही जोडली. फडणवीस यांचे मुहूर्त नेहमीच चुकीचे ठरतात, असे सांगताना ते म्हणाले, मुख्यमंत्री उद्धव ठाकरे यांच्या वाढदिवसानिमित्त भाजपची कार्यकारिणी बैठक घेऊन त्यांच्यावर टीका केली. वाढदिवसादिवशी तरी चांगल्या माणसाचे कौतुक करायचे असते. पण त्या दिवशी देखील फडणवीस यांचा मुहूर्त चुकलाच. वाढदिवसाला टीका करून त्यांनी अपशकुन केला असा आरोपही त्यांनी पुन्हा एकदा केला.

वाचा: महाविकास आघाडीने फडणवीसांची इच्छापूर्ती केली!: सचिन सावंत

गावागावात होणार आंदोलन

दुधाला प्रतिलिटर दहा रुपये आणि दूध पावडर निर्यातीला किलोला पन्नास रुपये अनुदान मिळावे या मागण्यासाठी भाजप आणि त्यांच्या मित्रपक्षासह किसान संघर्ष समितीच्या वतीने शनिवारी राज्यव्यापी दूध संकलन बंद एल्गार पुकारण्यात आला आहे. या आंदोलनात दूध रस्त्यावर न ओतता ते गरीबांना वाटण्यात येणार असल्याचे आंदोलकांच्या वतीने सांगण्यात आले. सकाळी हे आंदोलक गावागावातील सर्व दूध संकलन केंद्रावर निदर्शने करणार आहेत. शेतकऱ्यांनी संस्थेला दूध देऊ नये, असे आवाहन यावेळी करण्यात येणार आहे. राज्य सरकारने या आंदोलनाची दखल न घेतल्यास बेमुदत दूध संकलन बंद करण्याचा इशाराही देण्यात आला आहे.

वाचा: टिकटॉकने पीएम केअरला ३० कोटी दिले; हा क्रांतीचा भाग होता का?

मोबाइल अॅप डाउनलोड करा आणि राहा अपडेट

---

Milk Protest: भाजपसह मित्र पक्षांचा उद्या एल्गार; गरिबांना दूध वाटून आंदोलन करणार

July 31, 2020, 8:49 am

≫ Next: santosh gaikwad : भाजप नगरसेवकाचा करोनाने मृत्यू, उपचाराकडे केले दुर्लक्ष

≪ Previous: Hasan Mushrif: फडणवीसांना झालंय तरी काय, प्रत्येकवेळी चुकीचा मुहूर्त काढताहेत!; मुश्रीफांची टोलेबाजी

$

0

0

म. टा. प्रतिनिधी, कोल्हापूर: दुधाला प्रतिलिटर दहा रूपये आणि दूध पावडर निर्यातीला किलोला पन्नास रूपये अनुदान मिळावे या मागण्यासाठी भाजप आणि त्यांच्या मित्रपक्षासह किसान संघर्ष समितीच्या वतीने शनिवारी राज्यव्यापी दूध संकलन बंद एल्गार पुकारण्यात आला आहे. दरम्यान, या आंदोलनात दूध रस्त्यावर न ओतता ते गरीबांना वाटण्यात येणार असल्याचे आंदोलकांच्या वतीने सांगण्यात आले.

वाचाः ठाण्यातील लॉकडाऊनमध्ये ३१ ऑगस्टपर्यंत वाढ; मॉल, जिमवर निर्बंध कायम

दूध उत्पादकांना सध्या लिटरला केवळ १८ ते २० रूपये दर मिळत आहे. हा दर न परवडणारा आहे. यातून उत्पादन खर्च देखील भागत नसल्याने शेतकरी वर्गात नाराजीचे वातावरण आहे. या पार्श्वभूमीवर स्वाभिमानी शेतकरी संघटनेने आठ दिवसापूर्वी दूध संकलन बंद आंदोलन केले. त्याच वेळी भाजप व मित्रपक्षानी देखील आंदोलनाची हाक दिली होती. त्यानुसार शनिवार दि. एक ऑगस्ट रोजी दूध संकलन बंद आंदोलन करण्यात येणार आहे. यामध्ये किसान संघर्ष समिती, राज्यातील दूध उत्पादक संघटना देखील सहभागी होणार आहेत.

वाचाः राज्यात अडीच लाखांवर रुग्ण करोनामुक्त; रिकव्हरी रेटही वाढला

शनिवारी सकाळी हे आंदोलक गावागावातील सर्व दूध संकलन केंद्रावर निदर्शने करणार आहेत. शेतकऱ्यांनी संस्थेला दूध देऊ नये असे आवाहन यावेळी करण्यात येणार आहे. तरीही काही ठिकाणी असा प्रयत्न झाल्यास ते रस्त्यावर ओतण्याऐवजी गरीबांना वाटण्यात येणार आहे. राज्य सरकारने या आंदोलनाची दखल न घेतल्यास बेमुदत दूध संकलन बंद करण्याचा इशाराही देण्यात आला आहे.

दरम्यान, भाजपने हे आंदोलन प्रतिष्ठेचे केले असून अधिक आक्रमकपणे करण्याचे नियोजन करण्यात आले असून प्रमुख लोकप्रतिनिधी, नेतेही यात सहभागी होणार आहेत. रस्त्यावर दूध ओतण्यावर टीका होत असल्याने दोघांनीही आंदोलनात बदल केल्याचे दिसून येते. तरीही आंदोलनामुळे उद्या दूध पुरवठा मात्र विस्कळीत होणार आहे. शेतकरी संघटनांतर्फे गावोगावी चावडीवर आंदोलन होणार आहे. रस्त्यावर दूध ओतण्याच्या आंदोलनावर सर्वस्तरातून जोरदार टीका केली जाते. त्यामुळे यामध्ये बदल करून चावडीवर प्रतिकात्मक दुग्धाभिषेक करून गरजूंना दूध वाटप करण्याचे आंदोलन शेतकरी संघटना करणार आहेत. तर भाजपतर्फे निदर्शने आणि सरकारी अधिकाऱ्यांना निवेदन देण्यात येणार आहे.

मोबाइल अॅप डाउनलोड करा आणि राहा अपडेट

santosh gaikwad : भाजप नगरसेवकाचा करोनाने मृत्यू, उपचाराकडे केले दुर्लक्ष

August 1, 2020, 11:55 am

≫ Next: dhairyashil mane : सासऱ्याचा अहवाल पॉझिटिव्ह आला; शिवसेना खासदार कुटुंबीयासह होम क्वॉरंटाइन

≪ Previous: Milk Protest: भाजपसह मित्र पक्षांचा उद्या एल्गार; गरिबांना दूध वाटून आंदोलन करणार

$

0

0

म. टा. प्रतिनिधी, कोल्हापूरः जिल्ह्यात करोनाचा कहर वाढत असतानाच शनिवारी कोल्हापूर महापालिकेतील नगरसेवक संतोष गायकवाड यांचा करोना संसर्गामुळे मृत्यू झाला. संभाजीनगर प्रभागातून निवडून आलेले गायकवाड हे उत्कृष्ठ फुटबॉलपटू होते. दरम्यान, दिवसभरात आणखी सहा जणांचा करोनाने बळी घेतला असून २६३ पॉझिटिव्ह आढळले आहेत.

जिल्ह्यात करोना संसर्गाचा आकडा रोज मोठ्या प्रमाणात वाढत आहे. कडक लॉकडाऊन करूनही त्याचा काहीही उपयोग झाला नसल्याचे समोर आले आहे. वारे वसाहत परिसरात हॉटस्पॉट तयार झाला असून काही दिवसापूर्वी गायकवाड यांचे वडिल करोनाबाधित असल्याचे निदर्शनास आले. त्यानंतर नगरसेवक गायकवाड यांनाही करोनाची लक्षणे दिसत असूनही त्यांनी उपचाराकडे दुर्लक्ष केले. यातूनच सायंकाळी त्यांचा मृत्यू झाला.

करोना चाचणीचे दोनपैकी एक यंत्र गेले तीन दिवस बंद आहे. प्रशासनाच्या हलगर्जीपणामुळे हा प्रकार घडला आहे. एका यंत्रावर सध्या तपासणी सुरू असून शनिवारी दिवसभरात २६३ पॉझिटिव्ह रूग्ण आढळले आहेत. त्यामुळे आतापर्यंत जिल्ह्यातील आकडा ६४४३ पर्यंत पोहोचला आहे. मृत्यूचा आकडा दोनशेच्यावर गेला आहे.

शरद पवारांची सीरम इन्स्टिट्यूटला भेट, करोनावरील लसीची माहिती घेतली

महिलेचा अंत्यसंस्कार ग्रामपंचायती कार्यालयासमोर

सध्या दोन हजार रूग्णांची करोना तपासणी होत असून त्यामध्ये वाढ करत ते पाच हजारापर्यंत करण्यात येणार आहे. जेणेकरून जास्तीत जास्त तपासणी झाल्यास संक्रमण थांबविता येईल. जिल्ह्यामध्ये ३८०० रॅपिड ॲन्टीजेन टेस्टींग किट्सचे वाटप करण्यात आले असून बुधवारपर्यंत 20 हजार किट्स उपलब्ध होतील, अशी माहिती पालकमंत्री सतेज ऊर्फ बंटी पाटील यांनी दिली.

मोबाइल अॅप डाउनलोड करा आणि राहा अपडेट

dhairyashil mane : सासऱ्याचा अहवाल पॉझिटिव्ह आला; शिवसेना खासदार कुटुंबीयासह होम क्वॉरंटाइन

August 2, 2020, 1:44 am

≫ Next: सामान्यांसाठी साखर गोड होणार तर कारखानदारांसाठी कडू

≪ Previous: santosh gaikwad : भाजप नगरसेवकाचा करोनाने मृत्यू, उपचाराकडे केले दुर्लक्ष

$

0

0

कोल्हापूर: हातकणंगले लोकसभा मतदारसंघाचे शिवसेनेचे खासदार धैर्यशील माने हे कुटुंबीयांसह १४ दिवसांसाठी होम क्वॉरंटाइन झाले आहेत. शनिवारी सायंकाळी त्यांच्या सासर्‍यांचा अहवाल पॉझिटिव्ह आल्याने त्यांनी कुटुंबीयांसह होम क्वॉरंटाइन होण्याचा निर्णय घेतला. याशिवाय गेल्या चार दिवसात आपल्या संपर्कात आलेल्या कार्यकर्त्यांनाही त्यांनी दक्षता घेण्याच्या सूचना दिल्या आहेत.

खासदार धैर्यशील माने हे दांडगा जनसंपर्क असणारे नेते आहेत. करोना संसर्गाच्या काळात रुग्णांना वेळेवर उपचार मिळावेत यासाठी त्यांच्याकडून कोल्हापूरसह सांगली जिल्ह्यात आरोग्य यंत्रणा आणि कार्यकर्त्यांसोबत वारंवार बैठका दौरे सुरू होते. त्यांच्या सासऱ्यांना करोना संसर्गाची लक्षणे जाणवताच स्वॅब तपासणीसाठी पाठवला होता. शनिवारी सायंकाळी त्यांचा अहवाल पॉझिटिव्ह आला. यानंतर खासदार माने यांनी तातडीने स्वतःसह कुटुंबीयांना होम क्वॉरंटाइन करण्याचा निर्णय घेतला. सोशल मीडियाद्वारे त्यांनी ही माहिती दिली असून कार्यकर्त्यांनाही करोनाची लक्षणं दिसताच डॉक्टरांकडे जाण्याचा सल्ला दिला आहे. होम क्वॉरंटाइन झाल्यानंतर माने हे स्वत:ची करोना टेस्ट करणार आहेत. खबरदारीचा उपाय म्हणून गेल्या चार दिवसात आपल्या संपर्कात आलेल्या सर्व कार्यकर्त्यांनी वैद्यकीय तपासणी करावी, अशा सूचना त्यांनी दिल्या आहेत. येणाऱ्या १४ दिवसात काही अडचणी निर्माण झाल्यास नागरिकांनी मोबाइलवर संपर्क साधावा, असे आवाहनही त्यांनी केले आहे.

...म्हणून अंकिता लोखंडे सुशांतच्या अंत्यसंस्कारांना गेली नाही

मुख्यमंत्री उद्धव ठाकरे यांना कायद्याची समज नाही; सुशांतच्या वकिलाची प्रतिक्रिया

करोना संसर्गामुळे चार दिवसांपूर्वीच सांगलीत माजी महापौर हारूण शिकलगार यांचा मृत्यू झाला आहे. त्यानंतर काल नगरसेवक संतोष गायकवाड यांचा मृत्यू झाल्याने खळबळ उडाली आहे. कोल्हापुरात काल करोना संसर्गामुळे सहा जणांचा बळी गेला, तर सांगली जिल्ह्यात १२ जण करोनाचे बळी ठरले आहेत. दिवसेंदिवस करोना बळींची संख्या वाढत असल्याने आरोग्य यंत्रणा आणि जिल्हा प्रशासनाची चिंता वाढली आहे.

मोदींनीच भारतात करोना आणला म्हटलं तर चुकलं कुठे?; आंबेडकरांचा सवाल

मोबाइल अॅप डाउनलोड करा आणि राहा अपडेट

सामान्यांसाठी साखर गोड होणार तर कारखानदारांसाठी कडू

August 2, 2020, 3:20 am

≫ Next: दूध उत्पादकांना राज्य सरकार मदत करणार; जयंत पाटील यांची ग्वाही

≪ Previous: dhairyashil mane : सासऱ्याचा अहवाल पॉझिटिव्ह आला; शिवसेना खासदार कुटुंबीयासह होम क्वॉरंटाइन

$

0

0

कोल्हापूर: केंद्र सरकारने साखरेचा बफर स्टॉक योजना बंद करण्याचा निर्णय घेतल्याने देशातील साखर कारखानदारी अडचणीत येण्याची शक्यता निर्माण झाली आहे. लॉकडाऊन मुळे न झालेली साखर विक्री आणि पुढील हंगामात जादा साखरेचे उत्पादन या पार्श्वभूमीवर बफर स्टॉक योजना आवश्यक असताना केंद्राने ती बंद केली आहे. यामुळे मागणीपेक्षा जादा साखर बाजारात येण्याची चिन्हे असून यातून साखरेचे दर कमी झाल्यास कारखान्यांसमोरील आव्हाने वाढणार आहेत.

वाचाः प्रभू रामचंद्र कुणाच्या सातबाऱ्यावर नाही; आव्हाडांचा भाजपला टोला

साखरेचे दर नियंत्रित ठेवण्यासाठी केंद्र सरकार काही साखरेचा बफर स्टॉक करते. ही साखर मात्र कारखान्यांच्या ताब्यात असते. ती हमी ठेवून कारखाने बँकांकडून कर्ज काढतात. त्याचे व्याज मात्र केंद्र सरकार देते. केंद्राच्या बफर स्टॉक योजनेची मुदत ३१ जुलै रोजी संपली. एक ऑगस्टपासून ही योजना तशीच पुढे सुरू ठेवण्यासाठी कारखानदारांचे प्रयत्न सुरू होते. त्यासाठी साखर महासंघाने केंद्राला पत्र पाठवून पाठपुरावा केला. मध्यतंरी राज्याचे विरोधी पक्षनेते देवेंद्र फडणवीस यांच्या नेतृत्वाखाली एका शिष्टमंडळाने केंद्रिय मंत्रीमंडळाच्या उपसमितीचे अध्यक्ष गृहमंत्री अमित शहा यांची भेट घेतली. त्यावेळी देखील ही मागणी प्राध्यान्याने केली होती. पण यंदा निती आयोगाने बफर स्टॉक करण्यास विरोध केल्याने केंद्राने या योजनेला मुदतवाढ दिली नाही. यामुळे एक ऑगस्टपासून ही योजना खंडित झाली.

वाचाः लॉकडाऊनमधील सेलिब्रिटी पार्ट्या कोणत्या मंत्र्यांच्या आशीर्वादाने?: शेलार

मुळात लॉकडाऊनमुळे साखरेचा साठा पडून राहिला आहे. दर नसल्याने अनेक कारखान्यांनी त्याची विक्री केली नाही. यामुळे सध्या गोडावूनमध्ये ११५ लाख टन साखर शिल्लक आहे. नवीन हंगामात त्यामध्ये आणखी तीनशे लाख टनाची भर पडेल. एवढी साखर बाजारात खपणार नसल्याने पुन्हा शिल्लक साखरेचा मोठा प्रश्न निर्माण होणार आहे. अशावेळी बफर स्टॉक ची योजना सुरू राहणे आवश्यक आहे. पण केंद्राने ती खंडित केल्याने कारखान्यांच्या अडचणीत भर पडणार आहे.

मोबाइल अॅप डाउनलोड करा आणि राहा अपडेट

दूध उत्पादकांना राज्य सरकार मदत करणार; जयंत पाटील यांची ग्वाही

August 2, 2020, 8:24 am

≫ Next: Gopichand Padalkar: गोपीचंद पडळकर यांच्याकडून गायीला दुग्धाभिषेक; सांगलीत केलं आंदोलन

≪ Previous: सामान्यांसाठी साखर गोड होणार तर कारखानदारांसाठी कडू

$

0

0

म. टा. प्रतिनिधी, सांगली: ‘करोनाच्या संसर्गामुळे जनजीवन विस्कळीत झाल्याने दूध विक्रीवर परिणाम झाला. यातून दुधाचे अर्थकारण कोलमडले आहे. मात्र, केंद्र सरकारच्या मदतीची वाट न पाहता राज्य सरकारकडून दूध उत्पादक शेतक-यांना मदत केली जात आहे. दूध संघांकडून दूध खरेदी सुरू असून, दूध पावडरीच्या निर्यातीसाठीही प्रयत्न सुरू आहेत,’ असे जलसंपदा मंत्री जयंत पाटील यांनी सांगितले. ते रविवारी सांगलीत प्रसार माध्यमांशी बोलत होते.

दूध दर आंदोलनांबाबत विचारणा केली असता मंत्री पाटील म्हणाले, ‘शेतक-यांच्या प्रश्नांवर आंदोलन करण्याचा सर्वांनाच अधिकार आहे. शेतक-यांचे प्रश्न निदर्शनास आणून देणे किंवा त्यांच्या सोडवणुकीसाठी प्रयत्न करणे ही चांगलीच बाब आहे. माजी खासदार राजू शेट्टी यांची आंदोलनाची भूमिका अयोग्य नाही. करोना संसर्गाने उद्भवलेल्या प्रश्नांमुळे दूध दराचे संकट अधिक वाढले. केंद्र सरकारनेही याबाबत उपाययोजना कराव्यात, अशी राज्य सरकारने मागणी केली आहे. मात्र, केंद्राच्या मदतीची वाट न पाहता राज्याने दूध उत्पादकांना मदत देणे सुरू केले आहे. गायीच्या दुधाला प्रतिलिटर २५ रुपये दर देणा-या दूध संघांची दूध खरेदी सुरू केली आहे. याशिवाय दूध पावडरीच्या निर्यातीसाठीही प्रयत्न सुरू आहेत.’

वाचाः दिवसभरात तब्बल ९ हजार ९२६ रुग्ण करोनामुक्त; 'हा' टक्का दिलासादायक

दरम्यान, भाजपसह मित्र पक्षांनी शनिवारी केलेल्या दूध दरवाढ आंदोलनात दूध रस्त्यावर ओतल्याबद्दल आमदार सदाभाऊ खोत यांचा मुलगा सागर खोत यांच्यासह दहा ते बारा जणांवर गुन्हा दाखल झाला. बंदी आदेशाचा भंग करून दुधाचे नुकसान केल्याबद्दल इस्लामपूर पोलिस ठाण्यात हा गुन्हा दाखल करण्यात आला.

वाचाः धारावी पॅटर्न 'जगात भारी'; ‘वॉशिंग्टन पोस्ट’कडून महापालिकेचं कौतुक

पश्चिम महाराष्ट्रात आंदोलनाचा मोठा परिणाम

दुधाच्या खरेदी दर वाढवून मिळावा, त्यासाठी राज्य सरकारनं अनुदान द्यावं, या मागणीसाठी पुकारण्यात आलेल्या दूध संकलन बंद आंदोलनाला सुरुवात झाली आहे. शेतकरी संघटनांसह भाजप व मित्र पक्षांचे कार्यकर्ते रस्त्यावर उतरले असून ठिकठिकाणी निदर्शने सुरू आहेत. पश्चिम महाराष्ट्रात या आंदोलनाचा मोठा परिणाम दिसला.

मोबाइल अॅप डाउनलोड करा आणि राहा अपडेट

Gopichand Padalkar: गोपीचंद पडळकर यांच्याकडून गायीला दुग्धाभिषेक; सांगलीत केलं आंदोलन

August 2, 2020, 9:44 am

≫ Next: Dairy Farmer Protest: दूध दर आंदोलनाला धार; आंदोलकांनी फोडले टँकर

≪ Previous: दूध उत्पादकांना राज्य सरकार मदत करणार; जयंत पाटील यांची ग्वाही

$

0

0

सांगली: ‘राज्यातील दूध उत्पादक अडचणीत असताना सरकारमधील मंत्र्यांनी स्वतःच्याच दूध संघातील दूध खरेदी करून अनुदान लाटले. दूध उत्पादक उपाशी असताना सरकार मात्र तुपाशी आहे,’ अशी टीका आमदार गोपीचंद पडळकर यांनी राज्य सरकारवर केली. त्यांनी आटपाडी येथे गायीला दुधाचा अभिषेक घालून आणि गायींसह रस्त्यावर ठिय्या मारून दूध दरवाढीचे आंदोलन केले.

राज्यात दूध उत्पादकांना सध्या गायीच्या दुधाला प्रतिलिटर १५ ते २० रुपयांचा दर मिळत आहे. दुधाचे दर कमी झाल्याने दूध उत्पादकांचे आर्थिक नियोजन कोलमडले आहे. या स्थितीत राज्य सरकारने गायीच्या दुधाला प्रतिलिटर दहा रुपये अनुदान द्यावे, तसेच दूध पावडरीसाठी प्रतिकिलो ५० रुपये अनुदान द्यावे, अशी मागणी भाजपसह मित्र पक्षांनी केली आहे. या मागणीकडे लक्ष वेधण्यासाठी शनिवारी राज्यभर आंदोलन करण्यात आले. भाजपचे विधानपरिषदेचे आमदार गोपीचंद पडळकर यांनी आटपाडी तालुक्यातील मल्हारपूर ते पंढरपूर मार्गावर आंदोलन केले. यावेळी त्यांनी कर्यकर्त्यांसह गायीला दुधाचा अभिषेक घालून ठिय्या आंदोलन केले.

भाजपचं दूध आंदोलन म्हणजे चोराच्या उलट्या बोंबा; सेनेचा हल्लाबोल

यावेळी बोलताना आमदार पडळकर म्हणाले, ‘अडचणीत असलेल्या दूध उत्पादकांना सरकारने मदत करावी यासाठी भाजपसह मित्र पक्षांनी यापूर्वीच निवेदने दिली आहेत. मात्र, अजूनही सरकारला जाग आलेली नाही. गंभीर बाब म्हणजे सरकारमधील मंत्र्यांच्या दूध संघांकडूनच सरकार दुधाची खरेदी करत आहे. यातून मंत्रीच अनुदान लाटत आहेत. हा प्रकार म्हणजे दूध उत्पादक उपाशी आणि सरकार तुपाशी असाच म्हणावा लागेल. उपमुख्यमंत्री अजित पवार, महसूल मंत्री बाळासाहेब थोरात, दुग्धविकास मंत्री सुनील केदार यांच्या दूध संघांचे दूध खरेदी करून सरकार त्यांना अनुदान देत आहे. सरकारने तातडीने राज्यातील सर्व दूध उत्पादकांना प्रतिलिटर दहा रुपयांचे अनुदान द्यावे. दूध पावडरीसाठी प्रतिकिलो ५० रुपये अनुदान द्यावे, अन्यथा भाजपसह सर्व मित्रपक्ष तीव्र आंदोलन करतील.’

'शिवसेनेनं कोकणवासीयांच्या भावना पायदळी तुडवल्यात, किंमत मोजावी लागेल'

दरम्यान, सांगली जिल्ह्यात शुक्रवारी रात्रीच दूध दरवाढ आंदोलनाला सुरुवात झाली. रयत क्रांती संघटनेच्या कार्यकर्त्यांनी आष्टा-भिलवडी आणि तासगाव-कराड मार्गावर दुधाचे टँकर फोडले. इस्लामपूर येथे दुधाची वाहतूक करणारी वाहने अडवून दुधाचे मोफत वाटप केले. भाजपच्या कार्यकर्त्यांनी पलूस येथे दुधाची वाहने अडवून घोषणाबाजी केली. आंदोलनामुळे दूध संघांच्या संकलनावर परिणाम झाला असून, अनेक ठिकाणी पोलिस संरक्षणात दुधाची वाहतूक करावी लागली.

मोबाइल अॅप डाउनलोड करा आणि राहा अपडेट

Dairy Farmer Protest: दूध दर आंदोलनाला धार; आंदोलकांनी फोडले टँकर

August 2, 2020, 9:44 am

≫ Next: दूध दरवाढ आंदोलन; आमदार खोत यांच्या मुलासह आंदोलकांवर गुन्हे दाखल

≪ Previous: Gopichand Padalkar: गोपीचंद पडळकर यांच्याकडून गायीला दुग्धाभिषेक; सांगलीत केलं आंदोलन

$

0

0

कोल्हापूर: दुधाच्या खरेदी दर वाढवून मिळावा, त्यासाठी राज्य सरकारनं अनुदान द्यावं, या मागणीसाठी पुकारण्यात आलेल्या दूध संकलन बंद आंदोलनाला सुरुवात झाली आहे. शेतकरी संघटनांसह भाजप व मित्र पक्षांचे कार्यकर्ते रस्त्यावर उतरले असून ठिकठिकाणी निदर्शने सुरू आहेत. पश्चिम महाराष्ट्रात या आंदोलनाचा मोठा परिणाम दिसत आहे.

वाचा: महाविकास आघाडीने साधली मंदीत संधी; फडणवीस सरकारची 'ही' योजना बंद

काही दिवसांपूर्वीच स्वाभिमानी शेतकरी संघटनेनंही दूध दरासाठी आंदोलन केलं होतं. त्यानंतर सरकारनं एक बैठक बोलावली होती. त्यात कोणताही तोडगा न निघाल्याने १ ऑगस्ट रोजी राज्यव्यापी आंदोलनाची हाक देण्यात आली होती. त्यानुसार, किसान संघर्ष समितीबरोबरच भाजप, राष्ट्रीय समाज पक्ष व रयत क्रांती संघटना आजच्या आंदोलनात सहभागी झाली आहे. रयत क्रांती संघटनेनं शुक्रवारी रात्रीच आष्टा-भिलवडी मार्गावर दुधाचा टँकर फोडून आक्रमक होण्याचे संकेत दिले होते. त्यानुसार आज अनेक कार्यकर्ते रस्त्यावर उतरले असून दुधाचे टँकर अडवले जात आहेत, तर काही ठिकाणी दूध रस्त्यावर ओतून निषेध केला जात आहे. त्यामुळं जिल्ह्या-जिल्ह्यांतील दूध संकलनावर परिणाम झाला आहे. कोल्हापूर येथे अकरा वाजता महामार्ग रोको आंदोलन करण्यात येणार आहे.

अहमदनगर : दूध दरासाठी किसान सभा व दूध उत्पादक शेतकरी संघर्ष समितीच्या आंदोलनास नगर जिल्ह्यातील अकोले येथे सुरुवात.… https://t.co/0OydgJW4kb

&mdash; Maharashtra Times (@mataonline) 1596252922000

आतापर्यंत काय-काय झाले?

पंढरपूर येथे रासपचे आमदार महादेव जानकर यांनी चंद्रभागा नदीत विठ्ठलाला दुधाचा अभिषेक घातला

गावागावात कार्यकर्ते दूध संकलन केंद्रावर जाऊन दूध घालण्यास विरोध करत आहे

मंगळवेढा-सोलापूर रस्त्यावर रयत क्रांती संघटनेचे टायर पेटवून आंदोलन

सांगली जिल्ह्यात कराड ते तासगाव मार्गावरही 'रयत'च्या कार्यकर्त्यांनी फोडला दुधाचा टँकर

अहमदनगर जिल्ह्यातील अकोले येथे किसान सभा व दूध उत्पादक शेतकरी संघर्ष समितीचं आंदोलन. तिथं गावच्या चावडीवरील दगडाला घातला दुग्धाभिषेक.

भारतीय जनता पक्षाच्या युवा कार्यकर्त्यांनी इस्लामपूर शहरात दुधाची गाडी अडवून लोकांना दूध वाटले

VIDEO: इस्लामपूर शहरात दुधाची गाडी अडवून सांगली जिल्हा भाजप युवा मोर्चाचे अध्यक्ष सागर सदाभाऊ खोत, स्वप्निल सुर्यवं… https://t.co/dSBcBw5uaR

&mdash; Maharashtra Times (@mataonline) 1596252782000

चंद्रकांत पाटलांच्या सूचना धाब्यावर

या आंदोलनात रस्त्यावर दूध फेकले जाणार नाही, टँकर अडवले जाणार नाहीत, दुधाचा अभिषेक घातला जाणार नाही, असे भाजपचे प्रदेशाध्यक्ष चंद्रकांत पाटील यांनी जाहीर केले होते. मात्र, त्यांच्या मित्रपक्षांनी याला हरताळ फासत टँकर तर फोडलेच, शिवाय अनेक ठिकाणी दुग्धाभिषेक देखील घातला. यामुळे या आंदोलनाची वेगळीच चर्चा सुरू झाली आहे.

मोबाइल अॅप डाउनलोड करा आणि राहा अपडेट

---

दूध दरवाढ आंदोलन; आमदार खोत यांच्या मुलासह आंदोलकांवर गुन्हे दाखल

August 2, 2020, 1:27 pm

≫ Next: खासगी संस्थांच्या पुढाकारातून साकारले कोविड सेंटर, ५३८ खाटांची होणार व्यवस्था

≪ Previous: Dairy Farmer Protest: दूध दर आंदोलनाला धार; आंदोलकांनी फोडले टँकर

$

0

0

म. टा. प्रतिनिधी, सांगली: भाजपसह मित्र पक्षांनी शनिवारी केलेल्या दूध दरवाढ आंदोलनात दूध रस्त्यावर ओतल्याबद्दल आमदार सदाभाऊ खोत यांचा मुलगा सागर खोत यांच्यासह दहा ते बारा जणांवर गुन्हा दाखल झाला. बंदी आदेशाचा भंग करून दुधाचे नुकसान केल्याबद्दल इस्लामपूर पोलिस ठाण्यात हा गुन्हा दाखल करण्यात आला.

इस्लामपूर पोलिस ठाण्यातून मिळालेल्या माहितीनुसार, रयत क्रांती संघटनेचे पदाधिकारी सागर खोत यांनी शनिवारी सकाळी कार्यकर्त्यांसह इस्लामपूर ते पेठ नाका या मार्गावर वाघवाडी फाट्याजवळ दूध दरवाढ आंदोलन केले होते. बंदी आदेश धुडकावून जमाव करणे आणि वारणा दूध संघाचे वाहन अडवून दोन कॅनमधील दूध रस्त्यावर ओतून नुकसान केल्याबद्दल त्यांच्यावर गुन्हा दाखल करण्यात आला. सागर सदाभाऊ खोत (वय ३०, रा. मरळनाथपूर), बजरंग शंकर भोसले (४०, रा. पेठ) मोहसीन मज्जीद पटवेकर (३१, रा. इस्लामपूर), लालासो तुकाराम धुमाळ (३७, रा. येवलेवाडी), बबन भगवान वाघमोडे (२७), राहुल महादेव पाटील (३२, दोघे रा. सुरूल), स्वप्नील देवानंद लोहार (३०, रा. साखराळे), नंदकुमार शंकर पाटोळे (३२, रा. बिचूद) आणि धनाजी शिवाजी मोरे (४०, रा. रेठरे हरणाक्ष, ता. वाळवा) अशी गुन्हा दाखल झालेल्या आंदोलकांची नावे आहेत. याशिवाय आणखी चार ते पाच अनोळखी आंदोलकांवर गुन्हे दाखल केले आहेत. जिल्ह्यात सर्वच ठिकाणी आंदोलन झाले असून, इस्लामपुरात मात्र राजकीय आकसापोटी गुन्हे दाखल केल्याचा आरोप आंदोलकांनी केला आहे.

मोबाइल अॅप डाउनलोड करा आणि राहा अपडेट

खासगी संस्थांच्या पुढाकारातून साकारले कोविड सेंटर, ५३८ खाटांची होणार व्यवस्था

August 2, 2020, 1:54 pm

≫ Next: कर्जमाफीच्या बोगस लाभार्थ्यांमध्ये नेत्याच्या मुलाचे नाव

≪ Previous: दूध दरवाढ आंदोलन; आमदार खोत यांच्या मुलासह आंदोलकांवर गुन्हे दाखल

$

0

0

म. टा. प्रतिनिधी, कोल्हापूरः बांधकाम व्यावसायिकांची क्रीडाई संस्था आणि रोटरी संस्थेने पुढाकार घेऊन कोल्हापुरातील महासैनिक दरबार हॉल येथे १२५ खाटांचे कोविड सेंटर तयार केले. या सेंटरचे लोकार्पण पालकमंत्री सतेज पाटील यांच्या हस्ते रविवारी करण्यात आले. दरम्यान, या दोन्ही संस्थांकडून एकूण ५३८ खाटांची व्यवस्था केली जाणार आहे.

करोना रुग्णांची संख्या वाढत असल्याने पालकमंत्री सतेज पाटील यांनी कोविड उपचार केंद्रांच्या निर्मितीसाठी सामाजिक संस्थांनी पुढे येण्याचे आवाहन केले होते. यानुसार बांधकाम व्यावसायिकांची क्रीडाई संस्था आणि रोटरी संस्थेने खाटांची सुविधा देण्याची तयारी दर्शवली. यासाठी रोटरीच्या बारा क्लबनी एकत्र येऊन ६२ लाख रुपयांची निधी जमा केला. क्रीडाईनेही यात भर घालून जिल्हा प्रशासनाला मदतीचा हात दिला. यातून ५३८ खाटांच्या रुग्णालयांची व्यवस्था केली जाणार आहे. सर्व खाटांसाठी व्हेंटिलेटरची सुविधा देण्याचीही तयारी क्रीडाईने दर्शवली आहे. यापैकी १२५ खाटांचे कोविड सेंटर महासैनिक दरबार हॉलमध्ये तयार केले आहे. पालकमंत्री सतेज पाटील यांच्या हस्ते रविवारी या सेंटरचे लोकार्पण करण्यात आले. यावेळी बोलताना पालकमंत्री पाटील यांनी क्रीडाई आणि रोटरीच्या कामाचे कौतुक करीत यापुढे ग्रामीण भागातही आरोग्य सुविधा पुरवाव्यात, असे आवाहन केले. यावेळी महापौर निलोफर आजरेकर, आमदार चंद्रकांत जाधव, जिल्हाधिकारी दौलत देसाई, महापालिका आयुक्त डॉ. मल्लिनाथ कलशेट्टी, क्रीडाईचे राज्याचे अध्यक्ष राजीव परीख, जिल्हाध्यक्ष विद्यानंद बेडेकर, रोटरीचे डिस्ट्रीक्ट गव्हर्नर संग्राम पाटील, सचिव ऋषिकेश केसकर, रोटरी मुव्हमेंटचे अध्यक्ष सूर्यकांत पाटील-बुद्धीहाळकर आदी उपस्थित होते.

धक्कादायक! आईसह तीन मुलींचे मृतदेह विहिरीत आढळले

शिवसेना नेते सोमेश्वर पुसतकर यांचे उपचारादरम्यान निधन

रुग्णांना तात्काळ उपचार मिळणार

करोनाबाधित रुग्णांची संख्या झपाट्याने वाढत असल्याने रुग्णालयांवरील ताण वाढला आहे. उपचारासाठी खासगी रुग्णालयेही आरक्षित केली आहेत. मात्र, रुग्णांच्या वाढणा-या संख्येच्या तुलनेत खाटांची व्यवस्था करण्याचे आव्हान जिल्हा प्रशासनासमोर निर्माण झाले आहे. खासगी संस्थांच्या मदतीने प्रशासनाला काही प्रमाणात दिलासा मिळाला. याशिवाय रुग्णांना तातडीने उपचार मिळण्यातही मदत झाली.

मोबाइल अॅप डाउनलोड करा आणि राहा अपडेट

कर्जमाफीच्या बोगस लाभार्थ्यांमध्ये नेत्याच्या मुलाचे नाव

August 2, 2020, 3:30 pm

≫ Next: कोल्हापूर: 'वंचित'कडून निवडणूक लढवलेल्या नेत्याचे महिलेवर लैंगिक अत्याचार

≪ Previous: खासगी संस्थांच्या पुढाकारातून साकारले कोविड सेंटर, ५३८ खाटांची होणार व्यवस्था

$

0

0

सांगली : राज्य सरकारने दिलेल्या महात्मा ज्योतिराव फुले शेतकरी कर्जमुक्ती योजनेमध्ये बँक अधिकाऱ्यांशी संगनमत करून कर्जमाफीचा लाभ घेतल्याबद्दल शेतकरी संघटनेचे नेते रघुनाथ पाटील यांच्या मुलावर फसवणुकीचा गुन्हा दाखल झाला.

रवींद्र रघुनाथ पाटील (रा. साखराळे, ता. वाळवा) यांनी बँक ऑफ इंडियाकडून घेतलेल्या कर्जात एक लाख १८ हजार रुपयांची माफी मिळाली होती. ही कर्जमाफी नियमबाह्य असल्याचे आढळल्याने उपलेखापरीक्षक प्रवीण लक्ष्मण जौंजाळ यांनी इस्लामपूर पोलिस ठाण्यात फिर्याद दाखल केली.

शेतकऱ्यांना कर्जमाफी देण्यासाठी राज्य सरकारने महात्मा ज्योतिराव फुले शेतकरी कर्जमुक्ती २०१९ ही योजना राबवली. या योजनेचा लाभ घेण्यासाठी शेतकऱ्यांच्या नावावर शेतजमीन असावी; तसेच शेतीच्या कामासाठीच कर्ज घेतले असावे असे निकष घातले होते. प्रत्यक्षात मात्र काही बोगस लाभार्थ्यांनी आपल्या नावावर जमीन नसताना बँकेच्या अधिकाऱ्यांशी संगनमत करून बनावट कागदपत्रांच्या आधारे कर्जाचा लाभ घेतला आहे. असे प्रकार लक्षात येताच जिल्हाधिकारी डॉ. अभिजित चौधरी यांनी बोगस लाभार्थ्यांची चौकशी करण्याचे आदेश दिले होते. यामध्ये जिल्ह्यातील १४१ बोगस लाभार्थी आढळले. यात शेतकरी संघटनेचे नेते रघुनाथ पाटील यांचा मुलगा रवींद्र पाटील यांनीही बनावट कागदपत्रांच्या आधारे कर्जमाफीचा लाभ घेतल्याचे उघडकीस आले आहे. त्यांच्या नावावर जमीन नसताना त्यांनी आईच्या नावावरील जमिनीची कागदपत्रे सादर करून कर्ज घेतले आहे.

सरकारची फसवणूक करून कर्जमाफीचा लाभ घेतल्याबद्दल उपलेखापरीक्षक प्रवीण जौंजाळ यांनी रवींद्र पाटील यांच्या विरोधात इस्लामपूर पोलिस ठाण्यात फसवणुकीचा गुन्हा दाखल केला. याबाबत रघुनाथ पाटील यांना विचारणा केली असता ते म्हणाले, 'माझ्या मुलाने सुशिक्षित बेकार योजनेतून गांडूळ खत प्रकल्पासाठी बँक ऑफ इंडियाकडून आठ लाख रुपयांचे कर्ज घेतले आहे. शेतीसह शेतीपूरक उद्योगांनाही कर्जमाफी मिळेल अशी चर्चा सुरुवातीला सुरू होती. यामुळे बँकेने लाभार्थ्यांच्या यादीमध्ये माझ्या मुलाचे नाव घातले होते. कर्जमाफीपोटी एक लाख १८ हजार रुपये मंजूर झाल्याचे बँकेने कळवले होते. मात्र, केवळ पीक कर्जाला सवलत मिळाल्याने इतर कर्जांना माफी मिळाली नाही. आम्हाला मिळालेली कर्जमाफी अपात्र ठरल्याची माहिती बँकेने पत्राद्वारे कळवली आहे. सरकारची फसवणूक करण्याचा प्रयत्न आमच्याकडून झालेला नाही. बँकेनेच कर्जमाफीसाठी आमच्या नावाची शिफारस सरकारकडे केली होती.'

शेतकरी कर्जमाफी योजनेच्या बोगस लाभार्थ्यांमध्ये शेतकरी संघटनेच्या बड्या नेत्याच्या मुलाचे नाव आल्याने सर्वांच्या भुवया उंचावल्या आहेत. जिल्ह्यातील बोगस लाभार्थ्यांच्या यादीत अन्य काही नेत्यांच्याही समावेशाची शक्यता वर्तवली जात आहे. यामुळे बोगस लाभार्थ्यांची कसून चौकशी व्हावी, अशी अपेक्षा शेतकऱ्यांकडून व्यक्त केली जात आहे.

मोबाइल अॅप डाउनलोड करा आणि राहा अपडेट

कोल्हापूर: 'वंचित'कडून निवडणूक लढवलेल्या नेत्याचे महिलेवर लैंगिक अत्याचार

August 3, 2020, 1:59 am

≫ Next: sushantsingh rajput : सुशांतसिंहबद्दल बोलणं म्हणजे आयुष्य वाया घालवणं: भिडे गुरुजी

≪ Previous: कर्जमाफीच्या बोगस लाभार्थ्यांमध्ये नेत्याच्या मुलाचे नाव

$

0

0

म. टा. प्रतिनिधी, कोल्हापूर: महिलेवर अत्याचार केल्याप्रकरणी वंचित बहुजन विकास आघाडीकडून हातकणंगले लोकसभा मतदारसंघातून निवडणूक लढवलेले हाजी असलम सय्यद याच्यावर शिरोली एमआयडीसी पोलीस ठाण्यात गुन्हा दाखल करण्यात आला आहे. या प्रकरणी सय्यद याला अटक करण्यात आली असून, पाच दिवसांची पोलीस कोठडी देण्यात आली आहे.

याबाबत मिळालेल्या माहितीनुसार, असलम सय्यद याची विलगीकरण कक्षात एका महिलेसोबत ओळख झाली होती. तेथे त्या महिलेशी त्याने ओळख वाढवली. त्यानंतर त्याने लग्नाच्या भूलथापा देऊन तिच्यासोबत शारीरिक संबंध ठेवले. त्या महिलेच्या पहिल्या पतीचे निधन झाले असून, तिला एक मुलगा आहे. त्यानंतर मात्र, सय्यद याने जबाबदारी झटकली. तो तिला टाळायला लागला. अखेर तिने शिरोली एमआयडीसी पोलीस ठाण्यात सय्यदविरोधात तक्रार दाखल केली. पोलिसांनी त्याला अटक केली असून, तो सध्या कोठडीत आहे.

Bengaluru: कोविड हॉस्पिटलमध्ये महिलेसोबत घडलं भयानक; डॉक्टरने केला विनयभंग

child trafficking: भिकारी बनून आलेल्या महिलेने ५ वर्षीय मुलीला पळवून नेलं

सय्यद याने गेल्या वर्षी हातकणंगले मतदारसंघातून वंचित बहुजन विकास आघाडीकडून लोकसभेची निवडणूक लढवली होती. त्याला लाखांवर मते मिळाली होती. त्याच्यावर गुन्हा दाखल झाल्यानंतर हे प्रकरण दडपण्यासाठी पोलीस ठाण्यात प्रयत्न सुरू झाल्याची चर्चा होती; मात्र फिर्यादी महिलेने याबाबत प्रसारमाध्यमांशी संपर्क साधून माहिती दिल्यामुळे त्याच्यावर गुन्हा दाखल करून अटक करण्यात आली.

पुणे: पत्नीवर संशय; निर्दयी पित्यानं बाळाला विहिरीत फेकले

Madhya pradesh: पतीसमोरच पत्नी आणि १२ वर्षीय मुलीवर सामूहिक बलात्कार

मोबाइल अॅप डाउनलोड करा आणि राहा अपडेट

sushantsingh rajput : सुशांतसिंहबद्दल बोलणं म्हणजे आयुष्य वाया घालवणं: भिडे गुरुजी

August 3, 2020, 4:03 am

≫ Next: Coronavirus: रुग्णांना प्रवेश नाकारल्यास फौजदारी गुन्हा दाखल होणार

≪ Previous: कोल्हापूर: 'वंचित'कडून निवडणूक लढवलेल्या नेत्याचे महिलेवर लैंगिक अत्याचार

$

0

0

सांगली: अभिनेता सुशांतसिंह राजपूत याच्या आत्महत्या प्रकरणाच्या तपासावरून वाद रंगलेला असतानाच आता त्यात शिवप्रतिष्ठान संघटनेचे संस्थापक संभाजी भिडे यांनी उडी घेतली आहे. सुशांतसिंहबद्दल बोलणं म्हणजे आयुष्य घालवण्यासारखच आहे. त्यामुळे या विषयावर बोलायलाच नको, असं संभाजी भिडे यांनी म्हटलं आहे.

प्रसारमाध्यमांशी संवाद साधताना संभाजी भिडे यांनी ही टीका केली. आज आपल्या समजावर दुर्देवाने नट आणि नट्यांचा प्रभाव आहे. आपला समाज या नटनट्यांचा आदर्श घेतो. या नटनट्यांची लायकी काय आहे? त्यांची पात्रता काय? उंची किती तरीही १ अब्ज ३५ कोटी जनता त्यांना आदर्श आणि मार्गदर्शक म्हणून स्वीकारतात. याचा अर्थ या देशाचं लवकरच वाटोळं होणार हे निश्चित आहे. त्याचंच हे निदर्शक आहे. सुशांतसिंह नावाच्या नटाबद्दल बोलणं म्हणजे आयुष्य घालवण्यासारखं आहे. त्याच्याबद्दल बोलणं सुद्धा चूक आहे. त्यावर बोलायलाच नको, असं संभाजी भिडे म्हणाले.

यावेळी भिडे यांनी अयोध्येतील भूमिपूजनासह मुख्यमंत्री उद्धव ठाकरे आणि राष्ट्रवादीचे अध्यक्ष शरद पवार यांच्याबद्दलही प्रतिक्रिया व्यक्त केली. उद्धव ठाकरे यांनी ऑनलाइन भूमिपूजनाचा आग्रह धरू नये. बाबरी मशिदीचे पतन करण्यासाठी शिवसैनिक ऑनलाइन गेले नव्हते हे त्यांनी लक्षात ठेवावे. मुख्यमंत्री म्हणून उद्धव ठाकरे यांचे काम नि:संशय चांगलेच आहे. मात्र, त्यांनी प्रत्येक जिल्ह्यात, तालुक्यात जाऊन करोनाचा आढावा घेतला पाहिजे. त्यांनी करोनावर मात करण्यासाठी प्रयत्न केले पाहिजेत, असं सांगतानाच शिवसैनिकांनी जाहीरपणे बाबरी मशिद पाडण्यात सहभाग घेतला होता. देशाच्या राजकारणातही शिवसेना महत्त्वाची आहे. हिंदुत्व टिकवणे आणि वाढवण्यासाठी शिवसेना अत्यंत महत्त्वाची आहे, असं ते म्हणाले.

'राम मंदिराबाबत पवारांनी केलेलं वक्तव्य राष्ट्रीयदृष्ट्या पाप'

'शरद पवार आणि उद्धव ठाकरे हे दोन्हीही नेते वंदनीय आहेत. पण त्यांचे विधान हे गोंधळल्यासारखे आहे. युद्ध भूमीत मरगळलेल्या अर्जुनासारखी त्यांची अवस्था झाली आहे. पवारांच्या सारखी ज्ञानसंपन्न असलेली व्यक्ती असे बोलत असेल तर त्यांनी उपस्थित केलेला प्रश्न जीवनातल्या प्रत्येक गोष्टीत उपस्थित करता येईल. एसटी बंद करून, व्यवसाय बंद करून करोना जाणार आहे का,' असा सवालही त्यांनी केला. 'पवार बोलले ते मला वाईट वाटले. त्यांना निमंत्रण नसले तरी त्यांनी आयोध्येत जावे. महाराष्ट्राच्या दृष्टीने ते अत्यंत महत्त्वाचे आहे. तेच महाराष्ट्राचे प्रतिनिधित्व करतील,' असंही ते म्हणाले.

मनसेचे अविनाश जाधव यांचा जामिन अर्ज फेटाळला

जिनके घर शीशेके बने होते है, वो दुसरो पे पत्थर नही फेंका करते: राऊत

मोबाइल अॅप डाउनलोड करा आणि राहा अपडेट