बाबासाहेब पुरंदरे दर्शनाविनाच परतले

May 9, 2017, 2:30 pm

≫ Next: महाबळेश्वर बंदला प्रतिसाद

≪ Previous: ...आणि पुरंदरे विठ्ठल दर्शनाविनाच परतले

$

0

0

म. टा. वृत्तसेवा, पंढरपूर

शिवशाहीर बाबासाहेब पुरंदरे हे मंगळवारी पंढरपुरात विठ्ठलाच्या दर्शनासाठी आले होते. परंतु, तेथे सुरक्षेसाठी तैनात असलेल्या पोलिसांनी त्यांना पश्चिम दरवाजाने मंदिरात जाण्याची परवानगी न दिल्याने ‘महाराष्ट्र भूषण’ पुरंदरे यांनी दर्शनाविनाच तेथून परतणे पसंत केले.

बाबासाहेब पुरंदरे हे मंगळवारी पंढरपूर येथे विठूरायाच्या दर्शनासाठी गेले. ते येणार असल्याची माहिती मिळताच मंदिराचा एक कर्मचारी त्यांना घ्यायला बाहेर आला. परंतु, वयोमानामुळे बाबासाहेबांना सारखी धाप लागल्याने त्यांनी जवळच असलेल्या पश्चिम दरवाजाने मंदिरात जायची इच्छा व्यक्त केली. मंदिराचे कर्मचारी व बाबासाहेबांसोबत असलेल्या त्यांच्या स्वीय सहाय्यकाने तेथील पोलिसांना तशी विनंती केली. मात्र, पश्चिम दरवाजातून कोणालाही मंदिरात प्रवेश देता येणार नसल्याचेच फर्मान पोलिसांनी काढले. बाबासाहेबांना रुक्मिणी दरवाजापर्यंत चालत जाणे शक्य नव्हते व पोलिसांकडून पश्चिम दरवाजातून प्रवेश दिला जात नव्हता. त्यामुळे, बाबासाहेब पुरंदरे अखेर विठूरायाचे दर्शन न घेताच तेथून परतणे पसंत केले.

याबाबत बाबासाहेब पुरंदरे यांनी कोणाविरोधात तक्रार केली नसली, तरी ‘महाराष्ट्र भूषण’ बाबासाहेब पुरंदरे यांच्यासारख्या ज्येष्ठ व्यक्तीला मंदिरात प्रवेश न दिल्याची चर्चा मंदिर परिसरात होती. सध्या विठ्ठल मंदिर समिती अस्तित्वात नाही. त्यामुळे, मुंबई हायकोर्टाने ३० जूनपूर्वी मंदिर समिती अस्तित्वात आणण्याचे आदेश सरकारला दिले आहेत.

मोबाइल अॅप डाउनलोड करा आणि राहा अपडेट

---

महाबळेश्वर बंदला प्रतिसाद

March 31, 2017, 10:28 am

≫ Next: साताऱ्यात पाऊस

≪ Previous: बाबासाहेब पुरंदरे दर्शनाविनाच परतले

$

0

0

म. टा. वृत्तसेवा, सातारा

जंगलात चोरून सुरू असलेल्या गोहत्येच्या निषेधार्थ तालुक्यातील ११० गावांनी पुकारलेल्या तालुका बंदला उत्स्फूर्त प्रतिसाद मिळाला. महाबळेश्वर येथे कडकडीत बंद पाळण्यात आला. पोलिसांच्या असमाधानकारक तपासाच्या निषेधार्थ तहसीलदार कार्यालयावर भव्य मोर्चा काढण्यात आला. तेथेच मोर्चाचे रूपांतर सभेत झाले

गोहत्या व धोंडीबा आखाडे यांच्या खुनाचा तपास सीआयडी मार्फत करण्याची मागणी तहसीलदार रमेश शेंडगे यांच्याकडे निवेदनाद्वारे करण्यात आली

गोहत्या बंदी असतानाही महाबळेश्वर तालुक्याच्या ग्रामीण भागात जंगलात गोहत्या केली जात आहे. तसेच देवळी गावातील वृद्ध शेतकरी धोंडीबा आखाडे यांचा खून झाल्याचा संशय व्यक्त करून या दोन्ही घटनांचा परस्पर संबधित आहेत. मात्र, पोलिस या दोन्ही गुन्ह्यांच्या तपासात दिरंगाई करीत आहेत. २५ दिवसांत पोलिस काहीच प्रगती करू शकले नाहीत, त्यामुळे तालुक्यात तीव्र संतापाची लाट पसरली आहे. पोलिसांच्या अशा कामगिरीच्या निषेधार्थ तालुक्यातील ११० गावातील जनतेने आज तालुका बंदची हाक दिली होती. या बंदला तालुक्यात उत्स्फूर्त प्रतिसाद मिळाला. शुक्रवारी महाबळेश्वर येथे कडकडीत बंद पाळण्यात आला. महाबळेश्वर बंद ठेवून तालुक्यातील लोक मोठ्या संख्येने येथीय छ. शिवाजी महाराज चौकात एकत्र आले. तेथे छ. शिवाजी महाराजांच्या प्रतिमेला वंदन करून मार्चाला प्रारंभ करण्यात आला. मोर्चाचे नेतृत्व शिवसेनेचे माजी नगराध्यक्ष डी. एम. बावळेकर, माजी नगराध्यक्ष संतोष आखाडे, गणेश उतेकर आदींनी केले.

मोबाइल अॅप डाउनलोड करा आणि राहा अपडेट

साताऱ्यात पाऊस

March 31, 2017, 10:30 am

≫ Next: ​ डॉ. अशोक चौसाळकरांनामहर्षी शिंदे पुरस्कार जाहीर

≪ Previous: महाबळेश्वर बंदला प्रतिसाद

$

0

0

म. टा. वृत्तसेवा, सातारा

पंधरा दिवसांपासून जिल्ह्यात उन्हाने अंगाची लाही लाही होत होती. शुक्रवारी सायंकाळी पाच वाजल्यापासून ढगाळ वातावरण निर्माण झाले होते. अखेर रात्री सात वाजण्याच्या सुमारास सातारा शहरासह परिसरात सोसाट्याच्या वाऱ्यासह पाऊस कोसळण्यास सुरुवात झाली.

फेब्रुवारी महिन्याच्या शेवटच्या आठवड्यातच उन्हाची चाहूल जाणवू लागली होती. त्यात मार्च महिन्यातील शेवटच्या आठवड्यात तर उन्हाने अंगाची लाहीलाही होत होती. सातारा जिल्ह्यातील महाबळेश्वर वगळता सर्वत्र पारा ४० अंशावर गेला होता. मात्र, शुक्रवारी सायंकाळी पाच वाजता अचानक ढगाळ वातावरण झाल्याने जिल्ह्यातील शेतकरी वर्गाने गवत, काडी, लाकुड फाटा झाकून ठेवण्याची धांदल उडाली. रात्री सातच्या सुमारास सोसाट्याचा वारा आणि पावसाने सुरुवात केली. रात्री उशिरापर्यंत पाऊस कोसळत होता. शाहुपुरी अंजली कॉलनी येथे जोरदार वाऱ्याने वडाचे झाड कोसळले. वीजवाहक तारा तुटल्याने शाहुपुरी करंजे सदर बझार बोगदा-पोवई नाका तसेच प्रतापगंज पेठ येथे सुमारे पाऊण तास वीज गायब झाली होती. संध्याकाळच्या वळीवाने वातावरणात काहीकाळ गारवा निर्माण झाला मात्र, पुन्हा अंगाची काहिली सातारकरांना सहन करावी लागली.

औंध परिसरात पावसाचा शिडकावा

शुक्रवारी सायंकाळी पाचच्या सुमारास औंध परिसरात वादळी वारे, मेघगर्जनेसह काही भागात पावसाच्या हलक्या सरी पडल्या.

औंधच्या उत्तरेकडील जायगाव येथे सुमारे वीस मिनिटे पाऊस पडला. भोसरे, चौकीचा आंबा, वरूड, औंध व अन्य भागात पावसाचा काही प्रमाणात शिडकावा झाला. आकाश काळवंडून आल्याने जोरदार पाऊस होईल व हवेत गारवा निर्माण होईल, अशी आशा नागरिक, शेतकऱ्यांमध्ये निर्माण झाली होती. मात्र, जोरदार वाऱ्यामुळे पावसाने हुलकावणी दिली. रात्री उशीरा हवेत पुन्हा कमालीचा उष्मा निर्माण झाला होता, तसेच ढगाळ वातावरण होते.

मोबाइल अॅप डाउनलोड करा आणि राहा अपडेट

​ डॉ. अशोक चौसाळकरांनामहर्षी शिंदे पुरस्कार जाहीर

April 3, 2017, 10:22 am

≫ Next: महाबळेश्वर@ अशांवर

≪ Previous: साताऱ्यात पाऊस

$

0

0

म. टा. वृत्तसेवा, सातारा

रा. ना. चव्हाण प्रतिष्ठान, वाई यांच्या वतीने देण्यात येणारा यंदाचा २१वा महर्षी विठ्ठल रामजी शिंदे पुरस्कार प्रा. डॉ. अशोक चौसाळकर यांना जाहीर झाला आहे. १९८० नंतरच्या काळात मराठी भाषेतील वैचारिक साहित्याच्या क्षेत्रात महत्त्वाची भूमिका डॉ. चौसाळकर यांनी बजावली आहे. प्रतिष्ठानचे ज्येष्ठ विश्वस्त आणि सामाजिक कार्यकर्ते, दलितमित्र संभाजीराव पाटणे यांनी पत्रकार परिषदेत ही माहिती दिली.

या पुरस्काराचे वितरण रा. ना. चव्हाण यांच्या २४व्या स्मृतिदिनी, दहा एप्रिल रोजी ब्राह्म समाज रविवार पेठ, वाई येथे सकाळी साडेनऊ वाजता ज्येष्ठ सामाजिक कार्यकर्ते व विचारवंत बाबा आढाव यांच्या अध्यक्षतेखाली होणाऱ्या कार्यक्रमात ज्येष्ठ साहित्यिक व समीक्षक प्रा. डॉ. द. ता. भोसले यांच्या हस्ते होणार आहे.

दलितमित्र रा. ना. चव्हाण यांनी ज्यांच्या प्रेरणेने आपले प्रबोधनपर साहित्य समृद्ध व समर्थ केले त्या महर्षी विठ्ठल रामजी शिंदे यांच्या नावाने हा पुरस्कार दिला जातो. हा पुरस्कार सामाजिक, शैक्षणिक क्षेत्रात, संशोधन क्षेत्रात व साहित्यिक क्षेत्रात भरीव कामगिरी करणाऱ्या व्यक्तीस दर वर्षी सन्मानपूर्वक दिला जातो. स्मृतिचिन्ह, शाल व श्रीफळ, असे या पुरस्काराचे स्वरूप आहे.

समाजप्रबोधन पत्रिकेचे संपादक असलेले प्रा. डॉ. अशोक चौसाळकर राज्यशास्त्राचे नामवंत प्राध्यापक आणि राजकीय विश्लेषक म्हणून ओळखले जातात. शिवाजी विद्यापीठाच्या राज्यशास्त्र विभागाचे प्रमुख आणि प्राध्यापक म्हणून ते सेवानिवृत्त झाले आहेत. एक निष्णात राजकीय, सामाजिक विश्लेषक म्हणून ते सतत सक्रिय राहिले असून, त्यांनी संशोधनाच्या व वैचारिक लेखनाच्या क्षेत्रात वेगळा ठसा उमटविला आहे. मराठी व इंग्रजी या दोन्ही माध्यमातून विपुल, अशी ग्रंथसंपदा त्यांनी निर्माण केली आहे. १९व्या शतकातील सामाजिक आणि धर्मविचार हा त्यांच्या चिंतनाचा विषय आहे.

मोबाइल अॅप डाउनलोड करा आणि राहा अपडेट

महाबळेश्वर@ अशांवर

April 14, 2017, 10:37 am

≫ Next: कर्नाटकाला पाणी देण्यास आमदारांचा विरोध

≪ Previous: ​ डॉ. अशोक चौसाळकरांनामहर्षी शिंदे पुरस्कार जाहीर

$

0

0

म. टा. वृत्तसेवा, सातारा

यंदाच्या उन्हाळ्यात महाबळेश्वर मुंबईपेक्षा जास्त उष्ण आहे. गेल्या चार ते पाच दिवसांत महाबळेश्वरमधील तापमान आयएमडीने मुंबईत नोंदवलेल्या तापमानापेक्षा जास्त आहे. मुंबईतील कुलाबा आणि सांताक्रुझ वेधशाळेने तापमानाची नोंद केली आहे. मुंबईच्या किनारी भागापेक्षा महाबळेश्वरमधील पारा हा सामान्यतः कमी असतो.

महाबळेश्वरमध्ये बुधवारी, बारा एप्रिल रोजी ३५.२ अंश सेल्सिअस तापमान होते, तर मुंबईत ३४.१ अंश सेल्सिअस तापमानाची नोंद झाली आहे. गुरुवारी, महाबळेश्वरमध्ये तेरा एप्रिल रोजी ३५.९ अंश सेल्सिअस तापमान होते, तर मुंबईचा पारा ३४.८ अंश सेल्सिअसवर होता. गुजरातमधील सौराष्ट्रमध्ये प्रत्यावर्त (अँटीसायक्लोन) मध्ये असलेल्या ईशान्येकडील उष्ण आणि कोरड्या वाऱ्यांमुळे महाबळेश्वरमधील तापमान वाढल्याची माहिती हवामान विभागाने दिली आहे. पूर्वेकडील वारे ईशान्ये वाऱ्यात मिसळले आहेत. येत्या आठवड्यात हे वारे पुढे सरकल्यानंतर पुन्हा तापमान खालावेल, अशी माहिती आयएमडीने दिली आहे.

सौराष्ट्र आणि कच्छमधून येणाऱ्या वाऱ्यामुळे मुंबईत तापमान ३५ अंशाच्या आसपास आहे. येत्या काही दिवसांत पारा दोन अंशांनी वाढण्याची चिन्हे आहेत.

मोबाइल अॅप डाउनलोड करा आणि राहा अपडेट

कर्नाटकाला पाणी देण्यास आमदारांचा विरोध

April 14, 2017, 10:40 am

≫ Next: भीषण अपघातात मिनी बसचा चुराडा; ६ ठार

≪ Previous: महाबळेश्वर@ अशांवर

$

0

0

म. टा. वृत्तसेवा, कराड

कोयना धरणातून कर्नाटकला पाणी सोडण्यास कृष्णा व कोयना नदी काठांच्या गावांमध्ये पाण्याची भीषण टंचाई उद्भवणार आहे. त्यासाठी कोयना धरणातून पाणी सोडण्यात येऊ नये, अशी आक्रमक भूमिका घेत सातारा जिल्ह्यातील आमदारांनी पाणी सोडण्यास तीव्र विरोध दर्शविला आहे.

या बाबत सातारा येथे जिल्ह्याचे पालकमंत्री विजय शिवतारे यांच्या अध्यक्षतेखाली झालेल्या आढावा बैठकीत आमदारांनी आपली पाणी सोडण्याविरोधी भूमिका मांडली.

दरम्यान, आमदारांचा वाढता विरोध लक्षात घेत विजय शिवतारे यांनी कोयना धरणातून पाणी सोडल्यास महाबळेश्वर, पाटण, व जावली तालुक्यातील किती गावांमध्ये टंचाईचा प्रश्न निर्माण होऊ शकतो, याचा अभ्यास करून २४ एप्रिलच्या जिल्हा नियोजन समितीच्या बैठकीत अहवाल सादर करण्याचे आदेश संबंधित अधिकाऱ्यांना दिले आहेत.

सातारा येथे जिल्हाधिकारी कार्यालयात पालकमंत्री विजय शिवतारे यांच्या अध्यक्षतेखाली झालेल्या पाणीटंचाई आढाव बैठकीत जिल्ह्यातील आमदार शशिकांत शिंदे, मकरंद पाटील, शिवेंद्रराजे भोसले, बाळासाहेब पाटील, जयकुमार गोरे, दीपक चव्हाण, आनंदराव पाटील, मोहनराव कदम यांच्यासह जि.प. अध्यक्ष संजीवराजे नाईक निंबाळकर, उपाध्यक्ष वसंतराव मानकुमरे यांनी कर्नाटकाला कोयना धरणातून देण्यात येत असलेल्या २.६५ टीएमसी पाणी देण्याच्या सरकारच्या भूमिकेला विरोध केला आहे.

जॅकवेल उघडे पडणार?

मकरंद पाटील यांनी धरणालगत असलेल्या गावांच्या पाणी पुरवठा योजनांचे जॅकवेल उघडे पडणार आहेत. त्यामुळे तेथील गावांचा पाणी टंचाईचा प्रश्न उद्भवणार आहे. त्यासाठी धरणातून कर्नाटकाला पाणी सोडण्यात येवू नये, अशी मागणी केली. पाटील यांच्या भूमिकेला शिवेंद्रराजे भोसले, बाळासाहेब पाटील व शंभूराज देसाई यांच्यासह सर्वच आमदारांनी पाठींबा दिला.
सिंचन, वीजनिर्मितीसाठी पुरेसा पाणीसाठा

कोयनेचे अभियंता ज्ञानेश्वर बागडेंची माहिती

म. टा. वृत्तसेवा, कराड

‘कोयना धरणात यंदा पुरेसा पाणीसाठा असून, कर्नाटकला दोन टीएमसी पाणी देऊनही जूनपर्यंत सिंचनासह वीजनिर्मितीला पाणी पुरून शिल्लक राहील इतका पाणीसाठा धरणात उपलब्ध आहे,’ अशी माहिती कोयना धरण व्यवस्थापन विभागाचे कार्यकारी अभियंता ज्ञानेश्वर बागडे यांनी ‘मटा’शी बोलताना दिली.

कर्नाटकसाठी अडीच टीएमसी पाणी सोडण्याबाबत राज्य सरकारचा आदेश आल्यानंतर बुधवारी रात्रीपासून कोयना धरणाच्या रिव्हर स्लुईस गेटमधून ९०७ क्युसेक पाणी कोयना नदीपात्रात सोडण्यात येत आहे.

बागडे म्हणाले, ‘राज्यात भीषण पाणीटंचाई असताना कर्नाटकाला पाणी देण्याच्या राज्य सरकारच्या निर्णयावर टीका होत आहे. मात्र, गेल्या पावसाळ्यात समाधानकारक पाऊस झाल्यामुळे १०५ टीएमसी पाणी साठवण क्षमता असलेले कोयना धरण पूर्ण क्षमतेने भरले होते. आज रोजी धरणात ३९ टीएमसी पाणी उपलब्ध आहे. वीज निर्मितीला लागणारे पाणी तसेच सिंचन व पिण्याच्या पाण्याची गरज भागून यंदा पावसाळ्यापर्यंत काही पाणी धरणात शिल्लक राहणार आहे. गतवर्षीपेक्षा यंदा याच दिवशी १३ एप्रिल रोजी धरणात ४ टीएमसी जादा पाणी आहे. धरणातील एकूण पाण्यापैकी वर्षभरात सरासरी ६ टीएमसी पाण्याचे बाष्पीभवन होत असते. या सर्व बाबींचा विचार करूनच हा निणय घेतला आहे, त्यामुळे येथील जनतेने या बाबत साशंकता बाळगू नये.’

मोबाइल अॅप डाउनलोड करा आणि राहा अपडेट

भीषण अपघातात मिनी बसचा चुराडा; ६ ठार

April 20, 2017, 9:11 pm

≫ Next: कौशल्य विकासासाठी प्रयत्न करणार : शरद पवार

≪ Previous: कर्नाटकाला पाणी देण्यास आमदारांचा विरोध

$

0

0

मटा ऑनलाइन वृत्त । सांगली

मिरज-पंढरपूर रस्त्यार शुक्रवारी पहाटे मिनी बसला झालेल्या भीषण अपघातात एकाच कुटुंबातील सहा जणांचा मृत्यू झाला आहे, तर १० जखमी झाले आहेत. जखमींवर स्थानिक रुग्णालयात उपचार सुरू असून तिघांची प्रकृती चिंताजनक असल्याचं समजतं.

अपघातग्रस्त मिनी बसमधील प्रवासी कोल्हापूर जिल्ह्यातील माले गावचे असल्याचं समजतं. हे सगळेजण पंढरपूरला विठ्ठल-रखुमाईचं दर्शन घेण्यासाठी गेले होते. तिथून परतत असताना आवळगाव फाटा इथं त्यांची मिनी बस रस्त्याच्या कडेला थांबलेल्या वाळूच्या ट्रकवर मागच्या बाजूने येऊन आदळली. ही धडक इतकी जोरदार होती की, मिनी बसच्या पुढच्या भागाचा चक्काचूर झाला. त्यात सहा लोक जागीच ठार झाले. मृतांमध्ये दोन लहान मुलं, एक महिला व तीन पुरुषांचा समावेश आहे. अपघातानंतर चालक संदीप यादव फरार झाला असून पोलीस त्याचा शोध घेत आहेत.

मृतांची नावे:

नंदकुमार जयंत हेगडे (वय ३७)
रेणुका नंदकुमार हेगडे (३५)
आदित्य नंदकुमार हेगडे (१२)
लखन राजू संकाजी (३६)
विनायक मार्तंड लोंढे (४०)
गौरव राजू नरदे (७)

गंभीर जखमी

रेखा राजाराम देवकुळे (४०)
स्नेहल कृष्णात हेगडे (२०)
काजल कृष्णात हेगडे (१९)

जखमी

सावित्री बळवंत आवळे (५५)
शीतल सुनील हेगडे (४२)
सोनल कांबळे (३६)
कोमल हेगडे (२०)
कल्पना बाबर (४०)
अनमोल हेगडे (१२)
गौरी हेगडे (७)
शुभम कांबळे (१०)

मोबाइल अॅप डाउनलोड करा आणि राहा अपडेट

कौशल्य विकासासाठी प्रयत्न करणार : शरद पवार

May 9, 2017, 2:30 pm

≫ Next: कृष्णेत मुलगा वाहून गेला

≪ Previous: भीषण अपघातात मिनी बसचा चुराडा; ६ ठार

$

0

0

म. टा. वृत्तसेवा, सातारा

‘रयत शिक्षण संस्थेची शताब्दीच्या दिशेने वाटचाल सुरू आहे. २०१८ पासून सुरू होणाऱ्या शताब्दी वर्षात विविध उपक्रम राबविण्यात येणार आहेत. सध्या मूलभूत शिक्षणाबरोबरच कौशल्य विकासाला महत्त्व आले आहे. विविध संस्थांच्या माध्यमातून कौशल्य विकास सर्व स्तरापर्यंत पोचण्यासाठी रयत शिक्षण संस्था प्रयत्न करणार असून, त्यादृष्टीने पावले टाकण्यास सुरुवात झाली आहे,’ असे प्रतिपादन रयत शिक्षण संस्थेचे अध्यक्ष खासदार शरद पवार यांनी मंगळवारी केले.

पद्मभूषण कर्मवीर भाऊराव पाटील यांच्या ५८ व्या स्मृतिदिनानिमित्त आयोजित कार्यक्रमात ते बोलत होते. या वेळी ज्येष्ठ अणुशास्त्रज्ञ डॉ. अनिल काकोडकर यांना पहिला डॉ. कर्मवीर भाऊराव पाटील राष्ट्रीय पुरस्कार प्रदान करण्यात आला. व्यासपीठावर ज्येष्ठ नेते प्रा. एन. डी. पाटील, पालकमंत्री विजय शिवतारे, डॉ. अनिल पाटील, आमदार पतंगराव कदम, आमदार दिलीप वळसे-पाटील, विभागीय आयुक्त चंद्रकांत दळवी, कोकण विभागीय आयुक्त प्रभाकर देशमुख, सचिव प्रा. गणेश ठाकूर, संस्थेचे सदस्य, कर्मवीर कुटुंबीय उपस्थित होते. कार्यक्रमाच्या प्रारंभी सर्व मान्यवरांनी कर्मवीर भाऊराव पाटील यांच्या पुण्यतिथीनिमित्त समाधीस अभिवादन केले. त्यानंतर संस्थेचे सचिव प्राचार्य गणेश ठाकूर यांनी प्रास्ताविकात संस्थेच्या अहवालाचे वाचन केले. रयतचे चेअरमन डॉ. अनिल पाटील यांनी संस्थेच्या कार्याचा आढावा घेतला.

शरद पवार म्हणाले, ‘४ ऑक्टोबर २०१८ पासून रयतच्या शताब्दी वर्षाला सुरुवात होणार असून, वर्षभर विविध उपक्रम राबवले जाणार आहेत. सध्या परिस्थिती झपाट्याने बदलत आहे. बेरोजगारीची समस्या वाढत असल्याने तरुण पिढी नैराश्येत आहे. भारत सरकारचा कल कौशल्य विकासाला प्रोत्साहित करण्याकडे आहे. त्यादृष्टीने कौशल्य विकासासंदर्भात संस्थेने पुढाकार घेतला आहे. त्याची सुरुवात जून-जुलैमध्ये होईल अशी अपेक्षा आहे. पुणे शहर परिसरात जागा प्राप्त करून संस्थेकडून कौशल्य विकासाचे ज्ञान देणारे केंद्र सुरू केले जाणार आहे. कौशल्य विकासाचे ज्ञान रयतच्या शाखांपुरते मर्यादित न राहता महाराष्ट्रातील चांगल्या शिक्षणसंस्थांबरोबर हे ज्ञान समाजातील प्रत्येक स्तरापर्यंत पोचवण्याचा प्रयत्न आहे. गुणवत्तेसंदर्भात रयत हे महत्त्वाचे केंद्र असून, नवीन कल्पना प्रत्यक्षात आणण्यासाठी संस्था प्रयत्न करणार आहे. भविष्यातील आव्हान पेलण्याची ताकद नवीन पिढीमध्ये येईल, याकडे संस्था अधिक लक्ष केंद्रित करणार आहे.’

पुरस्काराला उत्तर देताना डॉ. काकोडकर म्हणाले, ‘कर्मवीरांनी शिक्षणाचे महत्त्व ओळखून ते सर्व स्तरांपर्यंत पोचवण्याचे महान कार्य केले. गेल्या काही दिवसांपासून रयतशी जवळचा संबंध आला असून, संस्थेच्या कार्याचा आवाका पाहून आनंद द्विगुणित झाला आहे. कर्मवीरांनी सर्व शिक्षणाची मुहुर्तमेढ रोवली असली, तरी सर्वत्र चांगले शिक्षण उपलब्ध करून देण्याचा पल्ला गाठायचा आहे. ज्ञानयुगात शिक्षणाचे महत्व वाढले असून, तरुण पिढीमध्ये नवीन दिशा, रुंदावलेल्या कक्षा, निर्मितीक्षमता सक्षम होणे आवश्यक आहे. दोन तृतीयांश जनता अजूनही ग्रामीण भागात असून, ग्रामीण आणि शहरी दरी रुंदावत आहे. नवीन तंत्रज्ञानाचा वेग वाढत आहे. पुढारलेल्या देशापेक्षा पुढे की मागे याचा गांभीर्याने विचार होणे आवश्यक आहे. ज्ञानरचनावादी शिक्षण आले आहे. कौशल्य विकास, सामाजिक विकास, शिक्षण, संशोधन, तंत्रज्ञान, उद्योजकता यांची सांगड घालणे आवश्यक असून रयत त्या दृष्टीने पावले टाकत आहे ही स्वागतार्ह बाब आहे.

नवीन सदस्यांबाबत रणनीती

आशिया खंडातील सर्वांत मोठी शिक्षणसंस्था असलेल्या रयतच्या मॅनेजिंग कौन्सिलचे सदस्य होण्यासाठी अनेकांचे अर्ज येत असतात. त्यांना सदस्यत्व देण्याबाबत पवार म्हणाले, ‘संस्थेत जाणकारांना सहभागी करून घेतले पाहिजे. संस्था उभारणीत योगदान दिलेले, हितचिंतकाची अपेक्षा गैरवाजवी नाही. असे अर्ज आलेल्यांची यादी तयार करून मॅनेजिंग कौन्सिलने निर्णय घ्यावा. जे सदस्य होऊ शकतात त्यांची बारकाईने तपासणी करावी, यादी करून शक्य झाल्यास मला दाखवावी. तसेच, संस्थेनेही काही मान्यवरांना सदस्य होण्याची विनंती करावी. त्यात डॉ. माशेलकर, डॉ. काकोडकर, डॉ. राम ताकवले, अनिल जोग, हणमंतराव गायकवाड आदी मान्यवरांचा समावेश आहे. त्यांच्या समावेशाने संस्था भविष्यातील आव्हानांना तोंड देण्यास सज्ज होईल. त्यासाठी संस्थेने कात टाकून वेगळया रस्त्याने जाण्याची संस्थेने तयारी ठेवली पाहिजे.’

पवारांची चाणाक्ष नजर आणि समयसूचकता

कार्यक्रमात प्रास्ताविक सुरू असताना व्यासपीठावर बसलेले सर्वजण कार्यक्रमपत्रिका बघण्यात आणि आपसात चर्चा करण्यात मग्न होते. शरद पवार यांच्याशेजारी पालकमंत्री शिवतारे बसले होते. ते पवारांना काहीतरी सांगत होते; परंतु पवारांची नजर समोर होती. त्यानंतर काही वेळातच पवार उठले आणि व्यासपीठाच्या उजव्या बाजूने चालू लागले. जवळच असलेले पोलिस निरीक्षक बी. आर. पाटील हे त्यांच्या दिशेने काहीतरी सांगायचे असेल, म्हणून पुढे झाले. मात्र, पवार हे सांगण्यासाठी नाही, तर ज्येष्ठ अणूशास्त्रज्ञ डॉ. अनिल काकोडकर यांच्या स्वागतासाठी व्यासपीठाच्या टोकावर आले होते. पवारांनी केलेले स्वागत पाहून व्यासपीठावरील सर्वांसह उपस्थित सर्वजण अवाक् झाले. त्याचप्रमाणे डॉ. काकोडकर यांच्या पत्नीचा सत्कार पुरस्कार देताना राहून गेला. कार्यक्रम संपल्यानंतर सर्वजण जात असताना ही बाब पवार यांच्या लक्षात आल्यानंतर त्यांनी माइकचा ताबा घेत अनावधानाने ‘एक सत्कार राहिला असून, तो झाल्याशिवाय कोणीही जाऊ नये,’ असे सांगत डॉ. काकोडकर यांच्या पत्नीचा सत्कार केला. यावरून पवार यांच्या चाणाक्ष नजर व समयसूचकतेचा सर्वांनाच प्रत्यय आला.

मोबाइल अॅप डाउनलोड करा आणि राहा अपडेट

---

कृष्णेत मुलगा वाहून गेला

May 9, 2017, 2:30 pm

≫ Next: वाहतुकीसाठी संयुक्त प्रयत्न करा

≪ Previous: कौशल्य विकासासाठी प्रयत्न करणार : शरद पवार

$

0

0

म. टा. वृत्तसेवा, कराड

कृष्णा नदीत बुडणाऱ्या दोन लहान मुलांना वाचवताना वाळू उपशासाठी काढलेल्या सुमारे ८० फूट खड्ड्यात पंधरा वर्षाचा मुलगा वाहून गेल्याची घटना मंगळवारी दुपारी घडली. प्रथमेश विजय वाडकर (रा. करंजे, ता. सातारा) असे त्याचे नाव आहे. प्रथमेश उन्हाळ्याच्या सुट्टीला सैदापूर येथील नंदीवाले वस्तीत मामाकडे आला होता. दुपारी तीनच्या सुमारास वाहून गेलेल्या प्रथमेशचा रात्री उशिरापर्यंत शोध घेण्यात आला. परंतु, तो सापडला नाही.

सैदापूर येथील धनाजी भिंगारे हे नंदीवाली वस्तीत राहतात. प्रथमेश व त्याची आई हे सुटीसाठी भिंगारे यांच्याकडे आले होते. दुपारी दीडच्या सुमारास प्रथमेश, धनाजी यांचा मुलगा दीपक व त्यांचा पुतण्या ओंकार हे तिघे खेळायला जातो, असे सांगून घराबहेर पडले. त्यांनी थेट अंबक वस्तीजवळील कृष्णा नदीचा काठ गाठला. तेथून ते वाळू उपसासाठी केलेल्या डिगरावर खेळण्यास गेले. त्यावेळी दीपक व ओंकार आंघोळीसाठी त्या ढिगारावरून वाळूतून नदीच्या पात्रात आले. मात्र, तेथे मोठा खड्डा असल्याने त्यांना अंदाज आला नाही. ते बुडू लागल्यानंतर त्यांना वाचवण्यासाठी प्रथमेश धावला. त्याने दोघांनाही हात दिला. दोघेही बाहेर आले. मात्र, प्रथमेश नदीपात्रात ढकलला गेला. तेथे खोल खड्डा असल्याने प्रथमेश काही क्षणातच दिसेनासा झाला. घाबरलेल्या ओंकार व दीपकने ओरडण्यास सुरुवात केली. त्यावेळी तेथे जनावरे चारण्यासाठी आलेल्या एकाने दीपककडून भिंगारे यांचा मोबाइल नंबर घेऊन फोन केला व घटनेची माहिती दिली. घरातील सर्वजण घटनास्थळी येऊन पोलिसांना माहिती दिली.

पोलिसांनी प्रथमेशचा शोध घेण्यासाठी पोहणाऱ्यांचे पथक तेथे पाठवले. या पथकाने सुमारे ४० फूट खोल जाऊन प्रथमेशला शोधण्याचा प्रयत्न केला. परंतु, प्रथमेशचा शोध लागला नाही. त्यानंतर आपत्कालीन बोटीच्या आधारे शोध घेण्याचा प्रयत्न करण्यात आला. तरीही प्रथमेशचा शोध न लागल्याने शोधमोहीम थांबविण्यात आली. उद्या सकाळी पुन्हा शोधमोहीम सुरू करण्यात येणार असल्याचे प्रशासनाने सांगितले.

मोबाइल अॅप डाउनलोड करा आणि राहा अपडेट

वाहतुकीसाठी संयुक्त प्रयत्न करा

May 9, 2017, 2:30 pm

≫ Next: शहरात नवे तीन फ्लायओव्हर

≪ Previous: कृष्णेत मुलगा वाहून गेला

$

0

0

म. टा. प्रतिनिधी, कोल्हापूर

‘शहरातील वाहतूक शिस्तीसाठी महानगरपालिका, शहर वाहतूक नियंत्रण आणि प्रादेशिक परिवहन विभागांनी एकात्मिक वाहतूक आराखडा तयार करावा. आराखड्याची तातडीने अंमलबजावणी करावी’, अशा सूचना पालकमंत्री चंद्रकांत पाटील यांनी वाहतूक आढावा बैठकीत दिल्या. दरम्यान, महापालिकेने शहरातील सिग्नल सिंक्रोनायझेन आणि स्पीड ब्रेकरच्या कामांसाठी ७० लाखांचा निधी मंजूर केला आहे. याचे कामही सुरू केले असल्याची माहिती बैठकीत देण्यात आली. मंगळवारी दुपारी पोलिस अधीक्षक कार्यालयात बैठक झाली.

वाहतुकीला शिस्त लावण्यासाठी वाहतूक शाखा, प्रादेशिक परिवहन विभाग आणि महापालिका प्रयत्न करीत आहे. मात्र अपेक्षित परिणाम साधण्यासाठी एकत्र प्रयत्नांची सूचना पालकमंत्री चंद्रकांत पाटील यांनी केली. यासाठी एकात्मिक आराखडा तयार करावा अशा सूचनाही देण्यात आल्या. आराखड्यांतर्गत शहरातील पार्किंग, वन वे, सिग्नल सुरू करणे, झेब्रा क्रॉसिंग, सिग्नल सिंक्रोनायझेशन, बेशिस्त वाहनधारकांवर कारवाई करणे, रस्ते सुस्थितीत ठेवणे, अतिक्रमणे काढणे, बेवारस वाहने हटवणे, इमारतींतील पार्किंगच्या जागा वापरात आणणे आदी कामांचा समावेश आहे. महापालिकेने झेब्रा क्रॉसिंग आणि सिग्नलसाठी ७० लाख रुपये मंजूर केले आहेत. त्यापैकी २० लाख रुपयांचे झेब्रा क्रॉसिंग व स्पीडब्रेकरचे काम केले आहे. १२ ठिकाणी कामे झाली आहेत, तर १३ चौकांमधील कामे होणार आहेत.

शहरातील एका खासगी संस्थेने वाहतुकीवर नजर ठेवणारे अॅप तयार केले आहे. अॅपची माहिती बैठकीत देण्यात आली. आरटीओकडे नोंदणी असलेल्या वाहनांची माहिती या अॅपमध्ये देण्यात आली आहे. बैठकीसाठी पोलिस अधीक्षक संजय मोहिते, अपर अधीक्षक सुहेल शर्मा, महापालिका आयुक्त डॉ. अभिजित चौधरी, अप्पर जिल्हाधिकारी नंदकुमार काटकर, शहर अभियंता नेत्रदीप सरनोबत, पोलिस उपअधीक्षक भारतकुमार राणे, वाहतूक शाखेचे निरीक्षक अशोक धुमाळ, एलसीबीचे निरीक्षक दिनकर मोहिते आदी उपस्थित होते.

७४ फलक, १२९ अतिक्रमणे हटवली

महापालिका प्रशासनाने शहरातील विनापरवाना फलकांविरोधात मोहीम सुरू केली असून, गेल्या दोन दिवसांत ७४ फलक हटवले आहेत. धैर्यप्रसाद चौक, भाऊसिंगजी रोड, लुगडी ओळ, पापाची तिकटी ते नगरपालिका आणि नगरपालिका ते पापाची तिकटी या ठिकाणचे दुकानदार आणि फेरीवाल्यांचे अतिक्रमण काढण्यात आले. वाहतुकीस आडथळा करणाऱ्या १२९ दुकानदार व फेरीवाल्यांवर कारवाई करण्यात आली.

सीसीटीव्हीत अडकले ६१४६ वाहनधारक

वाहतूक नियमांचे उल्लंघन करणारे ६१४६ वाहनधारक सीसीटीव्हीने टिपले. या वाहनधारकांना नोटिसा पाठवून पोलिसांनी १ लाख ९० हजार ८०० रुपयांचा दंड वसूल केला. ही मोहीम यापुढेही सुरू राहणार आहे. दंडात्मक कारवाईमुळे वाहनधारकांमध्ये वाहतूक नियमांबाबत जागृती होत असल्याचे पोलिसांचे निरीक्षण आहे.

मोबाइल अॅप डाउनलोड करा आणि राहा अपडेट

शहरात नवे तीन फ्लायओव्हर

May 9, 2017, 2:30 pm

≫ Next: खंडपीठ चित्ररथास अपघात

≪ Previous: वाहतुकीसाठी संयुक्त प्रयत्न करा

$

0

0

म. टा. प्रतिनिधी, कोल्हापूर

‘शहरातील वाहतूक कोंडी टाळण्यासाठी गर्दीच्या ठिकाणी फ्लायओव्हर तयार केले जातील. महापालिकेने सर्व्हे करून फ्लायओव्हरचे प्रस्ताव सादर करावेत. पुणे आणि नागपूरच्या धर्तीवर कोल्हापुरातही फ्लायओव्हर तयार करून वाहतूक कोंडी टाळता येईल. शिवाय रिंगरोडचेही काम मार्गी लावले जाईल,’ अशी ग्वाही पालकमंत्री चंद्रकांत पाटील यांनी दिली. पोलिस अधीक्षक कार्यालयात मंगळवारी दुपारी आयोजित केलेल्या वाहतूक आढावा बैठकीत ते बोलत होते. पालकमंत्र्यांच्या या आदेशामुळे शहराला नवे तीन फ्लायओव्हर मिळणार आहेत.

वाढती वाहने आणि पर्यटकांकडून कोल्हापूरला पसंती मिळत असल्याने शहरातील रस्त्यांवर अतिरिक्त ताण पडत आहे. हा ताण टाळून वाहतुकीला शिस्त लावण्यासाठी आवश्यक त्या ठिकाणी फ्लायओव्हर तयार करणे गरजेचे आहे.

मंगळवारी जिल्हा पोलिस अधीक्षक कार्यालयात झालेल्या वाहतूक आढावा बैठकीत याबाबत सविस्तर चर्चा झाली. अप्पर पोलिस अधीक्षक सुहेल शर्मा यांनी वाहतूक आराखड्याची माहिती सादर केल्यानंतर पालकमंत्री पाटील म्हणाले, ‘शहरातील रस्ते अरूंद असल्याने होणारी वाहतूक कोंडी टाळण्यासाठी गरजेनुसार फ्लायओव्हर तयार करणे गरजेचे आहे. पुणे आणि नागपूरच्या धर्तीवर कोल्हापुरातही फ्लायओव्हर तयात करता येतील. यासाठी महापालिकेने सर्व्हे करून फ्लायओव्हरच्या संभाव्य बजेटसह प्रस्ताव सरकारकडे सादर करावेत. कितीही खर्च झाला तरी चालेल. यासाठी सरकार पैसे देईल. शहरातील अवजड वाहतूक रोखण्यासाठी रिंगरोडचा वापर होणे गरजेचे आहे. रखडलेले रत्नागिरी आणि गगनबावडा रिंगरोडचेही काम मार्गी लावले जाईल.’

शहरातील तीन फ्लायओव्हरची गरज बैठकीत व्यक्त करण्यात आली. दाभोळकर कॉर्नर ते व्हीनस कॉर्नर, बिंदू चौक ते मिरजकर तिकटी आणि गंगावेश ते रंकाळा टॉवर या तीन मार्गांवर सतत वाहनांची कोंडी असते. महत्त्वाच्या व्यापार पेठा, शाळा, हॉटेल्स याच मार्गांवर आहेत. शिवाय शहराबाहेर जाणारी वाहतूकही याच मार्गांवरून सुरू असते, त्यामुळे फ्लायओव्हरचा प्रस्ताव पुढे आला आहे. यासाठी बजेटसह प्रस्ताव सादर करण्याचे आदेश खुद्द सार्वजनिक बांधकाम मंत्र्यांनी महापालिका प्रशासनाला दिल्याने शहरात नवीन तीन फ्लायओव्हर तयार होणार आहेत.

बैठकीसाठी पोलिस अधीक्षक संजय मोहिते, आयुक्त डॉ. अभिजित चौधरी, अप्पर जिल्हाधिकारी नंदकुमार काटकर, शहर अभियंता नेत्रदीप सरनोबत, शहर पोलिस उपअधीक्षक भारतकुमार राणे, वाहतूक निरीक्षक अशोक धुमाळ, एलसीबीचे निरीक्षक दिनकर मोहिते आदी उपस्थित होते.

मोबाइल अॅप डाउनलोड करा आणि राहा अपडेट

खंडपीठ चित्ररथास अपघात

May 9, 2017, 2:30 pm

≫ Next: ‘पक्षी वाचवा’च्या हाकेला गजाआडची साद

≪ Previous: शहरात नवे तीन फ्लायओव्हर

$

0

0

म. टा. प्रतिनिधी, कोल्हापूर

मुंबई उच्च न्यायालयाचे खंडपीठ कोल्हापुरात व्हावे या मागणीकडे लक्ष वेधण्यासाठी कोल्हापूरसह सहा जिल्ह्यांत फिरणाऱ्या चित्ररथास अपघात झाला. अपघातात सिटिझन फोरमचे प्रसाद जाधव यांच्यासह उदय लाड आणि सलिम पाच्छापुरे किरकोळ जखमी झाले. जाधव यांच्यावर खासगी रुग्णालयात उपचार सुरू आहेत. कोल्हापूर-सांगली मार्गावर हातकणंगले येथे हा अपघात झाला.

कोल्हापूर खंडपीठासाठी कृती समितीसह सिटिझन फोरमचेही प्रयत्न सुरू आहेत. मुख्यमंत्री देवेंद्र फडणवीस यांच्यासोबत बैठकीनंतर वकिलांनी साळखी उपोषण मागे घेतले. त्यानंतर सिटीझन फोरमने चित्ररथ तयार केला आहे. १४ एप्रिलपासून चित्ररथ सहा जिल्ह्यात दौऱ्यावर आहे. सोलापूर जिल्ह्याच्या दौऱ्यानंतर परतताना शुक्रवारी (ता. ५) मध्यरात्री हातकणंगले येथे चित्ररथ रस्त्याकडेच्या खड्ड्यात कोसळला. अपघातात प्रसाद जाधव, उदय लाड आणि सलिम पाच्छापुरे हे तिघे किरकोळ जखमी झाले. प्राथमिक उपचारानंतर तिघांनाही रुग्णालयातून घरी सोडण्यात आले. मात्र, जाधव यांच्या डोक्याला झालेल्या जखमेने त्रास होऊ लागल्याने त्यांना पुन्हा खासगी रुग्णालयात दाखल करण्यात आले आहे. रस्त्यांवर मार्गदर्शक सूचना फलक आणि बॅरिकेट्स न लावल्याने चित्ररथ खड्ड्यात कोसळल्याचे जाधव यांनी सांगितले.

मोबाइल अॅप डाउनलोड करा आणि राहा अपडेट

‘पक्षी वाचवा’च्या हाकेला गजाआडची साद

May 9, 2017, 2:30 pm

≫ Next: पेट्रोलची आज खरेदी बंद

≪ Previous: खंडपीठ चित्ररथास अपघात

$

0

0

म. टा. प्रतिनिधी, कोल्हापूर

शिक्षेचे साखळदंड हाता-पायांत अडकवलेल्या ‘त्या’ कैद्यांना तुरूंगाच्या अभेद्य भिंतीपलिकडचे स्वच्छंदी विश्व नेहमीच साद घालत असते. सर्वसामान्यांसारखीच माणसे ती. समाजाने गुन्हेगारीचा शिक्का मारला तरी त्यांचे भावविश्व आपण कसे त्यांच्यापासून वेगळे करणार? ...असाच काहीसा प्रश्न कळंबा कारागृहात जन्मठेपेची शिक्षा भोगत असलेल्या गजानन खडके या कैद्याने निर्माण केला आहे. ‌निमित्त आहे, महाराष्ट्र टाइम्सने आयोजित केलेल्या ‘पक्षी वाचवा’ निबंध स्पर्धेचे. हा तुरूंगात कोंडलेला कैदी नावाचा पक्षी समाजमनाला साद घालतोय तीही पक्षी वाचवण्याची !

सरळमार्गी आयुष्याला सुरूंग लागावा तसे आयुष्य वाट्याला आल्यानंतरही जीवनाकडे पाहण्याचा सकारात्मक दृष्टिकोन सजग ठेवणाऱ्या कैद्यांचे मनही संवेदनशील असू शकते, याची प्रचिती निबंध स्पर्धेनिमित्ताने आली. गजानन खडके याने पर्यावरण संवर्धनात पक्ष्यांच्या अस्तित्वाचे महत्त्व आणि समाजभान जपण्याची जबाबदारी या विषयावर केलेल्या लेखनातून आपल्यातील शब्दसामर्थ्य अधोरेखित केले. ‘पक्षी वाचवा’च्या हाकेला गजाआडच्या लेखणीतून आलेली ही साद माणूस आणि ​निसर्ग यातील धागा दृढ करणारी आहे.

महाराष्ट्र टाइम्सतर्फे ‘पक्षी वाचवा’ मोहिमेंतर्गत विविध उपक्रमांचे आयोजित केले होते. यात पक्षी वाचवा विषयावर निबंध मागवले होते. वाढत्या उन्हाच्या झळांमुळे पक्ष्यांचे अधिवास धोक्यात आले आहेत. पाणवठे आटत आहेत. त्यासाठी नागरिकांनी घराच्या आवारात पक्ष्यांसाठी पाणी आणि खाद्य देऊन सामाजिक भान जपावे या हेतूने पक्षी वाचवण्याची गरज हा विषय स्पर्धकांनी निबंधातून मांडला. १०० हून अधिक निबंध स्पर्धेसाठी आले. खडकेच्या निबंधाला प्रथम क्रमांक मिळाला.

खडके गेल्या दहा वर्षांपासून कळंबा जेलमध्ये जन्मठेपेची शिक्षा भोगत आहे. पत्नीने आत्महत्या केली. त्यासाठी गजाननसह त्यांच्या कुटुंबीयांना आरोपी ठरविण्यात आले. शिक्षक असल्यामुळे गजाननमध्ये लेखन कौशल्य आहे. कारागृहातील वास्तव्यातही खडकेकडून अन्य कैद्यांना सतत नवी माहिती मिळते.

खडके याने लि​हिलेल्या निबंधामध्ये कारागृहाच्या मोकळ्या परिसरात येणाऱ्या पक्षीवैभवाचा दाखला दिला आहे. बंदीजनांनी फुलवलेल्या बागा, शेतांमध्ये येणाऱ्या पक्ष्यांच्या सहवासात मिळणारा आनंद निबंधातून शब्दबद्ध केला आहे. कारागृह परिसरातील कळंबा तलावावर येणाऱ्या स्थलांतरीत पक्ष्यांचे दर्शन आणि त्यांच्या अधिवासावर होत असलेली मानवी आक्रमणे याविषयी खडकेने निबंधातून केलेले भाष्य अंतर्मुख करणारे आहे. पक्षीगणनेचा संदर्भ देत स्वच्छतादूत अशी ओळख असलेल्या गिधाडांच्या नष्ट होत असलेल्या आस्तित्वाकडेही लक्ष वेधले आहे. तसेच याच पक्षीगणनेत ७२ प्रजातींचे तीन हजाराहून अधिक पक्षी इचलकरंजीत आढळून आले आहेत, अशा माहितीने या निबंधाला माहितीपूर्ण बनवले आहे. पक्ष्यांचे वास्तव टिपत असताना सामाजिक कार्यक्रमात, सणांमध्ये पक्षी वाचवण्याचा संदेश देण्यासाठी, त्याबाबत जागृती करण्यासाठी योगदान देण्याचे आवाहनही खडकेच्या लेखनातून केले आहे. वाढत्या तंत्रज्ञानाच्या साधनांमुळे, पतंगाच्या मांज्यामुळे पक्ष्यांना जीव गमावण्याची वेळ येत असल्याचा संवेदनशील विचार खडकेने दिला आहे. ‘पक्षी वाचवा’ या निबंध स्पर्धेतील बंदीवान खडकेच्या लेखनातील संदर्भांमध्ये असलेले वैविध्य, समाजाचा सहभाग, जाणीवजागृतीचा आग्रह यातून त्यांच्यातील संवेदनशील मनालाही प्र​तिबिंबित केले आहे.

मोबाइल अॅप डाउनलोड करा आणि राहा अपडेट

पेट्रोलची आज खरेदी बंद

May 9, 2017, 2:30 pm

≫ Next: आजरा बनलाय तस्करीचा ‘राजमार्ग’

≪ Previous: ‘पक्षी वाचवा’च्या हाकेला गजाआडची साद

$

0

0

म. टा. प्रतिनिधी, कोल्हापूर

पेट्रोल पंपचालकांकडून बुधवारी (ता. १० मे) पेट्रोलची खरेदी थांबविली जाणार आहे. पेट्रोल आणि डिझेलची खरेदी केली जाणार नाही. शहरात महिन्याला पेट्रोल आणि डिझेलची सुमारे वीस कोटी रुपयांची तर दररोज पंपांवर सरासरी दहा लाखांची उलाढाल होते. बुधवारी खरेदी बंद ठेवली जात असल्याने मंगळवारी पंपचालकांनी जादा टँकर मागवून घेतले. दोन दिवस पुरेल इतका साठा असल्याने केवळ खरेदी बंद राहणार आहे. ग्राहकांसाठीची विक्री सुरूच राहणार आहे. दरम्यान, कमिशन वाढीप्रश्नी केंद्र सरकारच्या निषेधार्थ १४ मेपासून दर रविवारी सर्व पेट्रोलपंप बंद ठेवण्यात येणार आहेत. अन्य दिवशी सकाळी नऊ ते सहा या वेळेत पेट्रोल पंप सुरू राहणार आहेत.

मुंबईत फेडरेशन ऑफ ऑल महाराष्ट्र डिलर असोसिएशनच्या (फामफेडा) बैठकीत पेट्रोल आणि डिझेल पंप चालकांच्या मागण्यांना मान्य होतील, अशी अपेक्षा होती. मात्र, फामफेडाने केलेल्या मागण्यांना केंद्र सरकारने धुडकावल्या. केवळ बैठका, चर्चा आणि आश्वासन या तीन पातळीवरच पेट्रोल आणि डिझेल पंप चालक लटकत आहेत. सरकारला दिलेली मुदत मंगळवारी संपत असल्याने बुधवारी पेट्रोल-डिझेल खरेदी थांबविली जाणार आहे. प्रशासनाकडून एकही पेट्रोल, डिझेल टँकर खरेदी होणार नाही. सरकारपर्यंत आपला संदेश पोहोचविण्यासाठी इंधन खरेदी बंद केली जाईल. अपूर्व चंद्रा समितीने वितरकांच्या कमिशनमध्ये वाढ करावी, अशी शिफारस केली होती. त्याबाबत सार्वजनिक तेल कंपनी आणि केंद्र सरकारने लेखी आश्वासन दिलेले नाही. इंधन विक्री कमिशनची वाढीची मागणी सातत्याने केली आहे. मात्र, ही मागणी टाळली जात आहे. ऑईल कंपन्या खर्चाचा पूर्ण परतावा देत नाहीत. त्या विरोधात टप्पाटप्याने आंदोलनाची सुरूवात झाली आहे.


नऊ मे रोजी इंधन खरेदी बंद करून सरकारला इशारा दिला जाणार आहे. १४ मेपासून दर रविवारी पेट्रोल आणि डिझेल पंप साप्ताहिक सुट्टी घेतील. रविवार वगळता अन्य दिवशी पंपाची वेळ सकाळी नऊ ते सायंकाळी सहा अशी असेल. सरकारकडून आतापर्यंत केवळ आश्वासनेच मिळाली आहेत. पंपाची वेळ बदलून ग्राहकांना कोणताही त्रास देण्याचा हेतू नाही.

गजकुमार माणगावे, अध्यक्ष, पेट्रोल डिझेल डीलर्स असोसिएशन

मोबाइल अॅप डाउनलोड करा आणि राहा अपडेट

आजरा बनलाय तस्करीचा ‘राजमार्ग’

May 9, 2017, 2:30 pm

≫ Next: पैसे कोणाच्या घरातून आणले का?

≪ Previous: पेट्रोलची आज खरेदी बंद

$

0

0

म. टा. वृत्तसेवा, आजरा

मद्यविक्रीचे परमीट बार व हॉटेल्सवर बंदी आणण्याच्या आधीपासूनच गोव्याहून आजरामार्गे बिनबोभाटपणे विदेशी बनावटीची मद्यतस्करी होत आहे. गोवा किंवा कोकणाकडे जाणाऱ्या वाहनांचा त्यासाठी सर्रास वापर होत असतो. अपवादानेच या मार्गावर आजऱ्याजवळ पोलिसांकडून नाकाबंदी होत असते. आंबोलीनंतर आजऱ्यापासून पुढे कोठेही पोलिसांचा ससेमिरा नसतो. त्यामुळे आजरा, गडहिंग्लज, नेसरी, चंदगड ते बेळगाव, निपाणी व कोल्हापूरपर्यंतच्या परिसरासाठी हा मार्ग मद्यतस्करीचा राजमार्गच बनल्याचे चित्र ठळक आहे.

गोवा आणि कोकणाला कोल्हापूर व कर्नाटक परिसराला जोडणारा मार्ग आजरा शहरातून जातो. आजऱ्यापासून ३५ किलोमीटर आंबोली आहे. घाट ओलांडल्यानंतर सावंतवाडीकडे न जाता शॉर्टकटने बांद्याहून गोव्याकडे कमी वेळेत जाता येते.

गोव्यात मद्यावरील करात मोठी सवलत असल्याने तसेच स्थानिक पातळीवरच मद्यबनावटीचे उद्योग असल्याने फार मोठा साठा मद्यविक्रीकेंद्रांत आढळून येतो. केवळ गोवा राज्यातच मद्यविक्रीसाठी असे लेबल असलेल्या मद्याच्या बाटल्या फारच कमी दरात तेथे उपलब्ध होतात. साधारणत: महाराष्ट्र राज्याच्या तुलनेत ३० ते ४० टक्के दराने हे विदेशी मद्य येथे खरेदी केले जाते.

या पार्श्वभूमीवर लग्नसराई, यात्रा आणि इतर महत्वाच्या सार्वजनिक व घरगुती कार्यक्रमांच्या निमित्त येथील मद्य हमखास तस्करी करून आणण्याचा प्रकार पूर्वीपासूनच होतो. या मार्गावर पोलिसांच्या नाकाबंदीचा असलेला अभाव हे यामागील महत्वाचे कारण आहे. गोव्याहून पुन्हा माघारी येताना बांद्याजवळ शॉर्टकटवर कोकण पोलिसांची हमखास नाकाबंदी असते. पण, तेथेही पोलिसांची नजर चुकवून अथवा चिरीमिरीच्या माध्यमातून वाहने पुढे हाकली जातात. वैयक्तिक कारणासाठी फारच कमी प्रमाणात अशी तस्करी केली जाते. मात्र येथील काही हॉटेल व बारमध्ये अशा प्रकारे रात्रीच्या प्रहरात तस्करी करून आणलेले मद्य विकले जाते व भरमसाठ पैसे मिळविले जातात.

आजरामार्गे गोव्याहून तस्करी होतेय, हे सत्य आहे. पण तीन तालुक्यांच्या मोठ्या क्षेत्रासाठी गडहिंग्लज उत्पादन शुल्क विभागाकडे केवळ आठ कर्मचारी आहेत. कार्यालयीन कामाचाही बोजा असतो. तरीही बऱ्याच केसेस नोंदविल्या आहेत. पण तस्करी करणाऱ्यांवर आमचा विभाग लक्ष ठेवून असतो.विभागाला माहिती मिळताच सर्व कर्मचारी कारवाईसाठी तत्पर असतात.

- पी. आर. पाटील,

निरीक्षक, उत्पादन शुल्क

मोबाइल अॅप डाउनलोड करा आणि राहा अपडेट

---

पैसे कोणाच्या घरातून आणले का?

May 9, 2017, 2:30 pm

≫ Next: शाहू समाधीचे काम रखडले

≪ Previous: आजरा बनलाय तस्करीचा ‘राजमार्ग’

$

0

0

म. टा. प्रतिनिधी, कोल्हापूर

‘थेट पाइलपाइनसाठी राज्य सरकारने पैसे दिले आहेत, त्यामुळे जिल्ह्यातील नेत्यांनी प्रकल्पासाठी घरातून पैसे आणल्यासारखे बोलू नये’, असा टोला पालकमंत्री चंद्रकांत पाटील यांनी मंगळवारी कोल्हापुरात लगावला. कोल्हापूर दौऱ्यावर असलेल्या पालकमंत्री पाटील यांनी शासकीय विश्रामगृहावर पत्रकारांशी संवाद साधला. यावेळी भ्रष्टाचाराच्या आरोपांविषयी अहवाल तयार करण्याचे आदेश महापालिकेच्या आयुक्तांना दिल्याचे त्यांनी सांगितले.

कोल्हापूरच्या थेट पाइलपाइनच्या कामात भ्रष्टाचाराचे आरोप होत आहेत. त्याचवेळी काँग्रेस-राष्ट्रवादीचे नेते, आमच्या काळात या प्रकल्पासाठी पैसे आणल्याचे सांगत आहेत. त्याचा संदर्भ घेत पालकमंत्री पाटील यांनी टोलेबाजी केली. मंत्री पाटील म्हणाले, ‘सरकार बदलत असते आणि प्रकल्पांना सरकारकडूनच पैसे येत असतात. त्यामुळे आमच्या काळात पैसे आणले, असे कोणी सारखे म्हणू नये. तुम्ही काय घरातून पैसे आणले आहात काय?’ पालकमंत्री पाटील यांनी जिल्ह्यातील कोणत्याही नेत्याचे नाव घेतले नाही. पण, त्यांचे हे वक्तव्य माजी मंत्री, आमदार हसन मुश्रीफ आणि सतेज पाटील यांनाच असल्याचे स्पष्ट होत आहे.

‘थेट पाइपलाइन योजनेत स्वतः लक्ष घालण्याचा निर्णय घेतला आहे. कोल्हापूरची खूप जुनी मागणी असल्याने ही योजना सुरू व्हावी, अशी प्रामाणिक इच्छा आहे. योजना बंद पडल्या की त्याचे काय होते, हे आपण पाहत आहोतच’, असेही पालकमंत्र्यांनी स्पष्ट केले.

इको सेन्सिटिव्हवर पत्रकार परिषद

कोल्हापूर जिल्ह्यात इको सेन्सिटिव्ह झोनला काही तालुक्यांमध्ये मोठा विरोध होत आहे. त्यावर पालकमंत्री पाटील म्हणाले, ‘इको सेन्सिटिव्ह झोनविषयी ग्रामीण भागातील नागरिकांमध्ये प्रचंड मतभेद आहेत. हे गैरसमज दूर करण्यासाठी जिल्हाधिकाऱ्यांना एक माहितीपर पत्रकार परिषद घेण्यास सांगणार आहे. याविषयी असणारी भीती अतिशय चुकीची आहे. घरे बांधता येणार नाहीत, विहिरी काढता येणार नाहीत, बोअर खोदता येणार नाही, हे केवळ गैरसमज आहेत. धोकादाय इंटस्ट्री उभारता येणार नाही, पर्यावरणाला धोका पोहचेल, असे काही करता येणार नाही. एवढेच लोकांना सांगणे गरजेचे आहे. कोण्या एका मोठ्याच्या फायद्यासाठी, या छोट्या लोकांना आंदोलनासाठी पुढे करणे योग्य नाही.’

मोबाइल अॅप डाउनलोड करा आणि राहा अपडेट

शाहू समाधीचे काम रखडले

May 9, 2017, 11:16 am

≫ Next: शाहूंचा पुतळा उभारणारच

≪ Previous: पैसे कोणाच्या घरातून आणले का?

$

0

0

कोल्हापूर : महापालिका पदाधिकारी आणि अधिकाऱ्यांनी मोठा गाजावाजा करत फेबुवारी महिन्यात राजर्षी शाहू समाधीस्थळाला भेट दिली. राजर्षी शाहू महाराज यांच्या स्मृतिदिनापर्यंत (सहा मे) समाधीस्थळ आणि मेघडंबरीचे काम पूर्ण करण्याचे ठरले. समाधीस्थळ परिसरात एक कोटी रुपये खर्चून संरक्षक भिंत बांधण्याचा निर्णय झाला. तीन महिन्याचा कालावधी लोटला. स्मृतिदिनाचा कार्यक्रमही झाला. पण, समाधीस्थळ आणि मेघडंबरीचे काम काही पूर्ण झाले नाही. संरक्षक भिंतीचा महापालिकेला विसर पडल्यासारखे चित्र आहे.

मेघडंबरी तयार करण्यास विलंब होत असल्यामुळे त्याचा समाधिस्थळाच्या कामावर परिणाम होत असल्याचे सामोरे येत आहे. मेघडंबरीचे फायबर मॉडेल तयार असल्याचे सांगण्यात येते. मेघडंबरीचे मॉडेल बसवून ओतकाम करावे लागणार आहे. मात्र मेघडंबरीचे काम अजूनही प्राथमिक टप्प्यातच आहे. पंचधातूमधील अष्टकोनी मेघडंबरी, शाहू महाराज यांच्या जीवन कार्याचे दर्शन घडविणारी उठाव शिल्पे या समाधिस्थळाचे वैशिष्ट्ये असतील. चारही बाजूंनी समाधीस्थळाचे दर्शन व्हो, अशा पद्धतीने बांधकाम करण्यात येत आहे. राजर्षी शाहू महाराज यांची २६ जूनला जयंती साजरी होते. त्यापूर्वी समाधीस्थळ आणि मेघडंबरीचे काम पूर्ण व्हावे अशी शाहूप्रेमींची मागणी आहे. मात्र मेघडंबरीचे काम प्राथमिक टप्प्यात असल्यामुळे समाधीस्थळाचे काम पावसाळ्यापूर्वी पूर्ण होणार का? याविषयी साशंकता उपस्थित होत आहे. शिल्पकार किशोर पुरेकर यांच्याकडे मेघडंबरी तयार करण्याचे काम सोपविले आहे. मेसर्स व्ही. के. पाटील असोसिएशनकडे समाधीस्थळाच्या बांधकामाचे काम आहे. समाधीस्थळावरील चबुतरा पूर्ण झाला असून त्यावर जाळीदार दगड बसविण्याचे काम सुरु आहे. कलाकुसरयुक्त जाळीदार दगडी बांधकामामुळे समाधीस्थळाच्या सौंदर्यात भर पडणार आहे.


संरक्षक भिंतीच्या कामाला मुहूर्त लागेना

समाधीस्थळ परिसरात अनधिकृत केबीन, वडापची वाहने लावलेली असतात. माल वाहतूक ट्रकही असतात. या जागेचे पावित्र्य राहावे, या भागात कुठलेही गैरप्रकार घडू नयेत यासाठी समाधीस्थळाभोवती संरक्षक भिंत बांधण्याचा निर्णय घेण्यात आला. एक कोटी रुपयांची तरतूदही झाली. महापौर हसीना फरास, उपमहापौर अर्जुन माने, स्थायी सभापती संदीप नेजदार, अतिरिक्त आयुक्त श्रीधर पाटणकर, नगररचनाचे सहायक संचालक धनंजय खोत, शहर अभियंता नेत्रदीप सरनोबत, शिवाजी मार्केट विभागीय कार्यालयाचे उप शहर अभियंता एस. के. माने यांच्यासह नगरसेवक व अन्य अधिकाऱ्यांनी शाहू समाधीस्थळाची पाहणी करुन तीन महिने उलटले. तरीही संरक्षक भिंतीच्या बांधकामाचा मुहूर्त झाला नाही. पदाधिकाऱ्यांनी भेटी द्यायच्या, अधिकाऱ्यांना सूचना करायच्या. मात्र पुन्हा स्थिती ‘ये रे माझ्या मागल्यासारखी,’ सुरू आहे.


आतापर्यंत १ कोटी सात लाख खर्च

महापालिकेने स्वनिधीतून राजर्षी शाहू महाराज यांची समाधीस्थळ विकसित करत आहे. महापालिकेने समाधीस्थळासाठी आतापर्यंत एक कोटी सात लाख रुपये खर्च केले आहेत. पहिल्या टप्प्पात चबुतऱ्याचे काम पूर्ण केले आहे. घडीव दगडात समाधीस्थळाचे बांधकाम सुरू आहे.

समाधीस्थळाचे सिव्हील वर्कचे बहुतांशी काम पूर्ण झाले आहे. चबुतऱ्यावर जाळीदार बांधकाम सुरु आहे. शिल्पकारांकडून मेघडंबरीचे मॉडेल तयार आहे. त्याला अंतिम मान्यता मिळाली की ओतकाम करुन मेघडंबरी उभारली जाईल. समा​धीस्थळाचे काम लवकर पूर्ण करण्यासाठी महापालिका प्रयत्नशील आहे.

नेत्रदीप सरनोबत, शहर अभियंता, महापालिका

मोबाइल अॅप डाउनलोड करा आणि राहा अपडेट

शाहूंचा पुतळा उभारणारच

May 9, 2017, 2:03 pm

≫ Next: महापालिकेतील लुटारू टोळी सैरभैर

≪ Previous: शाहू समाधीचे काम रखडले

$

0

0

म. टा. प्रतिनिधी, कोल्हापूर

येथील जिल्हा परिषदसमोरील नियोजित छत्रपती शाहू महाराज यांच्या पुतळ्यास सरकारच्या नव्या नियमानुसार अडचण आली आहे. मात्र पुतळा कोणत्याही परिस्थितीत उभारणारच असा आग्रह माजी उपाध्यक्ष व पुतळा उभारणी समितीचे अध्यक्ष शशिकांत खोत यांनी धरला आहे. त्यांच्या पत्नी शिल्पा खोत विद्यमान सदस्य आहेत. त्या उद्या, गुरूवारी होणाऱ्या बांधकाम समितीच्या बैठकीत हा विषय मांडणार आहेत. याउलट पुतळ्याला पर्याय म्हणून आता प्रशासन शाहू महाराज यांचे भित्तीशिल्प उभारण्याच्या पर्याय नव्या सभागृहासमोर मांडणार आहे.

एकाच राष्ट्रपुरूषाचा पुतळा दोन किलोमीटरच्या अंतरामध्ये उभारू नये, असा नवा आदेश सरकारने काढला. त्या आदेशाची अंमलबजावणीही सुरू झाली आहे. त्या नियमानुसार जिल्हा परिषदेसमोरील पुतळा उभारता येत नाही. दसरा चौकात छत्रपती शाहू महाराज यांचा पुतळा आहे. तेथून जिल्हा परिषदेसमोरील नियोजित शाहू पुतळ्याचे हवाई अंतर १.२० किलोमीटर होते. यामुळे पुतळा उभारणीत अडचण निर्माण झाली आहे. नव्या नियमातून मार्ग काढून पुतळा उभारता येतो का, याची चाचपणी प्रशासन करीत आहे. मात्र नियमात स्पष्टपणे दोन किलोमीटरचे अंतर दिलेले असल्यामुळे पुतळा उभारणे शक्य नाही, असे प्रशासनाचे म्हणणे आहे.

पुतळा उभारण्याची संकल्पना मागील सभागृहाने मांडली होती. त्यानुसार तातडीने २५ लाखांचा आराखडाही तयार करण्यात आला आहे. माजी उपाध्यक्ष शशिकांत खोत यांच्या अध्यक्षतेखाली समिती स्थापन केली. लोकवर्गणी संकलित करण्यास प्रारंभ केला आहे. काही पदाधिकारी, कर्मचाऱ्यांनी पुतळ्यासाठी पैसे दिले. जिल्हा परिषद निवडणुकीच्या आचारसंहितेदरम्यान पुतळ्याचे भू‌मीपूजनही करण्यात आले. स्थानिक पातळीवर आवश्यक परवानगीही घेण्यात आल्या. मात्र आता नव्या आदेशामुळे पुतळा उभारणीत अडचण निर्माण झाल्याने याविरोधात तीव्र संताप व्यक्त होत आहे.


सरकारच्या नव्या आदेशात काय म्हटले आहे याची सविस्तर माहिती घेतली जाईल. त्यानंतर पुतळ्यासंबंधी पुढील निर्णयाचा विचार केला जाईल. लोकवर्गणीतून हा पुतळा उभारला जाणार असल्याने प्रशासन सकारात्मक प्रयत्न करेल.

डॉ. कुणाल खेमनार, मुख्य कार्यकारी अधिकारी (सीईओ)

मोबाइल अॅप डाउनलोड करा आणि राहा अपडेट

महापालिकेतील लुटारू टोळी सैरभैर

May 9, 2017, 2:30 pm

≫ Next: जिल्हाधिकाऱ्यांना अहवाल द्या

≪ Previous: शाहूंचा पुतळा उभारणारच

$

0

0

म. टा. प्रतिनिधी, कोल्हापूर

महापालिकेत काँग्रेस, राष्ट्रवादी आघाडीच्या लुटारु टोळीचा भ्रष्ट कारभार सुरू आहे. या टोळीच्या बावड्यातील सरदाराचा घोटाळा उघड केल्याने सैरभैर झालेल्या टोळीकडून निराधार चिखलफेक सुरू आहे. त्याची फिकीर न करता या टोळीच्या भ्रष्ट कारभाराचा पर्दाफाश केला जाईलच, असा इशारा ताराराणी आघाडीचे गटनेते सत्यजित कदम यांनी दिला आहे. तसेच महापालिकेतील भ्रष्ट कारभाराबाबत जाहीर चर्चेचे आव्हान कायम असल्याचेही आठवण करुन दिली आहे.

थेट पाइपलाइन योजनेपर्यंत महापालिकेत या लुटारू टोळी व त्यांच्या सरदाराने ढपला पाडला आहे. या टोळीने महापा​लिकेला लुटण्याचा एक कलमी कार्यक्रम सुरू केला आहे. थेट पाइपलाइन योजनेतील घोटाळा सरदारापर्यंत पोहचल्याने ही टोळी सैरभैर झाल्याचे कदम यांनी पत्रकात म्हटले आहे. तसेच महापालिकेतील प्रत्येक कामात टोळीने ढपला पाडला असून त्याचा वाटा सरदाराकडे पोहचवला जातो. त्याला वेसण घालण्याचा प्रयत्न आम्ही केला. दारू दुकाने पुन्हा उघडण्यासाठी काही कोटींची सुपारी याच सरदाराने घेतली असून या सरदाराबरोबर टोळीची कुणावर बोट दाखवावे अशी नैतिकताच नाही. ज्या मामाचा उल्लेख केला, त्याच मामाच्या गाडीचा दरवाजा शोफरसारखा उघडण्यात हाच सरदार धन्यता मानत होता. त्यांच्या ऑफिसचा दरवाजा चपराशीसारखा उघडण्यासाठी कोण उभे रहात होते, असा सवालही कदम यांनी पत्रकात केला आहे.

ज्या माझ्या दुकानगाळ्याबाबत वल्गना केली जाते तो गाळा २००८ साली खरेदी केला असून त्यावेळी माझा राजकारणाशी संबंध नव्हता. फेरीवाल्यांबाबत इतका पुळका होता तर त्यांना कोपऱ्यात टाकून ही जागा बिल्डरच्या घशात सरदारानेच घातली हे विसरु नये. आम्ही एक इंचाचे आरक्षण उठवले नाही. त्यांच्यासारख्या देवस्थान, धनगरांच्या, महापालिकेच्या जमिनी हडप केल्या नाहीत, असा टोलाही कदम यांनी पत्रकातून मारला आहे.

मोबाइल अॅप डाउनलोड करा आणि राहा अपडेट

जिल्हाधिकाऱ्यांना अहवाल द्या

May 9, 2017, 2:30 pm

≫ Next: सीपीआरमधील व्हेंटिलेटर मोडतोडप्रकरणी गुन्हा दाखल

≪ Previous: महापालिकेतील लुटारू टोळी सैरभैर

$

0

0

म. टा. प्रतिनिधी, कोल्हापूर

राज्य मार्ग परिवहन महामंडळाच्या जिल्ह्यातील बारा आगारांत २० लाख रुपयांची नोटाबदली करण्याचा आल्याचा आऱोप पतीतपावन संघटनेने केला आहे. त्या पार्श्वभूमीवर मंगळवारी पालकमंत्री चंद्रकांत पाटील यांनी महामंडळाचे कोल्हापूर विभागाचे नियंत्रक नवनीत भानप यांना, कार्यालयीन चौकशीचा अहवाल जिल्हाधिकाऱ्यांकडे देण्याचे आदेश दिले.

शासकीय विश्रामगृहातील बैठकीला संघटनेच्या कार्यकर्त्यांसह महामंडळाचे विभाग नियंत्रक भानप यांच्यासह लेखा अधिकारी यू. बी. देशपांडे उपस्थित होते. संभाजीनगर आगारात ७ ते १३ नोव्हेंबर २०१६ या कालावधीत वाहकाने आगारात जमा केलेली रक्कम आणि कॅशबुकमध्ये दिवसभरात जमा झालेल्या रक्कमेत लाखांची तफावत आहे असा आरोप संघटनेने केले आहे. त्यावर कार्यालयीन चौकशी करण्यात आली आहे. पण, एखाद्या वाहकाने बाहेर, अशी नोटाबदली करून दिली असेल तर त्यावर महामंडळाचे नियंत्रण नाही. ते ठेवणेही कठीण असल्याचे भानप यांनी स्पष्ट केले.

भानप म्हणाले, ‘कोण्या एका व्यक्तीने नोटाबदली केल्याचे चौकशीत आढळलेले नाही. संघटनेला व्यक्ती महिती असल्यास किंवा त्याच्याशी संबंधित क्लू दिल्यास पुन्हा चौकशी करू. आगारांमध्ये एका रुपयाचाही घोटाळा नाही. प्रवाशांना कोणी किती सुटे पैसे दिले, यावर नियंत्रण ठेवणे कठीण आहे.’

मोबाइल अॅप डाउनलोड करा आणि राहा अपडेट