दीड वर्षापूर्वी कानशिलात लागवल्याचा राग मनात धरून संशयित प्रितीराज सुरेश पवार (वय २२, रा. १७५, राजोपाध्येनगर) याने भाजपाचे माजी महानगर अध्यक्ष महेश जाधव यांची सोशल मीडियावर अश्लिल चित्रांद्वांरे बदनामी केली. तशी कबुली त्याने दिल्याचे पोलिसांनी सांगितले. पोलिसांनी पवारला गुरुवारी अटक केली. त्तपूर्वी बुधवारी प्रविण उर्फ बबलू हिंदूराव साबळे (२३, रा. आदर्श वसाहत, संभाजीनगर) या महाविद्यालयीन तरूणाला अटक केली.
पीडित महिलेने राजारामपुरी पोलिस ठाण्यात अज्ञात व्यक्तीविरुद्ध तक्रार केली होती. संबधित महिलेने ज्या क्रमांकावरून सोशल मीडियावर अश्लिल छायाचित्रे व्हायरल झाली होती, तो क्रमांक पोलिसांना दिला होती. पोलिसांनी या सीमकार्डच्या आधारे आधी बबलू साबळेचा नंबर शोधून काढला. त्याला बुधवारी शिवाजी पेठेतील एका महाविद्यालयाच्या आवारातून ताब्यात घेतले. पोलिसांनी चौकशी केल्यावर बबलूने २५ मार्च रोजी काही काळ मोबाइल प्रतिराज पवारला वापरायला दिल्याचे उघड झाले. पवारने पीडित महिला आणि महेश जाधव यांची अश्लील छायाचित्रे तयार करून सोशल मीडियावर अपलोड केली होती. पोलिसांनी प्रितिराज याला अटक केली. दीड वर्षापूर्वी तपोवन मैदानावर पंतप्रधान नरेंद्र मोदी यांच्या सभेवेळी महेश जाधव यांनी प्रितीराजला कानशिलात लगावली होती. याचा राग त्याच्या मनात होता. गेल्या काही दिवसात महेश जाधव यांच्या बदनामीची माहिती मिळाल्यावर त्याने पीडित महिला व जाधव यांची चित्रे तयार केल्याचे निष्पन्न झाले. दरम्यान, ही चित्रे त्याने कुठे तयार केली, पीडित महिलेची छायाचित्रे कोठून उपलब्ध केले? बदनामीसाठी कोणी सुपारी दिली होती का? याचा पोलिस शोध घेत आहेत. दरम्यान, कोर्टाने दोघांची जामिनावर मुक्तता केली.
मोबाइल अॅप डाउनलोड करा आणि राहा अपडेट