‘चित्री’ने गाठला तळ

April 1, 2016, 2:30 pm

≫ Next: महामंडळाविरोधातील बचावकृती समितीचा दावा फेटाळला

≪ Previous: विद्यापीठ-सी डॅकमध्ये सामंजस्य करार

$

0

0

म. टा. वृत्तसेवा, आजरा

आजरा आणि गडहिंग्लज तालुक्याची तहान भागविणाऱ्या चित्री प्रकल्पामध्ये केवळ ३३ टक्के पाणी शिल्लक आहे. आगामी काळातील पिण्याच्या पाण्याचे नियोजन करण्यासाठी शेतीच्या पाण्यावर पूर्णत: उपसाबंदी लागू करण्याचे नियोजन पाटबंधारे विभाग करत आहे. तर अनेक प्रकल्पांतील पाणी संपल्याने एप्रिलच्या प्रारंभीच पाणीटंचाईला सामोरे जावे लागण्याची चिन्हे आहेत. तालुक्यात आतापर्यंत केवळ एकदाच वळवाचा पाऊस झाला आहे. येत्या महिनाभरात वळवाचा पाऊस न पडल्यास आजरा गडहिंग्लज विभागात पूर्णत: उपसाबंदी लागू करून केवळ पिण्याच्या पाण्याचे नियोजन करण्याचा 'पाटबंधारे'चा विचार असल्याचे अभियंता राम हरदे यांनी सांगितले.

चित्री प्रकल्पाची क्षमता १८८६ दशलक्ष घन फूट इतकी असली तरी यावर्षीच्या निचांकी पावसामुळे केवळ ८५ टक्केच पाणीसाठा होऊ शकला. हा प्रकल्प पूर्ण झाल्यापासून पहिल्यांदाच चित्रीचा सांडवा वाहू शकला नाही. त्यामुळे उन्हाळ्यामध्ये पाणीटंचाई जाणवण्याची शक्यता गृहीत धरूनच अंशत: उपसाबंदीचे धोरण स्वीकारण्यात आले. त्यानुसार हिरण्यकेशी नदीवरील साळगाव बंधाऱ्यापासून वर १५ दिवस आणि खाली गडहिंग्लज तालुक्यापर्यंत २२ दिवस उपसाबंदी लागू करण्यात आली. वळवाचा पाऊस चांगला झाल्याने पिके दग धरून होती. पावसाच्या आशेने उपसाबंदीत शिथिलता आणण्याचे नियोजन होते. पण एकदाच वळीव बरसला आहे. या पार्श्वभूमीवर स्थिती अशीच राहिल्यास पूर्णत: उपसाबंदीशिवाय पर्याय नाही.

अंशत: उपसाबंदीमुळे बंधाऱ्यांमध्येही जेमतेमच पाणीसाठा शिल्लक आहे. शेतीला मिळणाऱ्या पाण्यामध्ये कपात करण्यात आली आहे. महिनाभरात एकाद्या पाण्यावर पिके तगवून ठेवण्याची कसरत शेतकऱ्यांना करावी लागत आहे. हिरण्यकेशी व चित्री नदीकाठावरील गावांमधील पिण्याचे पाणी पुरविणाऱ्या योजना नदी पात्रातील पाण्यावरच अवलंबून आहेत. चित्री विजनिर्मिती प्रकल्पातून दोन मेगावॅट वीजनिर्मितीसाठी आवश्यक तेवढेच पाणी सोडले जात असल्याने नदीपात्रही कोरडेच राहिले आहे. परिणामी पाणीयोजना क्षमतेने कार्यान्वित राहणे अवघड बनले आहे.

अन्य प्रकल्पांनी गाठला तळ

चित्री व्यतिरिक्त तालुक्यातील अन्य प्रकल्पांमध्येही पाण्याची पातळी खालावली आहे. १४८ दलघफू क्षमतेच्या एरंडोळ तलावात ६८.९३ दलघफूच्या धनगरमोळा प्रकल्पात ३८ तर ३० दलघफू क्षमतेच्या खानापूर तलावात २७ टक्केच पाणीसाठा आहे. त्यामुळे तालुक्यात पाणीटंचाई निर्माण झाली आहे.

प्रशासनाचा जावईशोध

निचांकी पावसाने निर्माण केलेली ही टंचाईसदृश्य परिस्थिती हाताळताना प्रशासन गंभीर नाही. अनेक गावांना टंचाईच्या झळा बसल्या असताना व स्थानिक स्तरावर पाणीप्रश्न सोडविण्यासाठी प्रयत्न होत असताना प्रशासन मात्र कमालीचे उदासीन आहे. तालुक्यात पाणीटंचाई नसून आगामी काळात तालुक्यातील केवळ आठ वाड्या-वस्त्यांनाच पाणीटंचाई जाणवण्याचा जावईशोध कार्यालयात बसूनच लावला गेला आहे. प्रत्यक्षात अनेक गावांमध्ये पाण्यासाठी भटकंती करणारे नागरिक प्रशासनाला दिसत नाहीत का असा संतप्त सवाल केला जात आहे.

मोबाइल अॅप डाउनलोड करा आणि राहा अपडेट

---

महामंडळाविरोधातील बचावकृती समितीचा दावा फेटाळला

April 2, 2016, 2:30 pm

≫ Next: जे. एफ. पाटील यांच्या पुस्तकाचे प्रकाशन

≪ Previous: ‘चित्री’ने गाठला तळ

$

0

0

म. टा. प्रतिनिधी, कोल्हापूर

अखिल भारतीय मराठी चित्रपट महामंडळाची प्रस्तावित निवडणूक प्रक्रिया बेकायदेशीर असून ती रद्द करावी अन्यथा प्रशासक नेमावा असा महामंडळ बचाव कृती समितीने केलेला दावा शनिवारी कोल्हापूर ​जिल्हा दिवाणी न्यायालयाने फेटाळला. न्यायालयाच्या या निर्णयामुळे २४ एप्रिल रोजी होत असलेल्या महामंडळाच्या पंचवार्षिक निवडणुकीची वाट सुकर झाली आहे.

निवडणूक निर्णय अधिकारी समितीतर्फे निवडणूक प्रक्रियेला स्थगिती न देण्याबाबत दाद मागण्यात आली होती. महामंडळामार्फत अॅड. आर. बी. गावडे आणि अॅड. पी. डी. पवार यांनी दावा दिवाणी न्यायालयात चालवण्यास पात्र नसल्याचा अर्ज सादर केला होता.

अ​​खिल भारतीय मराठी चित्रपट महामंडळ बचाव कृती समितीतर्फे महामंडळाच्या प्रस्तावित निवडणूक प्रक्रियेबाबत घटनाबाह्य आणि बेकायदेशीर असल्याचा दावा दाखल केला होता. यासंदर्भात वरिष्ठ दिवाणी न्यायाधीशांनी महामंडळाला कारणे दाखवा नोटीस जाहीर केली होती. त्यामुळे महामंडळाची निवडणूक कोर्टात अडकण्याची शक्यता निर्माण झाली होती.

समितीच्या सदस्यांमध्ये महामंडळाचे सभासद असले पाहिजेत असा नियम असताना पाचपैकी तीन सदस्य महामंडळाचे सभासद नाहीत या मुद्द्यावरूनही या दाव्यामध्ये कृतीसमितीने आक्षेप नोंदवला होता. तसेच सभासद नोंदणी फीसाठी ३१ मार्च अंतिम मुदत असताना २९ फेब्रुवारीपर्यंत सभासद फी भरावी असा आदेश काढणे चुकीचे आहे असेही कृतीसमितीने पुराव्यासाठी दाखल केलेल्या कागदपत्रांमध्ये म्हटले होते. मात्र कृतीसमितीच्या या मुद्द्यांना न्यायालयात सिद्ध करता न आल्याने दावाच फेटाळण्यात आला.

वादीच उमेदवार

महामंडळाची निवडणूक बेकायदेशीर असल्याचा दावा दाखल करणाऱ्या महामंडळ बचाव कृती समितीतील वादीच प्रस्तावित निवडणुकीत उमेदवार म्हणून उतरले आहेत. तर यापैकी अन्य काहीजणांनी सूचक अनुमोदक म्हणून स्वाक्षरी केली आहे. त्यामुळे दावा प्रलंबित असतानाच वादी सभासदांनी निवडणूक अर्ज भरल्यामुळे केवळ महामंडळाला वेठीस धरण्यासाठी हा दावा दाखल केला होता का अशी चर्चा महामंडळ वर्तुळात सुरू आहे.

उद्या छाननी

महामंडळाच्या निवडणुकीसाठी दाखल झालेल्या १४३ अर्जांची छाननी प्रक्रिया सोमवार दि. ४ एप्रिलपासून सुरू होणार आहे. महामंडळाच्या मुख्य कार्यालयात निवडणूक निर्णय समितीचे अध्यक्ष अॅड. के. व्ही. पाटील यांच्या नेतृत्वाखाली पद्माकर कापसे, आकाराम पाटील, अॅड. प्रशांत पाटील, अॅड. पी.जे. अतिग्रे यांच्यामार्फत छाननी केली जाणार आहे.

मोबाइल अॅप डाउनलोड करा आणि राहा अपडेट

जे. एफ. पाटील यांच्या पुस्तकाचे प्रकाशन

April 2, 2016, 2:33 pm

≫ Next: प्रॉपर्टीचे बहुविध पर्याय

≪ Previous: महामंडळाविरोधातील बचावकृती समितीचा दावा फेटाळला

$

0

0

म. टा. प्रतिनिधी, कोल्हापूर

देशाच्या आर्थिक विकासातील चढ उतार व तात्कालिन बदल सर्वसामान्यांना समजण्यासाठी 'चलननीती' पुस्तक मार्गदर्शक ठरेल, त्यांचे लेखन कार्य समाजशास्त्रीय अर्थशास्त्राचे आकलन व शिक्षण देणारे आहे, असे प्रतिपादन ज्येष्ठ विचारवंत डॉ. एन. डी. पाटील यांनी व्यक्त केले. शिवाजी विद्यापीठाचा अर्थशास्त्र अधिविभाग आणि इचलकरंजी येथील समाजवादी प्रबोधिनीच्यावतीने आयोजित ज्येष्ठ अर्थतज्ज्ञ डॉ. जे. एफ. पाटील लिखित 'चलननीती' या पुस्तकाचे प्रकाशनाप्रसंगी ते बोलत होते. अध्यक्षस्थानी शिवाजी विद्यापीठाचे कुलगुरू डॉ. देवानंद शिंदे होते.

डॉ. एन. डी. पाटील म्हणाले, देशाच्या सर्वांगीण विकासाठी सरकारकडून विविध धोरणे व योजनांची निर्मिती केली जाते. या धोरणांचा परिणाम देशाच्या विकासासह सर्वसामान्य माणसांच्या राहणीमानावर होतो. त्यामुळे सरकारी धोरणांचा अर्थशास्त्रीय दृष्टिकोनातून सर्वसामान्य जनतेला समजेल, अशा प्रकारे लेखन करण्याचे कार्य डॉ. जे. एफ. पाटील याचे अखंड चालू असते. त्यांनी 'चलननीती' पुस्तकाच्या माध्यमातून तत्कालीन परिस्थितील सरकारी

धोरणे, त्यांचे सर्वसामान्य जनतेवर घडून येणारे दूरगामी परिणाम आणि आर्थिक घडामोडींचे सखोल विवेचन केले आहे. अध्यक्ष डॉ. कुलगुरू देवानंद शिंदे म्हणाले, सर्वसामान्य जनतेला कळेल, समजेल व उमजेल अशा भाषेत अर्थशास्त्राचे विवेचन लेखक डॉ. जे. एफ. पाटील यांनी केले आहे. चलननीती पुस्तकाच्या माध्यमातून त्यांनी तात्कालिन चलनविषयक धोरणांचा चिकित्सक पद्धतीने उलघडा केला आहे. लेखक डॉ. जे. एफ. पाटील यांनी लेखन कार्याचा प्रवास उलघडला. या वेळी कमल पाटील, ज्येष्ठ विचारवंत प्रा. डॉ. ज. रा. दाभोळे आदी उपस्थित होते. प्रसाद कुलकर्णी यांनी प्रास्ताविक केले. अर्थशास्त्र विभागाचे विभागप्रमुख डॉ. व्ही. बी. ककडे यांनी पुस्तक परिचय करुन दिला. डॉ. एम. एस. देशमुख यांनी सूत्रसंचालन केले. शशिकांत पंचगल्ले यांनी आभार मानले.

मोबाइल अॅप डाउनलोड करा आणि राहा अपडेट

प्रॉपर्टीचे बहुविध पर्याय

April 2, 2016, 2:30 pm

≫ Next: भक्ती, पर्यावरणाचा संदेश

≪ Previous: जे. एफ. पाटील यांच्या पुस्तकाचे प्रकाशन

$

0

0

म. टा. प्रतिनिधी, कोल्हापूर

'महाराष्ट्र टाइम्स' आणि 'टाइम्स ऑफ इंडिया'ने आयोजित केलेल्या 'टाइम्स प्रॉपर्टी शो २०१६' चे शानदार उद्घाटन शनिवारी (ता.२) डॉ. डी. वाय. पाटील ग्रुपचे अध्यक्ष डॉ. संजय डी. पाटील यांच्या हस्ते झाले. हॉटेल पॅव्हेलियनमधील मधुसूदन हॉलमध्ये सुरू झालेल्या प्रॉपर्टी शोमध्ये पहिल्या दिवसापासूनच कोल्हापूरकरांनी गर्दी केली. गुढी पाडव्याच्या शुभ मुहूर्तावर कोल्हापूरकरांचा गृहशोध टाइम्स प्रॉपर्टी शोमध्ये संपेल, असा विश्वास मान्यवरांनी व्यक्त केला.

वेगाने विस्तारणाऱ्या कोल्हापूरमध्ये घर आणि व्यवसायासाठी जागा शोधणाऱ्यांची धावपळ आता संपणार आहे, कारण १६ लाखांपासून तब्बल आठ कोटींपर्यंत प्रॉपर्टींचे पर्याय कोल्हापूरकरांसाठी उपलब्ध झाले आहेत. महाराष्ट्र टाइम्स आणि टाइम्स ऑफ इंडियाने आयोजित केलेल्या टाइम्स प्रॉपर्टी शोने कोल्हापूरसह पुण्यातील घरांचेही पर्याय उपलब्ध केले आहेत. बजेटसह अत्याधुनिक लग्झरियस लाइफ स्टाइलचे शेकडो पर्याय देणाऱ्या टाइम्स प्रॉपर्टी शोचे उद्घाटन डॉ. संजय डी. पाटील यांच्या हस्ते झाले. यावेळी क्रिडाईचे अध्यक्ष महेश यादव, क्रिडाई महाराष्ट्रचे उपाध्यक्ष राजीव पारिख, आनंद ग्रुपचे आनंद शहा, विहंग शहा यांच्यासह ऋतुराज पाटील, आदी मान्यवर उपस्थित होते. डॉ. संजय डी. पाटील, ऋतुराज पाटील यांच्यासह उपस्थित मान्यवरांनी सर्व स्टॉल्सवर जाऊन प्रकल्पांची माहिती घेतली. 'महाराष्ट्र टाइम्स'चे निवासी संपादक विजय जाधव, रिस्पॉन्स विभागाचे सीनिअर मॅनेजर मधुर राठोड, मुख्य प्रतिनिधी गुरुबाळ माळी, टाइम्स ऑफ इंडियाचे ब्युरो चिफ सम्राट फडणीस यांनी सर्वांचे स्वागत केले. यावेळी डॉ. संजय डी. पाटील यांनी, 'टाइम्स प्रॉपर्टी शोच्या माध्यमातून कोल्हापूरकरांचा गृहशोध संपेल आणि त्यांना त्यांच्या स्वप्नातील घर नक्कीच मिळेल,' असा विश्वास व्यक्त केला.

महाराष्ट्र टाइम्स आणि टाइम्स ऑफ इंडियाच्यावतीने सन २०१३ पासून प्रॉपर्टी शोचे आयोजन केले जात आहे. यापूर्वीच्या दोन्ही प्रदर्शनासाठी कोल्हापूरकरांनी उत्स्फूर्त प्रतिसाद दिला होता. गुढी पाडव्याच्या पार्श्वभूमीवर सुरू झालेल्या प्रॉपर्टी शोमध्ये कोल्हापूरसह पुण्यातीलही नामवंत बांधकाम व्यावसायिक सहभागी झाले आहेत. घरांसह व्यावसायिक बांधकामांमध्ये १६ लाखांपासून ते आठ कोटींपर्यंतचे पर्याय प्रदर्शनात उपलब्ध आहेत. यानिमित्ताने बांधकाम व्यवसायातील नवनवीन प्रकल्प जाणून घेण्याची संधी कोल्हापूरकरांना मिळाली आहे. प्रॉपर्टी शोमध्ये १९ बांधकाम व्यावसायिक सहभागी झाले असून, जवळपास १०० प्रकल्पांची माहिती देण्यात येत आहे. शहराच्या मध्यवर्ती ठिकाणी असलेल्या गृह प्रकल्पांपासून ते उपनगरांतील गृहप्रकल्प आणि कमर्शियल पर्यायही या प्रदर्शनात आहेत. कोल्हापूरच्या अत्याधुनिक आणि लग्झरियस लाइफ स्टाइलचे दर्शन घडवणारे गृहप्रकल्प हे या प्रदर्शनाचे खास वैशिष्ट्य आहे. फ्लॅट्स, रो हाउसेस, बंगले, पेंट हाउस आणि प्लॉट्सचीही माहिती उपलब्ध आहे. उपनगरांसह कणेरी मठ, मुडशिंगी, पन्हाळा, जोतिबा येथील निसर्गरम्य परिसरातील प्रकल्पही प्रदर्शनात आहेत. फर्स्ट होमसह सेकंड होमचेही विविध पर्याय उपलब्ध असल्याने हे प्रदर्शन कोल्हापूरकरांची अपेक्षापूर्ती करणारे ठरत आहे. गेल्या काही दिवसांपासून बांधकाम व्यवसायात असलेल्या मंदीतही अनेक संधी उपलब्ध करून देणारे हे प्रदर्शन ४ एप्रिलपर्यंत सुरू राहणार आहे.

चौकट...

१६ लाखांपासून आठ कोटींचे पर्याय

निसर्गरम्य कोल्हापूरमध्ये राहण्यासाठी बजेटमधील घरांना प्राधान्य दिले जात आहे, त्याचबरोबर मुख्य शहरातील व्यापारी पेठांचेही आधुनिकीकरण होत आहे. लग्झरियस घरांचेही अनेक पर्याय उपलब्ध असल्याने घर घेऊ पाहणाऱ्यांना बजेटमधील घरांपासून ते कोट्यवधींच्या गुंतवणुकीचे कमर्शियल पर्यायही मिळाले आहेत. प्रदर्शनात सहभागी बांधकाम व्यावसायिकांकडून प्रकल्पांच्या कागदपत्रांसह ते सर्व बारकाव्यांची तपशिलाने माहिती दिली जात असल्याने ग्राहकांचा विश्वास आणि पसंतीही वाढली आहे.

चौकट...

पहिल्याच दिवसापासून प्रतिसाद

पाडव्याच्या मुहूर्तावर घर बुक करण्याचा इरादा केलेल्या अनेक ग्राहकांनी पहिल्याच दिवशी प्रदर्शन पाहण्यास उपस्थिती लावली. संध्याकाळी वाढलेली गर्दी रात्री उशिरापर्यंत कायम होती. सहकुटुंब आलेले अनेकजण स्टॉल्सवर माहिती घेण्यात मग्न होते. कोल्हापूरकरांचा हाच उत्साह सोमवारपर्यंत कायम राहणार आहे.

मोबाइल अॅप डाउनलोड करा आणि राहा अपडेट

भक्ती, पर्यावरणाचा संदेश

April 2, 2016, 2:30 pm

≫ Next: देखणी ‘डुकाटी’ कोल्हापुरात दाखल

≪ Previous: प्रॉपर्टीचे बहुविध पर्याय

$

0

0

म. टा. वृत्तसेवा, जयसिंगपूर

'कन्यागत महापर्वकाळ सोहळा ही धार्मिक पर्वणी आहे. कन्यागतच्या मंगलमय वातावरण निर्मितीचे काम बोधचिन्हाच्या माध्यमातून होणार आहे. भक्ती आणि श्रद्धा याबरोबरच पर्यावरण संवर्धनाचा संदेशही हे बोध चिन्ह आपल्याला देते. कन्यागतमधील 'बेटी बचाओ बेटी पढाओे' अभियानही यशस्वी करण्याची गरज आहे,' असे प्रतिपादन पालकमंत्री चंद्रकांत पाटील यांनी केले.

नृसिंहवाडीत कन्यागत महापर्वकाळानिमित्त तयार केलेल्या बोधचिन्हाचे अनावरण तसेच विकासकामांचा प्रारंभ पालकमंत्री चंद्रकांत पाटील यांच्याहस्ते झाला. यावेळी ते बोलत होते. यावेळी खासदार राजू शेट्टी, जिल्हा परिषद अध्यक्षा विमल पाटील, आमदार उल्हास पाटील, आमदार गणेश हुक्केरी, जिल्हाधिकारी डॉ. अमित सैनी, पोलिस अधीक्षक प्रदीप देशपांडे, जि.प.चे सीईओ अविनाश सुभेदार, प्रांताधिकारी अश्विनी जिरंगे, तहसीलदार जलज शर्मा, कुरुंदवाड नगराध्यक्षा मनीषा डांगे, आदी प्रमुख उपस्थित होते.

पालकमंत्री पाटील म्हणाले, 'श्री क्षेत्र नृसिंहवाडीत कन्यागत महापर्वकाळासाठी तीर्थक्षेत्र विकास योजनेंतर्गत विविध विकासकामे होणार आहेत. या भागातील पायाभूत सुविधा व परिसराच्या विकासासाठी सरकारने १२१ कोटींचा आराखडा मंजूर केला आहे. या निधीच्या माध्यमातून रस्ते, घाट, भक्त निवास, आदी सर्व सुविधा उपलब्ध करून देण्यात येतील. कन्यागत महापर्वाच्या मंगलमय वातावरणनिर्मितीचे काम बोधचिन्हाच्या माध्यमातून होईल.'

खासदार राजू शेट्टी म्हणाले, 'कन्यागत महापर्व सोहळ्यामुळे नृसिंहवाडी तीर्थक्षेत्र विकासाला चालना मिळणार आहे. राज्य सरकारने महाराष्ट्रातील कृष्णा नदीचा महाबळेश्वर ते खिद्रापूरपर्यंत सर्व परिसर विकसित करण्यावर भर द्यावा. पायाभूत सुविधांची निर्मिती होत असताना गुणवत्ता सांभाळावी.' आमदार उल्हास पाटील म्हणाले, 'कन्यागत महापर्वकाळासाठी येणाऱ्या लाखो भाविकांना चांगल्या व दर्जेदार सुविधा देणे ही सर्वांची जबाबदारी आहे. यासाठी कर्नाटकातूनही श्रीक्षेत्र नृसिंहवाडी परिसर विकसित करण्यात आला आहे. कर्नाटकातील आमदार गणेश हुक्कीरे यांनी कन्यागतसाठी सर्वतोपरी मदत करण्याची ग्वाही दिली आहे.'

यावेळी कन्यागत महापर्वकालाचे बोधचिन्ह निर्माण करणाऱ्या निर्मिती संस्थेच्या अनंत खासबागदार यांचा सत्कार खासदार शेट्टी यांच्याहस्ते करण्यात आला. जिल्हा माहिती अधिकारी वर्षा पाटोळे यांनी प्रास्ताविक केले. कार्यक्रमास राजेश खोंबारे, सार्वजनिक बांधकामचे अधीक्षक अभियंता सदाशिव साळुंखे, जिल्हा नियोजन अधिकारी सरिता यादव, आदी उपस्थित होते.

मोबाइल अॅप डाउनलोड करा आणि राहा अपडेट

देखणी ‘डुकाटी’ कोल्हापुरात दाखल

April 2, 2016, 2:30 pm

≫ Next: कोरड्या आश्वासनांनी घसेही कोरडे

≪ Previous: भक्ती, पर्यावरणाचा संदेश

$

0

0

म. टा. प्रतिनिधी, कोल्हापूर

हॉलिवूड आणि बॉलिवूड चित्रपटांतून तरुणाईचे आकर्षण ठरलेली आणि सर्वांच्याच मनावर अधिराज्य गाजविणाऱ्या डुकाटी बाइक्स कोल्हापुरात दाखल झाल्या आहेत. टाइम्स प्रॉपर्टी शोच्या निमित्ताने डुकाटी पाहण्याची संधी कोल्हापूरकरांना लाभल्याने घरांसह वेगवान डुकाटी बाइकही कोल्हापूरकरांना आकर्षित करीत आहे. हॉटेल पॅव्हेलियनमधील मधुसूदन हॉलमध्ये सुरू असलेल्या 'टाइम्स प्रॉपर्टी शो'मध्ये डुकाटी दाखल झाल्याने आणखी दोन दिवस डुकाटी पाहण्याची संधी कोल्हापूरकरांना मिळणार आहे.

तरुणाईला भुरळ घालणारी डुकाटी बाइक हॉलिवूड, बॉलिवूडमधील अनेक चित्रपटांमुळे घराघरात पोहोचली आहे. इटलीतील डुकाटी ब्रॅन्डने स्पोर्टस् आणि अॅडव्हेंचर टुरिंग बाइक्समध्ये वेगळा दबदबा निर्माण केला आहे, त्यामुळे डुकाटी पाहण्याचीही संधी बाइकप्रेमी दवडत नाहीत. हीच संधी टाइम्स ग्रुपने कोल्हापूरकरांसाठी उपलब्ध केली आहे. टाइम्स प्रॉपर्टी शोच्या निमित्ताने शहरातील हॉटेल पॅव्हेलियन येथील मधुसूदन हॉलमध्ये तब्बल १२०० सीसीच्या डिव्हायल आणि मल्टी स्ट्राडा-एस ही डुकाटीची दोन मॉडेल्स प्रदर्शनात ठेवली आहेत. डिव्हायलची किंमत १९ लाख रुपये, तर मल्टी स्ट्राडा-एसची किंमत २० लाख २५ हजार रुपये आहे. डिव्हायल ही स्पोर्टस् स्क्रूझर कॅटॅगिरीतील बाइक असून, तिचा आकार आणि मजबुती पाहताक्षणी नजरेत भरते. १६२ हॉर्सपॉवर इतकी शक्ती असल्याने वेगावर स्वार होणाऱ्यांसाठी ही बाइक खूपच आवडीची आहे.

मल्टी स्ट्राडा-एस ही अॅडव्हेंचर टुरिंग बाइक अत्याधुनिक साधनांनी सज्ज आहे. जगभरातील नामवंत बाइकर्स लॉँग टूरसाठी या बाइकला पसंती देतात. या बाइकचे विशेष म्हणजे शहरातून किंवा गर्दीच्या ठिकाणाहून प्रवास करताना बटणवरून हॉर्सपॉवर शंभरपर्यंत कमी करता येते. ऑटो इलेक्ट्रॉनिक्स सस्पेन्शनमुळे खडकाळ रस्त्यांवरही ही बाइक आरामदायी ठरते. डोंगर-घाट, कच्चे रस्ते यावरही ती सहजतेने प्रवास करते. दोन्ही बाइक्सना एलईडी स्क्रीन आहेत. बाइकचा आकार, आवाज, भक्कमता आणि अत्याधुनिक सुविधा यामुळे डुकाटी बाइक्स नजरेत भरतात. टाइम्स प्रॉपर्टी शोच्या पहिल्या दिवसापासूनच डुकाटी आकर्षणाचे केंद्रबिंदू बनली आहे. प्रॉपर्टी शोमधून घराचा शोध घेण्याबरोबरच डुकाटीचाही आनंद मिळत असल्याने कोल्हापूरकरांची गर्दी वाढली आहे.

कोट...

'जगभरातील लोकप्रिय डुकाटी बाइक आता भारतीयांसाठीही सर्वांत फेवरिट बनली आहे. पुण्यातील डुकाटीची क्रेझ वाढली आहेच; पण कोल्हापुरातील बाइकप्रेमींची गर्दी पाहून इथेही डुकाटीचे हजारो चाहते असल्याचे जाणवले.'

प्रसाद केंगार, सेल्स मॅनेजर, डुकाटी

मोबाइल अॅप डाउनलोड करा आणि राहा अपडेट

कोरड्या आश्वासनांनी घसेही कोरडे

April 2, 2016, 2:30 pm

≫ Next: कोल्हापूरच्या नगरसेविका शहा‌ंविरोधात आरोपपत्र

≪ Previous: देखणी ‘डुकाटी’ कोल्हापुरात दाखल

$

0

0

Gurubal.Mali@timesgroup.com

​कोल्हापूर ः 'पाणी द्या नाहीतर कर्नाटकात जातो,' म्हणत आंदोलनाच्या माध्यमातून दुष्काळाच्या झळा राज्यभर पोहचवण्याचा प्रयत्न जत तालुक्यातील जनतेने केला. पण, केवळ कोरड्या आश्वासनामुळे या भागातील लोकांचा घसा कोरडा आणि जमिनीही कोरड्याच राहिल्या. शेती परवडत नाही म्हणून शेतकरी लाखमोलाच्या जमिनी कवडीमोलाने पवनचक्क्यासाठी देत आहेत. आज काही लोकांच्या हातात पवनचक्क्यांचा पैसा खेळत असला तरी भविष्यात कंगाल होण्याची वेळ येणार आहे. काही प्रमाणात जतचा पश्चिम भाग वगळला तर पूर्व आणि दक्षिण भागात भीषण दुष्काळस्थिती आहे.

जवळा, सोनंद या गावांतील दुष्काळाच्या झळा अनुभवल्यानंतर जत तालुक्यातील शिंगनहळीत पोहचलो. आटपाडी आणि सांगोला तालुक्यासारखीच किंबहुना, त्यापेक्षा भयाण स्थिती जत तालुक्यातील अनेक गावांची दिसू लागली. शिंगनहळ्ळीच्या दुपारी तीनला पोहोचलो. अशा उन्हाच्या तडाख्यातच अनेक वस्त्यावरील महिला डोक्यावर दोन-दोन घागरी घेऊन येत होत्या. एक महिला तर सायकलला चार घागरी अडकवून आली होती. एक-दोन कुपनलिकांनाच पाणी असल्याने तेथे गर्दी होत होती.

ट्रकचालक म्हणून काम करणारा विलास तेथे भेटला. तो सांगू लागला 'पाण्यासाठीची वणवण पाहवत नाही. पण करणार काय? सातशे फूट कुपनलिका खोदल्यावर पाणी लागले आहे. पिण्यापुरतेतरी पाणी मिळते हे नशीब.'

पुढे शेगावला पोहचलो. शेजारच्या बनाळीतही अशीच स्थिती. वाळेखिंडी, निगडी, व्हसपेठ, सनमडी, काराजनगी, येळवी, माडग्याळ, आसंगी, सोरडी, संख, अंकलगी... गावांची नावे वेगळी पण प्रत्येक गाव दुष्काळानं होरपळलेलं.

प्रत्येकाची जगण्याची लढाई. वळसंग वगळता पुढे सोरडीपासून पाण्याची अवस्था भीषण आहे. सर्वाधिक झळा बसत आहेत ते माडग्याळला. गावातील सत्तर टक्के लोक वाड्या-वस्त्यांवर राहतात. हा भाग डोंगराळ. विहिरीतील पाणी आटल्याने फळे आणि भाजीपाला सर्वाधिक बाहेर पाठविणाऱ्या या गावाला पाण्यासाठी धडपड करावी लागत आहे.

शेगाव, बनाळी सोडले आणि ओसाड शिवारात सर्वत्र दिसू लागल्या त्या पवनचक्याच. कर्जाच्या ओझ्याखाली दबण्यापेक्षा जमिनी विकलेल्या बऱ्या म्हणत शेतकरी लाखमोलाच्या जमिनी कवडी मोलाच्या दरात पवनचक्यांच्या कंपन्यांना विकत आहेत. एका वळसंग गावातील दीड हजार एकर शेती चारवर्षात शेतकऱ्यांनी विकली. हीच अवस्था मुचंडी, रावळगुंडवाडी, उंटवाडी, उमराणी, सिंदूर, अचकनहळळी, रामपूर अशा गावांची. आज ना उद्या पाणी येईल या आशेवर राहत अजूनही काहींनी जमिनी ठेवल्या असल्या तरी जमीन विकण्याचे प्रमाण वाढत आहे.

.......................

जत तालुक्यात गेल्या अनेक महिन्यापासून टँकरने पाणी पुरवठा सुरू आहे. ७९ टँकरव्दारे ५८ गावे आणि ५२८ वाड्या-वस्त्यांवर १ लाख ७१ हजार लोकांना रोज २०० पेक्षा अधिक फेऱ्याव्दारे पुरवठा केला जात आहे. जलयुक्त शिवार अभियानात गेल्यावर्षी ४२ गावात कामे सुरू करण्यात आली. यंदा ३० गावांचा समावेश केला आहे.

अशोक पाटील, प्रांताधिकारी, जत

००००००००००००००००००

व्हसपेठ तलावात ४४ कुपनलिका खोदल्या आहेत. तरीही पाणी नाही. माडग्याळच्या वाड्या-वस्त्यांवर भयानक पाणी टंचाई आहे, जनावरांना चारा नाही. फळे आणि भाजीपाला मोठ्या प्रमाणात बाहेर पाठविणाऱ्या माडग्याळवर पाणी नसल्याने भाजीपाला विकत घेण्याची वेळ आली आहे.

शिवबाळ माळी, माडग्याळ

मोबाइल अॅप डाउनलोड करा आणि राहा अपडेट

कोल्हापूरच्या नगरसेविका शहा‌ंविरोधात आरोपपत्र

April 2, 2016, 2:30 pm

≫ Next: एफआरपीचा दुसरा हप्ता मेमध्ये

≪ Previous: कोरड्या आश्वासनांनी घसेही कोरडे

$

0

0

कोल्हापूर : क्रिकेट बेटिंग प्रकरणी प्राथ​मिक शिक्षण मंडळाच्या उपसभापती व काँग्रेसच्या नगरसेविका सुरेखा शहा यांना आरोपी करून कोर्टात दोषारोपपत्र दाखल केले जाणार आहे, अशी माहिती शाहूपुरी पोलिस ठाण्याचे निरीक्षक अ​रविंद चौधरी यांनी दिली.

क्रिकेट बेटिंगचा अड्डा नगरसेविका शहा यांच्या मालकीच्या फ्लॅटमध्ये असल्याने त्यांना आरोपी करण्यात आले आहे. दरम्यान, याप्रकरणी स्वप्निल तहसीलदार यांचा भाऊ सागर याच्याकडेही शाहूपुरी पोलिसांनी चौकशी केली. पोलिसांनी बेटिंगप्रकरणी ही कारवाई केली होती.

मोबाइल अॅप डाउनलोड करा आणि राहा अपडेट

---

एफआरपीचा दुसरा हप्ता मेमध्ये

April 2, 2016, 2:30 pm

≫ Next: डॉल्बीचा दणका ३७ मंडळांना

≪ Previous: कोल्हापूरच्या नगरसेविका शहा‌ंविरोधात आरोपपत्र

$

0

0

म. टा. प्रतिनिधी, कोल्हापूर

एप्रिलच्या पहिल्या आठवड्यात बंद झालेल्या साखर कारखान्यांनी सरकारने ठरविलेल्या ८०:२० फॉर्म्युलानुसार एफआरपीचा २० टक्क्याचा दुसरा हप्ता मे महिन्यापासून देण्याचा निर्णय साखर कारखानदारांच्या बैठकीत घेण्यात आला. कोल्हापूर जिल्हा मध्यवर्ती सहकारी बँकेच्या सभागृहात झालेल्या बैठकीत हा निर्णय घेण्यात आला असून यासाठी जिल्हा बँकेच्या संलग्न कारखान्यांना कर्ज देण्याचा निर्णय सोमवारी (ता.४) होणाऱ्या कार्यकारी समितीच्या बैठकीमध्ये घेण्यात येणार आहे. साखरेच्या दरामध्ये वाढ झाली असली, तरी मागणी नसल्याने कारखानदारांनी एकाचवेळी साखर बाजारपेठेत विक्री न करण्याचा निर्णय यावेळी घेण्यात आला.

हंगाम सुरू होण्यापूर्वी सरकारने घेतलेल्या निर्णयाप्रमाणे ज्या कारखान्यांचा गळीत हंगाम बंद झाला आहे, अशा कारखान्यांनी १५ एप्रिलपर्यंत उर्वरित २० टक्के एफआरपीचा हप्ता देण्याचे आदेश साखर आयुक्तांनी कारखानदारांच्या बैठकीत दिले होते. आयुक्तांनी दिलेल्या आदेशावर जिल्हा बँकेत झालेल्या बैठकीत विस्तृत चर्चा करण्यात आली. गेल्या काही दिवसांपासून साखरेच्या दरात वाढ झाली असली, तरी आयुक्तांनी आदेश देताच साखरेचे दर क्विंटलमागे शंभर रुपयांनी कमी झाले आहेत. तसेच यापूर्वी एफआरपीसाठी दिलेल्या कर्जाचे हप्ते सुरू झाले आहेत. जिल्ह्यातील काही कारखाने वगळता इतर कारखाने १५ एप्रिलपर्यंत सुरू राहणार आहेत. ज्या कारखान्यांनी कोट्याच्या ८० टक्के साखर निर्यात केली आहे, त्या कारखान्याच्या ऊस उत्पादक शेतकऱ्यांच्या बँक खात्यावर केंद्राकडून प्रतिटन ४५ रुपये रक्कम जमा होणार आहे.

सरकारच्या निर्णयानुसार कारखाने एफआरपी देण्यास बांधील आहेत. एफआरपी देण्यासाठी साखर आयुक्तांच्या आदेशामुळे सर्वच कारखान्यांनी गडबड केल्यास एकाचवेळी बाजारपेठेत साखर विक्रीस येण्याची शक्यता आहे. बाजारपेठेत साखरेचा प्रमाणापेक्षा जास्त साठा झाल्यास दर कोसळण्याची शक्यता आहे. त्यामुळे कारखान्यांनी एकाचवेळी साखर विक्री न काढण्याचा निर्णय घेला. २० टक्क्याप्रमाणे ऊस उत्पादकांचे हप्ता देण्यासाठी जिल्हा बँकेकडून कारखान्यांना कर्जपुरवठा करण्यात येणार आहे. कारखानदारांच्या बैठकीत घेतलेल्या निर्णयामुळे जिल्हा ऊस उत्पादकांना २० टक्के एफआरपीसाठी एक महिन्याची प्रतीक्षा करावी लागणार आहे.

बैठकीस सरसेनापती संताजी घोरपडे शुगरचे हसन मुश्रीफ, 'शाहू'चे चेअमरन समरजित घाटगे, 'शरद'चे चेअरमन राजेंद्र पाटील-यड्रावकर, 'वारणा'चे व्यवस्थापकीय संचालक व्ही. एस. कोले, 'डॉ. डी. वाय. पाटील'चे जयदीप पाटील, 'इको-केन शुगर'चे सतीश अनगोळकर, 'दत्त दालमिया'चे के. पी. सिंग, 'राजाराम'चे व्यवस्थापकीय सल्लागार पी. जी. मेढे, 'आजरा'चे पी. एल. हरेर, 'गुरुदत्त शुगर्स'चे राहुल घाटगे यांच्यासह दत्त-शिरोळ व जवाहर कारखान्याचे व्यवस्थापकीय संचालक उपस्थित होते.

मोबाइल अॅप डाउनलोड करा आणि राहा अपडेट

डॉल्बीचा दणका ३७ मंडळांना

April 2, 2016, 2:30 pm

≫ Next: नरसिंग गिरणीच्याजागेवर गारमेंट पार्कमुख्यमंत्री फडणवीस यांची ग्वाही

≪ Previous: एफआरपीचा दुसरा हप्ता मेमध्ये

$

0

0

म. टा. प्रतिनिधी, कोल्हापूर

पोलिसांचे आदेश धुडकावून गणेशोत्सवात डॉल्बी लावल्याबद्दल ३७ सार्वजनिक मंडळांच्या २१३ कार्यकर्ते आणि डॉल्बी चालकांविरूद्ध जुना राजवाडा पोलिसांनी प्रथम वर्ग न्यायदंडाधिकाऱ्यांसमोर आरोपपत्र दाखल केले आहे. भारतीय दंड विधान संहिता आणि ध्वनी प्रदूषण कायद्यानुसार आरोपपत्र दाखल केले आहे. या खटल्यात आरोप सिद्ध झाल्यास पाच वर्षे सक्तमजुरी आणि एक लाख रूपये दंड असे शिक्षेचे स्वरूप आहे.

गेल्यावर्षी सप्टेंबर २०१५ मध्ये जिल्हा प्रशासनाने डॉल्बीमुक्त गणेशोत्सव मोहीम राबवली. अनेक मंडळांनी या उपक्रमाला मंडळांनी चांगला प्रतिसाद दिला. त्याचवेळी डॉल्बी लावणाऱ्या मंडळांवर कायदेशीर करण्याचा इशाराही पोलिसांनी दिला होता. पण, काही मंडळांनी पोलिसांचे आदेश धुडकावून कर्णकर्कश्‍श आवाजात डॉल्बी लावला. पोलिसांनी साउंड लेव्हल ​मीटरने डॉल्बीच्या आवाजाची तीव्रता मोजली. ती नियमापेक्षा जास्त होती. हा प्रकार करणाऱ्या ३७ मंडळांवर गुन्हा दाखल करण्यात आला. त्यानंतर या मंडळांविरोधात कोर्टात आरोपत्र दाखल करण्यात आले आहे.

आरोपपत्र दाखल केलेली मंडळे अशी

तटाकडील तालीम मंडळ, हिंदवी स्पोर्टस्, आझाद हिंद तरूण मंडळ, दयावान ग्रुप, रंकाळावेस तालीम मंडळ, क्रांती बॉइज, मोहिते स्पोर्टस् प्रणित स्वामी चॅरिटेबल मंडळ, आयडीयल ग्रुप, प्रॅक्टिस क्लब, अवचित पीर तालीम मंडळ, बीजीएम, वेताळ तालीम मंडळ, लक्ष्मी गल्ली तरूण मंडळ, म्हसोबा तरूण मंडळ, शाहू उद्यान तरूण मंडळ, बजापराव माजगांवकर तालीम मंडळ, उमेश कांदेकर युवा मंच, वाघाची तालीम मंडळ, कट्टा ग्रुप लक्ष्मीपुरी, साईबाबा ग्रुप रविवार पेठ, पिंटू मिसाळ बॉइज, चक्रव्यूह तरूण मंडळ, स्वयंभू तरूण मंडळ, बालगोपाल तालीम मंडळ, बागल चौक मित्र मंडळ, स्पायडर ग्रुप शिवाजी उद्यमनगर, क्रांतिसिंह तरूण मंडळ, आझाद तालीम विक्रमनगर, बीएमएम बालावधूत मित्र मंडळ, साईनाथ मित्र मंडळ, शिवप्रेमी मित्र मंडळ, सह्याद्री गणेश मंडळ, विश्वशांती तरूण मंडळ, न्यू मित्रप्रेम फ्रेंडस सर्कल, सदरबाजार तरूण मंडळ

दोन कोटी १३ लाख दंड?

ध्वनी प्रदूषण (विनियमन व नियंत्रण) नियम २००० चे नियम क्रमांक ३(१), ४(१),५(४) अन्वये गुन्हा सिद्ध झाल्यास संबंधित आरोपीला पाच वर्षे सक्तमजुरी आणि एक लाख रूपये दंडाची तरतूद आहे. २१३ कार्यकर्त्यांवरील गुन्हा सिद्ध झाल्यास दोन कोटी १३ लाख रूपये दंड होऊ शकतो.

मोबाइल अॅप डाउनलोड करा आणि राहा अपडेट

नरसिंग गिरणीच्याजागेवर गारमेंट पार्कमुख्यमंत्री फडणवीस यांची ग्वाही

April 4, 2016, 10:46 am

≫ Next: स्मार्ट सोलापुरात२५ बसेस सीएनजीवर

≪ Previous: डॉल्बीचा दणका ३७ मंडळांना

$

0

0

म. टा. वृत्तसेवा, सोलापूर
'भैय्या चौकातील बंद पडलेल्या नरसिंग गिरजी मिलच्या जागेवरच गारमेंट पार्क उभारण्याचे आदेश मुख्यमंत्री देवेंद्र फडणवीस यांनी दिले आहेत. वस्त्रोद्योग विभागाचे अतिरिक्त मुख्य सचिव सुनील पोरवाल यांना गिरणीच्या ५० टक्के जागेवर गारमेंट पार्क आणि उर्वरीत ५० टक्के भागाचा रहिवासी जागेसाठी वापर करण्याचे आदेशही फडणवीस यांनी दिले आहेत,' अशी माहिती वस्त्रोद्योग राज्यमंत्री विजयकुमार देशमुख यांनी दिली आहे.
मुख्यमंत्री फडणवीस, वस्त्रोद्योग मंत्री चंद्रकांत पाटील तसेच वस्त्रोद्योगचे अतिरिक्त मुख्य सचिव सुनील पोरवाल यांच्या उपस्थितीत झालेल्या बैठकीत नरसिंग गिरणीच्या जागेवर गारमेंट पार्क उभारण्याबाबतचा निर्णय घेण्यात आल्याचेही देशमुख म्हणाले.
सुमारे १५० वर्षांपूर्वी स्थापन झालेल्या गिरणीची एकूण जागा ३५ एकर इतकी असून, ३० जून २००२ रोजी गिरण बंद पडल्यानंतर चार ते पाच हजार कामगार बेकार झाले. या गिरणीत एकूण ११ हजार कामगार काम करीत होते.

मोबाइल अॅप डाउनलोड करा आणि राहा अपडेट

स्मार्ट सोलापुरात२५ बसेस सीएनजीवर

April 4, 2016, 10:47 am

≫ Next: कराड, पाटणमध्ये पाण्यासाठी महिलांची भटकंती

≪ Previous: नरसिंग गिरणीच्याजागेवर गारमेंट पार्कमुख्यमंत्री फडणवीस यांची ग्वाही

$

0

0

सोलापूर
सोलापूर महानगरपालिका परिवहन समितीचे सभापती राजन जाधव यांनी मांडलेल्या ९८.६८ कोटींच्या अंदाजपत्रकात २५ बसेसचे सीएनजीमध्ये रुपांतर करण्याची शिफारस करण्यात आली आहे. त्यासाठी सीएनजी पंप सुरू करण्याचेही ठरले आहे. या शिवाय नागपूरच्या धर्तीवर प्रायोगिक तत्वावर इथेनॉलवर बसेस चालविण्याबाबतचाही विचार सुरू आहे.
दुरुस्तीसह एकमताने मंजूर करण्यात आलेल्या अर्थसंकल्पात बसेसच्या प्रचलित तिकीट दरात कसलीच वाढ सुचविण्यात आलेली नाही. परिवहन विभागासाठी महापालिकेने अंदाजपत्रकात ७ कोटींचीही तरतूद केली आहे.
जेएनएनयूआरएम योजनेखाली अशोक लेलॅन्ड कंपनीकडून खरेदी करण्यात आलेल्या ९९ बसेसपैकी ५९ बसेसच्या चेसी क्रॅक झाल्याचे निदर्शनास आल्यामुळे ३ मार्चपर्यंत २८ बसेसचे प्रमाणपत्र रद्द करण्यात आल्यामुळे तसेच एक बस इंजिनजवळील वायरिंगमध्ये शॉट सर्किट झाल्याने एकूण ८८ बसेस दैनंदिन मार्गावर कमी झाल्या आहेत. त्यामुळे परिवहनच्या दैनंदिन उत्पन्नात दररोज साडेचार लाख रुपयांप्रमाणे महिन्याला १.३५ कोटी रुपयांच्या परिवहनच्या उत्पन्नात घट झाली आहे.
शिक्षण मंडळाचे ३१ कोटीचे अंदाजपत्रक
महापालिका प्राथमिक शिक्षण मंडळाचे २०१६-१७ या वर्षासाठी तयार करण्यात आलेले ३१ कोटी ३ लाख २६ हजार रुपयांचे अंदाजपत्रक सभापती संकेत पिसे यांनी माडले. त्यास एकमताने मान्यता देण्यात आली. महापालिकेच्या शाळेत ४ हजार ३१ मुले शिकतात. त्यांच्या सुमारे ३२ कोटी रुपये खर्च केला जातो. हा खर्च वाया जाऊ नये यासाठी शिक्षणाचा दर्जा वाढविण्याबाबत निर्णय घेण्यात आला.

मोबाइल अॅप डाउनलोड करा आणि राहा अपडेट

कराड, पाटणमध्ये पाण्यासाठी महिलांची भटकंती

April 3, 2016, 10:45 am

≫ Next: खटावचा पारा ४० अंश सेल्शिअसवर

≪ Previous: स्मार्ट सोलापुरात२५ बसेस सीएनजीवर

$

0

0

कराड, पाटणमध्ये पाण्यासाठी महिलांची भटकंती
म. टा. वृत्तसेवा, कराड
कराड, पाटण व कोरेगाव या कृष्णा-कोयना नदी काठांवरील तालुक्यांतील अनेक गावांत महिला व ग्रामस्थांचे पिण्याचे व घरखर्चाचे पाणी मिळविताना मोठे हाल होत आहेत. खासगी विहिरी, बोअर व हातपंपावर पाण्यासाठी तासन् तास ताटकळत बसावे लागत आहे.
कराडसह शेजारील पाटण व कोरेगाव तालुक्यांतही भीषण दुष्काळाचे चटके गावांतील लोकांना बसू लागले आहेत. यामध्ये पिण्याच्या पाण्याची तीव्र टंचाई निर्माण झाल्याने घरातील लहान मुलांपासून ते महिला व पुरुषांनाही पाण्यासाठी वणवण करावी लागत आहे.
कराड तालुक्याच्या पूर्वेकडील शामगाव परिसर तर पश्चिमेकडील चोरे, चोरजवाडी गावांच्या परिसरात सध्या तीव्र पाणी टंचाई निर्माण झाली आहे. त्यातच, डफळवाडीपासून चोरजवाडीकडे जाणाऱ्या पाइपलाइनचे काम तीन महिन्यांपासून ठेकेदाराने अर्धवट सोडले आहे. चोरे, चोरजवाडी, मस्करवाडी, साखरवाडी या गावांतील पिण्याच्या पाण्यासाठी राष्ट्रीय पेयजल योजनेतून सरकारने मोठा निधी मंजूर केला होता. मात्र, चोरे येथील अंतर्गत पाइपलाइन व एका नवीन टाकीचे काम मरळी फाट्यावरील मोटार या शिवाय मुख्य पाइपलाइन जोडण्याचे काम या ठेकेदाराने केले नाही. मरळी फाट्यापासून चोरजवाडी पाण्याच्या टाकीपर्यंत पाइपलाइन टाकण्याचे काम या योजनेत असताना काम अर्धवट सोडल्याने गावासह परिसराला पाणी मिळत नाही. पाण्यासाठी गावातील महिला तासन्-तास खासगी बोअर व हातपंपावर ताटकळत बसत आहेत. मात्र तीव्र उन्हाळ्यामुळे पाणी कधी अर्धातास तर कमी तासभर सुद्धा येत नाही. गावातील आड कोरडा पडल्याने ग्रामस्थांची चिंता वाढली आहे.
पाटण तालुक्यातील पठारी प्रदेशावरील अनेक गावांत पाण्याचे स्त्रोत बंद झाल्याने पाण्यासाठी महिला, मुलांसह पुरुषांचीही भटकंती होत आहे. दुर्गम डोंगरी व दऱ्या खोऱ्यांतील अनेक गावांत वर्षांनुवर्षे पाण्याची कसलीही सोय करण्यात आलेली नाही.
एका रुपयाला एक लिटर पाणी
कोरेगाव तालुक्याचा वाठार स्टेशन, पिंपोडे हा कराड उत्तर विधानसभा मतदारसंघात येणारा परिसरही दुष्काळाच्या छायेतील आहे. या परिसरात पाण्याचा भीषण प्रश्न निर्माण झाला आहे. सार्वजनिक पाणी पुरवठा व्यवस्था काही ठिकाणी कोलमडली आहे. खासगी टँकर लॉबी या परिसरात फोफावली आहे. ५० लिटरचा बॅरल ५० रुपयांना विकला जात असल्याने १ रुपयाला १ लिटर पाणी मिळत आहे. पाण्याची तस्करी वाढली आहे. तेथील हॉटेलमध्ये पाणी मागितले तर फुकटात मिळत नाही, अशी परिस्थिती निर्माण झाली आहे.
पाण्यासाठी गेलेल्या युवतीचा बुडून मृत्यू
सार्वजनिक विहिरीतून पाणी आणण्यासाठी गेलेल्या असवलेवाडी (ता. पाटण) येथील तरुणीचा विहिरीत पडून बुडून मृत्यू झाला. कमल उत्तम असवले (वय २०)असे मृत तरुणीचे नाव आहे. कमल सार्वजनिक विहिरीवर कळशी घेऊन पाणी आणण्यासाठी गेली होती. त्यावेळी तिचा पाय घसरून विहिरीत पडल्याने मृत्यू झाला. साक्षीने आरडाओरड करीत घरी येऊन याची माहिती दिली. ही घटना सायंकाळी सव्वासहाच्या सुमारास उघडकीस आली.

मोबाइल अॅप डाउनलोड करा आणि राहा अपडेट

खटावचा पारा ४० अंश सेल्शिअसवर

April 3, 2016, 10:46 am

≫ Next: मंडलाधिकाऱ्यालासक्तमजुरीची शिक्षा

≪ Previous: कराड, पाटणमध्ये पाण्यासाठी महिलांची भटकंती

$

0

0

खटावचा पारा ४० अंश सेल्शिअसवर
सातारा :
दुष्काळाच्या झळा सोसणाऱ्या खटाव तालुक्याच्या पश्चिम पट्ट्यातील औंधसह अनेक गावांमध्ये तापमानाचा पारा ३८ ते ४० अंशांवर जात आहे. ऊनाच्या झळांनी या भागातील जनता त्रस्त झाली आहे. हवामानामध्ये होणाऱ्या अचानक बदलांमुळे नागरिक, महिला, लहान मुलांच्या आजारांमध्ये मोठी वाढ झाली आहे. यंदाचा दुष्काळ व उन्हाळा असह्य होत आहे.
दरम्यान, वडूज तालुका मुख्यालयापासून हाकेच्या अंतरावर असणाऱ्या गणेशवाडी (ता. खटाव) या गावात सध्या पिण्याच्या पाण्याची तीव्र टंचाई भासत आहे. प्रशासनाने टंचाईबाबत चार दिवसात गांभीर्याने विचार करावा अन्यथा ग्रामस्थ तहसीलदार कार्यालयासमोरील धरणे आंदोलन करतील, असा इशारा विविध संघटनांनी दिला आहे.

मोबाइल अॅप डाउनलोड करा आणि राहा अपडेट

मंडलाधिकाऱ्यालासक्तमजुरीची शिक्षा

April 3, 2016, 10:47 am

≫ Next: ‘साखरेच्या बाजारपेठेसाठीसरकारने प्रयत्न करावेत’

≪ Previous: खटावचा पारा ४० अंश सेल्शिअसवर

$

0

0

सातारा :
लाच प्रतिबंधक कायद्याखाली वाठारचे (ता. कोरेगाव) मंडलाधिकारी हणमंत श्रीपती कदम याला विशेष न्यायालयातील विशेष न्यायाधीश व्ही. आर. कचरे यांनी तीन वर्ष सक्तमजुरीची शिक्षा सुनावली आहे.
दि. १९ ऑक्टोबर २०१३ रोजी मंडलाधिकारी हणमंतराव कदम याने तक्रारदारास खरेदी केलेल्या दस्तांची फेरफार मंजूर करण्यात हरकत घेतलेले अर्ज निकाली काढून वरील दस्तात नमूद खरेदी घेणाराचे नाव घालण्याकरीत १ लाख ४० हजारांची लाच मागितली होती. या बाबत सातारा येथे लाचलुचपत विभागात तक्रारदाराने तक्रार दाखल केली. त्याचप्रमाणे लाचलुचपत विभागाच्या पथकाने सापळा रचून मंडलाधिकारी कदम यास लाच स्वीकारताना कार्यालयातच रंगेहाथ पकडले होते. या गुन्ह्याचा तपास लाचलुचपत विभागाचे पो. नि. बयाजी कुरने यांनी करीत आरोपी कदम विरोधात विशेष न्यायालयात दोषारोप पत्र सादर केले. जिल्हा सरकारी वकील महेश कुलकर्णी यांचा युक्तीवाद ग्राह्य मानून विशेष न्यायाधिशांनी आरोपी कदम यास तीन वर्षे सक्तमजुरीची शिक्षा सुनावली आहे.

मोबाइल अॅप डाउनलोड करा आणि राहा अपडेट

---

‘साखरेच्या बाजारपेठेसाठीसरकारने प्रयत्न करावेत’

April 4, 2016, 10:43 am

≫ Next: साताऱ्यात ७०० गावे टंचाईग्रस्त

≪ Previous: मंडलाधिकाऱ्यालासक्तमजुरीची शिक्षा

$

0

0

सातारा
साखरेला स्थिर बाजारपेठ मिळण्यासाठी सरकारने प्रयत्न करावेत. ऊस पिकविणारा शेतकरी व या उसावर प्रक्रिया करून साखर उत्पादन करणारा सहकारी साखर उद्योग हे दोन्ही घटक परस्परांवर अवलंबून आहेत. ग्रामीण अर्थव्यवस्था आणि साखर उद्योगाचे अर्थकारण बाजारातील साखरेच्या भावावर आणि शेतकऱ्यांना दिला जाणाऱ्या ऊसदरावर अवलंबून असते. यासाठी केंद्र व राज्य सरकारने उसाच्या एफआरपी (रास्त व किफायतशीर दर) मध्ये व्यावहारीकता आणावी, अशी मागणी माजी मुख्यमंत्री पृथ्वीराज चव्हाण यांनी व्यक्त केली.
किसन वीर सातारा सहकारी साखर कारखान्याने चालविण्यास घेतलेल्या प्रतापगड सहकारी साखर कारखान्याच्या गळीत हंगामाची सांगता चव्हाण यांच्या हस्ते झाली. त्यावेळी ते बोलत होते. आमदार आनंदराव पाटील, अध्यक्ष मदन भोसले, उपाध्यक्ष गजानन बाबर, शंकरराव गाढवे, राजेंद्र फरांदे-पाटील आदी उपस्थित होते.
चव्हाण पुढे म्हणाले, सहकारी साखर उद्योग हा सहकार चळवळीचा पाया आहे. आघाडी सरकारच्या काळात सहकारात काम करणाऱ्या काही व्यक्तींनी वैयक्तिक स्वार्थासाठी सहकारी साखर कारखाने मोडीत काढून त्याचे खासगीकरण केले. त्याचवेळी तत्कालीन सहकारमंत्री हर्षवर्धन पाटील व सहकार तज्ज्ञांच्या मार्गदर्शनाखाली आजारी सहकारी साखर कारखाने सहकारात ठेवण्याची भूमिका मी घेतली. त्यातूनच प्रतागपड व खंडाळा साखर कारखाना सहकारात जीवंत राहिला. मदन भोसले यांनी थोरल्या भावाच्या भूमिकेतून प्रतापगड तर सक्षमपणे चालविलाच, शिवाय खंडाळा कारखाना लवकरच सुरू होत आहे.

मोबाइल अॅप डाउनलोड करा आणि राहा अपडेट

साताऱ्यात ७०० गावे टंचाईग्रस्त

April 4, 2016, 10:44 am

≫ Next: पाण्याच्या शोधासाठीभटकणारे काळवीट पडले विहिरीत

≪ Previous: ‘साखरेच्या बाजारपेठेसाठीसरकारने प्रयत्न करावेत’

$

0

0

म. टा. वृत्तसेवा, सातारा
सातारा जिल्ह्यात ७०० गावे टंचाईग्रस्त घोषित करण्यात आली आहेत. या गावांतील टंचाई निवारणासाठी २०१५-१६ साठी ७ कोटी ५३ लाख ४३ हजार रुपयांचे अनुदान जिल्ह्याला उपलब्ध झाले होते. त्यापैकी ५ कोटी १९ लाख ८२ हजार रुपये फेब्रुवारीअखेर खर्च झाले आहेत.
नवीन विंधन विहिरी घेण्यावर १ कोटी २० लाख ८४ हजार रुपये खर्च झाले आहेत. नळपाणी योजनांच्या विशेष दुरुस्ती ३१५ प्रस्ताव असून, त्यापैकी ७८ प्रस्तावांना मंजुरी मिळाली असून, केवळ पाच कामे पूर्ण झाली आहेत.
टंचाईग्रस्त गावे तालुकानिहाय
खटावमधील १३२, माण ८५, फलटण ६७, कोरेगाव ५८, वाई ३६, महाबळेश्वर ७०, खंडाळा १६, पाटण १००, कराड ५३, जावळी ४१, सातारा ४१.
कृती आराखडा तयार
संभाव्य पाणीटंचाई लक्षात घेऊन जिल्हा प्रशासनाने एप्रिल ते जूनअखेरपर्यंत सुमारे ५ कोटी ४६ लाख १० हजार रुपयांचा प्रस्तावित टंचाई कृती आराखडा तयार केला आहे. यामध्ये टंचाई भासणारी ३४० गावे व २३२ वाड्यांचा समावेश आहे. या गावांत १६५ नवीन विंधन विहिरी घेणे, २३४ ठिकाणी ९५ टँकरने पाणीपुरवठा करणे, ५२ विहिरींचे खोलीकरण करणे, ११ प्रादेशिक नळ पाणीयोजनांची वीज देयके भरून सुरू करणे यावर भर दिला जाणार आहे.
६० टँकर सुरू
सध्या जिल्ह्यात ६० टँकरने ५७ गावे २६९ वाड्यांवरील ८८ हजार ५५० लोकसंख्या व ३६ हजार ६४१ जनावरांना पिण्यासाठी पाणी पुरविले जात आहे. यामध्ये माणमध्ये ४३ टँकरने ३७ गावे व ३४५ वाड्या, खटाव १ गाव ४ वाड्या, कोरेगाव ६ टँकरने १० गावांना, खांडाळा एक टँकरने एका गावाला, वाई ४ टँकरने ६ गावे दोन वाड्यांना, पाटण ४ वाड्यांना ३ टँकरने पाणी पुरविले जात आहे. आतापर्यंत ५५ विहिरींचे अधिग्रहण करण्यात आले आहे. यामध्ये माण १६, खटाव पाच, कोरेगाव दोन, खंडाळा चार, वाईत २८ विहिरींचा समावेश आहे.
कालव्याद्वारे पाणी सोडण्याचे नियोजन
सध्या उरमोडी, धोम धरणातून कालव्याद्वारे पिण्यासाठी व सिंचनासाठी पाणी सोडण्यात येत आहे. यामध्ये उरमोडीतून खटावला १५ दिवसांचे आवर्तन सुरू आहे, तसेच उरमोडी उपसा सिंचन योजना टप्पा एक व दोन कार्यान्वित करून औंध येथील येळीव टँकमध्ये पाच दिवस पाणी सोडले जात आहे. धोममधून एक ते पंधरा मे या कालावधीत डाव्या कालव्यातून पाणी सोडले जाणार आहे. यातून वाई, कोरेगाव तालुक्यातील टंचाईग्रस्त गावांना पाणी उपलब्ध होणार आहे.

मोबाइल अॅप डाउनलोड करा आणि राहा अपडेट

पाण्याच्या शोधासाठीभटकणारे काळवीट पडले विहिरीत

April 4, 2016, 10:45 am

≫ Next: यात्रेदरम्यान खोबरेवाटी, प्लास्टिकवर बंदी

≪ Previous: साताऱ्यात ७०० गावे टंचाईग्रस्त

$

0

0

म. टा. वृत्तसेवा, कराड
घोलपवाडी (ता. कराड) येथे पाण्याच्या शोधात आलेले काळवीट विहिरीत पडले. मात्र, पाणी कमी असल्याने ते बचावले. कराड, पाटण तालुक्यांतील भीषण पाणी टंचाईचा फटका वन्यप्राण्यांना बसत आहे. पाण्यासाठी जंगली प्राणी जीव धोक्यात घालून नागरी वस्तीत येत आहेत.
घोलपवाडी (ता. कराड) येथील येथे सुरेश भानुदास घोलप यांच्या विहिरीच्या परिसरात शनिवारी मध्यरात्रीच्या सुमारास एक काळवीट पाण्याच्या शोधात आले. विहिरीतील पाण्याचा अंदाज न आल्याने ते विहिरीत पडले; पण पाणी कमी असल्याने ते जिवंत राहिले. ग्रामस्थांना विहिरीतून प्राणी ओरडत असल्याचा आवाज ऐकू आला. या बाबतची माहिती वन विभागाला देण्यात आली. त्यांनतर ग्रामस्थांनी जेसीबीच्या मदतीने काळवीटचे पाय बांधून अलगद वर काढले.

मोबाइल अॅप डाउनलोड करा आणि राहा अपडेट

यात्रेदरम्यान खोबरेवाटी, प्लास्टिकवर बंदी

April 3, 2016, 2:30 pm

≫ Next: इचलकरंजीत पंचगंगा कोरडी

≪ Previous: पाण्याच्या शोधासाठीभटकणारे काळवीट पडले विहिरीत

$

0

0

पन्हाळा : श्री क्षेत्र जोतिबा डोंगरावर २१ एप्रिल रोजी होणाऱ्या चैत्र यात्रेदरम्यान खोबरेवाटी उधळण्यास आणि प्लास्टिक वापरास बंदी घालण्याचा निर्णय जिल्हाधिकारी अमित सै‌नी यांच्या नियोजनाखाली झालेल्या बैठकीत घेण्यात आला. डॉ. अमित सैनी यांच्या अध्यक्षतेखाली जोतिबा येथील पोलीस चौकीमध्ये बैठक झाली. बैठकीत खोबरेवाटी उधळण्यावर तसेच प्लास्टिक वापरावर बंदी घालण्याचा निर्णय घेण्यात आला. १९ एप्रिल रोजी यात्रा नियोजनाची रंगीत तालीम घेणार असल्याचे जिल्हा पोलिस प्रमुख प्रदीप देशपांडे यांनी सांगितले.

जोतिबा यात्रेत गुलाल खोबरे मोठ्या प्रमाणात उधळण्यात येते. अखंड खोबरेवाटी पालखी व सासनकाठी वर उधळण करतेवेळी भाविक व पोलीस कर्मचाऱ्यांना खोबरे वाटीचा जोरदार मार बसून अनेक जण जखमी होतात. यावर उपाय म्हणून प्रशासनाने खोबरेचे लहान लहान तुकडे करून ते पालखी वर उधळण्याचे आवाहन भाविकांना केले आहे. यात्रा काळात प्लास्टिकच्या वापरावर ही निर्बध घालण्याचा निर्णय प्रशासनाने घेतला आहे. आपत्ती व्यवस्थापनासाठी वीजरोधक, रुग्वाहिका, फायर ब्रिगेड, वैद्यकीय पथक तैनात करण्यात येणार आहे. अनिरुद्ध उपासना केंद्र, व्हाइट आर्मी, देवस्थानचे सुरक्षा चे स्वयंसेवक दर्शन रांग व्यवस्थेसाठी असणार असल्याची माहिती कोडोली पोलिस ठाण्याचे सहाय्यक पोलिस निरिक्षक शरद मेमाने यांनी दिली. तात्पुरती शौचालय, क्रेन व्यवस्था, जनरेटर, मोफत बस सेवा, सीसीटीव्ही, मंदिर रंगकाम, अग्निशामक यंत्रणा, सुरक्षा व्यवस्था आदी कार्यासाठी पश्चिम महाराष्ट्र देवस्थान समिती २२ लाखांचा विकास आराखडा तयार केल्याची माहिती सचिव शुभांगी साठे यांनी दिली. जिल्ह्यातील नगरपालिका व कारखाना यांच्याकडून अग्निशामक गाडी व पाण्याची गाडी पुरवठा होणार असल्याची पन्हाळ्याचे गटविकास अधिकारी प्रियदर्शनी मोरे यांनी दिली. शहर वाहतूक विभागाचे आर. आर. पाटील तसेच विद्युत मंडळ, पाणीपुरवठा, आरोग्य विभाग, एस. टी. महामंडळ, महसूल विभागाच्या अधिकाऱ्यांनी यात्रेत देण्यात येणाऱ्या सोयी सुविधांची माहिती दिली. ग्रामस्थ पुजारी यांच्यावतीने जयवंत शिंगे, आनंदा लादे, नवनाथ लादे, स्थानिक मंदिरातील प्रश्न मांडले. या बैठकीला जिल्हा परिषद मुख्य कार्यकारी अधिकारी अविनाश सुभेदार, शाहूवाडी विभागाचे उपविभागीय पोलिस अधिकारी सूरज गुरव, प्रांताधिकारी रवींद्र खाडे, तहसीलदार रामचंद्र चौबे, तलाठी श्रीधर पाटील, पोलिस पाटील बाळकृष्ण मिटके आदी उपस्थित होते.

मोबाइल अॅप डाउनलोड करा आणि राहा अपडेट

इचलकरंजीत पंचगंगा कोरडी

April 3, 2016, 2:30 pm

≫ Next: एफआरपीवरून संघर्ष पेटणार

≪ Previous: यात्रेदरम्यान खोबरेवाटी, प्लास्टिकवर बंदी

$

0

0

म. टा. वृत्तसेवा, इचलकरंजी

येथील पंचगंगा नदी पात्रातील पाण्याची पातळी खालावल्याने पात्र पूर्णत: कोरडे पडले आहे. बंधाऱ्यामुळे अवघ्या काही दिवस पुरेल इतका पाणीसाठा उरला आहे. त्यातच मजरेवाडी येथील पाणी उपसा करणारा एक पंप बंद पडला आहे. त्यामुळे शहरवासियांना पुन्हा पाणीटंचाईच्या झळा सोसाव्या लागणार आहेत.

फेब्रुवारीच्या प्रारंभापासूनच शहरात पिण्याच्या पाण्याची तीव्र टंचाई जाणवू लागली होती. त्यामुळे आठवड्यातून एकदा पाणी पुरवठा केला जात होता. टंचाईपूर्वी उपाययोजना न केल्याने उद्भवलेली गंभीर परिस्थितीची तीव्रता कमी करण्यासाठी जिल्हा पातळीपासून लोकप्रतिनिधींनी प्रयत्न करुन म्हैशाळ बंधाऱ्यातून पाणी सोडून टंचाईची झळ काही प्रमाणात कमी झाली होती. त्यातच पंचगंगा नदीतही काळम्मावाडी धरणातून पाणी सोडून ती प्रवाहित करण्यात आली. त्यामुळे कृष्णा आणि पंचगंगा या दोन्ही ठिकाणाहून पाणी उपसा सुरू करुन शहरवासियांना पाणी पुरविले जात होते.

पाणी अडविण्यासाठी पंचगंगा नदीपात्रात बंधाऱ्यावर नवीन बरगे टाकण्यात आले. तर कृष्णा नदीपात्राच्या डोहातील पाणी जॅकवेलपर्यंत आणून पाणी उपसा सुरू करण्यात आल्याने सध्या शहराला तीन दिवसाआड पाणी पुरवठा केला जात आहे. मात्र सध्या पंचगंगा नदीचे पात्र एका बाजूने कोरडे पडले असून बंधाऱ्यात अवघा काही दिवस पुरेल इतका पाणी साठा शिल्लक राहिला आहे. बंधाऱ्याच्या पूर्वेला पात्र सखल असल्याने काळ्या ओढ्यातील दुषित पाणी उलट दिशेने येऊन बंधाऱ्याच्या पाण्यात मिसळत आहे. त्यामुळे नगरपालिकेकडून बंधारा दुरुस्तीचे काम हाती घेण्यात आले आहे.

दरम्यान, मजरेवाडी उपसा केंद्रातील एक पंप आज बंद पडला आहे. त्यामुळे शहरवासियांना पुन्हा पाणीटंचाईला तोंड द्यावे लागणार आहे. त्यामुळे सध्या तीन दिवसाआड सुरू असलेल्या पाणी पुरवठ्याचे वेळापत्रक पुन्हा कोलमडून जाणार आहे. सध्या शहराला भेडसावत असलेल्या पाणीटंचाईच्या पार्श्वभूमीवर नगरपालिका प्रशासनाने शहरात नवीन नळ जोडणी तात्पुरती स्थगित ठेवण्याचा निर्णय घेतला आहे.

येथील पंचवटी चित्रमंदिरच्या पिछाडीस असलेल्या जलकुंभालगतच असलेल्या व्हॉल्वमधून रविवारी सुमारे तासभर मोठ्या प्रमाणात पाणी गळती सुरू होती. शुद्ध‌ीकरण केलेले पाणी मोठ्या प्रमाणात वाया जात होते. पाण्याला प्रचंड दाब असल्याने याठिकाणी लाखो लिटर पाणी वाया गेले. म्हैशाळ बंधाऱ्यातून सध्या ३०० क्युसेस पाणी सोडण्यात येत असून त्यामध्ये वाढ करण्यात यावी यासाठी पाटबंधारे विभागाशी सोमवारी संपर्क साधला जाणार आहे. त्याचबरोबर काळम्मावाडी धरणातून सोडण्यात येणारे पाणी शेतीसाठी उपसा बंदी केल्याने पंचगंगेला या आठवड्यात पुरेसे पाणी उपलब्ध होईल.

ए. एन. जकिनकर, जलअभियंता

मोबाइल अॅप डाउनलोड करा आणि राहा अपडेट