चोरीस गेलेली मोपेड मिळाली

August 22, 2015, 11:55 am

≫ Next: ऊस विकासात ‘शाहू’ प्रथम

≪ Previous: ‘म्हैसाळ’ सुरू होणार

$

0

0

इचलकरंजीः दहा तोळे सोन्याच्या दागिन्यांसह रोकड असलेली बरखा राजू वाघेला (वय ३२) यांची अ‍ॅक्टिव्हा मोपेड चोरीला गेल्याची घटना शनिवारी मध्यवर्ती चौकातील आयडीबीआय बँकेच्या परिसरात घडली. पण अवघ्या तासाभरात मुद्देमालासह गाडी मिळाल्याने पोलिसांसह सर्वांनीच सुटकेचा नि:श्वास सोडला. या घटनेची नोंद पोलिसांत झालेली नाही. गावभागचे पोलिस हेड कॉन्स्टेबर उदय पाटील, प्रशांत ओतारी आदींनी चोरट्याचा शोध घेण्याचा प्रयत्न केला. सीसीटीव्ही फुटेज पोलिसांना मिळाले. त्यावरून कारवाई झाली.

मोबाइल अॅप डाउनलोड करा आणि राहा अपडेट

---

ऊस विकासात ‘शाहू’ प्रथम

August 22, 2015, 11:57 am

≫ Next: धार्मिक पर्यटन हाउसफुल्ल

≪ Previous: चोरीस गेलेली मोपेड मिळाली

$

0

0

म. टा. वृत्तसेवा, कागल

येथील श्री छत्रपती शाहू सहकारी साखर कारखान्यास सन २०१४-१५ या हंगामासाठी नॅशनल फेडरेशन को-ऑप. शुगर फॅक्टरीज नवी दिल्ली यांनी उच्च साखर उतारा विभागामध्ये ऊस विकासाबाबत प्रथम क्रमांकाचा पुरस्कार जाहीर झाला आहे. यापूर्वी शाहू साखर कारखाना या पुरस्काराचा राष्ट्रीय व राज्य पातळीवर पाचवेळा मानकरी ठरलेला आहे. या पुरस्कारासह राष्ट्रीय व राज्यपातळीवर मिळालेल्या बक्षिसांची संख्या आता ५४ झाली आहे.

कारखाना चालवित असताना प्रशासनाने नेहमीच नवनवीन प्रयोग केले आहेत. कारखान्याने कार्यक्षेत्रात उसाचे उत्पादन वाढावे यासाठी राबविलेल्या विविध ऊसविकास योजना व त्याची अंमलबजावणी यांचे सखोल व गुणात्मक परीक्षण करून या पुरस्कारासाठी शाहू कारखान्याची निवड केली आहे. कारखान्यास मिळालेल्या ५४ पुरस्कारांमध्ये १२ पारितोषिके सर्वोत्कृष्ट साखर कारखाना, २२ पारितोषिके उत्कृष्ट तांत्रिक कार्यक्षमतेसाठी, आठ उत्कृष्ट आर्थिक व्यवस्थापनासाठी, सहा उत्कृष्ट ऊस विकास योजना अंमलबजाणीसाठी तसेच उत्कृष्ट आसवणी पुरस्कार, उत्कृष्ट उद्योजकता पुरस्कार, जास्तीत जास्त साखर निर्यातीबाबतचा पुरस्कार व इतर तीन पुरस्कारांचाही समावेश आहे.

'दत्त-शिरोळ'ला द्वितीय क्रमांकाचा पुरस्कार

जयसिंगपूर : शिरोळ येथील श्री दत्त शेतकरी सहकारी साखर कारखान्यास राष्ट्रीय सहकारी साखर संघाच्यावतीने दिला जाणारा ऊस विकासाचा द्वितीय क्रमांकाचा पुरस्कार जाहीर झाल्याची माहिती कारखान्याचे अध्यक्ष गणपतराव पाटील यांनी दिली. नवी दिल्ली येथे राष्ट्रीय सहकारी साखर संघाच्या वार्षिक सभेत हा पुरस्कार प्रदान करण्यात येणार आहे. दत्त साखर कारखान्याच्या सभासदांनी काटेकोरपणे राबविलेल्या ऊस योजना तसेच कारखान्याचे अधिकारी, कर्मचारी यांच्या कष्टाचे हे फळ असल्याचे गणपतराव पाटील यांनी सांगितले.

मोबाइल अॅप डाउनलोड करा आणि राहा अपडेट

धार्मिक पर्यटन हाउसफुल्ल

August 22, 2015, 11:58 am

≫ Next: किसान सभेचा सप्टेंबरमध्ये मोर्चा

≪ Previous: ऊस विकासात ‘शाहू’ प्रथम

$

0

0

म. टा. प्रतिनिधी, कोल्हापूर

श्रावणात धार्मिक पर्यटनासाठी जिल्ह्यातील मंदिरात भाविकांची गर्दी होत आहे. दर सोमवारी दर्शनासाठी जिल्ह्यातील महादेव मंदिरांत गर्दी होत असून शनिवारी आणि रविवारच्या सुटीची जोड घेत धार्मिक पर्यटनासाठी भाविकांनी पसंती दिली आहे. पर्यटकांच्या गर्दीने मंदिरे आणि परिसर हाउसफुल्ल होत आहे. महादेव मंदिरांच्या परिसराला यात्रेचे स्वरुप आले आहे.

कणेरी मठ, रामलिंग, धुळोबा, आडी, मार्लेश्वर, कुणकेश्वर, गणपतीपुळेसह अन्य ठिकाणी भाविकांची मोठ्या संख्येने जात आहेत. श्रावणात धार्मिक पर्यटनामुळे परिसरातील रोजगाराला अधिक चालना मिळाली आहे. शालेय सहली, यंग सीनिअर्सचे ग्रुप, महिला मंडळाचे आगमनही या ठिकाणी होत आहे. रामलिंग, धुळोबा आणि अल्लमप्रभू (ता. हातकणंगले) या ऐतिहासिक आणि धार्मिकस्थळी गर्दी होत आहे. श्रावणातील प्रत्येक सोमवारी रामलिंग (ता. हातकणंगले) येथील मंदिरात यात्रा भरते. प्रभू श्रीरामांनी प्रतिष्ठापना केलेल्या बारा शिवलिंगापैकी या ठिकाणी गुफेतील शिवलिंग आहे. या शिवलिंगावर बारा महिने जलाभिषेक होत असतो. या ठिकाणी इचलकरंजीस्थित राजस्थानी, मारवाडी, समाजाच्या वतीने रामलिंग क्षेत्रावर भोलेनाथाचा जयजयकार सुरु झाला आहे. पायी कावड यात्राही या ठिकाणी सुरु झाली आहे.

कसबा बीड (ता. करवीर) येथील प्राचीन शंभो महादेवाच्या दर्शनासाठी भाविकांची गर्दी होत आहे. प्राचीन ऐतिहासिक कोरीव लेण्याच्या सौदर्यं शिल्पकलेचे कलाविष्कार लाभलेले हे मंदिर आहे. ११ व्या शतकात भोजराजाच्या राजधानीचे ठिकाण कसबा बीड येथे होते. प्राचीन संस्कृतीचा वारसा या मंदिराला लाभला आहे. एकाच पाषणावर कोरलेल्या दगडी मूर्ती या ठिकाणी आहेत. ११ व्या शतकातील या मंदिराच्या दक्षिण बाजूला एकाचा पाषणावर १०८ शिवलिंग पिंडी आहेत. मंदिराचे बांधकाम हेमांडपंथी आहे. हा ऐतिहासिक खजिना पाहण्यासाठी भाविकांची गर्दी होत आहे. शहरातील महादेव मंदिराच्या दर्शनासाठीही परगावच्या भाविकांची गर्दी होत आहे. श्री अंबाबाई मंदिरातील श्री महादेव मंदिर, उत्तरेश्वर पेठ, रावणेश्वर मंदिरासह ठिकठिकाणच्या महादेव मंदिरात भाविकांची गर्दी होत असल्यामुळे पर्यटनाला अधिक चालना मिळत आहे.

खासगी वाहनांचे बुकिंग

दर श्रावण सोमवारी धार्मिक पर्यटनासाठी खासगी वाहनांच्या बुकिंगची मागणी वाढत आहे. महापालिकेच्या निवडणुकीतील काही इच्छुक उमेदवारांनी श्रावण सहली स्पॉन्सर केल्या आहेत. त्यामुळे मिनी टेम्पो ट्रॅव्हल्सला अधिक मागणी आहे. भाविकांची वाढती गर्दी लक्षात घेऊन मध्यवर्ती बसस्थानकातून जादा एसटीची सोय केली आहे.

मोबाइल अॅप डाउनलोड करा आणि राहा अपडेट

किसान सभेचा सप्टेंबरमध्ये मोर्चा

August 22, 2015, 12:00 pm

≫ Next: कोल्हापूरचा समावेश ‘हृदय’ योजनेत करा

≪ Previous: धार्मिक पर्यटन हाउसफुल्ल

$

0

0

म. टा. प्रतिनिधी, कोल्हापूर

कर्जमुक्तीच्या केवळ वल्गना, दुष्काळग्रस्तांसाठी मदत नाही, शेतकऱ्यांना पेन्शन नाही, रोजगार हमीचा कायदा हवा या सर्वांसाठी देशपातळीवर करण्यात येणाऱ्या चळवळीनुसार मागणी दिन पाळण्यात येणार आहे. त्यासाठी एक सप्टेंबरला शेतकऱ्यांचा मोर्चा काढण्यात येणार असल्याचे महाराष्ट्र राज्य किसान सभेने प्रसिध्दीस दिलेल्या पत्रकात म्हटले आहे. शेतकऱ्यांच्या आत्महत्या थांबलेल्या नाहीत. दुबार पेरणीच्या संकटाने शेतकऱ्यांना ग्रासले आहे. अशा परिस्थितीत सरकारने केवळ पोकळ घोषणा केल्या आहेत. या सर्व मागण्यांसाठी देशव्यापी चळवळ म्हणून मागणी दिन पाळण्यात येणार आहे. एक सप्टेंबर रोजी जिल्हाधिकारी कार्यालयावर मोर्चा काढण्यात येणार असून सकाळी अकरा वाजता टाऊन हॉल येथून मोर्चास सुरुवात होणार आहे.

मोबाइल अॅप डाउनलोड करा आणि राहा अपडेट

कोल्हापूरचा समावेश ‘हृदय’ योजनेत करा

August 22, 2015, 12:01 pm

≫ Next: केशरी कार्डधारकांना धान्य देण्याची मागणी

≪ Previous: किसान सभेचा सप्टेंबरमध्ये मोर्चा

$

0

0

म. टा. प्रतिनिधी, कोल्हापूर

राष्ट्रीय वारसा शहर विकास आणि वृद्धी (हृदय) योजनेत दक्षिण काशी म्हणून ओळखल्या जाणाऱ्या कोल्हापूरचा समावेश करावा, अशी मागणी आमदार अमल महाडिक यांनी मुख्यमंत्री देवेंद्र फडणवीस यांच्याकडे केली आहे.

केंद्रीय नगरविकास विभागाच्यावतीने राबवण्यात येणाऱ्या योजनेत पहिल्या टप्प्यात देशातील बारा वारसास्थळांचा समावेश झाला आहे. यामध्ये महाराष्ट्रातील एकही शहर नाही. कोल्हापूर ह साडेतीन शक्तिपीठांपैकी एक पीठ आहे. विविध ऐतिहासिक व प्राचीन स्थळे आहेत. प्रेक्षणीय स्थळांचाही समावेश आहे. दरवर्षी पर्यटकांची संख्या वाढत आहे. पर्यटकांना पायाभूत सुविधा उपलब्ध करण्याची आवश्यकता आहे. तसेच ऐतिहासिक वारसास्थळांचे जतन व संवर्धन होण्याची आवश्यकता आहे. सीसीटीव्ही, पायाभूत सुविधा, आपत्ती व्यवस्थापन केंद्र, पर्यटक सुविधा व मार्गदर्शन केंद्र या गोष्टी विकसित करण्यासाठी या योजनेच्या दुसऱ्या टप्प्यात कोल्हापूरचा समावेश करावा अशी मागणी महाडिक यांनी केली आहे. महापालिकेचा याबाबतचा प्रस्ताव राज्य सरकारने केंद्र सरकारकडे पाठवला आहे. त्याबाबत मुख्यमंत्र्यांनी पाठपुरावा करावा अशी मागणी केली आहे. त्यानुसार केंद्राकडे पाठपुरावा करण्याचे आश्वासन मुख्यमंत्र्यांनी दिले आहे.

मोबाइल अॅप डाउनलोड करा आणि राहा अपडेट

केशरी कार्डधारकांना धान्य देण्याची मागणी

August 22, 2015, 12:02 pm

≫ Next: ‘बँक कर्मचाऱ्यांची ३ वर्षांनी वेतनवाढ करा’

≪ Previous: कोल्हापूरचा समावेश ‘हृदय’ योजनेत करा

$

0

0

म. टा. प्रतिनिधी, कोल्हापूर

गेल्या नऊ महिन्यांपासून राज्य सरकारने रेशनवर केशरी कार्डधारकांना धान्य देणे बंद केले आहे. या सर्व केशरी कार्डधारकांना धान्य उपलब्ध करून देण्यात यावे, अशी मागणी भारतीय कम्युनिस्ट पक्षाच्या वतीने करण्यात आली आहे. या मागणीचे निवेदन सहाय्यक जिल्हा पुरवठा अधिकारी मीनाक्षी देशपांडे यांना देण्यात आले.

सध्या सणासुदीचे दिवस सुरू आहेत. तामिळनाडू, झारखंड, कर्नाटक राज्यातील जनतेला रेशनकार्डवर सात जीवनावश्यक वस्तू मिळतात. त्याप्रमाणे महाराष्ट्रातही रेशनवर सर्वप्रकारच्या कार्डधारकांना ३५ किलो धान्य देण्यात यावे अशी मागणी करण्यात आली आहे. यावेळी मीनाक्षी देशपांडे यांनी जिल्हाधिकारी व जिल्हा पुरवठा अधिकारी यांची संयुक्त बैठक बोलावण्याचे मान्य केले. शिष्टमंडळातील दिलीप पवार, एस. बी. पाटील, रघुनाथ कांबळे, अनिल चव्हाण, बी. एल. बरगे, शिवाजी शिंदे, रघुनाथ देशिंगे, मौला मुल्ला, शिवाजी माळी, सुभाष वाणी यांच्यासह डाव्या चळवळीतील कार्यकर्ते मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

‘बँक कर्मचाऱ्यांची ३ वर्षांनी वेतनवाढ करा’

August 22, 2015, 12:03 pm

≫ Next: भाजीपाल्याचे दर घसरले

≪ Previous: केशरी कार्डधारकांना धान्य देण्याची मागणी

$

0

0

म. टा. प्रतिनिधी, कोल्हापूर

बँक कर्मचाऱ्यांचे प्रत्येक तीन वर्षांनी वेतनवाढीचे करार झाले पाहिजेत. तीन महिन्यांनी वाढणारा महागाई भत्ता मिळालाच पाहिजे, सुटीदिवशी काम नको, सहकार बळकट झाला पाहिजे आदी मागण्यांचे ठराव बँक एम्प्लॉईज युनियनच्या वार्षिक ​अधिवेशनात करण्यात आले. सांगलीतील वारणा सांस्कृतिक भवनमध्ये झालेल्या या वार्षिक अधिवेशनास सातारा, सांगली व कोल्हापूर जिल्ह्यातील जिल्हा मध्यवर्ती बँकांसह इतर वीस बँकातील सुमारे सहाशे प्रतिनिधी उपस्थित होते. अध्यक्षस्थानी युनियनचे अध्यक्ष कॉ. अतुल दिघे होते.

यावेळी पुढील तीन वर्षांसाठी संघटनेची कार्यकारिणी निवडण्यात आली. यामध्ये अध्यक्षपदी कॉ. अतुल दिघे, उपाध्यक्ष म्हणून दिलीप लोखंडे यांची निवड करण्यात आली. अन्य पदाधिकारी पुढीलप्रमाणे- सरचिटणीस- एन. एस. मिरजकर, सचिव-प्रकाश जाधव, मानद सचिव-सुनील बारवाडे, खजिनदार-नाना पाटील, अजित पाटील, सदस्य-रमेश लिंबेकर (केडीसीसी), राजेंद्र माने, कॉ. चोडणकर (प्रा. शिक्षक बँक, कोल्हापूर), सुरेंद्र पाटील (रेंदाळ बँक), राजू कचरे (व्यंकटेश्वरा बँक, इचलकरंजी), शाम पटेकर (अण्णासाहेब चौगुले बँक) यांचा समावेश आहे. सांगली अर्बन बँकेचे संजीव पुराणिक यांनी प्रास्ताविक केले. कॉ. मिरजकर यांनी अहवाल वाचन केले. दोन सप्टेंबरचा देशव्यापी संप यशस्वी करण्याचा निर्धार यावेळी करण्यात आला.

मोबाइल अॅप डाउनलोड करा आणि राहा अपडेट

भाजीपाल्याचे दर घसरले

August 22, 2015, 12:04 pm

≫ Next: टँकरच्या धडकेत महिला ठार

≪ Previous: ‘बँक कर्मचाऱ्यांची ३ वर्षांनी वेतनवाढ करा’

$

0

0

म. टा. प्रतिनिधी, कोल्हापूर

कांदा, डाळीच्या दरात सातत्याने वाढ होत असताना भाजीपाल्याच्या दरात मात्र घसरण झाली आहे. कांद्याच्या वाढत्या दरामुळे ग्राहक हैराण झाले असताना भाजीपाल्याच्या कमी झालेल्या दरामुळे काही प्रमाणात दिलासा मिळाला आहे. भाजीपाल्याचे दर कमी झाल्याच्या फटका मात्र उत्पादकांना बसला आहे. गेल्या आठवड्यापेक्षा शनिवारी फळभाजी व पालेभाजींची आवक चांगलीच वाढली आहे.

पावसाने ओढ दिल्याने भात व उसाच्या पिकांवर परिणाम झाला आहे. हाच अपुरा पाऊस भुईमुग, सोयाबिन व भाजीवर्गीय पिकांना पोषक असल्याचे मानले जात आहे. यामुळे फळभाजी व पालेभाज्यांची वाढ जोमाने होत असून आवकही वाढली आहे. शहराजवळील गावांतून तसेच मिरज व सीमाभागातून भाजीपाल्याची आवक वाढली असून दरही कमी झाले आहेत. जुलैच्या अखेरीस सर्वच फळभाज्यांचे दर ६० ते ७० रुपयांवर स्थिर राहिले होते. दोन आठवड्यापासून मात्र भाव कमी झाले असून या आठवड्यात ते ३० ते ४० रुपयांपर्यंत खाली आले आहेत. वांगी, कारली, भेंडी, दुधी, पडवळ, श्रावण घेवडा या वेलवर्गीय फळभाज्यांची चांगली आवक झाली आहे.

सांगलीत बेदाणा आवक

सांगली बाजार समितीमध्ये शुक्रवारी एका दिवसात ४६ हजार ५०४ बॉक्स बेदाण्याची आवक झाली असून क्विंटलला दहा हजार रुपयांपासून बावीस हजार रुपयांपर्यंतचा दर मिळाला. शुक्रवारी आलेल्या बेदाणा बॉक्सपैकी ३४ हजार २५५ बॉक्सची विक्री झाली आहे. सध्या बेदाण्याची आवक वाढली आहे. ऑगस्टच्या पहिल्या तीन आठवड्यात एकूण १९ लाख ११ हजार ५१३ बॉक्स इतका बेदाणा सांगली मार्केटमध्ये आला आहे. कोल्हापूर गुळाचीही या महिन्यात मोठी आवक झाली आहे.

फुलांनी बाजार सजला

श्रावण महिन्यात निसर्ग जसा बहरतो तसा फुलबाजारही बहरतो. श्रावणापासून थेट गणपती नवरात्री आणि दिवाळीपर्यंत फुलांचा बाजार फुललेला असतो. व्रतवैकल्य आणि सणासुदीमुळे रंगबिरंगी फुलांचा ताटवाच बाजारपेठेत पसरलेला दिसतो. पूजा, उपवास यांना फळे व फुलांना मागणी जास्त असल्याने बाजारपेठेत फळे व फुलांच्या विक्रेत्यांनी गर्दी केली आहे. झेंडू, गावठी गुलाब, विलायती गुलाब, शेवंती, , मोगरा, चाफा, सुगंधी फुलांच्या जोडीने ऑकिर्ड, जरबेरा अशा फुलांनी बाजारपेठ काबीज केल्या आहेत. सफरचंद, डाळिंब, सिताफळांसह पाच फळांना मागणी वाढली आहे.

श्रावण महिन्यामध्ये सोमवार, मंगळवार, शुक्रवारी उपवास करण्याबरोबरच अनेक भाविक श्रावणी उपवास करत असतात. या महिन्यामध्ये अनेक सण समारंभ साजरे करत असल्याने घरी सत्यनारायण पूजा व अनेक देवदेवतांना अभिषेक अर्पण करतात. पूजा अर्चा व व्रतवैक्यलांसाठी फळा फुलांना मागणी असते. ग्राहकांची मागणी लक्षात घेवून फुल उत्पादक शेतकरी विविध फुलांची लागवड करत असतात. तसेच अनेक भागात ग्रीन हाउसची उभारणी करण्यात आली आहे.

गडमुडशिंगी, कंदलगाव, हेरले, कागल, आष्टा परिसरातून झेंडू व गलाटा फुलांची आवक होत आहे. तर राशिवडे परिसरातून निशिगंध फुलांची मोठ्या प्रमाणात आवक होत आहे. पावसाचे प्रमाण कमी असल्याने फुलांचे उत्पादन मोठ्या प्रमाणात होत आहे. या पारंपरिक फुलांसोबत ग्रीन हाउसमधील ऑकिर्ड, जरबेरा या फुलांचीही बाजारपेठेत चांगलीच आवक झाली असून ग्राहकांचीही खरेदीसाठी गर्दी झाली आहे.

पाच फळांना मागणी वाढली

घरोघरी सत्यनारायणाची पूजा मांडली जात असल्याने पाच फळांच्या मागणीत वाढ झाली आहे.

मोबाइल अॅप डाउनलोड करा आणि राहा अपडेट

---

टँकरच्या धडकेत महिला ठार

August 22, 2015, 12:06 pm

≫ Next: कार्वेच्या जवानाचा उपचारादरम्यान मृत्यू

≪ Previous: भाजीपाल्याचे दर घसरले

$

0

0

जयसिंगपूरः टँकरने मोटारसायकलला दिलेल्या धडकेत महिला जागीच ठार झाली. येथील जुन्या पोलिस स्टेशनसमोर सायंकाळी पावणे पाचच्या सुमारास अपघात घडला. शमशादबी बाबासाहेब कुरणे (वय ५०, रा. कुरणेवाडा, उदगाव वेस, मिरज) असे मृत महिलेचे नाव आहे.

मोबाइल अॅप डाउनलोड करा आणि राहा अपडेट

कार्वेच्या जवानाचा उपचारादरम्यान मृत्यू

August 22, 2015, 12:07 pm

≫ Next: महिलांना हवी सुरक्षिततेची हमी

≪ Previous: टँकरच्या धडकेत महिला ठार

$

0

0

चंदगडः कार्वे (ता. चंदगड) येथील जवान मनोहर मारुती हारकारे (वय ३२) यांचा सैन्यात सेवा बजावताना मथुरा येथील मिलिट्री हॉस्पिटलमध्ये शुक्रवारी पहाटे तीन वाजता उपचारादरम्यान मृत्यू झाला. सायंकाळी जन्मगावी कार्वे येथे अंत्यसंस्कार करण्यात आले. अंत्यविधीसाठी सैन्यातील अधिकारी, स्थानिक नेतेमंडळी, तालुक्यातील विविध संस्थांचे पदाधिकारी व ग्रामस्थ मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

महिलांना हवी सुरक्षिततेची हमी

August 22, 2015, 12:08 pm

≫ Next: गटबाजी संपवून काँग्रेस ताकदीने लढणार

≪ Previous: कार्वेच्या जवानाचा उपचारादरम्यान मृत्यू

$

0

0

म. टा. प्रतिनिधी,कोल्हापूर

महिलांना सुरक्षिततेची हमी, शहरात स्वच्छतागृहांची सोय, भ्रष्टचार निर्मूलन, स्वसंरक्षणाचे धडे, शहरातील कचरा उठाव, सक्षम उमेदवार, पाण्याचे नियोजन, दळणवळणाची सक्षम यंत्रणा, स्टेशन परिसरातील सुविधा यासह अनेक प्रश्न मांडत शनिवारी महिलांनी त्यांच्या नजरेतून कोल्हापूरचा विकास कसा साधता येईल यावर संवाद साधला.

शाहू स्मारक भवन येथे कोल्हापूर महानगरपालिकेच्या निवडणुकीच्या अनुषंगाने नागरिकांची मते जाणून घेऊन काँग्रेसचा जाहीरनामा तयार करण्याचा संकल्प माजी मंत्री सतेज पाटील यांनी हाती घेतला आहे. याचा एक भाग म्हणून 'कोल्हापूर संवाद' या अंतर्गत शनिवारी महिलांनी पाटील यांच्याशी थेट संवाद साधला.या संवादाच्या माध्यमातून कोल्हापूर शहरातील विवध क्षेत्रातील व्यक्तींशी थेट संवाद साधून त्यांची शहराच्या बाबतची मते जाणून घेण्याचा प्रयत्न केला.

सानेगुरूजी येथील दिप्ती सासने यांनी महिलांना स्वसंरक्षणाचे धड द्यावेत तसेच सध्या सर्व व्यवस्था भ्रष्टाचारामुळे बोकळत चालली असून यावर चाप बस‌ण्यासाठी भ्रष्टाचार निर्मूलनासाठी संकल्प हाती घ्यावा. योग्य करावई होत असताना त्यामध्ये राजकीय पक्षांचा कोणताही दबाव येऊ नये, उपनगरामध्ये महिला पोलिस अधिकारी असलेले पोलिस ठाणे स्थापन करण्याची मागणी त्यांच्यासह राजनंदिनी जाधव, हेमलता देवमोरे यांनी केली. तर राष्ट्रपती पदक विजेत्या शिक्षिका संध्या देशमुख यांनी प्राथमिक शिक्षणाच्या सोयीसुविधा निर्माण करण्याची मागणी केली. सुलभा देशपांडे यांनी प्रदूषणाचा मुद्दा उपस्थित केला. संवादातील मते निश्चितच विचारात घेऊन त्याचा जाहीरनाम्यात समावेश करून सत्ता अल्यानानंतर त्याची सोडवणूक करण्याचे आश्वासन प्रतिमा पाटील यांनी दिले. माजी गृहराज्यमंत्री सतेज पाटील यांनी मनोगत व्यक्त केले.

महिलांसाठी स्वच्छतागृहे

गेल्या अनेक वर्षांपासून शहरातील महिलांबरोबर पर्यटक महिलांना भेडसावणाऱ्या स्वच्छतागृहाच्या प्रश्नाबाबत अनेक महिलांनी आवाज उठविला. यावेळी महापौर वैशाली डकरे यांनी सर्व हॉटेल व्यवसायिकांची बैठक घेऊन महिलांसाठी स्वच्छतागृहाची सोय करण्याचे आश्वासन यावेळी दिले.

मोबाइल अॅप डाउनलोड करा आणि राहा अपडेट

गटबाजी संपवून काँग्रेस ताकदीने लढणार

August 22, 2015, 12:09 pm

≫ Next: उपनगरांमध्ये फलकयुद्ध जोरात

≪ Previous: महिलांना हवी सुरक्षिततेची हमी

$

0

0

म.टा. प्रतिनिधी, कोल्हापूर

महापालिका निवडणुकीत ताकदीने उतरण्याचा निर्णय काँग्रेस नेत्यांच्या बैठकीत घेण्यात आला. सत्ता कायम ठेवण्यासाठी काय काय व्यूहरचना आखण्याची गरज आहे, याबाबत चर्चा करतानाच पक्षातील गटबाजी संपवण्याचा निर्णय यावेळी​ घेण्यात आला. जिल्हाध्यक्ष पी.एन. पाटील, माजी गृहराज्यमंत्री सतेज पाटील व शहराध्यक्ष प्रल्हाद चव्हाण यांच्या उपस्थितीत ही बैठक झाली.

प्रदेशाध्यक्ष अशोक चव्हाण यांच्या कोल्हापूर दौऱ्यानंतर आता पक्षाचे नेते चांगलेच सक्रीय झाले आहेत. आमदार महादेवराव महाडिक व माजी राज्यमंत्री पाटील यांच्यातील मतभेद मिटवण्याची जबाबदारी पी.एन. पाटील यांच्यावर सोपवण्यात आली आहे. त्यासाठी त्यांनी दोघांशी चर्चा केली आहे. गटबाजी मिटवून ताकदीने निवडणुकीत उतरण्याच्या दृष्टीने आता पक्षात हालचाली सुरू झाल्या आहेत. त्याचाच एक भाग म्हणून शनिवारी पहिली बैठक झाली.

महापालिकेच्या सर्व ८१ जागा लढवण्याचे यावेळी ठरले. त्यानुसार प्रभागानुसार इच्छूक उमेदवारांची चर्चा करण्यात आली. पुढील महिन्यात राज्यपातळीवर नेत्यांना कोल्हापुरात आणून प्रचाराचा नारळ फोडण्याचे यावेळी ठरले. कोणत्या नेत्याने कोणती जबाबदारी घ्यायची याबाबत यावेळी चर्चा झाली.

श्रीपतराव बोंद्रे बँकेत झालेल्या या बैठकीत काही इच्छुक उमेदवारांशीही नेत्यांनी चर्चा केली. पाच वर्षात काँग्रसने महापालिकेत सत्तेवर असताना अनेक प्रकल्प आणले, एक हजार कोटीपेक्षा अधिक निधी आणला, या विकासकामांचा जनतेत प्रचार करण्याचे यावेळी ठरले.

मोबाइल अॅप डाउनलोड करा आणि राहा अपडेट

उपनगरांमध्ये फलकयुद्ध जोरात

August 22, 2015, 12:15 pm

≫ Next: राष्ट्रवादीच्या यादीत पस्तीस उमेदवार

≪ Previous: गटबाजी संपवून काँग्रेस ताकदीने लढणार

$

0

0

म. टा. प्रतिनिधी, कोल्हापूर

नवीन प्रभाग रचनेनंतर अनेक इच्छुकांची निवडणूक लढविण्याची संधी हिरावली असली, तरी काही नवीन उमेदवारांना संधी प्राप्त झाली आहे. काही जणांनी दोन-तीन वर्षांपासून महापालिकेची निवडणूक लढविण्याचे संकेत दिले असले, तरी अनेकांनी प्रभाग रचनेनंतर निवडणुकीच्या मैदानात उडी घेतली आहे. प्रभागाच्या विकासासाठी आपण किती सक्षम आहे हे दाखविण्यासाठी त्यांनी डिजिटल फलकांच्या माध्यमातून मतदारांचे लक्ष वेधून घेतले आहे. काहींनी गेल्या तीन-चार वर्षांपासून कोणतेही पद नसताना केलेल्या विकासकामांचे फलक लावले आहेत. फलकयुद्धाचा ज्वर शहराच्या मुख्य भागापेक्षा उपनगरांत अधिक आहे.

महापालिकेची निवडणूक डोळ्यासमोर ठेवून अनेक प्रभागांत इच्छुकांनी गेल्या दोन-तीन वर्षांपासून तयारी करण्यास सुरुवात केली होती. रक्तदान शिबिर, नेत्ररोग तपासणी, शालेय गणेवश वाटप आणि विविध सरकारी योजनांचे लाभ मिळवून देण्याच्या कार्यक्रमातून इच्छुक मतदारांसमोर जात होते. शहरापेक्षा उपनगरांमध्ये अशा कार्यक्रमांची रेलचेल नेहमीच दिसून येत होती. कार्यक्रम घेणाऱ्यांनी आता थेट आवाहन करत संपर्क मोहीम जोरात सुरू केली आहे. प्रभागाचे आरक्षण जाहीर झाल्यानंतर अनेकांच्या तयारीवर पाणी पडले. सुरुवातीस नाराज झालेल्या इच्छुकांची संधी हुकली असती, तरी त्यांनी आपल्या कुटुंबातील अन्य सदस्यांना निवडणूक मैदानात उतरवले आहे.

वर्षभर केलेल्या कामांच्या छायाचित्रांसह इच्छुकांनी फलक उभारून प्रभागात कोणत्या पद्धतीने कामे करू याची माहिती दिली आहे. मात्र, कोणत्याही पदाशिवाय केलेल्या कामांमुळे त्यांनी हा निधी कोठून उपलब्ध केला याच्या चर्चाही यानिमित्ताने होऊ लागल्या आहेत. इच्छुक तिकीट मिळविण्यासाठी प्रमुख नेतेमंडळींपर्यंत नाव पोहोचविण्यासाठी अन्य क्लृप्त्या लढविल्या जात आहेत. प्रभागात संपर्क ठेवण्याबरोबरच त्यांनी स्वतंत्र गटच तयार केला आहे. गणेशोत्सवाच्या निमित्ताने सार्वजनिक मंडळांना आपल्याकडे आकर्षित करण्यासाठी गुप्त बैठकांचे आयोजन केले जात आहे. त्यामुळे उपनगरांमध्ये रात्रीच्या वेळी अनेक ठिकाणी चर्चेचे फड रंगताना दिसू लागले आहेत.

मोबाइल अॅप डाउनलोड करा आणि राहा अपडेट

राष्ट्रवादीच्या यादीत पस्तीस उमेदवार

August 22, 2015, 12:16 pm

≫ Next: पाऊस ‘ब्रेक के बाद’

≪ Previous: उपनगरांमध्ये फलकयुद्ध जोरात

$

0

0

म. टा. प्रतिनिधी, कोल्हापूर

पहिल्या टप्यात उमेदवारांची वानवा असलेल्या राष्ट्रवादी काँग्रेस पक्षाकडे आता इच्छुकांचा ओढा वाढला आहे. महापालिका निवडणुकीसाठी या पक्षाच्या ३५ उमेदवारांची यादी तयार आहे. यामध्ये राजू लाटकर, प्रकाश कुंभार, विनायक फाळके, संदीप कवाळे आदींसह अनेकांचा समावेश आहे.

राष्ट्रवादी व जनसुराज्यची आघाडी झाली आहे. दोन वेगवेगळ्या चिन्हांवर लढण्यापेक्षा एकाच चिन्हावर लढण्याचा निर्णय या पक्षांनी घेतला आहे. त्यामुळे महापालिका निवडणुकीत नारळ चिन्ह दिसणार नाही. राष्ट्रवादीच्या चिन्हावर ही निवडणूक लढवली जाणार आहे. यासाठी सध्या उमेदवारांची चाचपणी करण्यात येत आहे. पहिल्या टप्यात या पक्षाकडे उमेदवारांची वानवा होती. मात्र, आमदार हसन मुश्रीफ यांनी आता प्रभागनिहाय चर्चा सुरू केली आहे. प्रत्येक सक्षम उमेदवाराबरोबर त्यांनी चर्चा करण्यास सुरुवात केली आहे. शहराध्यक्ष राजू लाटकर व प्रा. जयंत पाटील हे दोघे सध्या पक्षाची सूत्रे हलवत आहेत.

पहिल्या टप्प्यात राष्ट्रवादीने ३५ उमेदवारांची नावे निश्चित केली आहेत. यामध्ये राजू लाटकर, विनायक फाळके, संदीप कवाळे, दीपिका जाधव, प्रकाश कुंभार, संभाजी देवणे, प्रदीप पोवार, प्रकाश गवंडी, नंदकुमार मोरे यांचा समावेश आहे. या सर्वांना प्रचाराला सुरुवात करण्याचे आदेश देण्यात आले आहे. उर्वरित प्रभागातील उमेदवारांची चाचपणी करण्यात येत आहे. सर्वही ८१ प्रभागांत सध्या राष्ट्रवादीकडे उमेदवार असल्याचा दावा करण्यात येत आहे. इतर पक्षांतील काही नाराज राष्ट्रवादीच्या वाटेवर आहेत.

जनसुराज्य शक्ती पक्षाला किती जागा द्यायच्या याबाबत जवळजवळ निर्णय झाला आहे. मात्र, त्याची अधिकृत घोषणा नंतर केली जाणार आहे. सध्या तरी जनसुराज्यकडे १६ प्रभागांत उमेदवार मिळाल्याचे समजते. अन्य काही प्रभागांसाठी सध्या हा पक्ष आग्रही आहे. माजी आमदार विनय कोरे व मुश्रीफ यांच्या उपस्थतीत लवकरच बैठक होणार आहे. यामध्ये प्रभाग वाटप होणार आहे.

मोबाइल अॅप डाउनलोड करा आणि राहा अपडेट

पाऊस ‘ब्रेक के बाद’

August 22, 2015, 12:19 pm

≫ Next: स्वाइन फ्लूचे जिल्ह्यात ८० रुग्ण

≪ Previous: राष्ट्रवादीच्या यादीत पस्तीस उमेदवार

$

0

0

म. टा. प्रतिनिधी, कोल्हापूर

प्रदीर्घ विश्रांतीनंतर शनिवारी पाऊस परतल्याने दिलासा मिळाला. अनेक दिवस पावसाने दडी मारल्यामुळे पिकांच्या वाढीबरोबरच पिण्याच्या पाण्याची चिंता लागून राहिली होती. या पार्श्वभूमीवर शनिवारी सकाळपासूनच कमी-अधिक प्रमाणात येणाऱ्या सरींमुळे दिलासा मिळाला आहे. वातावरणातही गारवा निर्माण झाला आहे.

मघा नक्षत्राची सुरुवात सोमवारी झाली असली तरी चारही दिवस कडकडीत ऊन होते. ऐन पावसाळ्यात उन्हाचे चटके बसल्याने ऑक्टोबर हिटचा भास होत होता. शनिवारी सकाळी मात्र रिमझिम सुरू झाली. आकाश ढगाळलेले होते. दुपारनंतर पावसाने विश्रांती घेतली असली तरी पावसाळी वातावरण तयार होऊ लागले. राधानगरी, गगनबावडा, कागल, भुदरगड, पन्हाळा, शाहूवाडी तालुक्यातही पावसाने हजेरी लावली आहे. सध्या ऊस, भात, भुईमूग, सोयाबीन या पिकांना पावसाची गरज आहे.

मोबाइल अॅप डाउनलोड करा आणि राहा अपडेट

---

स्वाइन फ्लूचे जिल्ह्यात ८० रुग्ण

August 22, 2015, 12:13 pm

≫ Next: टोलमुक्तीचे नवे राजकारण

≪ Previous: पाऊस ‘ब्रेक के बाद’

$

0

0

म. टा. प्रतिनिधी, कोल्हापूर

वातावरणातील बदलामुळे जिल्ह्यात सध्या ८० रूग्ण स्वाइन फ्लूचे पॉझिटीव्ह आढळून आले असून १७६ रूग्ण संशयित आढळून आले आहेत. तर १४ रूग्णांचा मृत्यू झाला आहे. यावर्षी नागपूर, पुणे, नाशिक, मुंबई, औरंगाबाद व कोल्हापुरात मोठ्या प्रमाणात स्वाइन फ्लूचे रूग्ण आढळले आहेत. रूग्णांवर योग्य उपचार होण्यासाठी जिल्हा शल्यचिकित्सकांच्या नियंत्रणाखाली सरकारी रूग्णालयात स्वतंत्र कक्ष स्थापन करण्यात आलेला आहे.

इन्फ्लूएंझा एच १ एन १ यावर उपचार करण्यासाठी टॅमी फ्लू गोळ्या व लागणारी औषधे सरकारी रूग्णालयात उपलब्ध करण्यात आली आहेत. तसेच यासेवेसाठी १०८ रूग्णवाहिकेची सोय करण्यात आलेली आहे.

रोग टाळण्यासाठी

सातत्याने हात स्वच्छ ठेवा, पौष्टिक आहार घ्या, लिंबू, आवळा, मोसंबी, संत्री, पालेभाज्या अशा पदार्थांचा आहार घ्याव. धुम्रपान टाळावे, पुरेशी झोप आणि विश्रांती घ्या, भरपूर पाणी प्या.

दक्षता घ्या

हस्तांदोलन टाळा, सार्वजनिक ठिकाणी थुंकू नका, डॉक्टरांच्या सल्ल्याशिवाय औषधे घेऊ नका, फ्लू सदृश्य लक्षणे असतील तर गर्दीच्या ठिकाणी जाऊ नका.

शाळांनी घ्यावयाची काळजी

वर्ग सुरू करण्यापूर्वी विद्यार्थ्यांपैकी कोणी फ्लूच्या लक्षणांनी ग्रस्त नाही ना याची पाहणी करावी. सर्दीसह अल्प ज्वर, अंगदुखीसह घसा खवखवणे, डोकेदुखी, उलट्या व जुलाब यासारख्या लक्षणांचा समावेश आहे. असा विद्यार्थी आढल्यास शाळेच्या वैद्यकीय विभागाकडे पाठवून त्याला विद्यार्थ्यांना सात दिवस घरी राहण्याचा व जनसंपर्क टाळण्याचा सल्ला द्यावा.

स्वाइन फ्लूची लक्षणे

ताप, घसादुखी, घशाला खवखव, खोकला, नाक गळणे, डोकेदुखी.

स्वाइन फ्लूची तपासणीसाठी स्वतंत्र कक्ष -

आयसोलेशन हॉस्पिटल, अॅपल सरस्वती, अॅस्टर आधार, सिद्धीविनायक, मोरया, डी.वाय.पाटील, इचलकरंजीमध्ये आय.जी.एम.रूग्णालय तसेच ग्रामीण भागात ७३ प्राथमिक आरोग्य केंद्र व १६ ग्रामीण रूग्णालये तसेच चार उपजिल्हा रूग्णालय.

मोबाइल अॅप डाउनलोड करा आणि राहा अपडेट

टोलमुक्तीचे नवे राजकारण

August 22, 2015, 12:14 pm

≫ Next: शहरात बसवणार १६५ सीसीटीव्ही

≪ Previous: स्वाइन फ्लूचे जिल्ह्यात ८० रुग्ण

$

0

0

गुरुबाळ माळी, कोल्हापूर

'कोल्हापूरच काय तर सारा महाराष्ट्र टोलमुक्त करू' अशी घोषणा करत सत्तेवर आलेल्या भा​​जप-शिवसेनेने राज्यातील ६५ नाके बंद केले; पण ज्या कोल्हापूरने टोलविरोधी आंदोलन करत टोलविरोधाचा कोल्हापुरी पॅटर्न तयार केला, त्या कोल्हापूरच्या टोलचा प्रश्न मात्र पुन्हा एकदा राजकीय झाला आहे. महापालिका निवडणुकीच्या पार्श्वभूमी​वर कोल्हापूरच्या टोलचा प्रश्न निकालात निघण्याची शक्यता आहे. आघाडी सरकारच्या काळात हा प्रश्न निकालात काढून त्याचा श्रेय घेण्याचा प्रयत्न काँग्रेस व राष्ट्रवादीने केला; पण त्यांना तो प्रश्न सोडवता आला नाही. आता भाजप, शिवसेनेत श्रेयवाद रंगण्याची चिन्हे आहेत.

महापालिकेची आ​र्थिक परिस्थिती बिकट आहे. गेल्या अनेक वर्षांत त्यात फारसा बदल झाला नाही. यामुळे विकासकामांना निधी नसल्याच्या पार्श्वभूमीवर खासगीकरणातून अनेक प्रकल्प साकारण्यात आले. याच माध्यमातून केलेला रस्ते विकास प्रकल्प पाच वर्षे गाजत आहे. राज्यभरातील टोल रद्द करू अशी आश्वासने देत भाजप-शिवसेनेने सत्ता मिळवली. पण आता आश्वासनपूर्तीत मात्र सरकारची चांगलीच दमछाक होत आहे. टोल रद्द करण्याची घोषणा लोक​​प्रिय होती, पण त्याची रक्कम देण्याची क्षमता सरकारकडे नाही. यामुळेच आता टोलच्या मुद्द्यावरून नवे राजकारण सुरू आहे.

रस्ते प्रकल्प २२० कोटींचा होता. मात्र, आयआरबी कंपनीने ८५० कोटींची मागणी केली आहे. आता या प्रकल्पाची किंमत १३९ कोटी करण्यात आली आहे. ती रक्कम आयआरबी मान्य करण्याची शक्यता फारच कमी आहे. या प्रश्नात तडजोड करण्यासाठी मंत्री एकनाथ शिंदे यांच्या अध्यक्षतेखाली समिती नियुक्त करण्यात आली आहे. या समितीत शिवसेनेचे दोन आमदारही आहेत. भा​जपचा मात्र एकही सदस्य नाही. हा योगायोग नक्की नाही. यामागे राजकारण असण्याची शक्यता आहे. आयआरबीने मागितेलेली रक्कम मोठी आहे.

प्रत्यक्ष या प्रकल्पाचे दोनवेळा मूल्यांकन झाले. मूल्यांकन समितीने या प्रकल्पाचा खर्च १३९ कोटी असल्याचे सांगताना कामाचा दर्जा नित्कृष्ट असल्याचा अहवाल दिला आहे. यामुळे आयआरबीला कमीत कमी रक्कम देत हा प्रश्न निकाली काढण्याचा सरकारचा प्रयत्न आहे. या प्रयत्नाला यश आले तर श्रेय भाजपचे आणि अपयश आल्यास ते शिवसेनेचे असेच सध्याचे राजकारण आहे.

रस्ते प्रकल्पाचा खर्च सरकार देईल अशी घोषणा पालकमंत्री चंद्रकांत पाटील करत आहेत. कोल्हापूरचा खर्च देणे सरकारला सहज शक्य आहे. पण त्या धर्तीवर राज्यातील अनेक शहरांतील टोल बंद करावे लागणार आहेत. ती रक्कम देणे सरकारला परवडणारे नाही. त्यामुळे गेली दोन-तीन वर्षे कोल्हापूरच्या टोलचा प्रश्न रखडला आहे. पाच वर्षे सतत आंदोलन करत तो तीव्र करण्याच्या कोल्हापूरकरांच्या प्रयत्नाला आता यश येण्याची शक्यता आहे. कोल्हापूरबरोबरच आता सांगलीच्या टोलच्या प्रश्नाने डोके वर काढले आहे.

ठोस भूमिका घ्यावी लागणार

महापालिकेत भाजप व शिवसेनेचे एकूण नऊ नगरसेवक आहेत. दोघांनाही आपली ताकद वाढवायची आहे. त्यासाठी टोलमुक्तीचे श्रेय घ्यायचे आहे. विधानसभा व लोकसभा निवडणुकीदरम्यान काही आश्वासने देत टोल तात्पुरते बंद ठेवण्यात आले, पण टोल कायमचा बंद झाला नाही. आघाडी सरकारने दोनवेळा फसविल्याने महायुती सरकारही त्याच वाटेने जाणार का, अशी शंका कोल्हापूरकर व्यक्त करत आहेत. यामुळे भाजप, शिवसेनेला ठोस भूमिका घ्यावी लागणार आहे.

टोलवरून सारेच सक्रिय

टोलचा मुद्दा अंगलट येणार याची खात्री भाजपच्या नेत्यांना होती. त्यामुळे हे खाते शिवसेनेला देण्यात आले. जे टोल रद्द झाले, त्याचे श्रेय भाजपला हवे. मात्र, जे रद्द करता येत नाहीत त्याची जबाबदारी शिवसेनेवर ढकलण्याचा प्रयत्न भा​जप करत आहे. महापालिका निवडणूक ऑक्टोबरमध्ये होणार आहे. यासाठी आता सर्वच पक्ष सक्रिय झाले आहेत. निवडणुकीत टोलचा मुद्दा अतिशय महत्त्वाचा ठरणार आहे.

मोबाइल अॅप डाउनलोड करा आणि राहा अपडेट

शहरात बसवणार १६५ सीसीटीव्ही

August 22, 2015, 12:20 pm

≫ Next: इच्छुकांचे तिकिटासाठी बार्गेनिंग

≪ Previous: टोलमुक्तीचे नवे राजकारण

$

0

0

कोल्हापूर : कोल्हापूर शहरात सेफ सिटी प्रकल्प नववर्षापासून कार्यान्वित होणार आहे. सेफ सिटी प्रकल्पांतर्गत शहरातील ६५ चौकांत १६५ सीसीटीव्हीची नजर राहणार आहे. या संदर्भात पोलिस अधीक्षक डॉ. मनोजकुमार शर्मा यांनी माहिती दिली. प्रकल्पासाठी सात कोटी १६ लाख रूपये खर्च येणार आहे. सीसीटीव्हीसाठी सहा कोटी ६० लाख रूपये प्रस्तावित केले आहे. शहरातील प्रमुख रस्ते, चौक, सिग्नल आणि महत्त्वाच्या ठिकाणांचा सर्व्हे पोलिस प्रशासनाने केला आहे. समर्थ सिक्युरिटी सिस्टीम प्रायव्हेट लिमिटेड या कंपनीच्यावतीने या प्रकल्पाचे काम सुरू झाले आहे. सिग्नल तोडणे, राँग साइडने जाणे, वेगाने जाणारी वाहने यांची नोंद स्क्रीनवर होणार आहे.

ठिकाणांची निश्चिती

अत्युच्च दर्जाचे सीसीटीव्ही

११६ कॅमेरे फिक्स

१८० अंशात फिरणारे ३२ कॅमेरे

१७ कॅमेरे झूम होणार

मुख्यालयात १२ कर्मचारी

मोबाइल अॅप डाउनलोड करा आणि राहा अपडेट

इच्छुकांचे तिकिटासाठी बार्गेनिंग

August 22, 2015, 12:18 pm

≫ Next: ‘भ्रष्टाचाराची चौकशी करा’

≪ Previous: शहरात बसवणार १६५ सीसीटीव्ही

$

0

0

उदयसिंग पाटील, कोल्हापूर

कोल्हापूर महापालिकेची निवडणूक प्रमुख चार पक्षांनी स्वतंत्रपणे लढवण्याचा निर्णय घेतल्याने प्रत्येक पक्षास सक्षम उमेदवारांची चणचण भासत आहे. त्यामुळे पक्ष अशा उमेदवारांच्या दरवाजापर्यंत पोहोचत असल्याने उमेदवारांनाही चांगले दिवस येऊ लागले आहेत. पक्षांकडून मागणी होत असल्याने अशा उमेदवारांनी सर्वच दरडीवर हात ठेवत बार्गेनिंगच सुरू केले आहे. 'तो पक्ष इतका देतो, तुम्ही किती देणार' असा थेट सवाल त्यांच्याकडून पक्षांकडे होत आहे. त्यामुळे ही निवडणूक ​भरपूरच 'किंमती' होणार याचा अंदाज पक्ष व त्यांच्या नेत्यांना येऊ लागला आहे.

गेल्या निवडणुकीत काँग्रेस, राष्ट्रवादी व सेना-भाजप युती अशी लढत झाली. पक्षाचे चिन्ह घेऊन विरोधक उतरले तर आपल्याला फटका बसण्याच्या भीतीने सक्षम उमेदवारांनी अपक्ष म्हणून लढण्यापेक्षा पक्षाचे तिकीट घेतले. यंदा मात्र शिवसेना व भाजपही स्वतंत्र लढत आहे. त्यामुळे चार प्रमुख पक्ष रिंगणात राहणार हे स्पष्ट आहे. त्यांनी सक्षम उमेदवाराचा शोध घेण्यासाठी सर्व्हे चालवले आहेत. ताकदवान जुने व नवे शोधले जात आहेत. पण गेल्या पंधरा दिवसात उमेदवारी अर्जाबाबत आवाहन केल्यानंतर सर्व प्रभागातील ताकदवान उमेदवार पक्षांना सापडलेले नाहीत. त्यामुळे स्वबळाचा तसेच सर्व जागा लढवण्याचा नारा देणाऱ्या पक्षांच्या नेत्यांना व पदाधिकाऱ्यांना उमेदवारासाठी धावाधाव करावी लागत आहे.

काँग्रेसने तसेच राष्ट्रवादीने इच्छुकांकडून अर्ज मागवले आहेत. राष्ट्रवादीने छाननी चालवली आहे. भागातील सक्षम उमेदवारांचा शोध त्यातून घेतला जात आहे. भाजप, ताराराणी आघाडीनेही इच्छुकांची यादी तयार केली आहे. शिवसेनेकडूनही उमेदवारांची चाचणी सुरू आहे. यामुळे प्रत्येक सक्षम उमेदवारापर्यंत वेगवेगळ्या पक्षाचा कोणत्या ना कोणत्या माध्यमातून निरोप मिळत आहे, पदाधिकारी भेटत आहेत. काही इच्छुक सर्व पक्षांना भेटत आहेत. या भेटीगाठींमुळे त्यांचे विरोधकही सावध पावले उचलत आहेत. विरोधकाचे कोणत्या पक्षाचे तिकीट निश्चित होईल, त्या पक्षाच्या विरोधातील पक्षाचे तिकीट मिळवण्याचे सरळ धोरण अवलंबले आहे.

सक्षम उमेदवार आपल्या जाळ्यात ओढण्याचा सर्वच पक्षांकडून प्रयत्न केला जात आहे. अद्याप निवडणूक जाहीर झालेली नाही आणि खर्चाचा आकडा बोलला जात असल्याने काही शब्द न देता अनेकांनी निरोप देण्याचे आश्वासन दिले आहे. काहीजण तर स्वतःचा भाव स्वतःच वाढवत असल्याची चर्चा आहे. त्यामुळे गणेशोत्सवापर्यंत सर्वजण शांत राहण्याची शक्यता आहे.

भाव वधारला

भागातील सक्षम उमेदवाराचे नाव शोधून सर्व पक्ष त्याच्यापर्यंत पोहोचत असल्याने त्याचाही भाव वाढलेला आहे. पैसे देऊन उमेदवार जाळ्यात ओढण्याचा प्रयत्न करणाऱ्यांमुळे काही इच्छुकांना आता मोठी धावाधाव करावी लागत नसल्याचे चित्र आहे. त्यांनीही स्वतः खर्च न करता पक्षाकडून जास्तीत जास्त खर्च कसा मिळेल याचे धोरण अवलंबले आहेत. त्यांच्याकडे येणाऱ्या पक्षाच्या पदाधिकाऱ्यांना 'विरोधी पक्षाने इतके देतो असे सांगितले आहे, तुम्ही किती देऊ शकता' अशी थेट विचारणा चालवली आहे. या प्रकाराने पदाधिकारी हतबलच होत आहेत.

मोबाइल अॅप डाउनलोड करा आणि राहा अपडेट

‘भ्रष्टाचाराची चौकशी करा’

August 23, 2015, 1:36 pm

≫ Next: पार्किंग झोनअभावी कोंडी

≪ Previous: इच्छुकांचे तिकिटासाठी बार्गेनिंग

$

0

0

म. टा. वृत्तसेवा, शाहूवाडी

येलूर (ता. शाहूवाडी) ग्रामपंचायतीमध्ये झालेल्या भ्रष्टाचाराची चौकशी करून ग्रामसेवक व सरपंचांवर कारवाई करावी, अशी मागणी ग्रामपंचायत सदस्य विष्णू बसरे यांनी केली आहे. संबधितांवर कारवाई न केल्यास पंचायत समितीसमोर उपोषणाला बसू, असा इशारा गटविकास अधिकारी व तहसीलदारांना निवेदनाद्वारे दिला आहे.

पर्यावरण संतुलित समृद्ध ग्राम योजनेंतर्गत जून २०१४ ला येलूर गावातील रत्नागिरी रोड ते शेळकेवाडी दरम्यानच्या रस्त्याच्या झालेल्या मुरुमीकरणाचा खर्च ४६ हजार ५७३ रुपये झाला, परंतु सन २०११ -१२ मध्ये रोजगार हमी योजनेतून या रस्त्याचे खडीकरण झाले असल्याने बोगस खर्च दाखवून याचे बिल काढले आहे. गावातील वृक्षारोपणासाठी पावणेदोन लाखांहून अधिक खर्च दाखविला आहे, परंतु प्रत्यक्षात झाडेच लावलेली नाहीत. शेतकऱ्यांच्या स्वतःच्या मालकीच्या झाडांची नोंद पर्यावरण रजिस्टरला केली असल्याने बनावट पावत्या करून त्याचे पैसे उचललेले आहेत.

पर्यावरण रजिस्टरमध्ये आर. सी. सी. गटर्स बांधण्यासाठी ६१ हजार ६१४ रुपये खर्च दाखविला आहे, परंतु गावातल्या कोणत्याही वाडीत गटर्स बांधलेली नाहीत. कामाची पाहणी न करता बांधकाम उपअभियंत्यांनी छोट्या-छोट्या कामांचे मूल्यमापन करून कामे पूर्ण केल्याचे दाखले दिले आहेत. ग्रामपंचायतीतील या भ्रष्टाचारात असलेल्या दोषींची चौकशी करून त्यांच्यावर कारवाई न केल्यास पंचायत समितीसमोर उपोषण करणार असल्याचा इशारा बसरे यांनी निवेदनातून दिला आहे.

उचत पेयजल योजनेचे काम चुकीचे

उचत (ता. शाहूवाडी) येथे सुरू असलेल्या पेयजल योजनेतील त्रुटींची प्रशासकीय पातळीवर चौकशी करून दोषींवर फौजदारी करण्याची मागणी ११९ ग्रामस्थांनी केली आहे. पाणीपुरवठा व स्वच्छता कमिटी, ग्रामपंचायत सदस्य व ठेकेदार यांनी पेयजल योजनेचे काम पूर्णपणे चुकीच्या पद्धतीने केल्याचा आरोप ग्रामस्थांनी केला आहे. तक्रारीचे निवेदन जिल्हाधिकारी, सीईओ, पालकमंत्री, तहसीलदार व गटविकास अधिकाऱ्यांना दिले आहे. ग्रामसभेला ग्रामस्थांच्या सह्या नाहीत, ग्रामसभा परस्पर दाखविली आहे, ठरावावर बाहेरील लोकांची सूचक व अनुमोदक म्हणून नावे टाकली आहेत, ठेकेदार व पाणीपुरवठा अध्यक्षांनी गावाला बोअर मारून देऊन पाणीपुरवठा करण्याचे मान्य केले होते, विहिरीचे काम परस्पर सुरू केले आहे, कमिटीला संबंधित ठेकेदार, अध्यक्ष व इंजिनीअर विश्वासात घेत नाहीत असे आरोप ११९ ग्रामस्थांनी दिलेल्या निवेदनातून केले आहेत.

मोबाइल अॅप डाउनलोड करा आणि राहा अपडेट