पान ५ अॅंकर ..................... विद्यापीठ ... लोगो विद्यापीठाचा कार्यभार सक्षम व सुरळीत कुलसचिव नांदवडेकर यांचा दावा म. टा. प्रतिनिधी, कोल्हापूर 'कुलपती कार्यालयाकडून कुलगुरु डॉ. देवानंद शिंदे यांच्याकडे मुंबई विद्यापीठाची अतिरिक्त जबाबदारी ही एका अतिविशिष्ट आणि अतिगंभीर परिस्थितीमध्ये सोपवली आहे. कुलपती कार्यालयाच्या सूचनेनुसार डॉ.शिंदे हे मुंबई तसेच शिवाजी विद्यापीठाचा कार्यभार सांभाळत आहेत. त्याचप्रमाणे विद्यापीठातील कामकाज सुरळितपणे सुरू असून नियमित कामकाजातील कोणतेही प्रस्ताव प्रलंबित नाहीत,असा दावा शिवाजी विद्यापीठाचेकुलसचिव विलास नांदवडेकर यांनी मंगळवारी एका प्रसिध्दीपत्रकाव्दारे केला. 'महाराष्ट्र टाइम्स'ने १५ व २२ मार्च रोजी अनुक्रमे 'कुलगुरु मुंबईत पूर्णवेळ आणि विद्यापीठात प्रभारी'व 'चाळीस लाखांची उधळपट्टी'असे वृत्त प्रसिध्द केले होते. त्या संदर्भात खुलासा करताना कुलसचिव नांदवडेकर यांनी प्रसिध्दीस दिलेल्या पत्रकात म्हटले आहे, 'मुंबई विद्यापीठातील सारे वरिष्ठ अधिकारी प्रभारी आहेत. त्यामुळे दिलेल्या जबाबदारीनुसार तेथील कारभारावर डॉ.शिंदे यांनी अधिक लक्ष देणे आवश्यक ठरते. याचा अर्थ त्यांचे शिवाजी विद्यापीठाकडे दुर्लक्ष होते असे म्हणणे अन्यायकारक आहे. तसे असते तर कुलपती कार्यालयाकडून विचारणा झाली असती. शिवाजी विद्यापीठातील महत्त्वाच्या बैठका, कार्यक्रम, उपक्रमांना ते प्रत्यक्ष उपस्थित राहून मार्गदर्शन करतात.'विद्यापीठाच्या कामकाजाचे योग्य पध्दतीने विक्रेंदीकरण केले आहे. त्यामुळे कुलगुरु नसल्यामुळे प्रशासकीय कामकाजात शिथिलता येत नाही. ते नसल्यामुळे फायली, प्रस्तावांचा निपटारा होत नाही असे नाही. प्र-कुलगुरु अशा प्रकरणांचा निपटारा करण्यासाठी सक्षम प्राधिकारी आहेत. बरीच प्रकरणेही कुलसचिव, परीक्षा संचालक व वित्त लेखाधिकाऱ्यांच्या पातळीवर निकाली काढली जातात. अधिविभागीय स्तरावरील निर्णयाचे बहुतेक अधिकार अधिविभाग प्रमुखांना दिले आहेत. त्यांच्या स्तरावरील कोणताही प्रस्ताव प्रलंबित राहण्याचा प्रश्न उदभवत नाही. प्रशासकीय कामकाज ठप्प होण्याचा प्रश्न उद्भवत नाही. पत्रकात पुढे म्हटले आहे की, विद्यापीठातील अभ्यास मंडळाचे काम सुरळीत सुरूआहे. २०१८ १९ या वर्षांपासून सीबीसीएस लागू करण्याच्या दृष्टीने कार्यवाही अंतिम टप्प्यात आहे. याबाबत कॉलेजस्तरावर कार्यशाळा घेण्याची तयारी सुरु आहे. बीएस्सी, बीकॉम, बीए या अभ्यासक्रमाची पुनर्रचना, नियमावलीचे मसुदे तयार करुन त्यासाठी येत्या विद्या परिषदेच्या बैठकीत अंतिम मान्यतेसाठी ठेवण्यात येत आहेत. कुलगुरु विद्यापीठात असताना विद्यापीठ तसेच विद्यापीठाबाहेरील सर्व संबंधित घटकांशी सातत्याने संवाद साधण्यावर भर देत असतात. आवश्यक त्या सूचना प्रशासनाला करीत असतात. चौकट निवासस्थानाशेजारी कार्यालय अत्यावश्यक कुलगुरुंच्या निवासस्थानाशेजारी कार्यालय ही एक आवश्यक बाब असते. सुट्टीच्या दिवशी अथवा कार्यालयीन वेळेनंतर अनेक अभ्यागत येत असतात. अशावेळी त्यांच्याशी चर्चा करण्यासाठी निवासस्थानाशेजारी कार्यालय आवश्यक आहे. राज्यातील बहुतेक विद्यापीठांमध्ये अशा प्रकारची कार्यालये आहेत. शिवाजी विद्यापीठात यापूर्वीच अशा प्रकारची सुविधा निर्माण होणे आवश्यक होते. यापूर्वी कुलगुरुंसाठी संपूर्ण नव्याच निवासस्थानाचा प्रस्ताव मंजूर झाला होता. तथापि नवीन निवासस्थानाऐवजी सध्याच्याच निवासस्थानी आवश्यक त्या सुविधांची निर्मिती करुन अनावश्यक खर्च वाचवावा असे कुलगुरुंनी सांगितले होते. त्यानुसार निवासस्थानाशेजारी कार्यालयाची निर्मिती करण्यात आली. कुलगुरु शिंदे यांनी त्यांच्या कार्यकाळात विविध अधिकार मंडळांची आणि तांत्रिक समितीची रितसर मान्यता घेऊन योजनेला मूर्त स्वरुप दिले. विद्यापीठाचा वाढता व्याप लक्षात घेता केवळ विद्यमान कुलगुरुंच्यासाठीच नव्हे तर, या पुढील कालावधीत विद्यापीठास लाभणाऱ्या कुलगुरुंसाठी महत्वाची सुविधा विद्यापीठात निर्माण झाल्याचे पत्रकांत म्हटले आहे.
मोबाइल अॅप डाउनलोड करा आणि राहा अपडेट
