@timesgroup.com
Tweet : @bhimgondaMT
कोल्हापूर : सरकारच्या प्रादेशिक पर्यटन विकास कार्यक्रमांतर्गंत जिल्ह्यातील १० पर्यटनस्थळांना निधी मंजूर झाला आहे. पहिल्या टप्यातील कामांना प्रशासकीय मान्यता मिळाली आहे. निविदा प्रक्रिया सुरू झाली आहे. ठेकेदार निश्चितीनंतर प्रत्यक्ष कामांना सुरूवात होणार आहे. त्यानंतर त्यांचा लूक बदणार आहेत.
दक्षिण महाराष्ट्रातील कोल्हापूर महत्वाचे केंद्र आहे. दरवर्षी येथे विविध राज्यांसह देश, विदेशातून पर्यटक येतात. मात्र त्यांना पर्यटनाच्या ठिकाणी चांगल्या, सेवा सुविधा मिळत नाहीत. पर्यटन स्थळांचीही दुरावस्था झाली आहे. त्यांचा विकास करून देशपातळीवरील पर्यटनाच्या नकाशावर कोल्हापूरचा नाव लौकीक होण्यासाठी प्रयत्न सुरू आहेत. पर्यटकांची मोठी वर्दळ असलेल्या जिल्ह्यातील १० स्थळांचा विकास करण्यात येणार आहे. त्यासाठी सरकारने निधी मंजूर केला आहे.
शहरातील पंचगंगा घाट विकास संवर्धनासाठी ४ कोटी ७८ लाख रुपये, राजर्षी छत्रपती शाहू महाराज जन्मस्थळ, लक्ष्मी विलास पॅलेस, वस्तूसंग्रहालयासाठी २ कोटी रुपये, किल्ले पन्हाळगडावरील लाइट अँड साऊंड शोसाठी ४ कोटी ५० लाख रुपये, डॉ. भारतरत्न डॉ. बाबासाहेब आंबेडकर यांनी भेट दिलेल्या माणगाव (ता. हातकणंगले) येथील स्थळाच्या विकासासाठी २ कोटी रुपये, मौजे पट्टणकोडोलीत भक्त निवास बांधकामासाठी ५२ लाख ८७ हजार रुपये, कलानंदीगड (ता. चंदगड) येथील परिसरातील विकासासाठी १ कोटी ९३ लाख रुपये, खानापूर (ता. भुदरगड) येथील तळेमाऊली मंदिर परिसरातील विकासासाठी १ कोटी ६८ लाख रुपये, किल्ले सामानगड (ता. गडहिंग्लज) येथील विकासासाठी ५० लाख रुपये, मौजे बड्याचीवाडी (ता. गडहिंग्लज) येथील काळभैरव मंदिर परिसरचा विकासासाठी ३९ लाख, श्री क्षेत्र जोतिबा वाडी रत्नागिरीसाठी (जोतिबा) २५ कोटी रुपये निधी मंजूर झाला आहे. सर्वाधिक निधी जोतिबा डोंगरावरील विकासकामांसाठी मिळाला आहे.
दरम्यान, पर्यटनस्थळांच्या विकासासाठी तयार केलेला आराखडा मुख्यमंत्री (सीएम) देवेंद्र फडणवीस यांच्या कार्यालयात जिल्हाधिकारी डॉ. अमिन सैनी यांनी सादर केला. त्यानंतर निधी मंजूर झाला. यामुळे निधी मागण्याची संधी स्थानिक आमदार, खासदारांना मिळालेली नाही. मंजूर निधीतून महत्वाच्या कामांची निवडही ‘सीएम’ कार्यालयाकडूनच झाल्याचे समजते.
पालकमंत्र्यांच्या गावीही
पालकमंत्री चंद्रकांत पाटील यांचे मूळ गाव भुदरगड तालुक्यातील खानापूर. त्यांच्या मूळ गावातील तळेमाऊली मंदीर विकासासाठी १ कोटी ९३ लाख रुपये मंजूर झाला आहे. इतका मोठा निधी मिळणार असल्याने मंदिर परिसराचा कायापालट होणार आहे.
कलानंदीगड : रस्ता, संरक्षक भिंत बांधणे.
किल्ले सामानगड : जोड व अतर्गंत रस्ते, संरक्षक भिंत, माहिती फलक.
जोतिबा : दर्शन मंडप, सेंट्रल प्लाझा, पार्किंग, सांडपाणी व्यवस्थापन प्रकल्प.
पंचगंगा घाट : जमीन सुधारणा, प्रवेशद्वार, बागबगिचा, नविन घाट बांधणे, जुन्या घाटाचे संवर्धन.
तळेमाऊली मंदिर : सभामंडप, पार्किंग, आरसीसी गटर्स, पाणी पुरवठा, पाऊस पाणी व्यवस्थापन.
काळभैरव मंदिर : पालखी मार्ग, हडलगे मंदिर ते काळभैरव मंदिरापर्यंतचा रस्ता, मंदिरापर्यंत आरसीसी गटर्स, संरक्षक भिंत.
मोबाइल अॅप डाउनलोड करा आणि राहा अपडेट
