म. टा. प्रतिनिधी, कोल्हापूर
जिल्हा परिषदेच्या अध्यक्षपद सर्वसाधारण प्रवर्गासाठी राखीव झाल्याने येत्या सहा महिन्यानंतर होणाऱ्या निवडणुकीत मोठी चुरस निर्माण होणार आहे. अध्यक्षपद खुले झाल्याने इच्छुकांनी जंगी तयारी सुरू केली आहे. जिल्हा परिषदेच्या सभागृहाची मुदत मार्च २०१७ मध्ये संपत आहे. सर्वसाधारण प्रवर्गासाठी अध्यक्षपद खुले झाल्याने नेत्यांच्या वारसदारांनी मोर्चेबांधणीची सुरुवात केली आहे. अनेक वर्षे अध्यक्षपदाच्या प्रतिक्षेत असणारे नेते आणि त्यांचे वारसदार या निवडणुकीत ताकदीने उतरण्याची चिन्हे आहेत. दरम्यान, सांगलीचे अध्यक्षपदही सर्वसाधारण गटासाठी राखीव झाले आहे. सध्या जि.प.मध्ये राष्ट्रवादी काँग्रेसची सत्ता आहे.
राज्यातील २६ जिल्हा परिषेदच्या अध्यक्षपदाची आरक्षणाची सोडत शुक्रवारी मुंबईत काढण्यात आली. त्यात कोल्हापूर जिल्हा परिषदेचे अध्यक्षपदाचे आरक्षण सर्वसाधारण प्रवर्गासाठी खुले झाले. जिल्हा परिषदेत काँग्रेस, स्वाभिमानी शेतकरी संघटना, शाहूवाडी विकास आघाडी यांची सत्ता आहे. अध्यक्षपद पहिल्या अडीच वर्षांसाठी खुल्या प्रवर्गासाठी होते. त्यावेळी काँग्रेसचे संजय मंडलिक यांना संधी मिळाली. उपाध्यक्षपदी हिंदुराव चौगले यांची निवड झाली. त्यानंतर राजकीय घडामोडींना वेगळे वळण लागले. लोकसभेच्या निवडणुकीवेळी मंडलिक यांनी शिवसेनेत प्रवेश केल्याने अध्यक्षपदाचा राजीनामा घेण्यात आला. त्यानंतर उमेश आपटे यांना अध्यक्षपदाची संधी मिळाली.
दुसऱ्या अडीच वर्षांसाठी अध्यक्षपद सर्वसाधारण महिला गटासाठी खुले झाले. काँग्रेसचे ज्येष्ठ नेते पी. एन. पाटील यांच्या समर्थक विमल पाटील यांना अध्यक्षपद आणि आमदार सतेज पाटील सर्मथक शशिकांत खोत यांना उपाध्यक्षपदपदाची संधी मिळाली. मिनी विधानसभा समजल्या जाणाऱ्या जिल्हा परिषदेत अनेकांना पदांची अपेक्षा होती. मतदारसंघात मिळालेल्या मतांच्या जोरावर पक्षनेत्यांकडे पदाचा आग्रह धरण्यात आला. मात्र काहींचे मनसुबे उधळले. तालुकानिहाय राजकीय संदर्भ बदलत गेले. आता आरक्षण जाहीर झाल्याने अनेक वर्षांपासून अध्यक्ष आणि उपाध्यक्ष होण्यासाठी इच्छुकांनी फिल्डिंग लावली आहे.
०००
इच्छुकांची भाऊगर्दी
नेत्यांच्या वारसदारांनी अध्यक्षपदाच्या शर्यतीची तयारी सुरू केली आहे. त्यात अरुण इंगवले, धैर्यशील माने, नावीद मुश्रीफ, रणजीत पाटील, राहुल देसाई, संग्राम कुपेकर, बाळासाहेब खाडे, अंबरिश घाटगे, योगेंद्र गायकवाड, अप्पी पाटील, महेश पाटील, अर्जुन आबिटकर, शशिकांत खोत, हिंदुराव पाटील, अमरसिंह पाटील आदींचा समावेश आहे.
जिल्हा परिषदेच्या अध्यक्षपद सर्वसाधारण प्रवर्गासाठी राखीव झाल्याने येत्या सहा महिन्यानंतर होणाऱ्या निवडणुकीत मोठी चुरस निर्माण होणार आहे. अध्यक्षपद खुले झाल्याने इच्छुकांनी जंगी तयारी सुरू केली आहे. जिल्हा परिषदेच्या सभागृहाची मुदत मार्च २०१७ मध्ये संपत आहे. सर्वसाधारण प्रवर्गासाठी अध्यक्षपद खुले झाल्याने नेत्यांच्या वारसदारांनी मोर्चेबांधणीची सुरुवात केली आहे. अनेक वर्षे अध्यक्षपदाच्या प्रतिक्षेत असणारे नेते आणि त्यांचे वारसदार या निवडणुकीत ताकदीने उतरण्याची चिन्हे आहेत. दरम्यान, सांगलीचे अध्यक्षपदही सर्वसाधारण गटासाठी राखीव झाले आहे. सध्या जि.प.मध्ये राष्ट्रवादी काँग्रेसची सत्ता आहे.
राज्यातील २६ जिल्हा परिषेदच्या अध्यक्षपदाची आरक्षणाची सोडत शुक्रवारी मुंबईत काढण्यात आली. त्यात कोल्हापूर जिल्हा परिषदेचे अध्यक्षपदाचे आरक्षण सर्वसाधारण प्रवर्गासाठी खुले झाले. जिल्हा परिषदेत काँग्रेस, स्वाभिमानी शेतकरी संघटना, शाहूवाडी विकास आघाडी यांची सत्ता आहे. अध्यक्षपद पहिल्या अडीच वर्षांसाठी खुल्या प्रवर्गासाठी होते. त्यावेळी काँग्रेसचे संजय मंडलिक यांना संधी मिळाली. उपाध्यक्षपदी हिंदुराव चौगले यांची निवड झाली. त्यानंतर राजकीय घडामोडींना वेगळे वळण लागले. लोकसभेच्या निवडणुकीवेळी मंडलिक यांनी शिवसेनेत प्रवेश केल्याने अध्यक्षपदाचा राजीनामा घेण्यात आला. त्यानंतर उमेश आपटे यांना अध्यक्षपदाची संधी मिळाली.
दुसऱ्या अडीच वर्षांसाठी अध्यक्षपद सर्वसाधारण महिला गटासाठी खुले झाले. काँग्रेसचे ज्येष्ठ नेते पी. एन. पाटील यांच्या समर्थक विमल पाटील यांना अध्यक्षपद आणि आमदार सतेज पाटील सर्मथक शशिकांत खोत यांना उपाध्यक्षपदपदाची संधी मिळाली. मिनी विधानसभा समजल्या जाणाऱ्या जिल्हा परिषदेत अनेकांना पदांची अपेक्षा होती. मतदारसंघात मिळालेल्या मतांच्या जोरावर पक्षनेत्यांकडे पदाचा आग्रह धरण्यात आला. मात्र काहींचे मनसुबे उधळले. तालुकानिहाय राजकीय संदर्भ बदलत गेले. आता आरक्षण जाहीर झाल्याने अनेक वर्षांपासून अध्यक्ष आणि उपाध्यक्ष होण्यासाठी इच्छुकांनी फिल्डिंग लावली आहे.
०००
इच्छुकांची भाऊगर्दी
नेत्यांच्या वारसदारांनी अध्यक्षपदाच्या शर्यतीची तयारी सुरू केली आहे. त्यात अरुण इंगवले, धैर्यशील माने, नावीद मुश्रीफ, रणजीत पाटील, राहुल देसाई, संग्राम कुपेकर, बाळासाहेब खाडे, अंबरिश घाटगे, योगेंद्र गायकवाड, अप्पी पाटील, महेश पाटील, अर्जुन आबिटकर, शशिकांत खोत, हिंदुराव पाटील, अमरसिंह पाटील आदींचा समावेश आहे.
मोबाइल अॅप डाउनलोड करा आणि राहा अपडेट