मृतांच्या नातेवाईकांना मदतीचे धनादेश

October 9, 2017, 2:30 pm

≫ Next: बस सुस्थितीत तर दोषी कोण

≪ Previous: सोलापूर झेडपीच्या सीईओंना महिलांचा घेराव

$

0

0

म. टा. प्रतिनिधी, कोल्हापूर

केएमटी बस अपघातामुळे कुणाच्या घरातील कर्ता माणूस हरपलेला तर कुणाचा शाळकरी मुलगा. एकाच गल्लीतील तिघांचा अपघाती मृत्यू झाल्यामुळे राजारामपुरी मातंग वसाहत परिसरात तर शोकाला पारावर उरला नव्हता. कर्त्या माणसांच्या निधनाने शोकात बुडालेल्या या कुटुंबीयांना महापालिकेने मदतीचा हात दिला. महापौर हसीना फरास यांच्या हस्ते आणि आयुक्त डॉ. अभिजित चौधरी यांच्या प्रमुख उपस्थितीत सोमवारी सायंकाळी तीन कुटुंबीयांना प्रत्येकी पाच लाख रुपयांचे धनादेश वितरीत केले. यामुळे कुटुंबीयांचे सात्वंन करताना महापौरासह नगरसेविका व अधिकाऱ्यांचे डोळेही डबडबले.

ताबूत विसर्जन मिरवणुकीत मृत्युमुखी पडलेल्या हलगीवादक तानाजी साठे, आनंदा राऊत व शाळकरी मुलगा सुजल अवघडे यांच्या कुटुंबीयांना मदत करण्यात आली. आनंदा राऊत यांच्या घरची परिस्थिती तर अतिशय बेताची. त्यांची पत्नी धुणीभांडी करुन घराचा गाडा ओढत आहे. मुलगा अपंग आहे. तानाजी साठे हा घरातील एकमेव कर्ता माणूस होता, त्यांच्या निधनाने त्या कुटुंबींयांवरही दुखाचा डोंगर कोसळला. सुजल अवघडे या विद्यार्थ्यांचे आई वडील तर अजूनही धक्क्यातून सावरले नाहीत. या कुटुंबीयांना आधार देत असताना महापौर फरास, नगरसेविका माधवी गवंडी, दीपा मगदूम, शमा मुल्ला यांनाही अश्रू आवरता आले नाहीत.

नगरसेवक संदीप कवाळे यांनी संबंधित कुटुंबीयांची वस्तुस्थिती मांडली. यावेळी सभागृह नेते प्रविण केसरकर, परिवहन सभापती नियाज खान, ‘शिक्षण सभापती’ वनिता देठे, अशोक जाधव, शेखर कुसाळे, उमा बनछोडे, शोभ कवाळे, शोभा बोंद्रे, भाग्यश्री शेटके, संतोष गायकवाड, अतिरिक्त आयुक्त श्रीधर पाटणकर, केएमटीचे अतिरिक्त व्यवस्थापक संजय भोसले आदी उपस्थित होते.

मोबाइल अॅप डाउनलोड करा आणि राहा अपडेट

---

बस सुस्थितीत तर दोषी कोण

October 9, 2017, 2:30 pm

≫ Next: पाचगावात तिरंगी लढतीने रंगत

≪ Previous: मृतांच्या नातेवाईकांना मदतीचे धनादेश

$

0

0

म. टा. प्रतिनिधी, कोल्हापूर

महापालिकेच्या चौकशी ​समितीच्या अहवालानुसार अपघातापूर्वी बस सु‌स्थितीत होती तर अपघात झाला कसा? अपघातप्रकरणी दोषी कोण? असा संतप्त सवाल नगरसेवकांनी प्रशासनाला केला. बस अपघात प्रकरणावरुन वर्क्स मॅनेजर एम. डी. सावंत यांना बडतर्फ करण्यावरुन आक्रमक झालेल्या नगरसेवकांच्या प्रश्नांना उत्तरे देताना प्रशासनाची भंबेरी उडाली. केएमटी ही शहराच्या सार्वजनिक वाहतूक व्यवस्थेची रक्तवाहिनी असून ती बंद पडली तर कोल्हापूर कोलमडेल. केएमटीच्या सक्षमीकरणासाठी प्रभावी उपाय योजनांची अंमलबजावणी करा, अशा सूचना नगरसेवकांनी केल्या. महापौर हसीना फरास सभेच्या अध्यक्षस्थानी होत्या.

नगरसेवक शेखर कुसाळे यांनी प्रशासनाचा चौकशी अहवाल हा चुकीचा व संदिग्ध असल्याचा थेट आक्षेप नोंदविला आणि त्रयस्थ कंपनीकडून चौकशी करण्याची मागणी करत चर्चेला तोंड फोडले. केएमटीच्या कारभाराचा व अहवालाचा पंचनामा करत नगरसेवक प्रा. जयंत पाटील म्हणाले, ‘अपघातापूर्वी बस सुस्थितीत असल्याचा निष्कर्ष हा संशयास्पद वाटतो. बस सुस्थितीत होती तर अपघात का झाला ? की अपघात घडल्यानंतर बसमध्ये बिघाड झाला का ? अपघात विभाग प्रमुखांनी एअर कमी होऊन ब्रेकफेल झाल्याचा अहवाल यापूर्वीच दिला असताना बस कशाच्या आधारे सुस्थितीत होती. केएमटीचे तांत्रिक (टेक्निकल) ऑडिट करुन सार्वजनिक वाहतूक व्यवस्थेचा कणा सक्षम करण्यासाठी प्रभावी उपाय योजाव्यात. अपघात घडल्यानंतर प्रत्येकवेळी चालक आणि वाहकांनीच मार खायचा का ?’

काँग्रेसचे गटनेते शारंगधर देशमुख यांनी मिरवुकीच्या कालावधीत पापाची तिकटी ते गंगावेश मार्गावरील वाहतूक बंद का केली नाही, अशी विचारणा केली. सभागृह नेते प्रवीण केसरकर, नगरसेवक सुनील कदम, भूपाल शेटे, अशोक जाधव, मुरलीधर जाधव, उमा बनछोडे, राहुल चव्हाण यांनीही प्रशासनाच्या अहवालाची चिरफाड केली. कदम यांनी कर्मचाऱ्यांना तीन, तीन महिने पगार मिळत नाही याकडे लक्ष वेधत अपघातग्रस्त कुटुंबीयांतील सदस्यांना महापालिकेत नोकरी देण्याविषयी पालकमंत्र्यांच्या माध्यमातून राज्य सरकारशी चर्चा करावी असे सुचविले.

..........

केएमटी म्हणजे यमाचे वाहन

नगरसेविका शोभा कवाळे यांनी बस तांत्रिकदृष्ट्या व्यवस्थित होती तर अपघात कसा झाला आणि त्याला दोषी कोण? अपघातग्रस्त कुटुंबीयांचा प्रशासन कधी विचार करणार अशी विचारणा केली. नगरसेवक विजय सूर्यवंशी यांनी केएमटीचे वाभाडे काढण्याची ही वेळ नाही, पण शहराची लाइफलाइन असलेली केएमटी अपघातानंतर बदनाम झाली असून केएमटी म्हणजे यमाचे वाहन असे लोक संबोधू लागले आहेत. प्रशासनातील दोष, वाहनांची देखभाल दुरुस्ती करुन ही सेवा बळकट करावी असे सुचविले. नगरसेविका सुरेखा शहा यांनी बसच्या वेगावर मर्यादा आणाव्यात असे सांगितले. नगरसेवक महेश सावंत यांनी वर्क्स मॅनेजर एम.डी. सावंत हे वादग्रस्त अधिकारी असताना त्यांच्यावर प्रशासनाची मेहेरनजर कशासाठी ? असा सवाल केला.

तर खुर्चीत बसू देणार नाही

परिवहन सभापती नियाज खान म्हणाले,‘महापालिका प्रशासन केएमटीला सापत्न वागणूक देते. वाहक-चालक, वर्कशॉप आणि युनियनमधील राजकारणही केएमटीस मारक ठरत असून ते गटबाजी संपविण्याची आवश्यकता आहे. आयुक्त, उपायुक्त परिवहनच्या बैठकीला हजर राहत नाहीत. प्रश्नांची सोडवणूक होत नाही. यापुढे परिवहन समितीच्या बैठकीला आयुक्त हजर राहिले नाहीत तर सर्व सदस्यांना घेऊन आयुक्तांना घेराव घालू शिवाय त्यांना खुर्चीतही बसू देणार नाही.’

…………

सभागृहाची माफी, केएमटीला सक्षम बनविणार

अपघात प्रकरणी चर्चा सुरु असताना केएमटी अतिरिक्त व्यवस्थापक संजय भोसले यांनी खुलासा करायचा प्रयत्न केला. त्यावेळी नगरसेवक अशोक जाधव यांनी खुलासा कसला करता, सभागृहाची माफी मागा असे सुचविले. त्यावर भोसले यांनी चूक मान्य करुन सभागृहाची माफी मागतो. शिवाय येत्या दोन महिन्यांत केएमटी बस सेवेत आमूलाग्र सुधारणा घडवेन आणि आर्थिकदृष्ट्या केएमटीला सक्षम बनविल्याशिवाय गप्प बसणार नाही असे सांगितले.

चौकशी अहवालात नोंदविलेले निष्कर्ष :

वेळोवेळी बस दुरुस्तीबाबत डेली व्हेईकल लॉगशिटमध्ये नोंदी आहेत

तक्रारीनुसार दुरुस्तीचे काम केले नाही अशी बाब दिसून येत नाही

अपघातावेळी बसची निश्चित तांत्रिकदृष्ट्या वस्तुस्थितीबाबत आरटीओचा अहवाल प्राप्त होणे आवश्यक आहे

अपघात घडला त्यावेळी कोणती प​रिस्थिती अपघातास कारणीभूत झाली व कोणाच्या चुकीमुळे अपघात घडला याबाबी पोलिस तपासातील असल्याने त्यावर भाष्य करता येणार नाही

प्रशासकीयदृष्ट्या उपलब्ध नोंदीचा विचार करता प्रथमदर्शनी परिवहन सेवेतील दैनंदिन कर्तव्यावर असणारे अधिकारी दोषी दिसून येत नाहीत.

अपघातनंतर वस्तुस्थिती काय होती याची तांत्रिकदृष्ट्या अध्कि माहिती संबंधित चालकाकडून उपलब्ध होईल.

पोलिसांनी नोंदविलेले जबाब, पोलिस पंचनामा, चालकावर ठेवलेले आरोपपत्रासंबंधी पोलिस विभागाकडून माहिती उपलब्ध नाही

चौकशी अहवालातील अन्य मुद्दे...

बसचे (एमएच ०९ बीसी २१६६) मॉडेल २००८ मधील, आतापर्यंत बसचा प्रवास ८.३०,००० कि.मी.

शेवटचे पासिंग १८ ऑगस्ट २०१७,प्रशासकीय तांत्रिक तपासणी २९सप्टेंबर २०१७

बसच्या रोजच्या नोंदीचे डेली व्हेईकल लॉगशिट, वे बिलची तपासणी

तसेच अपघातग्रस्त बस वाहतुकीचा दिवसभराचा प्रवासाचा तक्ता

बसचा वर्षभरातील वाहन दुरुस्तीचा कम्प्युटरवर नोंदविलेला तपशील

त्यादिवशी सकाळी ८.३० वाजता बसच्या लॉगशीटवर दोष असल्याची नोंद नाही

अपघातादिवशी बसचा प्रवास १९० किमी

पोलिस प्रशासनाकडून मार्गावरील वाहतूक बंद ठेवण्याच्या व अन्यत्र वळविण्याच्या सूचना नव्हत्या

मोबाइल अॅप डाउनलोड करा आणि राहा अपडेट

पाचगावात तिरंगी लढतीने रंगत

October 9, 2017, 2:30 pm

≫ Next: मतदानातून झाली विचारांची दिशा स्पष्ट

≪ Previous: बस सुस्थितीत तर दोषी कोण

$

0

0

म. टा. प्रतिनिधी, कोल्हापूर

दक्षिण विधानसभा मतदार संघातील बहुचर्चित अशा पाचगाव ग्रामपंचायतीच्या निवडणुकीमध्ये काँग्रेस, भाजप पुरस्कृत आघाड्यांबरोबर शिवसेनाही उतरली असल्याने रंगत भरण्यास सुरुवात झाली आहे. माघारीनंतर प्रत्येक घराघरात पोहचून उमेदवारांची माहिती देण्याचे काम सुरू असून शेवटच्या टप्प्यात जाहीर सभांचे आयोजन केले जात आहे. सरपंचपद खुल्या प्रवर्गासाठी असल्याने पाच उमेदवार रिंगणात आहेत. तर १७ जागांसाठी अपक्षांसह ४७ उमेदवार निवडणूक लढवत आहेत. त्यामुळे गावच्या परिसरात करण्यात आलेल्या फलकबाजीमुळे निवडणुकीचे वातावरण जोरदार झाले आहे.

पाचगावमध्ये आमदार सतेज पाटील यांचा काँग्रेसचा गट आहे. तर महादेवराव महाडिक यांचा गट आता भाजपचा गट म्हणून काम करत आहे. यंदा सरपंचपद खुल्या प्रवर्गासाठी असल्याने निवडणुकीत चुरस निर्माण झाली आहे. आमदार पाटील यांनी काँग्रेस पुरस्कृत पॅनेल उभे करताना सरपंचपदासाठी माजी उपसरपंच दिवंगत विलास पाटील यांचा पुतण्या संग्राम पाटील याला उमेदवारी दिली आहे. तर अन्य सहा प्रभागातही एकमताने उमेदवारी देण्यात आली आहे. तर महाडिक गटाकडून भाजप पुरस्कृत पॅनेल उभे करताना सक्षम उमेदवार दिले आहेत. सरपंचपदासाठी मात्र माघारीपर्यंत एक उमेदवार ठेवता आला नाही. मध्यंतरी खून झालेल्या अशोक पाटील यांच्या पत्नी मनीषा उमेदवारीसाठी प्रचंड आग्रही होत्या. तर विद्यमान सदस्य असलेले भिकाजी गाडगीळही महाडिकांच्या गटातून निवडणूक लढवण्यास इच्छूक होते. त्यामुळे दोघांनीही अर्ज भरले होते. पण चर्चेअंती कुणीच माघार घेतली नसल्याने दोघांचेही अर्ज राहिले. याशिवाय शिवसेनेचे अजिंक्य पाटील यांनी सरपंचपदासाठी उमेदवारी भरली आहे. तसेच काही प्रभागातही उमेदवार उभे केले आहेत. सहा प्रभागांमध्ये काँग्रेस व भाजप पुरस्कृत पॅनेलचे ३४ उमेदवार व सर्व विभागात अपक्ष व शिवसेनेचे मिळून १३ उमेदवार रिंगणात आहेत.

प्रचार फेऱ्या आणि सभांचा धडाका

सध्या उमेदवार प्रभागातील घराघरांमध्ये जाऊन भेटीगाठी करत आहेत. पाचगावमध्ये मूळ गाव, पश्चिमेकडील उपनगरे व पुर्वेकडील उपनगरे असे तीन भाग पडतात. काँग्रेस आघाडीचा सरपंचपदाचा उमेदवार पूर्वीच निश्चित केला असल्याने पश्चिम उपनगरांमध्ये तसेच इतर भागात जवळपास पाच फेऱ्या झाल्या आहेत. गावामध्ये काँग्रेस, भाजप व शिवसेना असे तीनही उमेदवार मतदान घेणार आहेत. तर आर. के. नगरसारख्या भागात भाजप पुरस्कृत आघाडीचा वरचष्मा राहण्याची शक्यता आहे. सरपंचपदाच्या उमेदवारांबरोबर त्या त्या प्रभागातील उमेदवारांच्या प्रचार फेऱ्या सुरू आहेत. प्रचार संपण्यापूर्वी दोन दिवस नेत्यांच्या जाहीर सभा घेण्याचे नियोजन केले जात आहे. त्यामुळे हा आठवडा प्रचाराचाच ठरणार आहे.

मोबाइल अॅप डाउनलोड करा आणि राहा अपडेट

मतदानातून झाली विचारांची दिशा स्पष्ट

October 9, 2017, 2:30 pm

≫ Next: पुन्हा माणुसकीच्या भिंतीची ऊब

≪ Previous: पाचगावात तिरंगी लढतीने रंगत

$

0

0

म. टा. प्रतिनिधी, कोल्हापूर

सत्ताधाऱ्यांमधीलच दोन गटाकडून लढवल्या गेलेल्या रेसिडन्सी क्लबच्या निवडणुकीत प्रोग्रेसिव्ह ग्रुपच्या पॅनेलला सभासदांनी बहुमतांनी निवडून देऊन विचाराची दिशा स्पष्ट केली. विद्यमान पदाधिकाऱ्यांना निवडून देत त्यांच्या कारभाराचे एकप्रकारे समर्थनच केले आहे. तसेच प्रथमच दोन पॅनेलमध्ये निवडणूक होण्यापासून ते प्रचारापर्यंतचे मुद्दे सभासदांना पटले नसल्याचेच मतदानातून दाखवून दिले आहे.

रेसिडन्सी क्लब म्हणजे समाजातील प्रतिष्ठितांचा क्लब. विविध क्षेत्रातील दिग्गज या क्लबमध्ये सभासद असल्याने येथील कारभाराला एक प्रकारचे वलय निर्माण झालेले असते. तीन वर्षांनी होणाऱ्या निवडणुकीत सामोपचाराने, चर्चेने नवीन कार्यकारिणी निवडली जाते. त्यासाठी मतदान करण्याचा प्रश्न निर्माण होत नव्हता. यंदा मात्र विद्यमान संचालकांमध्ये पदाधिकाऱ्यांच्या कारभारावरुन थो​डी नाराजी पसरली व सामोपचार न होता पदाधिकाऱ्यांसह सातजण एकाबाजूला प्रोग्रेसिव्ह ग्रुप म्हणून व आठ संचालक दुसऱ्या बाजूला प्रोग्रेसिव्ह ग्रुप ओरिजनल असे दोन गट तयार झाले. त्यातून पॅनेल तयार करुन दोन पॅनेल एकमेकांना भिडली. आतापर्यंत निवडणुकीसाठी कधीही येण्याची गरज न भासलेल्या सभासदांपर्यंत प्रचार पोहचवण्यात आला. प्रतिष्ठा लाभलेल्या व विचारी असलेल्या सभासदांना सत्तेसाठी दोन पॅनेलमध्ये निवडणूक व्हावी हे पटले नसल्याचे मतदानातून दिसून आले. मतदान होईपर्यंत काहीजणांनी ही मते उघडपणे व्यक्त केली होती. पण बहुतांशजणांनी कुणाला कशाला दुखवायचे असा पवित्रा घेऊन थेट मतपत्रिकेद्वारे मतप्रदर्शन केले.

प्रचाराचा मुद्दाही चर्चेचा ठरला. आरोप प्रत्यारोपांच्या फैरीमुळे रेसिडन्सी क्लबची निवडणूक असल्याचे शहरवासियांना समजले. जिल्हाधिकारी अध्यक्ष असलेल्या क्लबमध्येही इतरांप्रमाणे गैरव्यवहार चालतो, असे त्या आरोपांमधून दिसून आले. ही बाब स्वतःची प्रतिष्ठा जपणाऱ्या सभासदांना नक्कीच आवडली नाही. सर्वजण एकत्र बसून चर्चा करण्याची आवश्यकता असताना येथील कारभाराचा विषय समाजात चर्चेसाठी जाणे रुचले नव्हते. त्याचवेळी जिथे आरोप होतात, तिथे काही शंका असते असे मतही व्यक्त करण्यात आले. पण या पद्धतीचा विचार करणाऱ्या सभासदांची मते कमी पडली असेच मतदानातून दिसून आले. मुळात दोन पॅनेल आमनेसामने असताना दोन्ही बाजूकडील सभासदांनी पटणाऱ्या पॅनेलला मतदान करणे अपेक्षित असते. पण पॅनेल आहे म्हणून सर्वांना एकसारखे मतदान करता विचारपूर्वक मतदान केल्याने क्रॉस व्होटिंगचे प्रमाण दिसून आले. यातून सभासदांनी पॅनेलमधील उमेदवारांची निवडही विचारपूर्वक केली. दोन्ही बाजूंनी विकासाचे मुद्दे मांडले होते. तरीही सभासदांनी प्रोग्रेसिव्ह ग्रुपला झुकते माप दिले.

मोबाइल अॅप डाउनलोड करा आणि राहा अपडेट

पुन्हा माणुसकीच्या भिंतीची ऊब

October 9, 2017, 2:30 pm

≫ Next: बारावीच्या परीक्षेच्या अर्जात ‘मराठा’ कॉलम

≪ Previous: मतदानातून झाली विचारांची दिशा स्पष्ट

$

0

0

म. टा. प्रतिनिधी, कोल्हापूर

गरजूंना जुनी परंतु वापरायोग्य कपडे यंदाही मिळावेत या उद्देशाने सीपीआर चौकात माणुसकीची भिंत उभी राहत आहे. शनिवारी व रविवारी (ता. १४ व १५) दोन दिवस सकाळी नऊ ते सायंकाळी आठ वाजेपर्यंत वापरण्यायोग्य जुनी-नवी कपडे दान करावीत तसेच गरजूंनी त्याचवेळी घेवनू जावीत असे आवाहन संयोजकांनी केले आहे.

नको असेल ते द्या, हवे असेल ते घेऊन जा, हे ब्रीद घेऊन माणुसकीची भिंत हा उपक्रम गेल्या दिवाळीपासून कोल्हापुरातील सीपीआर चौकात सुरू झाली. त्याला यापूर्वी उर्त्स्फूत प्रतिसाद दिला. यामुळे या वर्षी हा उपक्रम पुन्हा राबवण्यात येणार आहे. या उपक्रमासाठी इतरांना वापरता येतील असेच कपडे दान करावेत. कपडे देताना ते स्वच्छ धुवून, इस्त्री करुन आणि पुरूष, मुले आणि महिला अशी वर्गवारी करुन दिल्यास ते गरीब गरजूंना अधिक चांगल्या पद्धतीने देता येतील, असे अवाहन संयोजकांनी केले आहे. या उपक्रमाच्या संयोजनासाठी आमदार सतेज पाटील यांच्यामदतीने सुधर्म वाझे, गणी आजरेकर, सचिन पाटील, प्रशांत पोकळे, प्रसाद पाटील, अमर पाटील, सूरज पाटील, निनाद कामत, इम्तियाज मोमीन, डॉ. देवेंद्र रासकर आदी परिश्रम घेत आहेत.

व्हॉटस्अॅप ग्रुपवरील चर्चेतून साकारला उपक्रम

व्हॉटस्अॅप ग्रुपवरील चर्चेतून माणुसकीची भिंत उपक्रमाची सुरुवात झाली. गेल्या वर्षी दिवाळतील तीन दिवसाच्या उपक्रमात २५६९ नागरिकांनी उत्स्फूर्तपणे घरातील जुनी मात्र, वापरण्यायोग्य १ लाख ७९ हजार ८३० कपडे या उपक्रमासाठी जमा केली होती. यातून दीड लाखाहून अधिक गरजू, गरीबांनी येथून कपडे घेवून दिवाळी आनंदाने साजरी केली. शिल्लक राहिलेले कपडे धुवून स्वच्छ करुन कसबा बावड्यातील राजाराम कारखाना येथील दोन हजारांहून फडकरी कुटुंबांयाना कपडे वाटप करण्यात आले होते.

गतवर्षी राबवलेल्या या उपक्रमातून कोल्हापूरकरांचे दातृत्व दिसून आले. त्यामुळे यंदा पुन्हा उपक्रम राबविण्यात येणार आहे. यातूनही शिल्लक राहणारे कपडे फिरस्ते, झोपडपट्टीत राहणारे गरजू, रस्त्याच्या कडेला झोपणारे भिकारी, अशा वर्गाला या वाटप करण्याचे नियोजन केले आहे.

आमदार सतेज पाटील

मोबाइल अॅप डाउनलोड करा आणि राहा अपडेट

बारावीच्या परीक्षेच्या अर्जात ‘मराठा’ कॉलम

October 9, 2017, 2:30 pm

≫ Next: रजपूतवाडीजवळ अपघातात दुचाकीस्वार ठार

≪ Previous: पुन्हा माणुसकीच्या भिंतीची ऊब

$

0

0

म. टा. प्रतिनिधी, कोल्हापूर

महाराष्ट्र राज्य माध्यमिक व उच्च माध्यमिक परीक्षा मंडळाच्यावतीने इयत्ता बारावी परीक्षेसाठी अर्ज भरून घेण्याची प्रक्रिया सध्या सुरू आहे. यंदा प्रथमच या अर्जात मराठा (इएसबीसी) असा जातीबाबतचा कॉलम तयार करण्यात आला आहे. त्यामुळे अर्ज भरताना मराठा समाजातील विद्यार्थी आता ‘खुले’ ऐवजी ‘मराठा’ असा पर्याय स्वीकारत आहेत. आगामी काळात शुल्क सवलत, शिष्यवृत्ती यांसारख्या सरकारी योजनांचा लाभ घेण्यासाठी याचा उपयोग होणार आहे. सकल मराठा समाजाने लाखोंच्या संख्येने काढलेल्या मोर्चाने तयार झालेल्या दबावाचे हे फलित असल्याचा दावा सकल मराठा समाजातील नेत्यांनी केला आहे.

दहावी, बारावी परीक्षेचा अर्ज भरताना जात नोंदवली जाते. सद्यस्थितीत इयत्ता बारावीसाठीचे परीक्षा अर्ज भरून घेण्याची प्रक्रिया शहर, जिल्ह्यासह कोल्हापूर विभागीय मंडळातील सर्व शाळांमध्ये सुरू आहे. अर्जात ११ कॉलम आहेत. त्यामध्ये अनुसूचित जाती, जमाती, इतर मागासवर्गीय यांसह अन्य जातींचा उल्लेख असलेले ११ कॉलम आहेत. यात यंदा प्रथमच मराठा जातीचा उल्लेख करणारा स्वतंत्र कॉलम तयार करण्यात आला आहे. मराठा (इएसबीसी - शिक्षण, सामाजिक मागास समाज) असा कॉलम आहे. याशिवाय खुला कॉलमही आहे.

शाळांत वर्गशिक्षकांकडून परीक्षेचा अर्ज भरण्यासंबंधी विद्यार्थ्यांना मार्गदर्शन केले जात आहे. मराठा समाजातील विद्यार्थ्यांनी खुला या पर्यायाऐवजी ‘मराठा’ या नव्या कॉलम निवडावा अशा सूचना शिक्षकांकडून देण्यात आल्या आहेत. त्यानुसार विद्यार्थ्यांकडून अर्ज भरण्याची प्रक्रिया सुरू आहे. शाळांकडून अधिकृत स्तरावर या प्रक्रियेबद्दल माहिती दिली गेली नाही. बारावीच्या परीक्षा अर्जात ‘मराठा’ अशा जातीच्या माहितीचा स्वतंत्र कॉलम तयार करून अर्ज भरून घेतले जात असल्याच्या वृत्ताला माध्यमिक व उच्च माध्यमिक मंडळाच्या प्रशासनाने दुजोरा दिला. दरम्यान, स्वतंत्र कॉलममध्ये माहिती घेतली जात असल्याने मराठा समाजातील विद्यार्थ्यांना सरकारच्या शैक्षणिक सवलती मिळण्याचा मार्ग खुला झाला असल्याचे मानले जात आहे.


मराठा समाजाने लाखोंच्या संख्येने मोर्चे काढून शैक्षणिक सवलती, सुविधांची मागणी केली. सरकारने त्यावर सकारात्मक निर्णय घेतले. म्हणूनच बारावीच्या परीक्षेच्या अर्जावर मराठा समाजाचा स्वतंत्र कॉलम तयार करण्यात आला आहे. अशी स्वतंत्र माहिती घेऊन भविष्यात ‌मराठा समाजातील विद्यार्थ्यांना शैक्षणिक सवलती दिल्या जातील.

प्रा. मधुकर पाटील, मराठा क्रांती मोर्चा

मोबाइल अॅप डाउनलोड करा आणि राहा अपडेट

रजपूतवाडीजवळ अपघातात दुचाकीस्वार ठार

October 9, 2017, 2:30 pm

≫ Next: करंजी होणार महाग

≪ Previous: बारावीच्या परीक्षेच्या अर्जात ‘मराठा’ कॉलम

$

0

0

म. टा. प्रतिनिधी, कोल्हापूर

कोल्हापूर-रत्नागिरी मार्गावर रजपूतवाडीजवळ दोन दुचाकींची समोरासमोर धडक होऊन रस्त्यावर पडलेल्या दुचाकीस्वाराच्या मानेवरून भरधाव टेम्पो गेल्यानंतर एकजण जागीच ठार झाला. शशिकांत जगन्नाथ रसाळ (वय ५१, रा. बोरकळ, जि. सातारा) असे दुचाकीस्वाराचे नाव असून पाठीमागे बसलेले अविनाश रमेश बागडी (५२) हे जखमी झाले. सोमवारी (ता. ९) दुपारी एकच्या सुमारास हा अपघात घडला. करवीर पोलिस ठाण्यात या अपघाताची नोंद झाली आहे.

अपघातातील जखमी अविनाश बागडी यांनी दिलेल्या माहितीनुसार, बागडी हे सातारा जिल्ह्यातील एका शाळेचे लिपिक आहेत, तर शशिकांत रसाळ शिपाई होते. हे दोघे सोमवारी सकाळी दुचाकीवरून कामानिमित्त एसएससी बोर्डात आले होते. काम आटोपल्यानंतर त्यांनी अंबाबाई मंदिरात जाऊन दर्शन घेतले. यानंतर ते जोतिबाचे दर्शन घेऊन बांबवडे-कोकरूड मार्गे साताऱ्याला जाणार होते. दुपारी एकच्या सुमारास कोल्हापूर-रत्नागिरी मार्गावरील रजपूतवाडीजवळ पोहोचताच समोरून आलेल्या दुचाकीने रसाळ यांच्या दुचाकीला धडक दिली. या धडकेत रसाळ रस्त्यात मध्येच कोसळले, तर पाठीमागे बसलेले बागडी रस्त्याच्या डाव्या बाजूला पडले. याचवेळी पन्हाळ्याच्या दिशेने भरधाव निघालेल्या टेम्पोचे चाक रसाळ यांच्या मानेवरून गेले. रसाळ आणि बागडी या दोघांच्याही डोक्यावर हेल्मेट होते, मात्र मानेवरून चाक गेल्याने रसाळ गंभीर जखमी झाले. अतिरक्तस्रावाने त्यांचा जागीच मृत्यू झाला, तर बागडी हेदेखील जखमी झाले. वाहनधारकांनी तातडीने जखमी बागडी यांना उपचारासाठी सीपीआरमध्ये दाखल केले. मृत रसाळ यांनाही सीपीआरमध्ये दाखल करून उत्तरीय तपासणी करण्यात आली. उत्तरीय तपासणीनंतर मृतदेह नातेवाईकांकडे सोपवण्यात आला. रसाळ यांच्या पश्चात पत्नी, दोन मुले, आई, भाऊ असा परिवार आहे.

अपघाताची माहिती मिळताच करवीर पोलिसांनी घटनास्थळी धाव घेतली. अपघातामुळे विस्कळीत झालेली वाहतूक पोलिसांनी सुरळीत केली. टेम्पोचालकाबाबत मात्र करवीर पोलिसांकडे कोणतीच माहती उपलब्ध नाही, असे अधिकाऱ्यांकडून सांगण्यात आले.

मोबाइल अॅप डाउनलोड करा आणि राहा अपडेट

करंजी होणार महाग

October 9, 2017, 2:30 pm

≫ Next: मैदान झाले ओपन बार

≪ Previous: रजपूतवाडीजवळ अपघातात दुचाकीस्वार ठार

$

0

0

कोल्हापूर टाइम्स टीम

दिवाळी फराळाच्या साहित्याची खरेदी करण्याची लगबग सुरू झाली असतानाच वाढलेल्या दरांमुळे ग्राहकांच्या खिशाला चांगलीच झळ पोहोचणार आहे. बदललेल्या वातावरणामुळे सुक्या खोबऱ्याची आवक कमी होत असल्याने ऐन दिवळी सणाच्या अगोदर सुक्या खोबऱ्याच्या दरात किलोमागे ३५ ते ४० रुपयांची वाढ झाली आहे. वाढलेल्या दरांमुळे करंजी महाग होणार असल्याचे संकेत मिळत आहेत.

कोल्हापूर शहरात नारळासह सुक्या खोबऱ्याची आवक केरळ, तमिळनाडू व आंध्रप्रदेश राज्यातून होते. सप्टेंबरच्या दुसऱ्या आठवड्यापासून सुरू झालेल्या पावसाचा आणि बदललेल्या वातावरणाचा सुके खोबरे विक्रीवर चांगलाच परिणाम झाला आहे. सुक्या खोबऱ्याला बुरशी येण्याचा संभव असल्याने व्यापाऱ्यांकडून मागणी कमी केली आहे. त्याचा परिणाम दरावर होतो. गेल्या आठवड्यात सुक्या खोबऱ्याचा दर १४० रुपये किलो होता. मात्र, ऐन दिवाळीच्या तोंडावर आवक कमी झाल्याने दरामध्ये चांगलीच वाढ झाली आहे.

महाराष्ट्राप्रमाणे केरळ, तमिळनाडू व आंध्रप्रदेशातही पावसाचे प्रमाण असल्याने सुक्या खोबऱ्याच्या प्रतीवर प्रतिकूल परिणाम झाला आहे. त्यामुळे सुक्या खोबऱ्याच्या दरात वाढ झाली असल्याचे व्यापाऱ्यांनी सांगितले. गेल्या वर्षी तूरडाळ व हरभरा डाळीच्या दरांमध्ये अचानक झालेली वाढ कृत्रिम होती, त्याचप्रकारची वाढ सुक्या खोबऱ्यामध्येही दिसत असल्याचा आरोप ग्राहकांतून होत आहे.

खाद्यतेलांचे दर स्थिर

दरम्यान, सातत्याने शेंगतेलाचा दरात वाढ होत आहे. त्यामुळे मागणीच कमी झाल्याने गेल्या दोन महिन्यांपासून शेंगतेलाचे दर स्थिर राहिले आहेत. सरकी आणि ब्रँडेड सनफ्लॉवर तेलाला मागणी वाढली असली, तरी दर मात्र स्थिर राहिले आहेत. सर्वच प्रकारच्या खाद्यतेलांना दिवाळीमध्ये मागणी जास्त असते. याच काळात खाद्यतेलांचे दर स्थिर राहिले असल्याने दिलासा मिळाला आहे.

दिवाळीच्या सणापूर्वी फराळाचे साहित्य खरेदी करण्यासाठी बाजारपेठेत ग्राहकांची झुंबड होत असते. आनंददायी क्षणाला बाजारपेठेतील सर्व साहित्यांची भाववाढ होत असते. अशीच भाववाढ पोहा, चणाडाळ, सुके खोबऱ्याच्या दरात झाली आहे. सर्वांत जास्त लागणाऱ्या तेलाच्या स्थिर दरांमुळे मात्र ग्राहकांना दिलासा मिळाला आहे. जुलैच्या पहिल्या आठवड्यात शेंगतेल, सरकी व सनफ्लॉवर तेलाच्या दरात किलोमागे सरासरी दोन ते चार रुपये वाढ झाली होती. त्यानंतर मात्र खाद्यतेलाच्या दरात वाढ झालेली नाही. शेंगतेलाचा खाद्यपदार्थांत वापर कमी झाला असून सरकी व सनफ्लॉवरला मागणी वाढली असल्याचे खाद्यतेलाचे व्यापारी प्रशांत घोडके यांनी सांगितले.

मोबाइल अॅप डाउनलोड करा आणि राहा अपडेट

---

मैदान झाले ओपन बार

October 9, 2017, 2:30 pm

≫ Next: होलसेल ते किरकोळ बाजारपेठ फुल्ल

≪ Previous: करंजी होणार महाग

$

0

0

कोल्हापूर टाइम्स टीम

महापालिकेच्यावतीने सुशोभिकरणाची अडीच कोटी रुपये खर्च केले. त्यातून गांधी मैदानाचे सुशोभिकरण करण्यात आले. मात्र एवढा मोठा निधी खर्च करत असताना मैदानाच्या सुरक्षेच्या साधा विचारही करण्यात आलेला नाही. त्यामुळे अडीच कोटी पाण्यात गेल्यासारखी स्थिती आहे. मैदानाला सुरक्षा व्यवस्था नसल्याने मैदानाचा अक्षरशः ओपन बार झाला आहे. रोज रात्री या ठिकाणी मद्यपींची टोळकी जमतात. मद्यपानाबरोबरच जेवणाच्या पार्ट्या होतात, हुल्लडबाजी होते. नंतर रिकाम्या बाटल्यांसह पत्रावळ्या आणि अन्य साहित्य तेथेच टाकले जाते. या सर्व प्रकाराकडे महानगरपालिकेचे दुर्लक्ष आहे. मैदानातील ओपन बारवर कोण कारवाई करणार? असा प्रश्न क्रीडाप्रेमींकडून व्यक्त केला जात आहे.

शिवाजी पेठेत गांधी मैदान हे एकमेव मैदान आहे. या ठिकाणी सकाळ-संध्याकाळ फुटबॉल आणि क्रिकेट खेळण्यासाठी मोठी गर्दी असते. तीन वर्षांपूर्वी मैदानाचे सुशोभिकरण करण्यात आले आहे. मैदानांच्या प्रवेशव्दाराचे सुशोभिकरण करण्यात आले. मैदानाभोवती स्टीलचे रेलिंगही करण्यात आले आहे. मैदानाच्या प्रवेशव्दारात पेव्हिंग ब्लॉक बसवून चारचाकी वाहनांना मैदानात येण्यास बंदी केली आहे. दुचाकीही आणता येत नाहीत, मात्र मैदानात दुचाकी आणल्या जातात.

मैदानाचे सुशोभिकरण केल्यानंतर सुरक्षेची पुरेशी व्यवस्था करणे अपेक्षित होते. मात्र या ठिकाणी मोठ्या प्रमाणात मद्यपींचा उपद्रव सुरू झाला आहे. रात्रीच्यावेळी मैदानात जागोजागी छोटे मोठे अड्डे करुन मद्यपींची टोळकी बसलेली असतात. केवळ एक वॉचमन असल्याने, रात्रीच्यावेळी मैदानभर बसलेल्या मद्यपींना रोखणे दिवसेंदिवस अशक्य होऊ लागले आहे. मैदानाच्या प्रेक्षागॅलरीत सायंकाळपासून मद्यपींची वर्दळ असते. पॅव्हेलियनच्या कट्ट्यावर तर घोळका करुन मद्यपींकडून फेर धरला जातो. दोन वर्षांपूर्वी पूर्व बाजूला बसलेल्या मद्यपींना रोखण्याचा प्रयत्न करणाऱ्या ‘समर्थ’ नागरिकांला एका तालमीच्या परिसरातील युवा कार्यकर्त्यांनी दम दिला होता. हे प्रकरण पोलिस ठाण्यापर्यंत गेले होते, पण हुल्लडबाजी करणाऱ्यांवर जुजबी कारवाई झाली. त्यामुळे परिसरातील स्थानिक नागरिकही मद्यपींकडे दुर्लक्ष करत आहेत.

बाटल्या फोडण्याचे प्रकार

मद्यपींकडून बाटल्या फोडण्याचे प्रकार नियमित होतात. त्यामुळे सकाळी मैदानावर फिरायला येणाऱ्यांच्या पायात या फुटलेल्या काचा घुसून अनेकजण जखमी झाले आहेत. काच लागणार नाही, याची काळजी घेतच नागरिकांना लॉनमधून वाट काढावी लागते. लहान मुलांच्या पायात काचा घुसण्याच्या घटना घडत असताना महापालिका प्रशासन मात्र याबाबत काहीच कार्यवाही करायला तयार नाही. सकाळी सरावाला येणाऱ्या खेळाडूंना तर बाटल्या गोळा करुन मगच सराव करावा लागतो. सकाळी व्यायामशाळेत व्यायामसाठी येणाऱ्यांना मदपींनी रात्री टाकून दिलेले अन्न आणि पत्रावळ्यातून वाट काढतच व्यायामशाळेत प्रवेश करावा लागतो. पत्रावळ्यातील स्नॅक, प्लास्टिकचे ग्लास आणि बाटल्यांचा खच असे ओंगाळवाणे चित्र रोजच या ठिकाणी दिसते. खेळाडूंना अशा ओंगाळवाण्या जागेतच जोर आणि बैठका माराव्या लागतात. रस्सा, सुके, खरकटे टाकल्यामुळे सकाळी परिसरात दुर्गंधी पसरते. नाकाला रुमाल लावून पॅव्हेलियनमध्ये प्रवेश करावा लागतो. रोजच्या या प्रकाराला वैतागलेले खेळाडू आणि नागरिक या मद्यपी आणि पार्ट्या करणाऱ्यांचा बंदोबस्त करावा, अशी मागणी करीत आहेत. प्रशासन आता काय कारवाई करणार याकडे लक्ष आहे.

मोबाइल अॅप डाउनलोड करा आणि राहा अपडेट

होलसेल ते किरकोळ बाजारपेठ फुल्ल

October 9, 2017, 2:30 pm

≫ Next: भाजपविरोधात उठवा रान !

≪ Previous: मैदान झाले ओपन बार

$

0

0

म. टा. प्रतिनिधी,कोल्हापूर

शहरातील मध्यवर्ती लक्ष्मीपुरीच्या बाजारपेठेतील दुकानांतून दीपावली सणानिमित्त धान्य बाजार, खाद्य तेल, मसाले या घाऊक वस्तूंसह किरकोळ किराणा मालाचा उठाव होऊ लागला आहे. बाजारात मालाची ने-आण करणाऱ्या वाहनांची वर्दळ वाढली आहे. दिवाळी खरेदी करण्यासाठी ग्राहकांची दुकानांमध्ये गर्दी होऊ लागली आहे. होलसेल, किरकोळ दुकानांसह मॉलमध्ये खरेदीची धांदल उडाली आहे. दिवाळीत कोट्यवधींची उलाढाल या बाजारपेठेत होईल अशी शक्यता आहे.

लक्ष्मीपुरीतील धान्यबाजाराला शतकाहून अधिक काळाचा इतिहास आहे. बाजारपेठेत वर्षभर होलसेल धान्य खरेदी-विक्री होते. मात्र दिवाळीच्या पार्श्वभूमीवर हरभरा डाळ, उडीद डाळ, तांदूळ, रवा, पिट्टी आदी किराणा वस्तूंचा उठाव होऊ लागला आहे. शहरासह जिल्ह्यातील ग्रामिण भाग, कोकण व गोव्यात येथूनच माल पाठवला जातो. होलसेल दुकानांतून मालाची ने-आण करणाऱ्या अवजड, छोट्या वाहनांची गर्दी दिसून येत आहे. साखर, गूळ विक्रीचे व्यवहार वाढले आहेत. होलसेल बाजाराबरोबर किरकोळ दुकानादारांनी आकाशकंदिल, रांगोळी, फराळ तयार करण्याचे धान्य, पदार्थांची दुकाने मांडली आहेत. ग्राहकांना एकाच ठिकाणी सर्व वस्तू मिळत असल्याने ग्रामीण भागातील लोकांची मोठ्या संख्येने खरेदीला लक्ष्मीपुरीत गर्दी होत आहे. परिसरातील रविवार पेठ, सोमवार पेठ, शाहूपुरी, जुना बुधवार पेठेतील ग्राहकांची पसंतीही लक्ष्मीपुरीला मिळत आहे. किरकोळ दुकानदारांनी खास मंडप उभारणी केली आहे. अगदी ग्राहकांसाठी खुर्च्यांची व्यवस्थाही करण्यात आली आहे. सकाळी नऊ वाजल्यापासून रात्री उशीरा दहा वाजेपर्यंत दुकाने सुरू असल्याचे दिसून येत आहे.

चिवड्यासाठी लागणारा भाजके पोहे, फुटाणा डाळ, शेंगदाणे, चिवडा मसाला आदी साहित्य एका​च ठिकाणी मिळत आहे. पोह्यांच्या भट्टींजवळ पकॅबंद तयार मोतीचूर बुंदीही विक्रीसाठी उपलब्ध आहे. होलसेल तेल व्यापाऱ्यांच्या दुकानांत खाद्यतेलाचा साठा वाढला आहे. ब्रॅडेड तेलालाही मागणी वाढली आहे. आकाश कंदिल, रांगोळ्यांचे स्टॉल्सही सजले आहेत. दीपावली व नंतरच्या लग्नसराईमुळे मिरची, मिरची पूड खरेदीही सुरू झाली आहे. तयार चिवडा, चकली मसाल्यांना ग्राहकांची पसंती आहे. धान्य, किराणा दुकानांबरोबर जैन श्वेतामंदिर गल्लीत खाऊची पाने, नारळ, सुपारी, कापूस, कापूर, उदबत्ती विक्रीच्या दुकानांतही मोठी उलाढाल वाढली आहे. लक्ष्मीपुरीच्या मुख्य रस्त्यांवर सायकल, होम अप्लायन्स, इलेक्ट्रॉनिक वस्तूंची दुकाने आहेत. त्यांनीही दीपावली पाडव्यासाठी तयारी केली आहे.

लक्ष्मीपुरी ही मध्यवर्ती बाजारपेठ असल्याने ग्राहकांची पहिली पसंती येथे मिळते. होलसेल किरकोळ दुकानात आकाश कंदिलांपासून फराळासाठी लागणारे सर्व साहित्य व पदार्थ येथे एकत्र मिळतात. पदार्थांचा दर्जा चांगला व माफक दरात असल्याने ग्रामिण भागासह शहरातील लोक लक्ष्मीपुरीत खरेदीसाठी येतात.

श्रीनिवास मिठारी, व्यापारी

मोबाइल अॅप डाउनलोड करा आणि राहा अपडेट

भाजपविरोधात उठवा रान !

October 9, 2017, 2:30 pm

≫ Next: वर्कशॉप मॅनेजर सावंत निलंबित

≪ Previous: होलसेल ते किरकोळ बाजारपेठ फुल्ल

$

0

0

gurubal.mali@timesgroup.com
tweet@:gurubalmaliMT

कोल्हापूर : सत्तेत असलेल्या शिवसेनेला अनेक ठिकाणी राज्यात भाजपकडून डावलले आहे. यामुळे आपली ताकद दाखवण्याबरोबरच उपद्रवमूल्य वाढवण्यासाठी प्रत्येक जिल्ह्यात भाजपच्या विरोधात सतत आंदोलने करण्याचे आदेशच सेनेच्या वरिष्ठ नेत्याकडून देण्यात आले आहेत. भाजपची प्रतिमा डागाळण्यासाठी सेनेने कंबरच कसली आहे. पंतप्रधानापासून ते राज्याच्या मुख्यमंत्र्यांपर्यंत सर्वांच्या विरोधात वातावरण निर्मीती करण्याचा प्रयत्न सुरू झाला आहे.

तीन वर्षापूर्वी झालेल्या विधानसभा निवडणुकीपूर्वी २५ वर्षाची सेना-भाजप युती तुटली. पण निवडणुकीनंतर दोन्ही पक्ष सत्तेसाठी एकत्र आले. हातात हात घालून राज्याची सत्ता उपभोगत असताना पायात पाय घालण्याची एकही संधी दोन्ही पक्ष सोडत नसल्याचे चित्र आहे. मंत्रिमंडळात संधी देताना किरकोळ खाती दिल्याचा सेनेचा राग आहे. निर्णय प्रक्रियेत सेनेला फारसे महत्व दिले जात नसल्याची सल या पक्षाच्या नेत्यांना आहे. त्यामुळे गेले तीन वर्षे सत्तेत राहूनही सेना विरोधी पक्षाची भूमिका बजावत आहे. सत्तेतून बाहेर पडण्याचा सतत इशारा दिला जात आहे.

पक्षप्रमुख उद्धव ठाकरे यांच्यापासून ते खासदार संजय राऊतापर्यंत सारेच नेते भाजपवर तुटून पडत आहेत. पंतप्रधान नरेंद्र मोदी यांच्यापासून ते मुख्यमंत्री देवेंद्र फडणवीस यांच्यापर्यंत सर्व नेत्यांना तसेच राज्य आणि केंद्रातील भाजपला टीकेचे लक्ष्य केले जात आहे. दसरा मेळाव्यात तर ठाकरे यांनी भाजपला झोडझोड झोडले. यावरून भाजप विरोधात रान उठवण्याचा सेनेचा अजेंठा निश्चीत झाल्याचे मानले जात आहे.

सेनेचा माजी मुख्यमंत्री नारायण राणे यांच्यावर मोठा राग आहे. सेनेच्या विरोधात बोलण्यासाठी भाजपने राणेंना एनडीए मध्ये सहभागी करून घेतले. गेले काही दिवस ही प्रक्रिया सुरू होती. यामुळे सेनेच्या संतापात भर पडली आहे. यातूनच राज्यभर भाजपच्या विरोधात रान उठवण्याचा निर्णय घेण्यात आला आहे. त्याचाच एक भाग म्हणून भाजपच्या विरोधात वांरवार आंदोलन करा असा आदेशच पक्षाच्या वरिष्ठ नेत्यांनी जिल्ह्यातील पदाधिकाऱ्यांनी दिला आहे. रोज विषय शोधून काढा, भाजपच्या विरोधात वातावरण तापवा अशा सूचनाच आल्या आहेत. जिल्हा आणि तालुका पातळीवर भाजपविरोधात आंदोलन करत उपद्रवमूल्य वाढवण्याचे सेनेने ठरवले आहे. त्यातूनच अलिकडे कर्जमाफी, ऑनलाइन कर्जमाफी अर्ज, महागाई, भारनियमन अशा विषयांवर सेनेची जोरदार आंदोलने सुरू झाली आहेत.

आक्रमक होण्याचे आदेश

केंद्र आणि राज्य सरकारच्या काही निर्णयाविरोधात जनतेत तीव्र भावना उमटत आहेत. या भावनांना वाट मोकळी करून देण्यात काँग्रेस आणि राष्ट्रवादी मागे पडत असताना शिवसेना मात्र आक्रमक होत आहे. भाजपची प्रतिमा मलिन करण्याची एकही संधी सोडू नका, रोज वेगवेगळ्या माध्यमातून आंदोलन करत रहा असे निरोप रोज येत आहेत. सकाळी निरोप येताच काही तासातच सेनेचे कार्यकर्ते रस्त्यावर उतरत आहेत. आक्रमक होण्याचे आदेशच आल्यानेच सध्या प्रत्येक जिल्ह्यात सेनेच्या आंदोलनाची संख्या वाढली आहे.

मोबाइल अॅप डाउनलोड करा आणि राहा अपडेट

वर्कशॉप मॅनेजर सावंत निलंबित

October 9, 2017, 2:30 pm

≫ Next: बालमृत्यू रोखण्याची गरज

≪ Previous: भाजपविरोधात उठवा रान !

$

0

0

म. टा. प्रतिनिधी, कोल्हापूर
केएमटी वर्कशॉपमधील निष्काळजीपणा व जुन्या बसमधील तांत्रिक दोष दूर करण्यात हलगर्जीपणा केल्याप्रकरणी वर्क्स मॅनेजर एम.डी. सावंत यांना निलंबित केल्याची घोषणा आयुक्त अभिजित चौधरी यांनी सोमवारच्या सर्वसाधारण सभेत केली. तसेच खातेनिहाय चौकशीचे आदेशही दिले. दरम्यान, केएमटी बस अपघात प्रकरणाचा अहवाल सभागृहात सादर झाला. त्रिसदस्यीय समितीने अपघातापूर्वी बस व्यवस्थित असल्याचा निष्कर्ष सभागृहासमोर समोर मांडताच नगरसेवकांनी त्यावर तीव्र आक्षेप घेत गोंधळ घातला.
चौकशी समितीचा अहवाल चुकीचा आणि संदिग्ध आहे, त्यामुळे दोषी अधिकाऱ्यांवर कारवाई करावी, अशी मागणी करत नगरसेवक आक्रमक झाले. चौकशी अहवालाची प्रत देण्याची मागणी सर्वपक्षीय नगरसेवकांनी केली. आयुक्तांनी त्याची गंभीर दखल घेत सर्वांना प्रत देण्यात येईल, असे स्पष्ट केले. शिवाय अपघातासंबंधी पोलिस प्रशासनाचा अहवाल अद्याप मिळायचा असून, तोपर्यंत प्रभारी वाहतूक निरीक्षक रवींद्र धुपकर यांना सक्तीच्या रजेवर पाठविल्याचेही सांगितले.
पापाची तिकटी येथे एक ऑक्टोबरला ताबूत विसर्जन मिरवणुकीत केएमटी बस घुसून झालेल्या अपघाता तिघांचा मृत्यू व १८ जण जखमी झाले होते. या अपघाताच्या चौकशी अहवालावरुन प्रशासन दोषी अधिकाऱ्यांवर काय कारवाई करणार? याकडे सर्वांच्या नजरा लागल्या होत्या. महापौर हसीना फरास यांच्या अध्यक्षतेखाली दुपारी दीडच्या सुमारास सभेला सुरुवात झाल्यानंतर नगरसेवकांनी चौकशी अहवाल आणि दोषी अधिकाऱ्यांवरील कारवाईबाबत विचारणा करुन चर्चेला सुरुवात केली.
आयुक्त चौधरी यांनी अहवाल उपलब्ध झाला आहे. अपघात आणि तांत्रिक मुद्यांच्या आधारे दोन्ही बाजूंनी चौकशी झाली. लॉगबुक तपासणी, चालकांचे जबाब घेतले. अपघाताआधी बसमध्ये तांत्रिक दोष आढळून आला नसल्याचे सांगितले. चौकशी समितीप्रमुख व अतिरिक्त आयुक्त श्रीधर पाटणकर यांनी चौकशी अहवालातील तपशील मांडताना १८ ऑगस्ट २०१८ रोजी आरटीओकडून पासिंग झाले होते. अपघातापूर्वी बस सुस्थितीत होती, असे पाटणकर यांनी स्पष्ट केले. त्यावर बस सुस्थितीत होती तर अपघात का घडला?, अशी विचारणा करत सदस्यांनी प्रशासनाला धारेवर धरले. नगरनगरसेवकांच्या संतप्त भावना जाणून घेत महापौर फरास यांनी दोषी अधिकाऱ्यांवर कठोर कारवाईचे आदेश दिले.
……….
बस अपघातात तीन निष्पाप लोकांचा बळी गेला आहे. १८ जण जखमी आहेत. चौदा वर्षाच्या मुलाच्या पोटावरुन बस गेल्याने तो गंभीर जखमी आहे. दोषी अधिकाऱ्यांना शिक्षा झाली नाही तर जनता गप्प बसणार नाही. शिवाय अपघातातील मृतांचे वारस आणि जखमींना महापालिका सेवेत सामावून घ्यावे. अपघातग्रस्तांना तत्काळ आर्थिक मदत मिळाली पाहिजे.
संदीप कवाळे, नगरसेवक
………….
महापालिकेचे कर्मचारी, हलगीवादक तानाजी साठे यांच्या वारसांना सेवेत सामावून घेण्याची प्रक्रिया सुरु आहे. मात्र अन्य मृत आनंदा राऊत व सुजल अवघडे यांच्या कुटुंबीयांतील सदस्यांना सेवेत सामावून घेण्यासंदर्भात महापालिकेचे धोरण नाही. त्या संदर्भात राज्य सरकारकडून मार्गदर्शन मागविले जाईल.
अभिजित चौधरी, आयुक्त

मोबाइल अॅप डाउनलोड करा आणि राहा अपडेट

बालमृत्यू रोखण्याची गरज

October 9, 2017, 2:30 pm

≫ Next: दर्शन शहा हत्या: आरोपीला दुहेरी जन्मठेप

≪ Previous: वर्कशॉप मॅनेजर सावंत निलंबित

$

0

0

कोल्हापूर टाइम्स टीम

‘बालमृत्यू कमी करण्यासाठी नवजात अर्भकांचे मृत्यूचे प्रमाण कमी करण्यात बालरोगतज्ज्ञ महत्वाची कामगिरी करु शकतात. तज्ज्ञांनी हे आव्हान पेलण्याची गरज आहे,’ असे प्रतिपादन ज्येष्ठ समाजसेवक डॉ. अभय बंग यांनी केले.

बालरोगतज्ज्ञ संघटनेच्यावतीने हॉटेल सयाजी येथे आयोजित करण्यात आलेल्या महानिओकॉन २०१७ या नवजात अर्भकांच्या आजाराबाबतच्या राज्यस्तरीय वैद्यकीय परि​षदेत ते बोलत होते.

यावेळी संघटनेच्यावतीने अध्यक्ष डॉ. निवेदिता पाटील, सचिव डॉ. विजय गावडे यांच्या हस्ते डॉ. बंग यांना मानपत्र देण्यात आले. तर परिषदेच्या कार्यकारिणीच्यावतीने अध्यक्ष डॉ. अशोक चौगुले, सचिव डॉ. अमोल गिरवलकर, डॉ. राहुल शिंदे, डॉ. उदय पाटील यांनीही बंग यांचा सत्कार केला.

डॉ. बंग म्हणाले, ‘गडचिरोली या अतिदुर्गम आणि आदिवासी भागात नवजात अर्भक मृत्यू कमी करण्यासाठी प्रयत्न करण्यात आले. स्थानिक आरोग्य कर्मचाऱ्यांच्या मदतीने अत्यंत कमी खर्चामध्ये नवजात अर्भकांना घरपोहच सेवा देऊन नवजात अर्भकाचे मृत्यू कमी करता आले. त्यामुळे बालमृत्यू कमी करण्यास बालरोगतज्ज्ञ मोठी मदत करु शकतात.’

परिषदेच्या दुसऱ्या दिवशीच्या सत्रामध्ये नवजात अर्भकामधील हृदयाचे आजार, अंर्तस्त्रावी ग्रंथीचे आजार, श्वसन संस्थेचे आजार, मातेच्या दुधाची दुग्धपेढी अशा विषयांवर डॉ. जयश्री मोंडकर, डॉ. प्रशांत दीक्षित, डॉ. सचिन शहा, डॉ. तुषार प​रीख, डॉ. शीला मधाई, डॉ. वामन खाडीलकर, डॉ. हेमंत जोशी मार्गदर्शन केले. डॉ. अमोल गिरवलकर यांनी आभार मानले.

मोबाइल अॅप डाउनलोड करा आणि राहा अपडेट

दर्शन शहा हत्या: आरोपीला दुहेरी जन्मठेप

October 10, 2017, 1:25 am

≫ Next: ​ परप्रांतियांना मनसेची माराहाण;तिघांविरोधात गुन्हे दाखल

≪ Previous: बालमृत्यू रोखण्याची गरज

$

0

0

म. टा. प्रतिनिधी | कोल्हापूर

येथील बहुचर्चित दर्शन शहा (वय १०) हत्या प्रकरणातील मुख्य आरोपी चारु आनंदा चांदणे (वय २८) याला जिल्हा सत्र न्यायालयानं दुहेरी जन्मठेप आणि एक लाख पाच हजार रुपयांच्या दंडाची शिक्षा सुनावली. जिल्हा सत्र न्यायाधीश एल. डी. बिले यांनी आज, मंगळवारी हा निकाल दिला. दंडाच्या रकमेतील १ लाख रुपये दर्शनची आई स्मिता शहा यांना देण्याचे आदेश न्यायालयाने दिले.

कोल्हापुरातील शुश्रुषा नगरातील रोहित आणि स्मिता शहा यांचा एकुलता एक मुलगा दर्शन याचं २५ डिसेंबर २०१२ रोजी त्याच कॉलनीत राहणाऱ्या चारू चांदणे यानं अपहरण केलं होतं. त्यानंतर खंडणी म्हणून शहा कुटुंबियांकडं २५ तोळे सोन्याची मागणी केली होती. त्याच दिवशी त्यानं दर्शनची गळा दाबून हत्या केली आणि त्याचा मृतदेह विहिरीत फेकून दिला होता. या घटनेनं संपूर्ण जिल्हा हादरला होता. जुना राजवाडा पोलिसांनी या घटनेचा तपास करून चांदणेला अटक केली होती. २ ऑगस्ट २०१६ रोजी या खटल्याच्या सुनावणीला सुरुवात झाली होती. सरकार पक्षातर्फे अॅड. उज्ज्वल निकम यांनी, तर आरोपी चांदणे याच्यातर्फे अॅड. पीटर बारदेस्कर यांनी काम पाहिले.

मोबाइल अॅप डाउनलोड करा आणि राहा अपडेट

​ परप्रांतियांना मनसेची माराहाण;तिघांविरोधात गुन्हे दाखल

October 10, 2017, 10:38 am

≫ Next: दिवस आंदोलन, बंदचाभाजपसह विविध संघटना उतरल्या रस्त्यावर

≪ Previous: दर्शन शहा हत्या: आरोपीला दुहेरी जन्मठेप

$

0

0

सांगली :
कुपवाड एमआयडीसीतील एका कारखान्यात काम करणाऱ्या काही परप्रांतीय कामगारांना भररस्त्यात अडवून त्यांना बेदम मारहाण केल्याचा प्रकार मंगळवारी सायंकाळी कुपवाडमध्ये घडला. या प्रकरणी कुपवाड पोलिसांनी मनसेच्या शहर अध्यक्षासह तीन संशयितांना अटक करून त्यांच्यावर गुन्हे दाखल केले आहेत.
विनय देवगोंडा पाटील (२०, रा. लिंगायत गल्ली), सागर लक्ष्मण मगदुम (२२) व अविनाश तुकाराम मासाळ (२३, दोघे रा. बजरंग नगर, कुपवाड) अशी अटक केलेल्यांची नावे आहेत. त्यांच्या विरोधात जितेंद्रकुमार रामकेशवर साह (२५, रा. कुपवाड एमआयडीसी) या कामगाराने तक्रार दिली आहे. त्या तिघांपैकी विनय पाटील मनसेचा कुपवाड शहराध्यक्ष आहे. कुपवाड औद्योगिक वसाहतमधील एका कारखान्यात काम करणारे जितेंद्रकुमार व त्याचे अन्य काही परप्रांतीय कामगार मित्र कारखान्याला सुटी असल्याने मंगळवारी सायंकाळी सहाच्या सुमारास कुपवाडमधील मुख्य रस्त्यावरुन चालत जात होते. यावेळी मनसेच्या पदाधिकाऱ्यांसह आठ ते दहा तरुण याच रस्त्यावर थांबले होते. यावेळी त्यानी औद्योगिक क्षेत्रात स्थानिकाना प्राधान्य द्या, परप्रांतीय कामगाराना हाकला, अशा घोषणा देत परप्रांतीय कामगाराना अडवून त्यांना हातानी व लाथाबुक्क्यानी थेट बेदम मारहाण करण्यास सुरुवात केली. मारहाण करणाऱ्या तरुणानी कामगारांच्या हातातील भाजीपाल्याच्या पिशव्या रस्त्यावर फेकून दिल्या. या वेळी कामगारानी प्रतिकार करण्याचा प्रयत्न केला, तरीही ते तरुण बराचवेळ त्यांना मारहाण करीत होते. काहीही कारण नसताना अचानक मारहाण सुरू केल्याने कामगारानी पळ काढला आणि थेट कुपवाड पोलिस ठाणे गाठून मारहाण करणाऱ्या तरुणांविरोधात तक्रार दिली. त्यानुसार पोलिसांनी मारहाण करणाऱ्या तिघाना अटक करून त्यांच्यावर कलम ३४१, ३२३, ५०४ व ३४ नुसार गुन्हे दाखल केले आहेत. अधिक तपास पोलिस निरीक्षक अशोक कदम करीत आहेत.

मोबाइल अॅप डाउनलोड करा आणि राहा अपडेट

---

दिवस आंदोलन, बंदचाभाजपसह विविध संघटना उतरल्या रस्त्यावर

October 10, 2017, 10:41 am

≫ Next: गुंडांच्या दडपशाहीविरोधातपाचगणीतील ग्रामस्थ एकवटले

≪ Previous: ​ परप्रांतियांना मनसेची माराहाण;तिघांविरोधात गुन्हे दाखल

$

0

0

म. टा. वृत्तसेवा, सांगली
सांगलीत मंगळवारी दिवस विविध संस्था, संघटनांची आंदोलने झाली. केरळमध्ये भारतीय जनता पक्ष आणि राष्ट्रीय स्वयंसेवक संघाच्या कार्यकर्त्यांवर होत असलेल्या जीवघेण्या हल्ल्याच्या निषेधार्थ मगंळवारी सांगलीत जिल्हाधिकारी कार्यालयावर मोर्चा काढून केरळ सरकारचा निषेध करण्यात आला. महाराष्ट्र राज्य महसूल कर्मचारी संघटनेने मंगळवारपासून कामबंद आंदोलन सुरु केले. केंद्र व राज्य सरकारने कष्टकरी जनतेच्या विरोधात असलेल्या धोरणांमध्ये बदल करावा, या प्रमुख मागणीसाठी महाराष्ट्र राज्य सर्व श्रमिक महासंघाच्या वतीने मंगळवारी जिल्हाधिकारी कार्यालयावर मोर्चा काढण्यात आला. तर प्रचलित मुद्रांक विक्री व्यवस्था कायम ठेवावी, विक्रेत्यांना दहा टक्के कमिशन मिळावे, आदी प्रमुख मागण्यांसाठी सोमवारपासून जिल्ह्यातील मुद्रांक विक्रेत्यांनी बेमुदत बंद आंदोलन सुरु केले आहे.
महसूल कर्मचारी संघटनेचे काम बंद
महाराष्ट्र राज्य महसूल कर्मचारी संघटनेने मंगळवारपासून काम बंद आंदोलन सुरु केले. त्यात जिल्ह्यातील ५२० कर्मचारी सहभागी झाले आहेत. पुरवठा विभागातील निरीक्षकपद सरळसेवेने भरण्याच्या सरकारी अध्यादेशास स्थगिती द्यावी, ही मागणी घेऊन कर्मचारी आंदोलनात उतरले आहे. ग्रामपंचायत निवडणूकांच्या पार्श्वभूमीवर हे आंदोलन होत असल्यामुळे जिल्हाधिकारी कार्यालयातील ग्रामपंचायत निवडणुकीचे काम वगळता इतर कामकाज ठप्प झाल्याचे चित्र मंगळवारी दिसले.
जिल्हा पुरवठा विभागातील निरीक्षक पद सरळसेवेने भरल्याने महसूल विभागातील अव्वल कारकून दर्जाच्या कर्मचाऱ्यांवर अन्याय होणार आहे. अनेक अव्वल कारकूनांच्या पदोन्नतीच्या वेळीच असा निर्णय घेण्यात आल्याने त्याला स्थगिती द्यावी, अशी मागणी राज्य महसूल कर्मचारी संघटनेने केली आहे. कर्मचारी कामावर असले तरी ते कोणतेही काम करणार नाहीत. आंदोलनात महसूल कर्मचारी संघटनेचे जिल्हाध्यक्ष राजू कदम, कार्याध्यक्ष सुधाकर नरूले, सरचिटणीस चंद्रकांत पार्लेकर, पुणे विभागाचे उपाध्यक्ष सुनील चव्हाण, राज्य संघटना उपाध्यक्ष मनोहर नांदे-पाटील, विभागीय सहसचिव कैलास कोळेकर, जिल्हा उपाध्यक्ष राजेश रजपूत, महेश व्हावळ, प्रकाश कांबळे, नीता कुकडे, सविता कुंभार,आदी सहभागी झाले आहेत.
श्रमिक महासंघाचा मोर्चा
केंद्र व राज्य सरकारने कष्टकरी जनतेच्या विरोधात असलेल्या धोरणांमध्ये बदल करावा, या प्रमुख मागणीसाठी महाराष्ट्र राज्य सर्व श्रमिक महासंघाच्या वतीने मंगळवारी सांगलीत जिल्हाधिकारी कार्यालयावर मोर्चा काढण्यात आला. यावेळी विविध मागण्यांचे निवेदन जिल्हा प्रशासनास देण्यात आले.
केंद्र व राज्य सरकार हे भांडवलदारांच्या बाजूचे असून कष्टकरी जनतेच्या विरोधी असल्याचे पदोपदी जाणवत आहे. अच्छे दिनचा नारा देत सत्तेवर आलेल्या या सरकारच्या कालावधीत सामान्य मात्र महागाईने त्रस्त झाले आहेत. कष्टकरी जनतेकडून सरकार कर घेते मात्र, त्यांना पुरेशा सुविधा देण्यात येत नाहीत. त्या उलट भांडवलादारांना मात्र अतिरिक्त सुविधा पुरविण्यात येत असल्याचा आरोप निवेदनात करण्यात आला आहे. महासंघाचे जिल्हाध्यक्ष गोपाळ पाटील यांच्यासह शिष्ठमंडळाने वतीने मागण्यांचे निवेदन देण्यात आले. या वेळी जोरदार निदर्शनेही करण्यात आली.
मुद्रांक विक्रेत्यांचा बेमुदत बंद
प्रचलित मुद्रांक विक्री व्यवस्था कायम ठेवावी, विक्रेत्यांना दहा टक्के कमिशन मिळावे. आदी प्रमुख मागण्यांसाठी सोमवारपासून जिल्ह्यातील मुद्रांक विक्रेत्यांनी बेमुदत बंद आंदोलन सुरु केले आहे. मागण्या मान्य झाल्याशिवाय आंदोलन मागे घेणार नसल्याचा इशारा संघटनेने दिला असल्याने मंगळवारी दुसऱ्या दिवशीही मुद्रांक विक्री ठप्पच होती. दोन दिवसात सुमारे दोन लाखांची विक्री होऊ शकली नाही, या आंदोलनाचे नेतृत्व मुद्रांक विक्रेते व दस्त लेखनीक संघाचे अध्यक्ष मोहन वाघ, मनोज कुलकर्णी आदी करीत आहेत.
केरळ सरकारचा भाजपकडून निषेध
केरळ राज्यात भारतीय जनता पक्ष आणि राष्ट्रीय स्वयंसेवक संघाच्या कार्यकर्त्यांवर होत असलेल्या जीवघेण्या हल्ल्याच्या निषेधार्थ मगंळवारी सांगलीत जिल्हाधिकारी कार्यालयावर मोर्चा काढून केरळ सरकारचा निषेध करण्यात आला. विश्रामबागमधील आमदार सुधीर गाडगीळ यांच्या संपर्क कार्यालयापासून मंगळवारी मोर्चाला सुरुवात झाली. केरळ राज्यात डाव्या विचारांचे सरकार आहे. केरळात भाजप, संघाचे काम लक्षणीयरित्या वाढत असल्याने राष्ट्रीय स्वयंसेवक संघाचे कार्यकर्ते आणि भारतीय जनता पक्षाच्या कार्यकर्त्यांना लक्ष करण्यात येत आहे. आतापर्यत १२० संघ, भाजप कार्यकर्त्यांच्या हत्या झाल्या. याच्या निषेधार्थ देशभर निदर्शने, आंदोलने सुरू आहेत. सांगलीत भारतीय जनता पक्षाच्या वतीने भारतीय जनता पक्ष, भारतीय युवा मोर्चा, राष्ट्रीय स्वयंसेवक संघाच्या वतीने या हत्येच्या निषेधार्थ मोर्चा काढून केरळमधील समाजकंटकांचा बंदोबस्त करण्याची मागणी करण्यात आली. या मोर्चात भारतीय जनता पक्षाच्या युवा मोर्चाचे जिल्हाध्यक्ष जयगोंड कोरे, ज्येष्ठ नेते प्रकाश बिरजे, श्रीकांत शिंदे, अजिंक्य माडगुळकर, पद्मेश खोडकर, अभिरुप कांबळे, उदय भडेकर, राजाभाऊ देसाई, विजय पाटील, विशाल मोरे, पांडुरंग कोरे, रोहित नलवडे आदी सहभागी झाले होते.

मोबाइल अॅप डाउनलोड करा आणि राहा अपडेट

गुंडांच्या दडपशाहीविरोधातपाचगणीतील ग्रामस्थ एकवटले

October 10, 2017, 10:44 am

≫ Next: ताराबाई पार्क पोटनिवडणूक आज

≪ Previous: दिवस आंदोलन, बंदचाभाजपसह विविध संघटना उतरल्या रस्त्यावर

$

0

0

म. टा. वृत्तसेवा, सातारा
माहिती अधिकार कायद्याचा, ठराविक जातीचा आधार घेऊन पाचगणी परिसरातील लोकांना ब्लॅकमेल केले जात आहे. करोडो रुपयांच्या जमिनी, जागा, बंगल्यावर बळजबरीने ताबा घेतला जात आहे. या गुंडागर्दीचा सर्वांनाच त्रास होत असून, त्यांच्या विरोधात आता आम्ही एकत्रपणे लढा देणार आहोत. यापुढे आमच्या वाटेला जाल तर आमच्या एकीची ताकद दाखवून देऊ, असा इशारा देऊन पाचगणी परिससरातील ग्रामस्थांनी प्रशासनाच्या भूमिकेविरोधात पाचगणीत मंगळवारपासून बेमुदत बंद सुरू केला.
पाचगणी शहरासह संपूर्ण महाबळेश्वर तालुक्यात ठराविक लोकांकडून सुरू असलेल्या दडपशाही, गुंडागर्दी आणि ब्लॅकमेलिंगच्या पार्श्वभूमीवर पाचगणी (ता. महाबळेश्वर ) येथे पिडीत ग्रामस्थांनी एल्गार सभा आयोजित केली होती. या सभेत या प्रवृत्तींना चोख उत्तर देण्यासाठी सर्वांनी एकजुटीचा एल्गार पुकारला.
या सभेसाठी पाचगणी शहरासह, दांडेघर, गोडवली, आंब्रळ, खिंगर, राजपुरी, ताईघाट, भिलार, भोसे, कासवंड, पांगारी, दानवली, गुरेघर, अवकाळी, मेंटगुताड आदी गावांतील पदाधिकारी ग्रामस्थांसह आशा लोकांपासून प्रत्यक्ष अप्रत्यक्ष पीडित ग्रामस्थ उपस्थित होते. त्यांनी अत्यंत त्वेषाने आपल्या व्यथा मांडल्या. या सभेस ज्येष्ठ नेते बाळासाहेब भिलारे, माजी नगराध्यक्ष नानासाहेब कासुर्डे, जिल्हा बँकेचे संचालक राजेंद्रशेठ राजपुरे, माजी उपनगराध्यक्ष वसंतराव बिरामणे, आदींसह पाचगणी व परिसरातील सर्व गावचे सरपंच व ग्रामस्थ उपस्थित होते.
बाळासाहेब भिलारे म्हणाले, ‘पाचगणी परिसरावर सरकारचे कडक निर्बंध आहेत. यामुळे आधीच मेटाकुटीला आलेल्या जनतेला माहिती अधिकार, संस्थेचे लेटर हेड आदींच्या माध्यमातून अडचणीत आणण्याचे प्रकार सुरू आहेत. आमच्या शांत बसण्याला जर कुणी आव्हान देत असेल तर असल्या ब्लॅकमेलरांना सरळ करण्याची आमच्यात ताकद आहे. यापुढे जर कुणी आमच्या भागाकडे वाकड्या नजरेने पाहिले तर त्यांना त्यांच्याच भाषेत उत्तर दिले जाईल.’

मोबाइल अॅप डाउनलोड करा आणि राहा अपडेट

ताराबाई पार्क पोटनिवडणूक आज

October 10, 2017, 2:30 pm

≫ Next: मंदिरातील ‘अंबाबाई’चे नाव हटविले

≪ Previous: गुंडांच्या दडपशाहीविरोधातपाचगणीतील ग्रामस्थ एकवटले

$

0

0

म. टा. प्रतिनिधी, कोल्हापूर

भारतीय जनता पक्ष-ताराराणी आघाडी आणि काँग्रेस-राष्ट्रवादी काँग्रेस आघाडीसाठी प्रतिष्ठेच्या ठरलेल्या ताराबाई पार्क प्रभागाच्या पोट निवडणुकीसाठी बुधवारी(ता.११) मतदान होत आहे. या दोन्ही आघाडीसह शिवसेना आणि अपक्ष उमेदवारांनी शड्डू ठोकल्यामुळे येथे चौरंगी लढत होत आहे. आपआपल्या उमेदवारांच्या विजयासाठी मंत्री व आमदारांनी प्रचाराची सूत्रे हलविल्याने निवडणुकीत टोकाची ईर्षा निर्माण झाली आहे. प्रभागातील काही भागात पैसे आणि भेटवस्तू वाटपाची चर्चा कार्यकर्त्यांत सुरू होती.

बुधवारी सकाळी ७.३० ते सायंकाळी ५.३० या वेळेत चार मतदान केंद्रावर मतदानाची सोय करण्यात आली आहे. मतदान केंद्रासाठी आबासो सासने विद्यालय, उपअभियंता लघू बी अँड सी ऑफ‌िस, बैलगोठा खोली या इमारती निश्चित केल्या आहेत. मतदानासाठी सहा ईव्हीएम मसिशन आहेत. मतदान प्रक्रियेसाठी ३५ कर्मचाऱ्यांची नियुक्ती केली आहे. नागरिकांनी शंभर टक्के मतदानाचा हक्क बजावावा, असे आवाहन आयुक्त अभिजित चौधरी यांनी केले आहे. या प्रभागातील मतदार संख्या ४८९८ इतकी असून यामध्ये पुरुष मतदार २४५२ तर महिला मतदारांची संख्या २४४७ इतकी आहे.

जाहीर प्रचाराची मुदत सोमवारी सायंकाळी संपली असली तर मंगळवारी पडद्याआड मोठ्या हालचाली सुरू होत्या. एकमेकांच्या मतांचे पॉकेट फोडण्यासाठी आर्थिक उलाढाली झाल्याची चर्चा असून मंगळवारी सकाळी काही ठिकाणी शाब्दिक बाचाबाची झाल्याचे समजते. भाजप, ताराराणी आघाडीचे उमेदवार रत्नेश शिरोळकर, दोन्ही काँग्रेस पुरस्कृत अपक्ष उमेदवार राजेश लाटकर, शिवसेनेचे उमेदवार राज जाधव आणि अपक्ष उमेदवार पवन माळी यांच्यामध्ये लढत आहे.

दरम्यान बुधवारी मतदानाच्या कालावधीत व गुरुवारी मतमोजणी दरम्यान कायदा व सुव्यवस्था बिघडण्याची शक्यता नाकारता येत नसल्याने मतदान केंद्राच्या व मतमोजणी ठिकाणाच्या १०० मीटर परिसरात निवडणूक अधिकारी, कर्मचारी, मतदान प्रतिनिधी व उमेदवारांना वगळून अन्य लोकांना प्रवेशबंदी असल्याचा आदेश करवीर तालुका कार्यकारी दंडाधिकाऱ्यांनी काढला आहे.

मोबाइल अॅप डाउनलोड करा आणि राहा अपडेट

मंदिरातील ‘अंबाबाई’चे नाव हटविले

October 10, 2017, 2:30 pm

≫ Next: दर्शन शहा खूनप्रकरणी चारू चांदणेला दुहेरी जन्मठेप

≪ Previous: ताराबाई पार्क पोटनिवडणूक आज

$

0

0

म. टा. प्रतिनिधी, कोल्हापूर

करविर निवासिनी अंबाबाई की महालक्ष्मी यावरून सध्या सुरू असलेल्या वादाच्या पार्श्वभूमीवर पश्चिम महाराष्ट्र देवस्थान व्यवस्थापन समितीने अंबाबाई मंदिर परिसरातील फलकांवरून ‘अंबाबाई’ असे नाव हटविण्याचा प्रताप केला आहे. मंदिर आवारातील अनेक फलकांवरुन ‘अंबाबाई’ हे नाव हटवून केवळ ‘करवीर निवासिनी’ एवढाच नामोल्लेख करण्यात आला आहे. याबाबत आई अंबाबाइं भक्तगण समितीच्या कार्यकर्त्यांनी मंगळवारी देवस्थान समितीचे सचिव विजय पोवार यांना धारेवर धरले. देवस्थान समितीचे अध्यक्ष महेश जाधव यांनी फलक बदलून देवीच्या नावासह लावण्याची प्रक्रिया केली जाईल असे आश्वासन दिल्याचे समितीने सांगितले.

दरम्याम, मंगळवारी दुपारी मंदिरात अंबाबाई भक्तगण समितीच्या कार्यकर्त्यांनी सचिव पोवार यांना ‘फलकावरील अंबाबाई हे नाव अचानक गायब का केले?’ अशी विचारणा करत करविर निवासिनी म्हणजे नेमकी कोण याबाबत खुलासा करावा अशी आक्रमक भूमिका घेतली. मंदिराच्या आवारातील फलकावर केवळ करवीर निवासिनी असा उल्लेख केल्याचे निदर्शनास आल्यानंतर भक्तगण समितीचे अशोक पोवार, बाबा पार्टे, सुशांत चव्हाण, रमेश मोरे, स. ना. जोशी, रमेश मोरे, सुनील खिरुगडे आदींनी दुपारी देवस्थान समितीचे ऑफीस गाठले.

सचिव पोवार यांनी, ‘सध्या देवीच्या नावावरुन वाद सुरू असल्यामुळे फलकावर महालक्ष्मी व अंबाबाई असा नामोल्लेख टाळला. देवस्थान समितीकडील जुन्या रेकॉर्डवर देवीचा उल्लेख करवीर निवासिनी असा आहे’ असे उत्तर दिले. त्यामुळे कार्यकर्ते संतप्त झाले. ‘समितीकडील जुन्या रेकॉर्डवर फक्त करवीर निवासिनी असा उल्लेख असेल तर गरुड मंडपाच्या दर्शनी भागावर २०० वर्षांपूर्वी अंबाबाई मंदिर ही अक्षरे व मंदिर परिसरातील देवस्थान कार्यालयावरील फलकावरील श्री महालक्ष्मी मंदिर असा फलकही हटवावा’ असा उपरोधिक टोला अशोक पोवार यांनी लगाविला. सरकारकडून अंबाबाई व महालक्ष्मी नामोल्लेख टाळण्याचा आदेश आहे का? अशी विचारणा अशोक पोवार यांनी केली.

यावर सचिव पोवार यांनी, ‘तसा आदेश नाही. पण मंदिर आवारात वाद उद्भवू नये यासाठी तीन महिन्यांपासून करवीर निवासिनी असा तात्पुरता उल्लेख केला जात आहे’ असा खुलासा केला. मात्र कार्यकर्त्यांचे समाधान झाले नाही. ‘सरकारचा कसलाही आदेश नसताना अंबाबाई नाव वगळण्याचा तुम्हाला कुणी अधिकार दिला? समितीच्या पावती पुस्तकांवर महालक्ष्मी असा उल्लेख कायम आहे. तो का बदलला नाही’ अशी विचारणा कार्यकर्त्यांनी केली. कार्यकर्ते सुशांत चव्हाण यांनी, उत्सवकाळात शांतता भंग होऊ नये, उत्सवास गालबोट लागू नये म्हणून फलकाचा विषय उपस्थित केला नव्हता हे निदर्शनास आणून दिले.

यानंतर सचिव पोवार यांनी, ‘समितीच्या सदस्यांशी चर्चा करुन फलक बदलून घेऊ’ असे सांगितले. दरम्यान, कार्यकर्त्यांनी समितीचे अध्यक्ष महेश जाधव यांच्या कार्यालयात जाऊन त्यांची भेट घेतली. त्यांना याबाबतची छायाचित्रे दाखवली. यावेळी जाधव यांनी, ‘फलक बदलून देवीच्या नावासहित नवीन फलक लावले जातील’ असे आश्वासन दिले. शिष्टमंडळात सुरेश साबळे, धनंजय चव्हाण, संकेत जोशी, रघुनाथ गवळी, गौरव भागवत, राजेंद्र पाटील, निलेश देसाई, उदय भोसले आदी उपस्थित होते.

मोबाइल अॅप डाउनलोड करा आणि राहा अपडेट

दर्शन शहा खूनप्रकरणी चारू चांदणेला दुहेरी जन्मठेप

October 10, 2017, 2:30 pm

≫ Next: गहिवरल्या घराला मिळाला न्याय

≪ Previous: मंदिरातील ‘अंबाबाई’चे नाव हटविले

$

0

0

म. टा. प्रतिनिधी, कोल्हापूर

देवकर पाणंद येथील शाळकरी मुलगा दर्शन रोहित शहा (वय १०) याचे अपहरण करून खून केल्याप्रकरणी आरोपी योगेश उर्फ चारू आनंदा चांदणे (वय २७, रा. सुश्रुषानगर, देवकर पाणंद) याला मंगळवारी (ता. १०) दुहेरी जन्मठेप आणि १ लाख ५ हजार रुपये दंडाची शिक्षा सुनावण्यात आली. दंडातील एक लाख रुपये दर्शन शहा याची आई स्मिता शहा यांना देण्याचा आदेश न्यायाधीश एल. डी. बिले यांनी दिला. सरकार पक्षाच्यावतीने अॅड. उज्ज्वल निकम यांनी युक्तिवाद केला.

देवकर पाणंद येथील शुश्रूषानगरमध्ये दर्शन त्याची आई स्मिता आणि आजी सुलोचना यांच्यासोबत राहत होता. दर्शन दीड वर्षांचा होता तेव्हाच त्याच्या वडिलांचा ब्रेनट्यूमरने मृत्यू झाला होता. याच परिसरात राहणारा चारू चांदणे याच्यावर सुमारे दीड लाखाचे कर्ज होते. कर्जाच्या परतफेडीसाठी त्याच्याकडे पैसे नव्हते. त्यामुळे चोरी किंवा खंडणीच्या मार्गाने पैसे उपलब्ध करण्याचे त्याचे नियोजन सुरू होते. दर्शनच्या घरात सोने असल्याचे त्याने पाहिले होते. त्यामुळे १२ नोव्हेंबर २०१२ मध्ये त्याने दर्शनच्या घरात चोरीचा प्रयत्न केला होता. यानंतर दर्शनच्या अपहरणाचा कट करून २५ डिसेंबर २०१२ मध्ये रात्री साडेसात ते आठच्या दरम्यान कॉलनीतून दर्शनचे अपहरण केले. ऊस खाण्याचे आमिष दाखवून राऊत यांच्या शेतात नेऊन नायलॉनच्या दोरीने त्याचा गळा आवळला. यानंतर दर्शनला बेशुद्धावस्थेत विहिरीत फेकून दिले. दर्शनचा निर्घृण खून केल्यानंतर त्याने २५ तोळे सोने देण्याच्या धमकीची चिठ्ठी दर्शनच्या दारात टाकली. दुसऱ्या दिवशी दर्शनचा मृतदेह सापडल्यानतंरही आरोपी चारू घटनास्थळी उपस्थित होता. परिसराची माहिती देऊन पंचनाम्यातील पंच म्हणूनही त्याने पोलिसांची दिशाभूल करण्याचा प्रयत्न केला. पोलिसांनी शिताफीने या गुन्ह्याचा तपास करून १३ जानेवारी २०१३मध्ये आरोपी चारू चांदणे याला अटक केले होते.

गुन्ह्यात वापरलेली नायलॉनची दोरी, चाकू, धमकीच्या पत्रातील अक्षराची ओळख, लिफाफा, झटापटीत तुटलेले चारुच्या शर्टचे बटन, आदी पुरावे गोळा केले होते. शिवाय राऊतांच्या विहिरीकडे दर्शनला घेऊन जाताना पाहणारे साक्षीदारही कोर्टात सादर केले. दर्शनचा मित्र आदित्य डावरे आणि २५ डिसेंबर २०१२ मध्ये संध्याकाळी साडेसातच्या सुमारास दर्शनला चारूसोबत पाहणारे साक्षीदार सागर चौगुले यांची साक्ष कोर्टात महत्त्वाची ठरली. कोर्टात ३० साक्षीदारांच्या साक्षी तपासण्यात आल्या. त्या सर्व ग्राह्य मानून कोर्टाने शिक्षा सुनावली. आरोपीच्या वतीने अॅड. पीटर बारदेस्कर यांनी काम पाहिले.

मोबाइल अॅप डाउनलोड करा आणि राहा अपडेट