महिषासुर म​र्दिनीचे रूप

September 28, 2017, 2:30 pm

≫ Next: कुस्ती प्रशिक्षणाचा माधुरीने घेतला वसा

≪ Previous: आठ ठिकाणी पे अँड पार्क

$

0

0

म. टा. प्रतिनिधी, कोल्हापूर

शारदीय नवरात्रोत्सवाच्या अष्टमीदिवशी, गुरुवारी करवीरनिवासिनी श्री अंबाबाईची महिषासुर मर्दिनी रूपात जडावी सालंकृत पूजा बांधण्यात आली. अंबाबाईने महिषासुराचा वध केल्याची कथा पुराणात सांगितली जाते. अष्टमीदिवशी अंबाबाईचा जागर सोहळा नवरात्रकाळात केला जातो. या कथेवर आधारीत ही पूजा श्रीपूजक माधव व मकरंद मुनीश्वर यांनी बांधली.

दरम्यान, गुरुवारी सकाळच्या सत्रात अंबाबाई मंदिरात भाविकांची गर्दी झाली. दुपारी गर्दीचा ओघ कमी होता. दर्शनरांगेतील भाविकांना मोफत पाणी वाटप करण्यात आले. मंदिर परिसरात सुरू असलेल्या वैद्यकीय उपचार कक्षातर्फेही भाविकांना औषधोपचाराची सेवा दिली जात आहे. मंदिरातील कारंजा चौक येथे कालिकादेवी भजनी मंडळ, अक्कमहादेवी भजनी मंडळ, रामगोंडा भजनीमंडळ, राधाकृष्ण भजनी मंडळ, एकजुटी महिला सोंगी भजनी मंडळ, गुरूमाऊली महिला भजनी मंडळ यांच्यातर्फे भजन सादर केले. सायंकाळच्या सत्रात स्वरसंगमतर्फे अंध कलाकारांनी गायन व वादनाने रसिकांना मुग्ध केले. स्वरगंगा मैफलीने कार्यक्रमांची सांगता झाली.

भार्गवी ​चिरमुलेची
नवऊर्जा उत्सवाला भेट

नवदुर्गांचे दर्शन, आदिशक्तीचा महिला उलगडून दाखवणारे बॅले नृत्य आणि स्थानिक कलाकारांचा कलाविष्कार अशा विविधांगी कार्यक्रमांनी रंगलेल्या नवऊर्जा उत्सवाला गुरूवारी अभिनेत्री भार्गवी ​चिरमुलेने भेट देऊन शुभेच्छा दिल्या. ‘कोल्हापूरसारख्या कलापुरात नवऊर्जासारखी अभिनव कल्पना साकारणे ही खूप चांगली गोष्ट आहे’ अशी प्रतिक्रियाही भार्गवी यांनी व्यक्त केली. खेळाडू शुक्ला बिडकर, सविता धोंगडे पाटील आणि पालकमंच संस्थेच्या संचालिका सुमेधा कुलकर्णी आणि जुई कुलकर्णी यांचा सन्मान करण्यात आला.

आकार प्रस्तुत अंतरंगतर्फे भक्तीगीताचा कार्यक्रम सादर करण्यात आला. सीताराम जाधव, महेश हिरेमठ यांनी गाणी सादर केली. शुभदा हिरेमठ यांनी निवेदन केले. शिवशंभू मर्दानी खेळ संस्थेतर्फे मर्दानी खेळाची प्रात्यक्षिके सादर करण्यात आली. स्वागत राहुल ​चिकोडे यांनी केले. चारूदत्त जोशी यांनी सूत्रसंचालन केले.

मंदिरातील आजचे कार्यक्रम

मंगेशलक्ष्मी महिला भजनी मंडळ : सकाळी ९ ते ११
दत्त महिला भजनी मंडळ : सकाळी ११ ते १२
पार्वती महिला भजनी मंडळ : दुपारी १२ ते १
शारदा मंडळ : दुपारी १ ते ३
माऊली भजनी मंडळ : दुपारी ३ ते ४
मंगेशलक्ष्मी मंडळ : दुपारी ४ ते ५
नवरंग संगीतमंडळतर्फे सुजाता पाटील गायन : सायंकाळी ५ ते ७
सुमन दिवाकर यांचे भक्तीसंगीत : सायंकाळी ७ ते ९

मोबाइल अॅप डाउनलोड करा आणि राहा अपडेट

---

कुस्ती प्रशिक्षणाचा माधुरीने घेतला वसा

September 28, 2017, 2:30 pm

≫ Next: सोयाबीनला ३५०० रुपये दर देणार

≪ Previous: महिषासुर म​र्दिनीचे रूप

$

0

0

युवराज पाटील, कुडित्रे

कुस्तीचे मैदान गाजविण्याची स्वतःची अपुरी राहिलेली इच्छा मुलीने पूर्ण केली याचा सार्थ अभिमान करवीर तालुक्यातील कोगे येथील गंगाराम घराळ यांना आहे. सर्वसामान्य शेतकरी कुटुंबाने प्रचंड कष्ट घेत, प्रसंगी पोटाला चिमटे देत मुलगी माधुरी हिला मल्लविद्येचे प्रशिक्षण दिले. ज्या आत्मीयतेने वडिलांनी पैलवान बनविण्यासाठी धडपडत केली, त्याला तितक्याच उत्कटतेने साथ देत, अतीव मेहनत, सराव आणि कष्टाची जोड देत माधुरी हिने कुस्ती क्षेत्रातील आपली वाटचाल सुरू ठेवली. ही रणरागिणी आता कोल्हापूर जिल्ह्यातील पहिली महिला एनआयएस कुस्ती कोच बनली आहे.

माधुरी हिचा लहानपणीचा स्वभाव हा अतिशय लाजरा होता. शाळेव्यतिरिक्त अन्य वेळी ती घराबाहेर पाडायची नाही. इतकेच नव्हे इतर मुलींसोबतही ती फारशी खेळायची नाही असे कुटुंबिय सांगतात. इयत्ता ८ वीमध्ये गावातील न्यू इंग्लिश स्कूलमध्ये शिकताना माधुरी हिचा फिटनेस पाहून शाळेतील लिपीक मारुती पाटील आणि शिक्षकांनी तिला कुस्ती खेळण्यासाठी प्रोत्साहित केले. वडिल गंगाराम यांना लहानपणापासून कुस्तीची आवड. बिकट आर्थित स्थितीमुळे ते कुस्तीमध्ये मोठी झेप घेता घेऊ शकले नाहीत. त्यामुळे त्यांनी माधुरी हिला जास्त बळ दिले. आणि मग गावातच माधुरीचे कुस्तीचे धडे सुरू झाले.

माधुरीने शालेय, जिल्हास्तरीय कुस्ती स्पर्धेत पहिल्यांदा भाग घेतला. पहिल्याच स्पर्धेत विभागात पहिला आणि जिल्ह्यात दुसरा क्रमांक तिने पटकाविला. त्यातून तिच्यासह वडिलांचा आत्मविश्वास दुणावला. आपणही कुस्तीमध्ये चांगली कामगिरी करू शकतो याची माधुरीला जाणीव झाली. आणि तिचा या खेळातील प्रवास अधिक वेगाने सुरू झाला. या प्रवासात तिला आईचीही भक्कम साथ मिळाली.

गावात आणि शाळेत मॅटची सोय नसल्यामुळे माधुरीला कुंभी कासारी साखर कारखान्याच्या कोल्हापुरातील शिवाजी पेठेतील केंद्रात मॅटवर प्रशिक्षण सुरू झाले. कोगे ते कोल्हापूर असा दररोज प्रवास करत तिने ८ वी ते १०पर्यंत सराव केला. या काळात माधुरी वडिलांसोबत सकाळी साडेचार वाजता उठायची. किमान पाच किलोमीटर रनिंग करायची. सकाळी साडेसहाच्या बसने कोल्हापूर गाठायचे. नऊ वाजेपर्यंत सराव करायचा आणि गावाकडे परतायचे. मग सकाळी ११ ते दुपारी १ वाजेपर्यंत शाळा. पुन्हा दीडच्या बसने कोल्हापुरात येऊन दोन तासांचा सराव. सलग तीन वर्षे माधुरीचा दिनक्रम असा व्यस्त होता. या सरावादरम्यान माधुरीला लागणारा खुराक, थंडाई यांसह सराव, त्यातील सुधारणा-उणिवांवर वडील गंगाराम यांनी जातीने लक्ष ठेवले.

पुढच्या कुस्तीच्या प्रशिक्षणासाठी माधुरीने इयत्ता ११वीमध्ये आळंदीतील जोग व्यायामशाळेत प्रवेश घेतला. शिक्षण वगळता जेवण, खुराक यासाठी महिनाकाठी किमान चार हजार रुपये खर्च यायचा. वडिलांची आर्थिक ओढाताण पाहून या काळात माधुरीने आळंदी परिसरात मॅटवरील महिलांच्या कुस्ती मैदानात भाग घेऊन मिळालेल्या पैशातून आर्थिक भार हलका करण्याचा प्रयत्न केला. नंतर स्पोर्ट्स अॅथॉरिटी ऑफ इंडियाच्या कांदिवलीतील (मुंबई) सेंटरमध्ये चार वर्षे सराव करत माधुरीने आपले ग्रॅज्युएशन पूर्ण केले. त्यानंतर पूर्वचाचणी परीक्षेनंतर हरियाणा (पंजाब) येथे एनआयएसचे ट्रेनिंग पूर्ण केले. हे ट्रेनिंग पूर्ण करणारी माधुरी ही कोल्हापूर जिल्ह्यातील पहिली महिला कुस्तीपटू आहे. माधुरीने आतापर्यंत राज्यस्तरीय व राष्ट्रीय स्पर्धेत ३ गोल्ड, २ सिल्व्हर, चेन्नईतील पायका ग्रामीण राष्ट्रीय कुस्ती स्पर्धेत ब्राँझ, तर पदवीपर्यंत २ ब्राँझ, ७ गोल्ड, १ ब्राँझ पदक मिळाले. १०वीमध्ये असताना अमरावतीत झालेल्या सिनियर राज्यस्तरीय कुस्तीस्पर्धेत गोल्डमेडल मिळवून तिने कोल्हापूर जिल्ह्यात महिला कुस्तीतील पहिले पदक मिळवले. २०११ साली शिवाजी विद्यापीठाला महिला कुस्तीतील पहिले पदक मिळवून देणारी पहिली महिला कुस्तीपटू ठरली आहे.

कुस्तीपटू घडविण्याचा मानस

माधुरीला तिच्या कुस्तीच्या क्षेत्रात मारुती पाटील, तानाजी पाटील, दिनेश गुंड, जंगमाल सिंग, कुंभी कासारी साखर कारखाना, कोल्हापूर तालीम संघाचे अध्यक्ष बाळ गायकवाड व पदाधिकारी, ग्रामस्थांचे मार्गदर्शन मिळाल्याचे तिने सांगितले. माधुरी सध्या एनआयएस कोच म्हणून करियर करू पाहतेय. नोकरीसाठीही तिचे प्रयत्न आहेत. भारताला पदक मिळवून देणारे कुस्तीपटू घडविण्याचा मानस तिने व्यक्त केला.

मोबाइल अॅप डाउनलोड करा आणि राहा अपडेट

सोयाबीनला ३५०० रुपये दर देणार

September 28, 2017, 2:30 pm

≫ Next: तक्रार केली तर मारून टाकतील

≪ Previous: कुस्ती प्रशिक्षणाचा माधुरीने घेतला वसा

$

0

0

इचलकरंजी

‘तूर खरेदीनंतर राज्यभर शेतकऱ्यांत संताप उसळल्यानंतर राज्य सरकार आता ताकही फुंकून पीत आहे. सोयाबीनला प्रति क्विंटल ३५०० रुपये दर दिला जाणार आहे. यामध्ये गोंधळ निर्माण होऊ नये यासाठी सोयाबिन उशीरा व नियोजनबध्द रितीने खरेदी केला जाईल’, अशी माहिती कृषी राज्यमंत्री सदाभाऊ खोत यांनी दिली. खासदार राजू शेट्टी यांचा ‘लंकापती’ असा उल्लेख करुन त्यांनी आपण ‘हनुमान’ असल्याचे मान्य केले असून या लंकापतींनी आता टिका-टिप्पणी करण्यापेक्षा रयत कोणाच्या व कोणत्या दिशेने जात आहे हे पहावे’, असा टोलाही लगावला.

शनिवारी(ता. ३०) दसरा महोत्सव आणि रयत क्रांती संघटनेचा पहिला मेळावा होत आहे. या संदर्भात मंत्री खोत व रयत संघटनेचे प्रदेशाध्यक्ष सुरेश पाटील यांनी सविस्तर माहिती दिली. या शेतकरी मेळाव्यास राज्यभरातून २५ हजार शेतकरी उपस्थित राहतील, असा विश्वास व्यक्त करतानाच ऊस, कापूस, कडधान्य आदी बाबतही भूमिका स्पष्ट केली जाणार असल्याचे खोत यांनी सांगितले.

शनिवारी दुपारी छ. राजर्षि शाहू पुतळा येथून मोटरसायकल रॅली काढण्यात येईल. त्यानंतर गावभागातील अंबाबाई मंदिरापासून दसरा महोत्सवाची पालखी मिरवणूक काढण्यात येईल. प्रमुख मार्गावरुन पालखी नारायणराव घोरपडे नाट्यगृह चौकात आल्यानंतर प्रथम रयत क्रांती संघटनेचा शेतकरी मेळावा होईल. त्यानंतर सायंकाळी सोने लुटून दसरा महोत्सवाची सांगता करण्यात येणार आहे.

मंत्री खोत म्हणाले,‘ इचलकरंजीला लढ्याचा इतिहास आहे. अनेक लढे येथूनच सुरू झाले आणि ते यशस्वीही झाले म्हणूनच रयत क्रांती संघटनेचा पहिला मेळावा ऐतिहासिक दसरा मेळाव्याबरोबरच आयोजित केला आहे. संघटना हे राजकीय व्यासपीठ असणार नाही. मी चळवळीतूनच तयार झालो असल्याने संघटनेचा नेता म्हणून नव्हे तर कार्यकर्ता म्हणूनच कार्यरत राहणार आहे. मी स्वाभिमानी शेतकरी संघटनेची स्थापन होण्यापूर्वीपासून चळवळीतील कार्यकर्ता आहे. संवादातून संघर्षाकडे हे ब्रिद घेऊन समाजातील सर्वच घटकांचे प्रश्न सोडवण्यासाठी रयत क्रांती संघटनेची स्थापना केली आहे. दोन वर्षानंतर लोकसभा निवडणूक होत आहे. म्हणूनच शेट्टी यांनी लोकांची सहानभूती मिळवण्यासाठी सत्तेतून बाहेर पडत आपली जबाबदारी झटकली आहे. केंद्र व राज्य सरकार शेतकरी विरोधी आहे हे त्यांना समजायला तीन वर्षे का लागली असा प्रश्न आहे. शेतकऱ्यांकडे पाहण्याची सरकारची भूमिका सकारात्मक आहे. पहिल्या टप्प्यात राज्यातील ५० लाख शेतकऱ्यांना कर्जमाफीचा लाभ होणार आहे.’

मोबाइल अॅप डाउनलोड करा आणि राहा अपडेट

तक्रार केली तर मारून टाकतील

September 28, 2017, 2:30 pm

≫ Next: विमानसेवेला उजाडणार नवे वर्ष

≪ Previous: सोयाबीनला ३५०० रुपये दर देणार

$

0

0

म. टा. प्रतिनिधी, कोल्हापूर

नदी आणि नाले पात्रात मोठ्या प्रमाणात अनधिकृत बांधकामे झाली आहेत. पंधरा फुटाचा नाला दोन फुटाचा केला. हा प्रकार महापालिकेतील नगररचना विभाग, जल अभियंता-शहर अभियंता कार्यालयातील अधिकारी, बांधकाम व्यावसायिक आणि नगरसेवक यांच्या संगनमतातून सुरू आहे. ८६ नगरसेवकांची शहरावर दहशत आहे, त्यांची ज्या त्या प्रभागावर पकड आहे. या साऱ्या विरोधात उघडपणे तक्रार केली तर नगरसेवक मारून टाकतील, असे खळबळजनक आरोप सर्वपक्षीय कृती समितीचे कार्यकर्ते दिलीप देसाई यांनी महापालिकेत आयोजित बैठकीत केले.

महापौर हसीना फरास यांच्या उपस्थितीत शहरातील ड्रेनेज व स्ट्रॉम वॉटरच्या स्थितीसंदर्भात महापौर कार्यालयात बैठक झाली. नदी, नाले पात्रातील अनधिकृत बांधकामे, नाले अडविण्याच्या प्रकाराची चौकशी करण्यासाठी समिती स्थापन करावी, अशी मागणी कृती समितीच्या पदाधिकाऱ्यांनी केली. आयुक्त अभिजित चौधरी यांनी नाले अडविणे आणि अनधिकृत बांधकामाविषयी माझ्याकडे तक्रारी कराव्यात. अनधी‌कृत बांधकामांसाठी जबाबदार अधिकाऱ्यांकडून चौकशी होईल. चौकशीसाठी स्वतंत्र अधिकारी नेमण्याची आवश्यकता नाही, असे उत्तर दिले. त्यावर देसाई यांनी अधिकारी, नगरसेवका आणि बांधकाम व्यावसायिकांच्या साखळीवर संताप व्यक्त करत ‘आम्ही तक्रार केली तर मारून टाकतील’ असे खळबळजळनक वक्तव्य केले. कॉम्रेड दिलीप पवार, शिवाजीराव परुळेकर, चंद्रकांत यादव, अनिल घाटगे, संभाजी जगदाळे, समीर नदाफ आदींनी शहरातील नाला सफाई, खराब रस्ते, ड्रेनजलाइनचे चोकअप, रंकाळा तलावात मिसळणाऱ्या सांडपाण्याचे प्रश्न उपस्थित केले. जल अभियंता सुरेश कुलकर्णी, आरोग्य अधिकारी अरुण वाडेकर यांच्या उत्तराने कृती समितीच्या पदाधिकाऱ्यांचे समाधान झाले नाही.

ड्रेनेज जोडणी केवळ चार हजार

‘ पावसामुळे शहरातील विविध भागातील घरांमध्ये पाणी शिरले होते. स्ट्रॉम वॉटरची सफाई न केल्यामुळे पाण्याचा निचरा झाला नाही. ड्रेनेज लाइनला स्ट्रॉर्म वॉटर जोडता येत नाही. आयआरबीने बांधलेल्या स्ट्रॉर्म वॉटर लाइनची साफसफाई केली नसल्याने नागरिकांची दैना उडाली, या प्रकाराला अधिकारी जबाबदार असल्याचा आरोप बाबा इंदूलकर यांनी केला. इंदूलकर म्हणाले,‘ शहरातील सर्व अपार्टमेंटचे पाणी ड्रेनेजलाइनला जोडल्याचे अधिकाऱ्यांच्या निदर्शनास आणले. शहरातील मिळकतींची संख्या एक लाख चाळीस हजार इतकी आहे, पण चार हजार मिळकतधारकांनीच ड्रेनेजच्या मुख्य लाइनला ड्रेनेज कनेक्शनची जोडणी केली आहे. एका ड्रेनेजलाइन जोडणीसाठी ३५०० रुपये शुल्क आहे. लाखाहून अधिक कनेक्शनची जोडणी न झाल्यामुळे लाखो रुपयांचा फटका महापालिकेला बसत असल्याचे त्यांनी सांगितले. अशोक पोवार यांनी रेडझोनमध्ये समाविष्ठ असलेल्या तावडे हॉटेल परिसरात ओढा वळविण्याचा प्रकार घडल्याचे सांगत बैठकीत त्यासंबंधीचे छायाचित्रेही दाखवली.

शहरातील नाल्यांच्या सफाईसाठी पोकलँड खरेदी करण्यात येणार आहे. शिवाय चोक अप होणाऱ्या ड्रेनेज लाइनची महापालिका फंडातून दुरुस्ती केली जाईल. अमृत योजनेंतर्गत शहरात १२० किलो मीटर लांबीची ड्रेनेज लाइन प्रस्तावित आहे. स्ट्रॉर्म वॉटर बांधणीचा आराखडा करुन सरकारकडे प्रस्ताव सादर केला जाईल. पावसाचे पाणी वाहून जाणारे सहा पॅचेस चोकअप झाल्याची माहिती असून त्याची दुरुस्तीचे काम हाती घेणार आहे.

अभिजित चौधरी, आयुक्त

मोबाइल अॅप डाउनलोड करा आणि राहा अपडेट

विमानसेवेला उजाडणार नवे वर्ष

September 28, 2017, 2:30 pm

≫ Next: सावकारी कर्ज वसुलीसाठी मारहाण

≪ Previous: तक्रार केली तर मारून टाकतील

$

0

0

Sachin.Yadav@timesgroup.com
Tweet : @sachinyadavMT

कोल्हापूर : केंद्र सरकारने जाहीर केलेल्या ‘उडाण’ योजनेतून शिर्डी येथे एक ऑक्टोबरपासून विमानसेवा सुरू झाली. मात्र, याच दिवसापासून कोल्हापुरातून विमानसेवा सुरू होण्याचे मात्र स्वप्न भंगले आहे. विमानसेवा लवकरच सुरू होईल अशा घोषणांचा सातत्याने पाऊस पडला. मात्र फारसे काही झालेले नाही. त्यामुळे येथील विमानसेवेसाठी आवश्यक असलेला वेळांचा पुरेसा स्लॉट आणि विमान उड्डाणाचा परवाना मिळण्यासाठी नवे वर्ष उजाडेल अशी स्थिती आहे. मुंबई विमानतळाचे व्यवस्थापन करणाऱ्या जीव्हीके कंपनीने कोल्हापूरसाठी रात्रीच्या स्लॉटची ऑफर दिली आहे. मात्र नाइट लॅँडिंगची सुविधा येथील विमानतळावर नाही. दरम्यान, दिलेल्या आश्वासनाची पूर्ती केली जात नसल्याबद्दल खासदार धनंजय महाडिक यांनी याप्रश्नी हवाई नागरी उड्डयणमंत्री अशोक गजपती राजू यांच्याविरोधात हक्कभंगाचा प्रस्ताव मांडण्याचा इशारा दिला आहे.

सद्यस्थितीत विमान उड्डाणाच्या परवान्यासाठी सुरू असलेली धावपळ आणि देशातील अन्य शहरांनी पळवलेला स्लॉट यामुळे कोल्हापूरच्या विमानसेवेची वाट खडतर असल्याचेच स्पष्ट होत आहे. कोल्हापूर आणि गुजरात राज्यातील एका विमानतळासाठीचा स्लॉट एजीव्हीके कंपनीकडे द्यायचे शिल्लक आहेत. हे स्लॉट सोयीनुसार अन्य शहरांनी पळविले तर विमानसेवा लांबणीवर पडेल अशी शक्यता आहे. सकाळच्या वेळेतील सोयीचा स्लॉट मिळविण्यासाठी घोषणाबाजीऐवजी राजकीय दबावाची गरज आहे.

लोकसभेत हवाई नागरी उड्डयणमंत्री अशोक गजपती राजू यांनी कोल्हापूरची विमानसेवा १५ ऑक्टोबरपर्यंत सुरू करण्याचे आश्वासन दिले होते. त्या मुदतीची प्रतीक्षा आहे. या कालावधीत विमानसेवा सुरू न झाल्यास राजू यांच्या विरोधात हक्कभंग प्रस्ताव मांडला जाणार असल्याचा इशारा खासदार धनंजय महाडिक यांनी दिला आहे. पालकमंत्री चंद्रकांत पाटील यांनी स्लॉट मिळविण्यासाठी जीव्हीके कंपनीसोबत चर्चा केली आहे. मात्र, या कंपनीने कोल्हापुरला रात्रीचा स्लॉट देण्याचा तयारी दर्शविली आहे. रात्रीचा स्लॉट मिळाल्यास कोल्हापूरची सेवा तातडीने बंद पडण्याची शक्यता आहे. कोल्हापुरातील विमानसेवेसाठी परवान मिळविण्यासाठी नागरी विमान वाहतूक मंत्रालयाकडे प्रयत्न सुरू आहे. मात्र, अद्याप मंत्रालयाने परवाना मंजूर केलेला नाही. जोपर्यंत परवाना मंजूर होत नाही, तोपर्यंत विमानसेवा शक्य नाही. कंपनीला एका स्लॉटसाठी आणि महिन्याभराच्या फेऱ्यासाठी सुमारे एक कोटी रुपये द्यावे लागतात.

विमानसेवा देणाऱ्या डेक्कन चार्टर्ड कंपनीने राज्य सरकारकडे सहा विमानतळांवरून विमानसेवेसाठी स्लॉट मिळवून देण्यासाठी विनंती केली आहे. मात्र राज्य सरकारने स्लॉटची जबाबदारी फेटाळली आहे. राज्य सरकार तांत्रिक बाबी पूर्ण करण्यास दिरंगाई करीत आहे. त्यातच परवाना आणि स्लॉटसाठीही विलंब होत असल्याने या सेवेसाठी नवीन वर्षाची प्रतीक्षा करावी लागणार आहे. त्याचा फटका कोल्हापूरच्या विमानसेवेला बसणार आहे.

कोल्हापूरचे विमानतळ गेली पाच वर्षे बंद आहे. तत्कालिन आघाडी सरकारच्या काळापासून विमानसेवा सुरू होण्याची केवळ चर्चाच होत आहे. भाजप सरकारच्या काळात विमानसेवा सुरु होण्याच्या आशा पल्लवित झाल्या होत्या. मात्र, कोल्हापूर विमानतळावरील भौतिक सुविधा, तांत्रिक बाबी आणि स्लॉटसाठी लागणारा राजकीय दबाव कमी पडला आहेत. वेळेवर स्लॉट मिळविण्यात गुजरातमधील सुरत, पोरबंदर, कांडला हे विमानतळ यशस्वी ठरले. महाराष्ट्रात नांदेडपाठोपाठ शिर्डीने विमानसेवा सुरू करण्यात यश मिळवले. मात्र कोल्हापूरसह सोलापूर, जळगाव, नाशिक या शहरांना ही संधी साधता आलेली नाही.

आता नाइट लँडिंगचा अडसर

डेक्कन चार्टर्स एव्हीएशन कंपनीने, मध्यंतरी मुंबई-बेळगाव सेवा देणे शक्य आहे. यातून कोल्हापूरचाही मार्ग सूकर होऊ शकतो. मात्र रात्री विमान थांबण्यासाठी नाइट लँडीगची सुविधा गरजेची आहे अशी मागणी केली होती. नाइट लँडिग झाल्यास बेळगाववरून रात्रीच्या मुक्कामासाठी कोल्हापूर विमानतळावर विमान येऊ शकते. त्यातून सकाळी साडेसात किंवा आठ वाजता कोल्हापूरमधून विमानाचे टेकऑफ शक्य आहे. बेळगावमध्ये रात्री विमानाचा मुक्काम असल्यास सकाळी कोल्हापूर विमानतळावरून वनस्टॉप मुंबई गाठणेही शक्य आहे. विमान कंपनीला मुबलक प्रवासीही मिळतील. त्यातून भविष्यात कोल्हापूर-पुणे, कोल्हापूर-बेळगाव, बेंगळुरू, चेन्नई अशा सेवा देणे शक्य असल्याचे सूत्रांचे म्हणणे आहे.

००

नागरी उड्डणय मंत्री अशोक गजपती राजू यांनी १५ ऑक्टोबरपर्यंत विमानसेवा सुरू करण्याचे आश्वासन लोकसभेत दिले होते. या कालावधीत विमानसेवा सुरू झाली नाही तर नागरी उड्डणय मंत्र्यांविरोधात हक्कभंग मांडणार आहे. परवान्याची प्रक्रिया अंतिम टप्प्यात आहे. त्यासाठी प्रयत्न सुरू आहेत.

धनंजय महाडिक, खासदार

मोबाइल अॅप डाउनलोड करा आणि राहा अपडेट

सावकारी कर्ज वसुलीसाठी मारहाण

September 28, 2017, 2:30 pm

≫ Next: भडगावमध्ये विजेच्याधक्क्याने तरुणाचा मृत्यू

≪ Previous: विमानसेवेला उजाडणार नवे वर्ष

$

0

0

म. टा. प्रतिनिधी, कोल्हापूर

खासगी सावकाराकडून घेतलेले पाच लाख रुपयांचे कर्ज वेळेत परत न केल्याने विजय तानाजी जरग (वय ३७, रा. अनंतपूरम अपार्टमेंट, बापट कॅम्प) यांना मारहाण करून मोटार काढून घेतली. याप्रकरणी चेतन पटेल (रा. ताराबाई पार्क), प्रवीण पुजारी (रा. कावळा नाका), किशोर माने आणि विजय कांबळे (दोघेही रा. सदर बाजार) या चौघांवर राजारामपुरी पोलिस ठाण्यात गुन्हा दाखल झाला आहे.

महावितरण कंपनीकडे कॉन्ट्रॅक्टर म्हणून काम करणारे विजय जरग हे भुदरगड तालुक्यातील दारवाड येथील आहेत. सध्या ते शहरातील बापट कॅम्प परिसरात पत्नी स्वाती आणि मुलगा अर्जुनसह भाड्याच्या घरात राहतात. आर्थिक अडचण असल्याने त्यांनी सहा महिन्यांपूर्वी ओळखीचे चेतन पटेल याच्याकडून दरमहा ७ टक्के व्याजाने पाच लाख रुपये घेतले होते. तीन महिन्यात यातील दोन लाख रुपये परत केले. उर्वरित पैसे दोन महिन्यांनी परत करेन असे जरग यांनी सांगितले होते, मात्र तीन ऑगस्टला चेतन पटेल याने शिवाजी विद्यापीठ चौकात बोलवून बेदम मारहाण करून धमकावत त्याच्याकडे पैशांची मागणी केली. यावेळी प्रवीण पुजारी, किशोर माने आणि विजय कांबळे या तिघांनी जबरदस्तीने जरग याच्याकडील महागडी कार काढून घेतली. याशिवाय दोन कोरे चेकही घेतले.

आठवड्यापूर्वी जरग यांनी उर्वरित पैशांची व्यवस्था करून कार परत मागितली, मात्र आपली कार प्रवीण पुजारी याला तीन लाख रुपये घेऊन पटेल यानेच गहाणवट दिल्याची माहिती विजय जरग यांना मिळाली. खासगी सावकार पटेल याने फसवणूक केल्याचे लक्षात येताच जरग याने राजारामपुरी पोलिस ठाण्यात फिर्याद दाखल केली. राजारामपुरी पोलिस अधिक तपास करीत आहेत.

मोबाइल अॅप डाउनलोड करा आणि राहा अपडेट

भडगावमध्ये विजेच्याधक्क्याने तरुणाचा मृत्यू

September 28, 2017, 2:30 pm

≫ Next: खंडणी प्रकरणात तथ्य आढळल्यास राजीनामा

≪ Previous: सावकारी कर्ज वसुलीसाठी मारहाण

$

0

0

गडहिंग्लज

भडगाव (ता. गडहिंग्लज) येथील युवकाचा विजेच्या धक्क्याने मृत्यू झाला. लगमाणा (पूजा) रामापा शेंडूरे (वय ३०) असे त्यांचे नाव आहे. पोलिसातून मिळालेल्या माहितीनुसार आज सकाळी साडेसातच्या सुमारास ही घटना घडली. भडगाव येथे हरळीकर गल्लीत शेंडूरे राहतात. आज सकाळी ते आपल्या नवीन घराला पाणी मारण्यासाठी गेले होते. पाणी मारण्यासाठी मोटर जोडत असताना त्यांच्या उजव्या हाताला विजेचा धक्का लागल्याने त्यांचा जागीच मृत्यू झाला. शेंडूरे हे दिव्यांग असून ते खासगी दुकानात कामाला होते. त्यांच्या पश्चात पत्नी, दोन मुले आई-वडील, भाऊ असा परिवार आहे. शवविच्छेदन करून मृतदेह नातेवाईकांच्या ताब्यात देण्यात आला. सिद्धराम रायाप्पा शेंडूरे यांच्या वर्दीवरून गडहिंग्लज पोलिसात नोंद झाली असून अधिक तपास हेडकॉन्स्टेबल गुरव करीत आहेत.

मोबाइल अॅप डाउनलोड करा आणि राहा अपडेट

खंडणी प्रकरणात तथ्य आढळल्यास राजीनामा

September 28, 2017, 3:30 pm

≫ Next: ​ सरपंचपदासाठी१५०४ अर्ज

≪ Previous: भडगावमध्ये विजेच्याधक्क्याने तरुणाचा मृत्यू

$

0

0

म. टा. प्रतिनिधी, कोल्हापूर

‘पोलिसांनी संदीप तोडकर याच्यावर दाखल केलेला गुन्हा राजकीय हेतूने प्रेरीत असून, जाणीवपूर्वक बदनामीसाठी आणि मंत्र‌िपद रोखण्यासाठी केलेले हे षङ्यंत्र आहे. खंडणी मागितल्याच्या गुन्ह्यात तत्थ्य आढळल्यास मी थेट राज्यपालांकडे आमदारकीचा राजीनामा देईन. खोटा गुन्हा दाखल करणारे डॉ. कौस्तुभ वाईकर यांच्याविरोधात मुख्यमंत्री, गृहराज्यमंत्री आणि आरोग्य मंत्र्यांकडे मेलद्वारे तक्रार केली आहे’, असा खुलासा आमदार राजेश क्षीरसागर यांनी पत्रकार परिषदेत केला. क्षीरसागर यांचे पीए तोडकर यांच्यावर पाच लाखांची खंडणी मागितल्याचा गुन्हा जुना राजवाडा पोलिस ठाण्यात दाखल आहे.

आमदार क्षीरसागर म्हणाले, ‘वर्षापुर्वीच्या तक्रारीनंतर पोलिसांनी माझ्या पीएवर खंडणी मागितल्याचा गुन्हा दाखल केला आहे. राजकीय विरोधकांनी माझी कोंडी करण्यासाठी जाणीवपूर्वक हा गुन्हा दाखल करण्यास पोलिसांना भाग पाडले आहे. यात काही पोलिस अधिकाऱ्यांचाही समावेश आहे. हेल्मेट सक्ती, गणेशोत्सवातील साऊंड सिस्टिमसाठी नागरिकांची बाजू घेतल्याने संतापलेल्या यंत्रणांनी माझ्या बदनामीचा प्रयत्न केला आहे. कोणतेही पुरावे नसताना गुन्हा दाखल केला असल्याने मी मुख्यमंत्री देवेंद्र फडणवीस, शिवसेनाप्रमुख उद्धव ठाकरे, गृहराज्यमंत्री दीपक केसरकर यांच्याकडे मेलद्वारे तक्रार पाठवली आहे. खोट्या गुन्ह्याबद्दल डॉ. वाईकर यांच्यावर पाच कोटी रुपयांचा अब्रूनुकसानीचा दावा दाखल करणार आहे,’ अशी माहिती आमदार क्षीरसागर यांनी दिली.

आमदार क्षीरसागर यांनी डॉ. वाईकर यांच्या वैद्यकीय पदवीवरही आक्षेप घेतला आहे. पत्रकार परिषदेला उपस्थित राहिलेले आमदार प्रकाश आबिटकर यांनीही डॉ. वाईकर यांच्याविरोधातील तक्रारींचा पाढा वाचला. वाईकर यांच्या विरोधात केलेल्या तक्रारीमुळे प्राईम हॉस्पिटलमधील मुख्यमंत्री सहायता निधी योजना बंद झाल्याचे आमदार आबिटकर यांनी सांगितले. याशिवाय महापालिकेतील तत्कालीन आरोग्याधिकाऱ्यांनी खोटा अहवाल देऊन डॉ. वाईकर यांना क्लनिचिट दिल्याचाही आरोप आमदार आबिटकर यांनी केला.

मोबाइल अॅप डाउनलोड करा आणि राहा अपडेट

---

​ सरपंचपदासाठी१५०४ अर्ज

September 29, 2017, 9:49 am

≫ Next: पावसाची संततधार कायम

≪ Previous: खंडणी प्रकरणात तथ्य आढळल्यास राजीनामा

$

0

0

सांगली
सांगली जिल्ह्यात एकूण ४५३ गावांत ग्रामपंचायतीच्या निवडणुका होत असून, उमेदवारी अर्ज भरण्याच्या शुक्रवारच्या अखेरच्या दिवशी सायंकाळी साडेसहा वाजेपर्यंत मुदत देण्यात आली होती. पहिल्यांदाच होत असलेल्या थेट सरपंच निवडीसाठी गुरुवार अखेर ४५३ गावांतून १५०४ उमेदवार रिंगणात उतरले आहेत. सदस्यांच्या ३९८५ जागांसाठी ८७४३ उमेदवारी अर्ज दाखल झाले असल्याचे समोर आले आहे.
दरम्यान, निवडणुका कोणत्याही गोंधळाविना पार पडाव्यात. निकालाच्या दुसऱ्याच दिवशी दिवाळी असल्याने निकाल लवकर लागावेत याची दक्षता घेतली जाणार आहे. जिल्हाधिकारी विजयकुमार काळम यांनी निवडणूक कामात टाळाटाळ केल्याप्रकरणी विटा प्रांताधिकारी व तहसीलदारांना नोटीस बजावल्याचे शुक्रवारी पत्रकारांशी बोलताना स्पष्ट केले.
अर्जांची छाननी मंगळवार तीन आक्टोंबर रोजी सकाळी आकरा वाजल्यापासून सुरू होणार आहे. पाच आक्टोंबर दुपारी तीनपर्यंत माघार आणि १६ आक्टोंबरला मतदान होणार आहे. १७ आक्टोंबरला मतमोजणी होणार आहे. मतमोजणीच्या दुसऱ्याच दिवशी दिवाळी आहे. त्यामुळे उमेदवार, जनता व कर्मचारीही दिवाळीच्या पहिल्या पहाटेपर्यंत निकालात अडकू नयेत याची खबरदारी घेतली जाणार आहे. प्रशिक्षण देऊन लवकर निकाल कसा लागेल याचे नियोजन केले जाणार आहे. २६ आक्टोंबरला सर्व निकाल गॅझेटला प्रसिद्ध केला जाणार आहे. या निवडणुकीसाठी १९२१ मतदार केंद्रांची सोय करण्यात येणार आहे. त्या ठिकाणी २८५८ कंट्रोल युनिट, ४२९९ बॅलेंट युनिट व २८५८ मेमरी चिपची व्यवस्था करण्यात येणार आहे. सर्व साहित्य सातारा तसेच मुंबई महापालिकेकडून येणार आहे

मोबाइल अॅप डाउनलोड करा आणि राहा अपडेट

पावसाची संततधार कायम

September 29, 2017, 9:51 am

≫ Next: स्केटिंग प्रशिक्षकावरगुंडांचा हल्ला

≪ Previous: ​ सरपंचपदासाठी१५०४ अर्ज

$

0

0

म. टा. वृत्तसेवा, सांगली
दोन दिवसांच्या कडकडीत विश्रांतीनंतर गुरुवारी दुपारपासून सांगली जिल्ह्यात काही तालुक्यात हजेरी लावलेल्या पावसाने शुक्रवारी पहाटेपर्यंत चांगलाच सूर धरला होता. चोवीस तासांत सर्वाधिक पाऊस पलूस तालुक्यात ४२ मिलीमीटर इतका नोंदला गेला आहे. सांगली मिरजेत ३९ तर कडेगाव तालुक्यात ३१.८ मिलीमीटर पाऊस झाला आहे. जिल्ह्यात सरासरी १९.७ मिलीमीटर पाऊस झाल्याचे पाटबंधारे विभागकडून सांगण्यात आले.
सांगली, मिरजेसह जिल्ह्यातील खानापूर, आटपाडी, वाळवा, तासगाव, शिराळा, जत, कवठेमहांकाळ या भागातही दखलपात्र पाऊस झाला आहे. परंतु, गुरुवारी दुपारीच सांगलीला पावसाने चांगलेच झोडपले होते. त्यानंतर सायंकाळी सुरू झालेला मुसळधार पाऊस शुक्रवारी पहाटेपर्यंत सुरू होता. शहर पातळीवर विस्तारीत आणि गुंठेवारी भागात राहणाऱ्या नागरिकांची पावसाने चांगलीच कोंडी केली असून, अनेक ठिकाणी झोपड्यांमध्ये पाणी घुसले होते. काही रस्त्यावरचे पाणी दुसऱ्या दिवशीही हटले नसल्याने खोक्यांच्या माध्यमातून व्यवसाय करणारांची पूर्णतः नाकेबंदी झालेली दिसत होती. रस्त्यावरील खड्यांची समस्या कायम आहे. पावसामुळे खड्यांमध्ये आणखी भरच पडत आहे. शुक्रवारी दिवसभर मात्र पावसाने विश्रांती घेतली होती.
मिरजेत मुसळधार पाऊस
गुरुवारी दिवसभराच्या विश्रांतीनंतर सायंकाळी सहानंतर मिरजेला पावसाने तासभर झोडपले. विजाच्या कडकडाटासह जोरदार पाऊस पडला. संध्याकाळी दुर्गा मातेच्या दर्शनासाठी बाहेर पडलेल्या महिला भाविकांची खूपच धावपळ झाली. नोकरदारांनाही पावसात भिजतच घर गाठावे लागले. दिवसभर हवेत उकाडा होता. मात्र, संध्याकाळी सातच्या सुमारास पावसाने झोडपले. शहरासह उपनगरातील नागरिकांचीही एकच धावपळ उडाली. लक्ष्मी मार्केट, दिंडी वेस, एसटी स्टॅन्ड, इसापूरे गल्ली, उदगाव वेस, मिशन हॉस्पिटल, गांधी चौक, पंढरपूर रोड, मिरज गेस्ट हाउस, सावळी रस्ता, बोलवाड रस्ता आदी परिसरात रस्त्यावरुन पाणी वाहत होते. मिरजेसह पूर्व भागातील मालगाव, भोसे, सिद्धेवाडी, कळंबी, सोनी, भोसे, आरग, बेडग, सलगरे आदी परिसरातही चांगला पाऊस पडला.
पावसामुळे शिराळ्याचे नुकसान
शिराळा तालुक्यातील मांगले, सागाव परिसरात शुक्रवारी दुपारी पडलेल्या अवकाळी पावसामुळे मोठ्या प्रमाणात शेतीचे नुकसान झाले. दुपारी तीनच्या सुमारास सुरू झालेला पाऊस सलगपणे पाचपर्यंत सुरू होता. गेले चार दिवस सलग या परिसरात पाऊस पडत असल्यामुळे शेतकऱ्यांमध्ये चिंतेचे वातावरण आहे. गुरुवारी रात्रीही रात्रभर मुसळधार पाऊस पडला आहे. शेतात पाणी साचून असल्यामुळे भुईमुग, सोयाबीन पिकांना कोंब येऊ लागले आहेत. शेतकऱ्यांनी शेतात त्यातूनही काढणी सुरू ठेवली आहे. भुईमुग, सोयाबीन काढणी करून उन्हात घालण्यासाठी धांदल करीत आहेत. मात्र, त्यालाही पावसाचा फटका बसला आहे. दुपारचा अवकाळी पाऊस मांगले, सागाव परिसरात वादळी वाऱ्यासह पडल्यामुळे झाडे उमळून पडली आहेत.

मोबाइल अॅप डाउनलोड करा आणि राहा अपडेट

स्केटिंग प्रशिक्षकावरगुंडांचा हल्ला

September 29, 2017, 9:55 am

≫ Next: व्याघ्र प्रकल्पाच्या व्यवस्थापनात तिचा ठसा

≪ Previous: पावसाची संततधार कायम

$

0

0

सांगली :
स्केटिंग प्रशिक्षक सुरज शिंदे यांच्यावर नऊ ते दहा हल्लेखोरांनी शुक्रवारी सायंकाळी छत्रपती शिवाजी स्टेडियमवर हल्ला केला. हल्लेखोरांनी शिंदे यांच्या हल्ला करताना हैदोस घालून स्केटिंगचा सराव करणाऱ्या लहान मुलांनाही लक्ष केल्याने लहान मुलांचा आक्रोश हृदय पिळवटून टाकणारा होता. हल्लेखोरांनी महिला प्रशिक्षकांनाही धक्काबुक्की करून तेथून पलायन केले. हा हल्ला एका नामचिन गुंडाची हस्तक असलेल्या महिलेने घडवून आणल्याची चर्चा आहे. जखमी शिंदे यांना जखमी अवस्थेत सरकारी रुग्णालयात दाखल करण्यात आले आहे.
शहरातील छत्रपती शिवाजी स्टेडियमवर गुंडांनी हैदोस घालत स्केटिंग प्रशिक्षक शिंदे आणि खेळाडूंवर हल्ला चढविल्याचे समजताच शहर पोलिसांनी त्या ठिकाणी धाव घेतली. जखमी शिंदे यांना सरकारी रुग्णालयात दाखल केले. रात्री उशिरापर्यंत या बाबत शहर पोलिस ठाण्यात गुन्हा दाखल करण्याचे काम सुरू होते. सुरज शिंदे राष्ट्रीय स्केटिंग प्रशिक्षक असून, ते मुलांना स्केटिंगचे धडे देत असतात. शुक्रवारी सायंकाळी सव्वासहा वाजण्याच्या सुमारास नेहमीप्रमाणे ते स्केटिंगच्या विद्यार्थ्यांच्या सराव घेत होते. त्यावेळी नऊ ते दहा हल्लेखोरानी स्केटिंग पीचवर प्रवेश केला. काही समजण्यापूर्वीच त्या गुंडांनी शिंदे यांच्यावर हल्ला करायला सुरुवात केली. धारदार शस्त्रे उगारत काठी व दगडांनी त्यांनी हल्ला केला. अचानक झालेल्या या हल्ल्याने स्केटिंगचे खेळाडू भेदरून गेले. शिंदे यांनी प्रतिकार करण्याचा प्रयत्न केला परंतु, हल्लेखोरांची संख्या जास्त होती. हल्लेखोरांनी खेळाडू, महिला प्रशिक्षक यांनाही मारहाण करुन जखमी केले. स्केटिंग मैदानावरील गोंधळ आणि लहानग्यांचा आक्रोश ऐकून स्टेडियमवरच्या अन्य खेळाडूनी त्या ठिकाणी धाव घेतली. खेळांडूचा जमाव आपल्या दिशेने येत असल्याचे दिसताच हल्लेखोरांनी पळ काढला. या घटनेची माहिती मिळताच शहर पोलिस ठाण्याकडील पोलिस उपनिरीक्षक रोहित चौधरी हे पथकाने घटनास्थळी धावले. खेळाडूंचे पालकही धावत आले. हल्लेखोरांवर कडक कायदेशीर कारवाई करावी, अशी त्यांनी मागणी केली. दिवसाढवळ्या झालेल्या या मारहाणीत लहान मुलांना मुलांनाही जबर मारहाण करण्यात आली आहे.

मोबाइल अॅप डाउनलोड करा आणि राहा अपडेट

व्याघ्र प्रकल्पाच्या व्यवस्थापनात तिचा ठसा

September 29, 2017, 2:30 pm

≫ Next: शहरात वाहन खरेदीची धूम

≪ Previous: स्केटिंग प्रशिक्षकावरगुंडांचा हल्ला

$

0

0

राम जगताप, कराड

आधुनिक माहिती - तंत्रज्ञानाच्या काळाच्या महिला आपल्या कर्तृत्वाचा झेंडा फडकवित विविध क्षेत्रात आपला ठसा उमटवित आहेत. सह्याद्री व्याघ्र राखीव प्रकल्पाच्या उपसंचालक, डॉ. विनिता व्यास यांनीही दुर्गम व डोंगरी विभागात कोयना, चांदोली व्याघ्र प्रकल्प व अभयारण्य क्षेत्राच्या व्यवस्थापनात आपली मुद्रा उमटविली आहे.

डॉ. विनीता व्यास या भारतीय वनसेवेच्या २०१३ च्या बॅचच्या अधिकारी. सह्याद्री व्याघ्र राखीव प्रकल्पाच्या कराड येथील कार्यालयाच्या उपसंचालक म्हणून त्या कार्यरत आहेत. डॉ. व्यास या मूळच्या राजस्थानमधील कोटा येथील आहेत. त्यांनी राजस्थान येथून पशूवैद्यकीय शाखेची पदवी मिळवली आहे. तेथील विद्यापीठात त्यांनी सुवर्णपदकही मिळवले. त्यानंतर त्यांनी अॅडव्हान्स पोस्ट ग्रॅज्युएट डिप्लोमा इन वाइल्ड लाइफ मॅनेजमेंट ही पदवी डेहराडून येथील भारतीय वन्यजीव संस्थानमधून प्राप्त केली. त्यानंतर २०१३ च्या भारतीय वन सेवेच्या त्या अधिकारी बनल्या.

वन अधिकारी म्हणून डॉ. व्यास यांनी गोंदिया येथील नवेगाव नागझिरा व्याघ्र प्रकल्पात आपले क्षेत्रिय प्रशिक्षण पूर्ण केले. या प्रशिक्षणानंतर त्यांची कोल्हापूरस्थित सह्याद्री व्याघ्र राखीव प्रकल्पाच्या कराड येथील कार्यालयातील नियुक्ती झाली. डॉ. व्यास यांची येथील कार्यालयात नियुक्ती झाल्यानंतर त्यांनी पहिल्यांदा या प्रकल्पात सुरू असलेल्या डॉ. शामाप्रसाद मुखर्जी जनवन विकास योजनेची प्रभाविपणे अंमलबजावणी करण्याकडे लक्ष दिले. या वनविकास योजनेमागचा मुख्य हेतू म्हणजे लोकांचे, वनावरील अवलंबित्व कमी करून त्यांच्या उपजिवेकेच्या विकासासाठी प्रयत्न करणे आणि मानव-वन्यजीव संघर्ष कमी करणे. जन - जल - जंगल - जमीन या संसाधनाचा शाश्वत विकास साधून उत्पादकता वाढविणे. वनावरील अवलंबित्व कमी करण्यासह शेतीला पूरक जोडधंदे निर्मिती, जंगलावर अवलंबित्व असलेल्या लोकांना पर्यायी रोजगार उपलब्ध करुन देणे ही या योजनेची मुख्य उद्दीष्टे आहेत.

सह्याद्री राखीव व्याघ्र प्रकल्पामध्ये जन वन विकास योजनेंतर्गत सन २०१५-१६ मध्ये २० गावे तसेच २०१६-१७ मध्ये १० गावे अशा एकूण ३० गावांमध्ये योजना सुरू करण्यात आली. डॉ. व्यास यांनी प्रत्येक गावात स्वतंत्र ग्रामपरिस्थितीकीय विकास समिती स्थापन केली. त्या अंतर्गत उपलब्ध अनुदानातून विविध विकासकामे केली जातात. गॅस, सोलर उपकरणे दिली जातात. त्यांच्या उपजिविकेसाठी कुक्कुटपालन प्रशिक्षण, गांडूळखत प्रशिक्षण दिले जाते. स्थानिकांना रोजरागासाठी डॉ. व्यास यांनी परिश्रम घेतले ाहेत. योजना तळागाळापर्यंत पोहचविण्यात मोलाचा वाटा उचलला आहे. या प्रमुख उपक्रमांसह डॉ. व्यास यांनी क्षेत्रीय कर्मचाऱ्यांसाठी प्रशिक्षण आयोजित करणे, निसर्ग संवर्धन शैक्षणिक कार्यक्रम विविध उपक्रम राबवले आहेत. विविध शाळा, कॉलेज व इतर स्वयंसेवी संस्था व क्षेत्रातील तरुणांना सहभागी करुन चित्रकला, रांगोळी स्पर्धा, व्याख्यानमाला, प्रश्नमंजूषा इत्यादी स्पर्धांच्या माध्यमातून वने व वन्यप्राण्यांचे संवर्धन व शाश्वत विकास करण्याबाबतची जनजागृती केली जाते.

सह्याद्री व्याघ्र राखीव प्रकल्पामध्ये निसर्ग संवर्धनासाठी विविध शैक्षणिक कार्यक्रम आयोजित करण्यात येत असून स्थानिक शाळा व महाविद्यालयांचा यामध्ये सक्रीय सहभाग वाढविण्यातही डॉ. व्यास यांचे योगदान आहे. डॉ. व्यास यांचे क्रीडा क्षेत्रातील योगदानही वाखाणण्यासारखे आहे. वनसेवेत असतानाच त्यांनी लॉन टेनिसमध्ये राष्ट्रीय वनक्रीडा स्पर्धेत सुवर्णपदक पटकावले. त्यांना ट्रेकिंगचीही आवड आहे. त्यांचे पती डॉ. भारत सिंह हाडा हेही भारतीय वनसेवेच्या सन २०१३ च्या बॅचचे अधिकारी आहेत. ते सध्या सांगली (प्रादेशिक) वनविभागाचे उपवनसंरक्षक या पदावर कार्यरत आहेत.


बजावले कर्तव्य

डॉ. व्यास यांनी आपल्या कामात तत्परता, कार्यकठोरता नियमित ठेवली आहे. नुकताच दरोडेखोर शोधण्याच्या निमित्ताने पोलिसांची जंगल सफर उधळून लावण्याचे काम त्यांनी केले. चांदोली अभयारण्यात दरोडेखोर असल्याचे पत्र देऊन पोलिस अधिकाऱ्यांनी वन आणि वन्यजीव विभागाकडे जंगलात जाण्याची परवानगी मागितली होती. मात्र, वनखात्याच्या चौकशीत पोलिसांची ही सर्च मोहीम म्हणजे निव्वळ बनवाबनवी असल्याचे समोर आले. त्यानंतर डॉ. व्यास यांनी कोणत्याही दबावाला न जुमानता परवानगी नाकारली. वन्यजीवांची हत्या करणारे संशयित चांदोली अभयारण्यात लपून बसले असण्याची शक्यता असल्याचे पत्रात नमूद केले होते. अभयारण्याच्या काही भागांत पोलिस अधीक्षकांच्या आदेशान्वये अधिकारी व कर्मचारी शोधमोहिम राबविणार असल्याची मागणी पत्रातून केली होती. डॉ. व्यास यांनी चौकशी करून पोलिसांच्या मागणीत तथ्य न आढळल्याने पोलिसांना अभयारण्यात प्रवेश नाकारला.

मोबाइल अॅप डाउनलोड करा आणि राहा अपडेट

शहरात वाहन खरेदीची धूम

September 29, 2017, 2:30 pm

≫ Next: कोल्हापुरात आणखी १०० सीसीटीव्ही

≪ Previous: व्याघ्र प्रकल्पाच्या व्यवस्थापनात तिचा ठसा

$

0

0

म. टा. प्रतिनिधी, कोल्हापूर

दसऱ्यानिमित्त नवीन वाहनांच्या खरेदीसाठी ग्राहकांची गर्दी झाली. दसऱ्यादिवशी वाहन खरेदीचा कल पाहून आरटीओ कार्यालय नोंदणीसाठी दुपारपर्यंत सुरू राहणार आहे. नवीन दुचाकी, तीनचाकी आणि चारचाकी वाहने दसऱ्याच्या शुभमुहुर्तावर अनेकांनी नोंद केली आहेत. या वाहनांची विधिवत पूजेची तयारी सुरु झाली आहे. साडेतीन मुहूर्तापैकी एक मानला जाणाऱ्या या सणादिवशी वाहनांची नोंदणी केली जाणार आहे. दुचाकी वाहनांच्या डिलर्सकडे ७ हजार आणि चार चाकी सुमारे ३ हजार वाहनांची नोंद झाली आहे.

दुचाकी आणि चारचाकी वाहन खरेदीची धूम दसऱ्यादिवशी आहे. यादिवशी वाहनांची नोंदणी केली जाणार आहे. त्यासाठी आरटीओचे कार्यालय सकाळपासून नोंदणीसाठी खुले राहणार आहे. दुपारी तीन वाजेपर्यंत वाहन नोंदणी विभागाचे काम सुरु राहील. ग्राहकांच्या हाती चावी देण्यासाठी दुचाकी आणि चारचाकी वाहनांच्या शोरुममध्ये जय्यत तयारी सुरु झाली आहे. ग्राहकांचा सत्कार केल्याचे नियोजन केले आहे. दसऱ्या निमित्त डिलर्सचे शोरुमही आकर्षक फुलांच्या माळा आणि विद्युत रोषणाईने सजले आहे. डिलर्सतर्फे ग्राहकांना याच दिवशी विशेष भेटीही दिली जाणार आहे. दसऱ्यानिमित्त वाहन उत्पादक कंपन्यांनी देऊ केलेल्या खास सवलती, कमीत कमी डाऊन पेमेंट, नोंदणी आणि विम्यातील सवलत यामुळे ग्राहकांचा कल यावर्षी वाहन खरेदीमध्ये मोठ्या प्रमाणावर वाढण्याची शक्यता आहे. यामध्ये प्रामुख्याने दुचाकी आणि चारचाकी वाहनांच्या खरेदीला ग्राहकांनी पसंती देणार आहे. गेल्यावर्षी दसऱ्या दिवशी ११ हजार वाहनांची खरेदीची नोंद झाल्याचे आरटीओ कार्यालयाकडून सांगण्यात आले.

मोबाइल अॅप डाउनलोड करा आणि राहा अपडेट

कोल्हापुरात आणखी १०० सीसीटीव्ही

September 29, 2017, 2:30 pm

≫ Next: अंबाबाईचे भवानी रूप

≪ Previous: शहरात वाहन खरेदीची धूम

$

0

0

म. टा. प्रतिनिधी, कोल्हापूर

महानगरपालिकेने सेफ सिटी योजनेचा पहिला टप्पा राबवल्यानंतर आता दुसरा टप्प्यात शहराच्या विविध भागात शंभर ​सीसीटीव्ही कॅमेरे बसवण्याची तयारी सुरू केली आहे. त्याबाबतचा प्रस्ताव सरकारकडे पाठवण्यात आला असून त्यासाठी नेमण्यात आलेल्या समितीची लवकरच बैठक होणार आहे. तसेच शहर एकात्मिक रस्ते विकास प्रकल्पांतर्गत आयआरबीने केलेल्या रस्त्यावर १२०० पथदिव्यांच्या ठिकाणी एलईडी दिवे बसवून त्यांची देखभाल खासगीकरणातून केली जाणार आहे. त्यावेळी आयुक्त डॉ. अभिजित चौधरी यांनी माहिती दिली.

शुक्रवारी स्थायी सभापती डॉ. संदीप नेजदार यांनी शहरातील विविध प्रलंबित कामांचा आढावा घेण्यासाठी महापौर हसीना फरास यांच्या अध्यक्षतेखाली छत्रपती ताराराणी सभागृहात बैठक आयोजित केली होती. आयुक्तांच्या उपस्थितीतील या बैठकीत शहरात पावसामुळे ठिकठिकाणी साठणारे पाणी, नाल्यांचे घरांमध्ये घुसणारे पाणी, अनेक रस्त्यांवरील बंद पथदिव्यांमुळे वाढलेले अपघात या साऱ्यांबाबत महापालिकेच्या पदाधिकारी व नगरसेवकांनी प्रशासनाला जाब विचारला. नागरिकांची गैरसोय होत असल्याने प्रशासनाने त्याबाबत कोणती उपाययोजना केली आहे, याबाबतही विचारणा केली.

आयुक्त डॉ. चौधरी यांनी महापालिकेच्या प्रयत्नांची माहिती दिली. आयुक्त म्हणाले, ‘सेफ सिटी योजनेंतर्गत दुसऱ्या टप्यात १०० सीसीटीव्ही कॅमेरे लावण्याचे नियोजन आहे. त्याबाबतचा प्रस्ताव सरकारला सादर केला असून त्यासाठी सरकारने समितीही नेमली आहे. या समितीची बैठक घेण्याची सूचना ​जिल्हा पोलिस अधिक्षकांना केली आहे. त्यानुसार आढावा घेऊन सरकारकडे पाठपुरावा करण्यात येणार आहे. तसेच रस्ते विकास प्रकल्पातील अनेक रस्त्यांवरील दिव्यांच्या देखभालीसाठी खासगीकरणाचा विचार सुरू आहे. त्याआधी १२०० खांबांवर एलईडी दिवे बसविण्यात येतील. त्यातून वीज बिलात जी बचत होईल, त्यातून देखभालीचा खर्च संबंधित ठेकेदाराने भागवावा असे नियोजन करण्यात आले आहे.’

पुन्हा नाले सफाई

दोन आठवड्यांपासून शहरात होणाऱ्या जोरदार पावसामुळे नाले सफाई झालेली नसल्याचे समोर आले आहे. त्यामुळे नाल्यांशेजारील अनेक घरांमध्ये पाणी शिरल्याचे पदाधिकाऱ्यांनी व नगरसेवकांनी बैठकीत प्रशासनाच्या निदर्शनास आणून दिले. त्याबाबत आयुक्त डॉ. चौधरी म्हणाले, ‘नाले सफाई पुन्हा केली जाईल. यासाठी आवश्यक पोकलँडची किंमत ६७ लाख रुपये आहे. शिवाय देखभाल, डिझेल खर्च, कर्मचारी पगार व इतर खर्च पाहता त्याचा तासाला १३५० रुपयांचा खर्च येणार आहे. त्यामुळे पोकलँड खरेदी करावा की भाडेतत्वावर घ्यावा याबाबत विचार सुरू आहे.’

६५ ठिकाणी १६५ कॅमेरे

सेफ सिटीअंतर्गत शहरात सध्या ६५ महत्त्वाच्या ठिकाणी १६५ सीसीटीव्ही कॅमेरे लावले आहेत. यातील ११६ कॅमेरे स्थिर आहेत. ३२ कॅमेरे १८० अंशात फिरणारे, तर १७ कॅमेरे ३६० अंशात फिरणारे आहेत. या कॅमेऱ्यांमुळे बिंदू चौक, भवानी मंडप, महाद्वार रोड, कावळा नाका, राजारामपुरी, दाभोळकर कॉर्नर, व्हिनस कॉर्नर, उमा टॉकीज चौक, मिरजकर तिकटी, रंकाळा आदी महत्त्वाच्या परिसरावर २४ तास नजर आहे. सीसीटीव्ही कॅमेऱ्यांमुळे ८० गुन्हे उघडकीस आणण्यास पोलिसांना मदत झाली आहे.

मोबाइल अॅप डाउनलोड करा आणि राहा अपडेट

अंबाबाईचे भवानी रूप

September 29, 2017, 2:30 pm

≫ Next: पावसाने उडवली दाणादाण

≪ Previous: कोल्हापुरात आणखी १०० सीसीटीव्ही

$

0

0

म. टा. प्रतिनिधी, कोल्हापूर

शारदीय नवरात्रोत्सवाच्या नवव्या दिवशी, शुक्रवारी करवीरनिवासिनी श्री अंबाबाईची भवानी माता रुपात सालंकृत पूजा बांधण्यात आली. रामप्रसाद ठाणेकर, पराग ठाणेकर आणि उमेश उदगावकर यांनी पूजा बांधली. छत्रपती शिवाजी महाराजांना तलवार देताना भवानी असे रुप पूजेतून साकारण्यात आले. दरम्यान खंडेनवमीनि​मित्त देवीच्या खजिन्यातील पारंपरिक शस्त्रांचे पूजन करण्यात आले. देवीचा घटही पारंपरिक पद्धतीने वि​धीवत पूजा करून हलवण्यात आला. दरम्यान गेल्या नऊ दिवसात सोळा लाख भाविकांनी अंबाबाई मंदिरास भेट दिली.

विजयादशमीनिमित्त दरवर्षी तिरुपती बालाजी देवस्थानकडून येणारा शालू शुक्रवारी पश्चिम महाराष्ट्र देवस्थान समितीकडे देण्यात आला. मात्र, कोणताही डामडौल न करता साधेपणाने हा शालू देवस्थान समितीतर्फे स्वीकारण्यात आला. यावर्षी तिरूपती देवस्थाकडून आलेला शालू विजयादशमीदिवशी अंबाबाईला परिधान करण्यात येणार नसून देवस्थानतर्फे महावस्त्र नेसवण्यात येईल असे यावेळी देवस्थान समितीचे अध्यक्ष महेश जाधव यांनी सांगितले.

ठाणेकरांचे भाविकांनी पाणीवाटप

अंबाबाईला घागराचोली पोषाख नेसवल्याप्रकरणी वादग्रस्त ठरलेले आणि सध्या अंबाबाई मंदिरात प्रवेशबंदी असलेले पुजारी अजित ठाणेकर यांच्याकडे शुक्रवारपासून अंबाबाईच्या विधीवत पूजेचा वार सुरू झाला. त्यांच्या मंदिर प्रवेशावर आक्षेप असल्याने त्यांनी शुक्रवारी दर्शनरांगेतील भाविकांना पाणीवाटप केले. श्रीपूजक मंडळातर्फे भाविकांसाठी पाणी वाटप उपक्रमात अजित ठाणेकर यांनी सक्रिय सहभाग घेतला.

केएमटीच्या ​तिजोरीत लाखाची भर

नवरात्रकाळात भाविकांना नवदुर्गा दर्शनाची सोय व्हावी यासाठी महापालिकेतर्फे केएमटी बस व्यवस्था करण्यात आली होती. या बससेवेचा लाभ गेल्या नऊ दिवसात हजारो भाविकांनी घेतला. दुर्गादर्शनसाठी खास धावणाऱ्या बसच्या फेऱ्यांनी केएमटीच्या तिजोरीत पावणेचार लाख रुपयांची भर केली. विशेष म्हणजे या बससेवेचा लाभ अनेक महिला आणि महिला बचत गट यांनी घेतला.

नवऊर्जा उत्सवाचा आज समारोप

गेल्या नऊ दिवसांपासून निर्माण चौक येथे सुरू असलेल्या नवऊर्जा उत्सवाचा शनिवारी समारोप होणार आहे. कै. भालचंद्र चिकोडे ग्रंथालयाच्यावतीने या उत्सवाचे आयोजन केले आहे. यामध्ये एकाच मंडपात नवदुर्गांचे दर्शन, आदिशक्ती अंबाबाईचा महिमा सांगणारे बॅले नृत्य, आकर्षक सजावट यामुळे उत्सवाला प्रतिसाद मिळाला.

अन्नछत्राचा लाभ

परगावाहून येणाऱ्या भाविकांना अंबाबाई दर्शनानंतर मोफत भोजन मिळावे यासाठी श्री महालक्ष्मी अन्नछत्र सेवाट्रस्टतर्फे अन्नछत्र सुरू आहे. दररोज दहा हजार भाविकांच्या भोजनाची व्यवस्था ट्रस्टतर्फे करण्यात आली होती. कपिलतीर्थ मार्केट येथील अन्नछत्रामध्ये गेल्या नऊ दिवसात ७५ हजार भाविकांनी अन्नछत्राचा लाभ घेतला.

मोबाइल अॅप डाउनलोड करा आणि राहा अपडेट

---

पावसाने उडवली दाणादाण

September 29, 2017, 2:30 pm

≫ Next: उसाला ३,४००रु.चा हप्ता

≪ Previous: अंबाबाईचे भवानी रूप

$

0

0

म. टा. प्रतिनिधी, कोल्हापूर

गेले चार दिवस सुरू असलेल्या पावसाने शुक्रवारीही जोरदार हजेरी लावल्याने दाणादाण उडाली. पंचगंगा नदीची पाणीपातळी १६ फूटांवर पोहोचली आहे. विजांच्या कडकडाटासह दुपारनंतर सुरू राहिल्याने नागरिकांत भीतीचे वातावरण होते. अनेक ठिकाणी शहराच्या सखल भागात पाणी साचले.

दरम्यान, पाणलोट क्षेत्रातील संततधार पावसाने धरणेही ओव्हरफ्लो होऊ लागली आहेत. सायंकाळी पन्हाळा तालुक्यातील आवळी येथे वीज पडून दोन म्हैशी ठार झाल्या. वैभववाडी तालुक्यातील भुईबावडा घाटात सायंकाळी साडेसहा वाजता दरड कोसळली. त्यामुळे कोल्हापूर-वैभववाडी मार्ग वाहतुकीसाठी बंद करण्यात आला आहे. दरड काढण्यासाठी सार्वजनिक बांधकाम खात्याचे पथक कार्यरत आहे.

दरम्यान, गुरुवारी रात्रीही पावसाने शहराला झोडपून काढले. गेले चार दिवस परतीच्या पावसाचे थैमान शहर - जिल्ह्यात सुरू आहे. सकाळी काहीवेळ कडकडीत ऊन आणि दुपारी बारानंतर हवेत गारवा निर्माण झाला. दीड वाजण्याच्या सुमारात पावसाला सुरुवात झाली. पाठोपाठ वीजांचा कडकडाट सुरू झाला. त्यामुळे नागरिकांत भीतीचे वातावरण निर्माण झाले. दुपारी तीन वाजल्यानंतर पावसाने कळंबा, रंकाळा, शाहुपूरी, लक्ष्मीपुरी परिसराला झोडपले. त्यानंतर व्हिनस कॉर्नर, बाबूभाई परिख पूल, शाहुपूरीतील गाडीअड्डा, लक्ष्मीपुरी मार्केट, कपिलतीर्थ मार्केटमध्ये पाणी साचले. त्यामुळे व्यापारी, फेरीवाले आणि व्रिकेत्यांची तारांबळ उडाली. फोर्ड कॉर्नर, पाटील वाडा परिसरात तीन फूट पाणी साचले. रामानंदनगर परिसरातील खंडोबा देवालयाजवळील ओढ्याच्या काठावरील घरांत पाणी शिरू नये, यासाठी महापालिकेने जेसीबीने कचरा आणि खरमाती काढली. जिल्हाधिकारी कार्यालय, महाद्वार रोडवरही काही दुकानांसमोर पाणी साचले.

दमदार पावसाने श्री अंबाबाई मंदिराच्या आवारातही पाणी साचले. देवीच्या दर्शनासाठी भाविकांची गर्दी झाली. काहींनी पाण्यातून वाट काढत मुखदर्शन घेण्यास पसंती दिली. गेल्या चार दिवसांत पावसाने पंचगंगा नदीच्या पाणीपातळीत वाढ झाली आहे. शुक्रवारी रात्री आठवाजेपर्यंत पंचगंगेची पाणी पातळी १६ फूट झाली. नदीवरील ७ बंधारे पाण्याखाली गेले आहेत. राधानगरी धरणाच्या वीजगृहातून ४०० क्युसेक विसर्ग सुरू झाला आहे. जिल्ह्यात पावसाने चिकोत्रा ४५ आणि दूधगंगा खोऱ्यात २२ मिलीमीटर पावसाची नोंद झाली. शिरोळ तालुक्यात ४०, कागलमध्ये ४७ आणि आजरा तालुक्यात ३४ मिलिमीटर पावसाची नोंद झाली. या पावसाने सोयाबीन, भुईमग, भात पिकाचे मोठे नुकसान झाले. ऊस लावणीचा हंगाम लांबणीवर पडला असून भाजीपाल्याचे मोठे नुकसान झाले.

मोबाइल अॅप डाउनलोड करा आणि राहा अपडेट

उसाला ३,४००रु.चा हप्ता

September 30, 2017, 4:52 pm

≫ Next: कोल्हापूर: ताबूत विसर्जन मिरवणुकीत केएमटी बस घुसली; २ ठार १ जखमी

≪ Previous: पावसाने उडवली दाणादाण

$

0

0

म. टा. वृत्तसेवा, इचलकरंजी

चालू वर्षी साखरेचे उत्पादन गरजेपेक्षा कमी होणार असल्याने साखरेचे दर वाढणार आहेत. साखरेचा सरासरी उतारा पाहता यंदा ३,४०० रुपयांचा पहिला हप्ता निश्चितपणे शेतकऱ्याला मिळणार आहे. त्यामुळे ऊस दरासाठी आंदोलन करण्याची गरजच उरलेली नाही, असे प्रतिपादन राज्याचे कृषी व पणन राज्यमंत्री सदाभाऊ खोत यांनी केले.
राजू शेट्टी यांच्यापासून वेगळे होऊन खोत यांनी स्थापन केलेल्या रयत क्रांती संघटनेचा पहिला शेतकरी मेळावा येथे झाला. अभिनेता राहुल सोलापूरकर यांची उपस्थिती असलेल्या या मेळाव्यात विविध बारा ठराव मांडण्यात आले. कोणाची संघटना मोडण्यासाठी रयत क्रांती संघटना स्थापन केलेली नसून ती शेतकऱ्यांचा संसार उभारण्यासाठी आहे, माझ्या जाण्याने स्वाभिमानीचा टवकाही उडला नाही म्हणाणाऱ्यांना खिंडार पडले आहे, असा टोला खोत यांनी लगावला.

कर्जमाफीचा लाभ ५० लाख शेतकऱ्यांना मिळणार आहे. मी सत्तेत असलो तरी शेतकऱ्यांचे प्रश्न सरकार सोडवणार नसेल, तर आंदोलनासाठी बलिदानाची तयारी ठेवा, असे आवाहनही खोत यांनी केले. शेट्टी यांच्यावर टीका करताना खोत म्हणाले, माजी कृषीमंत्री शरद पवार आणि खासदार राजू शेट्टी एकमेकांना पाण्यात पाहत होते. पण आता हे दोघे एकमेकांचे गुणगान गात गळ्यात गळा घालत आहेत.

मोबाइल अॅप डाउनलोड करा आणि राहा अपडेट

कोल्हापूर: ताबूत विसर्जन मिरवणुकीत केएमटी बस घुसली; २ ठार १ जखमी

October 1, 2017, 8:31 am

≫ Next: केएमटीने दोघांना चिरडले

≪ Previous: उसाला ३,४००रु.चा हप्ता

$

0

0

मटा ऑनलाइन वृत्त। कोल्हापूर

कोल्हापूर शहरात मोहर्रमनिमित्त निघालेल्या ताबूत विसर्जन मिरवणुकीत केएमटी बस घुसून झालेल्या भीषण अपघातात २ ठार तर १ जखमी झाल्याचे वृत्त आहे. कोल्हापूर शहरातील पापाची तिकटी येथे काही वेळापूर्वी ८ वाजण्याच्या सुमारास हा भीषण अपघात झाला. ब्रेक फेल झाल्याने हा अपघात झाल्याची प्राथमिक माहिती आहे. तानाजी साठे आणि सुजय अवघडे असे या अपघातात मृत्यू झालेल्यांची नावे आहेत.

या दुर्घटनेनंतर संतप्त जमावाने केएमटी बसवर हल्ला चढवला. या अपघातात भाविकांचा मृत्यू झाल्यामुळे परिसरातील वातावरण तणावपूर्ण बनले आहे.

आज कोल्हापूर शहरात ताबूत विसर्जनाची मिरवणूक निघाल्यानंतर मिरवणुकीत सहभागी झालेले काही पंजे वाद्यांच्या गजरात पंचगंगा नदीकडे निघाले होते. त्याचवेळी शिवाजी चौकाकडून गंगावेशकडे निघालेल्या केएमटी बसचा ब्रेक फेल झाला. ताबा सुटलेली ही बस मग अचानक बाजूने जात असलेल्या मिरवणुकीतच घूसली. यात बसखाली सापडून दोन व्यक्ती ठार झाल्या. त्यानंतर संतप्त जमावाने दगडफेक करत बस पेटवण्याचा प्रयत्न करण्यात आला.

या वेळी घटनास्थळी दाखल झालेल्या अग्निशमन दलाच्या गाडीची काच देखील या वेळी फोडण्यात आली. परिस्थिती तणावपूर्ण बनल्याने जलद कृती दलाच्या दोन तुकड्या घटनास्थळी तैनात करण्यात आल्या आहेत.

मोबाइल अॅप डाउनलोड करा आणि राहा अपडेट

केएमटीने दोघांना चिरडले

October 1, 2017, 2:30 pm

≫ Next: कृतिशील विचारांची जपणूक करा

≪ Previous: कोल्हापूर: ताबूत विसर्जन मिरवणुकीत केएमटी बस घुसली; २ ठार १ जखमी

$

0

0

म. टा. प्रतिनिधी, कोल्हापूर
शहरातील भरगर्दीच्या पापाची तिकटी ते गंगावेश या मार्गावर रविवारी रात्री ताबूत विसर्जन मिरवणुकीत चालकाचा ताबा सुटलेली केएमटी बस घुसल्याने झालेल्या भीषण अपघातात शाळकरी मुलासह दोघेजण चिरडून जागीच ठार झाले. या अपघातात १८ जण जखमी झाले. तानाजी भाऊसाहेब साठे (वय ५०) व सुजल भानुदास अवघडे (वय १५, दोघे रा. मातंग वसाहत, राजारामपुरी) अशी ठार झालेल्यांची नावे आहेत. सायंकाळी साडेसातच्या सुमारास घडलेल्या या घटनेनंतर संतप्त जमावाने केएमटीवर तुफान दगडफेक करुन बस पेटविण्याचा प्रयत्न केला.

ताबूत विसर्जन मिरवणुकीत केएमटी घुसून गंगावेशीत झालेल्या अपघातानंतर जमावाच्या संतापाचा उद्रेक झाला. घटनास्थळी आलेल्या अग्निशमन दलाच्या दोन बंबांनाही लक्ष्य करत दगडफेक केली. भरधाव वेगाने बस घुसून झालेल्या अपघातानंतर जखमींवर उपचारावेळी सीपीआर रुग्णालय परिसरात तणावाचे वातावरण होते. तेथेही जमावाने एक एसटी बस फोडली. दरम्यान, जुना राजवाडा पोलिसांनी केएमटी चालक रंगराव पांडुरंग पाटील (वय ४७) याला रात्री उश‌िरा ताब्यात घेतले.

रविवारी राजारामपुरी येथील तानाजी साठे यांच्या घरी प्रतिष्ठापना केलेल्या पंजाच्या विसर्जनाची मिरवणूक दुपारी चार वाजता सुरू झाली. शहरातील मुख्य रस्त्यावरून वाद्यांच्या गजरात मिरवणूक पंचगंगा नदीकडे निघाली होती. रात्री साडेसातच्या सुमारास मिरवणूक गंगावेशीत आली. यावेळी तेथे रविवार पेठेतील बाराईमाम तालमीची मिरवणूक होती. दोन्ही मिरवणुकांमुळे मोठी गर्दी होती. दरम्यान, दी अर्बन को ऑपरेटिव्ह बँकेजवळ भरधाव वेगाने आलेली केएमटी या मिरवणुकीत घुसली. चालक रंगराव पांडुरंग पाटील (वय ४७) यांचे बसवरील नियंत्रण सुटले.

बसची धडक इतकी जोरदार होती की तानाजी साठे आणि सुजल अवघडे हे दोघेही जाग्यावर ठार झाले. अपघातातील जखमींच्या किंकाळ्यांनी मिरवणूक मार्ग हादरला. बस गीता स्टुडिओपुढील एका शिलाईच्या दुकानासमोर जाऊन थांबली. यावेळी बसमधील प्रवासी उतरून पळून गेले. अपघातानंतर मिळेल त्या वाहनाने जखमींना नेण्यात आले. अपघातानंतर कार्यकर्त्यांनी बसवर दगडफेकीस सुरुवात केली. संतप्त कार्यकर्त्यांनी बसचालक रंगराव पाटील याला मारण्याचा प्रयत्न केला. मिरवणुकीतील सहभागी माजी नगरसेवक अादिल फरास यांनी जमावाला शांत करण्याचा प्रयत्न केला. जमावाने पाटीलला लेझीम, काचेच्या बाटल्या फेकून मारहाण केली. फरास यांनी त्याला सुरक्षितस्थळी हलविले. नंतर जमावाने केएमटीवर दगडफेकीनंतर पेट्रोल ओतून बस पेटवून दिली. दगडफेकीनंतर परिसरातील दुकाने पटापट बंद झाली. आगीची माहिती समजताच फुलेवाडी येथील अग्शिनमन दलाचा बंब घटनास्थळी आला. जमावाने त्याच्यावरही तुफान दगडफेक केली. बंबाचा चालक बंब थांबवून पळून गेला. दरम्यान, लक्ष्मीपुरी आणि जुना राजवाडा ठाण्याचे पोलिस घटनास्थळी आले. जमावाने पोलिसांसमोरच दगड, विटा, सळ्या, बाटल्यांनी बस, अग्निशमन दलाच्या वाहनांवर हल्ला केला. लक्ष्मीपुरीचे निरीक्षक तानाजी सावंत, शहर उपअधीक्षक डॉ. प्रशांत अमृतकर घटनास्थळी आले. त्यांनी जमावाला शांत केले.

दरम्यान, साठे हे महापालिकेचे सफाई कर्मचारी होते. तर सुजल तवन्नाप्पा पाटणे हायस्कूलमध्ये इयत्ता ९ वीत शिकत होता.

मोबाइल अॅप डाउनलोड करा आणि राहा अपडेट

कृतिशील विचारांची जपणूक करा

October 1, 2017, 2:30 pm

≫ Next: घुमले नाट्यगीतांचे अखंड सूर

≪ Previous: केएमटीने दोघांना चिरडले

$

0

0

म. टा. प्रतिनिधी, कोल्हापूर

‘कृतिशील विचारांची जपणूक करताना त्यानुसार कृतीची जोड दिल्यास कोणत्या साधू-संताकडे जाण्याची आवश्यकता भासत नाही. जीवनात घेतलेले योग्य निर्णय आणि दाखविलेल्या समयसुचकतेतून कर्तृत्व घडते. अशा कर्तृत्ववान लोकांचा झालेला सत्कार प्रेरणादायी आहे,’ असे मत खासदार संभाजीराजे छत्रपती यांनी व्यक्त केले. कर्तृत्व सामाजिक संस्थेच्या वर्धापनदिनानिमित्त आयोजित पुरस्कार वितरण समारंभात ते अध्यक्षस्थानावरून बोलत होते.

रामभाई सामाणी इंजिनीअरिंग असोसिएशनच्या सभागृहात झालेल्या समारंभास प्रमुख पाहुणे म्हणून आमदार सतेज पाटील प्रमुख उपस्थित होते. खासदार संभाजीराजे व आमदार पाटील यांच्या हस्ते नृत्यदिग्दर्शक सागर बगाडे, अवनि संस्था, फुटबॉल खेळाडू मृदल शिंदे, गिर्यारोहक शशिन कुंभोजकर आणि अमेरिकेत उद्योग स्थापन करणारे विकास हवालदार यांच्यावतीने आई रेवती हवालदार यांचा पुरस्कार देऊन सन्मान केला.

खासदार संभाजीराजे म्हणाले, ‘प्रत्येक सामाजिक संस्थेकडून विधायक कार्याची अपेक्षा असते. त्यासाठी सेवाभावी वृत्तीची आवश्यकता आहे. त्यासाठी योग्य निर्णय घेण्याची गरज असते. सेवाभावी वृत्ती आणि विधायक कार्य घडवून आणण्याची क्षमता ‘कर्तृत्व’मध्ये आहे.’

आमदार सतेज पाटील म्हणाले, ‘सध्याचे युग तंत्रज्ञानाचे असले, तरी तंत्रज्ञान आपल्यासाठी आपण तंत्रज्ञानासाठी याचा विचार करणे आवश्यक आहे. अशा विचारांतूनच संस्कारक्षम पिढी तयार होणार आहे. मात्र, आजचा युवक टेक्नॉलॉजिस्ट बनल्यामुळे आनंद आणि समाधान हरवले आहे. अपेक्षा वाढल्याचा परिणाम असला, तरी त्यासाठी प्रबोधनाची गरज आहे.’

यावेळी शिवाजी विद्यापीठाच्या डिपार्टमेंट ऑफ टेक्नॉलॉजी विभागाचे संचालक डॉ. जयदीप बागी यांचे ‘लेट्स हॅव सेन्सिबल लाइफ’ विषयावर व्याख्यान झाले. कार्यक्रमास सुनील सरनाईक, गणपती चौगुले, रमेश कुरणे, विकास गिणगिने, धैर्यशील भोईटे, विशाल शिंदे, स्नेहा मळेकर, प्रशांत जोशी, शर्वली सरनाईक आदी उपस्थित होते. संस्थेचे अध्यक्ष विराज सरनाईक यांनी प्रास्ताविक केले. नीलेश चौगुले यांनी सूत्रसंचालन केले. विनीत जिरगे यांनी आभार मानले.

राजवाड्यापेक्षा शस्त्रे जास्त

जयसिंगपूर येथील शस्त्रसंग्राहक गिरीश जाधव यांनी दाखविलेल्या कृतिशील विचारांमुळे त्यांच्याकडे राजवाड्यात नाहीत, त्यापेक्षा जास्त ऐतिहासिक शस्त्रास्त्रे आहेत. त्यांच्या शस्त्रास्त्र प्रदर्शनामुळे अनेकांना इतिहासाची प्रेरणा मिळते. जेव्हा इतिहासकालीन ढाल खरेदी करायची की टीव्ही, असा मुद्दा पुढे आला तेव्हा त्यांच्या कुटुंबीयांनीसुद्धा ढाल खरेदीला प्रोत्साहन दिले. जाधव यांच्या विचाराला कुटुंबाच्या कृतीची साथ लाभल्यामुळे मोठे संग्रहालय निर्माण झाल्याचे कौतुकोद्गार खासदार संभाजीराजे यांनी काढले.

मोबाइल अॅप डाउनलोड करा आणि राहा अपडेट