निसर्गाच्या सान्निध्यात आणि सर्व सुविधांनीयुक्त घरकुल हे प्रत्येकाचे स्वप्नं असते. नागरिकांच्या नेमक्या याच स्वप्नांची परिपूर्ती करणाऱ्या, वैविध्यपूर्ण साकारलेल्या वैशिष्ट्यपूर्ण गृहप्रकल्पांचे सचित्र दालनच ‘टाइम्स प्रॉपर्टी शो’च्या निमित्ताने एकाच छताखाली एकवटले आहे. हॉटेल सयाजी येथे ‘टाइम्स प्रॉपर्टी शो’ भरविण्यात आला असून रविवारी सकाळी शानदार सोहळ्यात त्याचा उदघाटन समारंभ झाला. ‘टाइम्स प्रॉपर्टी शो’मुळे कोल्हापूरच्या गृहप्रकल्पाचे वैभवच नागरिकांसमोर खुले झाल्याची भावना यावेळी व्यक्त झाली.
‘महाराष्ट्र टाइम्स’ आणि टाइम्स ऑफ इंडिया’ यांच्या संयुक्त विद्यमाने आयोजित प्रदर्शनात कोल्हापूरसह, सांगली, पुणे येथील बांधकाम व्यावसायिकांनी सहभाग नोंदविला आहे. हॉटेल सयाजी येथील मेघमल्हार हॉलमध्ये घरकुलविषयक प्रदर्शन भरले आहे. खासदार संभाजीराजे छत्रपती यांच्या हस्ते आणि क्रिडाईचे राज्य उपाध्यक्ष राजीव परिख, क्रिडाई कोल्हापूरचे अध्यक्ष महेश यादव यांच्या प्रमुख उपस्थितीत प्रॉपर्टी शोचे उदघाटन झाले. ‘टाइम्स प्रॉपर्टी शो’ निमित्त बांधकाम व्यावसायिकांनी ग्राहकांना विविध सवलती आणि योजना जाहीर केल्या आहेत. या प्रॉपर्टी शोमध्ये ग्राहकांच्या फायद्यासाठी विविध वित्तीय संस्था आणि बँकाही सहभागी झाल्या आहेत. विशेष म्हणजे प्रॉपर्टी शो ला पहिल्याच दिवशी नागरिकांनी गर्दी केली होती. बांधकाम व्यावसायिक दिगंबर इंगवले, अक्षय पोवार, अमित शहा, निखिल गावडे, कृष्णा दिवटे, विवेकानंद पाटील, प्रतिक ओसवाल, रुद्रप्रसाद शर्मा, आनंद शहा, कुलदीप जाधव, आनंद पराडकर, बँक ऑफ इंडियाचे विभागीय व्यवस्थापक नितीन देशपांडे, परेश हटकर आदींची प्रमुख उपस्थिती होती. हे प्रदर्शन २६ सप्टेंबरपर्यंत खुले राहणार आहे.
मानव ग्रुप गेली पंधरा वर्षे पुण्यातील बांधकाम क्षेत्रात कार्यरत आहे. पुण्यात बाराहून अधिक गृहप्रकल्पांच्या माध्यमातून १५०० कुटुंबांना घरे उपलब्ध करून दिली. ग्रुपतर्फे कोल्हापुरात रंकाळा तलाव नजीक हरिओमनगर येथे अद्वितीय रहिवासी प्रकल्पाची उभारणी सुरू आहे. टू बीएचकेचा हा गृहप्रकल्प पूर्णत्वाच्या मार्गावर आहे. तिसऱ्या मजल्यावर इनडोअर गेम्सची सुविधा आहे. ध्यानधारणा केंद्र, वॉकिंग ट्रॅक, अॅक्युप्रेशर पथचा समावेश आहे. स्पॉट बुकिंगसाठी सवलत योजना आहे.
- रुद्रप्रसाद शर्मा, मानव ग्रुप
रामसिन्हा ग्रुपतर्फे सर्किट हाऊसच्या पिछाडीस पुण्यपर्व या निवासी, व्यापारी संकुल साकारले आहे. या प्रकल्पात १५२ फ्लॅट्स आहेत. नागाळा पार्कात पुण्यप्रवाह हा रहिवासी प्रकल्प आहे. यात टू बीएचके, थ्री बीएचके व फोर बीएचकेचा समावेश आहे. उच्च दर्जा, सर्व प्रकारच्या सुविधा येथे आहेत. राजारामपुरी व महाद्वार रोड येथे व्यापारी संकुलची उभारणी सुरू आहे.
- अमित शहा, रामसिना ग्रुप
सर्वांसाठी घर या संकल्पनेला अनुसरुन पूजा बिल्डर्स अँड डेव्हलपर्सने स्वगृह योजना सुरु केली आहे. योजनेचे ‘सहभागाचे धोरण, घराचे तोरण’ हे ब्रीद आहे. बांधकाम व्यावसायिक आणि ग्राहकांच्या संयुक्त विद्यमाने स्वगृह योजना साकारली जाईल. ग्राहकांना परवडणाऱ्या दरात घर उपलब्ध करुन देण्यासाठी कंपनी प्रयत्नशील आहे. ग्राहकांचा रहिवासासाठी असणाऱ्या परिसराकडील कल आणि परवडणाऱ्या दराची सांगड घालून योजना साकारायची आहे.
- प्रतीक ओसवाल, पूजा बिल्डर्स अँड डेव्हलपर्स
गार्डियन डेव्हलपर्सतर्फे पुण्यात सहा वेगवेगळ्या ठिकाणी गृहप्रकल्पांचे काम सुरू आहे. लेकशायर, हिलशायर, पलाडियम हे गृहप्रकल्प पूर्ण आहेत. ग्राहकांच्या दृष्टीने फायद्याचे म्हणजे या ठिकाणी फ्लॅट खरेदीवेळी जीएसटी लागणार नाही. शिवाय गार्डियन डेव्हलपर्सने ग्राहकांसाठी सवलत योजना जाहीर केली आहे. फ्लॅट खरेदीसाठी ग्राहकांना कर्जासाठी बँकेत जाण्याची गरज नाही. ग्राहकांनी सात वर्षात हफ्त्याने फ्लॅटची किंमत कंपनीकडे भरावयाची आहे. परिणामी व्याज वाचणार आहे.
- कृष्णा दिवटे, गार्डियन डेव्हलपर्स
जाधव-कसबेकर ब्रदर्स बिल्डर्स अँड डेव्हलपर्स ग्राहकांच्या स्वप्नानील घरकुलाला मूर्त रुप देण्याच्या उद्देशाने गृहप्रकल्पाची उभारणी केली आहे. न्यू पॅलेस मेन गेटनजीक साकारत असलेला ग्रॅन्ड्यूअर रेसिडेन्सी हा प्रकल्प पूर्णत्वाच्या मार्गावर आहे. येथे टू बीएचके, थ्री बीएचके, फोरबीएचके फ्लॅट्स उपलब्ध आहेत. दर्जेदारपणा, आकर्षक लूक व ग्राहकांच्या आवडीनिवडी जाणून बांधकाम यामुळे हा प्रकल्प वैशिष्ट्यपूर्ण असा आहे.
- काशीनाथ जाधव, जाधव-कसबेकर ब्रदर्स बिल्डर्स अँड डेव्हलपर्स
मोबाइल अॅप डाउनलोड करा आणि राहा अपडेट
