​ भीषण अपघातात दोन सख्खे भाऊ जागीच ठार

September 17, 2017, 8:41 am

≫ Next: ​ झेडपी सीईओंनी खोदला शौचालयाचा पायाअभिजित राऊतांसह प्रशासन धावले ९५ वर्षीय आजोबांच्या मदतीला

≪ Previous: तुळजाभवानीचे पेड दर्शन महागले

$

0

0

म.टा. प्रतिनिधी, कोल्हापूर

नागाळा पार्क येथील महावीर कॉलेज ते खानविलकर बंगला मार्गावरील रस्त्याच्या कडेला ठेवलेल्या सिमेंटच्या मोठ्या पाइपलाइनला मोटार सायकल धडकून झालेल्या भीषण अपघातात दोन सख्खे भाऊ ठार झाले. योगेश महादेव घाटगे (वय ३२), तेजस मोहन घाटगे (२८, दोघे रा. पिंपळगाव खुर्द,ता. कागल) अशी दुर्दर्वी मृत्युमुखी पडलेल्या भावांची नावे आहेत. रविवारी सायंकाळी पावनेपाच वाजण्याच्या सुमारास अपघात झाला.

योगेश व तेजस हे दोघे सेंट्रिंग कर्मचारी आहेत. सध्या बांधकाम क्षेत्रात मंदी असल्याने ते दोघे गोकुळ शिरगांवमध्ये कारखान्यात कामाला होते. तसेच ते सेंट्रिंगचे काम शोधत होते. कसबा बावडा येथे सेंट्रिंगच्या कामासाठी बांधकामाची साईट बघण्यासाठी गेले. साईट बघून दोघे मोटार सायकलवरुन कोल्हापुरकडे येत होते. महावीर कॉलेजपासून ते वेगाने खानविलकर बंगला येथे जात असताना एका सहलीची बस त्यांच्या पुढे होती. बसला उजवीकडून ओव्हर टेक करण्याऐवजी वेगाने डावीकडून ओव्हर करण्याच्या प्रयत्नात त्यांची मोटार सायकल रस्त्यांच्या कडेला ठेवण्यात आलेल्या सिमेंटच्या पाइपलाइनला वेगात आदळली. ही धडक इतकी वेगवान होती की मोटार सायकल नळाच्या आतून दुसऱ्या बाजूने बाहेर पडली तर दोघा भावांचे मृतदेह नळाच्या तोंडाला एकमेकावर पडले होते.



मोटार सायकल आदळल्याचा मोठा आवाज आल्याने परिसरातील नागरिकांनी अपघात स्थळी धाव घेतली. पण दोघांचाही जागेवर मृत्यू झाला होता. अपघाताचे वृत्त कळताच शाहूपुरी पोलिसांनी धाव घेतली. मृतदेहाजवळ पडलेल्या मोबाईलवरुन नातेवाईकांशी संपर्क साधण्यात आल्या. योगेश हा विवाहित असून त्याला दोन मुली व एक मुलगा असा परिवार आहे.

मोबाइल अॅप डाउनलोड करा आणि राहा अपडेट

---

​ झेडपी सीईओंनी खोदला शौचालयाचा पायाअभिजित राऊतांसह प्रशासन धावले ९५ वर्षीय आजोबांच्या मदतीला

September 17, 2017, 11:10 am

≫ Next: काँग्रेसची शिवाजी चौकात निदर्शने

≪ Previous: ​ भीषण अपघातात दोन सख्खे भाऊ जागीच ठार

$

0

0

म. टा. वृत्तसेवा, सांगली
स्वच्छता पंधरवड्याची घोषणा कानावर पडताच थेट जिल्हा परिषदेच्या मुख्य कार्यकारी अधिकाऱ्यांशी संपर्क साधून शौचालय बांधून देण्याची मागणी करणाऱ्या ९५ वर्षे वयाच्या आजोबांच्या मदतीला जिल्हा परिषद प्रशासन धावले. मुख्य कार्यकारी अधिकारी अभिजित राऊत यांनी स्वतः शौचालयाचा पाया खोदण्यास सुरुवात केली. रविवारची सुटी असतानाही जिल्हा परिषदेच्या प्रशासनाने तत्परतेचा सुखद धक्का दिला. आयुष्य मावळतीकडे निघाले असले तरी स्वच्छतेच्या उपक्रमाकडे कसे सकारात्मक पाहिले पाहिजे, याचा परिपाठ आजोबांनी घालून दिला.
तासगाव तालुक्यातील कुमठे येथून शिवराम गुरव या वृद्धाने कापरे भरलेल्या स्वरात शौचालय बांधून देण्याची केलेली विनंती कानावर पडताच सांगली जिल्हा परिषदेचे मुख्य कार्यकारी अधिकारी राऊत यांना स्वस्त बसवेना. रविवारची सुटी असतानाही त्यांनी प्रशासानातील काही अधिकाऱ्यांना बरोबर घेऊन कुमठे गाव गाठले. त्यांनी नृरसिंह मंदिराजवळ रहात असलेल्या गुरव (वय ९५) आजोबांची भेट घेतली. धोतर, टोपी आणि तीन बटणाचा अंगरखा अशा पांढऱ्या कपड्यातील आजोबांनी थरथरत्या हातानी राऊत यांना नमस्कार केला. ‘म्याच आपल्याला फोन केला होता. स्वच्छता पंधरवड्याचं कानावर आलं आणि महात्मा गांधी बाबांचा काळ डोळ्यासमोर उभा राहिला. म्या पण त्या चळवळीत होतो. गांधीजी नेहमीच स्वच्छतेचे महत्व सांगायचे. पण, या ठिकाणी मी एकटाच राहतुया. वय झालय. मला स्वतःहून शौचालय बांधणे शक्य नाही. तेव्हा मला तुम्ही शौचालय बांधून द्यावं,’ असे त्यांचे शब्द ऐकूण भारावून गेलेल्या राऊत यांनी क्षणाचाही विलंब न लावता, त्या ठिकाणचे टिकाव उचलून शौचालयाचा पाया खोदायला सुरुवात केली.

स्वच्छतेचे महत्व तळागाळातल्या व्यक्तीपर्यंत पोहचल्याचा आनंद राऊत यांच्या चेहऱ्यांवरुन ओसांडून वाहत होता. त्यांनी गुरव आजोबांची विचारपूस करून आता तुमचे शौचालय पूर्ण होणार याची ग्वाही दिली. गावात आणखी कोणाला शौचालय हवे आहे का?, असे विचारताच आजोबा म्हणाले, ‘गावातल्या सर्वांकडे शौचालये आहेत. आता कोणीच उघड्यावर जात नाही. माझ्या तरी नजरेला असे कोणी पडत नाही. माझी एकट्याचीच अडचण होती. या मंदिराचा मी पुजारी हाय.’ आजोबा मंदिराचे पुजारी आहेत, हे समजाच राऊत आजोबांना म्हणाले, मंदिरात येणाऱ्या प्रत्येकाला स्वच्छतेबाबत सांगा. त्यावर आजोबांनी मान डोलावली. राऊत यांनी पुष्पगुच्छ देऊन आजोबाचा सन्मानही केला. हा अनोखा आणि कोणत्याही जाहिरातबाजी शिवाय झालेला शौचालय भूमीपुजनाचा कार्यक्रम बघायला गाव जमा झाले होते. या वेळी उपमुख्यकार्यकारी अधिकारी दीपाली पाटील, मुख्य लेखा व वित्त अधिकारी डॉ. राजेंद्र गाडेकर यांच्यासह कर्मचारी उपस्थित होते.

मोबाइल अॅप डाउनलोड करा आणि राहा अपडेट

काँग्रेसची शिवाजी चौकात निदर्शने

September 17, 2017, 2:30 pm

≫ Next: कोल्हापूर ऑटो एक्स्पो हाउसफुल

≪ Previous: ​ झेडपी सीईओंनी खोदला शौचालयाचा पायाअभिजित राऊतांसह प्रशासन धावले ९५ वर्षीय आजोबांच्या मदतीला

$

0

0

कोल्हापूर टाइम्स टीम

पेट्रोल , डिझेल व गॅस दरवाढीसह महागाईच्या विरोधात काँग्रेस पक्षाने शिवाजी चौकात निदर्शने केली. महाग पेट्रोल परवडत नसल्याने बैलगाडीत बुलेट ठेवून केंद्र सरकारचा उपहासात्मक निषेध केला.

पेट्रोलचा दर ८० रुपयांपर्यंत पोचला आहे. डिझेल व स्वयंपाकाचा गॅसही महाग झाला आहे. इंधन दरवाढीच्या निषेधार्थ रविवारी सकाळी सव्वाअकराच्या सुमारास जिल्हाध्यक्ष पी. एन. पाटील, शहराध्यक्ष प्रल्हाद चव्हाण यांच्या नेतृत्वाखाली शिवाजी चौकात निदर्शने करण्यात आली. कार्यकर्त्यांनी इंधन दरवाढीविरोधात घोषणा दिल्या. कार्यकर्त्यांनी पेट्रोल, डिझेल व स्वयंपाकाच्या गॅसचे दर सरकारने कमी करावेत अशी मागणी करण्यात आली. केंद्र व राज्यातील भाजप सरकारविरोधात निषेधाच्या घोषणा देण्यात आल्या. पेट्रोलचे दर परवडत नसल्याने एक्का बैलगाडीतून बुलेट ठेऊन निदर्शनात आणली होती. पाणीपुरवठा व स्वच्छता मंत्री बबनराव लोणीकर यांनी काँग्रेस पक्षाचे उपाध्यक्ष राहुल गांधी यांच्या विरोधात निंदाजनक वक्तव्य केल्याबद्दल त्यांचा निषेध करण्यात आला. केंद्रीय पर्यटन राज्य मंत्री के. जे. अल्फोन्स यांनी ‘पेट्रोलचे दर वाढले तर कार, बाइकवाले काही भुकेने मरत नाही’ या केलेल्या वक्तव्याचाही निषेध केला.

आंदोलनात महिला जिल्हाध्यक्षा अंजना रेडेकर, शहराध्यक्षा संध्या घोटणे, अॅड. सुरेश कुराडे, खजानिस एस. के. माळी, माजी उपमहापौर सुलोचना नाईकवडी, माजी नगरसेविका लिला धुमाळ, सरदार पाटील, विराज पाटील यांच्यासह कार्यकर्ते मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

कोल्हापूर ऑटो एक्स्पो हाउसफुल

September 17, 2017, 2:30 pm

≫ Next: सभासद प्रवेशावरून दोन गटात हाणामारी

≪ Previous: काँग्रेसची शिवाजी चौकात निदर्शने

$

0

0

कोल्हापूर टाइम्स टीम

अालिशान ‘ऑडी ए थ्री’, ‘ए फोर’ सीरीज, ‘पजेरो स्पोर्टस्’, मित्सुबिशीची ‘पजेरो सेलेक्ट प्लस’सह ‘हॅमर’ची क्रेझ ऑटो एक्स्पो प्रदर्शनात आहे. ४० लाखांपासून ते साडेतीन कोटींपर्यंतच्या अालिशान मोटारी प्रदर्शनात सहभागी आहेत. रविवारी सुट्टीचा दिवस असल्याने सकाळपासूनच प्रदर्शन पाहण्यासाठी प्रचंड गर्दी झाली. ‘रेडिओ मिर्ची’ आणि ‘कोल्हापूर ऑटोमोबाइल डिलर्स असोसिएशन’च्यावतीने आयोजित ‘ऑटो एक्स्पो २०१७’ नागाळा पार्कातील एस्तेर पॅटन ग्राउंडवर सोमवारपर्यंत (ता. १८ सप्टेंबर) सुरू राहणार आहे. प्रदर्शनाचे ‘महाराष्ट्र टाइम्स’ मीडिया पाटर्नर आहे.

वैविध्यपूर्ण रंगसंगतीसह बजेटमधील, मनपसंत कार पाहण्यासाठी रविवारी सकाळपासून अनेकांची पावले ऑटो एक्स्पोकडे वळाली. अत्याधुनिक आणि लक्झरी श्रेणीतील कार पाहण्यासाठी गर्दी झाली. प्रदर्शनाच्या प्रवेशद्वाराजवळ ऑडीच्या तात्पुरत्या उभ्या केलेल्या स्वतंत्र शोरुमभोवती कारप्रेमींचा गराडा पडल्याचे दिसून येत होते. ऑडीसोबत सेल्फी काढण्यासाठी तरुणाईची गर्दी झाली. प्रदर्शनात पहिल्या ते शेवटच्या स्टॉलपर्यंतच्या गर्दीचा ओघ कायम राहिला. शुक्रवारपासून सुरू झालेल्या या प्रदर्शनाला प्रचंड प्रतिसाद मिळत आहे. दारात एक तरी फोरव्हिलर असावी, असे प्रत्येकाचे स्वप्न असते. ही स्वप्नपूर्ती करण्यासाठी कारप्रेमींनी ऑटो एक्स्पोमध्ये गर्दी केली. त्यातून अनेकांचे कार घेण्याचे स्वप्न साकार झाले.

होंडा कार्स, वोक्सवॅगन, टोयोटा, स्कोडा, मारुती, ऑडी, डुकाटी, जग्वार लँडरोव्हर, मर्सिडीज, बीएमडब्ल्यू, मोटारॅड ते सुपर बाइक्स, क्राउन मित्सुबिशी, साई सर्व्हिस, रिव्हरसाइड होंडा, एसएमजी निसान, युनिटी मोटर्स टाटासह नामांकित कंपन्या, शोरूम आपल्या अत्याधुनिक चारचाकी वाहनांसह दुचाकी घेऊन ‘ऑटो एक्स्पो २०१७’मध्ये सहभागी झाल्या आहेत ‘बेनेली’च्या अडीच लाखांपासून ते सात लाखांपर्यंतच्या टू व्हिलर येथे उपलब्ध आहेत. टीएनटी २५ ते टीएनटी ६०० मॉडेल्सच्या उपलब्ध आहेत. केवळ चित्रपट आणि जाहिरातीत पाहता येणाऱ्या आवडत्या गाड्या प्रदर्शनात पाहण्याची संधी अनेकांना मिळाली. सहभागी डीलर्सच्या प्रत्येक स्टॉलवर जाऊन वाहनांची माहिती घेण्यासाठी कारप्रेमी दिसत होते. कारप्रेमींना एकाच छताखाली वेगवेगळ्या नामवंत कंपन्यांच्या मॉडेल्सची माहिती मिळाली. त्यांच्या किमती आणि इएमआय सुविधा, डिझाइन आणि फीचर्सबाबत कारचे ब्रँड कारप्रेमींच्या पसंतीस उतरले. कार खरेदीबाबतचे गैरसमज दूर करून त्यांना मनासारखी कार खरेदी करण्यासाठी मार्गदर्शन करण्यात आले. त्यानंतर अनेक ग्राहकांनी बुकिंग केले.

कर्जाच्या विविध सुविधा
कारसाठी कर्जाच्या विविध सुविधा उपलब्ध आहेत. फीचर्ससह प्रत्येक वाहनाचे मायलेज, नावीन्यपूर्ण फीचर्स, कारप्रेमींना आवडणारे मॉडेल्स यांची माहिती देण्यात आली. काही ग्राहकांच्या सूचनाही डिलर्संनी नोंदविल्या. वेगवेगळ्या गाड्यांच्या फीचर्समुळे अनेकजण कोणती कार घ्यावी या संभ्रमात असतात. कार घेण्यासाठी ठिकठिकाणच्या शोरूमला भेटी द्यायच्या, विविध कंपन्यांच्या गाड्यांच्या फीचर्सची माहिती, त्यांची तुलना, बजेटची माहिती घ्यायची याऐवजी एकाच छताखाली आयोजित ऑटो एक्स्पोमध्ये माहिती कारप्रेमींना मिळाली. वाहनांची अत्याधुनिक श्रेणी पाहण्यास मिळाली. प्रदर्शनात जगभरातील ब्रँडची वाहने उपलब्ध आहेत.

ऑडीला प्रचंड प्रतिसाद लाभत आहे. ऑडीमध्ये ए थ्री, ए फोर, ए सिक्स सीरीजची मॉडेल्स आहेत. त्यासह क्यू थ्री, सेव्हनसह आर ८ सिरीजमधील अत्याधुनिक मॉडेल्स आहेत. कोल्हापूर, सांगलीमध्येही ऑडीला उत्स्फूर्त प्रतिसाद मिळाला आहे. सातारा आणि बारामती येथेही प्रदर्शन होत आहे. कोल्हापुरात मिळत असलेला प्रतिसाद चांगला आहे.

- सुनील पै, ऑडी, चीफ ऑपरेशनल ऑफिसर

पजेरो स्पोर्सस्, मित्सुबिशीची पजेरो सेलेक्ट मॉडेल येथे उपलब्ध आहेत. त्यांच्या किंमती २८ लाखांपासून पुढे आहे. येत्या काही दिवसांत आऊटलँडरचे नवे मॉडेलही ग्राहकांच्या सेवेसाठी दाखल होत आहे. लक्झरी प्रकारा मॉन्टेरोची ५८ लाख रुपये किंमत आहे. पजेरोच्या सर्व प्रकारच्या मॉडेलला चांगला प्रतिसाद मिळत आहे.

- जोएल गवारे, पजेरो, सरव्यवस्थापक विक्री आणि व्यवस्थापक

सध्या अत्याधुनिक गाड्यांची क्रेझ आहे. चित्रपटात आणि मेट्रोसिटीत वापरली जाणारी वाहने प्रदर्शनात आहेत. कोल्हापूर आणि नवीन गाडी हे समीकरण कायम असल्याचे यातून दिसते. नामवंत कंपन्याची उपलब्ध असलेले मॉडेल, नवी मॉडेल्स याची माहिती ऑटो एक्स्पोतून मिळाली. असे प्रदर्शन वरचेवर आयोजित करायला हवे.

- प्रणेश सुर्वे, कारप्रेमी

मोबाइल अॅप डाउनलोड करा आणि राहा अपडेट

सभासद प्रवेशावरून दोन गटात हाणामारी

September 17, 2017, 2:30 pm

≫ Next: केडीसीसीची नाबार्डकडून तपासणी

≪ Previous: कोल्हापूर ऑटो एक्स्पो हाउसफुल

$

0

0

जयसिंगपूर

शिरोळ येथील श्री आदिनाथ दिगंबर जैन मंदिर ट्रस्टच्या वार्षिक सर्वसाधारण सभेत संस्था सभासद प्रवेशावरून दोन गटांत हाणामारीचा प्रकार घडला. या हाणामारीमुळे मंदिर परिसरात तणाव निर्माण झाला. दरम्यान, सहायक पोलिस निरीक्षक समीर गायकवाड यांनी दोन्ही गटांची पोलिस ठाण्यात बैठक घेऊन शांततेचे आवाहन केले. यानंतर वादावर पडदा पडला.

रविवारी दुपारी एक वाजता श्री आदिनाथ दिगंबर जैन मंदिर ट्रस्टची वार्षिक सर्वसाधारण सभा आयोजित करण्यात आली होती. गेल्या चार वर्षापासून आदिनाथ दिगंबर जैन समाजाच्या दोन गटात वाद आहे. हा वाद न्यायालयात पोहोचल्याने सभेमया पार्श्वभूमीवर मोठा पोलिस बंदोबस्त तैनात करण्यात आला होता. सभा सुरु होण्यापूर्वी जैन मंदिरात सभेची नोटीस पाहून सभासदांना प्रवेश देण्यात येत होता. मात्र संस्थेचे सभासद असतानाही आम्हाला नोटीसा आल्या नाहीत असे सांगून काही सभासदांनी पोलिसांकडे सभेसाठी प्रवेश मागितला. याच दरम्यान सभासदत्वामया मुद्द्यावरून गोंधळ सुरु झाला. दोन गटात शाब्दिक वादावादी होवून पोलिसांसमोरच हाणामारी सुरु झाली. यामुळे परिसरात तणावाचे वातावरण निर्माण झाले.

दरम्यान, याबाबत माहिती मिळताच पोलिस निरीक्षक उदय डुबल, सहाय्यक निरीक्षक समीर गायकवाड, उपनिरीक्षक पूनम रुग्गे यांच्यासह पोलिसांचा मोठा फौजफाटा घटनास्थळी पोहचला. पोलिसांनी शांततेचे आवाहन करून तणावाची स्थिती आटोक्यात आणली. शिरोळ पोलिस ठाण्यात शांतता बैठक झाली. यामध्ये जैन मंदिरचे अध्यक्ष अजित शेट्टी, सचिव श्रीधर शेट्टी, बाबूराव शेट्टी यांच्यासह प्रमोद लडगे, अविनाश टारे, अरुण कनवाडे, सुनील मुळे, बाळासाहेब मिणचे, संजय पाटील यांनी चर्चेत भाग घेतला. या बैठकीत सकारात्मक चर्चा होऊन शांततेने व नियमानुसार सर्वानुमते मार्ग काढण्याचे ठरले.

मोबाइल अॅप डाउनलोड करा आणि राहा अपडेट

केडीसीसीची नाबार्डकडून तपासणी

September 17, 2017, 2:30 pm

≫ Next: नवरात्रोत्सवाच्या लगबग

≪ Previous: सभासद प्रवेशावरून दोन गटात हाणामारी

$

0

0

म. टा. प्रतिनिधी, कोल्हापूर

जिल्हा मध्यवर्ती सहकारी बँकेची गेल्या दोन आठवड्यापासून राष्ट्रीय कृषी आणि ग्रामीण विकास बँकेच्यावतीने तपासणी सुरू आहे. रविवारी सुटी असूनही पथकाने बँकेच्या कागदपत्रांची तपासणी केली. सोमवारी (ता.१८) पुन्हा पथकामार्फत तपासणी होणार आहे. सोमवारच्या तपासणीनंतर पथक आपला अहवाल वरिष्ठ अधिकाऱ्यांकडे सादर करणार आहे.

नाबार्डच्यावतीने दर दोन वर्षांनी जिल्हा बँकांची तपासणी करण्यात येते. त्याचाच भाग म्हणून कोल्हापूर जिल्हा बँकेची तपासणी सुरू आहे. जिल्हा बँकने भांडवल पर्याप्तता प्रमाण (सीआरएआर) नऊ टक्के ठेवण्याचे उद्दीष्ट ठेवले होते. बँकेने मात्र उद्द‌िष्टापेक्षा १०.६५ टक्के पूर्ण करण्यात यश मिळवले आहे. यासाठी बँकेने ग्राहकांसाठी विविध योजना राबवताना कर्जवसुली मोहीमही जोरदारपणे राबवली होती. नाबार्डच्या पथकाने याचा विशेष उल्लेख केल्याचे समजते.

बँकेची सर्वसाधारण सभा २५ सप्टेंबर रोजी होणार आहे. सभेपूर्वी बँकेचा आढावा घेणारा अहवाल प्रसिद्ध झाला आहे. बँकेने यामध्ये प्रगतीचे अनेक टप्पे पार केल्याचे दिसत आहे. विशेष म्हणजे कोल्हापूर जिल्हा सहकारी दूध उत्पादक संघाकडून वार्षिक सभेचा अहवाल मिळण्यास दिरंगाई केली जात असताना, जिल्हा बँकेने मात्र हा अहवाल सलंग्न संस्थेला मिळेल याची काळजी घेतली आहे. त्यामुळे नेहमीप्रमाणे सभासदांच्या सर्व प्रश्नांना उत्तरे मिळण्याची शक्यता आहे. नाबार्डने बँकेने केलेले लेखापरिक्षण आणि ताळेबंदांची तपासणी केली आहे. त्यादृष्टीने नाबार्डच्यावतीने झालेली तपासणी बँकेला पूरक ठरणार आहे.

दर दोन वर्षानी बँकेची तपासणी होत असते, त्याचाच भाग म्हणून गेल्या दोन आठवड्यापासून बँकेची तपासणी सुरू आहे. अशी तपासणी नियमित असल्याचे बँकेचे चेअरमन हसन मुश्रीफ यांनी सांगितले.

मोबाइल अॅप डाउनलोड करा आणि राहा अपडेट

नवरात्रोत्सवाच्या लगबग

September 17, 2017, 2:30 pm

≫ Next: नदी वाचवा, समाज संस्कृती वाचेल

≪ Previous: केडीसीसीची नाबार्डकडून तपासणी

$

0

0

म. टा. प्रतिनिधी, कोल्हापूर

करवीर निवासिनी श्री अंबाबाई मंदिरात चांदीच्या विविध वस्तूंसह देवीच्या चांदीच्या पालखीची स्वच्छता रविवारी करण्यात आली. अवघ्या चार दिवसांवर आलेल्या नवरात्रोत्सवाच्या पार्श्वभूमीवर मंदिरात ही मोहीम सुरू झाली आहे. पश्चिम महाराष्ट्र देवस्थान व्यवस्थापन समितीसह जुना राजवाडा पोलिसांची सुरक्षेसाठी तयारी सुरू झाली आहे. मंडळांच्या कार्यकर्त्यांकडून दुर्गामातांच्या आगमनासाठी दुर्गाज्योत नेण्यास सुरुवात झाली आहे.

मंदिरातील गाभारा आणि मंदिर परिसरातील छोट्या मंदिरांची स्वच्छता पूर्ण झाली आहे. सोमवारी (ता. १८) देवीच्या सोन्याच्या अलंकारांची स्वच्छता करण्यात येणार आहे. नवरात्रोत्सवाची जय्यत तयारी मंदिरात सुरू झाली आहे. रविवारी दिवसभरात देवीच्या चांदीच्या सुमारे पन्नासहून अधिक दागिने देवस्थानच्या कर्मचाऱ्यांकडून स्वच्छ करण्यात आले. यामध्ये देवीच्या अलंकारांबरोबरच चांदीच्या पालखीची स्वच्छता करण्यात आली. मंदिर परिसरात यांत्रिकी पद्धतीने पाण्याचे फवारे मारण्यात आले. गरुड मंडपातील कमानीसह मंडपाचा परिसरात चकाचक करण्यात आला. मंदिर परिसरात दर्शन मंडप घालण्याचे कामही गतीने सुरू झाले आहे. कारंजाही सुस्थितीत करण्याचे काम सुरू होते. समितीचे व्यवस्थापक धनाजी जाधव यांनी दर्शन मंडप आणि नवरात्रोत्सवाच्या काळात मंदिर परिसरात लागणाऱ्या रांगेपर्यंत दर्शन मंडप घालण्याच्या सूचना केल्या. भाविकांसाठी पिण्याचे पाणी, प्रसाद आणि देवीच्या पूजेसाठी लागणारे साहित्य आणि गर्दीवर नियंत्रण ठेवण्याच्या सूचना दिल्या. एलईडी रोषणाईचे उद्घाटन घटस्थापनेला होणार असून, त्याची चाचणी मंदिरात रोज घेतली जात आहे. रविवारी रात्रीही रोषणाईची चाचणी करण्यात आली. देवीच्या प्रदक्षिणेवळी सुवर्णपालखी वापरण्यासंदर्भात देवस्थान समितीच्या मंगळवारी (ता. १९) होणाऱ्या बैठकीत निर्णय घेतला जाणार आहे.

जुना राजवाडा पोलिसांनीही नवरात्रोत्सवाच्या पार्श्वभूमीवर सुरक्षा यंत्रणेची तयारी सुरू केली आहे. मंदिराच्या चारही प्रवेशद्वारांवरील धातूशोधक यंत्रणेतून तपासणी करण्याच्या सूचना केल्या आहे. सण-उत्सवांच्या काळात जादा पोलिस कर्मचारी मिळण्याची मागणी जुना राजवाडा पोलिसांनी जिल्हा पोलिसप्रमुख कार्यालयाकडे केली आहे. देवस्थान समिती आणि पोलिस यांच्या सहकार्यातून गर्दीला शिस्त लावण्यासाठी येत्या दोन दिवसांत बैठक घेण्यात येणार आहे.

उत्सवकाळात भाविकांचा गोंधळ होऊ नये, चेंगराचेंगरीसारखे प्रकार घडू नयेत, यासाठी विशेष खबरदारी घेतली जाणार आहे. यंदाच्या नवरात्रोत्सवात ५२ हून अधिक सांस्कृतिक कार्यक्रमांची पर्वणी भाविकांना मिळणार आहे.

महेश जाधव, अध्यक्ष, पश्चिम महाराष्ट्र देवस्थान व्यवस्थापन समिती

मोबाइल अॅप डाउनलोड करा आणि राहा अपडेट

नदी वाचवा, समाज संस्कृती वाचेल

September 17, 2017, 2:30 pm

≫ Next: दोन सख्खे भाऊ जागीच ठार

≪ Previous: नवरात्रोत्सवाच्या लगबग

$

0

0

म. टा. प्रतिनिधी, कोल्हापूर

‘पर्यावरणाचा लढा हा मानवी न्यायाचा, समाजहिताचा आ​णि शाश्वत विकासाचा आहे. पर्यावरण संवर्धनासाठी जागतिक पातळीवर व्यापक विचार सुरू असून, या क्षेत्रात काम करणाऱ्यांनी निसर्ग संवर्धनासाठी समूहभान निर्माण करण्याची जबाबदारी पेलावी,’ असे आवाहन पर्यावरण अभ्यासक आणि मुंबई येथील आयआयटीमधील पर्यावरणविभाग प्रमुख प्रा. डॉ. श्याम असोलेकर यांनी केले.

आठव्या किर्लोस्कर वसुंधरा आंतरराष्ट्रीय चित्रपट महोत्सवाचा समारोप रविवारी झाला. यावेळी ज्येष्ठ खगोलशास्त्रज्ञ डॉ. आर. व्ही. भोसले यांच्या हस्ते डॉ. असोलेकर यांना वसुंधरा सन्मान पुरस्कार प्रदान करण्यात आला. समारंभाच्या अध्यक्षस्थानी जिल्हाधिकारी अविनाश सुभेदार होते. मानचिन्ह, मानपत्र आणि रोप असे पुरस्काराचे स्वरूप आहे. शाहू स्मारक भवन येथे झालेल्या कार्यक्रमात महोत्सवातील स्पर्धेतील विजेत्यांना प्रशस्तिपत्रके प्रदान केली.

सरकारी पदव्या आणि पगारांपेक्षा माझ्या दृष्टीने हा पुरस्कार अत्यंत मौल्यवान असल्याचे प्रारंभीच नमूद करत डॉ. असोलेकर यांनी तासाभराच्या मनोगतात स्थानिक ते जागतिक स्तरावरील पर्यावरण क्षेत्रातील समस्या, उभी ठाकलेल्या आव्हानांचा ऊहापोह केला. शहरी केंद्रित भौतिक विकासाची संकल्पना चुकीची असल्याचे त्यांनी स्पष्ट केली.

विकासाचे ढोल वाजविणारेच निसर्गाचे प्रदूषण करत आहेत. नागरी घनकचऱ्याचा नदीला मोठा धोका असल्याचा थेट आक्षेप नोंदवित डॉ. असोलेकर पुढे म्हणाले, ‘नदी म्हणजे केवळ वाहत्या पाण्याचा प्रवाह नाही. नदी ही एक जिवंत व्यक्ती आहे. नदीकाठी संस्कृती वसलेली आहे. नदी इकॉलॉजीचे (परिसंस्था) नैसर्गिक चक्र विणलेले आहे. मात्र, त्या इकॉलॉजीवर अतिक्रमण होत असल्याने नद्यांच्या अस्तित्वाचा आणि प्रदूषणाचा प्रश्न निर्माण झाला आहे. मानवी वस्ती, पशुपक्षी, झाडवेलीपासून कीटक जंतूंपर्यंतच्या नैसर्गिक परिसंस्थेचे पुनरुज्जीवन करणे म्हणजेच नदी वाचविणे होय, नदी वाचली तर समाज संस्कृती वाचेल.’

जिल्हाधिकारी सुभेदार म्हणाले, ‘निसर्गच प्रत्येक प्राणिमात्राची गरज भागवू शकतो, पण मानवाचा अतिहव्यास निसर्गाच्या हानीस कारणीभूत ठरत आहे. अशा परिस्थितीत वसुंधरा चित्रपट महोत्सवाची ‘नदी वाचवा, जीवन वाचवा’ ही संकल्पना समाजात पर्यावरणरक्षणाचे भान निर्माण करण्यास प्रेरक ठरली.’

कृष्णा गावडे यांनी स्वागत केले. पर्यावरणवादी कार्यकर्ते उदय गायकवाड यांनी मानपत्राचे वाचन केले. कार्यक्रमास ‘किर्लोस्कर’ वरिष्ठ अधिकारी संजीव निमकर, वसुंधरा क्लबचे संचालक वीरेंद्र चित्राव, राहुल रानडे, प्राचार्य अजेय दळवी, केआयटीचे प्रा. रवी निकम उपस्थित होते.

मोबाइल अॅप डाउनलोड करा आणि राहा अपडेट

---

दोन सख्खे भाऊ जागीच ठार

September 17, 2017, 2:30 pm

≫ Next: शाहू महाराज यांना थिमय्या पुरस्कार प्रदान

≪ Previous: नदी वाचवा, समाज संस्कृती वाचेल

$

0

0

म. टा. प्रतिनिधी, कोल्हापूर

नागाळा पार्क येथील खानविलकर बंगला ते महावीर कॉलेज मार्गावरील रस्त्याकडेला अर्धवट स्थितीत असलेल्या ड्रेनेज लाइनला लावलेल्या सिमेंटच्या पाइपला मोटारसायकल धडकून झालेल्या भीषण अपघातात दोन सख्खे भाऊ जागीच ठार झाले. योगेश महादेव घाटगे (वय ३२) आणि त्याचा लहान भाऊ तेजस (२८, दोघे रा. पिंपळगाव खुर्द, ता. कागल) अशी मृत्युमुखी पडलेल्या भावांची नावे आहेत. रविवारी सायंकाळी पावणेपाच वाजण्याच्या सुमारास हा दुर्दैवी अपघात झाला.

पिंपळगाव खुर्द येथील योगेश व तेजस हे दोघेही सेंट्रिंग कर्मचारी आहेत. सध्या बांधकाम क्षेत्रात मंदी असल्याने ते दोघे गोकुळ शिरगावमध्ये कारखान्यात कामाला होते. तसेच ते सेंट्रिंगच्या कामाच्या शोधातही होते. रविवारी कसबा बावडा येथे एका सेंट्रिंगच्या कामासाठी बांधकामाची साइट पाहण्यासाठी ते गेले होते. तेथून दोघे मोटारसायकलवरून कोल्हापूरकडे परतत होते. महावीर कॉलेजसमोरुन वेगाने जात असताना राजहंस प्रिटिंग प्रेससमोर एक सहलीची बस त्यांच्यासमोर होती. या बसला उजवीकडून ओव्हरटेक करण्याऐवजी वेगाने डावीकडून ओव्हरटेक करण्याचा प्रयत्न त्यांनी केला. यावेळी त्यांची मोटारसायकल रस्त्याच्या कडेला ठेवण्यात आलेल्या सिमेंटच्या पाइपवर वेगात आदळली. ही धडक इतकी जोरदार होती की मोटारसायकल पाइपच्या आत घुसली. वेगात मोटारसायकल पाइपमध्येच आदळत पाइपच्या दुसऱ्या टोकाने बाहेर पडली. या दोन्ही भावांचे मृतदेह पाइपमध्येच सुरुवातीला एकमेकांवर पडले होते.

मोटारसायकल आदळल्याचा जोरदार आवाज झाल्याने परिसरातील नागरिकांनी अपघातस्थळी धाव घेतली. मात्र दोघांचाही जागीच मृत्यू झाला. अपघाताचे वृत्त कळताच शाहूपुरी पोलिसांनी तेथे धाव घेतली. याठिकाणी प्रचंड वाहतूक कोंडी झाली. मृतदेहाजवळ सापडलेल्या मोबाइलवरुन नातेवाईकांशी संपर्क साधण्यात आल्या. योगेश हा विवाहित असून त्याला दोन मुली आणि एक मुलगा आहे. तर तेजस अविवाहित होता.

पिंपळगाववर शोककळा

योगेश आणि तेजस घाटगे हे गरीब कुटुंबातील. आई-वडील शेतमजूर आहेत. दोघेही मोलमजुरी करून कुटुंबाला हातभार लावत होते. ऊसाच्या हंगामात ऊस तोडणीला ते जायचे. तर इतरवेळी सेंट्रींग काम करायचे. सेंट्रींग उद्योगातील कामे कमी झाल्याने ते कामाच्या शोधात होते. मात्र, दोघेही सख्खे भाऊ एकमेकांशी बोलत नव्हते. सेंट्रींगचे काम कसबा बावडा येथे असल्याचे समजल्यानंतर ते आजच एकाच मोटारयाकलवरुन गेले होते. त्यातच त्यांचा दुर्दैवी अंत झाला. या घटनेने पिंपळगाववर शोककाळ पसरली आहे.

मोबाइल अॅप डाउनलोड करा आणि राहा अपडेट

शाहू महाराज यांना थिमय्या पुरस्कार प्रदान

September 17, 2017, 2:30 pm

≫ Next: ‘कोजिमाशी’ची सभा ‘गोलगोल’

≪ Previous: दोन सख्खे भाऊ जागीच ठार

$

0

0

कोल्हापूर टाइम्स टीम

बेंगळुरू येथील जनरल के. एस. थिमय्या मेमोरियल ट्रस्टचा अखिल भारतीय स्तरावरील जनरल थिमय्या पुरस्कार शनिवारी बेंगळुरू येथील बिशप कॉटन बॉइज स्कूलच्या प्रांगणात श्रीमंत शाहू छत्रपती महाराज यांना प्रदान करण्यात आला. निवृत्त उपसेनाप्रमुख लेफ्टनंट जनरल एस. के. जेटली यांच्या हस्ते हा पुरस्कार प्रदान करण्यात आला.

श्रीमंत शाहू छत्रपती महाराज यांनी केलेल्या शैक्षणिक, क्रीडा व सामाजिक कार्याची विशेष नोंद घेऊन त्यांना या पुरस्काराने गौरविण्यात आले. समारंभास याज्ञसेनीराजे छत्रपती, युवराज संभाजीराजे, संयोगिताराजे छत्रपती, मालोजीराजे छत्रपती, मधुरिमाराजे छत्रपती, शहाजीराजे छत्रपती, यशस्विनीराजे, यशराजराजे असा राज परिवार उपस्थित होता. तसेच जनरल थिमय्या यांचे नातू बेलीअप्पा, कर्नाटकचे अॅडव्होकेट जनरल आदित्य सोनदी, कार्तिकराजे घोरपडे, संग्रामसिंह भोसले, कर्नल विजयकुमार, चिनीअप्पा, देवीअप्पा, ​अनिल ठाकूर, सुमित शेट्टी यांच्याबरोबर स्कूलचे आजी माजी विद्यार्थी उपस्थित होते. कोल्हापुरातूनही व्ही. बी. पाटील, ऋतूराज इंगळे, माणिक मंडलिक, संदीप घोरपडे, अजितसिंह चव्हाण, नितीन जाधव उपस्थित होते.

मोबाइल अॅप डाउनलोड करा आणि राहा अपडेट

‘कोजिमाशी’ची सभा ‘गोलगोल’

September 17, 2017, 2:30 pm

≫ Next: महानगरपालिकेचे दुर्लक्ष जीवावर बेतले

≪ Previous: शाहू महाराज यांना थिमय्या पुरस्कार प्रदान

$

0

0

म. टा. प्रतिनिधी, कोल्हापूर

चारोळ्या, शेरोशायरी, साहित्य संमेलनात शोभेल अशा अलंकारिक भाषेतील सभापतींचे भाषण, रांगेत थांबून सभासदांना प्रश्न विचारण्यासाठी दिलेली संधी, टाळ्या, शिट्या, शाकाहारीसह मांसाहारी जेवणाची केलेली मागणी, ‘सभा संध्याकाळी घ्या आणि जेवणाबरोबर शंभर मिलीची सोय करा’ अशी उपरोधिक मागणी आणि किरकोळ वादावादीत रविवारी कोल्हापूर जिल्हा माध्यमिक शिक्षण सेवक पतसंस्थेची सभा झाली. यावेळी एका सभासदाने तज्ज्ञ संचालक दादासाहेब लाड यांना उद्देशून ‘सोनू ‌तुला दादावर भरोसा नाय का...कोजिमाशीचा कारभार कसा गोलगोल’ या गायलेल्या ओळीने सभेत प्रचंड हशा पिकला. पोलिस बंदोबस्त आणि चित्रीकरणामुळे गोंधळाची परंपरा खंडीत झाली. येथील मार्केट यार्डमधील सभागृहात तब्बल तीन तासांहून अधिक काळ सभा चालली. सभापती संजय डवर अध्यक्षस्थानी होते.

तज्ज्ञ संचालक दादासाहेब लाड यांनी प्रास्ताविकातच सभेचे पूर्ण चित्रीकरण केले जात आहे, सीसीटीव्ही कॅमेऱ्यांचा वॉच आहे, कोणीही सभेला गालबोट लागेल असे कृत्य करू नये, असे सांगितले. त्यामुळे गोंधळ घालण्याच्या तयारीत असलेले विरोधक शांत झाले. लाड म्हणाले, २०१५ मध्ये संस्थेच्या निवडणुकीत दिलेल्या वचननाम्याची पूर्तता करण्याचा प्रयत्न सुरू आहे. प्रत्येक सभासदास दिवाळीस १० लिटर सूर्यफुल तेल वाटप करणे, मयत सभासदास संपूर्ण कर्जमाफी योजना राबवणे असे उपक्रम राबवले जात आहेत. आज अखेर मयत सभासदांचे ५ कोटी २३ लाखांचे कर्ज माफ केले. पुढील काळात कर्जाची मुदत १५ वर्षे करणे, चिरंतन ठेवीवर ठेवतारण कर्जाची सुविधा, सोने तारण कर्ज देणे, सर्व शाखा स्व-माल‌कीच्या जागेत नेणे, सभासदांना विमानवारी पर्यटन कर्ज योजना राबवण्यात येईल.

सभापती डवर यांनी इंडिया विरूद्ध भारत असे निर्माण झालेले चित्र साहि‌त्यिक भाषेत मांडले. ते म्हणाले, ‘संस्थेस यावर्षी तीन कोटी ४० लाखांचा नफा झाला. सभासदांना लाभांश २१ टक्के दिला जाईल. खेळते भांडवल ३१६ कोटींवर आहे. संस्थेचा ऑडिट वर्ग ब आहे, तो अ मिळण्यासाठी प्रयत्न सुरू आहेत.’

मुख्य कार्यकारी अधिकारी (सीईओ) अ‌रविंद पाटील यांनी विषय पत्रिकेवरील विषय वाचले. त्यानंतर सभासद प्रश्न विचारले. संजय परीट यांनी दादा लाड यांचे कौतुक करणारे ‘सोनु तुला आमच्या दादावर भरासो नाय काय, कोजिमाशीचा कारभार तसा गोलगोल, आता तरी आमच्याशी गोड बोल’ असे गाणे गायिले. त्यांनी या गाण्यातून विरोधकांचे चिमटे काढले. संजय पाटील यांनी संस्थेच्या जागा व इमारत खरेदीची सविस्तर माहिती देण्याची मागणी केली. शाहूपुरीतील जागा बाजारभावापेक्षा अधिक दराने घेतल्याचा आरोप केला. त्यावर खुलासा करताना सीईओ पाटील म्हणाले, ‘शाहूपुरीत संस्थेसाठी स्टॅम्प ड्यूटी, विविध करांसह दोन कोटी १६ लाखांस जागा खरेदी केली. गडहिंग्लजला ३० लाख रुपयांना जागा घेतली. मूरगुड येथील जागा २००८ मध्ये चार लाख १२ हजा रुपयांना घेतलेली जागा ३५ लाख रुपयांना विकली. हा झालेला फायदा शिल्लक आहे, असे सांगितले.

आनंदा कांबळे यांनी संचालकपदावर शिक्षकेत्तर कर्मचाऱ्यांना संधी द्यावी. सभेच्या दिवशी शाकाहारीबरोबर मांसाहारी जेवण द्यावे, अशी मागणी केली. त्यांची प्रश्ने विषय सोडून गेल्याने सभासदांनी ‘मंजूर मंजूर’ म्हणत टाळ्या वाजवून थांबवण्याचा प्रयत्न केला. त्यामध्ये खाली बसलेल्या एका सभासदाने ‘सभा संध्याकाळी ठेऊन मांसाहारी जेवणाबरोबरच शंभर मिली सोय करा’,असा टोमणा मारला.

डी. आर. पाटील, सुरेश खोत, जे. पी. जाधव, संजय सोमासे, दीपक शेटे, अशोक मानकर, एस. एस. खोचरे, शंकर गुरव, अंकुश कवडे, राजेंद्र पाटील आदींनी प्रश्न विचारले. त्यांच्या प्रश्नास सभापती डवर, सीईओ पाटील यांनी उत्तरे दिली. सभेस उपसभापती आनंदराव काटकर यांच्यासह सर्व संचालक उपस्थित होते.

‘झोंबडी मिटवणार नाही’

‘कोजिमाशी’तून कर्ज घेताना मुख्याध्यापकाची संमती घ्यावी लागते. अनेकवेळा मुख्याध्यापक संमती देत नाहीत. कर्ज मिळत नाही. त्यामुळे मुख्याध्यापकाच्या संमतीविना दोन जामिनदारांवर कर्ज द्यावे, अशी मागणी पी. आर. पाटील यांनी केली. कर्ज भरताना मुख्याध्यापकाची संमती आणा म्हणत नाही आणि काढताना कशाला हवी, अशी विचारणाही केली. त्यावर सभापती डवर यांनी ‘तुमच्या शाळेतील झोंबडी आम्ही मिटवणार नाही, तुम्हीच मिटवून घ्या,’ असा सल्ला दिला यावर जोरदार हशा पिकला.

व्याजात अर्धा टक्के घट

सध्याचा कर्जावरील व्याजदर साडे बारा टक्के आहे. सभासदांच्या मागणीनुसार त्यावरील अर्धाटक्के व्याजदर कमी केले जाईल, अशी घोषणा सभापती डवर यांनी केली. सभासदांच्या मुलांना शून्य टक्के दराने लॅपटॉप, नोकरभरती, संस्थेच्या सुसज्ज शाखा करणे असेही महत्त्वाचे निर्णय झाले.

प्रश्न सभापतींना आणि ..

सभासद विविध प्रश्न सभापती डवर यांना विचारत होते. मात्र बहुतांशी उत्तरे लाड यांनी दिले. प्रश्न विचारताना उत्तर काय द्यायचे हे डवर यांच्या कानात लाड सांगताना दिसत होते. यामुळे सभेवर लाड यांचा असलेला प्रभाव प्रकर्षाने समोर आला.

समर्थक खवळले पण

अण्णासाहेब चौगुले लाड यांना उद्देशून ‘निवृत्तीनंतरही तुम्ही नशिबाने तज्ज्ञ संचालक झाला, तुम्ही पाहुणे संचालक आहात’ असा टोला लगावला. त्यावर लाड समर्थक खवळले. त्यांनी चौगुले यांना प्रश्न विचारण्यापासून रोखत गोंधळ घालण्याचा प्रयत्न केला. मात्र लाड यांनीच शांत राहण्याचे आवाहन केले. त्यानंतर ‘लाड तुमच्या कारभारात त्रुटी आहेत, ते सुधारा’ असा सल्ला चौगुले यांनी दिला.

मोबाइल अॅप डाउनलोड करा आणि राहा अपडेट

महानगरपालिकेचे दुर्लक्ष जीवावर बेतले

September 17, 2017, 2:30 pm

≫ Next: रक्ताचे डागांनी रंगली ब्ल्यू व्हेलची चर्चा

≪ Previous: ‘कोजिमाशी’ची सभा ‘गोलगोल’

$

0

0

म. टा. प्रतिनिधी, कोल्हापूर

अदृश्य स्पीड ब्रेकर, बंद असलेले स्ट्रीट लाईट, फुटपाथवर अतिक्रमणे, मुख्य रस्त्यांवरील खड्डे, उघडे मॅनहोल आणि अपुर्ण कामे यामुळे किरकोळ अपघातांची मालिका सुरूच आहे. महापालिकेचे हे दुर्लक्ष रविवारी दोन सख्ख्या भावांच्या जीवावर बेतले. खड्ड्यात वाहने जाऊ नये म्हणून संरक्षक उपाययोजना करण्याऐवजी लावलेल्या सिमेंटच्या पाइप लावणाऱ्या ठेकेदाराला समज दिली असती रविवारचा अपघात टळला असता.

नागाळा पार्कातील गटीरीचे पाणी रस्त्यांच्या पलिकडे जाण्यासाठी मे महिन्यात क्रॉस ड्रेनचे काम महानगरपालिकेने सुरू केले. हे काम ९० टक्के पूर्ण झाले असून दहा टक्के काम निधीअभावी रखडले आहे. रस्त्याच्या कडेला खड्डा असून अपघात होऊन नये यासाठी ठेकेदाराने सिमेंटच्या पाइप लावून ठेवल्या आहेत. रस्त्यावर विकासकामे सुरू केल्यावर महानगरपालिकेच्या उपअभियंत्यांनी कामाच्या ठिकाणी जाऊन पाहणी करावी लागते. पण कामांची पाहणी कार्यालयात जागेवर बसून कागदोपत्री पूर्ण केली जाते.

रखडलेल्या व अपूर्ण कामासाठी स्थानिक नगरसेवक राहुल चव्हाण प्रशासनाकडे पाठपुरावा करत होते. अपूर्ण कामाची पाहणी करण्यासाठी महानगरपालिकेच्या वरिष्ठ अधिकाऱ्यांनी शनिवारी भेट दिली होती. अपघात रोखण्यासाठी कोणतीही उपायोजना केलेली नव्हते हे लक्षात येऊनही अधिकाऱ्यांनी ठेकेदारांना सूचना दिल्या नाहीत. अपघातानंतर नगरसेवक चव्हाण यांनी ठेकेदारांची कानउघाडणी केली. त्यानंतरही रविवारचा सुटीचा दिवस असल्याने महानगरपालिकेचा एकही अधिकारी फिरकला नाही. उलट अपघातातील मृत्यू झालेला युवकांनी चुकीच्या पद्धतीने कसे वाहन चालवले हे दाखवण्याचा प्रयत्न करून स्वतःच्या चुकावर पांघरून घालण्याचा प्रयत्न सुरू होता.

शहरात अनेक ठिकाणी अपघात होऊ नयेत यासाठी स्पीड ब्रेकर आहेत. मात्र, हेच स्पीड ब्रेकर अपघाताला निमंत्रण देत आहेत. या स्पीड ब्रेकरवर पांढरे पट्टे न मारल्याने ते दिसत नाहीत. तर ज्या ठिकाणी वाहनांचा वेग जास्त आहे, तेथे स्पीडब्रेकर नाहीत. त्यामुळेही अपघात होत आहेत. महानरपा‌लिकेने शहरा वाहतूक शाखेच्या मदतीने वाहतूक नियोजन करण्याची गरज आहे. मात्र, महापालिकेच्या एकाही अधिकाऱ्याला याबाबत गांभीर्य नसल्याचे दिसून येते. शहरात तयार करण्यात आलेल्या फुटपाथवर झाडे वाढली असल्याने आणि ‌जेथे चालण्यायोग्य फुटपाथ आहेत त्यावर पार्किंग आणि फळविक्रेत्यांनी अतिक्रमण केले आहे. त्यामुळे पादचाऱ्यांना रस्त्यावरूनच चालावे लागते. फुटपाथवर असलेले मॅनहोल उघडे असल्याचे पादचारी कधी त्यात पडेल याचा नेम नाही. महापालिकेचा आंधळा कारभार नागरिकांच्या जीवावर उठत असताना प्रशासकीय पातळीवर याचे काहीच गांभीर्य नाही.

अशी करावी लागते उपायोजना

ज्या ठिकाणी विकास कामे सुरू असतात त्या ठिकाणी नागरिकांना व वाहनधारकांना समजण्यासाठी लाल रंगाच्या पट्ट्या लावल्या जातात. काही वर्षांपूर्वी रस्त्यांवर चेंबर्सचे काम सुरू असेल तर ठेकेदारांकडून बांबूचे सरंक्षक कठडे उभे केले जात असत. तसेच विजेचा ​लाल दिवा लावला जात असे. दिवा नसेल तर कंदिलाला लाल रंगाचा जिलेटीन पेपर लावला जात असे. पण सध्या कोणत्याही विकास कामाच्या ठिकाणी अपघात होऊ नये यासाठी सरंक्षक उपाययोजना ठेकेदार अथवा महानगरपालिका करत नाहीत. उलट पोलिस प्रशासन लोखंडी बॅरिकेटस् लावून सरंक्षक उपाय योजना करण्याचा तोकडा प्रयत्न करते.

मोबाइल अॅप डाउनलोड करा आणि राहा अपडेट

रक्ताचे डागांनी रंगली ब्ल्यू व्हेलची चर्चा

September 17, 2017, 2:30 pm

≫ Next: शेट्टींच्या बालेकिल्ल्यात सदाभाऊंची मोर्चेबांधणी

≪ Previous: महानगरपालिकेचे दुर्लक्ष जीवावर बेतले

$

0

0

म. टा. प्रतिनिधी, कोल्हापूर

महावीर गार्डनमधील ध्यानमंदिरात रक्ताचे डाग व त्या शेजारी पडलेल्या ब्लेडमुळे ब्ल्यू व्हेल गेम खेळताना युवतीने आत्महत्या केल्याची चर्चा रविवारी दिवसभर परिसरात पसरल्याने खळबळ उडाली. मात्र, ही अफवा असून पोलिस खातरजमा करत आहेत. असा कोणताही प्रकार घडलेला नाही असे पोलिसांनी स्पष्ट केले.

महावीर गार्डनमध्ये दररोज सकाळी मॉर्निंग वॉक व व्यायामाला मोठ्या संख्येने लोक येतात. तसेच ध्यान मंदिरात काही नागरिक योग व ध्यानाला बसतात. सकाळी सहाच्या सुमारास ध्यानमंदिरात रक्त सांडल्याचे फिरायला येणाऱ्या नागरिकांच्या निदर्शनास आले. तसेच याठिकाणी एक ब्लेडही पडले होते. ही घटना समजताच फिरायला आलेल्या नागरिकांनी ध्यानमंदिराकडे धाव घेतली. ब्ल्यू व्हेल गेम खेळण्याच्या नादात हा प्रकार घडला असावा असा कयास काहींनी बोलून दाखविल्यानंतर चर्चेला ऊत आला. त्यानंतर सकाळी अकरानंतर महावीर गार्डनमध्ये ब्ल्यू व्हेलच्या गेम खेळताना युवतीने आत्महत्येचा प्रयत्न केल्याची पोस्ट सोशल मीडियावर फिरू लागली.

दरम्यान या घटनेची सत्यता पडताळण्यासाठी शाहूपुरी पोलिसांशी संपर्क साधला असता अशा प्रकारची कोणतीही तक्रार आली नसल्याचे पोलिसांनी सांगितले. शहर पोलिस अधीक्षक डॉ. प्रशांत अमृतकर यांनी शहरातील सर्व पोलिस ठाण्यात आत्महत्येचा प्रयत्न केला आहे का याची चौकशी केली. तसेच ध्यानमंदिरात पडलेल्या रक्ताचे नमुनेही पोलिसांनी तपासण्यास घेतले. तसेच शनिवारी रात्री या परिसरातील कोणत्या घटना घडल्या याची माहितीही घेतली. शनिवारी रात्री गार्डनमध्ये दोन गट वाढदिवस साजरा करण्यासाठी आले होते. यात काही युवक, युवती आल्या होत्या अशी माहिती मिळाली. परिसरातील नागरिकांच्या तक्रारीनंतर त्यांना परिसरातून हटकले होते. त्यानंतर गार्डन बंदच होते.

मोबाइल अॅप डाउनलोड करा आणि राहा अपडेट

शेट्टींच्या बालेकिल्ल्यात सदाभाऊंची मोर्चेबांधणी

September 17, 2017, 10:30 pm

≫ Next: बॉम्बस्फोटातील निर्दोष कैद्याची आत्मकथा

≪ Previous: रक्ताचे डागांनी रंगली ब्ल्यू व्हेलची चर्चा

$

0

0

जयसिंगपूर

खासदार राजू शेट्टी यांच्या स्वाभिमानी शेतकरी संघटनेचा बालेकिल्ला समजल्या जाणाऱ्या शिरोळ तालुक्याचा रविवारी कृषि राज्यमंत्री सदाभाऊ खोत यांनी खास मॅरॉथॉन दौरा केला. तालुक्यातील जैनापूर, उमळवाड, कोथळी, दानोळी, जयसिंगपूर शहर, अर्जुनवाड, शिरोळ आणि यड्राव येथे त्यांनी शेतकऱ्यांच्या व ग्रामस्थांच्या गाठीभेटी घेतल्या. या दौऱ्यात झालेल्या बैठकांमध्ये त्यांनी शेतकऱ्यांसह सर्वांनाच नव्या संघटनेच्या ३० सप्टेंबर रोजी इचलकरंजी येथे होणाऱ्या जाहीर सभेत ‘सोने लुटायला या’, असे निमंत्रण दिले.

रविवारी सकाळी ११ वाजता जैनापूर येथील ग्रामपंचायत कार्यालयात बैठक झाली. त्यानंतर उमळवाड व कोथळी येथेही बैठका झाल्या. दानोळी येथे दुपारी एक वाजता झालेल्या बैठकीत मंत्री सदाभाऊ खोत म्हणाले, ‘मी स्वाभिमानी संघटनेचे घर सोडले नाही. घरानेच मला सोडले आहे. माझी प्रतिमा मलिन करण्याचा कुटिल डाव रचला गेला. माझ्याविरोधात अफवांचे पीक पसरविले. मात्र, मी कधीच सुडाचे राजकारण केले नाही. उलट मातीतल्या माणसांची हक्काची लढाई नेहमीच लढत राहिलो.’ कोणी कितीही धूळफेक केली, तरी तमा न बाळगता ध्येयपूर्ती करणारच, असा विश्वास त्यांनी खासदार राजू शेट्टी यांचे नाव न घेता व्यक्त केला.

ते म्हणाले, ‘कोल्हापूर येथे शाहू स्मारक भवन येथे गुरूवारी (ता.२१) दुपारी एक वाजता नव्या संघटनेच्या नावाची घोषणा करण्यात येईल. याचवेळी संघटनेचा झेंडा, बिल्ला ठरविण्यात येणार आहे. तर ३० रोजी इचलकरंजी येथे नवीन संघटनेची मुहूर्तमेढ रोवण्यात येणार आहे. यानंतर होणाऱ्या पहिल्या जाहीर सभेत राज्य, केंद्र सरकारचे धोरण, नव्या संघटनेची उद्दिष्टे स्पष्ट करणार असल्याचे त्यांनी सांगितले. संघटनांच्या माध्यमातून केवळ एक प्रश्न सुटून चालणार नाही. शेतीबरोबरच उद्योगधंदे, युवकांच्या हाताला काम देण्यासाठी आपली नवी संघटना कार्यरत राहील. समाजाच्या सर्व घटकांना सोबत घेऊन संघटना वाटचाल करेल. जनतेला सोन्याचे दिवस येण्यासाठी दसऱ्याचे सोने लुटायला या, असे आवाहनही त्यांनी केले.

यावेळी सुरेशदादा पाटील, महादेव धनवडे आदि उपस्थित होते. वारणा नदीतून इचलकरंजी शहराला पाणी देण्यामया अमृत योजनेला विरोध करणारे निवेदन यावेळी मंत्री खोत यांना देण्यात आले. यानंतर मंत्री खोत यांनी शरद कारखान्याचे अध्यक्ष राजेंद्र पाटील-यड्रावकर,नगरसेवक सर्जेराव पवार, भाजपचे विठ्ठल पाटील यांच्या निवासस्थानी भेट दिली. शिरोळ, अर्जुनवाड, यड्राव येथेही शेतकऱ्यासह ग्रामस्थांच्या गाठीभेटी घेऊन त्यांनी नव्या संघटनेच्या सभेला येण्याचे निमंत्रण दिले.

मोबाइल अॅप डाउनलोड करा आणि राहा अपडेट

बॉम्बस्फोटातील निर्दोष कैद्याची आत्मकथा

September 18, 2017, 7:56 am

≫ Next: हातकणंगले लोकसभा जागा लढवणार: सदाभाऊ

≪ Previous: शेट्टींच्या बालेकिल्ल्यात सदाभाऊंची मोर्चेबांधणी

$

0

0

मटा ऑनलाइन वृत्त । सोलापूर

'ज्यांच्याकडे संवेदना आहे तोच माणूस संवाद करू शकतो. मात्र आज समाजात सगळीकडे संवेदना बोथट झाल्या आहेत.' असं प्रतिपादन औरंगाबाद येथील साहित्यिक प्रदीप म्हैसेकर यांनी केले. सोलापूर येथे अब्दुल वाहिद लिखित 'बेगुनाह कैदी' या पुस्तकाचे प्रकाशनावेळी ते बोलत होते.

११ जुलै २००६ रोजी मुंबई शहरात लोकल रेल्वेमध्ये सात ठिकाणी बॉम्बस्फोट झाले होते. या प्रकरणी दहशतवादविरोधी पथकाने सोलापूरच्या अब्दुल वाहिद याला अटक केली होती. नऊ वर्ष जेलमध्ये काढल्यानंतर न्यायालयाने त्याला निर्दोष जाहीर केले होते. या नऊ वर्षातील अनुभवांवर आधारित अब्दुल वाहिदचे 'बेगुनाह कैदी' हे आत्मचरित्र नुकतेच सोलापूर येथे हुतात्मा स्मारक मंदिरात झालेल्या कार्यक्रमात प्रकाशित झाले. पुस्तक प्रकाशन सोहळ्याला ब्रिगेडियर सुधीर सावंत, लेखिका, सामाजिक कार्यकर्त्या शारदा दुबे उपस्थित होत्या.

यावेळी बोलताना पुस्तकाचा लेखक अब्दुल वाहिद म्हणाला, 'हा देश लोकशाहीवादी सामाजिक देश नसून एक पोलीस स्टेट बनला आहे. अनेक निरपराध तरुणांना नाहक तुरुंगात डांबून ठेवण्यात आले आहे. या तरुणांच्या सुटकेसाठी लाखो रुपयांचे शुल्क आकारणाऱ्या वकिलांची गरज नसून त्यांच्या कायदेशीर मदतीसाठी एक चळवळ उभारण्याची गरज आहे.'

'मी नऊ वर्ष कैदेत होतो. पोलिस अत्याचाराला बळी पडलो होतो. तुरुंगातून आपण पत्नीला हजारो पुस्तके लिहिली. ती जरी प्रकाशित केली तर दहा पुस्तके तयार होतील, असे वाहिद म्हणाला.

आजवर बनावट कारवायांमध्ये अटक करण्यात आलेल्या तरुणांमध्ये मुस्लिम तरुणांची संख्या मोठी आहे. पोलीस जे सांगतात, तेच माध्यमांमध्ये प्रकाशित होते. सोलापूरच्या गाझिउद्दिन रिसर्च सेंटरने हे पुस्तक प्रकाशित केले आहे.

मोबाइल अॅप डाउनलोड करा आणि राहा अपडेट

---

हातकणंगले लोकसभा जागा लढवणार: सदाभाऊ

September 18, 2017, 11:17 am

≫ Next: तर डंपरमालक आत्महत्या करतील

≪ Previous: बॉम्बस्फोटातील निर्दोष कैद्याची आत्मकथा

$

0

0

म. टा. वृत्तसेवा, कराड
‘इचलकरंजी येथे होणाऱ्या ३० सप्टेंबरच्या दसरा मेळाव्यात मोठे भगदाड पडलेले दिसेल. आगामी लोकसभा निवडणुकीत माझी हातकणंगले मतदारसंघातून उमेदवारी असणार आहे. त्यामुळे हातकणंगले हा तर माझा घरचा मतदारसंघ आहे. या मतदारसंघातून आगामी लोकसभा लढवणार आहे, त्याची घोषणा दसऱ्याच्या मेळाव्यात जाहीर केली जाईल,’ अशी माहिती कृषी आणि पणन राज्यमंत्री सदाभाऊ खोत यांनी दिली.
भाजपाचे येथील ज्येष्ठ नेते राजाभाऊ देशपांडे यांच्या ९५व्या वाढदिवसानिमित्त रविवारी रात्री उशीरा खोत यांनी येथे देशपांडे यांचे अभिष्ठचिंतन केले. त्यानंतर ते उपस्थित पत्रकारांशी बोलत होते.
खोत म्हणाले, मी गावापासून २०० किमी अंतरावर जाऊन माढा लोकसभा मतदारसंघात गतवेळची लोकसभा निवडणूक लढविली होती. तेव्हा मला पाच लाख मतदारांनी मते देत माझ्यावर मोठा विश्वास दाखविला होता. त्यामुळे आगामी लोकसभा निवडणुकीत माझी हातकणंगले मतदारसंघातून उमेदवारी असणार आहे. त्यामुळे हातकणंगले हा तर माझा घरचा मतदारसंघ आहे. या मतदारसंघातून आगामी लोकसभा लढवणार असलो तरी या बाबतची घोषणा दसऱ्याच्या मेळाव्यात जाहीर केली जाईल.
येत्या २१ तारखेला घटस्थापने दिवशी नव्या संघटनेच्या नावाची घोषणा करणार असून, येत्या ३० तारखेला इचलकरंजी येथे दसरा मेळावा घेऊन त्या मेळाव्यातच यंदाच्या ऊसदराची घोषणा करणार आहे आणि तोच दर यंदाचा ऊसदर असेल. मी चळवळीतून वाढलेला कार्यकर्ता आहे व मी लढू शकणार नाही, असे म्हणणाऱ्यांना उत्तर देण्यासाठी संघटना काढत आहोत. संघटनेचे ब्रिदवाक्य संवादातून संघर्षाकडे, असे असेल. पहिल्यांदा संवाद साधला जाईल व प्रतिसाद न मिळाल्यास संघर्ष केला जाईल, असेही खोत म्हणाले.

मोबाइल अॅप डाउनलोड करा आणि राहा अपडेट

तर डंपरमालक आत्महत्या करतील

September 18, 2017, 2:30 pm

≫ Next: अपघातप्रकरणी कंत्राटदाराला नोटीस

≪ Previous: हातकणंगले लोकसभा जागा लढवणार: सदाभाऊ

$

0

0

म. टा. प्रतिनिधी, कोल्हापूर

प्रादेशिक परिवहन विभागाच्या (आरटीओ) जाचक अटी व अधिकाऱ्यांकडून होणाऱ्या त्रासाच्या विरोधात जिल्ह्यातील डंपर चालकांनी डंपरसह जिल्हाधिकारी कार्यालय व प्रादेशिक परिवहन कार्यालयावर सोमवारी मोर्चा काढला. आरटीओचा त्रासाला कंटाळून मालक आत्महत्या करतील, अशी ​परिस्थिती निर्माण झाली आहे, याकडे कोल्हापूर डंपर असोसिएशनने एका निवेदनाद्वारे लक्ष वेधण्यात आले.

मोर्चात ८७ डंपर सहभागी झाले होते पण वाहतुकीची कोंडी लक्षात घेऊन मोर्चात फक्त सात डंपरना प्रवेश दिल्याबद्दल पोलिस प्रशासनाविषयी नाराजी व्यक्त केली. संघटनेचे जिल्हाध्यक्ष शिवाजीराव पवार, कोल्हापूर जिल्हा लॉरी असोसिएशनचे अध्यक्ष सुभाष जाधव, विश्वजित पवार, विजय पाटील यांच्या नेतृत्वाखाली तावडे हॉटेलपासून मोर्चास प्रारंभ झाला. मोर्चात आरटीओच्याविरोधात घोषणा देण्यात आल्या. तावडे हॉटेल, मार्केट यार्ड, रुईकर कॉलनी, ताराराणी चौक, दाभोळकर कॉर्नर, स्टेशन रोड, व्हीनस टॉकिज, दसरा चौक, त्रिकोणी बाग, खानविलकर बंगला, जिल्हाधिकारी कार्यालय परिसरात मोर्चा आला. यावेळी आरटीओ प्रशासनाच्याविरोधात घोषणा देऊन निदर्शने करण्यात आली.

संघटनेच्यावतीने जिल्हाधिकारी डॉ. अविनाश सुभेदार यांना निवेदन देण्यात आले. आरटीओच्या जाचक अटी व त्रास कमी होण्याची मागणी करण्यात आली. जिल्ह्यातील अनेकजण पोटाच्या उदरनिर्वाहासाठी क्रशर, खाणीवरील मुरुम, वाळूची वाहतूक करून डंपर चालवून मालक व चालक उपजिविका करतात याकडे निवेदनाद्वारे लक्ष वेधण्यात आले. हा व्यवसाय करताना आरटीओकडून डंपरची अडवणूक केली जाते. प्रसंगी चालकांना आरटीओ अधिकाऱ्यांकडून शिविगाळ व मारहाण करुन धमकी दिली जाते असा आरोप करण्यात आला. धमकीला न जुमानता व्यवसाय केल्यास डंपरवर केस टाकणे, डंपर पोलिस ठाण्यात लावणे, २५ ते ३० हजार रुपये दंड वसूल केला जातो. कागदपत्रे योग्य असली तरी तरी गाडी ओव्हरलोड असल्याचे कारण दाखवून वजन काट्यावर नेली जाते. तसेच वाहनात साइडला माल आहे असे सांगून डंपर चालक व मालकाला हैराण केले जाते. वाहन पासिंगसाठी नवीन नियम लागू केले आहेत. त्यामुळे कर्ज काढून खरेदी केलेल्या डंपरच्या कर्जाचा हप्ताही फेडता येणे शक्य होईनासे झाले आहे. आरटीओचा त्रासाला कंटाळून मालक आत्महत्या करतील अशी ​परिस्थिती निर्माण झाली आहे, याकडे लक्ष वेधण्यात आले. आरटीओ अधिकाऱ्यांच्या मनमानी कारभाराविरोधात चौकशी करून वाहनधारकांना अडचणीतून बाहेर काढावे, अशी मागणी केली.

वाहन पासिंगला उशीर झाल्यास रोजचा ५० रुपये दंड, शुल्कामध्ये झालेली वाढ, इन्शुरन्समध्ये झालेली वाढ रद्द करावी, अशी मागणीही करण्यात आली. शिष्टमंडळात प्रदीप पाटील, पापा भोसले, रंगराव भोसले, महेश पाटील, विलास पाटील शियेकर, पंडित पोवार, विजय तेरदाळकर यांच्यासह डंपर मालकांचा समावेश होता.

मोबाइल अॅप डाउनलोड करा आणि राहा अपडेट

अपघातप्रकरणी कंत्राटदाराला नोटीस

September 18, 2017, 2:30 pm

≫ Next: जीवघेणे रस्ते, महिन्यात पाच नागरिकांचा बळी

≪ Previous: तर डंपरमालक आत्महत्या करतील

$

0

0

म. टा. प्रतिनिधी, कोल्हापूर

खानविलकर बंगला ते महावीर कॉलेज रोडदरम्यानच्या अपघातात दोन सख्या भावांच्या मृत्यूला कारणीभूत ठरलेल्या सिमेंट पाइप कंत्राटदाराने सोमवारी सकाळी तातडीने हटवल्या. तसेच तिथे बॅरिकेडस उभारले. दरम्यान, या अर्धवट राहिलेल्या क्रॉसड्रेनच्या कामाजवळ बॅरिकेडस लावण्याचे आदेश दिलेले असताना सिमेंट पाइप रस्त्यात ठेवल्याबद्दल महापालिकेने या कंत्राटदाराला नोटीस बजावली आहे. या प्रकाराबाबत खुलासा मागितला असून त्यानंतर पुढील कारवाई केली जाणार आहे.

महापालिकेचा मान्यताप्राप्त कंत्राटदार सुरेश कोलेकर यांनी मे महिन्यापासून काम सुरू केले आहे. या क्रॉसड्रेनेच्या कामात अडथळा ठरणारी मोठी पाइप हटवण्यात येणार होती. त्याचे काम पाणीपुरवठा विभागाच्यावतीने करण्यात येणार होते. या कामासाठी मोठा खर्च असल्याने त्याचे इस्टिमेट करण्यात आले होते. यामुळे वॉर्ड कार्यालयाच्यावतीने करण्यात येणारे क्रॉसड्रेनचे काम थांबले होते. याबाबत पाणीपुरवठा व वॉर्ड कार्यालयाकडून पाहणी झाली होती. काम पुर्ण होईपर्यंत तिथे बॅरिकेडस लावण्याऐवजी कंत्राटदाराने कामातील काढण्यात आलेल्या जुन्या पाइप खड्ड्याशेजारी ठेवल्या होत्या. या पाइपऐवजी बॅरिकेडस लावावेत असे अधिकाऱ्यांनी सांगितले होते. तरीही कंत्राटदाराने पाइप काढल्या नव्हत्या.

रविवारी सायंकाळी झालेल्या अपघातानंतर कंत्राटदाराच्या हलगर्जीपणाचा मुद्दा समोर आला. सोमवारी सकाळी तातडीने त्या पाइप हटवण्यात आल्या. तसेच तिथे बांबूचे बॅरिकेडस लावण्यात आली. त्यासाठीची आवश्यक ती खबरदारीही घेण्यात आली. मात्र या प्रकाराबाबत सोमवारी महापालिकेने कंत्राटदाराला नोटीस काढली आहे. बॅरिकेडसऐवजी पाइप का ठेवण्यात आल्या याचा खुलासा करण्यास सांगितले आहे.

मोबाइल अॅप डाउनलोड करा आणि राहा अपडेट

जीवघेणे रस्ते, महिन्यात पाच नागरिकांचा बळी

September 18, 2017, 2:30 pm

≫ Next: ठाणेकरांना मंदिरप्रवेश नको

≪ Previous: अपघातप्रकरणी कंत्राटदाराला नोटीस

$

0

0

कोल्हापूर टाइम्स टीम

शहरातील रस्त्यांची दुर्दशा नागरिकांच्या जिवावर उठत आहे. रस्त्यातील खड्डे, आयआरबीकडून अपूर्ण राहिलेली कामे, दुकानांचे अतिक्रमण आणि महापालिकेने खोदून ठेवलेले रस्ते अपघातांना निमंत्रण देत आहेत. गेल्या महिन्याभरात शहरात रस्त्यांच्या दुरवस्थेने पाच बळी घेतले. दुर्घटनेनंतरच जागी होणारी महापालिकेची यंत्रणा तात्पुरत्या उपायोजना करते, मात्र ठोस सुधारणा होत नसल्याने अपघाती बळींचे सत्र सुरूच आहे. कसबा बावडा ते सीपीआर चौक मार्गावरील हरिपूजापूरमसमोर रविवारी (ता. १७) संध्याकाळी अपघात झाला. ड्रेनेज पाइपलाइनचे काम सुरू असल्याने खड्ड्याभोवती लावलेल्या पाइपवर भरधाव दुचाकी धडकून दोन सख्ख्या भावंडांना जीव गमवावा लागला. मागील आठवड्यात पोस्ट ऑफिस ते पितळी गणपती या मार्गावर खड्डा चुकवताना पडून दुचाकीस्वाराचा मृत्यू झाला. या दोन्ही अपघातांना रस्त्यातील खड्डे आणि रस्त्यांची अर्धवट कामे जबाबदार आहेत. टेंबे रोडवर स्पीडब्रेकरवर आदळून अपघात झाला होता, तर नंगीवली तालीम चौकात केएमटी बसखाली दुचाकी सापडून एका शिक्षिकेचा बळी गेला होता. अपघातांची ही प्रातिनिधिक उदाहरणे रस्त्यांची दुर्दशा आणि महापालिकेचे दुर्लक्ष स्पष्ट करणारी आहेत.

अपघातानंतरच महापालिकेला जाग येते, मात्र पुन्हा अपघात होऊ नयेत यासाठी दक्षता घेतली जात नाही ही वस्तुस्थिती आहे. महापालिकेच्या उदासीन कारभारामुळेच वाहनधारकांना जीव गमवावे लागत आहेत. शहरात रस्ते विकास प्रकल्पांतर्गत आयआरबी कंपनीने रस्ते तयार केले, मात्र या रस्त्यांची महापालिकेकडून देखभाल दुरुस्ती होत नाही. बहुतांश रस्ते दुभंगले आहेत. रस्त्यांमध्ये असलेले अनावश्यक आणि अशास्त्रीय स्पीडब्रेकर अपघातांना निमंत्रण देतात. अनेक ठिकाणी कामे अपूर्ण आहेत याकडे महापालिकेचे दुर्लक्ष कायम आहे. रंकाळा चौपाटी परिसरात डी मार्टसमोर रस्त्याचे काम अपूर्ण आहे. या ठिकाणी वाहनांची नेहमीच वर्दळ असते. अनेकदा लहान-मोठे अपघात घडले. मात्र या रस्त्याचे काम पूर्ण केले जात नाही. टेंबलाई मंदिर ते टेंबलाई नाका या मार्गावरही अपूर्ण कामामुळे प्रवास धोकादायक ठरत आहे.

सायबर चौकात एसएससी बोर्डाकडून येणारा रस्ता उखडला आहे. राजारामपुरीतील जनता बजार ते परिख पूल हा मार्ग नेहमीच खड्डेमय असतो. शिवाय या परिसरात दुकानांचे अतिक्रमण, बेशिस्त पार्किंग यामुळे अपघात घडतात. रेल्वे स्टेशनसमोर शाहूपुरी पोलिस ठाण्याच्या जुन्या इमारतीजवळ मोठा खड्डा आहे. महिन्यापूर्वी महापौरांनी स्वतः या खड्ड्याची पाहणी करून दुरुस्तीचे आदेश दिले. मात्र अद्याप हा खड्डा कायम आहे. व्हीनस कॉर्नर चौकात वारंवार डागडुजी केली जाते. मात्र पावसाचे पाणी निघून जाण्याची सोय नसल्याने संपूर्ण चौक जलमय होतो. महावीर उद्यानाजवळ जिल्हाधिकारी कार्यालयाच्या गेटसमोरही अशीच स्थिती आहे. साचलेल्या पाण्यामुळे या ठिकाणी खड्डेच लक्षात येत नाहीत.

शहरातील सर्वाधिक वर्दळीच्या सुभाष रोडवर वडाप आणि रिक्षांचे अनधिकृत स्टॉप आहेत. वाहनांचे बेशिस्त पार्किंग, दुकानांचे अतिक्रमण आणि रस्त्यात मध्येच महावितरणचे डीपी उभे असल्याने या वर्दळीच्या मार्गावर जीव मुठीत घेऊन प्रवास करावा लागतो. रिलायन्स मॉलजवळ ड्रेनेजचे काम अपूर्ण आहे. फूटपाथचा पत्ताच नाही. उघडे मॅनहोल आणि अर्धवट डिव्हायडर अपघातांना कारणीभूत ठरतात. लक्ष्मीपुरी, शाहूपुरी, भाऊसिंगजी रोड, महाद्वार रोड, ताराबाई रोड, पापाची तिकटी या वर्दळीच्या मार्गावर दुकानांसह पार्किंगचे अतिक्रमण आहे. शहरातील अरूंद रस्ते आणि बेशिस्तीमुळे होणारे अपघात रोखण्यासाठी महापालिका ठोस उपाययोजना करीत नाही, असे आरोप नागरिकांकडून केले जातात.

=====

पथदिवे बंद

रस्ते विकास प्रकल्पातील मार्गावरील बहुतांशी पथदिवे बंद आहेत. रात्रीच्या अंधारात वाहनधारकांना रस्त्यांचा अंदाज येत नाही. पावसाचे पाणी साचल्यानतंर खड्डे चुकवताना अपघात होतात. महापालिकेकडे अनेकदा तक्रारी करूनही महापालिका पथदिवे सुरू करीत नाही. पथदिवे सुरू झाल्यास किमान रसत्यांवरील अडथळे तरी नागरिकांच्या लक्षात येतील, अशी अपेक्षा केली जात आहे.

=====

हेल्मेट सक्ती थंडावली

पोलिसांनी शहर वगळता जिल्ह्यातील महामार्गांवर दुचाकीस्वारांसाठी हेल्मेट वापरणे सक्तीचे केले आहे. गणेशोत्सवाच्या बंदोबस्तात पोलिस अडकल्याने दुचाकीस्वारांच्या तपासणीचे काम थंडावले होते. महामार्गांवर पोलिसांकडून कारवाई होत नसल्याने पुन्हा दुचाकीस्वार विनाहेल्मेट प्रवास करीत आहेत. पोलिसांनी या कारवाईत सातत्य ठेवणे गरजेचे आहे.

======

कचरा कंटेनर रस्त्यातच

महापालिकेने शहरात अनेक ठिकाणी कचरा कंटेनर थेट रस्त्यात ठेवले आहेत. फूटपाथच्या बाहेर रस्त्यावरील कंटेनरमुळे अर्धे रस्ते व्यापले आहेत. ताराबाई पार्कातील सिंचन भवनच्या कोपऱ्यावर कचरा कंटेनर रस्त्यातच आहे. कसबा बावड्यात श्रीराम सोसायटीसमोर कंटेनर रस्त्यात ठेवला जातो. शिवाजी पेठ, मंगळवार पेठ आणि बुधवार पेठेतील वर्दळीच्या मार्गावरही कचरा कंटेनर वाहतुकीसाठी अडथळे ठरत आहेत.

मोबाइल अॅप डाउनलोड करा आणि राहा अपडेट

ठाणेकरांना मंदिरप्रवेश नको

September 18, 2017, 2:30 pm

≫ Next: सुवर्णपालखीतून नगरप्रद​क्षिणा

≪ Previous: जीवघेणे रस्ते, महिन्यात पाच नागरिकांचा बळी

$

0

0

म. टा. प्रतिनिधी, कोल्हापूर

कायदा व सुव्यवस्था कायम राहण्यासाठी नवरात्रोत्सवात ठाणेकर कुटुंबीयांना अंबाबाई मंदिरात प्रवेश देऊ नये, त्याचबरोबर मंदिराच्या गाभाऱ्यात सीसीटीव्ही कॅमेरे लावावेत, अशी मागणी पुजारी हटाव कृती समितीने केली आहे. सोमवारी (ता. १८) या मागणीचे निवेदन पोलिस अधीक्षक संजय मोहिते यांच्याकडे देण्यात आले. याशिवाय हिवाळी अधिवेशनापर्यंत आंदोलन स्थगित केल्याचेही पुजारी हटाव कृती समितीने स्पष्ट केले आहे.

करवीर निवासिनी अंबाबाई देवीच्या मूर्तीस घागरा-चोलीचा पोषाख परिधान केल्यानंतर निर्माण झालेल्या वादाने पुजारी आणि पुजारी हटाव समिती आमने-सामने उभी ठाकली आहे. पालकमंत्र्यांच्या सूचनेनुसार जिल्हाधिकाऱ्यांनी दोन्ही बाजुची मते, पुरावे घेऊन नुकताच राज्य सरकारकडे अहवाल पाठवला आहे. याशिवाय पगारी पुजारी नेमण्याबाबत हिवाळी अधिवेशनात अध्यादेश काढला जाईल, असे आश्वासन पालकमंत्री चंद्रकांत पाटील यांनी दिले आहे. पुजारी हटाव कृती समितीच्या मागण्यांवर सरकारकडून सकारात्मक काम सुरू असल्याने हिवाळी अधिवेशनापर्यंत आंदोलन स्थगित करीत असल्याचे कृती समितीने जाहीर केले आहे. तसे निवेदन समितीने सोमवारी पोलिस अधीक्षक मोहिते यांना दिले.

याशिवाय नवरात्रोत्सव कळात अंबाबाई मंदिरात ठाणेकर कुटंबीयांना प्रवेश देऊ नये, असा आग्रह समितीने धरला आहे. नवरात्रोत्सव काळात गरुवारी (ता. २८) ठाणेकर कुटुंबीयांचा वार असल्याने अजित ठाणेकर किंवा बाबूराव ठाणेकर मंदिरात जाऊ शकतात. सरकारचा निर्णय होण्यापूर्वी ठाणेकर कुटुंबीय मंदिरात गेल्यास कायदा सुव्यवस्थेचा प्रश्न उद्भवू शकतो, त्यामुळे उत्सव काळात ठाणेकरांना मंदिरात प्रवेश मिळणार नाही याची दक्षता घ्यावी, असे आवाहन समितीने पोलिस अधिकाऱ्यांकडे केले. नवरात्रोत्सव काळातील पुजाऱ्यांच्या नावाचे फलकही मंदिरात लावावेत. याशिवाय गाभाऱ्यात सीसीटीव्ही कॅमेरे तातडीने लावावेत असा आग्रह समितीने धरला आहे. यावेळी शिवसेनेचे जिल्हाध्यक्ष संजय पवार, विजय देवणे, राष्ट्रवादीचे आर. के. पोवार, राजेश लाटकर, स्वाभिमानचे सचिन तोडकर, याशिवाय बाबा पार्टे, दिलीप देसाई, दिलीप पाटील, इंद्रजित सावंत, शरद तांबट आदी उपस्थित होते.

व्हीआयपी पास बंद करा

कोर्टाच्या आदेशानुसार उत्सव काळात मंदिरात दर्शनासाठी व्हीआयपी पास पद्धत सुरू राहू नये. मंदिरात येणाऱ्या सर्वांना एकच न्याय असावा. पोलिसांनी व्हीआयपी मार्गावर लक्ष ठेवून संबंधितांवर कारवाई करावी. मंदिरासह परिसरातील सर्व सीसीटीव्ही कॅमेरे सुरू ठेवावेत, सुरक्षेसाठी चप्पल स्टँड इतरत्र हलवावित, मंदिरात पिण्याच्या पाण्याची सोय करावी, परंपरेनुसारच देवीची पूजा बांधावी आणि गाभाऱ्यातील आर्द्रतेबाबत दक्षता घ्यावी, अशा सूचना प्रजासत्ताक संस्थेने केल्या आहेत.

मोबाइल अॅप डाउनलोड करा आणि राहा अपडेट