‘शिवपुत्र राजाराम’ चे बुधवारी प्रकाशन

August 27, 2017, 2:30 pm

≫ Next: आवाडेंची भाजपकडे पाठ?

≪ Previous: अंगणवाडी कर्मचारी मानधनाच्या प्रतिक्षेत

$

0

0

म. टा. प्रतिनिधी, कोल्हापूर

राजाराम महाराज, ताराबाई यांची चरित्रे इतिहासकारांकडून दुर्लक्षित राहिली. काही इतिहासकारांनी तर त्यांचा उल्लेख टाळून बेदखल केले. ती उपेक्षा व अन्याय दूर करण्यासाठीच राजाराम महाराजांच्या कार्यावर ‘शिवपुत्र छत्रपती राजाराम’ या नावाने चरित्र लिहिले. त्यांच्या कार्याचा इतिहास समोर आणण्यासाठी ‘शिवपुत्र छत्रपती राजाराम’ हा चरित्र ग्रंथ १५ वर्षांच्या संशोधनातून लिहिला आहे.’ अशी माहिती ज्येष्ठ इतिहास संशोधक डॉ. जयसिंगराव पवार यांनी दिली.

महाराष्ट्र इतिहास प्रबो‌धिनीतर्फे बुधवारी (ता. ३०) सायंकाळी सहा वाजता येथील राजर्षी शाहू स्मारक भवनात सिक्कीमचे राज्यपाल श्रीनिवास पाटील यांच्या हस्ते या ग्रंथाचे प्रकाशन होईल. श्रीमंत शाहू महाराज, पालकमंत्री चंद्रकांत पाटील, खासदार संभाजीराजे छत्रपती, माजी आमदार मालोजीराजे छत्रपती यांच्या प्रमुख उपस्थितीत हा कार्यक्रम होणार आहे.

डॉ. पवार म्हणाले, ‘शिवछत्रपतींच्या निधनानंतर औरंगजेब बादशहा मराठ्यांचे राज्य नष्ट करण्यासाठी उत्तरेतून आला. त्या विरोधात संभाजी महाराज, राजाराम महाराज, महाराणी ताराबाई यांच्या नेतृत्वाखाली २७ वर्षे मराठ्यांनी लढा दिला. म्हणूनच मराठ्यांचे स्वातंत्र्युद्ध म्हणून इतिहासात या लढ्याची नोंद आहे. दुर्दैवाने या लढ्याचे नेतृत्व करणारे संभाजी, राजाराम, ताराबाई यांचे कर्तृत्व उपेक्षित राहिले.

संभाजी महाराजांच्या हत्येनंतर निर्माण झालेल्या संकटप्रसंगी राजाराम महाराजांनी स्वराज्याची धुरा सांभाळली. मोगल आक्रमणास सलग ११ वर्षे प्रतिकार केला. शत्रूने घेतलेले राज्य पुन्हा मिळवले. खानदेश, बागलाणपासून जिंजी तंजावरपर्यंत विस्तीर्ण प्रदेशात त्यांच्या नेतृत्वाखाली मराठ्यांनी औरंगजेबाच्या फौजेशी लढाया केल्या. तामिळनाडूत जिंजी किल्ल्यावर मराठ्यांची राजधानी स्थापन करून मोगल आणि मराठा संघर्षाचे क्षेत्र अरबी समुद्रापासून बंगालच्या उपसागरावरील मद्रास किनारपट्टीपर्यंत विस्तारले. अशाप्रकारे संकट काळातही राजाराम महाराज हिंमत हरले नाही. दक्षिणेसह दिल्ली जिंकण्याची मनीषा बाळगली. त्यासंबंधीची कागदपत्रे उपलब्ध आहेत. फारसी, इंग्रजी, फ्रेंच, पोर्तुगीज कागदपत्रांचा चिकित्सक अभ्यास, संशोधन करून राजाराम महाराजांवर चरित्रग्रंथ लिहिला. त्यामध्ये १०० हून अधिक चित्रे, छाया‌चित्रे, नकाशे असून डेमी क्राऊन साईजमध्ये प्रकाशित केली आहेत.’ पत्रकार परिषदेस डॉ. विजय शिंदे, सुरेश शिपूरकर, डॉ. मंजुश्री पवार, डॉ. प्रकाश शिंदे उपस्थित होते.

मोबाइल अॅप डाउनलोड करा आणि राहा अपडेट

---

आवाडेंची भाजपकडे पाठ?

August 27, 2017, 2:30 pm

≫ Next: डॉल्बीवाल्या मंडळांना अल्ट‌िमेटम

≪ Previous: ‘शिवपुत्र राजाराम’ चे बुधवारी प्रकाशन

$

0

0

म. टा. वृत्तसेवा, इचलकरंजी

जातीयवादी पक्षाचा झेंडा खांद्यावर घेण्याऐवजी राष्ट्रवादी काँग्रेसमध्ये सन्मान मिळेल. एकवेळ हातात घड्याळ बांधू, पण कमळ घ्यायला नको असा कार्यकर्त्यांचा वाढता दबाव आवाडे पिता-पुत्रांवर असल्याने माजी मंत्री, प्रकाश आवाडे यांनी भाजपमध्ये जाण्याचा बेत रद्द केला असल्याचे खात्रीशीररीत्या समजते. येत्या काही दिवसांत व्यापक बैठक घेऊन राष्ट्रवादी काँग्रेस पक्षात प्रवेशाचा निर्णय पक्का करण्यात येणार आहे. आवाडे समर्थकांनी रविवारी याबाबत बैठक घेतली.

आवाडे गटाने माजी मुख्यमंत्री नारायण राणे यांच्या समवेत भाजपमध्ये प्रवेश करण्याचा निर्णय घेतला होता. वरिष्ठ स्तरावरून या प्रवेशाला हिरवा झेंडा दाखविण्यात आला होता. मात्र, स्थानिक व जिल्हा पातळीवर या प्रवेशाला प्रखर विरोध झाला. दरम्यान, राष्ट्रवादी काँग्रेस पक्षाचे अध्यक्ष, खासदार शरद पवार यांनी आवाडे यांच्याशी दूरध्वनीवरून चर्चा केली. त्यांनी भाजप प्रवेशापासून आवाडे यांना परावृत्त केल्याचेही सांगण्यात येत आहे.

दरम्यान, ‘आवाडे हे भाजपमध्ये आल्यास त्यांचे स्वागत करू’ असे वक्तव्य करून पालकमंत्री चंद्रकांत पाटील यांनी खळबळ उडवून दिली. मात्र, स्थानिक पातळीवर आवाडे यांना विरोध करणारा मोठा गट भाजपमध्ये असल्याने त्यांच्याकडून प्रवेशाला विरोध होणार हे निश्चित होते. आवाडेंना पक्षात प्रवेश दिल्यास कार्यकर्त्यांचे खच्चीकरण होईल असा सूर भाजपमधून व्यक्त झाला.

दरम्यान, आवाडे हे पक्षात आल्यास त्याचा पक्षवाढीसाठी मोठा फायदा होऊ शकतो, हे लक्षात आल्यानंतर राष्ट्रवादी काँग्रेसकडून तशा हालचाली झाल्या. त्यामुळे पवार यांच्याकडून राष्ट्रवादी काँग्रेस प्रवेशाची आलेली संधी न गमविण्याची मानसिकता आवाडे गटाने केली आहे. काही दिवसात यावर शिक्कामोर्तब होईल.

मोबाइल अॅप डाउनलोड करा आणि राहा अपडेट

डॉल्बीवाल्या मंडळांना अल्ट‌िमेटम

August 27, 2017, 2:30 pm

≫ Next: प्लास्टिकबंदीला केराची टोपली

≪ Previous: आवाडेंची भाजपकडे पाठ?

$

0

0

म. टा. प्रतिनिधी, कोल्हापूर

डॉल्बी लावू नका म्हणून पोलिस प्रशासनाने रविवारी शहरातील प्रमुख मंडळे व तालमींना भेट देऊन पदाधिकारी व कार्यकर्त्यांचे प्रबोधन केले. डॉल्बीमुक्त गणेशोत्सवाचा विडा पोलिसांना उचलला असून सोमवारी शहरातील ३० ते ३५ मंडळांना पोलिसांनी आमंत्रित केले असून पालकमंत्री चंद्रकांत पाटील व विशेष पोलिस महानिरीक्षक विश्वास नांगरे-पाटील मार्गदर्शन करणार आहेत. डॉल्बी लावल्यास जागेवरच कारवाई केली जाईल, असा अल्ट‌िमेटम् मंडळांना बैठकीत देण्याची शक्यता वर्तवली जात आहे.

डॉल्बीमुक्त गणेशोत्सवाला जिल्ह्यातील बहुतांशी मंडळाकडून पाठिंबा मिळत आहे. पण काही मंडळे डॉल्बीचा आग्रह करत आहेत. राजारामपुरीत शुक्रवारी गणेश आगमन मिरवणुकीत पोलिसांनी कणखर भूमिका डॉल्बी लावून दिला नाही. आमदार राजेश क्षीरसागर, आमदार सतेज पाटील, शिवसेनेचे जिल्हाप्रमुख संजय पवार, विजय देवणे, शहर प्रमुख दुर्गेश लिंग्रस यांनी कमी आवाजात डॉल्बी लावण्याची मागणी केली होती. पण पोलिस डॉल्बीबंदीवर ठाम राहिल्याने सर्वच मंडळांना माघार घ्यावी लागली. डॉल्बी लावून ध्वनीप्रदूषण करणाऱ्या तीन मंडळांच्या १२ पदाधिकाऱ्यांवर पोलिसांनी गुन्हे दाखल केले आहेत यापैकी सर्वजण सर्वच पक्षाच्या नेत्यांशी संबधित आहेत. दरम्यान शनिवारी शाहूपुरी पोलिसांनी कनानगरातील दोन मंडळांचे डॉल्बी, ट्रॅक्टर, ट्रॉली जप्त केले.

राजारामपुरीत डॉल्बी लावला की ‌विसर्जन मिरवणुकीत मंडळांची भीती नाहीशी होते. परिणामी आवाज मर्यादेचे उल्लंघन करण्यास कोणी कचरत नाहीत. त्यामुळे पोलिसांनी सलामीलाच चाप लावल्याने मिरवणुकीतही अशीच भू‌मिका घेतली जाणार आहे.

विसर्जन मिरवणुकीत डॉल्बीवरुन तणाव निर्माण होऊ नये म्हणून पोलिसांनी प्रयत्न सुरु केले आहेत. गतवर्षी डॉल्बी लावणाऱ्या १६ मंडळासह अन्य मंडळांना शहर पोलिस उपअधीक्षक डॉ. प्रशांत अमृतकर यांनी रविवारी भेटी दिल्या. उत्तरेश्वर प्रासादिक वाघाची तालीम, रंकाळावेश तालीम मंडळ, रंकाळा टॉवर, क्रांती बॉईज, हिंदवी स्पोर्टस्, दयावान ग्रुप, झुंझार क्लब, बीजीएम स्पोर्टस्, खंडोबा तालीम मंडळ या मंडळांना भेटी देऊन कार्यकर्त्यांशी चर्चा केली. डॉल्बीमुक्तीवर पोलिस ठाम असून मंडळांनी पारं​परिक वाद्याचा आग्रह पोलिसांनी धरला. डॉल्बी लावला तर पोलिसांना गुन्हे दाखल करतील. त्यामध्ये तरुणांचे करिअरवर परिणाम होण्याची शक्यताही बोलून दाखवली. राजारामपुरीत पोलिसांनी ठाम कारवाई केल्याने काही मंडळांनी डॉल्बी लावणार नसल्याचे पोलिसांकडे स्पष्ट केले. तर काही मंडळांच्या कार्यकर्त्यांनी दोन बेस, दोन टॉप लावून देण्याची केलेली विनंती पोलिसांनी अमान्य केली. सोमवारी फिरंगाई तालीम मंडळ, नंगीवली तालीम मंडळ, पाटाकडील तालीम मंडळ, दिलबहार तालीम मंडळ, जुना बुधवार पेठ, बागल चौक या मंडळांना शहर पोलिस उपअधीक्षक भेट देणार आहेत.

यादी तयार

पोलिसांनी डॉल्बी लावणाऱ्या संभाव्य ३५ मंडळांची यादी तयार केली असून या मंडळे व तालमींच्या पदाधिकाऱ्यांची बैठक सोमवारी अडीच वाजता पोलिस अधीक्षक कार्यालयात होणार आहे. या बैठकीला पालकमंत्री पाटील व विशेष पोलिस महानिरीक्षक नांगरे-पाटील मार्गदर्शन करणार आहे. या मंडळांना डॉल्बी लावू नये, असे आवाहन करणार आहेत. डॉल्बी लावल्यास पोलिस कारवाई करतील. विसर्जन मिरवणुकीत जागेवरच मंडळांच्या गुन्हे दाखल करून डॉल्बी लावणाऱ्यांना अटक करण्याची तयारीही पोलिसांनी ठेवली आहे.

मोबाइल अॅप डाउनलोड करा आणि राहा अपडेट

प्लास्टिकबंदीला केराची टोपली

August 27, 2017, 2:30 pm

≫ Next: सांगा महाडिक कुणाचे?

≪ Previous: डॉल्बीवाल्या मंडळांना अल्ट‌िमेटम

$

0

0

कोल्हापूर टाइम्स टीम

स्वातंत्र्यदिनापासून शहरात प्लास्टिक बंदीची अंमलबजावणी करण्याची घोषणा महापालिकेने केली आहे; पण या घोषणेला व्यापारी व विक्रेत्यांनी केराची टोपली दाखवली आहे. २० मायक्रॉनच्या कॅरीबॅग्जचा मोठ्या प्रमाणात वापर सुरू आहे. गणेशोत्सवामुळे शहरात कॅरीबॅगचा सर्वत्र सुळसुळाट सुरू असताना महापालिकेची यंत्रणा तोकडी पडत आहे.

केंद्र सरकारने प्लास्टिक कॅरीबॅगमुक्त भारतची घोषणा केली आह. प्लास्टिकच्या दुष्परिणामाचे परिणाम जगाला भेडसावत असताना भारतही त्यातून सुटलेला नाही. देशात दरवर्षी १५ हजार टन प्लास्टिक कॅरीबॅगचा कचरा जमा होता. त्यापैकी नऊ हजार टन प्लास्टिक कॅरीबॅगचा उचल केली जाते. २० मायक्रॉनच्या पिशव्यांवर बंदी घातली आहे.

केंद्र सरकारच्या धोरणाचा अवलंब करून महापालिकेने १५ ऑगस्टपासून शहरात प्लास्टिक बंदी जाहीर केली आहे. प्लास्टिक कॅरीबॅगचा वापर करू नये यासाठी महापालिकेने प्रबोधनावर भर दिला आहे. तसेच आरोग्य निरीक्षकांना ५० मायक्रॉनपेक्षा कमी असलेल्या कॅरीबॅग्जवर कारवाई करण्याचे अधिकार दिले आहेत. आरोग्य निरीक्षकांनी महापालिकेच्या ताब्यातील भाजी मंडईत प्रबोधन करण्याबरोबर कॅरीबॅग्ज वापरणाऱ्या विक्रेत्यांवर दंडात्मक कारवाई केली. कचरा उठवाच्या कामातून आरोग्य निरीक्षकांना मान वर काढण्यास उसंत नसल्याने कॅरीबॅग्जवर कारवाई करण्यास चालढकल केली जात आहे.

गणेशोत्सवाच्या पार्श्वभूमीवर शहरात कॅरीबॅग्जचा सुळसुळाट दिसू लागला आहे. सगळीकडे २० मॉयक्रॉनपेक्षा कमी कॅरीबॅग्जचा सर्रास वापर केला जात आहे. फळ, भाजी विक्रेते, फुले व पूजेच्या साहित्याची विक्री करणारे, मिठाईची दुकाने, डेकोरशन साहित्य करणाऱ्या विक्रेत्यांकडून सर्रास कॅरीबॅग्जचा वापर केला जात आहे. महापालिकेच्या हाकेच्या अंतरावरील बाजारगेट, पानलाइन, शिवाजी मार्केट, महाद्वार रोड, पापाची तिकटी, लक्ष्मीपुरी या परिसरात कॅरीबॅग्जचा वापर केला जात आहे.

२० मायक्रॉन कॅरीबॅग्जच्या उत्पादनावर बंदी असतानाही मोठ्या प्रमाणात या बॅग्ज बाजारात आहेत. गांधीनगर परिसरातून या कॅरीबॅग्जचा पुरवठा होत असून तहसीलदार कार्यालय, प्रदूषण नियंत्रण मंडळ, अन्न व औषध प्रशासन, महापालिका कॅरीबॅग्जचा पुरवठा रोखण्यासाठी अपयशी ठरत आहेत. गणेशोत्सवात हजारो कॅरीबॅग्ज कचऱ्यात येणार आहे. त्याचा फटका पर्यावरणाला बसणार आहे. पण उत्सवकाळात कारवाई करण्यासाठी महापालिका प्रशासन कचखाऊ धोरण स्वीकारत असल्याने कॅरीबॅग्ज विक्री मोठ्या प्रमाणात होत आहे.


शहरात १५ ऑगस्टपासून प्लास्टिक बंदीची घोषणा झाली आहे. याची भाजी मंडईतही अंमलबजावणी सुरू झाली आहे. आमचा सुरुवातीचा भर प्रबोधनावर आहे. आरोग्य निरीक्षकांना प्लास्टिक कॅरीबॅगचा साठा करणाऱ्यांवर कारवाई करण्याचे आदेश दिले आहेत.

- विजय पाटील,
मुख्य आरोग्य निरीक्षक

मोबाइल अॅप डाउनलोड करा आणि राहा अपडेट

सांगा महाडिक कुणाचे?

August 27, 2017, 2:32 pm

≫ Next: त्रुटींसंदर्भात मुख्यमंत्र्यांना भेटणार

≪ Previous: प्लास्टिकबंदीला केराची टोपली

$

0

0

Udaysing.patil@timesgroup.com

Udaysing.patilMT

कोल्हापूर: पक्षाच्या बंधनात न अडकता त्या पक्षाचा आपल्याला हवा तसा वापर करण्याची नेहमीची पद्धत असणाऱ्या महादेवराव महाडिक यांनी काँग्रेस व भाजप अशा दोन्ही डगरींवर हात ठेवत पुन्हा एकदा राजकीय मतलबीपणाचा दाखविला आहे. गेल्या रविवारी काँग्रेसच्या माजी मुख्यमंत्र्यांच्या दौऱ्यात ‘मी काँग्रेसचा’ असे म्हणणाऱ्या महाडिकांनी शनिवारी भाजपच्या नेत्यांवर स्तुतीसुमने उधळत ‘तुम्ही सांगाल तेंव्हा लढू’ असा भाजपसोबत जाण्याचा मनोदय व्यक्त केला. सारे पत्ते हातात ठेवण्याची महाडिकांची नेहमीची पद्धत असल्याने आगामी काळात राजकारणाची दिशा जशी बदलेल, तसा महाडिकांचा प्रवास असेल, असेच यातून संकेत मिळतात.

महादेवराव महाडिक म्हणजेच एक पक्ष आहे, असे सांगणाऱ्या महाडिकांना कोणताही पक्ष वर्ज्य नाही, हेच दिसून येते. काँग्रेसच्या तिकिटावर​ विधानपरिषद लढवणाऱ्या महाडिकांना गेल्या निवडणुकीत काँग्रेसने तिकीट न दिल्यावर बंडखोरी केली. महाडिकांनी काँग्रेसचा वापर बेमालूमपणे केला. महापालिकेत महाडिकांची सत्ता असताना काँग्रेसच्या चिन्हावर निवडणूक लढवण्याचा त्यांचा विरोध सर्वश्रूत आहे. यातूनच महाडिकांना पक्षाशी बांधिल राहून काम करायचे नव्हते हेच स्पष्ट होत होते. काँग्रेसमधील स्थानिक व वरिष्ठ पातळीवरील नेत्यांनी महाडिकांच्याविरोधात भूमिका घेतली असती तर कदा​चित महाडिकांची मनमानी चालली नसती. पण काँग्रेसनेही तत्कालिन राजकीय फायदा घेण्यासाठी या मनमानीकडे काणाडोळा केला. त्यातूनच महाडिकांची वाटचाल मी म्हणेल ती पूर्वदिशा अशा प्रकारची राहिली. त्यामुळे त्यांच्या घरात काँग्रेससह भाजप, राष्ट्रवादी काँग्रेस पक्ष दिसू लागले.

मुलगा भाजपचा आमदार, आता स्वत: लढण्यास तयार

विधानसभा निवडणुकीत मुलगा अमल महाडिक यांना भाजपचे ति​कीट घेऊन निवडून आणले. त्यावेळी काँग्रेसचा उमेदवार पराभूत केला. महानगरपालिकेची निवडणूक लढवली जात असताना महाडिक यांनी भाजपच्या चंद्रकांत पाटील यांच्याशी चर्चा करून ताराराणी आघाडीला निवडणुकीत उतरवले. ते थेट चित्रात नसले तरी सारे पाठबळ त्यांचेच असल्याचे स्पष्ट झाले. यातून काँग्रेसला महापालिकेतील सत्तेपासून दूर ठेवण्याचा प्रयत्न केला गेला. महाडिकांनी विधानसभा निवडणुकीपासून काँग्रेसविरोधात उघडलेल्या आघाडीची वाटचाल नुकत्याच झालेल्या जिल्हा परिषदेच्या निवडणुकीपर्यंत कायम राहिली. यातून नगरपालिकेच्या निवडणुकीत अनेक ठिकाणी काँग्रेस, राष्ट्रवादी आघाडीला मात देत असताना भाजपाला बळ दिले. जिल्हा परिषदेच्या निवडणुकीत तर भाजपचा झेंडा फडकवला. या साऱ्यांमुळे महाडिक भाजपच्या वाटेवर असल्याचे स्पष्ट दिसत होते. विधान परिषदेच्या निवडणुकीत बंडखोरी केल्यामुळे काँग्रेसमधून निलंबित करण्याचा निर्णय घेतला. पण ते त्यानंतरही मी काँग्रेसमध्येच आहे, असे सांगत होते.

‘मी काँग्रेसचाच’

गेल्या रविवारी झालेल्या सद्भवना दौडवेळी महाडिकांनी या काँग्रेस नेत्यांच्या कार्यक्रमाला हजेरी लावली. केवळ हजेरी लावली नाही तर मी काँग्रेसचाच आहे, असे सांगण्यासह विसरले नाहीत. यामुळे सामान्य कार्यकर्त्यांच्या नव्हे तर स्थानिक नेत्यांच्याही भुवया उंचावल्या. भाजपला मदत करणाऱ्या महाडिकांकडून काँग्रेसचा असल्याचे सांगण्यामुळे कार्यकर्त्यांनाही या प्रकाराला काय म्हणावे, असे काही क्षण वाटले असावेच. त्यानंतर अवघ्या सहाव्या दिवशी भाजपच्या नेत्यांची स्तुती करुन ‘तुम्ही सांगाल तेंव्हा लढू’ असे सांगून साऱ्यांची मती गुंग केली. नगरपालिका, जिल्हा परिषद व महापालिका यांच्या निवडणुकांमधून भाजपच्या मदतीने विधान परिषदेची जोडणी केली आहे. मुलगा, सून भाजपमध्येच आहेत. तर पुतण्यालाही आगामी लोकसभा निवडणुकीसाठी भाजपच्या छत्राखाली आणण्याचे नियोजन त्यांच्या डोक्यात असावे. यामुळे ते जरी आता मी काँग्रेसचाच म्हणून काँग्रेस नेत्यांच्या डोळ्यात धूळफेक करत असले तरी त्यांची पाऊले भाजपचेच कार्यालय गाठणार असे दिसत आहे. मात्र त्यांनी दोन्ही डगरींवर हात ठेवून भविष्यात काही राजकीय उलथापालथी झाल्यास आपले पत्ते सुरक्षित रहावेत, हीच खेळी दिसत आहे.

मोबाइल अॅप डाउनलोड करा आणि राहा अपडेट

त्रुटींसंदर्भात मुख्यमंत्र्यांना भेटणार

August 27, 2017, 2:33 pm

≫ Next: मोदी मंत्रिमंडळात कधीही सामील होणार नाहीः सुप्रिया सुळे

≪ Previous: सांगा महाडिक कुणाचे?

$

0

0

म. टा. प्रतिनिधी, कोल्हापूर

कोल्हापूर प्रादेशिक योजनेत असंख्य त्रुटी आहेत. योजनेतील त्रुटीच्या अनुषंगाने जवळपास सहा हजार हकरती नोंदविल्या आहेत. योजनेत पर्यटनासंदर्भात कोणताच आराखडा दिसत नाही. पर्यटन विकासाच्या दृष्टीने ते मारक आहे. प्रस्तावित योजनेतील त्रुटी दूर कराव्यात यासाठी मुख्यमंत्री देवेंद्र फडणवीस व पालकमंत्री चंद्रकांत पाटील यांची भेट घेऊन वस्तुस्थिती मांडण्याचे ठरले. आमदार चंद्रदीप नरके व आर्किटेक्टस असोसिएशन, टेक्नोक्रॅटसच्या पदाधिकाऱ्यांनी पुणे येथील नगररचना संचालक एन. आर. शेंडे यांच्यासमोर योजनेतील त्रुटी निदर्शनास आणल्या.

प्रादेशिक योजनेतील वस्तुस्थिती दर्शविणारी ध्वनीमुद्रित चित्रफित पाहून योजना दुरुस्ती करावी, अशी सूचना आमदार नरके यांनी केली. या बैठकीत गावठण क्षेत्राबाहेर लोकसंख्येच्या आधारावर ७५० ते १५०० मीटर अंतराचा समावेश करावा. वाड्या, वस्त्या विकसित होण्यासाठी त्यांच्या क्षेत्रातही ५०० मीटरपर्यंत वाढ करणे आवश्यक आहे. पर्यटन वाढीसाठी ऐतिहासिक, धार्मिक, वन, औद्योगिक, शेतीविषयक तालुका निहाय आवश्यक स्थळांची यादी देऊन औरंगाबदच्या धर्तीवर पर्यटन आराखडा निश्चित करावा. प्रादेशिक योजनेतील त्रुटी संदर्भात पालकमंत्री पाटील यांनी स्वत लक्ष घालण्याची आवश्यकता असल्याची मत आर्किटेक्ट राजेंद्र सावंत, इंजिनीअर अजय कोराणे यांनी व्यक्त केले.

योजनेत गूळ, दूध, चर्मकार, चोदी व्यवसायाकरिता कुठेही क्लस्टरसारखी योजना अथवा नियोजन केले नसल्याचे निदर्शनास आणले. यावेळी शिष्टमंडळाने आवश्यक गावांचे नकाशा सादर केले. शिष्टमंडळात इंजिनीअर अजय उत्तुरे, आर्किटेक्ट उदय जाधव, विश्वास कदम, सुहास लाड, विजय कुलकर्णी, बबलू मकानदार आदींचा समावेश होता. डोंगर दऱ्यावर प्रादेशिक उद्यान असणे आवश्यक आहे, परंतु वस्तुनिष्ठ सर्व्हेवर आधारित नसलेली प्रादेशिक उद्यान संकल्पना रद्द करण्याची मागणी यावेळी केली.


प्रीमियम आकारणी चुकीची

आमदार नरके म्हणाले, प्रादेशिक योजनेत समाविष्ठ असलेल्या क्षेत्रात बांधकाम करताना प्रीमियम आकारणी करता येत नाही. पण प्रादेशिक विकास योजनेत ग्रामीण भागातील रहिवाशांना ३० टक्के प्रीमियम द्यावा लागणार आहे. प्रीमियमची आकारणी चुकीचे आहे. जिल्ह्याचा पुढील वीस, पंचवीस वर्षाचा विचार करुन विकास आराखडा तयार होत आहे. यामुळे योजनेतील त्रुटी दूर होणे गरजेचे आहे.

मोबाइल अॅप डाउनलोड करा आणि राहा अपडेट

मोदी मंत्रिमंडळात कधीही सामील होणार नाहीः सुप्रिया सुळे

August 28, 2017, 5:19 am

≫ Next: मुलाने आईचा खून करून केले काळजाचे तुकडे

≪ Previous: त्रुटींसंदर्भात मुख्यमंत्र्यांना भेटणार

$

0

0

मटा ऑनलाइन वृत्त । पंढरपूर

आपण केंद्रातील मोदी सरकारमध्ये सामील होणार असल्याच्या अफवा उठवल्या जात असून यात कोणतंही तथ्य नसल्याचं स्पष्टीकरण राष्ट्रवादी कॉंग्रेसच्या खासदार सुप्रिया सुळे यांनी आज केलं. सुळे यांच्या या स्पष्टीकरणामुळे एनडीएत जाण्याच्या सर्व शक्यतांना पूर्णविराम मिळाला आहे. सुळे यांनी यावेळी राज्यातील फडणवीस सरकारच्या कारभारावर जोरदार टीका केली.

‘गेल्या काही वर्षांपासून अशा प्रकारच्या अफवा पसरवल्या जात आहेत. हा चीड आणण्याचा प्रकार आहे. या अफवा कोण पसरवतं, हे उद्योग नेमकं कोण करतं, हे कळत नाही’ असं सुप्रिया सुळे म्हणाल्या.

फडणवीस सरकार अपयशी

सुप्रिया सुळे यांनी यावेळी राज्यातील देवेंद्र फडणवीस सरकारच्या कारभारावर टीका केली. राज्य सरकार सर्वच पातळ्यांवर अपयशी ठरत असून तीन मंत्र्यांवर भ्रष्टाचाराचे गंभीर आरोप झाले आहेत. मात्र मुख्यमंत्री सतत मी अभ्यास करतोय म्हणतात. गेली तीन वर्ष ते एकाच वर्गाचा अभ्यास करत असतील, तर त्यांना आणखी मदतीची गरज आहे, असा टोला सुळे यांनी लगावला.

काल, रविवारी बिहारमध्ये लालूप्रसाद यादव यांनी ‘भाजप हटाओ, देश बचाओ’ रॅली आयोजित केली होती. या रॅलीला मोठा प्रतिसाद मिळाला होता. आता देशात मोदी सरकारविरोधात विरोधकांची फळी तयार होत असल्याचं सुप्रिया सुळे म्हणाल्या.

मोबाइल अॅप डाउनलोड करा आणि राहा अपडेट

मुलाने आईचा खून करून केले काळजाचे तुकडे

August 28, 2017, 6:38 am

≫ Next: ​ आटपाडीत होता रामरहिमचा ‘डेरा’स्थानिकांनी प्रतिसाद न दिल्याने गाशा गुंडाळला

≪ Previous: मोदी मंत्रिमंडळात कधीही सामील होणार नाहीः सुप्रिया सुळे

$

0

0

मटा ऑनलाइन वृत्त। कोल्हापूर

दारू पिण्यासाठी आईने पैसे न दिल्याच्या रागातून मद्यपी मुलाने आईचा निर्घृण खून केला. आईच्या मृदेहाचे तुकडे करून तिचे काळीजही बाजुला काढले. ही धक्कादायक घटना कोल्हापुरात कावळा नाका परिसरातील माकडवाला वसाहतीत घडली. यल्लव्वा (जनाबाई) रामा कूचकोरवी (वय ६२, रा. माकडवाला वसाहत, कावळा नाका) असे मृत वृद्धेचे नाव असून, हल्लेखोर मुलगा सुनील (२८) याला घरातूनच पोलिसांनी अटक केली. सोमवारी दुपारी दीडच्या सुमारास ही घटना घडली.

माकडवाला वसाहतीतील यल्लव्वा ही वृद्धा शाहूवाडी, मलकापूर परिसरात फुगे, कंगवे विक्रीचे काम करीत होती. पंधरा-वीस दिवसांनी ती कोल्हापुरातील घरी येऊन पुन्हा माघारी जात होती. मोठा मुलगा राजू (३०) आणि सुनील ही दोन्ही मुले सेंट्रिंगचे काम करतात. यातील सुनील हा माकडवाला वसाहतीतील पत्र्याच्या घरात राहतो, तर राजू हा जवळच दुसऱ्या घरात राहतो. सुनील हा सतत मद्यप्राशन करून घरात पत्नी आणि मुलांना मारहाण करीत असल्याने त्याची घरात दहशत होती. नेहमीच्या वादाला कंटाळून पत्नीने ३ मुली आणि मुलास रजपूतवाडी येथील आश्रमशाळेत घातले आहे. दोन महिन्यांपूर्वीच पत्नी कामाच्या शोधात मुंबईला गेली. सोमवारी सकाळी दहाच्या सुमारास यल्लव्वा घरात आल्यानंतर सुनीलने तिच्याकडे पैशांची मागणी केली. दारू पिण्यासाठी पैसे देण्यास आईने नकार दिल्याने या दोघांमध्ये वाद झाला. यानंतर घराबाहेर पडलेला सुनील एकच्या सुमारास नशेतच घरात आला. त्याने आईशी वाद घालत तिच्यावर धारदार चाकूने हल्ला केला. डाव्या बाजूने पोट फाडून तिच्या मृतदेहाचे तुकडे केले. मुख्य रस्त्यापासून आत घडलेला हा प्रकार परिसरात कोणाच्या लक्षात आला नाही.

दुपारी दीडच्या सुमारास गल्लीतील एका चार वर्षीय मुलीने यल्लव्वा यांच्या घरातून बाहेर येणारे रक्त पाहिले. घाबरलेल्या मुलीने याची माहिती तिच्या नातेवाईकांना दिली. यानंतर परिसरातील नागरिकांनी यल्लाव्वाच्या घरात पाहिले असता तिचा मृतदेह छिन्नविछिन्न अवस्थेत दिसला. काळजाचे तुकडे एका भांड्यात ठेवले होते. चटणी आणि मिठाची बरणीही शेजारीच होती. मुलगा सुनील हा नशेत घरातच पडला होता. नागरिकांनी शाहूपुरी पोलिसांना घटनेची माहिती कळवताच पोलिस घटनास्थळी दाखल झाले. पोलिसांनी नागिरकांच्या मदतीने हल्लेखोर सुनील याला ताब्यात घेतले, त्याचबरोबर चाकूही जप्त केला. घटनास्थळाचा पंचनामा केला असून, शहर पोलिस उपअधीक्षक डॉ. प्रशांत अमृतकर, पोलिस निरीक्षक संजय मोरे यांनी घटनास्थळाची पाहणी केली. हल्लेखोर सुनीलने गुन्ह्याची कबुली दिली आहे, अशी माहिती डॉ. अमृतकर यांनी दिली.

आईच्या काळजाचे केले तुकडे

विक्षिप्त स्वभावाचा सुनील नेहमीच किरकोळ कारणांवरून घरात पत्नीसह आई आणि भावाशी वाद घातल होता. नशेत मारहाण करीत असल्याने कोणच त्याच्यासोबत राहत नव्हते. पत्नीही दोन महिन्यांपूर्वीच त्याला सोडून निघून गेली. जवळचे पैसे संपल्याने तो आईकडे पैसे मागत होता. आईने पैसे देण्यास नकार दिल्याच्या रागातून त्याने आईचेच काळीज काढले. काळजाचे तुकडे कापून एका भांड्यात काढले होते. याशिवाय शेजारी चटणी आणि मिठाची बरणीही होती. हल्लेखोर मुलाने आईच्या काळजाचे तुकडे भाजून खाल्ले असावेत असा पोलिसांना संशय आहे.

नशेच्या गोळ्यांचे सेवन

मेंटेनन्स नावाच्या नशेच्या गोळ्या खाण्याची सुनीलला सवय होती. दारूपेक्षाही कडक नशा देणाऱ्या या गोळ्या परिसरात विकल्या जातात अशी माहिती माकडवाला वसाहतीतील नागरिकांनी दिली. या गोळ्यांचे सेवन केल्यानंतर नशा वाढते. या गोळ्यांच्या नशेतच त्याने आईवर हल्ला केल्याची चर्चा परिसरात सुरू होती. पोलिसांनी त्याला ताब्यात घेतल्यानंतर तो नशेत होता. ही नशा दारुची होती की अन्य पदार्थाची याची माहिती वैद्यकीय तपासणीतून स्पष्ट होईल, अशी माहिती निरीक्षक संजय मोरे यांनी दिली.

मोबाइल अॅप डाउनलोड करा आणि राहा अपडेट

---

​ आटपाडीत होता रामरहिमचा ‘डेरा’स्थानिकांनी प्रतिसाद न दिल्याने गाशा गुंडाळला

August 28, 2017, 9:44 am

≫ Next: ​ सांगली महापालिकेत गदारोळराजदंडा पळविण्याचा प्रयत्न

≪ Previous: मुलाने आईचा खून करून केले काळजाचे तुकडे

$

0

0

म. टा. वृत्तसेवा, सांगली
बलात्काराच्या गुन्ह्यात केंद्रीय गुप्तचर विभागाच्या विशेष न्यायालयाने गुरुमित रामरहिमसिंह याला दहा वर्षांची शिक्षा सुनावल्यानंतर सांगली जिल्ह्यातील आटपाडीतील त्यांचा आश्रम चर्चेत आला आहे. महाराष्ट्रातला पहिला अकरा एकरवरचा आश्रम आटपाडीत उभारल्यानंतर सलग दहा वर्षे प्रयत्न करून अपेक्षेइतकी भक्तांची संख्या वाढत नसल्याने आश्रमाचे ठिकाण फलटणकडे स्थलांतरीत करण्यात आले. सध्या एक शेड वजा हॉल आणि दहा गुंठ्यांच्या जागेत काही भक्तांची वर्दळ सुरू असल्याने आटपाडीतील आश्रमाचे अस्तित्व कायम असल्याचे समोर आले आहे.
आटपाडीसारख्या दुष्काळी भागात कोणाच्या आग्रहस्तावर गुरुमित रामरहिमने आश्रम उभारण्याचा निर्णय घेतला. हे समजू शकले नाही. परंतु, त्याने सुमारे अकरा एकर जागेवर शेती विकसित केली होती. द्राक्ष, डाळींबाची बाग करताना पाण्यासाठी विहिरीचीही खोदाई केली होती. प्रत्येक वर्षी हजारो भक्तगणांचा संतत्संगही होत असे. त्यासाठी रामरहिम स्वतः उपस्थित असायचा. देशाच्या कानाकोपऱ्यात येणाऱ्या त्याच्या भक्तांच्या अलिशान गाड्यांनी आटपाडीचे ओसाड माळरान व्यापून जायचे. त्यातील काही भक्त अधूनमधून येऊन शेतीत काम करून जायचे. सलग दहा वर्षे अशा कार्यक्रमात सातत्य ठेवल्यानंतर स्थानिक भक्तांची संख्या फारशी वाढली नाही. साधने, सुविधेंच्या अभावांमुळे दूरवर येणाऱ्या भक्तांचीही कोंडी होऊ लागली. दुष्काळाने द्राक्ष, डाळींबाच्या बागा जळून गेल्या. त्यामुळे या ठिकाणची केवळ दहा ते बारा गुंठ्याची जागा आपल्या नावावर ठेऊन इतर जागा विकून टाकण्यात आली. त्यानंतर हा आश्रम फलटण येथे स्थलांतरीत करण्यात आला. आटपाडीत सध्या पत्र्याचे शेड वजा हॉल असून, त्या ठिकाणी स्थानिक शंभरहून अधिक भक्त प्रत्येक रविवारी एकत्र येऊन भजन, सत्संग करीत असतात. मध्यंतरी रामरहिमने निर्मिती केलेले तीनही चित्रपट आटपाडीतील चित्रपटगृहात अनेक दिवस सुरू होते. त्यांचे स्थानिक भक्त पदरमोड करून तिकीट काढून सर्वसामान्यांना देत असत. त्यामुळे रामरहिमच्या चित्रपटांना रसिकांचा प्रतिसाद मिळत असल्याचा आभास निर्माण होत होता. उरले सुरले भक्त अद्यापही इतरांना रामरहिमच्या सच्चा डेरा सौदा समुहात सहभागी करून घेण्याचा प्रयत्न करीत असल्याचे समोर येत आहे. प्रत्येक २५ जानेवारीला सिरसा (हरियाणा) येथे होणाऱ्या सत्संगासाठी या भागातील लोकांना नेले जात आहे. सोमवारी सच्चा डेरा सौदाचा प्रमुख रामरहिम यालाच बलात्काराच्या गुन्ह्यात दहा वर्षे सक्तमजुरीची शिक्षा सुनावली गेल्याने स्थानिक पातळीवर भक्तांमध्ये कोणता फरक पडला, हे लवकरच समोर येईल.

मोबाइल अॅप डाउनलोड करा आणि राहा अपडेट

​ सांगली महापालिकेत गदारोळराजदंडा पळविण्याचा प्रयत्न

August 28, 2017, 9:46 am

≫ Next: ​ कोयनेत जोरदार पाऊस सुरूधरणात ९३.३४ टीएमसी पाणीसाठा

≪ Previous: ​ आटपाडीत होता रामरहिमचा ‘डेरा’स्थानिकांनी प्रतिसाद न दिल्याने गाशा गुंडाळला

$

0

0

म. टा. वृत्तसेवा, सांगली
प्रलंबित विकासकामांवरून सोमवारी सांगली महापालिकेच्या विशेष सभेत जोरदार रणकंदन माजले. सुविधा आणि समस्यांबाबतीत लोकांच्या शिव्या खाणाऱ्या नगरसेवकांची अडवणूक करा, असे कोणाचे आदेश आहेत? वर्षभरात साधे खड्डे भरून घेता आलेले नाहीत. जनताच नगरसेवकांना खड्ड्यात घालेल, अशा थेट शब्दात सर्वपक्षीय नगरसेवकांनी आयुक्तांवर आगपाखड केली. सर्व कामांच्या फायली आजच मंजूर करा, अशी मागणी करीत राष्ट्रवादीच्या सदस्यांनी महापौरांच्या आसनासमोर धाव घेतली. विष्णू माने यांनी थेट राजदंडाला हात घालून तो पळविण्याचा प्रयत्न केला. या अभूतपूर्व गोंधळातच विषयपत्रिकेवर सर्व विषयांना मंजुरी देत महापौर हारूण शिकलगार यांनी सभा गुंडाळून मोकळे झाले.
सांगली-मिरज-कुपवाड महापालिकेची विशेष महासभा सोमवारी महापौर शिकलगार यांच्या अध्यक्षतेखाली झाली. सुरुवातीला धनपाल खोत यांनी तीनही शहरातील खड्ड्यांचा प्रश्न उपस्थित करून खड्ड्यांना कोण जबाबदार आहे?, असा सवाल केला. त्यानंतर राष्ट्रवादीचे युवराज गायकवाड यांनी विकासकामांच्या फायली अडविल्या जात असून, त्याला आयुक्तच जबाबदार असल्याचा आरोप केला. आयुक्त रवींद्र खेबुडकर यांनी जीएसटींतर्गत सरकारच्या आदेशानुसार कार्यवाही सुरू असल्याचा खुलासा केला. राष्ट्रवादीचे माने म्हणाले, ‘९० कोटींची कामे मंजूर केल्याचे आयुक्त सांगतात. रस्त्यावरचे खड्डे का भरून निघाले नाहीत. प्रशासनाच्या दिरंगाईमुळे फायली मंजूर असतानाही वर्कऑडर देण्यात आलेल्या नाहीत. नगरसेवकांना तोंड दाखविण्यासाठी सोयही राहिली नाही. आता जीएसटीची भीती दाखवून कामे रद्द केली जात आहेत. महापौर व आयुक्त हे दोघे बसून निर्णय घेण्यातच वर्ष निघून गेले. तुम्ही नगरसेवकांना खेळवत ठेवू नका. सामाजिक संस्था खड्डे भरून घेत आहेत. किमान याची तरी लाज वाटायला पाहिजे. महापौर व आयुक्तांनी राजीनामा द्यावा, अन्यथा राष्ट्रवादीचे नगरसेवकांचे राजीनामे देतील.’ जगन्नाथ ठोकळे, शेखर माने, संजय मेंढे, शेवंता वाघमारे, शुभांगी देवमाने, अनारकली कुरणे, राजू गवळी यांनीही प्रशासनाच्या नाकर्तेपणावर आगपाखड केली. सांगलीची ओळख खड्ड्याचे शहर अशी झाली आहे. खड्ड्याबाबत तत्काळ निर्णय घ्या, अन्यथा जनताच आम्हा नगरसेवकांना खड्ड्यात घालेल, असा टोला लगाविला. संजय बजाज यांनी सभा तहकूब करून फायली मंजूर झाल्यानंतर सभा सुरू करावी, अशी मागणी केली.

प्रशांत मजलेकर यांनी मुरुमाऐवजी माती टाकून खड्डे भरले जात आहे. या पूर्वीच्या पॅचवर्क कामाची चौकशीचे काय झाले? असा सवाल केला. विरोधी पक्षनेते शेडजी मोहिते यांनी विकासकामांचा खेळखंडोबा बंद करा, अशी मागणी केली.

सुरेश आवटी म्हणाले, आयुक्तांचा स्वत:वर आणि खालच्या अधिकाऱ्यांवर विश्वास राहिलेला नाही. त्यामुळे त्यांनीच मंजूर केलेल्या फायलींवर ते पुन्हा शेरे मारतात. दीड महिन्यांपूर्वी फायली निकाली काढण्याचे आश्वासन दिले होते; पण अजूनपर्यंत ही कामे मार्गी लागलेली नाहीत. घंटागाड्यावरचे फायबरचे डबे खरेदी करण्याचे सर्वाधिकार आयुक्तांना दिलेले असताना हा ही प्रस्ताव आयुक्तांकडून प्रलंबित राहत असेल तर कसली हागणदारीमुक्त योजना राबवताय?. तुमचा महिन्याचा महिन्याला पगार होतो, लोक आम्हाला शिव्या देत आहेत, नगरसेवकांची अडवणूक करा, असा आदेश आहे का?, यानंतर राष्ट्रवादीचे सर्वच नगरसेवक महापौरांच्या आसनासमोर जमा झाले. आताच फैसला झाला पाहिजे, असा आग्रह धरला. पण महापौरांनी मंगळवारी सर्व अधिकाऱ्यांची बैठक घेऊन एकाच दिवसांत फायली निकाली काढू, अशी ग्वाही देत समजूत काढण्याचा प्रयत्न केला. पण, विरोधकांना तो मान्य झाला नाही. विष्णू माने यांनी महापौरांच्या आसनासमोरील राजदंड उचलून पळवून नेण्याचा प्रयत्न केला. विरोधक व सत्ताधारी नगरसेवक आमने-सामने आल्याने सभेत प्रचंड गोंधळ उडाला. या गोंधळातच नगरसेवक शेखर माने यांनी सभा तहकूब करण्यास विरोध केला. सर्व विषय मंजूर करा आणि सभा संपवा, अशी मागणी त्यांनी केली. सभेत गदारोळ सुरू असतानाच महापौरांनी सर्व विषय मंजूर करीत सभा गुंडाळली.
फायलीसंदर्भात आज बैठक
सभा संपल्यानंतर सत्ताधारी व विरोधी नगरसेवक आयुक्तांच्या कार्यालयात जमले. राष्ट्रवादीने तर आयुक्तांना तुमच्यावर भरोसा राहिलेला नाही. येत्या आठ दिवसांत फायली मार्गी लागल्या नाही, तर रस्त्यावर उतरून आंदोलन करण्याचा इशारा दिला. विकासकामांच्या फायली मार्गी लावण्यासाठी उद्या मंगळवारी अधिकाऱ्यांची एकत्रित बैठक घेण्यात येणार आहे. या बैठकीत मंजूर कामे व त्याच्या वर्कऑर्डरचा फैसला केला जाणार असल्याचे महापौर शिकलगार यांनी सांगितले.
फायली अडविण्याचा हेतू नाही- आयुक्त
आयुक्त खेबूडकर म्हणाले, ‘गेली वर्षभर प्रशासनाला गती देऊन फायलींचा निपटारा करण्याचा प्रयत्न केला आहे. यात कुठेही फायली अडविण्याचा हेतू नव्हता आणि आताही नाही. फायलींमधील त्रुटी दूर करूनच त्याला मंजुरी दिली आहे. सरकाराने जीएसटीबाबत अध्यादेश लागू केला आहे. तोही महत्त्वाचा आहे. विकासकामांच्या ४०० ते ५०० फायली आहेत. प्रत्येक फायलीचा अभ्यास करून त्यावर निर्णय घेतला जाईल. कामाच्या निविदा योग्य पद्धतीने निघाल्या पाहिजेत. इतरांना कामाबाबत टीका करण्यासाठी आयते कोलीत मिळू नये, याची खबरदारी घेतली जात आहे.’

मोबाइल अॅप डाउनलोड करा आणि राहा अपडेट

​ कोयनेत जोरदार पाऊस सुरूधरणात ९३.३४ टीएमसी पाणीसाठा

August 28, 2017, 9:48 am

≫ Next: एक घास कुपोषितासाठीकराडमधील गणेशोत्सव मंडळ, तरुणांचा विधायक उपक्रम

≪ Previous: ​ सांगली महापालिकेत गदारोळराजदंडा पळविण्याचा प्रयत्न

$

0

0

म. टा. वृत्तसेवा, कराड
कोयना धरण पाणलोट क्षेत्रात सोमवारी दुपारपासून जोरदार पावसाला सुरुवात झाली आहे. कोयना धरणाच्या पाणलोट क्षेत्रातील अतिपर्जन्यवृष्टीचा परिसर असलेल्या प्रतापगड, सोनाट, वळवण, बामणोली, काठी पाथरपुंज आदी पाणलोट क्षेत्रातही पावसाचे प्रमाण वाढले आहे. धरणातील पाण्याची आवक वाढल्याने पाणीसाठ्यात १०७८४ क्युसेक पाण्याची आवक होत आहे. परिणामी धरणातील पाणीसाठा ९३.३४ टीएमसी झाला आहे. धरणाच्या पायथा वीजगृहातून १०२८ क्युसेक पाणी कोयना नदीपात्रात सोडण्यात येत आहे.
सोमवारी सकाळी आठ ते सायंकाळी पाच वाजेपर्यंत कोयनानगर येथे ४०, नवजा ८५ आणि महाबळेश्वर ४० मिलीमीटर पावसाची नोंद झाली आहे.
अनेक दिवस दडी मारलेल्या पावसाने चार दिवसांपासून रिमझिप बरसण्यास सुरुवात केली. त्यामुळे जलाशयातील पाणीसाठा अगदी संथ गतीने वाढत होता. अधूनमधून सूर्याचे दर्शन होत होते. मात्र, सोमवार दुपारपासून कोयना पाणलोट परिसरात पुन्हा एकदा पावसाने जोरदार सुरुवात केली आहे. त्यामुळे पावसाचे प्रमाण असेच राहिले तर कोयना धरण येत्या काही दिवसांत शंभर टक्के भरेल, अशी अपेक्षा आहे. पावसाचा जोर असाच कायम राहिल्यास जलाशयातील पाणीसाठ्याच्या नियोजनासाठी पुन्हा एकदा कोयना धरणाचे सहा वक्र दरवाजे उचलून पाण्याचा विसर्ग करावा लागण्याची शक्यता आहे.
कराड शहर व परिसरातही सोमवारी पावसाने चांगलीच सुरूवात केली, त्यामुळे बळीराजा सुखावला आहे. पाटणचा सोमवार हा आठवडा बाजार असल्याने गौरी-गणपतीच्या सणासाठी तालुक्याच्या कानाकोपऱ्यातून लोक खरेदीसाठी बाजारपेठे दाखल झाले होते. मंगळवारी गौरींचे आगमन होणार असल्याने पाटण शहरातील सर्व रस्ते गर्दीने फुलून गेले होते तर बाजारपेठेत व्यापाऱ्यांची संख्याही मोठ्या प्रमाणात वाढली होती. मात्र, सोमवारी दुपारनंतर अचानक जोरदार आणि संततधार पावसाने सुरुवात केल्याने ग्राहकांसह व्यापारांची त्रेधातिरपट उडाली होती.

मोबाइल अॅप डाउनलोड करा आणि राहा अपडेट

एक घास कुपोषितासाठीकराडमधील गणेशोत्सव मंडळ, तरुणांचा विधायक उपक्रम

August 28, 2017, 9:51 am

≫ Next: नारायण राणे यांचे खरे दुखणे विचारणारकॉँग्रेसचे ज्येष्ठ नेते पतंगराव कदम यांची माहिती

≪ Previous: ​ कोयनेत जोरदार पाऊस सुरूधरणात ९३.३४ टीएमसी पाणीसाठा

$

0

0

म. टा. वृत्तसेवा, कराड
गणेशोत्सव, दुर्गा उत्सवाच्या काळात एकत्र येणाऱ्या युवा शक्तीला विधायक कार्याकडे वळवण्याचे काम नगरसेवक सौरभ पाटील करीत आहेत. त्यांच्या मार्गदर्शनाखाली शहरातील अनेक तरुणांनी एकत्र येऊन मेळघाटातील कुपोषित बालकांसाठी ‘एक घास बाप्पांसाठी..,एक घास कुपोषितासाठी,’ ही मोहिम हाती घेतली आहे.
गणेशोत्सव व दुर्गा उत्सव काळात शहरातील विविध गणेश मंडळे, संस्था, व्यक्तींकडून तसेच मुस्लिम समाज बांधवांकडून धान्य व अन्य वस्तू भेट स्वरूपात स्वीकारून त्या मेळघाटातील मुलांना तेथील डॉ. आशिष सातव दाम्पत्य चालवित असणाऱ्या महान ट्रस्टच्या माध्यमातून वाटण्यात येणार आहेत. येथील विविध गणेश मंडळे, दानशूर व्यक्ती व संस्थांच्या वतीने सौरभ पाटील यांनी पत्रकार परिषदेत ही माहिती दिली.
या वेळी शहरातील विविध गणेश मंडळांचे व संस्थांचे पदाधिकारी, दानशूर व्यक्तींसह नगरपालिकेचे आरोग्य सभापती विजय वाटेगावकर, भाजपाचे घन:श्याम पेंढारकर, नगरसेवक वैभव हिंगमिरे आदी उपस्थित होते.
सौरभ पाटील म्हणाले, गणेशोत्सव काळात एकत्र येणारी युवकांची शक्ती विधायक कार्याकडे वळविण्यासाठी आम्ही हा उपक्रम राबवित आहोत. कराडमधील युवकांनी एकत्र येऊन मेळघाटातील कुपोषित बालकांसाठी ‘एक घास बाप्पांसाठी.., एक घास कुपोषितासाठी,’ ही मोहिम हाती घेतली आहे. गणेशोत्सवाचे औचित्य साधून सार्वजनिक मंडळांच्या माध्यमातून कुपोषित बालकांसाठी धान्य गोळा करून मेळघाटातील कुपोषितांसाठी कराडहून पाठवण्यात येणार आहे. यासाठी शहरातील सर्व गणेश मंडळांचे सहकार्य घेण्यात येणार आहे. येत्या पाच सप्टेंबरपर्यंत हे धान्य येथील मार्केट यार्डातील सोसायटी पेट्रोल पंपाजवळील ज्ञानकमल बिल्डिंगमध्ये एकत्रित केले जाणार आहे. यासाठी येथे मंडळाच्या कार्यकर्त्यांनी स्वतंत्र व्यवस्था केली आहे. गुरुवारी सात सप्टेंबर रोजी सायंकाळी चार वाजता दत्त चौकातील छत्रपती शिवाजी महाराजांच्या पुतळ्याला अभिवादन करून ते मेळघाटाकडे रवाना करण्यात येणार आहे.
एक टन धान्य जमा
पत्रकार परिषदे वेळीच उपस्थित मंडळांनी एक टन गहू व तांदूळ असे या उपक्रमासाठी दिले. या धान्यातून कुपोषित बालकांच्या मुखात दोन घास जावून त्यांना नवसंजिवणी मिळण्यास मदत होईल, असा विश्वासही सौरभ पाटील यांनी व्यक्त केला.

मोबाइल अॅप डाउनलोड करा आणि राहा अपडेट

नारायण राणे यांचे खरे दुखणे विचारणारकॉँग्रेसचे ज्येष्ठ नेते पतंगराव कदम यांची माहिती

August 28, 2017, 9:55 am

≫ Next: उत्कृष्ट छायाचित्रकारांचा गौरव

≪ Previous: एक घास कुपोषितासाठीकराडमधील गणेशोत्सव मंडळ, तरुणांचा विधायक उपक्रम

$

0

0

म. टा. वृत्तसेवा, पंढरपूर
आमदार नारायण राणे यांचे नेमके दुखणे काय आहे? ते कॉँग्रेस सोडण्याचा विचार का करीत आहेत? हे विचारु, अशी माहिती काँग्रेसचे ज्येष्ठ नेते पतंगराव कदम यांनी सोमवारी पंढरपुरात दिली. पक्ष प्रवेशाच्या अगोदर नारायण राणे आपल्याशी बोलणार असून, राणे पिता पुत्र आपल्या संपर्कात असल्याचा खुलासाही कदम यांनी केला आहे.
कदम म्हणाले, कॉँग्रेस पक्षाने राणे पिता-पुत्रांना भरपूर दिले आहे. विधानसभा, लोकसभा दिली. मुंबईतून विधानसभेसाठी उमेदवारी दिली. तिथे पराभव झाल्यावर विधान परिषदेवर घेतले. राणेंना अजून काय द्यायला पाहिजे, असा सवालही कदम यांनी उपस्थित केला. मी राणेंना त्यांचे नेमके दुखणे विचारून त्यांना भाजप प्रवेशापासून परावृत्त करीन, असेही कदम म्हणाले. कोकण असो, वा मुंबई राणेंचा पराभव सेनेने केला आहे कॉँग्रेसने त्यांचा पराभव केलेला नाही.
कॉँग्रेस सर्व समविचारी पक्षांना सोबत घेऊन जाणारा आहे. राष्ट्रवादी कॉँग्रेस आमचेचे एक अंग आहे. आम्ही त्यांना सोबत घेऊ, असा विश्वास व्यक्त करीत त्यांनी प्रदेशाध्यक्ष अशोक चव्हाण यांचा मुद्दा खोडून काढला. राष्ट्रवादीशिवाय कॉँग्रेस मजबूत आहे, असे वक्तव्य चव्हाण यांनी केले होते. राज्यातील सर्व विरोधी पक्षांनी आवाज उठवल्याने कर्जमाफीची घोषणा झाली खरी पण, किती शेतकऱ्यांना याचा लाभ झाला हे अद्याप समोर आले नाही. नेमकी आकडेवारी पुढे आल्यावर कॉँग्रेस त्यावर भूमिका मांडेल, असेही कदम म्हणाले.
‘देवेंद्र’ची टीम चांगली नाही- कदम
राणे आणि भाजपमध्ये नेमके काय चाललंय, हे देणाऱ्याला आणि घेणाऱ्यालाच माहिती. मी या विषयावर देवेंद्रशी बोलून नेमके काय ठरलयं हे नक्की विचारेन. देवेंद्र चांगले काम करीत असला तरी त्याला हवी तशी त्यांच्या टीमची साथ मिळत नाही. खडसे भाजपचे मुंढे यांच्या नंतरचे सर्वात प्रभावी नेते आहेत. त्यांच्यावर आरोप झाल्यावर त्यांचा राजीनामा घेतला पण, इतरांचे राजीनामे का घेतले नाहीत, असा सवालही कदम यांनी उपस्थित केला. सध्या चंद्रकांत पाटील मुख्यमंत्र्यांसारख्या घोषणा करीत असल्याचे निदर्शनास आणताच अनुभवाची कमी असल्याचा, टोला पतंगराव यांनी लगावला.

मोबाइल अॅप डाउनलोड करा आणि राहा अपडेट

उत्कृष्ट छायाचित्रकारांचा गौरव

August 28, 2017, 2:30 pm

≫ Next: उत्सवमूर्ती सन्मानाचे जल्लोषात वितरण

≪ Previous: नारायण राणे यांचे खरे दुखणे विचारणारकॉँग्रेसचे ज्येष्ठ नेते पतंगराव कदम यांची माहिती

$

0

0

कोल्हापूर

महाराष्ट्र टाइम्सच्या कोल्हापूर आवृत्तीच्या पाचव्या वर्धापन दिनानिमित्त घेण्यात आलेल्या फोटोग्राफी स्पर्धेत हर्षद पाटील, बाजी निऊंगरे, प्रज्वल चौगुले, सन्मान शेटे व सुदर्शन वंडकर यांचा प्रमुख पाहुण्यांच्या हस्ते उत्कृष्ट फोटोग्राफर म्हणून सन्मानचिन्ह देऊन गौरव करण्यात आला. शाहू स्मारक भवन येथे हा कार्यक्रम पार पडला.

उदयोन्मुख चित्रकार, फोटोग्राफर यांना आपली कला सादर करण्यासाठी ‘महाराष्ट्र टाइम्स’ने वर्धापनदिनानिमित्त ‘कलासंगम’ उपक्रमाचे आयोजन केले होते. सँड आर्ट, चित्रकला, फोटोग्राफ प्रदर्शनाने तीन दिवस शाहू स्मरक भवनमध्ये कलाकारांनी आपली कला सादर केली होती. चित्रकारांच्या कुंचल्यातून चित्राच्या माध्यमातून व्यक्त झालेल्या भावना आणि फोटोग्राफरांनी टिपलेल्या फोटोजच्या प्रदर्शनाला हजारो प्रेक्षकांनी उपस्थिती लावली. फोटोग्राफी प्रदर्शनात पट्टणकोडोलीतील यात्रा, आषाढी यात्रेचा रिंगण सोहळ, तर ऐतिहासिक कोल्हापूर विभागात नवा राजवाडा, संध्यामठ, रंकाळा, भवानी मंडप, टाऊन हॉल, खिद्रापूर अशा वास्तूंचे फोट, त्याचबरोबर कोल्हापुरातील विकासाच्या पाऊलखुणा या विभागात शिवाजी विद्यापीठासह उड्डाणपूल, रस्ते असे नवे प्रकल्प फोटोग्राफीतून मांडले होते. कोल्हापुरी खासियत या विभागात कोल्हापूर चप्पलचा रूबाब, गल्लीत रंगलेला गोट्यांचा खेळ, ऐन रंगात आलेले कुस्तीचे मैदान, पेठेतल्या म्हशींच्या शर्यतीचा थरार, गौरीगाण्यांचे फेर अशी कोल्हापूरची वैशिष्ट्ये जपणारे फोटो रसिक तल्लीन होऊन पाहत होते.

प्रदर्शनामध्ये मांडलेल्या यया उत्कृष्ट कलाकृतींचा सोमवारी सन्मान करण्यात आला. मुक्त छायाचित्रकार आणि विद्यार्थी दशेत टिपलेल्या फोटोमध्ये हर्षद पाटील, बाजी निऊंगरे, प्रज्वल चौगुले, सन्मान शेटे व सूदर्शन वंडकर यांच्या फोटोंनी सर्वोत्तम पारितोषक मिळवले. यावेळी स्पर्धेचे परीक्षक दळवीज आर्टसचे प्राचार्य अजेय दळवी, चित्रकार विजय टिपुगडे यांचा प्रमुख पाहुण्यांच्या हस्ते सत्कार करण्यात आला.

मोबाइल अॅप डाउनलोड करा आणि राहा अपडेट

उत्सवमूर्ती सन्मानाचे जल्लोषात वितरण

August 28, 2017, 2:30 pm

≫ Next: मद्यपी मुलाकडून आईचा खून

≪ Previous: उत्कृष्ट छायाचित्रकारांचा गौरव

$

0

0

कोल्हापूर

सार्वजनिक गणोशोत्सवानिमित्त ‘महाराष्ट्र टाइम्स’ च्या वतीने घेण्यात आलेल्या २०१६ च्या उत्सवमूर्ती सन्मानाचे जल्लोषात वितरण करण्यात आले. सर्वोत्तम सजावटीसाठी प्रथम क्रमांक लेटेस्ट तरुण मंडळ, आकर्षक मूर्ती विभागात राजे दरबार मित्र मंडळ, पर्यावरणस्नेही मूर्ती कृष्णा ग्रुप व सर्वाधिक लोकप्रिय मंडळ म्हणून मित्र प्रेम मंडळाचा रोख रक्कम व सन्मानचिन्ह देऊन सन्मान करण्यात आला. सोमवारी शाहू स्मारक भवन येथे उत्साही वातावरणामध्ये हा कार्यक्रम पार पडला.

डॉल्बीमुक्त, पर्यावरण पूरक आणि आकर्षक सजावट विभागात विशेष कार्य करणाऱ्या मंडळांना प्रोत्साहित करण्यासाठी दरवर्षी ‘महाराष्ट्र टाइम्स’ च्या वतीने ‘उत्सवमूर्ती सन्माना’चे आयोजन केले जाते. २०१६ मध्ये पार पडलेल्या गणेशोत्सवामध्ये सर्वाधिक लोकप्रिय मंडळ, सर्वात सुंदर मूर्ती, पर्यावरणस्नेही मूर्ती व सर्वोत्तम सजावट अशा चार विभागात स्पर्धा घेण्यात आली. स्पर्धेत शहरातील सार्वजनिक मंडळांनी उत्स्फूर्त सहभाग नोंदवला होता.

तज्ज्ञ परीक्षकांच्या परीक्षणातून निवडण्यात आलेल्या पहिल्या तीन क्रमांकाना प्रमुख पाहुण्यांच्या हस्ते रोख रक्कम व सन्मानचिन्ह देऊन गौरव करण्यात आला. प्रत्येक विभागातील विजेत्या मंडळांचे नाव जाहीर करताच सभागृहात ‘गणपती बाप्पा मोरया’ च्या गजरातच कार्यकर्ते बक्षीस स्वीकारण्यास येत होते. सर्वात संदुर मूर्ती विभागात राजे दरबार मित्र मंडळाने प्रथम, एकदंती गणेश मित्र मंडळाने द्वितीय तर चॅलेंज स्पोटर्सने तृतीय क्रमांक मिळवला. सर्वोत्तम सजावट विभागात लेटेस्ट तरुण मंडळ, भारतवीर मित्र मंडळ व जुना बुध‍वार तालीम मंडळ यांनी अनुक्रमे पहिले तीन क्रमांक पटकावले. पर्यावरणस्नेही मूर्तीमध्ये शनिवार पेठेतील कृष्णा ग्रुप अव्वल ठरले. तर सर्वाधिक लोकप्रिय मंडळामध्ये मित्रप्रेम मंडळाने प्रथम क्रमांक मिळवला. यावेळी स्पर्धेचे परीक्षक ज्येष्ठ दिग्दर्शक यशवंत भालकर यांचा प्रमुख पाहुण्यांच्या हस्ते सत्कार करण्यात आला.

मोबाइल अॅप डाउनलोड करा आणि राहा अपडेट

---

मद्यपी मुलाकडून आईचा खून

August 28, 2017, 2:30 pm

≫ Next: असुविधांचा ‘खेळ’

≪ Previous: उत्सवमूर्ती सन्मानाचे जल्लोषात वितरण

$

0

0

म. टा. प्रतिनिधी, कोल्हापूर

दारूसाठी पैसे न दिल्याच्या रागातून मुलाने आईचा चाकूने भोसकून खून केला. ही धक्कादायक घटना कावळा नाका परिसरातील कूचकोरवी वसाहतीत घडली. यल्लव्वा (जनाबाई) रामा कूचकोरवी (वय ६२) असे मृत महिलेचे नाव आहे. हल्लेखोर मुलगा सुनील (२८) याला घरातूनच पोलिसांनी अटक केले. सोमवारी दुपारी दीडच्या सुमारास ही घटना घडली.

कूचकोरवी वसाहतीतील यल्लव्वा ही वृद्धा शाहूवाडी, मलकापूर परिसरात फुगे, कंगवे विकून उदरनिर्वाह करत असे. पंधरा-वीस दिवसांनी ती कोल्हापुरातील घरी येत असे. तिचा मोठा मुलगा राजू (३०) आणि लहान सुनील ही दोन्ही मुले सेंट्रिंग काम करतात. सुनील वसाहतीतील पत्र्याच्या घरात राहतो, तर राजू हा जवळच दुसऱ्या घरात राहतो. सुनील हा सतत मद्यप्राशन करून पत्नी आणि मुलांना मारहाण करीत असे. या त्रासाला कंटाळून पत्नीने तीन मुली आणि मुलास रजपूतवाडीतील आश्रमशाळेत घातले आहे. दोन महिन्यांपूर्वीच पत्नी कामाच्या शोधात मुंबईला गेली. सोमवारी सकाळी दहाच्या सुमारास यल्लव्वा घरात आल्यानंतर सुनीलने तिच्याकडे पैसे मागितले. त्याला नकार दिल्याने दोघांत वाद झाला. यानंतर सुनील पुन्हा बाराच्या सुमारास नशेतच घरात आला. आईशी वाद घालत तिच्यावर धारदार चाकूने हल्ला केला. मुख्य रस्त्यापासून आत घडलेला हा प्रकार परिसरात कुणाच्या लक्षात आला नाही.

दुपारी दीडच्या सुमारास गल्लीतील एका चारवर्षीय मुलीने यल्लव्वाच्या घरातून बाहेर येणारे रक्त पाहिले. तिने याची माहिती तिच्या नातेवाईकांना दिली. त्यावेळी सुनीलही नशेत घरात पडला होता. नागरिकांनी शाहूपुरी पोलिसांना घटनेची माहिती दिली. पोलिसांनी नागरिकांच्या मदतीने सुनीलला ताब्यात घेतले, चाकूही जप्त केला. घटनास्थळाचा पंचनामा केला असून, शहर पोलिस उपअधीक्षक डॉ. प्रशांत अमृतकर, पोलिस निरीक्षक संजय मोरे यांनी घटनास्थळाची पाहणी केली. हल्लेखोर सुनीलने गुन्ह्याची कबुली दिली आहे, अशी माहिती डॉ. अमृतकर यांनी दिली. यावेळी एपीआय संतोष पवार, सचिन पंडित आदी उपस्थित होते.

मोबाइल अॅप डाउनलोड करा आणि राहा अपडेट

असुविधांचा ‘खेळ’

August 28, 2017, 2:30 pm

≫ Next: डॉल्बी जोडण्यापूर्वीच होणार कारवाई

≪ Previous: मद्यपी मुलाकडून आईचा खून

$

0

0

satish.ghatage@timesgroup.com

Twitt:satishgMT

कोल्हापूर ः लोकसंख्येच्या तुलनेत मैदानांची संख्या हाताच्या बोटावर मोजण्यासारखी देखभालाविना खराब झालेली मैदाने, पावसाळ्यात मैदान बंद, स्वच्छतागृह व चेंजिंग रुमचा अभाव, अनुभवी, तज्ज्ञ प्रशिक्षकांची वानवा आणि संघटनेचे राजकारण यामुळे ‌कोल्हापूर जिल्ह्याच्या क्रीडाक्षेत्रांची दिवसेंदिवस अधोगती होत चालली आहे. खेळांसाठी अत्याधुनिक सुविधा मिळत नसल्या तरी किमान खेळण्यासाठी पायाभूत सुविधा उपलब्ध करुन देण्याची गरज आहे. खेळांची परंपरा असलेल्या या शहरात हा असुविधांचा ‘खेळ’ आणखी किती दिवस सुरू राहणार, असा सवाल ‌क्रीडाप्रेमींतून व्यक्त होत आहे.

क्रिकेटसाठी मैदानच नाही

जिल्हा क्रिकेट संघटनेकडे मैदान नसल्याने काही वेळा दुय्यम दर्जाच्या मैदानावर सामने खेळावे लागतात. त्यामुळे खेळाडू जमखी होतात. शिवाजी स्टेडियमच्या खेळपट्टीवर स्थानिक फुटबॉल संघाने दादागिरी दाखवत कब्जा केला आहे. जिल्हा क्रीडा कार्यालय हतबल झाले आहे. क्रिकेट व फुटबॉलच्या संघटनांनी एकत्र येऊन मार्ग काढून दोन्ही खेळांसाठी मैदान तयार करण्याची गरज आहे.

दिसेल त्या मैदानावर फुटबॉल सराव

शाहू स्टेडियमवर केवळ फुटबॉल सामने होतात. कोल्हापुरातील १६ वरिष्ठ संघांसह १०० हून अधिक संघांना सरावासाठी मैदानेचच नाहीत. त्यामुळे फुटबॉल संघ दिसेल त्या मैदानावर सराव करत आहेत. गेल्या वीस वर्षांत शहरात एकही नवे मैदान निर्माण न झाल्याने महापालिकेच्या मोकळ्या जागा खेळण्यासाठी खुल्या कराव्यात, अशी मागणी क्रीडाशौकिनांकडून होते.

हॉकी अॅस्ट्रो टर्फचे भिजत घोंगडे

माजी नगरसेवक विजय साळोखे सरदार यांनी ध्यानचंद हॉकी स्टेडियमची उभारणी केली, पण या मैदानावर अॅस्ट्रो टर्फ बसवावे यासाठी गेली १५ वर्षे प्रयत्न सुरू आहेत, मात्र केंद्र व राज्य सरकार त्याकडे दुर्लक्ष करत आहेत. कोल्हापूरचे १०० हून अधिक खेळाडू दरवर्षी राष्ट्रीय स्पर्धेत चमकत असताना आजही स्थानिक खेळाडूंना मातीच्या मैदानावरच खेळावे लागते. अॅस्ट्रो टर्फचा प्रस्ताव राज्याकडून केंद्राकडे वर्ग झाला असून लोकप्रतिनिधींनी त्यासाठी प्रयत्न करण्याची गरज आहे.

बॅडमिंटन कोर्टचे हवे अत्याधुनिकीकरण

कोल्हापूर महापालिकेच्या सासने मैदानावर एकमेव माजी आमदार दिलीप देसाई कोर्ट आहे. कपिलतीर्थ मार्केट येथील हॉलमध्ये जगप्रसिद्ध वुडन कोर्टची जागा अन्नछत्रासाठी देण्याचा ठराव महापालिकेच्या सर्वसाधारण सभेत होते, हे या शहराच्या क्रीडा क्षेत्राची दुर्दैव आहे. महापालिकेची बहुतांशी बॅडमिंटन हॉल शहाबादी फरशीची आहेत. गेले ४० वर्षे त्याकडे लक्ष दिलेले नाही. बॅडमिंटन कोर्टचे अत्याधुनिकरण होण्याची गरज आहे.

तलाव आहे, पण संघटना नाही

कोल्हापुरात महापालिकेचा अत्याधुनिक ५० मीटरचा राजर्षी शाहू जलतरण तलाव, तसेच शिवाजी स्टेडियम, भवानी जलतरण तलाव, महापालिकेचे अंबाई, रमणमळा अशा जलतरण तलावावर शेकडो खेळाडू सराव करत आहेत. खेळाडूंना दर्जेदार पायाभूत सुविधा मिळत असल्या तरी जिल्हा संघटना गेले दहा वर्षे अस्तित्वातच नसल्याने जलतरण खेळ मागे पडू लागला आहे.

मॅटवरील कुस्तीतही मागे

शहर व जिल्ह्यातील अनेक तालमींना एक लाख रुपये किमतीच्या मॅट दिल्या आहेत, मात्र त्या पडून आहेत. मातीच्या कुस्तीला मोठ्या प्रमाणात प्रोत्साहन मिळत असले तरी मॅटवरील कुस्तीच्या प्रसारात शाहू, वारणा, कुंभी कारखाने वगळता अन्य तालमी पुढाकार घेत नसल्याचे दिसते. मॅटवरील कुस्तीचा प्रसार खेडोपाडी व्हावा, यासाठी राष्ट्रीय तालीम संघाने पुढाकार घेण्याची गरज आहे.

वेटलिफ्टिंगमध्ये कुरुंदवाडचे नाव

वेटलिफ्टिंगमधील साहित्य महाग असूनही कुरुंदवाडच्या प्रामाणिक प्रयत्नाची दखल घेण्याची गरज आहे. कुरुंदवाडच्या तीन खेळाडूंनी राष्ट्रकुल स्पर्धेत पदकांची कमाई केली. पायाभूत सुविधा आणि प्रशिक्षकांचे प्रयत्नही तितकेच महत्त्वाचे ठरत असल्याचे दिसून येत आहे.

कबड्डीत हवा मॅटचा वापर

प्रो कबड्डीमुळे सध्या मॅटवरील कबड्डीचा बोलबाला जोरात आहे. सध्या राज्य कबड्डी संघटनेने जिल्ह्याला कबड्डीसाठी दोन मॅट दिल्या आहेत. त्यामुळे सराव वाढवण्याबरोबरच आणखी मॅट वाढवण्याची गरज आहे. कोल्हापूरचे सहा खेळाडू प्रो कबड्डीत दमदार कामगिरी करत आहेत. स्थानिक पातळीवरही प्रो कबड्डी स्पर्धा आयोजित करण्याची गरज आहे.

बास्केट बॉल मैदान पडून

शिवाजी विद्यापीठाच्या क्रीडा संकुलातील बास्केटबॉल मैदान गेले अनेक वर्षे पडून आहे. हे मैदान वापरण्यासाठी विद्यापीठाने पुढाकार घेण्याची गरज आहे. शिवाजी विद्यापीठातील अॅथलेटिक्स ट्रॅकचा वापर पूर्णक्षमतेने होत असला तरी दहा वर्षांपूर्वी ज्युदो स्पर्धेसाठी घेण्यात आलेल्या मॅट पडूनच आहेत.

००००

मैदानाचे सपाटीकरण नसते. नियमित पाणी मारले जात नाही. मैदान समिती नसल्याने देखभाल होत नाही. फुटबॉल, हॉकीसाठी पोल लावले जात नाहीत. क्रिकेटसाठी चांगली विकेट नसते. खेळांचा विकास होण्यासाठी प्राथमिक पायाभूत सुविधा निर्माण केल्या पाहिजेत. दर्जेदार प्रशिक्षक निर्माण झाले पाहिजेत. तरच खेळाचा विकास होऊ शकतो. अन्यथा ‘ये रे माझ्या मागल्या,’ अशीच खेळांची अवस्था राहील.

धनाजी सूर्यवंशी, प्रशिक्षक

मोबाइल अॅप डाउनलोड करा आणि राहा अपडेट

डॉल्बी जोडण्यापूर्वीच होणार कारवाई

August 28, 2017, 2:30 pm

≫ Next: कॉंग्रेसकडून आवाडेंची मनधरणी

≪ Previous: असुविधांचा ‘खेळ’

$

0

0

म. टा. प्रतिनिधी, कोल्हापूर

डॉल्बीचा कर्णकर्कश्श आवाज बंद करण्यासाठी जॅमर यंत्रणा विकसित करण्याचे आवाहन पालकमंत्री चंद्रकांत पाटील यांनी केले होते. अल्पावधीत या आवाहनाला प्रतिसाद मिळाला असून, डॉल्बीचा आवाज रोखण्यासाठी जॅमर मिळाला असल्याचे त्यांनी पोलिस मुख्यालयातील बैठकीत सांगितले. जॅमरने डॉल्बीतील उपकरणे जळतात. पुणे, मुंबईशिवाय याची दुरुस्ती शक्य नसल्याचा दावा पालकमंत्र्यांनी केला आहे. दरम्यान जॅमरचा वापर करण्याची वेळ येऊ नये, यासाठी मंडळांनी स्वतःहून डॉल्बी यंत्रणा पोलिस मुख्यालयात जमा करण्याचे आवाहन केले आहे.

सार्वजनिक ठिकाणी ६० डेसिबलपेक्षा अधिक आवाज करणे कायद्याने गुन्हा आहे. सार्वजनिक उत्सवांमध्ये बहुतांशवेळा या आवाजमर्यादेचे उल्लंघन केले जाते. कर्कश्श आवाजाचा वृद्धांसह रुग्णांनाही त्रास होतो, त्यामुळे डॉल्बीमुक्त गणेशोत्सव साजरा करावा असे आवाहन पोलिसांनी मंडळांना केले होते. या पार्श्वभूमीवर सोमवारी पोलिस अधीक्षक कार्यालयात मंडळांच्या पदाधिकाऱ्यांसह पोलिस अधिकारी, जिल्हा प्रशासन, महापौर आणि पालकमंत्र्यांची बैठक पार पडली. या बैठकीत बोलताना पालकमंत्र्यांनी डॉल्बीचे जॅमर तयार असल्याचे सांगितले. ‘डॉल्बीचा आवाज वाढल्यास ते बंद करण्यासाठी स्वतंत्र जॅमर विकसित केले आहेत. याचा वापर करताच डॉल्बीतील उपकरणे बंद पडतात. पुणे, मुंबईशिवाय याची दुरुस्ती शक्य नाही, त्यामुळे मंडळांनी डॉल्बी लावण्याचा प्रयत्नच करू नये,’ असा स्ष्ट इशारा पालकमंत्र्यांनी दिला आहे. डॉल्बी व्यावसायिकांनी स्वतःचे नुकसान टाळण्यासाठी डॉल्बी यंत्रणा पोलिस मुख्यालयात जमा करावी. अन्यथा डॉल्बी वापरणार नसल्याचे प्रतिज्ञापत्र पोलिसांकडे द्यावे. यानंतरही डॉल्बीचा वापर होणार असेल तर ते जोडण्यापूर्वीच जप्त केले जातील, असे पालकमंत्र्यांनी स्पष्ट केले. यावेळी मध्येच उठून मते मांडणाऱ्या काही पदाधिकाऱ्यांनाही पालकमंत्र्यांनी खडसावले.

डॉल्बीचा हट्ट नकोच

खंडोबा तालीम मंडळाचे अध्यक्ष विक्रम जरग बैठकीत म्हणाले, ‘आमच्या तालमीला १०० वर्षे पूर्ण होत असल्याने विसर्जन मिरवणूक जल्लोषात करण्याचे नियोजन सुरू आहे. डॉल्बीसंदर्भात कार्यकर्त्यांशी चर्चा करून निर्णय घ्यावा लागेल.’ यावर पालकमंत्री म्हणाले, ‘तुमच्या मंडळाचा मी जुना सदस्य आहे. देशातील कोणतेही नृत्य सांगा. ते उपलब्ध करून देण्याची जबाबदारी माझी. मात्र डॉल्बीचा हट्ट सोडा.’ पालकमंत्र्यांच्या या भूमिकेवर मंडळांचे पदाधिकारी निरुत्तर झाले.

सहा मंडळांची डॉल्बीमुक्ती

बालगोपाल तालमीचे निवासराव साळोखे यांनी डॉल्बीला विरोध असल्याचे स्पष्ट केले. त्यानंतर नंगीवली तालीम मंडळ, उत्तरेश्वर पेठ येथील वाघाची तालीम मंडळ, सुबराव गवळी तालीम मंडळ, क्रांती बॉईज, हिंदवी ग्रुप यांनी डॉल्बी न लावता पोलिसांना सहकार्य करणार असल्याचे जाहीर केले.

मोबाइल अॅप डाउनलोड करा आणि राहा अपडेट

कॉंग्रेसकडून आवाडेंची मनधरणी

August 28, 2017, 2:30 pm

≫ Next: बीओटीचा अट्टाहास कोणासाठी

≪ Previous: डॉल्बी जोडण्यापूर्वीच होणार कारवाई

$

0

0

इचलकरंजी

प्रकाश आवाडे यांनी काँग्रेसमधून बाहेर पडल्यास पक्षाची मोठी हानी होणार आहे, जिल्हा काँग्रेसवर त्यांची जरुर नाराजी आहे. पण त्यांची पक्षातील ताकद मोठी असल्याचे आमदार सतेज पाटील यांनी कबूल करून काँग्रेसचे प्रदेशाध्यक्ष अशोक चव्हाण यांनी प्रकाश आवाडे यांना मुंबईत भेटीसाठी बोलावले असल्याचा निरोप दिला. आवाडेंनी काँग्रेस सोडू नये, अशी मनधरणी केली.

गेल्या काही दिवसांपासून प्रकाश आवाडे काँग्रेसला रामराम ठोकणार अशी चर्चा सुरू असताना रविवारी काँग्रेस नगरसेवकांनी भाजपऐवजी राष्ट्रवादी काँग्रेसचा पर्याय योग्य असल्याचे मत व्यक्त केले होते. आवाडेंनी भाजपासारख्या जातीयवादी पक्षात दाखल होवू नये. यासाठी त्यांच्यावर कार्यकर्त्याचा दबाव वाढला आहे. आवाडे गट राष्ट्रवादीत सामील झाल्यास जिल्ह्यातील राजकीय समीकरणे बदलू शकतात, या पार्श्वभूमीवर आमदार सजेत पाटील यांनी सोमवारी कल्लाप्पाण्णा आवाडे, माजी मंत्री प्रकाश आवाडे यांची भेट घेऊन चर्चा केली.

सुमारे तासभर ही चर्चा सुरू होती. आवाडे कुटुंबीयांचे पक्षात मोठे योगदान आहे. त्यांनी पक्ष सोडल्यास काँग्रेसला मोठा फटका बसू शकतो, असे मत व्यक्त करून प्रदेश पातळीवरही या संदर्भात चर्चा सुरू असल्याचे सांगत आमदार सतेज पाटील यांनी प्रदेशाध्यक्ष अशोक चव्हाण यांच्याशी आवाडे यांचा दुरध्वनीवरून संपर्क करुन दिला. चव्हाण यांनी प्रकाश आवाडे यांना मुंबईत चर्चेसाठी बोलवले आहे. मात्र ही चर्चा कधी होणार हे मात्र यावेळी निश्चित होऊ शकले नाही. बैठकीनंतर बोलताना आमदार पाटील म्हणाले, ‘आवाडे यांची जिल्हा काँग्रेसवर प्रचंड नाराजी आहे. मात्र, त्यांनी पक्ष सोडण्याचा घेतलेला निर्णय धक्कादायक आहे. इचलकरंजी नगरपालिकेवर काँग्रेसचे नगरसेवक निवडूण आणण्याची ताकद त्यांच्यात आहे. त्यामुळे आवाडे यांनी काँग्रेस सोडल्यास पक्षाचे नुकसान होवू शकते. त्यांनी पक्षातच रहावे, यासाठी माझे प्रामाणिक प्रयत्न सुरू आहेत. तशी इच्छा मी व्यक्त केली आहे. केंद्र व प्रदेश पातळीवर यासंदर्भात माझा संपर्क सुरू असल्याचेही आमदार पाटील यांनी सांगितले. मुंबईत प्रदेशाध्यक्ष अशोक चव्हाण यांच्या भेटीत आवाडेंची नाराजी दूर होईल, अशी अपेक्षा त्यांनी व्यक्त केली.

एका व्यक्तीसाठी पक्षाची वाताहत

बैठकीनंतर प्रकाश आवाडे यांना विचारणा केली असता, आमदार पाटील यांनी काँग्रेसमध्येच रहावे अशी इच्छा व्यक्त केली. परंतु काँग्रेस पक्षात एकाधिकारशाही वाढली आहे. एका व्यक्तीसाठी पक्षाची वाताहत सुरू आहे, त्यामुळे काँग्रेसमध्ये आता रस नाही. वरिष्ठांनादेखील पक्ष मोडीत निघत असताना गांभीर्य नाही, अशी टीका त्यांनी केली.

मोबाइल अॅप डाउनलोड करा आणि राहा अपडेट

बीओटीचा अट्टाहास कोणासाठी

August 28, 2017, 2:30 pm

≫ Next: लाचखोर पोलिसाने नोटा गिळल्या

≪ Previous: कॉंग्रेसकडून आवाडेंची मनधरणी

$

0

0

Maruti.Patil@timesgroup.com

Tweet : @MarutipatilMT


कोल्हापूर : कोल्हापुरात बांधा, वापरा व हस्तांतर (बीओटी) त‌त्त्वावर राबवलेला एकही प्रकल्प यशस्वी झालेला नसताना, याच तत्त्वावर कोल्हापूर कृषी उत्पन्न बाजार समितीमध्ये कोल्डस्टोरेज प्रकल्प उभारण्याचा घाट घातला जात आहे. पाच कोटी ४५ लाख रुपये खर्चाच्या कोल्डस्टोरेजचा प्रस्ताव कन्सलटंट कंपनीकडून तयार करुन पणन संचालकांकडे पाठविला आहे. बाजार समितीच्या सध्याच्या उत्पन्नातून कोल्डस्टोरेजची उभारणी सहज शक्य असताना, केवळ आर्थिक कमाइसाठी शेतकऱ्यांच्या मानगुटीवर खर्च मारला जात असल्याची चर्चा समिती वर्तुळात होऊ लागली आहे.

कोल्हापूर जिल्ह्यात गुळाचे उत्पादन मोठे असले, तरी कांदा, भाजीपाला व इतर शेतमालांची आवक कोल्हापूर शेती उत्पन्न बाजार समितीमध्ये होत असते. गुळाचे उत्पादन मोठे असल्याने हंगामामध्ये ठरवून दर पाडण्याची प्रवृत्ती नेहमीच दिसून येते. या अरिष्टातून सुटका करण्यासाठी गेल्या अनेक वर्षांपासून गूळ उत्पादक कोल्डस्टोरेजची मागणी करत आहे. गेल्या चार वर्षांत समितीच्या वार्षिक सर्वसाधारण सभेमध्ये या विषयावर चर्चाही होते, पण निर्णय मात्र होत नाही. गूळ व इतर शेतमालाच्या सेसमधून समितीला भरघोस उत्पन्न मिळते. कोल्डस्टोरेज सारखा प्रकल्प उभा करणे शक्य असताना त्याकडे समितीने नेहमीच दुर्लक्ष केले. कोल्डस्टोरेजसाठी समितीच्या स्वता:चे उत्पन्न, पणन विभाग किंवा राज्य सरकारकडून सहज प्रकल्प खर्च मिळण्याची शक्यता असताना बीओटीचा नवा प्रस्ताव घुसडवून आर्थिक लाभ मिळविण्याच्या हालचाली सुरू झाल्या आहेत.

गूळ, भाजीपाला व इतर शेतीमालासाठी तीन हजार मेट्रीक टन क्षमतेचा आणि पाच कोटी ४५ लाख रुपये खर्चाचा प्रस्ताव पुणे येथील ए. सी. आर. प्रोजेक्ट कंपनीकडून तयार केला आहे. २९ मे, २०१७ रोजी जिल्हा उपनिबंधकांनी प्रस्तावाला मान्यता दिल्यानंतर तीन जुलै रोजी पणन संचालकांकडे मंजुरीसाठी पाठवला आहे. सरकारी अनुदान किंवा समितीच्या स्वउत्पन्नातून कोल्डस्टोरेज उभारणी शक्य असताना कोणाच्या अट्टाहासाठी बीओटीचा प्रस्ताव तयार केला, असा प्रश्न उपस्थित केला जात आहे. कोल्डस्टोरेजची उभारणी केल्यानंतर व्यवस्थापन खर्च कंपनी करणार असली, तरी तो खर्च शेतकऱ्यांच्याच मानगुटीवर बसणार असल्याने बीओटी प्रस्ताव नेमक्या कोणाच्या फायद्यासाठी तयार केला आहे, असा प्रश्न उपस्थित होत आहे. बीओटी प्रकल्पाबाबत कोल्हापूरचा इतिहास फारसा चांगला नसल्याने पुन्हा अशा प्रकारच्या प्रकल्पासाठी कशासाठी अट्टहास केला जातो हे कोडे उत्पादकांच्या मनात निर्माण होऊ लागले आहे. समितीच्यावतीने बीओटीवर कोल्डस्टोरेज उभारण्यासाठी पणन संचालकांकडे प्रस्ताव पाठवला असून मंजुरी मिळाल्यानंतर कशा पद्धतीने कोल्डस्टोरेजची उभारणी करायची याचा निर्णय समिती घेणार आहे. मंजुरी मिळाल्यानंतर जर बीओटीवर उभारणी करणार नसेल, तर प्रस्तावच का पाठवला? केवळ दिरंगाईचे धोरण अवलंबून कागदी घोडे नाचवून भावनाशी खेळ खेळला जात असल्याचा आरोप उत्पादकांकडून केला जात आहे.

मागील कारभाराचा विसर

समितीच्या मागील संचालक मंडळाच्या काळात नोकरभरती आणि भूखंड विक्रीवरून संचालक मंडळ वादात सापडले होते. भ्रष्टाचाराचा आरोप सिद्ध झाल्यानंतर संचालक मंडळ बरखास्त करून प्रशासकांची नियुक्ती करण्यात आली होती. भ्रष्टाचारातील रक्कम महसूल यंत्रणेद्वारे वसूल करण्याची प्रक्रिया सुरू असताना पुन्हा एकदा सध्याचे संचालक मंडळ जुन्याच संचालकांच्या कारभाराची री ओढत आहे.

असा असेल कोल्डस्टोरेज प्रकल्प

गूळ - २००० मे. टन

भाजीपाला - ५०० मे. टन

इतर शेतमाल - ५०० मे. टन

एकूण क्षमता - ३००० मे. टन

एकूण प्रकल्प खर्च - पाच कोटी ४५ लाख


कोल्डस्टोरेज उभारणी बीओटीतत्वावर करण्यासाठी पणन संचालकांकडे प्रस्ताव पाठवला आहे. प्रस्तावाला मंजुरी मिळाल्यानंतर कोल्डस्टोरेज बीओटीतत्वार करायची किंवा समितीने करायची याबाबत नंतर निर्णय घेण्यात येईल.

सर्जेराव पाटील, सभापती, बाजार समिती

मोबाइल अॅप डाउनलोड करा आणि राहा अपडेट