धरणगुत्तीच्या सहकारीसंस्थेत दोन कोटींचा अपहार

August 25, 2017, 2:30 pm

≫ Next: दातृत्वाचा सोहळा सोमवारी

≪ Previous: न्युट्रियन्सने भरले दोन कोटी ४२ लाख

$

0

0

जयसिंगपूर

धरणगुत्ती (ता. शिरोळ) येथील डॉ. बाबासाहेब आंबेडकर मागासवर्गीय औद्योगिक सहकारी संस्थेत एक कोटी ९८ लाख ६१ हजार ८४० रुपयांचा अपहार झाल्याची फिर्याद उपलेखापरिक्षक तानाजी रायाप्पा खणदाळे (वय ४६, रा. महागाव, ता. गडहिंग्लज) यांनी दिली आहे. या फिर्यादीवरुन शिरोळ पोलिसांनी संस्थेच्या संचालकांसह ११ जणांविरुद्ध गुन्हा दाखल केला आहे.

संस्थेचे अध्यक्ष सिद्धार्थ श्रीकांत ढबे, उपाध्यक्ष अभिजीत किसन मोहिते, संचालक अच्युत किसन मोहिते, राजेंद्र मारुती साबळे, सचिन मारुती कांबळे, सिद्धार्थ तुकाराम कुरणे, भारती तुकाराम कुरणे, प्रज्ञावंत संताजी कांबळे (सर्व रा. अब्दुललाट), सचिव जगदीश शामराव कांबळे (रा. इचलकरंजी), याचबरोबर इचलकरंजी येथील सिद्धी कन्स्ट्र्नशन व न्यू महालक्ष्मी इलेक्ट्रीकल्सचे मालक यांच्याविरुद्ध पोलिसांनी गुन्हा दाखल केला आहे.

याबाबत पोलिसांतून मिळालेली अधिक माहिती अशी, संस्थेत पॉलिफिल्मस् ,सीएनसी उत्पादन करण्याचा प्रकल्प हाती घेण्यात आला होता. यासाठी सरकारी भागभांडवल व दीर्घ मुदतीचे कर्ज घेण्यात आले. संचालकांनी संस्थेची इमारत बांधकाम तसेच विद्युत कामासाठी रक्कम अॅडव्हान्स दिली. सरकारी भागभांडवल व सरकारी कर्ज एक कोटी रुपये व इतर संस्थेच्या नावे असलेली अनामत ९८ लाख ६१ हजार ८४० रुपये असा एक कोटी ९८ लाख ६१ हजार ८४० रुपयांचा संगनमताने अपहार केल्याचे फिर्यादीत म्हटले आहे. राज्य सरकारच्या करारातील अटी, शर्ती व नियमांचे पालन केले नसल्याने उपलेखापरिक्षक तानाजी खणदाळे यांनी वैधानिक चाचणी लेखापरिक्षण अहवाल व विशेष अहवाल सादर करुन फिर्याद दिली. याबाबत अधिक तपास पोलिस निरीक्षक उदय डुबल करीत आहेत.

मोबाइल अॅप डाउनलोड करा आणि राहा अपडेट

---

दातृत्वाचा सोहळा सोमवारी

August 25, 2017, 2:30 pm

≫ Next: जोडप्यांवरही गुन्हा दाखल होणार

≪ Previous: धरणगुत्तीच्या सहकारीसंस्थेत दोन कोटींचा अपहार

$

0

0

म. टा. प्रतिनिधी, कोल्हापूर

शिकण्याची जिद्द अंगी बाळगून प्रतिकूल परिस्थितीवर मात केलेल्या गरजू विद्यार्थ्यांच्या भावी शिक्षणासाठी मदत करण्यासाठी ‘महाराष्ट्र टाइम्स’ च्यावतीने सुरू करण्यात आलेल्या ‘हेल्पलाइन’ उपक्रमांतर्गत दानशूरांनी दिलेल्या मदतीच्या धनादेशांचे वितरण सोमवारी (ता. २८) होत आहे. दसरा चौकमधील शाहू स्मारक भवनमध्ये दुपारी चार वाजता कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांच्या हस्ते धनादेश देण्यात येणार आहेत.

प्रचंड गुणवत्ता असताना केवळ आर्थिक परिस्थितीमुळे शिक्षणाचा मार्ग बंद होण्याची परिस्थिती असलेल्या गरजू विद्यार्थ्यांना बळ देण्यासाठी समाजाने पुढे येण्याची साद ‘महाराष्ट्र टाइम्स’ ने घातली. सलग पाचव्या वर्षी दहावीमधील गुणवंत व गरजू विद्यार्थ्यांना मदत करण्यासाठी राबवलेल्या ‘मटा हेल्पलाइन’ या उपक्रमाला समाजानेही भरभरुन मदत केली. घरात अभ्यास करण्यासाठीही नीट जागा नसताना स्वतंत्र कोचिंग व इतर सुविधांचा विषय दूरच होता. कुणाचे वडील तर कुणाचे आई वडील हयात नाहीत, कुणी घर चालवण्यासाठी हातभार लावणारे, कुणी शाळा शिकत घराची जबाबदारी पेलणारे अशा एकापेक्षा एक आव्हानात्मक परिस्थितीला तोंड देत दहावीमध्ये उत्तुंग यश मिळवणाऱ्या विद्यार्थ्यांच्या पाठीवर समाजाच्या पाठिंब्याची भक्कम साथ मिळणार नाही, असे होणार नाही. यामुळे यंदा दहावीच्या परीक्षेत खणखणीत यश मिळवणाऱ्या दहा

विद्यार्थ्यांना समाजाने धनादेशांद्वारे मदत केली. दानशूरांनी विद्यार्थ्यांना दिलेल्या धनादेशाच्या वितरणाचा सोहळा सोमवारी (ता. २८) आयोजित केला आहे.

समाजामध्ये मदत करणाऱ्या व्यक्ती असल्यानेच समाजाची वाटचाल व्यवस्थित होत असल्याची अनेक उदाहरणे समोर येत असतात. पण या मदत करणाऱ्यांच्या पाठीवर कौतुकाची थाप पडल्यानंतर त्यांचा उत्साह तर दुणावतोच. पण इतरांनाही प्रोत्साहन मिळत असते. अशाच संकटकाळात धावून आलेल्या समाजातील शिलेदारांना या सोहळ्यामध्ये विशेष पुरस्कार देऊन गौरवण्यात येणार आहे.

चित्रकला स्पर्धेतील बक्षीस वितरण

‘महाराष्ट्र टाइम्स’ च्या पाचव्या वर्धापनदिनानिमित्त ‘कलासंगम’ उपक्रमांतर्गत बालचित्रकला स्पर्धेचे आयोजन केले होते. पहिली ते नववीपर्यंतच्या विद्यार्थ्यांसाठी विविध गटांमध्ये स्पर्धेचे आयोजन केले होते. राम गणेश गडकरी हॉलमध्ये झालेल्या स्पर्धेमध्ये छोट्या कलाकारांकडून कलाविष्काराची उधळणच झाली होती. त्यांच्या चित्रांचे परीक्षण करून प्रत्येक गटनिहाय विजेते जाहीर करण्यात आले आहेत. फोटोग्राफीही एक कला असून त्यामधूनही अनेक विषय हाताळले जातात. अशा कलाकारांच्या कलेला व्यासपीठ देण्याच्यादृष्टीने ‘कलासंगम’ उपक्रमांतर्गत फोटोग्राफी स्पर्धेचेही आयोजन केले होते. या स्पर्धेतील उत्कृष्ट छायाचित्राची निवड करुन त्या छायाचित्रकारांचा सन्मान करण्यात येणार आहे. ​​चित्रकला व फोटोग्राफी स्पर्धेतील विजेत्यांना या कार्यक्रमामध्ये प्रमुख पाहुण्यांच्या हस्ते पारितोषिकांचे वितरण केले जाणार आहे.

उत्सवमूर्ती सन्मानचेही वितरण

‘महाराष्ट्र टाइम्स’ च्यावतीने गणेशोत्सवासाठी ‘उत्सवमूर्ती सन्मान २०१६’ या सार्वजनिक गणेशोत्सव मंडळांसाठी आयोजित केलेल्या स्पर्धेचे आयोजन केले जाते. दरवर्षी या स्पर्धेमध्ये अगदी तगड्या मंडळांपासून ते छोट्या पण परिणामकारक काम करणाऱ्या मंडळांचा सहभाग असतो. गेल्यावर्षी या स्पर्धेमध्ये सहभागी झालेल्या मंडळांमधून सर्वाधिक लोकप्रिय मंडळ, सर्वोत्तम सजावट, सर्वात सुंदर मूर्ती, पर्यावरणस्नेही मूर्ती असलेल्या मंडळांची निवड करण्यात आली आहे. शाहू स्मारक भवनमध्ये आयोजित केलेल्या कार्यक्रमात या मंडळांना पारितोषिक वितरण केले जाणार आहे.

मोबाइल अॅप डाउनलोड करा आणि राहा अपडेट

जोडप्यांवरही गुन्हा दाखल होणार

August 26, 2017, 10:38 am

≫ Next: मेढ्याचे रवींद्र धनावडेपुलवामामध्ये हुतात्मा

≪ Previous: दातृत्वाचा सोहळा सोमवारी

$

0

0

म. टा. वृत्तसेवा, सोलापूर
बेकायदा ३६ महिलांचे गर्भपात आणि गर्भलिंग तपासणी केल्याप्रकरणी पोलिस कोठडीत असलेले अकलूजच्या संग्रामनगर येथील डॉ. तेजस आणि डॉ. प्रीती गांधी यांच्या सिया मॅटर्निटी अँड नर्सिंग होममधील सोनोग्राफी सेंटरवर कारवाई करण्याच्या हालचाली सुरू झाल्या आहेत. या प्रकरणात ज्या जोडप्यांचा समावेश आहे, त्यांनाही सहआरोपी करून गुन्हा दाखल करण्यात येणार आहे.
पीसी पीएनडिटी अर्थात प्रसूतीपूर्व व गर्भधारणापूर्व लिंगनिदान प्रतिबंध कायद्यांतर्गत संबंधितांची मिटिंग घेऊन सल्लागार मंडळींच्या निर्णयानंतर डॉ. गांधी यांच्या दवाखान्यातील सोनोग्राफी सेंटरवर कारवाई करण्यात येणार असल्याचे जिल्हा शल्य चिकित्सक डॉ. मल्लिकार्जुन पट्टणशेट्टी यांनी सांगितले.
दरम्यान, अकलूज शहरात अशा पद्धतीने तब्बल ३६ महिलांचा गर्भपात करणाऱ्या डॉ. गांधी यांचे प्रकरण समोर आल्याने खळबळ उडाली आहे. शिरवळ जिल्हा सातारा येथे गर्भ पुरल्याच्या एका घटनेमध्ये सातारा पोलिसांनी केलेल्या तपासात गांधी दाम्पत्याने अकलूज येथे गर्भलिंग तपासणी करून गर्भपात केल्याचे निष्पन्न झाले आहे. या गर्भपाताच्या घटनेसंदर्भात लेक लाडकी संघटनेच्या अॅड. वर्षा देशपांडे आणि अॅड. शैलजा जाधव यांनीही आवाज उठविला होता. २४ ऑगस्टच्या रात्री गांधी यांच्या दवाखान्याला अचानक भेट दिल्यानंतर रजिस्टर, कागदपत्रे आणि केसपेपर आदींची पाहणी केल्यानंतर हॉस्पिटलला सरकारी गर्भपात केंद्राची मान्यताच नसल्याचे आढळून आले होते. रजिस्टरमध्ये १३ मे २०१६पासून आजअखेर सोलापूर आणि परजिल्ह्यातील अशा एकूण ३६ महिलांचा गर्भपात केल्याची नोंद आढळून आले होते. नोंदणीकृत सोनोग्राफीच्या रजिस्टरमध्ये ३६ गर्भपातापैकी ५ महिलांची सोनोग्राफी करून लिंगनिदान केल्याची नोंद आढळून आले आहे.
दरम्यान, या प्रकरणात ज्या जोडप्यांचा समावेश आहे, त्यांनाही सहआरोपी करण्यात येणार आहे. गर्भपात करून गर्भाची विल्हेवाट लावणाऱ्या दवाखान्यातील कर्मचाऱ्यांवरही गुन्हे दाखल करण्यात येणार आहेत, असे पोलिस अधिकाऱ्यांनी सांगितले.
वर्षांची कैद होऊनही सुधारले नाहीत
२००७-२००८या काळात गर्भपात आणि गर्भलिंग निदान केल्याप्रकरणी डॉ. प्रदीप गांधी आणि डॉ. तेजस गांधी यांच्यावर गुन्हा दाखल होऊन या गुन्ह्यात त्यांना एका वर्षांची कैद आणि पाच हजार रुपये रोख दंडाची शिक्षा सुनावण्यात आली होती. मात्र, गांधी यांनी हायकोर्टात अपील केले होती. हायकोर्टाने त्यांची निर्दोष मुक्तता केली होती. त्यानंतर त्याने तोच धंदा सुरू ठेवला होता.

मोबाइल अॅप डाउनलोड करा आणि राहा अपडेट

मेढ्याचे रवींद्र धनावडेपुलवामामध्ये हुतात्मा

August 26, 2017, 10:42 am

≫ Next: ​ उच्चांकी गर्दीत तासगावचा रथोत्सव साजरा

≪ Previous: जोडप्यांवरही गुन्हा दाखल होणार

$

0

0

सातारा
जावली तालुक्यातील मोहाट गावचे सुपुत्र जवान रवींद्र बबन धनावडे अतिरेक्यांशी लढताना हुतात्मा झाले आहेत. जम्मू आणि काश्मीरच्या पुलवामामध्ये शुक्रवारी सायंकाळी दहशतवाद्यांचा हल्ला परतवून लावताना त्यांनी वीरमरण आले.
ही दुख:द बातमी मेढा परिसरात समजताच परिसरात शोककळा पसरली. ३७ वर्षीय रवींद्र २०००साली केंद्रीय राखीव पोलिस दलात (सीआरपीएफ) दाखल झाले होते. त्यांचे पश्चात आई जानकाबाई, पत्नी मेघा, तेरा वर्षीय मुलगी श्रद्धा, आठ वर्षांचा वेदांत आणि सचिन व किशोर हे दोन भाऊ आहेत. बारावी पास झाल्यावर रवींद्र सीआरपीएफमध्ये भर्ती झाले होते. आज, रविवारी रात्री उशीरा त्याचे पार्थिव गावात येईल, अशी माहिती सुत्रांनी दिला आहे.

मोबाइल अॅप डाउनलोड करा आणि राहा अपडेट

​ उच्चांकी गर्दीत तासगावचा रथोत्सव साजरा

August 26, 2017, 10:45 am

≫ Next: ​ अनेक वादळं पचवली, ही तर झुळूकखासदार शेट्टींची नाव न घेता मंत्री खोतांवर टीका

≪ Previous: मेढ्याचे रवींद्र धनावडेपुलवामामध्ये हुतात्मा

$

0

0

म. टा. वृत्तसेवा, सांगली
मंगलमूर्ती मोरया...गणपती बाप्पा मोरया...च्या गजरात महाराष्ट्र आणि कर्नाटकातील भाविकांच्या गर्दीत शनिवारी तासगावचा २३८वा रथोत्सव उत्साहात पार पडला. दुष्काळाचे सावट असतानाही रथोत्सवात उत्साहाने सहभागी झालेल्या भाविकांच्या गर्दीने यंदा उच्चांक नोंदवला. चार तासांहून अधिक काळ तासगाव नगरी गणेशमय वातावरणात न्हावून निघाली. गुलाल, खोबरे आणि पेढ्यांचा वर्षाव झेलत दुपारी एक वाजण्याच्या सुमारास आरती आणि राष्ट्रगीत झाल्यानंतर रथोत्सवास सुरुवात झाली. गणपती पंचायतनचे विश्वस्त राजेंद्र पटवर्धन व अदिती पटवर्धन यांनी लोकांना अभिवादन केले. राजेंद्र पटवर्धन यांनी रथाचे सारथ्य केले.
उजव्या सोंडेचा सिद्धिविनायकाचे मंदिर म्हणून ख्याती असलेल्या तासगावात मुख्य गणेशोत्सव अवघा दीड दिवसांचा असतो. राजवाड्यात विराजमान असलेल्या श्रींच्या मूर्तीची श्रीमंत राजेंद्र पटवर्धन यांच्या हस्ते आरती झाली. दुपारी वाद्याच्या गजरात पालखीमधून शाडूच्या मातीच्या मूर्तीचे संस्थानच्या ऐतिहासिक १२५किलोच्या पंचधातूची मूर्ती असलेल्या गणपती मंदिरात आगमन झाले. पालखीसमोर पारंपरिक गोंधळी, होलार व कैकाडी समाजाचे वाद्यवृंद चांगलेच घुमले. संस्थानची गौरी हत्तीण दिमाखात चालत होती. नगराखान्यातील वादक व तासगाव शहरातील मंडळ झांजपथक व विविध भागातून आलेल्या झांजपथकातील कार्यकर्त्यांनी पालखीसमोर आपल्या कला सादर केल्या. गणपती मंदिरात दोन्ही मूर्तींची पूजा व आरती करण्यात आली. त्यानंतर दोन्ही मूर्ती पालखीतून वाजत-गाजत मंदिराबाहेरील सजवलेल्या रथामध्ये आणण्यात आल्या. हा तीन मजली लाकडी रथ केळीचे खुंट, नारळाच्या झावळ्यांनी, नारळाची तोरण, फुलांच्या माळांनी सजावण्यात आला होता. अनेक मंडळानी झांजपथक, लेझीम पथकाच्या सहाय्याने आपल्या कला सादर केल्या. काही मंडळानी रथासमोर मानवी मनोरे करून रथाला अभिवादन केले. हा रथ संचलनासाठी लाकडाच्या ओंडक्यांचा वापर करण्यात येत होता. ही जबाबदारी पारंपरिक पद्धतीने वडर समाजाकडे असते. त्यांचे सत्कार करून अदिती पटवर्धन यांनी त्यांचा गौरव केला. रथोत्सवादरम्यान ठिकठिकाणी गुलाल व पेढे, खोबऱ्यांची उधळण केली जात होती. गुलालाच्या उधळणीमुळे रथोत्सवाचा मार्ग गुलालात न्हाऊन निघाला होता. खासदार संजय पाटील, आमदार सुमन पाटील, जिल्हाधिकारी विजय काळम, प्रांताधिकारी विकास खरात तहसीलदार सुधाकर भोसले पालिका मुख्याधिकारी अभिजित वायकोस यांनी रथोत्सवास भेट दिली. दुपारी तीन वाजण्याच्या दरम्यान हा रथ काशिविश्वेश्वराच्या मंदिरासमोर पोहोचला. त्याठिकाणी गणपती आपले वडील शंकरांचे दर्शन घेतात, अशी आजपर्यंतची अख्यायिका आहे. या नंतर सर्व लवाजम्यासह पंचधातूची गणेशाची मूर्ती पुन्हा रथात विराजमान झाली. त्यानंतर पुन्हा हा रथ गणपती मंदिराकडे येण्यासाठी माघारी फिरला. सायंकाळी साडेपाच वाजण्याच्या दरम्यान हा रथ गणपती मंदिराजवळ पोहचला. त्यानंतर रथोत्सवाची सांगता करण्यात आली.

मोबाइल अॅप डाउनलोड करा आणि राहा अपडेट

​ अनेक वादळं पचवली, ही तर झुळूकखासदार शेट्टींची नाव न घेता मंत्री खोतांवर टीका

August 26, 2017, 10:48 am

≫ Next: चाकूहल्ल्यात चार जखमी

≪ Previous: ​ उच्चांकी गर्दीत तासगावचा रथोत्सव साजरा

$

0

0

म. टा. वृत्तसेवा, इस्लामपूर
दिवाळीचा बाजार आणायला घरातून पैसे घेऊन गेलेला, पैसाबी तिकडचं आणि मालबी तिकडचं असं झालं आहे. ही दिवाळी आम्हाला जराशी अडचणीची जाईल, पण पुढची दिवाळी आम्ही जोरात साजरी करू. तुम्हाला दिवाळी नसणार कारण, घरातलं घेऊन गेलेलं पैस संपल्यावर तुमचं काय? असा सवाल खासदार राजू शेट्टी यांनी कृषी राज्यमंत्री सदाभाऊ खोत यांचे नाव न घेता उपस्थित केला. त्यांना फार महत्व द्यायची गरज नाही, अशी वादळ मी अनेक पचवली आहेत. हे वादळ नाही एक झुळूक आहे, असा टोला त्यांनी लगावला.
इस्लामपूर येथे स्वाभिमानी शेतकरी संघटना व स्वाभिमानी पक्षाचा सांगली जिल्ह्यातील कार्यकर्त्यांचा मेळावा आयोजित केला होता. या मेळाव्याला उद्देशून ते बोलत होते. खासदार शेट्टी म्हणाले, ‘आम्ही स्वतःची उंची वाढविण्यासाठी निडणुका लढत नाही. परिणामांची चिंता करीत नाही. माझ्या सोबत असलेली पोर गरिबांची असली तरी स्वाभिमानी आहेत. या कार्यकर्त्यांना मी कोणताही ठेका देण्याचे आमिष दाखवले नाही. मी काही तरी देणार म्हणून ते आलेले नाहीत. आमच्यात काही देणघेण नाही. आमच्याकडे बदल्यांची किंवा ठेकेदारीची दुकानदारी नाही. ठेका देणे हे आपले काम नाही. आपण फक्त शेतकऱ्यांच्या प्रश्नासाठी जीव पणाला लावून लढायचे एवढंच काम आहे. पुढच्या महिन्यात हातात बुडका घेऊन दर घ्यायचा. गेल्या सात-आठ वर्षांपासून हातात उसाचा बुडका घेऊन दिल्लीत असल्यामुळे साखरेचा भाव स्थिर राहिला. त्यामुळे आपल्याला एफआरपीपेक्षा जास्त दर मिळत आहे. देशातल्या शेतकऱ्यांमध्ये अस्वस्थता आहे. गोड गोड बोलून भुलवणाऱ्या या सरकारचे धोरण चुकीचे आहे. यांनी गाजावाजा करून ३४ हजार कोटींची कर्जमाफी दिली. वाट्टेल ते नियम लावून २८ कॉलम भरायचा उद्योग मागे लावला. शेतकरी काय भिकारी आहे का? यांनी २०१४साली दिलेली आश्वासने पाळली असती तर कर्जमाफीची वेळच आली नसती. शेतकऱ्यांचे प्रश्न सुटणार नसतील तर यांच्या सोबत राहण्यात काय अर्थ आहे. मी अनेक वेळा लोकसभेत हा मुद्दा मांडला आहे. मी शेवटच्या क्षणापर्यंत शेतकऱ्यांची लढाई लढत राहणार आहे. शेट्टींनी भाषणात पंतप्रधान मोदींवरही सडकून टीका केली.

मोबाइल अॅप डाउनलोड करा आणि राहा अपडेट

चाकूहल्ल्यात चार जखमी

August 26, 2017, 2:30 pm

≫ Next: मुंबई, दिल्लीतील जुळणी लावली

≪ Previous: ​ अनेक वादळं पचवली, ही तर झुळूकखासदार शेट्टींची नाव न घेता मंत्री खोतांवर टीका

$

0

0

म. टा. प्रतिनिधी, कोल्हापूर

टेम्पोला ओव्हरटेक करण्याच्या वादातून झालेल्या चाकूहल्ल्यात चौघे जखमी झाले. यातील तिघांना उपचारासाठी सीपीआरमध्ये दाखल केले आहे, तर एका गंभीर जखमीस खासगी रुग्णालयात हलवले आहे. बोंद्रेनगर परिसरात शनिवारी (ता. २६) पाचच्या सुमारास हा प्रकार घडला. यात इरफान नझरुद्दिन पकाली (वय,२९ झेडपी कॉलनी), मोहसीन रियाज पिरजादे (२५) आणि जावेद अनुद्दिन मुल्ला(२५, रा. दत्त कॉलनी, बोंद्रेनगर) यांच्यासह दीपक अरुण पाटील (२८, रा. बोंद्रेनगर) हे चौघे जखमी झाले आहेत.

शनिवारी दुपारी सुमारास पकाली, पिरजादे आणि मुल्ला हे तिघे मिनी टेम्पो घेऊन कोल्हापुरात आले होते. सायंकाळी पाचच्या सुमारास ते पुन्हा झेड पी कॉलनी मार्गे घरी जात होते. याच वेळी कॉँक्रीट मिक्सर घेऊन जाणारा टोम्पे त्यांच्यासमोर होता. टेम्पोला ओव्हरटेक करण्याचा पर्यंत इरफान पकाली यांनी केला, यावेळी समोरच्या वाहनचालकासोबत वाद झाला. परिसरातील नागरिकांना हा वाद मिटवला, मात्र काही वेळाने कॉँक्रीट चालकाने पुन्हा संभाजीनगर परिसरातील साथीदारांसह येऊन बोंद्रेनगरातील इरफान, जावेद आणि मोहसीन या तिघांना लाथा बुक्क्यांसह चाकून मारहाण केली. परिसरातील दीपक पाटील हा तरुण वाद सोडवण्यासाठी गेला मात्र हल्लेखोरांनी त्याला बांबूने मारहाण केली.

नागरिकांनी तातडीने जखमींना उपचारासाठी सीपीआरमध्ये दाखल केले. दीपक पाटील याला गंभीर दुखापत झाल्याने प्रथमोपचारानंतर त्याला खासगी रुग्णालयात हलवण्यात आले. यावेळी बोंद्रेनगर परिसरातील नागरिकांनी सीपीआरच्या आवारात गर्दी केली होती. रात्री उशीरापर्यंत करवीर पोलिस ठाण्यात गुन्हा दाखल करण्याचे काम सुरू होते.

मोबाइल अॅप डाउनलोड करा आणि राहा अपडेट

मुंबई, दिल्लीतील जुळणी लावली

August 26, 2017, 2:30 pm

≫ Next: राधानगरी पूर्ण भरले

≪ Previous: चाकूहल्ल्यात चार जखमी

$

0

0

महसूलमंत्र्यांचे राजकीय घडामोडींबाबत संकेत



म. टा. प्र​तिनिधी, कोल्हापूर

‘माझ्या डोक्यात सातत्याने काही ना काही गोष्टी घोळत असतात. कधी कुठली कामे करायची याची गणिते जमवली आहेत. दिल्ली, मुंबईतल्या गोष्टी मी जमवून बसलोय,’ अशा शब्दांत महसूलमंत्री चंद्रकांत पाटील राज्यात शनिवारी सुरू असलेल्या राजकीय घडामोडींबाबत भाष्य केले. मंत्री पाटील यांची मुख्यमंत्रीपदावर वर्णी लागणार, अशी चर्चा श​निवारी दिवसभर माध्यमांमध्ये सुरु होती. त्या पार्श्वभूमीवर त्यांची भूमिका काय आहे, याची उत्सुकता होती.

मंत्री पाटील यांच्याहस्ते येथील शिवाजी चौक तरुण मंडळाच्या २१ फुटी गणेशमूर्तीचा उद्घाटन सोहळा शनिवारी​ रात्री रंगला. या उद्घाटन सोहळ्यात आगामी घडामोडीचे संकेत देतानाच मुख्यमंत्री देवेंद्र फडणवीस यांच्या कामकाजाचे कौतुकही पाटील यांनी केले. दिवसभर सुरु असलेल्या चर्चेत काहींच तथ्य नाही. दर पाच, सहा महिन्याला अशा चर्चा होतच असतात, असे म्हणत त्यांनी चर्चेवर पडदा टाकण्याचा प्रयत्न केला.

दरम्यान, कार्यक्रम संपल्यानंतर पत्रकारांनी भेट घेतल्यावर पालकमंत्री म्हणाले, मुख्यमंत्री बदलाच्या चर्चेत कसलेही तथ्य नाही. दर पाच, सहा महिन्यांनी अशा चर्चा सुरु असतात. पक्षाध्यक्ष अमित शहा यांच्यासोबत दोन, तीन दिवसातून एकदा बोलणे होत असते. सध्या असा कुठलाही विषय नाही. मुख्यमंत्री देवेंद्र फडणवीस यांच्या नेतृत्वाखाली उत्कृष्ट कामकाज सुरु आहे. संपूर्ण टर्म फडणवीसच मुख्यमंत्रीपदी असतील.

दहा लाखाचे बक्षीस

उद्घाटन सोहळ्यात बोलताना पाटील यांनी पर्यावरणाला हानीकारक व नागरिकांना त्रास ठरलेला डॉल्बी यंदाच्या गणेश उत्सवातून हद्दपार होऊ दे. कोल्हापूरचा गणेश उत्सव डॉल्बीमुक्त होऊ दे अशा शब्दांत गणपतीला नवसही बोलले. पालकमंत्री पाटील म्हणाले, ‘गणेश उत्सव डॉल्बी मुक्त करण्यासाठी प्रयत्नशील असून मोबाइलच्या धर्तीवर डॉल्बी जॅमर उपकरण बसविण्यासाठी प्रयत्नशील आहे. डॉल्बी जॅमर या उपकरणाचा शोध लावणाऱ्यास दहा लाख रुपयांचे बक्षीस दिले जाईल. डॉल्बी जॅमर लावला की आसपाच्या दहा किलोमीटर परिसरातील डॉल्बीचा आवाज थांबेल. गणपतीच्या चरणी मी कोल्हापूरचा गणेशोत्सव डॉल्बीमुक्त होऊ दे, एवढाच नवस बोलला असल्याचे त्यांनी सांगितले.

मोबाइल अॅप डाउनलोड करा आणि राहा अपडेट

---

राधानगरी पूर्ण भरले

August 26, 2017, 2:30 pm

≫ Next: राणे स्वत:च निर्णय जाहीर करतील: चव्हाण

≪ Previous: मुंबई, दिल्लीतील जुळणी लावली

$

0

0

म. टा. वृत्तसेवा, राधानगरी

राधानगरी धरण परिसरात गेले दोन दिवस पडणाऱ्या जोरदार पावसामुळे कोल्हापूर जिल्हा आणि शहराला पाणी पुरवठा करणारा राधानगरी येथील लक्ष्मी जलाशय पूर्ण क्षमतेने भरला आहे. धरणाचे दोन स्वयंचलित दरवाजे उघडले असून भोगावती नदीपात्रात पाच हजार क्युसेस पाण्याचा विसर्ग सुरू झाला आहे. विसर्ग वाढल्याने पंचगंगा नदीच्या पाणीपातळीत वाढ झाली आहे. त्यामुळे प्रशासनाने सतर्कतेचा इशारा दिला आहे.

राजर्षी शाहू महाराज यांनी १९०९ मध्ये राधानगरीजवळ फेजिवडे येथे लक्ष्मी तलावाची उभारणी सुरू केली. अनेक अडचणींवर मात करत लक्ष्मी जलशयाची बांधणी शाहू महाराजांच्या हयातीनंतर १९५२ मध्ये झाली. ८.४१ टीएमसी जलसंचय असलेले जलाशय प्रतिवर्षी जुलै किंवा ऑगष्ट महिन्यात पूर्ण क्षमतेने भरतो. यावर्षीच्या चांगल्या पावसामुळे राधानगरीधरणाचे लक्ष्मी जलाशय काटोकाठ भरला आहे. धरणातील पाण्याची पातळी नियंत्रित करण्यासाठी तलावातील पाणी वीजगृहामार्फत भोगावती नदीपात्रात प्रतिसेकंद २००० क्युसेस प्रमाणे विसर्ग सुरू ठेवला होता. राधानगरी, करवीर, हातकणंगले, शिरोळ आणि कोल्हापूर शहरसाठी प्रामुख्याने पिण्याचे पाणी याच धरणातून पुरवले जाते. शेती सिंचनासाठी पाणी पुरवठा केला जातो, यामुळे धरणाला कोल्हापूरची भाग्यलक्ष्मी म्हणून ओळखले जाते. या तलावात सध्या १००टक्के पाणीसाठा झाला असून पाण्याची पातळी वाढत आहे. धरणाचे स्वयंचलित दरवाजांपैकी शनिवारी दुपारी एक वाजता तिसऱ्या क्रमांकाचा दरवाजा उघडला त्यापाठोपाठ सहाव्या क्रमांकाचा दरवाजा उघडला. दोन्ही दरवाज्यातून २८०० क्युसेस पाण्याचा विसर्ग सुरू असून दोन वीज निर्मिती केंद्रातून २२०० क्युसेस असा पाच हजार क्युसेस पाण्याचा विसर्ग प्रतिसेकंद भोगावती नदी पात्रात सुरू झाला आहे. विसर्गामुळे भोगावती नदीच्या पाण्याची पातळी वाढत चालली असून पुन्हा नदीला पूर आला आहे.

धरण पूर्ण क्षमतेने भरल्यानंतर पाण्याचा विसर्ग सांडव्यावरून होण्याऐवजी स्वयंचलित सात दरवाजे बसवण्यात आले आहेत. एक दरवाजा पस्तीस टन वजनाचा असल्याने पाण्याची पातळी वाढत चालल्यास आपोआप दरवाजे खुले होतात आणि पाण्याचा विसर्ग सुरू राहतो अशी वैशिष्टपूर्ण दरवाजाची रचना असलेले राधानगरी येथील धरण दुर्मिळ आहे. धरण क्षेत्र सह्यद्री पर्वताच्या डोंगर रांगेत असल्याने या परिसरात पावसाचे प्रमाण जास्त असते. या परिसरात प्रतिवर्षी सुमारे साडेचार हजार मिलीमीटर पावसाची नोंद होते. जुलै महिन्यापर्यंत यावर्षी ३२९० मिली पावसाची नोंद झाली आहे. गेल्या वर्षी तीन ऑगष्ट रोजी स्वयंचलित दरवाजे उघडले होते.

यंदा पावसाचे प्रमाण अनियमित असल्याने दरवाजे उघडण्यास २२ दिवस विलंब लागला. धरणातील पाण्याच्या विसर्गावर वीज निर्मिती मोठ्या प्रमाणात केली जात आहे. या वर्षी पूर नियंत्रणासाठी तलावातून २००० क्युसेस पाण्याचा विसर्ग विजगृहा मार्फत भोगावती नदीपात्रात सुरू केला होता. यामुळे राधानगरीचा तलावाचे स्वयंचलित दरवाजे उघडण्यास विलंब लागला असला तरी पूरपातळी नियंत्रित राहिली आहे. धरणात ८.४७ टीएमसी म्हणजेच १०० टक्के पाणीसाठा झाला असून धरणात येणाऱ्या जादा पाण्याचे नियंत्रण करण्यासाठी विसर्ग वाढवला असल्याची माहिती तलावाचे अधिकारी विजय सुतार आणि प्रकाश पाटील यांनी दिली. धरणाचे दोन दरवाजे कोणत्याही क्षणी उघडणार असून भोगावती नदीला दुसऱ्यांदा महापूर येण्याची शक्यता आहे. नदीकाठच्या नागरिकांना सावधानतेचा इशारा प्रशासनाने दिला आहे.



राधानगरी धरण सह्याद्रीच्या डोंगर रांगेत असून पाणलोट क्षेत्रात चांगला पाऊस पडत असल्याने जलाशय प्रतिवर्षी भरते. यावर्षी स्वयंचलित दरवाजे उघडण्यास विलंब लागला असला तरी वीज गृहामार्फत पाण्याच्या विसर्गामुळे पू स्थिती नियंत्रणात आणली. त्यामुळे भोगावती नदी काठावरील ऊस आणि अन्य पिकांना फायदा झाला.

रोहित बांदिवडेकर, शाखा अभियंता, राधानगरी धरण

मोबाइल अॅप डाउनलोड करा आणि राहा अपडेट

राणे स्वत:च निर्णय जाहीर करतील: चव्हाण

August 27, 2017, 2:53 am

≫ Next: ​ ट्रक टर्मिनल्सचा प्रस्ताव देण्याचे गडकरींचे आदेश

≪ Previous: राधानगरी पूर्ण भरले

$

0

0

सुनील दिवाण । पंढरपूर

मुख्यमंत्री देवेंद्र फडणवीस यांनी काँग्रेस नेते नारायण राणे यांच्या घरी जाऊन गणपतीचं दर्शन घेतल्यानंतर राणे भाजपमध्ये जाणार असल्याच्या चर्चेने पुन्हा जोर पकडला. या भेटीवर काँग्रसचे प्रदेशाध्यक्ष अशोक चव्हाण यांनीही थेट भाष्य करणे टाळलं आहे. नारायण राणे यांचा निर्णय तेच जाहीर करतील, सध्या तरी ते काँग्रेसवासी आहेत, अशी सारवासारव करत चव्हाण यांनी हात झटकले आहेत.

अशोक चव्हाण आज पंढरपूरच्या विठ्ठल मंदिरात दर्शनाला आले होते. यावेळी त्यांच्यासोबत राज्याचे प्रभारी मोहन प्रसाद, माजी प्रदेशाध्यक्ष माणिकराव ठाकरे, आमदार भारत भालके आदी उपस्थित होते. यावेळी चव्हाण यांच्यावर राणेंसंदर्भात प्रश्नांचा भडिमार करण्यात आला. तेंव्हा चव्हाण यांनी काँग्रेसमध्ये सगळेच आलबेल असल्याचं भासविण्याचा प्रयत्न केला. मात्र राणेंचा निर्णय तेच जाहीर करतील असं सांगायला ते विसरले नाहीत.

ही तर सरकारची दिवाळखोरी

शेतकऱ्यांची कर्जमाफी ही फडणवीस सरकारने केलेली फसवी घोषणा असल्याची टीका करतानाच या सरकारमधील अनेक मंत्र्यांवर भ्रष्टाचाराचे आरोप असूनही त्यांना वाचविण्याचा प्रयत्न होत असल्याचा टोला त्यांनी लगावला. कर्जमाफीसाठी शक्ती मिल विक्रीला काढण्याची भाषा करणे म्हणजे सरकारचे आर्थिक नियोजन फसले असल्याचे स्पष्ट होते. खरे तर शक्ती मिल विकणे ही सरकारची बौद्धिक दिवाळखोरीच आहे, अशी टीकाही त्यांनी केली. आम्ही राज्यात विरोधी पक्षाची भूमिका सक्षमपणे बजावत आहोत. ही भूमिका बजावताना राष्ट्रवादीने साथ दिली नाही तरी आम्हीही राष्ट्रवादीवर अवलंबून नाही, असा टोला त्यांनी लगावला.

मोबाइल अॅप डाउनलोड करा आणि राहा अपडेट

​ ट्रक टर्मिनल्सचा प्रस्ताव देण्याचे गडकरींचे आदेश

August 27, 2017, 9:13 am

≫ Next: ​ स्वातंत्र्य, लोकशाहीइंदिराजींमुळेच सुरक्षित

≪ Previous: राणे स्वत:च निर्णय जाहीर करतील: चव्हाण

$

0

0

म. टा. वृत्तसेवा, सांगली
सांगली-मिरज-कुपवाड महानगरपालिका क्षेत्रातील उद्योग व्यवसायांच्या निमित्ताने ये-जा करणाऱ्या मालमोटारींची संख्या दिवसेंदिवस वाढतच आहे. अशा वाहनांसाठी निश्चित असलेले वाहनतळ अपुरे पडत असल्याने सुमारे ५८ कोटी रुपये खर्चाच्या सुसज्ज ट्रक टर्मिनल्ससाठी प्रस्ताव तयार करण्याचे आदेश केंद्रीय परिवहन मंत्री नितीन गडकरी यांनी अधिकाऱ्यांना दिले आहेत.
शहरातील रस्त्यावर, रहिवाशी ठिकाणी विसावणाऱ्या मालमोटारींमुळे नागरिकांना अनेक समस्यांचा सामना करावा लागत आहे. त्यामुळे सांगलीत सुसज्ज असे ट्रक टर्मिनल्स विकसित करण्याचे प्रयत्न करताना आमदार सुधीर गाडगीळ यांनी महापालिकेची अर्थिक स्थिती नाजूक असल्याने मंत्री गडकरी यांची भेट घेऊन निधीची मागणी केली आहे.
पश्चिम महाराष्ट्रातील विश्वासू बाजारपेठ म्हणून सांगलीचे नाव आहे. व्यापारी पेठा, अद्योगिक वसाहती, कृषी उत्पन्न बाजारी समिती, हळदीची पेठ, बेदाण्याची कोल्डस्टोअरेज, रेल्वेतून होणाऱ्या मालवाहतुकीचा धक्का अशा अनेक ठिकाणी मालाची सतत ने आण असते. त्यामुळे सांगलीत दररोज किमान सहाशे ट्रकची ये-जा होते. अशा अवजड वाहनांसाठी वाहनतळ तयार झाले, पण ते पुरेशा सुविधा अभावी अविकसीत असल्याने सर्व वाहने शहरामधील रहिवाशी विभागातील रस्त्यावर अस्ताव्यस्तपणे पार्किंग केल्या जातात. या वाहनांचा वाहनधारकांपासून नागरिकांपर्यंत सर्वांनाच अडथळा होतो. यावर उपाय म्हणून सद्या वापरात असलेल्या वाहन तळाची जागा अद्ययावत पद्धतीने सर्वसुविधांनी सुसज्ज करणे आवश्यक आहे. महानगरपालिकेसाठी नियुक्त केलेल्या वास्तुविशारदानी प्रकल्प अहवाल तयार केला आहे. यामध्ये ट्रक टर्मिनल जागेचा विकास करण्यासाठी अंदाजपत्रकानुसार अपेक्षित खर्च १२ कोटी ६१ लाख रुपयांपेक्षा अधिक आहे. त्याचबरोबर टर्मिनलच्या जागेतील इमारत विकसित करण्यासाठी बांधकामाचा अंदाजपत्रकानुसार अपेक्षित खर्च ४४ कोटी ६३ लाख ५२ हजार रुपये इतका येणार आहे. महानगरपालिकेच्या आर्थिक उत्पन्नाचा स्त्रोत अत्यल्प असल्याने केंद्र सरकारकडून निधी उपलब्ध होणे गरजेचे आहे. असा एकूण ५८ कोटी रुपये खर्च अपेक्षित असल्याने हा निधी केंद्र सरकारकडून उपलब्ध व्हावा, यासाठी आमदार गाडगीळ यांनी केंद्रीय परिवहन मंत्री नितिन गडकरी यांच्याकडे मागणी केली आहे. या वेळी आमदार सुरेश खाडे, मकरंद देशपांडे, प्रशांत शहा, पांडुरंग कोरे उपस्थित होते.

मोबाइल अॅप डाउनलोड करा आणि राहा अपडेट

​ स्वातंत्र्य, लोकशाहीइंदिराजींमुळेच सुरक्षित

August 27, 2017, 9:46 am

≫ Next: ​ जातीय तेढ वाढण्यामागे आरएसएसचा हातकॉँग्रेसचे प्रदेशाध्यक्ष अशोक चव्हाण यांचा आरोप

≪ Previous: ​ ट्रक टर्मिनल्सचा प्रस्ताव देण्याचे गडकरींचे आदेश

$

0

0

म. टा. वृत्तसेवा, सोलापूर
‘माजी पंतप्रधान इंदिरा गांधी यांनी अन्नधान्याप्रमाणे देशाला संरक्षणातही परिपूर्ण केल्यानेच आज देशाचे स्वातंत्र्य आणि लोकशाही सुरक्षित आहे. पोखरणला अणु चाचणी घडवून आणली त्यामुळे चीनला भारताची ताकद माहिती आहे. तरीही चीन आणि पाकिस्तान भारताला घेरू पाहत आहेत. परंतु त्यांना ते अशक्य आहे,’ असे प्रतिपादन भारताच्या माजी राष्ट्रपती प्रतिभाताई पाटील यांनी केले.
माजी पंतप्रधान इंदिरा गांधी आणि माजी मुख्यमंत्री पद्मभूषण डॉ. वसंतदादा पाटील यांचा जन्मशताब्दी वर्ष समारोह कार्यक्रम रविवारी सोलापुरातील वोरोनोको शाळेच्या पटांगणात पार पडला. या वेळी प्रतिभाताई बोलत होत्या.
इंदिरा गांधी यांचे बलिदान, त्याग आणि कष्ठामुळेच आज देश स्वतंत्र झाला आहे. त्यांनी देशात हरितक्रांती आणली, असेही पाटील म्हणाल्या. कार्यक्रमास माजी केंद्रीय मंत्री सुशीलकुमार शिंदे, शिवराज पाटील-चाकूरकर, माजी मुख्यमंत्री शिवाजीराव पाटील-निलंगेकर, पृथ्वीराज चव्हाण, अशोक चव्हाण, माजी राज्यपाल डॉ. डी. वाय. पाटील, माजी मंत्री हर्षवर्धन पाटील, पतंगराव कदम, सिद्धाराम म्हेत्रे, माजी मंत्री प्रतीक पाटील, खासदार भालचंद्र मुणगेकर, आमदार भारत भालके, मधुकरराव चव्हाण, बसवराज पाटील, प्रणिती शिंदे, माणिकराव ठाकरे, मोहन प्रकाश आदी उपस्थित होते.

मोबाइल अॅप डाउनलोड करा आणि राहा अपडेट

​ जातीय तेढ वाढण्यामागे आरएसएसचा हातकॉँग्रेसचे प्रदेशाध्यक्ष अशोक चव्हाण यांचा आरोप

August 27, 2017, 9:49 am

≫ Next: फलटणमध्ये रामरहिमचा डेरा

≪ Previous: ​ स्वातंत्र्य, लोकशाहीइंदिराजींमुळेच सुरक्षित

$

0

0

म. टा. वृत्तसेवा, सोलापूर
देशात भाजप सरकार सत्तेवर आल्यामुळे जातीय तेढ वाढला आहे. देशाची परिस्थिती आज भयानक आणि धोकादायक असून, लोकशाहीसाठी ही चिंतेची बाब आहे. जातीय तेढ वाढण्यामागे विश्व हिंदू परिषद, राष्ट्रीय स्वयंसेवक संघ आणि बजरंग दलाचा हात आहे, असा आरोप काँग्रेसचे प्रदेशाध्यक्ष अशोक चव्हाण यांनी रविवारी सोलापुरात पत्रकारांशी बोलताना केला.
चव्हाण म्हणाले, ‘आज काँग्रेस आणि राष्ट्रवादी पक्षातील बहुसंख्य लोकांनी भाजपमध्ये प्रवेश केला आहे. येईल त्याला पक्षात घेण्याचा सपाटा भाजपने सुरू केला केला आहे. भाजप आमदार, खासदार आणि नेत्यांना भाजपात घेऊन भाजपने पक्षांतर्गत बंदीला काळीमा फासला आहे. हे फार काळ टिकणार नाही. सत्तेच्या हव्यासापोटी भाजप असे करीत आहे. वैचारिक पाया असणारे आणि विचारांची बांधिलकी असणारे लोक काँग्रेस पक्षाच्या राहतील. बाहेरून येणाऱ्या व्यक्ती कसा आहे, हे न पाहता भाजप कोणालाही पक्षात घेत आहे. त्यामुळे भाजप देशातील सर्वात मोठा खरेदी-विक्री संघ आहे.’
केंद्र आणि राज्य सरकारने हरियाणातील परिस्थिती व्यवस्थित न हाताळल्याने तब्बल ३६ जणांचा बळी गेला. त्याला भाजप सरकारच जबाबदार आहे. त्यामुळे आता भाजपच्या अराजकतेचा मुकाबला करण्यासाठी सर्व सेक्युलर पक्षांनी एकत्र येण्याची गरज निर्माण झाल्याचेही चव्हाण म्हणाले.
मराठवाडा मरणवाडा
शेतकऱ्यांना कर्जमाफीपासून वंचित ठेवण्यासाठीच फडणवीस सरकारने कर्जमाफीची क्लिष्ट प्रक्रिया आणली. सर्व निकषाला पात्र ठरणारा शेतकरी नशीबवानच ठरेल. मुख्यमंत्री देवेंद्र फडणवीस यांच्या कर्जमाफीच्या फसव्या घोषणेमुळे मराठवाड्यात सात महिन्यांत तब्बल ५८० शेतकऱ्यांनी आत्महत्या केल्या आहेत. मराठवाडा मरणवाडा झाला आहे, अशी टीकाही चव्हाण यांनी केली. कर्जमाफीचा अर्ज भरून घेताना शेतकऱ्यांना जात विचारण्यात आली आहे, यावरूनच भाजप सरकार जातीयवादी असल्याची प्रचिती येते. सरकारला यातून काय सिद्ध करायचे आहे, असा सवाल चव्हाण यांनी उपस्थित केला.
निवडणूक जिंकण्यासाठी आरक्षणाचे गाजर
भाजप सरकारने केवळ निवडणुका जिंकण्यासाठीच मराठा, धनगर, लिंगायत आणि मुस्लिम समाजाला आरक्षण देण्याचे गाजर दाखवले आहे. मराठा समाजाला आरक्षण देण्याबाबत फडणवीस सरकार वेळकाढूपणाचे धोरण राबवत आहे. राणे समितीचा अहवाल आल्यानंतर पुन्हा हे प्रकरण मागासवर्गीय समितीकडे देण्याचे कारणच काय? असे सांगत चव्हाण यांनी आरक्षण प्रकरणी सरकारवर सडकून टीका केली. मुख्यमंत्री फडणवीस यांनी आपली भाषा बदलावी, असेही ते म्हणाले.

मोबाइल अॅप डाउनलोड करा आणि राहा अपडेट

फलटणमध्ये रामरहिमचा डेरा

August 27, 2017, 9:52 am

≫ Next: चित्रकला - चित्रपटाचा सुरेख समन्वय

≪ Previous: ​ जातीय तेढ वाढण्यामागे आरएसएसचा हातकॉँग्रेसचे प्रदेशाध्यक्ष अशोक चव्हाण यांचा आरोप

$

0

0

म. टा. वृत्तसेवा, सातारा
डेरा सच्चा सौदा, या सांप्रदायाचा प्रमुख बाबा गुरुमित रामरहिम याला बलात्कार प्रकरणात सीबीआय न्यायालयाने शुक्रवारी दोषी ठरविल्यानंतर हरियाणातील मोठ्या प्रमाणावर अग्नीतांडव पहावयास मिळाले. डेरा सच्चा सौदाचा प्रमुख बाबा गुरुमित रामरहिम याचे पिंप्रद (ता. फलटण) येथेही आश्रम (डेरा) स्थापन केले होते.
पिंप्रद येथे सुमारे बारा वर्षांपूर्वी बाबा गुरुमित रामरहिम याने सुमारे सात एकर जमिनीवर आश्रम उभारला होता. विशेष म्हणजे ७ ते ८ हजार स्वयंसेवकांनी फक्त चारच दिवसांत हा आश्रम उभारला होता. त्यामुळे त्यावेळी या घटनेला मोठ्या प्रमाणावर प्रसिद्धी मिळाली होती. फलटण तालुका आणि परिसरामध्ये बाबा गुरुमित रामरहिम याला मानणारे हजारो अनुयायी होते. त्यामुळे बाबाचे फलटणवर विशेष प्रेम जडले होते. फलटणमधील बाबा बाबा गुरुमित रामरहिमच्या जवळच्या अनुयायांनी त्याला फलटणमध्ये आश्रम असावा, अशी गळ घातली होती. त्या दिवसापासून जागेचा शोध फलटण तालुक्यात सुरु होता. दरम्यान, फलटण-पंढरपूर मार्गावर पिंप्रद गावच्या हद्दीमध्ये हा शोध संपला.
भगत नावाच्या स्थानिक व्यक्तीकडून सात एकर जागा त्यावेळी खरेदी करण्यात आली होती. एवढी जागा कशासाठी खरेदी करताहेत, म्हणून ग्रामस्थही बुचकळ्यात पडले होते. बाबा गुरुमित रामरहिमचे स्तोम त्यावेळी फारसे वाढलेले नव्हते. अचानक वावटळ यावी तशी रामरहिमची एंट्री फलटण शहरात झाली होती.
फलटण येथील नुकतेच सुरू झालेले आर्यमान या हॉटेलमध्ये बाबा गुरुमित रामरहिम याने सुमारे दीड महिने तळ ठोकला होता. बाबाचा शाही लवाजमा पाहून फलटणच्या राजांनीही तोंडात बोटे घातली होती. मर्जीतल्या शेकडो अनुयायांसह (स्त्री आणि पुरुष) बाबाचा राबता सुरू होता. एरव्ही खाकी वर्दीतल्या पोलिसांना बघायची सवय असलेल्या फलटणकरांनी बाबाबरोबर झेड प्लस सिक्युरीटी असलेल्या ब्लॅक कॅट कमांडोज पाहिले. फलटणमधील अनेक तालेवार बाबा गुरुमित रामरहिमला भेटण्यासाठी तासंतास रांगेत उभे रहायचे.
दरम्यान, बाबा गुरुमित रामरहिमची मोहिनी फलटण तालुक्यासह बारामती, इंदापूर, माळशिरससह सातारा जिल्ह्यात पसरली होती. आपल्या दीड महिन्यांच्या फलटणमधील वास्तव्यात बाबा गुरुमित रामरहिमने अनेकांना आपले भक्त केले होते. दर महिन्याला संत्संगासाठी हजारो बाबाप्रेमी हरियाणामधील पंचकुला येथील मुख्य आश्रमात जात होते. परंतु, बाबा गुरुमित रामरहिमचे नाव वेगवेगळ्या प्रकरणात झळकू लागल्यानंतर हळूहळू बाबाचे फलटण व परिसरातील अनुयायी कमी होऊ लागले. पिंप्रद येथील आश्रम गेल्या बारा वर्षांपासून सुरू असून, या ठिकाणी दर रविवारी सुमारे शंभर ते दीडशे बाबाचे अनुयायी न चुकता सत्संगासाठी हजर असतात. हे अनुयायी सोडून आतमध्ये नेमके काय चालते, या बद्दल स्थानिकांना कोणत्याच प्रकारची माहिती नाही. दरम्यान, पंचकुलातील हिंसाचारानंतर अनेकांना बाबा गुरुमित रामरहिम याच्या पिंप्रद येथील आश्रमाबाबत उत्सुकता वाढली. अनेक उत्साही लोक या ठिकाणी डोकावून जात आहेत. कंपाउंड आणि इमारत सोडली तर त्या ठिकाणी फक्त स्मशानशांतता पसरलेली आहे. खबरदारीचा उपाय म्हणून फलटण ग्रामीण पोलिसांनी या ठिकाणी बंदोबस्त ठेवायला हवा होता. परंतु, तालुक्यात या बाबत कसलीच हालचाल नसल्याने पोलिसांनीही फारसे लक्ष देणे टाळले.

मोबाइल अॅप डाउनलोड करा आणि राहा अपडेट

चित्रकला - चित्रपटाचा सुरेख समन्वय

August 27, 2017, 2:30 pm

≫ Next: मटका बुकीमालकासह २० जण हद्दपार

≪ Previous: फलटणमध्ये रामरहिमचा डेरा

$

0

0

म. टा. प्रतिनिधी, कोल्हापूर

‘चित्रकला आणि चित्रपट यांचा सुरेख समन्वय चिल्लर पार्टी विद्यार्थी चित्रपट चळवळीने साधला आहे’, असे प्रतिपादन ज्येष्ठ चित्रकार पार्श्वनाथ नांद्रे यांनी व्यक्त केले. चिल्लर पार्टी विद्यार्थी चित्रपट चळवळीमार्फत रविवारी शाहू स्मारक भवन येथे हॅपी फीट हा बालचित्रपट दाखविण्यात आला. या कार्यक्रमात चळवळीमार्फत कोल्हापूर महानगरपालिकेतील शाळेसाठी घेण्यात आलेल्या बालचित्रकला स्पर्धेचे बक्षीस वितरण पार्श्वनाथ नांद्रे यांच्या हस्ते पार पडले.

या कार्यक्रमात प्रमुख पाहुणे म्हणून बोलताना नांद्रे यांनी आपला चित्रकलेचा प्रवास उलगडला. ओंकार कांबळे याने प्रास्तविक भाषणात चिल्लर पार्टीच्या हेतूची माहिती दिली. विशाल चव्हाण याने प्रमुख पाहुण्यांचा परिचय करुन दिला. छायाचित्रकार जयसिंग चव्हाण यांच्या हस्ते नांद्रे यांचे पुष्पगुच्छ देऊन स्वागत करण्यात आले. साक्षी सरनाईक हिने आभार मानले. अनुजा बकरे हिने सूत्रसंचालन केले. यावेळी रविंद्र शिंदे यांनी मनोगत व्यक्त केले.

विश्व शिंदे याचा सत्कार

फुटबॉल क्लबतर्फे दिल्ली येथे होणाऱ्या प्रशिक्षणासाठी १५ वर्षाखालील गटात निवड झालेल्या कोल्हापूरातील विश्व विजय शिंदे या इयत्ता आठवीतील विद्यार्थ्यांचा चिल्लर पार्टीतर्फे पार्श्वनाथ नांद्रे यांच्या हस्ते सत्कार करण्यात आला. बाल चित्रकला

स्पर्धेत महानगरपालिकेच्या १७०० विद्यार्थ्यांनी भाग घेतला होता. स्पर्धेतील बक्षीस विजेत्या विद्यार्थ्याच्या चित्रांचे प्रदर्शन शाहू

स्मारक भवनाच्या आवारात प्रदर्शित करण्यात आले होते.

मोबाइल अॅप डाउनलोड करा आणि राहा अपडेट

---

मटका बुकीमालकासह २० जण हद्दपार

August 27, 2017, 2:30 pm

≫ Next: ‘वीर माता, पत्नींचा देशाला अभिमान’

≪ Previous: चित्रकला - चित्रपटाचा सुरेख समन्वय

$

0

0

म. टा. प्रतिनिधी, कोल्हापूर

पोलिस अधीक्षक संजय मोहिते यांनी रविवारी पोलिसांनी मटका व जुगारातील अवैध धंद्याविरुद्ध धडक कारवाई सुरू केली. मटका बुकीमालक आयुब खुदबुद्दीन जमादार (वय ४९, रा. बागल चौक), संजय रामचंद्र देसाई (४५, रा. जवाहरनगर) यांच्यासह २० जणांना जिल्ह्यातून एक वर्षासाठी हद्दपार केले आहे.

कोल्हापूर शहरासह जिल्ह्यात मटका, जुगार अड्डे जोरात सुरू आहेत. पोलिसांकडून कारवाई सुरू असली तरी मोबाइल, कम्प्युटरच्या साह्याने ऑनलाइन मटका घेतला जात आहे. त्यामुळे शाहूपुरी पोलिस ठाण्याने महाराष्ट्र पोलिस अधिनियम १९५१मधील कलमांनुसार अवैध धंद्यात सहभागींना जिल्ह्यातून हद्दपार करण्याचा प्रस्ताव तयार केला. पोलिस अधीक्षक मोहिते यांच्यासमोर प्रस्तावावर सुनावणी झाली. त्यानंतर रविवारी शाहूपुरी पोलिसांनी हद्दपार केलेल्यांची नावे जाहीर केली.

यामध्ये दत्ता शंकर माळी (५५, जयहिंदनगर, शिरोळ), कयुम इमाम शेख (६७, सम्राट कॉलनी, विक्रमनगर), नि​तीन चंद्रकांत कांबळे (३९, रा. विचारेमाळ), श्रीकांत शंकर पाटील (३३, रा. हणबर गल्ली, कागल), शशिकांत श्रीधर शिंदे (४६,रा. एकसंबा, चिकोडी, जि. बेळगाव), फिरोज हमिद सय्यद (३६, संभाजीनगर, कळंबा रोड).

रणजित बाळासाहेब कारंडे (३२, रा. लोणार वसाहत), प्रकाश बाजीराव निकम (भगतसिंग वसाहत, कसबा बावडा), युनुस लियाकत पठाण (४५, दाभाडे गल्ली, विचारेमाळ), दिनकर सदाशिव पाटील (६०, रा. कोपार्डे कॉर्नर, कदमवाडी), मनोज हिरालाल मनसुखानी (४०, रा. वळीवडे, ता. करवीर), मनोहर अर्जुना कांबळे (५२, रा. प्रयाग चिखली, ता. करवीर), गंगाराम उर्फ राजाराम कोयाप्पा येडगे (३४, रा. विश्वशांती चौक, कनाननगर).

गणेश विष्णू शिंगे (२६, पन्हाळकर गल्ली, विचारेमाळ), बजरंग बापूसो घुणकीकर (४८, रा. विश्वशांती चौक, कनाननगर), कानिफनाथ गणपतराव पाटील (३०, ३०, रा. सदरबाजार), जयदीप नामदेव उलपे (२७, रा. उलपेमळा, शुगरमिल कसबा बावडा), मयूर मारुती थडगे (२५, रा. कनाननगर) यांचा समावेश आहे.

मोबाइल अॅप डाउनलोड करा आणि राहा अपडेट

‘वीर माता, पत्नींचा देशाला अभिमान’

August 27, 2017, 2:30 pm

≫ Next: नऊ हजार प्रकरणे ‘लालफितीत’

≪ Previous: मटका बुकीमालकासह २० जण हद्दपार

$

0

0

म. टा. प्रतिनिधी, कोल्हापूर

‘स्वत:चा मुलगा किंवा पती सीमेवर मोठ्या धाडसाने शत्रूशी दोन हात करताना शहीद होतो. मात्र देशातील लाखो कुटुंबांच्या सुरक्षिततेसाठी आपल्या घरातील कर्त्या व्यक्तीने दिलेल्या बलिदानाबद्दल वीर माता आणि वीर पत्नींना सार्थ अभिमान वाटतो. ही पूर्ण देशवासियांसाठी अभिमानाची आणि प्रेरणादायी बाब आहे’ असे प्रतिपादन जिल्हा परिषदेच्या अध्यक्षा शौमिका महाडिक यांनी केले. खेबवडे येथे भाजपच्या महिला मोर्चाच्या वतीने मातृदिनानिमित्त आयोजित वीर माता वीर पत्नी सत्कार सोहळ्यात त्या बोलत होत्या.

खेबवडे गावातील बहुतांशी तरुण सैन्य दलात आहेत. सीमेवर कर्तव्य बजावताना अनेक जवानांना वीर मरणही प्राप्त झाले आहे. या पार्श्वभूमीवर वीर माता आणि वीर पत्नींचा सत्कार करण्यात आला. ‘देशाच्या सीमा सुरक्षित ठेवण्यासाठी अहोरात्र झटणाऱ्या सैनिकांना त्यांच्या कुटुंबियांकडून मानसिक बळ दिला जात असतो. त्यामुळेच त्यांना सन्मान करणे आवश्यक आहे’ असे मत अध्यक्षा महाडिक यांनी सांगितले.

शहीद बळवंत कुंभार, हिम्मत पवार, साताप्पा पाटील, धोंडीराम बेटाले, सुभाष भोळे, जोतिराम चौगले, मधुकर कोंडेकर, नारायण पाटील, भगतसिंग एकल, शिवाजी साबळे, साताप्पा लाटेगावकर, बापू मगदूम, जयवंत चौगले, श्रीपती चौगले, रंगराव देसाई, कृष्णा धनवडे, कुंडलिक माने, सिताराम पाटील या शहिदांच्या कुटुंबियासह परिसरातील अनेक शहिद जवानांच्या वीर माता आणि वीर पत्नींचा सत्कार करण्यात आला. कार्यक्रमाला भाजप महिला मोर्चा अध्यक्षा माधवी नाईक, शहराध्यक्षा वैशाली पसारे, संध्याराणी बेडगे, जि. प. सदस्या मनिषा टोणपे, गोकुळच्या संचालिका जयश्री पाटील-चुयेकर, सरपंच छाया चौगले आदी होत्या.

मोबाइल अॅप डाउनलोड करा आणि राहा अपडेट

नऊ हजार प्रकरणे ‘लालफितीत’

August 27, 2017, 2:30 pm

≫ Next: नोव्हेंबरपासून होणार गॅसदाहिनीद्वारे अंत्यसंस्कार

≪ Previous: ‘वीर माता, पत्नींचा देशाला अभिमान’

$

0

0

Bhimgonda.Desai@timesgroup.com

Tweet : @bhimgondaMT

कोल्हापूर: येथील जिल्हा परिषद व १२ पंचायत समितीत्यांमध्ये तब्बल नऊ हजार ४४ प्रकरणे ‘लालफितीत’ असल्याचे झिरो पेंन्डसीच्या कामामुळे उघड झाले आहे. त्यातील १९० प्रकरणे एक वर्षापेक्षा अधिक तर ५२२ प्रकरणे सहा महिन्यावरील आहेत. ‘सरकारी काम आणि सहा महिने थांब’ ही म्हण प्रशासनाबद्दल का प्रचलित आहे हे प्रलंबित प्रकरणांच्या संख्येवरून समोर येते. बहुतांशी प्रलंबित प्रकरणे सामान्य, अधिकाऱ्यांपर्यंत जाऊन पाठपुरावा करण्याची कुवत नसणाऱ्यांची आहेत. ही सर्व प्रकरणे तातडीने निर्गत करणे आव्हान प्रशासनासमोर आहे.

जिल्हा परिषद, पंचायत समित्यांमध्ये मे महिन्यापासून झिरो पेंन्डसीचे काम सुरू आहे. त्यामध्ये जिल्हा परिषद, पंचायत समिती स्थापन झाल्यापासून सर्व खात्यात दाखल झालेली प्रकरणे किती आहेत, निर्गत किती, शिल्लक किती यांचा शोध घेण्यात आला. यामुळे वर्षानुवर्षे धूळ खात पडलेल्या फायली बाहेर आल्या. प्रलंबित प्रकरणांची १७ विभागनिहाय यादी करण्यात आली. एक आणि दोन आठवड्यात, एक महिन्यात, दोन महिन्यात, सहा महिन्यांपासून आणि एक वर्षानंतर प्रलंबित असलेल्या प्रकरणाची यादी करण्यात आली. झिरो पेंन्डसीचे काम आणखी एक महिना चालणार आहे.

आतापर्यंतच्या कामात एक वर्षाहून अधिक काळ फायली प्रलंबित ठेवण्यात ग्रामपंचायत विभाग आघाडीवर असल्याचे दिसते. त्यानंतरचा क्रमांक प्राथमिक शिक्षण, ग्रामीण पाणीपुरवठा विभागाचा लागतो. जिल्हा परिषद, पंचायत समितीमधील १७ विभागातील १९० प्रकरणे वर्षाहून अधिक काळ प्रलंबित आहेत. महिना आणि वर्षानुवर्षे फायली निर्गत झाली नसल्याचे पुढे आल्याने त्या त्या वेळचे संबंधित कर्मचारी, अधिकाऱ्यांनी काय केले असा प्रश्न ‌निर्माण होत आहे. केवळ पाठपुरावा केलेले आणि ‘अर्थ’पूर्ण वाटाघाटी, राजकीय दबाव असलेल्याच फायली वेळेत निर्गत झाल्या इतर प्रकरणाकडे दुर्लक्ष झाल्याचे गुपीत उघड आले.

झिरो पेंडन्सीमुळे आतापर्यंतची सर्व प्रकरणे बाहेर निघाली. यामुळे त्यांची संख्या मोठी आहे. पेंडन्सी शोधून काढण्याचे काम पूर्ण झाल्यानंतर दुसऱ्या टप्यात प्रलंबित प्रकरणे निर्गत केली जातील. एका टेबलवर कमीत कमी एक‌ आठवड्यापेक्षा अधिक वेळ फाईल प्रलंबित राहणार नाही, असे नियोजन केले जाईल, असे केल्यानंतर प्रशासन गतिमान होईल. प्रकरणे प्रलंबित राहण्याचे प्रमाण कमी होईल.

डॉ. कुणाल खेमनार, मुख्य कार्यकारी अधिकारी

……………………………..

चौकट

२५ टन फायली..

जिल्हा परिषद, १२ पंचायत समित्यांमधील दैनंदिन, आठवडा, महिन्याचा अहवाल, बैठकांची नोट यासह विविध प्रकरणांची २५ टन रद्दी होणार आहे. अजूनही पुढील एक महिना झिरो पेंन्डसीचे काम चालणार आहे. त्यामुळे आणखी रद्दी वाढणार आहे. २० ऑगस्टपर्यंत नष्ट करावयाच्या फायलींची रद्दी विकण्यासाठी अर्थ विभागाने निविदा काढली आहे.

विभागनिहाय प्रलंबित प्रकरणे

सामान्य प्रशासन: ४९८

ग्रामपंचायत: ४६६

पाणी पुरवठा व स्वच्छता : ९१

महिला व बालकल्याण : ५५

आरोग्य : ५२३

प्राथमिक शिक्षण: १५३७

माध्यमिक‌ शिक्षण :८९१

निरंतर शिक्षण: १

अर्थ :४६७

बांधकाम :१५७

ग्रामीण पाणी पुरवठा : १२४

पशू संवर्धन: ५०

कृषी:२५३

समाज कल्याण : २८०

जिल्हा ग्रामीण विकास यंत्रणा : ७९

पंचायत समितीनिहाय प्रलंबित प्रकरणे

शाहूवाडी: ५९

पन्हाळा: १४९१

हातकणंगले :६७३

‌शिरोळ: ८९

करवीर: १९७

गगनबावडा : ३४

राधानगरी: २०९

कागल :१७९

भुदरगड: ५२

आजरा :१९०

गडहिंग्लज :६१

चंदगड : ३३८

मोबाइल अॅप डाउनलोड करा आणि राहा अपडेट

नोव्हेंबरपासून होणार गॅसदाहिनीद्वारे अंत्यसंस्कार

August 27, 2017, 2:30 pm

≫ Next: अंगणवाडी कर्मचारी मानधनाच्या प्रतिक्षेत

≪ Previous: नऊ हजार प्रकरणे ‘लालफितीत’

$

0

0

Appasaheb.mali@timesgroup.com
Tweet : @Appasaheb_MT

कोल्हापूर : शेणी व लाकडांचा खर्च टाळण्याठी तसेच प्रदूषणाला फाटा देण्यासाठी महापालिकेतर्फे नोव्हेंबरपासून अंत्यंस्कारासाठी गॅसदाहिनीचा अवलंब करण्यात येणार आहे. महापालिका आणि बडोदा येथील अल्फा इक्वीपमेंट कंपनीमार्फत गॅसदाहिनी कार्यान्वित होणार आहे.

गॅस दा​हिनीमुळे रक्षाही कमी प्रमाणात निर्माण होणार आहे, शिवाय धूर आणि वायू प्रदूषण टाळता येईल. गणेशोत्सवानंतर प्रत्यक्ष कामाला सुरुवात होणार आहे. पहिल्या टप्प्यात पंचगंगा स्मशानभूमी येथे गॅसदाहिनी बसविण्यात येणार आहे. महापालिकेला इंधन खर्च आणि पायाभूत सुविधा पुरवावी लागणारी आहे.

कोल्हापूर महापालिकेतर्फे शहरात चार ठिकाणच्या स्मशानभूमीत मोफत अंत्यसंस्कार केले जातात. पंचगंगा स्मशानभूमी, कसबा बावडा स्मशानभूमी, कदमवाडी आणि बापट कँप स्मशानभूमी येथील स्मशानभूमीत मिळून वर्षाला सुमारे ४००० मृतदेहांवर अंत्यसंस्कार होतात. पंचगंगा स्मशानभूमी येथे रोज साधारणपणे दहा मृतदेहांवर अंत्यसंस्कार होतात. याठिकाणी दहनासाठी ४२ बेड आहेत. अंत्यसंस्कारासाठी लाकडे आणि शेणीचा वापर होतो. महापालिका मोफत अंत्यसंस्कारासाठी दरवर्षी ६० लाख रुपये खर्च करते. शिवाय स्मशानभूमी येथील कर्मचाऱ्यांच्या पगारासाठी वेगळी तरतूद आहे.

दरम्यान, शहराचा वाढता विस्तार, लाकूड आ​​णि शेणीमुळे होणारे प्रदूषण या साऱ्या बाबींचा विचार करुन मोफत गॅस दाहिनीचा विचार सुरू होता. शिवाय धूर, वायू हे घटक प्रदूषणास कारणीभूत ठरत आहेत.

महापालिकेच्या २० डिसेंबर २०१६ रोजी झालेल्या सर्वसाधारण सभेत गॅस दाहिनीचा अवलंब करण्याचा ठराव मंजूर करण्यात आला आहे. बडोदा येथील अल्फा इक्वीपमेंट कंपनी मोफत गॅस दाहिनी पुरविणार आहे. कंपनीमार्फत गुजरात राज्यात विविध ठिकाणी गॅस दाहिनी कार्यान्वित केली आहे. गॅस दाहिनीमुळे अंत्यसंस्कारावरील खर्चात कपात होणार आहे. शिवाय दुरुस्तीसाठी अत्यल्प खर्च येणार आहे. गॅस दाहिनी अॅटामेटिक असेल. शिवाय त्या ठिकाणी गॅस कंट्रोल पॅनेल, हायड्रोलिक ट्रॉली, २० सिलिंडरची फोल्डर रचना करण्यात येईल.


अल्फा इक्वीपमेंट कंपनीमार्फत गॅस दाहिनी पुरविण्यात येणार आहे. दाहिनीसाठी आवश्यक सुविधा, फाउंडेशन, इंधन पुरवठा महापालिका पुरविणार आहे. महापालिकेकडून फाउंडेशन तयार केल्यानंतर गॅस दाहिनीचे फर्नेस बसविले जाईल. कंपनीचे कर्मचारी, महापालिका कर्मचाऱ्यांना गॅस दाहिनी चालविण्यासंदर्भात प्रशिक्षण देतील.

विहंग चव्हाण, प्रमुख,
अल्फा इक्चीपमेंटस प्रायव्हेट कंपनी

डिझेल वाहिनीसाठी बांधलेल्या इमारतीत गॅस दाहिनी सुरू करण्यात येणार आहे. या इमारतीतील पूर्वीचे साहित्य अन्यत्र हलविण्यात येणार आहे. गॅस दाहिनीसाठी ही इमारत तयार करून कंपनीकडे सोपविली जाईल. गणेशोत्सवानंतर प्रत्यक्ष कामाला सुरुवात होईल. नोव्हेंबरपासून गॅसदाहिनी सुरू करण्याचे नियोजन आहे.

- डॉ. विजय पाटील, मुख्य आरोग्य निरीक्षक ​महापालिका

मोबाइल अॅप डाउनलोड करा आणि राहा अपडेट

अंगणवाडी कर्मचारी मानधनाच्या प्रतिक्षेत

August 27, 2017, 2:30 pm

≫ Next: ‘शिवपुत्र राजाराम’ चे बुधवारी प्रकाशन

≪ Previous: नोव्हेंबरपासून होणार गॅसदाहिनीद्वारे अंत्यसंस्कार

$

0

0

Maruti.Patil@timesgroup.com

Tweet : @MarutipatilMT

कोल्हापूर : दर महिन्याला अंगणवाडी मदतनीस व सेविकांच्या मानधनाचा प्रश्न कायमचा निकालात काढण्यासाठी राज्य सरकारच्या महिला व बालविकास मंत्रालयाच्यावतीने पब्लिक फायनाशियल मॅनेजमेंट सिस्टिम (पीएफएमएस) कार्यन्वित करण्यात आली. त्यासाठी सर्व अंगणवाडी कर्मचाऱ्यांचे बँक खाते आधार क्रमांकाशी जोडण्यात आले. पण ही यंत्रणा कार्यन्वित केल्यानंतरही राज्यातील सुमारे दोन लाख अंगणवाडी कर्मचाऱ्यांना गेल्या तीन महिन्यांपासून मानधन मिळालेले नाही. वारंवार मानधनाचा निर्माण होणारा प्रश्न आणि इतर मागण्यांसाठी राज्य अंगणवाडी कर्मचारी कृती समितीच्यावतीने ११ सप्टेंबर रोजी बेमुदत संपावर जाण्याचा निर्धार केला आहे.

राज्याच्या महिला व बालविकास मंत्रालयाच्या एकात्मिक बाल विकास सेवा योजना प्रकल्पातंर्गत अंगणवाडी कर्मचाऱ्यांचे मानधन व इतर कामांच्या सूचना व त्याची अंमलबजावणी केली जाते. सहा महिने ते तीन वर्षाच्या मुलांची जबाबदारी प्रामुख्याने अंगणवाडी सेविका व मदतनीस यांच्यावर असते. पोषण आहारास मुलांची देखभाल करण्याची जबाबदारी या कर्मचाऱ्यांवर दिली जाते. यासाठी दर महिन्याला सेविकांना पाच हजार तर मदतनीसांना दोन हजार ५०० रुपयांचे मानधन दिले जाते.

अंगणवाडी सेविका व मदतनीसांना दर महिन्याला मानधन देण्याची तरतूद असली, तरी कधीही या कर्मचाऱ्यांना नियमित दर महिन्याला मानधन दिले जात नाही. कर्मचाऱ्यांच्या मानधनासाठी बालविकास विभागाने बजेटमध्ये तरतूद केल्यानंतरच मानधन मिळते. त्यामुळे कर्मचाऱ्यांना ‘बैल गेला अन् झोपा केला’ अशी स्थिती कायमच निर्माण होत असते. त्यामुळे मोर्चा, निदर्शने, संप व उपोषण असे नित्याचेच प्रकार प्रत्येक जिल्ह्यात घडत असतात. यातून मार्ग काढण्यासाठी एकात्मिक बाल विकास विभागाच्यावतीने पीएफएमएसद्वारे ‘सन्मान’ प्रणाली कार्यन्वित केली. अत्यंत गाजावाजा करत या प्रणालीचे उद्‍घाटन मुख्यमंत्री देवेंद्र फडणवीस यांच्या हस्ते झाले. त्यासाठी कर्मचाऱ्यांचे बँक खाते अधार लिकिंग करण्यात आले, पण त्यानंतही गेल्या तीन महिन्यांपासून अंगणवाडी कर्मचाऱ्यांना मानधन मिळालेले नाही. महिला व बालविकास मंत्री पंकजा मुंडे या जाणीवपूर्व अंगणवाडी कर्मचाऱ्यांच्या प्रश्नाकडे दुर्लक्ष करत असल्याचा आरोप करत आता संघटना करत आहेत. या निषेधार्थ राज्यात ११ सप्टेंबर रोजी मुंबई येथील आझाद मैदानासह प्रत्येक जिल्ह्यातील अंगणवाडी कर्मचारी बेमुदत संपावर जाणार आहेत.

पोषण आहाराचा सहा वर्षांपूर्वीचा दर

अंगणवाडीमध्ये शिक्षण घेणाऱ्या बालकांना इंधनखर्च वजा ४. ४२ रुपये पोषण आहार दिला जातो. २०११ मध्ये पोषण आहाराची रक्कम निश्चित केली होती. त्यानंतर महागाईच्या दरात तिप्पटीने वाढ झालेली असताना पोषण आहाराच्या रकमेत वाढ झालेली नाही. या मागणीसाठी अंगणवाडी कर्मचारी सातत्याने मागणी करत आहेत. सरकार मागणीकडे दुर्लक्ष करत असल्याने अनेकठिकाणी अंगणवाडी कर्मचारी पदरमोड करून पोषण आहार देतात. पण हा खर्चही पेलवण्यापलिकडे गेला असल्याने सर्व कर्मचाऱ्यांनी बेमुदत संपावर जाण्याचा निर्धार केला आहे.

मोबाइल अॅप डाउनलोड करा आणि राहा अपडेट