मंत्र‌िपदे कोल्हापुरातून ठरतात

August 20, 2017, 2:30 pm

≫ Next: चेजिंग रुम, घराची तपासणी

≪ Previous: आमच्या एका मतामुळे पटेल निवडून आले

$

0

0

म. टा. प्रतिनिधी, कोल्हापूर
मंत्र‌िमंडळाचा प्रमुख या नात्याने मंत्री कोण असावा याचा निर्णय मुख्यमंत्री घेत असतात. सध्या देवेंद्र फडणवीस मुख्यमंत्री असले तरी कोल्हापुरातून मंत्र‌िपदे ठरत आहेत, असा टोला राष्ट्रवादीचे नेते शरद पवार यांनी पालकमंत्री चंद्रकांत पाटील यांना लगावला. पवार रविवारी खासगी दौऱ्यावर कोल्हापुरात आले असता ते पत्रकारांशी बोलत होते.
नाराराण राणेंना सार्वजनिक बांधकाम मंत्र‌िपद दिले जाईल, अशी घोषणा महसूलमंत्री चंद्रकांत पाटील यांनी केली आहे, याकडे लक्ष वेधले असता, पवार म्हणाले, ‘मंत्र‌िमंडळाचा प्रमुख मुख्यमंत्री असतो. पण या सरकारमध्ये महसूलमंत्री चंद्रकांत पाटील कुणाला मंत्री करायचे, कुणाला कुठले खाते देत आहेत हे ठरवत आहेत. भाजपमध्ये सत्तेचे विकेंद्रीकरण होत आहे ही चांगली गोष्ट आहे. हल्ली मंत्र‌िमंडळ विस्ताराच्या घोषणा कोल्हापुरातून होत आहेत. घोषणा करणारे पाटील हे कोल्हापूरचे आहेत. कोल्हापुर माझे आजोळ असल्याने कोल्हापूरचे पाटील मंत्र‌िमंडळ विस्तार करतात आणि त्याच्या घोषणा करतात याचा आनंद वाटतो, अशी खिल्ली उडवली.
भाजप शिवसेनेच्या मंत्र्यांवर भ्रष्टाचाराचे आरोप होऊनही राजीनामे दिले नाहीत, या प्रश्नांवर यापुर्वी काँग्रेस, राष्ट्रवादीवर आरोप झाले की मंत्री राजीनामे देत होते. विलासराव देशमुख, आर. आर. पाटील, अजित पवार यांच्यावर टीका व आरोप झाल्यावर त्यांनी राजीनामे दिले होते. पावसाळी अधिवेशनात महायुतीच्या मंत्र्यांविरोधात विरोधी पक्षांनी भ्रष्टाचाराचे पुरावे सभागृहात दिले होते. या मंत्र्यांचे मुख्यमंत्र्यांनी राजीनामे घ्यायला हवे होते, अशी अपेक्षा होती. भाजप ‘ना खाऊंगा, ना खाने दुँगा’ अशा वल्गना करत सत्तेवर आला आहे. पण भ्रष्टाचाराचे आरोप होऊन मंत्र्यांनी राजीनामे न दिल्याने सामान्यांचा विश्वास उडू लागला आहे. भाजप-शिवसेनेला १५ वर्षांनी सत्ता मिळाली असल्याने यापुढे सत्ता मिळेल की नाही, असा विश्वास नसल्याने त्यांचे मंत्री राजीनामे देत नाहीत, असेही ते म्हणाले.

पाटील कुटुंबीयांचे सात्वंन
पवार यांचे एकेकाळचे जवळचे सहकारी व नातलग एच. डी. पाटील यांचे गुरुवारी निधन झाले. त्यांच्या कुटुंबाचे सांत्वन करण्यासाठी पवार कोल्हापुरात आले होते. रुईकर कॉलनी येथील पाटील यांच्या निवासस्थानी पाटील कुटुंबाचे सांत्वन केले. यावेळी खासदार धनंजय महाडिक, आमदार हसन मुश्रीफ, महापौर हसीना फरास उपस्थित होत्या.

बहीण-भावांत हृद संवाद
पवार यांनी रुईकर कॉलनी येथील एन. डी. पाटील यांच्या घरी जाऊन त्यांच्या प्रकृतीची विचारपूस केली. पाटील यांच्या पत्नी सरोज या पवारांची बहीण आहे. शरद पवार, प्र्रतापराव पवार, एन. डी. पाटील व सरोज पाटील हे बराच वेळ गप्पा मारत बसले होते. त्यानंतर पवार पत्रकारांशी बोलून जात असताना त्यांनी सरोज यांना ‘मी जातो’ असा निरोप घेतला. यावेळी सरोज पाटील ‘हं बरं, जा जा’ असे म्हणताच निघालेले पवार गर्रकन वळले. ‘अगं, मला लोक ये ये म्हणतात आणि तू मला जा जा म्हणतेस’ असे म्हणताच भाऊ बहीण खळखळून हसले. ‘जातानाही तो टोला मारुन गेला’ असे सरोज पाटील म्हणाल्यानंतर पुन्हा हास्य फुलले.

मोबाइल अॅप डाउनलोड करा आणि राहा अपडेट

---

चेजिंग रुम, घराची तपासणी

August 20, 2017, 2:30 pm

≫ Next: खोत यांचे योगदान काय?

≪ Previous: मंत्र‌िपदे कोल्हापुरातून ठरतात

$

0

0

म. टा. प्रतिनिधी, कोल्हापूर

शाळेतील विद्यार्थिनींचे लैगिक शोषण केल्याप्रकरणी क्रीडा शिक्षक विजय मनुगडे याच्या घराची आणि शाळेतील चेंजिंग रुमची पोलिसांनी तपासणी केली. मनुगडेकडे पोलिसांनी तीन तपास कसून चौकशी केली.

राजेंद्रनगर येथील कोल्हापूर पब्लिक स्कूलमधील क्रीडा शिक्षक मनुगडे याने हॉकी संघात स्थान देण्यासाठी एका विद्यार्थीनीवर बलात्कार केला तर तीन मुलींचा लैगिंक छळ केल्याप्रकरणी राजारामपुरी पोलिस ठाण्यात स्वतंत्र गुन्हे नोंद झाले आहेत. या गुन्ह्यांचा तीन पोलिस अधिकारी स्वतंत्रपणे तपास करत आहेत. पोलिसांनी पुरावे गोळा करण्यास सुरुवात केली आहे. रविवारी शाळेच्या चेजिंग रुमची तपासणी केली. तसेच शाळेच्या परिसरातील सीसीटीव्ही फुटेजही तपासण्याचा निर्णय पोलिसांनी घेतला आहे. मनुगडे याच्या देवकर पाणंदमधील घराचीही झडती घेण्यात आली. पोलिसांनी यापूर्वीच मनुगडेचा मोबाइल, लॅपटॉप, पेन ड्राइव्ह, कॅमेरा ताब्यात घेतला आहे. तसेच त्याच्या मोबाइलचे कॉलडिटेल्सही मागवण्यात आले आहेत. तसेच पीडित विद्यार्थींनीकडेही पोलिस माहिती घेणार आहेत. दरम्यान तीन अधिकाऱ्यांनी स्वतंत्र्यपणे मनुगडेची कसून चौकशी केली. कोर्टाने मनुगडेला पाच दिवस पोलिस ठेवण्याचे आदेश दिले आहेत.

क्रीडा शिक्षक संघटनेकडून मनुगडेचा निषेध

विद्यार्थीनीवर अत्याचार करणाऱ्या मनुगडेचा क्रीडा शिक्षक संघटनेच्या बैठकीत निषेध करण्यात आला. मनुगडे प्रवृत्तीचा नाश करण्यासाठी व पुन्हा अशा घटना घडणार नाही यासाठी पोलिसांनी या गुन्ह्याची सखोल चौकशी करुन कठोर कारवाई करावी, अशी मागणी या वेळी शिक्षकांनी केली. अध्यक्ष आर. डी. पाटील यांच्या अध्य​क्षतेखाली बैठक झाली. बैठकीला सचिव आर. बी. बुवा, सह सचिव सयाजी पाटील, संजय पाथरे, महेश सूर्यवंशी, प्रदीप साळोखे, शेखर शहा अमित शिंत्रे अदी क्रीडा शिक्षक उपस्थित होते.

मोबाइल अॅप डाउनलोड करा आणि राहा अपडेट

खोत यांचे योगदान काय?

August 20, 2017, 2:30 pm

≫ Next: ​ शेतकऱ्यांच्या नावे परस्पर कर्जेसद्गुरू श्री. श्री. साखर कारखाना आणि कॅनरा बँकेचा प्रताप

≪ Previous: चेजिंग रुम, घराची तपासणी

$

0

0

म. टा. प्रतनिधी, कोल्हापूर

‘खासदार राजू शेट्टी संसदेत प्रश्न उपस्थित करतात. गेली दहा वर्षे संसदेत आम्ही त्यांना पाहतोय. पण कृषीराज्यमंत्री सदाभाऊ खोत यांचे योगदान काय?’ असा सवाल माजी केंद्रीय कृषीमंत्री आणि राष्ट्रवादी काँग्रेसचे अध्यक्ष शरद पवार यांनी उपस्थित केला. दिवंगत ज्येष्ठ नेते एच. डी. पाटील यांच्या कुटुंबियांच्या सांत्वनासाठी कोल्हापूर दौऱ्यावर आलेल्या पवार यांच्याशी पत्रकारांनी संपर्क साधला असता पवार यांनी भाजपचे अध्यक्ष अमित शहा आणि राज्य सरकारच्या कर्जमाफीवर टीकेची झोड उठवली. गुजरातमध्ये राष्ट्रवादीच्या एका आमदाराचे मत मिळाल्यानेच राज्यसभेच्या निवडणुकीत अहमद पटेल विजयी झाले, असा दावाही त्यांन केला.

स्वाभिमानी शेतकरी संघटनेचे अध्यक्ष, खासदार राजू शेट्टी आणि कृषी राज्यमंत्री सदाभाऊ खोत यांच्यातील वादाबाबत पत्रकारांनी विचारले असता शरद पवार म्हणाले, ‘सदाभाऊ खोत गेली ३० वर्षे शेतकऱ्यांच्या प्रश्नांवर आम्ही लाठ्या खाल्या, तुरुंगात गेलो असे सांगत आहेत. मात्र त्यांनी कधी लाठ्या खाल्या, तुरुंगात कधी गेले याची माहिती पोलिस खात्याकडून घ्यावी लागेल. गेल्या ३० वर्षांत त्यांनी इतके प्रभावी काम केले आहे तर ते राज्याच्या कानाकोपऱ्यात का पोचले नाहीत? असा खोचक सवालही त्यांनी केला. याउलट राजू शेट्टी यांना गेली दहा वर्षे आम्ही संसदेत पाहतोय असेही पवार म्हणाले. भाजप विरुद्ध काँग्रेससह सर्व विरोधी पक्ष एकत्र येण्याची चर्चाच सुरू आहे. या प्रश्नावर काँग्रेसची धरसोड वृत्ती सुरू आहे असेही ते म्हणाले. राज्य सरकारने ३६ हजार कोटी रुपयांची कर्जमाफी घोषणा केली असली तरी कर्जमाफी झालेला एकतरी शेतकरी दाखवावा. कर्जमाफीचे निकष काय आहेत हे मला माहीत नाहीत असे पवार म्हणाले.

मोबाइल अॅप डाउनलोड करा आणि राहा अपडेट

​ शेतकऱ्यांच्या नावे परस्पर कर्जेसद्गुरू श्री. श्री. साखर कारखाना आणि कॅनरा बँकेचा प्रताप

August 21, 2017, 10:50 am

≫ Next: ​ फलटममध्ये एसटीला आपघात ४३ जखमीचालकाला चक्कर आल्यामुळे बस शेतात घुसली

≪ Previous: खोत यांचे योगदान काय?

$

0

0

म. टा. वृत्तसेवा, इस्लामपूर
आटपाडी तालुक्यातील राजेवाडी येथील शेतकऱ्यांनी माजी मंत्री आमदार जयंत पाटील यांची इस्लामपूर येथे भेट घेऊन राजेवाडी येथील सद्गुरू श्री. श्री. साखर कारखाना व कॅनरा बँकेच्या सांगली शाखेने परस्पर कर्जे काढून आमची फसवणूक केली आहे. आपण आम्हास न्याय द्यावा, अशी विनंती केली.
आमदार पाटील यांनी तातडीने जिल्हा पोलिस प्रमुख दत्तात्रय शिंदे यांच्याशी संपर्क साधून यामध्ये लक्ष घालण्याच्या सूचना दिल्या. त्यांनी विशेष पोलिस अधिकाऱ्यांमार्फत चौकशी करू, अशी ग्वाही दिली आहे. जर आपणास न्याय मिळाला नाही, तर आपण या विषयावर विधानसभेत आवाज उठवू, अशी ग्वाही पाटील यांनी शेतकऱ्यांना दिली.
सद्गुरू श्री. श्री. साखर कारखान्याने राजेवाडी येथील १९ शेतकऱ्यांच्या नावावर परस्पर कॅनरा बँकेच्या सांगली शाखेतून २९ लाख ४४ हजार रुपयांची कर्जे उचलली आहेत. या शेतकऱ्यांना कारखान्याचे ऊस उत्पादक सभासद करताना कारखान्याने घेतलेल्या मतदान ओळखपत्र, आधार कार्ड, रेशन कार्ड, सात-बाराचा, तसेच शेतकऱ्यांच्या खोट्या सही, अंगठ्याचा उपयोग करून हे बोगस कर्ज उचलेले असल्याचे शेतकऱ्यांनी सांगितले. ही बाब शेतकऱ्यांच्या निदर्शनास येताच, त्यांनी आटपाडी पोलिस स्टेशनमध्ये धाव घेऊन कारखाना व बँकेच्या विरोधात तक्रार देण्याचा प्रयत्न केला. प्रथम तक्रार घेण्यास टाळाटाळ करण्यात आली. या वेळी आटपाडीचे सामाजिक कार्यकर्ते सादिक खाटीक यांनी पाटील यांच्याशी संपर्क केल्यानंतर पोलिसांनी ही तक्रार नोंदवून घेतली आहे. या शेतकऱ्यांनी पाटील यांच्याकडे निवेदनाबरोबर प्रत्येक शेतकऱ्यांचा कर्ज उतारा, सेव्हिंग खाते उतरा जोडला आहे.
सामाजिक कार्यकर्ते सादिक खाटीक, राहुल पुजारी, अरुण मंडलिक, विकास सोसायटीचे चेअरमन रवींद्र शिरकांडे, श्रीमंत शिरकांडे, बाबासाहेब देशमुख सह. बँकेचे चेअरमन बाळासाहेब पाटील, माजी सरपंच सिद्धेश्वर सातपुते, तानाजी जरग, बाजार समितीचे संचालक विलास गलांडे, उमाजी चव्हाण, सुभाष सातपुते, बाळासाहेब पुजारी यांच्यासह अनेक शेतकऱ्यांचा समावेश होता.
आटपाडी, माण, माळशिरस तालुक्यातील शेतकरी हवालदिल
राजेवाडी येथील १९ शेतकऱ्यांचे बोगस प्रकरण निदर्शनास आल्याने आटपाडी तालुक्यासह शेजारच्या माण (जि. सातारा) माळशिरस (जि. सोलापूर) या तालुक्यातील शेतकरी चिंतेत आहेत. राजेवाडीच्या शेतकऱ्यांप्रमाणे आणखी किती शेतकऱ्यांच्या नावावर असे कर्ज उचलले आहे? तसेच कॅनरा बँके प्रमाणे आणखी किती बँका यामध्ये सहभागी आहेत? अशी काळजी या परिसरातील शेतकऱ्यांना लागल्याचे या शेतकऱ्यांनी आमदार पाटील यांना सांगितले.

मोबाइल अॅप डाउनलोड करा आणि राहा अपडेट

​ फलटममध्ये एसटीला आपघात ४३ जखमीचालकाला चक्कर आल्यामुळे बस शेतात घुसली

August 21, 2017, 10:53 am

≫ Next: ​ आजपासून यंत्रमागाची धडधड सुरू‛पीएफ'मधून कारखानदारांना सूट मिळावी; श्रममंत्र्यांकडे मागणी

≪ Previous: ​ शेतकऱ्यांच्या नावे परस्पर कर्जेसद्गुरू श्री. श्री. साखर कारखाना आणि कॅनरा बँकेचा प्रताप

$

0

0

म. टा. वृत्तसेवा, सातारा
एसटी चालकाला चक्कर आल्यामुळे बस शेतात घुसल्याची घटना साताऱ्यात घडली आहे. या अपघातात बसमधील ४३ प्रवाशांना दुखापत झाली असून, पाच जण गंभीर जखमी आहेत. बस शेतात जवळपास ५० फूट आत घुसली आहे.
फलटण तालुक्यातील राजाळी गावाजवळ हा अपघात घडला. राजाळे गावाजवळ आल्यानंतर एसटी चालकाला चक्कर आली. त्यामुळे त्याचा पाय एक्सलेटरवर दाबला गेला आणि बस शेतात घुसली. पन्नास फुटावर गेल्यानंतर एसटी उलटली. या प्रकारामुळे एसटीत असलेले ४३ प्रवासी चांगलेच भयभीत झाले होते. एसटी उलटल्यानंतर एसटी चालक-वाहकासह ४३ जणांना चांगलाच मार लागला. यातील पाच प्रवासी गंभीर जखमी झाले असून, त्यांना उपचारासाठी फलटण ग्रामीण रुग्णालयात नेण्यात आले. एसटी शेतात घुसताना बसच्या वेगामुळे चार नारळाची झाडे जमीनदोस्त झाली आहेत.

मोबाइल अॅप डाउनलोड करा आणि राहा अपडेट

​ आजपासून यंत्रमागाची धडधड सुरू‛पीएफ'मधून कारखानदारांना सूट मिळावी; श्रममंत्र्यांकडे मागणी

August 21, 2017, 10:56 am

≫ Next: आवाडेही भाजपच्या वाटेवर

≪ Previous: ​ फलटममध्ये एसटीला आपघात ४३ जखमीचालकाला चक्कर आल्यामुळे बस शेतात घुसली

$

0

0

म. टा. वृत्तसेवा, सोलापूर
यंत्रमाग कामगारांना पीएफ लागू करण्यास टाळाटाळ करणाऱ्या कारखानदारांना कामगार संघटनांनी आंदोलन करून जेरीस आणले होते. कारखाने सुरू करण्याची मागणीही लावून धरल्याने अखेर कारखानदार संघटनांसमोर झुकले आहेत. कारखानदारांना पीएफमधून सूट मिळावी यासाठी केंद्रीय स्तरावरील पीएफ अधिकाऱ्यांना भेटण्याचे ठरल्यानंतर कारखानदारांनी आपले आंदोलन मागे घेतले. कारखाने बंद असल्याने पाच दिवसांत सुमारे २० कोटींची उलाढाल ठप्प झाली होती. मंगळवारपासून पुन्हा यंत्रमागाची धडधड सुरू होणार असल्याने कामगारांमध्ये आनंदाचे वातावरणात पसरले आहे.
सोलापूर शहरातील सुमारे ४० हजार यंत्रमाग कामगारांना कर्मचारी भविष्य निर्वाह निधी लागू करण्याचा ऐतिहासिक निर्णय घेण्यात आला होता. एकमेकांवर अवलंबून असलेली उत्पादन केंद्रे, भागीदार, मालक, विक्रेते असे सर्व घटक एकच असून, तिथे काम करणारे कामगारही एकाच छताखाली येत असल्याने त्यांना पीएफ कायदा लागू होतो, असा निकाल निधी कार्यालयाचे विभागीय आयुक्त डॉ. हेमंत तिरपुडे यांनी दिला होता. मात्र, या निर्णयाला यंत्रमाग कारखानदारांनी कडाडून विरोध दर्शवला होता. कारखानदारांनी गुरुवारपासून बेमुदत संपाला सुरुवात केल्याने यंत्रमागाची धडधड तर थांबलीच शिवाय कामगारांच्या रोजीरोटीचा प्रश्नही निर्माण झाला होता.
दरम्यान, पालकमंत्री विजयकुमार देशमुख यांच्या उपस्थितीत शुक्रवारी सायंकाळी उशीरापर्यंत चाललेल्या बैठकीत कारखानदार आणि कामगार यांच्यात एकमत न झाल्याने वाटाघाटीची बैठक फिस्कटली होती. माजी आमदार नरसय्या आडम यांनी बंद काळातील कामगारांची मजुरी न दिल्यास कारखानदारांना त्याचे वाईट परिणाम भोगावे लागतील, असा इशारा दिला होता. पालकमंत्री देशमुख तसेच खासदार शरद बनसोडे यांनीही कारखानदारांनी एक पाऊल मागे घेऊन प्रथम कारखाने सुरू करण्यास सांगितले होते. पीएफचा निर्णय मान्य करावा, असे आवाहन केले होते. मात्र, कारखानदारांनी ऐकले नाही त्यांनी संप सुरूच ठेवला होता. रविवारी यंत्रमाग संघाचे पदाधिकारी आणि नगरसेवकांनी हैदराबाद येथे जाऊन केंद्रीय श्रममंत्री बंडारू दत्तात्रय यांची भेट घेतली असता त्यांनीही पहिल्यांदा कारखाने सुरू करा नंतर तोडगा काढू, अशी सूचना केली होती. त्यानंतर चक्रे फिरली आणि पदाधिकारी यांनी बैठक घेऊन बंद मागे घेत असल्याची घोषणा केली. त्यानुसार पाच दिवसांपासून बंद असलेले यंत्रमाग कारखाने मंगळवारपासून सुरू होण्याचा मार्ग मोकळा झाला आहे. बुधवारी मुंबईत होणाऱ्या बैठकीत अंतिम तोडगा निघण्याची शक्यता कारखानदारांनी व्यक्त केली आहे.

मोबाइल अॅप डाउनलोड करा आणि राहा अपडेट

आवाडेही भाजपच्या वाटेवर

August 21, 2017, 11:46 am

≫ Next: कोल्हापूरसाठी तिजोरी उघडू

≪ Previous: ​ आजपासून यंत्रमागाची धडधड सुरू‛पीएफ'मधून कारखानदारांना सूट मिळावी; श्रममंत्र्यांकडे मागणी

$

0

0

म. टा. प्रतिनिधी, कोल्हापूर

काँग्रेसमध्ये वारंवार डावलले गेलेले माजी आमदार प्रकाश आवाडे लवकरच भाजप प्रवेश करणार आहेत. भाजपच्या वाटेवर असलेले नारायण राणे यांच्यासोबत आवाडे यांची भाजप प्रवेशाबाबत सोमवारी मुंबईत चर्चा झाली. राणे ज्यावेळी भाजपमध्ये प्रवेश करतील, त्यावेळी आवाडेंचा गटही भाजप प्रवेश करणार असल्याचे समजते.

भाजप सत्तेवर आल्यानंतर झालेल्या महापालिका, नगरपालिका तसेच जिल्हा परिषदेच्या निवडणुकांच्या पार्श्वभूमीवर अनेक स्थानिक नेत्यांचे भाजप प्रवेश झाले होते. राणे यांच्या प्रवेशाची तारीख निश्चित झाली असल्याची चर्चा आहे. लवकरच त्यांचा भाजपमध्ये प्रवेश होईल. त्यासाठी पक्षाच्या वरिष्ठ पातळीवरुन निर्णय घेतला जाईल, असे सांगण्यात येत आहे. राणे यांच्या रुपाने काँग्रेसमधील मोठा नेता भाजपच्या गोटात सहभागी होणार असल्याने त्यांच्या प्रवेशाकडे राज्याचे लक्ष लागले आहे. या पार्श्वभूमीवर इचलकरंजीचे माजी आमदार प्रकाश आवाडे यांची सोमवारी राणे यांच्यासमवेत मुंबईत बैठक झाली. राणे यांच्याबरोबर आवाडेही भाजप प्रवेशासाठी इच्छुक असल्याचे समजते. गेल्या काही वर्षांपासून काँग्रेसमधील स्थानिक नेतृत्वाकडून आवाडे गटाची केली जाणारी अवहेलनाच आवाडे यांच्या भाजप प्रवेशासाठी कारणीभूत असल्याचे समजते.

काँग्रेसमधील गटबाजीला वैतागून आवाडे यांनी वारंवार आक्रमक भूमिका घेतली होती. जिल्हाध्यक्षपदावरुन आवाडे व पी. एन. पाटील यांच्यातील वाद अनेक वर्षांपासून धुमसत आहे. जिल्हाध्यक्षपदावर संधी न मिळाल्याने आवाडे नाराज झाले होते. या पदावरुन आवाडे व पाटील यांच्यात वितुष्ट आले होते. जिल्हा परिषदेच्या निवडणुकीत जिल्ह्यातील विविध गटांनी स्वतंत्रपणे निवडणूक लढवल्या होत्या. त्यात आवाडे यांनीही कोल्हापूर जिल्हा ताराराणी आघाडी स्थापन करुन निवडणूक लढवली होती. विधान परिषद निवडणुकीतही त्यांनी उमेदवारी मागणीसाठी आक्रमक भूमिका घेतली होती, पण त्या उमेदवारीसाठीही त्यांचा विचार झाला नाही. आवाडे गटाकडे काँग्रेसमध्ये नेहमीच दुर्लक्ष केले जात असल्याची भावना कार्यकर्त्यांमध्ये वाढीस लागली होती. यामुळेच आवाडे यांनी भाजपमध्ये प्रवेश करण्याचा निर्णय घेतला आहे. त्यासाठी राणे यांच्यासमवेत चर्चा झाली आहे. राणे यांच्या प्रवेशावेळी आवाडेही भाजपमध्ये जातील, असे सांगितले जात आहे.

मोबाइल अॅप डाउनलोड करा आणि राहा अपडेट

कोल्हापूरसाठी तिजोरी उघडू

August 21, 2017, 11:51 am

≫ Next: कलाविष्कारांतून जागले समाजभान

≪ Previous: आवाडेही भाजपच्या वाटेवर

$

0

0

म. टा. प्रतिनिधी, कोल्हापूर

‘देशाच्या प्रगतीत उद्योग, व्यवसायाचा मोठा वाटा आहे. राज्याच्या औद्योगिक विकासासाठी ‘मेक इन कोल्हापूर’ ही संकल्पना पूरक आहे. उद्यमशीलतेचा वसा लाभलेल्या कोल्हापूरचे नाव राज्य आणि देश पातळीवर आणखी ठळक करण्यासाठी छोट्या, मोठ्या उद्योगधंद्याचा विकास होणे अत्यावश्यक आहे. ‘मेक इन कोल्हापूर’ संकल्पनेतून फाउंड्री उद्योग, पर्यटनवृद्धी, कारखानदारी, विमानतळ विस्तारीकरणासह कृषी क्षेत्रातील विकासाला चालना देताना मोठ्या प्रमाणात रोजगार निर्मिती होणार आहे. यामुळे कोल्हापूरच्या विकासाच्या या अजेंड्याला मूर्त रुप देण्यासाठी राज्याची तिजोरी खुली करू,’ अशी ग्वाही राज्याचे अर्थ व वनमंत्री सुधीर मुनगंटीवार यांनी दिली.

‘महाराष्ट्र टाइम्स’च्या कोल्हापूर आवृत्तीचा पाचवा वर्धापनदिन सोमवारी दिमाखदार सोहळ्यात साजरा झाला. त्यानिमित्त ​जिल्ह्याच्या सर्वांगीण विकासाच्या अनुषंगाने ‘मेक इन कोल्हापूर’ संकल्पनेला चालना देण्यासाठी हॉटेल सयाजी येथे आयोजित केलेल्या ‘मटा कॉन्क्लेव’चे शानदार उद्घाटन झाले. पालकमंत्री चंद्रकांत पाटील यांच्या अध्यक्षतेखाली आणि श्रीमंत शाहू महाराज छत्रपती यांच्या प्रमुख उपस्थितीत हा सोहळा पार पडला. कोल्हापुरातील कारखानदारी, सामाजिक, सांस्कृतिक, शैक्षणिक क्षेत्रातील मान्यवरांच्या उपस्थितीने ओसंडून वाहणारा ‘मटा कॉन्क्लेव’ उत्तरोत्तर रंगत गेला.

कोल्हापूरच्या उद्योग विस्तार आणि व्यवसायासाठी लागेल तो निधी सरकारकडून दिला जाईल, अशी स्पष्ट ग्वाही देऊन अर्थमंत्र्यांनी कोल्हापुरातील पर्यटन क्षेत्राच्या विकासावर भर दिला. ते म्हणाले, ‘जगभरात पर्यटन क्षेत्र विस्तारत आहे. पर्यटनाच्या माध्यमातून सोळा प्रकारचे व्यवसाय विकसित होतात. निसर्गाने कोल्हापूरवर मुक्तहस्ते उधळण केली आहे. या क्षेत्रात कोल्हापूरला मोठी संधी आहे. जिल्ह्याच्या पर्यटन विकासाचा प्रस्ताव तयार असून त्याच्या अंमलबजावणीसाठी अर्थमंत्री म्हणून कोल्हापूरसोबत असेन.’

देशाच्या एकूण उत्पादनात महाराष्ट्राचा वाटा वीस टक्के आहे. समाजाच्या उभारणीत उद्योग आणि कारखानदारांनी सक्रिय पुढाकार घेतला पाहिजे, असे आवाहन करून ते म्हणाले, ‘मूठभर लोकांच्या हाती आर्थिक सत्ता एकवटण्याऐवजी शहर आणि ग्रामीण पातळीवर छोटे, छोटे उद्योग​ विकसित झाले आणि त्यातून प्रत्येक हाताला रोजगार मिळाल्यास समाजाचा चेहरामोहरा बदलून जाईल.’

मुनगंटीवार म्हणाले, ‘कोल्हापूर शहर आणि जिल्ह्याच्या परिपूर्ण विकासासाठी ‘महाराष्ट्र टाइम्स’ची ‘मेक इन कोल्हापूर’ संकल्पना ‘मेक इन इंडिया’शी नाते जोडणारी आहे. कोल्हापूरसह आसपासचे जिल्हे आणि सीमाभागातील परिसराला पुरतील एवढ्या वस्तूंचे उत्पादन केल्यास ‘मेक इन कोल्हापूर’च्या माध्यमातून ‘मेक इन महाराष्ट्र’ घडेल.’

टाइम्स ग्रुपचे जनरल मॅनेजर गौरव आहुजा यांनी प्रास्ताविक केले. निवासी संपादक विजय जाधव यांनी ‘मेक इन कोल्हापूर’ ची संकल्पना मांडली. मुख्य प्रतिनिधी गुरुबाळ माळी यांनी प्रमुख पाहुण्यांचा परिचय करुन दिला.

खासदार धनंजय महाडिक, आमदार हसन मुश्रीफ, आमदार चंद्रदीप नरके, आमदार संध्यादेवी कुपेकर, म्हाडाचे अध्यक्ष समरजितसिंह घाटगे, जिल्हाधिकारी अविनाश सुभेदार, विशेष पोलिस महानिरीक्षक विश्वास नांगरे पाटील, महापालिका आयुक्त डॉ. अभिजित चौधरी, जिल्हा​ परिषदेचे मुख्य कार्यकारी डॉ. कुणाल खेमनार, जिल्हा पोलिस अधीक्षक संजय मोहिते यांच्यासह विविध क्षेत्रातील मान्यवर उपस्थित होते.

गूळ क्लस्टरसाठी निधी

कोल्हापुरात मोठ्या प्रमाणात गूळ उत्पादन होते. कोल्हापुरातील गुळाला देशभर मागणी आहे. या गुळाचे योग्य पद्धतीने मार्केटिंग होणे आवश्यक आहे. कोल्हापूरच्या गुळाला जागतिक बाजारपेठ मिळवून देण्यासाठी क्लस्टर निर्मिती झाली पाहिजे. गूळ क्लस्टरसाठी राज्य सरकार संपूर्ण सहकार्य करायला तयार आहे. त्यासाठी शंभर टक्के निधी देऊ, असे ठोस आश्वासनही अर्थमंत्र्यांनी दिले.


‘मेक इन कोल्हापूरसाठी’ स्वतंत्र बैठक

‘मटा’च्या ‘मेक इन कोल्हापूर,’ संकल्पनेचे अर्थमंत्र्यांनी कौतुक केले. तसेच यामध्ये मांडण्यात आलेल्या सर्व मागण्यांबाबत पालकमंत्री चंद्रकांत पाटील यांच्यासोबत बैठक घेण्यात येईल. या सर्व मागण्या मार्गी लावण्यासाठी त्यांच्याच अध्यक्षतेखाली विकास योजनांची अंमलबजावणी होईल. पर्यटनासह शहर विकासाशी निगडीत अन्य तेरा प्रकल्पांसाठी संबंधित विभागाच्या अधिकाऱ्यांसोबत स्वतः बैठक घेणार असल्याचे अर्थमंत्र्यांनी स्पष्ट केले.

मोबाइल अॅप डाउनलोड करा आणि राहा अपडेट

---

कलाविष्कारांतून जागले समाजभान

August 21, 2017, 2:30 pm

≫ Next: आम्ही ‘स्वाभिमानी’, पदासाठी लाचार नाही

≪ Previous: कोल्हापूरसाठी तिजोरी उघडू

$

0

0

म. टा. प्रतिनिधी, कोल्हापूर

अमित माळकर यांनी सँड आर्टमधून दिलेली ‘लेक वाचवा’ अशी हाक... ‘श्रावणक्वीन’सोबतच्या फॅशनशोमध्ये आलेल्या सौंदर्यवतींनी अंध मुलांसोबत कॅटवॉक करत केलेला नेत्रदानाचा संकल्प.., स्वराज पाटील याने गोंधळ नृत्यातून दिलेला स्वच्छ भारत अभियानाचा संदेश.., श्वास ग्रुपने नृत्यनाटिकेतून समाजातील चुकीच्या गोष्टींवर केलेले भाष्य अशा कलाविष्कारांनी ‘महाराष्ट्र टाइम्स’च्या वर्धापनदिन कार्यक्रमाच्या मंचावर समाजभान जागवले.



कोल्हापूर जिल्हा डान्स असोसिएशन आणि इन्स्टिट्यूट ऑफ फिल्म अँड अॅडव्हान्स्ड सिनेमॅटिक्स (आयएफएसी) यांच्या संयोजनातून रंगलेल्या कलाविष्कारात तीन तास नृत्य, लघुपट, मर्दानी खेळ, गाणी, वाद्यवादन आणि फॅशन शो अशी भरगच्च पर्वणी मिळाली. टाळ्या, शिट्ट्या आणि धमाल करत रसिकांनी या कलाकारांना उस्त्फूर्त दाद दिली.

श्रीया राव हिच्या गणेशस्तवनने कलाविष्कार कार्यक्रमाची नांदी झाली. श्रीया हिने सादर केलेल्या गणेशस्तवनला रसिकांच्या प्रतिसादाची पहिली पावती मिळाली. त्यानंतर कार्यक्रमाची रंगत उत्तरोत्तर वाढत गेली. कुसूम मोरे हिच्या गाण्यावर रसिकांनी टाळ्यांचा ताल धरला तर तेजल भुरे हिने सादर केलेल्या नृत्याने कार्यक्रमात अधिकच जान आणली.

डान्सचा हा फिव्हर अधिक तापवला तो डीआयडीच्या ग्रुप डान्सने. स्टेजवर थिरकणाऱ्या डीआयडीच्या कलाकारांनी सभागृहात बसलेल्या रसिकांनाही थिरकायला लावले. ‘वुई केअर’ गर्ल्सनी फॅशन शो सादर करत असताना सामाजिक नाळ जपली. केतकी जमदग्नी हिने गीत सादर करत वाहवा मिळवली. ‘भालकर्स वारसा’ या संकल्पनेवर आधारीत लघुपटाने उपस्थितांची दाद मिळवली. करण गायकवाड याने स्टंटसोबत केलेल्या डान्सने धमाल आणली. प्रीतेश हिवाळे जपानी वाद्य असलेल्या मेडोलिका या वाद्यावर आशिकी सिनेमातील ‘अब तेरे बिन जी नही सकता’ हे गाणं वाजवताच प्रेक्षकांनीही सूर मिसळले.

शंभूराजे मर्दानी खेळ करणाऱ्या मुलामुलींनी संगीतावर सादर केलेल्या थरारक प्रात्यक्षिकांनी प्रेक्षकांच्या काळजाचा ठोका चुकवला. स्टेजवर तलवारीने लिंबू कापण्याच्या प्रयोगाला टाळ्यांची उस्फूर्त दाद मिळाली. सूरज ढोली यांच्या मार्गदर्शनाखाली ही संकल्पना प्रथमच ‘मटा कलाविष्कार’च्या स्टेजवर मांडण्यात आली.

भरतनाट्यम नृत्यगुरू बिंदू राव यांच्या शिष्या आणि नृत्यनिकेतनच्या विद्यार्थिनींनी सादर केलेले भरतनाट्यम् या कलाविष्काराचा कळसाध्याय ठरले. नृत्यमुद्रा, देहबोली आणि नवरस असा संगम या नृत्यातून जुळून आला. डान्सच्या प्रवाहातून कला विष्काराच्या नौकेने ठहराव घेतला तो ध्रुव मोदी यांच्या सुरेल गाण्यावर. मिले हो तुम हमको...बडे नसीबोसे...चुराया है तुमको...किस्मत की लकिरोंसे या गाण्याने रोमँटिक मूड आणला. ध्रुवने रसिकांनाही ताल द्यायला लावत पेश केलेल्या या गाण्याने वेगळीच जान आणली. त्याला उपस्थितांनी टाळ्यांच्या कडकडाटात दाद दिली.

कपिल मेस्त्रीने गिटारीच्या तारा छेडत सादर केलेल्या गीताला रसिकांनी अक्षरशा डोक्यावर घेतले. सुप्रिया पाटील यांच्या ग्रुपने योगाला दिलेला डान्सचा हलकासा स्पर्श प्रशंसा मिळवून गेला. सूरज आणि ग्रुपच्या म्युझिकल बँडने कलाविष्काराचा दणक्यात समारोप झाला.

मोबाइल अॅप डाउनलोड करा आणि राहा अपडेट

आम्ही ‘स्वाभिमानी’, पदासाठी लाचार नाही

August 21, 2017, 2:30 pm

≫ Next: शिवसेनेत पुन्हा राडा; शहर कार्यालयावर हल्ला

≪ Previous: कलाविष्कारांतून जागले समाजभान

$

0

0

म. टा. प्रतिनिधी, कोल्हापूर

‘स्वाभिमानी शेतकरी संघटना कार्यकर्त्यांच्या स्वाभिमानावर टिकून आहे. स्वतःसाठी कधीही मंत्रिपद मागितलेले नाही. पदासाठी लाचार होणार नाही. आम्ही भिकारी नाही. आम्ही कट्टर स्वाभिमानी आहोत’ अशा शब्दांत स्वाभिमानी शेतकरी संघटनेचे संस्थापक खासदार राजू शेट्टी यांनी हल्लाबोल केला. ‘संघटना सोबत नसती तर सदाभाऊ तुम्हाला भाजपने विधानपरिषद आणि मंत्रिपदावर तरी ठेवले असते का?’ अशी विचारणा करत, ‘शेतकरी सांगतील त्या मतदारसंघातून निवडणूक लढविण्यास तयार आहे. त्यासाठी कोणीही शिकविण्याची, प्रमाणपत्र देण्याची गरज नाही. माझ्या भानगडी सदाभाऊंना विचारा’, असा टोलाही त्यांनी लगाविला.

खासदार राजू शेट्टी म्हणाले, ‘कृषी राज्यमंत्री सदाभाऊ खोत यांना माझ्या कारभाराबद्दल बोलण्याचा कोणताच नैतिक अधिकार नाही. त्यांचा कारभार हा साधू, संत आणि हरिभक्ताप्रमाणे सुरू असल्याची खात्री सर्वसामान्यांना पटली आहे. स्वच्छ कारभाराची प्रचिती अनेकांना आली आहे. स्वाभिमानी संघटना म्हणजे शेतकरी आहेत. शेतकऱ्यांची गद्दारी आमच्या रक्तात नाही. तरीही कोणी आरोप करीत असेल तर भानगडींची सीआयडी चौकशी करावी. चौकशीत दोषी आढळल्यास तुरुंगात टाकावे. कृषी राज्यमंत्री सदाभाऊ खोत यांना विधानपरिषदेवर संधी देताना भाजपने विश्वासघात करुन त्यांच्या कोट्यातून अर्ज भरुन घेतला. लोकसभा आणि विधानसभा निवडणुकीपूर्वी भाजप सोबत आघाडी करताना स्वाभिमानी शेतकरी संघटनेला विधानपरिषदेची एक जागा आणि एक मंत्रिपद देण्याचे मान्य केले होते. मात्र, संघटनेकडून विधानपरिषदेसाठी सदाभाऊ खोत यांच्या नावाची शिफारस केली होती. विधानपरिषदेचा अर्ज भरताना भाजप नेत्यांनी विश्वासघात करुन भाजपच्या चिन्हावर त्यांचा अर्ज भरुन घेतला. त्यामुळे सध्या सदाभाऊंचे धाडस वाढले आहे. मंत्रिपद मिळविण्यासाठी शेतकऱ्यांचा विश्वासघात करू नका. संघटनेच्या जोरावर मिळविलेले मंत्रिपद सन्मानाने सोडण्याची तयारी ठेवावी. माझ्या निवडणुकीचा खर्च सर्व शेतकरी करतातत. त्यामुळे मला कधीही निवडणुकीची भीती वाटत नाही. त्यामुळे शेतकरी जो मतदारसंघ सांगतील त्या मतदारसंघातून निवडणूक लढविण्याची तयारी आहे.’

मोबाइल अॅप डाउनलोड करा आणि राहा अपडेट

शिवसेनेत पुन्हा राडा; शहर कार्यालयावर हल्ला

August 22, 2017, 7:04 am

≫ Next: कोल्हापूरची हवा दूषित

≪ Previous: आम्ही ‘स्वाभिमानी’, पदासाठी लाचार नाही

$

0

0

म. टा. प्रतिनिधी, कोल्हापूर

कोल्हापुरात शिवसेनेतील गटबाजी पुन्हा उफाळून आली आहे. शिवसेनेचे आमदार राजेश क्षीरसागर यांच्या समर्थनकांनी राजारामपुरीतील कार्यालयावर हल्ला केल्याचा शहरप्रमुख दुर्गेश लिंग्रस यांनी केला आहे. किमान ६० ते ७० जणांच्या जमावाने कार्यालयात गोंधळ घालून तोडफोडीचा प्रयत्न केला, अशी तक्रार लिंग्रस यांच्या नातेवाईकांनी राजारामपुरी पोलिसात केली आहे. या प्रकरणी फिर्याद दाखल करण्याचे कम सुरू आहे.

लोकसभेच्या कोल्हापूर मतदार संघातील गटप्रमुखांच्या निवडीवरून आमदार राजेश क्षीरसागर आणि जिल्हा प्रमुख संजय पवार, विजय देवणे यांच्यात वाद आहेत. गटप्रमुखांची निवड प्रक्रिया सुरू झाल्याने हा वाद पुन्हा एकदा उफाळून आला आहे. वरिष्ठांच्या आदेशानुसार रविवारी पवार आणि देवणे यांनी कार्यकर्त्यांचा मेळावा घेतला होता. यानंतर गटप्रमुखांच्या निवड प्रक्रियेला सुरुवात केली.

आमदार समर्थकांच्या प्रभागांमधून गटनिवडीला सुरुवात झाल्याने आमदार समर्थक सुनील जाधव यांनी गटनिवडींना आक्षेप घेतला. दुर्गेश लिंग्रस यांचा कार्यकर्ता विराज ओतारी याला सुनील जाधव यांनी सोमवारी रात्री निवडी थांबवण्याचे आवाहन केले. पण संजय पवार, दुर्गेश लिंग्रस यांनी समर्थकांसह आज कसबा बावडा परिसरातील निवडींचे सुरू केले. हे काम सुरू असताना आमदार समर्थक सुनील जाधव यांनी फोन करून निवड प्रक्रिया न थांबवल्यास बघून घेऊ, अशी धमकी दिली. यानंतर दुपारी अडीचच्या सुमारास आमदारांचे स्वीय सहायक राहूल बंदोडे, सुनील जाधव यांच्यासह साठ ते सत्तर कार्यकर्त्यांनी लिंग्रस यांच्या राजारामपुरीतील कार्यालयावर हल्ला केला. यावेळी कार्यकर्त्यांनी ट्युबलाईट फोडल्या. अर्वाच्च शिवीगाळ केली. याशिवाय एका दुचाकीचे नुकसान केले. विराज ओतारी याला जिवे मारण्याची धमकी देऊन दहशत निर्माण केली, असा आरोप दुर्गेश लिंग्रस यांनी केला आहे.

मोबाइल अॅप डाउनलोड करा आणि राहा अपडेट

कोल्हापूरची हवा दूषित

August 22, 2017, 10:35 am

≫ Next: विलिनीकरणाविरोधात बँक कर्मचारी संपावर

≪ Previous: शिवसेनेत पुन्हा राडा; शहर कार्यालयावर हल्ला

$

0

0

Udaysing.patil@timesgroup.com

udaysingpatilMT

कोल्हापूर ः वाहनांची प्रचंड वाढणारी लोकसंख्या, कमी होत असलेली झाडे, वायू प्रदूषणाच्या उपाययोजनांची वानवा अशा प्रकारांमुळे प्रदूषित शहराच्या यादीत कोल्हापूर राज्यात आठव्या क्रमांकावर पोहचले आहे. देशातही पहिल्या पन्नासमध्ये (४१ वा) कोल्हापूर असल्याने वायू व ध्वनी प्रदूषण कमी करण्यासाठी राज्यातील निवडल्या गेलेल्या १७ शहरांमध्ये कोल्हापूरचा समावेश करण्यात आला आहे. त्यासाठी राज्य सरकारने महापालिकेला तातडीने कृती कार्यक्रम आखण्याच्या सूचना दिल्या आहेत.

देशातील १२०० शहरांच्या अभ्यासानंतर वायू व ध्वनी प्रदूषणाची पातळी ओलांडलेली ९४ शहरे दिसून आली आहेत. त्यामध्ये राज्यातील १७ शहरांचा समावेश आहे. त्यामध्ये आल्हाददायक कोल्हापूरचा क्रमांक असल्याने शहरातील प्रदूषणाच्या तीव्रतेमध्ये झालेली वाढ चिंताजनक बनली आहे. ​शिवाजी विद्यापीठ, दाभोळकर कॉर्नर, ताराबाई रोड या ठिकाणी वायू प्रदूषणाची माहिती संकलित केली जाते. तसेच दिवाळी, गणेशोत्सवामध्ये विविध ठिकाणी ध्वनी प्रदूषणाचे प्रमाण मोजले जाते. त्याच्या आतापर्यंतच्या आकडेवारीवरुन कोल्हापूर वायू व ध्वनी प्रदूषणामध्ये देशामध्ये ४१ व्या क्रमांकावर पोहचले आहे. वातावरणात सूक्ष्म धुलिकणांचे प्रमाण १० मायक्रॉनपेक्षा जास्त असलेल्या गटात कोल्हापूर मोडले आहे. त्यामुळे या प्रश्नाकडे गांभीर्याने पाहण्याची गरज आहे.

वायू प्रदूषण रोखण्यासाठी ‘शुद्ध हवा संकल्प महाराष्ट्र २०२२’ सुरू केला आहे. त्यात वायू प्रदूषणाची कारणे शोधणे, तीव्रता असलेली ठिकाणे निश्चित करणे, त्याचे झोनिंग करणे, कारणे कमी करण्यासाठी उपाययोजना ठरवणे, कालबद्ध कार्यक्रम राबवण्यात येणार आहे. यासाठी महापालिकेला तातडीने कृती कार्यक्रम आखण्याच्या सूचना देण्यात आल्या आहेत. त्यासाठी अंदाजपत्रकातील २५ टक्के निधी प्रदूषणावरील उपाययोजना करण्यासाठी राखीव ठेवण्याच्या सूचनाही देण्यात आल्या आहेत.


काय उपाययोजना होणार?

शहरात सार्वजनिक वाहतुकीच्या वाहनांबरोबर इतर वाहनांना सीएनजीचा वापर

अपारंपरिक उर्जेच्या वाहनांचा वापर वाढवणे

रस्त्यावरील अतिक्रमणे दूर करणे

जैवइंधनाचा वापर करणे

पार्किंग व वाहतूक सुलभ करणे

वाहतुकीचा ताण कमी करणे

सार्वजनिक वाहने सक्षम करणे

झाडे लावणे

मोबाइल अॅप डाउनलोड करा आणि राहा अपडेट

विलिनीकरणाविरोधात बँक कर्मचारी संपावर

August 22, 2017, 2:30 pm

≫ Next: मिरवणूक मार्गाची महापौरांकडून पाहणी

≪ Previous: कोल्हापूरची हवा दूषित

$

0

0

म. टा. प्रतिनिधी, कोल्हापूर

केंद्र सरकारच्या राष्ट्रीयीकृत बँकांच्या विलिनीकरणाला विरोध आणि थकीत कर्ज वसुलीसाठी संसदीय समितीच्या शिफारसी लागू कराव्यात आदी मागण्यांसाठी एफबीआयच्यावतीने एक दिवसांचा लाक्षणीक संप मंगळवारी केला. जिल्ह्यातील ५०० राष्ट्रीयीकृत बँकांच्या शाखेतील सुमारे २५०० अधिकारी व कर्मचारी सहभागी झाल्याने सुमारे ५०० कोटींची उलाढाल ठप्प झाली. मात्र बहुतांशी एटीएम सेंटर सुरू राहिल्याने ग्राहकांना रोकडसाठी फारसा त्रास सहन करावा लागला नाही. एफबीआयच्यावतीने लक्ष्मीपुरी येथील बँक ऑफ इंडियाच्या प्रदान कार्यालयासमोर सरकारच्या धोरणाविरोधात निषेधाच्या घोषणा दिल्या.

सार्वजनिक क्षेत्रातील बँकांचे विलिनीकरण थांबवा, थकीत कर्जे राईट ऑफ करू नका, वाढीव सेवा शुल्क द्या, थकीत कर्ज वसुलीसाठी संसदीय समितीच्या शिफारसी लागू करा, थकीत कर्ज वसुलीसाठी कठोर कायदे करा, प्रस्तावित एफआरडीआय बील मागे घ्या, आदी मागण्यांसाठी देशभरातील राष्ट्रीयीकृत बँकेतील अधिकारी व कर्मचाऱ्यांनी एक दिवसीय संप पुकारला होता. सकरच्या धोरणाविरोधात जिल्ह्यातील राष्ट्रीयीकृत बँकांसह शेड्युलड बँकेचे कर्मचारीही सहभागी झाले होते. बँक ऑफ इंडियाच्या लक्ष्मीपुरी शाखेसमोर सरकारविरोधात निदर्शने केली.

‘बँक बोर्ड ब्युरो बरखास्त करा, सर्व श्रेणीमध्ये नोकरभरती करा’ आदी मागण्यांची घोषणाबाजी केली. संपामध्ये जिल्ह्यातील सुमारे २५०० कर्मचारी सहभागी झाले होते. त्यामुळे तब्बल ५०० कोटींची उलाढाल ठप्प झाली. बँकेच्या आर्थिक व्यवहारांवर परिणाम झाला, तरी एटीएम सेंटरमुळे ग्राहकांना रोकड टंचाई जाणवली नाही. निदर्शनामध्ये बँक ऑफ इंडिया रमेश पुळवंट, सुहास शिंदे, महोन चोडणकर, विकास देसाई, महाराष्ट्र बँकेचे सूर्यकांत कर्णिक, के. गुरुराज, प्रवीण कळकुंबे, यू. डी. कुलकर्णी, मकरंद करंदीकर, संजय उलपे, फेडरलचे डॉ. मकरंद भाकरे, एस. डी. भोसले आदी अधिकारी व कर्मचारी उपस्थित होते.

मोबाइल अॅप डाउनलोड करा आणि राहा अपडेट

मिरवणूक मार्गाची महापौरांकडून पाहणी

August 22, 2017, 2:30 pm

≫ Next: उत्तरेत होणार तिरंगी लढत

≪ Previous: विलिनीकरणाविरोधात बँक कर्मचारी संपावर

$

0

0

म. टा. प्रतिनिधी, कोल्हापूर

गणेश विसर्जन मिरवणुकीच्या महाद्वार रोड मार्गावर अत्यंत धोकादायक असलेल्या तीन इमारती तत्काळ उतरवण्याचे आदेश महापौर हसीना फरास यांनी दिले. तसेच विविध ठिकाणच्या रस्त्याची व वीजेच्या धोकादायक तारांचा बंदोबस्त करण्याच्या सूचनाही केल्या. त्यांनी सोमवारी पदाधिकारी व अधिकाऱ्यांसमवेत गणेश विसर्जन मिरवणूक मार्ग व विसर्जनस्थळाची पाहणी केली.

मुख्य विसर्जन मिरवणूक मार्ग व पर्यायी रस्ते, त्याठिकाणी महापालिकेकडून लावण्यात येणारे बॅरिकेटस, सेवांची माहिती घेतली. दसरा चौक ते बिंदू चौक रस्त्याच्या पाहणीवेळी नवीन बांधलेले चेंबर खाली वर झाले आहे. तसेच बिंदू चौक येथे रस्त्यावर खड्डे निदर्शनास आल्याने तत्काळ दुरुस्त करण्याच्या सूचना उपशहर अभियंता एस. के. माने यांना दिल्या. मिरजकर तिकटी येथील पाहणी दरम्यान वीजेच्या तारा लोंबकळत असलेचे निदर्शनास आले अशा धोकादायक तारांचा बंदोबस्त करण्यास सांगितले. टेंबे रोड व मुख्य मिरवणूक मार्गावरील अडथळा ठरणाऱ्या झाडांच्या फांद्या छाटण्याचे आदेश दिले. महाद्वार रोडवरील तीन धोकादायक इमारती उतरवण्याचे आदेश उपहशहर अभियंता आर. के. जाधव यांना दिले. याबरोबर उमा टॉकिज, खासबाग मैदान, बिंनखाबी गणेश मंदीर, गंगावेश, पंचगंगा घाट या रस्त्यांची पाहणी केली. तसेच संबधित अधिकाऱ्यांकडून गणेशोत्सवामध्ये महापालिकेकडून देण्यात येणाऱ्या सेवा सुविधांची माहिती घेतली.

यावेळी महापौर फरास यांनी मूर्ती दान व एक भाग एक गणपती असे उपक्रम राबवण्याची आवश्यकता असून शाडूची मूर्ती, नैसर्गिक रंगांचा आग्रह धरावा. तीव्र लाइट, थर्माकॉल, उंच मूर्ती, बंदिस्त देखावे व अडथळा होईल, असे मंडप टाळावेत. डॉल्बीचा वापर टाळावा, असे आवाहन केले. यावेळी स्थायी समिती सभापती डॉ. संदीप नेजदार, परिवहन समिती सभापती नियाज खान, प्राथमिक शिक्षण समिती सभापती वनिता देठे, माजी नगरसेवक आदिल फरास, उपशहर अभियंता एस. के. माने, रमेश मस्कर, हर्षजित घाटगे, आर. के. जाधव, सहाय्यक उद्यान अधिक्षक निशिकांत कांबळे, सहाय्यक अभियंता (विद्युत) अमित दळवी उपस्थित होते.

पर्यावरणपूरक उत्सवासाठी आवाहन

गणेशोत्सव हा पर्यावरण पूरक व्हावा म्हणून महानगरपालिका प्रयत्नशील आहे. पंचगंगा नदी तसेच शहर परिसरातील तलावांचे प्रदूषण होऊ नये म्हणून पंचगंगा घाट, रंकाळा तलाव, कोटीतीर्थ तलाव, कळंबा तलाव व अन्य ठिकाणी विसर्जन कुंड, निर्माल्य कलश, काहीली अशी व्यवस्था करण्यात येत आहे. या व्यवस्थेचा उपयोग करुन पर्यावरण वाचवण्याचे आवाहन महापालिकेने आहे.

मोबाइल अॅप डाउनलोड करा आणि राहा अपडेट

उत्तरेत होणार तिरंगी लढत

August 22, 2017, 2:30 pm

≫ Next: बचाव पक्षाचे तपासातील विसंगतीवर बोट

≪ Previous: मिरवणूक मार्गाची महापौरांकडून पाहणी

$

0

0

Gurubal.mali@timesgroup.com

Tweet:@gurubalmaliMT
कोल्हापूर : ‘उत्तरेतील आमदार कसबा बावड्याचा’ या आमदार हसन मुश्रीफ यांच्या वाक्याने उत्तरेतील राजकारणाला वेगळी दिशा मिळणार आहे. प्रबळ उमेदवाराचा काँग्रेसचा शोध ऋतुराज पाटील यांच्या उमेदवारीने संपला तर शिवसेना आणि भाजपसमोर मोठे आव्हान उभे राहणार आहे. निवडणुकीला अजून दोन वर्षांचा कालावधी असला उमेदवारीची गणिते मांडण्यास सुरुवात झाली आहे. यामुळे आमदार राजेश क्षीरसागर, मधुरिमाराजे आणि ऋतुराज यांच्यात तिरंगी लढतीची चिन्हे आतापासूनच दिसत आहेत.

उत्तरेचा आमदार होण्यासाठी शिवाजी पेठ, मंगळवार पेठ याबरोबरच कसबा बावडा येथील गठ्ठा मते लागतात. याच पेठेतील गठ्ठा मताच्या जोरावर सुरेश साळाखे, मालोजीराजे यांच्या गळ्यात आमदारकीची माळ पडली. राजेश क्षीरसागर यांनाही या पेठेतील मतांचा फायदा झाला. तर सत्यजीत कदम, महेश जाधव, आर. के. पोवार यांच्यासह अनेकांना पेठेने हात न दिल्याने मतांच्या बरेजेत ते मागे पडले. याच पार्श्वभूमीवर आमदार मुश्रीफ यांनी कसबा बावड्याच्या उमेदवारीबाबत संकेत दिले आहेत. या संकेताने विधानसभेचे राजकारणच बदलणार आहे. कारण ही गठ्ठा मते पक्षापेक्षा नेत्याच्या मर्जीवर अवलंबून आहेत, याचा पुरावा दोन तीन निवडणुकांत मिळाला आहे.

‘उत्तरे’ची सेनेची उमेदवारी क्षीरसागर यांच्याकडेच असणार यात शंका नाही. पण इतर पक्षात मात्र उमेदवारीसाठी निश्चीतच स्पर्धा होणार आहे. ‘मिशन २०१९’ असे फलक लावत पश्चिम महाराष्ट्र देवस्थान समितीचे अध्यक्ष महेश जाधव यांनी सलामी दिली आहे. ताराराणी आघाडी आणि भाजप एकत्र असल्याने सत्यजित कदम हे उमेदवारीसाठी स्पर्धेत असतील. भाजपमध्ये महाडिक गटाला महत्त्व असल्याने ते या नावासाठी आग्रही असतील. यामुळे जाधव यांची अडचण होणार आहे. या पक्षाच्या उमेदवारीसाठी गेल्या काही महिन्यापासून मधुरिमाराजे यांचे नाव जोरात चर्चेत आले आहे. खासदार संभाजीराजे हे भाजपचे सहयोगी सदस्य झाल्याने या चर्चेला पुष्टी मिळत आहे. पण माजी आमदार मालोजीराजे अजूनही काँग्रेसमध्येच आहेत. यामुळे काँग्रेस प्रबळ उमेदवार म्हणून मधुरिमाराजे यांना प्राधान्यक्रम देईल. मधुरिमाराजेंची उमेदवारी भाजप की काँग्रेस हे श्रीमंत शाहू महाराज छत्रपती यांच्या इच्छेवरच ठरणार आहे. भाजप याच उमेदवारीला प्राधान्य देण्याची शक्यता आहे. कारण पेठेतील मते आ​णि मधुरिमाराजे यांचा संपर्क यामुळे त्यांना फायदेशीर ठरणार आहे.

मालोजीराजेंनी गतवेळी मैदानातून बाहेर पडण्याचा निर्णय घेतल्याने कदम यांचा मार्ग मोकळा झाला. पण आता कदम काँग्रेससोबत नाहीत. सध्या तरी या पक्षाकडे प्रबळ उमेदवार नाही. पण आमदार सतेज पाटील यांनी ऋतुराज पाटील यांचे नाव पुढे केल्यास पक्षाला प्रबळ उमेदवार मिळणार आहे. बावड्यातील एक गठ्ठा मते ही त्यांची सर्वात जमेची बाजू राहणार आहे. महापालिका राजकारणाच्या माध्यमातून पाटील यांनी शहरात आपला गट तयार केला आहे. त्याचाही फायदा होणार आहे. राष्ट्रवादीचे नेते मुश्रीफ आणि पाटील यांचा स्नेह जिल्ह्याला माहित आहे. यामुळे हा स्नेह मतात प​रावर्तीत होणार यात दुमत नाही. यामुळे ऋतुराज भाजप आणि सेनेच्या उमेदवाराना जड जाणार आहेत. ज्या बावड्याच्या मतावर क्षीरसागर यांचा विजय सुकर झाला, त्यांना मात्र ही उमेदवारी त्रासदायक ठरणार आहे.

राष्ट्रवादीकडे सध्या तरी प्रबळ उमेदवार नाही. पण नेहमीप्रमाणे आर. के. पोवार यांचा दावा असेल. त्यानंतर राजू लाटकर व अदिल फरास नेत्याकडे आग्रह धरतील. पक्षाची शहरातील ताकद पाहता त्यांना इतर उमेदवारांच्या तुलनेत बरीच तयारी करावी लागणार आहे. क्षीरसागर आणि ऋतुराज यांचा पक्ष निश्च‌ित आहे. पण मधुरिमाराजेंचा पक्ष श्रीमंत शाहू महाराज ठरवणार असल्याने त्याला बराच वेळ लागण्याची ​चिन्हे आहेत. पण त्यांच्या उमेदवारीने उत्तरे चे राजकारणच बदलणार आहे.

पालकमंत्रीही उतरू शकतात रिंगणात

महसूलमंत्री चंद्रकांत पाटील यांना सध्या हक्काचा मतदार संघ नाही. त्यांना विधानसभा लढण्याचे आदेश मिळाले तर ते उत्तर किंवा राधानगरी भुदरगड या दोन्हीपैकी एक मतदारसंघ निवडू शकतात. शहरात त्यांनी अनेकांना मदतीचा हात देत, संपर्क यंत्रणा राबवत अतिशय चांगली पेरणी सुरू केली आहे. शहराचे अनेक प्रश्न त्यांनी सोडवल्याने आणि राज्याचे दोन नंबरचे मंत्रीपद त्यांच्याकडे असल्याने सर्वात प्रबळ उमेदवार म्हणून त्यांच्या उमेदवारीकडे पहावे लागेल.

मोबाइल अॅप डाउनलोड करा आणि राहा अपडेट

---

बचाव पक्षाचे तपासातील विसंगतीवर बोट

August 22, 2017, 2:30 pm

≫ Next: लाचखोर पोलिसाच्या निलंबनाचे आदेश

≪ Previous: उत्तरेत होणार तिरंगी लढत

$

0

0

म. टा. प्रतिनिधी, कोल्हापूर

देवकर पाणंद येथील शालेय विद्यार्थी दर्शन शहा याचे अपहरण आणि खूनप्रकरणी मंगळवारी जिल्हा सत्र न्यायाधीश एल. डी. बिले यांच्यासमोर सुनावणी झाली. यावेळी विशेष सरकारी वकील उज्ज्वल निकम यांनी सर्वोच्च न्यायालयातील २४ निवाड्यांची कोर्टात मांडणी करीत संशयित आरोपी योगेश उर्फ चारू चांदणे याच्या विरोधात कोर्टात ठोस पुरावे सादर केल्याचे सांगितले. आरोपीच्या वतीने अड. पीटर बारदेस्कर यांनी तपासातील त्रुटी आणि जबाबातील विसंगतीवर बोट ठेवले.

२५ डिसेंबर २०१२ मध्ये दर्शन शहा या शालेय विद्यार्थ्याने अपहरण करून गळा आवळून त्याला बेशुद्धावस्थेत विहिरीत टाकले होते. देवकर पाणंद परिसरातील योगेश उर्फ चारू चांदणे यानेच दर्शनचे अपहरण करून खून केल्याचा दावा पोलिसांनी केला असून, त्याच्या विरोधातील पुरावे आणि साक्षीदारांच्या साक्षीही मांडण्यात आल्या. मंगळवारी विशेष सरकारी वकील उज्ज्वल निकम यांनी अपहरण आणि खुनाच्या संदर्भातील सर्वोच्च न्यायालयातील २४ न्यायनिवाड्यांचे दाखले कोर्टात मांडले. ‘संशयित चांदणे याच्याविरोधात साक्षीदारांनी साक्षी दिल्या आहेत. तोच दर्शनला शेताकडे घेऊन गेला होता. हे पाहणारे साक्षीदारही आहेत. संशयिताच्या शर्टचे बटन, गुन्ह्यातील दोरी, धमकीच्या चिठ्ठीतील हस्ताक्षर, आदी परिस्थितीजन्य पुरावे सादर केले आहेत. आरोपी सत्य लपवण्याचा प्रयत्न करीत आहे, मात्र अशा गुन्ह्यातील यापूर्वीच्या संशयितांना सुप्रीम कोर्टाने शिक्षा सुनावली आहे. या गुन्ह्यातही संशयिताच्या विरोत ठोस पुरावे सादर केले आहेत,’ अशी मांडणी अॅड निकम यांनी केली.

संशयिताचे वकील पीटर बारदेस्कर यांनाही बचावाचे मुद्दे मांडण्याची संधी कोर्टाने दिली. यावेळी युक्त‌िवाद करताना अॅड. पीटर बारदेस्कर म्हणाले, ‘पोलिसांनी केलेला पंचनामा आणि साक्षीदारांनी कोर्टात दिलेल्या सक्षींमध्ये तफावत आहे. तपासात पोलिसांनी अनेक त्रुटी ठेवल्या आहेत. योगेशनेच गुन्हा केला आहे, याचा प्रत्यक्षदर्शी साक्षीदार उपलब्ध नाही.’ न्यायाधीश एल. डी. बिले यांनी दोन्ही बाजुचे युक्त‌िवाद ऐकून घेतल्यानंतर पुढील सुनावणीसाठी १४ सप्टेंबर ही तारिख दिली. यावेळी तपास अधिकारी यशवंत केडगे, दर्शन शहा याची आई, नातेवाईक उपस्थित होते.

मोबाइल अॅप डाउनलोड करा आणि राहा अपडेट

लाचखोर पोलिसाच्या निलंबनाचे आदेश

August 22, 2017, 2:30 pm

≫ Next: मंडपांत सीसीटीव्हीची नजर

≪ Previous: बचाव पक्षाचे तपासातील विसंगतीवर बोट

$

0

0

म. टा. प्रतिनिधी, कोल्हापूर

तरुणीने दिलेल्या तक्रारीनंतर प्रकरण मिटवण्यासाठी संशयिताकडून पाच हजार रुपयांची लाच घेताना रंगेहात अटक केलेला राजारामपुरी पोलिस ठाण्यातील हवालदार किरण दत्तात्रय गवळी (वय ४३, रा. फुलेवाडी) याच्या निलंबनाचा आदेश काढण्यात आला. पोलिस अधीक्षक संजय मोहिते यांनी आदेशावर सही केली असून, लाचखोर पोलिसांची गय केली जाणार नाही, असा इशाराही दिला आहे. सोमवारी ते पत्रकारांशी बोलत होते.

जवाहरनगर येथील विलास चौगुले यांच्यविरोधात परिसरातली एका तरुणीने राजारामपुरी पोलिस ठाण्यात तक्रार दाखल दिली होती. पोलिस हवालदार किरण कांबळे याने तक्रारीच्या चौकशीसाठी चौगुले यांना पोलिस ठाण्यात बोलवून प्रकरण मिटवण्याचा सल्ला दिला. यासाठी त्याने चौगुलेकडे १० हजार रुपयांच्या लाचेची मागणी केली. सात हजार रुपयांवर तडजोड झाल्यानंतर पाच हजार रुपये स्वीकारताना हवालदार गवळी लाचलुचपत प्रतिबंधक विभागाच्या (एसीबी) जाळ्यात सापडला. एसीबीच्या पथकाने गवळी यास अटक करून त्याच्यावर गुन्हा दाखल केला आहे. पोलिस अधीक्षक संजय मोहिते यांना एसीबीचा अहवाल प्राप्त झाला असून, सोमवारी त्यांनी लाचखोर पोलिस हवालदार किरण गवळी याच्या निलंबनाचा आदेश काढला. ‘नागरिकांना विनाकारण त्रास देणारे आणि लाच घेऊन बेकायदेशीर काम करणाऱ्या पोलिसांवर कडक कारवाई होणार आहे. एसीबीच्या कारवाईत अडकणाऱ्यांवर कारवाई होणारच, मात्र छुपे कारनामे करणारे पोलिसही रडारवर आहेत. अशा पोलिसांचा शोध घेण्यासाठी प्रत्येक पोलिस ठाण्यात काही विशेष खबरे कार्यरत आहेत. तक्रारींची पडताळणी करून कारवाई केली जाणार आहे,’ अशी माहिती अधीक्षक मोहिते यांनी दिली.

मोबाइल अॅप डाउनलोड करा आणि राहा अपडेट

मंडपांत सीसीटीव्हीची नजर

August 22, 2017, 2:30 pm

≫ Next: चिंतामणराव कॉलेजची बाजी

≪ Previous: लाचखोर पोलिसाच्या निलंबनाचे आदेश

$

0

0

म. टा. प्रतिनिधी, कोल्हापूर

गणेशोत्सवात सार्वजनिक गणेश मंडळांचे देखावे पाहण्यासाठी नागरिकांची मोठी गर्दी असते. गर्दीचा गैरफायदा घेऊन भुरटे चोर आणि चेन स्नॅचर सक्रीय होतात. अनेकदा तरुणांच्या दोन गटात वाद होऊन मारामारीच्या घटना घडतात. अशा घटनांना आळा घालण्यासाठी सार्वजनिक गणेश मंडळांना परिसरात सीसीटीव्ही कॅमेरे लावण्याचे आवाहन पोलिस प्रशासनाने केले आहे. या आवाहनाला गणेश मंडळांनी उत्स्फुर्त प्रतिसाद दिला असून, ४०० मंडळ सीसीटीव्ही कॅमेरे बसवणार आहेत. शाहूपुरी बाईज मंडळाने डॉल्बीला फाटा देऊन परिसरात कायमस्वरुपी सीसीटीव्ही कॅमेरे बसवले आहेत.

गणेशोत्सवात मंडळांनी साकारलेले देखावे पाहण्यासाठी लाखो नागरिक घराबाहेर पडतात. याशिवाय विसर्जन मिरवणुकीतही मोठी गर्दी असते. याच गर्दीचा गैरफायदा उठवण्यासाठी भुरटे चोरटे सक्रीय होतात. पाकीटमारी आणि चेनस्नॅचिंगच्या घटना घडू नयेत, यासाठी गर्दीच्या ठिकाणी पोलिस बंदोबस्त तैनात कला जातो, मात्र पोलिसांची नजर चुकवून चोरटे हातोहात किमती ऐवज लंपास करतात. याशिवाय महिला आणि तरुणींची छेड काढणारे रोडरोमीयोही गर्दीत सामील होतात. हुल्लडबाजी करणारी टोळकी, गर्दीत मुद्दाम मस्ती करणाऱ्या तरुणांवर सतत नजर राहावी, यासाठी मंडळांनी परिसरात सीसीटीव्ही कॅमेरे लावावेत, असे आवाहन पोलिसांनी केले आहे. पोलिसांच्या या आवाहनाला मंडळांनी उत्स्फुर्त प्रतिसाद दिला आहे. जिल्ह्यातील ४०० मंडळांनी सीसीटीव्ही यंत्रणा बसवणार असल्याचे पोलिस अधिकाऱ्यांकडे कळवले आहे.

शाहूपुरीतील शाहूपुरी बॉईज कला, क्रीडा व सांस्कृतिक मंडळ गेल्या दोन वर्षांपासून डॉल्बीमुक्त उपक्रमात सहभागी आहे. विशेष म्हणजे या मंडळाने डॉल्बीच्या खर्चाला फाटा देऊन बचत केलेल्या पैशातून शाहूपुरी परिसराची सुरक्षा भक्कम केली. मंडळाच्या सदस्यांनी स्वखर्चातून शाहूपुरीच्या पाचव्या गल्लीत मारुती मंदिर परिसरात सहा सीसीटीव्ही कॅमेरे बसवले आहेत. हा निर्णय मंडळातील सर्व सदस्य आणि परिसरातील ज्येष्ठ नागरिकांनी एकत्रित घेतला होता. कॅमेऱ्यांची देखभालही मंडळाकडून होते. सीसीटीव्ही कॅमेऱ्यांमुळे परिसरातील वाहन चोऱ्या, भुरट्या चोऱ्यांना आळा बसला आहे. आजुबाजुला एखादी घटना घडल्यास पोलिसांना संशयितांचा शोध घेण्यासाठी हे कॅमेरे उपयुक्त ठरतात. कॅमेरे दिसताच चोरटे भीतीने वाट बदलतात, त्यामुळे परिसराची सुरक्षा भक्कम झाल्याची भावना नागरिक व्यक्त करतात.

गणेशोत्सवासह इतर सण-उत्सवही मंडळाकडून विधायक उपक्रमांनी साजरे केले जातात. अनावश्यक खर्च न करता पुस्तकांचे वाटप, महाप्रसाद, गरजूंना मदत देण्याचे काम मंडळाकडून केले जाते. यंदाही शाहूपुरी बॉईज मंडळाने सीसीटीव्ही कॅमेऱ्यांची संख्या वाढवण्याचा निर्धार केला आहे. डॉल्बीचे तोटे इतरांना पटवून देण्यासह विधायक उपक्रमांचा आदर्श घालून देण्याचे काम या मंडळाकडून सुरू आहे, त्यामुळे हे मंडळ नेहमीच कौतुकास पात्र ठरते.

गणेश मंडळांनी सीसीटीव्ही यंत्रणेची व्यवस्था करावी, असे आवाहन पोलिसांनी केले आहे. यानुसार अनेक मंडळे सीसीटीव्ही लावणार आहेत. केवळ गणेशोत्सवासाठीच नाही, तर ही यंत्रणा कायमस्वरुपी ठेवण्यासाठी शाहूपुरी बॉईज मंडळाने पुढाकार घेतला आहे. ही स्वागतार्ह बाब असून, इतर मंडळांनीही याचे अनुकरण करावे.

डॉ. प्रशांत अमृतकर, शहर पोलिस उपअधीक्षक

४०० मंडळांचे सीसीटीव्ही कॅमेरे

जिल्ह्यात ४०० ठिकाणी गणेशोत्सव मंडळांच्या माध्यमातून सीसीटीव्ही कॅमेरे बसविण्यात येणार आहेत. त्यामध्ये शहर उपविभागीय कार्यालयाच्या अंतर्गत ८०, करवीर ७०, इचलकरंजी ५२, शाहूवाडी १२०, गडहिंग्लज ४० आणि जयसिंगपूर विभागातील ४० मंडळे सीसीटीव्ही कॅमेरे बसवणार आहेत. यामुळे मंडळांच्या परिसरावर विशेष नजर राहणार आहे.

मोबाइल अॅप डाउनलोड करा आणि राहा अपडेट

चिंतामणराव कॉलेजची बाजी

August 22, 2017, 2:30 pm

≫ Next: मूर्तिकामासाठी कुंभार गल्ल्यांमध्ये रात्री जागू लागल्या

≪ Previous: मंडपांत सीसीटीव्हीची नजर

$

0

0

म. टा. प्रतिनिधी, कोल्हापूर

गेल्या तीन दिवसांपासून कोल्हापुरात सुरू असलेल्या पुरुषोत्तम करंडक आंतरमहाविद्यालयीन एकांकिका स्पर्धेत सांघिक स्तरावर सांगली येथील चिंतामणराव व्यापार महाविद्यालयाच्या संघाने ‘देवबाभळी’ या एकांकिकेने प्रथम क्रमांक पटकावत बाजी मारली. सांगलीच्याच मथुबाई गरवारे कन्या महाविद्यालयाच्या विद्यार्थिनींच्या संघाने ‘विवर'साठी दुसरे बक्षीस पटकावले. देशभक्त रत्नाप्पा कॉलेज ऑफ कॉमर्सच्या संघाने ‘कडमिंचे'साठी तिसरे बक्षीस पटकावले.

भारती विद्यापीठ अभियांत्रिकी महाविद्यालयाच्या संघाने ‘डिफेन्स रेस्ट'साठी सर्वोत्कृष्ट प्रायोगिक एकांकिकेचा बहुमान मिळविला. विजेत्या संघांची १४ ते १७ डिसेंबर या कालावधीत पुणे येथे होणाऱ्या पुरुषोत्तम करंडकच्या महाअंतिम फेरीसाठी निवड झाली. विजेत्यांना मानचिन्ह, प्रशस्त‌िपत्र, रोख बक्षीस दिले. महाराष्ट्रीय कलोपासक, गायन समाज देवल क्लबतर्फे ही स्पर्धा आयोजित केली होती. उदय लागू, किरण माने, सुविद्य कुलकर्णी यांनी परीक्षक म्हणून काम पाहिले.

यावेळी देवल क्लबचे अध्यक्ष व्ही. बी. पाटील यांनी चारही संघांना पुढील रंगीत तालमीसाठी देवल क्लबचा रंगमंच मोफत उपलब्ध करून देण्याची घोषणा केली.

परीक्षकांच्यावतीने बोलताना माने म्हणाले, ‘आपण पाहिलेल्या, जगलेल्या प्रसंगांतून तयार झालेले नाटक आपल्या आतून येते. हा आतला आवाज ऐका. चांगले नाटक करताना माणूस घडत जातो. तुम्ही रंगभूमीला जे द्याल, त्याच्या शंभरपट रंगभूमी तुम्हाला देते. सिनेमा तुम्हाला लोकांपर्यंत पोहोचवतो. नाटक तुम्हाला स्वतःपर्यंत पोहोचवते.’

यावेळी लेखक विद्यासागर अध्यापक, शिवाजी विद्यापीठाच्या विद्यार्थी विकास समितीचे अध्यक्ष डॉ. राजाराम गुरव, विविध देणगीदार, स्वयंसेवकांचे सत्कार झाले. देवल क्लबचे कार्यवाह अरुण डोंगरे यांनी प्रास्ताविक केले. कलोपासकचे विश्वस्त राजेंद्र नांगरे यांनी सूत्रसंचालन केले.

विशेष पुरस्कार

अभिनेता: अक्षय डंके (नंगी आवाजे- सिद्धू) राजारामबापू इन्स्टिट्यूट इस्लामपूर

अभिनेत्री: चैत्राली कवठेकर (कडमिंचे- तुळसा) कॉमर्स कॉलेज, कोल्हापूर

विद्यार्थी लेखक: ऐश्वर्या पाटील, उत्तरा पाटील (बीईंग ऍण्ड नथिंग) विवेकानंद कॉलेज

विद्यार्थी दिग्दर्शक आणि अभिनय नैपुण्य: गौतमी धामणईकर (देवबाभळी- अवलाई)

वाचिक अभिनय: धनश्री गाडगीळ (विवर- विभा)

मोबाइल अॅप डाउनलोड करा आणि राहा अपडेट

मूर्तिकामासाठी कुंभार गल्ल्यांमध्ये रात्री जागू लागल्या

August 22, 2017, 2:30 pm

≫ Next: कोल्हापूर शिवसेनेत राडा

≪ Previous: चिंतामणराव कॉलेजची बाजी

$

0

0

कोल्हापूर टाइम्स टीम

तीन दिवसांच्या उंबरठ्यावर असलेल्या बाप्पांच्या आगमनाची चाहूल ठळक होत असताना शहरातील कुंभारवाड्यात गणेशमूर्तींवर मूर्तिकारांची अखेरचा हात फिरवण्याची लगबग शिगेला पोहोचली आहे. दत्त गल्ली, गवत मंडई, पापाची तिकटी या प्रमुख कुंभारगल्ल्यांसह कुंभार व्यवसाय विस्तारलेल्या लक्षतीर्थ, फुलेवाडी, बापट कँप, कळंबा येथील मूर्तिकारांचे सारे कुटुंबच गणेशमूर्ती निर्मितीच्या कलाकारीत तल्लीन झाले आहे.

शुक्रवारी २५ ऑगस्ट रोजी गणपती आगमन असले तरी अनेक कुटुंबांमध्ये गणेशमूर्ती आदल्यादिवशी आणली जाते आणि गणेशोत्सवाच्या पहिल्या दिवशी प्रतिष्ठापना केली जाते. त्यामुळे मूर्तिकारांसाठी गणेशमूर्ती तयार ठेवण्याकरिता दोन दिवसांचाच अवधी आहे. परिणामी सध्या मूर्तीचे डोळे, अलंकारांमधील बारकावे करण्याचे काम अंतिम टप्प्यात आले आहे. पाच ते सहा इंचापासून ते दोन ते तीन फुटांपर्यंत घरगुती गणेशमूर्ती बनवण्यात आल्या असून गेल्या आठवड्यापर्यंत मूर्तीचे रंगकाम करण्याचे नियोजन करण्यात आले होते. तर उत्सवापूर्वीचा आठवडा शेवटच्या सफाईदारपणाच्या कारागिरीसाठी मूर्तिकारांनी राखून ठेवला होता. गेल्या चार दिवसांपासून मूर्तीचे सौंदर्य खुलवणाऱ्या गोष्टींवर काम करण्यास सुरूवात करण्यात आली आहे.

आय स्पे​शालिस्टनी घेतला ब्रश

घरगुती गणेशमूर्ती असो किंवा सार्वजनिक मूर्ती. मूर्तीच्या डोळ्यांचे काम करण्यासाठी लागणारे कौशल्यपूर्ण हात हे मूर्तिकाराचे कसब आहे. त्यामुळे मूर्ती बनवणाऱ्या कुंभारांच्या घरातील आय स्पेशालिस्ट मूर्तिकारांनी गेल्या दोन दिवसांपासून ब्रश हातात घेतला आहे. मूर्तीचे डोळे हा मूर्तिकामातील सर्वात अवघड आणि महत्त्वाचा भाग असल्यामुळे सध्या मूर्तीवर अखेरचा हात फिरवताना डोळे रेखाटणे आणि त्यातील रंगकाम करणे यावर मूर्तिकारांनी लक्ष केंद्रीत केले आहे.

महिलाही झाल्या सक्रिय

कुंभारवाड्यातील वातावरण पूर्ण गणेशमूर्तीमय बनले आहे. कुंभारांच्या घरातील दिवस पहाटे चार ते साडेचार वाजताच सुरू आहेत. सकाळच्या पहिल्या टप्प्यात मूर्तीचे पितांबर, सिंहासनावरील सोनेरी नक्षीकाम, मुकुटावरील नक्षी, अलंकारातील बारीक कलाकुसर या टप्प्यावर काम सुरू आहे. यासाठी कुंभारांच्या कुटुंबातील महिलाही सक्रिय झाल्या आहेत. काही मूर्तिकारांच्या घरातील महिलाही मूर्तीतील बारकावे करत आहेत.

बुकिंगच्या मूर्ती तयार ठेवण्याकडे कल

सध्या गणेशमूर्ती बुकिंग करण्याचा कल वाढतो आहे. त्याचबरोबर मूर्तिकार ज्यादाच्या मूर्तीही बनवतात. मात्र ज्या ग्राहकांनी मूर्तीचे बुकिंग केले आहे त्याप्रमाणे त्या मूर्तीचे रूप घडवण्याचे काम प्राधान्याने केले जात आहेत. शहरातील मध्यवर्ती भागातील कुंभारवाड्यातील घरांच्या बाहेर मंडप उभारून मूर्तींवर अखेरचा हात फिरवण्याचे काम सुरू आहे. बुकिंगच्या मूर्तींवरील कारागिरीचे काम पूर्ण करण्यासाठी कुंभारवड्यात लगीनघाई सुरू आहे.

पावसाच्या विश्रांतीने दिलासा

गणेशमूर्तीवर दिलेला रंग सुकण्यासाठी हवामान सध्या अनुकूल आहे. पावसाने घेतलेल्या विश्रांतीमुळे मूर्तिकारांना मूर्तीवरील रंगकाम सुकण्यासाठी पुरेसा वेळ मिळत आहे. तसेच तयार झालेल्या मूर्ती प्लास्टिकच्या कागदाने झाकून सुरक्षित ठेवण्यासाठीही मूर्तिकारांनी तयारी केली आहे.


शेवटच्या टप्प्यात मूर्तीवरील कौशल्याचे काम केले जाते. या घडीला मूर्ती तयार झाल्या असल्या तरी डोळे आणि अलंकार या गोष्टींवरील काम सुरू आहे. तसेच गणेश प्रतिष्ठापनेनंतर चार दिवसांत येणाऱ्या गौरी व शंकर मुखवट्याच्या कामानेही वेग घेतला आहे. घरगुती आणि सार्वजनिक मूर्तींचे काम येत्या दोन दिवसांत मार्गी लावण्यासाठी कुंभारवाड्यात रात्रीचा दिवस केला जात आहे.

उदय कुंभार, मूर्तिकार

मोबाइल अॅप डाउनलोड करा आणि राहा अपडेट