सहापदरीकरणाचा महिन्यात मुहूर्त

August 13, 2017, 2:30 pm

≫ Next: संशोधनासाठी सर्वोतपरी मदत

≪ Previous: दुनिया फोटोग्राफीची ‘फोटोग्राफी इज एव्हरीथिंग’

$

0

0

म. टा. प्रतिनिधी, कोल्हापूर

पुणे-बेंगळुरू राष्ट्रीय महामार्गाच्या सातारा ते कागलपर्यंतच्या सहापदरीकरणाचे काम गतीने होण्यासाठी प्रकल्पाची तीन टप्प्यात विभागणी केली आहे. तीन टप्प्यातील कामांना एकाचवेळी सुरुवात होईल. त्यासाठी कृती आराखडा तयार करण्यात येत आहे. राष्ट्रीय महामार्ग प्रा​धिकरणच्या अखत्यारित ३००० कोटी रुपयांचा हा महत्वाकांक्षी प्रकल्प आहे. त्याशिवाय कोल्हापूर शहराच्या प्रवेशद्वारावरील बास्केट ब्रीजचे कामही स्वतंत्रपणे होईल. महिनाभरात बास्केट ब्रीजसह चारही कामांची निविदा प्रसिद्ध होणार आहे. त्यानंतर सहापदरीकरण, उड्डाणपूल आणि बास्केट ब्रीजचे काम तीन महिन्यांत सुरू होईल.

सातारा ते कागल महामार्गाच्या विस्तारीकरणाचे काम रखडले आहे. सध्या हा मार्ग चौपदरी आहे. मार्गावरुन मोठ्या प्रमाणात वाहतूक असल्याने सहापदरी मार्ग प्रस्तावित होता. केंद्रीय मंत्री नितीन गडकरी यांच्या अध्यक्षतेखाली १ ऑगस्ट रोजी दिल्लीत झालेल्या बैठकीत या कामासाठी तीन हजार कोटी रुपयांच्या निधीची घोषणा झाली. यामध्येच महामार्गावरील वाहतूक कोंडी कमी करण्यासाठी उचगाव, उजळाईवाडी, कणेरी आणि कागल येथे उड्डाणपूल प्रस्तावित आहेत.

सहापदरीकरण, प्रस्तावित उड्डाणपूल आणि बास्केट ब्रीजची उभारणी गतीने झाली पाहिजे यासाठी कामाचे वर्गीकरण केले आहे. यासाठी खासदार धनंजय महाडिक यांनी पाठपुरावा केला. केंद्रीय मंत्री नितीन गडकरी यांच्यासोबतही त्यांनी चर्चा केली. त्यानंतर सातारा ते कराड, कराड ते कोल्हापूर मार्गावरील ५० किलोमीटरचा एक टप्पा, चार उड्डाणपूल उभारणी असे टप्पे करून एकाचवेळी कामाचे नियोजन सुरू आहे.

प्राधिकरणाचे कार्यालय कदमवाडीत

राष्ट्रीय महामार्ग प्राधिकरणाच्या अखत्यारित ३००० कोटी रुपयांच्या प्रकल्पाचे काम होणार आहे. प्रकल्पावर देखरेख, काम गतीने होण्यासाठी राष्ट्रीय महामार्ग प्राधिकरणाचे कार्यालय कोल्हापुरात सुरू होणार आहे. कदमवाडीत सध्या कार्यालयाचे काम सुरू आहे. रस्ते बांधणीच्या कामासाठी प्राधिकरणाच्या वरिष्ठ अधिकाऱ्यांची टीम कोल्हापुरात दाखल होणार आहे. दिल्ली, पुणे येथील अधिकारी, तंत्रज्ञ कामावर देखरेख ठेवतील. कदमवाडीतील कार्यालयात आवश्यक सुविधा, यंत्रणा कार्यान्वित करण्यात येत आहे.

सातारा ते कागल महामार्गाचे सहापदरीकरण, चार उड्डाणपुलांचे काम गतीने होण्यासाठी चार टप्प्यांत त्याची विभागणी करावी, काम लवकर सुरू करावे अशी मागणी केली होती. केंद्रीय मंत्री नितीन गडकरी यांच्यासोबत यासंदर्भात चर्चा झाली आहे. तीन हजार कोटी रुपयांच्या या प्रकल्पाचे काम एकाचवेळी सुरू होईल. यामुळे प्र्रकल्पाचे काम गतीने होईल.

धनंजय महाडिक, खासदार

सातारा ते कागल या मार्गाच्या सहापदरीकरणासाठी आवश्यक भूसंपादनला लवकरच सुरुवात होईल. प्रकल्पासाठी जादा भूसंपादनाची आवश्यकता नाही. यामुळे कामाला विनासायास सुरुवात होईल. प्रकल्पाच्या कामाची तीन टप्प्यात विभागणी केली जात आहे.

बी. एस. साळुंखे, प्रकल्प संचालक

मोबाइल अॅप डाउनलोड करा आणि राहा अपडेट

---

संशोधनासाठी सर्वोतपरी मदत

August 13, 2017, 2:30 pm

≫ Next: केडीसीसीतील ३० लाखाच्या अपहारप्रकरणी १० जणांच्या बदल्या

≪ Previous: सहापदरीकरणाचा महिन्यात मुहूर्त

$

0

0

म. टा. वृत्तसेवा, कसबा बावडा

‘छत्रपती शिवाजी महाराजांच्या राज्यकारभारात एकही अन्यायकारक घटना घडली नाही. त्यामुळे शिवचरित्र सर्वसामान्यांपर्यत पोहाचवणे गरजेचे आहे. इतिहासातील अनेक बाबींवर संशोधन गरजेचे आहे. त्यासाठी संशोधकांनी पुढाकार घ्यावा. सरकार इतिहास संशोधनासाठी सर्वोतपरी मदत करेल,’ अशी ग्वाही पालकमंत्री चंद्रकांत पाटील यांनी केले. ते डॉ. बाळकृष्ण लिखित व इतिहास संशोधक इंद्रजित सावंत संपादित ‘शिवाजी द ग्रेट’ या शिवचरित्राच्या वितरण कार्यक्रमात बोलत होते. पालकमंत्री पाटील यांच्या हस्ते हे चरित्र भारतातील तसेच परदेशातील विद्यापीठांना वितरित करण्यात आले. कै. भालचंद्र चिकोडे ग्रंथालयात हा कार्यक्रम झाला. अध्यक्षस्थानी ज्येष्ठ इतिहास संशोधक डॉ रमेश जाधव होते.

पालकमंत्री पाटील म्हणाले, ‘शिवाजी महाराजांचा राज्यकारभार आदर्श होता, म्हणूनच त्यांच्या कारकीर्दीत एकही अन्यायकारक घटना घडली नाही. इतिहासात अनेक व्यक्त‌िमत्वे अशी आहेत की त्यांच्यावर संशोधन होणे गरजेचे आहे. संशोधकांनी या थोर व्यक्तिमत्वाचा इतिहास लोकांसमोर आणावा, जेणेकरून आदर्श निर्माण होतील. डॉ. बाळकृष्ण लिखित ‘शिवाजी द ग्रेट’ या शिवचरित्राचा अस्सल साधनांत समावेश होतो. त्यामुळे त्यांचा ‌संशोधकांना फायदाच होणार आहे. पोस्ट विभागाने हा शिवरायांचा अमूल्य इतिहास भारताबरोबरच जगभरात पोहचवावा. माझ्या माध्यमातून ‘शिवाजी द ग्रेट’ हा ग्रंथ जगभर पोहचत आहे याचा मला विशेष आनंद आहे.’

ज्येष्ठ इतिहास संशोधक डॉ रमेश जाधव म्हणाले, ‘संशोधनात्मक काम करण्यास खूप वर्षे लागतात. डॉ. बाळकृष्ण हे अर्थशास्त्राचे प्राध्यापक असूनही त्यांनी देश परदेशातील शिवरायांच्या विषयीची साधने एकत्र करून शिवरायांचा इंग्रजीमधील सोळाशे तीस पानाचा खंड तयार केला. त्यांनी शिवचरित्रासाठीच प्राणाचा त्याग केला, असे म्हणावे लागेल. त्यांनी शहाजी राजेंचा स्वराज्यातील वाटा पहिल्या खंडात लिहून शिवरायांची शेती विषयक धोरणे, अर्थव्यवस्था, लष्कर तसेच शिवरायांचे योग्य मूल्यमापन केले आहे. इतक्या चांगल्या चरित्राची आजच्या पिढीला माहिती नाही. तरुण इतिहास संशोधक इंद्रजित सावंत यांनी हे चरित्र मराठीमध्ये आणावे, त्यासाठी सहकार्य करू.’

प्रास्ताविकात इतिहास संशोधक इंद्रजित सावंत म्हणाले, ‘डॉ. बाळकृष्ण आताच्या पाकिस्तानमधील मुलतान पंजाब प्रांतातील असताना त्यांना राजर्षी शाहू महाराजांनी कोल्हापूरच्या राजाराम कॉलेजमध्ये प्राचार्य म्हणून बोलावले. येथे आल्यानंतर त्यावेळी पारतंत्र्यात असताना ‘शिवाजी द ग्रेट’ चरित्र लिहिले. दुर्दैवाने ते विस्मरणात गेले होते व त्याच्या चार खंडाचे सर्व भाग विस्कळीत झाले होते ते एकत्र करून पुन्हा प्रकाशित केले आहेत. पालकमंत्री चंद्रकांत पाटील यांनी या चरित्र ग्रंथासाठी आत्म‌ियता दाखवून भारतातील सर्व विद्यापीठात व परदेशातील काही विद्यापीठात पोहचावे यासाठी मदत केल्याचे सांगितले. या कार्यक्रमास राष्ट्रवादीचे आर. के. पोवार, शहर अध्यक्ष राजू लाटकर, गुलाबराव घोरपडे, आनंद माने, बाबा पार्टे, डॉ. प्रमिला जरग, देविका पाटील, डॉ. विलास पवार, हर्षल सुर्वे आदी उपस्थित होते. राहुल चिकोडे यांनी स्वागत तर डॉ. सुप्रिया खोले यांनी आभार मानले. यावेळी पोस्ट विभागाचे प्रवर अधीक्षक रमेश पाटील, उद्योजक चंद्रकांत जाधव, संजय शिंदे, वसंतराव मुळीक, राहुल चिकोडे यांची प्रमुख उपस्थिती होती.


जन्मतिथी अक्षयतृतीयाच

१९ फेब्रुवारी, १६३० ही शिवरायांची जन्मतिथी नसून आठ एप्रिल, १६२७ म्हणजेच सन १५४९ वैशाख शुद्ध तृतीया म्हणजेच अक्षयतृतीया हीच खरी शिवाजी महाराजांची जन्म तिथी आहे. यासंबंधी अनेक पुरावे उपलब्ध असून याचे भरपूर पुरावे उपलब्ध असल्याचे ज्येष्ठ इतिहास संशोधक डॉ. रमेश जाधव यांनी सांगितले. जन्मतिथी व शिवराय हे रजपूत नसून मराठाच आहेत, हे संशोधनाअंती स्पष्ट झाले आहे. त्यामुळे यापुढील काळात व्याख्यानांच्या माध्यमातून जनजागृती केली जाईल असे डॉ जाधव यांनी सांगितले.

०००

फोटो ओळ : ‘शिवाजी द ग्रेट’हा ग्रंथ पालकमंत्री चंद्रकांत पाटील यांच्या हस्ते पोस्ट विभागाचे प्रवर अधीक्षक रमेश पाटील यांच्याकडे सुपूर्त करण्यात आला. यावेळी उद्योजक संजय शिंदे, वसंतराव मुळीक, लेखक इंद्रजित सावंत, डॉ रमेश जाधव, उद्योगपती चंद्रकांत जाधव, राहुल चिकोडे आदी.

मोबाइल अॅप डाउनलोड करा आणि राहा अपडेट

केडीसीसीतील ३० लाखाच्या अपहारप्रकरणी १० जणांच्या बदल्या

August 13, 2017, 2:30 pm

≫ Next: उदगाव: दरोडेखोरांच्या हल्ल्यात महिला ठार

≪ Previous: संशोधनासाठी सर्वोतपरी मदत

$

0

0

म. टा. प्रतिनिधी, कोल्हापूर

कोल्हापूर जिल्हा मध्यवर्ती सहकारी बँकेच्या लक्ष्मीपुरी शाखेमध्ये झालेल्या ३० लाखांच्या अपहारातील २० लाखाची रक्कम लेखापाल पी. के. जोशी यांच्याकडून वसुली केल्याचे समजते. मात्र बँकेच्या व्यवस्थापनाकडून अपहारातील रक्कम वसुलीप्रकरणी केवळ ‘प्रोग्रेस’ असल्याचे सांगत अपहाराची माहिती लपविण्याचा प्रयत्न केला जात आहे. शाखेतील अन्य दहा कर्मचाऱ्यांची बदली झाल्याचे बँकेच्यावतीने स्पष्ट केले जात असले, तरी अद्याप हे कर्मचारी याच शाखेत कार्यरत असल्याचे समजते.

जुलै महिन्याच्या दुसऱ्या आठवड्यात जिल्हा बँकेच्या लक्ष्मीपुरी शाखेत अपहार झाल्याचे स्पष्ट झाले होते. बँकेच्या तपासणी पथकाने तपासणी केल्यानंतर अपहार झाल्याचे स्पष्ट झाले. पण अपहाराची रक्कम लपविण्याचा प्रयत्न सातत्याने केला. दरम्यान अपहारामध्ये दोषी असलेले जोशी रुग्णालयात दाखल झाल्याने अपहारातील रक्कम वसुलीवर परिणाम झाला होता. अपहारातील रक्कम वसूल होण्यासाठी चेअरमन हसन मुश्रीफ यांनी दोषी कर्मचाऱ्यांवर फौजदारी गुन्हा दाखल करण्याचा इशारा दिला होता. त्यानंतर बँक व्यवस्थापनाने दहा कर्मचाऱ्यांच्या बदल्या करण्याचे आदेशही काढले होते.

बँकेने वसुलीसाठी तगादा लावल्यानंतर दोषी कर्मचारी जोशी यांनी टप्प्याटप्प्याने अपहारातील २० लाखांची भरपाई केली आहे. मात्र याबाबत बँकेच्या वरिष्ठ सूत्राकडून ठोस माहिती दिली जात नसल्याने नेमका अपहार कितीचा झाला आहे, याची माहिती गुलदस्त्यातच राहिली आहे.

सीईओ चव्हाण यांचे मोघम उत्तर

गेल्या पंधरा दिवसांपूर्वी लक्ष्मीपुरी शाखेतील अपहार उघडकीस आला आहे. मात्र बँकेकडून नेमका किती रकमेचा अपहार झाला आहे, याची माहिती दिली जात नाही. दोषी कर्मचाऱ्यांनी अपहाराची रक्कम भरण्यासाठी चेअमरन हसन मुश्रीफ यांनी धमकीवजा इशाराही दिला होता. त्यानंतर अपहारातील रक्कम भरण्यास सुरुवात झाली. मात्र याबाबतची माहिती बँकेचे सीईओ प्रतापसिंह चव्हाण देत नाहीत. याबाबत त्यांच्याशी संपर्क साधला असताना अपहारातील रकमेबाबत केवळ ‘प्रोग्रेस’ असल्याचे सांगत आहेत. त्यामुळे अपहाराची माहिती बाहेर जाऊ नये यासाठी सर्वच स्तरावर ‘काळजी’ घेतली जात असल्याची चर्चा बँक वर्तुळात आहे.

मोबाइल अॅप डाउनलोड करा आणि राहा अपडेट

उदगाव: दरोडेखोरांच्या हल्ल्यात महिला ठार

August 14, 2017, 12:23 am

≫ Next: अंबाबाई मंदिर: पुजाऱ्यांचा अर्ज फेटाळला

≪ Previous: केडीसीसीतील ३० लाखाच्या अपहारप्रकरणी १० जणांच्या बदल्या

$

0

0

म. टा. वृत्तसेवा । जयसिंगपूर

उदगांव (ता.शिरोळ) येथे निकम मळ्यात दरोडेखोरांनी धारदार हत्याराने वार केल्याने महिला ठार झाली. तर निवृत्त प्राध्यापक असणारे त्यांचे पती गंभीर जखमी झाले. अरुणा बाबूराव निकम (वय ५६) असे मृत महिलेचे, तर बाबूराव नारायण निकम ( वय ६२) असे जखमीचे नाव आहे. त्यांची प्रकृती चिंताजनक आहे.

रविवारी मध्यरात्री दरोडेखोरांनी निकम यांच्या बंगल्यात प्रवेश केला. यावेळी प्रतिकार करणाऱ्या निकम दाम्पत्यावर धारदार हत्याराने वार करून त्यांच्या घरातील २४ तोळ्याचे सोन्या-चांदीचे दागिने तसेच ५० हजार रूपयांची रोकड लंपास केली. सोमवारी सकाळी याबाबत माहिती मिळताच पोलीस उपअधीक्षक विनायक नरळे, रमेश सरवदे यांच्यासह पोलिसांच्या पथकाने घटनास्थळी धाव घेऊन तपास सुरू केला आहे.

मोबाइल अॅप डाउनलोड करा आणि राहा अपडेट

अंबाबाई मंदिर: पुजाऱ्यांचा अर्ज फेटाळला

August 14, 2017, 5:56 am

≫ Next: करूया स्मरण स्वातंत्र्यलढ्याचे

≪ Previous: उदगाव: दरोडेखोरांच्या हल्ल्यात महिला ठार

$

0

0

मटा ऑनलाइन वृत्त। कोल्हापूर

श्री अंबाबाई मंदिरातील पुजारी आणि पुजारी हटाव संघर्ष समितीच्या वादावर सुरू असलेली जिल्हाधिकाऱ्यांकडील सुनावणी सुरू राहण्याचा मार्ग मोकळा झाला आहे. ही सुनावणी स्थगित करावी अशी मागणी पुजारी गजानन मुनीश्वर यांनी दिवाणी न्यायालयात केली होती. वरिष्ठ स्तर दिवाणी न्यायाधीश सी. व्ही. मराठे यांनी सोमवारी झालेल्या सुनावणीत मुनीश्वर यांचा अर्ज फेटाळला. दाव्याची पुढील सुनावणी १९ सप्टेंबरला होणार आहे.

श्री अंबाबाई मंदिरात पुजाऱ्यांनी देवीच्या मूर्तीला घागरा-चोळीचा पोषाख परिधान केल्याने पुजारी आणि भाविकांमध्ये वाद निर्माण झाला होता. यातूनच पुजारी हटाव संघर्ष समितीने मंदिरातील सर्व पुजाऱ्यांना हटवून पगारी पुजारी नेमण्याची मागणी पालकमंत्री चंद्रकांत पाटील यांच्याकडे केली. पुजारी आणि पुजारी हटाव समिती या दोन्ही बाजुने वाद टोकाला पोहोचला. पालकमंत्री आणि जिल्हा प्रशासनासमोर झालेल्या बैठकीतही पुजाऱ्यांविरोधातील राग उफाळून आल्याने पालकमंत्री पाटील यांनी दोन्ही बाजुचे म्हणणे कागदपत्रे जिल्हाधिकाऱ्यांकडे मांडण्यची सूचना केली होती. यानुसार जिल्हाधिकाऱ्यांकडे सुनावणी सुरू होताच पुजारी गजानन मुनीश्वर यांनी दिवाणी न्यायालयात धाव घेऊन या सुनावणीला स्थगिती मिळावी अशी मागणी केली होती.

या दाव्यात बाजू मांडण्यासाठी प्रताप नाईक-वरुटे, दिलीप देसाई, दिलीप पाटील, आनंद माने, निशिकांत मेथे, शिवसेनेचे जिल्हाध्यक्ष संजय पवार यांच्यासह देवस्थान समितीचे सदस्य शिवाजी जाधव आणि संगीता खाडे यांनी थर्ड पार्टी अर्ज दाखल केले होते. न्यायाधीश सी. व्ही. मराठे यांनी संगीता खाडे आणि शिवाजी जाधव यांचे अर्ज वगळता इतर वैयक्तिक अर्ज फेटाळले होते.

सोमवारी न्यायधीश मराठे यांनी गजानन मुनीश्वरांच्या दाव्यावर निकाल दिला. जिल्हाधिकाऱ्यांकडील सुनावणी कायदा व्यवस्था राखण्यासाठी असल्याचे ग्राह्य धरून मुनीश्वर यांची मागणी फाटाळली. जिल्हाधिकाऱ्यांकडील सुनावणी सुरू राहू शकते, त्याचबरोबर त्यांचा अहवाल राज्य सरकारकडे सादर करण्यासही काही हरकत नाही, असे न्यायाधीशांनी स्पष्ट केले. न्यायाधीशांच्या या निर्णयामुळे जिल्हाधिकाऱ्यांकडील सुनावणी पुढे सुरू राहण्याचा मार्ग मोकळा झाला आहे.

दाव्याची पुढील सुनावणी १९ सप्टेंबरला होणार आहे. यावेळी कोर्टात विशेष सरकारी वकील विवेक शुक्ल, मुनीश्वर यांचे वकील नरेंद्र गांधी, जिल्हाधिकारी कार्यालयातील विधी सल्लागार अड. वैभव इनामदार, पुजारी मुनीश्वर आदी उपस्थित होते

मोबाइल अॅप डाउनलोड करा आणि राहा अपडेट

करूया स्मरण स्वातंत्र्यलढ्याचे

August 14, 2017, 2:30 pm

≫ Next: ‘संशोधनाच्या दीपस्तंभात कोल्हापूरचा समृद्ध वारसा’

≪ Previous: अंबाबाई मंदिर: पुजाऱ्यांचा अर्ज फेटाळला

$

0

0

म. टा. प्रतिनिधी, कोल्हापूर

महात्मा गांधीच्या नेतृत्वाखाली स्वातंत्र्यचळवळीच्या लढा देशभर सुरू होता. कोल्हापूर संस्थानाचाही यात सहभाग होता. १९४२ मध्ये गांधीनी ‘चले जाव’चा इशारा ब्रिटिशांना दिला. स्वातंत्रसैनिकांना ‘करा व मरा’ असा मंत्र दिला. ४२च्या लढ्याचे लोण कोल्हापूर जिल्ह्यात पसरले. इथल्या स्वातंत्र्यसैनिकांनी गारगोटीचा खजिना लुटण्याचा प्रयत्न केला. ब्राह्मी खजिना लुटला. बार्शी रेल्वेवर धाड टाकणारे कोल्हापुरातील प्रमुख क्रांतिकारक होते. या चळवळीत अनेक हुतात्मे झाले तर काहींना कारागृहात वीरमरण आले. या चळवळीत काही स्वातंत्र्यसैनिकांच्या कार्याला उजाळा दिला आहे.

ब्रह्मी खजिना लुटणारे शंकरराव माने

रंकाळा तलावाजवळील शालिनी पॅलेस येथे ब्रह्मदेशातील परागंदा सरकारी लष्करी कचेरी होती. शंकरराव माने यांनी ब्रह्मी खजिना लुटण्याचा बेत आखला. लालजी उपाध्ये, अ. शा. मुल्ला, गणपतराव चिकोडे, यशवंत कुलकर्णी, धनपाल जिरगाळे, शाम पटवर्धन यांनी रंकाळा तलावाजवळ खजिना लुटला. १९ क्रमांकाच्या टांग्यातून निघालेल्या खजिन्यातील ५३ हजार ३७५ रुपयांची थैली लुटण्यात आली. आखलेल्या बेताप्रमाणे त्यांचा सहकारी असलेल्या भाजीवाल्याकडे थैली दिली गेली. पोलिसांनी या सर्वांचा पाठलाग केला. पण कोणीच सापडले नाहीत. नंतर दत्तोबा ताबंट पकडले गेले. पण बाकीचे फरारीच राहिले. माने यांनी रत्नाप्पा कुंभार यांच्या नेतृत्वाखाली बार्शी रेल्वे, जेजुरीचा खजिना लुटला. अच्युत पटवर्धन व अरुणा असफअल्ली यांच्यासोबत शंकरराव माने कार्यरत होते. अखेर दिल्ली येथे त्यांना अटक झाली. त्यांना पाच वर्ष कैदेची शिक्षा झाली. चार वर्षा शिक्षा भोगून शंकरराव माने बाहेर आले. बॉम्बे सेंट्रलमध्ये ते आमदार होते तर १९६७ मध्ये ते खासदार म्हणून निवडून आले.

भागिरथीबाई तांबट, जयबाई हाविरे

सध्याच्या शिवाजी पुतळ्याच्याठिकाणी मुंबईचा माजी गव्हर्नर सर लेस्ली विल्सन यांचा पुतळा होता. १९४२ च्या लढ्यात १५ ते २० फूट उंचीचा संगमरवरी पुतळा फोडण्याचा निर्णय घेतला. त्यासाठी स्वातंत्र्यसैनिक सिदलिंग बाबूराव हाविरे यांच्या पत्नी जयाबाई व स्वातंत्रसैनिक दत्तोबा तांबट यांची पत्नी भागिरथीबाई यांची निवड करण्यात आली. घटस्थापनेदिवशी १० ऑक्टोबर १९४२ रोजी दोघींनी मकर संक्रातीतील १० ते १२ लोटकी (सुगडी) डांबराने भरून बुट्टीत ठेवल्या. दुपारीच्या बाराच्या सुमारास या दोघी विल्सनच्या पुतळ्याजवळ आल्या. चबुतऱ्यावर चढून दोघींनी ‘चले जाव’ च्या घोषणात डांबराची लोटकी विल्सनच्या पुतळ्यावर फेकली. लोटकी फुटून डांबर पुतळ्यावरून ओघळल्याने पुतळा विद्रुप झाला. त्यानंतर दोघींना अटक झाली. सहा महिन्यांची सक्तमजुरीची शिक्षा ठोठावण्यात आली. विल्सनचा पुतळा स्वच्छ करण्याचा प्रयत्न करण्यात आला. पण शंकरराव माने, अ.श. मुल्ला, आनंदराव देसाई यांनी एकेदिवशी पुतळा फोडण्याचे काम केले. गंगावेशीतील शामराव पाटील यांनी तर पुतळ्याला शिडी लावून पुतळ्याचे नाक व कान ठेचले. हात व पाय तोडून टाकले. त्यानंतर हा पुतळा हटवून तिथे शिवाजी महाराजांच्या पुतळ्याची प्रतिष्ठापना १३ मे १९४५ रोजी करण्यात आली.

बार्शी रेल्वेवर रत्नाप्पाण्णा कुंभार यांची धाड

कोल्हापूर संस्थानात भाई माधवराव बागल, दिनकर देसाई यांच्यासह रत्नाप्पाण्णा कुंभार यांनी प्रजापरिषदेच्या माध्यमातून संस्थानाच्याविरोधात लढा दिला होता. पण १९४२ च्या लढ्यात रत्नाप्पा कुंभार यांनी भूमिगत राहून इंग्रज सरकारविरोधात लढाई सुरू ठेवली. बार्शी रेल्वे धाड, जेजुरी हल्ल्यात रत्नाप्पांनी इंगजांना सळो की पळो करून सोडले होते. बार्शी रेल्वेतून टपाल लुटण्याचा बेत त्यांनी आखला होता व तडीस नेला. २९ डिसेंबर १९४३ रोजी रत्नाप्पा कुंभार, चनगोंडा पाटील, काका देसाई, कुंडल देसाई, आय.ए. पाटील, व्यंकटेश देशपांडे, हरिबा बेनाडे, दत्तोबा ताबंट, ईश्वरा गोधडे, शंकरराव माने हे यात सहभागी होते. ड्रायव्हर, फायरमन व गार्ड यांना पकडून त्यांना दोन ते तीन मैल लांब सोडून देण्यात आले. टपालाच्या डब्यावर त्यांनी हल्ला केला. टपालाच्या पिशव्या व थैल्या ताब्यात घेऊन सर्वजण पसार झाले. त्यानंतर रत्नाप्पाण्णा कुंभार व त्यांच्या सहकाऱ्यांनी जेजुरी लुटली होती. जेजुरी लुटल्याने पोलिसांनी सर्वांच्या मागे ससेमिरा लावला होता. ते सहा वर्षे फरार होते. पोलिसांनी डॉ. माधवराव कुलकर्णी, दत्तोबा तांबट, शाम पटवर्धन यांना याप्रकरणात आरोपी केले होते. बार्शी लाइट रेल्वे व जेजुरी लुटल्याने सरकार हादरुन गेले होते. रत्नांप्पा कुंभार यांची भारतीय घटनेवर सही आहे. त्यांना सरकारने पद्म पुरस्काराने गौरवले होते. तसेच ते आमदार व मंत्रीही होते.

जिल्हा परिसरातील स्वातंत्र लढ्यातील हुतात्मे

करवीर सिद्ध्य्या स्वामी, शंकरराव कृष्णाजी इंगळे, तुकाराम रामजी भारमल (सर्व कापशी, ता. कागल), नारायण दाजी वारके (कलनाकवाडी, ता. भुदरगड), मल्लाप्पा बाबाजी चौगुले (चिखली, ता. कागल), बळवंत लक्ष्मण जबडे (जत्राट, ता. चिकोडी) सर्व गारगोटी गोळीबारात हुतात्मा. परशराम कृष्णा साळोखे (खडकलाट), हरिबा कृष्णा बेनाडे (चिखली, ता. कागल) सिदनाळ पोलिस वेढा. नरसू परसू परिट (आकोळ, चिकोडी), बिंदू नारायण कुलकर्णी (मुत्नाळ, ता. गडहिंग्लज) कोल्हापुरातील बिंदू चौकातील गोळीबार, कल्लाप्पाण्णा कृष्णा मुत्नाळे (निपाणी), शंकर पांगोरे ( निपाणी).

कारागृहात वीरमरण आलेले स्वातंत्रयोद्धे

गोपाळ बळवंत फराकटे (कसबा वाळवे, ता. राधानगरी), शंकर गोपाळ पोतदार उर्फ चिटणीस (हुपरी), गोपाळ कृष्णा तेली उर्फ क्षीरसागर (हुपरी), महादेव सखाराम सुतार (गंगापूर, ता. भुदरगड), मारूती कृष्णा आगलावे (कुर्ली, चिकोडी), गणपती हरी मोरे (खोची, ता. हातकणंगले), गुंडू धुळा सुतार (आळते, ता. हातकणंगले), भूपाल आप्पाजी अणुस्करे (ठिकपुर्ली, ता. राधानगरी), अण्णा रामगोंडा पाटील (इचलकरंजी), धोंडी गुंडू माने (हातकणंगले).

मोबाइल अॅप डाउनलोड करा आणि राहा अपडेट

‘संशोधनाच्या दीपस्तंभात कोल्हापूरचा समृद्ध वारसा’

August 14, 2017, 2:30 pm

≫ Next: दरोडेखोरांच्या हल्ल्यात महिला ठार

≪ Previous: करूया स्मरण स्वातंत्र्यलढ्याचे

$

0

0

म. टा. प्रतिनिधी, कोल्हापूर

‘मेजर डी. सी. ग्रॅहम यांनी १८५४ साली सादर केलेला अहवाल हा कोल्हापूरच्या इतिहासाचा आद्य ग्रंथ असून कोल्हापूरच्या समृद्ध वारशाच्या पाऊलखुणा त्यात जागोजागी आढळतात. प्राथमिक तथ्यांचे संशोधनातील महत्त्व अधोरेखित करणारा हा अहवाल आहे. केवळ इतिहासाच्या नव्हे, तर कृषी, सहकार, अर्थकारण, वाणिज्य - व्यवसाय, उद्योग अशा कोणत्याही प्रकारच्या संशोधकाला कोल्हापूरच्या संदर्भात अभ्यास करताना या अहवालाचे स्थान दीपस्तंभाचे आहे, इतका महत्त्वाचा हा दस्तावेज आहे’ असे प्रतिपादन नाबार्डचे माजी अध्यक्ष, डॉ. यशवंतराव थोरात यांनी केले.

शिवाजी विद्यापीठाच्या शाहू संशोधन केंद्रातर्फे मेजर डी.सी. ग्रॅहम रचित व डॉ. जयसिंगराव पवार संपादित ‘स्टॅटिस्टिकल रिपोर्ट ऑन द प्रिन्सिपॅलिटी ऑफ कोल्हापूर (सन १८५४)’ या दुर्मिळ अहवालाचे प्रकाशन डॉ. थोरात यांच्या हस्ते विद्यापीठाच्या राजर्षी शाहू सभागृहात सोमवारी झाले. त्यावेळी ते बोलत होते. श्रीमंत शाहू छत्रपती महाराज प्रमुख उपस्थित होते. अध्यक्षस्थानी प्र-कुलगुरू डॉ. डी. टी. शिर्के होते.

यशवंतराव थोरात म्हणाले, ‘आपण इतिहास कसा पाहतो, कोणी आपल्याला दाखवितो तसा पाहतो, की आपल्याला जसा दिसतो, तसा पाहतो, हा प्रश्न महत्त्वाचा आहे. भारतीय इतिहासाच्या संदर्भात हा प्रश्न आता अधिक महत्त्वाचा ठरतो आहे. आपल्याला आपला देश कसा हवा आहे? समाजवादी, धर्मनिरपेक्ष की लोकशाहीवादी? लोकशाहीची साधने हाताशी धरून अ-लोकशाहीवादी प्रवृत्ती जोपासल्या जात आहेत. लोकशाही आपल्याला बोलण्याचा हक्क देते, हे जितके खरे, तितकेच ऐकण्याची जबाबदारीही सोपविते, याकडे दुर्लक्ष करून कसे चालेल? आपण घटनात्मक मूल्ये जपली नाहीत, तर राज्यघटना बरखास्त करण्याची वेळ आल्याखेरीज राहणार नाही, असा इशारा सन १९५०मध्येच डॉ. बाबासाहेब आंबेडकर यांनी देऊन ठेवला होता, याची आठवण डॉ. थोरात यांनी यावेळी करून दिली. या पार्श्वभूमीवर इतिहासाचा आदर राखण्याबरोबरच ऐतिहासिक संदर्भांची छाननी करीत असताना सत्याशी कधीही तडजोड करू नका.’

श्रीमंत शाहू छत्रपती महाराज म्हणाले, ‘ग्रॅहमचा अहवाल नव्याने प्रकाशात आणून डॉ. पवार यांनी इतिहास संशोधकांसाठी वारसा जपण्याचे कार्य केले आहे.’

प्र-कुलगुरू डॉ. शिर्के म्हणाले, शाहू संशोधन केंद्राने गेल्या ४७ वर्षांत अनेक अमूल्य संदर्भग्रंथ अभ्यासक, संशोधकांना सादर केले आहेत. हा संदर्भग्रंथ विद्यापीठाच्या ऑनलाइन बुकस्टोअरवर लवकर उपलब्ध करण्यासह विद्यापीठाचे अन्य आऊट ऑफ प्रिंट संदर्भग्रंथही पुनर्मुद्रित करण्याचे प्रयत्न करू.’

डॉ. जयसिंगराव पवार यांनी आपल्या प्रास्ताविकामध्ये या अहवालाचे ऐतिहासिक महत्त्व अधोरेखित करताना त्याची सामाजिक-आर्थिक संशोधनाच्या दृष्टीने बलस्थाने स्पष्ट केली. ‘कोल्हापूरची शेती, उद्योगधंदे, जाती, भाषा, चालीरिती, संस्कृती, परंपरा, ग्रंथनिर्मिती, धार्मिकता यांच्यापासून ते अगदी पिशाच्चापर्यंतचा इतिहास साद्यंत सांगणारा हा अपूर्व ग्रंथ आहे’, असेही त्यांनी सांगितले.

कार्यक्रमात डॉ. थोरात यांच्या हस्ते अहवालाचे प्रकाशन झाले. प्र-कुलगुरू डॉ. शिर्के यांचा श्रीमंत शाहू महाराज यांच्या हस्ते त्यांचा सत्कार करण्यात आला. पंडित कंदले यांनी सूत्रसंचालन केले. कुलसचिव डॉ. विलास नांदवडेकर यांनी आभार मानले.

ग्रॅहम यांच्या अहवालातही ‘अंबाबाई’च

‘कोल्हापूरच्या इतिहासातील महत्त्वपूर्ण नोंदी असलेल्या मेजर ग्रॅहम यांच्या अहवालात करवीरनिवासिनी श्री अंबाबाई असा उल्लेख आला आहे. सध्या ‘अंबाबाई’ की ‘महालक्ष्मी’ या नामकरणावरून सुरू असलेल्या वादाच्या पार्श्वभूमीवर ग्रॅहम यांच्या महत्त्वपूर्ण आणि दुर्मिळ अहवालात अंबाबाई या नावाने असलेल्या उल्लेखातून प्राचीन संदर्भ अधोरेखित होत आहे’ असे डॉ. जयसिंगराव पवार यांनी स्पष्ट केले.

मोबाइल अॅप डाउनलोड करा आणि राहा अपडेट

दरोडेखोरांच्या हल्ल्यात महिला ठार

August 14, 2017, 2:30 pm

≫ Next: ‘पुस्तक द्या, पुस्तक घ्या’

≪ Previous: ‘संशोधनाच्या दीपस्तंभात कोल्हापूरचा समृद्ध वारसा’

$

0

0

जयसिंगपूर

शिरोळ तालुक्यातील उदगाव येथे निकम मळ्यात दरोडेखोरांनी धारदार शस्त्राने केलेल्या हल्ल्यात अरूणा बाबूराव निकम (वय ५६) ही महिला जागीच ठार झाली. तर निवृत्त प्राध्यापक असणारे त्यांचे पती बाबूराव नारायण निकम (वय ६२) हे गंभीर जखमी झाले. त्यांची प्रकृती चिंताजनक आहे. या दरोड्यात निकम यांच्या घरातील २७ तोळ्यांचे सोन्या-चांदीचे दागिने तसेच ५० हजार रूपये असा आठ लाखांचा ऐवज लंपास करण्यात आला. दरोड्याच्या या घटनेमुळे उदगाव व जयसिंगपूर परिसरात भितीचे वातावरण निर्माण झाले आहे.

याबाबत घटनास्थळावरून मिळालेली अधिक माहिती अशी, उदगाव येथे शिरोळ बायपास रस्त्यालगत गोकुळ दूध संघाच्या सॅटेलाईट डेअरीजवळ निकम मळा आहे. येथे निवृत्त प्राध्यापक बाबूराव निकम हे पत्नी, अरूणा, मुलगा प्रविण व प्रितम, सून सरिता व माधुरी तसेच नातवंडासमवेत रहातात. रस्त्यालगत शेतात त्यांचा सहा खोल्यांचा बंगला असून तेथून काही अंतरावर त्यांच्या अन्य नातेवाईकांची घरे आहेत. घोडावत युनिव्हर्सिटीमध्ये प्राध्यापक असणारा मुलगा प्रितम याच्या मुलीचे रविवारी बारसे होते, यामुळे निकम कुटूंबिय सकाळी सांगली जिल्ह्यातील विट्याजवळ खेराडेवांगी येथे गेले होते. कार्यक्रम आटोपल्यानंतर रात्री नऊ वाजण्याच्या सुमारास सर्वजण उदगाव येथे परतले.

रात्री बंगल्यातील तळमजल्यातील हॉलमध्ये अरूणा झोपल्या होत्या. तर स्वयंपाक खोलीलगत असणार्या बेडरूममध्ये त्यांचे पती बाबूराव तर दुसऱ्या बेडरूममध्ये मुलगा प्रविण, त्यांची पत्नी सरिता, मुलगी प्रणिता तसेच लहान मुलगा झोपला होता. पहिल्या मजल्यावरील बेडरूममध्ये मुलगा प्रितम झोपला होता. मध्यरात्री दरोडेखोर बंगल्याच्या उजव्या बाजूस असणाऱ्या खिडकीवरून छतावर गेले. पहिल्या मजल्यावरील दरवाजा उघडून त्यांनी बंगल्यात प्रवेश केला. यानंतर प्रितम यांच्या बेडरूमला बाहेरून कडी लावून ते तळमजल्यावर हॉलमध्ये आले. येथे झोपलेल्या अरूणा यांच्या चेहऱ्यावर दरोडेखोरांनी हातातील धारदार शस्त्राने वार केला. घाव वर्मी बसल्याने त्यांचा जागीच मृत्यू झाला. यानंतर गळ्यातील मंगळसूत्र, कर्णफुले तसेच हातातील बांगड्या काढून घेऊन चोरट्यांनी आपला मोर्चा तळमजल्यावरील दुसऱ्या बेडरूमकडे वळविला. येथे झोपलेल्या बाबूराव निकम यांच्यावरही शस्त्राने हल्ला करण्यात आला. यावेळी मोठ्या प्रमाणात रक्तस्त्राव झाल्याने ते बेशुध्द पडले.

बारशाचा कार्यक्रम असल्याने निकम कुटूंबियांनी आदल्यादिवशीच बँकेतून ५० हजार रूपये काढले आहे. दरोडेखोरांनी बंगल्यातील दोन तिजोऱ्या फोडून त्यामधील तीन जोड कर्णफुले, तीन चेन, सात आंगठ्या, दोन मंगळसूत्र, हातातील बिलवर व पाटल्या असे २७ तोळे सोन्याचे दागिने तसेच मुलांचे चांदीचे दागिने व रोख पन्नास हजार रूपये असा एकूण सुमारे आठ लाख रूपयांचा मुद्देमाल घेवून दरोडेखोर पसार झाले. दरोड्यावेळी परिसरातील घरांनाही चोरट्यांनी बाहेरून कड्या लावल्या होत्या. तिजोरी फोडल्यानंतर चोरट्यांनी दागिने शोधण्यासाठी तिजोऱ्यातील साहित्य इतरस्त: विखुरले. दरोडेखोरांच्या हल्ल्यात अरूणा जागीच ठार झाल्या तर बाबूराव निकम हे बेशुध्द पडल्याने त्यांना आरडाओरड करण्याची संधी मिळाली नाही. यामुळे घरातील प्रविण व प्रितम तसेच सून सरिता यांना सकाळपर्यंत या गंभीर घटनेची कोणतीच माहिती नव्हती.

सकाळी प्रितम उठल्यानंतर दरवाजाला बाहेरून कडी असल्याचे त्यांच निदर्शनास आले. त्यांनी बंगल्यालगतच राहणाऱ्या नातेवाईकांशी मोबाईलवरून संपर्क साधला. नातेवाईकांच्या मुलाने कडी काढल्यानंतर ही घटना त्यांच्या निदर्शनास आली. अरूणा यांच्या चेहऱ्यावर वर्मी घाव बसल्याने हॉलमधील भिंतीवर तसेच छतावर रक्त उडाले होते. जखमी बाबूराव यांना उपचारासाठी प्रथम जयसिंगपूर येथील खासगी रूग्णालयात नेण्यात आले मात्र प्रकृती गंभीर असल्याने मिरजेच्या मिशन रूग्णालयात हलविण्यात आले.

दरम्यान, या घटनेची माहिती मिळताच पोलिसांनी घटनास्थळी धाव घेऊन पाहणी केली. यानंतर श्वान पथक, ठसे तज्ज्ञांना पाचारण करण्यात आले. पथकातील झेबा या श्वानाने बंगल्यापासून शिरोळ बायपास रस्त्यापर्यंत माग काढला.

मोबाइल अॅप डाउनलोड करा आणि राहा अपडेट

---

‘पुस्तक द्या, पुस्तक घ्या’

August 14, 2017, 2:30 pm

≫ Next: अप्पी पाटील यांनी राजीनामा द्यावा

≪ Previous: दरोडेखोरांच्या हल्ल्यात महिला ठार

$

0

0

म. टा. प्रतिनिधी, कोल्हापूर

‘पुस्तक द्या आणि पुस्तक न्या’ या वाचन संस्कृतीला बळ देणाऱ्या व प्रसार करणाऱ्या कुसुमाग्रज प्रतिष्ठानच्या उपक्रमाला श्रीकृष्ण जन्माष्टमीच्या पूर्वसंध्येला शाहूपुरीतील राधाकृष्ण मंदिरात सुरुवात झाली. १४ वर्षाची चिमू ते ७५ वर्षाच्या आजीपर्यंत वाचनप्रेमी मंडळींनी या उपक्रमाला भरभरुन प्रतिसाद दिला. मंगळवारी (१५ ऑगस्ट) स्वातंत्रदिनी सकाळी दहा वाजल्यापासून रात्री आठ वाजेपर्यंत हा उपक्रम सुरू राहणार आहे. वाचनप्रेमींनी त्याचा लाभ घ्यावा असे आवाहन राधाकृष्ण मंदिर प्रशासन व कराड अर्बन बँकेने केले आहे.

कुसुमाग्रज प्रतिष्ठानचे विनायक रानडे यांनी वाचन संस्कृती चळवळ नऊ वर्षापूर्वी सुरू केली. ‘ग्रंथ तुमच्या दारी’ या योजनेंतर्गत विविध उपक्रम राबवण्यात येत आहे. राज्यातील अनेक सोसायट्यांमध्ये १०० पुस्तकांच्या पेट्या ठेवण्यात आल्या आहेत. आठ वर्षात या योजनेचा दोन कोटी वाचकांनी लाभ घेतला आहे. अनेकांच्या घरी दर्जेदार पुस्तके कपाटात असतात. या पुस्तकांना आणखी वाचक मिळावे यासाठी ‘एक दर्जेदार पुस्तक द्या, आणि दुसरे दर्जेदार पुस्तक घेऊन जा’ हा उपक्रम सहा महिन्यांपूर्वी सुरु केला. मुंबई, पुणे, नाशिक, ठाणे, कल्याण, डोंबिवली येथे उत्फुर्त प्रतिसाद मिळाल्यानंतर कराड बँकेच्या माध्यमातून कोल्हापुरात हा उपक्रम होत आहे.

सोमवारी सायंकाळी कराड अर्बन बँकेचे कुटुंब प्रमुख सुभाष जोशी यांच्या हस्ते या उपक्रमास सुरुवात झाली. संचालक श्रीधर कुलकर्णी, डॉ. कौस्तुभ औरंगाबादकर, डॉ. ऋतुराज पत्की, बॅकेचे व्यवस्थापक विजय पाटील, विनोद गायकवाड उपस्थित होते. राधाकृष्ण मंदिराचे संचालक रविराज भागवत यांनी स्वागत केले. सुभाष जोशी म्हणाले, ‘कुसुमाग्रज प्रतिष्ठानचा वाचन संस्कृती रुजवण्याचा उपक्रम स्तुत्य आहे. कराड बँकेने १०० पुस्तके असलेल्या १६७ पेट्यांना मदत केली आहे. यापुढेही बँक उपक्रमांच्या पाठीशी राहील.’

संचालक विद्याधर गोखले म्हणाले, ‘जन्माष्टमीच्या पूर्वसंध्येला हा उपक्रम सुरु झाला आहे. श्रीकृष्णाचे सवंगडी सर्व खाद्य पदार्थ एकून काला करुन भोजन करत. त्याप्रमाणे प्रत्येक जण स्वतःजवळचे पुस्तक इथे देईल व चांगले पुस्तक वाचायला नेईल. हा एक पुस्तकांचा काला आहे. त्याचा लाभ वाचनप्रेमींनी घ्यावा.’

घराघरातील अनेक दर्जेदार पुस्तकांना पाय फुटावेत या हेतूने हा उपक्रम सुरू केला आहे. प्रत्येकाने आपल्या घरातील पुस्तक घेऊन यावे. इथले पुस्तके न्यावे. त्यामुळे चांगली पुस्तके वाचण्याची चळवळ होईल. ही चळवळ ग्रामिण भागात नेण्यासाठी प्रयत्नशील आहे. आजच्या उपक्रमाने कोल्हापुरातील अनेक वाचकांच्या बंद कपाटातील पुस्तकांना स्वातंत्र्य मिळेल. शैक्षणिक, धार्मिक, अध्यात्मिक पुस्तके स्वीकारली जाणार नाहीत.

विनायक रानडे

अध्यक्ष वाचनालय समिती, कुसुमाग्रज प्रतिष्ठान

मी लहानपणापासून पुस्तके वाचते. माझ्या घरात पुस्तकांनी कपाट भरले आहे. माझी पुस्तके इथं देऊन मी न वाचलेली चांगली पुस्तके इथून घेऊन जाणार आहे. माझ्याकडची पुस्तके दुसऱ्यांना वाचायला मिळतील हे समाधानही आहे.

जान्हवी देशपांडे, अंबाई टँक

मोबाइल अॅप डाउनलोड करा आणि राहा अपडेट

अप्पी पाटील यांनी राजीनामा द्यावा

August 14, 2017, 2:30 pm

≫ Next: पाटील यांच्या अपात्रतेस स्थगिती

≪ Previous: ‘पुस्तक द्या, पुस्तक घ्या’

$

0

0

कोल्हापूर

‘दौलत साखर कारखान्यातील (न्युट्रियन्स) साखर पोती चोरीप्रकरणाने सहकाराला काळिमा लागला आहे. दौलत कारखाना गोकाक येथील न्युट्रियन्स कंपनीने भाडेतत्वावर चालवण्यास घेतला आहे. कंपनीकडे अद्यापही बँकेचे येणे कर्ज आहे. कारखान्यात शिल्लक असलेली साखरेवर तारण कर्ज देण्यात आले आहे. त्यामुळे बँकेच्या परवानगीशिवाय साखरेची विक्री करता येत नाही. कंपनीचा सर्व कारभार जिल्हा बँकेचे व्हाइस चेअरमन विनायक ऊर्फ अप्पी पाटील पाहत आहेत. मात्र परवानगीशिवाय साखरेच्या पोत्यांची उचल केली असल्याचे स्पष्ट झाले असून नैतिकदृष्ट्या व्हाईस चेअरमन पाटील यांनी राजीनामा द्यावा. पाटील हे काँग्रेस पक्षातून निवडून आले असल्याने काँग्रेस नेत्यांनीच याबाबतचा निर्णय घ्यावा,’ असे बँकेचे चेअरमन हसन मुश्रीफ यांनी पत्रकार बैठकीत सांगितले.

मुश्रीफ म्हणाले, ‘दौलत कारखाना कंपनीने भाडेतत्वावर घेतल्यानंतर गतवर्षी पहिलाच गळीत हंगाम पार पडला. हंगामात उत्पादीत झालेल्या साखरेपैकी ६० हजार २९९ पोती शिल्लक होती. त्यापैकी गेल्या काही दिवसांत कारखन्यातून चार कोटी तीन लाख किमंतीची ११ हजार ५१५ साखर पोती शुक्रवारी (ता. ११) चोरीस गेली. उत्पादीत साखरेवर बँकेचे तारण कर्ज असल्याने संचालकांनी तीतडीने चर्चा करुन बँकेचे एक पथक तातडीने कारखानास्थळी पाठवले. सहकारातील अत्यंत वेदनादायी प्रकार असताना व्हाइस चेअरमन संबंधित घटना घडल्याच्या दिवशी दिवसभर बँकेत बसून होते. चोरी झालेल्या साखर पोत्यांची रक्कम बँक खात्यावर जमा करण्याची तयारीही दर्शवत कारवाई न करण्याची मागणी केली होती. पण सर्व संचालक मंडळांशी चर्चा झाल्यानंतर कारवाई करण्याचे निश्चित केले.’

‘शुक्रवारी पोलिसांच्या मदतीने साखरेच्या गोडावनची तपासणी केली. यामध्ये ११ हजार ५१५ पोत्यांची चोरी झाल्याचे स्पष्ट झाले. त्यानंतर त्वरीत चंदगड पोलिस ठाण्यात फिर्याद दाखल करण्यात आली असून पोलिस साखर पोत्यांचा शोध घेत आहेत. उत्पादीत झालेल्या साखरेवर बँकेचे कर्ज असल्याने चोरी झालेल्या साखर पोत्यांची रक्कम जमा करण्याच्या सूचना कंपनी व्यवस्थापन व कार्यकारी संचालकांना दिल्या असून याबाबत कार्यकारी संचालक शिर्के यांनी बँकेशी संपर्क साधून रक्कम भरण्याची ग्वाही दिली आहे.’

मोबाइल अॅप डाउनलोड करा आणि राहा अपडेट

पाटील यांच्या अपात्रतेस स्थगिती

August 14, 2017, 2:30 pm

≫ Next: हेल्मेटबाबतची समाजाची मानसिकता अनाकलनीय

≪ Previous: अप्पी पाटील यांनी राजीनामा द्यावा

$

0

0

म. टा. प्रतिनिधी, कोल्हापूर

भूविकास बँकेचे थकबाकीदार असल्याने शेतकरी सहकारी संघाचे विद्यमान अध्यक्ष युवराज पाटील यांचे संचालक पद अपात्र ठरवण्याचा जिल्हा उपनिबंधकांच्या निर्णयाला मुंबई हायकोर्टाने सोमवारी तात्पुरती स्थगिती दिली. भूविकास बँकेची २९ लाख, ४३ हजारांची थकीत रक्कम बुधवारी (ता.१६) दुपारी १२ वाजेपर्यंत जमा करण्याचे निर्देश दिले आहेत. कोर्टाच्या निर्णयामुळे अध्यक्ष पाटील यांना संचालकपद अपात्रतेपासून दिलासा मिळाला. पुढील सुनावणी २४ ऑगस्टला होणार असल्याने बुधवारी होणारी अध्यक्ष निवडीची सभा स्थगित होण्याची शक्यता आहे.

कोणत्याही सहकारी संस्थेची निवडणूक लढवताना इतर सहकारी संस्थांची थकबाकी असल्यास सहकार कलम ‘७३’ अर्ज अवैध होतो. या कलमानुसार अध्यक्ष पाटील यांचे शेतकरी संघाचे संचालकपद अपात्र ठरवण्याची मागणी तक्रारदार सुरेश देसाई यांनी जिल्हा उपनिबंधक यांच्याकडे केली होती. त्यानुसार जिल्हा उपनिबंधक अरुण काकडे यांनी पाटील यांचे संचालकपद अपात्र ठरवले होते. त्याविरोधात पाटील यांनी प्रथम विभागीय सहनिबंधक यांच्याकडे जिल्हा उपनिबंधकांच्या निर्णयाला स्थगिती देण्यासाठी अपील केले होते. विभागीय सहनिबंधकांनी निर्णय कायम ठेवल्यानंतर पाटील यांनी मुंबई हायकोर्टात अपील केले होते.

अपिलावर दोन सुनावण्या झाल्या होते. सुनावणीदरम्यान संघाच्या अध्यक्ष निवडीची तारीख जाहीर झाली होती. मात्र अध्यक्ष निवडीच्या सभेला सर्वच संचालक गैरहजर राहिल्याने निवडीची सभा कोरमअभावी तहकूब करण्याचा निर्णय निवडणूक अधिकाऱ्यांनी घेतला होता. पुन्हा अध्यक्ष निवडीच्या सभेची तारीख जाहीर झाल्यानंतर पाटील यांनी त्यापुर्वी सुनावणी घेण्यासाठी कोर्टात अर्ज दिला होता. त्यानुसार सोमवारी न्यायमूर्ती गडकरी यांच्यासमोर सुनावणी झाली. तक्रारदार देसाई यांच्यावती अॅड. अनिल साखरे, प्रशांत भावके, उत्कर्ष देसाई यांनी तर पाटील यांच्यावतीने अॅड. वाय. एस. जहांगीरदार, अमित बोरकर यांनी बाजू मांडली. दोन्ही बाजूचा युक्त‌िवाद झाल्यानंतर न्यायमूर्ती गडकरी यांनी संचालक अपात्रतेच्या निर्णयाला तात्पुरती स्थगिती देत बुध‍वारपर्यंत थकीत रक्कम भरण्याचे आदेश दिले. कोर्टाच्या निर्णयामुळे पाटील यांना दिलासा मिळाला असून त्यांचे अध्यक्षपद कायम राहणार आहे. त्यामुळे बुधवारी होणारी अध्यक्ष निवडीची सभा रद्द होण्याची शक्यता आहे.

आमचा बापूचं चेअरमन राहणार

कोणत्याही सहकारी संस्थेमध्ये पदाधिकारी म्हणून काम करताना काळजी घेण्याची गरज आहे. पाटील यांच्या मित्रांची संख्या जास्त असल्याने त्यांच्याविरोधात तक्रार झाली होती. कोर्टाने थकीत रक्कम भरण्याचे आदेश दिल्याने बापू लवकरच पैस भरतील. त्यामुळे आमचा बापूच संघाचा चेअरमन राहणार असा विश्वास राष्ट्रवादीचे नेते आमदार हसन मुश्रीफ यांनी केली.

मोबाइल अॅप डाउनलोड करा आणि राहा अपडेट

हेल्मेटबाबतची समाजाची मानसिकता अनाकलनीय

August 14, 2017, 2:30 pm

≫ Next: पुजाऱ्यांचा मनाई अर्ज फेटाळला

≪ Previous: पाटील यांच्या अपात्रतेस स्थगिती

$

0

0

म. टा. प्रतिनिधी, कोल्हापूर

‘गणेशोत्सव कालावधीत डॉल्बीच्या भिंती उभारुन झिंग... झिंग... झिंगाटच्या तालावर थिरकण्यात कसले भवितव्य? तरुणाईच्या ओठावरील गाणी आणि​ विचारांवर भविष्यकाळ ठरविला जातो. एखादा मर्डर झाल्यानंतर त्याचा मोठा गहजब केला जातो, पण कोल्हापूर परिक्षेत्रातील अपघातात रोज दहा नागरिक मृत्युमुखी पडतात. वाहनधारकांची सुरक्षितता, हेल्मेट वापरण्याबाबत मात्र गांभीर्याचा अभाव आढळतो. हेल्मेटबाबत समाजाची मानसिकताही अनाकलनीय वाटते’ अशा शब्दांत कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील यांनी खंत व्यक्त केली.

कोल्हापूर महापालिकेतर्फे स्वातंत्र्यदिनाच्या पूर्वसंध्येला स्वातंत्र्यसैनिकांचा सत्कार आणि वीर माता-पिता, वीरपत्नी यांचा सन्मान सोहळा आयोजित केला होता. आयजी नांगरे-पाटील, जिल्हाधिकारी अविनाश सुभेदार यांच्या हस्ते आणि महापौर हसीना फरास यांच्या अध्यक्षतेखाली सोमवारी सायंकाळी हा कृतज्ञतेचा सोहळा झाला. आयुक्त अभिजित चौधरी, उपमहापौर अर्जुन माने, स्थायी समिती सभापती संदीप नेजदार यांची प्रमुख उपस्थिती होती. केशवराव भोसले नाट्यगृह येथे झालेल्या या समारंभात शिष्यवृत्ती परीक्षेत उज्ज्वल यश मिळवलेल्या महापालिका शाळेतील विद्यार्थ्यांना गौरविले.

विशेष पोलिस महानिरीक्षक नांगरे पाटील यांनी स्वातंत्र्यलढ्यातील घटना, स्वातंत्र्यसैनिकांचे बलिदान, त्याग अधोरेखित केले. तरुणाईने देशाचे नाव उंचावण्यासाठी योगदान देण्याविषयी आवाहन केले. गणेश उत्सवातील गैरप्रकाराला चाप लावण्यासाठी संपूर्ण उत्सवावर सीसीटीव्ही कॅमेऱ्याचा वॉच राहील हे त्यांनी स्पष्ट केले.

‘स्वरनिनाद’प्रस्तुत देशभक्तीवर गीतांवर आधारित ‘जागो हिंदुस्थानी’ कार्यक्रम, सत्कार सोहळ्यादरम्यान शहीद जवानांच्या आठवणींना उजाळा आणि जय जवानच्या घोषणेमुळे वातावरण भारावले होते. ‘नन्हा मुन्हा राही हूँ, संदेश आते हे, कर चले हम फिदा, मेरा रंग दे बसंती’अशा एकापेक्षा एका बहारदार गाण्यांनी आणि जोशपूर्ण निवेदनांनी कार्यक्रमात रंग भरला. सत्कार समारंभावेळी वीर माता पिता, वीर पत्नींना शहीद जवानांच्या आठवणींनी गहिवरुन आल्याने सभागृहाला भावनिक किनार लाभली. कार्यक्रमाच्या प्रारंभी आयुक्त अभिजित चौधरी यांनी महापालिकेतर्फे वीर माता पिता, वीर पत्नी यांचा सन्मान करतानाच त्यांची पाठीशी ठाम राहिली. स्वातंत्र्य​सैनिकांच्या लढा हा सदैव प्रेरणादायी ठरणारा आहे..’

जिल्हाधिकारी सुभेदार म्हणाले, ‘स्वातंत्र्यदिनाच्या पूर्वसंध्येला महापालिकेने वीर माता पिता, वीरपत्नी व स्वातंत्र्यसैनिकांचा सन्मान करत संपूर्ण समाज त्यांच्या पाठीशी असल्याचे दाखवून दिले आहे. शिवकाळापासून कोल्हापूरच्या भूमीला शौर्याचा, बलिदानाचा वारसा लाभला आहे. स्वातंत्र्यप्राप्तीनंतर देशाची सेवा करण्यासाठी या भागातील तरुण अग्रभागी राहिले. देश रक्षणसासाठी सीमेवर लढणारे सैनिक आणि त्यांच्या कुटुंबीयांच्या पाठीशी समाज एकसंध असल्याचे कार्यक्रमामुळे सिध्द झाले.’

महापौर फरास यांनी भाषणात स्वातंत्र्यसैनिक, शहीद जवानांच्या आठवणींना उजाळा दिला. तसेच सीमेवर लढणाऱ्या जवानांचा प्रत्येकाला अभिमान आहे. त्या जवानांच्या शौर्याला सलाम करण्यासाठी कार्यक्रम भरविला आहे. जवानांच्या कुटुंबीयांना सरकारी योजनांचा लाभ मिळावा अशी विनंती त्यांनी केली. सभागृह नेता प्रविण केसरकर यांनी स्वागत केले. नाट्यगृहाचे व्यवस्थापक विजय वणकुर्दे यांनी सूत्रसंचालन केले.

मोबाइल अॅप डाउनलोड करा आणि राहा अपडेट

पुजाऱ्यांचा मनाई अर्ज फेटाळला

August 14, 2017, 2:30 pm

≫ Next: ​ राष्ट्रध्वजाचा शिराळ्यात अवमान

≪ Previous: हेल्मेटबाबतची समाजाची मानसिकता अनाकलनीय

$

0

0

म. टा. प्रतिनिधी, कोल्हापूर

श्री अंबाबाई मंदिरातील पुजारी आणि पुजारी हटाओ संघर्ष समितीच्या वादावर सुरू असलेली जिल्हाधिकाऱ्यांकडील सुनावणी सुरू राहण्याचा मार्ग मोकळा झाला आहे. ही सुनावणी स्थगित करावी, अशी मागणी पुजारी गजानन मुनीश्वर यांनी दिवाणी न्यायालयात केली होती. वरिष्ठ स्तर दिवाणी न्यायाधीश सी. व्ही. मराठे यांनी सोमवारी झालेल्या सुनावणीत मुनीश्वर यांचा अर्ज फेटाळला. दाव्याची पुढील सुनावणी १९ सप्टेंबरला होणार आहे.

श्री अंबाबाई मंदिरात पुजाऱ्यांनी देवीच्या मूर्तीला घागरा-चोलीचा पोषाख परिधान केल्याने पुजारी आणि भाविकांमध्ये वाद निर्माण झाला होता. यातूनच पुजारी हटाव संघर्ष समितीने मंदिरातील सर्व पुजाऱ्यांना हटवून पगारी पुजारी नेमण्याची मागणी पालकमंत्री चंद्रकांत पाटील यांच्याकडे केली होती. पुजारी आणि पुजारी हटाओ समिती या दोन्ही बाजुने वाद टोकाला पोहोचल्याने पालकमंत्र्यांसमोरच वाद उफाळून आल्याने पालकमंत्री पाटील यांनी दोन्ही बाजूचे म्हणणे, कागदपत्रे जिल्हाधिकाऱ्यांकडे मांडण्याची सूचना केली होती. यानुसार जिल्हाधिकाऱ्यांकडे सुनावणी सुरू होताच पुजारी गजानन मुनीश्वर यांनी दिवाणी न्यायालयात धाव घेऊन या सुनावणीला स्थगिती मिळावी, अशी मागणी केली होती. या दाव्यात बाजू मांडण्यासाठी प्रताप नाईक-वरुटे, दिलीप देसाई, दिलीप पाटील, आनंद माने, निशिकांत मेथे, शिवसेनेचे जिल्हाध्यक्ष संजय पवार यांच्यासह देवस्थान समितीचे सदस्य शिवाजी जाधव आणि संगीता खाडे यांनी थर्ड पार्टी अर्ज दाखल केले होते. न्यायाधीश सी. व्ही. मराठे यांनी संगीता खाडे आणि शिवाजी जाधव यांचे अर्ज वगळता इतर वैयक्तिक अर्ज फेटाळले होते.

सोमवारी न्यायधीश मराठे यांनी गजानन मुनीश्वरांच्या दाव्यातील मनाई अर्जावर निकाल दिला. जिल्हाधिकाऱ्यांकडील सुनावणी कायदा व्यवस्था राखण्यासाठी असल्याचे ग्राह्य धरून मुनीश्वर यांची मागणी फेटाळण्यात आली. ‘जिल्हाधिकाऱ्यांकडील सुनावणी सुरू राहू शकते, त्याचबरोबर त्यांचा अहवाल राज्य सरकारकडे सादर करण्यासही काहीही हरकत नाही,’ असे न्यायाधीशांनी स्पष्ट केले. न्यायाधीशांच्या या निर्णयामुळे जिल्हाधिकाऱ्यांकडील सुनावणी पुढे सुरू राहण्याचा मार्ग मोकळा झाला आहे. दाव्याची पुढील सुनावणी १९ सप्टेंबरला होणार आहे. यावेळी कोर्टात विशेष सरकारी वकील विवेक शुक्ल, मुनीश्वर यांचे वकील नरेंद्र गांधी, जिल्हाधिकारी कार्यालयातील विधी सल्लागार अॅड. वैभव इनामदार, पुजारी मुनीश्वर आदी उपस्थित होते.

संघर्ष समितीला दिलास

अंबाबाई मंदिरातील पुजारी हटवून पगारी पुजारी नेमावेत, असा आग्रह धरणाऱ्या पुजारी हटाओ संघर्ष समितीच्या लढ्याला पहिल्या टप्प्यातील यश मिळाले. जिल्हाधिकाऱ्यांकडील सुनावणीला स्थगिती मिळावी, यासाठी पुजारी मुनीश्वर यांच्या वतीने अॅड. नरेंद्र गांधी यांनी पुराव्यांची मोठी जंत्रीच कोर्टात मांडली होती. देवीची पूजा हा पुजाऱ्यांचा वैयक्तिक आणि पारंपरिक अधिकार असल्याने यावर सुनावणी घेण्याचा अधिकार पालकमंत्री आणि जिल्हाधिकाऱ्यांनाही नसल्याचा युक्त‌िवाद गांधी यांनी केला होता, मात्र जिल्हाधिकाऱ्यांकडील सुनावणी कायदा सुव्यवस्था राखण्यासाठी असल्याचे पटवून देण्यात सरकारी वकील यशस्वी ठरले. या निर्णयाने पुजारी हटाओ समितीला या लढ्यात पहिल्या टप्प्यातील यश गवसल्याची भावना व्यक्त केली जात आहे.

पालकमंत्र्यांच्या सूचनेनुसार आमच्याकडील सुनावणी पूर्ण गांभीर्याने सुरू आहे. दोन्ही बाजुने तोंडी माहितीनंतर कागदपत्रेही सादर केली जात आहेत. अजून महिन्याचा कालावधी हातात आहे, त्यामुळे महिन्याच्या आत अहवाल राज्याच्या विधी आणि न्याय खात्याला सादर करू.

अविनाश सुभेदार, जिल्हाधिकारी

मोबाइल अॅप डाउनलोड करा आणि राहा अपडेट

​ राष्ट्रध्वजाचा शिराळ्यात अवमान

August 16, 2017, 10:34 am

≫ Next: ​ सांगलीत पावसाची दमदार हजेरीशहरासह दुष्काळी जत, आटपाडीत पाणीच पाणी

≪ Previous: पुजाऱ्यांचा मनाई अर्ज फेटाळला

$

0

0

शिराळा
शिराळा नगरपंचायतीत स्वातंत्र्यदिनादिवशी राष्ट्रीय ध्वज फडकवताना ध्वजाची दोरी तुटून ध्वज खाली पडली. राष्ट्रीय ध्वजाचा अवमान केल्याप्रकरणी नगरपंचायतीचे मुख्याधिकारी अशोक कुंभार व नगराध्यक्षा सुनंदा सोनटक्के यांच्या विरूद्ध गुन्हा नोंद झाला आहे. भाजपचे नगरसेवक उत्तम हिंदुराव डांगे यांनी शिराळा पोलिसात फिर्याद दिली आहे.
मंगळवारी सकाळी आठ वाजून दहा मिनिटांच्या सुमारास मुख्याधिकारी अशोक कुंभार यांनी विनंती केल्यानंतर नगराध्यक्षा सुनंदा सोनटक्के यांनी ध्वज फडकविण्यासाठी झेंड्याची दोरी ओढली. मात्र, ध्वज फडकला नाही पुन्हा दोरी खेचल्यानंतर दोरी तुटून ध्वज खाली पडला. तोच ध्वज पुन्हा दोरीमध्ये बांधून फडकविण्यासाठी प्रयत्न केला. मात्र, दोरी अडकल्यामुळे हा ध्वज फडकला नाही. या वेळी मुख्याधिकारी अशोक कुंभार यांनी स्वच्छता कामगार गजानन सातपुते यांना ध्वजाच्या खांबावर चडविले व ध्वजाची दोरी खांबाच्या हुकामध्ये ओवण्यास सांगितले. जुन्या दोरीस गाठ बांधून ध्वज फडकिविण्यात आला. यामुळे राष्ट्रीयध्वजाचा अवमान झाल्याची फिर्याद उत्तम डांगे यांनी शिराळा पोलिसात दिली आहे. फिर्याद दाखल होताच शिराळा पोलिसांनी गुन्हा दाखल करून तातडीने या घटनेचे सीसीटीव्ही फुटेज ताब्यात घेतले आहे. पुढील तपास सहायक पोलिस निरीक्षक प्रवीण जाधव करीत आहेत. या प्रकरणी नागरिकांनी तहसीलदार दीपक शिंदे यांना निवेदन देऊन दोषीवर कडक कारवाई करण्याची मागणी केली आहे.

मोबाइल अॅप डाउनलोड करा आणि राहा अपडेट

​ सांगलीत पावसाची दमदार हजेरीशहरासह दुष्काळी जत, आटपाडीत पाणीच पाणी

August 16, 2017, 10:37 am

≫ Next: ​ कराडच्या नगराध्यक्षांचीध्वजवंदनाकडे पाठ

≪ Previous: ​ राष्ट्रध्वजाचा शिराळ्यात अवमान

$

0

0

म. टा. वृत्तसेवा, सांगली
दीड-दोन महिन्यांपासून दडी मारलेल्या पावसाने मंगळवार आणि बुधवारी सांगलीत दमदार हजेरी लावली. बुधवारी मघा नक्षत्राच्या पहिल्याच दिवशी सांगली आणि परिसराला दोनवेळा पावसाने झोडपून काढले. काहीकाळ उन्हाचा चटका आणि काहीकाळ पावसाच्या सरीचा दणका बसत आहे. मंगळवारी जिल्ह्यातील आटपाडी आणि कवठेमहांकाळ तालुक्यात दमदार पाऊस झाला. बुधवारी दुसऱ्या दिवशीही पावसाने घाटमाथ्याच्या परिसरात हजेरी लावली. या पावसाने वाया जात असलेला खरीप हंगाम वाचणार नाही. परंतु, काही ठिकाणी तग धरुन असलेले खरिपाचे पीक जनावरांना चारा म्हणून तरी हाताला लागेल, अशी स्थिती आहे.
खरिपाच्या पेरण्या करून मान्सूनच्या सरींची वाट पहाणाऱ्या बळीराजाच्या पदरी घोर निराशाच पडत असल्याचे सध्याचे चित्र असताना पुन्हा पावसाने हजेरी लावायला सुरूवात केली आहे. खरीप पिकाखालील क्षेत्रावर ९३ टक्के पेरण्या झाल्या आहेत. जिल्ह्याच्या शिराळा, वाळवा, पलूस आणि मिरज तालुक्याच्या पश्चिम भागात पिके अद्याप तग धरून आहेत. परंतु, गेल्या दोन दिवसांत या भागात दखलपात्र पाऊस झालेला नाही. तासगाव, खानापूर, आटपाडी, कवठेमहांकाळ, जत या तालुक्यात पिण्याच्या पाण्याचीही वाणवा निर्माण झाली होती. या पार्श्वभूमीवर या पावसाने काहीसा दिलासा मिळण्याची शक्यता निर्माण झाला आहे.
सांगली आणि नजीकच्या काही भागातील सर्वांचीच बुधवारी पावसाने दैना उडवून दिली. यंदाच्या पावसाळ्यातील सर्वात मोठा पाऊस, असे वर्णन काहींनी केले. गणेशोत्सवाची तयारी, गणेशमूर्ती विक्रीचे, सजावट साहित्याचे स्टॉल मांडून बसलेल्या व्यावसायिकांची, भाजी विक्रेत्यांची पावसांने तारांबळ उडविली. सकाळच्या टप्प्यात झालेल्या पावसाचे पाणी रस्त्यावरुन हटले नसताना दुपारी साडेतीन वाजण्याच्या सुमारास जोरदार वाऱ्यासह तासभर पाऊस कोसळत राहिला. काही ठिकाणी झाडे उन्मळून पडली. उन्मळून पडलेल्या झाडांखाली दुचाकीचा चुराडा झाल्याचे चित्रही समोर आले. मारुती चौक, शिवाजी मंडई, राजवाडा चौक, झुलेलाल चौक, जयमातृभूमी व्यायाम मंडळ, छत्रपती शिवाजी स्टेडीयम आदीसह शहरातील बहुतांश सखल परिसरात पाणीच पाणी झाले होते. पहावे तिकडे पाणीच पाणी आणि वरून टपोऱ्या थेंबाच्या पावसाचा मारा सुरू राहिल्याने विक्रीसाठी आणलेल्या गणेशमुर्ती सुरक्षित ठिकाणी हलवताना विक्रेत्यांची पूरती दमछाक झाली. अनेक ठिकाणी स्टॉलमध्ये पाणी उभा राहिले होते. भाजी मंडला विस्तीर्ण, अशा तलावाचे रुप आले होते. या पाण्यातून मार्ग काढताना वाहन धारकांची त्रेधातिरपिट उडाली. पावसाने सांगलीकरांची दैना उडवून दिली असली शहरा नजीकच्या कवलापूर, मिरज या भागात मात्र पाऊस झाला नसल्याचे सांगण्यात आले.
जत, आटपाडीत चांगला पाऊस
मंगळवारी खानापूर-विटा-१०.८, आटपाडी २०.३, कवठेमहांकाळ १७.६, जत ६.६, तासगाव ६.३ मिलीमीटर इतका पाऊस नोंदला गेला आहे. सरसकट सर्वच भागात पाऊस झाला, असे नाही, परंतु जिथे झाला आहे, तिथे दमदार आणि शेतामळ्यातून पाणी वाहून जाणारा पाऊस झाला आहे. उन्हाळी पावसाप्रमाणे सर कोसळून जाते आणि नंतर उन पडते, हवामान खात्यानेही मध्य महाराष्ट्रात अतिवृष्टीचा इशारा दिला आहे.

मोबाइल अॅप डाउनलोड करा आणि राहा अपडेट

---

​ कराडच्या नगराध्यक्षांचीध्वजवंदनाकडे पाठ

August 16, 2017, 10:39 am

≫ Next: ​ झाडे लावणे फार्स ठरू नयेवसुंधरा महोत्सवाच्या उद्घाटन प्रसगी मकरंद अनासपुरेंचे मत

≪ Previous: ​ सांगलीत पावसाची दमदार हजेरीशहरासह दुष्काळी जत, आटपाडीत पाणीच पाणी

$

0

0

म. टा. वृत्तसेवा, कराड
जनतेतून थेट नगराध्यक्षापदावर विराजमान झालेल्या कराड नगरपरिषदेच्या विद्यमान नगराध्यक्षा रोहिणी शिंदे मंगळवारी ध्वजवंदानाच्या कार्यक्रमास अनुपस्थित होत्या. त्या नगराध्यक्षा झाल्यानंतर नगरपरिषदेत पहिलाच स्वतंत्रदिन होता. मात्र, त्यांनी ध्वजवंदनाच्या कार्यक्रमाकडे पाठ फिरविली. या बाबत ‘मटा’शी बोलताना शिंदे यांना योग्य खुलासा करता आला नाही.
कराडच्या प्रथम नागरीक असलेल्या नगराध्यक्षा रोहिणी शिंदेंनी शहरवासीयांच्या वतीने मंगळवारी पालिकेत ध्वजवंदन करणे अपेक्षित असताना नगराध्यक्षांनी पालिकेतील ध्वजवंदनाला न जाता, साताऱ्यातील मुख्य कार्यक्रमाला हजर राहणे पसंत केले. ध्वजवंदन संबंधित ठिकाणच्या जनतेच्या मुख्य प्रतिनिधींच्या हस्ते होत असते. नगराध्यक्षा शहरातील प्रथम नागरीक असतानाही त्यांनी या मुख्य कार्यक्रमाला हजर न राहता सातारला जाणे पसंत केल्याने येथील उपनगराध्यक्ष जयवंत पाटील यांच्या हस्ते ध्वजवंदन झाले.
नगराध्यक्षांचा खुलासा असमाधानकारक
या बाबत बोलताना नगराध्यक्षा रोहिणी शिंदे म्हणाल्या, ‘मी सातारा येथे पालकमंत्र्यांच्या हस्ते झालेल्या ध्वजवंदन कार्यक्रमाला गेले होते. त्यामुळे मला कराडमधील ध्वजवंदन करता आले नाही.’ मात्र, शहरातील ध्वजवंदन महत्वाचे असताना साताऱ्याला जाण्याचे प्रयोजन काय यावर त्यांनी अधिक बोलण्यास नकार दिला.

मोबाइल अॅप डाउनलोड करा आणि राहा अपडेट

​ झाडे लावणे फार्स ठरू नयेवसुंधरा महोत्सवाच्या उद्घाटन प्रसगी मकरंद अनासपुरेंचे मत

August 16, 2017, 10:46 am

≫ Next: भाजपप्रवेशाच्या केवळ अफवाच

≪ Previous: ​ कराडच्या नगराध्यक्षांचीध्वजवंदनाकडे पाठ

$

0

0

म. टा. वृत्तसेवा, सोलापूर
झाड लावणे नुसते फार्स ठरू नये, अन्यथा भविष्यात ऑक्सिजनच्या मोठ्या टाक्यांची गरज भासेल. निसर्ग बोलतो आहे लक्ष द्या, अन्यथा परिस्थिती बदलेल, असे मत नाम फाउंडेशनचे मकरंद अनासपुरे यांनी व्यक्त केले. नवव्या वसुधंरा महोत्सवाला बुधवारपासून प्रारंभ झाला. महोत्सवाचे उद्घाटन नाम फाउंडेशनचे प्रमुख प्रसिद्ध अभिनेते नाना पाटेकर आणि मकरंद अनासपुरे यांच्या हस्ते सोलापूर विद्यापीठात झाले.
अनासपुरे म्हणाले, ‘आज आपण ज्या अवस्थेत आहोत, ती अवस्था भयानक आहे. आपण नेमका कशाचा विकास करीत आहोत, याचा आपणच विचार करायला हवा. जमिनीप्रमाणे माणसाच्या डोळ्यातील पाणीसुद्धा आटत आहे.’
किर्लोस्कर आणि वसुंधरा क्लबच्या पुढाकाराने होणारा हा महोत्सव सोलापूर विद्यापीठ डब्ल्यू आयटी इंजिनिअरिंग, व्ही. व्ही. पी. इंजिनिअरिंग आणि संगमेश्‍वर कॉलेज यांच्या सहयोगाने होत आहे. या वेळी सोलापूर विद्यापीठाचे कुलगुरू डॉ. एन. एन. मालदार यांच्या हस्ते मकरंद अनासपुरे यांना विद्यापीठाच्या सिनेटवर घेण्यासंदर्भातील नामनिर्देशन भरून घेऊन त्यावर स्वाक्षरी घेण्यात आली. राज्यपालांकडे हे नामनिर्देशन सादर करण्यात येणार आहे.
या वेळी महापौर शोभा बनशेट्टी यांच्यासह मान्यवर उपस्थित होते.
१७ रोजी हत्तरसंग कुडल येथे वसुंधरा मित्र पुरस्काराचे वितरण होणार आहे. याच दिवशी सायंकाळी फडकुले सभागृहात नदी वाहते, या चित्रपटाचे प्रदर्शन होणार आहे. १८ ऑगस्टमध्ये संगमेश्‍वर कॉलेजमध्ये प्रश्‍नमंजुषा कार्यक्रम, १९ रोजी विविध महाविद्यालयात पथनाट्य स्पर्धा होणार आहेत. डब्ल्यूआयटीमध्ये जिल्ह्यातील साखर कारखान्यांद्वारे पर्यावरण पूरक कारखाना याचे सादरीकरण होणार आहे.

मोबाइल अॅप डाउनलोड करा आणि राहा अपडेट

भाजपप्रवेशाच्या केवळ अफवाच

August 16, 2017, 2:30 pm

≫ Next: डंपरच्या धडकेत दुचाकीस्वार ठार

≪ Previous: ​ झाडे लावणे फार्स ठरू नयेवसुंधरा महोत्सवाच्या उद्घाटन प्रसगी मकरंद अनासपुरेंचे मत

$

0

0

शाहूवाडी

‘ मी भारतीय जनता पक्षात प्रवेश केल्याच्या निव्वळ अफवा पसरविल्या जात आहेत. उभ्या आयुष्यात शेतकऱ्यांचे आंदोलन मोडून काढण्याचे पातक माझ्या हातून घडले नाही आणि घडणारही नाही. मी ही शेतकरी प्रश्नांना वाचा फोडण्यासाठी पदयात्रा काढल्या, परंतु माझ्या पायांना कधीही फोड आले नाहीत. कारण जन्मापासूनच रानवाटा मळलेले माझे पाय मजबूत झाले आहेत. हितशत्रूंनी कितीही चक्रव्यूहात अडकवून ठेवण्याचा प्रयत्न केला तरी रांगड्या मातीत तयार झालेल्या आणि आजपर्यंत जीवनात लढण्याशिवाय काहीच न पाहिलेल्या माझ्यासारख्याला हे चक्रव्यूह कधी आणि कसे भेदायचे याची जाण आहे,’ असा घणाघात कृषी राज्यमंत्री सदाभाऊ खोत यांनी खासदार राजू शेट्टी यांचे नाव न घेता केला.

स्वाभिमानी शेतकरी संघटनेतून हकालपट्टी झाल्यानंतर व कृषी राज्यमंत्री म्हणून प्रथमच शाहूवाडी तालुक्याच्या दौऱ्यावर आलेल्या खोत यांनी आढावा बैठकीनंतर मलकापूर (ता.शाहूवाडी) येथे पत्रकारांशी वार्तालापात खासदार शेट्टींचा खरपूस समाचार घेतला. यावेळी दर पंधरवड्यातून हातकणंगले लोकसभा मतदारसंघातील गावांना भेटी देऊन शेतकऱ्यांच्या आंतरमनातील भाव जाणून घेणार असल्याचे सांगून त्यानंतर नविन संघटनेच्या स्थापनेचे संकेतही खोत यांनी दिले.

दोन दिवसांपूर्वी केलेल्या घोषणेप्रमाणे बुधवारी शाहूवाडी तालुक्याच्या दौऱ्यावर आलेल्या सदाभाऊ खोत यांचे जिल्हा परिषद सदस्य विजय बोरगे, कृष्णात लोहार, गोरक्ष पाटील यांनी स्वागत केले. शाहूवाडीतील विविध खाते प्रमुखांच्या उपस्थितीत झालेली आढावा बैठक आटोपून खोत निवडक कार्यकर्त्यांसह दुपारी चारच्या सुमारास मलकापूर नगरपरिषदेत दाखल झाले. येथे नगराध्यक्ष अमोल केसरकर यांच्या हस्ते त्यांचा सत्कार करण्यात आला. यावेळी प्रलंबित असणारी शहराची थेट पालेश्वर पाणी योजना, अखर्चित १.४० कोटी निधीस मुदतवाढीच्या मागणीची दखल घेत खोत यांनी थेट नगरविकास मंत्रालयाशी दूरध्वनीवरून संपर्क साधला व संबंधित विषयांवर चर्चेतून तोडगा काढण्यासाठी मंगळवारी (ता. २२) मंत्रालयात मंत्री महोदयांसोबत बैठक घेण्याचे आश्वासनही त्यांनी दिले. ड्रेनेजसह शहराशी संबंधित विकासकामांचा पालिका प्रशासनाने पाठपुरावा केल्यास इस्लामपूर पालिकेच्या धर्तीवर येथे लागणाऱ्या निधीसाठी भरीव मदत केली जाईल असे ठोस आश्वासनही त्यांनी दिले. यावेळी सागर खोत, जिल्हा परिषद बांधकाम सभापती सर्जेराव पाटील-पेरीडकर, प्रवीण प्रभावळकर, ए. के. पाटील, गणेश शेवाळे आदींसह कार्यकर्ते उपस्थित होते.

मोबाइल अॅप डाउनलोड करा आणि राहा अपडेट

डंपरच्या धडकेत दुचाकीस्वार ठार

August 16, 2017, 2:30 pm

≫ Next: कोल्हापूरसाठी प्राधिकरण

≪ Previous: भाजपप्रवेशाच्या केवळ अफवाच

$

0

0

म. टा. प्रतिनिधी, कोल्हापूर

खडीची वाहतूक करणाऱ्या धरधाव डंपरने समोरून धडक दिल्याने दुचाकीवरील तरुणाचा मृत्यू झाला. प्रतीक रमेश चव्हाण (वय २६, मूळ रा. रहिमतपूर, जि. सातारा, सध्या रा. पुणे) असे मृत तरुणाचे नाव असून, बुधवारी (ता. १६) दुपारी कोल्हापूर-गगनबावडा मार्गावर कोपार्डे फाटा येथे अपघात झाला. सीपीआरमध्ये डॉक्टरांनी उपचारात हयगय केल्याचा आरोप करीत नातेवाईक संतप्त झाल्याने तणाव निर्माण झाला होता.

प्रतीक चव्हाण हा पुण्यात बीएस्सीच्या तृतीय वर्षाचे शिक्षण घेत होता. गेल्यावर्षी तो सिंधुदुर्गमध्ये शिक्षण घेत होता. पुण्यात प्रवेश घेतल्याने काही कागदपत्रे मिळवण्यासाठी तो मंगळवारी (ता. १५) दुचाकीवरून सिंधुदुर्गला गेला होता. बुधवारी तो कोल्हापूरमार्गे पुण्याला निघाला होता. दुपारी साडेबाराच्या सुमारास गगनबावडा-कोल्हापूर मार्गावरील कोपार्डे फाटा येथे आल्यानंतर समोरून आलेल्या भरधाव डंपरने प्रतीकच्या दुचाकीला जोरदार धडक दिली. त्याच्या डोक्याला आणि चेहऱ्यावर गंभीर इजा झाल्याने अतिरक्तस्त्रावाने तो बेशुद्ध पडला. अमर पांडुरंग पाटील यांनी १०८ रुग्णवाहिकेतून प्रतीकला उपचारासाठी सीपीआरमध्ये दाखल केले. मात्र प्रतीकचा मृत्यू झाल्याचे डॉक्टरांनी स्पष्ट केले.

अपघाताची माहिती मिळताच कोल्हापुरात राहणारे प्रतीकचे मामा सीपीआरमध्ये पोहोचले. प्रतीकला उपचारासाठी पाठवणारे अमर पाटीलही सीपीआरमध्ये आले. डॉक्टरांनी उपचारास हालगर्जीपणा केल्याचा आरोप करीत त्यांनी डॉक्टरांना धारेवर धरले. प्रतीकचे वडील दापोलीत प्राध्यापक आहेत. शिक्षणासाठी तो आईसह पुण्यात राहत होता.

मोबाइल अॅप डाउनलोड करा आणि राहा अपडेट

कोल्हापूरसाठी प्राधिकरण

August 16, 2017, 2:30 pm

≫ Next: ‘स्मार्ट सिटी’साठी सज्जता

≪ Previous: डंपरच्या धडकेत दुचाकीस्वार ठार

$

0

0

म. टा. प्रतिनिधी, कोल्हापूर

कोल्हापूरसह आसपासच्या ४२ गावांच्या सुनियोजित विकासासाठी कोल्हापूर नागरी क्षेत्र विकास प्राधिकरणाची स्थापना करण्यात आली आहे. नगर विकास विभागाचे अवर सचिव रा. म. पवार यांनी बुधवारी प्राधिकरणची अधिसूचना जाहीर केली. प्राधिकरणला मूर्त रुप आल्याने शहर आणि ग्रामीण विकासासाठी समान अजेंड्याची अंमलबजावणी करता येणार आहे. प्राधिकरणात गोकुळ शिरगाव आणि शिरोली एमआयडीसी समावेश केलेला नाही. या दोन्ही औद्योगिक वसाहतींसह कागल, वडगाव नगरपालिकांचाही प्राधिकरणात समावेश करण्याची मागणी महापालिकेने केली होती. मात्र या दोन्ही पालिकाही वगळल्या आहेत.

प्राधिकरणाच्या घोषणेने शहराच्या हद्दवाढीसाठी चाळीस वर्षांपासूनच्या संघर्षाला यश मिळाल्याच्या प्रतिक्रिया उमटल्या आहेत. प्राधिकरणामुळे हद्दवाढीच्या दिशेने पाऊल, अशा शब्दांत सरकारच्या निर्णयाचे स्वागत झाले. पालकमंत्री चंद्रकांत पाटील यांच्या अध्यक्षतेखाली बाराजणांच्या समितीच्या समावेशाने प्राधिकरण अस्तित्वात येईल. सीईओ दर्जाचा स्वतंत्र अधिकाऱ्याची नेमणूक होणार आहे. नाशिक, नागपूर प्राधिकरणच्या धर्तीवरच कोल्हापूर प्राधिकरण कार्यान्वित असणार आहे.

कोल्हापूरकर गेली चाळीस वर्षे हद्दवाढीसाठी आंदोलन करत होते. गेल्यावर्षी हद्दवाढ विरोधक आणि समर्थक आमनेसामने आल्याने याप्रश्नी तोडगा काढण्यासाठी पालकमंत्री चंद्रकांत पाटील यांनी पुढाकार घेत मुख्यमंत्री देवेंद्र फडणीस यांची भेट घडवून आणली. मुख्यमंत्र्याच्या अध्यक्षतेखाली ३० ऑगस्ट २०१६ रोजी झालेल्या बैठकीत तोडगा न निघाल्याने प्राधिकरणाचा पर्याय मांडला होता. अखेर वर्षभरानंतर प्रा​धिकरण अस्तित्वात आले.

००००००००००००

कोल्हापूर शहराचे सध्याचे क्षेत्रफळ ६६.८२ चौरस किलोमीटर

४० गावांच्या समावेशानंतर प्राधिकरणचे क्षेत्रफळ ३४५ चौरस किलोमीटर

कोल्हापूरची लोकसंख्या (२०११ नुसार) ५,४९,२३६

प्राधिकरण क्षेत्राची लोकसंख्या सुमारे ९,२०,०००

………………….

प्राधिकरणातील गावे

करवीर तालुका : शिंगणापूर, हणमंतवाडी, नागदेववाडी, चिखली, आंबेवाडी, रजपूतवाडी, वडणगे, शिये, वळीवडे गांधीनगर, चिंचवाड, मुडशिंगी, नवे वाडदेसह, सरनोबतवाडी, तामगाव, नेर्ली, गोकुळ शिरगाव, कणेरी, कंदलगाव, पाचगाव, भुये, निगवे दुमाला, भुयेवाडी, कणेरीवाडी, मोरेवाडी, सादळे, मादळे, जठारवाडी, पाडळी खुर्द, वाडीपीर, वाशी, नंदवाळ, गिरगांव, कोगील खुर्द, कसबा करवीर, उजळाईवाडी, नवे बालिंगे, कळंबा, उचगाव.

हातकणंगले तालुका : टोप, कासारवाडी, संभापूर, नागाव, शिरोली

………..

‘मटा’चे सर्वप्रथम वृत्त

हद्दवाढीऐवजी प्राधिकरणच होणार असल्याचे वृत्त सर्वप्रथम ‘मटा’ने ३० ऑगस्ट २०१६ रोजी दिले होते. त्यानंतर मुख्यमंत्र्यांनी तातडीने याची घोषणा करण्याची ग्वाही दिली. ते वृत्त अखेर खरे ठरले. या विषयाचा पाठपुरावा ‘मटा’ने सातत्याने केला होता.

००००००

प्राधिकरण जिल्हाधिकारी कार्यालयात

प्राधिकरणचे कामकाज, जिल्हाधिकारी कार्यालयात सुरु होणार आहे. जिल्हाधिकाऱ्यांनी प्राधिकरणचे कार्यालय स्थापन होऊन त्याचे कामकाज सुरळीतपणे सुरु होईल या पध्दतीने कार्यवाही करण्याच्या सूचना नगर विकास विभागाने दिल्या आहेत.

बारा सदस्यांची स​मिती

पालकमंत्र्यांच्या अध्यक्षतेखालील समितीत बारा सदस्य असतील. त्यात जि. प. अध्यक्ष, महापौर, करवीर पं. स. सभापती, हातकणंगले सभापती, आयुक्त,जिल्हाधिकारी, सीईओ, जीवन प्राधिकरणचे मुख्य अभियंता (पुणे) अथवा त्यांनी नियुक्त अधीक्षक अभियंता दर्जाचा अधिकारी, जमाबंदी आयुक्त तथा संचालक भूमि अभिलेख असे पदसिद्ध सदस्य आहेत. अध्यक्षांना समिती सदस्यांतील एकाला उपाध्यक्षपदी नेमण्याचा अधिकार आहे.

=====

प्राधिकरणाच्या माध्यमातून नियोजनबद्ध, शाश्वत विकास करता येणार आहे. गावांचा विकास शहरासारखाच करणे शक्‍य होणार असून, प्राधिकरणासाठी सरकार स्वतंत्रत निधी देऊ शकते. ग्रामीण भागातील लोकप्रतिनिधींचे हक्क अबाधित राहून शाश्वत विकास साधता येईल. शहर आणि लगतच्या ग्रामीण भागालाही विकासाची मोठी संधी मिळणार असून ‘मिनी शहर’ म्हणून लगतच्या गावांचा विकास होणार आहे.

चंद्रकांत पाटील, पालकमंत्री

मोबाइल अॅप डाउनलोड करा आणि राहा अपडेट