समरजितसिंह घाटगे विधानसभा लढणार

April 17, 2017, 2:30 pm

≫ Next: मुलींच्या जन्मदरातील घट चिंताजनक

≪ Previous: सात पोलीस निलंबित

$

0

0

म.टा. प्रतिनिधी, कोल्हापूर

कागल विधानसभा मतदार संघात २०१९ मध्ये भारतीय जनता पक्षाचा उमेदवार म्हणून रिंगणात उतरणार असल्याचे म्हाडाचे अध्यक्ष समरजितसिंह घाटगे यांनी महाराष्ट्र टाइम्सशी बोलताना स्पष्ट केले. पुणे गृहनिर्माण व क्षेत्र विकास मंडळाच्या (म्हाडा) अध्यक्षपदी निवड झाल्यानंतर त्यांनी सोमवारी महाराष्ट्र टाइम्सच्या कार्यालयाला सदिच्छा भेट दिली. यावेळी कागलच्या राजकारणात भाजप पूर्ण ताकदीने उतरणार असून जिल्ह्यात भाजपच्या विस्तारासाठी प्रयत्न करणार असल्याचे त्यांनी सांगितले.

भारतीय जनता पक्षात प्रवेश केल्यानंतर नगरपालिका, जिल्हा परिषद व पंचायत समितीची निवड पक्षाच्या चिन्हावर लढली होती याकडे त्यांनी लक्ष वेधले. या निवडणुकीत बरेच काही शिकायला मिळाले असल्याची त्यांनी कबुली दिली. ते म्हणाले, ‘कागल नगरपालिकेत भाजपने चांगलीच मुसंडी मारली आहे. जिल्हा परिषद व पंचायत समितीच्या निवडणुकीत भाजपला यश मिळाले नसले तरी आमच्या पक्षाची ताकद चार हजार मतांवरून ४० हजारांपर्यंत पोचली आहे. कागल व गडहिंग्लजमध्ये युवक सकारात्मक राजकारणासाठी भाजपला पाठिंबा देत असल्याने २०१९ च्या निवडणुकीत भाजपकडून माझी उमेदवारी असेल’

लाल दिवा विकासासाठी

भाजपने स्वर्गीय विक्रमसिंह घाटगे गटाला सन्मानाची वागणूक दिली आहे. मुख्यमंत्री देवेंद्र फडणवीस व पालकमंत्री चंद्रकांत पाटील यांनी म्हाडाच्या अध्यक्षपदाची संधी दिली आहे. त्यामुळे कागल तालुक्याला लाल दिवा मिळाला आहे. या लाल दिव्याकडे जनतेची बांधिलकी या नजरेतून पहात असल्याचे त्यांनी सांगितले.



ग्रामीण भागात घरबांधणीला प्राधान्य

ग्रामीण भागात म्हाडाच्यावतीने घरबांधणीकडे जास्त लक्ष देणार आहे. पुणे जिल्ह्यात म्हाडाचे काम अतिशय चांगले सुरु असून अन्य जिल्ह्यात भेट देऊन कामाचा आढावा घेणार असल्याचे सांगून घाटगे म्हणाले, ‘म्हाडाकडे ज​मीन कमी असून घरबांधणीसाठी सरकारी जमीन म्हाडाकडे वर्ग करण्यासाठी प्रयत्न राहील. कोल्हापूर जिल्ह्यात उजळाईवाडी (ता. करवीर) येथे ४६ घरांचे काम पूर्ण झाले आहे. पुढील तीन वर्षांत कागल व म्हसवड येथे म्हाडाचे प्रकल्प राबवण्यात येतील. म्हाडाकडे तांत्रिक अधिकारी व कर्मचारी कमी असल्याने ते वाढवण्यासाठी दृष्टीने पावले उचलण्यात येतील. म्हाडाचे राज्यातील बजेट पाचशे कोटी असून त्यामध्ये वाढ करून ७०० करण्यात आले आहे. कोल्हापुरात म्हाडाचे प्रकल्प राबवण्यासाठी कमी जागा असल्याने सरकारी ज​मीन मिळवण्यासाठी प्रयत्न करणार करू.’

मोबाइल अॅप डाउनलोड करा आणि राहा अपडेट

---

मुलींच्या जन्मदरातील घट चिंताजनक

April 17, 2017, 2:30 pm

≫ Next: संशयितांची शोधमोहीम

≪ Previous: समरजितसिंह घाटगे विधानसभा लढणार

$

0

0

Gurubal.Mali @timesgroup.com
Tweet :@gurubalmaliMT

कोल्हापूर : आर्थिकदृष्ट्या सधन आणि शिक्षणातही आघाडीवर असलेला पश्चिम महाराष्ट्र मुलींच्या जन्मदरात गेल्या चार वर्षांच्या तुलनेत मागे पडला आहे. ‘बेटी बचाओ’ चळवळीअंतर्गत अनेक उपक्रम राबवून कौतुकाची थाप मारून घेणारा कोल्हापूर जिल्हादेखील यात मागेच राहिल्याने ‘पालथ्या घड्यावर पाणी’ अशीच स्थिती चळवळीची झाली आहे. कोकण विभागात रत्नागिरीने लेकींच्या जन्मदरात बाजी मारली असली, तरी सिंधुदूर्ग जिल्ह्यातील स्थिती मात्र चिंताजनक आहे. म्हैसाळला उघडकीस आलेल्या स्त्री भ्रूण हत्या प्रकरणाने राज्यभर बदनाम झालेल्या सांगली जिल्ह्यात मात्र लेकींचा जन्मदर वाढला आहे

आरोग्य विभागाने गेल्या चार वर्षांतील राज्यभरातील मुलींच्या जन्मदराचा तुलनात्मक अहवाल तयार करण्यात आला आहे. या अहवालानुसार मुलींचा जन्मदर घटल्याचे उघड झाले आहे. राज्य आणि केंद्र सरकारबरोबरच अनेक सामजिक संस्थांच्यावतीने राज्यात सतत मुलींच्या जन्मदर वाढीबाबत प्रयत्न सुरू आहेत. तरीही प्रत्यक्षात जन्मदर वाढीत अपयश आल्याचे समोर आले आहे. अद्यापही मुली आणि मुले असा भेदभाव करत, स्त्री भ्रूण हत्या केली जात असल्यानेच मुलींचे प्रमाण कमी होत आहे.

महाराष्ट्राचा विचार करता २०१५ साली असलेला दर हजारी मुलामागे असलेला ९०७ हा मुलींचा जन्मदर गेल्यावर्षी (सन २०१६) ८९९ पर्यंत कमी झाला आहे. पश्चिम महाराष्ट्रातील कोल्हापूर, सोलापूर, सातारा आणि पुणे जिल्ह्यातदेखील मुलींचा जन्मदर घटला आहे. कोल्हापुरात चार वर्षांपूर्वी मुलांची हजार मुलांमागे जन्मदर ८९२ होता, तो आता ८७२ पर्यंत घसरला आहे.

कोल्हापूर जिल्हा परिषदेच्या आकडेवारीनुसार, मुलींचा जन्मदर वाढल्याचे दिसत असले तरी शहर व जिल्हा याचा एकत्रित विचार केला तर तो कमी असल्याचेच पुढे आले आहे. सीमाभागात सुरू असलेल्या गर्भलिंग चाचण्यांमुळेच या भागात स्त्री भ्रूणहत्या होण्याचे प्रमाण कमी होण्याऐवजी वाढत आहे. सातारा व सोलापूर हे जिल्हेदेखील मुलींच्या जन्मदरात मागेच आहेत. सलग चार वर्षे सतत सातारा जिल्ह्यात हे प्रमाण कमी होत आहे.

दोन महिन्यांपूर्वी सांगली जिल्ह्यातील म्हैसाळ प्रकरण राज्यभर गाजले. सांगली जिल्ह्याची बदनामी झाली. मात्र, गेल्या चार वर्षात या जिल्ह्यात मुलींच्या जन्मदरात दरवर्षी वाढ होत असल्याचे स्पष्ट होते. ही बाब कौतुकाची आहे. चार वर्षापूर्वी ९०० असलेला हा दर आता ९०६ पर्यंत पोहचला आहे. पश्चिम महाराष्ट्रात हे प्रमाण सर्वात चांगले आहे. दुष्काळी सांगली जिल्ह्यात ही चांगली परिस्थिती असताना सधन कोल्हापूर जिल्हा मात्र मागे पडल्याची चिंताजनक बाब आहे. गेल्या दहा वर्षांपासून जिल्हा प्रशासनाने सायलंट ऑब्झर्व्हर, बेटी बचाओ-बेटी पढाओ, लेक वाचवा अभियानासह अनेक उपक्रम राबवले. त्यामुळे काही तालुक्यांत मुलींचे प्रमाण वाढले असले तरी जिल्ह्याच्या शहरी भागात हे प्रमाण कमीच आहे. आरोग्य विभागाच्या डोळ्यात अंजन घालणारा हा अहवाल असल्याने यापुढे तरी परस्परांवर जबाबदारी न झटकता कारवाई झाली, तरच ही स्थिती सुधारण्याची शक्यता आहे.


मुलींचे जन्मदर कमी होण्यास आरोग्य विभागच कारणीभूत आहे. कुंपणच शेत खात असेल तर विचारायचे कुणाला? अशी स्थिती आहे. छुपे गर्भलिंग निदान, स्त्री भ्रूण हत्या थांबवण्यासाठी ज्या भागात, गावात मुलींच्या जन्माचे प्रमाण कमी आहे, अशा भागात अचानक तपासणी करण्यासह गुन्हे दाखल करण्याची गरज आहे. परिस्थिती आणखी बिघडू नये यासाठी सरकारचे डोळे उघडण्याची गरज आहे.

- अॅड. वर्षा देशपांडे, सदस्या

मोबाइल अॅप डाउनलोड करा आणि राहा अपडेट

संशयितांची शोधमोहीम

April 17, 2017, 2:30 pm

≫ Next: एकेरी मार्गावरही वाहतुकी‌चा बोजवारा

≪ Previous: मुलींच्या जन्मदरातील घट चिंताजनक

$

0

0

म. टा. प्रतिनिधी, कोल्हापूर

वारणानगरातील चोरीचा तपास करताना संगनमताने ९ कोटी १८ लाख रुपयांची लूट करणाऱ्या सात पोलिसांसह त्यांचा मित्र प्रवीण भास्कर सावंत आणि चोरटा मैनुद्दीन मुल्ला या ९ जणांवर कोडोली पोलिस ठाण्यात गुन्हे दाखल झाले आहेत. कारवाईची कुणकुण लागताच सांगलीतील संशयित पोलिसांनी पळ काढला आहे. दोन दिवसांनंतरही संशयित फरार असल्याने, त्यांच्या शोधासाठी पथके रवाना झाली आहेत. कोणत्याही क्षणी संशयितांना अटक होईल. त्यांच्यावर निलंबन किंवा बडतर्फीची कारवाई केली जाईल असे विशेष पोलिस माहनिरीक्षक विश्वास नांगरे-पाटील यांनी स्पष्ट केले.

गुन्हे दाखल करण्याची प्रक्रिया सुरू होताच संशयितांनी सांगलीतून पळ काढला. त्यांचे मोबाइलदेखील स्विचऑफ आहेत. सांगली पोलिसांनी संशयितांच्या अटकेसाठी पथक तयार केले आहे. अटकेच्या प्रक्रियेनंतर निलंबन किंवा बडतर्फीची कारवाई होणार आहे. चोरटा मैनुद्दीनशी संगनमत करून कोट्यवधींच्या रकमेवर डल्ला मारणाऱ्या सांगली पोलिसांचे बिंग फुटल्याने हा प्रकार उघडकीस आला. सध्या तरी यात सांगलीतील तीन पोलिस अधिकाऱ्यांसह एकूण सात पोलिसांचा सहभाग निष्पन्न झाला आहे.

तपास अहवाल वरिष्ठांकडे

पोलिसांनीच तपासादरम्यान कोट्यवधींची रक्कम लुटल्याने अधिकाऱ्यांनी तपासात कमालीची गोपनीयता बाळगली होती. सहा महिन्यांच्या तपासानंतर तयार झालेला अहवाल तपास अधिकाऱ्यांनी आयजींकडे सोपवला होता. प्रकरणातील गांभीर्य ओळखून नांगरे-पाटील यांनी अहवालाची प्रत अतिरिक्त पोलिस महासंचालकांकडे पाठवली आहे. राज्य सरकारलाही याची माहिती दिल्याचे नांगरे-पाटील यांनी सांगितले.

दरम्यान, पोलिसांनीही मैनुद्दीनची चौकशी केली होती. कोडोली पोलिस ठाण्यातच गुन्हा दाखल आहे, त्याचबरोबर एलसीबीकडेही मैनुद्दीनचा ताबा होता. त्यामुळे चोरीच्या पैशात आणखी काही वाटेकरी असल्याचा संशय शिवसेनेने व्यक्त केला आहे.

फिर्यादीला दाखवले आमिष

तपासाच्या पद्धतीवर संशय आल्याने फिर्यादी झुंजार सरनोबत यांनी सहा महिन्यांपूर्वी आयजी नांगरे-पाटील यांच्याकडे तक्रार केली होती. ही तक्रार मागे घ्यावी यासाठी सांगली एलसीबीचे पोलिस निरीक्षक विश्वनाथ घनवट यांनी फिर्यादीला रोख रकमेसह चोरीच्य पैशातून खरेदी केलेली प्रॉपर्टी देण्याचे आमिष दाखवले होते. यात १८ लाख रुपये रोख रकमेसह ३४ लाखांच्या प्रॉपर्टीचाही समावेश आहे. बँक खाते आणि संबंधित प्रॉपर्टी सील केल्याचे आयजी नांगरे-पाटील यांनी सांगितले.

ईडीकडे तपास देण्याची
शिवसेनेची मागणी

वारणा लूट प्रकरणाटी सखोल चौकशी करण्याचे निवेदन शिवसेनेने सोमवारी आयजी नांगरे-पाटील यांना दिले. निवेदनात म्हंटले आहे, ‘सांगली पोलिसांनी केलेल्या ९ कोटी अपहार प्रकरणातील फिर्यादी झुंजार सरनोबत यांच्याकडे इतकी रक्कम आली कोठून याचा गुंता सुटत नाही. या प्रकरणात तत्कालीन कोल्हापूर पोलिस अधीक्षक व विशेष पोलिस महानिरीक्षक यांची भूमिकाही संशयास्पद आहे. स्थानिक अधिकाऱ्यांनी चुकीचा तपास केल्याने त्यांच्यावरही कारवाई व्हावी. ज्या शैक्षणिक संकुलात ही रक्कम सापडली त्या संस्थेचीही चौकशी करावी. तपास जलदगतीने व्हावा, यासाठी हे प्रकरण ईडीकडे वर्ग करावा. शिवसेना लवकरच गृहराज्यमंत्री दीपक केसरकर यांची भेट घेवून सखोल चौकशीची मागणी करणार आहे. कोणत्याही बड्या नेत्यांना वाचवण्यासाठी प्रयत्न झाल्यास शिवसेना या प्रकरणी उच्च न्यायालयात जनहीत याचिका दाखल करणार आहे,’ असा इशाराही शिवसेनेने निवेदनातून दिला आहे.

शिष्टमंडळात शिवसेनेचे जिल्हाध्यक्ष संजय पवार, विजय देवणे, शहर प्रमुख शिवाजीराव जाधव, दुर्गेश लिंग्रस, रवि चौगुले, शिवाजीराव पाटील, दत्ता टिपुगडे, हर्षल सुर्वे, विराज पाटील, रिया पाटील, दीपाली शिंदे, कमल पाटील, राजू यादव, संजय जाधव, आदी उपस्थित होते.

मोबाइल अॅप डाउनलोड करा आणि राहा अपडेट

एकेरी मार्गावरही वाहतुकी‌चा बोजवारा

April 17, 2017, 2:30 pm

≫ Next: पोलिसाच्या संपत्तीसह बँक खाते सील

≪ Previous: संशयितांची शोधमोहीम

$

0

0

म. टा. प्रतिनिधी, कोल्हापूर

वाहतुकीची कोंडी कमी करण्यासाठी वाहतूक शाखेने बिंदू चौक ते कॉमर्स कॉलेज (आझाद चौक) आणि देवल क्लब ते आझाद चौक परिसरातील वाहतूक एकेरी केली. मात्र या परिसरात वडाप थांबा झाल्यामुळे या परिसरातील वाहतुकीची कोंडी आजही कायम आहे. चौकात नेहमी असणाऱ्या वाहतूक पोलिसांकडून या वडाप चालकांवर कोणतीच कारवाई होत नसल्यामुळे दिवसेंदिवस या परिसरात वडाप पार्किंगची घुसखोरी वाढत चालली आहे.

बिंदू चौक, आझाद चौक परिसर तसा नेहमीच गजबजलेला, वाहतुकीची कोंडी, रिक्षा थांबा, वडाप थांबा, चुकीचे पार्किंग यामुळे या परिसरात वाहतुकीची कोंडी नित्याचीच आहे. कोंडी कमी करण्यासाठी प्रथम विद्यार्थ्यांच्या वाहनाचे पार्किग कॉलेजच्या पार्किंगमध्ये करण्याचा निर्णय झाला, त्यानंतरही कोंडी कायम असल्यामुळे बिंदू चौक ते आझाद चौक हा मार्ग एकेरी वाहतूक करण्यात आला. मार्ग मोठा झाला पण, कॉलेजच्या भिंतीला लागूनच सहा आसनी वडाप थांबा सुरू झाला. त्यामुळे शाहू मैदानाहून येणाऱ्या बसेस, अंबाबाईचे दर्शन घेऊन येणारे पर्यटक, टू व्हीलर, फोर व्हीलर वाहनचालक, कॉलेजचे विद्यार्थ्यांची वाहतुकीला मोठा अडसर ठरत आहे. चौकातच दोन वाहतूक पोलिस असूनही वडापने केलेले चुकीचे पा‌र्किंग हटविण्याची तसदीदेखील घेतली जात नाही.

तर आझाद चौकात दत्त मंदिरात येणाऱ्या भाविकांनी केलेले चुकीचे पार्किंग आणि त्या परिसरात बसलेले भिकारी, बस थांबा यामुळे बराच वेळ वाहतूक थांबून राहते. कॉलेजच्या परिसरात या धोकादायक वाहतुकीला प्रादेशिक परिवहन कार्यालय व शहर वाहतूक नियंत्रण शाखा अभय देत असल्याने विद्यार्थ्यांची सुरक्षाही धोक्यात आली आहे. या परिसरातील वडाप वाहतूक ही स्टेशन रोड, उचगाव, मुडशिंगी, सुभाषनगर या परिसरात सुरू असते. हा मार्ग एकेरी वाहतूक असतानाही नियम धाब्यावर बसत नो एंन्ट्रीमध्ये सर्रास वाहने घातली जातात, मात्र याकडे वाहतूक पोलिस डोळेझाक करत असल्याचे दिसून येते.

उमा टॉकिज परिसरातही मंदिरासमोर अनेक ठिकाणी वडापचा थांबा आहे. या मार्गावरील मोठी वर्दळ लक्षात घेऊन वाहतूक पोलिसांनी कारवाई करणे आवश्यक आहे, तरच या मार्गावरील वाहतुकीची कोंडी कमी होण्यास मदत होईल.

सुटीच्या काळात आराम बसचा थांबा

सुटीच्या काळात अंबाबाईच्या दर्शनासाठी येणाऱ्या भाविकांची संख्या मोठी असते. त्या काळात बिंदू चौक येथील पार्किंग अपुरे पडत असल्यामुळे अनेक आराम बसेस, फोर व्हीलरचे पार्किंग माधुरी बेकरीपासून कॉमर्स कॉलेजपर्यंत केले जाते. त्यामुळे मार्गावरील एक बाजू पूर्णपणे पार्किंगमुळे भरून गेल्याने वाहतूक कोंडीत भर पडते.

पार्किंगला जागाच नाही

शहरातील वाहनांची संख्या वाढली, पर्यटकांची संख्या वाढली मात्र रस्ते अरुंदच असल्यामुळे आणि पार्किंगची कोणतीच योग्य व्यवस्था नसल्यामुळे अनेक वाहनेही रस्त्याच्या दुतर्फा पार्किंग केलेले दिसून येतात. त्यामुळे याचा ताण वाहतुकीवर पडत असून प्रशासनाने वाढत्या वाहनांची संख्या आणि पर्यटकांची संख्या लक्षात घेता पार्किंगचे नियोजन करणे आवश्यक आहे.

मोबाइल अॅप डाउनलोड करा आणि राहा अपडेट

पोलिसाच्या संपत्तीसह बँक खाते सील

April 17, 2017, 2:30 pm

≫ Next: अख्खी एलसीबीच भ्रष्टाचारात

≪ Previous: एकेरी मार्गावरही वाहतुकी‌चा बोजवारा

$

0

0

म. टा. प्रतिनिधी, कोल्हापूर

वारणानगरात मोहिद्दीन मुल्लाने केलेल्या चोरी प्रकरणाच्या तपासात गोलमाल करून नऊ कोटी १८ लाख रुपये हडप करणाऱ्या सांगलीतील पोलिस अधिकाऱ्यांची संपत्ती सील केली जाणार आहे. फिर्यादी बांधकाम व्यावसायिक झुंजार सरनोबत यांना संशयित पोलिस निरीक्षक विश्वनाथ घनवट याने तक्रार मागे घेण्यासाठी रोख १८ लाखांसह ३४ लाखांचा एक प्रॉपर्टीही देऊ केली होती. सोमवारी (ता. १७) तपास अधिकाऱ्यांनी ही प्रॉपर्टी सील केली. त्याचबरोबर संशयिताचे कोल्हापुरातील एका राष्ट्रीयकृत बँकेतील खातेही सील केले. दरम्यान, याचा तपास सीआयडीकडे वर्ग करण्यात आा आहे. दोषी फरारी पोलिसांना कोणत्याही क्षणी अटक होऊ शकते. त्यांच्यावर निलंबनाची कारवाई होईल, अशी माहिती विशेष पोलिस महानिरीक्षक विश्वास नांगरे-पाटील यांनी दिली.

वारणानगरातील शिक्षक कॉलनीतील बिल्डिंग क्रमांक ५ मधील फ्लॅट क्रमांक तीनमधून मैनुद्दीन मुल्ला याने ८ मार्च २०१६ रोजी रात्री सुमारे तीन कोटी २८ लाखांची चोरी केली होती. सांगली पोलिसांनी चोरट्यास अटक केल्यानंतर तपासादरम्यान सुमारे ९ कोटी १८ लाख रुपयांची रक्कम लंपास केल्याचे उघडकीस आले आहे. फिर्यादी झुंजार सरनोबत यांच्या तक्रारीनुसार कोल्हापुरात अपर पोलिस अधीक्षक सुहेल शर्मा आणि सांगलीतील अपर पोलिस अधीक्षक कृष्णकांत उपाध्याय यांनी केलेल्या संयुक्त चौकशीत ही बाब उघडकीस आली. पोलिस अधिकाऱ्यांनीच चोरीतील रकमेवर डल्ला मारल्याने वरिष्ठांनी याची गंभीर दखल घेतली आहे.

चौकशीत निष्पन्न झालेली माहिती तातडीने पोलिस महासंचालक कार्यालयाकडे पाठविण्यात आली. पोलिस निरीक्षक विश्वनाथ घनवट, सहायक निरीक्षक सूरज चंदनशिवे, शरद कुरळपकर, पोलिस हेड कॉनस्टेबल दीपक पाटील, शंकर पाटील, पोलिस नाईक कुलदीप कांबळे, रवींद्र पाटील या सात पोलिसांसह ज्याच्या बँक खात्यावर चोरीतील रक्कम जमा केली, तो प्र्रवीण भास्कर सावंत (रा. वासूद, जि. सोलापूर) याच्यावरही पोलिसांनी चोरी, ठकबाजी, कट रचण्याचे गुन्हे दाखल केले आहेत. याचा तपास सीआयडीकडे वर्ग करण्याबाबत पोलिस महासंचालकांशी चर्चा केल्याचे विशेष पोलिस महानिरीक्षक विश्वास नांगरे-पाटील यांनी सांगितले.

गेल्या सहा महिन्यांपासून संबंधित पोलिसांची वरिष्ठ अधिकाऱ्यांनी चौकशी केली. पोलिसांचे कॉल डिटेल्स, लोकेशन, बँक खात्यांमधील व्यवहार आदींची माहिती घेतली गेली. पोलिसांनी लुबाडलेली रक्कम वाहन खरेदी, फ्लॅट आणि प्लॉट खरेदीत गुंतवली आहे. काही अधिकाऱ्यांनी बंधकाम व्यवसायात भागीदारीही केल्याचे तपासात पुढे आले. ही संपत्ती सील करण्यात येणार आहे.

संशयितांपैकी प्रवीण सावंत याच्या बँक खात्यावरील १८ लाख रुपये आणि सोलापूर जिल्ह्यातील ३४ लाख रुपयांची प्रॉपर्टी सोमवारी पोलिस अधिकाऱ्यांनी जप्त केली. दरम्यान, फिर्यादी झुंजार सरनोबत यांच्याकडे १४ कोटींची रक्कम कुठून आली? याचा मूळ मालक कोण? हा पैसा बेहिशोबी आहे का? याची चौकशी करण्यासाठी प्राप्तीकर विभागाला कळवण्यात आल्याचे नांगरे-पाटील म्हणाले.

अहवाल प्राप्तीकरकडे पाठवला

पोलिसांनी चोरी आणि तपासातील अफरातफरीची चौकशी करून संशयितांवर गुन्हे दाखल केले. मात्र फिर्यादी झुंजार सरनोबत यांच्याकडे इतकी मोठी रक्कम कुठून आली? त्याचा हिशोब शोधण्यासाठी सोमवारी तपास अधिकारी हर्ष पोद्दार यांनी चौकशी अहवाल प्राप्तीकर विभागाकडे सोपवला. प्राप्तीकरच्या चौकशीतून वारणानगरात सापडलेल्या रकमेचे गूढ उकलण्याची शक्यता आहे.

प्राथमिक चौकशीत सात पोलिसांसह त्यांचा एक साथीदार दोषी आढळला आहे. संशयितांवर गुन्हे दाखल केले आहेत. हा तपास सीआयडीकडे वर्ग केला जात आहे. संशयितांना कोणत्याही क्षणी अटक करून पुढील निलंबनाची किंवा बडतर्फीची कारवाई केली जाईल. कोणाचीही गय केली जाणार नाही.

विश्वास नांगरे- पाटील, विशेष पोलिस महानिरीक्षक

मोबाइल अॅप डाउनलोड करा आणि राहा अपडेट

अख्खी एलसीबीच भ्रष्टाचारात

April 18, 2017, 2:30 pm

≫ Next: राणे सुधारले असतील तर भाजपात घ्यावे!

≪ Previous: पोलिसाच्या संपत्तीसह बँक खाते सील

$

0

0

Uddhav.Godase

@timesgroup.com

Tweet : @Uddhavg_MT

सद्‍रक्षणाय खलनिग्रहनाय असे ब्रीद घेऊन काम करणारे पोलिसच कायदा हातात घेऊन स्वतःच्या सोयीसाठी वापरत आहेत. विशेष म्हणजे चोराशीच संगनमत करून कोट्यवधी रुपयांची रक्कम लाटणारे पोलिस प्रकरण दडपण्यासाठी फिर्यादीलाच मॅनेज करण्याच्या प्रयत्नात होते. पोलिस निरीक्षकासह स्थानिक गुन्हे अन्वेशनची अख्खी शाखाच वारणा लूट प्रकरणात गुंतल्याचे समोर आल्याने सांगली पोलिसांच्या विश्वासार्हतेवर प्रश्नचिन्ह निर्माण झाले आहे. प्रमुख सात संशयितांव्यतिरिक्त आणखी तिघेजण या प्रकरणात रडारवर असल्याने अनेकांचे धाबे दणाणले आहे.

वारणा लूटप्रकरणी नऊ जणांवर गुन्हे दखल होऊन सहा पोलिसांच्या निलंबनाची कारवाई झाली आहे, मात्र या प्रकरणात आणखी तीन पोलिसांचा सहभाग असल्याची चर्चा आहे. हा संशयित सांगलीतील स्थानिक गुन्हे अन्वेषण शाखेत कार्यरत आहेत. एरवी शाखेतील कोणी एकाने गुन्ह्याचा छडा लावला असला तरी पथकातील सर्वांची नावे घालून रिवॉर्डसाठी यादी दिली जाते. प्रसारमाध्यमांना प्रसिद्धी पत्रक देतानाही त्यामध्ये किरकोळ कारवाई असली तरी लांबलचक नामावली देवून त्यांनी उल्लेखनीय कामगिरी बजावल्याची नोंद करण्यास या शाखेतील पोलिस विसरत नाहीत, त्यामुळे कोट्यवधी रुपयांचे घबाड हाती लागल्यानंतर त्याचा वाटा इतरांना देण्यासही ते विसरले नाहीत. आता कारवाई झाली तर यातील वाटाही संबधितांकडे येणार हे ओघानेच आले. या प्रकरणातील आणखी तिघेजण सध्या कारवाईच्या भीतीखाली वावरत आहेत. यातील सहभाग स्पष्ट होताच त्यांच्याही मुसक्या आवळल्या जाण्याची शक्यता आहे.

वरिष्ठांची कार्यपद्धती संशयाच्या भोवऱ्यात

वारणा लुटीने पोलिसांच्या तपासासह वरिष्ठ अधिकाऱ्यांची कार्यपद्धतीदेखील संशयाच्या भोवऱ्यात सापडली आहे. चोरटा मैनुद्दीन मुल्ला याची चौकशी आणि वारणा लुटीच्या तपासात अनेक त्रुटी राहिल्याचे वेळोवेळी वरिष्ठ अधिकाऱ्यांच्या निदर्शनास आणून देण्याचे काम प्रसारमाध्यमांनी केले होते. फिर्यादी झुंजार सरनोबत यांचे मौन, लुटीतील नेमक्या रकमेबाबत अस्पष्टता, मैनुद्दीनने दिलेला खोटा जबाब, त्याच्या मित्राच्या अटकेनंतर लुटीतील आणखी ५० लाखांची रक्कम समोर आल्याने संपूर्ण लुटीबाबत वारंवार शंका उपस्थित केली जात होती. यावर तत्कालीन पोलिस अधीक्षक प्रदीप देशपांडे यांनी सागंली पोलिसांच्या तपासाकडे बोट दाखवत जबाबदारी झटकण्याचा प्रयत्न केला होता. मैनुद्दीन मुल्ला याच्याकडून बुलेट भेट घेणाऱ्या दोन पोलिस कॉन्स्टेबलना सांगलीतील अधिकाऱ्यांनी निलंबित केल्यानंतर वारणा लुटीची फाइल बंदच झाली होती. या प्रकरणावर पडदा पडल्याच्या अविर्भावातच संशयित वावरत होते.

मैनुद्दीनच्या पवित्र्यानंतर तपासाला वेग

चोरटा मैनुद्दीनने पोलिसांच्या विरोधात हायकोर्टात धाव धेतली आणि फिर्यादी सरनोबत यांनी विशेष पोलिस महानिरीक्षक विश्वास नांगरे-पाटील यांच्याकडे तक्रार केल्याने वारणा लुटीचा वरिष्ठ पातळीवर तपास झाला. या तपासात चोरीची घटना बाजुला पडून पोलिसांच्या दरोड्यालाच महत्त्व प्राप्त झाले.

एका संशयिताच्या कबुलीने झाला उलगडा

वारणेतील लुटीबाबत सुरूवातीपासूनच उलटसुलट चर्चा सुरू होती. सांगली पोलिसांच्या तपासाबाबतही अनेक प्रश्न अनुत्तरीत होते. चोरीच्या घटनेला सहा महिने उलटल्यानंतर फिर्यादी झुंजार सरनोबत यांनी तक्रार दिल्याने या प्रकरणाला पुन्हा चालना मिळाली. कोल्हापूरचे अपर पोलिस अधीक्षक सुहेल शर्मा आणि सांगलीचे अपर पोलिस अधीक्षक कृष्णकांत उपाध्याय या दोन्ही आयपीएस अधिकाऱ्यांनी सखोल चौकशी करून सांगली पोलिसांनी घातलेला दरोडा उघडकीस आणला. पोलिसांचा तपासातील बनाव, अफरातफरी आणि लूट उघडकीस आणण्यासाठी अधिकाऱ्यांनी संशयितांची स्वतंत्र चौकशी केली. सीआयडीच्या तपास पद्धतीचा अवलंब करीत गुन्ह्यांच्या अनुषंगाने आवश्यक असलेले पुरावे तपास यंत्रणेने मिळवले. ज्यांनी आपण नामानिराळे असल्याचा भास निर्माण करण्याचा प्रयत्न केला, त्यांच्यासमोर पुरावे ठेवल्यानंतर संशयितांना खाली मान घालून गुन्ह्याची कबुली द्यावी लागली. हा उलगडा होण्यासाठी संशयितांपैकी एका पोलिसाने भीतीपोटी पहिल्या टप्प्यातच तपासात पैसे लाटल्याचे कबूल केले. याशिवाय त्या पोलिसाने सविस्तर घटनाक्रम आणि मोबाइलवरील संभाषणांचीही माहिती अधिकाऱ्यांना दिला. एकाच्या कबुलीने संपर्ण तपास पथकच वरिष्ठांच्या हाती लागले.

मोबाइल अॅप डाउनलोड करा आणि राहा अपडेट

राणे सुधारले असतील तर भाजपात घ्यावे!

April 19, 2017, 6:56 am

≫ Next: परागंदा पोलिसांच्या घरावर नोटिसा

≪ Previous: अख्खी एलसीबीच भ्रष्टाचारात

$

0

0

म. टा. प्रतिनिधी, कोल्हापूर

काँग्रेसचे आमदार नारायण राणे यांचे प्राबल्य कमी झाले आहे, पण मीडियात वाढले आहे, असा टोला गृह राज्यमंत्री दीपक केसरकर यांनी मारला. राणे जर सुधारले असतील तर खात्री करुन भाजपमध्ये घ्यावे असा सल्लाही त्यांनी दिला. गृहराज्यमंत्री केसरकर कोल्हापूर दौऱ्यावर आले होते. सरकारी विश्रामगृहात पत्रकारांशी बोलताना त्यांनी भाजपमध्ये राणे यांच्या प्रवेशाच्या वृत्ताबाबत छेडले असता त्यांनी राणेवर चांगलीच टोलेबाजी केली.

गृहराज्यमंत्री केसरकर म्हणाले, सध्या मीडियात राणे यांच्याविषयी जोरदार चर्चा सुरु आहे. पण राणे यांचे प्राबल्य कमी झाले आहे. कोकणात भाजप-शिवसेनेने चार नगरपालिका जिंकल्या. राणे मालवण नगरपालिका हरले आहेत. त्यांनी एकच नगरपंचायत जिंकली आहे. कोकणात शिवसेना-भाजप एकत्र आले तर राणेंचा उपयोग होत नाही. पण त्यांचा कसा वापर करावा याबद्दल मी कोणालाही सल्ला देणार नाही, असेही त्यांनी स्पष्ट केले.

मुख्यमंत्री देवेंद्र फडणवीस व राणे एका गाडीतून अहमदाबादमध्ये फिरले होते याकडे लक्ष वेधले असता ते म्हणाले, कोकणात माजी तत्वाची लढाई आहे. मी कोणत्याही व्यक्ती विरोधात नाही. राणेंनी स्वतःला सुधारले पाहिजे. ते स्वतः सुधारू शकतात आणि ते सुधारले असतील तर खात्री करुन त्यांना भाजपामध्ये घ्यावे असे मला वाटते असे ते म्हणाले. २५ वर्षांत सिंधुदुर्गमध्ये काम केले अशी राणे जाहीरात करतात पण मी २५ वर्षांत जेवढे काम केले तेवढा निधी मी दोन वर्षात आणला आहे. मी कधीही जाहीरात करत नाही. सर्वसामान्यांना सुखी करणे हे माझे काम आहे. माझ्या भागाचा विकास करणे हे माझे काम आहे. राणेंना हरवणे हे माझे ध्येय नाही. राजकारणात राणेंचे प्राबल्य कमी झाले पण मिडियामध्ये प्राबल्य वाढले आहे. राणे जर सुधारले तर शिवसेना त्यांना घेऊ शकते का असा प्रश्न केला असता शिवसेनेत प्रवेश देण्याचा निर्णय हा शिवसेना कार्यप्रमुख उद्धव ठाकरे घेऊ शकतात असे त्यांनी स्पष्ट केले.

मोबाइल अॅप डाउनलोड करा आणि राहा अपडेट

परागंदा पोलिसांच्या घरावर नोटिसा

April 19, 2017, 2:30 pm

≫ Next: दबावतंत्रासाठी मराठा समाजाची समन्वय समिती

≪ Previous: राणे सुधारले असतील तर भाजपात घ्यावे!

$

0

0

म. टा. वृत्तसेवा, सांगली

सव्वानऊ कोटी रुपयांच्या चोरी प्रकरणी गुन्हा दाखल होताच परागंदा झालेले पोलिस अधिकारी आणि कर्मचारी अद्यापही नॉट रिचेबल आहेत. त्यांच्यावर मंगळवारी निलंबनाची कारवाई झाली असून बुधवारी त्यांना निलंबनाची नोटीस काहींच्या कुलूपबंद घरावर नोटिसा चिटकवण्यात आल्या आहेत. तर काहींच्या नातेवाईकांच्या हाती देण्यात आल्या आहेत. दरम्यान कोल्हापूर पोलिसांची पाच पथके वेगवेगळ्या वाहनांतून सांगली आणि परिसरात बुधवारी दाखल झाली आहेत. पथकातील अधिकारी, कर्मचाऱ्यांनी परागंदा असलेल्या संशयितांचा ठावठिकाणांची माहिती आणि त्यांच्या घरांची झडती घेण्याची कार्यवाही सुरू केली आहे.

चोरीचा गुन्हा दाखल झाल्याचे समजताच दोन अधिकारी आणि कर्मचारी रजेवर गेलेले संबधित परस्परच पसार झाले आहेत. गुन्हा होईपर्यंत्त कर्तव्यावर असलेले अधिकारी, कर्मचारी तत्काळ गायब झाले. ते गैरहजर असल्याचे त्यांच्या वरिष्ठांकडून सांगण्यात आले. कोल्हापूर पोलिसांकडून गुन्हा दाखल झाल्याचा अहवाल येताच मंगळवारी सांगलीचे पोलिस अधीक्षक दत्तात्रय शिंदे यांनी सहाय्यक पोलिस निरीक्षक सूरज चंदनशिवे, सहाय्यक फौजदार शरद कुरळपकर, हवालदार दीपक पाटील, हवालदार शंकर पाटील, पोलिस नाईक रवींद्र पाटील, पोलिस नाईक कुलदीप कांबळे आदींना निलंबित केले.

चोरीप्रकरणी गुन्हा दाखल झाल्याने आपल्याला निलंबित करण्यात येत आहे. निलंबनाच्या कालावधित पोलिस मुख्यालयाच्या संपर्कात राहून राखीव पोलिस निरिक्षक यांच्याकडे हजेरी द्यायची आहे. निलंबनाच्या मुदतीत पोलिस मुख्यालयातील पोलिस उपाधीक्षक यांच्या पूर्वपरवानगीशिवाय मुख्यालय सोडायचे नाही. अशा प्रकारच्या नियमवालींची नोटीस संबधितांना बजावण्यासाठी बुधवारी पोलिस अधीक्षक शिंदे यांनी एक पथक रवाना केले आहे. पथकाने संबधित संश‌िंयतांची घरे गाठली. परंतु सहाय्यक फौजदार शरद कुरळपकर यांच्या शंभरफुटी रस्त्यावरील गणपती मंदिरानजीकच्या फ्लॅटला, हवालदार शंकर पाटील यांच्या वसंतदादा कारखान्यासमोरील बंगल्याला, पोलिस नाईक रवींद्र पाटील यांच्या पोलिस वसाहतीमधील घराला, पोलिस नाईक कुलदीप कांबळे यांच्या वारणालीमधील फ्लॅटला कुलपे असल्याचे समोर आले. त्यामुळे संबधितांच्या घराच्या दारावर निलंबनाच्या कारवाईच्या नोटिसा चिटकविण्यात आल्या. तर हवालदार दीपक पाटील यांच्या कवलापुरातील घरात जावून त्यांच्या वडिलांकडे नोटीस देण्यात आली. सहाय्यक पोलिस निरीक्षक सूरज चंदनशिवे हे सांगलीत भाड्याने रहात असल्याने त्या घराला नोटीस चिटकवता येत नाही. त्यामुळे या पथकाने सांगोला तालुक्यातील वासूद येथे चंदनशिवे यांच्या घरी जावून त्यांच्या वडिलांकडे नोटीस दिली असल्याचे समजले. पोलिस निरीक्षक विश्वनाथ घनवट हे सांगलीतील सिद्धीविनायकपूरममध्ये भाड्याने घेतलेल्या फ्लॅटमध्ये रहात आहेत. पण तेही सध्या गैरहजर असल्याचे सांगण्यात आले.

रात्री उश‌िरापर्यंत तपास

तपासासाठी नेमण्यात आलेली पाच पथके स्वतंत्र वाहनांमधून आली असून त्यांच्यापैकी एक पथक सहाय्यक पोलिस निरीक्षक चंदनशिवे यांचा शोध घेण्यासाठी बुधवारी रात्री उशीरा सांगोला तालुक्यातील वासूदमध्येही दाखल झाल्याचे समजले. पसार असलेल्यांचा शोध घेण्याबरोबरच त्यांच्या घरांची झडती घेण्याची कार्यवाही रात्री उश‌िरापर्यंत सुरू होती. संशय‌ितांची स्थावर मालमत्ता कुठे आहे. चोरीच्या गुन्ह्यानंतर वाट्याला आलेली रक्कम नेमकी कुठे आहे किंवा कशामध्ये गुंतवली आहे, याचीही माहिती घेतली जात आहे. कोणी आपल्याकडची रक्कम बांधकाम व्यवसायात गुंतवली आहे तर कोणी आपल्या गावात टोलेजंग इमारतीचे मजले चढवत असल्याचे समोर येत आहे.

अनेकजण अनभिज्ञ

बेथेलहेमनगरमधील रोकड जप्ती प्रकरणात अधिकारी, कर्मचाऱ्यांनी मोठ्या रकमेवर डल्ला मारल्याच्या संशयावर चौकशी सुरू होताच त्यावेळी पैसे मोजण्यासाठी मदत आणि तपासकामात सक्रीय असलेल्या अनेक कर्मचाऱ्याची तारांबळ उडाली होती. अनेकांना या प्रकरणात आपल्याच सहकाऱ्यांनी इतका मोठा हात मारल्याची माहिती चौकशी सुरू होईपर्यंत समजली नव्हती. चौकशी करणाऱ्या आयपीएस अधिकाऱ्याच्या प्रश्नांना उत्तरे देतांना अनेकांची भंबेरी उडाली. संशय‌ितांपैकी दोघांनीतर संपूर्ण घटनाक्रमच सांगून टाकला असल्याची चर्चा आहे.

मोबाइल अॅप डाउनलोड करा आणि राहा अपडेट

---

दबावतंत्रासाठी मराठा समाजाची समन्वय समिती

April 19, 2017, 2:30 pm

≫ Next: तपासाचा ‘संशय कल्लोळ’

≪ Previous: परागंदा पोलिसांच्या घरावर नोटिसा

$

0

0

म. टा. प्रतिनिधी, कोल्हापूर

मराठा आरक्षण आणि अॅट्रॉसिटी कायद्याच्या गैरवापराबाबत सरकारबरोबर संवाद साधण्यासाठी २५ ते ३० सदस्यांची प्राथमिक राज्यस्तरीय समन्वय समिती स्थापन करण्याचा ठराव बुधवारी सकल मराठा समाजाच्या महागोलमेज परिषदेत घेण्यात आला. मुस्कान लॉन येथे क्षत्रिय मराठा चेंबर ऑफ कॉमर्सच्यावतीने या परिषदेचे आयोजन केले होते. परिषदेतील या ठरावामुळे सरकारला मराठा समाजासोबत चर्चेची दारे खुली होणार आहेत. समन्वय समितीने सरकारसोबत चर्चेसाठी आवाहन केल्यामुळे आगामी काळात मराठा समाजाच्या मागण्यांवर तोडगा निघण्याची शक्यता निर्माण झाली आहे.

महागोलमेज परिषदेसाठी राज्यभरातून विविध संघटनांचे सुमारे ४०० प्रतिनिधी उपस्थित होते. परिषदेत झालेल्या वादळी चर्चेनंतर प्रमुख १६ ठराव करण्यात आले. ठरावांचे वाचन अहमदनगरचे संजीय भोर-पाटील यांनी केले. परिषदेनंतर झालेल्या पत्रकार परिषदेत संयोजक दिलीप पाटील म्हणाले, ‘मराठा क्रांती मूक मोर्चानंतर सरकारच्या पातळीवर मागण्यांबाबत कोणतीही ठोस कार्यवाही झालेली नव्हती. त्यामुळे सर्व समाजाला एकत्र आणण्यासाठी परिषद घेतली. परिषदेमुळे मराठा समाजातील लोकांचे मनभेद आणि मतभेद संपुष्टात आले आहेत. मोर्चांना कोणताही चेहरा नसल्याने सरकार, आम्ही कोणाशी चर्चा करायची असे म्हणत मागण्यांबाबत टोलवाटोलवी करत होते. त्यामुळेच सरकारवर दबाव निर्माण करण्यासाठी राज्यस्तरीय समन्वय समिती स्थापन करण्याचा निर्णय घेतला आहे. समितीमुळे समाजाला एक चेहरा मिळाला आहे. राज्यस्तरीय समितीप्रमाणे जिल्हा आणि तालुका पातळीवर समित्या स्थापन करण्यात येणार आहेत. त्यामुळे कामांचे विकेंद्रीकरण होणार आहे. ही समिती आरक्षण, शिक्षण, अॅट्रॉसिटी कायदा, शेतकरी आत्महत्या अशा प्रत्येक विभागावर स्वतंत्र काम करेल.’

राजेंद्र कोंढरे म्हणाले, ‘आरक्षण आणि अॅट्रॉसिटीच्या गैरवापराबाबत समिती पाठपुराव करेल. सहा-सात महिन्यांमध्ये याबाबतचा निर्णय न झाल्यास समन्वय समिती मुंबईत काढण्यात येणाऱ्या मोर्चाबाबत निर्णय घेणार आहे.’

प्रा. जयंत पाटील म्हणाले, ‘राज्यभरातील सर्वच संघटनांच्या प्रतिनिधींनी परिषदेला उपस्थिती लावली आहे. परिषदेमध्ये सरकारबरोबर चर्चा करण्यासाठी समन्वय समितीची स्थापना केल्याने परिषदेचा हेतू साध्य झाल्याचे स्पष्ट होत आहे.’

रवींद्र काळे म्हणाले, ‘जिल्हा व तालुकास्तरावर बैठक घेऊन समितीची स्थापन केली जाईल. समिती सरकारला निवेदन देणार आहे. त्यासाठी सरकारने दोन दिवसांत चर्चेसाठी भूमिका स्पष्ट करावी. समिती स्थापन झाल्यानंतर सरकारने चर्चेला तयारी दाखवली नाही, तर त्यानंतर निघणारे मोर्चे आणि त्याचे परिणाम याला सर्वस्वी सरकार जबाबदार राहील.’

वाद आणि दिलगिरी

राज्यभरातील मराठा क्रांती मूक मोर्चांनंतर मुंबईतील चक्का जाम आंदोलनावरून मराठा समाजातील नेत्यांमध्ये दुही माजली होती. त्याचवेळी अॅड. पिंगळे यांच्यासह त्यांची पाच कार्यकर्त्यांनी एका वृत्तपत्रामध्ये मराठा समाजाच्या भावना दुखावतील अशी जाहिरात दिली होती. त्याचा राग परिषदेस उपस्थित राहिलेल्या समाजातील अनेक व्यक्तींमध्ये होता. आज परिषदेला अॅड. पिंगळे यांनी उपस्थिती लावून चर्चेत सहभागी होण्याचा प्रयत्न केला. त्याला सोलापूर येथील मालोजी पवार यांनी जोरदार आक्षेप घेतला. दोघांत परस्परांवर धावून जाण्याचा प्रकार घडला. अखेर अॅड. पिंगळे यांना परिषदेमधून बाहेर काढण्यात आले. त्यानंतर विजयसिंह महाडिक आणि सचिन तोडकर यांच्यात शाब्दीक वाद झाला. त्यामुळे काहीकाळ गोंधळ उडाला. नंतर परिषदेच्या समारोपावेळी अॅड. पिंगळे यांनी येऊन दिलगिरी व्यक्त करण्याचा प्रयत्न केला. त्यामुळे पुन्हा गोंधळ वाढला. अखेर अॅड. पिंगळे यांनी दिलगिरी व्यक्त करून या प्रकरणावर पडदा टाकला.


सांस्कृतिक मंत्री तावडे यांचा निषेध

छत्रपती शिवाजी महाराज यांच्या पुण्यतिथीदिनी रायगडावर झालेल्या कार्यक्रमाबाबत परिषदेत चर्चा झाली. या कार्यक्रमात सांस्कृतिक व शिक्षणमंत्री विनोद तावडे यांनी यावेळी ढोल वादनाचा कार्यक्रम साजरा केला. या घटनेचा यावेळी निषेध करण्यात आला. येथून पुढे महापुरुषाच्या पुण्यतिथीदिनी ढोल वाजवणे किंवा आनंदोत्सव साजरा न करण्याचा ठराव करण्यात आला. यावेळी तावडे यांचा निषेध करण्यात आला.


परिषदेतील प्रमुख ठराव

आरक्षणासाठी घटनात्मक प्रयत्न करावेत

अॅट्रॉसिटीचा गैरवापर टाळण्यासाठी कायदा कडक करा

शेतकऱ्यांना संपूर्ण कर्जमाफी द्यावी

शेतकरी हिताचे आयात-निर्यात धोरण अवलंबणे आवश्यक

पुणे येथील उद्यानात छत्रपती संभाजीराजेंचा पुतळा उभा करा

कृषीमालाला उत्पादन खर्चावर हमीभाव द्यावा

पुणे येथील अर्धनग्न मोर्चाला विरोध

समाजासाठी स्कील डेव्हलपमेंट केंद्रे सुरू करावीत

मोबाइल अॅप डाउनलोड करा आणि राहा अपडेट

तपासाचा ‘संशय कल्लोळ’

April 19, 2017, 2:30 pm

≫ Next: रचनात्मक कार्यावर भर द्या

≪ Previous: दबावतंत्रासाठी मराठा समाजाची समन्वय समिती

$

0

0

म. टा. प्रतिनिधी, कोल्हापूर

वारणानगर येथे ८ मार्च २०१६ रोजी झालेल्या १४ कोटी रुपयांच्या लुटीचा तपास दिवसेंदिवस अधिकच गूढ बनत आहे. तपास अधिकाऱ्यांनीच चोरट्याशी संगनमत करून चोरीतील कोट्यवधी रुपयांवर डल्ला मारल्याचे वरिष्ठ अधिकाऱ्यांनी केलेल्या चौकशीत निष्पन्न झाले आहे. यानंतर संशयित सात पोलिसांसह नऊ जणांवर गुन्हे दाखल होऊनही त्यांच्यावर अटकेची कारवाई झालेली नाही, त्यामुळे दुसऱ्यांदा सुरू असलेल्या तपासाबाबतही संशय कल्लोळ निर्माण झाला आहे.

सांगली येथील स्थानिक गुन्हे अन्वेषण शाखेचे पोलिस निरीक्षक विश्वनाथ घनवट, सहायक निरीक्षक सूरज चंदनशिवे, शरद कुरळपकर, पोलिस हेड कॉन्स्टेबल शंकर पाटील, दीपक पाटील, पोलिस नाईक रवींद्र पाटील आणि कुलदीप कांबळे या सात पोलिसांनी वारणानगर येथील शिक्षण संस्थेच्या एका इमारतीतील कोट्यवधींच्या लुटीचा प्रकार उघडकीस आणला. घनवट यांच्या पथकाने या लुटीचा प्रामाणिकपणे तपास केला असता, तर कदाचित त्यांना उत्कृष्ठ सेवा बजावल्याबद्दल एखादे पदक निश्चित मिळाले असते. त्यांच्या पथकाचाही गौरव झाला असता, मात्र, पोलिसांची नियत फिरली आणि त्यांनी लुटीतील ९ कोटी, १८ लाखांची रक्कम परस्पर गायब केली. ही रक्कम त्यांनी आपसात वाटून घेऊन फ्लॅट, प्लॉट, दागिने आणि बांधकाम व्यवसायात गुंतवली. पोलिसांचा हा दरोडा फार काळ अंधारात राहिला नाही, तपासातील संशयामुळे सुरुवातीपासूनच तपास पथके संशयाच्या भोवऱ्यात होती. फिर्यादीने विशेष पोलिस महानिरीक्षक विश्वास नांगरे-पाटील याच्याकडे धाव घेतल्याने आयपीएस अधिकाऱ्यांनी केलेल्या चौकशीमुळे लुटारू पोलिसांचे पितळ उघडे पडले. या तपासाने आधीचा तपास खोटा ठरला असून, तपासाच्या नावाखाली पोलिसांकडून होणारी लुबाडणूकदेखील स्पष्ट झाली आहे. या गंभीर प्रकाराने तपास अधिकारी अपर पोलिस अधीक्षक सुहेल शर्मा आणि कृष्णकांत उपाध्याय हे दोघेही चक्रावले होते. तपासाचा अहवाल आजी नांगरे-पाटील यांना प्राप्त झाल्यानंतर पलिसांच्या दरोडेखोरीने नांगरे-पाटील देखील अवाक झाले.

संशयित सात पोलिसांसह चोरटा मैनुद्दीन मल्ला आणि लुटारू पोलिसांचा मित्र प्रवीण भास्कर सावंत या नऊ जणांवर रविवारी (ता. १६) तारखेला कोडोली (ता. पन्हाळा) पोलिस ठाण्यात गुन्हे दाखल झाले. सातही पोलिसांवर निलंबनाची कारवाई झाली, मात्र अजूनही त्यांना अटक झाली नाही. संशयितांच्या संपत्तीची माहिती घेऊन ती सील केली जात आहे, तरीही पोलिसांच्या अटकेसाठी विशेष प्रयत्न सुरू नसल्याने संशयितांना सॉफ्ट कॉर्नर दिला जात आहे काय? अशी शंका बळावत आहे.


प्राप्तिकरचा तपास गोपनीय

वारणा लुटीतील १४ कोटींच्या रकमेवर कोल्हापुरातील बांधकाम व्यावसायिक झुंजार सरनोबत यांनी दावा केला आहे. यापूर्वीची ३ कोटी ९ लाख रुपयांची रक्कम त्यांनी कोर्टाच्या आदेशाने परत मिळवली. त्यापोटी सुमारे दीड कोटी रुपयांचा प्राप्तिकरही त्यांनी भरला. लुटीतील रकमेबाबत पुन्हा नव्याने चौकशी करण्यासाठी पोलिसांनी प्राप्तिकरकडे पत्र दिले आहे, मात्र गोपनीयतेच्या नावाखाली प्राप्तिकरकडून चौकशीतील माहिती दडवली जाते. या प्रकाराने संशय आणखी बळावत आहे.

मोबाइल अॅप डाउनलोड करा आणि राहा अपडेट

रचनात्मक कार्यावर भर द्या

April 19, 2017, 2:30 pm

≫ Next: वरिष्ठांच्या बेफिकीरीने गुन्ह्याला विलंब

≪ Previous: तपासाचा ‘संशय कल्लोळ’

$

0

0

म. टा. प्रतिनिधी, कोल्हापूर

शेती, उद्योग, शिक्षण, अॅट्रॉसिटी आणि सामाजिक विषयावर रचनात्मक कार्य झाल्यास मराठा समाजाची प्रगती होईल. मराठा क्रांती मूक मोर्चानंतर अशा विविध विषयावर रचनात्मक कार्य झाले नाही. त्याची पुनरावृत्ती महागोलमेज परिषदेनंतर झाल्यास मराठा समाजाच्या मागण्यासाठी मोर्चाच्या माध्यमातून केलेली निदर्शने ही प्रदर्शने होतील, अशा भावना क्षत्र‌िय मराठा चेंबर्स ऑफ कॉमर्सच्या सहयोगाने झालेल्या सकल मराठा समाजाच्या महागोलमेज परिषदेत मान्यवरांनी व्यक्त केली. सरकारी पातळीवर मागण्यांचा पाठपुरावा करताना रचनात्मक कार्यच समाजाला तारक ठरणार असल्याचा सूरही परिषदेत उमटला. परिषदेत झालेल्या चर्चेदरम्यान अनेकदा शाब्द‌िक चकमकी झडल्या. परिषदेतील चर्चेनंतर सायंकाळी १६ ठरावांचे वाचन करण्यात आले.

मुस्कान लॉन येथे झालेल्या परिषदेला राज्यभरातून सुमारे ४०० प्रतिनिधींनी उपस्थिती लावत मराठा समाजामध्ये एकी असल्याचे दाखवून दिले. क्षत्र‌िय मराठा चेंबर्स ऑफ कॉमर्सचे अध्यक्ष आर. के. पाटील यांनी स्वागत केले. प्रास्ताविक प्रा. जयंत पाटील यांनी परिषदेच्या आयोजनाची पार्श्वभूमी सांगितली त्याचबरोबर या परिषदेत शेती, शिक्षण, व्यवसाय, उद्योग आणि आरक्षण या विषयावर मते मांडण्याचे आवाहन केले. दोन सत्रात या विषयांवर विविध वक्त्यांनी आपल्या विचार मांडले.

औरंगाबादचे किशोर शितोळे म्हणाले, ‘विदर्भ, मराठावाड्यातील गावातील चार-पाच टक्के मराठा समाज सोडला तर इतर समाजाची अवस्था अत्यंत दयनीय आहे, त्यांना उभारी देण्याची आवश्यकता आहे. शेतकऱ्यांना अनुदानाच्या भीकेवर कंगाल बनवले जात आहे. अनुदान देऊन अपंग पिढी घडवण्यापेक्षा सरकारने वीज, पाणी अशा पायाभूत गोष्टी पुरवल्या पाहिजेत. शेतकऱ्यांना पेन्शन, कृषी मालाला हमीभाव, सिंचन व्यवस्था निर्माण करण्यासाठी समाजाने एकत्र येण्याची आवश्यकता आहे. असे रचनात्मक कामाला प्राधान्य दिले, तरच मराठा समाजाची प्रगती होईल.’

मुंबईचे पंकज घाग म्हणाले, ‘जुलैमध्ये मुंबई येथे भरलेल्या मराठा गोलमेज परिषदेत नोकरी न मागता नोकरी देणारे हात घडवायला हवेत, असे ठरवण्यात आले. मुंबईतील फोरमनंतर अनेक ठिकाणी अशा फोरम निर्माण झाल्या आहेत. आता यामधून विचारांचे आदान प्रदान झाले पाहिजे. व्यवसाय-व्यापार, उद्योगामध्ये मराठा टक्का कसा वाढेल हे पाहिले पाहिजे.’ पुण्याचे रघुनाथ चित्रे-पाटील म्हणाले, ‘मराठा समाजातील मुले कामाची वर्गवारी ठरवत आहे. कोणतेही काम हे कमी प्रतीचे नसते, माझी हाउस किपिंगची कंपनी आहे. अशा स्वरुपाच्या कंपनी स्थापन करायच्या असतील तर, त्यांनी संपर्क साधवा.’
राजेंद्र कोंढरे म्हणाले, ‘मराठा शिक्षण परिषदेच्या माध्यमातून नॉलेज ट्रेनिंग स्थापन होत आहे. सेंटरच्या माध्यमातून समाजातील तळागाळातील व्यक्तींना प्रशिक्षण देण्याची गरज आहे. प्लम्बिंग, सेट्रिंग अशा छोट्या व्यवसायामध्ये परप्रांतीय युवकांचा टक्का वाढत आहे. आपले युवक मात्र केवळ ‘जय शिवाजी’ घोषणेत अडकून पडले आहेत. अशा युवकांना प्रशिक्षण देऊन रोजगारक्षम बनवण्याची आवश्यकता आहे. राज्यात झालेल्या मोर्चामध्ये २५० कोटी खर्च झाले, पण संशोधनावर एक लाख रुपयेही खर्च झाला नाही,’ अशी खंत व्यक्त केली.

अॅड. बाबा इंदुलकर म्हणाले, ‘मराठ्यांची अवस्था चरक्यातील उसाच्या चिपाडासारखी झाली आहे. प्रत्येकवेळा शासन काही करू शकत नाही. आता आपणच पुढे यायला पाहिजे. आरक्षण मिळवायचे असेल तर त्यासाठी टोकाची लढाई करावी लागेल. न्यायालय म्हणते तुम्ही मागास आहात त्याचे पुरावे सादर करा, पुरावे सादर करण्याची जबाबदारी महाराष्ट्रातल्या प्रत्येक मराठ्याची आहे. आरक्षण नसल्यामुळे काय होते याचे प्रातिनिधीक उदाहरण सांगायचे झाल्यास शिवाजी विद्यापीठात १४ कुलसचिव आहेत त्यातील एक मराठा आहे, १३ उपकुलसचिव आहेत त्यातही एकच मराठा, १२७ अधीक्षक त्यामध्ये ३३ मराठा आहेत. मंत्रालयातील सामाजिक विभागात एकही मराठा नाही. ही दारून अवस्था असेल आणि त्यातही पुरावे सादर करायला सांगितले जात असतील तर आपण आता पुढे होऊन पुरावे सादर केले पाहिजेत’

शेती आणि मराठा समाजाची स्थिती, मोर्चाचे फलित आणि परिणाम यावर मराठा सेवा संघाचे शशिकांत पवार, आबा पाटील, प्रा. एन. एन. तांबे, अहमदनगर, आप्पासाहेब कुणगेकर, गायत्री राऊत, आशा पाटील, हर्षल सुर्वे, आर. आर. पाटील, राजू सावंत, डॉ. विकास पाटील, प्रकाश कारंडे, आप्पासाहेब कुलेकर, विजयसिंह महाडिक, माऊली पवार, संतोष गोळे, विवेकानंद बाबर, स्नेहल दुर्गुळे, सुरेश कर्णिक आदींनी विचार मांडले.

महाराष्ट्रातील आरक्षणपद्धत बोगस

औरंगाबादचे बाळासाहेब सराटे म्हणाले, ‘राज्यातील शैक्षणिक आरक्षण बेकायदेशीर आहे, त्याला कोणतीही घटनात्मक तरतूद नाही. शासनाकडे तसे कोणतीही नोंद नाही. राज्यातील ओबीसीची फक्त ३२ टक्के लोकसंख्या आहे ही सरकारचीच आकडेवारी आहे. त्याना फक्त १६ टक्के आरक्षण दिले पा‌हिजे मग त्यांना ३२ टक्के आरक्षण का दिले. त्यामुळे या आरक्षणाविरोधात आवाज उठविला पाहीजे. या बोगस आरक्षणाविरोधात मागासवर्गीय आयोगाकडे जाण्याची आवश्यकता औरंगाबादचे याचिकाकर्ते बाळासाहेब सराटे यांनी व्यक्त केली. आरक्षण हाच कळीचा मुद्दा महत्त्वाचा आहे ते जर मिळाले नाही तर आंदोलनाचा उपयोग नाही. आरक्षण हा आता लाभाचा विषय राहीला नाही तर तो अस्मितेचा बनला आहे. यशापयशाचा मुद्दा बनला आहे. सरकारने मागील दोन वर्षात काही केले नाही. मात्र आंदोलनाचा आणि क्रांती मूक मोर्चाच्या धास्तीने न्यायालयात प्रतिज्ञापत्र सरकारने सादर केल्याचे त्यांनी सांगितले.

छत्रपती म्हणून नव्हे मराठा म्हणून सहभागी

परिषदेला सुरुवात होताच खासदार संभाजीराजे छत्रपती सभागृहात दाखल झाले. यावेळी त्यांचे टाळ्यांच्या गजरात स्वागत करण्यात आले. यावेळी बोलताना खासदार संभाजीराजे म्हणाले, ‘महाराष्ट्रात मराठ्यांचा खदखदणारा असंतोष मराठा क्रांती मूक मोर्चाच्या निमित्ताने बाहेर पडला. राज्यात लाखोंचे ५८ मोर्चे निघाले. पण आज मराठ्यांच्यात फूट पडल्याची चर्चा होते. ही चर्चा होतेच कशी? मराठ्यांच्या उन्नतीसाठी एकी हाच पर्याय मराठ्यांच्या फुटीची भाषा आजपासून बंद करण्याचे आवाहन केले. ते पुढे म्हणाले, ‘मराठा समाज एकत्र येतो आहे आणि विविध विषयावर चर्चा करतो आहे. आराखडा ठरवतो आहे याबद्दल आपल्याला अतिशय आनंद आहे. शाहू महाराजानी आरक्षण दिले तोच विचार घेऊन राज्यभर मराठा क्रांती मूक मोर्चे निघाले. हातात तलवार घेऊन लढणारा मराठ्याच्या अभूतपूर्व शिस्तीचे दर्शन या मोर्चानी दिले. मात्र मोर्चे निघाल्यानंतर अनेक महिने झाले आपण एकत्र आलो नाही, आता एकत्र येण्याशिवाय पर्याय नाही. कुणी तोडा-फोडायची भाषा करत असेल, प्रयत्न करत असेल तर ते होऊ देवू नका. गटातटाची भाषा तोंडातूनही काढू नका.’ असे ते म्हणाले.

‘आता नव्याने एकत्र आलेल्या मराठ्यांनी आता वेळ आणि योगदान देणाऱ्या लोकांची एक समिती करायला पाहिजे. यात कुठल्याही पुढाऱ्याला घेऊ नका पण अशी समिती तयार करा की जी सर्व क्षेत्रातील अभ्यास करून सरकारसमोर त्याचा एक मसूदा ठेवू शकेल. असा मसुदा ठरवताना मिरवणाऱ्यांपेक्षा काम करणाऱ्याला संधी द्या. छत्रपती शाहूंनी दिलेल्या आरक्षणाचा प्रचार आणि प्रसार करण्यासाठी राज्यभर दौरे केले, स्वत:साठी नव्हे. आजच्या परिषदेलाही छत्रपती घराणाचे वारस म्हणून नव्हे, तर मराठा म्हणून सहभागी झालो आहे.’

मोबाइल अॅप डाउनलोड करा आणि राहा अपडेट

वरिष्ठांच्या बेफिकीरीने गुन्ह्याला विलंब

April 19, 2017, 2:30 pm

≫ Next: कापड व्यापाऱ्याचा १०० कोटींचा गंडा

≪ Previous: रचनात्मक कार्यावर भर द्या

$

0

0

हरीश यमगर, सांगली.

मिरजेतील बेथेलहेमनगरमध्ये सुरुवातीला बेहिशोबी आणि मालकच नसलेली सुमारे तीन कोटी रुपयांची रोकड सापडल्यानंतर वर्षभर याबाबत प्रचंड संभ्रमावस्था होती. मुळातच पोलिस दलात अनेक गोष्टी लपून राहत नाहीत. त्यामुळे एवढ्या मोठ्या रकमेबाबत वर्षभरापूर्वी पहिल्या चार दिवसांतच संपूर्ण प्रकरणाचा उलगडा होऊनही वर्षभरानंतर गुन्हा नोंद करण्यात आला. मुळात या प्रकरणात वरिष्ठांनी घेतलेल्या भूमिकेमुळे गुन्हा दाखल होण्यास विलंब लागल्याचे समोर येत आहे. संशयितांनी मिळालेली रक्कम विविध कामांसाठी गुंतवली. त्यानंतर प्रकरण अंगाशी येत असताना ती परत करावी तरी धोका आणि जवळ ठेवावी तरी धोका अशी, परिस्थिती निर्माण झाली होती. तसेच मैनुद्दीन मुल्लाचे फरार होणे, संशयित पोलिसांचा ठावठिकाणा न लागणे, फिर्यादी झुंजार सरनोबतकडून एकूण रकमेबाबत खुलासा न होणे या सर्वच बाबी अजूनही तपासातील कच्चे दुवे समोर आणत आहे.

एखादा गुन्हा घडल्यानंतर त्याची उकल होण्यास कितीही विलंब लागू शकतो. परंतु सध्याच्या कोट्यवधीच्या चोरी प्रकरणात जे काय घडलेय ते पहिल्या चारच दिवसांतच घडून गेले आहे. नेमके काय आणि कसे घडले याची कल्पना वरिष्ठ पोलिस अधिकाऱ्यांना होती. या प्रकरणाची व्याप्ती त्यांच्याही कल्पनेपलिकडे होती. त्यामुळेच या प्रकरणाचा तपास सुरू झाला. मुळात चोरटा मैनुद्दीन आणि फिर्यादी झुंजार सरनोबत या दोघांचीही भूमिका पहिल्यापासून संशयास्पद आहे. सरनोबतने तक्रार केल्यानंतर जर या प्रकरणाच्या तपासाला वेग आला असे म्हणायचे असेल तर, ते हास्यास्पद ठरेल. कारण पोलिस अधिकारी इतकेही भाबडे नाहीत. त्यांच्या चाणाक्ष नजरेतीलन फिर्यादी आणि अन्य साक्षीदार कोणत्या पद्धतीने माहिती देत आहेत हे बहुदा सुटत नाही. त्यामुळे या प्रकरणात वरिष्ठांनी केलेल्या वर्षभराच्या तपासाबाबतही काही प्रश्न निर्माण होतात.

बेथेलहेमनगरमध्ये नातेवाईकांच्या घरी आलेल्या आणि अधून मधून बदली ड्रायव्हर म्हणून काम करणाऱ्या मैनुद्दीन याच्या ताब्यात ३ कोटी, ७ लाख, ६३ हजाराची रोकड असल्याचे १२ मार्च, २०१६ रोजी चव्हाट्यावर आले होते. त्यानंतर सलग चार दिवस संबधित रकमेचा मालक सापडत नसल्याचा आभास निर्माण करणाऱ्या सांगलीच्या तत्कालीन स्थानिक गुन्हे अन्वेषण शाखेच्या पोलिस अधिकारी, कर्मचाऱ्यांनी हा बनाव कसा केला, याचा उलगडा अधिक विस्ताराने समोर आला आहे. १६ मार्च, २०१६ रोजी पहाटे झुंजार सरनोबत याने कोडोली पोलिस ठाण्यात चोरीची फिर्याद देऊन त्या रकमेवर मालकी सांगितली. त्या दिवसांपर्यंत वारणानगर शिक्षक कॉलनीतील इमारतीत एकूण किती रोकड होती. त्यापैकी किती चोरीला गेली. किती रकमेची चोरी पोलिसांनी केली, याबाबत सर्व माहिती पोलिस खात्याला होती. कोडोली पोलिसांत फिर्याद देताना सरनोबत यांच्याकडे त्या पोलिसांनी कसून चौकशी केली. चोरीला गेलेली १४ कोटी आणि प्रत्यक्षात फिर्यादीत कमी रक्कम नोंदवावी लागत असल्याने सरनोबत यांची कोंडी झाली. एकूण रकमेची जुळवा-जुळव करून पुरावा म्हणून त्यांनी पोलिसांना काय दाखविले. ते पोलिसांनी कशाच्या आधारे मान्य करुन त्यांची फिर्याद नोंदवून घेऊन मोहिद्दीन मुल्ला याला अटक केली. हे सर्व करताना सरनोबत यांनी खरी रक्कम किती होती, हे सांगितले. पण त्याकडे कोडोली पोलिसांनी दुर्लक्ष केल्याचे समोर येत आहे.

‍

सरनोबतांचा पोलिसांसमोर प्रस्ताव

वारणानगरमधील शिक्षक कॉलनीतील कोट्यवधी रुपयांची मालकी शिरावर घेतल्यानंतर नेमकी वस्तुस्थिती घेऊन फिर्यादी सरनोबत पोलिस निरीक्षक घनवटसह अन्य कर्मचाऱ्यांच्या संपर्कात होते. १४ कोटी रुपयांची रक्कम मिळविण्यासाठी सरनोबत यांनी वेगवेगळ्या पातळीवर प्रयत्न केले. सरनोबतांनी आता ज्या पोलिस अधिकारी, कर्मचाऱ्यांवर चोरीचा गुन्हा दाखल करण्याचे धाडस दाखविले आहे. त्या अधिकारी, कर्मचाऱ्यांशी त्यांनी मध्यस्थाकरवी अनेकदा संपर्क साधला होता. काही रक्कम ठेवून घ्या आणि उर्वरित रक्कम आपल्याला द्यावी, असाही त्यांचा प्रस्ताव दिल्याचे समजते. परंतु ज्यांच्या हाताला जितका वाटा लागला तो सोडायला कोणी तयार नव्हते. या दरम्यान सांगलीचे तत्कालीन पोलिस अधीक्षक सुनील फुलारी यांनाही स्थानिक गुन्हे अन्वेषण शाखेच्या अधिकारी, कर्मचाऱ्यांनी केलेली ही करामत माहीत होती, असेही सांगण्यात येते. त्यामुळेच त्यांनी तत्कालीन पोलिस निरीक्षक विश्वनाथ घनवट यांच्याबाबतीत काही निर्णय घेण्याचा प्रयत्न केला होता. परंतु त्यात त्यांना यश आले नाही.

पैसे परत करण्याचा काहींचा सल्ला

काही अनुभवी अधिकाऱ्यांनीही संबधित संशयितांना सरनोबतांचे पैसे परत करण्याचा सल्ला देण्याचा सल्ला दिला होता. परंतु त्यावेळी संशयितांपैकी काहींनी ‘आम्ही आता पैसे दिले आणि त्यांनी पुन्हा गुन्हा दाखल केला तर काय करू,’ असा प्रतिसवाल करत गप्प राहणे पसंत केले.

मोबाइल अॅप डाउनलोड करा आणि राहा अपडेट

कापड व्यापाऱ्याचा १०० कोटींचा गंडा

April 19, 2017, 2:30 pm

≫ Next: मुख्य लेखाधिकाऱ्यासह लिपिकास लाच घेताना अटक

≪ Previous: वरिष्ठांच्या बेफिकीरीने गुन्ह्याला विलंब

$

0

0

इचलकरंजी

पॉपलिन कापड खरेदी करुन सुमारे १०० कोटी रुपयांचे दिवाळे काढून कापड व्यापारी श्रीकांत तलेसरा हा कुटुंबासह पसार झाला आहे. त्यामुळे पॉपलिन कारखानदारांमध्ये मोठी खळबळ माजली आहे. दरम्यान, श्रीकांत तलेसरा याने इचलकरंजी येथील कार्यालय बंद करुन बालोत्रा (राजस्थान) येथून व्यवहार सुरु ठेवणार असल्याचे निवेदन सोशल मिडीयावर व्हायरल केले आहे. इतक्या मोठ्या प्रमाणात दिवाळ काढण्याचा वस्त्रनगरीतील हा पहिलाच प्रकार आहे.

दरम्यान, या प्रकरणी सायंकाळी उशीरा सुमारे ११६ कारखानदारांनी गावभाग पोलिस ठाण्यात फसवणुकीच्या तक्रारी दाखल केल्या आहेत. हा आकडा सुमारे ३५ कोटींच्या घरात होता. श्रीकांत तलेसरा यांचे वडील गौतमकुमार गेल्या तीन वर्षांपासून कापड खरेदी-विक्रीचा व्यवसाय करीत होते. पॉपलिन कारखानदारांकडून कापड खरेदी करुन ते बालोत्रा येथे विक्री करीत होते. दुसऱ्या कापड व्यापाऱ्यांपेक्षा गौतमकुमार यांच्याकडून प्रतिमीटरला २० ते २५ पैसे जादा मिळत असल्याने शहर व परिसरातील ८० टक्क्यांहून अधिक पॉपलिन यंत्रमागधारक आपल्याकडील कापड त्यांच्याकडे देत होते. मोठे पेमेंट ४५ ते ६० दिवसांत तर लहान पेमेंट ३० दिवसांत मिळत असल्यामुळे कारखानदारांचा गौतमकुमार यांच्यावर विश्वास बसला होता. त्यातूनच जादा पैशाच्या लोभापायी अनेक कारखानदार त्यांच्याशी मोठ्या प्रमाणात व्यवहार करत होते. खरेदी-विक्रीच्या मोठ्या व्यवहारामुळे दिवसातून तीन ते चार ट्रक बालोत्रा येथे जात होते.

गौतमकुमार यांचे २७ फेब्रुवारी रोजी निधन झाले. त्यांच्या निधनानंतर सर्व व्यवहार त्यांचा मुलगा श्रीकांत पाहत होता. आई आजारी असल्याचे कारण देत तो चार दिवसांपासून बालोत्रा येथे निघून गेला आहे. श्रीकांत याने गाव सोडल्याचे वृत्त कळताच त्याच्याकडे कापड विक्रीसाठी दिलेल्या कारखानदारांनी व्यंकोबा मैदान परिसरातील शिवपार्वती ट्रान्सपोर्ट, याचठिकाणी असलेले श्रीकांत याचे ऑफिस आणि वैरण बाजारातील शिवशक्ती ट्रान्सपोर्टच्या कार्यालयात गर्दी केली होती. अनेक कारखानदारांनी आपण दिलेले कापड अद्यापही ट्रान्सपोर्ट गोदामात असल्याचे पाहून कापड तागे परत नेणे पसंत केले. मोठ्या प्रमाणात कापड अडकल्याने आपली फसवणूक झाल्याची फिर्याद देण्यासाठी अनेक कारखानदारांनी शहरातील पोलिस ठाण्यांसह थेट स्थानिक गुन्हे शाखेशी संपर्क साधला.

गावभाग पोलिस ठाण्यात गुरुकन्नननगर येथील कारखानदार तुकाराम गणपती साळुंखे (वय ४७) यांनी श्रीकांत याच्यासह राहुल आणि अक्षय तलेसरा (रा. महालक्ष्मी अपार्टमेंट) या तिघांच्या विरोधात गुन्हा दाखल केला आहे. ७ मार्च ते १२ एप्रिल २०१७ या काळात तलेसरा बंधूंनी विश्वास संपादन करुन साळुंखे यांच्या कारखान्यातील विविध प्रकारचे ६२ लाख ९१ हजार रुपये किंमतीचे कापड खरेदी केले आहे.

मोबाइल अॅप डाउनलोड करा आणि राहा अपडेट

मुख्य लेखाधिकाऱ्यासह लिपिकास लाच घेताना अटक

April 19, 2017, 2:30 pm

≫ Next: पोलिसांना केलेल्या लुटीचा तपास सीआयडीकडे

≪ Previous: कापड व्यापाऱ्याचा १०० कोटींचा गंडा

$

0

0

म. टा. प्रतिनिधी, कोल्हापूर

जिल्हा परिषदेत टेंडरचा चेक काढण्यासाठी वीस हजार रुपयांची लाच घेताना प्रभारी मुख्य लेखा व वित्त अधिकारी बाळासाहेब भिमराव पाटील आणि वरिष्ठ लिपिक सचिन चंद्रकांत कोळी यांना बुधवारी लाचलुचपत प्रतिबंधक विभागाने अटक केली. या कारवाईने जिल्हा परिषदेत खळबळ उडाली आहे.

लाचलुचपत प्रतिबंधक विभागाचे पोलिस उपाधीक्षक राजेश गवळी यांनी या लाच प्रकरणाची माहिती दिली. तक्रारदार कपिल राजेंद्र केसरकर (गंजी गल्ली, सोमवार पेठ) हे कराटे प्रशिक्षक आहेत. जिल्हा परिषदेच्यावतीने ग्रामिण भागातील मुलींना स्वसरंक्षणार्थ कोल्हापूर कराटे डो असोसिएशनला कराटे प्रशिक्षणाचा ठेका दिला होता. संस्थेच्या ३८० कराटे प्रशिक्षकांनी शिक्षकांना प्रशिक्षण दिले. या कामाचे ३० लाख रुपयांच्या बिलाचा चेक काढण्यासाठी प्रभारी मुख्य लेखा वित्त अधिकारी बाळासाहेब पाटील यांनी ‘प्रोटोकॉल’ म्हणून असोसिएशनचे कराटे प्रशिक्षक केसरकर यांच्याकडे एकूण रक्कमेच्या एक ते दीड टक्के रक्कमेची मागणी केली होती. बिल मिळाल्यानंतर रक्कम देतो असे केसरकर यांनी सांगितले होते. टेंडरप्रमाणे ३१ मार्च रोजी चेकने केसरकर यांच्या संस्थेस रक्कम मिळाली. मात्र केसरकर यांनी ठरल्याप्रमाणे एक टक्का रक्कम न दिली नाही. पाटील आणि कोळी यांनी केसरकर यांच्याकडे या रक्कमेसाठी तगादा लावला. त्यानंतर केसरकर यांनी लाचलुचपत प्रतिबंधक विभागाकडे मंगळवारी तक्रार दिली.

लाचलुचपत प्रतिबंधक विभागाने तक्रारदार केसरकर यांच्यासमवेत दोन सरकारी पंच पाठवून मंगळवारी पडताळणी केली. बिल मंजुरीबाबत पाटील यांनी ३० हजार तर सचिन कोळी यांनी २० हजार रुपये लाच मागितली होती. बुधवारी लाचेची २० हजार रुपयांची रक्कम स्वीकारताना सचिन कोळीला पकडण्यात आले. त्यानंतर पोलिसांनी पाटील आणि कोळी यांना ताब्यात घेऊन अटक केली. कारवाईत पोलिस उपाधीक्षक राजेश गवळी, पोलिस निरीक्षक सु​नील वायदंडे, प्रविण पाटील, पोलिस नाईक संदीप पावलेकर, दयानंद कडुकर यांनी कारवाईत भाग घेतला.

मोबाइल अॅप डाउनलोड करा आणि राहा अपडेट

पोलिसांना केलेल्या लुटीचा तपास सीआयडीकडे

April 19, 2017, 2:30 pm

≫ Next: ‘वाचनकट्टा’तर्फे उद्या विविध कार्यक्रम

≪ Previous: मुख्य लेखाधिकाऱ्यासह लिपिकास लाच घेताना अटक

$

0

0

म. टा. प्रतिनिधी, सांगली/कोल्हापूर

राज्य सरकारच्या गृह विभागाने, बुधवारी सांगली पोलिसांनी केलेल्या सव्वानऊ कोटी रुपयांच्या लूट प्रकरणाचा तपास राज्य गुन्हे अन्वेषण विभागाकडे (सीआयडी) हस्तांतरीत केला. सीआयडीकडून गुरुवारपासून या गुन्ह्याच्या तपासाला सुरूवात होणार आहे. दरम्यान, ​निलंबित केलेल्या सात पोलिस अधिकारी, कर्मचाऱ्यांच्या घरांवर नोटिसा चिकटवण्यात आल्या. तर काही पोलिसांच्या नातेवाईकांना पोलिसांनी नोटिसा दिल्या. संशयितांच्या अटकेसाठी पाच पथके सांगलीत दाखल झाली. त्यापैकी एक पथक पुण्याला रवाना झाल्याचे सूत्रांनी सांगितले.

वारणानगरातील शिक्षक कॉलनीतील मिरजेतील मोहिद्दीन मुल्लाने ३ कोटी ७ लाखांची चोरी केल्याचे सांगली गुन्हा अन्वेषण विभागाने मार्च २०१६ मध्ये उघडकीस आणला होता. मात्र या प्रकरणाच्या तपासात पोलिसांनीच सव्वानऊ कोटी रुपयांची लूट केल्याचे उघडकीस आले. त्यानंतर सांगली स्थानिक गुन्हे अन्वेषण विभागाचे तत्कालीन निरीक्षक विश्वनाथ घनवट, सहायक निरीक्षक सूरज चंदनशिवे, सहायक फौजदार शरद कुरळपकर, हवालदार दीपक पाटील, शंकर पाटील, पोलिस नाईक रवींद्र पाटील, कुलदीप कांबळे यांच्याविरोधात गुन्हा दाखल आहे. सातहीजणांना निलंबित करण्यात आले असून ते फरारी आहेत.

संशयितांच्या अटकेसाठी पोलिसांची पाच पथके सांगली आणि पुण्याला रवाना झाले आहेत. कोडोलीचे सहायक निरीक्षक विकास पाटील यांनी सांगलीत संशयितांचा शोध घेतला. निलंबनाची नोटीस संशयित पोलिसांच्या निवासस्थानांवर चिकटवण्यात आली. काही संशयितांचे नातेवाईक पुण्यात असल्याने त्यांच्या शोधासाठी करवीरचे अतिरीक्त अधीक्षक हर्ष पोद्दार यांचे पथक पुण्यात तळ ठोकून आहे. कोल्हापुरातील १० ते १५ जणांचीही चौकशी करण्यात आली. या गुन्ह्याची व्याप्ती लक्षात घेऊन गृह विभागाने गुन्ह्याचा तपास कोल्हापूर पोलिसांकडून सीआयडीकडे वर्ग केला. गृह खात्याचा आदेश कोल्हापूर पोलिसांना बुधवारी मिळाला. अधीक्षक महादेव तांबडे यांनी याबाबत सीआयडीचे कोल्हापुरातील अधीक्षक राजेश बनसोडे यांच्याशी चर्चा केली.


कोल्हापूर पोलिसांनी सात पोलिसांवर गुन्हा दाखल केला आहे. गुन्ह्याची व्याप्ती लक्षात घेऊन गृह विभागाने हा तपास सीआयडीकडे वर्ग करण्याचे आदेश दिले आहेत. त्यामुळे तपास सीआयडीकडे सोपविला आहे.

महादेव तांबडे, पोलिस अधीक्षक

मोबाइल अॅप डाउनलोड करा आणि राहा अपडेट

---

‘वाचनकट्टा’तर्फे उद्या विविध कार्यक्रम

April 19, 2017, 2:30 pm

≫ Next: आधार नोंदणीसाठी पेन्शनधारकांची धडपड

≪ Previous: पोलिसांना केलेल्या लुटीचा तपास सीआयडीकडे

$

0

0

म. टा. प्रतिनिधी, कोल्हापूर

वाचन कट्ट्यातर्फे पुस्तक दिनानिमित्त विविध कार्यक्रमांचे आयोजन केले आहे. करवीर नगर वाचन मंदिरच्यावतीने दुर्मिळ पुस्तकांचे प्रदर्शन, मेहता हाउसची विद्यार्थ्यांना पुस्तक भेट आणि पालक वाचन कट्टा प्रारंभ असे विविध कार्यक्रम होणार आहेत. कार्यक्रमाची सुरुवात २१ एप्रिलला सकाळी आठ वाजता आरळे येथील गजानन विद्यालयात ‘पुस्तक बन’ कल्पना राबवून होणार असल्याची माहिती वाचनकट्ट्याचे संकल्पक युवराज कदम यांनी दिली.

कदम म्हणाले, ‘लोप पावणाऱ्या वाचनसंस्कृतीला सक्षम आधार देण्याच्या उद्देशाने काम करणाऱ्या वाचनकट्टयाच्या पुढाकाराने व कन्या विद्यामंदिर पोर्ले, केंद्रशाळा आसुर्ले, विद्यामंदिर आवळी, गजानन विद्यालय आरळे तसेच मेहता बुक सेलर्स यांच्या सहभागाने पुस्तकदिनाचे औचित्य साधून प्रेरणादायी कार्यक्रमाचे आयोजन केले आहे.

तसेच करवीर नगर वाचन मंदिरच्यावतीने अत्यंत दुर्मिळ अशा पुस्तकांचे प्रदर्शन भरवण्यात येणार आहे. यामध्ये जगप्रसिद्ध वैज्ञानिक, नोबेल पुरस्काराचा जनक अल्फ्रेड नोबेल, महिला वैज्ञानिक यांची पुस्तके असणार आहेत. तसेच जागतिक कीर्तीची ५१ नवरत्ने, ह्यांनी घडविला महाराष्ट्र, मातृपूजन, भारतमातेच्या तेजस्वी कन्या, टारझन या पुस्तकांबरोबरच पवित्र नद्यांच्या गोष्टी, डायमंड प्रेरककथा, म्हणींची बोलगाणी, स्पर्धेतील भाषणे, संस्कार कथा, श्यामची आई, डॉ. बाबासाहेब आंबेडकर, दिनविशेष अशा सुंदर पुस्तकांची मोठी रेलचेल असणार आहे.

याबरोबरच पालक वाचनकट्टा या नव्या संकल्पनेचा प्रारंभही यानिमित्ताने होणार आहे. मेहता बुक सेलर्स यांच्या वतीने सहभागी शाळांतील विद्यार्थ्यांना प्रत्येकी एक पुस्तक भेट देण्यात येणार आहे.

‘पुस्तक बन’ या थीममध्ये १५० विद्यार्थ्यांचा सहभाग असणार आहे. तीन ठिकाणी एकाच वेळी हा कार्यक्रम सुरू राहणार आहे. या कार्यक्रमात एका ठिकाणी काही विद्यार्थी कविता वाचन करतील. दुसऱ्या ठिकाणी ‘मला भावलेले पुस्तक’ या संकल्पनेखाली विद्यार्थी त्यांना आवडलेल्या पुस्तकाबाबत मते मांडतील, तर तिसऱ्या ठिकाणी मला भावलेल्या पुस्तकाबाबत विद्यार्थी लिहितील.

या कार्यक्रमाचे उद्घाटन प्रिन्स शिवाजी मराठा बोर्डिंग हाउसचे संचालक प्रा. विनय पाटील यांच्या हस्ते आणि ज्येष्ठ साहित्यिक चंद्रकुमार नलगे यांच्या प्रमुख उपस्थितीत होणार आहे. कार्यक्रमाचा समारोप आनंद विविध उद्योग समूह व शिक्षण समूह आरळेचे संस्थापक आनंदराव घाटगे यांच्या हस्ते होणार आहे. कार्यक्रमाचा वाचनप्रेमींनी लाभ घ्यावा, असे आवाहन वाचन कट्यातर्फे करण्यात आले.

मोबाइल अॅप डाउनलोड करा आणि राहा अपडेट

आधार नोंदणीसाठी पेन्शनधारकांची धडपड

April 20, 2017, 2:30 pm

≫ Next: कोल्हापूर-पुणे रेल्वे विद्युतीकरणाचा मार्ग मोकळा

≪ Previous: ‘वाचनकट्टा’तर्फे उद्या विविध कार्यक्रम

$

0

0

म. टा. प्रतिनिधी, कोल्हापूर

वंदना विनायक पाटील. कऱ्हाडमधील पेन्शनधारक. सत्तरीतल्या वंदना पाटील, सकाळी सहावाजताच घरातून बाहेर पडल्या. कोल्हापुरात एका नातेवाइकांकडे उतरल्या. तेथून त्यांना ताराबाई पार्कमधील कर्मचारी भविष्य निधी संघटनचे ताराबाई पार्कातील कार्यालय गाठले. दुपारी एकच्या सुमारास हसऱ्या चेहऱ्याने वंदना पाटील कार्यालयाबाहेर पडल्या.

कोल्हापूरसह पाच जिल्ह्यांतील ईपीएस पेन्शनधारकांची आधार नोंदणी अंतिम टप्प्यात आली आहे. येत्या ३० एपिलपर्यंत ही नोंदणी होणार असून, तत्पूर्वी नोंदणी करून घेणे आवश्यक आहे. नोंदणी न झाल्यास संबंधित पेन्शनधारकास पेन्शन मिळणार नसल्याचे कोल्हापुरातील उपक्षेत्रीय कार्यालयाकडून स्पष्ट करण्यात आले आहे. त्यामुळे ताराबाई पार्कातील विश्वेश्वरय्या हॉलजवळील कार्यालयात पेन्शनधारकांच्या रांगा लागलेल्या दिसत आहेत. कार्यालयात वीस जणांच्या ग्रुपने आत प्रवेश दिला जात आहे. आधारक्रमांक, मोबाइल क्रमांक, बायमेट्रिक नोंदणी करून घेतली जात आहे. तत्पूर्वी, कूपन देऊन पेन्शनर्सना बाहेर थांबविले जात आहे. त्यांची बसण्याची चांगली व्यवस्था करण्यात आली आहे. चंदगडहून सकाळी आठ वाजता बाहेर पडलेले दिनकर मांगले यांचे नोंदणीचे काम दीडच्या सुमारास झाले. एकूण व्यवस्थेबाबत उपस्थित सर्व पेन्शनधारकांनी समाधान व्यक्त केले.

पाणी, स्वच्छतागृहाची सोय

ताराबाई पार्कमधील कार्यालयात सध्या सकाळी साडे नऊ ते सायंकाळी सहा यावेळेत आधार नोंदणी सुरू आहे. पेन्शनधारकांचे वय लक्षात घेऊन त्यांना सावलीत बसण्याची सोय करण्यात आली आहे. तसेच पिण्याच्या पाण्याची आणि स्वच्छतागृहाचीही सोय करण्यात आली आहे. पाच जिल्ह्यांचे ऑफिस कोल्हापुरात असल्याने कोकणातून सिंधुदुर्ग, रत्नागिरीतून तसेच सांगली, सातारा जिल्ह्यातील ईपीएफ पेन्शनधारक येथे येत आहे. त्यांनी कार्यालयाबाहेर व्यवस्थेविषयी समाधाना व्यक्त केले.

सव्वा लाख पेन्शनधारक

कोल्हापूरसह पाच जिल्ह्यांत मिळून एक लाख २५ हजार ईपीएफ पेन्शनधारक आहेत. नोव्हेंबर २०१६पासून या पेन्शनधारकांचे आधारजोडणीचे काम सुरू आहे. हयात असणाऱ्यांनाच पेन्शन मिळावी, यात काही गैरप्रकार घडू नयेत म्हणून, सर्वांना ऑनलाइन जोडणी करण्याचे काम सुरू आहे. नोंदणी प्रक्रियेला सातत्याने मुदतवाढ देण्यात आली असून, आता ३० एप्रिल ही शेवटी तारीख सांगण्यात आली आहे. तत्पूर्वी नोंदणी न केल्यास मे महिन्यापासून पेन्शन बंद होणार आहे. मात्र, यापूर्वी आधारनोंदणी केलेल्यांनी आता नोंदणी करण्याची गरज नसल्याचे कर्मचाऱ्यांनी स्पष्ट केले.


आजारी किंवा अपंग पेन्शनधारकांच्या नातेवाइकांनी वैद्यकीय प्रमाणपत्रासह जवळच्या महा ई-सेवा केंद्रात किंवा पेन्शन जमा होणाऱ्या बँकेत नोंदणी करायची आहे.

मोबाइल अॅप डाउनलोड करा आणि राहा अपडेट

कोल्हापूर-पुणे रेल्वे विद्युतीकरणाचा मार्ग मोकळा

April 20, 2017, 2:30 pm

≫ Next: नऊ कोटींच्या लुटीचा सीआयडीकडून तपास सुरू

≪ Previous: आधार नोंदणीसाठी पेन्शनधारकांची धडपड

$

0

0

म. टा. प्रतिनिधी, कोल्हापूर

कोल्हापूर-मिरज-पुणे या ३२६ किलोमीटर रेल्वे मार्गाच्या विद्युतीकरणाचा मार्ग आज, गुरुवारी मोकळा झाला. या कामासाठी मंजूर करण्यात आलेल्या ५१३.०४ कोटी रुपयांच्या कामांच्या तपशीलवार अंदाजपत्रकाला (डिटेल एस्टिमेटला) गुरूवारी रेल्वे मंत्री सुरेश प्रभू यांनी मंजुरी दिली. त्यामुळे या मार्गाच्या विद्युतीकरणाच्या कामाला सुरुवात होणार असून, पश्चिम महाराष्ट्रातील रेल्वे विकासाला चालना मिळणार आहे. कोल्हापूर रेल्वे स्थानकाच्या १२६ व्या वर्धापनदिनी विद्युतीकरणाला मिळालेली मंजुरीने आनंद द्विगुणीत झाला आहे.

कोल्हापूर-पुणे रेल्वे मार्गाचा विकास विद्युतीकरणा अभावी रखडला होता. विद्युतीकरणाची मागणी गेली अनेक वर्षे रखडली होती. या संदर्भात लोकप्रतिनिधींपासून रेल्वे प्रवासी संघटनेने पाठपुरावा केला होता. रेल्वेमंत्री सुरेश प्रभूंच्या पुढाकारामुळे या लढ्याला आज यश आले आहे. पहिल्या टप्प्यातील ५१३.०४ कोटी रुपयांच्या कामांना मंजुरी देताना पॉवर ग्रीड कॉर्पोरेशन ऑफ इंडिया लिमिटेड (पीजीसीआयएल) या कंपनीकडे कामाची जबाबदारी सोपविण्यात आली आहे.

पश्चिम महाराष्ट्रातील मिरज, कोल्हापूर, सांगली, हा भाग मध्य रेल्वेच्या पुणे विभागात येतो. पुणे - मुंबई या शहरांना दक्षिण भारताशी जोडणारा रेल्वे मार्ग मिरज, सांगलीतून जातो. या मार्गाच्या विद्युतीकरणामुळे पुणे-मिरज-होस्पेटमार्गे दक्षिणेतील बेंगळुरू, चेन्नई ही शहरे थेट पश्चिम विभागाशी वेगाने जोडली जाणार आहेत. या मार्गांवरील प्रवास कमीत कमी वेळेत शक्य होणार आहे.

इंटरसीटीला गती

कोल्हापूर-पुणे इंटरसिटी एक्स्प्रेसची मागणी गेल्या काही वर्षांपासून होत आहे. पुण्यात आयटी क्षेत्रात काम करत असलेल्या कोल्हापूर परिसरातील तरुणांची संख्या लक्षात घेता, या मागणीला जोर चढला आहे. काही दिवसांपूर्वी रेल्वेच्या विकासकामांच्या उदघाटन कार्यक्रमास रेल्वेमंत्री सुरेश प्रभू कोल्हापुरात उपस्थित होते. त्या कार्यक्रमात थेट रेल्वेमंत्र्यांपुढे इंटरसिटीची मागणी करण्यात आली होती. रेल्वेमंत्र्यांनीही गाडी सुरू करण्याला सकारात्मक प्रतिसाद दिला होता. त्याचबरोबर कोल्हापूर-मुंबई एक्स्प्रेस गाड्यांच्या वेगाचाही विषय सातत्याने चर्चेत आहे. सध्या कोल्हापूर-मुंबई रेल्वेला पुण्यापर्यंत अधिक वेळ लागत असल्याने एकूण प्रवासाचा वेळ वाढत आहे. या मार्गचे विद्युतीकरण झाल्यास पुण्यापर्यंतचा प्रवास वेगाने होऊन मुंबई गाठण्याचा वेळ कमी होणार आहे.

कोल्हापूर स्थानकाचा गौरव

कोल्हापूर रेल्वे स्थानकाला १२६ वर्षे पूर्ण होताना वर्धापनदिनाचा विशेष कार्यक्रम रेल्वे प्रशासनाकडून आयोजित करण्यात आला होता. काही कारणांनी आजचा हा कार्यक्रम रद्द झाला असला, तरी लवकरच हा कार्यक्रम आयोजित करण्यात येणार असल्याची माहिती रेल्वेच्या पश्चिम विभागाचे वाणिज्य अधिकारी कृष्णात पाटील यांनी दिली. कोल्हापूर स्थानकाच्या गौरवाप्रित्यर्थ रेल्वेकडून विशेष लखोटा प्रकाशित करण्यात येणार आहे. कार्यक्रमात या लखोट्याचे प्रकाशन होईल, अशी माहिती पाटील यांनी दिली.



गेली अनेक वर्षे रेल्वे प्रवासी पुणे-मिरज-कोल्हापूर रेल्वे विद्युतीकरण आणि दुपदरीकरणासाठी पाठपुरावा करत आहेत. आजच्या निर्णायामुळे विद्युतीकरणाचे काम दृष्टीपथात आले आहे. कोल्हापुरातून पुणे, मुंबई ही शहरे आता काही तासांवर येणार आहेत.

- शिवनाथ बियाणी, सदस्य,
मुंबई विभागीय रेल्वे सल्लागार समिती

मोबाइल अॅप डाउनलोड करा आणि राहा अपडेट

नऊ कोटींच्या लुटीचा सीआयडीकडून तपास सुरू

April 20, 2017, 2:30 pm

≫ Next: जिल्हा परिषदेत लाचेचा ‘प्रोटोकॉल’

≪ Previous: कोल्हापूर-पुणे रेल्वे विद्युतीकरणाचा मार्ग मोकळा

$

0

0

म. टा. प्रतिनिधी, कोल्हापूर

वारणा लुटीच्या तपासाची सूत्रे गुरूवारी सीआयडीच्या अधिकाऱ्यांनी स्वीकारली. सीआयडीचे पश्चिम विभागीय पोलिस महानिरीक्षक रवींद्र कदम यांनी कोल्हापूर पोलिसांकडून तपासाची माहिती घेतली. त्याचबरोबर तपास अधिकारी हर्ष पोद्दार यांच्याकडून गुन्ह्यातील कागदपत्रे ताब्यात घेतली. यापुढील तपास आणि संशयितांच्या अटकेची कारवाई सीआयडीकडून होणार आहे. दरम्यान, संशयित लुटारू पोलिस अजूनही फरार असून, अटकपूर्व जामिनासाठी त्यांची धावाधाव सुरू आहे.

वर्षापूर्वी वारणानगर येथील शिक्षक कॉलनीत झालेल्या कोट्यवधींच्या चोरीचा तपास करताना सांगलीतील पोलिसांनी सुमारे ९ कोटी १८ लाखांची रक्कम लाटल्याचा धक्कादायक प्रकार उघडकीस आल्याने सर्वसामान्यांसह पोलिस अधिकारीही चक्रावले होते. सीआयडीचे कोल्हापूर विभागाचे अधीक्षक राजेश बनसोडे हे तपास करीत आहेत. या प्रकारात थेट पोलिस अधिकारीच सहभागी असल्याने याचे गांभीर्य वाढले आहे. गृह राज्यमंत्री दीपक केसरकर यांनी वारणा लुटीतील रॅकेटचा छडा लावणार असल्याचे स्पष्ट केले होते. यानंतर अवघ्या काही तासातच सीआयडीचे पश्चिम विभागीय पोलिस महानिरीक्षक रवींद्र कदम हे कोल्हापुरात दाखल झाले. गुरूवारी सकाळी त्यांनी पोलिस अधीक्षक कार्यालयात पोलिस अधीक्षक एम. बी. तांबडे यांची भेट घेऊन यापूर्वी झालेल्या तापसाबाबत चर्चा केली.

सांगली पोलिसांनंतर वारणा लुटीचा तपास कोल्हापूर पोलिसांनी केला होता, त्यामुळे आयजी रवींद्र कदम यांनी कोल्हापूर पोलिसांशीही चर्चा केली. सीआयडीच्या कार्यालयात गुरूवारी दुपारी तीन तास कदम यांनी तपासाचा आढावा घेतला. यावेळी त्यांनी तपास अधिकारी हर्ष पोद्दार आणि कोडोली पोलिस ठाण्याचे सहायक पोलिस निरीक्षक विकास जाधव यांच्याशी सविस्तर चर्चा केली. स्थानिक गुन्हे अन्वेषण शाखेचे निरीक्षक दिनकर मोहिते हेदेखील बैठकीदरम्यान काही काळ उपस्थित होते. कदम यांनी कोल्हापूर पोलिसांकडून गुन्ह्यातील पुरावे आणि महत्त्वाची कागदपत्रे स्वीकारली. गुन्ह्यासंदर्भात संपूर्ण माहिती घेतल्यानंतर आयजी कदम यांनी सीआयडीचे तपास अधिकारी राजेश बनसोडे यांना तपासाबाबत सूचना दिल्या. यावेळी सीआयडीचे उपअधीक्षक डी. डी. कांबळे, कोडोली पोलिस ठाण्याचे सहायक पोलिस निरीक्षक विकास जाधव उपस्थित होते.

जामिनासाठी धावाधाव

चोरीतील ९ कोटी १८ लाकांची रक्कम परस्पर लंपास करणारे सात पोलिस अद्याप फरार आहेत. संशयितांच्या घरांवर निलंबनाच्या नोटिसा लावल्यानंतरही संशयित स्वतःहून पोलिसात हजर झालेले नाहीत. अटकपूर्व जामीन मिळवण्यासाठी संशयितांनी पुणे आणि सांगलीतील वकिलांशी संपर्क केल्याचे सूत्रांनी सांगितले. दरम्यान, संशयितांच्या अटकेसाठी पुण्याला गेलेले पथकही रिकाम्या हाताने परत आले.

मोबाइल अॅप डाउनलोड करा आणि राहा अपडेट

जिल्हा परिषदेत लाचेचा ‘प्रोटोकॉल’

April 20, 2017, 2:30 pm

≫ Next: सदस्यांची नावे गुलदस्त्यात

≪ Previous: नऊ कोटींच्या लुटीचा सीआयडीकडून तपास सुरू

$

0

0

म. टा. प्रतिनिधी, कोल्हापूर

जिल्हा परिषदेतील अर्थ विभागातील प्रभारी मुख्य लेखाधिका‌ऱ्यास‌ह वरिष्ठ लेखा सहायक ५० हजार लाचप्रकरणी लाचलुचपत प्रतिबंधक विभाग पथकाच्या जाळ्यात सापडले. ‘प्रोटोकॉलनुसार एक ते दीड टक्के द्यावे लागतात,’ असे सांगून लेखाधिकाऱ्यांनी लाचेची मागणी केल्याचे समोर आले. यामुळे लाचेचाही प्रोटोकॉल चांगलाच रुजल्याचे स्पष्ट झाले. जिल्हा परिषदेच्या इतिहासात पहिल्यांदाच अधिकारी लाच घेताना सापडला. तिजोऱ्यांच्या चाव्या असलेले अधिकारीच लाचप्रकरणी सापडल्याने एकेकाळी उत्कृष्ट कामगिरीने नावलौकिक मिळवलेल्या जिल्हा परिषदेची पुरती बेअब्रू झाली.

लेखाधिकारी बाळासाहेब पाटील, वरिष्ठ लेखा सहायक सचिन कोळी ५० हजारांची लाच घेताना बुधवारी जाळ्यात सापडले. पाटील यापूर्वी सांगली जिल्हा परिषद, शिवाजी विद्यापीठात काम केलेत. तेथेही त्यांच्या कामकाजाविरोधात तक्रारी होत्या. मंजूर बिले चिरीमिरीसाठी ते अडवून ठेवत. प्रत्येक फाइलमधून काही ना काही ‘अर्थ’ शोधण्यात ते पटाईत होते, अशीही माहिती पुढे आली. म‌हिला व बालकल्याण विभागात नियुक्त कोळी वित्त विभागात प्रतिनियुक्तीवर आले. ते आल्यापासून डल्ला मारण्यास सुरुवात केली. पाटील यांच्या वरकमाईला ते हातभार लावत. विशेष म्हणजे पाटील यांनी तक्रारदाराकडून प्रोटोकॉल म्हणून ३० लाखांच्या बिलाच्या दीड टक्यांप्रमाणे ५० हजार लाचेसाठी तगादा लावला. त्यावरून लाचेचा प्रोटोकॉल अधिकाऱ्यांना कसा फायदेशीर ठरत आहे, हेही पुढे आले.

केंद्र, राज्य सरकारच्या १२७ योजनांची अंमलबजावणी जिल्हा परिषदेतर्फे होते. बिलांच्या मंजुरीसाठी लेखाधिकाऱ्यांची सही लागते. लेखाधिकारी दीड टक्यांचा वाटा मिळणार असल्याची खात्री करून घेऊन बिलाच्या फाइलवर सही करीत. न दिल्यास फाईलमध्ये त्रुटी काढली जाते. फाइलवर सही न झाल्यास पुन्हा बिल मिळण्यास विलंब होतो. ठेकेदार अधिकाऱ्याकडे पैसे पोहच करत. याशिवाय बिलाची फाईल ज्या टेबलवरून फिरते, तेथे १०० ते २०० रुपये खुशाली द्यावी लागते. अन्यथा मध्येच फाइलला ब्रेक लागतो. गेल्या अनेक वर्षांपासूनचा हा टेबलाखालूनचा ‌लाचेचा व्यवहार सुरू आहे. सक्ती न करता प्रेमाने पैसे गोळा केले ते अधिकारी चर्चेत आले नाहीत. लेखाधिकारी पाटील, कोळी लाच घेताना रंगेहाथ सापडल्याने वित्त विभागातील भ्रष्टाचाराच्या सुरस कथा उघडपणे चर्चिल्या जात आहेत. जिल्हा परिषद मुख्य कार्यकारी अधिकारी डॉ. कुणाल खेमनार यांनाही काही कर्मचाऱ्यांनी भेटून पाटील, कोळी यांनी पैशासाठी कसा त्रास दिला त्याचा पाढाच गुरुवारी वाचला. (पूर्वाध)

बडा मासा प्रथमच गळाला...

जिल्हा परिषदेमधील माध्य‌मिक‌ शिक्षण विभागातील तिघेजण यापूर्वी लाच घेताना सापडले. ते लिपिक दर्जाचे होते. तेथे बडे मासे गळाला लागले नव्हते. बुधवारच्या लाचप्रकरणात लिपिकसह लेखाधिकारी पाटील लाचेच्या जाळ्यात सापडले. छोट्यासह बडा मासाही गळाला लागल्याची चर्चा जिल्हा परिषदेत दिवसभर राहिली.

लाचेची टक्केवारी

बांधकाम, महिला व बालकल्याण, समाज कल्याण, कृषी, शिक्षण या विभागचे समिती सभापती, सदस्य असतात. या विभागची बिले लाखो आणि कोटींत असतात. ती मंजूर करण्यासाठी समिती सभापती, सदस्य यांची १५ ‌ते २० टक्के, विभागाचे अधिकारी (अपवाद वगळून) १ ते २ टक्के, वित्त अधिकारी दीड टक्के अशी लाचेची टक्केवारी ठरलेली आहे. नव्या सभागृहात तरी हे चित्र बदलेल अशी अपेक्षा आहे. या व्यवहारांत एकमेकांचे लागेबांधे असतात. तक्रार केल्यानंतर पुढील कामांचा ठेका मिळणार नसल्याने तक्रार होत नाही. म्हणून टेबलाखालचा व्यवहार फोफावला आहे.

मोबाइल अॅप डाउनलोड करा आणि राहा अपडेट