खंडपीठ लढ्याचे नेतृत्व करणार नाही

April 8, 2017, 2:30 pm

≫ Next: प्रवासी वाहतुकीचा संघर्ष पेटणार

≪ Previous: माळीणचे पुनर्वसन; 'या' २० गावांचे काय ?

$

0

0

म. टा. प्रतिनिधी, कोल्हापूर

खंडपीठ कृती समितीने घेतलेल्या साखळी उपोषण स्थगित करण्याच्या निर्णयाशी सहमत नसल्याने आजपासून खंडपीठ लढ्याचे नेतृत्व करणार नाही, अशी कणखर भूमिका शनिवारी ज्येष्ठ नेते प्रा. डॉ एन. डी. पाटील यांनी पत्रकार परिषद घेऊन स्पष्ट केली. मुख्यमंत्र्यांनी दिलेल्या आश्वासनानंतरही कृती समितीचे समाधान झाले नसावे, त्यामुळेच त्यांनी आंदोलन मागे न घेता स्थगित करण्याचा निर्णय घेतला असावा. यापुढे सगळ्यांचा एकसुरी पाठिंबा असेल तरच नेतृत्व करीन, असेही मत डॉ. पाटील यांनी स्पष्ट केले.

मुंबईत ५ एप्रिलला कोल्हापुरात खंडपीठ होण्यासंदर्भात लोकप्रतिनिधी, वकील संघटना आणि कृती समितीच्या सदस्यांनी मुंख्यमंत्री देवेंद्र फडणवीस यांची भेट घेतली. सर्व बाजू समजावून सांगितल्यानंतर मुख्यमंत्र्यांनी ठोस आश्वासन दिले. त्याचवेळी कृती समितीने आंदोलन मागे घेत असल्याची घोषणा करायला हवी होती, असे मत डॉ. पाटील यांनी व्यक्त केले.

ते म्हणाले, ‘मुंबईतील बैठकीत कृती समितीने १२ एप्रिलला बैठक घेऊन आंदोलनाबाबत दिशा ठरवू, असे सांगितले. त्यावर मुख्यमंत्र्यांनी नाराजी व्यक्त केल्यानंतर ७ एप्रिलला बैठक घेऊ असे सांगितले. कोल्हापुरात परतल्यानंतर शनिवारी सकाळी बैठकीचा वृत्तांत वर्तमानपत्रांत वाचला. त्यात १५ जूनपर्यंत आंदोलन स्थगित करण्याचा निर्णय वाचला. स्थगित करणे आणि मागे घेणे यात खूप फरक आहे. समितीचा निर्णय सरकारला दिलेला अल्टिमेटम आहे. बैठकीत एका नेत्याने बंदची भूमिका जाहीर केली आहे. या बैठकीतील भूमिकेशी माझा एक टक्काही संबंध नाही. त्यामुळे आंदोलनाचे नेतृत्व करणे संयुक्तिक वाटत नाही. त्यांच्या मार्गातील माझा अडसर मीच दूर करत आहे.

एन. डी. पाटील म्हणतात...

- समिती अंतर्गत कुरघोड्या चांगल्या नाहीत

- त्यांच्या श्रेयवादात मला बिलकूल पडायचे नाही

- मूठभर लोकांच्या भल्यासाठी आंदोलनात आलो नाही

- सहा जिल्ह्यांतील वकिलांचा, नागरिकांचा प्रश्न

- आज सकाळी कृती समितीने चूक मान्य केली

‘मीडियाला निर्णय सांगू नका’

बार असोसिएशनच्या प्रतिनिधींनी सकाळी प्रा. डॉ एन. डी. पाटील यांची निवासस्थानी भेट घेतली. असोसिएशनचे अध्यक्ष अॅड. प्रकाश मोरे, महादेवराव आडगुळे आणि विवेक घाटगे सहकाऱ्यांसह भेटीसाठी आले. त्यांना डॉ. पाटील नेतृत्व करणार नसल्याचे सांगितल्यानंतर त्यांनी मुख्यमंत्र्यांना आंदोलन मागे घेत असल्याचे पत्र पाठवू, असे सांगितले. पण डॉ. पाटील भूमिकेवर ठाम राहिले. त्यावर कृती समितीच्या सदस्यांना तुमचा निर्णय प्रेसला सांगून नका, अशी गळ घालायला सुरुवात केली. जवळपास अर्धा तास ते समजूत घालत होते, अशी माहिती डॉ. पाटील यांनी दिली.

मोबाइल अॅप डाउनलोड करा आणि राहा अपडेट

---

प्रवासी वाहतुकीचा संघर्ष पेटणार

April 8, 2017, 2:30 pm

≫ Next: उजनी काठावर गाळपेरणी सुरू

≪ Previous: खंडपीठ लढ्याचे नेतृत्व करणार नाही

$

0

0

म. टा. प्रतिनिधी, कोल्हापूर
शहरातील अवैध प्रवासी वाहतुकीवरुन वडापचालक आणि केएमटीतील संघर्षात आता प्रादेशिक परिवहन कार्यालयाने उडी घेतली आहे. बेकायदेशीर वाहतुकीवरुन आरटीओ कार्यालयात येऊन गोंधळ घालणाऱ्या महापालिका पदाधिकारी, नगरसेवकांसह रिक्षा संघटनांच्या पदाधिकाऱ्यांवर कायदेशीर कारवाईचा आक्रमक पवित्रा घेतला आहे. प्रादेशिक परिवहन अधिकारी डॉ. डी. टी. पवार यांनी संबंधितांवर गुन्हे दाखल करण्याचा इशारा दिला आहे. दरम्यान, गाजावाजा करत अवैध प्रवासी वाहतुकीविरोधातील कारवाई केवळ दिखावा ठरत असल्याचे चित्र आहे. शनिवारी केवळ २४ व्यावसायिकांवर कारवाई झाली. दरम्यान केएमटीने आरटीओ कार्यालयाकडे १५ कोटींचा प्रवासी कराचा भरणा केला नसल्याच्या कारणावरुन केएमटीची मालमत्ता, बसेस जप्त करण्याचा इशारा डॉ. पवार यांनी दिला आहे.
शहरात सहाआसनी रिक्षांना प्रवासी परवाना नसताना खुलेआम वडाप सुरू आहे. बसथांब्यांवर वडापचालकांची दादागिरी आहे. अवैध वाहतुकीमुळे केएमटीला रोज अडीच ते तीन लाखांचा तोटा होत आहे. वडापसह सहाआसनी रिक्षांवर कारवाई करावी या मागणीसाठी महापालिका पदाधिकाऱ्यांनी गुरुवारी आरटीओ कार्यालयावर धडक मारली. अधिकारी पवार यांना धारेवर धरले. त्यानंतर आरटीओ कार्यालयाने शुक्रवारी वडापचालकांविरोधात कारवाई सुरु केली. सहाआसनी व्यवसायाला चाप लावला. वडाप थांबल्याने शुक्रवारी एका दिवसात केएमटीचे उत्पन्न दोन लाखांनी वाढले. मात्र रिक्षा व्यावसायिकांवरील कारवाईविरोधात संघटना एकत्र येऊन आरटीओ कार्यालयावर मोर्चा काढला. कारवाई थांबविण्यासाठी अधिकाऱ्यांना दम भरला. परिणामी अवैध वाहतुकीवरील कारवाईची तीव्रता कमी झाली.

आरटीओ कार्यालयाने शनिवारीही अवैध वाहतुकीविरोधातील मोहीम सुरू ठेवली. पण, दिवसभरात केवळ २४ वाहनावर कारवाई झाली. शनिवारी बसथांबा परिसरात पुन्हा सहाआसनी वाहने बिनदिक्कत प्रवासी वाहतूक करत होती. दरम्यान, गुरुवारी नगरसेवकांनी आंदोलन करताना परवानगी घेतलेली नव्हती. आरटीओ कार्यालयाला कल्पना दिली नव्हती. अर्ध्या तासाहून अधिक काळ नगरसेवकांनी गोंधळ घातल्याने प्रादेशिक परिवहन आयुक्त कार्यालयाकडून कारवाईसाठी अधिकाऱ्यांना फ्री हॅन्ड दिला आहे. तसेच अवैध प्रवासी वाहतूक करणारच, असा दम देणाऱ्या रिक्षा संघटनांच्या पदाधिकाऱ्यांवरही कारवाई केली जाणार आहे. कारवाई केलेल्या वाहनचालकांवर परवाना निलंबनाची कारवाई करण्यात येणार आहे.

००००
केएमटी प्रवासीकर वसूल करून घेते; पण या कराचा भरणा आरटीओकडे केला जात नाही. अंदाजे १५ कोटी प्रवासी कराची थकीत रक्कम केएमटीने भरलेली नाही. या रकमेची मागणी केएमटीकडे करण्यात येणार आहे. वसुलीसाठी अंतिम पर्याय म्हणून केएमटी जप्तीची कारवाई केली जाईल.

डॉ. डी. टी. पवार, प्रादेशिक परिवहन अधिकारी

मोबाइल अॅप डाउनलोड करा आणि राहा अपडेट

उजनी काठावर गाळपेरणी सुरू

April 9, 2017, 10:29 am

≫ Next: महिला चोरट्यांना अटक

≪ Previous: प्रवासी वाहतुकीचा संघर्ष पेटणार

$

0

0

म. टा. वृत्तसेवा, सोलापूर

उजनी जलाशयातील पाणीसाठा हळूहळू कमी होऊ लागला आहे. जलाशयातील पाण्याने व्यापलेल्या जमिनी आता उघड्या पडल्या असल्याने या जमिनीवर उन्हाळी पिके घेण्याची बळीराजांची लगबग सुरू झाली आहे. करमाळा तालुक्याच्या पश्चिम भागातील कोंढार चिंचोलीसह परिसरात असे चित्र दिसून येत आहे.

उजनी जलाशयामुळे लाखो सजीवांची पाण्याची गरज भागविली जात असतानाच जलाशयातील पाण्याच्या आधारावर हजारो शेतकऱ्यांची उपजीविका अवलंबून आहे. दरम्यान, जलाशयातील पाणी कमी फायद्या शेतकऱ्यांना होते आहे, पाणी घटत असताना उघड्या पडणाऱ्या जमिनीवर शेतकरी उन्हाळी पिकांचे उत्पादन घेतात. यंदाही सद्यस्थितीत उजनी काठावर अशा गाळपेरण्या सुरू आहेत. या पेरण्यासाठी शेतकऱ्यांची लगबग सुरू झाली आहे. या जमिनींची हलकीशी मशागत करताना शेतकरी दिसून येत असून या भागात आता कडवळ, मका, कांदा, भुईमुग, मुग, बाजरी या पिकांची पेरणी होणार आहे.
कसदार जमिनी ठरतायत फायदेशीर

उन्हाळ्यात जलाशयाच्या पाण्याबाहेर पडणाऱ्या या जमिनीत गाळाचे प्रमाण जास्त असल्याने त्या कसदार असतात. या शिवाय जलाशयाकाठच्या या जमिनीत ओलाव्याचे प्रमाण जास्त असल्याने पाण्याची गरज नसते. एकदा पेरणी झाली की खत, पाण्याविना पिके बहारदार येतात. एकूणच अल्प कष्ट व खर्चात चांगले उत्पन्न मिळते. कोंढारचिंचोली, पारेवाडी, उमरड, पोमलवाडी, जिंती, टाकळी, कात्रजसह परिसरातील शेतकऱ्यांना असा अनुभव आहे.

वेगाने पाण्यात घट

यंदा उजनी ११० टक्के भरले होते. मात्र, सद्यस्थितीत पाण्याची घट वेगाने होऊ लागली आहे. मुख्यतः धरणातून खाली सोडण्यात आलेल्या पाण्यामुळे जलाशयातील पाणीसाठा पोटाच्या दिशेने खाली सरकत आहे. त्यातच वाढत्या उष्णतेमुळे पाण्याच्या बाष्पीभवनात वाढ होत आहे, अशा स्थितीत जलाशयाने व्यापलेला जमिनीचा भाग उघडा पडण्याचा वेग आता वाढणार आहे. जमिनी उघड्या पडल्या की त्या ठिकाणी गाळपेरणी करण्याची लगबगही वाढणार आहे.
उजनीच्या पाण्याच्या नियोजनाची मागणी

उजनी जलाशयाने शंभरी ओलांडली तरी उन्हाळ्यात जलाशयाची पाणीपातळी वजा होऊन पाण्याची अडचण निर्माण होते. शेती पंपांची वीज कपात केली जाते. परिणामी धरणासाठी त्याग करणाऱ्या शेतकऱ्यांना पिके जगविणे अवघड होते, अशी स्थिती दर वर्षी आढळून येते. यंदा पुन्हा ये रे माझ्या मागल्या प्रमाणेच वातावरण आहे. या पार्श्वभूमीवर उजनीच्या पाण्याचे योग्य नियोजन व्हावे, अशी मागणी केली जात आहे.

मोबाइल अॅप डाउनलोड करा आणि राहा अपडेट

महिला चोरट्यांना अटक

April 9, 2017, 2:30 pm

≫ Next: नेतृत्व सोडणे मानापमान नाही

≪ Previous: उजनी काठावर गाळपेरणी सुरू

$

0

0

म. टा. प्रतिनिधी, कोल्हापूर

राजारामपुरी येथील दुसऱ्या गल्लीत फॅब्रिकेशनच्या दरवाजाचे कुलूप तोडून आतील हैड्रोलिक मशिन आणि लाकूड कापण्यासाठी वापरल्या जाणाऱ्या मशिनची चोरी करणाऱ्या दोन महिला चोरट्यांसह एका रिक्षाचालकाला राजारामपुरी पोलिसांनी अटक केली. छाया राजू सोनटक्के (वय ३८), संगीता बळी लोंढे (३३, दोघीही रा. राजेंद्रनगर) आणि असिफ बशीर सदलगे (३१, रा. रेणुकानगर, पाचगाव) अशी अटकेतील तिघांची नावे आहेत. पोलिसांनी या तिघांकडून रिक्षासह ७५ हजार रुपयांचा मुद्देमाल जप्त केला.

उमा टॉकीजवळ राहणारे सागर विजय पोवार यांचे राजारामपुरीतील दुसऱ्या गल्लीत फॅब्रिकेशन शॉप आहे. मंगळवारी (ता. ४) मध्यरात्री या दुकानाचे कुलूप तोडून चोरट्यांनी आतील हैड्रोलिक मशिन, लाकूड कापण्यासाठी वापरले जाणारे कटर मशिन, लोखंडी अँगल आणि केबल असा सुमारे २० हजार, ७०० रुपयांचा मुद्देमाल लंपास केला होता. याबाबत राजारामपुरी पोलिस ठाण्यात फिर्याद दाखल झाल्यानंतर पोलिसांच्या रेकॉर्डवरील गुन्हेगारांनीच ही चोरी केल्याची माहिती पोलिसांना मिळाली होती. यानुसार पोलिसांनी छाया सोनक्के, संगीता लोंढे या दोघींना अटक केली. चौकशीदरम्यान या दोघींनीही चोरीची कबुली दिली. चोरीतील साहित्य घेऊन जाण्यास वापरलेली रिक्षाही पोलिसांनी जप्त केली असून, चालक असिफ सदलगे याला अटक केली. यातील दोन्ही महिला चोर पोलिसांच्या रेकॉर्डवरील आहेत. अधिक चौकशीत आणखी काही गुन्हे उघडकीस येण्याची शक्यता पोलिस निरीक्षक अमृत देशमुख यांनी वर्तवली आहे. पोलिस हवालदार इकबाल महात आणि त्यांच्या सहकाऱ्यांनी महिला चोरट्यांना पकडले.

मोबाइल अॅप डाउनलोड करा आणि राहा अपडेट

नेतृत्व सोडणे मानापमान नाही

April 9, 2017, 2:30 pm

≫ Next: खंडपीठासाठी रस्त्यावर उतरू

≪ Previous: महिला चोरट्यांना अटक

$

0

0

कोल्हापूरसह सहा जिल्ह्यातील नागरिकांसाठी सुरू असलेल्या आंदोलनात आंदोलकांच्या एकीचे दर्शन घडलेच पाहिजे. बैठकीत एक निर्णय घ्यायचा आणि बाहेर येऊन दुसराच निर्णय घ्यायचा, हे योग्य नाही. आंदोलनकर्त्यांचा नेतृत्वावर विश्वास नसेल, तर नेतृत्व कसे करणार? नेतृत्व सोडणे हे मानापमान नाटक नाही, असे वक्तव्य ज्येष्ठ नेते प्रा. डॉ. एन. डी. पाटील यांनी ‘महाराष्ट्र टाइम्स’शी बोलताना केले.

प्रश्न : तुम्ही तडकाफडकी आंदोलनाचे नेतृत्व का सोडले?

उत्तर : आपण ज्या आंदोलनाचे नेतृत्व करतो त्या आंदोलनात एकीसह नेकीही असली पाहिजे असा, माझा नेहमीच आग्रह असतो. खंडपीठ कृती समितीसह सर्वपक्षीय नागरी कृती समितीने माझ्या घरी येऊन आंदोलनाचे नेतृत्व करण्याची विनंती केली. मी काही अटी घालूनच या आंदोलनाचे नेतृत्व स्वीकारले होते. इतर आंदोलने आणि खंडपीठाच्या आंदोलनात मोठा फरक आहे. मुख्यमंत्र्यांसोबत मुंबईत झालेल्या बैठकीत त्यांनी ठोस आश्वासन देऊन साखळी उपोषण मागे घेण्याचे आवाहन केले होते. त्याचक्षणी उपोषण मागे घेण्याची गरज होती. आंदोलन मागे घेऊ, असा शब्द मुख्यमंत्र्यांना दिला असताना ते स्थगित करणे योग्य नाही. यानंतर कोणत्या तोंडाने आणि कोणत्या मुद्द्यांवर आपण सरकारशी चर्चा करणार? हा प्रश्न मला पडला. आंदोलने करण्याची ही पद्धत योग्य नाही, त्यामुळे मी आंदोलनाचे नेतृत्व सोडले आहे.

तुमच्या निर्णयाने आंदोलनाला फटका बसेल असे वाटत नाही काय?

हे आंदोलन सहा जिल्ह्यातील नागरिकांसाठी आहे. मी आंदोलनात नव्हतो तरीही माझा आंदोलनाला पाठिंबा होता. यापुढेही आंदोलनाला माझा पाठिंबा राहील. आपण जेव्हा एखाद्या आंदोलनाचे नेतृत्व करतो, तेव्हा आंदोलकांचा आपल्यावर १०० टक्के विश्वास असला पाहिजे. किंबहुना ते आपण गृहित धरतो. रायगड जिल्ह्यातील २४ हजार शेतकऱ्यांची ३४ हजार हेक्टर जमीन सेझमधून काढून घेण्यात आम्हाला यश आले ते परस्पर विश्वासानेच. आंदोलनातील ही प्रामाणिक एकीच सरकारवर दबाव तयार करते. खंडपीठ आंदोलनात मला हे जाणवले नाही, त्यामुळे मी नेतृत्व सोडले. माझ्या नसण्याने आंदोलन थांबणार नाही. फक्त पुढे जाण्याची पद्धत बदलेल.

आंदोलनातील कोणत्या गोष्टींवर तुमचा आक्षेप आहे?

गेल्या ३० वर्षांपासून सुरू असलेल्या आंदोलनात मी फार अल्पकाळ सहभागी होतो. तीन महिन्यातील नेतृत्वावरून मला उणीवा लक्षात येणार नाहीत, मात्र खंडपीठ आंदोलन हे इतर आंदोलनांपेक्षा वेगळे आहे. न्यायासाठी न्यायाने लढाई करता आली पाहिजे. आंदोलनात एकवाक्यता हवी. कोल्हापूर बंद करणे, हिंसक आंदोलनाचे इशारे देणे हे वकिलांच्या आंदोलनाला शोभणारे नाही. आज कोल्हापूर बंदचा इशारा देणाऱ्यांची सत्ता नव्हती काय? तेव्हा त्यांनी काय केले? केवळ शहर बंद करून लोकांना त्रास देऊन हा प्रश्न सुटणार नाही. यासाठी अभ्यासपूर्वक लढाई गरजेची आहे.

आंदोलकांनी पुन्हा नेतृत्वाची विनंती केल्यास तुम्ही नेतृत्व कराल का?

खंडपीठ आंदोलनाचे नेतृत्व सोडत असल्याचे समजताच खंडपीठ कृती समितीच्या काही लोकांनी माझ्याकडे येऊन असा निर्णय न घेण्याची विनंती केली होती. साखळी उपोषण मागे घेतल्याचे पत्र मुख्यमंत्र्यांना पाठवण्याची तयारीही त्यांनी दर्शवली आहे, पण प्रत्येकवेळी ही विसंगती राहणे मला पसंत नाही. वकिलांच्या सर्व संघटना आणि सर्वपक्षीय कृती समितीतही एकवाक्यता पाहिजे. नेतृत्वाने घेतलेल्या निर्णयाची एकमुखाने अंमलबजावणी झाली पाहिजे. सहा जिल्ह्यातील सर्व वकील संघटना एकत्र येऊन प्रमाणिकपणे लढा देणार असतील तरच मी आंदोलनाच्या नेतृत्वाचा विचार करेन, अन्यथा माझा आंदोलनाला पाठिंबा असेल. त्यांनी त्यांच्या पद्धतीने आंदोलन सुरू ठेवावे.

मोबाइल अॅप डाउनलोड करा आणि राहा अपडेट

खंडपीठासाठी रस्त्यावर उतरू

April 9, 2017, 2:30 pm

≫ Next: कृष्णेत दोघांचाबुडून मृत्यू

≪ Previous: नेतृत्व सोडणे मानापमान नाही

$

0

0

म. टा. प्रतिनिधी, कोल्हापूर

कोल्हापुरात मुंबई उच्च न्यायालयाचे खंडपीठ सुरू व्हावे, यासाठी सुरू असलेल्या आंदोलनाला जिल्ह्यातील ८५ संघटनांची पाठिंबा दर्शवला असून, वेळप्रसंगी रस्त्यावर उतरून कोर्टाच्या इमारतीला टाळे ठोकण्याचा इशाराही दिला. रविवारी मुस्लिम बोर्डिंग येथे विविध जाती-धर्माच्या ८५ संघटनांच्या पदाधिकाऱ्यांची बैठक झाली. या बैठकीत हा इशारा देण्यात आला आहे.

मुख्यमंत्री देवेंद्र फडणवीस यांनी कोल्हापुरातील खंडपीठासाठी सकारात्मकता दर्शवली असली तरी या निर्णयाची अंमलबजावणी होईपर्यंत आंदोलनाच्या माध्यमातून सरकारवर दबाव ठेवण्याचा निर्णय जिल्ह्यातील विविध जाती-धर्माच्या संघटनांनी घेतला आहे. खंडपीठ आंदोलनाला पाठिंबा व्यक्त करण्यासाठी ८५ संघटनांच्या प्रतिनिधींनी रविवारी संध्याकाळी मुस्लिम बोर्डिंग येथे बैठक आयोजित केली होती. या बैठकीत बोलताना अखिल भारतीय मराठा महासंघाचे अध्यक्ष वसंतराव मुळीक म्हणाले, ‘खंडपीठ आंदोलनाच्या निमित्ताने बहुजन समाज एकत्र आला आहे. हा केवळ वकिलांचाच प्रश्न नाही, तर सर्वसामान्यांचा प्रश्न आहे. त्यासाठीच सर्व संघटना एकत्र आल्या आहेत. ही एकजूट खंडपीठ मिळेपर्यंत अशीच ठेवावी लागेल. वेळप्रसंगी रस्त्यावर उतरून आंदोलन करू आणि कोर्टाच्या इमारतीला टाळेही ठोकू.’

ज्येष्ठ वकील महादेवराव आडगुळे म्हणाले, ‘गेले ३० वर्षे खंडपीठाचा लढा सुरू आहे. सहा जिल्ह्यातील वकील, पक्षकार आणि लोकप्रतिनिधी या आंदोलनात सहभागी आहेत. कोणताही निर्णय घेताना या सर्वांना विचारात घेणे गरजेचे होते, त्यामुळे सर्वांच्या चर्चेअंतीच आंदोलन स्थगितीचा निर्णय घेतला आहे.’

जिल्हा बार असोसिएशनचे अध्यक्ष ॲड. प्रकाश मोरे म्हणाले, ‘मुख्यमंत्री फडणवीस यांनी केवळ पत्र दिल्याने सर्किट बेंचला मंजुरी मिळणार नाही. त्यासाठी आणखी अनेक बाबी कराव्या लागणार आहेत. सहा जिल्हे आणि ६३ तालुक्यांतील पदाधिकाऱ्यांना विचारल्याशिवाय एखादा निर्णय घेता येत नाही, त्यामुळेच खंडपीठ कृती समितीच्या बैठकीत चर्चा करून आंदोलन स्थगित केले आहे.’ बैठकीच्या अध्यस्थानी बाळासाहेब अत्तार होते. उपस्थित संघटनांच्या पदाधिकाऱ्यांनी आंदोलनाचा पाठिंबा दर्शवला. यावेळी मुस्लिम बोर्डिंगचे गणी आजरेकर, बबन रानगे, कादर मलबारी, भारतीय फेडरेशनच्या आशा कुकडे, हाजी फारूख एम. कुरेशी आदीनी मनोगत व्यक्त केले. बाळासाहेब भोसले, शाहीर विजय शिंदे, शरद साळुंखे, जगमोहन भुर्के, बाबूराव बोडके, अशोक घाटगे, किशोर घाटगे, दिलीप भुर्के, सुरेश रोटे, आदी उपस्थित होते.

मोबाइल अॅप डाउनलोड करा आणि राहा अपडेट

कृष्णेत दोघांचाबुडून मृत्यू

April 9, 2017, 10:25 am

≫ Next: रथोत्सव लोकोत्सव व्हावा

≪ Previous: खंडपीठासाठी रस्त्यावर उतरू

$

0

0

म. टा. वृत्तसेवा, सांगली

सांगलीत कृष्णा नदीत पोहण्यासाठी गेलेले दोन तरुण रविवारी दुपारी बुडाले. त्यांच्या पैकी राजकुमार रामचंद्र यादव (वय ४०) याचा मृतदेह आयुष हेल्पलाईनने शोधून काढला. परंतु, दुसरा महादेव सत्याप्पा माने याचा रात्री उशीरापर्यंत शोध लागला नसल्याने शोधकार्य थांबविण्यात आले. या दोघांबरोबर असलेले अन्य तिघे-चौघे गायब झाले असल्याने नेमका प्रकार काय घडला, हे समजू शकले नाही.

उन्हळ्याच्या झळा अधिक तीव्र झाल्याने सध्या नदी, स्विमिंग टँक, परिसरातील विहिरींमध्ये उड्या घेणाऱ्यांची संख्या दिवसेंदिवस वाढत आहे. गेल्या काही दिवसांत सांगलीतल्या रोटरीच्या जलतरण तलावात एक, क्रीडा प्रबोधिणीच्या जलतरण तलावात एक आणि रविवारी कृष्णा नदीत दोघे बुडाल्याच्या घटना समोर आल्या आहेत. बुडाल्यांपैकी सर्वजण वयाची विशी ओलांडलेले आणि पोहायला येणारेच होते. त्यामुळे पोहायला येणारी मंडळी बुडून मृत्यमुखी कशी पडतात, अशी शंका व्यक्त होऊ लागली आहे. क्रीडा प्रबोधिणीच्या तलावात बुडालेला तरुणाचा जेवणाच्या स्पर्धेने बळी घेतल्याची चर्चा आहे.

सांगलील शंभर फुटी परिसरात राहणारे पाच ते सहाजण एकत्रितपणे पोहण्यासाठी रविवारी दुपारी तीन वाजण्याच्या सुमारास कृष्णा नदीच्या माई घाटावर आले. सर्वांनी नदीत उड्या घेतल्या. त्या ठिकाणी पोहणाऱ्यांची संख्या मोठी होती. काही वेळाने दोघे बुडाल्याची माहिती समजताच सर्वांमध्ये गोंधळ उडाला. कुपवाडची आयुष हेल्पलाईन टीम धावत आली. अमोल पाटील, अविनाश पवार, अक्षय शितोळे, अनिकेत मगदूम, गणेश आनंदे, शुभम शितोळे, जमीर बोरगावे यांनी शोधकार्याला सुरुवात केली. होडीतून आणि अन्य साहित्याच्या माध्यमातून गळ टाकून, पाण्यात बुडून शोध सुरू असतानाच सहा वाजण्याच्या सुमारास राजकुमार यादव याचा मृतदेह सापडला. त्याच परिसरात अंधार पडेपर्यंत महादेव माने याचा शोध सुरू होता. या दोघांबरोबर असलेले अन्य काहीजण मात्र नदीवरुन तत्काळ गायब झाल्याचे सांगण्यात आले. त्यामुळे ते दोघे नेमके कसे बुडाले, याची माहिती मिळू शकली नाही. राजकुमार याचा मृतदेह सरकारी हॉस्पिटलमध्ये ठेवण्यात आल्याचे पोलिसांनी सांगितले.

मोबाइल अॅप डाउनलोड करा आणि राहा अपडेट

रथोत्सव लोकोत्सव व्हावा

April 9, 2017, 2:30 pm

≫ Next: ‘धान्य व्यापाऱ्यांसोबत लवकरच बैठक घेऊ’

≪ Previous: कृष्णेत दोघांचाबुडून मृत्यू

$

0

0

म. टा. प्रतिनिधी, कोल्हापूर

‘छत्रपती शिवाजी महाराज व महाराणी ताराराणी रथोत्सव हा महाराष्ट्राचा लोकोत्सव व्हावा. हा रथोत्सव सर्वसमावेशक असावा, तसेच आपल्या राजाची व त्यांच्या कार्याची ओळख या रथोत्सवातून होण्यासाठी मोठ्या प्रमाणात साजरा करावा’, असे मत शिवचरित्र संशोधक प्रा. डॉ. वसंतराव मोरे यांनी व्यक्त केले. भवानी मंडप येथे छत्रपती चॅरिटेबल देवस्थान ट्रस्टच्या वतीने छत्रपती शिवाजी महाराज व महाराणी ताराराणी रथोत्सवानिमित्त शिवभक्त, तालीम, मंडळे, संस्थांची बैठक घेण्यात आली. यामध्ये रथोत्सवाच्या अनुषंगाने काही सूचना मांडण्यात आल्या. बुधवारी (ता. १२) रोजी रथोत्सव होणार आहे.

राजर्षी शाहू महाराजांनी इथल्या लोकांना शिवछत्रपती व महाराणी ताराराणी यांची आठवण सतत जागृत रहावी यासाठी इ.स. १९१४ मध्ये कोल्हापूरात रथोत्सव सुरु केला. शिवाजी महाराज स्वतंत्र हिंदुस्थानाचे राष्ट्रपुरुष आहेत. इंग्रजांच्या राजवटीत त्यांचे नाव घेऊन एखादा उत्सव साजरा करणे ही खूपच मोठी व क्रांतिकारी घटना होती. अशा वेळी राजर्षी शाहू महाराजांनी जोतिबाच्या चैत्र यात्रेनंतर कोल्हापुरात शिवछत्रपती व महाराणी ताराराणींच्या रथोत्सवाची सुरुवात केली. इ.स. १९१४ मध्ये राजर्षीनी सुरु केलेला हा उत्सव आजही सातत्याने सुरु आहे. ‘रथोत्सव अधिक उत्साहाने आणि मोठ्या प्रमाणात साजरा करण्यासाठी प्रयत्न केला जाणार आहे. या रथोत्सवासाठी ८ ढोल पथकांनी नोंद केली आहे’ असे मोरे यांनी

सांगितले. रथोत्सवात महिलांचा सहभाग वाढण्यासाठी मुलींनी ताराराणी, ज‌िजाऊंच्या वेशभूषेत सहभागी व्हावे. ८ ढोलपथकांनी सहभाग घेण्यासाठी त्यांनी मर्यादित संख्येत रथोत्सवाबरोबर चालत कलासादर करावी, रांगोळीमध्ये देवाचे अथवा महाराजचे चित्र, नाव असू नये, रथोत्सवावर एलईडीचा प्रकाश पडेल अशी व्यवस्था व्हावी, रथोत्सवात सहभागी होताना फेटा अथवा टोपी घालून सहभागी होण्याच्या सूचना बैठकीत सहभागी लोकांनी केल्या. या सूचनांचा विचार करुन रथोत्सवाचे नियोजन करण्यात

येणार आहे.

नगरसेवक किरण नकाते, अजित ठाणेकर, देवस्थान सदस्य शिवाजी जाधव, शाहीर शहाजी माळी, बाबा महाडिक यांनी सूचना मांडल्या. उमेश पोर्लेकर, अर्जुन माने, राजू लिंग्रस, अमित जाधव, संभाजीराव पाटील, नरेंद्र इनामदार आदी मंडळाचे, तालीम व संस्थांचे पदाधिकारी उपस्थित होते.

मोबाइल अॅप डाउनलोड करा आणि राहा अपडेट

---

‘धान्य व्यापाऱ्यांसोबत लवकरच बैठक घेऊ’

April 9, 2017, 2:30 pm

≫ Next: जोतिबा डोंगरावर सासनकाठ्या दाखल

≪ Previous: रथोत्सव लोकोत्सव व्हावा

$

0

0

म. टा. प्रतिनिधी, कोल्हापूर

‘लक्ष्मीपुरीतील धान्य व्यापाऱ्यांना मार्केट यार्डात स्थलांतरित करण्यासंदर्भात लवकरच बैठक घेऊन चर्चा केली जाईल. वाहतुकीच्या समस्यांची सोडवणूक, स्थलांतरणाविषयी व्यापाऱ्यांशी चर्चा करणार आहे’ अशी ग्वाही आयुक्त अभिजीत चौधरी यांनी दिली. कॉमर्स कॉलेज प्रभागातील महापालिकेच्या मालकीच्या शेलाजी वनाजी विद्यालयाच्या नूतन इमारतीचा भूमिपूजन समारंभ झाला.

आयुक्त चौधरी यांच्या हस्ते आणि आमदार राजेश क्षीरसागर यांच्या अध्यक्षतेखाली हा कार्यक्रम झाला. आमदार क्षीरसागर यांनी प्रभागातील विकास कामांसाठी निधी उपलब्ध करुन देण्यात येईल असे सांगितले. स्थानिक नगरसेविका निलोफर आजरेकर यांनी प्रभागातील विकास कामांचा आढावा घेतला. महापालिका शाळेतील विद्यार्थ्यांना शिक्षणाच्या सुविधा, त्यांचा शैक्षणिक दर्जा उंचावण्यासाठी प्रयत्नशील आहे. शेलाजी वन्नाजी विद्यालयाची नवीन इमारत साकारताना येत्या शैक्षणिक वर्षापासून येथे पहिलीपासून सेमी इंग्लिश व बालवाडी सुरु करण्याचा निर्णय शाळेने घेतल्याचे सांगितले.

संघवी ग्रुपचे ललित संघवी यांनी विद्यालयाच्या विकासासाठी सहकार्याची ग्वाही दिली. उपमहापौर अर्जुन माने, स्थायी समिती सभापती संदीप नेजदार, सभागृह नेते प्रविण केसरकर, गटनेते शारंगधर देशमुख, भाजप महानगरचे अध्यक्ष संदीप देसाई यांची प्रमुख उपस्थिती होती. गणी आजरेकर यांनी स्वागत केले. मुख्याध्यापिका सरिता कांबळे यांनी प्रास्ताविक केले.

मोबाइल अॅप डाउनलोड करा आणि राहा अपडेट

जोतिबा डोंगरावर सासनकाठ्या दाखल

April 9, 2017, 2:30 pm

≫ Next: घराच्या नावाला कल्पकतेचे तोरण

≪ Previous: ‘धान्य व्यापाऱ्यांसोबत लवकरच बैठक घेऊ’

$

0

0

कोल्हापूर टाइम्स टीम

दख्खनचा राजा जोतिबाच्या चैत्र यात्रेसाठी महाराष्ट्र, कर्नाटकातून लाखो भाविक रविवारी दाखल झाले. आजही सासनकाठ्यांसह भाविक आल्याने आतापासूनच डोंगर गर्दीने फुलून गेला. चैत्राच्या उन्हाच्या झळा झेलत देहभाग हरपून नाचत, गुलाल न्हावून निघालेले भाविक हलगी, पिपाणी, सनई, तुतारी, ढोल-ताशे या वाद्यांच्या निनादाने मंदिर परिसर दणाणून गेला.

गुरुवारी (ता. २१) जोतिबाची मुख्य यात्रा आहे. यंदा जोतिबाचा वार रविवार आणि त्यापाठोपाठ सोमवारी यात्रा आल्याने डोंगरावरील यात्रा आजच गुलालाने माखुन निघाली. भाविक गुलालात न्हावून जात आहेत. आज दिवसभर पंढरपूर, सोलापूर, बार्शी, उस्मानाबाद या भागातील भाविक रेल्वेतून सासनकाठी घेऊन कोल्हापूर शहरात पंचगंगा नदीकाठी आले. नदीत स्नान करून भाविक विश्रांती घेऊन अनवाणी डोंगरावर आले. जोतिबा डोंगरावर रिकामा परिसर बैलगाड्या आणि भाविकांनी फुलून गेला आहे. गुलाल, खोबरे, नारळ व मेवामिठाईची दुकानात भाविकांनी मोठी गर्दी केली होती.

मंदिर परिसरात सासनकाठ्याची फेरी निघताना भाविकांकडून गुलाल-खोबऱ्याची उधळण करून ‘जोतिबाच्या नावानं चांगभलं’ असा जयघोष केला जात होता. ठिकठिकाणी सामाजिक संस्था, स्वयंसेवकांनी भाविकांना ये-जा करण्यासाठी मदतीचा हात जदिला. त्यामुळे दर्शन प्रक्रिया सुलभ झालेली दिसली. बाहेरगावच्या भाविकांनी आपला मुक्काम पाण्याची टाकी येथे करून त्याठिकाणी मानाचा ध्वज उभा केला आहे. चैत्र यात्रेच्या निमित्ताने डोंगरावर सरकारी दवाखाना, जोतिबा-पोखले आरोग्य केंद्र, सीपीआर रुग्णालय, जिल्हा परिषद दवाखाना, व्हाइट आर्मी, रोटरी क्लब अशा संस्थांची आरोग्य पथके रात्रंदिवस भाविकांच्या सेवेसाठी कार्यरत होती. येणाऱ्या भाविकांना आणि ग्रामस्थांना यात्राकाळात पायाभूत सुविधा पुरविण्यासाठी जिल्हा प्रशासनाने युद्धपातळीवर काम केले. ठिकठिकाणी पोलिस बंदोबस्त नेमण्यात आला आहे. वाहतूक व्यवस्था, पाणीपुरवठा व्यवस्थेसह स्वच्छता-आरोग्य यांकडे विशेष लक्ष दिले गेले आहे.

दर्शन सुलभ व्हावे यासाठी बॅरेकेटिंग, पश्चिम दरवाजा ते सिंदिया ट्रस्टपर्यंत तात्पुरता ओव्हरब्रीज अशा सोयीमुळे भाविकांमध्ये समाधानाचे वातावरण आहे. येणाऱ्या भाविकांना आज ठिकठिकाणी महाप्रसाद, प्रसाद, सरबत, पाणी वाटप केले जात होते. तेथेही मोठी गर्दी केल्याचे दिसून येत होती. बहुतांश पार्किंग स्थळे रविवारीच फुल्ल झाल्याने नियोजनासाठी पोलिसांना कसरत करावी लागली.

मोबाइल अॅप डाउनलोड करा आणि राहा अपडेट

घराच्या नावाला कल्पकतेचे तोरण

April 9, 2017, 1:39 pm

≫ Next: चित्र-छायाचित्रांतून उलगडली ‘रंगछाया’

≪ Previous: जोतिबा डोंगरावर सासनकाठ्या दाखल

$

0

0

कोल्हापूर टाइम्स टीम

सध्या घराची सजावट ही केवळ अंतर्गत उरली नसून घराच्या गेटपासून, दरवाजासह पोर्चही देखणा बनवण्यापर्यंत आली आहे. बंगला असो किंवा फ्लॅट, इतकेच नव्हे तर साधे कौलारू किंवा चिऱ्याच्या दगडांचे घर असले तरी घरावर आपल्या नावाची प्लेट लावली जाते. असं म्हणतात की घराच्या दारावर असलेल्या नावाच्या पाटीवर ​किती कल्पकता आहे त्यावर घरातील माणसांची रसिकता दिसते. याच रसिकतेला कल्पकतेची जोड देण्यासाठी ‘महाराष्ट्र टाइम्स’ आणि ‘कलर्स १४’ या संस्थेतर्फे नेमप्लेट बनवण्याची कार्यशाळा घेण्यात आली. रविवारी शिवाजी पार्क येथील हॉटेल के ट्री येथे झालेल्या या कार्यशाळेला चांगला प्रतिसाद मिळाला.

आजकाल घर बांधणे हे स्वप्न पूर्ण करण्यात नवराबायको दोघांचाही वाटा असल्यामुळे दोघांची नावं प्लेटवर दिमाखाने लावली जातात. तर काहीजणं घरातील स्त्रीच्या नावाला प्राधान्य देतात. त्यामुळे लाकडी फ्रेम, सिरॅमिक, विविध रंग यांचा वापर करून नेम प्लेट कशी बनवायची याचे तीन प्रकार या कार्यशाळेत शिकवण्यात आले. यामध्ये घराची रचना कशी आहे यानुसार नेम प्लेटला बनवण्याचे प्रात्यक्षिक दाखवण्यात आले.

यासाठी प्लायवूड, स्टोन पावडर, फुले, पानं यांचा वापर करण्यात आला. एमसीलपासून अक्षरे तयार करण्यात आली. यामध्ये इंग्रजी, मराठीसह कर्सीव्ह प्रकारातील अक्षरे नेम प्लेटवर सजवून घेण्यात आली. घरातील वातावरण किंवा घरात राहणाऱ्यांचा नोकरी व्यवसाय काय आहे यावरही नेम प्लेटमध्ये त्याचे प्रतिबिंब उमटेल अशा डिझाइन या कार्यशाळेत तयार करून घेण्यात आल्या.


आपलं घर छान दिसावं, टापटीप असावं असं प्रत्येकालाच वाटतं. नेम प्लेट म्हणजे फक्त एखाद्या पट्टीवर नाव असे असेल तर त्यातून सौंदर्यदृष्टी दिसत नाही. घरात येणाऱ्या पाहुण्यांना नेम प्लेटपासूनच घरातील सौंदर्याची आणि सजावटीची कल्पना आल्यामुळे त्यांचे स्वागत रसिकतेने होईल हा उद्देश या कार्यशाळेतून साध्य झाला.

- आरती जोशी, प्रशिक्षिका

साध्या नेमप्लेटलाही ही कल्पकतेचा स्पर्श दिला तर घराला सौंदर्य येतं. नेम प्लेट करायची असते पण ती कशी बनवावी, कशी सजवावी हे माहिती नसते. या कार्यशाळेत लाकडी फ्रेम, प्लायवूड अशा सहज उपलब्ध होणाऱ्या वस्तूंपासून घराच्या सजावटीची सुरूवात कशी करायची हे सांगण्यात आले.

- गायत्री कुंडलकर, प्रशिक्षिका

मोबाइल अॅप डाउनलोड करा आणि राहा अपडेट

चित्र-छायाचित्रांतून उलगडली ‘रंगछाया’

April 9, 2017, 2:30 pm

≫ Next: ‘भोगावती’साठी तिरंगी लढत

≪ Previous: घराच्या नावाला कल्पकतेचे तोरण

$

0

0

कोल्हापूर टाइम्स टीम

चित्रात नेहमीच एक फोटोलूक असतो आणि फोटोमध्ये ​चित्राचा स्पर्श असतो. एखादा फोटो पाहिला की ते चित्र डोळ्यासमोर उभं राहतं, तर रंगरेषांमधून आकाराला येणारं चित्र थेट फोटोचा भास देतं. चित्र आणि छाया​चित्रातील हीच गंमत दसरा चौकातील राजर्षी शाहू स्मारक भवनातील आर्ट गॅलरीच्या ​भिंतीवर एकत्रितपणे अनुभवण्याची पर्वणी कोल्हापूरच्या रसिकांना मिळत आहे. समीर शेलार यांच्या छाया​चित्रांचा आणि स्वप्निल पाटील यांच्या चित्रांचा प्रदर्शनीय मिलाफ ‘रंगछाया’ या चित्रछायाचित्र प्रदर्शनातून जुळला आहे. १५ एप्रिलपर्यंत सकाळी दहा ते सायंकाळी सात यावेळेत हे प्रदर्शन खुले राहणार आहे.

प्रदर्शनाचे वैशिष्ट्य म्हणजे एकाच वेळी रसिकांना चित्रातील रंगांच्या छटांची किमया आणि छायाचित्रातील प्रकाशाचा खेळ पाहता येणार आहे. ​स्वप्निल यांच्या चित्रांमध्ये जलरंग, तैलरंग या माध्यमातील १५ व्यक्तिचित्रे व निसर्गचित्रे आहेत. तर समीर यांनी टिपलेल्या छायाचित्रांमधून कांडलेल्या भाताला वारं देणाऱ्या, अंगणात बसून धान्य निवडणाऱ्या ग्रामीण महिलांच्या दिनक्रमातील छटा पाहता येणार आहेत. तसेच कॅमेऱ्यात टिपलेल्या, गावाकडचा रस्ता, पाऊस यांचेही दर्शन या प्रदर्शनातून घडत आहे.

रविवारी पहिल्याच दिवशी या प्रदर्शनाला रसिकांचा उत्स्फूर्त प्रतिसाद मिळाला. जिल्हा परिषदेचे विशेष अतिरिक्त कार्यकारी अधिकारी इंद्रजित देशमुख, ज्येष्ठ इतिहास संशोधक डॉ. जयसिंगराव पवार, यश मेटॅलिकच्या मुख्य कार्यकारी अधिकारी राजसी सप्रे यांच्या हस्ते प्रदर्शनाचे उदघाटन झाले. यावेळी चित्रकार संजय शेलार, भगवान चिले आदी उपस्थित होते.

मोबाइल अॅप डाउनलोड करा आणि राहा अपडेट

‘भोगावती’साठी तिरंगी लढत

April 10, 2017, 2:30 pm

≫ Next: जीओटॅग असेल आरखड्याला मंजुरी

≪ Previous: चित्र-छायाचित्रांतून उलगडली ‘रंगछाया’

$

0

0

म. टा. प्रतिनिधी, कोल्हापूर

शाहूनगर (परिते) येथील दादासाहेब पाटील-कौलवकर सहकारी साखर कारखान्याची (भोगावती) निवडणूक तिरंगी होणार असल्याचे सोमवारी स्पष्ट झाले. अर्ज माघारीचा आज शेवटचा दिवस होता. काँग्रेसप्रणीत राजर्षी शाहू शेतकरी पॅनेल, राष्ट्रवादी, शेकाप, स्वाभिमानी संघटना, भाजप, नरके गट यांची दादासाहेब पाटील-कौलवकर महाआघाडी व सदाशिव चरापले यांचे भोगावती परिवर्तन आघाडी अशी लढत होणार आहे. २१ जांगासाठी ७४ उमेदवार रिंगणात असून परिवर्तन आघाडीला आमदार सतेज पाटील यांनी रसद पुरवत भोगावतीच्या राजकारणात एंट्री घेतली आहे. राष्ट्रवादीने मात्र विद्यामान १२ संचालकांना पॅनेलमधून वगळले आहे.
काँग्रेस प्रणीत पॅनेलची रविवारी रात्री उशीरा घोषणा करुन पी. एन. पाटील यांनी स्वतंत्र लढण्याचा निर्णय जाहीर केला. सोमवारी मात्र त्यात बदल करण्यात आला. आनंदराव मेडशिंगे यांच्या पत्नींऐवजी त्यांचे चुलत बंधू दत्तात्रय मेडशिंगे यांना उमेदवारी देण्यात आली. बी. ए. पाटील यांच्याऐवजी त्यांच्या पत्नी अनिता यांना ऐनवेळी उमेदवारी दिली. महाआघाडी व चरापले गटातही वेगवान घडामोडी घडल्या. महाआघाडीच्या उमेदवारांची नावे जाहीर केल्यानंतर बाचणीचे रघुनाथ जाधव व चाफोडीचे किसन चौगले यांनी माघार घेतली. त्यांची मनधरणी करण्याचे अखेरपर्यंत प्रयत्न सुरू होते. दोघेही त्यांच्या निर्णयावर ठाम राहिल्यानंतर त्यांच्या ऐवजी राशिवडे येथील तानाजी ढोकरे व बाचणीच्या रघुनाथ पाटील यांना राष्ट्रवादीची उमेदवारी जाहीर झाली. त्याचवेळी राशिवडेचे नंदकुमार पाटील यांनी ऐनवेळी अजिंक्यतारा कार्यालयावर हजेरी लावली.


एकूण जागा - २१

उमेदवार - ७४

‘अ’ वर्ग सभासद - ३०,५२१

संस्था गट मतदार - ४६८

यांना मिळाला डच्चू

राष्ट्रवादीच्या विद्यमान १२ संचालकांना पॅनेलमधून वगळण्यात आले आहे. त्यामध्ये सुनील कारंडे, शिवाजी महादेव पाटील, राजेंद्र कवडे, अमर पाटील, दिनकर बाळा पाटील, संदीप पाटील, शंकर पाटील, हंबीराव पाटील या प्रमुख संचालकांचा समावेश आहे.

मोबाइल अॅप डाउनलोड करा आणि राहा अपडेट

जीओटॅग असेल आरखड्याला मंजुरी

April 10, 2017, 2:30 pm

≫ Next: अॅड. राणेंची निवड नियमानुसारच

≪ Previous: ‘भोगावती’साठी तिरंगी लढत

$

0

0

Appasaheb.mali@timesgroup.com

Tweet:@Appasaheb_MT

विकासकामाच्या नावाखाली आराखडा तयार करायचा, अन्य ठिकाणचे फोटो जोडायचे आणि मंजुरी मिळवायची अशा प्रकारच्या कामकाजाला नजीकच्या काळात चाप बसणार आहे. शहरातील विकासकामांचा आराखडा मंजुरीसाठी पाठविताना जीओटॅग बंधनकारक केले आहे. जीओटॅगमुळे प्रत्यक्ष जागा, तेथील वस्तुस्थिती समजणार आहे. जीओटॅगमुळे विकास कामासंदर्भातील फोटोवर कामाच्या ठिकाणचे अक्षांश, आणि रेखांशांची नोंद होणार असल्याने बोगसगिरीला चाप बसणार आहे.

महापालिकेत सध्या अंदाजपत्रकीय तरतुदीनुसार विभागाकडून विकास कामांचे आराखडे मंजुरीसाठी पाठविले जातात. आराखड्यासोबत सद्य:स्थितीचे फोटो जोडणे अत्यावश्यक आहे. मात्र अनेकदा काम करण्याअगोदरच मंजूर रक्कम उचलण्याचा खटाटोप केला जातो. आर्थिक लाभ होईल अशा पद्धतीने आराखडे तयार करतात. यासाठी विशिष्ट यंत्रणा कार्यरत असते. नगरसेवकांचा हस्तक्षेप, ठेकेदार आणि अधिकाऱ्यांच्या संगनमतातून चुकीचे आराखडे बनवून अंदाजपत्रक तयार होतात. यापूर्वीही प्रभागातील अन्य ​भागातील विकास कामांचे फोटो जोडून रक्कम उचलण्याचे प्रकार घडल्याची उदाहरणे सांगितली जातात. विकास आराखडा एका ठिकाणचा आणि त्याच्या मंजुरीसाठी फोटो दुसऱ्या ठिकाणच्या अशा प्रकारामुळे निधीचा गैरवापर होत असल्याच्या तक्रारी पुढे आल्या आहेत. काही प्रभागात एकाच कामाचे दोन वेगवेगळे प्रस्ताव सादर करुन रक्कम लाटण्याचे प्रकार घडले आहेत.

दरम्यान महापालिकेमार्फत होणाऱ्या विकास कामांचे रेकॉर्ड तयार करण्याच्या उद्देशाने आयुक्त अभिजित चौधरी यांनी सर्व विभाग प्रमुखांना जीओटॅगची अंमलबजावणी करण्याचे आदेश दिले आहेत. महापालिकेचा निधी योग्य कारणासाठी खर्च झाला पाहिजे, विकासकाम होणाऱ्या जागेची वस्तुस्थिती समजावी, यासाठी हा निर्णय घेतला आहे. यामुळे विभागीय कार्यालयांना आता विकासकामांचे आराखडे मंजुरीसाठी पाठविताना जीओटॅग असलेले फोटो जोडणे क्रमप्राप्त आहे.

या कामांसाठी जीओटॅग

रस्ता दुरुस्ती, गटर्स बांधणी, शौचालयांची कामे, बागेतील सुशोभिकरण, सभागृहाची उभारणी, चॅनेल, ड्रेनेज लाइन अशा विविध कामांचे आराखडे सादर करताना जीओटॅग बंधनकारक आहे. प्रत्येक प्रस्ताव हा परिपूर्ण असायला पाहिजे आणि त्या सोबत जोडलेल्या आवश्यक कागदपत्रांचा फ्लॅग लावावा, असे सूचविले आहे. महत्त्वाच्या प्रस्तावांवर तत्काळ निर्णय होऊन कामे मार्गस्थ होण्यासाठी विभाग प्रमुखांनी फायली सादर कराव्यात असे कळविले आहे.


कामे तत्काळ होण्यासाठी...

आराखडा मंजुरीवेळी ​जीओटॅग फोटो जोडावेत

ई ऑफिस सिस्टीमव्दारे पाठविलेला प्रस्ताव स्वीकारणार

प्रस्तावासोबत कागदपत्रांची चेकलिस्ट नमूद करणे गरजेचे

मूळ प्रस्ताव टाइप करण्यात आलेला असावा

चेकलिस्टमधील क्रमवारीनुसारच प्रस्तावात कागदपत्रांचा समावेश

मोबाइल अॅप डाउनलोड करा आणि राहा अपडेट

अॅड. राणेंची निवड नियमानुसारच

April 10, 2017, 2:30 pm

≫ Next: घरफाळ्यात मिळणार सूट

≪ Previous: जीओटॅग असेल आरखड्याला मंजुरी

$

0

0

म. टा. प्रतिनिधी, कोल्हापूर

कॉम्रेड गोविंद पानसरे हत्येतील खटल्याच्या सुनावणीसाठी अॅड. शिवाजीराव राणे यांची पोलिसांनी केलेली नेमणूक नियमानुसारच आहे. त्यांच्या निवडीनंतर नवीन परिपत्रक आले आहे. त्यात जुन्या निवडी रद्द कराव्यात असा उल्लेख नाही, त्यामुळे त्यांनी नेमणूक बेकायदेशीर नाही, असा खुलासा तपास अधिकारी अपर पोलिस अ‌धीक्षक सुहेल शर्मा यांनी सोमवारी कोर्टात केला. अॅड. राणे यांच्या निवडीवर संशयित आरोपीचे वकील अॅड. समीर पटवर्धन यांनी आक्षेप घेतला होता. अतिरिक्त जिल्हा न्यायाधीश एल. डी. बिले यांनी व्हिडिओ कॉन्फरन्सिंगद्वारे संशयित आरोपी डॉ. वीरेंद्रसिंह तावडे याचे मत नोंदवून घेतले. या खटल्याची पुढील सुनावणी २७ एप्रिलला होणार आहे.

कॉम्रेड गोविंद पानसरे खटल्याच्या सुनावणीसाठी तत्कालीन पोलिस अधीक्षक प्रदीप देशपांडे यांनी जिल्हा न्यायालयातील कामकाजासाठी विशेष सरकारी वकीलपदी अॅड. शिवाजीराव राणे यांची नियुक्ती केली होती. संशयित आरोपी तावडे याचे वकील पटवर्धन यांनी राणेंच्या निवडीवर आक्षेप नोंदवत ही निवड बेकायदेशीर असल्याचे मत कोर्टात सादर केले होते. याबाबत तपास अधिकारी सुहेल शर्मा यांनी सोमवारी झालेल्या सुनावणीत राणेंच्या निवडीचा लेखी खुलासा न्यायाधीश एल. डी. बिले यांच्याकडे सादर केला. राणे यांच्या निवडीनंतर वकील नियुक्तीचे नवीन परिपत्रक आले आहे. जुन्या निवडी रद्द कराव्यात असा त्यात उल्लेख नसल्याने राणे यांची निवड बेकायदेशीर ठरत नसल्याचे या खुलाशात नमूद करण्यात आले आहे. जोतिबा यात्रेच्या बंदोबस्तात असल्याने शर्मा यांनी एसआयटीचे प्रतिनिधी सहायक पोलिस निरीक्षक रमेश खुने यांच्यामार्फत खुलासा पाठवला, त्याचबरोबर पुरेसा पोलिस बंदोबस्त उपलब्ध नसल्याने संशयित आरोपी तावडेला हजर न केल्याचे पोलिसांनी सांगितले.

दरम्यान, न्यायाधीश बिले यांनी व्हीसीच्या माध्यमातून संशयित आरोपी तावडे याच्याशी संवाद साधला. तावडे याने तातडीने सुनावणी सुरू करण्याची विनंती कोर्टाकडे केली, मात्र उच्च न्यायालयातील सुनावणी ५ जुलैपर्यंत स्थगित असल्याने जिल्हा कोर्टात कामकाज सुरू करणे शक्य नसल्याचे न्यायाधीशांनी स्पष्ट केले. वकिलांच्या नियुक्तीबाबत पुढील सुनावणी २७ एप्रिलला होणार आहे. संशयित आरोपी तावडेच्या वतीने अॅड. समीर पटवर्धन यांनी काम पाहिले.

फरार आरोपींच्या शोध सुरू

कॉम्रेड पानसरे हत्येप्रकरणी सारंग आकोलकर आणि विनय पवार या दोघांना पोलिसांनी फरार घोषित केले आहे. या दोघांचा अद्याप शोध न लागल्याने एसआटीने उच्च न्यायालयातील सुनावणीला स्थगिती मागितली होती. फरार आरोपी पोलिसांच्या हाती लागल्यानंतरच गुन्ह्यातील महत्त्वाची माहिती पोलिसांना मिळणार आहे. त्यावर जिल्हा कोर्टातील कामकाज अवलंबून असल्याने फरार आरोपींचा शोध लागणे गरजेचे बनले आहे.

मोबाइल अॅप डाउनलोड करा आणि राहा अपडेट

---

घरफाळ्यात मिळणार सूट

April 10, 2017, 2:30 pm

≫ Next: सेवेकऱ्यांचे चांगभलं!

≪ Previous: अॅड. राणेंची निवड नियमानुसारच

$

0

0

म. टा. प्रतिनिधी, कोल्हापूर

उत्पन्न वाढीसाठी सतत विविध करांच्या वाढीचा विचार करणाऱ्या महापालिका प्रशासनाकडून शहरवासियांना चक्क घरफाळ्यामध्ये सूट देण्यात येणार आहे. ज्या घरांनी, इमारती, गृहप्रकल्प अथवा इतर मिळकतधारकांनी रेनवॉटर हार्वेस्टिंग, घनकचऱ्याची विल्हेवाट, सांडपाणी पुनर्वापर, सौर उर्जा वापर यासारखे पर्यावरणपूरक प्रकल्प तसेच महापालिकेच्या सुविधांवरील ताण कमी करणाऱ्या सरकारी योजना राबवल्या असतील, अशा प्रत्येक प्रकल्पासाठी एक टक्केप्रमाणे सूट देण्यात येणार आहे. यानुसार किमान चार टक्क्यांची तरी सूट मिळण्याची आशा आहे.

महापालिकेच्यावतीने शहरवासियांना विविध सुविधा देण्यात येतात. त्यामध्ये सफाईपासून ते पाणीपुरवठा, आरोग्य अशा विविध सेवांचा समावेश आहे. मात्र सध्या प्रशासनाचा खर्चावरील ताण कमी करण्यासाठी महाराष्ट्र महानगरपालिका अधिनियमांमध्येच विविध तरतुदींचा समावेश करण्यात येत आहे. त्यानुसार सांडपाणी प्रक्रिया प्रकल्प, रेनवॉटर हार्वेस्टिंगसारख्या प्रकल्पांची सक्ती करण्यात आली. यातून महापालिकेच्यावतीने देण्यात येणाऱ्या सुविधांवरील ताण कमी करण्याचा उद्देश आहे. त्याचाच पुढील भाग म्हणून महापालिकेने नवीन प्रस्ताव तयार केला आहे. महापालिका सध्या रेडिरेकनरवर आधारित घरफाळा आकारत आहे. दर पाच वर्षांनी त्यामध्ये वाढ करण्याचे प्रस्तावित असते. घरफाळ्याचा बोजा प्रचंड वाटत असल्याने यंदा त्याला विरोध करण्यात आला. त्यातूनच घरफाळा कमी हवा असेल, तर इतर सुविधांवरील ताण कसा कमी करता येईल, याचा विचार प्रशासनाने या नव्या प्रस्तावासाठी केला. पुढील आठवड्यात होणाऱ्या महापालिकेच्या सर्वसाधारण सभेसमोर हा प्रस्ताव मांडण्यात येणार आहे.

सध्या काही योजनांशिवाय महापालिका घरबांधणीची परवानगी देत नाही. त्या योजनांबरोबर आणखी काही योजना त्या घरमालकाने राबवल्यास त्याला सूट देण्याचे नियोजन करण्यात आले आहे. रेनवॉटर हार्वेस्टिंग, सांडपाण्याचा पुनर्वापर या दोन योजनांबरोबर घराच्या आवारातच घनकचऱ्याची विल्हेवाट लावणे, सौर उर्जेचा वापर केला जात असेल तर प्रत्येक योजनेसाठी एक टक्का सवलत दिली जाणार आहे.

प्रमाणपत्र आवश्यक

महापालिकेच्या विविध सुविधांवरील ताण कमी करण्यात येत असल्याने त्यांना ही सवलत दिली जाणार आहे. त्यासाठी संबंधित घरमालक अथवा अपार्टमेंट, सोसायटीकडे नगररचना विभाग, आरोग्य विभाग, जलअभियंता विभागाची ही योजना पुर्ण क्षमतेने सुरु असल्याचे प्रमाणपत्र आवश्यक असेल. रेनवॉटर हार्वेस्टिंग, सांडपाण्याचा पुनर्वापर या योजना महापालिकेच्या क्षेत्रात अनेक गृहप्रकल्पांमध्ये राबवण्यात येत आहेत. इतरही काही योजना राबवल्या असल्यास त्यांनाही फायदा मिळणार आहे.


महापालिकेच्या सुविधांवरील ताण कमी होण्याबरोबरच मिळकतधारकांनी शहराच्या पर्यावरण संवर्धनासाठी या प्रकल्पांचा वापर वाढवण्यास प्रोत्साहन देण्यासाठी ही सवलत देण्यात येणार आहे. सरकारच्यावतीने राबवण्यात येणाऱ्या अशा काही योजनांसाठीही ही सवलत लागू असेल. व्यावसायिक व औद्योगिक मिळकतधारकांनाही ही सवलत असेल.

दिवाकर कारंडे, करसंग्राहक



१ लाख ३६ हजार (निवासी, व्यावसायिक, औद्योगिक सर्व मिळून)

शहरातील मिळकतींची संख्या

मोबाइल अॅप डाउनलोड करा आणि राहा अपडेट

सेवेकऱ्यांचे चांगभलं!

April 10, 2017, 2:30 pm

≫ Next: पानसरे युवा जागर शिबिर गुरुवारपासून

≪ Previous: घरफाळ्यात मिळणार सूट

$

0

0

कोल्हापूर टाइम्स टीम

दख्‍खनचा राजा श्री जोतिबाच्या यात्रेसाठी आलेल्या हजारो भाविकांच्या स्वागतासाठी शहर आणि परिसरातील अनेक संस्थांनी विविध उपक्रम राबवले. पोलिस दल, अग्निशमन दल, व्हाइट आर्मी आणि महापालिका आरोग्य विभाग डोळ्यात तेल घालून भाविकांच्या सुरक्षिततेची काळजी घेत आहेत. तर तीन ठिकाणी रात्रंदिवस सुरू असलेल्या अन्नछत्राचा हजारो भाविक लाभ घेत आहेत. नाष्टा, सरबत आणि ताक वाटून भाविकांची तहान भागवणाऱ्या सेवेकऱ्यांची संख्याही मोठी आहे. एसटी विभाग सलग ५६ तास सेवा देत आहे. भाविकांचे ‘चांगभलं’ करण्यासाठी प्रत्येकजण श्रद्धेने, कर्तव्यबुद्धीने कार्यरत आहेत. यात्रेसाठी कोल्हापूरसह सांगली, सातारा, सोलापूर आणि कर्नाटकातून भाविकांनी मोठ्या संख्येने उपस्थिती दर्शवली आहे.

सोमवारी जोतिबा यात्रेचा मुख्य दिवशी शहरात सर्वत्र गुलालात न्हाऊन निघालेले भाविक दिसत होते. जोतिबाकडे जाण्यासाठी पंचगंगा घाटावर एसटी महामंडळाने तात्पुरत्या स्टँड उभारले आहे. तेथे भाविकांच्या रांगा लागल्या होत्या. त्याचवेळी जोतिबावर दर्शन घेऊन मोठ्या संख्येने भाविक कोल्हापुरात दाखल होत होते. पंचगंगा नदी, गंगावेश, मध्यवर्ती बसस्थानक, महाव्दार रोड, अंबाबाई मंदिर, गंगावेस परिसरात सर्वत्र जोतिबा यात्रेकरुंचेच जथ्‍थे दिसत होते. भाविकांना सेवा देण्यासाठी पंचगंगा नदीवर सरकारी कर्मचारी आणि सामाजिक संस्थांच्या कार्यकर्त्यांचे हात ​​राबत होते.

एसटीच्या ४५० फेऱ्या

यात्रेकरुंसाठी पंचगंगा नदीवर एसटी महामंडळाने तात्पुरते स्टँड उभारले आहेत. रविवारी रात्री बारा वाजेपर्यंत बसेसच्या २१० फेऱ्या, तर रविवारी मध्यरात्री बारा ते सोमवारी दुपारी बारा वाजेपर्यंत १२७ फेऱ्या पूर्ण झाल्या होत्या. सोमवारी रात्री उशिरापर्यंत ४५० फेऱ्याकडे वाटचाल सुरू होती. तीन शिफ्टमध्ये सलग चोवीस तास एसटीची सेवा सुरु आहे. सांखिकी विभागाचे अधिकारी आय. एम. मुजावर, विभागीय अभियंता यू. एम. जावडेकर, सतीश खाडे यांच्या मार्गदर्शनासाठी ५५ कर्मचारी कार्यरत आहेत.

२०० भाविकांवर उपचार

महानगरपालिका आरोग्य विभागाच्या सावित्रीबाई फुले हॉस्पिटलच्यावतीने उपचारासाठी कक्ष उघडण्यात आला आहे. रविवारी १२० भाविकांवर तर सोमवारी दुपारी बारापर्यंत ८८ जणांवर उपचार करण्यात आले. उन्हामुळे डीहायड्रेशन, उघड्यावरील पदार्थ खाल्याने जुलाब व उलट्या, उन्हाळी लागणे, कंबर दुखणे अशा तक्रारी असलेल्या भाविकांवर उपचार करण्यात आले, अशी माहिती डॉ. डॉ. पी.पी. शहा यांनी दिली. त्यांच्या मदतीला डॉ. प्रणाली पाटील व फार्मासिस्ट रियाज सय्यद होते. गंभीर रुग्णांसाठी रग्णवाहिका सज्ज ठेवली होती. महापालिका आरोग्य विभागाकडून परिसरातील कचरा उठाव दर चार तासांनी केला जात आहे.

अर्थमुव्हर्सचे पाणी वाटप, वालावकरचे प्रसाद वाटप

बांधकाम व्यवसायाशी संबधित अर्थमुव्हर्स संघटनेच्यावतीने पिण्याच्या पाण्याची सोय करण्यात आली होती. पंचगंगा घाटावर पाण्याचा टँकर उपलब्ध होता. वालावलकर कापड दुकान ट्रस्टच्यावतीने गायकवाड पुतळ्याजवळ शिरा वाटण्यात आला. भगतसिंग तरुण मंडळाच्यावतीने सरबत वाटण्यात आले.

अग्निशमन दलाने लहान मुलाचा जीव वाचवला

महापालिका अग्निशमन दलाची एक तुकडी गेले ४८ तास नदीवर कार्यरत आहे. सोमवारी सकाळी दहाच्या सुमारास ब्राह्मण घाटावर सोलापूरचा नऊ वर्षाचा मुलगा नदीत बुडत असताना दोन जवानांनी त्याला वाचवले, अशी माहिती जवान हेमंत करले यांनी दिली. तसेच मोबाइल चोरणाऱ्याचा पाठलाग करताच चोरटा मोबाइल टाकून पळून गेला. जवानांनी तो संबंधित भाविकाला परत दिला. नदीपात्रात आंघोळीला गेलेल्या भाविकांचे साहित्य चोरणाऱ्या भुरट्या चोरांवर पोलिसांच्या मदतीने जवानांनी टेहळणी सुरु ठेवली होती. तर पात्रात २४ तास स्पीडबोटची गस्त सुरु आहे. जोतिबा डोंगरावर व्हाईट आर्मीचे २०० जवान पोलिसांना मदत करत होते.

महिलांसाठी बंदिस्त स्नानगृह

महापालिकेने नदीवर मारुती मंदिराच्या मागे मंडप उभारुन महिलांसाठी बंदिस्त स्नानगृहाची सोय केली आहे. त्यामुळे महिलांची चांगली सोय झाली आहे. मात्र स्वच्छतागृह कुठे आहे याची माहिती नसल्याने ‘महिलांसाठी स्नानगृह’ असा फलक ठळकपणे लावायला हवा होता, असे मत सरिता माने या भाविकाने व्यक्त केले.

हजारो भाविकांना अन्नदानाचा लाभ

यात्रेकरूंना नाष्टा, चहा, ताक आणि जेवणाची सोय करण्यासाठी तीन अन्नछत्रे सुरू होती. शिवाजी चौक अन्नछत्रात सकाळच्या सत्रात चहा व पोहे नाष्टा तर सकाळी दहा ते मध्यरात्री उशिरापर्यंत महाप्रसादाचे वाटप करण्यात आले. डोंगरावरील गायमुखाजवळ सहजसेवा अन्नछत्रात एकाचवेळी पाचशे भाविक भोजन घेत होते. शुक्रवारी सकाळी नऊपासून अन्नछत्र सुरू असून ७० तास भाविकांना भोजन, चहा, नाष्टा आणि ताक वाटप करण्यात येत आहे. जोतिबा डोंगर एसटी स्टँडजवळ आर.के. मेहता अन्नछत्रातही हजारो भाविकांनी अन्नदानाचा लाभ घेतला. या तिन्ही ठिकाणी शेकडो कार्यकर्ते श्रमदान करत आहेत.

मेकॅनिकल असोसिएशनकडून वाहन दुरूस्ती

यात्रेला जाताना घाटात बंद पडलेल्या वाहनांच्या दुरूस्तीसाठी टू व्हिलर मेकॅनिक असोसिएशनचे ८८ मेकॅनिक कार्यरत होते. तसेच थ्री व फोर व्हिलर मेकॅनिक असोसिएशनचे मेकॅनिकही स्वतंत्रपणे चारचाकी वाहनांची दुरूस्ती करत होते.

००००००

पंचगंगा घाट व जोतिबा डोंगरावर प्रशासन व सामाजिक संस्थांनी चांगली व्यवस्था केली आहे. महिलांना आंघोळीची चांगली सोय केली आहे. एसटीची व्यवस्थाही उत्तम आहे. अन्नछत्रामध्ये भाविकांना अत्यंत दर्जेदार जेवण मिळते.

अभिषेक गायकवाड, मिरज

००००००

पंचगंगा नदीवर अग्निशमन दलाचे जवान सज्ज होते. तरीही नदीपात्र खोल असल्याबाबतचा फलक लावायला हवा. धोकापातळी दर्शवणाऱ्या खुणा अपघात होण्याची शक्यता असते. प्रशासनाने जागोजागी सूचनाफलक लावल्यास भाविकांचा गोंधळ कमी होईल.

राजेंद्र पाटणे, कराड

मोबाइल अॅप डाउनलोड करा आणि राहा अपडेट

पानसरे युवा जागर शिबिर गुरुवारपासून

April 10, 2017, 2:30 pm

≫ Next: रस्ते सरकारचे, खर्च महापालिकेचा

≪ Previous: सेवेकऱ्यांचे चांगभलं!

$

0

0

म. टा. प्रतिनिधी, कोल्हापूर
'श्रमिक प्रतिष्ठान'च्यावतीने पन्हाळा येथे १३ व १४ मे रोजी कॉम्रेड गोविंद पानसरे युवा जागर शिबिराचे आयोजन करण्यात आले आहे. शिबीराचे यंदा दुसरे वर्ष असून, यंदाच्या शिबीरात सहभागी होणाऱ्या महाविद्यालयीन व विद्यापीठस्तरीय विद्यार्थी युवक-युवतींना राष्ट्र, राष्ट्रभक्ती व राष्ट्रद्रोह या बीजविषयाशी संलग्न उपविषयांवर राज्यातील नामवंत विचारवंतांचे मार्गदर्शन लाभणार आहे. महाराष्ट्रातील विवेकवादाचा समृद्ध वैचारिक वारसा नव्या पिढीपर्यंत पोहोचविण्यासाठी हे शिबिर होणार असल्याचे संयोजकांच्यावतीने सांगण्यात आले.
पन्हाळा येथील संजीवन अभियांत्रिकी महाविद्यालयात आयोजित करण्यात आलेल्या या दोनदिवसीय निवासी शिबिराचे उदघाटन शनिवार, दि. १३ मे रोजी सकाळी ११ वाजता ज्येष्ठ इतिहाससंशोधक प्रा. डॉ. जयसिंगराव पवार यांच्या हस्ते होणार आहे. यावेळी ते ‘शिवाजी आणि स्वदेशाभिमान,’ या विषयावर बीजभाषण करणार आहेत. त्यानंतरच्या सत्रात ज्येष्ठ विचारवंत किशोर बेडकीहाळ हे ‘हिटलर व मुसोलिनीचा राष्ट्रवाद,’ या विषयावर मार्गदर्शन करतील. दुसऱ्या सत्रात ज्येष्ठ मार्क्सवादी विचारवंत दत्ता देसाई ‘भगतसिंगाचा राष्ट्रवाद,’ या विषयावर, तर शिवाजी विद्यापीठातील इतिहास विभागातील प्रा. डॉ. अवनीश पाटील ‘नेहरू व आंबेडकर यांचा राष्ट्रवाद,’ या विषयावर मार्गदर्शन करतील. रविवार दि. १४ मे रोजी पहिल्या सत्रात सकाळी ११ वाजता प्राचार्य डॉ. आनंद मेणसे हे ‘गांधीजींचा राष्ट्रवाद आणि संघ परिवाराचा राष्ट्रवाद आणि भारतीय समाज,’ या विषयावर विवेचन करणार आहेत. विवेक कोरडे हे ‘बॅरिस्टर जीना व सावरकर यांचा राष्ट्रवाद,’ या विषयावर मार्गदर्शन करतील.
महाविद्यालयीन व विद्यापीठ स्तरावर शिक्षण घेणाऱ्या विद्यार्थी, युवक, युवतींना या शिबिरात सहभागी होता येणार असून, यासाठी ३०० रूपये प्रवेश शुल्क आकारण्यात येणार आहे. इच्छुकांनी नोंदणीसाठी श्रमिक प्रतिष्ठान कार्यालय, रेडफ्लॅग बिल्डींग,बिंदू चौक, कोल्हापूर येथे अथवा मल्हार पानसरे (९९२३२९०६६८), सुशील लाड (८५५०९३१००३) यांच्याशी संपर्क साधावा, असे आवाहन श्रमिक प्रतिष्ठानच्या प्रा. डॉ. मेघा पानसरे यांनी केले आहे.

मोबाइल अॅप डाउनलोड करा आणि राहा अपडेट

रस्ते सरकारचे, खर्च महापालिकेचा

April 10, 2017, 2:30 pm

≫ Next: उदयनराजेंचा जामीन फेटाळलाराजेंसह नऊ आरोपी हायकोर्टात जाणार

≪ Previous: पानसरे युवा जागर शिबिर गुरुवारपासून

$

0

0

Gurubal.Mali @timesgroup.com

Tweet : @gurubalmaliMT

कोल्हापूर ः शहरातील बहुतांशी मुख्य रस्ते राज्य सरकारच्या मालकीचे आहेत. तरीही गेली ४५ वर्षे या रस्त्यांच्या देखभालीचा भुर्दंड मात्र महापालिका सोसत आहे. विशेष म्हणजे रस्ते विकास प्रकल्पात आयआरबीने केलेले सरकारचेच रस्ते महापालिकेने सरकारला हस्तांतरित करण्याचा कागदोपत्री आंधळा कारभार केला. या प्रकल्पाच्या भूसंपादनासाठी महापालिकेची तिजोरी रिकामी केली. नुकत्याच झालेल्या दारूबंदीच्या निर्णयाने महापालिका आ​णि सार्व​​जनिक बांधकाम विभागाच्या या आंधळ्या कारभारावर प्रकाश पडला आहे.

कोल्हापुरात प्रथम लक्ष्मीपुरी, नंतर कावळा नाका, रंकाळा वेस आणि संभाजीनगर येथे बसस्थानक होत गेले. यामुळे बहुतां​शी राज्य मार्ग शहरातूनच जातात. हे मार्ग सार्वजनिक बांधकाम खात्याकडे आहेत. साहजिकच त्याच्या देखभालीची जबाबदारीही सरकारकडे असते. तरीही स्थापनेपासूनच या मार्गांची देखभाल व दुरूस्ती महापालिका करत आहे. महापालिकेची आर्थिक स्थिती नसतानाही अज्ञानापोटी न पेलणारा हा पांढरा हत्ती पोसण्याचे काम सुरू आहे. दारूबंदीच्या निर्णयाने महापालिकेच्या या कारभारावर प्रकाश पडला.

शहरातील प्रमुख मार्ग राज्य सरकारचे आहेत, याची माहितीच महापालिकेला नाही. त्यामुळे दरवर्षी काही कोटी रूपये या रस्त्यांवर खर्च केले जात आहेत. रस्ते प्रकल्पात ४९ किलोमीटरचे रस्ते करण्यात आले. यातील २८ किमी रस्ते सरकारचे आहेत. तरीही हा प्रकल्प महापालिकेचा आहे, म्हणून महापालिकेने रस्त्यांच्या भूसंपादनाचा भुर्दंड सोसला. विशेष म्हणजे जे रस्ते सरकारचेच आहेत तेच रस्ते त्यांना हस्तांतरित करण्याचा आंधळा कारभारही झाला. रस्ते महामंडळ व सार्वजनिक बांधकाम खात्यालाही याबाबत काहीच माहिती नसल्याने आंधळ्या कारभारात तेही सहभागी झाले.

दारूबंदीच्या नव्या निर्णयाने रस्त्यांचा प्रश्न नव्याने चर्चेला आला. सरकारचे रस्ते महापालिकेकडे हस्तांतिरत करण्याचा प्रस्ताव तयार करण्याच्या हालचाली सुरू आहेत. दारू दुकानदारांकडून ‘आंबा’ पाडण्यासाठी काही नगरसेवक सक्रीय झाले आहेत. रस्ते आपले नाहीत हे लक्षात आल्यानंतर त्याचा खर्च सरकारने करावा, म्हणून सक्रीय होण्याची गरज होती. पण, दारूदुकानदारांच्या सोयीसाठी नगरसेवक महापालिकेवरील बोजा वाढवत आहेत.

चौकट

शहरातील राज्य मार्ग

राधानगरी रस्ता नंगीवली चौक, खर्डेकर चौक, जुना वाशी नाका ते पुईखडी

गारगोटी रस्ता दसरा चौक, मिरजकर तिकटी, नंगीवली चौक ते कळंबा

गगनबावडा रस्ता दसरा चौक, सीपीआर, पापाची तिकटी, गंगावेश ते फुलेवाडी

रिंगरोड कसबा बावडा, ताराराणी चौक, शाहू नाका, जरगनगर, कळंबा कारागृह ते फुलेवाडी

जुना हायवे कावळा नाका, टेंबलाई ते शाहू नाका, उजळाईवाडी

राष्ट्रीय महमार्ग शिवाजी पूल, दसरा चौक, मध्यवर्ती बसस्थानक ते तावडे हॉटेल

००००
रस्ता मालकीचा नसताना महापालिकेने त्यावर कोट्यवधी खर्च केले आहेत. ही रक्कम राज्य सरकार महापालिकेस देणार का? जर रस्ते महापालिकेच्या मालकीचे नव्हतेच तर ते कोणत्या अधिकाराने आयआरबी प्रकल्पासाठी हस्तांतरण केले ते जाहीर करावे.

प्रा. जयंत पाटील, नगरसेवक

०००

शहरातील एकही राज्य अथवा राष्ट्रीय महामार्ग महापालिकेकडे हस्तांतरित केलेला नाही. रस्ते महापालिकेचे नसले तरी वहिवाट असल्याने अनेक वर्षे या रस्त्यांची दुरूस्ती महापालिकेच्यावतीने करण्यात येत होती. आयआरबी प्रकल्पाचे काम सुरू असताना काही रस्त्यांचे भूसंपादन करून देण्यात आले. या रस्त्यांच्या पॅचवर्कवरच दरवर्षी दोन कोटी खर्च केले जातात.

नेत्रदीप सरनोबत, शहर अभियंता महापालिका

मोबाइल अॅप डाउनलोड करा आणि राहा अपडेट

उदयनराजेंचा जामीन फेटाळलाराजेंसह नऊ आरोपी हायकोर्टात जाणार

April 11, 2017, 9:59 am

≫ Next: आठवडाभरात अंतिम अहवाल

≪ Previous: रस्ते सरकारचे, खर्च महापालिकेचा

$

0

0

म. टा. वृत्तसेवा, सातारा

जीवे मारण्याचा प्रयत्न करीत खंडणी मागितल्याप्रकरणी दाखल गुन्ह्यात खासदार उदयनराजे भोसले यांचा अतिरिक्त जिल्हा सत्र न्यायालयाने अटकपूर्व जामीन अर्ज फेटाळला आहे. या सुनावणी दरम्यान कोठडीत असलेल्या नऊ संशयितांचे जामीन अर्जही न्यायालयाने फेटाळले आहेत. दरम्यान, आरोपी जामीन मिळवण्यासाठी हायकोर्टात धाव घेणार आहेत.

लोणंद येथील सोना अलॉईज कंपनीचे व्यवस्थापक राजुकुमार जैन यांनी उदयनराजे भोसले, अशोक सावंत, रणजीत माने यांच्यासह दहा जणांच्या विरोधात सातारा शहर पोलिस ठाण्यात जीवे मारण्याचा प्रयत्न करीत खंडणी मागितल्याचा गुन्हा नोंदविला होता. या प्रकरणी सातारा शहर पोलिसांनी अशोक सावंत, रणजीत माने यांच्यासह नऊ जणांना अटक केली होती. या गुन्ह्यात उदयनराजे भोसले यांना सातारा येथील न्यायालयाने तात्पुरता अटकपूर्व जामीन मंजूर केला होता. मिळालेला जामीन कायम करावा, यासाठीची सुनावणी न्यायालयात सुरू होती.

मागील आठवड्यात झालेल्या न्यायालयीन कामकाजा दरम्यान पुढील सुनावणी १३ रोजी होणार असे जाहीर करण्यात आले होते, मात्र, उदयनराजेंचे वकील अॅड डी. व्ही. पाटील यांनी सुनावणी सोमवारी घेण्याची विनंती अर्ज सात रोजी न्यायायलात केला होता. त्या नुसार ही सुनावणी सोमवारी झाली. या वेळी म्हणणे मांडताना पाटील म्हणाले, सोना अलॉईज कंपनीच्या कामगार संघटनांच्या वादातून हा प्रकार घडला आहे. कंपनी मालकाला कामगारांना धडा शिकवायचा आहे. कंपनी मालकाने कंपनी बंद करीत त्यातील कामगारांना देशोधडीला लावायचे आहे. जैन यांना मारहाण झाल्याचा प्रकार १८ रोजी घडला होता तर त्याची तक्रार २३ रोजी का नोंदवली. ते घाबरले होते तर त्यांच्या वतीने अन्य कुणालाही त्याच दिवशी तक्रार नोंदवता आली असती. कंपनीच्या अनुषंगाने कामगारांनी २0 रोजी पोलिस अधीक्षकांना निवेदन दिले होते. या निवेदनात कायदा व सुव्यवस्थेचा प्रश्न निर्माण होऊ शकतो, असे त्यात कामगारांनी नमूद केले होते. अशाच आशयाचे पत्र कामगारांनी कामगार आयुक्तांना २२ रोजी दिले होते. फिर्यादीची वैद्यकीय प्रमाणपत्र दिली असून, ती योग्य नसून त्यात कोणत्याही जखमेचा उल्लेख नाही. फिर्यादीत खासदार उदयनराजे यांचा पीए असे म्हणून आहे. वास्तविक त्यांचा आरोपीतील कोणीही पीए नाही. मालकाला कंपनी चालवायची नसल्याने पोलिसांना हाताशी धरून खोट्या केसेस दाखल करण्यात येत असल्याचा युक्तिवाद अॅड. पाटील यांनी या वेळी केला होता. या नंतर सरकार पक्षाच्या वतीने युक्तिवाद करण्यात आला. दोन्ही बाजूचा युक्तिवाद पूर्ण झाल्यानंतर उदयनराजे यांच्या अटकपूर्व जामीन अर्जावरील सुनावणी मंगळवारी घेण्यात आली होती. उदयनराजे भोसले यांचा जामीन अर्ज फेटाळाल्याने त्यांचा समर्थकांना धक्का बसला आहे. सुनावणी होणार असल्याने कोर्टात मोठी गर्दी झाली होती.

मोबाइल अॅप डाउनलोड करा आणि राहा अपडेट