रुग्णांशी विश्वासाचे नाते जोडा

January 27, 2017, 1:30 pm

≫ Next: एपीआय पाटीलसह तीन पोलिसांना जन्मठेप

≪ Previous: शेतीच देशाला सावरेल

$

0

0

म. टा. प्रतिनिधी, कोल्हापूर

‘फॅमिली डॉक्टर ही संकल्पना दूर होऊन आता स्पेशालिस्ट डॉक्टरांचा जमाना आला आहे; पण स्पेशालिस्ट म्हणून सेवा देतानाही रुग्णांशी विश्वासार्हतेचे नाते निर्माण करा,’ असे आवाहन राष्ट्रवादी काँग्रेसचे अध्यक्ष, खासदार शरद पवार यांनी वैद्यकीय क्षेत्राला केले. महाराणा प्रताप चौकातील केपीसी या मल्टी-स्पेशालिटी हॉस्पिटलच्या उद्घाटनप्रसंगी ते बोलत होते.

डॉ. नितीन केसरकर, डॉ. उदय मिरजे, डॉ. सुशांत पाटील, आशिष पाटील, विशाल चौगले या पाच मित्रांनी एकत्र येत सुरू केलेल्या केपीसी हॉस्पिटलचे उद्घाटन पवार यांच्या हस्ते व राजकीय नेत्यांच्या मांदियाळीत झाले. कार्यक्रमास महापौर हसीना फरास यांच्यासह खासदार धनंजय महाडिक, आमदार हसन मुश्रीफ, माजी मंत्री जयंत पाटील, आमदार सतेज पाटील, सुरेश हाळवणकर, संध्यादेवी कुपेकर, माजी खासदार निवेदिता माने, शिवसेनेचे सहसंपर्कप्रमुख प्रा. संजय मंडलिक, डॉ. संतोष प्रभू यांच्यासह जिल्ह्यातील नेतेमंडळी उपस्थित होते. हॉस्पिटलचे संचालक आशिष पाटील राष्ट्रवादी काँग्रेसचे जिल्हाध्यक्ष ए. वाय. पाटील यांचे चिरंजीव असल्याने कार्यक्रमात नेतेमंडळींची रांग लागली होती.

पवार म्हणाले, ‘व्यवसाय करणे, पैसे मिळवणे वाईट नाही, पण वैद्यकीय क्षेत्रात तुम्ही सेवा म्हणत असाल, तर तुम्हाला रुग्णांना उत्तम सुविधा देऊन त्यांचा विश्वास संपादन करावा लागेल. हॉस्पिटल उभारताना बँकांचा आधार घ्यावा लागतो. त्यांचे हप्त्याचे मीटर सुरू होते. हे मीटर बिघडू नये, यासाठी तुम्हाला आमच्यासारख्या नेत्यांपासून लांब राहावे लागले. अन्यथा रोज एक नेता फोन करून रुग्ण पाठवेल.’

आरोग्याची काळजी घ्या असा सल्ला देताना पवार यांनी हसन मुश्रीफ आणि प्रा. संजय मंडलिक यांच्या स्थूलपणाचा उल्लेख केला. पवार म्हणाले, ‘मुश्रीफ आणि मंडलिक यांच्या तब्येती बघा. खासदार महाडिक यांच्यासारखी तब्येत ठेवण्याचे मार्गदर्शन या दोन्ही नेत्यांना द्यावे लागेल. तशी तब्येत झाली, तर राजकीय जीवनात आणखी धावता येईल.’

मोबाइल अॅप डाउनलोड करा आणि राहा अपडेट

---

एपीआय पाटीलसह तीन पोलिसांना जन्मठेप

January 27, 2017, 1:33 pm

≫ Next: युतीचे होतेच कुठे?

≪ Previous: रुग्णांशी विश्वासाचे नाते जोडा

$

0

0

म. टा. प्रतिनिधी, कोल्हापूर

पेठ वडगाव (ता. हातकणंगले) येथील सनी पोवार याच्या पोलिस कोठडीतील मृत्यूप्रकरणी जिल्हा सत्र न्यायाधीश एल. डी. बिले यांनी शुक्रवारी (ता. २७) तीन पोलिसांना जन्मठेपेसह प्रत्येकी १५ हजार रुपये दंडाची शिक्षा सुनावली. पेठ वडगाव पोलिस ठाण्याचे तत्कालीन सहायक पोलिस निरीक्षक संजीव पाटील (वय ४५, रा. पाषाण, पुणे), सहायक फौजदार बबन दादू शिंदे (५७, रा. पोहाळे तर्फ आळते, ता. पन्हाळा) आणि पोलिस नाईक धनाजी शिवाजी पाटील (४८, रा. लाइन बाजार, कसबा बावडा) अशी शिक्षा झालेल्या पोलिसांची नावे आहेत.

पेठ वडगाव येथे २३ ऑगस्ट २०१४ मध्ये आंबेडकर चौकात दलित समाजाच्या वतीने आंदोलन सुरू होते. आंदोलनादरम्यान जगदीश उर्फ सनी प्रकाश पोवार (वय २१, रा. आंबेडकर नगर, पेठ वडगाव) याने केएमटी बसवर दगड मारला होता. याबाबत सहायक फौजदार बबन शिंदे यांनी सनी पोवारला ताब्यात घेऊन तत्कालीन सहायक पोलिस निरीक्षक संजीव पाटील यांच्या आदेशानुसार सरकारी कामात अडथळा निर्माण केल्याचा गुन्हा दाखल केला होता. चौकशीदरम्यान झालेल्या मारहाणीत सनीच्या पोटात दुखू लागल्याने त्याला कोल्हापुरातील सीपीआर रुग्णालयात दखल केले होते, मात्र उपचारापूर्वीच त्याचा मृत्यू झाल्याचे वैद्यकीय अधिकाऱ्यांनी स्पष्ट केले. मयत सनी याचा भाऊ जयदीप प्रकाश पोवार याने संजीव पाटील, बबन शिंदे आणि धनाजी पाटील या तिघांच्याविरोधात पेठ वडगाव पोलिस ठाण्यात खुनाचा गुन्हा दाखल केला. पोलिस ठाण्यात झालेल्या संशयित मृत्यूमुळे या गुन्ह्याचा तपास सीआयडीकडे वर्ग करण्यात आला होता. सीआयडीचे तत्कालीन पोलिस निरीक्षक मा. शा. पाटील यांनी तपास करून आरोपपत्र दाखल केले होते.

या खटल्यात सरकारी वकील अॅड. अशोक रणदिवे यांनी २६ साक्षीदार तपासले. यापैकी सात साक्षीदार फितूर झाले होते. तपास अधिकारी, पोलिस ठाण्यातील कर्मचारी, प्रत्यक्ष साक्षीदारांच्या साक्षी, मयत सनीचा शवविच्छेदनाचा अहवाल आणि सरकारी वकील अॅड. रणदिवे यांनी केलेला युक्तीवाद ग्राह्य धरून न्यायाधीश बिले यांनी तीनही आरोपींना जन्मठेपेसह प्रत्येकी १५ हजार रुपयांची शिक्षा सुनावली. दंडाची रक्कम मयत पोवार याचा भाऊ जयदीप याला देण्याचा निर्णय कोर्टाने दिला आहे. रणदिवे यांनी दिलेला शाहूपुरीतील पांडव खटल्याचा संदर्भही निर्णयासाठी महत्वाचा ठरला. या निर्णयामुळे पोलिस दलात खळबळ निर्माण झाली असून, शुक्रवारी दिवसभर जिल्ह्यातील पोलिस ठाण्यांमध्ये निर्णायाची चर्चा सुरू होती. दरम्यान, आरोपींनी या निर्णयाच्या विरोधात उच्च न्यायालयात दाद मागण्याचे ठरवले आहे. आरोपींच्या वतीने अॅड. हर्षद निंबाळकर, शिवाजीराव राणे आणि एम. डी. सुर्वे यांनी काम पाहिले.

...

चौकट

कमी शिक्षेची याचना

पोलिसांनी न्यायाधीश बिले यांच्यासमोर तीनही आरोपींना उभे केल्यानंतर न्यायाधीशांनी आरोपींना शिक्षेबाबत विचारणा केली. आरोपींनी घटनेला उजाळा देण्याचा प्रयत्न केल्यानंतर कोर्टाने त्यांना थांबवून केवळ शिक्षेविषयी बोलण्यास सांगितले. यानंतर तीनही आरोपींनी कौटुंबिक परिस्थितीचे कारण देत कमीत कमी शिक्षा देण्याची विनंती कोर्टाकडे केली. प्रचंड तणावात असलेल्या आरोपींना शिक्षा सुनावताच अश्रू आवरता आले नाहीत.

...

चौकट

नातेवाईकांची मोठी गर्दी

सनी पोवार खून खटल्याचा अंतिम निकाल असल्याने आरोपींच्या नातेवाईकांसह सनी पोवार याचेही नातेवाईक कोर्टात उपस्थित होते. पोलिस कोठडीतील मृत्यूप्रकरणी पोलिसांवर गुन्हे दाखल ‍व्हावेत यासाठी पाठपुरावा करणाऱ्या दलित संघटनांचे प्रतिनिधीही मोठ्या संख्येने कोर्टात उपस्थित होते. निर्णयानंतर आरोपींच्या नातेवाईकांनी कोर्टातच हंबरडा फोडला, तर मयत पोवार याच्या नातेवाईकांनी निर्णयाचे स्वागत केले.

मोबाइल अॅप डाउनलोड करा आणि राहा अपडेट

युतीचे होतेच कुठे?

January 27, 2017, 10:36 am

≫ Next: नथुरामचे उदात्तीकरण नको

≪ Previous: एपीआय पाटीलसह तीन पोलिसांना जन्मठेप

$

0

0

म. टा. प्रतिनिधी, कोल्हापूर

भाजप व शिवसेना यांची युती तोडल्याची घोषणा पक्षप्रमुख उद्धव ठाकरे यांनी करण्यापूर्वीच कोल्हापूर जिल्ह्यातील स्थानिक नेत्यांनी भाजपला टाटा केला होता. महापालिका, नगरपालिका निवडणुकीत सोयीची आघाडी केल्यानंतर सध्याच्या जिल्हा परिषद निवडणुकीत त्याच वाटेवर पावले पडत असतानाच राज्यपातळीवर निर्णय झाल्याने स्थानिक नेते खूष झाले आहेत. विशेष म्हणजे जिल्हा परिषदेत राष्ट्रवादी आणि काँग्रेसबरोबर काही ठिकाणी आघाडी करण्याच्या हालचाली सुरू आहेत.

लोकसभा निवडणुकीत भाजप, शिवसेना, स्वाभिमानी यांची आघाडी होती. विधानसभा निवडणुकीत ही युती तुटली. त्यानंतर महापालिका निवडणुका झाल्या. यामध्ये भाजप आणि सेनेने एकमेकांविरोधात निवडणूक लढवली. महापालिका राजकारणात तटस्थतेची भूमिका घेत सेनेचे सर्व नगरसेवक दोन्ही काँग्रेसला मदत करत आहेत. दोन महिन्यांपूर्वी झालेल्या पालिका निवडणुकीत सेना-भाजप युतीचा निर्णय झाला. प्रत्यक्षात अशी युती फार ठिकाणी झालीच नाही. कागल, मुरगूड, पेठ वडगाव, कुरूंदवाड अशा अनेक ठिकाणी हे एकमेकांविरोधातच लढले. मलकापूर पालिकेत सेनेने राष्ट्रवादीबरोबर आघाडी केली.

गेल्या काही दिवसांपासून जिल्ह्यात जिल्हा परिषदेच्या हालचाली सुरू आहेत. त्यात भाजपपेक्षा इतरांशी आघाडी करण्याचा प्रयत्न सुरू होता. मातोश्रीवरून आदेशाची वाट पाहत आहोत, असे स्थानिक नेते सांगत होते. प्रत्यक्षात सोयीच्या आघाडीची चर्चा सुरू होती. हातकणंगले, शिरोळ तालुक्यात काँग्रेस तर शाहूवाडी व पन्हाळा तालुक्यात राष्ट्रवादीबरोबर आघाडी निश्चित आहे. कागल, करवीर तालुक्यात पक्षाची ताकद असल्याने तेथे हा पक्ष स्वबळावर लढणार आहेत. जिल्ह्यात सहा आमदार असले तरी ग्रामीण भागात या पक्षाची ताकद नसल्याने सोयीच्या आघाडीत सहभागी होत पक्षाचे अस्तित्व टिकवण्याचा प्रयत्न सेनेचे नेते करत आहेत. भाजपला सतत विरोध करण्यात येत असून संपर्कप्रमुख अरूण दुधवडकर यांनी भाजपचे नेते महसूलमंत्री चंद्रकांत पाटील यांच्यावर टीका करत युती होणार नसल्याचा इशाराच दिला होता. तो खरा ठरला. ग्रामीण भागात ताकद नसल्याने स्वाभिमानी, शिवसेना, जनसुराज्य यांची मदत घेऊन भाजपला जिल्हा परिषदेत कमळ फुलवायचे आहे. यातील स्वाभिमानी पक्ष नाराज असून तो काँग्रेसबरोबर जाणार आहे. शिवसेनाही आता मदतीला येणार नसल्याने भाजपचा तोटा होणार आहे. कोणत्याही एका पक्षाची सत्ता जिल्हा परिषदेवर येण्याची शक्यता नसल्याने सेना किंगमेकर होण्याची चिन्हे आहेत.

कोल्हापूर जिल्ह्यात सहा आमदार असले तरी ग्रामीण भागात या पक्षाची ताकद नसल्याने सोयीच्या आघाडीत सहभागी होत पक्षाचे अस्तित्व टिकवण्याचा प्रयत्न शिवसेनेचे नेते करत आहेत. तटस्थतेची भूमिका घेत शिवसेनेचे सर्व नगरसेवक दोन्ही काँग्रेसला मदत करत आहेत.

मोबाइल अॅप डाउनलोड करा आणि राहा अपडेट

नथुरामचे उदात्तीकरण नको

January 28, 2017, 1:56 pm

≫ Next: सरकारला पाठिंबा देणार नाही: शरद पवार

≪ Previous: युतीचे होतेच कुठे?

$

0

0

म. टा. प्रतिनिधी, कोल्हापूर

‘महात्मा गांधी यांची हत्या करणाऱ्या नथुराम गोडसेची सध्या पूजा सुरू आहे. गोडसेच्या विचारांचे ‌उदात्तीकरण केले जात आहे. अशा परिस्थितीमध्ये कोल्हापूर हे गांधी विचारांच्या चळवळीचे केंद्र बनावे,’ असे आवाहन माजी केंद्रीय कृषिमंत्री शरद पवार यांनी बुधवारी केले.

आम्ही भारतीय लोक आंदोलनतर्फे ज्येष्ठ पत्रकार बाळ पोतदार लिखित ‘गांधीजी होते म्हणून’ या पुस्तक प्रकाशनप्रसंगी ते बोलत होते. महापौर हसीना फरास, छत्रपती शाहू महाराज यांची यावेळी प्रमुख उपस्थिती होती. येथील केशवराव भोसले नाट्यगृहात हा प्रकाशन सोहळा झाला.

पवार म्हणाले, ‘लेखणी हातात असलेल्या काही घटकांकडून महात्मा गांधी यांची हत्या असे न लिहिता जाणीवपूर्वक वध असे लिहिले जाते. हिंदू राष्ट्रवादाचा पुरस्कार करणाऱ्या नथुराम गोडसेने गांधींची हत्या केल्याने सारा देश दुःखसागरात बुडाला. अशा नथुराम गोडसेचे उदात्तीकरण केले जात आहे. त्याची पुण्यतिथी साजरी केली जात आहे. देशाला पुरोगामी चळवळीची दिशा दिलेल्या कोल्हापुरातही गोडसेचे ‌उदात्तीकरण होत असताना व्यापक प्रमाणात प्रतिक्रिया उमटत नाहीत, हे माझ्यासारख्याला अस्वस्थ करणारे आहे. कोल्हापुरातही हिंदुत्वाचा विचार प्रखर होताना दिसत आहे. हा पुरोगामीवाल्यांचा पराभव आहे. पोतदार यांनी ‘गांधीजी होते म्हणून’ या पुस्तकाच्या रूपाने महात्मा गांधी यांच्या विचारांचा प्रसार करण्याचा प्रयत्न केला आहे. सद्यपरिस्थितीमध्ये महात्मा गांधी यांच्या विचारांची चळवळ कोल्हापुरातून सुरू होणे गरजेचे आहे.’

मराठी साहित्य संमेलनाचे अध्यक्ष डॉ. श्रीपाल सबनीस म्हणाले, ‘सत्य, वस्तुनिष्ठतेच्या माहितीवर पोतदार यांनी गांधीजींच्यावर पुस्तक लिहिले आहे. गांधीजींची हत्या करणाऱ्या नथुराम गोडसेचे उदात्तीकरण होत आहे. अशावेळी पोतदार यांनी लिहिलेले पुस्तक महत्वाचे ठरते. भाजप, आरएसएसकडून सांस्कृतिक विकृतीकरण केले जात आहे. नथुराम गोडसेचे गोडवे गायिले जाणे चिंताजक आहे.’ यावेळी लेखक बाळ पोतदार यांचे भाषण झाले. चंद्रकांत यादव यांनी प्रास्ताविक केले. अॅड. अशोक साळोखे यांनी स्वागत केले. यावेळी खासदार धनंजय महाडिक, आमदार हसन मुश्रीफ, आमदार संध्यादेवी कुपेकर, निवेदिता माने, के. पी. पाटील आदी उपस्थित होते. संभाजी जगदाळे यांनी आभार मानले.

गांधीजींचे श्रेष्ठत्व

पवार म्हणाले, ‘ममहाविद्यालयीन जीवनात मी महात्मा गांधी यांच्याऐवजी पंडीत नेहरू यांच्या विचारांनी अधिक प्रभावित झालो होतो. पण जसे माझे वाचन वाढत गेले, परिपक्वता आली. तसे गांधी आणि नेहरू यांचे विचार वेगळे करता येत नाहीत, हे लक्षात आले. गांधीजीच सर्वश्रेष्ठ होते, या निष्कर्षापर्यंत मी आलो.

मोबाइल अॅप डाउनलोड करा आणि राहा अपडेट

सरकारला पाठिंबा देणार नाही: शरद पवार

January 28, 2017, 12:20 am

≫ Next: डॉ. जयसिंगराव पवार यांचा शरद पवारांच्या हस्ते गौरव

≪ Previous: नथुरामचे उदात्तीकरण नको

$

0

0

म. टा. प्रतिनिधी, कोल्हापूर

काँग्रेस, राष्ट्रवादी काँग्रेस या समविचारी पक्षांनी एकत्र आले पाहिजे. समविचारी पक्ष एकत्र येत असताना राष्ट्रवादी काँग्रेसच्या नेते व कार्यकर्त्यांनी घराची चौकट मोडू नये, असा इशारा खासदार शरद पवार यांनी दिली. शिवसेनेने भाजपशी युती तोडली असली तरी सरकारला पाठिंबा देण्याचा विचार नसल्याचे त्यांनी स्पष्ट केले. राष्ट्रवादी व भाजपची छुपी युती आहे या मुंबई काँग्रेस अध्यक्ष संजय निरुपम यांच्या आरोपावर ‘निरुपम मूर्ख माणूस आहे. त्याचे महाराष्ट्रात काय योगदान आहे?', असा संतप्त सवालही पवार यांनी केला.

शरद पवार दोन दिवस कोल्हापूर दौऱ्यावर आहेत. शनिवारी सकाळी त्यांनी पत्रकारांशी बोलताना राज्याच्या राजकारणावर आपली मते व्यक्त केली. मुंबई महानगरपालिकेच्या निवडणुकीपूर्वी शिवसेना भाजपची युती तुटणार आहे असे वाटत होते. तसे घडलेही. शिवसेनेने भाजपशी युती तोडली असली तरी सरकारला पाठींबा देणार नाही. तसेच सरकारला पाठींबा द्यायचा का नाही हे कोल्हापुरात बसून ठरवता येणार नाही. सरकारला पाठींबा द्यायचा का नाही हा निर्णय एकत्र बसून घेतला जाईल. शिवसेना सरकारमधून बाहेर पडेल असे वाटते. जर सेना सत्तेतून बाहेर पडली नाही तर सत्तेसाठी चिकटून राहते असा संदेश जाऊ शकतो, असेही ते पुढे म्हणाले.

निरुपम मूर्ख माणूस!

राष्ट्रवादी व भाजपची छुपी युती आहे, असा आरोप संजय निरुपम यांनी केला आहे याकडे लक्ष वेधले असता, निरुपम हा मूर्ख माणूस आहे. त्याचे महाराष्ट्रासाठी काय योगदान आहे? आपले पद कोणते आहे? कोणत्या विषयावर बोलतो, हे त्याला समजत नाही, असेही पवार यांनी फटकारले.

राष्ट्रपतीपदाचा विषयच नाही

राष्ट्रपतीपदाची निवडणूक लढवणार का?, असा प्रश्न केला असता माझे १२ खासदार आहेत. राष्ट्रपतीच्या निवडणुकीसाठी देशभरातील खासदार व आमदारांचे मतदान असते. आमच्या पक्षाचे संख्याबळ पाहता माझे पाय जमिनीवर आहेत. मी तारतम्य बाळगतो. राष्ट्रपतीपदाची अपेक्षा ठेवणे हे चुकीचे आहे. माझ्या दृष्टीने राष्ट्रपतीपदाचा विषयच संपला आहे, असे पवार यांनी स्पष्ट केले.

मोबाइल अॅप डाउनलोड करा आणि राहा अपडेट

डॉ. जयसिंगराव पवार यांचा शरद पवारांच्या हस्ते गौरव

January 28, 2017, 4:02 am

≫ Next: डाळी, भाज्यांची आवक वाढली

≪ Previous: सरकारला पाठिंबा देणार नाही: शरद पवार

$

0

0

मटा ऑनलाइन वृत्त । कोल्हापूर

इतिहासातील वास्तव मांडणे हे इतिहासकाराची जबाबदारी असते. ही जबाबदारी समर्थपणे सांभाळत डॉ. जयसिंगरावर पवार यांनी मराठ्यांच्या इतिहासाचे संखोल संशोधन करून वास्तव जगापुढे आणले,’ असे गौरवोद्गार माजी केंद्रीय मंत्री खासदार शरद पवार यांनी काढले. इतिहास संशोधक डॉ. जयसिंगराव पवार यांच्या अमृतमहोत्सवानिमित्त आयोजित कार्यक्रमात ते बोलत होते.

केशवराव भोसले नाट्यगृहात झालेल्या या हृद्य सोहळ्याच्या अध्यक्षस्थानी ज्येष्ठ समाजवादी विचारवंत भाई वैद्य होते. तर, प्रमुख पाहुणे म्हणून श्रीमंत शाहू महाराज छत्रपती आणि महापौर हसिना फरास उपस्थित होत्या. व्यासपीठावर डॉ. पवार यांच्या पत्नी वसुधा, गौरव समितीचे कार्यवाह प्राचार्य डॉ. टी. एस. पाटील, सहकार्यवाह पंडीत कंदले, सुरेश शिपूरकरप प्रमुख उपस्थित होते.

डॉ. पवार यांच्या कार्याचा गौरव करताना पवार म्हणाले, ‘महाराष्ट्रात शाहू चरित्रग्रंथाशिवाय एकही असा संशोधनपर चरित्र ग्रंथ नाही, ज्याचे इतर भाषांमध्ये मोठ्या प्रमाणावर भाषांतर होत आहे. उत्कृष्ट प्रशासकाचा आदर्श निर्माण करणाऱ्या राजर्षी शाहूंचा वास्तव चरित्र जगाच्या कानाकोपऱ्यात नेण्याचे मोलाचे काम डॉ. जयसिंगराव पवारांनी केले आहे. त्यामुळे आज महाराष्ट्राच्या बाहेरही शाहूंच्या कार्याचा उल्लेख केला जातो. इतिहासातील वास्तव न मांडता ते विचारधारेतून मांडण्याचे काम काही गटांनी केले आणि वर्षानुवर्षे तोच इतिहास वाचला गेला. जयसिंगराव त्याला अपवाद आहेत. सत्य आणि वास्तव यावर आधारीत वस्तुस्थिती समाजापुढे मांडणे ही इतिहासकाराची जबाबदारी त्यांनी स्वीकारली. त्यावेळी टीकेची पर्वा केली नाही.’

‘छत्रपती संभाजीराजेंचे चरीत्र काही घटकांनी चुकीच्या पद्धतीने मांडले होते. त्यांचे वास्तव चित्र, सखोल अभ्यासकरून जयसिंगरावांनी समाजापुढे आणले. कर्तृत्व संपन्न शिवरायांच्या पुढच्या पिढीचे महाराष्ट्राला असलेले योगदान मांडण्याचे मोठे कार्य जयसिंगरावांनी केले. दादोजी कोंडेदेवांना शिवरायांचे गुरू करून त्यांना गुरूपणाचे महत्त्व देण्याचा प्रयत्न सातत्याने झाला. तो इतिहास तरुणांपुढे गेला असता. तर अनेक पिढ्या शिवराय जन्माने गुणसंपन्न होते. कर्तृत्वाने महान होते. यापेक्षा वेगळे चित्र लोकांपुढे गेले असते. म्हणून त्याचाही सखोल अभ्यास करून जयसिंगरावांनी वस्तुस्थिती मांडली’.

कार्यक्रमात खासदार पवार यांच्या हस्ते डॉ. पवार यांचा कोल्हापुरी फेटा, घोंगडे, पुष्पहार, गौरवपत्र व गौरवचिन्ह देऊन सत्कार करण्यात आला. सत्काराला उत्तर देताना डॉ. पवार म्हणाले, ‘सत्कार केलेले घोंडगे महात्मा फुलेंचे आहे. मागच्या महिन्यात भाई वैद्य यांनी दिनकराव जवळकर पुरस्कार देऊन माझा सत्कार केला. त्यावेळी फुलेंची पगडी माझ्या डोक्यावर ठेवण्यात आली होती. त्या पगडीचा मान राखेन, असे मी म्हणालो होते. तसाच मान या घोंगड्याचाही राखेन.’

शाहू चरित्र नेणार पंचवीस भाषांमध्ये

देशातील आणि विदेशातील विविध भाषांमध्ये भाषांतरीत होत असलेला राजर्षी शाहू चरित्रग्रंथ भविष्यात १५ प्रादेशिक आणि १० विदेशी भाषांमध्ये घेऊन जाईन, अशी घोषणा ज्येष्ठ इतिहाससंशोधक डॉ. जयसिंगरावर पवार यांनी अमृमहोत्सवी सत्कार समारंभात केली. ताराबाईंचे अपूर्ण राहिलेले चरित्र सध्या लिहित असल्याचे डॉ. पवार यांनी यावेळी सांगितले.

मोबाइल अॅप डाउनलोड करा आणि राहा अपडेट

डाळी, भाज्यांची आवक वाढली

January 28, 2017, 11:30 am

≫ Next: कोल्हापुरात हॅपीनेसचा हॅपी संडे

≪ Previous: डॉ. जयसिंगराव पवार यांचा शरद पवारांच्या हस्ते गौरव

$

0

0

म. टा. प्रतिनिधी, कोल्हापूर

नवीन डाळींची आवक वाढल्याने, तूरडाळीचे पिक चांगले असल्याने या आठवड्यात तूरडाळीचे दर दहा रुपयांनी कमी झाले आहेत. याचबरोबर मुगडाळ, हरभरा डाळीचेही दर कमी झाले आहेत. तर यंदा उसाचे पीक कमी असल्यामुळे साखरेचे दर दोन रुपयांनी वाढले असून गुळाच्या दरातही वाढ होण्याची शक्यता व्यापाऱ्यांनी व्यक्त केली. तर लसूण दरामध्ये तब्बल ६० रुपये वाढले असून दर १४० रुपयांपर्यंत पोहचला आहे.

शहरातील कपिलतीर्थ मार्केट, लक्ष्मीपुरी, राजारामपुरी, पाच बंगला, ऋण मुक्तेश्वर या परिसरात मोठ्या प्रमाणात भाजी मार्केट आहे. गेल्या १५ दिवसांमध्ये पालेभाज्यांची आवक वाढल्यामुळे पालेभाज्यांचे दर प्रतिपेंडी ७ ते १० रुपयांपर्यंत आहेत. तर फळभाज्या ४० ते ६० रुपये किलो दराने विक्री होत असल्याची माहिती भाजीविक्रेते लोंढे यांनी दिली.

या आठवड्यात हरभरा डाळ १२ रुपयांनी उतरल्याने १०० रुपये किलोने विक्री होत आहे, तर मूगडाळही आठ रुपयांनी स्वस्त झाली आहे. आहे. तर गहू व ज्वारीचे दर स्थिर असल्याची माहिती व्यापारी महेश नष्टे यांनी दिली. थंडी कमी होत असताना बाजारात कलिंगडही दाखल झाली आहेत. ४० ते ८० रुपयांपर्यंत वेगवेगळ्या आकारात कलिंगड उपलब्ध आहेत.



भाज्यांचे दर (प‌्रतिकिलो)

वांगी : ४० रु.

टोमॅटो : १० रु.

भेंडी : ४० रु.

दुधी : २० रु.

कारली : ३० रु.

ढबू मिरची : ४० रु.

गाजर : ३० रु.

हिरवा वाटाणा : ३० रु

कोबी : १० रु. प्रतिनग

फ्लॉवर : २० रु. प्रतिनग

बंदरी गवारी : ६० रु.

जवारी गवारी : ८० रु.

दोडका : ४० रु

काकडी : ३० -४० रु.

बीन्स : ५० रु.

मेथी : १० रु. पेंडी

पालक : १० रु पेंडी

पोकळा : ८ रु. पेंडी

चाकवत : ८ रु. पेंडी

कोथिंबीर : १० रु. पेंडी

ओली मिरची : ४० रु. किलो

कांदा : १० रु.

बटाटा : २० रु.

लसूण : १४० रु.

आले : ३० रु.

शेवगा शेंग : १० रु. (३ नग)

तोंदली : ४० रु.

लिंबू : १० रु. (३ नग)



खाद्यतेल

सरकी : ८२ रु.

सूर्यफूल : ९० रु.

शेंगतेल : १४० रु.



फळांचे दर (किलो)

संत्री : ५० रु.

मोसंबी : ६० रु.

डाळिंब : ९० रु.

सफरचंद : ८० रु.

विदेशी सफरचंद : ११० रु.

केळी : ३० ते ३५ रु. (डझन)

जवारी केळी : ५० रु (डझन)

द्राक्षे : ८० रु

बोर : ५० रु.


डाळींचे दर (किलो)

तूरडाळ : ८० रु.

मूगडाळ : ७२ रु.

उडीद डाळ : १२५ रु.

हरभरा डाळ : १०० रु.

मूग : ८० रु.

मसूर डाळ : ७५ रु.



किराणा दर (किलो)

पोहे : ४० रु.

साखर : ४२ रु.

शेंगदाणा : ९० रु.

मैदा : २८ रु.

रवा : ३० रु.

शाबू : ८० रु.

आटा : २८ रु.

ज्वारी : २६ ते ३५ रु.

मोबाइल अॅप डाउनलोड करा आणि राहा अपडेट

कोल्हापुरात हॅपीनेसचा हॅपी संडे

January 29, 2017, 1:30 pm

≫ Next: कृषी प्रदर्शनाला अलोट गर्दी

≪ Previous: डाळी, भाज्यांची आवक वाढली

$

0

0

कोल्हापूर टाइम्स टीम

सर्किट हाऊस ते महासैनिक दरबार हॉलच्या मार्गावरील निसर्गरम्य वातावरणात रविवारची सकाळ महाराष्ट्र टाइम्सच्या हॅपी स्ट्रीटने हॅपी केली. हविशी वाटणारी थंडी, वाढत जाणारे कोवळे ऊन आणि कोल्हापूरकरांचा प्रचंड उत्साह यामुळे लहान-मोठ्या सर्वांनाच हॅपी स्ट्रीटने आनंदाची शिदोरी दिली. वय विसरून स्वतःला लहानगे होण्याची संधी या उपक्रमाने दिल्याने जानेवारी महिन्यातील शेवटचा रविवार हजारो कोल्हापूरकरांसाठी हॅपिनेसचा सुपर संडे ठरला.

महाराष्ट्र टाइम्सने हॅपी स्ट्रीटची पर्वणी उपलब्ध करून दिल्यानंतर हा उपक्रम कोल्हापूरची सांस्कृती, कला आणि प्रबोधनासाठीही महत्त्वाचे व्यासपीठ ठरला आहे. रविवारी (ता. २९) सर्किट हाऊस ते महासैनिक दरबार हॉल रस्त्यावर रंगलेल्या हॅपी स्ट्रीटने तर हजारो कोल्हापूकरांची रविवारची सकाळ आनंदी, उत्साही आणि जल्लोषी बनवली. सकाळी सात वाजल्यापासूनच लोकांनी हॅपी स्ट्रीटवर गर्दी केली होती. गीतगायन, डान्स, मिमिक्री अशा विविध कलांचे सादरीकरण करण्यासाठी इच्छुकांनी मोठी गर्दी केली होती. सर्किट हाऊस चौकातील व्यासपीठावरून सकाळी साडेसातच्या सुमारास आमदार सतेज पाटील यांच्यासह बावडा, कदमवाडी परिसरातील नगरसेवक, आणि हजारो कोल्हापूरकरांच्या उपस्थितीत हॅपी स्ट्रीटचे उदघाटन झाले. स्टेजवरील बहारदार सादरीकरणाचा आनंद उपस्थितांनी घेतला, त्याचबरोबर रस्त्यावरील विटी दांडू, गलोरी, रस्सीखेच, मर्दानी खेळांचाही आनंद उपस्थितांनी घेतला. टॅट्यू रेखाटून घेण्यासह केक बनवण्यातही तरुणींनी हात आजमावले.

हॅपी स्ट्रीटवरील चित्रकला आणि शिल्पकला उपस्थितांचे आकर्षण ठरले. कोल्हापूरच्या चित्रकारांनी रंगछटांच्या माध्यमातून उपस्थितांमधील मॉडेल्सना कागदावर उतरवले. एरवी लांबूनच लाठी, काठी आणि तलवारबाजी पाहणाऱ्या तरुण-तरुणींनीही हॅपी स्ट्रीटवर मर्दानी खेळांचा आनंद घेतला. अनपेक्षितपणे रस्सीखेचसाठी गर्दीत घुसलेले ग्रुपही कमी पडले नाहीत. विजयापेक्षाही खेळाचे समाधान त्यांच्या चेहऱ्यावर झळकत होते. स्केटिंगसाठी मुलांची गर्दी होतीच. सायकलिंगसाठीही मुलांनी रांगा लावल्या होत्या. खो-खो आणि कबड्डीच्या डावातही अबालवृद्ध रंगले. कार्यक्रमाच्या अखेरीस डीजेच्या ठेक्यावर ताल धरण्यासाठी स्टेजसमोरचा संपूर्ण रस्ता गर्दीने फुलाल. यात अबालवृद्ध वय, पद आणि इमेज विसरून बेधुंद होऊन नाचले.

मोबाइल अॅप डाउनलोड करा आणि राहा अपडेट

---

कृषी प्रदर्शनाला अलोट गर्दी

January 29, 2017, 1:30 pm

≫ Next: इच्छुकांची साखरपेरणी सुरू

≪ Previous: कोल्हापुरात हॅपीनेसचा हॅपी संडे

$

0

0

म. टा. प्रतिनिधी, कोल्हापूर

रविवारच्या सुटीची पर्वणी साधत भीमा उद्योग समुहाच्यावतीने आयोजित केलेल्या दहाव्या भीमा कृषी प्रदर्शनाला अलोट गर्दी झाली. मेरीवेदर ग्राउंड परिसराला जत्रेचे स्वरुप प्राप्त झाले होते. प्रदर्शनामध्ये खाद्य पदार्थ आधुनिक तंत्रज्ञानाच्या कृषी अवजारांतून तीन दिवसात तब्बल ५० कोटी रुपयांची उलाढाल झाली. आवाड (जि. उस्मानाबाद) येथील प्रयोगशील शेतकरी पांडुरंग आवाड यांच्या ‘एकरी शंभर टन ऊस उत्पादना’च्या मार्गदर्शनाने शेतकरी भारावून गेले होते.

प्रदर्शनात दररोज शंभर लीटर दूध देणारी होलस्टियन फ्रिसटन गाय, दोन हजार रुपये दर असणारी कडकनाथ जातीचे कोंबडा, कोंबडी, १२ लाख किंमतीचा अ‍वाढव्य रेडा, तीन हजार किलोमीटर झेप घेणारा रंगीत पोपट अशी जनावरे व पक्षी प्रदर्शनातील जनावरे उपस्थितांच्या आकर्षणाचे केंद्रबिंदू ठरले. खिलार जातीच्या बैलाचा रुबाबदार वशिंड आणि त्यांचे वयाची शेतकरी माहिती घेत होते. नांदेडचा ‘लाल कंदारी वळू’, टर्की कोंबड्या, आठ लाख किमंतीचा खिलार आणि पंजाबी घोड्याचे आकर्षण होते. जर्मन, रशिया, इंडोनेशिया आदी देशातील ट्रॅक्टर आणि कृषी अवजारे, बी-बियाणे, खते, किटकनाशकांचा वापर याची माहिती शेतकरी स्टॉलवर थांबून घेत होते.

दुपारच्या सत्रात उस्मानाबादचे प्रगतशील शेतकरी पांडुरंग आवाड ‘ठिंबक सिंचन व ऊस उत्पादन तंत्रज्ञान’ विषयावर उसाचे एकरी शंभर टन उत्पादन घेण्याचा कानमंत्र दिला. आवाड म्हणाले,‘२१ व्या शतकात तंत्रज्ञानाचा वापर वाढला आहे. केवळ शेतीमध्ये जाऊन उत्पादन वाढणार नाही, त्यासाठी मिळालेले ज्ञान विज्ञानाच्या कसोटीवर तपासून घेवून त्या तंत्राचा वापर वेळेवर करण्याची आवश्यकता आहे. शेतीकडे उद्योग म्हणून पाहिल्याशिवाय उत्पादन वाढणार नाही. एकरी शंभर टन उत्पादन घ्यायचे असल्यास एका सरीमध्ये सहा फुटाचे अंतर ठेवून एक ते सव्वा फुटावर एकडोळा पद्धतीने लागवड करण्याची आवश्यकता आहे. त्यामुळे लागवडीचा खर्च कमी होऊन आर्थिक बचत होईल. पाण्याचे योग्य व्यवस्थापन करण्यासाठी ठिबक सिंचनाचा वापर अत्यंत गरजेचा आहे.’

‘नैसर्गिक,सेंद्रीय शेती काळाची गरज व आव्हाने’ या विषयावर नेचर फर्टिलायझर्सचे व्यवस्थापकीय संचालक जयदेव बर्वे यांनी तर ‘ऊस शेतीसाठी ठिबक आधुनिक तंत्रज्ञान’ विषयावर नेटाफीम इरिगेशनचे प्रा. डॉ. अरुण देशमुख यांनी मार्गदर्शन केले. प्रगतशील शेतकरी आवाड यांचा खासदार धनंजय माहाडिक यांच्या हस्ते सत्कार करण्यात आला.

आज प्रदर्शनाचा समारोप व बक्षीस समारंभ

पश्चिम महाराष्ट्रातील सर्वात मोठ्या भीमा कृषी प्रदर्शनाचा सोमवारी (ता. ३०) समारोप होत आहे. यावेळी पालकमंत्री चंद्रकांत पाटील यांच्या हस्ते प्रदर्शनातील विजेत्यांना बक्षीस देऊन गौरव होणार आहे. तत्पूर्वी दुपारी दीड वाजता पुणे येथील वसंतदादा साखर संस्थेचे संचालक डॉ. डी. जी. तापसे ‘ऊस उत्पादन वाढीचे शाश्वत तंत्रज्ञान व सद्यस्थितीतील ऊस पीक संवर्धन’ तर सागर किल्लेदार ‘दुधव्यवसाय किफायतशीर’ विषयावर मार्गदर्शन करणार आहेत.

मोबाइल अॅप डाउनलोड करा आणि राहा अपडेट

इच्छुकांची साखरपेरणी सुरू

January 29, 2017, 1:30 pm

≫ Next: पुण्यातील विद्यार्थी करणार कोंडीचा अभ्यास

≪ Previous: कृषी प्रदर्शनाला अलोट गर्दी

$

0

0

म. टा. प्रतिनिधी, कोल्हापूर

काँग्रेसच्या माजी महापौर अश्विनी रामाणे यांचे नगरसेवकपद रद्द झाल्यानंतर शासकीय मध्यवर्ती कारागृह प्रभागात इच्छुकांनी पोटनिवडणुकीची तयारी सुरु केली आहे. २० नगरसेवक अपात्रतेच्या पारड्यात असून त्यांच्या प्रभागातील इच्छुक तयारीला लागले आहेत. घरापर्यंत पोहचून इच्छुक निवडणुकीच्यादृष्टीने साखरपेरणी करत असून काहींनी विकास कामांच्या उद्‍घाटनाच्यानिमित्ताने निवडणुकीचे वातावरण तयार करण्याचा प्रयत्न सुरू आहे. सध्या दोन्ही काँग्रेस एकत्र येऊन भाजपला तोंड देण्याची रणनीती आखली जात आहे.

जात वैधता प्रमाणपत्र वेळेत सादर न केल्याने महापालिकेतील २० नगरसेवकांवर अपात्रतेची कारवाई होण्याची शक्यता आहे. त्याचवेळी माजी महापौर रामाणे यांच्यावरही जातीच्या दाखल्याच्या कारणावरुन नगरसेवकपद रद्दची कारवाई करण्यात आली. याबाबत सुप्रीम कोर्टात याचिका दाखल केली असून त्याबाबत सोमवारी चित्र स्पष्ट होण्याची शक्यता आहे. कारवाईची टांगती तलवार असल्याने नगरसेवकांचे धाबे दणाणले आहेत. या साऱ्या प्रभागांमध्ये इच्छुक तयारीला लागले आहेत. अजून २० प्रभागांबाबत निर्णय झालेला नसला तरी माजी महापौर रामाणे यांच्या प्रभागासह अन्य प्रभागांतील इच्छुक मात्र कामाला लागले आहेत.

शासकीय मध्यवर्ती कारागृह प्रभागातून निवडून आलेल्या रामाणे यांनी काँग्रेसमधून निवडणूक लढवली होती. त्यांच्याविरोधात राष्ट्रवादीच्या अश्विनी लोळगे व भाजपच्या सुवर्णाराधा साळोखे यांनी आव्हान निर्माण केले होते. रामाणे (मते ११३२) विजयी झाल्या. लोळगे दुसऱ्या क्रमांकावर (९५१) तर साळोखे (६७५) तिसऱ्या स्थानावर होत्या. लोळगे व साळोखे एकाच परिसरातील असल्याने त्यांच्यामध्ये मतविभागणी झाल्याने त्याचा फायदा रामाणे यांना झाला. आता लोळगे व साळोखे दोघीही इच्छुक आहेत. रामाणे यांची काय भूमिका असेल यावर येथील राजकारणाची दिशा समजणार आहे. यामुळे प्रभागातील इच्छुकांकडून निवडणुकीची तयारी चालवली आहे. काहींनी घरामध्ये जाऊन निवडणूक तोंडावर असल्याचे नागरिकांना जाणवून देण्याचे काम सुरू केले आहे. तर पक्षामार्फत निवडणुकीचा माहोल तयार करण्यासाठी काही विकास कामांची उद्‍घाटने केली जात आहेत.

युतीत फूट तर काँग्रेस एकत्र

या प्रभागात निवडणुकीचे वातावरण तयार होत असताना कारवाईची शक्यता असलेल्या २० प्रभागातही इच्छुकांमध्ये उत्साहाचे वातावरण पसरले आहे. राज्य पातळीवर शिवसेना व भाजपची युती तुटली आहे. या पार्श्वभूमीवर प्रभागांमध्येही दोन्ही पक्ष स्वतंत्र लढणार हे स्पष्ट आहे. तर भाजप महापालिकेत सत्ता आणण्यासाठी प्रयत्नशील असल्याने त्यांना रोखण्यासाठी दोन्ही काँग्रेस एकत्र लढण्याची शक्यता आहे. भाजपला एकासएक लढत दिली तरच विजयाची शक्यता असल्याची चर्चा दोन्ही काँग्रेसमधील कार्यकर्त्यांत आहे. एकीकडे ही चर्चा असताना येत्या आठवड्यात सरकारकडून सुप्रीम कोर्टात प्रतिज्ञापत्र सादर करण्यात येणार आहे. त्यामध्ये २० नगरसेवकांच्याबाजूने कौल असल्यास सारेच चित्र बदलण्याची शक्यताही नाकारता येत नाही.

मोबाइल अॅप डाउनलोड करा आणि राहा अपडेट

पुण्यातील विद्यार्थी करणार कोंडीचा अभ्यास

January 29, 2017, 11:30 am

≫ Next: भविष्यासाठी हवे प्लॅनिंग

≪ Previous: इच्छुकांची साखरपेरणी सुरू

$

0

0

म. टा. प्रतिनिधी, कोल्हापूर

कोल्हापुरातील बेशिस्त वाहतुकीला शिस्त लावण्यासाठी आवश्यक उपाययोजनांचा शास्त्रशुद्ध अभ्यास करण्यासाठी पुण्यातील कॉलेज ऑफ इंजिनीअरिंगचे विद्यार्थी शहरातील वाहतूक कोंडीचा अभ्यास करीत आहेत. टाऊन प्लॅनिंग डिपार्टमेंटचे हे विद्यार्थी अंबाबाई मंदिराच्या आसपास दीड किलोमीटर परिसराचा अभ्यास करणार असून, दोन महिन्यात सूचनांचा अहवाल विशेष पोलिस महानिरीक्षक विश्वास नांगरे-पाटील यांच्याकडे सादर करणार आहेत.

टाऊन प्लॅनिंगचा अभ्यासक्रम शिकवणारे आणि राज्याच्या शहरांमधील वाहतुकीचा अभ्यास करणारे पुण्यातील कॉलेज ऑफ इंजिनीअरिंग हे राज्यातील एकमेव कॉलेज आहे. कोल्हापुरातील वाहतूक कोंडीवर उपाय शोधण्यासाठी परिक्षेत्राचे विशेष पोलिस महानिरीक्षक विश्वास नांगरे-पाटील यांनी पुण्यातील वाहतूक सल्लागार प्रतापसिंह भोसले यांच्याशी चर्चा करून वाहतूक कोंडीचा शास्त्रशुद्ध अभ्यास करण्याची गरज व्यक्त केली होती. यातून कॉलेज ऑफ इंजिनीअरिंगच्या टाऊन प्लॅनिंग डिपार्टमेंटचे २२ विद्यार्थी कोल्हापुरात दाखल झाले असून, २७ जानेवारीपासून वाहतूक कोंडीचा सर्व्हे सुरू केला आहे. प्राध्यापक राहुल शुक्ला यांच्या मार्गदर्शनाखाली १३ विद्यार्थी आणि ९ विद्यार्थिनी २ फेब्रुवारीपर्यंत काम करणार आहेत. यात वाहनांची संख्या, रस्ते, गर्दीची ठिकाणे, पार्किंग, फेरीवाल्यांची ठिकाणे, गर्दीचा ओघ, पादचारी, केएमटी बस सेवा, रिक्षा सुविधा आदींचा शास्त्रशुद्ध अभ्यास केला जाणार आहे. आठ दिवसात माहिती संकलन केल्यानंतर त्यातून उपाययोजना सूचवल्या जाणार आहेत. दोन महिन्यांनी हा अहवाल आयजी नांगरे-पाटील यांच्याकडे सोपवला जाणार आहे.

विद्यार्थ्यांकडून सध्या माहिती संकलनाचे काम सुरू आहे, मात्र शहरातील नागरिकांकडून त्यांना अपेक्षित सहकार्य मिळत नसल्याची त्यांची तक्रार आहे. माहिती संकलनात त्रुटी राहिल्यास नेमके उपाय शोधणे कठीण असल्याने नागरिकांनी रोजच्या वाहतूक कोंडीचा विचार करून सहकार्य करण्याचे आवाहन शहर वाहतूक पोलिस निरीक्षक अशोक धुमाळ यांनी केले आहे. कॉलेज ऑफ इंजिनीअरिंगच्या विद्यार्थ्यांनी यापूर्वी धुळे आणि पुणे शहरातील वाहतूक कोंडीचा अभ्यास करून उपाय सुचवले आहेत.

याचा होणार सर्व्हे

वाहनांची संख्या, ट्रॅफिक ठिकाणे

पादचारी संख्या, गर्दीची ठिकाणे

रस्त्यांची रुंदी, फुटपाथ, अडथळे

वाहतुकीचा ओघ

केएमटी बसेसची संख्या, स्टॉप, प्रवाशांची संख्या

रिक्षांची संख्या, स्टॉप, दरफलक, ई.

पार्किंग ठिकाणांची उपलब्धता, वस्तुस्थिती

गर्दीची ठिकाणे, कारणे

आयजींकडे जाणार अहवाल

वाहतूक कोंडी टाळण्यासाठी वाहतुकीला शिस्त लावणे हा महत्त्वाचा उपाय असल्याने आयजी विश्वास नांगरे-पाटील यांनी पुण्यातील विद्यार्थ्यांना कोल्हापुरात बोलवले आहे. आठ दिवसांच्या सर्व्हेनंतर दोन महिने अभ्यास करून तयार होणारा अहवाल नांगरे-पाटील यांच्याकडे सोपवला जाणार आहे. यातून महत्त्वाच्या टिप्स मिळतील, असा विश्वास वरिष्ठ पोलिस अधिकाऱ्यांनी व्यक्त केला आहे.

टाऊन प्लॅनिंग डिपार्टमेंटचे विद्यार्थी गेल्या तीन दिवसांपासून शहरातील वाहतुकीचा सर्व्हे करीत आहेत, मात्र नगरिकांकडून अपेक्षित सहकार्य मिळत नाही. ही माहिती शहरवासियांच्या उपयोगाची आहे, त्यामुळे लोकांनी सहकार्य करणे अपेक्षित आहे. यातून पुढील ५० वर्षातील वाहतूक कोंडीची समस्या संपेल.

प्रा. राहुल शुक्ला, कॉलेज ऑफ इंजिनीअरिंग, पुणे

मोबाइल अॅप डाउनलोड करा आणि राहा अपडेट

भविष्यासाठी हवे प्लॅनिंग

January 29, 2017, 1:30 pm

≫ Next: ‘सोशल’ बांधिलकी जपा

≪ Previous: पुण्यातील विद्यार्थी करणार कोंडीचा अभ्यास

$

0

0

म. टा. प्रतिनिधी, कोल्हापूर

मध्यमवर्गीय व नोकरदार वर्गाची वस्ती, महापालिकेच्या मालकीच्या दोन मोठ्या शाळा, शहरालगतचे उपनगर म्हणून रायगड कॉलनी, बाबा जरगनगर प्रभागात रहिवासी क्षेत्रात दिवसेंदिवस वाढ होत आहे. या प्रभागात आजवर मूलभूत सोयी सुविधांची पूर्तता करण्यातच निधी खर्ची पडला आहे. प्रभागात लोकवस्ती वाढत असल्याने भविष्यकाळाचा विचार करून नागरिकांसाठी बाग, मुलांसाठी खेळाचे मैदान, ज्येष्ठ नागरिकांसाठी विरंगुळा केंद्र होणे गरजेचे आहे.

प्रभागात मैदान व बागेसाठी जागा आरक्षित आहे. पाण्याच्या टाकीजवळील खेळासाठी आरक्षित जागेचा वाद आहे. तर जरगनगर ले आऊट नंबर चार येथे बागेसाठी आ​रक्षित जागेवर गेल्या पंधरा वर्षात हॉल बांधण्यापलीकडे काही झाले नाही. या भागातील नागरिकांनीच स्वतहून एकत्र येत सभागृहासाठी आवश्यक साम्रगी, बाके उपलब्ध केली आहेत. ओढा आणि पुलामुळे प्रभाग विभागला गेला आहे. रायगड कॉलनी, बाबा जरगनगर, एनटी सरनाईक कॉलनी, जगतापनगर, जोतिर्लिंग कॉलनी, योगेश्वर कॉलनी, मृत्यूजंय मित्र मंडळ आदी भागाचा समावेश आहे. महापालिका निवडणुकीत भाजपच्या उमेदवार गीता गुरव यांनी काँग्रेसच्या उमेदवार वैभवी जरग यांच्यावर २६ मतांनी विजय मिळवला. गुरव पहिल्यांदाच महापालिकेत प्रतिनिधीत्व करत आहेत.

रायगड कॉलनी ते जगतापनगरपर्यंत दोन्ही बाजूनी गटर्स नाहीत. रंगछाया सांस्कृतिक भवन परिसरातील काही भागात डांबरीकरणच झाले नाही. जरगनगर ले आऊट दोन, तीन आणि चार येथे अंतर्गत रस्त्यासाठी दुरवस्था झाली आहे. जरगनगर प्रभागातील तीन-चारमध्ये ड्रेनेजलाइन नाही. मरगाई मंदिर येथील रस्ता खराब झाला आहे. या भागातील बाग दुर्लक्षित राहिली आहे. आशियाना कॉलनी, पोस्टल कॉलनी येथे अंतर्गत रस्त्यांचा अभाव आहे. भागात औषध फवारणी वेळेवर होत नाही. सफाई विभागातील कर्मचाऱ्यांची संख्या अपुरी असल्याने नियमित साफसफाई होत नसल्याच्या नागरिकांच्या तक्रारी आहेत.

शाळांना व्हाव्यात आधुनिक

रायगड कॉलनी, बाबा जरगनगर प्रभागात महापालिकेच्या मालकीच्या श्रीमती लक्ष्मीबाई जरग विद्यामंदिर व जोतिर्लिंग विद्यामंदिर या दोन शाळा आहेत. श्रीमती लक्ष्मीबाई जरग विद्यामंदिर येथील विद्यार्थी पटसंख्या १४०० च्या जवळपास आहे. काही खोल्यांची दुरवस्था झाली आहे. ग्रील्स तुटलेले आहेत. शाळा आवारातील मैदानाचे सपाटीकरण आवश्यक आहे. महापालिकेची सर्वाधिक पटसंख्या असलेली व गुणवत्तापूर्ण शिक्षण देणारी शाळा म्हणून जरगनगर विद्यामंदिराचा लौकिक आहे. प्रशासनाने या शाळेत अधिकाधिक सुविधा द्याव्यात अशी नागरिकांची मागणी आहे. जोतिर्लिंग विद्यामंदिरात वर्ग खोल्यासाठी माजी महापौर अश्विनी रामाणे यांनी पुढाकार घेत १५ लाख रुपये मंजूर केले होते. त्या निधीच्या माध्यमातून आता वर्ग खोल्यांचे बांधकाम सुरू आहे.

प्रभाग आकाराने मोठा आहे. पहिल्याच वर्षी महापालिका आणि आमदार फंडातून जवळपास ५० लाखांची विकासकामे केली आहेत. यात रस्ते, गटर्सचा समावेश आहे. जरगनगरमध्ये डांबरीकरण केले आहे. योगेश्वरी कॉलनीच्या अंतर्गत दोन्ही बाजूंनी रस्ते आणि गटर केले आहेत. आशियाना कॉलनीत गटरचे काम सुरू आहे. आमदार अमल महाडिक यांच्या फंडातून हनुमान मंदिर गल्ली, रायगड कॉलनीत रस्ते तयार केले आहे. महालक्ष्मी बँक कॉलनीतील रस्ते केले. रंगछाया सांस्कृतिक भवन येथील रस्त्यांची कामे झाली आहेत. आमदार महाडिक यांच्या फंडातून प्रभागात आठ लाख रुपये खर्चून सभागृह बांधण्याचा प्रस्ताव आहे. हे सभागृह महिलांसाठी असेल. भागात एलइडी दिवे बसविण्यात येणार आहेत. प्रभागातील श्रीमती लक्ष्मीबाई जरग विद्यामंदिर व जोतिर्लिंग विद्यामंदिर शाळेच्या विकासासाठी पाठपुरावा आहे. जगरनगर विद्यामंदिराला २०० बेचेंस मिळवून दिले आहेत.

गीता गुरव, नगरसेविका

रायगड कॉलनी आणि बाबा जरगनगर अशा दोन भागात प्रभाग विखुरला आहे. जरगनगरमधील निम्म्या भागाचा अन्य प्रभागात समावेश झाला आहे. यामुळे विकासकामांत कुठेच सुसूत्रता दिसत नाही. जरगनगर प्रभाग सुशिक्षित मतदारांचा प्रभाग आहे. प्रभागातील मूलभूत सुविधांची पूर्तता करण्याकडे विद्यमान नगरसेविकेंचे दुर्लक्ष आहे. रस्ते, गटर, साफसफाई या मूलभूत सुविधांची सोडवणूक व्हायला हवी. महापालिकेच्या मालकीच्या शाळांच्या विकासासाठी प्रयत्न करणे गरजेचे आहे. शाळेत विद्यार्थी संख्या मोठी आहे. प्रशासनानेही मुलांच्या शैक्षणिक उन्नती, विविध प्रकारच्या सुविधा याकडे लक्ष दिले तर त्याचा फायदा ​या भागाला होऊ शकतो. पायाभूत सुविधांची पूर्तता करताना या भागातील लोकांच्या अपेक्षा विचारात घेऊन गार्डन, मैदान होणे गरजेचे आहे.

वैभवी जरग, प्रतिस्पर्धी उमेदवार

महापालिका नागरिकांकडून विविध प्रकारचे कर आकारते. त्या मोबदल्यात सुविधा मिळायला हव्यात. प्रभागातील अनेक भागात ड्रेनेजलाइन नाहीत. गटर्सची व्यवस्था नाही. ले-आऊट नंबर चार येथील जागा बागेसाठी आरक्षित आहे. तेथे मुलांसाठी चिल्ड्रन पार्क झाले तर नागरिकांची सोय होईल. प्रभागातील काही भागात रस्त्यांची सुविधा झाली तर काही भागात डांबरीकरणाची गरज आहे.

ए. एन. कुलकर्णी, नागरिक, जरगनगर

जरगनगर ले आऊट चार नंबर येथे महापालिकेच्या मालकीची जागा आहे. तेथे उद्यानाचे आरक्षण आहे. माजी आमदार सुरेश साळोखे यांच्या फंडातून सभागृह बांधणी झाली आहे. तर पालकमंत्री चंद्रकांत पाटील यांच्या आमदार फंडातून वॉकिंग ट्रॅक झाला आहे. बाग विकसित करण्याची गरज आहे. या भागात बाग झाली तर नागरिकांची सोय होईल. नागरिकांनी एकत्र येत बसण्यासाठी बाकडी ठेवली आहेत.

शामराव संकपाळ, नागरिक, जरगनगर

रायगड कॉलनी, बाबा जरगनगर हा प्रभाग सलग नाही. याचा विकासकामांवर परिणाम होतो. प्रभागात स्वच्छता कर्मचारी कमी आहेत. त्यामुळे साफसफाई आणि कचरा उठाव होत नाही. प्रभागातील विकासकामांचे योग्य नियोजन हवे. मूलभूत सुविधांच्या पलीकडे जाऊन प्रभागाचा विकास झाला पाहिजे.

राजनंदिनी पत्की, गृहिणी, जरगनगर

मोबाइल अॅप डाउनलोड करा आणि राहा अपडेट

‘सोशल’ बांधिलकी जपा

January 29, 2017, 1:30 pm

≫ Next: माजी विद्यार्थ्यांनी साकारले ओपन जिम

≪ Previous: भविष्यासाठी हवे प्लॅनिंग

$

0

0

म. टा. प्रतिनिधी, कोल्हापूर

‘इंटरनेटच्या दुनियेत अजाणतेपणे युवक दिशाहीन होत चालला आहे. नात्यातील ओलावा, समाजासाठीची बांधिलकी कमी होत आहे. अशा स्थितीत समाज बांधून ठेवण्यासाठी सोशल मीडियाशी निगडीत असलेल्या युवकांमध्ये लेखनाची बीजे रूजवण्यासाठी आजच्या साहित्यिकांनी शिलेदाराची भूमिका घेण्याची गरज आहे’ असे प्रतिपादन प्रा. डॉ. अमर कांबळे यांनी केले. निर्मिती विचारमंचतर्फे आयोजित सातव्या फुले शाहू आंबेडकर आणि मार्क्सवादी युवा सांस्कृतिक साहित्य संमेलनाच्या अध्यक्षस्थानावरून

ते बोलत होते.

शनिवारी शाहू स्मारक भवन येथे झालेल्या संमेलनाचे उदघाटन शाहीर धम्मरक्षित रणदिवे यांच्या हस्ते झाले. संमेलनातंर्गत देण्यात येणारा सावित्री जोतिबा फुले सामाजिक कृतज्ञता पुरस्कार पुरस्कार अॅड. अण्णाराव आणि आशा पाटील व लक्ष्मण आणि शशी माने यांना ज. रा. दाभोळे यांच्या हस्ते प्रदान करण्यात आला.

डॉ. कांबळे म्हणाले, ‘वर्षानुवर्षे साहित्य ज्या प्रवाहात लिहिले गेले आहे त्याची शैली आता बदलण्याची गरज आहे. त्यामध्ये युवकांचे विषय, त्यांना भावणाऱ्या कल्पना, त्यांच्या मनातील विचार यांचे प्रतिबिंब साहित्यात उमटले पाहिजे तरच ते युवकांना आपलेसे वाटेल. मानवमुक्तीच्या लढ्यात साहित्याची भूमिका आजपर्यंत महत्वाची ठरली आहे. कोणत्याही गोष्टीत काळानुरूप आवश्यक असणारे परिवर्तन करण्याची ताकद शब्दांमध्ये आहे. त्यामुळे युवकांना साहित्याच्या प्रवाहात आणण्यासाठी लेखनशैलीने कूस बदलण्याची गरज आहे.’

पहिल्या सत्रात प्रा. विजय काळेबाग म्हणाले, ‘विवेकी माणूस मानवी जीवन उन्नत करत असतो. त्यामुळे मानवी मूल्यांना प्राध्यान्यक्रम असला पाहिजे. ही भावना युवकांमध्ये साहित्यातून पोहोचण्याची आवश्यकता आहे. आजची युवापिढी संवाद साधत असली तरी त्या संवादाला समाजभान येण्यासाठी लेखनातील खोली तरूणाईला समजून घेता आली पाहिजे.’

ज. रा. दाभाळे म्हणाले, ‘सेवाभाव हा फुले दांपत्याचा महत्त्वाचा गुण होता. शिक्षण हा विषय घेऊन महात्मा फुले आणि सावित्रीबाई यांनी स्वत:ला वाहून घेतले. प्रसंगी समाजाचा पराकोटीचा विरोध पत्करला, मात्र ध्येयापासून विचलित झाले नाहीत. आजच्या स्थितीत ध्येयाने काम करणाऱ्या दापत्याकडून फुले दांपत्याचा विचार पुढे नेला जात आहेत. सावित्री, जोतिबा या केवळ व्यक्ती नसून तो विचार आहे ही जाणीव समाजात रूजवण्यासाठी असे सन्मान प्रेरणास्रोत बनत असतात.’

शाहीन शेख, डॉ. प्रभाकर निर्सगंध, सुनील चंदनशिवे, अमोल महापुरे, भाऊसाहेब गोसावी, संपत देसाई, डॉ. सिंधु आवळे, डॉ. शरद गायकवाड यांनी विचार मांडले. संमेलनाच्या दुसऱ्या सत्रात अॅड. अण्णाराव आणि आशा व लक्ष्मण व शशी माने यांना सावित्री जोतिबा पुरस्काराने सन्मानित करण्यात आले. पुरोगामी व परिवर्तनवादी चळवळीतील शंभर ग्रंथ, पुष्पगुच्छ आणि स्मृतीचिन्ह देऊन या दाम्पत्यांचा सत्कार करण्यात आला. वैभव कांबळे यांनी सूत्रसंचालन केले. मच्छिंद्र कांबळे यांनी आभार मानले.

मोबाइल अॅप डाउनलोड करा आणि राहा अपडेट

माजी विद्यार्थ्यांनी साकारले ओपन जिम

January 29, 2017, 1:30 pm

≫ Next: इच्छुक उमेदवारांचे याद्यांकडे लक्ष

≪ Previous: ‘सोशल’ बांधिलकी जपा

$

0

0

म. टा. प्रतिनिधी, कोल्हापूर

कोल्हापुरातील सेंट झेवियर्स हायस्कूलच्या १९९२ च्या माजी विद्यार्थ्यांनी शिरोळ तालुक्यातील सैनिकांचे गाव म्हणून ओळखल्या जाणाऱ्या सैनिक टाकळीमध्ये ओपन जिम साकारले. प्रजासत्ताक दिनाच्या निमित्ताने टाकळी येथील शहीद जवानांच्या स्मरणार्थ माजी विद्यार्थ्यांनी पुढाकार घेऊन पावणेदोन लाख रुपयांचे ओपन जिमसाठी आवश्यक असलेले साहित्य भेट दिले. ओपन जिमचे उदघाटन जगदीश भांडारकर आणि उद्योजक रणजित घोरपडे यांच्या हस्ते करण्यात आले.

यावेळी घोरपडे म्हणाले, ‘समाजभान जागृत करणारे अनेक उपक्रम युवकांकडून राबवले जात आहेत. समाजासाठी काहीतरी देण्याची प्रवृत्ती नेहमीच समाज बांधून ठेवते. ही भावना आजच्या युवकांमध्ये आहे हे स्तुत्य आहे.’

भांडारकर म्हणाले, ‘शैक्षणिक जीवनानंतर उद्योग व्यवसायात स्थिर असलेल्या माजी विद्यार्थ्यांना एकत्र येऊन समाजासाठी काही करावे वाटणे हाच एक आदर्श आहे. वर्गमित्रांनी त्यांच्या आयुष्याच्या अशा वळणावर मदतीचा हात पुढे करणे कौतुकास्पद वाटते.’

जयदीप माने, समीर चौगुले, हर्षल नष्टे, मंगेश पाटील, आ​शिष मिठारी, राहुल जाधव, हितेश कापडिया, डॉ. जय मिराशी, डॉ. राजेंद्र मेहता, गौतम पंजवाणी, अॅड. गणबावले, बापूसाहेब जाधव, दीपक शहा, ए. वाय. पाटील, के. पी. पाटील उपस्थित होते. संभाजी पाटील यांनी आभार मानले.

मोबाइल अॅप डाउनलोड करा आणि राहा अपडेट

इच्छुक उमेदवारांचे याद्यांकडे लक्ष

January 29, 2017, 1:30 pm

≫ Next: सवलत योजना उद्यापासून

≪ Previous: माजी विद्यार्थ्यांनी साकारले ओपन जिम

$

0

0

म. टा. प्रतिनिधी, कोल्हापूर

जिल्हा परिषद आणि पंचायत समितीच्या उमेदवारांची यादी जाहीर कधी होईल याकडे इच्छुक उमेदवारांचे लक्ष लागले आहे. पक्षाने उमेदवारी नाकारल्यास विरोधी पक्षात जाण्याची तयारी काही इच्छुकांनी सुरू केली आहे. ‘शब्द देतो, म्हणून माघार घ्या’, असा सल्ला पक्ष, जिल्हाप्रमुख, जिल्हाध्यक्षांकडून दिला जात असल्याने सर्वच पक्षांच्या इच्छुकांच्या नाराजीचा सूर आहे.

भाजप, ताराराणी आघाडी आणि मित्रपक्षांची यादी सोमवारी (ता. ३०) जाहीर करण्यात येणार आहे. भाजपच्या पदाधिकाऱ्यांनी चार दिवसांपूर्वी ही यादी तयार केली आहे. सोमवारी हॉटेल पॅव्हेलियनमध्ये बैठक घेऊन ही यादी जाहीर केली जाणार आहे. जिल्हा परिषद आणि पंचायत समितीची निवडणुकीसाठी गेले वर्षभर कार्यकर्त्यांच्याकडून मतदारसंघात प्रयत्न सुरू होते. त्यासाठी गावागावांत अप्रत्यक्षपणे प्रचार यंत्रणाही राबविण्याची सुरूवात केली होती. पक्षाकडून उमेदवारी शंभर टक्के मिळेल, या खात्रीवर अनेकांनी जिल्हा परिषदेचा प्रचारही सुरू केला आहे. प्रत्यक्षात जाहीर होणाऱ्या यादीत आपले नाव येईल का याकडे इच्छुकांचे डोळे लागले आहेत. शिवसेनेने चार दिवसांपूर्वी संपर्कप्रमुखांच्या उपस्थितीत कळंबा येथे इच्छुक उमेदवारांच्या मुलाखती घेतल्या. मुलाखतीच्या वेळीच, ‘तुम्हाला उमेदवारी दिली नाही तर काय कराल’, असा प्रतिप्रश्नच जिल्हाप्रमुखांनी इच्छुक उमेदवारांना विचारला. शिवसेनेची संभाव्य तयार झालेली यादी शिवसेनाप्रमुखांकडे पाठविण्यात आली आहे. शिवसेनेचे जिल्हाप्रमुख आणि आमदारांनी सुचविलेले उमेदवारच अंतिम असतील अशी स्थिती आहे.

शिवसेनेने जिल्हा परिषद निवडणूक स्वबळावर लढविण्याची घोषणा केली असली तरी भाजपने लवकर यादी जाहीर केल्यास काही नाराज इच्छुक उमेदवार सेनेत जाण्याची शक्यता आहे. काही उमेदवारांनी सेनेकडे संपर्कही सुरू केला आहे. काँग्रेस-राष्ट्रवादी काँग्रेस तुल्यबळ उमेदवारांच्या शोधात आहेत. भाजप आणि शिवसेनेला शह देण्यासाठी ताकदीच्या उमेदवारांचा शोध सुरू आहे. अद्याप काँग्रेसची यादी गुलदस्त्यात आहे.


राज्यस्तरीय प्रयत्न

काँग्रेस- राष्ट्रवादी काँग्रेस, भाजप, शिवसेना, आरपीआय, स्वाभिमानी पक्षाकडे दोन हजारांहून अधिक इच्छुक उमेदवारांनी मुलाखती दिल्या आहेत. अंतिम यादीत नाव येण्यासाठी अनेकांनी राज्यस्तरावरून प्रयत्न सुरू केले आहेत.

मोबाइल अॅप डाउनलोड करा आणि राहा अपडेट

---

सवलत योजना उद्यापासून

January 30, 2017, 1:30 pm

≫ Next: स्थायीत ‘चमत्कार’ की काँग्रेसच?

≪ Previous: इच्छुक उमेदवारांचे याद्यांकडे लक्ष

$

0

0

म. टा. प्रतिनिधी, कोल्हापूर

महापालिकेच्यावतीने घरफाळ्याच्या थकीत बिलाच्या दंडात ५० टक्के सवलत योजनेला बुधवारपासून (ता.१) सुरुवात होत आहे. शहरात स्पीकरवरुन घरफाळा भरण्याविषयी आवाहन करताना केएमटी बस थांबा व गर्दीच्या ठिकाणी फ्लेक्स उभे केले आहेत. तसेच महापालिकेने ध्वनिफीत तयार केली आहे. महापालिकेच्या पाचही नागरी सुविधा केंद्रातील यंत्रणेला सूचना देण्यात आल्या आहेत. थकीत घरफाळ्याची रक्कम सुमारे ७० कोटींहून अ​धिक आहे.

रहिवासी, वाणिज्य आणि औद्योगिक अशा तीनही प्रकारातील घरफाळ्याच्या थकीत बिलातील दंडात सवलत मिळणार आहे. बडे थकबाकीदार, शैक्षणिक संस्था, सहकारी संस्थेकडे वर्षानुवर्षे थकीत असलेली रक्कम या निमित्ताने वसूल होणार असून महापालिकेच्या आर्थिक उत्पन्नात भर पडणार आहे. महापौर हसीना फरास आणि आयुक्त पी. शिवशंकर यांनी संयुक्तरित्या पत्रकार परिषद घेत थकीत बिलाच्या दंडात ५० टक्के सवलत योजनेची एक फेब्रुवारीपासून अंमलबजावणी होणार असल्याचे स्पष्ट केले आहे.

त्यानुसार घरफाळा विभागाने नागरिकांत जागृती करण्यासाठी ध्वनिफीत तयार केली आहे. शहरातील मार्केट, गर्दीची ठिकाणे, प्रमुख चौक येथे सवलत योजनेचा लाभ घेण्यासंदर्भातील आवाहनात्मफ फ्लेक्स उभे करण्यात येणार आहेत. तसेच शहर आणि उपनगरात केएमटीच्या मालकीची ४५० च्या आसपास थांबे आहेत. मोठ्या संख्येने वाहतूक होणाऱ्या मार्गावरील ५० थांब्यावरही फ्लेक्स असतील. तसेच केएमटी बसेस आणि महापालिकेच्या अन्य वाहनांवर स्टीकर्स लावण्यात येणार आहेत. मिळकतधारकांनी सवलत योजनेचा लाभ घ्यावा, असे आवाहन प्रशासनाने केले आहे.

सवलत योजना

१ फेबुवारी ते ३१ मार्च २०१७

कालावधी

३१ मार्च २०१६ पूर्वीच्या

थकीत बिलाच्या दंडात सवलत

सुमारे ४० हजार मिळकतधारकांना

सवलत योजनेचा लाभ

२२ कोटीच्या आसपास

थकीत बिलावरील दंडाची रक्कम

१० कोटीहून अधिक

मिळकतधारकांना सवलत

बिल कुठे भरता येणार: महापालिकेच्या मुख्य इमारतीतील एक व चार विभागीय कार्यालयात नागरी सुविधा केंद्रे , अॅक्स‌िस बँक, एचडीएफसी बँक व आयडीबीआय बँकेत घरफाळा भरण्याची सुविधा

१५ लाखापेक्षा अधिक थकबाकीधारकांना नोटीस

शहरातील बड्या थकबाकीधारकांनी वर्षानुवर्षे घरफाळ्याची रक्कमच भरली नाही. दरवर्षी नोटिसा आणि कारवाईच्या इशाऱ्यानंतरही घरफाळा वसूल झाला नाही. १५ लाखापेक्षा अधिक घरफाळा थकीत असणाऱ्या मिळकतधारकांची यादी तयार करण्यात आली आहे. १५ लाखापेक्षा जादा थकबाकी असणाऱ्या १५ मिळकतधारकांना नोटीसा लागू केल्या आहेत.



‘वारंवार नोटीस देवूनही थकीत घरफाळा भरण्यास टाळाटाळ करणाऱ्या मिळकतधारकांची यादी तयार केली आहे. जे मिळकतधारक प्रतिसाद देणार नाहीत त्यांच्यावर कारवाई केली जाईल. प्रसंगी मालमत्ता जप्तीची कारवाई करण्याच्या विचारात प्रशासन आहे.’

दिवाकर कारंडे, कर निर्धारक

मोबाइल अॅप डाउनलोड करा आणि राहा अपडेट

स्थायीत ‘चमत्कार’ की काँग्रेसच?

January 30, 2017, 1:30 pm

≫ Next: नैराश्यातून तरुणीची आत्महत्या

≪ Previous: सवलत योजना उद्यापासून

$

0

0

म. टा. प्रतिनिधी, कोल्हापूर

स्थायी समिती सभापतिपद निवडणूक सत्तारूढ काँग्रेस आघाडी आणि विरोधी भारतीय जनता पक्ष, ताराराणी आघाडीने प्रतिष्ठेची बनल्याने मंगळवारच्या निवडणुकीत जोरदार चुरस पाहावयास मिळणार आहे. शिवसेनेचा पाठिंबा मिळवण्यासाठी दोन्ही आघाड्यांनी शर्थीचे प्रयत्न सुरु केले आहेत. यामुळे शिवसेनेच्या मताची ​किंमत प्रचंड वाढली आहे. काँग्रेस, राष्ट्रवादीने स्थायी सदस्यांना व्हीप लागू केला आहे. भाजपच्या गोटात सामील झालेल्या काँग्रेसच्या नगरसेविका रिना कांबळे यांच्या घरावर व्हीप चिकटविण्यात आला आहे.

निवडणुकीच्या पार्श्वभूमीवर दोन्ही आघाड्यांनी स्थायीच्या बहुसंख्य सदस्यांना सहलीवर पाठविले आहे. सत्ता प्राप्त करण्यासाठी दोन्ही आघाड्या सरसावल्याने मोठ्या उलाढाली सुरू आहेत. दरम्यान ताराराणी आघाडीकडून नगरसेवकांना विकत घेण्याचा घाणेरडा प्रकार सुरु असल्याचा आरोप काँग्रेसचे गटनेते शारंगधर देशमुख यांनी केला आहे.

काँग्रेस राष्ट्रवादीने, स्थायी सदस्य व ताराराणी आघाडीचे नगरसेवक नीलेश देसाई यांचा जातीचा दाखला विभागीय जात प्रमाणपत्र पडताळणी समितीने सोळा मे २०१६ रोजी अवैध ठरविला होता. देसाई यांनी हायकोर्टात धाव घेऊन समितीच्या निर्णयाला स्थगिती मिळवली होती. तथापि हायकोर्टाने समितीच्या निर्णयाला दिलेली स्थगितीची मुदत २४ ऑक्टोबर, २०१६ रोजी संपली असून त्यांचे पद रद्द करण्याचा आग्रह काँग्रेस आघाडीच्या नगरसेवकांनी आयुक्त पी. शिवशंकर यांच्याकडे धरला. उपमहापौर अर्जुन माने, काँग्रेसचे गटनेते शारंगधर देशमुख, मुरलीधर जाधव, सुभाष बुचडे, सभापतिपदाचे उमेदवार संदीप नेजदार, आदिल फरास, सचिन चव्हाण, गणी आजरेकर यांनी महापालिकेपासून जिल्हाधिकारी कार्यालयापर्यंत पाठपुरावा केला. रात्री दहा वाजेपर्यंत ते निवडणूक कार्यालयात थांबून होते.

समितीच्या निर्णयाला हायकोर्टाची स्थगिती कायम

हायकोर्टाने देसाई यांच्या जातीच्या दाखल्यावरुन जात प्रमाणपत्र पडताळणी समितीच्या निर्णयाला दिलेली स्थगिती कायम असल्याची माहिती भाजप, ताराराणी आघाडीच्या नगरसेवकांनी आयुक्तांकडे सादर केली. या संदर्भातील हायकोर्टातील वकिलांची कागदपत्रे सादर केली. भाजप, ताराराणी आघाडीचे सुनील कदम, सत्यजित कदम, विजय सूर्यवंशी, विरोधी पक्षनेते किरण शिराळे, स्थायीचे उमेदवार आशिष ढवळे, वैभव माने आदींनी आयुक्तांची भेट घेतली.


काय होऊ शकते

​काँग्रेसच्या नगरसेविका रिना कांबळे यांच्या भाजप आघाडीचे पारडे जड झाले आहे. निवडणूक प्रक्रियेत शिवसेनेचा सदस्य तटस्थ राहिला व रिना कांबळे यांनी मतदान प्र​क्रियेत भाग घेतला तर भाजपचा उमेदवार विजयी होऊ शकतो. कांबळे जर गैरहजर राहिल्या तर काँग्रेस आघाडी आणि भाजप आघाडीचे संख्याबळ प्रत्येकी सात होईल. शिवसेना तटस्थ राहिली तर चिठ्ठी टाकून सभापती निवड होईल. शिवसेनेने सत्तारूढ काँग्रेसला पाठिंबा दिला तर काँग्रेसचा उमेदवारी विजयी होईल.


संख्याबळ

दोन्ही काँग्रेस ८

भाजप, ताराराणी ७

शिवसेना १

कांबळे या भाजपा आघाडीत गेल्याने या आघाडीचे संख्याबळ वाढले

काँग्रेसची मदार शिवसेनेवर

मोबाइल अॅप डाउनलोड करा आणि राहा अपडेट

नैराश्यातून तरुणीची आत्महत्या

January 30, 2017, 1:30 pm

≫ Next: ३५ ठिकाणी चक्काजाम

≪ Previous: स्थायीत ‘चमत्कार’ की काँग्रेसच?

$

0

0

म. टा. प्रतिनिधी, कोल्हापूर

बी. एड्.चे शिक्षण घेऊन तीन वर्षे उलटली तरीही कायमस्वरुपी नोकरी मिळत नसल्याच्या नैराश्यातून प्रज्ञा नेमचंद शितोळे (वय ३०, रा. गीत गोविंद रेसिडेन्सी, कावळा नाका, कोल्हापूर) या तरुणीने राहत्या घरात गळफास घेऊन आत्महत्या केली. सोमवारी (ता. ३०) सकाळी साडेसातच्या सुमारास हा प्रकार घडला. प्रज्ञाचे वडील सेवानिवृत्त शिक्षण सहायक संचालक आहेत, तर आई सेवानिवृत्त शिक्षिका आहे. या घटनेची नोंद शाहूपुरी पोलिस ठाण्यात झाली आहे.

प्रज्ञाने चार वर्षांपूर्वी पेठवडगाव येथील अध्यापक विद्यालयातून बी. एड्.ची पदवी संपादन केली. गेली तीन वर्षे ती विनाअनुदानित शाळांवर नाममात्र वेतनावर काम करते. गेल्या काही महिन्यांपासून ती वळ‌िवडे (ता. करवीर) येथील विनाअनुदानित शाळेत नोकरी करत होती. याशिवाय ती स्पर्धा परीक्षांचाही अभ्यास करीत होती. तिचे दोन्ही भाऊदेखील पुण्यात स्पर्धा परीक्षांचा अभ्यास करतात. वडील नेमचंद शितोळे हे सेवानिवृत्त शिक्षण सहायक संचालक आहेत, तर आई सेवानिवृत्त शिक्षिका आहे. सोमवारी सकाळी प्रज्ञा नेहमीप्रमाणे उठली. आईसोबत तिने चहा घेतल्यानंतर ती पुन्हा बेडरुममध्ये गेली. बराच वेळी ती बाहेर न आल्याने आईने तिच्या बेडरुममध्ये जाऊन पाहिले असता, तिने छताच्या पंख्याशी गळफास घेतल्याचे दिसले. आईने आरडाओरडा केल्याने नेमचंद शितोळे यांच्यासह शेजारचे लोकही धावत आले. प्रज्ञाला खाली उतरवले, तत्पूर्वीच तिचा मृत्यू झाला होता.

शाहूपुरी पोलिसांना या घटनेची माहिती मिळताच सहायक पोलिस निरीक्षक विद्या जाधव घटनास्थळी दाखल झाल्या. त्यांनी उत्तरीय तपासणीसाठी मृतदेह सीपीआरमध्ये पाठवला, त्याचबरोबर घटनास्थळाची पाहणी केली. घटनास्थळी कोणतीही चिठ्ठी मिळाली नाही, मात्र आई-वडिलांकडून घेतलेल्या माहितीनुसार प्रज्ञा गेल्या काही दिवासांपासून अस्वस्थ होती. अनुदानित शाळेत कायमस्वरुपी नोकरी मिळत नसल्याने ती निराश होती. याच नैराश्यातून तिने आत्महत्या केल्याचा नातेवाईकांना संशय आहे. शाहूपुरी पोलिस ठाण्यात या घटनेची नोंद झाली असून, सहायक फौजदार चौधरी पुढील तपास करीत आहेत.

बेरोजगारांची अस्वस्थता

प्रज्ञाच्या आत्महत्येने बी. एड्. आणि डी. एड्. पदवीधारकांच्या बेरोजगारीची चर्चा सुरू झाली आहे. अतिरिक्त शिक्षकांमुळे गेल्या पाच वर्षातं अपवाद वगळता नव्याने शिक्षक भरती झाली नाही. टीईटी परीक्षा उत्तीर्ण होऊनदेखील शिक्षक भरतीची प्रतीक्षा करावी लागत आहे. खासगी विनाअनुदानित शाळांमध्ये अवघ्या दोन ते पाच हजार रुपयांवर वेठबिगारी करावी लागले. अनुदान देण्याबाबत सरकारकडून चालढकल सुरू आहे, त्यामुळे शिक्षक होऊ पाहणाऱ्या शिक्षकांमध्ये अस्वस्थता निर्माण झाली आहे.

मोबाइल अॅप डाउनलोड करा आणि राहा अपडेट

३५ ठिकाणी चक्काजाम

January 30, 2017, 1:30 pm

≫ Next: शेतकऱ्यांना दिलासा

≪ Previous: नैराश्यातून तरुणीची आत्महत्या

$

0

0

म. टा. प्रतिनिधी, कोल्हापूर

मराठा समाजाला आरक्षण मिळावे, या मागणीसाठी सकल मराठा संघटनांकडून मंगळवारी (ता. ३१) जिल्ह्यात ३५ ठिकाणी चक्काजाम आंदोलन केले जाणार आहे. या पार्श्वभूमीवर पोलिस प्रशासनाने सोमवारी (ता. ३०) सकल मराठा संघटनांच्या नेत्यांची बैठक घेऊन शांततेत आंदोलन पार पाडण्याचे आवाहन केले. बंदी आदेशातही आंदोलन होणार असल्याने कायदा सुव्यवस्था टिकवण्यासाठी अधिकाऱ्यांनी पोलिसांची मंगळवारची साप्ताहिक सुटी रद्द केली आहे, तर शीघ्र कृती दलाच्या दोन तुकड्या शहरात दाखल झाल्या आहेत.

सकल मराठा संघटनांनी राज्यात विविध ठिकाणी मूक महामोर्चे काढून कोपर्डीतील घटनेच्या निषेधासह मराठा समाजाला आरक्षण देण्याची मागणी केली. राज्य सरकारने याबाबत दिलेल्या आश्वासनांची पूर्तताही तातडीने होत नसल्याने राज्यव्यापी चक्काजाम आंदोलन करण्याचा निर्णय घेण्यात आला आहे. कोल्हापूर जिल्ह्यात ३५ ठिकाणी चक्काजाम आंदोलन होणार असून, लाखो लोक आंदोलनात सहभागी होणार आहेत. या आंदोलनात कोणताही अनुचित प्रकार घडू नये, यासाठी पोलिस प्रशानाने सोमावरी पोलिस अधीक्षक कार्यालयात सकल मराठा संघटनांच्या नेत्यांची बैठक आयोजित केली होती. या बैठकीत आंदोलकांच्या वतीने बोलताना वसंतराव मुळीक म्हणाले, ‘शहरासह जिल्ह्यात सकाळी ११च्या सुमारास ३५ ठिकाणी चक्काजाम आंदोलन होणार आहे. मुलांच्या शाळा आणि परीक्षांमध्ये कोणताही अडसर निर्माण होणार नाही, अशी खबरदारी आंदोलक घेतील. याशिवाय रुग्णवाहिका, ज्येष्ठ नागरिक आणि अत्यावश्यक सेवेला आंदोलनाचा त्रास होऊ नये, याची दक्षता घेतली जाईल. पोलिस आणि आंदोलकांमध्ये समन्वय असून, मूक मोर्चाप्रमाणेच चक्काजाम आंदोलन यशस्वी होईल,’ असा विश्वास मुळीक यांनी व्यक्त केला.

बैठकीनंतर पत्रकारांशी बोलताना पोलिस अधीक्षक एम. बी. तांबडे म्हणाले, ‘जिल्ह्यात जमावबंदी आदेश लागू असल्याने चक्काजाम आंदोलनाला परवानगी देता येत नाही. शहरासह जिल्ह्यातील ३०० आंदोलकांना कलम १४९ नुसार नोटिसा पाठवल्या आहेत. सकल मराठा संघटनांनी पोलिसांसोबत झालेल्या बैठकीत शांततेत आंदोलन करण्याचे कबूल केले आहे. बंदोबस्तासाठी पोलिसांची मंगळवारची साप्ताहिक सुटी रद्द केली आहे. यशिवाय शीघ्र कृती दलाच्या दोन तुकड्याही शहरात दाखल झाल्या आहेत. सुमारे दीड हजार पोलिस बंदोबस्तासाठी उपलब्ध आहेत. पुणे-बेंगळुरू राष्ट्रीय महामार्गावर पोलिसांची विशेष नजर राहणार आहे’, अशी माहिती अधीक्षक तांबडे यांनी दिली. बैठकीसाठी वसंतराव मुळीक, सचिन तोडकर, लहू शिंदे, मारुतीराव मोरे, अरुण घोरपडे, विनायक रेडेकर, राहुल पाटील, कविता तोडकर, विजयसिंह शिंदे यांच्यासह अप्पर पोलिस अधीक्षक सुहेल शर्मा, डॉ. दिनेश बारी, पोलिस उपअधीक्षक सतीश माने, भारतकुमार राणे, रमेश सरवदे आदी पोलिस अधिकारी उपस्थित होते.

या ठिकाणी होणार चक्काजाम आंदोलन

कोल्हापूर शहर : शिरोली नाका, कसबा बावाडा, दसरा चौक, मंगळवार पेठ, शिवाजी पेठ

शिरोळ: शिरोळ, जयसिंगपूर, अंकली नाका, शिरदवाड, कुरुंदवाड

हातकणंगले: हातकणंगले तहसीलदार कार्यालय, हुपरी, रेंदाळ, पेठवडगाव, पट्टणकोडोली

शाहूवाडी : शाहूवाडी, बांबवडे

गडहिंग्लज : छत्रपती चौक, आजरा रोड

आजरा : आजरा, उत्तूर

पन्हाळा : पन्हाळा, वाघबीळ, कोडोली-वाठार रस्ता, सातवे-कोडोली रस्ता

राधानगरी : राधानगरी, आणाजे, बिद्री

भुदरगड : गारगोटी

करवीर : उचगाव, बालिंगा पूल, परिते फाटा

गगनबावडा: साळवण

कागल : कागल, सिद्धनेर्ली, केनवडे

मोबाइल अॅप डाउनलोड करा आणि राहा अपडेट

शेतकऱ्यांना दिलासा

January 30, 2017, 1:30 pm

≫ Next: ‘स्थायी’तील संघर्ष शिगेला

≪ Previous: ३५ ठिकाणी चक्काजाम

$

0

0

म. टा. प्रतिनिधी, मुंबई/ कोल्हापूर

कर्जमाफी नाकारण्यासाठी नाबार्डने लावलेला कमाल मर्यादा पत्रकाच्या मंजुरीचा निकष हायकोर्टाने नाकारल्याने जिल्ह्यातील अपात्र ठरलेल्या ४४ हजार ६५९ शेतकऱ्यांना तब्बल नऊ वर्षानंतर कर्जमाफीचा लाभ मिळणार आहे. पाच वर्षाच्या चिवट न्यायालयीन लढ्यानंतर शेतकऱ्यांना न्याय मिळाला आहे. नाबार्डच्या निकषामुळे या साऱ्यांची प्रलंबित असलेली ११२ कोटी रुपयांची कर्जमाफी मिळाल्यास शेतकऱ्यांबरोबर जवळपास ७०० सोसायटींच्या तोट्यात आलेल्या कारभाराला उर्जितावस्था मिळणार आहे. या निर्णयानंतर कर्जमाफी मिळणाऱ्या शेतकऱ्यांनी पेढे व साखर वाटून आनंद साजरा केला.

जिल्ह्यातील शेतकऱ्यांकडून शेती कर्जवसुली करण्याच्या नाबार्डच्या कारवाईला प्रतिबंध करून अशी वसुली करता येणार नाही, असा महत्वपूर्ण निर्णय मुंबई हायकोर्टाने सोमवारी दिला. न्या. आर. एम. बोर्डे व न्या. अजय गडकरी यांच्या खंडपीठाने काही दिवसांपूर्वी याविषयीच्या याचिकेवरील अंतिम सुनावणीनंतर निर्णय राखून ठेवला होता. त्यात केंद्र सरकारच्या पॅकेजअंतर्गत कर्जमर्यादेपेक्षा अधिक कर्जमाफी दिल्याने कर्जवसुली केली जात आहे, हा नाबार्डचा युक्तिवाद खंडपीठाने चुकीचा ठरवला. तसेच शेतकऱ्यांना केंद्राच्या योजनेंतर्गत कर्जमाफी दिल्यानंतर ती या चुकीच्या कारणाखाली पुन्हा वसूल करता येणार नाही, असा निर्वाळा दिला. बोगस खाती किंवा खाडाखोड प्रकरणात दिलासा देता येणार नाही, असेही स्पष्ट केले. अब्दुल मजीद मोमीन तसेच अन्य काही शेतकरी व सेवा सोसायट्यांनी अॅड. धैर्यशील सुतार यांच्यामार्फत याचिका दाखल केली होती. याचिकादारांतर्फे ज्येष्ठ वकील प्रसाद ढाकेफाळकर यांनी युक्तिवाद केला.

केंद्र सरकारने २००८ साली कर्ज सवलत योजना जाहीर केली होती. त्यासाठी जाहीर केलेल्या निकषांप्रमाणे जिल्ह्यातील २ लाख ९ हजार ३१९ शेतकऱ्यांच्या कर्ज खात्यांना २९३ कोटी ७८ लाखांची कर्जमाफी व कर्जसवलत रक्कम मिळणार होती. त्यानुसार जिल्हा बँकेने राज्य बँकेकडे केली होती. पण त्यावेळी कर्जमाफीच्या खात्यांबाबत झालेल्या वादातून नाबार्डने कमाल मर्यादा पत्रकाच्या मंजूर मर्यादेचा निकष लावला होता. त्यानुसार ४४ हजार ६५९ शेतकऱ्यांना कर्जमाफी मिळण्यास अपात्र ठरवले होते. हा सारा प्रकार तब्बल चार वर्षानंतर झाला. तोपर्यंत नाबार्डने या शेतकऱ्यांसाठी जिल्हा बँकेला द्यायची ९२ कोटी रुपयांची रक्कम दिली नव्हती. तसेच २० कोटीची रक्कम नाबार्डने जिल्हा बँकेकडून वसूल करुन घेतली होती. या वसूल रक्कम शेतकऱ्यांच्या नावावर कर्ज म्हणून टाका, असा आदेश दिला होता. त्यामुळे या शेतकऱ्यांच्या खात्यांवर थकबाकी दिसू लागली. त्याचा फटका सोसायटीच्या व्यवहारांवर झाला. बँकेने या शेतकऱ्यांची खाती असलेल्या अनेक सोसायटींकडून अपात्र कर्जमाफीची रक्कम वसूल करुन घेतली. शेतकऱ्यांकडून ती भरली नसल्याने सोसायटीचे व्यवहार तोट्यात आले. जवळपास ७०० सोसायटींच्या कारभारावर मोठा परिणाम झाला होता.

शेतकऱ्यांबरोबर सेवा सोसायटीच्यावतीने याबाबत १०६ दावे हायकोर्टात दाखल करण्यात आले. पाच वर्षे सहकार खाते, नाबार्ड, कृषी खात्याकडे तत्कालीन कृषीमंत्री शरद पवार यांच्या उपस्थितीत बैठक झाल्या होत्या. नंतर नाबार्डचे अध्यक्ष कोल्हापुरात आले होते. हायकोर्टात दाखल केलेल्या याचिकांच्या सुनावणीवेळी जिल्हा बँकेने कर्जमर्यादेचा निकष मान्य नसल्याचे प्रतिज्ञापत्राद्वारे स्पष्ट केले होते. कर्जमाफीला अपात्र ठरवल्याने शेतकऱ्यांना पुढील नवीन कर्जही मिळत नव्हते. नाबार्डने वसुलीबाबतचा तसा आदेशच काढला होता. त्यामुळे या शेतकऱ्यांची आर्थिक कुचंबणा झाली होती. नाबार्डने लावलेला निकष हायकोर्टाने नाकारल्याने या शेतकऱ्यांना नऊ वर्षानंतर कर्जमाफीचा फायदा होणार आहे.

मोबाइल अॅप डाउनलोड करा आणि राहा अपडेट