विठूरायाचे उत्पन्न वाढूनही भाविकांची गैरसोय

January 17, 2017, 9:48 am

≫ Next: सयाजी शिंदे यांनी लावलेल्या झाडांची नासधूस

≪ Previous: कोल्हापुरात महायुतीला लागणार सुरूंग

$

0

0

म. टा. वृत्तसेवा, पंढरपूर

विठूराया आणि बडवे उत्पात यांचा वाद अगदी सुप्रीम कोर्टात पोहचला. अखेर कोर्टाच्या निर्णयानंतर १७ जानेवारी २०१४ रोजी मंदिरावर सरकारची मालकी झाली. या ऐतिहासिक घटनेला मंगळवारी तीन वर्षे पूर्ण झाली. मात्र, आजही भाविकांची असुविधेपासून सुटका झाली नाही.

महाराष्ट्र आणि देशभरातील लाखो भाविकांचे आराध्य असलेल्या विठूरायाचे मंदिर पूर्वी बडव्यांच्या ताब्यात होते. या काळात बडव्यांच्याकडून जाच होत असल्याच्या तक्रारी सरकारपर्यंत पोचल्यावर १९७३साली विठ्ठल-रुक्मिणी मंदिर कायदा विधानसभेत मंजूर करण्यात आला. १९८४साली पहिल्यांदा सरकार नियुक्त समितीने मंदिर व्यवस्थापनाचा ताबा घेतला. तेंव्हापासून २०१४पर्यंत बडवे उत्पात आणि महाराष्ट्र सरकार यांच्यात ३२ वर्षांची न्यायालयीन लढाई झाल्यावर सुप्रीम कोर्टाच्या आदेशाने विठ्ठल मंदिरावर सरकारची मालकी झाली. त्यानंतर पुरोगामी संघटना १७ जानेवारी हा दिवस विठ्ठल मुक्ती दिन म्हणून साजरा करतात. तर बडवे समाजातील काही मंडळी या दिवसाला काळा दिवस मानतात. मात्र, आजही मंदिर आणि परिसरात भाविकांना आवश्यक असणाऱ्या सोयी-सुविधा पुरविण्यात आल्या नाहीत.

मंदिर समिती तातडीने स्थापण्याची गरज

संपूर्ण मंदिर सरकारच्या ताब्यात आल्यावर भाविकांच्या अपेक्षा वाढत गेल्या. मात्र, गेल्या तीन वर्षांत सुप्रीम कोर्टाच्या आदेशानुसार मंदिराचे व्यवस्थापन आणि भाविकांना सुविधा पुरवणारी मंदिर समितीच स्थापन करायला सरकारला वेळ मिळाला नाही. परिणामी सर्वच विकासकामे ठप्प झाली आहेत. बडव्यांच्या काळाची तुलना करताना सध्याच्या व्यवस्थेवर भाविक समाधानी जरूर आहेत, मात्र सुविधा नसल्याबाबत तक्रारी देखील येऊ लागल्या आहेत. मंदिरातील स्वच्छतेबाबत सर्वच भाविक तक्रारी करीत असताना व्यवस्थापनातील अनेक त्रुटी समोर येतात.

कारभार विठ्ठल भरोसे

सध्या जिल्हाधिकाऱ्यांच्या अध्यक्षतेखाली अधिकाऱ्यांची हंगामी समिती असली तरी त्यांच्या कामाच्या व्यापामुळे भाविकांच्या तक्रारींकडे लक्ष द्यायला त्यांना वेळच मिळत नाही. मंदिरात काही दिवसांपूर्वी एका लहान मुलीला साप चावल्याची घटना असो किंवा योग्य वेळी उपचार न मिळाल्याने मुंबईच्या महिला भाविकांचा झालेला मृत्यू असो, या त्रुटी दूर करण्यासाठी गरजेची असलेली पूर्णवेळ समितीच नेमली नसल्याने येथील कारभार विठ्ठल भरोसेच चालतो.

ज्येष्ठ भाविकांचा प्रश्न कायम

मंदिरात येणाऱ्या भाविकांमध्ये वृद्धांचा समावेश मोठ्या संख्येने असूनही त्यांना दर्शनाला येताना सात माजली दर्शन मंडप चढवा लागतो. मंदिरात वृद्धांना वेगळी दर्शन व्यवस्था असणे अपेक्षित असताना हे व्यवस्थेतील धोरणात्मक निर्णय घेण्यासाठी समितीच अस्तित्वात नसल्याने शंभरी गाठलेल्या वृद्धांनाही याच चक्रातून जावे लागते.

विकासकामांची अंमलबजावणी नाही

बडव्यांकडून मंदिर काढून घेतल्यानंतर मंदिराचे उत्पन्न चार पटीने वाढले आहे. मात्र, भाविकांच्या निवासासाठी ना पुरेशी व्यवस्था आहे, ना आलेल्या सगळ्या भाविकांना अन्नछत्रात भोजन देण्याची समितीची तयारी आहे. वारकरी नेत्यांमध्ये देखील मंदिराच्या सरकारीकरणाबाबत एकमत नाही. काहींच्या मते आता देवाचे उपचार पूर्वीप्रमाणे होत नाहीत. मंदिराच्या परंपरा आता खंडित होत असल्याच्या तक्रारी होत आहेत. विकासकामांची अंमलबजावणी होत नाही. संतपीठाचा प्रश्न रखडला आहे. भाविकांच्या दर्शन व्यवस्थेत सकारात्मक बदल झालेला नाही. आजही भाविकांना तासंतास दर्शन रांगेत तिष्ठत थांबावे लागते.

मोबाइल अॅप डाउनलोड करा आणि राहा अपडेट

---

सयाजी शिंदे यांनी लावलेल्या झाडांची नासधूस

January 17, 2017, 4:03 am

≫ Next: सयाजी शिंदेंनीलावलेली झाडे तोडली

≪ Previous: विठूरायाचे उत्पन्न वाढूनही भाविकांची गैरसोय

$

0

0

मटा ऑनलाइन वृत्त । सातारा

सामाजिक बांधिलकीच्या नात्यानं सुप्रसिद्ध अभिनेते सयाजी शिंदे यांनी एका दुष्काळी गावात लावलेली झाडं अज्ञात लोकांनी तोडल्याचं समोर आलं आहे. काल हा प्रकार घडला असून ही झाडं नेमकी कुणी तोडली याबाबत अद्याप काहीही कळू शकलेलं नाही.

सातारा जिल्ह्याच्या माण तालुक्यातील पांढरवाडी इथं सयाजी शिंदे यांनी अनेक झाडांची लागवड केली आहे. गेल्या सहा महिन्यापासून या झाडांना नित्यनेमानं पाणी घातलं जात होतं. परिसरातील शाळकरी विद्यार्थी झाडांची काळजी घ्यायचे. सयाजी शिंदे स्वत: झाडांच्या देखभालीवर लक्ष ठेवून असायचे. विशेष म्हणजे, या झाडांना पाणी घालूनच सयाजी शिंदे यांनी २०१७ या वर्षाचं स्वागत केलं होतं. मात्र, काल अचानक कुणी तरी अज्ञातांनी या झाडांची नासधूस करून टाकली. पांढरवाडी गावाकडं जाणाऱ्या रस्त्याच्या दुतर्फा असलेल्या जवळपास शंभरहून अधिक झाडांवर कुऱ्हाड चालवण्यात आली आहे. या प्रकारामुळं ग्रामस्थांमध्ये संतापाचे वातावरण आहे.

मोबाइल अॅप डाउनलोड करा आणि राहा अपडेट

सयाजी शिंदेंनीलावलेली झाडे तोडली

January 17, 2017, 9:50 am

≫ Next: हिमालयन अॅडव्हेंचमध्ये कस्तुरी सावेकरला तीन सुवर्णपदके

≪ Previous: सयाजी शिंदे यांनी लावलेल्या झाडांची नासधूस

$

0

0

म. टा. वृत्तसेवा, सातारा

ज्येष्ठ अभिनेते सयाजी शिंदे यांनी वृक्षारोपण केलेल्या झाडांची कत्तल करण्यात आल्याची घटना मंगळवारी उघडकीस आली. ही झाडे कुणी तोडली याचे कारण कळू शकले नाही.

माण तालुक्यातील पांढरवाडी येथे सयाजी शिंदे यांनी या झाडांची लागवड केली होती. गेल्या सहा महिन्यांपासून झाडांना पाणी घालून जगवले. मात्र, सोमवारी अचानक अज्ञातांनी या झाडांची कत्तल केली आहे. विशेष म्हणजे सयाजी शिंदे यांनी नवीन वर्षाचे स्वागत या झाडांना पाणी घालून केले होते. शिवाय, परिसरातल्या शाळेतील विद्यार्थ्यांनीही झाडे वाचविण्यासाठी मेहनत घेतली होती. मात्र, अचानक आता या झाडांवर कुऱ्हाड चालवल्यामुळे हळहळ व्यक्त केली जात आहे. सातारा जिल्ह्यातील दुष्काळी पट्यातील पांढरवाडी गावात सयाजी शिंदे यांनी मोठ्या प्रमाणात झाडांची लागवड केली होती. सयाजी शिंदे यानी या गावात जवळपास २५ हजारांहून अधिक झाडे लावली होती. पांढरवाडी गावाला जाणाऱ्या रोडच्या दुतर्फा जवळपास शंभरहून अधिक झाडांवर अज्ञाताने कुऱ्हाडीचे घाव घालून ती तोडल्याचे समोर आले आहे. दरम्यान, या अशाप्रकारचे कृत्य करण्यांविरोधात ग्रामस्थांनी संताप व्यक्त केला आहे. या बाबत बोलताना सयाजी शिंदे म्हणाले, मी लावलेली २५ हजार झाडे विद्यार्थी पाणी घालून जगवित होते. सात-आठ फूट उंचीची झाडे माथेफिरूने तोडली आहेत. मी साताऱ्याचे जिल्हाधिकारी आणि पोलिस अधीक्षकांशी बोललो आहे. पोलिसांनी त्या माथेफिरुला अटक करावी. विद्यार्थ्यांच्या भावनांशी कोणी खेळू नये.

मोबाइल अॅप डाउनलोड करा आणि राहा अपडेट

हिमालयन अॅडव्हेंचमध्ये कस्तुरी सावेकरला तीन सुवर्णपदके

January 17, 2017, 1:30 pm

≫ Next: बापूसाहेब जाधव यांच्यावर अंत्यसंस्कार

≪ Previous: सयाजी शिंदेंनीलावलेली झाडे तोडली

$

0

0

म. टा. प्रतिनिधी, कोल्हापूर

अतिशय अवघड मानल्या जाणाऱ्या हिमालयन अॅडव्हेंचर कॅम्पमध्ये कोल्हापूरच्या युवा गिर्यारोहक कस्तुरी सावेकर हिने यशस्वी कामगिरी करत वैयक्तिक तीन सुवर्णपदकांवर नाव कोरले. ‘दार्जिलिंग येथे हिमालयन माउंटेनीअरिंग इन्स्टिट्यूट यांच्यातर्फे आयोजित केलेल्या अॅडव्हेंचर कोर्समध्ये महाराष्ट्रातून ज्युनिअर गटातून निवड होणारी ती एकमेव मुलगी ठरली आहे’ अशी माहिती मैत्रेय प्रतिष्ठानचे अध्यक्ष डॉ. अमर आडके यांनी मंगळवारी पत्रकार परिषदेत दिली.

डॉ. आडके म्हणाले, ‘गडकोट भटकंती आणि अभ्यास या चळवळीत कार्यरत असलेल्या मैत्रेय प्रतिष्ठानची युवा सदस्य असलेली कस्तुरी हिची निवड गिर्यारोहणाला प्रोत्साहन देणारी आहे. पंधरा दिवसांच्या या शिबिरामध्ये देशभरातील अनेक राज्यांमधून एनसीसीतर्फे अनेक विद्यार्थी सहभागी झाले होते. या कॅम्पमध्ये गिर्यारोहणाचा शास्त्रीय अभ्यास, साधनांची हाताळणी आणि प्रत्यक्ष रॉक क्लायबिंग, रॅपलिंग, ऑबस्टॅकल रेस, रिव्हर क्रॉसिंग, कयाकिंग, झुमारिंग या प्रकारांचे प्रशिक्षण देण्यात आले. दुर्गम भागातील डोंगरदऱ्यांमधील ट्रेकमध्ये क्षमतांचा कस लावणाऱ्या प्रशिक्षणाचही या कॅम्पमध्ये समावेश होता. पंधरा दिवसांच्या खडतर प्रशिक्षणानंतर त्यावर आधारित स्पर्धा परीक्षा घेण्यात आली. देशभरातून आलेल्या ९० स्पर्धकांतून मुलींच्या गटातून कस्तुरी बेस्ट ऑलराउंडर स्टुडंटचे सुवर्णपदक पटकावले. पद्माराजे हायस्कूलमध्ये नववीत शिकणाऱ्या कस्तुरीला शाळेतूनही चांगले प्रोत्साहन मिळाले.’


मी वयाच्या तिसऱ्या वर्षापासून गिर्यारोहणामध्ये सहभागी होत आहे. मैत्रेय प्रतिष्ठानतर्फे आयोजित करण्यात येणाऱ्या गडकोट भटकंती मोहिमेत गेल्या ९ वर्षापासून सहभागी होत आहे. या कॅम्पच्या पूर्वतयारीसाठी गेल्या दोन महिन्यांपासून सराव केला.

कस्तुरी सावेकर

मोबाइल अॅप डाउनलोड करा आणि राहा अपडेट

बापूसाहेब जाधव यांच्यावर अंत्यसंस्कार

January 17, 2017, 1:30 pm

≫ Next: मुंबईतील मराठा मोर्चात सीमाप्रश्न सोडविण्याची मागणी

≪ Previous: हिमालयन अॅडव्हेंचमध्ये कस्तुरी सावेकरला तीन सुवर्णपदके

$

0

0

म. टा. प्रतिनिधी, कोल्हापूर

कामातील अचूकता... स्वतः कष्ट करण्याची तयारी... कामगारांवर प्रचंड विश्वास... प्रत्येक कामगाराच्या समस्या जाणून त्या सोडविण्याची तयारी... या आणि अशा गुणांनी उद्योग क्षेत्रा आपला ठसा उमटविलेले सरोज उद्योग समुहाचे प्रमुख परशुराम शंकरराव ऊर्फ बापूसाहेब जाधव (वय ८०) यांच्या पार्थिवावर रात्री आठच्या सुमारास पंचगंगा स्मशानभूमीत अंत्यसंस्कार करण्यात आले. उद्योजक, लोकप्रतिनिधी, सामाजिक क्षेत्रातील व्यक्ती आणि सरोज उद्योग समुहातील कामगारांनी त्यांचे अंत्यदर्शन घेण्यास गर्दी केली होती.

पन्हाळा तालुक्यातील सातवे येथील जाधव कुटुंबात १० एप्रिल १९३७ रोजी बापूंचा जन्म झाला. उत्तरेश्वर पेठेतील कौलारू घरात आई-वडील मोलमजुरी करून उदरनिर्वाह करत होते. वयाच्या १२व्या वर्षी, चौथीत असताना वडिलांचे निधन झाले. त्यानंतर मिळेल, ते काम करून त्यांनी आपली वाटचाल सुरू केली. अगदी डबे पोहोचविण्यापासून ऑफिसची सफाई करण्यापर्यंतचे काम करत त्यांनी, उद्यमनगरात मे. पाटोळे-जाधव आणि कंपनीमध्ये काम करण्यास सुरुवात केली. जिज्ञासूवृत्तीमुळे त्यांना तेथे फाउंड्रीत काम करण्याची संधी मिळाली. त्यानंतर त्यांनी विश्वास आयर्न वर्क्स व उटकूर आणि कंपनी येथे फाउंड्रीतील कामाचा अनुभव घेतला. भवानी आयर्न वर्क्समध्ये एक्स्पर्ट कोरमेकर फोरमन म्हणून त्यांनी काम पाहिले.

त्याकाळात सिलिंडर हेडचे काम फार किचकट असल्याने कोल्हापुरात हे काम होत नव्हते. त्यामुळे या क्षेत्रातील संधी लक्षात घेऊन त्यांनी १९६३च्या सुमारास स्वतःचा उद्योग सुरू करण्याचा निर्णय घेतला. सिलिंडर निर्मितीत धडपडत असलेल्या भैय्यासाहेब हुदली यांना त्यांनी चिकाटीच्या जोरावर सिलिंडर निर्मिती करून दाखविली. त्याच आत्मविश्वासाच्या जोरावर २६ जानेवारी १९६४ रोजी त्यांनी जवाहरनगरात भाड्याच्या जागेत सरोज आयर्न इंडस्ट्रिज हा स्वतःचा कारखाना सुरू केला. गुणवत्तेच्या जोरावर किर्लोस्कर ऑइल इंजिन्स, कमिन्स इंडिया लिमिटेड, एस्कॉर्टस् लिमिटेड, इंटरनॅशनल ट्रॅक्टर्स, व्हीएसटी टिलर्स, बीईएमएल यांसारख्या भारतीय आणि अॅरो इंजिन, कनूर ब्रिमसे या विदेशी कंपन्यांशी सरोज उद्योग समूहाचे आपुलकीचे नाते निर्माण करण्यात बापू यशस्वी ठरले.

आज, सरोज उद्योग समूहाच्या सरोज फाउंड्री प्रा. लि., सरोज कास्टिंग प्रा. लि., आणि सोनाई इंजिनीअरिंग वर्क्स प्रा. लि. या प्रमुख कंपन्या आहेत. बापूंची तीन मुले या कंपन्यांची धुरा सांभाळत आहेत.

अंत्यसंस्कारावेळी ज्येष्ठ उद्योजक बाबाभाई वसा, रामप्रताप झंवर, गोशिमाचे चंद्रकांत जाधव, स्मॅकचे अध्यक्ष राजू पाटील, फाउंड्री क्लस्टरचे अध्यक्ष सचिन पाटील, रणजित शहा, चंद्रशेखर डोली, आमदार अमल महाडिक, स्थायी समिती सभापती मुरलीधर जाधव, नगरसेवक सत्यजित कदम आदी उपस्थित होते.

दादासाहेबांच्या निधनानंतर

बापूंचे जिवलग मित्र आणि चौगुले उद्योग समुहाचे प्रमुख दादासाहेब चौगुले यांच्या निधनानंतर बापूंचे कारखान्यात येणे थोडे कमी झाल्याचे कामगारांनी सांगितले. प्रकृतीच्या तक्रारी होत्या. पण, अनेकवेळा दादासाहेब आणि बापू चहाला कारखान्याच्या कॅन्टिनमध्ये एकत्र असायचे. गेल्या काही दिवसांत बापू प्रतिभानगरातील रेड्याच्या टकरीसमोरील उद्यानात ज्येष्ठांसोबत वेळ घालवायचे. सतत माणसांमध्ये राहिलेल्या बांपूसाठी गेल्या काही दिवसांत तो सर्वांत मोठा विरंगुळा होता.


कामगारांना अश्रू अनावर

बापूसाहेब जाधव यांचे कारखान्यातील कामगारांशी अतिशय जिव्हाळ्याचे संबंध होते. त्यामुळे कामगारांना अंत्यदर्शन घेता यावे यासाठी बापूसाहेबांचे पार्थिव दुपारी अडीचच्या सुमारास शिरोली एमआयडीसीत सरोज आयर्नमध्ये आणण्यात आले. बापूंवर जिवापाड प्रेम करणाऱ्या कामगारांनी त्यांच्या अंत्यदर्शनासाठी गर्दी केली. उपस्थितांना यावेळी अश्रू अनावर झाले. एमआयडीसीतील उद्योजकांनीही यावेळी त्यांचे अंत्यदर्शन घेतले.

औद्योगिक संघटनांमध्ये सक्रीय

शिरोली मॅन्युफॅक्चर्स असोसिएशनच्या (स्मॅक) उभारणीत बापूंचा मोलाचा वाटा होता. १९७५मध्ये स्मॅकच्या स्थापनेपासून ते सक्रीय होते. स्मॅकमध्ये १९७५ ते २००८ पर्यंत जवळपास ३३ वर्षे ते संचालक होते. त्यात २००५ ते ०७ या काळात ते स्मॅकचे अध्यक्ष होते.

स्मॅक आयटीआयची स्थापना

बापूंनी १९८२मध्ये आई श्रीमती सोनाबाई शंकरराव जाधव यांच्या नावाने स्मॅक आयटीआयची स्थापन केली. हे कामगार प्रशिक्षण केंद्र आजही सुरू असून, दिवसेंदिवस ते अपडेट होत आहे. आज, या केंद्रात जवळपास तीनशेजण प्रशिक्षण घेत आहेत.

उद्यम सोसायटी

स्मॅकबरोबरच उद्यम को. ऑप सोसायटीमध्येही बापूंनी सक्रीय कारकिर्द नोंदविली. तेथे अध्यक्ष आणि उपाध्यक्षपदाची धुरा त्यांनी सांभाळली होती.

बापूसाहेबांना मिळालेले पुरस्कार

- भारताचे तत्कालीन पंतप्रधान चंद्रशेखर यांच्या हस्ते १९९१मध्ये फाय फौंडेशनचा उत्कृष्ट उद्योजक पुरस्कार.

- भारत सरकारच्या आयकर खात्याकडून १९९५ ते २००० या कालावधीतील तत्कालीन अर्थमंत्री यशवंत सिन्हा यांच्या हस्ते सर्वाधिक आयकर भरणारे उद्योजक म्हणून पुरस्कार

- महाराष्ट्राचे तत्कालीन मुख्यमंत्री शरद पवार यांच्या हस्ते २०००मध्ये कोल्हापूर भूषण पुरस्कार.

- इंडियन इन्स्टिट्यूट ऑफ फाउंड्री मॅन यांच्याकडून २००९ मध्ये गोव्याचे मुख्यमंत्री मनोहर पर्रिकर यांच्या हस्ते बेस्ट फाउंड्री मॅन पुरस्कार.

प्रतिक्रिया

बापूसाहेब जाधव यांच्या निधनाने महाराष्ट्रातील एक असामान्य उद्योजक हरपला आहे. कोल्हापुरातच नव्हे, कोठेही असा उद्योजक पुन्हा होणे शक्य नाही. त्यांच्या निधनाने उद्योग क्षेत्रात निर्माण झालेली पोकळी न भरता येणारी आहे.

- राजू पाटील, अध्यक्ष स्मॅक

कोल्हापुरातील उद्योजकांचे ज्येष्ठ मार्गदर्शक आणि कास्टिंग क्षेत्रातील एक तज्ज्ञ व्यक्ती बापूंच्या रूपाने काळाच्या पडद्याआड गेला आहे. काळाप्रमाणे बदलणारा उद्योजक म्हणून बापूंचे नाव घेता येईल. आपल्या उत्पादनाचे झिरो रिजेक्शन होणे ही संकल्पना त्यांच्यामुळेच कोल्हापुरातील उद्योजकांना कळाली.

- चंद्रशेखर डोली, उद्योजक

स्मॅकच्या उभारणीत सुरुवातीपासून आघाडीवर राहिलेल्या बापूंच्या जाण्याने संस्थेचा एक आधारस्तंभ हरपला आहे. केवळ स्मॅकची उभारणी करून ते थांबले नाहीत, त्या संस्थेची यशस्वी वाटचाल कशी राहील याकडेही त्यांनी लक्ष दिले. फक्त उद्योजक नव्हे, तर दानशूर व्यक्तिमत्व म्हणून ते सर्वांना परिचित होते.

- सचिन पाटील, अध्यक्ष फौंड्री क्लस्टर

सिलेंडर हेडमधील तज्ज्ञ म्हणून बापूंचा उल्लेख करावा लागेल. आज ही व्यक्ती आमच्यातून निघून गेली. उद्योग, व्यवसायाचे कोणतेही शिक्षण न घेता त्यांनी आपले नाव जगाच्या कानाकोपऱ्यांत पोहचविले. हे केवळ त्यांच्या कष्टामुळेच शक्य झाले.

- डी डी पाटील, माजी अध्यक्ष, स्मॅक

मोबाइल अॅप डाउनलोड करा आणि राहा अपडेट

मुंबईतील मराठा मोर्चात सीमाप्रश्न सोडविण्याची मागणी

January 17, 2017, 9:43 am

≫ Next: ‘म्हैसाळ’चे पाणी शिवारातनिवडणुकीच्या पार्श्वभूमीवर आवर्तन

≪ Previous: बापूसाहेब जाधव यांच्यावर अंत्यसंस्कार

$

0

0

म. टा. वृत्तसेवा, बेळगाव

‘महाराष्ट्रातील मराठा बांधवांचा प्रतिनिधी म्हणून मी हुतात्म्यांना अभिवादन करण्यासाठी आलो आहे. सहा मार्च रोजी मुंबई येथे होणाऱ्या मराठा क्रांती मोर्चात बेळगाव प्रश्नाच्या सोडवणुकीची मागणी पहिल्या पाच मागण्यांमध्ये घेतली आहे. बेळगावातील मराठा मोर्चाच्या पाठीशी महाराष्ट्र मराठा क्रांती मोर्चा आहे. सीमावासियांच्या प्रत्येक आंदोलनात आम्ही सहभागी होऊ,’ अशी ग्वाही कोल्हापूर चेंबर ऑफ कॉमर्सचे अध्यक्ष आणि मराठा क्रांती मोर्चा कोल्हापूरचे अध्यक्ष दिलीप पाटील यांनी दिली.

संयुक्त महाराष्ट्राच्या चळवळीत बेळगाव आणि मुंबई येथे हौतात्म्य पत्करलेल्या हुतात्म्यांना मंगळवारी हुतात्मा दिनी महाराष्ट्र एकीकरण समितीच्या वतीने हुतात्मा चौकात अभिवादन करण्यात आले. बेळगावात पैलवान मारुती बेन्नाळकर, मधु बांदेकर, लक्ष्मण गावडे, महादेव बारागडी आणि निपाणीत कमलाबाई मोहिते यांनी हौतात्म्य पत्करले होते. त्यांना बेळगावातील हुतात्मा चौकात आदरांजली वाहण्यात आली.

लोकशाही मार्गाने महाराष्ट्रात जाण्यासाठी संयुक्त महाराष्ट्र आंदोलनात अनेकांनी हौतात्म्य पत्करले. हौतात्म्य पत्करलेल्या हुतात्म्यांना सीमाप्रश्नाची सोडवणूक हीच खरी आदरांजली ठरेल. लोकशाही मार्गाने इतका काळ शांततेत सुरू असलेला हा एकमेव लढा आहे. सीमाप्रश्नाची सोडवणूक करून घेईपर्यंत आपण एकीने लढूया, असे आवाहन महापौर सरिता पाटील यांनी केले.

हुतात्मा दिन कार्यक्रमाला कोल्हापूर मराठा क्रांती मोर्चाचे अध्यक्ष दिलीप पाटील, शिवसेनेचे विजय देवणे यांच्यासह बेळगावच्या महापौर सरिता पाटील, एकीकरण समितीचे आमदार संभाजी पाटील, दीपक दळवी, माजी महापौर मालोजी अष्टेकर, उपमहापौर संजय शिंदे आणि कार्यकर्ते उपस्थित होते. उपस्थित मान्यवरांनी पुष्पचक्र वाहून हुताम्याना आदरांजली वाहिली. किर्लोस्कर रोड येथे हुतात्मा महादेव बारागडी यांच्या वारसांचा कोल्हापूर जिल्हा शिवसेना अध्यक्ष विजय देवणे, प्रकाश शिरोळकर यांच्या हस्ते साडी चोळी देऊन सत्कार करण्यात आला.

या वेळी अमर राहे अमर रहे, हुतात्मा अमर रहे, बेळगाव, कारवार, निपाणी, बिदर, भालकीसह संयुक्त महाराष्ट्र झालाच पाहिजे, अशी घोषणाबाजी करण्यात आली. बाजारपेठेतून मूक मोर्चाही काढण्यात आला.

१७ जानेवारी १९५६ रोजी झालेल्या भाषावार प्रांत रचनेत बेळगावसह सीमाभाग अन्यायाने कर्नाटकात तर मुंबई प्रांत गुजरातमध्ये सामील करण्यात आला होता. या विरोधात बेळगावात मराठी भाषिकांनी आंदोलन केले होते. या आंदोलनात हौतात्म्य पत्करलेल्या हुतात्म्यांना दर वर्षी १७ जानेवारी हा दिवस सीमाभागात हुतात्मा दिन म्हणून पाळण्यात येतो. आदरांजली कार्यक्रमाला महाराष्ट्र एकीकरण समिती, शिवसेनेचे कार्यकर्ते मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

‘म्हैसाळ’चे पाणी शिवारातनिवडणुकीच्या पार्श्वभूमीवर आवर्तन

January 17, 2017, 9:45 am

≫ Next: सांगलीत संविधान सन्मान महामोर्चा

≪ Previous: मुंबईतील मराठा मोर्चात सीमाप्रश्न सोडविण्याची मागणी

$

0

0

म. टा. वृत्तसेवा, मिरज

म्हैसाळ आवर्तनाचे पाणी मंगळवारी शिवारात पोहचले. शनिवारी महावितरण कंपनीकडून योजनेचा खंडित वीजपुरवठा पूर्ववत करण्यात आला होता. थकीत वीज बिल २५ कोटी असल्याने योजनांच्या भवितव्याबाबत प्रश्नचिन्ह निर्माण झाले होते. अखेर गतवर्षीच्या टंचाई निधीतून चार कोटी रुपये उपलब्ध करून दिले आहेत. ऐन निवडणुकीच्या पार्श्वभूमीवर सरकारने घेतलेल्या या निर्णयाने शेतकऱ्यांना दिलासा मिळाला आहे.

यंदा पाऊस चांगला झाल्याने अनेक शेतकऱ्यांनी द्र्राक्ष बागायत शेती वाढविली आहे. मात्र, थकीत वीज बिलापोटी म्हैसाळ आवर्तन बंद झाल्याने द्र्राक्षांच्या छाटण्या व ऊस पिकाला पाणीटंचाई जाणवू लागल्याने पाण्याविना पिके करपू लागली होती. त्यामुळे द्राक्ष बागायतदार हवालदिल झाले होते. यंदाची तब्बल २५ कोटी रुपयांचे थकीत वीजबिल असल्याने शेतकऱ्यांनी पाणीपट्टी भरली नसल्याने आवर्तन सुरू झाले नाही. थकीत वीज बिलामुळे महावितरण कंपनीने योजनेचा वीजपुरवठा खंडित केला. आवर्तन सुरू करण्यासाठी राष्ट्रवादी आणि शिवसेनेनेही आंदोलन करून सरकारला हेरण्याचा प्रयत्न केला होता. त्यामुळे सरकारने आवर्तन सुरू करण्याचा निर्णय घेतला. त्यानुसार मंगळवारी योजनेचे दोन पंप सुरू करून शिवारात पाणी सोडण्यात आले. त्यामुळे पूर्वभागातील रब्बी पिकांसह द्राक्ष, ऊस पिकांनाही जीवदान मिळाले आहे. शेतकरीही सुखावला आहे.
वारणा कालव्याला गळती

शिराळा

शिराळा तालुक्यात वारणा डाव्याला मोठी गळती लागल्यामुळे कालव्याचे शेतीसाठी सोडलेले पाणी आरळा-चांदोली दरम्यानच्या रस्त्यावरून वाहत आहे. एकीकडे या परिसरात शेतीसाठी पाणी मिळावे यासाठी शेतकरी आग्रह धरीत आहेत. मात्र, वारणा डाव्या कालव्याच्या गळतीमुळे हे पाणी ओढ्या-नाल्यातून, रस्त्यावरून वाहून जात आहे.

आरळा-चांदोली या मुख्य रस्त्यावर सतत पाणी वाहत असल्यामुळे वाहन चालकांना कसरत करावी लागत आहे. गेल्या पाच दिवसांपूर्वी शेतीसाठी म्हणून पाटबंधारे विभागाने वारणा डाव्या कालव्यात पाणी सोडले आहे. मणदूर परिसरातील पंचवीस-तीस हेक्टर शेतीला अद्याप पाणीच मिळालेले नाही. वारणा डाव्या कालव्यातून सोडलेले पाणी अनावश्यक वाहून जात असल्यामुळे शेतीच्या पाण्याचा प्रश्न निर्माण झाला आहे.

मोबाइल अॅप डाउनलोड करा आणि राहा अपडेट

सांगलीत संविधान सन्मान महामोर्चा

January 17, 2017, 9:53 am

≫ Next: जप्त केलेल्या जुन्या नोटा४६ लाखांच्या; गुन्हा नोद नाही

≪ Previous: ‘म्हैसाळ’चे पाणी शिवारातनिवडणुकीच्या पार्श्वभूमीवर आवर्तन

$

0

0

म. टा. वृत्तसेवा, सांगली

जाती-जातींमध्ये तेढ निर्माण करण्याचा प्रयत्न सध्या काहीजणांकडून सुरू आहे. तो त्वरीत थांबवणे गरजेचे आहे. राज्यघटनेत बदल करण्याचा कोणीही प्रयत्न करू नये, बदल करण्याचा प्रयत्न सहन केला जाणार नाही, असा इशारा देत मंगळवारी सांगलीत संविधान सन्मान मोर्चा काढण्यात आला. अ‍ॅट्रॉसिटी कायदा अधिक करून या कायद्यानुसार दाखल असलेली प्रकरणे निकाली काढण्यासाठी स्वतंत्र न्यायालयाची स्थापना करावी, अशी मागणीही मोर्चाच्या वतीने करण्यात आली आहे.

संविधान सन्मान महामोर्चा समन्वय समितीच्या वतीने विविध मागण्यांकडे सरकारचे लक्ष वेधण्यासाठी मंगळवारी मोर्चाचे आयोजन करण्यात आले होते. सांगलीतील पुष्पराज चौकातील कर्मवीर भाऊराव पाटील यांच्या पुतळ्यास अभिवादन करून मोर्चास सुरुवात झाली. त्यानंतर मध्यवर्ती बसस्थानकानजीक असलेल्या डॉ. बाबासाहेब आंबेडकर आणि मारुती चौकातील छत्रपती शिवराजी महाराज यांच्या पुतळ्यास अभिवादन करून मोर्चा स्टेशन चौकात आला. त्या ठिकाणी जाहीर सभा झाली. मोर्चाच्या मागण्यांचे निवेदन कविता मोरे, प्रतीक्षा कांबळे, योगिता कांबळे, सुस्मिता कांबळे, मनिषा कांबळे, आम्रपाली कांबळे, हर्षा घाटगे या विद्यार्थीनींच्या शिष्टमंडळाने उपजिल्हाधिकाऱ्यांना दिले.

सभेत प्रानिनिधीक स्वरुपात बोलताना योगिता श्रीवास्तव म्हणाल्या, कोणत्याही समाजातील विद्यार्थींनीवर अत्याचार झाल्यास संबंधित आरोपीस फाशीची शिक्षा होणे आवश्यक आहे. दिवसेंदिवस महिलांवरील अत्याचारात वाढ होताना दिसत आहे. नुकतीच घडलेली माळवाडीतील घटना ताजी आहे. अशा घटना रोखण्यासाठी कायदा अधिक कडक करून त्याची काटेकोर अंमलबजावणी केली पाहिजे. जेणेकरुन असे कृत्य करणाऱ्या आरोपींवर जरब बसेल. आपल्या देशात धर्मग्रंथावर अनेक धर्माची वाटचाल सुरू आहे. मात्र, संविधानावर देश चालतो हे सर्वांनीच लक्षात ठेवणे आवश्यक आहे. यावेळी प्रा. सुकुमार कांबळे, सुरेश दुधगावकर, किरणराज कांबळे, नितीन गोंधळे, उत्तम कांबळे, नगरसेवक जगन्नाथ ठोकळे, बाळासाहेब गोंधळे, गोविंद खटावकर आदींनी आपले विचार व्यक्त केले. दिले.

प्रमुख मागण्या

अ‍ॅट्रॉसिटी कायदा अधिक कडक करण्यात यावा.

मराठा आरक्षण देताना अन्य मागासवर्गियांच्या आरक्षणास धक्का लावू नये.

मुस्लिम समाजाला आरक्षणाचा लाभ मिळावा.

महापुरुषांच्या जन्मदिनी सरकारी सुट्टी जाहीर करावी.

जमिनीचे राष्ट्रीयकरण करून फेरवाटप करावे.

मोबाइल अॅप डाउनलोड करा आणि राहा अपडेट

---

जप्त केलेल्या जुन्या नोटा४६ लाखांच्या; गुन्हा नोद नाही

January 17, 2017, 9:55 am

≫ Next: शाळा बंद आंदोलन होणारच

≪ Previous: सांगलीत संविधान सन्मान महामोर्चा

$

0

0

म. टा. वृत्तसेवा, सांगली

सांगलीत संजयनगर पोलिसांनी सोमवारी रात्री जुन्या पाचशे रुपयांच्या नोटांमधील ताब्यात घेतलेली रक्कम एकूण तब्बल ४६ लाख ४५ हजार ५०० इतकी असल्याचे मंगळवारी पहाटे स्पष्ट झाले. रकमेची मोजदाद झाल्यानंतर या कारवाईची प्राप्तिकर खात्याच्या अधिकाऱ्यांना माहिती दिली. नोटाप्रकरणी ताब्यात घेतलेल्या दोन्ही व्यक्तींना कराडमधील एका जबाबदार व्यक्तीच्या स्वाधीन करण्यात आल्याची माहिती पोलिस निरीक्षक प्रदीपकुमार जाधव यांनी मंगळवारी पत्रकारांना दिली.

सांगलीतील वसंतदादा औद्योगिक वसाहतीमध्ये सोमवारी रात्री एका (एमएच ११ एडब्ल्यू ३७८४) कारमधून जुन्या नोटांची कॅरीबॅग संजयनगर पोलिसांनी ताब्यात घेतली. त्या नोटांचे धनी असलेले कारमालक कुमारपाल संघवी (कराड) आणि किशोर लुनिया (कोंढवा, पुणे) यांनाही चौकशीसाठी ताब्यात घेतले होते. त्यांनी मुलाच्या औषधोपचारासाठी सांगलीत आलो होतो. त्यानंतर ही रक्कम आम्ही आरबीआयमध्ये भरण्यासाठी निघालो होतो. आपण व्यापारी असल्याचेही त्यांनी सांगितले. सुरुवातीला संबधित रक्कम चाळीस लाख रुपयांची असल्याचे ते सांगत होते. परंतु, पोलिसांनी प्रत्यक्षात रकमेची मोजदाद केल्यानंतर ती तब्बल ४६ लाख ४५ हजार ५०० रुपये इतक्या किमतीची असल्याचे समोर आले. सांगलीत या पूर्वी कर्नाळ रोडवर आणि माधवनगरमध्ये लाखो रुपयांच्या जुन्या नोटांचा साठा पोलिसांनी पकडला आहे. त्यावेळी संबधित नोटा नव्या नोटांत रुपांतर करण्यासाठी नेल्या जात असल्याचे समोर आले होते. त्यामुळे सोमवारी संजयनगर पोलिसांनी पकडलेली रक्कमही बदलण्यासाठीच सांगलीत आणली असावी, असा संशय आहे. कोणीतरी नोटा बदलून नव्या नोटा देण्याचे अमीष दाखविल्यांमुळेच संघवी आणि लुनिया ती रक्कम घेऊन सांगलीत आले असावेत. अन्यथा त्यांची गाडीत रक्कम असल्याची माहिती सांगलीतील कोणाला असायचे कारणच नाही, असा दावा पोलिसांचा आहे.

पोलिस निरीक्षक जाधव म्हणाले, नोटांची मोजदाद पहाटे साडेतीन वाजेपर्यंत पूर्ण झाली. त्यानंतर संबधितांचे म्हणणे नोंदविण्यात आले. त्यांचे पत्ते, ओळखपत्रे, फोटो घेण्यात आले. या कारवाईची माहिती प्राप्तिकर विभागाला देण्यात आली. त्यानंतर कराडमधील जबाबदार व्यक्तीला बोलावून घेऊन संघवी आणि लुनिया या दोघांना कारसह त्यांच्या ताब्यात देऊन तशी नोंद केली. त्या दोघांवर अद्याप कोणताही गुन्हा दाखल करण्यात आला नाही.

मोबाइल अॅप डाउनलोड करा आणि राहा अपडेट

शाळा बंद आंदोलन होणारच

January 17, 2017, 11:30 am

≫ Next: जेलच्या दारात बाप-लेकाची ताटातूट

≪ Previous: जप्त केलेल्या जुन्या नोटा४६ लाखांच्या; गुन्हा नोद नाही

$

0

0

म. टा. प्रतिनिधी, कोल्हापूर

राज्य सरकारी व निम सरकारी कर्मचाऱ्यांनी १८ जानेवारी रोजी होणारे आंदोलन मागे घेतले असले तरी कोल्हापूर जिल्हा शैक्षणिक व्यासपीठाने जाहीर केलेले काळी फित लावून काम करण्याचे व शाळा बंद ठेवण्याचे आंदोलन होणारच आहे असे व्यासपीठाचे सभाध्यक्ष एस. डी. लाड यांनी पत्रकाद्वारे कळवले आहे. पूर्वीच्या नियोजनानुसार या आंदोलनांतर्गत १८ व १९ जानेवारी रोजी काळी फित लावून काम करणे, २० जानेवारी रोजी जिल्ह्यातील सर्व शाळा बंद ठेवण्यात येणार असल्याचेही या पत्रकात नमूद करण्यात आले आहे.

२० जानेवारी रोजी सकाळी अकरा ते दुपारी तीन यावेळेत कोल्हापूर शहर व करवीर तालुक्यातील संस्थाचालक, मुख्याध्यापक, शिक्षक व शिक्षकेत्तर कर्मचारी जिल्हाधिकारी कार्यालयासमोर धरणे आंदोलन करणार आहेत. याप्रकारचे आंदोलन जिल्ह्यात तहसिलदार कार्यालयासमोर होणार आहे. शिक्षण आयुक्तपद रद्द करावे, शालेय शिक्षणाचे महसूल विभागात विलिनीकरण करणारे आदेश रद्द व्हावेत, शिक्षक भरती बंदी उठवण्यात यावी, शिक्षकेत्तर सेवकांच्या आकृतिबंधाची अंमलबजावी करावी, संच मान्यतेतील त्रुटी दूर कराव्यात, विनाअनुदानित शाळांना त्वरीत अनुदान मिळावे, प्रत्येक प्राथमिक शाळेत लिपिक व शिपाई नेमण्यात यावेत या मागण्यांबाबत सरकारने त्वरीत दखल घ्यावी असे निवेदन यावेळी देण्यात येणार आहे.

मुख्याध्यापक संघाच्या कार्यालयात व्यासपीठतर्फे घेण्यात आलेल्या सभेत हा निर्णय घेण्यात आला. या सभेस शिक्षणतज्ज्ञ डी. बी. पाटील, संस्थाचालक संघाचे प्रमुख वसंतराव देशमुख, मुख्याध्यापक संघाचे चेअरमन व्ही. जी. पोवार, सचिव आर. वाय. पाटील, डी. एस. घुगरे, भरत रसाळे, एस. जी. तोडकर, आर. डी. पाटील, सी. एम. गायकवाड आदी उपस्थित होते.

मोबाइल अॅप डाउनलोड करा आणि राहा अपडेट

जेलच्या दारात बाप-लेकाची ताटातूट

January 17, 2017, 1:30 pm

≫ Next: ‘सेट’च्या चुकीच्या उत्तरांना गुण

≪ Previous: शाळा बंद आंदोलन होणारच

$

0

0

म. टा. प्रतिनिधी, कोल्हापूर

४० वर्षांपूर्वी घडलेल्या गुन्ह्यात जन्मठेपेची शिक्षा भोगून बाप बाहेर येणार याचा त्याला मनोमन आनंद झालेला. पितृप्रेमाला मुकलेल्या मुलाला वडिलाच्या सुटकेची आस लागली होती. अखेर जेलचा दरवाजा उघडून जन्मठेप भोगून बाहेर आलेल्या वडिलाला पाहताच दोघांच्या अश्रूंचा बांध फुटला आणि गदगदून आलेल्या मुलाला हृदयविकाराचा तीव्र झटका आला. यातच त्याचा मृत्यू झाल्याने पुन्हा एकदा बाप लेकाची ताटातूट झाली. तर तब्बल २४ वर्षांनी ज्याच्यासाठी घरी परत जायचे त्या मुलावरच काळाने घाला घातल्याने वडिलांवरही दुःखाचा डोंगर कोसळला. साजिद हसन मकवाना (वय ३०, रा. हवामहल, ३ रा मजला, अंधेरी पश्चिम) असे मृत तरुणाचे नाव असून, मंगळवारी (ता. १७) चारच्या सुमारास कळंबा जेलबाहेर ही दुर्दैवी घटना घडली.

हसन मकवाना यांच्यावर १९७७ मध्ये मुंबईत खुनाचा गुन्हा दाखल झाला होता, तेव्हा ते २५ वर्षांचे होते. १९७८ मध्ये त्यांना अटक झाली. यानंतर ते काही काळ जामिनावर बाहेर होते. कोर्टात खटला चालल्यानंतर मकवाना यांना १९९१ मध्ये २८ वर्षांची जन्मठेपेची शिक्षा सुनावण्यात आली. पोलिसांनी त्यांची रवानगी येरवडा जेलमध्ये केली, तेव्हा त्यांचा मुलगा साजिद अवघ्या ४ वर्षांचा होता. २०१५ मध्ये येरवड्यातून मकवाना यांची रवानगी कळंबा कारागृहात झाली, मात्र या काळात त्यांना एकदाही पॅरोलवरील रजा मंजूर झाली नव्हती. घरी जाण्याची संधीच मिळाली नसल्याने त्यांची आणि कुटुंबीयांची ताटातूट झाली होती. घरात केवळ पत्नी आणि मुलगा एवढाच परिवार, त्यामुळे त्यांचे पोटपाणी कसे चालणार याचीही चिंता होतीच. दोन-तीन वर्षांतून एकदा जेलमध्ये होणाऱ्या काही क्षणांच्या भेटीवरच हसन यांना समाधान मानावे लागत होते. अखेर जेलमधील चांगली वागणूक पाहून आणि तीन वर्षे न्यायालयीन कोठडी भोगल्याने हसन मकवाना यांची शिक्षा तीन वर्षे ११ महिन्यांनी कमी केल्याचा निर्णय कोर्टाने दिला.

२४ वर्षांची प्रदीर्घ शिक्षा भोगल्यानंतर हसन यांची मंगळवारी जेलमधून सुटका होणार होती. २५ वर्षांचा दुरावा संपणार आणि वडील घरी परतणार त्यामुळे हसन यांचा मुलगा साजिद सोमवारीच कोल्हापुरात दाखल झाला होता. मंगळवारी सकाळीच तो कळंबा जेलच्या दारात जाऊन थांबला. अनेक वर्षांची ताटातूट संपून एकदाचे वडील घरी परतणार याचा आनंद साजिदच्या चेहऱ्यावर झळकत होता. जेलमधील कागदोपत्री कामकाज आटोपण्यासाठी चार वाजले. चारच्या सुमारास हसन जेलमधून बाहेर येताच मुलगा साजिदने त्यांना कडकडून मिठी मारली. दोघांनाही अश्रू आवरता आले नाहीत. हुंदके देतच हे एकमेकांशी संवाद साधत होते. काही वेळाने साजिदच्या छातीत तीव्र कळ आल्याने त्याला अस्वस्थ वाटू लागले. वडिलांनी त्याला तातडीने खासगी वाहनातून उपचारासाठी रुग्णालयात दखल केले, मात्र हृदयविकाराच्या तीव्र झटक्याने त्याचा उपचारादरम्यान मृत्यू झाल्याचे डॉक्टरांनी सांगितले. यानंतर उत्तरीय तपासणीसाठी मृतदेह सीपीआरमध्ये पाठवण्यात आला.

मुलाच्या दुर्दैवी मृत्यूने हसन मकवाना यांच्यावर दुःखाचा डोंगर कोसळला. ज्याला भेटण्याच्या आशेवर तुरुंगात दिवस काढले त्या मुलाची भेट काही क्षणांचीच ठरेल अशी कल्पनाही त्यांनी केली नव्हती. अवघ्या काही मिनिटांच्या भेटीनंतर मुलाने बापासह जगाचाही निरोप घेतल्याने हसन मकवाना यांना मोठा मानसिक धक्का बसला. या घटनेनंतर ते कोणाशी बोलण्याच्याही मानसिकतेत नव्हते. बाप-लेकाच्या भेटीवर काळाने घाला घातल्याने सीपीआर परिसरात हळहळ व्यक्त केली जात होती. या घटनेची माहिती मिळताच जेलमधील काही अधिकारी आणि कर्मचाऱ्यांनीही सीपीआरमध्ये धाव घेऊन हसन मकवाना यांनी धीर देण्याचा प्रयत्न केला.

वडिलांसाठी लग्नही थांबवले

वडील जेलमधून सुटल्यानंतरच लग्न करण्याचा हट्ट साजिदने धरला होता. न्यायालयीन कोठडीचा काळ शिक्षेत गृहीत धरावा यासाठी साजिदनेच कोर्टात धाव घेतली होती. अखेर कोर्टानेही साजिदचा अर्ज मान्य करून हसन मकवाना यांची ३ वर्षे ११ महिन्यांची शिक्षा कमी केली होती. साजिदच्या धडपडीनंतर वडील घरी आले, पण वडिलांना आणायला पोहोचलेला साजिद मात्र घरी पोहोचू शकला नाही.

मोबाइल अॅप डाउनलोड करा आणि राहा अपडेट

‘सेट’च्या चुकीच्या उत्तरांना गुण

January 17, 2017, 1:30 pm

≫ Next: २१ लाखांची रोकडसोलापुरात जप्त

≪ Previous: जेलच्या दारात बाप-लेकाची ताटातूट

$

0

0

Uddhav.Godase@timesgroup.com

Tweet @Uddhavg_MT

कोल्हापूर: राज्य प्राध्यापक पात्रता परीक्षेत (सेट) चुकीच्या उत्तरांना गुण देऊन सेट विभागाने शेकडो विद्यार्थ्यांवर अन्याय केला आहे. पेपर क्रमांक एकसह ऐच्छिक विषयांच्या दोन्ही प्रश्नपत्रिकांमध्ये ८ प्रश्नांच्या चुकीच्या उत्तरांना गुण दिल्याचा दावा विद्यार्थ्यांनी केला आहे. विशेष म्हणजे नेट परीक्षेत विचारलेले प्रश्नही सेट विभागाने चुकीचे ठरवले आहेत. याबाबत तक्रारी करणाऱ्या विद्यार्थ्यांना उडवाउडवीची उत्तरे देऊन जबाबदारी झटकण्याचा प्रयत्न सावित्रीबाई फुले पुणे विद्यापीठातील सेट विभागाकडून सुरू आहे. याविरोधात सोमवारपासून (ता. २३) पुणे विद्यापीठात बेमुदत उपोषण करण्याचा निर्णय राज्यभरातील विद्यार्थ्यांनी घेतला आहे.

केंद्रीय लोकसेवा आयोग आणि राज्य लोकसेवा आयोगाच्या परीक्षांपेक्षाही कमी निकाल लागणाऱ्या नेट आणि सेट या परीक्षा आहेत. खडतर अभ्यास करून परीक्षेत उत्तीर्ण झाल्यानंतर नोकरीची हमी नसतानाही विद्यार्थी या परीक्षांच्या जीवघेण्या स्पर्धेत स्वतःला झोकून देतात. अलिकडे मात्र परीक्षांमधील सावळ्या गोंधळामुळे विश्वासार्हतेचा प्रश्न निर्माण झाला आहे. सेट परीक्षांचे नियोजन करणाऱ्या सावित्रीबाई फुले पुणे विद्यापीठाने २९ मे २०१६ रोजी घेतलेल्या परीक्षेत ८ प्रश्नांच्या चुकीच्या उत्तरांना गुण दिल्याचा दावा विद्यार्थ्यांनी केला आहे. सर्व विद्यार्थ्यांसाठी कॉमन असलेल्या पेपर क्रमांक एकमध्ये संशोधन पद्धतीवर विचारलेल्या प्रश्नाच्या उत्तरावरून विद्यार्थ्यांसह सेट विभागही गोंधळात आहे. समाजशास्त्र विषयाच्या पेपर क्रमांक तीनमध्ये एका प्रश्नाचे चुकीचे उत्तर ग्राह्य धरले आहे. कॉमर्सच्या पेपर क्रमांक २ आणि ३ मध्ये अनुक्रमे ३ आणि २ प्रश्नांची चुकीची उत्तरे ग्राह्य धरली आहे. याशिवाय इतरही विषयांमध्ये असाच गोंधळ झाल्याचा दावा विद्यार्थ्यांनी केला आहे.

मे २०१६ मध्ये घेतलेल्या सेट परीक्षेचा निकाल ७ सप्टेंबर, २०१६ मध्ये लागल्यानंतर सेट विभागाचा सावळा गोंधळ विद्यार्थ्यांच्या निदर्शनास आला. राज्यभरातील शेकडो विद्यार्थ्यांनी याबाबत पुणे विद्यापीठातील सेट विभागात जाऊन समन्वयक प्रा. डॉ. बी. के. कापडणीस यांच्यासह पुणे विद्यापीठाचे रजिस्ट्रार नरेंद्र कडू यांची भेट घेतली. चुकीच्या प्रश्नांबाबत लेखी तक्रारी केल्या. प्रत्येक प्रश्नाच्या योग्य उत्तराचे पुरेसे दाखलेही दिले आहेत. विद्यापीठांनीच जाहीर केलेल्या संदर्भ ग्रंथांमधील उत्तरे सेट विभागाने चुकीची ठरवण्याचा प्रताप केला आहे. विशेष म्हणजे नेट परीक्षेत विचारलेल्या प्रश्नांनाही सेट विभागाने चुकीचे ठरवण्याचा प्रयत्न केला आहे. या चुका दुरुस्त करण्यापेक्षा जबाबदारी झटकण्यातच संबंधित प्राध्यापक आणि अधिकारी धन्यता मानत असल्याने सेट विभागाच्या कारभाराबाबत विद्यार्थ्यांमधून कमालीचा संताप व्यक्त केला जात आहे. शिवाजी विद्यापीठातील वैशाली चोरगे, अनिकेत जाधव, संदीप कांबळे, योगेश माने आदी विद्यर्थ्यांनी सेट विभागाकडे लेखी तक्रारी केल्या आहेत.

विद्यापीठात नॅक मूल्यांकनाच्या तयारीची गडबड सुरू असल्याचे कारण सांगून त्यांनी विद्यार्थ्यांना टाळले आहे. खासगीत काही अधिकारी आणि प्राध्यापकांनी प्रश्नपत्रिकेतील चुका मान्य केल्या आहेत, मात्र चूक कबूल केल्यास संपूर्ण निकाल बदलावा लागणार असल्याने याची जबाबदारी घेण्यास कोणच तयार नाही. बरोबर उत्तरे देऊनही गुण न मिळाल्याने विद्यार्थी आंदोलनाच्या पवित्र्यात आहेत. सोमवारपासून पुणे विद्यापीठातील सेट विभागाच्या समोर आमरण उपोषण करण्याचा निर्णय राज्याच्या सर्व विद्यापीठातील अन्यायग्रस्त विद्यार्थ्यांनी घेतला आहे. याबाबत सेट विभागाशी संपर्क साधला असता, प्रश्नपत्रिकेतील चुकांबाबत तक्रारी आल्याचे त्यांनी कबूल केले असून, सकारात्मक तोडगा काढण्याचेही मान्य केले आहे.‍

चुकीच्या उत्तरांना गुण देऊन सेट विभागाने प्रामाणिक विद्यार्थ्यांवर अन्याय केला, तर चुकीची उत्तरे देणाऱ्या विद्यार्थ्यांवर मेहेरबानी केली आहे. नेट परीक्षेच्या तोंडावर सुरू असलेला हा घोळ विद्यार्थ्यांसाठी प्रचंड त्रासदायक ठरत आहे. याविरोधात आम्ही उपोषण करण्यावर ठाम आहे.

वैशाली चोरगे, विद्यार्थिनी

सेट परीक्षेत काही चुका झाल्याच्या लेखी तक्रारी आमच्याकडे आल्या आहेत. चुकांची शहानिशा करण्यासाठी तज्ज्ञ समितीकडे तक्रारी पाठवल्या आहेत. पुणे विद्यापीठाच्या कुलगुरूंसोबत बैठक झाल्यानंतर यावर सकारात्मक तोडगा निघेल. विद्यार्थ्यांनी सबुरीने घ्यावे, असे आवाहन आम्ही त्यांना केले आहे.

प्रा. डॉ. बी. के. कापडणीस, समन्वयक, सेट

मोबाइल अॅप डाउनलोड करा आणि राहा अपडेट

२१ लाखांची रोकडसोलापुरात जप्त

January 18, 2017, 9:40 am

≫ Next: जयसिंगपुरात तीन दुकानांना आग

≪ Previous: ‘सेट’च्या चुकीच्या उत्तरांना गुण

$

0

0

म. टा. वृत्तसेवा, सोलापूर

आगामी सोलापूर महानगरपालिका निवडणुकीच्या पार्श्वभूमीवर पैशाची देवाण-घेवाण होण्याची शक्यता लक्षात घेऊन सोलापूर पोलिसांनी शहरात ठिकठिकाणी नाकाबंदी सुरू केली आहे. या नाकाबंदी दरम्यान स्थिर सर्वेक्षण पथकाने तुळजापूर नाका येथे एका कारच्या डिक्कीतून सुमारे २१ लाख ४४ हजार रुपयांची रोकड जप्त केली.

एमएच १३ बीएन १४८८ या कारमधून ही रोकड जप्त केली. या प्रकरणी एकास ताब्यात घेतले आहे. जप्त करण्यात आलेल्या रकमेत दोन हजार, पाचशे आणि शंभर रुपयांच्या नोटांचा समावेश आहे. लातूर जिल्ह्यातील उदगीर येथे एका व्यापाऱ्याला हरभरा विक्री करून रक्कम सोलापूरला आणल्याचे ताब्यात घेतलेल्या इसमाने पोलिसांना सांगितले. पोलिस या रकमेचा तपशील शोधत आहेत.

कारवाई जोडभावी पेठ पोलिस ठाण्यांचे पोलिस उपनिरीक्षक लक्ष्मण राठोड यांच्या पथकाने कारवाई केली. शहरात स्थिर सर्वेक्षण पथक विविध भागात २४ तास फिरत आहेत. परजिल्ह्यातील तसेच आपल्या जिल्ह्यातील संशयास्पद वाहन दिसल्यानंतर त्यांना थांबवून गाडीची झाडाझडती घेतली जात आहे. वाहनाची झडती घेण्याबरोबर कागदपत्रांची तपासणी करण्यात येत असल्याचे गुन्हे वरिष्ठ पोलिस निरीक्षक सूर्यकांत पाटील यांनी सांगितले

केवळ रॉकडच नव्हे तर किमती वस्तू आणि मद्य साठासुद्धा निवडणुकीच्या पार्श्वभूमीवर शहरात येण्याची शक्यता ओळखून नाकबंदीवर पोलिसांनी भर दिला आहे. जुना पुना नाका, बाळे नाका, तुळजापूर नाका, हैद्राबाद रोड, देगाव नाका, नवीन हैद्राराबाद नाका, होटगी व विजापूर नाका या आठ ठिकाणी महानगर पालिकेच्या निवडणुकीच्या पार्श्वभूमीवर चेक पोस्ट उभारले आहेत. त्याठिकानाहून अवैध माल सोलापुरात येण्याची शक्यता लक्षात घेऊन पोलिसांनी नाकेबंदी केली आहे.

मोबाइल अॅप डाउनलोड करा आणि राहा अपडेट

जयसिंगपुरात तीन दुकानांना आग

January 18, 2017, 11:30 am

≫ Next: गटर्स चॅनल दुरुस्तीचे आव्हान

≪ Previous: २१ लाखांची रोकडसोलापुरात जप्त

$

0

0

म. टा. वृत्तसेवा, जयसिंगपूर

येथील शिरोळ-वाडी रोडवर असणाऱ्या दसरा चौकाच्या भिंतीलगत तीन दुकानांना बुधवारी सायंकाळी साडेपाचच्या सुमारास अचानक आग लागली. या आगीत तीन दुकानांचे तीन लाखांचे नुकसान झाले असून दुकानांतील सर्व साहित्य जळून खाक झाले. पालिकेच्या दोन अग्निशामक बंबांच्या साह्याने ही आग आटोक्यात आणली.नागरिकांच्या सतर्कतेमुळे बाजूच्या अन्य दुकानांमध्ये आगीचा शिरकाव झाला नाही.

शिरोळ-वाडी रस्त्यावरील गल्ली क्रमांक १७ ते २१ दरम्यान दसरा चौकाच्या भिंतीलगत नगरपरिषदेने व्यावसायिकांना खोकी उपलब्ध करून दिली आहेत. यापैकी गल्ली क्रमांक १८ व १९ यांमयामध्ये अजय स्वीट मार्ट, हुबळीकर ऑटोमोबाईल्स व भरत कोचिंग वर्क्स अशी तीन दुकाने शेजारीशेजारी आहेत.यापैकी अजय स्वीट मार्ट बंद होते. बुधवारी सायंकाळी साडेपाचच्या सुमारास भरत कोचिंग वर्क्स या दुकानात अचानक आग लागली. या दुकानात असलेल्या कोचिंगच्या कापड व अन्य साहित्यामुळे आगीने बघता बघता रौद्र रूप धारण केले. त्यामुळे शेजारी असणाऱ्या हुबळीकर ऑटोमोबाईल्स या दुचाकी दुरूस्त करणाऱ्या गॅरेजलाही काही वेळातच आगीने वेढले. आगीची झळ अजय स्वीट मार्ट या बंद दुकानालाही बसली. यामुळे या तीनही दुकानांचे मोठे नुकसान झाले.

आसपासच्या दुकानदारांनी व नागरिकांनी आग विझविण्याचा प्रयत्न केला. मात्र, आगीचा भडका इतका मोठा होता, की ती आग आटोक्यात आणणे त्यांना शक्य झाले नाही. दरम्यान, नगरपालिकेच्या अग्निशमन दलाच्या दोन गाड्या घटनास्थळी आल्या. दोन्ही गाड्यांमधून पाण्याचा मारा करून ही आग मोठ्या प्रयत्नाने आटोक्यात आणली गेली.

मोबाइल अॅप डाउनलोड करा आणि राहा अपडेट

गटर्स चॅनल दुरुस्तीचे आव्हान

January 18, 2017, 1:30 pm

≫ Next: ...तर मराठा समाज विरोधात उतरेल

≪ Previous: जयसिंगपुरात तीन दुकानांना आग

$

0

0

Anuradha.kadam@timesgroup.com

Tweet: @ anuradhakadamMT

कोल्हापूर ः पूररेषेंतर्गत समाविष्ट होत असलेल्या लाइन बाजार या प्रभागातील बहुतांश गटर्स कायमस्वरूपी तुंबलेल्या अवस्थेत असल्यामुळे साथीच्या आजाराची टांगती तलवार दूर करायची असल्यास या प्रभागातील गटर्स चॅनल दुरुस्तीचे आव्हान नगरसेविका माधुरी लाड यांच्यासमोरील प्राधान्यक्रमाचे काम ठरले आहे. गटर्स अस्वच्छतेचा फटका भागातील नागरिकांच्या आरोग्याला बसत आहे.

महापालिका निवडणुकीत महिलांसाठी आरक्षित असलेल्या या प्रभागाचे नेतृत्व सध्या काँग्रेसच्या माधुरी लाड करत आहेत. याच प्रभागातील स्थानिक नागरिक असल्यामुळे भागातील प्रश्नांची त्यांना चांगली माहिती आहे. या प्रभागात त्र्यंबोली कॉलनी, भट्टी विभाग, मराठा कॉलनी, चौगुले गल्ली, माने गल्ली, बावडा पॅव्हेलियन, शाहू कॉलनी, पोलिस लाइनचा काही भाग, रेणुकानगर प‌रिसर या भागांचा समावेश आहे.

लाइन बाजार प्रभागातील नागरिकांची महत्त्वाची समस्या होती ती कमी दाबाने होणारा पाणीपुरवठा. गेल्या दहा वर्षांपासून हा प्रश्न रेंगाळलेला होता तो नव्या पाइपलाइनच्या कामामुळे. गेल्या वर्षभरात ‌निधी मंजुरीच्या प्रस्तावाचा पाठपुरावा करत पाइपलाइनचे काम केल्यामुळे सध्या या प्रभागातील पाण्याचा दाब वाढला आहे. गेल्या दहा वर्षांपासून क्रॉस कनेक्शन पाइपचे कामही थंडावले होते. रेणुकानगर ते शाहू कॉलनी या मार्गावर क्रॉस कनेक्शन पाइपचे काम केल्यामुळेही पाण्याचा प्रश्न निकाली निघाला आहे.

न्यायसंकुल इमारतीसमोरील बाजूने लाइन बाजारकडे येणाऱ्या रस्त्याचे काम चांगले झाल्यामुळे या भागातील स्वच्छता मार्गी लागल्याचे दिसून येते. अंतर्गत रस्त्यांचे काम नगरोत्थान योजनेतून पूर्ण झाले आहे.

रस्त्यांची कामे, रस्त्यावरील वीज व्यवस्था, पाणीपुरवठा ही नागरिकांच्या दृष्टीने महत्त्वाची असलेली विकासकामे पूर्ण झाली असली तरी लाइन बाजार परिसरातील नागरी वसाहतीमधील स्वच्छतेचा प्रश्न बिकट आहे. यामध्ये प्रभागातील एकही गटर स्वच्छ नाही. पूररेषेत येणाऱ्या भागातील ज्या गटर्स रूंद आहेत, त्याही गेल्या सात ते आठ महिन्यांपासून तुंबलेल्या स्थितीत आहेत. नागरिकांच्या घरालगत असलेल्या गटर्सची स्वच्छता आणि देखभाल योग्य नसल्यामुळे डासांच्या प्रादुर्भावाने नागरिक हैराण झाले आहेत.

या प्रभागात महापालिकेचा एक दवाखाना, चार शाळा आहेत. सरकारी सेवा रुग्णालयाचा लाभ नागरिकांना घेता यावा म्हणून जे रुग्णालय आहे तेथे सध्या प्रमुख डॉक्टरांची कायमस्वरूपी नेमणूक केलेली नाही. या सेवा रुग्णालयाचा लाभ अनेक नागरिकांना होऊ शकत असल्यामुळे ‘मिनी सीपीआर’ अशी ओळख असलेल्या सेवा रुग्णालयातील सर्व वैद्यकीय सेवा सुरू राहण्यासाठी प्रयत्न करण्याची गरज नागरिकांमधून व्यक्त होत आहे. रणदिवे पॅसेजपासून लाड चायनीज सेंटर ते बांबूचे बेट तसेच देसाई गिरण या भागात गटर्स चॅनल दुरुस्तीकडे दुर्लक्ष झाले आहे.

या भागातील मत्स्य विभागाच्या जागेवर जॉगिंग ट्रॅकचे काम सुरू केले आहे. लाइन बाजार परिसरात मत्स्य विभागाची जागा आहे. या परिसरातील सुशोभिकरण झाल्यास हा परिसर नागरिकांना सकाळी व संध्याकाळी फिरण्यासाठी चांगला आहे. त्यादृष्टीने या भागात जॉ​गिंग ट्रॅक करण्याचे काम नियोजनात आहे. तसेच या भागातील मटण मार्केटचे नूतनीकरण केले आहे.

महापालिकेच्या चार शाळा असूनही पटसंख्येबाबत मात्र दुष्काळ आहे. त्याकडे नगरसेविकांनी जातीनिशी लक्ष देण्याची गरज आहे. शिक्षकांशी संपर्क साधून पटसंख्यावाढीसाठी काही शैक्षणिक योजना किंवा मोहीम राबवता येईल का, याबाबत पुढाकार घेतल्यास या शाळांना ऊर्जितावस्था येऊ शकते. महापालिकेच्या प्राथमिक शिक्षण विभागाशी संपर्क साधण्यात लाड यांचे योगदान कमी पडत असल्याचे दिसून येत आहे.

चौभाजी मंडईसाठी जागा ताब्यात

लाइन बाजार परिसरातील नागरिकांना भाजी खरेदी करण्यासाठी कसबा बावडा किंवा शुक्रवार पेठ येथे जावे लागत होते. छावा चौकात भाजी मंडईसाठी जागा आरक्षित होती. मात्र, गेल्या अनेक दिवसांपासून ती जागा मंडईसाठी ताब्यात मिळत नव्हती. ही जागा महापालिकेच्या मालकीची आहे. नगरसेविका माधुरी लाड यांनी पाठपुरावा करून ही जागा भाजी मंडईसाठी ताब्यात घेतली असून, लवकरच या जागेत भाजी मंडईची सुविधा मिळणार आहे.

प्रतिकमी दाबाने पाणीपुरवठा प्रश्न निकाली

प्रभाग विकासासाठी निधी मंजूर करून घेणाऱ्या नगरसेवकांमध्ये मी दुसऱ्या क्रमांकावर आहे. भागातील विकासकामांचे प्रस्ताव देऊन गेल्या वर्षभरात रस्ते, पाण्याची पाइप, शौचालय दुरुस्ती व नूतनीकरण या कामांसाठी भरीव निधी खर्च केला आहे. वर्षभरापूर्वी प्रभागात कमी दाबाने होणारा पाणीपुरवठा ही समस्या नवीन पाइपलाइनमुळे सुटली आहे. भागातील सार्वजनिक शौचालयांच्या नियमित स्वच्छता आ​णि दुरुस्तीसह नूतनीकरण करण्याचे काम हाती घेतले आहे. त्र्यंबोलीनगर हा भाग पूररेषेमध्ये समाविष्ट होत असल्यामुळे या परिसरातील गटारींमधून पाण्याचा निचरा होईल यासाठी येत्या वर्षभरात नियोजन केले आहे. भागातील रस्त्यांवर एलईडी लाइट बसविण्यासाठी निधी मंजूर झाला आहे. कसबा बावडा पॅव्हेलियनसाठी राज्याच्या क्रीडा धोरणांतर्गत आमदार फंडातून निधी मंजूर करण्यासाठी पाठपुरावा केल्यामुळे हा निधी मिळविण्यात यश आले. सव्वातीन कोटींच्या निधीतून पॅव्हेलियनचे काम मार्गी लागेल.

माधुरी लाड, विद्यमान नगरसेविका

प्रभागातील स्वच्छतेकडे दुर्लक्ष

लाइनबाजार प्रभागाच्या व्याप्ती मोठी आहे. शाळा, दवाखाने, शौचालये, गार्डन, मैदान यांची देखभाल नियमित होणे आवश्यक आहे. गटर्स स्वच्छतेचा मुद्दा ऐरणीवर आहे. त्यासाठी सातत्याने औषध फवारणी होत नाही. सेवा रुग्णालयात मुख्य डॉक्टर नसल्याने तसेच वैद्यकीय कर्मचाऱ्यांची संख्या अपुरी आहे, त्याकडे लक्ष दिले पाहिजे. बावडा पॅव्हेलियनमधील बॅडमिंटन हॉलची दुरवस्था झाली असून त्यामुळे भागातील तरुणांना खेळण्यासाठी जागा उपलब्ध नाही. भाऊ महागावकर या नावाने असलेली महापालिकेच्या शाळा क्रमांक सहा या शाळेच्या पटसंख्येबाबत उदासीनता आहे. मात्र, गेल्या वर्षभरात नव्याने कोणतेही काम ठोस झालेले नाही. पावसाळ्यात या प्रभागात नाल्याचे पाणी घुसते, त्यासाठी गटर्स चॅनलकडे अद्याप दुर्लक्ष आहे. गेल्या पावसाळ्यात सर्वाधिक साथीच्या आजाराचे रूग्ण लाइनबाजार भागात आढळले होते. त्यामुळे नागरिकांच्या आरोग्यविषयक समस्या निवारणाकडे लक्ष देण्याची गरज आहे. झूम प्रकल्पाच्या जागेवरील दुर्गंधीमुळेही आरोग्याच्या समस्यांमध्ये भर पडली आहे.

शाहीन काझी, प्रतिस्पर्धी उमेदवार

प्रति
नगरसेविका लाड यांचा भागातील संपर्क चांगला आहे. पाण्याचा प्रश्न त्यांनी सोडवला आहे. कचरा उठावासाठी महापालिका कर्मचाऱ्यांची वानवा असल्यामुळे घंटागाडीची व्यवस्था केली आहे. मटण मार्केटच्या नूतनीकरणामुळे या परिसरातील दुर्गंधी कमी झाली आहे. पॅव्हेलियनचा वापर गेल्या काही वर्षांत होत नव्हता, मात्र त्यासाठी निधी उपलब्ध केल्यामुळे त्याचा फायदा नागरिकांना होत आहे.

प्रशांत रणदिवे, लाइन बाजार

माधुरी लाड या लाइन बाजार प्रभागातील स्थानिक नागरिक असल्यामुळे त्यांना या भागातील प्रश्नांची चांगली जाण आहे. उच्चशिक्षित असल्यामुळे कोणत्याही समस्यांच्या निवारणासाठी आवश्यक असलेला अभ्यास त्यांच्यामध्ये आहे. कमी दाबाने पाणी ही समस्या सुटल्यामुळे भागातील गृहिणींचा विचार त्या चांगल्याप्रकारे करू शकतात. दैनंदिन संपर्क आणि समस्या जाणून घेण्यासाठी सकारात्मक प्रतिसाद असल्यामुळे वर्षभरात पाणी, रस्ते यासारखे महत्त्वाचे प्रश्न सोडविण्यात आले आहेत.

प्रा. बी. एस. पाटील, रेणुकानगर

मोबाइल अॅप डाउनलोड करा आणि राहा अपडेट

---

...तर मराठा समाज विरोधात उतरेल

January 18, 2017, 1:30 pm

≫ Next: शताब्दीवर्षानिमित्त कार्यक्रमांची मांदियाळी

≪ Previous: गटर्स चॅनल दुरुस्तीचे आव्हान

$

0

0

म. टा. प्रतिनिधी, कोल्हापूर

‘ज्यांनी अॅट्रॉसिटी कायद्याचा गैरवापर करुन मराठा समाजाला विनाकारण त्रास दिला अशा व्यक्तींना किंवा त्यांच्या कुटुंबीयांना तसेच याबाबत खोटे गुन्हे दाखल करण्यास प्रवृत्त केलेल्यांना कोणत्याही राजकीय पक्षांनी उमेदवारी दिल्यास त्या उमेदवाराच्या विरोधात मराठा समाज उतरेल. तसेच त्या उमेदवाराला मतदान करु नये’ असा निर्णय कोल्हापूर जिल्ह्यासाठी सकल मराठा समाजाने बुधवारी बैठकीत घेतला. अशांना उमेदवारी देणारे पक्षही मराठा विरोधी व मराठ्यांवर अन्याय करणारे आहेत, असे मानले जातील असा इशारा दिला आहे.

जिल्हा परिषद व पंचायत समिती निवडणुकीची रणधुमाळी सुरू आहे. मराठा समाजाच्या विविध मागण्यांसाठी समाजाने शांततेने मोर्चे काढले. अॅट्रॉसिटीचा गैरवापर टाळा अशी प्रमुख मागणी होती. आरक्षणाचीही मागणी आहे. याबाबत मुंबईतील मोर्चाची तयारी सुरू आहे. अशा स्थितीत मागण्यांवर निर्णय झालेला नाही. अशा परिस्थितीत निवडणूक जाहीर झाल्या आहेत. त्यामुळे आचारसंहितेमुळे सरकारला तूर्त निर्णय घेता येणार नसल्याने अॅट्रॉसिटीचा गैरवापर करुन मराठा समाजाला त्रास देणारी यंत्रणा वाढण्याची शक्यता आहे. त्यामुळे मराठा समाजाची बुधवारी शाहू स्मारकमध्ये बैठक झाली. यावेळी अॅट्रॉसिटीबाबत तीव्र भावना व्यक्त करण्यात आल्या. साऱ्यांचा विचार ऐकून समाजातील एकोपा राखण्यासाठी व अॅट्रॉसिटीचा गैरवापर टाळण्याकरिता, अशा प्रवृत्तींना आळा घालण्याकरिता निर्णय घेण्यात आला. त्यानंतर झालेल्या पत्रकार परिषदेमध्ये प्रा. जयंत पाटील यांनी निर्णयाची माहिती दिली.

प्रा. पाटील म्हणाले, ‘ज्यांनी हा कायदा वापरुन खोटे गुन्हे दाखल करण्यास प्रवृत्त केले, चिथावणी दिली अशा व्यक्ती किंवा त्याच्या कुटुंबातील व्यक्तीस राजकीय पक्षांनी निवडणुकीमध्ये उमेदवारी देऊ नये. उमेदवारी दिल्यास ते पक्ष मराठा विरोधी व समाजावर अन्याय करणारे आहेत, असे मानले जाईल. यासाठी ज्या व्यक्ती व त्याच्या कुटुंबियांनी अॅट्रॉसिटी कायद्याचा हेतूपुर्वक मानसिक त्रास देण्यासाठी वा आर्थिक लाभासाठी गैरवापर करुन मराठा समाजातील व्यक्तींना त्रास दिला आहे. तसेच त्रास देण्यासाठी दुसऱ्या व्यक्तीस प्रवृत्त केले आहे, अशा व्यक्तींना पक्षांनी उमेदवारीच देऊ नये. उमेदवारी दिल्यास त्या उमेदवाराच्या विरोधात मराठा समाज ताकदीने उतरेल.’

प्रा. पाटील म्हणाले, ‘२००५ पासून राज्यात दाखल होणाऱ्या अॅट्रॉसिटी कायद्याखाली होणाऱ्या गुन्ह्याचे प्रमाण अंदाजे ३० टक्के आहे. त्यामुळे एक हजार गुन्हे अॅट्रॉसिटीचे दाखल होत आहेत. हे गुन्हे सिद्ध होण्याचे प्रमाण अत्यल्प म्हणजे २.९ टक्के आहे. कायद्याचा गैरवापर केला जातो त्याला पुष्टी मिळते. ही वस्तुस्थिती असताना कायद्याची अंमलबजावणी करा अशी सूचना अधिकारी करत आहेत. यातून खोटे गुन्हे दाखल करा असा इशारा दिला आहे का असेही वाटत आहे.’

दरम्यान, ज्यांनी या कायद्याचा गैरवापर केलेला नाही अथवा त्यादृष्टीने प्रोत्साहन दिलेले नाही, अशा उमेदवारांना मराठा समाजाकडून त्रास देण्याचा प्रश्नच नाही, असेही स्पष्ट केले. क्षत्रिय मराठा चेंबर ऑफ कॉमर्स दिलीप पाटील, मराठा महासंघाचे वसंतराव मुळीक, क्षत्रिय मराठा मेडिको चेंबरचे डॉ. अभय कोटकर, कॉमन मॅन संघटनेचे बाबा इंदुलकर, स्वाभिमान संघटना सचिन तोडकर, संजय साळोखे, प्रजासत्ताकचे दिलीप देसाई, हिंदु युवा प्रतिष्ठानचे अशोक देसाई,​ किरण घुमे, जयेश कदम, अजित राऊत, उत्तम कोराणे, विनायक फाळके, स्वप्निल पार्टे, संदीप पाटील, अवधूत पाटील, विजय सावंत, उमेश पोवार, उदय लाड उपस्थित होते.

मोबाइल अॅप डाउनलोड करा आणि राहा अपडेट

शताब्दीवर्षानिमित्त कार्यक्रमांची मांदियाळी

January 18, 2017, 1:30 pm

≫ Next: नोटाबंदीचा निर्णय चुकीच्या गृहितकांवर

≪ Previous: ...तर मराठा समाज विरोधात उतरेल

$

0

0

म. टा. प्रतिनिधी, कोल्हापूर

प्रत्येकाला चांगले ​शिक्षण मिळावे, या ध्यासाने शाळा उभारणीसाठी राजर्षी शाहू महाराजांनी कोल्हापुरात अनेक संस्थांना जागा दिल्या, त्यापैकी भक्तिसेवा विद्यापीठ हायस्कूल. ३ सप्टेंबर २०१६ पासून या शाळेचे शताब्दी वर्ष सुरू झाले असून, वर्षभरात विविध कार्यक्रमांचे आयोजन केले आहे. शाळेचे पहिले मुख्याध्यापक यशवंतराव केळवकर यांचा १९ जानेवारी हा स्मृतिदिन संस्थेचा विद्यार्थी दिन म्हणून दरवर्षी साजरा होतो. शताब्दीवर्षातील केळवकर स्मृतिदिनानिमित्ताने विद्यापीठ हायस्कूलमध्ये अनोखा स्नेहमेळावा रंगणार आहे. शंभर वर्षांपूर्वी उभारलेल्या मोजक्या शाळांच्या पंक्तीत मानाचे स्थान असलेल्या विद्यापीठ हायस्कूलमध्ये शिकलेल्या आणि आज वि​विध क्षेत्रांत यशस्वी काम करणाऱ्या विद्यार्थ्यांनाही या सोहळ्यात सामावून घेतले आहे.

अंबाबाई मंदिराच्या दक्षिणेला असलेल्या जागेत मराठी शाळा सुरू करावी, अशी इच्छा शंभर वर्षांपूर्वी शाहू महाराजांनी व्यक्त केला. त्या काळातील शिक्षणतज्ज्ञ दीक्षित गुरुजी आणि तोफखाने मास्तर यांच्याकडे जागा सुपूर्द केली आणि भक्तिसेवा विद्यापीठ हायस्कूल या नावाने या शाळेचा पाया रचला. याच संस्थेसाठी पुढे शाहू महाराजांनी सध्या तपोवन हायस्कूल नावाने असलेला ४२ एकरांचा माळही दिला.

ऐतिहासिक बांधकामाचे रूपडे असलेल्या या शाळेत कोल्हापुरातील पेठांमधील मुले येऊ लागली. मध्यवस्तीत असलेल्या या शाळेतील पटसंख्या वाढू लागली. दीक्षित गुरुजी मुलांना पाठ तर ​शिकवतच, पण पोहायला, सायकल चालवायला शिकवणे, घोड्यावरची रपेट मारायला लावणे, अशा अवांतर गोष्टींमधून विद्यापीठ हायस्कूलमधला विद्यार्थी जगाच्या शाळेसाठीही घडत जात होता.

शाळेचे पहिले मुख्याध्यापक यशवंतराव केळवकर. मुलांना केवळ पुस्तकी शिक्षण न येता सांस्कृतिक मूल्यांचेही ज्ञान झाले पाहिजे असा त्यांचा आग्रह होता. त्यातून त्यांनी शंभर वर्षांपूर्वी विविध उपक्रम आयोजित केले. नव्या संकल्पना रुजवल्या. मनोरंजन आणि हसतखेळत शिक्षण ही कल्पना शाळेत सुरू केली. त्या काळात केळवकर गुरुजींनी ऑगस्ट महिन्यात घेण्यात येणारी सूर्यनमस्कार ही मोहीम आजही सुरू आहे. केळवकर दिन हा विद्यापीठ हायस्कूलमधला असा दिवस की, जो विद्यार्थी दिन म्हणून आजही साजरा केला जातो. यादिवशी विद्यार्थी शिक्षकांच्या भूमिकेत जातात. त्यासाठी जगभरात कुठेही असलेले शाळेचे विद्यार्थी शाळेच्या निमंत्रणाला मान देऊन येतात.

तत्त्ववेत्ते डॉ. अरंडेल, डॉ. सर्वपल्ली राधाकृष्णन, भालजी पेंढारकर, डी. डी. शिंदे यांनी संस्थेच्या अध्यक्षपदाची जबाबदारी सांभाळली आहे.

मोबाइल अॅप डाउनलोड करा आणि राहा अपडेट

नोटाबंदीचा निर्णय चुकीच्या गृहितकांवर

January 18, 2017, 1:30 pm

≫ Next: ‘वाटमारी’मुळे खड्ड्यांतच जातात रस्ते

≪ Previous: शताब्दीवर्षानिमित्त कार्यक्रमांची मांदियाळी

$

0

0

म. टा. प्रतिनिधी, कोल्हापूर

‘चुकीच्या गृहितकांवर आधारित नोटाबंदीचा निर्णय घेतल्यामुळे नागरिकांना हा निर्णय क्लेशदायक ठरला. या निर्णयाच्या अमंलबजावणीसाठी जी सूत्रबद्ध पर्यायी व्यवस्था उभारणे आवश्यक होते. त्याकडेच दुर्लक्ष झाले’ असे मत अर्थतज्ज्ञ प्रा. डॉ. जे. एफ. पाटील यांनी केले. करवीर नगर वाचन मंदिरतर्फे आयोजित ३७ व्या पद्मभूषण कै. वि. स. तथा भाऊसाहेब खांडेकर व्याख्यानमालेत समारोपप्रसंगी ते बोलत होते. यावेळी त्यांनी ‘नोटाबंदी - कथा आणि व्यथा’ या विषयावर शेवटचे पुष्प गुंफले. अध्यक्षस्थानी ‘कनवा’चे अध्यक्ष राजाभाऊ जोशी होते.

प्रा. डॉ. पाटील म्हणाले, ‘५०० आणि एक हजार नोटांवर बंदी आणण्याचा हेतू हा काळा पैसा नष्ट करणे, नकली पैसा नष्ट करणे आणि ज्या पैशामुळे दहशतवाद होतो त्याची मुळे नष्ट करणे हा होता असे सांगण्यात आले. मात्र, मोठ्या नोटामध्ये लोक काळा पैसा लपवितात, ह्या गृहितकावर घेतलेला निर्णय चुकीचा आहे. तसे असेल तर मग दोन हजार आणि पाचशेची नोट काढून काळा पैशाचे फेररचनेचा प्रयत्न असावा.’

जोशी म्हणाले, ‘गेल्या आठ दिवसांपासून सुरू असलेली व्याख्यानमाला सुजाण रसिकांमुळे यशस्वी झाली आहे. काही महिन्यांपूर्वी हॉल पाडला म्हणून जो काही गदारोळ झाला, तो हॉल तसाच बांधला जाईल. संस्थेला करवीरकरांनी सहकार्य करावे.’

करवीर नगर वाचन मंदिरचे संचालक प्रा. डॉ. शशिकांत चौधरी यांनी प्रास्ताविक केले. ग्रंथपाल मनीषा शेणई यांनी सूत्रसंचालन केले. कोषाध्यक्ष डॉ. आशुतोष देशपांडे यांनी पाहुण्यांचा परिचय करुन दिला. संचालक नंदकुमार दिवटे यांनी आभार मानले. सुरेश सोनटक्के, प्रा. अनंत जयतीर्थ, शिरीष कणेरकर, कार्यवाह सतीश कुलकर्णी, नंदकुमार मराठे, डॉ. रमेश जाधव आदी उपस्थित होते.

मोबाइल अॅप डाउनलोड करा आणि राहा अपडेट

‘वाटमारी’मुळे खड्ड्यांतच जातात रस्ते

January 18, 2017, 1:30 pm

≫ Next: ‘त्या’ बिल्डरांना नवे परवाने नको

≪ Previous: नोटाबंदीचा निर्णय चुकीच्या गृहितकांवर

$

0

0

Appasaheb.mali
@timesgroup.com

Tweet : @Apppasaheb_MT

कोल्हापूर : रस्ते, पाणी आणि आरोग्य विषयक सुविधा पुरविणे ही महापालिकेची प्राथमिक जबाबदारी. या सुविधांच्या अंमलबजावणीवरुन प्रशासन आणि नगरसेवकांत सातत्याने संघर्ष घडतात. स्थायी समिती सभा असो की महापालिकेची सर्वसाधारण सभा, प्रत्येक वेळी रस्ते, गटर्स आणि पिण्याच्या पाण्यावरून सभा गाजली, पण शहरवासियांच्या अपेक्षांची पूर्तता काही झाली नाही. शहरातील रस्त्यांची अवस्था इतकी दयनीय बनली आहे की अखेर पदाधिकाऱ्यांना रस्त्यावर उतरावे लागले.

महापौरांसह अन्य पदाधिकारी, आयुक्त व इतर अधिकारी रस्त्यावर उतरले, खड्डे पाहणी केली की पण शहर खड्टेमुक्त होणार का ? आणि सध्या सुरु असलेल्या रस्त्यांची कामे दर्जेदार होणार का ? याविषयी शहरवासियांता साशंकता आहे. शहरात दरवर्षी रस्ते दुरुस्ती केली जातो, कोट्यवधी रुपये खर्ची पडतात. पण खराब रस्त्यांचा प्रश्न काही संपला नाही.

मुळात सरकारी काम आणि सहा महिने थांब याची अनुभूती शहरवासिय वारंवार घेतात. व्हीनस कॉर्नर परिसरात खड्डा चुकविताना मोटारसायलकस्वार ठार झाला. यामुळे खराब रस्त्याचा प्रश्न पुन्हा ऐरणीवर आला. नागरिकांच्या रोषाला सामोरे जावे नये म्हणून प्रशासनाने, तातडीने शहरातील खराब रस्त्यांच्या पॅचवर्कचे काम हाती घेतले. व्हिनस कॉर्नर, कोंडो ओळ, लक्ष्मीपुरी, महापालिका परिसर, अशा विविध भागात डांबरीकरणाची कामे रातोरात सुरु झाली. या रस्त्यांचा दर्जा, वापरले जाणारे मटेरियल, त्यावर नियंत्रण ठेवणारी यंत्रणा या साऱ्या घटकांच्या कामकाजाचा लेखाजोखा मांडायला हवा. वास्तविक शहरातील प्रत्येक विकास कामाची माहिती, त्यावर खर्च पडणारा निधी याची माहिती नागरिकांना असायला हवी. तत्कालिन आयुक्त विजयालक्ष्मी बिदरी यांच्या कालावधीत प्रत्येक रस्त्याच्या कामाची माहिती फलकाद्वारे देण्याचा निर्णय झाला होता. रस्त्याची लांबी, रुंदी, मंजूर रक्कम, वापरलेले साहित्य, काम पूर्ण करण्याचा कालावधीसह कामाचे चित्रीकरण करण्याचा निर्णय झाला होता. राज्य सरकारनेही सर्व विकासकामांच्या ठिकाणी फलकांद्वारे माहिती देण्याचे बंधन घातले आहे.

मात्र, नव्याचे नऊ दिवस सरले आणि चांगली संकल्पना मागे पडली. शहरातील खराब रस्त्यांच्या कामास यातील टक्केवारी कारणीभूत आहे. रस्त्याच्या निविदापासून काम पूर्ण होण्यापर्यंत टक्केवारी आहे. ठेकेदार, कनिष्ठ अभियंता, अभियंता, प्रशासन, नगरसेवकांपर्यंत अशी साखळी वाढत जाणारी आहे. या कामाशी निगडीत प्रत्येक जण टक्केवारीत गुंतलेला आहे असे नाही. पण बहुतांश कामात टक्केवारीशिवाय फायल पुढे सरकत नाही ही वस्तुस्थिती आहे. कामाची निविदा मिळवण्यापासून सुरु झालेल्या वाटमारीने रस्ते कामाचा पुरता बोजवारा उडतो. दरवर्षी रस्ते कामावर कोट्यवधी रुपये खर्ची पडतात. आणि दरवर्षी रस्ता धुवून जातो. गेल्या वर्षी पावसाळ्यापूर्वी केलेले रस्ते सहा महिन्यात धूवून गेले. ठेकेदारावर जबाबदारी निश्चित झाली पण कागदी घोडे नाचविण्याखेरीज दुसरे काही घडले नाही, ही वस्तुस्थिती आहे.

मोबाइल अॅप डाउनलोड करा आणि राहा अपडेट

‘त्या’ बिल्डरांना नवे परवाने नको

January 18, 2017, 1:30 pm

≫ Next: काँग्रेस-राष्ट्रवादीत खडाजंगी

≪ Previous: ‘वाटमारी’मुळे खड्ड्यांतच जातात रस्ते

$

0

0

म. टा. प्रतिनिधी, कोल्हापूर

भोगवटा प्रमाणपत्र मिळवून देणे ही विकासकाची जबाबदारी आहे, परंतु काही ठराविक बांधकाम व्यावसायिक फ्लॅटचा ताब दिल्यानंतरही, म्हणजेच पूर्ण पैसे घेऊन सुद्धा अनेक वर्षे भोगवटा प्रमाणपत्र देत नाहीत. बिल्डर फ्लॅटची विक्री करतो, पण फ्लॅटधारक त्यामध्ये अडकतो. अशा फसवणूक झालेल्या फ्लॅटधारकांना भोगवटा प्रमाणपत्र देण्यासाठी अभय योजना सुरु करावी. नागरिकांची फसवणूक करणाऱ्या बांधकाम व्यावसायिकांना नवे बांधकाम परवाने देऊ नयेत अशी मागणी स्थायी समिती सभेत नगरसेवक अजित ठाणेकर यांनी केली. दरम्यान, तशी प्रक्रिया राबविण्याचे आदेश स्थायी सभापती मुरलीधर जाधव यांनी दिले. दरम्यान, लक्ष्मीपुरी व राजारामपुरीत सध्या आर ई इन्फ्राकडून रात्रीच्या वेळी रस्ता दुरुस्तीचे कामे सुरू आहेत. या कामांची तपासणी करण्यात येणार आहे. कामे दर्जेदार नसतील तर ती परत करून घेऊ असे प्रशासनाने सांगितले.

नगरसेवक ठाणेकर यांनी शहरामध्ये गेल्या काही वर्षात बांधकाम व्यवसाय मोठ्या प्रमाणात वाढल्याचे निदर्शनास आणून दिले. मात्र, ठराविक व्यावसायिक भोगवटा प्रमाणपत्रात नागरिकांची फसवणूक करत असल्याचा आरोप त्यांनी केला. पुणे महापालिकेने अशी योजना सुरु केली आहे. प्रशासनाने त्याची माहिती घेऊन प्रस्ताव तयार करावा असे आदेश स्थायी समिती सभापती मुरलीधर जाधव यांनी दिले. याबाबत प्रशासनाने अधिकाऱ्यांनी महापालिकेने १९९१ ते १९९५ या कालावधीत स्वतःहून अशा प्रकारे काही फ्लॅटना भोगवटा प्रमाणपत्र दिल्याचे सांगितले. दंड आकारणी करून भोगवटा प्रमाणपत्र देऊ. पुणे महापालिकेतील प्रक्रियेची माहिती घेऊ असे प्रशासनाने सांगितले.

रुपाराणी निकम यांनी महापालिकेत राज्य सरकारच्या किती योजना आहेत यासंबंधी विचारणा केली. निलेश देसाई यांनी शहरातील सिग्नलमध्ये पादचाऱ्यांकरिता सिग्नल दर्शवित नाहीत हे निदर्शनास आणल्यावर प्रशासनाने यासंबंधी ट्रॅफिक विभागाला कळवू असे उत्तर दिले. नगरसेविका मेहजबीन सुभेदार, प्रतिज्ञा निल्ले यांनी खराब रस्त्यांचा प्रश्न मांडला. महापौरांनी फिरती केल्यानंतर रस्ता दुरुस्तीसाठी काय योजना आखल्या. रात्री होणाऱ्या रस्त्याच्या कामावर नियंत्रण कुणाचे आहे ? सुरु असलेली कामे निकृष्ट दर्जाची आहेत. नगरसेवकच मुकादमाचे काम करत आहेत हे सभेत सांगताना या कामावर प्रशासनाचे नियंत्रण नसल्याची टीका केली.

सदस्या रिना कांबळे यांनी फुलेवाडी रिंगरोडचे अजून डांबरीकरण सुरु नसल्याचे निदर्शनास आणले. जयश्री चव्हाण यांनी एसटीपी प्रकल्पाविषयीची माहिती विचारली.

अपघाताची वाट बघता का?

फुलेवाडी रिंगरोडच्या दुरुस्तीचा प्रश्न अनेक दिवस गाजत आहे. प्रश्न वारंवार उपस्थित करुनही रस्त्याची डागडुजी झाली नाही. सदस्या रिना कांबळे म्हणाल्या, ‘रिंगरोडचे डांबरीकरण झाले नाही. केवळ खडी टाकली आहे. अपघाताची वाट बघता का? वारंवार प्रश्न उपस्थित करुनही कार्यवाही होत नाही. तसेच या रस्त्यावरील विद्युत दिवे खराब झाले आहेत.’ नगरसेवक नीलेश देसाई यांनी ताराबाई पार्क प्रभागात किटकनाशक पावडर, औषध एक महिना झाले उपलब्ध झाले नाही. भागात औषध व पावडर फवारणी बंद असून प्रशासनाने तत्काळ साहित्य उपलब्ध करुन देण्याची सूचना केली. सभेत स्पीड ब्रेकर, खराब रस्त्यावरुन चर्चा झाली. योग्य ठिकाणी स्पीडब्रेकर व पट्टे मारा. अपघाताचे प्रमाण वाढले असल्याचे नगरसेवकांनी निदर्शनास आणले.

तावडे हॉटेल परिसर बांधकामाचा अहवाल मंत्रालयात सादर

मोकळ्या जागेत कचरा टाकणाऱ्यांवर दंडात्मक कारवाई, नोटीसा लागू होणार

केएमटी बसेस फुलेवाडी, क्रांतीसिंह नाना पाटील नगरमधून प्रवासी वाहतूक करावी

फुलेवाडी रिंगरोड रस्त्यावर पोल शिफ्ट केल्यानंतर एलईडी दिवे बसविणार

मोबाइल अॅप डाउनलोड करा आणि राहा अपडेट