त्रुटींना ठेकेदारच जबाबदार

December 23, 2016, 1:30 pm

≫ Next: आरबीआयच्या नियमांनुसारच कर्ज वाटपमायक्रो फायनान्स कंपन्यांचा दावा

≪ Previous: कॅशलेससाठी पुढाकार घ्या

$

0

0

म. टा. प्रतिनिधी, कोल्हापूर

थेट पाइपलाइन योजनेतील कामाच्या तक्रारीनुसार राज्य सरकारने आता थर्ड पार्टी ऑडिट करण्याचे आदेश दिले आहेत. ऑडिट झाल्याखेरीज पुढील फंड मिळणार नाही. या योजनेचे ऑडिट झाल्यानंतर झालेल्या कामाचा अहवाल प्रशासन सरकारला सादर करणार आहे. तसेच ऑडिटमध्ये पाइपलाइन योजनेत काही त्रुटी आढळल्यास ठेकेदार व कन्सल्टंटवर जबाबदारी निश्चित करण्याचा निर्णय महापालिकेच्या स्थायी समितीच्या बैठकीत झाला. स्थायी समिती सभापती मुरलीधर जाधव सभेच्या अध्यक्षस्थानी होते. पाइपलाइन योजनेच्या कामाचे व्हिडीओ चित्रीकरण करण्यात येत आहे.

पाइपलाइन योजनेचे काम संथगतीने सुरु असल्यामुळे संपूर्ण कामावर परिणाम झाला आहे. पाइपलाइन योजनेच्या कामाविषयी नगरसेवकांनी शंका उपस्थित केल्या आहेत. स्थायी समितीच्या शुक्रवारच्या सभेत सदस्य जयश्री चव्हाण, दीपा मगदूम, सूरमंजिरी लाटकर, मेहजबीन सुभेदार, सत्यजित कदम यांनी पाइपलाइन योजनेच्या कामावरून प्रशासनाला धारेवर धरले. ऑड‌िटमध्ये त्रुटी आढळल्यास त्याची जबाबदारी कुणावर? आयुक्तांनी कामाच्या ठिकाणी पाहणी केली का? अशी विचारणा केली. वेगवेगळ्या विभागाच्या परवानगी मिळण्यात अडचणी उद्‍भवल्याने कामास उशीर झाला आहे. योजनेच्या कामाचे ऑड‌िट होणार आहे. आयुक्तांनी दोनवेळा योजनेच्या कामाची पाहणी केली आहे. या योजनेसाठी एक कार्यकारी अभियंता दर्जाचा अधिकारी व दोन उपजल अभियंता मिळण्याबाबत सरकारशी पत्र व्यवहार सुरू आहे. सरळसेवा भरतीची मान्यता मिळताच दोन महिन्यात अधिकारी नेमू. कॅनालच्या बाजूने जमिनीखालून ११ किलो मीटर पाइपलाइन टाकण्याची आहे. त्यासाठी पाटबंधारे विभागाकडे पाठपुरावा सुरू असल्याचे उत्तर प्रशासनाने दिले.

परीख पूल परिसरातील रस्ता काँक्रीटचा

रुपाराणी निकम यांनी परीख पूल रस्त्याच्या दुरुस्तीकडे लक्ष वेधले. त्यावर साईक्स एक्स्टेंशन परिसरात ड्रेनेजच्या जुन्या पाइपलाइन आहेत. त्या वारंवार चोकअप होत असल्याने बदलाव्या लागणार आहेत. हा रस्ता काँक्र‌िटचा करण्यात येईल, असे प्रशासनाने स्पष्ट केले. सासने मैदान वारंवार भाड्याने दिल्यामुळे मैदानाची नासधूस होते मैदान भाड्याने देऊ नये, अशी सूचना नगरसेवक निलेश देसाई यांनी केली. तर प्राथमिक शिक्षण समितीकडे प्रशासनाधिकारीपदी नवीन अधिकाऱ्याची नेमणूक करावी, अशी मागणी सरकारकडे केल्याचेही अधिकाऱ्यांनी सांगितले. निलोफर आजेकर यांनी झाकीर हुसेन उर्दू शाळेत वॉचमेन नेमण्याची सूचना केली. शाळा आवारात लावलेली झाडे शिल्लक नाहीत. बागेत ओल्या पाटर्या, अवैध धंदे सुरू असल्याचे त्यांनी निदर्शनास आणले. प्रशासनाने वॉचमन नेमण्यात येईल, असे उत्तर दिले. सदस्या प्रतीज्ञा निल्ले, दीपा मगदूम, उमा इंगळे यांनी ही विविध प्रश्ने उपस्थित केली.


केएमटीच्या जागेसाठी एमआयडीसीकडे मुदतवाढ

तावडे हॉटेल परिसरातील बांधकामप्रश्नी सध्या कोर्टात केस सुरु असून एका महिन्यात निकाल अपेक्षित आहे. सरकारने, जिल्हाधिकाऱ्यांची प्राधिकृत म्हणून नेमणूक केली आहे. ते सोमवारपर्यंत कोर्टात म्हणणे सादर करणार आहेत. राज्य सरकहलने एमआयडीसीमध्ये केएमटीसाठी जागा दिली होती त्याबाबत सभेत विचारणा झाली. त्यावर प्रशासनाने जागा ताब्यात घेण्याची कार्यवाही सुरु असून ३१ डिसेंबरपर्यंत मुदत आहे. महापालिकेने तीन महिन्यापूर्वी एक कोटी २० लाख रुपये भरले आहेत. शिवाय एकूण जागेची २५ टक्के जागा विकसित करावी लागणार असल्याने एमआयडीसीकडे मुदतवाढ मागितली आहे.

मोबाइल अॅप डाउनलोड करा आणि राहा अपडेट

---

आरबीआयच्या नियमांनुसारच कर्ज वाटपमायक्रो फायनान्स कंपन्यांचा दावा

December 23, 2016, 9:36 am

≫ Next: इएसआय हॉस्पिटल केंद्र सरकार चालवणार

≪ Previous: त्रुटींना ठेकेदारच जबाबदार

$

0

0

म. टा. वृत्तसेवा, सांगली

‘मायक्रो फायनान्स कंपन्या बँकाकडूनच व्यावसायिक कर्ज घेऊन बँक खाते नसलेल्यांना मुद्रा कर्जाच्या स्वरुपात कर्जे देत असतात. कंपन्या कायद्यानुसार स्थापन झालेल्या असून, आरबीआयच्या कडक नियमानुसारच काम करतात. त्यामुळे कर्जदार ग्राहकांनी अफवांवर विश्वास ठेवू नये. कोणतीही शंका असेल किंवा वसुली प्रतिनिधींकडून दबाव येत असेल तर १८००२७००३१७ या टोल फ्री क्रमांकावर संपर्क साधावा,’ असे आवाहन मायक्रो फायनान्स इन्स्टिट्यूशन नेटवर्क, सेल्फ रेग्युलेटरी ऑर्गनायझेशनच्या पदाधिकाऱ्यांनी शुक्रवारी सांगलीत पत्रकारांशी बोलताना केले.

एमएफआयएनचे उपाध्यक्ष आनंद राव म्हणाले, ‘पाचशे, हजारच्या नोटा बंद झाल्यानंतर सूक्ष्म वित्त क्षेत्रात कर्जाचे वाटप आणि त्याची परतफेड यावर मोठा परिणाम झाला आहे. मायक्रो फायनान्स कंपन्याकडून दिल्या जाणाऱ्या कर्जांच्या वसुलीचे प्रमाणा ८५ टक्क्यांच्याही पुढे आहे. आतापर्यंत कोणताही अडथळा आलेला नव्हता. परंतु, आरबीआयने ६ डिसेंबर रोजी काढलेल्या परिपत्रकाचा गैरअर्थ घेऊन साठ दिवसांसाठी कर्जमाफ करण्यात आल्याची अफवा पसरविण्यात आली. त्यामुळेच कंपन्या आणि ग्राहक यांच्यात दुरावा निर्माण झाला आहे. वस्तूस्थितीमध्ये कर्ज परतफेडीवर कोणत्याही प्रकारची सूट देण्यात आलेली नाही. कर्जमाफीही होणार नाही. त्यामुळे ग्राहकांनी शक्य तितक्या लवकर कर्जाची परतफेड करावी. सध्या नोटांचा तुटवडा असल्याची जाणीव कंपन्यांनाही आहे. त्यामुळे जबरदस्तीने वसुली किंवा दंड आकारण्याचा प्रश्नच येत नाही. उलट कंपन्यांचे प्रतिनिधी ग्राहकांचे प्रबोधन करून समजावून सांगत आहेत. कोणा एखाद्यांकडून वसुलीसाठी दबाव आणला जात असेल तर त्यांनी थेट कंपनीच्या वरिष्ठांशी संपर्क साधला पाहिजे. सांगली जिल्ह्यात ४४ मायक्रो फायनान्स कंपन्यांच्या माध्यमातून १ लाख २६ हजार ग्राहकांना सुमारे २२४ कोटी रुपयांचे कर्ज वाटप करण्यात आलेले आहे.’ मायक्रो फायनान्स कंपन्यांची व्याज आकारणी

शंभर कोटींपेक्षा अधिक कर्ज घेणाऱ्या कंपन्यांना बँकेकडून १० टक्के व्याजाने कर्ज उपलब्ध होते. तर अन्य कंपन्यांना १२ ते १४ टक्क्यांनी कर्ज घ्यावे लागते. हे कर्ज देताना कंपन्या पुढे २४ टक्के व्याज आकारुन कर्ज देतात. यामध्ये कर्ज देण्यापासून ते वसुलीपर्यंत ग्राहकांच्या दारापर्यंतचे काम कंपन्यांना करावे लागते. ज्यांचे बँकेत खाते नाही, अशांना कर्जपुरवठा करुन वसुलीची जोखीम कंपनीची असते. या करिता ८ टक्के खर्च होतो. उर्वरित कंपनीचे कमिशन असते. पूर्वी व्याजाचा दर २७ टक्क्यापर्यंत जात होता. तो आता कमी कमी होत सरासरी २४ टक्यांपर्यत आला आहे.

मोबाइल अॅप डाउनलोड करा आणि राहा अपडेट

इएसआय हॉस्पिटल केंद्र सरकार चालवणार

December 23, 2016, 12:30 pm

≫ Next: शिवाजी चौकासाठी एक कोटी

≪ Previous: आरबीआयच्या नियमांनुसारच कर्ज वाटपमायक्रो फायनान्स कंपन्यांचा दावा

$

0

0

म. टा. प्रतिनिधी, कोल्हापूर

राज्य सरकारच्या अनास्थेमुळे गेली २० वर्षांहून अधिक काळ बंद असलेले इएसआय (कामगार राज्य विमा महामंडळ) हॉस्पिटल १ मेपासून केंद्र सरकार चालविणार आहे. केंद्रीय श्रम आणि रोजगार मंत्रालयाच्या कामगार राज्य विमा महामंडळ समितीचे सदस्य खासदार चंद्रकांत खैरे यांनी ही घोषणा केली. तत्पूर्वी खैरे यांनी अधिकारी व कर्मचाऱ्यांसमवेत दोन तास हॉस्पिटलची पाहणी केली.

कोट्यवधींची गुंतवणूक असलेल्या या रुग्णालयाचा लाभ गरजूंना होत नसल्यामुळे हॉस्पिटल पूर्ण क्षमतेने सुरु व्हावे, यासाठी खासदार धनंजय महाडिक यांनी संसदेत पाठपुरावा केला होता. जिल्ह्यातील सुमारे ५२ हजार कर्मचारी सदस्य आणि आणि त्यांच्या कुटुंबीयांना या हॉस्पिटलचा लाभ होणार आहे.

सर्किट हाउसजवळ १५ एकर जागेत इएसआय हॉस्पिटलचा परिसर आहे. १९९७ मध्ये तब्बल १० कोटी रूपये खर्च करून, नऊ एकर जागेवर शंभर बेडचे हॉस्पिटल बांधण्यात आले. मात्र ते आजतागायत ते बंदच होते. त्यामुळे मोठ्या उपचारासाठी कर्मचाऱ्यांना बाहेर जावे लागत होते.

यासंबंधी खासदार य महाडिक यांनी, २७ जुलैमध्ये संसदेत प्रश्न उपस्थित करून हे हॉस्पिटल तातडीने सुरू करण्याची मागणी केली होती.

हॉस्पिटलच्या लाभासाठी कर्मचाऱ्यांकडून दरवर्षी सुमारे ३ कोटींचा निधी कपात केला जातो. त्यामुळे हे हॉस्पिटल केंद्र सरकारने सुरु करण्याची मागणी केली. या पार्श्वभूमीवर शुक्रवारी खासदार खैरे यांनी भेट देऊन हॉस्पिटलची पाहणी केली.

यावेळी खैरे म्हणाले, ‘कोल्हापूरसह राज्यात चार ठिकाणी इएसआय हॉस्पिटल्स आहेत. ती चालवण्यासाठी केंद्र सरकार राज्याला भरीव निधीही देते. मात्र या निधीचा वापर राज्य सरकारकडून होत नसल्यामुळे हॉस्पिटलची दुरवस्था झाली आहे. यापुढे केंद्र सरकारच्या इएसआय कॉर्पोरेशनच्यावतीने कोल्हापुरातील हे हॉस्पिटल चालवण्यास घेईल. १ मे पासून ते पूर्ण क्षमतेने सुरु होईल.’

इएसआय हॉस्पिटलशी संबंधित ज्या खासगी रुग्णालयांचे करार संपले आहेत त्या करारांचे पुनरुज्जीवन करण्यात येईल, असेही खासदार खैरे यांनी स्पष्ट केले.

यावेळी समीर शेठ, दीपक साठे, दिलीप पाटील, संदीप कुमार, सुरेश पाटील, के. डी. थोरात, ए. जी. जोशी, पी. बी. हरळीकर, शेखर सुतार, सर्जेराव यादव, राजाराम पाटील उपस्थित होते.

मोबाइल अॅप डाउनलोड करा आणि राहा अपडेट

शिवाजी चौकासाठी एक कोटी

December 23, 2016, 12:30 pm

≫ Next: इतिहासावर होणार मंथन

≪ Previous: इएसआय हॉस्पिटल केंद्र सरकार चालवणार

$

0

0

कोल्हापूर : शहराच्या मध्यवस्तीत असलेल्या ऐतिहासिक छत्रपती शिवाजी महाराज चौकाचे सुशोभिकरण करण्यात येणार असून एक कोटी रुपयांच्या या निधीच्या कामाची सुरुवात १५ दिवसांत होणार आहे. या कामाबाबतचे नियोजन करण्यासाठी महापौर हसीना फरास यांच्या अध्यक्षतेखाली समिती नेमण्यात आली आहे. समितीच्या बैठकीत सुशो‌‌भिकरणाचे निर्णय तसेच अडचणींवर मार्ग काढण्यात येणार आहे, अशी माहिती आमदार राजेश क्षीरसागर यांनी दिली. सुशोभीकरणात प्रत्यक्ष पुतळ्यामध्ये काहीही बदल करण्यात येणार नाहीत. मात्र मशालीच्या आकाराचा चबुतरा बनवण्यात येऊन त्याची उंची दोन फुटाने वाढवण्यात येणार असल्याचे आर्किटेक्ट सूरज जाधव यांनी सां​गितले.

याबाबत आमदार क्षीरसागर म्हणाले, ‘हा चौक स्वातंत्र्यलढा आणि अनेक ऐतिहासिक घटनांचा साक्षीदार आहे. या पुतळ्याची जबाबदारी येथील छत्रपती शहाजी तरुण मंडळाकडे आहे. गेल्या काही वर्षांपासून परिसरात वाहनांची वर्दळ वाढली आहे. या पुतळ्याभोवती असलेले लोखंडी कठडे तुटलेले आहेत. याबाबत मंडळाने मागणी केल्यानंतर परिसर सुशोभिकरणाचे प्रयत्न सुरू केले. महापालिकेकडून या कामाचे ना हरकत प्रमाणपत्र मिळाले असून सुशोभिकरणासाठी उद्योगमंत्री सुभाष देसाई आणि खासदार अनिल देसाई यांच्या फंडातून ५० लाखांचा निधी मिळाला आहे. उर्वरित ५० लाखांचा निधी आमदार फंडातून मंजूर केला आहे.’

ते म्हणाले, ‘या कामाचा आराखडा तयार करण्यात आला आहे. चौकातील वाहनांची वर्दळ पाहता त्यानुसार आराखडा बनवण्यात येणार आहे. पुतळ्याभोवती परिसरातील ऐतिहासिक घटनांची माहिती असेल. यावरील शिल्पांची माहिती मराठी आणि इंग्रजीतून देण्यात येणार आहे. महापौरांच्या अध्यक्षतेखाली समिती स्थापन करण्यात आली असून सुशोभीकरणाबाबतचे, पुतळ्याची जागा बदलण्याबाबतचे तसेच याव्यतिरिक्त येणाऱ्या अडचणींवर मार्ग काढेल. १५ दिवसांत कामाला सुरुवात केली जाणार आहे. ६ जूनपर्यंत काम पूर्ण करण्याचे प्रयत्न केले जाणार आहेत. शिवराज्याभिषेक दिनानिमित्त मोठा कार्यक्रम घेऊन पुतळा सुशोभिकरणाच्या कामाचे लोकार्पण करण्याचा करण्याचे नियोजन आहे. छत्रपती शिवाजी महाराज चौक असे नामकरण करण्यात येणार आहे.’

याबाबत आर्किटेक्ट सूरज जाधव म्हणाले, ‘पुतळ्याचा चबुतरा मशालीच्या आकाराचा असेल. ज्या भिंतीवर ऐतिहासिक घटना व शिल्पांची माहिती देण्यात येणार आहे, ती भिंत धातूचा वापर करुन बांधण्यात येणार आहे. चबुतऱ्याच्या पायथ्याला शिवमुद्रा बसवण्यात येणार आहे. तसेच ज्या मावळ्यांनी शिवाजी महाराजांना कायम साथ दिली त्या मावळ्याची प्रति​कृती उभारण्यात येणार आहे.’

याप्रसंगी महापौर फरास, उपमहापौर अर्जुन माने, माजी महापौर आर. के. पोवार, राष्ट्रवादीचे शहर अध्यक्ष राजेश लाटकर, नगरसेविका उमा बनछोडे, बजरंग दलाचे बंडा साळुंखे, अर्जुन नलवडे यांनी मनोगत व्यक्त केली. याप्रसंगी वसंतराव मुळीक, चंद्रकांत बराले, रवीकिरण इंगवले, नगरसेविका निलोफर आजरेकर, ईश्वर परमार, ​नियाज खान, मधुकर नाझरे, बाबा पार्टे आदी उपस्थित होते.

जागा व मावळ्याबाबत निर्णय

पुतळ्याच्या जागेबाबत माजी महापौर आर. के. पोवार यांनी प्रश्न उपस्थित केला. वाहतुकीच्यादृष्टीने जागा बदलायची की तिथेच ठेवायची याबाबत चर्चा झाली. तसेच तिथे उभा करण्यात येणाऱ्या मावळ्याच्या संकल्पनेवरुन जयदीप शेळके यांनी शंका मांडली. तो मावळा कोणत्या नावाने बसवण्यात येणार आहे की सामान्य मावळा असेल? तो दादोजी कोंडदेव यांच्यासारखा दिसत असल्याचे मत मांडले. त्यावरुन कार्यकर्त्यांनी विचारणा केल्यावर थोडा वाद झाला. पण याबाबत तसेच जागेबाबत समिती निर्णय घेईल, असे आमदार क्षीरसागर यांनी सांगितले.

मोबाइल अॅप डाउनलोड करा आणि राहा अपडेट

इतिहासावर होणार मंथन

December 24, 2016, 9:30 am

≫ Next: लसूण, तेलाची फोडणी

≪ Previous: शिवाजी चौकासाठी एक कोटी

$

0

0

म. टा. प्रतिनिधी, कोल्हापूर

ज्येष्ठ इतिहास संशोधक डॉ. जयसिंगराव पवार यांचा अमृतमहोत्सव गौरव समारंभ जानेवारीच्या शेवटच्या आठवड्यात होणार आहे. त्यानिमित्त ३० डिसेंबरपासून विविध कार्यक्रमांतून त्यांच्या साहित्याबरोबरच इतिहासावरीही विचारमंथन होणार आहे. राष्ट्रवादीचे ज्येष्ठ नेते खासदार शरद पवार मुख्य कार्यक्रमासाठी उपस्थित राहातील, अशी माहिती गौरव समितीचे संचालक सुरेश शिपूरकर, डॉ. डी. आर. मोरे, पंडित कंदले, डॉ. मेघा पानसरे यांनी शुक्रवारी पत्रकार परिषदेत दिली.

शिपूरकर म्हणाले, ‘महाराष्ट्रातील इतिहास लेखनाच्या परंपरेतील एक साक्षेपी इतिहास संशोधक म्हणून डॉ. जयसिंगराव पवार यांनी ओळख आहे. त्यांच्या अमृत महोत्सवप्रसंगी ३० रोजी शिवाजी पेठेतील न्यू कॉलेज कॉन्फरन्स हॉलमध्ये ‘ओळख ऐतिहासिक साधनांची’ नावाने महाविद्यालयीन व विद्यापीठीय विद्यार्थ्यांसाठी कार्यशाळा होईल.

कार्यशाळेत ‘ऐतिहासिक कागदपत्रांची ओळख’ यावर गणेश खोडके (कोल्हापूर), ‘नाणीः एक इतिहासाचे बोलके साधन’ यावर राजू ढवळे (कोल्हापूर), ‘शस्त्रास्त्रांचे शास्त्र’ यावर गिरीश जाधव (जयसिंगपूर), ‘मराठ्यांचे आरमार : एक अभ्यास’ यावर अनिकेत यादव (पुणे), ‘ओळख महाराष्ट्रातील गडकोटांची’ यावर भगवान चिले (कोल्हापूर) मार्गदर्शन करणार आहेत.

१५ जानेवारी २०१७ रोजी सकाळी साडे नऊ ते साडे चार यावेळेत शाहू स्मारक हॉलमध्ये ‘ भारतीय इतिहासातील स्त्री अवकाशाचा शोध’ यावर एक दिवसीय राष्ट्रीय परिसंवादाचे आयोजन केले आहे. त्यामध्ये ज्येष्ठ विचारवंत डॉ. पुष्पा भावे (मुंबई) यांचे बीजभाषण होईल. ‘मनूस्मृती आणि वर्तमानातील स्त्रीजीवन’ यावर राज्यशास्त्राचे अभ्यासक डॉ. चैत्रा रेडकर (मुंबई), ‘अब्राह्यणी स्त्री इतिहास’ यावर स्त्रीवादी कार्यकर्त्या प्रा. प्रतिमा परदेशी (पुणे), ‘भारतीय इतिहासातील मुस्लीम स्त्री’ यावर विचारवंत डॉ. फक्रुद्दीन बेन्नूर (पुणे), ‘भारतीय इतिहासातील भटक्या व आदिवासी स्त्रीचा अवकाश’ यावर डॉ. नारायण भोसले (मुंबई), भारतीय स्त्री व हिंसाचाराचा इतिहास यावर डॉ. देवेंद्र इंगळे यांचे मार्गदर्शन होईल. गिरीष जाधव यांचे शस्त्रास्त्र प्रदर्शन होईल. गौरव समितीचे अध्यक्ष डॉ. एन. डी. पाटील तर कार्यवाह प्राचार्य डॉ. टी. एस. पाटील, सहकार्यवाह पंडित कंदले, निहाल शिपूरकर आहेत. समितीमध्ये श्रीमंत शाहू छत्रपती महाराज, प्रा. डॉ. आ. ह. साळुंखे आदींचा सामावेश आहे.


अधिवेशनात डॉ. पवार यांच्या साहित्यावर चर्चा

शिवाजी विद्यापीठ इतिहास परिषदेचे २२ वे अधिवेशन २५, २६ फेब्रुवारी २०१७ रोजी रुकडी येथे होणार आहे. त्यात ‘डॉ. जयसिंगराव पवार यांचे इतिहास लेखनातील योगदान’ या विषयावर विशेष सत्र होणार आहे. त्यामध्ये डॉ. पवार यांच्या संशोधनावर विविध अभ्यासक व ‌विद्यार्थी आपले शोध निबंध सादर करतील.

मोबाइल अॅप डाउनलोड करा आणि राहा अपडेट

लसूण, तेलाची फोडणी

December 24, 2016, 1:30 pm

≫ Next: ‘महिलांची सक्षम फळी तयार करू’

≪ Previous: इतिहासावर होणार मंथन

$

0

0

म. टा. प्रतिनिधी, कोल्हापूर

गेल्या आठवड्यापासून भाजीपाल्याचे घसरलेले दर जैसे थे राहिले आहेत. तूरडाळीच्या दरात मात्र आणखी दहा रुपयांची घट झाली आहे. गव्हाचे दरही एक ते दोन रुपयांनी कमी झाले आहेत. तर हिरवा वाटाण्याच्या शेंगा तसेच बोरांची मोठी आवक झाली आहे. शाबू व तेलाचे दर मात्र चढेच राहिले आहेत. लसणेच्या दरात मोठी वाढ झाली आहे.

गेल्या महिनाभरापासून भाजीपाल्याची आवक सुरू आहे. बाजारात भाज्यांना मागणी नसल्याने घसरलेले दर जैसे थे राहिले आहेत. पालेभाजी तसेच टोमॅटोचे दर फारच कमी झाले आहेत. त्यामुळे विक्रेते टोमॅटोचा किलोचा दर सांगण्याऐवजी दीड किलो, सव्वा किलो असा सांगत आहेत. हिरवा वाटाण्याच्या शेंगा, गाजर, बोरांचा हंगाम जोरात आहे. गाजर ३० रुपये, वाटाणा ४० रुपये किलो, बोरे ३० ​रुपये असा गेल्या आठवड्यातील दर कायम आहे. गावठी बोरांचा दर ६० रुपये किला आहे. पण त्याची आवक फार होत नाही. लसूणच्या दरात मात्र वाढ झाली आहे. ८० ते १०० रुपयापर्यंत असणारी लसूण या आठवड्यात १४०रुपयापर्यंत पोहचली. जुना माल असल्याने दर वाढले आहेत. येथून पुढे मसाला करण्याचे प्रमाण वाढत असल्याने लसूण दरात वाढ होण्याची शक्यता विक्रेत्यांकडून व्यक्त केली जात आहे.

किराणा बाजारातील दरही जैसे थे आहेत. तूरडाळीसारख्या डाळीच्या दरात घसरण सुरुच आहे. एक किलोचा दर या आठवड्यात ११० रुपयांवर खाली आला आहे. दोन व तीन नंबरच्या डाळीचा दर तर ९० रुपयापर्यंत आहे. नवीन डाळ बाजारात येत असल्याने दर उतरत असल्याचे सांगितले जात आहे. हरभरा डाळीचा दर मात्र अजूनही जैसे थे आहे. अन्य डाळींचे दर जैसे थे आहेत. गहू व ज्वारीचे दर दोन आठवड्यापूर्वी वाढले होते. या आठवड्यात गव्हाच्या दरात एक ते दोन रुपयांनी घसरण झाली आहे. सरकीच्या तेलाच्या दरात गेल्या आठवड्यात वाढ झाली असून अजूनही तसेच दर आहेत.

भाज्यांचे दर (किलो)

वांगी : २० रु.

टोमॅटो : ५ रु.

भेंडी : ३० रु.

दुधी : २० रु.

कारली :३० रु.

ढबू मिरची : २० रु.

गाजर : ३५ रु.

हिरवा वाटाणा : ४० रु

कोबी : १० रु. प्रतिनग

फ्लॉवर : १० रु. प्रतिनग

गवारी : ७० रु.

दोडका : ४० रु

काकडी : ४० रु.

बीन्स : ४० रु.

मेथी : ५ रु. पेंडी

पालक : ५ रु पेंडी

पोकळा : ५ रु. पेंडी

चाकवत : ५ रु. पेंडी

शेपू : ५ रु. पेंडी

कोथिंबीर : १० रु. पेंडी

ओली मिरची : २५ रु. किलो

कांदा : १२ रु.

बटाटा : २० रु.

लसूण : १४० रु.

आले : ४० रु.

शेवगा शेंग : १० रु. (३ नग)

तोंदली : ४० रु.

लिंबू : १० रु. (४ नग)

....

खाद्यतेल

सरकी : ८२ रु.

सूर्यफूल : ९० रु.

शेंगतेल : १४० रु.

....

फळांचे दर (किलो)

संत्री : ५० रु.

मोसंबी : ५० रु.

डाळिंब : ४० रु.

सफरचंद : ६० रु.

विदेशी सफरचंद : १२० रु.

केळी : ३५ रु. (डझन)

द्राक्षे : ३०० रु

बोर : ३० रु.

....

डाळींचे दर (किलो)

तूरडाळ : ११० रु.

मूगडाळ : ९० रु.

उडीद डाळ : १४० रु.

हरभरा डाळ : १४० रु.

मूग : ८० रु.

मसूर डाळ : ८० रु.

...

किराणा दर (किलो)

पोहे : ४० रु.

साखर : ३८ रु.

शेंगदाणा : ८५ ते ९० रु.

मैदा : २८ रु.

रवा : ३० रु.

शाबू : ६२ रु.

आटा : २८ रु.

ज्वारी : २६ ते ३५ रु

मोबाइल अॅप डाउनलोड करा आणि राहा अपडेट

‘महिलांची सक्षम फळी तयार करू’

December 24, 2016, 1:30 pm

≫ Next: ‘स्वरानंदवना’त रसिक तल्लीन

≪ Previous: लसूण, तेलाची फोडणी

$

0

0

म. टा. वृत्तसेवा, कागल

‘कागल तालुक्यातील गावागावात महिलांची संघटनात्मक सक्षम फळी निर्माण करणार आहे. दिवंगत विक्रमसिंह घाटगे यांचे स्वप्न सत्यात उतरवण्यासाठी आणि त्यांच्या विचारांना बळकटी आणण्यासाठी तसेच महिलांनी आपल्या आत्मसन्मानासाठी नि:संकोचपणे आम्हाला साथ द्या,’ असे भावनिक आवाहन श्रीमंत सुहासिनीदेवी घाटगे यांनी केले.

कागल येथे महिला मेळाव्यात त्या बोलत होत्या. अध्यक्षस्थानी शाहू दूध संघाच्या कार्यकारी संचालक नवोदिता घाटगे होत्या. मनात दुर्दम्य इमछाशक्ती असेल तर महिलांना काहीच अशक्य नाही, असे स्पष्ट करून त्या म्हणाल्या, कोणत्याही कामात यशस्वी व्हायचे असेल तर त्या कामातील तत्वनिष्ठता आणि शास्वत महत्त्वाचा ठरतो. जो दिवंगत राजेंनी आम्हाला शिकवला आहे. तोच विचार पुढे घेऊन जाताना पुरुषांबरोबर महिलांचे सहकार्य येणाया प्रत्येक निवडणुकीत समरजितसिंहना मिळणे आवश्यक आहे. तरच महिलांना सन्मान आणि राजकारणातील अनेक संधीही मिळतील. १९७७ मध्ये दिवंगत राजे आणि तुम्हा आम्हा सर्वांचा त्यांच्याबरोबर नेता आणि कार्यकर्ता असा संबंध शाहू सहकारी साखर कारखान्याच्या उभारणीमया निमीत्ताने निर्माण झाला. कागलच्या सर्वसामान्य जनतेचे पिढ्यानपिढ्यांचे कोटकल्याण त्यामुळे झाले.

नवोदिता घाटगे म्हणाल्या,‘आम्ही राजकारणापेक्षा समाजकारणाला प्राधान्य देतो. म्हणूनच शेतकऱ्यांच्या सर्वागीण विकासासाठी राजेंनी शाहू कारखाना आणि शाहू ग्रुपची स्थापना केली. डॉल्बीमुक्ती आणि राम मंदिराच्या निमित्ताने आपलाही गट एकजुटीने शास्वत दिशादर्शक म्हणून पुढे जाऊ शकतो हे आम्ही कृतीतून दाखवले आहे.’

यावेळी रुपाली शिंदे, अंजना कांबळे, स्नेहल कदम,पूनम पोवार,मनीषा हजारे, सुजाता पाटील, वनिता वैराट एकोंडी इमार्केट कमिटी सदस्या आशालता पाटील यांनी आपल्या मनोगतात महिलांना संधी मिळाव्यात तसेच सर्वच महिलांसाठी काय करता येईल याबद्दल आपले विचार मांडले.

मोबाइल अॅप डाउनलोड करा आणि राहा अपडेट

‘स्वरानंदवना’त रसिक तल्लीन

December 25, 2016, 1:30 pm

≫ Next: ख्रिसमसच्या शुभेच्छांचा वर्षाव

≪ Previous: ‘महिलांची सक्षम फळी तयार करू’

$

0

0

म. टा. प्रतिनिधी, कोल्हापूर

अपंग असूनदेखील व्हीलचेअरद्वारे केलेले चित्तथरारक नृत्य, गतिमंद गायकाचा सुमधूर आवाज, मंददृष्टीकडे पाठ करून गिटार ढोलकीसह वाजविलेली वाद्ये आणि मराठी, हिंदी चित्रपटातील गीते ,भावगीत सुमारे शंभराहून कलाकरांनी सादर केला. अंध, अपंग, कर्णबधीर, मूकबधीर, आदिवासी, विकलांग कलावतींना बहारदार कला सादर करून प्रेक्षकांना मंत्रमुग्ध केले. युवा फाऊंडेशनच्या वतीने आनंदवन निर्मित स्वरानंदवन संगीत रजनीचा कार्यक्रम केशवराव भोसले नाट्यगृहात झाला. गीतांतून राष्ट्रीय एकात्मता, सामाजिक प्रबोधनही करण्यात आले.

आनंदवनातील ११० अपंग, मुकबधीर, कुष्ठरोगी, अनाथ कलावंतांनी गायन, वादन व नृत्य कलेच्या सादरीकारणाद्वारे उपस्थितांची मने जिंकली. कार्यक्रमाची सुरुवात मुक्तांगणात ‘यारे, आनंद सागरात या यारे’ हे ग.दी. माडगूळकर लिखित गाणे अंध युवतींनी सादर केले. आनंदवनातील कुष्ठरोगी दाम्पत्यांच्या मुलींनी गणेशवंदना नृत्य सादर केले. दृष्टीहीन आणि गतीमंद कलाकारांनी ‘दिल चीज क्या हैं’, ‘ही वाट दूर जाते..’ गीते सादर केली. प्रत्येक सादरीकरणाराला रसिकांनी टाळ्यांचा कडकडाट करीत दाद दिली. आनंदवन कर्णबधीर विद्यालयातील विद्यार्थ्यांनी नृत्य सादर केले. ‘डोला रे डोला...’ गीतावरील व्हीलचेअरवरील तरुणींनी सादर केलेल्या नृत्य पाहताना उपस्थितांचे भान हरपले होते. काही कलाकारांनी प्राणी, पक्षी तसेच सिनेकलावंतांचे हुबेहूब आवाज काढले. कार्यक्रमात व्हीलचेअरवर असलेले आनंदवन येथील सुधीर कदम यांनी आपल्या बहारदार सूत्रसंचालनतून कार्यक्रमात रंग भरला.

आनंदवनचे डॉ. विकास आमटे यांच्या हस्ते मान्यवरांचा मानपत्र देऊन सत्कार करण्यात आला. जाधव इंडस्ट्रीजचे चंद्रकांत जाधव, अॅस्टर आधारचे आर. आर. देशपांडे, संजीवन नॉलेज सिटीचे पी. आर. भोसले, नेचर अॅण्ड नीड संस्थेचे आप्पासाहेब जाधव, बँक ऑफ महाराष्ट्रचे उत्कर्ष कांबळे, सुबोध गद्रे यांचा सत्कार झाला. युवा फाऊंडेशनचे अध्यक्ष परशुराम कदम यांनी फाऊंडेशच्या कार्याची माहिती सांगितली.

मोबाइल अॅप डाउनलोड करा आणि राहा अपडेट

---

ख्रिसमसच्या शुभेच्छांचा वर्षाव

December 25, 2016, 1:30 pm

≫ Next: खणीभोवती क्रॅश बॅरिअर

≪ Previous: ‘स्वरानंदवना’त रसिक तल्लीन

$

0

0

म. टा. प्रतिनिधी, कोल्हापूर

शहर आणि जिल्ह्यातील चर्चमध्ये धार्मिक आणि सामाजिक उपक्रमांनी ख्रिसमस नाताळ साजरा करण्यात आला. शहरातील प्रमुख चर्चमध्ये एकात्मतेसाठी विशेष प्रार्थना झाली. आनंदी आणि उत्साही वातावरणात ख्रिश्चन बांधवांनी एकमेकाला शुभेच्छा दिल्या.

गेले १५ दिवस चर्चमध्ये नाताळची तयारी सुरू होती. बाजारपेठही सज्ज झाली होती. न्यू शाहुपुरीतील वायल्डर मेमोरियल, ख्राइस्ट, ब्रम्हपुरी, ऑल सेंटस, होली क्रॉस, विक्रमनगर, सेव्हंथ थे या चर्चना केलेल्या विद्युत रोषणाईने लक्ष वेधून घेतले. येथे खास प्रार्थना झाली. धर्मगुरूंनी प्रवचन दिले. देशाची एकता, अखंडता कायम राहावी, असे आवाहन करण्यात आले.

भगवान प्रभू यशू ख्रिस्तांचा जन्मसोहळा दाखविणारे देखावे अनेक ठिकाणी केले होते. कॅरोल सिगिंगचे ग्रुपने प्रत्येक ख्रिस्ती कुटुंबांत जाऊन नाताळची गाणी गायिली. चार दिवसांपासून हा कार्यक्रम सुरू होता. प्रत्येक ख्रिस्ती घरांमध्ये आकर्षक सजावट, रंगरंगोटी केल्याचे दिसले. ख्रिसमस ट्री लक्ष वेधून घेत होता. नाताळचा केक, डोनेटसह अन्य गोड पदार्थ, फराळ शेजारी,‌मित्रमंडळी यांना वाटण्यात आले. अन्य धर्मियही ख्रिश्चन मित्रांना भेटून, फोन, मोबाइलवरून, मॅसेज करून शुभेच्छा दिल्या.

वायल्डर मेमोरियल चर्चतर्फे अंधशाळा व आयसोलेशन येथे फळे वाटप करण्यात आली. गरीब महिलांना साडी वितरण झाले. जगन्नाथ हिरवे यांनी संदेश दिला. डी. बी. समुद्रे यांची प्रमुख उपस्थिती होती. विक्रमनगर चर्चमध्ये आर. आर. मोहिते, संजय धनवडे यांनी प्रार्थना केली.

फटाक्यांची आतषबाजी

शनिवारी रात्री बारा वाजता फटक्यांची आतषबाजी करून नाताळचे स्वागत करण्यात आले. रविवारी दिवसभर सर्वच चर्चमध्ये उत्साही वातावरण होते. अनेक ख्रिस्ती बांधव कुटुंबांसह येथे येऊन एकमेकांना शुभेच्छा दिल्या. वायल्डर चर्चसमोर अनेक खेळण्यांची दुकानेही उभारण्यात आली होती. लहान मुलांचे झोपाळे होते. या परिसराला यात्रेचे स्वरूप आले होते.

खिस्त जन्मोत्सव

वायल्डर ममोरियल चर्चतर्फे ख्रिस्त जन्मोत्सवानिमित्त ४ डिसेंबरपासून विविध कार्यक्रम राबवले जात आहेत. २६ जानेवारी २०१७ पर्यंत कार्यक्रम होतील. खाऊ, फळे वाटप, इंग्रजी व मराठी उपासना, बायबल क्विझ, निबंध स्पर्धा, स्नेहभोजन, संडेस्कूल विविध वस्तू वाटप, फळे वाटप असे उप‌क्रम घेतले जात आहे.

मोबाइल अॅप डाउनलोड करा आणि राहा अपडेट

खणीभोवती क्रॅश बॅरिअर

December 25, 2016, 1:30 pm

≫ Next: रंकाळ्यासाठी झटले हजारो हात

≪ Previous: ख्रिसमसच्या शुभेच्छांचा वर्षाव

$

0

0

म. टा. प्रतिनिधी, कोल्हापूर

रस्त्यालगत असलेल्या खणीमध्ये कार कोसळून बाप-लेकीला जीव गमवावा लागण्याच्या दुर्घटनेनंतर महापालिकेने रविवारी पाहणी केली व सुरक्षेचे उपाय म्हणून तातडीने क्रॅश बॅरिअर लावण्याचा निर्णय घेण्यात आला आहे. महापालिकेच्या शहर अभियंत्यांनी या रस्त्यालगतच्या धोकादायक खणींची पाहणी केल्यानंतर ही उपाययोजना करण्याचा निर्णय घेण्यात आला.

शनिवारी चारच्या सुमारास आष्टा (ता. वाळवा, जि. सांगली) येथील राहुल जाधव हे त्यांच्या तीन वर्षीय शर्वरीला सोबत घेऊन कारमधून बालिंग्याकडे जात होते. क्रशर चौकात त्यांचे कारवरील नियंत्रण सुटल्यानंतर कार थेट खणीत कोसळली. अपघातानंतर महापालिका, अग्निशमन दल, व्हाईट आर्मीसह पोलिसांनी साडेचार तास अथक प्रयत्न करून कारचालक राहुल जाधव आणि शर्वरीचे मृतदेह बाहेर काढले. वडिलांसोबत कारमधून जाताना काळाने घाला घातलेल्या चिमुरडीला अवघ्या तीन वर्षांचे आयुष्य मिळाले. स्वतःचा कोणताही दोष नसताना तिच्या आयुष्याची दोरी तुटली. मदत पथकांनी शर्वरीचा मृतदेह खोल खणीतून बाहेर काढून उत्तरीय तापसणीसाठी सीपीआर रुग्णालयात हलवला. यावेळी तिचा निपचित पडलेला मृतदेह पाहून उपस्थितांनाही हुंदका आवरता आला नाही. तिला खणीतून बाहेर काढणारे कार्यकर्तेही हेलावले होते. हा क्षण अनेकांच्या मनाला चटका लावून गेला.

रस्त्यावर वर्दळ नसतानाही अपघात कसा झाला? कारमध्ये ऐनवेळी तांत्रिक बिघाड झाला होता काय? महापालिकेने धोकादायक खणींभोवती सुरक्षा भिंत का उभारली नाही? अशा अनेक प्रश्नांची उलटसुलट चर्चा रविवारी दिवसभर सुरू होती. काही नागरिकांनीही घटनास्थळी धाव घेऊन अपघाताची माहिती जाणून घेण्याचा प्रयत्न केला. जुना राजवाडा पोलिसांनीही अपघातातील कारची पाहणी केली असून, अपघाताच्या कारणांचा शोध घेण्याचा प्रयत्न केला. आकस्मित अपघात आणि निधन अशीच नोंद पोलिस ठाण्यात झाली आहे. महापालिकेतील शहर अभियंता नेत्रदीप सरनोबत यांनी रविवारी सकाळी रंकाळा परिसरातील पाचही खणींची पाहणी केली. यानंतर आयुक्त पी. शिवशंकर यांच्याशी केलेल्या चर्चेत धोकादायक खणींच्या भोवती क्रॅश बॅरिअर लावण्याचा निर्णय घेण्यात आला आहे. तातडीने हे काम केले जाणार आहे.

तारेचे कुंपण गायब

जिथे अपघात झाला त्या ठिकाणी तारेचे कुंपण होते, असा दावा महापालिकेच्या अधिकाऱ्यांनी केला होता. प्रत्यक्षात मात्र त्या ठिकाणी कोणताच अडसर नव्हता. क्रशर चौक ते शालिनी पॅलेस या मार्गावरील वाहतुकीची वर्दळ वाढली आहे. रस्त्यापासून काही फुटांवरच खणी आहेत, त्यामुळे रस्ता रुंदीकरण करतानाच हा परिसर सुरक्षित ठेवण्यासाठी उपाययोजना करणे गरजेचे होते. अपघातानंतर महापालिकेने आता तातडीने क्रॅश बॅरिअर उभे करावेत, अशी अपेक्षा नागरिकांकडून केली जात आहे.

मोबाइल अॅप डाउनलोड करा आणि राहा अपडेट

रंकाळ्यासाठी झटले हजारो हात

December 25, 2016, 1:30 pm

≫ Next: स्मारक हे भाजपचे नाटक

≪ Previous: खणीभोवती क्रॅश बॅरिअर

$

0

0

म. टा. प्रतिनिधी, कोल्हापूर

अंगावर काटा आणणारी बोचरी थंडी, धुक्याची दुलई पसरलेला रंकाळा, थंडीतही मॉर्निग वॉकसाठी येणारे नागरिक आणि आत्मीयतेने रंकाळा संवर्धनासाठी झटणारे हात अशा अल्हाददायी वातावरणामध्ये रंकाळा दिवस साजरा केला. रंकाळा संवर्धन व संरक्षण समितीच्यावतीने हा अनोखा उपक्रम गेल्या चार वर्षांपासून साजरा केला जात आहे. रंकाळा प्रती कृतज्ञता व्यक्त करत उपस्थित नागरिकांनी रंकाळा बचावाची प्रतीज्ञा घेतली. त्यानंतर पदपथ उद्यान व रंकाळा परिसराची स्वच्छता करण्यात आली.

गेल्या काही वर्षापासून रंकाळा प्रदूषणाच्या विळख्यामध्ये अडकला आहे. रंकाळा प्रदूषणमुक्त करण्यासाठी महापालिका प्रशासनासह संस्था व वैयक्तिक पातळीवर प्रयत्न केले जात आहे. ऐतिहासिक रंकाळा तलावाला गतवैभव प्राप्त करून देण्यासाठी रंकाळा संवर्धन व संरक्षण समिती गेल्या चार वर्षापासून २५ डिसेंबर ‘रंकाळा दिवस’ साजरा केला जात आहे. रंकाळा बचाव प्रतिज्ञा आणि स्वच्छता मोहीम करत लोकांमध्ये जागृती निर्माण केली जात आहे.

उद्योजक चंद्रकांत वडगावकर म्हणाले, ‘स्वच्छ व सुंदर रंकाळा तलावासाठी प्रत्येक नागरिकांने आपले योगदान देण्याची आवश्यकता आहे. ‘माझा रंकाळा’ या भावनेतून सर्वांनी रंकाळा तलाव स्वच्छतेसाठी पुढाकार घ्यायला हवा.’

कोल्हापूरकरांचे वैभव असलेल्या रंकाळा तलावाच्या विकासासाठी प्रयत्नशील आहे. रंकाळा समितीच्या उपक्रमासाठी सदैव सहकार्य करण्याची ग्वाही काँग्रेसचे माहपालिक गटनेता शारंगधर देशमुख यांनी दिली.

‘रंकाळा हा आमचा श्वास आहे. तो स्वच्छ सुंदर रहावा हाच आमचा ध्यास आहे. रंकाळ्याचे संरक्षण व संवर्धनासाठी आम्ही कट‌िबद्ध आहोत. शहराचा पर्यावरणीय समतोल सांभाळणारा व अनेक पिढ्यांना आरोग्यदायी जीवन देणाऱ्या रंकाळा तलावास गतवैभव मिळवून देण्याच्या कामात आम्ही सदैव योगदान देऊ, अशी प्रतिज्ञा घेवून उपस्थितांनी रंकाळ्याविषयी आपल्या भावना आधोरेखित केल्या. प्रतिज्ञेचे वाचन चित्रपट दिग्दर्शक यशवंत भालकर यांनी केले. यावेळी समितीचे अॅड. अजित चव्हाण, किरण पडवळ, माजी नगरसेवक अजित राउत, प्रा. एस. पी. चौगले यांनी मनोगत व्यक्त केले.

कार्यक्रमास माजी नगरसेवक इंद्रजित बोंद्रे, प्राचार्य आय. एच. पठाण, चंद्रकांत पाटील, जयकुमार शिंदे, राजशेखर तंबाके, श्रीकांत थोरात, भरत गांधी, सुभाष हराळे, सरोज भट, शीतल येळावकर, काजल कामिरे, सरिता सासणे, सुधा सरनाईक, राजेंद्र इनामदार, सुनील जाधव, श्रीकांत कदम, अजित मोरे आदी उपस्थित होते. राजेंद्र पाटील यांनी प्रास्ताविक केले. विकास जाधव यांनी आभार मानले.

मोबाइल अॅप डाउनलोड करा आणि राहा अपडेट

स्मारक हे भाजपचे नाटक

December 25, 2016, 1:30 pm

≫ Next: विकासकामांना हवी गती

≪ Previous: रंकाळ्यासाठी झटले हजारो हात

$

0

0

म. टा. प्रतिनिधी, कोल्हापूर

भाजपने राम मंदिर, इंदू मिलनंतर आता शिवस्मारकाचा मुद्दा हातात घेतला आहे. प्रत्येकवेळी भाजपचे नाटक दाखवण्याचाच प्रकार चालवला आहे. ज्या देशांमध्ये हुकूमशाही आहे, त्यापेक्षा जास्त दहशत पंतप्रधान नरेंद्र मोदी यांनी नोटाबंदीच्या माध्यमातून चालवली आहे. त्यांना देशवासियांना अच्छे​ दिन दाखवायचे आहेत की देश संपवायचा आहे हा प्रश्न पडत आहे, अशा शब्दात काँग्रेसचे जिल्हाध्यक्ष पी. एन. पाटील यांनी भाजप व पंतप्रधान मोदी यांच्यावर टीका केली. तसेच मुंबईमध्ये पंतप्रधानांच्या कार्यक्रमावेळी काँग्रेस पदाधिकारी व कार्यकर्त्यांना झालेल्या लाठीमाराचा निषेधही पाटील यांनी व्यक्त केला.

काँग्रेस कमिटीमध्ये घेतलेल्या पत्रकार परिषदेमध्ये पंतप्रधान मोदी यांच्या कार्यपद्धतीबाबत पी. एन. पाटील यांनी जोरदार टीका केली. पाटील म्हणाले, आणीबाणीच्या काळातही विरोधी पक्षावर अन्याय झाला नव्हता इतका अन्याय पंतप्रधान मोदी करत आहेत. नोटाबंदीचा नागरिकांना त्रास जाणवत आहे. पण ते व्यक्त करू नयेत यासाठी देशभक्तीची जोड देत दहशत निर्माण करत आहेत. पंतप्रधान चुकीची विधाने करत आहेत. त्यांचे कामकाज भांबावल्यासारखे सुरू आहे. नोटाबंदीनंतर जवळपास ८० टक्के उद्योग बंद आहेत. चुकीच्या दिशेने काम सुरू आहे. काळ्या पैशांचा निर्णय जाहीर केल्यानंतर साऱ्यांनीच पाठिंबा दिला. कुणीही त्यासाठी अडथळा आणलेला नाही. मात्र काळा पैसा कुठे आहे? सामान्य माणसाच्या हालअपेष्टा वाढल्या आहेत. चुकीच्या दिशेने वाटचाल सुरू आहे. देश संपवायला निघालेत अशीच भयानक स्थिती आहे. हे सारे अपयश झाकण्यासाठी वेगवेगळे मार्ग अवलंबले जात आहेत.’

पाटील पुढे म्हणाले, पंतप्रधानांच्या हस्ते कार्यक्रम होत असेल तर यापूर्वी सर्व पक्षांना स्थान दिले जात होते. पण हा कार्यक्रम म्हणजे आम्हीच काही तरी वेगळे केले हे दाखवण्याचा केविलवाणा प्रयत्न केला आहे. मुळात माजी मुख्यमंत्री पृथ्वीराज चव्हाण यांनी शिवस्मारकासाठी परवानगी दिल्या होत्या. त्यानंतर काही परवानगी ​शिल्लक असतील. पण हे सारे काम भाजप सरकारने केले असे होत नाही. या सरकारने विरोधी पक्षांना सामावून न घेता केलेले उद्‍घाटन चुकीचे आहे. काँग्रेस पदाधिकाऱ्यांना तर घरातून ताब्यात घेतले आहे. हा प्रकार म्हणजे एकप्रकारचा दहशतवादच आहे.’

यावेळी प्रदेश ​सरचिटणीस अॅड. सुरेश कुराडे, शहर अध्यक्ष प्रल्हाद चव्हाण, महिला जिल्हाध्यक्ष सरलाताई पाटील, शहर अध्यक्ष संध्या घोटणे, विक्रम जरग आदी उपस्थित होते.

मोबाइल अॅप डाउनलोड करा आणि राहा अपडेट

विकासकामांना हवी गती

December 25, 2016, 1:30 pm

≫ Next: ‘मूड इंडिगो फेस्ट’मध्ये गाजले दळवीज्

≪ Previous: स्मारक हे भाजपचे नाटक

$

0

0

Raviraj.gaikwad@timesgroup.com

Twitter - @rg_ravirajMT

प्रतिभावंतांचे नगर म्हणून प्रतिभानगर ओळखले जाते. कोल्हापुरातील उच्चभ्रू उपगनरांमध्ये प्रतिभानगरचा उल्लेख अग्रक्रमाने करावा लागतो. पण, या उपनगरात विकासकामांना अपेक्षेप्रमाणे गती मिळालेली नाही. जगदाळे कॉलनी, दत्त गल्ली, शाहूनगर येथील गटर, शौचालयांची कामे झाली आहेत. पण, प्रतिभानगरातील रस्त्यांची अवस्था फारशी समाधानकारक नाही. मुख्या चौकातील रस्ता आणि ड्रेनेजलाइन कार्यान्वित करण्याचे काम लवकरात लवकर होण्याची गरज आहे. त्याचबरोबर कॉम्रेड गोविंद पानसरे यांच्या स्मारकाच्या कामालाही गती मिळण्याची अपेक्षा आहे.

उच्चभ्रूंची वस्ती असली, तरी याच प्रभागात शाहूनगर झोपडपट्टी आणि नवशा मारुतीच्या पिछाडीस असलेल्या वस्तीचा समावेश होतो. पण, नवशा मारुतीच्या पिछाडीस अतिक्रमणांचा सुळसुळाट आहे. एखादी आगीची दुर्घटना घडली, तर अग्नीशमन दलाचे वाहन घटनास्ळी पोहचू शकणार नाही अशी परिस्थिती आहे. शाहूनगरातील वस्ती आजही अनेक नागरी सुविधांपासून वंचित आहे. त्याचबरोबर महावीरनगरात पाणी कमी दाबाने येत असल्याची तक्रार आहे. या संदर्भात कोणताही पाठपुरावा झालेला नाही.

प्रतिभानगरातील मुख्या चौकात नागरिकांशी चर्चा केली असता त्यांनी साफसफाई रोजच्या रोज होत असल्याचे सांगितले. पण, त्याचवेळी बाजूला असलेली गटर तुंबल्याचे दिसले. त्यामुळे परिसरात कामे कशी होतात. याचा अंदाज आला. उच्चभ्रू वस्ती असल्याने त्या कॉलनीत किरकोळ तक्रार करण्यासाठी फारसे कोणी पुढे येत नाही. पण, तेथील रस्त्याच्या विषयावर मात्र अनेकांनी नाराजी व्यक्त केली.

मुळात प्रभागात पालिकेची जीम नाही. त्यासाठी नगरसेवकांनी पुढाकार घेण्याची गरज आहे. तीन बत्ती चौकात एक ओपनस्पेस आहे. तेथे छोटा बगिचा, संग्रहालय किंवा जीम सुरू करणे शक्य आहे. सध्या या जागेत कोणीही येऊन कचरा टाकून जात असल्याने तेथील नागरिक सांगतात. या जागेचा चांगला वापर शक्य आहे. एकूणच नगरसेवकांनी विकासकामे केवळ सुरू केल्याचे दिसत असून, त्यांना म्हणावी तशी गती नाही. येत्या चार वर्षांत कामांचा धडाका लावून प्रभाग विकसीत करण्याला प्रचंड संधी आहे.

स्केटिंग ट्रॅकला अभय कोणाचे?

प्रतिभानगरातील वि. स. खांडेकर प्रशालेच्या पिछाडीस असलेल्या जागेत सध्या एक स्केटिंग ट्रॅक सुरू आहे. या स्केटिंग ट्रॅकवरून प्रतिभानगरातील नागरिक आणि स्केटिंग अकॅडमीमध्ये वाद सुरू आहे. या अकॅडमीविरोधात अनेक तक्रारी करूनही संबंधित अकॅडमी सुरूच आहे. अकॅडमीच्या संचालकांना दुसऱ्या प्रभागातील एका नगरसेवकाचे पाठबळ असल्याची तक्रार परिसरातील नागरिक नाव न प्रसिद्ध करण्याच्या अटीवर करतात. हा स्केटिंग ट्रॅक रद्द करून तेथे वॉकिंग ट्रॅक आणि विरंगुळा केंद्र उभारण्याची परिसरातील नागरिकांची इच्छा आहे. त्यासाठी प्रभागातील नगरसेवकांनी पुढाकार घेण्याची मागणी नागरिक करत आहेत.


वि. स. खांडेकर प्रशालेच्या मागे सुरू असलेल्या अवैध स्केटिंग ट्रॅक बंद होऊन तेथे सोसायटीच्या माध्यमातून वॉकिंग ट्रॅक होणे गरजेचे आहे. तेथे तरुणांसाठी ओपन जीम देखील सुरू करता येईल. रेड्याच्या टकरींचे सुशोभीकरण होण्याची गरज आहे. त्याचबरोबर कॉम्रेड पानसरे यांच्या स्मारकाचे काम सध्या थांबले आहे. ते वेळेत पूर्ण होण्यासाठी प्रयत्न होण्याची गरज आहे.

- प्रवीण चव्हाण, नागरिक


परिसरात घंटागाडी, सफाई कामगार रोज वेळच्या वेळी येतात. त्याविषयी काही तक्रार नाही. प्रतिभानगरात सुरुवातीपासूनच ड्रेनेज लाइनची व्यवस्था नव्हती. प्रत्येकजण घरातील शौचालयासाठी सेफ्टी टँक उभारले आहेत. त्यातून बाहेर पडणारे पाणी अनेकजण बंगल्यातील छोट्या गार्डनसाठी वापरतात. कॉलनीत ड्रेनेजलाइन टाकण्यात आली आहे. पण, ती कार्यान्वित नाही. कार्यान्वीत झाल्यास त्या मुख्य लाइनला प्रत्येक घर जोडता येईल.

- जी. एम. सप्रे, नागरिक


विद्यमान नगरसेवक उजळाईवाडीत राहतात. त्यांचे प्रभागात संपर्क कार्यालय नाही. त्यामुळे त्यांच्याशी संपर्क साधणे कठीण जात असल्याची नागरिकांची तक्रार आहे. नगरसेवकांनी पीएची नेमणूक करून कामे होत नाहीत. त्यांनी स्वतः प्रभागात फिरणे गरजेचे आहे. शाहूनगर झोपडपट्टीपासून महावीर नगरातील पाणी पुरवठ्यापर्यंत अनेक प्रश्न प्रलंबित आहेत.

- पद्मावती पाटील

गेल्या वर्षभरात उपलब्ध निधीतून शौचालये, गटर आणि काही रस्त्यांची कामे झाली आहेत. पुढील वर्षांत आणखी विकासकामे करण्याचे नियोजन आहे. यातील काही कामांचे टेंडर प्रोसेसिंग झाले आहे. ती कामे येत्या काही दिवसांत सुरू होणे अपेक्षित आहे.

- छाया पोवार, नगरसेविका

मोबाइल अॅप डाउनलोड करा आणि राहा अपडेट

‘मूड इंडिगो फेस्ट’मध्ये गाजले दळवीज्

December 25, 2016, 1:30 pm

≫ Next: काँग्रेससमोर स्थानिक आघाड्यांचा पर्याय

≪ Previous: विकासकामांना हवी गती

$

0

0

म. टा. प्रतिनिधी, कोल्हापूर

आशिया खंडातील सर्वात मोठा सांस्कृतिक कलाउत्सव म्हणून ओळखले जाणारे मुंबईतील ‘मूड इंडिगो’ फेस्टिव्हल यंदा कोल्हापुरातील दळवीज् आर्ट इन्स्टिट्यूटच्या माजी विद्यार्थ्यांनी गाजवले. मूड इंडिगो फेस्टिव्हलमध्ये दळवीज्च्या माजी विद्यार्थ्यांनी भारतातील सर्वात मोठे स्ट्रिट ३ डी पेटिंग साकारले आहे. सध्याचा सर्वांचा चर्चेचा विषय असलेल्या ‘नोटाबंदी व एटीएम’ या विषयावर हे पेंटिंग आधारित आहे.

‘मूड इंडिगो’ फेस्टिव्हलमध्ये भारतातून सुमारे पंधरा हजारांपेक्षा जास्त विद्यार्थी सहभागी होतात. युवा पिढीचे आकर्षण ठरणाऱ्या या फेस्टिव्हलमध्ये नृत्य, नाटक, डॉक्युमेंटरी, शॉर्ट फिल्म, डान्स यांसारख्या स्पर्धांचे आयोजन केले जाते. फेस्टिव्हलचा कॅम्पस चित्रमय करण्यासाठी भारतातील चित्रकारांबरोबरच भारताबाहेरील चित्रकारही बोलावले जातात. परदेशात सर्वात जास्त पहायला मिळणारे ३ डि स्ट्रिट पेटिंग यावर्षी मुंबईतील आयआयटी पवईमधील या फेस्टिव्हलमध्ये पहायला मिळाले. विशेष म्हणजे हे पेंटिंग भारतातील सर्वात मोठे ३ डी स्ट्रिट पेंटिंग ठरलयं. हे पेंटिंग रेखाटलय कोल्हापुरातील दळवीज् आर्ट इन्स्टिट्यूटच्या माजी विद्यार्थ्यांनी.

संग्राम चव्हाण, पियुष सुतार, राहुल सुतार, योगेश साटम, शिवकुमार केसरकर यांनी हे भव्य पेंटिंग साकारले आहे. पेंटिंग सुमारे १२० फूट लांबीचे आणि ३६ फूट रुंदीचे आहे. यासाठी त्यांनी

जे. जे. स्कूल ऑफ आर्टच्या माजी विद्यार्थ्यांची मदत घेतली. सकल सपाट पृष्ठभागावरील हे पेंटिंग चित्र त्रिमितीचा आभास देते. लिम्का बुक ऑफ वर्ल्डमध्ये याची नोंद करण्यासाठी प्रयत्न सुरू असल्याचे सांगण्यात आले.

मोबाइल अॅप डाउनलोड करा आणि राहा अपडेट

काँग्रेससमोर स्थानिक आघाड्यांचा पर्याय

December 25, 2016, 1:30 pm

≫ Next: दोन बिबट्यांचा संशयास्पद मृत्यू

≪ Previous: ‘मूड इंडिगो फेस्ट’मध्ये गाजले दळवीज्

$

0

0

म. टा. प्रतिनिधी, कोल्हापूर

‘काँग्रेस पक्ष ​​जिल्हा परिषदेची निवडणूक स्वबळावर लढवणार आहे. यासाठी तालुका पातळीवरील बैठका घेऊन बांधणी पूर्ण करत आणली आहे. अन्य पक्षांबरोबर आघाडी केली जाणार नाही. फक्त स्थानिक आघाड्यांशी चर्चा सुरू आहे’ असे काँग्रेसचे जिल्हाध्यक्ष, माजी आमदार पी. एन. पाटील यांनी रविवारी पत्रकार परिषदेत सांगितले. ‘सध्या ताराराणी आघाडी, भाजपसोबत असली तरी भविष्यात ती काँग्रेससोबतही असू शकेल’ असे सूचक वक्तव्यही पाटील यांनी केले. जिल्हा परिषदेत स्वाभिमानी शेतकरी संघटना गेली दहा वर्षे काँग्रेससोबत आहे. यापुढेही ते आमच्या सोबत असतील असा दावाही त्यांनी केला.

जिल्हाध्यक्ष पाटील यांनी जिल्हा परिषद निवडणुकीबाबतची दिशा स्पष्ट केली. पाटील म्हणाले, ‘भाजपची जिल्ह्यात ताकद नसल्याने त्यांना आयात उमेदवारांवरच अवलंबून रहावे लागणार आहे. आमच्याकडे जादा उमेदवार असल्याने कदाचित त्यातील काहीजण भाजपच्या गोटातही जातील. त्यात पक्षाचा दोष नसेल. काँग्रेसने सर्व तालुक्यांतील बांधणी करण्यासाठी तालुकानिहाय बैठका घेतल्या आहेत. सर्व तालुक्यांच्या बैठक झाल्या आहेत. २९ डिसेंबर रोजी प्रदेश कार्यकारिणीच्या बैठकीत त्याची माहिती दिली जाईल. त्यानंतर पुढील दिशा ठरेल.’

‘काँग्रेसचा स्वबळाचा नारा आहे’ असे सांगून पी. एन. पाटील म्हणाले, ‘काँग्रेसने राष्ट्रवादी काँग्रेसशी जिल्हा परिषदेत कधीही आघाडी केलेली नाही. इतर पक्षांबरोबर आघाडी होणार नसली तरी स्थानिक आघाड्यांशी चर्चा सुरू आहे. राजकारणामध्ये केव्हा, कोण, कुठे जाईल हे सांगता येत नाही. त्यामुळे ताराराणी आघाडी ही काँग्रेसचीच आहे. आता जरी ती भाजपसोबत असली तरी ती नंतरच्या काळात काँग्रेससोबत असू शकेल. स्थानिक आघाड्यांशी चर्चेनंतर पुढील निर्णय घेतले जातील.’

नगरपालिका निवडणुकांच्या निकालाबाबत जिल्हाध्यक्ष पाटील म्हणाले, ‘इचलकरंजी, कुरुंदवाड वगळता अन्य नगरपालिकांच्या निवडणुका काँग्रेसने चिन्हावर लढवलेल्या नव्हत्या. या निवडणुकांपर्यंत नोटाबंदीचा त्रास सामान्यांना झाला नव्हता. त्यामुळे त्या निवडणुकांवेळी नोटाबंदीचा परिणाम दिसला नाही. मात्र आता नोटाबंदीचा साऱ्यांनाच त्रास होत आहे. आपलेच पैसे आपल्याला परत मिळतील की नाही अशी स्थिती आहे. अशावेळी जिल्हा परिषद निवडणुकीत नोटाबंदीचा मुद्दा काँग्रेस उचलून धरणार आहे. सामान्यांच्या त्रासाला वाचा फोडण्याचे काम काँग्रेस करेल.’

दरम्यान, काँग्रेसमध्ये कार्यकर्ते प्रवेश करणार आहेत का? याबाबत विचारणा केल्यावर, ‘करवीर तालुक्यातील शेतकरी कामगार पक्षाचे पंचायत समिती सदस्य राजेंद्र सूर्यवंशी व त्यांचे कार्यकर्ते लवकरच पक्ष प्रवेश करणार आहेत. त्यांच्याशी शनिवारी बैठकही झाली आहे’ असे पाटील यांनी सांगितले.

प्रदेश बैठकीत ठरणार रणनिती

‘मुंबईत २९ डिसेंबर रोजी जिल्हा परिषद निवडणुकीबाबत प्रदेश काँग्रेसच्या कार्यकारिणीची बैठक होणार आहे. त्यावेळी महत्त्वपूर्ण निर्णय घेतले जातील’ असे पी. एन. पाटील यांनी सांगितले. ते म्हणाले, ‘भाजप काहीही उघड न करता राजकारण करते. आमचे तसे नाही. आमच्याकडे उमेदवार भरपूर आहेत. भाजपकडे उमेदवारांची वानवा आहे. त्यामुळे आमच्यातील काहीजण भाजपकडे जातीलही.’

मोबाइल अॅप डाउनलोड करा आणि राहा अपडेट

---

दोन बिबट्यांचा संशयास्पद मृत्यू

December 25, 2016, 12:30 pm

≫ Next: देशात मोदीनिर्मित आपत्तीमाजी मुख्यमंत्री पृथ्वीराज चव्हाण यांची टीका

≪ Previous: काँग्रेससमोर स्थानिक आघाड्यांचा पर्याय

$

0

0

म. टा. वृत्तसेवा, शिराळा

शिराळा तालुक्याच्या पश्चिम भागातील चांदोली अभयारण्याशेजारील बोरगेवाडी गावाजवळच्या डोंगरात दोन बिबट्यांचा मृत्यू झाल्याची घटना रविवारी ग्रामस्थांच्या निदर्शनास आली. वन विभागाच्या अधिकाऱ्यांनी मृत बिबट्यांना तत्काळ ताब्यात घेतले. रात्री उशीरापर्यंत दोन्ही बिबट्यांच्या शवविच्छेदनाचे काम सुरू होते. पशुवैद्यकिय अधिकाऱ्यांचा अहवाल आल्यानंतर मृत्यूचे नेमके कारण समजणार आहे.

ग्रामस्थांनी वन विभागाचे वन परीक्षेत्र अधिकारी ता. बा. मुळीक यांच्याशी संपर्क साधून माहिती दिली. त्यांनतर वन विभागाचे संजय मिरजकर, अ. नि एकसंबेकर आणि पशुवैद्यकीय अधिकारी अधिकारी घटनास्थळी दाखल झाले. त्यांनी अंदाजे साडेचार ते पाच वर्षे वयाचा नर बिबट्या आणि साडेतीन वर्षांची मादी मृत असल्याचे सांगितले. मात्र, सुमारे दीड ते दोन कि. मीच्या वेगवेगळ्या अंतरावर हे दोन्ही बिबटे ग्रामस्थांनी पथकाला दाखविले.

या घटनेनंतर निमित्ताने शिराळा तालुक्यातील चांदोली अभयारण्यात वन्य प्राण्यांच्या सुरक्षेचा मुद्दा पुन्हा चर्चेत आला आहे. अधिकारी गेल्या दहा वर्षांपासून अभयारण्यात प्राण्यांच्या शिकारीबाबत कडक धोरण राबविल्याचे सांगत असले तरी चोरटी शिकार रोखणे त्यांना शक्य नसल्याचे या प्रकारावरून सिद्ध होत आहे. मुळात संपूर्ण चांदोली अभयारण्याला तारेचे कंपाउंड बसवण्याचा विषय अनेक वर्षांपासून गाजत आहे. त्याला मूर्त स्वरूप कधी येणार हा कळीचा मुद्दा आहे. २९ मार्च २०१६ला शिराळा तालुक्यातील वाकुर्डे गावाजवळ मृतावस्थेत सापडलेला बिबट्या अवघ्या नऊ महिन्यांचा बछडा होता. उद्यानात बिबट्यांचे भक्ष असलेल्या सांबर, चितळ, काळवीट यांची संख्या कमी असल्यामुळे भक्षाच्या शोधात वन्यप्राणी चांदोली राष्ट्रीय उद्यानाबाहेर पडत आहेत. अधिकारी मात्र, त्याला दुजोरा देत नाहीत. चांदोली अभयारण्यात बिबट्या आणि वाघ यांची संख्या अंदाजे २० ते ३० पर्यंत आहे. त्यांची नेमकी संख्या कार्यालयात आजही उपलब्ध नाही. उद्यानात बिबट्या, वाघ यांना लागणारे अन्न चितळ सांबर सोडण्यात आली आहेत. मात्र, हे भक्ष त्यांनाच मिळते का यांची खातरजमा करणे गरजेचे आहे. अधिकाऱ्यांनी वर्षभरात चार शिकाऱ्यांवर गुन्हे दाखल केले आहेत. म्हणजे चोरट्या शिकारीचा मुद्दा नाकारता येत नाही. अभयारण्याला संरक्षण भिंत नसल्यामुळे चोरट्या शिकाऱ्याचे फावते आहे, असे म्हणणे चुकीचे ठरणार नाही.


विषबाधने मृत्यूचा संशय

मृतावस्थेत आढळलेल्या बिबट्या नर व मादीचा मृत्यू विषबाधेमुळे झाला असावा, असा अंदाज पशुवैद्यकिय अधिकारी के. जी. माळी यांनी व्यक्त केले आहे. दोन्ही बिबट्यांच्या अंगावर जखमा किवा व्रण आढळलेले नाहीत. त्यामुळे विषबाधेची शक्यता असल्याचे त्यांनी यावेळी सांगितले. शवविच्छेदन केल्यानंतर त्यांचे दहन करण्यात आल्याचे वन परिक्षेत्र अधिकारी ता. बा. मुळीक यांनी सांगितले.

मोबाइल अॅप डाउनलोड करा आणि राहा अपडेट

देशात मोदीनिर्मित आपत्तीमाजी मुख्यमंत्री पृथ्वीराज चव्हाण यांची टीका

December 26, 2016, 9:24 am

≫ Next: विविध उपक्रमांनी रंकाळा दिवस उत्साहात

≪ Previous: दोन बिबट्यांचा संशयास्पद मृत्यू

$

0

0

म. टा. वृत्तसेवा, सातारा
‘पंतप्रधान मोदींनी आठ नोव्हेंबरपासून ५०० व १०००च्या नोटाबंद केल्यामुळे अनेकांना त्रास झाला. हा निर्णय व्यापक दृष्टीकोनाने घेतल्याचे मोदींनी जाहीर केल्यामुळे आम्ही त्याचे स्वागत केले. पण, आमचा अपेक्षाभंग झाला. कोणतीही पूर्वतयारी न करता निर्णय घेतल्याने मोदीनिर्मित आपत्ती देशापुढे उभी राहिले आहे. एका निर्णयामुळे देशवासियांना खूप मोठी किंमत मोजावी लागली आहे,’ असा आरोप माजी मुख्यमंत्री पृथ्वीराज चव्हाण यांनी केली.

चलनातील ८६.४ टक्के नोटा रद्द केल्यामुळे देशाची अर्थव्यवस्था सहा पायाच्या डायनिंग टेबलऐवजी एका पायावर आली आहे. काळा पैसा आणि काळी संपत्ती गुन्हेगार जाहीर करीत नाहीत. काश्मीरमध्ये थंडी वाढल्यामुळे दगडफेक होत नाही. पण, नोव्हेंबरपासून अनेक अतिरेकी हल्ले झाले आहेत. परदेशी बँका, सोने, जवाहर, हिरे, जमीन, मॉल या काळ्या संपत्तीला हात लावला नाही. फक्त सहा टक्के संपत्ती नोटांमध्ये होती. ती परत सरकारमध्ये जमा झाली आहे. उर्वरित काळ्या संपत्तीला हात लावला नाही. उत्तप प्रदेश, पंजाबची निवडणूक क्रेडीट कार्डवर मोदी लढणार का? कारण ते देशाला कॅशलेसचा सल्ला देत आहेत. गुजरातचे मुख्यमंत्री असताना त्यांना सहारा इंडिया व आदित्य बिर्लाने पैसे दिल्याचे डायरीत नोंद आहे. ती खरी का खोटी याचा ते खुलासा करीत नाहीत. नोटाबंदी करण्यापूर्वी पाचशे रुपये चलनाच्या नव्या नोटा अगोदर मोठ्या प्रमाणात का छापल्या नाहीत? दोन हजार रुपयांचे चलन उत्तर प्रदेश आणि पंजाबच्या निवडणुकांमध्ये देणगी स्वरुपात स्वीकारण्यासाठी बाजारपेठेत आणले आहे. देशवासियांचा सरकारवरचा आणि आरबीआयवरचा विश्‍वास उडाला आहे. त्यामुळे या नोटाबंदी प्रकरणाची लोकसभा संसदीय समितीकडून चौकशी करण्यात यावी, अशी आग्रही मागणी चव्हाण यांनी केली.

शशिकांत शिंदेंमुळे मेडीकल कॉलेज रद्द

मुख्यमंत्री असताना राज्यात सहा ठिकाणी मेडीकल कॉलेजला मंजुरी दिली. त्यापैकी सातारा येथेही मेडीकल कॉलेज व्हावे यासाठी सातारा तालुक्यातील खावली येथे जागा प्रस्तावित केली होती. मात्र, ती जागा सातारा शहरापासून दूर असल्याचे कारण सांगून तत्कालीन पालकमंत्री शशिकांत शिंदे यांनी कृष्णानगर (सातारा) येथील कृष्णा खोरे महामंडळाची जागा देण्याचा विषय पुढे आणला. त्या जागेच्या मोबदल्यात तेथील नवीन कार्यालय सरकारच्या वतीने बांधून देण्यात येईल, असे आम्ही सुचवले. मात्र, शिंदे यांनी त्या जमिनीची किंमत कृष्णा खोरे महामंडळाला द्यावी लागेल, असा प्रस्ताव पुढे आणला. मात्र, मेडीकल कॉलेज व कृष्णा खोरे महामंडळ हे दोन्हीही सरकारी असल्याने जमिनीची किंमत देण्यास नकार दिला. शिंदे यांच्या अट्टाहासामुळेच मेडीकल कॉलेज अद्याप होऊ शकले नाही, असेही चव्हाण म्हणाले.

मोबाइल अॅप डाउनलोड करा आणि राहा अपडेट

विविध उपक्रमांनी रंकाळा दिवस उत्साहात

December 26, 2016, 1:30 pm

≫ Next: तावडे हॉटेलजवळ अतिक्रमणांवर हातोडा

≪ Previous: देशात मोदीनिर्मित आपत्तीमाजी मुख्यमंत्री पृथ्वीराज चव्हाण यांची टीका

$

0

0

म. टा. प्रतिनिधी, कोल्हापूर

रंकाळा संवर्धन व संरक्षण समितीच्यावतीने ‘रंकाळा दिवस’ विविध उपक्रमांनी साजरा केला. यावेळी घेण्यात आलेल्या विविध स्पर्धांचे बक्षीस वितरण उद्योगपती चंद्रकांत वडगावकर यांच्या हस्ते झाले. यावेळी रंकाळा तलावाची प्रतिकृतीसह तयार केलेला केक कापून आनंद साजरा केला. हिंदी-मराठी गीतांच्या मैफल आणि नाट्यानुभव कार्यक्रमाने कार्यक्रमाची रंगत वाढवली.

शहराचे वैभव असलेल्या रंकाळा तलावाप्रती कृतज्ञता व्यक्त करण्यासाठी दरवर्षी २५ डिसेंबर रंकाळा दिवस साजरा केला जात आहे. यावेळी स्वच्छता मोहिमेसह विविध कार्यक्रमांचे आयोजन केले जात आहे. यानिमित्त रंकाळा पदपथ उद्यान येथे रात्री चंद्रशेखर बटकडली यांच्यावतीने प्रा. विसूभाऊ बापट यांच्या ‘कुटुंब रंगलंय काव्यात’ हा एकपात्री नाट्यानुभव झाला. त्यानंतर सुरेश सुतार व प्रा. सुरेश शुक्ल प्रस्तुत मधुर स्वरांगण ही मराठी-हिंदी गीतांची मैफल रात्री उशिरापर्यंत रंगली.

रंकाळा संवर्धनासाठी योगदान देणारे श्रीकांत कदम, अजित मोरे, विजय औंधकर, सुभाष हराळे, गुंडोपंत जितकर यांचा काँग्रेसचे गटनेते शारंगधर देशमुख यांच्या हस्ते सत्कार केला. नगरसेवक प्रतापसिंह जाधव यांच्या हस्ते चित्रकला व काव्यवाचन स्पर्धेतील यशस्वितांना बक्षिस देऊन गौरव केला. यावेळी संग्राम भालकर यांनी बनवलेली रंकाळ्यावर आधारित ‘वारसा’ ही शॉर्ट फिल्म दाखविण्यात आली. कार्यक्रमासाठी नगरसेवक राहुल माने, प्रतापसिंह जाधव, चंद्रकांत वडगावकर, श्रीकांत थोरात, राजशेखर तंबाके, भरत गांधी, संग्राम गायकवाड यांचे सहकार्य लाभले.

कार्यक्रमाचे नियोजन यशवंत भालकर, अॅड. अजित चव्हाण, राजेंद्र पाटील, विकास जाधव यांनी केले होते. यावेळी नगरसेविका उमा बनछोडे, प्रा. एस. पी. चौगले, यशवंत पाटील, किसन चव्हाण, राजेंद्र इनामदार, धोंडिराम चोपडे, सुनील हराळे, सचिन जाधव, अरुण पाटील, सुनील जाधव, किरण पडवळ, काजल कामिरे, शीतल येळावकर आदी उपस्थित होते.

मोबाइल अॅप डाउनलोड करा आणि राहा अपडेट

तावडे हॉटेलजवळ अतिक्रमणांवर हातोडा

December 26, 2016, 1:30 pm

≫ Next: भास्कर चंदनशीव यांच्या कथा वाचनाची आज संधी

≪ Previous: विविध उपक्रमांनी रंकाळा दिवस उत्साहात

$

0

0

म. टा. प्रतिनिधी, कोल्हापूर

तावडे हॉटेल परिसरात थाटलेली बेकायदेशीर पक्की दुकाने, शेड तसेच बेकरीच्या केबिन्सवर सोमवारी महापालिकेने जेसीबी चालवला. पोलिस बंदोबस्तात झालेल्या कारवाईनंतर परिसर अतिक्रमणमुक्त झाला. त्याचबरोबर शिरोली जकात नाक्यापासून ताराराणी चौकापर्यंतच्या रस्त्यावरीलही डिजीटल फलक, शेड, हातगाड्या काढण्यात आल्या. या दोन ठिकाणांबरोबरच सर्किट हाऊसशेजारील महापालिकेच्या जागेवरीलही अतिक्रमणे काढण्यात आली. दिवसभरात विविध प्रकारची ५५ अतिक्रमणे हटवण्यात आली.

महापालिकेच्यावतीने विविध भागात अतिक्रमण निर्मूलन मोहीम राबवण्यात येत होती. शहरात महावीर उद्यानाजवळील अतिक्रमणे हटविण्यात आली होती. सोमवारपासून शहरात विविध ठिकाणी मोहीम राबवण्याचे नियोजन करण्यात आले होते. त्यानुसार ई वॉर्ड विभागीय कार्यालयाच्यावतीने सोमवारी विशेष मोहीम राबवली. यामध्ये विनापरवाना डिजीटल फलक, होर्डिंग्ज, टपऱ्या, पानपट्ट्या, रस्त्यालगतच्या विक्रेत्यांनी थाटलेली दुकाने, शेड, केबिन्स यांचा समावेश होता.

५० कर्मचारी, जेसीबी, डंपर अशी महापालिकेची यंत्रणा सकाळी तावडे हॉटेल येथे पोहचली. यामध्ये मेस्त्री, मुकादमही होते. त्यांच्या कारवाईला विरोध होण्याच्या शक्यतेने मोठा पोलिस बंदोबस्त ठेवण्यात आला होता. या परिसरात पूर्वीही मोहीम राबवण्यात आली होती. अनेक पक्क्या स्वरुपाचे बांधकाम केलेल्या दुकानदारांना हातगाड्या लावण्याचे आदेश दिले होते. तरीही अनेकांनी पक्की दुकाने केल्याने महापालिकेने सोमवारी ती हटवण्याचे नियोजन केले होते. अनेक दुकानदारांनी स्वतःहून दुकाने काढून घेतो असे सांगितले होते. पण महापालिकेच्या अधिकाऱ्यांनी जेसीबीद्वारे तावडे हॉटेलजवळील परिसर खुला करण्यास सुरुवात केली. यामध्ये पानपट्टीच्या गाड्या, शेड, चायनीज सेंटर, स्टोअर्सच्या के​बीन यांचा समावेश होता. गांधीनगरकडे जाणाऱ्या रस्त्याच्या दक्षिणेकडील व शिरोलीकडे जाणाऱ्या रस्त्याच्या डाव्याबाजूकडील सर्व विक्रेत्यांना हटवण्यात आले. यामध्ये स्वेटर, जॅकेट विक्रेते, हँडबॅग, गॉगल विक्रेते यांचा समावेश होता. या कारवाईमुळे तावडे हॉटेल चौकातील परिसर ​अतिक्रमणाच्या कचाट्यातून रिकामा झाल्याचे दिसत होते.

यावेळी फेरीवाला संघटनेचे दिलीप पवार व कार्यकर्ते तिथे पोहचले. ज्या हातगाडीवाल्यांना महापालिकेने लायसन्स दिले आहे, अशा हातगाडीवाल्यांना हटवणे बेकायदेशीर असल्याचे सांगितले. अनेकांच्या गाड्या असतानाही त्यांना हटवण्यात आल्याचे पवार यांनी सांगितले. याबाबत अधिकाऱ्यांकडे विचारणा केल्यानंतर मोहीम थांबवण्यात आली. त्यानंतर सर्किट हाऊस परिसरातील जागेवर अतिक्रमण केलेल्या १ केबीन व १० झोपड्या काढण्यात आल्या. ताराराणी चौकापर्यंतचे विनापरवाना फलक, होर्डिंग्ज, टपऱ्या, पानपट्टीही हटवण्यात आले. या सर्व ठिकाणची ५५ अतिक्रमणे काढण्यात आली. उपशहर अभियंता हर्षजीत घाटगे, कनिष्ठ अभियंता बी. एन. दबडे, एम. जी. फुलारी, एस. पी. पाटील, पंड‌ित पोवार, चंद्रकांत खाडेकर यांच्या मार्गदर्शनाखाली कारवाई करण्यात आली.

फेरीवाले भेटले उपायुक्तांना

सोमवारी कारवाई सुरू केल्यानंतर सायंकाळी फेरीवाला संघटनेचे दिलीप पवार व फेरीवाल्यांनी उपायुक्त ज्ञानेश्वर ढेरे यांची भेट घेतली. महापालिकेकडे नोंदणी असलेल्या हातगाडीवाल्यांवर कारवाई करणे बेकायदेशीर असल्याचे सांगण्यात आले. त्यावेळी शहर अभियंता नेत्रदिप सरनोबत यांच्याशीही चर्चा करण्यात आली. याबाबत लवकरच सूचना देण्यात येतील, असे सांगण्यात आले.

मोबाइल अॅप डाउनलोड करा आणि राहा अपडेट

भास्कर चंदनशीव यांच्या कथा वाचनाची आज संधी

December 26, 2016, 1:30 pm

≫ Next: ‘साहित्य व कलेतून चित्रपटनिर्मिती’

≪ Previous: तावडे हॉटेलजवळ अतिक्रमणांवर हातोडा

$

0

0

म. टा. प्रतिनिधी, कोल्हापूर

शिवाजी विद्यापीठाचा मराठी अधिविभाग आणि साहित्य अकादमी यांच्या संयुक्त विद्यमाने मंगळवार व बुधवार कथासंधी व विशेष चर्चासत्राचे आयोजन केले आहे. विद्यापीठाच्या वि. स. खांडेकर भाषा भवन सभागृहात दुपारी १२.३० वाजता चर्चासत्र होणार आहे.

प्रख्यात कथाकार भास्कर चंदनशीव यांचे कथावाचन होईल. चंदनशीव यांचे जांभळढव्ह, अंगारमाती, नवी वारुळं हे कथासंग्रह प्रसिद्ध आहेत. साहित्य अकादमी दरवर्षी ‘कथासंधी’ या उपक्रमांतर्गत ज्येष्ठ कथाकारांचे कथावाचनाचे उपक्रम राज्यभर राबवित असते. त्याअंतर्गत चंदनशीव यांचे कथावाचनाची पर्वणी उपलब्ध झाली आहे.

बुधवारी (ता. २८) सकाळी १० वाजता ‘स्वातंत्र्योत्तर वाङ्मयीन चळवळी आणि स्त्रियांचे प्रश्न’ या विषयावर आयोजित एकदिवसीय चर्चासत्राचे उद‍्घाटन कुलगुरू डॉ. देवानंद शिंदे यांच्या हस्ते व साहित्य अकादमीचे प्रादेशिक सचिव कृष्णा किंबहुने यांच्या उपस्थितीत होईल. साहित्य अकादमीच्या मराठी सल्लागार मंडळाचे सदस्य अरुणा ढेरे यांचे बीजभाषण होणार आहे. विविध सत्रांत रोहिणी तुकदेव (सांगली), शोभा नाईक (बेळगाव), शरयू असोलकर (सावंतवाडी), दिलीप चव्हाण (नांदेड), सोनाली नवांगुळ (कोल्हापूर), मेघा पानसरे (कोल्हापूर,) पी. विठ्ठल (नांदेड), प्रभाकर देसाई (पुणे) सहभागी होणार आहेत, अशी माहिती मराठी विभागप्रमुख डॉ. राजन गवस यांनी दिली.

मोबाइल अॅप डाउनलोड करा आणि राहा अपडेट