ख्रिसमस सुवार्ता रॅली शुक्रवारी

December 17, 2016, 1:30 pm

≫ Next: दर आठवड्याला नगरसेवक-आयुक्तांची बैठक

≪ Previous: इचलकरंजीत यंत्रमागधारकांच्या उपोषणाला सुरूवात

$

0

0

म. टा. प्रतिनिधी, कोल्हापूर

‘ख्रिसमसनिमित्त (नाताळ) समाजात शांतता निर्माण करण्यासाठी ख्रिस्ती युवाशक्तीच्यावतीने शुक्रवारी (ता. २३) ख्रिसमस सुवार्ता रॅलीचे आयोजन केले आहे. प्रायव्हेट हायस्कूल येथून सायंकाळी पाच वाजता रॅलीला सुरुवात होणार आहे. महापौर हसीना फरास यांच्या हस्ते रॅलीचे उद‍्घाटन होणार आहे’, अशी माहिती ख्रिसमस युवाशक्तीचे राकेश सावंत यांनी पत्रकार परिषदेत दिली.

सावंत म्हणाले, ‘दरवर्षी येशु ख्रिस्तांच्या जन्मोत्सवानिमित्त विविध कार्यक्रमांचे आयोजन केले जात आहे. येशुनी समाजात शांतता प्रस्थापित करण्यासाठी नेहमीच प्रयत्न केले आहेत. आजही समाजात शांततेची गरज आहे. हीच गरज ओळखून ख्रिसमस सुवार्ता रॅलीचे आयोजन केले आहे. रॅलीमध्ये येशुंचे चरित्र ‘नवा करार’ या पवित्र वचनांचे वाटप करणार आहेत. तसेच ख्रिस्ती भक्ती गितांचे गायन करत लहान मुलांना चॉकलेट वाटप करण्यात येणार आहे. रॅलीला प्रायव्हेट हायस्कूल येथून सुरुवात झाल्यानंतर शहरातील विविध मार्गावरुन रॅली सासने ग्राउंडवर येईल. येथे सामुदायिक प्रार्थना होऊन कार्यक्रमाची सांगता होणार आहे. रॅलीच्या उद‍्घाटन समारंभास खासदार धनंजय महाडिक, आमदार राजेश क्षीरसागर, उपमहापौर अर्जुन माने, भाजपचे महानगर अध्यक्ष संदीप देसाई, नगरसेवक संदीप कवाळे, माजी नगरसेवक अदिल फरास, राजू लाटकर उपस्थित राहतील.’

पत्रकार परिषदेस अमित लोखंडे, के. पी. सोनवणे, विशाल कांबळे, राजेश पोवार, अनिल शिरोलीकर, शमुवेल परब उपस्थित होते.

मोबाइल अॅप डाउनलोड करा आणि राहा अपडेट

---

दर आठवड्याला नगरसेवक-आयुक्तांची बैठक

December 17, 2016, 1:30 pm

≫ Next: दोन लाखांवर फक्त ६० च व्यवहार

≪ Previous: ख्रिसमस सुवार्ता रॅली शुक्रवारी

$

0

0

म. टा. प्रतिनिधी, कोल्हापूर

नागरी प्रश्न आणि विकासकामांवरून नगरसेवक-आयुक्तांदरम्यान वारंवार होत असलेल्या संघर्षावर शनिवारी तोडगा काढण्यात आला. पाणी, कचऱ्यासह सर्व समस्यांवर चर्चा करण्यासाठी यापुढे दर आठवड्याला महापौर आणि आयुक्तांच्या उपस्थितीत २० नगरसेवकांची बैठक घेण्यात येणार आहे. या निर्णयावर एकमत झाले. आयुक्तांविरोधात पदाधिकारी व नगरसेवकांतील तणावाच्या पार्श्वभूमीवर शनिवारी महापौर हसिना फरास यांनी आयुक्त पी. शिवशंकर यांच्या समवेत बैठक घेतल्यानंतर हा तोडगा काढण्यात आला. बैठकीला काँग्रेस, राष्ट्रवादीसह शिवसेना-भाजपचे पदाधिकारी उपस्थित होते.

महापालिकेत आयुक्त पी. शिवशंकर यांच्याविरोधात नगरसेवक व पदाधिकाऱ्यांत विकासकामांवरुन सातत्याने तणाव निर्माण होत आहे. गेल्या आठवड्यात अपुऱ्या पाणी पुरवठ्यावरून नगरसेविका दीपा मगदूम यांनी आयुक्तांच्या कार्यालयाला टाळे ठोकले होते. हे टाळे काढण्यासाठी आयुक्ताच्या सूचनेवरुन पोलिस महापालिकेत आले होते. या घटनेनंतर आयुक्त विरुद्ध नगरसेवक असा संघर्ष सुरू झाला आहे. या संघर्षाला पूर्णविरोम देण्यासाठी महापौर फरास यांनी बैठकीचे आयोजन केले होते.

बैठकीत महापौर फरास यांनी भूमिका मांडली. गेले काही दिवस प्रभागातील समस्यांचे निराकरण होत नसल्याने नगरसेवकांना नागरिकांच्या रोषाला सामोरे जावे लागत आहे. अधिकाऱ्यांकडूनही समस्यांचे निराकरण होत नाही. या पार्श्वभूमीवर सर्वसाधारण सभेत गेले वर्षभर अधिकारी व नगरसेवकांतील वाद मी पाहत आहे. सर्वसाधारण सभेत शहराच्या धोरणावर चर्चा होण्याऐवजी प्रभाग समितीतील प्रश्नांवर चर्चा होते. सभेत होणारे आरोप-प्रत्यारोप आणि वादामुळे कोल्हापूरची प्रतिमा मलीन होत आहे. या पार्श्वभूमीवर नगरसेवकांच्या कामांची सोडवणूक होण्यासाठी दर आठवड्याला २० नगरसेवकांची एकत्रित बैठक घेण्याचा प्रस्ताव महापौरांनी मांडला. त्याला आयुक्त शिवशंकर यांनी होकार दर्शवला असल्याचे महापौर फरास यांनी सांगितले.

महापौर फरास यांनी अधिकारी व नगरसेवक ही विकासाची दोन चाके आहे, असे आयुक्तांना सांगितले. दोघांनी एकमेकांचा आदर करत शहराच्या विकासाच्या भूमिका घेतली पाहिजे. माझ्या कारकीर्दीत सर्वसाधारण सभेत केवळ विषय पत्रिकेवरच चर्चा होईल, असे फरास यांनी स्पष्ट केले. नगरसेवकांनी पक्ष बाजूला ठेवून जनतेच्या विकासकामांना प्राधान्य द्यावे, असे आवाहनही महापौरांनी केले.

बैठकीला उपायुक्त उपमहापौर आनंद माने, स्थायी सभापती मुरलीधर जाधव, परिवहन सभापती लाला भोसले, महिला सभापती वृषाली कदम, शिक्षण सभापती अजिंक्य चव्हाण, पक्षप्रतोद प्रविण केसरकर, विरोधी पक्षनेता संभाजी जाधव, प्रभाग सभापती प्रतिक्षा पाटील, छाया पोवार, काँग्रेस पक्ष गटनेते शारंगधर देशमुख, राष्ट्रवादीचे गटनेते सुनील पाटील, शिवसेना पक्ष गटनेते नियाज खान उपस्थित होते.

नोटीस मागे घेण्याची विनंती

आयुक्तांच्या कार्यालयाला टाळे ठोकणाऱ्या नगरसेविका दीपा मगदूम यांना पाठवलेली नोटीस मागे घ्यावी, अशी विनंती महापौर फरास यांनी आयुक्त शिवशंकर यांनी केली. त्याला आयुक्तांनी होकार दर्शवल्याचे महापौर फरास यांनी पत्रकारांशी बोलताना स्पष्ट केले. कार्यालयाला टाळे ठोकल्यानंतर सरकारी कामात अडथळा आणल्याप्रकरणी नगरसेवकपद रद्द करण्यात का करू नये? अशी नोटीस आयुक्त शिवशंकर यांनी मगदूम यांना पाठवली आहे.

प्रभाग समितीचे काय करायचे?

प्रभागातील समस्या सोडवण्यासाठी प्रभाग समितीची रचना केली आहे, पण या बैठकांना अधिकारी उपस्थित राहत नाहीत. त्यामुळे आयुक्तांसमवेत वीस नगरसेवकांची बैठक घेण्यात येणार असल्याचे महापौर फरास यांनी सांगितले. महापौर, आयुक्त व नगरसेवकांच्या संयुक्त बैठकांमुळे प्रभाग समितींचे करायचे काय? असा प्रश्न उपस्थित होत आहे.

अधिकाऱ्यांची फिरती बंद

शहरात पाणी, कचरा आणि आरोग्याचे प्रश्न सोडवण्यासाठी यापूर्वी अधिकारी फिरती करायचे. उपायुक्त रस्त्यांवरही उतरायचे. फिरतीमुळे समस्यावर तोडगा निघत होता, असे पदाधिकारी व नगरसेवकाने सांगितले. आता अधिकारी केबिन सोडत नसल्याने शहरातील समस्यांची त्यांना जाणही नसल्याने विकासकामांना विलंब होत आहे, याकडे आयुक्तांचे लक्ष वेधण्यात आले.

मोबाइल अॅप डाउनलोड करा आणि राहा अपडेट

दोन लाखांवर फक्त ६० च व्यवहार

December 17, 2016, 1:30 pm

≫ Next: भावे सुपारीवाले यांचे निधन

≪ Previous: दर आठवड्याला नगरसेवक-आयुक्तांची बैठक

$

0

0

म. टा. प्रतिनिधी, कोल्हापूर

‘नोटाबंदीच्या निर्णयानंतर जिल्हा बँकेवर शंका घेऊन जुन्या नोटा स्वीकारण्यावर निर्बंध आणले. पण प्रत्यक्षात १० ते १३ नोव्हेंबरपर्यंत दोन लाखांवरील रक्कम भरण्याचे वैयक्तिक खात्यांचे व्यवहार फक्त ६० खातेदारांनी केले आहेत. तर दोन लाख रुपयांपर्यंतची रक्कम जमा झालेल्या व्यवहारांची संख्या १ लाख ५ हजारांपर्यंत आहे. याशिवाय संस्था पातळीवर व्यवहारांची संख्या ८४ टक्के आहे. त्यामुळे केडीसीसी बँकेत कुणी काळा पैसा नव्हे तर सर्वसामान्य शेतकऱ्यांनीच पैसे भरले असल्याचे यातून स्पष्ट होत आहे’, असे जिल्हा बँकेचे चेअरमन, आमदार हसन मुश्रीफ यांनी सां​गितले.

जिल्हा बँकेच्या कारभाराबाबत शंका व्यक्त करत नाबार्डने तपासणी केली. या तपासणीमध्येही काही निष्पन्न झालेले नाही. मात्र जिल्हा बँकेबाबत निर्माण झालेले संदिग्धतेचे वातावरण दूर करण्यासाठी मुश्रीफ यांनी शनिवारी पत्रकार परिषद घेऊन १० ते १३ नोव्हेंबर तारखेच्या दरम्यानचे व्यवहार व त्यातून जमा झालेल्या रकमेची आकडेवारी समोर ठेवली.

‘सर्वोच्च न्यायालयाने आदेश दिल्यानंतर सोमवारनंतर काय बदल होतो हे पाहिले जाईल’, असे सांगत मुश्रीफ म्हणाले, ‘दोन लाखांवर रक्कम जमा करणाऱ्यांवर सरकारचे विभाग तपासणी करतीलच. पण जिल्हा बँकेत या कालावधीत अगदी सामान्य नागरिकांनी व्यवहार केले आहेत, हे आकडेवारीवरुन स्पष्ट होते. वैयक्तिक खातेधारकांमधील एक लाख २ हजार खातेधारकांनी ५० हजार रुपयापर्यंतची रक्कम भरली आहे. ५० हजार ते एक लाखापर्यंत २०१९, एक लाख ते दिड लाखापर्यंत २९०, दिड लाख ते दोन लाखापर्यंतची रक्कम १७५ खातेधारकांनी भरली आहे. हेच व्यवहार १००टक्के झाले आहेत. सेवा संस्थांच्या तसेच इतर संस्थांच्या खात्यावरुन झालेले दोन लाख रुपयांच्या आतील व्यवहारांचे प्रमाणही ८४ टक्के आहे. वैयक्तिक खात्यांमधून १५८ कोटी रुपये जमा करण्यात आले आहेत. तर संस्थांच्या खात्यामधून ९० कोटी रुपये भरण्यात आले आहेत.’

‘करन्सी चेस्टकडून जिल्हा बँकेला तोकडे चलन दिले आहे’, असे सांगत मुश्रीफ म्हणाले, ‘आतापर्यंत ४९ कोटी ३७ लाख रुपये मिळाले आहेत. जिल्ह्यातील सर्व व्यवहार ठप्प आहेत. आगामी सात ते आठ वर्षे देश प्रगतीपथावर येईल, असे वाटत नाही. कॅशलेससाठी जिल्हा बँक एटीएम मशिन्स, पॉस मशिन, रुपे कार्ड, डाटा सेंटरची उभारणी करत आहे. तसेच कॅशलेससाठी २४ तारखेला सर्व कर्मचाऱ्यांचे प्रशिक्षण घेण्यात येणार आहे.’

याप्रसंगी प्रताप माने, ए. वाय. पाटील, मुख्य कार्यकारी अधिकारी प्रताप चव्हाण उपस्थित होते.

कमिशन घेऊन नवीन चलन

‘ठिकठिकाणी मोठ्या प्रमाणावर नवीन चलन सापडत आहे. सामान्य नागरिकांना दोन हजार रुपये घेण्यासाठी रांगेत उभे रहावे लागत असताना अशा प्रकारे सापडणारे चलन पाहिल्यानंतर करन्सी चेस्टमधील अधिकाऱ्यांनी व कर्मचाऱ्यांनी कमिशन घेऊन काळा पैसा पांढरा करुन दिल्याचे वाटते’, असा आरोप मुश्रीफ यांनी यावेळी केला.

मोबाइल अॅप डाउनलोड करा आणि राहा अपडेट

भावे सुपारीवाले यांचे निधन

December 18, 2016, 9:23 am

≫ Next: राख नियंत्रण यंत्रणावसंतदादामध्ये कार्यान्वित

≪ Previous: दोन लाखांवर फक्त ६० च व्यवहार

$

0

0

म. टा. वृत्तसेवा, सातारा

सातारा येथील कन्याशाळेतील निवृत्त नामवंत शिक्षक आणि भावे सुपारी या साताऱ्याच्या प्रसिद्ध नाममुद्रेचे उद्योजक प्रसाद भावे (७४) यांचे रविवार सकाळी ह्रदयविकाराच्या तीव्र धक्क्याने पांचगणी येथे निधन झाले. त्यांच्या पश्चात दोन विवाहित मुली, जावई, नातवंडे, असा परिवार आहे.

भावे यांचे पार्थिव सातारा येथील त्यांच्या निवासस्थानी आणताच अंत्यदर्शनासाठी शैक्षणिक, सामाजिक, उद्योग, व्यावसायिक क्षेत्रातील अनेकांनी गर्दी केली होती. सायंकाळी उशिरा त्यांच्या पार्थिवावर संगम माहुली स्मशानभूमीत अंत्यसंस्कार करण्यात आले. प्राचार्य पुरुषोत्तम शेठ, अरुण गोडबोले, डॉ. दत्तप्रसाद दाभोलकर, नंदकिशोर नावंधर, डॉ. अच्युत गोडबोले आदींसह अनेकांनी तसेच कन्याशाळेतील शिक्षकांनी अंत्यदर्शन घेऊन श्रद्धांजली वाहिली.

कॉमर्स विषयाचे नावाजलेले शिक्षक, असा त्यांचा नावलौकिक होता. कन्याशाळेचे उपमुख्याध्यापक म्हणून त्यांनी काम केले होते. निवृत्तीनंतर त्यांच्या मातोश्री निर्मलाताई भावे यांनी सुरु केलेल्या भावे सुपारी व भावे बडीशेप, या उद्योगाची धुरा सांभाळून ती उत्पादने महाराष्ट्रात लोकप्रिय केली होती. सातारा ब्रिज संघटनेचे ते अध्यक्ष होते. ब्रिज या खेळाच्या प्रसारासाठी त्यांनी अनेक स्पर्धांचे यशस्वी आयोजन केले होते. पत्नीच्या अकाली निधनानंतर गेल्या दोन वर्षांत बँकिंग, राजकीय, सामाजिक, विषयांवरील अभ्यासावरून त्यांनी विविध वृत्तपत्रांमधून नियमित पत्रलेखन करून वाचकांची दादही मिळवली होती. मनमिळाऊ स्वभावामुळे त्यांचा मोठा मित्रपरिवार होता.

मोबाइल अॅप डाउनलोड करा आणि राहा अपडेट

राख नियंत्रण यंत्रणावसंतदादामध्ये कार्यान्वित

December 18, 2016, 9:29 am

≫ Next: डॉ. कुंबळेची बँक खाती तपासणार

≪ Previous: भावे सुपारीवाले यांचे निधन

$

0

0

म. टा. वृत्तसेवा, सांगली

वसंतदादा शेतकरी सहकारी साखर कारखान्याने धावपळ करून बहात्तर तासांची मुदत संपुष्टात येण्यापूर्वी राख नियंत्रण यंत्रणा कार्यान्वित करून कारखाना बंद करण्याची नामुष्की टाळली. रविवारी प्रदूषण मंडळाचे उप प्रादेशिक अधिकारी एल. एस. भड यांनी कारखान्यास भेट देऊन राख नियंत्रण यंत्रणा बसविल्याचे पाहिले. सोमवारी राखमिश्रीत धूर सोडणाऱ्या चिमणीची उंची वाढविण्यात येणार आहे. चिमणीची उंची वाढविल्यानंतर सांगलीकरांची खऱ्या अर्थाने राख प्रदूषणातून मुक्तता होणार आहे.

सांगली जिल्हा सुधार समितीने आक्रमक पवित्रा घेत प्रदूषण नियंत्रण मंडळालाच जाब विचारल्याने मंडळाला राख नियंत्रण यंत्रणा नसलेले बॉयलर बंद करण्याचे आदेश शुक्रवारी वसंतदादा शेतकरी सहकारी साखर कारखान्याला दिले होते. बॉयलर त्वरीत बंद करणे शक्य नसल्याने कारखान्याने बहात्तर तासांची मुदत मागून घेतली होती. राख नियंत्रण यंत्रणा रविवारी सायंकाळपर्यंत कार्यान्वित झाली नाही तर कारखाना बंद करावा लागण्याची नामुष्की कारखान्यावर ओढवणार होती. परंतु, कारखान्याचे अध्यक्ष विशाल पाटील यांच्यासह व्यवस्थापन मंडळाने सुमारे तीन कोटी रुपयांचा खर्च करून आठपैकी सुरू असलेल्या तीन बॉयलरमध्ये राख नियंत्रण करणारी स्क्रबर यंत्रणा रविवारी सायंकाळी कार्यान्वित केली. हे काम पूर्ण होईपर्यंत प्रदूषण मंडळाचे अधिकारी कारखान्यावर बसून होते, अशी माहिती सांगली जिल्हा सुधार समितीचे अ‍ॅड. अमित शिंदे, अध्यक्ष रवींद्र चव्हाण यांनी पत्रकारांना दिली. समितीच्या आंदोलनाचे हे यश असल्याचेही त्यांनी यावेळी सांगितले.

कारखान्याचे अध्यक्ष विशाल पाटील म्हणाले, ‘कारखान्याच्या सर्व बॉयलरला राख नियंत्रण बसविण्यात आलेली आहे. सध्या गरजेनुसार तीन बॉयलर सुरू आहेत. राखेचा नागरिकांना त्रास होत असल्याबाबत प्रदूषण नियंत्रण मंडळाने राख नियंत्रण यंत्रणेबाबत विचारला केली होती. त्यांना लेखी देऊन आम्ही तीन दिवसांची मुदत मागितली होती. तो शब्द पाळला आहे.’

मोबाइल अॅप डाउनलोड करा आणि राहा अपडेट

डॉ. कुंबळेची बँक खाती तपासणार

December 18, 2016, 1:30 pm

≫ Next: रुबाबदार डॉग शो हाऊसफुल

≪ Previous: राख नियंत्रण यंत्रणावसंतदादामध्ये कार्यान्वित

$

0

0

म. टा. प्रतिनिधी, कोल्हापूर

क्लिनिकमध्येच बनावट नोटांचा छापखाना थाटणारा डॉक्टर सुधीर रावसाहेब कुंबळे (वय ३३, रा. एव्हरग्रीन होम्स, नागाळा पार्क) याच्या बँक खात्यांची तपासणी करण्यासाठी पोलिसांनी बँकांशी पत्रव्यवहार केला आहे. सोमवारी (ता. १९) बँक खात्यांची तपासणी होणार आहे, तर डॉ. कुंबळे याने नोटा छापण्यासाठी राजारामपुरीतील लक्ष्मी कॉम्प्युटर या दुकानातून प्रिंटर खरेदी केल्याची माहिती तपासात पुढे आली आहे. दरम्यान, डॉ. कुंबळे याची पोलिस कोठडीची मुदत सोमवारी (ता. १९) संपत आहे.

पेशाने डॉक्टर असलेल्या सुधीर कुंबळे याने हव्यासापोटी बनावट नोटा छापून बाजारात खपवण्याचे नियोजन केल्यानंतर त्याने या कामात गोपनीयता बाळगली. दोन वर्षांपूर्वी खरेदी केलेला प्रिंटर आणि स्कॅनरचा यासाठी त्याने शिताफीने वापर केला. हा प्रिंटर त्याने दोन वर्षांपूर्वी राजारामपुरी येथील बी. टी. कॉलेजच्या समोरील लक्ष्मी कॉम्प्युटर या दुकनातून खरेदी केला होता. पोलिसांनी रविवारी याची चौकशी केली असून, प्रिंटरचा वापर कधीपासून केला याची माहिती घेण्याचे काम सुरू आहे. डॉ. कुंबळे याने ११ महिन्यांपूर्वीच इनोव्हा कार खरेदी केली आहे. नागाळा पार्क येथील फ्लॅट मात्र त्याच्या वडिलांच्या नावे आहे. कोल्हापुरात केवळ ७ ते ८ महिनेच क्लिनिक चालवून त्याच्याकडे आलेल्या पैशांबाबत शंका आहे, त्यामुळे त्याच्या दोन्ही बँक खात्यांची तपासणी होणार आहे. लक्ष्मीपुरी पोलिसांनी यासाठी दसरा चौकातील स्टेट बँक ऑफ इंडिया, आणि लक्ष्मीपुरीतील बँक ऑफ इंडियाच्या शाखांना पत्र दिले आहे. सोमवारी (ता. १९) दोन्ही बँकांमधील खात्यांची तपासणी केली जाणार आहे.

डॉ. सुधीर कुंबळे हा दोन वर्षांपूर्वी कोल्हापुरात आला, मात्र या कालावधीत त्याने केवळ ७ ते ८ महिनेच क्लिन‌िक चालवले. सुरुवातीला कनाननगर परिसरात त्याचे क्लिनिक होते. नोव्हेंबर महिन्यात हे क्लिनिक बंद करून त्याने खानविलकर पेट्रोल पंपासमोर नवीन क्लिनिकसाठी प्रयत्न सुरू केले. भाड्याने जागा घेऊन क्लिन‌िक सुरू करण्याचे काम अंतिम टप्प्यात होते. दोन वर्षांच्या काळात केवळ ७ ते ८ महिनेच काम करूनही महागडी कार खरेदी केल्यामुळे त्याने यासाठी पैसा कुठून आणला? असा प्रश्न उपस्थित झाला आहे. पोलिसांनी डॉ. कुंबळे याच्या मोबाइलचे कॉल डिटेल्स तपासण्याचेही काम सुरू केले आहे.

आज संपणार पोलिस कोठडी

बनावट नोटा खपवताना अटक केलेला संशयित डॉ सुधीर कुंबळे याला कोर्टात हजर केल्यानंतर कोर्टाने त्याला १९ डिसेंबरपर्यंत पोलिस कोठडी सुनावली होती. सोमवारी पोलिस कोठडीची मुदत संपत असल्याने त्याला पुन्हा कोर्टात हजर केले जाईल. दरम्यान, त्याच्याकडील प्रिंटर, स्कॅनर, कटर आणि १७ हजार रुपयांच्या बनावट नोटाही पोलिसांनी जप्त केल्या आहेत.

मोबाइल अॅप डाउनलोड करा आणि राहा अपडेट

रुबाबदार डॉग शो हाऊसफुल

December 18, 2016, 1:30 pm

≫ Next: जि.प.साठी २२ जानेवारीला आचारसंहिता

≪ Previous: डॉ. कुंबळेची बँक खाती तपासणार

$

0

0

म. टा. प्रतिनिधी, कोल्हापूर

मराठी, हिंदी, इंग्रजी भाषा कोणतीही असो, कोणत्याही भाषेच्या माध्यमातून दिलेले प्रशिक्षण श्वान त्याची अमंलबजावणी कशी करतो, याचा प्रत्यय कॅनाइन क्लब ऑफ कोल्हापूरच्यावतीने आयोजित केलेल्या डॉग शोमध्ये रविवारी आली. शहाजी लॉ कॉलेजच्या पटांगणावर झालेल्या शोमध्ये देशभरातील श्वान सहभागी झाले होते. परदेशी व देशी प्रजातीचे श्वान पाहण्यासाठी रविवारच्या सुटीची पर्वणी अनेकांनी साधली. डॉग शोचे परीक्षण करण्यासाठी खास परदेशातून तज्ज्ञाना निमंत्र‌ित केले आहे.

कॅनाइन क्लबच्यावतीने ४४ व ४५ व्या ऑल ब्रीड डॉग शोचे शनिवारपासून आयोजन केले होते. शनिवारी ओबिडयन्स शो पार पडला. श्वानाला मिळालेल्या प्रशिक्षणाची आज्ञा किती प्रमाणात पाळतो, याचे परीक्षण झाले. रविवारी सर्वच गटातील श्वानांची ऑलब्रीड चॅम्पियनशीप पार पडली. सी १ ते सहा गटात स्पर्धा पार पडली. स्पर्धेत अफगान हाउंड, तिबेट‌ियन टेरियर, टॉय पूडल, स्टँडर्ड पूडल, वायर फॉक्स टेरियर, फ्रेंच बुलडॉग, पग, लॅब्रोडर, ग्रेडडेन, जर्मन शेफर्ड, बॉक्सर, मिनिजर पिन्चर, चाऊचाऊ, हक‌िता, पुडल टॉय, पाँइटर, तिबेटीयन मस्ट‌िफ या देशी आणि परदेशी प्रजातीबरोबरच कारवान, हाउंड, मुधोळ हाउंड श्वानही सहभागी झाले आहेत.

डॉग शोमध्ये मुंबई, हैद्राबाद, बेंगळूरु, पुणे अशा देशभरातील ३८० हौशी श्वान मालक श्वानासह सहभागी झाले होते. तोंडी आणि हँडलरने दिलेल्या सुचनाची प्रत्येक श्वान हुशारीने अंमलबजावणी करत होता. यातून मालक आणि श्वानामधील मैत्री अधोरेखित करत होती. रविवारी चॅम्पियनशीप पार पडणार असल्याने शहरातील श्वान प्रेमींनी सकाळी नऊ पासून चांगलीच गर्दी केली होती. सुटीचा आनंद द्विगुणित करण्यासाठी काहीजण कुटुबींयांसह शो पाहण्यासाठी आले होते. परीक्षक म्हणून सुझॉन थ्रिगले, अॅड्रियन जोन्स (ऑस्ट्रेलिया) व सायमन सीम (फिलिपाइन्स) काम पाहिले.

मोबाइल अॅप डाउनलोड करा आणि राहा अपडेट

जि.प.साठी २२ जानेवारीला आचारसंहिता

December 18, 2016, 1:30 pm

≫ Next: बाजार मंदावला

≪ Previous: रुबाबदार डॉग शो हाऊसफुल

$

0

0

म. टा. प्रतिनिधी, कोल्हापूर

जिल्हा परिषदेच्या निवडणुकीसाठी लवकरच घमासान सुरू होणार आहे. ‌जिल्हा परिषद आणि पंचायत समित्यांच्या निवडणुकांसाठी नव्या वर्षात, म्हणजे २२ जानेवारीदरम्यान आचारसंहिता लागू होण्याची शक्यता आहे. त्यामुळे आगामी पंधरा दिवसांपासूनच राजकीय वातावरण तापायला सुरू होणार आहे. आचारसंहितेची शक्यता लक्षात घेऊन जिल्हा परिषदेच्या सर्वच विभागात विकासकामांसाठी निधी मंजुरी आणि कामे उरकण्याची घाई सुरू झाली आहे. विशेषतः आपल्या मतदारसंघात जास्तीत जास्त कामे नेण्यासाठी सर्वच सदस्यांची घालमेल सुरू असल्याचे चित्र आहे.

याआधी जिल्हा परिषदेसाठी येत्या २२ डिसेंबरपासून आचारसंहिता लागू लागू होणार असल्याची चर्चा होती. तथापि, २२ जानेवारीला आचारसंहिता लागण्याची शक्यता आहे. विद्यमान सभागृहाची मुदत मार्चमध्ये संपत आहे. सध्या कोल्हापूर जिल्हा परिषदेवर काँग्रेस आणि स्वाभिमानी शेतकरी संघटनेचे वर्चस्व आहे. गेल्या काही दिवसांपासून २२ डिसेंबराला आचारसंहिता जाहीर होण्याची चर्चा मतदारसंघात सुरू होती. मात्र जिल्हा परिषद निवडणुकीसाठी अंतिम मतदार यादी २१ जानेवारीला प्रसिद्ध होणार आहे. त्यामुळे निवडणूक आचारसंहिता २२ जानेवारीपासूनच लागू होण्याची जास्त शक्यता आहे. २२ जानेवारीपासून आचारसंहिता लागू झाल्यास निवडणूक प्रक्रियेसाठी आवश्यक ४५ दिवसांचा कालावधी मिळणार आहे. १५ मार्चपूर्वी नवीन सभागृह अस्तित्वात येणार असल्याने फेब्रुवारीत मतदान होणार आहे.

पाच वर्षांपूर्वी जिल्हा परिषदेचे आचारसंहिता १७ फेब्रुवारीला लागली होती. यंदा राज्य निवडणूक आयोगानेच अंतिम मतदार यादीची प्रक्रिया २१ जानेवारीपर्यंत लांबविली आहे. त्याचा परिणाम म्हणूनच आचारसंहिताही महिनाभर लांबण्याची शक्यता आहे. आणखी महिनाभराची मुदत मिळणार असल्याने जिल्हा परिषद आणि पंचायत समितीत आचारसंहितेच्या धास्तीमुळे राहिलेले काम पूर्ण करून घेण्यासाठी आणखी वेळ मिळणार आहे. या महिन्याचा शेवटचा आठवडा किंवा वीस जानेवारीपर्यंत जिल्हा परिषदेची शेवटची सर्वसाधारण सभा होण्याची शक्यता आहे. याआधी नोव्हेंबर महिन्यात शेवटची सभा होईल, असे गृहित धरून जिल्हा परिषदेने दहा कोटींहून अधिक कामे तत्काळ मंजूर केली आहेत.

आचारसंहिता कधीही जाहीर झाली तरी सज्जता असावी म्हणून काँग्रेस, राष्ट्रवादी काँग्रेसने जय्यत तयारी सुरू केली आहे. भारतीय जनता पक्षाने मित्रपक्षाला सोबत घेऊन जिल्हा परिषदेतून काँग्रेसच्या हकालपट्टीचा चंग बांधला आहे. शिवसेनेने तूर्त तरी स्वबळावर निवडणूक लढविण्याची तयारी दर्शविली आहे. काही मतदारसंघ आरक्षित झाले असले तरी जिल्हा परिषदेच्या विद्यमान सदस्यांनी इच्छुक उमेदवारांना पाठिंबा दिला आहे. त्यासाठीची व्यूहरचना सुरू झाली आहे.

मोबाइल अॅप डाउनलोड करा आणि राहा अपडेट

---

बाजार मंदावला

December 18, 2016, 1:30 pm

≫ Next: धान्य बाजारात मंदी कायम

≪ Previous: जि.प.साठी २२ जानेवारीला आचारसंहिता

$

0

0

कोल्हापूर टाइम्स टीम

नोटाबंदीनंतर झालेला चलन तुटवडा, त्यामुळे सामान्य नागरिकांची पैशांसाठी सुरू असलेली धावाधाव यातून बाजारपेठेवर विपरित परिणाम झाला आहे. हातात पैसे नसल्याने आणि सुट्या पैशांच्या तुटवड्यामुळे रविवारी भरणाऱ्या बाजारपेठेत आठवड्याचा बाजार करण्यासाठी येणाऱ्यांची संख्या रोडावली आहे. त्यातून सरासरी ५० टक्के उलाढाल मंदावली आहे. भाजीपाल्यापासून इतर किरकोळ अत्यावश्यक वस्तूंची विक्री घटली आहे. ग्राहकच नसल्याने आठवडी बाजारातील विक्रीवर विसंबून असणाऱ्या किरकोळ विक्रेत्यांना त्याचा मोठा फटका बसला आहे. नोटाबंदीनंतर पाचवा रविवार झाला. पहिल्या दोन ते तीन रविवारच्या बाजारावर परिणाम झाला असला तरी त्याचे प्रमाण ३० टक्क्यापर्यंत होते. पण जुन्या नोटा जाऊन नवीन नोटा आल्यानंतर व्यवहारात जो सुरळीतपणा यायला हवा होता तो दिसत नाही.
बाजारात दोन हजार रुपयांची व नंतर शंभर रुपयाचीच नोट असल्याने किरकोळ व्यवहारांना अडचणी येत आहेत. रविवारच्या बाजारात त्याचा परिणाम जास्त दिसून येत आहे. आठवड्याचे पगार झाल्यानंतर पुढील आठवड्याचा बाजार करण्यासाठी येणाऱ्यांची संख्या जास्त असते. या नागरिकांच्या हातात सुटे पैसे पडत नसल्याने त्याचा थेट परिणाम रविवारच्या बाजारावर झाला आहे. तसेच अन्य नागरिकांनीही शंभर व अन्य छोट्या नोटा जपून वापरण्यास सुरुवात केल्याने एकूणच व्यवहार मंदावल्याचे दिसत आहे. लक्ष्मीपुरीतील बाजारात भाजीपाल्यापासून ते जीवनावश्यक लागणाऱ्या सर्व वस्तू असतात. अगदी भांड्यांपासून ते लिंबू, मिरच्यापर्यंतचा बाजार असतो. या रविवारी अनेक विक्रेते ग्राहकांची प्रतिक्षा करत असल्याचे दिसत होते. तर आठवड्यापेक्षा भाज्यांचे दर उतरल्याचे जाणवत होते. वांगी दहा रुपये किलो, फ्लॉवरचा एक नगर दहा रुपये, पालेभाज्या दहा रुपयांना दोन, गाजर ४० रुपये किलो, बोरे २० रुपयांपासून ३० रुपयापर्यंत तर टोमॅटो दहा रुपयांना कुणी सव्वा किलो तर कुणी दीड किलो देत होते. इतके दर खाली असूनही विक्री फार होत असल्याचे चित्र नव्हते. कांद्याचा दरही १५ रुपये किलो होता. या साऱ्या प्रकारामुळे बाजारात शांतता जाणवत होती.


मसाले तसेच इतर साहित्य विक्रीसाठी दर रविवारी असतो. या बाजारात दर आठवड्याला खरेदीसाठी येणारे सामान्य नागरिक असतात. त्यांचे प्रमाण कमी झाले असल्याने नेहमीच्या व्यवहारापेक्षा जवळपास ५० टक्के व्यवहार कमी झाला आहे. सुट्या पैशांचा प्रश्न अजूनही तसाच आहे. त्यामुळे ग्राहक नाहीत व त्यामुळे विक्री होत नाही.

प्रविण चवरे, मसाला विक्रेते

.....

नोटाबंदीचा निर्णय चांगला असला तरी व्यवहारांवर परिणाम झाला आहे. नेहमी येणाऱ्या ग्राहकांची संख्या कमी झाली आहे. दररोज लागणाऱ्या व कमी दरात दिल्या जाणाऱ्या बेकरी पदार्थांची मागणी बाजारात मोठी असते. पण त्यातही २० ते ३० टक्क्यापर्यंत घट झाली आहे.

अमर पाटील, बेकरी पदार्थ विक्रेता

मोबाइल अॅप डाउनलोड करा आणि राहा अपडेट

धान्य बाजारात मंदी कायम

December 18, 2016, 1:30 pm

≫ Next: कळंबा जेलमधील मोबाइलने खळबळ

≪ Previous: बाजार मंदावला

$

0

0

कोल्हापूर ः चलनातून ५०० आणि १००० रूपयांच्या नोटा रद्द झाल्यानंतर एक महिन्यानंतरही नवे चलन पुरेशा प्रमाणात मिळत नसल्याचे चित्र आहे. परिणामी धान्य बाजारातील मंदी कायम आहे. आवक कमी झाली आहे. रोज ५० ट्रकऐवजी ३५ ट्रक धान्य येत आहे. यामुळे उलाढाल कमी झाली आहे. होलसेलसह किरकोळ धान्य विक्रेत्यांना फटका सहन करावा लागत आहे.

कोकण आणि पश्चिम महाराष्ट्रातील कोल्हापूर प्रमुख धान्य बाजारपेठ आहे. गुजरात, आंध्र प्रदेश, कर्नाटक, मध्य प्रदेश, राजस्थान आदी राज्यांतून रोज येथे धान्य येते. रविवार पेठ, लक्ष्मीपुरीत होलसेल बाजारात धान्य येते. तेथून पंचक्रोशी, जिल्हा, कोकण, गोवा येथे धान्य जाते. जुने चलन रद्द झाल्यानंतर सुरूवातीच्या टप्प्यात या बाजारात बंदसदृश्य स्थिती होती. तीत दोन आठवड्यांपासून काही प्रमाणात सुधारणा झाली आहे. दहावर गेलेली उलाढाल आता ६० टक्क्यांपर्यंत आली आहे, पण अजूनही पूर्णपणे धान्य बाजार पूर्वपदावर आलेला नाही.

बाहेरच्या राज्यातून येणाऱ्या धान्यांचे ट्रकचे भाडे २० ते २५ हजारांपेक्षा जास्त होते. ते देण्यासाठीही अनेक होलसेल व्यापाऱ्यांकडे रोख पैसे नसल्याने समस्या निर्माण होत आहेत. चेकने काही व्यवहार होत आहेत, पण स्वाइप मशीनवर क्रेडीट कार्डवर कॅशलेस व्यवहार केल्यास व्यापाऱ्यांना कमीत कमी एक टक्का पैशांचा भुर्दंड पडत आहे. मुळात धान्य बाजारातील होलसेल व्यापारी एक टक्के नफ्यांवर काम करतात. त्यामुळे कॅशलेससाठीचा भुर्दंड सहन करणे अशक्य असल्याचे व्यापाऱ्यांचे म्हणणे आहे. पैसे कमी असल्याने मागणीही कमी आहे. धान्य बाजाराकडे चाळीस टक्के ग्राहकांनी पाठ ‌फिरवली आहे. नवी तूर, मूगडाळ बाजारात येत असल्याने दर कमी होत आहेत. ज्वारी, तांदूळ, गहू यांचे दर स्थिर आहेत.

………

धान्य बाजारात अजूनही मंदी आहे. मागणी कमी असल्याने आवक घटली आहे. अनेक व्यापारी कॅशलेस व्यवहाराकडे वळत आहेत. चेकने व्यवहार करत आहेत. चेकमुळे सुरक्षिता वाढली आहे.

महेश सावर्डेकर, धान्य व्यापारी, लक्ष्मीपुरी


चलन टंचामुळे धान्य बाजार अजूनही सावरलेला नाही. ५० पैकी ३५ ट्रक धान्य येत आहे. पुरेशा प्रमाणात पैसे नसल्याने मंदी कायम आहे. ज्वारी, गहू, तांदूळ यांचे दर स्थिर आहेत. नवी येत असल्यामुळे डाळींचे भाव कमी होण्याची शक्यता आहे.

सदानंद कोरगांवकर, अध्यक्ष, होलसेल धान्य व्यापारी असोसिएशन

मोबाइल अॅप डाउनलोड करा आणि राहा अपडेट

कळंबा जेलमधील मोबाइलने खळबळ

December 18, 2016, 1:30 pm

≫ Next: दूध उत्पादक अडचणींच्या गर्तेत

≪ Previous: धान्य बाजारात मंदी कायम

$

0

0

म. टा. प्रतिनिधी, कोल्हापूर

कळंबा मध्यवर्ती कारागृहात कैद्याकडे मोबाइल सापडल्याची घटना पुन्हा एकदा उघडकीस आल्याने जेलमधील कारभार चव्हाट्यावर आला आहे. याबाबत जेल प्रशासनाने मोबाइल वापरणारा कैदी मंदार कृष्णदेव कदम (वय २९, रा. करडवाडी, ता. कराड) याच्यासह तीन कैद्यांवर गुन्हा दाखल केला आहे. जामिनावर सुटलेला कैदी कदम याला जुना राजवाडा पोलिसांनी अटक करताच जेलमधील कारभार चव्हाट्यावर आला आहे. दरम्यान, कैदी चव्हाण याला जामीन मंजूर झाला.

कळंबा कारागृहात वर्षभरापूर्वीच कैद्यानी केलेल्या ओल्या पार्टीमुळे कारागृहात कैद्यांना चिकन, गांजा, अँड्रॉइड मोबाइल आदी सुविधा सहज उपलब्ध होत असल्याचे स्पष्ट झाले होते. ठराविक कैद्यांसाठी कारागृहाची नियमावली बासनात बांधून ठेवणारे काही कर्मचारीच त्या प्रकारात दोषी आढळले होते. याबाबत एका कर्मचाऱ्याचे निलंबनही झाले. एवढे होऊनही कारागृहातील स्थिती ‘जेसै थे’ असल्याचा पुरावा नुकताच समोर आला आहे. कराड येथील कुख्यात गुंड सल्या चेप्यावर गोळीबार करणारा गुंड मंदार कदम हा करागृहाच्या बरॅक नंबर ४ मध्ये मोबाइलवर बोलताना आढळला होता. त्याच्यासोबत सुमित प्रकाश गवळी आणि दशरथ पांडुरंग माळी हे दोन कैदी होते. कारागृह कर्मचारी नवनाथ भोसले यांच्या लक्षात हा प्रकार येताच कारागृहातील अधिकाऱ्यांनी कैदी कदमकडील मोबाइल काढून घेऊन त्याच्यासह तिघांवर जुना राजवाडा पोलिस ठाण्यात गुन्हा दाखल केला होता. ही घटना १ नोव्हेंबरला घडली होती.

कदम याला उच्च न्यायालयाकडून जामीन मंजूर होताच जुना राडवाडा पोलिसांनी त्याला शनिवारी (ता. १७) कळंबा कारागृहाच्या बाहेरून ताब्यात घेतले. रविवारी त्याला कोर्टात हजर केले असता, जामीन मंजूर झाला. कैदी कदम याच्याकडे मिळालेल्या मोबाईलची चौकशी पोलिसांनी सुरू केली असून, तो मोबाइल बाहेरून कुणी पुरवला की, कारागृहातील कर्मचाऱ्यांनी पुरवला याची माहिती घेण्यात येत आहे. मोबाइलमधील सीमकार्ड कुणाच्या नावावर खरेदी केले आहे, याची शहानिशा करण्याचे काम पोलिसांकडून सुरू आहे. गरज पडल्यास कारागृहातील कर्मचाऱ्यांचीही चौकशी करणार आहे, अशी माहिती जुना राजवाडा पोलिस ठाण्याचे निरीक्षक अनिल देशमुख यांनी दिली.

मोबाइल अॅप डाउनलोड करा आणि राहा अपडेट

दूध उत्पादक अडचणींच्या गर्तेत

December 18, 2016, 1:30 pm

≫ Next: एटीएमसमोरील रांगा कायम

≪ Previous: कळंबा जेलमधील मोबाइलने खळबळ

$

0

0

म. टा. वृत्तसेवा शाहूवाडी

नोटाबंदीच्या, चलनबदलाच्या निर्णयानंतर गेल्या ४० दिवसांत दूध व्यवसाय करणारे शेतकरी गोंधळून गेले आहेत. दूध व्यवसायातील ‘नेते’ बँकेच्या दारांतील रांगेत उभे राहिल्याचे दिसले नाही. तर दुसरीकडे दूध उत्पादक शेतकरी मात्र बँकांच्या दारात भांबावलेल्या स्थितीत उभा असल्याचे पाहायला मिळत आहे.

दोन वर्षांपूर्वी पंतप्रधान कार्यालयाकडून दुधसंस्थांच्या माध्यमातून दूध उत्पादकाला थेट बँकेशी जोडण्याचा प्रयत्न झाला. उत्पादकांना बँकिंग व्यवहारांची सवय लागावी हा त्यामागचा उद्देश होता. मात्र दूध संघांनी प्राथमिक स्तरावरील संस्थांशी तसा पत्रव्यवहार केल्यानंतर जन-धन खाती उघडून केवळ पाच-दहा टक्के संस्थांनी याला प्रतिसाद दिला. दररोजच्या कामात आणखी भर नको म्हणून संस्थेच्या उत्पादकांनी बँक खात्यावरून नियमित व्यवहार करण्यास असहमती दर्शवली. दूध उत्पादकांची जन-धन खाती सुरू करण्याचा आग्रह धरताना केंद्र सरकारने जिल्हा बँकांसह ग्रामीण व नागरी बँकांचा पर्याय नाकारला नाही. त्यामुळे बहुतांशी याच बँकिंग यंत्रणेशी दुध व्यवसासियक शेतकरी यापूर्वीच्या सहकार कायद्याने जोडला गेला आहे. मात्र आताच्या नोटाबंदीच्या निर्णयानंतर या बँकिंगला ‘खो’ घातला गेल्याने हा व्यवसायच अडचणीत सापडला आहे. सरकारच्या राजकारणाच्या झळा प्रत्यक्ष उत्पादकांना सोसाव्या लागत आहेत.

शाहूवाडी तालुक्याचा विचार केल्यास दूध धंद्याशी संल्लग्न ६० टक्क्यांहून अधिक जनता आजही बँकांच्या पायरीवर पोहोचलेली नाही. तालुक्यातील अनेक धनगरवाडे, धाऊडवाडे आणि वाड्या वस्त्यांवरील शेतकरी आठवड्याच्या दोन-चारशे रुपये दुधाच्या उत्पन्नावर आपला चरितार्थ चालवतात. त्यांना ३०-४० किलोमीटर पायपीट करून पुन्हा बँकेच्या दारात उभे करणे हा माणुसकीच्या पलिकडील अशुद्ध व्यवहार ठरत असल्याची प्रतिक्रिया उमटू लागली आहे.

मिळणाऱ्या बिलातून घरखर्च भागत नसताना दूरवरून येऊन बँकेतूनच व्यवहार करण्याचा आग्रह धरणे म्हणजे आकलेचे तारे तोडण्याचाच हा प्रकार असल्याची प्रतिक्रीया आहे.

सद्यस्थितीत शाहुवाडीत वारणा, गोकुळ या प्रतिथयश संघांबरोबरच जोतीर्लिंग व समाधान यांसारखे खाजगी संघही दुध संकलन करत आहेत. नजीकच्या सांगली जिल्ह्यातील संघही येथे येतात. यापैकी को-ऑपरेटिव्ह अॅक्टनुसार नोंदणी न झालेल्या खाजगी संघ किंवा संस्थांना बँकेत खाते खोलण्यास प्रतिबंध असल्याने तसेच पर्यायी व्यवस्था उपलब्ध नसल्याने या संघ किंवा संस्थांशी सलग्न असलेला दुध उत्पादक मरणासन्न अवस्थेत पोहोचल्याचे दिसत आहे.

नोटाबंदीच्या निर्णयानंतर केडीसीसीला व्यवहार बंदी असल्याने तालुक्यातील ‘गोकुळ’शी संलग्न ३५० तर ‘वारणा’शी संल्लग्न शंभराहून अधिक प्राथमिक दूध संस्थांची लाखोंची दुधबीले आजही अडकून पडली आहे. राष्ट्रीयकृत बँकेत खाती उघडून संस्थांना ही रक्कम विशिष्ट प्रणालीचा वापर करून मिळविण्याचा संबंधित संघांनी दिलेला सल्ला अडगळीचा ठरत आहे. अपेक्षित चलनपुरवठा होत नसल्याने राष्ट्रीयकृत बँकाही नवीन खाते उघडू इच्छिणाऱ्या संस्थांना अपेक्षित प्रतिसाद देत नाहीत. नवीन खाते उघडायचे झाल्यास संस्थांना अपेक्षित कालावधीत खात्यावरील रक्कम काढता येणार नाही असा अजब फतवाही काही बँक अधिकाऱ्यांकडून काढला जात असल्याचे दुध संघांच्या अधिकाऱ्यांनी सांगितले.

बाजारातील जनावरांच्या किमतीही घटल्या आहेत. रोकड उपलब्ध होत नसल्याने ग्राहकांनी बाजाराकडे पाठ फिरविली असल्याने याचा व्यापारी दलाल मंडळींनी फायदा उठविला आहे.

पासबुक कशाला म्हणतात, हेच माहीत नसणारी दुर्गम आणि वाड्यावस्त्यांवरील जनता दूध व्यवसायात आहे. अनेकांनी बँकेची पायरीही पाहिलेली नाही. अशावेळी त्यांना सरकारच्या ‘डिजिटल इंडिया’च्या पायरीवर अनपेक्षितपणे नेऊन बसविणे शक्य नाही. प्रगत गावांत हा इ-बँकिंगचा निर्णय पचनी पढायला वेळ लागत असेल तर डोंगर-कपारीतील गावांचा विचारच करायला नको. चलन टंचाईमुळे आमच्यासारख्या खाजगी प्रकल्प चालकांसमोर अनेक अडथळे निर्माण झाले आहेत. उत्पादकांची बिले अडकली आहेत.

अॅड. राहुल थोरात, चेअरमन समाधान मिल्क अँड प्रॉडक्ट्स, वडगाव

राष्ट्रीयकृत बँकांकडून नवीन खाती उघडण्यासाठी संस्थांना सहकार्य केले जात नाही. दुधबीले मिळत नसल्याने संशयाच्या वातावरणातून संस्था चालक आणि दुध उत्पादकांत वादाचे प्रसंग उद्भवत आहेत. बँकाच नसलेल्या दुर्गम भागातून दुधबीलासाठी वस्तीपासून दूर असलेल्या बँकेत जाणे छोट्या उत्पादकाला परवडणारे नाही. तालुक्यात १०० ते १००० रुपयांपर्यंत बिले घेणाऱ्या उत्पादकांची संख्या सर्वाधिक आहे. रोखीने बिले देण्याच्या आग्रहाबरोबरच व्यवसायात निर्माण झालेल्या अडचणींचा पाढाच हे विभागीय मिटींगमध्ये समोर येत आहे.

सुभाष जमादार, विभागीय संकलन अधिकारी, गोकुळ शीतकरण केंद्र गोगवे

मोबाइल अॅप डाउनलोड करा आणि राहा अपडेट

एटीएमसमोरील रांगा कायम

December 18, 2016, 1:30 pm

≫ Next: शस्त्रक्रियांवर विचारमंथन

≪ Previous: दूध उत्पादक अडचणींच्या गर्तेत

$

0

0

म. टा. प्रतिनिधी, कोल्हापूर

जवळपास महिनाभर चलन तुटवड्यामुळे वैतागलेल्या नागरिकांना रविवारी सुटी असूनही पैशांसाठी एटीएमच्या रांगेत उभे रहावे लागले. नवीन चलनच आले नसल्याने बँकांनी पैसे कपात करण्यास सुरुवात केली आहे. मात्र या आठवड्यात काही प्रमाणात नवीन नोटा येण्याची शक्यता आहे. त्यानंतर परिस्थितीत काही प्रमाणात सुधारणा होण्याची आशा आहे. दरम्यान, सर्वोच्च न्यायालयात​ जिल्हा बँकांबाबत सरकारने दिलेल्या संकेताप्रमाणे रिझर्व्ह बँकेच्या परिपत्रकाकडे सर्वांचे लक्ष लागले आहे. सोमवारी हे परिपत्रक प्रसिद्ध होण्याची शक्यता आहे.

नोटाबंदीच्या निर्णयानंतर महिनाभरापासून बँक तसेच एटीएमसमोर रांगा कायम आहेत. अनेक बँकांनी पैशाच्या उपलब्धतेअभावी कमी पैसे देण्यास सुरुवात केली आहे. त्यामुळे नागरिकांना पैसे काढण्यासाठी वारंवार बँकेत अथवा एटीएममध्ये जावे लागत आहे. त्याचाच परिणाम म्हणून गेल्या दोन दिवसांपासून एटीएम तसेच बँकांमधील गर्दी वाढू लागली आहे. बँकांमध्येही त्यादिवशी किती पैसे उपलब्ध आहेत यावरुन नागरिकांना पैसे दिले जात आहेत. यामुळे काही राष्ट्रीयीकृत बँकांमध्ये दहा हजारपर्यंत तर काही ठिकाणी त्यापेक्षा जास्त पैसे दिले जात आहेत. सहकारी बँकांमध्ये मात्र अवस्था वाईट आहे. दोन हजार रुपयांच्या आसपासच पैसे दिले जात आहेत.

रविवारी तर बँकांना सुटी असल्याने एटीएम​शिवाय पर्याय नव्हता. त्यामुळे अनेक एटीएममध्ये सकाळी आठ वाजल्यापासून मोठ्या रांगा पहायला मिळाल्या. दुपारपर्यंत अनेक एटीएम बंद पडली. तर काही ठिकाणी पुन्हा पैसे भरण्यात येत असल्याने नागरिकांनी रांगेतच थांबणे पसंत केले होते. नोव्हेंबरमधील २० तारखेनंतर जिल्ह्यात नवीन नोटा आलेल्या नाहीत. या आठवड्यात काही प्रमाणात नोटा येण्याची शक्यता वर्तवण्यात आली होती. त्यानुसार या आठवड्यात काही नवीन नोटा आल्यास थोडी परिस्थिती सुधारण्यास मदत होणार आहे. पाचशे रुपयांच्या नवीन नोटांची आवश्यकता आहे. अशा परिस्थितीत दोन हजार रुपयांच्याच आल्या तर मात्र परिस्थिती जैसे थे राहणार आहे.

जिल्हा बँकांबाबत सर्वोच्च न्यायालयाकडे सरकारने मांडलेल्या मतानुसार सोमवारी रिझर्व्ह बँक आदेश काढण्याची शक्यता आहे. त्यानंतर जिल्हा बँकेकडील जुन्या नोटा करन्सी चेस्ट जमा करुन घेणार आहे. त्यामध्येही नाबार्डने केवायसी तपासल्यानंतर या नोटा स्वीकारल्या जाणार असल्याचे सांगितले आहे. त्यामुळे आदेश ​आला तरी प्रत्यक्षात नोटा जमा होण्यास वेळ लागणार आहे. दरम्यान, जिल्हा बँकेला जादा चलन उपलब्ध करुन द्यायचे आहे. त्यानुसारही सोमवारी जिल्हा बँकेला किती मिळतात याकडे लक्ष आहे.

मोबाइल अॅप डाउनलोड करा आणि राहा अपडेट

शस्त्रक्रियांवर विचारमंथन

December 18, 2016, 1:30 pm

≫ Next: ‘सामाजिक भान आणि नेतृत्वगुण जोपासा’

≪ Previous: एटीएमसमोरील रांगा कायम

$

0

0

म. टा. प्रतिनिधी, कोल्हापूर

कानाचे हाड खराब झाल्यामुळे हाडांच्या साखळीत गुंतागूंत निर्माण होते. या आजारामुळे येणारा बहिरेपणा अद्ययावत तंत्रज्ञानाच्या सहाय्याने शस्त्रक्रिया करून घालविता येतो, असे मत बेंगळूरुचे तज्ज्ञ डॉ. एच. विजयेंद्र यांनी व्यक्त केले.

कान, नाक व घसा तज्ज्ञ संघटना, डॉ. डी. वाय. पाटील विद्यापीठ आणि राजर्षी छत्रपती शाहू वैद्यकीय महाविद्यालयांच्या संयुक्त विद्यमाने तीन दिवसीय वैद्यकीय परिषदेच्या समारोपप्रसंगी ते बोलत होते. या परिषदेमध्ये राज्यातील वेगवेगळ्या तज्ज्ञांनी कान, नाक व घसा यावरील अद्यावत तंत्रज्ञानाच्या सहाय्याने शस्त्रक्रिया कशी करावी, याबाबतचे मार्गदर्शन केले. तर ९० शोधप्रबंधक परिषदेमध्ये सादर करण्यात आली. डॉ. विजयेंद्र यांनी कानाच्या हाडाची साखळीमुळे येणारा बहिरेपणा आणि त्याची शस्त्रक्रिया या विषयी मार्गदर्शन केले.

मलेशिया विद्यापीठाचे विभागप्रमुख पी. नारायण म्हणाले, ‘याआधी नाकाच्या ट्यूमरवर शस्त्रक्रिया करणे अवघड होते. मात्र वैद्यकीय क्षेत्रात होत असलेल्या बदलामुळे अद्ययावत तंत्रज्ञान आणि डॉक्टरांच्या कौशल्यामुळे नाकाची दुर्बिनीद्वारे गुंतागुंतीची अवघड शस्त्रक्रिया करणे सोपे झाले आहे. नवीन तंत्रज्ञानाच्या सहायाने शरीर अंतर्गत असलेल्या रचनेची माहिती झाल्यामुळे अवघड शस्त्रक्रिया करणे शक्य झाले आहे. तसेच या नव्या तंत्रज्ञाचा वापर कसा करावा याबाबतचे मार्गदर्शन केले.

डॉ. टी. एन. जानकिराम यांनी नाकातून मेंदूच्या भागात केली जाणारी शस्त्रक्रिया याचे मार्गदर्शन केले. नाकामधील रक्तवाहिनीतील गाठ हा अनुवंशिक आजार आहे. नाकाच्या बाजूला रक्तवाहिनीमध्ये ती गाठ तयार होते आणि ती वाढत जाऊन मेंदूपर्यंत पोहचण्याचा धोका असतो. त्यामुळे या आजारावर वेळीच उपचार करणे गरजे आहे. हा आजार फक्त १० ते १४ वयोगटातील मुलांनाच होतो. सर्वसाधारण नाकाच्या आजाराची जी लक्षणे असतात, तशीच ह्या आजाराची लक्षणे असल्यामुळे याचे लवकर निदान होत नाही. याचबरोबर डॉ. मदन कापरे यांनीही मार्गदर्शन केले.

यावेळी चेअरमन डॉ. व्यंकटेश रायकर, डॉ. जयंत वाटवे, डॉ. संतोष कुलकर्णी, डॉ. बाळसाहेब पाटील, डॉ. पराग वाटवे, डॉ. अंजना मोहिते, डॉ. आरती परुळेकर यांच्यासह राज्यातील ६०० डॉक्टर व विद्यार्थी या परिषदेमध्ये सहभागी झाले होते. अखेरच्या दिवशी नाक, घसा आणि चक्कर येणे यावर तज्ज्ञांसोबत परिसंवाद रंगला.

मोबाइल अॅप डाउनलोड करा आणि राहा अपडेट

‘सामाजिक भान आणि नेतृत्वगुण जोपासा’

December 18, 2016, 1:30 pm

≫ Next: निसर्गरम्य इंगळेनगरची हाक

≪ Previous: शस्त्रक्रियांवर विचारमंथन

$

0

0

म. टा. प्रतिनिधी, कोल्हापूर

स्पर्धा परीक्षेत यशस्वी झाल्यानंतर प्रशासकीय सेवेत काम करत असताना विविध जाती, धर्मियांना सोबत घेऊन काम करण्याबरोबरच कर्मचाऱ्यांसोबत काम करावे लागते. अशा वेळी सामाजिक जाणीव आणि नेतृत्वगुण उपयोगी येतात. स्पर्धा परीक्षेत याचीच कसोटी लावली जाते. त्यामुळे कठोर परिश्रमाबरोबर हे दोन गुण जोपासणे आवश्यक आहे, असे प्रतिपादन स्टडी सर्कलचे संचालक डॉ. आनंद पाटील यांनी व्यक्त केले.

केशवराव भोसले नाट्यगृह येथे महापालिकेच्यावतीने सुरू असलेल्या राजर्षी शाहू लोकशिक्षण व्याख्यानमालेच्या समारोपाचे पुष्प डॉ. पाटील यांनी गुंफले. सरोजिनी पाटील यांची प्रमुख उपस्थिती होती. ‘स्पर्धा परीक्षांचे बदलते स्वरुप आणि प्रशासकीय सेवेतील आव्हाने’ विषयावर बोलता डॉ. पाटील म्हणाले, ‘स्पर्धा परीक्षेच्या माध्यमातून बौद्ध‌‌िक क्षमतेबरोबरच व्यक्त‌िमत्त्वाची परीक्षा घेतली जाते. बुद्धी आणि व्यक्त‌िमत्त्व विकासासाठी वाचन व लेखन कौशल्याबरोबरच सामाजिक जाणीव आणि नेतृत्वगुणाची आवश्यकता असते. आयएलओच्या अहवालानुसार १५ ते २४ वयोगटातील व्यक्तीला युवक मानले जाते. त्यांच्या अहवालानुसार जगातील सरकारी नोकऱ्यांचे प्रमाण केवळ दहा टक्के असते, उर्वरित नोकरीच्या संधी खासगी क्षेत्रात असतात. सरकारी नोकरीमध्ये प्रवेश करण्यासाठी स्पर्धा परीक्षा एकमेव मार्ग आहे. स्पर्धा परीक्षांची तयारी करताना आयोगाने उत्तीर्ण होण्यासाठी अभ्यासक्रमाची आखणी केलेली असते. अशा परीक्षांमध्ये यश मिळवण्यासाठी बुद्ध‌िमत्ता, चातुर्यासोबत व्यवहार ज्ञानाची आवश्यकता असते. स्पर्धा परीक्षेची तयारी करताना वाचन, लेखन कौशल्य आत्मसात करताना केवळ एक वर्षाचा कालावधी या परीक्षांसाठी देण्याची आवश्यकता आहे. एक वर्षानंतर जर यश मिळत नसेल, तर किमान स्वत:चा खर्च भागवण्याचा प्रयत्न करून जोपर्यंत वयोमर्यादा आहे, तोपर्यंत स्पर्धा परीक्षांचा अभ्यास करा. मात्र त्यावेळी कुटुंबावर आर्थिक भार पडणार नाही याची काळजी घेण्याची आवश्यकता आहे’

‘सध्या स्पर्धा परीक्षांमध्ये व्यावसायिक अभ्यासक्रमाच्या विद्यार्थ्यांची संख्या लक्षणीय वाढत आहे, त्यामुळे पारंपरिक विद्याशाखांच्या विद्यार्थ्यांसमोर परीक्षाबरोबरच नोकरीमध्येही मोठी आव्हाने आहेत. परीक्षेच्या माध्यमातून यश मिळाल्यास सर्व जाती धर्मियांबरोबर सहकारी कर्मचाऱ्यांना सोबत घेण्याची आवश्यकता असते. यासाठी सजग वृत्ती, जाणीव आणि नेतृत्व गुण आवश्यक आहेत. या गुणांचीच परीक्षा याद्वारे घेतली जाते. त्यामुळे स्पर्धा परीक्षांकडे सकारात्मक दृष्टीने पाहण्याची आवश्यकता आहे.’ यावेळी विद्यार्थी मोठ्या संख्येने उपस्थित होते.

मोबाइल अॅप डाउनलोड करा आणि राहा अपडेट

---

निसर्गरम्य इंगळेनगरची हाक

December 18, 2016, 1:30 pm

≫ Next: ‘कळंबा’च्या सुरक्षेत जेलभेदी

≪ Previous: ‘सामाजिक भान आणि नेतृत्वगुण जोपासा’

$

0

0

Janhavi.Sarate@timesgroup.com

Tweet : @MTjanhavisarate

कोल्हापूर : सम्राटनगर आणि एसएससीबोर्ड याच्या मधला परिसर म्हणजे इंगळेनगर. सध्या राम-मंगल कार्यालयामुळे या उपनगराची नव्याने ओळख निर्माण झाली आहे. टुमदार बंगले, अपार्टमेंट्सनी वेढलेला हा परिसर सर्वांचे आकर्षण आहे. शिवाजी विद्यापीठ अगदी हाकेच्या अंतरावर आणि परिसरात इतर सर्वच शिक्षणसंस्था असल्याने प्राध्यापक, शिक्षक, नोकरदार, व्यापारी, उद्योजकांचे वास्तव्य या भागात अधिक आहे.

एकेकाळी दलदल आणि झाडी-झुडपांची दाटी असलेल्या जमिनीवर आता टुमदार घरे आणि उंच अपार्टमेंट्स उभारलेली दिसतात. राम-मंगल कार्यालयाच्या मागील बाजूस असलेल्या इंगळेनगर परिसरात केवळ चाणक्यनगर ही एकच सोसायटी आहे. अन्य लगतचा परिसर हा त्या-त्या अपार्टमेंट्सला दिलेल्या नावाने ओळखला जातो. या परिसरात वेगवेगळ्या समाजातील लोक राहतात. बंगलो आणि आपर्टमेंट्सनी हा परिसर फुलला आहे.

इंगळेनगर हे एनसीसी भवनच्या मुख्य मार्गालगत. भारती विद्यापीठ आणि आर. के. नगरकडे जाणाऱ्यांची वर्दळ प्रचंड वाढलेली दिसते. पूर्वी इंगळे माळरान म्हणून ओळखला जाणारा हा परिसर. शिवाजी विद्यापीठ, राजाराम कॉलेज, सायबर संस्था यामुळे परिसरात प्राध्यापकांची संख्या मोठी आहे. मात्र, याचबरोबर नोकरदार वर्गापासून बिल्डर, व्यावसायिकांची संख्याही येथे वाढली. शिवाजी विद्यापीठ व इतर शिक्षण संस्था जवळ असल्यामुळे बाहेरच्या विद्यार्थ्यांना राहण्याची सुविधा व्हावी म्हणून या परिसरातील अनेक घरे भाड्याने देण्याचे प्रमाणही अधिक आहे.

निसर्गसंपन्न कोल्हापूर यासाठी इंगळेनगरात प्रयत्न सुरू आहेत. येथे राहण्यासाठी आलेल्या प्रत्येकाने घराच्या परिसरात झाडे लावून ती वाढविण्याचा प्रयत्न केला जात आहे. त्यामुळे हा परिसर काही प्रमाणात हिरवागार दिसतो. या परिसरात जिवेश्वर हॉल व राम मंगल कार्यालय हे दोन खासगी हॉल आहेत. गेल्या ३० वर्षात या परिसराचा कायापालट झाला आहे. आज मूळ शहरालगतचे एक महत्त्वाचे उपनगर अशीही या परिसराची ओळख आहे. सुरुवातील या उपनगरांत लाइट, रस्ते, पाण्याची सुविधा नव्हती. १९७८ ला महापालिका अस्तित्वात आल्यानंतर या परिसरातील काही सुविधा मिळाल्या असे राजू हुंबे सांगतात. नंतर हळूहळू परिसरात वस्ती वाढत गेली. पुढे पाण्याची सुविधा, चांगले रस्ते तयार झाले. सध्या इंगळेनगरचे अंतर्गत रस्ते सिमेंटचे आहेत. मात्र ज्येष्ठ नागरिसांसाठी विरंगुळा केंद्र आणि वॉकिंग ट्रॅकचा अभाव आहे. परिसरात ड्रेनेज, पाण्याची व्यवस्था करणे गरजेचे असल्याचे स्थानिकांचे म्हणणे आहे.

शांत, रमणीय परिसर

शांत आणि निसर्गरम्य परिसरात घर ही आजकालची गरज ओळखून गेल्या काही वर्षात इंगळेनगर परिसरात बांधकाम व्यावसायिकांनीही आपल्या नव्या प्रकल्पांसाठी या परिसरात लक्ष केंद्रीत केले. बघता बघता घराबरोबरच अपार्टमेंटही या परिसरात वाढल्या.

महिला, तरुण मंडळाच्या माध्यमातून विकास

इंगळेनगरमध्ये ज्या प्राथमिक सुविधा आवश्यक आहेत, त्यासाठी परिसरातील महिला बचत गट आणि विश्वशांती तरुण मंडळाच्या युवकांनी त्या-त्या प्रश्नी पाठपुरावा करुन प्रश्न सोडविण्यासाठी प्रयत्न केले. या भागातील रस्ते, पाणी, लाइट या प्रश्नी नगरसेवकांना भेटणे, महापालिकेकडे तक्रार करणे याबाबत परिसरातील महिला नेहमीच पुढाकार घेतात.

उद्यान, वाचनालयाचा अभाव

सुमारे आठशेहून अधिक लोकवस्ती असलेल्या या परिसरात इंगळेनगर उपनगरांमधील लोकसंख्या पाहता, एकही उद्यान, वाचनालय किंवा व्यायामशाळा नाही, ही खेदाची बाब आहे. या परिसरात रिकामी जागाच शिल्लक नसल्यामुळे सांस्कृतिक कार्यक्रमांसाठी हॉल बांधला गेला नाही. परिसरातील लोकांसाठी एकही सार्वजनिक सांस्कृतिक हॉल येथे नाही.

पंचवीस वर्षांपूर्वीचे इंगळेनगर आणि सध्याचे इंगळेनगर यामध्ये खुप फरक आहे. सध्या या परिसरात तरुण मंडळाला हॉल बांधण्यासाठी जागाही शिल्लक नाही, इतक्या दाटीवटीने हा परिसर भरलेला आहे. २५ वर्षांपूर्वी या परिसरात रस्ते, पाणी, लाइट या सुविधा नव्हत्या. सध्या सर्व सुविधा उपलब्ध आहेत. शहराप्रमाणे या परिसरातही कायमस्वरुपी ड्रेनेजलाइनची व्यवस्था करणे आवश्यक आहे.

सी. एस. जाधव, इंगळेनगर रहिवासी

सुरुवातीची १२ वर्षे या परिसरात लाइट, पाणी या प्राथमिक सुविधाच नव्हत्या. त्या काळात केवळ १७५ मतदान होते. आता ते पाच हजारांच्या घरात पोहचले आहे. जशी लोकवस्ती वाढत गेली, तशा सुविधा दिल्या गेल्या. सध्या या परिसरात रस्ते, लाइट, पाणी या प्राथमिक सुविधा आहेत. शिवाय इतर सुविधांसाठीही प्रयत्न केला जात आहे.

राजू हुंबे, माजी नगरसेवक, इंगळेनगर

मोबाइल अॅप डाउनलोड करा आणि राहा अपडेट

‘कळंबा’च्या सुरक्षेत जेलभेदी

December 18, 2016, 1:33 pm

≫ Next: काँग्रेस-राष्ट्रवादीच्या बालेकिल्ल्यात भाजपाची दमदार एंट्री

≪ Previous: निसर्गरम्य इंगळेनगरची हाक

$

0

0

म. टा. प्रतिनिधी, कोल्हापूर

शहरातील कळंबा कारागृहात वर्षभराच्या आत पुन्हा एकदा कैद्याकडे मोबाइल सापडला. जेल प्रशासनाने याची गंभीर देखल घेऊन गंभीर गुन्ह्यातील कैदी मंदार कृष्णदेव कदम याच्यावर जुना राडवाडा पोलिसात गुन्हा दाखल केला, पण या घटनेने जेलमधील सुरक्षेबाबत प्रश्नचिन्ह उपस्थित झाले आहे. वर्षापूर्वीच्या ओल्या पार्टीनंतर पुन्हा कैद्याकडे मोबाइल सापडल्याने कारागृहातील कारभार चव्हाट्यावर आला आहे. कैद्याला जेलमध्ये मोबाइल कसा मिळाला, याचा शोध घेण्याचे काम जुना राजवाडा पोलिसांकडून सुरू आहे, तर जेल अधीक्षकांकडून जेलमधील कर्मचाऱ्यांचीही चौकशी होणार आहे. जेल सुरक्षेला सुरुंग लावण्यात काही कर्मचा ऱ्यांचाच हात असल्याचा संशय व्यक्त केला जात असून अशा घरभेद्यांचा शोध घेणे गरजेचे आहे.

कळंबा मध्यवर्ती कारागृहात देशभरातील सुमारे १७०० कैदी शिक्षा भोगत आहेत. यातील अनेक कैदी गंभीर गुन्ह्यातील आहेत. मुंबई बॉम्बस्फोटातीलही काही कैदी कळंबा कारागृहात आहेत. यातील काही कैद्यांना बाहेरून सुविधा पोहोचत असल्याचा गंभीर प्रकार पुन्हा एकदा उघडकीस आला आहे. कराड येथील गुंड सल्या चेप्या याच्यावर गोळीबार केल्याच्या गुन्ह्यातील कैदी मंदार कृष्णदेव कदम हा त्याच्या दोन साथीदारांसह कारागृहाच्या बरॅक नंबर तीनमध्ये मोबाइलवर बोलत होता. एक नोव्हेंबरला दुपारी एकच्या सुमारास हा प्रकार कारागृहातील कर्मचारी नवनाथ भोसले यांच्या लक्षात आला. भोसले यांनी वरिष्ठ अधकाऱ्यांना मोबाइलची कल्पना देऊन कैदी मंदार कदम याच्याकडून मोबाइल जप्त केला. यानंतर जुना राजवाडा पोलिस ठाण्यात मंदार कदम याच्यासह सुमित प्रकाश गवळी आणि दशरथ पांडुरंग माळी या तिघांवर गुन्हा दाखल केला. गवळी आणि माळी हे दोघे मंदार कदमसोबत होते.

कैदी मंदार कदम याला २३ ऑगस्ट, २०१६ रोजी कराड येथील कोर्टाने सात वर्षांची शिक्षा सुनावली आहे. या शिक्षेला उच्च न्यायालयात आव्हन दिल्यानंतर उच्च न्यायालयाने त्याचा जामीन मंजूर केला. शनिवारी (ता. १७) त्याला जामिनावर सोडण्याचे आदेश मिळाल्यानंतर जेलमधून बाहेर पडताच जुना राजवाडा पोलिसांनी त्याला अटक केली. कारागृहात जाताना कर्मचाऱ्यांचेही मोबाइल बाहेरच दरवाजावर काढून घेतले जातात. आत जाणाऱ्या कैद्यांचीही कसून तपासणी केली जाते, तरीही थेट कैद्याला मोबाइल मिळाल्याने याबाबत आश्चर्य व्यक्त केले जात आहे. तो मोबाइल जेल कर्मचाऱ्यांनी पोहोचवला आहे का? याची चौकशी करण्याचे काम जेल प्रशासनाकडून सुरू आहे. या प्रकारात जेल कर्मचारी दोषी आढळल्यास कडक कारवाई करणार असल्याचे जेल अधीक्षक शरद शेळके यांनी सांगितले. दरम्यान, मंदार कदम याला कोर्टात हजर केले असता, त्याला जामीन मंजूर झाला.

वर्षापूर्वीच ओली पार्टी

कळंबा कारागृहात कैद्यांनी ओली पार्टी केल्याची चित्रफित २५ नोव्हेंबर, २०१५ रोजी उघडकीस आली होती. कारागृहात राजरोस चिकन आणि गांजा पोहोचत असल्याची वस्तुस्थिती या चित्रफितीतून उघडकीस आली होती. त्या घटनेनंतर जेल अधिकाऱ्यांनी एका कर्मचाऱ्यास निलंबित केले होते, त्याचबरोबर ओली पार्टी करणाऱ्या कैद्यांना इतरत्र हलवले होते. अवघ्या वर्षभरात पुन्हा जेलमध्ये मोबाइल सापडल्याने जेलमध्ये कैद्यांचेच राज्य असल्याचे स्पष्ट झाले.

सेटिंगसाठी मोबाइलचा वापर

जेलमधील अनेक कैद्यांचे लागेबांदे अडरवर्ल्डशी आहेत. जेलमध्ये बसूनही काही कैदी बाहेरचे उद्योग चावलतात. मेडिकलच्या निमित्ताने सीपीआरमध्ये राहणे, पैशांच्या जोरावर सुट्या मिळवणे असे प्रकार जेलमध्ये सुरू असतात. या कामांकडे कर्मचाऱ्यांनी दुर्लक्ष करावे यासाठी त्यांच्या खिशात नोटा घातल्या जातात. यातूनच कैद्यांना मोबाइलही पुरवले जातात.

मोबाइल अॅप डाउनलोड करा आणि राहा अपडेट

काँग्रेस-राष्ट्रवादीच्या बालेकिल्ल्यात भाजपाची दमदार एंट्री

November 29, 2016, 9:55 am

≫ Next: महाराष्ट्राच्या दोन सुपुत्रांना वीरमरण

≪ Previous: ‘कळंबा’च्या सुरक्षेत जेलभेदी

$

0

0

सूर्यकांत आसबे, सोलापूर

मिनी विधानसभा म्हणून ओळखल्या जाणाऱ्या नगरपालिकेच्या निवडणुकीत भाजपने एकूण चार नगरपालिकांमध्ये दमदार एंट्री केली भाजपने काँग्रेस आणि राष्ट्रवादीला धूळ चारुन यश मिळविले. शिवसेनेने आपला गड शाबूत राखताना बार्शीचा राष्ट्रवादीच्या दहा वर्षांच्या सत्तेला सुरुंग लावत भगवा फडकविला आहे. पालकमंत्री विजयकुमार देशमुख एकूण चार नगरपालिकांच्या विजयाचे शिल्पकार ठरले. तर सहकारमंत्री सुभाष देशमुख या निवडणुकीत पुरते नापास झाले आहेत.

सोलापूर जिल्ह्यातील अक्कलकोट आणि दुधनी नगरपालिकांमध्ये काँग्रेसची अनेक वर्षे सत्ता होती. मात्र, विकास कामांबाबत स्वामी समर्थांची अक्कलकोट नगरी कायमच उपेक्षित राहिली होती. मागील निवडणुकीत २१ पैकी प्रत्येकी १० उमेदवार भाजप आणि काँग्रेसचे असताना सत्तेची चावी मात्र, एकमेव नगरसेवक असलेल्या राष्ट्रवादीच्या ताब्यात असायची ते ज्यांच्या पारड्यात आपले मत टाकायचे तो पक्ष सत्ता उपभोगायचा. काँग्रेसने येथे सर्वाधिक काळ सत्ता उपभोगली होती. भाजपचे माजी आमदार सिद्रामप्पा पाटील यांनी येथे नेहमी राष्ट्रवादीशी जवळीक साधण्याचा प्रयत्न केला. या राजकीय साठमारीत समर्थ नगरीचा विकास मात्र खुंटला. काँग्रेसचे आमदार सिद्धाराम म्हेत्रे यांनीही आपल्या सोयीच्या राजकारणाला महत्व दिले होते. मात्र, यंदाच्या निवडणुकीत भाजपने नगरपालिका ताब्यात घेण्याच्या इर्षेने जोमाने प्रचार केला. नव्या दमाचा तालुकाध्यक्ष म्हणून सचिन कल्ल्याणशेट्टी यांची निवड केली. पालकमंत्री विजयकुमार देशमुख यांनी गल्लोगल्ली फिरुन भाजपचा प्रचार केला. मात्र, ऐनवेळी सिद्रामप्पा पाटील यांनी भाजपची साथ सोडली तरीही जनता मागे हटली नाही, भाजपच्या पारड्यात घसघशीत १५ जागा टाकत स्पष्ट बहुमत मिळवून दिले. मुख्यमंत्री देवेंद्र फडणवीस यांची येथे जाहीर सभा झाली होती. भाजपच्या शोभा खेडगी नगराध्यक्ष झाल्या.

आमदार सिद्धाराम म्हेत्रे यांच्या दुधनीतही पालकमंत्री विजयकुमार देशमुख यांनी चमत्कार घडविला. तब्बल ५० वर्षांच्या काँग्रेसच्या सत्तेला सुरुंग लावला इतकेच नव्हे तर नगराध्यक्षपदही खेचून आणले. तीन अपत्ये असल्याचे बनावट प्रमाणपत्र सादर करून निवडणूक जिंकण्याचा म्हेत्रे यांचा डाव मतदारांनी हाणून पाडला. भाजपचे भीमाशंकर इंगळे यांना नगराध्यक्ष केले. बहुमत काँग्रेसचे आणि नगराध्यक्ष भाजपचा अशी दुधणीची अवस्था आहे. म्हेत्रे यांना येथे जबरदस्त धक्का बसला आहे. मैंदर्गी नगरपालिकेवर नेहमी स्थानिक गटांचाच झेंडा राहिला आहे. मात्र, येथेही भाजपचे ४ नगरसेवक निवडून आणण्याची किमया देशमुख यांनी केली आहे.

पंढरपूरमध्ये आमदार प्रशांत परिचारक यांनी भाजपच्या मदतीने एकहाती सत्ता राखली आहे, त्यांनी काँग्रेसचे आमदार भारत भालके यांचा पराभव केला. पंढरीचा रखडलेला विकास आणि परिचारक यांनी भाजप सरकारकडून मंजूर करून आणलेला कोट्यवधींचा निधी हे परिचारक यांच्या विजयाचे महत्वाचे कारण ठरले. येथे अपक्ष नगरसेवकांनी बाजी मारली हे विशेष म्हणावे लागेल. येथे परिचारक गटाच्या साधना भोसले नगराध्यक्षाच्या खुर्चीत विराजमान झाल्या.

सांगोला नगरपालिकेत शेकाप आमदार गणपतराव देशमुख आणि माजी आमदार दीपक साळुंखे यांना जास्तीच्या जागा मिळाल्या, परंतु शिवसेना भाजप आणि रिपाई महायुतीने नगराध्यक्षपद खेचून आणले. राणी माने यांच्या गळ्यात नगराध्यक्षपदाची माळ पडली. आतापर्यंतच्या इतिहासात आमदार देशमुख यांच्यासाठी हा मोठा धक्का मानला जात आहे.

मंगळवेढा नगरपालिकेत आमदार भारत भालके यांची काँग्रेस, शहा गट आणि राष्ट्रवादीने सत्ता राखली आहे. राष्ट्रवादीच्या अरुणा माळी नगराध्यक्ष झाल्या. बार्शीत माजी मंत्री आणि राष्ट्रवादीचे विद्यमान आमदार दिलीप सोपल यांच्या १० वर्षांच्या सत्तेला शिवसेनेने सुरुंग लावला. ४० पैकी तब्बल २९ जागा जिंकून शिवसेनेने येथे भगवा फडकविला. सोपल यांचे सांगली येथील सभेत झालेले वाचाळ भाषण त्यांची सत्ता जाण्याचे प्रमुख कारण ठरले. तर आर्यन कारखान्याने त्यांना पुरते अडचणीत आणले. शिवसेनेचे माजी आमदार राजेंद्र राऊत येथे विजयाचे शिल्पकार ठरले. त्यांचा सोशल इंजिनिअरिंगचा प्रयोग यशस्वी झाला. भाजपचा मात्र येथे पराभव झाला. शिवसेनेचे असिफ तांबोळी नगराध्यक्ष झाले. करमाळा निवडणुकीत काँग्रेस आणि राष्ट्रवादीने ऐनवेळी आघाडी केली आणि नगरपालिकेची सत्ता राखली. माजी आमदार जयवंतराव जगताप आणि माजी आमदार श्यामल बागल यांनी एकत्र येऊन सत्ता स्थापन केली. वैभवराजे जगताप नगराध्यक्ष झाले. भाजप शिवसेना आणि माजी नगराध्यक्ष कन्हैयालाल देवी यांना पराभवाला सामोरे जावे लागले. येथे करमाळ्याचे शिवसेना आमदार नारायण पाटील यांना पराभव पत्करावा लागला. कुर्डूवाडीत मात्र स्वाभिमानीची सत्ता आणि शिवसेनेचा नगराध्यक्ष, अशी स्थिती आहे. समीर मुलाणी नगराध्यक्षपदी निवडून आले. येथे आमदार बबन शिंदे यांचे बंधू संजय शिंदे यांच्या स्वाभिमानी आणि रिपाई आघाडीने नऊ जागा जिंकल्या. शिवसेना आणि स्वाभिमानाला गड आला पण सिंह गेला, असे म्हणण्याची वेळ आली. जिल्ह्यात सर्वाधिक आमदार असलेल्या राष्ट्रवादीचा या निवडणुकीत पराभव झाला. अजित पवार यांच्याकडे या निवडणुकीची सूत्रे होती. पालकमंत्री विजयकुमार देशमुख यांच्याकडे नऊ पैकी अक्कलकोट, मैंदर्गी, दूधनी आणि पंढरपूर या चार नगरपालिकांची जबाबदारी होती. त्यापैकी मैंदर्गी वगळता तीन नगरपालिका त्यांनी ताब्यात घेतल्या. सहकारमंत्री सुभाष देशमुख यांच्याकडे कुर्डुवाडी, बार्शी, सांगोला, करमाळा आणि मंगळवेढा या पाच नगरपालिकांची जबाबदारी होती. मात्र, त्यापैकी एकही नगरपालिका त्यांना ताब्यात घेता आली नाही. बार्शीत मुख्यमंत्र्यांची जाहीर सभा झाली आणि त्यांनी बार्शी दत्तक घेण्याचे आवाहन केले होते. मात्र, तेथे भाजपाची पुरती धूळधान उडाली. नगरपालिका निवडणुकीत पालकमंत्री पास तर सहकारमंत्री नापास झाले आहेत. आगामी जिल्हा परिषद निवडणुकीतही भाजपचा कस लागणार आहे. त्या निवडणुकीत काँग्रेस आणि राष्ट्रवादीला भाजप आणि शिवसेनेला रोखताना नाकी नऊ येणार हे मात्र, या नगरपरिषदा निवडणुकीवरून स्पष्ट झाले आहे.

मोबाइल अॅप डाउनलोड करा आणि राहा अपडेट

महाराष्ट्राच्या दोन सुपुत्रांना वीरमरण

November 29, 2016, 5:59 pm

≫ Next: सोलापूर पालिकेत गोंधळ

≪ Previous: काँग्रेस-राष्ट्रवादीच्या बालेकिल्ल्यात भाजपाची दमदार एंट्री

$

0

0

लेह, लडाखमधील कामगिरीनंतर कुणालगीर यांचे जम्मूमध्ये शौर्य

सुनील दिवाण, पंढरपूर

जम्मू-काश्मीर येथे दहशतवाद्यांशी दोन हात करताना पंढरपूरचे सुपुत्र मेजर कुणालगीर मुन्नागीर गोसावी मंगळवारी शहीद झाले. मंगळवारी सकाळी सैन्यदलाकडून कुणालच्या भावाला फोनवरून ही दुःखद बातमी कळताच, कुटुंबीयांवर दुःखाचा डोंगर कोसळला.

पंढरपूरमधील अत्यंत सधन कुटुंबातील धाकटा मुलगा असलेल्या कुणाल यांना सुरुवातीपासून सैन्यदलाची आवड. पंढरपूर येथील कवठेकर प्रशालेत शालेय शिक्षण आणि नंतर एमकॉम पदवी घेऊन सैन्यदलाचे प्रशिक्षण घेत ते नऊ वर्षांपूर्वी अधिकारीपदावर सैन्यात दाखल झाले. प्रारंभी लेह, लडाख, सागर, मणिपूर अशा विविध पोस्टिंगनंतर सध्या ते जम्मूमध्ये रुजू झाले होते. त्यानंतर २६ नोव्हेंबरलाच ते पत्नी उमा आणि ५ वर्षांची मुलगी उमंग हिला घेऊन पुन्हा जम्मूकडे रवाना झाले होते. मंगळवारी सकाळपासून टीव्हीवर चकमकीच्या बातम्या सुरू असल्याने गोसावी कुटुंब धास्तावले होते. यातच सकाळी कमांडंट अधिकाऱ्यांकडून मेजर कुणाल शहीद झाल्याचा फोन त्यांच्या भावाला आला.

फोन येताच त्यांचे दोन्ही भाऊ तातडीने जम्मूकडे रवाना झाले. ही बातमी पंढरपूर परिसरात समजताच पंढरपूरकरांनी गोसावी यांच्या घरापाशी गर्दी करण्यास सुरुवात केली. यातच जिल्हा प्रशासनाकडून मात्र या बातमीला पुष्टी मिळत नसल्याने कुटुंबीय कसातरी धीर ठेवून होते. दुर्दैवाने ही बातमी खरी असल्याचे समजताच परिसरावर शोककळा पसरली.
....................

लष्करी सेवा हेच होते संभाजी कदम यांचे ध्येय

म. टा. प्रतिनिधी, नांदेड

नांदेड जिल्ह्यातील जानापुरी (ता. लोहा) येथील जवान संभाजी यशवंतराव कदम (३३) यांना जम्मू-काश्मिरमधील नगरोटा येथे दहशतवाद्यांशी लढताना वीरमरण आले. त्यांच्यामागे पत्नी, मुलगी, आईवडील, दोन बहिणी असा परिवार आहे. रत्नेश्वरी मातेच्या पायथ्याशी वाढलेला जिगरबाज कणखर कदम यांच्या वीरमरणाचे वृत्त समजताच जानापुरीवर शोककळा पसरली असून गावात चूलही पेटलेली नाही.

कदम हे डिसेंबर २००२मध्ये ५ मराठा लाइट इन्फ्रंट्रीमध्ये दाखल झाले. १४ वर्षे सेवा बजावल्यानंतर पुढील वर्षी ते निवृत्त होणार होते. कदम आईवडिलांना एकुलते एक पुत्र होते. त्यांचे वडील पुण्यात खासगी कंपनीत वॉचमन तर आई पुण्यात मजुरी करते. कदम यांची पत्नी व तीन वर्षांची मुलगीही पुण्यात वास्तव्यास आहेत.

कदम गौरीपूजनावेळी जानापुरीत आले होते. त्यावेळी ‘नोकरी करावी, तर सैन्यातच करावी, त्यासारखी देशसेवा दुसऱ्या कोणत्याही नोकरीत नाही. आपल्या नोकरीचा अभिमान वाटतो,’ असे त्यांनी गावातील तरुणांना आवर्जून सांगितल्याची आठवण शहाजी कदम तसेच पांडुरंग कदम या त्यांच्या मित्रांनी जागवली. कदम यांच्या रूपाने अतिशय धाडसी शूरवीर पुत्र नांदेड जिल्ह्याने गमावल्याची व्यक्त होत आहे. पालकमंत्री दिवाकर रावते, आमदार हेमंत पाटील यांनी कदम यांना श्रद्धांजली वाहिली.
......................

मुलाचा अभिमान

कुणाल यांना लहानपणी बबलू या टोपणनावाने हात मारली जात असे. आपला लाडका बबलू सैन्यदलात उच्चपदावर जावा ही कुटुंबाची इच्छा होती. या घटनेमुळे कुटुंबावर दुःखाचा डोंगर कोसळला असला, तरी आपला मुलगा दहशतवाद्यांशी लढताना शहीद झाल्याचा अभिमान असल्याचे त्यांचे वडील मुन्नागीर गोसावी यांनी सांगितले. मेजर कुणाल यांच्यावर त्यांच्या वाखरी येथील शेतात अंत्यसंस्कार करण्यात येणार आहेत.

आज अंत्यसंस्कार

त्यांचे पार्थिव आज, बुधवारी जम्मू-काश्मीरहून विमानाने नांदेडला व त्यानंतर जानापुरी येथे आणले जाणार आहे. तेथे लष्करी इतमामात अंत्यसंस्कार केले जातील. लष्कर तसेच जिल्हा पोलिस दलातर्फे त्यांना मानवंदना दिली जाणार आहे. जिल्हा पोलिस दल, सार्वजनिक बांधकाम विभाग आदींसह विविध यंत्रणा जानापुरी येथे पोहोचल्या आहेत. जिल्हा सैनिक कल्याण अधिकारी मेजर मिलिंद तुंगार समन्वय साधत आहेत.

मोबाइल अॅप डाउनलोड करा आणि राहा अपडेट

सोलापूर पालिकेत गोंधळ

November 30, 2016, 9:05 am

≫ Next: ‘लोकमंगल’चा गोपाळराव देशमुखांना विशेष पुरस्कारसई परांजपे, प्रवीण बांदेकर, श्रीकांत देशमुखांचा होणार सन्मान

≪ Previous: महाराष्ट्राच्या दोन सुपुत्रांना वीरमरण

$

0

0

सोलापूर

सोलापूर महापालिकेच्या स्थायी समिती सभेत शहरातील कचरा उचलण्याच्या २४ कोटींच्या विषयाला मंजुरी देऊ नये यासाठी कामगार संघटनांनी आंदोलन केले. परंतु, सत्ताधाऱ्यांनी मोठ्या पोलिस बंदोबस्तात हा मक्ता देण्याच्या विषयाला बहुमताने मंजुरी दिली.

सोलापूर शहरातील आठही विभागीय कार्यालयांतर्गत कचरा उचलण्याच्या कंत्राट यशश्री इंटरप्रायजेस आणि वेस्ट मॅनेजमेंट या कंपनीला देण्याचा विषय गेल्या तीन आठवड्यांपासून तहकूब ठेवण्यात आला होता. स्थायी सभेत चर्चा झाल्यानंतर या विषयाला मंजुरी देण्यासाठी बुधवारी सभापती रियाज हुंडेकरी यांनी विशेष सभा बोलाविली होती. या विषयास विरोध करण्यासाठी विरोधी पक्षनेते नरेंद्र काळे यांच्या नेतृत्वाखाली सभापती रियाज हुंडेकरींना घेराव घातला. कचरा उचलण्याचा विषय सर्वसाधारण सभेकडे पाठवावा. या विषयाला स्थायीत मंजुरी देऊन सर्वसाधारण सभेचे अधिकार हिरावून घेण्याचा प्रयत्न करू नये. तूर्तास हा विषय स्थगित करावा, अशी मागणी नरेंद्र काळे यांनी केली. या विषयावर तासभर घेराव घालण्यात आला.

सोलापूर महापालिकेच्या स्थायी समितीत काँग्रेस-राष्ट्रवादी आघाडीचे बहुमत असल्याने ते बहुमताने मंजुरी देण्यावर ठाम राहिले. विरोधी सदस्यांचा गोंधळ चालूच राहिल्याने स्थायी समिती सभेला पोलिस बंदोबस्त मागविण्यात आला आणि पोलिस बंदोबस्तात स्थायीचे कामकाज सुरू झाले. इकडे स्थायी समिती सभागृहाचा दरवाजा बंद करण्यावरून पोलिस आणि भाजप नगरसेवकात बाचाबाची झाली. शेवटी पोलिसांनी वातावरण शांत करीत सभेचे कामकाज सुरू झाले. विरोधकांचा आणि कामगारांचा विरोध असतानाही सत्ताधाऱ्यांनी तसेच सभापतींनी बहुमतने मंजुरी देत सभा तहकूब केली. दरम्यान, १ ते ४ विभागात कचरा उचलण्यासाठी यशश्री इंटरप्रायजेस यांना प्रति टन १६७० रुपये तर पाच ते आठ झोनसाठी वेस्ट मॅनेजमेंट या कंपनीला १६८० रुपये दर देण्यात आला. १४व्या वित्त आयोगाच्या निधीतून हा खर्च वेळेत करण्याचे गरजेचे असल्याने या विषयाला मंजुरी देण्याची आयुक्तांनीच विनंती केल्याने या विषयाला मंजुरी देण्यात आल्याचे सभापतींनी सांगितले.

विरोधी पक्षनेते नरेंद्र काळे म्हणाले, कचरा उचलण्याच्या विषयात गौडबंगाल आहे. सत्ताधाऱ्यांनी मोठा आर्थिक वाटा घेत या विषयाला स्थायीत मंजुरी दिली आहे. या विषयात पालिकेचे हित पहिले नाही. या विषयावर सभेत चर्चा होण्याअगोदर भ्रष्ट सत्ताधाऱ्यांनी विषयाला मंजुरी दिली आहे.

मोबाइल अॅप डाउनलोड करा आणि राहा अपडेट