म. टा. प्रतिनिधी, कोल्हापूर
कळंबा येथील मध्यवर्ती कारागृहातून पॅरोल घेऊन गेलेले ५२ कैदी फरार आहेत. त्यांना अटक करून आणण्याचे प्रयत्न कारागृह प्रशासनाकडून सुरू आहेत. या फरार कैद्यांची माहिती संबंधित पोलिस ठाण्यांना कळवली आहे. नागरिकांनाही या कैद्यांची माहिती मिळावी यासाठी कैद्यांची नावे प्रसिद्धीस देण्यात आली आहेत.
कळंबा कारागृहात सुमारे १७०० कैदी शिक्षा भोगत आहेत. यातील कैद्यांना नियमांनुसार संचित किंवा पॅरोलवरील रजा दिली जाते. ती संपल्यानंतर त्यांनी स्वत:हून कारागृहात दाखल होणे गरजेचे असते. गेल्या काही वर्षांत कळंबा कारागृहातून असे ५२ कैदी फरार झाले आहेत. या कैद्यांना पुन्हा कारागृहात आणण्यासाठी राज्यासह परराज्यातील संबंधित पोलिस ठाण्यांशी पत्रव्यवहार केला आहे. फरार कैदी नागरिकांमध्येच राहतात. त्यामुळे नागरिकांच्या माहितीसाठीही या कैद्यांची यादी प्रसिद्ध केली आहे. ५२ कैद्यांपैकी कुणी आढळल्यास जवळच्या पोलिस ठाण्यात माहिती द्यावी, असे आवाहन अधीक्षक शरद शेळके यांनी केले आहे.
सुमित ब्रिजबिहारी गिरी, बाबू हनुमंत उर्फ नरसय्या मद्रासी, विश्वनाथ जगन्नाथ यादव उर्फ मोठा काका, जितेंद्र तानाजी माने, मुजिब खलिल इनामदार, नासिर खलिल इनामदार, बाबू वीर महाराणा, अनिल शशिकांत आळवे, दादासाहेब बाळाराम जाधव, विनोद रामचंद्र धाकड, गौतमलाल भवनजी मिणा, गणेश सखाराम कांबळे, नितीन अनिल स्वर्गे, कडया उर्फ लक्ष्मण महादेव वैरागणे, आसईतंबी उर्फ लंगडा उर्फ सत्या नटराजन नाडर, बलबीरसिंग इंद्रसिंग महाल, अंबादास तुकाराम पवार, मंगलसिंग उर्फ मंगेश चतुरसिंग ओनावले, अमरसिंग कालुसिंग विश्वकर्मा, पाकीयाराज नटराज नाडर, मनजितसिंग जोगिंदरसिंग सैनी, यशवंत पांडुरंग कीर, चैनसिंग पेपसिंग राठोड, रमेश चिमाजी शिंदे, पिंटू उर्फ मारुती दत्तात्रय हरीहर, सुजित उर्फ पप्पू भीमा कुऱ्हाडे, सुनीत भीमा कुऱ्हाडे, बबलू मुरलीधर साळवे, दिलीप श्रावण कमाने, सर्जेराव सीताराम पोळ, अनिल मारुती काळै, श्रीकांत बापूराव गायकवाड, भरतकुमार भवरलाल पंड्या, अब्दुलगफूर अब्दुलरहिमबिया फक्की, यल्लाप्पा दशरथ गायकवाड, मोहम्मदहुसेन मोहम्मदसिध्दीक हमीदाणी, संतोष सदशिव वसेकर, प्रमोद भीमराव भोसले, जाफर पैगंबर पाटील, राहुल बाबुराव पवार, ईस्माईल महमद शेख, राजू गुरखान मुजावर, प्रमोद मधुकर नाक्ती, विकास हरी जाधव, प्रल्हाद आक्रूर चव्हाण, वसंत दिलीप लोंढे, सुरेश तिमप्पा शेट्टी, दिगंबर ईरण्णा मजकुरे, अतिकअहमद अब्दुलहाफीज खान, सुधाकर राजाराम माने, अन्सार नजीर खाटीक आणि रवींद्र मेस्त्री चव्हाण अशी या कैद्यांची नावे आहेत.
मोबाइल अॅप डाउनलोड करा आणि राहा अपडेट
