नगरांनी जपला ग्रामीण बाज

December 4, 2016, 1:30 pm

≫ Next: पैसे द्या, अन्यथा बँका बंद

≪ Previous: महापौर निवडीच्या तारखेकडे लक्ष

$

0

0

कोल्हापूर : कळंबा परिसरात बापूरामनगर, शिवप्रभूनगर, महाराष्ट्रनगर, सुर्वेनगर अशा नगरांची झपाट्याने वाढ होत असताना कळंबा - पाचगावच्या सीमेवर कात्यायनी कॉम्प्लेक्स, राजीव गांधीनगराची पंचवीस वर्षापूर्वी स्थापना झाली. नोकरी, व्यवसायाच्या निमित्ताने स्थायिक झालेल्या रहिवाशांनी शहरी संस्कृतीशी एकरुप होत असतानाच ग्रामीण बाज कायम ठेवला. कोणाच्याही सुख-दु:खात सहभागी होण्याच्या वृत्तीमुळे येथे एकमेकांशी ऋणानुबंध निर्माण झाले आहेत. आठरापगड जातीचे लोक येथे गुणागोविंदाने राहतात.

साधारणत: १९८९-९० दरम्यान कात्यायनी कॉम्प्लेक्सचा ले-आउट मंजूर झाला. कळंबा परिसरात त्यापूर्वी स्थापन झालेल्या नगरांत कळंबा-गारगोटी मार्गावरुन ‘कॉम्प्लेक्स’चा फलक सर्वांचे लक्ष वेधून घेत होता. कळंबा जेलच्या अगदी जवळ असल्याने प्रथमत: याबाबत प्रचंड कुतूहल होते. कॉम्पलेक्स म्हणजे केवळ ४० ते ५० कुटुंबे असतील असा कयास होता. मात्र, बघता बघता येथे २५० कुटुंबांची वस्ती निर्माण झाली. शंभर ते १५० रुपये स्क्वेअरफूट दराने जागा खरेदी करत अनेकांनी येथे प्रशस्त बंगले उभारले. काहींनी आपल्या ऐपतीप्रमाणे निवारा सजवला.

पाणी, वीज, सार्वजनिक वाहतूक व्यवस्था अशा सर्व पायाभूत सुविधा मिळत असल्याने कात्यायनी कॉम्पलेक्सची झपाट्याने वाढ झाली. एक-एक वाढलेल्या कुटुंबांना एकत्र आणण्यासाठी ज्येष्ठांनी, युवकांनी एकत्र येत कात्यायनी कॉम्पलेक्स कला, क्रीडा व सांस्कृतीक मंडळाची स्थापना केली. मंडळाच्या माध्यमातून २६ जानेवारी, १५ ऑगस्ट रोजी ध्वजारोहण समारंभाबरोबर सार्वजनिक गणेशोत्सवाला सुरुवात केली. जोडीला वृक्षारोपणासारखे कार्यक्रम घेऊन प्रत्येकाच्या दारात एका वृक्षाचे जतन करण्याचा प्रयत्न करत प्रदूषणमुक्तीलाही हातभार लावला. अपंगा व्हीलचेअर, श्रवणयंत्रे वाटपाबरोबरच दहावी, बारावीच्या गुणवत्ताधारक विद्यार्थ्यांच्या सत्कारही केला जाऊ लागला. महापालिकेचे शिक्षणाधिकारी, वकील, छोटे उद्योजक त्याचप्रमाणे येथे नोकरदार आदींच्या प्रयत्नाने अनेक गुणवत्ताधारक विद्यार्थी घडत आहेत. प्रसाद वाघमारे केंद्रीय लोकसेवा आयोगाची परीक्षा उत्तीर्ण होत कॉम्पलेक्समध्ये शैक्षणिक गुणवत्ता असल्याची प्रचिती दिली.

जेल परिसरात कात्यायनी कॉम्प्लेक्स उभारत असतानाच लगत राजीव गांधीनगरही अस्तित्वात आले. सुरुवातीस २५ प्लॉटचा लेआउट असलेले नगर नंतर ९० प्लॉटपर्यंत कधी पोहोचले ते कळलेच नाही. नवीन नगरासाठी जेलपासून ते कळंबा तलावापर्यंत तत्कालीन आमदार श्रीपतराव बोंद्रे यांच्या प्रयत्नातून रस्ता करण्यात आला. त्यामुळे या नगराला राजीव गांधींचे नाव देण्यात आले. या नगरासाठीच्या रस्त्याच्या फायदा कळंब्यातील रहिवाशांनाही होऊ लागला. कळंबा आणि परिसरात असलेल्या शैक्षणिक संस्थांमुळे येथील मुलांची चांगली व्यवस्था झाली. येथील ज्येष्ठ नागरिक विरंगुळ्यासाठी दररोज तलावावर हजेरी लावतात. त्यामुळेच गणेशोत्सवात मूर्तीदान करण्यासाठी येथील सर्व युवक भक्तांना आवाहनासाठी अग्रभागी असतात.

दोन्ही नगरांना महापालिकेकडून पायाभूत सुविधा मिळत असल्या तरी, येथे क्रीडागंण किंवा गार्डनची कमतरता आहेत. नगरांची स्थापना झाल्यानंतर काही ठिकाणी ओपनस्पेस ठेवण्यात आली. मात्र त्याचा विकास झाला नाही.

त्यामुळे येथील ज्येष्ठ नागरिकांना सकाळी, सायंकाळी फिरण्यासाठी कळंबा तलाव अथवा तपोवन ग्राउंडचा आधार घ्यावा लागत आहेत. क्रीडागंण, गार्डनप्रमाणे येथे महापालिकेची एकही शाळा अथवा अंगणवाडी नसल्याची खंत येथील नागरिक व्यक्त करतात.

पंचवीस वर्षापूर्वी कात्यायनी कॉम्प्लेक्सची उभारणी झाली. उच्चवर्गीय, मध्यमवर्गीय असा सुरेख मिलाफ साधला गेल्यामुळे येथील नागरिक सर्वांच्या मदतीला धावून येतात. लोकप्रतिनिधींकडून भागातील विकास करण्यासाठी येथील सर्वच नागरिक प्रयत्नशील असतात. त्यामुळे शहरापासून दूर असूनही येथे सर्व सुविधा मिळत आहेत. पू्र्वाभिमूख गणेश मंदिरामुळे या परिसराची वेगळी ओळख निर्माण झाली आहे.

- श्रीकांत मनोळे, कात्यायनी कॉम्प्लेक्स

कळंबा आणि राजीव गांधी नगरची सीमारेषा एकच असल्याने ग्रामीण संस्कृतीचा काहीसा प्रभाव आहे. या परिसराची शांत परिसर म्हणून ओळख निर्माण झाली आहे. तलावाचे प्रदूषण रोखण्यासाठी मूर्तीदान उपक्रमाला येथील सर्वच युवक उत्स्फूर्तपणे सहभागी होतात. त्यामुळे येथील युवकांना सामाजिक कार्याची चांगली जाणीव दिसून येथे.

- राजू पाटील, राजीव गांधीनगर

मोबाइल अॅप डाउनलोड करा आणि राहा अपडेट

---

पैसे द्या, अन्यथा बँका बंद

December 4, 2016, 1:30 pm

≫ Next: सांत्वनासाठी शब्दही अपुरे...!

≪ Previous: नगरांनी जपला ग्रामीण बाज

$

0

0

म. टा. प्रतिनिधी, कोल्हापूर

सध्याच्या परिस्थितीत अतिशय तुटपुंजे पैसे देऊन ग्रामीण भागातील जनतेची ससेहोलपट थांबवण्यासाठी जिल्हा बँक तसेच सहकारी संस्थांना दररोज आवश्यक पैसे मिळावेत या मागणीसाठी केडीसीसी संलग्न सहकारी संस्था नोट व रोकड बंदी अन्याय कृती समितीच्यावतीने राष्ट्रीयीकृत बँका आणि जिल्हाधिकारी कार्यालयावर मोर्चा काढून सोमवारी (ता. ५) करन्सी चेस्टचे कामकाज बंद पाडण्यात येणार आहे. जिल्ह्यातील साखर कारखाने, सूत गिरण्या, पणन संस्था, सेवा सोसायटी, अर्बन बँक, पतसंस्था, दूध संस्था, अंगणवाडी कर्मचारी, बचत गटांच्या महिला या मोर्चांमध्ये सहभागी होणार आहेत.

मोर्चा दरम्यान जिल्हाधिकाऱ्यांना निवेदन देण्यात येणार असून सोमवारनंतर परिस्थितीत बदल झाला नाही तर जोपर्यंत पैसे मिळत नाहीत, तोपर्यंत करन्सी चेस्टच्या चार बँकांचे कामकाज चालू दिले जाणार नाही. त्यामुळे जिल्ह्यातील परिस्थिती गंभीर बनण्याची चिन्हे दिसत आहेत.

पंधरा नोव्हेंबरपासून जिल्हा बँकेला दररोज कोटीच्या आसपास रक्कम मिळाली. प्रत्यक्षात त्यांना ४० कोटीच्या आसपास रक्कम लागते. त्यामुळे शाखांमधून पाचशे रुपयांपासून दोन हजार रुपयापर्यंत पैसे दिले जात आहेत. ही परिस्थिती ​तीन आठवडे कायम असल्याने ग्रामीण भागातील जनतेचा संयमाचा बांध संपला आहे. त्यामुळे जिल्हा बँकेने पुढाकार घेऊन साऱ्यांचे मत विचारात घेऊन करन्सी चेस्टकडून निय​मित व पुरेसे पैसे मिळावेत यासाठी मोर्चा काढण्याचे नियोजन करण्यात आला. त्यानुसार स्टेट बँक आँफ इंडियाच्या दसरा चौकातील शाखा, शाहूपुरीतील बँक ऑफ इंडिया व रत्नाकर बँक, ताराबाई पार्क येथील बँक ऑफ महाराष्ट्र या चार करन्सी चेस्टवर मोर्चा काढण्यात येणार आहे. दसरा चौकातून सकाळी दहा वाजता मोर्चाला सुरुवात होणार आहे. बँकेचे अध्यक्ष आमदार हसन मुश्रीफ यांच्या नेतृत्वाखाली विविध ४६ सहकारी संस्थांचे प्रतिनिधी मोर्चामध्ये सहभागी होणार आहेत. आमचे कामकाज बंद असेल तर या बँकांचेही कामकाज बंद राहिले पाहिजे या विचाराने या बँकांचे कामकाज बंद पाडण्यात येणार आहे.

सोमवारच्या मोर्चानंतर परिस्थितीत बदल झाला नाही तर व्यवस्थिती पैसे दिले जात नाहीत, तोपर्यंत या बँकांचे कामकाज बंद पाडायचे, असा निर्धार केला आहे. त्यामुळे या आठवड्यात जर रिझर्व्ह बँकेकडून व्यवस्थित पैशांचा पुरवठा झाला नाही व करन्सी चेस्टचे काम बंद पडले तर जिल्ह्यात गंभीर परिस्थिती होऊ शकते.

मोर्चा कुठून, कसा निघणार

मोर्चामध्ये हजारो नागरिक सहभागी होतील, असा अंदाज आहे. सकाळी दहा वाजता दसरा चौकातील एसबीआय बँकेचे काम बंद पाडून शाहूपुरीतील बँक ऑफ इंडिया व रत्नाकर बँकेचे काम बंद पाडणार आहेत. त्यानंतर गोकुळ हॉटेल, बसंत-बहार चित्रपटगृहमार्गे जिल्हाधिकारी कार्यालयावर जाऊन निवेदन देण्यात येणार आहे. त्यानंतर ताराबाई पार्क येथील बँक ऑफ महाराष्ट्रची करन्सी चेस्टचे काम बंद पाडले जाणार आहे.

पोलिस बंदोबस्तात वाढ

नोटाबंदीच्या विरोधात शहरात निघाणाऱ्या मोर्चाच्या पार्श्वभूमीवर पोलिसांनी बंदोबस्तात वाढ केली आहे. मोर्चावर नजर ठेवण्यासाठी शंभराहून अधिक पोलिस कर्मचारी आणि अधिकारी तैनात केले आहेत. यामध्ये शहर पोलिस उपाधीक्षक भारतकुमार राणे यांच्या नेतृत्त्वाखाली दोन पोलिस निरीक्षक, आठ पोलिस उपनिरीक्षक, ५० पोलिस कॉन्स्टेबल आणि दोन स्ट्रायकिंग फोर्स असा फौजफाटा तैनात केला आहे. याशिवाय शहरातील सर्वच बँकांसमोर गरजेनुसार दोन ते दहा पोलिस कर्मचारी तैनात केले जाणार आहेत. आंदोलकांनी जिल्हाधिकारी कार्यालयात जाऊन शांततेत निवेदन द्यावे, असे आवाहन पोलिसांनी केले आहे. जिल्हाधिकारी कार्यालयात बंदोबस्तासाठी स्वतंत्र पोलिस पथक तैनात केले आहे. बँकांनाही दक्षता घेण्याच्या सूचना देण्यात आल्या आहेत. कायदा सुव्यवस्था अबाधित राहावी यासाठी कठोर कारवाई करण्याचा इशारा पोलिस अधीक्षक महादेव तांबडे यांनी दिला आहे.

मोबाइल अॅप डाउनलोड करा आणि राहा अपडेट

सांत्वनासाठी शब्दही अपुरे...!

December 4, 2016, 1:30 pm

≫ Next: ग्राहक पंचायतीचे कार्य समाजाभिमुख

≪ Previous: पैसे द्या, अन्यथा बँका बंद

$

0

0

प्रकाश कारंडे, कागल

बस्तवडे (ता. कागल) येथे शनिवारी खणीत सात कामगारांचा बुडून मृत्यू झाल्यानंतर रविवारी दुसऱ्या दिवशीही हमीदवाडा, बेनिक्रे आणि हळदी या गावांत निरव शांतता होती. मृतांच्या घरची परिस्थिती अतिशय बिकट असून, त्यांच्या सांत्वनासाठी शब्दही अपुरे पडत आहेत. बोलकी माणसंही घरातली भयानक परिस्थिती पाहून निःशब्द होऊन बाहेर पडताना दिसतात, तर या अपघातातून वाचलेले सर्वजण भेदरलेल्या अवस्थेत आहेत. जेवढे लोक मृतांच्या घरी सांत्वनासाठी जात आहेत तितकेच लोक आणि पै-पाहुणे वाचलेल्यांना आधार देण्यासाठी जात आहेत.

दुर्घटनेत हमीदवाड्यातील तीन, बेनिक्रेतील एकाचा तर हळदीतील तिघांचा मृत्यू झाला. मृतांच्या घरी पै-पाहुण्यांची आणि संबंधितांची रिघ लागली आहे, पण सांत्वनासाठी बोलण्याचे धाडसच होत आहे. घटना किती भयानक आहे याची चर्चा मृतांच्या घराबाहेरच होते. परंतु घरात गेल्यावर आतील मूक आक्रोशसुद्धा काळीज पिळवटून टाकतो. शनिवारी रात्रीपासून पोटात अन्नाचा कण नाही की पाण्याचा थेंबही. रडून रडून कुणाला चक्कर येत आहे, तर कुणाची बसलेली दातखिळी उघडण्यासाठी वेगवेगळे प्रयोग करावे लागत आहेत. शेजारच्या महिला आणि घरातील कर्ती माणसेच गेल्याने गरज भासेल तिथे जवळचे नातेवाईक केवळ आक्रोश करून निपचित पडलेल्यांची काळजी घेताना दिसत आहेत. वारंवार स्थानिक डॉक्टरांना पाचारण करून उपचार केले जात आहेत. काहींवर घरातच सलाइन लावले जात आहेत. यातूनही काही ठिकाणी आक्रोश होतो, पण शून्यात पाहत डोळ्यातले अखंड वाहणारे अश्रूही त्या आक्रोशापेक्षाही भयानकच वाटतात.

या घटनेतून वाचलेल्यांपैकी तब्बल सातजण हळदी गावातील, दोघे बेनिक्रे, एक हमीदवाडा आणि एकजण करंजिवणे येथील आहे. यातील आनंदा बाबूराव लुल्ले हा गाडीमालक व चालक पोलिसांच्या ताब्यात होता, पण त्याला रविवारी जामिनावर सोडले आहे. वाचलेल्यांच्या घरीही पै-पाहुण्यांची, शेजारी व मित्रांची रिघ आहे. तीच तीच घटना येईल त्यांना सांगावी लागत आहे. एवढ्यावरच न थांबता सांत्वनासाठी आलेले लोक काही दिवसांपूर्वी घडलेल्या घटनांचा आणि अपघातांचा इतिहास मोठ्या चवीने कथन करतात. त्यामुळे अगोदरच भेदरलेले आणि मृत्यूच्या दाढेतून बाहेर आलेले हे कामगार जास्तच भेदरले जात आहेत. यातले काहीजण अनोळखी ठिकाणी पाहुण्यांच्या अथवा मित्रांच्या ठिकाणी जाण्याच्या तयारीत आहेत. घटना आठवली आणि मृतांचे चेहरे डोळ्यासमोर आले की, काहींच्या डोळ्यात आपोआपच पाणी येते, तर काहींना काय बोलावे ते सुचत नाही. ते शून्यात बघत राहतात, तर काहीजण बोलण्याचेही धाडस करीत नाहीत. या सर्व दुर्दैवी घटनेनंतर तालुक्याच्या कुसावर उभारलेल्या औद्योगिक वसाहती या अर्थार्जनाचे साधन वाटत असल्या तरी तेथील कंपन्यांकडून कामगारांची म्हणावी तशी काळजी न घेतल्याने उद्ध्वस्त झालेल्या कुटुंबांचे अश्रू सर्वच एमआयडीसी कामगारांचे भविष्यच दाखवत आहेत.

‘एस. टी. महामंडळाकडे आम्ही एमआयडीसीला जाण्या-येण्यासाठी बस सुरू करावी म्हणून वारंवार तोंडी व लेखी मागणी केली. मात्र, हेतुपुरस्सर आमच्या मागणीकडे महामंडळाने दुर्लक्ष केले. अशा दुर्दैवी घटना घडल्यानंतर चारच दिवस चर्चा होते, त्यानंतर सोयीनुसार त्याला पूर्णविराम मिळतो. असे न होता आमची मागणी पूर्ण व्हावी.’

प्रदीप चव्हाण, बेनिक्रे, अपघातातून बचावलेला पहिला कर्मचारी

हळद हसली अन् कुंकूही...

या दुर्घटनेतून पहिल्यांदा बचावून बाहेर आलेला बेनिक्रेतील तरुण प्रदीप चव्हाण याचे अवघ्या १५ दिवसांपूर्वी लग्न झाले आहे. अजून अंगावरची हळदही जायची आहे, पण पाण्यात पडल्यावर धडपडताना पत्नी दीपालीचा चेहरा डोळ्यांसमोर आला. हाताला गारवेलची वेल लागली आणि सहीसलामत ताकदीने बाहेर आलो. बस्तवडेतील काही ग्रामस्थांना झोपेतून उठवले आणि मदतकार्य सुरू केल्याचे त्याने सांगितले. त्याला मिळालेल्या या पुनर्जन्माने हळद हसली आणि कुंकूही हसले असेच म्हणावे लागेल.

वर्गणीतून घेतली गाडी...

यापूर्वी परिसरातील ८४ जण एका क्रुझर ट्रॅक्समधून तीन शिफ्टला ये-जा करीत होते. ती गाडी बंद केल्यानंतर एसटी बसही वेळेवर मिळेना म्हणून नऊ महिन्यांपूर्वी कायमस्वरूपी एमआयडीसीला जाणाऱ्या १४ जणांनी एकत्र येऊन पगारातली रक्कम मदत म्हणून देऊन आपल्यासोबतच कर्मचारी असलेल्या आनंदा लुल्ले यांना गाडी घेण्यासाठी मदत केली. बदल्यात लुल्लेही काही करणास्तव अडचणीमुळे पैसे देण्यास कोणाला अडचण असल्यास तीन-तीन महिने थांबत असे. गेले नऊ महिने आमचे एवढे संबंध निर्माण झाले की, जणू आमचे हे १४ जणांचे एक कुटुंबच बनले होते. एकमेकांच्या सुख-दुःखात सहभागी होणे, चेष्टा मस्करी करणे असे प्रकार घडत असताना कधीही भांडण झाल्याचे आठवतच नाही. ओव्हरटाइममुळे अपघातादिवशी जादा सहाजण गाडीत बसले असले तरी गाडीतील कायमस्वरूपी चौदा कर्मचाऱ्यांपैकीच सातजणांचा मृत्यू झाला. त्याच दिवशी हळदीतील दोघेजण सुटीमुळे कामावर गेले नव्हते, त्यामुळेच नशिबाने त्यांच्यावरील संकट टळले.

देशसेवेचे स्वप्न भंगले...

हळदीतील आकाशचे वडील गवंडी काम, तर आई मोलमजुरी करते. बीएस्सीपर्यंत शिक्षण घेतानाच त्याने सैन्यात भरतीसाठी प्रयत्न केले आणि तो त्यात तो यशस्वीही झाला. मात्र, आर्थिक जुळवाजुळवीसाठी त्याच्या वडिलांनी तुटपुंज्या शेतीचाही विचार केला नाही. रुजू होण्यासाठी काही दिवस लागणार म्हणून त्याने तेवढीच आर्थिक मदत म्हणून एमआयडीसीत हंगामी कामगार म्हणून काम करणे पसंत केले; परंतु काळाने त्याच्यावरही घाला घातला आणि त्याचे देशसेवेचे स्वप्न भंगले.

मोबाइल अॅप डाउनलोड करा आणि राहा अपडेट

ग्राहक पंचायतीचे कार्य समाजाभिमुख

December 4, 2016, 1:30 pm

≫ Next: शहर स्वच्छतेची पुढील महिन्यात परीक्षा

≪ Previous: सांत्वनासाठी शब्दही अपुरे...!

$

0

0

म. टा. वृत्तसेवा, गडहिंग्लज

‘अखिल भारतीय ग्राहक पंचायतीचे कार्य समाजाभिमुख आहे. समाजातील प्रत्येक घटकाचा सकाळी उठल्यापासून झोपेपर्यंत विक्री व सेवेच्या माध्यमातून कोणत्या ना कोणत्या घटकाशी संपर्क येतो. मात्र, समाजात ग्राहक म्हणून वावरत असताना अजाणतेपणे सामान्य नागरिकांना अनेक अडचणींचा सामना करावा लागतो. याच समस्यांची सोडवणूक करण्यासाठी ग्राहक म्हणून सामान्य नागरिकांचे अधिकार अधिकार अबाधित राहणे गरजेचे आहे. ग्राहक जागरूक झाला पाहिजे, हे ध्येय डोळ्यासमोर ठेवून या कार्यशाळेचे आयोजन केले आहे,’ असे प्रतिपादन प्रांतधिकारी संगीता राजापूरकर-चौगुले यांनी केले.

अखिल भारतीय ग्राहक पंचायत गडहिंग्लज, आजरा व चंदगड शाखेमार्फत आयोजित निवासी अभ्यास कार्यशाळेत त्या बोलत होत्या. शिवराज महाविद्यालयाच्या सभागृहात झालेल्या या कार्यशाळेत ग्राहक पंचायतीचे ज्येष्ठ मार्गदर्शक प्रसाद बुरांडे, मनमोहन पाटील व धनंजय गायकवाड प्रमुख उपस्थित होती. अध्यक्षस्थानी प्रा. अनिल कुराडे होते.

जिल्हाध्यक्ष अरुण यादव म्हणाले, ‘ग्राहक पंचायत कोणत्याही गटाशी-तटाशी अथवा पक्षाशी बांधील न राहता फक्त ग्राहकाभिमुख विनामूल्य काम करणारी देशातील एकमेव संघटना आहे. संघटनेच्या कार्यकर्त्यांनी कोणत्याही फळाची अपेक्षा न करता केवळ समाजासाठी काम करावे.’

कार्यशाळेच्या दुसऱ्या सत्रात माहिती अधिकारासंदर्भात राजेंद्र मोरे यांनी मार्गदर्शन केले. ते म्हणाले, ‘माहिती अधिकार म्हणजे सामान्य माणसाला मिळालेले वरदान आहे. मात्र, त्याचा वापर कोणत्याही द्वेषापोटी न करता फक्त काम सुलभ व्हावे यासाठी करावा. यशापर्यंत पोहोचण्यासाठी तुमच्याकडे संयम तसेच सातत्यपूर्ण अभ्यासाची गरज आहे.’ यावेळी राजेंद्र गड्ड्यान्नावर यांनी मनोगत व्यक्त केले.

कार्यशाळेला मध्य रेल्वेचे कार्यकारी सदस्य शिवनाथ बियाणी, रमेश टाकळकर, एच. डी.खापरे, विजय सागर, ग्राहक मंचचे माजी अध्यक्ष एमडी. देशमुख, विजय सावेकर, निवृत्ती हरकारे, विलास कागणकर, आदींसह जिल्ह्यातील दोनशेहून अधिक कार्यकर्ते उपस्थित होते. अनंत पाटील यांनी स्वागत केले. पुंडलिक केसरकर यांनी सूत्रसंचालन केले. अरुण यादव यांनी आभार मानले.

मोबाइल अॅप डाउनलोड करा आणि राहा अपडेट

शहर स्वच्छतेची पुढील महिन्यात परीक्षा

December 4, 2016, 1:30 pm

≫ Next: अवैध वाहतूक जिवावरच

≪ Previous: ग्राहक पंचायतीचे कार्य समाजाभिमुख

$

0

0

म. टा. प्रतिनिधी, कोल्हापूर

स्वच्छ भारत अभियानांतर्गत कोल्हापुरातील स्वच्छताविषयक उपक्रम, सार्वजनिक स्वच्छता, शौचालयांच्या साफसफाईच्या कामाचा लेखाजोखा पुढील महिन्यात मांडला जाणार आहे. केंद्र सरकारची कमिटी चार जानेवारी ते चार फेब्रुवारी २०१७ या कालावधीत शहराची तपासणी करणार आहे. महापालिकेच्या उपाययोजनांची तपासणीसह नागरिकांशी थेट संवाद साधला जाणार आहे. शहर स्वच्छते​साठी २००० गुण असून सुविधेवर रँकिंग ठरणार आहे.

राज्य व केंद्र सरकारने स्वच्छ भारत अभियानांतर्गत कोल्हापूरला यापूर्वीच हागणदारीमुक्त शहर म्हणून घोषित केले आहे. स्वच्छतेविषयक कामात सातत्य, सार्वजनिक साफसफाई संदर्भातील काम, कचरा उठाव करणारी यंत्रणा, कर्मचारी संख्या, सांडपाणी प्रक्रिया केंद्र, कचऱ्याचे वर्गीकरण अशा विविध घटकांची तपासणी होणार आहे. कमिटी शहरातील अनेक भागांना अचानक भेटी देणार आहे. केंद्र सरकारच्या कमिटीच्या तपासणीच्या पार्श्वभूमीवर आयुक्तांनी आरोग्य विभागाला सूचना केल्या आहेत.

...............................

नाविन्योपक्रमांची घेणार दखल

प्रशासनाने, नागरिकांच्या सोयीसाठी महापालिकेच्या मुख्य इमारतीत तक्रार निवारण केंद्र सुरु केले आहे. याकरिता टोल फ्री क्रमांक उपलब्ध आहे. नागरिकांनी टोल फ्री क्रमांकावरून तक्रार केल्यानंतर त्याची ऑनलाइन नोंद होते. संबंधित विभागप्रमुखांना त्याची माहिती दिली जाते. कामाची सोडवणूक झाल्यानंतर नागरिकांना एसएमएसद्वारे कळविले जाते. यासह महापालिकेच्या वाहनांना जीपीएस ट्रॅकिंग सिस्टीम बसविली आहे. कर्मचाऱ्यांना बायामेट्रिक कार्डाद्वारे हजेरी बंधनकारक केली आहे. रँकिंग ठरविताना या बाबी विचारात घेतल्या जाणार आहेत, अशी माहिती आयुक्त पी. शिवशंकर यांनी दिली.

..............

देशभरात ५०० शहरांत मोहीम

केंद्र सरकारतर्फे पुढील महिन्यात एकाचवेळी देशभरातील ५०० शहराच्या स्वच्छताविषयक कामाची तपासणी होणार आहे. हागणदारीमुक्त शहर संकल्पना, वैयक्तिक शौचालय वापरणारी कुटुंबे, गटारीची साफसफाई, कचरा उठाव, सांडपाण्यावर प्रक्रिया आणि घनकचरा व्यवस्थापन या बाबी विचारात घेतल्या जाणार आहेत. एक लाखापेक्षा जादा लोकसंख्या असलेल्या ५०० शहराची तपासणी करून रँकीग ठरविले जाणार आहे. या संदर्भात सरकारने स्थानिक स्वराज्य संस्थांना कळविले आहे.

मोबाइल अॅप डाउनलोड करा आणि राहा अपडेट

अवैध वाहतूक जिवावरच

December 4, 2016, 1:30 pm

≫ Next: सहकारी संस्थांचा आज राष्ट्रीयीकृत बँकांवर मोर्चा

≪ Previous: शहर स्वच्छतेची पुढील महिन्यात परीक्षा

$

0

0

Sachin.Yadav@timesgroup.com

tweet : @sachinyadavMT

जिल्ह्यात अवैध वाहतुकीवरील कारवाईचे आकडे केवळ कागदावरच आहेत. आरटीओ, शहर वाहतूक नियंत्रण शाखा आणि एसटीच्या त्रिस्तरीय पथकांच्या कारवाया केवळ दिखाऊपणाच आहेत. या तिन्ही शाखेतील काहींनी हप्ता संस्कृती जोपासल्याने अवैध वाहतूक बिनधास्तपणे सुरू आहे. महिन्याला हप्ता देऊन अवैध वाहतुकीचा खुला परवानाच मिळत असल्याने या वाहतुकीने अनेकांची कुटुंबे उद्‍ध्वस्त केली आहेत. राजकीय वरदहस्त आणि पाकिट संस्कृतीने अवैध वाहतूक व्यवसायाला जास्तच बळ मिळत आहे. बस्तवडेत शुक्रवारी रात्री घडलेली दुर्घटना या संस्कृतीचाच परिणाम आहे१

बस्तवडे (ता. कागल) येथे प्रवासी वाहतूक करणारे वाहन खणीत कोसळून ७ जणांचा मृत्यू झाला. प्रवासी वाहतूक करण्याचा परवाना आठ जणांचा असला तरी या वाहनांतून १८ जण प्रवास करीत असल्याची माहिती उघड झाली आहे. क्षमतेपेक्षा अधिक प्रवासी बसविण्याचे प्रकार सुरु असल्याचे स्पष्ट झाले आहे. घटना घडल्यानंतर आरटीओ, शहर वाहतूक नियंत्रण शाखेला जाग येते. तोपर्यंत कोणतीही कारवाई केली जात नाही. जिल्ह्यात अवैध वाहतूक करणाऱ्यांचे ‘नेते’ आहेत. या नेत्यांनी मार्गही वाटून घेतले आहेत. या प्रत्येक मार्गावरील हप्ते या संघटनेच्या नेत्याला दिले जातात. हेच नेते आरटीओ आणि शहर वाहतूक नियंत्रण शाखेतील काहींना मॅनेज करतात. दुसरीकडे कागदोपत्री कारवाई पूर्ण करण्यासाठी काही वाहनांवर कारवाई केल्याचे दाखवले जाते. कारवाईची पावती एकदा मिळाल्यानंतर पंधरा दिवस तरी मोकाटपणे अवैध वाहतुकीचा मुक्त परवानाच राहतो. राजकीय पाठबळ आणि हप्ता संस्कृतीत ही वाहतूक सुरक्षेचे तीनतेरा वाजले आहेत.

सुमो, टेप्मो ट्रॅक्स, मॅक्सिमो आणि टाटा कंपनीचा छोटा हत्ती, बोलेरो, जीप आणि स्कूल व्हॅनसारखी वाहनेही वडापसाठी सर्रास वापरली जातात. प्रत्येक वाहनांची प्रवासी क्षमता परवाना ठरवून दिलेली आहे. मात्र वाहनांत अनेकदा क्षमतेपेक्षा दुप्पट प्रवाशांची वाहतूक केली जाते. माल वाहतूक करणारी वाहनेही प्रवासी वाहतुकीसाठी वापरली जातात. शहर वाहतूक पोलिसांच्या नजरेसमोरूनच ही अवैध वाहतूक सुरू असते. कारवाई झाली तर ती कागदोपत्री केली जाते. भरगर्दीच्या रस्त्यावरून अशी धोकादायक वाहतूक सुरू असताना ती रोखण्यात यंत्रणेलाही अपयश येत आहे. अवैध वाहतुकीला चाप लावण्यासाठी आरटीओ, एसटी आणि शहर वाहतूक नियंत्रण शाखेकडून कारवाई केली जाते. मात्र कारवाईचा परिणाम दोनच दिवस असतो. आरटीओ कार्यालयातील काही मोटार वाहन निरीक्षकाची बडदास्त राखली जाते. प्रत्येक मोटार वाहन निरीक्षकाला प्रत्येक तालुका आणि कारवाईसाठी विशिष्ट ठिकाणे दिली आहेत. या ठिकाणी कारवाई केली जाते. काही वाहनधारकांवर कारवाई करून रितसर पावतीही दिली जाते. मात्र पुन्हा दुसऱ्या दिवशी प्रवासी वाहतूक आरटीओ पथकासमोरुनच सुरू असते. शहर वाहतूक नियंत्रण शाखेकडूनही शहरात अवैध प्रवासी वाहतूकीवर कारवाई केली जाते. दिवसभरासाठी पावती केली जाते. त्यासाठी दोनशे रूपयांचा दंड आकारला जातो. दोनशे रूपयांत दिवसभर अवैध वाहतूक करण्याचा परवाना अवैध वाहतूक करणाऱ्यांना मिळतो.

०००

प्रादेशिक परिवहन कार्यालयाकडून बस्तवडेतील घटनेची माहिती घेण्यात येत आहे. ते प्रवासी वाहतूक की खासगी वाहन आहे, अपघात नेमका कशामुळे झाला, याची माहिती मोटार वाहन निरीक्षकांकडून सुरू आहे. या घटनेचा अहवाल सोमवारी मिळेल.

डी. टी. पवार, आरटीओ

००००

वाहनांचा प्रकार खासगी असल्यास संबंधित वाहनचालकाला त्यांच्या कुटुंबातील व्यक्तींसाठी विमा मिळू शकतो. अपघातातील वाहने टुरिस्ट असतील तर प्रवासी विमा मिळू शकतो. मात्र तपासणी पथकात क्षमतेपेक्षा अधिक प्रवासी आढळल्यास विमा कंपनी विमा देत नाही.

रमेश सातपुते, मोटार वाहन निरीक्षक

००००

अहवाल आल्यानंतरच

दुर्घटना घडल्यानंतर संबंधित वाहनचालक आणि त्यांच्या मालकांवर केली जाते. त्यासाठी आरटीओकडून अपघात झालेल्या ठिकाणचा अहवाल तयार केला जातो. अपघाताच्या ठिकाणचा नकाशा काढला जातो. ब्रेक फेल, जादा भार, खचलेला रस्ता, तांत्रिक बिघाड, वाहनांतील टेपचा आवाज, टायर फुटल्याने आणि क्षमतेपेक्षा जादा प्रवासी घेतले आहेत का, याचा उल्लेख अहवालात असतो. हा अहवाल आल्यानंतर अपघाताचे नेमके कारण समजू शकेल.

मोबाइल अॅप डाउनलोड करा आणि राहा अपडेट

सहकारी संस्थांचा आज राष्ट्रीयीकृत बँकांवर मोर्चा

December 4, 2016, 1:30 pm

≫ Next: गुंड स्वप्नील तहसीलदारला अटक

≪ Previous: अवैध वाहतूक जिवावरच

$

0

0

म. टा. प्रतिनिधी, कोल्हापूर

सध्याच्या परिस्थितीत अतिशय तुटपुंजे पैसे देऊन ग्रामीण भागातील जनतेची ससेहोलपट थांबवण्यासाठी जिल्हा बँक तसेच सहकारी संस्थांना दररोज आवश्यक पैसे मिळावेत या मागणीसाठी केडीसीसी संलग्न सहकारी संस्था नोट व रोकड बंदी अन्याय कृती समितीच्यावतीने राष्ट्रीयीकृत बँका आणि जिल्हाधिकारी कार्यालयावर मोर्चा काढून सोमवारी (ता. ५) करन्सी चेस्टचे कामकाज बंद पाडण्यात येणार आहे. जिल्ह्यातील साखर कारखाने, सूत गिरण्या, पणन संस्था, सेवा सोसायटी, अर्बन बँक, पतसंस्था, दूध संस्था, अंगणवाडी कर्मचारी, बचत गटांच्या महिला या मोर्चांमध्ये सहभागी होणार आहेत.

मोर्चा दरम्यान जिल्हाधिकाऱ्यांना निवेदन देण्यात येणार असून सोमवारनंतर परिस्थितीत बदल झाला नाही तर जोपर्यंत पैसे मिळत नाहीत, तोपर्यंत करन्सी चेस्टच्या चार बँकांचे कामकाज चालू दिले जाणार नाही. त्यामुळे जिल्ह्यातील परिस्थिती गंभीर बनण्याची चिन्हे दिसत आहेत.

मोबाइल अॅप डाउनलोड करा आणि राहा अपडेट

गुंड स्वप्नील तहसीलदारला अटक

December 5, 2016, 1:30 pm

≫ Next: फुलण्याआधीच कोमेजला संसार

≪ Previous: सहकारी संस्थांचा आज राष्ट्रीयीकृत बँकांवर मोर्चा

$

0

0

म. टा. प्रतिनिधी, कोल्हापूर

आठ महिन्यांपासून फरार असलेला एसटी गँगचा म्होरक्या स्वप्निल तहसीलदार याला राजारामपुरी पोलिसांनी रविवारी (ता.४) मध्यरात्री पन्हाळा येथून अटक केली. अटकेनंतर तहसीलदारची पोलिस कोठडीतही मुजोरी दिसून आली. त्याने निरीक्षक अमृत देशमुख यांच्याशी वाद घातला. पोलिसांनी त्याच्या टोळीतील आठ गुंडांना यापूर्वीच अटक केली आहे. तहसीलदारच्या अटकेने शहरातील वाढत्या गुन्हेगारीवर नियंत्रण ठेवण्यात पोलिसांना यश येणार आहे.

जिल्ह्यात गुंड तहसीलदारने गुन्हेगारी कृत्यांनी दहशत निर्माण केली होती. खून, खुनाचा प्रयत्न, अपहरण, मारामारी, खंडणी वसुली, दरोडा, क्रिकेट बेटिंग असे गंभीर गुन्हे त्याच्यासह टोळीतील गुंडांवर दाखल आहेत. राजारामपुरी पोलिसांनी दाखल केलेल्या प्रस्तावानंतर १८ जून २०१५ रोजी एसटी गँगच्या १२ गुंडांना ‘मकोका,’ लावला होता. जिल्हा सत्र न्यायालयाने अटकेचे आदेश दिल्यानंतर पोलिसांनी त्याच्या टोळीतील ८ गुंडांना अटक केली होती. टोळीचा म्होरक्या तहसीलदार मात्र फरार झाला होता. आठ महिने दडी मारून बसलेला तहसीलदार एका पार्टीसाठी पन्हाळ्यातील हॉटेलवर येणार असल्याची माहिती पोलिसांना मिळाली होती. राजारामपुरी पोलिसांनी मोठ्या फौजफाट्यासह रविवारी मध्यरात्री सापळा रचून त्याला ताब्यात घेतले.

गुंड तहसीलदार याला पोलिसांनी अटक केल्याची माहिती त्याच्या समर्थकांना समजताच मध्यरात्रीच समर्थकांनी राजारामपुरी पोलिस ठाण्याबाहेर गर्दी केली होती, तर राजारामपुरीतीलच दुसऱ्या एका टोळीच्या तरुणांनीही गर्दी केल्याने पोलिस ठाण्यासमोर तणाव निर्माण झाला होता. सोमवारी दुपारी गुंड तहसीलदारची पत्नी आणि आईनेही पोलिस ठाण्यात गोंधळ घालण्याचा प्रयत्न केला. शिवाय तहसीलदारने कोठडीतच पोलिस निरीक्षक अमृत देशमुख यांच्या हुज्जत घालत बघून घेण्याची धमकी दिल्याने पोलिस ठाण्यातील वातावरण तापले होते. गुंड तहसीलदार याची पुढील चौकशी गडहिंग्लजचे विभागीय पोलिस उपअधीक्षक डॉ. सागर पाटील करीत आहेत.

मोबाइल अॅप डाउनलोड करा आणि राहा अपडेट

---

फुलण्याआधीच कोमेजला संसार

December 5, 2016, 1:30 pm

≫ Next: ‘गोकुळ’ कर्मचाऱ्यांचे धरणे आंदोलन

≪ Previous: गुंड स्वप्नील तहसीलदारला अटक

$

0

0

म. टा. प्रतिनिधी, कोल्हापूर

डोक्यावर मंगल अक्षता पडल्यानंतर माहेरच्या आप्तांचा निरोप घेताना ही ताटातूट आयुष्यभराची ठरेल, असे वाटले नव्हते. माहेरच्या आठवणी आणि नवीन संसाराची स्वप्ने डोळ्यात घेऊन पुण्याहून कोल्हापुर येथे सासरला येणाऱ्या नववधूवर काळाने घाला घातला आणि संसाराचे फूल उमलण्याआधीच कोमेजले. या अपघातात तिचा दीरही ठार झाला, तर अपघाताच्या धक्क्याने दोन्ही कुटुंबे उद्धवस्त झाली. सांत्वन करणाऱ्यांनाही शब्द सुचू नयेत, असा भीषण प्रसंग राजारामपुरीतील आवले कुटुंबीयांवर ओढवला. या अपघातात सुदीप आवले आणि त्याच्या भावाची नववधू मोहिनी हे जागीच ठार झाले.

तुकाराम आवले हे राजारामपुरीतील १३ व्या गल्लीत राहतात. मूळचे मिरजेचे आवले कुटुंबीय २० वर्षांपूर्वी कोल्हापुरात स्थायिक झाले. टेलरिंगचे कम करून तुकाराम आवले यांनी संसाराचा गाडा चालवला. पती-पत्नी आणि तीन मुले असे हे हसतेखेळते कुटूंब. थोरला मुलगा सुदीप याला शिक्षणानंतर पुण्यात खासगी कंपनीत नोकरी मिळाली. तो आणि त्याची पत्नी अश्विनी हे पुण्यातच राहतात. सागरही पुण्यातच मोठ्या भावाकडे राहत होता, तर लहान मुलगा सुजयचे नुकतेच शिक्षण पूर्ण झाले आहे. सागरचा विवाह पुणे जिल्ह्यातील सिंहगड येथील मोहिनी मनोहर शेंडगे हिच्याशी ठरला. रविवारी (ता. ४) पुण्यातील संकल्प मंगल कार्यलयात मोठ्या उत्साहात विवाह झाला. आवले आणि शेंडगे या दोन्ही कुटुंबीयांकडील आप्तस्वकीय, पैपाहुणे, कंपनीतील मित्र या सगळ्यांनी लग्नाला हजर राहून शुभाशीर्वाद दिले. लक्ष्मी-नारायणासारखी जोडी पाहून कुटुंबीयही सुखावले. संध्याकाळी निरोपाची वेळ आली. निरोपाच्या वेळी हुंदका आवरता आला नाही. काही क्षणात आनंदाच्या अश्रूंचे रुपांतर विरह आणि काळजीने घेतले. नववधू मोहिनीने जड पावलांनी नातेवाईकांचा निरोप घेतला, पण हा निरोप अखेरचाच ठरेल याची पुसटशीही कल्पना तिला नव्हती.

मोहिनी आणि सागर या नवदाम्पत्यासह सागरचा भाऊ सुदीप, मोहिनीची पाठराखीन म्हणून आलेली बहीण अश्विनी सागर कालेकर आणि तिचा मुलगा जयदीप यांच्यासह कारचालकाचा मित्र हे सहाजण पुण्याहून कारमधून (एम. एच. ०९ बी. ए. ०३८७) कोल्हापूरच्या दिशेला निघाले. पुण्यातून बाहेर पडताच महामार्गावर एका हॉटेलमध्ये या सर्वांनी चहा घेतला. माहेरच्या आठवणी आणि नवीन संसाराची स्वप्ने अशा हिंदोळ्यावर तिच्या भावना हेकलावे खात होत्या. रात्री दहाच्या सुमारास, कराडजवळ पोहोचताच यांनी अतिथी हॉटेलमध्ये जेवण केले. यानंतर कोल्हापूरला येताना मलकापूरजवळ कारचालकाचे अचानक कारवरील नियंत्रण सुटले. महामार्गानजिक पंकज हॉटेलसमोर उभ्या असलेल्या कारवर ही कार आदळली. तीनवेळा उलटल्यानंतर रस्त्याकडेला थांबवलेल्या दुचाकीला धडकून कार थांबली. या भीषण अपघातात नववधू मोहिनी आणि तिचा दीर सुदीप या दोघांना गंभीर ईजा झाली. परिसरातील नागरिकांनी सर्व जखमींना तातडीने उपचारासाठी कृष्णा आणि सह्याद्री हॉस्पिटलमध्ये दाखल केले, मात्र मोहिनी आणि सुदीप हे ठार झाल्याचे डॉक्टरांनी सांगितले. काही क्षणात नवदाम्पत्याची संसाराची स्वप्ने उद्‍ध्वस्थ झाली. याशिवाय सात जण जखमी झाले. कोल्हापुरात पोहोचलेल्या नातेवाईकांना ही घटना समजताच त्यांच्या पायाखालची वाळू सरकली. पुण्याहून मोहिनीचे नातेवाईक, तर कोल्हापूरहून सागरच्या नातेवाईकांनी कराडला धाव घेतली. या घटनेने दोन्ही कुटुंबांना मोठा धक्का बसला.

अश्रूत वाहिल्या अक्षता

ज्या हातांनी अक्षता टाकून नवपरिणितांना शुभाशीर्वाद दिले, त्याच हातांनी अवघ्या काही तासांत दोन मृतदेह उचलण्याची वेळ आवले आणि शेंडगे कुटुंबीयांवर आली. लग्नातील अक्षता नवपरिणितांच्या अंगावर तशाच होत्या. काळाने घाला घातल्याने आवले आणि शेंडगे कुटुंबीयांचा लग्नातील आनंद अश्रूत वाहून गेला.

घाई की बेदरकारपणा ?

लग्न समारंभ आटोपल्यानंतर आवले कुटुंबातील ज्येष्ठ मंडळी दुसऱ्या वाहनांनी पुढे निघाले. नवपरिणितांसोबत एकही प्रौढ व्यक्ती नव्हती. उत्साहाच्या भरात स्वतःवरील नियंत्रण सुटते, त्यामुळेच अशा प्रसंगी घरातील ज्येष्ठ व्यक्ती सोबत असतील तर उत्साहाला लगाम लागतो. या अपघातात घाई जिवावर बेतली, की बेदरकारपणा याची चर्चा सुरू आहे.

मोबाइल अॅप डाउनलोड करा आणि राहा अपडेट

‘गोकुळ’ कर्मचाऱ्यांचे धरणे आंदोलन

December 5, 2016, 1:30 pm

≫ Next: महापौर निवड गुरुवारी

≪ Previous: फुलण्याआधीच कोमेजला संसार

$

0

0

म. टा. प्रतिनिधी, कोल्हापूर

दहा दिवसाला ३५ कोटी रुपयांप्रमाणे तीन बिलांचे १०० कोटी रुपये गोकुळच्यावतीने बँकेत जमा केले आहेत. पण दूध उत्पादकांची ही बिले त्यांच्या हातात मिळावीत, अशी उपाययोजना करावी, या मागणीसाठी कोल्हापूर जिल्हा सहकारी दूध उत्पादक कर्मचारी संघटनेने सोमवारपासून जिल्हाधिकारी कार्यालयासमोर बेमुदत धरणे आंदोलन सुरू केले आहे. या उपाययोजना न केल्यास विपरित घडण्याची शक्यताही कर्मचाऱ्यांनी व्यक्त केली आहे.

संघटनेने सुरू केलेल्या आंदोलनाला संघाचे चेअरमन विश्वास पाटील व अन्य संचालकांनी भेट देऊन पाठिंबा दिला. गोकुळच्यावतीने जिल्ह्यातील ५५०० संस्थांद्वारे जिल्ह्यातील लाखो दूध उत्पादकांना दूध बिले दिली जातात. दर दहा दिवसाला जवळपास ३५ कोटी रुपयांची बिले दिली जातात. ही रक्कम बँकेत जमा केली जाते. त्यामुळे या दूध बिलावर शेतकऱ्याची उपजिवीका चालते. चलन तुटवडा असल्याने बिलाची रक्कमच बँकेत मिळत नसल्याने ग्रामीण भागातील शेतकऱ्यांची कोंडी झाली आहे. गेल्या महिन्यातील दोन बिले व डिसेंबरमधील पहिले बिल जमा झाले आहे. त्यांची रक्कम शंभर कोटी रुपयांवर जाते. मात्र लाखो दूध उत्पादकांना बिलाची रक्कम हातात मिळत नाही. यामुळे जनावरांची तसेच वासरांची देखभाल होत नसल्याने हाल सुरू असल्याचे कर्मचारी संघटनेने दिलेल्या निवेदनात म्हटले आहे. याबाबत योग्य त्या योजना न केल्यास मोठा अनर्थ घडण्याची शक्यता आहे. दूध उत्पादनही घटण्याची शक्यता आहे. त्यामुळे संघटनेने बेमुदत धरणे आंदोलन करण्याचा निर्णय घेऊन सोमवारपासून जिल्हाधिकारी कार्यालयासमोर आंदोलन सुरु केले. यावेळी अध्यक्ष एस. बी. पाटील, जनरल सेक्रेटरी सदलगेकर, शाहीर सदाशिव निकम, शंकर पाटील, मल्हार पाटील, लक्ष्मण पाटील, बी. आर. पाटील आदी सहभागी होते.

मोबाइल अॅप डाउनलोड करा आणि राहा अपडेट

महापौर निवड गुरुवारी

December 5, 2016, 1:30 pm

≫ Next: तारखेवरून आयुक्तांशी वाद

≪ Previous: ‘गोकुळ’ कर्मचाऱ्यांचे धरणे आंदोलन

$

0

0

म. टा. प्रतिनिधी, कोल्हापूर

भारतरत्न डॉ. बाबासाहेब आंबेडकर यांच्या महापरिनिर्वाणदिनीच होणारा महापौर व उपमहापौर निवडीचा कार्यक्रम विविध संघटना व नगरसेवकांनी विरोध केल्यामुळे पुढे ढकलण्यात आला आहे. विभागीय आयुक्त कार्यालयाने सोमवारी महापालिकेला रीतसर पत्र पाठवून महापौर व उपमहापौरपदासाठी गुरुवारी (ता.८) निवडणूक घेण्याविषयी कळविले आहे. दरम्यान सत्तारुढ काँग्रेस, राष्ट्रवादी काँग्रेसच्या महापौरपदाच्या उमेदवार हसीना फरास यांनी नगरसेवकांच्या भेटीगाठी घेण्यास सुरुवात केली आहे. दोन्ही पदांच्या निवडीचा कार्यक्रम पुढे ढकलल्याने सत्तारुढ गटाचे नगरसेवक मंगळवारी सहलीवर जाण्याची शक्यता आहे. मात्र सोमवारी रात्रीपर्यंत सहलीचे नियोजन झाले नसल्याचे सांगण्यात येत होते.

विभागीय आयुक्त कार्यालयाने यापूर्वी महापौर व उपमहापौरपदाची निवडणूक मंगळवारी (ता.६) घेण्याविषयी कळविले होते. तथापि भारतरत्न डॉ. बाबासाहेब आंबेडकर यांचा महापरिनिर्वाण दिन सहा तारखेला असल्याने या दिवशी महापौर व उपमहापौरपदाची निवडणूक घेऊ नये, अशी मागणी काही नगरसेवकासह विविध संघटनांनी केली होती. महापौरपदाच्या उमेदवार फरास, नगरसेविका स्मिता माने, सूरमंजिरी लाटकर यांनीही निवडणूक कार्यक्रम अन्य दिवशी राबविण्याची मागणी केली होती. महापालिकेने या संदर्भात विभागीय आयुक्तांना कळविले होते. विभागीय आयुक्त कार्यालयाकडून सोमवारी महापौर, उपमहापौर निवडीचा सुधालिरत कार्यक्रम जाहीर झाला.जिल्हा परिषदेचे मुख्य कार्यकारी अधिकारी कुणाल खेमनार यांच्या अध्यक्षतेखाली निवडणूक पार पडेल.

उमेदवारांची संपर्क मोहीम

राष्ट्रवादी काँग्रेसच्या नगरसेविका व महापौरपदाच्या उमेदवार हसीना फरास यांनी नगरसेवकांच्या भेटीगाठी घेण्यास सुरुवात केली आहे. महापालिकेत काँग्रेस आघाडीचे स्पष्ट बहुमत आहे. काँग्रेसचे नगरसेवक अर्जुन माने उपमहापौरपदाचे उमेदवार आहेत. भाजप, ताराराणी आघाडीकडून महापौरपदासाठी स्मिता माने, मनीषा कुंभार, अर्चना पागर तर उपमहापौरपदासाठी गीता गुरव, कमलाकर भोपळे, विजय खाडे यांनी उमेदवारी अर्ज भरले आहेत.

उमेदवारांचा वाढणार खर्च

आज (ता. ६) रोजी होणारी निवडणूक दोन दिवस पुढे ढकलल्याने इच्छुक उमेदवारांची घालमेल सुरू आहे. राष्ट्रवादी आणि काँग्रेस आघाडीकडे संख्याबळ असले तरीही आघाडीच्याच नगरसेवकांना विश्वासात घेण्यासाठी हालचाली कराव्या लागणार आहेत. निवड पुन्हा दोन दिवस पुढे ढलकल्याने हा हालचाली काहींशा मंदावल्या असल्या तरी थोडाफार खर्च वाढणार आहे.

मोबाइल अॅप डाउनलोड करा आणि राहा अपडेट

तारखेवरून आयुक्तांशी वाद

December 5, 2016, 1:30 pm

≫ Next: वडगाव नगरपरिषद भाजपकडे?

≪ Previous: महापौर निवड गुरुवारी

$

0

0

म. टा. प्रतिनिधी, कोल्हापूर

महापौर निवडीची तारीख बदलण्यास उशीर लावल्यामुळे महापालिकेत आलेल्या आरपीआयच्या कार्यकर्त्यांनी आयुक्त पी शिवशंकर यांचा एकेरी उल्लेख करत वादावादी केली. आयुक्त कार्यालयात दीड तासाहून अधिक काळ ठिय्या आंदोलन करत घोषणाबाजी केल्याने काही काळ तणाव निर्माण झाला. दरम्यान सायंकाळी विभागीय आयुक्त कार्यालयाकडून तारखेत बदल केल्याचा आदेश काढण्यात आला. प्रशासनाकडून, महापौर निवडीचा कार्यक्रम सहा डिसेंबरला घेण्याचे जाहीर केल्यानंतर आरपीआय,लोकजनशक्ती पार्टी, ब्लॅक पँथरसह विविध संघटनांनी विरोध केला होता.

सहा डिसेंबर रोजी डॉ. बाबासाहेब आंबेडकर यांचा महापरिनिर्वाणदिन असल्याने या दिवशी महापौर आणि उपमहापौर निवडीचा कार्यक्रम करू नये अशी, मागणी करण्यात आली होती. मात्र, सोमवारी कोणताही निर्णय झाला नव्हता. त्यामुळे रिपब्लिकन पार्टी ऑफ इंडिया (आठवले गट) पक्षाच्या कार्यकर्त्यांनी सोमवारी आयुक्त पी. शिवशंकर यांच्या कार्यालयात दीड तासहून अधिक वेळ ठिय्या आंदोलन केले. निवडणूक कार्यक्रम पुढे ढकलण्याची मागणी करूनही प्रशासनाकडून निर्णय घेण्यास विलंब लावला जात असल्याबद्दल कार्यकर्त्यांची आयुक्तांशी वादावादी झाली. यावेळी काही कार्यकर्त्यांनी आयुक्तांचा एकेरी उल्लेख केल्याने वातावरण तणावपूर्ण बनले. तारखेत बदल होईपर्यंत कार्यालय सोडणार नाही असा इशारा देत कार्यकर्त्यांनी आयुक्तांना घेराव घातला.

प्रशासनाकडून तारखेत बदल करण्याची ग्वाही मिळाल्यानंतर कार्यकर्त्यांनी आंदोलन मागे घेतले. विभागीय आयुक्त कार्यालयाने या संदर्भात पत्र दिले जाईल असेही स्पष्ट केल्याने आरपीआयचे काही कार्यकर्ते सायंकाळपर्यंत महापालिका चौकात थांबून होते.

संघटनेचे राज्य सदस्य श्यामप्रसाद कांबळे, विलास भामटेकर, गुणवंत नागटिळे, संजय लोखंडे, सुखदेव बुध्याळकर, अविनाश शिंदे, प्रदीप म्हस्के आदीसह अन्य कार्यकर्त्यांनी आंदोलनात सहभाग घेतला. दरम्यान जिल्हाध्यक्ष उत्तम कांबळे, हनुमंत साठे यांनी दूरध्वनीवरून विभागीय आयुक्त कार्यालयाशी संपर्क साधून तारीख बदलण्याची चर्चा केली.

अतिउत्साही कार्यकर्त्यांमुळे तणाव

आयुक्त शिवशंकर हे विभागीय आयुक्त कार्यालयाशी संपर्क साधून निवडणूक तारखेत बदल करण्याच्या प्रक्रियेविषयी चर्चा करत असताना काही अतिउत्साही कार्यकर्त्यांनी त्यांचा एकेरी भाषेत उल्लेख करून वाद घातला. विभागीय आयुक्त कार्यालयाने महापौर निवडणूक तारखेत बदल करण्याचा लेखी आदेश काढला जाईल असे मान्य केल्यानंतर आंदोलन मागे घेतले. ब्लँक पँथरचे सुभाष देसाई, पुंडलिक नाईक, बाबूराव कांबळे, धोंडीराम कांबळे, माजी नगरसेवक बाबा पार्टे, अशोक पोवार यांनी सहा डिसेंबर रोजी निवडणूक ठेवणाऱ्या अधिकाऱ्याला निलंबित करण्याची मागणी केली.

मोबाइल अॅप डाउनलोड करा आणि राहा अपडेट

वडगाव नगरपरिषद भाजपकडे?

December 5, 2016, 1:30 pm

≫ Next: उसाच्या बैलगाडीखाली सापडून मजूर ठार

≪ Previous: तारखेवरून आयुक्तांशी वाद

$

0

0

म. टा. प्रतिनिधी, कोल्हापूर

पक्षाचा एकही सदस्य निवडून आलेला नसताना देखील पेठवडगाव नगरपालिकेवर भाजपचा झेंडा फडकणार आहे. युवक क्रांती दल या आघाडीच्या नावाखाली निवडून आलेले सर्व सदस्य भाजपचे सहयोगी सदस्य होणार आहेत. येत्या आठ दहा दिवसात याबाबतची अधिकृत घोषणा करण्यात येणार आहे. प्राथमिक चर्चेत दोन्ही कडून सकारात्मक प्रतिसाद मिळाल्याने या हालचालींना गती आली आहे.

नुकत्याच झालेल्या नगरपालिका निवडणुकीत पेठवडगावमध्ये यादव गटाला मोठा राजकीय धक्का बसला. गतवेळच्या निवडणुकीत यादव गटाला १३ तर सालपे गटाला केवळ चार जागा मिळाल्या होत्या. नगराध्यक्षा विद्याताई पोळ यांनी काँग्रेसच्या नेतृत्वाखाली ही निवडणूक लढवली. सालपे गटाने मात्र राष्ट्रवादीचा झेंडा न घेता ही निवडणूक लढवली. त्यांना काँग्रेसमधील जयवंतराव आवळे गटाने मदत केली. भाजपने डॉ. अशोक चौगुले यांच्या नेतृत्वाखाली लढवलेल्या या निवडणुकीत मोठ्या अपयशाला सामोर जावे लागले. युवक क्रांती दलाला तब्बल १३ जागा मिळाल्या. सत्ताधारी यादव गटाला केवळ चार जागावर समाधान मानावे लागले. कोणत्याही पक्षाचा झेंडा न घेता क्रांती दलाने दणदणीत यश मिळवले. मोहनलाल माळी हे नगराध्यक्ष म्हणून निवडून आले.

जिल्ह्यातील सर्व पालिका भाजपच्या ताब्यात आणण्यासाठी पालकमंत्री चंद्रकांत पाटील यांचे प्रयत्न सुरू झाले आहेत. त्यामध्ये पेठवडगावचा समावेश आहे. क्रांती दलाच्या सर्व सदस्यांना भाजपचे सहयोगी सदस्य करून घेण्याचा प्रस्ताव देण्यात आला आहे. महाडिक गटाने यामध्ये पुढाकार घेतल्याचे समजते. या प्र्रस्तावाला युवक क्रांती दलाने सकारात्मक प्रतिसाद दिला आहे. वडगावच्या विकासासाठी भरीव निधी देण्याची ग्वाही मिळत असेल तर भाजपच्या झेंड्याखाली काम करण्याची तयारी या आघाडीने दाखवली आहे. यामुळे येत्या आठ दिवसांत याबाबत हालचाली वेगावण्याची शक्यता आहे. पालकमंत्री पाटील सध्या हिवाळी अधिवेशनासाठी नागपुरात आहेत. ते कोल्हापुरात आल्यानंतर पुन्हा एकदा चर्चा करण्यात येणार आहे. या चर्चेनंतर अधिकृत घोषणा करण्यात येणार आहे.

पेठवडगावचा सर्वांगीण विकास व्हावा यासाठीच जनतेने आम्हाला निवडून दिले आहे. जनतेचा हा विश्वास सार्थ ठरवण्यासाठी मोठ्या प्रमाणात निधी आवश्यक आहे. भाजपचे सहयोगी सदस्य झाल्यानंतर पेठवडगावचा विकास होत असेल तर आमची तशी तयारी आहे. भाजपच्या प्रस्तावाला आमचा सकारात्मक प्रतिसाद राहील.

मोहन माळी, नगराध्यक्ष

मोबाइल अॅप डाउनलोड करा आणि राहा अपडेट

उसाच्या बैलगाडीखाली सापडून मजूर ठार

December 5, 2016, 1:30 pm

≫ Next: पाइपलाइन तुंबल्याने पाणी रस्त्यावर

≪ Previous: वडगाव नगरपरिषद भाजपकडे?

$

0

0

म. टा. प्रतिनिधी, कोल्हापूर

कसबा बावडा येथील राजाराम सहकारी साखर कारखाना परिसरात उसाने भरलेली बैलगाडी वजन काट्यावर घेऊन जाताना बैल बुजल्याने चालक बैलगाडीखाली सापडून ठार झाला. अंगावरून बैलगाडी गेल्याने गंभीर जखमी झालेल्या चालकाला उपचारासाठी सीपीआरमध्ये दाखल करण्यात आले, मात्र उपचारादरम्यान त्यांचा मृत्यू झाला. आश्रोबा रामभाऊ म्हारनोर (वय ५८, रा. मूळ गाव शेरेवाडी, पोस्ट लोणी, ता. शिरूर कासार, जि. बीड) असे मृत चालकाचे नाव आहे. सोमवारी (ता. ५) सकाळी ११ वाजण्याच्या सुमारास ही दुर्घटना घडली.

बिड जिल्ह्यातील आश्रोबा म्हारनोर हे त्यांचा मुलगा, सून आणि इतर नातेवाईकांसह नोव्हेंबर महिन्यात राजाराम कारखाना येथे ऊस तोडणीसाठी आले होते. रविवारी तोडलेला ऊस गाडीत भरून ते रात्री कारखाना परिसरात आले. सोमवारी सकाळी अकराच्या सुमारास ते बैलगाडी घेऊन उसाचे वजन करण्यासाठी वजन काट्याकडे निघाले होते. बैल बुजू नयेत, यासाठी ते गाडीसमोर येऊन दोन्ही बैलांना धरून चालत होते. अचानक बैल बुजला आणि एका बाजूने बैलगाडी पुढे ओढू लागला. यावेळी बैलांना आवरण्याच्या प्रयत्नात आश्रोबा म्हारनोर हे बैलगाडीच्या चाकाखाली सापडले. दीड ते दोन टन ऊस भरलेली बैलगाडी अंगावरून गेल्याने त्याच्या छातीला गंभीर इजा झाली. परिसरातील कामगारांना हा प्रकार लक्षात येताच त्यांनी जखमी म्हारनोर यांना तातडीने उपचारासाठी कारखान्याच्या प्राथमिक आरोग्य केंद्रात दाखल केले. यानंतर सीपीआरमध्ये दाखल केले असता, उपचारादरम्यान त्यांचा मृत्यू झाला. आश्रोबा यांच्या पश्चात पत्नी, दोन मुले, सून, नातवंडे असा परिवार आहे. मृतदेहाची उत्तरीय तपासणी केल्यानंतर मृतदेह नातेवाईकांकडे सोपवण्यात आला.

मोबाइल अॅप डाउनलोड करा आणि राहा अपडेट

पाइपलाइन तुंबल्याने पाणी रस्त्यावर

December 5, 2016, 1:30 pm

≫ Next: पीओएससाठी महिनाभर थांबा

≪ Previous: उसाच्या बैलगाडीखाली सापडून मजूर ठार

$

0

0

म. टा. प्रतिनिधी, कोल्हापूर

पापाची तिकटी ते बिनखांबी गणेश मंदिराकडे जाणाऱ्या पिण्याच्या पाण्याच्या मुख्य जलवाहिनीत बिघाड झाली आहे. मात्र जलवाहिनीतील बिघाड नेमकी कुठे झाली हे निदर्शनास न आल्यामुळे पाणी पुरवठा विभागातील कर्मचाऱ्यांची पंचाईत झाली आहे. पाइपलाइन दुरुस्तीसाठी ठिकठिकाणी खोदाई सुरू असून सोमवारी रात्री गुजरी चौक येथे व्हॉल्वमधून लाखो लीटर पाणी वाया गेले. जवळपास चार तास पाणी रस्त्यावरून वाहत होते. दुरुस्तीसाठी खड्डा रिकामा करण्यासाठी मोटार लावून पाणी गटारीत सोडण्यात आले. अग्शिनमन दलाची एक गाडी मदतीसाठी वापरण्यात आली.

वांगी बोळ येथे गेले काही दिवस अपुरा पाणी पुरवठा सुरु आहे. कमी दाबाने पाणी पुरवठा होत असल्यामुळे नागरित्र त्रस्त बनले आहेत. पाइपलाइन गळती व बिघाड झाल्याच्या कारणावरून अपुरा पाणी पुरवठा होत असावा म्हणून पाणी पुरवठा विभागाच्या कर्मचाऱ्यांनी ठिकठिकाणी खुदाई केली. वांगी बोळ ते गुजरी चौक पर्यंत सात ते आठ ठिकाणी खुदाई झाली आहे. गुजरी चौक परिसरातील आनंद स्टोअर्स येथे खुदाई करून व्हॉल्व तपासणी करण्यात आली. व्हॉल्वमधून मोठ्या प्रमाणात पाणी वाहण्यास सुरुवात झाली. मुख्य जलवाहिनी २७ इंचाची आहे. या पाइपलाइनला ठिकठिकाणी चार इंची पाइपलाइन जोडले आहेत.

मोठ्या प्रमाणात पाणी वाहून जात असल्याचे समजताच नगरसेवक अजित ठाणेकर, किरण नकाते हे घटनास्थळी आले. पाणी पुरवठा विभागाचे कर्मचारी शारंग चव्हाण, आनंदा जाधव यांच्यासह सात ते आठ कर्मचारी बिघाड शोधून या भागातील पाणी पुरवठा बंद केला. पाइपलाइन तुंबल्याचे निदर्शनास आले आहे. अग्निशमन दलाचे जवान व गाडी घटनास्थळी दाखल झाली. रात्री उशिरापर्यंत पाणी उपसा सुरु होते. मंगळवारी पाइपलाइनमध्ये अडकलेला कचरा काढण्यात येणार आहे.

मोबाइल अॅप डाउनलोड करा आणि राहा अपडेट

---

पीओएससाठी महिनाभर थांबा

December 5, 2016, 1:30 pm

≫ Next: कारखान्यांच्या प्रदूषणावर ऑनलाइन नियंत्रण

≪ Previous: पाइपलाइन तुंबल्याने पाणी रस्त्यावर

$

0

0

म. टा. प्रतिनिधी, कोल्हापूर

चलन तुटवडा अजूनही जाणवत असल्याने कॅशलेस व्यवहारांना प्राधान्य दिले जात आहे. नोटबंदीनंतर बाजारपेठेतील व्यवहारावर काहीसा परिणाम होत आहे. ग्राहक हाच विक्रेत्यांचा राजा असल्याने व्यापारी वर्गाने कॅशलेस व्यवहाराकडे अधिक लक्ष दिले आहे. व्यापाऱ्यांनी पाँइटस् ऑफ सेल (पीओएस) मशीन ची मागणी आहे, मात्र बँकाकडे पुरेशा प्रमाणात उपलब्ध नाही. आठ दिवसानंतर मशीन देण्याची हमी बँकांनी दिली असली तरी मशीन हातात मिळेपर्यंत महिन्याचा कालावधी जात आहे.

पीओएस मशीनला एटीएमच्या माध्यमातून स्वॅप करून ग्राहकांना खरेदी करणे सोपे होते. त्यासाठी जिल्ह्यातील व्यापाऱ्यांनी राष्ट्रीयकृत बँकाकडे पीओएस मशीनची मागणी केली आहे. मात्र बँकाकडून व्यापाऱ्यांनी तातडीने मशीन्स उपलब्ध करून दिल्या जात नाहीत. आठ दिवसांच्या कालावधीत मशीन उपलब्ध करून देण्याची जबाबदारी अर्ज केलेल्या बँकाची आहे. मात्र बँकाकडून मागणी तसा पुरवठा होत नसल्याच्या तक्रारी व्यापाऱ्यांकडून होत नाही. नोटबंदीनंतर राष्ट्रीयकृत बँकाकंडे एक हजारांहून अधिक व्यापाऱ्यांनी बँकांकडे पीओएस मशीनची मागणी केली आहे. सर्वसामान्यांना किराणा दुकानासह अन्य कुठलही खरेदी करताना ग्राहकांची आणि पर्यायाने व्यापाऱ्यांची गैरसोय होत आहे. नोटा रद्दच्या निर्णयानंतर काही बँकांनी आजअखेर ५०० मशीन उपलब्ध केली आहेत. डिसेंबर अखेरपर्यंत या मशीन्ससाठी दोन हजारांपर्यंत अर्ज येण्याची शक्यता वर्तविली जात आहे.

एसबीआय, बीओआयकडे सर्वांधिक मागणी

व्यापाऱ्यांनी स्टेट बँक ऑफ इंडिया (एसबीआय) बँक ऑफ इंडिया (बीओआय) कडे पीओएस मशीन्सची मागणी केली आहे. एसबीआयकडे नोव्हेंबर आणि डिसेंबर महिन्यात ६०० अर्ज आले आहेत. तर बँक ऑफ इंडियाकडे ५०० हून अधिक अर्ज आले आहेत. बँक ऑफ इंडियाचे आयटीचे वरिष्ठ व्यवस्थापक विनयकुमार मिश्रा म्हणाले, आतापर्यंत बँकेने १०५ पीओएस मशीन्स दिली आहेत. एप्रिल ते नोव्हेंबर या कालावधीत मशीन्स दिली आहे. डिसेंबर महिन्यातही पीओएस मशीनची मागणी वाढत आहे. प्रत्येक शाखेला व्यापाऱ्यांकडून विचारणा केली जात आहे. व्यापाऱ्यांची वाढती मागणी पाहून जादा मशीनची मागणी नोंदविली आहे. आगामी काळात वाढ होण्याची शक्यता आहे. स्टेट बँक ऑफ इंडियाकडे १२५ पीओएस मशीन्स वितरित केली आहेत. एकूण ३४५ अर्ज दाखल झाले आहेत.

०००

पंपावरही अजून प्रतीक्षा

५०० व १००० च्या नोटा रद्द केल्यामुळे बँकांसह पोस्ट कार्यालयात नोटा बदलून घेण्यासाठी नागरिकांची गर्दी झाली. बँकांवरील ताण कमी करण्यासाठी सरकारने सरकारने पेट्रोल पंपांवर एटीएम कार्डद्वारे दोन हजार रुपये देण्याची व्यवस्था करण्याची घोषणा केली. मात्र जिल्ह्यासह शहरातील पेट्रोल आणि डिझेल पंपावर ही सुविधा उपलब्ध नाही. ग्रामीण भागात असलेल्या इंडियन ऑइलच्या मोजक्या पंपावर ही सुविधा सुरू करण्यात झाली. मात्र त्यासाठी स्टेट बँकेचेच ‘पीओएस स्वाइप मशीन’ ची अट घालण्यात आली. स्वॅप कार्ड मशीनही या बँका पेट्रोल पंपधारकांना उपलब्ध करून देण्याची अजूनही तयारी सुरू आहे. स्वाइप मशीन असलेल्या सरकारी कंपन्यांच्या पेट्रोल पंपांवरून ही रक्कम ग्राहक कोणत्याही बँकेच्या एटीएम किंवा डेबिट कार्डच्या माध्यमातून देण्याचे नियोजन होते. यामध्ये जिल्ह्यातील १३ पेट्रोल पंपाचा समावेश होता.


पंपावर दोन हजारांची योजना

कृषी सेवा केंद्राच्या नावाने असलेल्या पेट्रोल पंपावर फक्त या सुविधेचा लाभाची योजना होती. जिल्ह्यातील केवळ इंडियन ऑइलच्या पेट्रोल पंपाचा यामध्ये समावेश आहे. जिल्ह्यात एकूण ३१५ पेट्रोल आणि डिझेल पंप आहेत. पंपावर पैसे काढण्यासाठी त्यांच्या जवळ कॅश ऑन पॉज मशीन अत्यावश्यक होते. या मशीनमध्ये विक्री चार्जशिट सोबतच कॅश चार्जशिटचे अॅप्लिकेशन टाकावे लागते. मात्र या पंपावर अजूनही प्रक्रिया सुरू आहे. ज्या पेट्रोल पंपावर स्टेट बँक ऑफ इंडियाच्या पीओएस (कार्ड स्वाईप मशीन) आहेत. त्या ठिकाणीच ही सुविधा उपलब्ध असेल. या ठिकाणी एटीएम कार्ड स्वाइप केल्यानंतर पेट्रोल पंपाकडून दोन हजारापर्यंतची रक्कम देण्याचे नियोजन होते.


पीओएसचीसाठी प्रक्रिया मोठी

पीओएसच्या मागणीसाठी व्यापाऱ्याचे संबंधित बँकेत करंट अकाउंट किंवा सीसी अकाउंटट असणे गरजेचे आहे. मशीनची मागणी नोंदवण्यासाठी बँकेकडून अर्ज भरून द्यावा लागतो. यामध्ये ६०० रुपये भरून वन टाइम अॅग्रिमेंट करावे लागते. शाखेकडून मुख्य कार्यालयाकडे अर्ज सादर केला जातो आणि आठ दिवसांनंतर मशीन देण्याची हमी बँकाकडून दिला जात आहे.


पीओएस मशीन्ससाठी गेले महिनाभर मागणी केली आहे. मात्र अद्याप मशीन्स आलेली नसल्याचे बँकाकडून सांगितले जाते. बहुतांशी ग्राहकांकडून पीओएस मशीन्सची मागणी केली जात आहे. किरकोळ व्यापाऱ्याचा हक्कांचा ग्राहक वर्ग मॉलकडे वळत आहे.

संतोष वीर, व्यापारी


राष्ट्रीयकृत बँकाचे प्रतिनिधींनी पेट्रोल आणि डिझेल पंपाना भेट दिली आहे. पेट्रोल पंपावरून ग्राहकांना दोन हजार रूपये देण्याची योजनेचे काम सुरू आहे. येत्या दोन ते तीन दिवसांत ग्राहकांना पंपावरून दोन हजार रूपये उपलब्ध होऊ शकतील, असा विश्वास आहे.

गजकुमार माणगावे, अध्यक्ष, पेट्रोल, डिझेल पंप असोसिएशन

मोबाइल अॅप डाउनलोड करा आणि राहा अपडेट

कारखान्यांच्या प्रदूषणावर ऑनलाइन नियंत्रण

December 7, 2016, 10:04 am

≫ Next: शिवकालीन खेळांच्या साक्षीनेशिवप्रतापदिन उत्साहात

≪ Previous: पीओएससाठी महिनाभर थांबा

$

0

0

म. टा. वृत्तसेवा, पंढरपूर

साखर कारखान्याच्या धुराड्यातून निघणाऱ्या विषारी धुरामुळे होणारे प्रदूषण आणि रासायनिक घटक असलेल्या सांडपाण्यामुळे अनेकवेळा नदीतील मासे आणि जलचर मृत होण्याच्या घटना सातत्याने समोर येत असतात, अशा प्रकाराला केंद्रीय प्रदूषण नियंत्रण मंडळाने चाप लावली आहे. प्रदूषण मंडळाने सर्वच कारखान्यांना ऑनलाइन मॉनिटरिंग सिस्टिम बंधनकारक केल्याने प्रदूषणाला आळा बसण्यास मदत होणार आहे.

केंद्रीय प्रदूषण नियंत्रण मंडळाच्या आदेशानुसार सोलापूर जिल्ह्यातील पांडुरंग सहकारी साखर कारखान्याने ही यंत्रणा कार्यान्वित करून दिल्लीच्या सर्व्हरला जोडून आघाडी घेतली आहे. कारखान्याच्या धुराड्यातील धुराचे परीक्षण या यंत्रणेच्या मदतीने होऊन यात असलेल्या सर्व घटक घटकांची सद्यस्थिती प्रदूषण मंडळाला या सर्व्हरमुळे समजू शकणार आहे. या पद्धतीने साखर कारखाना, आसवानी प्रकल्प आणि सहवीज निर्मिती प्रकल्पातून प्रक्रिये शिवाय बाहेर पडणारे घटक रसायनामधील सर्व घटकांचे परीक्षण देखील प्रदूषण मंडळाला करता येणार असल्याने सर्व सामान्य जनतेला या घटक प्रदूषणापासून होणार त्रास कायमचा बंद होणार आहे.

प्रदूषण शून्यावर आणले- सुधाकर परिचारक

केंद्रीय प्रदूषण मंडळाने वास्तविक हा हंगाम सुरू करण्यापूर्वीच अशी यंत्रणा बसविण्याचे आदेश सर्व साखर कारखान्यांना दिले होते. मात्र, सुरुवातीला या यंत्रणेची किंमत कोटभर रुपये सांगण्यात येत असल्याने अनेक कारखाने थांबले होते. आता ही यंत्रणा २० ते २२ लाखात मिळू लागल्याने इतर कारखाने देखील यंत्रणा बसविण्यास सुरुवात करतील. सोलापूर जिल्ह्यातील पांडुरंग सहकारी साखर कारखान्याने मात्र, तातडीने ही यंत्रणा बसवून सर्व्हर मार्फत दिल्लीला ऑनलाइन रिपोर्टिंग सुरू झाल्याने या कारखान्यातून होणारे प्रदूषण संपून शुन्यावर आल्याचा दावा कारखान्याचे संस्थापक सुधाकर परिचारक यांनी ‘मटा’ शी बोलताना केला आहे.

मोबाइल अॅप डाउनलोड करा आणि राहा अपडेट

शिवकालीन खेळांच्या साक्षीनेशिवप्रतापदिन उत्साहात

December 6, 2016, 9:49 am

≫ Next: डॉ. आंबेडकर विश्वरत्नडॉ. श्रीपाल सबनीस यांचे प्रतिपादनमातोश्री भीमाबाई पुरस्कार मुक्ता मनोहर यांना प्रदान

≪ Previous: कारखान्यांच्या प्रदूषणावर ऑनलाइन नियंत्रण

$

0

0

म. टा. वृत्तसेवा, सातारा

हर हर महादेव.., जय शिवाजी, जय भवानी.., अशा घोषणा, पोवाडा, ढोल-ताशा-हालगी, तुताऱ्या, लेझीम यांचा गजरासोबतच शिवप्रतापाला वंदना म्हणून आकाशातून छत्रपती शिवरायांच्या अश्वारूढ पुतळ्यावर हेलिकॉप्टरमधून केलेली पुष्पवृष्टी आणि रोमांच उभे करणारे शिवकालीन खेळांचे प्रात्यक्षिकांसह मंगळवारी किल्ले प्रतापगडावर शिवप्रतापदिन उत्साहात साजरा करण्यात आला.

सूर्योदयाच्या साक्षीने मंगलमय वातावरणात सुरुवात झालेल्या सोहळ्याने वातावरण भारुन गेले होते.

सकाळी प्रभारी जिल्हाधिकारी प्रमोद यादव, जिल्हा परिषदेचे मुख्य कार्यकारी अधिकारी डॉ. राजेश देशमुख, पोलिस अधीक्षक संदीप पाटील यांनी सपत्नीक तसेच निवासी उपजिल्हाधिकारी भारत वाघमारे यांच्या हस्ते भक्तिमय वातावरणात आई भवानी मातेची मंत्रोच्चाराच्या गजरात षोडशोपचारे पुजा बांधण्यात आली. भवानी मातेचे पुराणीक नरहर हडप गुरुजी आणि प्रभाकर सामक यांनी पौरोहित्य केले. त्यानंतर प्रभारी जिल्हाधिकारी यादव यांच्या हस्ते आई भवानीची आरती करण्यात आली.

भवानी मातेच्या मंदिरासमोर ध्वजस्तंभाचे मान्यवरांच्या हस्ते विधिवत पूजन करून शिवशाहीचे प्रतीक असणाऱ्या भगव्या ध्वजाचे रोहण कुंभरोशीचे सरपंच रविकांत मोरे यांच्या हस्ते करण्यात आले. त्यावेळी ढोल, तुताऱ्या, लेझीमच्या गजराने परिसर दुमदुमून गेला.

त्यानंतर मानाच्या पालखीची मान्यवरांच्या हस्ते पूजा करण्यात आली. छत्रपतींची मूर्ती असलेल्या या पालखीची वाजत गाजत मिरवणूक सुरू झाली. शाहीर शरद यादव आणि सहकाऱ्यांनी प्रतापगडचा रणसंग्राम हा जोशपूर्ण पोवाडा सादर केला. छावा युवा मंचचे अध्यक्ष उदय यादव यांनी विद्यार्थ्यांसह लाठी चालवणे, तलवारबाजी, दांडपट्टा, कुऱ्हाडबाजी, अग्निचक्र, गनिमीकावा आदी ऐतिहासिक खेळांचे प्रात्यक्षिक करून उपस्थितांची मने जिंकली. महाराजांच्या अश्वारुढ पुतळयावर बी. जी. शिर्के अण्ड कंपनीच्या हेलिकॉप्टरमधून अवकाशातून तीन वेळा पुष्पवृष्टी करण्यात आली.

मोबाइल अॅप डाउनलोड करा आणि राहा अपडेट

डॉ. आंबेडकर विश्वरत्नडॉ. श्रीपाल सबनीस यांचे प्रतिपादनमातोश्री भीमाबाई पुरस्कार मुक्ता मनोहर यांना प्रदान

December 6, 2016, 9:51 am

≫ Next: साताऱ्यात तणावपूर्ण शांततानववाहितेच्या खुनानंतर साताऱ्यात बंद; ९३ जणांवर अॅट्रासिटीचा गुन्हा

≪ Previous: शिवकालीन खेळांच्या साक्षीनेशिवप्रतापदिन उत्साहात

$

0

0

म. टा. वृत्तसेवा, सातारा

‘डॉ. बाबासाहेब आंबेडकर केवळ भारतरत्न नाहीत तर ते विश्वरत्न आहेत. त्यांना संकुचित करू नका,’ असे आवाहन अखिल भारतीय मराठी साहित्य संमेलनाचे अध्यक्ष डॉ. श्रीपाल सबनीस यांनी केले.

संबोधी प्रतिष्ठानच्या वतीने डॉ. आंबेडकर यांच्या मातोश्री भीमाबाई यांच्या नावाचा १९ वा पुरस्कार पुणे महानगरपालिका कामगार युनियनच्या जनरल सेक्रेटरी कॉम्रेड मुक्ता मनोहर यांना डॉ. सबनीस यांच्या हस्ते प्रदान करण्यात आला. त्या प्रसंगी सबनीस बोलत होते. यावेळी प्राचार्य आण्णासाहेब होवाळे, उपाध्यक्ष दिनकर झिंब्रे आदी उपस्थित होते.

डॉ. सबनीस म्हणाले, ‘डॉ. आंबेडकर, मार्क्स, गांधी या महामानवांच्या विचारांचा समन्वयाने संवादी सूर न ठेवल्याने महाराष्ट्रातील प्रबोधन चळवळ फसली आहे. डॉ. आंबेडकरांचा उदारमतवाद हेच शिकवतो. मार्क्स हिंसेचे समर्थन करीत नाही. सर्वांनी त्या बाबत चुकीचा समज करून घेतलेला आहे. डाव्या पक्ष, संघटनांनी भारतातील जात वास्तवाकडे पाठ फिरवली आहे, त्यामुळे फार मोठे नुकसान झाले आहे. नोटाबंदीद्वारे देशातील भ्रष्टाचार संपविण्याचा मोठा प्रयत्न आहे. मात्र, शोषित दलित वर्गाचे खच्चीकरण करण्याची बदमाशी वरिष्ठ तीन वर्गांनी केली आहे. हा सांस्कृतीक भ्रष्टाचार आणि विचाराचे घोटाळे कसे संपवणार. फुले, आंबेडकर विचाराने स्वातंत्र्य, समता दिली आहे. त्याच्याशी प्रामाणिक राहून आपल्यातील जातीनिष्ठा, ब्राह्मणास तिलांजली दिल्याशिवाय जातीअंत होणार नाही, जातीव्यवस्था कोण जोपासतो, संघर्ष कोणाशी व कशासाठी याचे भान ठेवण्याचे आत्मपरिक्षण करण्याची गरज आहे.’

सत्काराला उत्तर देताना मुक्ता मनोहर म्हणाल्या, ‘बाबासाहेबांच्या आईंच्या नावाने मिळणाऱ्या पुरस्काराने माझ्या कामाला बळ मिळाले आहे. समाजात तीव्र स्वरुपाचा संघर्ष सुरू आहे. शोषण, विषमता, सांस्कृतिक हल्ला वाढतो आहे. त्याविरूद्ध भूमिका घ्यावी लागेल.’ प्रा. अण्णासाहेब होवाळे यांनी प्रास्तविक केले. दिनकर झिंब्रे यांनी पाहुण्यांचा परिचय करून दिला. अनिल बनसोडे यांनी आभार मानले. सूत्रसंचालन अॅड. हौसेराव धुमाळ यांनी केले. या वेळी ज्येष्ठ विचारवंत डॉ. दत्तप्रसाद दाभोळकर, किशोर बेडकीहाळ उपस्थित होते.

मोबाइल अॅप डाउनलोड करा आणि राहा अपडेट

साताऱ्यात तणावपूर्ण शांततानववाहितेच्या खुनानंतर साताऱ्यात बंद; ९३ जणांवर अॅट्रासिटीचा गुन्हा

December 7, 2016, 9:58 am

≫ Next: ग्राहक निघाले राष्ट्रीयीकृत बँकांकडे

≪ Previous: डॉ. आंबेडकर विश्वरत्नडॉ. श्रीपाल सबनीस यांचे प्रतिपादनमातोश्री भीमाबाई पुरस्कार मुक्ता मनोहर यांना प्रदान

$

0

0

म. टा. वृत्तसेवा, सातारा

नवविवाहितेच्या खुनामुळे संतप्त जमावाने चिंचणेर वंदन (ता. सातारा) येथे मंगळवारी रात्री केलेल्या तुफानी तोडफोडप्रकरणी बुधवारी ९३ जणांविरोधात अॅट्रॉसिटीचा गुन्हा सातारा ग्रामीण पोलिस ठाण्यात दाखल करण्यात आला असून, ३१ जणांना अटक करण्यात आली आहे. या घटनेच्या निषेधार्थ साताऱ्यात बंद पाळण्यात आला. बस वाहतूकही बंद पाडण्यात आली. सातारा आणि चिंचणेर येथे मोठा पोलिस बंदोबस्त असून, दोन्ही ठिकाणी तणावपूर्ण शांतता आहे.

चिंचणेर वंदन गावातील पंचशीलनगरमधील ५० घरांचे मंगळवारी रात्री साडेदहाच्या सुमारास जमावाने मोठ्या प्रमाणात नुकसान केले. किराणा दुकान, व्यायामशाळेतही तोडफोड केली. परिसरातील चार चाकी गाड्या तसेच दुचाकी गाड्या पेट्रोल टाकून जाळल्या. घरातील गृहसाहित्य, दूरदर्शन संच, फ्रीज कपाटे, कम्प्युटर, लॅपटॉप आदी वस्तू फोडून जाळण्यात आल्या. हा प्रकार सुमारे तासभर सुरू होता. वस्तीवरील सर्व पुरुष मंडळी बाहेरगावी गेली होती. पहाटे गावातील एका युवकाने फोनवरून कळविल्यानंतर पोलिसांनी बंदोबस्त पाटवून परिस्थिती नियंत्रणात आणली.

मंगळवारी रात्रीच्या प्रकाराची माहिती बुधवारी पहाटे साताऱ्यात समजताच मध्यवर्ती बसस्थानकावर काही संघटनांनी बस वाहतूक बंद पाडली. सकाळी दहा वाजता अनेक संघटनांचे पदाधिकारी व कार्यकर्ते डॉ. बाबासाहेब आंबेडकर यांच्या पुतळ्याजवळ जमा झाले. तेथून पोलिस मुख्यालयासमोर जाऊन त्यांनी तेथे धरणे धरले. त्यानंतर मोर्चाने जिल्हाधिकारी कार्यालयात जाऊन जिल्हाधिकाऱ्यांना निवेदन दिले. साताऱ्यातील व्यवहार दिवसभर ठप्प होते. बस वाहतूक बंद झाल्याने शाळा, महाविद्यालयेही बंद होती. खबरदारीचा उपाय म्हणून सातारा शहरासह जिल्ह्यात मोठ्या प्रमाणात पोलिस बंदोबस्त ठेवण्यात आला होता.

दरम्यान, खासदार उदयनराजे यांनी घटनेचा निषेध केला आहे. घटनेतील दोषी असणारे कुठल्याही समाजाचे असोत त्यांना कठोर शिक्षा झाली पाहिजे. वकिलांनी समाजकंटकांचे वकीलपत्र घेऊ नये. कोणालाही पाठिशी न घालता प्रशासनाने कठोर कारवाई करावी, अशी मागणी केली आहे.


९३ जणांवर अॅट्रासिटीचा गुन्हा

या प्रकरणी सातारा तालुका पोलिस ठाण्यात सनी रामभाऊ दणाणे (वय २८ रा. पंचशील नगर चिंचणेर वंदन) यांच्या फिर्यादीवरून चिंचणेर वंदन गावातील ३३ व इतर ठिकाणाहून आलेल्या ६० हल्लेखोरांवर पोलिसांनी तोडफोड, जाळपोळ व दहशत माजवणे, वस्तीवर हल्ला करून तोडफोड तसेच जातीवाचक शिवीगाळ केल्याप्रकरणी अॅट्रासिटीचा गुन्हा दाखल केला आहे.


काय आहे मूळ घटना?

नवविवाहितेचे चिंचणेर वंदन येथील सिद्धार्थ उर्फ बारक्या दणाणे याच्याशी प्रेम सबंध होते. दोघे भिन्न समाजातील असल्यामुळे विवाहाला विरोध होण्याच्या भीतीने तरुणीने कोऱ्हाळे खुर्द (ता. बारामती) येथील आपल्या मामाच्या मुलाशी ६ ऑक्टोबरला विवाह केला. तरीही ती व तिचा प्रियकर एकमेकांच्या संपर्कात होते. मैत्रिणीला भेटण्यासाठी साताऱ्याला जाते, असे सांगून नवविवाहिता २९ नोव्हेंबरला कोऱ्हाळे खुर्दहून साताऱ्यात आली. दणाणेच्या मोटारसायकलवरून दोघे ठोसेघर येथील पवन गावाजवळ निर्जनस्थळी गेले. तिथे वाद झाल्यानंतर संतापलेल्या दणाणेने सोबत आणलेल्या दांडक्याने तिच्यावर प्रहार केला. डोक्यावर घाव बसल्यामुळे तिचा जागीच मृत्यू झाला. नवविवाहितेच्या कुटुंबीयांनी वडगाव निंबाळकर (ता. बारामती) पोलिस ठाण्यात ती बेपत्ता झाल्याची तक्रार केली. पोलिसांनी संशयित सिद्धार्थला ताब्यात घेतले. त्याने गुन्ह्याची कबुली दिली व घटनास्थळी जाऊन नवविवाहितेचा मृतदेह दाखवला.

जिल्हा पोलिस अधीक्षक संदीप पाटील म्हणाले, चिंचणेर वंदन घटनेप्रकरणी ३१ आरोपींना अटक करण्यात आली आहे. उर्वरित आरोपींचा शोध सुरू आहे. पीडितांना तत्काळ कायदेशीर आर्थिक मदत मिळवून देण्यासाठी प्रयत्न सुरू आहेत. मात्र, सदर घटनेची विसंगत महिती तयार करून ती सोशल मीडियावर व्हायरल करणाऱ्यांची धरपकड करून कलम ३४ खाली गुन्हा दाखल करणार आहे.

मोबाइल अॅप डाउनलोड करा आणि राहा अपडेट