मोतीबागेच्या विजयने मारले मैदान

November 20, 2016, 1:30 pm

≫ Next: दंडुका घ्या, शिस्त लावा

≪ Previous: विवाह होणार साधेपणाने

$

0

0

म. टा. प्रतिनिधी, कोल्हापूर

जवळपास तीन वर्षांनंतर कोल्हापूरच्या ऐतिहासिक खासबाग मैदानावर झालेल्या कुस्त्यांमध्ये मोतीबाग तालमीच्या विजय धुमाळने हरियाणाच्या युधिष्ट‌िरकुमारला पोकळ घिस्सा डावावर चितपट करून पैलवान प्रतिष्ठान चषक पटकाविला. मोतीबाग तालमीच्याच संतोष लवटे याने हैदराबादच्या फैजल अली याला चिटपट करून पैलवान प्रतिष्ठान युवा चषक पटकाविला.

पैलवान प्रतिष्ठानच्यावतीने आणि जिल्हा व शहर राष्ट्रीय तालीम संघाच्या मान्यतेने या मैदानाचे आयोजन करण्यात आले होते. कुस्ती स्पर्धांचे उद्‍घाटन हिंदकेसरी दीनानाथसिंह आणि भाजपचे शहराध्यक्ष संदीप देसाई यांच्या हस्ते झाले. सूर्य मावळतीला आल्यानंतर प्रकाश झोतात एकापाठोपाठ एक झालेल्या चटकदार कुस्त्यांनी कोल्हापूरच्या कुस्ती शौकीनांचे पारणे फेडले.

पैलवान प्रतिष्ठान चषक आणि पैलवान प्रतिष्ठान युवा चषक अशा गटांत प्रत्येकी दोन प्रमुख कुस्त्या झाल्या त्यात न्यू मोती बागच्या राजाराम यमगर आणि मोतीबागच्या विजय पाटील यांच्यातील कुस्ती बरोबरीत सुटली. विजय पाटीलने दोन वेळा राजारामचा कब्जा घेतला होता. मात्र, त्याला संधीचा फायदा उठवत राजारामला चितपट करता आले नाही. अखेर पंचांनी कुस्ती बरोबरीत सोडविली. पैलवान प्रतिष्ठान चषक पहिल्या क्रमांकाची कुस्ती मात्र डोळ्याचे पारणे फेडणारी ठरली. सुरुवातीपासून रंगतदार झालेल्या या कुस्तीत युधिष्टिरने आश्चर्यकारकरित्या विजयचा कब्जा घेतला होता. मात्र, जिद्दीच्या विजयने अतिशय शिताफीने स्वतः सुटका करून घेतली. युधिष्टिरच्या ताकदीचा अंदाज आल्यानंतर मात्र विजयने त्याला झुंजवायला सुरुवात केली. दोघा तूल्यबळ मल्लांमध्ये शेवटी विजयचे पारडे जड ठरले आणि पोकळ घिस्सा डावावर विजयने युधिष्टिरवर मात करून पैलवान प्रतिष्ठान चषकाचा पहिला होण्याचा मान मिळविला.

पैलवान प्रतिष्ठान युवा चषकाची पहिल्या क्रमांकाची कुस्ती संतोष लवटे आणि फैजल अली (काळाईमाम तालीम) यांच्यात झाली. तब्बल अर्धातास चाललेल्या या रंगतदार कुस्तीत संतोषने बाजी मारली. कुस्ती सुरू झाल्यानंतर पहिली दहा ते बारा मिनिटे खडाखडी कुस्ती झाली. दोघांनीही प्रतिस्पर्ध्यांच्या ताकदीचा अंदाज घेतला. त्यानंतर संतोषने फैजलवर वर्चस्व मिळविण्याचे प्रयत्न सुरू केले. फैजलला पाय लावून घिस्सा लावण्याचा त्याचा एक प्रयत्न फसला. पण, संतोषने आपले वर्चस्व मिळविण्याचे प्रयत्न सुरूच ठेवले. अखेर संतोषने दुहेरी पट काढून फैजलला चितपट केले आणि पैलवान प्रतिष्ठान युवा चषक आपल्या नावावर केला. युवा चषकाची दुसऱ्या क्रमांकाची कुस्ती काळाईमामचा पैलवान विकास ऐनपुरे आणि हरियाणाचा जयकुमार यांच्यात झाली. विकासने सुरुवातीपासूनच जयकुमारवर वर्चस्व मिळविले होते. मोळी डावावर त्याने जयकुमारला आस्मान दाखवत उपस्थित शौकिनांची वाहव्वा मिळविली.

मोरेवाडी चषकसाठी कळंबा येथील सागर इळके आणि कर्नाटक केसरी मंजुनाथ धारवाड यांच्यात जंगी लढत झाली. सागरने मच्छी गोत मारण्याचा केलेला प्रयत्न अयशस्वी ठरला. पण, ही कुस्ती सागरच जिंकेल, असे मैदानातील प्रत्येकाला वाटत होते. अखेर पोकळ घिस्सा डावावर सागरने मंजुनाला चितपट करून मोरेवाडी चषक आपला केला.

इतर कुस्त्यांमधील विजेते असे: दिगंबर पाटील, किरम पाटील, अक्षय माने, तानाजी कुराडे, विशाल तिवले, दिगंबर पाटील, सौरभ माळी, भगतसिंग खोत, महेश पाटील, माणिक कारंडे, सूरज जाधव, महेश पारेकर, आकाश पोवार, शरद मगदूम, उत्तम लबडे, वैभव खोत, विजय शिंदे, ओंकार लाड, बबलू पाटील, अजकुमार, सोहेल मोहिते, अतुल चेचर, बबूल सरनाईक, सौरभ पाटील, नितीन कांबळे, भरत जाधव, सचिन कदम, सचिन घुंगरे, वैभव पाटील.

या वेळी महाराष्ट्र केसरी नामदेव मोळे, संभाजी पाटील, विनोद चौगुले, यांच्यासह महापालिकेतील विरोधी पक्ष नेते संभाजी जाधव, उद्योगपती चंद्रकांत जाधव यांच्यासह मान्यवर मोठ्या संख्येने उपस्थित होते. पैलवान प्रतिष्ठानचे संस्थापक महेश मोरे यांच्या मार्गदर्शनाखाली सागर येळके, विकी माने, संभाजी मोहिते, रतन बाणदार, किरण मोरे यांनी संयोजन केले.

कोल्हापूरचेच वर्चस्व

यंदाच्या हंगामातील या पहिल्या मैदानात सुमारे साठहून अधिक चटकदार कुस्त्या पहायला मिळाल्या. मानाच्या कुस्त्यांमध्ये कर्नाटक, हरियाणा, हैदराबाद येथून मल्ल आले होते. मात्र, मानाच्या पहिल्या चारही कुस्त्या कोल्हापूरच्याच पैलवानांनी जिंकल्या. तर इतर छोट्या कुस्त्यांमध्ये कोल्हापूरच्याच पैलवानांचे वर्चस्व राहिले. मैदानात नंदगावच्या शंकर पाटील यांचे डोक्याने नारळ फोडण्याचे आणि सातवे येथील रोहन सकटे याचे योगासनांचे प्रात्यक्षिक लक्षवेधी ठरले.

जिल्हाधिकाऱ्यांची

सहकुटुंब उपस्थिती

प्रदीर्घ काळानंतर झालेल्या या मैदानाला जिल्हाधिकारी डॉ. अमित सैनी यांनी सहकुटुंब उपस्थिती लावली होती. जिल्हाधिकारी डॉ. सैनी यांचे वडील देवेंद्रकुमार सैनी, आई आशा, पत्नी अन्शुमाला आणि मुलगा अश्मित यावेळी उपस्थित होते. अश्मित यांच्यासह जिल्हाधिकाऱ्यांच्या पत्नी आणि आई यांच्या हस्ते काही कुस्त्या लावण्यात आल्या. त्यांनी उत्स्फूर्तपणे नवोदित पैलवानांना शुभेच्छा दिल्या.

मोबाइल अॅप डाउनलोड करा आणि राहा अपडेट

---

दंडुका घ्या, शिस्त लावा

November 20, 2016, 1:30 pm

≫ Next: ‘पाणलोट’मधील दोषींवर कारवाईची प्रक्रिया

≪ Previous: मोतीबागेच्या विजयने मारले मैदान

$

0

0

म. टा. प्रतिनिधी, कोल्हापूर

सकारात्मकता, नावीण्यपूर्ण कल्पकता प्रत्यक्षात आणण्यासाठी पोलिसांनी हातात दंडुके घेऊन बसण्याची गरज आहे. नियम मोडेल त्याला पकडा. तरच शहर आणि उपनगरातील वाहतुकीला शिस्त लागू शकेल. शहरातील वाहतुकीची कोंडी आणि अपघाताच्या समस्या सोडविण्यासाठी ठोस आराखडा तयार केला जात आहे. अत्याधुनिक सिग्नल, जनाजागृती आणि कायद्याची कडक अंमलबजावणी करण्याचे आदेश पालकमंत्री चंद्रकांत पाटील यांनी दिले. शहरातील कोंडी होणारे चौक, पोलिसांची मानसिकता, महापालिकेडून कडून होणारे असहकार्य, झेब्रा काँसिंग, सिग्नलजवळील अतिक्रमणे हटवावीत. गर्दीच्या ठिकाणचा सिग्नलचे सेंकद वाढवावेत, अशा सूचना उपस्थित तज्ज्ञांनी केल्या. रस्त्याच्या कडेला पडलेल्या चार हजार बेवारस वाहनांचा प्रश्न कायमस्वरूपी मार्गी लावण्यासाठी प्रसंगी कायद्यादही बदल केला जाईल. अतिक्रमणे काढण्यासाठी पाहिजे तेवढा बंदोबस्त देणार असून आवश्यक त्या ठिकाणी स्पीडब्रेकर करा, असेही त्यांनी सांगितले.

कोल्हापूर शहर आणि उपनगरातील वाहतूक समस्यवरील उपाय योजनेसाठी पालकमंत्री चंद्रकांत पाटील यांच्या अध्यक्षतेखाली पोलिस अधीक्षक कार्यालयात रविवारी बैठक झाली. त्यामध्ये वाहतूक तज्ज्ञांनी सूचना मांडल्या. शहरात अपघाताची ३३ ठिकाणांची माहिती सादरीकरणातून देण्यात आली. आमदार निधीतून शिवाजी पूल परिसरात फ्लडलाइट बसविले जातील. त्यासाठी सुमारे पाच लाखांचा निधी दिला जाईल. ट्रॅफिक मॅनेजमेंट आणि शहर सौंदर्यीकरणाचा मिलाप असलेला प्रस्ताव द्यावा. अनेक ठिकाणी आकर्षक फ्लायओव्हर उभे केले जातील. त्याला नगर विकास खात्यातून निधी दिला जाईल, असे पालकमंत्री पाटील यांनी सांगितले.

यावेळी महापौर अश्विनी रामाणे, आमदार अमल महाडिक, कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील, जिल्हाधिकारी डॉ. अमित सैनी, पोलीस अधीक्षक एम. बी. तांबडे, अपर पोलिस अधीक्षक सुहेल शर्मा, दिनेश बारी, सार्वजनिक बांधकाम विभागाचे अधीक्षक अभियंता एस. एस. साळुंखे, कोल्हापूर महानगरपालिकेचे शहर अभियंता नेत्रदीप सरनोबत, उपविभागीय पोलिस अधिकारी भारतकुमार राणे, सतीश माने, शहर वाहतूक शाखेचे अशोक धुमाळ,आदी उपस्थित होते.

पोलिस उद्यानात काय होणार

पोलिस उद्यानाची सुमारे एक लाख चौरस फुटाची जागा आहे. या उद्यानाचा कायापालट करून गतवैभव प्राप्त करून देता येणे शक्य आहे. शहराच्या कोणत्याही भागातून राष्ट्रध्वज दिसावा. त्यासाठी या राष्ट्रध्वजाची उंची २५० फूटापर्यंत करावा. पर्यटकांच्यासाठी खास आकर्षण ठरावे, असे पोलिस उद्यानाचे रूप बदलावे. उद्यानात प्रवेश करतानाच छत्रपती शिवाजी महाराज यांच्या पुतळ्यासमोरील पुतळ्याची डागडुज्जी करावी. शालेय विद्यार्थ्यांना वाहतूक शिस्तीचे धडे देण्यासाठी ट्रॉफिक गार्डची उभारणी करावी. पोलिसांचे शस्त्र संग्रहालय, देशभरातील पोलिसांचे युनिफॉर्म, विविधरंगी बाग, मुलांसाठी खेळणी, म्युरल्स, संगीत कारंजे अशी संकल्पना केएसबीपीचे सुजॉय पित्रे मांडली.


सादरीकरण चर्चा हवेत नको

पालकमंत्री चंद्रकांत पाटील यांनी उपस्थितांच्या सूचना ऐकून त्याची ठोस अंमलबजावणी करण्याच्या सूचना केल्या. अनेक बैठकांत केवळ विविध योजनांचे सादरीकरण केले जाते. या सादरीकरणाची चर्चा केवळ हवेतच केली जाते. असे होता काम नये. येत्या २६ जानेवारी, २०१७ पर्यंत पोलिस उद्यानाचा लूक बदलावा, असा आग्रह धरू नये. थोडा वेळ लागला तरी चालेल, मात्र पर्यटक खास कोल्हापूर पाहण्यासाठी येतील, असा उद्यानाचा लूक बदलता येईल. त्यासाठी निधी दिली जाईल, असे पालकमंत्री पाटील यांनी सांगितले. निर्भया पथकाच्या कामगिरीचेही पालकमंत्र्यांनी कौतुक केले.
पुणे येथील ट्राफिक इंजिनिअर प्रताप भोसले यांनी अमेरिका, जपान आणि अन्य ठिकाणी असलेल्या वाहतूक व्यवस्थेची माहिती दिली. कोल्हापुरातही वाहतूक व्यवस्थेला शिस्त लावणे शक्य आहे. त्यासाठी अत्याधुनिक सिग्नल यंत्रणा, दुचाकी, चारचाकी पार्किगची ठिकाणे, त्यासाठी लागणारी जागा, पे पार्किग, शहरात दररोज येणारी वाहनांचा डेटा याची माहिती एकत्रित करण्याची गरज आहे. त्यासाठी सल्लागार कंपनीकडून वाहतुकीचा ठोस आराखडा तयार करणे शक्य आहे. काही कालावधी मिळाल्यास मेट्रो सिटीसारखी शिस्त कोल्हापूरला लागू शकेल. त्यासह प्रत्येक वाहनधारकांना वाहतूकीचे नियम काटेकोरपणे पाळले तर कायद्याचा बडगा दाखविण्याची काहीच गरज लागणार नाही.


स्क्रॅप वाहनांना आरटीओ कडून नोटिसा

चंदीगड फास्ट

शहर वाहतूक शाखेच पोलिस निरीक्षक अशोक धुमाळ यांनी वाहनांवर केलेल्या कारवाईची माहिती सांगितली. पोलिस प्रशासनाने वाहनधारकांच्यावर कारवाईसाठी ई-चलन करणार असल्याचे सांगितले. त्यावेळी जिल्हाधिकारी डॉ. अमित सैनी म्हणाले, ई-चलनचा प्रकार चंदीगडमध्ये दहा वर्षापासून राबविला जात आहे. नियम तोडणाऱ्यांच्यावर फारशी कारवाई केली जात नाही. काही चौकात पोलिसच नाहीत. ही संख्याही वाढवावी. चारचाकी वाहने उचण्यासाठी महापालिकेचा काहीही संबध नाही. पोलिसांनी कारवाई करावी, अशी सूचनाही जिल्हाधिकारी डॉ. अमित सैनी यांनी केली.

चार हजार बेवारस वाहने

रस्त्याच्या कडेला चार हजार बेवारस वाहने आहेत. या वाहनांचे क्रमांक घेऊन प्रादेशिक परिवहन विभागातर्फे संबंधित वाहनाच्या मालकांना नोटीस बजावण्यात येईल. त्यांच्यावर कोणी हक्क सांगणार नाही, अशा बेवारस वाहनांचा कायदेशीर पध्दतीने लिलाव करुन विल्हेवाट लावण्यात येईल. त्यासाठी कायद्यातील तरतुदींचा अभ्यास केला जाईल. प्रसंगी कायद्यात बदलही केला जाईल.

होमगार्डची मदत

वाहतुकीला शिस्त लावण्यासाठी पोलिसांच्या मदतील होमगार्ड दिले जातील. पुढील तीन वर्षे त्यांच्या पगाराची तरतूद केली जाईल. चौकाचौकात वाहतूक पोलिस असल्याने एक मानसिक दडपण तयार होऊन वाहतूक नियमनाला शिस्त लागेल. समाजात वाहतूक नियमनाची शिस्त आणि कायद्याचा धाक निर्माण केला जाईल. वाहतूकीला अडथळा निर्माण करणारी अतिक्रमणे तातडीने काढली जातील. आवश्यक ठिकाणी १५ दिवसांत स्पीडब्रेकर बसविले जातील.


परिक्षेत्रात २ हजार ५०० जणांचा मृत्यू

कोल्हापूर परिक्षेत्राचे विशेष पोलिस महानिरीक्षक विश्वास नांगरे-पाटील म्हणाले, कोल्हापूरची लोकसंख्या सुमारे ५ लाख आहे. कोल्हापूर परिक्षेत्रात वर्षाला सुमारे २५०० जणांचा अपघातात मृत्यू होतो. हे प्रमाण दिवसाला सरासरी सात आहे. रस्ते अपघात आणि वाहतुकीच्या कोंडीमुळे वाहनधारक त्रस्त आहेत. त्यासाठी तीन महिन्यापासून अभ्या सुरू आहे. होमगार्डंनाही प्रशिक्षण दिले आहे.


अल्प मुदतीच्या उपाययोजना

ट्रॅफिक सिग्नलस, झेब्रा क्रॉसिंग, दुकानदार, फेरीवाले व हातगाडीवाडले अतिक्रमणे हटविणे. बेवारस वाहने हटविणे. चारचाकी वाहनांच्या टोईंगसाठी क्रेन ट्रॅफिक वॉर्डन्स, सबलेन मार्किंग आणि ई-चलनची उपाययोजना.


पालकमंत्र्यांना वाहतुकीच्या कोंडीचा अनुभव आल्यानंतरच ठोस उपाययोजना केला जात आहेत. अपघात मुक्त आणि कोंडीमुक्त वाहतूक व्यवस्थेची अपेक्षा सर्वसामान्यांची आहे. त्याबाबत पालकमंत्री पाटील म्हणाले, तरुणांनी टिंगळटवाळी केल्याचा प्रकार या ठिकाणी आढळला. काही तरूण वाहने आडवी उभी करून उभे राहत असल्याचे चित्र तीनदा दिसले. काही तरूणांचे या ठिकाणी टिंगल टवाळी सुरूच होती. त्या वेळी पोलिसांना आदेश देण्यात आले. वाहतुकीची कोंडी फोडण्यासाठी सातत्याने प्रयत्न केले जाणार आहेत.

मोबाइल अॅप डाउनलोड करा आणि राहा अपडेट

‘पाणलोट’मधील दोषींवर कारवाईची प्रक्रिया

November 20, 2016, 1:30 pm

≫ Next: चलन तुटवड्याने धान्य टंचाई

≪ Previous: दंडुका घ्या, शिस्त लावा

$

0

0

म. टा. प्रतिनिधी, कोल्हापूर

कोल्हापूर जिल्ह्यात झालेल्या पाणलोट योजनेमधील भ्रष्ट्राचाराच्या चौकशी अहवालातील दोषी अधिकाऱ्यांवर कारवाई होत नसल्याची गंभीर दखल राज्य सरकारने घेतली आहे. यासंदर्भात खासदार राजू शेट्टी यांनी दिलेल्या पत्रानंतर पणनमंत्र्यांचे खासगी सचिव आप्पासाहेब धुळाज यांनी या प्रकरणातील दोषी अधिकाऱ्यांवर कारवाई करावी, असे पत्र जलसंधारण मंत्र्यांना दिले आहे. परिणामी आर्थिक आणि राजकीय ताकदीवर कारवाईची ‘क्लोज’ झालेली फाईल ‘ओपन’ करावी लागणार आहे.

केंद्र पुरस्कृत एकात्मिक पाणलोट व्यवस्थापन योजनेतील (वसुंधरा पाणलोट) कामांत सुमारे ३० कोटींचा गैरव्यवहार झाल्याची तक्रार विधानसभेत १८ जुलै २०१५ रोजी झाल्यानंतर त्याची चौकशी झाली. ५५ अधिकाऱ्यांवर कामांची जागेवर पाहणी व तपासणी न करणे, नियमबाह्य कामांची निवड, चुकीच्या ठिकाणी निकृष्ट बंधारे घेऊ नये याकडे लक्ष न देणे असा ठपका ठेवण्यात आला होता. एका वर्षानंतर या प्रकरणातील दोषींवर काहीही कारवाई झाली नाही. कृषी विभागाने दडवून आणि दडपून टाकलेला ‘पाणलोट’चा चौकशी अहवाल महाराष्ट्र टाइम्सने चव्हाट्यावर आणला. अहवालात ठपका ठेवलेल्या ५५ अधिकाऱ्यांची नावे उघड केली. त्याची दखल घेत खासदार राजू शेट्टी यांनी दोषी अधिकाऱ्यांवर कारवाईसाठी पाठपुरावा सुरू ठेवला आहे.

राज्य सरकारने हे प्रकरण गांभीर्याने घेतले आहे. कारवाई होऊ नये म्हणून ‘गणित’ घालणारे अधिकारी बिथरले आहेत. प्रकरण दाबून टाकण्याचीच्या प्रयत्नात असलेल्यांमध्येही चुळबूळ सुरू झाली आहे. गेल्या आठवड्यात खासदार शेट्टी यांनी यासंदर्भात मुख्यमंत्री देवेंद्र फडणवीस यांना पत्र दिले. कोल्हापूर जिल्ह्यातील पाणलोट विभागाच्या कामात भ्रष्ट्राचार झाला आहे. निकृष्ट दर्जाची कामे झाली आहेत. या प्रकरणातील चौकशी अहवालात दोषी अधिकाऱ्यांची नावे आहेत. त्यांच्यावर कारवाई करावी, असे त्यांनी पत्रात म्हटले.

त्यानंतर कृषी विभागाकडून तातडीने कारवाई करावी, असे पत्र जलसपंदा मंत्र्यांना दिल्याने दोषी अधिकाऱ्यांवर कारवाई होण्याची शक्यता बळावत चालली आहे. अर्थपुर्ण वाटाघाटी करून दोषींना वाचवणाऱ्यांना कारवाई करावी लागेल अशी शक्यता आहे.

‘मटा’चा पाठपुरावा

२०१५ मध्ये झालेल्या या पाणलोट योजनेतील कामाच्या घोटाळ्यांबाबत ‘महाराष्ट्र टाइम्स’ वेळोवेळी पाठपुरावा करत आहे. ‘मटा’ने सातत्याने याबाबतचे वृत्त दिले. चौकशी अहवालाबाबत विशेष वृत्तमालिका प्रसिध्द केल्यानंतर दोषींवर कारवाई होण्यासाठी प्रक्रिया सुरू झाल. त्यामुळे या प्रकरणावर पडदा प्रयत्नशील असलेल्या कृषी विभाग, जिल्हा प्रशासनाच्या यंत्रणेचे धाबे दणाणले आहे.

मोबाइल अॅप डाउनलोड करा आणि राहा अपडेट

चलन तुटवड्याने धान्य टंचाई

November 20, 2016, 1:30 pm

≫ Next: वाहतूक कोंडी फोडणार

≪ Previous: ‘पाणलोट’मधील दोषींवर कारवाईची प्रक्रिया

$

0

0

म. टा. प्रतिनिधी, कोल्हापूर

बँक बंद, एटीएममधून दोन हजाराच्या मिळणाऱ्या नोटा, बाजारात जावे तर सुट्या पैशाची चणचण या कोंडीमुळे अनेकांनी रविवारचा सुटीचा दिवस घरातच बसून काढला. भविष्यात धान्याची टंचाई जाणवण्याची शक्यता व्यापारी वर्गातून व्यक्त केली जात आहे. रविवारी एटीएम हाच एकमेव पर्याय असल्याने अनेक एटीएमसमोर रांगा होत्या. दुसऱ्या टप्प्यातील नवीन नोटा व नाणी सोमवारी येण्याची शक्यता आहे. मात्र पाचशे रुपयांच्या नव्या नोटेची प्रतिक्षा आहे. दरम्यान, अनेक ठिकाणी सुट्या पैशांसाठी जुन्या पाचशे व हजार रुपयांच्या नोटांची देवाणघेवाण सुरू असल्याचे दिसले.

गेल्या बारा दिवसांत बाजारात असलेल्या चलन तुटवड्याचा परिणाम वेगवेगळ्या क्षेत्रांमध्ये दिसत आहे. धान्य बाजारातील आवक कमालीची घटली असून त्यामुळे अन्नधान्याचा तुटवडा जाण्याची शक्यता व्यक्त केली जात आहे. गहू, डाळींचा पुरवठा कमी होत असल्याने आठवडाभरात तुटवड्याचे गंभीर परिणाम दिसू लागतील. सध्याच अनेक ठिकाणी मागणीपेक्षा कमी पुरवठा होत असल्याने होलसेल व्यापाऱ्यांकडूनही कमी प्रमाणात विक्री होत आहे. बाजारातील उलाढालही ४० टक्क्यांपर्यंत घटली आहे. ही उलाढाल सहज पन्नास टक्क्यांहून अधिक प्रमाणात कमी होण्याची शक्यता आहे.

दरम्यान, रविवारी अनेकांना पेट्रोल पंपापासून ते विविध ठिकाणी पैसे भरण्याच्या काउंटरवर, मोठ्या दुकानांमधून सुट्टे म्हणून पाचशे, हजार रुपयांच्या नोटा स्वीकाराव्या लागत होत्या. खरेदीदार व विक्रेते दोघांनाही हे सोयीचे असल्याने जोपर्यंत नवीन सुट्टे पैसे येत नाहीत, तोपर्यंत ही देवघेव सुरू राहण्याची शक्यता आहे. पाचशे रुपयांच्या नव्या नोटांचे वितरण सुरू झाल्यानंतर बाजारातील ताण कमी होण्यास मदत होणार आहे. एखाद्या भागातील एटीएम सुरू असल्याचे समजताच अनेकजण पैसे काढण्यासाठी धाव घेत असल्याची स्थिती रविवारी होती. मात्र काही ठिकाणच्या एटीएमवरील गर्दी कमी झाल्याचेही जाणवत होते.

मोबाइल अॅप डाउनलोड करा आणि राहा अपडेट

वाहतूक कोंडी फोडणार

November 20, 2016, 1:30 pm

≫ Next: सुशीलकुमार शिंदेंना सोलापूर विद्यापीठाचीडॉक्टर ऑफ लिटरेचर पदवी जाहीर

≪ Previous: चलन तुटवड्याने धान्य टंचाई

$

0

0

म. टा. प्रतिनिधी, कोल्हापूर

शहरातील रस्त्यांवरील वाढते अपघात आणि वाहतुकीच्या कोंडीचा प्रश्न ३१ मार्चपर्यंत निकालात काढला जाईल. वाहतूक व्यवस्था सुटसुटीत करण्यासाठी प्रत्येक खात्याला कामाची जबाबदारी आणि कालावधी दिला आहे. पंधरा दिवसात पुन्हा बैठक घेऊन त्याचा आढावा घेऊ, असे पालकमंत्री चंद्रकांत पाटील यांनी रविवारी सांगितले. जिल्हा पोलिस अधीक्षक कार्यालयात पोलिस अधिकारी आणि वाहतूक तज्ज्ञांची दुपारी बैठक झाली. यावेळी, ‘आता केवळ चर्चा, अहवाल चालणार नाही. प्रत्यक्षात कारवाई हवी. थिअरी नकोच, प्रॅक्टीकल करायला हवे’ असे पालकमंत्री म्हणाले.

‘माझा प्रबोधनावर फारसा विश्वास नाही. हातात दंडुके घेऊन प्रत्येक चौकात उभे रहा’ असे सांगून पालकमंत्री पाटील म्हणाले, ‘कडक उपायांनीच वाहनधारकांना आपोआप शिस्त लागेल. वाहतूकीची कोंडी आणि अपघाताचे प्रमाण कमी होण्यासाठी करण्यात येणाऱ्या उपाययोजनांसाठी, प्रसंगी कोरा धनादेश देतो, मात्र उपायांची अंमलबजावणी कडक झाली पाहिजे. प्रत्येक वाहनधारकांनीही वाहतुकीचे नियम काटेकोरपणे पाळावेत. रस्त्यावरील बंद पडलेल्या तीन हजार वाहनांचा बंदोबस्त करा. पोलिसांच्या मदतीला होमगार्ड तैनात केले जातील. वाहतुकीबाबद अध्यादेश आणि प्रसंगी कायद्यात बदल केले जातील,’ असेही पालकमंत्री पाटील यांनी सुनावले.

शहराची वाहतूक व्यवस्था सुरळीत होण्यासाठी तज्ज्ञांनी सूचना मांडल्या. या सूचनांची दखल घेत पालकमंत्री पाटील म्हणाले, ‘वाहतुकीचा प्रश्न येत्या काही दिवसांत मार्गी लावू. त्यासाठी ४२ टेबलावरून फाइल्स फिरणार नाहीत. तज्ज्ञांनी मांडलेल्या सूचना, पोलिसांनी सुचविलेले उपाय, उपलब्ध आणि लागणारा निधी, काही ठिकाणांसाठी उपलब्ध करावा लागणारा निधी याचा आराखडा तातडीने करा. काही प्रश्न निधीअभावी सुटणारे आहेत. काही प्रश्न अल्प कालावधीचे आहेत. झेब्रा क्राँसिंग, ट्रॉफिक सिग्नल, हॉकर्स झोन, स्क्रॅप वाहने, फोरव्हीलर क्रेन, सब लेन यांसारखे प्रश्न तातडीने सोडवता येतील. दुसऱ्या आणि तिसऱ्या टप्प्यातील प्रश्नही येत्या काही दिवसांत मार्गी लावू. वाहतूक सुरळीत आणि सुरक्षित होण्यासाठी सर्व्हे केला जाईल. त्यासाठी सल्लागार कंपनीकडे काम दिले जाईल. वाहतूक तज्ज्ञांनी सुचविलेल्या उपायांचा विचार केला जाईल. याचा ठोस आराखडा तयार केला जाणार आहे. पहिल्या टप्प्यात वाहतुकीला शिस्त लावू.’

दरम्यान, पोलिस उद्यानाला गतवैभव मिळवून देणे, उद्यानात सुमारे तीनशे फूट उंचीचा राष्ट्रध्वज उभारणी याविषयीही पालकमंत्र्यांनी माहिती दिली.

‘मटा’ची दखल

‘महाराष्ट्र टाइम्स’मधून वाहतूकीची कोंडी मालिका, अवजड वाहनांचे पार्किंग, रस्त्यावरील बेवारस वाहने, खासगी आराम बसची विळखा आणि पर्यायी जागेची मागणी, वाहतूकीची कोंडी होणारी ठिकाणे, अपघाताचे ठिकाणे, कोंडी होणारे चौक, शहरातील वाढते अपघातासह वाहतूकीच्या प्रश्नावर सातत्याने मांडले. सामान्य वाहनधारकांना भेडसावणारे प्रश्न इथपासून ते प्रशासनाकडून करावे लागणारे उपाय सुचविले गेले. त्यातील प्रत्येक मुद्द्याची दखल रविवारी झालेल्या बैठकीत घेण्यात आली.

मोबाइल अॅप डाउनलोड करा आणि राहा अपडेट

सुशीलकुमार शिंदेंना सोलापूर विद्यापीठाचीडॉक्टर ऑफ लिटरेचर पदवी जाहीर

November 21, 2016, 9:41 am

≫ Next: सोलापूर, सातारा, इस्लामपुरातफडणवीसांच्या आज प्रचार सभा

≪ Previous: वाहतूक कोंडी फोडणार

$

0

0

म. टा. वृत्तसेवा, सोलापूर

माजी केंद्रीय गृहमंत्री सुशीलकुमार शिंदे यांना सोलापूर विद्यापीठाची डॉक्टर ऑफ लिटरेचर (डी.लिट) ही मानद पदवी जाहीर झाली आहे. डिसेंबरमध्ये होणाऱ्या सोलापूर विद्यापीठाच्या बाराव्या दिक्षान्त समारंभात शिंदे यांना पदवी प्रदान करण्यात येणार आहे, अशी माहिती सोलापूर विद्यापीठाचे कुलगुरु डॉ. एन. एन. मालदार यांनी दिली.

सोलापूर विद्यापीठाच्या व्यवस्थापन परिषदेने शिंदे यांना पदवी देऊन सन्मानित करण्याबाबतचा प्रस्ताव मंजूर केल्यानंतर शनिवारी झालेल्या अधिसभेच्या बैठकीत प्रस्तावाला मंजुरी देण्यात आली. आमदार प्रशांत परिचारक बैठकीला प्रमुख उपस्थित होते. कुलसचिव डॉ. देवेंद्रनाथ मिश्रा यांनी बैठकीचे सचिव म्हणून काम पाहिले.

दरम्यान, विद्यापीठाची पहिलीच डी.लिट पदवी शिंदे यांना प्रदान करण्यात येणार आहे. टिळक महाराष्ट्र पुणे आणि आंध्र प्रदेशातील सर्व सार्वजनिक विद्यापीठांचे कुलपती म्हणून सुशीलकुमार शिंदे यांनी काम पाहिले आहे. आतापर्यंत शिंदे यांना चार विद्यापीठांनी डी.लिट ही मानद पदवी देऊन गौरविले आहे.

मोबाइल अॅप डाउनलोड करा आणि राहा अपडेट

सोलापूर, सातारा, इस्लामपुरातफडणवीसांच्या आज प्रचार सभा

November 21, 2016, 9:43 am

≫ Next: सोलापूरच्या परिवहन सभेत खडाजंगी

≪ Previous: सुशीलकुमार शिंदेंना सोलापूर विद्यापीठाचीडॉक्टर ऑफ लिटरेचर पदवी जाहीर

$

0

0

सांगली, सातारा, सोलापूर जिल्ह्यांतील नगरपरिषदा, नगरपंचायतींची रणधुमाळी अंतिम टप्प्यात आली आहे. भाजप आणि भाजप प्रणीत आघाड्यांच्या प्रचारारासाठी मुख्यमंत्री आज, मंगळवारी सोलापूर, सातारा आणि सांगली जिल्ह्यात जाहीर सभा घेणार आहेत. फडणवीस यांची आज दुपारी अक्कलकोट आणि त्यानंतर मंगळवेढा येथे त्यानंतर साताऱ्यात आणि इस्लामपूरमध्ये सायंकाळी पाच वाजता जाहीर सभा होणार आहे.

अक्कलकोट, दुधनीत मोठी चुरस

सोलापुरातील अक्कलकोट आणि दुधनी निवडणुकीच्या निकालाकडे सर्वांचे लक्ष लागले आहे. केंद्रात आणि राज्यात भाजपची सत्ता आल्यानंतर स्थानिक स्वराज्य संस्था निवडणुकीच्या माध्यमातून ग्रामीण भागात पाय रोवण्यासाठी भाजपने कंबर कसली आहे. राष्ट्रवादीच्या सत्तेला सुरुंग लावण्यासाठी भाजप जीवाचे रान करीत आहे. त्यात भाजपला कितपत यश येते याकडे सर्वांचे लक्ष लागले आहे. दुधनीमध्ये काँग्रेस आमदार सिद्धाराम म्हेत्रे यांच्या सत्तेला सुरुंग लावण्यासाठी पालकमंत्री विजयकुमार देशमुख आणि सहकारमंत्री सुभाष देशमुख तसेच जिल्हाध्यक्ष शहाजी पवार भाजप उमेदवारांसाठी प्रचारात उतरले आहेत. करमाळा, मंगळवेढा, मैण्डर्गी, या ठिकाणी चुरस पाहावयास मिळत आहे.

इस्लामपूरमध्ये सायंकाळी होणार सभा

इस्लामपूर

इस्लामपूर नगरपालिकेच्या निवडणूक प्रचारासाठी मुख्यमंत्री देवेंद्र फडणवीस यांची मंगळवारी सायंकाळी पाच वाजता येथील यल्लामा चौकात जाहीर सभा होणार आहे, अशी माहिती विकास आघाडीचे अध्यक्ष विक्रम पाटील यांनी दिली.

पाटील म्हणाले, या सभेस महसूल मंत्री व सांगली जिल्ह्याचे पालकमंत्री चंद्रकांत पाटील, खासदार राजू शेट्टी, कृषी व पणन राज्यमंत्री सदाभाऊ खोत, खासदार संजय पाटील, आमदार शिवाजीराव नाईक, सुधीर गाडगीळ, सुरेश खाडे, विलासराव जगताप, भाजपचे सांगली जिल्हा अध्यक्ष माजी आमदार पृथ्वीराज देशमुख, वनश्री नानासाहेब महाडीक उपस्थित राहणार आहेत.

मोबाइल अॅप डाउनलोड करा आणि राहा अपडेट

सोलापूरच्या परिवहन सभेत खडाजंगी

November 22, 2016, 9:46 am

≫ Next: मुख्यमंत्र्यांचा झंझावाती प्रचार दौरानोटबंदीवर मोदींना सहकार्य करण्याचे आवाहन

≪ Previous: सोलापूर, सातारा, इस्लामपुरातफडणवीसांच्या आज प्रचार सभा

$

0

0

सोलापूर

निलंबित सदस्याला कामावर घेण्याच्या तातडीच्या प्रस्तावावरुन विरोधी भाजप सदस्यांनी अधिकाऱ्यास जाब विचारला, संबधिताला कामावर घेण्याची शिफारस करणारे सत्ताधारी कॉँग्रेस सदस्य आणि भाजप सदस्य एकमेकांच्या अंगावर गेले. शिवीगाळी करीत खुर्च्या उचलून फेकून देण्याचा प्रकार सोलापूर महानगर पालिकेच्या परिवहन सभेत घडला.

सोलापूर महानगरपालिकेची परिवहन समितीची सभा मंगळवारी सकाळी साडेअकरा वाजता गोंधळात पार पडली. त्यावेळी हा प्रकार झाला. अखेर सभापती राजन जाधव यांनी सभा तहकूब करून सभागृहाबाहेर गेले. यावेळी सर्व अधिकारी व परिवहन व समितीचे पदाधिकारी यांच्या समोर हा गोंधळ चालू होता.

परिवहन सदस्य शिवाजी मगरुमखाने यांच्या शिफारसीवरुन ही कारवाई मागे घेण्यात येत असल्याचे अधिकाऱ्यांनी. तेव्हा भाजपाचे सदस्य शंकर बंडगर आणि इतरांनी यास चौकशी करून कामावर घ्यावे, कोणाच्या सांगण्यावरुन कारवाई टाळू नये, असे बजावले. यावर मगरुमखाने चिडले. तुम्ही भ्रष्टाचारी आहात आदी आरोप करीत त्यांनी आरडाओरडा सुरू केला. वाद वाढत गेल्याने एकमेकांच्या अंगावर जाण्याचा प्रकार परिवहन सभेमध्ये घडला.

मोबाइल अॅप डाउनलोड करा आणि राहा अपडेट

---

मुख्यमंत्र्यांचा झंझावाती प्रचार दौरानोटबंदीवर मोदींना सहकार्य करण्याचे आवाहन

November 22, 2016, 9:47 am

≫ Next: एमआयएम काँग्रेसनेपोसलेला भस्मासूरमाधव भांडारींची टीका

≪ Previous: सोलापूरच्या परिवहन सभेत खडाजंगी

$

0

0

टीम मटा, पुणे

सोलापूर, सातारा आणि सांगली जिल्ह्यातील नगर परिषदा आणि नगर पंचायतींच्या निवडणूक प्रचारासाठी मुख्यमंत्री देवेंद्र फडणवीस यांनी अक्कलकोट, सातारा, कराड, इस्लामपूर आणि तासगाव येथे जाहीर सभा घेतल्या. या सभांमधून नगर परिषदांचे स्वतंत्र ऑडीट करणार, २०१९पर्यंत प्रत्येकाला घर देणार, विकासासाठी निधी कमी पडू देणार नाही आणि मोदींच्या नोटबंदीच्या निर्णयाला सहकार्य करा, ५० दिवस त्रास सहन करा, असे आवाहन त्यांनी प्रचार सभांमधून केले.

इस्लामपूरच्या सर्वांगिण विकासाची ग्वाही

इस्लामपूर

‘मी मुख्यमंत्री म्हणून तुम्हाला सांगतो, इस्लामपूर शहरात जे परिवर्तन घडवायचे आहे. जो विकास करावयाचा आहे, त्या विकासाची हमी मी तुम्हाला देतो. तुमच्यासाठी माझी तिजोरी उघडी राहील. आता खऱ्या अर्थाने परिवर्तन करण्याची वेळ आली आहे. देशात आणि राज्यात परिवर्तन घडले आहे. तुम्ही इस्लामपूरमध्ये परिवर्तन घडवा तुम्हाला विकासाची हमी मी देतो,’ असे आवाहन मुख्यमंत्री देवेंद्र फडणवीस यांनी

इस्लामपूर येथे बोलताना केले. नगर परिषदेच्या प्रचार सभेत ते बोलत होते.

फडणवीस म्हणाले, ‘इस्लामपूर शहराच्या विकास आराखड्यात ज्यांच्यावर अन्याय झाला आहे, त्यांना न्याय देऊ. आपल्या करिता तिजोरीचे दरवाजेच खुले ठेवले आहेत. भुयारी गटार योजनेचा प्रस्ताव द्या, घरकुलांचे प्रस्ताव द्या, मी एका झटक्यात मंजूर करतो. आम्हाला नगरपालिका हवी आहे, ती खुर्च्यासाठी नको आहे. एका घराण्याच्या हातात सत्ता आहे, ती आपल्या घराण्यात आली पाहिजे म्हणून नको. आम्हाला सत्ता हवी आहे, ती सामान्य माणसासाठी हवी आहे.’

विकास आघाडीचे अध्यक्ष विक्रम पाटील यांनी उपस्थितांचे स्वागत केले.

२०१९पर्यंत प्रत्येक गरिबाला घर देणार

मुख्यमंत्र्‍यांचे तासगावात आश्वासन

म. टा. वृत्तसेवा, सांगली

‘राज्यातील ५० टक्के जनता शहरात राहते. शहरीकरण हा शाप आहे, ही मानसिकता बदलायला पाहिजे. शहरांचे फसलेले नियोजन दुरुस्त करण्यावर आमचा भर असेल. गेल्या दीड वर्षात राज्यातील १०० शहरे हागणदारीमुक्त झाली आहेत. पुढच्या वर्षात सगळी शहरे हागणदारी मुक्त झाली पाहिजेत यासाठी प्रयत्न सुरू आहेत. पंतप्रधान मोदींनी पंतप्रधान आवास योजना सुरू केली आहे. त्याअंतर्गत देशातील प्रत्येक गरीब माणसाला घर मिळणार आहे २०१९पर्यंत राज्यातील प्रत्येक गरिबाला घर देणार आहे,’ अशी घोषणा मुख्यमंत्री देवेंद्र फडणवीस यांनी केली. तासगाव नगरपालिकेच्या निवडणूक रिंगणात असलेल्या भाजप उमेदवारांच्या प्रचार सभेत मुख्यमंत्री बोलत होते. या वेळी खासदार संजय पाटील, जिल्हाध्यक्ष पृथ्वीराज देशमुख उपस्थित होते.

फडणवीस म्हणाले, ‘शहरातील कचरा व सांडपाणी यामुळे प्रदूषण वाढत आहे. चांगले घनकचरा व्यवस्थापन व सांडपाण्याची विल्हेवाट यामुळे बऱ्याच प्रश्नाचे समाधान होणार आहे. राज्यातील प्रत्येक शहरात अंडरग्राउंड ड्रेनेज व्यवस्था असली पाहिजे, हे आपले स्वप्न आहे. या पुढील काळात नगरपालिकांना पाहिजे तेवढा निधी देऊ मात्र, पारदर्शकता गुणवत्ता व गतिमानता या त्रिसुत्री पाळाव्या लागतील. एका महिन्याच्या आत टेंडर शंभर दिवसांत वर्क ऑर्डर व गुणवत्तापूर्ण कामासाठी बाहेरील यंत्रणाचा वॉच राहणार आहे.’

खासदारांचे गुणगान

‘केंद्रीय मंत्रिपदासाठी मुख्यमंत्री व पालकमंत्र्यांनी आपल्या नावाचा आग्रह धरला होता,’ असे खासदार संजय पाटील म्हणाले. पालकमंत्री चंद्रकांत पाटील म्हणाले, ‘मुख्यमंत्र्यांचे काकांवर प्रेम आहे.’ फडणवीस यांनी म्हणाले, ‘काका आमचे मित्र आहेत. आजवर काकांचे एकही काम आडवले नाही. तुम्ही प्रस्ताव द्या, मी निधी देतो.’


आर्थिक स्वातंत्र्याच्या लढाईला पाठबळ द्या

कराड

‘पंतप्रधान नरेंद्र मोदी यांनी सुरू केलेल्या नविन आर्थिक स्वातंत्र्याच्या लढाईला सर्वसामान्यांनी पाठबळ दिल्यास आपला देश लवकरच महासत्ता होईल. त्याचा परिणाम राज्यावर होऊन राज्यातही परिवर्तन घडणार आहे. त्यामुळे येथील कराड नगरपालिकेच्या निवडणुकीत कराडवासीयांनी परिवर्तन घडवावे. आपण घडविलेल परिवर्तन आपल्याच विकासासाठी उपयोगी येणार असल्याने भाजपप्रणित राज्य सरकारच्या माध्यमातून कराडचा चेहरा-मोहरा बदलला जाईल,’ असे प्रतिपादन राज्याचे मुख्यमंत्री ना.देवेंद्र फडणवीस यांनी केले.

कराड नगरपालिका निवडणुकीतील भारतीय जनता पार्टी व त्यांच्या मित्र पक्षांच्या प्रचार सभेत फडणवीस बोलत होते. सभेच्या अध्यक्षस्थानी महसूलमंत्री चंद्रकांत पाटील, सांगलीचे खासदार संजय पाटील, कृषी राज्यमंत्री सदाभाऊ खोत आदी उपस्थित होते.

फडणवीस म्हणाले, ‘पंतप्रधानांनी काळ्या पैशाविरूद्ध उघडलेल्या मोहिमेमुळे सर्वसामान्यांना केवळ ५० दिवस त्रास सहन करावा लागेल. मात्र पुढील 50 वर्षे देशाला मागे वळावे लागणार नाही. अचानक काळा पैसा बंद केल्यामुळे नक्षलवादी, आतंकवादी कारवाया बंद होऊन पाकिस्तानातून येणाऱ्या बनावट नोटा बंद झाल्या आहेत. शिवाय काळा पैसा वापरणाऱ्यांची तोंडे काळी झाली आहेत. त्यांना रात्रीच्या झोपा लागत नाहीत, तर सर्व समान्य मोदींच्या या निर्णयामुळे विकासाची स्वप्ने पहात शांत झोपू लागला आहे. मोदींच्या पाठिशी सर्वांनी खंबीरपणे उभे रहावे.’



शिव छत्रपतींच्या आशीर्वादानेच

राज्यात-केंद्रात सत्तेवर आलो


सातारा

‘शिव छत्रपतींचा आशीर्वाद घेऊनच आम्ही राज्यात व केंद्रात सत्तेवर आलो आहोत. ज्या साताऱ्याशी त्यांचे नाव जोडले आहे, त्या साताऱ्यात परिवर्तन घडवून भाजपला विजयी करा,’ असे आवाहनही त्यांनी सातारकरांना केले. सातारा नगरपालिका निवडणुकीच्या प्रचारासाठी गांधी मैदानावर आयोजित केलेल्या जाहीर सभेत मुख्यमंत्री बोलत होते. मुख्यमंत्री म्हणाले, ‘नगर पालिकेसाठीचा निवडणूक जाहीरनामा मी प्रसिद्ध करीत आहे. आजची उपस्थिती पाहता आजच सुवर्णाताईंच्या विजयावर शिक्कामोर्तब झाला, असे म्हटल्यास वावगे ठरणार नाही. नरेंद्र मोदी यांनी सुरू केलेल्या आर्थिक स्वातंत्र्याच्या लढाईत सर्वांनी सहकार्य करावे. साताऱ्यात भाजपला फक्त एकवेळ संधी देऊन बघा, साताऱ्याचा चेहरामोहरा बदलून दाखवू.’


नगरपरिषदांचे स्वतंत्र ऑडिट करणार

सोलापूर

‘नगर परिषदेचा कारभार पारदर्शक, गतिशील व गुणवत्तापूर्ण झाला पाहिजे. यासाठी यापुढे भ्रष्टाचार संपविण्यासाठी त्रयस्थ यंत्रणेच्या माध्यमातून ऑडीट केले जाईल. विकासासाठी नगरपालिकेवर भाजपाची सत्ता आणा,’ असे आवाहन मुख्यमंत्री देवेंद्र फडणवीस यांनी केले. मंगळवारी दुपारी एक वाजता येथील मल्लिकार्जुन मंदिरासमोर अक्कलकोट, दुधनी, मैदर्गी नगर परिषदेच्या नगराध्यक्ष व नगरसेवक उमेदवारांच्या प्रचारार्थ मुख्यमंत्री देवेंद्र फडणवीस यांची जाहीर सभा घेण्यात आली. त्याप्रसंगी ते बोलत होते. यावेळी व्यासपीठावर पालकमंत्री विजयकुमार देशमुख, सहकारमंत्री सुभाष देशमुख आदी उपस्थित होते.

फडणवीस म्हणाले, ‘गावे ओस पडले आहेत व शहरणीकरणाला आपण थांबवू शकलो नाही. पंतप्रधान नरेंद मोदी यांनी शहरीकरणाला शाप न मानता स्मार्ट सिटी बनविण्याचा ध्यास घेतला आहे. आता परिवर्ततनाची सुरूवात झाली आहे. १४० नगर परिषदांच्या अर्धवट ८ हजार कोटींच्या योजना पूर्ण करण्यासाठी निधी दिला आहे. डीजिटल क्रांती होऊन भ्रष्टाचार संपेल. शहरे विकासाची मॉडेल बनतील.’

मोबाइल अॅप डाउनलोड करा आणि राहा अपडेट

एमआयएम काँग्रेसनेपोसलेला भस्मासूरमाधव भांडारींची टीका

November 21, 2016, 9:40 am

≫ Next: राष्ट्रवादीच्या साताराजिल्हाध्यक्षांचा राजीनामा

≪ Previous: मुख्यमंत्र्यांचा झंझावाती प्रचार दौरानोटबंदीवर मोदींना सहकार्य करण्याचे आवाहन

$

0

0

म. टा. वृत्तसेवा, कराड

‘भाजप आणि एमआयएमची छुपी युती असल्याचा माजी मुख्यमंत्री व येथील आमदार पृथ्वीराज चव्हाण यांचा आरोप हास्यास्पद आहे. उलट एमआयएम हा २००४पासून काँग्रेसनेच पोसलेला भस्मासूर आहे. भाजप आणि एमआयएमच्या विचारधारा जुळू शकत नसल्यामुळे हे पक्ष कधीही एकत्र येऊ शकणार नाहीत,’ असे मत भाजपचे प्रदेश प्रवक्ते माधव भांडारी यांनी येथे पत्रकारांशी बोलताना व्यक्त केले.

भंडारी म्हणाले, ‘काँग्रेस आणि राष्ट्रवादीचा बालेकिल्ला समजला जाणाऱ्या कराडमध्ये दोन पक्ष प्रथमच बॅकफूटवर आले आहेत. त्यामुळेच त्यांनी कराडमध्ये पक्षाच्या चिन्हावर निवडणूक लढवण्याची हिंमत दाखवली नाही. कराडसह संपूर्ण सातारा जिल्ह्यातील नगरपालिका निवडणुकांमध्ये भाजप चिन्हावर प्रथमच लढत आहे. राज्यातील ज्या १६५ नगरपालिकांमध्ये आता निवडणूक होत आहे. त्या ठिकाणी भाजपचे ३०० नगरसेवक होते. पक्षीय बलाबलाचा विचार करता भाजप चौथ्या क्रमांकाचा पक्ष होता. परंतु २७ नोव्हेंबरनंतर हे चित्र बदललेले दिसेल. किमान ५० ठिकाणी भाजपचा नगराध्यक्ष बनेल तर ५० नगरपालिकांमध्ये भाजपचे बहुमत असेल. पश्चिम महाराष्ट्रातील निवडणुका भाजपसाठी खूप महत्वाच्या आहेत.’

........

काँग्रेस-राष्ट्रवादीमुळेच

दलित-मुस्लिमांचा अविकासीत -ओवेसी

‘पंतप्रधान नरेंद्र मोदी यांनी पाचशे व हजारांच्या नोटा बंदीचा निर्णय घेऊन गरीब जनता, शेतकऱ्यांचे कंबरडे मोडले आहे. काँग्रेस-राष्ट्रवादी यांच्यामुळेच आजपर्यंत दलित-मुस्लिमांचा विकास झाला नाही. आता बदल हवा असेल तर त्यांनी परिवर्तनाच्या लाटेत सहभागी होऊन सत्तांतर घडवावे,’ असे आवाहन एमआयएमचे राष्ट्रीय अध्यक्ष खासदार असाऊद्दीन ओवेसी यांनी दिले.

कराड नगरपालिका निवडणुकीसाठी एमआयएम व भीमशक्ती संघटनेच्या वतीने आयोजित प्रचार सभेत ते बोलत होते. खासदार ओवेसी म्हणाले, वर्षांनुवर्षे मुस्लिम-दलितांनी काँग्रेसला साथ दिली. मात्र, आज ही तरुणांना रोजगार नाही, शिक्षण नाही. दलित आणि मुस्लिमांच्या प्रश्नांसह एमआयएमच्या निर्मितीवर बोलणाऱ्या माजी मुख्यमंत्री पृथ्वीराज चव्हाण यांनी समारोसमोर बसून चर्चा करून सांगावे. तुम्हाला साथ देऊन आम्हाला काहीही मिळाले नाही. चुकीच्या पद्धतीने आरक्षण देऊन आमची फसवणूक केली. आजपर्यंत काँग्रेसनेच मोठ्या प्रमाणात मुस्लिम-दलितांवर अन्याय केला आहे. शहरातून काँग्रेसला हटवून सर्व सामान्यांनी सत्ता ताब्यात द्यावी, असे आवाहनही ओवेसी यांनी केले.

मोबाइल अॅप डाउनलोड करा आणि राहा अपडेट

राष्ट्रवादीच्या साताराजिल्हाध्यक्षांचा राजीनामा

November 23, 2016, 9:19 am

≫ Next: आयटी पार्कसह उद्योगांसाठी प्रयत्न

≪ Previous: एमआयएम काँग्रेसनेपोसलेला भस्मासूरमाधव भांडारींची टीका

$

0

0

सातारा

सांगली-सातारा विधान परिषद निकालानंतर राष्ट्रवादीचे उमेदवार शेखर गोरे यांच्या पराभवाची नौतिक जबाबदारी स्वीकारून सातारा जिल्हा राष्ट्रवादी काँग्रेसचे जिल्हाध्यक्ष सुनील माने यांनी आपल्या पदाचा राजीनामा प्रदेशाध्यक्ष सुनील तटकरे यांच्याकडे फॅक्सद्वारे पाठवून दिला आहे.

सातारा-सांगली विधान परिषदेचे राष्ट्रवादीचे अधिकृत उमेदवार शेखर गोरे यांचा राष्ट्रीय काँग्रेसचे उमेदवार मोहनराव कदम यांनी अनपेक्षित धक्का देत पराभव केला. सातारा-सांगली विधान परिषदेची जागा गेल्या कित्येक वर्षांपासून राष्ट्रवादी काँग्रेसकडे होती. गेल्या निवडणुकीत तर राष्ट्रवादीने ही जागा बिनविरोध केली होती. या निवडणुकीत राष्ट्रवादी आणि काँग्रेसची आघाडी न होता दोन्ही काँग्रेस आमने-सामने चुरशीने लढल्या. अत्यंत अटीतटीच्या लढतीत राष्ट्रवादीच्या सातारा जिल्ह्यातील मतदारांपैकी बहुसंख्य मतदार फुटल्याने राष्ट्रवादी काँग्रेस पक्षाच्या उमेदवाराचा पराभव झाला. या पराभवाची नैतिक जबाबदारी स्वीकारून माने यांनी आपल्या पदाचा राजीनामा प्रदेशाध्यक्ष सुनील तटकरे यांच्याकडे फॅक्सद्वारे पाठविला आहे.

मोबाइल अॅप डाउनलोड करा आणि राहा अपडेट

आयटी पार्कसह उद्योगांसाठी प्रयत्न

November 23, 2016, 1:30 pm

≫ Next: जिल्हा बॅँकांच्या याचिकांवरआज हायकोर्टात सुनावणी

≪ Previous: राष्ट्रवादीच्या साताराजिल्हाध्यक्षांचा राजीनामा

$

0

0

satish.ghatage
@timesgroup.com

Tweet : @satishgMT

‘थेट पाइपलाइन, पंचगंगा नदी प्रदूषण, रंकाळा या कोल्हापूरवासीयांच्या जिव्हाळ्याच्या प्रश्नांवर रस्त्यावर उतरून आंदोलन करताना विधानसभेतही आवाज उठवला. सर्वपक्षीय टोल आंदोलनात शिवसेना अग्रेसर राहिली. व्यापारी वर्गाला एलबीटीतून मुक्त करून दिलासा दिला. विकासकामांसाठी निधी आणण्याचे प्रयत्न सुरूच आहेत’ असे आमदार राजेश क्षीरसागर यांनी ‘महाराष्ट्र टाइम्स’शी बोलताना सांगितले. गुरुवारी (ता. २४ नोव्हेंबर) वाढदिवासनिमित्त त्यांच्याशी संवाद साधला असता ‘२४ तास उपलब्ध असलेला आमदार’ अशी निर्माण झालेली ओळख टिकविण्याचे प्रयत्न सुरू आहेत. ’ असे त्यांनी सांगितले.

आमदार राजेश क्षीरसागर म्हणाले, ‘मी आमदार म्हणून शहराचे गेले सात वर्षे विधानसभेत प्रतिनिधीत्व करीत आहे. सात वर्षांपूर्वीचा एक शिवसैनिक ते आमदार असा आजघडीला टप्पा पूर्ण झाला आहे. शिवसेनाप्रमुख बाळासाहेब ठाकरे यांनी १९८६ मध्ये कोल्हापुरात जुना बुधवार पेठेत भगतसिंग तरूण मंडळ परिसरात शिवसेनेच्या शाखेचे उदघाटन केले. शिवसैनिक म्हणून काम करताना अंकुश ग्रुपची स्थापना केली. सामाजिक कार्यात उडी घेतली. भारतीय विद्यार्थी सेनेचे संघटनेची जबाबदारी घेत अनेक प्रश्नांवर आवाज उठवला. शिवसेनेच्या अडचणीच्या काळात शहरप्रमुखाची जबाबदारी यशस्वी पेलली. अनेक प्रश्नांवर रस्त्यांवरून आवाज उठवला. आंदोलने केली. पक्षसंघटन केले. त्यामुळे २००९ मध्ये पक्षप्रमुख उद्धव ठाकरे यांनी आमदार म्हणून कामास संधी दिली.’

आमदार राजेश क्षीरसागर म्हणाले, ‘थेट पाइपलाइन, महागाई, पंचगंगा प्रदूषण, रंकाळा या प्रश्नांवर आंदोलन करताना विधानसभेत आवाज उठवला. सर्वात महत्वाचे म्हणजे सर्वपक्षीय टोल आंदोलनात शिवसेनेचा महत्वाचा वाटा होता. मोर्चे, निदर्शने, धरणे आंदोलनाबरोबर टोलनाके उद्धवस्त करण्यात मी पुढे होते. त्यासाठी फौजदारी गुन्हे अंगावर घेतले. टोलमुक्त कोल्हापूर ही आमची न्याय मागणी होती. त्यासाठी विधिमंडळात मानदंड उचलून सरकारचे लक्ष वेधण्याचा प्रयत्न केला. अखेर पालकमंत्री चंद्रकांत पाटील व सार्वजनिक बांधकाम (उपक्रम) मंत्री एकनाथ शिंदे यांच्या प्रयत्नातून टोलचे भूत कोल्हापुरच्या मानगुटीवरील उतरवण्यात यशस्वी ठरलो.’

आमदार राजेश क्षीरसागर म्हणाले, ‘खरेतर देशात व्यापाऱ्यांचे एलबीटी हटाव हे आंदोलन कोल्हापुरात सुरू झाले. व्यापाऱ्यांचे मेळावे, रॅली, निवेदने, मूक मोर्चाव्दारे सरकारचे लक्ष वेधले. एलबीटी रद्द होण्यासाठी विधीमंडळाच्या पायऱ्यांवर निदर्शने केली. तारांकित प्रश्नांद्वारे सभागृहात प्रश्न उपस्थित केला. अखेर एलबीटी रद्द करण्यासाठी सरकारला भाग पाडले. त्यामुळे कोल्हापुरातील व्यापाऱ्यांचे १०० कोटी रुपये वाचले. कोल्हापुरात नवीन उद्योग यावेत यासाठी उद्योगमंत्री सुभाष देसाई यांच्यामार्फत प्रयत्न सुरू आहेत. आयटी पार्क व सरकारी इंजिनिअरिंग कॉलेज सुरू करण्यासाठी प्रयत्न करत आहे.’

आमदार राजेश क्षीरसागर म्हणाले, ‘सीपीआरमधील कंत्राटी कामगारांना किमान वेतन कायद्यानुसार पगार सुरू केला. तसेच ट्रामाकेअर सेंटर सुरू करण्यासाठी प्रयत्न केल्याने डिजिटल स्कॅनिंग मशिन सुरू होत आहे. हृदयशस्त्रक्रिया विभाग अद्यायावत केला आहे. जेष्ठ नागरिकांसाठी विरूंगळा केंद्र टाऊन हॉल उद्यान येथे सुरू केले आहे. वीस उद्यानात ओपन जीम सुरू केली आहे. तालमी व मंडळांना व्यायामशाळा व हॉलसाठी निधी दिला आहे. राजीव गांधी जीवनदान योजनेद्वारे चार हजारहून अधिक रुग्णांना मुख्यमंत्री निधीतून मदत केली आहे. हृदय, किडनी या सारख्या गंभीर आजार झालेल्या ५०० हून अधिक रुग्णांना सरकारची मदत उपलब्ध करून दिली आहे. विमानतळ, रेल्वेसेवा, रस्ते, शिवाजी पुलाला पर्यायी पूल, तीर्थक्षेत्र आराखडा यासाठी प्रयत्न सुरू आहेत.’

मोबाइल अॅप डाउनलोड करा आणि राहा अपडेट

जिल्हा बॅँकांच्या याचिकांवरआज हायकोर्टात सुनावणी

November 23, 2016, 9:15 am

≫ Next: बाजार समितीच्या सभापतिपदी शेजाळपतंगराव कदम गटाने दादा गटाला डावलले

≪ Previous: आयटी पार्कसह उद्योगांसाठी प्रयत्न

$

0

0

म. टा. वृत्तसेवा, सांगली

जिल्हा बँकांनी हायकोर्टात दाखल केलेली याचिका आणि या पूर्वी सुप्रीम कोर्टात दाखल असणाऱ्या जिल्हा बँकांविषयीच्या याचिका यामध्ये तफावत आहे. पाचशे, हजारच्या नोटांबाबत दाखल करण्यात आलेल्या याचिकांवर हायकोर्टात सुनावणी घेण्यात यावी, असे आदेश बुधवारी सुप्रीम कोर्टाने दिले आहेत. त्यामुळे जिल्हा बँकांवरील निर्बंधांबाबत हायकोर्टात दाखल असलेल्या याचिकांवरील सुनावणीचा मार्ग मोकळा झाला आहे.

सांगलीसह कोल्हापूर, पुणे, मुंबई, सोलापूर, लातूर, नाशिक आणि ठाणे आदी ठिकाणच्या जिल्हा मध्यवर्ती बँकांनीही पाचशे हजारांच्या नोटांबाबत घालण्यात आलेल्या निर्बंधांबाबत हायकोर्टात याचिका दाखल केल्या आहेत. न्या. ए. एस. ओक व न्या. एम. एस. कर्णिक यांच्या खंडपीठाकडे याचिका दाखल आहेत. जिल्हा मध्यवर्ती बँकांनी पाचशे आणि हजार रुपयांच्या नोटा स्वीकारण्याबाबत घातलेल्या निर्बंधाचा चेंडू मुंबई हायकोर्टाने सुप्रीम कोर्टाकडे होता. जिल्हा बँकांबाबत सुप्रीम कोर्टात याचिका आहेत, त्याच ठिकाणी नव्या याचिकांबाबत सुनावणी व्हावी, अशी केंद्र सरकारच्या वकिलांची विनंती मान्य करतानाच याचिकांमध्ये फरक असेल तर गुरुवारी यावर हायकोर्टात सुनावणी घेऊ असे सांगितले होते.

सुप्रीम कोर्टात बुधवारी सरन्यायाधीश टी. एस. ठाकूर, न्या. धनंजय चंद्रचूड व न्या. नागेश राव यांच्यासमोर सुनावणी झाली. बँकेच्या वतीने अ‍ॅड. खर्डे यांनी युक्तीवाद केला. जिल्हा बँकांबाबत सुप्रीम कोर्टात दाखल याचिका व जिल्हा बँकांनी हायकोर्टात दाखल केलेली याचिका वेगळ्या कारणासाठी आहे. हे कोर्टाच्या निदर्शनास आणून दिले. ही बाब सुप्रीम कोर्टाने मान्य करून पाचशे व हजारांच्या नोटांवरील निर्बंधांबाबत याचिकांवर मुंबई हायकोर्टात सुनावणी घेण्यात यावी, असे निर्देश दिले. त्यामुळे सुप्रीम कोर्टाने यावर सुनावणी घेतली नाही. तर आज, गुरुवारी सुनावणी घेण्याचे हायकोर्टाने मान्य केले होते. त्यामुळे जिल्हा बँकांच्या सुनावणीवर हायकोर्टात सुनावणी होईल, अशी अपेक्षा आहे. राज्यातील सर्व जिल्हा बँकांचे या सुनावणीकडे लक्ष लागले आहे.

मोबाइल अॅप डाउनलोड करा आणि राहा अपडेट

बाजार समितीच्या सभापतिपदी शेजाळपतंगराव कदम गटाने दादा गटाला डावलले

November 23, 2016, 9:16 am

≫ Next: विमानसेवा, पोलिस आयुक्तालय होणार

≪ Previous: जिल्हा बॅँकांच्या याचिकांवरआज हायकोर्टात सुनावणी

$

0

0

म. टा. वृत्तसेवा, सांगली

सांगली कृषी उत्पन्न बाजार समितीच्या सभापतिपदी प्रशांत शेजाळ यांची तर उपसभापतिपदी रामगोंडा संती यांची बुधवारी बिनविरोध निवड करण्यात आली. विधान परिषद निवडणुकीत पतंगराव कदम आणि विशाल पाटील गट यांच्यात दुरावा निर्माण झाल्याने बाजार समितीच्या पदाधिकाऱ्यांच्या निवडीकडे जिल्ह्याचे लक्ष लागले होते.

बुधवारी सकाळी निवड प्रक्रियेसाठी विरोधी गटाच्या गाडीतून आलेल्या संचालकाला गाडीतून बाहेर ओढण्याचा प्रयत्न बाजार समिती समोरच घडला. गोंधळ, आरडा-ओरड होताच पोलिसांनी तत्काळ धाव घेतल्याने संबधित संचालक बचावला. या घटनेने सांगलीत दादा- कदम गटातील वाद किती टोकाला गेला आहे, याचा प्रत्यय आला.

सांगली-सातारा स्थानिक स्वराज्य संस्था विधान परिषदेच्या निवडणुकीत विशाल पाटील गटाने बंडखोरी करून काँग्रेस अंतर्गतच आव्हान उभे केल्याने पतंगराव कदम गटाला खूप धावाधाव करायला लागली. अखेरपर्यंत बंडखोरी कायम राहिल्याने दोन्ही गटातल्या वादाने टोक गाठले. विधान परिषदेला कदम गटाचे मोहनराव कदम विजयी झाले, परंतु कदम गट विशाल पाटील गटाचा अडथळा विसरायला तयार नाही. याचा प्रत्यय दुसऱ्याच दिवशी कृषी उत्पन्न बाजार समितीच्या पदाधिकारी निवडीत आला.

बाजार समितीत पंतगराव कदम, विशाल पाटील, माजी मंत्री अजितराव घोरपडे, खासदार राजू शेट्टी, पणन राज्यमंत्री सदाभाऊ खोत, जिल्हा बँकेचे संचालक विक्रम सावंत यांनी एकाच आघाडीचे नेतृत्व केले होते. तर दिवंगत नेते मदन पाटील यांनी विरोधी गटाचे नेतृत्व केले होते. मात्र, नुकत्याच झालेल्या विधान परिषदेच्या निवडणुकीने हे समीकरण बदलले. विशाल पाटील, घोरपडे, स्वाभिमानी शेतकरी संघटना एका बाजूला झाले. तर विरोधक असलेला मदन पाटील गट पतंगराव कदम गटाला मिळाला. दोन्ही गटांची सदस्य संख्या समान होत असल्याने पदाधिकारी निवडीत कोण बाजी मारणार याकडे सर्वांचे लक्ष लागले होते. पाटील गटाने कदम गटातील दोन सदस्यांना आपल्याकडे खेचले होते. परंतु, घोरपडे गटाला सभापतिपद देणार असाल आमचा पाठिंबा नाही, असा सूर काहींनी आळवला. त्यात पाटील यांचे हक्काचे दोन सदस्य मंगळवारी रात्री कदम गटाने पळविल्याने पाटील गटाची कोंडी झाली.

बाजार समितीच्या मुख्यालयात निवडणूक निर्णय अधिकारी विकास खरात यांच्या अध्यक्षतेखाली निवडणूक प्रक्रिया सुरू झाली. सभापतिपदासाठी प्रशांत शेजाळ आणि जीवन पाटील यांनी तर उपसभापती पदासाठी रामगोंडा संती व तानाजी पाटील यांनी उमेदवारी अर्ज भरले. याचवेळी विशाल पाटील गटाकडून कदम गटाकडे गेलेले सदस्य कुमार पाटील, बाळासाहेब बंडगर हे एका गाडीतून निवडणुकीच्या ठिकाणी येत होते. सलगरचे उपसरपंच तानाजी पाटील गाडी चालवत होते. त्यांची गाडी कार्यालयाकडे वळण घेत असतानाच अचानक एक जमाव गाडीजवळ आला. त्यांच्यापैकी एकाने गाडीचे दार उघडून कडेला बसलेल्या कुमार पाटील यांना बाहेर खेचण्याचा प्रयत्न केला. त्यावेळी गाडीतील गजानन पंडीत यांनी कुमार पाटलांना घट्ट धरून ठेवले. आरडाओरड झाली. गोंधळाच्या दिशेने पोलिस धावले. त्यांनी कुमार पाटलांची सुटका करताच ती गाडी थेट गेटच्या आत घुसली. जादाचा पोलिस बंदोबस्त धावत आल्याने त्याठिकाणी पोलिस छावणीचे स्वरुप झाले.

कार्यालयात निवडणुकीच्या प्रक्रियेत सर्वजण गुंतले असल्याने बाहेरचे रामायण फारसे कोणाला समजले नाही. सभापती जीवन पाटील आणि उपसभापती पदासाठी तानाजी पाटील यांनी भरलेले अर्ज मागे घेतले. त्यामुळे सभापतिपदी प्रशांत शेजाळ (करोली टी, कवठेमहांकाळ) आणि उपसभापती रामगोंडा संती (खोजानवाडी, ता. जत) यांची बिनविरोध निवड झाल्याची घोषणा निवडणूक निर्णय अधिकाऱ्यांनी केली. या निवडीच्या वेळी दोन सदस्य अनुपस्थित होते.

नवनिर्वाचित सभापती प्रशात शेजाळ म्हणाले, विशाल पाटील यांच्यासह आघाडीच्या सर्वच नेत्यांनी एकमताने आपल्याला काम करण्याची संधी दिली आहे. मदन पाटील गटाचे नेतृत्व करणाऱ्या जयश्री पाटील यांनीही सहकार्य केले आहे. आघाडीत कोणताही वाद नाही.

मोबाइल अॅप डाउनलोड करा आणि राहा अपडेट

विमानसेवा, पोलिस आयुक्तालय होणार

November 23, 2016, 1:30 pm

≫ Next: राजकीय संघर्षाला धार

≪ Previous: बाजार समितीच्या सभापतिपदी शेजाळपतंगराव कदम गटाने दादा गटाला डावलले

$

0

0

म. टा. प्रतिनिधी, कोल्हापूर

केंद्र सरकारच्या नव्या विमान वाहतूक धोरणानुसार राज्यातील पहिली विमानसेवा कोल्हापुरातून सुरू होणार असल्याचे मुख्यमंत्री देवेंद्र फडणवीस यांनी बुधवारी येथे स्पष्ट केले. कोल्हापुरातील पोलिस आयुक्तालयाचा विषयही निश्चित मार्गी लावूणार असल्याचे स्पष्ट प्रतिपादन त्यांनी केले.

इचलकरंजी नगरपालिका निवडणुकीच्या प्रचारासाठी मुख्यमंत्री कोल्हापुरात आले होते. निवडणूक आचारसंहितेची धामधूम सुरू असताना त्यांनी वेळ काढून पत्रकारांशी नोटाबंदीपासून कोल्हापूरच्या प्रश्नांवर चर्चा केली. नोटाबंदीमुळे सर्वसामान्यांना त्रास होत असला तरी जनतेचा नोटाबंदीला पाठींबा आहे असा दावाही त्यांनी केला.

दरम्यान, केएमटी, थेट पाइपलाइन व महापालिकेच्या नवीन प्रशासकीय इमारतीसाठी भाजप ताराराणी आघाडीच्या नगरसेवकांच्या मागणीला प्रतिसाद देताना याप्रश्नी मुंबईत बैठक घेण्याचे आश्वासनही त्यांनी दिले.

विमानतळ सुरू व्हावे यासाठी पालकमंत्री चंद्रकांत पाटील, खासदार धनंजय महाडिक, खासदार संभाजीराजे प्रयत्नशील आहेत. सरकारदरबारी हा प्रश्न कधी मार्ग लागणार? असा प्रश्न केला असता त्यांनी केंद्र सरकारच्या रिजनल कनेक्टिव्हिटीव्दारे पहिली विमानसेवा कोल्हापुरात सुरू होणार असल्याचे स्पष्ट केले. विमानतळ विस्तारीकरण आणि विमान वाहतूक परवान्यासंदर्भात राज्य सरकारकडून पाठपुरावा सुरू आहे, असे ते म्हणाले.

गेली तीस वर्षे मुंबई हायकोर्टाचे खंडपीठ कोल्हापुरात व्हावे, याबाबत पाच जिल्ह्यातील वकिलांचा लढा सुरू आहे. वकिलांनी पुन्हा सनदशीर मार्गाने आंदोलन सुरू केले आहे. याकडे त्यांचे लक्ष वेधले असता ते म्हणाले, कोल्हापूर खंडपीठाबाबत राज्य सरकारने हवा तसा ठराव हायकोर्टाला दिला आहे. खंडपीठाचा निर्णय मुंबई हायकोर्ट घेणार आहे. त्यासाठी सनदशीर मार्गाने लढा द्यावा लागणार आहे. कोल्हापुरातील खंडपीठ स्थापन करण्याच्या मागणीला आमचा पाठिंबा आहे. त्यासाठी सरकारकडून सर्वतोपरी सहकार्य केले जाईल, असे आश्वासनही त्यांनी दिले.

मुख्यमंत्र्यांकडे गृहखाते असल्याने पोलिस आयुक्तालय स्थापनेबाबत प्रश्न केला असता पोलिस आयुक्तालय स्थापन होईल, असे आश्वासन दिले. त्यामुळे आगामी वर्षभरात विमानतळ, पोलिस आयुक्तालयाबाबतच्या प्रश्नांची सोडवणूक होण्याची शक्यता निर्माण झाली आहे.

आश्रमशाळांतील गैरकारभाराबाबत विचारले असता, मुख्यमंत्री फडणवीस यांनी ‘सक्तीच्या शिक्षण कायद्याच्या अंमलबजावणीमुळे एकही विद्यार्थी वंचित राहू नये यासाठी सरकार दक्ष आहे,’ असे सांगितले. ‘पाषाण आणि ऊस कामगार शाळांच्या नावाखाली काही संस्था उघडण्यात आल्या. नियमानुसार आश्रमशाळा सुरू रहाव्यात यासाठी सरकारचे प्रयत्न आहेत,’ असे ते म्हणाले.

आमदार अमल महाडिक, भाजप महानगर अध्यक्ष संदीप देसाई, प्रदेश कार्यकारिणी सदस्य महेश जाधव, भाजप गटनेते विजय सूर्यवंशी, ताराराणी आघाडीचे गटनेते सत्यजित कदम, नगरसेवक अजित ठाणेकर यावेळी उपस्थित होते.

मोबाइल अॅप डाउनलोड करा आणि राहा अपडेट

---

राजकीय संघर्षाला धार

November 23, 2016, 1:30 pm

≫ Next: भ्रष्टाचार रोखण्यासाठीरासपचे प्रतिज्ञापत्र

≪ Previous: विमानसेवा, पोलिस आयुक्तालय होणार

$

0

0

म. टा. प्रतिनिधी, कोल्हापूर

नगरपालिका निवडणूकीचा प्रचार अंतिम टप्यात आला असतानाच राजकीय संघर्षालाही चांगलीच धार आली आहे. पालकमंत्री चंद्रकांत पाटील आ​णि आमदार हसन मुश्रीफ यांच्या ​जुन्या वादाला या निमित्ताने नव्याने फोडणी दिली जात आहे. जिल्ह्यातील नऊ नगरपालिकांसाठी ही रणधुमाळी सुरू असली तरी प्रमुख पक्षांचे अनेक प्रमुख नेते निवांत असल्याने त्याचा फटका या पक्षांना बसण्याची शक्यता आहे. भाजप महायुतीने आमदार मुश्रीफांसह राष्ट्रवादीला केलेल्या टार्गेटमुळे जिल्ह्यात प्रमुख लढत महायुती विरूध्द राष्ट्रवादी अशीच असल्याचे दिसत आहे.

अनेक नगरपालिकांत राष्ट्रवादीचे वर्चस्व आहे. पेठवडगावमध्ये काँग्रेसची सत्ता तर इचलकरंजीत काँग्रेस बलवान आहे. इतरत्र मात्र राष्ट्रवादी असल्याने महायुतीने या निवडणुकीत याच पक्षाला टार्गेट केले. काँग्रेसची ताकद मर्यादित असल्याने राष्ट्रवादीला रोखले तर महायुतीचा मार्ग मोकळा होईल हे जाणून पहिल्यापासूनच पावले टाकण्यात येत आहेत. आमदार मुश्रीफ हीच राष्ट्रवादीची ताकद आहे. त्यांना कागलमध्येच रोखण्याची व्यूहरचना महायुतीने केली. त्यासाठी प्रा. संजय मंडलिक व संजय घाटगे यांच्याशी भाजपने युती केली. कारखाना निवडणूक डोळ्यासमोर ठेऊन मंडलिक तळ्यात मळ्यात करत होते, पण शेवटी त्यांना भाजपबरोबर आणण्यात पालकमंत्री पाटील यशस्वी झाले. मंडलिक गट विरोधात गेल्याने मुश्रीफांसमोर मोठे आव्हान उभे राहिले आहे. मुश्रीफांना काहीही करून कागल आणि मुरगूडची सत्ता टिकवायची आहे. यासाठी ते पंधरा दिवस तेथेच ठाण मांडून आहेत.

पालकमंत्री पाटील आणि मुश्रीफ यांच्यातील वाद जुना आहे. संधी मिळेल तेथे दोघेही एकमेकांना डिवचण्याचा प्रयत्न करतात. नगरपालिका निवडणुकीच्या निमित्ताने पुन्हा हा संघर्ष पेटला आहे. मुश्रीफांच्या कारभारी मंडळींना हद्दपारीच्या नोटिसा पाठवण्यात पालकमंत्र्यांनी विशेष रस दाखवला असा राष्ट्रवादीचा आरोप आहे. यामुळे नोटिसा निघताच त्याचा राजकीय वापर करण्यात मुश्रीफ जराही कमी पडले नाहीत. पोलिस ठाण्याच्या दारात उपोषण करत सहानुभूती मिळवण्याचा प्रयत्न त्यांनी केला. त्यामध्ये काही प्रमाणात ते यशस्वी देखील झाले. अशी संधी मुश्रीफांना हवी होती, भाजपने आयती ती दिल्याने मुश्रीफ त्या संधीचे सोने करण्यात कमी पडले नाहीत. नोटिसा काढण्यात आणि उपोषण करण्यात दोघांचाही राजकीय हेतू होता हे झाकून राहिले नाही.

इचलकरंजी नगरपालिका जिल्ह्यातील मोठी आणि श्रीमंत नगरपालिका आहे. यामुळे या नगरपालिकेवर झेंडा फडकवण्यासाठी महायुती आणि काँग्रेसमध्ये मोठा संघर्ष सुरू झाला आहे. भाजपने थेट मुख्यमंत्र्यांची येथे सभा घेतली, त्याला उत्तर देण्यासाठी काँग्रेसने माजी मुख्यमंत्री नारायण राणे यांना आमंत्रित केले. यावरून ही पालिका दोन्ही पक्षासाठी किती महत्वाची आहे हे स्पष्ट होते. गडहिंग्लज पालिकेत सर्वच पक्ष स्वतंत्र लढत असल्याने तेथेही प्रचार शिगेला पोहचला आहे. मलकापुरात शिवसेना आणि राष्ट्रवादीची आघाडी असल्याने भाजपने येथे जनसुराज्य मदतीवर विशेष लक्ष दिले आहे. जय​सिंगपूरमध्ये यड्रावकरांच्या विरोधात अनेक पक्षांनी मोट बांधून आव्हान उभे केले आहे.

...

चौकट

जिल्ह्याचे अनेक नेते निवांत

राष्ट्रवादीचे नेते मुश्रीफ कागलमध्ये तर या पक्षाचे खासदार धनंजय महाडिक संसदेच्या हिवाळी अधिवेशनात अडकले आहेत. माजी खासदार निवेदिता माने नाराज असल्याने त्या शांत आहेत. काँग्रेसचे आमदार सतेज पाटील दोन, तीन नगरपालिकांत सक्रीय असले तरी इतर नेते मात्र आपला काय संबंध अशाच पावित्र्यात आहेत. प्रकाश आवाडे इचलकरंजीचा किल्ला एकहाती लढवत आहेत. शिवसेनेचे बरेच आमदार प्रचारात आणि नियोजनात देखील दिसत नाहीत. स्वाभिमानीचे खासदार राजू शेट्टींना शिरोळ वगळता इतरत्र फारसा रस नसल्याचे स्पष्ट दिसत आहे. यामुळे पालिका निवडणुकीची रणधुमाळी सुरू असली तरी जिल्ह्याचे बरेच नेते निवांत आहेत. त्याचा फटका मात्र काही पक्षांना बसण्याची शक्यता आहे.

मोबाइल अॅप डाउनलोड करा आणि राहा अपडेट

भ्रष्टाचार रोखण्यासाठीरासपचे प्रतिज्ञापत्र

November 23, 2016, 1:30 pm

≫ Next: मुख्यमंत्र्यांना प. महाराष्ट्राचे वाव

≪ Previous: राजकीय संघर्षाला धार

$

0

0

म. टा. वृत्तसेवा, इचलकरंजी

‘राज्यातील नगरपालिका भ्रष्टाचारामुळे अधू बनल्या असून त्याला छेद देण्यासाठी राष्ट्रीय समाजवादी पक्षाच्यावतीने नगरपालिका निवडणूक रिंगणात उतरलेल्या उमेदवारांकडून प्रतिज्ञापत्रावर उमेदवाराच्या आई-वडिलांची, जोडीदार व मुलांची शपथ घेवून भ्रष्टाचार करणार नाही असे लिहून घेण्यात आले आहे. अशा प्रकारचा हा देशातील पहिला प्रयोग आमच्या पक्षाने केला असल्याचा दावा पशुधन संवर्धनमंत्री महादेव जानकर यांनी केला.

रासपने नगरपालिका निवडणुकीसाठी अनेक उमेदवार उभे केले आहेत. त्यांच्या प्रचारासाठी जानकर यांची बुधवारी इचलकरंजीत सभा झाली. तत्पूर्वी त्यांनी निवडणूक लढवण्यामागे पक्षाची भूमिका स्पष्ट केली. ते म्हणाले,‘ आम्ही सामान्यांना उमेदवारी देवून संघटन वाढवण्यावर भर दिला आहे. रासपच्या २५० उमेदवारांपैकी १२ जण निश्चितपणे सभागृहात जातील आणि तीन पालिका पक्षाच्या ताब्यात येतील. ही माझी गर्वाची नव्हे तर स्वाभिमानाची भाषा आहे. मराठा व धनगर समाजाला आरक्षण देण्यासाठी सरकार कटीबध्द आहे. मात्र यामध्ये तांत्रिक मुद्दे निर्माण होणार नाहीत अशा पद्धतीची काळजी सरकार घेत आहे. धनगर समाजाला आरक्षण देण्यासाठी मंत्रीमंडळाचा प्रस्ताव केंद्र सरकारकडे पाठवला जाणार आहे. तसेच कायद्यामध्ये आवश्यक ते बदल करून हा विषय मार्गी लावला जाणार आहे रासपचा पक्षाचा विस्तार देशभर केला जाणार आहे गुजरातमध्ये पक्षाचे १३ नगरसेवक आहेत. आसाममध्ये मजबूत संघटन आहे. पक्षाला राष्ट्रीय मान्यता मिळवणे हे माझे ध्येय आहे. त्यासाठी गाझियाबाद येथे राष्ट्रीयस्तरावरील परिषदेचे आयोजन केले आहे. मी केवळ धनगर समाजाचा नाही तर सर्व समाजाचे प्रतिनिधित्व करतो.’

मोबाइल अॅप डाउनलोड करा आणि राहा अपडेट

मुख्यमंत्र्यांना प. महाराष्ट्राचे वाव

November 23, 2016, 1:30 pm

≫ Next: मुख्यमंत्र्यांकडे १२५ कोटींचा प्रस्ताव

≪ Previous: भ्रष्टाचार रोखण्यासाठीरासपचे प्रतिज्ञापत्र

$

0

0

म. टा. वृत्तसेवा, इचलकरंजी

‘महाराष्ट्राचे मँचेस्टर असलेल्या इचलकरंजीतील वस्त्रोद्योगाला लागलेली घरघर रोखण्यासाठी जात-पात-धर्म-भेद विसरुन हा उद्योग जिवंत ठेवण्यासाठी फसव्या वल्गना करणाऱ्या भाजपला त्यांची जागा दाखवून द्या,’ असे आवाहन माजी मुख्यमंत्री नारायण राणे यांनी केली. तसेच विदर्भाचा पुरस्कार करणाऱ्या मुख्यमंत्री देवेंद्र फडणवीस यांना पश्चिम महाराष्ट्राचे वावडे असल्याने त्यांची आश्वासने कधीच पूर्ण होणार नाहीत, असा टोलाही लगावला.

काँग्रेस-राष्ट्रवादी-राजर्षि शाहू विकास आघाडीचे नगराध्यक्षपदाचे उमेदवार रवि रजपुते यांच्यासह नगरसेवकपदाच्या उमेदवारांच्या प्रचारार्थ येथील ना. बा. घोरपडे नाट्यगृह चौकात आयोजित सभेत मार्गदर्शन करताना राणे बोलत होते. अध्यक्षस्थानी माजी खासदार कल्लाप्पाण्णा आवाडे होते.

पाचशे आणि हजारच्या नोटा रद्द करुन ५० दिवस थांबा पुढील ५० वर्षे चांगली असतील असे सांगत वयाची ५० वर्षे वाढवून देण्याची ग्वाही मुख्यमंत्री देत असल्याची खिल्ली उडवत राणे म्हणाले, ‘अशा नोटा रद्द करुन आर्थिक स्वातंत्र्य कसे बरे मिळते. पैशाला आम्ही लक्ष्मी मानून त्याची पूजा करतो. पण पंतप्रधान मोदी त्याला ‘कागज का तुकडा’ म्हणून हिणवतात. त्यांच्या या निर्णयामुळे सर्वसामान्यांची परवड होऊन ५५ जणांना जीव गमवावा लागला. दैनंदिन व्यवहार ठप्प झाले असून उमेदवारीचा अर्ज भरणे सोपे पण बँकेतून पैसे काढणे कठीण बनले आहे. घोषणांचा पाऊस पाडत आहेत. दोन वर्षात राज्यात एकही संगणक न विकलेल्या मुख्यमंत्र्यांकडून डिजिटलची संकल्पना मांडणे हास्यास्पद वाटते. मोठमोठ्या घोषणा करणारा हा मुख्यमंत्री महागाई संदर्भात का बोलत नाही. भाजप आणि शिवसेनेने केवळ जनतेला फसवण्याचे एकमेव काम केले असून ते राज्याला वेगाने अधोगतीकडे घेऊन जात आहेत. मोदींच्या निर्णयानंतर देशातील रिअल इस्टेट पूर्णत: कोलमडली असून वस्त्रोद्योग, इंजिनिअरींगसह इतर क्षेत्रात केलेली सात लक्ष कोटी गुंतवणूक करणारे हवालदिल झाले आहेत. फडणवीस यांच्या मंत्रिमंडळातच १४ भ्रष्ट मंत्री असल्याने त्यांना भ्रष्टाचारावर बोलण्याचा नैतिक अधिकार नाही.’ दुसऱ्यांना नावे ठेवणाऱ्या भाजपने सर्वाधिक गुंडांना राजाश्रय दिल्याचा आरोप राणे यांनी केला.

राणे पुढे म्हणाले, ‘काँग्रेसच्या काळात वस्त्रोद्योगाला नवसंजीवनी दिली गेली. पण मागील दोन वर्षात भाजपने वस्त्रोद्योगाला काय दिले. काँग्रेस आघाडीच्या काळातील योजनांचे बारसे करुन नावे बदलली. ते वस्त्रोद्योगाला मदत करु शकणार नसले तरी आम्ही स्वस्थ बसणार नाही. वस्त्रोद्योगाबरोबर कामगारांनाही ऊर्जितावस्था देऊ. त्यासाठी फसवेगिरी करणाऱ्यांना मते न देता नगरपालिकेची सत्ता सूत्रे काँग्रेस-आघाडीच्या हाती सोपावावीत.’

माजी मंत्री प्रकाश आवाडे यांनी, हे शहर कष्टकऱ्यांचे व कामगारांचे असून त्यांच्यावर वस्त्रोद्योगाची चाके फिरतात. पण सद्यस्थितीला ४० टक्के व्यवसाय संपला असून उर्वरीत व्यवसायाला घरघर लागली आहे. कामगारांवर उपसमाराची वेळ आली असताना मुख्यमंत्री आणि आमदार केवळ वल्गना करीत आहेत. अंगावर आले की ते झटकण्यात आमदार हाळवणकर हे माहीर आहेत. पाणी योजनांमध्ये घोळ घातला, फंडींग पॅटर्न बदलून पालिकेवर आर्थिक बोजा लादला. आम्ही आणलेल्या योजना आपल्या नावावर खपवत त्यामध्येही खोडा घालत आहेत. मात्र सूज्ञ जनतेने त्यांचे मनसुबे ओळखले असून त्यांना आता थारा मिळणार नाही. नगराध्यक्षांना फितुर करुन सत्तासूत्रे हाती घेत विकासकामे रोखत आळ आमच्यावर घातला जात आहे. पण आता त्यांना जागा दाखविण्याची वेळ आली असून नगराध्यक्षपदासह काँग्रेस आघाडीला बहुमत द्या, शहराला २४ तास पाणी देतो. वस्त्रोद्योगाला तारुन पुन्हा गतवैभव प्राप्त करुन देतो.’ स्वागत कामगार नेते शामराव कुलकर्णी यांनी केले. प्रास्ताविक नगरसेवक शशांक बावचकर यांनी केले. शहर काँग्रेसचे अध्यक्ष प्रकाश मोरे यांनी आभार मानले.

व्यासपीठावर आमदार सतेज पाटील, माजी आमदार अशोकराव जांभळे, शाहू आघाडीचे प्रमुख मदन कारंडे, जनसेवा पार्टीचे अजय जावळे, प्रकाशराव सातपुते, सुरेश कुऱ्हाडे, सतिश डाळ्या, अशोकराव आरगे, अशोकराव सौंदत्तीकर, शेखर शहा, स्वप्निल आवाडे आदींसह काँग्रेस-राष्ट्रवादी-राजर्षि शाहू विकास आघाडीचे सर्व उमेदवार व नागरिक मोठ्या संख्येने उपस्थित होते.

...

चौकट

डायबिटीस झाली पण सवलत नाही

यंत्रमागासाठी वीज बिलात सवलत मिळाल्याबद्दल आमदार सुरेश हाळवणकर यांनी अनेकदा साखर वाटली. साखर खाऊन खाऊन डायबिटीस झाला, पण वीज बिलात सवलत काही मिळाली नाही, असा सूर यंत्रमागधारकांतून ऐकावयास मिळत असल्याचा टोला राणे यांनी लगावताच उपस्थितांमध्ये एकच हशा पिकला.

...

.. तर आमदार स्टेजवर कसे ?

मुख्यमंत्र्यांच्या सभेवेळी गंभीर स्वरुपाचे गुन्हे असलेल्या व्हाईट कॉलर गुंडांना स्टेजवर येण्यास सक्तमनाई करण्यात आली होती. हा धागा पकडत राणे म्हणाले, ‘वीज चोरीच्या गुन्ह्यात शिक्षा झालेले पण अपिलात असलेले आमदार हाळवणकर यांना वेगळा न्याय का ? त्यांना व्यासपीठावरुन खाली का उतरविले नाही, असा प्रश्न केला.

...

नावाप्रमाणे शिवसेना उद्ध्वस्त केली

राणे म्हणाले,‘ हिंदुहृदयसम्राट बाळासाहेब ठाकरे यांनी स्वाभिमानाने शिवसेना वाढवली व अखेरच्या श्वासापर्यंत जिवंत ठेवली. पण त्यांच्यानंतर उध्दवनी ती आपल्या नावाप्रमाणे उद्ध्वस्त केली.’ तर ‘ स्थानिक स्वराज्य संस्थेचा निधी सार्वजनिक बांधकाम विभागाकडे वळवून नगरपरिषदेतील भ्रष्टाचार रोखण्याची भाषा करणारे हाळवणकर यांनी भ्रष्टाचारावर भाष्य करणे हास्यास्पद आहे. १३ टक्के कमिशन घेऊन कामे देणाऱ्याच्या तोंडी भ्रष्टाचार विरोधाची भाषा शोभून दिसत नाही, अशी खिल्ली राणे यांनी उडविली.

मोबाइल अॅप डाउनलोड करा आणि राहा अपडेट

मुख्यमंत्र्यांकडे १२५ कोटींचा प्रस्ताव

November 23, 2016, 1:30 pm

≫ Next: ‘अन्न-औषध’कडून तपासण्या कागदावरच

≪ Previous: मुख्यमंत्र्यांना प. महाराष्ट्राचे वाव

$

0

0

कोल्हापूर टाइम्स टीम

महापालिकेची नवी प्रशासकीय इमारत, केएमटीचे बळकटीकरण आणि थेट पाइपलाइन योजनेतील दहा टक्क्याची वाढीव रक्कम मिळून मुख्यमंत्री देवेंद्र फडणवीस यांच्याकडे तब्बल १२५ कोटींच्या निधीची मागणी भारतीय जनता पक्ष, ताराराणी आघाडीच्या नगरसेवकांच्या शिष्टमंडळाने केली. आमदार अमल महाडिक यांच्या नेतृत्वाखाली भाजप, ताराराणी आघाडीच्या नगरसेवकांनी मुख्यमंत्री फडणवीस यांची भेट घेतली. पाइपलाइन योजनेसह शहर विकासाच्या विविध प्रकल्पांसदर्भात चर्चा केली. महापालिकेच्या विकास कामासंदर्भात मुख्यमंत्र्यांनी सकारात्मकता दर्शविली. महापालिकेच्या विकास प्रकल्पासंदर्भात २९ किंवा ३० नोव्हेंबरला मुंबईत बैठक घेण्यात येईल. यासंदर्भात आमदार अमल महाडिक यांच्यामार्फत कळविण्यात येईल, असे फडणवीस यांनी शिष्टमंडळाला सांगितले.

आमदार महाडिक यांनी पाइपलाइनसह शहर विकासासाठी आवश्यक प्रकल्पांची माहिती दिली.महापालिकेची सध्याची प्रशासकीय इमारत अपुरी पडत असून नवीन इमारतीचा आराखडा तयारआहे. नव्या इमारती उभारणीचा जवळपास ६५ कोटींचा आराखडा तयार केला आहे. भाजप, ताराराणी आघाडीच्या नगरसेवकांनी मुख्यमंत्र्यांकडे नव्या इमारतीसाठी ६५ कोटी उपलब्ध करावेत. नव्या इमारतीत सर्व कार्यालय एका छताखाली असणार आहेत. नागरिकांची सोय होणार आहे. राज्य सरकारने यासाठी निधी उपलब्ध करून द्यावा, अशी मागणी केल्याचे भाजपचे गटनेते विजय सुर्यवंशी यांनी सांगितले.

पाइपलवाइन योजनेसाठी केंद्राने महापालिकेवर वीस टक्के निधीची जबाबदारी निश्चित केली आहे. महापालिकेची आ​र्थिक स्थिती नाजूक आहे. महापालिकेच्या वाट्याची रक्कम राज्य सरकारने भरावी, अशी मागणी ताराराणी आघाडीचे गटनेते सत्यजित कदम यांनी केली. केंद्र सरकारच्या योजनेतून केएमटीसाठी १०४ बसेस उपलब्ध झाल्या होत्या. मात्र ७५ बसेस मिळाल्या आहेत. उर्वरित २९ बसेसची खरेदी, केएमटी वर्कशॉप अद्ययावत व बस थांबे विकसित करणे आणि प्रवाशांना जलद व आरामदायी सुविधा उपलब्ध व्हाव्यात, यासाठी विविध योजना राबवायच्या असून १५ कोटींचे अर्थसहाय करण्याची मागणी नगरसेवकांनी केली.

शिष्टमंडळात नगरसेवक राजसिंह शेळके, आशिष ढवळे, शेखर कुसाळे, अजित ठाणेकर, उदय इंगळे, राजू पागर आदींचा समावेश होता.

……………

पाइपलाइन योजनेकडे वेधले लक्ष

शहराच्या जिव्हाळ्याच्या थेट पाइपलाइन योजनेचे काम सक्षम आणि जलदगतीने पूर्ण होणे आवश्यक आहे. मात्र ठेकेदार आणि कन्सल्टंट कंपनीचे काम समाधानकारक नाही. पाइपलाइन योजनेचे काम सक्षमपणे झाले पाहिजे. मात्र पाइपलाइन कामात निकृष्ट दर्जाचे मटेरियल वापरत असल्याच्या तक्रारी असल्याचे नगरसेवकांनी सांगितले. ठेकेदार आणि कन्सल्टंट कंपनीवर जलदगतीने व दर्जेदार काम करण्याची जबाबदारी निश्चित करावी अशा भावना नगरसेवकांनी मांडल्या.

मोबाइल अॅप डाउनलोड करा आणि राहा अपडेट

‘अन्न-औषध’कडून तपासण्या कागदावरच

November 23, 2016, 1:30 pm

≫ Next: वर्षभरात एकही प्रोजेक्ट नाही

≪ Previous: मुख्यमंत्र्यांकडे १२५ कोटींचा प्रस्ताव

$

0

0

कोल्हापूर टाइम्स टीम

अन्न आणि औषध प्रशासनाची व्यापक, कडक कारवाई होत नसल्याने शहर आणि जिल्ह्यात खुलेआम गुटखा विक्री सुरू आहे. ती रोखण्यासाठी प्रशासनाने महिन्याला १५ तपासण्या आणि पाच नमुने घेण्याचे ‌उद्दिष्ट पूर्ण करत आहे. केवळ टार्गेट पूर्ण करण्यासाठी तपासण्या केवळ कागदावर होत असल्याचा आरोप होत आहे. यातूनच गुटखा विक्री थांबवण्याऐवजी दिवसेंदिवस ती फोफावत चालली आहे.

काँग्रेस आघाडी सरकारने राज्यात गुटखाबंदी लागू केली, पण त्याची अंमलबजावणी काटेकोरपणे अजूनही होताना दिसत नाही. गुटखा विक्री रोखण्याची मुख्य जबाबदारी अन्न व औषध प्रशासनाची आहे. त्या विभागाचे शहरात दोन निरीक्षक तर प्रत्येक तालुक्याच्या ‌ठिकाणी अन्न सुरक्षा अधिकारी कार्यरत आहेत. गुटखा बंदीसह अन्न, धान्य, जीवनावश्यक घटकांतील भेसळ, विविध प्रकारचे परवाने देणे अशी कामे त्यांची आहेत. गुटखा बंदी करण्यासाठी नेहमी विशेष पथक कार्यरत ठेवण्यासाठी मनुष्यबळ नाही. सर्वत्र कारवाया करण्यावर मर्यादा येत आहेत, असे अन्न व औषध प्रशासनाचे म्हणणे आहे. याउलट असलेले अधिकारीही गुटखा रोखण्यासाठी फारसे काही करत नाहीत. तपासणीच्या नावाखाली चिरीमिरी गोळा करत असतात, अशा व्यसनविरोधी जागृती करणाऱ्या कार्यकर्त्यांच्या तक्रारी आहेत.

तपासणीसाठी आल्यानंतर गुटखा सापडतो. त्यानंतर संबंधित अ‌धिकाऱ्याला चिरीमिरी दिल्यास कारवा‌ईविना सहीसलामत सुटता येते, असे वास्तव नेहमीच अनुभवायला येत आहे. मुनष्यबळ नाही त्यामुळे व्यापक प्रमाणात कारवाई होऊ शकत नाही, हे एक कारण प्रशासनाकडून नेहमी पुढे केले जाते. त्यात तथ्य असले तरी काही अधिकारी मुख्य कामांपेक्षा चिरीमिरी गोळा करण्याचे काम अधिक जोमाने करतात, ही वस्तूस्थिती नाकारता येणार नाही. म्हणूनच शहरातील सर्वच भागात अनेक दिवसांपासून गुटखा विक्री उघडपणे सुरू असल्याचे दिसत आहे.

प्रशासनाच्या मर्यादा, कारवाई होऊ नये म्हणूनची मॅनेज करण्याच्या यंत्रणेमुळे गुटखा विक्रीवाले मोकाट आहेत. दिवसेंदिवस ते व्यवसाय वाढवत आहेत. नव्या ग्राहकांना गुटख्याची भुरळ घालत आहेत. परिणामी गुटखाबंदीचा बोजवारा उडला आहे. कारवाईची भीती नसल्याचे चित्र आहे. त्यामुळे बंदी नसून परवानाच आहे इतक्या धाडसीपणे विक्रेते सर्वच चौकातील पानटपऱ्यावर गुटखा विक्री करत आहेत.

…………………………..

सर्वाधिक विक्रीची ठिकाणे

निर्माण चौक, निवृत्ती चौक, पार्वती टॉकीज, दौलतनगर, राजारामपुरी, शाहूपुरी, लक्ष्मीपुरी, बिंदू चौक, दसरा चौक, बसस्थानक परिसर.

मोबाइल अॅप डाउनलोड करा आणि राहा अपडेट