दोन दानपेट्यांतून २२ लाख जमा

November 18, 2016, 1:30 pm

≫ Next: शेतकऱ्यांचा जीव टांगणीला

≪ Previous: कोल्हापुरात गुटखा खुलेआम

$

0

0

म. टा. प्रतिनिधी, कोल्हापूर

करवीर निवासिनी श्री अंबाबाई मंदिरातील दोन दानपेट्या शुक्रवारी उघडल्या. यामधून सुमारे २२ लाखांची रक्कम जमा झाली असून, ही रक्कम बँकेत भरण्यात आली आहे. गाभाऱ्यातील व कासव चौकातील आज दानपेट्या उघडल्या असून, यामध्ये ५०० च्या साडेसहा लाखांच्या आणि एक हजाराच्या दोन लाखांच्या नोटा आढळून आल्या. तीन दिवसात नऊ दानपेट्यांमधून ५७ लाख २३ हजार ६७९ रुपये रक्कम आतापर्यंत जमा झाली आहे.

केंद्र सरकारने पाचशे व एक हजारच्या नोटा चलनातून रद्द करून त्या बँकेत भरण्यासाठी ३० डिसेंबरपर्यंतची मुदत दिल्याने पश्चिम महाराष्ट्र देवस्थान व्यवस्थापन समितीच्या अखत्यारित असलेल्या मंदिरातील दानपेट्या उघडण्याला गती येत आहे. शुक्रवारी अंबाबाई मंदिराच्या गाभाऱ्यातील दोन नंबरची दानपेटी सकाळी नऊ वाजता उघडण्यात आली. त्यामध्ये सुमारे १९ लाखांची रक्कम जमा झाली असून कासव चौकातील दानपेटी सायंकाळी उघडण्यात आली, त्यामधील सुमारे ३ लाखांची अशी एकूण २२ लाख रुपये दोन दानपेट्यांमधील बँकेत जमा करण्यात आले.

या दानपेट्यांतील दान मोजण्यासाठी ५० कर्मचारी असून, यामध्ये पश्चिम महाराष्ट्र देवस्थान व्यवस्थापन समितीचे सहसचिव एस. एस. साळवी, सदस्य संगीता खाडे, व्यवस्थापक धनाजी जाधव, बँकेचे व्यवस्थापक नवीन कुमार, संजय जाधव, प्रशांत मिशरा, कुमारसिंग देसाई, आदी पदाधिकारी होते.

दृष्टिक्षेप -

शुक्रवारपर्यंत अंबाबाई मंदिरातील नऊ दानपेट्या उघडल्या

नऊ दानपेट्यांमधील रक्कम ५७ लाख २३ हजार ६७९

दानपेटींमध्ये १००, ५० व १० च्या नोटा अधिक

परकीय चलनांचाही समावेश

५०० च्या नोटांची रक्कम साडेसहा लाख

१००० च्या नोटांची रक्कम दोन लाख

शुक्रवारी दिवसभरात दोन दानपेट्यांतून २२ लाख जमा

दानपेट्यांतील दान मोजण्यासाठी ५० कर्मचारी

शुक्रवारी गाभाऱ्यातील २ नंबरची व कासव चौकातील दानपेटी उघडली

शुक्रवारी सकाळी नऊ ते सायंकाळी सातपर्यंत मोजदाद सुरू

अंबाबाई मंदिरात दोन हुंड्यांसह एकूण १५ दानपेट्या

यंदाच्या नवरात्रोत्सवात ५७ लाख रुपये समितीच्या तिजोरीत जमा

जोतिबा मंदिरातील पावणेदोन लाख रुपये बँकेत भरणा


पाचशे, हजाराच्या नोटा अधिक

शुक्रवारी उघडलेल्या दानपेट्यांमधील ५०० व एक हजाराच्या नोटा अधिक दिसून आल्या. यामध्ये ५०० च्या नोटांची साडेसहा लाख रुपयांची रक्कम, तर एक हजारची दोन लाखांची रक्कम दानपेटीतून आढळून आली असून ती बँकेत जमा करण्यात आली आहे.

मोबाइल अॅप डाउनलोड करा आणि राहा अपडेट

---

शेतकऱ्यांचा जीव टांगणीला

November 18, 2016, 1:30 pm

≫ Next: आठवडाभरात १२०० कोटी जमा

≪ Previous: दोन दानपेट्यांतून २२ लाख जमा

$

0

0

म. टा. प्रतिनिधी, कोल्हापूर

सरकारच्या नोटाबंदीच्या नव्या निर्णयानुसार प्रत्येक शेतकऱ्याला आठवड्यातून २५ हजार रुपये काढता येणार आहेत. पण जिल्ह्यातील ७ लाख ४१ हजार शेतकरी खातेदार व दोन लाख कर्जदार असलेल्या जिल्हा बँकेला गेल्या आठ दिवसांत सर्वांत जास्त म्हणजे एका दिवशी पाच कोटी रुपये वितरणासाठी देण्यात आले. १९१ शाखांचा विचार करता प्रत्येक शाखेला जास्तीत जास्त अडीच लाख रुपये मिळाले आहेत. अशा तुटपुंज्या पैशांमुळे शेतकऱ्याला २५ हजार नव्हे नीट दोन हजार रुपयेही मिळाले नाहीत. त्यामुळे सरकारने या निर्णयाप्रमाणे खरोखरच शेतकऱ्यांना पैसे द्यायचे असतील तर वितरणासाठी जिल्हा बँकांना पैसे उपलब्ध करण्याची आवश्यकता व्यक्त केली जात आहे.

जिल्हा बँकांना जुने पैसे स्वीकारण्यास बंदी, या तसेच इतर सहकारी बँकांना पैसे वितरणासाठी दिले जाणारे अतिशय अपुरे पैसे, राष्ट्रीयीकृत बँकांनी चालविलेले दुर्लक्ष यामुळे सहकारी बँकांची परिस्थिती गेल्या पाच दिवसांत प्रचंड बिघडली आहे. जिल्हा बँक सरकारच्या वि​विध योजना तसेच कर्ज वितरणासाठी स्थापन केलेल्या त्रिस्तरीय रचनेतील महत्त्वाचा भाग आहे. जिल्हा बँकेकडून दरवर्षी मोठ्या प्रमाणावर कर्जपुरवठा केला जातो. या वर्षामध्ये बँकेमार्फत १३१३ कोटी रुपयांचा कर्जपुरवठा केला आहे, तर राष्ट्रीयीकृत व खासगी बँकांकडून ७५६ कोटींचे कर्जवाटप केले आहे. इतक्या मोठ्या प्रमाणावर केलेल्या कर्जपुरवठ्याचा भरणा केला जाऊन नवीन कर्ज दिले जाते. या परिस्थितीत अनेक रब्बी हंगामासाठी कर्ज घेतात. त्यांचे कर्ज बँकेच्या शाखांमधून वितरित केले जाते. तिथून शेतकरी गरज लागेल, त्याप्रमाणे काढत असतो. सध्या जिल्हा बँकांनी कर्ज मंजूर केली आहेत. अनेक शेतकऱ्यांनी कर्जामधील रक्कम उचलली असण्याची शक्यता आहे. पण सध्या बहुतांशजणांच्या खात्यांवर रक्कम जमा होत आहे.

जिल्हा बँकेला राष्ट्रीयीकृत बँकांकडून दररोजच्या वितरणासाठी पैसे मिळत नाहीत. सर्वांत जास्त पाच कोटी रक्कम बुधवारी मिळाली आहे. त्यामुळे अनेक शाखांमध्ये दोन लाखांच्या आसपास पैसे ​पोहोचले आहेत. पण कर्जदार शेतकऱ्यांची एका शाखेमध्ये सरासरी पाचशेच्या आसपास संख्या असते. त्या सर्वांना पंचवीस हजार द्यायचे ठरवल्यास एका शाखेलाच किमान सव्वा कोटी रुपये उपलब्ध करून द्यावे लागतील. सध्या सर्वांना मिळून दोन कोटींच्या आसपास पैसे दिले जात आहेत. या प्रकारच्या विसंगतीमुळे सरकारने जाहीर केलेल्या निर्णयाप्रमाणे शेतकऱ्यांना पैशांचे वितरणच होणार नाही हे स्पष्ट दिसते.

ऊसलागणीसाठी अर्थसाह्य आवश्यक

सध्याच्या कालावधीत ऊस लावणीची कामे सुरू होतात. त्यासाठी नांगरणी, खते, बियाणे खरेदीसाठी मोठ्या प्रमाणावर शेतकऱ्याला अर्थसाह्य हवे असते. एक एकरासाठी किमान २० हजार रुपयांची निकड असते. बँकेने एकराला ३६ हजार रुपये कर्ज मंजूर केले आहे. यातील काही भागातील कर्ज खात्यावर जमा होत असून, पुढील आठवड्यानंतर बहुतांश खात्यांवर रक्कम जमा होईल. ही जमा रक्कम जर मिळाली नाही तर शेतकऱ्यांना इतर मार्गाने पैसा उभा करण्याची वेळ येण्याची शक्यता शेतकऱ्यांमधून व्यक्त केली जात आहे.



जिल्हा बँकेच्या माध्यमातून पीक कर्जाबरोबरच इतर अर्थसाह्यही केले जाते. त्यामध्ये महिला बचत गट, संजय गांधी निराधार योजनेतील पेन्शन यांचा समावेश असतो. पीक कर्ज उपलब्ध करून न दिल्यास शेतीच्या पुढील कामांना गती मिळणार नाही. त्यातून शेतकऱ्याला पैसे मिळवण्यासाठी आटापिटा करावा लागेल. यातून ग्रामीण जनजीवन कोलमडण्याचा धोका आहे: प्रताप चव्हाण, मुख्य कार्यकारी अधिकारी, जिल्हा मध्यवर्ती बँक

मोबाइल अॅप डाउनलोड करा आणि राहा अपडेट

आठवडाभरात १२०० कोटी जमा

November 18, 2016, 1:30 pm

≫ Next: बड्या अधिकाऱ्यांची कोल्हापुरात ‘गुंतवणूक’!

≪ Previous: शेतकऱ्यांचा जीव टांगणीला

$

0

0

म. टा. प्रतिनिधी, कोल्हापूर

जिल्ह्यातील राष्ट्रीयकृत व वाणिज्य बँकामधून गेल्या आठ दिवसांत गुरूवारअखेर (ता. १७) बाराशे कोटी रुपये जमा झाले आहेत. तर खातेदार, सभासदांनी तब्बल ६९४ कोटी रूपये बँकेतून काढले आहेत. अग्रणी बँकेचे जिल्हा व्यवस्थापक शशिकांत किंणींगे यांनी जिल्हाधिकारी कार्यालयात झालेल्या आढावा बैठकीत ही माहिती दिली. अध्यक्षस्थानी जिल्हाधिकारी डॉ. अमित सैनी होते.

गेल्या आठवडाभरात बँक व पोस्टातून ५४ कोटी रूपयांच्या नोटा बदलण्यात आल्या आहेत. नोटाबंदीनंतर शुक्रवारी कामकाजाचा आढावा घेऊन उपाययोजनांसाठी सायंकाळी तातडीने बैठक झाली. यावेळी जिल्हा परिषदेचे मुख्य कार्यकारी अधिकारी डॉ. कुणाल खेमणार, अतिरिक्त पोलिस अधीक्षक सुहेश शर्मा यांच्यासह पोस्ट खात्याचे व बँकेचे अधिकारी उपस्थित होते. दरम्यान, बँकांमध्ये पैसे भरण्यासाठी व नोटा बदलण्यासाठी होणारी गर्दी शुक्रवारी कमी झाली. मात्र ग्रामीण भागात अजूनही रकमेचा तुटवडा जाणवत आहे. काही एटीएम शुक्रवारी सुरू झाल्याचे चित्र होते.

पेट्रोल पंपावरुन पैसे नाहीत

पेट्रोल पंपावरुन २००० रुपये काढता येतील. तशी सोय करून देऊ, अशी घोषणा केंद्र सरकारच्यावतीने करण्यात आली होती. मात्र कोल्हापुरातील पेट्रोल पंपांवरुन ही सुविधा देण्यात येणार नसल्याचे अमोल कोरगावकर यांनी स्पष्ट केले.

मोबाइल अॅप डाउनलोड करा आणि राहा अपडेट

बड्या अधिकाऱ्यांची कोल्हापुरात ‘गुंतवणूक’!

November 18, 2016, 1:30 pm

≫ Next: नागपूर अधिवेशनातसहकारमंत्र्यांची विकेट घेणारआमदार प्रणिती शिंदेंचा इशारा

≪ Previous: आठवडाभरात १२०० कोटी जमा

$

0

0

satish.ghatage@timesgroup.com

कोल्हापूर ः नोकरीत असताना गैरमार्गाने मिळवलेला पैसा मुरवण्यासाठी सरकारी नोकरीतील बड्या अधिकाऱ्यांनी कोल्हापूर परिसराला महत्त्व दिले आहे. अनेकांनी काळा पैसा बांधकाम व्यवसाय, हॉटेल, व्यापारी संकुले, दुकानगाळे आणि शेतजमीन खरेदी करण्याबरोबरच अलिशान बंगले, फार्म हाऊस, प्लॉटमध्ये गुंतवला असल्याचे ताज्या प्रकरणावरून स्पष्ट झाले आहे. यामध्ये निवृत्त अधिकारी आघाडीवर आहेत.

बेहिशेबी मालमत्ता बाळगल्याच्या संशयावरून गेली तीन वर्षे चौकशी सुरू असलेला जलसंपदा खात्याचा निवृत्त सहसचिव सुरेश पाटील याच्या मालमत्तांवर लाचलुचपत प्रतिबंधक विभागाने गुरूवारी छापे टाकले. यात त्याच्याकडील सुमारे चार कोटी चौदा लाखांची बेहिशेबी मालमत्ता उघड झाली. याप्रकरणी गुन्हाही नोंद झाला असून लाचलुचपत विभाग आणखी चौकशी करत आहे. या पार्श्वभूमीवर शहर आणि जिल्ह्यात तसेच कोकणात बेनामी संपत्ती मुरवणारे अधिकारी रडारवर आले आहेत.

पेणमधील बाळगंगा सिंचन घोटाळ्यातील संशयित आणि कोकण पाटबंधारे विभागाचा निवृत मुख्य अभियंता बाळासाहेब भाऊसाहेब पाटीलकडे ५ कोटी ९१ लाख ९९ हजार ७४४ रूपयांची मालमत्ता असल्याचे लाचलुचपत प्रतिबंधकच्या सहा महिन्यांपूर्वी झालेल्या कारवाईत निष्पन्न झाले. पाटीलप्रमाणे सरकारी खात्यात सध्या कार्यरत असणाऱ्यांबरोबरच काही निवृत्त अधिकाऱ्यांनीही कोल्हापुरात माया जमवली आहे.

गांधीनगरातील एका मोठ्या शोरूममध्ये दोन महसूल अधिकाऱ्यांची गुंतवणूक असल्याची चर्चा आहे. या दोन्ही अधिकाऱ्यांच्या हातात जिल्ह्याची सूत्रे होती. सध्या एक अधिकारी मुख्यमंत्र्यांच्या जवळ आहे तर एक दुसऱ्या एका विभागाचा सचिव आहे. कोल्हापुरातील ही गुंतवणूक पाहण्यासाठी महसूल खात्यातील एक अधिकारी तीन ते चार महिन्यातून कोल्हापूर दौऱ्यावर येत असतो. त्यासाठी स्वखर्चाने येण्यापेक्षा तो सरकारी बैठकीचे निमित्त शोधत असतो, अशी माहिती मिळाली आहे.

रत्नागिरीत सेवा बजवणाऱ्या एका महसूल अधिकाऱ्याने न्यायसंकुलाजवळील जमीन खरेदी केली आहे. या अधिकाऱ्याने शहरातील मध्यवर्ती ठिकाणच्या पोलिस ठाण्यासमोर मॉलसाठी मोठी जमीन खरेदी केली आहे. पुरवठा व अन्य विभागात काम करणाऱ्या एका ‘वळवळ्या’ अधिकाऱ्याने शहरासह ग्रामीण भागातही शेतजमीन खरेदी केली आहे.

पोलिस दलातील निरीक्षकापासून वरिष्ठ दर्जाचा अधिकारी कोल्हापुरात बंगला अथवा फ्लॅट खरेदी करत असतो. १३ वर्षापूर्वी जिल्ह्यात दोन वेळा अधिकारी म्हणून काम केलेल्या अधिकाऱ्यांने मोठी शेतजमीन खरेदी केली होती. दाक्षिणात्य वळणाच्या या अधिकाऱ्याने शेत जमिनीची देखभाल करण्यासाठी स्थानिक पोलिस कर्मचाऱ्यांकडे जबाबदारी दिल्याची चर्चा होती. काही निरीक्षक, डीवायएसपी दर्जाच्या अधिकाऱ्यांनी मोक्याच्या ठिकाणी हॉटेल सुरू केली आहेत. एका पोलिस अधिकाऱ्याने मूळचे परंपरागत हॉटेल बहुमजली केले आहे तर दुसऱ्या अधिकाऱ्याने शहरात मोक्याची जागा घेऊन हॉटेल उभारले. ही हॉटेल उभारणी कर्ज काढून केल्याचा दावा केला जातो. पोलिस, आरटीओ, एसटी, जलसंपदा, सार्वजनिक बांधकामचे अनेक अधिकारी या गुंतवणुकीत आघाडीवर असल्याचे वृत्त आहे.

चोरावर मोर

सरकारी खात्यात सध्या कार्यरत असलेल्या काही अधिकाऱ्यांनी बेकायदेशीरित्या मिळवलेली रक्कम नातेवाईक व मित्रांच्या नावावर केली आहे. जलसंपदा व सार्वजनिक बांधकाम खात्यातील एका अधिकाऱ्याने परतफेडीच्या बोलीवर एका लोकप्रतिनिधीकडे रक्कम दिली होती. ​मात्र त्यातील काही रक्कम परत करून बरीच माया त्या लोकप्रतिनिधीने स्वतःकडे ठेवली असल्याचे सांगितले जाते.

जुन्या गुंतवणुकीचीही चर्चा

महसूल, पोलिस, सार्वजनिक बांधकाम विभाग आणि अन्य कार्यालयातील अधिकाऱ्यांनी येथे सेवेत असताना बंगले व फ्लॅट खरेदी केले. काहींनी अधिकाराचा वापर करून हौसिंग सोसायट्या काढल्या. काहींनी त्यावर आलिशान बंगले बांधले. ही खरेदी करताना कर्ज घेतल्याचे दाखवले जाते. २००७ मध्ये तत्कालीन महासंचालक दर्जाच्या अधिकाऱ्याने दसरा चौक ते व्हीनस चौक मार्गावरील एका पुलावरील एका व्यापारी संकुलात दोन दुकान गाळे स्वतःच्या नावावर खरेदी केले होते. मुंबईतील अधिकाऱ्याने कोल्हापुरात दुकानगाळे कसे घेतले, त्याला कोणत्या अधिकाऱ्यांनी मदत केली याची चर्चा त्यावेळी पोलिस दलात चांगलीच रंगली होती. त्यावेळी कर्ज काढून हे गाळे खरेदी केल्याचा खुलासा त्या अधिकाऱ्याने केला होता.

जलसंपदा खात्याचा निवृत्त सहसचिव सुरेश पाटील याच्या मालमत्तांवरील छाप्यानंतर हे अधिकारी लाचलुचपत आणि आयकर खात्याच्या रडारवर असल्याची माहिती आहे.

मोबाइल अॅप डाउनलोड करा आणि राहा अपडेट

नागपूर अधिवेशनातसहकारमंत्र्यांची विकेट घेणारआमदार प्रणिती शिंदेंचा इशारा

November 19, 2016, 10:12 am

≫ Next: बड्या अधिकाऱ्यांच्या संपत्तीवर वॉच

≪ Previous: बड्या अधिकाऱ्यांची कोल्हापुरात ‘गुंतवणूक’!

$

0

0

म. टा. वृत्तसेवा, सोलापूर

उमरगा येथे गाडीतून सुमारे ९१ लाख ५० हजारांची रोकड जप्त करण्यात आल्यानंतर लोकमंगल समूहाचे सर्वेसर्वा सहकारमंत्री सुभाष देशमुख अडचणीत आले आहेत. आयतेच कोलीत मिळालेल्या विरोधी पक्षाच्या नेत्यांनी देशमुख यांना कोंडीत पकडले आहे. सोलापुरात शहर मध्यच्या आमदार प्रणिती शिंदे यांनीही देशमुख यांच्या रोकड प्रकरणी जोरदार टीका केली आहे. आगामी नागपूर अधिवेशनात सुभाष देशमुख यांची विकेट घेणार असल्याचा इशारा देऊन देशमुख यांना कोंडीत पकडले आहे.

शिंदे म्हणाल्या, ‘पंतप्रधान नरेंद्र मोदी यांनी ५०० आणि हजाराच्या नोटा चलनातून बाद करण्याचा निर्णय घेतल्यापासून भाजप आमदार आणि त्यांच्या नातेवाईकांकडे बेहिशोबी मालमत्ता असलेला पैसे आढळून येत आहेत. हेच काय ते अच्छे दिन आले आहेत. नोटा बंदीचा निर्णय घेतल्यानंतर लोकमंगलकडे एवढी रक्कम आलीच कोठून याचा खुलासा करावाच लागणार आहे. शिवाय निवडणूक आयोगानेही देशमुख यांनी दिलेला खुलासा अमान्य केल्यामुळे हा पैसा निश्चितच संशयाच्या भोवऱ्यात सापडला आहे. सुभाष देशमुख यांनी जे दोन खुलासे दिले आहेत, ते वेगवेगळे असल्याने कोठेतरी पाणी मुरत असून, आपण अधिवेशनात याचा पर्दाफाश केल्याशिवाय स्वस्थ बसणार नाही. देशमुखांची विकेट घेणार आहोत.’

‘सहकारमंत्री सुभाष देशमुख रोकड प्रकरणात पूर्णपणे गुंतले आहेत. हा पैसा ते पंतप्रधान, मुख्यमंत्री की अन्य कोणाला पाठवीत होते, याचा खुलासा झालाच पाहिजे. सरकारचा नोटबंदीचा निर्णय तीन टक्के लोकांना पकडण्यासाठी आणि ९७ टक्के लोकांना त्रास देणारा आहे. ज्यांची हातावर पोट आहेत त्यांना याचा सर्वाधिक त्रास होत आहे. पंतप्रधान नरेंद्र मोदी हे सतत आपली स्वतःची छबी मिरविण्यात प्रयत्नशील असतात. त्यांनी यामध्ये आपल्या वयोवृद्ध आईचाही उपयोग करून घेतला आहे. स्वतःच्या आईला या वयात उन्हामध्ये पाठविणारे पंतप्रधान सुसंस्कृत म्हणायचे काय,’ असेही शिंदे म्हणाल्या.

लोकमंगलमध्ये अस्वस्थता

सर्व बाजूंनी आरोपांनी घेरल्यामुळे सहकारमंत्री सुभाष देशमुख यांच्यासमोरील अडचणी वाढल्या आहेत. काँग्रेसचे नेते नवाब मलिक यांनी देशमुख यांच्या राजीनाम्याची मागणी केली आहे. विरोधी पक्षनेते धनंजय मुंढे यांनीही देशमुख यांच्या राजीनाम्याची मागणी लावून धरली आहे. सुभाष देशमुख रोकड प्रकरणात अडचणीत आल्यामुळे त्यांच्या लोकमंगल समूहात कमालीची अस्वस्थता पसरली आहे. संपूर्ण राज्यभरात देशमुख यांच्या रोकड प्रकरणाची चर्चा सुरू असल्याने कार्यकर्तेही चिंतेत आहेत. निवडणूक आयोगाने देशमुख यांचा खुलासा अमान्य केल्यामुळे आणि राजीनाम्यासाठी विरोधकांनी जोर लावल्यामुळे देशमुख कुटुंब, लोकमंगल परिवार आणि समर्थक कार्यकर्त्यांची चिंता आणखी वाढली आहे. सध्यातरी लोकमंगल समूहात सन्नाटा पसरल्याचे दिसून येत आहे. कोणी काहीही प्रतिक्रिया देऊ नये म्हणून सर्वांना सावध करण्यात आले आहे. ज्या उमरगा येथे रोकड जप्त करण्यात आली, त्या उस्मानाबाद जिल्ह्याचे सुभाष देशमुख पालकमंत्री आहेत. याच जिल्ह्यातील लोहारा येथे त्यांचा साखर कारखाना आहे.

मोबाइल अॅप डाउनलोड करा आणि राहा अपडेट

बड्या अधिकाऱ्यांच्या संपत्तीवर वॉच

November 19, 2016, 1:30 pm

≫ Next: कोल्हापूरचे डिजिटल मार्केटिंग व्हावे

≪ Previous: नागपूर अधिवेशनातसहकारमंत्र्यांची विकेट घेणारआमदार प्रणिती शिंदेंचा इशारा

$

0

0

म. टा. प्रतिनिधी, कोल्हापूर

बड्या अधिकाऱ्यांनी काळ्या पैशाच्या जोरावर कोल्हापुरात केलेल्या इस्टेटीवर लाचलुचपत प्रतिबंधक विभाग आणि प्राप्तीकर विभागाने वॉच सुरू ठेवला आहे. जलसंपदा खात्याचा निवृत्त सहसचिव सुरेश पाटील व मुख्य अभियंता बाळासाहेब पाटील यांच्यानंतर आता कोणत्या अधिकाऱ्याचा नंबर लागणार, याकडे सर्वांचे लक्ष लागले आहे. विशेष म्हणजे जवळपास तीन वर्षे माहिती घेतल्यानंतर सुरेश पाटील यांच्यावर लाचलुचपत विभागाने छापे टाकले. त्यामुळे आपल्याबाबतची माहितीही लाचलुचपत विभागाने संकलित केली असेल काय, अशी चिंता भ्रष्ट मार्गाने माया जमवलेल्या अधिकाऱ्यांना सतावू लागली आहे. त्यातच लाचलुचपत विभागाच्या वरिष्ठ अधिकाऱ्यांनी भ्रष्ट अधिकाऱ्यांच्या संपत्तीचे माहिती संकलन सुरू असल्याचे स्पष्ट केल्यामुळे अनेकांच्या झोपा उडाल्या आहेत.

महसूल तसेच पोलिसासह अनेक सरकारी कार्यालयातील अधिकाऱ्यांनी भ्रष्ट मार्गाने माया जमवलेली असते. ही माया गुंतवण्यासाठी अनेकजण शहरात जागा, शेती, बंगले आणि स्थावर खरेदी करतात. कोल्हापुरात जो अधिकारी येतो तो येथे गडगंज संपत्ती कमावून येथेच गुंतवणूक करून जातो, असा इतिहास असल्याचे अनेकजण सांगतात, काही मोजक्याच प्रामाणिक अधिकाऱ्यांची कारकीर्दही येथे चांगलीच गाजल्याची उदाहरणे असली तरी त्याचे प्रमाण कमी आहे. जुन्या अधिकाऱ्यांच्या संपत्तीची देखभालही त्यांच्याच खात्यातील काही पंटर मंडळी आजही अत्यंत ‘विश्वासपूर्वक’ करत आहेत. अशा अधिकाऱ्यांच्या संपत्तीकडे लाचलुचपत प्रतिबंधक विभागाने आता मोर्चा वळवला आहे.

पेणमधील बाळगंगा सिंचन घोट्याळ्यातील संशयित बाळासाहेब पाटीलच्या आणि निवृत्त सहसचिव सुरेश पाटीलच्या संपत्तीची माहिती गेले चार ते पाच वर्षे लाचलुचपत प्रतिबंधक विभाग घेत आहे. अशा व्यक्तींच्या संपत्तीची माहिती त्यांच्या नात्यातील आणि त्यांच्याशी संबंधित लोकांना असते. लाचलुचपत प्रतिबंधक विभाग केवळ सरकारी नोकरांवरच कारवाई करतो. तर प्राप्तीकर खाते अवैधरित्या मिळवलेल्या सर्व संपत्तीची माहिती गोळा करून कारवाई करत असते.

एखादा सरकारी अधिकारी किंवा कर्मचाऱ्याने मिळकतीपेक्षा जास्त संपत्ती कमावलेली असेल तर त्याची माहिती पत्राने लाचलुचपत प्रतिबंधक विभगाच्या अधीक्षकांना कळवावी लागते. ही माहिती निनावी कळवली तरी चालते. सरकारी अधिकाऱ्यांच्या संपत्तीबाबतच्या तक्रारी लाचलुचपत प्रतिबंधक विभागाकडे येतात. त्यातील काही तक्रारी चुकीच्या असतात, पण ज्या तक्रारीत तथ्य आहे त्याची सविस्तर माहिती घेतली जाते. मिळालेल्या माहितीनुसार अ​धिकाऱ्याच्या संपत्तीसंदर्भातील कागदपत्रे जमा केली जातात. ही कागदपत्रे जमा करण्यासाठी वेळ लागतो. मात्र कागदपत्रांची खातरजमा झाल्यानंतर गुन्हा दाखल करण्यात येतो. पाटील यांच्यावर नुकतीच झालेली कारवाई ही त्यांच्या संपत्तीशी संबंधित सर्व कागदपत्रांची छाननी आणि खात्री करून झाली ली आहे. त्यामुळे अनेकांचे धाबे दणाणले आहेत.

००००

अनेक निनावी अर्जानुसार लाचलुचपत प्रतिबंधक विभाग अधिकाऱ्यांच्या संपत्तीची माहिती गोळा करण्याचे काम करत आहे. अशा प्रकरणात मिळकतीपेक्षा जास्त संपत्ती आढळल्यास गुन्हा दाखल करण्यात येतो. नागरिकांनी अशा अधिकाऱ्यांची माहिती निनावी पत्राने लाचलुचपत प्रतिबंधक विभागाकडे दिली तरी चालते.

उदय आफळे, उपअधीक्षक, लाचलुचपत प्रतिबंधक विभाग, कोल्हापूर

मोबाइल अॅप डाउनलोड करा आणि राहा अपडेट

कोल्हापूरचे डिजिटल मार्केटिंग व्हावे

November 19, 2016, 1:30 pm

≫ Next: खंडपीठप्रश्नी साखळी उपोषण

≪ Previous: बड्या अधिकाऱ्यांच्या संपत्तीवर वॉच

$

0

0

आमदार सतेज पाटील यांचे मत; ‘इंडस्ट्रिया-२०१६’चे उदघाटन

म. टा. प्रतिनिधी, कोल्हापूर

‘कोल्हापूरच्या औद्योगिक क्षेत्रात खूप क्षमता आहे; पण त्याचे अजूनही मार्केटिंग झालेले नाही. त्यासाठी सर्व औद्योगिक संघटना आणि राजकीय नेत्यांनी एकत्र येऊन काम करण्याची गरज आहे,’ असे मत आमदार सतेज पाटील यांनी शनिवारी येथे व्यक्त केले. ‘मेक इन इंडिया’च्या धर्तीवर कोल्हापुरात ‘मेक इन कोल्हापूर इंडस्ट्रिया-२०१६’ या उद्योग प्रदर्शनाचे आयोजन केले आहे. त्याचे उद्घाटन आमदार पाटील यांच्या हस्ते झाले, त्यावेळी ते बोलत होते. यावेळी गोदरेजचे सेल्स हेड कावस धुमासिया, आमदार राजेश क्षीरसागर यांच्यासह औद्योगिक संघटनांचे प्रतिनिधी आणि उद्योजक उपस्थित होते.

कोल्हापूर चेंबर ऑफ कॉमर्स अँड इंडस्ट्रिज्, स्मॅक, गोशिमा, मॅक, उद्मम को-ऑप सोसायटी, कोल्हापूर इंजिनीअरिंग असोसिएशन यांच्या संयुक्त विद्ममाने प्रदर्शनाचे आयोजन केले आहे. येथील सासने मैदानावर २२ नोव्हेंबरपर्यंत हे प्रदर्शन चालणार आहे.

आमदार पाटील म्हणाले, ‘जगात कोठेही रस्त्यावर एखादी गाडी दिसली, तर तिचा एकतरी पार्ट कोल्हापुरात तयार झालेला असतो; पण कोल्हापूरच्या या वैशिष्ट्यांची, क्षमतेची चर्चा आपण केवळ मिसळ खाताना करतो. आता याचे मोठ्याप्रमाणावर मार्केटिंग करण्याची वेळ आली आहे. पुणे जिल्ह्याची

http://makeinpune.org/ ही वेबसाइट अतिशय उत्तम असून, कोल्हापूरचीही अशीच एखादी वेबसाइट सुरू करण्याची गरज आहे. जेणेकरून एखाद्याने कोल्हापूर सर्च केले, तर एका क्लिकवर त्याला कोल्हापूरच्या प्लस् पॉइंट्सची माहिती मिळेल. त्यासाठी आयटी असोसिएशने सहकार्य करण्याची तयारी दर्शविली आहे. त्यामुळे सर्व उद्योगसंघटनांनी एकत्र येऊन कोल्हापूरचे मार्केटिंग करण्याची गरज आहे. कोल्हापूरच्या नकारात्मक गोष्टींची चर्चा न करता, जमेच्या बाजू डिजिटल प्लॅटफॉर्मवर आणाव्यात. प्रस्तावित विकासवाडी येथे ४०० एकरांत अजूनही एमआयडीसी शक्य असून, त्यासाठी राजकीय विरोध बाजूला ठेवून प्रयत्न करण्याची गरज आहे.’

आमदार क्षीरसागर म्हणाले, ‘मुंबई-बेंगळुरू कॉरिडॉर कोल्हापुरातून जावा, अशी सर्वांचीच इच्छा आहे. जागा उपलब्ध असेल, तर कॉरिडॉरमध्ये समावेश होईल, अशी सरकारची भूमिका आहे. जागा मिळत असेल, तर कॉरिडॉरसाठी निश्चित प्रयत्नशील राहू.’

गोदरेजचे सेल्स हेड कावस धुमासिया म्हणाले, ‘गोदरेज कंपनी केवळ कंझ्युमर प्रॉडक्टसची निर्मिती करत नसून, १९८५ पासून भारताच्या अवकाश मोहिमेसाठी योगदान देत आहे. सध्या गोदरेज भारताच्या अवकाश मोहिमांसाठी ट्रायोजेनिक इंजिन्स बनवत आहे. सध्या मटेरियल हँडलिंग अतिशय महत्त्वाचे असून, यात कोल्हापुरातील उद्योजकांनी लक्ष घालावे.’ यावेळी आमदार पाटील यांनी धुमासिया यांना गोदरेजने कोल्हापुरात एखादा प्लँट सुरू करावा, अशी विनंती केली.

चेंबर ऑफ कॉमर्सचे अध्यक्ष आनंद माने यांनीही यावेळी प्रदर्शनाचा उद्देश स्पष्ट केला. आपण काय करत आहोत आणि उद्योगात आपल्याला काय करता येईल, यासाठी अशी प्रदर्शने गरजेची असल्याचे मत ज्येष्ठ उद्योजक बाबाभाई वसा यांनी व्यक्त केले. यावेळी ‘स्मॅक’चे अध्यक्ष सुरेंद्र जैन, ‘मॅक’चे अध्यक्ष संजय जोशी, महाराष्ट्र चेंबरचे सदस्य ललित गांधी, रिलायन्स पॉलिमर्सचे सत्यजित भोसले यांची भाषणे झाली. कार्यक्रमात गोदरेजचे दमासिया यांच्यासह पुण्यातील उद्योजक अरुण कुंभोजकर, पीव्हीएसएस क्रेनचे सदाशिव वर्गे, रिलायन्स पॉलिमर्सचे सत्यजित भोसले यांचा मान्यवरांच्या हस्ते सत्कार करण्यात आला. कार्यक्रमास प्रदीपभाई कापडिया, संजय अंगडी, जे. आर. मोटवाणी, सत्यजित भोसले, आदी उपस्थित होते. चेंबर ऑफ कॉमर्सचे उपाध्यक्ष संजय शेटे यांनी आभार मानले.

‘विमानळासाठी अधिकृत पत्र हवे’

कोल्हापूरच्या विमानतळासाठी नेत्यांमधील स्पर्धा स्वागतार्ह असल्याचे पाटील यांनी नमूद करताच सभागृहात हशा पिकला. नेत्यांच्या या स्पर्धेतून चांगले काहीतरी घडावे हीच इच्छा असल्याचे सांगून ते म्हणाले, ‘कोल्हापूरच्या विमानतळ विकासातील ५५ कोटी रुपयांचा वाटा राज्य सरकार उचलेल, असे पत्र मुख्यमंत्री देवेंद्र फडणवीस यांनी खासदार संभाजीराजे छत्रपती यांना दिले आहे. मात्र, एअरपोर्ट अथॉरिटी ऑफ इंडियाला याबाबत राज्य सरकारने कोणतेही पत्र पाठविलेले नाही. एअरपोर्ट अथॉरिटी बैठक १८ नोव्हेंबरला होणार होती; पण सुदैवाने ती २४ नोव्हेंबरला पुढे ढकलली आहे. तत्पूर्वी, राज्य सरकारने अधिकृत पत्र पाठविणे गरजेचे आहे. या संदर्भात पालकमंत्री चंद्रकांत पाटील यांना माहिती देणार आहे.’

मोबाइल अॅप डाउनलोड करा आणि राहा अपडेट

खंडपीठप्रश्नी साखळी उपोषण

November 19, 2016, 1:30 pm

≫ Next: शिक्षणाधिकारी शिंदेची तत्काळ बदली करा

≪ Previous: कोल्हापूरचे डिजिटल मार्केटिंग व्हावे

$

0

0

म. टा. प्रतिनिधी, कोल्हापूर

मुख्यमंत्री देवेंद्र फडणवीस जोपर्यंत खंडपीठ कृती समितीची भेट घेत नाहीत तोपर्यंत वकिलांचे साखळी उपोषण सुरू ठेवण्याचा निर्धार सहा जिल्ह्यांतील वकिलांनी घेतला. खंडपीठ कृती समितीची बैठक शनिवारी कोल्हापुरात झाली. तीत आंदोलनाचा प्रारंभ एक डिसेंबरला कोल्हापुरात वकिलांच्या साखळी उपोषणाने करण्याचा निर्णय झाला. जिल्हा न्यायालयात कृती समितीचे निमंत्रक अॅड. प्रकाश मोरे यांच्या अध्यक्षतेखाली बैठक झाली. कोल्हापूर,सांगली, सातारा, सोलापूर जिल्ह्यातील वकिल यावेळी उपस्थित होते.

मुंबई हायकोर्टात कृती समितीच्या वकिलांविरोधात सुरू असलेली अवमान याचिका लढवण्याचा तसेच हिवाळी अधिवेशनापूर्वी जिल्ह्यातील लोकप्रतिनिधींची परिषद घेण्याचा निर्णय घेण्यात आला. बैठकीच्या प्रारंभी अध्यक्ष मोरे यांनी मुख्यमंत्र्यांनी २९ ऑगस्ट व चार सप्टेंबरला कृती समितीला भेटण्यासाठी वेळ दिली होती, पण त्यांनी दोन्ही बैठका रद्द केल्याची माहिती दिली. हायकोर्टात न्यायमूर्ती मोहित शहा यांचा पुतळा जाळल्याप्रकरणी कृती समिती सदस्यांविरोधात सुरू असलेली अवमान याचिका माफी न मागता चालवावी, असे मत सांगलीचे हरिष प्रताप व साताऱ्याचे अमरसिंह भोसले यांनी व्यक्त केले. अॅड शिवाजीराव राणे यांनी अवमान याचिकेच्यावेळी कोर्टाची माफी मागितली तर गुन्हेगार आहोत हे सिद्ध होईल. आंदोलनाचे नैतिक बळ कमी होईल. यापुढे अवमान याचिका लढवलीच पाहिजे असे मत व्यक्त केले. अॅड हंबीरराव पाटील यांनीही असेच मत व्यक्त केले.

अॅड. घाटगे यांनी साखळी उपोषण, महामार्ग रोको, दर १५ दिवसांनी कोर्ट कामावर बहिष्कार असे आंदोलनाचे टप्पे मांडले. अनिल गोरे व विजयसिंह पाटील यांनी सहा जिल्ह्यातील लोकप्रतिनिधींची शिखर परिषद बोलवावी अशी सूचना केली. दिलीप पाटील यांनी मुळमुळीत आंदोलन करू नये असे मत व्यक्त केले तर मिरजेच्या एम. एच. मुजावर यांनी आमरण उपोषणाची सूचना मांडली. सिंधुदुर्ग व रत्नागिरीतील वकिलांचे आंदोलनासाठी मन वळवावे अशी सूचनाही यावेळी पुढे आली. जिल्हा बार असोसिएशनचे सचिव सर्जेराव खोत उपाध्यक्ष अरूण पाटील आभार मानले. कराड बार असोसिएशनचे संभाजीराव मोहिते, साताऱ्याचे दिलीप पाटील, सांगोल्याचे सचिन कुलकर्णी, सांगोल्याचे विशाल बाबर, इचलकरंजीचे पवन उपाध्ये, जी. बी. गाडीवडर उपस्थित होते.

मोबाइल अॅप डाउनलोड करा आणि राहा अपडेट

---

शिक्षणाधिकारी शिंदेची तत्काळ बदली करा

November 19, 2016, 1:30 pm

≫ Next: ...अन्यथा विधानभवनाला घेराव

≪ Previous: खंडपीठप्रश्नी साखळी उपोषण

$

0

0

म. टा. प्रतिनिधी, कोल्हापूर

माध्यमिक शिक्षणाधिकारी ज्योत्स्ना शिंदे यांची बदली करावी, अशी मागणी जिल्हा परिषदेच्या माध्यमिक शिक्षण विभागातील लिपिक, परिचर, सहायक कर्मचाऱ्यांनी पत्रकाद्वारे केली आहे. सीईओ कुणाल खेमनार यांच्याकडे याबबातचे लेखी निवेदन माध्यमिक शिक्षण विभागाच्या १९ कर्मचाऱ्यांनी दिले आहे. शिंदे त्यांची बदली करणार नसाल तर आमची तरी करा, असेही निवेदनात म्हटले आहे.

निवेदनात म्हटले आहे की, माध्यमिक शिक्षणाधिकारी शिंदे यांच्याकडून कर्मचाऱ्यांना अपमानस्पद वागणूक मिळत आहे. सतत त्यांच्या दबावाखालीच काम करावे लागत असल्याने कर्मचाऱ्यांचे मानसिक स्वास्थ्य बिघडले आहे. लिपिकांकडून संबंधित प्रस्ताव आणि कामांवर स्वाक्षरी केली जात नसल्याचा खोटा आरोप शिक्षणाधिकारी करीत आहेत. क्रमवार दप्तर सादर करूनही दप्तरावर स्वाक्षरी केली जात नाही. उलट लिपिकच कामचुकार असल्याचे चित्र दाखविले जात आहे.

निवेदनात शिक्षणाधिकारी शिंदेंबाबत गंभीर तक्रारी केल्या आहेत. प्रत्येक प्रस्तावाबाबत आपल्याशी चर्चा करावी, असा त्यांचा तगादा असतो. त्या प्रस्तावातून आर्थिक फायदा करून देण्याची मानसिकता दिसते. संबंधित लिपिकाने आर्थिक टाळाटाळ केल्यास टार्गेट केले जाते. सीईओंना सांगून बदली करण्याची धमकीही दिली जाते. संचमान्यता आणि समायोजनाव्यतिरिक्त अन्य कोणतेही कामकाज करू नये, अशा सूचना शिक्षणाधिकाऱ्यांनी दिल्या होत्या. हे कामकाज पूर्ण होताच सर्व कर्मचाऱ्यांना कामकाज विलंबाचे परिपत्रक काढले आहे. शिक्षणाधिकारी कर्मचाऱ्यांना कागदोपत्री पुरावे तयार करून अडचणीत आणत आहेत. माध्यमिक शिक्षणाधिकाऱ्यांच्या चुकीमुळे तीन लिपिक बळी ठरले आहेत. सीईओ खेमनार यांनी या प्रकरणाची गंभीर दखल घ्यावी, अशी मागणी लिपिकांनी केली आहे.

मोबाइल अॅप डाउनलोड करा आणि राहा अपडेट

...अन्यथा विधानभवनाला घेराव

November 19, 2016, 1:30 pm

≫ Next: विधान परिषदेसाठी ९९.८२ टक्के मतदानमोहनराव कदम, शेखर गोरेंचा विजयाचा दावा

≪ Previous: शिक्षणाधिकारी शिंदेची तत्काळ बदली करा

$

0

0

म. टा. प्रतिनिधी, कोल्हापूर

मराठा आरक्षणाबाबत २६ जानेवारीपर्यंत योग्य निर्णय न झाल्यास कोल्हापूर ते मुंबई महामार्गावर लाँग मार्च काढून विधानभवनाला घेराव घालण्याचा ठराव मराठा संघटनांच्या मेळाव्यात घेण्यात आला. अध्यक्षस्थानी मराठा समाजाचे ज्येष्ठ कार्यकर्ते बाळ घाटगे होते. शाहू स्मारक येथे झालेल्या मेळाव्यात अनेक ठराव संमत करण्यात आले.

मराठा समाजाच्या आरक्षणासाठी राज्यात लाखोंच्या संख्येने मोर्चे निघाले. मराठा समाजाच्या मोर्चांनंतर इतर समाज प्रतिमोर्चे काढून अप्रत्यक्षरीत्या मराठा आरक्षणाच्या मागणीला विरोध करत अॅट्रॉसिटी कायदा कडक करण्याची मागणी करत आहेत. त्यामुळे आता संघर्ष करण्याची वेळ आली आहे. राज्यातील मोर्चानंतर मराठा समाजात काहीशी शिथिलता आली असल्याने पुन्हा एकदा सरकारवर दबाव वाढविण्यासाठी चळवळ हाती घेण्यावर बैठकीत एकमत झाले.

आमदार राजेश क्षीरसागर म्हणाले, ‘आरक्षण मागणीसाठी मराठा समाजाने विक्रमी संख्येने काढलेल्या मोर्चांची नोंद जागतिक पातळीवर झाली आहे. सरकार मागण्यांबाबत सकारात्मक असले, तरी समाजाची ताकद दाखविण्यासाठी चळवळीची ताकद वाढविण्याची गरज आहे. विराट मोर्चाच्या माध्यमातून समाजाने शिस्त आणि इतर समाजाबद्दलचा आदर दाखवला आहे. मात्र, जर समाजाच्या मागण्या मान्य न झाल्यास मोर्चातील दहा टक्के लोकांचा जरी सयंम सुटला तरी ‘सळो की पळो’ अशी स्थिती होईल. समाजाच्या मागणीसाठी सरकारला ठराविक वेळ देवून आंदोलनाला सुरुवात करण्याची गरज आहे. कोल्हापुरात आंदोलनाला सुरुवात झाल्यास त्याचे लोण राज्यभर पसरण्यास वेळ लागणार नाही. हाच आंदोलनाचा दुसरा टप्पा असेल.’

बाळ घाटगे म्हणाले, ‘सरकारची गेल्या ७० वर्षांतील मराठा समाजावर होणारी अन्यायी धोरणे व कायदे बदलण्यासाठी व आरक्षणासाठी महाराष्ट्रात मराठा फौज लढा देणार आहे. त्यासाठी समाजातील विद्यार्थी, विद्यार्थिनी, सुशिक्षित बेरोजगार, शेतकऱ्यांनी या फौदेमध्ये सहभागी व्हावे.’

राजू सावंत म्हणाले, ‘मराठा युवकांमध्ये जागृती नसल्यामुळे गेल्या अनेक वर्षांपासून आरक्षणाचा प्रश्न प्रलंबित राहिला आहे. आरक्षणाचा माध्यमातून एकजूट दाखवली, पण त्यामध्ये सातत्य राखण्याची आवश्यकता आहे. मराठा मोर्चानंतर काहीजण प्रतिमोर्चे काढण्याची वल्गना करत आहेत, प्रतिमोर्चे काढल्यास त्यातून निर्माण होणाऱ्या प्रसंगास त्या-त्या समाजाला जबाबदारी स्वीकारावी लागेल.’

उदय पवार, नाथाजी पवार, हेमंत पाटील, नंदकुमार मोरे यांनी मनोगत व्यक्त केले. यावेळी विविध मराठा संघटनांचे प्रतिनिधी उपस्थिती होते.


मेळाव्यातील ठराव

मराठा समाजाला आरक्षण मिळावे

मागासवर्गीयांच्या खासगी क्षेत्रातील आरक्षण मागणीला विरोध करणे

मराठा समाजातील गरीब विद्यार्थ्यांना शिष्यवृत्ती द्यावी

सुशिक्षित बेरोजगारांना बेकार भत्ता द्यावा

अॅट्रॉसिटी कायद्याला विरोध करणे

‘मन की बात’मध्ये मराठा आरक्षणाच्या मागणीचा समावेश करा

मोबाइल अॅप डाउनलोड करा आणि राहा अपडेट

विधान परिषदेसाठी ९९.८२ टक्के मतदानमोहनराव कदम, शेखर गोरेंचा विजयाचा दावा

November 19, 2016, 10:10 am

≫ Next: ढेरे, कारंडे, सुगते यांना निलंबित करा

≪ Previous: ...अन्यथा विधानभवनाला घेराव

$

0

0

म. टा. वृत्तसेवा, सांगली

सांगली-सातारा स्थानिक स्वराज्य संस्था विधान परिषद मतदारसंघासाठी शनिवारी चुरशीने ९९.८२ टक्के मतदान झाले. सांगली वगळता अन्य सर्व मतदान केंद्रावर १०० टक्के मतदान झाले. एकूण ५७० पैकी ५६९ मतदारांनी मतदानाचा हक्क बजावला. सांगलीतील एक नगरसेवक पणजी येथील हॉस्पिटल दाखल असल्याने त्यांचे मतदान होऊ शकले नाही. सांगलीत पहिल्या टप्प्यात काँग्रेसचे समर्थक मतदार फेटे बांधून मोठा गट करून आले. दुसऱ्या टप्प्यात काँग्रेसचा नाराज गट, त्यानंतर काँग्रेसचे बंडखोर उमेदवार शेखर माने नऊ जणांचा गट घेऊन आले. त्यानंतर राष्ट्रवादीच्या मतदारांची वर्दळ वाढली. दरम्यान, मतमोजणी २२ नोव्हेंबर रोजी मंगळवारी सांगलीत होणार आहे.

सांगलीत जिल्हाधिकारी कार्यालयातील अल्पबचत भवनमध्ये मतदान केंद्र होते. चोख पोलिस बंदोबस्त आणि सर्व वाहने राजवाडा चौकातच रोखण्यात येत असल्याने चौक गर्दीने फुलून गेला होता. मतदान केंद्राच्या ठिकाणी काँग्रेसच्या आजी-माजी नेत्यांनी मोठी गर्दी केली होती. कोणत्या पक्षाचे मतदार कसे आणि कुठून येतात, याच्याकडे अनेकांचे डोळे लागले होते. आमका त्या गटातून आला. त्याचे मत कोणाला असणार, अशा उघड चर्चाही रंगत होत्या. काँग्रेसकडून कदम घरातील युवा पिढी मतदारांना पुढे घालून आणण्यात आघाडीवर होती तर पक्षाचे निरीक्षक निरीक्षण नोंदवत होते. राष्ट्रवादीच्या नेत्यांनी जिल्हा कार्यालयात बसूनच नियोजन करून मतदार धाडल्याचे सांगण्यात आले. सहलीवरुन परतलेले राष्ट्रवादीचे मतदार सांगलीत थेट पक्ष कार्यालयात पोहचले. त्या ठिकाणी माजी मंत्री जयंत पाटील, उमेदवार शेखर गोरे यांची भेट घेऊन तीन-तीन किंवा चार-चार मतदारांचा गट करुन ते मतदान केंद्रावर गेले. जिल्हा परिषदेचे सदस्य मात्र अधून-मधून येऊन मतदानाचा हक्क बजावून जात होते.

सांगली-सातारा विधान परिषद मतदारसंघात काँग्रेसचे मोहनराव कदम आणि राष्ट्रवादीचे शेखर गोरे यांच्यातच मोठी चुरस असल्याचे शनिवारी मतदानादिवशी स्पष्टपणे दिसले. काँग्रेसचे बंडखोर उमेदवार माने यांच्या पाठीमागील स्वाभिमानी विकास आघाडीची ताकद आपल्याकडे खेचून आणण्यात कदम गट यशस्वी झाला. स्वाभिमानीचे मतदार युवक काँग्रेसचे प्रदेशाध्यक्ष विश्वजित कदम यांच्याबरोबरच मतदान केंद्रावर आल्याचे सर्वांना बघायला मिळाले. महापालिकेत राष्ट्रवादीचे सहयोगी सदस्य म्हणून कामकाजात सहभागी होणारे विधान परिषदेच्या मतदानाला मात्र काँग्रेसच्या गटातून फेटे बांधून ऐटीत आले. त्यामुळे महापालिकेत निवडून येताना अपक्ष, कामकाजात राष्ट्रवादीबरोबर आणि मतदानाच्यावेळी काँग्रेसच्या मेळ्यात, असे चित्र दिसले. कदम गटाने केलेले नियोजन आणि त्यांना मिळालेल्या सकारात्मक प्रतिसादावरुन मोहनराव कदम यांना सांगली जिल्ह्यातून चांगले मताधिक्य मिळाले असल्याची शक्यता वर्तविण्यात येत आहे.

सांगली वगळता अन्य सातही मतदान केंद्रांवर शंभर टक्के मतदान झाल्याचे निवडणूक निर्णय अधिकारी शेखर गायकवाड यांनी सांगितले. वाई, सातारा, फलटण, कराड ही सातारा जिल्ह्यातील तर सांगली जिल्ह्यातील सांगली, इस्लामपूर, विटा आणि जत आदी केंद्रावर शनिवारी सकाळपासून मतदानाला सुरूवात झाली. काँग्रेसचे उमेदवार मोहनराव कदम, महापालिकेतील गटनेते किशोर जामदार आणि शहर जिल्हाध्यक्ष पृथ्वीराज पाटील, पक्षाचे निरीक्षक दिवसभर सांगली केंद्रावर ठाण मांडून होते. तर ज्येष्ठ नेते पतंगराव कदम यांनी शनिवारी सकाळपासून दौऱ्याचे नियोजन करून दोन्ही जिल्ह्यातील प्रत्येक मतदान केंद्रावर हजेरी लावली होती.

काँग्रेस आणि राष्ट्रवादीच्या तगड्या उमेदवारांतील लढतीत काँग्रेसला बंडखोरीचा सामना करावा लागला. बंडखोरी थंड करण्यात वरिष्ठ नेत्यांनी लक्ष घातल्यानंतर नाराज गटाचे नेतृत्व करणारे विशाल पाटील यांनी नरमाईची भूमिका घेऊन पाठिंबा दिला. केवळ पाठिंबा देऊन ते थांबले नाहीतर आपल्याकडील प्रत्येकाचे मतदान कदम यांनाच कसे होईल, याची काळजी त्यांनी घेतली. परंतु, शेखर माने यांची नाराजी दूर करण्यात त्यांना अखेरपर्यंत यश आलेले दिसले नाही. काही मतदार माने यांच्याबरोबर मतदान केंद्रापर्यंत आले असले तरी त्यांनी काँग्रेसलाच मतदान केलेले असणार, असा विश्वास पाटील यांच्याकडून व्यक्त केला जात आहे.

दरम्यान, राष्ट्रवादीचे मतदार प्रामाणिक आहेत. त्यांना धनशक्तीच्या जोरावर अनेकांनी फोडण्याचा प्रयत्न केला आहे. मात्र, ते नगरसेवक प्रामाणिक राहतील आणि आमचे उमेदवार शेखर गोरे १२७ मतांनी विजयी होतील, अशी प्रतिक्रिया राष्ट्रवादीचे नेते जयंत पाटील यांनी दिली.

गुन्हेगारी रोखण्यासाठी काँग्रेसबरोबर : गौतम पवार

स्वाभिमानी विकास आघाडीच्या नगरसेवकांनी काँग्रेसचे उमेदवार मोहनराव कदम यांना पाठिंबा दिला आहे. सर्वोदय साखर कारखान्याची लढाई आमच्यासाठी महत्वाची आहे. शिवाय गुन्हेगारी रोखण्याचे काम देखील आम्हाला करावे लागणार आहे. यामुळे स्वाभिमानीचे नगरसेवक घोडेबाजार करीत असल्याचा आरोप चुकीचा आहे. आम्ही सर्वोदयच्या भूमिकेवर काँग्रेसला पाठिंबा दिला असल्याचे नगरसेवक गौतम पवार यांनी स्पष्ट केले. महापालिकेतील गैरकारभाराला विरोध करण्यासाठी शेखर माने गटाबरोबर कायम राहणार आहे. शिवाय पदाधिकारी बदलाची मानसिकता काँग्रेसच्या नेत्यांनी दर्शविली आहे. पदाधिकाऱ्यांना वेळ दिली आहे. त्या-त्या वेळेत पदाधिकारी बदल होईल, असे आश्वासन कदम यांनी दिले असल्याचे गौतम पवार यांनी सांगितले.

मोबाइल अॅप डाउनलोड करा आणि राहा अपडेट

ढेरे, कारंडे, सुगते यांना निलंबित करा

November 19, 2016, 1:30 pm

≫ Next: पाइपलाइनच्या वाढीव रकमेसाठी मुख्यमंत्र्यांना साकडे

≪ Previous: विधान परिषदेसाठी ९९.८२ टक्के मतदानमोहनराव कदम, शेखर गोरेंचा विजयाचा दावा

$

0

0

म. टा. प्र​तिनिधी, कोल्हापूर

घरफाळा आकारणीवरून नगरसेवक अभिजित चव्हाण आणि सहायक अधीक्षक विशाल सुगते यांच्यातील मारहाण​ आणि पोलिस ठाण्यात गुन्हा नोंद करण्याच्या प्रकाराचे संतप्त पडसाद शनिवारी सर्वसाधारण सभेत उमटले. सेटबॅकमधील जागेत बांधकाम व केबिन थाटता येत नसतानाही घरफाळा आकारणी कशाच्या आधारे केली? अनधिकृत बांधकामावर तिप्पट घरफाळा आकारणीच्या तरतुदीलाही अधिकाऱ्यांनी फाटा दिला. या संपूर्ण प्रकारास उपायुक्त ज्ञानेश्वर ढेरे, कर निर्धारक दिवाकर कारंडे, सहायक अधीक्षक विशाल सुगते दोषी असून, त्यांना निलंबित करून खातेनिहाय चौकशी करावी यासाठी नगरसेवक आक्रमक बनले. यावर महापौर अश्विनी रामाणे यांनी या संपूर्ण प्रकाराची चौकशी करून दोषींवर कारवाईचे आदेश दिले.

महापालिकेच्या शनिवारी झालेल्या सर्वसाधारण सभेत नगरसेवक विरुद्ध प्रशासनातील संघर्ष आणखी​ चिघळला. शिवसेनेचे गटनेते नियाज खान यांनी कर निर्धारक कारंडे यांच्याकडे सेटबॅकमध्ये बांधकाम करता येते का ? सुगते यांची सहायक अधीक्षक पदावर काम करण्याची पात्रता काय ? अशी विचारणा केली. खान, भूपाल शेटे, प्रा. जयंत पाटील, शारंगधर देशमुख यांनी कागदपत्रे आणि बांधकाम नियमावलींचा आधार घेत अधिकाऱ्यांनी चुकीच्या पद्धतीने घरफाळा आकारणी केल्याचे पुराव्यानिशी सभागृहासमोर मांडले. नगरसेवकांच्या प्रश्नांना उत्तरे देताना अतिरिक्त आयुक्त दिवाकर पाटणकर, कर निर्धाकर कारंडे यांच्यासह अन्य अधिकाऱ्यांची भंबेरी उडाली. अधीक्षक विश्वास कांबळे यांची चौकशीची मागणी झाली.

कागदपत्रे आयुक्तांच्या ताब्यात

कर निर्धारक कारंडे यांनी मारहाणीच्या घटनेनंतर त्या प्रकरणाशी संबंधित घरफाळ्याची कागदपत्रे आयुक्तांनी पीएकरवी ताब्यात घेतली आहेत असे उत्तर दिले. त्याला नगरसेवक शेटे यांनी आक्षेप घेत महापौरांनी आदेश देऊन संबंधित कागदपत्रे सभागृहासमोर मांडावीत, असा आग्रह धरला. कारंडे यांनी अनधिकृत बांधकामावर तिप्पट घरफाळा आकारणी केली जाते असे उत्तर सभागृहाला दिले. नगरसेवकांनी त्या संदर्भातील कागदपत्रे सभागृहात मागविताच अमर पाटील यांच्या मिळकतीच्या असेसमेंटवर तिप्पट दंडाची आकारणी केली नसल्याचे सांगितले. यावरून संतप्त नगरसेवकांनी कारंडेंवर सभागृहाची दिशाभूल करत असल्याचा आरोप केला. उपमहापौर मुल्ला, स्थायी समिती सभापती मुरलीधर जाधव, सुरेखा शहा, सत्यजित कदम, राहूल चव्हाण, दीपा मगदूम, किरण शिराळे, महेजबीन सुभेदार, पूजा नाईकनवरे, वहिदा सौदागर, शेखर कुसाळे, संतोष गायकवाड, तौफिक मुल्लाणी, किरण नकाते यांनी चर्चेत भाग घेतला. कमलाकर भोपळे यांनी ताराबाई पार्क परिसरातील अनेक मिळकतींना घरफाळा लागू नाही. सहा महिन्यापूर्वी प्रशासनाला कळवूनही अद्याप कराची आकारणी का केली नाही अशी विचारणा केली.

आयुक्तांचा निषेध, सदस्यांत खडाजंगी

थेट पाइपलाइन योजनेच्या कामाविषयी तक्रारी आहेत. आयुक्त पी. शिवशंकर व प्रशासनाला त्याविषयी गांभीर्य नाही. सर्वसाधारण सभेला आयुक्त गैरहजर राहतात. आयुक्तांच्या कामकाज पद्धतीचा निषेध करत सभा तहकूब करण्यात आली. आयुक्त रजेवर असल्याने जिल्हाधिकाऱ्यांनी सभेसाठी अतिरिक्त आयुक्त श्रीधर पाटणकर यांना प्राधिकृत केले होते. दरम्यान, सभेत नाले अडविण्याच्या चर्चेदरम्यान नगरसेवक सुनील कदम व भूपाल शेटे यांच्यात खडाजंगी उडाली, तर शारंगधर देशमुख व अजित ठाणेकर यांच्यामध्ये खटके उडाले.

मोबाइल अॅप डाउनलोड करा आणि राहा अपडेट

पाइपलाइनच्या वाढीव रकमेसाठी मुख्यमंत्र्यांना साकडे

November 19, 2016, 1:30 pm

≫ Next: सत्तर हजार विडी कामगारमजुरीपासून वंचितनोटाबंदीचा फटका, दोन आठवड्यांची सात कोटींची मजुरी थकली

≪ Previous: ढेरे, कारंडे, सुगते यांना निलंबित करा

$

0

0

म. टा. प्रतिनिधी, कोल्हापूर

केंद्र सरकारच्या निकषानुसार थेट पाइपलाइन योजनेत महापालिकेवर वीस टक्के रक्कम भरावी लागणार आहे. मात्र महापालिकेची आर्थिक स्थिती नाजूक असल्याने वाढीव दहा टक्के रक्कम राज्य सरकारने भरावी यासाठी पालकमंत्र्यांच्या माध्यमातून मुख्यमंत्र्यांना साकडे घातले जाणार आहे. महापौर अश्विनी रामाणे यांच्या अध्यक्षतेखाली झालेल्या सर्वसाधारण सभेत त्या संबंधीचा ठराव झाला. सभेत नगरसेवकांनी घरफाळा विभागावरून प्रशासनाला धारेवर धरले.

केंद्र सरकारने योजनेच्या ४२३ कोटींच्या प्रकल्पातील हिश्शाचा निधी ८० टक्क्यावरून साठ टक्के कमी करत राज्य सरकार आणि महापालिकेवर प्रत्येकी वीस टक्के निधीची जबाबदारी निश्चित केली. या हिशेबाने महापालिकेला ८५ कोटी गुंतवावे लागणार आहेत. महापालिकेच्या उत्पन्नावर मर्यादा असल्याने हा वाढीव दहा टक्के निधी राज्य सरकारने भरावा, असा ठराव झाला. पंचगंगा नदी प्रदूषण रोखण्यासाठी कसबा बावडा येथे बंधारे बांधण्यासाठी व त्यासाठी आवश्यक रस्त्यासाठी आरक्षित करण्याच्या फेरबदलाचा प्रस्ताव मंजूर झाला.

दरम्यान, नगरसेवक अभिजीत चव्हाण यांनी सहायक अधीक्षकाला मारहाण केल्यानंतर गुरुवारी महापालिका कर्मचाऱ्यांनी त्या घटनेच्या निषेधार्थ दिवसभर कामकाज बंद ठेवले. आंदोलनमुळे महापालिकेचे काम बंद राहिल्याने नागरिकांना फटका बसला. हा प्रकार योग्य नाही. प्रशासनाने कर्मचाऱ्यांवर कारवाई करावी अशी सूचना नगरसेवक महेश सावंत, किरण नकाते यांनी केली.

व्यवसाय परवाना नसताना भक्त निवास

शहर आणि परिसरात मोठ्या प्रमाणात भक्त निवास आहेत. जवळपास ११३ भक्त निवासकडे व्यवसाय परवाना नाही. त्यांच्याकडून रहिवासी क्षेत्रानुसार घरफाळा आकारणी सुरू असून महापालिकेचे नुकसान होत असल्याचे नगरसेवक विजय खाडे यांनी निदर्शनास आणले. नगरसेविका उमा बनछोडे यांनी व्यवसाय परवानाअभावी अनेक ठिकाणी दुकाने सुरू आहेत. शिवाजी मार्केटमधील दुकानमालकांनी दुकानगाळे अन्य व्यवसायासाठी भाड्याने दिली आहेत. त्याची चौकशीची मागणी केली. रुपाराणी निकम यांनी झोपडपट्टी परिसरात अनधिकृत झोपड्यांची संख्या वाढत असल्याचे सभागृहाच्या निदर्शनास आणले.

मोबाइल अॅप डाउनलोड करा आणि राहा अपडेट

सत्तर हजार विडी कामगारमजुरीपासून वंचितनोटाबंदीचा फटका, दोन आठवड्यांची सात कोटींची मजुरी थकली

November 20, 2016, 9:39 am

≫ Next: काँग्रेस-राष्ट्रवादीतच रस्सीखेचनगरपरिषद, नगरपंचायतवार्तापत्र सातारा

≪ Previous: पाइपलाइनच्या वाढीव रकमेसाठी मुख्यमंत्र्यांना साकडे

$

0

0

म. टा. वृत्तसेवा, सोलापूर

नोटा बंदीचा सर्वाधिक फटका सोलापुरातील सुमारे सत्तर हजार विडी कामगारांना बसला आहे. मागील दोन आठवड्यांपासून कामगारांना मजुरी मिळाली नसल्याने विडी कामगारांवर उपासमारीची वेळ आली आहे. सुमारे सात कोटी रुपये मजुरी थकली आहे. पंतप्रधान नरेंद्र मोदी यांनी ५०० आणि १०००च्या नोटा चलनातून बाद करण्याचा निर्णय घेतल्यानंतर सर्वत्र नागरिकांचे हाल होत आहेत.

सोलापुरात उद्योगाच्या क्षेत्रात काम करणाऱ्या कामगार वर्गाला सर्वाधिक फटका बसला आहे. गिरण्या बंद पडल्यामुळे सोलापुरात आता विडी आणि यंत्रमाग हे दोनच उद्योग तग धरून आहेत. या उद्योगात काम करणारे सुमारे दीड लाखांहून अधिक कामगारांना अगोदरच आर्थिक परिस्थितीचा सामना करावा लागत आहे. आता चलनातून नोटा बंद झाल्याचा फटकाही कामगारांना सहन करावा लागत आहे. विडी उद्योगात काम करणाऱ्या कामगारांना दर आठवड्याला पगार केला जातो, मात्र सुट्ट्या पैशाचे वांदे होऊन बसल्याने दोन आठवडे कामगारांना आर्थिक चणचण भासत आहे. विडी कामगारांची संख्या ७० हजार असली तरी त्यावर अवलंबून असणाऱ्यांची संख्या लाखांवर आहे. आठवड्यातून एकदा म्हणजेच बुधवारी होणाऱ्या पगारावरच कामगारांना अवलंबून रहावे लागते. कामगारांचा पगार विडी कारखानदारांकडून करण्यात येतो. मात्र, जुन्या नोटा चालत नसल्याने आणि मिळालेल्या दोन हजारांच्या नोटांची चिल्लर मिळत नसल्याने मजुरी देण्यात अडचण निर्माण झाली आहे. त्यातच बँकेतून ठराविक रक्कमच काढण्याची सक्ती करण्यात आल्याने कारखानदारांच्या अडचणीत आणखी भर पडली आहे. दरम्यान, पालकमंत्री विजयकुमार देशमुख यांनी यामध्ये लक्ष घातले असून, येत्या दोन दिवसांत विडी कामगारांच्या मजुरीचा प्रश्न सुटेल, अशी माहिती विडी उद्योग संघाचे प्रवक्ते बाळासाहेब जगदाळे यांनी दिली.

मोबाइल अॅप डाउनलोड करा आणि राहा अपडेट

काँग्रेस-राष्ट्रवादीतच रस्सीखेचनगरपरिषद, नगरपंचायतवार्तापत्र सातारा

November 20, 2016, 9:37 am

≫ Next: नोटबंदीचा परिणाम भोगावा लागणार

≪ Previous: सत्तर हजार विडी कामगारमजुरीपासून वंचितनोटाबंदीचा फटका, दोन आठवड्यांची सात कोटींची मजुरी थकली

$

0

0

अतुल देशपांडे, सातारा

सातारा जिल्ह्यातील आठ नगरपालिकांमध्ये १८२ जागांसाठी ६५६ उमेदवार निवडणूक रिंगणात आहेत. जिल्ह्यातील आठ नगराध्यक्ष पदासाठी ५२ उमेदवार रिंगणात आहेत. साताऱ्यात नगराध्यक्षपदाच्या काही उमेदवारांनी माघार घेऊन इतरांना पाठिंबा दिला. पण, त्यांच्या समर्थकांचा तीव्र विरोध कायम आहे.

सातारा जिल्ह्यात काँग्रेस व राष्ट्रवादी या मित्र पक्षातच विविध आघाड्यांच्या माध्यमातून जोरदार रस्सीखेच सुरू आहे. सातारा शहरात राष्ट्रवादीचे खासदार उदयनराजे भोसले व आमदार शिवेंद्रराजे भोसले या दोघांच्या आघाडीमध्ये बिघाडी झाल्याने संघर्ष पहावयास मिळत आहे. या दोघांच्या विरोधात भाजपने नगराध्यक्षपदासाठी सामान्य महिला सुवर्णादेवी पाटील यांना उमेदवारी दिल्यामुळे नगराध्यक्षपदासाठी सात महिला रिंगणात आहेत. मात्र, नगराध्यक्षपदाची तिरंगी लढत होणार आहे.

नगराध्यक्षपदासाठी प्रस्थापित राजघराणे विरुद्ध सामान्य मराठा महिला, अशीच लढत असल्याचा प्रचार सामान्य उमेदवारांना फायदेशीर ठरू लागला आहे. सामान्य महिलेच्या नेतृत्वाखाली नगरपालिकेचा कारभार करताना वेळप्रसंगी जाब विचारण्याचे धारिष्ट्य नगरसेवक व शहरवासीय करतील. परंतु, राजघराण्यातील व्यक्ती आपले वेगळेपण असल्याचे भासवून सर्वसामान्यांना न्याय देतीय काय? अशी शंका निवडणुकीत उभे असलेले काही उमेदवार व्यक्त करीत असल्याने राजघराण्यातील नगराध्यक्षपदाच्या उमेदवार वेदांतिकाराजे भोसले या सक्षम व कर्तबगार असल्या तरी त्यांच्यासाठी सामान्य सातारकर प्रचारात दिसून येत नाही. सातारा नगरपालिका निवडणुकीत नगराध्यक्षपदासाठी सात तर चाळीस प्रभागात नगरसेवकपदासाठी १९२ उमेदवार रिंगणात आहेत.

राष्ट्रवादीचा जोर

फलटण नगर परिषदेच्या नगरसेवक पदासाठी निवडणूक रिंगणात राष्ट्रवादीचे २४, काँग्रेसचे २४, भाजपाचे २३, शिवसेनेचे ४ तर अपक्ष १५ असे एकूण ९० उमेदवार तर नगराध्यक्षपदासाठी ५ उमेदवार निवडणूक रिंगणात आहेत. युती असतानाही शिवसेना व भाजपाने काही प्रभागात उमेदवार उभे केल्याने युतीत मिठाचा खडा पडला आहे. अनेक ठिकाणी राष्ट्रवादीच्या बंडखोरांनी राष्ट्रवादीसमोर आव्हान निर्माण केले असल्याचे चित्र आहे. दरम्यान, नगराध्यक्षपदासाठी पंचरंगी लढत असली तरी खरा सामना दोन्ही काँग्रेसमध्येच होणार आहे.

फलटण नगरपरिषदेच्या सत्तेच्या सारीपाटात धुरंदर असलेले विधान परिषदेचे सभापती रामराजे नाईक-निंबाळकर यांनी आपला एक उमेदवार बिनविरोध करून विरोधी पक्षांना आपल्या ताकदीची चुणूक दाखवून दिली आहे. त्यामुळे राष्ट्रवादी काँग्रेसचे मनोबल उंचावले असून, विरोधी राष्ट्रीय काँग्रेसचे नेते, कृष्णा खोऱ्याचे माजी उपाध्यक्ष रणजितसिंह नाईक-निंबाळकर कसा सामना करतात व आपले किती उमेदवार निवडून आणणार हे पहाणे औत्सुक्याचे ठरणार आहे. रामराजेंच्या राष्ट्रवादी पुढे पक्षातील बंडखोरांनी बारापैकी आठ प्रभागांमध्ये तगडे आव्हान निर्माण केले आहे. त्यामुळे विरोधी पक्षांपेक्षा बंडखोरांचीच उमेदवारी महागात पडण्याची शक्यता व्यक्त होत आहे.

भाजपा व शिवसेना यांच्यात शेवटच्या क्षणी वरीष्ठ पातळीवरुन युतीचे आदेश आल्याने दोन्ही पक्षात युती झाली खरी परंतु, भाजपच्या महत्वपूर्ण पदाधिकाऱ्यांना राष्ट्रवादीत प्रवेश देऊन श्रीमंत रामराजे यांनी भाजपाला मोठा धक्का दिला आहे. युती असतानाही भाजप व शिवसेनेने एकमेकांविरोधात उमेदवार उभे केल्याने युतीतील सावळा गोंधळ समोर आला आहे. या निवडणुकीत भाजपला २३ जागांवर तर शिवसेनेला ४ जागांवर उमेदवार उभे करण्यात यश मिळाले असले तरी त्यांच्या युतीत पडलेल्या मिठाच्या खड्याचा फायदा कोण उठवणार हे महत्वाचे ठरणार आहे.

पाचगणीत बहुरंगी लढती

पाचगणी गिरीस्थान नगरपालिकेच्या २०१६ च्या पंचवार्षिक निवडणुकीसाठी नगराध्यक्षपदासाठी नऊ उमेदवार रिंगणात आहेत. पाचगणीतील १७ जागांसाठी ७८ उमेदवार निवडणुकीच्या रिंगणात उरले आहेत. त्यामुळे काही प्रभागात दुरंगी, काहीमध्ये तिरंगी, चौरंगी तर काही ठिकाणी बहुरंगी लढती होणार आहेत. नगराध्यक्षपदासाठीच्या रिंगणात नऊ उमेदवार आहेत.

वाई नगरपरिषदेसाठी राष्ट्रवादी, तसेच महाआघाडी आणि शिवसेना यांच्यात जोरदार घमासान होणार असून, वाईत सात ठिकाणी तिरंगी, ११ ठिकाणी दुरंगी तर २ ठिकाणी चौरंगी लढत होणार आहे. नगराध्यक्षपदासाठी पंचरंगी सामना होणार असल्याने ही लढतही लक्षवेधक ठरणार आहे.

वाईत तुल्यबल लढती

वाईत निवडणुकीतील रंगत वाढली आहे. नगराध्यक्षपदासाठी माजी नगरसेविका शोभा रोकडे व महाआघाडीच्या डॉ. प्रतिभा शिंदे यांच्यात तुल्यबळ लढत होत असून, शिवसेनेच्या रेश्मा भगत व अपक्ष सुजाता आंगळकर व रत्नमाला वैराटही आपले नशीब नगराध्यक्षपदासाठी अजमावत आहेत.

नगराध्यक्षपदासाठी पंचरंगी लढत

महाबळेश्वर नगराध्यक्षपदासाठी आलेल्या पाच उमेदवारांपैकी एकाही उमेदवाराने अर्ज मागे न घेतल्यामुळे नगराध्यक्षपदासाठी लेथे पंचरंगी मुकाबला होणार आहे तर नगरसेवकांच्या १७ जागांसाठी एकूण ६0 उमेदवार रिंगणात उरले आहेत. सहा ठिकाणी सरळ तर उरलेल्या बारा जागी बहुरंगी लढती होणार आहे. अनेक अपक्षांनी नेत्यांनी केलेली विनंती धुडकावून आपली उमेदवारी कायम ठेवली आहे. त्यामुळे अनेक प्रभागातील अपक्ष उमेदवारांनी अधिकृत उमेदवारांच्या तोंडचे पाणी पळविले आहे. त्यामुळे सहा जागा सोडल्या तर उरलेल्या सर्वच जागी बहुरंगी लढती होणार असल्याचे स्पष्ट झाले आहे.

रहिमतपूरमध्ये तिरंगी लढत

रहिमतपूर नगरपालिकेच्या सार्वत्रिक निवडणुकीसाठी नगरासेवकांच्या १७ जागांसाठी ३७ उमेदवार तर नगराध्यक्षपदासाठी तीन उमेदवार रिंगणात असल्याने नगराध्यक्ष पदाची निवडणूक तिरंगी होत आहे. आठ प्रभागांत राष्ट्रवादी काँग्रेस १७ जागांवर तर शिवसेना ७ जागांवर व काँग्रेस १३ जागांवर लढणार आहे. शिवसेनेने नगराध्यक्षसह ७ नगरसेवक व राष्ट्रीय काँग्रेसने नगराध्यक्षसह १३ नगरसेवकपदासाठी उमेदवार उभे केले आहेत. तर राष्ट्रवादी काँग्रेसने नगराध्यक्षपदासह १७ जागांवर आपले उमेदवार उभे केले आहेत.

म्हसवडमध्ये चौरंगी लढत

म्हसवड नगर परिषदेच्या सार्वत्रिक निवडणुकीच्या थेट नगराध्यक्षपदासाठी ६ उमेदवार रिंगणात असून, नगरसेवकांच्या १७ जागांसाठी एकूण ४९ उमेदवार रिंगणात असून, ६ ठिकाणी दुरंगी लढती, ७ ठिकाणी तिरंगी तर ४ ठिकाणी चौरंगी लढत होत आहे. यामध्ये राष्ट्रीय काँग्रेस व म्हसवड परिवर्तन आघाडीचे प्रत्येकी १७ उमेदवार, भाजपाचे ३, शिवसेना ७ तर अपक्ष ५ असे उमेदवार निवडणुकीच्या रिंगणात आहेत. प्रामुख्याने म्हसवड नगरपरिषदेची निवडणूक दुरंगी होत असल्याचे चित्र दिसत आहे.

या निवडणुकीमध्ये नगरसेवकपदाच्या १७ जागेसाठी एकूण ४९ उमेदवार आपले नशीब अजमावत आहेत. काँग्रेस म्हसवड परिवर्तन आघाडी व भाजपा-शिवसेना, अशा लढती होत आहेत. आमदार जयकुमार गोरे यांच्या नेतृत्वाखाली सत्ताधारी गटाने माजी नगराध्यक्ष विजय सिन्हा यांना पुन्हा नगराध्यक्षपदासाठी उमेदवारी दिली आहे. तर शेखर गोरे यांच्या नेतृत्वाखाली म्हसवड परिवर्तन आघाडीच्या माध्यमातून भगतसिंग (तुषार) विरकर या तरुण असलेल्या उमेदवारास निवडणुकीमध्ये उतरले असून, भाजपा-शिवसेना यांच्याकडून माजी उपनगराध्यक्ष महादेव मासाळ यांना निवडणुकीमध्ये उतरवून रंगत आणली आहे.

वडूजमध्ये १६ जागांसाठी ७५ जण रिंगणात

वडूज नगरपंचायतीच्या निवडणुकीत १६ जागासाठी ७५ जण निवडणूक रिंगणात उतरले आहेत. प्रभाग नऊमधून भाजपच्या सुषमा दिपक बोडरे यांच्यासह अपक्ष पुष्पलता बनाजी पाटोळे, सिंधू बाळू पाटोळे या तीन महिलांनी माघार घेतल्याने माजी उपसरपंच शशिकांत पाटोळे यांच्या पत्नी छाया पाटोळे यांची बिनविरोध निवड झाली आहे.

खंडाळ्यात कॉँग्रेससमोर कडवे आव्हान

खंडाळा नगरपंचायतीसाठी प्रमुख पक्षांनी प्रचारात सत्ताधारी पक्षाला खिंडीत गाठण्यासाठी विरोधकांनी ठोस भूमिका घेतली आहे. आजवरच्या आखाड्यात किंचित माघार घ्यावी लागल्याने यावेळी काही झाले तरी कुस्ती चितपट करायचीच याचा पक्का निर्धार करून विरोधकही प्रचाराला लागले आहेत. त्यामुळे ऐन थंडीतही प्रचाराच्या रणधुमाळीने राजकीय वातावरणात तापले आहे.

खंडाळ्याच्या राजकारणात आजपर्यंत दबदबा राखलेल्या काँग्रेसला प्रत्येक प्रभागात कडवे आवाहन निर्माण करीत राष्ट्रवादी काँग्रेसने मूळ मुद्द्यांना हात घातला आहे. कोट्यवधी रुपयांची शहरातील विकासकामे हे काँग्रेसचे प्रमुख भांडवल आहे. त्यामुळे विकासाचा मुद्दा अजेंड्यावर ठेवण्याच्या काँग्रेसच्या रणनीतीला उखडून टाकण्यासाठी शहराची दुरवस्था, मूलभूत विकासाची वाणवा यांची जंत्रीच तयार करून राष्ट्रवादी आणि भाजपा या प्रमुख पक्षांनी मैदानात जंग लढण्याची तयारी सुरू केली आहे. यामध्ये दोन्ही पक्षांना तरुणांची साथ हा बळकटीचा भाग बनला आहे.

पूर्वाश्रमीच्या खंडाळा ग्रामपंचायतीचा कारभार आणि काँग्रेस पक्षात शिवशक्ती ग्रामविकास मंडळाच्या माध्यमातून राबवलेली सामाजिक उपक्रमाचा हाताला आधार देऊ शकतो. ग्रामपंचायतीच्या उत्कर्षामध्ये सध्याच्या राष्ट्रवादी नेत्यांचा असलेला सहभाग आणि राष्ट्रवादी पक्षात गजराज मित्र मंडळाची समाजोपयोगी कार्यक्रम आणि त्यातून केलेले तरुणांचे संघटन ही राष्ट्रवादीची जमेची बाजू ठरू शकते. या उलट काँग्रेसमधून बाहेर पडून तयार झालेला भाजपाचा गट आपले वेगळे बस्तान निर्माण करू पाहत आहे. मात्र, या कमळाच्या पाकळ्या किती? असा प्रश्न असल्याने त्याकडे डोळेझाक केली जात आहे. तर जय महाराष्ट्राचा नारा देणाऱ्या शिवसेनेचे दोन शिलेदार मैदान राखण्याचा प्रयत्न करीत आहेत. लढाईपूर्वीच सेनेच्या मावळ्यांनी रणांगणातून धूम ठोकल्याने पक्षाची अवस्था केविलवाणी झाली आहे. त्यामुळे सेना किती तग धरणार हे प्रचाराच्या रणनीतीवरच अवलंबून राहणार आहे. काँग्रेसची प्रचाराची धुरा पंचायत समितीचे सदस्य अनिरुद्ध गाढवे यांच्या एकहाती नेतृत्वावर अवलंबून आहे. पक्षाच्या वरिष्ठांशिवाय नगरपंचायत निवडणुकीला सामोरे जाण्याचा निर्णय काँग्रेसच्या स्थानिक प्रमुखांनी घेतल्याने कार्यकर्ते बुचकाळ्यात पडले आहेत. मात्र, आमदार मकरंद पाटील यांच्या धुरंधर नेतृत्वाखाली राष्ट्रवादीने आगेकूच करण्याचे ठरविले आहे. त्यासाठी तालुका पदाधिकारी आणि स्थानिक राष्ट्रवादीच्या अनेक सुभेदारांची मैदानातील तोफ धडाडणार असल्याने निवडणुकीचे वातावरण रंगतदार बनत चालले आहे. पहिलाच प्रयत्न करणाऱ्या भाजपने मात्र, दिग्गज मंत्र्‍यांच्या सभांचे नियोजन करून धडाका उडवून दिला आहे. तर सेनेला धनुष्याचा आधारच वाटत नसल्याने तीर कोठे मारावा या संभ्रमात शिवसैनिक अडकले आहेत. तरीही या निवडणुकीत इतिहास घडविण्यासाठी प्रत्येक पक्षांनी आपापले आडाखे तयार ठेवल्याने प्रचार रंगतदार होणार आहे.

मेढ्यात अपक्षांनी वाढवली चुरस

मेढा नगरपंचायतीच्या पहिल्याच निवडणुकीत अपक्षांसह पक्षाच्या उमेदवारांनी आपले अस्तित्व सिद्ध करण्यासाठी दंड थोपटले असून, मेढ्यात काही प्रभागात दुरंगी तर काहीमध्ये तिरंगी लढत पहायला मिळणार आहे. दोन प्रभागात पंचरंगी व चुरशीची लढत होणार आहे. जावलीच्या मुख्यालयात निवडणुकीचे बिगुल जोरात वाजले असून, निवडणुकीच्या प्रचाराला जोर आला आहे.

कोरेगाव ग्रामपंचायतीत झालेल्या कथित अपहार प्रकरणाशी संबंधित कालावधीत सदस्य असलेल्या व सध्याच्या नगरपंचायत निवडणुकीत काँग्रेस आणि राष्ट्रवादी काँग्रेसकडून निवडणूक रिंगणात उतरलेल्या सात उमेदवारांना अपात्र करण्याच्या मागणीसाठी भाजपने जिल्हा न्यायालयात दाखल केलेले अपिल जिल्हा सत्र न्यायाधीश आर. डी. देशपांडे यांनी शुक्रवारी फेटाळले. न्यायालयाच्या या निर्णयामुळे दोन्ही काँग्रेसमध्ये आनंदाचे वातावरण आहे.

मोबाइल अॅप डाउनलोड करा आणि राहा अपडेट

---

नोटबंदीचा परिणाम भोगावा लागणार

November 20, 2016, 3:22 pm

≫ Next: अतिक्रमणामुळे पार्किंगवर गदा

≪ Previous: काँग्रेस-राष्ट्रवादीतच रस्सीखेचनगरपरिषद, नगरपंचायतवार्तापत्र सातारा

$

0

0

खासदार असदुद्दीन ओवेसींचा सरकारला इशारा

म. टा. वृत्तसेवा, इस्लामपूर

‘देश सुधारण्याच्या नादात मोदींनी देशातील गोरगरीब जनतेलाच कॅश-लेस केले. हा देशाच्या अर्थव्यवस्थेवरील सर्जिकल स्ट्राइक आहे. याचा परिणाम या सरकारला भोगावा लागेल. गेल्या ७० वर्षांत यांनी आपला फक्त वापरच करून घेतला आहे. आता त्यांना त्यांची जागा दाखवण्याची वेळ आली आहे. तुम्ही सर्वांनी एकत्र येऊन आवाज उठवा. इस्लामपूर नगरपालिकेत सामान्य लोकांचा दडपलेला आवाज उठवण्यासाठी एमआयएमच्या उमेदवारांना निडरपणे मतदान करा,’ असे आवाहन खासदार असदुद्दीन ओवेसी यांनी केले.

इस्लामपूर नगरपालिकेच्या निवडणुकीत नगराध्यक्षपदासाठी निवडणूक लठवत असलेले एमआयएमचे उमेदवार शकीर तांबोळी यांच्या प्रचारा निमित्त रविवारी तहसीलदार चौकात त्यांची सभा झाली. आमदार वारीस पठाण, आमदार इम्तियाज जलील, प्रदेशाध्यक्ष सईद मोमीन आणि इस्लामपूर परिसरातील मुस्लिम मतदार उपस्थित होते.

कॉँग्रेस, राष्ट्रवादी, भाजप व सेनेचा समाचार घेताना ओवेसी म्हणाले, ‘येथील स्थानिक आमदार जयंत पाटील म्हणतात, या निवडणुकीत एमआयएममुळे भाजपला फायदा होणार नाही, असे पाहा. मात्र, आतापर्यंत तुम्हीच आमचा फायदा घेत आला आहात. आम्ही आलो तर लगेच तुम्हाला त्रास व्हायला लागला आहे. खरे तर कॉँग्रेस आणि राष्ट्रवादीच्या नाकर्तेपणामुळे देशात-राज्यात भाजप सत्तेत आले आहे. कॉँग्रेस आणि राष्ट्रवादीच्या नेत्यांनी पंधरा वर्षांच्या सत्तेत आपले कर्तृत्व दाखवले असते तर ही वेळच आली नसती. पंतप्रधान मोदी देश बदलायला निघालेत. अच्छे दिन आए है, म्हणत ते सत्तेत आले. आता नोटा बदलायच्या रांगेतील लोकांना विचारा अच्छे दिन आले का? पेरण्या करण्यासाठी शेतकऱ्यांकडे पैसा नाही.’

‘आरक्षण द्या’

‘मराठ्यांना आरक्षण द्या, मात्र, त्याबरोबर राज्यातील मुस्लिमांनाही आरक्षण पाहिजे. तुम्ही गुजरातमध्ये आरक्षण देताय, मग महाराष्ट्रात काय अडचण आहे. देशातील मुस्लिम आणि दलित संकटात आहे. अॅट्रॉसिटी कायदा कुणाच्या बापाची जहागिरी नाही. सर्वसामान्य जनतेच्या रक्षणासाठी हा कायदा आहे’ यावेळी आमदार आमदार वारी पठाण, सईद मोमीन आणि शाकीर तांबोळी यांचे भाषण झाले.

मोबाइल अॅप डाउनलोड करा आणि राहा अपडेट

अतिक्रमणामुळे पार्किंगवर गदा

November 20, 2016, 1:30 pm

≫ Next: नोटबंदीचा परिणाम सरकारला भोगावा लागणारएमआयएमचे खासदार असदुद्दीन ओवेसींचा इशारा

≪ Previous: नोटबंदीचा परिणाम भोगावा लागणार

$

0

0

म. टा. प्रतिनिधी, कोल्हापूर

दुकानांपुढे पाच ते सहा फूट अतिक्रमण करणाऱ्या दुकानदार व किरकोळ व्यापारांमुळे रस्त्यावरील अधिकृत पार्किंग लाइनवर गदा आली आहे. रस्त्यावर व्यापार करणाऱ्या किरकोळ विक्रेत्यांनीच रस्त्याच्या दुतर्फा पार्किंगसाठी राखून ठेवलेल्या पट्ट्याच्या आतील जागा व्यापल्यामुळे त्याचा ताण पार्किंग सुविधेवर येत आहे. ताराबाई रोड, महाद्वार रोड, पापाची तिकटी, जोतिबा रोड, शिवाजी रोड, भाऊसिंगजी रोड यासारख्या बाजारपेठ आणि वर्दळीच्या ठिकाणी हे​ चित्र दिसत आहे.

शहरातील प्रमुख बाजारपेठेत पार्किंगसाठी रस्त्याच्या दुतर्फा पांढरे पट्टे मारून जागा सोडली आहे. या पट्ट्याच्या आत दुचाकी पार्किंगची सोय व्हावी हा उद्देश मात्र किरकोळ व्यापारी व हातगाडीधारकांच्या अतिक्रमणामुळे फोल ठरत आहे. महाद्वार रोडवर बिनखांबी गणेश मंदिरपासून ते पापाची तिकटी या मार्गावर अतिक्रमण करणाऱ्या व्यापाऱ्यांमुळे पार्किंगचा बट्ट्याबोळ होत आहे. त्यातच दुकानदार त्यांच्या प्रवेशद्वाराच्या समोर लोखंडी अडथळा लावून ठेवत असल्यामुळे वाहने पार्किंग करता नाहीत. या रस्त्यावर असलेल्या दुकानदारांकडून बहुतांशीवेळा दुकानापुढे पाच ते सहा तास माल लावून ठेवतात. हा प्रकार रस्त्याच्या दोन्ही बाजूचे दुकानदार करत असल्यामुळे पार्किंगसाठी राखून ठेवलेल्या जागा किरकोळ व्यापाऱ्याच्या अतिक्रमणात बळकावल्या जातात. शिवाय अधिकृत रिक्षाथांबा असताना रिक्षाचालक दिसेल त्या रिकाम्या ठिकाणी रिक्षा थांबवण्याचे प्रमाण मुख्य बाजारपेठेतील वर्दळीच्या रस्त्यावर वाढले आहे. यामध्ये महाद्वार चौक, जोतिबा रोड कॉर्नर, सरलष्कर भवन कॉर्नर, कसबा गेट, भेंडे गल्ली, भाऊसिंगजी रोडवरील प्रत्येक कॉर्नर, गुजरी कॉर्नर येथे थांबून राहणाऱ्या अनधिकृत रिक्षा थांब्यामुळे पार्किंगच्या नियोजनाचाही बोऱ्या वाजत आहे.

गाळा आत...हातगाडी बाहेर

महाद्वार रोडसह मुख्य बाजारपेठेत अनेक दुकानदारांचे गाळे इमारतीत किंवा व्यापारी संकुलमध्ये आहेत. मात्र केवळ रोडमार्केटचा फायदा घेण्यासाठी काही अशा दुकानदारांकडून हातगाडी रस्त्यावर लावण्याचे प्रमाण लक्षणीय आहे. यामुळेही रस्त्यावरील पार्किंग जागा व्यापली जाते आणि वाहनधारकांना पार्किंग करणे अवघड होते. तसेच दुकानांच्याबाहेर हातगाडी लावण्यासाठी काही दुकानदारांकडून भाडे किंवा हप्ताही घेतला जातो. अशा व्यवहारामुळे पा​​र्किंगच्या जागा बळकावल्या जातात आणि त्याचा थेट परिणाम वाहतूक कोंडीवर होतो.

वाहतूक पोलिस बघ्याच्या भूमिकेत

एखाद्या अनधिकृत रिक्षाथांब्याजवळ उभा असलेला वाहतूक पोलिस असो किंवा पार्किंगच्या जागेत हातगाडी विक्रेत्याचे होणार अतिक्रमण असो, वाहतूक पोलिस मात्र अनेकदा बघ्याच्या भूमिकेत असतात. वाहनधारकांनी तक्रार केल्यास त्याकडे दुर्लक्ष केले जाते. महाद्वार रोडवर मुख्य चौकात अनेकदा रिक्षा थांबलेल्या असतानाही त्यांना हटकण्याचे धाडस वाहतूक पोलिस करत नाहीत. तर तीच गोष्ट व्यापारी संकुलात गाळा असूनही रस्त्यावर किरकोळ व्यापार करत पार्किंग समस्येत भर टाकणाऱ्या व्यापाऱ्यांना या बघ्याच्या भूमिकेत असलेल्या पोलिसांचे अभय असल्याची चर्चा आहे.

जो​तिबा रोडवर किरकोळ व्यापार करणाऱ्या व्यापाऱ्यांच्या अतिक्रमणामुळे या मार्गावर सतत वाहतूक कोंडी आणि पा​र्किंगची समस्या भेडसावते. अधिकृत दुकानांच्या दारात पार्किंगसाठी जागा राखून ठेवली आहे. मात्र त्यापुढे हातगाड्या असतात. तर दुकानदार लोखंडी बॅरिकेटस लावून वाहने पार्किंगला मज्जाव करतात. या परिसरात वाहतूक पोलिस केवळ उपचार उपस्थिती लावत असल्यामुळे अतिक्रमण करणाऱ्या व्यापाऱ्यांची मक्तेदारी वाढली आहे.

दीपक सूर्यवंशी, वाहनचालक

मोबाइल अॅप डाउनलोड करा आणि राहा अपडेट

नोटबंदीचा परिणाम सरकारला भोगावा लागणारएमआयएमचे खासदार असदुद्दीन ओवेसींचा इशारा

November 20, 2016, 9:34 am

≫ Next: राजकीय संघर्षचा विकासाच्या मूळावर

≪ Previous: अतिक्रमणामुळे पार्किंगवर गदा

$

0

0

म. टा. वृत्तसेवा, इस्लामपूर

‘देश सुधारण्याच्या नादात मोदींनी देशातील गोरगरीब जनतेलाच कॅश-लेस केले. हा देशाच्या अर्थव्यवस्थेवरील सर्जिकल स्ट्राईक आहे. याचा परिणाम या सरकारला भोगावा लागेल. गेल्या ७० वर्षांत यांनी आपला फक्त वापरच करून घेतला आहे. आता त्यांना त्यांची जागा दाखवण्याची वेळ आली आहे. तुम्ही सर्वांनी एकत्र येऊन आवाज उठवा. इस्लामपूर नगरपालिकेत सामान्य लोकांचा दडपलेला आवाज उठवण्यासाठी एमआयएमच्या उमेदवारांना निडरपणे मतदान करा,’ असे आवाहन खासदार असदुद्दीन ओवेसी यांनी केले.

इस्लामपूर नगरपालिकेच्या निवडणुकीत नगराध्यक्षपदासाठी निवडणूक लठवत असलेले एमआयएमचे उमेदवार शकीर तांबोळी यांच्या प्रचारा निमित्त रविवारी तहसीलदार चौकात त्यांची सभा झाली. आमदार वारीस पठाण, आमदार इम्तियाज जलील, प्रदेशाध्यक्ष सईद मोमीन आणि इस्लामपूर परिसरातील मुस्लिम मतदार उपस्थित होते.

ओवेसींनी कॉँग्रेस, राष्ट्रवादी, भाजप व सेनेचा समाचार घेताना म्हणाले, ‘येथील स्थानिक आमदार जयंत पाटील म्हणतात, या निवडणुकीत एमआयएममुळे भाजपला फायदा होणार नाही, असे पहा. मात्र, आतापर्यंत तुम्हीच आमचा फायदा घेत आला आहात. आम्ही आलो तर लगेच तुम्हाला त्रास व्हायला लागला आहे. खरे तर कॉँग्रेस आणि राष्ट्रवादीच्या नाकर्तेपणामुळे देशात-राज्यात भाजप सत्तेत आले आहे. कॉँग्रेस आणि राष्ट्रवादीच्या नेत्यांनी पंधरा वर्षांच्या सत्तेत आपले कर्तृत्व दाखवले असते तर ही वेळच आली नसती. पंतप्रधान मोदी देश बदलायला निघालेत. अच्छे दिन आये गे, म्हणत ते सत्तेत आले. आता नोटा बदलायच्या रांगेतील लोकांना विचारा अच्छे दिन आले का? बॅँकांच्या रांगेत नेते कुठ दिसतात का? सर्वसामान्य गरीबच या रांगेत आहेत. आमचे पंतप्रधान फक्त ‘सपनों के सौदागर आहेत’ प्रत्यक्षात काहीच नाही, फक्त नौटंकी करून अच्छे दिन येणार नाहीत. नोटा रद्दच्या निर्णयाचा सर्वसामान्यावर झालेला परिणाम गंभीर आहे. याचा परिणाम सरकारला भोगावा लागेल. नोटा रद्दच्या निर्णयामुळे कांदा आणि कापसाचा भाव कोसळला. त्याचा परिणाम सर्वसामान्य शेतकरी भोगतो आहे. रब्बी हंगामाच्या पेरण्या करण्यासाठी शेतकऱ्यांकडे पैसा नाही.’

मुस्लिमाना आरक्षण द्या

‘मराठ्यांना आरक्षण द्या, मात्र, त्याबरोबर राज्यातील मुस्लिमांनाही आरक्षण पाहिजे. तुम्ही गुजरातमध्ये आरक्षण देताय, मग महाराष्ट्रात काय अडचण आहे. देशातील मुस्लिम आणि दलित संकटात आहे. अॅट्रॉसिटी कायदा कुणाच्या बापाची जहागिरी नाही. सर्वसामान्य जनतेच्या रक्षणासाठी हा कायदा आहे’ यावेळी आमदार आमदार वारी पठाण, सईद मोमीन आणि शाकीर तांबोळी यांचे भाषण झाले.

मोबाइल अॅप डाउनलोड करा आणि राहा अपडेट

राजकीय संघर्षचा विकासाच्या मूळावर

November 20, 2016, 1:30 pm

≫ Next: विवाह होणार साधेपणाने

≪ Previous: नोटबंदीचा परिणाम सरकारला भोगावा लागणारएमआयएमचे खासदार असदुद्दीन ओवेसींचा इशारा

$

0

0

Bhimgonda.Desai@timesgroup.com

Tweet:@bhimgondaMT

कोल्हापूर : जिल्ह्याच्या राजकारणात एकमेकांना पाण्यात पाहणारे आमदार सतेज पाटील आणि महाडिक यांच्या गटातील कारभाऱ्यांमधील संघर्ष जिल्हा परिषदेत उफाळून आला आहे. त्यातूनच संघर्ष मुद्द्यांवरून गुद्द्यांवर जात आहे. राजकारणात एकमेकांना गाडण्याच्या मानसिकतेतून विकासकामांवर परिणाम होत असल्याचे समोर येत आहे. करवीर तालुक्यातील कणेरीवाडी गावातील मंजूर प्राथमिक उपकेंद्र इमारत निविदेवरून आमदार पाटील विरुद्ध महाडिक अशी चव्हाट्यावर आलेली राजकीय ईर्षा विकासकामांच्या मुळावरच कशी उठत आहे, हे त्याचे चांगले उदाहरण आहे.

काँग्रेसचे ज्येष्ठ नेते माजी आमदार पी. एन. पाटील गटाच्या विमल पाटील जिल्हा परिषद अध्यक्षा आहेत. याउलट आमदार सतेज पाटील यांचे जवळचे शशिकांत खोत उपाध्यक्ष आहेत. विधान परिषदेच्या निवडणुकीत माजी आमदार महादेवराव महाडिक विरुद्ध आमदार पाटील यांच्यात चुरशीने लढत झाली. त्यानंतर जिल्हा परिषदेत महाडिक आणि आमदार पाटील यांना मानणारे जिल्हा परिषद पदाधिकारी, सदस्य यांच्या गटातील दरी रूंदावल्याने त्याचे पडसाद वारंवार उमटत आहेत.

कणेरीवाडी हे उपाध्यक्ष खोत यांचे गाव आहे. कणेरीवाडी ग्रामपंचायत आमदार अमल महाडिक यांच्या ताब्यात आहे. ग्रामपंचायत पदाधिकाऱ्यांनी पाठपुरावा करून गावात प्राथमिक उपकेंद्र मंजूर करून घेतले. आमदार महाडिक यांच्या माध्यमातून केंद्राच्या इमारतीला जिल्हा नियोजन समितीमधून ५० लाखांची तरतूद करून घेतली. त्यानंतर निविदा काढून प्रत्येक काम सुरू करण्याची कार्यवाही जिल्हा‌ परिषद आरोग्य विभाग करत आहे. मात्र, उपाध्यक्ष खोत यांनी केंद्रासाठीच्या जागेचा मुद्दा पुढे करत त्याला विरोध केला. त्यांचा विरोध केंद्राच्या आडून महाडिकांना आहे, असाही आरोप होत आहे.

ग्रामपंचायत पदाधिकारी निविदा काढून इमारतीचे काम सुरू व्हावे, यासाठी आरोग्य अधिकारी डॉ. प्रकाश पाटील यांच्याकडे पाठपुरावा करत आहेत. याउलट हे काम होऊ नये, यासाठी खोत आपल्या उपाध्यक्षपदाचे सर्वाधिकार पणाला लावत आहे, असा आरोप ग्रामपंचायत पदाधिकाऱ्यांचा आहे. तरीही डॉ. पाटील यांनी ‌इमारत बांधकाम ‌निविदेची प्रक्रिया सुरू केल्याचे खोत यांना समजले. त्याच रागातून खोत यांनी गेल्या आठवड्यात झालेल्या स्थायी समितीच्या बैठकीत डॉ. पाटील यांना अर्वाच्च भाषेत शिवीगाळ केली. त्यामुळे त्या इमारतीच्या निविदेचा प्रश्न राजकीय प्रतिष्ठेचा बनला.

शुक्रवारी कणेरीवाडीचे सरपंच, पदाधिकाऱ्यांसह सुमारे ४० जणांनी अचानक आरोग्य विभागात येऊन डॉ. पाटील यांना धारेवर धरले. यावरून जिल्हा परिषदेतील विकासकामांत आमदार पाटील विरुद्ध महाडिक यांच्या पदाधिकारी कार्यकर्त्यांतील संघर्षाची ठिणगी कशी तेवत आहे, हे स्पष्ट होते.

अधिकारी टार्गेट

नेत्यांमधील राजकारणामुळे जिल्हा परिषदेतील अधिकारी नाहक टार्गेट होत आहेत. मुद्द्यांवरून थेट गुद्द्यांवर येऊन अधिकाऱ्यांच्या अंगावर धावून जाण्याचे प्रकार घडत आहेत. यामुळे राजकारण तुमचे, त्रास आम्हाला असा अनुभव अधिकाऱ्यांना येत आहे.


विझण्यापूर्वी भडका

अधिकाऱ्यांना होत असलेल्या दमदाटीवर एका पदाधिकाऱ्याच्या पतीनेच पत्रकारांशी बोलताना ‘दिवा ज्या प्रमाणे विझण्यापूर्वी भडकतो, त्याप्रमाणे सध्या जिल्हा परिषदेत सुरू आहे’, असा अतिशय मार्मिक टोला लगावला. या त्यांच्या टिप्पणीत तथ्य असल्यानेच हात मारण्यासाठी काही सदस्य, पदाधिकारी अधिकाऱ्यांवर ‘जाळ’ काढत आहेत.

मोबाइल अॅप डाउनलोड करा आणि राहा अपडेट

विवाह होणार साधेपणाने

November 20, 2016, 1:30 pm

≫ Next: मोतीबागेच्या विजयने मारले मैदान

≪ Previous: राजकीय संघर्षचा विकासाच्या मूळावर

$

0

0

म. टा. प्रतिनिधी, कोल्हापूर

पैशाची उधळपट्टी ‌थांबण्यासाठी विवाह साधेपणाने करण्याचा निर्धार रविवारी मराठा महासंघातर्फे आयोजित मराठा वधू, वर मेळावा उद‍्घाटन कार्यक्रमात करण्यात आला. शाहू स्मारक भवनात मेळावा झाला. या विधायक निर्धारला उपस्थित वधू, वर, पालकांनी हात उंचावून संमती ‌दिली.

मेळाव्याच्या उद्‍घाटन कार्यक्रमात मार्गदर्शन करताना मराठा महासंघाचे जिल्हा अध्यक्ष वसंतराव मुळीक म्हणाले, ‘उपवर वधू, वरांनी मराठा जातीतर्गंत श्रेष्ठ आणि कनिष्ठ असा भेदाभेद करू नये. योग्य वयात लग्न होणे महत्त्वाचे आहे. अनाठायी अपेक्षेमुळे अनेक वधू, वरांचे वय ३० ते ३५ वर्षे ओलांडत आहे. वय वाढल्यानंतर तडजोड करण्याची मानसिकता तयार होते. त्याऐवजी आ‌धीपासूनच काही गोष्टीत तडजोडीची भूमिका ठेवावी.‌ विवाहप्रसंगी वैज्ञानिक दृष्टी आचरणात आणून जुनाट रुढी, परंपरा बंद कराव्यात.’

यावेळी विवाहात अती खर्च टाळून बचत करणे, कालबाह्य रूढी झुगारणे, सामुहिक विवाहास प्रोत्साहण देणे, आहेर पद्धत बंद करणे, वरातीमध्ये डॉल्बी, मद्याचा वापर न करणे, अक्षता म्हणून तांदळाचा वापर न करता फुलांचा वापर करणे, मुलगा, मुलगी असा भेद न बाळगणे असे ठराव करण्यात आले. मेळाव्यात १५० वधू, वरांची नोंदणी झाली. नगरसेविका दिपाराणी निकम, संजय जाधव, शैलजा भोसले, सीमा पाटील, संजय काटकर, चंद्रकांत चव्हाण, शिवाजी हिलगे, अशोक देशमुख, महेश जाधव, संतोष घाटगे, अनिल पाटील आदी उपस्थित होते.

मोबाइल अॅप डाउनलोड करा आणि राहा अपडेट