सोलापुरात ५ कोटींचा कर जमा

November 11, 2016, 9:46 am

≫ Next: सुख, शांती नांदू देमहसूलमंत्री चंद्रकांत पाटील यांचे विठूराया चरणी साकडे

≪ Previous: बॅंकांसमोर लांबच लांब रांगा

$

0

0

म. टा. वृत्तसेवा, सोलापूर

सोलापूर शहर हद्दीतील मिळकतदारांना कर भरण्यासाठी चलनातून रद्द केलेल्या ५00 व १000 रुपयांच्या नोटा भरण्याची संधी महानगरपालिकेच्या वतीने देण्यात आली. याचा प्रारंभ झाल्यानंतर शुक्रवारी या योजनेस जोरदार प्रतिसाद लाभला. शुक्रवारी मनपाच्या तिजोरीत पाच कोटींहून अधिक थकबाकीची रक्कम जमा झाली.

पंतप्रधान नरेंद्र मोदी यांनी ८ नोव्हेबर रोजी ५00 व १000 रुपयांच्या नोटा चलनातून रद्द झाल्याचे जाहीर केल्यानंतर एकच खळबळ उडाली होती. दुसऱ्या दिवशी या नोटा भरून मिळकतदारांनी कर भरण्याचा प्रयत्न केला होता; मात्र महापालिका प्रशासनाने या नोटा घेण्यास नकार दिला होता. हा प्रकार लक्षात येताच महापौर प्रा. सुशीला आबुटे यांनी गुरुवारी दुपारी आयुक्त विजयकुमार काळम-पाटील यांना दूरध्वनीवरून समस्येची माहिती सांगितली. तत्काळ आयुक्त विजयकुमार काळम-पाटील यांनी मंगळवेढा दौऱ्यावर असलेले मुख्यमंत्री देवेंद्र फडणवीस यांच्याशी संपर्क साधून रद्द झालेल्या नोटांमार्फत कर भरून घेण्याची परवानगी मागितली. मुख्यमंत्र्यांनीही तत्काळ मान्यता देत सरकारी आदेश काढण्यास सांगितले. दुपारी सरकारचा आदेश जाहीर होताच महानगरपालिकेत आयुक्त कार्यालयासमोर करसंकलन विभागाच्या अधिकाऱ्यांनी टेबल मांडून कर भरणा उपक्रमाचा प्रारंभ करण्यात आला.

मोबाइल अॅप डाउनलोड करा आणि राहा अपडेट

---

सुख, शांती नांदू देमहसूलमंत्री चंद्रकांत पाटील यांचे विठूराया चरणी साकडे

November 11, 2016, 9:48 am

≫ Next: सातारा नगराध्यक्षपदासाठी तिरंगी लढत

≪ Previous: सोलापुरात ५ कोटींचा कर जमा

$

0

0

म. टा. वृत्तसेवा, पंढरपूर

‘राज्यात सुख, शांती, समृद्धी नांदो, जातीय तेढ संपुष्टात येवो, समाजात एकोपा राहावा आणि लोकशाही सदृढ होवो,’ असे साकडे महसूलमंत्री चंद्रकांत पाटील यांनी पांडुरंगाला घातले. शुक्रवारी पहाटे महसूल मंत्री चंद्रकांत पाटील यांच्या हस्ते सपत्नीक विठूरायाची सरकारी महापूजा झाली. या पूजेत सहभागी होण्याचा मान पालघर जिल्ह्यातील वाडा तालुक्याच्या विलास शेलवले दाम्पत्याला मिळाला. कार्तिकी एकादशीनिमित्त विठूरायाच्या दर्शनासाठी सुमारे पाच लाख भाविक पंढरीत दाखल झाले आहेत.

शुक्रवारी पहाटे सव्वाला दोन वाजता चंद्रकांत पाटील यांचे मंदिरात आगमन झाले. सुरुवातीला संकल्प सोडून नंतर विठूरायाची षोडशोपचारे महापूजा करण्यात आली. यानंतर रुक्मिणी मातेची महापूजा महसूलमंत्र्यांच्या हस्ते होऊन पहाटे साडेतीन वाजल्यापासून भाविकांना दर्शन खुले करण्यात आले. यंदा प्रथमच पूजा अतिशय कमी वेळात उरकल्याने जास्तीत जास्त भाविकांना दर्शनाचा लाभ मिळणार आहे. आचारसंहितेमुळे यंदा आमदार, खासदार आणि माजी मंत्र्यांनी गर्दी न केल्याने अतिशय सुटसुटीत पद्धतीने पूजा संपन्न झाली.

कार्तिकी यात्रेसाठी सरकारी पूजेत सहभागी होण्याचा मान विलास शेलवले दाम्पत्याला मिळाला. पालघर जिल्ह्यातील वाडा तालुक्याच्या पिंजाळ गावाचे रहिवासी असलेले शेजवल दाम्पत्य व्यवसायाने शेतकरी असून, गेल्या १५ वर्षांपासून कार्तिकी यात्रा करतात. या वेळी नोटांच्या गोंधळामुळे सुरुवातीपासून अडचणींना तोंड देत हे दाम्पत्य पंढरपूरला पोचले. दुपारी बाराच्या दरम्यान दर्शन रांगेत उभारलेल्या शेजवल दाम्पत्याला मानाचा वारकरी होण्याचे भाग्य मिळाल्यानंतर आपले पुण्य फळाला आल्याची भावना त्यांनी ‘मटा’शी बोलताना व्यक्त केली. यावेळी मंदिर समितीच्या वतीने महसूल मंत्री आणि शेजवल दाम्पत्याचा सत्कार करण्यात आला. राज्य परिवहन महामंडळाने त्यांना वर्षभर मोफत प्रवासाचा पास देऊन गौरव केला.

पाच लाख भाविक पंढरीत

यंदा प्रथमच कार्तिकी यात्रेला कोणत्याही प्रकारचे व्हिआयपी दर्शन पास न छापल्याने जास्तीत-जास्त भाविकांना या जादा वेळेत दर्शनाचा लाभ घेता येणार आहे. कार्तिकी एकादशी दिवशी पंढरीत ५ लाख भाविक दाखल झाले असून, विठुरायाच्या दर्शनाला १५ तासाचा वेळ लागत आहे.

एसबीआयच्या एटीएमचा दिलासा

कार्तिकी एकादशीच्या महासोहळ्यासाठी राज्यभरातून आलेल्या लाखो भाविकांना स्टेट बँकेनी दिलासा दिला. शहरात फक्त एकाच

एसबीआयचे एकमेव एटीएम सेंटर सुरू झाल्याने इथे दर्शन रांगेप्रमाणे लोकांनी रांगा लावल्या होत्या. भाविकांना या एटीएममधून १०० रुपयांच्या ४ हजार नोटा मिळत असल्याने येथील खर्च आणि परतीच्या प्रवासासाठी या पैशाचा या भाविकांना उपयोग होणार आहे. मात्र, घोषणा करून देखील इतर शहरातील कोणतीच एटीएम सुरू न झाल्याने भाविकांची मोठी अडचण झाली. स्टेट बँकेचे कर्मचारी एटीएममधील पैसे संपले की, लगेच भरून पुन्हा एटीएम सुरू करीत होते. या ठिकाणी महाराष्ट्र बँक, बँक ऑफ इंडिया अशा बँकांची एटीएम आहेत. मात्र, शुक्रवारी ती सुरू नव्हती.

मोबाइल अॅप डाउनलोड करा आणि राहा अपडेट

सातारा नगराध्यक्षपदासाठी तिरंगी लढत

November 11, 2016, 9:43 am

≫ Next: रविवारी सांगलीत दादांच्याजन्मशताब्दीचा कार्यक्रम

≪ Previous: सुख, शांती नांदू देमहसूलमंत्री चंद्रकांत पाटील यांचे विठूराया चरणी साकडे

$

0

0

म. टा. वृत्तसेवा, सातारा

सातारा नगरपालिकेच्या निवडणुकीसाठी मोठ्या संख्येने उमेदवारी अर्ज दाखल झाले आहेत. मात्र, जेवढ्या मोठ्या संख्येने उमेदवारी अर्ज दाखल झाले आहेत तेवढ्या मोठ्या संख्येने उमेदवार अर्ज मागे घेताना दिसत नाही. त्यामुळे सर्व प्रभागात बहुरंगी लढती होण्याची शक्यता होती. मात्र, उमेदवारी अर्ज मागे घेण्याच्या शेवटच्या दिवशी ३६ उमेदवारांनी माघार घेतली. त्यामुळे काही ठिकाणी तिरंगी तर काही ठिकाणी बहुरंगी लढत होणार आहे. नगराध्यक्षपदासाठी तिरंगी लढत होणार असून, नविआ, साविआ आणि भाजप यामध्ये कोण बाजी मारणार याची उत्सुकता आहे.

सातारा पालिकेच्या निवडणुकीच्या ४० जागांसाठी २५३ जणांनी अर्ज भरले होते. अर्ज माघारी घेण्याच्या शेवटच्या दिवसांपर्यंत १४ जणांनी अर्ज माघारी घेतले होते. त्यामुळे बहुरंगी लढती होण्याची शक्यता होती. मात्र, शेवटच्या दिवशी ३६ जणांनी अर्ज माघारी घेतले त्यामुळे काही प्रभागात तिरंगी तर काही ठिकाणी बहुरंगी लढती होणार आहेत. नगराध्यक्षपदासाठी काँग्रेसच्या धनश्री महाडिक यांनी अर्ज माघारी घेत खासदार उदयनराजेंच्या सातारा विकास आघाडीच्या उमेदवाराला पाठिंबा दिला. त्यामुळे नगराध्यक्षपदासाठी तिरंगी लढत होणार असून नविआ, साविआ आणि भाजपमध्ये कोण बाजी मारणार याची उत्सुकता लागली आहे.



शिवाजी भोसलेंसह समर्थकांचा

वेदांतिकाराजेंना बिनशर्त पाठिंबा

सातारा

सातारा नगर पालिकेच्या निवडणुकीत उमेदवारी अर्ज माघारी घेण्याच्या शेवटच्या दिवशी सातारा विकास आघाडीला मोठे खिंडार पडले. खासदार उदयनराजे भोसले यांचे कट्टर समर्थक शिवाजी भोसले हे पत्नी नगरसेविका माधुरी भोसले यांच्यासह समर्थकांबरोबर नगरविकास आघाडीत डेरेदाखल झाले. सातारा विकास आघाडीच्या नगरसेविका आणि नगराध्यक्षपदाच्या अपक्ष उमेदवार माधुरी भोसले यांनी आपला उमेदवारी अर्ज मागे घेऊन वेदांतिकाराजे यांना बिनशर्त पाठिंबा दिला आहे.

दरम्यान, नगरविकास आघाडीच्या सर्व उमेदवारांच्या प्रचारात सक्रिय सहभागी होऊन वेदांतिकाराजे यांच्यासह सर्व उमेदवार उच्चांकी मतांनी निवडून आणण्यासाठी प्रयत्न करणार असल्याचे शिवाजी भोसले यांनी या वेळी सांगितले.


दोन अपक्षांची माघार

सातारा शहराचा सर्वांगिण विकास झाला पाहिजे. सातारकरांच्या सर्व समस्या सुटल्या पाहिजेत. यासाठी सातारा पालिकेत कर्तबगार आणि कार्यक्षम नगराध्यक्ष पाहिजे. नगर विकास आघाडीच्या उमेदवार वेदांतिकाराजे भोसले याच नगराध्यक्षपदासाठी सक्षम असून, शहराचा सर्वांगिण विकास करण्यासाठी त्यांच्याशिवाय पर्याय नाही. त्यामुळेच आम्ही उमेदवारी अर्ज माघारी घेतला असल्याचे प्रभाग क्र. ३ ब मधील अपक्ष उमेदवार राहूल नंदकुमार धुमाळ आणि गणेश हणमंत भोसले यांनी स्पष्ट केले. तसेच निवडणुकीत नगर विकास आघाडीच्या प्रचारात सक्रिय सहभागी होणार असल्याचेही त्यांनी सांगितले.

महाबळेश्वरमध्ये पंचरंगी लढत

हाबळेश्वर पालिकेसाठी उमेदवारी अर्ज मागे घेण्याच्या मुदती अखेर नगराध्यक्षपदासाठी आलेल्या पाच उमेदवारांपैकी एकाही उमेदवाराने अर्ज मागे न घेतल्यामुळे नगराध्यक्षपदासाठी येथे पंचरंगी मुकाबला होणार आहे. नगरसेवकांच्या १७ जागांसाठी निवडणूक रिंगणातून एकूण २५ उमेदवारांनी माघार घेतल्याने नगराध्यक्ष पदासाठी पाच तर नगरसेवकांच्या सतरा जागांसाठी एकूण ६० उमेदवार रिंगणात उरले आहेत. सहा ठिकाणी सरळ तर उरलेल्या बारा जागी बहुरंगी लढती होणार असल्याचे चित्र शुक्रवारी स्पष्ट झाले आहे.

उमेदवारी अर्ज मागे घेण्यासाठी तेरा दिवसांची मुदत असतानाही गेली ११ दिवस कोणी अर्ज मागे काढण्यासाठी पालिकेकडे फिरकले नाही. दोन्ही आघाडीतील उमेदवारांचा घोळ शेवटच्या दिवसांपर्यंत सुरू होता. अपक्षांच्या मोठ्या संख्येमुळे अधिकृत उमेदवार अडचणीत येत असल्याने त्यांनी माघार घ्यावी, या साठी नेत्यांना मोठी तारेवरची कसरत करावी लागली. काही अंशी त्यांना यश आले परंतु, अनेक अपक्षांनी नेत्यांनी केलेली विनंती धुडकावून आपली उमेदवारी कायम ठेवली. त्यामुळे अनेक प्रभागातील अपक्ष उमेदवारांनी अधिकृत उमेदवारांच्या तोंडचे पाणी पळविले आहे. सहा जागांचा सोडल्या तर उरलेल्या सर्वच जागी बहुरंगी लढती होणार असल्याचे स्पष्ट झाले आहे.

मोबाइल अॅप डाउनलोड करा आणि राहा अपडेट

रविवारी सांगलीत दादांच्याजन्मशताब्दीचा कार्यक्रम

November 11, 2016, 9:40 am

≫ Next: नाराज आहोत; पण कॉँग्रेसबरोबरविशाल पाटील यांची माहिती

≪ Previous: सातारा नगराध्यक्षपदासाठी तिरंगी लढत

$

0

0

सांगली :

थोर स्वातंत्र्यसेनानी, महाराष्ट्राचे माजी मुख्यमंत्री आणि राजस्थानचे माजी राज्यपाल वसंतदादा पाटील यांच्या जन्मशताब्दी वर्षाचा शुभारंभ रविवारी सांगलीतून होत आहे. माजी राष्ट्रपती प्रतिभाताई पाटील, काँग्रेसचे प्रदेशाध्यक्ष अशोक चव्हाण, त्रिपुराचे माजी राज्यपाल डॉ. डी.वाय. पाटील यांच्या प्रमुख उपस्थितीत रविवारी सकाळी कृष्णाकाठावरील वसंतदादांच्या समाधीला पुष्पांजली अर्पण करण्यात येणार आहे. सायंकाळी नदीमध्ये तरंगत्या रंगमंचावर संगीतकार अवधूत गुप्ते यांचा संगीत रजनीचा कार्यक्रम होणार असून, तो सर्वांसाठी खुला असल्याची माहिती प्रदेश काँग्रेसचे सरचिटणीस यशवंत हप्पे यांनी शुक्रवारी सांगलीत पत्रकारांना दिली.

प्रदेश काँग्रेसचे अध्यक्ष अशोक चव्हाण यांच्या अध्यक्षतेखाली स्वर्गीय वसंतदादा पाटील जन्मशताब्दी वर्ष समारोह समिती प्रदेशपातळीवर गठीत करण्यात आली असून, या समितीतर्फे रविवारी वसंतदादांच्या जयंतीच्या निमित्ताने होणाऱ्या कार्यक्रमाची सध्या जय्यत तयारी सुरू आहे. माजी केंद्रीय राज्यमंत्री प्रतीक पाटील आणि वसंतदादा शेतकरी सहकारी साखर कारखान्याचे अध्यक्ष विशाल पाटील यांच्या नेतृत्वाखाली ही तयारी सुरू आहे. या पार्श्वभूमीवर हप्पे यांनी रविवारी एकूण कार्यक्रमाची रुपरेषा प्रसारमाध्यमासमोर ठेवली. वसंतदादांना मानणारा वर्ग सर्वच पक्षात, संघटनांमध्ये असल्याने काँग्रेसचा त्यांना पक्षापुरता मर्यादित करण्याचा विचार अजिबात नाही. परंतु, आचारसंहितेचे निर्बंध असल्याने जन्मशताब्दी वर्षाच्या शुभारंभ सोहळ्याला व्यापकतेचे स्वरुप देता येत नाही. त्यामुळे वर्षारंभाचा कार्यक्रम मर्यादीत स्वरुपाचा आहे. सांगता समारंभ मात्र मोठ्या प्रमाणात आणि तोही सांगलीतच व्हावा, अशी अपेक्षा आहे. नव्या पिढीला वसंतदांदाचे कार्य परिचित व्हावे, इतकाचा या कार्यक्रमांचा हेतू आहे.

रविवारच्या कार्यक्रमाला केंद्रीय माजी गृहमंत्री शिवराज पाटील, सुशिलकुमार शिंदे, अखिल भारतीय काँग्रेसचे सरचिटणीस जनार्दन व्दिवेदी, मोहन प्रकाश, माजी मुख्यमंत्री शिवाजीराव पाटील -निलंगेकर, माजी मुख्यमंत्री आमदार पृथ्वीराज चव्हाण, माजी मुख्यमंत्री नारायण राणे, विरोधी पक्षनेते राधाकृष्ण विखे-पाटील, माजी सभापती शिवाजीराव देशमुख, माजी मंत्री हर्षवर्धन पाटील, माजी मंत्री पतंगराव कदम, उपसभापती माणिकराव ठाकरे आदी उपस्थित राहणार आहेत.

मोबाइल अॅप डाउनलोड करा आणि राहा अपडेट

नाराज आहोत; पण कॉँग्रेसबरोबरविशाल पाटील यांची माहिती

November 11, 2016, 9:42 am

≫ Next: कसबा बावडा कायम जॅम

≪ Previous: रविवारी सांगलीत दादांच्याजन्मशताब्दीचा कार्यक्रम

$

0

0

म. टा. वृत्तसेवा, सांगली

महापालिकेतील सत्ताधाऱ्यांचा अनागोंदी कारभार, यापूर्वी गटबाजीतून ऐननिवडणुकीत विरोधात काम करणे, अशा अनेक गोष्टी नाराजीला कारणीभूत असल्याने विधान परिषदेच्या निवडणुकीत काँग्रेसचा एक गट नाराज आहेच. काँग्रेसबरोबर असलेल्या स्वाभिमानी विकास आघाडीही अशाच कारणांनी नाराजी आहे. ही नाराजी दूर करण्याचा आपण आटोकाट प्रयत्न करीत आहोत. प्रदेशाध्यक्ष अशोक चव्हाण यांच्याबरोबर बैठक घेऊन नाराजीचा विषय मार्गी लावण्याचा प्रयत्न आहे. आपण नाराज असलो तरी पक्षाबरोबरच राहणार आहोत, अशी ग्वाही विशाल पाटील यांनी शुक्रवारी पत्रकारांशी बोलताना दिली.

सांगली-सातारा विधान परिषद निवडणुकीत तगड्या राष्ट्रवादी बरोबर सामना करण्यास सज्ज असलेल्या काँग्रेसला बंडखोरीने ग्रासले आहे. उमेदवारी अर्ज माघारीत दोन मिनिटांचा वेळ झाल्याने आपला अर्ज राहिल्याचा दावा करणारे उमेदवार शेखर माने यांनी अद्यापही बंडखोरीची हत्यारे खाली ठेवली नाहीत. विशाल पाटील गटाचे समर्थक असणाऱ्या माने यांच्या मागे काँग्रेस, राष्ट्रवादी आणि स्वाभिमानी विकास आघाडी अशा विविध पक्षांतील सदस्यांचे पाठबळ आहे. त्यांचे मतदार सहलीवरही रवाना झाले आहेत. उमेदवारी अर्ज मागे घेतल्याच्या दिवसापासून विशाल पाटील हे वेळोवेळी नाराजी दूर करण्याचा प्रयत्न सुरू असल्याचे सांगत आहेत. या पार्श्वभूमीवर पत्रकारांनी शुक्रवारी पाटील यांना छेडले. त्यावेळी ते म्हणाले, ‘नाराजीची कारणे अनेक आहेत. गटबाजीतून ऐन निवडणुकीत उलटे काम करणे, महापालिकेत विकास बाजूला ठेवून वैयक्तिक हेतू साध्य करण्यात पदाधिकारी मग्न आहेत. त्यामुळे काँग्रेसचेच नाहीतर आमच्याबरोबर असलेली स्वाभिमानी विकास आघाडीही नाराज आहे. अनागोंदी कारभार करून भ्रष्टाचार करणाऱ्या पदाधिकाऱ्यांना बदलले जात नाही. ही जबाबदारी नेतृत्व पार पाडत नाही, असे दिसते. त्यामुळे कार्यकर्त्यांमधील नाराजी कायम आहे. आपली नाराजी दूर झाली असली तरी कार्यकर्त्यांची नाही. प्रदेशाध्यक्षांबरोबर बैठक होत आहे. त्यावेळी संबधित नाराजी दूर करण्याचा प्रयत्न करणार आहोत. आमचे कार्यकर्ते आमच्या ऐकण्यातले आहेत. पण, स्वाभिमानीच्या सदस्यांवर आपला अधिकार नाही. नाराजीचा विषय १३ नोव्हेंबर नंतर मार्गी लावण्यात यश येईल.’


कारखाना चार दिवसांत सुरू करणार

वसंतदादा शेतकरी सहकारी साखर कारखान्यातून बाहेर पडणारी राख नियंत्रणात ठेवण्यासाठी दोनशे पन्नास फूट उंचीची चिमणी बांधण्यात येत आहे. चार ते पाच दिवसांत हे काम पूर्ण होईल, त्यानंतर कारखाना सुरू करण्यात येईल. राखेमुळे आजूबाजूच्या परिसरात होणारे प्रदूषण टाळण्यासाठी कारखाना सर्वोत्परी प्रयत्न करीत आहे. नागरिकांनी सहकार्य करावे, असे आवाहन कारखान्याचे अध्यक्ष विशाल पाटील यांनी केले आहे.

मोबाइल अॅप डाउनलोड करा आणि राहा अपडेट

कसबा बावडा कायम जॅम

November 11, 2016, 1:30 pm

≫ Next: इचलकरंजीत नगरपालिकेची९२ लाखांवर कर वसुली

≪ Previous: नाराज आहोत; पण कॉँग्रेसबरोबरविशाल पाटील यांची माहिती

$

0

0

म. टा. वृत्तसेवा, कसबा बावडा

कसबा बावड्यातील शुगर मिल चौक ते जिल्हा पोलिसप्रमुख कार्यालय हा शहराच्या उत्तरेचा मार्ग शहर प्रवेशाच्या प्रमुख मार्गांपैकी एक आहे. वडगांव, वारणा, शिये, भुये, वडणगे तसेच एमआयीसीमधील लोकांची पहाटेपासून रात्री उशिरापर्यंत या मार्गावरून ये-जा सुरू असते. त्यातही सकाळी ८ ते १० व सांयकाळी ५ नंतर ते रात्री १० वाजेपर्यंत प्रचंड वर्दळ असते. त्यामुळे रस्त्यावर ट्रॅफिक जॅमचा त्रास स्थानिक व्यावसायिक आणि रहिवाशांना सोसावा लागतो. भगवा चौक ते शुगर मिल चौकापर्यंतचा रस्ता आयआरबी कंपनीने चार फूट उंच केल्याने रस्ता पहिल्यापेक्षा आणखी अरूंद झाला आहे. परिणामी वाहतूक समस्याही वाढली आहे. डीपी रोड मंजूर आहेत. पण, ते कधी पूर्ण होतील हे सांगता येत नाही. सध्या तरी सकाळ आणि संध्याकाळी बावडा रोड पॅकच असतो.

शुगर मिल चौक ते भगवा चौक व्यापारपेठ तसेच रहिवाशी भाग आहे. जिल्हा पोलिसप्रमुख कार्यालय, मध्यवर्ती प्रशासकीय इमारतीतील कार्यालये, कृषी खाते, विक्रीकर कार्यालय, न्यायालय या कार्यालयांमध्ये नागरिकांची वर्दळ असते. जिल्हा पोलिसप्रमुख कार्यालयाच्या दारातील बस स्टॉपवर बस थांबल्यामुळे मागील वाहने थांबवावीच लागतात. त्याचवेळी या कार्यालयातून बाहेर पडणारी वाहने बस गेल्याशिवाय जाऊ शकत नाहीत. प्रशासकीय इमारतीबाहेर दोन्ही बाजूला चारचाकी वाहने लावलेली असतात. यामुळे मुख्य मार्गावर वाहतुकीला अडथळा होतो.

या रस्त्यावरून जाणारे वाहनधारकही सुसाट वाहने चालवतात. हायवेवर वाहने चालविल्यासारखा त्यांचा वेग असतो. भगवा चौक ते शुगर मिलपर्यंतच्या रस्त्यावर रोज लहानमोठे अपघात होतात. तसेच डंपरमधून रस्त्यावर पडलेल्या वाळू आणि खडीमुळेही वाहने घसरण्याचे प्रकार होतात. कसबा बावड्याचे वैशिष्ट्य म्हणजे सणांचे दिवस सोडून मुख्य रस्त्यावर विक्रेत्यांचे स्टॉल नसतात. परंतु दुचाकी वाहने व्यवस्थित पार्किंग न केल्याने बऱ्याचदा वाहतूक खोळंबते.


डीपी रोड आवश्यक

कसबा बावडा आणि परिसरातील लोकसंख्या झपाट्याने वाढत आहे. परंतु त्याबरोबर रस्ते वाढले नसल्याने तसेच महामार्गाला जाणारा जवळचा रस्ता असल्याने वाहतुकीची समस्या उद्‍भवते आहे. शुगर मिल चौकातून शिवाजी पूल व मार्केट यार्डपर्यंत डीपी रोड मंजूर झाला आहे. तो झाल्याशिवाय मुख्य रस्त्यावरील वाहतुकीचा ताण कमी होणार नाही.


अवजड वाहने कधीही रस्त्यावर

साखर कारखाना चालू झाल्यानंतर उसाची वाहतूक करणाऱ्या बैलगाडी, ट्रक, ट्रॅक्टर ही वाहने एकमार्गी जात नाहीत. दोन ट्रॉली असणारे ट्रॅक्टर वर्दळीच्यावेळीच मुख्य रस्त्यावर आल्यावर तसेच वाळू आणि खडीचे डंपर, कचरा उठावाची वाहने त्याचवेळी मुख्य मार्गावर येतात. त्यामुळे ट्रॅफिक जॅम होते.

मोबाइल अॅप डाउनलोड करा आणि राहा अपडेट

इचलकरंजीत नगरपालिकेची९२ लाखांवर कर वसुली

November 11, 2016, 1:30 pm

≫ Next: भैय्या माने, नाविद मुश्रीफ यांच्यावर गुन्हा

≪ Previous: कसबा बावडा कायम जॅम

$

0

0

म. टा.वृत्तसेवा, इचलकरंजी

केंद्र सरकारने ५०० व १००० च्या नोटा रद्द केल्याच्या पार्श्वभूमीवर सरकारी भरणा करण्यासाठी शुक्रवारी इचलकरंजी नगरपालिकेत कर भरण्यासाठी नागरिकांची झुंबड उडाली. सायंकाळपर्यंत ९२ लाख १९ हजार रुपये वसुली झाली होती. मध्यरात्रीपर्यंत कर वसुलीचे काम सुरूच राहणार असल्याची माहीती पालिका सुत्रांनी दिली.

केंद्र सरकारने ५०० व १००० च्या नोटा रद्द केल्यानंतर नोटा बदलून घेण्यासाठी नागरिक बँकांमध्ये मोठी गर्दी करीत आहेत. त्याचप्रमाणे नगरपालिकेतही कर विभागात करांचा भरणा करण्यासाठी नागरिकांनी मोठी गर्दी केली होती. यासाठी २० अधिकारी व कर्मचाऱ्यांची नियुक्ती करण्यात आली होती. त्यामुळे शुक्रवारी एका दिवसात सायंकाळ पर्यंत ९२ लाख १९ हजार रुपयांचा कर वसूल झाला आहे. रात्री १२ पर्यंत ही वसुली सुरूच होती. सर्वच नागरिकांनी ५०० व १००० च्या नोटा भरणा केल्याने सुट्या पैशांवरून किरकोळ वादावादीचे प्रकारही घडले. वारंवार आवाहन, नोटीसा देवूनही घरफाळा व पाणीपट्टी वसुलीस प्रतिसाद न देणाऱ्या नागरिकांनी केलेली गर्दी चर्चेचा विषय बनली होती.

मोबाइल अॅप डाउनलोड करा आणि राहा अपडेट

भैय्या माने, नाविद मुश्रीफ यांच्यावर गुन्हा

November 11, 2016, 1:30 pm

≫ Next: कोल्हापूरची हेमल इंगळे मिस अर्थ इंडिया

≪ Previous: इचलकरंजीत नगरपालिकेची९२ लाखांवर कर वसुली

$

0

0

म. टा. वृत्तसेवा, कागल

निवडणूक निर्णय अधिकाऱ्यांना अर्वाच्च भाषेत दबाव टाकून सरकारीकामात अडथळा आणला. तसेच बेकायदेशीर जमाव जमवून निवडणूक निर्णय अधिकारी मनीषा कुंभार यांच्या कार्यालयात विनापरवाना घुसून धमकी दिल्याची फिर्याद कागल पोलिस ठाण्यात शुक्रवारी दाखल झाली. याप्रकरणी नायब तहसीलदार संजय वळवी यांनी प्रताप उर्फ भैय्या माने, प्रकाश गाडेकर,नाविद मुश्रीफ,रमेश माळी यांच्यासह आठ जणांवर गुन्हा दाखल केला.

शुक्रवारी सकाळी ११ वाजता ही घटना घडली. उमेदवार अलका मर्दाने यांनी आपण स्वत: आल्याशिवाय माघार देवू नये असा अर्ज केला होता. तर सुचक अनुमोदक यांच्या सहीने माघार घेता येवू शकते का ते विचारायला वरील आठजण गेले होते. यावेळी शाब्दिक बाचाबाची वाढत गेली आणि त्यातून वरील प्रकार घडल्याचे उपस्थितांनी सांगितले. वरील चौघांसह इरफान मुजावर,अशोक जकाते,विक्रम जाधव,आशाकाकी माने यांच्यावर गुन्हा नोंद करण्यात आला आहे. अधिक तपास पोलिस निरीक्षक यशवंत गवारी यांच्या मार्गदर्शनाखाली उपनिरीक्षक दिपक वाक्चौरे करीत आहेत.

याबाबत बोलताना उपविभागीय पोलिस अधिकारी सुरज गुरव म्हणाले, ‘प्रताप माने, प्रकाश गाडेकर, नितीन दिंडे यांच्यासह ज्यांच्यावर तीनपेक्षा जास्त गुन्हे नोंद आहेत त्यांना तडीपार करण्यासाठी वरिष्ठांकडे प्रस्ताव पाठवणार आहे. इथून पुढे असली गुंडगिरी खपवून घेणार नाही. नागरिकांनी कोणालाही न भिता मतदानाला सामोरे जावे. काही अडचण वाटल्यास थेट पोलिसांशी संपर्क साधावा.’

याबाबत बोलताना प्रताप माने म्हणाले, ‘ निवडणूक निर्णय अधिकारी अपमानास्पद वागणूक देतात. त्यांच्या पक्षपातीपणा आणि उर्मटपणाची आम्ही निवडणूक निरीक्षकाकडे तक्रार करणार आहोत. शिवाय त्यांना या पदावरून हटवावे, अशी मागणीही करणार आहोत

मोबाइल अॅप डाउनलोड करा आणि राहा अपडेट

---

कोल्हापूरची हेमल इंगळे मिस अर्थ इंडिया

November 11, 2016, 1:30 pm

≫ Next: मराठ्यांना आरक्षण मिळावे

≪ Previous: भैय्या माने, नाविद मुश्रीफ यांच्यावर गुन्हा

$

0

0

म. टा. प्रतिनिधी, कोल्हापूर

बुद्धीमत्ता आणि कौशल्याच्या बळावर कोल्हापूरच्या हेमल देवेंद्र इंगळे या युवतीने पर्यावरण संवर्धनावर आधारित असलेल्या सौंदर्य स्पर्धेत मिस अर्थ इंडिया किताब पटकावला. लवकरच अमेरिकेत होणाऱ्या मिस अर्थ या जागतिक स्पर्धेत हेमल भारताची प्रतिनिधी म्हणून सहभागी होणार आहे. देशातील ३२ तर महाराष्ट्रातील ५ मुलींमधून हेमलने अव्वल स्थान मिळवले. दिल्लीत झालेल्या स्पर्धेत हेमलला मिस अर्थ इंडिया हा मुकुट बहाल करण्यात आला. हेमलच्या जागतिक निवडीमुळे कोल्हापूरचे नाव जगभर झळकले आहे. गेल्यावर्षी झालेल्या महाराष्ट्र टाइम्सच्या ‘मटा श्रावणक्वीन स्पर्धे’त हेमलने कोल्हापूर केंद्रातून सर्वप्रथम सौंदर्यस्पर्धेच्या रँपवर पाऊल ठेवले होते.

सिंगापूर येथील ग्रोअपबीड आणि प्रॉपरइव्हेंट कंपनीच्यावतीने ही स्पर्धा घेण्यात येते. हेमलने स्पर्धेत सहभाग घेतल्यापासून पहिल्या फेरीतही तिला परीक्षकांची पसंती मिळाली. पहिल्या फेरीनंतर विविध सार्वजनिक कार्यक्रमात सहभागी होऊन पर्यावरण संवर्धन व जतन, निसर्गाची जपणूक, वसुंधरा बचाव उपक्रम अशा संकल्पनेतून पर्यावरण रक्षणासाठी जागृती करण्याची जबाबदारी हेमलने चांगल्या प्रकारे पार पाडली. तिच्या या उपक्रमांचीही दखल स्पर्धेत घेण्यात आली.

मोबाइल अॅप डाउनलोड करा आणि राहा अपडेट

मराठ्यांना आरक्षण मिळावे

November 11, 2016, 1:30 pm

≫ Next: महापालिकेत नोटांचा पाऊस

≪ Previous: कोल्हापूरची हेमल इंगळे मिस अर्थ इंडिया

$

0

0

म. टा. प्रतिनिधी, कोल्हापूर

दलित समाजाला संरक्षण देण्यासाठी अॅट्रॉसिटी कायदा करण्यात आला आहे. तो रद्द झाला तर समाजावर मोठा अन्याय होईल. त्यामुळे तो रद्द केला जाणार नाही. पण गैरवापर टाळण्यासाठी दुरुस्ती करण्यासाठी योग्य सूचना केल्या तर त्याचा विचार केला जाईल, असे केंद्रीय समाजकल्याण राज्यमंत्री रामदास आठवले यांनी सांगितले. तसेच इतर आरक्षणांना धक्का न लावता मराठा समाजाला आरक्षण मिळावे ही भूमिका आहे. त्यामुळे दलित समाजाचे काढले जात असलेले मोर्चे प्रतिमोर्चे समजण्यात येऊ नयेत, असेही त्यांनी सांगितले.

दलित मराठा ऐक्य परिषदेसाठी मंत्री आठवले शुक्रवारी कोल्हापूर दौऱ्यावर आले होते. त्यावेळी त्यांनी शाहू महाराजांच्या जन्मस्थळाला भेट दिली. त्यानंतर पत्रकार परिषदेत ते बोलत होते. शाहू महाराजांनी ज्या भूमीत ऐक्य करण्याचा प्रयत्न केला. त्या भूमीत होत असलेली ऐक्य परिषद सर्वत्र चांगला संदेश देणारी असेल, असे सांगत आठवले म्हणाले, मराठा समाज ज्यावेळी स्वतःला मागास समजत नव्हता, त्यावेळी मंडल कमिशनकडे मराठा समाजाला आरक्षण देण्याची मागणी केली होती. आरक्षण ५० टक्केपर्यंत असावे, असे सुप्रीम कोर्टाचे मत आहे. तो कायदा नाही. त्यामुळे देशात ७५ टक्के आरक्षण असावे, असा कायदा केला तर अडचण येणार नाही. मराठा आरक्षणाबाबत राज्य सरकार कोर्टामध्ये भूमिका मांडत आहे. पण त्यातून साध्य होईल की नाही हे माहिती नाही. पण कायमस्वरुपी आरक्षण द्यायचे असेल तर घटना दुरुस्ती करावी लागेल. त्यासाठी संसदेसमोर विधेयक यावे लागेल. याबाबत पंतप्रधान नरेंद्र मोदी यांच्याशी चर्चा करणार आहे.

प्रत्येक जातीला मोर्चा काढण्याचा अधिकार आहे. त्यामुळे दलित समाजाच्यावतीने काढले जात असलेले मोर्चे हे मराठा मोर्चाला प्रतिमोर्चा असे समजण्यात येऊ नये, असे सांगत आठवले म्हणाले, आरक्षणाच्या मागणीबरोबर अॅट्रॉसिटीच्या कायद्याबाबतही या मोर्चातून मागणी केली जात आहे. त्या कायदा रद्द करता येणार नाही. पण त्याचा गैरवापर होऊ नये यासाठी दोन्ही समाजांनी खबरदारी घेण्याची आवश्यकता आहे. चुकीच्या लोकांसाठी कायदा लावला गेला तरी अन्याय होईल. या कायद्याचा वापरच करावा लागू नये, असे वाटत असेल तर अत्याचारच होऊ देऊ नका. बलात्कार करणाऱ्यांना जात नसते. कोपर्डी असेल, नाशिक येथील अत्याचाराचे प्रकरण असेल तिथे जातीचा संदर्भ देण्यात आला. या घटनांमधील गुन्हेगारांना कुणी पाठिंबा दिलेला नाही. पण केवळ दलित आहे म्हणून आंदोलन करणे योग्य नाही. गावांमध्ये दलित समाजावरील अन्यायावेळी मराठा समाजानेही सोबत उभे राहिले पाहिजे. दोन्ही समाजात भविष्याबाबत वाटणारी भीती कमी करण्यासाठी ही ऐक्य परिषद घेण्यात येत आहे.

उत्तरप्रदेशमध्ये ३० जागांसाठी आग्रही

उत्तर प्रदेशमधील निवडणुकीबाबत ते म्हणाले, ​आरपीआय तिथे भाजपसोबत आहे. यापूर्वीची आरपीआयची ताकद पाहून ३० जागा मिळाव्यात, अशी अपेक्षा आहे. बसपाने तिथे आरपीआयच्या जागांवर केलेले अतिक्रमण काढण्यासाठी प्रयत्न असेल. भाजपाने जागा दिल्या नाही तर २५० जागा लढवण्यात येणार आहेत. त्याबाबत भाजपशी चर्चा करण्यात येणार आहे. राज्यातील दलित नेत्यांमध्ये मोर्चाच्यानिमित्ताने ऐक्य होताना दिसत आहे. एकत्रित येत असतील तर आपली काहीच हरकत नाही. पण ते येत नाहीत ही खंत आहेच.

सरकारच्या पाठीशी रहा

सर्जिकल स्ट्राइकच्या मुद्द्यावर काँग्रेसने सैनिकांचे मनोधैर्य खच्चीकरण करण्याचा प्रयत्न केला. अशा घटनेमध्ये विरोध विसरुन साऱ्यांनी सरकारच्या पाठीशी राहण्याची गरज असते.

राज्य सरकारला चौकशीचे आदेश

राज्यातील आश्रमशाळांमध्ये लैंगिक अत्याचार, कुपोषणाचे प्रकार झाले आहेत. याबाबत लक्ष वेधले असता, ते म्हणाले, अशा प्रकरणांची सखोल चौकशी करण्याचे आदेश राज्य सरकारला देण्यात येणार आहेत. ज्या संस्था सरकारची मदत घेऊन अथवा मदतीविना चालवल्या जात असल्या तरी त्यामध्ये दोषी आढळल्यास मान्यता काढून घेतली जाईल.

आठवले भेटणार ट्रम्पना

अमेरिकेच्या नव्या राष्ट्राध्यक्षांच्या निवडणुकीबाबत पत्रकारांनी विचारल्यानंतर आठवले यांनी राष्ट्राध्यक्ष डोनाल्ड ट्रम्प यांची पुढील महिन्यात अमेरिकेत जाऊन भेट घेणार असल्याचे सांगितले. यावेळी आठवले यांनी ‘ट्रम्प हे रिपब्लिकन पक्षाचेच आहेत’ असे सांगत राष्ट्राध्यक्षपदी त्यांची निवड झाल्याने अभिनंदन करण्यासाठी व्हाईट हाऊसला जाऊ. डोनाल्ड ट्रम्प यांची भेट पुढील महिन्यात घेणार असल्याचेही त्यांनी सांगितले.

मोबाइल अॅप डाउनलोड करा आणि राहा अपडेट

महापालिकेत नोटांचा पाऊस

November 11, 2016, 1:30 pm

≫ Next: लग्नसराईच्या खरेदीला ब्रेक

≪ Previous: मराठ्यांना आरक्षण मिळावे

$

0

0

म. टा. प्रतिनिधी, कोल्हापूर

दरवर्षी मार्च एडिंगला कराचा भरणा करण्यासाठी उडणारी झुंबड यंदा महापालिका प्रशासनाने नोव्हेंबर महिन्यातच अनुभवली. चलनातून रद्द करण्यात आलेल्या ५०० आणि १००० च्या नोटा करापोटी स्वीकारण्याचा निर्णय महापालिकेच्या तिजोरीत रकमेचा वर्षाव करणारा ठरला. कर भरण्यासाठी ५०० आ​णि १००० रुपयांच्या नोटांचा अक्षरश: पाऊस पडला. घरफाळा, पाणीपट्टीसह विविध कर मिळून दिवसभरात तब्बल तीन कोटी रुपयाहून ​अधिक महसूल गंगाजळीत जमली. जुन्या नोटामुळे मोठी थकबाकीची वसुली झाली. रात्री बारा वाजेपर्यंत सुविधा केंद्रे सुरू राहिली.

महापालिका मुख्य इमारत, शिवाजी मार्केट, गांधी मैदान विभागीय कार्यालय, राजारामपुरी विभागीय कार्यालय आणि ताराराणी मार्केट विभागीय कार्यालय येथील नागरी सुविधा केंद्रात सात वाजण्याच्या अगोदरच नागरिकांनी रांगा लावल्या होत्या. नागरिकांची संभाव्य गर्दी लक्षात घेऊन कर्मचाऱ्यांच्या सुट्या रद्द करण्यात आल्या होत्या. आधारकार्ड, पॅनकार्डची झेरॉक्स प्रत, नोटांचे नंबर्सची नोंद केली जायची. कराचा भरणा केल्यानंतर नागरिकांची सह्या नोंदवहीत घेतल्या जायच्या. आयुक्त पी. शिवशंकर, मुख्य लेखापाल संजय सरनाईक यांनी दुपारी बारा वाजण्याच्या सुमारास नागरी सुविधा केंद्रास भेट देऊन पाहणी केली. अधिकाऱ्यांना सूचना केल्या.

घरफाळा, पाणीपट्टीचा भरणा अधिक

घरफाळा, पाणीपट्टीसह विविध कराचा भरणा करण्यासाठी ५०० व १००० च्या नोटा स्वीकारण्यात येत होत्या. मात्र सर्वाधिक वसुली घरफाळा आणि पाणीपट्टी बिलाची झाली. सायंकाळी सात वाजेपर्यंत दोन कोटी पाच लाख रुपये इतकी रक्कम जमा झाली. यामध्ये घरफाळा एक कोटी २७ लाख, ऑनलाइन घरफाळा २३ लाख रुपये तर पाणी पट्टीचा समावेश ५५ लाख ४१ हजार इतका होता.

.........

मोठ्या थकबाकीची वसुली

शहरातील अनेक मिळकतधारकाकडे लाखो रुपयांची थकबाकी आहे. दोन लाखाहून अधिक थकबाकी वर्षानुवर्षे भरली नाही. महापालिकेने नोटिसा पाठवूनही ​संबंधितांनी पाठ फिरवली होती. मात्र चलनातून जुन्या नोटा रद्द करण्याचा निर्णय महापालिकेच्या पथ्यावर पडला. दिवसभरात मुख्य इमारतीतील केंद्रात दोन लाखापेक्षा जास्त थकबाकी असलेल्या १५ मिळकतधारकांनी संपूर्ण घरफाळा भरला.

.......................

नागरिकांच्या सोयीसाठी नागरी सुविधा केंद्रात पुरेसे कर्मचारी उपलब्ध केले होते. महापालिकेच्या तिजोरीत मोठ्या प्रमाणात रक्कम जमा झाली. इतर दिवशी जमा होणारा महसूल हा लाखाच्या पटीत असतो. महापालिकेच्या तिजोरीत एकाच दिवशी जवळपास तीन कोटी रुपये जमा झाले.

आयुक्त पी. शिवशंकर


रात्री नऊ वाजेपर्यंत जमा झालेली रक्कम

घरफाळा (रोख) : एक कोटी ५२ लाख

घरफाळा (ऑनलाइन) : २३ लाख रुपये

पाणीपट्टी (रोख) : ६१ लाख ७६ हजार रुपये

नगररचना : २७ लाख ७५ हजार

इस्टेट विभाग : सहा लाख ६६ हजार

परवाना : ४ लाख ५० हजार

मोबाइल अॅप डाउनलोड करा आणि राहा अपडेट

लग्नसराईच्या खरेदीला ब्रेक

November 11, 2016, 4:19 pm

≫ Next: हुपरीतील ‘मामा’ निलंब‌ित

≪ Previous: महापालिकेत नोटांचा पाऊस

$

0

0

म. टा. प्रतिनिधी, कोल्हापूर

पाचशे आणि हजार रुपयांच्या नोटा चलनातून रद्द झाल्यामुळे गेल्या तीन दिवसांपासून लग्नसराईच्या खरेदीला ब्रेक लागला आहे. त्यामुळे सामान्य नागरिकांचे हाल होत आहेत. सोने आणि जथ्था खरेदी खोळंबली असून, ज्या ठिकाणी कार्ड पेमेंटची सुविधा आहे, तेथेच लग्नासाठीची खरेदी केली जात आहे. गांधीनगर बाजारपेठेत जवळपास सर्वच व्यवहार रोखीने चालतात. तेथे सर्वाधिक फटका बसल्याने ग्रामीण आणि जिल्ह्याबाहेरील लग्नांची खरेदीही सध्या थांबली आहे.

तुलसी विवाहानंतर लग्नसराई सुरू होते. साधारणपणे नोव्हेंबरच्या मध्यापासून जूनच्या मध्यापर्यंत लग्नांचा कार्यकाळ असतो. पाचशे-हजारच्या नोटा रद्दच्या निर्णया फटका किरकोळ बाजारपेठेवर झाला असून, मोठ्या खरेदीवरही झाल्याचे दिसत आहे. विशेषतः लग्नसराईच्या खरेदीला याचा सर्वाधिक फटका बसल्याचे दिसत आहे.

बँका गुरुवारपासून सुरू झाल्या असल्या, तरी बँकेतून पैसे काढण्यावर मर्यादा आहेत. त्यामुळे लग्नाचा जथ्था काढण्यासाठी कार्ड पेमेंट हाच पर्याय आहे. कार्ड पेमेंटची सुविधा असणारी कापड दुकाने शहरात अगदी मोजकी आहेत. तेथे सध्या थोडीफार गर्दी दिसत आहे. पाचशे-हजारच्या नव्या नोटा उपलब्ध नसल्याने अनेकांनी सोन्याची खरेदीही थांबविली आहे. कापड दुकानांप्रमाणेच सराफी पेढ्यांवरही काही मोजक्याच ठिकाणी कार्ड पेमेंटची सुविधा आहे. अशा मोठ्या ज्वेलरी शॉप्समध्ये सध्या सोने खरेदी केली जात आहे. काहींनी नोटा रद्दचा निर्णय झालेल्या सायंकाळी घाईने सोने खरेदी केली आहे. मात्र, त्यासाठी त्यांना जादा रक्कम द्यावी लागली आहे.

गांधीनगर बाजारपेठेला फटका

लग्नसराईत गांधीनगर बाजारपेठेत सर्वाधिक खरेदी होते. कोल्हापूर शहराबरोबरच ग्रामीण भागातील, तसेच सांगली, साताऱ्यातील आणि विशेषतः कोकणातील ग्राहक गांधीनगरातील खरेदीला पसंती देतात. गेल्या तीन दिवसांत तेथील बाजारपेठ थंडावली आहे. गांधीनगरातील जवळपास ९९ टक्के व्यवहार रोखीने होतात. पाचशे-हजारच्या नोटा चलनातून रद्द झाल्याने गांधीनगरात गेल्या दोन दिवसांत ग्राहक फिरकलेलेच नाहीत. दोन दिवस तेथील व्यवहार २५ टक्क्यांवर आल्याची माहिती एका व्यापाऱ्याने नाव प्रसिद्ध न करण्याच्या अटीवर दिली. सरकारच्या निर्णयामुळे गांधीनगरसारखी केवळ रोखीच्या व्यवहाराची बाजारपेठ नाहीशी होईल, असे मत तज्ज्ञांनी व्यक्त केले आहे.

पाचशे-हजाराच्या नोटांमुळे अनेक ग्राहकांना परत पाठविले आहे. लग्नसराईच्या पार्श्वभूमीवर मागणी प्रचंड आहे. पण, चलनात नव्या नोटा नसल्याने व्यवहार ठप्प झाले आहे. कार्ड पेमेंटची सुविधा असली, तरी काही मोजकेच ग्राहक कार्ड पेमेंट करणारे आहेत. ग्रामीण भागातील ग्राहकांकडे डेबिट, क्रेडिक कार्ड नसतात. त्यामुळे त्यांची पंचाईत होत आहे.

- विशाल भारती, व्यंकटेश ज्वेलर्स

मोबाइल अॅप डाउनलोड करा आणि राहा अपडेट

हुपरीतील ‘मामा’ निलंब‌ित

November 12, 2016, 1:30 pm

≫ Next: इचलकरंजीत वेअरहाऊस आगीत खाक

≪ Previous: लग्नसराईच्या खरेदीला ब्रेक

$

0

0

म. टा. वृतसेवा, हातकणंगले

मटका बुकीशी सलगी ठेवणे आणि आत्महत्या प्रकरणातील आरोपींना सहकार्य केल्याप्रकरणी हुपरी पोलिस ठाण्यांमध्ये कार्यरत असलेल्या हवालदार बाळासाहेब पाटील याला शनिवारी निलंबित करण्यात आले. ‘मामा’ या टोपणनावाने प्रसिद्ध असलेल्या पाटील याच्यावरील कारवाईनंतर हुपरी पोलिस ठाण्यातील काभार चव्हाट्यावर आला आहे. दोन दिवसांपूर्वी हुपरी पोलिस ठाण्यातील सहायक पोलिस निरीक्षक शश‌िकांत सावंत आणि हवालदार आप्पालाल मिस्त्री यांना अटक केली होती. या दोघांवरील कारवाईमागे पाटील याचा हात असल्याचा संशय पोलिस प्रशासनाला होता. त्यानुसार शनिवारी वरिष्ठ अधिकाऱ्यांची बैठक झाली त्यात त्याला निलंबित करण्याचा निर्णय घेण्यात आला.

हुपरी पोलिस ठाण्यामध्ये रुजू होण्यापूर्वी हवालदार बाळासाहेब पाटील हा शिरोळ मध्ये कार्यरत होता. ‘कलेक्टर’ अशी इमेज असलेल्या बाळासाहेबाने अल्पावधीत हुपरीत बस्तान बसविले. शिरोळ व कुरुंदवाड या दोन पोलिस ठाण्यांचे कलेक्टरचे काम तो करत होता. हुपरीमध्ये सर्वाचा ‘मामा’ असे संबोधून घेत अल्पावधीत त्याने परिसरात नाव कमावले. साहेब कोणीही असूदे ‘मामा’ने सांगितले की ते काम होणारच अशी हवा त्याने केली होती. परिसरातील अनेक अवैध व्यवसायिकांसह पैलवानांची त्याच्या बैठकीत उठबस असे. जमिनी संदर्भातील खटले, घटस्फोट, चांदीची वसुली याबरोबर अनेक अवैध कामात कायद्याचा धाक दाखवून लाखो रुपये कमावण्याचा उद्योग पाटील याने हुपरी मध्ये केला. सहा महिन्यांपूर्वी सहायक पोलिस निरीक्षक शशिकांत सावंत यांनी पाटीलकडे असलेले कलेक्टरचे काम हवालदार आप्पालाल मिस्त्री याच्याकडे दिल्यामुळे त्याला राग आला होता. तसेच त्याच्या मटकाचालकांशी सलगी असल्याची तक्रार सावंत यांनी जिल्हा पोलिसप्रमुखांकडे केली होती. त्यामुळे मटकाबुकी प्रकाश काटकर याला हाताशी धरुन सहाय्यक पोलिस निरीक्षक शशिकांत सावंत, हवालदार आप्पालाल मिस्त्री या दोघांना लाचलुचपतच्या जाळ्यात अडकविल्याचा संशय पोलिस दलात व्यक्त करण्यात येत आहे. चार महिन्यांपूर्वी झालेल्या अमोल मेथे याच्या आत्महत्या प्रकरणातील संशयीत आरोपी प्रकाश काटकर व अन्य ठोंबरे कुटूंबीयांना मदत करत असल्याचा त्याबरोबर अनेक मटका चालकांशी सलगी असल्यची खात्री पटल्यानंतर शनिवारी वरिष्ठ पोलिस अधिकाऱ्यांनी बैठक घेऊन हवालदार पाटील याला निलंबित करण्यात आले.

पोलिसांविरोधातील अनेक कारवाईत पाटील

हुपरी पोलिस ठाण्यांच्या पाच पोलिसांवर झालेल्या लाचलुचपतच्या कारवाईत पाटील याने महत्त्वाची भूमिका बजावल्याचे सांगण्यात येत आहे. त्यामुळेच पाटील याचा गेम करण्यात आला आहे असेही बोलले जाते. पाटील याचेही रेकॉर्ड फारसे चांगले नसल्याने त्याच्याविरोधात तक्रारी होत्या. मात्र, सहा महिन्यांपूर्वी जर त्याची पोलिसप्रमुखांकडे तक्रार केली असेल तर निलंबनासाठी शनिवारचाच मुहूर्त का साधला अशीही चर्चा होत आहे. शिवाय अधिका ऱ्याविरोधात गेल्याने ही कारवाई केली असल्याचेही बोलले जात आहे. या कारवाईने जोपर्यंत गोडीगुलाबीने लाच खाता येते तोपर्यंत पोलिस दलात सुरळीत असते. हितसंबंधांना बाधा आली की त्यांच्याविरोधात कारवाई केली जाते, असे दिसून येत आहे.

मोबाइल अॅप डाउनलोड करा आणि राहा अपडेट

इचलकरंजीत वेअरहाऊस आगीत खाक

November 12, 2016, 1:30 pm

≫ Next: माघारीनंतर प्रचाराचा धडाका

≪ Previous: हुपरीतील ‘मामा’ निलंब‌ित

$

0

0

म.टा.वृत्तसेवा,इचलकरंजी

येथील खंजिरे औद्योगिक वसाहतीतील श्रीराम कुंज वेअर हाऊस शनिवारी भीषण आगीत भस्मसात झाले. मध्यरात्रीच्या सुमारास लागलेल्या आगीने बारा तासानंतरही आपले रौद्ररुप कायम ठेवले होते. या आगीमध्ये सूताचे सुमारे १५ हजार कार्टन (बॉक्स) जळून खाक झाले असून सुमारे २२ कोटी रुपयांचे नुकसान झाल्याचा प्राथमिक अंदाज आहे. इचलकरंजीसह कोल्हापूर, सांगली, जयसिंगपूर, कुरुंदवाड अग्निशमन बंबाद्वारे आग विझविण्यासाठी शर्थीचे प्रयत्न उशीरापर्यंत सुरू होते.

खंजिरे औद्योगिक वसाहतीमध्ये वर्षभरापूर्वी जुगलजी किशोर तिवारी (रा. जवाहरनगर) यांनी १४ हजार स्क्वेअर फुट जागेतील बंदिस्त गोदाम भाडे तत्वावर घेतले असून त्याठिकाणी श्रीराम कुंज हे वेअरहाऊस आहे. या गोदामात कॉटन, पॉलिस्टरसह विविध प्रकारच्या सूताचे कोन बॉक्समध्ये ठेवण्यात आले होते. शुक्रवारी मध्यरात्रीच्या सुमारास गोदामातून धूराचे लोट येत असल्याचे निदर्शनास आल्यानंतर भागातील नागरिकांनी याबाबतची माहिती तिवारी यांच्यासह अग्निशामक दलालाही दिली. त्याचबरोबर नागरिकांनी गोदामाचे शटर फोडून काही सूताचे बॉक्स बाहेर काढले. पण आगीची धग वाढल्याने प्रयत्न अर्ध्यावर सोडावे लागले. घटनेची माहिती मिळताच नगरपालिकेचे चार बंब तातडीने घटनास्थळी दाखल झाले. पाण्याचा मारा करुन आग विझवण्याचा प्रयत्न सुरू केला. परंतु सूतामुळे आगीने क्षणार्धात रौद्ररुप घेतल्याने आगीच्या ज्वाळा इमारतीच्या बाहेर येऊ लागल्या. त्यामुळे आग आटोक्यात आणण्यात अडचणी येऊ लागल्याने कुरुंदवाड, जयसिंगपूर, कोल्हापूर, सांगली येथील अग्निशामक दलांना पाचारण करण्यात आले. शिवाय पंचगंगा, शरद साखर कारखान्याकडील बंबही दाखल झाले. सुमारे अकरापेक्षा अधिक बंबांद्वारे शंभराहून अधिक फेऱ्यानंतरही आग आटोक्यात आणण्यात अडचणी येत असल्याने जेसीबी यंत्राच्या मदतीने इमारतीच्या काही भिंती पाडण्यात आल्या. दिवाळीमुळे यंत्रमाग कारखाने बंद असल्याने गोदामात मोठ्या प्रमाणात साठा शिल्लक होता. एकमेकांवर बॉक्स रचून ठेवण्यात आले असल्यामुळे आग मोठ्या प्रमाणात पसरत होती. त्यामुळे आणखीन जेसीबी आणून इमारतीच्या पिछाडीचा भाग पाडण्यात आला. तर आगीच्या धगीमुळे छतही कोसळल्याने आग विझवण्यासाठी अग्निशामक जवानांना शर्थीचे प्रयत्न करावे लागत होते. मध्यरात्रीच्या सुमारास लागलेली आग शनिवारी सायंकाळपर्यंत धुमसत होती. आगीत गोदामाच्या कार्यालयासह संपूर्ण इमारत व सूताचे १५ हजार कार्टनसह साहित्य आगीच्या भक्ष्यस्थानी पडले. घटनास्थळी पोलिस उपअधीक्षक विनायक नरळे, पोलिस निरीक्षक सीताराम डुबल यांनी भेट देऊन पाहणी केली. खंजिरे औद्योगिक वसाहत परिसरात श्रीराम कुंज हे सर्वात मोठे एकमात्र गोदाम होते. याठिकाणी अनेक व्यापाऱ्यांनी मोठ्या प्रमाणात सूताचा साठा ठेवला होता. आगीची माहिती समजताच व्यापाऱ्यांनीही मोठी गर्दी केली होती. गोदाम चालक तिवारी हे औरंगाबाद येथे गेले असल्याने नुकसानीचा नेमका आकडा समजू शकलेला नाही. शॉर्टसर्किटमुळे ही आग लागली असल्याची शक्यता वर्तविण्यात येत आहे.

मोबाइल अॅप डाउनलोड करा आणि राहा अपडेट

माघारीनंतर प्रचाराचा धडाका

November 12, 2016, 1:30 pm

≫ Next: आमदारांच्या स्वार्थामुळे इचलकरंजीची अधोगती

≪ Previous: इचलकरंजीत वेअरहाऊस आगीत खाक

$

0

0

म. टा. वृत्तसेवा, गडहिंग्लज

गडहिंग्लज नगरपालिका निवडणुक बहुरंगी होणार असून महायुती वगळता राष्ट्रवादी काँग्रेस, राष्ट्रीय काँग्रेस व जनता दलाने ‘एकला चलो रे’ नारा दिला आहे. परिणामी सर्वच पक्षांसह उमेदवारांकडून काल संध्याकाळपासून शहरात प्रचाराचा जोरदार धडाका सुरू झाला आहे. उमेदवारांसह समर्थकांनी पायाला चक्रे बांधून शहरातील प्रभागात पायपीट सुरु केली आहे. आज पालकमंत्री चंद्रकांत पाटील यांच्या उपस्थितीत महायुतीचा तर आमदार हसन मुश्रीफ व आमदार संध्यादेवी कुपेकर यांनी राष्ट्रवादी काँग्रेसच्या प्रचाराचा शुभारंभ केला. दरम्यान आज निवडणूक निरीक्षक पी. एच. कदम व निवडणूक निर्णय अधिकारी संगीता चौगुले यांच्या मार्गदर्शनाखाली निवडणूक चिन्हांचे वाटप झाले.

नगरपालिका निवडणुकीसाठी वसंतराव यमगेकर (महायुती), रमेश रिंगणे (राष्ट्रवादी) व स्वाती कोरी (जनता दल) यांच्यामध्ये नगराध्यक्षपदासाठी लढत होणार आहे. तर शहरातील आठ प्रभागातून नगरपालिकेच्या १७ सदस्यांसाठी ७४ उमेदवार रिंगणात आहेत. गेल्या आठवड्याभरापासून काही उमेदवारांनी प्रचाराला सुरुवात केली. माघारीनंतर निवडणुकीचे नेमके स्वरूप स्पष्ट झाले. त्यामुळे ‘वेटिंग’वर असणाऱ्या भाजपा, शिवसेना, मनसे, राष्ट्रवादी काँग्रेस, राष्ट्रीय काँग्रेस व जनता दलासह अपक्षांनी प्रचाराला जोरदार सुरुवात केली. भारतीय जनता पार्टी-शिवसेना व मनसे यांनी एकत्र येत महायुतीची मोट बांधली. तर राष्ट्रवादी, राष्ट्रीय काँग्रेस व जनतादलाने स्वतंत्र चूल मांडून प्रचाराचा धुमधडाका सुरु केला आहे.

जनतादलाच्या नगराध्यक्षपदाच्या उमेदवार स्वाती कोरी यांनी समर्थकांसह सर्वप्रथम प्रचाराला सुरुवात केली. तर राष्ट्रवादीचे आमदार मुश्रीफ व कुपेकर यांच्या नेतृत्वाखाली उमेदवार व समर्थकांनी आज प्रचाराचा शुभारंभ केला. सकाळी राष्ट्रवादीतर्फे पारंपारिक वाद्याच्या गजरात व फटाक्यांच्या आतषबाजीत शहराच्या मुख्य मार्गावरून भव्य मिरवणूक काढली. भगवे फेटे व राष्ट्रवादीच्या झेंड्यासह समर्थकांनी प्रचारात सहभाग घेतला.

महायुतीनेही पालकमंत्री पाटील यांच्या हस्ते लक्ष्मी मंदिर शेजारील पक्ष कार्यालयाचे उद्‍घाटन केले. यावेळी प्रा.अनिल कुराडे व बबन कळेकर यांचा पक्ष प्रवेश झाला. यानंतर कडगाव रोडवरील प्रभाग कार्यालयाचे उद्‍घाटन पाटील यांच्या हस्ते झाले. सायंकाळी महायुतीच्या सर्व उमेदवार व समर्थकांनी ढोल-ताशा व हलगीच्या तालावर मुख्यमार्गावरून मिरवणूक काढली.

मोबाइल अॅप डाउनलोड करा आणि राहा अपडेट

---

आमदारांच्या स्वार्थामुळे इचलकरंजीची अधोगती

November 12, 2016, 1:30 pm

≫ Next: ‘कागलमध्ये आम्ही भाजपाबरोबरच’

≪ Previous: माघारीनंतर प्रचाराचा धडाका

$

0

0

म. टा. वृत्तसेवा, इचलकरंजी

शहराच्या विकासाला आणि औद्योगिक प्रगतीला खीळ घालत विकासकामांचा बट्ट्याबोळ करण्यास आमदार सुरेश हाळवणकर व पूर्वीची शविआ आणि आताची ताराराणी आघाडीच कारणीभूत आहे. त्यांच्यामुळेच नगरपालिकेची बजबजपुरी झाली आहे, असा घणाघाती आरोप काँग्रेस-राष्ट्रवादी-राजर्षी शाहू विकास आघाडीच्यावतीने येथे झालेल्या पत्रकार परिषदेत करण्यात आला. यावेळी माजी मंत्री प्रकाश आवाडे, राष्ट्रवादीचे माजी आमदार अशोकराव जांभळे आणि शाहू विकास आघाडीचे प्रमुख मदन कारंडे यांनी, शहराचा विकास अन् भ्रष्टाचारमुक्त नगरपालिका करण्यासाठी आम्ही कटीबद्ध असल्याचे सांगितले. तसेच निवडणूक लढविण्यामागील आघाडीची भूमिकाही स्पष्ट केली.

वारणा योजनेमुळे नगरपालिकेवर ३५ कोटींचा बोजा पडला असून त्याला सर्वस्वी आमदार हाळवणकर हेच कारणीभूत असल्याचे सांगून प्रकाश आवाडे म्हणाले, ‘काँग्रेस-राष्ट्रवादीने सर्वप्रथम वारणा योजनेचा प्रस्ताव मांडला होता. पण त्यावेळी हाळवणकर यांनी काळम्मवाडीचे पाणी आणण्याची भीष्मप्रतीज्ञा केली. पण ती राबविणे अशक्यप्राय असल्याने आपले अपयश झाकण्यासाठी वारणा योजना पुढे आणली. या योजनेसाठी एक पै चाही नगरपालिकेवर भुर्दंड पडू देणार नाही, असे म्हणत असताना त्यांच्या धोरण बदलू भूमिकेमुळे पालिकेवर ३५ कोटीचा नाहक बोजा पडला आहे. आपल्या सततच्या बदलत्या भूमिकांमुळे त्यांनी करदात्या शहरवासियांची फसगतच केली आहे.

अशोकराव जांभळे म्हणाले, नगरपालिकेच्या स्वायत्ततेला तडा देण्याचे काम हाळवणकर यांनी केल्याचे नमूद करत एकीकडे स्थानिक स्वराज्य संस्था बळकट केली पाहिजे, असे सांगायचे आणि दुसरीकडे नगरपालिकेचा निधी स्वत:च्या फायद्यासाठी शासकीय विभागाकडे वर्ग करावयाची कुटील खेळी त्यांनी चालविली आहे. त्यामुळे नगरपालिकेत पैसे असण्याचा प्रश्नच उद्भवत नसताना आमच्यामुळे भ्रष्टाचार झाल्याचे सांगणे हे हास्यास्पद असल्याचे सांगितले.

नगराध्यक्षपदाच्या उमेदवार अलका स्वामी यांच्या निष्क्रीयतेवर टीका करताना मदन कारंडे यांनी, ‘दोनवेळा नगरसेविका झालेल्या स्वामी यांनी नगरपालिकेत एकदाही तोंड उघडले नाही. अशा निष्क्रीय उमेदवार नगराध्यक्षपदाला मुळीच न्याय देऊ शकणार नाही.’

विठ्ठल चोपडे यांनी रस्ता कामात तर शशांक बावचकर यांनी सोलर सिटी योजनेत आमदार हाळवणकर यांनी आर्थिक स्वार्थ साधण्याचा प्रयत्न केल्याचा आरोप केला.

पत्रकार परिषदेत शहर काँग्रेसचे अध्यक्ष प्रकाश मोरे, सतीश डाळ्या, प्रकाश सातपुते, धोंडीलाल शिरगांवे, अशोकराव सौंदत्तीकर, सुनील पाटील, स्वप्नील आवाडे, सर्जेराव पाटील आदी उपस्थित होते.

मोबाइल अॅप डाउनलोड करा आणि राहा अपडेट

‘कागलमध्ये आम्ही भाजपाबरोबरच’

November 12, 2016, 1:30 pm

≫ Next: पंडित व्यास संगीत महोत्सवास प्रारंभ

≪ Previous: आमदारांच्या स्वार्थामुळे इचलकरंजीची अधोगती

$

0

0

म. टा. वृत्तसेवा, कागल

नगरपालिका निवडणुकीत कागलमध्ये आम्ही भाजप आघाडी सोबतच राहणार आहोत. कागदावरच्या करारापेक्षा भावनिक कराराला आमचे महत्त्व आहे. कागलमध्ये भाजप आघाडीचे सर्व उमेदवार निवडूण आणण्यासाठी समरजित घाटगेंच्या सोबतच मी आमचे सर्व कार्यकर्ते बांधील आहोत. मुरगूड नगरपालिकेत मात्र काय करावे हा भाजपाचा प्रश्न असून शेवटी तो निर्णय भाजपाचा असल्याची प्रतिक्रिया शिवसेना सहसंपर्क प्रमुख प्रा. संजय मंडलिक यांनी मुरगूड येथे झालेल्या पत्रकार परिषदेत व्यक्त केली.

ते म्हणाले, ‘चार दिवसांपूर्वी कागल व मुरगूड नगरपालिका निवडणूक संदर्भात शिवसेना व भाजपाच्या वरिष्ठ पदाधिकाऱ्यांच्या साक्षीने जागा वाटपाच्या करारास बांधील राहून कागल पालिकेसाठी आम्ही एक जागा स्वीकारली आहेच. त्यानुसार भाजपा आघाडी निवडून आणण्यासाठी आमचे प्रामाणिक प्रयत्न राहणार आहेतच. दिवंतग सदाशिवरा मंडलिक यांनी त्यांमया राजकीय जीवनात तहापेक्षा लढाईला महत्त्व दिले आहे. त्यांच्या शिकवणीनुसारच आता तहात न अडकता लढाईसाठी पुढे गेलो आहोत. कागल व मुरगूडसाठी झालेल्या कराराच्या दुसऱ्याच दिवशी ठरल्याप्रमाणे आम्ही कागलमध्ये १५ उमेदवारी अर्ज माघार घेतले. करार करतानाच शिवसेनेच्या ते दोन उमेदवार माघार घेतील की नाही याबाबत आम्ही शंका व्यक्त केली होती. त्यांनी माघार घेतली नाही लोकशाहीमध्ये सर्वच कार्यकर्ते ऐकतात असे नाही पण आम्ही त्यांच्यावर पक्षीय पातळीवर योग्य ती कारवाई करणार आहोतच. कागल पालिकेसाठी आम्ही ताकदीने भाजपाच्या पाठीशी राहणार आहोत. मुरगूड नगरपालिकेसाठी भाजपाने कोणती भूमिका घ्यायची तो त्यांचा प्रश्न आहे. आम्ही मात्र लढाईसाठी सज्ज झालो आहोत. कागलमध्ये एक जागा भाजपची बिनविरोध होत असल्यानेच राष्ट्रवादीने शिवसेनेच्या उमेदवारास आमिषे दाखवून पळवून नेले. आमदार मुश्रीफ सांगतात की आमची शिवसेनेबरोबर युती झाली मात्र शिवसेनेबरोबर युती करणारे आमदार मुश्रीफ कोण? असा थेट सवाल करून त्यांची युती त्यांनाच लखलाभ होवो. या राष्ट्रवादीच्या युतीत शिवसेना असणार नाही,’ असे स्पष्ट केले. या पत्रकार परिषदेस पंचायत समिती उपसभापती भूषण पाटील, राजेखान जमादार, बाजीराव गोधडे, पांडुरंग भाट, सुहास खराडे, किरण गवाणकर, धनाजी गोधडे, अमर सणगर, सर्जेराव पाटील, दीपक शिंदे, जयसिंग भोसले, एस. व्ही. चौगले, जीवन साळोखे आदी प्रमुख कार्यकर्ते हजर होते.

‘महाआघाडी भक्कमच’

‌‌‌द‌िवंगत सदाशिवराव मंडलिक आणि विक्रमसिंह घाटगे यांच्या विचारावर आधारलेली भारतीय जनता पक्ष व शिवसेना आघाडी कागलमध्ये ठरल्याप्रमाणे कागल मध्ये भक्कम आहे. मंडलिकांचे केवळ काही कार्यकर्ते बाजूला गेले. एवढी घटना वगळता ही महाआघाडी पूर्ववतच आहे. रविवारी सायंकाळी या महाआघाडीच्या प्रचाराचा प्रारंभ करणार आहोत, अशी महिती भाजपचे नेते समरजितसिंह घाटगे यांनी पत्रकार परिषदेत दिली. यावेळी प्रवीणसिंह राजे घाटगे प्रमुख उपस्थितीत होते. कागल येथील सातमोटेची विहीर या ठिकाणी ते पत्रकारांशी बोलत होते.

ते म्हणाले फॉर्म माघारी घेण्याच्या वेळेपर्यंत अनेक घडामोडी होत राहिल्या त्यातून मुरगूडमध्ये काही अर्ज मागे घ्यायचे राहून गेले आहेत. मुरगूड येथेही आमची महाआघाडी कायम ठेवण्यासाठी आमचे प्रयत्न सुरू आहेत. जर तोडगा निघाला नाही तर आम्ही तेथे आमची मैत्रीपुर्ण लढत होईल, असे त्यानी सांगितले.

दरम्यान जिल्हा शिवसेनेच्या वतीने देण्यात आलेल्या निवेदनात म्हटले आहे की कागल नगरपरिषदेच्या निवडणुकीत राष्ट्रवादी काँग्रेस व शिवसेनेची कोणतीही युती झाली नाही. शिवसेनेचा युती करण्याचा अधिकार पक्षप्रमुख उध्दव ठाकरे यांचा आहे. राष्ट्रवादीचे नेते मतदारात संभ्रमावस्था निर्माण करण्याचा प्रयत्न करत आहेत. शिवसेनेचा जनाधार वाढल्याने राष्ट्रवादीच्या पायाखालची वाळू घसरली आहे. या पत्रकावर शिवसेनेचे जिल्हाप्रमुख विजय देवणे, उपजिल्हाप्रमुख संभाजी भोकरे, कागल तालुकाप्रमुख शिवगोंड पाटील यांच्या सह्या आहेत

मोबाइल अॅप डाउनलोड करा आणि राहा अपडेट

पंडित व्यास संगीत महोत्सवास प्रारंभ

November 12, 2016, 1:30 pm

≫ Next: मनस्ताप अन् धावाधाव संपेना

≪ Previous: ‘कागलमध्ये आम्ही भाजपाबरोबरच’

$

0

0

म. टा. प्रतिनिधी, कोल्हापूर

मंद वाऱ्याची झुळूक... अंगावर काटा फुलवणारा गारवा अशा वातावरणात रेवती कामत आणि पंडित विश्वमोहन भट यांच्या मोहनवीणा वादनाच्या स्वरांनी हलकेच तारा छेडल्या. महाराष्ट्र ललित कला निधी व गुणीदास फाउंडेशन प्रस्तुत पंडित सी. आर. व्यास संगीत महोत्सवाची सुरुवात अशी स्वरमय झाली आणि रसिकांची शनिवारची सायंकाळ मंत्रमुग्ध झाली.

राजाराम महाविद्यालयातील यशवंतराव चव्हाण सभागृहात झालेल्या या संगीत मैफलीची सुरुवात रेवती कामत यांच्या शास्त्रीय गायनाने झाली. त्यांनी विदुषी किशोरीताई आमोणकर यांची राग यमनमधील विलंबित तीन तालातील ‘मो मन लगन लागे’ ही रचना सादर केली. त्यानंतर मत्त तालातील ‘कर सुमीरन मन मोरी’ ही बंदिशी गायली. पंडित सी. आर. व्यास यांच्या ध्रूत तालातील ‘आयी रे मिलन तोहे’ या बंदिशीनंतर भजनाने त्यांनी आपल्या गानमैफलीची सुरेल सांगता केली. त्यांना तबल्यावर भरत कामत व हार्मोनियमवर सुयोग कुंडलकर यांनी साथ संगत केली.

मैफलीच्या दुसऱ्या सत्रात पंडित विश्वमोहन भट यांनी मोहनवीणा वादन करत स्वरांची उधळण केली. यावेळी त्यांनी राग बिहाद सादर केला. त्यांना अनुव्रत चटर्जी यांनी तबलासाथ केली. प्राची फडणीस यांनी सूत्रसंचालन केले. यावेळी पंडित सतीश व्यास, पंडित सुहास व्यास, राजप्रसाद धर्माधिकारी, डॉ. नंदकुमार जोशी, प्रदीप मोघे यांच्यासह संगीत क्षेत्रातील मान्यवर व्यक्ती उपस्थित होते.

आज गायन व मोहनवीणा वादन

महोत्सवात आज सुहास व्यास यांचे गायन आणि पूर्बायन चटर्जी यांच्या सतारवादनाचा आस्वाद रसिकांना घेता येईल. यावेळी भरत कामत, अनुव्रत चॅटर्जी आणि सुयोग कुंडलेकार यांची साथसंगत लाभणार आहे. राजाराम कॉलेजच्या यशवंतराव चव्हाण सभागृहात सायंकाळी सहा वाजता ही मैफल होणार आहे.

मोबाइल अॅप डाउनलोड करा आणि राहा अपडेट

मनस्ताप अन् धावाधाव संपेना

November 12, 2016, 1:30 pm

≫ Next: आठ टक्के विकासदरासाठी तयार रहा

≪ Previous: पंडित व्यास संगीत महोत्सवास प्रारंभ

$

0

0

म. टा. प्र​तिनिधी, कोल्हापूर

चलनातून बंद केलेल्या नोटा जमा करण्यासाठी नागरिकांची चाललेली धडपड, खात्यावरील रक्कम काढण्यासाठी बॅँकेत तासनतास करावी लागणारी प्रतीक्षा, नोटा बदलून घेण्यासाठी लांबच लांब रांग आणि एटीएम केंद्रावरही वेटिंग, यामुळे नागरिकांना सलग तिसऱ्या दिवशी पैशासाठी धावाधाव करावी लागली. शनिवारी सुटी असल्याने सर्वच बँका आणि एटीएमसमोर सकाळपासून रांगा लागल्या होत्या. रकमेच्या देवाणघेवाणीवरून नागरिक आणि बँक कर्मचाऱ्यांत खटके उडाले. बँकेकडून २००० रुपयांच्या नोटा उपलब्ध होत असल्या तरी सुट्या पैशांची अडचण निर्माण झाली आहे. बँकेत रक्कम काढणे, नोटा बदलण्यास तास, दीड तासाचा कालावधी लागल्याने नागरिक त्रस्त बनले आहेत.

१०० रुपयांच्या नोटांचा तुटवडा जाणवत आहे. येत्या दोन दिवसात रक्कम उपलब्ध झाली नाही तर, १०० रुपयांच्या चलनाच्या टंचाईची तीव्रता वाढण्याची शक्यताही बँकेच्या सूत्रांनी व्यक्त केली. दिवसभरात ७० कोटी रुपयांच्या आसपास जुन्या नोटांचा भरणा झाल्याचे बँक सूत्राकडून समजते. नवीन ५०० रुपयांची नोट अद्याप बँकाकडे उपलब्ध झाली नाही.

२००० च्या ६०० कोटींच्या नोटा

दोन हजारांच्या सहाशे कोटींच्या नोटा कोल्हापुरात आल्या आहेत, अशी माहिती एका बँक अधिकाऱ्याने दिली. बँकांतून नव्या २००० रुपयांच्या नोटा वितरित केल्या जात आहेत. मात्र, त्या नोटा, सुट्टे करायची समस्या नागरिकांना भेडसावत आहे. बँकांपासून बाजारपेठेपर्यंत सुट्या पैशांची समस्या उभी राहिली आहे. बँकेतून पैसे काढूनही नागरिकांसमोर आता नवी समस्या उभी ठाकली आहे. १०० व ५०० रुपयांच्या नोटा मोठ्या प्रमाणात उपलब्ध झाल्या नाही तर चलनांचा तुटवडा तीव्रतेने भासणार आहे.

विविध बँकांच्या शहर आणि उपनगरांतील एटीएम सेंटर्स सकाळच्या कालावधीत सुरू राहिल्याने नागरिकांना काहीअंशी दिलासा मिळाला. स्टेट बँक ऑफ इंडिया, बँक ऑफ महाराष्ट्र, आयसीआयसीआय, एचडीएफसी, आयडीबीआय, फेडरेल बँकाची एटीएमस केंद्रे शनिवारी चालू होती. लक्ष्मीपुरी, गंगावेश, खासबाग, ताराबाई पार्क, राजारामपपुरी, उद्यमनगर, टिंबर मार्केट, शिवाजी रोड, खरी कॉर्नर येथील शाखेतील एटीएम सुरू होते. ५०० आणि १००० च्या नोटा चलनातून रद्दचा परिणाम नागरी बँकांच्या व्यवहारावर झाला आहे. दुपारनंतर अनेक एटीएममधील नोटांचा भरणा संपल्यामुळे केंद्रे बंद राहिली. १०० रुपयांचा स्लॉट संपल्यामुळे एटीएम मशिन्स रिकामी पडली. नागरिकांना संताप व्यक्त करत रिकाम्या हातांनी परतावे लागले. बँक ऑफ इंडियाची बहुतांश एटीएम केंद्रे बंद होती. स्टेट बँक ऑफ इंडिया, दसरा चौक येथील शाखेतील एटीएम सायंकाळी सुरू झाले.

पोस्टातून दीड कोटी बदलून दिले

नोटा बदलून घेण्यासाठी शनिवारी पोस्ट कार्यालयात रांगा कायम होत्या. पोस्ट खात्याच्या १९ कार्यालयांतून जवळपास दीड कोटी रुपयांच्या नोटा बदलून दिल्या. एका व्यक्तीला ४००० रुपये दिले. १०० रुपयांच्या नोटांची संख्या कमी असल्यामुळे प्रत्येक व्यक्तीला दोन हजार रुपयांच्या नोटा वितरित केल्याचे टपाल अधिकाऱ्यांनी सांगितले.

जिल्हा बँकेला एक कोटी

जिल्हा मध्यवर्ती बँकेच्या जिल्ह्यात १९१ शाखा आहेत. सध्या ग्रामीण भागात यात्रा सुरू आहेत. नागरिकांची पैशाची मागणी वाढत आहे. बँकेला शनिवारी एक कोटी २० लाख रुपयांचा पुरवठा झाला. रकमेसाठी जिल्हा बँकेला अन्य बँकेवर अवलंबून राहावे लागत आहे. आरबीआयकडून थेट जिल्हा बँकेला रक्कम उपलब्ध व्हावी यासंदर्भात थेट आरबीआयशी पत्रव्यवहार केल्याचे मुख्य कार्यकारी अधिकारी प्रतापसिंह चव्हाण यांनी सांगितले. सध्याच्या कालावधीत रोज १५ कोटी रुपये उपलब्ध व्हावेत असे कळविले आहे.

बँकांकडून सुविधा

राष्ट्रीयीकृत आणि नागरी सहकारी बँकेमार्फत लांबच लांब रांगा लागल्या आहेत. नागरिकांचे उन्हापासून संरक्षण करण्यासाठी बँकांनी मंडप, पिण्याच्या पाण्याची सोय केली होती. संभाव्य गर्दी लक्षात घेत बँक व्यवस्थापनानी जादा काउंटर सुरू केले होते. ​बिग बझारतर्फे विविध बँक परिसरात रांगेतील व्यक्तींना ज्यूस वाटप केले.

मोबाइल अॅप डाउनलोड करा आणि राहा अपडेट

आठ टक्के विकासदरासाठी तयार रहा

November 12, 2016, 1:30 pm

≫ Next: ‘माध्यमिक’चा लिपिक जाळ्यात

≪ Previous: मनस्ताप अन् धावाधाव संपेना

$

0

0

म. टा. प्रतिनिधी, कोल्हापूर

‘भारताची अर्थव्यवस्था येत्या काळात आठ टक्क्यांचा विकासदर साधणार आहे. त्याचा सकारात्मक परिणाम प्रत्येक क्षेत्रावर होणार असल्याने त्यासाठी उद्योजकांनी तयार असले पाहिजे,’ असा सल्ला कमिन्स इंडियाचे व्हाइस प्रेसिडेंट मनोज सोळंकी यांनी शनिवारी येथे उद्योजकांना दिला. शिरोली मॅन्युफॅक्चरर्स असोसिएशन ऑफ कोल्हापूर (स्मॅक) च्या ४१ व्या वार्षिक सर्वसाधारण सभेच्या निमित्ताने आयोजित कार्यक्रमात ते बोलत होते. अध्यक्षस्थानी स्मॅकचे अध्यक्ष सुरेंद्र जैन होते.

शिरोली एमआयडीसीतील स्मॅक भवनमध्ये झालेल्या कार्यक्रमात ‘रोल ऑफ एमएसएमई इन मेक इन इंडिया अँड ग्लोबल अपॉर्च्युनिटिज् विथ् न्यू इमर्जिंग इकॉनॉमिज्’ या विषयावर सोळंकी यांनी मार्गदर्शन केले. जागतिक बाजारपेठेतील सद्यःस्थिती आणि त्यात भारताला असलेल्या संधींची माहिती त्यांनी दिली. ते म्हणाले, ‘जगात सर्वाधिक औद्योगिक विकासदर असणारा देश म्हणून भारताकडे पाहिले जाते. म्हणूनच जगातील गुंतवणूकदारांचे भारताकडे ओढा आहे त्याचा फायदा स्थानिक उद्योजकांना होणार आहे. सरकार उद्योग आणि पर्यावरण यांची योग्य सांगड घालण्याचा प्रयत्न करत आहे. त्यामुळे त्यांच्या धोरणावर टीका-टिप्पणी न करता उद्योजकांनी पर्यावरणदृष्ट्या आपल्या उद्योगात योग्य ते बदल करावेत.

यावेळी जेष्ठ उद्योजक रामप्रताप झंवर, आयआयएफचे अध्यक्ष संजय पाटील, चंद्रशेखर डोली, स्मॅकचे संचालक सचिन पाटील, नरेंद्र झंवर ,नीरज झंवर, अतुल पाटील, दीपक पाटील, दीपक परांडेकर, जयदीप चौगुले, रामराजे बदाले, एम. वाय. पाटील आदीसह उद्योजक संघटनांचे पदाधिकारी व उद्योजक उपस्थित होते. स्मॅकचे उपाध्यक्ष राजू पाटील यांनी आभार मानले.

महिला उद्योजिकांचा सत्कार

स्मॅकच्यावतीने दरवर्षी यशस्वी उद्योजकांचा सत्कार करण्यात येतो. यंदा स्मॅकने शिरोलीतील सहा महिला उद्योजिकांचा स्मॅक भूषण पुरस्काराने गौरव केला. यात सुषमा बाळासाहेब कडोलकर, आशा सुरेंद्र जैन, वैशाली विजय जाधव, जिया नीरज झंवर, दीपा प्रकाश पत्रावळे आणि राजश्री शिरीष सप्रे यांचा मनोज साळुंके यांच्या हस्ते सत्कार करण्यात आला.

सोळंकी म्हणतात...

- हेड, हार्ट आणि हँड एकत्र चालला पाहिजे

- कामगारांना संधी दिली नाही, तर त्यांना अनुभव येणार नाही

- उद्योग एकाच्या डोक्याने नको, सर्वांच्या कल्पनांनी पुढे जावा

- कामात एका व्यक्तीवरील अवलंबित्व नाहीसे झाले पाहिजे

- नवीन पर्याय आले तरी पुढील पंचवीस वर्षे डिझेल इंजिनचा वापर

- तंत्रज्ञान आदान प्रदान करून उत्पादनाची गुणवत्ता वाढवावी

मोबाइल अॅप डाउनलोड करा आणि राहा अपडेट