मोहनराव कदम २७ रोजी अर्ज भरणारज्येष्ठ नेते पतंगराव कदम यांनी माहिती

October 22, 2016, 11:01 am

≫ Next: पाच नोव्हेंबरला मुख्यमंत्री घेणार क्राइम मिटिंग

≪ Previous: राजारामपुरीत ब्रँडेड शोरूम्स फुल्ल

$

0

0

म. टा. वृत्तसेवा, सांगली

सांगली-सातारा स्थानिक स्वराज्य संस्था विधान परिषद मतदारसंघातून काँग्रेस पक्षाचे उमेदवार म्हणून पक्षाचे जिल्हाध्यक्ष मोहनराव कदम यांचा उमेदवारी अर्ज २७ ऑक्टोंबर रोजी दाखल करण्यात येत असल्याची घोषणा माजी मंत्री आमदार पतंगराव कदम यांनी शनिवारी सांगलीत केली.

कडेगावमध्ये कदम यांनी शुक्रवारीच मोहनराव कदम यांची उमेदवारी जाहीर केली होती. गेल्या निवडणुकीत हा मतदारसंघ राष्ट्रवादीला सोडून काँग्रेसने मदत केली होती. यावेळी राष्ट्रवादीकडून अशीच अपेक्षा आहे. जागा मागणीबाबत दोन्ही पक्षात प्रदेशपातळीवर चर्चा सुरू असून, त्या बाबत आताच बोलणे उचित होणार नाही, असे पतंगराव कदम यांनी पत्रकारांशी बोलताना स्पष्ट केले.

सांगलीच्या काँग्रेस कमिटीत नगरपालिका आणि नगरपंचायतींच्या निवडणुकीतील पक्षाची भूमिका निश्चित करण्यासाठी शनिवारी बैठक बोलविण्यात आली होती. मोहनराव कदम, महिला काँग्रेसच्या प्रदेश उपाध्यक्ष शैलजा पाटील, सत्याजित देशमुख, पक्षनिरीक्षक प्रकाश यलगुलवार यांच्या उपस्थित बैठक सुरू असताना ज्येष्ठ नेते पतंगराव कदम यांचे कमिटीत आगमन झाले. बैठकीनंतर पत्रकारांशी बोलताना कदम यांनी मोहनराव कदम यांचा उमेदवारी अर्ज २७ ऑक्टोबर रोजी सांगलीत भरण्यात येत आहे. शैलजा पाटील यांनी कदम यांना शुक्रवारीच आपला पाठिंबा जाहीर केला आहे. कार्यकत्यांनीही तशी मागणी होती. प्रदेशपातळीवर राष्ट्रवादीबरोबर चर्चा सुरू आहे. सांगली-साताऱ्याची जागा काँग्रेसला द्यावी, असा आमचा आग्रह आहे. ती जागा मिळायला अडचण येईल, असे वाटत नाही.

मोहनराव कदम म्हणाले, ‘कार्यकर्त्यांनी आग्रह धरल्यानंतर अनेकांनी आपल्या नावाला पसंती दिली आहे. आपली उमेदवारी ही सर्वसामान्यांची उमेदवारी असल्याने ही निवडणूक आपण लढवणारच आहोत. आता माघार नाही. निवडून येणे अवघड नाही. गेल्या निवडणुकीत काँग्रेसने राष्ट्रवादीला मदत केली आहे. या वेळी त्यांनी पुढाकार घेऊन निवडणूक बिनविरोध करण्यासाठी प्रयत्न करावा.’


काँग्रेस कमिटीत दोन गटांत जुंपली

आष्टा नगरपालिकेत काँग्रेसने स्वबळावर लढावे की आघाडी करावी, या वरून काँग्रेस पक्षाच्या बैठकीत माजी जिल्हा परिषद सदस्य जितेंद्र पाटील व वाळवा तालुका काँग्रेसचे अध्यक्ष विजय पवार (इस्लामपूर) यांच्यामध्ये चांगलीच जुंपली. दोघांनी एकमेकांची उणी-धुणी काढल्याने वाद चिघळला. अखेर सत्यजित देशमुख यांनी मध्यस्ती करीत आष्टा नगरपालिकेला आघाडी करण्याचा निर्णय घेतला. तर आष्टा व इस्लामपूर नगरपालिका वगळता इतर सर्व नगरपालिका व नगरपंचायतीमध्ये काँग्रेस स्वबळावर लढणार असल्याचे जिल्हाध्यक्ष मोहनराव कदम यांनी बैठकीत जाहीर केले. आष्टा व इस्लामपूर नगरपालिकेच्या निवडणुकीत काँग्रेसने आघाडी करावी, असा प्रस्ताव वाळवा तालुक्यातील नेत्यांनी मांडला. मात्र, या आघाडीला माजी जिल्हा परिषद सदस्य जितेंद्र पाटील यांनी विरोध केला. काँग्रेस पक्षाने स्वबळावर ही निवडणूक लढवावी, अशी मागणी त्यांनी केली. त्यांच्या मागणीवर आक्षेप नोंदवत विजय पवार यांनी पाटील यांना टोकले. त्यामुळे दोघांमध्ये चांगलाच वाद रंगला. जितेंद्र पाटील म्हणाले, काँग्रेस पक्षाने विधानसभेची उमेदवारी दिली असताना दादा घराण्याने माझ्या विरोधात काम केले. प्रत्येक निवडणुकीत दादा घराणे विरोधात असल्याची तक्रार पाटील यांनी मोहनराव कदम यांच्यासमोर मांडली. याला विजय पवार यांनी आक्षेप घेतला. ते म्हणाले, जितेंद्र पाटील हे भाजपच्या नेत्यांबरोबर असतात. कृष्णा कारखान्याच्या निवडणुकीत त्यांनी भाजपच्या नेत्याच्या व्यासपीठावर जाऊन निवडणूक जिंकली आहे. यामुळे पक्षाची निष्ठा त्यांनी शिकवू नये.
शिवसेनेचे भीमराव माने काँग्रेस कमिटीत

शिवसेनेचे भीमराव माने यांनी शनिवारी काँग्रेस भवनमध्ये उपस्थित राहून पक्षाच्या बैठकीला हजेरी लावली. माने म्हणाले, सांगली-सातारा स्थानिक स्वराज्य संस्थेसाठी काँग्रेसचे जिल्हाध्यक्ष मोहनराव कदम यांची उमेदवारी असेल तर त्यांना आमचा जाहीर पाठिंबा आहे. त्यांच्या विजयासाठी आम्ही प्रयत्न करू, अशी ग्वाही त्यांनी पत्रकारांशी बोलताना दिली.

मोबाइल अॅप डाउनलोड करा आणि राहा अपडेट

---

पाच नोव्हेंबरला मुख्यमंत्री घेणार क्राइम मिटिंग

October 22, 2016, 2:30 pm

≫ Next: मठ तालमीचे बांधकाम कायदेशीर

≪ Previous: मोहनराव कदम २७ रोजी अर्ज भरणारज्येष्ठ नेते पतंगराव कदम यांनी माहिती

$

0

0

म. टा. प्रतिनिधी, कोल्हापूर

कोल्हापूर परिक्षेत्रातील गुन्ह्याचा आढावा घेण्यासाठी मुख्यमंत्री देवेंद्र ​फडणवीस पाच नोव्हेंबरला कोल्हापुरात बैठक घेणार आहेत. या बैठकीच्या पार्श्वभूमीवर पोलिस अधीक्षक प्रदीप देशपांडे यांनी शुक्रवारी जिल्ह्यातील अधिकाऱ्यांची झाडाझडती घेतली.

मुख्यमंत्री फडणवीस यांच्याकडे गृहमंत्रीपदाचा कार्यभार असल्याने राज्यातील सर्व पोलिस परीक्षेत्रात ते क्राइम मिटिंग घेणार आहेत. मुख्यमंत्र्यांनी क्राइम मिटिंगचे वेळापत्रक निश्चित केले असून पाच नोव्हेंबर रोजी ते कोल्हापुरात येणार आहेत. या बैठकीला कोल्हापूर, सांगली, सातारा, पुणे ग्रामीण, सोलापूर ग्रामीणचे अधीक्षक उ​पस्थित राहणार आहेत.

मुख्यमंत्री फडणवीस आढावा घेणार असल्याने जिल्ह्यातील क्राइम रेट व शिक्षा होण्याच्या प्रमाणाचा आढावा घेणार आहेत. या पार्श्वभूमीवर पोलिस अधीक्षक देशपांडे यांनी २८ पोलिस ठाण्याच्या अधिकाऱ्यांच्या कामाचा आढावा घेतला. गुन्हेगारी टोळ्यावर वचक बसवण्यासाठी मोक्कांचे प्रस्ताव तयार करा. पोलिस ठाण्याच्या हद्दीतील गुन्ह्याचा तपास, आरोपींची अटक, प्रलंबित गुन्हे यांची माहिती घेतली. मुख्यमंत्र्यांच्या दौऱ्याच्या पार्श्वभूमीवर अवैध धंदे बंद करावेत, असे आदेशही त्यांनी दिले.

रुकडी येथील दाम्पत्याच्या खुनाच्या गुन्ह्याचा तपास अद्याप प्रलंबित आहे. पण अन्य गुन्ह्यांचा तपास वेगाने झाला आहे. जे गुन्हे प्रलंबित आहेत त्यांचा आढावा घेऊन तपास पूर्ण करावा. प्रत्येक पोलिस ठाण्याच्या हद्दीनुसार किती गुन्ह्यात आरोपींना शिक्षा झाली याचा अहवाल तयार करण्याचे आदेश त्यांनी दिले. दीवाळी सुटीत पर्यटक मोठ्या संख्येने शहरात येणार असल्याने शहर वाहतुकीच्या नियोजनावर लक्ष देण्याची सूचना केली.

मोबाइल अॅप डाउनलोड करा आणि राहा अपडेट

मठ तालमीचे बांधकाम कायदेशीर

October 22, 2016, 2:30 pm

≫ Next: महापौरपदासाठी सामना रंगणार

≪ Previous: पाच नोव्हेंबरला मुख्यमंत्री घेणार क्राइम मिटिंग

$

0

0

म. टा. प्रतिनिधी, कोल्हापूर

शनिवार पेठेतील श्री निरंजन संस्था तालीम मठ संस्थेच्या बांधकामास मनाई व्हावी, अशी दाखल केली याचिका दिवाणी कोर्टाने फेटाळून लावली आहे. तालमीची कार्यकारिणी व बांधकाम कायदेशीरच आहे, अशी माहिती संस्थेचे ट्रस्टी आमदार राजेश क्षीरसागर यांनी पत्रकार परिषदेत दिली.

मठ तालमीचे बांधकाम विनापरवाना व बेकायदेशीर असून संस्थेच्या बांधकामास मनाई व्हावी, बांधकाम पाडून टाकावे अशी मागणी विलास झुंजार व उदय घोरपडे यांनी दिवानी कोर्ट वरिष्ठ स्तर येथे दाखल केली होती. बांधकामास मनाई देण्याचा अधिकार कोर्टाला नसल्याने झुंझार व घोरपडे यांचा दावा फेटाळून लावला आहे, अशी माहिती अॅड महांतेश कोले यांनी दिली.

आमदार क्षीरसागर म्हणाले, संस्थेचे बांधकाम योग्य परवानगी घेऊन कायदेशीररित्या सुरू आहे. घोरपडे व झुंझार यांचा संस्थेशी काही संबध नाही. ते संस्थेचे पदाधिकारी व सभासद नाहीत. बेकायदेशीर बांधकामाचा प्रश्न २०१४ च्या विधानसभा निवडणुकीत उकरून काढून झुंझार व घोरपडे यांनी गैरसमज पसरवले होते. त्यांच्या आरोपात तथ्य नव्हते हे कोर्टाच्या आदेशानुसार स्पष्ट झाले आहे. संस्थेच्या कार्यकारिणीस वेठीस धरणाऱ्या झुंजार व घोरपडे यांच्याविरोधात लवकरच अब्रुनुकसानीचा दावा दाखल करणार आहे. तसेच संस्थेचे बनावट लेटर पॅड तयार गैरवापर केलेबाबत फौजदारी गुन्हा दाखल करण्यात येणार आहे. गेले वर्षभर तालमीच्या नावाने देणगी मागणाऱ्यावर व संस्थेच्या नावाने जाहीरात मागणाऱ्यावर लक्ष्मीपुरी पोलिस ठाण्यात फौजदारी गुन्हा दाखल करण्यात येणार असल्याचे आमदार क्षीरसागर यांनी सांगितले.

मठ तालमीत फक्त कुस्ती

मठ तालमीच्या इमारतीत कोणत्याही प्रकारचा व्यवसाय केला जाणार नाही. या इमारतीचा वापर फक्त कुस्तीसाठीच केला जाणार आहे. माझ्या वैयक्तिक ५० लाखाच्या निधीतून इमारतीचे बांधकाम सुरू आहे. तसेच सरकारकडून लवकरच एक कोटी २० लाखाचा निधी मिळणार आहे. तालीम, स्पोर्टस् कॉम्प्लेक्स व एक सभागृह बांधण्यात येणार आहे, असे आमदार क्षीरसागर यांनी स्पष्ट केले.

मोबाइल अॅप डाउनलोड करा आणि राहा अपडेट

महापौरपदासाठी सामना रंगणार

October 22, 2016, 2:30 pm

≫ Next: सिनेमातून कोल्हापूर प्रमोट करू: गोवारीकर

≪ Previous: मठ तालमीचे बांधकाम कायदेशीर

$

0

0

म. टा. प्रतिनिधी, कोल्हापूर

महापौरपदासाठी आता काँग्रेस, राष्ट्रवादी आणि विरोधी भाजप-ताराराणी आघाडीतील सत्तासंघर्ष पुन्हा चिघळणार आहेत. सत्तारूढ दोन्ही काँग्रेसच्या सत्ता वाटपाच्या फॉर्म्युलानुसार महापौर अश्विनी रामाणे यांच्या कार्यकाल पुढील महिन्यात संपणार आहे. राष्ट्रवादीला हे पद मिळणार असून महापौरपदासाठी नगरसेविका हसीना फरास, माधवी गवंडी आणि अनुराधा खेडेकर यांच्यात स्पर्धा असणार आहे. दुसरीकडे भाजप, ताराराणी आघाडीने महापौरपदाची निवडणूक लढविण्याची घोषणा केल्याने सामना रंगणार आहे.

महापालिकेचे सभागृह अस्तित्वात येऊन १६ नोव्हेंबर रोजी एक वर्ष पूर्ण होत आहे. महापालिकेत काँग्रेस, राष्ट्रवादी काँग्रेसचे संख्याबळ ४४ आहे तर विरोधी भाजप,ताराराणी आघाडीची सदस्य संख्या ३३ आहे. शिवसेनेचे चार नगरसेवक आहेत.

महापालिका निवडणुकीनंतर दोन्ही काँग्रेसने एकत्र येत सत्ता काबीज केली. दोन्ही काँग्रेसमधील नेते मंडळीत महापालिकेच्या राजकारणात उत्तम समन्वय आहे. महापालिकेच्या राजकारणात दोन्ही काँग्रेसच्या नेते मंडळींचा विरोधक कॉमन आहे. परिणामी काँग्रेस आणि राष्ट्रवादी आघाडी कायम राहणार आहे. शिवाय सत्ताधाऱ्यांच्या बहुमताच्या बळावर राष्ट्रवादीचा महापौर होण्यात सद्यस्थितीला कुठलीही अडचणत नाही. पण आघाडींतर्गत धुसफूस सुरू आहे. जिल्ह्यातील बदलते राजकीय संदर्भाचे पडसाद महापालिकेत उमटण्याची शक्यता आहे. सेनेने पदाधिकारी निवडीवेळी कधी तटस्थतेची तर कधी सत्तारूढ आघाडीला पूरक भूमिका घेतली आहे.

महापालिकेत भाजपला सत्ता हवी आहे. पालकमंत्री चंद्रकांत पाटील यांनी यापूर्वी भाजपचा महापौर करणार, महापालिकेत चमत्कार घडवू अशी जाहीर भूमिका मांडली आहे. भाजप, ताराराणी आघाडीच्या नगरसेवकांनी महापौरपदाची निवडणूक लढविली होती. पुढील महिन्यात होणाऱ्या महापौरपदाच्या निवडीवेळी पुन्हा एकदा सत्ताधारी आणि विरोधक आमनेसामने उभे राहण्याची चिन्हे स्पष्ट आहेत. बहुमतासाठी ४१ नगरसेवकांची गरज आहे.

राष्ट्रवादीत स्पर्धा तीव्र

महापौर रामाणे यांची मुदत १६ नोव्हेंबरपर्यंत असल्याचे सांगितले जाते. यामुळे पुढील महिन्यात महापौरपदाच्या घडामोडीला वेग येईल. राष्ट्रवादीच्या वाट्याला हे पद आले असून स्पर्धा तीव्र आहे. नगरसेविका हसीना फरास, माधवी गवंडी आणि अनुराधा खेडकर यांनी पदावर दावा केला आहे. या तीनही सदस्यांनी नेतृत्वाकडे महापौरपदाची मागणी केली आहे.

भारतीय जनता पक्ष आणि ताराराणी आघाडीतर्फे महापौरपदाची निवडणूक लढविली जाईल. भाजप, ताराराणी आघाडीची लोकांशी बांधिलकी आहे. शहराच्या प्रश्नांच्या सोडवणुकीसाठी, विविध प्रकल्प कार्यान्वित करण्यासाठी कारभार झाला पाहिजे ही भूमिका आहे. यासाठीच महापौरपद, उपमहापौरपदाची निवडणूक लढविली जाईल. नेते जे उमेदवार सुचवतील त्याला निवडून आणण्यासाठी प्रयत्न करू, असे भाजप-ताराराणी आघाडीचे सुनील कदम यांनी सांगितले.

मोबाइल अॅप डाउनलोड करा आणि राहा अपडेट

सिनेमातून कोल्हापूर प्रमोट करू: गोवारीकर

October 22, 2016, 2:30 pm

≫ Next: गावांतील अंधार दूर होणार

≪ Previous: महापौरपदासाठी सामना रंगणार

$

0

0

म. टा. प्रतिनिधी, कोल्हापूर

‘आव्हान पेलण्याची हिम्मत कोल्हापूरकरांत आहे. म्हणून तर सर्व क्षेत्रातील ‘मेक इन कोल्हापूर,’ जगभर प्रसिद्ध आहेत. मात्र सर्व पातळ्यांवर प्रचंड क्षमता असतानाही कोल्हापूर म्हणावे तसे प्रमोट होत नाही. ते प्रमोट करण्याचा प्रयत्न सिनेमाच्या माध्यमातून करणार आहे,’ असे प्रांजळ मत प्रसिद्ध दिग्दर्शक आशुतोष गोवारीकर यांनी शनिवारी व्यक्त केले.

कोल्हापूरच्या प्रगतीचा आढावा घेतानाच ‘मेक इन कोल्हापूर’ च्या माध्यमातून महाराष्ट्र टाइम्सने येथील अंगभूत क्षमतांचा ऊहापोह केला होता. यानिमित्ताने आयोजित मटा कॉनक्लेव्हमध्ये गोवारीकर यांचा सत्कार आयोजित करण्यात आला होता. पण काही अपरिहार्य कारणामुळे तेव्हा ते उपस्थित राहू शकले नाहीत. शनिवारी त्यांनी ‘मटा’ कार्यालयास भेट देऊन सत्कार स्वीकारला. सीनिअर मॅनेजर (रिस्पॉन्स) मधुर राठोड व मुख्य प्रतिनिधी गुरूबाळ माळी यांच्याहस्ते त्यांचा सत्कार झाला.

यावेळी गोवारीकर यांनी मनमोकळ्या गप्पा मारल्या. कलाकाराच्या नजरेतून कोल्हापूरचे विविध पैलू त्यांनी उलगडून दाखवले. ते म्हणाले, ‘कोल्हापूरचा तांबडा, पांढरा रस्सा, मिसळ खात मी घडलो. प्रत्येक वर्षी दिवाळी आणि नाताळच्या सुटीत कोल्हापुरात येत असे. त्यामुळे कोल्हापूरच्या विकासाचे बारकावे आणि टप्पे आता मला प्रकर्षाने जाणवतात. कोल्हापूरने ग्रामीण आणि शेतीचा बाज अशी मूळ संस्कृती कायम ठेवून विकासाकडे वाटचाल सुरू ठेवली, हे महत्त्वाचे आहे.’

चित्रपट निर्मिती आणि व्यवसायाची येथे मोठी परंपरा होती. पण पायाभूत सुविधांअभावी ती परंपरा पुण्यात गेली तेथून ती मुंबईत स्थिरावली, असे सांगून गोवारीकर म्हणाले, ‘एखाद्या ठिकाणाच्या सांस्कृतिक, धार्मिक आणि पर्यटनदृष्ट्या व्यापक प्रचार आणि प्रसिद्धीसाठी चित्रपट माध्यम अत्यंत प्रभावी ठरते. ‘लगान’नंतर अनेक खेळांवर आधारित चित्रपट निघाले. त्याप्रमाणे कोल्हापूरच्या कुस्तीसह अनेक ऐतिहासिक, धार्मिक ठिकाणांचा, अस्सल कोल्हापुरी भाषेचा आणि संस्कृतीचा समावेश चित्रपटात करून कोल्हापूर प्रमोट करता येईल. तसा विचारही माझ्या डोक्यात आहे. या माध्यमातून मी निश्चित प्रयत्न करेन. अर्थात ही प्रक्रिया निरंतर चालणारी आहे. त्यासाठी एक नव्हे दहा चित्रपटही तयार करावे लागतील. मात्र त्यासाठी निश्चितपणे चर्चा सुरू आहेत. एका विशिष्ट टप्प्यावर ही चर्चा आल्यानंतर अधिकृत घोषणाही करणार आहे.’

स्क्रीप्ट जोतिबा, अंबाबाईचरणी

प्रत्येक चित्रपटाचे स्क्रीप्ट लिहून झाल्यानंतर मी पहिल्यांदा आवर्जून श्री अंबाबाई आणि जोतिबाचे दर्शन घेतो. ही दोन्ही दैवतं खूप ऊर्जा देतात, असे गोवारीकर यांनी सांगितले.

देश सर्वोच्चस्थानी

पाकिस्तानी कलाकारावरील बंदीबाबत विचारल्यानंतर ते म्हणाले, ‘कलेपेक्षा देश सर्वोच्चस्थानी असलाच पाहिजे. त्यामुळे देशाच्या प्रतिष्ठेचा विषय जेव्हा येतो तेव्हा साहजिकच कला दुय्यम ठरते.’

मोबाइल अॅप डाउनलोड करा आणि राहा अपडेट

गावांतील अंधार दूर होणार

October 23, 2016, 2:30 pm

≫ Next: बंद चौक्या पुन्हा होणार सुरू

≪ Previous: सिनेमातून कोल्हापूर प्रमोट करू: गोवारीकर

$

0

0

कोल्हापूर

किरकोळ कारणावरुन ग्रामीण भागात सातत्याने खंडीत होणाऱ्या वीजपुरवठ्याची समस्या निकालात काढण्यासाठी तीन हजार लोकसंख्येच्या गावात ग्राम विद्युत व्यवस्थापकाची नेमणूक करण्यात येणार आहे. महावितरणच्या ‘एक गाव, एक ग्राम विद्युत व्यवस्थापक’ योजनेतून ग्रामपंचायत फ्रेंचाइज तत्वावर काम करणार असून प्रशिक्षक व्यवस्थापकांकडून वीजपुरवठ्याबाबत झालेला तांत्रिक बिघाड त्वरीत काढला जाणार आहे. ऊर्जा मंत्रालयाने तयार केलेल्या प्रस्तावाला सरकारने मंजुरी दिली असून याचा फायदा जिल्ह्यातील ५२८ ग्रामपंचायतींना होणार आहे.

ग्रामीण भागामध्ये ग्रामपंचायतस्तरावर अनेक विद्युत विषयक प्रश्न निर्माण होतात. जिल्ह्यातील डोंगराळ तालुक्यामध्ये तर त्यामध्ये आणखीन वाढ होत असते. स्ट्रीट लाइट किंवा घरगुती वीजपुरवठ्यामध्ये बिघाड झाल्यास ग्रामीण भागातील जनतेला अंधाराचा सामना करावा लागतो. काहीवेळा जनप्रक्षोबालाही सामोरे जावे लागत होते. यावर उपाय काढण्यासाठी ऊर्जा मंत्रालयाने महावितरणच्या सहयाने ‘एक गाव, एक ग्राम विद्युत व्यवस्थापक’ योजना आखली होती. योजनेला सरकराने सकारात्मक प्रतिसाद दिला असल्याने तीन हजार लोकसंख्येच्यावरील ग्रामपंचायती फ्रेंचाइज तत्वावर काम करणार आहेत.

नेमणूक केलेली व्यक्ती मीटर रिडिंग घेणे, वीज देयकांचे वाटप करणे, ब्रेकडाऊन अटेंड करणे, वीजपुरवठा करणे, डीओ फ्युज टाकणे, फ्युज कॉल तक्रारी अटेंड करणे, नवीन जोडणीची कामे करणे, रस्त्यावरील पथदिव्यांची देखभाल, दुरुस्ती अथवा बदली करणे आणि थकबाकीपोटी वीजपुरवठा खंडित करणे आदी कामे ग्रामपंचायतीच्या सहाय्याने करणार आहेत. या पदावरील व्यक्तीची नियुक्ती करताना आयटीआय पात्रताधारकाला संधी देण्यात येणार आहे. कंत्राटी पदावरील व्यक्तीला प्रतिग्राहक नऊ रुपये किंवा तीन रुपयांपेक्षा जे जास्त होईल ते महावितरणतर्फे देण्यात येणार आहे.

या निर्णयाचा फायदा जिल्ह्यातील ५२८ ग्रामपंचायतींना होणार असून यामध्ये सर्वाधीक डोंगराळ तालुक्यातील गावांना फायदा होणार आहे. नियुक्त झालेल्या ग्राम विद्युत व्यवस्थापकांना विमा संरक्षणासही देण्यात येणार आहे. पात्र ग्रामपंचायतींना महावितरणकडून आवश्यक साधनसामग्रीचे वितरण करण्यात येणार आहे. यासाठी महावितरणने पाच फ्रेंचाइजी कंपन्यांची नियुक्ती केली आहे. ग्राम विद्युत व्यवस्थापकावर महावितरण कंपनीच्या कनिष्ठ अभियंता यांचे तांत्रिक तर ग्रामपंचायतीचे प्रशासकीय नियंत्रण राहणार आहे. ऊर्जा मंत्रालयाच्या निर्णयामुळे जिल्ह्यातील ५२८ आयटीआय धारकांना रोजगाराची संधी मिळणार आहे.

........

चौकट

जिल्ह्यातील एकूण ग्रामपंचायती - १०३०

पाच हजारपेक्षा जास्त लोकसंख्येच्या ग्रामपंचायती - १२५

तीन हजारपेक्षा जास्त लोकसंख्येच्या ग्रामपंचायती - ५२८

मोबाइल अॅप डाउनलोड करा आणि राहा अपडेट

बंद चौक्या पुन्हा होणार सुरू

October 23, 2016, 2:30 pm

≫ Next: ‘बाजारातील गुंतवणुकीस अभ्यासाशिवाय पर्याय नाही’

≪ Previous: गावांतील अंधार दूर होणार

$

0

0

म. टा. प्रतिनिधी, कोल्हापूर

शहरात सुरू असलेले अवैध धंदे सामाजिक संस्थांनी पोलिसांच्या नजरेत आणून दिल्यानंतर पोलिस यंत्रणेला जाग आली आहे. शहरातील बंद स्थितीतील सर्व पोलिस चौक्या पुन्हा सुरू करण्याच्या सूचना शहर पोलिस उपाधीक्षक भारतकुमार राणे यांनी पोलिस ठाण्यांना दिल्या आहेत, त्याचबरोबर शहरातील अवैध धंद्यांना आळा घालण्यासाठी ठोस कारवाया करण्याचे आदेशही दिले आहेत. याबाबत राणे यांनी रविवारी (ता. २३) लक्ष्मीपुरी पोलिस ठाण्यात वरिष्ठ पोलिस अधिकाऱ्यांची बैठक घेतली.

पाच नोव्हेंबर रोजी मुख्यमंत्र्याच्या उपस्थितीत क्राइम मिटींग घेणार आहेत. त्या पार्श्वभूमीवर पोलिस प्रशासन खडबडून जागे झाले आहे. मुख्यमंत्र्यांच्या दौऱ्याच्या पार्श्वभूमीवर शहरात कोणतीही घटना निदर्शनास येऊ नये याची खबरदारी घेतली जात आहे.

शहरात सुरू असलेल्या अवैध धंद्यांकडे कानाडोळा करणाऱ्या पोलिसांना अनेकदा नागरिकांनी लेखी तक्रारी देऊनही पोलिसांकडून कारवाया होत नव्हत्या. शनिवारी (ता. २२) पतितपावन संस्थेने थेट पोलिसांना सोबत घेऊनच शहरात राजरोसपणे सुरू असलेला मटका आणि जुगारअड्डे निदर्शनास आणून दिले. यानंतर पोलिस यंत्रणा खडबडून जागी झाली असून, शहर पोलिस उपाधीक्षक भारतकुमार राणे यांनी रविवारी (ता. २३) संध्याकाळी शहरातील चार पोलिस ठाण्यांतील अधिकाऱ्यांची तातडीची बैठक घेतली. लक्ष्मीपुरी पोलिस ठाण्यात झालेल्या बैठकीमध्ये राणे यांनी शहरातील बंद पोलिस चौक्या पुन्हा सुरू करण्याच्या सूचना पोलिस निरीक्षकांना दिल्या आहेत. ज्या ठिकाणी जागेची उपलब्धता नाही, त्या ठिकाणचे काम पोलिस ठाण्यातून स्वतंत्रपणे सुरू ठेवावे, त्याचबरोबर नागरिकांकडून आलेल्या तक्रारींवर तत्काळ कारवाई व्हावी, यासाठी संबंधित पोलिस ठाण्यातील पोलिस निरीक्षकांनी लक्ष घालावे, अशा सूचना दिल्या आहेत. सर्व पोलिस चौक्या सक्रीय झाल्याने परिसरातील अवैध धंद्यांना चाप लागेल, त्याचबरोबर तक्रारींची निर्गतही गतीने होईल, असा विश्वास राणे यांनी बैठकीदरम्यान व्यक्त केला. परिसरात सुरू असलेल्या सर्व प्रकारच्या अवैध धंद्यांवरही कठोर कारवाईचे आदेश राणे यांनी दिले आहेत. बैठकीसाठी पोलिस निरीक्षक तानाजी सावंत, अमृत देशमुख, अनिल देशमुख यांच्यासह शहरातील चारही पोलिस ठाण्यातील इतर अधिकारी उपस्थित होते.

डॉल्बीबाबत नोटिसा पाठवणार

सार्वजनिक गणेश उत्सवामध्ये विसर्जन मिरवणुकीत आवाज मर्यादेचा भंग करणाऱ्या १६ मंडळांवर कारवाई सुरू आहे. सर्व मंडळांच्या सदस्यांसह डॉल्बी मालक आणि चालकांवरही गुन्हे दाखल केले आहेत. लवकरच संबंधितांना कोर्टामार्फत नोटिसा पाठवल्या जाणार आहेत, अशी माहिती पोलिस उपाधीक्षक भारतकुमार राणे यांनी दिली.

मोबाइल अॅप डाउनलोड करा आणि राहा अपडेट

‘बाजारातील गुंतवणुकीस अभ्यासाशिवाय पर्याय नाही’

October 23, 2016, 2:30 pm

≫ Next: रेल्वे कारभार हुंडेकऱ्यांच्याच हाती

≪ Previous: बंद चौक्या पुन्हा होणार सुरू

$

0

0

म. टा. प्रतिनिधी,कोल्हापूर

भांडवली बाजारात केलेल्या गुंतवणुकीमध्ये धोका नाही. परंतु, बाजाराच्या अभ्यासाशिवाय गुंतवणुकीस पर्याय नाही, असे मत ज्येष्ठ गुंतवणूक तज्ज्ञ सीए अशोक ढेरे यांनी व्यक्त केले. कोल्हापू इनव्हेस्टर्स असोसिएशन आणि सिक्युरिटिज् अॅन्ड एक्स्चेंज बोर्ड ऑफ इंडिया यांच्या संयुक्त विद्यमाने आयोजित सेमिनारवेळी ते बोलत होते. ‘शेअर बाजारातील गुतंवणूक व धोक्याचे नियोजन’ हा सेमिनारचा विषय होता.

सीए ढेरे म्हणाले, ‘गुंतवणूक म्हणजे धोका आलाच. पण, शेअर बाजारातील धोक्यांचे नियोजन करण्यासाठी आणि मदत करण्यासाठी सेबी व इतर सर्व स्टॉक एक्स्चेंजनी गेल्या काही वर्षांत विचारपूर्वक पावले उचलली आहेत. तरीही गुंतवणूकदारांनी धोका टाळण्यासाठी स्वतः लक्ष घालणेही गरजेचे आहे. भांडवल बाजारात गुंतवणूक करताना त्याचा अभ्यास करणे, कंपन्यांची माहिती घेणे, त्यांचे तिमाही, सहामाही रिपोर्टस घेऊन त्यांचा अभ्यास करणे, कंपन्यांच्या अनेक बाबी तपासून त्यानंतरच गुंतवणूक केल्यास धोका राहत नाही.’

फसवणुकीपासून कोणती सावधगिरी बाळगावी याबाबत ढेरे यांनी मार्गदर्शन केले. सर्व स्टॉक एक्स्चेंजकडे नोंदणी केलेल्या अधिकृत ब्रोकर अथवा सब ब्रोकरकडेच व्यवहार करा, असा सल्ला त्यांनी दिला. स्वागत असोसिएशनचे सचिव अजित गुंदेशा यांनी केले. मनीष झंवर यांनी असोसिएशनच्या कार्याची माहिती दिली. रवींद्र सबनीस यांनी वक्त्यांचा परिचय करून दिला. सुरेश पटेल यांनी आभार मानले.

मोबाइल अॅप डाउनलोड करा आणि राहा अपडेट

---

रेल्वे कारभार हुंडेकऱ्यांच्याच हाती

October 23, 2016, 2:30 pm

≫ Next: आजच्या सभेवर वादाचे सावट

≪ Previous: ‘बाजारातील गुंतवणुकीस अभ्यासाशिवाय पर्याय नाही’

$

0

0

म. टा. प्रतिनिधी, कोल्हापूर

सुमारे दोन कोटी रुपये खर्चून सुविधा निर्माण केलेल्या कोल्हापूर रेल्वे गुडर्स यार्डातील कारभारही हुंडेकऱ्यांच्या हाती आहे. किलोमीटरचे गणित आणि साखर वाहतूकीत नियमबाह्य सवलत देण्याचे धाडस रेल्वे अधिकाऱ्यांच्यामुळेच मिळत आहे. कोल्हापूर, रायबाग, कुडची, मिरज आणि सांगली येथे असलेल्या एका हुंडेकऱ्याने यार्डाला धक्का दिला आहे. हुंडेकरी ते दिल्लीपर्यंत कमिशनचे रॅकेट असल्याने रेल्वेतील अनेक अधिकारी जाळ्यात सापडण्याची शक्यता आहे.

कोल्हापूर, सांगली आणि मिरज येथे दहा वर्षाच्या कालावधीत केंद्रीय गुन्हा अन्वेषण विभागाने (सीबीआय) छापे टाकले आहे. २०१४ मध्ये साखर वाहतूकीत नियमबाह्य सवलत देऊन रेल्वेची कोट्यावधी रूपयांचे नुकसान केल्याची नुकसान केल्याची तक्रार झाली होती. त्या वेळीही काही हुंडेकरी आणि अधिकाऱ्यांच्या घरावर छापे टाकण्यात आले. मध्य रेल्वेच्या पुणे विभागात एक हुंडेकरी प्रसिद्ध आहे. त्याच्याकडे कोल्हापूर, रायबाग, कुडची, मिरज आणि सांगली येथील गुड़्स मार्केट यार्डातील रेल्वेतील मालवाहतूकीचा ठेका आहे.

सांगलीत ७ हुंडेकरी आणि कोल्हापूरात ५ हुंडेकरी आहेत. या पैकी तीन हुंडेकरी अधिकृत नाहीत. साखर कारखानदार, व्यापारी, हुंडेकरी आणि रेल्वे अधिकारी यांचे कमिशनचे जाळे पसरलेले आहे. रेल्वेतील काही खास अधिकारी रेल्वे गुड्स यार्डला भेट दिल्याशिवाय जात नाहीत. त्याच्यासोबत रेल्वेचे सदस्यही आवर्जून उपस्थित राहतात. राजर्षी शाहू टर्मिनसच्या विकासासाठी कार्यरत असलेले मार्गदर्शकही अधिकाऱ्यांच्या सोबत असतात. वरिष्ठ अधिकारी जाईपर्यंत त्याची बडदास्त कायम ठेवली जाते. साखर वाहतुकीच्या सवलतीत मध्य रेल्वेच्या कोल्हापूर विभागातील काही अधिकाऱ्यांचे ‘साखरे’ने तोंड गोड झाले आहे. पाच ठिकाणी ठेकेदारी करणाऱ्या हुंडेकऱ्यांच्या निवासस्थान आणि कार्यालयात छापा टाकून काही कागदपत्रे जप्त केली आहे.

रेल्वेकडून साखर वाहतूक भाड्यामध्ये १० टक्के सवलत दिली जाते. मात्र ठेकेदार, काही साखर कारखानदार आणि रेल्वे वाहतूक विभागाच्या अधिकाऱ्यांनी ही सवलत ३० टक्के दिल्याची तक्रारी सीबीआयकडे झाल्या. संशयित हुंडेकऱ्यांनी तोंड उघडल्यास रेल्वेचे काही अधिकारी जाळ्यात सापडण्याची शक्यता आहे.

०००

कोल्हापुरातून दरारोज सहा ते सात डबे

दक्षिण महाराष्ट्रातील कोल्हापूर, सांगली पट्टा साखर कारखान्यांचा आगार आहे. तब्बल २३ कारखाने येथे आहेत. रेल्वे गुडस् यार्डातून कोल्हापूरहून मोठ्या प्रमाणात आसाम, गुजरात आणि अन्य राज्यात साखर निर्यात केली जाते. त्यापासून रेल्वेला कोट्यावधी रूपयांचे उत्पन्न मिळते. पुणे विभागात माल वाहतुकीतून उत्पन्न मिळवून देऱ्यांत कोल्हापूर दुसरे स्टेशन आहे. त्यामुळे येथे ‘उलाढाल’ मोठी असते.

कारवाईची चर्चा अन् गोपनियता

सीबीआयच्या पथकाने शनिवारपासून सांगली, मिरज आणि कोल्हापूर येथील रेल्वे अधिकारी आणि साखर वाहतूक ठेकेदार यांच्या घरी आणि कार्यालयांत छापा टाकून महत्त्वाची कागदपत्रे जप्त करण्याची कारवाई केली. ही कारवाई रविवारीही सुरू राहिली. त्याची चर्चा कोल्हापूर, सांगलीतील साखर व्यापारी आणि रेल्वेच्या अधिकाऱ्यांच्या स्तरावर होती. या कारवाईमुळे अनेकांचे धाबे दणाणले आहे. मात्र, कारवाईच्या स्थितीबाबत अधिकृत माहिती देण्यास सूत्रांनी नकार दिला. सीबीआयच्या सूत्रांनी स्थानिक पोलिसांनाही फारशी कल्पना न देता विशेष काळजी घेत आपली छाप्याची कारवाई सुरू ठेवली आहे.

मोबाइल अॅप डाउनलोड करा आणि राहा अपडेट

आजच्या सभेवर वादाचे सावट

October 23, 2016, 2:30 pm

≫ Next: उद्यापर्यंत लेखी सूचना द्या

≪ Previous: रेल्वे कारभार हुंडेकऱ्यांच्याच हाती

$

0

0

म. टा. प्रतिनिधी, कोल्हापूर

आयुक्तांच्या कार्यपद्धतीवर असलेला आक्षेप आणि मोघम आरोपांमुळे हात असलेल्या प्रशासनाच्या बदनामीला दिलेले आव्हान यामुळे सोमवारी (ता. २४) होणारी महापालिकेची सर्वसाधारण सभा पुन्हा वादळी ठरण्याची शक्यता आहे. दरम्यान, माजी महापौर सुनील कदम यांनीही सभागृहात जर आयुक्तांकडून नगरसेवकांच्या विरोधात ‘हात पाय बांधून पळा म्हणताय’ अशी असंसदीय भाषा वापरली तर जशास तसे उत्तर दिले जाईल, असा इशाराही दिला आहे.

सर्वसाधारण सभेमध्ये नगरसेवकांकडून अधिकाऱ्यांच्या कारभाराची चिरफाड केली होती. त्याबाबत आयुक्तांनी अधिकाऱ्यांची बाजू घेत मोघमपणे बोलू नये. त्याबाबत रीतसर तक्रार केल्यास अधिकाऱ्यांवर कारवाई करू, असे सांगितले होते. त्यानंतर पुन्हा आयुक्तांनी स्थायी समिती शहराच्या विकास कामांसाठी सहकार्य करत नसल्याचेही विधान केले होते. त्याचा नगरसेवकांनी निषेध करुन सभा तहकूब केली होती. यातून आयुक्त व नगरसेवकांमधील वाद टिपेला पोहचल्याचे स्पष्ट होत आहे.

‘आघाड्यांचे राजकारण बाजूला ठेवून सारे नगरसेवक एकत्र येऊन प्रशासनाविरोधात उभे ठाकले आहेत. आयुक्तांनी नगरसेवकांच्या विरोधात भ्रष्टाचाराचा संशयकल्लोळ उभा करुन स्वच्छ प्रशासक असल्याचा पवित्रा घेतला आहे,’ असा आरोप माजी महापौर सुनील कदम यांनी पत्रकातून केला आहे. जवळचे अधिकारी, कर्मचारी, लोकप्रतिनिधी किती वैतागले असतील याचे आयुक्तांनी आत्मचिंतन करण्याची गरजही व्यक्त केली आहे. अधिकारी व कर्मचाऱ्यांमध्ये आलेली स्वेच्छानिवृत्तीची लाट ही आयुक्तांच्या वर्तणुकीचे उदाहरणच आहे, असेही पत्रकात नमूद केले आहे. सिलाई वर्ल्ड या दुकानाची फाइल आयुक्तांनी ओपन करावी. त्या दुकानाची ५० लाखाची बेकायदेशीर माफी सिद्ध न झाल्यास सभागृहाची दिलगिरी व्यक्त करण्याची तयारीही कदम यांनी दर्शवली आहे.

सर्व नगरसेवक विकासाबाबत एक आहोत. शहराच्या सुधारणेत जर भर पडणार असेल तर हात पाय बांधून पळायला तयार आहोत. मात्र नगरसेवकांच्या विरोधात सभागृहात कोणतीही असंसदीय भाषा वापरली तर आयुक्तांच्या उद्दामपणाला व हिटलरशाहीला जशास तसे उत्तर देईल, असा इशाराही दिला आहे. नगरसेवक व आयुक्त यांच्यामध्ये निर्माण झालेल्या वादातून सोमवारी होणारी सभा पुन्हा वादळी ठरण्याची चिन्हे आहेत.

मोबाइल अॅप डाउनलोड करा आणि राहा अपडेट

उद्यापर्यंत लेखी सूचना द्या

October 23, 2016, 2:30 pm

≫ Next: दर दहा वर्षांनी सिनेसृष्टीत बदल

≪ Previous: आजच्या सभेवर वादाचे सावट

$

0

0

म. टा. प्रतिनिधी, कोल्हापूर

हद्दवाढीला पर्याय म्हणून स्वतंत्र प्राधिकरणासाठी दिलेल्या प्रस्तावासाठी येत्या २५ ऑक्टोबरपर्यंत गावांनी लेखी सूचना कराव्यात. या सूचना २७ ऑक्टोबरला जिल्हाधिकारी डॉ. अमित सैनी यांना देण्यात येणार आहेत. ग्रामपंचायतींकडून आलेल्या सूचना, हरकती आणि त्यानंतर प्राधिकरणाचा अध्यादेश लागू केला जाणार आहे. त्यामुळे गावचे राजकारण बाजूला ठेऊन गावाच्या विकासासाठी अधिक प्राधान्य देण्याचे आवाहन सर्वपक्षीय हद्दवाढ विरोधी कृती समितीचे प्रवक्ते नाथाजीराव पवार यांनी केले. अध्यक्षस्थानी कृती समितीचे अध्यक्ष संपतराव पवार होते. शासकीय विश्रामगृह येथे बैठक झाली. १८ पैकी काही गावच्या सरपंच, प्रतिनिधीनी बैठकीला दांडी मारली. निमंत्रण दिलेले लोकप्रतिनिधीही बैठकीला फिरकले नाहीत.

राज्य सरकारने महापालिका हद्दवाढ प्रस्तावित असलेल्या १८ गावांसाठी स्वतंत्र प्राधिकरणाचा प्रस्ताव दिला आहे. त्याबाबत संबधित ग्रामपंचायतींचा प्रतिनिधी आणि ग्रामस्थांच्यासोबत चर्चा करून पुढील दिशा ठरविण्यासाठी सर्वपक्षीय हद्दवाढ विरोधी कृती समितीतर्फे शासकीय विश्रामगृहात रविवारी बैठक झाली.

समितीचे प्रवक्ते नाथाजीराव पवार म्हणाले, ‘चौदाव्या वित्त आयोगातून होणारी कामे आणि अन्य मार्गातून मिळणाऱ्या निधीतून गावांचा विकास सुरू आहे. मात्र प्राधिकरणाचे नेमके स्वरूप अजूनही काही ग्रामपंचायतीला कळालेले नाही. प्राधिकरणात गावठाण सोडून विचार केला जाणार आहे. १८ गावांत उपलब्ध असलेली जमिनी, गावठाण, त्याचे नकाशे, लोकसंख्या आणि संभाव्य विकासाची प्राथमिक माहिती घेण्यात येत आहे. येत्या मंगळवारी (ता. २५) त्याबाबत गावांना अपेक्षित असलेल्या लेखी सूचना द्याव्यात. अजूनही काही गावांना प्राधिकरणाबाबत संभ्रमावस्था आहे. मात्र हद्दवाढीला पर्याय म्हणून प्राधिकरणाचा उत्तम पर्याय दिला आहे. यामध्ये गावच्या विकासासाठी प्रयत्न करण्याची गरज आहे. मुख्यमंत्री देवेंद्र फडणवीस यांनी नवीन शहर वसाहत अंतर्गत प्राधिकरणाला परवानगी दिली आहे. गावांत अनेक जागा रिकाम्या आहेत. त्याचा विकास करण्यासाठी प्राधिकरणाची मोठी मदत होऊ शकते.

कृती समितीचे अध्यक्ष संपतराव पवार म्हणाले, ‘प्राधिकरणाची नेमकी संकल्पना अद्याप काही गावांना समजलेली नाही. हद्दवाढीला पर्याय म्हणून प्राधिकरण स्वीकारण्याची गरज आहे. पहिल्या टप्प्यात १८ गावे आहेत. गावचा विकास करण्यासाठी प्रत्येक ग्रामपंचायतीने सूचना मांडण्याची गरज आहे. ग्रामपंचायतीचे कोणतेही आर्थिक नुकसान होणार नाही, याची दक्षता घेऊन विकासासाठी सकारात्मक पाऊले उचलण्याची गरज आहे.’

बैठकीत प्रातिनिधीक स्वरुपात काही ग्रामपंचायतीच्या प्रतिनिधींनी सूचना केल्या. जादा एफएसआयसाठी घराचा बांधकाम परवाना देण्याची परवागनी नगरचना विभागापेक्षा ग्रामपंचायतींना द्यावा. ग्रामीण भागातही काही अटी घालून ११ मजली इमारत बांधणीला परवानगी द्यावी, अशी मागणी केली. वळिवडे ग्रामपंचायतीचे रावसाहेब दिगंबरे म्हणाले, ‘प्राधिकरणाची मूळ संकल्पना अद्याप ग्रामपंचायतींना कळालेली नाही. त्यामुळे संभ्रमावस्था आहे. वळिवडे ग्रामपंचायत हद्दीत गावठाण शिल्लक नाही. शिरोली येथील महेश चव्हाण, सलीम महात म्हणाले, ‘प्रत्येक गाव विकासासाठी धडपडत आहे. निधी कमी पडत असल्याने बहुतांशी गावांचा विकास रखडला आहे. पुलाची शिरोली येथील बिरदेव मंदिराजवळी तलावही चांगल्या दर्जाचा होण्याची गरज आहे. सरकारने प्राधिकरणाचा अध्यादेश लागू करण्याची गरज आहे.’ बालिंगा, उचगांव ग्रामपंचायतींच्या प्रतिनिधींनी विकासासाठी गावच्या परिसरात कमी जागा शिल्लक असल्याचे सांगितले. या वेळी एम. एस. पाल, रावसाहेब दिगंबरे, नागांवचे सरपंच भीमराव खाडे, माजी सरपंच उत्तम सावंत, शेतकरी संघटनेचे राहुल पाटील, हनुमान पतसंस्थेचे अध्यक्ष अरूण माळी आदी उपस्थित होते.

लोकप्रतिनिधी,सरपंचांची दांडी

हद्दवाढ विरोधात आक्रमक आणि आंदोलन पुढे असलेले आमदार चंद्रदीप नरके, आमदार अमल महाडिक, आमदार सुजित मिणचेकर यांनी बैठकीकडे पाठ फिरविली. तर प्राधिकरणात समाविष्ट असलेल्या गावांतील सरपंच आणि त्यांचे प्रतिनिधीही बैठकीला आले नाहीत

मोबाइल अॅप डाउनलोड करा आणि राहा अपडेट

दर दहा वर्षांनी सिनेसृष्टीत बदल

October 23, 2016, 2:30 pm

≫ Next: इचलकरंजीत सराफाचा भरदिवसा खून

≪ Previous: उद्यापर्यंत लेखी सूचना द्या

$

0

0

म. टा. प्रतिनिधी, कोल्हापूर

सैराट सिनेमा लोक‌प्र‌िय झाला आहे. त्याआधी फँड्री, किल्ला, एलिझाबेथ एकादशी असे अनेक नव्या पठडीतले सिनेमे आले. सैराट त्याच वाटेवरून आला त्याला प्लॅटफॉर्म तयार होता. दहा वर्षांपूर्वी माझा ‘लगान’ आला त्यावेळीही बदलाची प्रक्रिया सुरू झाली होती. माझे निरीक्षण असे आहे की, सिनेसृष्टीतील भाषा, कला, संगीत आदींमध्ये दर दहा वर्षांनी बदल होत असतात. ही बदलाची भाषा प्रेक्षक स्वीकारत असतो, त्यामुळेच सिनेमे डोक्यावर घेतात, असे मत प्रसिद्नध दिग्दर्शक, निर्माते आशुतोष गोवारीकर यांनी व्यक्त केले. महाराष्ट्र टाइम्स कार्यालयास त्यांनी भेट दिली. त्यावेळी विचारलेल्या विविध प्रश्नांना उत्तर देताना ते बोलत होते. यावेळी निख‌िल साने, दिग्दर्शक राजेश म्हापसेकर उपस्थित होते.

दीर्घ कालखंडानंतर अभिनयाची भूमिका कशी केली ?

उत्तर: ‘सरकारनामा’ नंतर मी अभिनयाकडे पुर्णपणे पाठ ‌‌‌फिरवून निर्मिती, दिग्दर्शनावर लक्ष केंद्र‌ित केले. ‘व्हेंट‌िलेटर’ चित्रपटाचे कथानक लिहिल्यानंतर प्रमुख भूमिका मीच करू शकतो, असे दिग्दर्शक राजेश म्हापसेकर यांना वाटले. त्यांनी विचारल्यानंतर दीर्घ कालखंडानंतर कॅमेरासमोर जाऊन अभिनय करण्याचे धाडस सुरुवातीला झाले नाही. त्यामुळे प्रारंभी मी नकारच दिला. दरम्यान, मी विचार करत होतो, त्याचवेळी अचानक निर्माती प्रियांका चोप्राचा फोन आला. तुला व्हेंट‌िलेटरमध्ये काम करायचे असल्याचे सांगितले. ते मी मान्य केले. व्यस्त दिनक्रमातून वेळ काढून अभिनय केला. सिनेमा पुर्ण झाल्यानंतर मी अभिनय पाहिला व त्यात यशस्वी झाल्याचे समाधान वाटले.

सिनेम आणि पर्यटन यांचा परस्परसंबंध काय आहे?

थंड हवेचे ठिकाण म्हटले की, आपल्याला डेहराडून, मसुरी, सिमला आठवते. मात्र, गुलाम सिनेमा आला आणि अमिर खान आणि राणी मुखर्जीवर चित्रीत झालेले ‘आती क्या खंडाला’ हे गाणे गाजले. आणि अखंड भारतातील पर्यटक खंडाळ्याला येऊ लागले. हे प्रमोटिंगचे चांगले उदाहरण आहे. त्यामुळे परिषद, चर्चा, परिसंवाद घडवून किंवा पर्यटन विभागाने प्रयत्न करून एकाद्यावेळी पर्यटनवृद्धी, ऐतिहासिक, धार्मिक स्थळाचा नावलौकिक होणार नाही. पण हे काम एका सिनेमामुळे होऊ शकते.

‍सिनेमा प्रदर्शित करताना कोणत्या गोष्टींचा विचार करावा लागतो ?

उत्तर- वर्षभरातील ३६५ दिवस. त्यात देशभरात निर्माण होणारे सिनेमे यांचे गणित पाहिले तर, आपण प्रदर्शित करणार त्या तारखेला कोणत्या ना कोणत्या स्टारचा सिनेमा प्रदर्श‌ित होणार हे गृहित धरले जाते. मी मोहोजोदरोची तारीख निश्चित केली. त्याचवेळी इतर चित्रपटही प्रदर्शित होणार होते. पण मी त्याचा विचार केला नाही. निश्चित केलेल्या तारखेलाच माहोजोदरो प्रदर्शित केला. प्रेक्षकांना आवडल्याने गाजला. मी नेहमी कोण काय टीका करतात त्याला महत्त्व न देता चित्रपट निर्मितीवर लक्ष केंद्र‌ित करतो. सिनेमा यशस्वी झाल्यानंतर यशाची अनेक कारणे सांगितले जातात. पण अयशस्वी झाल्यानंतर आपल्या सोयीनुसार चुकांवर बोट ठेवले जाते.

आपण मोठ्या कलाकारांसोबत काम केलेय. काय अनुभव आहेत?

प्रत्येक कलाकार वेगळा असतो. त्याच्या सादरीकरणाची पद्धत वेगळी असते. आधी कथानक मागून घ्यायचे, ते वारंवार वाचून काढायचे, बारकाव्याचा अभ्यास करायचे, वेषभूषा करून अभिनय करायचा अशी पद्धत अमीर खानची आहे. कथानकाची अभ्यास केल्यानंतर उस्फुर्तपणे अभिनय करायचे अशी शाहरूख खानची पद्धत आहे. या दोघांचे कॉम्ब‌िंनेशन हृतिक रोशनमध्ये आहे. शिवाय अभिनयाप्रमाणे देहबोली, प्रत्यक्ष अभिनयावेळची स्वयंस्फुर्ती हे अतिशय वेगळेपण त्याच्याकडे आहे.

मराठी चित्रपटातील सैराटच्या यशाचे गमक काय ?

उत्तर: सिनेमांत दहा वर्षानंतर बदलाची प्रक्रिया सुरू होते. फँड्रीसारखे वेगळ्या धाटणीचे सिनेमे गाजले. त्यानंतर लगेचच सैराट प्रदर्शित झाला. त्यामधील भाषा, कलाकारांचे चेहरे, संगीतातील लयबद्धता वेगळे असल्याने प्रेक्षकांना अपील झाले. माझ्या ‘लगान’ च्या यशाचेही हेच सूत्र होते. कथानक लिहिल्यानंतर लगानला यश मिळणार असे वाटत होते. पण मनात धाकधुक असल्याने बोलण्याचे धाडस होत नव्हते. ‌अमिर खाननेही त्यावेळी स्क्रीप्ट वाचली. त्यालाही तसेच वाटले होते, मा‌त्र स्वभावाप्रमाणे तो बोलला नाही. तांत्रिक गोष्टी, सादरीकरण चांगले जुळून आले. ‘लगान’ हिट झाला. ऑस्कर विजेताही ठरला.

मोबाइल अॅप डाउनलोड करा आणि राहा अपडेट

इचलकरंजीत सराफाचा भरदिवसा खून

October 23, 2016, 2:30 pm

≫ Next: मराठा समाजाचे मोर्चे दलितविरोधी नाहीत

≪ Previous: दर दहा वर्षांनी सिनेसृष्टीत बदल

$

0

0

म. टा. वृत्तसेवा, इचलकरंजी

येथील गजबजलेल्या विकली मार्केटमधील सराफाचा भरदिवसा दुकानात घुसून निर्घृणपणे खून करण्यात आला. अनिल चंद्रकांत शिंदे (वर ३५ रा. पंत मळा, खानाज गल्ली , मूळगाव हेरवाड) असे त्याचे नाव आहे. धारदार शस्त्राने हल्ला करून दुकानातील सोन्याचांदीचे दागीने लंपास केल्याचा प्राथमिक अंदाज व्यक्त होत आहे. शिंदे व्याजाने पैसे देण्याचा व्यवसाय करीत होते, यातूनच, अगर दिवाळी सणाच्या तोंडावर लाखो रुपयांचा मुद्देमाल दुकानात असतो याची खात्री करुनच हा खून झाला असावा, असाही तर्क काढला जात आहे.

रात्री उशीरा या खुनाची नोंद शिवाजीनगर पोलिस ठाण्यात झाली आहे. घटनास्थळी नागरिकासह सराफ व्यवसायिकांनी मोठी गर्दी केली होती.

येथील विकली मार्केट परिसरात अनिल शिंदे रांचे परम गोल्ड नावाने सराफ दुकान असून याठिकाणी सोने, चांदी गाळणी, रिफाईनरी व टंचचे काम केले जात होते. मूळचे हेरवाड (ता. शिरोळ) रेथील राहणारे शिंदे हे गेल्या दोन वर्षांपासून इचलकरंजीतील पंत मळा, खानाज गल्लीत राहतात. रविवारी नेहमीप्रमाणे दुपारी जेवण करून ते दुकानात आले होते. दुकानाला बंद केबीन असल्याने दरवाजा बंद केल्यानंतर आतील काहीच दिसत नाही, शहरातील एका सराफ दुकानातील दोन कामगार शिंदे यांच्याकडे सोने टीफाईन करण्यासाठी आले असता शिंदे हे रक्ताच्या थारोळ्यात पडलेले दिसून आले. धारदार शस्त्रानी डोक्यात, पोटावर, छातीवर वार करण्यात आल्याने घटनास्थळी रक्ताचा सडा पडला होता, या घटनेची माहिती शेजारीच असलेल्या दुकानदारांना दिली. त्यानंतर या खुनाबाबत शिवाजीनगर पोलिसांना कळविणत आले. माहिती मिळताच पोलिसांनी घटनास्थळी धाव घेतली.

अनोळखी व्यक्तीने हातोडी अगर अन्य धारदार हत्याराने वर्मी घाव घातल्यानेच शिंदे यांचा खून झाल्याचे उघडकीस आले. शिंदे हे गोल्ड टेस्टिंग कामातील मोठे व्यापारी होते. शहर व परिसरातील अनेक सोनार दुकानातील सोने-चांदी व रिफाईनचे काम ते करत होते. व्याजाने पैसे देत असल्याची पोलिसांना माहीती समजली. पाळत ठेवून ओळखीच्या व्यक्तीनेच हे कृत्य केल्याचा संशय वर्तविला जात आहे. अचानक झालेल्या हल्यामुळे शिंदे यांना प्रतिकार करण्यास वेळ मिळाला नसावा, असाही अंदाज आहे. रिपेअरींग रुममधील तिजोरी उघडी असल्यामुळे हल्लेखोरांनी जाताना मुद्देमाल चोरुन नेल्याचा अंदाज व्यक्त होत आहे. पोलिसांनी परिसरातील सीसीटिव्ही फुटेजची पाहणी केली आहे. मात्र त्यांच्या हाती काहीच धागेदोरे लागले नाहीत. आयजीएम रुग्णालयात शवविच्छेदन करण्यात आले. शिंदे यांच्या नातेवाईकांसह मित्र व सराफांनी गर्दी केली होती. घटनास्थळी अप्पर पोलिस अधिक्षक, पोलिस उपअधिक्षक रमेश सरवदे यांच्या सह पोलिस अधिकाऱ्यांनी भेट देऊन पाहणी केली.

मोबाइल अॅप डाउनलोड करा आणि राहा अपडेट

मराठा समाजाचे मोर्चे दलितविरोधी नाहीत

October 23, 2016, 2:30 pm

≫ Next: लक्ष्मीपुरीतील बाजारपेठ फुल्ल

≪ Previous: इचलकरंजीत सराफाचा भरदिवसा खून

$

0

0

म. टा. प्रतिनिधी, कोल्हापूर

राज्यात लाखोंच्या संख्येने निघत असलेले मराठा समाजाचे मोर्चे दलित विरोधी नसून, ते मराठा समाजाचे वर्षानुवर्षे शोषण करणाऱ्यांविरोधात आहेत, असे मत रिपब्लिकन सेनेचे संस्थापक अध्यक्ष आनंदराज आंबेडकर यांनी आज, कोल्हापुरात पत्रकारांशी बोलताना व्यक्त केले. या मोर्चांच्या विरोधात दलित संघटनांनी मोर्चे काढू नयेत, असे आवाहनही त्यांनी केले आहे.

पक्षाच्या कार्यक्रमाच्या निमित्ताने कोल्हापुरात आलेल्या आनंदराज यांनी शाहू स्मारक भवन येथे पत्रकारांशी संवाद साधला. ते म्हणाले, ‘कोपर्डीची घटना अतिशय दुर्देवी आहे. त्याचा आम्हीही तीव्र निषेध करतो. या दुर्दैवी घटनेनंतर राज्यभरात निघालेले मराठा समाजाचे उत्स्फूर्त मोर्चे दलित समाजाच्या विरोधात नाहीत. ज्यांनी मराठा समाजाचा केवळ उपयोग करून घेतला. त्या व्यवस्थेच्या विरोधात हे मोर्चे निघाले आहेत.’ एका तरुणीवर अत्याचार झाल्यानंतर एवढ्या मोठ्या संख्येने निघालेल्या या मोर्चांमुळे भविष्यात महिला सुरक्षित राहतील, अशी अपेक्षा आंबेडकर यांनी व्यक्त केली.

काही स्थानिक राजकीय पुढाऱ्यांमुळे अॅट्रॉसिटीचे खोटे गुन्हे दाखल झाले आहेत, असा आरोप आंबेडकर यांनी केला. कायद्यातील बदलाबाबत आंबेडकर म्हणाले, ‘अॅट्रॉसिटी कायदा केवळ महाराष्ट्र राज्यापुरता मर्यादित नाही, तर तो संपूर्ण देशासाठीचा कायदा आहे. त्यामुळे त्यात तातडीने मोठे बदल होतील, असे वाटत नाही.’ यावेळी रिपब्लिकन सेनेचे जिल्हाध्यक्ष सखाराम कामत, राज्य अध्यक्ष काशीनाथ निकाळजे, राज्याचे सरचिटणीस भाई सावंत, पश्चिम महाराष्ट्र अध्यक्ष सुभाष शिंगे, सागर कांबळे, राजश्री लाड आदी प्रमुख उपस्थित होते.

मोबाइल अॅप डाउनलोड करा आणि राहा अपडेट

लक्ष्मीपुरीतील बाजारपेठ फुल्ल

October 24, 2016, 2:30 pm

≫ Next: मुलीचा गळा आवळून आईची आत्महत्या

≪ Previous: मराठा समाजाचे मोर्चे दलितविरोधी नाहीत

$

0

0

म. टा. प्रतिनिधी, कोल्हापूर

दिवाळी हा मांगल्याचा सण. ग्राहकांना दिवाळी उत्साहात साजरी करता यावी यासाठी लक्ष्मीपुरी मार्केट सज्ज झाले आहे. कपडे तसेच इलेक्ट्रॉनिक मार्केट म्हणून प्रसिद्ध असलेल्या लक्ष्मीपुरीत खरेदीसाठी धूम उडाली आहे.

केवळ चार दिवसांवर आलेल्या दिवाळीसणाच्या खरेदीसाठी सर्वत्र उत्साहाचे वातावरण आहे. शहरातील आसपासच्या विविध बाजारपेठांमध्ये विविध वस्तूंच्या खरेदीसाठी गर्दी होत आहे. दिवाळीनिमित्त लक्ष्मीपुरीतील सर्व दुकाने सकाळी सात वाजल्यापासून रात्री उशिरापर्यंत खुली आहेत. लक्ष्मीपुरीमध्ये असलेल्या वालावलकर, आदर्शा, चंद्ररुप, रंगवर्षा यांसह विविध दुकानांमध्ये ब्रँडचे कपडे उपलब्ध आहेत. त्यामुळे कोल्हापूरसह सांगली, सातारा, बेळगाव परिसरातील ग्राहकांची गर्दी लक्ष्मी रोडवरील शोरूम्समध्ये होत आहे. लहान मुलांपासून अगदी आबालवृद्धांपर्यंतच्या ग्राहकांसाठी या परिसरात ब्रँडेड कपडे उपलब्ध असल्याने परिसरात गर्दी झालेली दिसून येते.

सध्या युवतीमधील अनारकली फॅशन कायम असून तरुणांमध्ये जीन्स जॅकेटला मागणी आहे. याचबरोबर या परिसरात साड्यांचे अधिक दुकाने असून पैठणी, कांजीवरम, सिल्क अशा साड्या महिलांना आक‌र्षित करत आहेत. आजही तयार कपड्यांऐवजी कापड घेऊन ड्रेस शिवण्याचा एक वर्ग असल्यामुळे टेलरिंगचा व्यवसायही जोरात आहे. ग्राहकांना आकर्षित करण्यासाठी शोरुम्सला आकर्षक रोषणाई करण्यात आली असून वेगवेगळ्या ऑफर्स झळकत आहेत. प्रत्येक दुकानासमोर लावलेल्या टू व्हिलर, फोर व्हिलर आ‌णि दुकानामध्ये ओसंडून वाहणारी गर्दी असे चित्र लक्ष्मीपुरीमध्ये दिसून येत आहे.

याचबरोबर लक्ष्मीपुरीतील सायकल्सचेही मार्केट आहे. दिवाळीत इलेक्ट्रॉनिक वस्तूंमध्ये टीव्ही, वॉशिंग मशीन, फ्रीज अशा वस्तू खरेदीला पाडव्याला गर्दी होत असल्यामुळे इलेक्ट्रॉनिक मार्केटही सज्ज झाले आहे.

फराळाच्या साहित्याची बाजारपेठ

लक्ष्मीपुरी परिसरात धान्य व तेलाचे व्यापारी मोठ्या संख्येने असल्याने फराळ तयार करण्यासाठीचे साहित्य खरेदीसाठी लक्ष्मीपुरीत गर्दी झाली आहे. मालाची ने-आण करणारी वाहने व ग्राहकांमुळे या परिसरात हाउसफुल्ल गर्दी होत आहे. ग्रामीण भागातून धान्य नेणारी वाहनेही मोठ्या संख्येने येत असल्याने सातत्याने वाहतुकीची कोंडी होते.

इतर मार्केटच्या तुलनेत या परिसरातील शोरुम्स वाढली आहेत. राजारामपुरी आणि महाद्वार रोड मार्केटप्रमाणे लक्ष्मीपुरी मार्केट हे कपडे, इलेक्ट्रॉनिक वस्तूंसाठी प्रसिद्ध आहे. द‌िवाळीनिमित्त व पाडव्यानिमीत्त हा परिसर नेहमीच गजबजून जातो.

सूरज घाटगे, व्यापारी, लक्ष्मीपुरी

मोबाइल अॅप डाउनलोड करा आणि राहा अपडेट

---

मुलीचा गळा आवळून आईची आत्महत्या

October 24, 2016, 2:30 pm

≫ Next: फराळातही रेडी टू कुक

≪ Previous: लक्ष्मीपुरीतील बाजारपेठ फुल्ल

$

0

0

म. टा. वृत्तसेवा, इचलकरंजी

दोन वर्षीय मुलीचा गळा आवळून खून करून स्वत: गळफास लावून आईने आत्महत्या केल्याची घटना येथील तोरणानगर परिसरातील घडली. अर्चना राकेश कुंभार (वय २७) असे मातेचे नाव असून काव्या राकेश कुंभार असे दुर्दैवी मुलीचे नाव आहे. या घटनेची नोंद शहापूर पोलिस ठाण्यात झाली आहे. घरगुती वादातून हा प्रकार घडल्याचे समजते. याप्रकरणी राकेश कुंभार यांनी शहापूर पोलिसात वर्दी दिली आहे.

शहापूर परिसरातील तोरणानगर भागात राकेश कुंभार हे कुटुंबासह राहण्यास आहेत. राकेश कुंभार (वय ३१) हे यंत्रमाग कामगार असून त्यांचा तीन वर्षांपुर्वी कोल्हापूरातील अर्चना हिच्याशी विवाह झाला होता. परंतु पती पसंत नसल्याच्या कारणावरुन उभयंतामध्ये नेहमी वाद घडत होता. वादाचे प्रकरण अनेकवेळा पोलिस ठाण्यापर्यंत गेले होते. या वादाला कंटाळून राकेश याची आई आणि भाऊ हे अर्चना हिला घेऊन जाण्याबाबत सांगण्यासाठी कोल्हापूर येथील तिच्या मामाच्या घरी गेले होते. सोमवारी राकेश दुपारच्या सुमारास काही कामानिमित्त घराबाहेर गेले होते. घरी कोणी नसल्याचे पाहून अर्चना हिने मुलगी काव्या हिचा साडीने गळा आवळून खून केला. त्यानंतर स्वत: साडीने गळफास लावून घेऊन आत्महत्या केली. तीन वाजण्याच्या सुमारास राकेश घरी आल्यानंतर ही घटना निदर्शनास आली. त्यांनी तातडीने काव्याला खासगी रुग्णालयात उपचारासाठी नेले. परंतु तिचा उपचारापुर्वीच मृत्यू झाल्याचे डॉक्टरांनी सांगितले. ही घटना तोरणानगर परिसरात समजताच घटनास्थळी नातेवाईकांनी व नागरिकांनी मोठी गर्दी केली होती. नातेवाईकांनी केलेला आक्रोश हृदय पिळवटून टाकत होता. घटनेची माहिती मिळताच शहापूर पोलिस ठाण्याचे पोलिस निरिक्षक सीताराम डुबल, सहाय्यक पोलिस निरीक्षक प्रज्ञा देशमुख यांनी भेट देऊन माहिती घेतली. कौटुंबिक वादातून अशाप्रकारे आत्महत्या केल्याने परिसरात हळहळ व्यक्त करण्यात येत होती.

मोबाइल अॅप डाउनलोड करा आणि राहा अपडेट

फराळातही रेडी टू कुक

October 24, 2016, 2:30 pm

≫ Next: पावणेदोन लाखांचे खाद्यतेल जप्त

≪ Previous: मुलीचा गळा आवळून आईची आत्महत्या

$

0

0

म. टा. प्रतिनिधी, कोल्हापूर

दिवाळी म्हटलं की करंजी, चकली, लाडू, बाकरवडी, शेव, शंकरपाळी, अनारसे, चिवडा अशा पदार्थांनी भरलेले डबे आलेच. सध्या घरोघरी गडबड सुरू आहे ती फराळाचे पदार्थ करण्याची. अनेक महिलांना घरी फराळाचे पदार्थ करावेत असे वाटत असते. मात्र, नोकरी व्यवसायातील वेळेचे गणित सांभाळत ही हौस भागवणे शक्य होत नाही. अशा महिलांना फराळ स्वत:च्या हाताने बनवण्याचे समाधान देणारे रेडिमेड साहित्य बाजारात पसंतीला उतरत आहे. फराळाचे पदार्थ तयार आणले तर पुरवठी येत नाहीत आणि घरी करायचे म्हटले तर वेळ मिळत नाही अशा कात्रीत सापडलेल्या अनेक महिलांसाठी फराळाचे रेडिमेड साहित्य रेडी टू कुकचा आनंद देत आहे.

अनारसे तयार करायला घ्यावेत आणि कढईतल्या तुपात सोडले की कढईभर पसरावेत असा अनुभव अनेकदा पट्टीच्या सुरगणींनाही येतो. अनारशांचे सगळे कौशल्य त्याच्या पीठात असते. त्यामुळे अनेकदा अनारसे करण्याचा घाट घरी कुणी घालत नाही. पण ज्यांना अनारसे आवडतात त्यांच्यासाठी सध्या तयार मिळणाऱ्या अनारशांच्या पीठांनी काम सोपे केले आहे. तांदुळ भिजवून कष्टाने हे पीठ तयार केले जाते. त्यामुळे तयार पीठ आणायचे आणि खसखस लावून अनारसे फक्त तळण्याचे काम घरी करायचे ही क्लुप्ती रेडिमेड अनारसे पीठांनी आणली आहे. त्यामुळे केवळ अनारसे पीठ बनवून विक्री करण्याचा व्यवसाय अनेक महिला करत आहेत.

सारण तयार आणा आणि करंजी करा असा मंत्र सध्या काही महिलांसाठी फराळ बनवणे सोपे करत आहे. करंजी मुळातच फक्त दिवाळीत आणि लग्नाच्या रूखवतात होते. किमान चार ते पाच जणी मदतीला असल्याशिवाय करंजीचा पोलपाट ते हारा हा प्रवास लवकर होत नाही. पीठ भिजवणे ते मरदणे आणि फोड येईपर्यंत चेचणे हा तर करंजी करण्याआधीचा व्याप अनेक महिलांना नकोच वाटतो. तर सुके खोबरे खिसून त्यात पिठीसाखर आणि वेलचीपूड घालून खमंग सारण करण्यात अर्धा दिवस खर्ची जातो. मात्र सारणच रेडिमेड मिळत असल्याने करंजी करण्याची हौस अनेकजणी भागवून घेत आहेत. शिवाय सध्या खिसलेले खोबरेही मिळत असल्याने करंजी करण्याचा आनंदही महिलांना मिळत आहे. चकलीच्या भाजाणीच्या तयार पिठापासून ते चिवड्याचा रेडिमेड मसाला, तुपात भाजलेल्या बेसनमध्ये पिठीसाखर ​घातलेले लाडूमिक्स आवर्जुन घरी आणले जात आहे.

दिवाळीत घरी आलेल्या पाहुण्यांसमोर फराळाचे तबक ठेवल्यानंतर सगळा फराळ घरी बनवला आहे असं सांगण्यासाठी आतूर असलेल्या पण वेळ नसल्याने फराळ बनवण्याचे समाधान न मिळणाऱ्या महिलांसाठी रेडिमेड साहित्यापासून फराळ बनवण्याचा आनंद मात्र दिवाळीचा उत्साह वाढवत आहे.

कळ्यांना सर्वाधिक मागणी

बुंदीचे लाडू करायचे म्हटले की कळ्या पाडण्यासाठी वरवंटा लावण्यापासून प्रपंच मांडावा लागतो. त्यामुळे गेल्या काही वर्षात घरात बुंदीचे लाडू बनतच नव्हते. मात्र तयार मिळणाऱ्या कळ्यांनी पुन्हा एकदा घराघरात पक्का पाक बनवला जात आहे. पाकात फक्त रेडिमेड कळ्या घालायच्या आणि लाडू वळायचे इतके सोपे झाल्याने बुंदी लाडूचाही घाट महिलांच्या आवाक्यात आला आहे. दिवाळीसाठी तयार कळ्यांना इतकी मागणी वाढली आहे की हजारो किलोंनी फक्त तयार कळ्या विकल्या जात आहेत.

मोबाइल अॅप डाउनलोड करा आणि राहा अपडेट

पावणेदोन लाखांचे खाद्यतेल जप्त

October 24, 2016, 2:30 pm

≫ Next: सोशल मीडियावर दिवाळीची धूम

≪ Previous: फराळातही रेडी टू कुक

$

0

0

म. टा. प्रतिनिधी, कोल्हापूर

जुन्या आणि गंजलेल्या पत्र्याच्या डब्यांचा वापर करून खाद्यतेलाचे पुन्हा पॅकिंग करून विक्रीसाठी पाठवणाऱ्या मे. प्रमिलचंद्र फुड्स (बोरवडे, ता. कागल) या विक्रेत्यावर अन्न व औषध प्रशासन विभागाने सोमवारी (ता. २४) कारवाई केली. भेसळीच्या संशयावरून अधिकाऱ्यांनी पावणेदोन लाख रुपये किमतीचे १७४० किलो खाद्यतेल आणि दिशाभूल करणाऱ्या जाहिरातींचे लेबल जप्त केले, तर तेलाचे पाच नमुने तपासणीसाठी पाठवले आहेत. संशयास्पद खाद्यतेलाची विक्री होऊ नये, यासाठी प्रमिलचंद्र फुड्स सीलबंद करण्यात आले आहे.

दिवाळी सणाच्या पार्श्वभूमीवर खाद्यतेल आणि खाद्यपदार्थांची भेसळ होण्याची शक्यता असल्याने अन्न व औषध प्रशासन विभागाकडून संशयास्पद दुकाने, विक्रेते, वितरकांवर अचानक धाडी टाकून तपासणी केली जात आहे. सहायक आयुक्त सु. आ. चौगुले यांच्या पथकाने सोमवारी कागल तालुक्यातील काही विक्रेते आणि वितरकांची तपासणी केली. मे. प्रमिलचंद्र फुड्स या विक्रेत्यांकडे अचानक केलेल्या तपासणीत पथकाला जुने व गंजलेले पत्र्याचे डबे आढळले. याच डब्यांमध्ये खाद्यतेलाचे पुन्हा पॅकिंग करून विक्रीसाठी पाठवले जात होते. जुन्या डब्यांमधून खाद्यतेल विकण्यास बंदी असतानाही जाणीवपूर्वक जुने डबे वापरून ग्राहकांच्या आरोग्याशी खेळ सुरू असल्याचे निदर्शनास आल्याने पथकाने २० डबे जप्त केले. याच ठिकाणी अस्वच्छ जागेत रिफाईंड सूर्यफूल तेल, सरकी तेल, सोयाबिन तेल आणि खोबरेल तेल पुन्हा पॅकिंग करताना सापडले. पथकाने भेसळीच्या संशयावरून सुमारे पावणेदोन लाखांचे १७४० किलो खाद्यतेल जप्त केले. मे. प्रमिलचंद्र फुड्सकडून माय कोल्हापुरी ब्रँड या नावाचे लेबल्स वापरले जात होते. हे लेबल्स दिशाभूल करणारे असल्याने तेही जप्त करण्यात आले.

पॅकिंग केलेले पत्र्याचे डबे आणि प्लास्टिकच्या कॅनवर योग्य माहिती छापलेली नाही. खाद्यतेलातील घटकांचा तपशील चुकीचा आहे, त्याचबरोबर लेबलवर ‘मेडिकल क्लेम’ असे छापल्याचे निदर्शनास आल्याने ग्राहकांची फसवणूक करणारी ४२०० रुपयांची लेबल्स जप्त करण्यात आली आहेत. तपासणी पथकाने खाद्यतेलाचे पाच नमुने घेतले असून तपासणीसाठी प्रयोगशाळेत पाठवले आहेत. तपासणीचा अहवाल येताच पुढील कारवाई केली जाणार आहे. तोपर्यंत प्रमिलचंद्र फुड्स सीलबंद केल्याची माहिती सहायक आयुक्त सु. आ. चौगुले यांनी दिली. अन्नसुरक्षा अधिकारी अ. भु. कोळी, अस्मिता टोणपे, शिवाजी तोडकर आदींच्या पथकाने ही करावाई केली.

खाद्यपदार्थांची होणार तपासणी

दिवळीसाठी तयार खाद्यपदार्थ खरेदी करण्याकडे कल वाढला आहे. याचा गैरफायदा घेत काही भेसळखोर खाद्यपदार्थांमध्ये भेसळ करतात, त्यामुळे भेसळखोरांना रोखण्यासाठी शहरातील स्वीटमार्ट आणि फराळ विक्रेत्यांवर अन्न व औषध प्रशासनाची करडी नजर आहे. संशयास्पद दुकानांमध्ये अचानक जाऊन पदार्थांची तपासणी केली जाणार आहे, त्याचबरोबर पदार्थ तयार करण्याच्या ठिकाणीही अचानक धाडी टाकून स्वच्छता आणि कच्च्या मालाचा दर्जा तपासला जाईल, अशी माहिती सहायक आयुक्त सु. आ. चौगुले यांनी दिली.

मोबाइल अॅप डाउनलोड करा आणि राहा अपडेट

सोशल मीडियावर दिवाळीची धूम

October 24, 2016, 2:30 pm

≫ Next: ‘नगररचना’च्या फायली आयुक्तांकडे

≪ Previous: पावणेदोन लाखांचे खाद्यतेल जप्त

$

0

0

म. टा. प्रतिनिधी, कोल्हापूर

दिवाळी अगदी चार दिवसांवर आली असल्याने सोशल मीडियाद्वारे मित्र, नातवाईकांवर शुभेच्छांचा वर्षाव होत आहे. दिवाळीच्या आठ दिवस अगोदर शुभेच्छा दिल्या जात असताना आपणही मागे नसल्याचे दाखवून देण्यासाठी एकच धावपळ सुरू असल्याचे प्रत्येक व्हॉट्सअॅप ग्रुपवर दिसत आहे. काहींनी तर पुढील २५ वर्षांच्या दिवाळीच्या तारीखनिहाय शुभेच्छा दिल्या आहेत. आनंदाचा सण उत्साही वातावरणात साजरा करण्यासाठी सोशल मीडियावरील संदेशाने धूम उडवली आहे.

दिवाळी सण म्हणजे मांगल्याचा सण. या सणाचा आनंद काही औरच असतो. दिवाळीची आगोदर व त्यानंतर काही दिवस आनंदचे वातावरण असते. दिवाळी सणातील होणारी प्रचंड उलाढाल पाहून बाजारपेठेत व्यापाऱ्यांनी जय्यत तयारी केलेली असते. घराघरात तर फराळाच्या सुगंध दरवळत असतो. गाडी, कपडे, इलेक्ट्रॉनिक वस्तू, फ्लॅट, प्लॉट खरेदीसाठी मुहूर्ताने तयारी केलेली असते. या आनंदी वातावरणात शुभेच्छा अधिक भर पडत असते. पोस्टकार्ड आणि ग्रीटिंगच्या जमानात पंधरा दिवस अगोदर एकमेंकाना शुभेच्छा दिल्या जात असत. मात्र आता शुभेच्छांचे माध्यम बदलले असले, तरी दिवाळीपूर्वीच एकमेंकांवर शुभेच्छांचा वर्षाव केला जात आहे. नुकत्याच झालेल्या कोल्हापुरातील मराठा मोर्चानंतर लगेचच दिवाळीच्या शुभेच्छांना सुरुवात झाली आहे. शुभेच्छांची कलात्मक मांडणी असल्याने शुभेच्छा पात्र व्यक्तींचे चांगले मनोरंजनही होत आहे. सर्वात अगोदर माझ्याकडून शुभेच्छा असे संदेशामधून आपण काळाच्या पुढे असल्याचेही दाखवून दिले जात आहे. शुभेच्छा संदेशासबोत दिवाळीत फराळांच्या साहित्यांच्या इमेजही पाठवल्या जात आहेत. त्यामुळे अशा शुभेच्छांच्या माध्यमातून फराळाचा सुगंध दरवळत असल्याचा भास निर्माण केला जात आहे. दिवाळी सणाच्या पार्श्वभूमिवर व्हॉट्सअॅप ग्रुपचे डीपीही बदलण्यात आले आहेत.

मोबाइल अॅप डाउनलोड करा आणि राहा अपडेट

‘नगररचना’च्या फायली आयुक्तांकडे

October 24, 2016, 2:30 pm

≫ Next: ‘शाहू’ चा पहिला हप्ता २५०० रूपये

≪ Previous: सोशल मीडियावर दिवाळीची धूम

$

0

0

म. टा. प्रतिनिधी, कोल्हापूर

नगररचना विभागाच्या तपासणीनंतर बांधकाम विषयक प्रस्ताव थेट आयुक्तांना सादर करण्याचे आदेश महापौर अश्विनी रामाणे यांनी सर्वसाधारण सभेत दिला. राज्य सरकारच्या नगर विकास विभागाने ‘नगररचना’च्या बांधकाम विषयक फायली उपायुक्तांकडे सादर करण हे नियमाला अनुसरून नाही, असे महापालिकेला कळविले आहे. तरीही आयुक्त पी. शिवशंकर हे उपायुक्त विजयकुमार खोराटे यांच्याकडेच बांधकाम विषयक फायली पाठविण्यासाठी कशासाठी अट्टाहास धरत आहेत. आयुक्तांकडूनच नियमांची पायमल्ली होत असल्याची टीका नगरसेवकांनी सभेत केली. दोन्ही काँग्रेस, भाजप आघाडी, शिवसेनेसह सर्वच नगरसेवकांनी टीपीच्या फायलीवरून उपायुक्त खोराटे यांना लक्ष्य केले.

सहायक संचालकांनी बांधकामविषयक फायली मंजुरीसाठी आयुक्तांकडे सादर करणे आवश्यक असते. मात्र कोल्हापूर महापालिकेत गेली दहा वर्षे नगररचनेच्या फायली उपायुक्तांच्याकडे सादर करण्याचा प्रघात पडला आहे. क्रेडाई संस्थेचे अध्यक्ष महेश यादव यांनी ऑगस्ट महिन्यात राज्य सरकारला पत्र पाठवून बांधकाम विकास विषयक अधिकार परवाना व महापालिकेची कामकाज पद्धतीबाबत विचारणा केली होती. राष्ट्रवादी काँग्रेसच्या नगरसेविका सूरमंजिरी लाटकर यांनी राज्य सरकारच्या नगर विकास विभागाच्या सात ऑगस्ट २०१६ रोजीचे पत्र सभागृहासमोर सादर करत बांधकामविषयक फायली उपायुक्तांकडे सादर करण्याबाबतचा आयुक्तांचा आदेश हा सरकारी नियमांचे उल्लंघन करणारे आहे, असा आरोप केला. नगररचना विभाग सहायक संचालक पद हे उपायुक्तांपेक्षा वरच्या दर्जाचे आहे. उपायुक्तांना बांधकाम विषयक तांत्रिक बाबींची माहिती नसते. उपायुक्तांच्याकडे प्रस्ताव मंजुरीसाठी सादर झाल्यांनतर कालावधी जातो. नगररचना विभागाने छाननी केल्यानंतर उपायुक्तांकडून तपासणीचा अडथळा कशासाठी, अशी विचारणा गटनेते विजय सूर्यवंशी, सत्यजित कदम यांनी केली.

उपायुक्त खोराटे यांनी टीपी विषयक फायलींला आठ आठ-तास वेळ देण्यापेक्षा आरोग्य, पाणी, शिक्षण विभागातील प्रलंबित प्रश्नांची सोडवणूक करावी. खोरोटे यांना टीपीमधील तांत्रिक बाबींची कितपत माहिती आहे? असा सवाल प्रा. जयंत पाटील यांनी केला. खोराटे यांच्याकडील टीपीचा कार्यभार काढून घ्यावा, यावर सदस्य आक्रमक झाले

आयुक्तांचा अधिकार

सर्वसाधारण सभेत बांधकामाच्या फायली नगररचना विभागाने उपायुक्तांकडे न जाता थेट आयुक्तांकडे द्याव्यात असे आदेश महापौर रामाणे यांनी दिले असले तरी कामाचे वाटप करण्याचा अधिकार आयुक्तांचा आहे. त्यामुळे आयुक्तांनी फाईल कुणाकडे द्यांयची याचा निर्णय ते घेऊ शकतात. त्यामुळे या आदेशाला फारसे महत्त्व राहणार नाही. त्यामुळे आगामी काळात पुन्हा एकदा आयुक्त विरुद्ध नगरसेवक असा संघर्ष पहायला मिळण्याची शक्यता आहे.


आयुक्तांच्या रजेवरून गोंधळ, सभात्याग

नगरसचिव दिवाकर कारंडे यांनी सभेच्या प्रारंभी प्रकृती कारणास्तव आयुक्त हे रजेवर असल्याचे नमूद केले. आयुक्तांच्या गैरहजेरीत कार्यभार पाहणाऱ्या अतिरिक्त आयुक्त श्रीधर पाटणकर यांना नगरसेवकांनी सभागृहाने घेतलेल्या निर्णयांची अंमलबजावणी कधी करणार? असा सवाल करत पेचात पकडले. पाटणकर यांनी ‘सभेसाठी प्राधिकृत अधिकारी असून नियमाप्रमाणे कार्यवाही होईल.’ असे स्पष्ट केले. आयुक्तांच्या रजेवरून आक्रमक झालेल्या नगरसेवकांनी आयुक्त आल्याशिवाय सभा चालू देणार नाही असे ठणकावले. नगरसेवक अजित ठाणेकर यांनी आयुक्तांनी स्थायीसंदर्भातील विधान खोडून काढताना समितीने १४ कोटींच्या विकास कामांना मंजुरी दिल्याचे निदर्शनास आणले. ताराराणी आघाडीचे गटनेते सुनील कदम म्हणाले, ‘आयुक्तांनी सिलाई दुकानाच्या घरफाळा सवलतीबाबत सक्षमपणे निवेदन केले नाही. संबंधित मिळकतीला भोगवटा प्रमाणपत्र नियमाप्रमाणे दिले आहे का ? हे स्पष्ट करावे. काँग्रेसचे नगरसेवक अशोक जाधव व शिवसेनेचे नियाज खान, राहुल चव्हाण, व अभिजीत चव्हाण यांनी आयुक्तांचा निषेध करत सभात्याग केला. नगरसेवकांनी कॉमर्स कॉलेज प्रभागातील सुलभ शौचालय कामाला आयुक्तांनी परवानगी नाकारल्यावरून प्रशासनाला धारेवर धरले.


पालकमंत्र्यांना भेटणार

प्रशासनाने सभागृहाची चेष्टा चालवली आहे. आयुक्तांच्या कामकाजाविरोधात पालकमंत्री चंद्रकांत पाटील यांची भेट घेणार आहे. असे प्रा. जयंत पाटील व भाजपच्या विजय सूर्यवंशी यांनी पत्रकारांशी बोलताना सांगितले. आतापर्यंत त्यांनी सभागृहातील दोन्ही आघाडीतील मतभेदाचा फायदा घेतला, येथून पुढे असे होणार नाही.

मोबाइल अॅप डाउनलोड करा आणि राहा अपडेट